أجمل ما قرأت في البورد - هذا الأسبوع

في خضم واحدة من أعنف المعارك الإسفيرية اللتي دارت - و لا زالت- هذا الأسبوع
لمحت و سط القذائف و الركام, عبارات تبودلت بين المتحاورين -المتعاركين-
تدل على موقف كريم و شرف في الخصومة
و حقيقة أعجبني الموقف و الكلمات , و خطر في بالي أنه إذا كان الشين - على كثرته- يقال و يفتح له البوستات مشيرة له و مكررة, فالزين القليل أولى أن يفرد له بوست

الموضوع في بوست كودي عن بشاشا و الذي أضحى أشبه بمعارك الأفلام المصرية , حيث كرسي في الكلوب و الكل يمسك بخناق الكل.
(عذرا لن أورد الإقتباسات كاملة)
وليد

Quote: السيد/ بشاشا حا افرض فيك حسن النيه وحا اديك فرصة لحدي بكره الصباح بتوقيت الخرطوم عشان فسر لينا الكلمة التحتها خط دي ، ..................................................... بعد داك حا افترض في الكلمة اسوى ما يمكن وحا اعاملك على اساسها

ملاسي

Quote: يا وليد بشاشا على الرغم من انو زول ساكت الا انو زول ما قليل الأدب

وليد

Quote: يا ملاسي لو كان الكلام ده كاتبه زول غير بشاشا ما كنت بحتاج لسواله، وكنت فتحت ليه بوست شهرت بيه طوالي انا عارف انو بشاشا فيه العيوب كلها لكن ما بذئ وانا كتبت الكلام ده قبل كده عشان كده انا طالبته بالشرح

بشاشا

Quote: وليد المبارك، ................. اذا باعترافك وهذا احمده فيك، بشاشا "ما بذئ". وانت كتبت الكلام ده زي ماقتا، عن بشاشا. ................... هذا الرد اكراما لي انطباعك الايجابي عن سلوك بشاشا الاخلاقي، مما ادانا الانطباع انك ماصاحب غرض .................... ..................... ملاسي، دي المحرية فيك، رغم كل البينا من دواس، مقدرين.

بغض النظر عن ما قيل قبل و بعد و عما حذف يبقى المعنى الجميل الذي لا يكاد يبين تحت ركام الكلمات القاسية اللتي يتم تبادلها

هذا رأي شخصي

الأجمل من الموقف أعلاه
هو الكلمات الضادقة الحزينة لطلال و اللتي و قفت أمامها كثيرا
لبساطة و صدق و روعة التعبير

Quote: لسبب بسيط أنني وهو إنني تجردت من الحاجات دي زمان ، تجردت من النظر إلى الناس بمنظور عنصري ، فكون واحدهم سوداني أو جزائري فهذا ما لا يفرق معي ولا أشتريه في سوق البشر بمليم ؛ عذه الجنسيات والقبايل تركتها ورائي من زمن ، أنا يا تراجي إنسان حر ومتحرر من هذا القيد ، أنتمي للناس بقدر محبتي لهم وأنتمي للأمكنة بقدر عطفها علي وشوقي لها ، دي كل حكايتي

إنت يا طلال ببساطة حليت كل المشاكل العنصرية و الجهوية البنعاني منها
يا ريتني لو أقدر أقول كلامك دا
يا ريتني لو بقدر أتجاوز عن كل التعقيدات النمت معاي و أنتمي للناس بقدر محبتي لهم و الأمكنة بقدر عطفها علي

شكرا طلال

الإخوة اللأعزاء
القبيح صوته دايما عالي
و ما محناج لتكرار
لكن الحب و الصدق و كل المشاعر الطيبة هي اللتي وجب علينا تكرارها
و حفظها
نجلوها من السخام و نوثقها
و البورد مليان بيها, بس الشين طاغي عليها


إخوتي
إقبلوا دعوتي
و أثروا هذا المكان بكل ماهو جميل و مدفون
أنيروا هذه المساحة بطيب أصلنا و سماحة أخلاقنا اللتي نتناساها عمدا و لكنها تأبى إلا أن تفرض وجودها

Quote: إخوتي إقبلوا دعوتي و أثروا هذا المكان بكل ماهو جميل و مدفون أنيروا هذه المساحة بطيب أصلنا و سماحة أخلاقنا اللتي نتناساها عمدا و لكنها تأبى إلا أن تفرض وجودها

نعم للحُب نعم للجمال نعم للتصافي والتسامح...

لا للحقد لا للكراهية لا للتجافي ولا للتخلي عن عاداتنا السمحة...

كميات مودتي... وتعظيم سلام أخي محمد البشرى...

ربنا يحفظك ووليداتك قول آمين...


أبو الحســــــــــين...

no comment






Bashasha


.

تاريخ التسجيل: 08-10-2003
مجموع المشاركات: 5246
Re: to my dear friend Yassir Tayfour 2 (Re: Mustafa Mahmoud)

يالك من منحط بمعني الكلمة او سافل.

قت لي زي السفيه ده، true sudanese؟

ياهو شبهك بالضبط.

فبالله احط كوز ولانوعك حايم يسمع في القصايد، عامل وطني!

هانت الزلابية فعلا!

د.مصطفى
ترى هل فاتك المعنى المراد من هذا البوست
أم قد فاتني أنا معنى مداخلتك

ليس الأمر هنا تلميعا أو مدحا لأحد
بقدر ما هو تسجيل لروعة مواقف لا نكاد نلمحها و سط غبار المعارك

مشكور على المرور و في إنتظار مساهمتك في موضوع البوست

Quote: القبيح صوته دايما عالي و ما محناج لتكرار لكن الحب و الصدق و كل المشاعر الطيبة هي اللتي وجب علينا تكرارها و حفظها نجلوها من السخام و نوثقها و البورد مليان بيها, بس الشين طاغي عليها

والبحر تطفو على سطحه الجيف...... ويخفي عن الناس في أعماقه الدرر

كلمات صادقه أتمنى أن يستمع إليها الجميع فمهما إختلفنا فكرياً أو سياسياً فلابد أن تكون محبتنا لبعضنا البعض شعاراً مرفوعاً ........

وتسلم ياصديقي

ســلامات...

أجمل البوستات كان بوست طلال ... بقدر ما حزنت لحزنه النبيل فرحت لعمق انسانيته ورغم أني لا أعرفه ولكن كنت واثقة إنه انسان مختلف،، صادق وخاليً من عقد اللون والقبلية والصادق لا يكذب أهله وربنا يكتر من امثاله

Quote: والبحر تطفو على سطحه الجيف...... ويخفي عن الناس في أعماقه الدرر

بالضبط يا ود فرح
لخصت الموضوع
عشان كدا مفروض نتجاوز عن الجيف و نغوص بحثا عن الدرر
انا كدا مبسوط منك زيادة بي كوزنتك العاجباك دي
بس لو ما كنت مريخابي

تسلم أبو الحسين
برضو من أجمل ما قرأت
الحب و المشاعر الجميلة من تراجي نحوك
لو ما بخاف ليك من العين كان جبتها ليك هنا
تشكر يا معلم

فاهمه (صاح)
يا صاح

مشكور يا سفيان
على المرور
و على (بساطة)الفهم
و أقرأ معاي الكلام الموجه لياسر طيفور لما قال أودعكم

Quote: استقالة مرفوضة تماما . . . . يعني لما انت تمشي البطلع صوري منو ؟ . . . . خليك قاعد وبطل حركات عشرة ورق دي . . . . ولا أجيب ليك صورة الاستاذ

دي زي ماهي بدون حذف و النقاط ما من عندي
تتخيل الكتب الكلام دا منو؟
صاح
معتز القريش الفنان بحق (رغم شتارته)
تحياتي معتز
يا
سوداني
و كفى

أدناه أيضا من اجمل ما قرأت-خارج هذا الأسبوع
و لكني لم أستطع إغفاله

Quote: الوريف eyes of liberty ولانني تربيت في اسرة علمتني التحديق نحو الشمس والمقل النحاسية علمتني ايضا بان الاخر هو المكان .. ولانني لا اعلم حتي الان ان كنت " عمرا " في مقام " الوالد" او في مقام " الاخ الاكبر" او " الاصغر" كيفما تكون .. أسدي النصيحة الي وتخير الالفاظ والاسلوب تجدني اقبل منك " الصفع" قبل " النصح" ..ولم يخلق الفرد منا كاملا حتي يرفض الاخرين ويرفض نصحهم ومعظم تجاربنا في هذه الدنيا ناخذها من الاخرين ..

خالد ماسا
ولا تعليق لدي
شكرا خالد

إخوتي
وثقوا معي
نقبوا عن الدرر المخبوءة
إجلوا عنها الغبار
دعونا نستمتع بها
فأجمل الكلام لم يقال
و أجمل البوستات لم تكتب بعد

وليد مصر على إدهاشي

Quote: محى الدين ابكر سليمان والله تصدق ما قريت الكلام الفوق ده كلو عموما لو ده حصل فانا بكون محقوق ليك وبعتز على اني افتكرتك منحاز في حق وباطل . . . . . . من كلامك الفوق ده انت زول عاقل وما منحاز ولا عنصري . . . نكرر الاعتزار

أحي فيك شجاعة رجوعك للحق
وأوافقك على رأيك تماما

(النقاط و البولد من عندي)


و أنا أيضا أكرر الإعتذار
تم التعديل لمزيد من الجمال

الاخ محمد البشرى
شكرا لتوثيقك لكل كلم جميل, وبدورى اشيد بروح الاخ وليد, ولو كنت وجدت هذه المداخلة فى مكانها لاعتذرت له عن مخاشنتى لهبدون داع سوى غضبى من صديقه.
لكن...هذا الكوتيشن يوحى بامر لا اقبله,نعم تلفظت ببذئ القول حتى يرعوى اوسلى واشباهه من التعرض بشكل صفيق للسيدات الشريفات امثال تراجى, وغيره ممن اصبح موضوعهم تراجى وافترعوا لها بوستات لالباسها ثوب الجهل, ومرة حرقها بالاكاذيب, ومرات التعرض لحياتها الخاصة, ما لا اقبله فى الكوتيشن هو اننى لم اقذف احدا, نعم تحدثت بمفردات عالمنا السرى الذى نتداوله رجالا ونساءا فى الجلسات الخاصة, ونؤلف له النكات, ونداريه لنبدو مهذبين, فى حالة هى النفاق الاجتماعى بعينه.
هذا حتى لا يفهم قارئ البوست اننى عبارة عن كيبورد من البذاءة, بالرغم من اننى لا اتوانى من التعامل معها ان لزم الامر, فانسجامى مع ذاتى افضل لى من تقريظ ينافى حقيقتى.

أخي محي الدين
لك الشكر على مبادلتك الروح السمحة اللتي بادرك و ليد بها
و لك العتبى إن كان ما أوردت يمسك
و كلي عشم أن تتفهم مقصدي الذي لا يعدو أن يكون تسليط الضوء على الجميل الذي يكاد لا يرى في خضم بحر القبح الذي فرض علينا و عليكم
و إسمح لي بالتعبير عن سعادتي البالغة بقولك أنك رأيت مداخلة وليد هنا مما أعطى معنا و قيمة لهذا البوست .
و أيضا أحيي فيك رفضك للبذاءة اللذي يلمح من بين سطورك
ولأن الغرض من البوست ليس الإساءة لأحد سأقوم بحذف ما رأيته إساءة لك من الكوت

أخي الذي أعتز بمناداته بها
هلا قبلت عذري؟

اخى العزيز محمد البشرى, واعتز بك اخا وصديقا واقدر جدا ما تقوم به, فهو يكشف لناكم اخطاءنا بحق الاخرين مخجلة, وارجو الا تمسح شئ من الكوتيشن, فيكفى توضيحى شكرا لك مرة اخرى .

Quote: دي زي ماهي بدون حذف و النقاط ما من عندي تتخيل الكتب الكلام دا منو؟ صاح معتز القريش الفنان بحق (رغم شتارته) تحياتي معتز يا سوداني و كفى

لماذا لم تنقل رده عليّ

لقد كان اروع من كلماتي

مليون مرة

مهما اختلفنا فنحن اخوة

يقيني كاملا أنني لو قابلت ياسر طيفور

فسيسلم عليّ بالأحضان

ولو كنت في حاجة إليه فسيسعفني

القائل سوداني

والسامع سوداني

والناقل سوداني

وهؤلاء هم السودانيون

تحياتي ومودتي ،،،

محمد البشرى
كن مع بشاشا .. فأنت لا تشبه العرب !!

بدون أى إقتباس كامل الموضوع من أروع ما يكون

التحية لك وللعزيز تمبس

رأفت ميلاد

تصدق يا رأفت أنا ما قريت كلامك هنا
وكتبت لي تمبس في البوست الروعة داك أستأذنه في نقل الرابط بحاله لعجزي عن تحديد الأجمل لأقتبسه

النلحق أعدل مداخلتي هناك
تشكر يا رأفت و في إنتظار المزيد

أولا أعتذاري للأخوان معتز و رأفت على تأخير الرد
لكن ام أزر البوست إلا اليوم , مما يعطي -للأسف- شعورا بندرة الكلام الطيب في البورد

Quote: لماذا لم تنقل رده عليّ لقد كان اروع من كلماتي مليون مرة

معك حق لقد فاتني ذلك
البوست للجميع يا عزيزي ,كنت أتمنى منك نقلها.

Quote: مهما اختلفنا فنحن اخوة يقيني كاملا أنني لو قابلت ياسر طيفور فسيسلم عليّ بالأحضان ولو كنت في حاجة إليه فسيسعفني

و أزيدك من الشعر بيت ,أنا متأكد ولو تقابل مع تراجي أو بشاشا أيضا سيكون العناق السوداني الحميم ديدنهم , لأنهم سودانيين وبس ,من غير تصنيف و عرقيات

الحق يا محمد,, فاتك اروع واجمل ما قرأت



بحبكم...اعمل شنو؟؟؟