Post: #1
Title: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 06:14 PM
Parent: #0
أخي عمر حسن احمد البشير ...لم قبلت الغنقلاب على السلطة القائمة في 30 يونيو 1989 ..؟!!!
يقيناً لإحداث ثورة الإنقاذ الوطني ...
والآن ...وبعد حوالي 2 عاماً ونصف
هل تم لك ما اردته ...؟!!!
|
Post: #2
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 06:58 PM
Parent: #1
وهل تظن أخي الرئيس ان الشعب مازال متعاطفاً معك .؟!!
هل توقفت امام قرارك بتكليف قرابة الثمانون وزيراً ووزير دولة ومستشار ومساعد؟!
من كنت تستهدف رضائه بذلك .؟!! القُوى السياسية ام القُوى الجماهيرية ..؟!!
|
Post: #3
Title: Re: إلى رئيس الجمهورية ...مع الشُكر ..!!!
Author: محمد البشرى الخضر
Date: 12-27-2011, 07:06 PM
Parent: #2
إنابة عن الريّس برد على رسالتك يا أبوحميد بـ:
قوم لف !!
|
Post: #6
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 07:26 PM
Parent: #3
Quote: إنابة عن الريّس برد على رسالتك يا أبوحميد بـ:
قوم لف !! |
مامعقول ..!!!
ودالبشرى إنتي جادي ..؟!!
طيّب اها من الليلة دي انا إحتمال كبير أبقى مناضل
وبراكم جبتوها لنفسكم
(إنت والريّس) ...
|
Post: #4
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 07:07 PM
Parent: #2
هل يعيش (الشعب) رغد من العيش الآن ..؟!!
هل هذا هو البرنامج الإنتخابي الذي وعدتهم به (اخي) الرئيس .؟!!
ومن المستفيد من الوضع الراهن سوى رهط من الساسة والارزقية وأصحاب المصالح الضيقة
ويبقى السؤال هو : ممن اخذت تفويضك للحكم .؟!!!
الحُكم اولاً هو لله ...والله يؤتيه من يشاء
والحكم هو تفويض من الجماهير ...فهل هذا ماوعدتهم به ..؟!!
وهل هذا ما يريودنه ... أخي ...الرئيس ..؟!!
|
Post: #5
Title: Re: إلى رئيس الجمهورية ...مع الشُكر ..!!!
Author: محمد إبراهيم علي
Date: 12-27-2011, 07:22 PM
Parent: #4
| Quote: وبعد حوالي 2 عاماً ونصف |
شكلو راس السنة خش السودان بدري يا احمد موسى لووووول
اضافة لقوم لف بتاعة ود البشرى ديك
اخوك الرئيس بقول ليك (الخوخة التقوم في راس معاوية عبيد صاحبك) 
|
Post: #9
Title: Re: إلى رئيس الجمهورية ...مع الشُكر ..!!!
Author: محمد المسلمي
Date: 12-27-2011, 07:30 PM
الأخ احمد موسي والأخوة المشاركون كمان انا بقوليك يااحمد قول للريئس معاك وزراء أقاليم ووزرا ولايين دي كيف يعني
|
Post: #11
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 07:39 PM
Parent: #9
| Quote: الأخ احمد موسي والأخوة المشاركون كمان انا بقوليك يااحمد قول للريئس معاك وزراء أقاليم ووزرا ولايين دي كيف يعني |
ماهو ده الجاب (كثافتنا) الحنقية يا حاج محمد
خُرطمية وزير
وكلما يتذكروا زول (ينجروا) ليه وزارة
ونحن ندفع حق ده وحق ده وحق ده
لكن الناس دي مابتخليك تتم فكرتك
يجوك يقولوا ليك كلام الريّس ماقالوا
ويشغلوك بالرد
|
Post: #10
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 07:33 PM
| Quote: وبعد حوالي 2 عاماً ونصف |
والله يا محمد عليمع الحاصل ده مرات حتس إنك زي (صاحب الحمار)
وتحس إنك لبثت يوماً او بعض يوم
وإنت لابث مئة عام فتضطر في النهاية تنظر للعظام كيف ينشزها ربي
وللحمار (واحياناً تكون الحمار نفسه) ... ليجعلك ربك أية للناس
الظاهر يا محمد أخوك حسب السنتين الأوائل بس ..!!!
|
Post: #7
Title: Re: إلى رئيس الجمهورية ...مع الشُكر ..!!!
Author: Haju Muktar
Date: 12-27-2011, 07:26 PM
Parent: #4
صديقي احمد موسي
جهجتنا معاك انت مره نافع والاحلام
ومره بازرعه والحركه والبجه
وجها لوجه احمد موسي المحامي المحترم المثقف
انت لو في زول سارق الباسويرد بتاعك شوف طريقه غيرو
ولا الحاصل شنو
بصراحه حيرتنا معاك
انت قاصد ولا الحاصل ده صدف
|
Post: #12
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 07:52 PM
Parent: #7
Quote: صديقي احمد موسي
جهجتنا معاك انت مره نافع والاحلام
ومره بازرعه والحركه والبجه |
والله يا هجو يا فنان داير احكي ليك حكوة
في الفيس بوك بسالوك عن الوضع الإجتماعي
وفي رد بقول (الوضع معقد)
اها هنا الوضع معقد
قصتي مع د.نافع دي رؤية
وفي الحديث أن الشيطان لا يدخل في الرؤية
اها لو المنبر ده كله قام قومة واحدة وقعد مليون قعدة
راي ما بتغير ... دي نقطة
أها كوني رايت الرايته دي ما بمنعني حق اقول كلمة حق بسألني منها ربنا
ولعلمك أنا لو نزلت الأحزاب الحالية دي إنتخابات نزيهة بدون خج
(إحتمال ) كبير جداً ادي صوتي للمؤتمر الوطني
ليه ..؟!!!
طيّب شوف الحصل للإتحاديين
ناضلوا قدر الليلة وبكرة
وبرااااحة عمك مولانا جاب ولده وهوب نزله مساعد رئيس
خلي عمك مولانا شوف عمك الإمام الحبيب
جهاد مدني وتهتدون وتجتمعون وتنفضون وهوب ولده مساعد
وبيان يقول ولدي ده ولدي ما حزب
هسع سالتك بالله لو جه تصويت بين المؤتمر الوطني والحزبين ديل بتدي واحد من الحزبين ديل ..؟!!!
جاييك إنت بالذات لأني من خلالك داير اوصل رسالة لمن يفقهون الحديث
|
Post: #8
Title: Re: إلى رئيس الجمهورية ...مع الشُكر ..!!!
Author: معاوية عوض الكريم
Date: 12-27-2011, 07:27 PM
Parent: #4
| Quote: وهل هذا ما يريودنه ... أخي ...الرئيس ..؟!! |
هسي كان حدثت معجزة وجاء الرئيس رد عليك وقال ليك :
نعم هذا ما يريدونه ..
اكيد ح يكون في بلع علي مستوى رئاسي !
شايفك بقيت تخاطب السيد الرئيس مباشرةً .
|
Post: #13
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 08:07 PM
Parent: #8
حل مشكلة دارفور صار تعقيداً للمشكلة وصار لدارفور مستوى رابع للحكم
وصارت دارفور اقرب للجنوب بالسابق في الهرم الدستوري وفي إحتمالية الخروج من دائرة الدولة
هل إستفاد إنسان دارفور من كثرة المناصب ..؟!!
إنسان دارفور أخي الرئيس لو لم يخبرك مستشاروك يحتاجون للطعام وللماوى وللعلاج وللتعليم
يحتاجون للمدارس وللمستشفيات وللامن
لا يحتاجون ترضيات يدفعون هم ثمنها
ــــــــــــــ
المصدر
مرسوم جمهوري بتعيين أعضاء الجهاز التنفيذي للسلطة الإقليمية لدارفور
هل إطلعت اخي الرئيس على هذا البوست للزميل ابراهيم بقال سراج ..؟!!
وهو (كان) رئيساً لبوردابنا ...فاين هو الآن ....؟!! اظن الرسالة وصلت على قول (القرموطي)
|
Post: #14
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 08:10 PM
Parent: #8
| Quote: شايفك بقيت تخاطب السيد الرئيس مباشرةً . |
مع الشُكر ..!!!
مع الشُكر اخي معاوية
أم ان عين معاوية عن كل (مع الشُكر) كليلة ..؟!!
|
Post: #15
Title: Re: إلى رئيس الجمهورية ...مع الشُكر ..!!!
Author: Haju Muktar
Date: 12-27-2011, 08:12 PM
Parent: #8
بخصوص السؤال عن التصويت في انتخابات حره ونزيه بين الكيزان ومولانا والامام وما في خيار تاني في الحاله دي بمتنع
بس داير اقول ليك نحن لازم نمرق من عباية المركز وهو ممثل في المثلث الانت ذكرتو وهل السودان ملك لهذا الثالوث . ياخي انت احمدموسي انا بعرف قدراتك وهي مقدرات ما ساهله وانا محتار فيك قدراتك اكبر من نافع والبشير والصادق والميرغني انت اكبر من الناس ديل وعندك قدره تغير علي مستوي العالم الافريقي والعربي .الكلام ده حقيقه لمعرفتي بيك وفكر في كلامي ده
|
Post: #16
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 08:22 PM
Parent: #15
Quote: بخصوص السؤال عن التصويت في انتخابات حره ونزيه بين الكيزان ومولانا والامام وما في خيار تاني في الحاله دي بمتنع
بس داير اقول ليك نحن لازم نمرق من عباية المركز وهو ممثل في المثلث الانت ذكرتو وهل السودان ملك لهذا الثالوث . |
هجو انا عندي نظريتين كتبتهم في صحيفة التيار
الأولى إن مرحلة الغنقاذ دي إلى زوال
وإنها مرحلة وسط بين الاحزاب التقليدية ووالقوى الحديثة القادمة
وإنو دورها هو فقط تفكيك الاحزاب التقليدية
وتنبات أان القادم موزع بين المؤتمر السوداني (برغم تحفظات تراجي مصطفى)
والاحزاب اليبرالية الحديثة (ناس
عادل عبدالعاطي وميادة سوار الدهب ونور تاور ما ناس هالة عبدالحليم (هميمة/دينا خالد)
وحزب الوسط الإسلامي يوسف الكودة
اها النظرية التانية بتقوم على ان الجماهيرو الجماهير فقط هي من سيحدث التغيير
واتمنى تاخير التغيير حتى نجاض الرغبة فيه وموت القوى التقليدية
حتى لا تجد طاقة سرقة جهد الجماهير
أها (لو) حصلنا المرحلة الجاية ديك حتلقانا راكبين مؤتمر سوداني او ليبرالي او وسط إسلامي
ـــــــــــ
كدة حتشغلني من رسالتي يا هجو لرئيس الجمهورية
والارشفة ريحتها فاحت
حسب وعينا الزمان داك
|
Post: #17
Title: Re: إلى رئيس الجمهورية ...مع الشُكر ..!!!
Author: محمد المسلمي
Date: 12-27-2011, 08:31 PM
Parent: #16
أمانة مااتلومت بتنا آمنة مختار بت الشرق والمريخابي الاصيل احمد إبرة ماذكرتها مع الكوتة مالك
|
Post: #18
Title: Re: إلى رئيس الجمهورية ...مع الشُكر ..!!!
Author: عمران حسن صالح
Date: 12-27-2011, 08:31 PM
Parent: #15
يقول الدين حسبما قرأنا " أو قالو لينا " أن الفاروق وقف له من يرفض السمع والطاعة !
والقوم شهود ،
وبعد أن تبين الأمر جلس وأذعن بالسمع والطاعة
وبرضو القوم شهود .
_____
نحن نخاطبه الآن بأخي ، وليس هو بأمير للمؤمنين
والقصور تتطاول من حولنا " بأموال بيت مال أمير المؤمنين "
والقُصار أيضاً
وشهادتنا الرئيسية هى ذات الشهادة " أشهد أن لا إله إلا الله وأن محمد رسول الله " !!
..
لِمَ يا أستاذ أحمد لا تتلبس لبوس ذلكـ الفتى وتخاطب سلطان البلد " أو أمير مؤمنيها " بذات اللغة القوية
وحين تجد الإجابة الشافية تجلس مُذعناً .
" ده بإعتبار أنكـ من مؤيدي السلطان حسب تقييم الحوش إذ لم أقرأها منكـ صراحة "
_______________________________
هــو كان " عمر " أيضاً إلا أنه " الفـــــــــاروق "
|
Post: #19
Title: Re: إلى رئيس الجمهورية ...مع الشُكر ..!!!
Author: محمد المسلمي
Date: 12-27-2011, 08:39 PM
Parent: #18
يااستاذ احمد موسي اسأل الريئس معاك قول ليهوا هسع القرار ده لخبتنا
خلانا مافاهمين حاجة سلطة الاقليم دي اقوي من الحكام الجايين بالانتخاب
والوزراء العينتهم الليلة ديل صلاحياتهم وين ومكاتبهم في الخرطوم والا الفاشر
والمواطنين والمؤسسات حقت الدولة تتعامل مع منوا مع ناس الاقليم ولا الولائية
والله القرار ده دائر ليهوا فهامة
|
Post: #20
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 08:40 PM
Parent: #18
Quote: لِمَ يا أستاذ أحمد لا تتلبس لبوس ذلكـ الفتى وتخاطب سلطان البلد " أو أمير مؤمنيها " بذات اللغة القوية
وحين تجد الإجابة الشافية تجلس مُذعناً . |
عمران ماهو الفرق
بين ان تقول هذا خطأ وأن (تصرخ) بها بهتافية ..؟!!
وهل صرخ بهتافية ذلك الذي قال لا يمع ولا طاعة .؟؟!!
حتى نتمكن ان نذهب قدماً في إيصال ما نود قوله قبل ان يأخذ (صحاب الامانة) امانته
وصحاب الامانة هنا هو بكري ابوبكر وامانته للامانة هي (الأرشفة) التي صارت على مشارف البورد
للتوضيح : انا لست ضد الإنقاذ ...انا ضد بضع من سياساتها ..
|
Post: #24
Title: Re: إلى رئيس الجمهورية ...مع الشُكر ..!!!
Author: عمران حسن صالح
Date: 12-27-2011, 09:01 PM
Parent: #20
Quote: عمران ماهو الفرق
بين ان تقول هذا خطأ وأن (تصرخ) بها بهتافية ..؟!! |
عفواً أستاذ أحمد لم أقصد " الهتافية " بل القوة في طريقة الإحتجاج في عهد " السلف الصالح "
عموماً لفت نظري فقط طريقة المخاطبة والفساد يملأ آفاق البلد
وطريقة المخاطبة التي ذكرتها في عهد الفاروق
فاعذرني وواصــل ما بدأت
|
Post: #21
Title: Re: إلى رئيس الجمهورية ...مع الشُكر ..!!!
Author: Haju Muktar
Date: 12-27-2011, 08:40 PM
Parent: #18
بعد اذنك خليك بي راحتك
بنتلاقي في حوار بعيد عن المهاترات
|
Post: #22
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 08:45 PM
Parent: #21
Quote: بعد اذنك خليك بي راحتك
بنتلاقي في حوار بعيد عن المهاترات |
؟!!
ـــــــــــــــ
أعتذر لك اخي الأصغر إن خرجت مهاترة من بين كلماتي قسراً
|
Post: #23
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 08:51 PM
Parent: #22
والله حاج محمد ده المحيرنا زاتو
يعني قصة إنتخابات وجماهير وشعب وخيارات الجماهير دي كلها طلعت آوت
وعادي هسع ممكن ينزل الوالي المنتخب ويتعين والي ما منتخب
|
Post: #25
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 09:11 PM
Parent: #23
أعجبنتني معلومة قالها خبيرنا الإقتصادي كبج
قال ان الاستاذ علي عثمان محمد طه
وفي العام 1986 كان زعيماً للمعارضة
وهاجم الترهل الحكومي حينها وكانت الوحدات عبارة عن أقاليم
ونادي بحاكم للإقليم ونائباً له ووزيراً لكل إقليم ...
وعدد محدود جداً بالحكومة المركزية لا يتعدى الخمس وزراء (تقريباً)
فماذا حدث الآن
ماذا حدث اخي الرئيس ..؟!!!
|
Post: #26
Title: Re: إلى رئيس الجمهورية ...مع الشُكر ..!!!
Author: محمد المسلمي
Date: 12-27-2011, 09:45 PM
Parent: #25
يااستاذ احمد كمان أسأله لينا عن حزب المؤتمر الوطني عنده ريئس واحد في كل ولاية
وعنده زول رئيس للقطاع مثلا الولايات الشرقية يعني ده اكبر من ريئس المؤتمر بالولاية ولاكيف
|
Post: #27
Title: Re: إلى رئيس الجمهورية ...مع الشُكر ..!!!
Author: Ahmed musa
Date: 12-27-2011, 09:55 PM
Parent: #26
Quote: يااستاذ احمد كمان أسأله لينا عن حزب المؤتمر الوطني عنده ريئس واحد في كل ولاية
وعنده زول رئيس للقطاع مثلا الولايات الشرقية يعني ده اكبر من ريئس المؤتمر بالولاية ولاكيف |
حاج محمد إنت داير ترفتني من الـ .... الإلكتروني ولا شنو ..؟!!
أخوك يادوبه قبض اول ماهية
وكلها خصومات ...
|
|