......مغرزه

شوقك شوى الضمير

قناة ساهور دى كنت قايلاها لتعظيم الرسول (صلى الله عليه و سلم)!!!
ما قلت لى لكن الشكر ده لعمر للبشير عشان سوى شنو للسودان ???
يكون عشان:
1- الحاصل فى دار فور
2-انفصال الجنوب
3- انهيار التعليم الحكومى المجانى
4- انهيار النظام الصحى فى السودان
5-الحاصل فى جنوب كردفان
6-الفساد اللى ريحته طاقة فى كل البلد
7- الفضائح العالمية المجانية للسودان - طائرة الرئيس امس كمثال

الغريبة انو ما فى دولة فيها ديمقراطية (حقيقية) بتلقي فى زول بيكتب شعر فى الرئيس او بيغنى ليه.
عارف ليه ? لانه حتى لو كان رئيس عظيم...و ما حارم شعبه من شئ....بيكون بيؤدى فى وظيفته. الموضوع تكليف و ليس تشريف.

تحياتى

شكلها اصابتك المغرزة وده المطلوب
ا +2 الحاصل فى دارفور وانفصال الجنوب
الرجل رجل سلام وصانع للسلام الجنوبيين
بحاربو فينا ليهم 50 سنه عشان الانفصال
اعطيناهم خيار الوحده والانفصال اختارو الانفصال
ما عاوزين يعيشو معنا من حقهم......
دارفور ازمة مصنوعه البشير ما عندو يد فيها
اهلها او بالواضح متمرديها هم من صنعو ذلك
3+4 مافى انهيار لا فى التعليم لا فى الصحه
5_الحاصل فى جنوب كردفان صناعة الحركة بعد ما دخلو
فى انتخابات واضحه واختار شعب تلك المنطقه بكل حريه من يمثلهم
قالو يشغلبو الشغلانيه يا هم فيها يا يشعلوها لكن على منو....

6_الفساد ده فى كل مكان فى الدنيا موجوده والحكومه ساعيه لقفل الطريق علىهم
7_ده تحدى وليس فضيحه يا سيدتى العزيزة الفضيحه كونه ينزوى فى السودان وما يسافر

Quote: الغريبة انو ما فى دولة فيها ديمقراطية (حقيقية) بتلقي فى زول بيكتب شعر فى الرئيس او بيغنى ليه.

اعجابهم بى رائسهم يجعلهم يكتبون عنه مالم يكتبه مالك فى الخمر

Quote: 3+4 مافى انهيار لا فى التعليم لا فى الصحه

سلامات ياوليد وسمارت
إنت كمان ياوليد ماتبالغ
تعرف الحتة دي ذكرتني قريبنا ,, اخوهو الكبير ظبطو خاتي ليهو سفة
قال ليهو ياولد تعال هنا انت بتسف التمباك ?
الولد : انا ? ابدا اصلو مابسف تمباك!
ياولد الـ في خشمك ده ماتمباك?
ابداااان .....
اخوه الكبير دخل اصبعو في خشم الولد وطلع التمباك من خشمه :
ياولد ده هسع ماتمباك.
الأخو الصغير : والله الا يبقي في اصبعك لكن انا خشمي مافيهو تمباك.
نكرا السما الـضحا الـلعلا.

Quote: تحياتى شكلها اصابتك المغرزة وده المطلوب

تحياتى
انا حقيقي ما عارفه "المغرزة" دى شنو... لكن على كل حال الاصابنى اندهاش.

Quote: 1+2 الحاصل فى دارفور وانفصال الجنوب الرجل رجل سلام وصانع للسلام الجنوبيين بحاربو فينا ليهم 50 سنه عشان الانفصال اعطيناهم خيار الوحده والانفصال اختارو الانفصال ما عاوزين يعيشو معنا من حقهم...... دارفور ازمة مصنوعه البشير ما عندو يد فيها اهلها او بالواضح متمرديها هم من صنعو ذلك

الجنوبيين ما حاربوا عشان انفصال. حاربوا عشان حقوقهم. و بعدين يا اخى فى داعى لحشد عيال الثانوى لسنوات و سنوات و ارسالهم للموت فى الجنوب غصبا عنهم و عن اهاليهم عشان فى النهاية لما امريكا تطلع العصا و تقول امضوا تمضوا من سكات. مش كان من البداية احسن? يعنى لو كان البشير وصل لاتفاق سلام قبل العصاة الامريكية كنا قلنا رجل سلام
و بعدين يا اخى حتى لو كان موضوع دارفور من صنع المتمردين....ده رئيس شنو يا اخى اللى ما عارف يحل مشاكل بلده و يحمى شعبه.
لما يحصل زلزال فى بلد الشعب ما بيلوم الحكومة على الزلزال...الشعب بيلوم الحكومة على ما قامت به (او لم تقم به) بعد الزلزال. لكن قول البشير ما ليه يد...طيب مش احسن نجيب لينا رئيس يبقى راجل يتحمل المسؤلية

Quote: 3+4 مافى انهيار لا فى التعليم لا فى الصحه

بالجد??? فى مشكلة ...لازم نتفق على معنى انهيار. او (احتمال) معنى تعليم و صحة

Quote: _الفساد ده فى كل مكان فى الدنيا موجوده والحكومه ساعيه لقفل الطريق علىهم

اذا كان الفساد فى الوزراء و اخوان الرئيس....الحكومة دى منو تانى?
و اهو عايشين ونشوف منو ح يتحاكم بالفساد
انا مستغربة انك تعترف بالفساد لكن ما تعترف بانهيار التعليم و الصحة!!!

Quote: 7_ده تحدى وليس فضيحه يا سيدتى العزيزة الفضيحه كونه ينزوى فى السودان وما يسافر

الفضيحة يا سيدى انه يقول ان فى طيارة امريكية كانت عاوزه تقبضه فى (مش عارفه ايه) ستان, لكنه زاغ منها لما مشي عبر باكستان. جد? فى زول فيكم متخيل ان باكستان ممكن تراعى لعلاقات مع البشير اكتر من مراعاتها لعلاقاتها مع امريكا ??
الفضيحة ان رئيس بلد يكون مطلوب دوليا
الفضيحة انه ما بيقدر يمرق من بلده الا بالف و الدوران
لو عاوز يتحدى مش كان احسن يمشي بالمسار الاول و اليحصل يحصل

Quote: اعجابهم بى رائسهم يجعلهم يكتبون عنه مالم يكتبه مالك فى الخمر

انت يا شيخنا ما عارف مالك قال شنو فى الخمر?
الامام مالك (اكيد) ما شكر الخمر و لا حتى قال عنها حاجه كويسه
انا ح اكسب اجر و ح اقول ليك ان الامام مالك قيل انه قال:أرى أن يحرق بيت الخمار . و يقال ايضا ان أن مالك كان يستحب أن يحرق بيت الخمار الذي يبيع الخمر .You can thank me later

عاوز اتداخل مع اختنا سمارت دي لكن قبل ما اسولف معاها استعيذ بالله من الناس البتجي داخلة بلا بسم الله زي الزولة الـ في بالي ومن لف لفها.

Quote: لما يحصل زلزال فى بلد الشعب ما بيلوم الحكومة على الزلزال...الشعب بيلوم الحكومة على ما قامت به (او لم تقم به) بعد الزلزال. لكن قول البشير ما ليه يد...طيب مش احسن نجيب لينا رئيس يبقى راجل يتحمل المسؤلية

المتمردين هم بشر يسألون عن افعالهم وما ارتكبوه من تجاوزات , تماما كما الحكومة مسؤلة عن مايرتكبه موظفوها. و مشكلة دارفور كان يمكن تفاديها,,
والحكومة تسأل عن تعاملها مع إزالة اثار الزلزال في حدود امكاناتها. والحكومة هذه كُسِّرت مجاديفها التي كان يمكن ان تستعملها للعبور بالبلد الي بر الأمان والمتمردون كان لهم القدح المعلي في تكسير تلك المجاديف. وليتهم كانوا يطلبون ماضجت به ابواغهم ونفيرهم ,, انما ما هم فصيل انشق عن السلطة بغية مناصب لاعلاقة لها بإنسان دارفور ولابغيره . وغدا عندما تحملهم المفاوضات الي كراسي السلطة كما نسمع هذه الأيام سيهرولون الي الخرطوم تاركين وراءهم اسحاق وآدم لحر الصحراء ولفح الريح. بينما يتفيئون هم ظلال الفلل والقصور . لن يعبأ احد بمصير ام فقدت ابنها او عجوز فقدت من كان يقوم عليها او عروس صيد عريسها ,,,,, هذا كله لايعفي الحكومة من مسؤليتها ولن يعفيها من تبعات انقلاب الثلاثين من يونيو ولكن ومع عدم شرعية الحكومة الا اننا نتعامل معها كحكومة امر واقع كما يتعامل معها العالم الذي يكيل بمليون مكيال ونرفض ان تحل مشاكل السودان عن طريق التدخل الأجنبي ببساطة لأن ضرره اشد من نفعه وليس كما يفهم البعض اننا ندافع عن المؤتمر الوطني ,, فالمجتمع الدولي من الممكن ان يخلصك من البشير ومن غيره (ليس قبل إذن الله بالطبع) لكن إذا قُدِّر له ان يفعل فلن يجر لك نفعا لأنهم لايتدخلون رغبة في الإصلاح ولارغبة في جبر الخواطر ولا لغوث المظلوم انما يتدخلون لتحقيق مصالحهم اولا وثانيا وثالثا وغايتهم الا تنهض امة لتتساوي معهم .. هذا خلافنا مع من فتحوا الباب ـ ومازالوا ـ للتدخل الأجنبي لحل مشاكل البلد التي لها الف حل وحل لو كانت الأحزاب السودانية قدر المسؤلية ,, وإذا كنت تلومي البشير لأنه عجز عن صون الأمن في البلد فلومي قبله الصادق المهدي والأحزاب لأنهم عجزوا عن تأمين الديمقراطية .. هي هي ,, الخيبة واحدة . فإذا كان البشير قد استقوي علي الصادق بالسلاح وبمكر وخيانة الجبهة, فإن المتمردين قد استقووا علي البشير بقوة أمريكا واوروبا ويا للمفارقة بمكر الترابي ايضا . ـ يعني الترابي زي المنشار طالع ياكل نازل ياكل. عشان كده يا سمارت يا اختي حلنا في ثورة شعبية بنموذج الثورة المصرية التي جاءت بوعي كبير خالية من النعرة الطائفية والعرقية والجهوية وفوق ذلك خالية من الإسفاف الذي يمارسه البعض في الخلاء الإسفيري زي ماشايفة نموذج ليهو في منبرنا ده. ماداير اتعبك تسوقي ماوسك لغاية جريدة المشاهير .
فتك بعافية .

Quote: 3+4 مافى انهيار لا فى التعليم لا فى الصحه

لا حول ولا قوة إلا بالله
لا أنهيار في التعليم ولا الصحة؟؟؟

غايتو واحدة من أتنين ،،،
يا كذاب أو جاهل،،، فإختار ما يناسبك..


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

بسم الله الرحمن الرحيم
سلامات اخونا الفاضلابى....
قال الله تعالى:( قَالَتْ إِنَّ الْمُلُوكَ إِذَا دَخَلُوا قَرْيَةً أَفْسَدُوهَا وَجَعَلُوا أَعِزَّةَ أَهْلِهَا أَذِلَّةً وَكَذَلِكَ يَفْعَلُونَ). صدق الله العظيم
انا معاك تماما فى كل كلمة قلتها.
دماء البسطاء فى دارفور في يد الطرفين.
لكن الفساد فى الشمال و انهيار التعليم و الصحة و تفشي المحاباة و المحسوبية فى رقبة البشير و اصحابه وحدهم.
كونى ما بفضل التدخل الاجنبى...ده ما معناه انى ما عاوزه البشير يحاكم و يحاسب على اى حاجه حصلت.
انا بتمنى الشعب السودانى يحاكم الكيزان و اذا بقينا شايفين انه مدان نسلمه نحن ( الشعب السودانى ) للمحكة الدولية.
و لما يجى زول هنا ويقول لى البشير بطل....انا لى حق اندهش.
و الرسول عليه افضل الصلاة و السلام قال:: " كَـمَـا تَـكُـونُـوا يُـولَّـى عَـلَـيْـكُـم ". يمكن الغنا ده صحيح و نابع من قلب الشعب السودانى...عشان كده ربنا سلط علينا البشير و صحبه. يجبروا الناس على الدفع المقدم للمياه و ينهبوا ثروات البلاد. و يقولوا الماعاجبه يلحس كوعه

و كدى النسالك انت يا الفاضلابى....البشير سوى شنو كويس للسودان عشان نشكره و نغنى ليه?
لما طالبة قالت تم الاعتداء عليها من ناس الامن..ما فى زول من الحكومة قال :الحاصل شنو يا جماعة? خلى تحقيق فى القضية.و لما واحد صحفي قال يا جماعة حققو فى الموضوع دخلوه الحراسة و ح يحاكم.
لكن صحفية قبضت فى حفلة لابسه بنطلون...قامت قيامة الحكومة و البلد و ما قعدت. محاكمات و عفؤ جمهورى و ما عارفه ايه....
ده مثال للحاصل فى السودان

انت يا فاضلابى ذى اغلب الشعب السودانى ...قول ليه الكيزان نهبوا البلد...يقولوا ليك ما دايرين الصادق المهدى تانى.
ليه الخيار بس الصادق المهدى? يا اخى اقلعوا الكيزان و اعملوا انتخابات محترمة....و شوفوا ح يحصل شنو. حتى لو فاز الكيزان...ما فى مشكلة. لكن لازم البلد يكون فيها دستور و قانون يحمى الضعفاء. و يحمى الشعب من الفساد و تكون قوانين البلد شفافة و واضحة. و ما عشان الكيزان فازوا فى انتخابات معناها يسوطوا البلد برجل ك ل ب!!!

معليش يا فاضلابى...كلامى بقى كتير.
ليه كل العالم (الاسلامى) و غيره هلل وكبر لما امريكا اتدخلت فى الصراع بين الصرب و البوستنا??? و ليه الوضع مختلف الان فى دارفور?
انا زيك ما عاوزه تدخل اجنبى...لكن ده ما بيمنع انى (مرات) لما اشوف جارتى البوسنية اللى بتحكى لى عن قتل ابوها و اعمامها امامها. و عن ان اكتر شئ بيزعلها نكران الناس للكان حاصل فى بلدها. بفكر مرت كتيرة احتمال فعلا يكون الحاصل فى دارفور تطهير عرقى من الكيزان. و احتمال يكون التدخل الاجنبى هو الحل مع عصابة ذى الكيزان.
I am just thinking out loud here

سلام يا وليد
يا وليد مدحة حاج الماحي دي قديمة و أنت عارف والبشير عارف
وكل الناس عارفه المقصود بيها منو ؟
بس المغرزه الجد انك تصدق وهو يصدق معموله ليهو .

وليد يقول : مافي انهيار لا في التعليم ولا في الصحة . و



يشتت .

Quote: غايتو واحدة من أتنين ،،، يا كذاب أو جاهل،،، فإختار ما يناسبك..

الاثنان معا
يا الشايقي

الشايقى + خالد العبيد

انا ما كذاب ولا جاهل لكن مشكلتى برد على ناس ما محترمين مثلكم
وسوف اجد حل للمشكلة دى مستقبلا......

Quote: انا ما كذاب ولا جاهل لكن مشكلتى برد على ناس ما محترمين مثلكم

الكذب: أن يقوم الشخص بقلب الحقيقة ويأتي بعكسها عمداً
الجهل: أن لا يكون الشخص على علم بشيء ما ويدعي علمه به.
الإحترام: أن يحترم الشخص عقله قبل عقول الآخرين.

أما هذه:

Quote: وسوف اجد حل للمشكلة دى مستقبلا......

ده تهديد يا مرسي يعني ولا أيه؟؟؟؟
يا أمه،،، خوفتني...!!!!!


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: الكذب: أن يقوم الشخص بقلب الحقيقة ويأتي بعكسها عمداً الجهل: أن لا يكون الشخص على علم بشيء ما ويدعي علمه به. الإحترام: أن يحترم الشخص عقله قبل عقول الآخرين.

الاشياء دى كلها مطبقه فيك بالكامل حاول اعيد النظر فيها بينك وبين
نفسك واعمل محاسبه دقيقه بتوفر علينا وعلى نفسك اشياء كتيره.....

Quote: Quote: وسوف اجد حل للمشكلة دى مستقبلا...... ده تهديد يا مرسي يعني ولا أيه؟؟؟؟ يا أمه،،، خوفتني...!!!!!

تهديد شنو يا رجل دى مشكلة انا قلت ليك بعانى منها وسوف اعالجها فى المستقبل
وين التهديد هنا؟؟؟؟؟؟؟

سبحانك ربى......

Quote: الاشياء دى كلها مطبقه فيك بالكامل حاول اعيد النظر فيها بينك وبين نفسك واعمل محاسبه دقيقه بتوفر علينا وعلى نفسك اشياء كتيره.....

جميل أن يجد المرء مرآة لعيوبه وأشكرك من أعماقي لعكس الصورة التي لا أراها لنفسي...
أعدك بأن أعمل محاسبة وإعادة تقييم لذاتي فالبتأكيد لست بكامل ولا أدعي الكمال والكمال لله وحده...

ويا ريت الناس كلها تعمل كدة ،،، عسى ولعل أن يصلح الله حالنا إذا ما أصلحنا دواخلنا....


بس برضو مدحة حاج الماحي قيلت قبل مولد زولك بعشرات السنين،،، إلا إذا كان حاج الماحي نبياً وأتي علم الغيب وقالها لمن سيأتي بعدة بأكثر من نصف قرن...
رحم الله حاج الماحي ونسأل الله تعالى أن يشملنا برحمته....
وكل أرشفه وأنت طيب

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

.

خالد العبيد يا حبوب ..
ياخ سألتك بالله أن تمسح صورة حاج نور .. وتعدل مشاركتك بتاعت أولاد حاج نور

رجأءا وليس أمرا



تحياتي

طرد السفير

Quote: طرد السفير

ياتو..يا نقد


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

الحبيب خالدالعبيد

Quote: خالد العبيد يا حبوب .. ياخ سألتك بالله أن تمسح صورة حاج نور .. وتعدل مشاركتك بتاعت أولاد حاج نور رجأءا وليس أمرا

أضم صوتي لنداء الأخ/ محمد عمر جبريل

وأضيف: وجادلهم بالتي هي أحسن....



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: نيفاشا (2): وتزعمون أنكم لا تركعون لغير الله؟! وها هو «نافع علي نافع» يمضي بذات الخطى التي مضاها «علي عثمان» في (نيفاشا)، مُستخِدماً، أو مُستخدَماً بواسطة ذات الأقلام الكسيرة التي صاغت موافقات الحكومة الهزيلة على الاتفاقية التي قسمت السودان إلى بلدين..!! { ظل البعض يعتبره (صقراً) جارحاً من صقور (الإنقاذ)، ولكن يبدو واضحاً أن هذه الحكومة وذاك (المؤتمر)، بلا صقور، بلا كواسر، بلا أسنان.. كلُّهم حمائم وديعة، «علي»، و«نافع»، و«كرتي» وحتى (الجنرالات) الذين ذهبوا إلى «أديس أبابا» ليحفظوا ما تبقى من كرامة الشعب السوداني، أراقوا ماء وجهه، وسكبوه على اتفاق مهين، ما ينبغي لحكومة محترمة على وجه البسيطة أن توقِّعه.. لكنهم وقَّعوه.. وبصموا عليه.. بينما تضحك عليهم «سوزان رايس»، ويسخر منهم «روجر وينتر»، وترثى لحالهم الرقيقة «هيلاري كلينتون»!! { اتضح بما لا يدع مجالاً للشك أن الدكتور «نافع» (صقر) فقط في مواجهة تصريحات الإمام «الصادق المهدي» و الدكتور «الترابي» وقيادات الاتحادي الديمقراطي، والحزب الشيوعي، وحزب البعث العربي الاشتراكي..!! { فعندما جاءت ساعة (البيان بالعمل)، ولاحت فرصة التوقيع على (نيفاشا 2)، توارى الأستاذ «علي عثمان محمد طه»، والتزم الصمت، ولسان حاله يقول: (إنتو شطار؟ إنتو صقور؟ يللاَّ ورُّونا.. ماذا ستفعلون في أديس أبابا)!! { وجاءوا بـ (نيفاشا) الأخرى..!! بل أشد ضلالة، وأقبح فكرة..!! فالأساس الذي انبنى عليه اتفاق (نافع - عقار) أمس (الثلاثاء) في «أديس أبابا»، هو نصوص اتفاقية (السلام الشامل)!! وبرتوكولات (قسمة السلطة)، و(الثروة) و(مشاكوس)، ووثيقة الحقوق الواردة في صدر الدستور الانتقالي لعام 2005م..!! (نيفاشا) وزيادة!! لأننا ما صدقنا أنها ستذهب إلى مزبلة التاريخ بعد أيام قلائل، في التاسع من يوليو القادم، حتى فاجأنا «نافع علي نافع»، مستعيناً بذات الأشخاص غريبي الأطوار، عجيبي الأفكار، الذين قسَّموا بلادنا، ومزقوا شعبنا، وأتعسونا، وأرهقونا، وشغلونا بأنفسنا، وشغلوا العالم بنا، فاجأنا «نافع» باتفاق (جديد) يعتمد الحركة الشعبية لتحرير السودان حزباً قانونياً مصرَّحاً له بالعمل السياسي، بل والشراكة في السلطة والثروة وترتيبات الأمن بالشمال..!! { الاتفاق يقرر البحث عن حلول لمشكلة (الحكم) في جنوب كردفان!! إذن هو إلغاء لنتائج (الانتخابات) بالولاية التي أهدر عليها (المؤتمر الوطني) مليارات الجنيهات ليفوز بها «أحمد هارون» (بخراج الروح)!! { لم أرَ شيئاً غير السواد.. الظلام أمامي في كل بند من بنود الاتفاق الـ (13)..!! { لماذا لا توقعون إذن اتفاقاً مع «إسرائيل».. إذا كنتم كل يوم تركعون لأمريكا.. و(صغار) عملائها وجواسيسها..! وتزعمون أنكم لا تركعون لغير الله؟! { أيها الشعب السوداني البطل: لقد قسَّموا بلدكم، مقابل السلام، ولم يحققوا السلام!! تركوا (الجنوب) - كل الجنوب - للحركة الشعبية، وأفسحوا - الآن - المجال للحركة الشعبية في (الشمال) لتقسم ما تبقى من الشمال..!! رفضوا وجود كتيبة (زامبية) تابعة للأمم المتحدة في «أبيي» وها هم يرضخون.. صاغرين.. لقرار مجلس الأمن بإرسال (فرقة) عسكرية من الإثيوبيين أضعاف.. أضعاف القوة التي كانت في «أبيي»!! { لن أطالبكم بالاستقالة.. فلن تفعلوها أبداً.. لكنني سأكتفي بانتظار (القادم).. { ملحوظة: الرئيس في الصين.. ونائبه في غينيا.. ومساعده في إثيوبيا..!! أين أنت يا «مناوي».. كبير مساعدي الرئيس سابقاً؟!