لحظات من الضحك .... نكـات فى نكـات ...

مسطول مشى العيادة لاقاه امام الجامع سألو :ياشيخنا خيييير؟؟ الشيخ قال ليهو : جيت أحلل السكر.. ضحك المسطول وقال ليهو :دا من زماااااان حلال بس اجتهد لينا في البنقو
*******************************

في واحد قال لمرتو انا بحب جالكسي قالت ليهو مدام بقيت صريح معاي انا بحب بكري
قال ليها يامدام جالكسي دي شوكلاته قالت ليهو بكري دا عسسسسسسسسسسسل عديييييل
*****************************************

مريخابى سيد بلد
جاهو عريس لبتو
قام الابو سألو: انت هلالابي ولا مريخابي
العريس قال ليهو :هلالابى
بعد العرس قام العريس سأل ابو العروس قال ليهو انت ليه اديتني بتك وانت عارفني هلالابى
سيد البلد رد عليهو: انت ما دام صبرت على الهلال لهسي اكيد حتصبر على بتي
*************************************************


جا واحد ماشى قال ليهو: المرا ما بدقوها كدا .. المرا بدقوها باختها
صاحبنا ما سمع الكلام سألو: قلت شنو !!
المرا قالت ليهو : الزول دا قال ليك دق دقك ساى
******************************************

رباطابي واقف جمب اسانسير في الطابق الأرضي جا زول سألو انت طالع
قال ليه لا...مستني الشقة تنزل لي
********************************************

استاذ سال تلاتة مساطيل: بعد تمشي البيت بتعمل شنو ؟؟؟
الاول قال: بصلي وامشي لأحمد بتاع البنقو
والتاني قال: بقرأ قرآن وامشي لأحمد بتاع البنقو
التالت قال انا بصلي وأقرأ قرآن
الاستاذ قال ليهو عفارم عليك .. شاطر .. اسمك منو !!
قال ليهو انا احمد بتاع البنقو
***************************************

شافع مشى لبتاع دكان رباطابى
قال ليهو ابوى قال ليك ادينا جبنة بخمسين قرش
قال ليهو امشى قول لابوك يجى يلحس السكين
******************************************

رباطابي أبوه مات .. مشى يطلع شهادة الوفاة ..
الموظفة المسؤولة كانت مشغولة وسرحانة
قاليها داير اطلع شهادة وفاة ..
قالت ليهو: داير تعمل بيها شنو؟
قاليها : المرحوم قبلوه في جامعة النيلين ماشي اسجل
*******************************************

كمساري حافله مسطول بينادي الركاب (شعبي .. شعبي)
شاف عربية البوليس بقي ينادي (وطني.. وطني)
*****************************************

ادروب سمع الفنان بيغني : نحن في الدمعات غرقنا
قال : والله راهاااات .. نحنا فتة ما لاقين
**********************************

واحد زعلالالالالان من مرته اتصل ..
سألها: طابخة لينا شنو علي العشاء ؟
قالت ليه : سم!
قال ليها : حلوووو .. اتعشي واتخمدي نومي لأني ح أتأخر
********************************

مرة واحدة قاعدة مع حبيبا قالت ليهو يا تري يا حبيبي حتفضل تحبني كده بعد العرس قال ليها طبعا ده اذا راجلك وافق
**************************************

مسطول سال مرتو بتفكري في شنو
قالت ليهو في نفس البتفكر فيهو
المسطول قال ليها سجمي بتدوري تعرسي فوق

*******************************************


مسطول زهجان من مرتو بغني في اغنية هاشم ميرغني :
انتي وانا ...من حقنا نفرح نطير بين السحاب تلقانا صاقعة تخمنا لا انت يلقوك لا انا
**************************************

واحد ماشي صلاة الجمعة ...
لقى الناس طالعين من الجامع
للتعترو ساْل ليهو رباطابي: الصلاة انتهت ؟
الرباطابي قال ليهو: لا .. رجعونا نجيب السبح
**************************************

واحده قالت لزوجها امشي
جيب لينا خروف نحتفل بزواجنا
بعد مرور خمسه و عشرين سنه !
قاليها الخروق ذنبو شنو يدفع
ثمن غلطه ارتكبتها أنا قبل خمسه و عشرين سنه ..؟

***************************************
مسطول محتال قال لحبيبتو: سلفيني عشره جنيه
أديني منها خمسة وخلي معاكي خمسة
أكون داير منك خمسة وإنتي دايرة مني خمسة
وكده نكون حبايب

*********************************

مسطول بيشاغل في واحدة: ياعسل ..
قالت ليهو: انت اهبل !!
قال ليها: تلفونك !!
قالت ليهو: انت اهبل !!
قال ليها: افهميني .. داير اعرسك
قالت ليهو: انت جادي!
قال ليها: انتي هبلة !!
***************************************

واحد قاعد في النار سأل الشيطان ممكن اتصل علي مرتي ؟
الشيطان أداهو التلفونو إتصل و بعد المكالمة سألو الرسوم كم ؟
الشيطان أجاب : ( ماف رسوم من النار للنار مجاني )

*********************************
رباطابي بيضرب في باب البيت بوهية
جات جارتو قالت ليهو لاكن البوهية دي ما خفيفة ...
قال ليها يعني انتي التقيلة

********************************

شافع سال حبوبتو: بتاكلي التسالي يا حبوبة !!
قالت ليهو : ما بقدر يا ولدي .. ما عندي ليهو سنون
قال ليها : خلاص امسكي لي كيس التسالي ده عندك

************************************
الود سال امو: يمة انتي ابوي ليه عندو صلعة
الام : من كترة الذكاء يا ولدي
الولد : طيب انتي شعرك طويل ليه ؟

ونواصل المزيد

Quote: ونواصل المزيد

آآآي عليك الله ...واصل يا فنان...

شكراً على هذه الابتسامات اللطيفة

والله الواحد ليهو زمن من الضحك

نساي..

حضر وفاة أبو صاحبو...ومشى معاهم المقابر..وقاعد في العزاء...

سافر ورجع بعد سنة...نظام الولد مشتاق لأصحابو وأهله

مشى بيت ناس صاحبو...

أحضان وضرب في الضهر...كيفك بالله؟؟؟

وكيف الوالد؟؟؟

استدرك...

لسع في المقابر ديك؟؟

Quote: في واحد قال لمرتو انا بحب جالكسي قالت ليهو مدام بقيت صريح معاي انا بحب بكري قال ليها يامدام جالكسي دي شوكلاته قالت ليهو بكري دا عسسسسسسسسسسسل عديييييل

اوع يكون بكري حقنا ده؟

الأخ العزيز Mahmoud Mustafa Mahmoud
كدى النشكرك ونحييك قبل ما أنزل الدفعة الثانية
من النكات ، وشكرا على الإضافة وأنتظر منك المزيد .
لك عاطر التحية ..

استاذ محمد مختار تحياتى

واصل متابعين ..

مودتى ...

واحد طلق زوجته وعرس من اول وجديد
لاقاهو صاحبو بعد شهرين وقال ليهو : سامع أنو مرتك دى اطيب من الفاتت
فرد التعيس: بكتير .. تصور انها ساعات بتغسل العدة معاي
**************************************
شايقية دايرة تمشي الحج
قالوا ليها الحج بعشرة مليون
قالت ليهم في شان شنو .. انا ذاتي ما عندي ذنوب قدر دا
*****************************************
واحد داير ليهو شكله مع مرتو باي طريقه
قال ليها الغبار الكان فى التربيزه دا مشى وين ؟
ردت عليهو المسكينه قالت ليهو :
اجى يا راجل داير بيهو شنو ؟
قال ليها كاتب لى فيهو رقم مهم
****************************************
بتاع ضرائب مسطول مشي لى تاجر خرفان داير الضرائب
الزول حلف بي دينو وإيمانو إنو ما باع ولا خروف ...
المسطول لقي اقرب خروف سألو: الزول ده باع ولا ما باع
الخروف قال ليهو: باااااااااااع
*********************************************
مسطول عضتو نملة مشت وجات بعد مسافة عضتو تاني في نفس الحتة، قال ليها مامتأكدة ولا شنو


***************************************************

مسطول جاء داخل لقي حبوبته تغسل في شعرها من الحنه قال لاحول الله دا كلو صدا
****************************************
مسطول بقول لصاحبه: بتعرف انه لي 3 سنين ما اتكلمت مع مرتي؟
صاحبه : ليه انت داخل معاها في حرب ولا شنو؟
قال ليه لأ ، بس انا ما بحب اقاطعها وهي بتتكلم.
***********************************
اسرة سودانية مشوا اجازة تركيا
ابو العيال راح منهم في السوق
المرا مشت لاقرب بوليس
قال ليها اوصافو شنو !!!
ردت: طويل وابيضاني .. شعرو اصفر وعينو زرقاء و ... و
بتها عملت مداخلة: لكن يا ماما دي ما اوصاف بابا
قالت ليها: اسكتي يا غبيانة .. يمكن يجيبوا لينا مهند
*************************************
مسطول نزل من الطيارة شايل بنطلونو في كتفو
الناس سألوه مالك يا زول
قال ليهم: المضيفة كرهتنا .. اربط الحزام .. فك الحزام
***********************************
مسطول امو قالت ليهو البروتين الفي الفول زي البروتين الفي اللحمة
ويمكن احسن كمان ....
قال ليها خلاص اغرفي لينا كمشتين وحمريهم

****************************************

مسطول عنده ببغاء
مرة كبسوا عليهو ضيوف وما عنده التكتح
قال للمرا: تعرفى ما عندنا حل غير نضبح الببغاء القاعد بلا شغلة دا
نعمل منو شية جمر وشية صاج وشوية كباب والراس نخليهو لى باكر
الببغاء قال ليهو عليك الله قبال ما تنسى .. تعال أحلبنى وأعمل ليهم رز باللبن

Quote: اوع يكون بكري حقنا ده؟

عبد العزيز الفاضلابى
سلام وتحية ..
كده دخلتنا فى السياسة ومساءلات أمن الدولة

Quote: واحد مشي يقدم لوظيفة في شركة بتاعت كيزان لما دخل سألوه متى يكون حاصل ضرب 3 × 3 = 10؟ فقال: عندما تكون الإجابة خاطئة ... قالوا: ما هو الشيء الذي له أكثر من جناح ولا يطير؟ قال: الفندق قالوا: ما هو الشئ إذا أكلت نصفه تموت ، وإذا أكلته كله ما يضرك شي؟ قال: سمسم قالوا: من هو الرجل الذي يستطيع أن يقف على الأرض ورأسه فوق النجوم ؟ قال: الضابط قالوا: ما هو أكبر عدد من المواليد يمكن أن تضعه النعامة ؟ قال: النعامة تبيض ولا تلد قالوا : ما هو الشيء الذي بدونه لا تستطيع أن تحصل على الوظيفة في السودان ؟ قال: الواسطة وان تكون كوز قالوا: و هل هي عندك ؟ قال : لا قالوا : طيب، اقفل الباب وراك وإنت طالع!!!

خالد درق ..
شكرا على التواصل والمتابعة ،
ويا أخوى قلنا أخير كده طالما المدد
الأدبى الثقافى أصبح لا يأتى بقراء أو متداخلين
فلبهجة والسرور سوقها رائج والباعة كثيرون ،
شكرا ولك تحيتى ..

ربنا يفرج همك ياخ

ناصر المحسى
شكرا على الدعم ،
وننتظر المزيد ..
تحيتى

واحد بلدياتنا مرته كل يوم تطبخ ليهو ملوخية فى الفطور وفى الغدا وفى العشا الراجل زهج من القصة دى يوم صحى الصباح بدرى شاف مرته شايله ليها قفة وطالعة قام قال ليها
ماشى وين يا فاطنة ؟
قالت : ما مشه الزرع اجيب ليك المولخية َ!
قال ليها : وعلى ايه تاعب روحك ما تربطنا هناك احسن

ممتع.........تحياتى.

جماعة راكبين في بوكسي كاشف
شوية كده جنوبي منهم دق للسواق قائلا:
اقيف يا سول ... آدم بتآء الدكان وقع
السواق وقف وعاين مافي شي
داير يمشي تاني دق ليهو:
قلت ليك اقيف ... آدم بتآء الدكان وقع
الراجل رجع خلف عشان يشوف الوقع
لقى العادم بتاع الدخان وقع ^___^ 

أتنين مساطيل راكبين في حافلة شالتهم نومة، فجأة صحو بي صوت الكمساري
.بطقطق ليهم، واحد طلع عشرة ألف أدّاها للكمساري
.الكمساري رجعها ليهو وقال ليهو: دي بقت ما ماشة يا حبيبنا
المسطول إتلفت علي صاحبو وقال ليهو: كم لبثنا في نومنا هذا؟


تحياتي

مصطفى توفيق .. تمام ..
ننتظر واحده إثنين كمان ..
تحيتى

محمد جلال عبد الله
واصل معانا ، لنسعد حالة الكآبة فى هذا المنبر
تحيتى ..

Quote: أتنين مساطيل راكبين في حافلة شالتهم نومة، فجأة صحو بي صوت الكمساري بطقطق ليهم، واحد طلع عشرة ألف أدّاها للكمساري .الكمساري رجعها ليهو وقال ليهو: دي بقت ما ماشة يا حبيبنا المسطول إتلفت علي صاحبو وقال ليهو: كم لبثنا في نومنا هذا؟

حلوة .. ياباقر
تحيتى

... الحكاية شنو ما فى واحد يتذكر ليهو نكته .!!

1-مسطول ممتحن الجامعة قال ل ابوه المسطول: يابا داير اواصل قرايتي بره بعدين، اوبوه قال ليهو سمح، كلم امك تفرّش ليك في الحوش عشان تواصل قرايتك.

2- مسطول عاين في طشق (طست) مليان موية اسيد، قام دخّل يدو في الاسيد، يدّو راحت، قامو دخل راسو في الطست عايز يعرف وين راحت يدّو.

3-مسطول عمل عملية تجميل لوجهو، جا لناس الحلّة، قال ليهم تخيلوا ما عرفتكم.

ههههه معليش محمد نكت بايخة بس قلنا نفك القرفة وكدا.

إتنين حلفاويين غعالطين غلاط شديد جداً

ماشين ساعة المغربية من حلة لحلة في الطريق من بعيد شافوا ليهم واحد من النسور الكبيرة ديك

واحد قال تاني شايف النسر داك ؟
التاني طبعاً لازم يغالط، قال ليهو دا ما نسر دا سخل

بدوا يتغالطوا

لمن وصولوه طار

القال سخل رد بسرعة قال ليهو واله لو طار لحد السما برضو سخل

______________________________

من نكات عفيفي المصري:

ركبت آنسة الأتوبيس ونزلت سيدة

________________________________________

واحد بلديتنا من عندنا اولاده قالو ليه انت خلاص كبرت وما ممكن تمشى الحواشات برجلينك لازم نشترى ليك حمار تمشى بيهو الحواشة - اولاده مشو السوق عشان يشترو ليهو حمار فتشو يمين وشمال ما لقو الا حمار تعبان ضهره مقوس - جابو الحمار ربطوه قدام الباب ومشو كلمو ابوهم انهم اشترو ليه حمار - الاب طلع عشان يشوف الحمار لقاه ضهره مقوس قام قال ليهم ( يا اولاد منو الركب الحمار ده وهو لسه لين )

( طبعا النكتة دى مترجمة من الرطانة )

محمود الدقم .. سلامات ، وين الغيبة ياراجل
وأين أراضيك ... ، طال غيابك عنا ،
لك التحية ثلاث ورباع

مسطول دائما ، جمع أولاده وقال ليهم أسمعوا النصيحه دى
واعملوا بها .. فاهمين .!!
أولا : ماتسمعوا كلام أبوكم ولا كلام أمكم ولا كلام عمكم ولا كلام
خالكم وخالاتكم ولا عماتكم ، لأنو فى النهايه ما بينفعوكم
غير أهلكم .. يلا قوموا إنكشحو بلى يخمكم ..

علم مدير أحد مستشفيات الأمراض العقلية أن أحد المرضى أنقذ حياة مريض آخر رمى نفسه بالنهر محاولا الانتحار. فاستدعاه إلى مكتبه وقال له: "إن ملفك وتصرفك البطولي يحتم علينا أن نسمح لك بالعودة إلى منزلك. والمؤسف أن الرجل الذي أنقذته انتحر بعد ذلك بأن شنق نفسه بحبل". قال المريض: "لا يا سيدي، لم ينتحر، أنا علقته على الحبل عشان ينشف."

ادروب مشى الجامعة عشان يشاغل البنات ، من بعيد شاف ليهو بت جايه عليهو ماشة موضة ، ادروب بقى يشافل فيها : يا جمال الفستان ياجمال الشعر يا جمال المشية
لمن البت قربت منو لقها شيينة ادروب ختا يده فى راسه وقال : يا جمال عبد الناصر