أسئلة بااااااايخة ...

ليه اغلب الناس البتخت صورها في البروفايل بتحرص عل اظهار كمبيوتر او لاب توب او - اضعف الإيمان - كيبورد وماوس
هل دي قشرة مثلا
لنفترض انها قشرة , على منو طيب؟
االشايفين الطلعة البهية بديهي انهم شايفنها من جهاز كمبيوتر
يعني مافي مبرر تقشر عليهم

دي واحدة و التانية
الناس البتوقع باسمها نهاية المداخلة لزومها شنو بالضبط
ما مكتوب على يمينها
قد افهم انو يكون الموقِع بستخدم نِك نيم و بوقع باسمو الحقيقي
لكن الغلبني افهمها البكتب باسمو الحقيقي و بوقع بيه برضك
لكن دي الى حد ما معقولة مقارنة مع البكتب بنِك نيم و بوقع برضو نبنفس الِنك نيم

ياخوانا نصر الدين دا مش بالغ في قصة غنماية الدقيق

Quote: لنفترض انها قشرة , على منو طيب؟

ود البشري

اسالني double


عليك الله

مشتاقين يا زول

اتعودنا على كتابة عبارات على شاكلة "كل الود " , " مع الود و التقدير" ,"ودي اللذي تعرف " .... إلخ إلخ
شكلة مطايبة نقاش بطيخ المهم لازم تتختم بيها المداخلة
سؤال بايخ - برضو - هل الود دا المبذر دا معني بالجد ولا مشي حالك و فض مجالس
هل حقيقي بجيك احساس و تحمل ود لزول ما بتعرف عنو غير نك نيم و صورة هو عاكسها عن نفسه
" مع التقدير " البتختم بيها دي جادة و تقدير حقيقي وكدا و لا كيف
طيب لو جادة معقول انك تكون تحمل الود و التقدير للآلاف المؤلفة من الناس دي
معقول ولا واحد فيهم تكون شاميه او قارش ملحتو
غريبة شوية , مش؟

ثم "الجلاعيم" دي تطلع شنو بالضبط

Quote: ثم "الجلاعيم" دي تطلع شنو بالضبط

ما دام حارقكـ السوعال دا ما تمشي تخش الحصة ديكـ














__________
الحمد لله صورنا كلها بالحلل وما شابه عشان نطلع من بياختكـ دي

Quote: ثم "الجلاعيم" دي تطلع شنو بالضبط

ود البشرى ازيك

غايتو في حبت العربي البنعرفو الجلاعيم دي جمع جلعم ..
و الجلعم يعني قليل الحياء الذي لا يختشي
و برضو اسم للناقة العجوز


وما تسألني تقول لي علاقة الجلاعيم بالبورد شنو

من غير اي ود او اي تقدير و صورتي بالنضاره و ما بقلع نضارتي

ود البشرى ..

Quote: ليه اغلب الناس البتخت صورها في البروفايل بتحرص عل اظهار كمبيوتر او لاب توب او - اضعف الإيمان - كيبورد وماوس هل دي قشرة مثلا

فعلا سؤالك بايخ ..!!

ذكرتني بي قصة أحكيها ليك ..

واحد في الحلة رحل جديد وداير يطهر ولدو .. سأل من الطهار وصفوا ليهو الدكان القاعد فيهو .. زولنا مشى دخل الدكان إتفاجأ بي إنو الطهار معلق ساعات كتاااار في الحيطة .. قدر ما يتلفت يلقى ساعات !! صاحبنا متمحن ويعاين في الساعات .. الطهار قال ليهو : يا إبني إنت مستغرب من شنو ؟ قال ليهو ؟ إنت مش الطهار . قال : أيوة .. قال : طيب معلق ساعات في الحيطة مالك ؟!

الطهار إستغرب ورد قال ليو : يعني دايرني أعلق شنو يا ولدي ؟!!


صنفرة :

يا ود البشرى الناس دي كلها قدام كمبيوترات بتتواصل بيها ..

يعني دايرم يعلقوا في بروفايلاتم شنو يا ولدي ؟!!

أقعد أسرح إنت في محن ربك دي لامن تقوم بيك ..
أديها الطرشا و ريّح روحك .

Quote: ثم "الجلاعيم" دي تطلع شنو بالضبط

( لاَ تَسْأَلُواْ عَنْ أَشْيَاء إِن تُبْدَ لَكُمْ تَسُؤْكُمْ ) ..
أو أسأل غنماية الدقيق .


....
ياخي كيفنك .

ناذر
سلام

Quote: الطهار إستغرب ورد قال ليو : يعني دايرني أعلق شنو يا ولدي ؟!!

اها صحبك ماقاليه عاوزو يعلق شنو.....؟

لي اسبوع افتش لي في ابتسامه لله ....قلبتها قرقرة عديييييل كده
يديك العافية
-------
ابو حتوت
وحاتك الظاهر الكلام ده كلوا انا مقصود بيهو


عشان كده النبررموقفنا....
بخصوص التوقيع:
ياعمكـ عمك بكري التقول من كترت اسم هارون في البورد جابوا لي بالانجليزي
اها عشان الناس تعرفنا خاصة اصحابك بتاعين انقليزي علب الصلصة .
اما العمة فنظام جلابة وكده.....نجيب ليك شوية هواء.
اما مودتي
فغيرناها بمشتاقووووووووووووووووووووووووووووووووون
وبرضو.....
مشتاقووووووووووووووووووووووووووووووووووووووووووووون

Quote: ليه اغلب الناس البتخت صورها في البروفايل بتحرص عل اظهار كمبيوتر او لاب توب او - اضعف الإيمان - كيبورد وماوس

المسألة فيها كدا وكدا يا عمك..
في ناس طبعا مبهورين بحكاية أنهم يمتلكوا كمبيوتر شخصي وخدمة إنترنت وعضوية في سودانيز أون لاين..
فبتلقى النوعية دي دائما مخلوعة من الحالة الهي فيها دي فتحاول تبرزها باعتبارها مظهر إجتماعي إسفيري للتباهي في أضابير النت والمنتديات...
وفي نوعية تانية الموضوع عادي بالنسبة ليها باعتبار أنهم يتداخلوا في المنتديات من تربيزة المكتب الفي البيت..
والتربيزة دي عند أغلب الناس مجهزة بكل ملحقات الميديا الخاصة بالكمبيوتر كالسماعات والمايكرفون والكاميرا ..
فيقوموا يصوروا نفسهم ويختوها طاخ في المنبر..
وفي أغلب الأحيان النوعية الأخيرة دي ما بتغير الصورة دي لفترة طويلة جدا عكس النوعية الأولى الفوق ديك..
وبرضو النوعية دي ما تكون خاته في راسها إنه يجي واحد شليق زيي أو زيك يفسرها على أنها قشره على خلايق الله التانيين..
وعليه توقع بعضهم يغير الصورة بعد قراءة هذا البوست الشيال لحال الناس...
والله ورسوله أعلم..

Quote: الناس البتوقع باسمها نهاية المداخلة لزومها شنو بالضبط

والعجب يتلقى الواحد مداخلته كلها كلمتين وربع وتوقيعه بالإسم الرباعي وكان لقى فرقة يكتب عنوان بيتهم كمان..

Quote: ياخوانا نصر الدين دا مش بالغ في قصة غنماية الدقيق

نصر الدين دا منو يا عمك؟
والغنماية مالها؟ وعلاقتها بالدقيق شنو؟
أنا آخر غنماية سمعت عنها في المنبر هنا كانت غنماية ناس عمك عماد عبدالله الله يطراها بالخير..
معليش أخوك كان مافي و ياداب جا..
فلو الموضوع ما مشفر كدا عليك الله دخلني في الصورة وينولك ثواب..
وإن بقى كدي ولا كدي عاد نسوي شنو غير نستعوض الله ونقول ياحليل الماسنجر والله..




-------------
شوق الشوق يا عمك

أبو حتحوت
سلمات
نكتب ولا كالعادة حتفوط مداخلتنا وترد على البعدينا
جني وجن الحركة دي
وعلى فكرة هو ممكن يكون ضمن الاسئلة البايخة واللي هو
ليه بتردوا على زول وبتفطوا زول ...
بمعني
اجابتكم على مداخلات الناس في بوستاتكم هل تخضع لمعايير معينة
يعني بتردوا على الزول البيروق ليكم ولا البتعرفوه ولا على حسب وزن المداخلة ولا شنو بالظبط
انا شخصيا بلقى صعوبة جدا في التأقلم معاكم... ماعارفة ليه المشكلة فيكم ولا فينا
(المشكلة فيكم دي طبعا ما شتيمة) يعني قصدي انو صعب الزول يدخل وسطيكم...

دكتور مجدي ..

Quote: والله حريتونا معاكم... لاتظره تراجي الا يطن ليها ناذر في لحقه .. ولايبكت ناذر الا تطن ليهو تراجي .. فهمونا والا اشرحونا لينا ..

أنسى يا مان ..

دا موضوع طوييييييييييييييل ..!!

Quote: دكتور مجدي ..

د. مجدي دا منو يا ناذر؟
قدر ما غاينت فوق ما لقيت إسم مجدي دا..

Quote: أنسى يا مان .. دا موضوع طوييييييييييييييل ..!!

دي حركاتك ؟ داير تهكر إيميل تراجي وتزوغ ساي مش ...
يازول خم مداخلتك دي وديها بغادي..






--------
إنت مشيت بوست الهينيكين ولا شنو يا عمك؟

هلا خلي ...
اخبار قسطنطين شنو ؟ اخوك برجف من هسي والله
ربك يستر
يا عمك الاسئلة البايخة كتيرة لكن ما كلها صالحة للنشر و اطلاع العامة*
كان المسنجر رجع برسل اسئلك ليهن

حموودي ...
وين يا قوقو و سوسو و كاكي _ قطع شك ما بتمرق من واحدة منهن - السؤال ما حارقني لكن حبيت افهم المصطلح
بعدين الحبشي ما قاعد يشرح فهمتو من اول مرة فهمتو ما فهمتو ما عندو ليك زمن

شنو يا حبة قطعت رجلك من بوست السطو الملاسي
ولا خفت يطلعوك آس شيريا كمان

ناذر ياعمك ..

Quote: يا ود البشرى الناس دي كلها قدام كمبيوترات بتتواصل بيها .. يعني دايرم يعلقوا في بروفايلاتم شنو يا ولدي ؟!!

ياخي هم احرار ان شاء الله يعلقوا كديسة
بس بسال عشان لو عرفت السر الوراها من دربي دا بشيل اللاب توب و اختو جمب الدسك توب و عندي كيبورد قديم بجيبو و اجيب الريموت بتاع الرسيفر
و كرت الآي آر تي و يد البلاي ستيشن و اتصور معاهم


* العامة دي حقتنا غير العامة ديك

حمور يا عمك ..
جننتها جن لكن

Quote: وما تسألني تقول لي علاقة الجلاعيم بالبورد شنو

طيب ما دي المنقة زاتها ياخ
تقول لي ما تسالني منها

Quote: من غير اي ود او اي تقدير و صورتي بالنضاره و ما بقلع نضارتي

من اسئلة المسنجر سؤال عن سر الصور الممحنة

عمدة ...

Quote: ياخي كيفنك

نحمد الله نشوف مصيبة غيرنا تهون علينا ابتلاءاتنا

محمد نور ياعمك ...
ياخي والله ما ح اقدر اوصف ليك مدى سعادتي بقرايتك الليلة
اولا لشوقي الشديد - اللذي تعرف - ثانيا لأنك جبتها من الآخر و لخيتها زي ما هي الأنا بلف و ادور من امس وما قادر اقولها
ياخي انت معلم كل الود و التقدير لك

بجيك لشرح قصة غنماية الدقيق دي لقدام ارجاني شوية بس

ميادة ....
سلامات , مخصوص اخرت عليك الرد ابوظ اعصابك شوية
العفو يا ميادة ياخ القصة لا يمكن تكون " كالعادة" لو حصلت اكيد ما مقصودة و حقك علينا
انا ما بتعمد افط او اتجاهل الرد على تعليق الا في حالتين تكون طبيعة البوست ما بتتحمل الردود
او يكون التعليق ما عاجبني و ما عندي مزاج اشاكل في الحالة دي بفضل الطناش
ولا انت البشاكلوك او البطنشوك فاكيد ما مقصودة لو حصلت
بعدين صيغة الجمع دي مقصود بيها منو الاعضاء القدام الذكور الهلالاب الدناقلة المهندسين ... إلخ
اي فئة قصدك ؟ عشان اواصل معاك بفهم وكدا

محمد نور يا عمك
غنماية الدقيق دي وردت هنا بواسطة اخونا نصر الدين
Re: إلي بكري آبوبكر ..هل نحن حقا مجموعة من(الصعاليق) ?

وهنا ابلغ مثال
السطو المصور

سؤال بايخ - برضك
ليه الواحد بعد يكتب البوست بجي كل يوم او يومين يرفعو بـ (أب) أو (.) أو (up) أو غيرها من ادوات الرفع
ما دام ما عندك حاجة جديدة تضيفها و ترفع بيها البوست الرافعو ليها شنو من اساسو؟
هل الفكرة نظام نحن هنا و كدا يعني ولا كيف
ولا بترفع البوست عسى ان يصادف مرور معرفة او ذو صلة او من لك عليه جميل يردو ليك بالتداخل و التعليق
اذا كان الموضوع مهم بس ما لقى حظو من النقاش اوكي يجب رفعو لكن على الاقل ارفعو باضافة بتعليق مفيد اي حاجة غير اب الكريهة دي
ولا شنو ؟

يا بكري ما ترجع لينا حاتم ابراهيم و بيان ياخ

ــــــــ

Quote: ليه الواحد بعد يكتب البوست بجي كل يوم او يومين يرفعو بـ (أب) أو (.) أو (up) أو غيرها من ادوات الرفع

اللـهــم لا تصـيـبـنا ولا تطـلع صـليـبــنـا...






ــــ
تحية كريمة يا ود البشري

بالله يا عمك انت كاتم ده كلو في نفسك و قاعد؟
فضفض يا عمك عشان ما تموت بالمغسة..
بس ما تتوقع اجوبة لأنو في ناس هنا بيعملوا حاجات هم ذاتهم ما عارفين بيعملوها ليه!



اذا ما عاوز ترد علي ..عااادي انا متفهم الحكاية دي.

ود البشري تحياتي

وينك كنت هارب

من الهكر وعيق!!!

والله مشتاقين يا حبوب

وبركة الشفناك طيب


اخوك دايما

اشرف مصطفي

تخريمة:

ما كنت قايلك رباطابي وكده!!!

الى الركيك
ود البشرى

Quote: دي واحدة و التانية الناس البتوقع باسمها نهاية المداخلة لزومها شنو بالضبط ما مكتوب على يمينها قد افهم انو يكون الموقِع بستخدم نِك نيم و بوقع باسمو الحقيقي لكن الغلبني افهمها البكتب باسمو الحقيقي و بوقع بيه برضك

عن نفسي فانا ممن يزيلون بعض من مداخلاتهم باسمائهم..

وذلك بسبب ان كثيرين (ون) يكتبونه خطا..فمرات

داواش و مرات داش و وو


لذلك ...
...
...
...


وليد دواش



اخيرا


ــــــــــــــــــــــــــــــــــــــــــــــــــــ
بقيت حكااااااااااااااااااااااااااااااااك

الله يفوت يوم 17 ده على خير

دياب يا عمك ...
فنجطو سااااااااااااي - شوف الالف دا مجدع كيف - يوم 17 الساعة حداشر بالليل ح نفتش ليكم بالفتاشة ان شاء الله
يا عمك كلامي دا ما تاخدو في بالك ولا تتحسس منو
طواقي لافة ساي اعمل رايح بس ما بتجيك عوجة

عماد الطيب ...
و تحية اكرم ليك

دكتور سيف يا عمك...
لا والله ما كاتم ولا بكتم و اريتني كان بقدر اكتم
كل ما اتهري بكبها ليكم
ماني راجي اجوبة بالحيل لكن ان لقيتها ما باباها

يا خوانا انتو شماشي دا منو ؟ و مالو ماسك طابور ناس السعودية؟

Quote: اتعودنا على كتابة عبارات على شاكلة "كل الود " , " مع الود و التقدير" ,"ودي اللذي تعرف " .... إلخ إلخ شكلة مطايبة نقاش بطيخ المهم لازم تتختم بيها المداخلة سؤال بايخ - برضو - هل الود دا المبذر دا معني بالجد ولا مشي حالك و فض مجالس هل حقيقي بجيك احساس و تحمل ود لزول ما بتعرف عنو غير نك نيم و صورة هو عاكسها عن نفسه " مع التقدير " البتختم بيها دي جادة و تقدير حقيقي وكدا و لا كيف طيب لو جادة معقول انك تكون تحمل الود و التقدير للآلاف المؤلفة من الناس دي معقول ولا واحد فيهم تكون شاميه او قارش ملحتو غريبة شوية , مش؟

سلامات يا زعيم
تذكرت أن كنا يوماً نشاهد شريط فيديو لأهداف اللاعب الأسطورة بيليه
حضر أحد الأخوان متأخراً ولاحظ إندماجنا مع ( الكل هجمة فيها قوون ) دي
فعلق لا شعورياً

" يا أخوانا الزول دا حريف ما قلنا حاجة ، لكين معقول أصلو ولا واحدة من الهجمات دي تطلع آووت أو الكورة تضرب العرضة ؟؟ "

يا عمك مش إمكن ( ناس المودة ) ديل بيتداخلوا مع ناس مودتهم فقط ؟؟

!!!

Quote: ما دام ما عندك حاجة جديدة تضيفها و ترفع بيها البوست الرافعو ليها شنو من اساسو؟ هل الفكرة نظام نحن هنا و كدا يعني ولا كيف

داير أجيب ليك رابط بوست التكتيكات داك عشان تفهم النظرية ..!!

لكن إتذكرت إنك حافظ الشغلة صم !!

هرون ..

Quote: اها صحبك ماقاليه عاوزو يعلق شنو.....؟

قال لبهو والله ..!!

وكنت داير أكتبا هنا لكن إتذكرت إنو المنبر دا معانا فيهو أطفال ..!!

محمد نور ..

Quote: د. مجدي دا منو يا ناذر؟ قدر ما غاينت فوق ما لقيت إسم مجدي دا..

الظاهر المداخلة دي كانت هينيكانية ...

البشرى ..

Quote: بس بسال عشان لو عرفت السر الوراها من دربي دا بشيل اللاب توب

لمن الزول الداير يطهر ولدو داك يعرف سر عليق الساعات في دكان الطهار ..

وريهو معاك عشان يشيل اللاب توب بتاعو برضو ..

بوحتوت:
"أسألوا أهل العلم إن كنتم لا تعلمون"
الجلاعيم مفردها جلعوم أو جلعوع والجلعوع نبات ينمو أسفل الهضبة الأثيوبية ليس له بذره ولا ثمرة ولا تأكله الحيوانات
يقال: أن فلان جلعوم وفلانة جلعومة؛ أو كما نقول أن فلان "لصْقة" أي يلصق بالشيء من غير فكاك..
وأيضاً تقال للذي يترك أرضه ويتجلعّم بأرض الغير أي يستوطن..

المصدر:
"كتابات غير مفهومة" للمبدع م.ا.س صفحة 56552
م.ا.س وُلِد وترعرع بمدينة كرن وتجلعّم في العام ستة وسبعون وتسعمائة وألف بمدينة كسلا..

يا سر يا حبوب

Quote: أن فلان "لصْقة" أي يلصق بالشيء من غير فكاك..

يعني حسكنيت

ألفين سلام

Quote: يا بكري ما ترجع لينا حاتم ابراهيم و بيان ياخ

دكتورة بيان عرفناها
كمان الرشاشة دة تسوي بيهو شنو

Quote: غيرها من ادوات الرفع

وهي الضمة والواو ولا النون ما عارف والف الاثنين


سلام يا ود البشرى


الناس دي لو شافوا التقنية العملوها ناس السي ان ان اخر يوم

للانتخابات الامريكية كان حردو الكمبيوترات والمواوسات والذي منه



العالم وين ونحن وين يا حبيب




لك كل الود وفائق التقدير واكيد الاحترام و...و...الخ

mohmed khalail

غايتو اسمي ده بكري كلفتو كلفتة

up

ود البشرى


انا طبعا ملخبطة مع دكتورة ناهد على .....واى زول يخش لى ايام الحادث الحصل ليها داك .....
يقول لى كفارة يادكتورة ....واهلا بيك دكتورة ناهد .....(تحياتى لدكتورة ناهد) (يادكتورة وين انتى ) ....
المهم فكرت ازيل اسمى بناهد بشير ....عشان نتفرز وكدة ...لكن بصراحة ...جاتنى نشوة الدكترة ديك
وخليت العالم تتلخبط وابالمرة كدة انا زاتى القى لى دكتوراة مجانية .....ماكتار فى الدنيا شابكنهم يادكتور يادكتور
لما بقوا دكاترة بالجد جد .....دكتور فى شنو وفى شنو ومؤتمرات . ومناصب وين ووين ووين ....

__________________

المهم ياعمك انا فى نظر ( النساء )والسهرة دكتورة .........

ودالبشري يا راقي سلام

اخوك ده من نوع ودي وتقديري ,,
وعلشان تفهم اكتر ,ما اي بوست بدخلو ,,,وما اي زول ودي وتقديري ,,,
وبالجد لو قلت للناس كلهم بكون اكن ليهم ود وتقدير ,,,
اما كتابة الاسم فمرات بتكون عاجباك بتك او ولدك ,,علشان كده بتكتب اسمه ,,
وحكاية الصور ,,دي حرية شخصيه يعني ,,

ودي وتقديري

ابوتسابيح

Quote: بقيت حكااااااااااااااااااااااااااااااااك الله يفوت يوم 17 ده على خير

والمصيبه انو لو ما عدى على خير
ح يكون زى الاغنيه البتقول انساك كيف انا والشوق معاى عدى السنه
يعنى لو حصل .. الحك دا ح يستمر سنه كامله وبلا توقف

انقذنا يا طمبل ..
وبركاتك يا العجب ..

وبرضو من الحاجات الغياظة جدا يا ودالبشرى

والانا ما قادر افهمها ولا القى ليها تفسير

اخوانا بتاعين امريكا واوروبا

مرات كدا لسبب او لآخر بيفقدوا الكيبورد العربي

ويكون عندهم واحد من ثلاثة خيارات:

1/ يستعمل الكيبورد العربي بتاع بكري ودا ممل جدا والله لاحوجكم ليهو

2/ يستعمل الحروف الانجليزية لتصوير الكلمات العربية مثال Alpost da mohim ya wad Albushra

3/ يكتب بالانجليزي عديل مثال This post is very important او نحوها

الشي البغيظك ويطلع روحك يقوم الزبون صاحب البوست يرد عليهو بالانجليزي علما بانو البوست اساسا كان مفتوح بالعربي والمتداخل قراهو بالعربي وفهمو بالعربي وللاسباب المذكورة اعلاه رد بالانجليزي البخلي صاحب البوست يرد بالانجليزي شنو ؟

وشكرا

ودا طبعا من غير مودة كما اشرت لحدي ما نلاقيك ويبقى بيننا عيش وملح

والله يا عبدو الوهاب كلامك صاح

Quote: الشي البغيظك ويطلع روحك يقوم الزبون صاحب البوست يرد عليهو بالانجليزي علما بانو البوست اساسا كان مفتوح بالعربي والمتداخل قراهو بالعربي وفهمو بالعربي وللاسباب المذكورة اعلاه رد بالانجليزي البخلي صاحب البوست يرد بالانجليزي شنو ؟

إتخايل لي نظام قشرة .. يعني صاحب البوست يكون داير يوري المتداخل إنو بيعرف إنجليزي برضو

الغريبة يا عبد الوهاب مرة كدة كنت زهجان من متداخل بيكتب لي بالإنجليزي قمت كتبت ليهو (أي ويل بي باك إن أرابيك، أي دون هاف أرابيك كي بورد رايت ناو) .. كتبتها ليو كدة إتصور كتب لي شنو ؟!

رد : OK MAN SAME HERE I DONT HAVE ARABIC LETTERS

مع إني كاتب ليهو كلامي بالحروف العربية

Quote: OK MAN SAME HERE I DONT HAVE ARABIC LETTERS

والله ياناذر دي قلبت فيها الهوبة عديل

مباااااااااااالغة

محمد البشرى،

والله غايتو حكاية ودى و تقديرى دى،
أنا ذاتى بتختنى فى مأزق كدة،
إذا الشعور ما (متمركز) عندى شديد،

لكن بفهم، إنها فى سبيل تبادل الإحترامات،
لازم الواحد يرد بالمثل،،

أما موضوع التوقيع دة،
فأعتقد الاتى:
* فى أسباب (تم شرحها بأعلى)،،
* فى من غير أسباب!!

و الموقعون أدرى،،




من غير توقيع،،

___________________________
أى نعم أسئلة بايخة،
لكن مفيدة..
(الوش أبو سنون داك، الليلة حلف ما ينزل)،،

up




تصور

ليه عصام جبر الله نقل كلام محسن دا :

Quote: يا أخَ البنات، أمَّا مشتاقين، وجدتُ رسالتك في بريد البيت وحاولت أخابرك فعلا، ولم يجبني أحد، يا عملات الحرم بت حاج طيفور -ويا حليلها- الله ما أراد. كيفك يا عزيزي في دهسيرة الحياة ومقافيها المشتيّة؟ لقد ارتحت قليلاً من العتالة في شوالات بطاطس متاجر آسدا الإنجليزية ويبدو أنَّني ارتقيتُ كثيراً بعثوري على وظيفة مكتبية جيدة جداً إن لم تكن ممتازة عديل، أهداني لها الصديق سيف بشير مشكوراً، فالرجل أهمَّه أمري منذ قدومي إلى هذه البلاد، وصَرَّح لي بأنّ راحتي في العمل قد تُسهم في إضاءات مجاورة على واقعنا الثقافي كما يزعم سيف بشير وهو مخيّر في زعمه هذا، وله جزيل الشكر مرة ثانية على لُطف هذا الظن. المهم رجعنا تاني لحكاية العمل بوسط مكاتب ثقافية ويبدو أنني أفتقد دفء أشياء لن تكون لها شمسٌ ما بقي الإنسان ناجعاً وشريداً ببوادي الجليد هذي. لم يتوفَّر لي وقتٌ كافٍ لمراجعة (ثورة العوام باقتراح تمبس والباك أب لها من عصام) أو للحقيقة لم يعد في موقع سودانيز ما يُفيد إلا نادراً، تدهور معدّل الإنتاج الثري وذي المعنى، ولا أعتقد بأنّ لهذا الموقع فائدة "حاسمة" معاصرة إلا من ناحية الخبر، بينما قَلّ العمل الثقافي كبير الأثر بسودانفورل أيضاً، لانقطاع كتاب مؤثّرين عن الكتابة، يمكن الناس زهجت من سيول المتشعلقين هؤلاء وابتذالهم لكل مندوحة وفضيلة وفكرة بدهية. ربما لم تعجب الأعدقاء مشاكساتنا في الماضي لهم، ولكن كانت تلك المناورات في حد ذاتها تحريكاَ ضد الجمود والكسل والرتابة. أعتقد أن وتيرة سودانيات قد نمت قليلاً مع محافظتها على الوسطية ذاتها في الطرح، ستجد ما هو أُنس وما هو اجتهاد في ناحية التكريس الثقافي والمعرفي المفيد. أرى أن وضعية سودانيات أفضل، فهي لا تنشط أكثر من العادة لتجمد، ولا هي بمتدهورة المادة من ناحية نوعيتها كما هو الحال مع سودانيز، لقد أصبح سودانيز رجّة ديوان كبير أو صالة نساء كبيرة. وما استنبطوه من بيان العشرين المُبشرين بالإبداع –في تفاصيله التي تنحو باتجاه سيرهم الذاتية- يدلّك على مواطن العبقرية المستشرية، والبحث عن الذات من غير صفات ولا اجتهاد. البحث عن الذات مشروع، بل مطلوب، ولكن كيف؟ هنا يقبع السؤال ملتوياً على نفسه كأصلة مُعَمِّرة. وعااادي جداً، كما كان يغنّي أحمد شاويش، أن يصبح باسويرد بكري معادلاً للمُبدع، وأن يستوي كاتب الـchــات بكاتب المجلّدات، ومالو؟ ألم يجمعنا حوش بكري!؟ ومن كاتبَ قوماً أربعين يوماً صار مثلهم. ياخي في واحد من شباب البورد ديل زمان قال، إنو وردي دا يغني بس، لكن ما ينضم حول الغناء. والجماعة يشيلوا ويأمنوا علي كلام الراجل الحكيم دا. وردي لمَّا كان أستاذ تربية فنيّة في شندي –يعني لما كان بنضم حول الغناء وغيره من الفنون- أمّي البتولا بت المُوفد كانت شافعة ترد المياه من الحفائر، تتفتّح الأزاهير حيث تطأ وأينما ما اتجهت لأنّها النبتة تحمل الماء. تخيّل أن يُكرّس فنان حياته كلّها لينجز نفسه في صالح الفنون ورصيدها، ويأتي أي مفعوص وأغلف من نوع –القنيط- حميدة عشان يوريهو ما يُقال وما لا يُقال. وهذا ليس بالأمر الخطير، أبداً يا عزيزي عصام، فأقاويل المفعوصين والمفعوصات هي وهم، يطأها الزمن بسنبكه فلا تبقى في الأرض منها ولا منهم باقية، إلا حُفرة حدوة الزمن. ولكن الأخطر من ذلك، هو تنصيب الذات حيث لا مكان لها إلا كشاهدة قبر، قول لي زي شنو!؟ كما**********، تمييزاً له عن ***********"أب عيبة"، يُنَصِّب نفسه في مكان الناقد المعرفي، أو الفيلسوف إن شئت، أعني بالطبع حسين ملاسي حين يُفتي في الفنون، تخَيّل أن تنقلب الحقائق إلى ضدها، كي تناسب ذائقة (الهُراء Nonsense) وكي تُمَيَّع الأُسس النقدية لدرجة التسويف الحرام، علي بالحلال عدم الموس المسنونة للطهور وبس. يا عصام حينما أهدتني صديقتي رشأ رابطاً للبوست فُجعت عديل كدي، ولم أجد عزاء فيه إلا عبارة معروف سند إنو لو الواحد بقي في هذا المكان طويلاً لتدهور مستواه بالفعل ولم يعد يعرف ما هو حق عَمَّا هو باطل. لماذا؟ لأغلبية الجهلاء المغنطيسوميكانيكية، أو أن تغدو الحقائق هي الحقائق فقط لإصرارنا عليها وإلحاحنا الجهول، جاذبين وشادّين لها ناحية الحقائق الفعلية. تخيّل أن بوست التصوير الذي أنشأه أحمد وأنزل فيه تاج السر بعض أعماله، وهي معقولة في مستواها من ناحية الكاميرا "الصنعة"، والأشياء التي هي برايمري خالص إن كانت ستجالد التصوير الفنّي في مداه المعرفي بكامله والفلسفي، لذا فأين هي من أعمال الفنّان الفذ والشاطر، أحمد المرضي، فيلسوف العين وشاعر الريشة، الذي يمنطق ملكة الشوف فينا، ويقّفي الألوان بدرايته!؟ كنتُ أتفرّج في ذلك البوست وأقول متى يا ربي يشعر تاج السر الملك بالحرج ويتوقّف عن مناطحة جبال المرضي الأطلسية! بينما الحصّة تطول لدرجة جعلتني أشعر بالحَيْرة، لا أعتقد بأنّ الملك لا يعرف المسافة بينه وبين أعمال المرضي. ولكنه يعتمد على ذائقة الأغلبية –الجاهلة- المغنيطسوميكانيكية كما برهنها ملاسي في بوسته. وتدافعت بُغاث المستذوقين من كل ناعمة الجناح –حِنْبِّرة- وهاك.. يا سوسو قوقوو كاك كاااك. فيا تُرى هل هذا هو قَدَح (الرجرجة) مع الفنّانين ومواجبتهم لهم في الفنون، الضحك ما شرط الفنون عاد، ونحن من زمان سراويل روسينا اتشرطت ياهو بالقعاد في دلجة أمخاخ زي البوفّرها سودانيز دي. وصديقي كبّر يقول لي سمح الصبر، العندو حكمة ينزّلها للناس بكل طولة بال، يا كبّر يا أخوي ياتو ناس محتاجين حكمتك ياخي؟ في قطيع جُهّال هنا، زي العنبلوق ملاسي دا، قايل رحو عندو قرآن يبخّر بيهو السماء ذاتها، وبدل السماء تنزل ليهو قرآن، لا، هو ذاتو يدخّنها بقرآن طلحو واجّي أكتر من طلح السماء الأحمر. فالناس ضابحين هنا لعشاء أيتها حاجة خلقوها وألا ما خلقوها لسع. وأتفضّلوا يا ناس، أيوة.. دخّل إيدك يا فلان في قدح التشكيل، السياسة، العلوم، وهاك يا عزائم، يا هناية دخّلي إيدك في قدح الشعر، الرسول فوقك، أتفضلوا يا ناس دا بهنا سلطة موزيكا، أيوة، أتفضّلوا.. أتفضّلوا.. تحلية الرواية والقصص والسينما جاية. ما البورد بتاع بكري دا بقى (وليمة) فنون، ويات من عندو باسويرد بقى ياهو معزوم علي الفنون والمعارف الجمالية وغير الجمالية، والفلسفة ذاتها يا زول، تنقد الرهيفة يا أيها الفلاسفة المختبؤون حيث هو مكتوب (اكشط هنا scratch here) كما في الكرتلّة، وحينما تكشط على كرتلّة البورد مستخدماً الباسويرد بدلاً عن قطعة عُمْلة –فجأة كدا- تظهر لك رموز وأكواد هؤلاء الفلاسفة. أتفضّلوا، سقراط يأكل السم اللّسمموا. كنتُ أتوقّع أن يدخل تاج السر، ويقول لهؤلاء المتشعلقين ولكبيرهم القنيط "أب شيبة"، ما يجب أن يقال، ولكن السؤال هل هو منتفع من هذا التغوُّل العامّي والركيك، لذائقة فقيرة وجاهلة، قُصاد ذائقة أخرى ترى أنَّه من سابع الشاهقات الخوض مع أمثال هذا اللزج –والدعي الجاهل- ملاسي في حديث عن الفنون. ولكن ماذا عن الملك؟ سطر واحد منه لملاسي مثل: أعرض عن هذا يا ملاسي، ألم يكن مفيداً؟ أما كان من المحتمل أن يسبّب له حرجاً؟ إن بقيت مع ملاسي مزعة حرج! وماذا عن طلال عفيفي الذي جاء –برضو- بحديث غير جاد عن الحسد وما الحسد، حسد شنو يا المصور طلال، دا اسمو الجهل بصمّتو، من ضنبو لقرونو، وألا إنت برضك متشعبط التصوير ساكت؟ الفنون ياتها، والمعارف شِنْها، التطير عيشتها مع المتشعلقين ومع أجناس البُغاث ملاسي وحميدة وبعوضة وكشاشة وزنّانة، ونقريطة، وإلخ. صدّقني يا عصام ما أغاظني هو سكوت هذا التاج، ياخي إنّي محسن ود البتولا دا، لن أسمح لأي أحد بخلق دعاية رخيصة لي في وجه فنّان أراه فعلاً فنّاناً وإن كان مستواه أقل منّي، وشأنه أصغر منّي، هذه مواصلة لمسألة (تقاليد المجال) التي تحدثت عنها سابقاً. لن أدع –من لا دخل له- بما نحن فيه، ينحشر بيني وبين من هو رفيق درب، مهما كانت رؤاي الخاصّة عن ذاتي وعنه، ومهما بعدت الشقة بيننا في تقدير الأمور وفي الرؤى. لقد رأيتَ بنفسك كيف كنت أعزل من جاؤوا للنيل من سودانوفورل عبري، لأنّ ما يجمعني بنفر فور أول الثلاثة، لا يجمعني بهؤلاء الناقمين من حيث لا أعرف نقمتهم ولا قصتهم. هذا التزام منّي بعدم العشوائية وسوقية وابتذال الأُسس. لا محاننة للجهلاء إلا بقدح الكسرة، أمَّا الفكرة فهي (حارة شرسة) يقوم عليها الكفوءُ، بالفعل تنظيراً وتطبيقاً، وتقوم هي باتجاه ابتناء الحياة والمعارف بكل الجديّة المطلوبة لها منطقياً، بعيداً عن التحانن المُضر، والعاطفة غير المنقّحة. ولا نامت عينُ المتشعلقين

لماذا ابتهج العوام يهذا الكلام وقبل كانوا ساخطين على حسبو ؟
ولماذا حذف عصام الكلام ؟

أسئلة بااااااايخة ... جدا

الحبشي مالك زعلت كدة و الحالة اسمك مافي
ملاسي زاتو عمل رايح وما انفعل زيك كدة
روق ابوي الزعل ما كويس للصحة اهو كلام و السلام

Quote: لماذا ابتهج العوام يهذا الكلام وقبل كانوا ساخطين على حسبو ؟ ولماذا حذف عصام الكلام ؟

ممكن نقول لأنهم احرار في رد فعلهم و عصام حر في الحذف او عدمو
أو هرشوه


لكن ما قصر والله

Quote: up

كان كدا ياخوي

كن بخير

مع كامل الود والاحترام والتقدير

Quote: الحبشي مالك زعلت كدة و الحالة اسمك مافي

لا يا حبيب محسن حسم أمر اسمي زمآآآآآآآآآآآآآآن وتجاوزه إلى اسم والدي
ثم تراجع ووصفني بالذكاء* ووصف أغلب البقية بالغباء
واضح إنك ماك متابع يا حبيب!!
أنا المزعلني (الانفصام ) وتناقض المواقف

بالمناسبة يا كيكي إنت كتبت شنو وحذفته قبال خدر ما يقراه


_____________
أنا لم أقبل تزكية محسن لذكائي

من الاسئلة البااااااايخة جدا
اليومين ديل واحد يقول ليك
البفوز منو....؟ المريخ ولا الهلال
ذي ده اديهو باقيهو ونزلوا في اقرب محطة...!!!

(*)

أبوحتوت ..

أسئلة بايخة فعلاً ..








كمال الزين وعادل سالم


__________________________

التوقع تبعاً لصورة البروفايل

حبشي ...

Quote: أنا المزعلني (الانفصام ) وتناقض المواقف

كان كدا ح تزعل كتير
عندي فكرة بوست بعنوان تناقض انت سوداني تناقض انت بوردابي عن تناقض المواقف عند السودانيين عموما و البورداب خصوصا
اظنو ح يعجبك


__________________________

شباب معليش ما تجاهل لمداخلاتكم الكريمة لكن الحبشي دا عالم وفي تخصص نادر لا يُعامل كالـ"باقين"

ألأخ/محمد البشرى الخضر

السلام عليكم ولك التحية

سوف أتداخل معاك وكلى عشم أن أكون قد بددت لك هذه ألأسئلة البايخة..وما عارف إنت لما حسيت إنها بايخة ليه بتسألها؟ ولكن بالرغم عن ذلك سأرد عليك لآن راس السوط وصلنى ولولا المعزة كان من السهل على تجاوزك ولكن إنت قدرك عالى.مع العلم إمتنعت بين وبين نفسى أن أدخل بعض البوستات التى لاتسمن ولاتغنى من جوع ودخول الواحد فيها يطلع منها وهو خسران ليهو واحد أو إثنين لحدة صاحب البوست أو بعض المتداخلين

عادة أنا أذكر أو أدون إسمى بوضوح فى كل المجتمعات وألأجتماعات وعادة صارت معى منذ زمن الدراسة وهى محمدة أكثر من ان تكون مذمة..أما إسمى فى البروفايل ما مكتوب صحيح ولذا أكتبه بوضوع كما هو مدون أدناه

أما الصورة كثير من زملاء الدراسة عرفونى بالصورة من ألأعضاء أو القراء فكان مكسب لى بعد هذه السنين الطويلة أن أعيدعلاقاتى و ذكرياتى معهموهل تسمح لى بسؤال بايخ شوية يا ودالبشرى..هل هناك جدوى من فتح هذا البوست؟مع إن غالب بوستاتك جميلة ورائعة ودمها خفيف وما بايخة.
خالص مودتى....لك..إسماعيل محمد أحمد عباس....كده كيف؟

اسماعيل يا عمكـ


مداخلتكـ دي لمن كتبتها كان في دقداق ولا شنو!

مالها كلها بونط صغير وبونط كبير .. آلي واتي




ذكرتني قصة صحبكـ الماسكـ الرشاش
الجماعة بسألوا فيهو: البتاع دا آلي؟
قال ليهم يمين دا آلي ياكل واتي ياكل

Quote: up تصور

هههههههههههههههههههههههههههههههههه
نعيم علي محمد
مودتي ومودت الجمبي وكم موده كده في كيس
وتقديري برضو
وعرفاني

أشرف يا عمك ....

Quote: وينك كنت هارب من الهكر وعيق!!!

أفا - يا قولك - هارب شنو يا عمك
قاعدين لكن بس انتا ما فاضي لينا ساي
سعيتك - بوستاتك - كتيرة ما شاء الله و شاغلاك
اخوك دنقلاوي ما رباطابي

اسمع ...
سؤال بايخ شوية , (عيق) دي شنو ؟

ود دواش ود امدرمان يا عمك ...

Quote: وذلك بسبب ان كثيرين (ون) يكتبونه خطا.

فلهم برضك

Quote: الله يفوت يوم 17 ده على خير

آميييييييين

عاطف يا عمك...

Quote: يا عمك مش إمكن ( ناس المودة ) ديل بيتداخلوا مع ناس مودتهم فقط ؟؟

يعني نظام ناس "مودتنا" ما بنريد غيرهم رحلوا خلونا يا حليلهم
برضك وجهة نظر وجيهة
لكن في ناس ودادين خلاس

Quote: داير أجيب ليك رابط بوست التكتيكات داك عشان تفهم النظرية ..!! لكن إتذكرت إنك حافظ الشغلة صم !!

حريف يا ناذر

طيفور يا عمك...
أهاااااااا كدا حيرتونا
اقتنعنا بتفسير حمور شايفك طلعت لينا بواحد تاني
ولا يكون جلاعيمك غير جلاعيم حمور في الحالة دي عايزين الاقرب لجلاعيم الحبشي

طارق جبريل يا عمك ...
الرشاشة محتاجين ليه شديد قبل و بعد يوم 17
عشان تعرفوا حاجة

mohmed خليل يا عمك ...
اضيف ليهن كمان ادوات كيكي للرفع المساحي و المايرنوي

ياخ بالجد بكري بالغ معاك فيها يا دوب فكرت ليها

بت عمي ...
اصبري لي

ناهد ...
سجمي ... يعني انتي ما دكتورة ناهد
زمني دا كلو فاهم غلط , كان كدا النعيد الحسابات من جديد



لا يعني اسي ملاسي ح يفوت الدش البارد دا كدا ساي يعني ولا كيف؟

مسلمي يا عمك ...
ما قلنا طاقية وكدا يا خوانا ما تتحسسوا ساي

Quote: اخوك ده من نوع ودي وتقديري ,,

بالحيل

Quote: علشان تفهم اكتر ,ما اي بوست بدخلو ,,,

يا رااااااجل

Quote: وما اي زول ودي وتقديري ,,,

عارف .. عشان كدا سالت

Quote: وبالجد لو قلت للناس كلهم بكون اكن ليهم ود وتقدير ,,,

ممممممم

Quote: اما كتابة الاسم فمرات بتكون عاجباك بتك او ولدك ,,علشان كده بتكتب اسمه ,,

يا عمك سؤالي البايخ ما عن الكنية عن التوقيع بالاسم الموجود في البروفايل

Quote: وحكاية الصور ,,دي حرية شخصيه يعني ,,

ما قلنا حاجة .. بنستفسر ببياخة بس

Quote: ودي وتقديري

أحييييييي يا قلبيي

Quote: ابوتسابيح

ابو حتوت ... اها شنو يعني

علي بشير ....

Quote: انقذنا يا طمبل .. وبركاتك يا العجب ..

سؤال بايخ ....
جهزت فرمالتك الحا تحوم بيها بوستات اسياد البلد الكتيرة بعد رشة نهاية الموسم المعتادة
عن انو المريخ لعب و قدم عرض و الحكم ابن الكلب و بتاع و ستظل ستظل لن تهوززنا لن تببطرنا ولّـ لسة

وهبة يا عمك ...
القصة دي مرة علقت عليها في بوست قديم
اتاريها هارياك برضك ... الله غالب



يازول بترسل ايميلات تهديد مالك؟


هالة يا هندسة ...

Quote: أما موضوع التوقيع دة، فأعتقد الاتى: * فى أسباب (تم شرحها بأعلى)،، * فى من غير أسباب!! و الموقعون أدرى،،

يعني ما طلعنا منك بايتها حاجة

Quote: من غير توقيع،،

لا حلوة دي


________________________________

آآآآآآآ ولا يكون ملاسي عايز يفرغ من امر البنات العريانات اولا حتى يشوف قصة الآسات بعدين؟

Quote: سؤال بايخ شوية , (عيق) دي شنو ؟

من ديك وعيق!!!!

الأستاذ الكريم
ود البشرى
محمد البشرى الخضر

أيهما تحب

أبدأ بموضوع الصورة ولي فيه برآءة الذئب

أما دونه فكأنك تخاطبني ولك رحابة الصدر

Quote: دي واحدة و التانية الناس البتوقع باسمها نهاية المداخلة لزومها شنو بالضبط ما مكتوب على يمينها

أذكر لك حادثة مررت بها في منتدي أخر
دخل صديق لي المنتدى من جهازي الخاص بكلمة المرور خاصته
ولم يسجل خروج من المنتدى ، وبعدها سجلت أنا مداخلة فيها رأيي الخاص
في موضوع ما وكانت المداخلة ممهوره بتوقيعي

ولم يخرج صديقي من ذلك الموقف إلا بتوقيعي على المداخلة
مما زاد قناعتي بوجود التوقيع

ثم
أنتقل الطيب من للكلمات المرفقة مع التوقيع
فأنا أرفق توقيعي مع المودة وغيرها من الطيب من الكلمات (وهنا ساعود)

وذلك لإيماني بأن الكلمة الطيبة صدقة (حينما تصدق النيه)
وكل إناء بما فيه ينضح

كما أن إيماني بأن خلافي مع غيري من بني البشر (أيً كان) لا يستدعى مخاطبتي له بجفاء
وهنا أحترم نفسي قبل إحترامي لمن أُخاطب ، علّ الطيب من اللغة والتقدير الوارد في حسن
النوايا يقرب من الفهم ووجهات النظر

فما بالك بمخاطبة من تود أصلاً!!!!

ففي إختيار الكلمات المرفقة في توقيعي أشارة متغيرة مربوطة بالموضوع
وإن راجعتها عندي تجدها واضحة

وإن شاء الله لي أن (أقرش ملح) أحد فلا اتداخل معه من الأصل وهذا نهجي الذي التزم.



مرفق
رجائي من الله أن اكون أشفيت غليلك

إسماعيل حميم

سؤال بايخ - آخر
بكري بكتب بوستات عبارة عن لنك لمقال أو خبر من صفحة الأخبار و المقالات
ليه ما بنقل المقال نفسه بدل يخت اللنك ؟ القصة كلها كوبي بيست
وليه ناقله و فاتح بيه بوست من أساسه ما دام الخبر او المقال الاصلي موجود في محلو
اذا الفكرة اثارة انتباه الاعضاء و طرح الموضوع للتعليق عليه مش الاجدى نقل المقال في عضمو بدل اللنك
سؤال أبيخ..
ليه دايما بجي واحد بعد بكري بنقل المقال المذكور؟
ما يمكن صاحب البوست - بكري - ما داير يجيب المقال لحكمة يعلمها


___________________________________________________

خليل دا مش ببالغ اسي دا بوست ليه الدنيا قبايل حج

سؤال بايخ...


يا ودالعم انتا علاقة الويك ايند بالمصفاه شنو؟؟؟

وهبة يا عمك...

Quote: Quote: up كان كدا ياخوي كن بخير مع كامل الود والاحترام والتقدير

وهمة شديدة ....مُش ؟

كمال يا شين ...
كان فهمتني سر الـ

Quote: (*)

تكون ما قصرت خالص خالص

اسماعيل يا عمك ...
طبعا احترت في مداخلتك يومين ما عارف اقراها كيف
جادي ولا بتهظر ولا الحاصل شنو بالضبط , غايتو نتوكل على الله و اعتبرك بتهظر
يا عمك ما تتحسس مجرد اسئلة ما اكتر عايز افهم
اما بالنسبة لجدوى فتح بوست زي دا تقول شنو بس
فراغ زمن و قلة شغلة او من ناحية تانية وهمة مني ساكت

نعيم يا عمك

Quote: نعيم علي محمد

انعم و اكرم
اها و بعد دا ؟

أشرف يا حبة...

Quote: من ديك وعيق!!!!

لا تمام كدة وقع لي

الاستاذ الكريم اسماعيل حميم
أشكر لك تكرمك بالإجابة الشافية الوافية على اسئلتنا (البايخة)
لك الشكر و التقدير

بنت العم ...
بالضبط كدا ما عارف لكن اديك هنت قد يفيد
دايما بنشدول الباك ووش للفلاتر - المصافي- في الويك إند
بزبط الأداء و يرفع إفيشنسي الفلترة - التصفية - باقي الاسبوع
اقريها من الزاوية دي
و بطِّلي أحسن ليك

___________________________________

يا خوانا سليكة وين؟

Quote: الاستاذ الكريم اسماعيل حميم أشكر لك تكرمك بالإجابة الشافية الوافية على اسئلتنا (البايخة) لك الشكر و التقدير

ود البشرى
الحممممممممد لله إني أقنعتك

يلا جاوب لي على سؤالي البايخ دا

أنا يوم 26 نوفمبر القادم بكون لي 4 سنوات
في عضوية سودانيز اون لاين
وعندي أقل من 1300 مداخلة (ونفسي قايم)!!!

ولو أخذنا ود البشرى مثال

أكملت العامين وأيام معدودة
ولك أكثر من 7800 مداخلة

بتعملهل كيف وبتلقوا زمن وين؟؟؟؟
قومتو نفسنا زيادة!!!!!!!!!!!!!!!

مرفق
برضو مودتي

إسماعيل حميم



.

سؤال بايخ

ياود البشرى..

انت الايام دي مالك بقيت بتتبايخ كدة

بلد ...
تقولي شنو بس , داير اغير قصة اظرف زول قبل ما الناس يصدقوها ساي



أمشي يا مستهبلة

تعرف الايام دي جاني مرض "الخرف الاسفيري" وهو مرض يصيب كبار السن ويجعلك تبادر الى كتابة ماتفكر فيه بتلقائية وبراءة ...

"ياماشي بي دربك ود البشرى مايعتربك، يجهجهك ويقطع قلبك"

بتلاقينا كتير عناوين يا بكري فلان معتقل , يا معلم هناي ما قادر يدخل البورد, يا حاج عباس ضيع الباسويرد...إلخ إلخ
السؤال البايخ - هل كتابة بوست فقط كافية لحل المشكلة ولّـ لا زم معاها إيميل لبكري ؟
طيب إذا رسلت إيميل و المشكلة اتحلت الفضل يرجع للبوست ولّـ للإيميل؟
و ليه بنزين عنوان البوست بعبارات خلعة زي عاجل و هام و الحقنا و انجدنا و .... إلخ إلخ ؟
العاجل شنو و المهم شنو و البحتاج الفزعة شنو في عدم دخول عباس او فلان او فرتكان للبورد؟
اها المشكلة اتحلت و باسويرد عباس او فلان او هناي اتفعل - اها و بعد دا ؟ الحصل شنو,الاتغير شنو وكان عاجل و هام ؟

__________________________________________

خلي بالك ملاسي ما بكون ساكت ساي اكيد باقي ليه فوق راي
اتوقع رد حاسم و مفحم وجدا قاسي




















على كمال الجزولي

يا اخوانا سلام



في العادة ما برسل ود لأي زول لنضب مخزونات الود و الاحترام و التقدير و الذي منو .

لكن و الله تستاهل نيدكم طن من الاحترام و التقدير ليك و لضيوفك الكرام

ود البشرى يا رايق سلام

Quote: دي واحدة و التانية الناس البتوقع باسمها نهاية المداخلة لزومها شنو بالضبط ما مكتوب على يمينها قد افهم انو يكون الموقِع بستخدم نِك نيم و بوقع باسمو الحقيقي لكن الغلبني افهمها البكتب باسمو الحقيقي و بوقع بيه برضك لكن دي الى حد ما معقولة مقارنة مع البكتب بنِك نيم و بوقع برضو نبنفس الِنك نيم

انا غايتو واحد من الناس البوقعوا اساميهم بعد كل مداخلة
والسبب يا صديقي انه ال Username بتاعي elsawi زي ما شايف
واسمي الصاوي، اها زمان في واحد شبكني ليك الساوي الساوي لما انا ذاتي قربت اصدق انه اسمي الساوي ومازال اسم الساوي يلاحقني عندما اسهو عن التوقيع ..


الصاوي

Quote: شباب معليش ما تجاهل لمداخلاتكم الكريمة لكن الحبشي دا عالم وفي تخصص نادر لا يُعامل كالـ"باقين"

تتذكر يا أبوحتوت لمن قلن ليك زمان إنت وناصر الوحيدين البتضحكوني هنا ده ؟؟
طيب ،، عندي سؤال ..
الناس المعتبرين نفسهم ما من (الباقين) يعني ما مننا نحن الرجرجة والدهماء ، بيزعلوا ليه لما الناس (المبدعين) ما يعتبروهم منهم؟؟
ويقوموا يجو يفكوها في (الباقين) ويحاولوا يستعرضوا فيهم إمكانياتهم (العلمية والثقافية) ..؟؟

Quote: اسماعيل يا عمك ... طبعا احترت في مداخلتك يومين ما عارف اقراها كيف جادي ولا بتهظر ولا الحاصل شنو بالضبط , غايتو نتوكل على الله و اعتبرك بتهظر يا عمك ما تتحسس مجرد اسئلة ما اكتر عايز افهم اما بالنسبة لجدوى فتح بوست زي دا تقول شنو بس فراغ زمن و قلة شغلة او من ناحية تانية وهمة مني ساكت

ود البشرى السلام عليكم...

حيرتك مش كد؟عشان تانى ما تعمل فيها شقت..وعامل لى وهمه ساكت قال!!

خالص مودتى.......................إسماعيل محمد احمد عباس.....

وعليكم السلام قيقراوي ياخ
طن الإحترام و التقدير تستاهلو انت علي اليمين
ما تصور ريحتني قدر شنو في مداخلتك - العدلتها لاحقا - في بوست الآسات
لي يومين انبح زول وقعت ليه قصة الآسات دي غيرك مافي
حمودي إلا بالتلفون ولسة ما فهمها مية مية

الساوي يا عمك
والله بيني و بينك انت لا زم توقع
لكن اخوي دحين كان حدست بكري يغيرو لك ما اخير

أبو صلاح يا عمك
أيامك والله نانسي بي جهة و بشتنة ملاسي بجهة تانية
تعرف يا ابشنب طرقت حتة مهمة جدا
الباقين ديل ما خلاص باقين و مقتنعين الكلام زي ما قلت على الناس الما عزموهم و شايفين روحهم اسياد العرس

اسماعيل يا عمك
حيرتني عاد اكضب عليك , و الله كنت مجهز ليك مساخة رد إلا مسكني منك حمودي ساي

Quote: عشان تانى ما تعمل فيها شقت.

يا عمك انا متين اتشقتنت - بالقاف - عليك يا حاج

Quote: خالص مودتى.......................إسماعيل محمد احمد عباس....

برضو ....
ما استفدت اي حاجة من البوست
أعد قرايتو باللاي

_______________________________________________________

اها اوباما فاز واي شي ..مبروك طيب
الزعط بي اخبارو و مرتو وبناتو وحبوبتو و نسيبتو دا لمتين إن شاء الله

Quote: اها اوباما فاز واي شي ..مبروك طيب الزعط بي اخبارو و مرتو وبناتو وحبوبتو و نسيبتو دا لمتين إن شاء الله

أها ديل ناس نحنا،،
(و لا ناس تانيين؟؟؟)،،

و لسه ما شفت جدو و حبوبتو،،،

أنا طبعا لقيت دى بوستات الموسم،
و بعد ما قررت ابقى زولة كويسة (دى دايرة ليها بوست براهو)،
جيت قررت تانى أبقى مواكبة،،،

يعنى الموضوع الماشى فى الوقت داك،،،

و لا يهمنى،،،

Quote: أها ديل ناس نحنا،، (و لا ناس تانيين؟؟؟)،،

طواقي يا بتي ... طواقي
كان لاقاك مقاسك أعملي رايحة بس
وسلمي على احمد توفيق بالمناسبة دي

Quote: وعليكم السلام قيقراوي ياخ طن الإحترام و التقدير تستاهلو انت علي اليمين ما تصور ريحتني قدر شنو في مداخلتك - العدلتها لاحقا - في بوست الآسات لي يومين انبح زول وقعت ليه قصة الآسات دي غيرك مافي حمودي إلا بالتلفون ولسة ما فهمها مية مية

ود البشري
تشكرات كميات ياخ

اصلوا قريبك ود الصائم دا زول قلبوا ابيض و على نياتو خالص

لكن ياخ النسألك سؤال بايخ :
انت شغلة الطواقي دي بتظبت معاك ؟
ياخ قمت احاكي فيك و وزعت لي كم طاقية كدا عشوائي ، لكن وكيلك الله اول زول لبسا لي خلاني اتعقد من نفسي ؟
اهامسحت المداخلة المذكورة في البوست البخشوه بالرجل الشمال داك


و الله البورد دا لخبت ورقنا و خلاهو يزيد

ابوحتحوت

زولك داك ماعصرت علي شديد، والله لمن دخلت في ضفوري
انت الليلة بالع من حبوبي بتاعت الصراحة ولا شنو؟؟؟؟

مافي طريقة تغير البوخ الرميتوا داك ياعمك....مراعاة للأحاسيس؟؟؟؟؟؟؟

Quote: طواقي يا بتي ... طواقي كان لاقاك مقاسك أعملي رايحة بس

ما هو حتى المقاس ما مظبوط،
one size fits All,

أنا المتسببة، و دايرة لى مدخل أنط فيه،،
لزوم أحسسك بالذنب و كدة يعنى،،،

Quote: وسلمي على احمد توفيق بالمناسبة دي

السلام وصل،،

وصلت الحلقة الكم فى ناروتو؟؟

Quote: اسماعيل يا عمك حيرتني عاد اكضب عليك , و الله كنت مجهز ليك مساخة رد إلا مسكني منك حمودي ساي

محمد البشرى الخضر ياحبيب

المساخة التخضرك قول آمين.إمسكك منى حمودى.أصلو حمودى ده طيب وجميل..الفى قلبو فى السانو

أغنى ليك حيرت أفكارى معاك إنت وين ياروحى

سؤال بايخ الوهمات دى بتجيك متى؟قبل النوم وللابعد النوم؟
خالص تحيانى وودى بالجد:إسماعيل محمد احمد عباس....

محمد البشري

سلام

Quote: أمشي يا مستهبلة

تصور الطاقية الكاروهات دي حقتي

وقعت مني في واحدة من عزومات السماية ديل

لكن كان عايزا شدة ما مشكلة

ما بينا طواقي


ـــــــــــــــــــــــــــــــــــــــــــــــــــــــــــــــــــ
ياخي الواحد اللقافة و الخفة كاتلاهو ما يشوف ليهو سماية تووش يدخل

يا ود البشـرى،، أول بالتبادي أنا كلامك دا ما بسميهو أسئلة بايخة لكـن هو ملاحظات طريفة، وأنا كتير ما وقفت عند بعضها زي لنك بكـري والزول البعـدو البنقل الكـلام في اللنك من صفحة المقالات أو الأخبار، وبوستات طلبات العضوية..ومثل ناس عاجل جدا،، الله يسألني قبل كدة في زول ناقل فيديو من يوتيوب وكاتب عليهو (حصري!).. أما حكاية الود والإحترام، يمكن يكونوا الإتنين مشكلة، وجودها أو عدمها،، لأنو نوعي دا البجي بقول كلامو وببقى مارق ممكن الناس تعتبرك مفتري ولا تغيان ولا عدواني الخ،، يعني لا سلام لا إحم لا مع السلامة لأنو بفتكر البورد دا ممكن يكون زيو وزي أركان النقاش ولا الندوات العامة يعني ما محتاجة مقدمات طويلة وكدة،، من جهة تانية لأنو النقاش هنا بتم بالكتابة والقراية فقط، يبقى الحكاية بتكون أشبه بالرسالة برضو، والليلة لامن يجيك جواب من جهة رسمية حتى ويمكن يكون ما فيهو توقيع زول معين زاتو، لكن تجده يبدأ بي: السيد المحترم، وينتهي ب: وتفضلوا بقبول فائق الإحترام، أو أي عبارات من هذا القبيل، ودا موجود حتى عند كتير من الشعوب الأخرى التي عرفت بعض من لغاتها.. المهم قصدي إنو حكاية ودي وإحترامي دي أنا غايتو (ما شايف فوكا حاجة)..ياخي هو الود والإحترام دا بقروش كمان؟ لأنو شايفك قلت هل ممكن يكون عندو الود والتقدير للعالم دي كلها صحي؟.. بالنسبة للأسماء والتوقيعات، في رأي إنو في النهاية، وفي حال النقاشات العامة والجادة فليس المهم هو الكاتب منو ولا لقبو شنو ولا كنيتو ولا هو من المبدعين ولا من الرجرجة والدهماء ولا من مقتاتي خبز العمالة والإرتزاق الخ العبارات التي نسمعها هنا، لكن المهم هو ما يطرحه أو ما يكتبه رداً على كتابة الآخرين، أقصد بالنسبة لي مش مهم كتير أعرف الكاتب في حال الكتابة الإسفيرية دي،، بعدين هم قليلين في رأي الناس الأسماءهم ما واضحة ومحتاجة ليختم صاحبها بكتابة اسمه الكامل أو لقبه... عموماً كثيرة جدا هي طرايف البورد،، وأنا دايما بتذكر ما قاله دكتور بشرى الفاضل قبل عدة سنوات هنا وما معناه إنو البورد دا بمثل السودان فعلا بكل تناقضاته وأهوائه وكل زول ليهو إهتماماتو المختلفة وغرضو من الكتابة ومن صورة البروفايل الخ...وشكرا على هذه النافذة الخفيفة الطريفة،، (شكرا دي جادي فيها)

قيقراوي يا عمك ...

Quote: انت شغلة الطواقي دي بتظبت معاك ؟

زي ما قلت ليك قريت مداخلتك قبل النعديل و اتفقت مع اغلب ما فيها
بل لقيت انه جزء كبير منها عبر عن فهمي للحاصل
و تعديلك دا يتخيل لي بس لأنك جديد ما وقع ليك البورد تماما و خايف تتفهم غلط وكدا , صاح ولا انا غلطان
إن بقى صاح تابع التكتيكات السيشن الجاي ح يدور حول الحتة دي
وإن بقى غلط جليني براحة , عادي جدا

بلد ...
تامري امر ...حاضرين

هندسة...

Quote: لزوم أحسسك بالذنب و كدة يعنى،،،

ما حزرتي
اخوك فيما يتعلق بشئون البورد عينو بيضا و إحساس نيل
بمناسبة ناروتو اللنك دا هدية لأبوحميد فيه الترجمة بالعربي , بس الأيام دي اظنو مهكر خليه يراجعو بعد كم يوم
http://www.an-island.com/tracker/

سومعة يا عمك...

Quote: سؤال بايخ الوهمات دى بتجيك متى؟قبل النوم وللابعد النوم؟

ما عندها وقت محدد لكن أغلبها بجي بعد قراية مداخلات فنانة زي مداخلاتك دي


حمد يا عمك ...
ألبس يا حاج ولا يهمك
الكاروهات الفي تلبس المقلمة البس المشختة البس
على كيف كيفك

هلا يا عيسى ...
يا عمك انا ما قصة شايف فوكها شي او معترض , انا بسال و بستفسر الفايدة شنو او اللزوم شنو
الشي ان بقى فوقو فايدة النركب مع الجماعة و نشتت الود و التقدير احير المسلمي زاتو
وان بقى كمان ما في اجابتن مقنعة الننسى القصة دي و اشوف غيرها
اما التوقيعات فدي بالجد المحيراني و للامانة اجابات الاخوة اعلاه نورتني بما جهلت من كنه الامر
وإن كانت ما اقنعتني بضرورة الموضوع
اشكرك مرورك اللطيف و حديثك الطيب لكن ما سمعنا رايك في قصة الصورة بالكمبيوتر او اللاب توب


____________________________________________

يا بكري المسنجر يا بكري المسنجر يا بكري المسنجاااااااااااااااار
عندي جمجرة حامضة كان ما فتيتها باقي الليل دا بموت

Quote: و تعديلك دا يتخيل لي بس لأنك جديد ما وقع ليك البورد تماما و خايف تتفهم غلط وكدا , صاح ولا انا غلطان

عليك نور
بس بتعديل بسيط انها طاقية منسوجة فري سايز بس الدكتور ما ادانا فرصة . . . شبحا لي في راسو و ابا يملصا
لو اتماديت فيهاطالما آذت بشر - و ما أي زول كمان - ما كان حيكون عندي فرق من شايب الآس البستمرئ الاذية ( التقول عقرب بس يا كافي البلاء ؟! )


ربنا يحضرنا الموسم الجاي . . . تعرف انو اكبر مخاوفي مش اتفهم غلط انو ما يتوفر لي إمكانية التواجد وقت الحوجة للوجود على سطح المنبر . . .
الا في العادي الشِبك ما بنلاوز منا . . . و قاعدتنا الذهبية " انا مسئول عن فهمي انا بس و تمتد المسئولية لحدت توضيحه ما اكتر من كدا و البلقى طاقية من نسجنا على مقاسو نقول ليهو : ان شاء الله تقطعا بعرق العافية "

فتكم بعافية يا ود البشرى
لك الفال *




---------------
اها رأيك شنو في لك الفال دي ؟ لقطتها من مبدع

Quote: عندي جمجرة حامضة كان ما فتيتها باقي الليل دا بموت

طيب ما تلزها sms ياخ!


غايتو بقيت زي فريق البخلاء داكـ !
الواحد يشوت الكورة في الآوت عشان ما يباصي لي زميلو!

يا محمد

انت اتوهمت صحي؟


ما قاصدك انت
قاصد محمد التاني

ود البشرى،

Quote: بمناسبة ناروتو اللنك دا هدية لأبوحميد فيه الترجمة بالعربي , بس الأيام دي اظنو مهكر خليه يراجعو بعد كم يوم

شكرا للهدية،
لكن تخيل،،
بشوفوها باليابانى،
و كان فى ترجمة إنجليزى،
يكون كتر خير الظروف،،،





__________________________________
سؤال (ما) بايخ:

لييه الناس البقول عليهم بكرى،
ظريفييين،
بسألوا أسئلة بايخة؟؟

مادام الموضوع بياخه
انا حأجاوب علي السؤال
مع انه ماب يخصني

Quote: لييه الناس البقول عليهم بكرى، ظريفييين، بسألوا أسئلة بايخة؟؟

لانه بكري ما ظريف




انت قاصده بكري منو ؟
عسان ما نظلم زول

رغيم،
سلامات،،


زعلت مالك،
سيد الشى ما أظنو يزعل،،،

Quote: انت قاصده بكري منو ؟ عسان ما نظلم زول

ما بنتكلمش فى السياسا إحنا،،،


البك أبيض،،،،

حبينا ود البشرى كيف حالك






عدل كيتا في ود البشرى

تحياتي يا ود البشرى

ومن الأسئلة التي لا تقل بياخةً عن أسئلتك البايخة هذه، هو:
إلى متى نظل نكتب مجاناً في هذا المنبر؟
لأن الاستملاح هو من العادات الضارة التي لا نرضاها لأنفسنا..
لهذا السبب، كنت مضرباً عن الكتابة في الأيام الفائتة، لكنني
عندما لم أجد تضامناً من أحد، عملت زي محمد عبود..


محمد عبود لما كان صغيّر، كان هناك خسوف للقمر في إحدى الليالي،
فأخذ يضرب في صفيحة يحملها ، ظاناً أن ذلك الفعل سيزيل خسوف القمر،
(وهذه عادة قديمة منقرضة)، لكنه لما لم يجد أحداً يتضامن معه على
دق الصفائح، جدع صفيحته وقال قولته التي ما زالت تتحدث بها الركبان:
(إن شاء الله القمراء ما تتصلّح، عاوزنّي أصلحها ليكم براي؟)

عدم التضامن وحده هو الذي أعادني للكتابة..
وبكري ذاتو كمان مستمخْ ومصهين.. كأننا ما طالبنو

نصر الدين

كيفك




دي اسمها الكتابة تحت تأثير
النص الفاضي من الشهر

هلا قيقراوي يا عمك
منطقك وجيه مافيه كلام ما في زول بحب يتسبب في أذية الآخرين بدون مناسبة
لكن كمان تعرف يا عمك في البورد دا مما تضطر تبدا تشرح كلامك و تفسرو القصة بتمرق من نفسك طوالي
لك الفال انت دا

حمودي ... ما بخلان بيها ولا حاجة
لكن حلاوتها لي سيدها غير كدة تبقى غيبة و اكل لحم

روغيم يا عمك ...
كان معاي لا ياخوي ما اتوهمت ولا عندي النية قريب
كان قصدك حمودي أيوة اتوهم ليه مدة

هلا يا هندسة ...

Quote: لييه الناس البقول عليهم بكرى، ظريفييين،

أوعى تكوني اكلتي من القرع دا
هو بكري شن عرفو
بكون قالها مشيي حال ساي

اللمينز يا عمك ...
انت من زمن الارقام المميزة
ما خلاص بعد حركة اساسي و فتة نوبي الفلم اتحرق و فقد قيمتو
يا عمك اكتب كتابتك ساي

نصر الدين يا معلم....
يا عمك ملح شنو و بتاع مش كان في اقتراح لدعم الموقع باشتراك شهري
لكن بكري مطنش الموضوع خلاص يبقى
المهم
يا حاج ما عندك لقطة كاربة تانية زي بتاعة غنماية الدقيق
سيدا جاهز بس انتا اديني ليها بنزلها ليك قميص عامر عليه

______________________________________

نص عمرو ضاع الما لحق خش بوست تسجيل محمد نور للإتحاد
بمناسبة الاتحاد دي سؤال بايخ - كالعادة :
الحبشي لي أسي اقتبس و لصق رسالة محسن الآسية او اجزاء منها كم مرة يكون؟

ود عمي ...

سؤال بايخ كدة
الزول لو عنده شمار حاااااااااار وداير يرمي

يرمي على اي اتجاه
اليمن ولا الشمال
اسه يلكزوك كيف....

الله يجازي الكان السبب

حميم يا عمك...

Quote: أكملت العامين وأيام معدودة ولك أكثر من 7800 مداخلة بتعملهل كيف وبتلقوا زمن وين؟؟؟؟ قومتو نفسنا زيادة!!!!!!!!!!!!!!!

اتكلمت في الحتة دي سابقا لكن تستاهل اعيدها ليك
الزمن يا بوي نعمة من ربنا زيو و زي المال و الصحة و الجنيات و جيب القطر في وقتو
جل شأنه يوزعها بحكمة يعلمها هو فيغدق بهن على من يشاء و يبتلي بحرمانهن من يشاء
لا نسأل عن سر حكمته ولا ينبغي لنا فقط نشكر و نحمد و نسال الزيادة إن لقيناها
ونصبر و نتضرع و نطلب نخفيف الابتلاء إن حرمنا منها
من ناحية تانية ...
زمان لما ناس الآداب و الإقتصاد و القانون متجدعين في الكافتريات و الخلط احنا كنا مدروشين من سمستر لي كورس ويرك لي بروجكت
لمن روحنا طلعت
و الحمدلله اتخرجنا مهندسين بشهادات اهلتنا لوظائف حكومية بدوام واحد مما وفر لنا فسحة من الزمن و مزاج تعيننا على كتابة هذا العدد الكبير من المشاركات فارغها و ملآنها
لا سيما انها مشاركات تخلو من التوقيعات و الالوان و ثقيل الكلام مما يسر من امرها و جعلها بهذه الكثرة اللتي تراها
هذا ما كان من امري و قد يكون للآخرين رؤية مختلفة
اتمنى تكون اجابة مفيدة و شافية إلى حد ما

بلد ياااااااا بلد ....
بطلي الاستهبال و انتي عارفة الدرب

Quote: بلد ياااااااا بلد .... بطلي الاستهبال و انتي عارفة الدرب [/QUOTE بريء يابيه...

---

Post: #90 Title: Re: أسئلة بااااااايخة ... Author: إسماعيل حميم Date: 11-18-2008, 09:58 PM Parent: #87 Quote: اتكلمت في الحتة دي سابقا لكن تستاهل اعيدها ليك ود البشرى يا ود أخوي شكراً على إعادة الهدف الـ في (التمنيات) دا تكليف: طاما إنت أمدرماني وفي الشارقة وإتصالات كمان سلم لي على أخي الحبيب طارق عزالدين . . سمح مرفق محبتي إسماعيل حميم .

---

Post: #93 Title: Re: أسئلة بااااااايخة ... Author: عماد محمود علي Date: 11-19-2008, 07:07 AM Parent: #87 Quote: كرت الآي آر تي و يد البلاي ستيشن و اتصور معاهم سؤال بايخ برضو !! ليه الواحد بورينا الحاجات العنده بطريقة ملتوية ؟ يعني مايجي عديل يقول ياخي أنا عندي في بيتنا ألاية أر تي وجايب لي العيال بلاي ستيشن وجايب للمرأة سروتية وصندلية وحباستين وحلبي ... مالو الطريق الدقري بعتر للزول ولا كيف ؟ Quote: من سمستر لي كورس ويرك لي بروجكت بعدين سعال تااااني أبيخ من الأول : ليه الزول بيكتب بالعربي العديل ده بدل مايقعد يكتب لينا الانجليزي بالحروف العربية .. طيب من أول مايترجم كلامه ويجيبوا لينا بالعربي علشان نفهم حاجة ياخ .... غايتو قصتكم غريبة خلاااااص . سؤال ثالث بس غايتو أنا شايفه ما بايخ : ليه الهلالاب بطنهم طمت بعد هدف طمبل ؟ وليه يتعالى البرينس على الكنج ؟ مع أنه في قاموس العسكرية والحكومات دائماً الاحترام بكون موجود ، يعني النقيب بحيي الرائد والفريق بحيي المشير والامير بحيي الملك ... وود البشرى بحيي ود الصائم وكده يعني .... غايتو عالم فاضية سااااكت ... أنا عارف ح تسالني شنو ؟ اها بالله عليك سعالك ده ماتكتبوا لي هنا رسلوا على قول ود الصائم رسالة .. يرسلوك إنشاء الله لجنة من غير حساب .... خلاص واحد كده

---

Post: #89 Title: Re: أسئلة بااااااايخة ... Author: Rawia Date: 11-18-2008, 09:55 PM Parent: #1 دا ماسؤال بايخ في الاصل لكن لو عاوزين تختوهو في ا لكاتقوري بتاع بايخ مافي مانع ليه مجموعة مقدرة من البورداب الـ(nick name) بتاعم بالانجليزي كاتبين اساميهم بالـ(small letter) ______________________ سلام يامحمد البشرى

---

Post: #91 Title: Re: أسئلة بااااااايخة ... Author: محمد البشرى الخضر Date: 11-18-2008, 10:10 PM Parent: #1 بلد ... ما تعدلي اقفلي كوتك دا الله يرضى عليك و بلاش بريئ معاك حميم يا عمك ... يبلغ ان شاء الله - ح اسال منو بس لو وريتني في ياتو قسم تكون سهلتها علي راوية يا إنتي اها دا بالذات اجابتو انا عارفها كل النيك نيمس الجغمسة الحاصلة فيها دي من بكري تخيلي في رقبتوا كاتب اسمو بكرى بالالف المقصورة سؤال بايخ من وحي حركة عمك حميم البخليك تدخل بروفايل واحد تاني شنو؟ المعلومات الح تلقاها هل حتأثر في تعاطيك معاه او نظرتك او تقييمك ليه؟ ثم المعلومات البتلقاها ف البروفايل انت واثق من صحتها ؟ الحركة بتاعة تجيب كوت لبروفايل الزول في المداخلات و تعلق عليه معناها شنو بالضبط؟ و الفايدة من وراها شنو؟هل توجد فائدة اصلا ؟ كفاية ديل كان لقينا عليهن اجابة في غيرهن فيما يتعلق بالبروفايلات ______________________________ بوست الجلاعيم اتلحس خلي بالك , اها انتهى على شنو ؟ عرفتوهن شنهن ؟

---

Post: #92 Title: Re: أسئلة بااااااايخة ... Author: إسماعيل حميم Date: 11-18-2008, 10:36 PM Parent: #91 Quote: سؤال بايخ من وحي حركة عمك حميم البخليك تدخل بروفايل واحد تاني شنو؟ من وحي السؤال الأوحت به جركة حميم سؤال قبل التوضيح إنت كاتبو لي لو ماعاوز الناس تقرأه؟ أكتب البفكك من بكري بس!! الفضول لدخول بروفايلك حديثك عن صياعة ناس القانون والادآب . . والخ قلت نشوف الكلية الدرشتك دي حقت شنو؟ فضول من وحي الحكاية Quote: المعلومات الح تلقاها هل حتأثر في تعاطيك معاه او نظرتك او تقييمك ليه؟ ثم المعلومات البتلقاها ف البروفايل انت واثق من صحتها ؟ دوماً أفترض حسن النوايا حتى يثبت لي العكس مع إستصحاب عدم السذاجة عند الإفتراض! تسهيل: قال ليك عمك تلقاه في التدريب مرفق مودة شكلها قاعدة تنمو إسماعيل حميم .

---

Post: #94 Title: Re: أسئلة بااااااايخة ... Author: الأمين عثمان صديق محمد Date: 11-19-2008, 05:38 PM Parent: #1 Quote: اللمينز يا عمك ... انت من زمن الارقام المميزة ما خلاص بعد حركة اساسي و فتة نوبي الفلم اتحرق و فقد قيمتو يا عمك اكتب كتابتك ساي دا شنو يا ود البشرى اعمل ليك مداخلة معلقة كاملة ترد علي بي سطرين بس ( عارفهم اربعة انا شغال بالجوز ) وسيطيرين مدفوسين وسط الردود ايامك بقيت تكروتنا بالجملة عقابا ليك اخليها سطر واحد زي سيطير ملاسي والبيعة ذاتها خليتها كدي الاشوفك المرة دي كروتني

---

Post: #95 Title: Re: أسئلة بااااااايخة ... Author: نزار محمد عثمان Date: 11-19-2008, 07:17 PM Parent: #94 العزيز ود البشرى ود بلا عد ... (دة مش إنجليزي يا مرسي) أنا السؤال البايخ المحيرني هو كلمة الوووووووول دي. يعني لو الزول عارف إنها أ في الأصل إنجليزية (lol ) ترجمت حرفا بحرف (لول) ، وأنها أصلا اختصار للأحرف الأولى من (laugh out loud) ليه ما يكتبها كما كتبها أهلها. ولو ما عارف أصلها لماذا يستخدم ما لا يعرف... طبعا في كثيرين مقتنعين بأنها سودانية مائة بالمائة وممكن يغالطو في كدة.

---

Post: #96 Title: Re: أسئلة بااااااايخة ... Author: محمد البشرى الخضر Date: 11-19-2008, 09:11 PM Parent: #1 حميم يا عمك ... اسئلتي البايخة الاخيرة كانت من وحي جركتك فعلا لكن ما قصدت احملك عبء الرد عليها و شرحك لنفسك العفو يا عزيزي ان كنت لم احسن التعبير و لك العتبى لكن وقت اصلها البقت بقت اشكرك على التكرم بالتوضيح Quote: إنت كاتبو لي لو ماعاوز الناس تقرأه؟ أكتب البفكك من بكري بس!! ما قصة ما عايز الناس تقراه بل العكس اللمينز يااا معقول بس ياخ اكروتك دي بتجي و تعرف تعبير "عقابا ليك " دا ذكرتني بيه عمك بشرى خضر طوالي بستخدمه (أها سطر وربع - كيف كدا) دكتور نزار يا هلا ... اها انا من الناس الما كانوا عارفين سر لول دي شنو و الحمد لله سالت منها في واحد من اول البوستات الكتبتها و عرفت اصلها وإلا كنت تلقاني بغالط اسي عمدة الفارِش - من فُراش ... قلت لي قاشر انا بالايه آر تي و البلاي ستيشن حليلك ابوي انت من زمن بقشروبن , ثم البلاي ستيشن دي ياخوي ما لي حتوت لي ابوه في رقبتو الغريبة جملتك دي Quote: ياخي أنا عندي في بيتنا ألاية أر تي وجايب لي العيال بلاي ستيشن[U/] ما بتتسق مع سؤالك دا Quote: ليه الزول بيكتب بالعربي العديل ده بدل مايقعد يكتب لينا الانجليزي بالحروف العربية . و بالنسبة لي دا Quote: ليه الهلالاب بطنهم طمت بعد هدف طمبل ؟ اها ايه رايك انا كانت ماسكاني رجفة السنين من صباح يوم الكورة ما رقت و اتيقنت إلا بعد قون طمبل طبعا الرد الغريب المفكك دا الطلع بعد عمليات التنقيح و الحذف و التعديل الكتيرة الاجريتها على الفيرشن الاول الكتبتو في ساعتو لما مزاجي كان عكران راوية .... رديت عليك فوق عارف لكن الشوق غالب اسوي شنو ؟ _______________________________________ يا خوانا الله يرضى عليكم الاسئلة البايخة دي ما تاخدوها شخصية حتى لو تطابقت الحالة الامر عام عااااااااااااااااااام وكدا

---

Post: #97 Title: Re: أسئلة بااااااايخة ... Author: Rawia Date: 11-19-2008, 10:00 PM Parent: #1 Quote: راوية .... رديت عليك فوق عارف لكن الشوق غالب اسوي شنو ؟ وانا كمان... شديد عارف انا مابلوم بكري مع انه عارفة انه عندو نك نيم بتاعه كدا bakri لكن انت لو طلبت التغيير بيغيروهو ليك وفي ناس كتار غيروا اسماءهم زي الفاضلابي لانه الحتة ماشالت واسمه جا ناقص خدر برضو غير اسمه يعني الحكاية ممكنة وكمان كتابة الاسم بالانجليزي وبدايته سمول ليتر غلط ... غلط كبير بالظبط زي كتابته بتهجئة غلط

---

Post: #98 Title: Re: أسئلة بااااااايخة ... Author: عماد محمود علي Date: 11-20-2008, 06:33 AM Parent: #97 Quote: الفيرشن الاول الليلة ووووووووووووب ... برضه عالم تحير والله .....

---

Post: #99 Title: Re: أسئلة بااااااايخة ... Author: osman righeem Date: 11-20-2008, 06:53 AM Parent: #1 عمودي يا حبيب كيفك شايفك قاعد في بوست وضاحه \ميادة لكن من باب البياخه قلت اسألك هنا اها الغالية وضاحه دكتور في شنو ؟ من باب العلم لاشئ عماد يا حبيب خليك بالبيت

---

Post: #100 Title: Re: أسئلة بااااااايخة ... Author: محمد البشرى الخضر Date: 11-20-2008, 01:28 PM Parent: #1 يا حليلك يا راوية انتي من زمن بكري بتطلب منو حاجة و يسمع كلامك و يرد ليك عييييييق - يا قول اشرف عمدة ... Quote: عالم تحير والله ..... بِس روغيم يا عمك .. Quote: اها الغالية وضاحه دكتور في شنو ؟ من باب العلم لاشئ عاد جنس بياخة سؤال .. _______________________________________________ يا خوانا عماد الطيب داير يقول شنو بالضبط ؟

---

Post: #102 Title: Re: أسئلة بااااااايخة ... Author: osman righeem Date: 11-20-2008, 04:43 PM Parent: #100 Quote: يا خوانا عماد الطيب داير يقول شنو بالضبط ؟ هس الله يسألك الخليفة \ عماد الطيب جاء هنا هو كان ما درون كلنا قلنا عماد مغنية؟

---

Post: #101 Title: Re: أسئلة بااااااايخة ... Author: محمد البشرى الخضر Date: 11-20-2008, 01:38 PM Parent: #1 سؤال بايخ حبة كدي ... للناس البختوا الايقونة الكريهة دي ... القصد منها شنو ؟ ديل و غيرهن واضحات و دلالاتهن كذلك لكن الوردة البتفتح و تقفل براها دي حيرتني جدا لو في تفسير الحقونا بيه الله يرضى عليكم بنفس المستوى دي ما عرفتها شنو نظام " يا عم قدام معاك " ولا كيف ؟ طبعا وش حمودي الاخدر البلف ووش تمبس الزعلان ما دايرات شرح مودتي وكدة ________________________________ بلة موسى لكن ما مااااا بسالك

---

Post: #103 Title: Re: أسئلة بااااااايخة ... Author: محمد البشرى الخضر Date: 11-21-2008, 08:24 AM Parent: #1 شنو يا شباب Quote: للناس البختوا الايقونة الكريهة دي ... يعني إلا نقول فلان و علان بالاسم يلا يا هاشم ما راجينك و كدا _______________________________ بت عمي الف مبروك جدا فرحت ليك و الله والله لولا انو حركة تفتح بوست بالاسم دي كترت و مسخت كنت سويت ليك واحد

---

Post: #104 Title: Re: أسئلة بااااااايخة ... Author: محمد البشرى الخضر Date: 11-23-2008, 07:38 PM Parent: #1 طيب ديلاك خلوهن وقت ما في زول داير يجاوب دي لزومها شنو ؟

---

Post: #105 Title: Re: أسئلة بااااااايخة ... Author: محمد عبد الماجد الصايم Date: 11-23-2008, 07:45 PM Parent: #1 بتباركـ لي بت عمكـ شنو يا دخلنا الموضوع يا أبلعا براكـ بالمناسبة أنا أمس جاني سؤال بايخ كدا لكن نسيتو هسي! دا بيتخيل لي مقصود بيهو نص نص!

---

Post: #106 Title: Re: أسئلة بااااااايخة ... Author: محمد عبد الماجد الصايم Date: 11-23-2008, 07:47 PM Parent: #1 سوعال بايخ أنا اليومين ديل رايحة لي طاقية ولا الحاصل شنو؟

---

Post: #107 Title: Re: أسئلة بااااااايخة ... Author: محمد البشرى الخضر Date: 11-23-2008, 07:55 PM Parent: #106 يا عمك الرايح ليك ما شوية ... انسى بس المهم ورينا رؤيتك في موضوع الوردة , شايفها عاجباك وكدا

---

Post: #109 Title: Re: أسئلة بااااااايخة ... Author: محمد عبد الماجد الصايم Date: 11-23-2008, 08:20 PM Parent: #107 يا عمكـ الوردة دي أنا قاعد استخدمها لناس محددة بس! ناس زي الورد بتستاهل الورد! لكن عمكـ هاشم شوف وضعوا شنو ياخ أنا جادي في سؤال الطواقي دا! بالذات طاقية عصام جبر الله!

---

Post: #111 Title: Re: أسئلة بااااااايخة ... Author: محمد البشرى الخضر Date: 11-23-2008, 08:39 PM Parent: #109 Quote: بالذات طاقية عصام جبر الله! ياتها دي ؟ اوعى تكون قاصد مال آسات ما قلنا ليك مقاسك طاقية نقريطة ياخ

---

Post: #112 Title: Re: أسئلة بااااااايخة ... Author: محمد عبد الماجد الصايم Date: 11-24-2008, 10:10 AM Parent: #111 Quote: اوعى تكون قاصد مال آسات آسات شنو ياخ! طاقية الفاضلابي!

---

Post: #108 Title: Re: أسئلة بااااااايخة ... Author: osman righeem Date: 11-23-2008, 08:16 PM Parent: #1 يا عمك ك مش بيقولو ليك حركة في شكل ورده اها ياها دي الوردة العاملة زي كير الحداد سعال نص بايخ انت شلن الهلال ده مافيهو طره ليه الوجهين كتابه

---

Post: #110 Title: Re: أسئلة بااااااايخة ... Author: محمد البشرى الخضر Date: 11-23-2008, 08:26 PM Parent: #108 يا عمك ... صحي سؤال بايخ دي ما مفروض يسؤلوا منها الهلال زعماء بس الطرورات بي غادي

---

Post: #113 Title: Re: أسئلة بااااااايخة ... Author: محمد أبوالعزائم أبوالريش Date: 11-24-2008, 11:59 AM Parent: #1 أبو حتوت يا عمك .... تعرف أسئلتك دي .. مش مرات واحد من الولهانين يسمع قصيدة من نوع "يا الطعنتي قلبي بي سكين" والذي منه، يقوم يقول ليك آآآآآه أنا ذاتي. أو واحد تحكي ليهو مشكلة بتعاني منها يقوم يقول ليك "ما بتلحقني". أها أسئلتك دي ...... أنا زاااتي .. يعني بتعبّر عننا وكدة. __ بس سؤال ليك إنت وود الصايم .. الشلن بتاع الهلال ده ما لفيتو بيهو راسنا .. والواحد ما يعرف المداخلة منك والاّ من ود الصايم. بس جاوب إجابة جادة وما تقول لي (ده ما سؤال) .. أنا سؤالي كده .. مش على كيفي؟ تحياتي ...... (دي فيها مشكلة)؟

---

Post: #114 Title: Re: أسئلة بااااااايخة ... Author: سارة علي Date: 11-24-2008, 03:09 PM Parent: #1 مع انها جات متاخرة لكن تسلم يا ود العم... اسمع ... ولا دي خليها بعدين

---

Post: #115 Title: Re: أسئلة بااااااايخة ... Author: محمد البشرى الخضر Date: 11-25-2008, 09:14 AM Parent: #1 هلا ابو الريش ... Quote: أنا سؤالي كده .. مش على كيفي؟ بالحيل على كيفك ابوي أسال ولا يهمك وتعرف سؤالك دا بقودني لسؤال -بايخ بالطبع - عن وضع صورة عضو آخر في بروفايلك الفهم شنو ؟ تضامن , شوق , كسير تلج , محبة , قشرة و لا كيف يعني؟ بت العم ... متأخرة خير من ان لا تأتي ابدا بعدين انا عرفت متاخر برضك و اللوم عليك وعلى عمي ________________________________________ سؤال بايخ - كالعادة ... الحركة بتاعة " حتما سأعود " و " لي عودة" و ما إليها هل فعلا الناس البكتبوها بعودوا ؟ ولا القصة فض مجالس؟ طيب إذا عاد لزومو شنو الاعلان عن العودة المرتقبة نظام تصبير يعني ولا كيف؟ و إذا ما عاد مش يبقى منظرها ما لذيذ وكدا ؟ وهل الزول البكتبوها ليه بياخدها على محمل الجد؟ و إذا أخدها بجدية و صاحبنا ما رجع ليه يتصرف كيف في الحالة دي ؟ يلاقيه في حتة تانية يسألو ولا يرسل ليه مسنجر؟ بايخة عارفها استحملونا شوية قربت تخلص

---

Post: #116 Title: Re: أسئلة بااااااايخة ... Author: محمد البشرى الخضر Date: 12-13-2008, 10:31 PM Parent: #1 سلام للجميع و عيد مبارك آخر سؤال باااااايخ - تقريبا ملاحظ الحرص الشديد على الكاميرات و التصوير في لقاءات البورداب المختلفة احيانا يجيك ظن انو البورداب مخصوص بتلاقو عشان البوست و الصور - ما علينا و من الملاحظات ايضا وجود اللابتوبات و الموادم الواير لس , السؤال هنا ماهي ضرورة وجود لاب توب في افطار رمضان او رحلة او اي لقاء كان؟ هل عشان بورداب و منتديات و العامل المشترك بينهم هو النت و كدا يعني ولا كيف؟ طيب لو تجار الكرين مثلا عملوا رحلة كل واحد ح يجيب معاه عربية عربيتين ؟ لو دكاترة عملو إفطار جماعي ح يحرصوا على أن تكون السماعات و اجهزة قياس الضغط و البالطوهات موجودة ؟ ولا لو لعيبة فريق كورة معزومين غدا هل ح يجيبوا كور و كدارات و فنايل معاهم؟ ________________________________________ اسي مازدا دا مالو كمان ؟

---

Post: #117 Title: Re: أسئلة بااااااايخة ... Author: عبدالوهاب علي الحاج Date: 12-14-2008, 03:32 PM Parent: #1 Quote: و من الملاحظات ايضا وجود اللابتوبات و الموادم الواير لس , السؤال هنا ماهي ضرورة وجود لاب توب في افطار رمضان او رحلة او اي لقاء كان؟ احي انا انت حارقك وين ؟ يتبع* __________________________ * ما حقت طلحة

---

Post: #118 Title: Re: أسئلة بااااااايخة ... Author: محمد البشرى الخضر Date: 12-14-2008, 03:53 PM Parent: #117 وهبة ... قوام كدا لبستها ما تضايق أبوي

---

Post: #119 Title: Re: أسئلة بااااااايخة ... Author: Muna Khugali Date: 12-14-2008, 08:46 PM Parent: #118 كل سنه وانت واسرتك طيبين يا ود البشري.. وكذلك زوارك..

---

Post: #120 Title: Re: أسئلة بااااااايخة ... Author: محمد عثمان ابراهيم Date: 12-15-2008, 04:02 AM Parent: #119 و سؤال تاني يا ود البشرى عينة الناس المتخصصة في نقل المقالات من المواقع الأخرى ( عمال على بطال) زى واحد متخصص في جريدة الشرق الأوسط و موقع بي بي سي بالعربي . كل يوم بيفتح عدة بوستات من نوع: مش عارف كدة إيه .. توماس فريدمان و مش عارف كدة إيه .. بول كروغمان .................... إيه جي ديون واشنطن بوست ( مع إنو منقول من الشرق الأوسط ) إقتراحي في القضية دي إنو يفتح بوست بإسم قرأت اليوم في الشرق الأوسط و بي بي سي و يرفع البوست دة كل يوم بالمقالات اللي بيقراها ( أو بينقلها لينا بدون ما يقراها) * __________________________ بالمناسبة دة واحد تاني غير بتاع سودانايل داك!

---

Post: #121 Title: Re: أسئلة بااااااايخة ... Author: عبدالله كع Date: 12-15-2008, 10:33 AM Parent: #1 ابو حتحوت .. ما ملاحظ حاجه من مدة كدي ... انو نكير اتنازل ليك من من منصبو في طرح الاسئله !! للعامه .. والقطيع .... واللا دي حالة ما بعد الاعياد ؟

---

Post: #122 Title: Re: أسئلة بااااااايخة ... Author: محمد البشرى الخضر Date: 12-15-2008, 03:46 PM Parent: #1 منو ... كل سنة وانتِ وطيبة كيف أحوالك عساك بخير محمد عثمان إبراهيم يا عمك إزيك وكدا ياخوي شغلانيتك دي ماها طاقية دا قميص عامر عديل كع يا عمك ... قلت لي Quote: ما ملاحظ حاجه من مدة كدي ... انو نكير اتنازل ليك من من منصبو في طرح الاسئله !! عشان كدا عملت ميت من إجابة سؤال تفرد الإمتداد وكدا يا لئيم

---

Post: #123 Title: Re: أسئلة بااااااايخة ... Author: محمد البشرى الخضر Date: 12-15-2008, 08:31 PM Parent: #1 دي يا شباب ملاحظة بايخة اكتر منها سؤال قاليك العضو الموقف - سواء مهكر او راكب تونسية - تظهر تحت بروفايلة العلامة دي () القوسين المقفولات كما في صورة الزملاء دي و في الحالة الطبيعية تكون العلامة عبارة عن نقطة كما في الصورة ادناه - ممكن كل واحد يراجع بروفايلو و يتاكد الملاحظة الغريبة الشباب ديل علامتهم نقطتين دونا عن كافة اهل البورد - الغير موقوفين السؤال - البايخ - البطرح نفسو هنا : ليــــه؟ إشمعنـــــى ؟ والله ولي التوفيق

---

Post: #134 Title: Re: أسئلة بااااااايخة ... Author: انعام عبد الحفيظ Date: 12-16-2008, 01:56 PM Parent: #123 Quote: السؤال - البايخ - البطرح نفسو هنا : ليــــه؟ إشمعنـــــى ؟ يكونوا واقفين كويس في الصف

---

Post: #136 Title: Re: أسئلة بااااااايخة ... Author: Emad Abdulla Date: 12-16-2008, 03:27 PM Parent: #123 نقاطك زايد نقاط السني و نقاطي .. يساوي سبعة !! أسألني قول لي كييييييييييييييف ؟؟!!! .... Quote: ليــــه؟ إشمعنـــــى ؟ مش شغلك .

---

Post: #124 Title: Re: أسئلة بااااااايخة ... Author: عبدالله كع Date: 12-15-2008, 08:58 PM Parent: #1 Quote: عشان كدا عملت ميت من إجابة سؤال تفرد الإمتداد وكدا يا لئيم دو البشري ياقلب .. احسن ارد ليك في الفجه دي قسما بالله العظيم .. بحترمك قدر ده ( اشار بكفيه متباعدتين , ومشتح الاصابع ) ,,,,,,,,,, يا زول الامتداد حي شعبي زيو زي اي احي شعبي في الخرطوم ولكن التميز والتفرد في ناسو . وعلاقاتهم , الحميميه التي تربطهم , والاخاء الذي يعشونه والاحترام بين اجياله السابقه واللاحقه (((وانهم كالجسد الواحد اذا اشتكي منه عضو تداع له سائر الجسم بالسهر والحمي ))) يا باشمهندس : في اجازتك القادمه انشالله تمشي وتدي المتفرد طله .. .. قطع شك حاتجي تقول داير لي فيه انشالله بيت نمل - متفرد -

---

Post: #125 Title: Re: أسئلة بااااااايخة ... Author: محمد البشرى الخضر Date: 12-15-2008, 09:32 PM Parent: #124 عك يا عمك (عك دي عشان دو البشرى) اها قلت لي متفرد بي ناسو وعلاقاتهم هممممممم ما زابطة يا عمك اي نعم العلاقات مميزة و قوية واي شي لكن ما متفردة اقرب شي عندك الصحافة مثلا او خلي الصحافة شمبات دي اهل عديل يعني التفرد هنا ما راكب , حاول مرة اخرى او استعين بصديق بيني و بينك كدا الشفا انضرب ايام كلنتون

---

Post: #126 Title: Re: أسئلة بااااااايخة ... Author: عبدالوهاب علي الحاج Date: 12-15-2008, 09:36 PM Parent: #1 Quote: عك يا عمك (عك دي عشان دو البشرى) اها امنت بالله فوت ليك حاجة يامسلم ما معقول ياخ !!!!

---

Post: #127 Title: Re: أسئلة بااااااايخة ... Author: محمد البشرى الخضر Date: 12-15-2008, 09:59 PM Parent: #126 ياخ ما فوَّت البشري البالياء دي

---

Post: #128 Title: Re: أسئلة بااااااايخة ... Author: عبدالوهاب علي الحاج Date: 12-15-2008, 10:04 PM Parent: #1 Quote: ياخ ما فوَّت البشري البالياء دي برضو كتر خيرك

---

Post: #129 Title: Re: أسئلة بااااااايخة ... Author: عبدالله كع Date: 12-15-2008, 10:27 PM Parent: #1 ( ود ) البشري خلينا في المتفرد حقنا .. بوش ادهو بالجزمه ويستاهل معاها شلوت كمان Quote: شمبات دي اهل عديل ديل اهل جدجد .. زي ناس ام دقرسي كلهم اولاد اعمام وخالات بس المتفرد لامي السودان الكلو ومتلاحمين اكتر من الاهل وعشان تكون متفرد ... شوف بيت هناك .. يا ( ود) البشري

---

Post: #130 Title: Re: أسئلة بااااااايخة ... Author: محمد البشرى الخضر Date: 12-16-2008, 05:50 AM Parent: #129 طيب يا كع وقت متلاحمين قدر دا لمن متفردين مالها آمنة كريم جهجهت باكاتكم كدا

---

Post: #131 Title: Re: أسئلة بااااااايخة ... Author: عبدالله كع Date: 12-16-2008, 07:16 AM Parent: #1 البشري صباحك Quote: مالها آمنة كريم جهجهت باكاتكم كدا السؤال ده برضو بايخ .. وبايخ للطيش امنه كريم .. ما زي نسرين سوركتي لمن دخلت المنبر القعد ليها في الواطه منو من القطيع ... ما كل القطيع كان واقف علي كراع وااااحده .. وبعد الشتات المزري حتي باكات بكري .. وقالو يا ريت اللجري ماكان .. وبيني وبينك كانت

---

Post: #132 Title: Re: أسئلة بااااااايخة ... Author: محمد البشرى الخضر Date: 12-16-2008, 07:52 AM Parent: #131 يا معلم ... Quote: السؤال ده برضو بايخ .. وبايخ للطيش معليش استحملني شوية يا عزيزي خليني من باقي العالم انت قلت سبب تفرد حي الإمتداد تلاحم و تعارف سكانه يقوم أجي انا اقول ياخ انا ساكن فلان مكان فلان مربع فلان بيت بالرقم و الوصف وأي شي زول فيكم يا المتفردين بالتلاحم يقول لي عينك في راسك مافي عاد دا كلام دا

---

Post: #135 Title: Re: أسئلة بااااااايخة ... Author: انعام عبد الحفيظ Date: 12-16-2008, 02:11 PM Parent: #132 Quote: يا عزيزي خليني من باقي العالم انت قلت سبب تفرد حي الإمتداد تلاحم و تعارف سكانه يقوم أجي انا اقول ياخ انا ساكن فلان مكان فلان مربع فلان بيت بالرقم و الوصف وأي شي زول فيكم يا المتفردين بالتلاحم يقول لي عينك في راسك مافي عاد دا كلام دا هههههههههههه هى لكن الشاويش عطية أدتها فرصة ــــــــــــــــ والعجب هسه كمان سوت ليها عربية تمشي تفتش أي مكان

---

Post: #133 Title: Re: أسئلة بااااااايخة ... Author: osman righeem Date: 12-16-2008, 11:52 AM Parent: #1 يا عمك مشتاقون سؤال عادي امنة عبدالكريم قريبة محمد ناصر؟

---

Post: #137 Title: Re: أسئلة بااااااايخة ... Author: محمد عبد الماجد الصايم Date: 12-16-2008, 03:57 PM Parent: #133 Quote: امنة عبدالكريم قريبة محمد ناصر؟ أخوان في المكنات يا عمكـ

---

Post: #138 Title: Re: أسئلة بااااااايخة ... Author: حمور زيادة Date: 12-16-2008, 04:02 PM Parent: #137 سؤال بايخ الزول لما يكون بغيض بيكون حاسي بشنو ؟

---

Post: #139 Title: Re: أسئلة بااااااايخة ... Author: محمد البشرى الخضر Date: 12-16-2008, 07:33 PM Parent: #1 نعوم ... يعني ما عندها علاقة بي مبدعين وما مبدعين وكدا كل سنة وانتي طيبة و القابلة عل أمنياتك عمدة ... أستاهل انا لكن اريتني كان خليتك في "مأزوميتك" اها سالتك كييييييييف؟ روغيم يا عمك .. والله لقيتك بتاع أسئلة بايخة كيف ؟ مالك ومالو ياخ عاطس ليك في راسك لاحظتها كيف ؟ انا ميت بيها من أمس براي حمووودي.. مالك غيرت الصورة الشينة بتاعتك أوعى تكون اتحسست من ناس وهبة حمور ياخوي غنت لسة ما شديد قريت ليك مداخلة عجيبة في مكان عجيب فيها لنك بودِّي ما بجيب لكن شايفك لحقتها بت عمي ... اها ضحكت هاهاهاهاها يا بت روقي و egal سلمي على عمي و قول ليه مشتاقين و إن شا الله بس متابع

---

Post: #140 Title: Re: أسئلة بااااااايخة ... Author: عبدالعزيز الفاضلابى Date: 12-16-2008, 07:58 PM Parent: #139 سؤال بايخ جدا,, انت صلاح ادريس ده داير من طمبل شنو???

---

Post: #141 Title: Re: أسئلة بااااااايخة ... Author: حمور زيادة Date: 12-16-2008, 08:03 PM Parent: #139 Quote: حمور ياخوي غنت لسة ما شديد قريت ليك مداخلة عجيبة في مكان عجيب فيها لنك بودِّي ما بجيب بغض النظر عن الغنت ما شديد دي هي شنو فاللينك داك حيرني انا زاتي انا كنت عامل كوتيشن لكلام شول .. و عملت ليو ارسال و مرقت من الصفحه جيت حايم القى ليك نسويين و كلام عجيب كده .. قربت اعمل زي بقال و افتح بوست اقول فلان هو الهكر و عندي الدليل لكن غايتو اظن ربنا سلم احتمال يا ود البشرى احتاج اغتال الشهود .. اعمل حسابك

---

Post: #142 Title: Re: أسئلة بااااااايخة ... Author: عبدالله كع Date: 12-16-2008, 08:48 PM Parent: #1 قد يتحول البوست دراماتيكيا .. للسؤال الاتي: لماذا امنه(امين) عبدالكريم دقس/ت شباب الامتداد ؟؟ وسؤال في قمة البايخه والغتاته ...!! Quote: عاد دا كلام دا هي / هو دقس/ت المنبر كلو يا خينا .. وندين للشاويش عطيه بالجميل .. كرهتنا ..

---

Post: #143 Title: Re: أسئلة بااااااايخة ... Author: osman righeem Date: 12-16-2008, 09:15 PM Parent: #1 Quote: روغيم يا عمك .. والله لقيتك بتاع أسئلة بايخة كيف ؟ مالك ومالو ياخ عاطس ليك في راسك قريت مداخلتك يا عمك جريت بي هناك لقيتك معاين من الشباك و ما اتناولت حاجه ما كان تخد ليك عطسه ولا سفه

---

Post: #144 Title: Re: أسئلة بااااااايخة ... Author: محمد البشرى الخضر Date: 12-16-2008, 09:15 PM Parent: #1 فاضلابي يا عمك ... كل سنة وانت طيب ياخ و القابلة على امنياتك إن شاء الله صلاح ادريس دا بتاع جاكات كبير خلي بالك يا كمان تكون حركة منو داير يشغلكم بيها إلى حين زيادة يا عمك ... ياخي ما شفت وهبة فوق قال المسلم يفوت مرة واحدة , فوتها ياخ لكن ياخوي مداخلتك ديك مقروءة مع سؤالك البايخ هنا ما على عديلها كع يااااااااااااااا عمك ... Quote: كرهتنا علي اليمين كرهتني إنت و بطيت جبدي* كدي امشي معاي واحدة واحدة سالتك ابوي عن سبب عنونة البوست بالامتداد الحي المتفرد , شنو هو سبب اطلاق صفة المتفرد على حي الإمتداد قلت لي - فيما معناه - التلاحم و التعاضد و العلاقات الأسرية بين سكانه قلت ليك دي ما حاجة بتفرد بيها الإمتداد و ضربت ليك مثل بالصحافة و شمبات قلت لي شمبات اهل وانا مالي الخدار طلع لوداري لكن الإمتداد الناس ما عندهم صلة قرابة لكن متعاضدين و متلاحمين و كدا قلت ليك طيب ياخي ناس متلاحمين قدر دا كيف تمر عليهم جاكة آمنة كريم قلت لي البورد كلو بي بكريه مرت عليك قلت ليك - و تاني بقول ليك - كونو يجي من يقول انا ساكن في مربع خمسة ورا لذيذ و لا شنو ما بعرفو داك و بيتنا رقم كدي وما في زول من الناس القالوا متلاحمين و متعاضدين و علاقاتهم اسرية يقول ليها لأ يبقى في تناقض هنا بالتالي لا يستقيم ان يكون دا هو سبب إطلاق التفرد على الإمتداد ابوي انا استعين بصديق و تحديدا جبريل صاحب التسمية أو اديك انا هنت - يمكن متفرد بمركز سمير مثلا أو سوق الندا او اكبر كمية بورداب بكايين ...... إلخ إلخ اححححححححح قومت نفسي ياخ في البرد دا * خليجي ... تفيد فقعت مرارتي و هردت كبدتي

---

Post: #145 Title: Re: أسئلة بااااااايخة ... Author: عبدالوهاب علي الحاج Date: 12-16-2008, 09:25 PM Parent: #1 Quote: خليجي ... تفيد فقعت مرارتي و هردت كبدتي ياعمك شايفك الايامات دي عملت ليك ضنبية زي بتاعة ابورزقة الفهم شنو يعني ؟

---

Post: #146 Title: Re: أسئلة بااااااايخة ... Author: محمد البشرى الخضر Date: 12-16-2008, 10:06 PM Parent: #145 روغيم يا عمك ... لا شاركت في الصفحة الأولى حكيت قصة الكونكشن التسعة ساعات في مطار البحرين الحاجة الما ذكرتها بعد المقيل المتعب دا كمان تخش النت تلقى واحد مشتمك غايتو اليوم داك فشيت فيه مغسة الرحلة كلها وهبة ... الفهم انك جديد ياخوي وما متابع لكن ما انتهيت مني وكدا بالمناسبة دي

---

Post: #147 Title: Re: أسئلة بااااااايخة ... Author: عبدالله كع Date: 12-17-2008, 08:27 PM Parent: #1 Quote: كع يااااااااااااااا عمك ... Quote: كرهتنا علي اليمين كرهتني إنت و بطيت جبدي* كدي امشي معاي واحدة واحدة سالتك ابوي عن سبب عنونة البوست بالامتداد الحي المتفرد , شنو هو سبب اطلاق صفة المتفرد على حي الإمتداد قلت لي - فيما معناه - التلاحم و التعاضد و العلاقات الأسرية بين سكانه قلت ليك دي ما حاجة بتفرد بيها الإمتداد و ضربت ليك مثل بالصحافة و شمبات قلت لي شمبات اهل وانا مالي الخدار طلع لوداري لكن الإمتداد الناس ما عندهم صلة قرابة لكن متعاضدين و متلاحمين و كدا قلت ليك طيب ياخي ناس متلاحمين قدر دا كيف تمر عليهم جاكة آمنة كريم قلت لي البورد كلو بي بكريه مرت عليك قلت ليك - و تاني بقول ليك - كونو يجي من يقول انا ساكن في مربع خمسة ورا لذيذ و لا شنو ما بعرفو داك و بيتنا رقم كدي وما في زول من الناس القالوا متلاحمين و متعاضدين و علاقاتهم اسرية يقول ليها لأ يبقى في تناقض هنا بالتالي لا يستقيم ان يكون دا هو سبب إطلاق التفرد على الإمتداد ابوي انا استعين بصديق و تحديدا جبريل صاحب التسمية أو اديك انا هنت - يمكن متفرد بمركز سمير مثلا أو سوق الندا او اكبر كمية بورداب بكايين ...... إلخ إلخ اححححححححح قومت نفسي ياخ في البرد دا * خليجي ... تفيد فقعت مرارتي و هردت كبدتي انت براك المقوم نفسك يا قريبك .. من اسئلتك المسيخه .. والجرجرة الما ليها حد !! بعد الاستعانه بي جبريلا ... نامل تدينا ساعه من اول اجازة للسودان .. في المتفرد يا زول . وبعدين صحافة شنو و شمبات منو البتقارينهم بالمتفرد ؟؟!! و في اللفه الاخيرة .. جاني شلل اطفال !!

---

Post: #148 Title: Re: أسئلة بااااااايخة ... Author: Emad Abdulla Date: 12-17-2008, 08:35 PM Parent: #147 ممكن نسأل بالله ؟

---

Post: #149 Title: Re: أسئلة بااااااايخة ... Author: Rihab Khalifa Date: 12-17-2008, 08:45 PM Parent: #1 Quote: لاحظتها كيف ؟ انا ميت بيها من أمس براي القال ليك منو يا ود البشري؟

---

Post: #150 Title: Re: أسئلة بااااااايخة ... Author: محمد البشرى الخضر Date: 12-17-2008, 09:10 PM Parent: #1 كع يا عمك ... لا خلاص عرفت الإجابة تخيل طلعت قريبة من ديل Quote: يمكن متفرد بمركز سمير مثلا أو سوق الندا او اكبر كمية بورداب بكايين ...... إلخ إلخ طلعت انو الإمتداد متفرد بالبورداب البرايين ... تصور عمدة ... أسأل ابوي .... اسال لكن ماااااا بسألك دكتورة رحاب ... طيب وقت ملاحظة قدر دا ما تردي

---

Post: #151 Title: Re: أسئلة بااااااايخة ... Author: osman righeem Date: 12-17-2008, 09:30 PM Parent: #150 Quote: بالبورداب البرايين انت ما عارف براني معناها مزور \ مقلد \ تايواني ولا تكون قاصد امنه ومحمد ما بايخ موش

---

Post: #152 Title: Re: أسئلة بااااااايخة ... Author: عبدالله كع Date: 12-17-2008, 09:53 PM Parent: #1 Quote: طلعت انو الإمتداد متفرد بالبورداب البرايين ... تصور نحمدالله ... انك عرفت انو متفرد .. الداخل واللا الخارج ...... مافاااااااااااارقه يا قريبك

---

Post: #153 Title: Re: أسئلة بااااااايخة ... Author: عبدالله كع Date: 12-17-2008, 09:57 PM Parent: #1 Quote: ولا تكون قاصد امنه ومحمد رغيم .. امنه عرفناها .... وورتنا المكشم بلا بصل ( ما برانا ) محمد ده منو ؟؟؟

---

Post: #156 Title: Re: أسئلة بااااااايخة ... Author: osman righeem Date: 12-25-2008, 00:12 AM Parent: #153 محمد ياخ جاي في السكه مع السمؤل

---

Post: #154 Title: Re: أسئلة بااااااايخة ... Author: محمد البشرى الخضر Date: 12-23-2008, 09:33 PM Parent: #1 أحييييي يا قلبي هسي الواحد كان عندو تعليق إبن كلب شمارو حامض و طعميتو بي نارها لكن مشكلتو ممكن يتفهم غلط يزعّل منك ناس حلوين أو على الأقل ما حصل سألوك تتصرف كيف؟ يتخيل لي تموت بيه احسن او تضرب لحمووودي بالليل دا تزعجو لكن مشكلتو خشمو خفيف بجي بكرة بفتّو ليك هنا زي الماحصل شي مشكلة .. ما علينا اها يا روغيم قلت لي محمد برضو فكاها في ناس الإمتداد الحكاية شنو ؟ خلي بالك الناس ديل على البكا العليهم طيبين خلاس كع يااااا عمك Quote: وورتنا المكشم بلا بصل ( ما برانا ) براكم يا خوي إحنا شفنا البصل

---

Post: #155 Title: Re: أسئلة بااااااايخة ... Author: osman righeem Date: 12-24-2008, 05:53 AM Parent: #1 يا عمك صبحك الله بالخير Quote: خلي بالك الناس ديل على البكا العليهم طيبين خلاس ما هو المشكلة كل الناس هنالك بتعرف بعض فلمن يجي واحد\ه يقول انا من الامتداد منو البيقدر يقول انا ماب اعرف ناس الامتداد ويخت نفسه في خانة عدم التشبع بالروح الامتداديه و الكل يقول تجي من غيري مالي علي كده بس حالة البكا دي كنت قايل انها بتجي في سن متأخرة شويه لكن الظاهر انها من متلازمات التفرد بالمناسبة حمودي من الامتداد؟ شايفو بيتشاعر بي هناك حصلوا بي كلينكس