Post: #1
Title: مرحبا ياسر هاشم خليل و نحن نذكر عزيزين (مصطفى ومحمود)
Author: Bakry Eljack
Date: 01-17-2004, 05:29 PM
الاخوة/ات اعضاء/عضوات البورد
اليوم و بينما انا اتصفح البورد مررت على بوست لى باسم تفكيك بنية الخطاب الدينى فاذا بى اجد رد للاخ ياسر هاشم خليل
وللذين لا يعرفون ياسر فهو من الشباب القلائل الذين نذرو حياتهم للكد والاجتهاد ومن المحبين و الموثقين لتجربة مصطفى سيد احمد والتى ساقت قدماه الى زنازين سجن النظام فى عهود التسلط والجبروت, وهو ايضا صاحب موقع كسلا اون لاين يعنى زميل مهنة مع الريس بكري ابو بكر.
اطل علينا اليوم ونحن نعيش حزنين , حزن فى ذكري مصطفى سيد احمد و حزن اخر فى ذكري اغتيال و استشهاد الاستاذ محمود محمد طه, فليكن نزوله علينا بردا وسلاما و مرحبا به و لايفوتنى ان اهنىء الاخ ياسر بمناسبة زواجه الميمون من عزة على خليل الخريجة من اقتصاد الخرطوم هذا العام فهما حلا علينا ضويفا فى ارتريا و مصوع و امتعانا بحديث عذب عن الماضى والاحلام فمرحبا بك اخى ياسر وحللت اهلا ونزلت سهلا و مرحبا بقلمك بيننا و ربما قد نحتاج قدراتك الفنية ايضا لتكون عونا للاخوان بكري ابوبكر والاخ خالد الحاج
الا رحم الله مصطفى سيد احمد
الا رحم الله سيد الشهداء محمود محمد طه
انه للحق يوم عاصف
ومرحبا ياسر وابقى لداخل
بكري الجاك
|
Post: #2
Title: Re: مرحبا ياسر هاشم خليل و نحن نذكر عزيزين (مصطفى ومحمود)
Author: kamalabas
Date: 01-17-2004, 05:39 PM
Parent: #1
مرحبا بالا خ ياسرهاشم خليل بيننا بالبورد
كمال عباس
|
Post: #3
Title: Re: مرحبا ياسر هاشم خليل و نحن نذكر عزيزين (مصطفى ومحمود)
Author: Raja
Date: 01-17-2004, 06:18 PM
Parent: #2
مرحبا بياسر هاشم خليل في المنبر الوطن..
ومرحبا بكل "القلائل الذين نذرو حياتهم للكد والاجتهاد"..
ومبروووك..
العزيز بكري..
انا قلت النضارة عايزة تغيير ولا شنو..
عشان مشيت رحبت في بوست ولقيت واحد حاييم بي هنا كمان  ..
|
Post: #4
Title: Re: مرحبا ياسر هاشم خليل و نحن نذكر عزيزين (مصطفى ومحمود)
Author: Bakry Eljack
Date: 01-17-2004, 06:37 PM
Parent: #3
الاخ:
كمال شكرا على ترحيبك الحار بالاخ ياسر
الغالية رجوية
والله اسمرا وحشتك
انت اليومين ديل السيد ما بجاي ما تجى تعملى ليك تغطية و منها طلة
يسلمو نضاراتك وعيونك يا ست انا النت خستك معاي شوية
احسن نواصل بجاي
شكرا ليك على حسن الترجيب و الاستقبال و ياريت نشوفك قريب و نعزمك سمك
بكري الجاك
|
Post: #5
Title: Re: مرحبا ياسر هاشم خليل و نحن نذكر عزيزين (مصطفى ومحمود)
Author: ياسر هاشم خليل
Date: 01-17-2004, 10:42 PM
Parent: #4
الأخوة الأعزاء بمنتدي سودانيز أونلاين والأخ بكرى ودالجاك والأخت raja والأخ كمال عباس
أشكر لكم ترحيبكم الحار بي بمنتدى سودانيز أونلاين ولعلها فاتحة شهية لي للمداومة بالكتابة في هذا المنتدى الذي يضم أمثالكم فلكم مني كل الشكر وأرجو أن أستطيع الإسهام بقد الإمكان في إثراء هذا المنتدى معكم. لكم منى كل الحب والتقدير
أخوكم ياسر هاشم خليل
|
|