Post: #1
Title: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 07:50 AM
Parent: #0
الاعزاء اعضاء المنبر هذا البوست الثالث الذي أكتبه بخصوص هذه الموضوع ولا أضمن ألا يحذفه بكري ولكني مصرة على توضيح الأمر ... تمت ارسال رسائل من حسابي خلال الفترة ما بين أبريل 28 و مايو 3 لأعضاء كرام تطلب منهم ارسال أرقام هواتفهم .. أنا لم أقم بارسال هذه الرسائل لاني لم اتمكن من الدخول للمنبر إلا بعد مراسلة بكري و اعطاءه الباسويرد الجديد في 3 مايو ... إرجو نشر هذه الرسالة على أوسع نطاق خصوصا أن بكري مصر على مصادرة حقي في التوضيح وكل ما يهمه هو ألا يذيع أمر اختراق المنبر ...
ولمرسل هذه الرسائل أود أن يعلم بأني أرثي لحاله ولوضاعة أسلحته وأؤكد له بأني لن أُكسر وانه بحاجة حقيقية للوقوف مع نفسه و تهذيبها. المنبر و الاسافير عموما نافذة من ضمن نوافذ أخرى نطرح من خلالها ما نؤمن به، وأغلاق نافذة لا يعني نفاذ فرص لنوافذ أخرى.
أرجو رجاء من كل من قرأ أن ينشر أمر إخلاء مسؤوليتي من هذه الرسائل
______
من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم
|
Post: #2
Title: Re: تنبيه بخصوص رسائل ورادة من حسابي هنا لم أرسلها
Author: محمد عبد الماجد الصايم
Date: 05-11-2011, 07:57 AM
Parent: #1
يعني رقم تلفوني أخدوا الهكر .. ما عافي ليهو ياخ!!
|
Post: #3
Title: Re: تنبيه بخصوص رسائل ورادة من حسابي هنا لم أرسلها
Author: GamarBoBa
Date: 05-11-2011, 08:03 AM
Parent: #2
| Quote: من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم |
يا بكري الناس دي كلها عارفة ومتفهمة انو في هكر .
خلي اي عضو متضرر يخلي مسؤليته
رجاء لا تحذف البوست دي المرة التانية انا اكتب في نفس الموضوع والبوست يتحذف..
|
Post: #7
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:16 AM
Parent: #3
انا بالجد يا قمر بوبا ما قادرة أفهم وجهة نظر بكري أبو بكر شنو؟
ليه ممنوع اني اوضح موقفي؟
لما راسلتو اكتفى بنصحي اني اراسل من تلقو الرسائل
وده الحصل ..ولكن جاتني رسالة رد من زول ما لقيت
الرسالة المرسلة له في الصادر ... ساعتها قررت اعمل بوست
حذفو بكري من غير اي اسباب ولا توضيح!
يعني انا اراسل الاعضاء واحد واحد ولا كيف؟
بكري لايزم يفرق بين انتصارو الشخصي و الحق
داير يظهر قوي و مؤمن منبرو من حقو بس لما
الضرر يجي علينا ما من حقو يمنعنا ناخد حقنا
بالطرق السلمية المافيها تعدي ولا جور!
|
Post: #4
Title: Re: تنبيه بخصوص رسائل ورادة من حسابي هنا لم أرسلها
Author: Murtada Gafar
Date: 05-11-2011, 08:04 AM
Parent: #2
الأستاذة عزاز شامي ..تحياتي
تعرضت قبل أيام لتهكير مماثل لحسابي، فقدت بسببه كلمة المرور الخاصة بالحساب وأصبحت غير قادر على استعمال حسابي، وتم إنزال بوست باسمي حول انتخابات جنوب كردفان مخالف تماماً لمواقفي من تلك الإنتخابات ما جعل هوية هذا العضو الزميل بالبورد الذي يقوم بهذا العمل ال######## والخبيث معروفة تماماً بالنسبة لي، خاصة بعد أن قام هو نفسه بذات اللعبة مع الرفيق طارق عبد اللطيف نقد. يا لهم من أنزال، لكن ساعة خلاصنا منهم قد دنت.
|
Post: #10
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:20 AM
Parent: #4
يبدو ان الاختراق للمنبر المرة دي يا استاذ مرتضى
بقى من جوة ومن ناس متابعة ما مجرد مأجورين ...
الهدف تشويه الصورة .. يعني مين ممكن يشكك في رسالة
مني بأطلب بيها في تهذيب رقم عضو؟
ممكن في وقت لاحق الارقام دي تستخدم استخدام خاطي و ترسل لها رسائل
بأسمي كمان و أدخل في دوامات وساعتها حأكون ملامة اني ما وضحت
نفس الشيء بالنسبة لبوست بأسمك يطرح فكرة مغايرة لقناعاتك
لو ما وضحت انو ده ما انت معناها بتتحمل مسؤولية كل ما كتب
بحسابك!
|
Post: #6
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:12 AM
Parent: #2
يا ود الصايم انا مدينة لك بتوضيح لانو يبدو في غمرة غضبي ما انتبهت انو
ردي عليك قد يفهم خطأ و انا باعت1ر عن الفهم الخطأ الوصلك أو وصل لأي زول
انا قصدي من كلامي ده:
Quote: يا ود الصيم ما كانت في رسالة منك في الوارد
وعموما اسفة انو حسن ظنك فيني يسبب ليك اي احراج |
انا افتكرت انو انت فعلت ارسلت رقمك بناء على الرسالة المزيفة وده كان من حسن ظنك فيني
بس للاسف انا ما الرسلت الرسالة و بالتالي ارسالك لرقمك ممكن يسبب احراج ليك ...
عرفتي بيك ما عرفة منبر وانت ود دمي واعتذر ليك شديد على قصر لغتي وعجزها في
توضيح مقصدي ...
|
Post: #8
Title: Re: تنبيه بخصوص رسائل ورادة من حسابي هنا لم أرسلها
Author: محمد عبد الماجد الصايم
Date: 05-11-2011, 08:19 AM
Parent: #6
:)
|
Post: #5
Title: Re: تنبيه بخصوص رسائل ورادة من حسابي هنا لم أرسلها
Author: أيمن الطيب
Date: 05-11-2011, 08:09 AM
Parent: #1
سلام يا عزاز,,| Quote: من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم |
هذا المنبر تحصيناته اضعف مما يتخيل الأعضاء وإختراق الحسابات لا يتطلب كثير جهد لمن يرغب,,
سحب بوست توضيح وليس به ما يسئ أو يضر أحدا تصرف غريب من بكرى وأتمنى أن يشرح وجهة نظره فى سحب البوست..
لم أفهم يعنى شنو أهكر حساب شخص وأرسل رسائل بإسمو أطلب فيها أرقام تلفونات !!!!!!!!!!
يبدو أن الهكر قد تأدب قليلا...
تحياتى,,,
|
Post: #9
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-11-2011, 08:19 AM
Parent: #5
Quote: محمد عبدالماجد الصايم كتب: يعني رقم تلفوني أخدوا الهكر .. ما عافي ليهو ياخ!!  |
وأنا ما عافي ليهو لأنو ما طلب رقم تلفوني
|
Post: #12
Title: Re: تنبيه بخصوص رسائل ورادة من حسابي هنا لم أرسلها
Author: سيف النصر محي الدين
Date: 05-11-2011, 08:29 AM
Parent: #9
يا هكر السجم:
وضاعة، قلة أدب، عدم اخلاق.
ياخ بتعمل كده ليه؟
|
Post: #16
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:37 AM
Parent: #12
العيب من أهل العيب ما عيب يا دكتور سيف النصر
بس العيب الأكبر انو سيد الحوش يكون عون لهم
بمصادرة حقنا في التوضيح
|
Post: #13
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:34 AM
Parent: #9
الاخ صبري يعلم الله اني بحب أهزر في القاسية قبل الهوينة
بس الموضوع ده بالفعل مسبب لي ضيق شديد وردة فعل بكري
زادت الطين بلة .. اتمنى حقيقي انو نشري للوبست ده يؤدي
غرضو الحقيقي من كشف الألاعيب القذرة لاني ما دايرة زول يتعرض
لضرر بأي شكل كان لأنو احسن الظن فيني
|
Post: #11
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:25 AM
Parent: #5
Quote: لم أفهم يعنى شنو أهكر حساب شخص وأرسل رسائل بإسمو أطلب فيها أرقام تلفونات !!!!!!!!!!
|
يا أيمن ..أغلب المرسل اليهم من المعارضين
يمكن الهدف ايذاءهم هم بالحصول على ارقامهم بشكل ملتوي
أو إيذائي أنا باستغلال ارقامهم في وقت لاحق و ارسال رسائل باسمي
ايا كان الهدف التصرف غير نبيل وفيه انتحال للشخصية
واقتحام للخصوصيات بشكل فج
|
Post: #14
Title: Re: تنبيه بخصوص رسائل ورادة من حسابي هنا لم أرسلها
Author: مرتضى احمد عبد القادر
Date: 05-11-2011, 08:35 AM
Parent: #11
من ردود عزاز على ود الصايم وايمن شكلها مستعجله قبل البوست ما يمشي الخور وما قادره تركز في غير العايزه تقولو الله يقلع الهكر الخلى بكري وعزاز إتجاه واحد
|
Post: #18
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:43 AM
Parent: #14
والله يا مرتضى انا بيهمني البوست ده يقراهو أكتر عدد ممكن
قبل ما سيد الحوش يشيل أمانتو
وما قاصدة والله اضايق زول و يا أيمن و ود الصايم اعفو لي
لو لقيتو اني شايتة في محل تاني لانو بالجد بكتب و بعمل رفريش
وبغمض عيوني باخت يدي على قلبي زي الزول البحضر في فيلم رعب
و الخاين ماسك طبنجة للبطل
|
Post: #15
Title: Re: تنبيه بخصوص رسائل ورادة من حسابي هنا لم أرسلها
Author: GamarBoBa
Date: 05-11-2011, 08:36 AM
Parent: #11
حقيقي شي مزعج يا عزاز
نصيحة يا عزاز نزلي مايكروسفت اسينشال سكيورتي بالاضافة لانترنت اكسبلورر 9 وخلي السكيورتي والبرايفسي اعلي حاجة
اي نعم بطلب منك لدخول في كل ثانية و بقفل ليك الفيديوهات والاغاني لكن الله الغني
|
Post: #20
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:51 AM
Parent: #15
الجاي المنبر ده تاني منو يا قمر بوبا يا قريبي؟
انا الليلة حدي انو البوست ده يتقرى وتصل الرسالة
وبعد ده درب بكري و منبرو و هكرو أخضر ...
التواجد في المكان ده بعد كل البيحصل بيكون
نوع من المازوخية و حب تعذيب الذات
اي نعم المنبر اداني محبة كتيرة و معرفة ناس ذهب
بس برضو بيشيل من اعصابي وبيدخلني مواقف ما بتشبهني
وما بتضيف لي جديد ..
(.) سطر جديد
حأشيل الجميل و اخلي القبح قبلو
|
Post: #17
Title: Re: تنبيه بخصوص رسائل ورادة من حسابي هنا لم أرسلها
Author: Randa Hatim
Date: 05-11-2011, 08:39 AM
Parent: #11
Quote: تمت ارسال رسائل
إرجو
لا استيطع
وإيلاماًمن ظلم
بكري لايزم
يعني مين ممكن يشكك في رسالة
مني بأطلب بيها في تهذيب رقم عضو؟
بأسمي كمان
لبوست بأسمك
يا ود الصيم
يمكن الهدف ايذاءهم هم |
ما عارفه لكن الاخطاء دي ما بتشبه عزاز ابدا ...
ولا كمان تكوني يا عزاز زعلانه شديييييييد لما فقدتي المنطق ...
في الحالتين "الله يجازي الهكر"
|
Post: #19
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:46 AM
Parent: #17
معاك حق يا رنده لاني فعلا ما بدقق في الاملاء من الخوف و الرجفي انوالبوست يتشال
ده البوست الثالث و القبلو اتمسحو وانا باقول يا هادي في الردود
انا محتاجة طاسة الخضة و بخور تيمان لانو بقت علي بكري و الهكر
|
Post: #21
Title: Re: تنبيه بخصوص رسائل ورادة من حسابي هنا لم أرسلها
Author: أيمن الطيب
Date: 05-11-2011, 08:52 AM
Parent: #11
Quote: ايا كان الهدف التصرف غير نبيل وفيه انتحال للشخصية
واقتحام للخصوصيات بشكل فج |
نبيل منو؟؟؟؟
التصرف جريمة وجناية تتحرك لها الإجراءآت فى دقاق معدودة ويمكن أن تصل لمحلات ضيقة ضيق جحر فار ولكن فى سودانيز
أونلاين حماية المكان والأفراد حساباتها تبدو مختلفة..
هل يصعب تحديد من يقتحم موقع إنترنت أو حسابات شخصية ؟؟؟؟
والسؤال موجه لبكرى أيضا قبل أن يسحب البوست ,,,
على كل حال وجودنا هنا على مسؤوليتنا الشخصية وعلى الجميع المشاركة
فى طرح وسائل حماية أجدى وأكثر قوة من هجمات النمر المتكررة بصورة
يومية وس خ يفة وتدعو للتساؤل,,,
الجاتك فى مسنجرك ما سامحتك ....
|
Post: #22
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-11-2011, 09:03 AM
Parent: #21
Quote:
من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم
|
فعلاً موقف بكري غريب .. و معيب!!
حاجة تحير بالجد!!!
|
Post: #23
Title: Re: تنبيه بخصوص رسائل ورادة من حسابي هنا لم أرسلها
Author: مرتضى احمد عبد القادر
Date: 05-11-2011, 09:11 AM
Parent: #22
Quote: التواجد في المكان ده بعد كل البيحصل بيكون
نوع من المازوخية و حب تعذيب الذات |
معقولة يا عزاز ماشه يعني !! بتبالغي عديل سايبانا برانا للمازوخية بالأرانب دي
مازوخية عزاز دي لو ما قوقلتها و طلعت مصطلح جد جد كنت حافضل عمري كلو متخيله نجره منها لمصطلح بنفس المعنى المازوخي
|
Post: #26
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-11-2011, 09:21 AM
Parent: #23
Quote:
معقولة يا عزاز ماشه يعني !! بتبالغي عديل سايبانا برانا للمازوخية بالأرانب دي
|
و انت المقعدك شنو!!؟
غايتو ( نا ) دي شوية كدي بتلقى نفسك فيها برااااااك الله و رقبتك!!
الحاصل دا عبث يا مورتا!!
يعني اصلو ما ممكن الزول يتسول حق انو يوضح .. ليه الجابرنا على كدا شنو؟
المكان دا اخير قِلّتو كان محكوم بقانون واقف على راسو!!
حاجة تحير بالجد!!
|
Post: #25
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-11-2011, 09:20 AM
Parent: #22
Quote: عزاز شامي كتبت: الجاي المنبر ده تاني منو يا قمر بوبا يا قريبي؟
انا الليلة حدي انو البوست ده يتقرى وتصل الرسالة
وبعد ده درب بكري و منبرو و هكرو أخضر ...
التواجد في المكان ده بعد كل البيحصل بيكون
نوع من المازوخية و حب تعذيب الذات
اي نعم المنبر اداني محبة كتيرة و معرفة ناس ذهب
بس برضو بيشيل من اعصابي وبيدخلني مواقف ما بتشبهني
وما بتضيف لي جديد ..
(.) سطر جديد
حأشيل الجميل و اخلي القبح قبلو |
لا لا كدة ما معانا ...
وبي كدة إنتي بتعاقبي المنبر والناس العاشرتيهم بأخوة صادقة ...
وبتعاقبي بكري أبوبكر المغلوب على أمره ...
وكمان بكري أكتر واحد تعبان وغلبان والهكرز رافعين ليهو ضغطو ...
ــــــ
بالمناسبة يا عزاز الهكرز يشعرون بالفخر وروح الانتصار عندما يجدون مثل هذه البوستات التي تؤكد نجاح أعمالهم التخريبية وأعتقد أن بكري لا يريد أن يمنحهم الفرصة للتلذذ بما يقومون به ... وهذا لا يمنع من إيجاد آلية مناسبة لتبرئة ذمة الأعضاء ...
لذا أنصحك بعدم ذكر "الهكرز" في مثل هكذا توضيح ... وأن تذكري فقط أنه تم إرسال رسائل من حسابك بواسطة مجهول ... حينها ربما يُفهم أنه قام بتخمين كلمة المرور ... خاصة وأن الغالبية من "البنات" بالتحديد يستخدمن كلمات مرور ضعيفة مثل من واحد إلى ستة ...
ولكِ كل الود والتقدير ،،،
|
Post: #29
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-11-2011, 09:26 AM
Parent: #25
Quote:
وبتعاقبي بكري أبوبكر المغلوب على أمره ...
|
مغلوب على امره يحذف بوست توضيح!!؟
لو غالبو ما يفضها سيرة بس!!
|
Post: #27
Title: Re: تنبيه بخصوص رسائل ورادة من حسابي هنا لم أرسلها
Author: تيسير عووضة
Date: 05-11-2011, 09:22 AM
Parent: #22
يا بكري رجاءً لا تحذف هذا البوست وخلي عزاز توضح للناس وترفع الأذى عن نفسها
ــــــــــ
حمد الله على السلامة يا عزوز وارفعي تلفونك ..
|
Post: #39
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 10:08 AM
Parent: #27
يا ريت لو بسمع يا تيسير يا ريت!
بس لو شال ده حافتح واحد تاني و تالت
و رابع لغاية ما يشيل الباسويرد
|
Post: #37
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 10:06 AM
Parent: #22
والله يا قيقا انا لو عرفت السبب البخلي بكري ابو بكر
يحذف البوستات ممكن المي ده يخف شوية
يعني معقولة بس انو بكري افقو ضيق لدرجة
انو يستخف بحجم الضرر الواقع علي او على من تلقو الرسائل
و كل البيهمو صورتو و زيف أمن المنبر؟
|
Post: #24
Title: Re: تنبيه بخصوص رسائل ورادة من حسابي هنا لم أرسلها
Author: Sana Khalid
Date: 05-11-2011, 09:12 AM
Parent: #21
Quote:
هل يصعب تحديد من يقتحم موقع إنترنت أو حسابات شخصية ؟؟؟؟
والسؤال موجه لبكرى أيضا قبل أن يسحب البوست ,,, |
و كشف الهكرز مفروض يكون أولوية ، زي ما حماية الأعضاء المعتدى عليهم برضو مفروض يكون أولوية..
أبسط شيء إذا تأمين الحماية لعضوية المنبر شيء صعب، انه بكري يترك ليهم حق الدفاع عن نفسهم و دفع الأذى المترتب على اختراق حساباتهم..
و لو البيحذف بوستات التوضيح هو الهكر نفسو يبقى يا ريت الإدارة تشرح الحاجة دي للناس.. كلنا عارفين انو في هكرز ، و اختراق المنبر ما حاجة جديدة أو غريبة.. بس الغريب هو مصادرة الحق في حماية العضو لنفسه
ــــــ
أنا من الشاهدين انو عزاز بنفسها هي كاتبة البوست
و يا عزنا انت جبل ما بتهزو ريح..
كوني بخير دوماً
|
Post: #28
Title: Re: تنبيه بخصوص رسائل ورادة من حسابي هنا لم أرسلها
Author: Sana Khalid
Date: 05-11-2011, 09:24 AM
Parent: #24
Quote: يعني اصلو ما ممكن الزول يتسول حق انو يوضح .. ليه الجابرنا على كدا شنو؟
المكان دا اخير قِلّتو كان محكوم بقانون واقف على راسو!!
|
|
Post: #30
Title: Re: تنبيه بخصوص رسائل ورادة من حسابي هنا لم أرسلها
Author: Sana Khalid
Date: 05-11-2011, 09:28 AM
Parent: #28
| Quote: بالمناسبة يا عزاز الهكرز يشعرون بالفخر وروح الانتصار عندما يجدون مثل هذه البوستات التي تؤكد نجاح أعمالهم التخريبية وأعتقد أن بكري لا يريد أن يمنحهم الفرصة للتلذذ بما يقومون به ... وهذا لا يمنع من إيجاد آلية مناسبة لتبرئة ذمة الأعضاء ... |
يا صبري الكلام دا لو كان الهكر مجرد هاوي بيجرب في مقدراتو التكنولوجية و بيفرح لما يلقاها شغالة كويس..
لكن في رأيي انو دا زول عارف هو بيعمل في شنو و لشنو.. و غرضه أبعد كتير من التسلية!
|
Post: #31
Title: Re: تنبيه بخصوص رسائل ورادة من حسابي هنا لم أرسلها
Author: HAIDER ALZAIN
Date: 05-11-2011, 09:29 AM
Parent: #24
يديك العافية يابت الناس
الهكر جنني برسائل منك ومن تبلدينا- ومرات من ماسنجر بكري زااتو- لكن للصدق عرفت انها ما اسلوبكم انتو الاتنين
ـــــــــ
شيلي الصبر بكري زاااتو مزنوق في ركن
|
Post: #33
Title: Re: تنبيه بخصوص رسائل ورادة من حسابي هنا لم أرسلها
Author: محمد عبد الماجد الصايم
Date: 05-11-2011, 09:37 AM
Parent: #31
Quote: معقولة يا عزاز ماشه يعني !!
بتبالغي عديل سايبانا برانا للمازوخية بالأرانب دي |
|
Post: #32
Title: Re: تنبيه بخصوص رسائل ورادة من حسابي هنا لم أرسلها
Author: أبوعبيدة محمد الأمين
Date: 05-11-2011, 09:33 AM
Parent: #24
معاً لإعزاز عزاز
ندين أي محاولة للنيل من أخواتنا في هذا البراح وخارجه
|
Post: #41
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 10:10 AM
Parent: #32
شكرا استاذ ابو عبيدة و الشينة منكورة هنا وفي أي مكان
|
Post: #34
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 09:39 AM
Parent: #1
| Quote: لذا أنصحك بعدم ذكر "الهكرز" في مثل هكذا توضيح ... وأن تذكري فقط أنه تم إرسال رسائل من حسابك بواسطة مجهول ... حينها ربما يُفهم أنه قام بتخمين كلمة المرور ... خاصة وأن الغالبية من "البنات" بالتحديد يستخدمن كلمات مرور ضعيفة مثل من واحد إلى ستة ... |
والظاهر انا حتى في موضوع الباسيورد جليت من حركات البنات :)
يا صبري يا اخوي انا كلمة السر خاصتي صعبة جدا وفيها رموز و ارقام –
يعني ما من الساهل انو الباسيورد يتشال إلا بالشديد القوي ...
بعدين ليه اقول من مجهول؟ مراعاة لشعور منو؟
الهكر ما عارف روحي قادر تقنيا على اختراق المنبر؟
أي مراهق باستطاعته اختراق المنبر خليك
من ناس مسخرة سخرة و تم توظيفها لهذا العمل،
مغادرة المنبر بالمناسبة رد فعل على اصرار بكري على مصادرة حقي من التوضيح
وغياب المؤسسية عن مكان كهذا بيضرني ما بنفعني ...
على العين و الراس معرفة الناس الجميلة بس كمان ما على حساب صورتي
و سمعتي ولا راحتي النفسية .. فوق كم؟
اناممكن اقيف للبتجيبها الريح في معرض حوار أو خلاف فكري او سياسي
خلاف فيه فرص متكافئة لي و لخصمي ... و روحي سلبة وبالي طويل
بس اني اقيف لهذا النوع من التعدي و الظلم لا اجد فيه حصافة أو شجاعة
ولك الود
|
Post: #35
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 09:42 AM
Parent: #1
شكرا يا حيدر الزين على التنبيه
انت عارف انو صندوق الصادر مافيهو
الرسائل الصادر ليك؟
يعني لو وقفت على مخاطبة الموجودين في صندوق الصادر
بس انت كنت ما حتعرف و يا عالم في منو كمان تاني
لا بعرفني ولا اتداخل معاي و ممكن عادي يصدق اني
ارسلت ليهو الرسائل دي!!!
اتمنى بكري يقرأ كلامك و يعرف حجم الضرر قبل ما يجي
و يتصرف بتسرع كالعادة!
|
Post: #36
Title: Re: تنبيه بخصوص رسائل ورادة من حسابي هنا لم أرسلها
Author: طارق ميرغني
Date: 05-11-2011, 09:59 AM
Parent: #35
ندين اي تغول عل حساب اي من اعضاء المنبر
ومن حقك اختي عزاز توضيح موقفك
|
Post: #38
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 10:07 AM
Parent: #36
شكرا استاذ طارق واتمنى ان يصل فحوى هذا البوست لأكبر عدد ممكن من الاعضاء الكرام
|
Post: #40
Title: Re: تنبيه بخصوص رسائل ورادة من حسابي هنا لم أرسلها
Author: Yassir Tayfour
Date: 05-11-2011, 10:09 AM
Parent: #36
| Quote: من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم |
|
Post: #42
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-11-2011, 10:14 AM
Parent: #40
Quote: قيقراوي كتب: مغلوب على امره يحذف بوست توضيح!!؟
لو غالبو ما يفضها سيرة بس!! |
أخونا قيقراوي لك التحية ... واقترحت إيجاد آلية مناسبة لتبرئة ذمة الأعضاء ... وكتبت:-
| Quote: صبري طه كتب: وهذا لا يمنع من إيجاد آلية مناسبة لتبرئة ذمة الأعضاء ... |
إيجاد الآلية يمكن فنياً من خلال وضع شرط برمجي لا يسمح للعضو بمسح رسائله الخاصة الصادرة إلاّ بعد فترة زمنية معيّنة مثلاً شهر أو سنة ...
طيب يا عمّك حنستفيد شنو من الكلام دة ؟
الاستفادة هي:- في حالة الأخت عزاز تستطيع بعد الدخول على حسابها أن تعرف من الذين راسلهم الهكرز من خلال حسابها ...
وبي كدة تستطيع مراسلتهم والتوضيح لهم عبر الخاص ... وكمان كدة التوضيح وصوله أضمن بكثير من وضعه في بوست مفتوح ...
ولك ودّي ،،،
|
Post: #43
Title: Re: تنبيه بخصوص رسائل ورادة من حسابي هنا لم أرسلها
Author: HAIDER ALZAIN
Date: 05-11-2011, 10:23 AM
Parent: #40
شكراً عزاز
واتمني من بكري تلافي الضرر
قبل كم يوم الهكر خلاني اشتبكت مع تبلدينا لا ايدي لا كراعي في شتيمة فارغة جاتني بالماسنجر
ــــــــــ
يابكري اتمنى انك لو تسمع وقف الماسنجر وبعدين ايميلات الأعضاء ديل حافظهم وين؟؟
دا كلام بيضر الكثيرين لو خاتيهم كدة اي زول ممكن يعبث بيهم.. اسرارنا يابكري مع اهلنا يتهكر اسمي عندك ولا ايميلي
|
Post: #44
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 10:25 AM
Parent: #1
Quote: الاستفادة هي:- في حالة الأخت عزاز تستطيع بعد الدخول على حسابها أن تعرف من الذين راسلهم الهكرز من خلال حسابها ...
وبي كدة تستطيع مراسلتهم والتوضيح لهم عبر الخاص ... وكمان كدة التوضيح وصوله أضمن بكثير من وضعه في بوست مفتوح ...
|
يا صبري يا اخوي انا رسلت العندي في القائمة بس اقرأ كلام حيدر الزين وشوف
الانا كنت خايفة منو طلع صحيح ... مثلا حيدر الزين تلقى رسائل مني بس انا ما عندي
الرسائل اللي هو استلمها في صتندوق الصادر لانو الزول الاخترق الحساب رسل الرسائل
وحذف أغلبها وانا جيت لحقت ما تبقى منها ... انا ما رسلت لحيدر الزين اعتذر منو
لاني ما شفت اصلا الرسالة الصدرت ليه...
اها في الحالة دي حيدر يعرف كيفن؟
غير حسن الظن الهو ما ملزم للجميع وما ممكن نعتمد عليهو طواااالي كده
كان حيعرف كيف لو ما كنت كتبت البوست؟
انا حكاية باركوها و استروا لموضوع ده ما بحبها في الامور التي لا تحتمل
من حق اي زول استلم الرسائل دي ان يصله توضيح كافي لانو ما ذنبو انو زول قرر
يستغل حسابي ...
بكري ابو بكر حساس و بتهمو صورتو من حقو بس ما على حساب الآخرين
ولو عجز عن درء الضرر من حقنا اننا ننقذ ما يمكن انقاذه بكل السبل
الممكنة وما من حقو على الاطلاق مصادرة حقي في التوضيح موش لو بقى منبرو
لو بقى بيتو زاتو!
|
Post: #45
Title: Re: تنبيه بخصوص رسائل ورادة من حسابي هنا لم أرسلها
Author: الشيخ صالح محمد
Date: 05-11-2011, 10:32 AM
Parent: #44
كامل تضامني معك ياعزاز
وربنا يصبرك على الابتلاء
تحياتي،،، ،،،
|
Post: #47
Title: Re: تنبيه بخصوص رسائل ورادة من حسابي هنا لم أرسلها
Author: GamarBoBa
Date: 05-11-2011, 10:45 AM
Parent: #45
البوست توقيته كان موفق..واخد زمنه تماما والحاجات بقت واضحة وليس هناك ما يدعو للقلق اكثر
راجعي قرار الوقوف خاصة في التوقيت ده...خليك قاعدة وامشي بمزاجك..مافي زول قاعد في المكان عنده ضمانات بتقعده وياهو حيدرالزين قال استلم من تبلدينا برضو فيبقي الموضوع عام...والتقدير ببقي شخصي وزي ما قال ايمن الزول في الحاصل ده قاعد علي مسئوليته الشخصية مافي اي حماية
وتقين كومارين قرقيدن هكر يا شيخة
|
Post: #48
Title: Re: تنبيه بخصوص رسائل ورادة من حسابي هنا لم أرسلها
Author: سامي صلاح محمد
Date: 05-11-2011, 10:47 AM
Parent: #45
| Quote: من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم |
و الفجيعة أن تفجع في أخلاقك و أنت لا تعلم، بمعنى أن يتم إستغلال إسمك و تشويه صورتك بإنتحال شخصيتك
لربما استخدمت حسابات أخرى دون أن يكتشف أصحابهم أبداً أنهم استغلوا
و لربما قيل على لسانهم ما يورطهم في مشاكل أو ملاسنات كما قال حيدر الزين أعلاه
يا بت الناس العزاز هذه مسألة حق لا تقبل التنازل و على بكري معالجتها أو إشراك الناس في هذا الهم
|
Post: #75
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 02:37 PM
Parent: #48
Quote: و الفجيعة أن تفجع في أخلاقك و أنت لا تعلم، بمعنى أن يتم إستغلال إسمك و تشويه صورتك بإنتحال شخصيتك
لربما استخدمت حسابات أخرى دون أن يكتشف أصحابهم أبداً أنهم استغلوا
و لربما قيل على لسانهم ما يورطهم في مشاكل أو ملاسنات كما قال حيدر الزين أعلاه
يا بت الناس العزاز هذه مسألة حق لا تقبل التنازل و على بكري معالجتها أو إشراك الناس في هذا الهم
|
وهذا هو ما خشيت يا سامي يا اخوي والله يعلم الاتكتب من حسابي يكون شنو؟!
بكري بطريقتو ما يعالج انا بعالج موضوعي براي بعد كده لانو اعتمدت على
بكري كتير في الموضوع ده وفي كل مرة الخذلان ماشي زيادة!
|
Post: #52
Title: Re: تنبيه بخصوص رسائل ورادة من حسابي هنا لم أرسلها
Author: محمد يوسف الزين
Date: 05-11-2011, 11:05 AM
Parent: #45
|
Post: #76
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 02:38 PM
Parent: #52
شكرا محمد يوسف الزين
|
Post: #74
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 02:34 PM
Parent: #45
شكرا استاذ الشيخ صالح
|
Post: #46
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-11-2011, 10:43 AM
Parent: #44
Quote: عزاز شامي كتبت: يا صبري يا اخوي انا رسلت العندي في القائمة بس اقرأ كلام حيدر الزين وشوف
الانا كنت خايفة منو طلع صحيح ... مثلا حيدر الزين تلقى رسائل مني بس انا ما عندي
الرسائل اللي هو استلمها في صتندوق الصادر لانو الزول الاخترق الحساب رسل الرسائل
وحذف أغلبها وانا جيت لحقت ما تبقى منها ... انا ما رسلت لحيدر الزين اعتذر منو
لاني ما شفت اصلا الرسالة الصدرت ليه...
اها في الحالة دي حيدر يعرف كيفن؟
غير حسن الظن الهو ما ملزم للجميع وما ممكن نعتمد عليهو طواااالي كده
كان حيعرف كيف لو ما كنت كتبت البوست؟ |
عشان كدة يا عزاز أختي أنا اقترحت الآتي:-
| Quote: صبري طه كتب: إيجاد الآلية يمكن فنياً من خلال وضع شرط برمجي لا يسمح للعضو بمسح رسائله الخاصة الصادرة إلاّ بعد فترة زمنية معيّنة مثلاً شهر أو سنة ... |
ووصول التوضيح أضمن في اقتراحي خاصة وأن مواضيع المنبر بتنزل للصفحة التانية والتالتة ... إلخ والرسائل الخاصة معاها تنبيه ...
Quote: عزاز شامي كتبت: انا حكاية باركوها و استروا لموضوع ده ما بحبها في الامور التي لا تحتمل
من حق اي زول استلم الرسائل دي ان يصله توضيح كافي لانو ما ذنبو انو زول قرر
يستغل حسابي ... |
براك جيتي لاقتراحي يا عزاز أختي وكتبتِ من حق أي زول استلم الرسائل دي أن يصله توضيح كافي ...
السؤال: وصول التوضيح أضمن في حالة رسالة خاصة أم بوست مفتوح ؟!
ولكِ ودي ،،،
|
Post: #49
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 10:50 AM
Parent: #1
| Quote: وتقين كومارين قرقيدن هكر يا شيخة |
أوليّ انّ أقر تيكقن هاكوماريه قوجلو .. اقر ايمو ويده!
|
Post: #50
Title: Re: تنبيه بخصوص رسائل ورادة من حسابي هنا لم أرسلها
Author: aydaroos
Date: 05-11-2011, 10:55 AM
Parent: #49
Quote: البوست توقيته كان موفق..واخد زمنه تماما والحاجات بقت واضحة وليس هناك ما يدعو للقلق اكثر
راجعي قرار الوقوف خاصة في التوقيت ده...خليك قاعدة وامشي بمزاجك..مافي زول قاعد في المكان عنده ضمانات بتقعده وياهو حيدرالزين قال استلم من تبلدينا برضو فيبقي الموضوع عام...والتقدير ببقي شخصي وزي ما قال ايمن الزول في الحاصل ده قاعد علي مسئوليته الشخصية مافي اي حماية
|
|
Post: #53
Title: Re: تنبيه بخصوص رسائل ورادة من حسابي هنا لم أرسلها
Author: HAIDER ALZAIN
Date: 05-11-2011, 11:08 AM
Parent: #50
| Quote: وياهو حيدرالزين قال استلم من تبلدينا برضو فيبقي الموضوع عام...والتقدير ببقي شخصي |
ابداً يا عيدروس وصبري طه
راجعوا الواقع في سودانيز اونلاين
عزاز شامي هوجمتك بصفة شخصية باعتبارها بت سودانية
ـــــــــــ
بت ملت عين الشمس فما عاوزين زولة زيها تجي تاني
|
Post: #54
Title: Re: تنبيه بخصوص رسائل ورادة من حسابي هنا لم أرسلها
Author: محمد عيسي محمد
Date: 05-11-2011, 11:29 AM
Parent: #50
| Quote: [انا الليلة حدي انو البوست ده يتقرى وتصل الرسالة |
أنتي واحدة من ركائز المعرفة والوعي التي يقوم عليها هذا المنبر...وهذا الأستهداف أحد أهدافة أيصالك الي أتخاذ قرار الأنسحاب .. معقولة لكن ياعزاز تستجيبي بهذه السرعة ؟ أملي أن تراجعي قرار التوقف ..
|
Post: #78
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 02:41 PM
Parent: #54
| Quote: أنتي واحدة من ركائز المعرفة والوعي التي يقوم عليها هذا المنبر...وهذا الأستهداف أحد أهدافة أيصالك الي أتخاذ قرار الأنسحاب .. معقولة لكن ياعزاز تستجيبي بهذه السرعة ؟ أملي أن تراجعي قرار التوقف .. |
شكرا استاذ محمد عيسى على حسن الظن و العشم المبنر فيه كثر من خيار الناس
ارجو ان تراجع قولي في أمر التوقف عن الكتابة وهو ليس انسحاب يا سيدي الكريم
لم أجبر عليه بل هو قرار مسبب باسباب واضحة جداً يا بكري يحمينا يا يدينا حق
التوضيح غير كده باعتبر البقاء هنا مهانة لا أكثر ولا أقل
|
Post: #77
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 02:39 PM
Parent: #50
شكرا استاذ عيدروس
|
Post: #51
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 11:04 AM
Parent: #1
| Quote: السؤال: وصول التوضيح أضمن في حالة رسالة خاصة أم بوست مفتوح ؟! |
يا صبري الاتنين .. لانو رسائل التوضيح في الخاص
ممكن ما توصل لكل اللي استلمو الرسائل ...
حيدر الزين مثالاً = وصلتو رسالة مني وانا ما كنت عارفة
انا ما مخطئة يا صبري علشان اغتت على الموضوع ولا شريك مع بكري
ومن حقي الطبيعي المنطقي والمتسق مع فلسفتي الاخلاقية
اني اوضح الحاصل لاني اولا ما بضر زول ببمارسة لحقي ده
وثانيا لانو الادارة رفعت يدها مرتين
و كتفتني و رمتني في البحر و قالت لي عوم:
(1) مرة لما تقاصرت عن تعزيز حمياتها للاعضاء
(2) لما منعتني من التوضيح دون ان تطرح لي بديل آخر.
مع انو مفروض بكري ابو بكري هو اليعتذر لي و لمن تلقو الرسائل
موش كف كف يشيل بوستاتي لانو حمايتنا مفروض مسؤوليتو...
بس هنا سودانيس اون لاين دط كوم اكل نارك براك واقلع حقك بيدك
جداً باخدي حقي براي ... وفي فرق 10 ساعات بينا و بين اريزونا
و بكري إلا يخلي النوم أو يشيل الباسيورد
|
Post: #55
Title: Re: تنبيه بخصوص رسائل ورادة من حسابي هنا لم أرسلها
Author: aydaroos
Date: 05-11-2011, 11:42 AM
Parent: #51
Quote: ابداً يا عيدروس وصبري طه
راجعوا الواقع في سودانيز اونلاين
عزاز شامي هوجمتك بصفة شخصية باعتبارها بت سودانية
ـــــــــــ
بت ملت عين الشمس فما عاوزين زولة زيها تجي تاني |
يا حيدر الزين انا مع فكرة فتح البوست، و ملاحقة بكري لتوضيح موقفو
و ما مع فكرة إنسحاب عزاز لانها كده بي تكون حققت للهكر هدفه
|
Post: #57
Title: Re: تنبيه بخصوص رسائل ورادة من حسابي هنا لم أرسلها
Author: HAIDER ALZAIN
Date: 05-11-2011, 11:54 AM
Parent: #55
Quote: يا حيدر الزين انا مع فكرة فتح البوست، و ملاحقة بكري لتوضيح موقفو
|
تسلم عمدة يا استاذنا
انا كنت تلميذك والاستاذ الشهيد اسامة - ومعاناعبد الاله حمد الريح - بقي هسع ######## انقسامات
لكنك للآن عالق بالذاكرة وكل كلامك
ــــــ
عبدالله حصل ليهو شنو ما عارف؟؟وقع وااطة مع احترامي ليهو ولي فكرو الغرزتو فينا
|
Post: #66
Title: Re: تنبيه بخصوص رسائل ورادة من حسابي هنا لم أرسلها
Author: manal eltahir
Date: 05-11-2011, 12:42 PM
Parent: #55
كامل تضامني مع الاخت عزاز
وما من حق بكري مصادرة حقها في توضيح ما حدث لها ......وفعلاً يا بكري عزاز اتظلمت مرتين وظلمك ليها كان امر واقسي من ظلم الهكرز ....والهكرز ديل ما اختاروك صدفه ....بل لأنك بت جدعه ودغريه...لكن انسحابك يعني الهزيمه وده ما بشبهك...دمتي
|
Post: #79
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 02:43 PM
Parent: #66
Quote: كامل تضامني مع الاخت عزاز
وما من حق بكري مصادرة حقها في توضيح ما حدث لها ......وفعلاً يا بكري عزاز اتظلمت مرتين وظلمك ليها كان امر واقسي من ظلم الهكرز ....والهكرز ديل ما اختاروك صدفه ....بل لأنك بت جدعه ودغريه...لكن انسحابك يعني الهزيمه وده ما بشبهك...دمتي |
اختي منال الطاهر ... شكرا يا ستي على احقاق الحق أما أمر توقفي عن الكتابة فأجرو التكرم
بقراءة ردي و توضيحي للامر ... التوقف في هذا المقام ليس بانهزام بل تقديم ضرر أخف لمنع ضرر أكبر
|
Post: #56
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-11-2011, 11:49 AM
Parent: #51
الأخت عزاز أنا كلامي بافتراض إنو بكري طبّق اقتراحي وليس بافتراض الحاصل الآن ...
| Quote: ووصول التوضيح أضمن في اقتراحي خاصة وأن مواضيع المنبر بتنزل للصفحة التانية والتالتة ... إلخ والرسائل الخاصة معاها تنبيه ... |
يعني هسي الفاس وقع في الراس لو بكري سحب البوست بتاعك دة أو لم يسحبو ... واقترحت عليه أن يوجد آلية لتبرئة ذمة الأعضاء من انتهاكات الهكرز مستقبلاً ...
ودة اقتراحي:-
| Quote: إيجاد الآلية يمكن فنياً من خلال وضع شرط برمجي لا يسمح للعضو بمسح رسائله الخاصة الصادرة إلاّ بعد فترة زمنية معيّنة مثلاً شهر أو سنة ... |
ولحدّي هنا إنتِ معاك الحق في تنبيهك بالشكل الذي ترينه مناسباً لإخلاء مسئوليتك من الرسائل التي صدرت بحسابك ... طالما لا توجد وسيلة أخرى قام بتوفيرها الأخ بكري ...
ــــــــــــــــــــ
إن شاء الله كدة تكوني فهمتيني شايت وين ولو ما فهمتيني أضبحي ليك بقرة إن شاء الله يكون لونها بمبي ذاتو 
|
Post: #58
Title: Re: تنبيه بخصوص رسائل ورادة من حسابي هنا لم أرسلها
Author: اسماء الجنيد
Date: 05-11-2011, 11:58 AM
Parent: #56
هلا الحبيبة عزاز
ما عاش من يتطاول عليك يا حبيبة
تتذكري نفس الحكاية دي حصلت معاك إنتي تحديدا وألخ الكريم خالد المحرب السنة المضت
لما اتهركت انا برضو , وكتوا بتنزلوا البوستات للتوضيح ليس إلا
استغربت وقتها في سحب بكري للبوستات
لكن ما بعيد البسحب البوستات دي زاتها يا حبيبة هو الهكر وليس ابكر حقنا الواحد ده
ويا ابكرونا والله هكرونا المرضانيين ديل
والمصيبة بفضحوا رقبتهم ,, يعني هسة الهكر الأخ مرتضي جعفر ده وحاول يغير في اسلوبه قدام الناس
ده ما مرضان عديييييل
يعني اها غيرت وكتبت ونسخت وصورت
هل بتقدر تصل مرتضى في مكانو وتطاول عليهو ؟ ولا يعني كتابة السافير الناس بتمشي بيها وخلاص
ما يهو إنتو مالين الأسافير بي قرفكم ومرضكم
البعاين ليكم منو غير شبهكم الزيكم
دي اساليبهم الإنسان رخيصة
الناس اصلو ما تسكت ليهم
ويجب فضحهم في كل لحظة
اصلها ايماهم دنت ..
التحية لك يا عزاز الحنينة ولك اخي العزيز مرتضي
لكم الحرية والتحية والإجلال ,, ولهم الخزي والعار
|
Post: #81
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 02:48 PM
Parent: #58
Quote: لكن ما بعيد البسحب البوستات دي زاتها يا حبيبة هو الهكر وليس ابكر حقنا الواحد ده
|
تسلمي يا سوما يا حبيبة القسا ... بس الحذف ده بكري
ما زول تاني أقول ليك ليه... أنا كتبت البوستات الاولى
المسحهن اول امس وراسلتو في وقتها و طالبتو بحق التوضيح
ما رد علي لغاية الليلة و انا امس كلو ماسكة خشمي علي
معناها عدّاني العيب بعد ده
|
Post: #60
Title: Re: تنبيه بخصوص رسائل ورادة من حسابي هنا لم أرسلها
Author: aydaroos
Date: 05-11-2011, 12:11 PM
Parent: #56
Quote: تسلم عمدة يا استاذنا
انا كنت تلميذك والاستاذ الشهيد اسامة - ومعاناعبد الاله حمد الريح - بقي هسع ######## انقسامات
لكنك للآن عالق بالذاكرة وكل كلامك
ــــــ
عبدالله حصل ليهو شنو ما عارف؟؟وقع وااطة مع احترامي ليهو ولي فكرو الغرزتو فينا |
يا جماعة دا الهكلر ولا ولدنا حيدر الزين
غايتو حيدر ولدنا من كنور و ما ممكن يقول عبدالله وقع واطه
وعبدالله كان معتقل في تلاتين يناير
يعني بالعكس طلع فوق ما وقع واطه
|
Post: #64
Title: Re: تنبيه بخصوص رسائل ورادة من حسابي هنا لم أرسلها
Author: HAIDER ALZAIN
Date: 05-11-2011, 12:38 PM
Parent: #60
لا بالعكس يااستاذ
ـــــــ
كنت قبل شهرين - وانا بالسودان بعرف منو واتناقش
** مباراة تروتسكي بتوقع وااطة - هو الحق دا كم مرة؟؟؟
ــــــــ
زي وراق هسسع طلعوهو لينا مناضل حقوق عامة :)
|
Post: #80
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 02:45 PM
Parent: #56
| Quote: إن شاء الله كدة تكوني فهمتيني شايت وين ولو ما فهمتيني أضبحي ليك بقرة إن شاء الله يكون لونها بمبي ذاتو |
خلاص فهمتكم فهمتكم بس انت كمان ما تغالطني وانا دمي فاير في نص الشكلة
بتبالغ عامل زي اخوي مصطفى الله يرحمو نكون هايجين و هو ماسك ورقة وقلم
يجدول في المراحل و يمرحل في الاساليب واحنا الدم للركب
|
Post: #59
Title: Re: تنبيه بخصوص رسائل ورادة من حسابي هنا لم أرسلها
Author: بشير أحمد
Date: 05-11-2011, 12:02 PM
Parent: #51
الاخت/عزاز
تحياتي؛؛؛
ادين تهكير الحسابات بشدة.
قبل كده قلت للجميع بطّلوا تستخدموا الحروف او الكلمات الانجليزية في الباس ويرد
العربي ده مالو عيبوا لي؟
ولاّ الناس عايزه تتفلسف بالانجليزي؟
مثلا الباسويرد:أم صفقاً عراض
بيظهر كالاتي:ãÝÑæÖ ÈßÑí
والهكر لو شال السيرفر كلو بتاع بكري ما بيقدر يفكها.
نسخة المنبر ده قديمة جدا من زمن حفرو البحر واي هاوي في الهكر بغطس حجرو .
|
Post: #61
Title: Re: تنبيه بخصوص رسائل ورادة من حسابي هنا لم أرسلها
Author: الملك
Date: 05-11-2011, 12:25 PM
Parent: #59
عزاز شامي
اُختى ومفخرتى ...
شكراً للتنبيه ما إنو انا ما جاتنى رسالة :) ولا تلفون ...
وانا ما جايب خبر ..ذاتو ... لى هكر
داير اديك و تفسير ونصيحة ...
عن مسح البوستات فاحياناً يقوم به الهكر وخاصة زي بوستك ده ... وأحياناً بكرى ...
بكرى يرى أنه من الأجدى المواصلة فى البورد زكتابة مواضيع والردود ونسيان الهكر واسبابه وما فعل ... هذا يمثل له هزيمة اما
محاولة كتابة بوستات عنه ...الخ يمثل تكبير شأن له ... دي حاجة ..
الشئ الثانى :- حتة هكر لا مشى ولا جاء ...ومندسي خلف شاشة ..يهزمك ويخليك تقررى تفارقى البورد ...
ياخ انا شخصية البورد حقتك دي زاتا عا########ى مع شراستها وإنفعالها لكن لازم تقعدى ...
:)
ــــــــــــ
معزرة انا قاعد لى فى بلد طيرا عجم وعشان تكتب فى البورد الا تكتب بالبتاع البى الماوس ده
أرجو إعفائ من الاخطاء الإملائية ...
|
Post: #70
Title: Re: تنبيه بخصوص رسائل ورادة من حسابي هنا لم أرسلها
Author: أيمن الطيب
Date: 05-11-2011, 01:17 PM
Parent: #61
سلام يا عاطف وقمر بوبا,,,| Quote: ومنتظرين الباقين يلحقو بينا؟؟ |
الباقين جاهزين يا قمر وعاطف,,
على بكرى ان يكون أكثر ووضوحا وأكثر تفهما لتبعات إختراق حسابات الأعضاء هنا,,,
Done,,,,,,
|
Post: #86
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 03:00 PM
Parent: #70
Quote: سلام يا عاطف وقمر بوبا,,,
Quote: ومنتظرين الباقين يلحقو بينا؟؟
الباقين جاهزين يا قمر وعاطف,,
على بكرى ان يكون أكثر ووضوحا وأكثر تفهما لتبعات إختراق حسابات الأعضاء هنا,,,
Done,,,,,, |
وين كلام عاطف يا أيمن؟
ما لقيتو و البوست زاتو
زي البقى قصير الكفّو منو؟
شكل البوست دقايقو بقت معدودة!
يا مسهل!
|
Post: #85
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 02:56 PM
Parent: #61
شقيقي الملك .. بعيدا عن موضوع البوست
والله فخورة بيك وان شاء الله تجي طيب و سالم ...
موضوع انو الهكر المسح البوستات، احيلك لردي على سوما يا اخوي
انا امس كلو اديت بكري فرصة انو يرد على ايميلي العاتبتو فيهو على
مسح البوستات ,,, ما رد ... اها؟
بخصوص الانسحاب وانو يعتبر هزيمة فانت بتعرفني كويس و بتعرف لو اني ممكن انهزم
ولا اسباب التوقف منطقية و الاستمرار في الكتابة في ظل الظروف هذه بيعتبر امتهان
ما قوة ...
ابقى طيب
|
Post: #82
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 02:51 PM
Parent: #59
Quote: الاخت/عزاز
تحياتي؛؛؛
ادين تهكير الحسابات بشدة.
قبل كده قلت للجميع بطّلوا تستخدموا الحروف او الكلمات الانجليزية في الباس ويرد |
شكرا يا تساذ بشير بس يااخوانا في أزمة تنميط في المنبر ده :)
البنات بكتبو باسيوردات ساهلة و حسي انو بنكتب بالانجليزي
القال ليك منو انا ما كاتباهو بالنوبي وكلو رموز؟
حماية المعلومات الشخصية دي ما بنلعب فيها
الاختراق القاعد يحصل ده لانو السيكيورتي عامل زي النملية
ما علشان الباسيوردات و الله
|
Post: #73
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 01:27 PM
Parent: #1
يا اعزاء بجيكم صادة نفر نفر كان الله كتب للبوست ده الحياة لانو الدنيا صحبت في بلاد الانكل سام
بس حابة ارد على الاخوان و الاخوات البيقولو انو ما مفروض امشي علشان هكر
انا لو مشكلتي هكر ما ببمشي ... لو مشكتلي خلاف شخصي برضو ما بمشي
شفنا كتير في الدنيا والبورد ده ىخرو عندي علامة × الفي الطرف دي و بمشي
اشوف حياتي ذاتي الابعاد الانسانية و الحقيقية ...
المشكلة هنا انو الظلم من سيد المنبر ذاتو و جور غير مبرر
اولاً اما راسلت بكري مباشرة بعد ما اكتشفت الحاصل
رد لي رد مسسسسسسسسسيخ وقال لي just ignore it ورسلي للجاتهم منك رسايل
اقنور ات؟ ساااااااي كده ؟ لا بالله؟
رسلت للقيتهم في الصادر بس لما لقيت ناس تانية ممكن تكون استقبلت الرسائل دي
وانا ما باعرفها ما عندي طريقة غير اني افتح بوست وضحت فيه كلامي
شالوا بكري .. كتبت تاني ووضحت موقفي شالو برضو بكري
راسلت بكري ووضحت ليهو مدى استيائي ما عبرني لحد يوم الليلة !
وعليه، ما دام سيد الحوش ما بحمينا و بمنعنا نحمي انفسنا فالموضوع ده
ما لازمني كلو كلو ... ويتفسر زي ما يتفسر لانو تقيمي ما واقف على المنبر
يتقال ضعف انهزام اي شيء ما فارق معاي كتير البعرفني بعرفني والما بعرفني
من حقو يقيمني زي ما داير في النهاية ده اسفير وانا عارفة روحي وصبري قدر
شنو وبصبر في شنو ... المنبر ما نهاية العالم على الاطلاق ... وما في زول
بقدر يحميني اكتب كلامي ولا أقول راي وفي موقف مشابه لما بروف عز الدين
ما اداني فرصة مداخلة في ندوة فيها 30 شخص .. سكت؟
طبعا لأ! مشيت نشرت كلامي و زيادة في جريدتين (الصحافة و اجراس الحرية)
وفي الراكوبة و في المنبر ده ...والما حضر حضر و الما كان عارف عرف ...
وده البحصل هنا، العندي بقولوا بأكتر من طريقة و دوري في المجتمع و الحراك
بيحصل بالمنبر ومن غيرو عن طريق مقال ... ندوة ... كلام مع الناس ...
دعم مادي معنوي للشغالين في التغيير ...المهم بشارك
ولا بكري ولا هكر ولا غيرو بمنعني اني اكون زي ما اخترت اكون ..
مافي زول بيقدر يشيل مني حاجة ما اداني ليها ...
و حريتي و قوتي واستقلالي عملتهم انا ما من صنيع زول
والزارعنا غير الله اللي يجي يقلعنا!
وفوق كم ؟ اترجي حقي في التوضيح؟ ليه؟
القبول بالتعدي والظلم بيجيب ظلم أكبر وما بيفسر قوة على الاطلاق
"ان الشجاع هو الجبــــــــان عن الأذى" الأذى لرويحتي و لغيري في هذه الحال
_____________
التعديل لكلمة جبـــــــــان البيعدلها منبر بكري الشاطر في نوع ده و مخلي المنبر في الصقيعة للهكر!
|
Post: #83
Title: Re: تنبيه بخصوص رسائل ورادة من حسابي هنا لم أرسلها
Author: محمد البشرى الخضر
Date: 05-11-2011, 02:54 PM
Parent: #73
المرة دي المسالة مختلفة عن غيرها يا عزاز ويمكن الشخص ايضا اختلف
في السابق كان التهكير عبثي وغرضه الشتيمة والاساءة للمنبر و الاعضاء و اثبات المقدرة التكنلوجية
لكن الفترة الاخير في كودات بتودي لموقع فيشينغ شبيه بالفيس بووك غرضه سرقة الحسابات بطريقة احترافية
وزي الموقف الحصل ليك دا بدل على انو الهكر المرة دي ما غرضه العبث بل عندو فهم و هدف ساعي ليه وله معرفة او متابعة جيدة للاعضاء واسلوب كتابتهم
وحتى طبيعة علاقاتهم مع بعض
ودي حكاية خطيرة ارجو من الاخ بكري عدم التعامل معها بنفس مستوى التجاهل للأعمال العبثية السابقة
|
Post: #89
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 03:08 PM
Parent: #83
Quote: المرة دي المسالة مختلفة عن غيرها يا عزاز ويمكن الشخص ايضا اختلف
في السابق كان التهكير عبثي وغرضه الشتيمة والاساءة للمنبر و الاعضاء و اثبات المقدرة التكنلوجية
لكن الفترة الاخير في كودات بتودي لموقع فيشينغ شبيه بالفيس بووك غرضه سرقة الحسابات بطريقة احترافية
وزي الموقف الحصل ليك دا بدل على انو الهكر المرة دي ما غرضه العبث بل عندو فهم و هدف ساعي ليه وله معرفة او متابعة جيدة للاعضاء واسلوب كتابتهم
وحتى طبيعة علاقاتهم مع بعض
ودي حكاية خطيرة ارجو من الاخ بكري عدم التعامل معها بنفس مستوى التجاهل للأعمال العبثية السابقة |
تجاهل و كمان جابت ليها قص و حلاقة مداخلات ابشرك يا ود البشرى !؟
يعني ده شنو هو ده؟ يعني ما امشي اجتماع واقعد مصاقرة البورد
ده علشان اشوف الاتكتب؟
المهم الفهمتو انو في توقف جماعي ... مية مية يا شباب
عصيان مدني من النوع ابو كديس و الشعار (الاعضاء يريدون تعزيز الأمان)
|
Post: #84
Title: Re: تنبيه بخصوص رسائل ورادة من حسابي هنا لم أرسلها
Author: حيدر حسن ميرغني
Date: 05-11-2011, 02:54 PM
Parent: #73
| Quote: تمت ارسال رسائل من حسابي خلال الفترة ما بين أبريل 28 و مايو 3 لأعضاء كرام تطلب منهم ارسال أرقام هواتفهم |
غايتو في واحد يشيل ويشكر فيك ياعزاز على حس الطلب المضروب ده
__
ماتشوفي شر يابتنا
وفعلا بكري موقفه غريب وعجيب كمان
|
Post: #88
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 03:06 PM
Parent: #84
Quote: غايتو في واحد يشيل ويشكر فيك ياعزاز على حس الطلب المضروب ده
__
ماتشوفي شر يابتنا
وفعلا بكري موقفه غريب وعجيب كمان |
تسلم يا خال و يا ريت تبلغ عميق اعتذاري للشخص الوصلتو الرسالة
وسوء الفهم الحصل و يعفي لي لو استخدم الهكر تلفونو في أمر مسيء
|
Post: #90
Title: Re: تنبيه بخصوص رسائل ورادة من حسابي هنا لم أرسلها
Author: Amira Elsheikh
Date: 05-11-2011, 03:15 PM
Parent: #84
عزاز ياستنا .....
لو بكري سحب البوست ....نوعدك حنفتح واحد واتنين وتلاتة وعشرة ....
وحدنا معاه ....توضيح..... ولو مستكتر علينا الباصويرد اليشيلو ..
|
Post: #93
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 03:29 PM
Parent: #90
تسلمي يا ست البنات و الله يكضب الشينة
شايفة البوست عملو ليهو قوصة و تسريحة
وشالو مداخلات و خلو واحدات تانيات
نشوف آخرتها انا مارقة بالله احرسو لي
البوست و اعملو منو نسخة للضمان
علشان لو شال البوست اعمل جريدة
و بلوغ و منشورات بالمداخلات الاتكتبت فيهو
|
Post: #87
Title: Re: تنبيه بخصوص رسائل ورادة من حسابي هنا لم أرسلها
Author: Sana Khalid
Date: 05-11-2011, 03:03 PM
Parent: #73
بكري.. دي وقعت منك
Quote: سلام يا عاطف وقمر بوبا,,,
Quote: ومنتظرين الباقين يلحقو بينا؟؟
الباقين جاهزين يا قمر وعاطف,,
على بكرى ان يكون أكثر ووضوحا وأكثر تفهما لتبعات إختراق حسابات الأعضاء هنا,,,
Done,,,,,, |
Re: تنبيه بخصوص رسائل ورادة من حسابي هنا لم أرسلها
|
Post: #91
Title: Re: تنبيه بخصوص رسائل ورادة من حسابي هنا لم أرسلها
Author: محمد البشرى الخضر
Date: 05-11-2011, 03:18 PM
Parent: #87
| Quote: بكري.. دي وقعت منك |
ههههههههههههه
وانا اغالط في روحي قلت يمكن عشان نعسان
|
Post: #94
Title: Re: تنبيه بخصوص رسائل ورادة من حسابي هنا لم أرسلها
Author: Sana Khalid
Date: 05-11-2011, 03:29 PM
Parent: #91
| Quote: وانا اغالط في روحي قلت يمكن عشان نعسان |
أغالط روحي و أتصبر.. ههههههه
بتحصل لي .. مرات أشوف الأرقام من برة .. بعد شوية تنقص.. أقول لا يمكن أنا لمحت رقم غلط في بوست تاني..
المرة دي حضرت المولد كلو..
و عاطف - الله يديهو العافية - لبس المداخلات أححححححمر
|
Post: #92
Title: Re: تنبيه بخصوص رسائل ورادة من حسابي هنا لم أرسلها
Author: ABUHUSSEIN
Date: 05-11-2011, 03:20 PM
Parent: #87
الأخت عزاز سلام
من حقك توضحي خاصة و إنو تم إستهدافك أكثر من 4 أو 5 مرات ...... دي اللي أنا بتذكرها
تحياتي
|
Post: #95
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 03:31 PM
Parent: #92
بالحيل حقي يا ابو حسين .. السكات على الامور دي بتفسر غلط
وساعدونا بنشر المعلومات دي لأنها حصلت برضو لطارق نقد
بس المقام السامي ما رد عليهو لسه
|
Post: #100
Title: Re: تنبيه بخصوص رسائل ورادة من حسابي هنا لم أرسلها
Author: Raja
Date: 05-11-2011, 03:51 PM
Parent: #73
عزاز يا غالية..
بجد شئ غريب من بكري إنه يسحب البوست التوضيحي. الحمد لله التوضيح حصل.
ولو فعلا كان الغرض من السحب إنك ترسًلي لأي شخص إستلم رسالة من الهكر. ده يبقى الشئ الأغرب.
* غايتو يا عزاز الفيك إتعرفت وخوًتنا طلعت خوًة جيريوات (جمع جريو) ساكت.
النبي ما رسًلتي لي تسألي من رقمي/ أرقامي مالك.. لوووووووووووول
|
Post: #116
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:34 PM
Parent: #100
Quote: جد شئ غريب من بكري إنه يسحب البوست التوضيحي. الحمد لله التوضيح حصل.
ولو فعلا كان الغرض من السحب إنك ترسًلي لأي شخص إستلم رسالة من الهكر. ده يبقى الشئ الأغرب. |
تخيلي يا رجاء؟
مفروض اني اكتب لكل عضو في المنبر بدل ما افتح بوست؟
حكم قراقوش يا اختي نقول شنو؟
______
انا برضو اسألك من تلفونك في الماسنجر؟ بينا ملح وملاح يا بتي ووقفة اخوان ما بنساها ليك ما حييت
ابقي طيبة
|
Post: #96
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 03:33 PM
Parent: #1
Quote: أغالط روحي و أتصبر.. ههههههه
بتحصل لي .. مرات أشوف الأرقام من برة .. بعد شوية تنقص.. أقول لا يمكن أنا لمحت رقم غلط في بوست تاني..
المرة دي حضرت المولد كلو..
و عاطف - الله يديهو العافية - لبس المداخلات أححححححمر
|
الفاتني شنو يا سناء؟
انا لما ما اعرف حاجة عادية بيجي اب عديلات
خليك من شي في البوست حقي :)
مقص الرقيب شال شنو؟
|
Post: #97
Title: Re: تنبيه بخصوص رسائل ورادة من حسابي هنا لم أرسلها
Author: Sana Khalid
Date: 05-11-2011, 03:45 PM
Parent: #96
Quote: الفاتني شنو يا سناء؟
انا لما ما اعرف حاجة عادية بيجي اب عديلات
خليك من شي في البوست حقي :)
مقص الرقيب شال شنو؟ |
عزوز ، أهم شيء تعرفي أنا ما من الناس الوقعو ..
يعني كل الحصل.. و الله ما مني
بس النجيضة.. بكري حلاقتو مشرتمة!
|
Post: #98
Title: Re: تنبيه بخصوص رسائل ورادة من حسابي هنا لم أرسلها
Author: GamarBoBa
Date: 05-11-2011, 03:48 PM
Parent: #96
ده شنو ده؟؟الحلق البوست ده كدة شنو؟؟؟
غايتو الواحد مافاضي لدرجة يكتب وكمان يمسحوا ليه
فتناكم بعافية
|
Post: #99
Title: Re: تنبيه بخصوص رسائل ورادة من حسابي هنا لم أرسلها
Author: عمر عبد الله فضل المولى
Date: 05-11-2011, 03:50 PM
Parent: #96
كامل التضامن مع الاخت عزاز شامي
|
Post: #101
Title: Re: تنبيه بخصوص رسائل ورادة من حسابي هنا لم أرسلها
Author: mohmed khalail
Date: 05-11-2011, 04:13 PM
Parent: #99
ليبقى هذا البوست عاليا
علو مقام الاخت العزيزة عزاز,,
لك التحية والتقدير
|
Post: #109
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:07 PM
Parent: #101
Quote: ليبقى هذا البوست عاليا
علو مقام الاخت العزيزة عزاز,,
لك التحية والتقدير |
شكرا اخي محمد على كلماتك الطيبة هنا و هناك ... ألف شكر
|
Post: #102
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-11-2011, 04:22 PM
Parent: #99
Quote: عزاز شامي كتبت: يا اعزاء بجيكم صادة نفر نفر كان الله كتب للبوست ده الحياة لانو الدنيا صحبت في بلاد الانكل سام
بس حابة ارد على الاخوان و الاخوات البيقولو انو ما مفروض امشي علشان هكر
انا لو مشكلتي هكر ما ببمشي ... لو مشكتلي خلاف شخصي برضو ما بمشي
شفنا كتير في الدنيا والبورد ده ىخرو عندي علامة × الفي الطرف دي و بمشي
اشوف حياتي ذاتي الابعاد الانسانية و الحقيقية ...
المشكلة هنا انو الظلم من سيد المنبر ذاتو و جور غير مبرر
اولاً اما راسلت بكري مباشرة بعد ما اكتشفت الحاصل
رد لي رد مسسسسسسسسسيخ وقال لي just ignore it ورسلي للجاتهم منك رسايل
اقنور ات؟ ساااااااي كده ؟ لا بالله؟
رسلت للقيتهم في الصادر بس لما لقيت ناس تانية ممكن تكون استقبلت الرسائل دي
وانا ما باعرفها ما عندي طريقة غير اني افتح بوست وضحت فيه كلامي
شالوا بكري .. كتبت تاني ووضحت موقفي شالو برضو بكري
راسلت بكري ووضحت ليهو مدى استيائي ما عبرني لحد يوم الليلة !
وعليه، ما دام سيد الحوش ما بحمينا و بمنعنا نحمي انفسنا فالموضوع ده
ما لازمني كلو كلو ... ويتفسر زي ما يتفسر لانو تقيمي ما واقف على المنبر
يتقال ضعف انهزام اي شيء ما فارق معاي كتير البعرفني بعرفني والما بعرفني
من حقو يقيمني زي ما داير في النهاية ده اسفير وانا عارفة روحي وصبري قدر
شنو وبصبر في شنو ... المنبر ما نهاية العالم على الاطلاق ... وما في زول
بقدر يحميني اكتب كلامي ولا أقول راي وفي موقف مشابه لما بروف عز الدين
ما اداني فرصة مداخلة في ندوة فيها 30 شخص .. سكت؟
طبعا لأ! مشيت نشرت كلامي و زيادة في جريدتين (الصحافة و اجراس الحرية)
وفي الراكوبة و في المنبر ده ...والما حضر حضر و الما كان عارف عرف ...
وده البحصل هنا، العندي بقولوا بأكتر من طريقة و دوري في المجتمع و الحراك
بيحصل بالمنبر ومن غيرو عن طريق مقال ... ندوة ... كلام مع الناس ...
دعم مادي معنوي للشغالين في التغيير ...المهم بشارك
ولا بكري ولا هكر ولا غيرو بمنعني اني اكون زي ما اخترت اكون ..
مافي زول بيقدر يشيل مني حاجة ما اداني ليها ...
و حريتي و قوتي واستقلالي عملتهم انا ما من صنيع زول
والزارعنا غير الله اللي يجي يقلعنا!
وفوق كم ؟ اترجي حقي في التوضيح؟ ليه؟
القبول بالتعدي والظلم بيجيب ظلم أكبر وما بيفسر قوة على الاطلاق
"ان الشجاع هو الجبــــــــان عن الأذى" الأذى لرويحتي و لغيري في هذه الحال
|
غايتو أنا فهمت من الفيلم الهندي الطويل دة إنّك ما حترجعي السودان عشان البشير ونظامو وحترجعي في حالة إنو نظام البشير يطير
الانسحاب بحجة ظلم وقع عليك من فرد ما مُقنع فسودانيز أونلاين ملك للجميع حتى ولو سيطر عليه البشير ظاتو
ورحم الله أخوك وجعل الجنة مثواه ...
ولكِ ودّي ،،،
|
Post: #103
Title: Re: تنبيه بخصوص رسائل ورادة من حسابي هنا لم أرسلها
Author: د. ياسر عبد القادر
Date: 05-11-2011, 04:33 PM
Parent: #102
سلامات
عايز أقول إنو عزاز قلم يستحق أن يكون بيننا....أتمني أن يزول هذا الموقف الضبابي... وأنا أعلم بأن بكري راجل راقي جدا بس للزحمة والمشغوليات الكتيرة جدا بين العمل والموقع والاسرة..أحيانا لا يجد الوقت الكافي...فلنجد له العذر
|
Post: #104
Title: Re: تنبيه بخصوص رسائل ورادة من حسابي هنا لم أرسلها
Author: خدر
Date: 05-11-2011, 06:14 PM
Parent: #103
من حقك يا عزاز توضحي موقفك بدون ما يتسحب او يتسنسر بوستك
ما عارف الاتسحب من البوست شنو لكن متأكد انو ضريبة نجاح الموقع ما مفروض يدفعوا تمنها بعض الاعضاء خصما علي مواقفهم
يا نشيلها كلنا يا نكتب بامان كلنا.البعرفو انو ده ما الاستهداف الاول لعزاز شامي و لن يكون الاخير لها و لزملاء آخرين
لذلك اتمني ان يتفهم بكري حساسية الموقف و يتوقف عن سحب بوستات التوضيح او إخلاء الطرف من عمايل الهاكرز او المتلصصين.
|
Post: #105
Title: Re: تنبيه بخصوص رسائل ورادة من حسابي هنا لم أرسلها
Author: ismeil abbas
Date: 05-11-2011, 07:40 PM
Parent: #104
ألأخت عزاز.....لك التحية وألأحترام.
الذين يفعلون مثل هذه ألأمور شخصيات غير سوية .تسعى لنشر الفتنة بين الناس.نسأل الله ان يجعل كيجهم فى نحورهم.
ومن حقك توضيح ألأمر عبر هذه النافذة التى صدرت منها هذه الرسائل بتوقيعك الخاص.
|
Post: #119
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:43 PM
Parent: #105
Quote: ألأخت عزاز.....لك التحية وألأحترام.
الذين يفعلون مثل هذه ألأمور شخصيات غير سوية .تسعى لنشر الفتنة بين الناس.نسأل الله ان يجعل كيجهم فى نحورهم.
ومن حقك توضيح ألأمر عبر هذه النافذة التى صدرت منها هذه الرسائل بتوقيعك الخاص. |
شكرا استاذ اسماعيل وفعلا مافي زول سوي بيستخدم الاساليب الملتوية دي ... الله عالم قالوا شنو
في الرسايل الاتمسحت و الله عالم ناويين يعملوا شنو بالارقام الوصلتهم .. علشان كده انا حريصة
انو المعلومة دي تصل لأي زول وصلتو الرسائل دي علشان يحمي نفسو و بكرر اعتذاري ليهم
على حسن ظنهم المكلف جدا ...
|
Post: #106
Title: Re: تنبيه بخصوص رسائل ورادة من حسابي هنا لم أرسلها
Author: ombadda
Date: 05-11-2011, 07:42 PM
Parent: #104
تحايا للاخت عزاز ولزوار البوست.
كل المواقع على الانترنت معرضة للتهكير، حتى المواقع الحكومية لأقوى الدول.
الفيسبوك نعرض للتهكير وتمكن الهكر من السيطرة عليه قبل فترة.
بريد الهوتميل تعرض لعملية تهكير .. لا اعنى حساب الافراد لكن كل الموقع.
ورغم ذلك لا تتحمل تلك المواقع أى مسئولية حيال أعضاءها من مشتركين.
الحسابات الشخصية فى ايميل الهوتميل والياهو والجى ميل والموقع الاجتماعية الفيسبوك
والتويتر يمكنها ان تتهكر. واذا فقدت حسابك فى تلك المواقع لا يتحمل الموقع اى مسئولية على
أى تصرفات يقوم بها من استولى على حسابك.
المحافظة على حسابك الشخصى فى اى موقع مسئولية شخصية..والهكر لا يمكن ان يتحصل على كلمة المرور
بدون ان تقوم انت بالذهاب اليه- تنزيل ملف او الضغط على رابط وما الى ذلك.
قبل يومين هناك رسائل صدرت من بكرى ابوبكر تنوه الى أن هناك برنامج انتى فايرس وفى الرسالة رابط لتنزيل البرنامج.
رغم ان عنوان الرسالة من بكرى ولا خطأ فى العنوان الى اننى لم اقتنع بمحتواها وحذفتها، فعلا وجدت احد الاعضاء ينوه بوجود
رسائل من بكرى مهكرة. ولو ضغطت على الرابط المواجود على الرسالة لفقدت كلمة المرور.
اما بخصوص المسنجر فلا اعتقد ان الامر يستحق كل تلك الزوبعة. يعنى اى شخص وصلوا مسنجر من عزاز حيرد وبالتالى
حتى لو حذف الهكر المسنجرات المرسلة اكيد الردود ح تتوالى وبالتالى التوضيح.
ختاما الموقع لم يتعرض لتهكير منذ فترة طويلة!!! منذ حملات ميكافيلى والجوكر. كل ما يحدث الان محاولات عاجزة تتم بسرقة كلمات المرور من الاعضاء
وذلك بزرع ملفات ملغومة وروابط وما الى ذلك. وكل تلك الاساليب لا يد لبكرى فيها وهى مسئولية الاعضاء فقط لحماية انفسهم.
والسلام
|
Post: #107
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-11-2011, 07:57 PM
Parent: #106
ايووووووووا تلك !!1؟
المعنى يعني غلطان المرحوم!!
سمح كلو كلو
-----
وين مداخلاتنا يا بكري؟
و وين عاطف عابودن؟
|
Post: #118
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:41 PM
Parent: #104
Quote: من حقك يا عزاز توضحي موقفك بدون ما يتسحب او يتسنسر بوستك
ما عارف الاتسحب من البوست شنو لكن متأكد انو ضريبة نجاح الموقع ما مفروض يدفعوا تمنها بعض الاعضاء خصما علي مواقفهم
يا نشيلها كلنا يا نكتب بامان كلنا.البعرفو انو ده ما الاستهداف الاول لعزاز شامي و لن يكون الاخير لها و لزملاء آخرين
لذلك اتمني ان يتفهم بكري حساسية الموقف و يتوقف عن سحب بوستات التوضيح او إخلاء الطرف من عمايل الهاكرز او المتلصصين.
|
بس يا خدر! جبت التايهه!
الموقع ده نجح بمنو؟ بالاعضاء، و الكليكات دي سببها منو؟ الاعضاء.
بالتالي جماية الاعضاء من مصلحة بكري موش تبقى علينا مغصة الهكر
و بكري؟!
انا موضوع انو انا مستهدفة لاني كذا و كذا الخ الخ ما بيهمني على الاطلاق ولا ببرد لي بطني
انا شايفة انو يا تحميني الادارة يا اخد حقي ... الاتنين ما حصلو الملم عفشي وابقى مارقة بس بعد
ما اخد حقي تالت و متلت في المنبر ... رفض صاحب المنبر؟ جداً .. الاسفير ده ملان ممكن ندق
طار في الفجج الاربعة بأنو المنبر ما فيهو أي سيكيورتي وانو الاعضاء ما عندهم حق الدفاع
عن انفسهم ... المافي شنو على قولة قيقا؟ واحدة بواحدة والبادي اظلم و البرخصني ما بشيلو ببلاش!
|
Post: #115
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:32 PM
Parent: #103
Quote: سلامات
عايز أقول إنو عزاز قلم يستحق أن يكون بيننا....أتمني أن يزول هذا الموقف الضبابي... وأنا أعلم بأن بكري راجل راقي جدا بس للزحمة والمشغوليات الكتيرة جدا بين العمل والموقع والاسرة..أحيانا لا يجد الوقت الكافي...فلنجد له العذر |
تسلم يا دكتور ياسر بس بكري ابو بكر لقى وقت يقول لي just ignore it معناها ده عمارو معاي ... مشغول؟ احنا زاتنا مشغولين
عندو اسرة؟ امي دي اسرة كمان وبتاخد مني اثمن وقتي وما كتير عليها ... مافي زول هنا مقطع ولا مرمي كلنا عندنا مشاغل واسر و مسؤوليات ....
مافي أي عذر لترخيصو سمعة الناس و ألمهم ... يا يحمينا يا يخلينا نحمي روحنا ... كتيرة؟
|
Post: #112
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:22 PM
Parent: #102
Quote: غايتو أنا فهمت من الفيلم الهندي الطويل دة إنّك ما حترجعي السودان عشان البشير ونظامو وحترجعي في حالة إنو نظام البشير يطير
الانسحاب بحجة ظلم وقع عليك من فرد ما مُقنع فسودانيز أونلاين ملك للجميع حتى ولو سيطر عليه البشير ظاتو
ورحم الله أخوك وجعل الجنة مثواه ...
ولكِ ودّي ،،، |
الاخ صبري طه .... تحب الغلاط زي ورحك علشان كده هلالابي
من المجحف استخدام مفردات فضفاضة مثل "ملك للجميع" في وصف سودانيس اون لاين
المنبر ملك لشركة يملكها بكري ابو بكر شئت ام ابيت او صورت لك نفسك غر ذلك
في حين منع مالك مكان ما - موقع ما - حقك في الدفاع عن نفسك ان مجبر على اتخاذ موقف
من اثنين : الاذعان او الرفض ... الاذعان يمكنك تبريره وكذلك الرفض وفي نظري لا شيء مطلق
ولكني عضدت اسبابي بشكل مقنع لي تماماً ووصفتها الوصف اللائق وبناء عليه اتخذت القرار
لا يمكننا تشبيه المنبر بالوطن - يمكنك ذلك بحرية لو أردت - ولكن حقيقة الامر لا يمكن تغيرها
انو انت ما عندك جواز سفر منبر سوادنيس وان لاين ولا عندك حقوق دستوية تجادل على ضوءها
حقوقك ... السودان مثلا ما بلد البشير براهو ما عندو فيها اكتر مني ... بس المنبر بتاع بكري وانا ما عندي
حق في المنبر إلا ما يعطيه لي ... البشير غصب عنو بديني جواز سفر وما بقدر يمعني من السفر للسودان
بس بكري ممكن ببساطة يشيل العدة و اقعد في كنب المتفرجين ... انا ما اترجيت عمر البشير يديني جنسية
بس بكري ابو بكر بطلب تزكية من نفرين و قس على ذلك .... ما ترخص لينا السودان فوق العليهو بالله
عاجباك سودانيس اون لاين ؟ جدا ! بخيت و عديل عليك بس تراهو ما السودان لاني بخش السودان لو دايرة غصبا عن
اجعص جعيص ولا زول بمنعني بس بكري ابو بكر بضغطة زر ممكن يخليني اسم اسود ما عندو روابط ويمحي تاريخي
بس عمر البشير لو نطط ما بقدر يشيل اسرتي ولا تاريخها ولا تاريخ منطقتي .... فبالله ما تبخسني ولا تبخس سودانيتي
و تقارنها بعضويتي في المنبر دوت اكل نارك ده
انا ما من الله خلقني ما بجبر روحي إلا على دمي و اهلي اي شيء - اي شخص - أي انتماء - قابل للتفاوض، للمراجعة، للتقييم بقدر ما بيديني
وبقدر ما بياخد مني ... المنبر اخد مني كتير واداني برضو كتير بس الميزان لسه مايل لانو ما معقولة علشان اداني ناس حلوين ياخد مني كرامتي
لانو حتى الناس الحلوين ديل ما بقبلو لي المهانة ولو قبل لو - قشة ما تعتر ليهم انا كرامتي ما بساوم فيها ... و عليه:
انا لما اطلع من المنبر عندي حيوات موش حاية واحدة فيها ابعاد كتيرة آخر شيء بتمناه انو ما يحدث هنا يؤثر عليها
آخر شيء اتمناه انو موضوع زي ده يتفتح قدام امي ولا قدام زول عزيز علي و يزعل علي ... لا شيء - لا شيء على الاطلاق يستحق ألمهم
لما يحدث هنا ... معتقل اهون، على الاقل الزول بيكون في مواجهة حقيقة مع شخصيات اعتبارية بس مع جبنــــــــــاء من وراء ستار - لأ كتيرة عليهم شديد!
ابقى طيب و شكرا لدعاءك لأحب أخوتي مصطفى رحمه الله
|
Post: #108
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:04 PM
Parent: #99
| Quote: كامل التضامن مع الاخت عزاز شامي |
شكرا ليك اخي عمر
|
Post: #110
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-11-2011, 08:11 PM
Parent: #108
Quote:
و وين عاطف عابودن؟
|
المقصود عاطف عابدون
وين عاطف عابدون!!؟؟؟
و مداخلاتنا وين!؟
|
Post: #111
Title: Re: تنبيه بخصوص رسائل ورادة من حسابي هنا لم أرسلها
Author: مريم بنت الحسين
Date: 05-11-2011, 08:15 PM
Parent: #108
عزاز ازيك يا امي.. معليش ما جيت عصرت الفراش من بدري... من قبيل بدخل بالiPhone...
انت زاتك غلطانه.. تكتبي لبكري عنوان زي عنوان الكنافة حقتنا ديك... ما تكتبي ليه بوست رصين ومفهوم كده!
لكن انا جيت رابطة بي جاي خلاص... والليلة يا احنا يا طرزان!
|
Post: #114
Title: Re: تنبيه بخصوص رسائل ورادة من حسابي هنا لم أرسلها
Author: Amira Elsheikh
Date: 05-11-2011, 08:27 PM
Parent: #108
| Quote: اما بخصوص المسنجر فلا اعتقد ان الامر يستحق كل تلك الزوبعة. يعنى اى شخص وصلوا مسنجر من عزاز أكيد حيرد (هههههه) وبالتالى |
?
??
??
??
|
Post: #117
Title: Re: تنبيه بخصوص رسائل ورادة من حسابي هنا لم أرسلها
Author: ombadda
Date: 05-11-2011, 08:40 PM
Parent: #114
فى شنو يا اميرة؟
وجهة نظر قد اكون مخطىء او مصيب.. اذا كنت مخطى قولى مخطىء ..وساتقبل وجهة نظرك بصدر رحب..
اما علامات الاستفهام تلك فحقيقة مزعجة جدا - بالنسبة لى.
|
Post: #121
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-11-2011, 08:50 PM
Parent: #117
Quote:
وجهة نظر قد اكون مخطىء او مصيب.. اذا كنت مخطى قولى مخطىء ..وساتقبل وجهة نظرك بصدر رحب..
|
مخطئ
و ان ذاتي ازعجتني وجهة النظر دي
لانها متحاملة جداً على الضحية، و صامتة عن جور بكري .. خوصاً مسألة تضمين الضحكة دي!!؟؟
بالله عليك ما شايف الالم البتكتب بيهو ست الوجعة!؟
اها دي برضو وجهة نظر
|
Post: #123
Title: Re: تنبيه بخصوص رسائل ورادة من حسابي هنا لم أرسلها
Author: ombadda
Date: 05-11-2011, 08:58 PM
Parent: #121
شكرا قيقراوى على الوضوح ..
واتفهم وجهة نظرك وعلى استعداد لسحب المداخلة اذا طلب صاحب البوست ذلك..
مع العلم انا فتحت بوست بنفس المضمون عام 2009 تقريبا.. وبالطبع لم يتداخل اى عضو
سوى د. مجدى .
|
Post: #125
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 09:04 PM
Parent: #123
Quote: شكرا قيقراوى على الوضوح ..
واتفهم وجهة نظرك وعلى استعداد لسحب المداخلة اذا طلب صاحب البوست ذلك.. |
صاحبة البوست الجيت فكيت ليها ههههههههه كتبت ليك ردها في الاقتباس التحت...
يا تورني قصدك شنو يا توريني عجاجك الاسفيري و تمشي تفتح ليك بوست تناقش فيهو الدايرو ..
ما تلبس لي مسوح الخبراء التقنيين حسي لانو بالجد رصيد طولة البال عندي كمل ...
ههههههه دي يا تفسرها يا تمشي تشيلها بالله و تهوهيها في ضل تاني غير هنا!!!
ده كلامي ليك ... يا رد واضح يا تعمل البشبه ضحتك و تتلاشى لي من هنا !!!
Quote: وبالله وريني يعني شنو معنة كلامك "يعني أي شخص وصلوا مسنجر من عزاز أكيد حيرد (هههههه) "
ههههههه دي تبع وصلو مسنجر ولا يرد؟
اكتب لي عديل علشان ارد ليك عديل رد تشيلو ليك ولزمانك الجاي لانو اخر شيء دايراهو حسي اني اتعامل
مع زول ملتوي ما واضح ... تعال اكتب كلامك عديل علشان اديك رد عديل شغل اللوع و اللف و الدوران
ده ما بعجبني ... انا ما بستخدم المسنجر ولا برد على المسجات ولا برسل مسجات ولا طارحة روحي
زول تعارف ولا ابحث عن شريك فبالله ارحمني و اعفيني من اني اوريك وش لي انا ما بحبو ولا بريدو
لو جيت ماري بجاي يا توضح كلامك الفوق يا تقيف بعيد ... محاضرتك الاتحفتنا بيها ما لازماني و لمها عليك !
هههههههه؟ خفة دم دي ولا شتارة؟؟! |
|
Post: #120
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-11-2011, 08:46 PM
Parent: #114
Quote:
كتبت بوست واتحذف قبل ما يقروه نفرين
عاطف عبدون تم ايقاف حسابه
|
دا الاتوقعتو
يا بكري ممكن تتكرم و تنزل لمستوانا و تفهمنا حاجة ياخ؟
ياخ نحن في وطن من لا وطن لهو دا مواطنين و لّ راعيا؟
و منو دا الغشاك و قال ليك انك ممكن تعمل فينا اي حاجة!؟
يا زول انت بصحك؟
|
Post: #122
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 08:52 PM
Parent: #1
Quote: اما بخصوص المسنجر فلا اعتقد ان الامر يستحق كل تلك الزوبعة. يعنى اى شخص وصلوا مسنجر من عزاز أكيد حيرد (هههههه) وبالتالى
حتى لو حذف الهكر المسنجرات المرسلة اكيد الردود ح تتوالى وبالتالى التوضيح.
ختاما الموقع لم يتعرض لتهكير منذ فترة طويلة!!! منذ حملات ميكافيلى والجوكر. كل ما يحدث الان محاولات عاجزة تتم بسرقة كلمات المرور من الاعضاء
وذلك بزرع ملفات ملغومة وروابط وما الى ذلك. وكل تلك الاساليب لا يد لبكرى فيها وهى مسئولية الاعضاء فقط لحماية انفسهم.
|
امبده ... شكرا على المرور بس بالله يا ريت تورني الحكمة من السرد الطويل العريض بتاع تاريح التهكير في الويب سايتات
السردتو لينا و قصدك منو شنو؟ انو خلاص الفراش ده يتلم و يترفع؟ شكرا و الله كتر خيرك ... ما كان تغبر كرعينك بالجية
الما لازمانا دي ...
وبالله وريني يعني شنو معنة كلامك "يعني أي شخص وصلوا مسنجر من عزاز أكيد حيرد (هههههه) "
ههههههه دي تبع وصلو مسنجر ولا يرد؟
اكتب لي عديل علشان ارد ليك عديل رد تشيلو ليك ولزمانك الجاي لانو اخر شيء دايراهو حسي اني اتعامل
مع زول ملتوي ما واضح ... تعال اكتب كلامك عديل علشان اديك رد عديل شغل اللوع و اللف و الدوران
ده ما بعجبني ... انا ما بستخدم المسنجر ولا برد على المسجات ولا برسل مسجات ولا طارحة روحي
زول تعارف ولا ابحث عن شريك فبالله ارحمني و اعفيني من اني اوريك وش لي انا ما بحبو ولا بريدو
لو جيت ماري بجاي يا توضح كلامك الفوق يا تقيف بعيد ... محاضرتك الاتحفتنا بيها ما لازماني و لمها عليك !
هههههههه؟ خفة دم دي ولا شتارة؟؟!
|
Post: #124
Title: Re: تنبيه بخصوص رسائل ورادة من حسابي هنا لم أرسلها
Author: ombadda
Date: 05-11-2011, 09:04 PM
Parent: #122
معذرة الاخت عزاز على سوء الفهم. لم اقصد اى شىء سوى ان الامر لا يستحق منك كل هذا القلق والضغط النفسى.
والسلام.
خروج
Exit
ا
|
Post: #126
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 09:10 PM
Parent: #124
Quote: معذرة الاخت عزاز على سوء الفهم. لم اقصد اى شىء سوى ان الامر لا يستحق منك كل هذا القلق والضغط النفسى.
والسلام.
خروج
Exit
|
أولا: انا ما اختك
تانياً: ما من حقك توريني البستحق من الما بستحق شنو
ثالثا: الفوق ده ما قلق ولا ضغط نفسي .. الفوق ده كرامة و سمعة زول ...
لو رخيصة عندك الحاجات دي بتكون دي مشكلتك ما مشكلتي
ما تجي تحاضرني في البستحق وما بستحق
عندي سؤال واضح فوق عن معنى ههههههه اللي هنا | Quote: يعنى اى شخص وصلوا مسنجر من عزاز أكيد حيرد (هههههه) |
داير تعمل Exit من غير توضيح ؟
قشة ما تعتر ليك بس ... ياهو شبه البقول كلامك ده!!!
|
Post: #127
Title: Re: تنبيه بخصوص رسائل ورادة من حسابي هنا لم أرسلها
Author: مريم بنت الحسين
Date: 05-11-2011, 09:10 PM
Parent: #124
قمر بوبا اتشالت منّه العضوية يا شباب....
|
Post: #129
Title: Re: تنبيه بخصوص رسائل ورادة من حسابي هنا لم أرسلها
Author: محمد البشرى الخضر
Date: 05-11-2011, 09:18 PM
Parent: #127
عفوا يا بت الحسين
أمر ما اتشالت عدتو
امر بكامل ارادته سلم العدة
وودعنا وقفل الباب وراه
|
Post: #131
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 09:22 PM
Parent: #129
Quote: عفوا يا بت الحسين
أمر ما اتشالت عدتو
امر بكامل ارادته سلم العدة
وودعنا وقفل الباب وراه |
وانا بوراهو بس ادفن الميتة دي!
|
Post: #135
Title: Re: تنبيه بخصوص رسائل ورادة من حسابي هنا لم أرسلها
Author: Kostawi
Date: 05-11-2011, 09:45 PM
Parent: #131
| Quote: وبعد ده درب بكري و منبرو و هكرو أخضر |
دا كلام شنو دا يا عزاز?
عزاز بابح يعني?
|
Post: #201
Title: Re: تنبيه بخصوص رسائل ورادة من حسابي هنا لم أرسلها
Author: Bashasha
Date: 05-13-2011, 04:33 AM
Parent: #131
العزيزة عزاز،
انشا الله كفارة التهكير، او بكري فعلا تصرفاتو احيا طايشة بالجد.
برضو في واحد بضرب لي من السعودية، بقول علي روحو هكر، قال اخد تلفوني من اخ بعرفو ولكن ما حصل اديتو تلفوني او اتكلمت معاهو خارج المنبر.
لاتابهي كتير بالحاجات الزي دي، والا حتديهم فرصة اكبر، لانهم بشوفو زي البوست ده انجاز.
|
Post: #128
Title: Re: تنبيه بخصوص رسائل ورادة من حسابي هنا لم أرسلها
Author: Yassir Tayfour
Date: 05-11-2011, 09:11 PM
Parent: #122
عزاز البت الدغرية
فكرة إنك تمشي دي شيليها من رأسك، ما حنخليك تواجهي الأذى المتخفي و-الجـبان- لوحدك، أما الظاهر فأنت له، بأي شكل كان، خبرناك قوية ودغرية..
__
كوني كما أنت يا صديقة..
|
Post: #130
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 09:19 PM
Parent: #128
Quote: عزاز البت الدغرية
فكرة إنك تمشي دي شيليها من رأسك، ما حنخليك تواجهي الأذى المتخفي و-الجـبان- لوحدك، أما الظاهر فأنت له، بأي شكل كان، خبرناك قوية ودغرية..
__
كوني كما أنت يا صديقة..
|
وغلاوة امي الما عندي غيرها في الدنيا دي يا اخوي مافي شيء بستحق القرف ده .... العالم واسع - اوسع من ان نؤطره بمنبر و اسفير
وقوتي لما بمقياس البحصل هنا معناها انا ما شفت شيء في الدنيا دي! يا ياسر انا وقفتا على غسيل ابوي و اخوي و خالتي و بنت اختي و شلت امي
و رعيتها زي بتي من وعيت للدنيا دي ... منبر شنو البقيّم قوتي من ضعفي؟!
انسانا منو ... حدي معاهو البوست ده يصل لأكبر قدر ممكن وبكري يعرف انو ماهو آله ولا بيدو يمنح ولا يمنع
وبقفل صفحتو وراي من غير اي ندم! خسرنا حاجات اهم ما عاينا ورانا جات عليهو!؟
|
Post: #132
Title: Re: تنبيه بخصوص رسائل ورادة من حسابي هنا لم أرسلها
Author: خضر حسين خليل
Date: 05-11-2011, 09:24 PM
Parent: #128
في البداية أعفي لينا يا عزوز عدم رؤيتنا لهذا البوست سوي قبل ساعة من الآن ـ أها من الزمن داك وأنا بقرأ
ماعارف لكن بين كل مداخلة والتانية كنت بتخيل إنو البعديها حيكون في توضيح من بكري أبوبكر لحاصل ما
حصل معك بإعتباره صاحب القهوة ـ لا أدري كيف يفكر بكري أبوبكر لكني أجزم أنه يكون حريصاً علي الغياب
في مواضع تستدي الحضور ـ الحاصل هنا في تقديري يسأل عنه بكري الشغلة دي شغلة هكر ولا ده شغل منو بالضبط
ياخينا ؟ الموضوع ماداير اجتهادات البني آدم أو بنية آدم الدخل/ت بحساب عزاز ده منو يا فندم ؟
تضامني الكامل معك ياعزاز
ــــــ
بعدين قمر بوبا ده موقفوا مالك ؟ هو نحنا نفضي ليك ولا لي مدير الهيئة القومية للمياه ولا انتخابات اللجنة الشعبية
ولا شنو بالضبط ؟ موضوع قمر ده بجيك فيهو بي رواقة
|
Post: #133
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-11-2011, 09:26 PM
Parent: #128
Quote:
قمر بوبا اتشالت منّه العضوية يا شباب....
|
استعد يا بكري لشيل عدتك مننا كلنا
ان شالله تضوي ليك
و بوردك دا اقعد فيو براك يبقى ليك رتينة ان شاء الله
مرة واااحدة امتلك الشجاعة وتعال واجه ضحاياك
فرقك شنو من اي ديكتاتور فاكر نفسو خلقنا هو او في احسن الاحوال خلقنا عبيد ليو!!؟
|
Post: #134
Title: Re: تنبيه بخصوص رسائل ورادة من حسابي هنا لم أرسلها
Author: مريم بنت الحسين
Date: 05-11-2011, 09:31 PM
Parent: #133
قمر بوبا قال كلمة الحق... وقبل عاطف...
غايته يا اخوانا افقدوني كل شويه... انا والكاشف اخوي (اميرة).... الليلة يافيها يا ما فيها!
|
Post: #137
Title: Re: تنبيه بخصوص رسائل ورادة من حسابي هنا لم أرسلها
Author: لدن جعفر
Date: 05-11-2011, 09:53 PM
Parent: #134
عزاز سلامات ...
من حقك بل من ابسط حقوقك انك توضحى موقفك ولايملك اى من كان
ان يجردك من حقك هذا مهما كان
ندين السلوك المريض الذى يمارس على الشريفات واصحاب الاقلام المتميزة
بكرى مطالب بتوضح واستغرب لعدم وجود رد له لحد الان
معك قلبا وقالبا يابت بلدى
تحياتى وكامل تضامنى...
|
Post: #138
Title: Re: تنبيه بخصوص رسائل ورادة من حسابي هنا لم أرسلها
Author: Elawad
Date: 05-11-2011, 09:54 PM
Parent: #134
الأخت عزاز
كامل التضامن معك ضد الهاكر و تعدياته المنحطة. فعلا لك حق أن تقلقي فلو أرسل الهاكر رسائل غير لائقة مثلا باسمك لما صدقه أحد فالجميع هنا يعرف من هي عزاز. لكن ما معروف التلفونات دي حيعمل بيها شنو. من حقك يا عزاز توضحي و لو كنت مكان بكري لرفعت البوست في أعلى المنبر حتى تصل رسالتك لأكبر عدد من الناس... لكن ياها دي طريقة بكري الذي أرجو أن يسمع لنصح الناصحين. يا بكري ما القوة أن تكون عندك المقدرة على حذف بوستات الناس و مداخلاتها. القوة الحقيقية إنك تقدر تصبر على كلام الناس و تعرف متين تستخدم سلطاتك.
|
Post: #141
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 10:03 PM
Parent: #138
Quote: الأخت عزاز
كامل التضامن معك ضد الهاكر و تعدياته المنحطة. فعلا لك حق أن تقلقي فلو أرسل الهاكر رسائل غير لائقة مثلا باسمك لما صدقه أحد فالجميع هنا يعرف من هي عزاز. لكن ما معروف التلفونات دي حيعمل بيها شنو. من حقك يا عزاز توضحي و لو كنت مكان بكري لرفعت البوست في أعلى المنبر حتى تصل رسالتك لأكبر عدد من الناس... لكن ياها دي طريقة بكري الذي أرجو أن يسمع لنصح الناصحين. يا بكري ما القوة أن تكون عندك المقدرة على حذف بوستات الناس و مداخلاتها. القوة الحقيقية إنك تقدر تصبر على كلام الناس و تعرف متين تستخدم سلطاتك. |
يا سلام يا العوض و الله كلامك في الجرح ... يا ريت بكري ابو بكر استخدم قوتو في الحق و في نصرة المظلوم
بس خلي خشمي ملح ملح ودي ما اول مرة ... المرات الفاتت كلها الاذاني فيها الهكر كان بيصبرني بكلام من غير
أي افعال ... اتساء لي مليون مرة في المنبر ده من اشخاص معروفين ما فكر يوم يفعل فيهم اللائحة ولما اخد
حقي يشيل البوستات ... لمتين؟ و لشنو؟ وفوق كم؟
حسي شال عضوين لانهم قالوا رأيهم و طالبوه بابسط حقوق الاعضاء بدل ما يراجع نفسو و يدرس مطالبنا
كتيرة يوريني العمل كده منو؟ يعني انا امشي وين علشان ابري ذمتي من الرسائل دي ؟
وليه انا اصلا اتعرض لكده من الاساس؟ ليه ما يمكلني الحقايق ياخي من باب اني اطالب بحقي
لو دايرة اتخذ اجراء قانوني؟ ليه الظلم المركب ده؟ آذيتو وين بكري؟
آذيتك وين يا بكري علشان تسهل آذيتي و تمنعني من حقي؟ آذيتك وين وريني علشان على الاقل اديك العذر
بدل الظلم المجاني الرخيص ده!
|
Post: #136
Title: Re: تنبيه بخصوص رسائل ورادة من حسابي هنا لم أرسلها
Author: خضر حسين خليل
Date: 05-11-2011, 09:52 PM
Parent: #133
يا قيقا
انت شكلك عايز تمشي طوالي هسي ناو ـ طبعاً أخوك خريج فصل الموضوع للأمانة
|
Post: #139
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-11-2011, 09:56 PM
Parent: #136
Quote:
يا قيقا
انت شكلك عايز تمشي طوالي هسي ناو ـ طبعاً أخوك خريج فصل الموضوع للأمانة
|
صدق بقت ما فارقة معاي يا خدركا
اسي حتى المداخلة دي لو ما وصت ما مهم ذاتو
خير البر عاجله
وكت اصلو ماشين ماشين
اموت واقف احسن لي
حتى المداخلة دي لو ما وصلت ما مهم ذاتو
آي دونط كير .. و شديد كمان
شفت كيف؟
|
Post: #140
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-11-2011, 09:59 PM
Parent: #128
| Quote: عزاز شامي كتبت: الاخ صبري طه .... تحب الغلاط زي ورحك علشان كده هلالابي |
الهلالاب سر العذاب ... ويا عزاز ما بحب الغلاط إلاّ في المنطق ... ولو حسيت بإني شايت غلط برفع الراية البيضاء من بدري ...
Quote: عزاز شامي كتبت: من المجحف استخدام مفردات فضفاضة مثل "ملك للجميع" في وصف سودانيس اون لاين
المنبر ملك لشركة يملكها بكري ابو بكر شئت ام ابيت او صورت لك نفسك غر ذلك
في حين منع مالك مكان ما - موقع ما - حقك في الدفاع عن نفسك ان مجبر على اتخاذ موقف
من اثنين : الاذعان او الرفض ... الاذعان يمكنك تبريره وكذلك الرفض وفي نظري لا شيء مطلق
ولكني عضدت اسبابي بشكل مقنع لي تماماً ووصفتها الوصف اللائق وبناء عليه اتخذت القرار |
أختي عزاز أنا أعني ما قلته فسودانيز أونلاين ملك للجميع ... ومالك الموقع أو مديره يعمل لتطويره ويسعى للرقي به بشتى السبل ...
الإجراءات الإدارية التي يتّبعها صاحبه لا أعتقد أنه يقصد بها الانتقام من أو التشفي في عضويته فهو حريص على رضاهم وسلامتهم ربما أكثر من أنفسهم ...
والسياسات الإدارية التي يتّبعها من اجتهاداته أو اجتهاد أشخاص أوكل لهم أمرها ... قد تُصيب وقد تُخطي ويبقى النقد الهادف هو ما يُصححها ...
النجيضة: مواصلة النقد للتصحيح وليس الوقوف من أول أو ثاني أو ثالث أو رابع ... إلخ من المحاولات الجادّة ...
هذا إذا كان الهدف الأساسي السامي هو التصحيح لفائدة الجماعة وليس لنصرة الفرد اللحظية ...
Quote: عزاز شامي كتبت: لا يمكننا تشبيه المنبر بالوطن - يمكنك ذلك بحرية لو أردت - ولكن حقيقة الامر لا يمكن تغيرها
انو انت ما عندك جواز سفر منبر سوادنيس وان لاين ولا عندك حقوق دستوية تجادل على ضوءها
حقوقك ... السودان مثلا ما بلد البشير براهو ما عندو فيها اكتر مني ... بس المنبر بتاع بكري وانا ما عندي
حق في المنبر إلا ما يعطيه لي ... البشير غصب عنو بديني جواز سفر وما بقدر يمعني من السفر للسودان
بس بكري ممكن ببساطة يشيل العدة و اقعد في كنب المتفرجين ... انا ما اترجيت عمر البشير يديني جنسية
بس بكري ابو بكر بطلب تزكية من نفرين و قس على ذلك .... ما ترخص لينا السودان فوق العليهو بالله
عاجباك سودانيس اون لاين ؟ جدا ! بخيت و عديل عليك بس تراهو ما السودان لاني بخش السودان لو دايرة غصبا عن
اجعص جعيص ولا زول بمنعني بس بكري ابو بكر بضغطة زر ممكن يخليني اسم اسود ما عندو روابط ويمحي تاريخي
بس عمر البشير لو نطط ما بقدر يشيل اسرتي ولا تاريخها ولا تاريخ منطقتي .... فبالله ما تبخسني ولا تبخس سودانيتي
و تقارنها بعضويتي في المنبر دوت اكل نارك ده |
عزاز أختي بالوضع الشايفو أنا للسودان البشير باستطاعته حرمانك من أيّ شيء حتى الهواء ... رأيك شنو ؟
زول شال شيخ التنظيم وشبكوه اعتقالات بأسباب مقنعة أو بدونها وبفكوه بالمزاج ... غالبو يمنع مواطن عادي من حقوق المواطنة ...
ثم أن البشير ما بدّيك جنسية إلاّ بعد ثبات سودانيتك والشروط التي يجب توفّرها لاستحقاق الجنسية ...
وكذلك بكري لمّا بيطلب التزكية من نفرين بنفس المقياس الهو العملو وارتضاهو للمنبر (عايز زول كتّاب) (عايز زول غالاط) (عايز زول جنريتر) ...
وجه الشبه في الحالتين توفر الشروط اللازمة ...
وبكري برضو ما بقدر يشيل تاريخك في المنبر أو تاريخ أسرتك أو منطقتك ....
البشير ممكن يعتقلك زي أبو ذر بتهمة أو بدون تهمة وممكن تتعرضي كمان للحكم بالإعدام وتروحي شمار × مرقة ...
يعني الشغلانة حترتبط بوجودك في الحياة ...
لكن بكري لا يستطيع فعل ذلك ... على العكس تستطيعي أن تدخلي المنبر يومياً كزائرة وتقرأي ما تشائين وتستطيعي أن تكتبي ما تشاءين وترسليه لأصدقائك ليطروحوه إن أردتِ ذلك ...
ولكن البشير ممكن يقطع منك الموية والنور ... بعد مشيئة الله
بكري حدوده معاك تكتبي وما تكتبي بس البشير حدو معاك الحول ظاتو
وفي الختام حسيت فعلاً إني استخدمت مفردات فضفاضة حينما قارنت سودانيز أونلاين وبكري أبو بكر بحال السودان الآن وبشيره ...
واعتذاري لبكري عن هذه المقارنة ...
ولكِ ودّي ،،،
|
Post: #142
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 10:19 PM
Parent: #140
Quote: e: عزاز شامي كتبت: الاخ صبري طه .... تحب الغلاط زي ورحك علشان كده هلالابي
الهلالاب سر العذاب ... ويا عزاز ما بحب الغلاط إلاّ في المنطق ... ولو حسيت بإني شايت غلط برفع الراية البيضاء من بدري ...
Quote: عزاز شامي كتبت: من المجحف استخدام مفردات فضفاضة مثل "ملك للجميع" في وصف سودانيس اون لاين
المنبر ملك لشركة يملكها بكري ابو بكر شئت ام ابيت او صورت لك نفسك غر ذلك
في حين منع مالك مكان ما - موقع ما - حقك في الدفاع عن نفسك ان مجبر على اتخاذ موقف
من اثنين : الاذعان او الرفض ... الاذعان يمكنك تبريره وكذلك الرفض وفي نظري لا شيء مطلق
ولكني عضدت اسبابي بشكل مقنع لي تماماً ووصفتها الوصف اللائق وبناء عليه اتخذت القرار
أختي عزاز أنا أعني ما قلته فسودانيز أونلاين ملك للجميع ... ومالك الموقع أو مديره يعمل لتطويره ويسعى للرقي به بشتى السبل ...
الإجراءات الإدارية التي يتّبعها صاحبه لا أعتقد أنه يقصد بها الانتقام من أو التشفي في عضويته فهو حريص على رضاهم وسلامتهم ربما أكثر من أنفسهم ...
والسياسات الإدارية التي يتّبعها من اجتهاداته أو اجتهاد أشخاص أوكل لهم أمرها ... قد تُصيب وقد تُخطي ويبقى النقد الهادف هو ما يُصححها ...
النجيضة: مواصلة النقد للتصحيح وليس الوقوف من أول أو ثاني أو ثالث أو رابع ... إلخ من المحاولات الجادّة ...
هذا إذا كان الهدف الأساسي السامي هو التصحيح لفائدة الجماعة وليس لنصرة الفرد اللحظية ...
Quote: عزاز شامي كتبت: لا يمكننا تشبيه المنبر بالوطن - يمكنك ذلك بحرية لو أردت - ولكن حقيقة الامر لا يمكن تغيرها
انو انت ما عندك جواز سفر منبر سوادنيس وان لاين ولا عندك حقوق دستوية تجادل على ضوءها
حقوقك ... السودان مثلا ما بلد البشير براهو ما عندو فيها اكتر مني ... بس المنبر بتاع بكري وانا ما عندي
حق في المنبر إلا ما يعطيه لي ... البشير غصب عنو بديني جواز سفر وما بقدر يمعني من السفر للسودان
بس بكري ممكن ببساطة يشيل العدة و اقعد في كنب المتفرجين ... انا ما اترجيت عمر البشير يديني جنسية
بس بكري ابو بكر بطلب تزكية من نفرين و قس على ذلك .... ما ترخص لينا السودان فوق العليهو بالله
عاجباك سودانيس اون لاين ؟ جدا ! بخيت و عديل عليك بس تراهو ما السودان لاني بخش السودان لو دايرة غصبا عن
اجعص جعيص ولا زول بمنعني بس بكري ابو بكر بضغطة زر ممكن يخليني اسم اسود ما عندو روابط ويمحي تاريخي
بس عمر البشير لو نطط ما بقدر يشيل اسرتي ولا تاريخها ولا تاريخ منطقتي .... فبالله ما تبخسني ولا تبخس سودانيتي
و تقارنها بعضويتي في المنبر دوت اكل نارك ده
عزاز أختي بالوضع الشايفو أنا للسودان البشير باستطاعته حرمانك من أيّ شيء حتى الهواء ... رأيك شنو ؟
زول شال شيخ التنظيم وشبكوه اعتقالات بأسباب مقنعة أو بدونها وبفكوه بالمزاج ... غالبو يمنع مواطن عادي من حقوق المواطنة ...
ثم أن البشير ما بدّيك جنسية إلاّ بعد ثبات سودانيتك والشروط التي يجب توفّرها لاستحقاق الجنسية ...
وكذلك بكري لمّا بيطلب التزكية من نفرين بنفس المقياس الهو العملو وارتضاهو للمنبر (عايز زول كتّاب) (عايز زول غالاط) (عايز زول جنريتر) ...
وجه الشبه في الحالتين توفر الشروط اللازمة ...
وبكري برضو ما بقدر يشيل تاريخك في المنبر أو تاريخ أسرتك أو منطقتك ....
البشير ممكن يعتقلك زي أبو ذر بتهمة أو بدون تهمة وممكن تتعرضي كمان للحكم بالإعدام وتروحي شمار × مرقة ...
يعني الشغلانة حترتبط بوجودك في الحياة ...
لكن بكري لا يستطيع فعل ذلك ... على العكس تستطيعي أن تدخلي المنبر يومياً كزائرة وتقرأي ما تشائين وتستطيعي أن تكتبي ما تشاءين وترسليه لأصدقائك ليطروحوه إن أردتِ ذلك ...
ولكن البشير ممكن يقطع منك الموية والنور ... بعد مشيئة الله
بكري حدوده معاك تكتبي وما تكتبي بس البشير حدو معاك الحول ظاتو
وفي الختام حسيت فعلاً إني استخدمت مفردات فضفاضة حينما قارنت سودانيز أونلاين وبكري أبو بكر بحال السودان الآن وبشيره ...
واعتذاري لبكري عن هذه المقارنة ...
ولكِ ودّي ،،، |
شكلك ما اتيت لحوار و الباسويرد غالي عليك شديد يا صبري اخوي
سودانيتي عمر البشير وجدو العاشر ما بيخوضوا فيها ناهيك من انو يديني
الجنسية ... سودانية غصبا عن عينو وفي عين اتخن تخين ما تخليني افقد المنطق اكتر!
و بجي السودان و بمرق وشعرة من راسي ما بتتهبش لو جينا للجد ...
ولو فكروا يهبشوني اهلي بياكلو العسكر حيين وبامرق طيبة و صاغ سليم
ما تديهم اكبر من حجمهم بالله تراهم استقووا علينا باننا نستضعف روحنا
والمنبر ده لا سودان لا وطن لا هناي ما تشكر لينا الراكوبة في عز الخريف
المنبر ده بأعضاءه - ان سلموا سلم وان هانوا هان زي الترتيب وده الحاصل
اي تحسينات لا تطال التعامل المباشر مع الاعضاء بندق في بحر وما في ليها
لازمة .... الصيوان ده مدقوق من الصباح ورسلت ليهو قبل يومين
بكري ما جا وضح ولا ارسل لي توضيح كن لسان حالوا اقنعوا
و احمدو الله اني خليت ليكم البوست ده ما تكتروها
يا ها عملات الانقاذ تديك موية طين في الحنفية لما تهيج وهي قاطعة قلبك بالحرمان
من ابسط حقوقك الدستورية و الانسانية ....
ونقد هادف يتاع الساعة كم؟ ارسل ايميل و افتح بوست يشيلوهو اعمل شنو يعني؟
اصلي ليهو لا اعمل كرامة ؟! ابوي هو ولا كان ابوي علشان اضمن حبو لمصلحتي؟
_______________
و تقول ليك تعتذر لبكري؟ اعتذر لي انا الحقرت لي بسودانيتي و خليتها عطية في يد من لا يملك ياخ!
|
Post: #143
Title: Re: تنبيه بخصوص رسائل ورادة من حسابي هنا لم أرسلها
Author: Kostawi
Date: 05-11-2011, 10:27 PM
Parent: #142
ثورة النساء
|
Post: #144
Title: Re: تنبيه بخصوص رسائل ورادة من حسابي هنا لم أرسلها
Author: كمال عباس
Date: 05-11-2011, 10:32 PM
Parent: #142
.... من حق الأخت عزاز أن تكتب وتوضح رأئها فيما حدث لها وإن كانت الإدارة غير قادرة علي حماية العضوية فلتكفل لها حق التوضيح والدفاع عن النفس كأضعف الإيمان !لا أدري لماذا تعمق الإدارة جراح ضحايا التهكير وتعاقبهم علي ممارستهم حقهم المشروع في الإبانة والإيضاح بل وتقصئ وتبتر من يتضامن معهم ?
.... نعم عزاز وبما لها من إمكانات وقدرات -فكرية ومعرفية -مؤهلة للتواصل مع قارئها عبر جملة من الوسائط -الالكترونية والورقية وستشكل إضافة لأي موقع تشرفه بالكتابة...لم تبدأ دنيا عزاز بسودانيز أون لائن ولن تنتهي به... وأرجو أن نرتفع جميعا لمستوي حساسية ما حدث ونقر بحق الأخت عزاز في رد الفعل الموازي لحجم الضرر وحقهافي محو محاولة تشويه السمعة فما تفعله عزاز هو ماتمليه الكرامة وعزةالنفس علي أي إنسان نبيل تهمه سمعته ومكانته .... من حقها الإحجام ومن حقها الإمتناع عن الكتابة من دون أن تفقد رصيدها من الصداقات والمعارف والقراء- والذي بنته طيلة تواجدها في المنبر فما أسهل متابعة مايكتب في عصر ثورة المعلومات ... من يقدر عزاز فليحترم قرارها ...وإن كنا حريصين حقا علي أن يكون المنبر عنصر جذب لا قوة طرد وتنفير فعلينا أن ننهض بالتصحيح و حمل الإدارة علي- إتخاذ ما يلزم لحماية الموقع والعضوية والمتصفح -وتطوير تحصيناتها ووسائلها الدفاعية ولكم تمنيت أن يفصل مالك الموقع بين ملكية الموقع وإدارته كما يحدث في المؤسسات الحديثة ... ... وأرجو الأيحاسب أي عضو دعي للإحتجاج من أجل الأصلاح والتغيير للأفضل أو تضامن مع مظلوم ..
عزاز والهاكر
ولايهمك واثقين منك .......
وكما قال ياسر طيفور هذا الإستهداف الرخيص لن يطال منك شعرة ولن يمس -- مكانتك عند الناس بل بالعكس سوف يرسخ قدرك أكثر في النفوس .. ولن تزيدك المحن والنوازل الا صلابة وقوة وتوهجا وعطاء سيذهب زبد المداد المتقيح والنفوس المهترئة جفاء ويبقي ما ينفع الناس راكز كما التبر في جوف الارض الطاهرة ......
...........
00 ختاما ...نعم سيكون شاقا علي قارئ ومتابع قلم عزاز أن يفتقدها في هذا الموقع ولكنه قطعا سوف يدرك أن عزاز ليست قلما فقط وإنما هي إنسان له مشاعر وأحاسيس وكبرياء ترفض الضيم والإجحاف وتطفيف الموازين... وقطعا ستعود الإستاذة عزاز إذا ما أنتفت مسببات التوقف وبدأت خطوات تصحيح جادة تضع الأمور في نصابها ...
كمال عباس
|
Post: #145
Title: Re: تنبيه بخصوص رسائل ورادة من حسابي هنا لم أرسلها
Author: مرتضى احمد عبد القادر
Date: 05-11-2011, 10:40 PM
Parent: #144
البحير اكتر من موقف بكري الجراط والغلاط بتاع صبري طه لعزاز دا ياصبري طه عذبتا
|
Post: #148
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-11-2011, 11:04 PM
Parent: #145
| Quote: مرتضى أحمد عبدالقادر كتب: البحير اكتر من موقف بكري الجراط والغلاط بتاع صبري طه لعزاز دا ياصبري طه عذبتا |
يا عمّك غلاط شنو ياخ ... الزولة قالت ماشة بحاول أقنعها إنها تقعد تقول لي غلاط ؟!
ثم ثانياً هل سلبتها حقها في توضيح موقفها ؟!
|
Post: #146
Title: Re: تنبيه بخصوص رسائل ورادة من حسابي هنا لم أرسلها
Author: د. ياسر عبد القادر
Date: 05-11-2011, 10:49 PM
Parent: #144
عزاز سلام مرة تانية
Quote: تسلم يا دكتور ياسر بس بكري ابو بكر لقى وقت يقول لي just ignore it معناها ده عمارو معاي ... مشغول؟ احنا زاتنا مشغولين عندو اسرة؟ امي دي اسرة كمان وبتاخد مني اثمن وقتي وما كتير عليها ... مافي زول هنا مقطع ولا مرمي كلنا عندنا مشاغل واسر و مسؤوليات ....
مافي أي عذر لترخيصو سمعة الناس و ألمهم ... يا يحمينا يا يخلينا نحمي روحنا ... كتيرة؟ |
أعلم إن وقتك ثمين جدا...وأعلم الوظيفة الرفيعة التي تشغلين...وأعلم مكانة والدتك عندك (ربنا يحفظها ليك) وتشرفت بلقائها ....نحن معك ونساندك في كل ظلم تعرضت له....وكما نعلم إنك خرجت أقوي من مواقف أصعب من هذه..كان رجاؤنا فقط أن تمنحي الاخ بكري مزيدا من الوقت..بعد داك ممكن تحكمي...إنت ذكرت أن رسالتك له من يومين...يومين لا تكفي للحكم..ربما له ظروف لا نعلمها نحن....
عزاز: لا أبالغ أن أقول لك: أنت من الاقلام التي تجبرنا علي متابعة سودانيز اونلاين (إن كنت لا تعلمين)...
أكرر إمنحي الاخ بكري بعض الوقت...وإن لم يستجب أو يوضح...حينها لك الحق في إتخاذ ما ترينه مناسبا
ختاما: لك ودي الذي تعلمين
|
Post: #147
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-11-2011, 10:59 PM
Parent: #146
| Quote: عزاز شامي كتبت: و تقول ليك تعتذر لبكري؟ اعتذر لي انا الحقرت لي بسودانيتي و خليتها عطية في يد من لا يملك ياخ! |
يا عزاز أنا ما حقرت بسودانيتك ... كل ما في الأمر ضربت ليك مثال بمن يتحكّم بمصيرك كمواطنة سودانية ...
ثمّ سؤال: مساحة حرية الكتابة متاحة في سودانيز أونلاين بشكل أكبر أم في الصحف السودانية ؟!
وأنا مشكلتي معاك هنا إنّك ما تسيبي المنبر ... والاقتباس أدناه من ثاني مداخلة لي:-
Quote: لا لا كدة ما معانا ...
وبي كدة إنتي بتعاقبي المنبر والناس العاشرتيهم بأخوة صادقة ...
وبتعاقبي بكري أبوبكر المغلوب على أمره ...
وكمان بكري أكتر واحد تعبان وغلبان والهكرز رافعين ليهو ضغطو ... |
يا عزاز بكري لو أدّاك إدارة المنبر حتشوفي النجوم عز الضهر ... الفي البر عوّام ...
ــــــــــ
عادل إمام في مسرحية شاهد ما شافش حاجة القاضي قال ليهو وقت ساكن تحت رقاصة حقو تعزّل من الشقة الإنت ساكن فيها
رد عادل إمام كان: يا بيه لو أيّ واحد ساكنة فوقيهو رقاصة بيعزل البلد كلها حتنام في الشارع
بنفس المنطق لو أيّ عضو في أيّ منبر كان سودانيز أونلاين أو غيره بيعزّل عشان سحبو بوستيهو الناس دي كلها حتنام في الفيس بوك
سحب البوست برضو وجهة نظر قابلة للصواب وقابلة للخطأ
الإصرار لإحقاق الحق وعدم الهروب هو المطلوب يعني لازم "زنقة زنقة" مهما كان
|
Post: #152
Title: Re: تنبيه بخصوص رسائل ورادة من حسابي هنا لم أرسلها
Author: فتحي الصديق
Date: 05-11-2011, 11:12 PM
Parent: #147
كامل تضامني معك يا عزاز ..
البوست لا يحمل في داخله ما يدعو بكري لحذفه ..هو مجرد توضيح وتنبيه لما حدث لك هنا في هذا المنبر ..
--------------------------------------------------------------
الله يقويك ويوفقك ..
|
Post: #149
Title: Re: تنبيه بخصوص رسائل ورادة من حسابي هنا لم أرسلها
Author: ABUHUSSEIN
Date: 05-11-2011, 11:05 PM
Parent: #146
| Quote: الاخ صبري طه .... تحب الغلاط زي ورحك علشان كده هلالابي |
بقيت علم على رأسه نار يا صبري....
أسي يا صبري ما أخير منك الهكر...
ياخي عزاز دي لو الناس ديل أقنعوها إنها ما تخلي البورد دا ... إقنعوها كيف إنها تتعايش معاك في بورد واحد...؟؟؟؟
عزاز معليش أمسحيها لينا في وشنا.....
|
Post: #150
Title: Re: تنبيه بخصوص رسائل ورادة من حسابي هنا لم أرسلها
Author: عزاز شامي
Date: 05-11-2011, 11:05 PM
Parent: #1
قرار ايقاف عاطف عبدون لانو طالب الادارة باتخاذ موقف واضح تجاهنا و مطالبتو لينا باتخذا موقف -
قرار بيؤكد انو المكان ده لا يستحق تواجدنا على الاطلاق ..
توقف قمر بوبا لانو ادى بكري عيوبو في يدو امر يدعونا للفتكير بجدية في جدوى ما بُذل هنا
إن كان خضر حسين قم تم ايقافه لانو اعاد نشر ما قاله قمر بوبا فده بيدينا بيان بالعمل بديكتوتارية
بكري ابو بكر .. وما تفتكر انو بقاء البوست ده ممكن يمتص اي غضب لانو انت بيد بتدي كف
وباليد التانية بتطايب ... في النهاية حرقة الكف ما بتزول والظلم وقع!
وان كان تم توقيف اميرة الشيخ لانها سألت سؤال بديهي انو ليه دي كراع و ديك رجل معناها
يا بكري انت محتاج تراجع روحك وتشوف مشكلتك شنو مع الكلام الببكيك والنصيحة
دايرنا نشكر ليك و نمسح ليك جوخ ؟ معليش و الله ما كانتش يتعز! ما علشان منبر و الله
ولا علشان بوستات ... المنبر ده يخدر ليك ان شاء الله يضوي ليك بس في النهاية
انت انسان ظالم ولا تقدر الآخرين ولا تملك القدرة على قراءة الامور بشكل صحيح
تشيلنا تخلينا يا هو دا رأي فيك وده رأي زول خبرك في مواقف بعرفو بيها المعادن
وبيفرزا بيها المواقف .. ما رأي ما سمع ولا انفعال ولا غضب ... رأي مجرد
راجع نفسك واسلوب ادراتك لانو احنا ما عبيدك ولا جريوات تهشنا وقت داير
وترجعنا وقت مزاجك يسمح ... بيك وبلاك عايشين .. بيك وبلا منبرك عايشيين!!
شيل البوست ده بعد ده لو داير و شيل الباسيورد ما لازمنا زاتو .
|
Post: #151
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-11-2011, 11:09 PM
Parent: #150
| Quote: ياخي عزاز دي لو الناس ديل أقنعوها إنها ما تخلي البورد دا ... إقنعوها كيف إنها تتعايش معاك في بورد واحد...؟؟؟؟ |
إذا اقتنعت إني يا أبيض يا أسود حتتعايش معاي عادي 
|
Post: #153
Title: Re: تنبيه بخصوص رسائل ورادة من حسابي هنا لم أرسلها
Author: ساميه حامد
Date: 05-11-2011, 11:58 PM
Parent: #151
الاخت الغالية عزاز
طبعا مهما كتبت ومهما قلت إمكن ما اوفيك حقك
صاح انا جديدة في المنبر لكن انت بالزات بعرفك من زمان من كتاباتك وشجاعتك وكلامك الفي محلو
واكتر شيء جرأتك على قول الحق وقوتك عشان كدة عاوزينك تستمري قوية كما كنت دائما
ونحن كلنا متضامنين معك من أجل إظهار الحقيقة
وزي ما قالت الدكتورة سعاد تاج السر إنها ثورة النساء
|
Post: #154
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-12-2011, 00:02 AM
Parent: #151
| Quote: أبو حسين كتب: بقيت علم على رأسه نار يا صبري |
معقولة بس يعني عشان خشيت مع أبو حسين في نقاش حول فهم معارضي المعارضة ...
ما كُنت عارف شعبيتك كبيرة وممكن يكونوا متابعيني وأنا معاك ...
على العموم حصل لي الشرف الكبير بتداخلي معاك ...
ولو وقتي بسمح إن شاء الله تاني كل ما أشوف اسمك ساي أرد عليك قبل ما أقرأ ظاتو ...
ـــــــــ
الأخت عزاز شامي علمٌ في رأسه نار وبكل صدق وأمانة ومنذ انضمامي لسودانيز أونلاين حريص جداً على تتبع مواضيعها/مداخلاتها ...
يمكنني تتبعها في منابر أخرى ولكن لسودانيز أونلاين مذاق آخر وهذه حقيقة شئنا أم أبينا ...
لذا أتمنى تواجدها لأجل الكلمة الصادقة والمواقف الثابتة القوية ولأجل مستقبل أفضل للسودان ...
|
Post: #155
Title: Re: تنبيه بخصوص رسائل ورادة من حسابي هنا لم أرسلها
Author: ساميه حامد
Date: 05-12-2011, 00:17 AM
Parent: #154
| Quote: ولو وقتي بسمح إن شاء الله تاني كل ما أشوف اسمك ساي أرد عليك قبل ما أقرأ ظاتو ... |
كان كدة نحن واطاتنا اصبحت
الا نشوف لينا مكان غير هنا نكتب فيو لانو ما ها نلقى فرصة معاكم
|
Post: #156
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-12-2011, 00:57 AM
Parent: #155
Quote:
يا قيقا
انت شكلك عايز تمشي طوالي هسي ناو ـ طبعاً أخوك خريج فصل الموضوع للأمانة
|
لوووووووووول
شنو يا قلب استعجلت مشيت مالك (هسي ناو ) بمواقيتك!؟
ما كان تراعي فروقات الوقت ياخ!
انا مستغرب سيد اللبن اقصد شنو يعني معاي؟
عاوز يحرجني مش؟
تعرف المكتوب هنا دا شنو؟
ما ح تعرف ..
مكتوب في ( شاهد قبر العظيم كزانتزاكس ) :
I hope for nothing. I fear nothing. I am free
وبقولوا حلو الكلام في خشم سيدو .. اسمع من حبيبنا دز محمد قرشي عباس همسلف :
Quote:
في الأصل هذه الكلمات المنقوشة على الشاهد Tomb Stone تحكى عن قصة هندية قديمة (الهنود الحمر) .. حيث تورط أحدهم في تيار قوي أخذ يقربه من شلال هادر ذو موت محقق .. و لما يئس من النجاه .. رمى المجداف و رفع ذراعيه و أخذ ينشد قائلا :"فلتحمل الريح أغنيتي .. لا آمل في شيء .. لا أخاف من شيء .. أنا حر !!" .. حتى إبتلعه اليم !!
|
---------
سلام لكم
انتم السابقون و نحن اللاحقون
فلتحمل الريح أغنيتي .. لا آمل في شيء .. لا أخاف من شيء .. أنا حر
|
Post: #157
Title: Re: تنبيه بخصوص رسائل ورادة من حسابي هنا لم أرسلها
Author: محمد حيدر المشرف
Date: 05-12-2011, 01:10 AM
Parent: #155
أولا الموضوع كما فهمت .. وأعنى موضوع الماسينجر الذى أرسل من حساب عزاز شامى لبعض الأعضاء يطلب ارقام هواتفهم .. ليس بالموضوع الهايف أو العابر حتى يتم تجاهله ببساطه ..
وأسأل عن الهدف من وراء ذلك .. وببساطه لان الامور لا تتم اعتباطا سااااى كده .. تم تجميع ارقام هواتف بعض عضوية سودانيزاونلاين .. لماذا ؟
هل تمت اتصالات بهؤلاء ممن قد تدعى انها عزاز شامى ؟!
ما طبيعة هذه المكالمات ؟!
هل تم تسجيلها ؟!
هل تمت من خلالها تعاملات ماليه مثلا ؟!
ممارسات لا أخلاقيه ؟!
قد لا يكون اعلاه صحيحا ..
ولكن لا أحد يستطيع نفى حدوثه ..
وبالتالى .. المتضرر مما حدث هم عضويه المنبر وعلى رأسهم عزاز ..
الموقف الطبيعى دفع هذا الضرر باضعف الايمان وهو نشر الحقيقه .. ولو كنت مكان بكرى ابوبكر لساهمت فى تعميمها ..
كامل التضامن يا عزاز ...
|
Post: #158
Title: Re: تنبيه بخصوص رسائل ورادة من حسابي هنا لم أرسلها
Author: هواري نمر
Date: 05-12-2011, 01:35 AM
Parent: #157
أولا الموضوع كما فهمت .. وأعنى موضوع الماسينجر الذى أرسل من حساب عزاز شامى لبعض الأعضاء يطلب ارقام هواتفهم .. ليس بالموضوع الهايف أو العابر حتى يتم تجاهله ببساطه ..
وأسأل عن الهدف من وراء ذلك .. وببساطه لان الامور لا تتم اعتباطا سااااى كده .. تم تجميع ارقام هواتف بعض عضوية سودانيزاونلاين .. لماذا ؟
هل تمت اتصالات بهؤلاء ممن قد تدعى انها عزاز شامى ؟!
ما طبيعة هذه المكالمات ؟!
هل تم تسجيلها ؟!
هل تمت من خلالها تعاملات ماليه مثلا ؟!
ممارسات لا أخلاقيه ؟!
قد لا يكون اعلاه صحيحا ..
ولكن لا أحد يستطيع نفى حدوثه ..
وبالتالى .. المتضرر مما حدث هم عضويه المنبر وعلى رأسهم عزاز ..
الموقف الطبيعى دفع هذا الضرر باضعف الايمان وهو نشر الحقيقه .. ولو كنت مكان بكرى ابوبكر لساهمت فى تعميمها ..
ـــــــــــــــــــــــــــــــــــــــــــــــــــــــــــــــــــــــــــــــ
شكراً يا مشرف شكراً جزيلاً
وأزيد علي كلامك أعلاه , ليه توقيف بعض الآعضاء...
ياخي زول واقف مع الحق وببحث عن الحقيقة , ليه يتم توقيفه
يا عزاز من حقك تتطالبي بمعرفة الحاصل و تصلي للحقيقة كاملة لأنو دي لا المرة الآولي ولا التانية ولا التالتة
ولا حتكون الآخيرة لو ما حصل توضيح للحاصل .
ومعاك حتي نعرف الحاصل
وبكري مطلوب بتفسير وااااااضح عن الشئ القاعد يحصل ده
كامل تضامني ووقفتي معاك للنهاية يا عزاز
|
Post: #159
Title: Re: تنبيه بخصوص رسائل ورادة من حسابي هنا لم أرسلها
Author: محمد حيدر المشرف
Date: 05-12-2011, 01:51 AM
Parent: #158
صحيح يا هوارى ..
كلامك صحيح ..
وانما مسكنى عن الكتابه حول توقيف قمر بوبا وعاطف عبدون عدم تيقنى مما حدث بالتحديد ..
يبدو ان كثير من البوستات قد حذفت ..
شكرا يا صديقى ..
|
Post: #160
Title: Re: تنبيه بخصوص رسائل ورادة من حسابي هنا لم أرسلها
Author: هواري نمر
Date: 05-12-2011, 02:08 AM
Parent: #159
تعرف يا مشرف
أنا الصباح طالع من الشغل , لمحت بوست عزاز وقريتو سريع
قلته امشي البيت أنوم وأجي راجع أشوف الحاصل
أها جيت لقيت حاجات كتيرة حصلت , مُداخلات حُزفت وناس تم توقيفها
الحاصل شنو؟؟
وح يحصل شنو يا صاحب !!!
وليه؟؟
|
Post: #161
Title: Re: تنبيه بخصوص رسائل ورادة من حسابي هنا لم أرسلها
Author: النصرى أمين
Date: 05-12-2011, 02:12 AM
Parent: #159
سلام يا عزاز
كامل تضامننا معك ....
|
Post: #162
Title: Re: تنبيه بخصوص رسائل ورادة من حسابي هنا لم أرسلها
Author: Sana Khalid
Date: 05-12-2011, 02:51 AM
Parent: #161
دا كلامي القلتو في البوست التحذف قبل شوية.. و حأرجع أقولو تاني..
ليست لأجل عزاز! بل تثبيت لحقوق العضوية.. و لكي لا نقول أكلنا يوم أكل الثور الأبيض!
مع انو عزاز بتستاهل الوقفة معاها..
لكن لا عاطف و لا قمر و لا أميرة و لا خضر اتوقفوا لأنهم اتضامنوا مع عزاز..
الناس دي اتوقفت لأنها رفضت انها تتعامل بسياسات القمع الحاصلة في المنبر..
الفايدة شنو إذا في حتة مساحة لا ماسكة رزقك .. لا مهددة حياتك زي دي.. انت تتحرم من أبسط حقوقك في إنك تدافع عن نفسك..
مع العلم بإنو دفاعك عن نفسك دا ما كان فيهو أي تعدي على شخص آخر.. و لا حتى تغول على سلطات الإدارة..
لو كانت الإدارة تجري بالمنطق و المعقول!
|
Post: #163
Title: Re: تنبيه بخصوص رسائل ورادة من حسابي هنا لم أرسلها
Author: هواري نمر
Date: 05-12-2011, 03:15 AM
Parent: #162
فوق
وفوق شديد كمااااااان.
|
Post: #164
Title: Re: تنبيه بخصوص رسائل ورادة من حسابي هنا لم أرسلها
Author: صديق الموج
Date: 05-12-2011, 04:42 AM
Parent: #163
Quote: وتقين كومارين قرقيدن هكر يا شيخة
أوليّ انّ أقر تيكقن هاكوماريه قوجلو .. اقر ايمو ويده |
!
عزاز العزيزة .........سلام
كامل تضامننا معك فى توضيح موقفك..
لكن تخلى المنبر كمان ما جايه..
اكتبى بى جنسك هرجيك الفوق ده واى كلام مكتوب باى لغه
اخرى يعتبر ماصادر من عندك وانت منه براءة..
ومجبورة خادم الفكى على الصلاة...
نقوم نحن نشيل كلامك نمشى لى حمزاوى واللا زمراوى والا فيصل خليل
او اى واحد من العجم ديل ماعدا حسين حسن باعتباره اطرش
فى زفة صفرجيه زينا لووووووووووووول ويترجموهـ لينا..
حمزاوى ما تستغلنا تشتغل مترجم عشان نحن محتاجين لكلام البت الكويس عزاز ده...
وتشتغل معانا بالسطر ...يعنى ترجم لينا واحتسب ياخى الكريم..
مش فكره يابت يا كويس انت فى ظل نحن محتاجين لقلمك؟؟
سلمى على امنا،،،،
|
Post: #165
Title: Re: تنبيه بخصوص رسائل ورادة من حسابي هنا لم أرسلها
Author: الشفيع عوض شوشتا
Date: 05-12-2011, 06:04 AM
Parent: #164
موقف غير مستغرب من بكري
|
Post: #166
Title: Re: تنبيه بخصوص رسائل ورادة من حسابي هنا لم أرسلها
Author: عبدالرحمن عزّاز
Date: 05-12-2011, 07:02 AM
Parent: #165
قل الحقيقة ودعها تبحث عمن تجرحه !
فى البداية لابد من توضيح موقف ، أن الأخت و الأستاذة /عزاز شامى فى هذا المكان علم على رأسه نار لا يختلف فى ذلك اثنان ، إلا إن كان أحدهما لايدرى و لايدرى أنّه لايدرى.
و هى من اللائى و الذين يجبرون الكثيرين و الكثيرات أنا ضمنهم بالطبع لمتابعة هذا المكان ، تحليلات عميقة ، كتابة رصينة ، مجاهرة بالحق ، و فوق كل ذلك مترعة بالإنسانية و
أخلاقها قطعاً فوق الشبهات .
منها تعلمت الكثير و لازلت أنتظر ، كما تعلمت من أخريات و آخرين هنا ، تعجبنى كتاباتهم و أتابعهم فى صمت دون تداخل ، حتى أحس أحياناً بأنهم أصدقائى أعرفهم و يعرفوننى
و فى الحقيقة ، هى كعلاقة التلميذ بأستاذه ، أو علاقة المعجبين بالمشاهير .
ليست المرة الأولى لإستهدافها ، و لن تكون الأخيرة فالأحجار لا تلقى إلا على الأشجار المثمرة . موقف بكرى أبوبكر قد يبدو غريباً للبعض و لكن !
سوف أقول ما أعتقده صواباً ، و لايهمنى إن لحقت الباسورد أمات طه ! فقدنا بلد ، و الآن نفقد ماتبقى من الأحلام .
(1) مثل هذا الموقف الذى تأذت منه الأستاذة عزاز شامى ، لايصدر إلا من نفس مريضة متقيحة الدواخل ، غض النظر عن التوجه السياسى ؛ مما يعنى إن لا نحصر الفكرة فى
كيزان / أمنجية / مأجورون .
الموتور نفسياً ؛ و بإختياره لمعارضين فقط . قد يكون معارض ... ! قد يكون يبحث عن أسباب لإقصاء آخرين ! .... قد ... و قد !
(2) المتابع للمنبر جيداً منذ فترات طويلة ، يعرف أن الماسنجر الداخلى ليس مأموناً ، بحجة أن إستفهامات كثيرة صدرت من قبل ، و أسئلة لم تجد إجابات هل هناك من يستطيع قراءة
رسائل الأعضاء ؟
(3)شهدنا كثير من المرات ، بوستات لبكرى عن أهمية تغيير كلمة المرور دورياً بعد هجمات الهكر ، و فى ذلك إعتراف ضمنى بإختراق المنبر ، فماذا الصمت الآن؟!
(4) لاينفى ما قلته أن الهكر ليس كوز أو أمنجى ، بل يجب أخذ الحيطة و الحذر و على بكرى أن يفكر من أين تأتيه الرياح ، بدلاً من ( يدى الحلة وصاة و النقارة عصاة)
ومايقوم به من فصل لشرفاء و شريفات المكان أقول له المثل الكردفانى :
الغش و موية الرش ماااااااا بقومن قش !
من حق عزاز أن توضح موقفها ، الذى لا يحتاج أصلاً . و كامل تضامنى معها و مع من تم توقيفهم ، و الله فى .
|
Post: #167
Title: Re: تنبيه بخصوص رسائل ورادة من حسابي هنا لم أرسلها
Author: صديق الموج
Date: 05-12-2011, 07:41 AM
Parent: #166
فوق من اجل عزاز وحقها المشروع
شوفى ياعزاز اكتبى ووضحى ما تريدين وماتخافى انا
سوف اكتب معك هنا حتى توضحى موقفك بجلاء حتى لو ادى ذلك لذهاب
الروح خلى الباسورد الماجايب همه ده..
كامل تضامننا معك ويا بكرى سكتنا فى حقنا لكن لن نسكت على
حق اخت تريد ان تبرىء نفسها طالما ان هذا الحيف والظلم وقع عليها
نتيجة انها تكتب هنا ليبرز منبرك ويبلغ ما بلغ الان،،،
|
Post: #168
Title: Re: تنبيه بخصوص رسائل ورادة من حسابي هنا لم أرسلها
Author: aydaroos
Date: 05-12-2011, 07:54 AM
Parent: #167
يعد كلام الناس الفوق ديل كلهم
الإتوقفوا و اللسع بي يكتبوا
المفروض السيد بكري أبو بكر يعلق بوست فوق
عن الإختراق الحصل اليومين الفاتت
و يوري العضوية الوضع الآن
و يعملوا شنو عشان ما يتهكرو
و يعتذر لي عزاز شامي
|
Post: #169
Title: Re: تنبيه بخصوص رسائل ورادة من حسابي هنا لم أرسلها
Author: خضر حسين خليل
Date: 05-12-2011, 08:03 AM
Parent: #168
يا عزاز ازيك
للأمانة أنا أمس الليل كلو بحاول أدخل وأواصل في ما بدأت المهم عصلج معاي الكونكشن وفشلت في التواصل
المهم إنني لازلت حتي الآن إحتفظ بعضويتي وربما لأنني لم إستنفذ بعد فرصي التي تستوجب الإيقاف في منبر
بكري وهو ببساطة أن يكتب العضو ثمانية بوستات ورا بعض يوري فيها بكري أخطائه التي يفشل دوماً علي
مواجهتها .
كامل تضامني مع ضحايا ليلة الأمس وبنجيهم بمهلة
|
Post: #170
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-12-2011, 08:14 AM
Parent: #169
| Quote: للأمانة أنا أمس الليل كلو بحاول أدخل وأواصل في ما بدأت المهم عصلج معاي الكونكشن وفشلت في التواصل |
وهسّي أنا بحاول أرد عليك برضو عصلج معاي ...
الظاهر الشغلانة عندها علاقة بالحماية ...
ـــــــ
وحمداً لله على سلامتك ...
|
Post: #173
Title: Re: تنبيه بخصوص رسائل ورادة من حسابي هنا لم أرسلها
Author: خضر حسين خليل
Date: 05-12-2011, 08:26 AM
Parent: #170
فعلاً الموضوع ده فيهو شئ غريب ياصبري
|
Post: #172
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-12-2011, 08:20 AM
Parent: #169
Quote:
للأمانة أنا أمس الليل كلو بحاول أدخل وأواصل في ما بدأت المهم عصلج معاي الكونكشن وفشلت في التواصل
المهم إنني لازلت حتي الآن إحتفظ بعضويتي وربما لأنني لم إستنفذ بعد فرصي التي تستوجب الإيقاف في منبر
بكري وهو ببساطة أن يكتب العضو ثمانية بوستات ورا بعض يوري فيها بكري أخطائه التي يفشل دوماً علي
مواجهتها .
|
شكراً يا خدر على الحق
و بدوري اعتذر لبكري اعتذار لا مرية فيه
اعتذار غير ذي عوج او لف و دوران و تبريرات
فهل يفعل هو لمن اخطا في حقهم؟
|
Post: #171
Title: Re: تنبيه بخصوص رسائل ورادة من حسابي هنا لم أرسلها
Author: محمد عمر جبريل
Date: 05-12-2011, 08:19 AM
Parent: #166
Quote: آذيتك وين يا بكري علشان تسهل آذيتي و تمنعني من حقي؟ آذيتك وين وريني علشان على الاقل اديك العذر
بدل الظلم المجاني الرخيص ده! |
الله ياخ ..
ما عارف أقول شنو والله يا عزاز .. ما عارف أقول ليكي إنتي شنو
بس البعرفو لو إنتي أختي بالجد بالجد بت أمي وأبوي ها أقول ليك تاني ما تهوبي ناحية المنبر دا
والله حاجة مؤسفة جدا
حتى الناس البتطالب عزاز ما تخلي المنبر ديل .. حاولو ختو نفسكم مكانها .. طيب ختو أخواتكم مكانها
في زول برضى بي حاجة زي دي لي أختو ؟؟؟؟!!!!
تخيل أختك يقولوها كلام .. ولا يدوها فرصة توضح إذا كانت فعلا قالت الكلام دا وللا لأ
عزاز يا صديقة .. كوني قوية كما عرفناك
كوني عزاز
|
Post: #174
Title: Re: تنبيه بخصوص رسائل ورادة من حسابي هنا لم أرسلها
Author: مريم بنت الحسين
Date: 05-12-2011, 08:36 AM
Parent: #171
حمدلله على السلامة يا خضر، انا امس كل ما انزل بوست اسأل منك... يشيلوا الجماعة إياهم (حوالينا ولا علينا، حابس حابس)
|
Post: #175
Title: Re: تنبيه بخصوص رسائل ورادة من حسابي هنا لم أرسلها
Author: خضر حسين خليل
Date: 05-12-2011, 08:39 AM
Parent: #174
تسأل منك العافية يا مريم
جيت لقيت كل البوستات الكتبناها أمس راحت في حق الله
ياخ دي دكترة ما بعدها دكترة
بكري بي طريقتو دي حيغطس حجر المنبر
مودتي واحترامي
|
Post: #177
Title: Re: تنبيه بخصوص رسائل ورادة من حسابي هنا لم أرسلها
Author: شول اشوانق دينق
Date: 05-12-2011, 08:46 AM
Parent: #175
كامل التضامن يا عزاز.
موقف بكري محير بالفعل.
نتمني عودة المفصولين تعسفياً يا بكري وكفاية قهر ياخ كفانا العندنا علي أرض الواقع.
|
Post: #176
Title: Re: تنبيه بخصوص رسائل ورادة من حسابي هنا لم أرسلها
Author: لدن جعفر
Date: 05-12-2011, 08:41 AM
Parent: #171
ما اقبح الظلم وامره
عزاز يابت الناس العزاز كامل تضامنا معك
لاحقاق الحق والجهر بالحقيقه فى وجه ظلمات النفوس
المظلمه المريضه التى تتربصك دايما
كونى بخير وخلى دايما صوتك عالى
|
Post: #178
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-12-2011, 08:52 AM
Parent: #176
Quote: محمد عمر جبريل كتب: حتى الناس البتطالب عزاز ما تخلي المنبر ديل .. حاولو ختو نفسكم مكانها .. طيب ختو أخواتكم مكانها
في زول برضى بي حاجة زي دي لي أختو ؟؟؟؟!!!! |
يا عمّك ما برضى بي حاجة زي دي لي أختي وما برضى إنها تخلّي المنبر عشان بكري ما أدّاها فرصة إنها تبرر موقفها ...
دمت بود ،،،
|
Post: #179
Title: Re: تنبيه بخصوص رسائل ورادة من حسابي هنا لم أرسلها
Author: حيدر حسن ميرغني
Date: 05-12-2011, 10:26 AM
Parent: #178
up
|
Post: #180
Title: Re: تنبيه بخصوص رسائل ورادة من حسابي هنا لم أرسلها
Author: تيسير عووضة
Date: 05-12-2011, 11:34 AM
Parent: #178
أعلن توقفي التام عن الكتابة والتداخل في هذا الموقع تضامناً مع عزاز شامي ما لم يتم إنصافها في مظلمتها
وما لم يرد لها بكري حقها المضيّع مرة بواسطة الهكر ومرة بواسطته هو ..
كلنا عزاز ..
|
Post: #181
Title: Re: تنبيه بخصوص رسائل ورادة من حسابي هنا لم أرسلها
Author: امير طمبل
Date: 05-12-2011, 12:16 PM
Parent: #180
Quote: منبر شنو البقيّم قوتي من ضعفي؟!
انسانا منو ... حدي معاهو البوست ده يصل لأكبر قدر ممكن وبكري يعرف انو ماهو آله ولا بيدو يمنح ولا يمنع
وبقفل صفحتو وراي من غير اي ندم! خسرنا حاجات اهم ما عاينا ورانا جات عليهو!؟ |
الأخت الغالية
عزاز شامي
تحية اخوية صادقة
اهو انتي قلتيها منبر شنو فعلا البقيمك
نحن أخوانك و زملائك في الحوش و خلفك و امامك
نحميك بكل قوة و نتصد الي ضرر قد يلحق بك
بس موضوع تطوي صفحت المنبر ده الشي الما عاوزنو
انتي زميلة عزيزة جريئة في كتاباتك ولا نريد ان نتقدك
و ما تستعجلي ربما الاخ بكري ابوبكر يرجع و يقوم بانصافك
بيني و بينك شخصيا من المعجبين ببعض افكارك و كتاباتك
فليذهب اي شي و تبقي انتي بيننا
لك وافر نقديري و احترامي
|
Post: #182
Title: Re: تنبيه بخصوص رسائل ورادة من حسابي هنا لم أرسلها
Author: نجوان
Date: 05-12-2011, 12:16 PM
Parent: #180
كامل تضامني مع الأخت عزاز.. وحقها في إيضاح موقفها
ورد الظلم الذي حاق بها ..
_____
| Quote: نتمني عودة المفصولين تعسفياً يا بكري وكفاية قهر ياخ كفانا العندنا علي أرض الواقع. |
شكرا شول.. فعلا كفاية علينا الحاصل على أرض الواقع..
(صرنا لا نتعرّف على الظلم من كثرة تواجده..
وحين نتعرّف عليه، لا يستفزنا..)
|
Post: #183
Title: Re: تنبيه بخصوص رسائل ورادة من حسابي هنا لم أرسلها
Author: محمد أبوالعزائم أبوالريش
Date: 05-12-2011, 01:02 PM
Parent: #182
الأخت عزاز ...
قريت البوست (أظنه الأول) في الموضوع ده ... وتداخلت فيه .. وسجلت تضامني معاك .. ومتضامن معاك للنهاية.
لكن ....
ما قريت كل المداخلات في البوست ده، بس عندي تعليق على توقفك عن الكتابة، سواء كان احتجاج على رد فعل بكري أو (قرف) أو أياً كان.
تخيلي معاي السيناريو دة ...... تتوقفي عن الكتابة، وتبعدي عن البورد .. يجي عديم الضمير الأخد الباسوورد وياخدو تاني، ويبدأ في الكتابة بإسمك ويفهم الناس إنو إنتي هدأتي وراجعتي نفسك وقررتي المواصلة و ........ تخيلي الباقي.
بقول .... أوصلي لنهاية قصدك في الموقف الحالي وأظن كل من يعرف قلم عزاز شامي وأخلاقها حيقيف معاك .... بعدين قرري القرار البتشوفي فيهو مصلحتك.
أرقدي عافية
|
Post: #184
Title: Re: تنبيه بخصوص رسائل ورادة من حسابي هنا لم أرسلها
Author: محمد أبوالعزائم أبوالريش
Date: 05-12-2011, 01:08 PM
Parent: #183
بعد كتابة المداخلة الفوق ...
مشيت أراجع حاجة في الماسينجر ...... لقيتو لبس طاقية الإخفاء.
كمبيوتري مطشش .... والا المسألة ليها علاقة بالحاصل في البوست ده؟
|
Post: #185
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-12-2011, 01:37 PM
Parent: #184
ابو الريش سلامات
Quote:
بعد كتابة المداخلة الفوق ...
مشيت أراجع حاجة في الماسينجر ...... لقيتو لبس طاقية الإخفاء.
كمبيوتري مطشش .... والا المسألة ليها علاقة بالحاصل في البوست ده؟
|
كمبيوترك بخير و صحة جيدة .. او كل كمبيوتراتنا تكون لحقت الزينين1
و زيك بنسأل :
يا اخونا نحن نمنع سكاكين البصل من البيوت .. عشان الناس ممكن تكتل بيها مش!؟
و في انتظار الاجابة
|
Post: #186
Title: Re: تنبيه بخصوص رسائل ورادة من حسابي هنا لم أرسلها
Author: خدر
Date: 05-12-2011, 02:10 PM
Parent: #185
سلامات يا بكري
موضوع حماية المستخدم ده تيرم عالمي زي ما عارف و اظننا ناقشناهو مع بعض اكتر من مرة و انا متفهم جدا لموقفك فيما يخص سياسة الموقع ( دورك الرئيس ) لكن كمان دورك الرئيس الموازي هو حماية الاعضاء و عشان اكون اكثر دقة الزميلات, و حددت الزميلات عشان اولا مجتمعنا السوداني ده فيهو كائنات حية بزعجها جدا انها تشوف شابات متفوقات عليهم في التفكير وثانيا عشان مجتمعنا السوداني الغريب ده فيهو كائنات حية تسمي مجازا سياسية بتبيح لي نفسها الاعتداء علي الشابات بغرض إقصائهن او تحييدهن كأنضف الحلول الوســـخانة طالما الشابات ديل مناهضات لخطهم السياسي و تالتا عشان نحن كمجتمع زكوري (الزاي مقصودة) سوداني لسه في طور التخلق فيما يخص التواصل عبر الوسائط التفاعلية دي . ( حماية الزملاء تلقائيا بتصبح بنفس درجة الاهمية عطفا علي الكائنات الحية اعلاه البتتقاسم معانا الوسائط دي.) إذن حق عزاز في إنها توصل رأيها لقطاع عريض مشروع , مشروع موش لانو عزاز بت ولا خوفا من انو المُرسل اليهم يفسروها غلط , لا .. ببساطة لانو عزاز ( كعضو ملتزم بمراسيم المنبر الدستورية) من حقها انها تحدد عاوزة شنو متين و وين و كيف و اظنك فاهم انو دي ابسط حقوق الادمي. بتداخل مع ده موقفك انت اللي مفروض يكون داعم لموقف عزاز لانو عزاز إذا ما كانت آمنة في روحها (ده مفروض توفروا انت بالمناسبة) ما حا تقدر تكتب بأطمئنان و ده قطعا سيفقد المنبر قراء (ضد او مع ) مساهمات عزاز.
إيقاف قمر بوبا و اميرة الشيخ و عاطف عبدون (كما فهمت من البوست حتي الان) برضو ما سليم عطفا علي رد فعلهم علي حق عزاز في توضيح موقفها لانو ده كان من الممكن تفاديهو من الاول بتأييد موقف عزاز في توضيح موقفها. فقدنا في الموقع ده طوال العشرة سنوات الماضية الكثير من المفيدين و آخرهم دومة كما سمعت (اتمني انو يكون خبر مغلوط) و اعرف الكثير من الزملاء بكتبوا هنا علي مضض بسبب ما يحدث من تجاوزات في سودانيزاولاين و عن نفسي مبتعد من فترة طويلة عن الموقع و بقيت برجع ليهو وكت المواقف السياسية المفصلية. سياستك فيما يخص الحراك التلقائي بين العضوية او التنظيمات السياسية في سبيل خلق قانون حراك ذاتي وفقا لمراسيم صفحة قوانين الموقع في ظني سليمة لكني كنت اتمني ان يتم تنقيحها بواسطتك من آن لاخر و خلق قوانين جديدة تتماشي مع مكتسبات حراك سودانيزاولاين, مثلا سياسة الادانة الجماعية داخل الحراك ده ادتنا نتائج جيدة طوال السنوات الماضية عبارة عن عزل كثيرين بواسطة سيف الادانة من العضوية. الشق المتعلق بحماية العضوية فيهو لسه خروم كتيرة جدا يجب انك تنتبه ليها و تسدها عشان ما نستهلك طاقة و وكت في الكتابة عن بديهيات زي الحقوق و عشان ما نفقد اكتر ناس مميزين زي دومة مثلا.
سيناريو
تيسير عووضة عرضت موقفها التضامني.. تخيل ان يتبني موقفها ده كثيرين من العضوية الفاعلة و المؤثرة, تخيل معي شكل الموقع ؟ الكلام المتواتر في اللترتشا السودانية فيما يخص ان توقف احدهم لن يوقف سير القافلة غير صحيح بالمناسبة و غير علمي لانو توقف فرد يعني نقصان قدرات القافلة خاصة إذا كان فرد نوعي, يعني لو فقدنا عزاز و تيسير و قمر بوبا و عاطف و بت الشيخ ما حا نكون سودانيزاونلاين, حا نكون سودانيزاولاين ناقص عزاز و تيسير و بوبا و بت الشيخ و عاطف . و دي خسارة فادحة طبعا بمعايير المنابر التفاعلية و حا تكون خصما علي سودانيزاولاين و انت سيد العارفين.
الحل الان في تقديري هو ترك البوست يمضي لنهاياتو بتوضيح مواقف الكل بالاضافة لتثبيتو في اعلي الصفحة الاولي و إرجاع الموقوفين و العمل بجدية علي حماية عضوية المنبر كما تعمل بجدية علي حماية الموقع و اظنك تري اعلاه نتائج الاهتمام بحماية الموقع علي حساب حماية العضوية.
|
Post: #187
Title: Re: تنبيه بخصوص رسائل ورادة من حسابي هنا لم أرسلها
Author: Sana Khalid
Date: 05-12-2011, 02:25 PM
Parent: #186
تحياتي يا خدر..
| Quote: إيقاف قمر بوبا و اميرة الشيخ و عاطف عبدون (كما فهمت من البوست حتي الان) برضو ما سليم عطفا علي رد فعلهم علي حق عزاز في توضيح موقفها لانو ده كان من الممكن تفاديهو من الاول بتأييد موقف عزاز في توضيح موقفها. |
الموضوع متجاوز شخص عزاز و المشكلة دي لحقوق أي عضو أو عضوة في محلها.. أبسط الحقوق في اني أكتب بوست بعد ما يسطو الهكر على ماسينجري ..أقول للناس يا جماعة أنا ما رسلت ليكم ماسينجرات و بأخلي مسؤوليتي منها..
دا حق الزملاء كلهم على بعض و على المنبر دا
دا كلام قمربوبا بعد ما زهج من حذف البوستات الكتبها بخصوص الموضوع دا..
Quote: حين انضممت للمنبر كنت في السنة النهائية من دراستي الجامعية
حينها كنت يا هذا تستجدي الجميع بان نساهم بالكتابة (البتمسحا لينا في وشنا الليلة) وكان شعارك تعال ومعك آخرون وكنا بنحنس ليك الناس عشان يكتبوا في المساحة دي حسب طلبك..إنت نسيت؟؟
يا سيد يا جيّد لم نطلب من وراء كتاباتنا مجد شخصي أو الشهرة،كنا ولازلنا متسقين مع مواقفنا..ونحن يانا نحن
صدقني يا مدير المكان لم اخرق لائحتك التي وضعتها لاني كنت ولا زلت اعيش علي سجية انسانية ما فيها التشفي ولا الانجرار وراء أي شيء
صباح اليوم كان امامك ولا زال case يجب البت فيه بكل شجاعة وجدتك لم تفعل شي ولن تفعل.
ساقولها لك..يانا الناس الناصرناك وكتين كان في بوردين بس واحد حقك ده والتاني سودان دوت نت
منذ عشرة سنوات وانت لازلت تراوح مكانك والموقع لم يتطور..رحل عنه الكثير وفقد الكثير من المكاسب.
ده ما موضوعنا هسة
السؤال؟؟
Quote: لماذا فصلت عاطف عبدون؟؟
لانه قال الكلام ده؟؟
Quote: المشكله ما مشكلة بكري ولا المسكين الشايل وش القباحه الاسمو الهكر
المشكله فينا نحن الما بناخد موقف واضح تجاه البحصل دا
كل زول بيسكت لمن الدور يجيهو وكتها بتكلم وبزعل وبفوت وتاني بجي راجع وينسي الحصل
متذكرين لمن طلع خبر وفاة بكري ؟ مش قدر يحدد الزول والبيت وتفاصيل التفاصيل عن الزول الورا الخبر
طيب تفتكروا بكري ما عارف الزول البهكر دا منو؟
حرجع وتاني حقول
بكري هو الوحيد البقدر يكشف الستار عن الهكر
وما حيعمل كدا وحيحذف بوست اي زول يطالب بي اي شئ هو ما دايرو يتكشف
وحيفصل اي زول بيسال عن الحاصل شنو وبصر علي انو يعرف
يلا السؤال المهم
هل نحن قادرين علي اننا نتخذ موقف جماعي ومبدئي من تصرفات بكري؟؟
يعني بالواضج هل في ناس عندهم استعداد انو يتوقفو عن المنبر احتجاجا علي البحصل ؟
الشهيد رقم واحد ده قال شنو يعني؟؟هو قال شنو يعني؟؟وانت فرقك شنو لو صدرك ما بتسع لأي انتقاد يا صاحب المنبر الديموقراطي
بالمناسبة..مافي فرق بينك وبين مجلس الصحافة والمطبوعات
اقلاها ديك عندهم مقاصل وظلمهم معروف..مقاصلك ما عندها حل يا حبيب.
خصوصيات الاعضاء ومعلوماتهم أنت مسئول منها إن لم تكن تعرف فاعرف يا بكري...ونصيحة اخوية ..حتتحاسب عليها يوم قانونيا ...الدنيا بتتطور
يا بكري شيل الباس ويرد ده وما ترهقني معاك اكتر من كدة.
_
وداعا للجميع حكومة ومعارضة...اخوان واخوات..عشت معكم لحظات كثيرة تداخلت معكم بكل ود....ورجاء رجاء لا تكتبوا مناشدة بإسمي فهذا المكان لم يعد يتسع لشخصي وعفوا ان أخذت التجربة 10 سنوات أو اكثر...فقط الوداع
Full Stop
|
|
Post: #188
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-12-2011, 02:45 PM
Parent: #187
كلو موجود يا سناء
كل بوستات امس محفوظة
هل الحذف بعني موت الحقيقة و دفنها؟
هل الحذف مكافئ موضوعي لـ ( العدم )!؟
يا بكري فكر بطريقة ايجابية ياخ!
ياخ كدي خت الرحمن في قلبك و تعال لينا نتفاهم ياخ
نحن بشر برضو من لحم و دم و بنحس .. و ما ح نكلفك فوق طاقة بشري
ابشرك عندنا عقول و تجارب ثرة،اقنعنا لكن ما تكروتنا ساي ياخ!؟
المافي شنو؟
|
Post: #189
Title: Re: تنبيه بخصوص رسائل ورادة من حسابي هنا لم أرسلها
Author: خدر
Date: 05-12-2011, 02:45 PM
Parent: #187
| Quote: الموضوع متجاوز شخص عزاز |
سناء سلامات
انا عارف انو الموضوع متجاوز حق عزاز لكن لانو البوست اصلا كُتب بيد عزاز كان عندي واحد من حلين اما فتح موضوع عن الحقوق و ارفاق رابط او انو اكون محدد في سياق البوست و بتمني انو كلنا نكتب هنا في البوست ده لتحقيق غرض توصيل فكرة البوست الاساسية من خلال المداومة في الكتابة فيهو و داخل ده نقاش فكرة الحرية و الحقوق في سودانيزاولاين.
|
Post: #191
Title: Re: تنبيه بخصوص رسائل ورادة من حسابي هنا لم أرسلها
Author: Sana Khalid
Date: 05-12-2011, 03:02 PM
Parent: #189
معاك يا خدر لكن المشكلة الناس كدا مفتكرة انو الوقفة دي انحياز لشلة أو أصدقاء.. و دا ما حقيقي..
أنا شخصياً تضامني مع عزاز كان حدو أول مداخلة في البوست دا..
تاني في كل مرة بعدها بدافع عن حقي أنا كعضو في البورد.. حقي اني أعبر عن نفسي ما دام ما بأذي غيري
و اني أحميها ما دام الإدارة ما بتحميني
دا كل القصدتو من انو الناس تطلع من الحيز بتاع الحالة القدامنا هنا في البوست دا.. خصوصاً انو في أعضاء آخرين تضرروا و وجدوا نفس المعاملة من الإدارة
|
Post: #190
Title: Re: تنبيه بخصوص رسائل ورادة من حسابي هنا لم أرسلها
Author: osama fadlalla
Date: 05-12-2011, 02:57 PM
Parent: #187
الاستاذة عزاز
لك التحية..وكامل التضامن معك فيما لحق بك من اذى. وبالتاكيد نقاتل بكل الوسائل من اجل ان ترد لك حقوقك كاملة غير منقوصة.
اريد ان اسال من المستفيد او المنتصر بمغادرتك واخرين المنبر؟ باعتبار ان الهاكر له اهداف محدده .. اما اذا كان لديك قناعة بان الاخ بكري متواطئ فارجو توضيحها لنا.
يبدو ان الحقوق يجب ان توخذ دوما اينما كنا...وما فيش حاجة بلاش !
|
Post: #192
Title: Re: تنبيه بخصوص رسائل ورادة من حسابي هنا لم أرسلها
Author: بدر الدين الأمير
Date: 05-12-2011, 03:14 PM
Parent: #190
كامل التضامن مع الاخت عزاز
|
Post: #193
Title: Re: تنبيه بخصوص رسائل ورادة من حسابي هنا لم أرسلها
Author: احمد محمد بشير
Date: 05-12-2011, 03:32 PM
Parent: #192
اعتقد البوست دا موجه للاشخاص:
1. اللي تم ارسال لهم الرسائل
2. و للادارة بقيادة لبكري ابوبكر
3. بقيت الاعضاء كانو ممكن يكتفو "بكلمة نتضامن مع عزاز " ونتطالب بتوضح من الادارة لما يحصل اثناء التهكير.
بدلا عن مداخلات تشجيع "عزاز" للمغـادرة
معروف انو المنبر ده من اول المواقع السودانية "الحوار" المشاهدة , وبالتالي الناس حقو تغتنم الفرصـة, وعبرو عن رايكم "بحرفنة" ورسائلنا قاعدة تصل كان للحكومة و اي جهة معارضة نستهدفها بالكتابة... فما تضيعو الفرصة , وانسحابكم أو (سحب الباسوردات, كما حدث للبعض )ما بيفيد.... وشايف تم قفل الماسنجر واعتقد انو عزاز لو قابلت بكري في التلفون او اي وسيلة اخرى يكون احـسن, لانو لو استمرت المخاصمة لاكثر من ثلاثة ايام فهناك امور دينية لا تسمح بذلك.
|
Post: #194
Title: Re: تنبيه بخصوص رسائل ورادة من حسابي هنا لم أرسلها
Author: محمد عبد الماجد الصايم
Date: 05-12-2011, 05:23 PM
Parent: #193
UP
|
Post: #195
Title: Re: تنبيه بخصوص رسائل ورادة من حسابي هنا لم أرسلها
Author: حيدر حسن ميرغني
Date: 05-12-2011, 06:29 PM
Parent: #194
Quote: حين انضممت للمنبر كنت في السنة النهائية من دراستي الجامعية
حينها كنت يا هذا تستجدي الجميع بان نساهم بالكتابة (البتمسحا لينا في وشنا الليلة) وكان شعارك تعال ومعك آخرون وكنا بنحنس ليك الناس عشان يكتبوا في المساحة دي حسب طلبك..إنت نسيت؟؟
يا سيد يا جيّد لم نطلب من وراء كتاباتنا مجد شخصي أو الشهرة،كنا ولازلنا متسقين مع مواقفنا..ونحن يانا نحن
صدقني يا مدير المكان لم اخرق لائحتك التي وضعتها لاني كنت ولا زلت اعيش علي سجية انسانية ما فيها التشفي ولا الانجرار وراء أي شيء
صباح اليوم كان امامك ولا زال case يجب البت فيه بكل شجاعة وجدتك لم تفعل شي ولن تفعل.
ساقولها لك..يانا الناس الناصرناك وكتين كان في بوردين بس واحد حقك ده والتاني سودان دوت نت
منذ عشرة سنوات وانت لازلت تراوح مكانك والموقع لم يتطور..رحل عنه الكثير وفقد الكثير من المكاسب.
ده ما موضوعنا هسة
السؤال؟؟
Quote: لماذا فصلت عاطف عبدون؟؟
لانه قال الكلام ده؟؟
Quote: المشكله ما مشكلة بكري ولا المسكين الشايل وش القباحه الاسمو الهكر
المشكله فينا نحن الما بناخد موقف واضح تجاه البحصل دا
كل زول بيسكت لمن الدور يجيهو وكتها بتكلم وبزعل وبفوت وتاني بجي راجع وينسي الحصل
متذكرين لمن طلع خبر وفاة بكري ؟ مش قدر يحدد الزول والبيت وتفاصيل التفاصيل عن الزول الورا الخبر
طيب تفتكروا بكري ما عارف الزول البهكر دا منو؟
حرجع وتاني حقول
بكري هو الوحيد البقدر يكشف الستار عن الهكر
وما حيعمل كدا وحيحذف بوست اي زول يطالب بي اي شئ هو ما دايرو يتكشف
وحيفصل اي زول بيسال عن الحاصل شنو وبصر علي انو يعرف
يلا السؤال المهم
هل نحن قادرين علي اننا نتخذ موقف جماعي ومبدئي من تصرفات بكري؟؟
يعني بالواضج هل في ناس عندهم استعداد انو يتوقفو عن المنبر احتجاجا علي البحصل ؟
الشهيد رقم واحد ده قال شنو يعني؟؟هو قال شنو يعني؟؟وانت فرقك شنو لو صدرك ما بتسع لأي انتقاد يا صاحب المنبر الديموقراطي
بالمناسبة..مافي فرق بينك وبين مجلس الصحافة والمطبوعات
اقلاها ديك عندهم مقاصل وظلمهم معروف..مقاصلك ما عندها حل يا حبيب.
خصوصيات الاعضاء ومعلوماتهم أنت مسئول منها إن لم تكن تعرف فاعرف يا بكري...ونصيحة اخوية ..حتتحاسب عليها يوم قانونيا ...الدنيا بتتطور
يا بكري شيل الباس ويرد ده وما ترهقني معاك اكتر من كدة.
_
وداعا للجميع حكومة ومعارضة...اخوان واخوات..عشت معكم لحظات كثيرة تداخلت معكم بكل ود....ورجاء رجاء لا تكتبوا مناشدة بإسمي فهذا المكان لم يعد يتسع لشخصي وعفوا ان أخذت التجربة 10 سنوات أو اكثر...فقط الوداع
Full Stop |
يعلم الله لم أرى مداخلتي قمر وعاطف الا بعد ان وضعتهم الاخت سناء في هذه الصفحة
حقيقي شيئ مؤسف ان يلجأ بكري لهذا الاسلوب العقيم في حقهم
قمر وعاطف يستحقان كل الاحترام لمرافعتهم الواضحة حول موضوع البوست
ياعاطف لا استجديك للعدول عن قرارك الذي اتخذته ساعة غضب .. بل أتمنى أن تستمر في تواجدك رغم كل البلاوي دي ..
كامل احترامي ليكم الإثنين مهما كان حجم الاختلاف بينا
|
Post: #196
Title: Re: تنبيه بخصوص رسائل ورادة من حسابي هنا لم أرسلها
Author: مهيرة
Date: 05-12-2011, 07:25 PM
Parent: #194
كامل التضامن يا عزاز.
ومن أجل منبر معافى ،وطن منلا وطن له،
نرجو من الادارة توضيح ماحدث من ملابسات
تحياتى
|
Post: #197
Title: Re: تنبيه بخصوص رسائل ورادة من حسابي هنا لم أرسلها
Author: سامي صلاح محمد
Date: 05-12-2011, 09:19 PM
Parent: #196
إذا كنا نحن الذين وهبنا أنفسنا و و وقتنا بل و سلامتنا الشخصية من أجل الدفاع عن خقوقنا و حقوق العامة فمن باب أولى أن نهب ذات الأشياء من أجل حقوق زميلاتنا و زملائنا و خصوصاً هؤلاء المهذبين الذين يشهد بنبلهم و طيب أخلاقهم كل من اتفق أو اختلف معهم:
عزاز شامي
و هؤلاء الذين/ اللواتي تضامنوا معها فألجمت ألسنتهم أو صمتوا حتى تستبين كلمة الحق
عاطف عابدون
قمر بوبا
أميرة الشيخ
تيسير عووضة
إذا كنا نسير على الأرض المسيرات و نرفع المذكرات و نشعل الغضب فمن باب أولى أن تكون هذه أفعالنا على أرض هذا السايبر
في الجامعة يفصل زملاء و زميلات لا نعرفهم أو يعتقلون
فتسير هاتفين:
جامعة حرة أو لا جامعة
لا تعليم الوضع أليم
فمن الأحق علينا أن نهتف هنا:
منبر حر أو لا منبر
هؤلاء الهاكرز الذين اخترقوا المنبر أو اخترقوا خصوصية عزاز زائلون ذاهبون محترقون
و لكن الفجيعة أن قيمة الحرية و معنى الحقوق صارت حبراً على ورق في منبر من لا منبر له
التضامن يجب أن يمتد و بدل أن يأخذ شكلاً فردياً هنا بمعنى أن يعبر كل عضو أو عضوة عن تضامنها مع عزاز و الآخرين يجب أن يأخذ شكلاً مؤسسياً.
نعم لا بد من تشكيل تجمع موحد للضغط على بكري أبو بكر من أجل تثبيت هذه القيمة: قيمة الحرية و قيمة الحقوق، و إلا فلتكن لنا كلمة أخرى.
أطالب هنا بصياغة مذكرة تحتوي كل ما أثير هنا مرفوعة لبكري الذي كنا نوقع معه على كل مذكرة تطالب بحقوق الناس.
لنرفع له مذكرة تطالب بحقوقنا أو فليكن الإنسحاب المشرف و لنبحث عن وطن بديل و ما أكثرها في هذا السايبر.
متين جرح البلد يشفى؟؟؟؟
|
Post: #198
Title: Re: تنبيه بخصوص رسائل ورادة من حسابي هنا لم أرسلها
Author: Rawia
Date: 05-13-2011, 01:29 AM
Parent: #197
ياعزاز بكري منو ؟
أول هكر في سودانيز دي معروف بهدل منو رجاء وتماضر وأنا
وفي أخر عمايله هكر إيميل بكري
عارفة بكري عمل شنو؟
وكل الطلع منه شنو؟
ساوم الهكر يرجع ليهو إيميله
وما طلعت منه كلمة الناس ديل كفاهم وخليهم في حالهم
رجالة ساكت كدا
ولا حمشنة ولا جدعنة
ولا خوة ولا إنسانية ولا أي شي ممكن يلم البشر مع بعض
كل همه كان يرجع الايميل
إحنا البورد دا لو عشان بكري
لو يبقى قبلة مابنقبل عليها
|
Post: #199
Title: Re: تنبيه بخصوص رسائل ورادة من حسابي هنا لم أرسلها
Author: عبير خيرى
Date: 05-13-2011, 03:32 AM
Parent: #198
.
كامل التضامن معاك يا عزاز وأتمني أن تعاد عضوية الأخوة المفصولين
|
Post: #200
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-13-2011, 04:18 AM
Parent: #199
يا بكري القصة بسيطة جداً ..
شايف كيف؟
جاوب لينا على السؤال ا :
نحن هنا في وطن من لا وطن له دا : مواطنين و لّ رعايا!؟
اذا كنا مواطنين وين حقوقنا؟
و اذا كنا رعايا وين رعايتك لينا؟
افدنا يا رعاك الله
--------
للاسف ما في خيار حذف اجابتن .. لانهن كولهن اتنين بس!
|
Post: #202
Title: Re: تنبيه بخصوص رسائل ورادة من حسابي هنا لم أرسلها
Author: أيزابيلا
Date: 05-13-2011, 05:29 AM
Parent: #200
أول مرة احس انو بكرى جانى اكتر من الهكر
يا بكرى اعتذر لعزاز والمفصولين ديل..والكبير كبير حتى وهو بعتذر
متضامنة معاكم شديد والله
|
Post: #204
Title: Re: تنبيه بخصوص رسائل ورادة من حسابي هنا لم أرسلها
Author: متوكل بحر
Date: 05-13-2011, 06:08 AM
Parent: #202
كامل التضامن مع عزاز
كامل التضامن مع المفصولين
نطالب الاخ بكرى بالرد والتوضيح واعادة المفصولين فورا
فلنتوقف عن الكتابة فى المنبر حتى يرد بكرى ويعيد المفصولين
هذة اخر مداخلة لى فى المنبر
حتى يستقيم الظل
ويعود النيل لمسارة
سلام
متوكل بحر
|
Post: #203
Title: Re: تنبيه بخصوص رسائل ورادة من حسابي هنا لم أرسلها
Author: حليمة محمد عبد الرحمن
Date: 05-13-2011, 05:52 AM
Parent: #200
كامل التضامن مع الغالية عزاز
فقد تآذت كثيرا وظلت اكثرنا استهدافا للهكر..!
أثمن موقفها القوي لتوضيح الحقائق واصرارها على لفت انتباه الادارة لما حدث ويحدث..
وارجو صادقة ان تتخذ الادارة موقفا ايجابيا واضحا تجاه حماية الاعضاء..
وتجاه بوست عزاز هذا تحديدا..
لو كنت مكان عزاز لذهبت من زماااااااان..
فوق كم حرق الاعصاب ووجع الدماغ؟
بس يا اخوانا منبر ما فيهو عزاز شن يسوى؟
------
بالجد يا جماعة انا البوست ده شفتو اليوم..
ومررت عليه سريعا لمعرفة ما حدث..
الواحد يغيب فترة بسيطة يلقى الدنيا مقلوبة..
حاجة مؤسفة جدا..واكثر ايلاماً..
|
Post: #205
Title: Re: تنبيه بخصوص رسائل ورادة من حسابي هنا لم أرسلها
Author: Ashraf el-Halabi
Date: 05-13-2011, 07:49 AM
Parent: #203
كامل تضامني مع حقك في توضيح موقفك يا عزاز
وأرجو إنك تراجعي قرار ترك البورد
أو على الأقل أجليه لغاية تطلعي من المود الحالي دا
|
Post: #206
Title: Re: تنبيه بخصوص رسائل ورادة من حسابي هنا لم أرسلها
Author: علاء الدين يوسف علي محمد
Date: 05-13-2011, 08:50 AM
Parent: #205
إدانتي الكاملة لهذا الأسلوب الرّخيص
لعُزاز أو أي سودانيّة بهذا المنبر أو خارجه
عمل غير أخلاقي لا مُبرِّر له إطلاقاً
|
Post: #208
Title: Re: تنبيه بخصوص رسائل ورادة من حسابي هنا لم أرسلها
Author: نجلاء قرافي
Date: 05-13-2011, 10:40 AM
Parent: #206
اختي الفاضله عزاز
لمانا المنبر باعتباره منبر حر ويمثلنا في تبادل الاراء ونحن بنتبادل الافكار والهموم والخبرات وبنكتب عصارة فكرنا من غير مقابل غير تبادل المنفعه بافكارنا مع زملائنا وزميلاتنا بالمنبر وبنرفض اي ضرر يقع علينا من المنبر لانه صاحب المنبر الباشمهدنس بكري واجب عليهو مد يد العون في حالة حدوث مثل هذه اشياء المنبر بيقوم باقلام الاعضاء ولايساوي شئ من غيرهم .
نرجو من الاخ بكري توضيح الحقائق وزي ماسمعنا من عزاز كمان عاوزين نسمع منك .
من حقك ياعزاز تدفعي الضرر عن نفسك ومافي اي قشه تعتر ليك وانا شخصيا متضامنه معاك للحد البعيد لانه حسابي اتهكر والحمدلله عرفته الهكر حسابي منو ولكل حدث حديث .
وبوجه رساله للهكر الحايم في المنبر اتق الله ياخي هكر حسابنا وابرز مقدراتك ماقلنا شئ بس كمان راعي التصرفات الردئيه الانت بتعرض بيها سمعة البني ادمين واخلاقهم ... الفعل ج ب ا ن مافيهو كلام اتق الله ياخي وماتندسه وراء كيبورد وتسوي العايزه لانه فرد العضلات وانت متخفي معناه ال ج ب ن الصارخ .
استغفرتك يامالك روحي شكيتك لي الاقوي مننا ومنك وهو نعم النصير
|
Post: #207
Title: Re: تنبيه بخصوص رسائل ورادة من حسابي هنا لم أرسلها
Author: Maysoon Nigoumi
Date: 05-13-2011, 10:27 AM
Parent: #198
يا بكري
إن كل هذا الصمت...مريب
!!!!!
|
Post: #209
Title: Re: تنبيه بخصوص رسائل ورادة من حسابي هنا لم أرسلها
Author: قيقراوي
Date: 05-13-2011, 12:20 PM
Parent: #207
يا بكري حذف البوستات ما هو حل!
كلو محفوظ و مدخر ليوم حساب
احذف الاعضاء .. دا حلك و حلنا
ما توجع قلبنا معاك ياخ!
يلا خليك شجاع؟
|
Post: #210
Title: Re: تنبيه بخصوص رسائل ورادة من حسابي هنا لم أرسلها
Author: النصرى أمين
Date: 05-13-2011, 01:17 PM
Parent: #209
يا بكرى اظنك فشلت فى ادارة هذه الازمه...
وعزاز تستحق اكثر من ذلك
|
Post: #212
Title: Re: تنبيه بخصوص رسائل ورادة من حسابي هنا لم أرسلها
Author: اسماء الجنيد
Date: 05-13-2011, 01:55 PM
Parent: #210
سلام يا عزوز وجمعة مباركة لك وكل زوارك واحبابك يا غالية[
عاد يا عزوز إن بقى ده مو الهكرونا البسحب البوستات
وطلع ده ابكرونا زات نفسو
تبقى ياها الملامة زاتها
وسواها قبال كده ولقينا ليهو العذر
لكن المرة دي ما بنسكت وحات الله
بكري نصيحة لي وجه الله تعالى
قالوا النصيحة متل العضم ما بتنبلع ضمة بتدقر في الحلق
لكن لابد من قولها
اها يا خوي عشرتنا المعاك في السهلة دي ابدااااا مي ساهلة
فاقدة الملح والملاح بس, عشرة سنين يا خوي ,,,
اتجاورنا الحيطة بالحيطة وياما سمرنا وسهرنا وضحكنا من الجوف وفرحنا في سمحنا وجديدنا سوا
اتكاتفنا وقت الشدة مع رفاقتنا , وبكينا وحزنا على الرحلوا خلونا نهيم وراهم.
وما زالت الحياة ماااااشة ومي معروفة موديانا وين!!
دحين آآ خوي إن بقيت بتسوي في سواتك دي وما بتجي مارق تتفاكر مع خينك ,
وكمان ماشي بي سياسة القمع والطرد وتكميم الأفواه زي بنو إنقاذ
وحات الله علا تقبل تلقى الدار خلاء
وحقيقي يا خوي اقولها ليك بكل أمانة
سودانيز مي ياها زاتها الزمان
والله صحي ,,,
تناقص عدد كتابها المداومين زمان بي إرادتهم بصورة ملحوظة ومحزنة جدا!!!
وانا ما عارفة إنت ماك ملاحظ للحاجة دي ولا لا ؟؟؟
كلمة اخيرة الأقلام الطردتها دي حسب ما قريت فوق يا خوي
كلهم من طرف
كان قمرنا وقمر بوبتنا
كان عاطف عبدون ود امي سميرة
كان حبيبة قسانا ونوارة دوحتنا
اميرتنا بت الشيوخ جت عليهم
كان البربار الماركسي على قول ود الباوقة معاوية ود جدي الصائم ديمة
وحات الله ديل إن فتشت في صحافة العالم ما تلقى زيهم ولا شبهم ولا زي اقلامهم
ناس فهم وادب وعلم بالفطرة مو بالشهادات ساي
اما عزوزتنا دي برااها كومين ونص كمان
بتكيل العين لامن تفضل
خلقة واخلاق وخبرة معتقة
ده غير قلمها وفهما
دحين يا خوي راجع طريقتك دي وابقى عشرة على البكان دة وعلى الوصية
والسلام امانة للجميع
مشاققة
غايتو إن بقيت لاآآآآآآ المغيرب كدة ما جيتكم مارقة لافحة توبي
افقدوني ... بكون سقط حجري
والله صحي
اها إن راح باسورديني في حق الله ,وفي شان الله والرسول
ودعتكم الله
العفو والعافية /B]
|
Post: #211
Title: Re: تنبيه بخصوص رسائل ورادة من حسابي هنا لم أرسلها
Author: Shiraz Abdelhai
Date: 05-13-2011, 01:49 PM
Parent: #209
...بالفعل موضوع ارسال رسائل باسمك لعدد من الاشخاص فى حد ذاته موضوع شديد الازعاج وأذى جسيم....
ويمكن ان يكون منتحل شخصيتك هذا قد فعل السبعه وذمتها باسمك...
ومن المتوقع من صاحب الحوش بكرى ابوبكر "تمشيا مع روح ومفاهيم المنبر فى حماية حق الافراد فى الدفاع عن نفسهم وتوضيح وجهة نظرهم"
أن ينحاز لجانب
تعميم رسالة عزاز هذه...ثم يعمل مجهودا كبيرا فى محاولة جادة لمعرفة من وراء انتحال شخصيتها....وتهكير حسابها...
ولكن سلوك حذف البوستات وتوقيف الاعضاء يجعلنى افكر بان بكرى نفسه قد يكون مهكرا يا صحاب!!!!!
عموما.....
يا عزاز تضامنى تعرفينه ...ولكنى أعلم تماما بأن سيفك قلمك...ولا تحتاجين كثيرا لهذا التضامن فاكتبي يا عزيزتى ..
اكتبي هنا وهناك وعلى كل الجدران المتاحه ......
فاذا كان وجودك يوتر الهكر ومن ورائه من ملاعين النظام وإرهابيي الفكر والقلم...فعزاز باقية إذن....
فى المنبر او غيرو.....
اما الباشمهندس...فاتمنى حقيقة أن يوضح موقفه لئلا يصبح عندنا فى خانة الديكتاتوريين الذين نناضل ضدهم منذ نعومة أظفارنا....
وعشان الاحساس المرير بانو الواحد دمية يلعب بخيوطها الرجل الخفي إحساس يجب أن ينتفي كى نكتب ونفكر ونجادل وتصطرع الأفكار بحرية فى هذا الفضاء...وإلا.....
.....فخيبة وحسرة!!....
|
Post: #213
Title: Re: تنبيه بخصوص رسائل ورادة من حسابي هنا لم أرسلها
Author: طارق جبريل
Date: 05-13-2011, 02:03 PM
Parent: #211
الله في يا عزاز
|
Post: #214
Title: Re: تنبيه بخصوص رسائل ورادة من حسابي هنا لم أرسلها
Author: saadeldin abdelrahman
Date: 05-13-2011, 02:06 PM
Parent: #211
|
Post: #215
Title: Re: تنبيه بخصوص رسائل ورادة من حسابي هنا لم أرسلها
Author: سناء عبد السيد
Date: 05-13-2011, 02:39 PM
Parent: #214
بصراحة خشيت البوست ده لكن ما حبيت ادخله تاني لأني بتحاشى البوستات البتوجع القلب و الواحد ما ناقص
الحصل جريمة كبيرة موش مجرد تهكير.. دي جريمة انتحال شخصية ..شخص يدخل بي اسم شخص و يطلب تلفونات اعضاء.. اكيد الموضوع ما وقف على كده
اكيد الموضوع ليهو توابع ..ارقام التلفونات زاتا كونها تتاخد بالطريقة دي ..في حد زاتا جريمة تانية .. وا كيد في غرض من العملية دي
عارفين انه بكري مشغول و المنبر فيه اعضاء كتار و بحتاج وقت و جهد كبيرين من بكري لكن كمان المفروض يا بكري توضح وجهة نظرك لعزاز
إن شاالله في الخاص .. نحنا عارفين انه بكري ما عنده ذنب في التهكير البحصل لكن سكوته عن الموضوع مؤلم شديد
|
Post: #216
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-13-2011, 03:02 PM
Parent: #214
Quote: تيسير عووضة كتبت: أعلن توقفي التام عن الكتابة والتداخل في هذا الموقع تضامناً مع عزاز شامي ما لم يتم إنصافها في مظلمتها
وما لم يرد لها بكري حقها المضيّع مرة بواسطة الهكر ومرة بواسطته هو ..
كلنا عزاز .. |
أختنا تيسير لكِ التحية وأنا عشان البعض لبسني طاقية الغلاط ما عندي مشكلة حتى لو لبست طاقية الككو ... معاي لحدّي هنا ...
Quote: عزاز شامي كتبت: الاعزاء اعضاء المنبر هذا البوست الثالث الذي أكتبه بخصوص هذه الموضوع ولا أضمن ألا يحذفه بكري ولكني مصرة على توضيح الأمر ... تمت ارسال رسائل من حسابي خلال الفترة ما بين أبريل 28 و مايو 3 لأعضاء كرام تطلب منهم ارسال أرقام هواتفهم .. أنا لم أقم بارسال هذه الرسائل لاني لم اتمكن من الدخول للمنبر إلا بعد مراسلة بكري و اعطاءه الباسويرد الجديد في 3 مايو ... إرجو نشر هذه الرسالة على أوسع نطاق خصوصا أن بكري مصر على مصادرة حقي في التوضيح وكل ما يهمه هو ألا يذيع أمر اختراق المنبر ...
ولمرسل هذه الرسائل أود أن يعلم بأني أرثي لحاله ولوضاعة أسلحته وأؤكد له بأني لن أُكسر وانه بحاجة حقيقية للوقوف مع نفسه و تهذيبها. المنبر و الاسافير عموما نافذة من ضمن نوافذ أخرى نطرح من خلالها ما نؤمن به، وأغلاق نافذة لا يعني نفاذ فرص لنوافذ أخرى.
أرجو رجاء من كل من قرأ أن ينشر أمر إخلاء مسؤوليتي من هذه الرسائل
______
من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم |
سين سؤال يا عمتك:
هل حذف الأخ بكري هذا البوست ؟
سين سؤال تاني يا عمتك:
هل صادر بكري في هذه المرة حق الأخت عزاز في توضيح الأمر وتبرئة نفسها من الرسائل ؟
إذا كانت الإجابة بنعم ...
السؤال: أنا ردّي دة نزل وين ؟
ـــــــــ
دة طبعاً لأنك ربطتي توقفك بإنصاف الأخت عزاز ... والأخت عزاز وضّحت ما جرى لها عبر الرسائل الخاصة ولم يحذفه بكري ولم يظلمها بمصادرة حقها في الدفاع عن نفسها حتى تاريخ ردّي هذا ؟
وين هسي ذنب بكري بخصوص عزاز ؟ وأكرر في هذه المرّة ولا أتحدّث عن الماضي ...
لأنو الماضي ولّى زمان وجفّت مقلتي الباكية ونامت من سنين أحزان
بخصوص هذا البوست والخاص بتنبيه الأخت عزاز في واحد مسك ضنب الككو وهو واحد من أربع خيارات:-
1- الأخت عزاز
2- الأخ بكري
3- الككو بي نفسو
4- العنبة الرامية فوق بيتنا
المطلوب:
القصاص لهضم حقوق الأخت عزاز لحذف البوست.
السؤال:
متى حُذف البوست
الإجابة:-
أسألوا العنبة الرامية فوق بيتنا
والله يعينك يا عزاز والله يعينك يا بكري والله يعينك يا جورج قرداحي
|
Post: #217
Title: Re: تنبيه بخصوص رسائل ورادة من حسابي هنا لم أرسلها
Author: ABUHUSSEIN
Date: 05-13-2011, 03:10 PM
Parent: #216
صبري
عجبني ليك اللي حا إجيك..........
Quote: : تيسير عووضة كتبت: أعلن توقفي التام عن الكتابة والتداخل في هذا الموقع تضامناً مع عزاز شامي ما لم يتم إنصافها في مظلمتها
وما لم يرد لها بكري حقها المضيّع مرة بواسطة الهكر ومرة بواسطته هو ..
كلنا عزاز ..
أختنا تيسير لكِ التحية وأنا عشان البعض لبسني طاقية الغلاط ما عندي مشكلة حتى لو لبست طاقية الككو ... معاي لحدّي هنا ...
Quote: عزاز شامي كتبت: الاعزاء اعضاء المنبر هذا البوست الثالث الذي أكتبه بخصوص هذه الموضوع ولا أضمن ألا يحذفه بكري ولكني مصرة على توضيح الأمر ... تمت ارسال رسائل من حسابي خلال الفترة ما بين أبريل 28 و مايو 3 لأعضاء كرام تطلب منهم ارسال أرقام هواتفهم .. أنا لم أقم بارسال هذه الرسائل لاني لم اتمكن من الدخول للمنبر إلا بعد مراسلة بكري و اعطاءه الباسويرد الجديد في 3 مايو ... إرجو نشر هذه الرسالة على أوسع نطاق خصوصا أن بكري مصر على مصادرة حقي في التوضيح وكل ما يهمه هو ألا يذيع أمر اختراق المنبر ...
ولمرسل هذه الرسائل أود أن يعلم بأني أرثي لحاله ولوضاعة أسلحته وأؤكد له بأني لن أُكسر وانه بحاجة حقيقية للوقوف مع نفسه و تهذيبها. المنبر و الاسافير عموما نافذة من ضمن نوافذ أخرى نطرح من خلالها ما نؤمن به، وأغلاق نافذة لا يعني نفاذ فرص لنوافذ أخرى.
أرجو رجاء من كل من قرأ أن ينشر أمر إخلاء مسؤوليتي من هذه الرسائل
______
من المؤلم أن تصادر الادارة حق الاعضاء في تبيان أمر يخص سمعتهم، يمكنني تفهم هجوم الهكر و الآخرين ولكني لا استيطع ان أجد العذر لبكري أبو بكر فظلمه هنا أشد مضاضة وإيلاماًمن ظلم من لا نفجع في أخلاقهم
سين سؤال يا عمتك:
هل حذف الأخ بكري هذا البوست ؟
سين سؤال تاني يا عمتك:
هل صادر بكري في هذه المرة حق الأخت عزاز في توضيح الأمر وتبرئة نفسها من الرسائل ؟
إذا كانت الإجابة بنعم ...
السؤال: أنا ردّي دة نزل وين ؟
ـــــــــ
دة طبعاً لأنك ربطتي توقفك بإنصاف الأخت عزاز ... والأخت عزاز وضّحت ما جرى لها عبر الرسائل الخاصة ولم يحذفه بكري ولم يظلمها بمصادرة حقها في الدفاع عن نفسها حتى تاريخ ردّي هذا ؟
وين هسي ذنب بكري بخصوص عزاز ؟ وأكرر في هذه المرّة ولا أتحدّث عن الماضي ...
لأنو الماضي ولّى زمان وجفّت مقلتي الباكية ونامت من سنين أحزان
بخصوص هذا البوست والخاص بتنبيه الأخت عزاز في واحد مسك ضنب الككو وهو واحد من أربع خيارات:-
1- الأخت عزاز
2- الأخ بكري
3- الككو بي نفسو
4- العنبة الرامية فوق بيتنا
المطلوب:
القصاص لهضم حقوق الأخت عزاز لحذف البوست.
السؤال:
متى حُذف البوست
الإجابة:-
أسألوا العنبة الرامية فوق بيتنا
والله يعينك يا عزاز والله يعينك يا بكري والله يعينك يا جورج قرداحي |
أنا غايتو حا أتفرج بس
|
Post: #218
Title: Re: تنبيه بخصوص رسائل ورادة من حسابي هنا لم أرسلها
Author: صبري طه
Date: 05-13-2011, 03:16 PM
Parent: #217
| Quote: أبو حسين كتب: عجبني ليك اللي حا إجيك.......... |
يا عمّك أنا عارف بقول في شنو ؟
ــــــــ
أبشر بطول سلامة وطولة بالك
السؤال تاني وعايز منّك رد أنت شخصياً: هل حذف الأخ بكري أبوبكر هذا البوست أم أن عيناي مطششات ؟ 
لو غلبك برضو: أسأل العنبة الرامية فوق بيتنا
|
|