من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟

من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟


05-09-2008, 02:17 PM


  » http://sudaneseonline.com/cgi-bin/sdb/2bb.cgi?seq=msg&board=355&msg=1252051456&rn=39


Post: #1
Title: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-09-2008, 02:17 PM
Parent: #0

افهم ان تختلق شخصية سايبرية وهمية لا وجود لها على ارض الواقع لأسباب تخصك
او لتأخذ حريتك من قيود المجتمع المفروضة على شخصيتك
او مراعاة لمشاعر آخرين يهتمون لمرك
او حتى لتنال من خصوم لك تخشى ان تواجههم بشخصك
او هكذا فهمك للمنتديات السايبرية و حدودها
او ساي بس

لكن اللذي لا افهمه لماذا الإصرار على إضفاء حياة حقيقية على هذه الشخصيات المختلقة
لماذا خلق علاقات و تواصل - خارج إطار المنتدى - مع آخرين بالاسم الوهمي
و إختلاق تاريخ و تفاصيل حياة و علاقات و ذكريات و العيش بها و التواصل - او الخداع على الأصح - للآخرين
هل هو خبث طوية ام مرض نفسي ام مآرب اخرى ؟

Post: #2
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: حيدر حسن ميرغني
Date: 05-09-2008, 02:23 PM
Parent: #1

والله يامان كلامك تمام

بس البقنع الناس دي شنو

المشكلة الواحد تلقاهو (جلك) وسنونو مكسرات وعامل فيها مفطوم امبارح








__
على فكرة نوبينا برة التصنيف بتاعك ده

Post: #3
Title: Re: من خالد السر لآمنة كريم لعباس الجاك لـ؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-09-2008, 02:24 PM
Parent: #1

عفوا للخطا في العنوان
المقصود عباس الجاك الإسم المستخدم في الفضيحة الأخيرة

Post: #4
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: محمد عبد الماجد الصايم
Date: 05-09-2008, 02:25 PM
Parent: #1

عباس الجاك يا عربي



يا كائنات
ما تبطل اللفحي بتاعك دا
وبعدين خلص الغسيل برااحة
بعدين بث أفكارك المشتتة دي هنا
اللاحق ليها شنو


أبوي أنا

Post: #6
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: على محمد على بشير
Date: 05-09-2008, 02:34 PM
Parent: #4

هؤلاء كلهم ومن هم على شاكلتهم
يعانون من مرض نفسى لا يصعب علاجه
ان هم اعترفوا بانهم مرضى اولا
ومن ثم طلب المساعده ثانيا

ياعمك

الضو قدم الخير دا منو ؟ !!

Post: #5
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: محمد عبد الماجد الصايم
Date: 05-09-2008, 02:32 PM
Parent: #1

وبعدين يا عمك

لمن قلنا الكلام دا زماااان عملت لينا فيها كسور وبواقي
وسليكة الشليقة عملت ليها بوست قدر الضربة زرزرناها لمن قالت بس



يمكن ناس كلكات ساي

Post: #12
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: Rasha Hatim
Date: 05-09-2008, 03:47 PM
Parent: #5

Quote: لمن قلنا الكلام دا زماااان عملت لينا فيها كسور وبواقي
وسليكة الشليقة عملت ليها بوست قدر الضربة زرزرناها لمن قالت بس



يمكن ناس كلكات ساي



سليكة الشليقة ما شالت ليها صورة ما حقتا حامت بيها..





ابوي انا

Post: #7
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: abas
Date: 05-09-2008, 02:38 PM
Parent: #1

يا عمك

عباس الدخلو هنا شنو

Post: #8
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-09-2008, 02:45 PM
Parent: #1

يا خوانا عباس الجاك الجااااااااااك
الزول الهنا دا
هام و عاجل لبكري... العمدة عباس الجاك ليس عضو هنا وهناك من ينتحل اسمه
ما تخلونا نطلع برة الموضوع باللاي
ماشين بالدور

Post: #9
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: على محمد على بشير
Date: 05-09-2008, 02:53 PM
Parent: #8

Quote: ماشين بالدور


ما قلنا حاجه
بس انتا كمان فرز لينا الكيمان عشان نعرف نفتح نار

تخريمه : -

بالنسبه للعدور رقم 2 ود الصايم ما معانا
لانو نيرانه نيران صديقه

Post: #10
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: محمد عبد الماجد الصايم
Date: 05-09-2008, 02:57 PM
Parent: #9

Quote: لانو نيرانه نيران صديقه


باللاي الواحد ما يلقى ليهو ملف عشان يفتح نيران
في عمك دا يجوك الأجاويد طايرين جوز في كرشك






بطلو شغل الموكوكون! دا

Post: #11
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-09-2008, 03:30 PM
Parent: #1

الأخوان ...
حيدر و اب شنب العربي و علي بشير و عباس
قبل ان نقفز للنتائج ونحكم في الأمر خلينا نستعرض النماذج اعلاه
حتى نتناقش على بينة في اسباب الظاهرة الغريبة دي
قد يقود قصر الامر على من وردت اسماؤهم في العنوان للتساؤل ماذا عن بقية النيك نيمز
في رأيي انا من يحب ان يحتفظ بخصوصيته فهذا من حقه و من يريد ان يحصر تواصله مع الآخرين في حدود البوستات و الماخلات ايضا من حقه
وإن كانت قوانين المنتدى لا تسمح بإخفاء شخصيتك الحقيقية - على الأقل عن امين الموقع - لإعتبارات قانونية , ومن لا يناسبه الأمر ففي السايبر متسع من المنتديات اللتي لا تطالب بكشف معلوماتك
النقطة الحابب اناقشها هنا عندما يقوم النيك نيم او الشخصية الوهمية بإستخدام معلومات وعناوين أو صور حقيقة لآخرين او ينتحل شخصياتهم و تفاصيل حياتهم
او يضفي على الشخصية المختلقة بعد حقيقي و يتواصل بها مع الناس و يتصل عليهم تلفونيا و يراسلهم و يتبادل معهم الدعوات و غيرها
ما قام به المذكورون اعلاه هو ما احتاج لفهم اسبابه
هل هي مجرد هواية ام لهم اغراض اخرى قد تكون او لا تكون خبيثة و سيئة النية
اتمنى ممن لهم تجربة معهم ان يفيدونا عن مآلاتهاو الإنطباعات اللتي خرجوا بها


Post: #13
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: الزوول
Date: 05-09-2008, 04:06 PM
Parent: #1

السلام عليكم
ازيكم
أظن وبما اني من النيك التي ربما تكون مجهولة تماماً لدى كل أعضاء المنبر الا من قلة أقل من 5 اشخاص
وبما اني عاصرت نقلة الكتابة في المنبر الحر (كما كان يسمى قديماً) من الأسماء المستعارة الى الأسماء الحقيقية سنة 2003 (على ما أظن)
ومناشدة - لاحظ مناشدة دي - بكري للجميع بتعريف شخصياتهم الحقيقية
فمنهم من استجاب ومنهم من ينتظر وما بدلوا تبديلا
لدي دلوي الذي سآتيكم به آجلاً
وأتمنى مشاركة الأخوان اساسي والأخ جني وعموم الأخوة المخضرين في الحوار
فلديهم الكثير مما يفيد الموضوع
.............................
وما الناس إلا هالك وأبن هالك *** وذو نسب في الهالكين عريق

Post: #14
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: حيدر حسن ميرغني
Date: 05-09-2008, 04:13 PM
Parent: #13

Quote: اساسي والأخ جني


حبيبنا الزول

انت عضو ذهبي

اساسي وجني تجد اسماؤهم الحقيقية فى مكتباتهم

ليك سلام ناس طوكيو

Post: #15
Title: Re: من خالد السر لآمنة كريم لعباس الجاك؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-09-2008, 04:37 PM
Parent: #13

الزوول يا عمك
عشان كدا انا كتبت غرضي من البوست دا مش قصة النيك نيم و حقك في كشف شخصيتك من عدمها
قصدي الخداع و انتحال شخصيات او تفاصيل آخرين
و التواصل مع الناس خارج الموقع بناء على المعلومات دي
يعني يا الزول لما تقوم تخت ليك صورة بتاعة شخص آخر في بروفايلك وتقول دا انا
او تدعي عنوان سكن حقيقي ليس لك
او تنتحل شخصية حقيقية بكل تفاصيلها باسم زوجته و اقرباؤه و اصدقاؤه
و تقوم تتواصل و تتفاعل مع آخرين على هذا الأساس في البورد و خارجه
دا الأنا بتكلم عنه
وعايز افهم دوافعو شنو

Post: #16
Title: Re: من خالد السر لآمنة كريم لعباس الجاك؟؟؟؟ يا قلبي لا تحزن... لماذا تكذبون؟
Author: Waeil Elsayid Awad
Date: 05-09-2008, 04:49 PM
Parent: #15

اخونا محمد البشرى
(اذا كان دة اسمك الحقيقى )(بنضحك معاك )
المشكلة مش بس ناس نكرات بل ناس اصحاب غرض
و الغرض دة ما شرطا يكون سياسى
بعض الناس متخبية ورا الكيبورد بيقولوا كلام لو لاقوك وجها لوجه ما بيقدروا يقولوه
يعنى النبذ البيتقال هنا فى عز الاحتقان السياسى فى التسعينات ما كنا بنسمعو من زول فى الجامعة
او و سائل الاعلام بس للاسف خلف الاسماء المستعارة و من وراء حجاب الكيبورد تقدر تنبذ (حتى رب العزة)
و حتلقى البيدافع عنك .

انت عارف الباسوييرد دة انا ساكى بكرى يمكن سنتين حتى بعد داك تفضل (و ما قدرت اشغلوا الا بعد 3 سنين )
يعنى 5 سنين معاك يا زينة الايام.
الواحد لو كان عارف كان قال ليهو:اسمى وائل السيد لكن بيدلعونى بنفيسة كنت حسة بقيت كاتب اسفيرى
كبير.

Post: #17
Title: Re: من خالد السر لآمنة كريم لعباس الجاك؟؟؟؟ يا قلبي لا تحزن... لماذا تكذبون؟
Author: فيصل محمد رشوان
Date: 05-09-2008, 05:53 PM
Parent: #16

Quote: يا كائنات
ما تبطل اللفحي بتاعك دا



ود عبد الماجد يا لذيذ مين اللفحنجي ده !!!!

صاحبك بهناك شابكني تلفح وتلفح

أها أنا كمان عباس الضو زول جد جد ودعمتي وقال داير إعتذار رسمي


نقطة واقلب اللفحة

Post: #18
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: ناذر محمد الخليفة
Date: 05-09-2008, 06:30 PM
Parent: #1

ود البشرى .. لولا إني عارفك ما بتحب اللنكات كنت مشيت مكتبتي ورزعتك بي بوست كتبتو قبل سنتين بيتكلم عن الكتابة بي كم إسم والكتابة بي إسم مستعار ..

لكن طلعت زول مسكين خلاص إنت !!

هسي من الستة ألف عضو في المنبر دا ما عرفت إلا التلاتة المساكين الفوق ديل ؟!!

صنفرة :

انا لو صاحب البوست دا كنت كشحت هنا الكم طاشر إسم مستعار من البعرفم ومحل رهيفة التنقد !!

Post: #19
Title: خالد تاج السر
Author: محمد البشرى الخضر
Date: 05-09-2008, 07:27 PM
Parent: #1



S1M0NE


اضغط على الصورة للتوضيح


Post: #20
Title: Re: خالد تاج السر
Author: Balla Musa
Date: 05-09-2008, 08:09 PM
Parent: #19

ياشباب

أنا شايف محمد البشرى موضوعو واضح ومحدد..

ومازال الناس ترجع تااانى تجيب سيرة النكنيم ومابجيب اسمو الهوا بقسمو..
وناس تجيب سيرة تتعدد الأسماء و الأصل واحد..
وناس تجيب دفن الاسم اب لسانا برا..

و بما أنى أدعى أنى أكتر واحد فهمت قصد ود البشرى..
وبما أنى شليق ومتلقى حجج..
سأشرح قصدو واجرى على كتف سيد البوست وبدون عرق وجفاف وأجير..

يعنى معنات الكلام لو واحد بعرف ود البشرى لى جد جدو..
وبعرف أسامى وليداتو والمدام والحاجة الوالدة واحتمال يكون جارو بالحيطة وعارف كل تحركاتو..
يرسل لبكرى باسم محمد البشرى وهو عارف ود البشرى مكجن حاجة إسمها الكمبيوتر وخصوصا ركن السودان..
ويجى يتحدث وكأنه ود البشرى..
ويلفح تلفون ناذر ويتصل يبارك ليهو العرس ويهنيهو على برنامجو البشجع فيهو العزابة يعرسوا..
ويعمل علاقة مع الوليد بن طلال باسم محمد البشرى عبر المسنجر..
ويقوم يطلب من الوليد بن طلال مبلغ مليون ريال سلفة لحدى آخر الشهر..

وهكذا دواليك..
وهلمجرا..
والخ..الخ..

أى حد عندو سؤال?

ود البشرى عليك الله ماتجى تقول لى ماشغلك!!

Post: #21
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: طارق جبريل
Date: 05-09-2008, 10:20 PM
Parent: #1


ود البشرى كيفنك
حقيقي لا ادري ماهي الفائدة من الدخول لاي منبر
باجندة تخفي الشخصيةالحقيقية
مهما كانت الاغراض
الذي اعرفه ان من له قضية
يود التعريف بهاعليه ان يكون واضحا مع نفسه اولا
عليه ان يكون صادقا مع دواخله
قبل اي شئ آخر
الاسماء التي ذكرتها او غيرها
لو اتت من بعد حتى ولو كانت تحمل صفات الانبياء
بالنسبة لي ستكون كمن يسكب الماء على الرمل
مهما كانت قذارةالاهداف يبقى الصدق طريق وحيد
واكيد لبلوغ الهدف
ما اعنيه هنا هو الصدق مع النفس اولا
وارجو ان اؤكد انني لست ضد النيك نيم


محبتي الاكيدة لك ولضيوفك

Post: #22
Title: !!!?S1M0NE
Author: محمد البشرى الخضر
Date: 05-10-2008, 11:44 AM
Parent: #1

فلم سيمون يحكي عن منتج و مخرج سينمائي - يقوم بالدور آل باتشينو - تختلف معه بطلته و تغادره
فيقوم بإختلاق شخصية ديجيتال بمعاونة مبرمج كمبيوتر و اسماها سيمون
و صار يقوم بتصوير المشاهد اللتي تتظهر فيها بدونها ثم يقوم بإضافتها للمشاهد إلكترونيا
حازت سيمون على شعبية هائلة طغت على شعبية المخرج ومع تسلسل الأحداث
وملاحقة الصحافة له لرؤيتها و عقد لقاءات معها قام بتدبير حادث لها ادى لمقتلها
تتواصل الأحداث بعد ذلك لكن يهمنا هذا الجزء

ماهي العلاقة بين هذ الجزء من قصة الفلم و قصة النيك نيم خالد تاج السر؟؟؟

Post: #23
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: ناذر محمد الخليفة
Date: 05-10-2008, 11:54 AM
Parent: #1

خالد تاج السر مش ياهو الكان عامل حادث في امريكا وبعد داك منى خوجلي فتخت بوست تسأل منو ومنها إتوفى وسودوا ليهو المنبر ولا مي ياهو ؟!!

Post: #24
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-18-2008, 04:56 PM
Parent: #1

سلام و اعتذار هميق لكل من مر من هنا على تأخير الرد

وائل السيد يا عمك
أخونا بلة مشكورا تكرم بإيضاح الفكرة

فيصل رشوان يا عمك
Quote: نقطة واقلب اللفحة
حلوة و اخد لي بي خاطر ود عمتك باللاي


بلة يا عمك
ما قصرت و ما نجيك في شينة ابدا ان شاء الله

ناذر
يا عمك
البوست بوستك ياخ اكشح كشحهم البلا
لكن القصة ما حكاية استخدام اسمين بقدر ما هي محاولة لفهم النظرية وراء انو الإسم الوهمي يتم طرحو على اساس انو شخص حقيقي
و يتم استغلاله في علاقات و اتصالات مع آخرين خارج نطاق البورد
هل الحكاية مرض نفسي ولا هواية ولا فيها اغراض اخرى دنيئة دناءة نفوس اصحابها

ونعم خالد السر المعني هنا هو (المرحوم) خالد تاج السر صاحب المكتبة المغلقة

نواصل....


Post: #25
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: Rawia
Date: 05-18-2008, 05:08 PM
Parent: #24

غايتو العمل الحركة بتاعة خالد السر انا ماعافية ليهو
لادنيا لا اخرة

وجع قلبنا وقطعه في الفاضي

Post: #26
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: الزوول
Date: 05-18-2008, 05:15 PM
Parent: #1

السلام عليكم
يا أخوانا قصة خالد تاج السر دي شنو?
معليش
أخوكم يظهر كان بعيد في أيام خالد تاج السر دي
..............................
وما الناس إلا هالك وأبن هالك *** وذو نسب في الهالكين عريق

Post: #28
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: abubakr salih
Date: 05-18-2008, 06:08 PM
Parent: #26


ود البشـــرى يا عمك و الله انتا غايتو مبارى القصص العجيبه باستمرار
بالله دقسنا فى امنة عبد الكريم و طرنا ليها بالريش الدُقاق و انا و الله
اتضررتا ضرر كبير من قصة امنة لانى اتكسرتا فيها على الملاء و دى كان
اول مرة اعمل الحركة البايخه دى و بعدين الموضوع جاب ليك شمشرة شديده من معلمين
كبار فى البوردات و قادة سياسين مصاحبهم بالله الواحد سمعتوا اتمرغت فى الارض.

لكن دا كلوا كوم بس ما تقول لى الدكتور خالد تاج الســر داك برضو كان هبوب
ساى و مافى زول بالاسم دا و حصل ليهو حادث و اتوفى الى رحمه ومولاه

Post: #27
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: Elawad
Date: 05-18-2008, 05:28 PM
Parent: #1

لا إله إلا الله محمد رسول الله.
ما ممكن أصدق انو موضوع خالد تاج السر دا كان كذبة برضو... في موضوع عباس الجاك دا كان كلامي انو الناس ديل عندهم خلل نفسي و محتاجين لعلاج لكن بتاع موضوع خالد تاج السر ما في ليهو وصف غير جريمة عديل... معقولة في ناس كدا؟
حأرجع إن شاء الله لموضوع البوست...

Post: #29
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-19-2008, 08:52 PM
Parent: #1

طارق جبريل...
Quote: الذي اعرفه ان من له قضية
يود التعريف بهاعليه ان يكون واضحا مع نفسه اولا
عليه ان يكون صادقا مع دواخله
قبل اي شئ آخر
Quote: ما اعنيه هنا هو الصدق مع النفس اولا
وارجو ان اؤكد انني لست ضد النيك نيم
اتفق معك تماما
لسبب او لآخر قد تحاول الإحتفاظ بهويتك و خصوصيتك
لكن اختلاق هوية ومحاولة إقناع الناس انها حقيقة دا الشي الغريب و المرفوض

راوية
سلامة قلبك من الوجع

الزول ...
باختصار اتضح ان خالد تاج السر الإتسود المنبر حزنا على وفاته بعد تعرضه لحادث
شخصية غير حقيقية , و كان قد تواصل مع آخرين بالإسم دا خارج نطاق البورد
السؤال الغريب ليه كان الإعلان عن الحادث و قصة الوفاة
ما كان كفاية انو يتوقف عن استخدام الحساب باسم خالد السر فقط ويبتعد عن المشاركة في البورد
ام ان حبكة الحادث و الوفاة كانت ضرورية للتخلص من الشخصية اللتي ظهرت في الواقع و إلتزاماتها و تبعات علاقاتها مع آخرين

ابو بكر يا عمك...
في النهاية هي قصص غريبة ودي محاولة للفهم , يدك معانا بالله في التنظير و كدا
خصوصا انو عندك تجربة مع الفلم نمرة اتنين زي ما قلت

العوض يا سنيرنا العزيز..
Quote: حأرجع إن شاء الله لموضوع البوست...
في الإنتظار

Post: #30
Title: Re: من خالد السر لآمنة كريم لعباس الجاك لـ؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-19-2008, 09:09 PM
Parent: #1

يرتفع التساؤل في حالة النيك نيم خالد تاج السر
لماذا اتصل مستخدم الحساب بزملاء مستخدما اسم و شخصية خالد السر الطبيب في مستشفى الخرطوم وتواصل معهم
ما هي الفكرة من وراء ذلك
و ما هي الضرورة لقصة الوفاة
هل هي الرغبة في انهاء الدراما ام ان الشخصية استنفذت اغراضها ام هروب من التزامات ما
اتمنى ممن له تجربة شخصية مع النيك نيم المذكور و يحب ان يشركنا معه في معرفة ما جرى
عسى ان نجد اجابة للاسئلة المعلقة

نواصل مع النموذج الثاني...

Post: #31
Title: Re: من خالد السر لآمنة كريم لعباس الجاك لـ؟؟؟؟ يا قلبي لا تحزن... لماذا تكذبون؟
Author: رقم صفر
Date: 05-22-2008, 12:37 PM
Parent: #30

تخش في بوست ، يوديك في بوست ،تدخل البوست الجديد يوديك لبوست ، تقرأ البوست الاخير تكتشف انك

ما قاعد كلو كلو في المنبر ، واحد مات وهو ما مات ، وهو اصلا ما حي (لانو ما موجود) ،،، وتستمر المسرحية ، ولانه

اراد ان ينهي الشخصية اختار لها المووت ، فهكذا القلب المريض يوضح له ان هذه قمة الاثارة ، بطل وهمي ، يحبه الجميع

ثم فجأة يختفي ويعلن موت البطل ، وبالمناسبة في سيمون اضطر المخرج ان يختلق هذه الشخصية بعد ان تركه الجميع ....

ووجد الحل في البرنامج الذي ارسله له هانك .... وحتي عندما اضطر للادعاء بوفاتها كان هناك اسباب (طغيان شخصية سيمون علي شخصية المخرج) .....

ولكن هذا (خالد) وذاك(عباس ) ليس للامر اي ضرورة ، فهم اصلا اعضاء في المنبر .....


يا عمك ، بقو يحيروا ......... والله احسن زمن النيك نيم ، ففي النهاية كنا نعرف ان اسماءنا هذه غير حقيقية ، اغايتو كان كنت عارف ان ده حال المنبر ، كان ايام الرخصة دي عملت لي مائة حساب وبعتهم في ايام الغلا دي ... (علينا جاي نيك نيم للبيع ) ،،، وابقي مليونير زي بتاع البيتزا ....

جاد جدا ، ود البشرى واصل ، فمثل هذه الاشياء تحتاج الي من يقف لها ، وانا بساعدك كل ما اخش المنبر بعمل (اب)

Post: #33
Title: Re: من خالد السر لآمنة كريم لعباس الجاك لـ؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-24-2008, 08:26 AM
Parent: #31

رقم صفر يا عمك...
Quote: اراد ان ينهي الشخصية اختار لها المووت ، فهكذا القلب المريض يوضح له ان هذه قمة الاثارة ، بطل وهمي ، يحبه الجميع

ثم فجأة يختفي ويعلن موت البطل ، وبالمناسبة في سيمون اضطر المخرج ان يختلق هذه الشخصية بعد ان تركه الجميع ....

ووجد الحل في البرنامج الذي ارسله له هانك .... وحتي عندما اضطر للادعاء بوفاتها كان هناك اسباب (طغيان شخصية سيمون علي شخصية المخرج) .....

ولكن هذا (خالد) وذاك(عباس ) ليس للامر اي ضرورة ، فهم اصلا اعضاء في المنبر .....
كنت عايز اخلص الحديث عن النماذج الثلاثة المطروحة حتى ابدا النقاش عن الدوافع و الأسباب
لكن عايز اعلق على حديثك في ما يخص مبتدع شخصية خالد السر بالذات الحتة بتاعة و فجاة يختفي و يعلن موت البطل
لو رجعت بالذاكرة للحصل وقتها و هي كيف عرفنا بالحادث الإتعرض ليه في امريكا و كيف عرفنا بخبر وفاته
حتلقى ان موضوع الوفاة قد يكون جا على عجل لإخفاء التساؤلات اللتي اثارها موضوع الحادث
كتابة (المرحوم) يفهم منها انه طبيب يعمل في مستشفى الخرطوم فجأة يحصل ليه حادث في امريكا
ناس كتير استغربت الحتة دي و قد يكون (المرحوم) اراد الهرب من شيئ ما
فوجه الشبه مع الفلم هو في رأيي خلق شخصية بإرادة صاحبها و إغتيالها عند خروج الأمور عن السيطرة
المهم تبقى خطورة الأمر ليس في اختلاق شخصية غير حقيقية بل في التعامل مع الناس و الإتصال بهم و إيهامهم ان هذه الشخصية حقيقية و موجودة
الزميل الفاتح محمد عثمان - من اورد خبر وفاة (المرحوم) - قد يزيل كثير من غموض الأمر
اتمنى عليه - إن شاء - ان يشركنا معه في حقيقة ما جرى وكيف بلغه امر الوفاة المزعومة


Post: #32
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: ناذر محمد الخليفة
Date: 05-22-2008, 02:07 PM
Parent: #1

الشخص الذي يكتب بإسم خالد تاج السر يسكن في الخرطوم 3 ..!!

وهذا مؤكد مليون المية ..

Post: #34
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-24-2008, 08:30 AM
Parent: #32

Quote: الشخص الذي يكتب بإسم خالد تاج السر يسكن في الخرطوم 3 ..!!

وهذا مؤكد مليون المية ..
عليك الله ياناذر قوليه ان شا الله البركة فيكم

Post: #35
Title: آمنة عبد الكريم
Author: محمد البشرى الخضر
Date: 05-24-2008, 08:47 AM
Parent: #1

Quote: نواصل مع النموذج الثاني...

آمنة عبد الكريم ..؟!!!
طبعا هنا القصة واضحة جدا لكل الشباب
صاحب الحساب المذكور - خلينا نتكلم عنه بصيغة المذكر لحين اشعار آخر - حاول ان يكون حقيقيا اكثر من اللازم
و دا في رايي ما عجل بكشفه و اثارة الشكوك حوله
فمن وضع صورة فتاة في البروفايل للحديث عن معارف في منطقة الإمتداد بأسمائهم لإختيار عنوان منزل تحت التشييد خالي من السكان بعينه كعنوان له
كلها محاولات ليبدو حقيقيا و يتعامل معه الآخرون على هذا الأساس
من اوائل البوستات اللتي كتبها عن الجامعة الأهلية و ذكر هباني تحديدا (علامة استفهام كبيرة)
كنيك نيم عادي لم يكن هناك اقبال او شيئ غير طبيعي
ثم وضع صورة البروفايل الجذابة فبدأت الكبكبة و صار عدد الزوار و المتداخلين ما شاء الله
ثم جاء البوست الغريب عن وصف البيوت كسابقة في البورد
و يقيني انه ما كان سيلاقي هذا الإقبال لولا صورة البروفايل
و محاولاته ايهام ابناء الإمتداد انه منهم بادعائه معرفة اشخاص و احداث بعينها
المهم لماذا حاول ان يكون حقيقيا؟؟؟

Post: #36
Title: Re: آمنة عبد الكريم
Author: محمد البشرى الخضر
Date: 05-24-2008, 09:14 AM
Parent: #35

Quote: المهم لماذا حاول ان يكون حقيقيا؟؟؟

قد يكون في هذه العبارة اللتي كتبها في معرض رده على احد الأعضاء إجابة على السؤال اعلاه
هنا Re: حوش عبد الكريم..اتفضلوا..

Quote: لم اقصد المضايقة او الاهانة
ولكن..
استمرا البعض صمتي وصبري علي مضايقاتهم
لضنهم بانني ساكون صيدا سهلا
وكان لابد من رد عنيف حتي تستقيم الامور
وللاسف
انت من تلافيت القطر زي ما بقول حميد
لك العتبي حتي ترضي
صدقني..
لم اكن اقصدك شخصيا
ولكن كان لابد من معالجة الامر بصورة قاطعة
وحتي اتفرغ للقضايا التي دخلت الي هذا المنبر من اجلها
عذرا مرة اخري

لاحط للعبارة بالأحمر
شنو هي القضايا اللتي دخلت لأجلها المنبر يا العشا بلبن
الخلتك تاخد صور لأخريات تستعملها كبروفايل
و الخلتك توهم الناس بانك ساكن في الإمتداد و بتعرف الحي و تاريخو
طبعا الإجابة ليست في الإنكتب في المنبر قدام الناس
الإجابة في مادار في المسنجر و في التلفونات وخارج نطاق البورد
كتير من الناس تواصل معاهم صاحبنا بوسيلة او باخرى
العايز يفهم مفروض يسأل نفسه و يراجع مادار و الحاجة او المعلومات الإتطلبت منو
لدي احساس قوي و كبير ان ما وراء النيك نيم آمنة جهة او مجموعة
وان المعلومات هي كانت الهدف الحقيقي من وراء اللعبة دي
آخر ما كتبه صاحبنا هنا
اعتذار وطلب سماح من بكري ابوبكر وبقية الاخوة/ات في المنبر
ضعيف الصياغة و المعنى ولا يشبه ابدا ما كتب قبله
و اشبه ما يكون باعلان وفاة خالد السر
يقيني ان من كتبه اراد ان ينهي المهزلة على عجل بعد ان كثر اللغط و دار ما دار حول الموضوع
فتدخل بطريقة (الأعلى رتبة) او ما شابه
هذا ما كان من امر آمنة كريم اللتي خلفت ذكريات حلوة و مريرة لدى العديد من الزملاء (اياك اعني فاسمعني يا فردة)


نواصل مع النموذج الثالث

Post: #37
Title: Re: آمنة عبد الكريم
Author: Tabaldina
Date: 05-24-2008, 09:30 AM
Parent: #36

..
.
Quote: لاحط للعبارة بالأحمر
شنو هي القضايا اللتي دخلت لأجلها المنبر يا العشا بلبن
الخلتك تاخد صور لأخريات تستعملها كبروفايل
و الخلتك توهم الناس بانك ساكن في الإمتداد و بتعرف الحي و تاريخو
طبعا الإجابة ليست في الإنكتب في المنبر قدام الناس
الإجابة في مادار في المسنجر و في التلفونات وخارج نطاق البورد
كتير من الناس تواصل معاهم صاحبنا بوسيلة او باخرى
العايز يفهم مفروض يسأل نفسه و يراجع مادار و الحاجة او المعلومات الإتطلبت منو
لدي احساس قوي و كبير ان ما وراء النيك نيم آمنة جهة او مجموعة
وان المعلومات هي كانت الهدف الحقيقي من وراء اللعبة دي
آخر ما كتبه صاحبنا هنا

سلام ود البشرى
شايفك مضايق وحارق جازك ..
الامثلة كثيرة كما قال ناذر هناك قائمة ان كنت تود ان يزودك بها
الامر لا يستاهل يا عمك ..
المنبر دا بقي موقع لاثارة المؤامرات والدسائس ..
والمؤسف صارا مهنة الرجال قبل النساء ..
فما يدور عندظهور شخصية معينة لابد ان يشارك فيها اثنين او اكثر
وعلى ما يبدو من حديثك انك توصلت اخيرا لدرب لآمنه عبدالكريم وان كان العثور متاخرا
وان كانت ملاحظاتك فى تغيير الاسلوب والحذاقة والركاكة بائن من الوهلة الاخرى
عدا عمنا صديق الموج والود الوجيه داكـ ..

Quote: يقيني ان من كتبه اراد ان ينهي المهزلة على عجل بعد ان كثر اللغط و دار ما دار حول الموضوع
فتدخل بطريقة (الأعلى رتبة) او ما شابه
هذا ما كان من امر آمنة كريم التي خلفت ذكريات حلوة و مريرة لدى العديد من الزملاء (اياك اعني فاسمعني يا فردة)

75% من التحليل مظبوط ..

_____________

عفواً ولكن تصدق انا كنت فاكر انك جوه الجكـ !!
غريبة مش ؟؟
بعدين هل تصدق اننى عثرت على ( صورة ) امنه شخصياً العالم دا ضيق خلاص ..

مودتى ؛

Post: #39
Title: Re: آمنة عبد الكريم
Author: Tabaldina
Date: 05-24-2008, 09:36 AM
Parent: #37

..
.
جوه الجك المقصود انك على علم وليس معنى اخر

______________

التفسير مهم فى بعض الاحيان ؛؛

Post: #40
Title: Re: آمنة عبد الكريم
Author: محمد البشرى الخضر
Date: 05-24-2008, 09:58 AM

تبلدينا ياعمك...
القصة ما قصة امثلة كثيرة يا تبلدينا انا ما بتكلم عن امتلاك اسمين او تلاتة لدخول المنبر
دي إلى حد ما قنا بنلقى ليها مبرر - قد او قد لا يكون مقبول - هنا الكلام عن الخداع
والأسباب و الفوائد من وراه
بعدين مافي زعل وحرق جاز بقدر ما هو استغراب و محاولة للفهم
لااخفي عليك الإستياء من الإستحمار و التقليل من قدرة الآخرين على الفهم و افتراض الغباء فينا- ودي اوضح في النموذج التالت
Quote: 75% من التحليل مظبوط ..
طيب ياخي ما تم لينا الخمسة و عشرين في المية الفضلت دي الله يرضى عليك
Quote: هل تصدق اننى عثرت على ( صورة ) امنه شخصياً العالم دا ضيق خلاص ..
الحقنا بالتفاصيل يا عمك
ان شا الله مسنجر

Quote: التفسير مهم فى بعض الاحيان ؛؛
اكيد اكيد
بالذات نحنا اعمامك الأجيال السبقت جيلكم دا ما بنفهم اكواد الشباب البتستعملوها

مشكور يا عمك


Post: #38
Title: انتحال شخصية عباس الجاك!!!!
Author: محمد البشرى الخضر
Date: 05-24-2008, 09:33 AM
Parent: #36

Quote: نواصل مع النموذج الثالث
روابط مهمة:

بدات القصة هنا ..
سيدى بكرى أبوبكر: عباس الجاك وزوجته قلمان يطرقان أسطرك ؟؟
ثم..
زوجتى تطردنى.. ثم تسحب بطاقات العبور
لتكون المفاجأة هنا ..
هام و عاجل لبكري... العمدة عباس الجاك ليس عضو هنا وهناك من ينتحل اسمه
و للأهمية تابع هنا ..
الشيطان والملائكة او شفرة السيرة الحسنة

ونواصل....

Post: #41
Title: Re: انتحال شخصية عباس الجاك!!!!
Author: abubakr salih
Date: 05-24-2008, 01:26 PM
Parent: #38


يا حضرة المحقق الفيدرالى محمد البشرى و عياله الصغار الفى الصورة
بالله ياخ انا محتار فى امر الســيد امنة عبد الكريم دا... طيب لانو فى مغامرات كبيرة ارتكبها الرجل كلها تساعد فى كشف انه شخصية غير حقيقة اولى هذه المغامرات وضع صورة بهذه الفتنه و الشّده آى السماحه يعنى لانوالســودان دا بلد ضيق و عادى ممكن زول يعرف ست الصورة و لا تكون قريبة زول من اهل المنبر عديل او بت جيران ناس الترزى الخيّط جلابية العريس المهم اى حاجه زى دى. المغامرة التانية هى قصة وصّف لينا بيتكم و انا من الامتداد و فول جحا و الذى منو لانو دى برضها مغامرة تعرّض صاحبها للكشف اذا من اللازم لكل شخص متخفى ان يتوسل لنفسه الغموض و الابهام بدلا عن التحديد و بدقة كمان.



شايف تبدلينا صرّح فوق و قال كان متوقعك تكون "جوه الجك" و شرحها بانك من اولى العلم، يا ود البشـرى اخوك جاى البلد بطيب خاطر و بياض نية و آهو بنشوف فى المحن كل ما تشرق شمس، و انتا طلعتا من اولى العلم او قريب منهم فبالله تتلوى على اخوك ذكرا مما أُتيت من علم حتى لو بالمسنجر.

Post: #42
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: محمد البشرى الخضر
Date: 05-31-2008, 03:45 PM
Parent: #1

لحين عودة

Post: #43
Title: Re: من خالد السر لآمنة كريم لعباس الضو لـ؟؟؟؟ يا قلبي لا تحزن... لماذا تكذبون؟
Author: عادل سهل
Date: 05-31-2008, 05:16 PM
Parent: #1

ود البشرى

السلام عليك وعلى ضيوقك الكرام

لا حظت أن كل النماذج التى أوردتها هى لأشخاص سيئو الحظ فقط

ولربما أن بالمنبر أعداد كبيرة من الشخصيات التى تتخفى بأسماء وهمية.

وإن كانت شخصيات حقيقية كـ " محمد البشرى الخضر " والذى لا يوحى بأنه نك نيم

فإستعمال الإسم الكامل والذى يوحى بأنه إسم لشخص حقيقى كـ" عادل سهل " أو " محمد محمد احمد محمد " ليس بالضرورة أن يكون إسم لشخص حقيقى.

فقد كنت اعرف فتاة إسمها دينا فيصل إبراهيم آدم ، وتشتهر بدينا فيصل ، إعتقدت أنها هى الشخصية التى كانت تكتب بالمنبر قبل أن يتم توضيح ذلك من رشا حاتم فى بوستها الذى تخلت فيه عن دينا فيصل.

إذن القاعدة العامة أن جميع أفراد المنبر وهميين الإستثناء هو من نعرفهم فى الواقع.

فالنماذج اللتى ذكرتها أخى محمد هى سيئة الحظ فقط

سوء حظ هذه الشخصيات تلخص فى ثلاث نقاط:

- صورة بروفائل تدعو للتنقيب عن الشخصية

- إثارة موضوعات تدعو للتوقف عندها وبالتالى التحرى عن حقيقة كاتبها

- أما النقطة الأخيرة فهى حبهم الصعود لواجهة المنبر بسرعة إذا أن كل الشخصيات تم إكتشافها خلال فترة وجيزة من إنضمامها للمنبر

لذا تبقى الشكوك حول أى شخصية حق مشروع لكل فرد ما لم يكن ذو علاقة ومعرفة حقيقة بالآخرين.

أما بالنسبة للنقطة الأساسية فى محاولة البعض الحياة الواقعية بذات الشخصية الوهمية والتى تقمصوها .

فإن ذلك فى نظرى مرض نفسى ، خاصة إن كان فى الواقع شخص بلحمه ودمه يحمل نفس الإسم والمؤهلات المدعاة

ولدى بوست لعدد من القصص الواقعية سأرفعه قريباً يدور حول هذا الموضوع وبكل أسف يحدث ذلك فى الحياة الواقعية وليس فى المنابر الإسفيرية.

سنتابع . . .







ـــــــــــ
معليش أبو حتوت عملنا لينا دعاية فى بوستك دا " لو تجيب مريسة تامزينة "