Post: #1
Title: يا غـــــــــالي علـــــــينا ؟؟
Author: gamal elsadig
Date: 01-08-2006, 05:12 AM
والله غالي علينا ...
لسان حال الشعب السوداني يردد هذه العبارة هذه الايام ....
واسعار خراف الاضاحي مرتفعة جدا و الحد الادني هو 280 الف جنية (للحمل)
وقد تصل بعض الاسعار للخراف الجيدة حتى 500 الف جنيه .
الشوارع مليئة بالانعام من مختلف السلالات ... و العين بصيرة والايد قصيرة خالص .
|
Post: #2
Title: Re: يا غـــــــــالي علـــــــينا ؟؟
Author: نجود حسن عبد الرحمن
Date: 01-08-2006, 07:44 AM
Parent: #1
الاستاذ جمال الصادق
ومنى عينينا
Quote: وقد تصل بعض الاسعار للخراف الجيدة حتى 500 الف جنيه . |
هى وصلت فعلا للسعر دة وفى زيادة كمان
كل سنة وانت طيب والشعب السودانى بالف خير والله يكون فى العون
|
Post: #4
Title: Re: يا غـــــــــالي علـــــــينا ؟؟
Author: gamal elsadig
Date: 01-08-2006, 09:05 AM
Parent: #2
الشقيقة / نجود كل سنة وانت طيبة ....
Quote: هى وصلت فعلا للسعر دة وفى زيادة كمان |
الله يكون في عون الغلابة المغلوب على امرهم ....
نجود : عندك فكرة جلود الاضاحي السنة دي الحكومة حتجمعا عشان شنو؟؟ طبعا قبل (السلام) كان تجمع من الناس باسم نداء الجهاد .....
مرة تانية كل عام وانتم بخير وربنا يحقق الاماني
|
Post: #3
Title: Re: يا غـــــــــالي علـــــــينا ؟؟
Author: Ahmed Mohammed Osman
Date: 01-08-2006, 08:00 AM
Parent: #1
يازول 280 شنو لي الحمل دا الا الخروف البيجي
لكن 200 دي بتجيب ليك خروف يسترك كويس وكمان 150 تجيب ليك حمل حلو شديد
كدي ما تسمع الدعايات دي وامشي انزل السوق براك
|
Post: #5
Title: Re: يا غـــــــــالي علـــــــينا ؟؟
Author: gamal elsadig
Date: 01-08-2006, 09:29 AM
Parent: #3
الشقيق : احمد محمد عثمان
الله يطمنك ياراجل ....
بس ورينا ابو 150 ده محلو وين ممكن تدينا الرابط ... خروف ابو 150 لانو انا لي 3 ايام نازل وطالع السوق والاسعار (خرافية) وانت عارف خرافية دي ما من الخرافة بل من الخروف ...
كل الالوان وكل الاصناف و الاجناس اسعارها مرتفعة
يازول ده موسم بالنسبة للتجار بعد انخفاض اسعار الصادر و المشاكل الحاصلة فيهو ....
كل سنة وانت طيب ... وعيد سعيد ...
جمال
|
|