والله الزول ده إلا يجيب ليكم شلل اطفال

Post: #1
Title: والله الزول ده إلا يجيب ليكم شلل اطفال
Author: سامى عبد الوهاب مكى
Date: 02-27-2005, 03:00 AM

شلل اطفال شديد

• كان من المفترض ان اسافر مع مجموعه حوسبه المريخ كما خططنا لمشاهدة لقاء المريخ نسخه2005 بجزيرة الفيل ولكن نسبه لظروف مرض اطفالى لم اتمكن.

• ولكن كان العزاء فى انتصار فتيه الاحمر الوهاج باربع من الرواجم لتخرص كل الالسنه التى ماذالت توهم نفسها والاخرين بكبر سن النونو(ياحلاة نونو) واصابه الخطير ديووووووووووب لمن تقولو الروووووووب.

• ظللت الاحق الاخ مجدى الامين بالاتصال حتى افسدت عليه متعة مشاهدة الزعيم وهو يمارس جميع انواع الساديه والسياديه فى ترويض افيال الجزيره وفى نفس الوقت كنت اتابع عن طريق الهاتف ايضاً احداث مباراة الهلال وشمبات التى صحبتها بعض الاحداث المؤسفه ومنها مطاردة هيثم مصطفى لحكم المباراة الذى كما يظن مشجعى الهلال انه اللاعب الوحيد المعفى من الكروت(حكايه عجيبه) ولكن التفسير الوحيد هو انقطاع مخزون اللاعب ينعكس فى مثل هذه التصرفات!!!

• وفى نصف الشوط الاول اخبرونى بان جمهور الهلال قد حصب الميدان بالحجاره فلم اتعجب فهذا ليس بجديد!!!

• قال لى محدثى ان اول مافكرت فيه حينما اندلعت ثورة الحجاره هل سيتمكن مثل هذا الجمهور من فعل نفس الشئ فى استاد المريخ مع العلم بان الحجاره هى من الاسلحه النادره جداً فى الرد كاستل!!!!!!

• عليه على مجلس الهلال الجديد مطالبه اتحاد شداد بتوفيرها باسعار مناسبه لكى يتمكن مثل هذا الجمهور من الاستمتاع بمباريات الهلال وارهاب الخصوم والحكام.

• فما اكثر الحجارة فى المكان الذى لُعبت فيه المباراه وتمنيت ان يحصب اشاوس المريخ شِباك الافيال بالاهداف لتحلو المقارنه! وكان لى ماتمنيت فسرعان ماتوالت الاتصالات بعد ذلك من ارض الجزيره هدف اول لعجب هدف ثانى لنونو وبالى شارد وانا فى الانتظار لخبر بعينه وانا واثق من قدوم ذاك الخبر حدث كل هذا وانا فى تنقل بين غرفه الطبيب ومعمل التحاليل مع اطفالى!!

• لاحظت زوجتى شرودى وهى الخبيره بحالى حينما يلعب المريخ وسالتنى خير اهلى عملوها فينا؟؟(مريخابيه من جزيره الفيل) فاجبتها لا المريخ غالب ثلاثه فتعجبت!! ومالك مافرحان؟
• فاجبتها المريخ يغلب عادى لكن الفى بالى هو الماعادى!!! وسرعان مااستقامة الامور الله اكبر هدف رابع لديوووووووووووووووووب هنا إنفرجت اساريرى ونظرت الى الطبيب ضاحكاً مجيباً على سؤاله حول تطعيم الاطفال ضد شلل الاطفال وقلت ضاحكاً والله ناس زرياب وقابيتو ديل مش لو طعموهم ( الشلل جايهم جايهم)

• بعد ان اطمأنيت على ما اُريد تذكرت موقعه الهلال والشمباته فاتصلت بمراسلى الخاص فافادنى بان داريو كان قد احرز هدفين من الاهداف فايقنت بان فى غياب لاعب واحد هو هيثم مصطفى لايوجد من لعيبه الهلال من يملك امكانيات نونو وديوب وقلق وعجب الخ
الخ الخ لاحراز الاهداف.

• انتهت مباراة ونجح برانكو و الامر الضرورى الان الذى يجب على الجميع التركيز عليه هو مباراة المريخ الافريقيه

حروف اخيره

• شلل الاطفال اتً لامحاله ياشفع شد حيلكم
• ديوب يجب عليه الالتزام وسداد وتسديد الهدف من البدايه ولاداعى لسياسه التشويق.
• يااحمد محجوب والله نحن ماعايزين تاكيد لكن برضو نقول فيك حلاوة لعبنا وحراره قلبنا.
• نونو يانونو ياحلاة نونو الهدف الذى احرزه نونو لايحرزه الا النونو او النونو.
• عجب عجب عجاب لو جاب لو ماجاب كفانا وجودك فى الميدان حتى لو قزقزته كيعانك.

Post: #2
Title: Re: والله الزول ده إلا يجيب ليكم شلل اطفال
Author: محمد الامين احمد
Date: 02-27-2005, 06:56 AM
Parent: #1

و ديووووووووووووووووب لمن تقولوا الروووووووووووووووووب

و ين يا سامى ، مشتاقين والله ، و مع شوفتك بتجى الافراح

و شوفوا ، وقولوا ماشاء الله ، عينى عليك باردة

تحياتى

Post: #3
Title: Re: والله الزول ده إلا يجيب ليكم شلل اطفال
Author: عمر الفاروق شيخ الدين
Date: 02-27-2005, 08:44 AM
Parent: #1

الأخ سامي :
ياخ والله بركة السمعنا ليكم صوت !!!
ماتتخيل فرحي الشديد بي سماع صوتكم وبي جرستكم الخلتكم تفرحوا بي فوز علي فريق اسمو جزيرة الفيل ونحن لسة في الاسبوع التالت للدوري !!!!!
معقول للدرجة دي انتو كنتوا عطشانين ؟؟؟؟
معقول للدرجة دي موضوع هداف الدوري ده حارقكم ؟؟؟
معقول للدرجة فشل محترفينكم الاوائل كان مارضكم؟؟؟؟
معقول للدرجة دي هيثم مصطفي كاسر فيكم ضلعة ؟؟؟؟
معقولة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تعرف وانا بقرا في خبرك ده جاني احساس انو نحن في الاسبوع العشرين عديييل كده ...
وانا بقرا في خبرك ده مشيت راجعت قائمة الهدافين لانو جاني احساس انو ديوب ده عندو اسة 37 هدف ده غير الدقوا في العراضة ...
وجاني احساس انو المريخ متفوق علي اقرب منافسينو بي 16 نقطة ...
معقولة بس في ناس كده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل الكلام القلتو ده سمعناهو منكم زماااااااااااااااااان لمن جبتو زكريا وقلتو ده ياهو الزول ....
وفي اقرب كشوفات شطب لقينا ابو الزوز جوة الجك ....
ديوبكم ده اذا عمل لي الناس شلل اطفال فنحن في الهلال عندو ناس جابوا ليكم الامراض الستة كلللللللللللللللها ..
ويكفينا طمبل الصرف ليكم اخر حقنة تيتنوس ..
وروبيرو وحمي الدفتيريا ...
ده غير موضوع السعال الديكي الخلاكم تكوركو وتقولو واي واي ما دايرين لمن حبيبنا زيكو شال الكورة ...
موضوع الرد كسل ده انسونا منو ويكفي ترديد جمهوركم لي نغمة عايزين كورة مش مقصورة ..
استاد المريخ يا سامي هو معقل الحجارة وكيف لك ان تنسي كيف كان يقضي الناس الحاجة بين الشوطين داخل استاد المريخ خلف المقاعد ...
وكيف تنسي الرد كسل البعد ما تنتهي الكورة يومين بيكون عندك وجع رقبة وبتعاين للارض اسبوع ...
اجمل حاجة عملتوها انكم فعلا نسيتو موضوع الكورة ده لانو غلبكم وبيقتو تفتشو لي جوانب جمالية وحوسبة وزراعة ووووو..
وعشان اذيدك من الشعر بيت وعشان مزمل ابو القاسم ما يطلع بينا الجو وما يقول فكرة حوسبة الكورة هي حصرية وجديدة وهو الجابا اسة اخوك الفقير لله عمر الفاروق وايام كنت في الجامعة وبرلوم جديييييييييييييييييد في الكمبيوتر وعشان هووسي الكورنجي مشيت الاتحاد العام وقلت ليهم ممكن اعمل ليكم database وشغل كاس العالم داك وساااااااااااااااي لله والرسول حباً في الكورة وبعدها برضو مشيت نادي الهلال لي نفس الفكرة لكن للأسف في وقتها الفهم الاداري للكمبيوتر كان مش ولابد والموضوع اتقفل ..
عموما ده اجمل خبر امكن اسعدني جداً وبغض النظر عن مين البداهو الهلال أو المريخ دي هي الطريقة الصحيحة واول خطوة في تطوير الكورة عندنا وانا من هنا وبعيد عن موضوع (ديوب الكيشة ده) امد يد العون معاكم للموضوع ده بس طبعاً نحن حانكون في المسطبة الشمالية وشدو الحيل ..

Post: #5
Title: Re: والله الزول ده إلا يجيب ليكم شلل اطفال
Author: مصدق مصطفى حسين
Date: 02-28-2005, 04:29 AM
Parent: #3

عمر الفاروق
انت مالك مع ناس جزيرة الفيل ديل ياخ ؟
قايلهم هينين و لا لينين ؟

Post: #4
Title: Re: والله الزول ده إلا يجيب ليكم شلل اطفال
Author: سامى عبد الوهاب مكى
Date: 02-27-2005, 11:17 PM
Parent: #1

Quote: وعشان اذيدك من الشعر بيت وعشان مزمل ابو القاسم ما يطلع بينا الجو وما يقول فكرة حوسبة الكورة هي حصرية وجديدة وهو الجابا اسة اخوك الفقير لله عمر الفاروق وايام كنت في الجامعة وبرلوم جديييييييييييييييييد في الكمبيوتر وعشان هووسي الكورنجي مشيت الاتحاد العام وقلت ليهم ممكن اعمل ليكم database وشغل كاس العالم داك وساااااااااااااااي لله والرسول حباً في الكورة وبعدها برضو مشيت نادي الهلال لي نفس الفكرة لكن للأسف في وقتها الفهم الاداري للكمبيوتر كان مش ولابد والموضوع اتقفل ..
عموما ده اجمل خبر امكن اسعدني جداً وبغض النظر عن مين البداهو الهلال أو المريخ دي هي الطريقة الصحيحة واول خطوة في تطوير الكورة عندنا وانا من هنا وبعيد عن موضوع (ديوب الكيشة ده) امد يد العون معاكم للموضوع ده بس طبعاً نحن حانكون في المسطبة الشمالية وشدو الحيل ..

والله ياريت لو تواصل فى المبادره القديمه ياعمر وتنتشر الدعوه وكفانا تخلف.

Post: #6
Title: Re: والله الزول ده إلا يجيب ليكم شلل اطفال
Author: سامى عبد الوهاب مكى
Date: 02-28-2005, 04:39 AM
Parent: #1

فجَّر الأستاذ مجدي شمس الدين سكرتير الاتحاد السوداني لكرة القدم مفاجأة كبرى عندما أكد بالأمس أن اتحاده بدأ في اجراء تحر واسع للاستوثاق من صحة المعلومات التي دوّنها محترف الهلال بيتر جيمس في «الفورم» المعد لتسجيل اللاعبين الأجانب وقال السكرتير إن هذا الإجراء من جانب اتحاده يأتي تحوطاً بعد الاطلاع على الحوار الذي أجرته «المشاهد» مع اللاعب وفيه أشار إلى أنه لعب في الكاميرون باسم آخر خلاف اسمه وأضاف مجدي قائلاً: من خلال التنوير الصحافي بمكتبه أمس أن اتحاده أكد لنادي الهلال وللاعب تحملهما مسؤولية أي معلومات يثبت مستقبلاً عدم صحتها وسلامتها وذكر أن التحريات لازالت في بدايتها إذا اثبتت وجود بطاقتين صادرتين عن الاتحاد الافريقي للاعب وباسمين مختلفين فإن ذلك كفيل بإيقافه عن ممارسة نشاطهوأشار مجدي إلى أن اتحاده يشرع الآن في إعداد لائحة خاصة بالمحترفين الأجانب تتضمن شروطاً قاسية على رأسها عدم اعتماد أي لاعب مغمور وأن يكون اللاعب المرغوب في تسجيله لعب لمنتخب بلاده الوطني أو في أحد أندية الدرجة الأولى في موطنه.

Post: #7
Title: Re: والله الزول ده إلا يجيب ليكم شلل اطفال
Author: محمد الامين احمد
Date: 02-28-2005, 04:49 AM
Parent: #1

تحية طيبة للجميع

اخونا عمر ، كدى براحة امشى راجع و شوف موضع (الهلال اكتمل بدرا)

بتاع اخونا/ احمد الريح ، و لا ده يكون يا ربى مافى نفس البطولة

و مبروك عليكم (اكتمال) الهلال

تحياتى

Post: #8
Title: Re: والله الزول ده إلا يجيب ليكم شلل اطفال
Author: Hussein Mallasi
Date: 02-28-2005, 05:21 AM
Parent: #7

سيأتي من يقتص لنا - نحن الهلالاب - منكم - قريباً .....