خليل أخطأ مرتين... توجد دقسه

الأولي عندما دخل أمدرمان فقتل جيشه
و الثانية عندما حاول دخول كردفان فإنتحر


زول شايل سلاح ضد الحكومه
و عندو جيش بيحارب
سواء كان نايم فى عربيه
ولا
قائد متحرك
حيعملو ليهو شنو يعني؟
يدوهو آيسكريم؟
إنها الحرب و المكيدة

لا يوجد إغتيال هنا
يوجد دقسه

الإغتيال هو أن تجهر بالقول فتغتال
أما أن ترفع السلاح
فأبقي راجل
و حارب كما تحارب الرجال


كما قلت مسبقا
و ما زلت
أنا مع الجيش السودانى
ولو كان يقوده الترابي
فالسودان شئ و الكيزان شئ آخر

أن يتم قتل خليل و هو نائم علي عربته ليست مكرمه يا رفقاء سلاحه
رفقا بالرجل
و إن أردتم إكرامه فلا تذكروا للتاريخ أنه قتل علي عربته نائما
.
.
.
كلامكم يعني أن الرجل ########
فى الأولي
خليل هرب تاركا الأطفال ورائه للتعذيب من قبل جهاز الأمن
و فى الثانيه
دفع برجاله يقاتلون الجيش بينما ظل هو خلفهم نائما علي عربته
.
.
.
كما يذكر له التاريخ ايضا
أنه كان يقاتل جنبا إلي جنب من مليشيات القذافى
.
.
.
هكذا تقرأ الأحداث
.
.
.

الكلمة التى تم تشفيرها أعلاه
ج ب ا ن
للتوثيق

Quote: الأولي عندما دخل أمدرمان فقتل جيشه و الثانية عندما حاول دخول كردفان فإنتحر زول شايل سلاح ضد الحكومه و عندو جيش بيحارب سواء كان نايم فى عربيه ولا قائد متحرك حيعملو ليهو شنو يعني؟ يدوهو آيسكريم؟ إنها الحرب و المكيدة لا يوجد إغتيال هنا يوجد دقسه الإغتيال هو أن تجهر بالقول فتغتال أما أن ترفع السلاح فأبقي راجل و حارب كما تحارب الرجال كما قلت مسبقا و ما زلت أنا مع الجيش السودانى ولو كان يقوده الترابي فالسودان شئ و الكيزان شئ آخر

ناصر البطل
تحياتي
قرأت مئات المقالات منذ مقتل خليل رحمه الله ، ولكن ما كتبت كان أحسن ماقرأت فقد عبرت عن الملايين !!!

Quote: ناصر البطل تحياتي قرأت مئات المقالات منذ مقتل خليل رحمه الله ، ولكن ما كتبت كان أحسن ماقرأت فقد عبرت عن الملايين !!!

شكرا علي المرور

Quote: دباب الترابي سياف القذافي

أعلاه ابلغ ما قيل عنه فى بوست مجاور

خليلكم هذا

هو من قتل الجنوبيون
و أحال حرب الجنوب و الشمال لحرب عقديه
بدلا من حرب عداله و مطالب مشروعه
كمطالب أهل دارفور الآن
و هو قائد الدبابين
و هو أحد المستوزرين فى حكومة الإنقاذ

نزيد ولا كفايه

..
.

Quote: الأولي عندما دخل أمدرمان فقتل جيشه و الثانية عندما حاول دخول كردفان فإنتحر

بتجى يا بطل كل 6 شهور مره لكن بتريحنى راحه ..

-------------

الا رحم الله دباب الترابي وسيف القذافى

ناصر
انا زاتي ريحتني
تحيات بالشوالات الكتار وكبار

Quote: ناصر انا زاتي ريحتني تحيات بالشوالات الكتار وكبار

شكرا علي المرور يا مكاشفى

مــــدد :)

سلامات يا تبلدينا

خليل إبراهيم
لم يموت فى معتقلات جهاز الأمن حتي نطلق عليه أنه تم إغتياله
كما لم يخرج متظاهرا رافع لافته كنوع من الإحتجاج
أو نشر مقالات فى صحف لنقول أنه صاحب رأي
و نشجب مقتله

خليل إبراهيم
رفع السلاح فى وجه الحكومة متمردا
و دخل الخرطوم غازيا
و قتل الموطنين فى دارفور و كردفان ابريائا من أجل تحقيق طموحاته الترابيه
و ردت عليه الحكومه بما يستحق

لا أري أي داعى لبكاء المثقفاتيه علي صفحات هذا المنبر كالنساء
واى واى
حى وووووووووب إغتالوهو

من أراد أى يرفع السلاح
هذه الحكومه تجيد هذه اللعبه
و عليه أي يعني أن اللعبة التي بين يديه قد ترتد عليه فى مقتل
و عليه أن يحارب كالرجال
و علي مناصريه أن لا يولولوا كالنساء

Quote: و قتل الموطنين فى دارفور و كردفان ابريائا من أجل تحقيق طموحاته الترابيه و ردت عليه الحكومه بما يستحق

(طموحاته الترابيه)???....انت فاكر ان خليل و كل الناس الشايلة سلاح بتحارب عشان تحقيق طموحات الترابى ????

صدق (او لا تصدق)...فى ناس فى دارفور تعانى من مظالم كتيرة فى السودان العظيم. و ده سبب انهم شالوا سلاح.
مفاجاءة صح???

Quote: لا أري أي داعى لبكاء المثقفاتيه علي صفحات هذا المنبر كالنساء واى واى حى وووووووووب إغتالوهو من أراد أى يرفع السلاح هذه الحكومه تجيد هذه اللعبه و عليه أي يعني أن اللعبة التي بين يديه قد ترتد عليه فى مقتل و عليه أن يحارب كالرجال و علي مناصريه أن لا يولولوا كالنساء

ما فى داعى للولولة....احسن يعملوا ميتين (ذى الحكومه التى تجيد هذه اللعبه) لما اسرائل تضربها فى الماشي و الغاشي.

Quote: فى ناس فى دارفور تعانى من مظالم كتيرة فى السودان العظيم. و ده سبب انهم شالوا سلاح. مفاجاءة صح???

دارور التى تتحدثين عنها
و الجنوب الذي تتباكون عليه

جميعهم
زرتهم مرارا و تكرار إما من أجل التنميه أو العمل الإنساني
وقت أن كان المثقفاتيه هنا يتشدقون بالقضيه

فأنا و العياذ بالله من أنا
لا أنتظر من السايبيريين أن يحكوا لي علي الإنترنت مشكلة دارفور

فهمتى؟

Quote: وينحدر خليل من قبيلة الزغاوة، كبرى قبائل دارفور، وهو مؤسس حركة العدل والمساواة عام 2003، ووقع مع الحكومة السودانية العديد من الاتفاقات لإنهاء أزمة دارفور، لكنها سرعان ما انهارت كلها. وكان المتحدث باسم الحركة، جبريل آدم بلال، أكد الخميس أن قوات الحركة تتوجه شرقاً من دارفور ووصلت النهود بشمال كردفان، في طريقها للخرطوم كما فعلوا في مايو 2008. والعدل والمساواة هي إحدى حركتين رئيسيتين حملتا السلاح ضد الحكومة عام 2003، بسبب ما تصفه بتهميش إقليم دارفور، وللمطالبة بنصيب أكبر في السلطة والثروة.

هذا ما وجدته فى بوست مجاور

طيب

نحلل الكلام كده

عمليا
خليل من ضمن فريق الإنقاذ منذ 1989 حتي 2003
عمليا ايضا
هذه الفتره تعد أسوأ فترات الإنقاذ
فيها تم تعذيب المعارضين فى بيوت الأشباح
و فيها تم إيواء بن لادن و كارلوس
و فيها تمت مؤامرة مقتل حسني مبارك و خسرنا مصر
و فيها وقفنا مع الصف الخاسر و خسرنا الخليج العربي فى حرب العراق
و فيها أعلنت الإنقاذ أن أمريكا روسيا قد دنا عذابها
و فيها إنهار الجنيه السودانى
و فيها تمت إجازة قانون النظام العام
و فيها تمت مصادره حرية الصحافة
أين كان خليل من هذا؟

مشارك؟

خليل صناعة قاتله الله الترابي ليس إلا

عمليا أيضا
أن الإنقاذ بعد أن تركت مشروعها الحضاري
و إستشري الفساد فى أطنابها و أصبحت المسأله سياسيه بحته و مصالح
و ذلك بعد المفاصله
أصبح وضع السودان أفضل بكثير إلي أن تدهور الوضع إقتصاديا لاحقا فى يناير الماضى مع الإنفصال

يعني بإختصار
خليل جزء أصيل فى كارثة البلد دى
و عندما فارقها الوضع أصبح أفضل
و بمقتله سيصبح الوضع أفضل من الأفضل

يلا ينتهي الفراش بإنتهاء مراسم الولوله
أو
مالكم تبكون كالنساء علي رجل لم تدافعوا عنه كالرجال

حنتكلم لاحقاعن النقطه دي و التى سنشير إلي أن من ضمن المتباكين يوجد قواصات

فى بوست

Quote: كشف القائد صندل سليمان حقار، أن الدكتور خليل إبراهيم قد اغتيل أثناء نومه في عربته حوالي الثالثة صباح يوم الجمعة الماضي. وأضاف حقار بأن الطائرة التي اغارت عليهم القت قنابل مضيئة لتحديد موقع الدكتور خليل إبراهيم، واطلقت بعدها قذائفها لتغتال الدكتور خليل إبراهيم بالإضافة إلى حرسه عبد الله، وتدمير عربة أخرى. وأكد حقار بانه كان يبعد عن الشهيد خليل إبراهيم حوالي عشرين مترا

و فى بوست آخر

Quote: اخر ثلاثة مكالمات للشهيد خليل كانت من ( عقار + سليمان + الغواصة )

طيب كلام جميل
الحكومه تكذب

جددددا

فلنأخذ برواية أشباه المثقفاتيه إذا
أو فلنأخذ بيان حركة خليل زاااااتو

إن كان خليل قتل بصواريخ من طائره بدقه عاليه سبقها إطلاق قنابل مضيئه سبقها تلفون من ثلاثة أشخاص
أحدهم عقار و الثاني ضابط بحركة خليل
و الأخير قطعا ما حيكون وزير الدفاع السوداني
و إنما سيكون أحد المقربين من خليل و قطعا حيكون من أبناء دارفور أو أحد الحركات المسلحه الأخري
مثل ياسر عرمان أو الحلو أو أو
أو حيكون واحد من الداعمين ماديا أو معنويا مثل دول الجوار كجنوب السودان أو أو أو
فى زول تاني ممكن يكون عندو تلفون خليل و علي إتصال بيهو؟

طيب ياخ
كل المولولين هنا ينتمون للفئه (ج) أو التى يمكن أن تكون القواصه
يعني الراجل كتلتوهو فعليكم الله ما تمشوا فى جنازتو

و عمليا

أعطونو لسته بأسماء عشرة من معارضين دارفور عرضت عليهم مناصب وزاريه و رفضوها
لا يوجد
جميعهم كان لهم ثمن
بما فى ذلك عبدالواحد و خليل

ياناصر انت شايت وين ؟

وعايز تصل لى شنو؟

بالنسبه لتحليلك طلع بيض

كون انو خليل اخطأ الخطأ ماعيب

كلنا خطائين , خليل رجل صاحب قضيه اختلفنا ام اتفقنا معه

اتمنى انك تتجاوز تقليدية الطرح لما بعدها

وبالمناسبه انت دقستا في البوست دا مرتين

الله يعينك

Quote: ياناصر انت شايت وين ؟ وعايز تصل لى شنو؟ بالنسبه لتحليلك طلع بيض كون انو خليل اخطأ الخطأ ماعيب كلنا خطائين , خليل رجل صاحب قضيه اختلفنا ام اتفقنا معه اتمنى انك تتجاوز تقليدية الطرح لما بعدها وبالمناسبه انت دقستا في البوست دا مرتين الله يعينك

ناس التصنيفات ظهروا
أها عاوز تطلعني كوز؟
ولا أقول ليك
طلعني من خادمين الكيزان من دون وعى أفضل أنا شايف

Quote: دارور التى تتحدثين عنها و الجنوب الذي تتباكون عليه جميعهم زرتهم مرارا و تكرار إما من أجل التنميه أو العمل الإنساني وقت أن كان المثقفاتيه هنا يتشدقون بالقضيه فأنا و العياذ بالله من أنا لا أنتظر من السايبيريين أن يحكوا لي علي الإنترنت مشكلة دارفور فهمتى؟

فهمت انك زرت دارفور و الحنوب (أجل التنميه أو العمل الإنساني)
Good for you
طيب....ممكن تحى لينا -لو سمحت- ما هى مشكلة دارفور???
انا بتكلم جاده...عايزه اعرف....زول ذيك متعلم و واعى و شايف ان خليل ابراهيم كان بيحارب عشان الترابى...زول ذيك ممكن يكون شايف مشكلة دارفور شنو????
________________________
اتمنى ان يكون اهل دار فور كلهم مشكلتهم ما تحقيق طموحات الترابى.

Quote: طيب....ممكن تحى لينا -لو سمحت- ما هى مشكلة دارفور??? انا بتكلم جاده...عايزه اعرف....

مقوله بس تعرفى مني أنا
العفو ياخ
ياخ إنتي عارفه كل حاجه ووريتيني كمان إنو دارفور فيها ناس بتموت من الجوع

مسألة القواصه طبعا
مع مسأله المكالمات
و إنو إتضرب بي طياره بدقه عاليه
و سبق ذلك قنابل مضيئه
و إنو أحد ال######## بتاعينو كان علب بعد عشرين متر و لم يقتل

و الله أخير من الكلام الفوق ده كلام كلام الحكومه

لأنو الكلام ده يثبت بما لا يدع مجال للشك
إنو خليل تآمر عليهو المقربين منو
و الأسئله أدناه سألها البعض فى بوستات أخري و أنا أعيدها هنا و أزيد عليها

هل يمتلك السودان طائرات بهذه الدقه؟
هل كان خليل يحمل جهاز موبايل (و معناها زول بليد) أم ثريا تتبع للأمريكان؟
هل السودان لديه خرائط بهذه الدقه مربوطه بقمر صناعي يعطى إستجابه فوريه للإحداثيات مما يشكل خطر علي أمريكا زاته ولا ده كلام ونسه ساي؟
كم كان الفارق بين القنابل المضيئه و القصف؟
اذا كان أحدهم علب بعد عشرين متر و لم يقتل؟ لماذا لم يغادر خليل العربه بعد القنابل المضيئه و قبل القصه ليبعد إنشاء الله عشرة أمتار؟
هل كان خليل مكتف فى العربه حينها أم مخدر أم مقتول مسبقا؟
اذا كان السودان لا يمتلك هذه التقنيه من إذن؟
إيران؟ كيف لطائراتها أن تعبر هذه المسافات دون علم أمريكا و إسرائيل؟
قطر؟ كيف تفعل ذلك دون أخذ الإذن من أمريكا و هى حليف لإسرائيل؟
السودان؟ من أين له أن يتجسس علي الثريا ناهيك عن تحديد إحداثيات الضرب بواسطة قمر صناعى لا يمتلكه؟

ياخ معقوله بس
ده فلم هندى عديل
أخير منو كلام الحكومه
أو
علي المثقفاتيه هنا
إيجاد أجوبه منطقيه لأسئله مشروعه

..
.
عليك يا بطل بالامارة مر لى على موضوع ناس تكساس
ومسالة ( حمزة بن عبدالمطلب رضى الله عنه ) ولقب سيد الشهداء دا ..

--------------------

الامر المحير فى ناس هنا وبعض من ابناء دارفور شتموا خليل دا
ما خلوا ليه جنبه .. وفى بعض من ابناء المدن لم يتركوا له سيئة لم يذكروها
حين اجتاح امدرمان .. والان صار ( بطلا) :)
الناس دى ما عارفه التاريخ لا يرحم وكل موثق ..

Quote: مقوله بس تعرفى مني أنا العفو ياخ

Quote: انا بتكلم جاده...عايزه اعرف....زول ذيك متعلم و واعى و شايف ان خليل ابراهيم كان بيحارب عشان الترابى...زول ذيك ممكن يكون شايف مشكلة دارفور شنو????

انا - اكيد- عندى فكرة مشكلة دارفور شنو.
بس عاوزه اعرف انت....شايف ان المشكلة شنو ????السبب انك شايف ان مشكلة خليل هى احلام الترابى.

Quote: بتجى يا بطل كل 6 شهور مره لكن بتريحنى راحه ..

برافو!!

دفع المؤتمر الوطني بأحسن ماعندة..
في محاولة لإمتصاص ردة الفعل
أو قل لمعادلة الإستحقاق.

..
.

Quote: برافو!! دفع المؤتمر الوطني بأحسن ماعندة.. في محاولة لإمتصاص ردة الفعل أو قل لمعادلة الإستحقاق.

بختك اترقيت وادوك الشريط .. يا بطلنا عيب :)
وصرت احسن وافضل المدافعين عن المؤتمر الوطنى ..
واحد خبراء امتصاص ردود الافعال ..

-------------

ياخى طلعت ما عندك حس وطنى
قرقر قرقر قرقر

اخونا ناصر سلام

و الله كلامك منطقي جداً

بس حكاية القنابل المضيئة دي معناها الهدف ما كان محدد مسبقاً يعني كان محدد مكان الهدف
و ليس الهدف نفسه و القنابل المضيئة لتحديد الهدف بدقة و هذا معناه أن العربة الهدف كانت معروفة لهم
و يمكن تحديدها من عدة عربات موجودة.
أما إذا كان الهدف محدد أصلاً في الظلام فلم يكن هنالك داعي للقنابل المضيئة...

في كل الأحوال لا يمكن تحديد الهدف بهذه الدقة إلا إذا كان هنالك مرشد قريب جداً من الهدف

و العملية أقرب لأسلوب إغتيالات إسرائيل للفلسطيين...

تحياتي و إحترامي

Quote: و عليه أن يحارب كالرجال

قد فعل... وهذه لا تحتاج الى مزايدة
نعم قد فعل بالتأكيد وهم يعرفون شجاعته واقدامه
ولو كان بيهم ثلاثة شجعان لكان خليل اولهم
فهو أمير دبابيهم.......
نائماً او قائماً او قاعداً فخليل قتل في ميدان المعركة
ولم يمت في قصر او فندق...
إني أرى شجراً يســـير .............. والله صحي



__
سلام

مات فارس عظيم
يتنازع القوم شرف قتله
نسال الله له واسع رحمته
المحزن ان من قتلوه
لا يسوون ظفره