ياناس الكهرباء بالغتو (كهرباء بـ عشرين الف دينار اوديها وين) ماعندي مصنع!!

اديت الموظفة مبلغ اثنين الف دينار يعني بالجنية القديم عشرين الف جنية..صاحبتنا مسكت الكي بورد طق طرق طق طق(ووووب علي) دي مصيبة شنو؟؟

مالك يا مرة!!

دخلت ليك كهرباء بي متين الف وزيادة!!

وكويس وووووب عليك شنو؟؟

اديني على قدر قروشي!!

شبكتني اها دي يحلوها كيف؟؟

دي يحلوها كيف وتعاين لي!!

وانا محتار!!

يحلو شنو يا وليه؟؟

القروش الدخلت بالغلط دي!!

ما مشكلة صححي المعلومة واديني قدر قروشي الاستلمتيهم مني.

مافي طريقة مابقدر.

وكويس انتي متوقعة شنو يعني؟؟

تديني باقي المتين الف!!

هههههههههه

والله لكن مبالغة يعني اشتري كهرباء العام كلو؟؟

من وين ياحسرة مابقدر ولو عندي مابديك!!

كيف يعني ماهندي الكهرباء نزلت ليك!!

كلام عجيب يعني اشيل قروشي كلها اختها في الكهرباء دي اجمل استثمار(ولا استنكاح ماعارف)

نطت الموظفة الجنبها: اسمع ياخينا الموضوع دا حلوه براحة!!

قلت ليها لا حا اطلقها يعني حا اطلقها!!

تطلق شنو!!

وكويس انتي قصدك شنو نحل شنو يحل.. مالك دايره تفقريها علينا!!

اسمع ياخينا اتفاهم معاها واديها رقم تلفونك!!

لا مرتي تزعل مابديها رقم تلفوني اصلاً تلفوني دا بيخضع لتفتش دوري اي اسم غير اسم امي واخواتي وعماتي وخالاتي بيجيب لي هواء ساخن بارد..
واقول ليك حاجة انتي مابتعرفي تتكلمي اقعدى وشوفي شغلك قبل ماتدقسي وتبقي انتي زاتك في تحانيس!!

ترترب قعدت..
المهم خلاصة الموضوع بعد هيلمانة اتفقت مع الموظفة على ان استلم مرتبي واجي اديها القروش.

دي اسمها كهرباء بالقوة الاجبارية..

شفتو المصيبة!!

عملت لي مس كول!!

خايف اضرب تلحس رصيدي..

متعوداااااا

دايماً