عادل امين و دعاة السودان الجديد: مجرد تساؤلات

في مقالة قديمة (نشرت في ديسمبر 2006 و في موقع اسمه معا لجمع اهل الجنوب) لكاتب اسمه جاستن ماشين لواي..حدد ثلاثة مهددات لفكرة السودان الجديد و اجندتها في السودان و سمى تلك المهددات بانها : العرق ، الدين ، و الثقافة.

في تحليل جاستن فكرة عميقة و هي ان فكرة السودان الجديد و اجندتها في السودان قد تتعرض لتفاسير مختلفة بحسب العرق و الدين و الثقافة..و ان الفكرة في جنوب السودان قد لا تفهم بنفس الفهم في شمال السودان أو غربه أو شرقه..و خلص جاستن الى ان فكرة السودان الجديد تجد قبولا و رواجا في مناطق مثل ابيي و النيل الأزرق و جنوب كردفان و الجنوب..و ذلك لعدة اسباب منها أن تلك المناطق هي التي وعت مبكرا فكرة الحاجة الى ايدولوجيا السودان الجديد و العمل على تنزيل اجندتها كواقع لحسم كثير من الصراعات و النزاعات في السودان عامة و في تلك المناطق خاصة.

كبر

و مقالة جاستن رغم قدم تأريخ نشرها الإ انها لازالت مواكبة ، خصوصا في حالة استصحابها لتقريب الشقة بين النظري و الواقعي..

و في هذا المنتدى ، و هو حقل خصب للتفاعل و التعبير عن الرؤى..لاحظنا كثيرون و كثيرات يتحدثون عن فكرة السودان الجديد لحد الهوس بالفكرة..و منهم صاحبنا الأستاذ عادل امين..وغيره من الأصدقاء و الصديقات في هذا المنتدى..و نحسب ان كل من يؤمن بدولة المواطنة و المؤسسات و احترام التنوع و فصل الدين عن الدولة ، كل من يؤمن بتلك الفكرة هو/هي بطريقة أو باخرى في خندق السودان الجديد و الذي يقف في مواجهة السودان القديم .. سودان الأحزاب التي تقوم على عامل الدين ، و قيم الثقافة العربية و هيمنتها..و لكن..!

كبر

تبدو ان هناك امور متشابكة و متداخلة جعلت من اداء من يتحدث عن السودان الجديد في هذا المنبر ..مشوشا لحد التضليل..فالأداء احيانا تحس به يضرب فكرة السودان الجديد اكثر من افادتها ، سواء بتقديمها بكل صدق و شفافية أو في الدفاع عنها في مواجهة الأعاصير التي تهب عليها بمناسبة و بدون مناسبة..!
و لأن سودان الألفية الثالثة ، شاء البعض أو لم يشاء ، يحتاج بقوة لوجود ايدولوجيا السودان الجديد ، و اكثر من ذلك ، يحتاج أن تكون هذه الأيدولوجيا و اجندتها قريبة من نبض الجماهير حتى يخلق التفاعل الإيجابي معها..!

كبر

و هنا ندعو الأصدقاء و الصديقات الذين يؤمنون بفكرة السودان الجديد الى حوار مفتوح و شفاف..حتى تستبين الأمور في اذهان من يدعون للفكرة قبل من لا يعرفون عنها أو يعملون لها من خلال المنظومات السياسية في السودان..

و التساؤولات التالية نصوغها..و نرجو الإجابة عليها..حتى تتضح الصورة بصورة اعمق مما هي عليه الآن..

و نسأل: هل كل الأصدقاء و الصديقات الذين ينافحون عن فكرة السودان الجديد في هذا المنبر.. هل كلهم يفهمون الفكرة بفهم واحد.. ام ان مؤثرات مثل العرق و الدين و الثقافة و الجهة الجغرافية تؤثر على فهمهم للفكرة؟..بمعنى اخر.. هل فكرة السودان الجديد في اذهان القادم من جبال النوبة مثلا.. هي نفس الفكرة عند القادم من الخرطوم أو بورتسودان..الخ؟..

كبر

هل كل من يدافع عن فكرة السودان الجديد في هذا المنبر..يؤمن بأن الفكرة تحتاج الى وسيط (كحزب سياسي مثلا) لينزلها من سماء التنظير الى أرض الواقع..؟..و ان كانت الإجابة نعم.. فهل الحركة الشعبية كحزب سياسي تمثل النموذج الأمثل (حتى الآن) لقيادة مشروع السودان الجديد في السودان الباقي؟..

كيف يرى من يدافعون عن فكرة السودان الجديد.. الطرق المثلى لدعم الفكرة؟..هل تظل الفكرة مجرد تهويم و اسقاط نفسي يمارسه البعض كلما سنحت السانحة؟و هل يعي من يدافع عن فكرة السودان الجديد في هذا المنبر و غيره من فضاءات النقاش السودانية ، انهم لا يملكون المبادرة و انما كل اجتهادتهم هي مجرد ردود افعال هنا و هناك.. مع ان الفكرة سباقة و رائدة و متجاوزة؟..

كبر

و ان كانت رحلة المليون ميل تبدأ من خطوة..ونعتقد جزما أن فكرة السودان الجديد تقدمت خطوات..فماذا يقدم المدافعون عن الفكرة في هذا المنبر لكي تكون الخطوات اسرع نحو الهدف؟..

و من ارض الواقع .. نرى في هذه الأيام انتخابات جنوب كردفان ( و هي من معاقل انطلاق فكرة السودان الجديد) و قبلها كانت انتخابات النيل الأزرق..فلماذا صمت دعاة السودان الجديد عن مثل تلك الأحدأث؟.. هل يتأففون من اهالي تلك المناطق و يرون أنهم حازوا قصب السبق قبل الأخرين؟..هل يرى دعاة السودان الجديد في هذا المنبر أن مثل تلك الأحداث لا تعنينهم؟.. هل يفهم دعاة السودان الجديد ان مثل تلك الأحداث هي رصيد للفكرة و دعما لها؟.. الأ يعني مثل هذا الصمت ، أن دعاة السودان الجديد في هذا المنبر تتلبسهم مهددات العرق و الدين و الثقافة للدرجة التي تجعلهم يمارسون الإستعلاء تجاه رصيدهم الذاتي ؟..


حتى يتصدى الأصدقاء و الصديقات للأجابة على هذه الأسئلة.. فاني اتهمهم جميعا (رجالا و نساءا) بان تلك المهددات (العرق ، الدين ، الثقافة ) تحكم تعاملهم مع فكرة السودان الجديد..و عليهم ان يثبتوا العكس..


كبر

‘New Sudan’ Idea Threatened by ‘Three-in-one’ (race, religion, culture)
The famous idea of ‘New Sudan’ has been analyzed, interpreted and discussed by experts within and outside the Sudanese geopolitical arena in volumes of articles and press releases.
11 December 2006

By Justin Machien Luoi

However, its interpretation has been made in such a way that makes it feel personal or an organizational opinion on how the problem of Sudan should be resolved. As Mr. Bor Gatwech wrote in his article, ‘New Sudan Agenda: the only option to redress the troubled Sudan,’ Southern Sudanese view New Sudan agenda differently than their Northern counterparts and probably the Western and Eastern Sudanese also have their own ways of interpreting the idea. But why is the case? I personally believe that Northern Sudan is the problem because race, religion and culture intertwined as one have far more gravitational pull than the ‘New Sudan’ ideology in that part of our country and as a consequence comprehensive unity and harmonious co-existence cannot be arrived at through the ideology.

To start with, although it needs time for it to be well understood, the idea of ‘New Sudan’ resonates with people of Southern Sudan, Abyei, Blue Nile and Southern Kordofan more than any other people in the country. I believe that it would be less costly to achieve the ideology with these people than any other people in the country for several reasons. First and foremost this ideology was born out of their resistance to Northern Sudan hegemony. Secondly, the people of these areas are not in any case imperialists and would be comfortable to practice their religions and cultures at their smallest groupings without putting at risk other peoples’ liberties and freedom. Thirdly, the people of these areas have suffered under several Khartoum regimes as well as at the hands of their own brothers at some point, particularly Southern Sudanese. This experience has helped them understood the need to have a nation where no one’s culture or religion overrides other people’s rights to have and practice religions and cultures. Fourthly, Southern Sudanese, Abyei, Blue Nile and Southern Kordofan people have so much respect for their dead hero and the only long known leader, Dr. John Garang De Mabior. This man championed their cause and made their problems known worldwide. His death was of “shock and awe” to them and if there is anything they are capable of doing to keep his name and legacy striving, they would do that at all costs. Therefore, ‘New Sudan’ ideology is Sudan People Liberation Movement (SPLM) idea and more so, Dr. John Garang’s personal involvement made this idea acceptable. As a corollary, ‘New Sudan’ idea would not be that painstaking to put into practice in Southern Sudan, Abyei, Blue Nile, and Southern Kordofan for they understand what it meant to Garang, SPLM and to them. However, I would hesitate to say the same about the West, East and the Northern Sudan.

Primarily, I do not know what East and West Sudan’s understanding of the ‘New Sudan’ ideology may be. They probably do not share the same interpretation or the need for a ‘New Sudan’ as Southern Sudanese, Abyei, Blue Nile and Southern Kordofan people do. But they do have their own ways of interpreting this ‘New Sudan’ idea based on their political, cultural and religious needs. To me, the East and the West are not potential threats to the ideology because they have also suffered to some extent under Khartoum. The main obstacle to this idea of ‘New Sudan’ comes from the North. Looking at the past history of Sudan to the current situation, I find it really difficult to comment on how the ‘New Sudan’ idea could be put to work in that part of Sudan. For one, it is very difficult to distinguish between, Northern Sudanese race, religion and culture. It seems like every time any of the three is mentioned, three of them seem to be involved.

اشارة ضرورية:

حاولنا التقيد بقوانين الإقتباس حتى نحفظ للكاتب حقه الأدبي و الفكري ، و لكن لظروف التقنية في المنبر لم نتمكن من استخدام ايقونة الإقتباس بصورة سليمة.. لذلك وضعنا المقالة كما هي..و مثبت فيها اسم الكاتب..و هنا نضيف الرابط لمن يرغب في الإطلاع عليها في موقعها..


http://www.gurtong.net/ECM/Editorial/tabid/124/ctl/ArticleView/mid/519/articleI...eligion-culture.aspx



كبر

العزيز كبر
سلام
ارتكبت خطا فادح بفتحك بوست باسمي
وهربت من مكان الدواس هناك في بوست دارفور
وفهمي للسودان الجديد حسب نظرية جاستن احسن من بتاع لام اكول..
وانا اصلا من ما جيت بحترم فكرين بس في السودان جون قرنق ومحمود محمد طه
والناس الما بفهمو السودان الجديد ليس بعامل امناخ او المناطق بل بعامل الاصر الذى في اعناقهم

حزب الامة وولاية الفقي ومشروع السودان العريض
الكيزان الاخوان المسلمين بسبب الجهل المركب
السلفيين بسبب التخلف والكحل
البعثيين الوهم بانهم عرب
الناصريين ايضا كذلك
الشيوعيين بسبب العنظزة والنرجسية
والمعقدين النسخة المضروبة ادعياء الفكر ولا فكر واقافة ولا ثقافة نخب جمهورية العاصمة المثلثة وديل عايزين دكتور فيل
بعد
داك السودان اجديد
بكون مفهوم
للجمهوريين للفكر والثقافة الجبارة التي يملكوها
الاتحاديين للروح الليبرالية التي يحملوها والتاريخ النظيف
والمبدعين بسبب العقلية الابداعية التي ترفع الحجب وترفع الروح فوق عارية الجسد

Quote: حزب الامة وولاية الفقيه ومشروع السودان العريض وكنكوج الامام الكيزان الاخوان المسلمين بسبب الجهل المركب السلفيين بسبب التخلف والكحل البعثيين الوهم بانهم عرب والغريب في امرك تستشهد بهم ف البوست داك الناصريين ايضا كذلك الشيوعيين بسبب العنظزة والنرجسية والمعقدين النسخة المضروبة ادعياء الفكر ولا فكر والثقافة ولا ثقافة ذى بشاشا و نخب جمهورية العاصمة المثلثة وديل عايزين دكتور فيل

وديل يا اخوى كبر
سنزحف عليهم بالملايين
من الغابة الى الصحراء
من خط 10 ليخط22
شير شبر
بيت بيت
زنقة زنقة

نشدهم شد الجرذان
دقت ساعة العمل
......
وفهمنا للسودان الجديد
تلقاه في بوست الظل الباهت
وستجد محاور ذكي واحد عثمان عبدالله الجمهوري

تعال هناك احسن لك


الظل الباهت

عادل..حبابك يا صديقي
كتر خيرك على المرور من هنا..
اتمنى أن تحاول الإجابة على التساؤولات المطروحة..
بالنسبة للبوست السابق..و يبدو أن مكنة الأخ بشاشا قسمت معاك.. فهو يا صديقي ليس عن دارفور فقط..و انما عن غرب السودان..و الأمانة العلمية و الأدبية و الأخلاقية تقتضي أن تسمى الحاجات باسماءها ( ما تنسى يا عادل انت مفترض انك قاعد تدرس في عيال و بنات الناس.. فما تعمل قدوة فاسدة)..

في ذلك البوست.. اتضح جليا أنك تعمل بفكرة السودان الجديد و تفهمها وفقا لعرقك و دينك و ثقافتك (و هي ثقافة متعالية و السودان الجديد لم يهذب فيك هذا التعالي)..
نقطة اخرى..في بوست امانة مختار.. دخلت و بصمت على موضوع البوست.. مع أن هناك مبدأ صريح يقول بايمان حزب الخضر في حق أي اقليم أن ينال حق تقرير المصير..و في نفس الوقت انت تمارس انشطار في بوست (مكونات الدولة: غرب السودان من الإستغلال الى الإستقلال) و هو بوست يؤسس فكرة حق اقاليم غرب السودان في ان تنال استقلالها (حق تقرير مصيرها)..و التساؤل الذي خطر ببالي: لماذا يرفض عادل امين حق اهالي غرب السودان في المطالبة بالإستقلال..و في نفس الوقت يبصم على كلام امنة مختار في حق كل اقليم في حق تقرير المصير؟..هذا التناقض ..و مرفق مع تناقضات اخرين و اخريات من دعاة السودان الجديد ما دفعني لفتح هذا الخيط..و يبدو أنهم لا يسعون الى حوار جاد يفيدهم و يفيد فكرتهم..و انما مثلهم و مثل اي سطحي حايم في المنبر ده تعجبهم لغة الآكشن و المهاترات..و اقرب دليل هو دخولك هنا..و كنت احسب أنك سوف تستفيد من هذه الفرصة و تناقش ما تؤمن به.. لكن اثرت ان تردح الحزب الفلاني..و الفاعل تارك..!

و يبقى نشوفك و نشوف كل المنافقين و المنافقات..
وابدأ بنقطة لماذا يا عادل امين لم تدعم انتخابات جنوب كردفان و النيل الأزرق و هم رصيد قوي لفكرة السودان الجديد؟..
ولاحظ يا عادل سلوكك هنا (ايجابي او سلبي ) يحسب على خندق السودان الجديد.ز فياما ان تكون فاهم الفكرة بصورة عميقة..و يا اما كمان تكون مسطح و ما واقعة ليك الفكرة..!

كبر

Quote: للجمهوريين للفكر والثقافة الجبارة التي يملكوها الاتحاديين للروح الليبرالية التي يحملوها والتاريخ النظيف والمبدعين بسبب العقلية الابداعية التي ترفع الحجب وترفع الروح فوق عارية الجسد

نسيت تضيف المريخاب واعضاء الحوار المتمدن يا عادل
ثم بعد فرزت عيشة الأمة و الشيوعيين و الأخوان و السلفيين والبعثيين و المعقدين و . إلخ و اولريدي الجنوب انفصل ح تجيب ملايين من وين تاني للزحف المقدس

كبر يا حبيب البوست حصري على دعاة السودان الجديد - النسخة القديمة فقط ولاّ مفتوح للجميع ندلي دلونا معاكم

صديقي اللورد كبر

كييييييييييييفك وين اراضيك يا اخي ؟

الاخ كبر
سلام

Quote: هل كل من يدافع عن فكرة السودان الجديد في هذا المنبر..يؤمن بأن الفكرة تحتاج الى وسيط (كحزب سياسي مثلا) لينزلها من سماء التنظير الى أرض الواقع..؟..و ان كانت الإجابة نعم.. فهل الحركة الشعبية كحزب سياسي تمثل النموذج الأمثل (حتى الآن) لقيادة مشروع السودان الجديد في السودان الباقي؟..

مشروع السودان الجديد هو الدولة المدنية الفدرالية الديموقراطية
المدنية يعني قائمة على الاعلان العالمي لحقوق الانسان ما فيها شريعة ولا امام ولا شيخ ولا اساطير الاولين
فدرالية يعني تنظم علاقة الهامش بالمركز وفقا لاتفاقية نيفاشا
ديموقراطية ودي ما دايرة شرح
1- انتخابات حرة نزيهة
2- قضاء مستقل
3- اعلام حر
4-منظمات مجتمع مدني لمن استطاع اليها سبيلا

Quote: كيف يرى من يدافعون عن فكرة السودان الجديد.. الطرق المثلى لدعم الفكرة؟..هل تظل الفكرة مجرد تهويم و اسقاط نفسي يمارسه البعض كلما سنحت السانحة؟و هل يعي من يدافع عن فكرة السودان الجديد في هذا المنبر و غيره من فضاءات النقاش السودانية ، انهم لا يملكون المبادرة و انما كل اجتهادتهم هي مجرد ردود افعال هنا و هناك.. مع ان الفكرة سباقة و رائدة و متجاوزة؟..

كيف ارى انا
هو تحرير السودانيين المهمشين من شنو بتاعة جون قرنق من وعي ...وليس من منو بتاعة اولاد الغرب والبسوس..
والتحرير عبر مخاطبة وعي كل الناس وعبر الميديا المتاحة
والامر لا يحتاج لحزب او قطاع شمال فقط بل الى جبهة ديموقراطية متحدة
تضم على الاقل المؤمنين باتفاقية نيفاشا ولعلمك لازالت سارية المفعول لحدت 9 /7/2011

Quote: و من ارض الواقع .. نرى في هذه الأيام انتخابات جنوب كردفان ( و هي من معاقل انطلاق فكرة السودان الجديد) و قبلها كانت انتخابات النيل الأزرق..فلماذا صمت دعاة السودان الجديد عن مثل تلك الأحدأث؟.. هل يتأففون من اهالي تلك المناطق و يرون أنهم حازوا قصب السبق قبل الأخرين؟..هل يرى دعاة السودان الجديد في هذا المنبر أن مثل تلك الأحداث لا تعنينهم؟.. هل يفهم دعاة السودان الجديد ان مثل تلك الأحداث هي رصيد للفكرة و دعما لها؟.. الأ يعني مثل هذا الصمت ، أن دعاة السودان الجديد في هذا المنبر تتلبسهم مهددات العرق و الدين و الثقافة للدرجة التي تجعلهم يمارسون الإستعلاء تجاه رصيدهم الذاتي ؟..

عن انتخابات جنوب كردفان
فدونك والمقال المنقول من ابناء جبال النوبة انفسهم في موقع نوبة تاميز

Quote: انتخابات ولاية جنوب كردفان وافاق التغيير .. بقلم: عادل الامين [email protected] انتخابات ولاية جنوب كردفان على الابواب واتفاقية نيفاشا في الرمق الاخير والتحدي كبير وحتى ننشط ذاكرة المواطن والناخب في تلك المناطق دعونا نقتبس هذا التقرير حرفيا من كتاب "النوبة والحروب الابادة-افريكا راتس" (النوبة في السياسة السودانية) لقد عاملت المعارضة السودانية النوبة معاملة أفضل بقليل مقارنة بحكومة الرئيس عمر البشير الحالية . و عندما كان حزب الأمة في الحكومة ، كان هو القوة الرئيسية خلف سياسة المليشايات والحملة ضد النوبة . ويتحمل الصادق المهدي ، رئيس الوزراء آنذاك ، الجزء الأكبر من مسئولية ما يجري حالياً من مأساة حقوق الإنسان في جبال النوبة ، وكذلك مبارك الفاضل ، وزير الداخلية، و عبدالرسول النور حاكم كردفان ، و بعض الشخصيات القيادية في حزب الأمة كفضل الله برمة ناصر. كما أنضم بعض سياسي حزب الأمة ، كرئيس اللجنة البرلمانية السابق حريكة عز الدين ، إلى الحكومة العسكرية الحالية ، و هو يواصل المشاركة في الحملات العسكرية. أما الآن وهم في المعارضة ، فإنهم يتشدقون بكلمات "الديمقراطية" و "حقوق الإنسان". ولكن ليس هناك من مؤشر بأن حزب الأمة قد غير موقفه تجاه النوبة . فالحزب ما يزال يرى أن البقارة هم إحدى دوائره السياسية الرئيسية ، وعتقد أن مساندته للنظرية التوسعية للبقارة هو أفضل طريق لكسب قياداتهم الذين هم مع الحكومة الآن . و لم يعبر حزب الأمة حتى عن ندمه ، ناهيك عن تقديم الإعتذار عن جرائمه في جبال النوبة . و لا يزال النوبة يتشككون في نوايا حزب الأمة ، كما يعارض الحزب بشدة السماح للنوبة بتقرير مصيرهم . لقد طال إنتظار بيان واضح من حزب الأمة يقر فيه بجرائمه الماضية في جبال النوبة و يعلن إقراره بمبدأ إحترام كل حقوق شعب النوبة . وحتى يتم تأكيد مثل هذا الإلتزام ، فإن شكوك النوبة الخاصة بأن حزب الأمة لديه نفس سياسة الحكومة الحالية سيكون لها ما يبررها. إن الحزب الإتحادي الديمقراطي ليس له مثل هذا السجل السيء في جبال النوبة ، و لكنه ما زال حزباً يمثل مصلحة محلية ضيقة ، بدلاً من أن يكون حزبا قوميا حقيقاً . و كان بإمكان الحزب ، و برؤية أوسع للسودان ، أن يستغل بكل سهولة عدم التوافق بين النوبة و حزب الأمة لمصلحته ، و أن يسعى إلى عمل تحالف إستراتيجي مع الحزب القومي السوداني أو مجموعات النوبة الأخرى في عقد الثمانينات . و لكنه فشل في ذلك. و مثله مثل حزب الأمة تماماً ، فإن الإتجاد الديمقراطي منقسم على نفسه فيما يختص ببعض القضايا ، كالقوانين الإسلامية ، و حق تقرير المصير بالنسبة للجنوب ، مما أثار شكوك النوبة بأن الحزب يشارك الحكومة الحالية رغبتها في إقامة دولة إسلامية . لقد طور الحزب الإتحادي الديمقراطي مؤخراً بعض الرؤى تجاه الشعوب المهمشة في شمال السودان ، و لكن هذه الرؤى لم تترجم إلى إلتزامات بعد . و ما زال النوبة في إنتظار إلتزام واضح من جانب الحزب الإتحادي الديمقراطي فيما يختص بحقوقهم الأساسية. يهيمن حزبا الأمة و الإتحادي الديمقراطي على التجمع الوطني الديمقراطي المعارض ، و الذي يطرح نفسه كبديل لحكومة عمر البشير – الترابي. مع ذلك ، فإن للنوبة مبرراً قوياً لشكوكهم بأن حكومة التجمعسوف لن تمثل تغييراً جوهرياً في السياسة الشمالية تجاه النوبة . و أن للجيش الشعبي لتحرير السودان ديناً كبيراً مستحقاً للنوبة ، ليس الآن جبال النوبة كانت ما زالت الجبهة الرئيسية في الحزب ، و لكن لمشاركة أكثر من ثلاثة آلاف من قوات النوبة في المعارك التي جرت في جنوب السودان ، و الذين ظلوا مخلصين بصورة دائمة للعقيد جون قرنق . كما أستفاد الجيش الشعبي أيضاً من القائد يوسف كوة ، كعضول لوفود محادثات السلام و الرحلات الخارجية. و أعتمدت الحركة الشعبية بدرجة كبيرة على مهارات يوسف كوة كرئيس لمؤتمر الحركة عام 1994م. و لكن إلتزامات الحركة تجاه النوبة ظلت موضع سؤال . و لى الرغم من أن الجيش الشعبي يطالب رسمياً بمنح جبال النوبة حق تقريرالمصير ، لكن الكثيرين يتشككون بأن هذا الإلتزام يمكن التخلي عنه من أجل الحصول على إتفاق أوسع. و لقد تفجرت مخاوف النوبة العميقة بتوقيع "اتفاقية شقدوم" بين الجيش الشعبي وحزب الأمة ، في 12 ديسمبر 1994م. فبينما تقر الفقرة الثانية من الإتفاق بأن "حق تقرير المصير هو حق إنساني أساسي للشعوب " نجد أن الفقرة الرابعة تحتوي على خلاف ذلك ، و أنها مناقضة لموقف الجيش الشعبي: "2/4 يرفض حزب الأمة ذكر تضمين جبال النوبة ، و منطقة أبيي ، و جبال الأنقسنا في الفقرة الخاصة بحق تقريرالمصير ، لأنه لا يعترف بحق تقرير المصير لأي مجموعة تقع خارج جنوب السودان . كان الموقعون عن حزب الأمة هما عمر نور الدائم ، و مبارك الفاضل. يجب على الجيش الشعبي لتحرير السودان أن يعلي من شأن إلتزاماته تجاه النوبة لتصبح جزء مكملا ًلوضعه التفاوضي مع الأحزاب الشمالية و مع الحكومة ، إذا كان ذلك من خلال الإيقاد أي أي وسطاء آخرين (كالرئيس كارتر) . و يجب على الحركة الشعبية أن لا توقع أي إتفاقية لا تعطي النوبة حقوقاً متساوية مع الجنوبيين. إن موقف الأحزاب السياسية و الحركة الشعبية تجاه النوبة لمؤشر على وجود مسلك تفضلي واسع الإنتشار وسط القيادة المعارضة. فهم يعتقدون أن إيجاد الحلول يكمن في عمل الصفقات بين القادة ، و ليس في التعبئة الشعبية . و لقد جلبت هذه النظرة المأساة للسودان ، وسوف تظل كذلك. (0من كتاب افريكا رايتس..1996)...انتهى الاقتباس... انتخابات جنوب كردفان التكميلية تشكل اخر اختبار لمشروع السودان الجديد وفي مناطق التهميش نفسها ان يكون مشروع ياتي عبر ارادة شعبية حرة ونزيهة وعبر الاداة الحضارية المعتبرة التي هي من صميم حضارة السودان المعاصر وهي الانتخابات والشعب يقرر عهدناها منذ الاستقلال 1954 وشوهتها الايدولجيات المستبدة والوافدة...ما يترتب عليه من نتائج في هذه الانتخابات سيشكل مفترق طرق،لذلك يجب ان ينتصر مشروع السودان في ولاية جنوب كردفان..ان افساد اكبر استحقاق في اتفاقية نيفاشا بواسطة الحزب الحاكم المؤتمر الوطني والفئات المهذوذة من بعض معارضة السودان القديم الذى لا يشاركوا في الانتخابات الرئيسة التي جرت 2009 ومعهم للاسف قطاع الشمال المناط به التغيير وقادت الى نتائج كارثية وهي انفصال الجنوب غير المبرر وعدم حلة مشكلة دارفور واستقرار الشمال ..واستمرار فرض مشروع الانقاذ على الشمال المازوم بجهاته الثلاث ..لن احاسبهم هنا ولا املك السلطة على ذلك ولكن للتاريخ دوره مستقبلا في تحديد من كان على حق او من جانفه الصواب فالتاريخ لا يكذب ولا يرحم التحدي القائم فى الانتخابات القادمة في جنوب كردفان هو تحدي يوجه كل اهل الهامش والسوداني واثبات على قدرتهم في هزيمة مشروع الاخوان المسلمين في السودان والدولة المركزية المختلة التي لا تصدر الا الالام والمخازي الى الهامش عبر صناديق الاقتراع...وجنوب كردفان هي منطقة جبال النوبة والنوبة تعني الذهب باللغة المروية القديمة ،ذلك المعدن النفيس الذى لا يصداء ابدا...والنوبة قبيلة مركزية في السودان يتفرع منها كافة النسيج السوداني للدولة السودانية ومناط بها اعادة بناء السودان وباسس جديدة واستمرار مشروع السودان الجديد كبديل اوحد للسودان القديم واخراج السودان من النفق المظلم...فهل يا ترى سنكون فعلا في مستوى هذا التحدي...ان غدا لناظره قريب

http://nubatimes.com/portal/showarticle.php?id=265

Quote: نقطة اخرى..في بوست امانة مختار.. دخلت و بصمت على موضوع البوست.. مع أن هناك مبدأ صريح يقول بايمان حزب الخضر في حق أي اقليم أن ينال حق تقرير المصير..و في نفس الوقت انت تمارس انشطار في بوست (مكونات الدولة: غرب السودان من الإستغلال الى الإستقلال) و هو بوست يؤسس فكرة حق اقاليم غرب السودان في ان تنال استقلالها (حق تقرير مصيرها)..و التساؤل الذي خطر ببالي: لماذا يرفض عادل امين حق اهالي غرب السودان في المطالبة بالإستقلال..و في نفس الوقت يبصم على كلام امنة مختار في حق كل اقليم في حق تقرير المصير؟..هذا التناقض

حق تقرير المصير ليس بالضرورة يكون الانفصال وانا اصلا كنت ضد انفصال الجنوب بسبب دولة مركزية فاشلة وفاسدة وفاشية ممتدة من 1956
وعندي مشروعي الخاص في هذا الامر ومالي الانترنت الا عقول نخب السودانيين البائسة التي لا تقرا واذا قرات لا تفهم

Quote: ظلت أزمة الدولة السودانية ممتدة من قبل الاستقلال،عندما بدأت تتبلور إرهاصات بروز دولة السودان الحديثة إلي حيز الوجود بعد أن هبت رياح التغيير في العالم وانتهاء حقبة الاستعمار المباشر(الكولونالية) ودخول العالم مرحلة وسيطة وهي الاستعمار غير المباشر(الامبريالية)..كانت هناك اختلالات بالغة في الرؤى والتصورات عن ما يجب أن تكون عليه الدولة السودانية...هل تكون دولة مدنية وفدرالية وديمقراطية...كما هي رؤية أبناء الجنوب منذ 1947 أم تكون دولة مركزية اسلاموية وعروبية كما هي رؤية نخب الشمال الايدولجي والطائفي التي جاءت بالاستقلال في يناير 1956...حيث تم فرض الهوية قبل تشكيل الإطار للدولة..وبذلك بذرت بذور الشقاق لتقود أطول وأبشع حرب أهلية في إفريقيا امتدت(1955-2005)..كانت رؤية أبناء الجنوب واضحة للدولة السودانية ولم تتغير عبر المراحل الثلاث,الاستعمار المباشر1947,الاستعمار غير المباشر(اتفاقية أديس أبابا 1972) حتى ألان أيضا في النظام العالمي الجديد ومرحلة(الشراكة-الديمقراطية)(اتفاقية نيفاشا 2005-2011) المدعومة دوليا... وللأسف تم توقيع أفضل اتفاقية مع أسوا نخبة حاكمة وهي حزب المؤتمر الوطني ومشروع الأخوان المسلمين الوافد من خارج الحدود والذي أثبتت التجارب المريرة فشله في السودان(تجربة الرئيس الراحل نميري 1978-1985)...فقط تم إعادة إنتاجه مرة أخرى ونفس الرموز في يونيو 1989 بما بعرف بثورة الإنقاذ ليستمر التمادي في نقض المواثيق والعهود حتى بعد فشل تجربة الإسلاميين الثانية وفجرهم الكاذب الجديد وبشهادة الكبار منهم...وأضحينا ألان في مفترق طرق...شريعة الأخوان المسلمين المزعومة أم الجنوبيين !!... ولكن في حقيقة الأمر لا يعدو مشروع التوجه الحضاري أو ثورة الإنقاذ سوى نظام رأسمالي طفيلي يهيمن على السلطة والثروة ولا يختلف كثيرا عن الأنظمة العربية المركزية التي أضحت خارج التاريخ وتتداعى ألان..وليس أزمة دين أو عرق..بل منظومة رأسمالية تعزل الآخرين من غير الجنوبيين أيضا..حيث ظهر ألان انه صراع بين المركز والهوامش الأربعة وليس بين الجنوب والشمال كما شخصته بصائر أبناء جنوب السودان منذ أمد بعيد وما يؤكد ذلك فصيل الأسود الحرة الذي انضم للتجمع الوطني وهو يمثل قبيلة الرشايدة العربية الأصلية وتمرد أبناء دارفور المسلمين ضد السلطة المركزية وأبناء كجبار والمناصير..الخ...وهذا ينفي تماما عملية تحوير الصراع بأنه عرقي أو ديني كما يروج له بعض الأخوان المسلمين في الميديا العربية...الصراع بين رؤيتين فقط,الدولة المدنية الفدرالية الديمقراطية وهذه تمثلها القوى الديمقراطية السودانية الحقيقية وبين الدولة المركزية الفاسدة والفاشلة والفاشية ويمثلها حزب المؤتمر الوطني وبعض قوى السودان القديم... عندما تم توقيع اتفاقية نيفاشا في 2005 كانت هذه الاتفاقية خارطة طريق واضحة المعالم نحو الدولة المدنية الفدرالية الديمقراطية التي تشكل نهاية التاريخ في السودان وبداية الجغرافيا والتنمية وحتى يتأكد ذلك وضعت انتخابات في منتصف الفترة من اجل التغيير في الأشخاص الذي يقود إلي التغيير في الأوضاع وكانت هناك فرصة كبيرة لقطاع الشمال لنقل مشروع السودان الجديد شمالا..وإذا كانت هذه الانتخابات حرة ونزيهة وهذا التغيير كان كافيا للقضاء على الدولة المركزية القابضة في الشمال ليس من بداية ثورة الإنقاذ بل من الاستقلال ولكن دائما في السودان بلد العجائب تأتي الرياح بما لا تشتهي السفن... أصر أهل المؤتمر الوطني الذين حتى هذه اللحظة لا ندري هل هم حزب أم تنظيم وشتان ما بين الحزب الطبيعي الذي ينشا من تراب البلد والتنظيم الوافد من خارج الحدود...أصروا أن يفسدوا آخر جزرة تقدم بها المجتمع الدولي وهي الانتخابات الحرة..وبما أن التغيير أضحى صيرورة تاريخية سواء بالعصا أو الجزرة. فشلت الجزرة وعادت العصا الدولية تهدد السودان وأدت إلى مزيد من الضغوط بإضافة تهمة الإبادة الجماعية التي جعلتنا قاب قوسين أو ادنى من الفصل السابع الذي هدم دولة العراق القديم. واليوم نحن في مرحلة آخر استحقاقات اتفاقية نيفاشا الهامة وهو استفتاء أهل الجنوب ودخلنا مرة أخرى في مرحلة المزايدات الرخيصة وغير المسؤلة..ومن الواضح الآن كل المؤشرات تدل على أن أبناء الجنوب اختاروا بذرة خلاصهم على مبدأ آخر العلاج الكي.. ودقت طبول الانفصال المدعوم دوليا.. وانتهت مشكلة الجنوب وستبدأ مشكلة الشمال التي تتجلي في أزمة دارفور والمحكمة الجنائية الدولية ومنطقة آبيي والمشورة الشعبية في جنوب كردفان والنيل الأزرق. هل يا ترى توجد شمعة في نهاية النفق؟ اعتقد إذا تواضع أهل المؤتمر الوطني ومن خلال برلمان المركز الحالي وبقدر من المسؤولية وسعوا بأنفسهم بالتصالح مع الذات أولا ثم مع الآخرين وتمتعوا بأخلاق الفرسان التي تناسب المرحلة عبر العالم وقاموا بتفكيك دولتهم المركزية الشمولية إلي دولة وطن يسع الجميع...وبآلية اتفاقية نيفاشا نفسها بإعادة هيكلة الشمال بإعادة الأقاليم الخمسة"دارفور وكردفان والشمالي والشرقي والأوسط) في حدود 1956.. وإجراء انتخابات تكميلية للبطاقات رقم 9،10،11،12 وهي تمثل حكومة الإقليم ونائب الرئيس..حرة ونزيهة تشارك فيها الأحزاب المسجلة وحركات دارفور.. بالتأكيد سيزول الاحتقان الداخلي إلى بدوره سيقود لزوال الضغوط الخارجية... وإذا حدث تغيير فعلي كهذا حتما ستتغير خيارات أبناء الجنوب...فهم لم يحاربوا الشمال الجغرافي بل الدول المركزية وعندما تتشكل الأقاليم الخمسة في الشمال وتتماهي مع الإقليم الجنوبي بنفس الصلاحيات الدستورية سيكتمل عمليا بناء الدولة السودانية الحديثة المكونة من ستة أقاليم دون خسائر في الأرواح أو الممتلكات. لذلك لن يجدي الحديث عن الوحدة الجاذبة"والمناظر هي ذاتا والصور نفس المشاهد". لابد أن يحدث تغيير جذري في الشمال دون أن يتضرر احد. وذلك حتما لن يكون بالفصل السابع الذي يهدد مستقبل السودان. بل عبر الدستور والبرلمان المركزي والنوايا الطيبة والاعتراف بالأخطاء والاعتذار والمصالحة الوطنية الحقيقة ويقدم السودان درس جديد للعالم... مثل دروسه الماضية في التحول الديمقراطي النظيف. عادل الأمين، كاتب وصحافي سوداني [email protected]

http://www.mutawassetonline.com/index.php?option=com_co...7-22-29-09&Itemid=50

الأخ العزيز كبر ..
شكرا على هذا البوست الذى أرى انه سيفرز سجالا صحيا بين أنصار السودان الجديد نفسه ..

ولقد اتهمتنا بما معناه اننا معقتقدون بهذا الفكر الى حد الهوس..

وشخصيا لا أرى مانع أبدا فى أكون( مهووسة) بكل ما يمثلة فكر السودان الجديد ( المنطقي) بالنسبة لظروف ومشاكل السودان..المستعصية .

وارى ان( السودان الجديد) سيكون تطورا تاريخيا حتميا ومرحلة طبيعية من مراحل تطور ا لدولة السودانية ...ولا منااص عنه ، فهو حتمى ..كما تدل على ذلك كل المؤشرات والمتغيرات فى داخل السودان وخارجه ..

وأعتقد ان لم يكن ( قرنق ) قد أعلن عن فكره هذا فأعتقد ان الظرف السودانى التاريخى ..كان سيهبنا( قرنق آخر) ليطرح نفس الفكر ، لأن هذه هى حتمية التاريخ..
فالتاريخ ( كائن حى ) له طريقته الخاصة فى النمو والتطور ..وعندما تدور عجلته الجبارة العتيقة ، ونسمع صرير عجلاتها الصدئة لتنبئنا بأنه قد آن الأوان ..لقلب صفحة تاريخية جديدة فى حياة الأمم والشعوب ..وتطورها الانسانى .


____

سأحاول العودة مرة أخرى للمتابعة والمشاركة .

Quote: و يبقى نشوفك و نشوف كل المنافقين و المنافقات..

المنافق ذى صاحبك ده غارزة ونطاحة وعامل فيها شفت
ما عارف الفرق بين المسنجر والمنبر وما اكثر نوعو في البورد جابتم مجانية التعليم المركز وما رجع تاني

Quote: صديقي اللورد كبر كييييييييييييفك وين اراضيك يا اخي ؟

محمد الباشري خضر
سلام
انت نموذج من السودانيين المساكين الما بقرا واذا قرا ما بفهم
والحمدالله بتعرف مكتبتى في الحوار المتمدن امشي شوف الزوار والزيارات وعددهم
اما اذا تحرر الاضناب من امثالك من احزاب المركز المزمنة والفاشلة بكونو بالملايين وسبق انا قال جون قرنق في مقابلة ان امثل الاغلبية؟ رايك شنو؟؟
وتحداك هسه يرجعو الاقاليم الخمسة والانتخابات التكميلية عبر البطاقات 9و10و11و12
عشان تشوف
ياخ قطاع الشمال بارى ناس قريعتي راحت ديل وخلى الانتخابات ######## فرصة كبيرة للتغيير

Quote: هكذا تكلم د.جون قرنق عادل الامين الحوار المتمدن - العدد: 3310 - 2011 / 3 / 19 المحور: مواضيع وابحاث سياسية راسلوا الكاتب-ة مباشرة حول الموضوع هل الدكتور جون قرنق مفكر جنوبي ام سوداني ام عالم ثالثي...اذا قلنا العالم الثالث المازوم في جدلية التوزيع العادل للسلطة والثروة وازمة الحكم بين المركز والهامش والتي انفجرت اليوم في ثورات الفيس البوك في العالم الثالث العربي..الذى لم يعرف الدولة المدنية والديموقراطية وظل اسير فجر كاذب تم تصديره من الجارة مصر الي العالم العربي في شكل خطاب غوغائي لا يسمن ولا يغني من جوع..ولا زال انقلاب عبدالناصر على الملكية والديموقراطية معا ودخول مصر والعالم العربي النفق المظلم للانظمة الشمولية..الذى هيمن على نصف الكوكب المتاثر بالثورة الشيوعية والماركسية التي اضحت كالقطة التي اكلت بنيها عندما نال السودان استقلاله سنة 1956 ربط نفسه بقاطرة الشرق الاوسط المعطوبة والمشاريع المستوردة من الخارج واوهام الدولة الدينية العروب اسلامية...واضحينا ننتقل بين حكم شمولي وديموقراطية زائفة عبر انتفاضات متكررة 1964 و1985 لا تراوح مكانها ولا تعيد نفس انتاج الوعي المستلب بل نفس الاشخاص هل كان السودان فراغ او بقعة جغرافية تقع جنوب خط22 وظل باهت او حقل تجارب للاخرين ام كان هناك حضارة عمرها سبعة الف عام وملوك كوش العظماء تراهاقا وبعانخي واركماني...واعلام فكر سوداني معاصر من امثال محمود محمد طه وابراهيم بدري والدكتور جون قرنق عندما طرح محمود محمد طه مشروع الدولة المدنية الفدرالية الديموقراطية في السودان في بواكير الاستقلال وفقا لاساس فكري صلب قائم على الهوية السودانية كان نصف العالم من عجم وعرب غارق في شمولية النظام العالمي القديم والصراع بين المعسكر الديموقراطي الراسمالي والمعسكر الاشتراكي الشمولي..وعجز المعسكران حتى الان على حل معضلة"حاجة الانسان للحرية المطلقة وحاجة الجماعة للعدالة الاجتماعية"..وطرح افكاره في كتب موثقة واشرطة كاسيت حسب امكانيات ذلك الزمن...وطبعا قامت النخب السودانية المتعددة الاهواء بؤاد هذه الافكار السودانية واغتيال صاحبها سنة 1985 واستبدالها بما هو اسوا عبر عقود من الاستقلال وفي عام 1983 جاء متسابق اخر في سباق الماسافات الطويلة السودانية ليحمل الراية ويواصل مشروع صناعة الدولة السودانية الحقيقية...وكان مشروع السودان الجديد الذى جسدته كلمات جون قرنق البسيطة"ما تساولني عايز احرر السودانيين من منو ..اسالوني عايز تحرر السودانيين من شنو" رغم بساطة هذه الكلمات الا انها ظلت عصية الفهم لاهل السودان القديم الذين ولغت في عقلوهم ايدولجياتهم التي جاءو بها من البلاد التي بعثو اليها...ورفعو شعار "يا شعيب لا نفقه كثيرا مما تقول"...واعلنو حرب ضروس على هذا المشروع عبر الديموقراطية المزعومة او ما يعرف بثورة الانقاذ وهي انقلاب قام به الاخوان المسلمين في السودان وتبناه الاخوان المسلمين عبر العالم واهلك الحرث والنسل وفشل تماما ووصل الحضيض بوجود عرابه حسن الترابي في السجن ورئيسه تحت تهديد المحكمة الجنائية الدولية.. كانت اتفاقية نيفاشا 2005-2011هو العمل الذكي الوحيد الذى ما رسته الانقاذ بعد سد مروي...ولكن للاسف ليس كل الانقاذيين اذكياء بالطبع..وخاصة بعد المفاصلة الاخيرة بين القصر والمنشية ..وانقسام الاخوان المسلمين الى ظل ذى ثلاث شعب المؤتمر الشعبي والمؤتمر الوطني والعدل والمساواة....وبرزت ازمة دارفور على السطح يمتاز د.جون قرنق بالواقعية السياسية وعندما قال "بعد نيفاشا السودان القديم لن يرجع" رغم وفاته العاجلة صدق ما تنبا به فهو رجل ذكي وبارع في الديناميكا السياسية...لقد كانت نيفاشا طوق نجاة لانقاذ الانقاذ من فجر الاخوان المسلمين الكاذب وفرصة لانعتاق السودان من دائرة الشرق الاوسط الجهنمية والنظم الفاسدة والمستبدة والايدولجيات السقيمة...ولكنهم لم يحسنو ا قراتها جيدا...وظلوا في طغيانهم يعمهون حتى تهاوت العروش من حولهم...ولم تنجو حتى مصر المؤمنة..فهل كان جون قرنق عندما تحدث عن مشروع السودان الجديد ليس حده ملكال او خط22 بل كان يقول"من نمولي الى الاسكندرية" وانه سيكون نموذج لدول العالم الثالث...واليوم نرى مصر الجديدة وتونس الجديدة والعراق الجديد والبحرين الجديدة وثورة الفيس بوك والحرية والتجديد تسير بعد فشل مشروع الاخوان المسلمين في السودان ووصوله القاع وعافته الفضائيات..وجاء الغنوشي ليذكرهم..هل من الاجدى المكابرة والاستعلاء الزائف والجلوس على راس الناس..ام التواضع ومراجعة النفس..وهل عرفنا الان لماذا كان جون قرنق وحدويا....الاجابة بسيطة...لان امتداد مشروع السودان الجديد شمالا عبر اتفاقية نيفاشا والتصويت للوحدة كان سيشكل درع واقي لابناء الجنوب ليقفوا على اقدامهم دون معاناة من الشريك الذى لا يؤمن بوائقه والتى بدات من الان وقبل ترتيبات الانفصال..لوجود ابناء الجنوب في المركز وهنا كانت براعة د.قرنق...ولكن للاسف الكثير من الانفصاليين الجنوبيين لما يقراوا الواقع قراءة جيدة وكما قال الفيتوري(ذهب المضطر نحاس)...واثروا الانعتاق من المركز دون استبصار لمآلات ذلك ماذا بقي لنا في الشمال لنراهن عليه الان...المشروع الذى فشل بشهادة الدكاترة الاجلاء من منتسبيه...ام احزاب السودان القديم التي في متاهتها...ام ننتظر قطاع الشمال القوى....ليبرول لنا مشروع يناسب المرحلة ويعيد روح قرنق المثابرة في تخطي الجبال كما كان يقول دائما"كلما تخطينا تل برز تل اخر.. ختاما قد يقتنع اهل الشرق الاوسط بما جادت به الشقيقة مصر وهو مشروع الاخوان المسلمين كبديل للنظم الحاكمة ولكن نحن في السودان...لسنا بحاجة لاعادة تدوير افكار مدمرة مرة اخرى ودولة دينية مزيفة....مستقبلنا فقط في مشروع السودان الجديد...وعندما قال جون قرن "اني امثل الاغلبية" فقط صدق....فقط كان عليه ان يكمل الجملة للاذكياء من ابناء شعبنا ويقول"ان فقهو"

http://www.ahewar.org/debat/show.art.asp?aid=251244

Quote: نقطة اخرى..في بوست امانة مختار.. دخلت و بصمت على موضوع البوست.. مع أن هناك مبدأ صريح يقول بايمان حزب الخضر في حق أي اقليم أن ينال حق تقرير المصير

انا احترمت فكرة حزب بيئي في السودان واحترمت ان الاطروحة جات من امراة سودانية مهتمة بحال الوطن ذى امنة مختار واحترم اطروحاتها الجادة
وبعد داك خلي الرؤى تتباين
والتفكير الديناميكي من خصائص وعي السودان الجديد لان السودان الجديد اصلا وعي

Quote: في نفس الوقت انت تمارس انشطار في بوست (مكونات الدولة: غرب السودان من الإستغلال الى الإستقلال) و هو بوست يؤسس فكرة حق اقاليم غرب السودان في ان تنال استقلالها (حق تقرير مصيرها).

يا كبر يا اخوى بوستك داك بتمارس فيه اسقاطات لاوعية واساءات لي ناس ما عندهم علاقة بدار فور ومشيت للنازية البتقدل في مدارا..وده الفرق بينكم وبين الجنوبيين الاذكياء والمتواضعين
العالم والعرب والشماليين احترموهم وحققو مطالبم لانهم عرضوها بصورة جيدة وانتو اسقطتم عقدكم وجهلكم وشعوركم بالدونية حيال الشماليين النيليين وقبائلهم بدل ما تشخصواازمتكم بس في حزب الامة والكيزان
عشان كده انا جبت ليك تاريخ وحقائق دامغة تتعلق بتاريخ دارفور حرقتك وشردت ولسه عندي كتب ووثائق ايضا عن ازمة دارفور من 2003-2007
ولعلمك بشاشا ده عدو قديم هنا وكلامو والشيزوفرنيا البعاني منها دي ما بتفرق معاي انا جيت حاورتك يا صاحب البوست

شفت يا اخوى لو عايز تفهم مشروع السودان الجديد بتاع الجانقي(مفردة يطلقها قبائل الغرب على الجنوبيين) لازم تكون متواضع وذكي

والبوست بتاع دارفور قاعد وخلي الناس تدخل وتشوف


مكونات الدولة: غرب السودان من الإستغلال الى الإستقلال

وشوف يا اخوى انت فتحت بوست باسمي وقلت عايز تعرف فهمنا للسودان الجديد
خلاص التحت ده فهمنا وقرط علي كده وما تخلي الناس يضيعو وقتهم في الدوحة المشكلة من زمان وهسه وبكره هي علاقة المركز بالهامش لا جنوب ولا غرب
وما تراه تحت هنا
هي محاولة متواضعة لتفعيل نيفاشا قبل ما تصل الاكسبايري ديت ورد السلطة للشعب عبر انتخابات تكميلية للبطاقات 9و10و11و12 وللاقاليم الخمسة قبل نهاية نيفاشا وبداية جحيم الفصل السابع
وهي اخر محاولة لاكمال اللوحة التشكيلية التي رسمها جون قرنق الوحدوي للسودان
والكرة في ملعب المؤتمر الوطني وحركات دارفور للوصول لحل شامل للسودان

اها قصرنا معاك يا كبر يا (ماسورة)

Quote: كبر يا حبيب البوست حصري على دعاة السودان الجديد - النسخة القديمة فقط ولاّ مفتوح للجميع ندلي دلونا معاكم

محمد البشرى..حبابك يا صديقي
كتر خيرك على المرور من هنا..
نحن يا محمد في عصر الجماهير و التفاعل الجماهيري الحي..و نحمد لثورة التواصل انها قربت المسافات..زمان عشان تناقش ليك فكرة أو زول عندو فكرة محتاج تمشي الجرايد..و ناس الجرايد بيعملوا بحساب التواطؤ و المصلحة..و كلامك يمكن يندفن و ما يتنشر.. أو تقوم تجازف ليك ندوة..و بتكون هنا تعامل مع نخبة و صفوة..أو تقوم تسوي ليك منشور و توزعوا..و العندو سؤال ما يقدر يلم فيك عشان يسألك..و اليوم الوضعية اتغيرت تماما..و اصبح التواصل متاح..و ممكن تسأل بكل حرية.. أو تضيف فكرتك بكل حرية..
البوست مفتوح للجميع..و يقيني اهل فكرة السودان الجديد ممكن يستفيدوا من أي رؤية حتى لو كانت وجهة نظر عابرة.. لأنو التحدي بالنسبة ليهم هو تسويق الفكرة جماهيريا حتى يتكون لها الرصيد الصلب..!
قل كلمتك يا صديقي..و في النهاية ح تكون ساهمت في تطوير فكرة..
و دمت..
كبر

Quote: صديقي اللورد كبر كييييييييييييفك وين اراضيك يا اخي ؟

صديقي الطيب شيقوق..حبابك
كتر خيرك على المرور من هنا..
كتر خيرك على منحنا اللوردية..و هي شعرا ما عندنا ليهو رقبة..
اراضينا يا الطيب.. نعبر من هنا..و الدهشة تطق عرق عرقين.. حتى كدنا أن ننتحر و نذهب نعلق جراحنا..
نشوفك طوالي يا صديقي

كبر

عادل امين..حبابك يا صديقي
كتر خيرك على الحضور هنا..و المثابرة..
و احييك على التقاط القفاز..و الإنتباه لفكرة هذا الخيط الأساسية..و محاولة الإستفادة منها..
فقط تنبيه بسيط للغاية.. ليس غرضنا من هذا الخيط أن نمسح باحد الأرض او نهزم فكرة زول.. لأن مثل هذه الأمور هي نكبات و مسألة اشبه بمناطحة طواحين الهواء..و تلك خصلة لا تجدي في كشف كنه الأشياء و الأفكار..

و اعتقد أنك قد تتفق معنا و لو جزئيا.. أن البوست هو نهج لتصحيح كثير من المفاهيم التي رأينا انها اختلطت كثيرا في اذهان الغالبية من الناس..
النقطة التانية..و الله يا عادل و على بالطلاق (دي حليفة اول مرة احلفها و انا متزوج لأكثر من طمنطاشر سنة).. بوست مكونات الدولة يتحدث عن غرب السودان كله و ليس دارفور وحدها..فياخي عليك الله فكنا من حكاية بوست دارفور.. لأنو ده استهبال كلامي ساكت و ليست له علاقة بالنقاش الفكري و الموضوعي..و مرة واحدة ضع نفسك في مكان القارئ الذي يقرأ ما تكتب ..و سوف ترى أن القارئ سيصل لنتيجة مفادها أن هناك اسقاط نفسي في وعيك الباطن..و تريد أن تجعل منه واقعة مسلم بها .. بصراحة اصرارك على وصف البوست بانه بوست دارفور.. سيجعل القارئ يحاكمك كأنك جبهة اسلامية.. لأن أهل الجبهة الإسلامية هم اكتر ناس مستعدين يفكوا ليهم كضبة و يصدقوها..!
تقييمك للبوست السابق.. هي وجهة نظرك و نحترمها..و للأخرين وجهة نظر مغايرة تماما و نحترمها..

مساهمتك عن انتخابات جنوب كردفان.. هي جهد مقدر (بالمناسبة انا اقرا عادل امين من موقع مجلة افق ..لغاية الحوار المتمدن..و غيرها من الوسائط التي ينشر فيها عادل امين)..و اهو كلامنا معاك جاء بها الى هذا الخيط..و الخيط المجاور الظل الباهت..!

جهدك في محاولة الإجابة على التساؤلات مقدر للغاية..و سوف نناقشك في النقاط التي نرى أنها تحتاج توضيح اكثر..و اجابتك الأولى (نرجو ألآ تفهم وضعنا كوضعية المصحح..و هو اكثر وضع نكرهه)..تلك الإجابة..نرى انها لم تجيب على التساؤل.. فنحن سألنا عن وضعية الوسيط الذي يمكن أن ينزل فكرة السودان الجديد الى ارض الواقع..و ضربنا مثل بالحركة الشعبية لتحرير السودان كحزب سياسي ..و اجابتك ذهبت تحدثنا عن رؤية السودان الجديد..يعني الإجابة في جهة..و السؤال في جهة..و نحن يا صديقي في عصر التفاصيل و تفاصيل التفاصيل..

طيب ..نقطة اخرى.. تحرير السودان من شنو..و مش من منو..التي وصفتها بتاعة اولاد الغرب و البسوس...
لا ادرى فكرة اولاد الغرب دي جبتها من وين؟..فكرة النازية التي قلنا بها هي فكرة التحرير من شنو..و التي نفهمها بانها تحرير من عقلية الإستعلاء و تكريس الهيمنة.. فهل يعني ذلك انو عندك تصور لكل من اتى من غرب السودان بانه دباب و ترس في تروس فاشية الجبهة الإسلامية؟..اها انا من غرب السودان..و افهم جيدا أن الصراع يجب أن يفهم في اطار التحرير من شنو..ووقف عبث الهيمنة و الإستعلاء و مكانيزماتها التي تشكل قوة دفعها الذاتي.. فأين موقعي في فكرة اولاد الغرب و البسوس؟..و هل هذه المسألة الأ ترجعنا للمربع الأول.. ان بعض من دعاة السودان الجديد لم يتمكنوا من ازالة شوائب العرق و الدين و الثقافة؟..و مثل تلك الشوائب تظهر بين الفينة و الأخرى في شكل تنميطات جاهزة و الفرد مستعد لإطلاقها دون التحسب لنتائجها و اثارها؟..

اوكي يا عادل.. الفكرة قد لا تحتاج الى حزب أو قطاع..اتفق معك..و لكن كيف للفكرة ان تكون جماهيرية؟ هنا اريد منك التعرض لفكرة ازمة الثقة..و نكون اكتر صراحة يا عادل.ز يعني قبل ايام تم الإعلان عن لجنة الرؤية و البرنامج للحركة الشعبية قطاع الشمال..ولا اعتراض علينا في الأسماء التي تحويها..و قد نبهنا اكثر من مرة انها لجنة فنية و الحزب الذي كونها مخير يرشح فيها منو و يترك منو..و لكن..انا من جنوب كردفان يا عادل..و افهم كيف يفكر الناس هناك..فهل يقبل اهل السودان ان يجئيهم مواطن من جنوب كردفان و يقول ليهم والله لجنتكم دي ح تسوي لي برنامج بتاع المؤتمر السوداني ( مؤتمر الطلاب المستقلين) لأنها احتوت على عدد اتنين من منظري المؤتمر السوداني (ابكر ادم و محمد جلال هاشم)..فكيف يتعامل اهل السودان الجديد خصوصا في هذا المنبر) مع هذا الفهم؟..
في محضر النقاش.. الشباب بتاعين المؤتمر السوداني.. تناسوا انهم في خندق السودان الجديد..و اخذوا يدافعون عن مؤتمرهم و رموزه..و ما تنسى نحن في عصر حركة الجماهير الحرة و التفاعل الحر..!

طيب لمن انا اكون قارئ..و اطلع على جهد عادل امين..و جهد الأخرين و اكتشف التناقض الصريح.. مش من حقي اسأل هل الفكرة هي واحدة في فهم كل الناس التي تدعوا ليها؟..

و عشان نمشى لي قدام في النقاش.. اقترح أن يكون مفتاح النقاش هو ازمة الثقة.. تكييفها..و طرق معالجتها بصورة عملية..يعني كيف عادل امين ذو الإرث بتاع الوطني الإتحادي ( بالمناسبة بعض من صحابك ناس اولاد الغرب و البسوس.. يفهموا الوطني الإتحادي أنه اول تجربة ليبرالية سودانية كانت تسعى لتحرير الوعي السودان بطريقتها الخاصة..و انها رصيد تأريخي لن يتجاوزه الباحث عن الحقيقة باخوي و اخوك.. لكن ليه حظها ضاع.. فذلك يفهم في اطار الهيمنة الأحادية التي ضعيت السودان و اهله)..يقدر يزرع الثقة في النوباوى بتاع الحزب القومي ..و يقول ليهو انا معاك في نفس الخندق؟..

اصدقائنا و صديقاتنا المنافقين و المنافقات.. ما ح يعتبوا على هذا الخيط.. لأنو مكابدة و اختبارات قاسية..و هم يتميزون بالذهنية الإستهلاكية التي تريد الحاجة سريع سريع (يعني ثقافة الإستهلاك بتاعة الجنك فودز مسيطرة عليهم)..و برضك ما ح نقطع العشم منهم..و من هنا نحذرهم: لا عذر لمن انذر.. فالقارئ السوداني ذكي للغاية..و سيفهم دخولهم..و سيفهم غيابهم..
فلنعمل جميعا لتقريب الشقة بين النظري و العملي..
و دمت..
كبر

Quote: و هنا ندعو الأصدقاء و الصديقات الذين يؤمنون بفكرة السودان الجديد الى حوار مفتوح و شفاف..حتى تستبين الأمور في اذهان من يدعون للفكرة قبل من لا يعرفون عنها أو يعملون لها من خلال المنظومات السياسية في السودان..

الأخ العزيز كبر..

دخلت الى هذا البوست لأن من عنوانه وجدت اننى شبه مخاطبه به لأنى واحدة من دعاة السودان الجديد .

والسبب الثانى : انى معتادة على الاطلاع على معظم بوستاتك ..

والسبب الثالث : ان ( اسمى ) مذكور هنا..


فلذا أرجو أن توضح هل انا من المذكورين فى مداخلتك الأخيرة والموصوفون بالمنافقين والمنافقات الذين تحذر من دخولهم البوست أم لا ..؟!

خلاص يا اخي كبر
نخلى اسلحة الشمار الشامل
ونركز على مشروع السودان الجديد
الحاجة العرفتها من خلال متابعتي لما قاله جون قرنق وما كتبه ابناء الجنوب
ان الذهنية التي يجب ان تفهم مشروع السودان الجديد يجب ان تكون حرة
وانا حددت الاوبئة الستة التي يجب ان يتحرر منها السودانيين
ما يحدث من صراع في قطاع الشمال
انا ليس عضو في قطاع الشمال فقط كاتب سوداني ليبرالي ومثلي الاعلى محمود محمد طه قاعد في بيت طين وسعى لصناعة دولة سودانية حقيقية وحتى هذه اللحظة لم يجد اعتباره من كائنات الظل الباهت
وقد وضعت مسار من وفاة جون قرنق الفاجعة وفي البورد ده في ارشيف 2005 عن الجبهة الديموقراطية المتحدة وراهنت على الانتخابات وعلى اتفاقية نيفاشا الجانب الديناميكي لمشروع السودان الجديد
ولمن جاءت الانتخابات2010 ظهرت حاجات ما كويسة وانا شخصيا مشيت انتخبت حاتم السر...وضاعت فرصة كبيرة للتغيير بواسطة الشعب المسكين شعب الله المحتار قلنا تمام
ندي فرصة ثانية واخيرة قبل تنتهي نيفاشا
ونضع مشروع قصاد مشروع والحاكمية للشعب وطبعا ما كتبتو بالحبر السري وقاعد في البورد ده 10 سنة كاني باذن في مالطة
هسه عشان عامل الزمن اخليك في المختصر المفيد
قلنا الدوحة كانت خيمتنا الاخيرة وقبل ما يدقل المؤتمر الوطني بحركات دارفور ويضيع الزمن ..ترفع السقف لحل ما تبقى من كل مشاكل الشمال...وكان يجب تاسيس منبر ديموقراطي لسودانيين في الدوحة لعرض قضاياهم اسوة ببقية العرب ويعرض على البث المباشر...
وعبر خارطة طريق واضحة موجودة في شكل مقال وديقرام فوق ولا زلنا في اطار نيفاشا
وبرضه لا حياء لمن تنادي سواء ناس المؤتمر الوطني او معارطة السودان القديم
ما بيني وبين قطاع الشمال حتى الان ادنى تواصل ولا اعرف ماذا يفعلون وما هي رؤيتهم لمستقبل السودان

لكن الشيء الشايفو وما بلزم بيه احد هو اذا انتهت نيفاشا دون هيكلة جديدة للسودان وانتخابات تكميلية وفقا للوصفة اعلاه.. حيجي الفصل السابع وبعد داك اتفرج وشوف
وبعدين عشان ما تزعل وعارفك انسان مهذب جدا
انا كنت ساكن في بيت دارفور في الحديدة مع المرحوم محمد سعيد وابناء دارفور كانو دائما اصدقائي حتى في الجامعة سكنت مع ابوعبيدة ابوبكر وكنا نتناقر ليل نهار
عشان كده اي كلام غير جاد هنا اعتبرو بريك ساكت
ليس لي اعداء او عداوات شخصية والعمر اقصر من ان يضيعه الانسان في هذه التراهات
اذا كنت عايز تتكلم في مشروع السودان الجديد كفكر سوداني ..اهلا وسهلا
اما اذا الامر قطاع شمال وعضوية حركة شعبية في ناس تانين في البورد ممكن يكونو احسن مننا في هذا الامر..

أنا كنت من القليلين الذين قالوا في هذا المكان، إن لم أكن الوحيد، وهذا ليس من باب تضخيم الذات أو البحث عن أمجاد، أن الأستاذ محمود محمد طه منه انطلقت فكرة السودان الجديد. وأنا أتحمل مسئولية هذا القول، بمعنى أنني حاضر للزود عنه. طيب، أدعم فكرتي دي بأسانيد، الأستاذ محمود محمد طه قال: حل مشكلة الجنوب في حل مشكلة الشمال (جنوب السودان المشكلة !! الحل!! فبراير 1982م. وهي أي هذه المقولة باعتقادي صياغة أخرى للسؤال المعدل الذي صاغه الدكتور جون قرنق: كيف يحكم السودان وليس من يحكم السودان؟ الأستاذ محمود قال أيضاً في كلمته في المحكمة (أن قوانين سبتمبر 1983، شوهت الشريعة والإسلام ونفرت عنه، ثم إنها هددت وحدة البلاد) راجع كلمة الأستاذ أمام محكمة المهلاوي بموقع الفكرة دوت أورغ. أرجو التركيز مع قولة (أنها هددت وحدة البلاد)، هذا هو السودان الجديد الذي أفهم. وهو (السودان الجديد) الدعوة المستمرة لدولة المواطنة، حيث لا هيمنة لدين ولا غلبة لإثنية ولا سيطرة لثقافة بعينها سوى ثقافة تحترم كل الثقافات وتؤمن سلامة تفاعلها. أسس دستور السودان (نوفمبر 1968م) وحسب قراءتي وفهمي له، هو تجسيد من الأستاذ محمود محمد طه لنموذج السودان الجديد الفيدرالي اللامركزي، مع مراعاة فروق الوقت بينه وبين نيفاشا. من هنا تنبع فكرة السودان الجديد. ولا يضير السودانويين الجدد من أي مصدر تحدرت فكرتهم. من الظلم بمكان عدم القول بإن الراحل د. جون قرنق ديمابيور هو أيضاً مصدر من مصادر فكرة السودان الجديد، مع ضرورة إعطائه حقوق ملكية ربط فكرة السودان الجديد بتوحيد أفريقيا وهو ما لم يضبط في مشروع الأستاذ محمود الفكري، حيث أن د. جون لم يعب من معين الأستاذ محمود محمد طه، فكلاهما تنكب طريقاً مختلفة لكنها أوصلتاهما إلى محطة واحدة. وإسهام د. جون قرنق في هذا المشروع لا يختلف عليه المتحاورن في هذا البوست أو آولئك الذين سينضمون إليه لاحقاً. د. الواثق كمير (رئيس لجنة الرؤية والبرنامج بالحركة الشعبية شمال السودان) قال في حوارمع جريدة الصحافة قبل يومين أن السودان الجديد هو ماركة مسجلة باسم الحركة الشعبية، ولعمري هذا اعتقاد واسع الانتشار إن لم يكن سائداً، لكن في ذات الحوار قال بأن السودان الجديد ليس ملكاً للحركة الشعبية وحدها والقولان من الناحيتين النظرية والعملية صحيحان (راجع نص الحوار على www.splm-north.com. بالتالي ما أنا بصدده هو إضاءة على دور الأستاذ محمود في صياغة مشروع السودان الجديد، حيث أن الدور – النظري والعملي- لدكتور. جون قرنق الأب المؤسس للحركة الشعبية لا يختلف عليه إثنان.

عندما كنت بصفوف الحزب الشيوعي السوداني كانت ملاحظتي أن الشيوعيين يرون أن الحزب الجمهوري هو حزب ديني في نهاية المطاف مع عدم إغفال دورهم في انتاج رؤية معاصرة للإسلام. تلك القناعة وقفت حائلاً بين الشيوعيين ومن كانوا يدورون في مدارهم وبين الفكر الجمهوري والتعاطي معه دع عنك وضعه في مكانه الخليق به، ولعل ذلك لا يخلو من (ال ع ن ط ز ة التي أشار إليها عادل أمين). عندما بدأت رياح السودان الجديد تعصف بذهني في العام 2004م وفي أول زيارة لي إلى السودان ذهبت ولأول مرة في حياتي إلى منزل الأستاذ محمود محمد طه (مدينة المهدية الثورة الحارة 1) ومنه إلى منزل الأستاذ عبد اللطيف عمر حسب الله (مدينة الثورة الحارة 10) وأخبرت من قابلت بالمنزلين أن الغرض من زيارتي هو التكريم المتأخر 18 عاماً لوقفة الأستاذ محمود محمد طه الباسلة في المحكمة التي حكمت بإعدامه فالآن -حين الزيارة - والآن فقط أشعر بأن تلك الوقفة كانت من أجلي. أستوقفتني عبارة قالها الأستاذ عبد اللطيف عمر حسب الله واصفاً مشهد وقفة الأستاذ محمود تلك، حيث كان يصر على تسميتها بالفداء. رافقني في تلك الزيارة صديقي الكاتب مجتبى عرمان. ومنذ ذلك اليوم لا أذهب إلى السودان إلا وزرتُ مركز الأستاذ محمود محمد طه الثقافي. والآن لحظة كتابة هذه السطور تنتصب أمامي بصالون منزلي لوحة ضخمة 80 سم في 40 سم للأستاذ محمود مرسومة بريشة صديقي عضو البورد التشكيلي الأستاذ خلف الله عبود الشريف وإلى جواره صورة فوتوغرافية بحجم أصغر للدكتور جون قرنق. هذا أستطراد ظننت أنه لازم.

من ذلك التمهيد لم أعنِ استرضاء عادل أمين، ومن مداخلتي هذه لم أشأ أن أدفع عني تهمة النفاق التي قذف بها محمد النور كبر بوجه من زعم بأنهم لن (يعتبوا) البوست دهـ وإن لم يقطع حبل العشم في أن يغشوا هذه الاختبارات والمكابدة القاسية، على قوله، حيث أنني لست معنياً لا بالاسترضاء ولا بدفع التهم قدر اهتمامي باستكناه فكرة السودان الجديدة والإضافة اليومية لفهمي واستيعابي لها. ولعمري كلاهما (كبر وعادل) مارس إرهاباً ونوعاً من الغطرسة، فمشروع السودان الجديد-حسب فهمي له- مفتوح للغاشي والماشي وحتى الإنتهازيين والمختطفين (كما يحلو لأخينا كبر) طالما أن المشروع في الميدان وينافح بالدرجة الأولى أعداءه سواءً في المؤتمر الوطني أو غيره، وهذه المنافحة وصلت وقد تصل في المستقبل إلى حمل السلاح وتعريض المهج لحطر الموت الزؤام الذي لا تطيقه جماعات الإنتهازيين والمختطفين (حسب إرهاب كبر) وغير (الجمهوريين والاتحاديين الليبراليين وذوي التاريخ النظيف والمبدعين حسب إرهاب عادل أمين) وذلك لإنه –أي مشروع السودان الجديد- يملك آلية فرز ذاتية تسطيع فرز الغث من السمين وعلى النحو الذي شرحت. ولي عودة أكيدة لمحاولة الإجابة على أسئلة كبر المركزية حول تعدد النظرات حول موضوعة السودان الجديد بتعدد المنطلقات العرقية والدينية والثقافية.

مرتضى جعفر

اللورد يا اخي انت فين؟

سيبك من الكلام الفارغ دا افتح لينا بوست قانون وسوابق قضائية خلينا نستمتع ونجيب اللورد يحيي ع الكريم

Quote: اللورد يا اخي انت فين؟ سيبك من الكلام الفارغ دا افتح لينا بوست قانون وسوابق قضائية خلينا نستمتع ونجيب اللورد يحيي ع الكريم

المنافق الكبير(...)
قال النفري(الجهل عمود الطمأنينة) وقررط علي كده

امشي افتح ليك بوست براك واعرض ثقافتك القانونية الغثة ولمن تصل الفصل السابع بجيك بي هناك
الضيع اللورد كبر مبارات امثالك والشللية السقيمة التي اقعدت البورد عن التغيير
وحقو تفرح لاني برد على تفاهاتك ودي واستخفافك بالاخرين
الاخ شيوعي ولا شنو؟؟

كبر ياصديق

السودان الجديد كمفهوم لا يحتاج إلى تنظيمات سياسية في نظري، ولكن يحتاج لأفراد كلٌ في مجال تخصصه‘ فهذا أجدى وأنفع للمشروع نفسه، وأفول قولي هذا وفي ذهني الكثير ممن يتفقون على برنامج السودان الجديد وهم ما زالوا يقبعون في أحزابهم، لحسابات تخصهم هم (ومنهم من يحاول أن يوجه حزبه لتبني مفاهيم السودان الجديد).

كان معنا عاصم الطيب قرشي في يوم الجمعة الماضية، وهو يحمل مشروع السودان الجديد منذ زمن ليس بالقصير أكثر من عشرين عام، ولكنه يتوسل له بالموسيقى، ويعتقد أن الموسيقى هي الطريق إلى السودان الجديد كون أن الموسيقى لغة يتفق عليها الكثير من الناس بصرف النظر عن اعراقهم.

ولك أن تتخيل أن الجميع كل في مجاله أصبحت رؤيته واضحة في ما يتعلق بالسودان الجديد وطبق هذه الأفكار في مجاله، فسيصبح عندنا منهج تعليمي جديد وإعلام جديد وحتى هندسة معمارية جديدة تستلهم مكونات السودان الثرة في تقديم نماذج للبناء تعكس الثقافات السودانية المختلفة.في مجال القانون نحتاج لقوانين تحكم السودان الجديد وهذا مجال القانونيين.

لا يمنع كلامي أعلاه أن ينتظم الناس في التنظيمات المنادية بالسودان الجديد كالحركة مثلاً، لكن حتى في داخل هذه التنظيمات يجب أن يترك لكل شخص حرية تطبيق أفكار السودان الجديد في مجاله وتخصصه.

هذه رؤؤس مواضيع كمساهمة في هذا النقاش.

طيب يا عادل مشروعك وسودانك الجديد دا عايز تدعو ليه كيف كان ما ساهمت في توعية المساكين القلت لابقروا وكان قروا ما بفهموا

يا كبر كتر خيرك يا حبيب على الترحاب واتاحة الفرصة
سؤال اتمنى يلقى فرصة
في رأيي مشروع السودان الجديد نسخة الراحل قرنق انتهى عمليا بانفصال الجنوب هل في امكانية لتطوير مشروع جديد برؤى جديدة وطرح مختلف يناسب الوضع الجديد
ولا يقصي احد, حتى القال عليهم عادل امين
عارف شكلها اقرب للمستحيل لكن محتاجين لمشروع يجمعنا ولا يقصي احد على الأقل النقاط التي تجمع بين كل السودانيين مثل المساواة و الحرية و حقوق الانسان والحقوق الاساسية
وحتى مناطق الاختلاف نحتاج لمشروع ينظم و يدير الاختلاف بطريقة تفيد المجتمع ولا تتسبب في صراع , يكفي ما ضاع من عمر وبذل من جهد لم نجني منها غير التمزق

الفاضل كبر

سلامات

واعذرنا على الغياب عن هذا البوست الهام.

ولكن صدقني انا في غاية الحزن لما يحدث بجنوب كردفان.
لذا صعب جدا ان اركز وانا احس بان جزء مغبون آخر من بلادنا
على وشك تحمل مزيد من الغبن انهار الدماء الله اعلم كيف الطريق لوقفها!



لكن كما اوضحت من بين كل الاحزان
لا خيار لنا الا تسليط الاضواء على كل هذه القضايا.


اخونا عادل أمين هداه الله سمانا النسخه المضروبه من مشروع السودان الجديد
وفي احيان آخرى النسخه الراميها جمل(هههههههههههه)!

وعارف بضحك ليه لانه رقم علمه يعلم الله لم ارى احد راميه جمل علميا مثله.



لن اقضي زمنا طويلا في تفريغ كي بوردي لتحليل ظاهرى عادل امين وغيره
من العرقين المتوهمين بانهم انصار للسودان الجديد وهم لم يخرجوا من
عرقيتهم قيد انمله. لكن لان الشيء بالشيء يذكر....لاحظ براهو جابها
لروحه هاهو يذكرنا بكل عقده دفعه واحده.


انا كنت على وشك ذكر عقدته من حزب الامه وتلميعه للاتحادي الديمقراطي
والسبب منشأه(ختمي الاصول كاغلب اهل الشمال العرقي)
لكنه لم يحوجني لذك وهاهو كتبها مجددا بنفسه:

Quote: يا كبر يا اخوى بوستك داك بتمارس فيه اسقاطات لاوعية واساءات لي ناس ما عندهم علاقة بدار فور ومشيت للنازية البتقدل في مدارا..وده الفرق بينكم وبين الجنوبيين الاذكياء والمتواضعين العالم والعرب والشماليين احترموهم وحققو مطالبم لانهم عرضوها بصورة جيدة وانتو اسقطتم عقدكم وجهلكم وشعوركم بالدونية حيال الشماليين النيليين وقبائلهم بدل ما تشخصواازمتكم بس في حزب الامة والكيزان

يعلم الله اخي بكر لم تتجنى عليه لما وصفته بالمنافق
شوف حسه الاقتباس الصغير ده مليان متناقضات ودجل قدر شنو؟؟!!


اولا لاحظ:

Quote: الجنوبيين الاذكياء والمتواضعين

عارف دي اولا من باب فرق تسد عايز يفهمنا عادل امين
انه الجنوبين مختلفين عنا ووصفهم بالاذكياء وطبعا نحن الاغبياء؟؟!!
(ههههههههه)ياها نفسها طريقة أضرب العبد بالعبد!!


انا شخصيا بقول له الجنوبين فعلا اذكياء يا عادل امين
والدليل الكانوا منهم هنا كانوا ناقشنك كويس وفاتحين
لك فتح السنين وما اعتبرو انه نوع خطابك ده
بيعنيهم من قريب او بعيد...ودوننا ارشيفك وتعال
وضح لينا ياتو يوم تداخلوا معك
ولا دعموا فكرك الاشتر؟؟!!

الزول ده قايلنا نائمين على اضنينا كبر يا اخوي؟؟!!

فيا عادل امين شوف لك اسطوانه ثانيه دي ما بتقسم معانا.
شوف لعبه غيرها.

تعال شوف الوهمه الثانيه دي:

Quote: العالم والعرب والشماليين احترموهم وحققو مطالبم لانهم عرضوها بصورة جيدة

لاحظ قسم من لهم فضل في منح الجنوب
استقلاله ل:
1)العالم
2) العرب
3)الشمالين!!!!!!

وكان الجنوب لم ياخذ حقه بالاستقلال حمرة عين وانما منحة من وصفهم بالعرب
والشمالين وان كان يعني بالعالم نوع قريشن السجمان ولا اوباما الاسجم!
لعلمك يا عادل امين نحن مهمشي السودان وزنوجه تكفينا كلمة الاخ الجسور
كابتن ماريول بنجامين امام مهمشي القاهره المنشوره بهذا المنبر في صفحة
الاراء الحره و المقالات(ونشرها عبد المنعم سليمان هنا)
والتي قال فيها سنمضي لتحقيق تحريرنا بارادتنا وبمساعدة مهشمي السودان وشرفائه!
رجلا مثل ماريول بنجامين لا ينطق عن الهوي....وانما كان يعني جيدا حقيقة عهدنا الذي قطعناهو
كمهمشين على انفسنا بمناصرتنا لبعضنا البعض,اها الشمالين القله الحقانين وصفهم بشرفاء السودان
ولكن لاحظ ركز على المهشمين قبلهم وهو يعي حقيقة ماكان يقول.
فبينما من وصفتهم بالشمالين الحقوق الاستقلال للجنوبين بكرامه وكما ادعيت لانهم عرضو ا مطالبهم جيدا
فاتك تهديدهم بحقنة كمال عبيد....وفاتك الكثير من الحقارات التي مورست ضدهم ولازالت تمارس برفض حقوق من رغب منهم في الاقامه بيننا!!
لاحظ كلمة شمالين التي استخدمتها بعرقيه تشمل حتى المؤتمر الوطني الذي لا يتردد في تقل الجنوبين وبث
الفتن لهم لليوم,انت شملتهم بكلمة شمالين!!بينما نحن الغرابه المعارضه يفترض معاك لم تشملنا
وشملة المؤتمر الوطني فهنيئا لك عرقيتك البائسه!

اما العرب من هم يا ترى الدول العربيه؟؟!!
سبحان الله!!التي لازالت تمكر بالجنوبين؟؟!!


اها نجيء لللماضه وطولة اللسان

Quote: وانتو اسقطتم عقدكم وجهلكم وشعوركم بالدونية حيال الشماليين النيليين وقبائلهم بدل ما تشخصواازمتكم بس في حزب الامة والكيزان

منو الجهله ديل يا عادل امين يا جهلول زمانك؟؟؟
حسه...اانت تجرؤ على وصف صاحب البوست بالجهل؟؟؟
الم تكن هنا حاجا لبوستاته ليل نهار؟؟!!
حسه بضربة كي بورد بقى جهلول عشان قعدك في علبك؟!
سبحان الله!!
وبقى معقد كمان؟؟خلاص ضميتوا لقائمتنا الراميهم جمل؟؟!!
يا اخي اتقي الله!!
حسه ده طرح بني آدم عايز يبني السودان الجديد؟؟!!
بني آدم ما عارف الفرق بين كلمة (غرب السودان) و (دارفور) وعايز يفتي بنفس فاتحه؟؟!!
نحن لعلمك نتشرف في دارفور بان نتحدث عن دولة (غرب السودان)
البتضم كردفان الكبرى ودارفور العظمى وانت تختصرها في دارفور بس؟!

عارف يا كبر ضحكني وذكرني لك الناس الممكن يطلقوا
على اهل دارفور عيال الفور ؟؟!!
وكمان اخونا عادل امين تقول له نتحدث عن دولة غرب السودان
وهو يغالط ويقول لك بوستك الاتناولت فيه قضية دارفور.

يا عادل امين وغيره
نحن ناس غرب السودان نفوق من ناحية ثقل سكاني ما يفوق ال 70% من تعداد ما تبقى من سودان
فتخيل اذا كنا جميعا كما وصفتنا بالمعقدين و الجهله و؟؟يبقى يا ويلك وانت كمنظر
لأمه واكثر من 70% من شعبك معقدين وجهله وحاسين بالدونيه؟!



يبقى بعمليه حسابيه بسطيه كيف حتحل مشكلة السودان واستعادة الديمقراطيه بال 30% بتاعينك
الفيهم مؤتمر وطني....وشعبي...وبعثين وآل البيت من الحزبين و ....الخ!

يا كبر يا غالي ينوبك ثواب فينا رجاء
اعيد نشر تعداد سكان السودان المزور لينا من باقي ايام الانتخابات اياها(ذات الخج)
لو تذكر في بوستك بتاع الانتخابات الماضيه(اذكر كان لك بوست مهم حولها) عشان نعرف
نتكلم باحصاءات ونسكت الخشامه!

ولا تنسى نستحضر مقولة(اسحاق فضل الله بان ذنوج السودان ينجبون 10 مقابل 3 ينجبهم من سماهم
عرب السودان) اي نحن (نمونا السكاني) عامل ليهم منخوليا حقيقه وان حاولوا اخفاء ذلك.





ولنا عوده.....

هذا فيما يخص حبينا عادل امين...
اما السودان الجديد كمفهوم ساعود له بهدؤ باذن الله.

الاخ العزيز كبر ود ابا و الاخ العزيز عادل امين لكما التحية و التقدير

و تسجيل حضور و متابعة ..

شكرا محمدين محمد
وصورة البروفايل اكبر معبر عنك
انسان ذكي فعلا
وواصل معنا وشارك

Quote: انا كنت على وشك ذكر عقدته من حزب الامه وتلميعه للاتحادي الديمقراطي والسبب منشأه(ختمي الاصول كاغلب اهل الشمال العرقي) لكنه لم يحوجني لذك وهاهو كتبها مجددا بنفسه:

اها يا البسوس
ده الكلام البجيب هوا
شفتو مدى ارتباطكم الشرطي بحزم الامة...والاستلاب اليه 200سنة الضيع ابو جميزة
ما عندي عقدة حزب الامة ولا المع الاتحادي الديموقراطي
اذكر الحقائق ذى منصور خالد..والاكاديميين المحترمين
حزب الامة والمؤتمر الوطني وجيهن لعملة واحدة
ولهما ماضي مشين وموثق في قتل وتشريد انسان الهامش في دارفور وكرفان واهانة مكوناته السوداء والكتب الموثقة موجودة

وحاضر مضطرب...وانظروا الامام في متاهته وسودانه العريض الذى يسوقه لناس جمهورية العاصمة المثلثة اليسار المخستك الشيوعي والقومي....
ومستقبل مجهول
الاتحادي الديموقراطي(الاصل) ليس له هذا الماضي المشين والحليف الاستراتيجي للحركة من 1988

الأستاذ كبر والمتداخلون الأعزاء ..

السودان الجديد مشروع كبير قد تدخله من جزئية صغيرة تخصك أنت بس ثم تتداعى في كل مرحلة جزئية أخرى
ولكن المهم في الامر إنه يمشي بخطى لم تبدأ مع الشهيد د.جون ولا مع الشهيد الأستاذ محمود محمد طه وهم من وضعوا
له طريقا يمضي عليه. لذلك هذه المرحلة أراها من نصيب جدلية المركز والهامش ليس لأنها أنتجت من قبل مؤتمرين
ولكنها أنجت حينما كانوا في وضع مستقل عن التنظيم السياسي الحزبي الذي مكنهم من مشاهدة الوضع الثقافي والإنساني
وإنعكاس تجارب الغير على المشهد العام .. التجربة عندها خراج وبتوفر قراءة أكبر من التوقع النظري . جدلية المركز والهامش
ضرورتها هي إسترجاع الفوارق بين المراكز والهوامش.. وهذه النقطة مهمة للتوازن الإنساسي... بعدها تصبح أي معادلة
متحققة بشروط العدل . الأزمة في السودان أزمة معقدة لذلك حكر هذا المفهوم لجهة بعينها سيخلق حواجز نفسية لجهات أخرى
ويحرمها من الشوف المفترض ..بالإضافة لمسألة التظبيق نفسها وتعامل السياسي مع الأفكار بنظرة المصلحة الآنية حتى لو تضاربت مع
مصالحه الإستراتيجية المستقبلية.. أو الحكر ..الحركة الشعبية طرحت تصورها عن السودان الجديد ولكنها تعاملت مع قضية محددة
من داخل هذا الفكر وهي " قضية الجنوب " بل في مرحلة ما ناطحت مشاريع أخرى قائمة وموازية لها وربما بصورة أكثر وضوحا
ومنطلقات أكثر قومية . بل مازالت هنالك إشكالات تجعل من الحركة في الشمال بذات الطريقة تستفيد من الفكرة لتحقيق مكاسب جزئية
على الهامش الجغرافي دون أن تكون المعالجة شاملة وعامة ومستهدفة تكسير المركز رأس الحية . ربما هذه الآلية مبررة ولكنها
لا يستطيع أي مراقب بالمآلات والنتائج . راح الجنوب رغم المؤشرات الكثيرة التي تمكن من ذلك وستروح مناطق أخرى أيضا
حتى لو سلمنا جدلا ستنتمي جنوبا بعد تقرير مصيرها وهكذا حتى يتم تحرير السودان كله ، فلن يمنع ذلك من ظاهرة التمركز جنوبا
وإنعكاس الآية. ..خاصة التفكير الآن سيتعرض أيضا لعوامل التغيير فالأفكار ليس لها حدود " لذلك أنا ضد فكرة الآيدولوجيا" التي
ترسخ لمفاهيم مقفولة قد تكون ناجحة في البريوت أوف تايم ولكنها لا تصمد أمام المطلق.

لي عودة

Quote: ولكن المهم في الامر إنه يمشي بخطى لم تبدأ مع الشهيد د.جون ولا مع الشهيد الأستاذ محمود محمد طه وهم من وضعوا له طريقا يمضي عليه.

عزيزي منعم، تحياتي..،،

هذه الملحوظ ذكية للغاية وفاتت عليّ في مداخلتي، ومن هنا أطلب من المتناولين لمداخلتي استصحابها وقد آتي على توضيحها مستقبلاً.

Quote: ولمن جاءت الانتخابات2010 ظهرت حاجات ما كويسة وانا شخصيا مشيت انتخبت حاتم السر...وضاعت فرصة كبيرة للتغيير بواسطة الشعب المسكين شعب الله المحتار قلنا تمام

الاخ العزيز كبر
تحية طيبة
ارجع لازمة قطاع الشمال ومنظريه الجدد ونهديها لمرتضى جعفر ايضا

Quote: لماذا كان دكتور جون قرنق وحدويا؟!! ... بقلم: عادل الامين السبت, 19 آذار/مارس 2011 10:17 Share3 هل الدكتور جون قرنق مفكر جنوبي ام سوداني ام عالم ثالثي؟...اذا قلنا العالم الثالث المازوم في جدلية التوزيع العادل للسلطة والثروة وازمة الحكم بين المركز والهامش والتي انفجرت اليوم في ثورات الفيس البوك في العالم الثالث العربي..الذى لم يعرف الدولة المدنية والديموقراطية وظل اسير فجر كاذب تم تصديره من الجارة مصر الي العالم العربي في شكل خطاب غوغائي لا يسمن ولا يغني من جوع..ولا زال انقلاب عبدالناصر على الملكية والديموقراطية معا ودخول مصر والعالم العربي النفق المظلم للانظمة الشمولية..الذى هيمن على نصف الكوكب المتاثر بالثورة الشيوعية والماركسية التي اضحت كالقطة التي اكلت بنيها عندما نال السودان استقلاله سنة 1956 ربط نفسه بقاطرة الشرق الاوسط المعطوبة والمشاريع المستوردة من الخارج واوهام الدولة الدينية العروب اسلامية...واضحينا ننتقل بين حكم شمولي وديموقراطية زائفة عبر انتفاضات متكررة 1964 و1985 لا تراوح مكانها ولا تعيد نفس انتاج الوعي المستلب بل نفس الاشخاص هل كان السودان فراغ او بقعة جغرافية تقع جنوب خط22 وظل باهت او حقل تجارب للاخرين ام كان هناك حضارة عمرها سبعة الف عام وملوك كوش العظماء تراهاقا وبعانخي واركماني...واعلام فكر سوداني معاصر من امثال محمود محمد طه وابراهيم بدري والدكتور جون قرنق عندما طرح محمود محمد طه مشروع الدولة المدنية الفدرالية الديموقراطية في السودان في بواكير الاستقلال وفقا لاساس فكري صلب قائم على الهوية السودانية كان نصف العالم من عجم وعرب غارق في شمولية النظام العالمي القديم والصراع بين المعسكر الديموقراطي الراسمالي والمعسكر الاشتراكي الشمولي..وعجز المعسكران حتى الان على حل معضلة"حاجة الانسان للحرية المطلقة وحاجة الجماعة للعدالة الاجتماعية"..وطرح افكاره في كتب موثقة واشرطة كاسيت حسب امكانيات ذلك الزمن...وطبعا قامت النخب السودانية المتعددة الاهواء بؤاد هذه الافكار السودانية واغتيال صاحبها سنة 1985 واستبدالها بما هو اسوا عبر عقود من الاستقلال وفي عام 1983 جاء متسابق اخر في سباق الماسافات الطويلة السودانية ليحمل الراية ويواصل مشروع صناعة الدولة السودانية الحقيقية...وكان مشروع السودان الجديد الذى جسدته كلمات جون قرنق البسيطة"ما تسالوني عايز احرر السودانيين من منو ؟!..اسالوني عايز تحرر السودانيين من شنو!!" رغم بساطة هذه الكلمات الا انها ظلت عصية الفهم لاهل السودان القديم الذين ولغت في عقلوهم ايدولجياتهم التي جاءو بها من البلاد التي بعثو اليها...ورفعو شعار "يا شعيب لا نفقه كثيرا مما تقول"...واعلنو حرب ضروس على هذا المشروع عبر الديموقراطية المزعومة او ما يعرف بثورة الانقاذ وهي انقلاب قام به الاخوان المسلمين في السودان وتبناه الاخوان المسلمين عبر العالم واهلك الحرث والنسل وفشل تماما ووصل الحضيض بوجود عرابه حسن الترابي في السجن ورئيسه تحت تهديد المحكمة الجنائية الدولية.. كانت اتفاقية نيفاشا 2005-2011هو العمل الذكي الوحيد الذى ما رسته الانقاذ بعد سد مروي...ولكن للاسف ليس كل الانقاذيين اذكياء بالطبع..وخاصة بعد المفاصلة الاخيرة بين القصر والمنشية ..وانقسام الاخوان المسلمين الى ظل ذى ثلاث شعب المؤتمر الشعبي والمؤتمر الوطني والعدل والمساواة....وبرزت ازمة دارفور على السطح يمتاز د.جون قرنق بالواقعية السياسية وعندما قال "بعد نيفاشا السودان القديم لن يرجع" رغم وفاته العاجلة صدق ما تنبا به فهو رجل ذكي وبارع في الديناميكا السياسية...لقد كانت نيفاشا طوق نجاة لانقاذ الانقاذ من فجر الاخوان المسلمين الكاذب وفرصة لانعتاق السودان من دائرة الشرق الاوسط الجهنمية والنظم الفاسدة والمستبدة والايدولجيات السقيمة...ولكنهم لم يحسنو ا قراتها جيدا...وظلوا في طغيانهم يعمهون حتى تهاوت العروش من حولهم...ولم تنجو حتى مصر المؤمنة..فهل كان جون قرنق عندما تحدث عن مشروع السودان الجديد ليس حده ملكال او خط22 بل كان يقول"من نمولي الى الاسكندرية" وانه سيكون نموذج لدول العالم الثالث...واليوم نرى مصر الجديدة وتونس الجديدة والعراق الجديد والبحرين الجديدة وثورة الفيس بوك والحرية والتجديد تسير بعد فشل مشروع الاخوان المسلمين في السودان ووصوله القاع وعافته الفضائيات..وجاء الغنوشي ليذكرهم..هل من الاجدى المكابرة والاستعلاء الزائف والجلوس على راس الناس..ام التواضع ومراجعة النفس..وهل عرفنا الان لماذا كان جون قرنق وحدويا....الاجابة بسيطة...لان امتداد مشروع السودان الجديد شمالا عبر اتفاقية نيفاشا والتصويت للوحدة كان سيشكل درع واقي لابناء الجنوب ليقفوا على اقدامهم دون معاناة من الشريك الذى لا يؤمن بوائقه والتى بدات من الان وقبل ترتيبات الانفصال..لقوة وجود ابناء الجنوب في المركز وهنا كانت براعة د.قرنق...ولكن للاسف الكثير من الانفصاليين الجنوبيين لما يقراوا الواقع قراءة جيدة وكما قال الفيتوري(ذهب المضطر نحاس)...واثروا الانعتاق من المركز دون استبصار لمآلات ذلك ماذا بقي لنا في الشمال لنراهن عليه الان...المشروع الذى فشل بشهادة الدكاترة الاجلاء من منتسبيه...ام احزاب السودان القديم التي في متاهتها...ام ننتظر قطاع الشمال القوى....ليبلور لنا مشروع يناسب المرحلة ويعيد روح قرنق المثابرة في تخطي الجبال كما كان يقول دائما"كلما تخطينا تل برز تل اخر".. ختاما قد يقتنع اهل الشرق الاوسط بما جادت به الشقيقة مصر وهو مشروع الاخوان المسلمين كبديل للنظم الحاكمة ولكن نحن في السودان...لسنا بحاجة لاعادة تدوير افكار مدمرة مرة اخرى ودولة دينية مزيفة....مستقبلنا فقط في مشروع السودان الجديد والدولة المدنية الفدرالية الديموقراطية التي دعا لها محمود محمد طه ووضع لها اطارها الفكري .. ووضع لها اطاراها الدينامكي دكتور جون قرنق(اتفاقية نيفاشا 2005-2011)...وعندما قال جون قرن "اني امثل الاغلبية" فقط صدق....فقط كان عليه ان يكمل الجملة للاذكياء من ابناء شعبنا ويقول"ان فقهوا"... كاتب سوداني مقيم في اليمن adil amin [[email protected]] J المتصفحون الآنيوجد 2001 زائر حالياً

ونواصل البث المباشر
طالما البوست مفتوح باسمي

Quote: هكذا تكلم د.جون قرنق عادل الامين الحوار المتمدن - العدد: 3310 - 2011 / 3 / 19 المحور: مواضيع وابحاث سياسية راسلوا الكاتب-ة مباشرة حول الموضوع هل الدكتور جون قرنق مفكر جنوبي ام سوداني ام عالم ثالثي...اذا قلنا العالم الثالث المازوم في جدلية التوزيع العادل للسلطة والثروة وازمة الحكم بين المركز والهامش والتي انفجرت اليوم في ثورات الفيس البوك في العالم الثالث العربي..الذى لم يعرف الدولة المدنية والديموقراطية وظل اسير فجر كاذب تم تصديره من الجارة مصر الي العالم العربي في شكل خطاب غوغائي لا يسمن ولا يغني من جوع..ولا زال انقلاب عبدالناصر على الملكية والديموقراطية معا ودخول مصر والعالم العربي النفق المظلم للانظمة الشمولية..الذى هيمن على نصف الكوكب المتاثر بالثورة الشيوعية والماركسية التي اضحت كالقطة التي اكلت بنيها عندما نال السودان استقلاله سنة 1956 ربط نفسه بقاطرة الشرق الاوسط المعطوبة والمشاريع المستوردة من الخارج واوهام الدولة الدينية العروب اسلامية...واضحينا ننتقل بين حكم شمولي وديموقراطية زائفة عبر انتفاضات متكررة 1964 و1985 لا تراوح مكانها ولا تعيد نفس انتاج الوعي المستلب بل نفس الاشخاص هل كان السودان فراغ او بقعة جغرافية تقع جنوب خط22 وظل باهت او حقل تجارب للاخرين ام كان هناك حضارة عمرها سبعة الف عام وملوك كوش العظماء تراهاقا وبعانخي واركماني...واعلام فكر سوداني معاصر من امثال محمود محمد طه وابراهيم بدري والدكتور جون قرنق عندما طرح محمود محمد طه مشروع الدولة المدنية الفدرالية الديموقراطية في السودان في بواكير الاستقلال وفقا لاساس فكري صلب قائم على الهوية السودانية كان نصف العالم من عجم وعرب غارق في شمولية النظام العالمي القديم والصراع بين المعسكر الديموقراطي الراسمالي والمعسكر الاشتراكي الشمولي..وعجز المعسكران حتى الان على حل معضلة"حاجة الانسان للحرية المطلقة وحاجة الجماعة للعدالة الاجتماعية"..وطرح افكاره في كتب موثقة واشرطة كاسيت حسب امكانيات ذلك الزمن...وطبعا قامت النخب السودانية المتعددة الاهواء بؤاد هذه الافكار السودانية واغتيال صاحبها سنة 1985 واستبدالها بما هو اسوا عبر عقود من الاستقلال وفي عام 1983 جاء متسابق اخر في سباق الماسافات الطويلة السودانية ليحمل الراية ويواصل مشروع صناعة الدولة السودانية الحقيقية...وكان مشروع السودان الجديد الذى جسدته كلمات جون قرنق البسيطة"ما تساولني عايز احرر السودانيين من منو ..اسالوني عايز تحرر السودانيين من شنو" رغم بساطة هذه الكلمات الا انها ظلت عصية الفهم لاهل السودان القديم الذين ولغت في عقلوهم ايدولجياتهم التي جاءو بها من البلاد التي بعثو اليها...ورفعو شعار "يا شعيب لا نفقه كثيرا مما تقول"...واعلنو حرب ضروس على هذا المشروع عبر الديموقراطية المزعومة او ما يعرف بثورة الانقاذ وهي انقلاب قام به الاخوان المسلمين في السودان وتبناه الاخوان المسلمين عبر العالم واهلك الحرث والنسل وفشل تماما ووصل الحضيض بوجود عرابه حسن الترابي في السجن ورئيسه تحت تهديد المحكمة الجنائية الدولية.. كانت اتفاقية نيفاشا 2005-2011هو العمل الذكي الوحيد الذى ما رسته الانقاذ بعد سد مروي...ولكن للاسف ليس كل الانقاذيين اذكياء بالطبع..وخاصة بعد المفاصلة الاخيرة بين القصر والمنشية ..وانقسام الاخوان المسلمين الى ظل ذى ثلاث شعب المؤتمر الشعبي والمؤتمر الوطني والعدل والمساواة....وبرزت ازمة دارفور على السطح يمتاز د.جون قرنق بالواقعية السياسية وعندما قال "بعد نيفاشا السودان القديم لن يرجع" رغم وفاته العاجلة صدق ما تنبا به فهو رجل ذكي وبارع في الديناميكا السياسية...لقد كانت نيفاشا طوق نجاة لانقاذ الانقاذ من فجر الاخوان المسلمين الكاذب وفرصة لانعتاق السودان من دائرة الشرق الاوسط الجهنمية والنظم الفاسدة والمستبدة والايدولجيات السقيمة...ولكنهم لم يحسنو ا قراتها جيدا...وظلوا في طغيانهم يعمهون حتى تهاوت العروش من حولهم...ولم تنجو حتى مصر المؤمنة..فهل كان جون قرنق عندما تحدث عن مشروع السودان الجديد ليس حده ملكال او خط22 بل كان يقول"من نمولي الى الاسكندرية" وانه سيكون نموذج لدول العالم الثالث...واليوم نرى مصر الجديدة وتونس الجديدة والعراق الجديد والبحرين الجديدة وثورة الفيس بوك والحرية والتجديد تسير بعد فشل مشروع الاخوان المسلمين في السودان ووصوله القاع وعافته الفضائيات..وجاء الغنوشي ليذكرهم..هل من الاجدى المكابرة والاستعلاء الزائف والجلوس على راس الناس..ام التواضع ومراجعة النفس..وهل عرفنا الان لماذا كان جون قرنق وحدويا....الاجابة بسيطة...لان امتداد مشروع السودان الجديد شمالا عبر اتفاقية نيفاشا والتصويت للوحدة كان سيشكل درع واقي لابناء الجنوب ليقفوا على اقدامهم دون معاناة من الشريك الذى لا يؤمن بوائقه والتى بدات من الان وقبل ترتيبات الانفصال..لوجود ابناء الجنوب في المركز وهنا كانت براعة د.قرنق...ولكن للاسف الكثير من الانفصاليين الجنوبيين لما يقراوا الواقع قراءة جيدة وكما قال الفيتوري(ذهب المضطر نحاس)...واثروا الانعتاق من المركز دون استبصار لمآلات ذلك ماذا بقي لنا في الشمال لنراهن عليه الان...المشروع الذى فشل بشهادة الدكاترة الاجلاء من منتسبيه...ام احزاب السودان القديم التي في متاهتها...ام ننتظر قطاع الشمال القوى الجديدة ....ليبرول لنا مشروع يناسب المرحلة ويعيد روح قرنق المثابرة في تخطي الجبال كما كان يقول دائما"كلما تخطينا تل برز تل اخر..ختاما قد يقتنع اهل الشرق الاوسط بما جادت به الشقيقة مصر وهو مشروع الاخوان المسلمين كبديل للنظم الحاكمة ولكن نحن في السودان...لسنا بحاجة لاعادة تدوير افكار مدمرة مرة اخرى ودولة دينية مزيفة....مستقبلنا فقط في مشروع السودان الجديد...وعندما قال جون قرن "اني امثل الاغلبية" فقط صدق....فقط كان عليه ان يكمل الجملة للاذكياء من ابناء شعبنا ويقول"ان فقهو"

طبعا اتفاقية نيفاشا 2005-2011 حددت تماما من يؤمن بالتغيير نحو سودان جديد افضل ومن لايؤمن وكان اهم شيء فيها ان يتم التغيير عبر صناديق الاقتراع وقد سجل 18 مليون ناخب اسمهم
والامر الطبيعي ان قوى التجمع وقطاع الشمال هي الاقرب للتنسيق وبدل عن ذلك مشى قطاع الشمال مع ناس قريعتي راحت والنخبة السودانية وادمان الفشل حزب الامة والشيوعيين وقاطع الانتخابات تحت مبررات واهية....وضاعت فرصة ذهبية لتغيير بوسائل دستورية وحجة تزوير الانتخابات ليس عذر كان من الممكن الضغط على لجنة الانتخابات وحراسة الصناديق بالقوة والحركة الشعبية شريك قوى...والحمدالله لم يخيب ظننا الحزب الاتحادي الديموقراطي وخاض الانتخابات حتى يبريء زمته لامالات ما بعد الانتخابات عندما بقي نفس الاشخاص ونفس السلوك...وايقاع الزمن الدوار فجر ثورات الفيس بوك التي تخطيناها منذ ام بعيد ورجع ناس قريعتي راحت عشان يطلعو الشباب هنا وهناك لقع المؤتمر الوطني وهيهات وضحكتو نافع على نافع وكيزان البورد كمان
والسؤال
البخلي زول عنده مشروع اسمو السودان الجديد ينجر وراء حزب يساري مازوم فاقد البوصلة(الحزب الشيوعي) ينجر وراء حز ديني فيه امام وصاحب تاريخ مشين مع ناس الهامش وعنده مشروع مضاد اسمه (السودان العريض) ويقاطع الانتخابات شنو؟؟!!...لو سقط الكيزان او الرئيس في الانتخابات كان ممكن يكون التغير بواسطة الجماهير مشروع...لانهم اهانوا الجماهير وزيفوا اراداتها ويكون التغيير مشروع على طريقة باقبو وساحل العاج...لكن ننسحب بعدين نجي نولول دي قصة مخستكة..في دولة مدنية فيها امام عشان ناس قطاع الشمال يباروا حزب الامة ده؟ديل حتى الاساس الفكرى لمشروع السودان الجديد ما مستوعبنوا...
وبي كده ياكبر يكون رائيي في اداء قطاع الشمالبعد وفاة جون قرنق وتحالافاته الهزيلة مع قوى مهزوزة ومجربة من زمن التجمع وتركه للحليف الاستراتيجي الاتحاد الديموقراطي هذا خطا استراتيجي سيقييمه التاريخ يوما ما
وبكون معاك والبسوس في هذا الامر متفقين
ولكن لا اعرض باشخاص كما تفعل البسوس بل بسياسات وما ترتب عليها الان ومستقبلا

أقرع باب الدخول مستأذنا، رغم أن الدخول في النقاش لا يحتاج استئذانا. فالإذن متضمن في حقيقة طرح
الموضوع للنقاش.

أمران جذباني لهذا البوست،
الأول أنه دعوة (للحوار) تبدأ بطرح الاسئلة. وهذ لعمري هو المدخل الصحيح لأي نقاش (مفيد) وحضاري. فطرح الأسئلة الصحيحة أهم من تقديم الأجوبة التي هي دائما نسبية في صحتها، لأنها في نهاية المطاف، وجة نظر وليس حلا لمسألة رياضية. وأضيف إنني أعتبر الأسئلة هي الآلية الصحيحة لفتح باب الحوار، بينما الإجابات هي الجهد الرامي لإغلاقه. وفتح باب الحوار أجدى وأهم من إغلاقه.

والأمر الثاني الذي جذبني لهذا البوست، هو أنه موجه للأستاذ عادل أمين الذي أكنه له احتراما خاصا رغم إنني لا أعرفه إلا من خلال تفاعله ومبادراته في هذا المنبر. فرغم ما قد يكون بيننا من إختلاف في وجهات النظر حول الاشياء التي يتجه إليها نظرنا معا، فإنني أحترم فيه تعظيمه للعظيمين – جون قرنق ومحمود محمد طه –

لكل هذا أمني نفسي بنقاش هادئ عميق وبعيد عن التجريح الشخصي للتعبير عن الاختلاف. فأنا أعتقد أن آفتنا، نحن كسودانيين، لا تكمن في أننا على خلاف دائم ويصعب أن نتفق، وإنما تكمن في أننا ننزع بقوة (لألا نختلف). ننزع بقوةلإماتة الإختلاف ونجتهد في ذلك لدرجة إماتة الذي يختلف معنا. وهذه أزمة، لأن البشرية إنما تقدمت بالإختلاف وبالأفكار اللاحقة التي تهدم الأفكار السابقة. نحن أمة لا تعرف كيف تختلف، وهذه إحدى إزماتنا.


الأخ كبر،

لك التحية.

سأركز نقاشي على أسئلتك. ودعنا نبدأ من نقطة بديهية لا يختلف حولها إثنان:

إن الموضوع هو موضوع الساعة وأن الهدف المرجو هو إنتاج معرفة حول موضوع النقاش.

Quote: في هذا المنتدى ، و هو حقل خصب للتفاعل و التعبير عن الرؤى..لاحظنا كثيرون و كثيرات يتحدثون عن فكرة السودان الجديد لحد الهوس بالفكرة..و منهم صاحبنا الأستاذ عادل امين..وغيره من الأصدقاء و الصديقات في هذا المنتدى..و نحسب ان كل من يؤمن بدولة المواطنة و المؤسسات و احترام التنوع و فصل الدين عن الدولة ، كل من يؤمن بتلك الفكرة هو/هي بطريقة أو باخرى في خندق السودان الجديد و الذي يقف في مواجهة السودان القديم .. سودان الأحزاب التي تقوم على عامل الدين ، و قيم الثقافة العربية و هيمنتها..و لكن..!

كلامك صااااااااااااااااااااااااااااااااااااح
هذا المنبر هو المؤسسة الديموقراطية الوحيدة في السودان ومرايا مستوية يضع كل حاجة في حجمها الطبيعي ويمحص الديموقراطية كوعي وسلوك وليس قعقعقة شديدة وجعجعة جوفاء
ومشروع السودان الجديد ليس ضد الثقافة الاسلامية او العربية بل جون قرنق نفسه لم يقل ذلك
بل ضد ان تستخدم هذه الثقافة كايدولجية حقيرة وعنصرية تهمش 85%من مكونات السودان وتهيمن على السلطة والثروة بترويج اساطير دينية مزيفة وتاريخ مزور

وذى ما قال سلفا كير
ما تقعدوا في راسنا
والقصة واضحة
وهسه اكرر
اي زول
حزب امة
اخو مسلم
شيوعي
بعثي
ناصري
سلفي

لحدت هسه يجي يتبين لينا هنا
ويورينا بضاعتو الجايبة من خارج الحدود دي نفعتنا بي شنو؟؟ وانا عندي الحجج والوثائق

Quote: شاهدواالفكرة....وفناؤها عادل الامين الحوار المتمدن - العدد: 3326 - 2011 / 4 / 4 المحور: مواضيع وابحاث سياسية راسلوا الكاتب-ة مباشرة حول الموضوع ازمة فلسفة الحكم نفسها في الشرق الاوسط هي التي ادخلتنا في هذا النفق المظلم...بينما الديموقراطية هي بنت المجمتعات الليبرالية الحرة الغربية ظل حكم الاسرة الرشيد او الفاسد هو ديدن النظم السياسية في المنطقة العربية والاسلامية منذ سقيفة بني ساعدة حتى الان...الحكم القائم على الوصاية...والوصاية امر مرحلي، وصاية الرشيد على القاصر، وصاية المسلم على الذمي ،وصاية الرجل على المراة ووصاية الحاكم على المحكوم...فتشكلت الاحزاب السياسية الايدولجية على هذا النسق واضحت الشعوب لا تعاني من ديكتاتورية النظم الحاكمة فقط بل دكتاتورية من يعارضونها ايضا من احزاب مؤدلجة لايجاد فلسفة جديدة للحكم في المنطقة قائمة على الديموقراطية بمفهومها الغربي الليبرالي التي تعظم قيمة الفرد، علينا ايجاد مفاهيم جديدة من اصول العقيدة الاسلامية(القران المكي) وليس فروع العقيدة(القران المدني) وكتب الفقه والتاريخ الممتد من سقيفة بني ساعدة الي يومنا هذا الناس في هذه الحياة رغم انهم يكونون اسر وقبائل وشعوب ودول واقاليم وقارات ومنظمات دولية ...الا انهم ياتون الى هذه الحياة افرادا ويغادورنها افرادا...مما يجعل مسئولية الشخص فردية وبذلك تنتفي الوصاية عبر أي شخص او حاكم مطلق او عالم دين مزيف او مثقف انتهازي...بل يجب ان تكون ارادة الشخص خاضعة لوعيه وتقيمه الشخصي وفقا للاعلان العالمي لحقوق الانسان وليس لرؤى ايدولجية قائمة على ولاية الفقيه او السلفية او الاخوان المسلمين او البعثية او الناصرية او اللجان الثورية...هذه الرؤى العابرة للحدود تشرخ المجتمع الواحد في الدولة القطرية نفسها الي عرب وغير عرب مسلمين وغير مسلمين او الدولة واللادولة في الحالة الليبيبة الفريدة في بشاعتها الان لا يمكن تاسيس مجتمع ديموقراطي حقيقي ما لم نؤسس مجتمع مدني وثقافة مجتمع مدني...لا يمكن ان تنعم الدولة المحددة بخطوط الطول والعرض بالاستقرار مالم تتحول من بقعة جغرافية الي وطن يرى كل مواطن نفسه في مرآته المستوبة بعيدا عن مفهوم اغلبية اقلية مختل وغير واقعي تعزيز مفاهيم جديدة ايضا يدعوا الى تغيير الذهنية الشرقية نفسها من ذهنية مفاهيم الى ذهنية تحليلية علمية وناقدة وهذا بدوره يجب ان يتم بتغيير طرق التعليم نفسها من التلقين الى النقاش الاهتمام بالفرد في المجتمع وبناءه على اسس جديدة وحرة هو الذى يقود التغيير الحقيقي وليس اسقاط انظمة واستبدالها بالانظمة اخرى قد تكون اكثر طغيانا وقمعا طال ما هي تتعيش حتى الان على ايدولجيات ماتت وشبعت موتا..واستنساخ التجارب الفاشلة من دولة الى اخرى اشبه بالرضاعة من ثدي ميت. ان الديموقراطية والدولة المدنية الحقيقية هي التي تجعل الرجل المناسب في المكان المناسب وتاتي بارادة شعبية من اسفل وليس رؤية فوقية من اعلى....وعندها نحصل على تمثيل نسبي يضع الرجل المناسب في المكان المناسب او العدالة السياسية ...وهذه بدوره سيقود للعادلة الاجتماعية والتوزيع العادل للثروة ان التغيير هو هدم اصنام النظام العربي القديم الثلاث....الحاكم المزمن و رجل الدين المزيف الذي يسوقه اخلاقيا والمثقف الانتهازي المؤدلج الذى يسوقه سياسيا..ثم الانفتاح على العالم واخوان الانسانية في القارات الستة فكريا وثقافيا وسياسيا والانسجام مع المجتمع الدولي والتماهي معه في شراكة ذكية تبدا بالديموقراطية وتنتهي بالامم الحرة...اما الانغلاق المذهبي والتزمت العقائدي والاستعلاء العرقي الزائف وتعاطي الاسقاط السياسي مع نرجسية بغيضة ..سيطول من بياتهم الشتوي وعزلتهم غير المجيدة...وهناك الف مثل يحتزى كالهند والصين واليابان ،حافظت على قيمها مع المعاصرة وفي هذا الامر الحديث ذو شجون

Quote: ولا يقصي احد, حتى القال عليهم عادل امين عارف شكلها اقرب للمستحيل لكن محتاجين لمشروع يجمعنا ولا يقصي احد على الأقل النقاط التي تجمع بين كل السودانيين مثل المساواة و الحرية و حقوق الانسان والحقوق الاساسية وحتى مناطق الاختلاف نحتاج لمشروع ينظم و يدير الاختلاف بطريقة تفيد المجتمع ولا تتسبب في صراع , يكفي ما ضاع من عمر وبذل من جهد لم نجني منها غير التمزق

الاخ العزيز باشري
مشروع السودان الجديد هو الدولة المدنية الفدرالية الديموقراطية والمعادل الموضوعي له في الشمال المازوم بجهاته الثلاث هو الفكرة الجمهورية(الملف السياسي) والاتحادي الديموقراطي (الاصل)

وانا اقصي المازومين الستة اعلاه لانها ايدولجيات تنتج الدولة المركزية الفاسدة والفاشلة والفاشية في السودان وعبر العالم وزمانم مات وغنييام مات...والمجاملات المميتة والنفاق السياسي يدفع السودان ثمن فادح...وركز معانا شوية....عندهم اضناب في البورد ده خليهم يجو يعبروا عن شعورم ما تدافع عن الرجرجة ديل ابدا يهمنا رايك الشخصي نحن في زمن الليبرالية واهمية الفرد الحر...

Quote: موت الدولة المركزية عادل الامين الحوار المتمدن - العدد: 3336 - 2011 / 4 / 14 المحور: مواضيع وابحاث سياسية راسلوا الكاتب-ة مباشرة حول الموضوع ما نشاهده الآن من أعراض موت النظام العربي القديم وعهد الثورات الزائفة التي خرجت من معسكرات الجيش في مصر عام 1952 وكرست للاستبداد الفردي تحت ديباجة الزعيم و إفرازات الأنظمة الشمولية في المنطقة...وجاء عصر الثورات الحقيقية من الشارع الذي ينشد الحرية في حقبة(الشراكة الديمقراطية) في عصر العلم والمعلومات يعلمنا التحليل النفسي شيئا واحد على الاقل في الميدان السياسي هو الحذر والريبه تجاه ضاره الممارسات والدعوات السياسية وعدم تصديقها والدعوه في الآليات السيكولوجية الواعية واللاواعية التي أنتجتها وعدم اعتبا رها – بالتالي – تعبيرا عن وعي سياسي بل من نوع من اللاوعي السياسي فالقيم والشعارات السياسية والايديولوجية هي شعارات يتباهى بها حاملوها في زهو بينما الامر لايخلو من استثمار سيكولوجي او حتى مالي لها . الاستثمار النفسي هو إيهام الذاتي بانها ظاهرة ومثالية وميالة لفعل الخير تجاه الاخرين وان صاحبها يستحق كل تبجيل وتكريم وكيف لا وهو حامل هذا المشاعر النبيلة والشعرات البراقة . اما الاستثمار الخارجي فهو السعي الااستجلاب اعجاب الناس وتصديقهم بهذه الصورة الذاتية المجملة مما يمهد الطريق الى استثمارات فعلية تحقق مكاسب سلطوية او مالية معلومة . ان الدولة المركزية الفاسدة والفاشلة والفاشية غالبا ما تكون قائمة على ايدولجية أو حزب أوحد يتم اختزال الشعب في هذا الحزب الأوحد واختزال الحزب في الزعيم وهو موروث من حقبة الحرب الباردة من المعسكر الاشتراكي..ويتم إعلام البوق الملازم لهذا النوع من النظم السياسية في عملية غسيل مخ واسعة للشعب وجره للاستكانة وأيضا عن طريقا إذلاله وتخويفه بالأجهزة الأمنية والقمعية المتعددة المسميات..حتى يتشكل وعي مأزوم وفطير عن علاقة الزعيم بالرعية..وهي علاقة عبر عنها فرويد بالعشيرةالبدائية من بين العناصر التي يتهاملها التحليل السياسي العنصر السيكولوجي , وكان السياسة هي مجرد آليات سلطه ,لا دخل للعنصر النفسي فيها في حين أن هذا البعد يلعب في السياسة دورا كبيرا في العديد من الحالات ..تفسر التحليل النفسي كل اشكال التمرد ضد السلطه بانها تمر ضد سلطة الاب , وتفجير لرغبة دفينة في قتل الاب باعتباره ليس فقط رمز الحماية والامن والحدب بل باعتباره رمزا للقمع والكبت المنع والحرمان وكل اشكال الـ ( لا ) . والنموذج المعروف عن ذلك هو فرضية فرويد الانثروبولوجية التفسيريه حول قتل الاب في العشيرة البدائيه , كان الاب رمزا للسلطة القوية المتشددة حيث احتكر لنفسه كل الخيرات والذات وخاصة الخيرات الانثويه فاجتمع المحرومون ذات مساء وقرروا الثورة على ابيهم وانتزاع سلطته , ثم قاموا بالتهام لحمه في وجبة افتراسية فريدة , الا ان الخلاف ما لبثت ان دب بين الابناء حول اقتسام الخيرات والذات وعمت الفوضى , وشعر هؤلاء بعقدة الذنب وتولدت لديهم رغبة من جديد في اقرار السلم والامن بينهم واقامة سلطة رادعة قوية . ويعتبر فرويد ان هذا الشعور بالذنب المتوارث جيلا بعد جيل هو السر في استقرار ورسوخ مختلف المؤسسات والسلطة في المجتمع البشري . ينظر التحليل النفسي اذا الا الثورة على انها مجرد محاولة لقتل الاب من حيث هو رمز السلطة واستبدال سيد بسيد . وقد طبق الباحثون التحليليون هذا التفسير في قراءتهم لثورة الشبيبه في المغرب 1968م حيث قدموها كثورة ضد الاب وكرغبة في قتله باعتبار انه يرمز للمنع والكبت والحرمان وسقوط نظام صدام حسين 2003. إن أزمة التغيير الآن تكمن في أن نخب الحقبة الماضية، المثقف المؤدلج ورجل الدين المزيف تهيمن على الميديا الإعلامية وتريد إعادة تدوير هذه الايدولجيات..ولاية الفقيه الإيرانية والأخوان المسلمين المصرية والسلفية السعودية والبعثية السورية والناصرية المصرية واللجان الثورية الليبية..بخطف ثورات الفيس بوك الليبرالية...ونحن في عصر العولمة تظل هذه النخب تقبح الغرب وتستلهم شماعة أمريكا وإسرائيل هنا وهناك وحسب الطلب وتحقر الأفريقيين رغم تقدم كثير من النظم السياسية في إفريقيا والتي هي شريكة للعرب في العالم الثالث وهمومه...ان اقتصار النخب العربية على دوران في فلك الشرق الأوسط فقط وعجزها عن الانفتاح غربا وشرقا وإيقاظ الروح الشعوبية في الإنسان العربي ودمجه فكريا وسياسيا وثقافيا قد تزيد من عزلته غير المجيدة لقد عملت الدولة المركزية عبر العصور على تفكيك نسيج المجتمع وزرع الأحقاد وغياب التوزيع العادل بين المركز والهامش أدى إلى حالة استسقاء دماغي مقيت للعواصم العربية..ويمكننا أن نأخذ أربعة نماذج نموذج العراق...تم اقتلاع نظام البعث المركزي عبر الفصل السابع ووضع الأمريكيين خارطة طريق رائعة تبدأ بقانون إدارة الدولة وتنتهي بستة أقاليم قوية في إطار دولة مدنية فدرالية ديمقراطية ..فهل استوعبت النخب العراقية مشروع العراق الجديد؟..لا اعتقد ذلك بل أعادوا إنتاج معركة الجمل وعقلية داحس والغبراء ولا زالوا غير قادرين على هضم اللامركزية وتنزيل السلطة للجماهير ،رغم نجاحها في كردستان..والسبب أن الايدولجيات الدينية في العراق الوافدة من المحيط السني أو الشيعي قائمة على مركزية الدولة والراعي والرعية وعلينا ان ننتظر حتى تستوعب نخب العراق أهمية تفعيل قانون إدارة الدولة وتأسيس الأقاليم الستة كتجربة حكم جديدة قد ترفع معاناة الإنسان العراقي المباشرة من نقص خدمات وتردي مرافق و من المركز المتضخم والمهيمن على السلطة والثروة عبر ديمقراطية وست منستر التي لا تلائم دولة فدرالية واسعة المساحة كالعراق نموذج السودان...جاءت اتفاقية نيفاشا للسلام الشامل 2005 لوضع السودان في طريق جديد ينظم العلاقة بين المركز والهامش ويعزز الدولة المدنية اللامركزية في السودان وبما أن هذه النوع من نظم الحكم لا ينسجم مع الرؤى الايدولجية الضيقة لمشروع الإخوان المسلمين الذي يريد إحياء الخلافة وأنماط الحكم التقليدية للبيئة العربية القديمة وأيضا لا ينسجم مع أحزاب المركز التقليدية واليسار المأزوم المتحالف معها في ما يعرف بجمهورية العاصمة المثلثة كما يسميها د.منصور خالد المفكر السوداني الفذ وإقصاء أهل الملل الأخرى من حقهم في الثروة والسلطة وإبادتهم وقتلهم أحيانا .. أصر نظام الإنقاذ الإبقاء على مركزية الدولة وفسادها وفاشيتها أيضا وكان خيار ابناء جنوب السودان الانفصال على مبدأ آخر العلاج الكي وبدل من أن تنقل الحكومة السودانية اتفاقية نيفاشا شمالا وتعيد تأسيس الحكم الإقليمي اللامركزي في السودان وقد سبق تجربته في السبعينات ولكن بأسس جديدة وهي انتخابات تكميلية لتأسيس حكومات أقاليم عبر البطاقات الانتخابية المتبقية في الشمال رقم 9و10و11و12 ...وبذلك أيضا تم إهدار فرصة ثمينة للانتقال إلي الدولة المدنية الفدرالية الديمقراطية أما في مصر المحروسة فان مركزية الدولة مستمرة من 1952 حتى ألان وتدار السياسة من جمهورية ميدان التحرير ولم تتبلور رؤية أو أحزاب بمشاريع تعكس الوجه الحقيقي لمصر من الإسكندرية إلى أسوان ومن العريش إلى الواحات الغربية..ولازالت القاهرة التي يسكنها ثلث المصريين تعاني من الاستسقاء الدماغي والتكدس الشديد للمهمشين ولا زالت النخب المعارضة تسعى لتصفية حساباتها مع النظام القديم دون الالتفات إلى ما بعد الثورة وآفاق التغيير والمشاريع السياسية الجديدة التي تجعلنا نرى مصر جديدة تنهض من رماد النظام العربي القديم إلى دولة حديثة تماثل كوريا الجنوبية والبرازيل... في اليمن...ابتعد السياسيين عن صراع المشاريع ومشروع حزب الحاكم ومشروع معارضة ..وانتقلوا إلى صراع الأشخاص ..رغم أن هناك مشاريع يمنية جيدة يعبر عنها أفراد أو مراكز دراسات حول بناء الدولة اليمنية الجديدة القائمة على اللامركزية والمدنية والمؤسسات...ورغم أن الأمر يمكن حسمه عبر صناديق الاقتراع بعد إزالة كل ما يعيق نزاهتها ويزيف وعي وإرادة المواطن فالكل يملك فضائيات وجل اليمنيين يحملون بطاقات انتخابية وخاضوا انتخابات عديدة وتمرسوا عليها..إلا أن البعض يريد أن يقفز على المراحل ويعود لنهج الوصاية القديم بحجة أن المواطن لا يعرف مصالحه وان الصندوق لا يجدي، دون أن يلتفت إلي حقيقية...أحيانا لا يكون الخلل في الصندوق فقط..قد يكون في البضاعة وطريقة عرضها أو فرضها على الناس في عصر الدستور ودولة النظام والقانون. والعلم والمعلومات أيضا. نعم ماتت الدولة المركزية وبقى وعيها يؤزم المنطقة وهو الوصاية و الاستبداد الفردي يفسره التحليل النفسي بانه الاشعاع الفكري والسياسي للشخص ينصب نفسه على انه مثال وان اعلى مشخص (بفتح الخاء المشدد او خفضها ) للجماعة كلها . والاستبداد او الدكتاتورية يصعدان من تحت اكثر مما يأتيان من اعلى . الدكتاتورية السياسية الفرديه تلبيها حاجة الناس الى اب ( سياسي ) قوي , يشعرهم عبر قوته وهيبته بانه حامي الجماعه ومصدر املها وفي مثل هذه الحالات تكون الجماهير بدورها قد عادة لا شعوريا الى المرحلة الطفولية أي الى حالة التبعية المطلقه الموفر للأمن والسلام والطمأنينة . وهكذا نجد ان العديد من العلماء النفس التحليلي فسروا النازية بانها تعبير عن رغبة الجماهير في الخضوع والامتثال وكذا عن البعد النرجسي للجماعة . فالعلاقة بين الحشود والزعيم ليست علاقة مبنية على العقل او على التعاقد او على الوعي الكامل بالحقوق والواجبات او على علاقة المواطنة بقدر ماهي علاقة وجدانية بين افراد هم بمثابة اطفال وزعيم هو بمثابة اب قوي . هكذا يرجع التحليل النفسي الاستقرار السياسي لا الى توافر الامن والقوة ولا الى الوعي بالتعاقد الاجتماعي الذي يتنازل فيه الفرد طواعي وبوعي عن جزء من حريته مقابل قيام الامن والنظام بل الى تلك العلاقة الوجدانيه اللاواعية القائمة بين الفرد واستيهاماته حول الرئيس كاب او الجماعة كأم . إلى حين ظهور طريق ثالث ليبرالي يعيد مفهوم الوطن والمواطن إلي نصابه الصحيح للدولة الوطنية القائمة على الإعلان العالمي لحقوق الإنسان في نادي القرن الحادي والعشرين والأمم الحرة ، في زمن المشاريع تعرض ولا تفرض والتحول بأقل خسائر ،أسوة بأكثر من خمسين دولة تغيرت في العالم عبر العقدين الماضيين بعد انهيارا لمعسكر الاشتراكي وامتداداته في القارات الستة أما بثورات الألوان أو بطرق التفكيك الذاتي للنظام القديم.عبر إجراءات دستورية محددة..كما حدث في كينيا وتنحى دانيال أراب موي في احتفال جماهيري في ملعب كرة قدم لقد اصبح الانتباه الى هذا البعد السيكولوجي للاوعي لكل ممارسة سياسية ضرورة يفرضها الفهم الشمولي للظاهرة السياسية وهذا الانتباه يقلب في أذهاننا المثالية المزعومة للوعي السياسي الايديولوجي والتقدير المفرط والمجاني لحملته ودعاته كما يبرز لنا توظيف الذات والاستثمارات الواعية و غير الواعية للقيم وللمثل السامية في العملية السياسية التي هي في العمق شيئا مختلفا عن هذه المظاهر البراقة التي تقدم نفسها فيها .وتلك على الأقل إحدى مزايا استثمار التحليل النفسي في المجال السياسي . والحديث ذو شجون..

هذا البوست براعية مؤسسة ابو جميزة اول ثائر من ثوار الهامش الغربي ضد دولة المركز الدينية الفاشية

ضيعو افضل استحقاق انتخابي في نيفاشا 2010 ولمن ايقاع الزمن الدوار ابتلع الزامر والمزمار..وانلعت ثورات الفيس بوك...المساكين رجعو تاني لحاكو حاكو
ولان الفجوة كبيرة بين الثورة الحقيقية التي تستهدف الوعي (مشروع السودان الجديد) الوعي السائد الان ناس السودان القديم..

Quote: ثورات الفيس بوك....وكسل السودانيين عادل الامين الحوار المتمدن - العدد: 3320 - 2011 / 3 / 29 المحور: اليسار , الديمقراطية والعلمانية في مصر والسودان راسلوا الكاتب-ة مباشرة حول الموضوع بعض الزملاء في حقل الاعلام من اهل الظرف...قالوا لماذا لم تجتاح ثورة الفيس بوك السودان وعزو ذلك الى كسل السودانيين المزعوم...وطالما نحن نعيش عصر العلم والمعلومات مع الاخذ بالاعتبار ان ثورات الفيس بوك العربية اندلعت من اجل التغيير وهذا التغيير هو الانتقال من دولة الريع المركزية الى الدولة الحقيقية المدنية الديموقراطية....والحاكمية فيها للشعب... نعود من اجل الحقيقة والتاريخ عن علاقة الديموقراطية بالمنطقة العربية والافريقية..في زمن كان الكفاح المسلح والدامي كان الوسيلة الوحيدة لنيل الاستقلال الذى يقدم بثمن باهظ نال السودان استقلاله عام 1956 من البرلمان بعد اجراء اول انتخابات برلمانية في السودان..وبدا عهدنا بالديموقراطية من الاستقلال..ثم دخلنا عالم الانقلابات العسكرية والثورات المزيفة بحكم الجوار للشقيقة مصر وبدانا استيراد الايدولجيات منها من اخوان مسلمين وناصريين وشيوعيين..ودخلنا في الحلقة الشريرة بين حكم عسكري ثم انتفاضة 1964 وعصيان مدني باقل خسائر حيث امتازت ثورات السودان بانها غير دموية وفقا لقيم السودان التي كانت سائدة بعد جلاء الانجليز وتركهم لدولة مدنية متقدمة جدا بمقاييس ذلك العصر...نحن في السودان كنا نعظم حق الحياة في تلك الفترة على الاقل في جمهورية العاصمة المثلثة كما يسميها المفكر السوداني د.منصور خالد...ثم تلى ذلك انقلاب الرئيس نمبري1969 الذى سمي ثورة مايو وكان انقلاب ناجم عن اساءة استخدام الديموقراطية من رموز الاحزاب التقليدية التي كانت حديثة السن والتجربة وينقصها التواضع..واستمر حكم نميري ستة عشر عاما حسوما بدا اقصى اليسار مع الشيوعيين وانتهى في القاع مع الاسلاميين في انتفاضة ابريل 1985 وايضا مضى نميري عبر انتفاضة شعبية وباقل خسائر...وجاءت نفس الرموز والاحزاب التقليدية لتعيد تدوير نفسها وبرنامجها الفوقية المترفة وعجزت ايضا عن حل ازمة السودان العويصة مشكلة الجنوب والتي هي في الاساس مشكلة المركز ولكن اذا كنا نقول بمصطلح طبي ان انقلاب نميري كان حميد لانه انقلب على ديموقراطية فاسدة ان ذاك وسعى لحل مشكلة الجنوب عبر اتفاقية اديس ابابا1972 والتي قوضها نميري مع رموز الجبهة الوطنية(الاخوان المسلمين وحزب الامة)بعد المصالحة الوطنية وفرض مشروع الاخوان المسلمين الوافد من الخارج ..فاءن انقلاب البشير 1989 الذى سمي بثورة الانقاذ ..كان انقلاب خبيث قامت به الجبهة القومية الاسلامية بعد ضيقها بالديموقراطية وقطعت الطريق امام المؤتمر الوطني الدستوري الذى دعا له السيد محمد عثمان الميرغني زعيم الحزب الاتحادي بما يعرف بمبادرة السلام السودانية او اتفاق الميرغني /قرنق 1988 ودخل السودان في نفق مظلم يسمى دولة الاخوان المسلمين.. اهلك الحرث والنسل .ولم يخرج منه الا بفصل الجنوب وازمة دارفور وازمة الديموقراطية نفسها والحريات العامة...رغم ان اتفاقية نيفاشا 2005-2011 كانت افضل طريق للوصول للدولة السودانية الحقيقية المدنية الفدرالية الديموقراطية ونعود لموضوع كسل السودانيين حتى عن التغيير الان ..المزعوم من اهل الظرف العرب...ان هذا النوع من الثورات التي لا يواكبها فكر جديد في مستوى العصر ليست ثورات حقيقية من اجل التغيير بل اعادة تدوير كالتي تخطاها السودان في انتفاضتين سنة 1964 و1985 ان الثورات التي تقودها معارضات من ايدولجيات النظام العربي القديم و مازومة ترفع (النعال) في وجه الحكومة وتعبر بها وتقود الى مصادمات قاتلة وتصعد على جثث الشعوب..وتفتقر حتى الى رؤية معاصرة في زمن الشعوب تقرر واستبدال الطغيان بطغيان لا جدوى منها...وسبق ان جربنا اعادة التدوير في السودان... للاجابة لماذا لا ينتفض السودانيين الان؟...لسبب بسيط...من يحكم السودان بالحديد والنار هم الاخوان المسلمين ولا يستطيع مروجين الاخوان المسلمين في العهد الجديد في مصر او الوطن العربي او فضائية الجزيرة انكار ذلك..ومن يناؤهم هم ديموقراطيين حقيقييين من اهل الهامش والسودان الجديد ولا يجارونهم في ابتزالهم الذى وضعهم دون مستوى قيم المجتمع السوداني المتوراثة من عهد كوش وخليوت بعانخي... ثانيا نحن في السودان تخطينا هذا النوع من التدوير ولدينا مشروع متطور يسمى السودان الجديد وهذا المشروع الفكري تدور معاركه في عقول ووعي الناس..وليس في الشوارع..وقد قال د.قرنق"ما تسالوني عايز تحرر السودانيين من منو اسالوني عايز تحررهم من شنو"..هذا المشروع عالم ثالثي ..لا يبحث عن من يحكم...بل كيف يحكم ويحدد الدولة ليس بالحدود الجغرافية وخطوط الطول وخطوط العرض..بل بالمواطنة والعلاقة بين المركز والهامش...اذا لم يكن المركز مرآة مستوية يرى كل المواطنين نفسهم فيها..سيظل الصراع قائم والمركز مشوه...وايضا افكار تضع القسط والميزان بين " الفرد للحرية المطلقة وحاجة الجماعة للعدالة الاجتماعية" وهذه ازمة عالمية الان في مرحلة ما بعد الصراع بين المعسكر الرسمالي الديموقراطية والمعسكر الاشتراكي الشمولي...وهذه الافكار من جملة الافكار في الساحة اسودانية والمكتبة السودانية العامرة بالكتب...من محمود محمد طه ود.منصور خالد...ود.فرانسيس دينق ود.محمد سليمان..وموجودة في السودان منذ الاستقلال 1956 توجج مشاريع سودانية اجهضها ازمة المنابر الحرة وهيمنة الادعياء على الساحة... لذلك اقول للاذكياء من النخب العربية...ان الديموقراطية وعي وسلوك ولا يعرف قيمتها الا من فقدها وهى موجودة في وجدان السودانيين بالتجربة...وتنشا في نفس الفرد وتنتقل الى المجتمع وليس لها ادنى علاقة بمثلث برمودا الحاكم بامر لله المستبد ولا رجل الدين المزيف ولا المثقف الانتهازي او ثلوث النظام العربي القديم الذى صنع في مصر وتم تصديره للعالم العربي والاسلامي...والثورة الجديدة هي ثورة ثقافية...تضع شباب الفيس بوك في قلب التحديات المعاصرة للدولة المدنية والديموقراطية وفي مستوى الاعلان العالمي لحقوق الانسان وليس رؤى ايدولجية مازومة...وهذه ابعد من الشمس عن وعي الاخوان المسلمين والقوميين...وكل من يضع نفسه بديل اوحد للنظم الحاكمة...بل هي طريق ثالث ليبرالي لم تضح معالمه بعد لذلك يكلف كثير من الخسائر في الارواح والممتلكات...والتحدي الان كيف ننتقل الى الديموقراطية الحقة وننشيء عقد اجتماعي محترم بين الحاكم والمحكوم عبر الحوار وباقل خسائر....عندها يمكننا ان نتهم السودانيين بالكسل...وان ليس لهم في الفكر و الثورات نصيب...والحديث ذو شجون

أسئلة كبر هي:

1 - هل ثمة فهم موحد يجمع بين مؤدي فكرة السودان الجديد؟

2 - هل تحتاج الفكرة لان تتجسد في حزب سياسي، وهل الحركة الشعبية هي (النموذج الأمثل لقيادة مشروع السودان الجديد)؟

3 – ما هي الطرق المثلى لدعم الفكرة؟

4 – لماذا يصمت دعاة السودان الجديد عن انتخابات جنوب كردفان وجنوب النيل الأزرق؟ (هنا خرج الأخ كبر من مجرد التساؤل المعرفي، ليلصق بعض النعوت بدعاة السودان الجديد مثل "التأفف من أهالي تلك المناطق" وأنه ربما أنهم تتلبسهم مهددات العرق والدين والثقافة لدرجة أنهم يمارسون الاستعلاء"

5 – ويختم كبر أسئلته باتهام صريح للجميع (رجالا ونساءا) بأن مهددات العرق والدين والثقافة تحكم تعاملهم مع فكرة السودان الجديد، ثم يطالبهم بغثبات العكس.

الأسئلة كلها موضوعية إلا السؤالين الأخيرين، ففيهما استفزاز واضح.

أنا شخصيا أحمل ما يتبدى في السؤالين الأخيرين على محمل المحفزات للنقاش.

فكبر يمارس هنا نوعا من الزكاء. فهو يطرح أسئلة موضوعية حتى إذا وصل لآخر سؤالين، حاول أن يستفز الجميع ليضيف حرارة للنقاش.

(تابعونا)

Quote: وكان الجنوب لم ياخذ حقه بالاستقلال حمرة عين وانما منحة من وصفهم بالعرب والشمالين وان كان يعني بالعالم نوع قريشن السجمان ولا اوباما الاسجم!

1-البسوس او العزيزة تراجي مصطفى
مرحب بيك
والله حالتك صعبة يا حكامة بشاشا...
من هذيانك الفوق ده كلو اقتبس هذه الجملة المفيدة
اليس انت من قاد حملة اوباما في البورد؟؟
بعدين انت وامثالك عبء على دارفور وشعبها المسكين
وما عارفة اي حاجة عن السودان الجديد
بدات اولا حملتك ضد قبائل الشمال الثلاث
ثم العرب الاصليين من المحيط الى الخليج
ثم الليلة وصلت العجم كرتشن واوباما...
واعلنتي غرامك باسرائيل شعب الله المختار وهذا ما لم يفعله قرنق الذكي...

2-بعدين السفسطة بتاعة غرب السودان ودارفور ما عندها علاقة بغرب السودان بتاعتك وكبر دي خليها البوست بتاع كبر موجود...دارفور جزء من غرب السودان..وتكمن ازمتها في نخبها الذى عبر العصور استلبو مع المركز المشوه سواء المهدية والهجرة القسرية او العصر الحديث ومجانية التعليم وجامعة الخرطوم والاخوان المسلمين..وانا نزلت كتاب موثق هناك وطرحت اسئلة قومت ونانتكم وعقدكم..لاني شمالي بتدخل في شان دارفور وهذه ممارسة كانت تمارس في زمن البورد القديم هنا وانتهت
وكردفان دي خلوها لي صاحبك الكوكس كلان محمد بريمة..البحلف بالمهدي وخليفتا وصابونتا وليفتا
لماذا يحسب ناس البسوس علينا في الشمال الاخوان المسلمين(المؤتمر الوطني))؟؟
نحن يمثلنا الختمية والاتحادي الديموقراطي(الاصل)الحليف الاستراتيجي للحركة الشعبية(الاصل) من 1988

البعرف اي حاجة موثقة تخل بالشرف والمروءة تتعلق بالرمز محمد عثمان الميرغني او زميل الدراسة حاتم السر) يقدما هنا
3- بعدين عدم مداخلة الجنوبيين في بوستاتي..الجنوبيين الهنا ما محتاجين لمعيد يوريهم السودان الجديد وانا بنزل كتب هنا كتبها جنوبيين...البورد ده ذى سوق ليبيا ولكل ضاعة شراي وسوق واللهم لا تجعل البورد ده اكبر همنا ولا مبلغ علمنا..قاعد فيه من 2002 والارشيف قاعد وما حصل طبقو فيني قوانين امن الدولة او التجاوز يعني مش مجرم حرب زيك.. لكن افتحي قوقل وشوفي شبكات جنوب السودان يتنقل كلامي ولى لا
لكم عشان ما نمشي بعيد والارشيف قاعد والمكتبة قاعدةالحمدالله ...رايت علم الحركة الشعبية مرفوعا في مروي

هل ثمة فهم موحد يجمع بين مؤدي فكرة السودان الجديد؟

حتى نكون على بينه منذ البداية، نقول أولا، إن مشروع السودان الجديد ليس دينا يكون السبق إليه فضيلة. من هنا فلا فضل لسابق على لاحق إلا بقدر الجهد الذي يبذله. ونقول ثانيا، أن وعد الوطن الجديد المتضمن في المشروع، هو أمر عظيم وكبير ومتسع وعميق بحيث يستهوي كل من يبحث عن العدالة والحرية ودولة المواطنة، سواء من منطلقات عرقية أو دينية أو ثقافية أو غيرها. فليس لملحد فضل على متدين ولا لأفريقي فضل على عربي. فتلكم معان ومبادئ عامة ينادي بها السياسيون في كل أنحاء العالم. وهذا يجعل لكل مدخله وأسباب دخوله والبؤرة التي جذبته باتجاه مشروع السودان الجديد.

والمشروع فكرة. وليس للافكار تخوم أو أسوار تمنع أي من كان من الدخول إليها والتغني بجمالها. وهذا يجعل أنه من المؤكد ثمة فهم موحد للفكرة. غير أن الفهم الموحد لا يعني شيئا في موازين تطبيق الفكرة على الواقع. إذن السؤال حول الفهم الموحد لا يقدم شيئا سواء كانت إجابته بنعم أم لا. وانا شخصيا أفضل أن تكون هناك مستويات متعددة لفهم فكرة السودان الجديد، حفاظا على ديناميكية المشروع وآليات حراكه الداخلي.

هنا يطرح كبر السؤال الثاني بكل زكاء، لأنه سؤال مفصلي في عملية تطوير النقاش التي قصر عنها السؤال الأول. (هل تحتاج الفكرة لان تتجسد في حزب سياسي، وهل الحركة الشعبية هي (النموذج الأمثل لقيادة مشروع السودان الجديد)؟

هنا يا صديقي يخرج مشروع السودان الجديد من طور (الفكر) إلى طور الأيديولوجيا كما تخرج التكنولوجيا من بيضة العلم. فالتكنولوجيا هي الانتفاع بالعلم والأيديولوجيا هي الإنتفاع بالفكر. وثمة خلط كبير لدى مثقفينا بين الفكر والايديولو جيا وبين الماركسية والاشتراكية ولعل لهذا علاقة بحوار الطرشان بينك وبين أخينا عادل أمين. فهو واقف في حدود فكر محمود محمد طه وأنت تجرجره لأدلجة هذا الفكر، لكن هذا موضوع آخر.

نعود فنقول إنه، ككل الأفكار الكبيرة، فإن الحامل السياسي لفكرة السودان الجديد يمكن أن يكون تيارا سياسيا وليس حزبا سياسي. وهذه نقطة جوهرية سيطول حديثي فيها. ولعلني قد دفعت النقاش دفعا لأصل إليها (كلنا أزكياء يا أخ كبر).

مشروع السودان الجديد وسط المشاريع السياسية في الساحة السودانية أو تيار السودان الجديد وسط التيارات السياسية السودانية، هو موضوع مداخلتي التالية في معرض مناقشة السؤال الثاني للاخ كبر.

عاجل وهام

الصديقين كبر وعادل،

أرجو أن تتجاهلا كل المداخلات التي لا تستهدف شيئا سوى المهاترة والتجريح الشخصي، حتى لا ينحرف البوست

عن هدفه.

لقد سئمنا وسئم الجميع هذه المشاحات الجوفاء التي لا تنتج شيئا ذا قيمة.

ترفعوا بالتجاهل.

الصديقات و الأصدقاء.. حبابكم
كتر خيركم على المرور من هنا..


صديقتي امنة مختار..حبابك

كتر خيرك على المرور من هنا..و الوعد بالحضور مرة اخرى..و نتمنى أن تسعفك الظروف في الحضور..لأنه سيسهم كثيرا في بلورة الأمور..

التخذير يا صديقة.. اعتقد انك اخذتيه بمعنى حرفي ..و توصلت الى انني احذرهم من الحضور.. و يبقى السؤال ليه اساسا كشفت عن هذه التساؤلات؟..المعنيين و المعنيات هم اساسا مطلوب حضورهم..و ذلك لأن هناك واقعة تشويش كبيرة حدثت..و حضورهم سيساهم في ازالة التشويش..و التحذير مرتبط بواقعة ثمن الدخول و ثمن الغياب..فان جاء الجميع و ساهم في ازالة التشويش.. فهذه سيقدرها القارئ/ة..و اذا اختاروا الغياب.. فهذا ايضا له ثمنه و الذي يقدرهم من يتابع أو تتابع..
بالنسبة لوصف النفاق..و هذا ادعاءنا تجاه كل من يتحدث عن فكرة السودان الجديد في هذا المنبر..و نفهم النفاق في اختزال الأمور..و الإنطباع الذي يتركه البعض في اذهان الناس بان فكرة السودان الجديد قد تكون عندهم مجرد تكتيات مرحلية (فكرة ركوب الموجة يا امنة)..ثم غياب التدقيق التأريخي..لأن هناك افكار كانت تشكل البذرة الأولي لفكرة السودان الجديد كما تكرم البعض بشرحها هنا..و كما تمكنا من قراءة بعض من اطروحاتها..

مثلا امنة مختار تجئ بفكرة جديدة في المشهد السوداني ..و ذلك بطرح فكرة تأسيس حزب الخضر السوداني..و تعلن ان منطلقاتها تقوم على فكر السودان الجديد.. ثم تحدد شخصيات سودانية مثل دكتور جون قرنق..و الأستاذ محمود محمد طه..فمثل هذه الخطوة تثير بعض التساؤولات..و قد انتبه الصديق عبد المنعم ابراهيم لإحتمال اثارة مثل تلك التساؤولات..فحدد أن فكرة السودان الجديد يجب الآتقتصر أو تحصر في الشهيدين ..و هذا حديث يشي بان الفكرة لها جذورها التاريخية في مسار الفكر السودان..و انها كانت تخفت و تعلو..الى ان اخذت حيزها من الوجود..فحينما تربط امنة مختار..فكرة السودان الجديد بالشهيدين فقط.. فانها تختزل فصائل مؤثرة للغاية..و ساهمت و ضحت تضحيات كبيرة في صياغة خلاصات الواقع السوداني سواء بالفكرة او بالعمل..اتحاد ابناء جبال النوبة و الذي تحول الى الحزب القومي السوداني بقيادة المرحوم فليب عباس غبوش..نادى باكثر من تسعين في المية من المبادئ و الأفكار التي نادى بها الشهيد دكتور قرنق..و نفس الفصيل اعلن في سنة 1985 انه يتفق كثيرا مع الحركة الشعبية في رؤيتها للأمور..ولازال نفس الفريق يتفق مع الحركة الشعبية..و هو رصيد ثر للحركة الشعبية و لفكرة السودان الجديد.. فلماذا يتم اختزال الأمور و تجاهل مثل تلك الوقائع؟..فان كنا نسعى فعلا لإعادة ترميم الثقة في الذوات السودانية.. فلننهج نهج الحقيقة و المصالحة..القحا قحة مؤثرة نديهو الإعتبار.. الشال بندقية في سبيل الفكرة نديهو الإعتبار..و دي فايدتها انو فعلا نحن ما قاصدين نتعالى على ثقافة وفق ثقافة اخرى..
الصديق عبد المنعم صمت ..و لكنه كان افضل من يتحدث مثلا عن مشروع اولاد عشري في الثلاثينات و الأربعينات..و فوق ذلك صمت و لم يتحدث عن قراءته الشخصية لحركة اللواء الأبيض ..و التي قامت على نواتها فكرة السودانوية التي يتحدث عنها الناس اليوم..مثل تلك البذور هي المكونات التأريخية الأولية لفكرة السودان الجديد..و دكتور قرنق كان ذكي للغاية و انتبه لها و بني عليها..!

ارث حركة الخضر العالمية هي فكرة بطبيعتها مناهضة للدين و بأي شكل كان..و لمن يجيني زول أو زولة و يقول لي اتمسك بارث محمود محمد طه ( و هو ارث ديني بطبعه)..و يلتمس من ذلك الفكر قدوة لتأسيس دولة علمانية (كما ينادي بها فكر السودان الجديد) فهنا اكون دخلت في مشكلة كبيرة..!
ربط فكرة السودان الجديد ، و عبر الية الترميز التضليلي ، بالشهيد محمود محمد طه..قد يفهمه الزول السوداني العادي .. بانو ناس المركز مصرين عودهم يكون راكب في فكرة نبيلة مثل فكرة السودان الجديد..يعني كانهم يريدون ان يقولوا للناس..جون قرنق عظيم..لكن محتاج نخت معاهو واحد ود بحر أو ود بلد ..!!

و نشوفك..
كبر

صديقي مرتضى جعفر.. حبابك
كتر خيرك على الحضور..و نسمع منك طوالي يا صديق..

استدراكك لملاحظة منعم..خربت علينا الرصة..و لكن سوف نناقشك لاحقا بالتفصيل..
حضور دعاة السودان الجديد هنا افرز تيارات عديدة و سوف نقوم بتلخيصها لاحقا..
اختلف معك يا مرتضى في نقطة مركزية.. تأريخيا ما اتخيل لي انو فكرة السودان الجديد انطلقت مع ابونا الأستاذ الشهيد محمود محمد طه..و الفكرة ليها جذورها التأريخية..و هناك فصائل عدييل كانت ليها اسهاماتها في الفكرة.. مثل اتحاد ابناء جبال النوبة ( الحزب القومي لاحقا)..مشروع اولاد عشري.. حركة اللواء الأبيض..!

يبقى اقحام الأستاذ محمود في فكرة السودان الجديد.. قد يفهمه البعض (و انا منهم) بانه باب من ابواب الترميز التضليلي..او خلق معادل شمالي لجون قرنق و غيره من الذين حملوا جمرة فكرة السودان الجديد و احترقوا بها ما احترقوا حتى جعلوا منها مشهد يصعب تجاوزه بسهولة..
لا انتظر منك الإجابات فقط..و لكني ارجو اضاءات كثيرة.. لأن الواقع يقول أن هناك تشويش في اذهان الناس..و اذا لم يتحدث اهل السودان الجديد بوضوح و شفافية.. فان هذا التشويش سوف يتعمق اكثر و اكثر..و هي نتيجة لا نريد للفكرة و اهلها ان يصلوا ليها..

اشارتك لدكتور الواثق كمير..مهمة جدا..و في وجهة نظري هو واحد من القلائل في السودان يفهم الفكرة..و اكثر من يقوم بالتنظير لها ووضعها في الإطار السليم و المقبول..!

و نشوفك..
كبر

صديقي الطيب شيقوق.. حبابك
كتر خيرك على المرور ..
كتر خيرك على الوضوح في ابداء وجهة نظرك..
لا اعتقد انه كلام فارغ يا الطيب..و الناس ديل ليهم اثرهم الواصل في الحياة السودانية..و الدستور الحالي قام على جهدهم..و باكر لو سوا ليهم دولة كاملة.. القوانين سوف تجئ وفق لبرنامجهم الفكري و الفلسفي..فاخير نسمع منهم دايرين يقول لينا شنو بالضبط..

و نشوفك
كبر

صديقي الصادق سماعين..حبابك
كتر خيرك على المرور من هنا..
عليك الله ما تكروتنا بعبارة عبارتين و تقوم تمشي..
فلسفة جبهة الموجة.. اعتقد واقعة لي كويس ..و ازعم اني فاهمها كويس.. لكن غالبية اهل السودان قد تكون الفكرة غير واقعة ليها..فعشان كده يا قريبي افصح اكتر عشان خاطر عيون الرصيد المحتمل..!
بالعكس يا الصادق.. يختاج الى تنظيمات سياسية واضحة المعالم عشان تساهم في انزال الفكرة لأرض الواقع..
التفاصيل التي ذكرتها محتاجة بلورة اكتر و اكتر..

و يبقى السؤال هل كل الناس البتدافع عن فكرة السودان الجديد تفهمها بنفس الفهم الواحد؟.. الليبرالية..واحدة يا الصادق..و مهما الناس نوعت عليها برضك ليبرالية.. الماركسية بنفس القدر..و ناس فكرة الدولة الدينية .. لكن ناس فكرة السودان الجديد.. محتاجين انجاز مساومات داخلية كبيرة..يتفقوا على الأصول..و يختلفوا في الفروع..و يكون التون بتاعهم واحد..لكن الفرزعة دي.. ممكن تخلي الناس تدخل في مجازفات تفسيرات قد تضر بالفكرة و تسقط حجرها..

و نشوفك..
كبر

صديقي محمد البشرى..حبابك
كتر خيرك على المرور و نتمنى ان تواظب.. لأن طرح الأسئلة هو مدخل لإزالة الشوائب..
من خلال هذا الخيط (بالرغم انو في مرحلة مبكرة) تبينت عدة تيارات داخلية..و كلها تزعم انها تصب في النهر الواحد..و اهل هذه التيارات مطالبون باحداث الحد الأدني من التوافق.. سواء في طريقة عرض الفكرة أو الدفاع عنها..

بكل احترام اختلف معك في نقطة أن المشروع انتهى عمليا بانفصال الجنوب..لأن فكرة التنوع و احترامه و طريقة ادراته.. هي فكرة قديمة..و ستظل موجودة..و كذا فكرة المواطنة..و العدالة الإجتماعية..و الحرية..و دولة القانون..فكل هذه الثيمات لا اعتقد ان لها علاقة بذهاب اقليم او اخر..و انما لها علاقة بقدرتنا على التحرر الذاتي من الهيمنة و القدرة على ممارستها بمناسبة و بدون مناسبة..

مشروع الإجماع.. هو مسئوليتنا كلنا كسودانيين و سودانيات..و محتاجين لبناء الثقة في ذواتنا..ثم المكاشفة بشفافية..و احداث المصالحة..الإقصاء يكون حينما تريد ثقافة معينة أن تفرض روحها على الثقافات الأخرى..و تصر على تحقيق امتيازات بناء ا على مكوناتها..فهذا اقصاء..و لن نتحرر منه الإ بعد أن نوقن تماما أن ما ينقصنا هو القبول ببعضنا البعض..و اعترافنا بحق كل منا العيش المشترك..و ما يترتب على ذلك من حقوق وواجبات..

ادارة الإختلاف دي مسألة ضرورية للغاية يا محمد..و اؤمن تماما ان منابر النقاش السودانية ممكن يتم تطوير الأداء فيها بالصورة تغرس فينا العمل بمبدأ مشروعية الإختلاف و الإختيار..انتهى يا صديقي زمن النخبة التي تدير الأمور نيابة عنا..و جاء عصر الجماهير و الشفافية و التفاعل الإيجابي الحر..و اتقد أن الفرد السوداني العادي متجاوز للتنظيمات السياسية.ز بعد شوية ممكن يفرض عليها ان تعيد حساباتها تجاه مسألة مشروعية الإختلاف..

و نشوفك..
كبر

تراجي..حبابك يا صديقة
كتر خيرك على المرور من هنا..
واحدة من الإشكاليات التي لمستها في تيار دعاة السودان الجديد.. هي فكرة التنميطات المسبقة..و احكام القيمة الجاهزة..و اخونا عادل امين اكثر من يمارس تلك الخصال.. عشان كده طلبنا منو يجي و يتفاعل معانا هنا..و تفاعله القارئ ممكن يقيمه كمار يرى..
ننتظر عودتك و تقديمك لفكرة السودان الجديد.. و حتى الآن معظم المتحدثين هنا.. يبدأ بعبارة كما اري أو كما افهم..و في ذلك اختزال لكل منجزات الفكرة و مكابداتها على ارض الواقع.ز يعني كل زول عندو فكرة جديدة لفكرة السودان الجديد..!
نشوفك
كبر

صديقي محمدين.. حبابك
كتر خيرك على المرور ..
نتمنى أن نسمع منك اكتر..

كبر

صديقي منعم.. حبابك
كتر خيرك على المرور ..
يهمني جدا امر عودتك..
هناك اختزالات تأريخية حصلت..و استمرار ممارستها سيجعل منها مسلمات..
الجدلية.. اعتقد أنها خلقت لها ارضيتها الشعبية..و خرجت من طور مثاقفات النخبة.. لتكون في حيز المثاقفة الشفيهة على مستوى الواقع اليومي.. مفردات مثل التهميش..و المركز.. اصبحت مكونات ثقافة شعبية تمشي بين الناس..و هذا انجاز كبير للغاية..و لو ناس السيوسيولجيا قعدوا يكتبوا عن ظواهر المجتمع السوداني فلا اعتقد انهم سيتجاوزون هذه الثقافة السياسية الشعبية..!
جيد جدا امر المحاكمات و المراجعات السياسية..و فيها قدرة على التمييز بين السياسي ( الآني/المرحلي) و الفكري الذي يجب أن تكون له صيرورته الخاصة..
في هذا الخيط و بالرغم من مراحله المبكرة.ز قد يستنتج القارئ.ز عدة تيارات في نهر السودان الجديد..و سوف نقوم بتوضيح تلك التيارات..حتى يتمكن اهلها من رؤية الأمور.. عسى و لعل ينجزوا مساوماتهم التأريخية التي تسعى لحماية الفكرة و تطويرها اكثر و اكثر..

و نشوفك..
كبر

صديقي حامد بدوي..حبابك
كتر خيرك على المرور..
و ننتظر رجوعك.. ليس بالضرورة الإجابات..و لكن بالضرورة المساهمة في توضيح الفكرة..
المهاترات ممكن نتحكم فيها..و اهوداك صاحبك عادل امين الذي تحترم قال بالواضح (كبر يا ماسورة)..و سكتنا عليها.. باقي ليك في مهاترة اكتر من كده..؟..
و لكن المهم أن تفصح الناس عن حاجاتها..و هي فرصة مهمة لأهل الفكرة أن يؤدوا اداء جيد..لأنو ناس كتيرة الأمور متلخبطة عليها..وازالة اللخبطة (مش بي فهم انو الناس تبقى سودان جديد ، و لكن بفهم التأكيد على ان الفكرة موضوعية و لها ما يسندها في الواقع) هي مهمة ناس السودان الجديد..!
البديل يا حامد ما بتخلق باخوي و اخوك..و محتاج تضحيات و مكابدات..و ناس السودان الجديد فيهم حرارة القلب لإنجاز ذلك..لكن حرارة القلب (العاطفة) محتاجة سند من الموضوعية (العقلاني)..!



و نشوفك..

كبر

Quote: هنا يا صديقي يخرج مشروع السودان الجديد من طور (الفكر) إلى طور الأيديولوجيا كما تخرج التكنولوجيا من بيضة العلم. فالتكنولوجيا هي الانتفاع بالعلم والأيديولوجيا هي الإنتفاع بالفكر. وثمة خلط كبير لدى مثقفينا بين الفكر والايديولو جيا وبين الماركسية والاشتراكية ولعل لهذا علاقة بحوار الطرشان بينك وبين أخينا عادل أمين. فهو واقف في حدود فكر محمود محمد طه وأنت تجرجره لأدلجة هذا الفكر، لكن هذا موضوع آخر.

الاخ العزيز حامد بدوي البشير
تحية طيبة
ما تزعل من المهاترات هنا فهي ملح البورد وتكسر حاجز الرتابة
ادعوك لنظرية الاعمى والديك
قالو في زول كان عميان وفتح وشاف الديك وعمى تاني
بقى الناس كلما جابو سيرة حاجة قال ليهم(الشيء ده اكبر من الديك ولى اصغر من الديك)
ولنرى حدود افكار محمود محمد طه في مستوى السودان فقط(الملف السياسي للفكرة الجمهورية)
الفكرة الجمهورية دعت للدولة المدنية الفدرالية الديموقراطية منذ خمسينات القرن الماضي وموثقة في كتب...والدولة المدنية الفدرالية الديموقراطية هي نهاية التاريخ في العالم وليس السودان فقط
نخب الشمال المازومة في الشمال اتبعت الايدولجيات الوافدة من خارج حدود السودان(الامراض الستة اعلاه)
السؤال هل هذه المشاريع الستة اكبر من الديك ولى اصغر من الديك؟
بس مشروع الاخوان المسلمين نموذجا...الجزام السياسي الذى ادى الى تساقط اوصال السودان
جل مثقفين جنوب السودان اشادوا بالفكرة الجمهورية وسموها الاسلام الليبرالي(فرانسيس دينق) وهو اسلام يمكن ان يتعايش معه كل السودانيين وكان يقدم للناس في الشوارع..وسقطت الايدولجيات الستة اعلاه وبقى مريدوها مرتبطين معها شرطيا تماما كما تفعل كلاب بابلوف...
الفكرة الجمهورية وضعت راي محدد في الشريعة عمود الاستلاب والكذب لمشروع الاخوان المسلمين المصري الميهمن على السودان الان...بينما تذبذب حتى الشيوعيين الان حولها وهي ازمة التغيير في الشرق الاوسط الان
دعا جون قرنق للسودانيوية..عبر الواقعية السياسية لذلك اهتم بالفكر السوداني حتى كوش الاولى..
عشان كده لمن تقول انا وقفت في حدود الفكرة الجمهورية وعايز تنهيها بموت صاحبها هذا اكبر خطا معرفي لان ماركس مات قبل ان تسيطر الشيوعية على نصف العالم
ومن الليلة
اي مثقف سوداني يمشي اولا يقرا كل كتب محمود محمد طه اذا ما لقى فيها حلول للسودان يبحث خارج
وممكن شهادة مرتضى جعفر الصادقة هنا اهم اشارة في البوست

صديقي عادل امين..حبابك
كتر خيرك على اضافة تلك المساهمات..
و سوف نناقش ما تيسر منها..
اعتقد أن اي اضافات هي مهمة للغاية لآزالة التشويش..
لكن يا عادل.. مش كترت المحلبية شوية؟.. ياخي تدي صوتك لأستاذنا حاتم السر..و تجي تقول لينا السودان الجديد؟.. يا اخوي انتا بتهظر..و لا قايل الناس الحايمة هنا ما بتقرا تأريخ مرجعيتك بتاعة الحركة الإتحادية؟.. مش الإتحاديين هم اول من نادي بالجمهورية الرئاسية و الدستور الإسلامي؟..اهو ناس الجبهة سرقوا المشروع بتاع الجمهورية الرئاسية..و عينهم كانت قوية سوا دستور اسلامي بالباب العديل (كانت ديابجتو بتقول الحاكمية لله).. اها تاني السودان الجديد ده بتنادي بيهو على اي اساس؟..و لمن تقوم تحسب فرقة الخيانة و تخرج منها الإتحادي..و تقوم بكل تلفيقية تبريرية.. تلصق الإتحادي مع الفكرة الجمهورية و السودان الجديد..يعني ما متخيل يجيك زول و يقول ليك دي طنبجة شنو؟..

اها بالحساب البسيط.. لمن تخط لي جون قرنق ( السودان الجديد)..و تلفق معاهو الفكرة الجمهورية (محمود محمد طه)..و تلفق معاهو الإتحادي (سيدي محمد عثمان الميرغني)..ممكن افهم اتنين مقابل واحد..اها فهم زي دي ممكن ينفع معاك؟..ولا ح تجي تسوينا ما قاعدين نقرا..و لو قرينا ما ح نفهم؟..

طيب السودان الجديد هو فكر التسامح..و لمن تجي تنادي بيهو.. و في نفس الوكت نازل سحل في ناس دارفور.. مش ممكن يجيك واحد ويقول ليك.. انت بتمارس استعلاء..و بتستغل الفكرة؟ و شغال طابور خامس لجهة ما؟..

الإتحادي تحالف تحالف سياسي ( و ليس فكري) مع الحركة الشعبية ( كفصيل منجز لفكرة السودان الجديد)..و لمن كانوا ناس فليب عباس غبوش قاعدين ينادوا بمضامين السودان الجديد.. الإتحادي كان بيتواطأ مع المنظومة السائدة و بيمارس عليهم قمع مثل الآخرين..و اليوم يا عادل لمن تتجاوز ارث اتحاد ابناء جبال النوبة..و الحزب القومي لاحقا..بتكون مثلك و مثل ناس سليمان كشة الكانوا بيقولوا على ناس على عبد اللطيف (منبتين..و قبيلتك شنو)..!
عشان كده لمن ذكرت ليك ازمة الثقة..و محاولة ترميمها.. انا منطلق من المرجعية التاريخية دي..!

كلامك عن جبال النوبة.. على العين و الراس.. لكن كمان ده ما بيمنع أني اقرأهو في اطار اخر ..و هو اطار استاذنا علي محمود حسنين ( و هو اتحادي راسخ) .. الكان بيقول للناس.. جبال النوبة دوائر اتحادية (يعني هو و سيدى ابو ام سلمة في نفس المركب و الهوى)..!

مساءلتنا ليك.. لأنو ما ح نقدر نفصل بينك و بين الإتحادي..و الإتحادي نوهائي ما ممكن اقبل منو مصالحة الإ اذا اظهر كثير من التنازلات و عمل باجتهاد لإقناعي انه فارق غيه القديم ( و هو الغي الذي يصب في مصلحة هيمنة الإسلاموعروبية)..!

يعني لمن تجي تنادي لي بالتحرر من شنو..و في نفس الوكت (و بدون خجلة) تقوم تدي صوتك للشنو الأنا داير اتحرر منو.. باقي ليك ح اصدقك في حرصك على السودان الجديد؟..

التحرر من شنو الأنا داير اتحرر منها.. تعني هيمنة الإسلاموعروبية..و الإتحادي (مهما تراجع و ادعى الليبرالية*) هو فصيل فعال في تلك الشنو..!
يبقى محتاجين نحدث مساومات..و عليك بتقديم بضاعتك..و نحن بنقدم بضاعتنا.. عشان نتفق في نقاط التلاقي..!

فهل انت تيار في السودان الجديد يريد أن يفرض علينا مكنة الإتحادي الفكرية..و يسوقها لينا على انها سودان جديد و بديل؟..و مش ممكن الناس تخرج بفهم انو هناك تيار سودان جديد بمكنة الإتحادي الديموقراطي؟..و هل مثل هذه الخلاصة يرضاها دعاة السودان الجديد الآخرين؟

و مع كل ذلك نحترم فيك محاولة تقديم البديل..!
وقعت ليك فكرة الإختطاف يا مرتضى؟
و نشوفك..
كبر


* للقراء و القارئات: لو استخدمت ماكينة البحث قوقل..و كتبت باللغة الإنجليزية الأحزاب السودانية.. ستجد تعريف للخط السياسي و الفكري للحزب الإتحادي الديموقراطي.. انه حزب يسعى للعدالة الإجتماعية..و الديموقراطية التعددية.. و الليبرالية..واهم نقطة انه يسعى لأن تكون الدولة محايدة دينيا.. مثل هذه المعلومات تؤكد أن الحزب الإتحادي يمارس مراجعات مستمرة لمسيرته..و يسعى باستمرار للمواكبة..و هذه خصال نظن انها حميدة للغاية و ايجابية..

Quote: للقراء و القارئات: لو استخدمت ماكينة البحث قوقل..و كتبت باللغة الإنجليزية الأحزاب السودانية.. ستجد تعريف للخط السياسي و الفكري للحزب الإتحادي الديموقراطي.. انه حزب يسعى للعدالة الإجتماعية..و الديموقراطية التعددية.. و الليبرالية..واهم نقطة انه يسعى لأن تكون الدولة محايدة دينيا.. مثل هذه المعلومات تؤكد أن الحزب الإتحادي يمارس مراجعات مستمرة لمسيرته..و يسعى باستمرار للمواكبة..و هذه خصال نظن انها حميدة للغاية و ايجابية..

ايواه يا كبر اخوى
بدات كلامك اعوج وعدلتو في الاخر
لماذا صوت لي حاتم السر؟
لاني بؤمن بالديموقراطية ونيفاشا وصناديق الاقتراع وعندما انسحب ياسر عرمان/قطاع الشمال صاحب مشروع السودان الجديد وبارى ناس قريعتي راحت اعداء لتغيير صوتت للشخص المحترم حاتم السر لان الاتحادي الديموقراطي(الاصل)الحليف الاستارتيجي بشهادة قرنق واحترامه لمقررات اسمرا التي حددت علاقة الدين بالدولة كما ذكرت واذا زول سرق برنامجي وطبقو زمان ليس حجة علي ولا تزر وازرة وزر اخرى
وبعدين اقتباس جبال النوبة من كتاب معروف وموثق ومذكور وليس من بنات افكاري وفيه مقارنة بالاسماء بين حزب الامة والاتحادي




ونرجع نقول ليك يا ذكي مشروع السودان الجديد في حاجة لحلفاء لهم جماهير في الشمال ومحترمين حتى يصل الى الحكم عبر صناديق الاقتراع وهؤلاء هم الجمهوريين(للتوعية) والاتحاديين للجماهير والخضر للمستقلين والتكنوقراط وذى ما اتفقنا مشروع السودان الجديد ليس بقرة بني اسرائيل ما مفهوم هو الدولة المدنية الفدرالية الديموقراطية وهذه تحتاج لقوى ديموقراطية او جبهة واسعة لهزيمة مشروع السودان القديم ونحن بنهتم بي لالوب لبدنا ولا تمر الناس يعني الافكار السودانية في الشمال واذا انت ما عاجباك باري لينا ابوجميزة والسلطان عجبنا بدلالشيخ حسن(الاخوان المسلمين) الامام(ولاية الفقيه) وجد بشاشا نجار المراكب..هسه انت لا مع فكر الجنوبيين ولا مع فكر الشماليين مع شنو؟؟ مع الواثق كمير...تمام كل زول عاجبو الصاروا

Quote: اها بالحساب البسيط.. لمن تخط لي جون قرنق ( السودان الجديد)..و تلفق معاهو الفكرة الجمهورية (محمود محمد طه)..و تلفق معاهو الإتحادي (سيدي محمد عثمان الميرغني)..ممكن افهم اتنين مقابل واحد..اها فهم زي دي ممكن ينفع معاك؟..ولا ح تجي تسوينا ما قاعدين نقرا..و لو قرينا ما ح نفهم؟..

كبر
شوفو البجاحة وصلت وين
مش قلت ليكم الناس ديل معقدين
منو القال ليك انا لفقت
طيب بالرياضيات كده
مشروع الفكرة الجمهورية= الدولة المدنية الفدرالية الديموقراطية
مشروع السودان الجديد= الدولة المدنية الفدرالية الديموقراطية
بجمع واحد مع اثنين
مشروع الفكرة الجمهورية+مشروع السودان الجديد= الدولة المدنية الفدرالية الديموقراطية
واكتفيت بي ديل
اضيف ليهم ابو جميزة وعلي دينار والسلطان عجبنا
ده الفكر الاصلي من الغرب لحدت الان....لانه هسه ما شايف في البورد ولا في الدوحة رؤية ولا افكار عظيمة تقارع اهل المؤتمر ثمود...

وعايز احتفل معاك يوم بثورة ابو جميزة اذا كنت فعلا اكاديمي وتعرف التاريخ مش ظل باهت للمازوم بشاشا يمجد لي في عبدالله التعايشي والدولة المركزية الدينية الفاشية دون حياء وانت تشكر فيه ومطلعو في راسنا

هسه شوف المناظر(مشروع عادل امين) بالالوان في البوست ده واعتبر خلي لف والدوران
هل تؤمن بالتغيير عبر الشعب وصناديق الاقتراع عبر الاقاليم الخمس ونيفاشا والبطاقات 9و10و11و12 ولى ننتظر الفصل السابع والعدة قاعدة في الجوار مع عمك القذافي

Quote: عشان كده لمن تقول انا وقفت في حدود الفكرة الجمهورية وعايز تنهيها بموت صاحبها هذا اكبر خطا معرفي لان ماركس مات قبل ان تسيطر الشيوعية على نصف العالم ومن الليلة اي مثقف سوداني يمشي اولا يقرا كل كتب محمود محمد طه اذا ما لقى فيها حلول للسودان يبحث خارج وممكن شهادة مرتضى جعفر الصادقة هنا اهم اشارة في البوست

أخي عادل سلام،

أنا لا أقول لك بأنني (قرأت) كتب محمود محمد طه، بل أنا (أقرأ) هذه الكتب باستمرار ولا أتوقف عن تكرار قراءتها.

وأنا لا أسئ لرجل في قامة الأستاذ، وهذه حقيقة وليست مجاملة.

إنما قد تحدثت في الفرق بين الفكر والإيديولوجيا.

المفكرون من أمثال الأستاذ يخطون الفكر. والسياسيون يصنعون الأيديولوجيا، مثال ماركس ولينين. لهذا ليس للمفكر علاقة بسيطرة فكرته على العالم لأن هذا عمل أناس آخرين.

الأستاذ محمود بدأ (بالحزب الجمهوري) وانتهى (بالأخوان الجمهوريين). لماذا؟

هذا أمر لا يفسر منعزلا وإنما يفسر ضمن سياق دراسة متكاملة للفكر الجمهوري لم يطلع بها أحد حتى الآن.

عموما لا أعتقد أن هذا البوست يصلح لمناقشة الفكر الجمهوري، وإنما جاءت الإشارة في سياق الاختلاف بينك وبين الأخ كبر. وما أراه هو إنك تبحث عن حلول لمشاكل السودان في الفكر، وكبر يبحث عن حلول لمشاكل السودان في الأيديولوجيا. وهذا ما أسميته حوار الطرشان بعد أن شرحت الفرق بين الفكر والأيديولوجيا.

كتر خير الأصدقاء على المثابرة..و نحتاج سماع اصوات اكثر حتى تأخذ الفكرة زخمها الطبيعي..و حتى يزول التشويش..

نشكر الأصدقاء الذين اجابوا بكل شفافية..و هذا امر مقدر نريده أن يصل القارئ/ة حتى يساهم في اعادة التفكير تجاه الفكرة كلها و محاولة خلق تصالح للتفاعل معها..
لاحظنا ان هناك تيارات صغيرة داخل المجرى العام..ووعدنا بالتعرض لها و تسميتها..و طلبنا ان تحدث المساوامات الداخلية حتى يكون العرض العام للفكرة متسق ولا يشوش ذهن الزول العادي في السودان..و لكن هنا.. سوف نعرض الثيمات البارزة التي تشكل قاعدة اتفاق..و قد يندهش القارئ/ة بان مظهر اهل السودان الجديد قد يكون خادع في طريقة الأداء هنا..لأنه يتسم بالتشتت أو كأنما من يعرضونه كل منهم في واد..و لكن حينما تكلموا هنا بشفافية..فان ذلك يساهم بوضوح في ازالة التناقض الظاهري..

كبر

مراجعـــات:

من الجوامع التي يتفق حولها كل من نادي بفكرة السودان الجديد (خصوصا الأصدقاء و الصديقات الذين كشفوا عن نواياهم هنا)..ان فكرة السودان الجديد هي فكرة سودانية خالصة..و بلورتها قامت على كل الأسباب الثقافية و الإجتماعية و السياسية و الإقتصادية كمحركات لواقع المجتمع السوداني..تلك الأسباب لم يقرأها اهل السودان الجديد بصورة انتقائية.. و انما كانت هناك معاينة شاملة لتأريخ العلاقات السودانية (اقتصادية/سياسية/اجتماعية/ثقافية) و استيعاب التناقض فيها ، و بالتالي محاولة خلق التوازن عبر طرح فكرة السودان الجديد كمخرج للأزمة.

الجامع الثاني.. ان دعاة فكرة السودان الجديد (و من طرح رؤاهم هنا)..يؤمنون بالحرية و الإختيار الذاتي .. و كل منهم تسيطر عليه سيكلوجية التنوع بصورة ايجابية كمعطى من معطيات الواقع السوداني..فكل منهم (كما نعرض كلامهم لاحقا هنا)..يستوعب حقيقة التنوع الثرة..و ينادي باحترامها و الإعتراف بها..و بالتالي محاولة انزال تلك القيم لأرض الواقع..وكل منهم يؤكد أن الفكرة هي مظلة.. أو لوحة كبيرة كل فرد يمكن ان يساهم بوضع اللون الذي يعجبه..و في النهاية ستخرج لوحة ملونة..و ليس بالضرورة ان تكون منسقة..و لكن بالضرورة أن تستوعب كل لون (من باب احترام حرية الإختيار)..

معظمهم لم يجب على الأسئلة التي طرحناها ( و مؤكد سيجيبون عليها كلها او على بعض منها)..و نتوقع من خلال اجاباتهم.. ان تتبلور خطى لجعل الفكرة ثقافة شعبية..ثم ايدولوجيا لمحاولة انزال اجندتها على ارض الواقع.
كبر

من اقوالهم:

الصديق عادل امين .. يجنح لتسمية الأشياء بوضوح..فهو يرى أن المشروع هو مشروع الدولة المدنية الفيدرالية فهو يقول (مشروع السودان الجديد هو مشروع الدولة المدنية الفيدرالية)..و بالنسبة له ايدولوجيا المدنية تقود الى اجابة عن سؤال مركزي في السودان و هو سؤال فصل الدين عن السياسية أو فصل الدين عن الدولة..و يرى ان الدولة يجب ان تكون محايدة تجاه الدين.. ايدولوجيا الفيدرالية..يرى انها تساهم في خلق علاقة توازن بين الأقاليم و المركز..
في منحى اخر.. يتحدث عادل عن فكرة التحرير و يقول (التحرير عبر مخاطبة وعي كل الناس و عبر الميديا المتاحة)..و ايدولوجيا التحرير هي الية فعالة..و ما يحدث في اوساط المجتمع السوداني اليوم و التحدث (حتى على مستوى العادي اليومي) بمفردات مثل التهميش.. المركز.. استيعاب حقيقة الهيمنة ..ووسائلها في الإقصاء.. كل تلك مؤشرات تشير الى أن تحرير الوعي اصبح يمشي بين الناس..و سوف يصل الى خلاصاته النهائية..
و عادل مثله مثل بقية الأصدقاء و الصديقات هنا..يرى أن (الأمر لا يحتاج لحزب أو قطاع شمال فقط بل جبهة ديموقراطية متحدة)..و عدم الحاجة الى حزب يقول بها ايضا الصديق الصادق اسماعيل..الذي يقول (السودان الجديد لا يحتاج الى تنظيمات سياسية)..و كل تلك المؤشرات تذهب الى ان الفكرة هي مظلة عريضة..

الصديقة أمنة مختار..تذهب الى ان (السودان الجديد سيكون تطورا تأريخيا حتميا و مرحلة طبيعية من مراحل الدولة السودانية)..فهي دخلت من زواية مختلفة و لكنها تصب في اطار المجرى العام للفكرة..فهي ترى أن الفكرة ضرورتها تنبع من التطور التاريخي الذي طرأ على المجتمع السوداني..و انها اصبحت حتمية لأن لها شروطها الواقعية الموضوعية التي تحققت و لازالت تتحقق..

الصديق مرتضى جعفر .. يذهب الى منحى اخر..و يسعى الى ازالة اللبس في منحى المحاكمات المجانية التي تحاكم بعض من اهل الفكرة بمرجعياتهم التأريخية و مواقفهم السابقة..و هو يقول (لا يضير السودانويين الجدد من أي مصدر تحدرت فكرتهم)..و كأنما يريد أن يقول أن تجربة الإنسان في الوجود محكومة بقوانين التطور و المراجعة المستمرة..و ان تبديل المواقف هو ضرورة تحكمها شروط الواقع و تطوره..و الأجدى ان ننظر الى الأمام و محاولة تحقيق الأفضل..

و في منحي مشابه لفكرة مرتضي ( من اي مصدر تحدرت فكرتهم) .. يجئ رأي الصديق الصادق اسماعيل..
في البدء يتفق الصادق مع عادل أن الأمر لا يحتاج الى تنظيمات سياسية ..و في ذلك يقول (السودان الجديد كمفهوم لا يحتاج الى تنظيمات سياسية في نظري..و لكن يحتاج الى افراد كل في مجال تخصصه)..و يبدو ان الصادق مهموم اكثر بان تكون الفكرة ثقافة شعبية راسخة..لا تحدها غلــــوطية الإلتزام السياسي الحزبي بقدرما تحدها مسألة الإلتزام تجاه الفكرة ..و هذه نقطة لو تأملها الناس بعمق.. سوف يجد كل منهم نفسه فيها..يعني صناعة بفهم السودان الجديد.. قانون و دستور بفهم السودان الجديد.. اقتصاد بفهم السودان الجديد.ز هندسة بفهم السودان الجديد..و هكذا..
اتفاق الصادق مع مرتضى في نقطة مصادر التحدر و بالتاكيد على (اقول قولي هذا و في ذهني الكثير ممن يتفقون مع برنامج السودان الجديد و مازالوا يقبعون في لحسابات تخصهم و منهم من يحاول أن يوجه حزبه لتبني مفاهيم السودان الجديد)..و هي فكرة ايضا تتسق مع فكرة التطور التاريخي الحتمي التي قالت بها امنة مختار..فالأمر بالنسبة للصادق هو حتمية ثقافية لدرجة أن كثير من اهل الأحزاب تسعى لتوجيه احزابها نحو تبني مفاهيم السودان الجديد..و الصادق هنا يريد أن يحدثنا عن عمق الفكرة و تغلغلها و خلقها لرصيد جماهيري اكبر مما نتوقع..!

الصديق عبد المنعم ..مثل الصديق عادل.ز يجنح الى تسمية الأشياء..و هو اتجاه نعتقد انه ايجابي و يساهم في ازالة اللبس..
في البدء يذهب منعم الى ان الفكرة هي فكرة الجميع من اهل السودان و في ذلك يقول (السودان الجديد مشروع كبير تدخله من جزئية صغيرة تخصك انت ثم تتداعى في كل مرحلة جزئية اخرى)..و اعتقد انها فكرة مشابهة لفكرة التطور التاريخي الحتمي كما قالت امنة مختار..و ايضا مطابقة لفكرة الجبهة الديموقراطية الموحدة..و ايضا مطابقة لفكرة حامد (التي نعرضها لاحقا) التي تحدثنا انه الفكرة تجعل لكل مدخله المناسب الذي يختار..فمنعم يذهب الى حرية الإختيار الذاتية و التي لا يمانع فيها ناس السودان الجديد..و كلما ما كانت الجزئية مثمرة.ز فهذا اجدى و انفع و منها يمشى المشروع الى خلاصاته النهائية..

تسمية منعم للأشياء تظهر في اشارته و قوله (لذلك هذه المرحلة اراها من نصيب جدليةالمركز و الهامش ) و التي يرى انها ناتج (الوضع الثقافي و الإنساني و انعكاس تجارب الغير على المشهد العام)..!

الصديق حامد بدوي ، مثله و مثل بقية الأصدقاء و الصديقات هنا ، يذهب الى ان الفكرة هي فكرة كل اهل السودان..و يؤكد على انها فكرة انسانية تعتمد على ارادة الإنسان و ليست فكرة مطلقة تعتمد على قوة ماورائية..و في ذلك يقول (ان مشروع السودان الجديد ليس دينا يكون قصب السبق اليه فضيلة)..فهو كانما يريد أن يقول لنا.. ان الفكرة جدواها يكمن ليس في مبدا (التلهي بالتكاثر حتى نزور المقابر) و هو منحى مطابق لما قال به منعم (يمشي بخطى لم تبدأ مع الشهيد د.جون قرنق ولا مع الشهيد الأستاذ محمود محمد طه)..و انما في موضوعيتها التي تفتح الباب لكل من يرغب في دفعها الى الأمام..و يؤكد ذلك بقوله (و هذا يجعل لكل مدخله و اسباب دخوله و البؤرة التي جذبته باتجاه مشروع السودان الجديد)..



كبر

كبر سلام
وسامحنا ثاني لانها مداخله بعيد عن صلب موضوع البوست لكن نعمل شنو مع عادل امين.



وعادل امين طبعا الا يجرجرنا لمحنه وعقده:

Quote: الاتحادي الديموقراطي(الاصل) ليس له هذا الماضي المشين والحليف الاستراتيجي للحركة من 1988

اسمع يا مسكين الكلام ده تغش بيه الجنوبين ممكن
لكن نحن باقي السودانين الزونج المفتحين يسمك يمشي علينا؟؟؟
يعني ايه حليف للحركه من 88؟؟!!يا اخي افرض من 1984 ذاتو
فاكر بيلغى شنو من استهبال الاتحادين وشغل السبع ورقات بتاعهم؟!


كلمه مهمه جدا قالها د.الواثق كمير مؤخرا
انه فكر السودان الجديد ليس ملكا للحركه الشعبيه
يبقى لما نحب نقول راينا حوله لن يؤثر فينا من كان حليف للحركه ولا حليف للشيطان!


ثانيا:
انت اوهامك بتاعت محاولة تسويق فكرة ان الاتحادين اقل اجراما بحق شعبنا من الانصار
دي تمشي تشوف ممكن تبيعها وين؟؟ولكني لست مشتريه لمثل هذه الاوهام.
بحكم انتمائي للشرق و الغرب اعرف كيف اهل الشرق يكره متعلميه الحزب الاتحادي الديمقراطي
لانه اجرم بحق اهلهم وحرص ان يظل الاقليم مرتع للجهل و البؤس و المرض.




اول قيم خلينا من افكار اول قيم السودان الجديد ان تقول الحق ولو على نفسك
فكف عن محاولة بيع الزيف لنا باسم المنطق و الافكار و الثقافه.

الاخ العزيز كبر
تحية طيبة
انت انسان ذكي وحصيف...والواحد بتشرف بصادقتك وعدواتك
والجهد البزلتو هنا في بلورة وبرم خيط لرؤية جديدة تبدا من اليوم ولي قدام.امر فقده هذا البورد الغارق في شلليته عقود وفشل في احداث التغيير في السودان
نرجع لفكر السودان الجديد ولدي مقولة جامعة مانعة لدكتور جون قرنق وانت اكدتها ايضا بمقدمة البوست
(ما تسالوني عايز احرر الناس من منو اسالوني عايز تحرر الناس من شنو)
واخذ هذا الكلام البليغ في مستواه يجعل حتى الطيب مصطفى ليس عدوا لسودان الجديد بقدر ما يحمل من جهل
لان فكر السودان الجديد يصطدم في الشمال بي ستة عوائق وهي الوعي المضاد اذى تشكله الاديولجيا
وعندما قال جون قرنق (انا امثل الاغلبية) فقد صدق...وكان عليه ان يتم الجملة ضمنا ان فقهو
والفكر في حاجة الي مواعين نظيفة لم تلغ فيها الايدولجيات الستة الاستعلائية ناس(ياشعيب لا نفقه كثيرا مما تقول) ويتبعهم البسطاء من 1956 وحتى الان في حالة فريدة من الصعود الى الهاوية

الفكر يا اخي ايضا حامد بدوي بشير ينتقل من الصورة الاستاتيكية المجردة الى الصورة الدينامكية التى تحدث التغيير اذا توفر
1- حامل الفكر مسجم مع افكاره وقدوة حسنة
2- الافكارعلمية ومباشرة واقعية وتخاطب العقول
3- هناك وسائط حرة لتوصيل الفكر وترجمته (ميدي)ا
4- وعاء(جبهة او حزب ناضج) لهذا الفكر فى دولة ديموقراطية بها الانتخابات الحرة اداة التغيير

ما اراده محمود محمد طه وجون قرنق هو ايقاظ حياة الفكر والشعور السودانية والعقل الفعال بتحرير الناس من الايدولجيا التي انقرضت مع النظام العالمي القديم والصفوية البائسة لناس المركز
....
طيب تفكيرى الذاتي وداني وين؟
جعلني افكر في انه كل واحد يصنع مشروعه الخاص ويقدمه على الملا
وان لا يكون الامر صفوي
عرفت من خلال تفكيرى الذاتي
1-بان نيفاشا كانت افضل مشروع ديناميكي لصناعة دولة مدنية فدرالية ديموقراطية وبعدين مدنية دي يعني دستورها قائم فقط على(الاعلان العالمي لحقوق الانسان) يا كبر
2- وان نيفاشا قادرة على حل كل مشاكل السودان لان مشاكل السودان في مكان واحد بس هو المركز
3- ان مستقبل السودان من منظور دولي والتغيرات الحاصلة مظلم ومتجه نحو الهاوية
4- وان علم الدينامكيا السياسية الذى كثيرا ا ضرب به الاستاذ محمود وجون قرنق المثل..ان حركة الزمن الى الامام في مدار حلزوني...والسودان القديم تانيما برجع وعيا وسلوكا ورموزا وان الداروينية اساسية في زمن(الشراكة -الديمقراطية) والشعوب تقرر يجب ان ياتي من الشعب وعبر صناديق الاقتراع
ومن كل ذلك نخلص للاتي
يوم 18 /5/ 2011 سيسدل الستار على مفاوضات الدوحة وتضيع اكبر فرصة لحل مشاكل السودان كلها
يوم ستنتهي نفياشا الجيدة 9/7/ 2011 وسينفصل الجنوب وتظهر نتائجه الفعلية والتي يخدر بها ناس المؤتمر الوطني الناس حتى الان...
وكيف ارى الحل
1- تاسيس جبهة(قوى ديموقراطية متحدة) من الان
2- برنامج واقعي وسريع وهو ضغط حزب المؤتمر الوطني على الالتزام باعادة الاقاليم الخمسة القديمة واجراءانتخابات حرة ونزيهة ومراقبة للبطاقات 9و1و11و12..لتنظيم ما تبقى من علاقات بين الاقاليم الخمسة والمركز اسوة بلاقليم الجنوبي سياسيا ودستوريا
والضغط بتوصيل هذا البرنامج او المشروع لكل السودانيين وجهات الضغط والدولي والاقليمي...
العودة لشعب السوداني هو رد اعتبار ل18 مليون سوداني سجلو للا نتخابات وخزلتهم الحكومة والمعارضة ايضا
وخمس اقاليم في الشمال قد يخفف مرارة انفصال اجنوب ويعجل بعودته مرة اخرى واكتمال اللوحة التشكيلية التي ارادها جون قرنق للسودان كما قال مارتن لوثر(I HAVE A DREAM
.....
الاخ العزيز كبر والزوار والمتداخلين
هذه اخر اشارة SOS ..لانقاذ السودان
واختم بمقولة مالكوم اكس
IF YOU ARE NOT STAND FOR SOMETHING.YOU WILL FALL FOR NOTHING

شكرا اخ كبر وبالمرة هي المرة الاولي التي نعرف فيها ان الاخ عادل امين من دعاة السودان الجديد (وجه باسم).

مصطلح السودان الجديد كان يمكن له ان يجد القه ورونقه وبنيوياته لو حقا وجد دعاة حقيقين معروفين وموجودين في ساحة العمل العام ومعروفين على الاقل بالنسبة للنخب المثقفة والعامة في السودان/لكن للاسف الشديد دعاة السودان الجديد فقط موجودين على النت والنت غير موجود في الريف السوداني /او ان شئت قل غير موجود في ديار الهامش لذلك دعوات السودان الجديد تذهب هباءا يزره الريح علاوة/ على ضبابية دعواهم المخلوطة تارة بالعنصرية النتنة/ وتارة بالليبرالية الممحوقة.

ما استوقفني حقا ان الاخ عادل امين نجر سودانه الجديد من وحي صنم نيفاشا هذا الجنين الذي ولد ميتا او ان شئت قل هو صنيعة القس دان فورث احد ابرز وجوه اليمين المحافظ الاميركي الجديد/ اي ان الاتفاقية من الفها الى ياءها صنعت هناك خلف البحار وجيء بها الى عثمان محمد طه كالقضاء والقدر الذي لا مفر منه لمستزيد راجع كتاب منصور خالد (السودان اهوال الحرب وطموحات السلام قصة بلدين دار تراث ٢٠٠٣).

الاتفاقية لم يرحب بها الشعب السوداني/ لم يخرج الشارع السوداني يا سي عادل امين هاتفا بها ولها وهو نفس الشارع الذي تراهن عليه بانه سوف يطارد الاحزاب القديمة الامة.. الاتحادي.. الشيوعي.. كالجرزان زنقة زنقة.. شارع شارع ..والاتفاقية نسفت وسحقت وهضمت حقوق قبائل التماس النوبة/ المسيرية/ الانقسنا.. الخ. وهذا بدوره سوف ينسف شمالك السوداني لحلفا والسكوت المحس/ ونيافاشا لم يصفق لها الشعب السوداني عندما عرضت على البرلمان اذن قل لي بربك كيف تبصم على هذا المسخ النيفاشاوي ونواب البرلمان السودان بصموا عليه ولم يناقشوا نقاطه/ ولم يتفاكروا حول اوليات والولوياته/ ولم يتحاورا على كيفيه وضعية السودان بعيد الانفصال؟ واسئلة كثيرا برسم البيع!!!!

....يتبع...

Quote: و لعل ينجزوا مساوماتهم التأريخية التي تسعى لحماية الفكرة و تطويرها اكثر و اكثر..

سلامات يا كبر
وشكرا على هذا الربط الذي يدفع بهذا المشروع الي ومحاصرته في النقاط التي يمكن أن توظف كبرامج عمل يمكن إدراجها
في مشروع التغيير.

بالنسبة للمساومات التأريخية التي حدثت والممكن تحدث مستقبلا هي أيضا ضرورية أولا للحراك بين الأجياال والمشاريع ..هنالك
مشاريع ظلت موجودة ليس لأنها مشاريع جيدة ولكن لأنها مدفوعة بالقوة الوجدانية .. و لديها سقف تنتهي عنده بعضها وصل
نهاية هذا السقف وبعضها حاول الإلتفاف وإحداث حراك داخل المشروع الذي يملكه حتى أصبح مثل الشخص الذي يلبس جلبابا
جديدا ملفت للنظر ولكنه ظل بملابسه الداخلية القديمة نفسها . ولكنه سيكتشف ذلك يوم ما وسيجدد ..
ثانيا هنالك إهدار بشري وإنساني ناتج من تصادم مشروع السودان الجديد والسودان القديم " وهو اللحظة التي عرف فيها الهامش
جدله مع المركز ، الشئ الطبيعي تأريخيا يمتلك المركز القوة التي بناها على حساب الهامش ، وفي مثل هذه الظروف سيستغلها
لأبعد مدى تجاه الهامش بسياسة " الجزرة أو العصا" الجزرة لا تعني نصف الحقل من الجزر .. مثلما هو في مشروع الواثق كمير عن
السودان الجديد الذي يرى فيه رأس المال المادي والرمزي ..من منظور بيار بوردو كحقل تنمو فيه جملة الإشكالات ..وهو جائز
من منظور المجتمعات الأروبية ومدارسها التي قطعت مراحل في نموذج الدولة المدنيةو سيكون جيدا.
ولكن بالنسبة لنا كمجتمعات في أول الطريق للمعرفة ليست المعرفة في شكلها " knowledge" بل ك"epistemic culture "
كما كتب عنها مشيل فوكو حول سيطرة الثقافة من واقع النسق البنيوي للمجتمعات ..
التي عمل عليها أبكر آدم وطور مشروع جدلية المركز والهامش لتكون أقرب للواقع المحلي والإقليمي والعالمي .

" جدلية المركز والهامش تستعيد لنا الفوارق بين الهامش والمركز ماديا ورمزيا في نقطة محددة من التوازن نجد أنفسنا وجها
لوجه أما م حقيقتنا السودانوية " المواطنة" دون أي إهدار إنسانوي .. أما فكرة الآيدولوجيا أو تبني المشروع التنفيذي للأفكار
هو مراحل تعمل بذات القدر على القيمة المطلوب تحقيقها من الأهداف التي نتحدث عنها جميعا بدون التحدث عن الآلية التي
تنجز تلك الأهداف. هل القوانين وحدها كفيلة لتحقيق العدل ؟ لا أعتقد ذلك لأنو الآن وبهذا الشكل الآني للمجتمع السوداني
لو طبقت معيار حقوق الإنسان للحقوق ستكون المعادلة الإجتماعية والإقتصادية مختلة أيضا ..سيكون المركز كما هو وسيكون
الهامش أيضا كما هو فقثط الذي سينشط هو رأس المال المادي الذي يتحرك بين عناصر الهامش ثم في نهاية اليوم يتمركز
في ذات الأيادي المسيطرة تأريخيا عليه .. ولن يتحقق العدل مطلقا بل ..حتى إفتراضا لو لجأنا الي فكرة التعويض كما يحدث
هنا في الغرب للمجتمعات التي مورس عليها التهميش تأريخيا " الزنوج" " الهنود الحمر" المحصلة النهائية هي إلتفاف
على القانون يخرج المال الي هؤلاء في الصباح ليرجع في شكل أرباح إضافية للشركات التي مارست التهميش التأريخي
في نهاية اليوم . ليس هنالك تنمية عمادها إسترجاع رأس المال الرمزي والمادي عبر برامج طويلة الأمد " بمعنى طفل المركز
وطفل الهامش كجيل مستقبلي " تتوفر لهم نفس الظروف العادلة داخل الوطن " وبعد عشرين سنة سنرى النتائج ، المحصلة
الحقيقية لجهد كل منهما.

لذلك أرى أي برنامج لا يستند على فكرة إسترجاع رأس المال المادي والرمزي ..لتحقيق "المساواة " سيصبح المركز مركزا
والهامش هامشا ... بعد هذه المرحلة سيكون مشروع السودانوية ممكنا وبعد هذه المرحلة " الإفريقانوية" ممكنة إذا تبنت الدول
التي تشكل القارة ذات المنهج.. وستكون الإنسانوية ممكنة إذا تبنت شعوب الارض ذات النهج..

وستتحقق الفاعلية بتحقيق الإنسانوية .

المساومات التأريخية تحدث حينما يكون الهدر الإنساني قاسي ..
رغم إنها تحقق المصالح الغير متكافئة ولكنها تقطع مرحلة
وتترك فرصة للأجيال لتبني طرق أفضل .
يعني الذي يحدث الآن بين حزب الأمة والنظام لا ينطبق عليه شرط المساومة التأريخية
دي إسمها مساومة مركزية .

Quote: عزيزي منعم، تحياتي..،، هذه الملحوظ ذكية للغاية وفاتت عليّ في مداخلتي، ومن هنا أطلب من المتناولين لمداخلتي استصحابها وقد آتي على توضيحها مستقبلاً.

سلامات يامرتضى يا عديل

وشكرا على قراءتك الحصيفة التي ستكون إضافة حقيقية
لمشروع السودان الجديد ..بل سترى لو عدت للوراء
ستجد اللحظة التي خرج فيها مشروع السودان الحقيقي
الذي لو أنجز لما إحتجنا أصلا " لمفهوم السودان الجديد"
كانت الأمور مضت بشكل طبيعي مواكبة للتطور..
لك التحية

Quote: يبقى السؤال هل كل الناس البتدافع عن فكرة السودان الجديد تفهمها بنفس الفهم الواحد؟.. الليبرالية..واحدة يا الصادق..و مهما الناس نوعت عليها برضك ليبرالية.. الماركسية بنفس القدر..و ناس فكرة الدولة الدينية .. لكن ناس فكرة السودان الجديد.. محتاجين انجاز مساومات داخلية كبيرة..يتفقوا على الأصول..و يختلفوا في الفروع..و يكون التون بتاعهم واحد..لكن الفرزعة دي.. ممكن تخلي الناس تدخل في مجازفات تفسيرات قد تضر بالفكرة و تسقط حجرها..

كبر يا صديق

اتفق معك أن الكثير مطلوب لإنجاز مفاهيم السودان الجديد، رغم أن الكثير من الخطوط واضحة، والدعوة للعودة لمنصة التأسيس هي الحد الأدنى، وإنجاز المساومات الداخلية أمر يحتاج لجهد كبير وأعتقد أن هذا البوست نفسه يصب في إتجاه إنجاز هذه المساومة، وأعتقد أن الفرزعة الحالية مردها للإنشغال بما هو سياسي وتنظيمي، لذلك دعوت الجميع للعمل من خلال تخصصهم وإنجاز رؤيتهم لمجالاتهم وكيف يريدونها أن تكون في ظل السودان الجديد حتى ولو كان بتفسيرهم هم لما يعنيه السودان الجديد.

قبل العودة في مواصلة النقاش.. هنا بعض الإشارات نرفقها..و سوف نلحقها بالتحليل في مرة قادمة..

في حوار مع صلاح ابو السرة (رئيس المكتب السياسي لجبهة القوى الثورية) ، اجرى الحوار لؤي عبد الرحمن ، و نشره في المنبر في 26 مارس 2011 الصديق حاتم شناب..
قال ابو السرة :

Quote: نحن جزء من مشروع قوى التغيير السياسي والاجتماعي في السودان من خلال انشطة منظمة العمل الاشتراكي التي كانت أحدى مكونات تضامن قوى الريف السوداني الذي تأسس عام 1985 عقب انتفاضة ابريل، فقد كانت فكرة التضامن تقوم على الدعوة لقيام نظام حكم فدرالي حقيقي ينبنى على الأقاليم ، كما ان مكوناته كانت عبارة عن قوى سياسية اقليمية تحمل مسميات ما يدعو له وتلك المكونات ابرزها (اتحاد عام شمال وجنوب الفونج، واتحاد عام جبال النوبة، مؤتمر البجا، جبهة نهضة دارفور، التجمع السياسي لجنوب السودان، حزب الشعب التقدمي، المؤتمر السوداني الافريقي، منظمة العمل الاشتراكي، واتحاد القوى الوطنية الديمقراطية)

و في عرضه و تعليقه لكتاب (الإنتخابات البرلمانية في السودان - تأليف د. احمد ابراهيم ابوشوك ود. الفاتح عبد الله عبد السلام) ذكر دكتور على حمد ابراهيم امر تضامن قوى الريف:

Quote: انتخابات عام 1986 مثلت بداية التمرين الحقيقى للفصل الجهوى الذى اخذ يترسخ على الخارطة السياسية اليوم . يشير المؤلفان الى ان 29 حزبا قد خاضت تلك الانتخابات منها احزاب تاريخية عريقة هى الامة والاتحادى والشيوعى والجبهة القومية الاسلامية بينما ظهرت بجانبها احزاب مثلت تيارات جديدة هى احزاب قوى الريف وعددها 13 حزبا تمثل "القوى الافريقية " حسب تصنيف المؤلفين " ضمت اتحاد ابناء جبال النوبة ،الحزب القومى السودانى ، مؤتمر البجا ، نهضة دارفور، اتحاد ابناء الانقسنا ، المؤتمر السودانى الافريقى ، حزب سانو ، وحزب تجمع السياسيين الجنوبيين. وتقف هذه الاحزاب صنوا"وظهر للاحزاب التى توصف بتوجهاتها العروبية اصلا ومنهجا " وبجانب قوى الريف ظهر " التضامن المستقل " وانحصر نشاطه وترشيحه فى اقليم دا فور. وظهرت احزاب اسلامية مثل الاخوان المسلمين والحزب الاشتركى الاسلامى. اما فى اليسار فقد ظهرتجمع الشيوعيين الوطنيين والقوى الاشتراكية والقوى الديمقراطية . هذا يقول لنا ان السودان الجديد كان منذ عام 1986 بذرة تصارع تحت الترب بحثا عن نفاج ، ليجده بعد طول انتظار فى نيفاشا .

و نفس تجمعات تضامن قوى الريف ، حللها و رصدها الأستاذ عمر عبد الرحمن ادم ، في ورقة بعنوان (التجمعات الإقليمية) و نشرت بواسطة مركز الدرسات السودانية ( القاهرة) ضمن مجموعة ابحاث اخرى بعنوان (التنوع الثقافي و بناء الدولة الوطنية في السودان) ابريل 1995.

مثل هذه الإشارات.. هي جزء من التاريخ المهمل..و قد تفيد كثيرا في التوطين لفكرة السودان الجديد..فالفكرة ليست هي جهد نبت فجأة في المشهد السوداني ، و انما كانت لها تطوراتها..اما لماذا يصمت البعض عن ذكر تلك التطورات ، أو البعض الآخر الذي يستعيض عنها بنقاط ارتكاز اخرى و يجعلها البؤرة (مثل ربط الفكرة فقط بالشهيدين ، او مرحلة الجدلية)..مثل تلك هي ما سميناها بالإختزالات التأريخية..و سوف ندلل لاحقا ان كانت مقصودة لذاتها ، و العمل على تغييب جهد اخذ حيزه من الوجود ، او كان الإغفال عن طريق القصور..و هذا ايضا سوف نحلله..

كتر خير كل الأصدقاء الذين اسهموا هنا..و كل جهدهم مقدر..و سوف نناقش بالتفصيل الناقط التي تحتاج نقاش..

و دمتم..
كبر

Quote: مشروع السودان الجديد وسط المشاريع السياسية في الساحة السودانية أو تيار السودان الجديد وسط التيارات السياسية السودانية، هو موضوع مداخلتي التالية في معرض مناقشة السؤال الثاني للاخ كبر.

هذا كان آخر ما قلت في آخر مداخلة في سبيل مناقشة التساؤل الواعي الذي طرحه الأخ كبر كمحفز للحوار وبلورة الأفكار (والسجع هنا صدفة).

ومواصلة لهذه المقاربة سنحاول فيما يلي البرهان على أن الحامل السياسي لفكرة السودان الجديد من حيث هي عنوان للدولة المدنية الديموقراطية الحداثية، يجب ان يكون تيارا سياسيا وليس حزبا سياسيا وذلك لسبب بسيط شاخص في تاريخ الحركة السياسية السودانية.

فهذه الحركة السياسية ومنذ المرحلة الجنينية، قد تكونت في شكل تيارات سياسية وليس في شكل أحزاب سياسية. فالثابت تاريخيا أن هذه الحركة قد توزعت إلى ثلاث تيارات رئيسية هي:-

= التيار الإتحادي العروبي المرتبط بمصر:

وهذا تيار سياسي ثقافي عرقي كبير,شكل لحد بعيد أساس الحركة السياسية الوطنية بسبب سبق عناصره غيرها في التعليم وبالتالي في الوعي الوطني. ويدين هذا التيار في وجوده تاريخيا للعلاقة الخاصة بين نزعم السودان ومصر وعبرها بالعالم العربي. ويدين هذا التيار في وجوده أيديولوجيا لتأثيرات الثقافة العربية في عصر النهضة بمصر وأثره علي المتعلمين السودانيين. كما يدين في وجوده عرقيا للعنصر العربي ذي الإمتيازات اليسياسية والإقتصادية والثقافية في السودان.

= التيار الإستقلالي الديني المرتبط بالإسلام:

وهذا تيار سياسي ديني، شكل المنافس الند للتيار الإتحادي العروبي ويدين في وجوده تاريخيا وأيديولوجيا للثورة المهدية وما تلاها من حكم ديني وطني. وعبرها للتراث الديني الشعبي الصوفي المتجذر في الحياة السودانية. كما يدين بقوته للزخم الديني الشعبي ولحجم طائفة الأنصار المؤمنين بمهدية الإمام محمد احمد في البداية، ثم لقوة طرح الأخوان المسلمين في مرحلة لاحقة.

= الإتجاه الحداثي العلماني المرتبط بالوعي العام:

بدأ هذا الإتجاه بصبغة صفوية لحد كبير، خاصة في جناحه الذي يضم المتعلمين. ويدين في وجوده وأيديولوجيته لتأثيرات التنوير العلماني بعد تقلص نفوذ الدولة التركية العثمانية، وما تبع ذلك من انفتاح ثقافي علي الغرب خلال فترة ما بين الحربين العالميتين ومن ظهور للأفكار التحررية في آسيا وأفريقيا والإتحاد السوفيتي، بل وحتى في أوربا الغربية نفسها، خاصة بعد انتهاء الحرب العالمية الثانية. أما في جناحه الثاني الذي يضم (الهامش الجغرافي)، فهو لم يعي، في الغالب، شرط وجوده السياسي وتناقض مصالحه مع التيارين الآخرين إلا بعد الإستقلال. وقد كان هذا الوعي ضعيفا حتى بعد الاستقلال مما سمح للتيارين، العروبي والديني باستغلال جماهير الهامش لفترات طويلة متعاقبة.

وعليه فإننا نعتقد أن كل ما وقع وما صار في السودان منذ نشأة الحركة السياسية السودانية وحتى الوقت الراهن، ما هو إلا نتيجة مباشرة لحركة وتحولات وصراعات هذه التيارات الثلاث. فهذه التيارات تحتكر وتهيمن حصريا على كل النشاط السياسي في السودان منذ نشأة الحركة السياسية الوطنية. وتندرج ضمن هذه التيارات كل الأحزاب والتنظيمات والجماعات السياسية في السودان، شماله وجنوبه وشرقه وغربه. إذ لا وجود لتيار رابع حتى الآن.

وقد فرخ التيار الأول الأحزاب ذات التوجه العروبي المؤمنة بضرورة صبغ الدولة السودانية بالصبغة العروبية ثقافيا وعرقيا وجعلها جزئا من المجال السياسي العربي. وأنتج التيار الثاني الأحزاب ذات التوجه الديني الساعية لربط الدولة السودانية بالدين الإسلامي. كما خرجت الأحزاب الحداثية العلمانية التي تسعى لدولة سودانية تنتفي فيها الهيمنة العروبية والتغول الإسلامي، من عباءة التيار الثالث.

وإذ كانت الأحزاب ذات التوجه الديني في السودان معروفة ومتجذرة في التربة السياسية السودانية, وإذ كانت الأحزاب ذات التوجه العروبي هي الأخرى معروفة ومتجذرة في التربة السياسية السودانية، فإن الغموض وعدم التحديد يغلفان الأحزاب الحداثية العلمانية باستثناء (الحزب الشيوعي السوداني) والذي صار في علمانيته قولان الآن.

وحسب الفهم السائد والمتكرس، فإن الشأن السياسي السوداني يظل منحصرا ضمن دائرة الهيمنة العروبية - الإسلامية. ويعطي هذا الفهم المتكرس للأحزاب، خارج دائرة هذه الهيمنة، وصف أحزاب الأقليات، ويقصد بذلك الأحزاب الجنوبية وأحزاب جبال النوبة والشرق ودارفور. وحيث أنها أحزاب أقليات متفرقة، فهي لا تشكل تيارا سياسيا يمكن أن يضارع التيار العروبي والتيار الديني. ومن ناحية أخرى, يبدو أن وصف أحزاب (الأقليات) هذه بأنها أحزاب التيار الحداثي العلماني، ينطوي على كثير من التجاوز.

غير أن هذا الفهم المتكرس والسائد لم يردعنا عن البحث عن فهم أوسع وأعمق لنخرج بنتائج مغايرة تماما. ومن أجل ذلك عدنا قليلا إلى الوراء، إلى بداية تكون الحركة السياسية السودانية في ثلاثينات القرن العشرين حتى نتبين الأمر. فعندما فجعت الإدارة الإستعمارية في المتعلمين الذين كانت تعدهم في مدارسها لقيادة التيار الحداثي العلماني لمناهضة التيار الإتحادي العروبي الساعي لضم السودان لمصر ولمناهضة التيار الإستقلالي الديني الساعي لإعادة الحكم المهدوي الديني، عندما فجعت تلك الإدارة في المتعلمين الذين توزعوا بين التيارين المذكورين، فإن أول من إتجه إليهم تفكيرها هم أهل الأرياف و(الهامش الجغرافي). ويشهد التاريخ كيف سعت الإدارة الإستعمارية لإنشاء (الحزب الجمهوري الإشتراكي) من زعماء القبائل في الشمال والشرق والجنوب والغرب، باعتبار أن (الهامش الجغرافي) زائداً المتعلمين، هم أصحاب المصلحة الحقيقية في إقامة سودان حداثي لبرالي علماني بعيداً عن أطماع الساسة المصريين وبعيداً عن طموحات السيد عبد الرحمن المهدي.

ورغم فشل هذا الحزب وموته المبكر لما لقيه من حرب من جميع التيارات، إلا أنه قد أثبت من خلال عمره القصير بأن قضايا (الهامش الجغرافي) لا بد لها من وعاء سياسي يأتي من خارج التيارين الكبيرين، الإتحادي العروبي والإستقلالي الديني. لكن نظار الشرق وعمد الغرب وسلاطين الجنوب وجبال النوبة لم يكن لديهم الوعي السياسي والإجتماعي الذي يجاري فهم الإدارة الإنجليزية الإستعمارية في ذلك الوقت, كما أن (الهامش الجغرافي) لم يكونوا على مستوى فهم ضرورة قيام هذا الوعاء. ولم يقع فهم هذا الواقع السياسي في (الهامش الجغرافي), إلا بعد الإستقلال حيث أضطروا لخلق إتحاداتهم وأحزابهم السياسية خارج التيارين المذكورين، تلك التنظيمات التي عرفت بأحزاب الأقليات أو بالأحزاب الجهوية, رغم ما في هذه التسميات من مغالطات.

والآن، وبعد مرور ما يزيد عن الخمسين عاماً، فإن وعي أهل (الهامش الجغرافي) بتناقض مصالحهم مع توجهات التيار الإتحادي العروبي والتيار الإستقلالي الديني، قد تعمق ونضج لدرجة أن (الهامش الجغرافي) قد حمل السلاح لفرض خياراته على السودان.

ومن هذا التسلسل التاريخي يتضح أن الأحزاب الجهوية قد صارت هي المرتكز الحقيقي للتيار الحداثي العلماني ضمن الحركة السياسية السودانية بعد أن تخلى عن هذا الدور التأسيسي طلائع المتعلمين الذين انتظموا في (مؤتمر الخريجين) أولاً ثم إنقسموا ليذوبوا في التيارين الكبيرين، الإتحادي العروبي والإستقلالي الديني, ثانيا.

تأسيسا على ما سبق، سنحاول في المداخلة القادمة قراءة مراحل تطور مشروع السودان الجديد.

ول ابا محمود الدقم..حبابك يا صديقي

كتر خيرك على المرور من هنا..
انت قلت:

Quote: مصطلح السودان الجديد كان يمكن له ان يجد القه ورونقه وبنيوياته لو حقا وجد دعاة حقيقين معروفين وموجودين في ساحة العمل العام ومعروفين على الاقل بالنسبة للنخب المثقفة والعامة في السودان/لكن للاسف الشديد دعاة السودان الجديد فقط موجودين على النت والنت غير موجود في الريف السوداني /او ان شئت قل غير موجود في ديار الهامش لذلك دعوات السودان الجديد تذهب هباءا يزره الريح علاوة/ على ضبابية دعواهم المخلوطة تارة بالعنصرية النتنة/ وتارة بالليبرالية الممحوقة.

اختلف معك في نقطة أن دعاة السودان الجديد موجودون فقط في النت..و ان ديار الهامش تخلو منهم..
تأريخيا يا محمود معظم التيارات الإقليمية التي كونت تضامن قوى الريف هي تيارات موجودة على ارض الواقع..و بحساب الإنتخابات التي كانت تدار وقتها.ز كانت بتجيب نواب في البرلمان القومي..

للأستاذ محمود محمد طه كتاب قديم ، نشره في سنة 1955 و اسمه ( أسس دستور السودان)..و بالرغم من أن الحزب الجمهوري ليس له وجود في البرلمان السوداني ، لكن غالبية ما نشر في تصور ذلك الكتاب مطبق على ارض الواقع في ملامح اتفاقية نيفاشا على علاتها (خصوصا هندسة البناء الدستوري و مؤسساته)..و اقتراحات هذا الكتاب هي التي تمشي بين اهل السودان اليوم ..و فكرة التقسيم الفيدرالي و التمثيل النسبي (و يسميها الأستاذ الديموقراطية الشعبية التي تحاول ان تستوعب الجميع في منظوماتها..و بسببها المرأة نالت نصيبها في التمثيل..و هناك معالجة لإستيعاب الأحزاب و القوى السياسية التي لا تستطيع أن تحقق وجودها عبر الدوائر الجغرافية..و كل ذلك محاولة للإستيعاب و تو سيع المشارمكة السياسية)..و اي صياغة لدستور دائم للسودان في المستقبل لن تستطيع تجاوز هذه الأمور..!

اليوم ولاية النيل الأزرق تسيطر عليها الحركة الشعبية بالإنتخابات..و لديها جيش شعبي يفوق الأربعة عشر الف..و غالبية سكانها هي رصيد حي لفكرة السودان الجديد..
و في جنوب كردفان ، الحركة الشعبية (كفصيل اساسي لفكرة السودان الجديد) لها وجوده في ارض الواقع..و تقدم مرشحين و مرشحات في 31 دائرة جغرافية من 32 دائرة (مجموع الدوائر الجغرافية في الولاية)..و لها مرشحاتها في قائمة المرأة.. و مرشحيها في قوائم الأحزاب..و جيش شعبي يفوق الخمسين الف مقاتل..و كلهم حملوا و يحملون البندقية من اجل الفكرة..!
و في الخرطوم الوجود ظاهر على مستوى حركة اليوم العادية (لغاية اليوم السودان الجديد عندو نواب ووزراء في الدولة السودانية)..فهل كل هذا يعني ان الفكرة غير موجودة على ارض الواقع؟..

فكرة الدعاة الحقيقيين المعروفين..فيها تجاوز و قساوة يا محمود.. يعني ما هو معيار الحقيقة و المعرفة /الشهرة؟..ما ياهو مشاريع في ارض التجريب المسماة سودان دي .. فيها ناس كانوا في خانة الدعاة الحقيقيين و المعروفين.. فماذا قدموا؟..

تيارات مثل احزاب تضامن قوى الريف السودانية هي تيارات نتجت من قراءة الواقع السودان و فهمت الإختلال في التوازنات..و حوربت من قبل ، ولازالت تحارب بمقولات مثل الجهوية و العنصرية ..و من يتهمها هو اكثر من يمارس عنصرية و جهوية .. الى أن وصلنا للتجليات الكبرى التي فعلها و يفعلها المؤتمر الوطني في سودان اليوم..!

القومية السودانية و دعاتها في السودان (كمناهضين لفكرة التيارات بتاعت تضامن قوى الريف و السودان الجديد) لم تقدم للدولة السودانية و اهلها غير تجارب الفشل و ادمان الفشل..!
قبل خمسين سنة ، مثل تلك التيارات كانت توصف بانها عنصرية و جهوية..و اليوم هي التي يعود لها الفضل في مراجعة كثير من الأمور..و أي تسوية سياسية لمستقبل السودان لن تستطيع ان تتجاوز عدالة قضايا من تراهم عنصريين و جهويين..و كل ذلك واقع يؤكد وجود فكرة السودان الجديد بين اهل السودان هناك..و انها تجاوزت صفوية و نخبوية الأحزاب التقليدية في السودان..!

و نشوفك..
كبر

يبدو انني لزاما على ان اعود الى هذا البوست مع اسلحة الشمار الشامل

وكائنات الظل الباهت تصر ان على التعامل في عصر العلم والعلومات بعقلية السودان القديم (الغوغائية)


ايي واحد يجي هنا
يحدد لينا اولا الى ايي وباء من الاوبئة الستة اعلاه التي تعيق السودان الجديد ينتمي حتى نحدد قواعد الاشتباك اذا كان ما يحمله من بضاعة اكبر من الديك ولى لا

Quote: قال الدليل في حذر انظر وخذ منه العبر انظر...فهذا اسد له ملامح بشر قد قد من اقسى الحجر اضخم الف مرة منك وحبل صبره اطول من حبل الدهر لكنه لم يعتبر كان يدس انفه في كل شيء فانكسر هل انت اقوى يا مطر؟!! *** كان (ابو الهول) امامي اثرا منتصبا سالت: هل ظل لمن كسر انفه اثر؟!! *** احمد مطر من شروط الاستيقاظ ********** وانظرو التاريخ يعيد نفسه اعلام الفكر المعاصر والشعر المعاصر مغيبون..واصحاب الفكر ذي االابعار وشويعرون يملؤن الساحات والفضائيات ...هم نفس زعانف واوباش المتنبي والمعري وابن رشد واب خلدون والغزالي والحلاج وابن عربي ...الخ..فقهاء السلاطين والمكوس.....مثقفين السلطة...و###### الايدولجية الراقص بين اليمين وااليسار...حجبو الناس من مفكرين العصر الاستاذ محمود وجون قرنق في السودان ومحمد باقر صدر في العراق ونصر حامد ابو زيد مصر و الشاعر احمد مطر وهاشم صديق...الخ وسنتساءل..هل سيبقى لهؤلاء الاوغاد اثر؟؟

نبدا بكبيرهم الذى علمهم السحر اللورد كبر
قال كبر

Quote: للأستاذ محمود محمد طه كتاب قديم ، نشره في سنة 1955 و اسمه ( أسس دستور السودان)..و بالرغم من أن الحزب الجمهوري ليس له وجود في البرلمان السوداني ، لكن غالبية ما نشر في تصور ذلك الكتاب مطبق على ارض الواقع في ملامح اتفاقية نيفاشا على علاتها (خصوصا هندسة البناء الدستوري و مؤسساته)..و اقتراحات هذا الكتاب هي التي تمشي بين اهل السودان اليوم ..و فكرة التقسيم الفيدرالي و التمثيل النسبي (و يسميها الأستاذ الديموقراطية الشعبية التي تحاول ان تستوعب الجميع في منظوماتها..و بسببها المرأة نالت نصيبها في التمثيل..و هناك معالجة لإستيعاب الأحزاب و القوى السياسية التي لا تستطيع أن تحقق وجودها عبر الدوائر الجغرافية..و كل ذلك محاولة للإستيعاب و تو سيع المشاركة السياسية)..و اي صياغة لدستور دائم للسودان في المستقبل لن تستطيع تجاوز هذه الأمور..!

طيب لمن انت بتقرا كتب محمود محمد طه ومطلع على الملف السياسي للفكرة الجمهورية..بتتطاول على الاستاذ محمود وتستخف بيه ليه؟؟
وفي بوستك عن غرب السودان اقترحت انت ضم كردفان ودارفور في ولاية واحدة مش كده!!
الكلام ده موجود في الكتاب القلت قديم وفي الحقيقة انا جبتو هنا في العصر الذهبي للبورد زمن ناس ياسر الشريف والاذكياء والزمن داك انت ترفل في نعيم سباتك الايدولجي البعثي(وجه زعلان)

Quote: الفصل الأول أساس الجمهورية السودانية ان اهتمامنا بالفرد يجعلنا نتجه ، من الوهلة الأولي ، الي اشراكه في حكم نفسه بكل وسيلة ، والي تمكينه من أن يخدم نفسه ومجموعته في جميع المرافق ، التشريعية والتنفيذية والقضائية وذلك بتشجيع الحكم الذاتي ، والنظام التعاوني ولما كان السودان قطرا شاسعا وبدائيا فان ادارته من مركزية واحدة غير ميسورة ، هذا بالاضافة الي ما تفوته المركزية علي الأفراد من فرص التحرر والترقي والتقدم ، بخدمة أنفسهم ومجموعتهم ، ولذلك فانا نقترح أن يقسم السودان الي خمس ولايات:- 1- الولاية الوسطي 2- الولاية الشمالية 3- الولاية الشرقية 4- الولاية الغربية 5- الولاية الجنوبية ثم تقسم كل ولاية من هذه الولايات الخمس الي مقاطعتين وتمنح كل ولاية حكما ذاتيا يتوقف مقداره علي مستواها ومقدرتها علي ممارسته ، علي أن تعمل الحكومة المركزية ، من الوهلة الأولي ، علي اعانة كل ولاية لتتأهل لممارسة الحكم الذاتي الكامل ، في أقرب فرصة ، وأن تمنحها سلطات أكثر نحو كل ما بدا استعدادها ويقوم الحكم الذاتي في كل ولاية علي قاعدة اساسية من مجالس القري ومجالس المدن ومجالس المقاطعات ومجالس الولايات حتي ينتهي الشكل الهرمي بالحكومة المركزية التي تسيطر علي اتحاد الولايات الخمس ، وتقويه ، وتنسقه بسيادة القانون لمصلحة الأمن والرخاء في سائر القطر ، وفيما عدا حالات الضرورة لا تتدخل حكومة الولاية في شؤون المقاطعة ولا حكومة المقاطعة ، في شئوون المدينة ولا المدينة في شئون القرية ، كما لا تتدخل الحكومة المركزية في شؤون الولايات التي يجب أن تمارس كل السلطات التي يلقيها عليها ذلك المقدار من الحكم الذاتي الذي تمارسه ، الا أن يكون تدخلا لضرورة الارشاد والاعانة ، حتي اذا ما نشأت مسائل في نطاق غير حكومة واحدة أمكن وضع نظام مشترك فالتعليم ، مثلا ، يقع نظامه تحت تشريع كل ولاية علي حده ، ولكن الحكومة المركزية تساعد الولايات في التعليم بالتنسيق والارشاد وبالهبات المالية ، لأنه يهم الأمة جمعاء ، كما يهم كل ولاية علي حدة ، وكذلك الأمر فيما يتعلق بالصحة والتنظيم وبترقية حياة الناس من جميع وجوهها. وسيكون نظام كل حكومة ابتداء من حكومة القرية فصاعدا علي غرار النظام الديمقراطي ، الذي يكون الحكومة المركزية في القمة ، من دستور مكتوب ، وهيئة تشريعية وهيئة تنفيذية وهيئة قضائية ، والغرض من هذا تربية أفراد الشعب تربية ديمقراطية ، سليمة وموحدة في جميع مستوياتهم العلمية وبيئاتهم الاجتماعية. ونواصل مع رحاب الفكر والمفكرين ووالمشروع الوطنى الحقيقي فىشمال السودان(الثورة الثقافية واالفكرة الجمهورية

والكتاب موجود في ارشفينا وتريخهم)
............هكذا تحدث الاستاذ..........الحلقة الاولى:دستور السودان

الأخ عادل أمين،

أرى فيك تحاملا غير مبرر على صاحب البوست. فهو لم يقل أكثر من أن الفكر السياسي للأستاذ لا يزال حيا ينهل منه سياسيو السودان كلما تقدموا في الممارسة السياسية. بل أنه أرجع حتى اتفاقية السلام الشامل والفدرالية لفكر الاستاذ.

فما الذي يغضب في ذلك؟

ثم ان أسلوب نقل كتابات الأستاذ المطولة في كل مداخله، ليس هو الأسلوب الأمثل للإقناع. نقل الكتب لا يقنع أحدا. هل ستقتنع بالوجودية إذا نقلت لك كتاب (الوجود والعدم) لجون بول سارتر؟؟ وإذا أردت تذكير القراء بما ورد في هذه الكتب، فتكفيك الإشارة للمرجع.

هذا ما خطر لي وأنا أقرأ مداخلاتك، وأرجو المعذرة إذا مقدما.

Quote: اها بالحساب البسيط.. لمن تخط لي جون قرنق ( السودان الجديد)..و تلفق معاهو الفكرة الجمهورية (محمود محمد طه)..و تلفق معاهو الإتحادي (سيدي محمد عثمان الميرغني)..ممكن افهم اتنين مقابل واحد..اها فهم زي دي ممكن ينفع معاك؟..ولا ح تجي تسوينا ما قاعدين نقرا..و لو قرينا ما ح نفهم؟..

ده كلام كبر تلفيق قال...والقصة ان مشروع السودان الجديد اصلا بداه محمود طه ولم ينكر عليه احد ذلك حتى ابناء الجنوب في كتبهم

Quote: ثم ان أسلوب نقل كتابات الأستاذ المطولة في كل مداخله، ليس هو الأسلوب الأمثل للإقناع. نقل الكتب لا يقنع أحدا. هل ستقتنع بالوجودية إذا نقلت لك كتاب (الوجود والعدم) لجون بول سارتر؟؟ وإذا أردت تذكير القراء بما ورد في هذه الكتب، فتكفيك الإشارة للمرجع. هذا ما خطر لي وأنا أقرأ مداخلاتك، وأرجو المعذرة إذا مقدما.

الاخ حامد بدوي بشير
سلام تاني
انت لا تقرا مداخلاتي بتركيز وهذه مشكلتك
التحدي في البوست ده انو كبر ناداني باسمي وقال عايز يعرف السودان الجديد البعرفوا
وكل المقالات والكيوات الهنا دي مقالاتي وكتاباتي شخصيا والرجوع للتوثيق مهم في حالة نقل افكار شخص نصا...وده ادب الاكاديميين وكبر يفعل نفس الشيء

انا طارح خارطة طريق شخصية ووضاحة في البوست ده....فتشا واقراها كويس ووريني رايك فيها
وخلى اللورد كبر ده عندي معاه تار كبير في بوست سابق يرشح هنا احيانا
وهسه
قلعت منه اعترافين
1- بالفكرة الجمهورية وملفها السياسي وهو نوه لكتاب 1955 وانا بجت الكتاب عديل عشان فكرة الخمس ولايات تنسب لصاحبها
2- انه الاتحادي الديموقراطي جزء من مشروع السودان الجديد ولا يعوقه ..وايضا اعترف بذلك ووجه الناس لقراءة ادبيات الحزب الاتحادي الجديد

شكرا اخ كبر على الرد ودعني اوضح لك ولقارئك الاتي:
١-اي فكر سياسي او مشروع ثقافي اجتماعي ضخم يستهدف المجتمعات والكيانات والدولة بشكل عام يمر بمرحلة الفكرة/ الحلم.. الذي بدورها تتحول الى مشروع له دعاته ومنابره الفكرية والثورية الخ/ لكن على اسس ثورية عسكرية بحتة مع الاخذ بعين الاعتبار هناك من كتب وذكر مصطلح السودان الجديد قبل الحركةالشعبية (طبعا لم اقرا ان الجمهوريين هم ايضا من نجروا اسم السودان الجديد لانهم مجرد حركة صوفية حداثوية) طبعا مع التاكيد بان الحركة الشعبية هي اول من اشتغلت في قضية السودان المبني على اسس جديدة سودان يشارك فيه الهامش المركز كل شيء فيفتي- فيفتي/ النص بالنص كما ادعو ولاحقا تبين انها كانت مجرد شعارات استهلاكية ليس الا/ لكن اهو قرنق تحطمت طائرته ومات سودانه الذي كان يدعو له الناس/ بالرغم من ان اتفاقية نيفاشا كرست لحق تقرير مصير الجنوب بشكل اساسي وهذا اغفال كبير جدا لقوي الهامش الاخري او ان الحركة الشعبية تريد ارسال رسالة الى الاقاليم الاخري رسالة مفاداها (اي اقليم يقلع الشوك من ضهرو لحالو.)

٢-المشروع السياسي سواء كان السودان الجديد او القديم او حزب الفجل.. الخ/ من وجه نظري المتواضعة لابد ان يكون له عرابيين.. ومنظريين.. وفلاسفة.. ومفكريين معروفين/ يبشرون به في الاسواق والقري والدساكري والمواني والازقة والحارات الضيقة وذلك عبر مواعيين واجسام معروفة نقابات.. اتحادات.. جهويات الخ/ وهذا ما لم نلمسه في دعاة السودان الجديد خصوصا بعد رحيل قرنق.

انت يا اخ كبر تحدثت عن قوي الريف والفعاليات الاخري/ حسنا ما هي قوي ريف السودان الجديد؟ علما ان انفصال الجنوب يعتبر صفعة مؤلمة لدعاة الهامش في الشمال خاصة وناس قطاع الشمال علي الوجة الاخص/ اي ان ناس القيادي ياسر عرمان الان في 9حيص وبيص) هل يذهبو في ذات مشروع جون قرنق الوحدوي والذي ينص على مشاركة الجنوبيين في السلطة وغيرها؟ طيب الجنوبيين وانفصلوا!! هل يتم تغيير اسم قطاع الشمال الى مولود جديد؟ طبعا انا ادرك ليس الهامش هم الجنوبيين فقط؟ ودا بدورو بيقودنا الى قضية اخري ماهي جيينات السودان الجديد؟ هل هي جيينات عرقية؟ يعني ناس الغرب والشرق والجنوب هم مهمشين وناس السروراب والدورشاب والعسيلات ابودليق وابوزليق وتمبول الخ غير مهمشين؟

لذلك لم اري ولم يري الكثيرين غير اي جرة شخيط على الارض تحدد احداثيات بنيويات السودان الجديد!!عنصرية!!جهوية!!جغرافية!! ثقافية الخ لم نري اي ملامح عامة لهذا التسمي بالسودان الجديد فقط نري جعجعة ولا نري طحينا قط.

ناتي للرصيد الذي تفضلت بذكره قوات مالك عقار / القائد الحلو/ وياسر عرمان/ نعم ديل قواعد جماهيرية لكن اين المنفيستو الذي يديريها؟ اين البرنامج السياسي الذي يسيرها؟ اين وسائل اعلام هذا التيار؟ اين مؤلفاتهم الكتبية؟ اين منشوراتهم؟ اين مطابعهم التي تضخ المنيو الذي يواكب احداث الساعة؟ على ارض الواقع مافيش مافي شي من هذه الاشياء.

اذن يا اخ كبر القضية ليس شهرة عندما تحدثنا عن دعاة حقيقيين بل اقصد ناس على الارض وليس مثقفين حملة جوازات بريطانية وكندية وامريكية وبرتغالية بل ناس على الارض مثل البارونة ليندا كوكس تركت النعيم والرطب وجاءت ومكثت في جخانيين جبال النوبة والجنوب واكلت العصيدة والروب والشية ونامت على البرش وشربت من الرهد الموية الطينية وظلت على هذا الحال قرابة الثماني سنوات وكانت النتجية عشرات بل مئات الاسر السودانية التي تركت الاسلام وانتقلت الى المسيحية.

نقطة اخيرة تتعلق بجنوب كردفان والحاصل هناك بصراحة/ الذي سيحدث هناك سوف يكون مستقبلا لطمة في وجه سودان السودان الجديد (الاسفيريين بشكل اساسي) فبعيد الانتخابات ونتائجها ان فازت الحركة الشعبية فان البقارة المهمشين المحسوبيين على المؤتمر الوطني سوف يقوم سفهائهم باثارة عراقل مثل ما حدث قبل كم اسبوع/ وان فاز المؤتمر الوطني فان الطرف الاخر سوف يدير معركته بطريقته الخاصة/ وهذا هو السودان الجديد في وجهه الحقيقي المهمش يقتل المهمش/
سودان الحقد والكراهية/ سودان الانتقام والتشفي/ سودان انتم عرب جلابة- ونحن غرابة اصليين اهل البل/د سودان جنوبيين- شماليين/ غابة- صحراء/ هم- نحنا /سودان عبيد- وعيال العباس/ سودان مبني على الغل.. والاحقاد. وبعض المثقفين المشوهيين نفسيين وفكريا.. مثقفي زمن الغفلة الابن ك ل ب/

ولا احد رابح لذلك تجدني ما زلت عند راي ان ليس هناك ورش عمل سودان جديد على الارض ذا فكر واضح المعالم وذا رؤية متكاملة لحلحلة مشكل الهامش ودونك الان المنبر الحر فعادل امين يريد (كسر رقبة) يقنعنا بان الجمهوريين دعوا للسودان الجديد.. وناس تراجي من ناحية عرقية عنصرية لديهم سودانهم الجدي..د فيكف يكون الحال على الارض اذن؟

Quote: والآن، وبعد مرور ما يزيد عن الخمسين عاماً، فإن وعي أهل (الهامش الجغرافي) بتناقض مصالحهم مع توجهات التيار الإتحادي العروبي والتيار الإستقلالي الديني، قد تعمق ونضج لدرجة أن (الهامش الجغرافي) قد حمل السلاح لفرض خياراته على السودان. ومن هذا التسلسل التاريخي يتضح أن الأحزاب الجهوية قد صارت هي المرتكز الحقيقي للتيار الحداثي العلماني ضمن الحركة السياسية السودانية بعد أن تخلى عن هذا الدور التأسيسي طلائع المتعلمين الذين انتظموا في (مؤتمر الخريجين) أولاً ثم إنقسموا ليذوبوا في التيارين الكبيرين، الإتحادي العروبي والإستقلالي الديني, ثانيا. تأسيسا على ما سبق، سنحاول في المداخلة القادمة قراءة مراحل تطور مشروع السودان الجديد.

تحليل علمي ممتاز اخي حامد بدوي بشير
ولكن نجن في سباق مع الزمن
اذا كان بذرة السودان الجديد المتبقية في الشمال اضحت عند قطاع الشمال
فعلى القوى الفاعلة في قطاع الشمال
ان تحدد تحالفاتها الاستراتيجية وفقا للمعطيات التي ذكرتها انت اعلاه
وهو التيار الليبرالي السوداني الحر الممتد من 7000 سنةوالذى جسده في الماضي الحزب الجمهوري والحزب الاشتراكي الاسلامي
ضد التيار الايدولجي المستلب الوافد من خارج الحدود...
اما تساقط وسقوط النخب السودانية فهو امر مكرور عبر العصور ولدي بوست موثق في هذا الامر ...وحتى هذه اللحظة نعاني من اعادة التدوير وليس التغيير القادم مع مشروع السودان الجديد

لذلك سميت الاشياء بمسمياتها وحددت التيار باسم(القوى الديموقراطية المتحدة) والبرنامج بسيط وبالالوان الطبيعية اعلاه في هذه المرحلة...
بدل استجداء المؤتمر الوطني يجب منازلته عبر 18 مليون ناخب مسجل والاقاليم الخمسة والبطاقات 9و10 و11و12 ...هذا برنامجي ولا الزم به احدا

تنـــويه للمتابعين و المتابعات..و الحضور هنا..

واجهت مشكلة في هذا الخيط..و كلما افتحه يختفي فورا.. لذلك لم اتمكن من متابعة ما يحدث فيه..
المداخلات التي اكتبها الآن.. هي حيلة عجيبة.. حيث افتح اول مداخلة..و انقر على ايقونة رد..ثم اكتب الرد..

مداخلة الأخ محمد ادم الفاضية.زلا ادري ماهو المغزي منها..و الرجل فاتح خيط يشكو أن كلمة مروره يستخدمها شخص اخر..فهل لذك علاقة بما في هذا الخيط..
ارجو من الأخ محمد ادم الحضور بنفسه..و اجراء تعديل في مداخلته.. حتى يتسنى لنا المتابعة..

كبر

المرجف محمود الدقم
سلام

Quote: شكرا اخ كبر وبالمرة هي المرة الاولي التي نعرف فيها ان الاخ عادل امين من دعاة السودان الجديد (وجه باسم).

انتهى الاقتباس


تعقيب:-
اعرف السودان الجديد تعرف رجاله ونحن النسخة اليابانية ...مش الفشنك الهنا دي..فقط اهل الاستبكار والصمم الايدولجي الستة اعلاه ..ناس يا شعيب لان نفقه كثير مما تقول...لا يقراون واذا قراوا لا يفهمون

Quote: ما استوقفني حقا ان الاخ عادل امين نجر سودانه الجديد من وحي صنم نيفاشا هذا الجنين الذي ولد ميتا او ان شئت قل هو صنيعة القس دان فورث احد ابرز وجوه اليمين المحافظ الاميركي الجديد/ اي ان الاتفاقية من الفها الى ياءها صنعت هناك خلف البحار وجيء بها الى عثمان محمد طه كالقضاء والقدر الذي لا مفر منه لمستزيد راجع كتاب منصور خالد (السودان اهوال الحرب وطموحات السلام قصة بلدين دار تراث ٢٠٠٣).انتهى الاقتباس تعقيب: اولا حتى نحدد قواعد الاشتباك...نحن نستخدم (اتفاقية نيفاشا) كبرامتر للوعي وشروط الاستيقاظ في الشخص اذا كان ضدها او معاها...يعني شخص ذكي ومستوعب لمتغيرات المرحلة ذى منصور خالد البتقرا كتبو ما بتفهماقال (نيفاشا خارطة الطريق الوحيدة للدولة المدنية الفدرالية الديموقراطية) واضيف لك وهي التي يطمح لها الاغلبية في السودان الذين يمثلهم قرنق ولا يفقهون ويتبعون ودا وسواعا ويغوثا ويعوقا ونسرا بتاعة المركز..ولا يهم اذا جاءت من وراء البحار او من سوق ليبيا...السودان ملان ايدولجيات مخستكة ووافدة ولو انت بتتبني العداء لنيفاشا معنها انت من حواريين الامام العجيب يعني حزب امة مش كده... طيب الفرق بين اتفاقية نيفاشا(قرنق/علي عثمان) و ميثاق التراضي الصادق المهدي/البشير الذى قال الامام به ذبحنا بقرة نيفاشا هو الفرق الفعلي بين عبقرية الراحل قرنق وعبقرية الامام ..بعدين نيفاشا ما ماتت قاعدة لحدت 9/7 2011 ونحن بنحاول ننقذ بيها باقي السودان قبل الفصل السابع

Quote: الاتفاقية لم يرحب بها الشعب السوداني/ لم يخرج الشارع السوداني يا سي عادل امين هاتفا بها ولها وهو نفس الشارع الذي تراهن عليه بانه سوف يطارد الاحزاب القديمة الامة.. الاتحادي.. الشيوعي.. كالجرزان زنقة زنقة.. شارع شارع ..والاتفاقية نسفت وسحقت وهضمت حقوق قبائل التماس النوبة/ المسيرية/ الانقسنا.. الخ. وهذا بدوره سوف ينسف شمالك السوداني لحلفا والسكوت المحس/ ونيافاشا لم يصفق لها الشعب السوداني عندما عرضت على البرلمان اذن قل لي بربك كيف تبصم على هذا المسخ النيفاشاوي ونواب البرلمان السودان بصموا عليه ولم يناقشوا نقاطه/ ولم يتفاكروا حول اوليات والولوياته/ ولم يتحاورا على كيفيه وضعية السودان بعيد الانفصال؟ واسئلة كثيرا برسم البيع!!!!

تكمن ازمة نخب الشمال في السودان القديم في شيئين
اما الجهل او الاستبكار
الذين رفضو اتفاقية نيفاشا من احزاب او زعامات السودان القديم رفضوها استكبارا(سبب سيكولجي) وما جابو ابدا بديل اكبر من الديك..الا اذا كان مشروع ((السودان العريض)) بتاع الامام واتباعه الجدد من اليسار المازوم هو البديل....
والذين رفضوها من اتباعهم... رفضوها جهلا بها تحت شعار نرفض ما رفض اباءنا ونحن على اثارهم مقتدون
والكلام بتاع الشعب رفضا ده كذب وتخبط وفشل من المرجفين وانت ليس وصي على الناس سجل 18 مليون سوداني في انتخابات 2009 وهي جزء من نيفاشا وخزلهم هؤلاء الفاشلين ..استقبل الملايين قرنق في الخرطوم ورغم التطبيق المشوه من كيزان المؤتمر الوطني الا ان نيفاشا افرزت واقع جديد وانت وحزبك ليس وصي على القبائل المهمشة التي لازالت مرتبطة شرطيا باصنام المركز وتحارب مشروع السودان الجديد وتجلياته الديناميكية (اتفاقية نيفاشا)
والغريبة ران اتفاقية نيفاشا استعصت على الفهم ايضا حتى على حركات دارفور واللورد كبر ويضقل بيهم المؤتمر الوطني في الدوحة

Quote: تكمن ازمة نخب الشمال في السودان القديم في شيئين اما الجهل او الاستبكار الذين رفضو اتفاقية نيفاشا من احزاب او زعامات السودان القديم رفضوها استكبارا(سبب سيكولجي) وما جابو ابدا بديل اكبر من الديك..الا اذا كان مشروع ((السودان العريض)) بتاع الامام واتباعه الجدد من اليسار المازوم هو البديل.... والذين رفضوها من اتباعهم... رفضوها جهلا بها تحت شعار نرفض ما رفض اباءنا ونحن على اثارهم مقتدون والكلام بتاع الشعب رفضا ده كذب وتخبط وفشل من المرجفين وانت ليس وصي على الناس سجل 18 مليون سوداني في انتخابات 2009 وهي جزء من نيفاشا وخزلهم هؤلاء الفاشلين ..استقبل الملايين قرنق في الخرطوم ورغم التطبيق المشوه من كيزان المؤتمر الوطني الا ان نيفاشا افرزت واقع جديد وانت وحزبك ليس وصي على القبائل المهمشة التي لازالت مرتبطة شرطيا باصنام المركز وتحارب مشروع السودان الجديد وتجلياته الديناميكية (اتفاقية نيفاشا) والغريبة ران اتفاقية نيفاشا استعصت على الفهم ايضا حتى على حركات دارفور واللورد كبر ويضقل بيهم المؤتمر الوطني في الدوحة

1
-قلت لي مرجف عديل يا صحاف فقط لاني اشك وما زلت اشك انك من دعاة السودان الجديد طبعا انت تحاول اطراف الليل واناء النهار تصوير ان محمودكم محمد طه هو من بشر بالسودان الجديد وهي اهبولة لن تنطلي على احد مع التوكيد علي قضية ان كرسي السودان الجديد ما زال شاغرا فانت من جهة وناس تراجي من جهة اخري يريدون (القعمزة) عليه على الاقل ناس المنبر الحر والعديد من المثقفين بالخارج يعرفون ان ناس تراجي هم من بشروا بالسودان الجديد اما انت فلو لا (عترة) الاخ كبر بزج اسمك هنا لما عرف احد انك من ناعقي السودان الجديد وهذا ليس تبخيس لك يا ابو نسخة يابانية.

2-
نعم يا عادل يا صحفي المقيم باليمن جماهير السودان قط لم يخرجوا ويهتفوا باسم قرنق وطه لانهما وقعا الاتفاقية/ بل خرج الكثيرين فقط لاستقبال قرنق والسواد الاعظم منهم من ابناء الجنوب لانهم يرون ان قرنق يمثل اشواقهم واحلامهم وفارسهم وقائدهم. ثم انت يا عادل امين لم تعلق على قضية لماذا لم تتم مناقشة ومفاكرة الاتفاقية داخل البرلمان!!!فان كنت ديمقراطيا حقا فالديمقراطية تفرض علي نواب البرلمان ان يقتلوا الاتفاقية مفاكرة والنظر في مخاطرها المستقبلية وسبل استنزالها على الارض... الخ.. هذا لم يحدث ولم نقرا انك انتقدت ذلك هذا يعني انك راضي على الدغمسة واللحوسة والدهسنة التي بها لفلفت ولفت تمرير الاتفاقية وجئت كي تبشرنا بان نيفاشا هي حجر الزاوية الذي اعتمد عليه البناؤن

لم تناقش معي ان الاتفاقية نبلت من رحم اليمين المحافظ الاميريكي الذي اعطي فرص عمل لجماعتكم الجمهوريين ان يشتغلو مترجمين في القاعدة الامريكية بقطر لم تعلق على قضية الدليل الذي اتينا لك يثبت صحة ما ذهبنا اليه نقصد به كتاب منصور خالد!!

3-
ان ترفض نخب الشمال الحزبية والفكرية ...الخ ولم يقدموا بديل هذا نعق خارج السرب يخصك انت لاني شخصي المتواضع في حل عن هذا..http://www.sudaneseonline.com/index.php?option=com_content&vi...3-12-37-23&Itemid=55 وقد كتبنا الكثير عن خذلان حزب الامة Re: ماذا قدم حزب الامة لجماهير غرب كردفان؟؟ والاتحادي والشيوعي وغيرهم في مقالة حملت عنوان نرجع لموضوع انو نيافشا هي انجيلك لسودانك الجديد يا عادل يا امين اتفاقية نيافشا اعطت الضوء الاخضر لبقية حركات الهامش ان تحمل السلاح وتقلع حقها قلع وكان المحصول النهائي لهذه الكربلائيات راح اكثر من ربع مليون شهيد من ابناء دارفور بحسب المنظمات الدولية وعشرة الالف بزعم احصائيات ناس الحكومة اتفاقية نيفاشا التي تمضغها هنا هي التي سلخت الجنوب والان دارفور في الطريق وغدا النوبيين في الشمال وبعد غد ناس الشرق
لذلك كتبت عام ٢٠٠٥م ان اتفاقية نيفاشا ان هذه النيفاشا ما هي الا مثل العرقي او الخمرة فيها فوائد لكن ضررها اكثر

4-

Quote: فرزت واقع جديد وانت وحزبك ليس وصي على القبائل المهمشة التي

والله يا عادل اكن ممنونك لو انك كشفت للناس حزبي دا ياتو حزب؟ فشخصي كفر بجميع الاحزاب الاسلامية مؤتمر وطني شعبي انصار سنة اخوان الخ واحزاب تقليدية امة اتحادي شيوعي بعثي الخ طبعا القوي الحديثة تحتاج عليها ان تمكث عشرة سنوات حتي اعطي رايها فيها فياريت ياخي لو تتحف العالمين عن حزبي هذا المفترض انو ما نكون اوصياء على الهامش؟


...لنا عودة..

قال المرجف الدقم
ان ناس تراجي هم من بشروا بالسودان الجديد اما انت فلو لا (عترة) الاخ كبر بزج اسمك هنا لما عرف احد انك من ناعقي السودان الجديد وهذا ليس تبخيس لك يا ابو نسخة يابانية.


اهو انت عرفت فالزم
وازمة السودان في نوعك ده
يهتم لمن يكتب
وليس ما يكتب
عندي مكتبة هنا و7000 بوست
واذا كان زول زيك كده لحدت هسه ما عارف الفكرة الجمهورية وطرحها المتطور لمجرد انها ما بتجي في ايام اسماء في حياتنا ذى كنكوج حزب الامة

انت حزبك حزب الامة وعنك صنم حارسو زمن في البورد ده...
والسودان الجديد برضه شرحوا الجلابي منصور خالد.. احسن من الواثق كمير..وايضا نكره ذيي كده
وناس تراجي وحركات دارفور لا بعرفو سودان جديد ولا قديم ديل كيزان زعلانيين ونيفاشا ما قالت احملو السلاح كما تزعم
والبشير مدور بيهم ذى عبدالله التعايشي زمان لا يتعلموا من فشلهم ولا من تجارب الاخرين
السودان الجديد داير مخ نظيف ما فيه ايي شوائب واكبر عائق له في غرب السودان المهدية اوحزب الامة والاخوان المسلمين وحكمة ربك كمان في بعثيين

Quote: اهو انت عرفت فالزم وازمة السودان في نوعك ده يهتم لمن يكتب وليس ما يكتب عندي مكتبة هنا و7000 بوست واذا كان زول زيك كده لحدت هسه ما عارف الفكرة الجمهورية وطرحها المتطور لمجرد انها ما بتجي في ايام اسماء في حياتنا ذى كنكوج حزب الامة انت حزبك حزب الامة وعنك صنم حارسو زمن في البورد ده... والسودان الجديد برضه شرحوا الجلابي منصور خالد.. احسن من الواثق كمير..وايضا نكره ذيي كده وناس تراجي وحركات دارفور لا بعرفو سودان جديد ولا قديم ديل كيزان زعلانيين ونيفاشا ما قالت احملو السلاح كما تزعم والبشير مدور بيهم ذى عبدالله التعايشي زمان لا يتعلموا من فشلهم ولا من تجارب الاخرين السودان الجديد داير مخ نظيف ما فيه ايي شوائب واكبر عائق له في غرب السودان المهدية اوحزب الامة والاخوان المسلمين وحكمة ربك كمان في بعثيين

الزم ماذا يا حبة؟ ان كنت ناعس العينين من شدة التعب فلا ترد على مداخلتي اعمل تقييل وسنفهم/ اما ان تاتي وتمارس بلطجية كي- بوردضية وتكذب وتزعم بان الدقم مرجف و حزب امة!! فهذه هي الحمرنة بعينها تمشي بيننا بكف وقدم ولن امررها لك وان تلصقت باستار الكعبة.. والا فما الذي يمنعني ان اعلن اني حزب امة لو كنت حزبي؟ وما هو دليلك يا المسيخ الدجال باني حزب امة؟ نعم كل اهلي واقاربي حزب امة؟ لذلك تجدني اقسو على هذا الحزب اكثر من قساوتي على الكيزان والشيوعيين وبقايا البعثيين لكن ماااالوا طالما انت يا عادل امين او الامين طالما قلت اني حزب امة فما عليك الا تاتي بالبرهان الساطع.

لديك سبعة الالاف بوست!!سووو وااااط؟ يعني الدقم ببساطة يتصل بتلفزيون المستقبل اللبناني ويقولو ليهم عايز مقابلتكم العملتوها مع محمود الدقم عن التنوع الثقافي نقلا عن قناة زين الشبابية؟ in 1999/ وبرضك يا الفويلح علي ان اتصل بقناة زين الشبابية وهي جهد اعلامي بين تلفزيون المستقبل ومدينة دبي الاعلامية اطالبهم فيها بان يرسلو لي الاشرطة التي تحتوي على مقابلتي التفلزيونية الثلاثة التي اجروها معي.. وكذلك علي ان اتصل بعقل العويط رئيس الملحق الثقافي بالنهار وكذلك اتصل بالكفاح العربي والسفير والوطن وكلها صحف لبنانية اطالبهم فيها بارسال مقالاتي البالغة قرابة المئة مقال واتجدع عليك وعلي كذبك المهلهل بان محمود محمد طه من دعاة السودان الصديد او الجديد!!!

انت لم ولن تجب على اسئلتي لك بل تمارس التقية والسفه وتصف خصومك من حزب الامة والاتحادي والشيوعيين بالجرزان وتريدنا ان نسير وراك فعلا البباري الجدادة بتوديهو الكوووشة.. اجب على اسئلتنا او اطبق عليك خياشمك وحتي وقتذاك فانت متطفل على السودان الجديد ولو كتبت مليون بوست وليس سبعة الف.

Quote: واتجدع عليك وعلي كذبك المهلهل بان محمود محمد طه من دعاة السودان الصديد او الجديد!!!

محمود الدقم
سلام
من هذيانك الفوق ده يا مدعي
انت مرتبط شرطيا بحزب الامة ونفس الوعي
اذا انت تجهل كتب وكتابات محمود محمد طه
وعلاقتا بالسودان الجديد
انت لا بتعرف السودان الجديد....ولا بتعرف افكار محمود محمد طه(الملف السياسي)
وطبعا جهلك المخزي ده قد يبهر اللبنانيين في التلفزيون...لكن في البورد ده...ما عندك اي حاجة جيب مقالاتك هنا عشان نتثقف شوية معاك
امشي اقرا لي كتاب فرنسيس دينق السودان وصراع الرؤى عشان تعرف المفكرين الاصليين الذين يعرفون قدر الفكرة الجمهورية..وكل المثقفين الجنوبيين يقدرون محمود محمد طه على الاقل مات من اجلهم ووقف ضد شريعةقدو قدو
والتقييم هنا بالكتابات
وانت كلامك ده بشبه حزب الامة وكان انصفناك تكون كوز جناح الترابي

Quote: اول قيم خلينا من افكار اول قيم السودان الجديد ان تقول الحق ولو على نفسك فكف عن محاولة بيع الزيف لنا باسم المنطق و الافكار و الثقافه.

البسوس حكامة بشاشا
سلام
اذا انت الان وصلت مرحلة الاساءة حتى لي باراك اوباما وانت عندك معرفة شخصية بيه..يبقى فعلا ازمتك نفسية واعاقة سياسية جسيمة
اللبنانيين في امريكا وتحدث عنهم معلوف قال نحن كنا اكثر من ناشط سياسي وسناتور دخلنا ادارة بوش الابن عشان نطرح للامرييكيين رؤية جعلت بوش يطرد الاحتلال السوري البغيض من لبنان..وديل الشعوب الذكية التي تعرف قيمة امريكا والمعيشة في العالم الحر وكذلك فعل الليبيين الان انتو السودانيين من رحلة لى رحلة ومن عزومة لي عزومة ومن فنان لي فنان في امريكا...وعجزتوا عن التعريف بمشاكل السودان وتسويقها وفشلكم طافح حتى في هذا البورد وتركتو قضية السودان في الفضائيات ذى الحرة مثلا يسوقها العرب لاننا ما عندنا مخ ومعاقين سياسيا مش كده..ما شفناك في الحرة ليه؟؟
والعيب لا في اوباما ولا كرتشن ولا الاتحادي الديموقراطي ولا عادل الامين العيب فيكم انتو وحزب الامة والراتب الذى يخفض الذكاء وكمان مبارية لي بشاشا المسيح الدجال بتاع السودان الجديد وحفيد نجار المراكب الذى استلبكم 200سنة والحديث ذو شجون
وطبعا كلام بشاشا التحت داء من بوست مجاور

Quote: كتب استوج الخديوية عادل امين: Quote: والدولة المهدية المركزية الفاسدة والفاشلة والفاشية نقلت جل قبائل الغرب قسرا وشكلت منهم المركز by the book!0 "بافلوفي" الخديوبة لايملك غير "هو" علي ذكر المهدية، او البطل التعايشي خليفة الامام! السؤال ما العلاقة بين مثل هذه الكراهية للثورة الام او رموزها، والتفتبت الماثل للسودان؟ طريقة تفكير هذا الجلابي، داعية الاتحاد تحت التاج اامصري، هي اداة التفتيت الجاري الان! علي انقاض الثورة الام اللتي انجبت وجدانا المركوز الحالي، كسودانيين، تم تدشين التوليفة العجيبة الحالية، المتمثلة في طريقة تفكير الجلابي، كما يجسدها عادل امين، المسؤولة من اكبر كارثة انسانية في العالم اليوم، الانتهت بتشليع السودان، حسب الخطة الاصلية اللتي صاغها الاحتلال! ينبغي فهم عداء وكراهية الجلابي للثورة الام او رموزها، في هذا السياق التاريخي. في حالة عادل امين مسالة البرمجة لحاسوب دماغ الجلابي، فاكثر وضوح، لانو او بلا خجلة "اتحادي" اي داعية اتحاد تحت التاج المصري، اي عميل خديوية عديل كده!! او كانو فاهم حاجة، كمان هذا "الروباط" يقول ليك "مشكلة الجنوب" غير "مشكلة" دارفور"! قرقرقرقرقرقر! مع انو المشكلة اصلا في كل السودان واحدة! نعم هي مشكلة دويلة اقلية، تتوهم هوية النخاس، سيدها، العربي، تقهر او تبيد الاغلبية المضطهدة، بقوة السلاح، حتي تدوم لها السيادة، السلطة، والثروة! الصياغة الاستعمارية حتمت هذه السيادة للاقلبة علي الاغلبية، حتي يتوفر حجم التناقض المطلوب لانجاز اكبر قدر من التشظي ممكن! Quote: حتى جاء كتنشر وحرر السودان من شنو اها، كلامنا وقع ليكم ياخلق؟ قال كتشنر "حرر" السودان قال! عيييييييييييييييييييييييييييييييييييييييييييييييييييييييييييييييييييييييييييييييييييييييك! والله قط لم احلم بهذا! الجلابي، جريقيس الخديوية، بي امباز مناشير مخابرات جيش الاحتلال، مشبع!

من الهذيان الذى يمارسه حفيد نجار المراكب بشاشا من جلد للذات غير مؤسس ويخدر نفوس الغرابة وخواطرهم وتعليق شماعة فشلهم في مصر والختمية.ويقوم بحالة تعهر تاريخي ما سبقه فيها احد من العالمين

يتريق ويقول كتنشر حرر السودان من شنو وعايز يغالط التاريخ ويمجد المهديةو عبدالله التعايشي الغرابي والدولة الدينية الفاشية التي اسقطها احباب الحرية قبل ان يعرف العالم الامم المتحدة والفصل السابع

هذا هو دجال البورد التي يلتف حوله احفاد ابو جميزة او على دينار في النسخة المضروبة للسودان الجديد
واذا في زول عايز يعرف كتنشر حرر السودان القديم من شنو؟؟؟
يقرا الكتاب الفي اللنك ده ويعتبر





المكتبة السودانية:تاريخ دارفور السياسي1882-1898......موسي المبارك الحسن

الأخ كير،

كنت أنوي مواصلة تاسيس فكرة ان (مشروع السودان الجديد) ليس فكرة عابرة خرجت من بخار الغابات الأستوائية، بل هي ضرورة ملحة لإصلاح حال السودان، تهربت منها وسوفت فيها النخب السياسية بجميعها (شمالية وجنوبية وشرقية وغربية) وتحاشتهان حتى غيض القدر لها رجلها فأحياها.

كنت أنوي ان أصل لذلك عبر التحليل النقدي للحركة السياسية السودانية. وكنت أعتقد أن هذا البوست فرصة مناسبة لذلك.

لكن، للأسف أرى أن هذا لبوست آخذ في الإنحراف والسير في طريق البوستات التي تنجسها اللغة الركيكة التي تميز بها باشا وتراجي، لذا أعذرني، فأنا انسحب.

لقد سئمت نفسي بوسات السباب التي لا تنقل للقارئ سوى التسلية الرخيصة.

صديقي حامد.. حبابك
كتر خيرك على المرور و المساهمة في رفد بعض الأفكار التي تسعى لإزالة التشويش..
حينما بدأت هذا الخيط كانت لدي فكرة محددة و هي مساعدة الناس في التعاطي مع فكرة السودان الجديد..و ان هذه الفكرة من خلال بعض ملاحظاتي حولها أن البعض من اهلها عمل على عرضها بصورة مشوشة..
هذا المنتدى يا حامد..و مصاقرة قرابة العشرة سنين فيه ، يجعلك أن تميز بين بعض الأشياء..و صدقني كلما علا الضجيج.. فتأكد انك في الطريق السليم..و المناكفات.. تخدم اغراض خفية..و هي تسعى للتوقف تماما عن الإختبارات الحقيقية التي يمكن أن تساعد الناس في الكشف عن موقع التشويش و محاولة ازالته..

لماذا لم يتحرك شعب السودان الآن في انتفاضة العصيان المدني و هو الشعب الذي علم شعوب المنطقة و اقاليمه مايسمى بالعصيان المدني؟..فحينما كان شعب السودان يثور.. كانت شعوب مصر و تونس و اليمن و سوريا و البحرين.. تغط في سبات عميق..!
لم يهب شعب السودان حتى الآن لأثر الميديا المناهضة التي تسعى الى تسويف كل فكرة حقيقية..و المثل دونك هو فكرة السودان الجديد.. فالفكرة لم تجابه بالرصاص فقط و هو مقدور عليه و لكن تجابه بالتسويف و محاولة الخستكة بيها للآخر..
و حينما يتحدث الناس بوضوح.. سيعرف القارئ من هو الحريص على الفكرة اكثر و اكثر..
فتحت الخيط و اعرف الأصدقاء عادل امين ، و تراجي مصطفى ، و بشاشا و خالد كودي و غيرهم و غيرهم ..كلهم لهم ادعاء بانهم من اهل الفكرة..و مسار البوست سيوضح مدى الجدية في اذهان الجميع..
الصديقة تراجي حريصة على مناكفة الصديق عادل امين .ز اكثر من حرصها على التحدث عن الفكرة من باب خندق الدعم..
بشاشا و خالد كودي لهم ما يشغلهم كثيرا عن الفكرة..
و كل هذه الإشارات يفهمها القراء و المتابعين..!
و لكن هل الفكرة طرحها لابد أن يكون انتصارا لأحد ؟.. بالطبع لأ..الفكرة طرحها تحتاجه جماهير هناك على ارض الواقع..و الدعم ، حتى لو كان نقاش جاد ، هو رفع للروح المعنوية لجنود الفكرة على الأرض..!

لا اضغط عليك بالبقاء ..و هو امر تحدده ظروفك و معطيات الواقع التي تتعامل معها في النقاش..و لكن قد يكون خروجك هو هزيمة لروح ناس بعدين عنا..و يحتاجون الدعم حتى لو كان كلمة صادقة ..الذين قال عنهم ول ابا محمود الدقم في البعيد البعيد ولا يعرفون عن النت.. صحيح هم لا يعرفون عن النت الكثير..و لكن يعرفون أن فكرتهم تسوح في عرصات النت و جخانينه..فلنكن صوت من ليس ليهم صوت في عالم الأسافير..!

و دمت يا صديقي.. سعيد جدا بحضورك هنا و اضاءاتك..و سيسعد الأخرون باستمرارك..
كبر

عندما نعرف الفرق بين التغيير واعادة التدوير يا كبر
نعرف لماذا لم يتهم السودانيين بثورات الفيس بوك...
انا بجاوب ليك

Quote: ثورات الفيس بوك...وكسل السودانيين ... بقلم: عادل الامين الثلاثاء, 29 آذار/مارس 2011 10:41 Share [email protected] بعض الزملاء في حقل الاعلام من اهل الظرف...قالوا لماذا لم تجتاح ثورة الفيس بوك السودان وعزو ذلك الى كسل السودانيين المزعوم...وطالما نحن نعيش عصر العلم والمعلومات مع الاخذ بالاعتبار ان ثورات الفيس بوك العربية اندلعت من اجل التغيير وهذا التغيير هو الانتقال من دولة الريع المركزية الى الدولة الحقيقية المدنية الديموقراطية....والحاكمية فيها للشعب... نعود من اجل الحقيقة والتاريخ عن علاقة الديموقراطية بالمنطقة العربية والافريقية..في زمن كان الكفاح المسلح والدامي كان الوسيلة الوحيدة لنيل الاستقلال الذى يقدم بثمن باهظ نال السودان استقلاله عام 1956 من البرلمان بعد اجراء اول انتخابات برلمانية في السودان..وبدا عهدنا بالديموقراطية من الاستقلال..ثم دخلنا عالم الانقلابات العسكرية والثورات المزيفة بحكم الجوار للشقيقة مصر وبدانا استيراد الايدولجيات منها من اخوان مسلمين وناصريين وشيوعيين..ودخلنا في الحلقة الشريرة بين حكم عسكري ثم انتفاضة 1964 وعصيان مدني باقل خسائر حيث امتازت ثورات السودان بانها غير دموية وفقا لقيم السودان التي كانت سائدة بعد جلاء الانجليز وتركهم لدولة مدنية متقدمة جدا بمقاييس ذلك العصر...نحن في السودان كنا نعظم حق الحياة في تلك الفترة على الاقل في جمهورية العاصمة المثلثة كما يسميها المفكر السوداني د.منصور خالد...ثم تلى ذلك انقلاب الرئيس نميري1969 الذى سمي ثورة مايو وكان انقلاب ناجم عن اساءة استخدام الديموقراطية من رموز الاحزاب التقليدية التي كانت حديثة السن والتجربة وينقصها التواضع..واستمر حكم نميري ستة عشر عاما حسوما بدا اقصى اليسار مع الشيوعيين وانتهى في القاع مع الاسلاميين في انتفاضة ابريل 1985 وايضا مضى نميري عبر انتفاضة شعبية وباقل خسائر... وجاءت نفس الرموز والاحزاب التقليدية لتعيد تدوير نفسها وبرنامجها الفوقية المترفة وعجزت ايضا عن حل ازمة السودان العويصة مشكلة الجنوب والتي هي في الاساس مشكلة المركز ولكن اذا كنا نقول بمصطلح طبي ان انقلاب نميري كان حميد لانه انقلب على ديموقراطية فاسدة ان ذاك وسعى لحل مشكلة الجنوب عبر اتفاقية اديس ابابا1972 والتي قوضها نميري مع رموز الجبهة الوطنية(الاخوان المسلمين وحزب الامة)بعد المصالحة الوطنية وفرض مشروع الاخوان المسلمين الوافد من الخارج ..فاءن انقلاب البشير 1989 الذى سمي بثورة الانقاذ ..كان انقلاب خبيث قامت به الجبهة القومية الاسلامية بعد ضيقها بالديموقراطية وقطعت الطريق امام المؤتمر الوطني الدستوري الذى دعا له السيد محمد عثمان الميرغني زعيم الحزب الاتحادي بما يعرف بمبادرة السلام السودانية او اتفاق الميرغني /قرنق 1988 ودخل السودان في نفق مظلم يسمى دولة الاخوان المسلمين.. اهلك الحرث والنسل .ولم يخرج منه الا بفصل الجنوب وازمة دارفور وازمة الديموقراطية نفسها والحريات العامة...رغم ان اتفاقية نيفاشا 2005-2011 كانت افضل طريق للوصول للدولة السودانية الحقيقية المدنية الفدرالية الديموقراطية ونعود لموضوع كسل السودانيين حتى عن التغيير الان ..المزعوم من اهل الظرف العرب...ان هذا النوع من الثورات التي لا يواكبها فكر جديد في مستوى العصر ليست ثورات حقيقية من اجل التغيير بل اعادة تدوير كالتي تخطاها السودان في انتفاضتين سنة 1964 و1985 ان الثورات التي تقودها معارضات من ايدولجيات النظام العربي القديم و مازومة ترفع (النعال) في وجه الحكومة وتعبر بها وتقود الى مصادمات قاتلة وتصعد على جثث الشعوب..وتفتقر حتى الى رؤية معاصرة في زمن الشعوب تقرر واستبدال الطغيان بطغيان لا جدوى منها...وسبق ان جربنا اعادة التدوير في السودان... للاجابة لماذا لا ينتفض السودانيين الان؟...لسبب بسيط...من يحكم السودان بالحديد والنار هم الاخوان المسلمين ولا يستطيع مروجين الاخوان المسلمين في العهد الجديد في مصر او الوطن العربي او فضائية الجزيرة انكار ذلك..ومن يناؤهم هم ديموقراطيين حقيقييين من اهل الهامش والسودان الجديد ولا يجارونهم في ابتذالهم الذى وضعهم دون مستوى قيم المجتمع السوداني المتوراثة من عهد كوش وخليوت بعانخي... ثانيا نحن في السودان تخطينا هذا النوع من التدوير ولدينا مشروع متطور يسمى السودان الجديد وهذا المشروع الفكري تدور معاركه في عقول ووعي الناس..وليس في الشوارع..وقد قال د.قرنق"ما تسالوني عايز تحرر السودانيين من منو اسالوني عايز تحررهم من شنو"..هذا المشروع عالم ثالثي ..لا يبحث عن من يحكم...بل كيف يحكم ويحدد الدولة ليس بالحدود الجغرافية وخطوط الطول وخطوط العرض..بل بالمواطنة والعلاقة بين المركز والهامش...اذا لم يكن المركز مرآة مستوية يرى كل المواطنين نفسهم فيها..سيظل الصراع قائم والمركز مشوه...وايضا افكار تضع القسط والميزان بين " الفرد للحرية المطلقة وحاجة الجماعة للعدالة الاجتماعية" وهذه ازمة عالمية الان في مرحلة ما بعد الصراع بين المعسكر الرسمالي الديموقراطي والمعسكر الاشتراكي الشمولي...وهذه الافكار من جملة الافكار في الساحة اسودانية والمكتبة السودانية العامرة بالكتب...من محمود محمد طه ود.منصور خالد...ود.فرانسيس دينق ود.محمد سليمان..وموجودة في السودان منذ الاستقلال 1956 توجد مشاريع سودانية اجهضها ازمة المنابر الحرة وهيمنة الادعياء على الساحة... لذلك اقول للاذكياء من النخب العربية...ان الديموقراطية وعي وسلوك ولا يعرف قيمتها الا من فقدها وهى موجودة في وجدان السودانيين بالتجربة...وتنشا في نفس الفرد وتنتقل الى المجتمع وليس لها ادنى علاقة بمثلث برمودا الحاكم بامر لله المستبد ولا رجل الدين المزيف ولا المثقف الانتهازي او ثلوث النظام العربي القديم الذى صنع في مصر وتم تصديره للعالم العربي والاسلامي...والثورة الجديدة هي ثورة ثقافية...تضع شباب الفيس بوك في قلب التحديات المعاصرة للدولة المدنية والديموقراطية وفي مستوى الاعلان العالمي لحقوق الانسان وليس رؤى ايدولجية مازومة...وهذه ابعد من الشمس عن وعي الاخوان المسلمين والقوميين...وكل من يضع نفسه بديل اوحد للنظم الحاكمة...بل هي طريق ثالث ليبرالي لم تضح معالمه بعد لذلك يكلف كثير من الخسائر في الارواح والممتلكات...والتحدي الان كيف ننتقل الى الديموقراطية الحقة وننشيء عقد اجتماعي محترم بين الحاكم والمحكوم عبر الحوار وباقل خسائر.... عندها يمكننا ان نتهم السودانيين بالكسل...وان ليس لهم في الفكر و الثورات نصيب...والحديث ذو شجون المتصفحون الآن يوجد 628 زائر حالياً

بعدين البورد ده يؤمن بالراي والراي الاخر
وانا احترم كل وسائل التعبير هنا وليس وصي على احد وتوجد لائحة تحدد
اما ان يعمم اخونا حامد بدوي بشير الامر وينهي البوست بجرة قلم ويرحل فهذا امر شخصي ويمكنه عرض بضاعته في البورد ده في المكان الذى يعجبه ويتحاور مع من يعجبه

عادل امين..حبابك يا صديقي
كتر خيرك على الحضور و المثابرة..
و لنعمل معا من اجل ازالة الشوائب عن فكرة السودان الجديد و التعاطي معها..
حتى الآن هناك البعض من ناس السودان الجديد شغالين بالمثل البيقول ( جوا يساعدوهو في حفر قبر ابوهو..دس المحافير)..و هذه سياسة لا تضرنا..و لكن يعود ضررها على السودان الجديد و انت واحد منهم..
الخيط لازال في بداياته.. فارجو أن تتوخى الموضوعية..داير تشتم اهلا و سهلا.. اشتم بالباب العديل..داير تناقش بالمنطق .. اهلا و سهلا..و ما تنسى نحن بنساعد فيك عشان توصل فكرة للناس..عشان كده يا صديقي هناك بعض الأكاذيب ارجوك أن تتجنبها يا عادل.
اولا انت قلت:

Quote: طيب لمن انت بتقرا كتب محمود محمد طه ومطلع على الملف السياسي للفكرة الجمهورية..بتتطاول على الاستاذ محمود وتستخف بيه ليه؟؟

و هذا اتهام يا عادل سوف يضر بمصداقيتك و طريقة تعاملك مع الأمور..و هذا البوست الجمهوريين و الجمهوريات يقرأنوه و يتابعونه.. يعني فكرتك شنو بالضبط.ز عاوز تخلق لينا فتنة من عدم الأصدقاء و الصديقات الجمهوريين و الجمهوريات؟..و الجمهوريين و الجمهوريات لمن تجي تقول ليهم انت اتحادي.. مش ممكن يقولوا ليك الإتحاديين كانوا بيحاربوا الفكرة التي جاءت في اسس الدستور؟..و مش ممكن يسألوك الإتحاديين فازوا باغلبية في البرلمان السوداني..و لم يلتفتوا لما ورد في احاديث الأستاذ محمود محمد طه؟..و مش ممكن يجوا الجمهوريين و الجنوبيين ..و يقولوا ليك فكرة الفيدرالية الناس كانت بتنادي بيها منذ الخمسينات..و كل التنظيمات السياسية كانت واقفة ضدها بما فيها الإتحادي لمن كان وطني اتحادي؟..هذا السلوك يا عادل سوف يلخبط عليك حاجاتك و يضعك في موضع لا تحسد عليه.

انت قلت:

Quote: وفي بوستك عن غرب السودان اقترحت انت ضم كردفان ودارفور في ولاية واحدة مش كده!!

للمرة الثانية يا عادل.. كونك تتهيأ ليك كذبة في راسك..و تحاول تخلق منها واقعة تمشي بين الناس فلن يجعل ذلك حقيقة..و ان كانت هذه هي خلاصة فهمك لبوست مكونات الدولة : غرب السودان من الإستغلال الى الأستقلال..فيبقى يا اخوي الجماهير الضحك ح يشرطها على طريقة فهمك..
لم ادعو لأن تكون كردفان و دارفور ولاية واحدة يا عادل امين..و انما دعوت أن تكون كردفان و دارفور دولة مستقلة عن السودان الحالي..و اتخيل لي فرق كبير بين مفهوم الولاية و مفهوم الدولة..و اذا انت عامل فيها داير تمارس استخفاف و استهتار بالأمور.. فلن يضرنا ذلك و انما سيضر مصداقيتك و طريقة قرايتك..

Quote: الكلام ده موجود في الكتاب القلت قديم وفي الحقيقة انا جبتو هنا في العصر الذهبي للبورد زمن ناس ياسر الشريف والاذكياء والزمن داك انت ترفل في نعيم سباتك الايدولجي البعثي(وجه زعلان)

للمرة الثالثة يا عادل ارجوك ان تتجنب الكذب..و رميك للكذبات لن يجعل منها حقيقة..و اذا عاوز تتفهلو على الناس فهذه مضحكة..لا علاقة لي بالعثيين ولا ايدولوجيا البعث يا عادل حتى تتهمني بيها..و الحركة دي جربها بشاشا و تراجي القدامك دول..و كان حار بيهم الدليل عشان يعرفوا هوية الواحد السياسية..و هاهم الآن في نفس الخانة..و انت تمارس استخفاف.. بفكرة الأيدولوجيا البعثية.. عشان دايرين نقوم نردح ليك في البعثيين مثلا؟.. ياخي ابو هاشم في ذات نفسو بعثي..و اذا عندك مشاكل مع البعثيين ياهم ديلك امشي واجهم براك يا قريبي..

قلت لي جبت الكتاب في العصر الذهبي للبورد؟..اها الكتاب انا قريتو في طيبة ود اللبيح..و اسأل اصحابك الجمهوريين و الجمهوريات..عن طيبة ود اللبيح (و ديني لاعارفها ولا في خريطة السودان ح تقدر توضح موقعها)..و لمن تعرف طيبة..ح يوروك الجمهوريين و الجمهوريات الكانوا في طيبة..و كنا بنستلف منهم كتبهم بالدس (مش لأنهم خايفين من النظام .. لكن كانوا خايفين علينا نحن الشباب الأغرار)..!

السودان الجديد ما فيهو كبير عن النقد الموضوعي الفعال الماشي بالحاجات لي قدام.. لكن اهلنا الختمية و الأنصار و ناس الجبهة الإسلامية عندهم مطلقات ..و بيفتكروا مناقشة الإنساني في تلك المطلقات هو تطاول و غيره من الأوصاف..!

ما تفعله هنا يا عادل يؤكد للناس انو راس السوط لاحقك.. و سوف يلحقك تدريجيا.. عشان كده داير تدخلنا في حيص بيص عشان نقعد نسوي معاك مع يفعله خالد كودي مع بشاشا..و دي تلقاها عند الغافل..!
شمارات شنو يا قريبي.. هنا فضح معرفي و تأريخي..و ازالة للشوائب و العوالق..و ما شاكلها من منغصات..!
و دمت يا عادل..
كبر

Quote: للمرة الثانية يا عادل.. كونك تتهيأ ليك كذبة في راسك..و تحاول تخلق منها واقعة تمشي بين الناس فلن يجعل ذلك حقيقة..و ان كانت هذه هي خلاصة فهمك لبوست مكونات الدولة : غرب السودان من الإستغلال الى الأستقلال..فيبقى يا اخوي الجماهير الضحك ح يشرطها على طريقة فهمك.. لم ادعو لأن تكون كردفان و دارفور ولاية واحدة يا عادل امين..و انما دعوت أن تكون كردفان و دارفور دولة مستقلة عن السودان الحالي..و اتخيل لي فرق كبير بين مفهوم الولاية و مفهوم الدولة..و اذا انت عامل فيها داير تمارس استخفاف و استهتار بالأمور.. فلن يضرنا ذلك و انما سيضر مصداقيتك و طريقة قرايتك..

طبعا اذا كان فعلا رؤيتك كرؤية الفكرة الجمهورية كان هذا رصيد ايجابي لك ولكن عندما تجزيء جزء من السودان لتصنع دولة وفقا لتهويمات ايدولجية تكون ذى الطيب مصطفى والحمدي ومثلثه في الشمال...وهذا يجعل رؤية الفكرة الجمهورية والحركة الشعبية التي اقترحت خمس ولايات في السودان اكثر احتراما للسودان وشعب السودان وحضارة السودان الممتدة من 7000 عام..وهذا يجعل المشروعين ..هما الافضل حتى الان وكل ما غيرهما ليس سوى هذيان فطير ساكت

التغيير في الموقع ده عقد الاليات وما قادر اشغل اي حاجة

قال كبر
يبقى اقحام الأستاذ محمود في فكرة السودان الجديد.. قد يفهمه البعض (و انا منهم) بانه باب من ابواب الترميز التضليلي..او خلق معادل شمالي لجون قرنق و غيره من الذين حملوا جمرة فكرة السودان الجديد و احترقوا بها ما احترقوا حتى جعلوا منها مشهد يصعب تجاوزه بسهولة..
لا انتظر منك الإجابات فقط..و لكني ارجو اضاءات كثيرة.. لأن الواقع يقول أن هناك تشويش في اذهان الناس..و اذا لم يتحدث اهل السودان الجديد بوضوح و شفافية.. فان هذا التشويش سوف يتعمق اكثر و اكثر..و هي نتيجة لا نريد للفكرة و اهلها ان يصلوا ليها.. انتهى الاقتباس

انظرو الى هذا الكلام جيدا
اقحام الاستاذ ...اليس هذا استقلال في حق الاستاذ..ما كتبه الاستاذ قدره كل الجنوبيين وحتى جون قرنق نعاه في امريكا بتارنيم الدينكا عندما يموت عظماءهم
وتظهر ازمتك مع كل ما هو شمالي في الاقتباس الاتي
ربط فكرة السودان الجديد ، و عبر الية الترميز التضليلي ، بالشهيد محمود محمد طه..قد يفهمه الزول السوداني العادي .. بانو ناس المركز مصرين عودهم يكون راكب في فكرة نبيلة مثل فكرة السودان الجديد..يعني كانهم يريدون ان يقولوا للناس..جون قرنق عظيم..لكن محتاج نخت معاهو واحد (ود بحر أو ود بلد ..!!)

قال كبر
اشارتك لدكتور( الواثق كمير.).مهمة جدا..و في وجهة نظري هو واحد من (القلائل في السودان يفهم الفكرة)..و اكثر من يقوم بالتنظير لها ووضعها في الإطار السليم و المقبول..!

و نشوفك..
كبر

راجع مداخلة مرتضى عن الوثاق كمير ...بفهم السودان الجديد زييك كده...وما بعرف اي حاجة عن الفكرة الجمهورية ويبخس الناس اشياؤهم

قال كبر:اها بالحساب البسيط.. لمن تخط لي جون قرنق ( السودان الجديد)..و تلفق معاهو الفكرة الجمهورية (محمود محمد طه)..و تلفق معاهو الإتحادي (سيدي محمد عثمان الميرغني)..ممكن افهم اتنين مقابل واحد..اها فهم زي دي ممكن ينفع معاك؟..ولا ح تجي تسوينا ما قاعدين نقرا..و لو قرينا ما ح نفهم؟..

انا العارفو انه الثلاثة ديل سودانيين؟
انت قسمتهم 2 الى 1 على اي اساس...اشرح للناس التقسيم بتاعك ده قائم على شنو
ومن قصص جون قرنق شخصيا عشان تستفيد قال كان منتدب لامريكا مع ضابط شمالي لمن جاء المدربين يصنفو الناس لي عرب وافريقيين جون قرنق والضابط قعدوا بعيد الامريكان قالو ليهم انتو شنو قالو ليهم(نحن سودانيين) قام الامريكي كتب سودانيين قسم لحالم
كان ففهمت رؤية جون قرنق دي حتفهم السودان الجديد صاح
ولكن الايدولجيات التي تشكل اصر على الشمال المازوم بجهاته الثلاث هي اكبر من يشوش على مشروع السودان الجديد وانت اما تطرح افكار بحجم الوطن ولى تكون انت والحمدي ومثلثه وجهين لعملة واحدة وعبء على السودان الجديد والفكرة الجمهورية ايضا...لان مشروع السودان في مخيلة الغرابة هو تحرر من منو ولهم تصنيفات وصاحب العقل يميز

الاستاذ كبر وزواره الكرام/يمات..
بوست رائع استقطب أفكار وآراء جيدة ..
لم تغفل إبراز الجذر التأريخي الذي نهضت عليه فكرة السودان الجديد..
متمثلا في المواقف والأدوار التأريخية لتجمعات وقيادات من الهامش ..
في إطار مقاومتها لاقتلاع حقوقها من السلطة المركزية للدولة ..
صراع الهامش ضد المركز صراع قديم..
منذ أن تاسست مركزية الدولة على يد الغاصبين(التركية السابقة )..
دعوني اذكره أيضا أن نظار وعمد وسلاطين السودان ..
إنتبهوا للخلل الذي أشار إليه الأخ حامد( الحزب الاشتراكي الجمهوري )..
وعقدوا مؤتمرا عاما تداعوا له من جهات السودان الاربعة في أخريات ستينات القرن الماضي..
كان تنظيمه ومظهره الذي ظهر به على الرغم من تواضع مخرجاته ..
مربكا للعقلية المركزية وقتذاك ومهددا للكيانات السياسية المركزية..
فكان رد الفعل المباشر حملات إعلامية شعواء قادها المركز ضد النظار والسلاطين في أشخاصهم..
ثم ختموه بحل الإدارات الأهلية ..
وحسنا فعلوا ..
إذ أفرز الحل تنظيمات وتجمعات جديدة قادت العمل المطلبي ضد المركز ومازالت..
وقبل أن اختم مداخلتي ..
اسمحوا لي بوقفة عند مصطلح ( السودان الجديد ) ذات نفسه..
لا فكرته السياسية التى تبناها اتفاق نيفاشا وأدرجت في الدستور الانتقالي..
فأصبح المؤتمر الوطني الحاكم بقدرة قادر..
ضمن المتبنيين لمضمون الفكرة حسب مخرجات الواقع السياسي منذ توقيعه على الاتفاق شئنا أم أبينا ..
حتى وإن تجنبوا استخدام المصطلح و حاولوا ويحاولون الالتفاف حوله ..
على كلِ ما أود الإشارة إليه متعلق بأذمة المصطلح..
فمن المنطقي أن تسك أي مجموعة مصطلحا لفكرتها وبرنامجها الإصلاحي ..
ليصبح فيما بعد العنوان المضغوط (compact title )الدال لمضمون الفكرة بايجاز ..
دون أن يدع مجالا لطرح اسقاطات أُخّر تبدو الفكرة في سياقها على الضد منه..
مصطلح (السودان الجديد) عند التقائه بأُذن مستمع متعلما كان أم غير ..
أول ما يتبادر لذهنه مقابله بمفهوم الضد أي السودان القديم ..
فيصبح مفهوم المصطلح مربكا لا يتساوق مع فكرته..
بل يستدعي من الوهلة الأولى خصومة الفئات التى جاء ليبعبر عن أهدافها ..
و المفارقة أنك عندما ستشرف مضمون الفكرة ..
تجدها متصالحة مع السودان القديم بمعناه التأريخي ..
بل تستمد جذرها منه من لدن مروي حتى السودان المعاصر ..
متمثلا في مقاربات فكرتي الهامش والمركز المعاصرة فيما يتعلق بثيمتي السلطة والثروة ..
وحرية العقيدة واحترام التنوع فيما يتعلق بموضوعة الثقافة ..
فكرة السودان الجديد ..
برزت لتضحض ايديولوجية مركزية السودان الحديث والمعاصر من لدن التركية السابقة حتى الانقاذ..
بل ان كلمة مركز نفسها دخلت قاموسنا السياسي من بعد التركية السابقة..
وحين أقول المركز لا اعني العاصمة بل اعني مركزية السلطة والثروة والثقافة ..
السودان القديم هو نفسة هوامش المركز الحالي ..
المقموعة بسلطتة المحرومة من عائد الناتج الاقتصادي..
فكيف للفكرة التى ولدت تعبيرا عن أذمتهم..
أُصطلح لها عنوان مقابلة بمفوم الضد يلفح ظهر إرثهم التاريخي..
ويعمل استوبل في ذهن المتلقى من الوهلة الأولى..
عندما يقال السودان القديم..
فلاشارة هنا لتأريخ ما زال إرثه وثقافته حاضرة في اطراف السودان تنازع الاندثار..
باهراماته وكجوره وحجباته وقبابه وكنائسه..
برعاته ومزارعيه واسواقه الشعبية ..
بطمبوره وطمبرته وكيتته والوازا ..
بكمبلته ودليبه وجراريه ومردومه..
بنحاسه وطاره ودلوكته ونوبته ونقارته..
بسوطه وعكازه وسيفه وحربته وشوتاله..
التاريخ بقول ..
السودان القديم ظل يعتمد منذ العهد المروي وحتى السلطنة الزرقاء نظاما فدراليا للحكم..
ومنهجا لا يقصى العقائد الأخرى ..
ولا يقمع التنوع اللغوي ويسد أبواب التلاقح الثقافي..
( لاحظت كلمات كثيرة في لغة كاتب الطبقات تعود للغات السودان القديم) ..
ولا يعيق الاندماج الاجتماعي بين الكيانات التي عمرت البلاد..
ولا يعرقل حركة المهاجرين اليه أو يسائلهم عن جنسياتهم وثقافاتهم..
صحيح كانت هنالك صراعات وحروب قبليّة الطابع ..
غير أنها لم تكن بدافع عنصري أو ثقافي أو عقائدي كما حدث لاحقا ..
بل كان دافعها اقتصادي بحت متعلق بحماية حقوق المرعي والماء و خطوط التجارة ..
صحيح تداول السلطة كان طابعه وراثي..
لأن النظام السياسي للدولة بمفومه الديموقراطي واللبرالي ظهرا حديثا ..
مصطلح السودان الجديد في تقديري مربك ..
لا يعبر عن مدلول الفكرة القائمة على تفكيك السلطة المركزية وكذا العقل المركزي للسوان المعاصر..
إنتصارا لحقوق الهوامش..
الوقت مبكر الآن للخوض في مسم قطاع الشمال نفسه فحبل الوصل الدستوري مازال قائما..
هل تروني مخطئ.

Quote: حزب الامة وولاية الفقي ومشروع السودان العريض الكيزان الاخوان المسلمين بسبب الجهل المركب السلفيين بسبب التخلف والكحل البعثيين الوهم بانهم عرب الناصريين ايضا كذلك الشيوعيين بسبب العنظزة والنرجسية والمعقدين النسخة المضروبة ادعياء الفكر ولا فكر واقافة ولا ثقافة نخب جمهورية العاصمة المثلثة وديل عايزين دكتور فيل

جوهر مشروع السودان الجديد مستلهم من دولة كوش السودانية الاولى لذلك كان بحجمXXL وتجده في السلام الجمهوري الجديد لدولة جنوب السودان
ولكن منذ الاستقلال وعندما اصبح السودان مكب ومقلب قمامة خلفي للشقيقة مصر ودول الشرق الاوسط والتحق بقاطرة الانظمة المركزية الفاسدة والفاشلة والفاشية المعطوبة ...دخل في متاهة البحث عن هوية ابن كوش الضائعة
السؤال لانصار او اتباع واضناب تلك الايدولجيات السقيمة في البورد
ولاية الفقيه الايرانية التي ادخلت الامام في متاهة لن يخرج منها ابدا
اما عن الاخوان المسلمين فحدث ويا للعجب انقسموا الى ظل ذى ثلاث شعب مؤتمر وطني وشعبي وعدل ومساواة وهو ظل لا ظليل ولا يغني من اللهب (الفصل السابع)
السلفيين وفقه البيئة العربية الذى يكبل العقل ويجمد الحواس يضعهم خارج حضارة الالكترون والتفكير بعقل الغريزة(عقل المعاش) وهو فكر عنصري ايضا
اما عن البعثيين فحدث ولا حرج...فضحت ثورة المعلومات يتوبيا نظام صدام الفاشي بعد اكلت دابة الارض منساته..
الناصريين...هم شخصين لا غير واراد المصريين تسويقها في هذا العصر بواسطة ابن جمال عبدالناصر ولم يتبعهم احد
اما عن نرجسية الشيوعيين وسقوط بعضهم عموديا الى الاسفل فالحديث ذو شجون
.....
هذه هي البضاعة في شمال السودان منذ 60 عاما
والسؤال: هل انت كسوداني وجدت نفسك فيها؟؟ماذا حققت لك؟
وهل غطت كافة التراب الوطني لدولة كوش الجديدة؟
ما جدوى بقاءك في هذا الوضع (المعكوس حتى الان)؟
هذه الافكار اشبه بالجزام..عملت على مسخ الهوية السودانية وتفتيت الوطن
كانت جزء من الماضي المشين ولن تكون جزء من مستقبل السودان
......
ان الذين حاولوا الانعتاق من هذا الاصر القديم وجاءوا بمشاريع باتساع الوطن وان ظلت دون مشروع السودان الجديد فهذا امر جيد
مثل الحزب الليبرالي السوداني عادل عبدالعاطي وحزب الخضر امنة مختار
ولكن ماذا قدم الهامش الغربي على مستوى الحركات حتى الان؟؟ وماذا قدم كبر(دولة غرب السودان) واحمدي دولة مثلث الشمال...وهلمجرا...


وانا ومنذ 50 عاما
اقف شاهدا على ما قد رايت
رايت اناسا يظنون
ان التخلف امر من الله
مثل الحصبة مثل الجزام
مثل الجرب
وجدت العروبة تباع
في سوق الاثاث القديم
ولكني ما وجدت العرب!

اقتباس بالتصرف من نزار قباني

اتمنى الاستماع الجيد للسلام الجمهوري لدولة جنوب السودان والاطلاع على حضارة كوش في الرابط ادناه والترحم على الدكتور اسامة النور مؤسس موقع اركماني






http://arkamani.com/cu####ic_religion/apedemak.htm

الاخ محمد علي طه الملك
تحية طيبة
تحليل متماسك وعلمي
ولكن نحن في القرن 21 سنحول مصطلح السودان الجديد الى مفردات سياسية ذات مدلول سياسي محدد وعالمي
السودان الجديد= الدولة المدنية الفدرالية الديموقراطية

السودان القديم المعني بكونه مضاد للسودان الجديد...ليس السودان التاريخي الممتد الى كوش اكثر من السودان المعاصر ل 200 سنة مضت وحتى ما بعد الاستقلال والى 2005 حتى توقيع نيفاشا
وهو
السودان القديم= الدولة المركزية الفاسدة والفاشلة والفاشية ,
ويمكن تقسيمه ايضا الى
1-حقبة التركية السابقة1821-1885
2-حقبة المهدية1885-1898
3-حقبة الاستعمار الانجيلزي1898-1956
4-حقبة الاستقلال من1956-2005
وطبعا هناك من يزور التاريخ عمدا من اجل الهيمنة على السلطة والثروة
ولكن اكبر عملية تصادم بين السودان القديم والسودان الجديد افرزتها اتفاقية نيفاشا ومالاتها الان
واعني حقبة التيه والطشاشات..المازومة والمستلبة عروب اسلاميا(انظر الايدولجيات الستة اعلاه)
هذه هي مرحلة الحلقة المفقودة في الداروينية السياسية السودانية..التي ارادت الحركة الشعبية تنقلنا الى ما قبل التاريخ لنستلهم منها تنوعنا ووحدتنا وليس تنوعنا وشرزمتنا والحديث هنا ذو شجون
ولقد جرى في كوش القديمة ايضا محاولة لتحريرالسودان من الاستلاب الفرعوني المصري بواسطة اركماني
لذلك كان الدعوة للتحرر من شنو؟؟ساعود لاركماني لاحقا او اطلع على اللنك مع نشيد السلام في البوست

Quote: مثلا امنة مختار تجئ بفكرة جديدة في المشهد السوداني ..و ذلك بطرح فكرة تأسيس حزب الخضر السوداني..و تعلن ان منطلقاتها تقوم على فكر السودان الجديد.. ثم تحدد شخصيات سودانية مثل دكتور جون قرنق..و الأستاذ محمود محمد طه..فمثل هذه الخطوة تثير بعض التساؤولات..و قد انتبه الصديق عبد المنعم ابراهيم لإحتمال اثارة مثل تلك التساؤولات..فحدد أن فكرة السودان الجديد يجب الآتقتصر أو تحصر في الشهيدين ..و هذا حديث يشي بان الفكرة لها جذورها التاريخية في مسار الفكر السودان..و انها كانت تخفت و تعلو..الى ان اخذت حيزها من الوجود..فحينما تربط امنة مختار..فكرة السودان الجديد بالشهيدين فقط.. فانها تختزل فصائل مؤثرة للغاية..و ساهمت و ضحت تضحيات كبيرة في صياغة خلاصات الواقع السوداني سواء بالفكرة او بالعمل..اتحاد ابناء جبال النوبة و الذي تحول الى الحزب القومي السوداني بقيادة المرحوم فليب عباس غبوش..نادى باكثر من تسعين في المية من المبادئ و الأفكار التي نادى بها الشهيد دكتور قرنق..و نفس الفصيل اعلن في سنة 1985 انه يتفق كثيرا مع الحركة الشعبية في رؤيتها للأمور..ولازال نفس الفريق يتفق مع الحركة الشعبية..و هو رصيد ثر للحركة الشعبية و لفكرة السودان الجديد.. فلماذا يتم اختزال الأمور و تجاهل مثل تلك الوقائع؟..فان كنا نسعى فعلا لإعادة ترميم الثقة في الذوات السودانية.. فلننهج نهج الحقيقة و المصالحة..القحا قحة مؤثرة نديهو الإعتبار.. الشال بندقية في سبيل الفكرة نديهو الإعتبار..و دي فايدتها انو فعلا نحن ما قاصدين نتعالى على ثقافة وفق ثقافة اخرى.. الصديق عبد المنعم صمت ..و لكنه كان افضل من يتحدث مثلا عن مشروع اولاد عشري في الثلاثينات و الأربعينات..و فوق ذلك صمت و لم يتحدث عن قراءته الشخصية لحركة اللواء الأبيض ..و التي قامت على نواتها فكرة السودانوية التي يتحدث عنها الناس اليوم..مثل تلك البذور هي المكونات التأريخية الأولية لفكرة السودان الجديد..و دكتور قرنق كان ذكي للغاية و انتبه لها و بني عليها..! ارث حركة الخضر العالمية هي فكرة بطبيعتها مناهضة للدين و بأي شكل كان..و لمن يجيني زول أو زولة و يقول لي اتمسك بارث محمود محمد طه ( و هو ارث ديني بطبعه)..و يلتمس من ذلك الفكر قدوة لتأسيس دولة علمانية (كما ينادي بها فكر السودان الجديد) فهنا اكون دخلت في مشكلة كبيرة..! ربط فكرة السودان الجديد ، و عبر الية الترميز التضليلي ، بالشهيد محمود محمد طه..قد يفهمه الزول السوداني العادي .. بانو ناس المركز مصرين عودهم يكون راكب في فكرة نبيلة مثل فكرة السودان الجديد..يعني كانهم يريدون ان يقولوا للناس..جون قرنق عظيم..لكن محتاج نخت معاهو واحد ود بحر أو ود بلد ..!!

اﻷخ كبر..
رأيك معتبر ومنطقى ..

ولكن..
هل لاحظت ان النسخة المنشورة فى البوست الجديد بتاع حزب الخضر مافيها ذكر للأستاذ محمود محمد طه ..؟

مع انى شخصية صرت اؤمن بالفكر الجمهورى من حوالى سنتين ، وبقرآتى عن الفكرة وجدت انها تحمل بذور سودان جديد
وافكار جديدة وثورية بالنسبة لذلك العصر ..( على سبيل المثال لا الحصر موقف الأستاذ محمود من التعامل مع اسرائيل )..

ولكن لى رفيقات فى مشروعنا السياسى هذا يرين نفس رأيك هذا حول اﻷستاذ محمود والفكر الجمهورى ..
وبعضهن يخشين من اﻷستاذ محمود خشيتهن من البعاعيت ...وانا كنت مثلهن
لأننا نشأنا وتربينا على ان اﻷستاذ محمود شخص مضلل .

أما السودانوية التى هى بذور فكرة السودان الجديد ..
أتفق معك.. نادى بها كثيرون من كل مناحى السودان ..( وأرى انك نسيت ذكر مؤتمر البجا الذى تأسس فى العام 1968)..

أما حكاية ( جون قرنق لكن لازم نخت معاهو واحد ولد بلد ..أو من المركز ) دى فلم تخطر على بالى مطلقا ..( مع انها ربما تكون قد خطرت لآخرين )

لأنى لا ولم أعتبر نفسى يوما أنتمى للمركز ...ومن أى ناحية مافى حاجة بتلمنى بالمركز..
غير السودان الكبير ..
وأفخر جدا بجذورى وثقافتى المميزة التى تنتمى الى الغرب والشرق معا .وهى ميزة نادرة لا يحوزها الكثيرون أو الكثيرات .

أيضا معى صديقات وأصدقاء فى حزبنا الوليد ينتمون الى المركز ولا يعرفون شيئا عن محود محمد طه كما سبق أن ذكرت ..
مع انهن متعلقون جدا بفكرة السودان الجديد تبع جون قرنق ..


_____

أما موضوع حركة الخضر العالمية وعلاقته بالدين ..وعلاقة موضوع الدين بمشروعنا..
فأنا ما عارفة الفكرة دى جاتك من وين ، وليه مصر تربطنا ب( الدين ) فقط لأنى سبق أن ذكرت اسم محمود محمد طه فى بوست قديم ..

ارجو أن تعود مرة اخرى وتراجع برنامجنا العلمانى المنشور الان فى هذا المنبر ، للتأكد اننا لا علاقة لنا بالدين لا من قريب ولا من بعيد ..
حتى لو جبنا سيرة محمود محمد طه ..

موضوع الدين ده فى رأينا ( علاقة خاصة ) بين الانسان وصانعه ..
ويكفى ما عانيناه بسبب زج الدين فى السياسة .

خطأ غير مقصود..
مؤتمر البجا انشئ عام 1958

يا كبر و المتحاورين: أيي نحنا علمانيين و بي نفصل بين
الزمني و المقدس، لكن ده ما بي يمنع من:
1- في ناس شايفه الدين الإسلامي بنسختو الصوفيه قد إندغمت فيه
كثير من حضارتنا القديمة و هو أكثر من يعبر عن السوداني المتصالح
مع مجتمعه ( و كمان نسخته الجمهورية المحسنة)، بعكس التيار السلفي
المستمر في الصعود نتيجةلإرتباطه بالدولة و بي تتجلي في رؤيته الإرتباط
بالهوية العربية و العنصرية و إحتقار الآخر والذات السودانية.
عشان كدا أنا رأيي مع الإحتفاظ بفكرة العلمانية المفروض نعلي
من قيم التسامح و القيم المرتبطة بي مجتمعنا في الرؤية الصوفية للدين
الإسلامي.
2- في حاجة تانية داير أنبه ليها، فكرة المركز، أو الدولة السودانية
الحديثة مكنة النهب الإستعماري، دي مكنة البخش فيها عن طريق التعليم
(الإستلاب الفكري/الثقافي) ، أو عن طريق العمل (الإستلاب الإقتصادي/الإجتماعي)
طوالي بي يتحول لي منتج من منتجات مكنة الدولة السودانية الحديثة
و يتم إبعادو عن العلاقات الاجتماعية/الاقتصادية/الثقافية في الهامش
و يعجز بالتالي (بما أن رؤيته قد أعيد تحديدها لتعبر عن المركز)
عن التعبير عن الهامش أو مخاطبة الهامش بنفس لغتو.عشان كدا
معظم متعلمينا و مثقفينا أول ما يدخلو المكنة دي بي يعجزو عن العيش في الريف
و يتحولو هم ذاتم لي ميكانيكية في مكنة المركز.

أتفق معك تماما أخ عيدروس
فى كل مداخلتك اعلاه :

Quote: - في حاجة تانية داير أنبه ليها، فكرة المركز، أو الدولة السودانية الحديثة مكنة النهب الإستعماري، دي مكنة البخش فيها عن طريق التعليم (الإستلاب الفكري/الثقافي) ، أو عن طريق العمل (الإستلاب الإقتصادي/الإجتماعي) طوالي بي يتحول لي منتج من منتجات مكنة الدولة السودانية الحديثة و يتم إبعادو عن العلاقات الاجتماعية/الاقتصادية/الثقافية في الهامش و يعجز بالتالي (بما أن رؤيته قد أعيد تحديدها لتعبر عن المركز) عن التعبير عن الهامش أو مخاطبة الهامش بنفس لغتو.عشان كدا معظم متعلمينا و مثقفينا أول ما يدخلو المكنة دي بي يعجزو عن العيش في الريف و يتحولو هم ذاتم لي ميكانيكية في مكنة المركز.

أما حكاية الاستلاب دى فالحمد لله نحن نصر أن نعبر عن واقعنا وبيئتنا وثقافتنا التى جئنا منها..حتى لو لم يتفهمها الكثيرون ..
وما زلنا ندافع وننافح عنها ضد الاحتواء او الادغام ضمن ثقافة المركز ، لأننا نؤمن بالتنوع والثراء الثقافى للوطن الكبير..ونؤمن بتميز ثقافاتنا وأصالتها

شخصيا لم أكن اعرف العاصمة الخرطوم قبل حضورى للدراسات العليا..

بمعنى ان شخصيتى كراشدة تشكلت بعيدا عن ثقافة المركز ، التى ما زلت اعانى الكثير فى محاولة التكيف معها حتى الان ..

وما زلت أعيش فى الهامش ...هناك بعيدا على ساحل البحر اﻷحمر حيث ولدت ونشأت ، والخرطوم دى بنجيها زيارات بس .

المهم يا أمنة الناس تتفق في إنو المشكلة سببها المركز و موجودة في الهامش
و لكن الحل موجود في المركز و ذلك بإستعدال الدولة السودانية لتعبر
عن كافة السودانيين بمختلف أراءهم و معتقداتهم و ذلك
عن طريق الديمقراطية و العلمانية، و الإنحياز للمهمشين في الحضر و الريف
إقتصاديا" و إجتماعيا"، و إستيعاب التشكيلات الإجتماعية لأنسان الريف
(بعد إشاعة الديمقراطية فيها) في الدولة، و التنمية المستدامة
التي تدخل الحداثة للإقتصاد الريفي وتطور المجتمع بدون أن تحدث شرخا"
في وعيه بذاته مع المحافظة علي البيئة.

الصديقات و الأصدقاء..حبابكم جميعا..
و تحية من عبركم لمن يتابع هذا الخيط على البعد..
الصديقة آمنة مختار..
استاذي و صديقي محمد على طه الملك..
الصديق عيدروس..
الصديق محمود الدقم..
الصديق عادل امين..
كتر خيركم جميعا..
و نوعد بالعودة و المواصلة في النقاش..

و دمتم..
كبر

التحية للزوار والمتحاورين والمتابعين
نتمنى الزول البجي البوست ده يقرا كل المداخلات وبتركيز شديد من اجل الجدل الصاعد البناء
ونحن شعارنا في عصر العلم والمعلومات(الحق اولى ان يتبع)

والان لنعرف الهامش والمركز

1- ديموقرافيا
2- كوعي
تشكل المركز في دولة السودان المعاصرة خلال 200سنة الاخيرة...اما بسبب العمل وديل افندية الشمال والشرق او الهجرة القسرية عبر ام كواكية عبدالله التعايشي. وديل من الغرب.الحروب الجديدة في 70 سنة الاخيرة وجابت معظم ناس الجنوب.. وجبال النوبة..وظلو ايضا في هامش المركز وسماهم عبقري الانقاذ العنصري حسن مكي(الحزام الاسود)

اما المركز المازوم الحالي بعد 1956
تشكل عبر ناس جابتم مجانية التعليم من الجهات الاربعة..في الجامعات الرئيسة في البلاد...وبدل ما يكتفي الواحد فهيم بالعلوم التطبقية المفيدة من هندسة وطب ويعود الي اهله ليرفع من شانهم...انخرط في الايدولجيات الممسوخة الوافدة من الخارج(شيوعيين وبعثيين وكيزان وانصار سنة وناصريين وهلمجر)
واسوا هذه الاوبئة الاخوان المسلمين...واسوا مشروع عبر عنهم تماما ثورة الانقاذ..على الاقل نميري كان بكتل الزول العايز يزحو من الكرسي ولكن الانقاذ والاخوان المسلمين فقدنظمو اعمال ابادة منظمة في الهامش الجنوبي ثم انتقلو الي جبال النوبة ثم اخيرا دارفور وبواسطة ابناء تلك المناطق نفسهم...وشوفو الابتزال في مجرم حرب في دارفور ينزل مرشح والي في كردفان بدون فيش وتشبيه
....
ببقى التعريف المعاصر لمركز هو اشكال الوعي الوافد الستة للعاطلين عن المواهب ناس جمهورية العاصمة المثلثة التي تعيد تدوير نفسها من جديد وتطرح نفسها كبديل قادم وهيهات...(فاتكم القطار...فاتكم القطار))
الفكرة الجمهورية والحركة الشعبية ...افكار سودانية اهتمت باهل الهامش والاستاذ محمود كمهندس عمل سد في مدينة رشاد من 1954 قاعد لحدت يوم الليلة
عايز واحد فقط من الذين يفهمون في التنمية يكلمنا ان ودا وسواعا ويغوثا ويعوقا ونسرا بتاعة المركز دي انجزت شنو من الاستقلال؟؟
وبقى في هذه المرحلة نعرف الهامش السياسي بعد ان تم تعريف الهامش الجغرافي

يا زول يفكر كويس ويتحرر من شنو...ويؤمن بمشروع السودان الجديد ويخلي التمترس خلف هؤلاء الفاشلين الستة..سينضم تلاقائيا لاحزاب السودان الجديد والقوى الديموقراطية المتحدة

أستاذ عادل أمين
عن من كانت تعبر الثورة المهدية وكت قامت بقيادة المهدي و الخليفة التعايشي؟

سؤال تاني يا استاذ عادل
هل الفكر الصوفي ، نقطة إنطلاق الأستاذ محمود كان نتاجا" سودانيا" خالصا"؟

Quote: سؤال تاني يا استاذ عادل هل الفكر الصوفي ، نقطة إنطلاق الأستاذ محمود كان نتاجا" سودانيا" خالصا"؟

الاخ عيدروس
تحية طيبة

التصوف كمعنى شامل يتخطى مفهوم الدين الى قدرة العقل الانساني على رفع الحجب لمعرفة ما وراء المادة ورسل الفكر موجودين منذ ما قبل الاديان من امثال سقراط وارسطو وافلاطون...
والفكر الانساني لا يكون خالصا لجهة معينة والامر نسبي..لانه تراكم معرفي عبر العصور ولكن القاعدة المعرفية عند اهل التوصف في السودان هي مستمدة من الاية(واتقوا الله ويعلمكم الله) يعني المعرفة تنبع من داخل الانسان وفقا لتجربته الخاصة الروحية ونقاؤه الحسي وليس دكتوراة او برفسر شيب من جامعة السربون او هرافارد وغيرها
لان الفكرة الجمهورية نتجت في السودان وليس لها مماثل خارج السودان ووضعت راي في ما يدور في الكون
كما قال الاستاذ محمود نفسه في كتاب رسائل ومقالاتwe are the most explicit party which give a correct out look towards the general schemes of the universe

الفكر الصوفي ليس سوداني ولكن الفكرة الجمهورية سودانية ذى ما الاخوان المسلمين مصرية والناصرية مصرية والشيوعية روسية والوهابية سعودية والبعثية سورية وولاية الفقيه ايرانية وقس على ذاك...ولانها سودانية كانت تعرض في شوارع المدن السودانية للمواطن العادي التفكير والسلوك دون ان تسبب له اضطرابات وجدانية وشروخ نفسية عميقة كالتي تحدث لاصحاب الافكار المشوهة والوافدة التي خرجت من جامعة الخرطوم وكان الجمهوريين يتعرضون للضرب في هذه المؤسسة التي تعتبر مكان علم مما دلل تماما ان المواطن السوداني العادي كان اكثر تحضرا من طلاب جامعة الخرطوم المصابين بالاوبئة الستة اعلاه
والفكرة الجمهورية...هي بصمة السودان والسودانيين العالمية وهي حياة الفكر والشعور

Quote: والفكر الانساني لا يكون خالصا لجهة معينة والامر نسبي..لانه تراكم معرفي عبر العصور

و في محاولات توطين الأفكار و سودنتها العبرة بي تكون في:
"وجود أساس في الواقع تعبر عنه هذه الأفكار"
و مقدار نجاح الفكر في النجاح هو مدي إجابته علي مشاكل الواقع.
طيب الإستنتاج : الشيوعيين ، الأخوان المسلمين، الأمة ، الإتحادي، الجمهوريين
والحركة الشعبية و أفكارهم التي ينطلقون منها كلهاتجد جذورها نتاج فكري إنساني
تمت سودنته ، ليعبر عن أساس موجود في الواقع السوداني و يجاوب عن مشاكل هذا الواقع.
بس ممكن الواقع الذي تم التعبير عنه هو في حد ذاته المشكلة و ليس الحل
أو يكون هناك قصور في الرؤية (يعني يعبرو عن بعض الواقع و يتم تعميم الحل علي كل الواقع)
التعديل لإضافة( و في فكر يعبر عن الواقع لحلحلة أزماته
و فكر يعبر عن الواقع المأزوم لإعادة إنتاج الأزمة)

Quote: أستاذ عادل أمين عن من كانت تعبر الثورة المهدية وكت قامت بقيادة المهدي و الخليفة التعايشي؟

الاخ عيدروس
تحية طيبة
عن الذين يؤمنون بمهدية محمد احمد المهدي التي فرضها بالقوة وليس عن السودانيين الذين لا يؤمنون بها(مناظرات المهدي مع علماء السودان) من مسلمين وغير مسلمين(في الجنوب والغرب)...وفكرة المهدية من التراث الشيعي اصلا..وقد كان هناك السنوسي في ليبيا وابو جميزة في غرب السودان.. وهي الان تعادل ولاية الفقيه الايرانية ...وتم اعادة تفصيلها في ثوب جديد يسمي حزب الامة والامام2002 بعد ان انكرها الصادق على عمه في الماضي والجمع بين السياسة والقداسة...والدولة المدنية ليس فيها امام او شيخ او اي امتيازات دينية وعرقية...والمهدية ايدولجية كانت تكفر الخصوم وتقتلهم تماما كما يفعل الاخوان المسلمين الذين ضل سعيهم في الحياة الدنيا لذلك تماهت مع كيزان السودان في الجبهة الوطنية وقوضت الدستور سنة 1968 بسبب تكفير الشيوعيين وطردهم من البرلمان

اما عبدالله التعايشي فقد اسس دولة دينية فاشية حافلة بجرائم الابادة والتهجير القسري(ام كواكية) لا تختلف عن دولة البشير الحالية واحسن تمشي تذاكر في الكتاب الموجود في هذا البوست وبه التاريخ الموثق والحقيقي لدولة عبدالله التعايشي
وتاريخ السودان المغييب من كوش والمزور من 200 سنة ولحدي الان في حاجة الى مراجعة امينة وصادقة وبنصحك مرة تانية تقرا الكتاب الفي اللنك فوق وتجيني صاد

يعني يا أستاذ عادل أمين عاوز تقنعني إنو الناس الحاربت و ماتت
و الحاربت و إنتصرت علي جيوش الدولة التركية المصرية ذات الجيش المنظم
وهم غبش ،مزارعين و رعاة أنهكتهم الضرائب و عسف الأجنبي
داير تقنعني إنو البجة الأذهلوا الجيش البريطاني
و القبائل من الشمالية لحادت الجنوب ديل كلهم وقفو مع المهدي بالجبر؟!
أكيد كان في المهدية ما يعبر عنهم، ولا لا؟

Quote: يعني يا أستاذ عادل أمين عاوز تقنعني إنو الناس الحاربت و ماتت و الحاربت و إنتصرت علي جيوش الدولة التركية المصرية ذات الجيش المنظم وهم غبش ،مزارعين و رعاة أنهكتهم الضرائب و عسف الأجنبي داير تقنعني إنو البجة الأذهلوا الجيش البريطاني و القبائل من الشمالية لحادت الجنوب ديل كلهم وقفو مع المهدي بالجبر؟! أكيد كان في المهدية ما يعبر عنهم، ولا لا؟

الاخ عيدروس
سلام
اول حاجة عشان تحرر من اصر الفهم المزور للتاريخ
قبل ما ترد
امشي اقرا الكتاب الفي اللنك الفوق ده...اذا ما قريت الكتاب الفي اللنك ما تجي تقول لي كلام عاطفي ما علمي هنا لاني حاضر بنسخ لصق انزل الكتاب على الملاء وهوموثق من دارالوثائق...
بعدين الاخوان المسلمين الذى يفهمون ان التركية خلافة...تكون المهدية خروج وتمرد على الخلافة الاسلامية والباب العالي في تركيا مش كده؟؟البخلي حزب الامة يتحالف معاهم شنو 1964

نعم المهدية نكلت بالسودانيين اكثر من تنكيلها بالخصوم وكفرت من لا يؤمنون بها بل حتى قادتها لاقو مصير مفزع مع التعايشي مات الزاكي طمل في سجون التعايشي جوعا...وهسه ولحدي الان لو عايز تبلطج وتقلع لي حاجة من زول يقولو ليك (انت قايل الدنيا مهدية) واخر بلطجة لهم كانت حادثة الاعتداء على وليد مادبو

والبوست ده عندو هدف محدد
كيف يفهم عادل امين مشروع السودان الجديد؟
وبالنسبة ليك انت كمتعاطف مع المهدية
حزب الامة الحالي عبء على مشروع السودان الجديد
لانه صاحب ماضي مشين وموثق في قتل انسان الهامش في الفترة من 1956-1988

نرجع لحزب المؤتمر الوطني في متاهته
عندما ياتي بالموقوذة والنطيحة والمتردية من 1956 ويعيد تدويرهم مرة اخرى وفي صورة نمطية للنموذج المصري البائس حكم اسرة فاسد..ويحيط نفسه بالمنافقين والبلطجية..اللا يخشى هؤلاء بعد ارزل العمر يجدوا انفسهم في السجون والبهدلة ذى جيرانم في مصر...عندما تسقط الانقاذ بالفصل السابع قريبا..
ما هو الجديد والمفيد الذى ياتي به المؤتمر هذه الايام؟؟
زاغ من الدوحة واقترح الاستفتاء مع المازومين من ابناء دارفور
رجعنا للدستور وازمتو من 1956 ومشروع الاخوان المسلمين المصري(الشريعة مصدر رئيس للتشريع)
الولايات الكثيرة وعلاقتها المشوهة بالمركز ورفض فكرة الاقاليم
الفساد بحجم عدد المسئولين والوزراء اكثر من المزارعين
هل ترون اي تغيير؟؟

كيف يفهم عادل الامين السودان الجديد من الليلة وحتى الفصل السابع..وتاني الكلام ده ما بنكرروا:وصاحب العقل يميز

1- اعادة هيكلة الشمال وفقا لاتفاقية نيفاشا،باعادة الاقاليم الخمسة واجراء انتخابات تكميلية للبطاقات 9و10و11و12..التي تحدد حكومة كل اقليم ونائب..ووفقا للدستور الذى حدد علاقة المركز بالاقليم الجنوبي




2- دستور السودان الدائم يجب ان يكون قائم فقط على الاعلان العالمي لحقوق الانسان وخالي من اي مادة تتعلق بالدين...
3- - السكة حديد
عندما كان يقول الراحل قرنق الاسكندرية نمولي...كان يعي ما يقول في عالم التكتلات الاقتصادية وعندما نردد نحن من حلفالي نمولي...نفرغ الشعار من محتواه لان من حلفا لي دنقلا الزول ياخذ سبعة يوم وانظرو معاناة عودة اهلنا الجنوبيين الى الجنوب وما ابعد المسافة بين كوستي وملكال

يجب بناء سكة حديد من اسوان الي ممبسا عبر السودان لربط البحر الابيض المتوسط(الاسكندرية)بالمحيط الهندي(ممباسا) وعبر ثلاث دول(مصر- السودان-كينيا)





4- علم جمهورية السودان الاتحادية

Quote: والبوست ده عندو هدف محدد كيف يفهم عادل امين مشروع السودان الجديد؟ وبالنسبة ليك انت كمتعاطف مع المهدية حزب الامة الحالي عبء على مشروع السودان الجديد لانه صاحب ماضي مشين وموثق في قتل انسان الهامش في الفترة من 1956-1988

و يا أستاذ عادل أمين البوست إهدافوا بي تحدد بي أرآء مجمل المتداخلين
و علي كل حال أنا ما هبشت بعيد ، قاعد اناقش في المسلمات الفكرية الختاها لينا
الأستاذ عادل أمين هنا و أسمو في موضوع البوست (يا جماعة إنتو كبر دا زاغ من البوست ولا شنو؟ :)
تعال يا كبر)
كويس حزب الامة الحالي بي نجيهو، لكن هسه إنت قلت المهدي جبر الناس
علي المهدية و بالتالي جبرهم علي طرد المستعمر التركي، دحين الكلام دا
بي يتعقل؟ عليك الله راجعو تاني يا أستاذ عادل
(بالمناسبة أنا ما فاضي اقرا الكتاب، لكن ممكن تلخص لينا
النقاط الرئيسية و تحللا هنا)

Quote: عن الذين يؤمنون بمهدية محمد احمد المهدي التي فرضها بالقوة وليس عن السودانيين الذين لا يؤمنون بها(مناظرات المهدي مع علماء السودان) من مسلمين وغير مسلمين(في الجنوب والغرب)...وفكرة المهدية من التراث الشيعي اصلا..وقد كان هناك السنوسي في ليبيا وابو جميزة في غرب السودان.. وهي الان تعادل ولاية الفقيه الايرانية ...وتم اعادة تفصيلها في ثوب جديد يسمي حزب الامة والامام2002 بعد ان انكرها الصادق على عمه في الماضي والجمع بين السياسة والقداسة...والدولة المدنية ليس فيها امام او شيخ او اي امتيازات دينية وعرقية...والمهدية ايدولجية كانت تكفر الخصوم وتقتلهم تماما كما يفعل الاخوان المسلمين الذين ضل سعيهم في الحياة الدنيا لذلك تماهت مع كيزان السودان في الجبهة الوطنية وقوضت الدستور سنة 1968 بسبب تكفير الشيوعيين وطردهم من البرلمان

برضو يا أستاذ عادل ممكن نرجع للتاريخ و نلقا إنو الشيعة الذين تم التنكيل بيهم
من قبل الأمويين هم من التيارات الهاجروا لي السودان و ممكن تلاحظ القصة دي في
تعلق السودانيين بآل البيت و التيار الصوفي في السودان ملئ بهذا التاثير
أها فكرة المهدية دي بالطريقة دي سودانية.
ياني مسألة الدولة الدينية و الجمع مابين الزمني و الديني‘ ياخ الواقع السوداني
في وكت المهدي ما كان في ديمقراطيين، ليبراليين، و علمانيين، ديل جو هسه
عشان كده ،الدولة من الواقع ،الدولة جات دولة دينية، يعني المهدي و التعايشي
ديل ينتظروا أوروبا تفصل الدين عن الدولة حتي يعملو ثورتم؟
دا كلام شنو دا!!

الأخ كبر .لدى سؤال : هل الصوفية كسلوك ومنهاج حياة هى اسلامية فقط ؟








شكرا الأخ عيدروس..حكاية طرح الأسئلة دى لذيذة جدا..

Quote: (بالمناسبة أنا ما فاضي اقرا الكتاب، لكن ممكن تلخص لينا النقاط الرئيسية و تحللا هنا)

الاخ عيدروس

وانا مافاضي اقرا للناس واشرح لهيم....لان تدني الوعي ناجم عن قلة القراة ظاهرة جديرة بالبحث في هذا البورد المليء بالاكاذيب والمغالطات..امشي اقرا عشان ما تسال كثير في البديهيات
ايوه المهدية ايدولجية فرضت على السودانيين ولم تعرض..

وايضا البشير فرض الخدمة الالزامية على الناس ودفعهم لحروبه الغبية في الجنوب تحت تدجيل الترابي فهل بعد 200 سنة يجي واحد يقول ان البشير والاخوان المسلمين كانو ديموقراطيين وانو السودانيين حاربو عشان نظامه العادل والسعيد
عبدالله التعايش مارس التهجير القسري وابادة القبائل..وده تاريخ مشين وموثق وتمرد عليه ثائر الهامش الحر ابو جميزة

وجهل المهدي وانصاره ليس حجة على التاريخ ياهو جمبهم كانت في حضارة مزدهرة وذكية في الحبشة استطاعت ان تهزم الايطلايين(منليك)

فــوق..

هناك مشكلة في الخيط..ولا استطيع فتحه لصورة مستمرة لقراءة اخر الردود..

كبر

استاذي و صديقي محمد على طه الملك.. حبابك
و كتر خيرك على المرور من هنا..

الذات السودانية يا صديقي ذات معقدة و متشابكة بصورة عجيبة..و عانت كثيرا من غياب التمثيل العادل..مثلا فكرة التجذير التأريخي و محاولة شمل الغالبية المؤثرة.. هي خطوة بسيطة و لكن تحدث الفرق.. نحن في مجتمع يا صديقي شغال بمبدأ (الفقدة)..يعني لو اتذكرت ليك طائفة من الأمور..و تناسيت اخرى.. فهذه تفهم اقصاء و تجاوز..صحيح ليس بالضرورة ارضاء كل انسان..و لكن بالضرورة طرح الأمور بصورة موضوعية..و ياهم ديل اهلنا كده..و لو ما فهمناهم كويس ح نكون غريبين عنهم و بنخلق هوة غير مبررة..لا يضير اهل السودان الجديد كفكرة.. انو يكتبوا ليهم ورقة صغيرة تشمل كل المؤثرات..و يتداولوها بيناتهم سواء كان في نقاشهم الخاص أو في نقاشهم العام.. مثل هذه الفكرة سوف تساهم كثيرا في تجنب احتقانات مجانية..و بتعطي الفرصة في المرونة..اتذكرت انك تدي محمود محمد طه حقه و دوره.. برضك اتذكر التانيين..و هكذا..

فكرة دور المؤتمر الوطني في تبني فكرة السودان الجديد.. عكس الناس يا صديقي عندي تصور مختلف و تكييف لهذه الواقعة..كويس انو المؤتمر الوطني اتبنى الفكرة..و هذه هزيمة كبيرة لمشروع المؤتمر الوطني.. لأنو المؤتمر الوطني يا صديقي قاعد في السلطة سنوات قبل حضور نيفاشا..و بعدها ياهو استمر سنوات اخرى..و لكن بفهم مختلف للغاية.. صحيح كلنا مطلبنا انو المؤتمر يقطع وشو من ادارة الدولة السودانية.. لكن وكتين انكسر و استجاب للشروط.. فهنا يا صديقي اصبحت الفكرة من طور الحلم الى طور الدولة..و صدقني كل القوة السياسية الأخرى.. لو كانت في مكان المؤتمر الوطني لن تملك الإ الإستجابة للحراك..و غض النظر عن ان الفكرة ينزلها المؤتمر الوطني أو غيره.. يكفى انها اصبحت واقع..مصحوب بوعي قادر على فرض شروطه و حمايتها..!

صحيح الناس القاعدة تتكلم عن فكرة السودان الجديد لم تكتب كثيرا عن السودان القديم و الذي كان سببا في خروج فكرة السودان الجديد.. السودان القديم يتميز بالهمينة و خلق اليات لفرض تلك الهيمنة و محاولة جعلها مسلمة لا تقبل النقاش.. مثلا.. السودان القديم يصر على مركزية الدولة..و ان طائفة معينة هي التي لها الحق الطبيعي في السيطرة على الأمور..و هي طائفة الإسلاموعروبية..و هي الطائفة التي كانت تنادي بالديموقراطي و الإنتخابات الحرة..و تحرص على من يأتي في الإنتخابات أو الإنقلابات العسكرية حتى..مثل هذه الطائفة كانت تفكر في الإقتصاد و السياسي و الأخلاق بفهم محدد..ولا تعترف بالتنوع..ولا تريد أن تستوعبه..في المقابل اي فكرة تدعو لدولة المواطنة الحقة و الإعتراف بالتنوع و حسن ادارته..و اعادة شكل العلاقات بين المركز و الأطراف.. هي فكرة بديلة.. غض النظر عن تسميتها سودان جديد أو سودان ديموقراطي (ياخي لغاية الليلة متذكر دستور ابو عاج الذي تتصدره عبارة جمهورية السودان الديموقراطية)..!

هناك نقطة مهمة للغاية و ارك عالجتها بصورة جيدة.. هي التحديد المفصلي للخط الفاصل بين السودان الجديد و القديم..فالسودان القديم هو سودان الدولة الوطنية بعد الإستقلال مباشرة (هذا هو فهمي ولا اعتقد انه ملزم لأحد).. لأنك حينما تتوغل في التأريخ القديم.. سوف تجد فكرة التسامح و قبول الأخر الثقافي و احترامه في اطار احترام التنوع..لكن ظهور الإستعمار الإنجليزي/ المصرى.. خلق ارضيات و مفاهيم جديدة و اصبحت لها السيطرة و الهيمنة و صارت تفرض شروط للواقع لا تستلهم الماضي الإ في شكل عبارات استهلاكية..!
غايتو نحن يا صديقي ما عندنا عقدة تجاه الكجور و الثقافات المحلية التي لها ذاتيتها المتميزة.. لكن البيقنع الديك منو؟..ناس عقلية الكجور حرام و رجس من عمل الشيطان..!

كبر

up

Quote: فــوق.. هناك مشكلة في الخيط..ولا استطيع فتحه لصورة مستمرة لقراءة اخر الردود.. كبر

قلت شنو يا كبر
المشكلة مافي الخيت...ضربك فيروس(عادل امين) ...وجهجهك

اقعد في البوست عشان تتفرمت كويس وتفرمت الباقين معاك
وراك والزمن طويل(وجه باسم)

عادل..حبابك يا صديق
المشكلة مش في الخيط ده و بس..و انما في خيوط اخرى تخصنا..
يتخيل ناس السودان الجديد برضك مرات الكلام ما بيعجبهم..
كبر

صديقي عيدروس..حبابك
كتر خيرك على المرور ..و نعتذر عن التأخير في الرد..و حبسونا عدييل يا صديقي من دخول الخيط..المهم..
وضعت اسئلة اعلاها..و كنت انوى أن احصر النقاش فيها..و لكن يبدو أن الشباب ما عندها اجابات اللهم الإ القليل الذي عبر عن خواطر ذاتية خاصة..و ليس تيار يمكن أن يشكل منظومة..المهم..

الدين يا عيدروس ما عندنا معاهو مشكلة طالما كان هادي للفرد في سلوكه و تصوره للكون..و لكن المشكلة تأتي حينما تصر جماعة بعينها أن الدولة (الشخصية الإعتبارية) يمكن أن يكون لها دين..و هذه الفكرة تقود بدورها الى الهيمنة اقصاء الآخر (ح يكون مواطن ذمي بالفهم الإسلامي)..الصوفية صحيح فيها تسامح كبير..و لكنها لو اتيحت لها الفرصة ان تقود الدولة ماذا ستكون غايتها القصوى؟ هل يقصر ذلك دون تحقيق الإسلام مجتمع و دولة؟.. نعم تأريخيا قد تقول أن الصوفية لم يكن لها ادعاء الوصول للدولة..و هي الأخرى كانت تعاني اقصاء في ظل الدولة الظاهرية.. نعم كل هذا مفهوم..و لكن الخوف يأتي من اسباب موضوعية.. فالأفضل ان يكون الدين هناك في بيوت الله الطاهرة.. اما وحل السياسة و بناء الدولة فليترك لإجتهادات البشر..االأفراد احرار في اعتناق ما يشاؤون طالما لهم القدرة على احترام الآخر.
النسخة الجمهورية في خلاصاتها القصوى كانت تسعى لإقامة الدولة الدينية..و لم توفق في ذلك..معليش يا صديقي لا اثق في اي منظومة اسلامية..ودليلي دهور الدموم التي غطت المجتمعات الإسلامية..
الإستلاب ظاهرة اجتماعية و موجودة في المجتمع السوداني..و ليها الياتها الجبارة.. ليس فقط مؤسسات التعليم..و انما تتجاوز ذلك الى ابعاد اخرى.. ممكن تصل لقمة العيش و الوجود..و مع ذلك لا نبرر لأن تكون الناس مستلبة..!

في الستينا ت يا عيدروس اهلنا في كردفان بيرسلوا اولادهم للمدارس..و تاني ما بيرجعوا.. ليه لأنو بيفتكرون انهم اتمدنو (شفت الفهم القاصر ده كيف)..و المدينة يا صديقي في السودان قامت على خطوط مكعوج للغاية..في زمنا يا عيدروس عشان تقرأ الجامعة لازم تمشي الخرطوم (محل فرن اعادة الصياغة)..و بالرغم من كده كنا متمسكين بي حاجاتنا و مع القليل القليل من الناس..اليوم الجامعات (شكليا) مشت الأقاليم و بقت قريبة من الناس.. لكن موضوعيا لازالت مرتبطة بهيمنة المركز..و الفكرة انو نوصل ليهم الجامعات لكن نسيطر عليهم عشان يكونوا رصيد للمركز..و هذه المعادلة في حالة اختلال مستمر لصالح الريف و اهله..يبقى هناك اشراقات لإزاحة الإستلاب.. لصالح التموقع في الواقع المحلي و استيعاب قضاياه..!

المركز قد اختل ماديا..و قريبا سيختل موضوعيا و معنويا..و هنا الناس الزمان بذرت فكرة تضامن قوى الريف.. بتكون سعيدة بانو اصبحت ترى الثمار تمشي بين الناس..

و دمت..
كبر

عيدروس ..حبابك تاني..
لا اعتقد أن الحل في المركز.. لأنو لو بيمتلك القدرة على الحل ما كان ضاع عمر السودان و اهله هدرا..
نحتاج الإنفتاح على تجارب الشعوب الأخرى..و مراجعة الإيجابيات في تلك التجارب ثم توطينها في السودان..

مثلا في كندا..و هي بلد متنوع للغاية..بلد ما ممكن تلقى ليك فيها خمسين نفر من حفرة واحدة..لكنها اعتمدت سياسة التعددية الثقافية و انزلتها الى ارض الواقع..و قسمت الدولة لمقاطعات في حكم فيدرالي حقيقي (بالمناسبة السودان ارسل افراد في منتصف السبعينات للتوقف على فكرة الفيدرالية الكندية..و مرقوا بالحكم الإقليمي بتاع جعفر نميري)..المنظومات السياسية تعمل على مستويين: فيدرالي..و اخر على مستوى المقاطعة..و الحزب الذي يخوض انتخابات المقاطعة لا يخوض افراده الإنتخابات الفيدرالية.. لكل حزب قضايا و خصوصية.. الليبرالي (فيدرالي و اقليمي).. المحافظين (فيدرالي و اقليمي)..و اصبحت القضايا بدل ما تكون منشرة على مستوى القطر.. تم تقسيمها بحسب كل مقاطعة.. ناس عندهم مشاكل صناعة سمك.. أي حزب محلي (ليبرالي..محافظين..الخ)..لازم يكون في برنامجو الإنتخابي صرف لصناعة السمك..اقليم تاني مثلا عندهم صناعة بترول..الحزب المحلي لازم يكون في برنامجو صرفة لصناعة البترول..و هكذا..و كل زول سعيد بنصيبو.. الحكومة الفيدرالية لا عندها ادعاء لإعادة صياغة انسان..ولا عندها ادعاء انها داير تفرض على الأقاليم..كل اقليم مخير يعمل تشريعاتو البتعبر عن جماهير الأقليم..!
في المقابل.. المركز السوداني ..مع انو ادعى تكوين حكومة فيدرالية.. بتلقى الأمور جايطة و ملخبطة.. قضية متل قضية الشريعة و تطبيقها.. ده امر فيدرالي..لكن بدون خجلة تلقى رئيس الجمهورية داير يثير قضية زي دي في انتخابات اقليمية..الإعتراف بدولة الجنوب.. هسع ده علاقتو شنو بقضايا ولاية نهر النيل مثلا؟..
فالخطأ ليس في جوهر الفيدرالية..و انما الخطأ في اهلنا الدايرين يسوا ليهم فيدرالية و يحننوها و يقطعوا رحطها على كيفهم..!

محتاجين ندي كل اقليم أو ولاية الأمان..و نخلي كل ناس تعمل الدايرة تعملوا..تشريعات وفق واقعهم المحلي.. صناعات و تحديث مثل واقعهم المحلي..و هكذا..!
لا نحتاج الى مركز مرة اخرى..و يكفى ما ضاع من سنين..!

و دمت..
كبر

الصديقة امنة ..حبابك
كتر خيرك على الحضور هنا..
بالنسبة لسؤالك..ابدا الصوفية ليست قاصرة على الإسلام فقط..و انما هناك ديانات اخرى فيها صوفية..!
هذه الأيام اقرأ عن اصول الديانات في افريقيا..و كن ربنا هون نقوم نعمل قراءة للكتاب في هذا المنبر..و فيها بعض من لمحات الصوفية.. لكن الصوفية الواصلة موجودة في كل ديانات الشرق القديمة (بوذية ، كنفوشوشية..هندوسية..) و اظن أن فكرة الحلول أو فكرة الإتحاد..كلها جاية من هناك..!

و دمت..
كبر

يا كبر يا صديق ،كدي اقرا مداخلاتي تاني:
1- أنا مع العلمانية
2- أنا مع تفكيك و إعادة تركيب الدولة السودانية، و دا ما ممكن يتم
ألا من المركز ، ولكن لمصلحة الهامش، يعني وفق مصالح الهامش.

يعني أنا أراءك القلتها ما بختلف معاها ،في العلمانية و الفدرالية

Quote: يا كبر يا صديق ،كدي اقرا مداخلاتي تاني:

يا عيدروس
كبر ده ما بقرا
واذا قرا ما بيفهم
هسه في خارطة طريق ومشروع اكمال السودان الجديد ومنشور بالالوان الطبعية والترجمة على الشريط. في هذا البوست.لكن عقلية السودان القديم الغوغائية غير العلمية تعمي الجميع
قلنا
عندنا 18 مليون سوداني مسجلين
وعندنا بطاقات 9و10و11و12 لم تفعل في الشمال
لذلك يجب اعادة الاقاليم الخمس القديمة واجراء انتخابات تكميلية
والبحصول على ستة اقاليم سودانية متوازنة بيكتمل مشروع السودان الجديد في كل السودان
والكلام ده قبل نهاية نيفاشاشهر 7
ويجب ا ن يكون برنامج القوى الديموقراطية المتحدة..الضغط على الحزب الحاكم في اتجاه هذا الحل..اما ناس الامام واعادة التدوير ديل ما يلزمونا

Quote: - أنا مع العلمانية 2- أنا مع تفكيك و إعادة تركيب الدولة السودانية، و دا ما ممكن يتم ألا من المركز ، ولكن لمصلحة الهامش، يعني وفق مصالح الهامش. يعني أنا أراءك القلتها ما بختلف معاها ،في العلمانية و الفدرالية

يا عيدروس
كبر فتح البوست عشان يعرف انا بفهم السودان الجديد كيف
وانا شرحت مع الرسم بفهمو كيف
عايز زول ذكي يناقشني في التصور المنشور هنا بوضوح
او انتظروا الفصل السابع مع رجرجة المؤتمر الوطني ناس يا شعيب لا نفقه كثيرا مما تقول

Quote: الاخ عيدروس وانا مافاضي اقرا للناس واشرح لهيم....لان تدني الوعي ناجم عن قلة القراة ظاهرة جديرة بالبحث في هذا البورد المليء بالاكاذيب والمغالطات..امشي اقرا عشان ما تسال كثير في البديهيات ايوه المهدية ايدولجية فرضت على السودانيين ولم تعرض.. وايضا البشير فرض الخدمة الالزامية على الناس ودفعهم لحروبه الغبية في الجنوب تحت تدجيل الترابي فهل بعد 200 سنة يجي واحد يقول ان البشير والاخوان المسلمين كانو ديموقراطيين وانو السودانيين حاربو عشان نظامه العادل والسعيد عبدالله التعايش مارس التهجير القسري وابادة القبائل..وده تاريخ مشين وموثق وتمرد عليه ثائر الهامش الحر ابو جميزة وجهل المهدي وانصاره ليس حجة على التاريخ ياهو جمبهم كانت في حضارة مزدهرة وذكية في الحبشة استطاعت ان تهزم الايطلايين(منليك)

يا أستاذ عادل أمين
لو قلت ليك ما قريت كتابك دا و ما عندي زمن أقراه ما معناها انا ما قاعد اقرا
كتب و لا إني ما قريت كتب، نوع إستنتاجاتك دي إياها البتودي الناس التوج.
إول دلالة علي فهم قراية الكتب إنو الزول المتبني الراي الفي الكتب دي ممكن يرد
علي الأسئلة المطروحة في الكتب بما يناسب البوستات
إنت قلت و كررت: المهدي أجبر الناس علي إعتناق المهدية .
أنا قلت ليك: لا يستقيم إنو الناس الحاربت و ماتت، و الناس الحاربت وإنتصرت
و القبائل و العشائر الإنضمت لحروب المهدي ضد الترك من الشمال و الجنوب
و الغرب والشرق، ماممكن ديل يكونوا بي جبر، و جبرهم كيف؟ الصحيح إنو دي حرب ضد مستعمر
حرب وطنية، تلاقت فيها مصالح السودانيين، وكان قائدهم البطل و الثائر محمد أحمد المهدي
و معه الخليفة عبدالله التعايشي.
لو غير كده كب كلامك هنا و ما تجيب لي لنكات لي كتب، ما فاضي اقرا الكتب البي ترشحالي
أما مقارنتك الحرب الوطنية للمهدي وهو يحارب الأتراك و يستخدم فيها الإيدولجيا المستمدة من الدين
ليلتف السودانيين حوله لطرد المستعمر، بحرب الجنوب التي تحارب فيهاالدولة السودانية و النخب المرتبطة بها جزء من شعبهاو تستخدم إيضا" الايدولجيا المستمدة من الدين لقتل المواطن السوداني
فدي مقارنة ظاهرية وليست عميقة، ووجه الشبه الوحيد أن كلا العقيدتين مستمدتان من الدين.
أولم تسمع بلاهوت التحرير يا عادل أمين؟!
تاني أنا ما بتكلم عن مآل الدولة المهدية ، دا نقاش تاني، أنا بتكلم عن حرب
التحرير القادها المهدي بايدولجيا سودانية مستمدة من الدين.
أما كلامك البي الأخضر دا، فالبوست دا أساسا" عشان تشرح لينا و كده

طبعا كبر الان برد على طه الملك عن تصوره لفكرة السودان الجديد والقديم ولا يلزم بها احدا ونقتبس منها الاتي

Quote: شكل العلاقات بين المركز و الأطراف.. هي فكرة بديلة.. غض النظر عن تسميتها سودان جديد أو سودان ديموقراطي (ياخي لغاية الليلة متذكر دستور ابو عاج الذي تتصدره عبارة جمهورية السودان الديموقراطية)..!

انت ابو عاج البتستهزا بيه ده
ما كان عنده حكم اقليمي لامركزي ولمن قال لى ناس دارفور يعملو اقليم واحد مع كرفان..الاقليم الغربي رفضتوا ليه يا ناس دارفور في مؤتمر في قاعة الصداقة..
بعدين لمن الجنوبيين قالو لي جعفر محمد علي بخيت ذو الاصول الدارفورية اانضم لمشروع الاقاليم والحكم اللامركزي في 1972 قال ليهم(دارفور ليس الجنوب ولا تشبهه) راجع كتاب ابيل الير(جنوب السودان والتمادي في نقض المواثيق والعهود)
بعدين دستور 1973 كان دستور علماني ومن محاسن ابو عاج..جو ناس الجبهة الوطنية الصادق والترابي اصرو ادخال مواد الكيزان(الاسلام دين دولة والشريعة مصدر التشريع)وقوضوا اتفاقية اديس ابابا ودخلنا في نفق مظلم للدولة العروب اسلامية ولم نخرج منه حتى الان...

Quote: هناك نقطة مهمة للغاية و ارك عالجتها بصورة جيدة.. هي التحديد المفصلي للخط الفاصل بين السودان الجديد و القديم..فالسودان القديم هو سودان الدولة الوطنية بعد الإستقلال مباشرة (هذا هو فهمي ولا اعتقد انه ملزم لأحد).. لأنك حينما تتوغل في التأريخ القديم.. سوف تجد فكرة التسامح و قبول الأخر الثقافي و احترامه في اطار احترام التنوع..لكن ظهور الإستعمار الإنجليزي/ المصرى.. خلق ارضيات و مفاهيم جديدة و اصبحت لها السيطرة و الهيمنة و صارت تفرض شروط للواقع لا تستلهم الماضي الإ في شكل عبارات استهلاكية..!

شوفو كبر لمن يتجلى
اولا السودان القديم في مفهوم الحركة والمثقفين الجنوبيين(فرانسيس دينق) ليس الفترة الصغيرة التي حددتهابل 200 سنة لي ورا(التركية السابقة والمهدية) وين كان التسامح وقبول الاخر الثقافي في المهدية؟؟ مش قلت ليك انت مازوم بالمهدية وما قادر تتحرر من اصرها وارثها التاريخي المشين...
تاني بتردد تماما كما يفعل ببغاءات السودان القديم عن الاستعمار البغيض وهذه فرية اخرى..من كتنشر 1898 ولحدت 1956 اسس الانجليز ملامحو دولة مدنية حديثة من سكة حديد والقوات النظامية والنقل النهري والادارة الاهلية والتعليم العالم والتعليم العالي والصحة ومشروع الجزيرة وقضاء مدني وقضاء شرعي...واضمحل كل ذلك الانجاز عبر الزمن ووصل الحضيض في زمن الانقاذ والسودان القديم في نظرك(1956-2005)
اذا تحليلك اعلاه غير علمي وغير دقيق لذلك لا تلزم به احد

Quote: غايتو نحن يا صديقي ما عندنا عقدة تجاه الكجور و الثقافات المحلية التي لها ذاتيتها المتميزة.. لكن البيقنع الديك منو؟..ناس عقلية الكجور حرام و رجس من عمل الشيطان..!

تقنعهم انت و والديك :هم الناس الجابتم مجانية التعليم الى المركز وبقو كيزان و شيوعيين وبعثيين وانصار سنة متعنتظين وبقو يستعروا من اهلهم في الهامش بل جندهم المركز ومنظمة الدعوة الاسلامية في قتل اهلهم في الهامش واباداتهم قبل زمن التمكين وبعده...اصلو المركز ده سياح فرنسيين في نظرك. المركز ده ابناء الهامش الرديئين)
وراك وراك يا لورد

بالنسبة للناس الما بقروا واذا قروا ما بفهمو حنعمل مسابقة هنا في البوست
ماهي اعمدة كوش الجديدة الستة؟
1-..........
2-
3-
4-
5-
6-

صديقي عادل امين..حبابك
كتر خيرك على الحضور هنا..
نقطتين يا عادل..لغاية ما نرجع ليهم:
اولا يا صديقي..دستور 1973.. انا لو منك بحاول انساهو خالص.. لأنو لا كان دستور و الله قال..ولا لوردات القانون (بما فيهم اخوك كبر) قالوا ده دستور..
دستور 1973 يا عادل بيمجد في اللغة العربية..و يعتبر ما عداها مجرد رطانات ساكت..و ابتهاجك بيهو هو وعيك الحقيقي..وعي المؤسسة النازية السودانية التي تريد أن تفرض هيمنتها على الكل..يبقى يا صديقي انت لا تعي تماما انك بتنسف في كل ادعاءاتك المكتوبة فوق..
و نفس دستور 1973 العلماني ده مش ياهو الكان بيقول الكضبة بتاعة كريم المعتقدات؟..كريم المعتقدات يا عادل؟ يعني انت داير تسوي ليك سودان جديد و بعدين تجي تقول و الله يا جماعة ناس الديانات الأخرى دي نسوي ليه نص بتاع كريم المعتقدات؟..بتبالغ يا عادل..
ثانيا.. تباهيك بالإستعمار الإنجليزي و المصري.. بيفضح وعيك الباطن..و تمجيدك ليهو لأنو سيدنا الميرغني الكبير جانا في السودان غازيا و جندي في جيش الإستعمار (عارف اي علم ممكن تتحايل عليهو الإ التأريخ)..!
يبقى يا عادل عشان انت بتعبد سيدي الميرغني قدس الله سره.ز يبقى داير تسوي ليك سودان جديد..و تجي تاني تعيد تسويق عبادة سيدي الميرغني؟ يا راااااجل..!

يعني خلاص المرحوم جعفر على بخيت قال ليك دارفور ما بتشبه الجنوب.. خلاص داير تركب لينا مكنة الكيزان الرافضين فكرة تقرير المصير لدارفور و كل غرب السودان؟..
انت يا صديقي لازلت في سجن مؤسسة النازية السودانية..و كونك تتمسح بازيال الحركة الشعبية.. فلن يغير ما فيك..و قدام الناس ديل يا اخوي انت لا تشبه السودان الجديد..و لن تكون سودان جديد.. الإ كن في حلتكم هناك..!
و لو داير ترجع للمربعات اياها.. فكل غرب السودان لا يشبهك..و لن يشبهك يا عادل.. يا اخوي انت ليكم قضاياكم حلحلوهو براكم.. لكن فكرة تاني تخمونا زي ما خميتو جدودنا و ابهاتنا.. دي تلقوها عند الغافل..!
انت تمارس استعلاء..و ليس في اخلاق السودان الجديد استعلاء..و لو حلمان انو انفصال الجنوب ح يديك فرقة تقوم تتشعبط في السودان الجديد.. فيا صديقي وفر عليك..اخير تشوف ليك كيمياء تقراها..!

تهيؤاتك..و تهيؤيات كل زلنطحي سوداني.. انو الواحد جاي من غرب السودان..و بقاري كمان.. طوالي يا بعثي يا مهدية؟..نحن يا صديقي.. الناس البتقول عليهم ديل ما بيركبوا في راسنا..و لو كنا كذلك.. كان زمان لقيتنا في اربيل ولا في الجزيرة ابا..!
المنظومة الممكن ننتمى ليها لم تولد بعد..!
اردت الأكاذيب و ممارستها.. فاكذب يا صديقي ما شئت من الكذب.. اما اردت الحوار الجاد.. لغاية ما نقيف.. القراءا ح يعرفوا انك ما عندك علاقة بالسودان الجديد اللهم الإ الهذيان الذي تمارسه هنا..و هذا لن يجعل منك سودان جديد؟..
شايف سيدي الميرغني قال بيدعم الحلو في جنوب كردفان؟ يا ربي تكون اقنعتو ولا شنو؟..
المهم..
مش قلنا ليكم العالم ده لمن تتكلم كتير حقيقتها بتظهر و تنكشف عوراتها في السهلة؟.. زول سودان جديد و بيمجد في دستور 1973 و الإستعمار..!! بت الكـــلب يا القضارف..!
نشوفك طوالي..
كبر

Quote: تاني بتردد تماما كما يفعل ببغاءات السودان القديم عن الاستعمار البغيض وهذه فرية اخرى..من كتنشر 1898 ولحدت 1956 اسس الانجليز ملامحو دولة مدنية حديثة من سكة حديد والقوات النظامية والنقل النهري والادارة الاهلية والتعليم العالم والتعليم العالي والصحة ومشروع الجزيرة وقضاء مدني وقضاء شرعي...واضمحل كل ذلك الانجاز عبر الزمن ووصل الحضيض في زمن الانقاذ والسودان القديم في نظرك(1956-2005)

عشان نرجع للكلام دا براحة كدا يا أستاذ عادل أمين
وبرضو الناس ممكن تراجع:
الحكومة السودانية ... مكنة إنجليزية

اها يا عيدروس
شفت الازمة في العقلية السودانية الدوغمائية...مشيت قريت بوستك المليء بالمغالطات وهذيان البعض
اذا ما اتصالحنا مع التاريخ وبقينا ذى ما قال نزار قباني
نكذب في قراءة التريخ
ونكذب في قراءة الاخبار
ونقلب الهزيمة الكبرى انتصار
هذا هو التعقيب على طرحك

Quote: عشان يا عيدروس ما تزعل نرجع ليك انت قايل الانجليز استعمروا السودان بس..ما كانو في الصين وماليزيا والهند. وجا ابناؤها الوطنيين..طوروا الدولة ومشو لي قدام ونحن اعدنا انتاج المهدية الرجعية والمتخلفة في صورة الجبهة الوطنية والنخبة السودانية وادمان الفشل(حزب الامة +الاخوان المسلمين) لو جا جون قرنق سنة 1956 كما هسه ذى البرازيل كتنشر والسيد علي الميرغني حررا السودانيين من قهر واستبداد المهدية(الكتب الموثقة موجودة) ومجرم الحرب هو عبدالله التعايشي...لانه نكل وهجر القبائل السودانيةوالوثائق موجودة ومجرم الحرب يا وعي العربان الغوغائي الزائف هم ما يرتكب جرائم في حق شعبه وليس في من ينكل بالاخرين/الاعداء وهذه الديلما الفاكين راسنا بيها العرب في الفضائيات للمقارنة بين بوش وصدام او شارون وهنية والبشير واسرائيل..جرائم الحرب endemicوليس حروب بين امم او شعوب بعدين الانجليز حاربو مقاتلين سبب تخلف السودان وتدهور خدمات ومرافق الانجليز الجيدة هو الاستلاب العروبي الاسلامي لنخب المركز وربط نفسهم بعجلة الشرق الاوسط المتخلفة التي تقودها مصر وما بقينا ذى غانا او السنغال وهذا الاستلاب الايدولجي البغيض يتجسد في حزب الامة والاخوان المسلمين والشيوعيين والبعثيين والسلفيين والناصريين وبدل ما تلوم الانجليز يا مغييب لوم نفسك وشوف الصين وين وانت وين عجزنا عن توطين هذه الاديولجيات المبتزلة ورفضنا بضاعتنا الفكرة الجمهورية ومشروع السودان الجديد..حتى الان,, ولحدي هسه مبارين نفس الناس بتاعين 1964 وعايزين تتغيروا؟؟

خلينا من الانجليز
ارجع اقرا البوست ده بالتفاصيل المملة
فيه مشروع مستقبل للسودان غير الفصل السابع رايك فيه شنو
وعملناه بالوسائل التعليمية وعلم الاستقلال..حتى نقرب المعنى للمعاقين سياسيا من اتباع السودان القديم ورجرجة البورد وما اكثرهم ...

Quote: اولا يا صديقي..دستور 1973.. انا لو منك بحاول انساهو خالص.. لأنو لا كان دستور و الله قال..ولا لوردات القانون (بما فيهم اخوك كبر) قالوا ده دستور

اها يا كبر انت لا بتقرا لا بتفهم
الدستور بتاع 1973 العلماني احسن من بتاع الجبهة الوطنية الاسلامي ده كان وجه المقارنة والدستور الاسلامي بعد بعد المصالحة قوض اتفاقية اديس ابابا وقرا كتاب الير جنوب السودان والتمادي في نقض المواثيق والعهود

Quote: ثانيا.. تباهيك بالإستعمار الإنجليزي و المصري.. بيفضح وعيك الباطن..و تمجيدك ليهو لأنو سيدنا الميرغني الكبير جانا في السودان غازيا و جندي في جيش الإستعمار (عارف اي علم ممكن تتحايل عليهو الإ التأريخ)..! يبقى يا عادل عشان انت بتعبد سيدي الميرغني قدس الله سره.ز يبقى داير تسوي ليك سودان جديد..و تجي تاني تعيد تسويق عبادة سيدي الميرغني؟ يا راااااجل..!

ازمتك مع التاريخ المشين للمهدية هو البخليك تتطاول على محرر السودان السيد علي الميرغني من دولة الاستبداد الديني والتخلف ..والحمدالله نهوها الانجليز قبل ما تستشري شمالا والقى حبوبتي الحرم عند جبل البركل العظيم قاعدة في الحشروا عباس وتحلف بالمهدي وخلفيتا وصابونتا ولفيتا...طبعا يا لورد القانون.. داك كان عملية تحرير قبل العالم يعرف الفصل السابع والامم المتحدة ومن بؤسك الشديد مباري بشاشا الدجال وقايل كتنشر عدوك ولحدت هسه انت ما قادر تحدد عدوك؟؟ وما قادر تواجه التاريخ الحقيقي ويا حليل الانجليز العملو جامعة الخطروم البتخرج امثالك..الانجليز صنعو دولة سودانية حديثة اعادها الترابي ونسيبه الامام وثالثهم البشير الى القرن السابع عبر الحكومات اللاوطنية..وهسه شوف الهند وماليزيا وين نحن وين..وده الفرق بين وعي الاتحاديين ووعي ناس حزب الامة الامتداد التاريخي للغوغائية والجهل...وهذه بيئتك يا اخوى وتثير الراتب...

Quote: تهيؤاتك..و تهيؤيات كل زلنطحي سوداني.. انو الواحد جاي من غرب السودان..و بقاري كمان.. طوالي يا بعثي يا مهدية؟

الشيء الطبيعي يكون كل الناس في 2011 في كردفان ودارفور سودان جديد لكن البعث قاعد وقبضوهم في العراق مع ايتام صدام وشفناهم في الفضائيات العراقية...الجنوبيين جنبكم بمشروع السودان الجديد من 1983 من عقدكم مبارين ايدولجيات العرب السقيمة اما المهدية فهذه ارثكم المشين وامشي اقرا بوست انتخابات جنوب كرفان فوق..وارجع للانتخابات زمان(تقل الوادي..ولا الهادي)...انتو اصلا تحت استغلال المهدية قيدما وحزب الامة حديثا والباقين كيزان مؤتمر وطني اوترابي

Quote: شايف سيدي الميرغني قال بيدعم الحلو في جنوب كردفان؟ يا ربي تكون اقنعتو ولا شنو؟..

قلنا ليك الحزب الاتحادي الديموقراطي الاصل هو الحليف الاستراتيجي لمشروع السودان الجديد في الشمال واحد اعمدة كوش الجديدة الهامة...وانت ما بتقرا واذا قريت ما بتفهم
اقرا تاني

Quote: لقد عاملت المعارضة السودانية النوبة معاملة أفضل بقليل مقارنة بحكومة الرئيس عمر البشير الحالية . و عندما كان حزب الأمة في الحكومة ، كان هو القوة الرئيسية خلف سياسة المليشايات والحملة ضد النوبة . ويتحمل الصادق المهدي ، رئيس الوزراء آنذاك ، الجزء الأكبر من مسئولية ما يجري حالياً من مأساة حقوق الإنسان في جبال النوبة ، وكذلك مبارك الفاضل ، وزير الداخلية، و عبدالرسول النور حاكم كردفان ، و بعض الشخصيات القيادية في حزب الأمة كفضل الله برمة ناصر. كما أنضم بعض سياسي حزب الأمة ، كرئيس اللجنة البرلمانية السابق حريكة عز الدين ، إلى الحكومة العسكرية الحالية ، و هو يواصل المشاركة في الحملات العسكرية. أما الآن وهم في المعارضة ، فإنهم يتشدقون بكلمات "الديمقراطية" و "حقوق الإنسان". ولكن ليس هناك من مؤشر بأن حزب الأمة قد غير موقفه تجاه النوبة . فالحزب ما يزال يرى أن البقارة هم إحدى دوائره السياسية الرئيسية ، وعتقد أن مساندته للنظرية التوسعية للبقارة هو أفضل طريق لكسب قياداتهم الذين هم مع الحكومة الآن . و لم يعبر حزب الأمة حتى عن ندمه ، ناهيك عن تقديم الإعتذار عن جرائمه في جبال النوبة . و لا يزال النوبة يتشككون في نوايا حزب الأمة ، كما يعارض الحزب بشدة السماح للنوبة بتقرير مصيرهم . لقد طال إنتظار بيان واضح من حزب الأمة يقر فيه بجرائمه الماضية في جبال النوبة و يعلن إقراره بمبدأ إحترام كل حقوق شعب النوبة . وحتى يتم تأكيد مثل هذا الإلتزام ، فإن شكوك النوبة الخاصة بأن حزب الأمة لديه نفس سياسة الحكومة الحالية سيكون لها ما يبررها. إن الحزب الإتحادي الديمقراطي ليس له مثل هذا السجل السيء في جبال النوبة ، و لكنه ما زال حزباً يمثل مصلحة محلية ضيقة ، بدلاً من أن يكون حزبا قوميا حقيقاً . و كان بإمكان الحزب ، و برؤية أوسع للسودان ، أن يستغل بكل سهولة عدم التوافق بين النوبة و حزب الأمة لمصلحته ، و أن يسعى إلى عمل تحالف إستراتيجي مع الحزب القومي السوداني أو مجموعات النوبة الأخرى في عقد الثمانينات . و لكنه فشل في ذلك

Quote: المنظومة الممكن ننتمى ليها لم تولد بعد..!

اكبر من الديك ولى اصغر من الديك
ذى مشروعك الهزيل بتاع دولة غرب السودان ده
يا اخوى مشروع امنة مختار افضل منك احسن تنضم لحزب الخضر وتتواضع
وبعدين ذاكر في البسوت ده كويس دي معارف تاني ما بتقاها
والمي حار ما لعب قعوي
قال كتنشر قال

عادل يا صديقي
حبابك..
يا اخوي الردحي لن يخلق منك انسان مستقيم تعمل في خندق السودان الجديد..و استهيامات الإستعلاء التي تمارسها هنا لن تخلق منك منافحا عن الحق..يعني باختصار انت لابس ليك جلابية ماها حقتك..!
مشروع دولة غرب السودان ما بتقدر تشطبوا بجرة قلم هنا..ده واقع يمشي بين الناس هناك يا شقيق..فاخير تراجع دفاترك و ترجع تقدم نقد موضوعي ..و ان غلبك يبقى يا صديقي عد الى قواعدك سالما..و اضرب الفتة ام توم..!
جامعة الخرطوم يا عادل خرجتنا نحن و بقت ليك حارة.. لأنو برضك خرجت قوش و سيخة و غيرهما..و ديل ما شغال بيهم..و زعلان علينا نحن؟ مش ده ياهو مبدأ الدم بيحن للدم..و النازية بتعمل بمبدأ فقه التقية.. ؟.. ناسها الهولها تتغاضى عنهم..و تلم ردحي في الخلق التانية.. هذه عنصرية منتنة..اخير تفارقها و تعتذر عنها لروحك..!

الحزب الإتحادي الديموقراطي اتحالف مع الحزب القومي السوداني..و عارف النتيجة كانت شنو؟ كانت فكرة الوسطية الإسلامية.ز الجابت اخونا منير شيخ الدين..و خلتو يبرطع بحاجة اسمها الحزب القومي الديموقراطي الجديد (و قاعد يقبض من سيد الميرغني).. يعني تحالفكم سقط حجر الحزب القومي السوداني.. لأنو يا عادل انتو ما قاعدين تتحالفوا مع الناس تحالف لله كده..و انما بتتحالفوا يكونو نسخة منكم..و يا تفرتقوهم و تشتتوهم.. و باقي ليك ناس جبال النوبة ما فاهمين تاريخ زي ده..؟..
و ياهو انتخابات جنوب كردفان قدامك.. انت و ناس المهدي و البعث العربي الإشتراكي.. قعدتو ا فراجة ساكت..!

و التساؤل مستمر: هل بقابا المؤسسة النازية المهزومة مؤهلة اخلاقيا أن تكون سودان جديد؟..و هل مؤهلة اخلاقيا ان تفكك الهيمنة و تقبل بالآخر معاها؟..
و نشوفك..
كبر

Quote: الحزب الإتحادي الديموقراطي اتحالف مع الحزب القومي السوداني..و عارف النتيجة كانت شنو؟ كانت فكرة الوسطية الإسلامية.ز الجابت اخونا منير شيخ الدين..و خلتو يبرطع بحاجة اسمها الحزب القومي الديموقراطي الجديد (و قاعد يقبض من سيد الميرغني).. يعني تحالفكم سقط حجر الحزب القومي السوداني.. لأنو يا عادل انتو ما قاعدين تتحالفوا مع الناس تحالف لله كده..و انما بتتحالفوا يكونو نسخة منكم..و يا تفرتقوهم و تشتتوهم.. و باقي ليك ناس جبال النوبة ما فاهمين تاريخ زي ده..؟..

كبر المرجف
الحاجة البعرفا ومن ناس جبال النوبة انو منير شيخ الدين ده من الاخوان المسلمين وما عنده علاقة بالاتحادي الديموقراطي واترشح لراسة الجمهورية كمستقل...وتزييف الحقائق لا يؤهلك ابدا لتكون زعيم ف دولة غرب السودان المزعومة وده الفرق بينك وبين قرنق....جيب كلامك الفوق ده بالثوائق لو سمحت..

Quote: يا اخوي الردحي لن يخلق منك انسان مستقيم تعمل في خندق السودان الجديد..و استهيامات الإستعلاء التي تمارسها هنا لن تخلق منك منافحا عن الحق..يعني باختصار انت لابس ليك جلابية ماها حقتك..!

انا جلابتي يا مازوم
ذات ثلاث الوان

محمود محمد طه
جون قرنق ديمبوير
محمد عثمان الميرغني
رحل اثنان ماسوف عليهم وبقي واحد
وتركو تاريخ نظيف خالي من الاعمال والاقوال المشينة
...
لكن شوف الامفكو الما لابس حتى سروال
ويتبع اصنام المركز في
ذات
الماضي المشين(الترابي)
والحاضر المضطرب(الامام)
والمستقبل المجهول(الجنرال عمر البشير)
في السودان وفي البورد
واعجز ان يتجاوزوهم او يدافع عن افعالهم واقوالهم المشينة وهؤلاء هم المنافقين يا اخوى
القصة يا موتور بقت تغيير في السودان وليس اعادة تدوير
وانا اتبع الثالوث اعلاه عن علم
لانهم اذكياء ومتواضعين...وقريت برنامجم وسمعتو مباشرة منهم...
وليس علاقة مازومة بين تابع مغييب ومتبوع فاشل
وامشي
اقرا قلنا ليك المقالات النزلنها ليك مجان دي عشان تطور بيها مشروعك الهزيل خاصة موضوع (موت الدولة المركزية)
وانت بنفسك نقلت دعم الحزب الاتحادي الديموقراطى ل عبدالعزيز الحلو...تفسيرك المغرض شنو لهذا الامر

Quote: و ياهو انتخابات جنوب كردفان قدامك.. انت و ناس المهدي و البعث العربي الإشتراكي.. قعدتو ا فراجة ساكت..!

شفت انت مشوش كيف وما بتقرا واذا قريت ما بتفهم...الفوق ديل اثنين من امراض الشمال الستة..
هسه كلامك ده علاقتي بيه شنو
انا دعمت الحركة الشعبية ومقالاتي بتنزل في موقع نوبة تايمز...
وجبتها ليك انت هنا
شوف يا كبر
الامر ما فيه تعالي
المتعالي ما بحاور الناس
لكن بستعمل اسلوب الصدمة عشان تكتمل فيك شروط الاستيقاظ
ولمن تتحدى زول ابقى قدر التحدي
وانا معاك في البوست ده بس ما تنطط وتفتح اي بوست جديد

Quote: لأن سودان الألفية الثالثة ، شاء البعض أو لم يشاء ، يحتاج بقوة لوجود ايدولوجيا السودان الجديد ، و اكثر من ذلك ، يحتاج أن تكون هذه الأيدولوجيا و اجندتها قريبة من نبض الجماهير حتى يخلق التفاعل الإيجابي معها..!كبر

كلام تمام
الالفية الثالثة هي(الديموقراطية-الشراكة) والشعوب تقرر
الافكار تعرض ولا تفرض
عشان كده انا بحترم ارادة 18 مليون سوداني مسجل
عشان يجربو الفرصة الاخيرة لنقل نيفاشا الى الشمال عبر الاقاليم الخمس والبطاقات 9و10و11و12
قبل شهر 7
مشروعي واضح ومنشور عبر العالم وعرفو العرب والعجم الا السودانيين
وهنا تكمن ازمة السودان
معقول اكون انا
احسن
من جون قرنق
ومحمود محمد طه
وابراهيم بدري
ومنصور خالد
وابراهيم دريج
محمد سليمان
فرانسيس دينق

Quote: كن بستعمل اسلوب الصدمة عشان تكتمل فيك شروط الاستيقاظ

صديقنا عادل امين مركب مكنة بشاشا..!

كبر

Quote: الحاجة البعرفا ومن ناس جبال النوبة انو منير شيخ الدين ده من الاخوان المسلمين وما عنده علاقة بالاتحادي الديموقراطي واترشح لراسة الجمهورية كمستقل...وتزييف الحقائق لا يؤهلك ابدا لتكون زعيم ف دولة غرب السودان المزعومة وده الفرق بينك وبين قرنق....جيب كلامك الفوق ده بالثوائق لو سمحت..

عادل يا صديق..حبابك
اتا يا اخوي قايل الدنيا دي بس محل حلتكم ولا شنو؟..
اخونا منير شيخ الدين لم يكن في يوم من الأيام اخو مسلم..
و اتيحت له الظروف رئاسة الحزب القومي السوداني ايام التجمع في القاهرة..و الأيام ديك كان على علاقة وثيقة بالسيد محمد عثمان الميرغني..و سافر السعودية و قبض شوية ريالات و جاء راجع لناس الحزب في القاهرة و بيتحدث عن الوسطية الإسلامية بتاعة مولانا.. السبب الخلاهو يكون رئيس الحزب المؤقت.. لأنو الشباب امين بشير فلين.. أزرق زكريا .. محمد ابوعنجة ابوراس.. الوكت داك لسع ما مرقوا من السودان..ثم لاحقا هرب الرجل الى بريطانيا..و قبض شوية فلوس في موضوع مندي ناظر التي اصدرت كتاب و قالت فيهو مسترقة.. و عاد الى جنوب كردفان بفكرة الحزب القومي الديموقراطي..و الليلة دي لو مولانا عصر ليهو ح يسويهو الحزب القومي الإتحادي الديموقراطي..!

انت يا صديقي ترغب ان تلوي عنق الحقائق..و لأنك مهزوم امام فكرة دولة غرب السودان عاوز تجوط لينا الحكاية في اي حتة.. يعني غبينتك البائتة عليها داير تفشها هنا ولا شنو الحكاية؟..
طيب وكت عندك مشروع و الشعب السوداني ما قادر يفهموا.. ما قريت روحك انو في منهج للنقاش؟.. يعني بوست عن فكرة السودان الجديد.. ما قادر تفهم انو ممكن تناقش فيهو السودان الجديد؟..الطبيز و لخبتتة المواضيع القارئ يفهمها انو غلبك المنطق الموضوعي..و انك انتا ذاتك كأتحادي فكرة تبقى سودان جديد دي ملخبطة عليك امورك..و النضمي البتسوي فيهو هنا اتجاهو انك داير تقنع نفسك انك فعلا مؤهل ان تكون سودان جديد..!

الأمراض القاعد تحدد فيها يا عادل.. منظومة الأحزاب الإتحادية واحدة منها..و ما ح تقدر تغالط التأريخ بأنو الحزب الإتحادي في يوم ما نادى بالجمهورية الإسلامية في السودان..و الناس هناك خيالها واسع..و لو فكرت أنك تجرب يكون ليك خيال واسع.. اسأل نفسك ما هي خلاصات الإتحادي النهائية؟..الإجابة لو قيض للحزب الإتحادي السيطرة على الأمور في السودان فلن يجد غير المرجعية الإسلامية ليحكم بها الناس.. يعني الهيمنة على اساس الدين..و هذه هي المسألة المرفوضة في فكرة السودان الجديد.. شفتا كيف التناقض الإنتا عايش فيهو يا شقيق؟..

تمجيدك للإستعمار يا عادل خصما على رصيدك بتاع الإدعاء بانك سودان جديد.. لأن الإستعمار فكرة بغيضة..و لو فاكر الحاجات الشوية العملها الإستعمار ايجابية.. يجب ان تسأل نفسك ماذا اخذ في مقابلها؟..شفط البلد و خيراتها يا عادل..وبرضك تجي تقول لي الإستعمار حرر الناس..حررهم من شنو؟.. مش ياهو داك مشى و ترك وراهو امتدادات ليهو؟.. مش ياهم الناس السالوا الخواجة بعد انهيار دولة الخليفة عبد الله..و الخواجة قال ليهم ح اطبق ليكم شريعة اسلامية..و طوالي راحوا متعاونين معاهو؟..

سابقا انتا قلت انو الإتحادي اتحالف مع الحركة الشعبية لأنو عندو سند جماهيري.. ياتو سند جماهيري يا عادل؟.. قصدك ناس الإشارة..ديل يا صديقي قطيع مثلهم و مثل ناس حزب الأمة..و لو فعلا عندهم وعي مغاير كان السودان اليوم في نعيم..!
يبقى يا صديقي ادعاءك لفكرة السودان الجديد.. هو محاولة يائسة للغاية للبكاء على اللبن المسكوب..و الفرص التي اهدرتموها عبطا..يعني داير تقنعنا انو نحن شعب السودان نديك فرصة تاني عشان جيت مركب لينا مكنة السودان الجديد؟..

الإستعلاء يا عادل يظهر في كونك لم تتبرأ بعد من عقيدة الأحزاب الإتحادية..و بتحاول تزييف التأريخ و الواقع و تبيع لينا جيفة حتى طير الخلاء عافها و مشى خلاها..رصيدك الجماهيري يا عادل وعى الدروس..و ياهو داك قدامك ناس الشرق الدايرين يسوا ليهم درب استقلال برضك..نحن ما مشكلة الحق ناس ادروب و اقنعهم يرجعوا ليك..!

الإستعلاء يا عادل.. هو ان تمارس تهيؤوات و تقعد تردد فيها يمين و شمال.. يعني داير تسوينا بعثيين و حزب امة غصبا عننا و عن واقعنا؟..ليه ما يكون عندك الوعي الذي يحاسب و يساءل الناس بحقيقتها..ولا قايل الكضب بتاع الطائفة الزمان داك لسع الناس ممكن تصدقوا؟..ناس الطائفية زمان شغالين بالإشارة.. سيدي قال ده شيوعي.. القطيع طوالي يقول ايوه و كافر كمان.. يعني مافي طريقة للنقد البناء الذي يختبر الأشياء.. كلهم بعملوا بالوعي السكند هاند..و انت هنا لم تفارقهم قيد انملة..!

و اكرر ليك السؤال تاني: هل الإتحادي الديموقراطي مؤهل اخلاقيا أن يسوق نفسه كسودان جديد؟..بالنسبة لينا هو مثله و مثل الأخرين استنفد فرصه العديدة و اصبح حالتو تحنن..!
و نشوفك..
كبر

Quote: التساؤل مستمر: هل بقابا المؤسسة النازية المهزومة مؤهلة اخلاقيا أن تكون سودان جديد؟..و هل مؤهلة اخلاقيا ان تفكك الهيمنة و تقبل بالآخر معاها؟.. و نشوفك.. كبر

الكلام ده بتحسموا صناديق الاقتراع
والانتخابات بدات في جبال النوبة ونشوف
اما نحن في الشمال الاصلي من النقعة والمصورات لحدت كرمة مرورا بالبركل
الحمدالله (اتحاديين ختمية).. ما عندناماضي مشين في الابادة الجماعية اي مرض او علل تخلينا ما نفهم مشروع السودان الجديد او نتهافت على السلطة...
وانت عدوك المزمن في الهامش الغربي حزب الامة والاخوان المسلمين هؤلاء هم الذين يناسبون تصوراتك المريضة عن النازية ولهم ارث مشين في جرائم ضد الانسانية في دارفور 1988 التجمع العربي بتاع عبدالله مسار وفي الضعين1987 وحرق الجنوبيين في زمن الامام(مجزرة الضعين والرق في السودان كتاب لدكتور بلدوا وعشاري) يا هودي النازية.
اقنع اهلك هناك والمسيرية..انه الناس ديل مضرين
وانو ابيي 10 الف كيلو ليس احسن من 100 الكيلومترات في دولة الجنوب
ما تبقى لينا غلفا وشايلة موسي تطهر وتمارس هذا الاسقاط المخزي.. يا اخوى الهذيان ما بنفع
كوش الاصلية اثارها في شمال السودان وقررط على كده

Quote: يعني الهيمنة على اساس الدين..و هذه هي المسألة المرفوضة في فكرة السودان الجديد.. شفتا كيف التناقض الإنتا عايش فيهو يا شقيق؟..

كبر
سلام

لا يا اخوى مشروع السودان الجديد ليس ضد الدين بل ضد توظيفه كامتياز سياسي..والاتحاد الديموقراطي قعد في التجمع بعد مقررات اسمرا التى حسمت علاقة الدين بالدولة وما شرد ذى الامام...لانه بدون دين ما بكون عنده قيمة
وجون قرنق نفسه مرة اتصور مع محمد عثمان االميرغني وقال دي صورة السودان الجديد والقصة دي مذكورة في ارشيف البورد
بعدين
باحسب عليك حزب الامة والاخوان المسلمين والبعثيين اذا كنت من كردفان او دارفور..والسبب معروف(الشيزوفرنيا السياسية والنظرة الدونية للجنوبيين/الجانقي)..ولا تغالط التاريخ الواقع.. وصناديق الاقتراع المحك..
هذه هي الواقعية السياسية
اما عن النازية لم يتعرض ابناء جنوب السودان لابادة من شندي لحدت حلفا..عشان كده راجع دولة غرب السودان بتاعتك دي وجرائم الحرق..للجنوبيين من بل قبائل محلية
كلامك عن الاستعمار ممجوج...وعاجز ويدل على فشلك....ونفس خطاب الاخوان المسلمين ناس وحزب الامة و برطانيا لم تستعمر السودان فقط؟؟
خليك من المهدية قبل الاستعمار ورينا ماذا انجزت الجبهة الوطنية(حزب الامة+الاخوان المسلمين) بعده حتى جاءت الانقاذ وقضت تماما على الدولةالحديثة التي صنعها الانجليز
كلامك عن ناس الشرق جبهة الشرق جزء من التجمع ولم تخرج من اعمدة كوش الستة..ولان ارضية الشرق ختمية كانو اقرب لمشروع السودان الجديد الذى عز عمليا في دولة غرب السودان بتاعتك دي الكلها حزب امة وكيزان وبعثيين
انت اتحرر من اوهامك دي وشوف الحالة المجتمعية في دارفور وكردفان والازمة التي يعانون منها الان واخذ ابيي نموذجا
شفت اعمدة كوش الستة ظهرت منها اربعة
الشمال والشرق والاوسط والجنوب وفضل كردفان ودارفور في متاهتها وتشرزمها القلبي لحدت هسه والسبب امثالك انت والبسوس من يروج للسودان الجديد ويجامل حزب الامة والاخوان المسلمين

بالمناسبة يا اخ كبر..الهكر لم يضرب هذا البوست فقط
بل ضرب بوستاتى وبوستات بورداب آخرين
خلال اليومين الماضيين ..
ويبدو ان الأخ بكرى ربنا يديه العافية قد عالجه


.

.

Quote: .في مقالة قديمة (نشرت في ديسمبر 2006 و في موقع اسمه معا لجمع اهل الجنوب) لكاتب اسمه جاستن ماشين لواي..حدد ثلاثة مهددات لفكرة السودان الجديد و اجندتها في السودان و سمى تلك المهددات بانها : العرق ، الدين ، و الثقافة. في تحليل جاستن فكرة عميقة و هي ان فكرة السودان الجديد و اجندتها في السودان قد تتعرض لتفاسير مختلفة بحسب العرق و الدين و الثقافة..و ان الفكرة في جنوب السودان قد لا تفهم بنفس الفهم في شمال السودان أو غربه أو شرقه..و خلص جاستن الى ان فكرة السودان الجديد تجد قبولا و رواجا في مناطق مثل ابيي و النيل الأزرق و جنوب كردفان و الجنوب..و ذلك لعدة اسباب منها أن تلك المناطق هي التي وعت مبكرا فكرة الحاجة الى ايدولوجيا السودان الجديد و العمل على تنزيل اجندتها كواقع لحسم كثير من الصراعات و النزاعات في السودان عامة و في تلك المناطق خاصة.

طيب يا كبر
انت اذا قريت مل بتفهم واذا نقلت ما بتفهم

نحن في الشمال النيلي وعينا بمشروع السودان الجديد من زمان بواسطة افكار محمود محمد طه عندما قال حل مشكلة الجنوب في حل مشكلة الشمال...لكن القبائل العربية في التماس المذكور اعلاه البحرقو الناس في القطر الكلوكس كلان ديل بحترمو الجنوبيين اصلاا عشان يحترمو فكرهم
بعدين اعلى نقطة وتجمع سياسي وصل ليه السودان مع مشروع السودان الجديد كان التجمع الوطني الديموقراطي ومقررات اسمرا
وانظر واعتبر
حزب الامة شرد.. والاخوان المسلمين في زمن الانقاذ كانو خارج التجمع انذاك
يقى اعداء مشروع السودان الجديد هم حزب الامة والاخوان المسلمين ومقرهم غرب السودان
بعدين كان انت وعيت امشي وعي ناسك في الاقليمين
وقول ليهم العدو الاساسي الفصل جنوب السودان هو شريعة قدو قدو والاخوان المسلمين وحزب الامة
وطبعا لحدي هسه الحشود التي تستقبل البشير واحمد هارون اكبر دلالة على فشلكم وجهلكم حتى باحوال اهلكم هناك...ناس قتلوكم بدون رحمة في العشرين سنة الاخيرة ومجرمين حرب والناس هنك مع شريعة قدو قدو

يبقى يا اخوى كل قوى التجمع ما عدا حزب الامة والكيزان وشريعة قدو قدو لا تشكل عبء على السودان الجديد

Quote: لقي اكثر من الف شخص من الاطفال والنساء والرجال من قبيلة الدينكا مصرعه قتلا وحرقا بواسطة مجموعات من قبيلة الرزيقات-كان ذلك في مدينة الضعين بغرب السودان في يومي 27 و28 مارس 1987 وبالرغم من ان بعض القتلة معروفين باسمائهم للحكومة،لم يقدم اي منهم للمحاكمة، بل ان نواب الحزبين الحاكمين في الجمعية التاسيسية اسقطو اقتراحا بالتحقيق في المذبحة،وكان رئيس الوزراء قد فسر المذبحة بانها نتيجة لدواعي الانتقام لهجوم قوات جيش تحرير السودان على منطقة سفاهة(واقعة على بعد يوم بالعربات من الضعين) كذلك قامت مجموعات مسلحة من مليشيات قبيلة الرزيقات المدعومة من قبل الحكومة..باختطاف مئات الاطفال والفتيات والنساء الدينكا من قراهم البعيدة الواقعة جنوب بحر العرب_كيير_ويعيش هؤلاء اليوم كرقيق مملوكين لبعض اسر عرب الرزيقات ولغيرهم في الضعين وابو مطارق وكريو وفرع هبيل وقمبلاية وغيرها والحكومة على علم تام بذلك المرجع:انتهاكات حقوق الانسان في السودان 1987-مذبحة الضعين والرق في السودان المؤلفين:د.سليمان بلدو/كلية الاداب جامعة الخرطوم -قسم اللغة الفرنسية د.عشاري احمد محمود/معهد الدراسات الافريقية والاسيوية-جامعة الخرطوم

المصدر
المكتبة السودانية:هكذا تكلم فرانسيس دينق...صراع الرؤى

يا كبر
نحن لمن كنا بنطرح قضايا السودان ده في مستوى فرنسيس دينق والكاترة الاجلاء و الوثائق...انت كنت مباري الهوا ساكت ذى البسوس وبشاشا

هذه سلسلة ارشفينا وتاريخهم
ادخل البوست ده احسن ليك عشان تعرف دولتك العايز تسويها على جرف هار

الناس الان في السودان ثلاث
ناس يشكلون حركة التغيير
ناس يعوقون التغيير
ناس يتفرجون على التغيير

ناس يجيدون التشخيص و يعرفون العلاج
ناس يجيدون التشخيص و ولا يعرفون العلاج
ناس لا يجيدون التشخيص ولا يعرفون العلاج

والمفاصلة هل هي هزيمة مشروع الانقاذ وشريعة قدو قدو واعادة التدوير؟؟
ام هزيمة مشروع السودان القديم من 1956

بس للذكرى



لا صحينا عاجبنا الصباح
لا نمنا غتانا العشم


لماذا انا هنا؟؟
وكل ما جاء الشادن المالكني ريدو هلك النفوس الناس تريدو بخطابه السمج الى الهامش حشد له الملايين من قبل نخب الهامش الانتهازية الملتوية في اقصى درجات النفاق....يخرج الملايين من اجل شريعة قدو قدو...ويتعبرون تعاستهم (ابتلاءات)

بت ابا امنة مختار..حبابك
كتر خيرك على المرور ..
و الله المنبر ده بقت فيهو حاجات بالجد عجيبة.. مرات تكتب و تكتب..و ترسل..و ما تظهر حاجة..
و اكثر من مرة ينكر ليك كلمة المرور و اسم الإستخدام..
المهم.. سنكتب و نكتب.. الى أن يشرق الصباح النهائي..
و دمت..
كبر

الصديق عادل امين.. حبابك

كتر خيرك على الحضور المثابر هنا..و يبدو أن فكرة وضع اسمك في البوست قد دخلت عليك شديد..و كنا نتوسم أن تقدم الفكرة كما تفهمها دون ان تلجأ لإستحقار الأخرين و التعالي عليهم بلا مبرر..و ايضا دعونا غيرك أن يقدموا ما يزيل الشوائب عن الفكرة..و محاولة وضعها بصورة جادة امام المشهد السوداني..و لكن..!
تهرب الكثيرون و الكثيرات..و تركوك وحدك تهذى هنا..و مثل هذا الهروب قد قلنا من قبل أن القارئ يفهمه و يعطيه الدلالات المناسبة.. فهو قد يعني ان الناس ليست حريصة على تصويب الأخطاء..و أن الغالبية تمتطي المشروع مثلها و مثلما تفعله احزاب الطائفية في السودان و التي تنتظر ان تقوم الثورات ثم تأتي هي بعد نجاح الثورات لتقول لأصحابها ( سعيكم مشكور و نحن نتم الباقي).. فليست هي غريبة من الغرائب ان تسرق ثورة السودان في اكتوبر 1964 ثم في ابريل 1985.. ثم في فكرة السودان الجديد التي اتت اكلها بالنسبة لجنوب السودان..و لم ينال الشمال منها نصيب..!

البوست.. قام على فكرة جاستن..و نحن نشكره لأنه اصدق من كل ادعياء السياسة في السودان..و قد قالها صراحة أن فكرة السودان الجديد قد يساء فهمها وفق لعوامل العرق و الدين و الثقافة..و نحن نقول قد يعاد انتاجها وفق المحددات التي ذكرها جاستن..و في هذا البوست..و من ادعائك انت شخصيا يا عادل.. فلقد ثبتت هذه المحددات.. فانت تدعو لفكرة السودان الجديد ليست كما هي (ثقافة هوية افريقية في مواجهة هوية اسلاموعروبية)..و انما تحاول بصورة يائسة للغاية ان تعيد انتاجها وفق العرق و الدين و الثقافة و هي المحددات التي تخصك..!

فقد تجلى ذلك في التحامل المستمر ضد صاحب البوست (و هو التحامل الذي نبهك اليه الصديق المحترم حامد بدوي بشير)..و ضد الملة التي انجبته..و الإقليم الذي رضع منه..و هي محاكمات جزافية لا تقوم على الموضوعية بقدر ما تقوم على التهيؤات و احكام القيمة المسبقة التي تمليها عليك المحددات خاصتك من عرق و دين و ثقافة..فهل ذلك يحقق لك انتصار ذاتي؟.. فهل تحاملك هنا يشفيك من حقدك تجاه اهل غرب السودان عامة و المسيرية خاصة؟..
حقدك على هذه الملة يا عادل ليس من باب الشفقة على اهل الجنوب ..و انما هي غبينة بايتة لأنهم خالفوك في اتباع سيدك و الهك الميرغني الذي تسميه محرر السودان..!
و القراء و القارئات يا عادل يتابعون جيدا ما تكتب..و لو انهم بهم هوج و عصف و ارتباك مفاهيمي مثلما يسودك كانوا من زمان قالوا ليك البغلة في الإبريق..و لكنهم تجاوزوا كل هذا السفه و المغالطات التي تصبها يمنا و شمالا..و هم يستعجبون لمن يدعي ان له مشروع يدافع عنه..و يخرج عن ابسط قواعد المنهج و السلوك الفكرى المنضبط.. و خروجك عن السلوك يا عادل أنك تريد أن تذهب بهذا الخيط نحو الجهة التي ترغب فيها انت..و تناسيت أننا فتحنا الخيط بمحددات معينة و نرغب أن تناقش الناس وفقا لهذه المحددات.. و لكن جئت تردح يمينا و شمالا..و تسئ لناس ليس لهم قدرة الرد عليك في هذا الخيط..و هم لا يعجزون عن الرد عليك وفق وسائل اخرى..!

و هنا يا صديقي القارئ الحصيف سيعرف الى اي مدى تم اختطاف فكرة السودان الجديد..و موقفك انت يا عادل.. لآ افهمه وفق الحريص على المشروع..و انما هو موقف المتحايل المنافق الذي يريد أن يسرق جهد و عرق الأخرين..و ليته كان عرق فقط..و انما هو دماء سالت ولازالت تسيل في سبيل فكرة المشروع.. فهل نربع ايدينا و نتركك تسرقها كما تسرق الطائفية الثورات؟..
العتب ليس عليك يا عادل..و انما على اهل السودان الجديد سواءا كانوا بالأصالة أو بالإدعاء الأجوف.. و صمتهم هنا يعني انهم يتحملون المسئولية غدا.. حينما يتهمهم الأخرون بان سودانهم الجديد هو وجه أو قناع اخر للطائفية..!
السودان يا عادل لم نعرفه عبر الكتب و المنشورات و كلام الندوات.. السودان عرفناه واقع و معايشة قاسية..و الواقع دوما يفضح الأدعياء يا عادل.. فانت التأريخ تجاوزك تماما..و ان كنت تراهن على انتخابات جنوب كردفان.. فانت يا صديقي لم تعي الواقع هناك.. فالذين تقول عنهم مهدويون..و بعثيين..و بقارة حقارين.. ياهم ديلك غصبا عنك شغالين في خندق السودان الجديد ..و افضل منك و من جميع دوائر ختميتك التي تباهينا بها (و اتحداك تجيب لي مرشح واحد نزل باسم السودان الجديد و فاز في دوائر الختمية..)..في دوائر ابيي و الميرم و المجلد و بابنوسة و الفولة و كجيرة و غيرها من الدوائر مرشحي و مرشحات الحركة الشعبية هم من ابناء و بنات البقارة..و اظنك تعرف جيدا اي مشروع تتبناها الحركة الشعبية في جنوب كردفان ..!

و حينما تدعي انك سودان جديد يا صديقي و ترفض اقرار دور الحركة الشعبية في صناعة فكرة السودان الجديد.. فهنا انت يا صديقي مجرد نازي متعالي و تريد أن تفرض على اهل السودان قناع اخر من اقنعتك العديدة التي ظللتها تلبسها طيلة عمر الدولة السودانية بعد الإستقلال عن الإستعمار ..!
لم تكتب فكرة يا عادل..و انما كل الذي تفعله هو انشاء و اطناب و جغمسة كلام لا تسمن ولا تغني من جوع..!
و نديك دروس لله و رسولو.. الناس القامت بفكرة السودان الجديد فيها تسامح يتجاوز كل من نطق بالعربية و ادان بالدين الإسلامي في البلد الوهم الإسمها سودان دي..و الناس القاموا باالفكرة وعوا التأريخ السوداني جيدا..و تاني ما بتخموا بسهولة.. وفر عليك جهدك..و كن متسق مع نفسك.. قول لينا و الله أنا اتحادي ديموقراطي..و عندي مشروع للسودان ده..و ح نحترمك كما نحترم الأشقاء و الشقيقات في فصائل احزاب الحركة الإتحادية.. اما داير تركب لينا مكنة سودان جديد فكن قدرها و متسق معاها.. ففكرة السودان الجديد تجب ما قبلها..!
داير تتبع الفكرة الجمهورية.. فقول لينا بالعديل انك جمهوري..و سوف نحترمك مثلما نحترم كل الصديقات و الأصدقاء الجمهوريين و الجمهوريات ..!
اما قصة سمك تمر لبن.. فدي يا اخوي ما بتنفع مع السودان الجديد.. لأنو السودان الجديد ده حاجة واضحة..و ناسو ما ح يتخموا بالنقة البتسوي فيها هنا دي..!
سالت الصديق خالد كودي من قبل: ماذا يعرف عن جبال النوبة؟..

و انت لا تستحق مثل هذا السؤال.. لأنك لا تعرف المنطقة..و لم تراها في حياتك..و لورأيتها شفتها شوف عين ساكت دون أن تتيسر لك الظروف لمعرفتها بعمق.. لأنك لمن كنت فيها كنت من اهالي الطبقة الأولى..و هوؤلاء لا يكلمون العامة..ولا يشعرون بالآمهم و مآسيهم..!
تيارات تضامن قوى الريف.. اقرب الى السودان الجديد من الفكرة الجمهورية و فكرة احزاب الحركة الإتحادية في السودان ، و من يحاول يدخل تيارات الفكرة الجمهورية أو احزاب الحركة الإتحادية في مشروع السودان الجديد فهو يرتكب مغالطة باهظة الثمن..!
التحالف السياسي المرحلي موجود بين تيارات السودان الجديد و الفكرة الجمهورية و فكرة الأحزاب السياسية..و هي تحالف مؤقت..و لكن جوهر فكرة السودان الجديد تظل هي اصيلة منذ أن بدأت تياراتها في الخمسينات و ما قبله..!

من اراد أن يعمل وفق خندق السودان الجديد عليه ان يعرف الأصول و الحدود.. لكن مسألة الإختطاف و الهيمنة.. فهذه مسائل مرفوضة للغاية..و هي المسائل التي قامت فكرة السودان الجديد ضدها..!
و دمت..
كبر

Quote: يا كبر يا صديق ،كدي اقرا مداخلاتي تاني: 1- أنا مع العلمانية 2- أنا مع تفكيك و إعادة تركيب الدولة السودانية، و دا ما ممكن يتم ألا من المركز ، ولكن لمصلحة الهامش، يعني وفق مصالح الهامش. يعني أنا أراءك القلتها ما بختلف معاها ،في العلمانية و الفدرالية

سلام


صديقي عيدروس.. حبابك
كتر خيرك على المرور من هنا..
حاجة صغيرة يا صديقي.. كل حرف يكتب في هذا المنتدى.. اقراه تلاتة مرات ثم اكتب ردي.. و هذا ديدني في التسعة سنوات التي قضيتها في هذا المنبر..
قرأت كلامك و اعتقد أني فهمته جيدا..و اختلافي معك في فكرة أن التغيير يأتي من المركز..و لي تأملات في التغيير الذي يجئ من المركز (هذا اتفقنا ان المركز مفهوم متحد بيننا).. و خلاصاتها مريرة للغاية يا صديقي.. فتغييرات المركز كلها كانت انقلابات عسكرية فوقية ( انقلاب عبود ، انقلاب الكبيدة ، انقلاب نميري ، انقلاب هاشم العطا ، انقلاب حسن حسين عثمان ، انقلاب محمد نور سعد ، انقلاب سعد بحر ، انقلاب سوار الدهب.. انقلاب عمر البشير ، و ما تنسى انقلاب صديقنا ، لاحقا ، دكتور خالد حسين الكد رحمة الله عليه)..هذه هي التغييرات التي جاءت من المركز ..و كلها لم تحمل في دماغها هموم اهل الريف.. لذلك فكرة أن يكون التغيير من المركز فهذه مجازفة لا اضمن عواقبها..و هنا اختلافي معك..!
من قبل خضت نقاشات كثيرة مع صديقاتي و اصدقائي من الحزب الشيوعي السوداني..و كنت اقول لهم أن مشكلة الحزب الشيوعي السودان أنه باختياره المحض قرر أن يكون حزب مدينة..و لم يتمدد في الريف و ريف الريف..و لو كان فعلوا ذلك منذ الستينات.. لما احتجنا للحركة الشعبية لتحرير السودان.. أو حتى فكرة السودان الجديد.. لأنو الناس ديل أنا اثق في رؤيتهم النظرية للأمور..و عندهم القدرة يعملوا حاجة..و لكن..!
يبقى يا صديقي افهم جيدا انك تتفق معي في نقطة علمانية الدولة.. أو بالعدم تكون محايدة تجاه الدين..و اعلم أنك تتفق معي و مع الكثيرين و الكثيرات حول الفيدرالية الحقيقية للسودان,,
و اظنك تتفق معي في نقطة اخرى و هي نقطة أن الحديث عن هوية السودان قبل استقلال الجنوب و بعد استقلال الجنوب هي مضيعة للوقت.. لأن الهوية الحقيقية هي هوية العيش و الوجود المشترك الذي يقوم على الإحترام المتبادل بين الفئات (طبعا قد تكون قرأت كلامات صديقنا محمد جمال الدين عن الهوية و التي خرج فيها بفكرة العيش المشترك..و هي فكرة قديمة قال بها صاحبك كبر سنة 1991 في واحدة من فعاليات اتحاد جامعة الخرطوم..و لغاية الليلة مؤمن بيها..و جلدت فيها صديقي ابكر ادم ، ناس التحليل الثقافي ، كذا مرة..لكن السايقة واصلة)..!
يبقى يا صديقي.. انا معاك سجن سجن ..غرامة غرامة.. و انت اقرب لي من اخونا عادل امين و صديقتنا امنة مختار ( سيدة الخدورية اياها..دي ما نبذه يا امنة هوي).. و اخرين و اخريات كثر.. لكن و حاة الله يا عيدروس حكاية ندخل المركز في الحلول الجايات دي تب ما بنتفق فيها.. !
المركز يا عيدروس قاعد يتهاوي من ضغط الأطراف..و ما حدث في الجنوب هو ضربة للمركز ، وكذا ماحدث في النيل الأزرق ..و ما قد يحدث في جنوب كردفان و دارفور..و لو قبل أن يعيد شروط اللعبة..و يقعد معانا في التراب.. سوف يكسب السودان..و اهل السودان..!
همنا سودان يسع الجميع..و يحترم ذات الإنسان فيهم..ولا اعتقد أن ذلك طلب غالي.. او مستحيل الحدوث..!
و دمت.
كبر

Quote: تهرب الكثيرون و الكثيرات..و تركوك وحدك تهذى هنا..و مثل هذا الهروب قد قلنا من قبل أن القارئ يفهمه و يعطيه الدلالات المناسبة.. فهو قد يعني ان الناس ليست حريصة على تصويب الأخطاء..و أن الغالبية تمتطي المشروع مثلها و مثلما تفعله احزاب الطائفية في السودان و التي تنتظر ان تقوم الثورات ثم تأتي هي بعد نجاح الثورات لتقول لأصحابها ( سعيكم مشكور و نحن نتم الباقي).. فليست هي غريبة من الغرائب ان تسرق ثورة السودان في اكتوبر 1964 ثم في ابريل 1985.. ثم في فكرة السودان الجديد التي اتت اكلها بالنسبة لجنوب السودان..و لم ينال الشمال منها نصيب..!

يا عزيزي كبر، أول حاجه أنا ما سودان جديد (لانو يخيل لي المصطلح بقي جلابية أي زول بقي يلبسا)
لكن من المؤكد أنا مع التغيير نحو الديمقراطية السياسية و الإجتماعية و مع الحقوق و الحريات
و مع العلمانية وبقول إنو التغيير دا حا يحصل عندما يتضامن المثقفين مع المهمشين في الريف
و الحضر.
أها تاني حاجه ما شايف إنو عشان ترد علي زول المفروض تتداخل معاهو، ممكن زول يفتح بوست
و براهو يكشف تناقضو، فما تتحامل علي الناس ساكت و تزعل. الحاجه التانيه الحوار في الإنترنت
و في سودانيز خاصة ما عندو حكم و المنتصر فيهو ما صاحب المداخلة الأخيرة والمهزوم ما صاحب المداخلات الاقل، و أقول ليك أكتر ،أساسا" حتي لو رأيك غلط بي تكون إنتصرت بي معرفة الصاح
و رايي أنا الخاص حتي لو ما إتفقت مع الرأي الآخر علي الاقل بي يخليني أعاين للمسائل من جوانب جديدة.

Quote: فانت تدعو لفكرة السودان الجديد ليست كما هي (ثقافة هوية افريقية في مواجهة هوية اسلاموعروبية)..و انما تحاول بصورة يائسة للغاية ان تعيد انتاجها وفق العرق و الدين و الثقافة و هي المحددات التي تخصك..!

أنا ضد هيمنة هوية علي الأخري، و رأيي الخاص إنو الهوية العربية في السودان
هوية مستلفة، لكن و أهم حاجة لكن دي
أنا رأيي أنو صراع الهوية ليس الصراع الأساسي في السودان.الصراع الأساسي
هو صراع إقتصادي/إجتماعي /سياسي يهدف لإعادة توزيع الثروة و السلطة
و ديمقراطية الدولة و المجتمع و ضمان الحقوق و الحريات.
والهوية فيه سؤال تطرحه النخب المسيطرة علي المهمشين و ليس علينا
الاجابة عليه، بل علينا الرد بتغيير الواقع الإجتماعي الإقتصادي السياسي
للنخب المسيطرة لصالح المهمشين، و في ظل الواقع الجديد، ستحل مشكلة الهوية
في ظل سودان ديمقراطي لا يفرق بناءا" علي العرق و الدين.
عليك الله يا كبر دور معانا هنا:
يعني شنو "هوية" (صراع القيم والرؤى والمصالح) ووجهة نظر...ي كلام الباقر العفيف

الاخ العزيز كبر
سلام مربع
لا حقد ولا هم يحزنون
انا سوداني زيك ما سائح فرنسي
ومن ما فتحت في الدنيا لقيت نفسي في بيت رجل يعمل في وزارة التربية ولفيت معاه السودان كنت في الدلنج
ولقيت قدامي مكتبة كبيرة وبقيت اقرا بحرية اي حاجة
ولمن جاء الانترنت حاولت استخدم المنبر الحر كاداة تنوير وليس ونسة مسنجرات ومهاترت شخصية
ذى ما قلت ليك العقلية السودانية الشمالية المؤدلجة سواء نيلية او غربية ..واحد...يكرهون الحقيقة ويكرهون مواجهة التاريخ المشين والموثق...ويمارسون الاسقاط وفقا لانتماءاتهم الايدولجية الضيقة
وكل ما ذكرته هنا حقائق وجرايم حصلت...لن يجدي لالتفاف حولها
وانت نفسك لن تستطيع الاجابة على السؤال
لماذا يكون للمؤتمر الوطني شعبية في جنوب كردفان ..حتى تؤهله للتنافس هناك وارثه المعروف(كتاب النوبة وحروب الابادة)؟بل شعبية في هوامش السودان الخمسة؟ مش جون قرنق قال ان بمثل الاغلبية)
من مسخ القبائل العربية في المنطقة بفيروس الاخوان المسلمين وجعلهم ادوات قتل رخيص؟
اما اذا عايز تتكلم عن دولة غرب السودان وتريد تجاوز الواقع الديموغرافي القبلي لها...يبقى انت لا اكاديمي ولا هم يحزنون
انا يا اخوى كبر
واقعي واقول الحقيقية والسودانيين بطبعهم يكرهو الحقيقية ويكرهون من يكتب عنها ويفضلون المجاملات السمجةويعيشون في عالم افتراضي من اواهمهم وتغزي تلك الاوهام عالم سودانيز اون لاين..
وهسه لو راجعت البوست ده كويس
حتى تلقى كمية كبيرة من الكتب والمعلومات والمقالات والشرح والرسومات
وستجد مشروعي لنقل مشروع السودان الجديد عبر نيفاشا اوضح من الشمس..فقط يستعصي على نفس الناس الما بفهمو كلام جون قرنق العلى تماثيلهم عاكفون ..هسه الترابي مرق الليلة جرو يجيبوا لينا كلامو الممجوج..
اما رايك فى الحزب الاتحادي الديموقراطي واعماله المشينة...عليك ان تاتي بها موثقة للناس هناكما اتيتك بمخازي حزب الامة والمهدية والاخوان المسلمين..
انت سالتني عن فهمي للسودان الجديد؟
وعن من سيكون داعم ومن يكون معوق له؟
ومن اول مرة وريتك الاجابة
والسودان الجديد ازمة وعي
وطال ما الناس وراء شريعة قدوقدو....حتنتظر كثير
وتصوري واضح
فقط على القلوب اقفالها
وما تزعل من الرايش البي هنا وهنا ده
انا قلت ليك انت ذكي وحصيف
بعدين قصة الناس بجو ولى يمشو ولا يقاطعو حتى بوستاتي..هذاالامر لا يعنيني انا لا اكتب عن نناسي عجرم او ثقب الاوزون...
والناس هنا حرة

الأخ / كبر وضيوفه الكرام...
تحية طيبة..

Quote: تيارات تضامن قوى الريف.. اقرب الى السودان الجديد من الفكرة الجمهورية و فكرة احزاب الحركة الإتحادية في السودان ، و من يحاول يدخل تيارات الفكرة الجمهورية أو احزاب الحركة الإتحادية في مشروع السودان الجديد فهو يرتكب مغالطة باهظة الثمن..!

تابعت هذا الحوار بينك وبين الأخ / عادل امين،، الحقيقة لم اكن راغبا في التداخل للمزاج العام المتوتر الذي يسود هذا البوست من مبتداه و حتي هذه اللحظة، لكن جذبت انتباهي المداخلة اعلاه، وفي ظني انها مليئة بالغموض، الأمر الذي يجعلها اقرب الي الانشاء منها الي الواقع.. فاذا كان المقصود بفكرة السودان الجديد الاصطلاح الذي اطلقه الراحل الشهيد جون قرنق، ربما في هذه الحالة يكون هناك بعض الصدق في هذه الرواية، لأن لفظة السودان الجديد كمصطلح سياسي متداول ، لم نسمع بها الا في عهد الدكتور جون قرنق عليه رحمة الله، اما اذا كان المقصود بالسودان الجديد الفكرة السياسية التي تفضي الي سودان مختلف عن ذلك الذي تشكل غداة الاستقلال واستمر فيما بعد الاستقلال وحتي يومنا هذا والذي يتمثل في التنمية الاجتماعية والاقتصادية والسياسية المتوازنة ، فهنا في هذا المقام اقول لك هون عليك صديقنا كبر، فبالتاكيد من جاء بها وهي سودانية خالصة هو الاستاذ / محمود محمد طه، عبر اطروحاته الفكرية ابتداءا من اسس دستور السودان، مرورا بالمساواة بين الرجل والمرأة،والمواطنة ، والعدالة الاجتماعية واالغاء الفوارق الطبقية وفق منهج علمي يزيل الفوارق الاجتماعية ومعالجة فوارق المرتبات بين ادني وظيفة واعلي وظيفة لكيلا تخلق مزيدا من الطبقات والمزاوجة بين النظام الاشتراكي والديمقراطية،التنمية الريفية المتوازنة التي تجعل الريف اقرب الي المدينة، الاصلاح التعليمي ودعوته لأعتماد نظام المعاهد العليا( عدم التوسع فس التعليم الجامعي الا بعد احداث نضهة اجتماعية ) التي توفر الكوادر المتسلحة بالعلم والتدريب المهني ، وهو من اوائل الذين خاضوا في موضوع الهوية، وسعي لتأصيل هوية سودانية بعيدة عن الانتماء السياسي االعربي او الافريقي ، بجانب تبشيره في افتتاحية جريدة الجمهورية بعالم جديد تسوده قيم جديدة والتي عرفت بلوحة خلق الجمال:((نحن نبشر بعالم جديد، وندعو إلى سبيل تحقيقه، ونزعم أنا نعرف ذلك السبيل، معرفةً عملية، أما ذلك العالم الجديد، فهو عالمٌ يسكنه رجالٌ ونساءٌ أحرار، قد برئت صدورهم من الغل والحقد، وسلمت عقولهم من السخف والخرافات، فهم في جميع أقطار هذا الكوكب، متآخون، متحابون، متساعدون، قد وظفوا أنفسهم لخلق الجمال في أنفسهم وفيما حولهم من الأشياء، فأصبحوا بذلك سادة هذا الكوكب، تسمو بهم الحياة فيه سمتاً فوق سمت، حتى تصبح وكأنها الروضة المونقة، تتفتح كل يوم عن جديد من الزهر، وجديد من الثمر)) لا اريد ان اطيل عليك كثيرا، فالقيم السياسية والاقتصادية والاجتماعية، والدينية التي طرحها الاستاذ محمود ودعا الي تطبيقها في السودان، بجانب الجدة في التبشير بتجعل منه ومن السودان عالم جديد بالمرة او ببسيط العبارة (سودان جديد)،و يجعل فكرة السودان الجديد اكثر وضوحا عند الاستاذ مما عداه من الافكار التي طرحت في السودان قاطبة، خصوصا وان هذا الطرح كان قبيل الاستقلال ومع بداية استهلاله، وعبر عن رؤيته الصريحة انه اذا ما مضي السودان في طريقة حكمه بالطريقة التقليدية سيكون امتدادا للحقبة الاستعمارية، ويقينا ان هذه السياسة ستؤدي الي تمزيق البلد، وطرحة كان طرحا مميزا، في ظل اطروحاتالاحزاب التي كانت متواجدة في الساحة السياسية انذاك، والتي كانت تنقسم الي معسكرين فقط ( الراسمالية) (اشتراكي) او ما يعرف باليمين واليساروله منهج في التغيير عارض به ماركس اثبتت الايام صحته، وحاجة السودان الخاصة ، والبشرية قاطبة له.

Quote: لتحالف السياسي المرحلي موجود بين تيارات السودان الجديد و الفكرة الجمهورية و فكرة الأحزاب السياسية..و هي تحالف مؤقت..و لكن جوهر فكرة السودان الجديد تظل هي اصيلة منذ أن بدأت تياراتها في الخمسينات و ما قبله..!

لا تحبذ الفكرة ولا ادبها مسألة التحالف السياسي فأن فكرة التحالف او الحلف قائمة علي مبدأ التنازلات، وهو امر يقود الي ممارسات سياسية قد تتناقض والمبادي والقيم التي تعتنقها ، وهو امر ترفضه الفكرة ابتداءا ، ولم يحدث في تاريخها ان مارست الفكرة السياسة بمعناها الاصطلاحي خصوصا مع فكرة التحالفات هذه، والمرة الوحيدة التي شارك فيها الجمهوريون في ممارسة عمل نقابي مهني انبني علي التوافق كانت في جامعة الخرطوم للتأسيس لمسالة التمثيل النسبي، فيانتخابات اتحاد طلاب جامعة الخرطوم وهي الفكرة التي طرحها الجمهوريون ابتداءا، وكانت من الجدة بحيث عمل حتي الذين اقتنعوا بها علي تقويضها في اقرب زاوية ، و من ثم انسحبت الكوادر الجمهورية من ذلك الاتحاد والقصة معروفة في اوساط الطلاب. عموما يا صديقي قد تختلف وجهات النظر حول اطروحة الاستاذ محمود، ولكن لا يمكن ان يصل الامر الي انكار الجدة فيه في امر السودان من الفكرة، وحتي الوسيلة..وان الاطروحات التي جاءت بعده عن فكرة سودان جديد مقتبسة بالكامل من فكرة الاستاذ.
لك شكري وتقديري

صديقي جمال..حبابك
كتر خيرك على المرور من هنا..و شاكر لك المساهمة الطيبة التي تقدمت بها هنا..ويحمد لها انها اوضحت الكثير..
الأستاذ يا صديقي ما حضرناهو..و لكنا نعرف انه كان مختلف و مغاير حتى في سلوكه الفردي الشخصي و كان يسعى لوطن مختلف تماما تسوده القيم التي ذكرتها في مقالتك هنا..و نحترمه و نحترم كل من يتبع فكرته و يقبض عليها كما الجمرة..!

فكرتين يا جمال اتأملهما في المشهد السوداني ، و اقول أنه تم ابتذالهما بصورة ما انزل الله بها من سلطان..و نبدأ بالفكرة اللاحقة أو الأكثر جدة..و هي فكرة جدلية المركز و الهامش..و اهلها الذين صاغوها استوعبوا الواقع السوداني و تأريخه بصورة معقولة الى حد ما..و لكن الفكرة تم ابتذالها من قبل الآخرين.. للحد الذي اصبحت فيه تعني عند البعض التمايز على اساس الإثنية و القبيلة و الجهة الجغرافية..و في هذا ضرر كبير بالفكرة و مشروعها لحد افراغها من مضمونها الأساسي..و لكن يحفظ التأريخ انها خلقت ادبيات اصبحت تمشي بين الناس..و ان قاموسها اصبح متداخل مع اليومي بصورة عميقة..و اهلها سوف يقومون بتصحيح الأخطاء (ليس اخطاء صياغة النظرية نفسها..و انما اخطاء فهمها و هو مسئولية المتلقي أو السارق الذي يحارب الفكرة بصورة ضمنية) و ازالة الشوائب عنها..فهذه الفكرة خلقت وعي و علمت الناس مفاتيح لرؤية الأشياء بطريقة مغايرة..و هو كل ما نحتاجه في السودان..

الفكرة الأخرى..و هي الفكرة السابقة..و هي الفكرة الجمهورية..و هذه تم ابتذالها بطرائق مختلفة..شفت يا جمال.. موقع الأستاذ في الوعي السوداني مثل موقع ماركس في الوعي الغربي.. فالأستاذ تختلفه معه أو تتفق معه.. الإ انك لا تستطيع نكران جهده و تجاوزه.. و الأفكار الجيدة التي تقوم على التجربة و الإختبار و المكابدة و الدراسة المستمرة لعلاقات الواقع الإجتماعي و السياسي و الديني و الثقافي و الجمالي ، مثل تلك الأفكار لا تحتاج أن يكون صاحبها أو اهلها في سدة الحكم ، بالعكس وجودهم في المجتمع سيكون له اثر ابعد و اعمق..و هو ما حدث مع الفكرة الجمهورية كما اعتقد..!

و كسوداني و من خارج الفكرة (بمعنى عدم الإلتزام فيها بصورة منظمة).. أعي جيدا.. أن عهد جعفر نميري ابتذل الفكرة الجمهورية حينما نادى بفكرة الحكم الإقليمي.. لأنو جوهر لامركزية الحكم.. هي الفكرة التي قالت بها ادبيات الحركة الجمهورية في السودان و نادت بها قبل حضور نميري للحكم..ولأن كل من حكم و يحكم السودان دوما يجئ بلا نظر و نظرية.. فانه يتلفت حوله و يختطف جهد الآخرين..فجهد الجمهوريين و الجمهوريات اختطفه نظام مايو و لكنه لم يستطع عليه.. لأنه لم يكن يؤمن به حقيقة و لم يدق فيهو حجر دغش زي ما بيقولوا اهلنا.. لذلك فشل في الفكرة و لم يستطع أن يخلق منها واقع تقبله عامة اهل السودان و تتفق عليه..!

الإبتذال الثاني تم في عهد حكم الإنقاذ.. فاهلها حينما اتوا.. لم تكن لهم نظرية واضحة..فالتفتوا لإرث الآخرين..و لم يجدوا غير ما نادى به الجمهوريين و الجمهوريات.. فكان و لأول مرة في تأريخ السودان أن تم تقنين قانون الأحوال الشخصية ووضعه في قانون واحد..و ان كان غالبية اهل السودان لا تدري من أين جاءت فكرة تقنين قانون مهم مثل قانون الأحوال الشخصية.. فاننا نقول أن الجمهوريين و الجمهوريات هم اول من نادي بتقنين قانون الأحوال الشخصية..و نشكرهم على ذلك.. لأن الأخرون و الأخريات يهمهم فقط الصعود الى سدة الحكم دون تبصر في حاجات الناس الملحة..!

الإبتذال الثالث للفكرة.. تم في عهد حكومة الوحدة الوطنية..و التي جاءت بفكرة التمثيل النسبي..و انزلته الى ارض الواقع..و الإبتذال هنا يكمن في الإدعاء بان الفكرة جاءت فقط من هنا أي من لحظة صياغة الإتفاقية و دستورها دون ذكر لجهد الأخرين و الأخريات..!

من كل هذه التجارب.. الفكرة الجمهورية تمشي بين الناس يا صديقي.. حتى لو لم يعلموا انها بينهم..و تلامس حاجاتهم الملحة و تعالج قضاياهم بصمت تحسد عليه..فهي ليس بالضروة ان تكون في واجهة الحكم..و لكن بالضرورة أن تكون في عمق الأحداث..مثل هكذا فكرة يا صديقي نحترم اهلها حينما ينادون بها و يدافعون عنها..و لكن حينما يتم تلويثها من قبل الأخرين (امثال صديقنا عادل امين).. فهنا يا صديق تصعب علينا الأمور..!

لا تحتاج الفكرة الجمهورية أن تلبس جلابية السودان الجديد.. فهي سودان مختلف و مغاير و اثبت وجوده بين اهل السودان..بصورة ايجابية.. فكل المحاولات التي تمت في العهود المختلفة.. نحن نعتقد انها ايجابية من ايجابيات الحركة الجمهورية..لأنها فكرة فاهمة السودان ده شنو..و محتاج شنو..!

بالجد يا جمال ما فهمت بالضبط وضعية اخونا عادل امين.. فهو من طائفة تأريخيا كانت متواجدة مع الفكرة الجمهورية..و كانت تتواطأ ضدها..و اليوم يشيلها و يجرى بيها في اي مطب..فلو كنت مكانه لأعلنت اني جمهوري و ادافع عن الفكرة من هناك.. لكن أن يختطفها بهذه الطريقة فهنا مشكلة كبيرة..و بربك قل لي: كيف يستوى شخص مجتهد مارق من عامة الجماهير الكادحة مثل الأستاذ.. و زول منعم مثل مولانا الميرغني ( اهو داك شوف عيني عادل امين خاطيهم في مرتبة واحدة)..!

في هذا الخيط حاولنا أن نذكر الناس جميعا بان لا تفعل كما يفعل الأخرون..يختطفوا عرق الناس و جهدهم من دون حتى اشارة لأصحاب الحق الأصليين.. ففكرة السودان الجديد التي نادى بها الشهيد جون قرنق.. سبقتها تيارات متفرقة هنا و هناك..و جون قرنق اضاف ليها القوة العسكرية لإنزالها الى ارض الواقع..فكل الذي نطلبه من الناس أن تتذكر الأخرين..و الجهود السابقة.. حتى نكون للأجيال اللاحقة نسق واضح..و حتى نساعد من يريد أن يكتب عن تأريخ الفكر السوداني بالإشارة الى المساهمة التي تحرص اليات الهمينة اقصائها و اخفائها و تجاهلها..!.. لأن اليات الهيمنة هي التي دأبت على كتابة تأريخ السودان وفق اهوائها الخاصة..!

و الحقيقة التي يهرب منها اخونا عادل امين.. ان تيارات مثل الفكرة الجمهورية و فكرة جون قرنق في السودان الجديد.. ساهمت بعمق في تغيير الأشياء و الوعي في السودان ..عكسا لفكرة الأحزاب الإتحادية.. التي لم يتعدى اثرها الخرطوم و التناطح في كراسي الحكم.. فتلك فكرة لم تحدثنا و تفعل شئ تجاه العدالة الإجتماعية..و استيعاب التنوع في السودان..و تمدين الريف..و احداث نهضة حقيقية..ياخي حاجة بسيطة مثل فكرة كتابة قانون الأحوال الشخصية.. مثل هذه الأشياء لم يفعلها اهل عادل امين (ناس السياسة طبعا ، مش اهلو ناس الدم و اللحم)..اهو داك الواقع قدامك يا جمال.. شفت فكرة التمثيل النسبي دي..نحن في كردفان استفدنا منها فائدة كبيرة خلاص..اول بالتبادي.. انتهينا من فكرة تصدير النواب..و اهلنا شاركوا بانفسهم في العملية..و في كل تاريخ الإنتخابات السودانية لم نرى مشاركة للنساء في العملية الإ في عهد انزال فكرة التمثيل النسبي للواقع..مش قلت ليك الفكرة الجمهورية دي قاعدة بين الناس و مؤثرة فيهم حتى لو لم يعلموا عنها..!
مثل هذه الأفضال نحن لا نعجز أن نذكر اصحابها الحقيقين الذين كابدوا فيها و دفعوا من اجلها ما دفعوا..و نطالب اهل السودان ان يتذكروا مثل هذه الحقائق حتى لا نغمط احد حقه الأساسي..!

كتر خيرك يا جمال..
كبر

صديقي / كبر
تحية جميلة جمال كتابتك الانيقة
اجد نفسي متفقا مع المقال في مجمله، ولا املك ان اقول الا بورك فيك

تقبل احتراماتي

Quote: من كل هذه التجارب.. الفكرة الجمهورية تمشي بين الناس يا صديقي.. حتى لو لم يعلموا انها بينهم..و تلامس حاجاتهم الملحة و تعالج قضاياهم بصمت تحسد عليه..فهي ليس بالضروة ان تكون في واجهة الحكم..و لكن بالضرورة أن تكون في عمق الأحداث..مثل هكذا فكرة يا صديقي نحترم اهلها حينما ينادون بها و يدافعون عنها..و لكن حينما يتم تلويثها من قبل الأخرين (امثال صديقنا عادل امين).. فهنا يا صديق تصعب علينا الأمور..!

اذا شكر اخونا المنصوري المهذب
كتباتك الانيقة((قال كبر:لكن حينما يتم تلويثها من قبل الأخرين (امثال صديقنا عادل امين) .. فهنا يا صديق تصعب علينا الأمور..! انتهى الاقتباس

وانت تتهمني بابتزال وتلويث افكار محمود محمد طه او جون قرنق وصدقت الكلام ده تكون انت حتى لاا تعرف الابتزال...لان السودان الحالي ده فات حدود الابتزال بسبب الادعياء من امثالك
وانت تعاني من صمم ايدولجي
وعقلية ثنائية تعمل بالاضاد فقط وفي هذا الامر تكن ازمتك ما سمعت بالنسبية لحدي الان..
الابتزال من نزول ادم والى الان... هو ارث المهدية المشين و حزب الامة والاخوان المسلمين(الجبهة الوطنية) وممارستاهم المشينة عبر العصور في حق مكونات السودان السوداء في كردفان ودارفور(الموثقة)
وليس هناك ادنى تناقض بين جون قرنق ومحمود محمد طه ومحمد عثمان الميرغني
احترم جون قرنق افكار محمود محمد طه وارتضي وجود الميرغني في التجمع بعد ان انلقب الاخوان المسلمين على المؤتمر الوطني الدستوري 1989
......
طبعا لمن نجيب ليك كتب في اللنك تخص فرنسيس دينق وبلدو وعشاري. والمبارك حسن محمد..هذا ليس ابتزال او تلويث
هذه قاعدة ربانية(يا ابتي اني جاءني من العلم ما لم ياتك)..معناها انا قريت الكتب دي
وقادر على تشخيص ازمتك النفس سياسية...
وانا ما فاهم السودان الجديد
ولا بفهم الفكرة الجمهورية
حسب رؤيتك وهواك....
لكن بضع ليك خارطة طريق واضحة في البوست ده لمستقبل حقيقي للسودان وانت لا بتشوفا ولا شايفا وبيني وبينك الزمن...
لكن بعرف اي ممارسة مشينة ارتكبت في السودان المعاصر والقديم والبوست ده ما الوحيد العندي
ولو كنت بمارس الابتزال في البورد كانت شعبيتي اكبر من مايكل جاكسون وزواري بالالاف..وكان كل مرة وقفو الباس وورد بتاعتي وقعدت اولول يا بكري رجع لي الباس وورد

بعدين في معلومة مفيدة ليك ولي المنصوري
الاستاذ محمود عمل سد مدينة رشاد في كردفان سنة 1954 وده اوت بت شخصي للاستاذ؟
وريني اصنام المركز من حزب امة واخوان مسلمين وشيوعيين قدمو شنو في الخمسين سنة الاخيرة
يا اخوى اتواضع
اعرف السودان الجديد تعرف اعداءه
وما تدجل لينا بالنازية والمحارق وهي ليس عنكم ببعيد

وده يا كبر ابتزال ابونا ابيل الير في كتابه المعروف(جنوب السودان والتمادي في نقض المواثيق والعهود

Quote: المصالحة الوطنية في فبراير ويوليو 1977 توصل الرئيس النميري الى اتفاقية مصالحة وطنية مع الصادق المهدي , احد قادة الجبهة الوطنية , وهي جماعة سياسية تتالف من عناصر المعارضة في حزب الامة , والحزب الاتحادي الديمقراطي , وجبهة الميثاق الاسلامي , التي تغير اسمها فيما بعد الى الجبهة الاسلامية القومية . والتزم في هذه الاتفاقية بتطبيق النظم الديمقراطية في بعض المؤسسات العامة , كالاتحاد الاشتراكي السوداني , وبتعديل بعض مواد الدستور القومي لعام 1973 ولاسيما المادة (16) التي وضعت المسيحية , وكريم المعتقدات ( الاديان التقليدية ) على قدم المساواة مع الاسلام , وبتعديل اتفاقية أديس أبابا التي تظاهرت بأنها استسلام لاهل الجنوب , ولكنها حقيقة رات فيها تقوية لنظام الرئيس نميري , وتخليد قيادته , فعقدت العزم على اجهاضها بمعزل عنه , والا فعلى يده . وكان في الاتفاقية التي توصل اليها مع الجبهة الوطنية , بعض البنود الرامية لتعديل اتفاقية أديس ابابا . وظن الرئيس نميري أنه يمثل هذه التنازلات , ويحرز تاييد المعارضة , ويبدو أن اثار الحوادث المأساوية التي وقعت في ودنوباي (( بام درمان ) وفي الجزيرة أبا على النيل الابيض جنوب الخرطوم في عام 1970 , والتي قتل فيها الكثير من الانصار , قد نسيت , ولكن الرئيس نميري يعتقد ان الجبهة الوطنية قد اخذت بثارها كاملاً من الغزو الذي ساندته ليبيا في عام 1976 , والذي قتل فيه الكثير من الضباط , والجنود , وهم يذودون عن النظام . ونميري بالطبع كان يلقي بتبعة أحداث عام 1970 على الحزب الشوعي , والمواطنون يختلفون حول من حرض عليها أو وقف ورائها , أهو الحزب الشوعي , أم القوميون العرب , ام هو نميري نفسه ؟ مهما يكن من أمر, فقد كان هدف الجبهة الوطنية القبض بيدها على السلطة , والمصالحة الوطنية قد تكون مبعثاً للثناء والرضا , على الا تتم على حساب الجنوب ووحدة الوطن وإلا غدت عملاً منبوذا. وفي مستهل عام 1987 أدخلت بعض عناصر الجبهة الوطنية في الحكومة , وفي اجهزة الاتحاد الاشتراكي السوداني . وكان للاحزاب المنضوية تحت هذه الجبهة سياساتها المحدودة تجاه الجنوب قبل وقوع ثورة مايو بوقت طويل . وهي تعترض على مايلي : أ‌- قيام إقليم جنوبي واحد , وتفضل عليه قيام ثلاثة أقاليم , لانه وضع يتيح لها ان تضرب كل اقليم باخر . ب‌- التمسك بدستور علماني وهي تفضل عليه دستور اسلاميا . ج‌- الترتيبات الامنية التي تم الاتفاق عليها في اديس ابابا , وضمنت في قانون الحكم الذاتي الإقليمي عام 1972 , لانها قمينة بمنح الجنوب قوة سياسية عظمى . د‌- اختيار أهل الجنوب لرئيس إقليمهم , وهم يفضلون عليه ان يكون التعيين حقا لرئيس الحكومة المركزية الي يشترطون وفق منطوق دستورهم المقترح , وان يكون مسلماً , مما يحول دون تطلع معظم الجنوبيين الى رئاسة السودان . وبهذا الاقتراح منهم , يتم ترسيخ الوضع القائم دستورياً , فيتقلد الوظائف الكبرى في هيكل الدولة رجال ينتمون الى اقليم واحد من القطر . هـ- العلاقات المالية بين الاقليم والحكومة المركزية التي ترمي لتقوية مركز الاقليم اقتصاديا وكانت هذه الاعتراضات في الواقع مضمنة في اتفاقية المصالحة الوطنية التي تم التوصل اليها في بورسودان عام 1977 بين نميري والصادق المهدي ممثل ورئيس الجبهة الوطنية .وكان من شان تعيين عناصر الجبهة الوطنية في الحكومة وفي اجهزة الاتحاد الاشتراكي السوداني منذ عام 1987 أن تحدث تغييرات جذرية في السياسة تجاه الجنوب عموماً , واتفاقية أديس ابابا على وجه الخصوص . وقد تعمدت الجبهة الوطنية , ولا سيما جماعة الاخوان المسلمين منها أن تخلق في نفس نميري أنطباعين كان لهما أثر ملحوظ في الغاء أتفاقية أديس ابابا , احدهما أنه يحرز تاييد سائر القوى السياسية الشمالية , إذا هو اجرى تعديلات جوهرية في هذه الاتفاقية التي اضعفت فيما يعتقدون السيادة الوطنية , وهي ترى أن يشمل هذا التعديل الاجزاء الخاصة بدور الدين في المجتمع , ولاسيما المادة (16) من الدستور والسلطات الممنوحة للاقليم الجنوبي المتصلة بالثقافة , وحق مراجعة الحكومة المركزية , وعدد الاقاليم , وثانيهما أنه بإدخال الدستور الاسلامي , يصبح أعظم زعماء السودان عبر التاريخ , ويحظى بتاييد الجماهير العريضة في شمال السودان .

ارشفينا وتاريخهم
اعلام الفكر السوداني المعاصر:هكذا تكلم ابيل الير

وهذه هي الجبهة الوطنية(الغزالة الفوق والسلم) واجهاضها لاتفاقية اديس ابابا..ولحدي هسه كم هائل من المنافقين والشيوعيين كمان ملتفين حول نفس الاشخاص المزمنين من 1964-2011

شفت كيف يا كبر
لمن تملا راسك معلومات وتخلي شريحتك 8 قيقا بايت وتبطل الادعاء والعنتظة
تعال افتح بوست باسمي تاني
عشان تعرف الابتزال الصحيح...هل المبتزل نميري ولى الجبهة الوطنية التي منها حزب الامة الذى يرتكز على قاعدة الانصار التي منها جذورك الايدولجية وتمارس اسقاط كراهيتك على الاخر دون تحفظ في البوست والاخر هنا الميرغني والختمية

Quote: ..و بربك قل لي: كيف يستوى شخص مجتهد مارق من عامة الجماهير الكادحة مثل الأستاذ.. و زول منعم مثل مولانا الميرغني ( اهو داك شوف عيني عادل امين خاطيهم في مرتبة واحدة)..!

الاخ كبر
اذا كان المنصوري ببصم بالعشرةفي كلام ذى ده..يكون اجرم في حقك قبل حق من تريد تبخيسه هنا..وفي حق الفكرة الجمهورية...

وانا بقول ليك مافي زول بفهم السودان الجديد اكثر من عضو بارز في الحركة الشعبية الاستاذ مالك عقار
عندما جاء في ماتم المرحوم احمد الميرغني قال:انا ما جيت بصفتي حركة شعبية لكن بل لاني ختمي وعدد ماثر المرحوم وانجازاته في دعم التنمية في ولاية النيل الازرق(المرجع-تلفزيون السودان)
يالله فسر لينا كلام مالك عقار ده
ثانيا:الاستاذ محمود شخص ازمة السودان الحالية والمستقبلية منذامد بعيد في الجبهة الوطنية والف في رموزها كتب(الصادق المهدي والقيادة الملهمة)...ولا اذكر اسم الكتاب الثاني عن الترابي ولم اعرف للاستاذ ماخذ على الميرغني او الختمية...خلى المنصوري يشوفا ليك...
وانت بدل الاستمرار في الاسقاطات اللاوعية
تذكر ان ازمة السودان الجديد في الوعي المضاد الذى تحمله الجبهة الوطنية ورموزها المزمنين حتى الان ويميعوا نضال اهل لهامش مع القواعد من الشيوعيين... في المركز
وان كردفان ودارفور في حاجة لابناءها المتعلمين للاخذ بيد ابناءها المستغلين من قبل المركز.وليس للختمية نفوذ هناك..وانت عينك في الفيل وتطعن في ضلو. وتجهل واجبك المباشر
الختمية ديل خليهم لينا في الشرق والشمال...بنعرف تماما اذا كانو فعلا عبء على الدولة المدنية الفدرالية الديموقراطية

الأخ الكريم / عادل امين

تحية طيبة

وبعد..

Quote: اذا شكر اخونا المنصوري المهذب كتباتك الانيقة((قال كبر:لكن حينما يتم تلويثها من قبل الأخرين (امثال صديقنا عادل امين) .. فهنا يا صديق تصعب علينا الأمور..! انتهى الاقتباس وانت تتهمني بابتزال وتلويث افكار محمود محمد طه او جون قرنق وصدقت الكلام ده تكون انت حتى لاا تعرف الابتزال...لان السودان الحالي ده فات حدود الابتزال بسبب الادعياء من امثالك

اخي عادل..
تحديدا انا قلت :

Quote: صديقي / كبر تحية جميلة جمال كتابتك الانيقة اجد نفسي متفقا مع المقال في مجمله، ولا املك ان اقول الا بورك فيك تقبل احتراماتي

وتحديدا كلمة في مجمله علي حسب ظني، والذي ربما عابه القصور، تعني فيما تعني (اتفق في المضمون، واختلف في بعض التفاصيل) اللهم الا اذا قلت اتفق مع المقال تماما...
فأذا لمست من كتابتي ما يمكن ان يسيء لك باي صورة من الصور، فلك العتبي حتي ترضي...

ولك علي الدوام محبتي

صديقي جمال..حبابك
كتر خيرك على المرور من هنا..
و نعتذر نيابة عنو اخونا عادل امين في القمع الذي مارسه تجاهك..
الفكرة الجمهورية ساهمت في خلق وعي تبلور لغاية كانت خلاصته السودان الجديد.. نعم و سياق الواقع يؤكد ذلك..
الفكرة الجمهورية كما نفهمهما (و الجمهوريين و الجمهوريات ممكن يصححوا لينا الفهم ده ان شابه غلط)..فكرة مستقلة تماما.. نشأت هكذا و ظلت هكذا و سوف تنزل الى ارض الواقع هكذا..و هي لا تحتاج أن تتضاري وراء اقنعة..يعني تكون مؤثرة على فكر المرحوم جون قرنق نعم مفهوم.. لكن أن يكون جون قرنق هو محمود محمد طه أو العكس (كما يزعم عادل امين) فهذه فكرة معوجة و سوف تضر بالفكرة الجمهورية و فكرة السودان الجديد معا..
ان تكون الفكرة الجمهورية في سرج واحد مع اتحادي عادل امين.. فهذه مضحكة..و بفم مليان ح نقول ليهم الإتنين اذهبوا الى الجحيم..!

و دمت..
كبر

صديقي عادل امين.. حبابك
يا اخي فكرة السودان الجديد لو راجية منك تقدم.. سوف تقعدها بامراضك..و سوف ترجعها الى مربعات الطائفة غصبا عنها..
المهم..لا تدع الإنفعال يقودك و انت طارح نفسك مبشر بفكرة..لأن الإنفعال بيجيب اسقاطات سوف تحسب على فكرة السودان الجديد و كل المناديين بيها..و اذا الجميع قرر الصمت تجاه اسقاطاتك فهذا يعني انهم يرضون عنك..و اذا رضوا عنك فهذا يعني انهم يمارسون تواطؤ معك..و اذا تواطؤوا معك.. فهذا يعني ان المسألة عندهم ليست مشروع ليقود السودان و انما هو مجرد مجاملات اشبه بمجاملات الأحزاب الطائفية..و في هذا خسران مبين..

نبهناك اكثر من مرة.. ان الإتهامات و الإساءات المجانية و ممارسة الإستعلاء لن تقودك الى الإتجاه الذي تزعم انه سودان جديد.. لأن امراض الإستعلاء و محاولة الهيمنة الرخيصة هي امور ترفضها فكرة السودان الجديد..و اذا انت مصر تمارسها تحت مظلة السودان الجديد ، فانت يا صديقي طابور خامس يسعى لهدم فكرة السودان الجديد..و يسره أن تتفركش الفكرة الليلة قبال باكر..
انت قلت يا عادل:

Quote: نحن في الشمال النيلي وعينا بمشروع السودان الجديد من زمان بواسطة افكار محمود محمد طه عندما قال حل مشكلة الجنوب في حل مشكلة الشمال...لكن القبائل العربية في التماس المذكور اعلاه البحرقو الناس في القطر الكلوكس كلان ديل بحترمو الجنوبيين اصلاا عشان يحترمو فكرهم

و الشمال النيلي يا عادل هو معقل مؤسسة النازية السودانية..و كونك تقول انكم وعيتو بوعي السودان الجديد منذ اطروحات الأستاذ الأولى.. فهنا السؤال: لماذا قتلتم نبي تلك الأطروحات؟..و لماذا عاش بينكم غريبا..و ذهب غريبا؟..اغتيال الأستاذ هو فضيحة يسأل منها شمالك النيلي الى يوم البعث يا صديقي..!

طيب الأستاذ قال ليكم حل مشكلة الجنوب في حل مشكلة الشمال..و قال ليكم الكلام ده قبال اربعين سنة.. كنتو وين؟.. مش ياهو مؤسساتكم القانونية كانت بتطارد في الأستاذ بفريات متلاحقة مثل الحسبة و الردة الى أن بلغ بها الأمر تصفيته تصفية جسدية؟..الأ يعني أنكم كشمال نيلي كنتم تستحقرون بالإستاذ و تسألون من اي القبائل و من اي الطوائف..و حينما لم تجدوا له قبيلة أو اطائفة قمتم باغتياله في محاولة يائسة لإغتيال افكاره..و خسرتم و خسئت افعالكم..!
القبائل العربية يا عادل لم تكن دولة حتى تقعد الشمال النيلي من حل مشاكل السودان..و ما تفعله هنا هو عنصرية و تعالي..و غبائن قديمة تحاول ان تفشها بدون مبرر..و صدقني سوف يقتلك الغيظ ان كان هذا هو ديدنك في التفكير..!

و المأساة يا عادل أن تنكر هزائمك كشمال نيلي و تبحث عن شماعة لكي تحمل عنك هذه الهزائم و ادمان الفشل المتكرر..!
الشمال النيلي لم يعي بفكرة السودان الجديد..و امتطاها مؤخرا لأنه شعر أن الفكرة اصبحت راسخة.. يعني راكبين الموجة يا قريبي..


انت قلت:

Quote: بعدين اعلى نقطة وتجمع سياسي وصل ليه السودان مع مشروع السودان الجديد كان التجمع الوطني الديموقراطي ومقررات اسمرا وانظر واعتبر

سبحان العلي القدير يا عادل..!
يعني داير تمرر لينا أنو التجمع الوطني صار سودان جديد؟..
و احزاب التجمع الوطني مثل الإتحادي الديموقراطي و حزب الأمة.. مش كانوا ماسكين الحكومة قبل الجبهة الإسلامية و انقاذها؟..و ليه لمن كانوا هناك في الحكومة بيلموا الناس عشان تمشي تكاتل الحركة الشعبية في الكرمك و قيسان و غيرها من مناطق السودان المنكوبة؟ .. مش قتالهم كان قتال بالباب العديل لفكرة السودان الجديد و فصائلها الثورية المقاتلة؟..لو انت نسيت نحن ما بننسى يا شقيق..!!

و لماذا فشل التجمع الوطني؟.. فشل يا عادل لأنو لم يكن سودان جديد كما تدعي..و انما كان يبحث عن هيمنة بديلة..و المقررات التي صيغت في اسمرا.. كان يمكن أن تصاغ في الحكومة الديموقراطية و تقطع الطريق امام انقلاب الجبهة.. لكن لأنو شمالك النيلي كان مسكون بامراض الإستعلاء و الغرر الذي حجب عليه رؤية الأمور بصورة ثاقبة و تداركها..!
اوعك تجي تقول لي القبائل العربية في مناطق التماس السودانية برضك كبلت التجمع الوطني..!

انت قلت:

Quote: حزب الامة شرد.. والاخوان المسلمين في زمن الانقاذ كانو خارج التجمع انذاك يقى اعداء مشروع السودان الجديد هم حزب الامة والاخوان المسلمين ومقرهم غرب السودان

ياخي حزب الأمة يشرد.. يطير ما عندنا بيهو شغلة..و اهو داك واقع انتخابات جنوب كردفان قدامك..و الحزب اصبح مثله و مثل ذكريات ..يعني ما عندهم التكتح..و الصراع هناك انفرز..!
نحن يا عادل في جنوب كردفان خاصة و غرب السودان عامة..الإتحاديين و الأمة و الجبهة الإسلامية حاجة واحدة..و كلهم يبحثون عن الهيمنة أو يبكون عن الهيمنة المفقودة بفضل الوعي الذي انتظم المنطقة..و نفس انتخابات جنوب كردفان حزبك بتاع الإتحادي الديموقراطي الأصل قاعد يتفرج ساكت..و التكتح ما عندو.. اها برضك ح تجي تتسلبط لينا في انو فوز الحلو أو غيره من بنات و ابناء الحركة الشعبية في جنوب كردفان هو فوز للإتحادي لأنو قال و الله يا جماعة انا سودان جديد؟

اعداء السودان الجديد هم نواة كل مكونات النازية السودانية: حزب الأمة ، الحزب الإتحادي الديموقراطي الأصل ، و الجبهة الإسلامية..و نحن فاهمين المكونات دي و بنحارب فيها..!

انت قلت:

Quote: وقول ليهم العدو الاساسي الفصل جنوب السودان هو شريعة قدو قدو والاخوان المسلمين وحزب الامة

و قبل شوية مش كنت فرحان بتطمبر للتجمع الوطني الذي تقول لنا اذهبوا و اقرأوا مقررات اسمرا؟..ولا ما قريت في مقررات اسمرا أن الناس بصمت على حق تقرير المصير للجنوب؟..يازول انت بتكتب في حالة غيبوبة عن الوعي ولا شنو؟..

اقول لمن يا عادل؟..مش هم مواطنين سودانيين..ووعيك المشروخ ده عندو زعم بانو يستهدف كل اهل السودان.. طيب العنصرية لزومها شنو؟..ولا انت خجلان و ما قادر تواجههم؟..و ده المحك يا عادل.. فكرة السودان الجديد عندها القدرة تخاطب الناس بدون تقييمات مسبقة..و انت بتخاطب الناس و مسيطرة عليك فكرة الغبائن البائتة و الحقد الدفين..و اهو بشهادة كلامك الكتبتو بايديك انت لاك سودان جديد..و لن تكون سودان جديد ..ببساطة لأنك متعالي وليس ليك القدرة على التسامح.. كن ختمي اتحادي و بنعرف كيف نتفاهم معاك..!

انت قلت:

Quote: وطبعا لحدي هسه الحشود التي تستقبل البشير واحمد هارون اكبر دلالة على فشلكم وجهلكم حتى باحوال اهلكم هناك...ناس قتلوكم بدون رحمة في العشرين سنة الاخيرة ومجرمين حرب والناس هنك مع شريعة قدو قدو

و البشير ده مش ياهو الأصدرت محكمة الجنايات الدولية امر قبض في حقه بخصوص جرائم الإبادة العرقية و الجرائم ضد الإنسانية و جرائم الحرب و الإغتصاب في حق اهل دارفور؟..
يعني زعلان على انو الناس بتستقبل البشير و دي تبقى هي مشكلتنا في غرب السودان؟..
كن موضوعيا و لو مرة يا عادل..و جيب لينا رأي الميرغني و الحزب الإتحادي الديموقراطي في امر المحكمة الجنائية الدولية؟..و جيب لينا كلام قريبك الصادق المهدي بتاع البشير ده جلدنا و ما بنجر فيهو الشوك..!

و اهو اقولها ليك بالواضح.. كتبت راي هنا مليون مرة.. نعم لمحاكمة عمر البشير و كل مجرمي الحرب و الإبادة بواسطة المحكمة الجنائية الدولية.. و احضر لينا رأي الميرغني و الحزب الإتحادي الأصل.. عشان نعرف منو سودان جديد..و منو مرتزق بالسودان الجديد..!
اهو داك شمالك النيلي بيحتفل بالبشير كلما قال بغم..ليه ما قادر تقول ليهم استقبالكم للبشير يثبت فشلكم..ولا عشان نحن غرابا..و حيطة قصيرة داير تحملنا اخطاء و فشل الشمال النيلي البتقول عليهو وعي بالسودان الجديد منذ زمن اطروحات الأستاذ؟..
انت قلت:

Quote: يبقى يا اخوى كل قوى التجمع ما عدا حزب الامة والكيزان وشريعة قدو قدو لا تشكل عبء على السودان الجديد

اتفق معك..و اضيف.. كل قوى التجمع الوطني و احزابه و الجبهة الإسلامية ، ما عدا الحزب القومي السوداني و التحالف الفيدرالي ، هي عبء على فكرة السودان الجديد..و تسعى للهيمنة على السودان و اقصاء السودان الجديد..


هجومك على اهل غرب السودان بدون مبرر..ضد فكرة السودان الجديد..
تعاليك على اهل غرب السودان بدون مبرر.. ضد فكرة السودان الجديد..
الهجوم على الغير ليس هو شرح لفكرة السودان الجديد بقدر ما هو فش غبائن بايتة..و كل ذلك ضد السودان الجديد..
كلامك عن السودان الجديد ، على قول المرحوم الهندي ، ح يجعل منو جثة.. لو شالها كلــب مافي زول ح يقول ليهو جر..!
و نشوفك..

كبر

عادل امين كتب:

Quote: سلام مربع لا حقد ولا هم يحزنون انا سوداني زيك ما سائح فرنسي

داير الجد ولا الجنبو يا عادل؟..
انت هنا تحملني اخطاء لم اكن جزء منها..و برضك تجي تقول لي سوداني متلي؟
انت عندك وعي باطني انك سوداني درجة اولى ..و الغيرك سودانيين درجة تانية (و ده الطفش منك و من السودان الجنوب)..!
تحملني مسئولية وجود حزب الأمة و فشله و اخطائه في اقليم مسقط راسي..و برضك تقول لي نحن سوا؟
تحملني وجود الجبهة الإسلامية في غرب السودان..و تجي تقول لي نحن سوا..؟
تحملني اخطاء مسار و نهار و فجار و كنجار و زعيط و معيط..و برضك تجي تقول لي سوا..؟
تحملني اخطاء قبائل التماس..و برضك تجي تقول لي سوا..؟
تحملني صفقة الناس الطرش لعمر البشير..في غرب السودان..و برضك تجي تقول لي سوا..؟

ابدا يا عادل انت ليس مثلي.. لأنو انا بقول مجرم الحرب و الإبادة العرقية و جرائم الإغتصاب و الجرائم ضد الإنسانية.. مفروض يتحاكموا بواسطة المحكمة الجنائية الدولية..و انت لازلت مؤمن و معتقد في زول مثل الميرغني..و بيقول لأ لمحاكمات دولية.. و في نفس الوكت الصادق المهدي بيقول ليك ده جلدنا و ما نبجر فيهو الشوك..!
و اذا انت عندك القدرة تقول لي امشي قول لي اهلك كيت و كيت.. يبقى من باب اولى تعدل عوجة ناس يا عادل..!
بدأت هذا الخيط و لم انسب لك سيئة من سيئات الدولة السودانية..و حرصت على ان يكون النقاش بيعدا عن الشخصي..و لكن تماديت و تماديت..و لم تقدم فكرة عن السودان الجديد لأنك احرص على التعالي على الناس و فش كمائن الحقد فيهم..و برضك تجي تقول لينا سوداني زيكم..؟..ياخي ابقى فرنسي عديل..و ما عندنا معاك مشكلة..!
و ان كان هذا هو السودان الجديد الذي تدعو له.. فقد هزم المشروع تماما يا صديقي..!
اتعلم التسامح و احترام شعوب السودان كلها.. ثم تعال و نادي بفكرة السودان الجديد..!
و دمت..
كبر

بسم الله الرحمن الرحيم

إذ قال لأبيه يا أبت لم تعبد ما لا يسمع ولا يبصر ولا يغني عنك شيئا ( 42 ) يا أبت إني قد جاءني من العلم ما لم يأتك فاتبعني أهدك صراطا سويا ( 43 ) يا أبت لا تعبد الشيطان إن الشيطان كان للرحمن عصيا ( 44 ) يا أبت إني أخاف أن يمسك عذاب من الرحمن فتكون للشيطان وليا ( 45 ) قال أراغب أنت عن آلهتي يا إبراهيم لئن لم تنته لأرجمنك واهجرني مليا ( 46 ) )

......
الاخ كبر
سلام
انت قلت ازمة السودان بدات بعد 1956...ونحن رجعناك 200سنة...التركية المهدية الاستعمار الاستقلال الزائف
قلنا ليك التحرر من شنو...قلت لينا التحرر من منو ومارست اسقطاتك اللاواعية وتحميل الاخرين ازماتك الداخلية
انت اعلنت دولة غرب السودان في البوست اياه وقعدت تنظر لاصحابك في البورد وتتفسلف عن النازية ونحن جينا عرينا بالوثائق التاريخ المشين لدولتك والقبائل العربية جزء مهم منها ويمثلها بريمة محمد في البورد وجرائمها في حق الجنوبيين اصحاب مشروع السودان الجديد موثقة وموجودة...وانت حتى هذه اللحظة تعاني من نعرات حزب الامة والعجز عن مواجهة الماضي المشين...وتريد خلط الاوراق..وانت في عصر العلم والمعلومات...وتزج الاخرين قسرا في ازمة دولة غرب السودان
الجرائم ضد الانسانية يا رجل القانون...في السودان..من التركية وعبدالله التعايشي وحزب الامة والانقاذ موجودة وموثقة وجزء من الارث التاريخي المشين لدولتك المزعومة
وقدمنا ليك نصيحة واضحة
ما يعيق مشروع السودان الجديد في الشمال هو
شريعة قدو قدو والاخوان المسلمين وحزب الامة واليسار القومي والاممي البائس(احزاب ام درمان)
ونحن نعتز بفكر الاستاذ محمود الثاقب وندين المركز والرجعية التي قتلته
وايضا جون قرنق مات وفكره مشوه ولم يصل مداه
ومن اشاد بفكر الاستاذ محمود هم جون قرنق وفرنسيس دينق وانت لا تقرا حتى كتب الجنوبيين واسموه الاسلام الليبرالي
وراي محمود محمد طه في شريعة قدو قدو

Quote: أمام محكمة المهلاوى في السابع من يناير 1985 ((أنا أعلنت رأيي مرارا ، في قوانين سبتمبر 1983م ، من أنها مخالفة للشريعة وللإسلام .. أكثر من ذلك ، فإنها شوهت الشريعة ، وشوهت الإسلام ، ونفرت عنه .. يضاف إلي ذلك أنها وضعت ، واستغلت ، لإرهاب الشعب ، وسوقه إلي الاستكانة ، عن طريق إذلاله .. ثم إنها هددت وحدة البلاد .. هذا من حيث التنظير .. و أما من حيث التطبيق ، فإن القضاة الذين يتولون المحاكمة تحتها ، غير مؤهلين فنيا ، وضعفوا أخلاقيا ، عن أن يمتنعوا عن أن يضعوا أنفسهم تحت سيطرة السلطة التنفيذية ، تستعملهم لإضاعة الحقوق وإذلال الشعب ، وتشويه الإسلام ، وإهانة الفكر والمفكرين ، وإذلال المعارضين السياسيين .. ومن أجل ذلك ، فإني غير مستعد للتعاون ، مع أي محكمة تنكرت لحرمة القضاء المستقل ، ورضيت أن تكون أداة من أدوات إذلال الشعب وإهانة الفكر الحر ، والتنكيل بالمعارضين السياسيين))

بعدين كان انت شخصيا وصلت مرحلة السودان الجديد وفهمت كلام جون قرنق...امشي اقنع اهلك في جنوب كردفان من قبائل عربية وزنجية ودارفور ايضا..بهذا الامر...خليهم حتى ما يكونو سودان جديد..بس يخلو لينا حزب المؤتمر الوطني والشعبي وحزب الامة والشيوعي والبعث وهلمجرا واعادة التدوير البائسة تلك
بعدين خليك من تعالي واسلوب طرحي هنا..انا ليس لي اصدقاء منافقين هنا لاني بخت الحقيقةذى ما هي وانت ازمتك تكمن في انك عايز تقيس الشماليين بالكيزان وحزب الامة والاتحادي الديموقراطي وبنفس المستوى وما سمعت بالنسبية واختلاف مقدار..وانا انقد طرحك هنا وانت تتازي من ذلك باعتبار الامر شخصي...
فالوعي في السودان ادناه انصار السنة واعلاه السودان الجديد وبينهم امور متشابهات
مشروع السودان الجديد يحتاج لارضية حرة خالية من الاستلاب العرقي والديني
وكان علينا من الاستقلال ان نفك الارتباط من خط22 شمالا بمشروع النظام العربي القديم الذى قادته مصر ونشرته في الوطن العربي في شكل الدولة المركزبة الفاسدة والفاشلة والفاشية...رغم ان الافكار السودانية الكانت سائدة زمان من افضل الافكار وغيبت افكار محمود وابراهيم بدري ..وكان بقينا ذى غانا وتنزانيا والسنغال..دولة افريقية حرة....والليلة حصل فك ارتباط من خط10 جنوبا نتيجة لهذه الازمة واضحى هناك دولة جنوب السودان
ولا زال الناس في مناطق التماس والهامش...ورا شريعة قدو قدو عرب وزرقة ويخرجون بالالاف لاحمد هاورن والبشير
وانت يا اخوى عايز تبني لي نفسك قاعدة في البورد..قائمة على الاسقاط وتحقير الاخرين وتجهل حقيقة الواقع عندك ويطبل ليك اصحابك...
واذا عايزين نحسم هذا الجدل االبيزنطي
ندعوك انت والمؤتمر الوطني
ترجع الاقاليم خمسة وانتخابات تكميلية للبطاقات 9و10و11و12 وباشراف دولي.
عشان نشوف ال18 مليون ناخب ديل بمثلم منو فعلا ونحن في زمن الشعوب تقرر..
وده مشروعي البتتعامي عنه هنا انت ومن هم على شاكلتك لانكم تعانون من اصر مقيت اسمه الشماليين قياسا على الاخوان المسلمين الحاليين...وحتى استخفافك المموه بالفكرة الجمهورية التي لا تعرفها لا يفوت على فطنة احد
وبنتظر معاك الان انتخابات جنوب كرفان ونشوف النتيجة ونقيس عليها...
شوف هناك قياس علمي قائم على البعد(السياسي الاجتماعي النفسي) حيال اي فكرة في بلد ما من ناحية القبول او الرفض
مشروع السودان الجديد عانى ولا زال يعاني(ابيي) من قبائل التماس العربيةوغير العربية ابضا..والسبب نفسي شايفين الجنوبيين جانقي ساكت..والشنيع ان يكون هناك بعثيين في تلك المناطق ومن القبائل الزنجية
وعندما ياتي شخص يشرح هذا الواقع المازوم وبالوثائق ايضا ما تفتكرو بستعلى عليك...ما تخلي العقد تقوم عليك....اعتبرني مستشرق الماني...

Quote: هناك قياس علمي قائم على البعد(السياسي الاجتماعي النفسي) حيال اي فكرة في بلد ما من ناحية القبول او الرفض

العزيز كبر
رجعنا ليك كما وعدت بعد انتخابات ولاية جنوب كردفان
وعايز برضه تجاوب
لي
لماذا انتصر المؤتمر الوطني على الحركة الشعبية؟ في الانتخابات؟
هل
1- التزوير
2- ازمة الوعي السائد هناك
3-ام الاثنين معا

سلام يا عادل و كبر
امنة و مرتضي جعفر و الاخرين

للمتابعة و الدلو لاحقا اذا توفرت الظروف الموضوعية

يا أخ كبر ..
أنت فتحت هذا البوست واتهمتنا فيه بالنفاق ..

وطرحنا عليك أسئلة لم تجب عليها حتى الان..

فلماذا ؟!

سلام ناس البيت
الاخت امنة مختار والاخ لطفي

كبر شرد
والايام دي راعوا ظروفه النفسية وعندما يبني الانسان مشاريعه على الاوهام تاتي مدرسة الواقعية السياسية لتحسم الامور في عصر العلم والمعلومات


كان هدف هذا لبوست هو(مشروع السودان الجديد في مخيلة النخبة الشماليةنيلية/الاقليم الشمالي وغربية/دارفور وكرفان)

وانا لا امثل اي حزب سياسي في الشمال امثل نفسي فقط
وهذا هو مشروعي الذى اتحدى به حزب المؤتمر الوطني ومن يناؤنه من احزاب المركز وباقي الحركات وقائم على الشعب يقرر..

واذا عايزين نحسم هذا الجدل االبيزنطي
ندعوك انت والمؤتمر الوطني
ترجع الاقاليم خمسة وانتخابات تكميلية للبطاقات 9و10و11و12 وباشراف دولي.ع















شان نشوف ال18 مليون ناخب ديل بمثلم منو فعلا ونحن في زمن الشعوب تقرر
وده مشروعي البتتعامي عنه هنا انت ومن هم على شاكلتك لانكم تعانون من اصر مقيت اسمه الشماليين قياسا على الاخوان المسلمين الحاليين...وحتى استخفافك المموه بالفكرة الجمهورية التي لا تعرفها لا يفوت على فطنة احد
وبنتظر معاك الان انتخابات جنوب كرفان ونشوف النتيجة ونقيس عليها...

.....

Quote: كبر شرد والايام دي راعوا ظروفه النفسية وعندما يبني الانسان مشاريعه على الاوهام تاتي مدرسة الواقعية السياسية لتحسم الامور في عصر العلم والمعلومات

عادل أمين..حبابك
تشكر على المرور..
و ارجوك ان تسمح لي بان اقول ليك انت رجل ما عندك اخلاق نهائي..و تمارس مراهقة سياسية مثلك و مثل الأخرين..

فكرة شردنا من البوست أو عندنا نفسيات.. فهذه حقيقية يا عادل.. و لمن يوم تصحى الصباح و تلقى الحرب في خشم بيتكم..مش بتشرد..ح تنتحر عدييل..و ليس هذا هو المهم..

عدم اخلاقك يتجلي في التسويق الأجوف فكرة اننا نبني مشاريع الوهم.. فان كان هناك وهم فهو حزب الإتحادي الديموقراطي البيشارك في سواطة بلد اكتر من ستين سنة..و لم يجلب لها سوى الدمار..
ناس الفتة يا عادل ما عندهم علاقة بالعلم و المعلومات ( اللهم الإ كن الواحد فيهم يتخرج ببكالوريس كيمياء من كلية التربية و يفتكر نفسو جضم العلم)..!

ليس لك مشروع يا عادل..و ليس لمحمود محمد طه مشروع دولة ( نعم له اشواق و لكنها لم تنضج لتكون مشروع)..!
مشروع جون قرنق اتى اكله في استقلال الجنوب.. و ناس السودان الباقي خليهم يبقوا رجال و نسوان يسوا ليهم مشروع مستقل..!

يبقى يا صديقي ان تردح و تردح.. فلن يغير ذلك من الحقائق و الواقع.. مافي زول مارق من الإتحادي الديموقراطي ممكن يقود ليهو مشروع لإنقاذ السودان اليوم..!
و في السودان اليوم..انت ولا غيرك مافي زول عندو مشروع متماسك عشان يمرق بيهو السودان ده من ازمة..و كلها عبارة عن ونسات..!
في هذا الخيط..حضرت انت..و تحدثنا معك..و لم نكن نسعى لإقناعك بحاجة..و انما لكي يتفرج اهل السودان على بعض من تناقضات اشباه النخبة التي تتبجح بعبارات اكبر منها و اكبر من واقعها.. و في هذه الناحية البوست ادى اغراضه تماما..!

لم تعزينا يا عادل امين في الضحايا التي ضاعت في الحرب الحالية في جنوب كردفان..بل كنت حريصا اكتر ان تفشي فينا اسقاطاتك من شاكلة بتكرهوا الشماليين و معقدين..و بطيخ..!
فهل هذه اخلاق مفكر يعمل للسودان؟..يا راجل..!
كتر خير النت.. لأنو فتح الفرصة للناس تجعر زي ما عايزة..و كل العالم بتعجعر فقط.. لكن كلام يودي الناس ليوم باكر.. فهذه لم يفتح الرب بها على اهل السودان رجالا و نساء..!
انتخابات جنوب كردفان انتهت من زمان يا عادل..و احزاب الحركة الإتحادية لم تحصد فيها شئ يذكر..فاحسن يا صديقي خليكم هناك في ليالي الخرتوم الرومانسية.و رجعوا املاك السيد الميرغني..و حافظوا عليها.. و هو انجاز في عرفكم يضاهي مكابدات الناس في سبيل غد مشرق..!



كبر

لطفي..حبابك يا صديق
كتر خيرك على المرور..
ربنا يمد في العمر و يدينا العافية..و مرحب بيك في اي وقت للنقاش المثمر..

كبر

Quote: يا أخ كبر .. أنت فتحت هذا البوست واتهمتنا فيه بالنفاق .. وطرحنا عليك أسئلة لم تجب عليها حتى الان.. فلماذا ؟!

امنة..حبابك
لم اتهمك بالنفاق مع الطائفة التي ذكرتها.. لأنك ما عندك حاجة قدر ده..
لكن اليوم اتهمك بالنفاق و المراهقة السياسية..
بقية الأسئلة التي تستحق الرد ردينا عليها في وقتها ( ما بتعرفي تقري كويس..يبقى دي مشكلتك و ليست مشكلة غيرك)..!

كبر

Quote: ارجوك ان تسمح لي بان اقول ليك انت رجل ما عندك اخلاق نهائي..و تمارس مراهقة سياسية مثلك و مثل الأخرين.. فكرة شردنا من البوست أو عندنا نفسيات.. فهذه حقيقية يا عادل.. و لمن يوم تصحى الصباح و تلقى الحرب في خشم بيتكم..مش بتشرد..ح تنتحر عدييل..و ليس هذا هو المهم..

الاخ كبر
المعايير للاخلاق في البورد ده لا تعنيني
يا الزول يولول معاكم يا ما عنده اخلاق
بعدين انت معنوياتك عالية ومتجلي فى بوست ابوالريش بتاع الشايقية وجلبا جلبا حبل القيطان

وياريت بنفس التحليلات العجيبة ديك تفسر لينا
ليه رغم مخازي المؤتمر الوطني في جبال النوبة وحزب الامة ...يجد مريدين وداعمين ومقاتلين ضد مشروع السودان الجديد ومن نفس ابناء المنطقة؟
وليه ذى الوعي الاتقدم في البث المباشر لبعض المحسوبين على المسيرية وكمان محمد بريمة هنا ما بقصر..هذا الوعي المضاد للسودان الجديد والذى يخدم المركز..لماذا؟؟
بعدين اتكلم عن الاخلاق
صلح كردفان بتاعك دي اول بعدين تعاللينا في الاقليم الشمالي عشان نوريك الشيايقية جايين من وين