التلفزيون فى العيد

التلفزيون فى العيد


06-11-2011, 01:21 PM


  » http://sudaneseonline.com/cgi-bin/sdb/2bb.cgi?seq=msg&board=350&msg=1320585705&rn=0


Post: #1
Title: التلفزيون فى العيد
Author: mohmmed said ahmed
Date: 06-11-2011, 01:21 PM

الدنيا عيد وما طلعنا من البيت
قلنا نصاقر قنواتنا الفضائية

كنت اشاهد فى قناة ام درمان
صلاح الدين الفاضل يتحدث عن امدرمان الجن دى
ام درمان احسن بلد ام درمان الكورة والسياسة والحقيبة حقيبة فى راسك كرهتونا هى الحقيبة ذاتا شين طعما
المهم قلتا اصلو دى قناة امدرمان كدى نشوف حاجة تانية
مشيت الشروق لقيت واحد بيقول طبعا نحنا ناس بيت المال فىلا امد مان

غيرتا القناة
مشيت لقيت البشير بيقول كلام شوارعى من نوع
الحشرة الشعبية
وعصرناهم لامن جابو الزيت
هسا دى لغة رئيس

Post: #2
Title: Re: التلفزيون فى العيد
Author: Halema2
Date: 06-11-2011, 01:41 PM
Parent: #1

سلام وعيد مبارك
والصباح كان في فلم اجنبي في السودان
وبعدها البشير برقص رقيص شديد ؟؟
وقال حنجعل من الكرمك مدينة نموزجية ؟؟


تحياتي

Post: #3
Title: Re: التلفزيون فى العيد
Author: mohmmed said ahmed
Date: 06-11-2011, 01:42 PM
Parent: #1

من الشخصيات المتكررة فى برامج العيد منذ سنوات


التجانى حاج مومسى
عمر الشاعر
جمال حسن سعيد
حمد الريح
جمال قرقور


اتمنى اشوف
عركى
الهادى الجبل
تاور
خميد
القدال
محجوب شريف

Post: #4
Title: Re: التلفزيون فى العيد
Author: Abdulrahman Gorashi
Date: 06-11-2011, 02:22 PM
Parent: #3

الاخ محمد عيدكم سعيد.

يا اخي قدونا قده بالحقيبه دي، اخوك طلع من امدرمان وقال يشوف الخرطوم لقيت نفس الكلام، قلته كده نشوف شغل الوالي قناة الشروق برضو لقيتهم راكبين حقيبه،
قلته بعد دا احسن لي النيل الأزرق اهو جننا بتعرفهو وحاتك لقيت قدور متحكر وشابك الجماعة ابوصلاح وكرومة وحقيبه راسها عديل.
طوالي اخوك قلب الي القناة الالمانية بتاعت المانيا ما عارف ليه جاني إحساس من يكون فيها حقيبة، كرهونا.

Post: #5
Title: Re: التلفزيون فى العيد
Author: mohmmed said ahmed
Date: 06-11-2011, 03:39 PM
Parent: #4

استغرب من حالة التكرار والتشابه فى برامج العيد
منذ سنوات
نفس المغنى
نفس الشاعر
نقس الكوميدى المهرج

حالة من نضوب الخيال

مافى فكرة جديدة
مافى اكتشاف جديد
مافى طريقة جديدة فى التقديم او اختيار الضيف او ادارة الحوار


معقول مسرحية شاهد ما شفش حاجة
مقروضة فى كل عيد

Post: #6
Title: Re: التلفزيون فى العيد
Author: Abd-Elrhman sorkati
Date: 06-11-2011, 03:59 PM
Parent: #5

محمد ود عمي سيد أحمد أزيك ياخ وكل سنة وانتم طيبيم وعيد سعيد

Quote: عركى


Quote: محجوب شريف


ديل مقاطعين الاعلام كما تعلم ،،،،

انا بكنب ليك وانا شغال هسة وكان عندنا فترة مفتوحة أستضفنا فيها زملاء البورد الرائعين

نهلة محكر و حبيب نورة وياسر المرضي ،، وعملوا شغل جميل للغاية ،،،،،،،

حا ارشح ليك سهرة نوبية اليوم علي قناة قوون الساعة 11 م وعنواها مسكاقرو


أقعد عافية

Post: #7
Title: Re: التلفزيون فى العيد
Author: Abd-Elrhman sorkati
Date: 06-11-2011, 04:05 PM
Parent: #6

كان في بوست هنا فتحو الزميل محي الدين جبريل عن الفترة دي ومحي الدين زميل بالبورد أيضا


http://نهلة محكر وحبيب نوره .. أول ايام العيد .. والدعوة عامة ..

ـــــــــــــــــــــــــــــــــــــــ

بالنسبة لتكرار الضيوف دي عملية إستسهال بيمارسوها ناس تلفزيون ام درمان من زمان

لو لاحظت المستضافون كلهم بيحوموا في الحيشان ومن ابناءها

Post: #8
Title: Re: التلفزيون فى العيد
Author: طارق ميرغني
Date: 06-11-2011, 05:02 PM
Parent: #7

كل سنه وانت طيب اخي محمد


نفس الشخصيات وفي كل عام وكل عيد وانت طيب

وين ناس عاطف خيري وقاسم ابو زيد

وين زي ما قلت ابو عركي وفتحي حسين

والغريبه زميلتنا في البورد ناديه عثمان مختار

صارت في كل قناه تفتح ام درمان تلقاها تفتح الخرطوم ولا الشروق تلقاها

رغم انها اختنا لكن كتره الطله...

ولسه ما جوك ناس دكتور الاصم وناس الهندي ومحمد لطيف ومنو داك ما عارف

يا خي هي بقت علي التلفزيون بس

امسك كل المجالات .... نفس الناس بس مدوره

Post: #9
Title: Re: التلفزيون فى العيد
Author: mohmmed said ahmed
Date: 07-11-2011, 05:40 AM
Parent: #8

سهرة جميلة كانت امس فى النيل الازرق
عن الراحل عمر الطيب الدوشس
شهادات وافادات من شخصيات تحكى عن الدوش
كمال الجزولى- القدال-فيصل احمد سعد-عبد الحكيم الطاهر
اقرباء الدوش
زوجته سعاد ويناته
الايقاع كان سريع والانتقالات من مكان لاخر
لاحظت النركيز على تجريته الشعرية و قدمت قراءات جيدة من القدال وكمال الجزولى
تجربته المسرحية لم يتم تناولها بشكل موسع
لماذا لم يتم الاستعانة بتسجيلات قديو للراحل من مسرحياته او لقاءات تلفزيزنية معه
او ختى حوار اذاعى بصوته
ايضا غابت الصور حتى من البومه الخاص

Post: #10
Title: Re: التلفزيون فى العيد
Author: mohmmed said ahmed
Date: 07-11-2011, 05:43 AM
Parent: #9

من صباح الرحمن
حقيبة الفن فى قناة النيل الازرق
عرابها عوض بابكر
والجقر اتحفنا بعبارة عجيبة وقال
الحقيبة من وحى العقيدة
انتقلت الى قناة قون برضو الجقر
جايب فنانات ما خلن مكياج فاقع ما سونو

البلد دى ما فيها كديسة تثبت لينا الباحث الجقر دا

Post: #11
Title: Re: التلفزيون فى العيد
Author: mohmmed said ahmed
Date: 07-11-2011, 05:48 AM
Parent: #10

صديقى سوركتى
شاهدت حوار حبيب نورة

هو كان تلقائى واضاف روح للبرنامج

عندكم فرصة كبيرة للتفرد فى قناة قون
تطلعو من التكرار والنمطية والتشابه

اخى طارق

نفس الشخصيات فى كل القنوات
حاجة عجيبة

Post: #12
Title: Re: التلفزيون فى العيد
Author: mohmmed said ahmed
Date: 07-11-2011, 03:16 PM
Parent: #11

تابع برامج فى قناة الشروق اسمو اخر الضحك
مشاهد قصيرة
لم اضحك ولم ابتسم حتى
لا نكتة ولا مفارقة ولا كوميديا
حكايات بايخة
مثلا
واحد اول الشهر يشترى موز وبرتقال لزوجته
لا تفرح وتقول ابوى كان بيجيب لينابرتقال احسن من دا
يشيل البرتقال ويمشى لامو
برضو تقول ليهو ابوك الله يرحمو ما كان بيجيب لينا اى حاجة
يرد
حتى انت يا ابروتس
هسا دى حكاية بتضحك

Post: #13
Title: Re: التلفزيون فى العيد
Author: عبد الحميد حسين
Date: 07-11-2011, 07:11 PM
Parent: #12

الاستاذ محمد سيد أحمد ,,
كثير جدا يخيل انو هناك غباء أصيل فى الأعلاميين السودانيين بالأضافة الى الكسل المعتاد ..
بالرغم من أن هناك توجه وتوجيهات وتعليمات سلطوية معترف بيها ومكسره كثير من الأجتهادات
لكن هناك برضو مساحة غير صغيرة لمن يريد أن يبدع او يتفرد ..
تصور مثلا الناس السافرت من التلفزيون بكل أمكانات التلفزيون مع الرئيس حتى الكرمك عشان الصلاه اياها
الكميرا ما زحت من المكرفون ولا البرش وبعد الصلاه طوالى على أمدرمان (حقيبة الفن) اياها ...
يعني مافى مخرج ولا مصوراتي فكر انو دي فرصة ويقوم يلف بالكاميرا فى الكرمك دي و على الهواء مباشرة يوري الناس الكرمك دي
شنو وناسا ديل منو والعيد عندهم كيف والسوق عامل كيف والبغني عندهم منو وبياكلوا شنو فى العيد والاسعار عندهم
شكلها كيف ..يعني بصراحة التلفزيون حقنا دا مسمي قومي تجاوزا ساكت .. دا تلفزيون ناس محددين يزيدوا قليلا او ينقصوا
لكن ما بطلع منهم جاي ولا جاي ..

Post: #14
Title: Re: التلفزيون فى العيد
Author: mohmmed said ahmed
Date: 08-11-2011, 04:41 AM
Parent: #13

غعلا اخى غبد الخميد
الكاميرا فى الكرمك براها كانت ماشية لالتقاط مشاهد فى الخلفية للجبال والخحضرة
كانت فرصة لعرض المكان
لكن الكاميرا ليها كرين
على وزن الفدم ليهو رافع

Post: #15
Title: Re: التلفزيون فى العيد
Author: mohmmed said ahmed
Date: 08-11-2011, 04:45 AM
Parent: #14

سعدت قبل شوية
بمشاهدة الصديق محمدعبد الحميد مدير اذاعة هولندا العربية
فى قناة الشسروق
الصديق محمد
اعلامى ناجح
منذ بداينه فى سونا ينتقل من نجاخ الى اخر فى رحلة صاغدة دائما

Post: #16
Title: Re: التلفزيون فى العيد
Author: معاوية الزبير
Date: 08-11-2011, 06:58 AM
Parent: #15

يا أبو السيد، كل سنة وانت طيب

مالك زهجان كدا، اطلع ياخ، انت منتظر الفرح من الآخرين بعد العمر دا

Post: #17
Title: Re: التلفزيون فى العيد
Author: mohmmed said ahmed
Date: 09-11-2011, 06:48 AM
Parent: #16

معاوية كيفك وعيدك مبارك

المشكلة العيد ما طلعتا
ومنتظر اشوف حاجة كويسة

الغياظين بتاعيين فرق النكات
اصلو ما ضحكتنا من نكاتم البايخة المكررة
نوع
واحد قاعد فى الكورة يعاين لى فوق داير يشوف مباشر مكتوبة وين

بالله حتى مقدمات النكات مكررة ومتشابها
الواحد يقول ليك
طبعا يا جماعة الرباطاب ما مسيخين لكن ما بحبو الاسئلة البايخة
زى واحد طالع مبلول من الحمام يقول ليهو استحمت
محمد موسى عمل المقدمات دى والجماعة بالكربون يقلدو
الغريبة هم شايفين نفسهم خطيرين جدا والناس بتحبهم وهم نجوم
الواحد فى الحلقة والفنان بيغنى يستلم الجو وهاك يارقيص وبا رشاقات