Post: #1
Title: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-22-2008, 08:51 AM
مضت حتى الآن ثلاث سنوات منذ أن أعلن مستشفى هداسا "الإسرائيلي عن موت رئيس الوزراء الاسرائيلي السابق اريل شارون دماغيا,الرجل عند موته سريريا كان يبلغ من العمر (78) عاما وقد بلغ الآن (81) عاما ولا يزال مجهجها,وبما إن اليهود اشتهروا بالمكائد والدهاء فليس من المستبعد أن يكون شارون قد قصد بهذه الحيلة الماكرة التهرب من الحساب. لم لا؟ فالرجل من وجهة نظر الطب حي يرزق وبما انه على قيد الحياة فما حدش يقدر يقوله تلت التلاتة كم؟ وما على من يتولون الحساب إلا إن يمسكوا بدفاترهم و يربضوا بجوار سريره حتى يفارق الحياة .
الموت السريري كلمة مشتقة من السرير ومعناها إن الميت سريريا يظل ملازما سريره بعد أن تتعطل وظائف الجسم الحيوية,ويقابله بالسوداني الموت العنقريبي بيد إن السودانيين لا صبر لهم على هذه المرابطة والجهجهة فمجرد أن تتوقف الأعضاء الظاهرة عن الحركة يهرعون بصاحبهم على عجل إلى مثواه الأخير.
دار جدل واسع في المملكة قبل فترة عن الاستفادة من أعضاء المتوفين دماغيا وجاء في الأخبار إن المستشفيات تسجل سنويا قرابة الثلاثة آلاف حالة موت دماغي معظمها نتيجة حوادث السيارات وبرز تساؤل كبير لماذا لا تتم الاستفادة من أعضاء المتوفين دماغيا في هذه الحوادث في إنقاذ حياة آخرين؟.
معلوم إن السيارات التي تتعرض لحوادث كبيرة يتعذر معها تصليحها تتم الاستفادة منها عن طريق (التشليح) وهو إعادة تركيب الأجزاء الصالحة من هذه السيارات في سيارات أخرى.ومن هنا جاءت فكرة (تشليح) الأموات عبر الاستفادة من أعضائهم أسوة بسياراتهم.
تشعب ذلك الجدل وحمي وطيسه وأذكى أواره فقهاء وأطباء وباحثون اجتماعيون وصحافيون ولا يهمني شيء من أمر هذا الوطيس الحامي بيد إنني أعلن هنا وبوضوح تام عدم رغبتي في نقل أعضاء أي شخص ميت إلى جسمي وعدم رغبتي في نقل أعضائي في حالة موتي دماغيا إلى أي إنسان كائن من كان وأسبابي في ذلك تجل عن الحصر فهب مثلا انه نقلت إليك ذراع نشال وعشت بها ما شاء الله لك ثم جيء بك يوم القيامة فإذا بذراع النشال التي أصبحت جزاء منك ودفنت وبعثت معك تشهد عليك يوم القيامة انك نشال؟ وكيف تستطيع في تلك اللحظات الحرجة جدا أن تثبت إن هذه الذراع نقلت إليك من نشال توفي دماغيا وإنها تظن انك هو؟
وهب مثلا انه نقل إليك قلب رجل رقيق ابتلي بالعشق والهيام كيف تستطيع أن تعيش بهذا القلب الهبابة في نواحي غرب شندي؟
وهب مثلا انه نقلت إليك كبد وأحشاء امرأة ولود ودود من يضمن لك إن رحما وجنينا لن يتكونا في أحشاءك بمرور المزمن ؟
ومع كل أعلن عن تبرعي بكامل أعضائي في حال موتي دماغيا وفي حال حياتي أيضا للفاتنة بريتني سبيرز في حال تعرضت لأي حادث لا قدر الله ,فليس أجمل من أن يعيش جزء بعد موتك منك بجوار بريتني.
|
Post: #2
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: لؤى
Date: 04-22-2008, 09:18 AM
Parent: #1
ـــــ
أنا في البعيد مشتاق لهمسة من الوطن يا نسمة
|
Post: #3
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: نورالدين بابكر بدري
Date: 04-22-2008, 09:28 AM
Parent: #2
معاد حسن - يا مجنون
والله واحشتنا موت
الغريبة لي تلاتة يوم بفكر اكتب بوست اسأل عليك
ليه الغيبة الطويلة دي- ونحنا بنحب جنك كتابتك المجنونة
الحمد لله على سلامة العودة
نورالدين
|
Post: #5
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: على محمد على بشير
Date: 04-22-2008, 09:34 AM
Parent: #3
| Quote: وهب مثلا انه نقل إليك قلب رجل رقيق ابتلي بالعشق والهيام كيف تستطيع أن تعيش بهذا القلب الهبابة في نواحي غرب شندي؟ |
قرقرقرقرقرقرقرقرقرققرقرقرقر
يجازى محنك يا معاذ 
|
Post: #13
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-22-2008, 10:22 AM
Parent: #5
Quote: وهب مثلا انه نقل إليك قلب رجل رقيق ابتلي بالعشق والهيام كيف تستطيع أن تعيش بهذا القلب الهبابة في نواحي غرب شندي؟
قرقرقرقرقرقرقرقرقرققرقرقرقر
|
يا محمد علي لا تستغرب
فالعيش في تلك الانحاء النائية يتطلب ان تتمتع بـ
أيطلا ظبي وساقا نعامة وعكاز عكليت
|
Post: #10
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-22-2008, 09:43 AM
Parent: #3
| Quote: الغريبة لي تلاتة يوم بفكر اكتب بوست اسأل عليك |
نور الدين
يديك العافية ويمتعك بسمعك وبصرك واعضاءك ما حييت قول امين
|
Post: #4
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-22-2008, 09:34 AM
Parent: #2
لؤي حرام عليك خوفت ولدنا حتوت بالصورة دي
بيني وبينك انا ذاتي خفت خلي حتوت
يا اخوي الراجل مات وشبع موت دي حركات اسرائيلية ساكت
نحن كان ما متنا شقينا المقابر.
|
Post: #8
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: Emad Abdulla
Date: 04-22-2008, 09:37 AM
Parent: #2
| Quote: أعلن عن تبرعي بكامل أعضائي في حال موتي دماغيا وفي حال حياتي أيضا للفاتنة بريتني سبيرز في حال تعرضت لأي حادث لا قدر الله , |
تخيل بريتني بعضو من شخص من جهة شندي !!! ..
زندقة و أيم الحق .. و خلقَنة بيّنة و عشكبة .
داير تعولق بت الناس ؟ ..
هسه المسيكينة دي يوم الموقف العظيم تقوم تشهد عليها كراعك مثلا ؟؟ ( أوعك تديها شي غير كراع السجم دي ) ..
- بريتني بكراع معاذ .. !!!! يا ربي ما تمحنّنا -
أعضاءك الباقية ما مضمونة تقول شنو اليوم داك .. تقوم تفِتّك .. و نبقى في حاو و تُر ..
إنا لله ..
.....
أنا داير جينيفر لوبيز تتبرع لي بالهناي العملت ليهو تأمين داك ..
البتاع ده بيكون بيشهد برضو يا معاذ ؟؟
|
Post: #12
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-22-2008, 10:05 AM
Parent: #8
Quote: ( أوعك تديها شي غير كراع السجم دي ) ..
- بريتني بكراع معاذ .. !!!! يا ربي ما تمحنّنا -
|
ما تتمحن يا عمده المضطر يركب الصعب
وقد كتبنا لها مكتوبا انه اذا حدث لساقها مكروه( لا قدر الله )زودناها بكراعنا ان رضيت!!
|
Post: #6
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: مازن الجمّال
Date: 04-22-2008, 09:35 AM
Parent: #1
معاذ
خليت رويدا المحروقي خلاص وقبلت على بريتني
بالغت مع بت الناس لكن
|
Post: #14
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-22-2008, 10:28 AM
Parent: #6
Quote: معاذ
خليت رويدا المحروقي خلاص وقبلت على بريتني
|
الشاعر مازن هاشم
وين انت يا بلا
اتصلت عليك يوم سهرة هارموني جوالك مغلق
ما حدسوك رويدا عرسوها وولدت ودا كلو ما كان يمنعني احبها ليوم القيامة
المصيبة سمنت وعملت كريشه!! تصور
|
Post: #7
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: تيسير عووضة
Date: 04-22-2008, 09:36 AM
Parent: #1
Quote: بريمة غايتو عندك المحن !
أنا عن نفسي ما دايرة أتبرع بجثماني ولا جثمان* أي زول من قرايبي بعد الموت
(مهما كانت الأسباب) والكلام دا ممكن يعتبر وصية والوصية في الذمة ,,
كفاية الشلهتة ونحن أحياء شلهتة الموت دي ما بنقدر عليها 
ـــــــــــــ
*جثمان = البودي + الشاسيه + المكنة |
Quote: بريمة ..
أنا مع الإنسانية أينما ذهبت ..
وإنسانيتي دي زاتا بتفرض على إني ما أفكفك جثماني (إسبيرات)وأتبرع بيهو
أنا حية لو في زول إحتاج لكليتي مثلاً بتبرع بيها (لاحظ أتبرع وليس أبيع)
لكن بعد ما أموت من أبسط حقوقي كـ(إنسان) إني أكون راقدة في حتة واحدة
مش قلب في السودان وكبدة في اليونان |
هل تتبرع بجثمانك أو جثمان قريبك بعد الموت من أجل فائدة الأنسانية!
|
Post: #11
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-22-2008, 09:59 AM
Parent: #7
Quote:
هل تتبرع بجثمانك أو جثمان قريبك بعد الموت من أجل فائدة الأنسانية! |
تيسير أكان على الجثامين انا متبرع من حسي بكامل العفشة تبعي (البودي ومحقاته)
لكن حكاية يلصقو لي كراع واحد خواف والا مرا خفيفة أبدا!!!
ونقل الدم دا ذاتو عندي فوقو راي لانو ممكن يكون المتبرع زول دمو تقيل.
|
Post: #9
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: ناذر محمد الخليفة
Date: 04-22-2008, 09:41 AM
Parent: #1
|
Post: #15
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: abuguta
Date: 04-22-2008, 10:36 AM
Parent: #9
ياخى افتقدتك
فى حلقة هارمونى التى اقمت فى غرب شندى
فى ديار جدك الحسن ود ضبعة,,,
كم تمنيت لك البطان وسط تلك اللمة
اظهر ياخى فى سوق التشليح
|
Post: #22
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-22-2008, 06:05 PM
Parent: #15
ابو قوته النشمي
تعرف صاحبي مخلص مبسوط منك شديد
واحتمال يعمل فيك اغنية زي الحسن ود ضبعة
Quote: كم تمنيت لك البطان وسط تلك اللمة
|
اخوي كفانا بطان مدرس الحساب بتاع الابتدائي
ورم صليبنا ذاتو.
|
Post: #17
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: tmbis
Date: 04-22-2008, 11:16 AM
Parent: #9
| Quote: دار جدل واسع في المملكة قبل فترة عن الاستفادة من أعضاء المتوفين دماغيا وجاء في الأخبار إن المستشفيات تسجل سنويا قرابة الثلاثة آلاف حالة موت دماغي معظمها نتيجة حوادث السيارات وبرز تساؤل كبير لماذا لا تتم الاستفادة من أعضاء المتوفين دماغيا في هذه الحوادث في إنقاذ حياة آخرين؟ |
.. يا معاذ
تعرف الصيف اللي فات .. مع أمطار السخانة (المشلحة) من السحاب بتاع الحتات التانية .. لازمتني فوبيا وحب (تشليح) غريب جدا
وقتها:
كلما اسمع لي صوت طيارة .. اطلع السطوح .. اقول دي طيارة معاذ جاية (ترش) ..
علشان كدا انا بتفق وبتضامن معاك في اي مشروع مستقبلي بتاع (تشليح)..
بي صورة أوضح:
يعني ممكن لو عندك (بنقالي) عامل ليك حبس كبس .. نحن على كامل الاستعداد .. نسلفك (تشليحياَ) يد (وكراع) مقاس تلاتة واربعين
اصلك كملان من لحم الدنيا.. كان لم فيك بنقالي بيغسل عربات ممكن (يغسلك) (ويشلحك نقرابي ) .. (وينحاش)
ملحوظة:
التسليف التشليحي اعـــلاه .. غير خاضع لي قانون القطع والتلذيق .. يعني ممكن تستعين بينا بي (صمة خشمنا) قطعة واحده زي الجربوكس الاوتوماتيك بتاع الأمريكي ..
| Quote: ومن هنا جاءت فكرة (تشليح) الأموات عبر الاستفادة من أعضائهم أسوة بسياراتهم. |
أما بالنسبة لي شارون:
كان لقيت لي طريقة .. وجازفت لي (جيبــو) تكون خدمتني ..
زي شارون دا جيبو بكون غريق خلاص ..
والله جيب (دكـــين) بس 
|
Post: #24
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-23-2008, 09:23 AM
Parent: #17
Quote: يا معاذ
تعرف الصيف اللي فات .. مع أمطار السخانة (المشلحة) من السحاب بتاع الحتات التانية .. لازمتني فوبيا وحب (تشليح) غريب جدا
..
|
تمبس العريس شخشيا
يا اخوي السنة دي عمليات تزوير الامطار فشلت تماما والجماعة رجعو تاني لصلاة المطر وبرضو ما جابت نتيجة.
| Quote: علشان كدا انا بتفق وبتضامن معاك في اي مشروع مستقبلي بتاع (تشليح).. |
تعرف يا تمبس العلماء قالوا الدنيا دي كلها قايمة على التشليح
يعني شدرة الطندب القايمة فوق قبر حوبتي الله يرحمها هي بعض من حبوبتي ذاتا بعد ان تشلحت وتحولت الى شجرة.ولو يوم مشيت المقابر واكلت ليك (حنبقة) من الشدرة دي تبقى اكلت جزء من حوبتي.
| Quote: زي شارون دا جيبو بكون غريق خلاص |
أكان جيبو ما غريق يزوغ من القيامة تلاتة سنين!!
|
Post: #21
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-22-2008, 05:56 PM
Parent: #9
صاحبي ابو النيز
|
Post: #16
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: الطاهر عثمان
Date: 04-22-2008, 10:43 AM
Parent: #1
معاذ والله مشتاقين
وين يازول مختفي كده..
اما نواحي غرب شندي؟ و(عيون) هذه النواحي
والله كلامك صاااح
بالجد عايزه ليها قلبا تخييين
|
Post: #18
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: اساسي
Date: 04-22-2008, 11:25 AM
Parent: #16
| Quote: أنا داير جينيفر لوبيز تتبرع لي بالهناي العملت ليهو تأمين داك .. |
حرام عليك يا عمدة داير تستأثر بيهو براك ؟
داك مفروض يركبوا في عمود للسابلة والفريجة
بعدين هب انه اتبرعت ليك بيهو
تشق ديم القنا كيف تاني؟وحاتك لو بي راكب هليكوبتر بيجيبوك
|
Post: #26
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-23-2008, 10:26 AM
Parent: #18
| Quote: داك مفروض يركبوا في عمود للسابلة والفريجة |
حج يا حاج
|
Post: #20
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: Ali Alhalawi
Date: 04-22-2008, 02:40 PM
Parent: #19
| Quote: إن اليهود اشتهروا بالمكائد والدهاء |
و مالهم اليهود .. أليسوا خلق الله .. و هل هم أكثر مكيدة و دهاء منكم أيها المستعربون
| Quote: فكرة (تشليح) الأموات عبر الاستفادة من أعضائهم أسوة بسياراتهم |
مالكم كيف تحكمون .. هذه إساء واضحة للانسان الذى خلقة الله فى أحسن تقويم .. فكيف تشبهونه بالسيارات التى هى من خلق الشيطان
| Quote: كيف تستطيع أن تعيش بهذا القلب الهبابة في نواحي غرب شندي؟ |
و مالم ناس شندى .. هل فى قلوبهم وبر .. أنهم يعشقون كما يعشق جميع خلق الله .. يحبون و يكرهون .. يجكسون و يشوكشون .. أم هذه حقارة منكم للمهمشين!
| Quote: فليس أجمل من أن يعيش جزء بعد موتك منك بجوار بريتني |
ياها دى حالتكم يا الجلابة .. طوالى جاريين لبريتني و جنيفر .. كدى عيب لى لى ناس عشة و حوا .. عمايلكم دى ما بتفوت علينا نحنا .. و كل حقارتكم للتعابة و المهمشين نحنا راصدنها .. و بالذات إنتا يا معاذ من يوم حملتك على إخوتنا البنقالة
و ضحك الضبع الكبير ها ها هها ..
سلام صديقى معاذ .. معليش بوظتا البوست .. خلاص أمسحا لى فى كيبوردى .. أصلى اليومين ديل داخل فى كورس مكثف لإدارة الشكل .. و الآن أقرا فى كتاب "تعلّم الشكل فى أسبوع" .. و هذا يومى الثالث و قلتا أجرّب حتى لا يضيع جهدى فشنك .. فكنت أنت سئ الحظ الذى أخترته لأستعرض مهاراتى الشكلية لأنى أدرك أنك كثير الغياب و حين تعود لترد علىّ يكون الموضوع إتلحس و ذهب به سيد الحوش للأرشيف .. أو تدخّل الخيّرون يناصرون هذا الجانب أو ذاك .. فتقوم الكتاحة و تعلو العكاكيز فى السماء و لا يجد صاحب الدارة من قوانينه ما يطفئ أوارها .. فيذهب به لقاع الخور
| Quote: فليس أجمل من أن يعيش جزء بعد موتك منك بجوار بريتني |
و الأجمل أن يعيش جزء من بريتني بجوارك بعد موتها .. و أن تنغرس عيناها فى مغارتيك
|
Post: #28
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-25-2008, 09:39 AM
Parent: #20
| Quote: و الأجمل أن يعيش جزء من بريتني بجوارك بعد موتها .. و أن تنغرس عيناها فى مغارتيك |
الحلاوي يا اخوي الظاهر الحكومة اليومين دي ختت ليك الحبل على الغارب وخلتك تتجدع ساكت
الكلام دا بدينك ما تاخدك الهاشمية نحن ناس متمردين وبايعنهااما انتم فسوف تحاسبون على هذا حسابا عسيرا.
اخبارك ايه!
|
Post: #27
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-23-2008, 10:34 AM
Parent: #19
عزيزي حيدر
حمدا لله على السلامة وانشاء الله انبسطت في الاجازة
انتظرناك طويلا.
|
Post: #25
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-23-2008, 09:46 AM
Parent: #16
Quote: اما نواحي غرب شندي؟ و(عيون) هذه النواحي
والله كلامك صاااح
بالجد عايزه ليها قلبا تخييين |
الطاهر اخوي
عندنا كافة انواع العيون
العيون الحمراء
والعيون الحارة
والعيون التي في طرفها حور
|
Post: #23
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: محمد البشرى الخضر
Date: 04-22-2008, 07:07 PM
Parent: #1
لا حولا ولا قوة
الخلعة الدخلها فيني الطاهر ساتي لأسة ما مرقت يا معاذ
قلت اتاريني بقيت كتابن كدي متين
و بما اني هنا فاحب اعلق على موضوع البوست وكدا
عماد عبدالله هو شنو هو تركبوا ساي إنتو
من متين دفرنش الليكزس بقى يشتغل في الهايلوكس الـ 78
جمال هقلة* ما يولفوا ليك دا ياخ
* جمال هقلة احرف ميكانيكي إختصاصي توليف في الصحافة
|
Post: #29
Title: Re: شارون زايغ من القيامة.. والتبرع بأعضاء الميت برضو زوغان من القيامة.
Author: معاذ حسن
Date: 04-26-2008, 08:29 AM
Parent: #23
Quote: لا حولا ولا قوة
الخلعة الدخلها فيني الطاهر ساتي لأسة ما مرقت يا معاذ
|
ابو حتوت الاصلي
تعرف ولدنا حتوت الله يغطي عليهو ما صدقت بعد حناسة ورشوة بشيكولاته جبتو معاي هنا
من شاف صورة شارون قام مفلفل حسي تلقاهو وصل افريقيا.
Quote: من متين دفرنش الليكزس بقى يشتغل في الهايلوكس الـ 78
|
ههههههههههههه
|
|