هاشم كرار .... !!!!!!

هاشم كرار عضؤاً يالمنبر ..

مرحباً بك ..

أها ..

تدخل كيف ..

الشغلانة عايزة باسوورد وأدوك ليهو ..

لكن الباسوورد ده ..

تستعملوا كيف ..

رسالة خاصة جداً :

الغالي أبوساندر .. كنت أتمنى أن يستطيع هاشم كرار الدخول ,

عشان تغسلوا وتكويو وتخجلوا من عملتوا المزعلاك ..

أها أمشي ليهو في البيت لأنو بكون محتار في المصيبة الوقعت فيهو ..

الباسوورد بسوا بيهوا شنو ؟؟


( دعوة إلى محو أمية هاشم كرار الحاسوبية ) ..

أبو الريش أبعد بعيد ..

كيكي ألحق الراجل ..

Quote: ( دعوة إلى محو أمية هاشم كرار الحاسوبية ) ..

عاش كدة ما برد الإيميلات

رأفت إيملات شنو ..

هو الحمدلله ..

رد ليك على التلفون ..

عارف بعد إتصالك بيهو قال لي :

إتصل بي واحد من سويسرا ..

قلت ليهو : منو ؟؟

سكت مسافة طويلة ..

بعدها صرخ كصرخة ( أرخميدس ) الشهيرة ..

: رأفت ميلاد ياخي ..


وبرضو راجنو يجي يكتب ..

؟

Quote: أها أمشي ليهو في البيت لأنو بكون محتار في المصيبة الوقعت فيهو .. الباسوورد بسوا بيهوا شنو ؟؟

توقيعان من اجل سحب الباسوورد



مرحبا بهاشم بعد محو الامية الحاسوبية (كما يقول عنها اصحابة الكيزان)


نترقب الطلة


منعم

الاخوة الكرام سلام ، شوفوا الكلام ده هاشم ماعندو وقت لكم وبيننا الايام . منعم اصحابو الكيزان منو ، هاشم بدء يتخلى عن كل زملاء النضال القدامى وعرف اخيرا ان ..... هم احسن.

كمال
سلامات
الامية فى الدخول هينة
ام طه بتسويها

المشكلة البخليهو يخت صلبو قدام الكمبيوتر شنو؟

دا بالجلالة بقعد للقهوة
و لو ما الزرعية كان شربها واقف ...

أخي معتصم الطاهر ...

سلامات ..

وليك وحشة يازول ..

أم طه ..

ماقدرت تعالج المرض القرب يلحقوا ..

أمات طه ..

وجابت ليها كوزنة ..

كمان ..

ياربي هاشم كرار ..

محتاج لتذكير ..

ربما سأنضم إلى جبهة أبوساندرا ..

مالم يأتي هاشم بتوضيح مقنع ..

محبتي ..

Quote: منعم اصحابو الكيزان منو ، هاشم بدء يتخلى عن كل زملاء النضال القدامى وعرف اخيرا ان ..... هم احسن.

يا هجو حاكيها كده مالك

ده بس كلام عتاب انا عارفك ما بتتحمله !!!


احترامي


منعم

Quote: منعم اصحابو الكيزان منو ، هاشم بدء يتخلى عن كل زملاء النضال القدامى وعرف اخيرا ان ..... هم احسن.

هجو ابقي قدر كلامك ده بعدين..وهاشم قال في اول بوست حيفتح نيران علي الكيزان
اها حتمشي وين تاني..!!
بعدين انت عارف هاشم مابعيدة يبقي كوز ..ما دام كل مرة شابكني ياخي براحة علي هجو ده الزول ده
صحبي..!!

اخي هجو الاقرع

تحياتي ..


ممكن اغير عبارتي واقول عن ردك لي ده انه

دي روح دعابة قمت انا بكتابتها ( والكيزان اللذي هجو بفهموها غلط )


تقديري للاستاذ هاشم كرار

منعم

غايتو يا منعم وعبد الكريم ، هاشم كرار ده خاميكم ساكت ، الزول زولنا، بعدين كان شفتو يكتب هنا ، اديكم العايزينو. والله الله اعلم يلقى وقت للكتابة.

Quote: الزول زولنا، بعدين كان شفتو يكتب هنا ، اديكم العايزينو

صديقنا هجو


كلامك الفوق ده للتوثيق .. ليك ولهاشم !!!


انا غايتو كان عاوز حاجة ؟ كنت عاوز تبرعك لعواطف البنت الجريده ؟!!!

احترامي

منعم

اخي منعم ..

جايب سيرة الكيزان مالك الله يهديك ..


لقد إتهمتم الرجل في أغلى مايملك ..

هاشم كرار ..

الجميل ..

الصادق ..

القابض على الجمر ..

لا يشبه الكيزان ..

أما صداقاته معهم ..

فهو لاشك بطبعه ..

لا يتحدث إلا خيراً ..

أما إن جاء وأظهر تعاطفاً معهم فقط ..

فقد خسرنا رجلاً من أنبل الرجال ..

وخسر نفسه ..

محبتي للجميع ..

اخى منعم انا حاضر .

حاضر لشنو يا هجو


( وش مبتسم)


راجع الماسنجر



شكرا


منعم

Quote: اخي منعم .. جايب سيرة الكيزان مالك الله يهديك ..

اخي كمال


تحياتي


كنا نمازح هاشم فقام هجو بضمة لتنظيمه !!


اسال هجو


منعم

اخى كمال سلام واحترام ، لا تحمل الامور ما لا تحتمل هاشم شيخ عرب والكل يفخر به ، ود كرار بدء اسلاميا ، وبروحه السمحة الكل يتبناه ، ويسعى لضمه وفى موقعه فى الوطن القطرية ومن خلال عموده اليومى ، اتاح فرصة لكل الفرقاء حتى صنفه الجميع وفق مزاجه ، هاشم يفرق بين خصومة الوطن والانقاذ، وليس كل الكيزان فى حوش الانقاذ. وليس كل الكيزان بما تظن وتحسب.

أخي هجو ..

تحياتي ..

ربما نكون نحن أبناء المعتقلات , وفي مقابلنا جزء من أبناء جيلنا , من تربوا على

أهزوجة ( ياسر عرمان يالبشير ده شيوعي جبان يا البشير , ربما نمون أكثر الناس علماً

بالكيزان , وبأساليبهم , وبمعادلة ( كيف تصبح كوزاً ) وبالطبع نحن أكثر الناس كراهية

لهم , وتحديناهم , حتى داخل معتقلاتهم , ( يمكنك مراجعة أرشيق الأمن العام سئ

الذكر ) هذا إن كنت أحد أبناء ذلك التنظيم الكارثي ..

إلا أننا لم نخلط يوماً بين شأن الوطن وشئؤننا الخاصة وعلاقاتنا , ..

مع إحترامي وتقديري ..

هاشم كرار لا يشبه الكيزان , كيمياءه لا تتماشى مع تلون الكوزان وخستهم وغدرهم

وإحتيالهم على الدنيا بالدين , ..

وإن كان هاشم كرار ( كوز ) أو (سيتكوزن) , ففي تقديري كصديق وأخ محب , أنه يخسر

نفسه ,

فليس مثله من يتصف بما سبق ..

هذا مع إحترامي مكرراً ..

أخي منعم ..

تحياتي..

مبروك عليهم هاشم كرار ..

رغم محبتنا وتقديرنا ..

لن يغير هاشم شيئاً ..

في هذا التنظيم ..

فمتى يصلح العطار ماأفسده الدهر ؟؟

ولو جندوا آلاف الهواشم ..

سيظل صبية الترابي ..

من نعرف ..

لا يغرني إنقسامهم إلى وطني وشعبي ..

فالحية لا تلد إلا حية ..

محبتي ..

Quote: إلا أننا لم نخلط يوماً بين شأن الوطن وشئؤننا الخاصة وعلاقاتنا , ..

أيواااااااا

دى الخلاصة وتربيتنا

ناكل البوش فى صحن واحد

بس المصيبة بعد ما جابت ليها دم وهدم وطن

تعرف يا هجو ما تراهن على هاشم

عشان ما تكون فى فرقة والإختلاف يكون نظيف

وهو راجل حبوب وما بخلط الأمور

تحياتى

الحبيب رأفت ميلاد ...

يظل الإحترام متبادلاً ..

والمودة والرحم وصلات طيبة ..

جميلة متعددة ..

ولكن هل يسقط هذا حقوقنا في القصاص ..

من إنقاذ أمس القوة والتسلط والقتل والتنكيل ..

هل رعى صبية الترابي كل هذه المعطيات ..

الآن يريدون تمييع القضايا ..

بحجة أنه السودان بلد التسامح والطيبة وووو

إين كان هذا بالأمس ..

نعم لك تلك القيم ..

لكنها لا تسقط الحقوق ..

نبحث عن العدالة والحساب ..

دون كراهية وفجور في الخصومة ..

محبتي ..

Quote: أبو الريش أبعد بعيد ..

كمال يا خوي إنت شايلا معاي تقيلة كدة ليه؟

خلاص هاشم بقى عندة باسوورد ... أو الحقيقة (إكتشفنا) إنو عنده باسوورد .. وممكن يرد عليك وعلي.

وبعدين إنت قلت إنك معارض (((اللهم اجعل كلامنا عليهم خفيف))) عضوية هاشم في البورد .. وأهي معارضتك ما جابن نتيجة وإتضح إنو عضويته أقدم من عضويتك وعضويتي.

أبو الريش ياخوي ..

مازال سؤالي قائماً ..

الباسوورد بسووا بيهو شنو ..

هاشم من أمبارح فاتح المنبر ..

واليوم لحدي الساعة 12 ظهراً برضو قاعد في المكتب والمنبر مفتوح قدامو ..

هل هاشم كرار لا يجد مايكتبه ؟؟؟؟؟؟؟؟؟

المشكلة ..

هي

هي

أمية حاسوبية مزمنة ..

وخرف مبكر ..

( على مسئؤليتي ) ..

هاشم ياخوي ..

غلبك ..

ولا كيف ؟؟؟

نهنئ المنبر وانفسنا بإنضمام شيخ الصحفيين هاشم كرار
حللت أهلا يا ابو كرار
في انتظار غيث مدادك الجميل

محمود

اخ كمال ازيك
هاشم كرار صاحب "بروسترويكا التمباك" ولا لا؟
اذا كان هو الله يجيبوا سريع..

أختي حليمة ..

تحياتي ..

ياهو صاحب ( بروستريكا السجم ) ..

بس يجيك وبسرعة ..

الله أعلم ..


محبتي وامتناني ..

أخي محمود أبوبكر ..

شكراً إنابة عن هاشم ..

إلا أن يفرغ من كورس الكمبيوتر ..

ولا يتعالج من الخرف ..

حتى ذلك الحين سأظل مبتلى بهذا البوست ..

محبتي وأمتناني ..

هاشم ...

حرضني على أن أشهد له بأنه يتقن التعامل مع الحاسوب ..

وأنه منع عن التواصل معنا ..

لعطل بجهازه ..

وأنه إستطاع التغلب على هذا العطل ..

وسيدخل أخيراً ..

عشان يورينا ( ..... الكتاب ) ..

على وزن بوست حليمة ( ... العالم )


لا مواخذة ..

محبتي ..

الزميل :كمال : تحياتي : ودكرار زميل مهنة منذ 20 عاما او اكثر ، هو توأمي ، ذاكرته حيه ، وابشر كل المتداخلين بانني سافك (شفرة) ذاكرته ، لان (المفتاح) معاي وهذا بعض من في ذاكرة ودكرار كتابة من المفكرة والذاكرة (يوميات صحفي ) في السودان وبلاد بره :
تفاصيل :
زبارتي الى اسمرا ولقاء مع افورقي !
حوار وزيرة خارجية فلندا!
ايام في ايام حسن ساتي !
في حضرة الامام المشير ، اسرار لقاء القصر حينما قالت المستشارة(خلاص زولك راح) .. والزول المقصود الشهيد محمود محمد طه !ّ
جريدة لم يقراها الجمهور .. ماتت يوم صدورها .. ويوم دقت مزيقة 30 يونيو ، كان العنوان الرئيس لجريدة الحوداث - التي كان مقررا لها الصدور 30 يونيو 1989 - كما يلي :
الصادق المهدي : اذا فشلت فلن اشيع باللعنة
احب مشاهدة افلام توم اند جيري

بعد طباعة الجريدة ومع ساعات الصباح الاولى كان هاشم وخالد فرح - رئيس التحرير - في طريقهما الى الخرطوم عبر كبري بري ، فوجدا جنودا مدججين بالسلاح ويسدونه :
عرفا بحاستهما الصحافية ان انقلابا قد وقع
اعتقلوا خالد فرح لانه شقيق عبد الرحمن فرح رئيس جهاز الامن انذاك
عاد كرار الى المطبعة وغير العنوان الرئيس الى :
انقلاب يشيع الديمقراطية الثالثة

تم قطع التيار ومصادرة الصحيفة التي ماتت يوم صدورها !

هاشم مسكون بالابداع وفي داخله شيطان(التفاصيل) لايخرجها إلا .... انتظرونا .. تابعونا مع حلقات جميلة من يوميات صحافي !

ود الزبير حمدالله على السلامة ، يا اخى قول حاجة عملت نائم ما صدقت بس.

الزميل : هجو : تحياتي :
لك كل الشكر بس راجع بوست (عدنا) ! فمجهودك مقدر ولا ينكر .

ومازال هاشم كرار

يبحث عن مخرج لورطته

ليدخل

ما أصعب المخرج

وبالتالي

المدخل

هاشم كرار وصله الباسوورد

وهي ليست المرة الأولى

وأستغرب ( طولة بال ) الأخ بكري

اليوم وبعد أقل من عشرة دقائق على وصول الباسوورد

وبعد أن قام هاشم بإستخدامه للدخول

وأفلح في الدخول

صاح وهو يبحث عن الورقة التي كتبت له فيها الباسوورد بتاعو حتى لا ينساه

إذا به يتحسس جيبه ويصيح :

يا أخوااانا الباسوورد بتاعي ووين

!!!!!!!!!