Post: #1
Title: غايتو يوم امبارح دا يوم جميل جومااال للمريخ ما للهلال!!
Author: سامى عبد الوهاب مكى
Date: 09-03-2007, 05:50 AM
يعني جميل جمال!!
في ناس حاتجي تقول كده غلط!!
إنتصر الدراويش على الدلافين فضمن المريخ الصدارة!!
وفي ناس ماشا تونس تااااني بي طيارة!!
في الحالتين نحن نشجع النجوم الحمراء!
المريخ 7 نقاط
دولفين6 نقاط
الاسماعيلي5 نقاط
كوارا 4 نقاط
تبقت للمريخ مباراتان هذا للعلم!
أنا والنجم والعجب!!
|
Post: #3
Title: Re: غايتو يوم امبارح دا يوم جميل جومااال للمريخ ما للهلال!!
Author: حمزاوي
Date: 09-03-2007, 06:16 AM
Parent: #1
اخوي سامي
مسكاقمي
نبارك للهلال اول نقطة محمولة جواً
بتعادلهم مع الترجي التونسي
معقولة دي فريق ما فاز برا ارضه في بطولة كاملة
|
Post: #4
Title: Re: غايتو يوم امبارح دا يوم جميل جومااال للمريخ ما للهلال!!
Author: abuguta
Date: 09-03-2007, 06:29 AM
Parent: #3
سامى
انا من امس قلت كدا
تاخر الدلوفين فى صالح المريخ
لكن للدولفين مباراتان فى نيجيريا
واحدة ضد المريخ والاخرى ضد كوارا
مباراة كوارا مضمونة للدولفين حتى لو بنظام الكبرى
اما مباراة المريخ مع الدولفين هى الفاصلة
داخل معقل الدولفين ووسط جمهوره بعدما ممرمط الكرة النيجيرية
فى الواطا اما سيد البلد ..
اما الدراويش حظوظهم فى المنافسة صارت تقترب
اذا اراد المريخ ان يلعب النهائى
عليه هزيمة الاسماعيلى والتعادل مع الدولفين
|
Post: #5
Title: Re: غايتو يوم امبارح دا يوم جميل جومااال للمريخ ما للهلال!!
Author: الواثق الصادق
Date: 09-03-2007, 06:30 AM
Parent: #3
Quote: نبارك للهلال اول نقطة محمولة جواً
بتعادلهم مع الترجي التونسي
معقولة دي فريق ما فاز برا ارضه في بطولة كاملة
|
معقولة يا حمزاوي؟؟؟؟؟
في البطولة دي بس الهلال غلب البوليس خارج أرضه ..
و تعادل مع الزمالك في مصر..
يا بتاع كوارا
|
Post: #6
Title: Re: غايتو يوم امبارح دا يوم جميل جومااال للمريخ ما للهلال!!
Author: عمر الفاروق
Date: 09-03-2007, 06:41 AM
Parent: #1
| Quote: معقولة دي فريق ما فاز برا ارضه في بطولة كاملة |
الخرف ما كعب يا عمّنا حمزاوي ..
لحقت ريغان خلاااااااااااااااااااص إنت 
الفريق الما فاز برا أرضو ياهو مريخ الدلاقين والكوارع ده ..
الهلال فاز في مباراة خارج أرضه 2-صفر..
تعادل مع الزمالك 2-2 في القاهرة ..
تعادل مع الترجي التونسي 1-1 في تونس..
أها تاني يسوي ليكم شنو ؟
شربات ليمون ؟
لكن كعب الكعب الما جاب قون واااااحد خارج أرضه إلا يوم كورة الإسماعيلي ..
قون ساي ما جبتوهو خليك من فوز ..
تخريمة :
يا سامي صدّقني وانت زول بتعرف كورة ..
فوز الإسماعيلي ده مفروض يطمم بطنك لأنو الإسماعيلي ركب معاكم وفوزو على كوارا مسألة وقت ليس إلا ..
أما إنتو مع الدلاقفين فحا تكونوا دلاقين بإذن الله ..
|
Post: #8
Title: Re: غايتو يوم امبارح دا يوم جميل جومااال للمريخ ما للهلال!!
Author: حمزاوي
Date: 09-03-2007, 08:18 AM
Parent: #6
اخوي الواثق
مسكاقمي
أنا اقصد في دور التمانية
المعركة الجد جد
قلت لي بوليس مين
هو في بوليس في زنجبار
عمر ودالفاروق اخوي
مسكاقمي
اولاً الف حمد الله على السلامة
اها برضو ليك نفس الكلام
انا بقصد في معركة التمانية
ايوا
فعلاً يسوي لينا عصير ليمون
سجمي
تخريمة غير كروية
جبت معاك طلباتي
أذكرك قبل ما تتصرف فيهم
الطلح ( للمدام )
والنبق لسعادتنا
|
Post: #7
Title: Re: غايتو يوم امبارح دا يوم جميل جومااال للمريخ ما للهلال!!
Author: ثابت محمد
Date: 09-03-2007, 07:12 AM
Parent: #1
ياساااااامي
سلااااام
أسمعني
المريخ سبعة نقاط .. تبقت له دولفين والإسماعيلي
دولفين ستة نقاط .. تبقت له كوارا والمريخ
الإسماعيلي خمسة نقاط .. تبقت له كوارا والمريخ
كوارا أربعة نقاط .. دولفين والإسماعيلي
(1) المريخ هو الفريق الوحيد في هذه المجموعة المتاح له الوصلول لمحطة (13) نقطة
(2) المريخ ( لو ) تعادل في النقاط مع دولفين أو كوارا فالصدارة للمريخ
(3) المريخ ودولفين يمكنهما التأهل بدون إنتظار نتائج الفرق الأخرى
الإسماعيلي إن أراد الصدارة فعليه هزيمة المريخ وكوارا بشرط أن يتعثر دولفين
والمريخ هو الأقرب للصدارة .. والله أعلم
|
Post: #9
Title: Re: غايتو يوم امبارح دا يوم جميل جومااال للمريخ ما للهلال!!
Author: عمر الفاروق
Date: 09-03-2007, 08:23 AM
Parent: #1
عمنا حمزاوي:
هو نبق ولا (قونقليز)؟
الظاهر إتلخبت علي الإختساس ..
|
|