ياخى فكونا وطلعونا من وهمكم ده !!! يابكرى فى زول يوم ح يموت بسبب منبرك ده!!!

ياخى فكونا وطلعونا من وهمكم ده !!! يابكرى فى زول يوم ح يموت بسبب منبرك ده!!!


01-19-2006, 02:23 AM


  » http://sudaneseonline.com/cgi-bin/sdb/2bb.cgi?seq=msg&board=356&msg=1200289250&rn=1


Post: #1
Title: ياخى فكونا وطلعونا من وهمكم ده !!! يابكرى فى زول يوم ح يموت بسبب منبرك ده!!!
Author: سفيان بشير نابرى
Date: 01-19-2006, 02:23 AM
Parent: #0


اها صحينا الصباح لقينا ده:-
Quote: كنت داخل السيارة أنتظر إشارة المرور لتضيء لونها الأخضر كي أنطلق حين رأيته أول مرة. كان يحمل كيسا بلاستيكيا به قوارير مياه يجول به وسط السيارات وهو يردد (مويه بارده....مويه بارده).كان طويلا شديد النحول.عندما رآني تحاشى النظر إلي و تشاغل بالنظر إلى ركاب السيارات الأخرى عل أحدهم يشتري منه قارورة مياه.فكرت برعب ما هذا الذي يفعله؟ سودانيا يبيع الماء في الإشارة, هي الفضيحة إذن.ترى ماذا سيقول عني زملاء العمل إذا رأوا هذا المنظر؟ بل ماذا سيفكرون..أصبحنا مثل الهنود و غيرهم من الآسيويين نبيع الماء عند إشارات المرور؟ اولئك أقوام لا تهمهم سمعة بلادهم.دع عنك ما يردده الجهلاء من تفوق الهنود العلمي و التقني و منافستهم العالم كله في مجال برمجيات الكومبيوتر, فمثل هذا الحديث و الله لا يهز فينا شعرة, يكفي شعورنا أننا أفضل الخلق فنحن لا نحتاج مثل هذه الأدلة المتهافتة لنثبت تفوقنا.
ما أعرفه هو أن علي هذا الرجل و أمثاله أن يعودوا إلي السودان ليشاركوا في معركة البناء و قطف ثمار السلام أما كفانا ما سببه لنا لاجئو القاهرة من فضائح, أما كان يمكنهم أن يموتوا بشرف داخل السودان؟ لو فعلوا ذلك لكانوا فازوا بالحور العين على أقل تقدير.
قد ينط أحدهم ليقول لي و ماذا يفعل الرجل إذا عاد للنضال من الداخل و لم يجد عملا ؟ و ماذا إن كان لديه أطفال صغار يقوم بتربيتهم؟ ستكون إجابتي التي لن أحيد عنها إلى يوم الدين سمعتنا فوق كل اعتبار فلا تتعب نفسك في الكلام بلا طائل.
أكمل جاري كلامه و نظر إلي مستطلعا, لم أرد فقط بادلته النظر.


هسى نقول شنو يعنى؟؟؟!!!

Post: #2
Title: Re: ياخى فكونا وطلعونا من وهمكم ده !!! يابكرى فى زول يوم ح يموت بسبب منبرك ده!!!
Author: سفيان بشير نابرى
Date: 01-19-2006, 02:38 AM



طبعاً الكلام الفوق ده بالنسبة لى ماهو المشكلة وبس ، لكن المشكلة الاكبر


اصبروا اوريكم ليها!!!


المشكلة الاكبر جنس نضم الناس ديل :-
Quote: الاخوة المتداخون

لا اظن ان الاخ سيف النصر يقصد ما تبادر الى اذهانكم , فلا تأخذوا كلامه بالظاهر


وديل برضوا:-

Quote: ياجماعة صلوا على النبي. الكلام دا كلام (((جار))) الدكتور سيف نصير الفقراء كما أعلم. والدكتور سيف نقله بأسلوب قصصي بديع يحتاج مننا كما ألمح هو أن نقرأ بوسته بتمعن. وأضيف أن نقرأ بالذات الجملة الأخيرة:


Quote: أكمل جاري كلامه و نظر إلي مستطلعا, لم أرد فقط بادلته النظر.




ويا حبيبنا البرنس الراجل ده قال :-
Quote: لم أرد فقط بادلته النظر.



ياريت لو كان رده عليهوا هناك بدل يجى يتكلم هنا ياخ.
اها ده لو نضم واتكلم مع جارو ده كان جاء قصه لينا قصة اكبر من كده مش؟؟؟.

وبعد كلام حبيبنا البرنس خلاص القصة بقت قريب من انها مافيها مشكلة :-

Quote: الاستاذ الفاضل البرنس

ســــلام

ما ذكرته هو عين الحقيقة ، وليت الأخوان المتداخلين أعادوا قراءة بوسته قبل رمي سهامهم.
الذي أعرفه أن تفكير د. سيف ورؤيته للأمور أبعد أن تتسق مع ما ذكره جاره . وبالتأكيد جاره غير موفق في ما ذكره بشأن ذلك الرجل المسكين الذي يبيع الماء لأن العمل موش عيب .



يا جماعة لا توجهونا فى الفهم لا نوجهكم بس كمان ما (توجعونا) عليكم الله!!!

الكلام بتاع زميلنا ده كان فيهو اى فهم كويس وسليم هو براهو كان استعرضو بوضوح مش يخلينى نهوم بخيالاتنا زى ما بعتقد بعض الزملاء هنا!!!

فياخوانا الرحمة الرحمة الرحمة

Post: #3
Title: Re: ياخى فكونا وطلعونا من وهمكم ده !!! يابكرى فى زول يوم ح يموت بسبب منبرك ده!!!
Author: سفيان بشير نابرى
Date: 01-19-2006, 02:49 AM


بعدين ياجماعة حتى ولو:-

Quote: الكلام المكتوب في البوست ليس الرأي الشخصي لدكتور سيف . واضح جدا أن سيف كان يسرد ما قاله جاره ولم يعلق .
ينبغي أن توجه التعليقات لجار سيف .



اها عاد لما لقى فرصة يكتب قصة جارو دى كان يكتب لينا( رآيو)والا شنو يا ناس؟؟؟

احتمال فهمى كعب ، وعندى سؤ ظن ساى

كدى اشرحو لينا؟؟؟

Post: #4
Title: Re: ياخى فكونا وطلعونا من وهمكم ده !!! يابكرى فى زول يوم ح يموت بسبب منبرك ده!!!
Author: سفيان بشير نابرى
Date: 01-19-2006, 03:00 AM


هسى يجى زول يقولينا :-

تربص وشنو وشنو (ويرشنا نضم) لكن ببساطة كدى شوف القصة وتعالوا نتكلم!!!


بعدين القصة دى انا ماعارف ليه زكرتنى ب (الشغل اليدوى) فى السودان ، ايوة فى السودان اى زول بيشتغل شغل يدوى بيعتبر من (العوام) وكمان لفترات طويلة جداً كان بيعتبر من القوميات المهمشة وبيعتبر ليس من الاشراف .

واخاف ما اخاف انو مردات القصة دى تمشى لى الفكرته فوقوا ده.



وبرضو بيقولوا نحن احسن ناس!!!

فكونا ياخ

Post: #5
Title: Re: ياخى فكونا وطلعونا من وهمكم ده !!! يابكرى فى زول يوم ح يموت بسبب منبرك ده!!!
Author: سفيان بشير نابرى
Date: 01-19-2006, 03:39 AM

اهى يعنى المشكلة وين؟؟؟



Quote: كان يحمل كيسا بلاستيكيا به قوارير مياه يجول به وسط السيارات وهو يردد (مويه بارده....مويه بارده).كان طويلا شديد النحول

Post: #6
Title: Re: ياخى فكونا وطلعونا من وهمكم ده !!! يابكرى فى زول يوم ح يموت بسبب منبرك ده!!!
Author: سفيان بشير نابرى
Date: 01-19-2006, 04:02 AM


وزميلنا صاحب البوست ده كان سمى اى اسم عشان نتحاور فيهو كان بيكون واضح

مثلاً يقولينا:- ياجماعة رايكم شنو فى السودانى ده؟؟؟

والا يكتب عنوان:- سودانى يبيع الماء !!! ما هو رايكم؟؟؟

اى اسم يدينا دلالات للحوار مش اسم يقطع الفهم على طول متل ده:-

Quote: السوداني الفضيحة:حدث في السعودية.

Post: #7
Title: Re: ياخى فكونا وطلعونا من وهمكم ده !!! يابكرى فى زول يوم ح يموت بسبب منبرك ده!!!
Author: عزاز شامي
Date: 01-19-2006, 05:51 AM

الاخ الكريم سفيان ...
هون عليك، انتظر حتى يأتي سيد البوست ويفهمنا...

انا اتشالقت وشبيت في البوست ومرارتي اتفقعت...
بصراحة لا ارى أن المتداخلين قصدوا توجيه فكرنا بقدر ما وضحوا سبب تفسيرهم المخالف لما ذهبنا إليه واسبابهم منطقية وفعلا اللغة بحرها واسع والاساليب تختلف من كاتب للتاني، وغن كنت اصر على ان الكاتب لم يوضح تأيده أو رفضه للفكره الاصلية وامتفى بالسكوت، وهو علامة رضا ضمنية في كثير من الاحيان...

ننتظر صاحب البوست يوضح...