Post: #2
Title: Re: ماما ... عندي سؤال... بس أوعك تكضبي..!!!!
Author: ود الباوقة
Date: 06-12-2011, 05:53 AM
Parent: #1
الليلة الظاهر عندك نص دوام ..
مع التحية
|
Post: #3
Title: Re: ماما ... عندي سؤال... بس أوعك تكضبي..!!!!
Author: Al-Shaygi
Date: 06-12-2011, 05:57 AM
Parent: #1
Quote:
هذا ما قاله معاذ لأمه فور عودته من المدرسة تمهيداً لسؤاله الصاعقة...
|
معاذ إبن العاشرة، عاد من المدرسة حاملاً حقيبته على ظهره، وفوراً توجه إلى أمه ويبدو أنه كان على عجلة من أمره.
بصوت جاد مع صرة جبين،،، قال لأمه بلهجة حاسمة:
ماما عندي سؤال،،، بس أوعك تكضبي...
أستغربت أمه ،،، وأجابت ومن متين بكضب عليك يا معاذ يا ولدي؟
رد معاذ بحزم: جاوبي علي وما تكضبي... (وكأنه على يقين بأن أمه ستكذب عليه)...!!!
ثم أتى بسؤاله الصاعقة قائلاً: ماما ،، أنت وبابا بتتجامعو..؟؟؟
صعقت أمه ،،، ولكنها حاولت التماسك والظهور بمظهر الما فاهم وسألته: يعني شنو؟؟
فرد بحزم: يعني تتـ.........؟؟
فردت الأم بإنزعاج شديد: لا.. لا.. لا.. لا.. لا....
ثم صمتت لا تلوي على شيء وفي حيرة من أمرها،، ماذا تفعل لمواجهة هذه الكارثة؟
ولكنه لم يمهلها إذ صاح في وجهها بأعلى صوته: كضاااااابه...
ثم استدار وذهب إلى غرفته ليضع حقيبته المدرسية ويغير ملابسه تاركاً أمه كمن على رأسه الطير....
القصة حقيقية 100%
والموضوع مطروح للنقاش....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #5
Title: Re: ماما ... عندي سؤال... بس أوعك تكضبي..!!!!
Author: حمزاوي
Date: 06-12-2011, 06:07 AM
Parent: #3
| Quote: ماما ،، أنت وبابا بتتجامعو..؟؟؟ |
سجمي
|
Post: #7
Title: Re: ماما ... عندي سؤال... بس أوعك تكضبي..!!!!
Author: Al-Shaygi
Date: 06-12-2011, 06:41 AM
Parent: #3
خلفية الحدث أن معاذ في الصف الخامس من مرحلة الأساس وفي ذلك اليوم الدراسي كان درس العلوم عن التكاثر والعلاقة بين الذكر والأنثى بالإنجاب ....
ويبدو أن التلاميذ ناقشوا الموضوع بعد الحصة وتداولوا مسألة أن هل ذويهم يمارسون هذا العمل؟
وواضح أن معاذ (معروف بالجرأة) قد تحدى زملائه في أن يسأل أمه ويأتيهم بالخبر اليقين...!!!!
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #8
Title: Re: ماما ... عندي سؤال... بس أوعك تكضبي..!!!!
Author: ابو جهينة
Date: 06-12-2011, 07:59 AM
Parent: #7
تحايا و سلام أخوي الشايقي
لو قالت ليهو : آي بنتجامع ، حيقول ليها : كيفن بتتجامعوا ؟
هنا مربط الفرس
إما سكتت ، و إما قالت ليهو : أمشي بلاش قلة أدب معاك
السؤال الإفتراضي هذا : كيفن بتتجامعوا ، و يعود بناإلى مربع الثقافة الجنسية
و بالطبع الثقافة الجنسية في حدود معينة وبجرعات تفي بحب إستطلاع الطفل في هذه السن.
ما الذي دفع معاذ بأن يغترض الكذب في إجابة أمه ؟
أنا أعتقد بأنه لديه خلفية ضبابية عن كلمة ( بتتجامعو ) ، و عندما ألتقط الضوء الأخضر من أستاذه أراد الإستزادة من أمه.
السؤال : من أين إستقى معلوماته ؟ و كيف ؟
و هنا يعود بنا الأمر بأنه في مسألة المعلومة ، جنسية كانت أو غيرها ، يعود بنا إلى مسألة أن الوالدين هذه الأيام لا يوليان الإهتمام اللازم للجلوس لأطفالهما و مناقشتهما في أمور الدنيا الحديثة المتشعبة و من ضمنها الثقافة الجنسية التي تكسر الضبابية في عقول الأطفال.
فالطفل يدخل الحمام و يتساءل إن كان هذا العضو المخفي عن الأنظار التي تلازمها كلمة ( العيب ، و غطي يا ولد و إتستري يا بت ) يتساءل عن مهام هذا العضو غير تفريغ سوائله في الحمام.
الموضوع حيوي و يحتاج إلى منهجية يتفهمها الوالدين.
دمتم
|
Post: #10
Title: Re: ماما ... عندي سؤال... بس أوعك تكضبي..!!!!
Author: منال
Date: 06-12-2011, 08:16 AM
Parent: #8
الثقافه الجنسيه مهمه شديد للاطفال وبالذات فى سن معاذ وماعارفه ليه السودانيين بخجلو من مناقشة اولادهم
واكبر غلط نتهرب من الاجابه لانو لو مالقى منك الجواب حيحاول يلقاهو من زول تانى
كان على ام معاذ ترد عليهو بطريقه بسيطه وقريبه تفكيره ,,
|
Post: #31
Title: Re: ماما ... عندي سؤال... بس أوعك تكضبي..!!!!
Author: Al-Shaygi
Date: 06-13-2011, 09:46 PM
Parent: #8
الريس أبوجهينة حبابك
Quote:
أنا أعتقد بأنه لديه خلفية ضبابية عن كلمة ( بتتجامعو ) ، و عندما ألتقط الضوء الأخضر من أستاذه أراد الإستزادة من أمه.
|
هذا هو بالضبط يا جلال ويبدو أنه سبق وصوله لأمه بعد الحصة نقاش وجدل بينه وبين زملائه وقد ذكرت بأنه شويطين وجريء وقد يكون دخل في تحدي مع زملائه بأن يأتيهم بالخبر اليقين، وقد يكون نقاش الموضوع حدث فيه خلاف بين الأولاد بين من يقول أن أبواه يتجامعان وآخرين ينفون،،، وأكيد صاحبنا أراد حسم الخلاف.
أما مبادرته بأن طلب من أمه عدم الكذب فقد يكون نتيجة لإدعاء زملائه بل تأكيدهم له بأن أمه لن تخبره بالحقيقة....
المهم الأمر يريد مزيد من البحث ويجب أن نوجد وسائل لإيصال المعلمومات الصحيحة للأبناء بدلاً من عيب وأتغطى ودي قلة أدب...!!!
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #9
Title: Re: ماما ... عندي سؤال... بس أوعك تكضبي..!!!!
Author: حمزاوي
Date: 06-12-2011, 08:03 AM
Parent: #7
يا اللخو يتتاجمعو دي ما وقعت لي وانت عارف اخوك رطاني
وكمان فهمي على قدر الحال ... فياريت لو تتكرم وتشرح لي
يعني ايه بتتجامعو
بالله يا الشايقي اخوي يكون الشرح واضح
وبطل غطاطة الشايقية واشرح لي اخوي الرطاني
وما تستعمل كلمات كبيرة كبيرة عربية
انت عارف اخوك من غير الناطقين بها
وياريت لو عندك اي معينات ذي صور وشرائح
عشان يقع لاخوك ويفهم
|
Post: #11
Title: Re: ماما ... عندي سؤال... بس أوعك تكضبي..!!!!
Author: عبدالرحيم أبراهيم العبيد
Date: 06-12-2011, 08:31 AM
Parent: #9
حقا مناهجنا تفتقر لذلك
لكن ما شاء الله الفضائيات ما خلت حاجه
أخوي حمزاوي
الترجمه
يعني بتتجمعوا يوم الجمعه
|
Post: #12
Title: Re: ماما ... عندي سؤال... بس أوعك تكضبي..!!!!
Author: عثمان عبدالقادر
Date: 06-12-2011, 10:30 AM
Parent: #11
| Quote: والموضوع مطروح للنقاش.... |
الأخ/ الشايقي وزواره الكرام
لكم التحية جميعا
في تصوري أن طرح الموضوع للنقاش تكمن أهميته في معرفتنا لجدوى الإجابة عليه أو الصمت عنه أو التعامل معه بالطريقة التي وجدنا عليها آباءنا!؟
هل حقيقة نحن مجبرون للتصدي لمثل هذه الأسئلة والتسلح لها بالمعرفة الللازمة؟ هل المعرفة الصرفة الغير مرتبطة بآليّات أخرى مثل الوظيفة والوضع الاجتماعي ومستوى المعيشة والقبول الشخصي عند الآخرين تغير من سلوكنا تجاه الطبيعة وتجعلنا قادرين على التحكم بها !؟هل بامكاننا نحن الآباء ومن
نمثل أوّل بيئة اجتماعية وأول آلية عملية لتنشئة الطفل أن نتحكم بالآليّات آنفة الذكر؟ أي أن نختار بإرادتنا الحرة ما يحقق لنا كل هذه الآليّات المطلوبة لتشكيل السلوك عند الصغير والكبير !!؟ وماهي المساحة المتاحة لنا للمناورة ؟.
هل تجربة من تقدمونا في السيرورة يمكن تجنبها ؟ بتعبير آخر هل بإمكاننا القفز فوق المرحلة التاريخية التي وصلت بالغرب إلى مانراه اليوم في
نظرته وتعامله مع المسألة الجنسية معياريّاً وسلوكيّاً؟؟وإذا كنا نريد القفز ،ماهو موطئ أقدامنا ومدرج هبوطنا!؟.
هل بإمكاننا الإنفلات بالمعرفة لوحدنا وتحييد قوة المجتمع أو تغييرها علماً أنه من أقوى الآليّات في تشكيل الثقافة الممارسة ؟.
إذا ثبت عجزنا أمام هذه التساؤلات بكليتها وشموليتها، فما هي فرصتنا في التلطيف وتخفيف الآثار السالبة قدر المستطاع إن كنا نرى ذلك بحيث نتصرف
في حدود مقدرتنا ومرحلتنا التاريخية؟ وما هو المعيار الأمثل الذي نود الإقتراب منه وليس الوصول إلى نهايته ؟ وهل المعيار من الناحية القيمية صحيح
أم هي إلا أسماء سميناها نحن وآباؤنا و ماأنزل الله بها من سلطان ؟
هذه التساؤلات وغيرها الكثير من باب أخذ المنهج إلى نهاياته المنطقية كي لا نؤمن ببعض الكتاب ونكفر ببعض .
أبوحمــــــــــــــد
|
Post: #13
Title: Re: ماما ... عندي سؤال... بس أوعك تكضبي..!!!!
Author: محمد أبوالعزائم أبوالريش
Date: 06-12-2011, 11:02 AM
Parent: #12
الأخ الشايقي والأخوة المتداخلين ..... سلام.
الكلمة (القنبلة) التي أطلقها معاذ، بهذه المفردة (بتتجامعوا)، تشي بأنه أتى بها من مصدر علمي (المدرسة)، ولو قُدّر لأم معاذ أن تتجاوز المفاجأة بسرعة، وحسب وعيها، قد تتمكن من تناول الأمر بصورة أحسن من (سجمي) أو الإنكار الذي جعل معاذ يتهمها بالكذب.
السؤال (من أين أتى معاذ بالمعلومة)، أجابه الأخ الشايقي وقال: من المدرسة. لكن يبدو أن أستاذ المادة لم يروِ ظمأ التلاميذ المعرفي وأطلق المعلومات الأكاديمية كما جاءت في الكتاب. هنا تكمن أهمية متابعة الأهل للمواد التي تدرّس بالمدارس، حتى يكونوا مستعدّين لمثل هذه الأسئلة، وأكيد هناك الكثير من الأطفال تقفز لديهم تساؤلات في هذه الأمور لا يجرؤون على إطلاقها.
الأسئلة في هذا الأمر كثيرة، مثل، متى يجب البدء في إعطاء الطفل جرعات المعلومات الجنسية، وكيفية تبسيطها له دون أن يقلل إحترامه لوالديه وللمجتمع.
يا ناس .... هل بيننا متخصص في هذا المجال؟
شكراً الشايقي
|
Post: #14
Title: Re: ماما ... عندي سؤال... بس أوعك تكضبي..!!!!
Author: عبدالمجيد الكونت
Date: 06-12-2011, 11:37 AM
Parent: #13
Quote: الأسئلة في هذا الأمر كثيرة، مثل، متى يجب البدء في إعطاء الطفل جرعات المعلومات الجنسية، وكيفية تبسيطها له وللمجتمع.
|
|
Post: #37
Title: Re: ماما ... عندي سؤال... بس أوعك تكضبي..!!!!
Author: Al-Shaygi
Date: 06-15-2011, 00:23 AM
Parent: #14
Quote:
Quote: الأسئلة في هذا الأمر كثيرة، مثل، متى يجب البدء في إعطاء الطفل جرعات المعلومات الجنسية، وكيفية تبسيطها له وللمجتمع.
|
الكونت كمان السؤال ليك شنو؟؟؟
إنت ما كان بيرسلوك تودي حمارتكم لي حمار العمدة في مقاشي؟؟؟
بث لو عندك أي سوعال أمشي لي عبده بيجاوبك....!!!
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #15
Title: Re: ماما ... عندي سؤال... بس أوعك تكضبي..!!!!
Author: جمال السنوسي
Date: 06-12-2011, 11:40 AM
Parent: #13
| Quote: أنت وبابا بتتجامعو |
الشايقي
ولدك ده
عفيت منو
دوغري
عديل
يا زول
اقعد معاهو
وفهمو
قول ليهو
بنتجامع ( كدي شوف عدد اخوانن كم )
وبنطارح
زينا زي كل البشر
يا الشايقي
الشايقية ديل بالفطرة
مخلوقين بحب اتنين
موية التمر
وعشق الحسان
|
Post: #16
Title: Re: ماما ... عندي سؤال... بس أوعك تكضبي..!!!!
Author: الفاتح شلبي
Date: 06-12-2011, 12:58 PM
Parent: #15
طفل وصل مرحلة وبدأ يسأل أسألة واضحة بدون تلميح ينبغي أن يكون الرد عليه رداً كافياً وشافياً ... فى العدم يقال له بأن بالأمر تفاصيل ستعرفه لاحقاً عندما تكبر
بيني وبينكم انا لمن كنت طفل, نصف الأسئلة بتاعتي الوالد كان بيقول لي ... لمن تكبر حأقعد معاك وأوضح ليك ... ولمن كبرت خجلت من الأسئلة ديك لكن فهمت أن الوالد أطال الله فى عمرهـ كان محرج فى أن يوضح لي بعض التفاصيل التى تشبه السؤال الذي اعتبرتوهـ قنبله ويبدو أنه كان واثقاً من أن الأيام ستوضح لي بعيداً منه
|
Post: #17
Title: Re: ماما ... عندي سؤال... بس أوعك تكضبي..!!!!
Author: Mohammed Ahmed Saeed
Date: 06-12-2011, 01:31 PM
Parent: #16
الشايقى
تحياتى
أشياء كثيرة تعرفنا عليها ونحن أطفال من الشارع ( مع دافورى العصرية ) او عوم البحر او ونسة نصف النهار تحت شجرة فى نص الحلة
( ثقافة الشارع) لقطنا منها الكثير الذى لايمكن تعلمة من البيت ويدخل من ضمن المحرم نقاشة أو السؤال عنة.
زمن معاذ يختلف عن زماننا واى واحد منا ان سئل هذا السؤال ولة مالة من حكمة سوف يضطرب قبل البدء فى تفتيش مخرج من هذا السؤال المحرج .
|
Post: #18
Title: Re: ماما ... عندي سؤال... بس أوعك تكضبي..!!!!
Author: Gaafar Ismail
Date: 06-12-2011, 03:54 PM
Parent: #17
الحبيب الشايقي وضيوفه
المرأة السودانية عادة تخجل وترتبك أن تجيب على مثل هذا النوع من الأسئلة
ممممممممم
أعتقد كان يجب عليها الإجابة بكلمة (نعم) فقط... وما أعتقد أن معاذ كان حايمشي لقدام ويسأل سؤال تاني ...لكن اجابة الأم بكلمة لا لا لا تجعل معاذ يجزم بأن امه (كضابة) وهذا أمر ضرره أكبر.
او احسن مخرج تقول ليه ( أمشي أسأل ابوك)
|
Post: #19
Title: Re: ماما ... عندي سؤال... بس أوعك تكضبي..!!!!
Author: نادر النور آدم
Date: 06-12-2011, 03:56 PM
Parent: #17
يا حاج تحياتنا
دا جيل بقلع حقو في المعرفة وفي كل حاجة تانية بي يدو
ما عادت الأمور زي زمان
تخريمة:
يحكى إنو في بت عمرها في حدود ال11 سنة سألت امها السؤال العجيب بتاع انتي جبتيني كيف .. فالوالدة لفت من هنا ومن هنا وألفت ليها رواية عشان تتخارج من الموقف .. البت ببراءة قالت ليها يمة انتو في زمنكم ما كان في ................... ولا شنو ..
|
Post: #41
Title: Re: ماما ... عندي سؤال... بس أوعك تكضبي..!!!!
Author: اماني محمد صالح
Date: 06-17-2011, 02:22 PM
Parent: #11
حمزاوي
مسكاقلوا
الموضوع شايك
معقدة وربما تكون ام قد اصابت بالصدمة
من السؤال الغير متوقع
ا واصبح عادي في زمن الفضائيات
لا مجال للاندهاش
زميلي في العمل
جاء مذهولا
ايام مسلسل العشق الممنوع
وقال الصغيرة
تحكي بكل براءة و جراة ايضا
سمر حامل يا بابا
بس
ما من زوجها من مهند
لانها ما كانت مع داك لما حصل
اعذرني فانا اقل جرة من الصغيرة
اعتقد يجب مراجعة المناهج الدراسية
حتى لا ندخل في مثل هذه المناقشات
ولا نجد الرد عليها
فنصاب بذهول
لكم ودي
اماني الروح
|
Post: #20
Title: Re: ماما ... عندي سؤال... بس أوعك تكضبي..!!!!
Author: هشام كمال عبادي
Date: 06-12-2011, 07:10 PM
Parent: #1
| Quote: ماما ... عندي سؤال... بس أوعك تكضبي..!!!! |
مساءالخير على كل المشاركين ..
الثقافة الجنسية تكاد تكون معدومة في التعليم السوداني ..
ولكن في نفس الوقت الشارع السوداني اصبح يقوم بدور سلبي
خاصة وان المعلومة تصل بصورة مغايرة للفطرة البشرية ..
والمشكلة اعتقد في المناهج الحديثة التي غفلت هذه التربية ..
والموضوع يقودنا للحديث عن المناهج السودانية ..
يجب فتح بوست لمحاكمة المناهج ..
لكم حبي..
|
Post: #21
Title: Re: ماما ... عندي سؤال... بس أوعك تكضبي..!!!!
Author: خالد المحرب
Date: 06-12-2011, 08:10 PM
Parent: #20
Quote: ثم أتى بسؤاله الصاعقة قائلاً: ماما ،، أنت وبابا بتتجامعو..؟؟؟
صعقت أمه ،،، ولكنها حاولت التماسك والظهور بمظهر الما فاهم وسألته: يعني شنو؟؟
فرد بحزم: يعني تتـ.........؟؟
فردت الأم بإنزعاج شديد: لا.. لا.. لا.. لا.. لا....
ثم صمتت لا تلوي على شيء وفي حيرة من أمرها،، ماذا تفعل لمواجهة هذه الكارثة؟
ولكنه لم يمهلها إذ صاح في وجهها بأعلى صوته: كضاااااابه...
ثم استدار وذهب إلى غرفته ليضع حقيبته المدرسية ويغير ملابسه تاركاً أمه كمن على رأسه الطير....
|
الشايقى دا كلام جميل واهنيك على هذا
اولا يا اخى نحن نتجاهل ونعلم بان من حولنا يعرفون الكثير
ولكن اخى العزيز العلم والتربيه السويه بتقول لابد من شرح كثير من الامور
يعنى اديك بعض الامثله
اولا لابد من تنوير البنت من الوالده الواعيه بان يا بتى فى حاجه اسمها الدوره الشهريه دى بتجى لى البنات فى سن
فلا تنزعجى ودا كلام كتير يتبعه كلام فى الحياة الاسريه
وكيف انتو جيتو على قيد الحياه وكمان لامانع من ذكر هذا الموضوع للاولاد فى سن مبكره لان الاولاد ايضا اقرب
الى الام من الاب فى هذه السن اخى حسن الموضوع داير شرح مفصل اكثر من كدا عدم الوضوح فى هذه الامور ادى الى
نتايج عكسيه تم اخفائها على الاسره الصغيره ودا شى موسف ان يجد الشاب او الشابه من يثقفه او (العكس ) خارج نطاق الاسره
مره اخرى اهنيك على طرح الموضوع الهام وبالتاكيد فى ناس اجدر منى ان يفيدوا ويتكلموا فى الامر باستفاضه تامه يستفيد منها الجميع
|
Post: #22
Title: Re: ماما ... عندي سؤال... بس أوعك تكضبي..!!!!
Author: الشامي الحبر عبدالوهاب
Date: 06-12-2011, 08:32 PM
Parent: #21
الاخ الشايقي
عاطر التحايا
طفل مصري في نفس السن سأل معلمته الكويتية
ليش ما عندكم ثورة في الكويت فقامت بفصله من المدرسة
هذه المعلمة لم تكن علي استعداد ذهني للتعامل مع استفسارات
الطلاب وطريقة الرد عليهم
كذلك كانت هذه الام التي صدمت بسؤال ابنها عن موضوع ربما تري
خوض ابنها فيه من المحرمات ولكن كان يمكن ان تجاوب عليه اجابة تتوافق
وعقليته رغم انه باين عليه شقي حيث افترض مسبقا ان امه لن تعطه الاجابة المطلوبة
علي كل الموضوع يثير كيفية التعامل مع الاطفال الذين لم يعودوا اطفالا كما كنا زمان
كما يثير كيفية اعداد المناهج لتراعي الذهنية الجديدة والعقلية المتفتحة للاطفال
لكن لا ننسي ان هذا الطفل ربما وقع في فخ نصبه له زملاؤه
|
Post: #24
Title: Re: ماما ... عندي سؤال... بس أوعك تكضبي..!!!!
Author: مصعب عوض الكريم علي
Date: 06-13-2011, 11:40 AM
Parent: #23
يابا والله يوم علا تقد ليك عين زول !!
سرير الجريد عند العرب الرحل ينوم عليه كل افراد الاسرة ..
والاب عندما يريد زوجته .. يلكزها بالعكاز من فوق الاولاد والبنات اللي نايمين معاهم في السرير حتى تصحى ..
احد الابناء صحى بالليل ووجد العصا تمر من فوقه ..
قال لابيه : يابا والله يوم بتقد ليك عين زول ..
|
Post: #25
Title: Re: ماما ... عندي سؤال... بس أوعك تكضبي..!!!!
Author: طارق ميرغني
Date: 06-13-2011, 11:52 AM
Parent: #24
Quote: الشايقي
ولدك ده
عفيت منو
دوغري
عديل
يا زول
|
يا جمال منو القال ليك القال الكلام دا ولد الشايقي ؟؟
بعدين بالله شوف ليك ناس رطانه زي عم حمزاوي ديل قال شنو ؟ قال عايزين صور !!!
الكلام دا بالعربي ولا بالرطانه كلو سيم سيم
|
Post: #26
Title: Re: ماما ... عندي سؤال... بس أوعك تكضبي..!!!!
Author: ابوحراز
Date: 06-13-2011, 12:00 PM
Parent: #24
المشكلة جدودنا وأبواتنا اقل واحد فيهم ولد ليهو 12 من بنت الى ولد
يوم واحد ماجينا سألناهم إنتوا جبتونا كيف ؟؟؟
الواحد كان ماسك خشمو عليهو
وهسي نحن ذاتنا ماشين في نفس الطريق
العندو 6 ابناء
والعندو عشرة
وكل هذا تم بحمد الله ورعايته بدون اي ثقافة جنسية
لكن والله شفع هذا الزمن مشكلة كبيرة جداً
اول شيء لاحظوا زمان الفرق بين الابن والثاني من سنة الى سنتين كأقصى حد
الآن الفرق ما بين 4 سنوات الى 8 سنوات ما بين المولود والمولود
كل ذلك لن المولود الذي يأتي أولاً لايمنح والديه اي فرصة لإنجاب الطفل الثاني
اللهم الا بالغفلة
مرات تحرك كرعيك عاوز تتلم من البرد
طوالي يقوم ينطط عينيهو ويصحى ويقول ليك بابا عاوز موية !!!
كمان نحن عندنا واحدة مما تشوفك قفلت الباب تنجضك نجاض العدو
تقوم فيها النيران وتقول الا تفتحوا لينا الباب
يشهد الله كنا ننام بعد ان نشرب اللبن مباشرة بعد صلاة المغرب
ولانصحو الا في تمام السادسة صباحا لشراب الشاي
ويكون وقتها الجماعة قد قضوا على اليابس والأخضر !!!
قال ثقافة جنسية قال !!!
|
Post: #27
Title: Re: ماما ... عندي سؤال... بس أوعك تكضبي..!!!!
Author: محمد الكامل عبد الحليم
Date: 06-13-2011, 12:06 PM
Parent: #20
تحية.....من المفيد تناول الامر بالجدية اللازمةبغرض تربوي محض يقوم عليه السلوك السوي للطفل وقد يحدد مسار مستقبله...لجهة فهم الحياة علي طبيعتها ومن ثم التعامل مع مجرياتها وفق الصدق المطلوب والوضوح اللازم
لاحظت من خلال المنهج الدراسي لابني في مرحلة المتوسط في كندا ان المنهج يقوم علي دراسة فسيلوجية الجسم وتوضيح الاعضاء البشرية في المرحلة الاولي ثم تحديد وتوضيح دورها انتهاءا بكيفية تكاثر النوع...
مناهجنا يا استاذ هشام تخلو من ذلك بل يلفها الغموض عند الحديث عن الحياة الجنسية...يترك ذلك لادراك الطفل اومحاولاته في الاكتشاف او اسباغ الغموض علي سلوك طبيعي من الاجدي التنوير به حسب الجرعات التي تناسب عمره وتطوره البيلوجي
لاخوف من التنوير طالما ان المناهج ايضا تحوي الكثير عن التربية الدينية و موجبات الدين وحضه علي الخلق الحسن ودور البئية الاسرية في تمتين معاني الاخلاق وتقديم المثال لحسن الاقتداء...
الاستعداد في كل الاوقات للاجابة علي الاسئلة(المحرجة في تقديرنا)التي يطرحها الاطفال...المكتبة ذاخرة بمثل هذه الاسئلة والاجابة عليها...
التعاطي التقليدي والتعامل غير الجاد ازاء الموضوع يخلق اطفالا مستنسخين من تجاربنا بدلامن اطفال لهم وعيهم الذي يخلق تجاربهم نحو حياة خالية من العقد والتعقيد...وسنعود
|
Post: #28
Title: Re: ماما ... عندي سؤال... بس أوعك تكضبي..!!!!
Author: رانيه محمد الشيخ
Date: 06-13-2011, 12:18 PM
Parent: #27
المواضيع دى ما بتتحل بالاخفاء وتجنب الرد
المفروض الام تعرف الموضوع بتفاصيله
وتقعده وتسمع الحتوته من بدايتها
وتشرحها بشكل عام لابنها
وتدى بونيه فى كلمة ما تكضبى دى
عشان يعرف يتناقش بطريقه مهذبه وخصوصا لامه وابوه
|
Post: #29
Title: Re: ماما ... عندي سؤال... بس أوعك تكضبي..!!!!
Author: النصرى أمين
Date: 06-13-2011, 12:38 PM
Parent: #28
الغريبة ياالشايقى قبل يومين ناس المدرسة بتاعت الولد (9 سنوات)
رسلو لى فورم لازم اوقع عليه اذا انا موافق على مشاركتو على كورس
فى التربية الجنسية ....
طواللللللللللللللى وقعت عليهو بالموافقة .......
الغريبة انه (الولد) كان معترض .....
|
Post: #30
Title: Re: ماما ... عندي سؤال... بس أوعك تكضبي..!!!!
Author: حمد عبد الغفار عمر
Date: 06-13-2011, 03:20 PM
Parent: #29
الشايقي
سلام
الخطورة أنو شفع الزمن دا جريئين وإقتحاميين جدا
تقوم تشرح ليهو القصة بعد شوية يفكر يطبقها عمليا
مع أقرب واحدة حتى لو أختو الأصغر منو
يبقى تحديد العمر لشرح الحاجات دي مهم وحاسم جدا
ياخ الدنيا دي بقت ملولوة كدا مالها
|
Post: #32
Title: Re: ماما ... عندي سؤال... بس أوعك تكضبي..!!!!
Author: د.السيد قنات
Date: 06-13-2011, 10:19 PM
Parent: #30
سلام للجميع
الموضوع هادف جدا في هذا الزمن لبناتنا وأبنائنا،
هم يملكون المعلومة ربما بتفاصيلها الدقيقة دون أن نشرح لهم،
المنهج ينقصه الكثير جدا من ناحية الثفافة الجنسية،
أطفال اليوم هم ليسوا أطفالا كما كنا نحن بالأمس،
ضمن المقررفي التربية الإسلامية:
نواقض الوضوء، ومعلمة المادة تشرح للطلاب
أن من ضمن نواقض الوضوء : إذا لامس الرجل زوجته،
ولكن من ضمن الشرح وأسئلة الشواطين قالت لهم دي حتعرفوها لمن تكبروا!!!
أعتقد أنها إجابة خاطئة ستترك علامة إستفهام و فضول عند الطلاب لابد من معرفته،
ماذا تقصد الأستاذة : إذا لامس الرجل زوجته،،،؟؟؟
بعدين في حاجة تانية وكل الأسرة تشاهد الأفلام في التلفزيون
ومعاك بناتك وأولادك وطبعا في كثير من المشاهد كلها بوس وفبل وحضن
وكمان دخول غرفة النوم وقليع هدوم،
أها تلقانا كلنا نتصرصر بي جاي وبي جاي ولا الواحد عامل ما شايف حاجة
والجميع ساكتين كأنوا صابة فيهم مطرة ، وواحدين طوالي بالرموت يغيروا ليك اللقطة والمنظر،،
فعلا ثقافتنا الجنسية لسه بدري عليها
ولا بد من الشرح بحسب العمر والفهم العقلي للطفل من جانب المناهج ومن جانب الأسرة،
طيب أيه رأيكم البت جات من المدرسة داخلا علي أمها، وطوالي قالت ليها :
يا أمي أنا الليلة رعفت من ...........،،،، إنه القصور الثفافي الجنسي الذي نفتقده
في مناهجنا وعاداتنا وتقاليدنا ، ولكنه دخل من أوسع الأبواب دون أن ندري،
يديكم دوام الصحة وتمام العافية
|
Post: #33
Title: Re: ماما ... عندي سؤال... بس أوعك تكضبي..!!!!
Author: ابو جهينة
Date: 06-14-2011, 07:36 AM
Parent: #32
الشايقي
إضافة :
بالطبع هناك فرق بين ثقافة جنسية تعطى للطفل بطريقة منهجية من مدرس متخصص ، و بين إلتقاط الطفل للمعلومة من مصادر أخرى قد تجعله يقع في ما لا يحمد عقباه
في سبيعينيات القرن المنصرم ، في برنامج الأطفال ، سألت المذيعة الأطفال في جولة مسابقة :
أحمر بلّو في أمك غزّو ... دة شنو يا شطااااار ؟؟؟
طبعا هي تقصد الزمام
فقال طفل بلا تردد : دة الــــ .... ( ثم ذكر ما يخص والده ) 
و تم قطع البرنامج بفاصل موسيقى ...
|
Post: #34
Title: Re: ماما ... عندي سؤال... بس أوعك تكضبي..!!!!
Author: محمد أبوالعزائم أبوالريش
Date: 06-14-2011, 08:49 AM
Parent: #33
أبا جُهينة ...
عشان تكمّل الحكاية، المذيعة طبعاً كانت قاصدة (الزُّمام) الذي يوضع على الأنف.
والاّ مش كدة؟
|
Post: #35
Title: Re: ماما ... عندي سؤال... بس أوعك تكضبي..!!!!
Author: بدر الدين محمد
Date: 06-14-2011, 09:50 AM
Parent: #34
الموضوع في غاية البساطة من وجهة نظري المتواضعة .. كل الاطفال لديهم الرغبة في معرفة الاشياء التي تدور من حولهم .. لا قضاضة في تمليكهم المعلومات بصورة معتدلة .. وهناك مقولة ( إذا سأل الطفل أي سؤال فهو على إستعداد لتحمل الاجابة أي كان نوعها )
لا تستحوا من أبنائكم .. كونوا لهم اصحاب ... لا تتركوهم في مهب الريح .. جاوبوا على كل أسئلتهم..
|
Post: #38
Title: Re: ماما ... عندي سؤال... بس أوعك تكضبي..!!!!
Author: Al-Shaygi
Date: 06-17-2011, 05:00 AM
Parent: #35
Quote:
لا تستحوا من أبنائكم .. كونوا لهم اصحاب ... لا تتركوهم في مهب الريح .. جاوبوا على كل أسئلتهم..
|
المشكلة ليست في أطفالنا...
فهم يمارسون حقهم الطبيعي في طلب المعرفة
إنما المشكلة فينا نحن بخلفياتنا المعقدة، فما أن يسأل إبنك سؤال حرج تتلجم وما تعرف تجاوب فيكون الرد : أمشي يا ولد يا قليل الأدب أو لما تكبر تعرف؟؟؟
ولكنه يذهب ليعرف من مصادر أخرى ويصل للمعلومة بطرقة غير سليمة ويمكن أن تؤثر على مسيرة حياته بالكامل....
أعتقد أننا نحن الذين نحتاج للتعلم لنعلم أبنائنا....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #36
Title: Re: ماما ... عندي سؤال... بس أوعك تكضبي..!!!!
Author: saif khalil
Date: 06-14-2011, 10:04 AM
Parent: #34
الموضوع هادف جدا
نحن كسودانيين عندنا خلل في هذه المنطقة..ولعل هذا من الامور الموروثة..خاصة اهل المدن
أطفال القرى في السودان لهم إلمام مبكر بالمسائل الجنسية..يتعلمونها من الطبيعة..فلانة جابت غنمايتا لتيس ناس فلان يعشرا ليها..وحاج فلان ودا حمارتو لحمار شيخ الحلة...وقد يشهد الأطفال مشاهد التعشير هذه ولربما طلب إليهم بعفوية آن يسهموا فيها ’’مسكا‘‘ للغنماية من’’اضيناتا‘‘ورغم ذلك أطفال القرى أكثر التزاما وعفة..ولا يقعون فيما نخاف أن يقع فيه أطفالنا فننهج معهم سبيل ’’الغتغتة واللولوة‘‘
والمسألة الجنسية في المدينة السودانية..رغم قلة أدبنا نساء ورجالا..في الشوارع،في الميزات وبيوت العزاب..إلا أنها من التابوهات..التي حولها المغاليق والمتاريس..لو نظرنا لكبارنا..لاحترت كيف أنجبوا الأعداد المهولة من الإناث والذكران..حداشر واطناشر بطنة ..ويوم واحد مافي زولن شاف الراجل مع مرتو!!!!!
مرة ..سألني صديق..قائلا ..والله أنا محتار أبوي دا ولدنا كيف؟ مما عيني فتحت..لقيتو في اوضتو الجنب الديوان دي..وكل سنتين آمي تلدي..بلاقيها وين ومتين..ما عارف!!!!!!!!!!!!!!!!!!
ورغم التحفظات ..أولادنا في المدينة..يتعلمون من المدرسة والشارع ومن وقت باكر..وللأسف بطريقة خاطئة..لا يتعلمون إن هذا الأمر طبيعي وجزء أصيل في ممارسة الحياة نفسها..وان له أعراف وقوانين..بل يتعلمونه بطريقة شائهة و معاها بذاءات كمان!!!!!!!!
واستدل علي معرفة الصبية بهذه الأمور..بقصة حقيقية ..نقلها لي زميل في العمل عن صديق له..جاءه متأزما ومكدورا..لأنه اعتاد أن ينام هو وزوجته وطفليه..ويحيدن كبييير كدي ..وآخر رضيع في غرفة واحدة..ويبدو أن الرجل بعد نوم الصغيرين..يتسحب من سريره إلي السرير الآخر..ليمارس السنة ..ويبدو أن الابن الأكبر كان مشاهدا دائما لهذا الفيلم..وفي ذات يوم ..هم الرجل أن يفعل فعلته تلك..فإذا بطفله الرضيع يبدأ الصراخ والبكاء فخطفه الأب ليخرج به من الغرفة..حتى لا يوقظ الآخر..والذي من شأنه أن يعرقل عليه برنامجه فهو إن استيقظ تصعب عودته للنوم مرة أخرى..وبينما هو يهم بالخروج من الغرفة حاملا الرضيع..فإذا بالابن الأكبر يخاطبه باكيا..كمان دا داير ت.............................؟
اسقط في يد الرجل ..وما درى كيف التصرف؟ وغدا مهموما ومتسائلا..ود الحرام دا عرف الكلمة دي من وين؟
عليه وجب علينا أن نعي خطورة الأمر وخطورة الطريقة التي نتعامل بها تجاهه.
|
Post: #39
Title: Re: ماما ... عندي سؤال... بس أوعك تكضبي..!!!!
Author: قيقراوي
Date: 06-17-2011, 11:59 AM
Parent: #36
الشايقي التحيات الزاكيات لك و ليوفك الكرام ياخ
Quote:
واستدل علي معرفة الصبية بهذه الأمور..بقصة حقيقية ..نقلها لي زميل في العمل عن صديق له..جاءه متأزما ومكدورا..لأنه اعتاد أن ينام هو وزوجته وطفليه..ويحيدن كبييير كدي ..وآخر رضيع في غرفة واحدة..ويبدو أن الرجل بعد نوم الصغيرين..يتسحب من سريره إلي السرير الآخر..ليمارس السنة ..ويبدو أن الابن الأكبر كان مشاهدا دائما لهذا الفيلم..وفي ذات يوم ..هم الرجل أن يفعل فعلته تلك..فإذا بطفله الرضيع يبدأ الصراخ والبكاء فخطفه الأب ليخرج به من الغرفة..حتى لا يوقظ الآخر..والذي من شأنه أن يعرقل عليه برنامجه فهو إن استيقظ تصعب عودته للنوم مرة أخرى..وبينما هو يهم بالخروج من الغرفة حاملا الرضيع..فإذا بالابن الأكبر يخاطبه باكيا..كمان دا داير ت.............................؟
اسقط في يد الرجل ..وما درى كيف التصرف؟ وغدا مهموما ومتسائلا..ود الحرام دا عرف الكلمة دي من وين؟
عليه وجب علينا أن نعي خطورة الأمر وخطورة الطريقة التي نتعامل بها تجاهه.
|
ولد سأل امو : كيف جبتوني؟
حولتو لابوه ..
الاب قنب يمارس اللولوة و اللف و الدوران ..
لكن وين يااا .. العفريت دا زراهو زرة كـــلب في طاحونة ..
لانها مرأة
- طيب اختي دي ما مرا ليه ما ولدت؟
في الاخر كدا عاوز يستنكحو .. قال ليو : ياخ انا مسحت على شعرا كدا قامت حملت بيك!!
الود - الشفت - لم يمهله طويلاً في استهباله المجيد دا، فاجأو ليك بسؤال تعسفي من النوع ابو كديس :
ليه انت ما عندك ( عضو تناسلي ذكري )؟
طبعاً - لا بفوت على فطنة القارئ العزيز على ألب بشاشا - انو الود لغتو ما بالاناقة دي و قالا عدييييييييل زيو و زي اكبر شماشي!
يا اخوي الشواطين ديل عارفين اي ي ي شئ!
فالناس احسن تخت الكورة واطة .. و تلعب نضيف معاهم
lمرة ولد قال لامو انو صاحبو في المدرسة نصحهم انو يشربوا موية كتيييير عشان يصحى بالليل يبول .. و يشوف امو و ابوه عريانيين!!
----------
زماااااان لمن درسونا الشغلة دي .. وصاحبن لينا قال : لو اتاكد من انو امو و ابوهو بعملوا ( قلة الادب ) دي تاني ما ح يحترمم 
قال مازحاً طبعاً .. لكن المشكلة في انو يسعى لمسألة ( التأكيد ) دي .. ياخ في تاكيد اكتر من وجودك انت دايورسلف؟ .. هو الله دا شافوهو بالعين و لّ عرفو بالعقل
|
Post: #40
Title: Re: ماما ... عندي سؤال... بس أوعك تكضبي..!!!!
Author: جمال الباقر
Date: 06-17-2011, 01:36 PM
Parent: #39
Quote: الثقافه الجنسيه مهمه شديد للاطفال وبالذات فى سن معاذ وماعارفه ليه السودانيين بخجلو من مناقشة اولادهم
واكبر غلط نتهرب من الاجابه لانو لو مالقى منك الجواب حيحاول يلقاهو من زول تانى
كان على ام معاذ ترد عليهو بطريقه بسيطه وقريبه تفكيره ,, |
|
Post: #42
Title: Re: ماما ... عندي سؤال... بس أوعك تكضبي..!!!!
Author: اميرة السيد
Date: 06-17-2011, 05:35 PM
Parent: #40
Quote: الثقافه الجنسيه مهمه شديد للاطفال وبالذات فى سن معاذ وماعارفه ليه السودانيين بخجلو من مناقشة اولادهم
واكبر غلط نتهرب من الاجابه لانو لو مالقى منك الجواب حيحاول يلقاهو من زول تانى
كان على ام معاذ ترد عليهو بطريقه بسيطه وقريبه تفكيره ,, |
>>>>>>>>>>>>>>>>>>>>>>>>>>>>
كلامك منطقي جدا يا منال,, وهذا هو الكلام الصحيح، فالثقافة الجنسية مهمة للتعلم
ولكن السؤال هو يا الشايقي هل هذا الأمر حدث في السودان أم في دولة غربية ,, لأنك بتقول ان الولد حضر حصة عن التكاثر.. ولا أظن في السودان حيتكلموا في الفصل عن التكاثر بين البشر ولكن عن التكاثر بين النباتات والحيوانات...
واحتمال يكون مناهج السودان التعليمية تطورت وبدات تتضمن مواضيع جريئة..
والسؤال المطروح للنقاش هو : هل تدريس الثقافة الجنسية في المدارس الابتدائية ستأتي بنتائج ايجابية أم نتائج سلبية ربما تنعكس سلبا في تصرفات الأطفال،، أم النتائج الايجابية هي التي ستغلب وتجعل الأطفال يتصرفون بتهذيب أكثر وبدون عقد جانبية؟؟
|
Post: #43
Title: Re: ماما ... عندي سؤال... بس أوعك تكضبي..!!!!
Author: Al-Shaygi
Date: 06-17-2011, 06:24 PM
Parent: #42
أميرة السيد
شكراً على المرور
Quote:
>>>>>>>>>>>>>>>>>>>>>>>>>>>>
كلامك منطقي جدا يا منال,, وهذا هو الكلام الصحيح، فالثقافة الجنسية مهمة للتعلم
ولكن السؤال هو يا الشايقي هل هذا الأمر حدث في السودان أم في دولة غربية ,, لأنك بتقول ان الولد حضر حصة عن التكاثر.. ولا أظن في السودان حيتكلموا في الفصل عن التكاثر بين البشر ولكن عن التكاثر بين النباتات والحيوانات...
واحتمال يكون مناهج السودان التعليمية تطورت وبدات تتضمن مواضيع جريئة..
والسؤال المطروح للنقاش هو : هل تدريس الثقافة الجنسية في المدارس الابتدائية ستأتي بنتائج ايجابية أم نتائج سلبية ربما تنعكس سلبا في تصرفات الأطفال،، أم النتائج الايجابية هي التي ستغلب وتجعل الأطفال يتصرفون بتهذيب أكثر وبدون عقد جانبية؟؟
|
هذا الأمر حدث في السودان وفي مدينة كسلا تحديداً، وفي مرحلة الأساس وفي الإبتدائي سابقاً يدرس هذا الأمر بإقتضاب شديد ولولوه من المدرسين....
حدث قبل سنوات بعيدة في الشمالية أن كان المدرس يشرح بلولوة التكاثر والإنجاب وقد حاول أن يدور حول المسألة خجلاً وحاول تبسيط المسألة بضرب مثل على النخيل وتلقيح الأنثى بواسطة الذكر لكثرة النخيل بالمنطقة، ولكنه أثناء الكتابة على السبورة سمع تعليقاً من الكنبات الخلفية حيث قال تلميذ لزميلة (كلام الأستاذ ده ما ياهو الإتصال الجنسي).....
حكاية ثانية حكاها لي صديق مصري عمل بالتدريس وكان يعمل بمدرسة بنات وأثناء كتابته لعنوان الدرس، سمع إحدى الطالبات تهمس لزميلاتها قائلة: عاوزين يعلمونا قلة الأدب.....؟؟؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #44
Title: Re: ماما ... عندي سؤال... بس أوعك تكضبي..!!!!
Author: حمزاوي
Date: 06-18-2011, 06:19 AM
Parent: #43
| Quote: لا تستحوا من أبنائكم .. كونوا لهم اصحاب ... لا تتركوهم في مهب الريح .. جاوبوا على كل أسئلتهم.. |
أها إذا الشافع قال داير بيان بالعمل ... يعني يشوف ملواد في مكحل
انت ما تجاوب على سؤالي يا الشايقي أخوي
انت بتتهرب مني ليه
ولا احكي ليك نكتت الحلفاوي واخلي البنوت يهربن من هنا
أماني الروح بت عمي
مسكاقمي
نعمل شنو مع ناس العربي ... وما دايرين يفهمونا كمان
|
Post: #45
Title: Re: ماما ... عندي سؤال... بس أوعك تكضبي..!!!!
Author: ابي عزالدين البشري
Date: 06-18-2011, 09:59 AM
Parent: #44
طالما أن هذه هي قصة الحياة، كما عرفناها. بل كما عشناها في
صغرنا. طرحنا على أنفسنا نفس الأسئلة و طرحناها على غيرنا أو أمسكنا عن فعل ذلك؛
فيجب أن نتوقع أن يسألنا عنها أبناؤنا و أحفادنا.
من المحزن جداً أن يفاجأ الوالد أو الوالدة بمثل هذه الأسئلة أو بعض الأسئلة في العقيدة أو .. أو ..
يجب أن تكون هنالك عدة كاملة و تصور تام لما يمكن أن يدور في ذهن الطفل في كل مراحل عمره من أسئلة و أن تعد لها الإجابات (النموذجية)
و إلا ...
يكون الوالدان (تقليديين) .. تزوجا لمجرد المتعة أو لمجرد إنجاب البنين.
الأرنب يلد و العقرب تلد و كل المخلوقات و نتميز عنها (بالتربية).. التربية بفهم و عمق و بمنهج مؤسس لا مجرد ارتجال عابر، تكون نتيجته ترسبات (نفسية) سيئة و عقد يصعب حلها
مع ملاحظة أن الرد نفسه يؤخذ من واقع معرفة الوالدين بالطفل و مقدراته؛ لأن الطفل المقصود بهذه التريبة يختلف عن غيره ...
|
Post: #46
Title: Re: ماما ... عندي سؤال... بس أوعك تكضبي..!!!!
Author: أحمد الشايقي
Date: 06-18-2011, 11:02 AM
Parent: #45
Quote:
بالله يا الشايقي اخوي يكون الشرح واضح
وبطل غطاطة الشايقية واشرح لي اخوي الرطاني
وما تستعمل كلمات كبيرة كبيرة عربية
انت عارف اخوك من غير الناطقين بها
وياريت لو عندك اي معينات ذي صور وشرائح
عشان يقع لاخوك ويفهم
حمزاوي
|
|
Post: #49
Title: Re: ماما ... عندي سؤال... بس أوعك تكضبي..!!!!
Author: Yousif A Abusinina
Date: 06-30-2011, 03:07 PM
Parent: #48
| Quote: حمزاوي يا أخوي بلا تحكي حتى الرجال هربوا من هنا.... |
الاخ / الشايقى والمتداخلين الكرام
غايتو ولدك المسلط دخلك فى حتة ضيقة شديد........
لكن بصراحة الموضوع حيوى وحساس ويجب ان ياخذ من ابعادة الصحيحة
الخال حمزاوى مالو بجننك على زمنهم ما كان بتجامعوووووا
|
|