خنقة عبرة

حلفت لو حييت تاني
اغرقكم سؤال بالشوق
اضفر جدايل حرفي رقة وذوق
اخلي عيوني لمباتكم
تولع زي قمرنا الفوق
واغنيلكم واغنيلكم تقودوني
كان يرجع عمر مسروق
وشان احكليكم الفرحة
الاصلو ما طافت ببال مخلوق
ونخنق عبرة الاحزان وما
تلقالها تاني حلوق
وزرورني في حلمي
ومنه ان شاالله تب ما افوق

هاشم ميرغني

الجميل المبدع
هاشم ميرغني
ربنا يمتعك بالعافيه وطولة العمر

Quote: ونخنق عبرة الاحزان وما تلقالها تاني حلوق وزرورني في حلمي ومنه ان شاالله تب ما افوق

وربنا يبعد عننا وعنك الأحزان
ويحقق الأحلام

ودمت

الجميل الغالى هاشم
دائما تحلق بنا فوق عوالم رحيبه،نرجو لك دوام العافية ومزيدا من الابداع فنحن نفتقد صوتك الصداح وطلعتك البهية
لك مودتى

عزاء الى الشفيف جدا ، هاشم ميرغني

..

ضجر يأتي من كل مكان
من الساعة التي تحصي
راحتي غمزا بالثواني
إلى الصنبور الذي تقطر
منه حبات الأرق
ومن الجريدة التي تتكرر كل يوم
كي تجدد أخبار الموتى
إلى منصة
تتقبل العزاء في الشعراء..
أيها الضجر:
ها جارتي الصغيرة
تصفف الموسيقى على حبل الهواء
كي يجيء الصوت الشهي
محمولا على أنغام بيضاء
وترمي بك
حين ترمي بالجديلة
أيها الضجر الذي يأتي من كل مكان..
لا تنصرف خالي الوفاض

..
سمندل

سلام يا شفيف

شلتك جواى محنه وصريتك غنى
دندنة وترك غنيوة معجنى
شتلات كلامك فى البلود مستوطنه
وشتلات حروفك فى القليب متمكنه
تهنا فى دروبك شجون متلونه
شربنا من بحر المعانى والمنى
فى حضرتك نصمت على مدى الازمنه
استذ هاشم ..القومه ليك يا وطن

الأستاذ الوطن هاشم ميرغني

كنت أتصفح إحدى أعداد "نزوى" على الانترنت .. فوجدت قصيدة بقلم الشاعر هاشم ميرغني بعنوان

بقيامة النشيد
طائشا كنمر

لو لم تخنّي الذاكرة. هل في السودان أكثر من هاشمٍ ميرغنيٍّ واحد؟. وسرحت معها وأعدت قراءتها كرّات ثم زرت بورد شيخنا بكري فوجدت ذاك الخبر الفاجعة. لم أصدّق .. ولم أعلق .. حتى جئتنا أنت بالخبر اليقين .. وربما انطوى ذلك الخبر الملفق على حكمة لا نعلمها .. أدنى ما نلمحه منها هو ظهورك بعد اختفاء .. والكلمات العذبة التي لونت بها صفحات البورد بعد ذلك الخبر

ممكن تسمح لي أدي كديسة محمد كديسة ده شوية شكر .. وربما أفكر في استغلاله لمخارجة المختفين من المبدعين الآخرين (هزار في غير محلو)ه

متعك الله بالصحة والعافية .. ومديد العمر