وأنا أعني ما أقول ...

علمونا اهلنا انو الراجل ممكن يعمل السبعة وذمتها لكن لا يكذب




يتبع..

Quote: علمونا اهلنا انو الراجل ممكن يعمل السبعة وذمتها لكن لا يكذب

ياعمك عيد مبارك امكن زول ماسورة

خير يا عمك في شنو ؟

أبوحتوت ده منو ده الهبشك ده؟

دا البكرهنا البورد واصحابنا الفيهو زاتو نوع بوستات معاوية الصايم دي , الواحد يجي يكتب ليك كلام لا في السماء ولا الارض ويقول ليك نواصل ولا يتبع

قائلها إما بشاشا أو محمد يس خليفة أو اللافتي الأعظم منان.

لا أظن يا ملس، أبوحت بكون وصلوا شمار حرقو ؛)

Quote: لا أظن يا ملس، أبوحت بكون وصلوا شمار حرقو ؛)

ما ظنيت يا ياسر ابوحتحوت قلبه اموت من كدا , اللهم الا يكون بقي يسمع قوالات في الفترة السابقة

هسه ده اعني مااقول
ولا اعني مالا اقول ؟!!!

قريت الكلام يا ود البشري امبارح وجاتني حاله من الاحباط البخليك تقفل الجهاز وتحلف تاني ما تخش النت

___

طالما الموضوع اتسحب افضل انك ما تواصل لانو الكلام حا يهبش شريحه كبيره رغم انو انت ما عندك يد فيهو

.

والله كان كلام مؤلم ياود البشرى ومقدر شعورك جدا لأنه كلامه لي كان أقل من الكلام القاله ليك واتسببوا لي الاتنين في صداع عديل كدا. السؤال البديت أسأل نفسي ليه هل البقاء في البورد يستحق كل دا؟

بوست مشحون مرارة
برغم محاولات البعض من التخفيف منها

Quote: السؤال البديت أسأل نفسي ليه هل البقاء في البورد يستحق كل دا؟

يستحق يالعوض
برناردشو شو كان يمر كل صباح على بائع صحف
يحييه
كان بائع الصحف لايرد
تضجر صديق شو وطالبه بعدم السلام على بائع الصحف
قال شو
انا احييه هذه اخلاقي
ان لايرد هذه اخلاقه
بائع الصحف لن يغيرني


ود البشرى والعوض ...ابلغكما إعتذارنا
نيابة عن آخرين لا يعلمون للإعتذار معني او مضمون

Quote: علمونا اهلنا انو الراجل ممكن يعمل السبعة وذمتها لكن لا يكذب

ابو حتوت كان تجيب الحديث الشريف اوفع .


____________________________________________________
لكن شايفك ليك كم يوم الفاظك ماخد راحتك فيها

شنو حش النمل و السبعه بلص ذمتها
ده منو المزعلك ده .... و لا يهمك بكره رهط الباقين
يجيبو ليك في العشرة بورداب الشنو كده ما عارف

تحياتي يا شباب و شكرا على المرور

_____________________________________________

Quote: علمونا اهلنا انو الراجل ممكن يعمل السبعة وذمتها لكن لا يكذب

Quote: أعني ما أقول

لما راجل متربي يقول انا اعني ما أقول معناها هو فعلا يعني و يعي ما يقول
و هو صادق في ما قاله أو على الأقل على قناعة كافية بصدقه
فيا معاوية يا عبيد يا صايم...
بإفتراض جدلا إنك راجل و إفتراض جدلا إنك متربي كونك تقول انك تعني ما تقول فلا املك إلاّ ان افترض ثقتك وقناعتك التامة بكلامك
وثقة وقناعة زي دي بالنسبة للزول السوي لا تتوفر عن طريق سمعت و قالوا لي وجابوه لي بالطريقة الساذجة السودانية المعروفة
فمعناتها انت يا شفت عديل يا الكلمك شاف بي عينو و انت واثق من صدقه
اها يا خوي ممكن توريني كيف توفرت ليك المعلومة دي - واللي هي عشان اذكرك لو نسيت او تناسيت - كوني شحدت نسوان اصحابي
هل كنت حاضر الشحدة دي مثلا ؟
ولاّ كلمتك إحدى المشحودات؟
ولاّ كلّمك راجلها - صاحبي المفترض ؟
ولاّ أكون كلمتك انا زاتي ؟

دي الإحتمالات المتوفرة بافتراض انك راجل و متربي و زول سوي
في احتمال خامس لكنو بعيد و بنفيه انك - ولله الحمد ما صاحبي ولا اتشرف - فهل مرتك احدى المشحودات مثلا وهي الكلمتك؟ غايتو بالنسبة للإحتمال دا فغالبا تكون ملخبط امشي اتأكد

اها ياخوي عندك اربعة احتمالات اختار منهن طالما انت (تعني - وتعي - ما تقول)

________________________________

ناس يا طوربيد و يا مناضل و يا مستهدف من الكيزان و اذنابهم ما تملونا فقر بالله, ادوه فرصة اليرد براه و أجلوا السبورت و المراقات لا قدام المشوار دا طويل

أشهد إنك قليل شغلة يا ود البشرى
ياخ انا من قبيل راسي يودي ويجيب يا الله يا سيدي ود البشرى دا مالو ؟
اجي القاك بتتكلم عن النعجة دا ؟
ياخ دا من جاء البورد وكان بكتب علامات استفهام ؟؟؟؟ تاني لم افتح ليهو بوست ولم انظر محتوياتو
مرة اتداخل معاي وقال لي انا زمان جيتكم في بيتكم ..
والله العظيم خجلت ارد ليهو قدام الناس ورديت ليهو في الخاص وقلت ليهو شكرا على المرور
بالجد انا محتار فيكم انت ونجاة وابو حسين انتو يا ناس غاوين تضيعوا زمنكم في فارغة ؟
تستاهلوا البعملوا فيكم ونستهل كلنا لانو بكري بخلي نعجة زي دا يكتب هنا
حسبي الله ونعم الوكيل

الكلام الكتبو معاوية الصائم ده يا البشرى تخطي الانحطاط بفراسخ .... السكوت لم يعد ممكنا !!

يا ودالبشري ياخ انت عارف المنبر ده مشكلته في المطبلاتية الذين يعطون الالقاب بلا اي سبب !!
هسي عليك الله ده كلام ممكن يكتبوا زول عاقل ؟!
والله بطني طمت من مكان يرمي فيه زول زي كلام معاوية ده ويمشي ينوم كأنه ما عمل حاجة !!!
فعلا شئ لا يحتمل

يا ود البشري...

جلي البوست دا...

وهو لا يشبهك...ولا يليق بك أن تسترسل فيه متحديا أو باحثاعن
إثبات براءة...فمن تجرأ ليكتب مثل هذه التفاهة...لا تتوقع
منه غير حروف صدئة...

توربيد بتاع الساعة كم؟؟؟
وتف علي النضال...إن تعري وسقط

وهبة و نزار ... ادونا فرقة نختلف معاكم ...
معاوية و غيرو من اللي ممكن يكتبو كلام زي ده ... ما كانو ليتجرأو لولا سكوتنا جميعا !!

يا جماعة إنتوا قايلين هسع ود البشرى مستمتع بإعادة كتابة الكلام دا ولا خياف الناس تصدقوا مثلا؟ الحكاية ما كدا لكن الواحد بتصدم والزول الكتب الكلام دا بكل برود أمس الليلة حايم في البورد زي الما حصل حاجة. زي ما قال أمين دا كلام منحط جدا وأنا من تجربتي الشخصية مع الزول القاله بجزم إنه ما شخص طبيعي لكن الناس ذنبها شنو؟ أصحابه الشابكنه الطوربيد والصاروخ أرض جو ديل إذا فعلا حريصين عليه ورفاقه في الحزب ديل إذا فعلا عندهم رفقة وزمالة بتعريفة يشوفوا ليه حل حرصا عليه وعلى أسرته بدل يشجعوا فيه. ما ممكن زول يشوف رفيقه في حالة زي دي وما يتحرك.

تعرف امبارح بعد انقطاعه من الكتابه هنا جيت و كان عندى النيه في دخول بعض البوستات هنا , صادف أن كان البوست المعنى فوق و خشيتو.

في البورد ده و فى كل النت ما في زول مسئول من زول , و ما في زول بمثل جهه الا اذا كان مفوض , شخصيآ على الأساس ده توقفت نهائيآ عن التدخل ناصح أو منبه لشخص ما , على قلة ما فعلت هذا سابقآ عاد بعضها و بالآ و إساءه و تصنيف , كل شاه معلقه من عصبتها.
رغمآ عن هذا , و حفظآ لعشره و ملح و ملاح و درب و وجوه و كلام كثير يعرفه معاويه جيدآ ... اتداخل و الواقعه تحملا الواطه:
يا معاويه ما كتبته بحق ود البشري معيب و شائن , و ما كتبته و تكتبه دون أدله و توثق في حق كثر هنا معيب و شائن , , معيب و شائن في حقك روحك دى في المقام الأول. و لا يهم ان كانو خصوم سياسيين أم لأ , لا تحارب دولة الظلم و البطش و الفجور بأدواتها , لتقيم ماذا بدلآ عنها؟

يا معاويه انت تهزم ما تطرحه كقضيتك بنفسك , تهدر ما هو حقيقي و قيم في ما تكتبه وسط الأغلب مما لا قيمة له أو السلبي , أنت تدفع كثر لأن لا يأخذوك بجديه.

الوعى ... قال عبدالخالق محجوب هو ما قدمه لهذا الشعب ... و يفعله لا زال و بهدوء و جديه و احترام لمحاوريهم و محاوراتهم و مخالفيهم في الرأى آلاف من أبناء و بنات هذا الشعب , و بحزم و صرامه تجاه أعداءهم .

سلامات يا شباب
نزار يا عزيزي انا لا ابحث عن اثبات براءة
ولا اتحدى معاوية
معاوية شنو كمان اللامن يتحدوه
هو لا يعدو عندي أكثر من كلــب ونبح فيك, غراب و نعق قدامك, طيرة وشخت فيك
هل ح تحاسب الكلــب و تساله ليه نبحت فيني ولاّ الطيرة ليه يا طيرة شخيتي
ما دي وظيفة ال######## كدا ودورو في الدنيا دي إنو ينبح في الناس و الطيرة انها توسّــخ
فمجرد نهرة و جر او هش تكفي
اها اسي انا بمارس في الـ "جر" و الـ"تك" و الـ"هش" و حاجات تانية