الطريفي زول نصيحة !

الطريفي زول نصيحة !


10-27-2005, 09:57 AM


  » http://sudaneseonline.com/cgi-bin/sdb/2bb.cgi?seq=msg&board=325&msg=1193788024&rn=0


Post: #1
Title: الطريفي زول نصيحة !
Author: القلب النابض
Date: 10-27-2005, 09:57 AM

في هذا البوست نبذل النصيحة لبعضنا بلا اسفاف ولا زعل .... من الشروط ان يخلو الكلام من بذئ القول والهمز ....وتكون النصيحة في الشأن العام والخاص .

وابداها نصيحتي الاولي

البوست البجيب الريح سدوا واستريح

Post: #2
Title: Re: الطريفي زول نصيحة !
Author: القلب النابض
Date: 10-27-2005, 10:11 AM
Parent: #1

الطريفي قال اشتركنا في البورد دا علشان نستفيد ونفيد.. وعلشان يحصل كدة كل بوست لازم يكون عنده هدف واضح
البعض يناقش قضية محدده نريد ان نصل فيها صادقين الى حل
لم الاحظ اي من البوستات انتهت الى نتيجة واستخلصنا العبر من النقاش
هل يمكن ان نفعل ؟ ام اننا نناقش من أجل النقاش؟

النصيحة حقوا نشوف المشكلة شنو

Post: #3
Title: Re: الطريفي زول نصيحة !
Author: ادريس خليفة علم الهدي
Date: 10-27-2005, 10:14 AM
Parent: #1

اها قفلت البوست بتاعك دا عملا بالنصيحة

Post: #4
Title: Re: الطريفي زول نصيحة !
Author: ايهاب
Date: 10-27-2005, 10:36 AM
Parent: #3

بوست جميل الغايه

انا بقول الدنيا دي فانيه ومافي شي بستاهل
لكن برضو احسن الزول ياخد ساتر
loOoOoOoOoOOoOoOolz

Post: #5
Title: Re: الطريفي زول نصيحة !
Author: munswor almophtah
Date: 10-27-2005, 11:15 AM
Parent: #4

النابض سلام

الطريفى عشان يبرد أضانو فارق جملو

والببقى حوت أبقالو شوكه




منصور

Post: #6
Title: Re: الطريفي زول نصيحة !
Author: عبد الله عقيد
Date: 10-27-2005, 12:52 PM
Parent: #1

القلب النابض زول/ة نصيحة..

Quote: والببقى حوت أبقالو شوكه


ولَست بِمستبقٍ أخىً لا تلُمّهُ على شَعَثٍ
أيُّ الرِجال المهــــــــــذّب..!!؟

Post: #7
Title: Re: الطريفي زول نصيحة !
Author: القلب النابض
Date: 10-27-2005, 06:54 PM
Parent: #6

الاخ منصور المفتاح
ابذل النصح .. اراك سيده ...وما قصرت في شأن دارفور الحبيبة.

الاخ عبدالله عقيد:
منك يأتي جميل القول والحكم
زدنا


الطريفي زول نصيحة
الخوض في أعراض الناس بما نعلم وما لانعلم إثم كبير. ومهلكة للمجتمع, لو تنزهنا من أكل لحم بعضنا, لنَمَتْ بيننا المحبة , ولو اختلفنا في الرأي.

فمن منا من لم يخطئ.من منا الملاك, قد تختلف الاخطاء في عظمتها عند الله تعالى ولكنه غفور رحيم.

هلا تعاهدنا ان لا نسئ لبعضنا في هذا المنبر.


Post: #8
Title: Re: الطريفي زول نصيحة !
Author: فيصل نوبي
Date: 10-27-2005, 07:17 PM
Parent: #1

يا قلب يا نابض سلام

Quote: الطريفي زول نصيحة
الخوض في أعراض الناس بما نعلم وما لانعلم إثم كبير. ومهلكة للمجتمع, لو تنزهنا من أكل لحم بعضنا, لنمت بيننا المحبة , ولو اختلفنا في الرأي.
فمن منا من لم يخطئ.من منا الملاك, قد تختلف الاخطاء في عظمتها عند الله تعالى ولكنه غفور رحيم.

هلا تعاهدنا ان لا نسئ لبعضنافي هذا المنبر.


اعجبني القول فجئت لالقاء التحية

اللهم زد و بارك

شيخ منصور زدنا زادك الله

ود عقيد افتقدك

أيهاب اتابعك و اتحري روعتك.

Post: #9
Title: Re: الطريفي زول نصيحة !
Author: WadAker
Date: 10-28-2005, 04:40 AM
Parent: #1

انصر اخاك ظالما او مظلوما

Post: #10
Title: Re: الطريفي زول نصيحة !
Author: عنيده
Date: 10-28-2005, 11:01 AM
Parent: #1

القلب النابض يا رزينه

لي كم يوم بردد كتير في مدحه للشيخ البرعي
ربنا يرحمه ويغفر ليه بقدر ماعمل للدين
كلها حكم ومواعظ

بوريك طبك احسن فيمن عاداك ومن يحبك اذكر الهك يوت

وعلي مااعتقد انه كلامه مرتبط باحاديث المصطفي
صلي الله عليه وسلم

لاحقا ساّتيكم ببعض منها
ولو لقيت تسجيل صوتي برضو بجيبو

مودتي

Post: #11
Title: Re: الطريفي زول نصيحة !
Author: munswor almophtah
Date: 10-28-2005, 01:16 PM
Parent: #10

البقدملك كبه نيه قدملو مراره




منصور

Post: #12
Title: Re: الطريفي زول نصيحة !
Author: القلب النابض
Date: 10-28-2005, 04:12 PM
Parent: #11

ود عكر
كنت افضلها مكتملة.

عنيدة كم انت رائعة, اتلاقينا في حب مدايح البرعي.وزودينا.
ولو سمعت اولاد حاج الماحي تستغربي في هذا النوع من الادب الذي لا يعرفة ابناء جيلنا.

منصور المفتاح
والله ما فهمت المثل, واعرف ان الشرح يفسد. لكن قرب لي المعنى.


أهديكم اليوم كلام أعجبني

الحقيقة فوق العقيدة .. والعدل قبل الاحسان*

التحية للأخ معتز تروتسكي.

والطريفي زول نصيحة.





____________________
* معتز تروتسكي في بوست قديم.وذكر انه من الانجيل.






Post: #13
Title: Re: الطريفي زول نصيحة !
Author: munswor almophtah
Date: 10-28-2005, 04:28 PM
Parent: #12

فى المنطقه التى أقيم فيها أكثر العرب من لبنان وإذا دعوك فمن الإصول أن يقدموا لك كبه نيه وهى لحمه مفرومه ببهارات وليمون ونحن نأكل كروش البهيمه بدون طبخ وببهار وليمون كذلك والضيف البقدموا له مراره ضيف عزيز وكذلك من تقدم له الكبه غير المطبوخه وتقديم المراره لمن أكرمك بكبه نيه كرد التحيه بأحسن منها................


منصور

Post: #14
Title: Re: الطريفي زول نصيحة !
Author: القلب النابض
Date: 10-28-2005, 04:49 PM
Parent: #13

منصور المفتاح

كم انت رائع ...

فهت يا استاذي.........وضحكت.



و الطريفي زول نصيحة!

Post: #15
Title: Re: الطريفي زول نصيحة !
Author: عنيده
Date: 10-28-2005, 05:39 PM
Parent: #1

يارزينه
جيتك تاااااااااني

(( جود ان دعنك بمالك الايام او ودعنكن
ان رمت من خلاقك يرضي عنك لاحبتك واعداك كن بيضا سنك
ازكر الهك يون))

Post: #16
Title: Re: الطريفي زول نصيحة !
Author: luai
Date: 10-28-2005, 06:32 PM
Parent: #1

القلب النابض تحياتي ...
قال الطريفي مرة ثلاثة بوستات ترفع الضغط
بوست كلو كضب في كضب
وبوست صاحبو يشكك حتى في الفرض
وبوست صاحبوا عامل مستنير ومناضل مجتهد
قيل ومالحل يا ابونا الطريفي قال :
الهجر ثم الهجر حتى لا يزيد المرض

تحياتي

Post: #17
Title: Re: الطريفي زول نصيحة !
Author: أحمد الشايقي
Date: 10-28-2005, 06:34 PM
Parent: #1

القلب النابض,


الطريفي زول نصيحـة,

والقلب النابض زول حياة,




عنيدة

Quote: واذكر إلهـك يـون)


الصحيح:

واذكـر إلهـك يـــوت

و كلمة (يــوت) مستخدمـة في بوادينا , معناها على الدوام (دائماً)

أي أن الشيخ البرعي (رضي الله عنه)

قصـد أن يقول

واذكر إلهـك دائما.

تحياتي

Post: #18
Title: Re: الطريفي زول نصيحة !
Author: القلب النابض
Date: 10-28-2005, 07:18 PM
Parent: #17

اخي لؤي

]
Quote: قال الطريفي مرة ثلاثة بوستات ترفع الضغط
بوست كلو كضب في كضب
وبوست صاحبو يشكك حتى في الفرض
وبوست صاحبوا عامل مستنير ومناضل مجتهد
قيل ومالحل يا ابونا الطريفي قال :
الهجر ثم الهجر حتى لا يزيد المرض[/[/
QUOTE]

قال الطريفي لي عديلة يوم

اياك والكضب حبلو قصير...
وما تباري زول بيدعي انو مستنير
وما اشوفك تجادلي بني نضير.

قالت له عرفت آآالطريفي
إنه شر مستطير.


الاخ احمد الشايقي
شرفت البوست والعاجبة مرت الطريفي كمان.


والطريفي زول نصيحة.


Post: #19
Title: Re: الطريفي زول نصيحة !
Author: سجيمان
Date: 10-28-2005, 07:24 PM
Parent: #18



الطريفي منو؟؟؟



سيد البعير؟....ولاّ...زول تاني؟

Post: #20
Title: Re: الطريفي زول نصيحة !
Author: القلب النابض
Date: 10-28-2005, 07:45 PM
Parent: #19

سي جي

ازغرد ولا اسوي شنو

في بوستنا سجيمان شخصياً( على وزن في بيتنا رجل)

الطريفي ما سيد البعير
الطريفي سيد الناس


Post: #25
Title: Re: الطريفي زول نصيحة !
Author: سجيمان
Date: 10-29-2005, 11:48 AM
Parent: #20



القلب النابض
Quote: الطريفي ما سيد البعير
الطريفي سيد الناس


كفيل... يعني؟

Post: #28
Title: Re: الطريفي زول نصيحة !
Author: القلب النابض
Date: 10-29-2005, 12:30 PM
Parent: #25

آآآآسجيمان احوي


Quote: كفيل... يعني؟




الكفيل دحين مزهللكم قدر دا


والله يغني المغني وكل بليلى هواه يهيم

Post: #21
Title: Re: الطريفي زول نصيحة !
Author: ناصر البطل
Date: 10-29-2005, 00:42 AM
Parent: #1

تجنبوا المعارك السايبيريه ما إستطعتم
فيوجد الف عاطل موجودين فى النت على مدار الساعه
و إن خضتوها فخوضوها بشرف
لأنها موثقه فيمكن الرجوع إليها
و لا تتراجعوا أبدا
فلا يوجد ما تخسرونه ابدا
فهى حرب كلاميه من وراء جدار
أبطالها وهميين غالبا

Post: #29
Title: Re: الطريفي زول نصيحة !
Author: القلب النابض
Date: 10-29-2005, 01:03 PM
Parent: #21

الطريف سامع العازة يتغالط في جارتها
والعازة غلطانة وما عندها دليل على صحة كلامها لكن بتكابر
الطريفي قال ليها

آآآلعازة آآآالعازة
قالتبوا نعم يا سيد الرجال , قالها تعلي هني دا
انا ما قلت ليك:

اياك والغلاط بلا دليل
فانه مذلة وبيسكنِك حمد النيل
وفي الآخرة مافي لسان طويل
وفي الدنيا شيلة حال وقِل مقدار

كوركت ليه قالت ليه ثم ماذا آآآآآلطريفي
قال الطريفي
تعلم ادب الاعتزار بيبقيك كبير
وتعلم الاستغفار من حقوق الغير


و الطريفي زول نصيحة!

Post: #22
Title: Re: الطريفي زول نصيحة !
Author: WadAker
Date: 10-29-2005, 04:17 AM
Parent: #1

القلب النابض.......
Quote: ود عكر
كنت افضلها مكتملة.
وانا اردت ان اقاسمك اجر الاكمال

Post: #23
Title: Re: الطريفي زول نصيحة !
Author: القلب النابض
Date: 10-29-2005, 07:48 AM
Parent: #22

ناصر البطل

يابطل ....

الطريفي يدعوك للزيارة كل يوم

ودعكر

كيف انصره ظالما؟قال: ترده عن ظلمه.وهو معنى لحديث شريف.






Post: #24
Title: Re: الطريفي زول نصيحة !
Author: عمار بيلي
Date: 10-29-2005, 11:43 AM
Parent: #23

تسمع كلمتين من هنا ومن هناك تحس إنك
الوريث الشرعي للقضيه الفلانيه ..
فلان يقول ليك: (كلامك ياهو الصاح) في مداخله ( كضاااااابه )
تقول بس انا ابو المثقفاتيه ذاتو ..
والغريبه لم تلاقي بوست ناجح ما حقك تجر جري
تفتح ليك واحد ( سااااااي )
مع إنو لو في واحد شافك الساعه ديك وري الكيبورد
بلقاك تتلفت زي الصيده !!؟

**
تحياتي .. ايها النابض بالكثير ..
والمثير ..
لي عوده


Post: #26
Title: Re: الطريفي زول نصيحة !
Author: بلدى يا حبوب
Date: 10-29-2005, 12:11 PM
Parent: #1

القلب النابض
وانابقول
فى المنبرالعام اكتب ولا تردد فى مواصلة الوستات طلاما انك برلوم فسوف ياتى يوما تجد بوستاتك حظها
وفى المنبر العام هنالك الكثير من المعلومات القيمة حاول ان تستفيد منها
وكمان ماتنسوا المنبر بوابة السودان فى ظل العولمة فعليناان نبرز كل جميل من ثقافتنا وموروثاتناالسودانيةالاصيلة
واخيرا
مصير الشتات يتلاقى وبحكم ما نعايشه من شتات حتى فى الداخل فلماذا لا نستثمر كل علاقة فى المنبر فالغد حتما سوف يكون احلى.
ولك شكرى
تحياتى

Post: #27
Title: Re: الطريفي زول نصيحة !
Author: القلب النابض
Date: 10-29-2005, 12:25 PM
Parent: #26

عمار بيلي

في انتظار الكثير المثير الخطر
بس يقول ليك
البودة خرابة القطن
اختا القَبَور* اختا الجراد


الاخ بلدس ياحبوب

كلامك صاح تب,,, وزدنافي اتظارك


____________________
*القَبور هو الجراد وهو خطر على الزراعة.
ولو في زول عارف باقي المدحة دي للمادح عبد الله اسماعيل على ما اتقد يكتبها لينا لانها فيها نصائح قيمة.



Post: #30
Title: Re: الطريفي زول نصيحة !
Author: WadAker
Date: 10-30-2005, 04:35 AM
Parent: #1

اسمع الكلام البيبكيك

Post: #31
Title: Re: الطريفي زول نصيحة !
Author: القلب النابض
Date: 10-30-2005, 09:37 AM
Parent: #30

ود عكر

ما تسمع كلام البضحكك


الطريفي زول نصيحة

Post: #32
Title: Re: الطريفي زول نصيحة !
Author: نهال كرار
Date: 10-30-2005, 10:10 AM
Parent: #1

العزيزة القلب النابض
تحياتي



بوست رائع أحييك عليه

ياريت يقراه الجميع

لك التحية والإحترام



Quote: الطريفي زول نصيحة
الخوض في أعراض الناس بما نعلم وما لانعلم إثم كبير. ومهلكة للمجتمع, لو تنزهنا من أكل لحم بعضنا, لنمت بيننا المحبة , ولو اختلفنا في الرأي.
فمن منا من لم يخطئ.من منا الملاك, قد تختلف الاخطاء في عظمتها عند الله تعالى ولكنه غفور رحيم.

هلا تعاهدنا ان لا نسئ لبعضنافي هذا المنبر.

Post: #33
Title: Re: الطريفي زول نصيحة !
Author: القلب النابض
Date: 10-30-2005, 11:56 AM
Parent: #32

تسلمي يا نهال كرار
يا احلى ظلامية

انت ما حقانية
وبتمرقي النصيحة

ابذلي النصح لمن تحبي.

والبت بيتك

Post: #34
Title: Re: الطريفي زول نصيحة !
Author: معتز تروتسكى
Date: 11-01-2005, 06:44 AM
Parent: #33


اسمحى لى (ياقلب)ان اهديك هذه الكلمات ربما لاتفى بالغرض
لكن كلمات قديمه فى ثوب جديد ولحن لانسان اتذكرته الان احلم معه بلحياة نظيفه يملاؤها الحب .
اتيه ربما..؟؟!!

وكل عام وانتى بخير ..(القلب النابض)

๑۩۞۩๑لايوقه انتي ولا الحنين ... ابنوسه يا سمرا وغلط๑۩۞۩๑

ما تقيفي في نٌص الطريق
واصلي المشي
ما تخافي شي
ما تقولي جيت عابر سبيل
انا كل شي
خليكي محتفظه بوضوك
ارجيني ما تقيمي الصلاه
جيتك مستف بالنزيف
شقيان وحالتي مبهدله
جرحي القديم انا لسه حي
خطواتي جات متوسله
أديني بس حق الفطور
ما تخلي بينك وبيني سور
انا روحي فيك
شوفيني في خطوة مشيك
اوعِك تجيني تقولي لي
انا مالي بيك ؟
ونسيتي كل البينا كان
احلام زمان
يوم جيتي في نصة نهار
غنيتي ذي شدو الكنار
مش قلتي لي :
يا انتظار.....
تلقيني وين عجبتني فيك ..!
في اللحظه ديكِ حلمت بيك
انك معاي
وتري وغناي
عمري اللجاي
ونسيت اساي
وحلمت بي اطفال كتار
شايلين ملامح جنتك
راسمين مداين للفرح
حافظين مقاطع غنيتك
يا دنيتك
يا منيتك
ودخلت ضيف في ملتِك
سجلت اسمي مع الحضور
والدنيا كانت فصل صيف
وكان الحضور
نفرين وبس !
انا والزمن
وانا كنت فيك تلميذ نجيب
مستني يفهم حصتِك
استني يا استاذه دي
ما فهمتها ...!
ما مشكله ...!
بقراها في درس العصُر
دقيتي لي جرس البيوت
انا امشي وين ؟؟؟
لو كنتي يونس ببقي حوت
لو كنتي شاهد ببقي موت
ياوجعي من الم النزيف
بنياني لسع ما اكتمل
جرحي البينزف ما اندمل
حيجيني كيف فصل الخريف
سبتيني أسأل في الحروف
لمتين وامكن وكيف وهل
تقلعني قبال ما تصل
يا سكة العمر البخيل
ياطيف جميل زارني ورحل
حبك صروح
بعدك بزيد فيني الجروح
بسأذنك
يفضل معاي
يكتب عناي
يسكن غناي
وينتشي






Post: #35
Title: Re: الطريفي زول نصيحة !
Author: waleed500
Date: 11-01-2005, 07:10 AM
Parent: #34

لاخت صاحبة القلب النابض
بدخل هنا وبطلع واتكررت العمليه عدة مرات
يس فى كل مره بطلع بفائده
كونى بخير .....كل سنة وانت طيبة

Post: #37
Title: Re: الطريفي زول نصيحة !
Author: القلب النابض
Date: 11-01-2005, 08:20 AM
Parent: #35

العزيز وليد

بتاوق وتمشي بس...

سنن قلمك واكتب
فأنت اهل لهذا

شكراً على الطلة

وكل سنة وانت طيب
وربنا يحقق الاماني

لك الود اجزله

Post: #38
Title: Re: الطريفي زول نصيحة !
Author: القلب النابض
Date: 11-01-2005, 08:20 AM
Parent: #35

العزيز وليد

بتاوق وتمشي بس...

سنن قلمك واكتب
فأنت اهل لهذا

شكراً على الطلة

وكل سنة وانت طيب
وربنا يحقق الاماني

لك الود اجزله

Post: #36
Title: Re: الطريفي زول نصيحة !
Author: القلب النابض
Date: 11-01-2005, 07:21 AM
Parent: #34

معتز العزيز

صدقني انت دائماً تأتي في الوقت الصاح


اختيارك للتوقيت
والكلام
النصح
والود
في الزمن الحي

.Thanks Dear, it is the right time to see your words here , i am in need , realy, realy , realy

معتز واختيار الطريق

اعلم انك تختار الطريق بتبصرٍ شديد
وتُهدي البصيرة للآخرين
وانا منهم فلك الشكر
والود
والوفاء
في زمن فيه الوفاء انْدَر من لبن الطير.
ويعجبني انك تعرف خطوات سيرك
وتُتْقِنَها
وتمارسها بإرادة حرة ومسؤولة
وصدق شديد
فجد المسير وسوف تصل
وتسعد الاستاذة الغالية بك
ونسعد نحن.

معتز والاصدقاء:
عجيب امرك مع اصدقاءك
تحبهم
ويتقطر حبك لهم
تدافعاً
ودفاعاً عنهم في غيابهم
ونصحا خالصاً لهم
وهنا التميُّزُ
والتفرد
والنصرة الحقيقة
دم لهم
وداموا لك
وهذا وفاء ما بعده وفاء

معتز الزووووول السمح
كلامي عنك كثير كثير
وفي الفؤاد لك غُرف


والنصيحة بقولا
وانت زول نصيحة


والطريفي زول نصيحة

واختيارك للاغنية ذات التطريب الشديد والكلمات البسيطة الصادقة صاااااااح برضو.
ولك الود منهمراً
ايها الوفي

Post: #39
Title: Re: الطريفي زول نصيحة !
Author: الأمين عثمان صديق محمد
Date: 11-01-2005, 06:10 PM
Parent: #1

القلب النابض
كل سنة وانتي طيبة وربنا يرد غربتنا
نصحيتي : حاسبوا أنفسكم قبل أن تحاسبوا
دائما لمن اخت راسي في المخدة بعمل كشف حساب يومي لي نفسي وأحاسبها حساب الملكين
إذا لقيتها جايبة لحدي 7 من 10 اقول ليها شاطرة وبكرة انا عايزك تجيبي 10 من 10 مع اني عارفها ما تجيبهم لانو الكمال لله وحدة واذا جابت اقل 7 يا ويلها وسواد ليلها

Post: #40
Title: Re: الطريفي زول نصيحة !
Author: عنيده
Date: 11-02-2005, 03:23 AM
Parent: #1

يارزينه والله واحشاني مووووت
ولسه الكود ما (جاني) ونوبي بقي لي جاني
معتز ماترسل لي الاغنيه دي مابخلييييييك ياشرير
وبث
http://drmoiz.com/phpBB2/viewtopic.php?p=138482#138482
ادخلي اللينك ا واسمعي المدحه دي والله كلها نصايح
عارفه يا رزينه المدائح دي كلاما تااااااااااااااااني
بجد فيها كلام عجيييييييييب
اسمعيها وعيشي معاها وشوفي الحكم والنصايح

Post: #41
Title: Re: الطريفي زول نصيحة !
Author: Mohamed Adam
Date: 11-02-2005, 03:24 AM
Parent: #1

لكل المتداخلين بهذا البوست:
كل عــام وأنتم بخيًر.
نتمني لكم العفو والعـــافيًه.

Post: #42
Title: Re: الطريفي زول نصيحة !
Author: معتز تروتسكى
Date: 11-02-2005, 11:07 AM
Parent: #41

عنيده
الجابك البوست ده شنو..
خلى قال
Quote: يارزينه والله واحشاني مووووت
ولسه الكود ما (جاني) ونوبي بقي لي جاني

وكمان
Quote: معتز ماترسل لي الاغنيه دي مابخلييييييك ياشرير
وبث

انتى نقتك دى ماتعمليها بى هناك خلى الاستهبال بتاعكم ده. .
والاغنيه بقروش ..
اها بعرف اغنى ولا مابعرف. .


------------------------------------------------
Mohamed Adam
تسلم عزيزى وليك نقول ايضاوالجميع..
Quote: لكل المتداخلين بهذا البوست:
كل عــام وأنتم بخيًر.
نتمني لكم العفو والعـــافيًه.


----------------------------------------------

ياقلب..
انا لى كم يوم ماقادر اخش بوستك ده اخت كلمه من النقه الكاتبها فينى دى
ده شنو ده؟؟؟
ماترسيلها ايميل ولا اى شى..
كده خجليتنا وبعدين الواحد ماقدر الكلام ده يقوم يصدق اسى ينفصم فيكم
قايتو حاتجاوز ولى قدام شوفى ليك درب ماسنجر ولا شيتا تانى ماتشريهو كده. .
الاهم من ده نقول ليك
كل سنه وانت طيبه
ونتمنى ليك دوام الصحه والتوفيق....
وتتحق امانيك السنه دى قبل الجايه..


يلا قبل الخروج نخت لينا نصيحة او هترشه ان صح القول..
الحديث عن الوطنيه اصبح مثل حديث الجبهجبه عن الدين..


والتحايا النواضر..

Post: #44
Title: Re: الطريفي زول نصيحة !
Author: عنيده
Date: 11-03-2005, 01:32 AM
Parent: #42

تروتسكي ياوهموالله البنيه دي رزينه غصبا عنك
شنو شابك البت ياقلب غايتو كسير تلج
قلبك بالتحتحتو ليك
والله بهنا الاستهبال زاااااااااااتو
بعدين انت بقيت يالطيييييييف منك
مادي بشكل
ياخوي جاتك زلعه
يارزينه وقلبي انا

,تروتسكي
رسل لي الاغنيه سريييييييييع عشان مانتشاكل قال بعرف اغني قال

وبث

Post: #45
Title: Re: الطريفي زول نصيحة !
Author: فيصل نوبي
Date: 11-03-2005, 02:06 AM
Parent: #44


كل سنة وانتو طيبين

تروتسكي خف علي عنيدة شوية

الطريفي قال

الغتاتة في العلم مو سمحة
تهريجة
عنودة
هاكي يا عثل يافردتي انتي
Save @ PC

Post: #46
Title: Re: الطريفي زول نصيحة !
Author: عنيده
Date: 11-03-2005, 02:21 AM
Parent: #45

كان معاي وكان الحب معانا
تسسسسسسسسلم لي يالله

تروتسكي اها انشالله زي هناي داك الحرامي
العندو قروش كتيره

Post: #43
Title: Re: الطريفي زول نصيحة !
Author: saadeldin abdelrahman
Date: 11-02-2005, 11:30 PM
Parent: #1

زول نصيحة ساااااي !

Post: #47
Title: Re: الطريفي زول نصيحة !
Author: معتز تروتسكى
Date: 11-05-2005, 11:16 AM
Parent: #43

خالص التحايا00
ياقلب
نصيحة حزينه
فعلى وجع النزيف احكى ليك وفى يدك ...
ضؤء شمعه خافت...
ونم ومجاور وقريب سليل روح وسبيل فقراء..
يباس قضايا لايعنى ان الزخم توفر شعاع ...
مشدودون اوتار الناس على..
مصلوب مسيح وعليكم صليب..
رائحة الموت شى فوسفات وكلور وحرقه فى العيون..
بعض احزانى اسكبها من اول نقطه على جبين الوطن الى اخره تراب..
توتيل لو عزا اللقا ..
مزيكا من طعم الوجه اتى تتدفق احيانا تسكع واحيانا انكفاءه..
وصابر لقيتك على المد الغريق..
وطن ومنك وطن عليك دينو..
وعندما ياتى الليل على احد التلال فى ركن الجهات من تلك الضفائر..
يبدو كما لاشى يبدو علينا ..
نتسال عن دمنا المهدر فى الحانات..
ويرقص فى المساجد..
وشمس00
ومسرح وكمنجه فى اتكاءه من ظلال الورده00
واشياء من هذا الزيف الذى فى خطواتنا..
جميعنا قساوسه ندمن شرب النخب الكاذب..
جميعنا حطب وحريق00
والاسطوره تقول ان اللعنه قد اتت وانتهى وقتها ولا مجال للعب بين اصابع الايام..
فالنلعب..
ونحب ونبكى وكله شى من القديم الذى عاد...
اتكى حزنا على كتفى
فقد ترهل كتف الحبيبه
من الاعاصير والروتين ومزاميرنا الفارغه من العواء..
والخواء..
يابلد...
الحان غناى..
وياقبر يااجمل حلم..



والزمن سراق بسرق الصفوة

Post: #48
Title: Re: الطريفي زول نصيحة !
Author: القلب النابض
Date: 11-05-2005, 01:27 PM
Parent: #47

العزيز معتز

يزلزلني الحزن
ترتج دواخلي
وموت الاحبة في الغربة قاسي
قاسي
لم يرجع الي توازني بعد
الحزن يكبل قلمي
ويقهرني
وما اتفشيت لسة
فهو الحنين
العطوف
لطيف
يهدهدنا ونحن كبار
يعاملنا كلاطفال
يقبلنا
يدللنا
ويغني لنا
لطيف كنسمة الصباح
كنا نغار من بعضنا نحن ابناء اخوته واخواته
وكل منا يحس انه المحبب اليه اكثر من الآخرين.
لا أصدق ان
اعود الي الدايار وهو ليس فيها.





والحمد لله
الحمد لله
الحمد لله

Post: #49
Title: Re: الطريفي زول نصيحة !
Author: فيصل نوبي
Date: 11-05-2005, 01:51 PM
Parent: #48

يا قلب

كل سنة و انتي طيبة

الطريفي زول نصيحة

لا تعالج الخطاء بالخطاء

Post: #50
Title: Re: الطريفي زول نصيحة !
Author: هشام مدنى
Date: 11-05-2005, 02:02 PM
Parent: #1

سوف اعود ان امدالله في الأجال....
تحياتى للأبنة الفاضلة القلب النابض

Post: #51
Title: Re: الطريفي زول نصيحة !
Author: Biraima M Adam
Date: 11-05-2005, 03:32 PM
Parent: #50


القلب النابض
ماذا تقولى فى هذا
(دار أبوك كن حرقت شيل ليل من عود) ويقصد عود نار توقد بنه نارك، أى لا تترك حقك . .
(العين بالعين والسن بالسن والجروح قصاص)، عين بالعين، سل عينك تسل عينه ..
(أعتدوا عليهم بمثل ما أعتدوا عليم) .. كف بكف ..
ما رأى الطريفى ..
بريمة م أدم

Post: #52
Title: Re: الطريفي زول نصيحة !
Author: القلب النابض
Date: 11-05-2005, 04:24 PM
Parent: #51

الاخ محمد أدم
تحباتي وكل سنة وانت طيب واتمني ا تنعم الحبيبة دار فور بالامن والاستقرار, والمشاركة العادلة في الثروة والسلطة.

Quote: القلب النابض
ماذا تقولى فى هذا
(دار أبوك كن حرقت شيل ليل من عود) ويقصد عود نار توقد بنه نارك، أى لا تترك حقك . .
(العين بالعين والسن بالسن والجروح قصاص)، عين بالعين، سل عينك تسل عينه ..
(أعتدوا عليهم بمثل ما أعتدوا عليم) .. كف بكف ..


جاءت هذه الايات لتقيم ميزان العدل, وميزان العدل بالقسط لا بالزيادة ولانقصان.
والمثل صحيحاًحسب شرحك له.(رغم اني كنت افهمه فهماً سالباً)
هذا في الحقوق العامة, العدل يكون قائماً والعقوبة الرادعة من جنس العمل وإعمال القانون .وتقابلها الواجبات العامة عندي.

اما علي المستوي الشخصي فعندي تعلوا ومن صفح
واعفوا
واصفح الصفح الجميل.ولي عودة للرد على بقية المتداخلين بعد غياب ايام العيد.


والطريفي زول نصيحة.

Post: #53
Title: Re: الطريفي زول نصيحة !
Author: هشام مدنى
Date: 11-05-2005, 04:41 PM
Parent: #1

Quote: البوست البجيب الريح سدوا واستريح
هو الباب ولا البوست؟

Post: #54
Title: Re: الطريفي زول نصيحة !
Author: القلب النابض
Date: 11-05-2005, 05:37 PM
Parent: #53

اولا اعتذر عن التأخر في الرد لظروف العيد

الاخ محمد عثمان صديق
كل سنة وانت طيب
وياريت كلنا نقدر نعمل كدة كل يوم ونحاسب انفسنا قبل أن نحاسب.
ومزيد من النصح

عنيييييدة

واحشاني موت .. راجعى المسنجر ليقية أخباري.

محمد آدم
شكرا على العيدية وكل سنة وانت طيب
وأدينا النصيحة.

سعد الدين ابراهيم
كل سنة وانت طيب شرفت والله ودايرين نسمع نصائحك ..
واهدنا عيوبنا.

الخال العزيز هشام مدني:
حكيم البورد
قل لي بربك بعض النصح اتبعة
فالشكر عندي لمن اهداني عيوبي
والشكر عندي لمن قدم النصح لم يخفِ
Quote: Quote: البوست البجيب الريح سدوا واستريح

هو الباب ولا البوست؟


الجملة اصلا الباب البجيب الريح سدوا واستريح
ابدلناها بالبوست لا ن بعض البوستات تجيب كاترينا.



لكم جميعاًولي أولاً


لسانك لاتذكر به عورة امرئ فكلك عورات وللناس السن.


لكم مني الود كله.


والطريفي زول نصيحة.

Post: #56
Title: Re: الطريفي زول نصيحة !
Author: هشام مدنى
Date: 11-06-2005, 12:57 PM
Parent: #54

الأبنة الفاضلة القلب النابض
خالص التحايا
Quote: قل لي بربك بعض النصح اتبعة
(خطر كبير في إسداء النصائح إلى من هم أرفع شأنا).
لان: (النصيحة كالدواء: إعطاؤها سهل، وقبولها صعب).

ودى مهمة لما لها من فائدة:
(إذا أفرطت في الاستماع إلى النصائح، انتهى بك الحال إلى ارتكاب أخطاء الآخرين)......




تقديري واحترامي

Post: #55
Title: Re: الطريفي زول نصيحة !
Author: WadAker
Date: 11-06-2005, 04:52 AM
Parent: #1

عيد سعيد وعمر مديد وكل سنة وانتى طيبة

Post: #57
Title: Re: الطريفي زول نصيحة !
Author: القلب النابض
Date: 11-06-2005, 01:43 PM
Parent: #55

الخال هشام مدني
لك التحية ونصايحك كلها على العين والراس


ود عكررررررررررررررر
كل سنة وانت طيب السنة دي ربنا يحقق الاماني
لابد وين,,,, خبرك


Post: #58
Title: Re: الطريفي زول نصيحة !
Author: عبدالرحمن عزّاز
Date: 11-07-2005, 02:28 PM
Parent: #57

الأخت ،،
القلب النابض

...........
جميع المتداخلين

كل عام و أنتم و الطريفى بألف خير،،


واصلو كلامكم السمح دا إمكن يعدل حال

أمنياتى الطيبات لكم،،

Post: #59
Title: Re: الطريفي زول نصيحة !
Author: القلب النابض
Date: 11-07-2005, 02:46 PM
Parent: #58

الاخ عبدرحمن عزاز

كل سنة وانت طيب
وربنا يحقق الاماني

واهلا بيك تقدم لينا النصيحة .

ولك منا الود





الطريفي زول نصحية

Post: #60
Title: Re: الطريفي زول نصيحة !
Author: الأمين عثمان صديق محمد
Date: 11-09-2005, 02:11 PM
Parent: #59

As you make your bed, so you must lie in it

التسوي كريت في القرض تلقي في جلدها

Post: #61
Title: Re: الطريفي زول نصيحة !
Author: Sabri Elshareef
Date: 11-09-2005, 07:25 PM
Parent: #1

يا قلب انا كنت قايلك تبت من تعب السفر

ومن مبارات القماري ومن شرابات موية المطر



لك وللزوار تحياتي وللزائرات

يقول ابن عربي


ادين بدين الحب

اني توجهت ركائبه

فالحب ديني وايماني

كما يقول العارف بالله الشيخ العبيد ود بدر

العندو محبه ما خلي الحبه

والعندو حبه ما خلي الحبه

والما عندو محبه ما عندو الحبه

نتمني ان تكون لي محبه او حبه محبه

كل الاشواق من هنا ل.... عندك

Post: #62
Title: Re: الطريفي زول نصيحة !
Author: Sabri Elshareef
Date: 11-10-2005, 02:35 PM
Parent: #1

00000000000000000