Post: #1 Title: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 07:35 AM
(*)
ربما أحسست بدنو أجلي .. إستيقظت صباح اليوم وذكريات متفرقة أفزعتني .. بعضها صالح للبوح وقد بحت به لإصدقاء عدة .. وبعضها لم أجرؤ على البوح به .. ليس لأنه يندرج تحت بند ماهو (سري للغاية) .. بل لأن بعضه أو ربما جله غير قابل للتصديق .. وربما أتهمني السامع بالكذب .. وربما .. بل من المؤكد أنه سيسخر مني ..
هنالك الكثير الذي لا أجرؤ على البوح) به .. ربما لأن الإنسان له حياة (سرية جداً)..
تفاصيلها قد تجعله قزماً أمام محدثه .. بعض هذه التفاصيل , سترها عن الآخر .. كلباسنا الذي نستر به عوراتنا ..
ربما فزعت هذا الصباح .. لأنني أحسست بملك الموت يحوم حولي .. وكاد أن يطبق على رقبتي .. شعرت بأنفاسه الحارة ترسل على وجهي .. أتوناً من زفرات ما سألقاه هناك في عوالم مابعد الموت .. ولا أخفى عليكم أنني لست حسن الظن بنفسي .. وأعمالي جلها كفيلة بإرسالي إلى جهنم في رحلة مؤبدة ..
وحينها سيموت هذا السر معي ..
لا يهمني الآن أن يصدقني أحد أو يكذبني أحد ..
مايهمني أن أسارع بالبوح به .. قبل أن ينجح ملك الموت الذي أحسه قريباً مني هذه المرة.. في جري إلى عالم الموتى والصمت والأسرار الدفينة ..
سأحدثكم وأجرى على الله , عن قصتي مع (المافيا) ..!!
Post: #2 Title: Re: لا يصلح للنشر (معركتي مع المافيا بين الخرطوم والدويم) ...!! Author: HAIDER ALZAIN Date: 04-16-2009, 07:49 AM Parent: #1
بعد الشر عليك يا كمال
وان شاء الله الموت ياخد ناس المافيا ..
وانت عمراً طويل يرجاك ..
* بداية مدهشة كالعادة ومشوقة ..
متابعة
لك محبتي
Post: #5 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 08:10 AM Parent: #2
(*)
سلمت أخي /حيدر ..
شكراً على لطفك ..
محبتي ..
Post: #3 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 07:51 AM Parent: #1
(*)
المكان : الخرطوم غرب الزمان : شتاء أحد أعوام مطلع التسعينيات
Post: #4 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 08:03 AM Parent: #3
(*)
كنت أحلم بالسفر إلى (ألمانيا) .. حجتي كانت أمام والدي أنني لم أعد أثق في الجامعات السودانية بعد (ثورة التعليم العالي) التي أنشأت جامعات كيفما أتفق على كل ناصية كأكشاك (مشروع بسط الأمن الشامل) , هذا المشروع الذي جعل كل خلاف في متناول أيدى (الشرطة) وأغرى حتى أخي الرضيع على فتح بلاغ بمواجهتي حين وبخته على رضاعته إبهامه في بلاهة .. ولكن هذا حديث آخر ..
كنت أتذرع بحجة الدراسة في دأبي ذاك بالسفر إلى (ألمانيا) .. ولا أخفي عليكم أنني أحببت (حياة الغرب) والحسان و(والإنطلاقة) حسب تعبير جدتي .. التي زارت (ألمانيا) ووصفتها حين سألتها متشوقاً : المانيا كيف يا(حبوبة) ؟ أجابتني : النصيح يطقع بالصفيح , لكن أنتا بتسأل عن بناتا عارفاك والله عريانات وقاهرات وصرتن برة وعدمانات (الصلب) وشطورن متدليات زي (جيوب الردا ) وأنا كمان كلمتهن قلتا ليهن عندي ود بتي جاني بيكم وكان جاكن بخرب داركن .. وأها ما كلمتك مالقيت ليك (سيد صادق ) هناك والله و ...
قاطعتها , ودار بيننا حديثنا المعتاد , حديث (الجنى المفضوح ) مع (جدته) ذات اللسان الطويل ..!!
ولكن هذه قصة أخرى ..!!
Post: #6 Title: Re: لا يصلح للنشر (معركتي مع المافيا بين الخرطوم والدويم) ...!! Author: رانيا قاسم Date: 04-16-2009, 08:18 AM Parent: #4
زين يا كمال
الله يطول عمرك ويسلمك ويهنيك
Post: #7 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 08:29 AM Parent: #4
(*)
رانيا ياصديقتي ..
شكراً على لطفك ودعواتك .. سعدت بك هنا ..
محبتي ..
Post: #8 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 08:29 AM Parent: #4
(*)
قادتني أقدامي إلى (معهد جوتة) لتعليم اللغة الألمانية .. حيث أنني لابد أن أتعلمها قبل الإلتحاق بجامعات ألمانيا .. ورغم أنني حينها كنت قد فقدت رغبتي في دخول أي قاعة للدرس إلا أنني سأتحمل أي شئ في سبيل الوصول إلى (صاحبات الصون والعفاف ) بنات (برلين) ..
هذا الحلم جعلني أتردد على منطقة الخرطوم غرب كل مساء .. وأخترت المساء لأنني وكما هو معروف عني (كسول) وأكره ثلاثة أشياء .. (الإجتماعات) و(الكيزان) و(قومة الدغش) ..
كنت قد صرت جزءاً من المكان , حيث أنني بعد أن أكمل محاضراتي .. أتسكع كثيراً بين الشوارع والكافتريات ومواقع المواصلات بحثاً .. عن فتاة جميلة أضمها إلى (ألبوم الجكس) الذي طفح وأزدحم حين تفرقت لهن بالكامل .. تلك الأيام كنت (صبياً) و(سيماً) , (أنيقاً) معجب بنفسه ومتفرغ للمحبة بازل نفسي .. لكل وجه جميل وكل خصر نحيل ..
ثم أنني صرت معلماً من معالم المكان .. حيث أنني أستمرأت الدراسة بالمعهد وتعمدت إطالة أمدها .. حتى أن والدي سألني ذات يوم بعد أن أضجره طول إقامتي بالمعهد : إنتا ياولد بتقرأ (لاهوت) أسي ليك كم سنة في المعهد ده ؟
Post: #9 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 08:51 AM Parent: #8
(*)
كنت أحسب أن (المافيا) محض (أسطورة) .. لا وجود لها إلا في الحكايا وفي أفلام (السينما) ..
لا شك أنه ليس من بينكم من لم يشاهد (الأب الروحي) .. ويعجب بأداء (أل باتشينو) ورفاقه ..
كنت أعلم أن كلمة (المافيا) تعني (إبنتي) بلغة أهل (صقلية) .. وأعلم سبب إطلاقها على تلك (العصابة) أو (التنظيم) الأسطوري .. (أغلبكم بالتأكيد سمع رواية المرأة التي قتلت إبنتها وخرجت تصيح مافيا .. مافيا.. مافيا (أي أبنتي .. إبنتي) تستنصر الصقليين ليهبوا للثأر لإبنتها .. وهكذا عرف الناس (تنظيم المافيا) ..
لست هنا بصدد إستعراض (ذخيرتي المعرفية) ..
لذلك سأتجاوز الأمر ..
حتى أنني وأنا الذي كنت مهموم بعض الشئ بغرائب الأمور .. قد سألت أخي (مجدي) الذي عاش بمدينة (باليرمو) حاضرة جزيرة (صقلية) لسنوات ..
عن (المافيا) وأكتشفت أنه رغم وجوده هناك لم يسمع عنها قط.. مثله مثل أخيه (الذي يتسكع) بشوارع الخرطوم غرب ..
ولكنه أيضاً أخبرني بأن كل الجرائم التي تحدث هناك .. تنسب إلى (المافيا) .. لكنه لا يعلم عنها شيئاً يخبرني عنه, يعتمد عليه كدليل على وجودها فعلياً ..!!
وثقت بروايته وهو يتحدث من موقع الحدث .. وبلد المنشأ ..
لكنني لم أثق بها طويلاً .. ليس لأنني أكذب حديثه ..
بل ..
لأنني وجدت نفسي وجهاً لوجه , أمامها ..
أمام(المافيا) ..!!
وبقلب الخرطوم .. وحتى أكون أكثر دقة بالخرطوم غرب ..!!
Post: #10 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 09:14 AM Parent: #9
(*)
كنت خلال إقامتي الدائمة بشوارع (الخرطوم غرب) .. قد تعرفت على أصناف عدة من البشر ..
تعرفت على (شلة) من (الشباب) يماثلونني سناً ويكبرني أغلبهم قليلاً .. ثم ربطت بيني وبين ثلاثة منهم صداقة حميمة ..
(حمادة) وهو شاب طويل نحويل الجسم(حنطي البشرة) رياضي القوام , تبدو عليه آثار النعمة .. يعضد هذا الأمر سيارته الفارهة .. وملابسه الأنيقة الباهظة الثمن ..
إغداقه علينا بالعزائم والولائم والحفلات والرحلات .. التي يصرف علينا فيها صرف من لا يخشى الفقر ..
ثم ..
(حسن ) وهو صديقه منذ الطفولة .. وهو شاب أنيق قصير ممتلئ القامة , أبيض البشرة .. إسمه (حسن الإسكندراني) وهو من أصول مصرية ..
وأخيراً ..
(حامد) وهو من أبناء قبيلة البقارة .. نزح أهله من (بابنوسة) وأستقروا بالخرطوم .. وهو أعسر يستخدم يده اليسرى في كل أمره ..
وثلاثتهم أصدقاء مقربون .. أو هكذاكنت أحسبهم .. حتى ليلتها ..!!
Post: #11 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 09:30 AM Parent: #10
(*)
صفت سماء الخرطوم .. وبدت أرجل الناس تخف عنها شيئاً فشيئاً ..
كانت الساعة بعد لم تتجاوز (السابعة) مساء ..
والخرطوم غرب كانت تجفف أرضها من أثر الحياة باكراً بعض الشئ ..
أسهم في ذلك برد ذلك العام .. فقد كان شتاءً قاسياً ..
خرجت أبحث عن أصدقائي الثلاثة .. وماوجدت لهم أثر .. سألت (حليمة) بائعة الشاي التي كانت وحدها ذلك المساء .. بعد أن أفرغ البرد المكان من مرتاديه ..
كانت آخر من عزم على الرحيل .. وجدتها تلملم حاجياتها في عجل .. حتى تلحق بمواصلات (الحاج يوسف) حيث تقطن ..
سألتها : (حليمة) الليلة شلة (حاء) ماظهروا بي جاي ولا شنو؟ كنت أسخر منهم لأنهم أصدقاء مقربون يتشاركون حرف الحاء بمطلع أسماءهم .. وكنت أرددها مرققة في إشارة إلى غباءهم ربطاً بينهم وبين (الحمار) ..
ردت : الليلة حكايتهم حكاية , جوني بي جاي كل واحد فيهم شرب الشاي براهو .. وما بتكلموا مع بعض زي الماتشاكلين مع بعض ..
إستغربت الأمر فأنا أعلم عمق ماتربطهم من صداقة .. تركتني (حليمة ) لحيرتي .. ومضت ..!!
Post: #12 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 09:42 AM Parent: #11
(*)
ترددت قليلاً .. قبل أن أتخذ قرار العودة إلى (أمدرمان) ..
كنت تلك الأيام .. لا أعود إلى البيت إلا مضطراً ..
حيث أن والدي قد أحكم الخناق علي .. حتى ألتحق بجامعة في السودان ..
أتمسك بها فبل أن أحقق حلمي بالسفر إلى (ألمانيا) .. وكان يرى أنني إن أعتمدت فقط على حلم السفر .. فربما لا أطول بلح السودان ولا عنب ألمانيا ..
وتعكرت علاقتي به وهو الذي كان حتى تلك الأيام .. أو فلنقل حتى عرفت طريق (جوتة) .. والدي وصديقي ..
وللحقيقية كان نعم الصديق.. ولكنه كان يضجرني بعض الشئ .. حين يخلع عباء الصديق..
ويسيطر عليه دور الوالد ..
توكلت على الله .. وتوجهت نحو مواصلات (أم درمان) .. ونسيت تماماً حديث (حليمة) عن أصدقائي وخصامهم ..
أو بالأحرى شغلني عنه هم لقاء (والدي) .. الذي تخلى عن دور الصديق ..
تلك الأيام
وتلبسه دور الأب ... كثير الملاحظات ,الذي يصرف التعليمات رأيت هذه الصورة النمطية للأب في بيوت أصدقائي وكانوا يحسدونني علي أبى .. الذي كان صديقي ..
يبدو أن عينهم أصابتني .. وضربت علاقتي بوالدي ..
الذي صار مثل آباءهم .. بل أشد نكداً .. وتنكيلاً ..!!
Post: #13 Title: Re: لا يصلح للنشر (معركتي مع المافيا بين الخرطوم والدويم) ...!! Author: Shaker Hamid Date: 04-16-2009, 09:51 AM Parent: #11
الاستاذ كمال على الزين لك التحية على هذا السرد الرائع واصل منتظريـــــــــــــــن
Post: #14 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 10:08 AM Parent: #13
(*)
توجهت بخطوات متثاقلة .. نحو (موقف مواصلات أم درمان) ..
وأنا أردد كأي مبتدئ بعض الجمل الألمانية ..
(غوتن تاغ) .. (غوتن موغان) ..
(في هاسن زي) ..
(في غيتس إينن) ..
(سيغاغيتن ..شادن .. غوزن هايت ) ..
وفجأة .. صم آذاني صوت طلق ناري .. بشارع جانبي ...
هرعت كغيري لمعرفة مصدره .. دلفت إلى الشارع ..
وكانت المفاجأة ..!!
Post: #16 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 10:15 AM Parent: #14
(*)
شكراً على لطف كلماتك .. أخي شاكر ..
محبتي ..
Post: #21 Title: Re: لا يصلح للنشر (معركتي مع المافيا بين الخرطوم والدويم) ...!! Author: جمال السنوسي Date: 04-16-2009, 10:32 AM Parent: #14
كمال
صديقي
واخي الصغير
الذي لم اقابله (وجهالوجا)
كما عرفتك من اول سطر في هذا البورد
او أول محاذثة تلفونية بيننا
الابداع قدرة خلاقة تتبين في سردك الجميل
ولغة مرتبة شيقة
برغم يساطة الموضوع
ولكن حسن القيادة يجعلنا
نستمتع بالتنزه والترحال بين مفردات السرد والتمعن في اللوحات الجميلة التي تزين شوارع وسطور السرد
حقيقة اقولها لك
انا مثل غيري
ما من اجد مدينة حروف سطرها كمال في هذا البورد إلا وأسارع بنصب خيمتي في اي مكان بداخلها
لاصبح من سكانها المقيمين وليس من الزوار
وفقك الله يا كمال دائما
ونحن في انتظار المزيد من الابداع
Post: #23 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 10:42 AM Parent: #21
(*)
سلامات ياجيمي .. صديقي الجميل ..
شكراً على مابيننا من محبة ..
محبتي ..
Post: #24 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 10:42 AM Parent: #21
(*)
سلامات ياجيمي .. صديقي الجميل ..
شكراً على مابيننا من محبة ..
محبتي ..
Post: #15 Title: Re: لا يصلح للنشر (معركتي مع المافيا بين الخرطوم والدويم) ...!! Author: محمد فرح Date: 04-16-2009, 10:14 AM Parent: #13
النصيحه لي الله سردك ممتع جداً ولايمل إنت ذكرت إنك بتكره تلاته حاجات ومن ضمنها ذكرت الكيزان بعض الأدباء يعتقدون أن إظهار كره الإنقاذ أو الحكومه أياً كانت يساعدهم في بناء قاعده عريضه للمعجبين أنت تعلم أن القراء يحبون المصادمين دون الوادعين أتمنى أن لاتكون ضمن هذه الزمره في إعتقادي أنه من الافضل أن تبعد أعمالك الادبيه عن السياسه إلا إذا كان الامر يستوجب أنه لامفر من إدراج الأمر في الموضوع
Post: #17 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-16-2009, 10:19 AM Parent: #15
(*)
بتكمل ولا ح تضيع علينا خميسنا بالانتظار
ودالزين
سلام مربع
Post: #20 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 10:28 AM Parent: #17
(*)
سلامات يا صديقي إدريس
حا نكمل ...
أسعد الله خميسك ..
محبتي ..
Post: #25 Title: Re: لا يصلح للنشر (معركتي مع المافيا بين الخرطوم والدويم) ...!! Author: عثمان دغيس Date: 04-16-2009, 10:49 AM Parent: #17
بس يا أخوي إنت معهد جوته ده في الخرطوم شرق واللا غرب ...؟ وإنت حسبتها من ياتو نقطة ؟ لأنه يخيل لي شارع المك نمر يصنف خرطوم شرق ... وللا ما كده ؟
Post: #27 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 10:55 AM Parent: #25
Quote: بس يا أخوي إنت معهد جوته ده في الخرطوم شرق واللا غرب ...؟ وإنت حسبتها من ياتو نقطة ؟ لأنه يخيل لي شارع المك نمر يصنف خرطوم شرق ... وللا ما كده ؟
كده ونص .. بس راقد لي فوق راي ..
كيفك ياعثمان ..
شكراً على لطفك ..
Post: #18 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 10:22 AM Parent: #15
Quote: إنت ذكرت إنك بتكره تلاته حاجات ومن ضمنها ذكرت الكيزان بعض الأدباء يعتقدون أن إظهار كره الإنقاذ أو الحكومه أياً كانت يساعدهم في بناء قاعده عريضه للمعجبين أنت تعلم أن القراء يحبون المصادمين دون الوادعين أتمنى أن لاتكون ضمن هذه الزمره في إعتقادي أنه من الافضل أن تبعد أعمالك الادبيه عن السياسه إلا إذا كان الامر يستوجب أنه لامفر من إدراج الأمر في الموضوع
مرحباً أخي / محمد فرح ..
السياسة جزء من الحياة .. والكتابة هي (إجتزاء) جزء من هذه الحياة وتقديمه للقارئ بكل تفاصيله .. كراهية الكيزان ماها عيب .. وكراهية الشيوعيين ماها عيب ..
والكتابة موقف يا أخي الفاضل .. وأنا أسجل موقف ضد من أظنهم ليسوا بخييرين .. وهذا أضعف الإيمان وهو (نضال سلمي ومشروع) ..
يعني إنتو ما بتعترفوا إلا بحملة السلاح ؟
أسي كان جاكم زول قال ليكم بكرهكم بي (الكلاشنكوف) بتفاوضوه وتدوهو غرفة في القصر ..
أنا مازول (كلاش) ولا أجيز العنف .. إن كان قلمي أكثر إزعاجاً من (قاذفات) خليل .. فهذه كارثة ..
____________________________ بالمناسبة الكهربا كيف؟ أوعا تكون قطعت وأحرجت سعادتكم ..
Post: #19 Title: Re: لا يصلح للنشر (معركتي مع المافيا بين الخرطوم والدويم) ...!! Author: المسافر Date: 04-16-2009, 10:27 AM Parent: #15
Quote:
في إعتقادي أنه من الافضل أن تبعد أعمالك الادبيه عن السياسه إلا إذا كان الامر يستوجب أنه لامفر من إدراج الأمر في الموضوع
أها شفت كيف كلام يتقال لي زول جايب سيرة الدويم.. وماسك الشارع إلى الخرطوم ونايم نوم في وكر المافيا .. يا سلام سلم
(في إحتمالي وبالي إنك سايق فينا ظنك)
Post: #22 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 10:35 AM Parent: #19
Quote: أها شفت كيف
شفت ياصديقي شفت..
يعني (شعبان عبدالرحيم) بلعلع النهار كلو (أنا بكره إسرائيل ) مافيش حد سألو , .. نحنا كراهية كتابة ساي ما عاوزيننا نكرها ..!!
__________________________
الكهربا عندكم كيف يالمسافر ..؟ باقي ودفرح أخوي بشركم بي تيار متواصل ..
كان قطعت عليك الله بعد (الحنجوريات) دي مالينا حق نكره الكيزان ..؟؟
Post: #26 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 10:51 AM Parent: #22
(*)
هرعت مع من هرعوا إلى مصدر الصوت .. كان شارعاً جانبياً , يمكنك أن تسميه (زقاقاً) ..
ولكنه (زقاق) بقلب الخرطوم .. يفصل بين بيتين أظنهما إحدى مساكن (الحكومة ) .. التي تتكون من طابق واحد ..
وصلت قبل الجميع .. والجميع هنا كلمة فضفاضة بعض الشئ .. فقد كانت الخرطوم خالية إلا من بعض (ماسحي الأحذية) .. و(الموظفين) الذين تأخروا بعض الشئ بعملهم ..
كنا بضعة أشخاص .. وكانت صدمتي أكبر هولاً من صدمة الآخرين ..
فقد وجدت صديقي (حمادة) ممسكاً (بطبنجة) صغيرة فضية اللون .. وأمامه على الأرض يتمدد (حسن) وهو غارق في دماءه ..
ومن فوقه عكف (حامد) على تحسس موضع الرصاصة أعلى صدره .. وهو يصرخ في (هستيريا) ..
رآنا (حمادة) ولكنه لم يهرب .. لم يحرك ساكناً .. وهرب أغلب الذين وصلوا معي حين رأؤوا بعينيه .. نظرة شريرة غير مطمئنة ..
ثم خلا الشارع إلا من أصدقائي الثلاثة .. وأنا ..
وكان أحدنا قد فارق الحياة ..!!
Post: #28 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 11:06 AM Parent: #26
(*)
بعد أن خلا المسرح .. إلا من ثلاثتنا (حمادة) و(حامد) و(أنا) .. ورابعنا (جثة) ..
كنت حسب تجربتي المتواضعة في الحياة .. أحسب أن (حمادة) سينهار .. وسيجذع من هول الصدمة ..
فقد قتل للتو صديقه المقرب .. لكنه ويا للعجب ..
وجه (طبنجته ) نحونا .. وقال بلهجة آمرة ..
وصوته واثق :
أسمعوا إنتو الإتنين شيلو الجثة دي ختوها في عربيتي ..
رفعنا رأسنا حوله في زهول ..
نظر إلينا وكرر قوله : يلا بسرعة ..
وسمعنا صوت (صمام الأمام) وهو يسحبه في إشارة إلى أنه جاد في أمره ..
وكان تهديداً مخيفاً ..
حملنا الجثة ووضعناها بسيارته .. وكانت الدماء قد لطخت ثيابنا ..
فأدار محرك السيارة .. وأنطلق مسرعاً ..
وتركنا أنا و(حامد) .. في حيرة وخوف وحالة من الهزيان والصدمة .. والخوف .. والبرد ..!!
Post: #29 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 11:32 AM Parent: #28
(*)
تركنا (حمادة) .. نرتعش من البرد , لا أظنها لم تكن رعشة سببها البرد فحسب .. إنها رعشة خوف مشوبة بحدث كان أكبر من طاقتنا على إستيعاب الأمر الواقع ..
نسيت أن أخبركم .. أن (حمادة) قبيل أن يتحرك بسيارته حاملاً جثة (حسن) ..
كان قد أشار إلينا دون أن يتحدث .. إشارتان ..
الأولى بأن وضع سبابته على شفتيه .. وهي تعنى أن نلتزم الصمت ..
والثانية كانت بأن حرك كفه على رقبته في إشارة إلى الذبح ..
وكانت كافية لنعلم أنه جاد .. بتهديده ..
جلسنا زهاء الساعة .. بل ساعتان ..
لا ربما كن أربع ساعات ..
لا أدري فقدت ليلتها الإحساس بالزمن ..
أظننا جلسنا .. مقدار ماجثمت هذه الحادثة على صدرورنا .. وكان وقتاً ليس بالقليل ..
لم نحدث بعضنا .. ولا زالت ثيابنا .. ملطخة بدم (حسن) ..
وأجسادنا ترتعش ..!!
Post: #30 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-16-2009, 11:51 AM Parent: #29
(*)
أذن الفجر ..
سمعنا مساجد الخرطوم .. ترفع (الأذان) تباعاً ..
كأنها تكرر النداء من أجلنا نحن .. لتؤكد لنا أنه علم وليس بحلم ..
إكتشفنا أننا ظللنا على تلك الحال .. مقدار مابين العشاء والفجر ..
مرت كأنها لحظات قصيرة ..
أخرجنا صوت الأذان من صمتنا وزهولنا وأشتد إحساسنا بالبرد
سألني (حامد): الساعة كم ؟ معقولة ده الصبح أذن ؟
لم أجبه على سؤاله , لكنني رددت بسؤال: الحصل ده حقيقي يا(حامد) ؟ أنا ماقادر أصدق ..!!
أجابني (حامد) : ياريتو كان حلم .. حقيقي أنا غالطت نفسي كتير لكن إقتنعت إنو حقيقي ..
أجابني : أيوة لا حظت , ولاحظت كمان إنو جادي تعرف أنا حسيت إنو ده ما(حمادة) ده زول تاني أنا مابعرفو ..
رددت : طيب يعني نسكت ونمشي بيوتنا كأنو مافي شي حصل ..؟
ظللنا على تلك الحال حتى أشرقت الشمس ثم قررت في بادئ الأمر أن أتصل على والدي أستشيره ثم تذكرت أنه لم يعد صديقي ..
قررنا أن نتوجه إلى الشرطة .. كانت الشمس قد بدأت تخرج من بين طيات الأفق ..
توجهنا نحو قسم الشرطة .. وكان قرارنا الأخير ..!!
Post: #31 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال سالم Date: 04-17-2009, 01:52 AM Parent: #30
بالله أنا زمنى ده كلو مصاحب لى عضو مافيا وماعارف ؟؟؟ يازول من بكره أختانى تب ,, أنا أبو بنيات !! أخير لى أصاحب محمد فرح ده ,, يمكن لمن كهربتو تجى يدينى كم واط بالمجان .
يعنى هسه ننتظر لى يوم السبت ولا شنو ؟؟ غايتو جنس شحتفه !!
Post: #32 Title: Re: لا يصلح للنشر (معركتي مع المافيا بين الخرطوم والدويم) ...!! Author: Seif Elyazal Burae Date: 04-17-2009, 02:10 AM Parent: #31
كمال علي الزين
والله خلعتني عدييييييييييل كده وانا الذي خبر دروب روما ودمشق ونيويورك في يوتيكا وبروكلين
يا زول الحاصل شنو؟
الحكاية دي انا شامي فيها ريحة كيزان وأمن
نسعل الله السلامة
متابعين ومنتظرين بس ما تتاخر علينا عشان دايرين نحصل صلاة الجمعة
سيف روما
Post: #44 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 07:46 AM Parent: #32
(*)
سيف برعي ..
إنتا طبعا كنتا من سكان روما ..
حظك سمح ما لمو فيك .. نحنا لمو فينا في نص الخرطوم ..
حظنا كده ..
محبتي ..
Post: #45 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 07:46 AM Parent: #32
(*)
سيف برعي ..
إنتا طبعا كنتا من سكان روما ..
حظك سمح ما لمو فيك .. نحنا لمو فينا في نص الخرطوم ..
حظنا كده ..
محبتي ..
Post: #42 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 07:41 AM Parent: #31
(*)
أهو السبت جا ياكيمو ..
حا نواصل .. بس أتمنى إنهم يكونوا نسوني ناس المافيا والبوست ده مايجيب لينا مشاكل معاهم ..
عندنا عيال بنربي فيهم ..
Post: #43 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 07:41 AM Parent: #31
(*)
أهو السبت جا ياكيمو ..
حا نواصل .. بس أتمنى إنهم يكونوا نسوني ناس المافيا والبوست ده مايجيب لينا مشاكل معاهم ..
عندنا عيال بنربي فيهم ..
Post: #78 Title: Re: لا يصلح للنشر (معركتي مع المافيا بين الخرطوم والدويم) ...!! Author: سمرية Date: 04-19-2009, 11:37 AM Parent: #28
Quote: فقد وجدت صديقي (حمادة) ممسكاً (بطبنجة) صغيرة فضية اللون .. وأمامه على الأرض يتمدد (حسن) وهو غارق في دماءه ..
Quote: بعد أن خلا المسرح .. إلا من ثلاثتنا (حمادة) و(حسن) و(أنا) .. ورابعنا (جثة) ..
100% يا كمال ..
بس راجع الاقتباسات اعلاه ..
ساعود بعد تكملة القراءة ...
Post: #79 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 11:57 AM Parent: #78
Quote: % يا كمال .. بس راجع الاقتباسات اعلاه .. ساعود بعد تكملة القراءة ...
شكراَ سمرية .. على التنبيه (الهام)
سأعود للتعديل ..
____________________ عذراً فالقصة أكتبها هنا مباشرة
خالص إمتناني ..
Post: #33 Title: Re: لا يصلح للنشر (معركتي مع المافيا بين الخرطوم والدويم) ...!! Author: الشفيع محمد صادق Date: 04-17-2009, 06:28 PM Parent: #1
كمال ... يا حكاي ...ياجميل.... فر صة اولا لاشكرك علي سابق فضلك في الترحيب بي ... حكي جميل .. في إنتظارك ... دم بخير بعيدا عن المافيا والكيزان ... هم اكثر إخافة من المافيا!.تحياتي
Post: #34 Title: Re: لا يصلح للنشر (معركتي مع المافيا بين الخرطوم والدويم) ...!! Author: Hadeer Alzain Date: 04-17-2009, 07:37 PM Parent: #33
Quote: سأحدثكم وأجرى على الله , عن قصتي مع (المافيا) ..!!
وش مهجوم و no comment !
Quote: ولا أخفى عليكم أنني لست حسن الظن بنفسي .. وأعمالي جلها كفيلة بإرسالي إلى جهنم في رحلة مؤبدة ..
أما فيما يخص النقطة أعلاه نوصي برحلة عاجلة لأداء فريضة الحج وكما تعلم فوائدها جمة .. روحية .. إستشفائية .. جالبة للطمأنينة واليقين وكمان مكفرة للذنوب.
وليك طولة العمر يا أخوي
Post: #35 Title: Re: لا يصلح للنشر (معركتي مع المافيا بين الخرطوم والدويم) ...!! Author: سيف الدولة كامل Date: 04-17-2009, 09:46 PM Parent: #34
والله يا كمال احسن ليك تكملها
والا نحرش ليك ما فيا تاني
سرد جميل ورائع لكن شحتفت
روحنا والله انا من مواليد الخرطوم
غرب والله يا كمال فيها قصص مشابه
كانت بتحدث, منتظررررررررين
سيف الدولة كامل
نيويورك
Post: #36 Title: Re: لا يصلح للنشر (معركتي مع المافيا بين الخرطوم والدويم) ...!! Author: إسماعيل وراق Date: 04-18-2009, 06:08 AM Parent: #35
العزيز كمال كلام والله. سرد ممتع رغم ملامح فصول المأساة
.. .. كزول دويم.. منتظر الفقرة الخاصة بي كأحر من الجمر.
Post: #37 Title: Re: لا يصلح للنشر (معركتي مع المافيا بين الخرطوم والدويم) ...!! Author: عبدالأله زمراوي Date: 04-18-2009, 06:33 AM Parent: #36
كمال والله أنت الروعة تمشي ىعلى قدمين بهذا المنبر!
إتفق تماما معك في كراهية الكيزان وهم مافيا السودان بحق وحقيقة وقرصان سفينتنا!
واصل بنفس الروعة..
Post: #38 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 06:43 AM Parent: #37
(*)
ساد بيننا الصمت .. أطبق على صدورنا هم وقلق وحزن وخوف .. قلق من ما سأسمعه بالتأكيد من صديقي السابق والدي .. حين يعلم ما أقحمت فيه نفسي .. بسبة التسكع والتمرد على حياتنا العادية ..
ثم حزن لم يفارقني يوماً .. على (حسن) .. صاحبنا الذي ذبح أمامنا .. وتلطخت أيدينا بدماءه .. ونحن نذعن لحمادة وننقل جثته إلى سيارته ..
وخوف من عواقب الأمر .. فبالتأكيد (حمادة) كان جاداً بتهديده .. ولن يقف مكتوف الأيدي .. حين يعلم أننا توجهنا للشرطة ..
قطع خواطري تلك صوت (حامد) : أهو القسم قدامنا .. بس حا نقول ليهم شنو ؟
توقفنا ونظرنا إلى بعضنا البعض ..
ثم أجبته بصوت مرتعش : نقول الحقيقية طبعاً ..!!
Post: #39 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 07:00 AM Parent: #38
(*)
نظرت إلى تلك اللافتة التي لا تزال مضاءة .. فلازال الوقت باكراً على إطفاءها ..
الشمس لم تزل خجولة .. تخرج وجههاشيئاً فشيئاً ..
كعذراء تستعد لمقابلة زوجها للمرة الأولى ..
نظرت إلي اللافتة .. رأيت فيها المخرج ولا شك ..
(الشرطة) .. التي هي في خدمة الشعب ..
ثم تذكرت أمراً هاماً .. نظرت إلى (حامد) وقلت :
إنتا يا(حامد) كنتا معاهم من بدري و(حليمة)قالت لي كنتا زعلانين من بعض .. يعني أكيد عارف السبب الخلا (حمادة) يقتل (حسن) ..!!
صمت (حامد) ولم يجبني .. ولكنه جرني إلى طريق جانبي خلف قسم الشرطة .. وجدنا سيدة تستعد لنصب جلستها التي تبيع من وراءها (الشاي) ..
أشار إلي بالتحرك نحوها ..
باغته : يا(حامد) إنتا نفس تشرب شاي كمان ..!!
أجابني : لا تعال بس أحكي الحصل شنو بينا ..!!
Post: #40 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 07:00 AM Parent: #38
مكرر
Post: #41 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 07:21 AM Parent: #40
(*)
كنا أول من يؤم المكان ذلك الصباح الباكر .. جلسنا أمام (ست الشاي) دون حتى أن نسلم عليها .. أو نحييها ..
لم تكترث لهذا الأمر , يبدو أنها معتادة على التعامل مع من يفتقرون إلى اللياقة ..
صمت (حامد) وأطرق قليلاً , ثم وجه حديثه لها :
عليك أدينا إتنين شاي ..
ثم قال بصوت تعمده خافتاً : طبعا إنتا عارف إنو نحنا أصحاب من زمان , أنا و(حسن) و(حمادة) أجبته : عارف .. أها واصل ..
قال وقد بدا عليه الحرج : بس الإنتا ماعارف إنو (حمادة) بحب (حسن) ..!!
أجبته : كيف ماعارف , عارف طبعاً .. وأنا زاتي بحبو وبحبكم الإتنين , أما الصداقة كيف بدون محبة ؟
إبتسم في مرارة وقال : لا أنا قاصد حب من نوع تاني , حب كده عديل ياخينا ..!!
أجبته ولم أفهم مرماه بعد: حب..!! حب عديل كيف ؟ الحب ياهو الحب , بعدين إنتا جايبنا هنا ومعطلنا عن المشي للقسم عشان توريني حاجات أنا عارفا ..؟
أجابني وقد نفذ صبره : ياخي .. عارف شنو ؟ (حمادة) بحب (حسن) زي ما إنتا بتحب (أشجان) .. حب عديل كده .. ده شنو الطيرة ده ..!!
Post: #50 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 08:08 AM Parent: #37
(*)
مولانا عبدالإله ..
صباحك خير ..
شكراً على لطفك ومجاملتك الرقيقة ..
محبتي ..
Post: #51 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 08:08 AM Parent: #37
(*)
مولانا عبدالإله ..
صباحك خير ..
شكراً على لطفك ومجاملتك الرقيقة ..
محبتي ..
Post: #49 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 08:04 AM Parent: #36
(*)
الحبيب وراق ..
سنواصل حتى الدويم .. وليالي مرعبة قضيتها هناك ..
محبتي ..
Post: #48 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 08:03 AM Parent: #35
(*)
العزيز سيف الدولة
سأكمل فتهديدك يخيفني جداً .. بعد تلك التجربة ..
محبتي ..
Post: #47 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 07:55 AM Parent: #34
(*)
صباحك خير .. أختي الغالية / هدير ..
الله يطول عمرك كمان ..
محبتي ..
Post: #46 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 07:48 AM Parent: #33
(*)
سلامات ياشفيع ..
مرحباً بك مرة أخرى ... شكراً على لطفك ..
محبتي ..
Post: #52 Title: Re: لا يصلح للنشر (معركتي مع المافيا بين الخرطوم والدويم) ...!! Author: Dr. Haitham Mekkawi Date: 04-18-2009, 08:57 AM Parent: #46
الاستاذ كمال ...
سرد جميل و وقفات درامية .. واصل واصل ..
Post: #53 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-18-2009, 09:00 AM Parent: #46
(*)
عدت أسأله ولم يعد هنالك مايكفي من مفاجآت تستطيع إخراجي من حالة الصدمة التي نتجت عن مصرع (حسن) :
بحبوا طيب قتلوا عشان بحبوا ؟
رد (حامد) : ماعارف .. لكن (حمادة) كان بغير عليهو , يعني لو شافو ماشي مع زول ولا واقف مع زول بعمل ستمية مشكلة ..
طفق (حامد ) يتحدث طويلاً عن أمر محبة (حمادة) وغيرته على (حسن) ..
وشردت بعيداً أفكر في العالم الذي أقحمت نفسي به ..
حتى أخرجني صوت (ست الشاي) وهي تسألني : سكرك كيف ؟ أجبتها : آآآ .. سكر زيادة ..
لم أعلق على حديثه , تلفت حولي فوجدت (عمارة) تحت التشييد وحولها (حوش ) تجلس بداخلة (ست شاي) ..
توجهت نحوها , وتبعني (حامد) وهو يقول : إحنا خلاص بقينا من (ست شاي) لي (ست شاي) ..
دخلنا وجلسنا قربها .. وطلبنا (ماء) .. كان العطش قد تملك منا وجفت حلوقنا ..
مدت لنا (ست الشاي) بإناء من النيكل .. بعد أن إغترفت الماء من (باقة بلاستيكية) كبيرة
شربنا ثم طلبنا (الشاي) .. وبينما نحن نحتسي (الشاي) ونفكر في صمت ..
إذا ب(حمادة) يدخل الحوش وبصحبته ثلاثة رجال .. أقلهم حجماً , لا يقل عن (هرقل) طولا وعرضاً ..
وضعنا (الشاي) أمامنا بحركة لا إرادية .. وهذه المرة لم يكن لدينا الوقت لدفع الحساب ..
ركضنا عكس إتجاه دخولهم ..
وقد إزدادت مخاوفنا ..
فقد إتضح الأمر ..
(حمادة) سينفذ تهديده .. بل بدأ فعلياً بتنفيذه ..
بعد أن تأكد له أننا لم نستجب لأمره ولم نلتزم الصمت ..!!
Post: #60 Title: Re: لا يصلح للنشر (معركتي مع المافيا بين الخرطوم والدويم) ...!! Author: ضحيه ابراهيم Date: 04-18-2009, 11:38 AM Parent: #57
الاخ الاستاذ/كمال على الزين
تحياتى
قطعه ادبيه جميله ولك ملكه سرديه رائعه شكرى الجميل
بس عندى توضيح بسيط واتمنى ان لاتسىء فهمى:
Quote: (حامد) وهو من أبناء قبيلة البقارة .. نزح أهله من (بابنوسة) وأستقروا بالخرطوم .. وهو أعسر يستخدم يده اليسرى في كل أمره ..
قبائل البقاره هم اصحاب مواشى ويحترفون الزراعه واغلبهم يمتلك كما هائلا من المواشى والابقار ولا ينزحون الى المدن حتى فى احلك ظروف الجفاف والتصحر فى العام 83 حتى 86 لم يتاثروا لدرجة النزوح لانهم يعيشون فى منطقة اشبه بالسافنا الغنيه من جنوب غرب كردفان وحتى شمال بحر الغزال ومن جاء منهم الى العاصمه لم ياتى نازحا بل جاء من اجل التعليم او العلاج كاغلب اهل السودان الذين جاءوا للخرطوم وبالمناسبه مدينة بابنوسه التى ذكرتها بها عموم قبائل السودان من شايقيه ودناقله وجعليين ورباطاب وايضا من الجزيره وكميه من الكتياب ولازالو يعيشون بها حتى اليوم هل نطلق عليهم نازحين ام صفة النزوح اقتصرت فقط على اهل الغرب الذين ياتون الى الشمال؟ علما بان اغلب ساكنى العاصمه من القبائل الاخرى جاءوا اليها من مناطقهم الاصليه فهل نطلق عليهم نازحين؟ ام فاتحين.
Post: #61 Title: Re: لا يصلح للنشر (معركتي مع المافيا بين الخرطوم والدويم) ...!! Author: ضحيه ابراهيم Date: 04-18-2009, 10:01 PM Parent: #60
فوق لحين عودة سيد الدار
Post: #62 Title: Re: لا يصلح للنشر (معركتي مع المافيا بين الخرطوم والدويم) ...!! Author: طارق جبريل Date: 04-18-2009, 11:29 PM Parent: #61
كمال الله يديك العافية
Post: #63 Title: Re: لا يصلح للنشر (معركتي مع المافيا بين الخرطوم والدويم) ...!! Author: Yassir Tayfour Date: 04-19-2009, 01:04 AM Parent: #62
يا ود جبريل، بطل مُطايبة، كيمو ده طلع مجرم وهادي نفضة يدي منو، والله يستر على كمال سالم البصاحب بدون فيش.. __ يا كيمو بالله كمل إجرامك ده وبعد تنتهي من الحكي جهز أغراضك عشان رقاد البلاط، نحن ما زيك بنسكت لحمادة، وكتين تتهرشو، يهرشكم حمادة، لو كان إسمو "أُمحُمد" كان عذرناكم..
Post: #64 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 09:30 AM Parent: #63
Quote: يا كيمو بالله كمل إجرامك ده وبعد تنتهي من الحكي جهز أغراضك عشان رقاد البلاط، نحن ما زيك بنسكت لحمادة، وكتين تتهرشو، يهرشكم حمادة، لو كان إسمو "أُمحُمد" كان عذرناكم..
المسدس يا (أب تفة)المسدس , والشداد الغلاظ المعاه ..
ناس (حمادة) وصلوا لواآت في الجيش إنت ما مواكب ولا شنو؟
Post: #65 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 09:55 AM Parent: #62
(*)
الله يسلمك ويعافيك ياصديقي طارق جبريل ..
شكراً على جمال الطلة ..
محبتي ..
Post: #66 Title: Re: لا يصلح للنشر (معركتي مع المافيا بين الخرطوم والدويم) ...!! Author: أيمن الطيب Date: 04-19-2009, 10:09 AM Parent: #65
سلامات يا كيمو (أدهم صبرى ) من الآن فصاعدا,,,
خيالك أوسع مما كنت أتخيل,,, الشياطين التلتاشر صاعوا,,
لكن إنت قول لى أكتر حاجة عجبتنى فى الفيلم بتاع المافيا دا شنو؟؟؟؟ عليك الله أسألنى!!!
إتنين طن كهربا بالسمك زاتو(محبة وكدا)
Post: #67 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 10:30 AM Parent: #66
(*)
أيمن الطيب
صباح الخير ...
ومتى أختلط (السمك) ب(الكهرباء) ..
):
Post: #68 Title: Re: لا يصلح للنشر (معركتي مع المافيا بين الخرطوم والدويم) ...!! Author: أيمن الطيب Date: 04-19-2009, 10:46 AM Parent: #67
كمال الزين,, مساء الخير,,
Quote: ومتى أختلط (السمك) ب(الكهرباء) ..
عندما إفتُتح سد مروى!!!
أها الراى شنو؟؟؟؟
Post: #69 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 10:49 AM Parent: #68
(*)
الراي :
تقرضوا على (السمك) .. وتنسوا (الكهربا)..
شعب ماعندو زمة .. هو إنتو كنتو لاقين (سمك) ؟
Post: #70 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-19-2009, 10:55 AM Parent: #69
(*)
انا ماشي لي ود الباوقة اجيب لي سمك وكم عبار .. عشان اقيل هنا
تكمل ولا اقيل مع ودالباوقة
Post: #72 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 11:04 AM Parent: #70
Quote: انا ماشي لي ود الباوقة اجيب لي سمك وكم عبار .. عشان اقيل هنا
أمشي جيب ليك (سمكتين) كبار و(العبار) علينا .. شعار المرحلة :
سمكة لكل مواطن ..
_______________________________
(وشمعة)
):
Post: #74 Title: Re: لا يصلح للنشر (معركتي مع المافيا بين الخرطوم والدويم) ...!! Author: أيمن الطيب Date: 04-19-2009, 11:07 AM Parent: #70
Quote: (*) الراي :
يا كمال الزين,,
أنسانى من البيش,,,
أنا منتظر الراى التانى داااااااااااك والأهم!!! عشان نواصل بعد الفاصل ونشوف حصل شنو مع المافيانوس!!! أدينا الراى سريع عشان نطلع ونخليك تكمل يا حليو!!!!! وقع ليك؟؟؟ودرس دا كان لحق جاب عبابيرو وجاك,,,,,
قطع شك بلخبتا
زى ما قلتا ليك,,,,
Post: #75 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 11:16 AM Parent: #74
الحكومة وعدت فأوفت .. الكهرباء في متناول الجميع .. بلا إنقطاع .. وكمان عليها (سمك) فوق البيعة
مع تحيات : (محمد فرح) و(ودالباوقة) .. والتيار المتواصل ..
Quote: القصة دي حقيقية ولا من بنات أفكارك؟ عشان كان بقت حقيقية .. تاني منك خوف أخوي
حقيقية .. يمة ..حقيقة مع تغيير في الأسماء لزوم (التمويه) باقي (المافيا) إيدا طايلة ...
Post: #77 Title: Re: لا يصلح للنشر (معركتي مع المافيا بين الخرطوم والدويم) ...!! Author: جعفر محي الدين Date: 04-19-2009, 11:37 AM Parent: #73
السلام عليكم شوقتنا يا رجــل عندما يجتمع جمال السرد ومتعة التشويق تصبح الحقيقة قصة لابد من مطالعتها
Quote: كزول دويم.. منتظر الفقرة الخاصة بي كأحر من الجمر.
أنا منتظر مع الزعيم وراق دا ...
تحيـــــــاتي وبالله عجّل علينا ...
Post: #80 Title: Re: لا يصلح للنشر (معركتي مع المافيا بين الخرطوم والدويم) ...!! Author: Nazar Yousif Date: 04-19-2009, 11:57 AM Parent: #77
الأخ كمال اسلوب مشوق وطبعا فى أثناء المسح اليومى السريع جدا التقطت " الدويم" فعدت بسرعة اقل ولحقت الباخرة فى "الأسكلا " ومنتظرين مع اسماعيل وراق وجعفر محى الدين " الصقراللى الدويم ضوا".
Post: #83 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 12:12 PM Parent: #80
(*)
العزيز/ نزار ..
شكراً على لطف حضورك ..
(الدويم) مدينة جميلة .. لي بها ذكريات جميلة ..
محبتي ..
Post: #81 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 12:09 PM Parent: #77
مكرر
Post: #82 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 12:09 PM Parent: #77
(*)
العزيز/ جعفر محي الدين
سنرتحل إلى الدويم معاً .. وحا نعدي البنطون ..
وسنستقر (بشندي فوق) ..
محبتي لك .. ولكل أهل (الدويم) ..
Post: #84 Title: Re: لا يصلح للنشر (معركتي مع المافيا بين الخرطوم والدويم) ...!! Author: الارقم عبدالله طلب Date: 04-19-2009, 12:18 PM Parent: #82
يا كمال بالله نحن قاعدين فى النت دا وبندفع قروش
ما تفلس بينا ساى
احكى سرعة سرعة وعقب بعد نهاية القصة دى
ودى التام لك
Post: #85 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 12:20 PM Parent: #84
(*)
العزيز /الأرقم ..
سنواصل .. حفاظاً على (ذات جيبكم) ..
محبتي ..
Post: #86 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 12:35 PM Parent: #85
(*)
توقفنا أمام قسم آخر من أقسام (الشرطة) .. تلفتنا حولنا جيداً ثم دخلنا ..
كان الأعياء قد بدأ يبدو جلياً على كلينا .. قلت موجهاً حديثي لرفيقي (حامد): إنتا يا(حامد) أسكت ساي خليني أتصرف أنا ..
رد (حامد) : طيب كويس ..
ولم يزد على ذلك ..
دخلنا كان العسكر يملأؤون المكان .. نظرت إلى أكبرهم سناً .. كان برتبة (المساعد) .. خمسيني متوسط الطول .. أشيب , تبدو على وجهه تلك الهالة من الطيبة والوداعة التي تحسها منذ الوهلة الأولى ...
توجهت نحوه .. كان مطرقاً يكتب على دفتر كبير الحجم ..
إبتدرت الحديث متلعثماً : السلام عليكم .. ياجنابو ..
رفع رأسه ورسم على وجهه إبتسامة أراحتني كثيراً : عليكم السلام يا إبني ..
تلفت حولي ثم ترددت قبل أن أسأله : ياجنابو أنا عندي بلاغ .. بس عاوزك تنصحني بي ضابط تثق فيهو ..
ضحك ولم تبدو عليه آثار الدهشة ,ثم قال: ضباطنا كلهم موثوق فيهم .. عاوز تبلغ عن شنو؟ أجبته : لا أنا عاوزك تنصحني بي ضابط معين , ..
إبتسم ثم قال بعد أن وضع دفتره جانباً وهب من جلسته ووضع (البوريه) على رأسه :
طيب تعال أوديك لي جنابو (عثمان) ضابط قديم وزول محترم وبالو طويل ..
تبعته ومن خلفنا (حامد) .. تبعناه في صمت .. حتى غرفة (الضابط) ..
طرق الباب ولم ينتظر رداً , فتحه ودخل .. رفع يديه بالتحية العسكرية , ثم قال : ياسعادتك في شابين هنا عندهم بلاغ بس مترددين كده شكلهم خايفين ..
سمعنا صوتاً أجشاً قوياً جاء من الداخل : دخلهم طيب ..
دخلنا ووجدناه على مكتبه في مواجهتنا ..
ولم نكد نتلفت حولنا بالمكتب الصغير .. حتى تراجعنا ..
وأطلقنا ساقينا للريح ..
مرة أخرى ...!!
Post: #87 Title: Re: لا يصلح للنشر (معركتي مع المافيا بين الخرطوم والدويم) ...!! Author: Hala Hassan Date: 04-19-2009, 12:46 PM Parent: #85
يا كمال الزين، متابعين معاكم هذا السرد الجميل، متابعين،،،
و منتظرين نشوف النهايات، و نعرف نصاحبكم بعد كدة و لا لأ؟؟؟؟ :D :D :D
Post: #89 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 12:57 PM Parent: #87
(*)
نهارك سعيد يا(هالة)
ماتسمعي كلام المغرضين ديل .. أخوك (ضحية) والله ..
بعد ما أكمل حا تحني علي ...
):
Post: #88 Title: Re: لا يصلح للنشر (معركتي مع المافيا بين الخرطوم والدويم) ...!! Author: الصادق خليفة Date: 04-19-2009, 12:50 PM Parent: #77
الاخ كمال الزين
تسجيل حضور و أعجاب بالسرد الجميل .
Post: #90 Title: Re: لا يصلح للنشر (معركتي مع المافيا بين الخرطوم والدويم) ...!! Author: إسماعيل وراق Date: 04-19-2009, 12:58 PM Parent: #88
Quote: ومنتظرين مع اسماعيل وراق وجعفر محى الدين " الصقراللى الدويم ضوا".
نزار يوسف الجنى كمال دا ظاهر عليه داير يجننا ساكت.. شايفو وصل لغاية شندي فوق.. غايتو كان من محطة (5) وعاين شرق يكون الكلام دخل الحوش.. بس قول يا لطيف..
.. .. يا كيمو في الإنتظار.
Post: #92 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 01:08 PM Parent: #90
(*)
العزيز/ إسماعيل وراق ..
(شندي فوق) وشارع جميل عشتا فيهو سنتين الوالد كان موظف حيكومة وكده .. نقلونا (الدويم) وعشنا في شارع لا زلت أذكر أهله بالخير والمحبة ..
شارع ناس (غزالي) و(أبشر) وناس بابكر , التوم (بتاعين اللواري) وربتني بتهم إسمها (نهى) .. الله يطراها بالخير ..
والشارع كان فيهو (رمضان) وأختو (ناننا) ..
محبتي ..
Post: #91 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 01:04 PM Parent: #88
(*)
العزيز/ الصادق ..
شكراً على لطفك ..
محبتي وأمتناني ..
Post: #93 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 01:31 PM Parent: #91
(*)
ركضنا إلى خارج القسم .. وسط دهشة العساكر وبعض المواطنين ..
فقدأتينا مبلغين عن شئ ما طوعاً .. وإذا بنا نخرج نهرول من أمام الضابط ..
ربما كان فرارنا المفاجئ .. هو ما جعل خروجنا من القسم ميسراً ..
لم نتوقف إلا بعد أن خارت قوانا ..
الشمس كانت تودع الوجود .. وتمضي نحو مستودع المغيب ..
الشفق الأحمر بدأ يلون الأرض والأمكنة ..
الدهشة لا زالت تسيطر على كلينا .. والخوف قد بدا يكبر ويتفتح ويتمكن منا أكثر فأكثر ...
فقد كان (حمادة) هناك .. كان بمكتب الضابط .. يجلس قبالته يحتسي كوباً من الشاي .. ويتبادل معه الحديث .. وكان الضابط يحدثه في ود ..
كان يجلس ويضع رجلاً على رجل .. كأنه بإنتظارنا ..
لمحناه لمحة خاطفة .. ولكن شبح إبتسامته لا زال يطاردنا ..
عدلنا عن فكرة اللجوء إلى الشرطة .. فقد كان نفوذ (حمادة) على مايبدو ..
أكبر من إدراكنا ..
قلت ل(حامد) : ماعندنا حل غير نمشي البيت .. أرح معاي بيتنا نصارح (أبوي) بالقصة إمكن يلقى لينا حل .. الحكاية دي شكلها أكبر مننا ..!!
Post: #98 Title: Re: لا يصلح للنشر (معركتي مع المافيا بين الخرطوم والدويم) ...!! Author: عبد اللطيف بكري أحمد Date: 04-19-2009, 03:38 PM Parent: #73
كمال ،، سرد مدهش ، وقصة مرعبة فعلا ،، نأسف للمقاطعة،، ma fille بالفرنسية تعني ابنتي ، تنطق (ma fi)أول مرة أعرف العلاقة،، شكرا بعد ماقطعت قلبنا،، (وش متواري من المافيا)،، موسيقى ارجو ان تكون مصاحبة للبوست!!
Post: #105 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-20-2009, 08:37 AM Parent: #98
Quote: كمال ،، سرد مدهش ، وقصة مرعبة فعلا ،، نأسف للمقاطعة،، ma fille بالفرنسية تعني ابنتي ، تنطق (ma fi)أول مرة أعرف العلاقة،، شكرا بعد ماقطعت قلبنا،، (وش متواري من المافيا)،، موسيقى ارجو ان تكون مصاحبة للبوست!!
العزيز / عبداللطيف ..
نعم هذا هو أصل كلمة مافيا ..
شكراً على الموسيقى الرائعة .. والحضور اللطيف ..
محبتي ..
Post: #95 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 01:56 PM Parent: #105
(*)
طول بالك علينا شوية يا(أمين ) ياخوي ..
):
Post: #96 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 02:33 PM Parent: #95
(*)
إستقر رأينا أخيراً .. على التوجه نحو بيتنا ..
واللجوء لوالدي .. والإستعانة به في مواجهة مصيبتنا تلك .. التي بدأت على مايبدو في التعاظم ..
كنت متردداً في بادئ الأمر .. فقد كانت علاقتي بوالدي متوترة بعض الشئ ..
وكنت أعامله بشئ من الندية .. حسب صداقتي المتجذرة به ..
وكان شاقاً على نفسي أن ألجأ إليه .. حاملاً مصيبة كبرى .. ستجعلني أنكسر أمامه ..
بعد أن تمردت عليه طويلاً .. كما أن هذه المصيبة ستقوي زعمه بسوء إختيارتي .. وستجعلني أخضع له في كل أمر مستقبلاً ..
و..
عن أي مستقبل أتحدث .. أنا الآن في أمر الحاضر .. وهذه المصيبة التي يجب أن أفكر بالخروج من بين شدقيها .. ثم بعد ذلك , هين أمر والدي ..
هكذا كنت أفكر طوال الطريق إلى (أمدرمان) ..
كنت عادة أتوجه إلى بيتنا في العرضة جنوب عبر شارع العرضة .. أنزل هنالك أمام إستاد المريخ , والأحفاد .. وأمتع نظري برؤية الحسان من كل لون وصنف ..
ثم أتوجه جنوباً حتى بيتنا ...
هذه المرة نزلت بشارع الأربعين .. عند محطة عابدين ..
ثم توجهت غرباً نحو العرضة .. عبر العباسية ..
وصلنا عند ناصية شارعنا .. ونظرت نحو بيتنا ..
ويا لسوء الحظ , .. فقد قررت الفرار مرة أخرى ..
وهذه المرة كان أمرنا أشد نكداً .. فهذه المرة سنفر من أمام بيتنا ..
ملاذنا الأخير ..!!
Post: #97 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-19-2009, 02:50 PM Parent: #96
(*)
كانت حيرتنا أكبر .. وكان خوفنا أعظم ..
حين رأينا سيارة (حمادة) تقف أمام بيتنا .. كان شارعنا هدئاً في ذلك الوقت .. رغم أن الشارع يضم عدة في مواجهة بيتنا (معهد أمدرمان العلمي) .. وعدة داخليات لطلاب وطالبات من مختلف ارجاء السودان ..
وكانت ناصية بيتنا تشغلها (بقالة الناجي) .. التي يؤمها طلاب (المعهد العلمي) و(الداخليات) .. على مدار ساعات اليوم ..
بعضهم لشراء إحتياجاته .. وبعضهم لإستخدام التلفون ..
كل هؤلاء لا أثر لهم .. كان شارعنا خال .. هادئ ..
وكانت سيارة (حمادة) تقف أمام بيتنا .. مظلمة ..
ومطفئة ..
ولا أثر له ..!!
Post: #99 Title: Re: لا يصلح للنشر (معركتي مع المافيا بين الخرطوم والدويم) ...!! Author: جعفر محي الدين Date: 04-20-2009, 07:04 AM Parent: #97
السلام عليكم ورحمة الله وبركاته صباح الخير يا كمال
يا خوي صحي النوم وتعال كمل قصتك دي على الأقل نطمئن إنك ما زلت على قيد الحياة
Post: #103 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-20-2009, 08:31 AM Parent: #99
Quote: السلام عليكم ورحمة الله وبركاته صباح الخير يا كمال
يا خوي صحي النوم وتعال كمل قصتك دي على الأقل نطمئن إنك ما زلت على قيد الحياة
صباح الخير أخي /جعفر ..
لازلنا على قيد الحياة والحمدلله .. ):
وسنواصل ..
Post: #100 Title: Re: لا يصلح للنشر (معركتي مع المافيا بين الخرطوم والدويم) ...!! Author: أيمن الطيب Date: 04-20-2009, 07:08 AM Parent: #97
يا أدهم صبرى ,,,
مساء الخير,,,
ياخ أنا مش سألتك سؤال سغيرونى أمبارح !!!! ياخوى إنت لسه ما مشيت الدويم وحايم ما بين الخرطوم وأمدرمان القصة بقت زى المسلسل المصرى إثارة وتشويق ولولوة وحراق روح,,
ياخ الراى شنو؟؟؟؟؟؟ دا سؤال محتاج إجابة لو سمحت ظروف سيادتك!!
أرجو سرعة الإستجابة
Post: #101 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-20-2009, 07:23 AM Parent: #100
اها الليلة جيتك بالبيرة بتاعتي .. وبرضو مقيل
Post: #102 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-20-2009, 07:34 AM Parent: #101
Post: #104 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-20-2009, 08:33 AM Parent: #100
Quote: ياخ الراى شنو؟؟؟؟؟؟ دا سؤال محتاج إجابة لو سمحت ظروف سيادتك!!
أرجو سرعة الإستجابة
صباح الخير يا أيمن ..
الراي .. تاكلو كهربا .. وتولعوا بالسمك ..
وترحلوا مروي ..
Post: #109 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-20-2009, 09:27 AM Parent: #104
(*)
إلتصقنا بحائط (الركن) الذي يقع على الناصية المقابلة لبيتنا ..
وظللنا نراقب سيارة (حمادة) التي توقفت أمام باب بيتنا مباشرة وكانت خالية .. ثم كانت صدمتنا أكبر حين أنفتح باب بيتنا .. وأطل من خلفه (حمادة) ورفاقه العمالقة ..
وخلفهم والدي يودعهم حتى ركبوا سيارتهم وأنطلقوا ..
وكان أن دخلنا بدوامة أخرى من الحيرة والتردد..
عاد والدي إلى البيت ودخل وأغلق الباب خلفه .. وتركنا (حامد) وأنا..
لحيرتنا وترددنا .. سألني (حامد) :
إنتا الحاج بتاعك ده شايفو معاهم آخر ظرافة .. يكونو قالوا ليهو شنو ؟
رددت عليه وأنا أتوجه نحو بيتنا وأطلب منه أن يتبعني : أسي نمشي البيت ونعرف و..
قاطعني :
إنتا مجنون ؟ تمشي البيت كيف بعد ماوصلوهو , ديل أكيد مراقبننا .. بعدين أبوك شايفو معاهم ثمن على عسل و..
عدت أنا لمقاطعته :
ده أبوي ياحامد أبوي .. إنتا عاوز تشككني حتى في أبوي الولدني ؟
Post: #110 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-20-2009, 09:47 AM Parent: #109
مكرر
Post: #111 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-20-2009, 09:47 AM Parent: #109
(*)
تجادلنا للحظات .. وحاولت إقناعه بأن والدي لا يمكن أن يكون جزءاً من هذه المؤامرة
وأن هنالك لبساً ما ..
لكنني لم أفلح في إقناعه .. وحسمني قائلاً : يازول أبوك .. أخوك .. جدك أنا مابخاطر .. نتفارق أحسن إنتا أمشي بيتكم وأنا بمشي محل ما أمشي .. لكن بعد ماشفتا (حمادة) طالع من بيتكم وأبوك بقدمو كمان أصلو مابخاطر .. سلام ..
رمى بالسلام وأتجه نحو الطريق العام وتركني لحيرتي ..
بيتنا على بعد خطوات ..
ولا أستطيع أن أقرر .. أدخل ..
أم لا ..!!
ثم تبعت صديقي دون أن أفكر إلا في عدم مفارقته فقد دخلنا هذه الورطة معاً ..
ولن نخرج إلا معاً ..
إلتفت خلفه ولما رأآني أتبعه .. إبتسم في إرتياح .. وواصل طريقه ..
إلا أنني سألته وأنا أحاول اللحاق به :
طيب أها نمشي وين ؟
Post: #112 Title: Re: لا يصلح للنشر (معركتي مع المافيا بين الخرطوم والدويم) ...!! Author: أيمن الطيب Date: 04-20-2009, 10:07 AM Parent: #111
يا كيمو صبرى,,,
بما إنك أبيت تسأل أسألك أنا وننتهى من القضية دى قبل ما تركب بينا الزلط بإتجاه الدويم!!!
الراى شنو البايت فوقو البخلى معهد جوتة يبقى فى الخرطوم غرب!!!!! سألوك قلتا بايتلك فوق راى!! ممكن أعرفو لو سمحت!!!!
ياخ إنت ما تقول أنا ود أمدرمان والخرطوم دي بروح فيها كان فارقت شارع الجمهورية عادى والله ناس كتار زيك كدا!!!يسألوك تقول بايت لي فوق راى!! !حنّااااااااااااااااك حنك عجيب لكن لقيتك, إعتذر لأخوك عثمان دغيس دا ياخ,,, آسف لقطع تسلسل الأفكار,,واصل!!!
تحياتى,,
Post: #113 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-20-2009, 10:10 AM Parent: #112
(*)
إعتذار شنو يازول ؟
أيمن أنا ما (محمد عادل) ..
):
قلنا ليك راقد لي فوق راي ..
بعدين أنا ماشتمتو عشان أعتذر ليهو ..
):
أيمن الطيب : روووق ..
Post: #217 Title: Re: لا يصلح للنشر (معركتي مع المافيا بين الخرطوم والدويم) ...!! Author: عثمان دغيس Date: 04-27-2009, 11:07 AM Parent: #113
Quote: قلنا ليك راقد لي فوق راي ..
بعدين أنا ماشتمتو عشان أعتذر ليهو ..
ما شتمتو آآآآآي لكن ( جليتو ..!! ) ورينا رايك الراقد فوقو ... لأننا زااااااتنا راقدين لينا فوق راي ...
Post: #114 Title: Re: لا يصلح للنشر (معركتي مع المافيا بين الخرطوم والدويم) ...!! Author: Dr. Haitham Mekkawi Date: 04-20-2009, 10:11 AM Parent: #111
نمشي وين و الكهرباء قاطعة :)
معاااك يا استاذ
Post: #115 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-20-2009, 10:13 AM Parent: #114
Quote: نمشي وين و الكهرباء قاطعة :)
معاااك يا استاذ
تمشي معهد جوتة في الخرطوم غرب ولا أقول ليك : أكل سمك ..
):
سلامات يا دكتور ..
Post: #116 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-20-2009, 10:31 AM Parent: #115
Quote: (*)
المكان : الخرطوم غرب الزمان : شتاء أحد أعوام مطلع التسعينيات
Quote: هذا الحلم جعلني أتردد على منطقة الخرطوم غرب كل مساء .. وأخترت المساء لأنني وكما هو معروف عني (كسول) وأكره ثلاثة أشياء .. (الإجتماعات) و(الكيزان) و(قومة الدغش) ..
كنت قد صرت جزءاً من المكان , حيث أنني بعد أن أكمل محاضراتي .. أتسكع كثيراً بين الشوارع والكافتريات ومواقع المواصلات بحثاً ..
Post: #117 Title: Re: لا يصلح للنشر (معركتي مع المافيا بين الخرطوم والدويم) ...!! Author: أيمن الطيب Date: 04-20-2009, 11:33 AM Parent: #116
Quote: (*)
إعتذار شنو يازول ؟
أيمن أنا ما (محمد عادل) ..
):
قلنا ليك راقد لي فوق راي ..
بعدين أنا ماشتمتو عشان أعتذر ليهو ..
):
أيمن الطيب : روووق ..
مداخلاتى لم تتوجب كل هذه الحدة يا كمال وكونك محمد عادل أو غيره ليست موضوعنا هنا إلا تكون بايت ليك فوق راى أيضا!!
طلبى منك الإعتذار لعثمان ليس سوى مواصلة لمزاح يبدو أنه لم يعجبك وأنا أعتذر,,,
رووووووووووق دى بقى الما عجبتنى وأرجو أن أكون قد فهمتها صاح!!
إتفقنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Post: #118 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-20-2009, 11:45 AM Parent: #117
ايمن وكمال
روقوا المنقة وتعالوا نشرب شيشية مع بعض .... اتفقنا
Post: #120 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-21-2009, 07:56 AM Parent: #118
Quote: ايمن وكمال
روقوا المنقة وتعالوا نشرب شيشية مع بعض .... اتفقنا
العزيز/ إدريس ..
ماجادين نحنا .. وما محتاجا شيشة الحكاية ...
بعدين (أيمن) ده ماعندو (سدر ) للشيشة دي ..
بس هو لو رااااق شوية مابتجيهو عوجة ...
وكمان لو ركز على (محمد عادل) فردتو يكون أحسن ..
):
Post: #119 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-21-2009, 07:46 AM Parent: #117
Quote: مداخلاتى لم تتوجب كل هذه الحدة يا كمال وكونك محمد عادل أو غيره ليست موضوعنا هنا إلا تكون بايت ليك فوق راى أيضا!!
طلبى منك الإعتذار لعثمان ليس سوى مواصلة لمزاح يبدو أنه لم يعجبك وأنا أعتذر,,,
رووووووووووق دى بقى الما عجبتنى وأرجو أن أكون قد فهمتها صاح!!
إتفقنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا ما أتفقنا ...
وحقو تاني تروووووووووق..
Post: #121 Title: Re: لا يصلح للنشر (معركتي مع المافيا بين الخرطوم والدويم) ...!! Author: أيمن الطيب Date: 04-21-2009, 08:11 AM Parent: #119
فى الحالة دى يبقى أحسن نتلاقى بالدرب,,,,
Quote: لا ما أتفقنا ... وحقو تاني تروووووووووق..
لكن قبل ما نتلاقى برضو حقو برضو تعتذر لمحمد عادل وإلا بجوك ناس الإصلاح كلهم وإنت عارف الناس ديل ناس دواس سااااااااااى,,,
وأروق من كدا مافى,,,,ولم الوشوش ديل,,
يا درس يا صاحب ,, الشيشة دى خليها ليوم الخميس
مودتى,,
Post: #122 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-21-2009, 08:17 AM Parent: #121
Quote: لكن قبل ما نتلاقى برضو حقو برضو تعتذر لمحمد عادل وإلا بجوك ناس الإصلاح كلهم وإنت عارف الناس
إعتذار مقدماً للحبيب / محمد عادل ..
):
___________________________
أيمن بره بالله خلينا نكمل
Post: #123 Title: Re: لا يصلح للنشر (معركتي مع المافيا بين الخرطوم والدويم) ...!! Author: Sara Mahgoub Date: 04-21-2009, 08:40 AM Parent: #122
الاخ كمال .. .. ..
صباحاتك نور.. ..
كهرباء مافى يعنى المسلسل بنحضروا فى الجيران .. ..
بس شينة نشحدم نت .. .. مراعاة لظروف الكهرباء والشلهتاوسك النت النبى فوقك كان تتمها مره واحده .. ..
تبته تانى مابتابع قصة الابعد دخول السد .. ..
كن بخير ..
Post: #124 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-21-2009, 08:55 AM Parent: #123
مكرر
Post: #125 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-21-2009, 09:05 AM Parent: #123
(*)
سلامات ياسارة
قالووكم أكلو سمك .. سمك بدل الكهربا ..
أو أشحدي الجيران (ما أصلكم شعب شحاد) قولي للجيران : عليكم الله أدونا حبة كهربا .. أو سمك ..
Post: #126 Title: Re: لا يصلح للنشر (معركتي مع المافيا بين الخرطوم والدويم) ...!! Author: بشير أحمد Date: 04-21-2009, 09:23 AM Parent: #125
متابعين يا ارسين لوبين
والله ايقونة تحديث المنتدي عملت ليها وجع وش.
_____
تحياتي يالدباسي.
Post: #127 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-21-2009, 09:33 AM Parent: #126
(*)
تسلم يا(بشير) ..
سنواصل ..
طالما (أيمن الطيب) لقى ليهو حاجة تشغلو عننا ..
):
Post: #128 Title: Re: لا يصلح للنشر (معركتي مع المافيا بين الخرطوم والدويم) ...!! Author: أيمن الطيب Date: 04-21-2009, 09:55 AM Parent: #127
يا أدهم صبرى,,
واصل واصل وخلى الكلام الكتير!!!
واصل يا كيمو واصل ياخ لسه المسافة من الخرطوم غرب للدويم حا تاخد منك باقى السنه دى ياخ,,
يا بشير سلامات,,
الدباسى دا منو دا؟؟؟؟
تحياتى,,,
Post: #129 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-21-2009, 04:54 PM Parent: #128
Post: #130 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-21-2009, 04:54 PM Parent: #128
(*)
أيمن .. عاوزين نواصل ياخ ..
إنتو كهربتكم ما بتقطع ؟
): تريحنا منك ..
Post: #135 Title: Re: لا يصلح للنشر (معركتي مع المافيا بين الخرطوم والدويم) ...!! Author: أيمن الطيب Date: 04-21-2009, 06:23 PM Parent: #130
داهمت أنوفنا روائح الطيبات من كل صنف .. تذكرنا أننا لم نذق طعم الزاد من الأمس ..
إستبد بنا الإرهاق والجوع ..
هب (حامد) من جلسته وتحرك نحو الأسفلت وأشار نحو حافلة من حافلات المواصلات وهو يحدثني قبل أن يلتفت نحوي : يلا أرح , نمشي بانت في زول ممكن نبيت عندو لحدي مانشوف لينا حل ..
لحقته وتوقفت بجانبه وأنا أتساءل : منو ده (حامد) ؟
أجابني وهو يواصل إشارته للحافلة بإلحاح : واحد أخونا كده بعرفو من زمان , وساكن براهو .. بس زول كويس وأخو أخوان ومابقصر معانا ..
تجاوزته الحافلة دون أن تتوقف ..
وطفق يواصل التلويح بيده لأخرى بدت من بعيد .. بعد نحو عشر دقائق من الإنتظار والتلويح , .. توقفت أمامنا إحدى الحافلات وصعدنا وجلسنا متجاورين ..
وتحركنا نحو (بانت) ..
دقائق معدودات أخرى ونزلنا عند (بانت) .. وتبعت (حامد) نحو بيت صاحبه ..
حتى توقف أما بيت من (الطين اللبن) , .. بيت قديم متهالك , إلا أن أصحابه لم يقصروا في صيانته .. و(تزبيله) بروث الأبقار حتى بان للناظر أكثر تماسكاً من حقيقته ..
طرق بابه .. وجاء أحدهم وفتح الباب بسرعة .. يبدو أنه كان يستلقي على سرير بحوش البيت قرب الباب ..
سأله (حامد) : منصور في ؟
عرفت من سؤاله أنه ليس صاحب البيت ..
رد : منصور في بس عيان شوية إتفضلوا ..
قال تلك الجملة بشئ من الميوعة , كان رجل أربعيني حليق الشارب أملس الوجه يمشي كما يتحدث , يتقطر ميوعة ..
دخلنا ووجدنا رجل آخر يماثله سناً , يرقد على سرير يتوسط الحوش ..
ألقينا التحية , رفع رأسه ولما رأى (حامد) تهللت أساريره وصاح بصوت غنج مائع كأنه صوت إمرأة :
منو (حامد) ووب علي ووب علي , الليلة الطراك لينا شنو ؟
قالها ثم أردف قبل أن أخرج من طور الدهشة الأولى :
هي يا يمة أنا لي يومين (عيااانة) ..
قالها وهي يشير إلى نفسه بصفة المؤنث ..
فلم أستبشر خيراً ..!!
Post: #140 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 04-21-2009, 07:44 PM Parent: #139
الحكاية فيها ضحايا اخرى
كدى نتفرج ارسنال وليفربول ونرجع ليك برواقة
باين ليها ما حتعدى على خير
Post: #141 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-21-2009, 07:51 PM Parent: #140
Quote: الحكاية فيها ضحايا اخرى
كدى نتفرج ارسنال وليفربول ونرجع ليك برواقة
باين ليها ما حتعدى على خير
ضحايا .. بالكوم يا(حامد) عليك الله حالتنا مش كانت صعبة ؟
):
Post: #142 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-21-2009, 08:03 PM Parent: #141
(*)
أحس (حامد) بالحرج بعض الشئ .. لكنه تحاشى النظر إليً , ثم أفتعل حواراً مع صاحبه (منصور) :
مالك كفارة وسلامتك , عندك شنو؟
أجابه (منصور) :
والله حمى وصداع وفتور وإستفراغ أظنها ملاريا ؟
رد (حامد) : طيب ماتمشي تفحص .. رد (منصور) :
هيي يا(يمة) فحص شنو , الملاريا ماظاااااهرة ..
(قالها هكذا رغم مرضه وتعمد أن يدلل الكلمات ) .. المهم إنتا وين ليك مدة مابنشوفك ؟
رد (حامد) : والله مشاغل الدنيا .. ثم أستطرد بسرعة :
المهم يا(منصور) أنا وصاحبي جعانين من أمبارح ما أكلنا .. والليلة جايين نبيت معاك ..
قاطعه بسرعة : هي أنا لاقياكم وين (كرر متعمداً تأنيث نفسه) ..
ثم وجه كلامه للرجل الآخر (هذا إن إعتبرناه رجلاً بالطبع) :
لا .. مافي داعي .. أنا ..متعود أنوم بي هدومي كده ..
رد (منصور) :
أجي يابنات (أمي) تنوم بي هدومك كيف .. هي حلاة النومة في الحوش ده غير تلبس جلابيتك كده يا(يمة) والهوا البااارد يضربك ..
رد(حامد) :
خلاص أوكي بنغير بعدين بس عليك الله ,العشا سريع نحن ميتين من الجوع ..
لم يعلقا على قوله , وتوجه الآخر نحو المطبخ ..
وصمت (منصور) ..
وبدأت أنظر إلى (حامد) نظرة لوم وعتاب , .. رد على نظرتي هامساً متعمداً أن لا يسمعه (منصور) :
مالك مش أخير من اللف في الشوارع , بعدين إنتا خايف كده مالك حا يعضوك ..
صمت أنا أيضاً .. فلم يكن لدينا خيار ..!!
Post: #158 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 08:21 AM Parent: #157
(*)
سرحت أفكر بأحداث (الأمس) و(اليوم) .. آملاً أن يسعفني خيالي .. في إيجاد مخرج ما ..
أو أصحو الآن لأجد نفسي في بيتنا .. لأكتشف أن كل هذا مجرد حلم ..
كابوس جثم على صدري سأصحو منه ..
أخرجتني رائحة الكوارع التي فاحت .. ووصلت إلى أنوفنا التي تحركها معدتنا الخاوية ..
فتأكدت أنني للأسف .. لا أحلم وأن هذا هو الواقع ..
خرج صاحبنا من المطبخ وتوجه نحو باب (البيت) قائلاً: العشا جاهز , بس دقايق أصل الدكان أجيب (الرغيف) وأجي ..
لم يرد عليه أحد .. لم نعلق ..
وكذلك (منصور) آثر الصمت والتطلع فينا وهو يبتسم في (حياء ) العذارى ..
تأخر صاحبنا .. أظنه قد إستغرق قرابة (نصف الساعة) دون أن يعود ..
تجرعنا من الصبر ..
عاد بعد لحظات وهو يحمل كيساً بيده .. دخل ولم يغلق الباب خلفه ..
وقال محدثاً شخصاً جاء معه :
أدخل يا(مصطفى) إتفضل ..
دخل (مصطفى) وكان أن تفاجأنا بادئ الأمر حين رأينا .. رجلاً شديد البياض طويل الشعر ..لا أظنه سودانياً ..
تنبه (منصور) لحيرتنا فقال : دي أختنا (تركية) .. إتفضلي يا(صوفة) ..
نظرت إلى (حامد) وكاد أن يغمي علي .. حين دخل (مصطفى ) بمشيته التي أقل مايقال عنها .. أنها كمشية (بنات الثانوي) ..
سلم علينا وهو يتحدث لغة كلغة أهل الشام : أهلين بالشباب .. مرحبتين فيكم ..!!
Post: #159 Title: Re: لا يصلح للنشر (معركتي مع المافيا بين الخرطوم والدويم) ...!! Author: Hala Hassan Date: 04-22-2009, 10:44 AM Parent: #158
يا كمال يا زين، ح تمرقنا من المطب دة متين؟؟
ياخى دخلتنا فى زقاقات ضيقة شديد،،
تصدق نوعية الشخصيات دى (نسأل الله السلامة)، بتعمل لينا قشعريرة فى (البلعوم)،،،
يعنى ما بتبلعوا و لازم نفطهم،،،،
اقول ليك قولة، لما تتخارجوا بالسلامة (إنت و حامد)، أبقى قول لينا عووووك!!!
الله معاكم،،،،،،،،،،،
Post: #169 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 05:25 PM Parent: #159
Quote: كمال يا زين، ح تمرقنا من المطب دة متين؟؟
ياخى دخلتنا فى زقاقات ضيقة شديد،،
تصدق نوعية الشخصيات دى (نسأل الله السلامة)، بتعمل لينا قشعريرة فى (البلعوم)،،،
يعنى ما بتبلعوا و لازم نفطهم،،،،
اقول ليك قولة، لما تتخارجوا بالسلامة (إنت و حامد)، أبقى قول لينا عووووك!!!
الله معاكم،،،،،،،،،،،
ربنا يحلنا ياهالة ..
):
Post: #160 Title: Re: لا يصلح للنشر (معركتي مع المافيا بين الخرطوم والدويم) ...!! Author: khalid fahmi Date: 04-22-2009, 11:33 AM Parent: #100
كمال يا مبدع ..
شكلك جرااااااااي .. و شراب شااااااي ...
.. منتظرين
Post: #161 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-22-2009, 11:49 AM Parent: #160
(*)
اها العبارات كملت .. نجيب الكاسات ؟؟؟
Post: #162 Title: Re: لا يصلح للنشر (معركتي مع المافيا بين الخرطوم والدويم) ...!! Author: جعفر محي الدين Date: 04-22-2009, 12:04 PM Parent: #161
والله يا كمال أنا ما عندي مشكلة مرات بتشاغل بالعمل ومرات بعمل نايم
لكن إدريس دا جاب عباراته ما نفع
جاب الشيشة ما نفع
جاب الكاسات ما نفع
ألحق كمل القصة ما يقوم يجيب ليك المافيا الإيطالية ذاتها
Post: #163 Title: Re: لا يصلح للنشر (معركتي مع المافيا بين الخرطوم والدويم) ...!! Author: أيمن الطيب Date: 04-22-2009, 12:27 PM Parent: #162
أختنا هالة سلامات وأسمحى لى أساهم مع أخوى كمال دا شوية عسى ولعل نلقى ليهو طريقة مخارجة من الجحر الخش الضيق الشين فيهو دا,,
Quote: يا كمال يا زين، ح تمرقنا من المطب دة متين؟؟
Post: #168 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 05:09 PM Parent: #164
Quote: يا أيمن الطيب ياخ ما تستغلنا لكسب النقاط،،
الموضوع دة ما بالساهل كدة،
أخونا كمال دة إحنا فهمناه تب،
كلو لزوم الحبكة الدرامية، و شد القارئ،،،
بعدين قال ليك المغامرات دى إلا موتر و عربية جارية وراه،
الموقف الصعب دة ذاااتو مغامرة كبيرة الله يعلم،،
إنت بس أدعى ليهم يتخارجو من الورطة دى بالسلامة،،،
آمين ياهالة آمين
بس أدعي أول حاجة ربنا يحلني من أيمن الطيب ده
):
Post: #167 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 05:08 PM Parent: #163
Quote: ياخ الزول دا مشى جنب بيت أبوهو صاحبو أقنعو إنو أبوهو دا إحتمال يكون متآمر!!!!! حبكة درامية تفتقر للمنطق يا كيمو وأرجو تعديل النص !!! (حسب رؤية مخرج وكدا)
الحقيقة مرات ماعندها علاقة بالمنطق يا أيمن ..
Post: #171 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 05:33 PM Parent: #162
Quote: والله يا كمال أنا ما عندي مشكلة مرات بتشاغل بالعمل ومرات بعمل نايم
لكن إدريس دا جاب عباراته ما نفع
جاب الشيشة ما نفع
جاب الكاسات ما نفع
ألحق كمل القصة ما يقوم يجيب ليك المافيا الإيطالية ذاتها
Post: #172 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 05:36 PM Parent: #161
Quote: اها العبارات كملت .. نجيب الكاسات ؟؟؟
جيب ليك سجارات وكده ..
الجايات أتقل ..
):
Post: #170 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 05:29 PM Parent: #160
Quote: كمال يا مبدع ..
شكلك جرااااااااي .. و شراب شااااااي ...
.. منتظرين
تسلم ياخالد فهمي ..
شكراً على لطفك ..
محبتي ..
Post: #173 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 07:09 PM Parent: #170
(*)
ودخل علينا (صوفة) .. لم أكن أعلم حتى ذلك اليوم أن (تركيا) أيضاً (إنضربت) .. حتى إلتقينا الأخ (مصطفى) أو الأخت (صوفة) على حد تعبير صاحبيه ..
جلس معنا (صوفة) وبدأ بالتحديق بنا ومحاولة جرنا إلى حوار ..
لم يمنعنا عنه تقززنا منه , بقدر ما منعنا الجوع والإرهاق ..
ذهب (عمر) إلى المطبخ لتحضير العشاء .. بينما جلس (صوفة) قرب صاحبه (منصور) ..
سمعنا طرقات على الباب .. أراد (حامد) أن يتحرك بإتجاهه لفتحه .. حسب أن (منصور) مريض .. و(عمر) مشغول بالمطبخ .. و الأخت (صوفة) تركية وليست من أهل البلد ناهيك عن أهل (الدار) ..
إستوقفه (منصور) قائلاً : خليك يا(حامد) صوفة دي ست بيت وماغريبة ..
تحرك (مصطفى) أو (صوفة) لفتح الباب ..
فتحه وسمعنا همسات وهمهمات لم نستطع من خلالها تمميز الحديث ..
عاد (صوفة) وسأله (منصور) : منو الفي الباب ؟
أجابه إجابة مقتضبة : لا مافي حاجة , ..
ثم تحرك نحو المطبخ لإستدعاء (حامد) على مايبدو ..
عادا معاً وتحركا نحو الباب ..
غابا بضعة دقائق .. ثم عادا ..
ولكنهما عادا بوجه غير الذي ذهبا به ..!!
Post: #174 Title: Re: لا يصلح للنشر (معركتي مع المافيا بين الخرطوم والدويم) ...!! Author: رغيم عثمان رغيم الحسن Date: 04-22-2009, 07:53 PM Parent: #173
استاذ كمال تعرف قبل ما بكرى يتكرم على بالعضويه انا كنت بشحتف يوميا ما بين الكهرباء القاطعه وسردك البزيد اثاره مع كل مداخله ليك امتعتنا بس لو سبت الردود وواصلت يكون احسن عمل ممتاز حتى قبل ان ينتهى ويستحق الاحتفاء به
Post: #175 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 08:02 PM Parent: #174
Quote: استاذ كمال تعرف قبل ما بكرى يتكرم على بالعضويه انا كنت بشحتف يوميا ما بين الكهرباء القاطعه وسردك البزيد اثاره مع كل مداخله ليك امتعتنا بس لو سبت الردود وواصلت يكون احسن عمل ممتاز حتى قبل ان ينتهى ويستحق الاحتفاء به
العزيز/ رغيم .. مرحباً بك في البورد ..
سعدت بإطلالتك ..
محبتي ..
Post: #176 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 08:36 PM Parent: #175
(*)
جلس (عمر) أمامنا وأطرق رأسه .. ثم قال :
ياشباب لو سمحتوا , عن إذنكم عاوز (منصور) ده في كلمتين ..
قالها بنبرة رجولية خلت من أي إثر لميوعته التي عهدناها مذ رأيناه ..
كدي تعال لي جوة نتفاهم .. تحامل (منصور) على نفسه وتبعه إلى الداخل ..
تجادلا طويلا , ولم نستطع تمييز الحديث جيداً .. لكن أصواتهما كانت تعلو وتخفت شيئاً فشيئاً ..
ثم جاء (منصور) إلى الخارج وهو يقول بحزم :
أسمع هوي يا(عمر) الجماعة ديل ضيوفي وما في زول بلمسهم , خلي (زمبة) يشرب البحر .. والله كلام كمان ..وهو (زمبة) ..
رد (عمر) : واقف بره ومنتظرهم , قال سايقهم يقابلوا زول بس ..
رد (منصور) :
هوي يا(عمر) إنتا مابتعرف (زمبة) ؟ أصلو مابجي لي خير .. ما بخليهو يسوقهم ..
ثم ألتفت نحونا :
إنتا سويتوا شنو ؟ عشان (زمبة) يلاحقهم ..
سأله (حامد) :
(زمبة) ده منو ؟ مابنعرفوا ؟
(منصور) :
(زمبة) ده مجرم ورباطي قديم من زمن حفروا البحر .. من الجماعة القطعوا يدينهم أيام شريعة (نميري) .. كان عندو عصابة قديمة في (أب كدوك) إنتو صغار مابتكونا سمعتوا عنو ..
ثم قال موجهاً حديثه ل(عمر) : أديني مفتاح (البيجو) وأمشي إنتا سوقو جنب البقالة أشغلوا لي لحدي ما أخارج الشباب ديل , يمين مابسلمهم ..
ناوله (عمر) مفتاح السيارة ومضى .. ودخل (منصور) إلى غرفته ثم خرج وقد غير ملابسه .. ونفض عنه آثار المرض ..
قبل أن يخرج بنا , قال موجهاً حديثه ل(مصطفى التركي): طبعاً إنتا ماغريب يا(مصطفى) البيت بيتك أوصل الشباب ديل مشوار وأرجع ليك ..
لم ينتظر رداً .. وخرج بنا وركبنا معه سيارة (بيجو) كانت متوقفة أمام المنزل ..
سألنا قبل أن يدير (المحرك) : قبل ما أسألكم عن مشكلتكم تحبوا أوصلكم وين ..؟
أجبته : أنا عندي أهل في (الكلاكلة) ممكن نمشي ليهم ..
رد في تهكم : سجمي (الكلاكلة) عديل , و(الكلاكلة ) دي تقع وين يابا ..
رددت متجاوزاً سخريته: بعد الشجرة في طريق جبل أوليا ..
رد :
طيب يلا ..
وتحركنا نحو (الكلاكلة) ..
وما أن تحركنا عدة خطوات حتى جاءنا (عمر) راكضاً خلف (السيارة) : ماشين وين ؟
رد (منصور) بسخرية :
الكلاكلة (لا مؤاخذة) ..
رد (عمر) :
سجمي (كلاكلة ) شنو البتمشيها وإنتا عيان كده ..
لم يجبه وتجاوز سؤاله ليجيبه بسؤال :
(زمبة) وين ؟
أجابه :
خليتو منتظر في البقالة عزمتو (بيبسي) يشرب فيها و(يترع) يشرب السم إنشا الله ومنتظر نسلموا الشباب ديل ..
سمع جملته وأنطلق بنا نحو (الكلاكلة) ..
لتتواصل رحلة الفرار ..
Post: #177 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-22-2009, 08:51 PM Parent: #176
Quote: ما تخافى بيتخارجوا وفى احتمال الكوارع ما يضوقه منه حته ويقوموا جارين
حسدتنا على شوية الكوارع يا(حامد) وأهي طارت شمينا ريحتا وما ضقناها ..
):
Post: #178 Title: Re: لا يصلح للنشر (معركتي مع المافيا بين الخرطوم والدويم) ...!! Author: Seif Elyazal Burae Date: 04-23-2009, 01:38 AM Parent: #177
so interesting dear kmal
Post: #179 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-23-2009, 08:44 AM Parent: #178
(*)
صباح الخير /سيف برعي ..
مرحباً بك وشكراً على لطفك ..
محبتي ..
Post: #180 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-23-2009, 10:32 AM Parent: #179
(*)
وبما أن اليوم هو (الخميس) .. فأتوقع من الأخ (خليفة) مساندتنا بعبار عبارين ..
والسمك على (ودالباوقة) ..
والتيار من عندينا ..
Post: #181 Title: Re: لا يصلح للنشر (معركتي مع المافيا بين الخرطوم والدويم) ...!! Author: شوقي مهدي مصطفي Date: 04-23-2009, 11:23 AM Parent: #180
يلا كمل
كهربتنا دي هسع بتقطع
Post: #186 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-23-2009, 12:32 PM Parent: #181
Quote: كهربتنا دي هسع بتقطع
مافي مشكلة لو قطعت أكلوا سمك ..
):
إنتا يامهدي ماسمعت بطرح بدائل الطاقة الجديد ؟
السمك بدلاً عن الكهرباء ..
):
Post: #182 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-23-2009, 11:24 AM Parent: #180
(*)
تحركنا نحو (الكلاكلة) وبالطريق .. كان (حامد) يروي لصاحبه (منصور) حكايتنا ..
كان الزمن الذي إستغرقته الرحلة كافياً .. ليكمل (حامد) روايته وبالتفصيل ..
وصلنا (الكلاكلة) وكان (منصور) قد بدت عليه ملامح قلق قد حاول جاهداً إخفاءه ولم يفلح ..
قلق مرده لتورطه بهذا الأمر الغريب .. الخطير , ..
أنزلنا عند بيت إقربائي .. ومضى ..
وللحقيقة .. أعجبتني شهامة الرجل وموقفه منا .. ومساعدته لنا رغم خطورة الأمر ..
دخلنا على أقرباءنا .. رحبوا بنا ..
وأخيراً حصلنا على وجبة عشاء دسمة .. ونمنا ..
ما أن وضعنا رأسينا على السرير .. حتى غرقنا في نوم طويل .. رغم ما نواجهه من أمر .. فقد كان إرهاقنا..
أعظم من أن نفكر بمصيبتنا ..
Post: #183 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-23-2009, 11:24 AM Parent: #180
مكرر
Post: #184 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 04-23-2009, 12:10 PM Parent: #183
ياخى ماسليت روحنا
اسمع يا تخلصناولا بتم ليهم القصة من عندى
وينك
Post: #185 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-23-2009, 12:21 PM Parent: #184
Quote: وينك
في الكلاكلة ياحامد في الكلاكلة (لا مؤاخذة) ..
):
Post: #187 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-23-2009, 04:02 PM Parent: #185
كنت مقيل بهناك
عدنا والعود احمد
Post: #188 Title: Re: لا يصلح للنشر (معركتي مع المافيا بين الخرطوم والدويم) ...!! Author: رغيم عثمان رغيم الحسن Date: 04-23-2009, 11:15 PM Parent: #187
up
معقوله البوست دا يكون قاعد فى الصفحه التانيه
Post: #189 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال سالم Date: 04-24-2009, 01:09 AM Parent: #188
Post: #190 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-25-2009, 07:55 AM Parent: #189
(*)
Post: #191 Title: Re: لا يصلح للنشر (معركتي مع المافيا بين الخرطوم والدويم) ...!! Author: جعفر محي الدين Date: 04-25-2009, 12:46 PM Parent: #190
(؟)
Post: #195 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-25-2009, 04:53 PM Parent: #191
(*)
العزيز/جعفر محي الدين
شكراً على تواجدك هنا ..
محبتي ..
Post: #192 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-25-2009, 04:25 PM Parent: #189
(*)
هي (الكلاكلة) دي غير (سلوى غالب) فيهو شنو يا(كمال) ؟
):
Post: #194 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-25-2009, 04:47 PM Parent: #188
(*)
العزيز/رغيم
تسلم ياحبيب على لطفك ..
محبتي ..
Post: #193 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-25-2009, 04:27 PM Parent: #187
(*)
إدريس .. (خميسك) مريب ..
بعدين المستورد ده في السعودية بتلقوهو وين ؟
Post: #196 Title: Re: لا يصلح للنشر (معركتي مع المافيا بين الخرطوم والدويم) ...!! Author: سيف الدولة كامل Date: 04-25-2009, 05:10 PM Parent: #193
كمال الزين,,, الله يجازيك
كل خمسة دقايق اتبن البوست القاك معلق في الكلاكلة
يا اخوي الكلاكلة جكسها حاااااااااااار احسن تقلع
وتمشي لي قدام,, الناس راجينك في الدويم المشرع
اتملي تب العميان شايل المكسر , والسمك هبترش
Post: #197 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-25-2009, 05:13 PM Parent: #196
(*)
العزيز/ سيف الدولة ..
حا نتخارج .. حا نتخارج من (الكلاكلة) ..
الجماعة قاعدين يقولوا (القبة أوربا) ..
عشان الجكس النضيف ده
):
Post: #198 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-25-2009, 06:31 PM Parent: #197
(*)
تحركنا نحو (الكلاكلة) وبالطريق .. كان (حامد) يروي لصاحبه (منصور) حكايتنا ..
كان الزمن الذي إستغرقته الرحلة كافياً .. ليكمل (حامد) روايته وبالتفصيل ..
وصلنا (الكلاكلة) وكان (منصور) قد بدت عليه ملامح قلق قد حاول جاهداً إخفاءه ولم يفلح ..
قلق مرده لتورطه بهذا الأمر الغريب .. الخطير , .. أنزلنا عند بيت إقربائي .. ومضى ..
وللحقيقة .. أعجبتني شهامة الرجل وموقفه منا .. ومساعدته لنا رغم خطورة الأمر ..
دخلنا على أقرباءنا .. رحبوا بنا ..
وأخيراً حصلنا على وجبة عشاء دسمة .. ونمنا ..
ما أن وضعنا رأسينا على السرير .. حتى غرقنا في نوم طويل .. رغم ما نواجهه من أمر .. فقد كان إرهاقنا..
أعظم من أن نفكر بمصيبتنا .. !!
Post: #199 Title: Re: لا يصلح للنشر (معركتي مع المافيا بين الخرطوم والدويم) ...!! Author: محمد هشام Date: 04-25-2009, 06:45 PM Parent: #198
Quote: فقد كان إرهاقنا..
أعظم من أن نفكر بمصيبتنا .. !!
ونحن برضو مرهقين معاك نقعد نستنى كل مرة الجزء الجاي ياخ انت لو ما دايرة تكتب القصة كاملة ورينا باقي منها قدر كيف
قصة اكتر من مشوقة وجميلة الى الامام
تحياتي شديد
Post: #200 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-25-2009, 06:56 PM Parent: #199
Quote: ياخ انت لو ما دايرة تكتب القصة كاملة ورينا باقي منها قدر كيف
داير .. يا محمد هشام داير ..
إتصلح معانا ياخ ..
):
الطريق إلى الدويم قريب يا محمد ..
سعدت بحضورك ..
محبتي ..
Post: #201 Title: Re: لا يصلح للنشر (معركتي مع المافيا بين الخرطوم والدويم) ...!! Author: khalid fahmi Date: 04-25-2009, 07:37 PM Parent: #200
أستاذ / كمال ..
يديك العافية ..
..
Post: #202 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-25-2009, 08:14 PM Parent: #201
(*)
إستيقظنا صباحاً ..
كان إستيقاظنا باكراً بعض الشئ .. ربما أنطبق علينا المثل :
(المهموم مابنوم) ..
كنا قد لجأنا لبيت (شيخ الحلة) الذي تربطني به صلة القرابة ..
لم يكن هذا هو السبب فحسب .. (صلة القربى ) أو صفته ك (شيخ حلة) ..
وإنما لأنه كان رجلاً فريداً ..
كان (حاج أحمد ) يمتلك ما نستطيع تسميته روحاً شبابية .. كما أنه تربطه بجدتي لأمي علاوة على صلة القربى .. معزة خاصة ..
ثم أنه كان يتملك عدداً من الأبناء الشداد الغلاظ .. وكانوا (ضكرانين) ويحبونني ..
كان أقصرهم قامة يقارب (المتران) طولاً.. إشتهروا بين أهل الحي (بأولاد أب راس) ..
نسبة لأنهم علاوة على الطول والأجسام الفارهة .. كانوا يمتلكون رؤوساً , يعجز (أصحابها) على حملها .. لكبرها وضخامتها ..
سألني (حامد) : إنتا ناسك ديل حاتوريهم الحكاية ..
أجبته : أيوة طبعاً .. أولاد (أب راس) ديل ماتشوفهم كده ضكرانين ممكن يساعدونا لو لحقونا (العمالقة) المعا (حمادة) ديلك .. وأحلف ليك صادق لو جونا هنا , أولاد (أب راس) ديل يبلعوهم ليك بلع ..
ولكنني ويا للحسرة لم أستطع إخبارهم .. فقد سبقني إليهم مرسال من (أم درمان) ..
أخبرهم بالأمر .. وعلمنا منه تطورات الأحداث هناك ..!!
Post: #203 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-25-2009, 08:52 PM Parent: #201
(*)
مرحباً بك مرة أخرى عزيزي /خالد
نواصل ..
محبتي ..
Post: #204 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-25-2009, 09:46 PM Parent: #203
(*)
إستدعانا (حاج أحمد) لمشاركته الإفطار .. كان على غير عادته ..
بدا أنه فقد حس الفكاهة الذي عرف به .. كان جاداً في تعامله معنا ..
وبأحاديثه ..
إجتمعنا حول الإفطار .. نحن ..
وأبناءه (أولاد أب راس) ..
بعد الإفطار .. رجانا أن نسبقه إلى (ديوان إبنه الأكبر) ..
سبقناه .. وكان إجتماعاً مريباً..
بدأه قائلاً :
إنتا عارف ياولدي إنو راجل بتي بمشي كل يوم السوق الشعبي (أمدرمان) .. وبغشاكم في سكتو ..
رددت : أيوة عارف ..
واصل حديثه :
أمبارح كان هناك في بيتكم .. وجاب خبراً ما هو كويس ..
إنقبض قلبي .. ولم أستطع الحديث ...
وأنتظرته ليكمل ..
لكنه صمت برهة .. كأنها دهراً ..!!
Post: #205 Title: Re: لا يصلح للنشر (معركتي مع المافيا بين الخرطوم والدويم) ...!! Author: Hala Hassan Date: 04-26-2009, 08:02 AM Parent: #204
سلام يا كمال، يعنى نغيب خميس و جمعة و سبت نلقاكم لسه فى حالة الهروب دى؟؟؟
لكن قول لى، وين أيمن الطيب؟؟؟ :D :D :D
Post: #206 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 04-26-2009, 11:48 AM Parent: #205
كمال مافيا
ياتو كلاكلات اللى مشينا(ها)دى
لقد اختلط على الرؤوس
كمال بالله كبها كلها وريحنا
متابعين وكدة
Post: #208 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-26-2009, 05:22 PM Parent: #206
(*)
الكلاكلة (القبة) ياحامد (القبة)
إنتا نسيت ولا شنو؟
):
Post: #207 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-26-2009, 05:01 PM Parent: #205
(*)
مساء الخير يا(هالة)
أيمن زوغناه مع حمادة
ماكلهم مافيا ..
):
Post: #209 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-26-2009, 06:47 PM Parent: #207
(*)
رحت أناشده .. أحثه على الحديث ..
كان (حاج أحمد) متجهماً على غير عادته ..
ومن حوله (أبناءه) أولاد (أب راس) .. يترقبون ..
راح يحيك مقدمة لخبره : إنتا عارف ياولدي معزتكم عندي .. لكن الورطة الختيت فيها أبوك وختيتنا فيها دي صعبة بالحيل و..
أسرعت أقاطعه : أبوي مالو يا(حاج أحمد) ..
رد ويبدو أنه عدل عن مواصلة مقدمته وخطبته العصماء بعد أن أحس أنها ليست ذات جدوى :
أبوك زاروه جماعة وهددوه .. قالوا كان ما رجعتا لاقيتهم في بيتكم الليلة وبراك ما حايحصل لي أبوك طيب .. والناس ديل مجرمين معروفين قايدهم إسمو (زمبة) ومعاهم وليد قالوا صاحبك إسمو ..
Post: #210 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-26-2009, 07:31 PM Parent: #209
(*)
توجهنا نحو (أم درمان) .. وركاب (البوكس) كأنهم بطريقهم إلى غزوة .. (مسلحون) , وبعضهم يغني وآخرون (يبشرون) من فوقه ..
بالطريق قبيل أن نخرج من (الكلاكلة) صادفنا أحد أقرباءنا .. وهو (عبيط القرية) المفترض ..
لم يكن (عبيطاً) على ذلك النحو الذي تصوره (الأفلام) أو (الروايات) كان رجلاً قصيراً , (مكعوجاً) بلسانه (لثغة) , لكنه كان نشيطاً وتاجراً شاطراً ..
كان أسمه (عبدالرحمن) لكنه كان ينطق إسمه هكذا (أتراحمان) .. وسار عليه الإسم فصار أهل (الكلاكلة) ينادونه :
(أتراحمان) ..
إستوقفنا (أتراحمان) وركب معنا وبيده (جوال) خالي .. كنا نحسبه يعرف إلى أين نحن ذاهبون ..
عند (السوق) صاح بالسائق : ندلني .. هنا ندلني .. هنا ..
وكان يعني (نزلني .. هنا) ..
سأله (حاج أحمد) : إت ما ماشي معانا يا (أتراحمان) ؟
أجابه : إتو (ماتين) وين؟
وترجمتها (ماشين وين) ؟
لم يجبه أحد وواصلنا طريقنا ..
لكنه صاح بنا :
أنا ماتي السود ..
أنا ماتي السود ..
وترجمتها : أنا ماشي السوق ..
وراح يولول ويصيح .. حتى وصلنا شارع الغابة ..
حينها جلس على أرضية (البوكس) .. وراح يندب ويصيح :
موتيننا وين الليلة موتيننا وين ؟
موتيننا وين الليلة موتيننا وين ؟
وترجمتها : موديننا وين الليلة ؟
وللأمانة كان لحنه شيقاً .. كسر علينا رتابة الموقف ..
حتى وصلنا (كبري أم درمان) .. إنزعج الجمع من صياحه .. وأنزلوه قبل أن ندخل الكبرى ..
وأخذ شواله الفارغ ونزل وقفل راجعاً , راجلاً وهو يصيح بنا :
تينكم .. زاتو تينكم .. زاتو ..
وترجمتها :
إنعل دينكم زاتو ...!!
Post: #211 Title: Re: لا يصلح للنشر (معركتي مع المافيا بين الخرطوم والدويم) ...!! Author: omer osman Date: 04-26-2009, 08:06 PM Parent: #210
Quote: توجهنا نحو (أم درمان) .. وركاب (البوكس) كأنهم بطريقهم إلى غزوة .. (مسلحون) , وبعضهم يغني وآخرون (يبشرون) من فوقه ..
ناقصكم الموز ........ كل القوة خرتوم جوه
Post: #213 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-26-2009, 08:16 PM Parent: #211
Quote: ناقصكم الموز ........ كل القوة خرتوم جوه
أخشى ان مصيرنا كان أسوأ من مصير (جند غزوة الموز)
):
Post: #212 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-26-2009, 08:12 PM Parent: #210
(*)
عبر بنا (البوكس) الكبري إلى (أمدرمان) وماهي إلا لحظات حتى أستوى على طريقه بشارع (الأربعين) وكدنا نصل إلى (العرضة) ..
توقف (السائق ) بإشارة من (حاج أحمد) .. يبدو أنه سيخاطب الجمع قبل الدخول إلى ساحة (المعركة) ..
أصلح (حاج أحمد) عمامته ببطء .. ثم أخرج (حقة تمباك) كانت عبارة عن علبة (كريم نيفيا) الشهيرة .. ذات اللون الأزرق ..
طرق عليها بأصابعه ثم أغترف منها بغطاءها بعد أن غرزه ببطنها .. ثم أخذ ما تيسر له ورمى به بفمه .. وحركه بلسانه حتى أستقر بين شفته (السفلى) وأسنانه الأمامية .. أو ما تبقى منها ..
ثم أغلقها وقال بعد أن تنحنح :
ها ناس .. شوفوا الجماعة الماشين نلاقيهم ديل موهم هينين .. وهم عندهم علاقة مع (الحيكومة) .. وأهلنا زمان قالوا : الحيكومة .. جبلاً مابتداوس ..
وأنا عارفكم رجالاً صناديد وقلوبكم ميها كبيرة .. وما بتعرفوا الخوف ..
إلا بدور أطلب منكم .. طلب ..
أجابه أكبر أبناءه :
قول آآآ حاج ..
واصل حديثه :
مافيكم زول يرفع عصاتو ولا بندقيتو قبل لا أتفاهم معاهم وأناضمهم إن إتحلت جودية وكرامة .. خير ..
وإن ما أتحلت , ديل وليداتنا وأهلنا ورحمنا وما بنديهم الخلا .. والزاراعا الله تقوم في الزلط ..
هيجهم حديثه ..
وهمس (حامد) بأذني :
طيب ما كان تخليني أكلم أهلي (الحمر) والله أهلك ديل يتلموا معاهم .. هييييييييع (حمادة) شنو و(زمبة) شنو..
أجبته :
ما حا نحتاح أهلك , إنتا مابتعرفي (أهلي ) ديل ..
ولكنني كنت مخطئاً .. مخطئاً جداً ..!!
Post: #214 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-26-2009, 08:44 PM Parent: #212
(*)
قصدنا (العرضة) عن طريق (العباسية) كان هذا بطلب من (حاجة أحمد) ..
واصلنا طريقنا بين شوارع (العباسية) حتى وصلنا عند (الخور) و(الزرائب) الشهيرة
(الخور) الذي يفصل بين (العرضة) و(العباسية) وهو على بعد خطوات من بيتنا ..
هناك أمر (حاج أحمد) الجميع بالنزول عند (الخور) إحتجوا على أمره ..
ولكنه سرعان ما أقنعهم .. قائلاً :
خلونا نجرب معاهم الطيب في الأول .. وهم قالوا عاوزين (الجنى ) وصاحبو براهم .. أنا حا أرافقهم ..
كان الحكاية جابتلها (دواس) .. أقرب شافع بناديكم ..
Post: #215 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-26-2009, 10:23 PM Parent: #214
الزين كمال
قلبت الموضوع سهر .. يعني تاني مقيل بح
رسل الحوالة لزوم الذي منو ..الدنيا عقاب شهر
محبتي
Post: #216 Title: Re: لا يصلح للنشر (معركتي مع المافيا بين الخرطوم والدويم) ...!! Author: Omeyma Mahmoud Date: 04-27-2009, 08:01 AM Parent: #215
Post: #218 Title: Re: لا يصلح للنشر (معركتي مع المافيا بين الخرطوم والدويم) ...!! Author: شوقي مهدي مصطفي Date: 04-27-2009, 05:02 PM Parent: #216
كمال
متابعات وباهتمام
بس ما تدينا بالقطارة
القصة مشوقة
خلينا (النشوف اخرتا
Post: #219 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-27-2009, 08:14 PM Parent: #218
كيمو الزين
اها جبنا الذي منو بالدين .. والعشاء اتبرع لينا ود الباوقة بسمكتين من البلطي المروي ..لو ما جيت ح نفرض عليك غرامة .. بالله ضمها مع التحويل .. يعني +100
محبتي
Post: #220 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-27-2009, 09:40 PM Parent: #219
Quote: اها جبنا الذي منو بالدين .. والعشاء اتبرع لينا ود الباوقة بسمكتين من البلطي المروي ..لو ما جيت ح نفرض عليك غرامة .. بالله ضمها مع التحويل .. يعني +100
محبتي
ودالباوقة .. شكلوحا يبقى معارضة (الباوقة) زاتا بقت مهددة بالغرق .. ونحنا شعب ما بقول الحق إلا يتخنق في رقبتو ..
البلطي والكهربا مابنفعنو بعد الباوقة تتلحس .. فيمن لحسهم (الرد) .. أي (السد) ..
Post: #221 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-27-2009, 09:42 PM Parent: #219
Quote: اها جبنا الذي منو بالدين .. والعشاء اتبرع لينا ود الباوقة بسمكتين من البلطي المروي ..لو ما جيت ح نفرض عليك غرامة .. بالله ضمها مع التحويل .. يعني +100
محبتي
ودالباوقة .. شكلوحا يبقى معارضة (الباوقة) زاتا بقت مهددة بالغرق .. ونحنا شعب ما بقول الحق إلا يتخنق في رقبتو ..
البلطي والكهربا مابنفعنو بعد الباوقة تتلحس .. فيمن لحسهم (الرد) .. أي (السد) ..
Post: #232 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-28-2009, 03:31 PM Parent: #218
Quote: متابعات وباهتمام
بس ما تدينا بالقطارة
القصة مشوقة
خلينا (النشوف اخرتا
العزيز/ شوقي ..
بطلنا القطارة وحا نكبر (الخرطوش) ..
محبتي ..
Post: #222 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-27-2009, 09:48 PM Parent: #216
(*)
شكراً على لطف متابعتك يا(أميمة)
محبتي ..
Post: #223 Title: Re: لا يصلح للنشر (معركتي مع المافيا بين الخرطوم والدويم) ...!! Author: سيف الدولة كامل Date: 04-28-2009, 02:01 AM Parent: #222
يا كمااااااااااااااااااااااااااااااال,,, احسن ليك تكمله
والله بجي اعضيك فوق راسك
Post: #224 Title: Re: لا يصلح للنشر (معركتي مع المافيا بين الخرطوم والدويم) ...!! Author: حنين للبلد Date: 04-28-2009, 02:09 AM Parent: #223
كمال الزين
وحاة جناي مابقدر اراجع التلاته صفحات ديل...
لكن برضو....تسجيل حضور.
Post: #225 Title: Re: لا يصلح للنشر (معركتي مع المافيا بين الخرطوم والدويم) ...!! Author: مبارك السروجي Date: 04-28-2009, 06:48 AM Parent: #224
يا كمال الزين..
شنو يا ماآآن؟ قاعدين مستنين ليناكم يوم وما ظهرت تاني؟
يا أخي أرجع كمل قصتك دي.. وخلينا نشوف لينا حاجة تانية..
مع التحية
Post: #226 Title: Re: لا يصلح للنشر (معركتي مع المافيا بين الخرطوم والدويم) ...!! Author: إسماعيل وراق Date: 04-28-2009, 07:23 AM Parent: #225
كل الذي يهمني في الفلم دا أحداث ما بعد عبور بحر أبيض غرباً.. في انتظارك يا كمال.
Post: #227 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-28-2009, 10:56 AM Parent: #226
تينك .. زاتو
يا اخ تعال كمل
Post: #228 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 04-28-2009, 11:57 AM Parent: #227
Quote: وتفرقوا بين (ستات) الشاي
احب الشاى وستات الشاى
الا كوارع الكوديانات
كمل ولا اسيبك براك
ياخى تعبت منك
بس ما فى مفر
صابرين ومتابعين
Post: #229 Title: Re: يا كيكي، كمال على الزين وابوساندرا وبورداب الدوحة عموماً ماذا يحدث هناك ؟ Author: جعفر محي الدين Date: 04-28-2009, 01:25 PM Parent: #228
كمال
حدد لينا ديد لاين
نجي نلقى القصة دي خلصت
أو كمان قول لينا لو كنت عايز تبيع الباقي نرسل الإيميل والدفع بالتقسيط
Post: #230 Title: Re: يا كيكي، كمال على الزين وابوساندرا وبورداب الدوحة عموماً ماذا يحدث هناك ؟ Author: Omeyma Mahmoud Date: 04-28-2009, 03:02 PM Parent: #229
عذبني وتفنن
Post: #231 Title: Re: يا كيكي، كمال على الزين وابوساندرا وبورداب الدوحة عموماً ماذا يحدث هناك ؟ Author: كمال علي الزين Date: 04-28-2009, 03:19 PM Parent: #230
Quote: عذبني وتفنن
المافيا هي التي عذبتنا وتفننت يا(أميمة) ..
Post: #233 Title: Re: يا كيكي، كمال على الزين وابوساندرا وبورداب الدوحة عموماً ماذا يحدث هناك ؟ Author: شوقي مهدي مصطفي Date: 04-28-2009, 03:36 PM Parent: #231
كيمو
والله عملتها ظاهرة
امبارح بعد ما رجعت من الجريدة
غلبني انتظر لي الصباح مشيت اشتري لي رصيد عشان اشوف الحاصل شنو
علي تاني توووووووووووووووووبة
تخريمة ـــــــــــــــــــــــــــ انت ما تخليك حنين وتشوتها لي في ايميلي
Post: #234 Title: Re: يا كيكي، كمال على الزين وابوساندرا وبورداب الدوحة عموماً ماذا يحدث هناك ؟ Author: كمال علي الزين Date: 04-28-2009, 04:07 PM Parent: #233
Quote: كيمو
والله عملتها ظاهرة
امبارح بعد ما رجعت من الجريدة
غلبني انتظر لي الصباح مشيت اشتري لي رصيد عشان اشوف الحاصل شنو
علي تاني توووووووووووووووووبة
تخريمة ـــــــــــــــــــــــــــ انت ما تخليك حنين وتشوتها لي في ايميلي
بالمناسبة ياشوقي ..
إحنا بنعرف بعض (فيس تو فيس) وعلى ما أعتقد إشتغلنا مع بعض في جريدة ما ..
صح ؟
Post: #235 Title: Re: يا كيكي، كمال على الزين وابوساندرا وبورداب الدوحة عموماً ماذا يحدث هناك ؟ Author: كمال علي الزين Date: 04-28-2009, 04:25 PM Parent: #229
Quote: كمال
حدد لينا ديد لاين
نجي نلقى القصة دي خلصت
أو كمان قول لينا لو كنت عايز تبيع الباقي نرسل الإيميل والدفع بالتقسيط
العزيز/ جعفر ..
القصة مامحتاجة إيميلات .. حا نواصلا هنا وبسرعة كمان ..
محبتي ..
Post: #240 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-28-2009, 04:55 PM Parent: #228
Quote: احب الشاى وستات الشاى
الا كوارع الكوديانات
كمل ولا اسيبك براك
ياخى تعبت منك
بس ما فى مفر
صابرين ومتابعين
الصبر طيب يا(حامد) ياخوي ..
Post: #239 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-28-2009, 04:43 PM Parent: #227
Quote: تينك .. زاتو
يا اخ تعال كمل
الترجمة يا(إدريس)
ساعدنا بالترجمة ..
):
Post: #238 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-28-2009, 04:37 PM Parent: #226
Quote: كل الذي يهمني في الفلم دا أحداث ما بعد عبور بحر أبيض غرباً.. في انتظارك يا كمال.
العزيز/ وراق ..
اليوم سننطلق إلى (الدويم) ..
وهذه سانحة للترحم على روح أحد أحباءنا هناك ..
(الزمخشري) عليه الرحمة .. فقد كان ثقيل الوزن , خفيف الدم , حلو المعشر ..
جاءني نبأ وفاته متأخراً بعض الشئ ..
سلام على روحه ..
Post: #237 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-28-2009, 04:29 PM Parent: #225
Quote: يا كمال الزين..
شنو يا ماآآن؟ قاعدين مستنين ليناكم يوم وما ظهرت تاني؟
يا أخي أرجع كمل قصتك دي.. وخلينا نشوف لينا حاجة تانية..
مع التحية
العزيز/ مبارك ..
سنواصل .. حتى نخلي سبيلكم .. ):
سعدت بك هنا ..
محبتي ..
Post: #236 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-28-2009, 04:26 PM Parent: #223
Quote: يا كمااااااااااااااااااااااااااااااال,,, احسن ليك تكمله
والله بجي اعضيك فوق راسك
العزيز /سيف الدولة ..
ناس المافيا ماخلو في راسنا حتة تتعضى ..
):
Post: #241 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-28-2009, 05:13 PM Parent: #236
(*)
إقترب (البوكس) من شارعنا .. دخلناه من ناصيته الشرقية المواجهة للعباسية ..
كان الشارع هادئاً خالياً إلا من بعض المارة .. حسب العادة ..
لم يكن هنالك شئ لافت للنظر .. إلا أن الهدوء أيضاً لم يكن مريحاً بالنسبة لنا ..
أبطأ (البوكس قليلاً) .. مع إقترابه من باب البيت ..
ثم توقف ..
ولم نكد نضع أقدامنا على الأرض .. حتى أفزعنا ..
منظر الرجال الذين أحاطوا بنا .. كان عددهم يتعدى العشر رجال ..
وكانوا مدججين بأسلحة خفيفة .. يتوسطهم (زمبة) ..
وكان أقلهم حجماً .. يحمل كفاً بحجم الطفل الرضيع ..
إنقضوا علينا .. وأخذونا أنا و(حامد) بسرعة .. وفي غفلة من (حاج حامد) والسائق ..
ورموا بنا على سطح (بوكس) وأمسكوا بنا جيداً ..
وأنطلقوا ..!!
Post: #242 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-28-2009, 05:29 PM Parent: #241
(*)
إتجه (البوكس) شرقاً ناحية (العباسية) من جهة(الخور) .. عبر بنا الزرائب ..
وكنا .. (حامد) و(أنا) لا نستطيع الرؤية خارج نطاق الأيدي والعضلات التي تكبلنا ..
ولكنا سمعنا صوت (فرامل) البوكس وهو يتوقف بشكل مفاجئ .. حتى كاد أن يطيح بكل ركابه ..
ثم سمعنا صوت (الجلك) وهو أحد أبنا (حاج أحمد) : على وين يا ناس .. الجماعة ديل (هولنا) .. وكان مانزلتوهم , على الحرام الدم للركب ..
رد عليه (زمبة) : أمشي ألعب بعيد يازول ..
يبدو أن (زمبة) لم يكن يعرف (الجلك) جيداً ..
(الجلك) كان أسمه (محمد) وكان بحجم (الغوريلا)
أطلق عليه إخوته هذا الإسم لأنه كان أصغرهم عمراً .. وأفخمهم حجماً .. وكان (ضكراناً) لا يخيفه شئ ..
(الجلك) وهو إسم درج أهل السودان على إطلاقه على (ذكر القرد) و..
ليس مهماً هذا الأمر الآن ..
المهم أن (عصبة أهلنا من الكلاكلة) .. قد إلتحموا مع (عصابة زمبة) في عراك ..
أفزع كل أهل (العرضة) و(العباسية) ..
وكانت معركة .. راح ضحيتها (أتراحمان) ..
سيسأل ساءل وما الذي أتى ب (أتراحمان) .. وهو الذي فارقنا عند (كوبري أمدرمان) بعد أن شتمنا .. وتفنن بشتمنا ..
أقول :
جابو أجلو ..!!
Post: #243 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-28-2009, 05:46 PM Parent: #215
مكرر
Post: #244 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-28-2009, 05:48 PM Parent: #215
Quote: الزين كمال
قلبت الموضوع سهر .. يعني تاني مقيل بح
رسل الحوالة لزوم الذي منو ..الدنيا عقاب شهر
محبتي
عندي صاحباً لي في الخرطوم .. لامني قال لي مابتتصل علي لي شنو؟
قلتا ليهو ماعندي رصيد ..
قال لي ماعندك رصيد إنتا مغترب في (تشاد) ..
من يوميها وحاتك بطلتا أحول ..
بكتفي بالرصيد ..
):
Post: #245 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-28-2009, 10:09 PM Parent: #244
كيمو
بطل خرخرة .. ح تحول .. ح تحول .. رصيد ما معانا
أحسن ليك تحول بدل تدفع رسوم العلاج
محبتي
Post: #246 Title: Re: لا يصلح للنشر (معركتي مع المافيا بين الخرطوم والدويم) ...!! Author: حنين للبلد Date: 04-29-2009, 00:24 AM Parent: #245
انا عاد ما لديحة...يادوب القعدة هنا بقت لي حلوة...
Post: #247 Title: Re: لا يصلح للنشر (معركتي مع المافيا بين الخرطوم والدويم) ...!! Author: osman righeem Date: 04-29-2009, 04:15 AM Parent: #246
Quote: "راجعنا يا كمال من الصفحة "0" حتى "3"...."
بس
Post: #248 Title: Re: لا يصلح للنشر (معركتي مع المافيا بين الخرطوم والدويم) ...!! Author: Omeyma Mahmoud Date: 04-29-2009, 09:10 AM Parent: #247
والله عملتها ظااااااااااااااااااااااااااااااااااااااااااهرة (وش متحير)...\ غايتو المجبور يلزم الصبر ويرضي بالقطارة (وش موشوش) وزي ما بيقولوا اهلنا الكحة ولا صمت الخشم......................
Post: #249 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-29-2009, 02:32 PM Parent: #248
(*)
Post: #250 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 04-29-2009, 02:38 PM Parent: #249
يا مافيا يا مان
ياخى غايب المدة كلها عشان تموت لينا اتراحمان
حرام عليك والله كنت بحبه
وبعدين
واصل
Post: #251 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 03:03 PM Parent: #250
Quote: يا مافيا يا مان
ياخى غايب المدة كلها عشان تموت لينا اتراحمان
حرام عليك والله كنت بحبه
وبعدين
واصل
ياحامد مامات الراجل ياخ ..
أذى جسيم والله .. وخسائر فادحة ..
لكن ربما يلقى حتفه متأثراً بجراحه ..
):
ماتحرق لينا القصة ياحامد ..
):
Post: #252 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 03:05 PM Parent: #250
Quote: يا مافيا يا مان
ياخى غايب المدة كلها عشان تموت لينا اتراحمان
حرام عليك والله كنت بحبه
وبعدين
واصل
ياحامد مامات الراجل ياخ ..
أذى جسيم والله .. وخسائر فادحة ..
لكن ربما يلقى حتفه متأثراً بجراحه ..
):
ماتحرق لينا القصة ياحامد ..
):
Post: #256 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 04:15 PM Parent: #248
Quote: والله عملتها ظااااااااااااااااااااااااااااااااااااااااااهرة (وش متحير)...\ غايتو المجبور يلزم الصبر ويرضي بالقطارة (وش موشوش) وزي ما بيقولوا اهلنا الكحة ولا صمت الخشم......................
(أميمة) ..
مساءك خير
سنواصل ..
والمرة دي مابالقطارة ..
محبتي ..
Post: #254 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 04:04 PM Parent: #247
Post: #253 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 03:26 PM Parent: #245
Quote: كيمو بطل خرخرة .. ح تحول .. ح تحول .. رصيد ما معانا أحسن ليك تحول بدل تدفع رسوم العلاج محبتي
رسوم العلاج دي زي رسوم العبور يا(إدريس)
):
Post: #255 Title: Re: لا يصلح للنشر (معركتي مع المافيا بين الخرطوم والدويم) ...!! Author: جمال السنوسي Date: 04-29-2009, 04:13 PM Parent: #253
بالله يا كمال
المعركة الحصلت دي وين من الأهلية
اصلنا زمان كنا بنمشي الاهلية
نزور اصحابنا
Post: #257 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 04:31 PM Parent: #255
Quote: بالله يا كمال
المعركة الحصلت دي وين من الأهلية
اصلنا زمان كنا بنمشي الاهلية
نزور اصحابنا
على مرمى حجر ياصديقي (الجميل)
كلنا كنا بنمشي الأهلية (نزور أصحابنا) ..
):
Post: #258 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 05:08 PM Parent: #257
(*)
إبتدأت المعركة .. بكلمات (الجلك) تلك وتحديه ل(زمبة) وعصبته..
لم نتمكن من رؤية بداية المعركة .. لكن شيئاً فشيئاً وبعد أن إشتد خناق (أولاد حاج أحمد) على (عصابة زمبة)
أرخوا قبضتهم عنا .. حتى تلاشوا من أمامنا ..
كان الضرب بالأيدي (والعكاكيز) .. ف(زمبة) حذر (جماعته) من إستخدام السلاح الناري ..
لكن بأس أهلنا عليهم كان شديداً .. ضربوهم حتى غطت الدماء ملابسهم ..
و(زمبة) نفسه ناله من الضرب ماناله .. حتى وقع على ظهره وهو يتطلع نحو القوم بإستغراب ..
وبينما القوم مشغولون بالضرب واللطم .. ظهر فجأة (أتراحمان) من شارع جانبي يطل على الخور ..
وبيده (شواله) الفارغ .. وما أن رأى المعركة ..
حتى رمى بشواله وصاح : أتلوهم .. تلأو تينهم ..
وترجمتها :
أقتلوهم .. طلعوا دينهم ..
ورمى بنفسه على أقرب أفراد (عصابة زمبة) إليه .. وتعلق برقبته وراح يضربه ..
وللحقيقة فقد أبلى (أتراحمان) بلاءً حسنا .. رغم هزال جسمه وقلة حيلته ..
أهل (الزريبة)وستات الشاي وبعض سكان العباسية والعرضة .. تجمهروا للفرجة ..
فقد كانت معركة لا تستطيع رؤيتها إلا بأفلام (السينما) ..
ولما أشتد الضرب على جماعة (زمبة) .. إضطر أحدهم لإخراج مسدسه ..
وشهره أولاً بغية الترهيب .. لكن (أولاد حاج أحمد) قلوبهم لا تعرف الخوف ..
لم يهتزوا .. لم يطرف لهم جفن ..
فأضطر إلا إطلاق الرصاص ..
أطلق ست رصاصات .. الأولى أصابت أحد الأطفال من جمهور (المتفرجين) بفخذه الأيسر ... والثانية إخترقت ساق (أتراحمان) ..ونفذت منه وخرجت من الجهة الأخرى ..
والثالثة والرابعة والخامسة والسادسة.. جميها جاءت بكف يد (الجلك) إبن (حاج أحمد) ..
فقد إضطر إلى وضع كفه في جسارة لم تكن غريبة عليه .. على ماسورة (الطبنجة) حتى لا تصيب الرصاصات أحداً آخر .. ويبدو أن (الجلك) تعمد إفراغ بقية(رصاصات الطبنجة) على كفه.. حتى لا يصاب الآخرون ..
تواصل القتال بشكل أعنف بعد إطلاق الرصاص .. فكأنما القوم قد جن جنونهم ..
(حاج أحمد) كان قد لحق بنا .. ووقف على رأس (أتراحمان) المصاب والملقى على الأرض .. وقال منزعجاً :
إت يا(سجم) الجابك لاحقنا شنو؟
رد (أتراحمان) وهو يضغط على أسنانه من الألم :
إتا أولاتك ديل أردل مني ؟ حلم ما أردل مني ..
وترجمتها :
إنتا أولادك ديل أرجل مني حرم ما أرجل مني ..
إنتبه (حاج أحمد) لإصابة إبنه (الجلك) .. وأتجه نحوه .. ولكن (الجلك) كان لا يزال واقفاً ويقاتل ..
لن أنسى أن أخبركم أن (الجلك) توفي بعد هذه الحادثة بعدة أشهر , .. فقد كان مصاباً بداء (السكر) ..
ولم أعلم حتى اللحظة هل كان لهذه الرصاصات دوراً في وفاته ..!!
رحمه الله فقد أسداً على هيئة رجل .. بكيته طويلاً ..
ولا زلت أذكره .. فليس مثله من ينسى ..!!
Post: #259 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-29-2009, 05:36 PM Parent: #258
Quote: لن أنسى أن أخبركم أن (الجلك) توفي بعد هذه الحادثة بعدة أشهر , ..
أبكيتني يا كمال كما لم أبكي من .. فلمثل الجلك نذرف الدموع
رحم الله الجلك واسكنه فسيح جناته مع الصديقين والشهداء وحسن اولئك رفيقا
Post: #261 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 05:49 PM Parent: #259
Quote: أبكيتني يا كمال كما لم أبكي من .. فلمثل الجلك نذرف الدموع
رحم الله الجلك واسكنه فسيح جناته مع الصديقين والشهداء وحسن اولئك رفيقا
رحمه الله فقد ترك خلفه (زوجة) صابرة و(طفل ) رضيع ..
لكن عزاءنا أنه كان رجلاً .. تنحني له هامات الرجال ..
Post: #260 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 05:39 PM Parent: #258
(*)
كنت و(حامد) .. لانزال على سطح (البوكس) ..
كان (حامد) بادئ الأمر مشفقاً على (أهلي) من بأس (زمبة) وجماعته ..
خاصة وهو يعلم أنهم مسلحون .. إلا أنه بدأ يشفق على (زمبة) وعصبته ..
حين ألتقى الجمعان .. ورأى (الجلك) وأخوته يتنقلون بين القوم ويشبعونهم ضرباً ولطماً وركلاً ..
بعد أن إنطلق الرصاص .. هرولنا من موضعنا نحو (أتراحمان) و(الجلك) ..
وبعد دقائق معدودات .. كان (زمبة) وجماعته قد إنطلقوا .. هاربين ..
وتركوا خلفهم صاحبهم الذي أطلق الرصاص .. تركوه بين يدي (أولاد حاج أحمد) ..
الذين تلفتوا حولهم وكانوا في شدة الغضب .. لإصابة (أتراحمان) و(الجلك) ..
تلفتوا حولهم .. ووجدوا لافتة لفرن بلدي يقع في (العرضة) أعلى الخور على مقربة من (الزرائب) ..
فحملوا أسيرهم وتوجهوا نحو (الفرن) .. وكانت نيتهم ..
رد أكبر أبناءه (صلاح) : كفاهو شنو ياحاج .. الزول طايح في خلق الله رصاص عامل فيها (كابوي) .. يابوي ده ضاربلو شافع طلقة في رجلو ..
رد (حاج أحمد) : قت لك أمرقوهو ..
كانت لهجته أشد حزماً هذه المرة .. فأنصاعوا له ..
وأخرجوه ووضعوه على الأرض .. وكانت النار قد أتت على أسفل بنطاله .. وقدميه ..
لكنهم لم يكفوا عن ضربه .. وهو على الأرض ..
وصاح الرجل من تحتهم : أنا ما حا أخليكم .. إنتو عارفين أنا منو ؟
أجابه أكبرهم(صلاح) : منو يعني .. واحد بلطجي و..
قاطعه الرجل :
معاك الرائد شرطة(..) ..
ولم نسمع الإسم جيداً .. أخذتنا المفأجاة ..!!
Post: #264 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 07:58 PM Parent: #263
(*)
نواصل بعد مباراة(أرسنال) _(مانشستر)
Post: #265 Title: Re: لا يصلح للنشر (معركتي مع المافيا بين الخرطوم والدويم) ...!! Author: محمد هشام Date: 04-29-2009, 08:05 PM Parent: #264
ليه كدا يا كمال الشحتفة دي !!!!!
نتمنى للفؤيق البتشجعوا الفوز عشان تجي تتم ليناالقصة بمزاج
Post: #266 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 08:08 PM Parent: #265
Quote: ليه كدا يا كمال الشحتفة دي !!!!!
نتمنى للفؤيق البتشجعوا الفوز عشان تجي تتم ليناالقصة بمزاج
أنا ياودهشام .. بشجع (تشيلسي)
الليلة مستمع بس ..
لكن الأمنية الحقيقية : تأهل الهلال .. والمريخ ..(معاً) لدور المجموعات ..
أنا مريخابي .. لكنني يوم الأحد (هلالابي) عديل ..
Post: #267 Title: Re: لا يصلح للنشر (معركتي مع المافيا بين الخرطوم والدويم) ...!! Author: omer osman Date: 04-29-2009, 08:09 PM Parent: #265
Quote: ليه كدا يا كمال الشحتفة دي !!!!!
محمد هاشم تصبر والا نكلم الدكتور المرشح يجي يتم ليك القصة.
Post: #268 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-29-2009, 08:11 PM Parent: #267
Quote: محمد هاشم تصبر والا نكلم الدكتور المرشح يجي يتم ليك القصة
الشر بره وبعيد ): ده عذب (البورد) عذاب قبورة الله يهديهو ويهدينا ياعمر ياخوي ..
Post: #269 Title: Re: لا يصلح للنشر (معركتي مع المافيا بين الخرطوم والدويم) ...!! Author: محمد هشام Date: 04-29-2009, 08:16 PM Parent: #267
Quote: محمد هاشم تصبر والا نكلم الدكتور المرشح يجي يتم ليك القصة
اكان كدا انا خشمي ما بفتحو تاني في المنبر دا
لكن اتوقع منو و عادي جدا ينزل بوست بعنوان رؤية مرشح رئاسة الجمهورية في قصة(معركتي مع المافيا بين الخرطوم والدويم)
خلاص ما تجيبوا سيرتوا عشان ما نخرب البوست دا كمان ....
يلا يا كماال الكورة ما انتهت ؟
Post: #270 Title: Re: لا يصلح للنشر (معركتي مع المافيا بين الخرطوم والدويم) ...!! Author: حنين للبلد Date: 04-29-2009, 08:38 PM Parent: #269
up
Post: #271 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 04-29-2009, 08:53 PM Parent: #270
مما مشينا الكلاكلة القبة
انا ( حامد) بقيت فاسوخة
لا لى فى التور ولا فى الطحين
متابع
Post: #273 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-30-2009, 02:17 PM Parent: #271
Quote: مما مشينا الكلاكلة القبة
انا ( حامد) بقيت فاسوخة
لا لى فى التور ولا فى الطحين
متابع
معليش يا(حامد) إنتا كنت الكل في الكل في مشوار الدويم ..
):
محبتي
Post: #272 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-30-2009, 01:32 PM Parent: #269
Quote: رؤية مرشح رئاسة الجمهورية في قصة(معركتي مع المافيا بين الخرطوم والدويم)
Post: #274 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 04-30-2009, 02:19 PM Parent: #272
Post: #275 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-30-2009, 03:40 PM Parent: #274
(*)
شكراً على (الكاس) ياصديقي..
):
Post: #276 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-30-2009, 04:48 PM Parent: #275
(*)
بعد أن أطلق (الرجل) تصريحه المفاجئ أو إدعاءه أنه (رائد شرطة) ..
لم تكف الأيدي عنه .. وأنقسم القوم إلى فريقين ..
فريق إنشغل بنقل (الجلك) و(أتراحمان) و(الطفل ) المصاب إلى البوكس والإنطلاق بهم نحو المشفى لإسعافهم ..
وفريق أصر على إشفاء غليله من الرجل .. ومواصلة ضربه ..
كنت لم أزل و(حامد) , نكتفي بالفرجة رغم أننا أصلاً من تسبب بهذه الفوضى ..
وهناك أعلى (الخور) .. شاهدنا (حمادة) على سيارته ..
يرقب .. وينتظر ...!!
Post: #277 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 04-30-2009, 05:02 PM Parent: #276
(*)
توقفوا عن ضربه بعد أن إمتلأ (الخور) فجأة بعدد لا يستهان به من (رجال الشرطة) ..
فرقوا بين الرجل وبين (أبناء حاج أحمد) ولم يكد الرجل يتحرر ..
حتى أخرج (بطاقته) .. وسارع (العساكر ) لتحيته .. تحية عسكرية .. يشوبها إضطراب ..
وكانت إحدى مفاجآةهذه الأيام العصيبات .. كان الرجل صادقاً ..
فقد إتضح جلياً أنه (ضابط شرطة) بالفعل .. حملوه لإسعافه ..
واقتادوا معهم من تبقى من أبناء (حاج أحمد) للتحقيق معهم ..
ولكنهم لم يقتادوا (حاج أحمد) .. الذي أنضم إلينا ..
(حامد) و(أنا) ..!!
Post: #278 Title: Re: لا يصلح للنشر (معركتي مع المافيا بين الخرطوم والدويم) ...!! Author: جمال السنوسي Date: 04-30-2009, 09:55 PM Parent: #277
يا كمال
ما تريحنا من (مافيا الانتظار ) دي
واعمل حساب ناس كهربتهم بتقطع
ياخي شحتفتنا قريب شهر وماتمت القصة
اقول ليك كلام
انت ما تبرمج لينا السرد زي برمجة ناس الكهربا
عشان ندخل ياتو يوم والساعة كم
ماممكن نفتش
ونجي نلقى نحن لسه في الخور
برمجنا ياخي
الله يبرمجك
زي ما برمجت بينا
Post: #279 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-01-2009, 03:31 PM Parent: #278
Quote: يا كمال
ما تريحنا من (مافيا الانتظار ) دي
واعمل حساب ناس كهربتهم بتقطع
ياخي شحتفتنا قريب شهر وماتمت القصة
اقول ليك كلام
انت ما تبرمج لينا السرد زي برمجة ناس الكهربا
عشان ندخل ياتو يوم والساعة كم
ماممكن نفتش
ونجي نلقى نحن لسه في الخور
برمجنا ياخي
الله يبرمجك
زي ما برمجت بينا
Post: #280 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-01-2009, 03:50 PM Parent: #279
(*)
طيب خلينا نبني (السد)في الأول ..
كيفك يا(جيمي) ..
):
Post: #281 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-01-2009, 05:18 PM Parent: #280
(*)
أخذوهم جميعهم .. لكن (حاج أحمد) لم يظهر خوفاً على أبناءه بل بدى رابط الجأش كعادته ..
وأمر سائق (البوكس) بإعادتنا إلى بيته بالكلاكلة .. إعترضنا (حامد) و(أنا) على أمره ..
قلت :
يا(حاج أحمد) نمشي كيف نخليكم في الحالة دي (الجلك) و(اتراحمان) و(الشافع) مضروبين رصاص .. والتانين ودوهم القسم .. والراجل كمان طلع ضابط ..
وبعدين ناس بيتنا ماشفتهم , وأبوي ..
قاطعني وهو يأمر (السائق) بالتحرك : ناس بيتكم كويسين وأبوك كويس .. والجماعة أنا بتصرف ..
أمشي يازول ..
تحرك بنا (البوكس) نحو (الكلاكلة) مرة أخرى ..
ولكن هذه المرة لم نستطع الوصول إلى وجهتنا ..
لم نستطع الوصول إلى الكلاكلة ..!!
Post: #282 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-01-2009, 06:09 PM Parent: #281
(*)
سرحت بعيداً أفكر بما سوف يحدث .. لنا .. و(البوكس) ينهب الأرض نحو الكلاكلة ..
وصور(الجلك) و(أتراحمان) و(الطفل) المصاب لم تبرح خيالي ..
ومنظر البقية والشرطة تقتادهم ..
و..
(حمادة) وهو يرقبنا من على البعد .. لم أكد أفكر ب(حمادة) ...
حتى خرجت سيارته أمامنا .. ونحن نعبر شارع الغابة ..
توقفت أمامنا فجأة .. عند (مخازن السكر) المقابلة للقوز ..
وأجبرنا على التوقف .. لم ينزل هو ..
ولكن السيارة أخرجت لنا أثقالها ..
ثلاثة رجال .. أشداء .. هراقلة ..
توجهوا نحونا ..
وعيونهم يتطاير منها ذات الشر الذي رأيناه بعيني (حمادة) و(زمبة) ..!!
Post: #283 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-01-2009, 06:55 PM Parent: #282
مكرر
Post: #284 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-01-2009, 07:00 PM Parent: #283
مكرر
Post: #285 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-01-2009, 07:04 PM Parent: #284
(*)
تسمرنا بمواقعنا داخل السيارة من أثر المفاجأة ..
والخوف ..
إقترب الرجال من السيارة .. تحررنا من خوفنا ..
فتحت الباب المواجه للطريق العام .. وجررت (حامد) خلفي ..
وركضنا نحو (القوز) .. توجهنا نحو أقرب شارع جانبي ..
وولجناه ثم أنطلقنا .. ركضاً نحو الحي ..
والرجال من خلفنا أيضاً .. كنا نفوقهم سرعة ..
لصغر سننا .. وخفة وزننا ..
ثم أن الخوف أيضاً .. دفع إلى أجسادنا طاقة إضافية ..
Post: #286 Title: Re: لا يصلح للنشر (معركتي مع المافيا بين الخرطوم والدويم) ...!! Author: Hadeer Alzain Date: 05-01-2009, 07:16 PM Parent: #285
Quote: فتحت الباب المواجه للطريق العام .. وجررت (حامد) خلفي ..
وركضنا نحو (القوز) ..
إنتو لي هسه بتجرو؟ فترتو والله يا أخواني دي مافيا جدجد!!
متابعين بخوف وتوجس
Post: #287 Title: Re: لا يصلح للنشر (معركتي مع المافيا بين الخرطوم والدويم) ...!! Author: شوقي مهدي مصطفي Date: 05-01-2009, 08:29 PM Parent: #286
الوريف / كمال
متابعين رغم العقبات
كان صبرت لي بعد بكرة ح اشتري (زين كونكت) اجارك الله
======== لكن ما قلت لي اتلاقينا في ياتو جريدة
Post: #288 Title: Re: لا يصلح للنشر (معركتي مع المافيا بين الخرطوم والدويم) ...!! Author: لقمان حسن همام Date: 05-02-2009, 01:34 AM Parent: #287
(*)
برفقتها بسمات ..
Post: #289 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 05-02-2009, 08:09 AM Parent: #288
ياخى قلت ليك سيبنى براى
لا دويم ولا قطينة
ياخى انت اخير منك حمادة
قلت ليك ما ماشى معاك!!!
حامد
Post: #294 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-02-2009, 03:19 PM Parent: #289
ومن حوله الحيران , وطلاب الخلوة .. يرمقوننا في غضب ..
ومعهم ضابط برتية (عميد) .. يبدو أنه كان متوجهاً لعمله ..
لم ننتظر لنعرف .. ركضنا نحو (الحلة الجديدة) ..
ومنها ركبنا المواصلات نحو السوق الشعبي .. هناك جلسنا ..
والحيرة تملأنا .. لم نكن نعرف وجهة نتجه إليها ..
كنا في غاية الخوف والدهشة , ..
قال حامد بعد أن هدأ :
إنتا ياخوي (حمادة) ده زي كأننا مابنعرفو .. ده واحد تاني .. مع الحكومة حكومة .. مع المجرمين وناس زمبة مجرم .. حتى الصوفية معاهم متصوف ..
كان أمره محيراً بالفعل ..!!
Post: #303 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-02-2009, 11:58 PM Parent: #302
(*)
كنت ضعيفاً جداً أمام الفتيات الجميلات .. رغم ما نحن فيه لم نكد نرى إحداهن ..
حتى تبعناها بأعيننا .. صمت (حامد) ..
وصمت ..
وكنا نكاد نأكلها بأعيننا .. كانت (خمرية) اللون .. طويلة , ممشوقة القوام ..
ينسدل شعرها على كتفيها .. ووجها بيضاوي ..
شفتاها (غليظتان) .. لكنهما كانتا جميلتان ..
نسيت أمر مانحن فيه ..
تبعناها .. حتى رأيناها على ظهر بص سفري .. كتب عليه : الخرطوم _ الدويم _ الخرطوم
سألت (حامد) : بتعرف زول في الدويم يا(حامد) ياخوي ..
قبل أن يجيبني .. كنا على ظهر البص ..
بطريقنا إلى الدويم ..
وهذه المرة ليس مهرباً فحسب ..
بل مطمعاً أيضاً ..!!
Post: #304 Title: Re: لا يصلح للنشر (معركتي مع المافيا بين الخرطوم والدويم) ...!! Author: حنين للبلد Date: 05-03-2009, 00:25 AM Parent: #303
متابعة...
Post: #305 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 05-03-2009, 02:27 PM Parent: #304
(*)
اها وبعدين
Post: #306 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-03-2009, 02:29 PM Parent: #305
Quote: اها وبعدين
بعدين يا(إدريس) البنية ودتنا وراها لحدي (الدويم)
Post: #307 Title: Re: لا يصلح للنشر (معركتي مع المافيا بين الخرطوم والدويم) ...!! Author: willeim andrea Date: 05-03-2009, 02:48 PM Parent: #306
ود الزين جبنة الدويم لذيذه بس ما الذ من قصتك الشرك دي ....ذكرتني ذا بولت اند ذا بيوتفل معزتي
Post: #308 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-03-2009, 02:53 PM Parent: #307
(*)
العزيز/ وليام ..
أعجبني جداً إختيارك لإسم هذا الراحل العظيم ..
ثم ياصديقي .. كنت أحدث زميل (لبناني) عن (جبنة الدويم) فهي لا مثيل لها بكل الدنيا ..
شكراً على لطف كلماتك ..
محبتي ..
Post: #309 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-03-2009, 03:48 PM Parent: #308
(*)
إستطعنا بعد جهد خارق , أن نجعل موضع جلوسنا بالبص مقعدين يجاورانها ..
كانت تسافر وحدها .. حاولنا جرها لحوار مشترك فلم نفلح ..
تأبت علينا حتى مجرد رد التحايا ..
باءت كل محاولتنا بالتعرف عليها بالفشل ..
طوال الطريق بين (الخرطوم ) و(الدويم).. كنا نحاول ..
ونحاول ..
حتى أننا لم نستطع التمتع بمشاهدة الطريق ..
ثم ..
وجدنا أنفسنا نعبر (البنطون) غرباً إلى (الدويم) .. بدت الرحلة قصيرة جداً ..
كنا نتمناها أطول .. حتى ينجح مسعانا ..
ولكننا تبعناها حتى (الدويم) دون أن تنظر إلى وجوهنا .. أو تشعرنا بأننا موجودون ..
تبعناها حتى (الدويم) سدى ..
وجدنا أنفسنا ب(الدويم) ..
غادرت دون أن تلتفت إلينا ..
تركتنا هنالك .. ثم بدأ هم جديد ..
أين سنذهب .. ونحن غرباء مطاردون ...!!
Post: #310 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 05-04-2009, 10:29 AM Parent: #309
(*)
تسجيل حضور
Post: #311 Title: Re: لا يصلح للنشر (معركتي مع المافيا بين الخرطوم والدويم) ...!! Author: جعفر محي الدين Date: 05-04-2009, 12:07 PM Parent: #310
حلقة اليوم يا كمال
لا تنسى حلقة اليوم
Post: #312 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 05-04-2009, 01:47 PM Parent: #311
كمال مافيايا رفيق المطاردة
اهاوشن سوينا
واصل وما تدخلنا فى اسبوع تانى ياخى
الظاهر عليها كانت سمحة بالحيل
وقلت الضياع وراء الجمال اخير منو البطولة قدام حمادة وزمبة الشين
الظاهر ابوك كان زعلان منك شديد , شايف ما فى زول هبب ليك من ناس البيت
Post: #313 Title: Re: لا يصلح للنشر (معركتي مع المافيا بين الخرطوم والدويم) ...!! Author: الفاتح شلبي Date: 05-04-2009, 03:10 PM Parent: #312
قرات هذهـ القصة من اولها وتمترست مع البقية فى انتظار البقية
على الاقل نطمئن انك فعلاً حي
ح ننتظر لغاية بكرة ولو ما جيت كملت حنجيك بمظاهرة أكبر من مظاهرتكم اللى بدات من الكلاكلة
Post: #318 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-04-2009, 04:44 PM Parent: #313
(*)
العزيز / الفاتح شلبي ..
سنواصل دون تظاهر .. فالدويم كانت محطة هامة جداً ..
محبتي وأمتناني ..
Post: #316 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-04-2009, 04:09 PM Parent: #312
Quote: كمال مافيايا رفيق المطاردة
اهاوشن سوينا
واصل وما تدخلنا فى اسبوع تانى ياخى
الظاهر عليها كانت سمحة بالحيل
وقلت الضياع وراء الجمال اخير منو البطولة قدام حمادة وزمبة الشين
الظاهر ابوك كان زعلان منك شديد , شايف ما فى زول هبب ليك من ناس البيت
Post: #317 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-04-2009, 04:35 PM Parent: #316
(*)
(حامد) يارفيق المنافي والمحنة ..
واحدة واحدة ..
خلينا في (الدويم) أسي ..
):
Post: #315 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-04-2009, 04:05 PM Parent: #311
Quote: حلقة اليوم يا كمال
لا تنسى حلقة اليوم
العزيز/ جعفر ..
سنواصل ..
محبتي وأمتناني ..
Post: #314 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-04-2009, 03:39 PM Parent: #310
(*)
سلمت يا(إدريس) ..
نواصل ..
Post: #319 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-04-2009, 06:35 PM Parent: #314
(*)
تذكرت والشمس تودع الدنيا نحو المغيب.. أن لي صديقاً بالدويم إسمه (الزمخشري) ..
(الزمخشري) لم أعرفه في أمور جاجة كهذه .. كان (الزمخشري) ضخم الجثة , أسمر اللون ..
من ذلك النوع من البشر .. الذين أعطاهم الله وفرة بالجسم .. وسعة الصدر .. وكبر القلب ..
كان مرحاً , خفيف الظل .. قلما تجده عابثاً ..
لم أزره ب(الدويم) قبل اليوم .. لكنني أعرف أنه يسكن (شندي فوق) ..
توجهنا نحو (شندي فوق) .. حتى نسأل عن (الزمخشري) ..
فنحن اليوم بحاجة إليه .. وهو صديق قديم لكن بيننا ود لم ينقطع .. كلما زار (الخرطوم) ..
(حامد) أيضاً أخبرني أن له أقرباء بالدويم .. لكنه لم يزرهم قبل اليوم ..
قررنا البحث عن (الزمخشري) , .. ثم الإستعانة به في البحث عن أقرباء (حامد) ..!!
Post: #320 Title: Re: لا يصلح للنشر (معركتي مع المافيا بين الخرطوم والدويم) ...!! Author: محمد هشام Date: 05-04-2009, 09:40 PM Parent: #319
اخيرا الدويم
وحضرنا ولم نجد احدا
Post: #321 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-05-2009, 09:17 AM Parent: #320
Quote: اخيرا الدويم وحضرنا ولم نجد احدا
ونحن أيضاً .. ياصديقي .. حضرنا إلى (الدويم) ولم نجد أحدا ..
محبتي ..
Post: #322 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-05-2009, 11:33 AM Parent: #321
(*)
قبل أن نواصل ..
الفصل القادم هو إهداء إلى روح الصديق (الزمخشري ) رحمه الله ..
فقد كان إبتسامة تنتقل بين الخرطوم والدويم ينشر الفرح ويذكرنا بان العالم لايزال بخير ..
Post: #323 Title: Re: لا يصلح للنشر (معركتي مع المافيا بين الخرطوم والدويم) ...!! Author: ALZOLZATOO Date: 05-05-2009, 12:40 PM Parent: #322
ياود الزين
انت اي واحد دخلتو في القصة بتاعتك دي لحستو
قريبك انضرب طبنجة اسع كمان الزمخشري زاتووو ماات
رحمهم الله رحمة واسعة
ده تاكيد حضور ودعوة للمراحيم
متابعين
زاتوووو
Post: #324 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 05-05-2009, 02:00 PM Parent: #323
Post: #325 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 05-05-2009, 09:34 PM Parent: #324
البقاء لله
Post: #328 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-06-2009, 00:51 AM Parent: #325
(*)
البقاء لله يا(حامد) ..
محبتي ..
Post: #327 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-06-2009, 00:49 AM Parent: #324
Quote: رحم الله الزمخشري وادخله فسيح جناته
فقد كان رجلا هاشا باشا .. أخو أخوان
رحمه الله ياصديقي ..
حتى نواصل ..
Post: #326 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-05-2009, 10:52 PM Parent: #323
Quote: ياود الزين
انت اي واحد دخلتو في القصة بتاعتك دي لحستو
قريبك انضرب طبنجة اسع كمان الزمخشري زاتووو ماات
رحمهم الله رحمة واسعة
ده تاكيد حضور ودعوة للمراحيم
متابعين
زاتوووو
Post: #329 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-06-2009, 00:53 AM Parent: #326
(*)
العزيز الزول ..
تعرف هنالك من يستحقون أن لايغيبوا عن ذاكرتنا .. لذلك أتحين مثل هذه الفرص .. وأحتال على النصوص .. حتى أذكرهم .. وأذكر بهم ..
رحمهم الله ..
تحياتي زاتو ..
Post: #330 Title: Re: لا يصلح للنشر (معركتي مع المافيا بين الخرطوم والدويم) ...!! Author: باسط المكي Date: 05-06-2009, 01:36 PM Parent: #329
حضور ومتابعة
Post: #331 Title: Re: لا يصلح للنشر (معركتي مع المافيا بين الخرطوم والدويم) ...!! Author: Nasr Date: 05-06-2009, 04:19 PM Parent: #330
"وهذه المرة ليس مهرباً فحسب ..
بل مطمعاً أيضاً ..!! "
جاري من الموت وساكي الحياة؟؟؟؟؟؟ يا لك من رجل
كدي يللا فك لينا حاجة عشان نقوم نشوف الشغل
Post: #332 Title: Re: لا يصلح للنشر (معركتي مع المافيا بين الخرطوم والدويم) ...!! Author: Nazik Eltayeb Date: 05-06-2009, 07:52 PM Parent: #331
رغم زحمتي هذه الايام الا اني نادمة علي اني مررت علي هذا البوست مرور الكرام حتى دخلته اليوم فامسك بي ولم يتركني و اضاع زمني القليل اصلاً ومعاها شحتفه كمان بوستك دا عامل زي مسلسل كابتن ماجد بتاع الاطفال... الكورة بتخش القون في ثلاث حلقات وقيس على كده
اسعد الله ايامك
Post: #333 Title: Re: لا يصلح للنشر (معركتي مع المافيا بين الخرطوم والدويم) ...!! Author: willeim andrea Date: 05-06-2009, 09:19 PM Parent: #332
Quote: الكورة بتخش القون في ثلاث حلقات وقيس على كده
قويه
Post: #334 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 05-07-2009, 11:54 AM Parent: #333
جنس شحتفة
Post: #335 Title: Re: لا يصلح للنشر (معركتي مع المافيا بين الخرطوم والدويم) ...!! Author: Omeyma Mahmoud Date: 05-07-2009, 01:37 PM Parent: #334
غيب وتعال تلقانا ............................
Post: #344 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-08-2009, 08:41 PM Parent: #333
(*)
العزيز وليام ..
قوية صورتك ..
):
محبتي ..
Post: #342 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-08-2009, 08:39 PM Parent: #332
Quote: رغم زحمتي هذه الايام الا اني نادمة علي اني مررت علي هذا البوست مرور الكرام حتى دخلته اليوم فامسك بي ولم يتركني و اضاع زمني القليل اصلاً ومعاها شحتفه كمان بوستك دا عامل زي مسلسل كابتن ماجد بتاع الاطفال... الكورة بتخش القون في ثلاث حلقات وقيس على كده
اسعد الله ايامك
سلامات يانازك ..
شكراً على لطفك .. وعذراً على غيابي , فقد ألم بي ألم جعل وجهي من (طابقين)
):
Post: #343 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-08-2009, 08:40 PM Parent: #331
Quote: وهذه المرة ليس مهرباً فحسب ..
بل مطمعاً أيضاً ..!! "
جاري من الموت وساكي الحياة؟؟؟؟؟؟ يا لك من رجل
كدي يللا فك لينا حاجة عشان نقوم نشوف الشغل
العزيز نصر .. هذا هو (إبن آدم) ..
):
فصيح وقليل أدب لما يكون بخير .. ومسكين ومؤدب ومتدين وقت الزنقة ..
):
Post: #336 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-07-2009, 03:04 PM Parent: #330
(*)
مرحباً بك أخي باسط ..
وشكراُ على لطفك ..
محبتي ..
Post: #337 Title: Re: لا يصلح للنشر (معركتي مع المافيا بين الخرطوم والدويم) ...!! Author: Ahmed Abdallah Date: 05-07-2009, 06:57 PM Parent: #336
الزمخشري محجوب ابشر
Post: #338 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 05-07-2009, 10:17 PM Parent: #337
Post: #339 Title: Re: لا يصلح للنشر (معركتي مع المافيا بين الخرطوم والدويم) ...!! Author: الفاتح شلبي Date: 05-08-2009, 02:10 AM Parent: #338
حبيبنا
الواقع انك ساهرت بينا عديييييييييييييييييل شنو الجكاية ؟ شوف الساعة كم ؟
دي شحتفة ما بعدها شحتفة
Post: #340 Title: Re: لا يصلح للنشر (معركتي مع المافيا بين الخرطوم والدويم) ...!! Author: Hadeer Alzain Date: 05-08-2009, 12:13 PM Parent: #339
يا كمال يا زين قالو متألم شوية .. ياخي بعد الشر عليك
Post: #347 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-08-2009, 08:53 PM Parent: #340
Quote: يا كمال يا زين قالو متألم شوية .. ياخي بعد الشر عليك
الله يسلمك أختي / هدير ..
كيفك وكيف أخبار الأهل بطهران كلهم ..
):
Post: #345 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-08-2009, 08:43 PM Parent: #339
Quote: حبيبنا
الواقع انك ساهرت بينا عديييييييييييييييييل شنو الجكاية ؟ شوف الساعة كم ؟
دي شحتفة ما بعدها شحتفة
العزيز / الفاتح ..
طيب أقول شنو أنا المساهر بي (ضرس)
):
Post: #341 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-08-2009, 06:55 PM Parent: #337
Quote: الزمخشري محجوب ابشر
هو بعينه .. لكن بالأمس وصلتني رسالة من أخ إسمه (مالك) يقول فيها أن الذي توفي هو شقيقه (الأشعري) وأن الأخ (الزمخشري) حي يرزق ..
له طول العمر .. ولأخيه الأشعري (الرحمة) و(المغفرة) ..
العندو معلومة يوافينا بيها ..
Post: #346 Title: Re: لا يصلح للنشر (معركتي مع المافيا بين الخرطوم والدويم) ...!! Author: محمد الجيلى Date: 05-08-2009, 08:44 PM Parent: #341
إنتظار ومتابعة بإهتمام أخى كمال
خالص الود
Post: #348 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-08-2009, 09:04 PM Parent: #346
(*)
العزيز/ إدريس ..
أولاً معذرة على الرد بالقطاعي ..
أخوك من يوم مشى بيت ناس (هجو الأقرع ) وشو إتورم وجاهو وجع ضرس ..
):
سحبك للمداخلات ده خلاني أصدق رواية الاخ مالك إنو (الزمخشري) حي يرزق .. والذي توفي هو شقيقه الأشعري ..
؟
Post: #349 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-08-2009, 09:19 PM Parent: #346
Quote: إنتظار ومتابعة بإهتمام أخى كمال
خالص الود
العزيز/ محمد الجيلي..
شكراً على لطفك ياصديقي ..
محبتي ..
Post: #350 Title: Re: لا يصلح للنشر (معركتي مع المافيا بين الخرطوم والدويم) ...!! Author: ادريس خليفة علم الهدي Date: 05-08-2009, 10:21 PM Parent: #349
عذرا يا صديقي
بالرغم من حضوري مراسم العزاء والدفن بالرياض منذ حوالي العامين الا ان الامر قد اختلط علي لان المرحوم كان يلقب بالمارشال .. وكنت اظنه لقبا للزمخشري اطال الله عمره .. اعتذر عن اختلاط الامر لدي
وافر حبي
Post: #353 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-09-2009, 04:58 PM Parent: #350
Quote: عذرا يا صديقي
بالرغم من حضوري مراسم العزاء والدفن بالرياض منذ حوالي العامين الا ان الامر قد اختلط علي لان المرحوم كان يلقب بالمارشال .. وكنت اظنه لقبا للزمخشري اطال الله عمره .. اعتذر عن اختلاط الامر لدي
وافر حبي
العزيز/ إدريس ..
رحم الله وأطال عمر الحبيب (الزمخشري) .. وللتأكد من المعلومة سأحاول الإتصال بإبن عمه (خالد عمر أبشر) الذي تعرفنا على (الزمخشري) عبره ..
محبتي ..
Post: #351 Title: Re: لا يصلح للنشر (معركتي مع المافيا بين الخرطوم والدويم) ...!! Author: tayseer alnworani Date: 05-09-2009, 00:52 AM Parent: #100
Post: #363 Title: Re: لا يصلح للنشر (معركتي مع المافيا بين الخرطوم والدويم) ...!! Author: معتز القريش Date: 05-13-2009, 08:16 PM Parent: #362
(*)
Post: #364 Title: Re: لا يصلح للنشر (معركتي مع المافيا بين الخرطوم والدويم) ...!! Author: معتز القريش Date: 05-14-2009, 10:47 AM Parent: #363
(**)
Post: #365 Title: Re: لا يصلح للنشر (معركتي مع المافيا بين الخرطوم والدويم) ...!! Author: Omeyma Mahmoud Date: 05-14-2009, 02:47 PM Parent: #364
اختار/اختاري الاجابة الصحيحة: الاستاذ كمال ما كمل القصة والسبب 1- اختفي ولم يبن 2- صمت ولم يتكلم 3- خرج ولم يعد 4- القصة اتلهت ونحن ما عارفين 5- بكتب متخفي 6- بكنب بحبر سري 7- سافر يسلم علي الزمخشري 8- المافيا لمو فيه 9- زعلان 10- حبر الكيبورد انتهي 11- حردان 12- عيان 13- الكهرباء قاطعة 14- الكهرباء خلصت وما لاقي زول يرسله 15- مطنش 16- ما عنده مزاج 17- تعبان 18- زهجان 19- مشغول 20- عاوز يتم كل القصة وينزله كاملة 15- مفلس
Post: #366 Title: Re: لا يصلح للنشر (معركتي مع المافيا بين الخرطوم والدويم) ...!! Author: محمد البشرى الخضر Date: 05-14-2009, 02:55 PM Parent: #365
اديك احتمال رقم 16 أو 22 ماعارف حرد البوست بسبب علامات التعجب الكتيرة الختيتيها ليه و فتلت الصفحة
Post: #367 Title: Re: لا يصلح للنشر (معركتي مع المافيا بين الخرطوم والدويم) ...!! Author: Omeyma Mahmoud Date: 05-14-2009, 03:04 PM Parent: #366
شكرا ما فكرته فيها 117- حرد البوست بسبب علامات التعجب الكتيرة الختيتها ليه و فتلت الصفحة
.... قبل ما افتل بيها الصفحة فتلت راسي (راس مفتول)
Post: #368 Title: Re: لا يصلح للنشر (معركتي مع المافيا بين الخرطوم والدويم) ...!! Author: محمد البشرى الخضر Date: 05-14-2009, 03:25 PM Parent: #367
طيب ما تعدليها الله يرضى عليك
Post: #372 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-14-2009, 06:24 PM Parent: #368
(*)
العزيز / ودالبشرى
شكراً على لطف مرورك ..
محبتي ..
Post: #373 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-14-2009, 06:27 PM Parent: #365
Quote: اختار/اختاري الاجابة الصحيحة: الاستاذ كمال ما كمل القصة والسبب 1- اختفي ولم يبن 2- صمت ولم يتكلم 3- خرج ولم يعد 4- القصة اتلهت ونحن ما عارفين 5- بكتب متخفي 6- بكنب بحبر سري 7- سافر يسلم علي الزمخشري 8- المافيا لمو فيه 9- زعلان 10- حبر الكيبورد انتهي 11- حردان 12- عيان 13- الكهرباء قاطعة 14- الكهرباء خلصت وما لاقي زول يرسله 15- مطنش 16- ما عنده مزاج 17- تعبان 18- زهجان 19- مشغول 20- عاوز يتم كل القصة وينزله كاملة 15- مفلس
وشكراً لدكتور / عمر سعد عضو البورد الذي قام بمساعدتي على العلاج ..
مع حرصه عدم تصوير الحالة ..
):
Post: #371 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-14-2009, 06:22 PM Parent: #358
Quote: لمتين يعني ننتظر النهاية أتعبتنا معاك
العزيز/ ساتي
لن تنتظر كثيراً ..
محبتي ..
Post: #370 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-14-2009, 06:18 PM Parent: #357
(*)
الحبيب جعفر .. سنواصل ..
محبتي ..
Post: #369 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-14-2009, 06:14 PM Parent: #356
Quote: الاخ كمال اسآل الله لك ولصديقك دوام الصحة والعافية.....
ومنتظرين ........
تسلمي أخت أميمة ..
شكراً على حضورك ..
محبتي ..
Post: #374 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-14-2009, 06:31 PM Parent: #369
(*)
العزيز/ الومخشري .. حي يرزق وهو مقيم بمدني وقد تحادثنا أمس الأول ..
شكراً للإخوة الذين قاموا بمهاتفتي وجعلوا التواصل بيننا ممكناً ..
بعد سنوات طويلة ..
Post: #375 Title: Re: لا يصلح للنشر (معركتي مع المافيا بين الخرطوم والدويم) ...!! Author: Manal Mohamed Ali Date: 05-14-2009, 06:48 PM Parent: #374
اسمع يا زول انت هووي.. صبرنا عليك كتير لو عندك وقت احسن تتم قصتك المعلقنا بيها دي اوعك تقول لي عندي وجع ضرس .. وجع الضرس ده مالو ما بحميك ترد على الناس في البوست ده ..وكمان فاتح ليك كم بوست تاني ما تطلعنا من طورنا باللاهي ..
____________ وش واحده زهجانه منك للطيش ...
Post: #376 Title: Re: لا يصلح للنشر (معركتي مع المافيا بين الخرطوم والدويم) ...!! Author: امال حسين Date: 05-14-2009, 08:03 PM Parent: #375
علي اقل من مهلك انشوف حدك وين
Post: #377 Title: Re: لا يصلح للنشر (معركتي مع المافيا بين الخرطوم والدويم) ...!! Author: عمار عبدالله عبدالرحمن Date: 05-14-2009, 08:51 PM Parent: #376
الزول ده لبد مالوا ,,
حماده ظهر عضو في البورد والا الحاصل شنو ,,,
Post: #378 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-16-2009, 11:40 PM Parent: #377
(*)
العزيز/ عمار
شكراً على لطف حضورك ..
سنواصل ..
محبتي وأمتناني ..
Post: #381 Title: Re: لا يصلح للنشر (معركتي مع المافيا بين الخرطوم والدويم) ...!! Author: سيف الدولة كامل Date: 05-17-2009, 00:01 AM Parent: #378
كمال,,,, تحياتنا واشواقنا
قالوا لي حاسي بشوية الم
تبري انت ما الالم وتبري انت من العيا
تبري انت من العليك وتعال تم لينا قصتنا ديك
Post: #383 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-17-2009, 00:14 AM Parent: #381
(*)
العزيز/ سيف الدولة ..
سلمك الله من كل شر ..
شكرا على لطفك ..
محبتي ..
Post: #382 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-17-2009, 00:11 AM Parent: #376
(*)
تسلمي أختي أمال ..
سنواصل ..
شكراً على لطفك ..
Post: #379 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-16-2009, 11:50 PM Parent: #375
Post: #384 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-17-2009, 00:28 AM Parent: #380
(*)
هناك بالخرطوم كانت الدنيا تمور بالأحداث .. بين من هم بالمشفى .. وبين من هم بقبضة الشرطة ..
وأنقسم الناس بين من يعود المرضى .. ومن يذهب لتفقد من هم بالحبس ..
(حاج أحمد) إستخدم كل صلاته القديمة والحديثة بالحكومات المتعاقبة ..
فقد كان رأس أهل (الكلاكلة) .. وعين أعيانهم ..
حتى أفلح أخيراً بإطلاق سراح الموقوفين .. بضمانان شخصية ..
ثم تفرق لأمر الجرحى .. ومن بعد لأمر الضابط المصاب ..
ثم ..
أمرنا مع (حمادة) وعصبته ..!!
Post: #385 Title: Re: لا يصلح للنشر (معركتي مع المافيا بين الخرطوم والدويم) ...!! Author: Omeyma Mahmoud Date: 05-17-2009, 07:30 AM Parent: #384
سلامات والف لا باس عليك.. اتمني ان تكون بقيت ميه الميه؟
الضرس ضرس :) .............
متابعين بحماس..
Post: #386 Title: Re: لا يصلح للنشر (معركتي مع المافيا بين الخرطوم والدويم) ...!! Author: Nadir Dirar Date: 05-20-2009, 06:59 AM Parent: #385
حمادة لم فيك يامان واللي ما يشتري يتفرج على قولتهم
Post: #387 Title: Re: لا يصلح للنشر (معركتي مع المافيا بين الخرطوم والدويم) ...!! Author: عبدالكريم الامين احمد Date: 05-20-2009, 07:41 AM Parent: #386
تاني تجي مولد بتاع ناس الكنابو يا كمال علي الزين
Post: #388 Title: Re: لا يصلح للنشر (معركتي مع المافيا بين الخرطوم والدويم) ...!! Author: haroon diyab Date: 05-20-2009, 07:37 PM Parent: #387
كيكي
Quote: تاني تجي مولد بتاع ناس الكنابو يا كمال علي الزين
سؤال في السلك ياملك
Post: #389 Title: Re: لا يصلح للنشر (معركتي مع المافيا بين الخرطوم والدويم) ...!! Author: haroon diyab Date: 05-20-2009, 07:39 PM Parent: #388
ضحية....
Quote: هل الطــريق إلى ســـلام دارفــور يمر عبر أديس أبابا؟
حتطوووووووووووووووووووووووووووووول
Post: #390 Title: Re: لا يصلح للنشر (معركتي مع المافيا بين الخرطوم والدويم) ...!! Author: Hassan Makkawi Date: 05-20-2009, 07:57 PM Parent: #389
كمال الزين
مشيت وين؟؟؟
معتز القريش و هرون دياب
ما بعفصوا ساكت!!!
دحين امرق
كمل القصة العجيبة...وكدة
Post: #391 Title: Re: لا يصلح للنشر (معركتي مع المافيا بين الخرطوم والدويم) ...!! Author: ضحيه ابراهيم Date: 05-20-2009, 10:24 PM Parent: #390
Quote: كـــــذب الزمخشري عمره ما سكن شندي فوق الزمخشري من سكان الحي الثامن الأصلاء جوار السوق ...
قال (توجهنا نحو (شندي فوق) ..) انت ناسي انه هنا في ناس من الدويم؟؟؟
الزوول ده ماوصفنا انا وهرون دياب بالكذب وعديمى الرأى؟ يعنى هو ذاتووووو بيكذب عجبى
Post: #398 Title: Re: لا يصلح للنشر (معركتي مع المافيا بين الخرطوم والدويم) ...!! Author: معتز القريش Date: 05-24-2009, 09:00 AM Parent: #391
Quote: الزوول ده ماوصفنا انا وهرون دياب بالكذب وعديمى الرأى؟ يعنى هو ذاتووووو بيكذب عجبى
يا ضحية يا أخوي ما سمعت أهلنا زمان لمن قالوا الجمل ما بشوف عوجة رقبتو
هي كان على كضب البوست دا هينة الكلام الكضب البتلفون والمسنجر وبالأقمار الصناعية وعلى الهواء مباشرة
Post: #395 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-24-2009, 08:42 AM Parent: #390
(*)
العزيز / حسن مكاوي ..
موجود وسأواصل ..
شكراً على لطف حضورك ..
محبتي ..
Post: #396 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-24-2009, 08:42 AM Parent: #390
(*)
العزيز / حسن مكاوي ..
موجود وسأواصل ..
شكراً على لطف حضورك ..
محبتي ..
Post: #394 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-24-2009, 08:37 AM Parent: #386
Quote: حمادة لم فيك يامان واللي ما يشتري يتفرج على قولتهم
العزيز نادر ..
حا يلم فينا لكن حا نتخارج ولا لا دي خليها لي قدام
):
محبتي ..
Post: #392 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-24-2009, 08:34 AM Parent: #385
Quote: سلامات والف لا باس عليك.. اتمني ان تكون بقيت ميه الميه؟
الضرس ضرس :) .............
متابعين بحماس..
تسلمي يا أميمة
وما تشوفي شر ..
محبتي وأمتناني ..
Post: #393 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-24-2009, 08:34 AM Parent: #385
Quote: سلامات والف لا باس عليك.. اتمني ان تكون بقيت ميه الميه؟
الضرس ضرس :) .............
متابعين بحماس..
تسلمي يا أميمة
وما تشوفي شر ..
محبتي وأمتناني ..
Post: #397 Title: Re: لا يصلح للنشر (معركتي مع المافيا بين الخرطوم والدويم) ...!! Author: شمس الدين ساتى Date: 05-24-2009, 08:53 AM Parent: #393
أسمع ياكمال علي الزين
ما ترد .. بس تم لينا القصة الجننتنا بيها دي
ماتقول لي شكرا علي المرور .. خش في الموضوع
Post: #400 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-24-2009, 09:08 AM Parent: #397
Quote: أسمع ياكمال علي الزين
ما ترد .. بس تم لينا القصة الجننتنا بيها دي
ماتقول لي شكرا علي المرور .. خش في الموضوع
حاضر ياصديقي ..
شكراً على مرورك .. برضو ..
):
سنواصل ..
محبتي ..
Post: #399 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-24-2009, 09:06 AM Parent: #393
(*)
خرج (الجلك) و(أتراحمان) من المشفى .. بعد قضاء زهاء الأسبوع وهما طريحا الفراش ..
أما الطفل الصغير الذي أصيب بالحادثة .. فقد إستبقاه الأطباء لصغر سنه .. وهشاشة عظامه .. بغرض متابعة حالته ..
بينما خرج الآخرون من محبسهم .. ولكن خروجهم لم يعني أن الحياة عادت كما كانت ..
الضابط المصاب أيضاً تماثل للشفاء .. رغم أن جسده ألتصقت به آثار الحروق ..
التي ربما ستلازمه مدى الحياة ..
قضينا الأسبوع بعيداً هم ونحن في شغل عن مايدور هناك ..
ربما تعمدنا أن لا نتذكر .. أو نتناسى عمداً أمر (حمادة) ..
بينما أنشغل (حاج أحمد) في تقصي الأمر .. ومعرفة من هو (حمادة) ومن الذي يقف وراءه ..
وماهو سر تمتعه بذلك النفوذ ..ّّ
(حامد) كان مهموماً بالأمر .. خاصة وأن إبتعاده عن أهله جاء دون أن يتمكن من إعلامهم بالأمر ..
كان (حامد) قد نشأ يتيماً .. عمل على تربيته أخوه الأكبر ..
ونشأ مع أبناء أخيه .. وتولت رعايته زوجة أخيه ..
وآلمه جداً , أن يختفى دون أن يعلموا عن أمره شيئاً .. خاصة وأن أخيه وزوجته يعتبرانه أمانة تركها والديه .. بعهدتهما ..
Post: #401 Title: Re: لا يصلح للنشر (معركتي مع المافيا بين الخرطوم والدويم) ...!! Author: امال حسين Date: 05-24-2009, 06:29 PM Parent: #399
منتظرين نعاين
Post: #402 Title: Re: لا يصلح للنشر (معركتي مع المافيا بين الخرطوم والدويم) ...!! Author: ضحيه ابراهيم Date: 05-24-2009, 06:46 PM Parent: #401
Quote: يا ضحية يا أخوي ما سمعت أهلنا زمان لمن قالوا الجمل ما بشوف عوجة رقبتو
هي كان على كضب البوست دا هينة الكلام الكضب البتلفون والمسنجر وبالأقمار الصناعية وعلى الهواء مباشرة
والله انا مره قالوا لى عن كضب التلفون واضيف ليها التحانيس وانا اسف وواى خلينى وانا كاتب كبير وناس المنبر مفتكرنى اديب والجكس مكسر فينى وبيضربوا لى من اوربا وامريكا وامبده والدويم والخرطووووووووووووووووووووووووووووووووووووووووووووووم
Post: #403 Title: Re: لا يصلح للنشر (معركتي مع المافيا بين الخرطوم والدويم) ...!! Author: haroon diyab Date: 05-26-2009, 07:19 AM Parent: #402
Post: #404 Title: Re: لا يصلح للنشر (معركتي مع المافيا بين الخرطوم والدويم) ...!! Author: omer osman Date: 05-26-2009, 07:49 AM Parent: #403
هارون دياب يا اخي انت زول راقي ومهذب شديد وإشهد الله أني احبك فيه
خلي البوست ده.
Post: #405 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 05-26-2009, 08:07 AM Parent: #404
كمال ازيك
ياخى وقت انت عارفنى يتيم وكدة مجرجرنى معاك ليه
ياخى سافرت 10 ايام ورجعت ولقيتك مكانك سر
كن بخير
Post: #408 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-30-2009, 09:07 AM Parent: #405
(*)
أولاً حمدلله على سلامتك أخي حامد
ثانياً سنواصل ..
محبتي وأمتناني ..
Post: #407 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-30-2009, 09:06 AM Parent: #404
(*)
شكراً على مرورك أخي / عمر عثمان
محبتي ..
Post: #406 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-30-2009, 09:05 AM Parent: #401
Quote: منتظرين نعاين
لن يطول إنتظارك أختي أمال ..
سنواصل ..
محبتي ..
Post: #409 Title: Re: لا يصلح للنشر (معركتي مع المافيا بين الخرطوم والدويم) ...!! Author: ضحيه ابراهيم Date: 05-30-2009, 10:10 AM Parent: #406
Quote: هارون دياب يا اخي انت زول راقي ومهذب شديد وإشهد الله أني احبك فيه
خلي البوست ده.
الاخ عمر عثمان
تحياتى
هل لك انت تسال هرون ماالسبب الذى دعاه لذلك لان صاحب البوست
الاديب
الشفيف
الرائع
الكاتب
القاص
المهذب
وصفنا انا وهرون دياب امام جمع من البورداب باننا كذابين وليس لناراى وتوابع فقط وعندما واجهناه رفض الاعتذار بحجة انه لايستطيع ان يتجاوز ولا يعرف الاعنتذار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Post: #410 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 05-30-2009, 10:17 AM Parent: #409
مكرر
Post: #411 Title: Re: لا يصلح للنشر (معركتي مع المافيا بين الخرطوم والدويم) ...!! Author: omer osman Date: 05-30-2009, 11:52 AM Parent: #409
الاخ ضحية تحياتي
اشهد الله لم اعرف احد منكم الا عبر سودانيز اون لاين انت والاخوان هارون وكمال ولم المس فيكم خشونة او روح عدائية
بالطبع طالما نحن بشر من السهل ان نغلط في بعض ولابد من اعتذار انا هنا لست بمقام القاضي الذي يفصل في هذا النزاع
لكني في مقام الصديق الذي ينصح ليس بالضرورة ان نعالج كل قضايانا في منبر مفتوح وكثرة التناول مفسدة لاي قضية
اخي ضحية اخواني كمال وهارون اكيد هناك متسع من الوقت لتصافي النفوس وحلحلة المشاكل بعيد عن هذا الفضاء الاسفيري.
Post: #412 Title: Re: لا يصلح للنشر (معركتي مع المافيا بين الخرطوم والدويم) ...!! Author: ضحيه ابراهيم Date: 05-30-2009, 01:17 PM Parent: #411
Quote: اشهد الله لم اعرف احد منكم الا عبر سودانيز اون لاين انت والاخوان هارون وكمال ولم المس فيكم خشونة او روح عدائية
بالطبع طالما نحن بشر من السهل ان نغلط في بعض ولابد من اعتذار انا هنا لست بمقام القاضي الذي يفصل في هذا النزاع
الاخ الكريم /عمر عثمان ودى واحترامى
اولا احييك على روحك السمحه هذه ودى شيمة اهل المريخ الصفوه وتجدنى والله اسفا لجر هذا البوست لهذا المنحى فليكتب كمال على الزين مايكتب من حكى ونسج ورواية لكن ان يسىء للبعض بصورة مباشره ويصفنا بالكذب وعدم الراى امام جمع من البورداب فهذه لن نسكت عنها وعندما قارعوه بالحجه وطالبوه بالاعتذار رفض بحجة ان سموه وحضرة معاليه لايتجاوز ولايعرف لغة الاعتذار علما بان له خلافات عديده مع العديد من البورداب بهذا البورد وليس لنا انا والصديق هرون دياب من ذنب جنيناه سوى اننا ترجونا من اخطأ فى حقهم ان لايذهبو للشرطة وده المثل الزمان بنسمع بيهو(الحجاز ادوه عكاز) وامام ذلك الجمع اشهدناهم باننا سوف لن نغفر له اى زلة لسان ولن نقف معه فى مشكله اخرى تحدث من جانبه ونحن لسنا الوحيدين مجموعه من بورداب الدوحه اخطا فى حقهم هذا الاديب الهمام وكاتب زمانه شكرا لك اخى عثمان .
Post: #413 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 06-01-2009, 05:02 PM Parent: #412
(*)
شكراً على لطف حضورك الدائم هنا أخي عمر ..
محبتي ,,
حتى نواصل ..
Post: #414 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 06-25-2009, 05:23 AM Parent: #413
(*)
Post: #415 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 06-25-2009, 06:33 AM Parent: #414
(*)
كان أكبر إخوة (حامد) يمتلك سيارة (تاكسي) يعمل عليها مساءً ..
وكان بالصباح موظفاًبإحدى الوزارات الحكومية ..
كان يحبه جداً .. فقد كان أخاه ..
وأبنه أيضاً ..
فهو من عمل على تربيته بعد وفاة والديه ..
أزعجه غياب (حامد) المفاجئ ..
ظن أن غيابه ربما يعود إلا تقصير منه بحق أخيه اليتيم ..
رغم أنه لم يقصر بحقه يوماً .. إلا أن حساسية وضع أخيه ..
ومحبته له .. جعلتاه يفكر على هذا النحو ..
بحث عنه طويلاً ..
حتى قادته قدماه وسعيه .. إلى (حاج أحمد) ..
وبدأ أهل (حامد) أيضاً .. يتدخلون فعلياً بالأمر ..!!
Post: #416 Title: Re: لا يصلح للنشر (معركتي مع المافيا بين الخرطوم والدويم) ...!! Author: سكينة محى الدين فارس Date: 06-26-2009, 11:47 PM Parent: #415
فى الانتظااااار
Post: #417 Title: Re: لا يصلح للنشر (معركتي مع المافيا بين الخرطوم والدويم) ...!! Author: Elwaleed Ibrahim Date: 07-11-2009, 01:58 PM Parent: #416
بوجا[/I]
Post: #419 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 07-15-2009, 08:32 PM Parent: #417
(*)
شكراً أخي الوليد ..
محبتي ..
Post: #418 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 07-15-2009, 08:31 PM Parent: #416
(*)
شكراً أختي سكينة ..
سنواصل ..
محبتي ..
Post: #420 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 07-15-2009, 08:41 PM Parent: #418
(*)
إجتمعوا ليلتها ببيت (حاج أحمد) .. ليقرروا ماسيفعلونه حيال ما أقحمنا أنفسنا وأقحمنا القوم به من محنة ..
ونحن هناك بالدويم وكدنا ننسى أمر (حمادة ) وصحبه .. وبدأنا نكون صداقات جديدة بالدويم ..
وأنستنا تلك الصحبة الجديدة .. هم ما ينتظرنا بالخرطوم ...
وكنت كلما ذكرت حامداً بالأمر .. يصيح بوجهي : إنتا يازول مالك هادم لذات كده ؟
نحنا هنا متجدعين ومكرومين من عرس لي عرس .. ومن عزومة لي عزومة ..
مالك بتذكرني الهم ده ؟
أصمت وأبدا من جديد ..
وكأنما ولدنا هناك من جديد ..
ولكن ..
طاردتنا خيالات (حمادة) وصحبه ..
ليست خيالاتهم فحسب ..
بل أصبحنا ذات صباح .. أعقب ليلة هانئة ..
لنفاجأ ب(حمادة) .. أمامنا ..
وجهاً لوجه ..!!
Post: #421 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 07-15-2009, 09:55 PM Parent: #420
up
Post: #422 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 07-20-2009, 05:15 PM Parent: #421
(*)
شكراً صديقي / حامد
محبتي وأمتناني ..
Post: #423 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 09-01-2009, 06:34 AM Parent: #422
مكرر
Post: #424 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 09-01-2009, 06:34 AM Parent: #422
(*)
الآن نواصل ..
Post: #425 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 09-01-2009, 05:01 PM Parent: #424
(*)
(حامد) أعجبه ما وجدناه من إحتفاء القوم بنا فنسي أمر مانحن فيه من محنة ..
في الليلة الثالثة .. دعانا أحد أصدقاءنا الجدد إلى حفل زواج ..
كان حفلاً صاخباً .. وليلة هانئة ..
لم ينتهى الحفل بعد .. حتى أقتحم المكان مجموعة من رجال الشرطة .. وبدأؤوا في التجول بين الحضور ..
ثم .. وقعت عينا أحدهم على (حامد) .. فأشار إلى بقية زملاءه نحوه ..
لم يكد يفعلها .. حتى بدأت رحلة أخرى .. من الهروب ..
ركضنا في إتجاه بوابة خيمة العرس .. ولم نكد نخرج منها ..
حتى أطلقنا ساقينا للريح ..!!
Post: #426 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 09-01-2009, 11:52 PM Parent: #425
(*)
خرجنا إلى فضاء يحيط بالدويم .. لم نكن نعرف كم من الوقت .. أو كم مسافة ركضنا .. إلا أننا توقفنا رغماً عنا .. حيث أننا لم نعد نقوى على الركض أكثر مما ركضنا .. فتوقفنا ..
أو بالأحرى .. توقفت .. فقد تلفت حولي ..
فلم أجد (حامداً) معي .. وكأنما الأرض قد أنشقت وأبتلعته ..
طفقت أصرخ في هستيريا .. وأركض في كل إتجاه :
ياااااحامد
يااااحامد
ولكن..
لا يجيبني سوى صدى صوتي يتردد في الفلاة العريض ..
دون رد ..
دون جدوى ..!!
Post: #427 Title: Re: لا يصلح للنشر (معركتي مع المافيا بين الخرطوم والدويم) ...!! Author: محمد هشام Date: 09-04-2009, 02:35 PM Parent: #426
فوق عشان نمشي نفطر ونجي نلقاهو قاعد
Post: #428 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 09-15-2009, 06:10 AM Parent: #427
مكرر
Post: #429 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 09-18-2009, 00:51 AM Parent: #427
Quote: فوق عشان نمشي نفطر ونجي نلقاهو قاعد
إفطاراً شهياً وربنا يثبت الأجر يا محمد
حانواصل إنشاء الله ..
محبتي ..
Post: #430 Title: Re: لا يصلح للنشر (معركتي مع المافيا بين الخرطوم والدويم) ...!! Author: عزان سعيد Date: 09-18-2009, 02:02 AM Parent: #429
كدت أفترع بوستا للسؤال عن معركتك هذه مشتاقين يا أخى مرحبا بك مجددا وأرجو ألا يصرف البوست عن مساره
Post: #431 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 09-18-2009, 01:01 PM Parent: #430
(*)
العزيز/ عزان سعيد .. إزيك ياخوي
والله ليك وحشة وفاقدك في وسط السوق اللامي ده وين الغيبة ..
كل سنة وإنتا طيب
سنواصل ..
محبتي وأمتناني ..
Post: #432 Title: Re: لا يصلح للنشر (معركتي مع المافيا بين الخرطوم والدويم) ...!! Author: حامد محمد حامد Date: 09-18-2009, 04:38 PM Parent: #431
Quote: ياااااحامد
كورك زى ما تقدر وتم الباقى براك ياخى كرهتنى الجرى ذاتو
كمال يا صاحب ..كل سنة وانت طيب وعيد مبارك
Post: #433 Title: Re: لا يصلح للنشر (معركتي مع المافيا بين الخرطوم والدويم) ...!! Author: كمال علي الزين Date: 09-19-2009, 02:39 AM Parent: #432
كورك زى ما تقدر وتم الباقى براك ياخى كرهتنى الجرى ذاتو
