Post: #1
Title: أمبارح بالليل قابلت سجيمان بشحمه ولحمه
Author: حمزاوي
Date: 04-30-2005, 05:16 AM
امبارح بالليل كنت بشاهد في مباراة بين فريق كرمة والجزيرة في ميدان رابطة الصالحية والجو جميل مع رشات من مطر صيفي في مدينة الرياض والمباراة مولعة وقبل نهاية المباراة بربع ساعة لقيت اخونا صديق الموج واقف عند المنصة الرئيسية وبنفس اسلوبه وخفة دمة يرمي في القفشات فصرف الحضور عن المباراة وحرارتها فصحت فيه يا ود الموج ولدك دا ما يمسك برميل مش الكورة ( ولد صديق الموج كان حارس مرمي فريق الجزيرة) بس قال تعال ومسكني من يدي وقال سلم على الزول دا وكان جالس في المنصة الرئيسية .
تعرفوا يا اخوان انا لمن عاينت في الزول شعرت بان الزول دا بعرفوا وصديقي كمان وبدون ما اشعر قمت اعانقه بحرارة وقلت انت اخوي وشقيقي د . عادل سجيمان ( القلوب شواهد ) حتى استغرب الحضور نوع السلام والمعانقة الطويلة .
د . عادل سيجمان شخص تحبه من دون تراه وعندما أن تراه يزداد حبك له بشوش مرح وعندما بدأ الكلام والتعارف مع المتواجدين حوله غطي علي ود الموج في قفشاته ، اخذنا مع بعض وقت طويل ولم يكفي لهفتي علي زيادة معرفتي به .
ساحكي لكم المزيد لاني سوف استمتع بلقاءه الليلة في دار مدني لان الاخ صديق الموج بيكون متواجد يوماً في دار مدني برابطة الصالحية بعد صلاة العشاء ووعدني بانه سوف يحضر معه سجيمان وحنتعشى مع بعض ودي فرصة لبورداب الرياض عشان نتلاقى هناك .
ساحكي لكم عن العشاء ومفاجأته ( تركين بقراصة مولعة نار )
على فكرة المباراة انتهت تعادل 1/1 ودا عشان بس ما نفضح ولد صديق الموج بس المباريات القادمة كرمة حديد
نواصل غداً ان شاء الله .
|
Post: #2
Title: Re: أمبارح بالليل قابلت سجيمان بشحمه ولحمه
Author: معتز تروتسكى
Date: 04-30-2005, 05:25 AM
Parent: #1
| Quote: أمبارح بالليل قابلت سجيمان بشحمه ولحمه |
 
انا قلته حمزاوى الا كان زاتو الشياطين امس..
ولا سجيمان بقى ود ابليس  !
اسمع كان تاى جاكم بس مابليل لزوا لينا. .
يازول ربك ادك لمن تقابل سجيمان
بقيت سعيد وهنى ورضى
وشقى ومجنون
تحياتى لجميع
صديق الموج واسرتو
وسيجمان
والبقية
وليك
التحايا النواضر..
|
Post: #3
Title: Re: أمبارح بالليل قابلت سجيمان بشحمه ولحمه
Author: ودقاسم
Date: 04-30-2005, 05:30 AM
Parent: #1
أيوة والله ، سجيمان في الرياض من أمس العصر ، وحضر معانا تأبين الفقيد الخاتم ، وحضر جزءا من ندوة تعليم أبناء المغتربين ، ثم اختطفه صديق الموج ،،،
سنلتقيه الليلة في رحاب الصالحية ...
|
Post: #4
Title: Re: أمبارح بالليل قابلت سجيمان بشحمه ولحمه
Author: حمزاوي
Date: 04-30-2005, 05:39 AM
Parent: #1
أخوي معتز تروتسكى
كيفنك
نلزوا ليك
ما بنقدر
لانه لسع ما شبعنا منو
ولكن ممكن نلز ليكم صلاح شتات . . . ينفع
ومعاه صديق الموج كمان . . زيادة دا بس عشان خاطرك
فعلاً
قالوا علي شقي ومجنون
وانتو جنوني يا اهل البورد
وياريت نسعد بلقاك يا ود تروتسكي
|
Post: #8
Title: Re: أمبارح بالليل قابلت سجيمان بشحمه ولحمه
Author: معتز تروتسكى
Date: 04-30-2005, 08:06 AM
Parent: #4
خالص التحايا
حمزاوى
كفينك والحاله عموم..
ياخ شحتفتنا معاك..
صلاح شتات
مرة واحده ؟؟!!
اسى شنو الخيارات الصعبة دى..
ما احرجتننا مع سجيمان وناس تمبس ومعتصم وصديق الموج وهلمجرا... .
اعمل شنو فى ريدكم..
ود تروتسكى يغريك السلام وبقول ليك اخر حل
لزهم كلهم وانت برضو تعال معاهم
والى ذاك الحين ويصلو افواج افواج
لز صلاح شتات..
هو ولدنا لكن ساى مابينا وتغابى العرفه فينا..
استمتعوا بى وقتكم وماتنسوا تستمتعوا لى معاكم
|
Post: #5
Title: Re: أمبارح بالليل قابلت سجيمان بشحمه ولحمه
Author: ست البنات
Date: 04-30-2005, 06:03 AM
Parent: #1
يا سلالالالالالالالالالالالالام ،
بختكم !
صديق الموج ،
وسجيمان ،
وحمزاوى ????
حتة واحدة ???
دا يوم مشهود ! ولازم يتأرخ له فى المنبر !
بالله خلوا لينا شوية تركين ! والقراصة عندنا !
وتحياتى لكم جميعا ،
ست البنات .
|
Post: #6
Title: Re: أمبارح بالليل قابلت سجيمان بشحمه ولحمه
Author: حمزاوي
Date: 04-30-2005, 06:12 AM
Parent: #1
الخال ودقاسم
اها انت معانا في التركين والقراصة
بس بعدين ما تمشي تعمل غسيل معدة
يا ريت كل بورداب الرياض يشاركونا في القراصة الليلة
|
Post: #7
Title: Re: أمبارح بالليل قابلت سجيمان بشحمه ولحمه
Author: حمزاوي
Date: 04-30-2005, 06:17 AM
Parent: #1
الاخت العزيزة الاستاذة ست البنات
الاخوان سيجمان وصديق الموج دول يسروا القلب
ونحن نتبعهم
نتمني ان نلتقي بكل اهل البورد
ولكي ودي وتقديري
والشكر الجزيل
|
Post: #9
Title: Re: أمبارح بالليل قابلت سجيمان بشحمه ولحمه
Author: صديق الموج
Date: 04-30-2005, 08:15 AM
Parent: #1
سعيد انا مع انو الزول البوم ده سوف يختف منى الانظار،لكن انا اسمح
منو وظبطت عدد واحد بدلة طبعا حا يقولو صديق مستلفا وكده ولا يهمكم
المهم سوف ياكلنى نضم وظرافة لكن بغلبوا ليكم هدوم ووجاهة ساكت
البورداب بالله ما تتاخروا،،
|
|