Rare Photo!

Rare Photo!


11-01-2003, 01:11 AM


  » http://sudaneseonline.com/cgi-bin/sdb/2bb.cgi?seq=msg&board=346&msg=1190089455&rn=0


Post: #1
Title: Rare Photo!
Author: mustafa mudathir
Date: 11-01-2003, 01:11 AM

تحية لكل البورداب
أبحث عن أوراق قديمة وجدت هذه الصورة النادرة للعملاق
محمد وردي مع أحد أبناء الجنوب

http://www.sudanhosting.com/upload/protected/wardi2.jpg

Post: #2
Title: Re: Rare Photo!
Author: Elkhawad
Date: 11-01-2003, 01:13 AM
Parent: #1


كم هم رائعون ابناء وطني



Post: #12
Title: Re: Rare Photo!
Author: SAdo7
Date: 11-01-2003, 12:36 PM
Parent: #2




وطنا الباسمك كتبنا ورطنا.
من غير ميعاد واللقيا اجمل
فى الحقيقه من انتــظار
حتما سنلتقى يوما ياوردى على
انغام الابنوس ونخت ايدينا الخضره
فوق ارض الطيبين ونرتوى من مياه
النيل ونصدح بين اشجار النخيل نكفكف
دمعة المظلوم نساند عم عبدالرحيم
نمحو حرارة الغربه بريحة دعاش البطانه
وسندق الصخر حتى يخرج الصخر لنا ماء
وزرعا نزرع الامل فى قلوب الناس وبذرتنا مهما يطول
حتبقى يوم شجره التحيه ليك مصطفى وتسلم
وفى بعدك يا غالى السودان اضنانى الالم


Post: #3
Title: Re: Rare Photo!
Author: mustafa mudathir
Date: 11-01-2003, 01:19 AM
Parent: #1

يا خواض أنا ما شفت أسرع منك شكرا و وريني أفتح
الصورة على طول كيف

Post: #4
Title: Re: Rare Photo!
Author: Elkhawad
Date: 11-01-2003, 01:24 AM
Parent: #3



عزيزي في صفحه الربلي بتلقي كلمه
Image
اضغط عليها بتفتح ليك نافذه تانيه خت فيها اللنك بتاعك واضغط اوكي
دي كل الحكايه


Post: #13
Title: Re: Rare Photo!
Author: tmbis
Date: 11-01-2003, 04:11 PM
Parent: #3

برضو وردي

عيش وملح
وبالبلدي


تسلم يا خواض



Post: #5
Title: Re: Rare Photo!
Author: Alsawi
Date: 11-01-2003, 07:00 AM
Parent: #1

من حلفا لي نمولي
ومن نمولي لي حلفا

ما أجمل تنوع السودانيين وما أحلي خلقتهم بكل سحناتهم

ليت الجهاليل يشوفو أعمق شوية

شكرا يا مصطفى

Post: #14
Title: Re: Rare Photo!
Author: mustafa mudathir
Date: 11-01-2003, 07:42 PM
Parent: #5

وردي ما غناها يا صاوي: من ايه كدا ما عارف للغابات
ورا تركاكا. الحقيقة الشداني هو التعبير الصادق في عيون
وردي ووسامة الزول المعاهو. زي ما قلت حلاوة الخلقة
مصطفى مدثر

Post: #35
Title: Re: Rare Photo!
Author: kofi
Date: 15-01-2003, 08:30 AM
Parent: #14

محاولة انقاذية بحتة!!!
من نخلاتك يا(حلفا) للغابات ورى تركاكا
من دارفور الحرة نبيلة لكل قبيلة على التاكا
وهى حلفا بتتنسى طيب اسال المداماا و اخوك الكبير الرائع او حتى عبد الحميد البهجة

Post: #6
Title: Re: Rare Photo!
Author: أبوالزفت
Date: 11-01-2003, 07:24 AM
Parent: #1


Post: #7
Title: Re: Rare Photo!
Author: Yasir Elsharif
Date: 11-01-2003, 09:37 AM
Parent: #1

يا مصطفى مدثر

في البلد البعيد

ليك وحشة

ومشتاقين كتير

والعين تشوف الصورة

لك الود والتحايا آلاف

Post: #15
Title: Re: Rare Photo!
Author: mustafa mudathir
Date: 11-01-2003, 08:00 PM
Parent: #7

wie gehts?يا ياسر
ليك عاطر الشوق يا نطاس الرح و البدن
سررت بوجودك وسط الناس رافعا شعار الحب. عشت ياخي
مصطفى

Post: #8
Title: Re: Rare Photo!
Author: Dafi
Date: 11-01-2003, 10:07 AM
Parent: #1




وردي..مع احدي..بنات الدناقله
احدي وطنيه
/center]

Post: #9
Title: Re: Rare Photo!
Author: ودنمر
Date: 11-01-2003, 11:17 AM
Parent: #8

هى اختنا تماضر السودانية الاصيلة
ولا اعرف ان كانت تنتمى الى الدناقلة ام لا؟؟
تحياتى لكم جميعا وشكرا الصور الجميلة والفريدة

ودنمر

Post: #26
Title: Re: Rare Photo!
Author: يازولyazoalيازول
Date: 12-01-2003, 08:16 AM
Parent: #9

نعم يا ود نمر فهى شقيقتى وهى تصغرنى فى السن ونحن ننتمى الى قبيلة الدناقلة وأصلنا من شيخ شريف وتربطنا صلة قربى وإنتماء لبيت المهدى ونرجع من الأشراف وقد هاجر أجدادنا منذ عهد طويل مع المهدى واستقر بهم المقام فى ودنوباوى بأم درمان ووالدنا من مواليد ود نوباوى وهو على مشارف التسعين عاما ويعتبر اليوم أكبر معمر فى عائلتنا متعه الله بالصحة والعافية

Post: #10
Title: Re: Rare Photo!
Author: azza
Date: 11-01-2003, 11:38 AM
Parent: #1


روعة بالغت عديل
كم جميل شعب بلادي
كم اتمنى ان تتكرر الصور هذه و تصبح معتاده و ليس لقطات نادرة
لك التحية

Post: #11
Title: Re: Rare Photo!
Author: حسن الجزولي
Date: 11-01-2003, 11:45 AM
Parent: #1

يا مصطفى مدثر
ظهرت من وين , لانو اليوم كلو ما موجود عند اتصالى , بالمناسبه صورة وردي هى ملكى ضمن صور اخرى له مع هذا الشاب الجنوبى وقد كانت بالمناسبه فى الاسابيع الاولى للانتفاضه ولها قصه مهمه جدا سوف استعرضها لاحقا , المهم رجع لى صورتى ! وتحياتى لمنى والعيال
حسن

Post: #16
Title: Re: Rare Photo!
Author: mustafa mudathir
Date: 11-01-2003, 08:11 PM
Parent: #11


ياحسن الجزولي بطل السلبطة وعلى اي حال الصورة دي
سافرت معانا بلاد كتيرةخلاس وما نال منها غبن المنافي
زي ماقال حسن موسى. تدفع كم تأمين عليها

Post: #17
Title: Re: Rare Photo!
Author: Kostawi
Date: 11-01-2003, 08:49 PM
Parent: #1

Brother Mustafa Mudathir and Hassan Elgizoli salam kaiman.
I have one request from both of you. Would you for the record "tawthigh" tell us about what is going on today in what we call "the Sudanese opposition movement”.... We have been left blank...or what I call, "the gray area on Sudanese politics".... On the God sake, what is going on? We need your input and prospective view and analysis of what is going on NOW?
Kostawi

Post: #18
Title: Re: Rare Photo!
Author: mustafa mudathir
Date: 11-01-2003, 11:55 PM
Parent: #17

Thanks Kostawi for trusting my views.
In this context of the Wardi photo, I don't
think I can go into the subject of the opposition.
Hassan is good at documenting by virtue of his profession.
I can join you both later, But let us make it in a new post.
Regards
mustafa mudathir

Post: #19
Title: Re: Rare Photo!
Author: sudani
Date: 12-01-2003, 00:48 AM
Parent: #1

thanx alot for this rare photo.
We are all having the same blood
same hope and same soil.
WE ARE ONE NATION

Post: #20
Title: Re: Rare Photo!
Author: Kostawi
Date: 12-01-2003, 01:05 AM
Parent: #19

Brother Mustafa, thanks for your response. I agree with you and I am sorry on mixing the issues here. Let us discuss the referenced subject on another post.
yours
Kostawi

Post: #21
Title: Re: Rare Photo!
Author: Tumadir
Date: 12-01-2003, 01:37 AM
Parent: #20

ووردى هو النيل المشترك الاعظم



والفرق شنو كان اصلو؟؟؟؟



ووين انتو ياناس كندا من ديك وعيك؟؟؟؟

Post: #30
Title: Re: Rare Photo!
Author: mustafa mudathir
Date: 14-01-2003, 05:59 PM
Parent: #21

قريب ياتماضر حندعوكم تعرضو عندنا هنا في اتاوا.صورتك مع وردي زي في زول
ممكن يكون الشاب الجنوبي نفسه بيسألك
انتي مبسوطة عشان قاعدة جنب وردي؟
ردك هو
UUMMM!
راجعي ردي على كبر انا يا دوب عرفت علي عبدالقيوم
قصد شنو لما قال: الكتابة رعب يضئ الضمير
تحايا
مصطفى

Post: #38
Title: Re: Rare Photo!
Author: Tumadir
Date: 15-01-2003, 09:44 AM
Parent: #30

يامصطفى حلو السيناريو،
لكن انت بتعرف وردى ، فى المدة دى كان بكتل فينى بالضحك وانا بحاول اسكت عشان المصور

لودايرين تعزمونا كلمونا من بدرى عشان الترتيبات والاولاد والمدارس

برنامجنا بدا يزدحم ونحن بنحب كندا

تحياتى للجميع

Post: #22
Title: Re: Rare Photo!
Author: Badri
Date: 12-01-2003, 03:00 AM
Parent: #1

ياسلام عليك مصطفى
صورة رائعة وتدل على مدى وطنية
هذا الشامخ فينا شموخ بلادى وحبه
لكل بقاع وطنه واهله قدم الكثير لنا ولبلدنا

ياريت لو عندك صور نادرة زى دى تمدنا بيها
يااستاذ مصطفى وانا ان شاء الله بس اصل
السودان وحأهديك صورة انا متأكد انك ماحتكون شفتها


ـــــــــــــــــــــــــــ
أنا بلدى بلد الخير والطيبة

Post: #23
Title: Re: Rare Photo!
Author: sari_alail
Date: 12-01-2003, 07:51 AM
Parent: #1

وكانت أكتوبر هي غضبتنا الاولى مع المك النمر
بلاوأنجلى
دي صور بتاعت الاستاذ أول مرة أشوفها و أتمنى أنكم تورونا صور كتير ليهة
ومعاكم سلام

Post: #24
Title: Re: Rare Photo!
Author: sari_alail
Date: 12-01-2003, 07:57 AM
Parent: #1


Post: #25
Title: Re: Rare Photo!
Author: sari_alail
Date: 12-01-2003, 08:00 AM
Parent: #1

يا جماعة
ودي الاستاذ وردي مع الموصلي
وتحياتنا ليهو

Post: #27
Title: Re: Rare Photo!
Author: عشة بت فاطنة
Date: 13-01-2003, 06:37 PM
Parent: #1

مصطفى الصور حلوة وما تقول ي لي يا تماضر يازول اطلع اخوك
منو فيهم المقداد ولا ابو عبيدة مرحب بيهم جميعا والتحية للمربي الجليل عم شيخ الدين ابو اروع البشر وهي يا زول تماضر دنقلاوية بس دي قبائل بحالها وزمان كان عندنا جولة مسرحية حول السودان محل ما نمشي اطلعو ناس بعرفو تماضر ومن اهلكم ولما رجعت قت لعم شيخ الدين هي يعم شيخ دين تماضر ما طلعت سودانية! التحية ليكم لكل الاهل دناقلة وجعليين وهدندوة يا سودان الاصل

Post: #28
Title: Re: Rare Photo!
Author: Kabar
Date: 14-01-2003, 01:46 AM
Parent: #1

واللـــه يا مصطفى لو ما عمل كده يكون ما وردي..وذكرتني الايام الحوالك في حرب لبنان ،وكيف كانت فيروز مصدر وحدة..فنحن يا اخي هلال مريخ (اوعي حسن الجزولي يزعل عندي احساس انو من ناس الهلب)..شمال جنوب.. يسار يمين.. حداثة تقليد..لكن وردي واحد..ربنا متعه بالعافية بقدر ما غسل ادران الحزن في دواخلنا
احيك على اللفته المتميزة دي
ودمت
محمد النور كبر

Post: #29
Title: Re: Rare Photo!
Author: mustafa mudathir
Date: 14-01-2003, 05:37 PM
Parent: #28

اهلا يا كبر تعرف انا بنشغل واجي القى البوست
زي و قع في بير و البورداب ما شاء الله على حبهم
للحكي اها في واحد قال لي بوستك لازم تحافظ عليه
من السقوط لكن دي اصعب من مهمة سيزيف في اساطير
الاغريق
مصطفى

Post: #31
Title: Re: Rare Photo!
Author: حسن الجزولي
Date: 15-01-2003, 05:05 AM
Parent: #1

يا كبر لو جيت للحق , بالفعل انا هلالابى بالعاطفه , ولكنى موردابى بالانتماء فهمت حاجه,
المهم
ويا مصطفى والله العظيم ما دخلت للبوست بتاعك ده علا فيشان حاجتين , الاول ارد على مناكفة اخونا كبر والتانى بس عشان انقذ البوست بتاعك ده لانو شايفو ماشى نحو درك سحيق بالفعل كما نبهتنا , ولذلك فقد( حننتنى) وما انا بسيزيف الاغريق فارفع عنى رفع الله اجرك
اخوك حسن

Post: #32
Title: Re: Rare Photo!
Author: الأمدرمانية
Date: 15-01-2003, 05:26 AM
Parent: #31

مساء الخير يادكتور وصباح الخير ياودالجزولى
ماتشاكلوا فى صورة الأستاذوردى لأن الصورة ملك لكل عشَاقه وأولى بيها أنننننننننننننننننننننننننننا وودعبدالله والله ماكده وتحياتى للعزيزتين حرماتكم
الأمدرمانية

Post: #33
Title: Re: Rare Photo!
Author: حسن الجزولي
Date: 15-01-2003, 06:47 AM
Parent: #1

والله يا الامدرمانيه لو جيتى للحق, هى كانت جهود ود عبد الله , وانحنا ساكت اتصلبتنا فى الموضوع , بالمناسبه مش ملاحظه معاى انو انحنا بنحاول انقاذ ما يمكن انقاذه من بوست مصطفى الذى ارى انه يسير الان بخطى حثيثه نحو الفناء ولكن دون جدوى ؟! , يا حسرتى عليه

Post: #34
Title: Re: Rare Photo!
Author: mustafa mudathir
Date: 15-01-2003, 07:54 AM
Parent: #33

آي يا حسن بدل ما الواحد يشيل ليهو مجموعة قصصيةلقيت نفسي شايل ألبوم و حايم بيه
وكمان طلعو لي أدعياء جدد
لكن أهلنا قالو غلاطا برفع بوستك
أغرق فيهو لي شوشتك
وأنا عندي حالة بوست فريدة أو بوست خلاقة زي
التيمان البلدوهم ملصقين دا شان ترفعو الا تكورك
ايدكم معانا ياجماعة
راجع أو ارفع بالاحرى بوست لابوبكر اسمه ارتحالات

Post: #36
Title: Re: Rare Photo!
Author: عاطف عبدالله
Date: 15-01-2003, 08:52 AM
Parent: #34

الأحباء الغالين

مصطفى وحسن
ما أروعكم وأنتم تتجمعون على مائدة وردي .. بالمناسبة الصورة الثانية لوردي دي لو ما عرفتها وين يا أبوطارق تكون بالغت عديل وهي بوجود
القدال ولو ما قادر تذكر شوف مكوة الكهرباء دي حقت منو؟


Post: #37
Title: Re: Rare Photo!
Author: حسن الجزولي
Date: 15-01-2003, 09:40 AM
Parent: #1

بينى وبينك يا مصطفى, ارفع بوست ارتحالات بتاع بكرى الممكن فى اى لحظه يرفعو براهو بقدرة قادر ولا احسن اساعدك اننا ننتشل بوستك الماشى للضياع ده ؟! , اقول ليك حاجه يا الخو ..ادفع للكمسارى واحرقها , فروما لاتخصنى
والله المتابع للبوست ده حا يقول انحنا بنتناقش زى ما بتناقشو ناس وضاح واساسى , وكحلوش بى لغة الرندوق , لكين مافى مشكله يا فرده
مش كده يا امدرمانيه ولا شنو عات

Post: #39
Title: Re: Rare Photo!
Author: عاطف عبدالله
Date: 15-01-2003, 07:08 PM
Parent: #37

الأصدقاء مصطفى وحسن ودافي وتمبس وكل الأصدقاء
لكم التحية أجمعين
أظن أنه مازال في معيتكم كثير من الصور والذكريات مع فنان القرن وأفريقيا وحبيب الشعب رقم واحد وردي فهل لي أن أقترح أن يكون هذا البوست هو في معية وردي والأمر مطروح لكل أهل البورد من يملك صور خاصة لهذا العملاق فليزين بها جيد هذا البورد
ولينزلها هنا
ولكم التحية

Post: #40
Title: Re: Rare Photo!
Author: Kabar
Date: 16-01-2003, 06:21 AM
Parent: #1

اخوي حسن ، فهمتك على الطاير..لكن بيني بينك لو جينا نحدد الفرق بين العاطفة والانتماء لسودنا السطور بما يشبه مداولات ابكر ادم والملا عمر في البحث عن مؤنث ملا..
طيب الصورة من نقاط النزاع المتفق عليها ،بدليل انو مصطفى بدا نوع من مشاريع الابتزاز الشاملة..لكن نحن لازلنا في انتظار الشمار، لأنك وعدت بعرض القصة..لأننا واللـه يا أخي عندنا حساسية من التأجيلات لأنها دائما بتذكرنا بحلم التنمية المؤجل لسنين عددا، في الوطن طبعا...اما ملزمة رفع المعاناة ودرء الكوارث فهذه اقرب منها عشم أبليس في الجنة..وباللـه عليك ماتبقى زي بريش تقضيها لينا محاورة ومراوغة لمن يوم نلقاك سبقت الكورة..
بختك يا مصطفى..اهو ملازم السقوط سوقها عامر..بس جهز المحابر..
ودمتم
كبر