يا عم ......كبَّر دماغك .....!!

يا عم ......كبَّر دماغك .....!!


11-06-2008, 01:40 PM


  » http://sudaneseonline.com/cgi-bin/sdb/2bb.cgi?seq=msg&board=336&msg=1240329342&rn=3


Post: #1
Title: يا عم ......كبَّر دماغك .....!!
Author: معاذ حسن
Date: 11-06-2008, 01:40 PM
Parent: #0


حتى قبل ثلاثة شهور
كنت أحرق دمي كل يوم ألف مرة
أدخن عشرين سيجارة في اليوم
اتهاوش مع اللي يسوى واللي ما يسوى لأسباب تستحق وأخرى لا تستحق
افني سحابة نهاري في كد وشقاء كأنني أعول درزن من اليتامى
أقضى نصف ليلتي مع قناة الجزيرة الفضائية أتابع حصاد اليوم من الكوارث والحرائق والحروب والفيضانات .
هذه الأيام بحمد لله توقفت عن التدخين إلى الأبد
انتزعت المؤتمر الوطني( الله يقرفه) من دماغي فمالي والهم إذا كان الجمهور عايز كدا أنا مالي!!؟؟
هو أصلا ما كان عندي نضالا قاطع لو فرقة , اللهم مغص وهم في الفاضي!!
الشغل على قدر ما أقدر ...
أي مشوار مجاملات وما منه فايده مباشرة أصبح خارج حساباتي يعني أفرض لم فيني واحد قاطع إشارة وشاتني أروح في حق الله ساكت كدا!!؟؟
الصلاة والعبادات ذاتو ما في داعي للتعب الشديد يعني قدر ما تدخل كراعك مع الناس في طرف الجنة كفاية ..هو إحنا كنا طايلين حاجة في الدنيا يا أخي إن شاء الله في ضلها بس.
تحولت من قناة الجزيرة وهمها إلى قنوات البهجة التي اكتشفت إنها بالكوم , ساكت كنت مضيع رقبتي!!
كما كانت تقول أمي دائما (مضارفة المؤمن على نفسو حسنة)!!
( المضارفة) تعني العناية والاهتمام والمعنى إن الله يثيبك جزيل الثواب عندما تهتم بنفسك ( ملحوظة لم يتسنى لي أن أتاكد من الوالدة حفظها الله هل المقولة أعلاه هي مثل وإلا حديث شريف وإلا كلام في أم وسيع ساكت).

بعبارة أخرى بقيت شغال بالمقولة المصرية (يا عم ....كبَّر دماغك)
وأصبحت مكبَّر دماغي عا الآخر ومبسوط ومستأنس والحمد لله الحكاية دي لحدي الآن ماشة معاي تمااااااااام.
بدون مقدمات وبمعدل ست أو سبع مرات في اليوم تقفز إلى خاطري قصيدة أحفظها من أيام الابتدائي, فأطلق عقيرتي بها في الحمام عندما أجد الجو مناسباوأطلق عقيرتي - في سري- إذا لم يكن كذلك.
في الحالتين احرص على ترتيل القصيدة بلحن الابتدائي.
ونخلـة غضـة الأفنـان باسـقـةً
قالت لأترابهـا والصيـف يحتضـرُ
إني أُكلـف نفسـي فـوق طاقتهـا
وليس لي بل لغيري الظـل والثمـرُ
لأقصـرنّ علـى نفسـي عوارفهـا
فلا يبيـن لهـا فـي غيرهـا أثـرُ
وإني مفصلتٌ ظلـي علـى جسـدي
فـلا يبيـن لـه طـولاً ولا قصـرُ
ولسـت مثمـرةً إلا علـى ثـقـةٍ
أن ليـس يأكلنـي طيـرٌ ولا بشـرُ

Post: #2
Title: Re: يا عم ......كبَّر دماغك .....!!
Author: Eng. Mohammed al sayed
Date: 11-06-2008, 01:53 PM
Parent: #1

Quote: وأصبحت مكبَّر دماغي عا الآخر


انت اقعد كبر في دماغك لحدي ماماتقدر تطلع العراقي.




..........................................................
الشوق بحر يامعاذ
نورت خميسنا

Post: #3
Title: Re: يا عم ......كبَّر دماغك .....!!
Author: معاذ حسن
Date: 11-06-2008, 01:56 PM
Parent: #1

اكتر زول في الدنيا مش مكبَّر دماغه خالص هو الاخ بكري ابو بكر
رغم انه دماغه تبدو كبيرة (ظاهريا) الا انه مش مكبر دماغه على الاطلاق!!!
يا عم ايه الهم اللي انت رامي نفسك فيه دا
شيء هكر وشيء ناس حكومة حرامية وشيء حركات (مشلحة) وشيء معارضين ضل بارد ومعارضين تحت الشمس
وشيء موهوبين وشيء موهومين.
لا وايه ..مش عاجبهم العجب.
يا عم ارحم نفسك.يا عم كبر دماغك
دا ايه دا... يا خي...

Post: #4
Title: Re: يا عم ......كبَّر دماغك .....!!
Author: معاذ حسن
Date: 11-06-2008, 02:15 PM

Quote:
انت اقعد كبر في دماغك لحدي ماماتقدر تطلع العراقي.


محمد يا سيد ,,مشتاقين
كبَّر دماغك ومش حا تندم

تعرف الشغلانة دي روشتة للسعادة (والتنوع وراحة البال) مضمونة ومجربة
ليت سياسينا يكبرون دماغهم
وليت اكبر عدد من شعبنا يكبر دماغه
اذن لحظينابالسعادة والسلام والاستقرار والصحة الجسدية والنفسية

بالمناسبة اكتر شعب مش مكبر دماغه هو شعب الهوتو والتوتسي يليه الشعل الصومالي الشقيق ثم الشعب السوداني..

Post: #5
Title: Re: يا عم ......كبَّر دماغك .....!!
Author: معاذ حسن
Date: 11-06-2008, 02:25 PM
Parent: #4

من خلال متابعاتي
اكتر واحد في المنبر مش مكبَّر دماغه(هذه الايام) هوالاخ/ تمبس

واكتر واحده مش مكبرا دماغها هي الاخت/ تراجي مصطفى.

Post: #6
Title: Re: يا عم ......كبَّر دماغك .....!!
Author: Eng. Mohammed al sayed
Date: 11-06-2008, 02:26 PM
Parent: #4

Quote: تعرف الشغلانة دي روشتة للسعادة


صدقت أخي معاذ
لا أكذبك قولا انني مؤخراً أعمل كثيرا بها
وربما أول مرة كبرت فيها دماغي لما مفتاح الدولاب راح وانا في المرحل المتوسطة كبرت دماغي عنوا
وبعد شهور عددا وجدت محتويات الدولاب عبارة عن اثار وكنوز وصور تاريخية قضيت فيها ليلة ولا علي بابا وكنوز الاربعين حرامي ...استمتع لمااان نسي باس ويرد المغارة.

الروشتة دي في الغربة مافي بعدها روشتة

Post: #7
Title: Re: يا عم ......كبَّر دماغك .....!!
Author: معاذ حسن
Date: 11-06-2008, 02:40 PM
Parent: #6

Quote: الروشتة دي في الغربة مافي بعدها روشتة


منوّر يا حاج محمد
....
الاخ/ حسين ملاسي هو اكتر واحد في المنبر بيفتكر انه مكبر دماغه
بس هو مش مكبر دماغه ولا حاجة !!

Post: #8
Title: Re: يا عم ......كبَّر دماغك .....!!
Author: Eng. Mohammed al sayed
Date: 11-06-2008, 03:03 PM
Parent: #7

Quote: بس هو مش مكبر دماغه ولا حاجة !!


قريت ليهو بوست عن معالجة مافوق الدماغ بتاع اليوم(.. تقول ياليل) الجماعة قالوا ليهو كلامك دا حمال اوجه في لغة الخليج.

اها بورداب الرياض
.................
خباروا صديق الموج مكبر دماغوا عن المنبر
...............
هشام آدم مرت عليهوا فترة كبر دماغوا عن المنبر
.............
(حميده) رغم مشاركاته الكتيرة بعتقد انوا مشتري دماغوا علي الاخر بمجرد مايقفل البورد عقلوا الباطني بقول ليهو,,,,,,,,, بس خلاص ولا حصل شئ

Post: #11
Title: Re: يا عم ......كبَّر دماغك .....!!
Author: معاذ حسن
Date: 11-06-2008, 06:04 PM
Parent: #8

منوّر يا محمد
بورداب الرياض
اكتر زول مكبَّر دماغه هو وليد شريف
واكتر زول عنده امكانية يكبر دماغه هو دكين بس مرات كدا ما بيكبرش .
هشام وحميده بعيدين شديد
الموج مرات كدا بكبر دماغه عا الاخر.

Post: #9
Title: Re: يا عم ......كبَّر دماغك .....!!
Author: عبد اللطيف بكري أحمد
Date: 11-06-2008, 03:46 PM
Parent: #1

قبل يومين نزلت صورة بالشماغ والعقال في البروفايل، وكانت
بالأمانة وجيهة وعاجباني وفوق لكدا فيها إستجابة مسبقة لدعوتك
دي انو الواحد يكرب دماغه ،، شبكوني ناس تامبا ايشلونك وسم طال
عمرك ، جاء بعدها خبر عزاء وفاة أحد تلامذتي الأفذاذ فخلعت الشماغ
وقلت مايصح الواحد يمشي يعزي بالشكل دا،،، هو في الحقيقة أنا لبستها
بمناسبة فوز أوباما والنشوة العارمة لأهل الهامش قلت أحسن الواحد يكبر
دماغو ويتودد لأهلنا في جزيرة العرب، وينسى حكاية السودان دا لأنو الظاهر
اوباما دا كان مترشح في ام قرنا تشاك ،،

المهم يا معاذ الراس داش وماعرفين تكبر دماغك يعني تعمل شنو في الأساس،
يعني مثلا عودتك للكتابات الرائعة دي كبرت دماغك ولا عايز تنحاش وتكون فعلت
الصواب؟؟؟؟
المهم عودتك أعطتنا دافع كبير للبقاء هنا مهما كان قطر فتحة العراقي لدينا،،
وخلينا نخلي التدخين بعد اسبوعين بإذن الله ونبدأ تنفيذ وصية ست الحبايب
بالمضارفة

تحياتي يارائع،،،،

Post: #12
Title: Re: يا عم ......كبَّر دماغك .....!!
Author: معاذ حسن
Date: 11-06-2008, 06:21 PM
Parent: #9

Quote:

وخلينا نخلي التدخين بعد اسبوعين بإذن الله ونبدأ تنفيذ وصية ست الحبايب
بالمضارفة


صديقي عبد اللطيف
تعازينا في تلميذكم
تعرف موضوع الدخان دا انا بديت بيهو حكاية تكبير الدماغ دي
مثلا زمان بدخن اربعة سجارات عشان اعمل لي بوست في سودانيز اون لاين اهزر فيه مع واحد وأزعل مع واحد,وتاني يوم البوست يمشي الصفحة العاشرة.
طيب استفدت شنو؟ يا عم كبر دماغك واشترى صحتك.
Quote: المهم يا معاذ الراس داش وماعرفين تكبر دماغك يعني تعمل شنو في الأساس،


العبارة ما اظن عندها مقابل بالسوداني
طبعا عندي امكانية اشرحها بالتفصيل
بس ليه اتعب نفسي... انت نسيت اني مكبر دماغي .

Post: #10
Title: Re: يا عم ......كبَّر دماغك .....!!
Author: ismeil abbas
Date: 11-06-2008, 04:30 PM
Parent: #1

معاذ حسن/الجميل

السلام عليكم...ولك التحية

والله يا معاذ الليلة أكبر ليك دماغى لحدى ما أضرب ليك الشاشة هد((Hed)),واجاملك فى البوست الظريف ده لحدى ما تقول لى على قول ودالصايم ياعمك ما كفاية

إنت عارف الواحد بدخل المنبر ده مرة رايق ويقابلو ليك بوست من البوستات المفخخة ديك يعكر مزاجو..ومرة يجى مدبرس ويلقى بوست زى بوستك ده وينداح..

بصراحة أنا كنت لا اعرف وحتى ألأن تكبير الدماغ إلا قليلآ.لآنى فى طبعى شوية ما بحب أنصاف الحلول..لكن والله المنبر ده أحمد ليهو هذا الشى إتعلمت منه الصبر..ويشكر.. ناس....إحم إحم..وناس..ترم ترم..عذبونا عذاب الويل..كلام لا ليهو اول ولا آخر تجى تقول رايك يخلو الموضوع يشبو ليك فى حلقك..
فى احد رحلاتى التعريفية مع العمل..مشينا أمريكا..وهناك حصل لى موقف نص محرج ونص مضحك..كنا مجموعة من دول الخليج إستلطفت شخص من جدة ملنزم ولكن وسطى ودمو خفيف..وبقينا فى هذه الرحلة مع بعض على طول نبعد عن المحرمات قدر المستطاع ونصلى سوى..

أها قمنا مشينا من ضمن الرحلة شلالات نياجارا..وكانت المرشدة المعانا بنت ظريفة أمريكية..وعشان ننزل الشلالات كان لابد لنا من تغيير ملابسنا وفى مكان واحد عشان نركب الجت..
منتظرين البنية تخرج أبت أديت نظرة لى صاحبى برضو متحفظ أدبأ...حمالتك على كان هى ميطك ميطك ملصت..عاينت لى صاحبى وقلت ليهو كبر دماغك...

وملصنا..قلت ليهو هى ملصت نحن الرجال منتظرين شنو؟؟؟؟؟؟؟

مودتى.معاذ...................إسماعيل محمد احمد عباس...

Post: #13
Title: Re: يا عم ......كبَّر دماغك .....!!
Author: معاذ حسن
Date: 11-06-2008, 06:42 PM
Parent: #10

اسماعيل
قلت لي قلعتو!! يا عم ما حدش حوّش

Quote: بصراحة أنا كنت لا اعرف وحتى ألأن تكبير الدماغ إلا قليلآ.لآنى فى طبعى شوية ما بحب أنصاف الحلول..لكن والله المنبر ده أحمد ليهو هذا الشى إتعلمت منه الصبر.


تكبير الدماغ بجانب انو موهبة
بس برضو قابلة للاكتساب
وعموما اي انسان لما يكبر وينضج حا يكبر دماغه غصباعنه في حاجات كتيرة.
عشان كدا انا كزول مكبر دماغي بشوف نفسي اكبر من كل الناس اللي مش مكبرين دماغهم.
Quote:
والله يا معاذ الليلة أكبر ليك دماغى لحدى ما أضرب ليك الشاشة هد((Hed)),

يا عم اسماعيل الحكاية مش مستاهلة
حرام تكسر الشاشة عشان تجامل صاحبك في بوست لا راح ولا جاء
##
اتفاقية كامب ديفيد تعتبر تكبير دماغ من النوع المظبوط
والا رايك شنو؟

Post: #14
Title: Re: يا عم ......كبَّر دماغك .....!!
Author: ناذر محمد الخليفة
Date: 11-06-2008, 07:10 PM
Parent: #1

معاذ ..
حمدلا على السلامة ..

Quote: هذه الأيام بحمد لله توقفت عن التدخين إلى الأبد


يا زول ألف مبروك وعقبال باقي البتاعات

صنفرة :

العلاقة شنو بين الزول المكبر دماغو والزول الفاكيها في روحو ؟!!

Post: #16
Title: Re: يا عم ......كبَّر دماغك .....!!
Author: معاذ حسن
Date: 11-10-2008, 09:56 AM
Parent: #14

Quote: صنفرة :

العلاقة شنو بين الزول المكبر دماغو والزول الفاكيها في روحو ؟!!


ابو النيز
ايوا... دا سؤال ابن كلب جدا ..اشكرك عليه
اول حاجة عشان نحدد العلاقة لانز نعرف الحاجتين
تكبير الدماغ ..مصطلح جديد لحدي الان لم يتم التوصل الى تعرف شامل له بالضبط كدا زي الارهاب

بعضهم قال ((ان تكبير الدماغ هو ان تاخذ نفسك على قدر عقلك))

وقال اخرون(( تكبير الدماغ هو ان تاخذ الاخرين على قدر عقولهم))

وقال البعض (( تكبير الدماغ هو ان تتعامل مع الدنيا كلها تماما كما لو كنت بقرة).
بالفهم دا ممكن الزول الفاكيها في روحو يكون مكبر دماغه عا الاخر ,, وممكن يكون مش مكبر دماغه خالص.
مودتي يا صديق.

Post: #15
Title: Re: يا عم ......كبَّر دماغك .....!!
Author: عاطف عمر
Date: 11-06-2008, 07:42 PM
Parent: #1

سلامات معاذ

شوق لك ولكتاباتك الخفيفة الظل العميقة المعاني

كان أحد أجدادنا رجلاً مزواجاً ، طبق في حياته قالة أهلنا " الفحل ما عواف " أو لعله قد طبق أشواق أهل السياسة في الوحدة الوطنية أو كسر الجهوية إذ تعددت زيجاته من مختلف أقاليم وإثنيات السودان .
نادى يوماً إحدى حفيداته التي كانت طالبة بالمرحلة الثانوية وأخذ يسألها عن إحدى صديقاتها من بنات الفريق ، إندفعت الحفيدة تحكي ما تعرف والجد يقاطعها بين الحين والآخر
" هى عندها رغبة كبيرة في مواصلة القراية ؟؟؟ "
عندما تكرر السؤال كثيراً فطنت الحفيدة بالمصيبة التي تدور في ذهن جدها فاستوضحته
" جدي إنت داير منها شنو بالضبط ؟؟؟ "
أجاب بهدوئه المعهود
" أبداً أنا قلت لو ما عندها كبير غرض في القراية ( أستاجر ) فيها وأعرسها "
صعقت الحفيدة وردت على جدها في ثورة حقيقية
" يا جدي حرام عليك ، فرق العمر البينك وبينها أكتر من ستين سنة ، ياجدي دي حتى أصغر منى أنا وأنا أصغر حفيداتك "
لم يحتار الجد و لم يفارقه هدوءه

" يا بتي وإنتي حارقة دمك قدر دا مالك ؟؟ أنا زاااتي ما بالحيل عليها "


شفت الناس ديل بيكبروا دماغم كيف ؟؟

Post: #21
Title: Re: يا عم ......كبَّر دماغك .....!!
Author: معاذ حسن
Date: 11-10-2008, 07:22 PM
Parent: #15

Quote: يا بتي وإنتي حارقة دمك قدر دا مالك ؟؟ أنا زاااتي ما بالحيل عليها "

الحبوب عاطف عمر
تحياتي يا عزيز
قريت قصة جدكم دي اكتر من تلاتة مرات
غايتو بحسب خبرتي المتواضعة كناقد فني (شفت كيف)
انصحك بالاتجاه لكتابة القصة القصيرة بالجد عجبني اسلوب القصة والتصوير المتقن لمشاعر وانفعالات الابطال وتدرجها مع تطورات السرد وباقي الوهمة بتاعة النقاد ديك.

Post: #17
Title: Re: يا عم ......كبَّر دماغك .....!!
Author: Hala Hassan
Date: 11-10-2008, 11:14 AM
Parent: #1

معاذ حسن،

و انا والله أتعلمت نفس نظريتك مؤخرا،،

ياعم كبر دماغك.. الدنيا ما بتستاهلش،،

و خلى بالك، الحكاية دى بتعلم طولة البال، و روقان الحال،،،

لكن البخلى الطرف التانى يفهم منو؟؟







على الهامش:
____________________________

Quote: ونخلـة غضـة الأفنـان باسـقـةً
قالت لأترابهـا والصيـف يحتضـرُ
إني أُكلـف نفسـي فـوق طاقتهـا
وليس لي بل لغيري الظـل والثمـرُ
لأقصـرنّ علـى نفسـي عوارفهـا
فلا يبيـن لهـا فـي غيرهـا أثـرُ
وإني مفصلتٌ ظلـي علـى جسـدي
فـلا يبيـن لـه طـولاً ولا قصـرُ
ولسـت مثمـرةً إلا علـى ثـقـةٍ
أن ليـس يأكلنـي طيـرٌ ولا بشـرُ


و قالوا ليكم الحكمة من القصيدة و مغزاها شنو؟؟

Post: #18
Title: Re: يا عم ......كبَّر دماغك .....!!
Author: tmbis
Date: 11-10-2008, 11:41 AM
Parent: #17

Quote: من خلال متابعاتي
اكتر واحد في المنبر مش مكبَّر دماغه(هذه الايام) هوالاخ/ تمبس
والله بالطريقة دي يا معاذ إلا يكون عندك دماغين ..
اصلو ما ممكن تقنعني إنو نفس الدماغ البتقول بيهو:
ونخلـة غضـة الأفنـان باسـقـةً
قالت لأترابهـا والصيـف يحتضـرُ
هو نفس الدماغ البتدخل بيهو سودانيز اونلاين ..
طب بص يا عم ..
انا لما ادخل سودانيز ووون لاين واخد بالك .. باخد معايا راس أو لحمة راس كلو ما بيفرقش معايا ولا مؤاخذة .. المهم في النهاية الواحد بيعمر دمــاغ والسلام.. واخد بال حضرتك ..؟


با معاذ ياخ والله لكن خذلتني في تفكيكك للدماغات دي .. وتكبيره وبالتالي وزنتــه .
ياخ مفترض تكون عارف إنو البورد دا أحسن مكان ممكن تكبر فوقو دماغك ..
أقول ليك حاجة؟:
والله انا مرات لما اجي البورد دا وناس كدا ما اللقاهم .. بحس ليك إنو دماغ زاتو ما عندي..


Post: #22
Title: Re: يا عم ......كبَّر دماغك .....!!
Author: معاذ حسن
Date: 11-10-2008, 07:43 PM
Parent: #17

هالة حسن ..هللويا.. دا سلام ما دلع

Quote:

و خلى بالك، الحكاية دى بتعلم طولة البال، و روقان الحال،،،


كلام في الصميم

Quote:
و قالوا ليكم الحكمة من القصيدة و مغزاها شنو؟؟


طبعا يا هالة لو تتذكري باقي القصيدة ليس في صالح النظرية على الاطلاق
حيث ان سلوك النخلة وتكبيرها لدماغها قد ادى بها لحتفها.
حيث يقول باقي القصيدة:-
عاد الربيع إلى الدنيا بموكبه فازّينت واكتست بالسندس الشجر
و ظلّت النخلة الحمقاء عارية كأنّها وتد في الأرض أو حجر
و لم يطق صاحب البستان رؤيتها فاجتثّها ، فهوت في النار تستعر
من ليس يسخو بما تسخو الحياة به فإنّه أحمق بالحرص ينتحر

ما تخافي من مصير النخلة طبعا دي نخلة كتاب المطالعة
انما احنا مفتحين .

Post: #19
Title: Re: يا عم ......كبَّر دماغك .....!!
Author: شرف الدين آدم إسماعيل
Date: 11-10-2008, 12:09 PM
Parent: #1

يا شاب

بالغت عدييييل

دي يقولو عليها شنو؟ والله دا ا لبعمل فيه مع اختلاف بسيط انو القصيدة ذاتها برددها كل ما الواحد راسو يسخن و الغريب بي نفس اللحن بتاع الابتدائي
سبحان الله

كن بخير

Post: #20
Title: Re: يا عم ......كبَّر دماغك .....!!
Author: أحمد الشايقي
Date: 11-10-2008, 04:31 PM
Parent: #19

معاذ سلامات

ياخي أنا بفتش عليك,

بس لقيتك هنا, والله كويس خلينا نتكلم بالتلفون,

المهم يا معاذ , طبعا انت عارفنا (أو مش عارفنا ..... (بنحـب) لأنه طبعاً عاملينها بالدس


شوف يا معاذ حسـن, سؤالي واحد - ما يجي حد يقول ليك سؤالي ذوي شقين....

الواحـد يكبر دماغه في الحب كيف ..؟

بالله لو اسعفك الله بإجابة قول لينا,

طبعاً بكلمك بصيغة الجمع مش لأني خجلان من كلامي (زي ما كتير من الجماعة هنا بيعملوا) , بـس لأننا بنسألك (أنا وهي)

تحياتي


أحمد الشايقي

Post: #23
Title: Re: يا عم ......كبَّر دماغك .....!!
Author: الطاهر عثمان
Date: 11-10-2008, 09:33 PM
Parent: #1

دنيا دبنقه* .. دردقي بشيش بشيش
* الدبنقه: الزير

اها دعوة لتكبير الدماغ في امثالنا الشعبية

معاذ ازيك ياخي مشتاقين والله

Post: #24
Title: Re: يا عم ......كبَّر دماغك .....!!
Author: قيقراوي
Date: 11-12-2008, 00:01 AM
Parent: #23

Quote: دنيا دبنقه* .. دردقي بشيش بشيش
* الدبنقه: الزير

اها دعوة لتكبير الدماغ في امثالنا الشعبية

دا كان زمان يا فردة . . .
بالمناسبة عرفنا الدبنقا= الزير . . . اها البشيش شنو ؟

كبّر الـ G و روّق الـ D يا درفة . . .

G : الجمجمة
D : الدماغ


الجميلين معاذ و الطاهر
سلامات ياخ و مشتاقين

اجمل زولة هنا السألت انو وروكم المغزى و الدلالة بتاعة قصيدة النخلة الحمقاء لما ادوكم ليها يا معاذ ؟
ياخ اتكيفت منها و الله لما انبسطتا
اضربوا الهم بالفرح يطول عمركم
و المناضلين ديل وشوشوهم بغناء عبد الوهاب : كم قصيرٌ هو العمر حتى افنيه في النضال . . .

Post: #25
Title: Re: يا عم ......كبَّر دماغك .....!!
Author: عبدالرازق نقد
Date: 11-12-2008, 05:58 AM
Parent: #1

معاذ سلامات

تحياتي

و مشتاقين ... الغيبة طالت


Quote: بحمد لله توقفت عن التدخين إلى الأبد


يازول و الله مبروك .. شغلك نضيف

Post: #26
Title: Re: يا عم ......كبَّر دماغك .....!!
Author: Hala Hassan
Date: 11-12-2008, 06:39 AM
Parent: #1

أخى قيقراوى،
تحياتى،،

Quote: اجمل زولة هنا السألت انو وروكم المغزى و الدلالة بتاعة قصيدة النخلة الحمقاء لما ادوكم ليها يا معاذ ؟
ياخ اتكيفت منها و الله لما انبسطتا


دى أنا ذاااتى،،،

شكرا ياخى على الكلام الظريف دة،
و كدة إنت فعلا فهمت (المغزى) من سؤالى،،

لأنو معاذ شايل معاهو نص القصيدة، و سايب الباقى الفيهو العبر كلها،،

لكن بينى و بينك، هو كدة فعلا يكون مكبر دماغو على الاخر،
ولاعبها صاح،،


معاذ،
المصريين عندهم عبارة تانية تشرح موقفك من الدنيا،
بيقولو:
إديها صر.. ،
(حاجة قديمة كدة..)،

Post: #27
Title: Re: يا عم ......كبَّر دماغك .....!!
Author: قيقراوي
Date: 11-13-2008, 00:23 AM
Parent: #1

Quote: دى أنا ذاااتى،،،

شكرا ياخى على الكلام الظريف دة،
و كدة إنت فعلا فهمت (المغزى) من سؤالى،،

لأنو معاذ شايل معاهو نص القصيدة، و سايب الباقى الفيهو العبر كلها،،

لكن بينى و بينك، هو كدة فعلا يكون مكبر دماغو على الاخر،
ولاعبها صاح،،

ازيك يا هالة
ياخ حسيت بصدق سؤالك . . . زي خوف يكون استاذ ممسوخ ادا ناس معاذ القصيدة نُص النَص بس . . .
النُص الفاضي من النَص . . . الخالي من حكمة او عبرة suffer the consaquenses

لكن كويس انك عارفة انو المسخوت هو معاذ ذاتو
اسي دا كبير رأس و لا استبدالو بقفه ؟

و الله كنت عاوز اقول ليك ظريفة انتي ياخ . . . لكن اتذكرت انو ظريفة دي حمارة جحا

تشكرات كميات يا ستي و عبرك لمعاذ

يا معاذ انا ذاتي خليت السجائر لكن خشية إملاق ساي في زمن الازمة المالية العالمية الرابعة دي
لو كان كبرت رأسي زيك و ما عرست ما كان احسن لي ؟ هي تصرخ بنتي . . . بنتي . . . و انا اصرخ : حني . . . حني

دمتم رئة و مسام للتنفس

Post: #28
Title: Re: يا عم ......كبَّر دماغك .....!!
Author: Hala Hassan
Date: 11-13-2008, 11:31 AM
Parent: #27

قيقراوى،

Quote: ياخ حسيت بصدق سؤالك . . . زي خوف يكون استاذ ممسوخ ادا ناس معاذ القصيدة نُص النَص بس . . .


معاز دة من ما كبر دماغه،
ما عليهو خوف،،

لكن إنت شغال نَص ( بالفتحة) و نص (بالضمة)،
شكلك كدة داير تزوغ مننا،،

تعال بهناك،
عندناحاجة رايحة عندك....