رائحة (الفياغرا) ...!!

(*)

بينما يجلس الصحاب هناك على نواصي الأمكنة وناصية الزمان الذي أدار لهم ظهره
وشبابهم يتآكل ..
يتآكل ..
وجيوبهم خاوية ومستقبل هو (المجهول) بعينه ..
يتكأؤون على بعضهم البعض ..
يتناجون على قارعة الطرقات..يتحاشون العودة إلى بيوتهم
والنظر إلى أعين ..
أب ..
أم ..
أخ .. حبيبة _ جارة _ ما كان لهم أن يقدموا لهم شيئاً
سوى تلك الوعود والمبررات والأحلام ..

فقد توقف بهم الزمان ..
وتجاوز طموحاتهم ..
شباب غض (أخضر) ..

وواقع مر , مرير ..

بينما يتهأؤون للمغادرة إلى بيوتهم ..
(أقدارهم) وليلهم قد أنتصف ..
تتوقف أمامهم سيارة (حاج الجن) ..
وتترجل منها حسناء هي نديدة لهم سناً ولكنهم لا يستطيعون معها سوى
الفرجة .. والتفرج والحلم .. بالوصل ..

آه..
نسيت أن أخبركم أن (حاج الجن ) هو الإسم الذي أطلقوه عليه لولعه بالفتيات
اللائي هن في مثل سن بناته ..
وفي مثل سن (الصحاب)العاجزين ..

ترجلت عن سيارته وودعته ..
وقبل أن تغلق الباب من خلفها ..

صاح أحدهم :
(أم جركم مابتاكل خريفين)..

أجابته (رائحة الفياغرا) التي أحاطت المكان متسللة من خلفها
قبل أن تغلق باب السيارة :
أم جركم صارت تأكل (خريفاً وراء خريف) بلا حدود ..!!

(*)

(حاج الجن) يعود إلى بيته ..
ويخلع عنه جلبابه الأنيق ..

يلوذ بفراشه , وقد عاد من رحلة (العمر الممتد)

تجيئ (الحاجة) , لا أظنها تستحق تسمية تعادل تسميته ..
لن أقول (حاجة الجن) , فأم العيال لم تكن يوماً , سوى
إمرأة , عادية , (ست بيت) ..

يراها من بين أهدابه النعسى , ..
تتوجه نحو قوارير عطرها ..

تنتقي من بينها (قارورة الخمرة السودانية الصغيرة المألوفة)

ترجها رجاً وهي تنظر نحوه وتتبسم ..

ينذوي (حاج الجن) وينكمش جسده النحيل ..
فقد تخيلها كمن يرج زجاجة (دواء) , وتتهيأ لحقنه ..


في العضل ..!!

حمار....بلبع (فياجرأ)........فصار (حمار الجن).....وزمن الفياجرأ.......

الحب فى زمن الفياجرأ

صديق القاعد بعيد

Quote: في العضل ..!!

يعني.. يومه يوم بشير ?

مكرر

(*)

رائحتها صارت تفوح من بين ثياب المحبين ..
أظنها تفسد الأجواء ..

صديق :

قاعد بعيد مالك ..؟

(*)

(بشير) منو يا سعد ؟













___________________

البوست ده مالو جاب الناس القاعدين بعيد , (نيوزلندا ) و(الخور) وغادي ..

بشير العضتو الناقة
كان يومه صعب شديد..
يا ريت واحد من المخضرمين يجي يحكي قصة بشير

------

نيوزيلندة و خور..
زي الواقع في بير و ياطاك فيل..مش؟
لا جيت قريب منكم حبتين.

Quote: بشير العضتو الناقة كان يومه صعب شديد.. يا ريت واحد من المخضرمين يجي يحكي قصة بشير

Quote: نيوزيلندة و خور.. زي الواقع في بير و ياطاك فيل..مش؟ لا جيت قريب منكم حبتين.

جيت قريب وين يازول ؟
إنشا الله ما الدوحة ؟

(*)

Quote: بشير العضتو الناقة

سعد الدين ..عندك إثبات ..أو كمان بطالب برد عضة
بعدين العلاقة شنو ..بين عضة الناقة والفياغرا..
وديك الجن ده
سمعت ..بعضة كلب ..عضة فرامل ..عضة العيد
لكن عضة ناقة يطرشني ..وتكون عاضاني أنا ذاتي ..

كمال سلامات ..أنت برضو مطالب برد عضة لأنك صاحب البوست


بشير .. المفترى عليه الذي لم تعضيهو الناقة ..

كمال علي الزين ...

سرد جميل ...



ـــــــــــــــــ

بشير + سعد وآخرون

Quote: الناقة

لو ما < ناقة صالِح > علَيكُم بـ< ... أَهْلَ الذِّكْرِ إِن كُنتُمْ لاَ تَعْلَمُونَ >








عزام الساكِن في الشحانِية - الريس (مكان تجمُع الهِجِن)

صِديق أزَيك

Quote: صِديق أزَيك

عليك الله يا زول يا سمح....يا بسام و جميل....غير الصورة دى و ركب لينا صورتك الشفتك بيها بهناك.......

الكلام ليك أخى عزام حسن فرح....الزول السمح.

خليتك عافية تب....و لنا لقاء قريب ...انشاء الله

صديق القاعد بعيد

تخريمة:

قصص الفياجرأ و الغاءها لحفرة الدخان و "الخمرة" أصبحت...."نغم أجتماعى"....ينوم عليه كل متهالك....

(*)

يا بشير .. سلامات
أها جالك زول الشحانية متخصص (النوق) العاضة ..

أسعدني مرورك اللطيف ..

عزام (أب شنب ) الما دهماء
):

إزيك ووليداتك وبتنا (بت إبراهيم ) وجبنتا ..
جاييك يوم الجمعة بالدرب ..


صديق القاعد بعيد ..

عليك نور .. (عبارتك في محلها تب)
ربنا يكفينا شر التهالك ..

سعد جعفر
ماقلتا لي قربتا وين ؟

(*)

شكراً (مبيوع)

محبتي ..

كمال ود الزين ...

Quote: جاييك يوم الجمعة بالدرب ..

أنا أخوك ... ما تجي براك ... الكُتار بِوَنِسو وفوقُم بركه

صِديق ...

Quote: غير الصورة دى و ركب لينا صورتك الشفتك بيها بهناك

يعني أبقى أنا وودالصايِم نفتح فاهنا ... النقول هو بِسببو
أكان فوق مؤتمر أنا سببي شنو ... البِضحِكني شنو وأنا فوق
بيت بدرالدين الأمير العامِل مِتِل ستديو < على بابا > لا تعرِف
تتَونس ولا تبحلِق فوق الصُور ...

ياكيمو

ازيك يازول ياجميل

الناس البعاد وناس الخور ديل ماضارباهم الرطوبة وكده

بعدين حاج الجن ده عمل كل حاجة مابقدر يعمل دبل كيك ويغني ياقمر دورين انا شفتك وين

سرد جميل كالعادة ان شاء الله نشوفو مسلسل بعد رمضان لانو في رمضان بجرح الصيام

تحياتي

زاتوووو

Quote: Quote: جاييك يوم الجمعة بالدرب .. أنا أخوك ... ما تجي براك ... الكُتار بِوَنِسو وفوقُم بركه

وعبد الجليل و فيصل الزبير ديل بيأذنو في مالطة ؟

(*)

عزام :

أبشر يا (أب شنب) ..
بجيك ومعاي (غناي بي عودو)
ورطاني وعربي و(عربي شقيق) كمان ..


الزول زاتو :
والله أنا زاتي عاوز أسرع أكملا قبل رمضان
(حاج الجن) بلاويهو في رمضان مابتنكتب ..


فيصل نوبي :

أجل ..
البسوي فيهو فيصل وعبدالجليل ده
أخير منو الأذان في مالطة ..


محبتي لكم ..
حتى أواصل ..

فيصل نوبي

مسكاقمي ... هِكْر في

Quote: وعبد الجليل و فيصل الزبير ديل بيأذنو في مالطة ؟

ديل مِتِل < الصفا > و< المروة > الناس بِيجرو فوقُم جري ...
أنا أكان جوني مِتِل زي ديل إكرامٍا ليهُم ساي حرم إسبوع كامِل
ما أقول بِسم الله فوق طعام أكان يِشبعو ويِشبع معاهُم الشَيطان

الناس ديـما في المَدَردَم خالطا ...
في البِتباهوبو وفي اللعِيون شارطا...
يِمْه نوبي قال بِأذِنولا في مالطا ...

Quote: ديل مِتِل < الصفا > و< المروة > الناس بِيجرو فوقُم جري ... أنا أكان جوني مِتِل زي ديل إكرامٍا ليهُم ساي حرم إسبوع كامِل ما أقول بِسم الله فوق طعام أكان يِشبعو ويِشبع معاهُم الشَيطان الناس ديـما في المَدَردَم خالطا ... في البِتباهوبو وفي اللعِيون شارطا... يِمْه نوبي قال بِأذِنولا في مالطا ...

عبد الجليل
وفيصل

رجال حبابهم ألف , كان جوك بعزوك وكان مشيت ليهم بعزوك

(علا) الشفقة تطير ..
الزول قاصد ليك (لمة البورداب) يوم الجمعة في (بيت نادوس)


____________________________________
أنا عن نفسي عندي موانع تمنعني , كان عليك إنتا غدينا وأطلع معانا
وعبدالجليل بزورو بي مهلة ..
راجل حابو ألف , محترم , ومالي مركزو ..


خلوني مع (حاج الجن) بتاعي ده ..

):

كمال ود الزين

Quote: (علا) الشفقة تطير ..

مو شفقة < إختلاف في الرؤى > بث كِده
مَن عرِف لَغَوه الكواهلة آمن < رؤاهُم >

الفاتح يعمل في شركة ادوية

يحمل عينات من الفياجرا مجانا

عندما يعود يوم الخميس تنتظره معظم الحلة

اتاه يوما زوج خالته وقال

يا الفاتح يا ولدي ما تدينا حبة نبر بيها خالتك دي

ذكرتها في بوسف سابق لصديق عمر

ولكن التكرار يعلم الشطار

كمال رافع لينا القزاز مالك

Quote: يا الفاتح يا ولدي ما تدينا حبة نبر بيها خالتك دي

):

الله يجازيك ياخلي ..







_________________________-

مارافعين القزاز والله ياملك
بس منتظرين الهلال والمريخ يشيلو الكاس عشان نجي نفتو معاك

الاخ كمال...الموضوع شيق و جميل وواعد بمناقشة جميلة عن "الحب فى زمن الفياجرأ".

أستميحك عذراً فسوف انقل بعض "خواطرى" التى خاطرتنى فى مكان اخر.

صديق القاعد بعيد

________________________________

رجع من عمله "منهكًً" كما كل يوم.....تفكر و تذكر بانه لم يمارس الحب مع زوجته منذ شهور....نظر الى ساعته فقد قاربة التاسعة ليلاً ......تمعن فى غده...الملىء بجادول الرزق المخطط له....سأل نفسه اللعينة..."لكن هى ذنبها شنو؟"

بلع "حبة الحب"....فنام فى مكانه.... كما لم ينم من قبل حتى "أحتلم"...كصبى فى "مراهقته".

Quote: رجع من عمله "منهكًً" كما كل يوم.....تفكر و تذكر بانه لم يمارس الحب مع زوجته منذ شهور....نظر الى ساعته فقد قاربة التاسعة ليلاً ......تمعن فى غده...الملىء بجادول الرزق المخطط له....سأل نفسه اللعينة..."لكن هى ذنبها شنو؟" بلع "حبة الحب"....فنام فى مكانه.... كما لم ينم من قبل حتى "أحتلم"...كصبى فى "مراهقته".

جميل ياصديق..

(*)


يا أب شنب ..

الكواهلة شرهم في الخلا بس ..
في الحضر مابسوا الحبة ..
(قانون وبوليسونظام وكده)

):

نعم أدى أكتشاف الفياجرأ الى تغيرات كبيرة فى المجتمعات و فى تغيير آمزجة الناس و مواعيد نومهم و اكلهم و فى الحالة العامة المتمثلة فى النشاط اليومى و الثقة فى النفس و العلاقات الاجتماعية و خاصة بالجنس الآخر.

و فى المجتمعات التى تؤمن بتعدد الزوجات، أدى اكتشاف الفياجرأ...الى تهدم أسر و قيام اخرى..وحل مشكلة الزواج فى كثير من المجتمعات...كما أدى الى زيادة نسبة الامراض المنقولة عن طريق الجنس....

آ ناس ألم يأتكم حديث الجزعية ؟؟؟


إدريس الإنصرافي

Quote: آ ناس ألم يأتكم حديث الجزعية ؟؟؟

):

(:

Quote: في العضل ..!!

صديقي كمال ... ياتو عضل ؟؟

صديقي عزام وينك يا راجل ... مشتاقون ..

عدت امس من السودان بعد ما تمرغت في ترابو وقرطعت من نيلو ومن شامبيونو ...!!! عرفت الاخيره دي؟؟

Quote: ديل مِتِل < الصفا > و< المروة > الناس بِيجرو فوقُم جري ... أنا أكان جوني مِتِل زي ديل إكرامٍا ليهُم ساي حرم إسبوع كامِل ما أقول بِسم الله فوق طعام أكان يِشبعو ويِشبع معاهُم الشَيطان الناس ديـما في المَدَردَم خالطا ... في البِتباهوبو وفي اللعِيون شارطا... يِمْه نوبي قال بِأذِنولا في مالطا ... عبد الجليل وفيصل رجال حبابهم ألف , كان جوك بعزوك وكان مشيت ليهم بعزوك (علا) الشفقة تطير .. الزول قاصد ليك (لمة البورداب) يوم الجمعة في (بيت نادوس) ____________________________________ أنا عن نفسي عندي موانع تمنعني , كان عليك إنتا غدينا وأطلع معانا وعبدالجليل بزورو بي مهلة .. راجل حابو ألف , محترم , ومالي مركزو ..

الأعزاء
ودالزين الصغير -باعتبار أخونا طه ودالزين الكبير-
العزيز ودفرح -وللاسماء أسرارها وسحرها..

شكرا جزيلا وشكراً جميلا، دي غصبا عن أخوي محسن خالد، على الكلمات الطيبات في حقي وأخي فيصل الزبير،
ويقيني أن بيننا في الدوحة، مما يجمع الناس ويمد جسور الإخاء والمحبة بينهم أضعاف أضعاف مما يفرق،
ولهذا آمل حضوركما وحضور كل الأخوة والأخوات، ولنجعل من الشهر الفضيل مناسبة تجمعنا...

Quote: الأعزاء ودالزين الصغير -باعتبار أخونا طه ودالزين الكبير- العزيز ودفرح -وللاسماء أسرارها وسحرها.. شكرا جزيلا وشكراً جميلا، دي غصبا عن أخوي محسن خالد، على الكلمات الطيبات في حقي وأخي فيصل الزبير، ويقيني أن بيننا في الدوحة، مما يجمع الناس ويمد جسور الإخاء والمحبة بينهم أضعاف أضعاف مما يفرق، ولهذا آمل حضوركما وحضور كل الأخوة والأخوات، ولنجعل من الشهر الفضيل مناسبة تجمعنا...

العزيز/ عبدالجليل ..

(الشكرة) إنتا وفيصل جايبنها .. بحقكم , وإحترامكم ووضوحكم ..
وبيتك دائماً عامر ومفتوح ..يارب ..

محبتي ..

(*)

إنتا (فكي) ياطارق ميرغني ؟

والله في اللحظة البقول لي كمال سالم فيها:
طارق ميرغني غايب ليهو زمن مالو؟
ياخي حقو نسأل عنو ..
أفتح ألقاك جاي تديني حقنة في (العضل) ..

):


_______________________
عضلي أنا ما عضل عمك (حاج الجن)
فقد أكل الزمان لحمه وشحمه ..

ياخي سعيد بعودتك أيما سعادة يا أخي الحبيب ..

محبتي ..

كمال على الزين


ماهى (الفياغرا)
بس ما تطلع (قدو قدو)
ولا حبوب (مهدئه)





ـــــــــــــــــ
طولنامن شوفتك ياخ

إن ظل ( حاج الجن ) منجرفا وراء تيار الرغبات فهو- بلا شك - مقبل على مرحلة خطيرة لذا وجب التنبيه ... (: (:

(*)

عوض عكاشة ..

إزيك وليك وحشة والله ..

مالك قطعتا كده ؟
قصدي أخبارك ..

):

(*)

(قدو قدو) شنو يامنتصر , حرم القدو قدو ده
زي عمك (حاج الجن) ده مايوصلو عربيتو
(مروة القدو قدو) دي بتقومو من سريرو وبتوقف غمة النفس ..

(فياغرا .. يامنتصر فياغرا) ..

):



___________________________
قاعد والله يامنتصر بس الدنيا مشاغل .. كيفك؟

كيمو

مبيوع عندو نكته

انو فى عمك عجوز مشى الصيدليه وهو يرجف وقال للصيدلى يا ولدى داير لى حبه فياجرا

قام الصيدلى قال ليهو يا حاج قام الراجل قاطعو قال ليهو ما تفهمنى غلط يا ولدى

انا والله دايره لى مركوبى ده ! علا كل يوم البول كابى فيهو ....

اها قلت ابلع لى فياجرا كان المويه تختى المركوب شويه .....

بالجنبه كده:-

اصلو عزام دهماء وانا رجرجه اذا الدهماء عزم ما تكلمو الرجرجه ساكت

انا وعزام حا نعمل قروب الرجرجه والدهماء فى الدوحه ....وحا نفتح المزاد......

رجاء خاص تعال يوم الجمعه خلينا نفتو ...والباقى بنتمو فياجرا.

(*)

عمر سعد

عزام الدهمائي ده اختاهو , تم ترويضو وشنبو بقى
واجهة ساي ..

):

مبيوع قال النكتة ماكده ..

حا يجي يحكيها ليك بي نفسو هنا ..
سجن سجن غرامة غرامة ..

):



______________________

انا مابقدر على جنس اللمة دي
بنتلاقى في بيتك ياود العمدة

):

العزيز كيمو
والله منتظرنك بفارق الصبر
كمل لينا حاج الجن
قبل ماتجنن علينا وتزوق

وخلي الشباب



مع مودتي لك ولهم وللجميع

المافياااااااااااااا
الفياغراااااااااااا

تاني قمت ل تكتب سطر وتفط صفحة دى??????

(*)

سلامات يانصر ..
إزيك ياصديقي وكيفنك ..
والله (المافيا) حردتها لأنها جابت لي (لمامة)
و(حوش) كده , قلتا أحافظ على مستواي وأرتفع شوية
باقي النزول لي جنس ديل كعب ..

أها أسي كان الله جابهم هنا مابحرد , بوضبهم ليك توضيب حبيبك

إنا هنا مواصلون ..

محبتي ..

(*)

نصرالدين الجعلي ..
إزيك ياصديقي ..

كيفنك ..

حانواصل مع (حاج الجن) ..
وكمان حانتلاقى إنشاالله في (حفلة خم الرماد قبل رمضان)
التفاصيل تلفونياً ..

محبتي ..

ياخي كرهتونا.........





ديل شنو ياخي........




ايه الازعاج دا ياخي....




ياخي شتتو تركيزنا ياخي...





كمال علي زين... شنو ياخي






واصل شحتفتا روحنا ياخي








..

(*)

حذيفة ياصديقي ..
أسعد دائماً بك ..
شكراً على لطفك الذي يغمرني دائماً ..

محبتي ..

(*)

حذيفة ياصديقي ..
أسعد دائماً بك ..
شكراً على لطفك الذي يغمرني دائماً ..

محبتي ..

(*)

الفياغرا خلقت صراعاً جديداً بين الأجيال ..
(حاج الجن) يرى فروقات كثيرة بين نساء جيله ونساء هذا الجيل
ربما يرى بنات جيلنا أكثر جمالاً ومعرفة ..
(زامرات جيله لا يطربنه)..

فعاد إلى الملاعب وهويحمد الله أن أدرك زمان الفياجرا ..

*

(*)

شكراً على الزيارة يامبيوع ..

محبتي

الاخ كمال علي الزين
اها جيناك هنا يا مبدع
الله يمتعك بالصحة والعافية




























واصل يا حبوب

(*)

أسعدهلت الأنوار وأشرقت البدور...
مرحباً بك

سعدت برؤيتك هنا ياصديقي ..

محبتي ..

علي رأي أترحمان

تينك تينك .. يا كيمو


بطل شحتفة

ادريس الانصرافي

محبتك عارفينها

واصل

(*)

إدريس الإنصرافي

(أتراحمان) عندو قصة مع الفياغرا ..

بحكيها ليك هنا ..

محبتي ..