استمعوا وأطربوا _ العملاق بادي محمد الطيب

تعرف يا راكو
قبل سنوات خلت، وفي حفل مصغّر أقامته لي أسرتي بمناسبة تخرجي في الجامعة وسفري لأمريكا فاجأت الشباب من أصدقائي بالفنّان بادى محمّد الطيّب!! كانوا يمنّون أنفسهم بأحد الشباب (الطالعين في الكفر) لكنّهم استمتعوا جدا مع بادى وأداءه المتميّز لأغنيات الحقيبة بلا رتوش.
الشاهد في الموضوع إنّو أنا طلبت منو أوّل أغنية، وكانت "مسّو نوركم" التّي تكرّمت باسماعنا إيّاها!.
شكرا يا راكوبة وأتمنّى أن أراك بشعار الهلال في الموسم القادم!


أحمد الريّح

الله يؤيحك يا راكوبة زي ماريحتني,والله انا زعلان غاية الزعل لاني نسيت مجموعه من شرايط الحقيبه فى الخليج واعصابي متوترة شديد كانت والله يطول لينا في عمر مبدعنا الرايع بادي ومبارك حسن بركات اخر رواد الحقيبة,, والله يديك العافيه

شكرا ياراكوبةيا بديع على البوست ده والقبلو من البوستات النضيفة
تعجبنى الصور المرفقة مع البوستات بدرجة لا تقاس
طبعا الناس ديل الواحد ما شافهم من سنوات طويلة جدا لا في تلفزيون لا في فيديو
يعني الواحد محتاج يجدد ذاكرتو تجاه اشكالهم
بادي محمد الطيب ده من اعظم فناني "الغناء الشعبي"
في رايى المتواضع، يغني بوجد عال، والاغنية جميلة
ليك الفين سلام وتحية
وزيدنا منو ومن غيرو لو معاك

الرايع راكوبة


كل يوم تطربنا بالروايع فلك التحية

والعملاق بادي محمد الطيب من عباقرة الحقيبة

وبالمناسبة من سكان حى العباسية

أحمد الريح،
عشان كده سامعك بتغني معاهوا ، والصورة خطيرة بس كنا عاوزينها بالأحمر والأصفر الوهاج.
--------
أبو مهند
إنشاء الله أعصابك دايماً مرتاحة ما دامك معانا هنا في البورد، وأبشر بكل ما هو قيم وحنين، والأخوان ما بقصروا.
--------
أحمد المرضي
سلامات ، والصور عندها خمس فوائد دي بقت زي السفر عديل، وبادي يغني بإحساس عميق ويجبر من يستمع له على الدخول في هذه الأجواء التطريبية العالية، ربنا يديهوا الصحة وهو من القلة الباقية من حفظة الحقيبة.
---------
ودالعباسية
شكراً على المرور ويا ناس العباسية يا لذيذين إنتوا.

يمسيك بالخير يا ...
انا بعد كده حأتعبك بالطلبات...

أجمل حاجة في بادي ...انو و أثناءاستغراقك في الأغنية,,,فجاة كده يقول ..

ووووووووووووك .... يا ولد

دي بالغنية كلها..
شكرا يا ابو الرواكيب..

موردة حديييييد

ياسلام ياسلام
ارتاح جدا لهذا الصوت العميق الدافئ
تسلم ركوبة
تحياتى
بكرى

الله يطول عمر هذا الجميل
وشكرا لك ياراكوبه

راكوبه
ياخي انت اوضه وبرندا
.
..غايتو بجيب ليك كميه هواء!!!
نسأل الله السلامه

الزميل العزيز راكوبة..
بالفعل استمعنا..
وبالفعل طربنا..
يديك العافية.. أعدت لي أيام أم درمان الندية..

راكوبة
صباحك قشطة..
رغم انو ما سامع الأغنية لانو جهازي اطرش اليوم
لكن قلت اتكيء شوية فى الراكوبة دي
مع اخ عزيز
نسلم عليهو
ونشرب معاهو فنجان قهوة
ونخلي ليهو صندوق محبة
وبالسلامة تاني نواصل


صلاح / شتات

مانديلا سلامات يا ...
أطلب تلاقي ، والأستاذ بادي ثروة حقيقة.
----
سمندلاوي العذب
صوته جميل ، يطوف بك في أزمان لم تراها، يخالجني معه شعور عجيب، ولا أنتبه إلا مع صيحاته المحببة.
----
أستاذنا الموصلي
آمين يارب ، ونتمنى التوثيق الجيد لهذا المبدع، وشكراً على المرور.
----
ود شندي مش كده برضو، بقينا نفكر في العمارة كمان.
----
رجاء العزيزة، شكراً على الوقوف في المحطة دي، وإنشاء الله كل أيامك ندية وزهرية.
----
شتات .. وقف شويه وإلتقط أنفاسك في الراكوبة العامرة، وإنشاء تتاح الفرصة وتستمع للأغنية أعلاه.
تحياتي