بـوســــت إعتــذارات .....

بـوســــت إعتــذارات .....


19-05-2009, 04:10 PM


  » http://sudaneseonline.com/cgi-bin/sdb/2bb.cgi?seq=msg&board=339&msg=1284151677&rn=0


Post: #1
Title: بـوســــت إعتــذارات .....
Author: عماد محمود علي
Date: 19-05-2009, 04:10 PM

ياشباب أي زول مزعل ليهو زول أو مختلف معاه حد المقاطعة يجي يعتذر ليهو هنا ... مافي داعي للخصام والفجور .. المسألة ما بتستاهل .. كلنا بشر أسفيريين ( اعتقادياً ) فخلونا نكون موجودين في الحقيقة جالسين على بساط أحمدي نتقاسم هموم الوطن وأحزاننا وآلامنا مع البعض ونشيل هم بعض ونساعد بعض ونخلي الاختلافات الودت الحكومة في دهية خلونا حبائب واخوان وزملاء من قبل ومن بعد ... أها نبدأ بسم الله ...

Post: #2
Title: Re: بـوســــت إعتــذارات .....
Author: الطيب شيقوق
Date: 19-05-2009, 04:59 PM
Parent: #1

علا الرطاني

Post: #3
Title: Re: بـوســــت إعتــذارات .....
Author: عماد محمود علي
Date: 19-05-2009, 05:04 PM
Parent: #2

Quote: علا الرطاني

ياشيقا ياخي الرطاني ده أنت مفروض تسافر ليهو عدييييل كده وتعتذر ليهو .. وكمان تبوس رأسه .. ياللا تعال اعتذر ليهو هنا ولو بالحبر السري ياخ .... ومشتاقين ياممسوخ ....

Post: #4
Title: Re: بـوســــت إعتــذارات .....
Author: خالد عبد الله محمود
Date: 19-05-2009, 05:04 PM
Parent: #2



عماد يا عمكـ

أنا زعلان من جمال الوالي ..
خليهو يجي يعتذر لي ..
ولو جاب معاهو شنطة دولارات حأخت ليكـ صورة مزمل عديل كده في البروفايل بتاعي .. قصرت معاكم؟ !!


* مبادرة حلوة يا عمدة

Post: #5
Title: Re: بـوســــت إعتــذارات .....
Author: عماد محمود علي
Date: 19-05-2009, 05:14 PM
Parent: #4

خلودي ياعسل ...
تعرف ياخالد ، دائماً بتاعب مداخلاتك لانها بصراحة كده بتعجبني حتى ولو كانت ضد المريخ .. لانها بتجي بطريقة سلسه جداً جداً وبتحكي عن وعي ومهاترات مقصودة دون المعنى الحقيقي ...
ياخي مفروض الوالي ده يعتذر ليك عبر جريدة الصدى وبقلم مزمل كمان .. بس حكاية الشنطة دي ياخي خليها لينا عشان التسجيلات الجديدة استعداداً للبطولة الكبرى وكده ... وقع ليك ياعمك ...

أرقد عافية يامان ....

Post: #6
Title: Re: بـوســــت إعتــذارات .....
Author: الطيب شيقوق
Date: 19-05-2009, 05:26 PM
Parent: #5

Quote: .. ياللا تعال اعتذر ليهو هنا ولو بالحبر السري ياخ


يا زول انت حرم ما بكسروا خاطرك كان جيتنا في رقبة نعفاها ليك

لقيتني كيف؟

Post: #13
Title: Re: بـوســــت إعتــذارات .....
Author: عماد محمود علي
Date: 21-05-2009, 09:45 AM
Parent: #6

Quote: يا زول انت حرم ما بكسروا خاطرك كان جيتنا في رقبة نعفاها ليك

تسلم ياراقي ياأصيل انت ... بسم الله مايسحروك ....
Quote: لقيتني كيف؟

شديد ولضديد وكده

Post: #7
Title: Re: بـوســــت إعتــذارات .....
Author: هاشم أحمد خلف الله
Date: 19-05-2009, 05:48 PM
Parent: #1

ابو حسام الجميل والله أنا زعلان من بكري ابوبكر ده
خلي يرجع لينا الحضور حالاً .

Post: #8
Title: Re: بـوســــت إعتــذارات .....
Author: عبدالعزيز الفاضلابى
Date: 19-05-2009, 08:39 PM
Parent: #7

والزعلان من مرتو وهى مابتقرا سودانيز اون لاين
يعتذر ليها وين ,, وكيف يعرف انها قبلت اعتذارو.

Post: #9
Title: Re: بـوســــت إعتــذارات .....
Author: محمد البشرى الخضر
Date: 19-05-2009, 08:55 PM
Parent: #8

عماد ياخي ما تقوم تلف احسن
اعتذارات شنو و بطيخ شنو في الحر دا

Post: #10
Title: Re: بـوســــت إعتــذارات .....
Author: عماد محمود علي
Date: 20-05-2009, 05:53 AM
Parent: #9

ود البشرى ياراقي .... مشتاقين وكده ..
Quote: عماد ياخي ما تقوم تلف احسن

يا أخوي أنا فترته من اللف ده كدي كلم شيقا ده يلف نيابة عني وكده ...........
Quote: اعتذارات شنو

ياخي أنت مفروض أول زول يعتذر هنا .. مفروض تعتذر لي سيد اللبن وود الصائم ياخ ...
Quote: وبطيخ شنو في الحر دا

هسه الجاب سيرة المريخ شنو هنا ؟!!! عالم تحير ياخ !!!

Post: #18
Title: Re: بـوســــت إعتــذارات .....
Author: عماد محمود علي
Date: 26-05-2009, 08:49 AM
Parent: #9

ياود البشرى بالله عليك بطل الحركات بتاعتك دي .. ياخي مافيها حاجة تعال اعتذر لي ود الصائم ... ياخي الراجل يستحق تعتذر ليهو ياخ .... ما تستحي مافيها حاجة !!!!!

Post: #11
Title: Re: بـوســــت إعتــذارات .....
Author: عماد محمود علي
Date: 20-05-2009, 06:01 AM
Parent: #8

الفاضلابي ياجميل ... يسعد صباحك بكل خير يارب ...
Quote: والزعلان من مرتو وهى مابتقرا سودانيز اون لاين
يعتذر ليها وين ,, وكيف يعرف انها قبلت اعتذارو.

يازول ها .. والله يصلها ذي الترتيب ... أنت بس اعتذر وشوف بصلها كيف !! يا أخوي أنا زوجتي عمرها ما بتعرف حاجة اسمها سودانيزاونلاين وأول ما أصل البيت ألقى أي كلمة كتبتها هنا وصلتها بي هنااااك ، شوفتا السرعة دي كيف !!! بس أنت أكتب واعتذر ياالحبيب والخبر بصل قبل ما تقوم من مقامك !

Post: #12
Title: Re: بـوســــت إعتــذارات .....
Author: عماد محمود علي
Date: 20-05-2009, 07:20 AM
Parent: #7

شاعرنا الراقي الجميل هشومي ...
صباح فل وياسمين ياعسل ...
Quote: والله أنا زعلان من بكري ابوبكر ده

ياهشومي عاد في حد بيزعل من رئيسه ؟ بكوري ده كله خير وبركه .. بس الناس مابتساعده وهو لوحده بجابه ويقاتل من أجل منبر صافي وراقي كما كان من أول ، الله يجازي الهكر الكان السبب !!!
Quote: خلي يرجع لينا الحضور حالاً .

لعناية الريس بكري أبو بكر مع التحية .....
ياهشومي ينظر ويفاد .... والريس مابقصر بس تلزمه مساعدة منا بالالتزام بقوانين المنبر عشان يتفرق هو لاصلاح السيرفر وإعادة المنبر لتوهجه السابق وأفضل .. كان الله في عونه ...


ومشتاقين ياهشومي ياخ .. خلينا نشوفك ..

Post: #14
Title: Re: بـوســــت إعتــذارات .....
Author: bent awad el kareem
Date: 21-05-2009, 10:00 AM
Parent: #12

أنت يا خوي يا عماد أنشاء الله يارب يصلح حالك دنيا واخره
تعرف يا أخوي أهم حاجه انه النفوس تتصافي وكان النفوس اتصافت
كل حاجه بتبقى جميله وانا الحمدلله ما زعلانه من أي زول في الدنيا دي
بس عندي عتاب بسيط للباشمهندس بكري
يعني عفاف دي ما تعبت عديل كده من مراسلتك وقالت ليك ياربي رسائلي
دي قاعد تمشي واق الواق ....... والله ماعارفه واق الواق دي وين .... لكن هي البتفهمه كتير
أنشاء الله يا باشمهندس بكري تحن عليها....




بصدد فتح بوست أستجداء للباشمهندس للنظر في أمرها

Post: #15
Title: Re: بـوســــت إعتــذارات .....
Author: عماد محمود علي
Date: 24-05-2009, 05:55 AM
Parent: #14

بنت عوض الكريم

صباحك قشطة إنشاء الله ...
Quote: أنت يا خوي يا عماد أنشاء الله يارب يصلح حالك دنيا واخره

جمعاً إنشاء الله ...
Quote: تعرف يا أخوي أهم حاجه انه النفوس تتصافي وكان النفوس اتصافت كل حاجه بتبقى جميله

وهذا ما ننشده من خلال هذه البوست المتواضع ....
Quote: وانا الحمدلله ما زعلانه من أي زول في الدنيا دي

وإنشاء الله يوم زعلك ما يجي ..... ودائماً مبسوطة وسعيدة ..
Quote: بس عندي عتاب بسيط للباشمهندس بكري

والريس كله إذان صاغية ...
Quote: يعني عفاف دي ما تعبت عديل كده من مراسلتك وقالت ليك ياربي رسائلي
دي قاعد تمشي واق الواق ....... والله ماعارفه واق الواق دي وين .... لكن هي البتفهمه كتير
أنشاء الله يا باشمهندس بكري تحن عليها....

لعناية الأخ الباشمهندس الريس بكري ... ونثني طلبت الاخت الفاضلة بت عوض الكريم .. وننتظر كرمكم ياريس.
Quote: بصدد فتح بوست أستجداء للباشمهندس للنظر في أمرها

والريس حتماً سيستجيب لنداءك لانه عودنا على كرمه ونبله وصدق معاملته للجميع .... وقريباً سنرحب بالاخت عفاف بيننا .....
شكراً بت عوض الكريم .... وفي إنتظار الريس بكري ....

Post: #16
Title: Re: بـوســــت إعتــذارات .....
Author: د.نجاة محمود
Date: 24-05-2009, 05:58 AM
Parent: #15

انا بعتذر لمحسن خالد

ؤبث

Post: #17
Title: Re: بـوســــت إعتــذارات .....
Author: عماد محمود علي
Date: 24-05-2009, 06:07 AM
Parent: #16

هلا وغلا .. يامراحب بالدكتورة .... البوست منور ياستي ...
Quote: انا بعتذر لمحسن خالد

لعناية الاخ الفاضل محسن خالد ... ياخي إعتذار من الدكتورة !! ده ما هين تب ...
يديك العافية يادكتورة ونتمنى بأن يقبل محسن خالد هذه الاعتذار .....

Post: #19
Title: Re: بـوســــت إعتــذارات .....
Author: osman righeem
Date: 26-05-2009, 11:09 AM
Parent: #17

Quote: لعناية الاخ الفاضلة محسن خالد ...




و انت يا عمودي جهز اعتذارك لمحسن خالد من هسي




غايتو


مشتاقييييييييييين

Post: #20
Title: Re: بـوســــت إعتــذارات .....
Author: عماد محمود علي
Date: 26-05-2009, 12:24 PM
Parent: #19

ياخي أنا مستعد اعتذر لي جمهور الهلال زاتو ياخ بس ود البشرى ده يجي يعتذر لود الصائم ده ... قول ليه ياخي ما فيها حاجة ... مايكون زول سجمان ساكت ومعقد ياخ .

وبالجد كده ياخي شوقنا محيط .... بعدين مالك غائب بي هنااااااك .. الشغلانه ولعت عدييييل كده !!!

Post: #21
Title: Re: بـوســــت إعتــذارات .....
Author: khaleel
Date: 26-05-2009, 12:56 PM
Parent: #20

اعتذر للقراء

بسبب عدم حضور قودوين

Post: #22
Title: Re: بـوســــت إعتــذارات .....
Author: عادل جبارة
Date: 26-05-2009, 01:11 PM
Parent: #21

يا عمدة .. أنا طالبك إعتذار وشايفك مطنش لحدي الآن
ح تعتذز والالالالالالا ............

Post: #23
Title: Re: بـوســــت إعتــذارات .....
Author: عادل جبارة
Date: 26-05-2009, 01:13 PM
Parent: #21

بعدين يا خي ما عايزين نشوف حضور و لا حاجة .. هاشم دا مالوا عايز يزعلني تاني ياخ ؟؟؟؟؟؟؟؟؟؟؟؟؟

هو يا عمدة داير يشوف منو ؟؟؟؟

Post: #24
Title: Re: بـوســــت إعتــذارات .....
Author: محمد البشرى الخضر
Date: 26-05-2009, 02:33 PM
Parent: #23

حاضر يا عمدة ولا تعذّب حالك
اعتذر لي حمووودي و اعتذر ليك و لكل التتياب*
بس ساعدني عليك الله بالصيغة المناسبة للإعتذار و بسبب الإعتذار زاتو شنو؟







* تتياب : آل تتّي

Post: #25
Title: Re: بـوســــت إعتــذارات .....
Author: محسن خالد
Date: 30-06-2009, 08:36 AM
Parent: #24

Quote: انا بعتذر لمحسن خالد
ؤبث
نجاة محمود
يا دكتوره نجاة عذرك دا أنا قبلتو من زمااان، هنا ما كان قريتو، وراني ليه صديقي القلتلك زمان اسمه مازن الدومي، كان ما عرفتيه، ح أقولك الخاته فوقو الحبل الدكتوره رشأ (حلوة القلبة دي، مش؟) وألا الدكتور الحضّر في بلاد المواليز.
بعدين أبو ساندرا ما معاي في الاعتذار دا؟ الراجل أب سناً ملوية داك والله حبوب خلاس!؟ لوووول
يضحك نهاركم

----------
مشكور يا عمدة سيد المضيفة