والله لافاهم ولا عايز ولا اريد المحاوله(لكن!!!)

والله لافاهم ولا عايز ولا اريد المحاوله(لكن!!!)


10-04-2005, 04:41 AM


  » http://sudaneseonline.com/cgi-bin/sdb/2bb.cgi?seq=msg&board=354&msg=1192263719&rn=0


Post: #1
Title: والله لافاهم ولا عايز ولا اريد المحاوله(لكن!!!)
Author: سامى عبد الوهاب مكى
Date: 10-04-2005, 04:41 AM

والله لا افقه من السياسه شي كثير ولا قليل.

وعلى يقين بان اجمل سياسه ان يؤدى كل منا عمله على الوجه الاكمل.

لذا اجدنى حائر وانا اتنقل بين بوستات كثيره كالاطرش فى الزفه متسائلاً اما كان من الاجدى صرف نصف هذا الوقت فى دفع عجله الوطن.

دفره ياناس يدكم معانا.

يدكم كلكم وهيلا هوب لى ولى قدام ليييييييييي قدام.

Post: #2
Title: Re: والله لافاهم ولا عايز ولا اريد المحاوله(لكن!!!)
Author: A.Razek Althalib
Date: 10-04-2005, 04:54 AM
Parent: #1

سامي ..
مبروك.. فوز المريخ.. ..
Quote: دفره ياناس يدكم معانا.
وخد دي معاك...

وخلي بالك ...
من سره زمن..
قد أساءته أزمان...

وهكذا دواليك..

الأمور دولٌ....

Post: #3
Title: Re: والله لافاهم ولا عايز ولا اريد المحاوله(لكن!!!)
Author: A.Razek Althalib
Date: 10-04-2005, 04:58 AM
Parent: #1

سامي ..
مبروك.. فوز المريخ.. ..
Quote: دفره ياناس يدكم معانا.
وخد دي معاك...

وخلي بالك ...
من سره زمن..
قد أساءته أزمان...

وهكذا دواليك..

الأمور دولٌ....

Post: #4
Title: Re: والله لافاهم ولا عايز ولا اريد المحاوله(لكن!!!)
Author: سامى عبد الوهاب مكى
Date: 10-04-2005, 05:10 AM
Parent: #1

Quote: وخلي بالك ...
من سره زمن..
قد أساءته أزمان...


والله مافهمت قاصد بيها شنو كوره ولا سياسه!!!
لانها لو سياسه انامحصلتى فيها زيرو كبير على العموم يبدو انها Applicable for both


والشكيه لى اب ايداً قويه

دفره

قويه



Post: #5
Title: Re: والله لافاهم ولا عايز ولا اريد المحاوله(لكن!!!)
Author: almulaomar
Date: 10-04-2005, 05:57 AM
Parent: #1

قالو الله يكفينا شر القوالة أن السياسة من ساس يسوس ، واهو ناس الحكومة بيسوسو فينا منذ حوالي ستة عشر عاما حتى أنني ظننت أن كبرتي وليك تسعتاشر سنة آتية لا محالة والحناكيش بيقولو سوسو والتمر في الشمالية برضو سوس يسوسو والضرس بتاور أقصد بيسوس والحطب برضو يسوسو سوساً والسوسة هي التي تأكل ولا يظهر عليها الأكل برغم نهمها وشراهتها ، أكل السوسه والعافيه مدسوسه والسياسات برضو هي المنظمة لكل شئ في الحياة ، يعني الدستور يمكن أن نقول عليها السياسات العليا للدولة وهناك السياسة الخارجية والسياسة الداخلية وساسية عدم الإنحياز وسياسة اليابا والتابا.
والشعب السوداني مغرم بالسياسة والكثير من أبناء السودان يفهمون في السياسة ومقددنها عديل كده وشاربنها شراب ومع ذلك باب النجار مخلع ومخشلع والدليل إنه لغاية اليوم ما قادرين نسوس نفسنا ولا بلدنا وتاريخنا السياسي إنحصر بين الأحزاب والإنقلابات العسكرية التي تليها إنتفاضة وهكذا
لكين برضو الشعب السوداني بفهم في الكورة والفن والموسيقي والسينما والأدب بس أكثرهم ما بتكلمو إلا في السياسة والكلام بعد الكورة ينتهي بنهاية يوم المبارة.
الكلام في السياسة أو في الشأن كله مرض وقرف بس بالضرورة لابد منه بالرغم من أن كلامنا وكلام الذين سبقونا لم يقدم أو يؤخر كثيراً في ثالوث الواقع السياسي السوداني أحزاب فإنقلاب فإنتفاضة شعبية وبالعكس.