ربحت اثنين مليون دولار افتوووووني !!!

ربحت اثنين مليون دولار افتوووووني !!!


13-11-2005, 11:12 AM


  » http://sudaneseonline.com/cgi-bin/sdb/2bb.cgi?seq=msg&board=325&msg=1193788015&rn=0


Post: #1
Title: ربحت اثنين مليون دولار افتوووووني !!!
Author: القلب النابض
Date: 13-11-2005, 11:12 AM

صديق عزيز وصلته رسالة تقول له انك ربحت اثنين مليون دولار . نرجو الاتصال على ارقام التلفونات والفاكسات الاتية.
صبيحة اليوم التالي جاءه اتصال هاتفي من الجهة وتؤكد له فوزه باثنين مليون دولار.
وترجو منه إكمال الاجراءات وملء الفورم المرفق بالايميل.
وتمت عدد من الاتصالات التلفونية المباشرة مع هذه الجهة.
وبعدد تردد طويل وصل الى ان هذا الامر ربا ولا يجوز له اخذ هذا المال.
وقد اتفقت معه على الامر.



ما رأيكم انتم؟

Post: #2
Title: Re: ربحت اثنين مليون دولار افتوووووني !!!
Author: waleed500
Date: 13-11-2005, 11:25 AM
Parent: #1

واحد من الاتنين مجنون

Post: #3
Title: Re: ربحت اثنين مليون دولار افتوووووني !!!
Author: ايهاب
Date: 13-11-2005, 11:30 AM
Parent: #2

النابض سلامات وكل سنه وانتي طيبه
ربا كيف؟ تفاصيل الحكايه شنو
كدا الموضوع عايم

Post: #4
Title: Re: ربحت اثنين مليون دولار افتوووووني !!!
Author: القلب النابض
Date: 13-11-2005, 11:42 AM
Parent: #3



القصة كما حكيتهاوهي واقعية ونحن دايرين نسمع فيها رأي.
وهي عبارة عن رسالة بالبريد الالكتروني تخبره بانه وقع عليه الاختيار للفوز لهذه الجائزة.


ولكي يعمل الاجراءات عليه أن لدفع اربعة ألف دولار رسوم اجراءات إدارية وارسال البوليصة الاصليه التي سوف يعرضها علي البنك حين استلام المبلغ.
سأحاول الحصول على الخطاب بعد الترجمة غداً إن شاء الله.

Post: #5
Title: Re: ربحت اثنين مليون دولار افتوووووني !!!
Author: فيصل نوبي
Date: 13-11-2005, 11:43 AM
Parent: #1

يا قلب

الفتوي بي مليون دولار

و في صالحو

من شيوخ الهناي ديلاك الحايمين في المنبر اليومين ديل

Post: #6
Title: Re: ربحت اثنين مليون دولار افتوووووني !!!
Author: القلب النابض
Date: 13-11-2005, 11:54 AM
Parent: #5

وليد
الجن بتداوى كعبة الاندراوة
واوعك تسألني الاندراوة دي شنو لاني ما عارفاها.
لكن اجتهادي بيقول انها جن براهو.

فيصل نووووبي
افتونا وبعد ما نقبض نشوف
لكن والله جادين في الطرح نحن

يا ايهاب رديت ليك فوق
تحياتي لكم جميعاً

Post: #7
Title: Re: ربحت اثنين مليون دولار افتوووووني !!!
Author: nazar hussien
Date: 13-11-2005, 11:57 AM
Parent: #5

القلب النابض...دي مسرحية طويلة قبل كده انا دخلتها بتفاصيلها؟
وفي النهاية هم دايرين الرسوم دي...ان شاء الله مية دولار ما بطال
معاهم...واقول ليك ما حصل معي....

رسالة تهنئة كبيرة في الايميل باني ربحت بعد ان تم اختياري بناءا
علي عنوان بريدي...وعندهم تلفون وعنوان وبردوا علي أي استفسار...

تقول ليهم أدوني الدليل يرسلو ليك شهادة رسمية بعد ان يقوموا
بعمل اسكان....

قلت ليهم اخصمو من القروش الربحتها دي الدايرنو....يثقولو ليك القوانين
ما بتسمح....كل ما تقول ليهم شي يجاوبوك وعينهم علي الرسوم...وانا حددوها لي بي
ميتين دولار....آخر شي قلت ليهم برسل ليكم توكيل رسمي تفتحو بيه حساب وتودعوا القروش
وتشيلوها كلها وتخلو لي بس عشره ألف دولار وبرضو ما رضوا...

عشان كده قبل ما تكون حرام او حلال فهي غير موجوده أصلا.:

Post: #53
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 10:55 AM
Parent: #7

Quote: قلت ليهم اخصمو من القروش الربحتها دي الدايرنو....يثقولو ليك القوانين
ما بتسمح....كل ما تقول ليهم شي يجاوبوك وعينهم علي الرسوم...وانا حددوها لي بي
ميتين دولار....آخر شي قلت ليهم برسل ليكم توكيل رسمي تفتحو بيه حساب وتودعوا القروش
وتشيلوها كلها وتخلو لي بس عشره ألف دولار وبرضو ما رضوا...



نزار حسين اخوي ديل لو عندهم المبالغ دي ماكان نصبو عليك
الله مرقك سليم

Post: #8
Title: Re: ربحت اثنين مليون دولار افتوووووني !!!
Author: Ahmed Abdallah
Date: 13-11-2005, 12:06 PM
Parent: #1

Quote: من شيوخ الهناي ديلاك الحايمين في المنبر اليومين ديل



يجب دفع 25% لبعض لشيوخ المنبر المشار اليهم اعلاه COMMISSION فقد أعتاد بعضهم
على تكفير الحلال وتحليل الحرام

Post: #9
Title: Re: ربحت اثنين مليون دولار افتوووووني !!!
Author: Ahmed Abdallah
Date: 13-11-2005, 12:07 PM
Parent: #1

ألأخت القلب النابض

كثيرمن هذه الشركات ترسل مثل هذه الرسائل عبر النت وترمي الي جر الشخص على ألأفادة بمعلوماته البنكية لغرض تحويل المبلغ المزعوم ومن ثم يمارسون سطوهم علي الشخص وبعضها يحاول أن يدخل الشخص في بعض ألألتزامات المالية عن طريق الزامه في دفع رسوم اشتراك في بعض المجلات أو مراكز الرياضةأو خلافه .... وتنتشر كثيرا في دول الغرب

Post: #11
Title: Re: ربحت اثنين مليون دولار افتوووووني !!!
Author: عادل فضل المولى
Date: 13-11-2005, 12:16 PM
Parent: #9

القلب النابض
تحية بيضاء
تعرفي جنس الرسايل دي انا جاتني كثيرة بي صورة مبالغة
اخرها رسالة من جهة في اسبانيا تخبرني بأنني فزت بي جائزة (300) ألف يورو
والكلام دا ما ليهو شهرين
وبعدين قصص من نوع فزت بي رحلة وتخفضيات وجوائز عينية بي قيمة كدا ما تديك الدرب واشهرهم ناس الهوت ميل يقولون لك انت الزائر رقم 50 مليون لهذا اليوم نرجو منك الاتصال على الارقام التالية ..ويدوك رقم (كود) عشان الجائزة ..تعرفي الحكاية دي حصلت مرتين وانا اتصل بي امريكا وفي النهاية يقولو ليك انت وين الان وعندك كريدت كارد وشنو ما عارف .. في النهاية القصة مقلب كبير...
قولي لي الزول دولار في اليد ولا عشرة مليون عند الجماعة ديل
اها كان القصة طلعت جد
انا من زمان صاحبكم ..مش كدا؟
والمشروع جاهز ..وورقو ممضي!

Post: #14
Title: Re: ربحت اثنين مليون دولار افتوووووني !!!
Author: القلب النابض
Date: 13-11-2005, 01:09 PM
Parent: #11

Quote: اها كان القصة طلعت جد
انا من زمان صاحبكم ..مش كدا؟
والمشروع جاهز ..وورقو ممضي!



صاحبنا ياعادل
لكن صاحبي مما بديت البوست دا بحاول اتصل عليه علشان يرسل لي الرسائل الاصلية ما
بيرد!!!!
اظنه قبض ولبد


والمشروع أنَّفكر فيه بي قريشاتنا العندنا دي اظنها مبرووووووكة.
وماها ممحوقة زي قروووش الجماعة ديل.

Post: #10
Title: Re: ربحت اثنين مليون دولار افتوووووني !!!
Author: Hafiz Bashir
Date: 13-11-2005, 12:09 PM
Parent: #1




new type of email scam, similar to the "419" or "Advance Fee Fraud" Nigerian Schemes, is circulating throughout the world, affecting a large number of email users. You may receive an email claiming that you are the lucky winner of a fantastic lottery win. If you respond to the email, they will typically send you an application asking for your bank account information (required to collect your "winning") or requiring a very sizeable application fee payment. If you send money, you will never see it again.

DON’T UNDER ANY CIRCUMSTANCES SEND ANY MONEY!
DON’T GIVE ANY BANK OR CREDIT CARD INFORMATION!
DON’T TELEPHONE THEM. UNKNOWN CHARGES MAY BE FOUND ON YOUR NEXT PHONE BILL!
KEYWORDS: Lotto scam, lottery scam, lottery letters, advance fee loan scam, false lottery
Dutch lottery, Belgian lottery, Spanish lottery, advance fee fraud,
Vorauszahlungsbetrug, Betrügergruppe, criminal syndicate.
To protect yourself from such scams, remember the following:

A legitimate financial institution will never ask for your account information via an email
Do not follow links provided in an email requesting any form of financial information
Call your local bank and ask for verification before responding to any form of electronic correspondence alleging to be from your bank
Below is an example of the scam email. Note that the From, To, and Subject fields will vary with each email.

Dear Sir/Madam,

Thank you for completing and submitting your verification form.We are
presently in the process of verifying your claims.

Meanwhile you are to immediately make payment of our processing and
transfer fees of Euro 5,625. Remittance is to be made either by Western
Union money transfer to our Account Manager or by Telex Transfer to our
Regional account. Find remittance below:

WESTERN UNION MONEY TRANSFER OPTION:
Name of Receiver: Mr. John Edwards
Address of Receiver: 76 New Fetter Lane
London,EC4A 1AG
U.K.

Although western union money transfer is our prefferred
means of receiving payments,as it is less cumbersome and faster,you should
request for our account coordinates via email or fax,if you insist on
paying via this means.

You are to send receipt of payment via fax or as email attachment with all
necessary details so we can collect the funds and immediately conclude the
processing and transfer of your prize money immediately.

Best Regards,
For additional information on this scam, please visit http://w3.rz-berlin.mpg.de/~wm/wm-lotto.html.




Post: #12
Title: Re: ربحت اثنين مليون دولار افتوووووني !!!
Author: القلب النابض
Date: 13-11-2005, 12:34 PM
Parent: #10

الاخ نزار حسين
يبدو انها عمليه نصب كبيرة
ويبدو ان كثير من الناس يقعوا في شراك هذه الشبكات وعلينا ان نعمل علي ان يعرف الناي
هذا الامر ولا يقعوا في براثن هذه الشركات الوهمية.


الاخ احمد عبد الله
كلامك مفيد.. جدا وساهموا في توعية الناس في هذه المسائل.
الاخ عادل فضل المولي
ان شاء الله جات سليمة وما عوقوك .
ديل حرامية بمزاج.

الاخ حافظ بشير
اعتقد ان نص الرسالة كما هو مع تغييرات بسيطة.
ولو حصلت على الرسالة من هذا الصديق سانقلها لكم هنا.
وكل من يعرف حكاية عن هؤلاء عليه بكتابيها لحماية الناس من شرهم


وما نقول يلمها النمل وياطاها الفيل.
والفيل نايم حسة.

لكم الشكر على المداخلات
رغم ان الصديق ما وضع حتة الاحتيال دي لكن نظر اليها بأنها مال لا يستحقه ولا يعرف مصدره ولا يثق في المصدر.

Post: #13
Title: الجوائز الانهالت على السودانيين دى شنو يا ربى
Author: م. سيد احمد قدورة
Date: 13-11-2005, 12:55 PM
Parent: #1

والله أنا الليلة استلمت رسالة من جنوب افريقياتبشرنى بجائزة 2 مليون دولار، يمكن الافارقة ديل يكونوا صادقين، كدى خلونى أمشى فيها للنهاية والحكاية لو بقت فيها دفع رسوم اية رايكم يا بورداب الرياض نعمل شير ولو القصة طلعت جد نشيل نص المبلغ نعمل بيهو شركة باسم بورداب الرياض.
وكش كسر القزازه

Post: #16
Title: Re: الجوائز الانهالت على السودانيين دى شنو يا ربى
Author: القلب النابض
Date: 13-11-2005, 01:21 PM
Parent: #13

قدورة اخوي ما تتمقلب

لكن شوف الحكاية وما تدفع حاجة

ولو اتمقلبت بورداب الرياض بيشيلو حالك وتبقى لا لميت في القروش ولا حالك.

صاحبي دا قال حرررررام عديل كدة ونفد بي جلدو من القصة.

Post: #19
Title: Re: الجوائز الانهالت على السودانيين دى شنو يا ربى
Author: Eng. Mohammed al sayed
Date: 13-11-2005, 01:50 PM
Parent: #16

Quote: وتمت عدد من الاتصالات التلفونية المباشرة مع هذه الجهة.

كان تعرفي موقعهم وين؟ يمكن البورداب الفي جهات الأرض يجيبوا خبرهم!

Post: #68
Title: Re: الجوائز الانهالت على السودانيين دى شنو يا ربى
Author: القلب النابض
Date: 14-11-2005, 07:22 PM
Parent: #19

اها يا محمد السيد
جبت ليم التلفونات

Your's in service,
Barrister.Les Harty Esq.
FINANCE DIRECTOR
WINNERS JUMBO LOTTERY PROMO.
Tel:011-44-703-194-9196,011-44-703-094-9404.
Fax:+44-700-593-8794.

دي تلفوناتهم والفاكسات...

Post: #15
Title: Re: ربحت اثنين مليون دولار افتوووووني !!!
Author: نادر
Date: 13-11-2005, 01:15 PM
Parent: #1

معليش .. كتبت بaccount نادر بالغلط

Post: #23
Title: Re: ربحت اثنين مليون دولار افتوووووني !!!
Author: soma
Date: 13-11-2005, 02:40 PM
Parent: #15

الاخت القلب النابض
الاخوه والاخوات ..كل عام وانتم بخير
اختك برضو زارتها نوعية الاميلات دى
وآخرهم كان قبل اسبوع والجائزه 3 مليون دولار..
المره دى الشىء الكان ملفت للنظر انهم جننونى بالاميلات
آخر شىء اصروا اديهم وسيلة اتصال .. اديتهم تلفون زوجى بعدما اخدت رايه
طوالى..
تعالى شوفى العذاب ..نص الليل يتصلوا بينا
وفى اتصالاتهم وفى الاميل قالوا لينا جائزتناموجوده فى جوهانسبرج
تانى يوم فى واحد من الزملاء معاى فى الشغل شرحت ليه الحاصل
قال لى زوجك يشيل الرساله ويمشى بيها السفاره السويسريه عشان تضعوا حق للازعاج ده
وفعلا ده الحصل .. وبحكم عمل زوجى فى نفس المجال الدبلوماسى ..ساعد فى تحريك الموضوع من بعض الزملاء فى السفارة.. وحاليا فى تحقيق بخصوص النصب ده من السفارة السويسريه فى جوهانسبرج.. لكن اسرة السفاره السويسريه هنا فى مسقط اكدوا لينا نصب الجماعه ديل رغم كل شهاداتهم المزوره البرسلوها عبر الاميل
وفعلا كما ذكر احد الاخوة بطلبوا من الزول البقع فى ايدهم .. مبالغ تأمين ..
تحديدا انا طلبوا منى مبلغ الف دولار.
بتمنى من الجميع ما يقعوا فى فخ العصابه دى ولا غيرها
وتحياتى للجميع

Post: #25
Title: Re: ربحت اثنين مليون دولار افتوووووني !!!
Author: القلب النابض
Date: 13-11-2005, 03:56 PM
Parent: #23

الاخت سوما
جزاك الله خير على المشاركة, وكلامك مهم شديد ومفيد
لانني اعتقد دي نفس الجهة
لانها عاملة عنوان في لندن وعنوان في سويسرا.
اتمني ان يقرأ كل كن وصله ايميل هذه الرسائل.
ويقوم لأجراء اللازم من الاتصال بالسفارات للشكوى حتي يتوفق هذا اللعب.

شكرا مساهمتك قيمة جداً ولو عندك جديد اضيفه للبوست


ولك الود كله.

Post: #17
Title: Re: ربحت اثنين مليون دولار افتوووووني !!!
Author: مريم بنت الحسين
Date: 13-11-2005, 01:27 PM
Parent: #1

Quote: ولكي يعمل الاجراءات عليه أن لدفع اربعة ألف دولار رسوم اجراءات إدارية وارسال البوليصة الاصليه التي سوف يعرضها علي البنك حين استلام المبلغ


ده طوالي موضوع بتاع نصب يا "القلب النابض".. والغريب انهم نجحوا في خداع ناس كتيرين في بريطانيا وأمريكا من الحالمين بالثراء السريع.. والخروج من ضنك العيش.. لكن سؤالي .. ماذا لو كانت حقيقية؟ ما شايفه زول جا أفتا في الموضوع ده... لو جاتك يانصيب كده يا "القلب النابض".. بنفس القيمة دي.. حتعملي شنو؟ انا غايته، بمرق منها حق الله، وبشيلها حلالي بلالي..




بنت الحسين

Post: #20
Title: Re: ربحت اثنين مليون دولار افتوووووني !!!
Author: القلب النابض
Date: 13-11-2005, 02:03 PM
Parent: #17

العزيزة بت الحسين
دايرة تركبي نادر التونسية مالك.

بالنسبة للفتوى المجلس الاسلامي البريطاني محرم اليانصيب. وانا شايفاها قمار عديل طبعاً فهي بالتالي حرام.



لكن إذا اشتركت في مسابقة فيها جهد يعني حليتي اسئلة أو تسابقت الخ تكون حلال بلال يابت الحسين. وبشيلها.

* كان جاتك ادفعي رسوم الجامعة والفواتير بس يعني عليك الله.ها ها

الخداع شديد هنا والغريبة بيرسلوها للناس في كل الدنيا والناس بتصدق تتغش وتتمقلب وتشرب من المحيط.

Post: #18
Title: Re: ربحت اثنين مليون دولار افتوووووني !!!
Author: Hafiz Bashir
Date: 13-11-2005, 01:37 PM
Parent: #1




الاخت القلب النابض

بعد كلامي و كلام الناس الفوق اديك راي عشان لو القصة طلعت جد

عارفك عندك فيني راي كفقيه لكين برضو ح افتي ليك

تقع الحرمة في القمار عند دفع القروش او شرا تذكرة اليانصيب .. اما الجائزة التي تاتيك دون ان تشارك بمالك في جزء من قيمتها فلا حرمة في اخذها

و يذهب بعض الفقهاء بجواز أخذ الجائزة من الكافر بعد الفوز بها من باب الإستنقاذ .. و لا اتفق معهم في هذا الباب ...


صدر تحت توقيعي
فقيه اول
حافظ بشير




Post: #22
Title: Re: ربحت اثنين مليون دولار افتوووووني !!!
Author: القلب النابض
Date: 13-11-2005, 02:09 PM
Parent: #18

حافظ بشير اخووووي

Quote: صدر تحت توقيعي
فقيه اول
حافظ بشير



لمن تصل فقية عقيد اركان حرب ناخد فتواك.


كلامك الاخير صاح وما تتفق معاهم.

Post: #24
Title: Re: ربحت اثنين مليون دولار افتوووووني !!!
Author: Eng. Mohammed al sayed
Date: 13-11-2005, 03:02 PM
Parent: #18

Quote: صدر تحت توقيعي
فقيه اول
حافظ بشير






ذكرتني قوانين الشريعة عهد نميري

كتب
* * *
صدر تحت توقيعي

!!!!!!!!!!!!

Post: #21
Title: Re: ربحت اثنين مليون دولار افتوووووني !!!
Author: هشام مدنى
Date: 13-11-2005, 02:07 PM
Parent: #1

Quote: ولكي يعمل الاجراءات عليه أن لدفع اربعة ألف دولار رسوم اجراءات إدارية

الجماعة ديل نصابين بشهادة!
هم حيدفعوا اثيين مليون دولار وعايز اربعة ألف دولار....
طيب ما يخصموا الأربعة الف دولار ويرسلوا الباقي....
انصحكم انسوا الموضوع......

Post: #51
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 10:21 AM
Parent: #21

الخال العزيز هشام
Quote: انصحكم انسوا الموضوع......



خذو هذه الحكمة

والله انا ماقايلا الموضوع قدر دا الظاهر الناس ديل شغالين نهب شديد.


يا جماعة اسمعوا كلام هشام مدني دا ما بتجيكم عوجة.

Post: #26
Title: Re: ربحت اثنين مليون دولار افتوووووني !!!
Author: Hafiz Bashir
Date: 13-11-2005, 04:55 PM
Parent: #1





Quote: لمن تصل فقية عقيد اركان حرب ناخد فتواك.




عليك الله شوف جنس دي ... هسة عمرك دا كلو حصل سمعتي ليك لي بي فقيه اول ما اركان حرب؟!

اما رتبة فقيه عقيد فدا البعقد للناس .. يعني ماذون .. و دي رتبة اقل من فقيه اول


نرجع للوتري

قبل فترة وصلتني رسالة بريدية من النوع دا ..و الورق عليهو توقيعات و اختام و عناويين و ارقام تلفونات شكلها مقنع .. قالو اني فزت بي مليون و ستمية و خمسين الف يورو في لوتري في اسبانيا .. و رسلو لي فورم عشان املاهو و ارجعو خلال اسبوع و قالو القروش حتنزل في حسابي خلال اسبوعين بعد ما ارجع الفورم .. و مطلوب في الفروم بياناتي الخاصة و توقيعي و رقم حسابي البنكي .. اول حاجة فكرت في انو القروش دي حلال وللا حرام .. قمت سألت كم زول .. ناس يقولو حرام و ناس يقولو حلال .. و انا لا اقتنعت بي كلام ديل و لا كلام ديل .. قلت كدي في الاول الندخل القروش في حسابي و بعداك نسأل .. و بيني و بينك انا لو القروش كانت دخلت حسابي لا كنت بسأل لا حاجة بالكتير زي ما قالت مريم بت الحسين كنت بطلع حق الله و انوم بالباقي حلالي بلالي و كمان يمكن افتش لي فتوى و ادخل نفسي في واحد من مصارف الزكاة و اشيل حق الله زاتو لي رقبتي.. قمت مليت الفورم.. و انا ماشي على البوستة عشان ارسلو خطرت لي فكرة انو اتصل على واحد صديقي اسباني عشان يتابع لي الموضوع دا و طبعا حتما ح انوِلو من الحب جانب بعد ما ابقى مليونير .. قمت اتصلت عليهو و اديتو كل البيانات عن الجهة المنظمة للوتري و عنوانم و ارقام تلفوناتم و فاكسيهم.. قال لي انتظرو يوم هو ح يشوف و ح يتصل علي .. الدنيا صباح مشيت الشغل و انا بفكر في وضعي الجديد كمليونير .. و غني عن القول اني اليوم داك ما اشتغلت التكتح.. هو في مليونير بشتغل؟! .. مرقت ليك من الشغل بدري و مشيت ليك على السوق و بي حبة القريشات المدخرة للزمن اشتريت ليك يا داك الكمبيوتر و ال LCD مونتر .. هلا هلا ماني مليونير .. و الغريبة و انا حايم في الاسواق كنت بشوف ليك الاسعار بسيطة بساطة و الحاجات رخيصة جنس رخصة.. ماني مليونير .. في محل كدي عندو ساعة يد بي بستة الف دونار (دونار = اسم الدلع لدولار) و دقداقة .. طول عمري مغيوظ منو و اقول معقول في زول ممكن يشتري ساعة بستة الف دولار يعني خمسطاشر مليون جنيه سوداني .. وقفت قدام المحل و عاينت لي الساعة بي حقارة شديدة و لاول مرة اكتشف انو الساعة دي ما جميلة و انو نقشة الكتينة لا تعبر عن زوق ارستقراطي يناسبني و شكل الشوكات و الباكقراوند فيهم عدم تناسق ظاهر .. استغربت جداً كيف فات على عدم التناسق الظاهر في هذه الساعة طوال هذا الزمن .. تجاوزت المحل و انا ممتليء بالاحساس بالانتصار..

اتصل بي صديقي الاسباني في اليوم التالي ليخبرني بأن العنوان الذي اعطيته له لا وجود له و ارقام التلفونات و حتي رقم الفاكس هي ارقام موبايلات مقدمة الدفع .. كما ذكر لي تجارب سابقة ممن تعرضو للنصب من نفس الاسماء و نصحني بالبحث في النت للتأكد..


حمدت الله كثيراً على انه اراحني من ذلك الصراع بين حلاله و حرامه.. و بركة الجات منك يالله .. اللهم ارضنا بما رزقتنا .. و ارض عنا يا الله



الاخت القلب النابض

معليش علي الاطالة .. لقيت روحي اندحت مع تجربتي كمليونير ليوم واحد








Post: #27
Title: Re: ربحت اثنين مليون دولار افتوووووني !!!
Author: القلب النابض
Date: 13-11-2005, 05:20 PM
Parent: #26


فقيه أول أركان حرب حافظ

الله يجازي محنك ما قدرت اتم المداخلة من الضحك.
انت عارف صاحبي رغم ملاوزاتو وقولوا حرام اخدتو الاحلام وقال كان في زول مشير اركان حرب فقيه قال ليه حلال عارف قال يعمل شنو, خالتو منو عايزة غنماية في الحلة السنة الفاتت غنمايتها الحلابة ماتت ,
وسعيد جارهم داير ليه بقرة .
واخوه الكبير عربيتو دايرة الترخيس . وقال شفع المدرسة حيشتري ليهم كلهم لبس المدارس والكراريس السنة دي كلهم.
واخوه الاتخرج من الجامعة داير كمبيوتر وعربية.


واخلي الاعتراب واجي السودان وافتح لي شركة واخت كريسني في الشارع بررررررة وأأشر للماشى والغاشي . وعربيتي آخر موديل جنبي ارمقها بالاعجاب.


وانا طبعاً قلت ان شاء الله يقولو ليه حلال وانا ادفع رسوم الجامعة مقدم. واقول لناس الحكومة في السودان الله اخير منكم ابيتوا تدفعوا لينا الرسوم. وشبكتونا التدريب داخلي داخلي, وجهزت شكلتي واستفزازي لي ناس التعليم العالي.

أحلام الفتى الطاير

Post: #28
Title: Re: ربحت اثنين مليون دولار افتوووووني !!!
Author: tmbis
Date: 13-11-2005, 06:01 PM
Parent: #27

والله يا القلب النابض حالتي داخل البوست قلت اتسلف لي منك قريشات من الاتنين مليون دولار دي ..
تعرفي ..
انا عندي بريد كل يوم كنت بلاقي فيهو رسائل زي دي .. والرسائل التانية بتاعت الجماعة بتاعين غسيل الاموال .. اها بتاعين غسيل الاموال ديل صاحبتهم كلهم لا خليت ليك بتاعين جوهانسبيرج لا بتاعين رواندا هم يكذبوا وانها امشي ليهم في امورهم ولا خسران حاجة
بس الفرق في ديلك انهم عايزن يدفعوا وناسكم ديل عايزين يدفعوا ليهم ..
Quote: ولكي يعمل الاجراءات عليه أن لدفع اربعة ألف دولار رسوم اجراءات إدارية وارسال البوليصة الاصليه التي سوف يعرضها علي البنك حين استلام المبلغ.

اربعة الف يا مفتريين ..؟؟
عارفه احسن حل متبعو قاعد اللغي اي خيارات ف يالايميل ممكن توصل الناس دي لي .. ولما المسالة تزيد عن حدها خيارت البلوك طوالي والحذف ..
ويادار ما دخلك شر ..
وبيني وبينك احسن الفلس من مليونيينم البتعمل خلعه لي الواحد

Post: #29
Title: Re: ربحت اثنين مليون دولار افتوووووني !!!
Author: القلب النابض
Date: 13-11-2005, 06:17 PM
Parent: #28

والله صدقت يا تمبس

ما شفت حافظ احلام يوم واحد قرب يركب الزلط ويسحلب ويشوف الساعة أم ستةألف دولار شينه.
حالتو بقت صعبة. بس الحمد لله يوم واحد صاحبو في اسبانيا اداهو شاكوووووش فيقو.



Quote: الله يا القلب النابض حالتي داخل البوست قلت اتسلف لي منك قريشات من الاتنين مليون دولار دي


عارف دي لو جاتني ماف دين هدايا بس , الداير يعرس والداير يطهر اولادو, والعندو سماية مؤجلة .... ليلة القدر بس.

معليش رجعتك خشمك ملح ملح
زي خشم حافظ بشير لي هسى يشرب ما يروى.

لكن الايميل الجاي او الحلمة الجاية لظلوط.

Post: #30
Title: Re: ربحت اثنين مليون دولار افتوووووني !!!
Author: القلب النابض
Date: 13-11-2005, 08:20 PM
Parent: #29

ود عكر اخوي

واحبابي الحلوين
الدايرين يَّدَينوا والدايرين عيدية والدايرين يرخسوا عرباتهم, والدايرين يعرسوا , والدايرين يشتروا غنم
عليكم الله انا بكرة ما بجي بدري امسكوا لي البوست دا .
ما عشاني انا عشان الناس البتغشو ديل ما يتغشوا وعلشان ننقذ ما يمكن انقاذه.

ياناس تمبس
ووليد 500
ونوبي
وودعكر
في زمتكم البوست دا.

Post: #31
Title: Re: ربحت اثنين مليون دولار افتوووووني !!!
Author: Sabri Elshareef
Date: 13-11-2005, 09:24 PM
Parent: #1

سلام اهل الدار القلب النابض

مررنا للتحية وعقبال الحظ يكون حليف لمن يحب او تحب

Post: #32
Title: Re: ربحت اثنين مليون دولار افتوووووني !!!
Author: محمد عيد الله
Date: 13-11-2005, 09:57 PM
Parent: #31

الاخت القلب النابض سلام
هنالك انواع اخري من النصب شبيهة الى حد ما
بقصة اللوتري وهو ان يرسل لك شخص ما ايميل
يبدأ فيه القصة بانه فلان ابن فلان وغالبا ما يكون
ابن احد الرؤساء الافارقة او رجال الاعمال المشهوربن و ..
وان اباه ترك له مبلغ كبير من المال (35مليون) وانه وللظروف
التي تحيط به او ببلاده فانه يرجو تذويده برقم حساب امن يقوم
بالتحويل فيه ومن ثم دفع 10% لصاحب الحساب .. وحتي لا ينكشف
امرهم يطالبونك بالسرية التامة في التعامل مع هذا الامر..
وقد وصلتني عدة رسائل من هذا النوع اخرها قبل فترة من الزمن
من سهى عرفات وعلى ما اذكر عقب وفاة ياسر عرفات و الاحاث
التي اعقبت الوفاة ..والمقصود هنا الحصول على معلومات الحساب ..
ودمتم
محمد عبد الله

Post: #33
Title: Re: ربحت اثنين مليون دولار افتوووووني !!!
Author: othman mohmmadien
Date: 14-11-2005, 00:21 AM
Parent: #32

تصلني الكثير من مثل هذه الرسائل ومعظمها لأفارقة يقيمون ببلدانهم أو دول أوربية أو غيرها
- الفوز باللوتري
- أبناء زعماء معروفين قتل أبائهم وتركوا لهم ملايين بالبنوك يريدون إستثمارها أو زوجات سياسيين معروفين بنفس صياغ القصة.
- مدير بنك يعرف شخصية ماتت بالعراق أو غيرها وتركت ملايين الدولارات ويرغب في شخص يسحب له المبلغ بإسمه بطرقة ما ثم يتم الإستثمار.
الظريفة واحدة كاتبة لي:
أنا ربيكا قرنق زوجي قتله عمرالبشير لدي مبلف ..... مليون دولار.. طبعاأستمريت معه دون أن أخبره بجنسيتي أنتهت العملية بأنهم يريدون عشرة ألف دولار لكي تدفع لشركة التأمين
بعد ذلك وضحت لهم جنسيتي بأن ربيكا هي من بلدي
عادة أتركهم يتصلون بي فقط تلفونيا ولا أكلف نفسي عناء الإتصال بهم
وجدت أن جميعهم يركزون على فكرة دفع المبلغ لشركات التأمين فأدركت أن شركة التأمين هذه ليست إلا هم وهي اللحظة التي أكشف لهم فيها ألاعيبهم فينصرفون
تحذير:
أعرف شخص يمني تعرض لسطوهم خاصة فكرةاللوتري هذه وأستدرجوه للحضور لهولندا بعد أن دفع لهم مبلغ عشرة ألف دولار قبل سفره لهولندا فأدخلوه مبني وأخبروه أن هذه هي الشركة التي قامت باللوتري أن الإجراءات تأخذ زمن وبدأوا ببماطلته وللأسف لم يبلغ هذا المسكين الشرطة فكانت نهايته عدم المقدرة على تحمل المصاريف بأوربا وأخيرا عاد لليمن مثقل بالديون
لذا أحذر ......

Post: #36
Title: Re: ربحت اثنين مليون دولار افتوووووني !!!
Author: ibnomar
Date: 14-11-2005, 01:30 AM
Parent: #33

الأخت القلب النابض والأخوة المتداخلون ... تحية طيبة ... وبعد ...
من الصدف العجيبة أننى أمر اليوم بتجربة مماثلة من اللوترى العالمى بهولندا ، حيث وصلتنى رسالتهم مهنئين بفوزى فى السحب الذى جرى على بعض العناوين التى تم إختيارها عشوائياُ بالكمبيوتر وتم منحها أرقام لوترى ، وأننى قد فزت بمبلغ مليون يورو !؟ ولكى أستلم مبلغ الجائزة ينبغى أن أتصل بمستشارهم القانونى لتكملة الإجراءات القانونية وذلك بإستخراج شهادة فوز من قبل كتابة العدل وسيقوم بذلك مستشارهم القانونى . ولمزيد من الخداع إتصل بى مستشارهم بالبريد الإلكترونى مهنئاً بالفوز ومرسلاً أرنيك يحوى بياناتى الشخصية - دون ذكر للحساب المصرفى - لتعبئته وإعادته لهم . وبعد القيام بالأمر اللازم رد المحامى بسلامة وصول الأرنيك وشارحاً الخطوات التالية وهى ضرورو إرسال مبلغ 960 يورو تمثل الرسوم القانونية لكتابة العدل زائداً الضريبة المضافة لأننى غير مقيم بهولندا ومفصلاً بقية الرسوم بإجمالى كلى 960 يورو . وطبعاً أنا طولت بالى قلت أصل النهاية ممعاهم بشرط ألا أدفع مليم أحمر قبلما أستلم . وكانت هذه الهداية منجاتى من خداعهم . وقدر ماحاولت مع المستشار أن يخصم المبلغ من الجائزة أفادنى بأنها مقبوضة بضمانة إضافية لدى البنك ولايمكن الخصم منها ... الكلام ده لحدى نهاية الأسبوع الماضى .. وهسى أنا مرجو منى إما الإستجابة بالتحويل أو صرف النظر عن الأمر ... ويبدو أن هذا ماسيتم ... وللحق أصابنى لفترة من الوقت خيال جامح بأن أكون مليونيرا وعشت لحظات أحلام وأمانى طويلة لكننى وضعت منجاتى نصب عينى ووصلت للحد معاهم ... عموماً أنا حسى رايح سفارة هولندا لحسم الأمر معاهم حول تلك الجهة ومدى مصداقية إدعاءاتها ..
لكن يبدو أن الشغلانة نصب وإحتيال بس برضو الواحد عايز يصل حدها حتى لايتحسر

Post: #56
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 11:11 AM
Parent: #36

ابن عمر اخوي الجاتك في

الورق سامحتك.
الحمد لله انك ما سلمتهم شئ
بس عليك الله ورينا الاحلام التي راودتك بعد الملايين !!!


يرو في اليد ولا الف طاير



الحمد لله جات سليمة

Post: #55
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 11:06 AM
Parent: #33

الاخ عثمان محمدين



Quote: عاد لليمن مثقل بالديون
لذا أحذر ......


ومثقلاً والاحزان.

Quote: الظريفة واحدة كاتبة لي:
أنا ربيكا قرنق زوجي قتله عمرالبشير لدي مبلف ..... مليون دولار.. طبعاأستمريت معه دون أن أخبره بجنسيتي أنتهت العملية بأنهم يريدون عشرة ألف دولار لكي تدفع لشركة التأمين
بعد ذلك وضحت لهم جنسيتي بأن ربيكا هي من بلدي



يستقلون الاسماء المعروفة والاحداث الكبيرة انتبهوا

Post: #54
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 10:59 AM
Parent: #32

الاخ محمد عبد الله

دي جديدة لنج

Quote: ثم دفع 10% لصاحب الحساب .. وحتي لا ينكشف
امرهم يطالبونك بالسرية التامة في التعامل مع هذا الامر..
وقد وصلتني عدة رسائل من هذا النوع اخرها قبل فترة من الزمن
من سهى عرفات وعلى ما اذكر عقب وفاة ياسر عرفات و الاحاث
التي اعقبت الوفاة ..والمقصود هنا الحصول على معلومات الحساب ..


انتبهوا نوع اخر من الاحتيال؟ ربما يوقعك تحت طائلة القانون!

Post: #45
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 08:58 AM
Parent: #31

الاخ صبري الشريف

شكرا ليك
الحظ يارب يكون ليه بالحلال

والهم أغننا بحلالك عن حرامك وبفضلك عنمن سواك

Post: #34
Title: Re: ربحت اثنين مليون دولار افتوووووني !!!
Author: Alshafea Ibrahim
Date: 14-11-2005, 01:08 AM
Parent: #1

الأخوة الكرام
قبل سنتين تقريبا وصلني نفس الإيميل وذكروا فيه أرقام تلفونات وأسماء اشخاص للاتصال بهم بل أكثر من ذلك زودوني بموقع البنك على النت (أوفشور بنك) وتم تزويدي باسم مستخدم وكلمة مرور وأدخل الموقع وألقي عندي 570 ألف دولار والله العظيم - واتصلت على أحد الأرقام المذكورة ورد على المدير وطلب مني تحويل مبلغ 3 ألف دولار باسرع وسيلة عن طريق (الوسترن ينويون) وأن يكون المستفيد هو شخصيا ترددت في الأمر واتصلت على سفارة البلد المذكورة يالرياض وارسلت لهم الرسائل كلها - ردوا علي سريعا بعدم التعامل مع هؤلاء وإلا فكل ما يحدث على مسئوليتي؟؟ وراحت الدولارات

ومازالت هذه الرسائل تصلني بشكل مزعج مثل بقية خلق الله مرة ان عنواني البريدي تم اختياره للفوز ومرة بأن اسمي تم اختياره مع العلم نحن لم نشترك قط في هذه المسابقات
والحذر الحذر منهم
الشفيع

Post: #49
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 10:15 AM
Parent: #34

الاخ الشفيع ابراهيم

الله مرقك من الاحتيال والله.
كانو دايرين ياكلو منك الكاش الفي يدك ويدوك وهم في برنامج كمبوتي

الله ستر


تكبر وتاخد غيرها

Post: #35
Title: Re: ربحت اثنين مليون دولار افتوووووني !!!
Author: محمد السر
Date: 14-11-2005, 01:19 AM
Parent: #1

القلب النابض
في مصر في دجالين (ضمنهم سودانيين) بيدَّعوا إنهم يقدروا يضاعفوا المال العندك عن طريق الجن.. يعني لو عندك 100.000 يوهموك إنهم ممكن يضاعفوها لمليون، وطبعاً الحكاية كلها نصب ،وهم همهم في الآخر ياخدوا منك الـ 100.000 دي.. والعملية دي بيسموها (فيما بينهم) بالتركيب، ويسمى الشيخ من هذا النوع بشيخ بتاع تراكيب، ويقولوا ليك: التاجر الفلاني ركَّبنا ليهو وشلنا منو 250.000 وهكذا..
السيناريو بتاع عملية التركيب دي يكاد يكون مكرر، وهو يبتدئ بعد أن يستدرج أحد معاوني الشيخ (ويسمى القجا) ضحية (وتسمى الهنـﭽا) تأكد ،بعد عمل تحرياته، أنها تحوز أموال كبيرة زائد جشعها لمضاعفة هذه الأموال دون تعب (ودي مهمة) لأنها بتسهِّل إمكانية النصب..
في الأول يقول الشيخ للضحية: المطلوب منك بس بخور لتحضير الجن ودا ما بيكلف غير تلتين أربعين جنيه، ثم تلي ذلك بعض حركات السحر ووهم الضحية بحضور للجن (أثناء دخان البخور وتعذر الرؤية لضعف الإضاءة المتعمد واستعداد الضحية للتصديق وتساقط أوراق بنكنوت من سماء الغرفة "طبعاً دي بتكون موضوعة في ريَش المروحة وتسقط بعد تشغيلها لثواني وإيقافها دون أن يشعر الهنـﭽا) بعد كدا الضحية يكون غرق للنص ويسهل قياده.. فيقول له الشيخ أن الجن قال المبلغ موجود لكن عشان يطلعو لازم نحضر ليهو زئبق عشان الجن بيحب يشرب الزئبق و بكل ثقة يطلب منه الشيخ أن يحضر زئبق فيسقط في يد الضحية لأنه عمرو ما شف الزئبق ولا عارف بيجيبوه من وين، وبنفس الثقة يدله الشيخ على مكان الزئبق (عند الشيخ فلان في المغرب).. الضحية عمره ما سافر المغرب ولا بيعرف الشيخ فلان.. هو فقط يثق في الشيخ الذي أمامه لذلك:
الضحية: طيب ما في مشكلة أنا أديك المبلغ المطلوب وإنت ترسل نجيبو بمعرفتك (وطبعاً دا الـ figure الأساسي في الفيلم كله)..
الشيخ: بس لكن الزئبق غالي..
الضحية: يعني كم؟
الشيخ: الجرام بـ 50.000 جنيه والجن شربتو جرامين!!
الضحية: مافي مشكلة.
وبس.
كدي اسألي زولك دا الإيميل جاهو من www.tarakeeb.com ؟؟

Post: #57
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 11:17 AM
Parent: #35

الاخ محمد السر
الناس ديل ما بفهموا انه الزول دا لو بيقدر يعمل العمليه دي ما يعميها لي روحو الجابرو شنو يجيب ويودي

الناس البيتغشو بي زي ديل يستاهلوا لانهم مغفلين جد جد.


نا س مصر والشرق الاوسط انتبهوا من جماعة الجن.
شكرا ليك مشاركتك مختلفة بالجد ومهمة.

Post: #37
Title: Re: ربحت اثنين مليون دولار افتوووووني !!!
Author: Ahmed Mohammed Osman
Date: 14-11-2005, 02:08 AM
Parent: #1

القلب النابض...
القصة لا تعدو كونها احتيال ونصب واحكي ليك قصة واحد صاحبي شديييييد
وصلتو الرسالة دي واتصل وفعلا ردو عليهو وطلبو منو يرسل 200 دولار رسوم
من الاول قلت ليهو ياخوي الموضوع ما تمام لانو اذا ربحت مليون دولار ف مافي اي
معني ل 200 دولار الح ترسلها دي.. ما سمع الكلام وابتدا يرسل لغاية ما وصل 1000 دولار
دا غير خسارة التلفون الدولي ... في النهاية حس بانو الموضوع جرجرة ولا في جائزة ولاغيرو..

الفتوي.. دولار في اليد ولا 2 مليون دولار في النت

Post: #59
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 11:33 AM
Parent: #37

الاخ محمد عثمان

الله يعوضو صاحبك دا , الف دولار تمرق من صف العدو


Quote: الفتوي.. دولار في اليد ولا 2 مليون دولار في النت


فتوى ولا كل الفتاوى

Quote: واحكي ليك قصة واحد صاحبي شديييييد


الحكاية حارقاك شديييييييييييييد

Post: #75
Title: Re: ربحت اثنين مليون دولار افتوووووني !!!
Author: Ahmed Mohammed Osman
Date: 15-11-2005, 00:32 AM
Parent: #59

نبض القلب (عذار للتعديل في الاسم):
Quote: الحكاية حارقاك شديييييييييييييد

حارقاني؟؟
دي مفحماني عديل
لانو اضاني اتقدت من الاحلام البراني بيها..
اول ايام كنت بقول ما مشكلة..ضريبة الصداقة
يعني الزول دا لو ما لقاك هسي يلقاك متين؟؟
لكن القصة جرجرت وطولت... دا غير انو بقي في اي موضوع يدخل الدولارات دي
بقي زي قصة الزول المولود عميان
فجأة ارتد له بصرة لثانية واحدة بس
اها الثانية دي شاف فيها فار في الاوضة
وتاني بقي عميان
لما جا صحبو حكي ليهو انو هو فتح وشاف ليهو حاجة كدا(وصف الفار)
صحبو قال ليهو دا الفار..
لغاية هنا مافي مشكلة
المشكلة بقت انو اي موضوع يفتحو قدامو بقي لازم يشارك
لو قالو عربات يقول من قدام زي الفار
ولو قالو الوان يقول لون الفار
ولو قالو جمال بنات يقول زي الفار
الفار الفار الفار = دولار دولار دولار



بس خلاس

Post: #38
Title: Re: ربحت اثنين مليون دولار افتوووووني !!!
Author: مريم بنت الحسين
Date: 14-11-2005, 03:32 AM
Parent: #1

Quote: بالنسبة للفتوى المجلس الاسلامي البريطاني محرم اليانصيب. وانا شايفاها قمار عديل طبعاً فهي بالتالي حرام.

فيها شبهة الحرام بالتأكيد.. لكن انا ما بقصد الزول المشى ساعي ليها.. بقصد، لو وصلت لحدي عندك.. وربحتي.. حترمي البطاقة؟ بصرااااااااااااااااحة


Quote: لكن إذا اشتركت في مسابقة فيها جهد يعني حليتي اسئلة أو تسابقت الخ تكون حلال بلال يابت الحسين. وبشيلها.

تعرفي.. انا بعتبر ده تحايل على الدين.. يختوا ليك تلاتة أسئلة من نوع، ثلث الثلاثة كم، ويقولوا ليك الجائزة سيارة BMW.. بمقياس الجهد والمقابل، ده ميزانه مختل جداً... طيب رأيك شنو في الأرباح البتجي مثلاً من شراء وجبة BURGER KING مثلاً... وتكون الجائزة بي الحظ.. ممكن تكون وجبة تانية.. أو سيارة Nissan Altema!

معليش يا القلب النابض.. بس انا الموضوع ده مستهويني من زمان.. موضوع الربح ده وعلاقته بالدين.. وهل نقدر نرقد قفا على الفتاوي ؟

Post: #60
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 11:45 AM
Parent: #38

بت الحسين ازيك
والله انا زاتي المسألة دي عالملة منخوليا في راسي , قصة اليانصيب دي انا بفتكر انها حرام واضحة
لكن ان تدخل مسابقة أو تشارك في حفل وبنمرة التذكرة تكسب شئ .

ناس بيرقر كنج هي شغل دعاية وتشجيع علي شراء اكبر كمية من المحل أو لتكون الزبون المداوم.
دا افتكر موضوع ممكن نسأل ونتداول فيه.

المسابقة الاسئلة والاجابة دي انا ما شايفة فيها حاجة زي اسئلة ناس التلفزينات العربيه وتوزيع منتجات جهات معينة هي دعاية اكثر من انها شئ اخر . زي يقولو ليك من هو الفنان الذي غنى هذ( ويذكر ليك اشهر اغنية لاشهر فنان) ثم يعطيك هدية يذكر فيها اسم المنتج والجهة المنجة ( محلات كذا كذا كذا والخ)
دي انا رغم اني ما سألت لكن اهدافها واضحة وطريقتها واضحة . ولا رأيك شنو؟...

والباقي نواصل فيه
اسألى الجاح ونادر ومن هم حولك وتعالى نتداولها بالنقاش وانا بسأل هنا برضو!!!
تسلمي
تحياتنالنادر

Post: #39
Title: Re: ربحت اثنين مليون دولار افتوووووني !!!
Author: WadAker
Date: 14-11-2005, 05:23 AM
Parent: #1

Quote: ياناس تمبس
ووليد 500
ونوبي
وودعكر
في زمتكم البوست دا.

القلب النابض تحياتى موضوع جميل يستحق المشاركة وابداء الراى والحكى عن التجربة والاحساس المليونيرى بالحياة ثم تحرى الحلال من الحرام والاهم من ذلك اشراك الاخوان/ات فى الغنيمة سلبا او ايجابا وسلبا بالعشم والنصح والارشاد ..يعنى بلا مقابل مادى دولارى...... انا متابع وساعود لاحقا بمعلومات اضافية
ضفرة : يافرد وين انتو لابدين اشتم رائحة مليونير بينكم.... ياربى يكون منو؟

Post: #40
Title: Re: ربحت اثنين مليون دولار افتوووووني !!!
Author: إيمان صالح
Date: 14-11-2005, 05:36 AM
Parent: #1


سلام ياالقلب
اخبارك؟
القصة صحي استهبال واحتيال ساكت
وانا بتجيني منهم رسالة كل يومين
يعني هسه كسبانة مليار بكون
فاعملوا حسابكم كلكم
لكن كان ادوك المليونين
اسمعي كلامي
واشتري ليك كم راجل اربطيهم في الحوش
الدنيا مامعروفة يابت امي
والاعياد على الابواب

ايمان

Post: #41
Title: Re: ربحت اثنين مليون دولار افتوووووني !!!
Author: Elmosley
Date: 14-11-2005, 07:02 AM
Parent: #40

كويس انك استشرتي ولا خاب من استشار

انا حصلت نفس التمثليه ومن هولندا (معاي) وجهزت 800 دولار وقبل الارسال شاورت

ناس هولندا وعرفت الحقيقه والبركه في قريشاتي

Post: #62
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 12:01 PM
Parent: #41

الاستاذ الموصلي
Quote: كويس انك استشرتي ولا خاب من استشار

انا حصلت نفس التمثليه ومن هولندا (معاي) وجهزت 800 دولار وقبل الارسال شاورت

ناس هولندا وعرفت الحقيقه والبركه في قريشاتي



قرووووشك حلال ولا كان لحقت امات طه
الحد لله استشرت

انت عارف علشان كده هم بيقولو ليك اتعامل بسرية مع الموضوع علشان تتعامل بسرية وما تستشير وتقع في خداعهم.

الله مرقك ومرق ال800 دولار من فك الاسد.

يشكر صاحبك

Post: #61
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 11:52 AM
Parent: #40

ايمان
Quote: سلام ياالقلب
اخبارك؟
القصة صحي استهبال واحتيال ساكت
وانا بتجيني منهم رسالة كل يومين
يعني هسه كسبانة مليار بكون
فاعملوا حسابكم كلكم
لكن كان ادوك المليونين
اسمعي كلامي
واشتري ليك كم راجل اربطيهم في الحوش
الدنيا مامعروفة يابت امي
والاعياد على الابواب



ايمان دايرة تعرسي تاني ولا شنو كا ربحتي
منك خوووووف
ود الناس الجبتي دا حني علية والله يقولو علينا قاسيات.

Post: #42
Title: Re: ربحت اثنين مليون دولار افتوووووني !!!
Author: WadAker
Date: 14-11-2005, 08:24 AM
Parent: #1

اذا سمحتم وعشان الحليفه دى
Quote: وودعكر
في زمتكم البوست دا.
بحاول ارد نيابة عن القاب النابض
ضفرة:بس ياقلب كلو بى تمنو

Post: #43
Title: Re: ربحت اثنين مليون دولار افتوووووني !!!
Author: WadAker
Date: 14-11-2005, 08:30 AM
Parent: #1

اخونا صبرى الشريف
Quote: سلام اهل الدار القلب النابض

مررنا للتحية وعقبال الحظ يكون حليف لمن يحب او تحب

سلمك الله من كل بلا وغش ومن احلام اليقظة المليونيةالكاذبة مع امنياتى لك بملايين حقيقة طيبة وحلالا بس ماتنسى اخوانك الغبش
ضفرة:ألك تجربة لذيذه مثل هذه؟

Post: #44
Title: Re: ربحت اثنين مليون دولار افتوووووني !!!
Author: Sabri Elshareef
Date: 14-11-2005, 08:42 AM
Parent: #1

اذا جاتك مبروك ليك. واذا جاتني لدي مشروع جاهز لنشر المعرفة وهزيمة

الخرافة اعد لي الارض كي استريح فاني احبك قدر التعب.صباحك فاكهة

للاغاني وهذا المساء ذهب

في انتظار كل خبر سعيد لك وللجميع متسع من الاحلام

Post: #46
Title: Re: ربحت اثنين مليون دولار افتوووووني !!!
Author: WadAker
Date: 14-11-2005, 09:35 AM
Parent: #1

الاخ محمد عبدالله(فى البروفايل فى نقطة عيدالله)
Quote: هنالك انواع اخري من النصب شبيهة الى حد ما
بقصة اللوتري وهو ان يرسل لك شخص ما ايميل
يبدأ فيه القصة بانه فلان ابن فلان وغالبا ما يكون
ابن احد الرؤساء الافارقة او رجال الاعمال المشهوربن و ..
وان اباه ترك له مبلغ كبير من المال (35مليون) وانه وللظروف
التي تحيط به او ببلاده فانه يرجو تذويده برقم حساب امن يقوم
بالتحويل فيه ومن ثم دفع 10% لصاحب الحساب .. وحتي لا ينكشف
امرهم يطالبونك بالسرية التامة في التعامل مع هذا الامر..

تحياتى مررت بنفس التجربه وارد نيجريا..بس الراجل كان واضح وقال انو الزول المليونير دا توفى وله ارصدة تقيله وانا اشتغل فى البنك المودع فيه امواله ولا ورثه للمتوفى وقانون البنك يعطى مهلة زمنيه محدد فاذا لم يظهر وريث فسيتم مصادرة الاموال وطلب منى لعب دور الوريث على ان يزودنى بالمعلومات المطلوبه ثم نظير نسبة معينة اذا وافقت انا...
ضفرة: طيب اشمعنى يعنى الزول توسم فينى الشر من العالم كلو؟

Post: #47
Title: Re: ربحت اثنين مليون دولار افتوووووني !!!
Author: WadAker
Date: 14-11-2005, 09:54 AM
Parent: #1

الاخ عثمان
Quote: الظريفة واحدة كاتبة لي:
أنا ربيكا قرنق زوجي قتله عمرالبشير لدي مبلف ..... مليون دولار.. طبعاأستمريت معه دون أن أخبره بجنسيتي أنتهت العملية بأنهم يريدون عشرة ألف دولار لكي تدفع لشركة التأمين
بعد ذلك وضحت لهم جنسيتي بأن ربيكا هي من بلدي
عادة أتركهم يتصلون بي فقط تلفونيا ولا أكلف نفسي عناء الإتصال بهم
دى جديدة لنج يعنى الناس ديل متابعين الاخبار وراصدين الاحوال دا شغل عجيب
ضفرة: بس ماتكون المتصل/ه سودانى حضارى تبقى دى كارثة ...حفظنا الله

Post: #48
Title: Re: ربحت اثنين مليون دولار افتوووووني !!!
Author: بلدى يا حبوب
Date: 14-11-2005, 10:07 AM
Parent: #1

القلب النابض

يعنى دايره فتوة

طيب اقوليك اصبرى لمن تتأكدى من مصداقية الموضوع لانو العبد الله الايميل بتاعى مليان عبارة عن بنك وكمان عبر البريد العادى
كده انته بس اتأكدى وبعدين الفتوة ابتجىء
تحياتى

Post: #64
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 12:11 PM
Parent: #48

بلدي يا حبوب


اسي ما بقينا في الفتوة خليناها بقينا في الفضيحة العملوها وبيقولو سري وما تسأل زول وما توري زول

Quote: كده انته بس اتأكدى وبعدين الفتوة ابتجىء


بعد كلام الناس ديل الفتوة ذاتها خليناها والناس طلعوا حرامية.

Post: #50
Title: Re: ربحت اثنين مليون دولار افتوووووني !!!
Author: WadAker
Date: 14-11-2005, 10:17 AM
Parent: #1

يلا ياقلب استلمى الوردية وانا كده حليت زمتى من الحليفة
ضفرة:اتارى الناس ديل كلهم يحملون فيروس احلام اليقظة المليونية وعاملين لابدين وميتين على امل ان تتحقق ...كمل عليكم

Post: #52
Title: Re: ربحت اثنين مليون دولار افتوووووني !!!
Author: Sabri Elshareef
Date: 14-11-2005, 10:33 AM
Parent: #1

تحياتي ود عكر


لم تصل لي ودائما ادعو الله لعدم كثرت اموال لانها بتجيب

الفقر الاخلاقي لكن الرضا في الارادة ده همي بعدين علي

مستواي الخاص اعيش بتوازن احسد عليه اتفسح واعاين مل

عيوني الايام دي واقع متاحف عصر قديم وجديد وفن حديث

امنيتي ان استحوز علي كتاب محمد عابد الجابري

اربعة اجزاء اسمو نقد العقل العربي

والرد عليه من قبل جورج طرابيشي بعنوان نقد نقد العقل العربي


اذا جات قروش ده عهد مني ليك تبرع بها للمتضرري من ضحايا

جنجويد الهوس الديني .

تشكر علي حسن ردك

تحياتي لصاحبتنا التي اتت بالفكرة المليونية

Post: #58
Title: Re: ربحت اثنين مليون دولار افتوووووني !!!
Author: Abureesh
Date: 14-11-2005, 11:18 AM
Parent: #52

هــه،
انت لو ربحتى مليون واحـد ما بتكتبى فى البورد تانى.

Post: #63
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 12:06 PM
Parent: #58

ابو الريش

اديك جائزة اظرف تعليق واصدق تعبير

Quote: هــه،
انت لو ربحتى مليون واحـد ما بتكتبى فى البورد تانى.



ووووين تشووووفوني في الشاشة.
احلام الفتى الطائر

Post: #65
Title: Re: ربحت اثنين مليون دولار افتوووووني !!!
Author: ABDELDIN SALAMA
Date: 14-11-2005, 12:30 PM
Parent: #63

أنا شخصيا حصل معاي شي قريب من كدا قبل سنتين حينما جاءتني البشرى بربح مليون دولار شريطة إرسال ما يعادل ألفين دولار حتى أتمكن من إستلام المبلغ والتصرف فيه ... أحد أصدقائي السودانيين وهو مدير لفرع البنك الذي يحمل حسابي حاول معهم بمختلف الحلول الإقتصادية حتى يضمن عدم ضياع الألفين دولار حين إيداعها وعرض عليهم ضمان البنك لإقتطاع المبلغ من التحويل لكنهم رفضوا ... صدفة إلهية قادتني في مشوار عمل في ذات الفترة للدولة الأوروبية المعنية حيث كمن أقوم بتجهيز برنامج تلفزيوني يمثل تغطية لمؤتمر هناك ... وعندما ذهبت أول ما فكرت فيه الإتصال بالشركة ومقابلة مسؤوليها ... أول هاتف مني أجابوا عليه وبعد ذلك لم يجبني أحد... وكان الفضول الإعلامي قد بلغ مني مبلغه لمعرفة الأمر .. المهم بعد إتصالات متوالية من أماكن مختلفة وبعد العودة للدليل ذهبت للمقر .... حي فقير للمهاجرين ربما غير الشرعيين .. وغرفة بائسة توحي لك من أول نظرة بأن سكانها إما متعاطين أو مروجين للمخدرات ورائحة الجريمة في كل مكان ... بالصدفة وجدت سودانيا هناك وقال لي ( الجابك هنا شنو ؟؟ الحمدلله إنك لقيتني وإلا فإن حياتك في خطر ) ونصحني بإغلاق الملف .. وخرجت عبر تلك الشوارع المريبة للحي الأوروبي الفقير وعدت أدراجي

Post: #66
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 06:51 PM
Parent: #65

الاخ ABDELDIN SALAMA

تجربتك دي تؤكد انها شركة وهمية,وكل الذي يملكونه تلفون وفاكس وكمبيوتر. وانهم افقر من الفقر ويحلمون بالاثنين الف دولار

ليبيعوا لك ان تحلم ب اثنين مليون دولار.

الله مرقك من معافرة الصحفيين البتودي في داهية دي.

الحمد لله ,,,




Post: #67
Title: Re: ربحت اثنين مليون دولار افتوووووني !!!
Author: Biraima M Adam
Date: 14-11-2005, 07:14 PM
Parent: #66


القلب النابض
سلامات
حينما قرأت البوست وأنا في العمل تمنيت أن أعود المنزل وما زلتم لم ترسلوا لهؤلاء النصابين شيئاً بعد لأريك حقيقتهم
وهنا بعض السيناريو:
تسكن جوارى أخت سودانية وهى تثق كثيراً في رأيى، وذات يوم أرسلت لها رسالة بأنها ربحت 670 ألف يورو، أى ما يعادل حوالى مليون دولار، ومعها جميع المستندات بالأختام، علي الفور أتصلت بالجهة المعنية وهى شركة في أسبانيا تدعنى أنها تقوم باللوترى القومى لأسبانيا، والحقيقة شركة وهمية كما ثبت لاحقا، فتحدثت إلي سكرتيرة الشركة ومن صوتها تبين لى أنها من نيجيريا، فسئلتها عن المبلغ، طلبت منى المستندات والأرقام التى بالوصل الذى أرسلته الشركة وبعد إعطاءها الرقم السرى، أعادة قراءة المبلغ وكيفية إستلامه، بأن نرسل لها مبلغ 400 دولار، هنا قلت للأخت تلك كذبة أبريل، دعنى نتصل بالسفارة الأسبانية في واشنطن، وبحثت رقم السفارة وأتصلت بالسفارة فأشارت السفارة بأنها خدعة، أصرت الأخت أن تذهب إلي البنك وتدفع الملبغ حتى تستلم مبلغها، فذهبنا سوياً وحكيت القصة لمسؤول البنك فقال إنها خدعة، عدنا وأتصلت بالمرأة السكرتيرة قلت لها إنكى حرامية نصابة فأجابت بقوة عين أنك حاسد لقريبتك وأنك تريد أن تضيع عليها المبلغ لأنك لا تريد لها الخير
وهكذا أستمرت المرأة تغرى الأخت وتسيئ علىّ في تلفونى قرابة الأسبوع وإنها سوف ترفع ضدى شكوى لأننى أضر بسمعة الشركة، شوفتى قوة العين، أخيراً أهتدت الأخت السودانية إلي الحقيقة، ولم يمض شهرين حتى وصلت نفس الرسالة إلي أخ أخر يعمل معى، وجاء يحمل رزمة الأوراق وقال إنه كسب مبلغ كذا وكذا، فضحكت حتى أدمعت عينيى، ..
وهكذا تتوالى مثل هذه الترهات يوماً بعد يوم وبأشكال مختلفة ..
أبتعدوا من هذه الأوراق الوهمية إنها خدعة كبرى ..
خالص تحياتى
بريمة م أدم

Post: #69
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 07:31 PM
Parent: #67

الاخ بريمة

الحمد لله انها اهتدت
Quote: وهكذا أستمرت المرأة تغرى الأخت وتسيئ علىّ في تلفونى قرابة الأسبوع وإنها سوف ترفع ضدى شكوى لأننى أضر بسمعة الشركة، شوفتى قوة العين،


أصلهم الحرامية الزمن دا عينهم قوية.
كنت مترددة انزل البوست دا لكن اكيد حيقطع الشك لي ناس كتار يطلعوا من حيرة الاختيار والانتظار والمشاورة .

البركة في ضحكتك لمن دموعك جروا الضحك الزمن دا غالي.



Post: #70
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 07:39 PM
Parent: #69

دى الرسالة الاولى

WINNING NOTIFICATION

"WINNERS!!!"

Sat, 22 Oct 2005 06:54:41 +0200


Winners Jumbo Lottery Promo Main Office;


16th Floor SABC Radio Park Building,

Henley Road, Auckland Park, ZA-2006,

Johannesburg- South Africa.

Winners Jumbo Lottery Promo United Kingdom Office;

9 Chaucer House,

Churchill Gardens, London SW1V 3DW,

United Kingdom.

Tel: +44-703-194-9196.

Fax:+44-700-593-8794.



WINNING NOTIFICATION

We happily announce to you the annual draws of the Winners Jumbo

Lottery International programs held on the 1st OF June 2005 in Johannesburg

South Africa.Your e-mail address attached to Ticket no.- "......"with

Serial No.-......... drew the lucky numbers:".......... ", which

subsequently won you the lottery in the 1st category.You have therefore been

approved to claim a total sum of US$2,000,000.00(Two million United

States Dollars) in cash credited to file KPC/"........../..." This is from a

total cash prize of US $60 Million dollars,shared amongst the first

Thirty(30) lucky winners in this category.Participants are randomly

selected from the internet with only thirty winners emerging from a total of

1,000,000 participants in the first category.This promotion takes place

annually.

In view of this,your US$2,000,000.00(Two million United States

Dollars)would be released to you by our payment center in the Europe.Our Public

Relations Officer will immediately commence the process to facilitate

the release of your funds as soon as you contact her. For security

reasons,you are advised to keep your winning information confidential till

your claims is processed and your money remitted to you in whatever

manner you deem fit to claim your prize.This is part of our precautionary

measure to avoid double claiming and unwarranted abuse of this program

by some unscrupulous elements.Please be warned. To avoid unnecessary

delays and complications,please quote your ticket/serial numbers in any

correspondences with our designated Public Relations Officer via email

at:

Mrs.Sarah Brown.

winnersjumbo200[email protected]

Tel:+44-703-194-9197.

Congratulations once more from all members and staffs of this

program!!!

Sincerely,

Mrs.Angela Zuma.

South African Redemption Centre.

Winners Jumbo Lottery Promo.


لا تعليق نموذج !

Post: #71
Title: Re: ربحت اثنين مليون دولار افتوووووني !!!
Author: القلب النابض
Date: 14-11-2005, 07:44 PM
Parent: #70

Wed, 26 Oct 2005 02:03:21 -0400 (EDT)



LOTTERY REDEMPTION OFFICE

PAYMENT CENTRE JUMBO"

Bottom of Form 1


I have received your information from Mrs.Sarah Brown on the modalities of claiming your winning entitlement of $2,000,000.00 USD.You will be required to fill the informations required on the attached processing form.

All informations have been recieved and verified.However,due to company regulatuions agreed upon by the board directors and the paying banks after the payment of the first batch of winners ,it was decided unanimously upon that all those who are filing in for their claim will be required to pay an administrative charge of $4,000 USD to our office order to process and notarise the winnings in the high court and also to send you the original winning certificate to the address your have provided by courier.This is due to the irregularities noticed during the payment process.

The original copy of the winning certifcate is a proof of your winning claim and it will also be required by the paying bank before your winning will be transfered.

For security reasons,you are required to send the fee via western union money transfer to our account officer in Europe:

ROBERT WESLEY
AMSTERDAM,THE NETHERLANDS.

As soon as you make the payment forward a scanned copy of the western union payment slip along with the money transfer control numbers(MTCN) to me for confirmation and verification with the completely filled claim processing form.Immediately i recieve the payment confirmation,i will courier the certificate to you at your given address,and i will also be sending you the account information for the transfer within the next 48 hours.Endeavour to acknowledge the receipt of this mail immediately.


You are also adviced to keep this winning very confidential until your fund is remitted to you.This is to avoid double claiming.

Attached is a copy of the processing form that has to be sent via email to me along with the western union payment slip.As soon as you send the information call me so we can proceed immediately with the transfer of your winning entitlement.

Congratulations!!!

Your's in service,
Barrister.Les Harty Esq.
FINANCE DIRECTOR
WINNERS JUMBO LOTTERY PROMO.
Tel:011-44-703-194-9196,011-44-703-094-9404.
Fax:+44-700-593-8794.

ملحق بها Payment Processing Form


الرسالة الثانية

Post: #72
Title: Re: ربحت اثنين مليون دولار افتوووووني !!!
Author: Biraima M Adam
Date: 14-11-2005, 08:04 PM
Parent: #71


القلب النابض
لاحظى، هنا الخدعة الكبيرة
Quote: For security
reasons,you are advised to keep your winning information confidential

هذه الفقرة تجعل المرء يخاف علي مستقبل حياته من الأخرين، ثانياً كل الجهات التى أتصلت بها تقول ليس هناك في اللوترى علي أمتداد العالم أى رسوم لتسليم المبلغ غير الضرائب المستحقة والتى يدفعها صاحب المبلغ لاحقاً بعد الأستلام وعليه أى ملبغ يطلب لتسليمه رسوم هو خدعة، فإن كان الأمر غير ذلك لماذا لا يخصمون الرسوم من المبلغ ثم يقومون بأرسال ما تبقى، وذلك هو التحدى الذى وضعته للمرأة الحرامية بأن تأخذ 10% لصالحها أو لشركتها وترسل لنا باقى المبلغ فأنكشف العجب، وقالت إلا القروش من جيبنا، هل القروش مختلفة من بعضها..
تحياتى
بريمة م أدم

Post: #73
Title: Re: ربحت اثنين مليون دولار افتوووووني !!!
Author: Hafiz Bashir
Date: 14-11-2005, 11:45 PM
Parent: #1



الاخت القلب النابض

شوفي الموقع دا فتشي فيهو بتلقي سارة براون و انجيلا زوما ديل فيهو بنفس العنوان و ارقام التلفونات مرسلين لي آلاف الناس ..


http://www.419baiter.com/

و إن شاء الله صورة صدام تكون عجبتك



Post: #74
Title: Re: ربحت اثنين مليون دولار افتوووووني !!!
Author: أيمن جبارة الله الخضر
Date: 15-11-2005, 00:30 AM
Parent: #73

القلب النابض

موضوعك دا جاب ليهو أكتر من 1000 زيارة في يومين بس

غايتو الناس دي مفلسة فلس شديد..

Post: #77
Title: Re: ربحت اثنين مليون دولار افتوووووني !!!
Author: القلب النابض
Date: 15-11-2005, 05:57 AM
Parent: #74

الاخ ايمن جبارة

Quote: غايتو الناس دي مفلسة فلس شديد..



انا ما محيرني حجم الفلس بس

محيرني حجم الغش وقابلية الناس لي انها تتغشا


الله يستر

وفي نوع تاني من الغش بجي ليه بعدين.( غش المسج بالموبايل تصلك الرسالة وانت ما عندك فيها مصلحة وتدفع حقها نصف جنيه استرليني يعني امثر من الفين جنه سوداني)دي قصة تانية بقولها بعدين اية مستعجلة

Post: #83
Title: Re: ربحت اثنين مليون دولار افتوووووني !!!
Author: Kostawi
Date: 16-11-2005, 03:20 PM
Parent: #74

القلب النابض
Salaaaam
دي و صلتني
الليلة
و من دربي ده ماشي لبكري عشان أشتري منو البورد ده عشان أرفد أي زول أو زولة تقول لي كاني ماني


British Lottery Headquarters:
Customer Service
28 TANFIELD ROAD,
CROYDON.LONDON
Ref: BTL/941OYI/02
Batch: 12/25/0034
Memo From: British Lottery International programs
Congratulations, we happily announce to you the draw of the British Lottery International programs held 10:30am, November 10TH 2005 in London. Your e-mail address attached to ticket number: 564 75600545 188 with Serial number 5388/02 drew the lucky numbers:
31-6-26-13-35-7, which subsequently won you the lottery in the 2nd category. You are therefore, been approved to claim a total sum of US$2,500,000.00 (Two million, five hundred thousand, United States Dollars) in cash credited to file KPC/9080118308/02.This is from a total cash prize of US $125 Million dollars, shared amongst the first Fifty (50) lucky winners in this category.
This year Lottery Program Jackpot is the largest ever for Uk Lottery. The estimated $125 million jackpot would be the sixth-biggest in U.K. history. The biggest was the $363 million jackpot that went to two winners in a May 2000 drawing of The Big Game, Mega Millions' predecessor. Please note that your lucky winning number falls within our European booklet representative office in Europe as indicated in our play coupon. In view of this, your US$2,500,000.00 (Two million, five hundred thousand, United States Dollars) would be released to you by our affiliate bank in London. Our agent will immediately commence the process to facilitate the release of your funds to you as soon as you make contact with him.
All participants were selected randomly from World Wide Web site through computer draw system and extracted from over 100,000 companies. This promotion takes place annually. For security reasons, you are advised to keep your winning information confidential till your claims is processed and your money remitted to you in whatever manner you deem fit to claim your prize. This is a part of our precautionary measure to avoid double claiming and unwarranted abuse of this program by some unscrupulous elements.
To ensure a smooth collection of your winnings, the transfer of your prize is to be handled by your Claims Director
Mr. Richard Gayol.
Email: [email protected]
To avoid unnecessary delays and complications, please quote your reference/batch numbers in any correspondences with us or our designated agent. Congratulations once more from all members and staffs of this program. Thank you for being part of our promotional lottery program.
Sincerely,
Mrs. Jane Fredrick.

Post: #84
Title: Re: ربحت اثنين مليون دولار افتوووووني !!!
Author: القلب النابض
Date: 16-11-2005, 08:29 PM
Parent: #83

كوستاوي العزيز ها ها ها اتأخرو شوية.

طبعا لقت المكتب الاستشاري مفتوح واخدت الاستشارة مجان

لا تعبت
ولا ساهرت ليل تحلم بالمحال


عارف ياكوستاوي انا زعلانة انك ما لقيت فرصة تحلم ليك يومين تلاتة كدة.

لقيت البوست الصدمة دا قدامك!!!
وعمل ليك مصدات احلام
بنعتذر عن ذلك.



عليك الله لمن تشتري المنبر ما ترفدني طبعاً انا صاحبتك وانت عملت لي الصورة بتاعت البوفايل ووو الهدايا الكثيرة.
بس ختني في المجلس البرفد الناس
أو خليني مستشار اكاديمي للسرقات العلمية والكوتيشن الغلط والملطوش, ونظريات التحليل الغير موضوعي.
وخت محسن خالد وعادل فضل المولي المصحح اللغوي والتحرير عموماً.
حسين ملاسي مُدَقِقْ ." بس مدقق شنو ما عارفة"لانه دقيق وقوي الملاحظة.
دي بعض الترشيحات
وكمان أي شئ بالتصويت صعود البوست والهبوط بتاعوا.
ديمقراطية وتصويت عديل كدة.



وهارد لك يا ناس اللوتري ما لقيتوها عند هجام.

قول ليهم " دا علي انا "
تلقوها عند الغافل
وبارك الله في بكري

Post: #76
Title: Re: ربحت اثنين مليون دولار افتوووووني !!!
Author: WadAker
Date: 15-11-2005, 05:20 AM
Parent: #1

التحيه ليك اختى القلب النابض فقد جاء البوست بردا وسلاما على الجميع وسابقة يحتذى بها فى فضح مثل هذا السلوك المشين والكسب غير المشروع

Post: #78
Title: Re: ربحت اثنين مليون دولار افتوووووني !!!
Author: WadAker
Date: 15-11-2005, 10:08 AM
Parent: #1

تعرفى بديت اعمد الى ترقب العديد من الرسائل البريدية خاصة الترويجية وبعد شوية عايز لى مجموعة من الاخوة خاصة فى الولايات المتحدة الامريكية لانو بصراحة لدى مجموعة من الهدايا وتصر الجهات المروجة لها على ارسالها وتوصيلها لى بس بشرط ان تكون لدى اقامة امريكية قانونية وان يكون عمرى اكثر من 18 سنة واخر هذه الهدايا لاب توب توشيبا"يجنن" بس عايزين عنوان فى اى ولاية امريكية لزوم الشحن..شنو رايكم ؟ بالنص موافقين

Post: #79
Title: Re: ربحت اثنين مليون دولار افتوووووني !!!
Author: Murtada Gafar
Date: 16-11-2005, 08:21 AM
Parent: #78

العزيز ود عكر

تحياتي و عساك طيب

ياخ الموضوع ده حصل لي مع واحد صديقي وصلتو رسالة عن طريق الياهو ميل و قالو ليهو عندك مبلغ ضخم كده لكن لازم كمان تدفع مبلغ برضو هائل كي يتم تحرير المبلغ لفائدتو قمنا أدينا الجماعة ديل رقم التيلفون بتاعنا و قلنا ليهم يتصلو بينا و كم كانت المفاجاة أن إتصلوا بيناو مقرهم في لندن زولك داير يدقسنا قال هو بريطاني و من لهجتو كدي واضح إنو إما باكستاني أو هندي و قلنا ليهم ياخي أنحنا موش عندنا معاكم مبلغ ياخي القروش العايزنها مننا دي لزوم تحرير الجائزة و كده قوموا أخصموها من هناك جماعتك رفضوا و بعداك وحاتك لا حس ولا خبر...الموضوع مما ليس لي فيو من شك إن لعبة و عملية نهب و في زول كلمهم إن السودانين ديل ناس صديقين لإن كلهم مؤمنين و كده

مرتضى جعفر

Post: #80
Title: Re: ربحت اثنين مليون دولار افتوووووني !!!
Author: WadAker
Date: 16-11-2005, 08:30 AM
Parent: #1

Quote: ...الموضوع مما ليس لي فيو من شك إن لعبة و عملية نهب و في زول كلمهم إن السودانين ديل ناس صديقين لإن كلهم مؤمنين و كده

الاخ مرتضى سلام واحترام وشكر على المرور والتوضيح التمام بس نسيت تضيف انو السودانيين مفلسين وفقرانيين وفى نفس الوقت حالمين واهو زى الموضوع يخلى الزول يسبح فى احلام وردية لامن تنتهى الوردية ويلقى نفس فى الصقيعة يعنى حلمة وفكت والا شنو رايك ...
ضفرة: قلت لى الزول لهجتو هندية؟ شفته الحب ده كيف وكمان هندى

Post: #81
Title: Re: ربحت اثنين مليون دولار افتوووووني !!!
Author: القلب النابض
Date: 16-11-2005, 08:44 AM
Parent: #80

Quote: وفي نوع تاني من الغش بجي ليه بعدين.( غش المسج بالموبايل تصلك الرسالة وانت ما عندك فيها مصلحة وتدفع حقها نصف جنيه استرليني يعني امثر من الفين جنه سوداني)دي قصة تانية بقولها بعدين اية مستعجلة


جيتكم لي دي
تصلك رسائل في الموبايل تقول ليك فلان الفلاني يريد ان يتعرف عليك , ارسل رسالة نعم اذا ردت.
أو ارسل رسالة لا إذا لم تمن موافق.
احسبها لكم.
الرسالة التي تصللك تكلفتها 50 بنس ( وانت اصلا ما عندك شغلة بالزول الجات منو)
ترد بنعم أو لا تكلفتها 10 بنس (دي لازم تعملها لانك لو ما وقفت او استمريت بتجيك رسالة يومياوتدفع يوميا)

أذا ما عايز برضو لازم تتصل برقم محدد تعطيك اياه الشركة التي تقدم لك الخدمة, والتي تقول لك ليس لنا دعوة يهذه الرسائل وهي شركة مختلفة)
الاتصال الاخير برضو ضروري للإيقاف .

شوف كمية الاتصالات الى حتخش فيها علشان تثبت الشغلة دي.



المشكلة انك لا تنتبه لايقاف الرسائل الا بعد ان تزعجك
وبعض الناس لا يعرف انه يجب ان يدفع لهذه الرسائل الا بعد وصول الفاتورة متضخمة .

يعني آخر الشهر تدفع 15 جنيه استرليني زايد الضرائب بتاعتها (60 الف سوداني)
50 بنس أكثر من 2000 جنيه سوداني.

Post: #82
Title: Re: ربحت اثنين مليون دولار افتوووووني !!!
Author: WadAker
Date: 16-11-2005, 09:01 AM
Parent: #1

القلب النابض كيفك شكرا على المعلومة يعنى الشغلانة منشار طالع ماكل نازل او سيك سيك معلق فيك ..........كونى على تواصل
ضفرة: مافى زول من ناس اورباتطوع هبش عناوين/تلفونات الناس العابزه تدفع الملايين دى امكن تصدق وصاحبنا يحل جزء من مشاكل البلد

Post: #85
Title: Re: ربحت اثنين مليون دولار افتوووووني !!!
Author: WadAker
Date: 17-11-2005, 04:38 AM
Parent: #1

كوستاوى
يعنى الشغلانة نسخ + قطع + لصق + ارسال = احتيال
ضفرة: ياربى الشغلانه دى تخصص سودانيين والا الحكايه معانده

Post: #86
Title: Re: ربحت اثنين مليون دولار افتوووووني !!!
Author: القلب النابض
Date: 17-11-2005, 06:42 PM
Parent: #85

Quote: ضفرة: ياربى الشغلانه دى تخصص سودانيين والا الحكايه معانده



مهداه لكوستاوي بمناسبة الاختيار
ود عكر رديت لي كوستاوي فوق ان شاء الله شفتو.


*******

Post: #87
Title: Re: ربحت اثنين مليون دولار افتوووووني !!!
Author: aosman
Date: 18-11-2005, 02:07 AM
Parent: #1

اها ودي كمان وصلتني الليلة لو اي واحد فيكم مستعد يتابع لي الموضوع ده انا ممكن اتنازل ليهو بس يدفع لي الف دولار مقدم وما داير الباقي

القروش ده لو كان بالجنيه السوداني كنتب بصدقهم بس بالدولار الامريكي كمان دي بالغوا فيها شوية

The U.K. National Lottery
12 Bridge Street,
Staines Middlesex TW18 4TP
United Kingdom.
Ref: LSUK/2031/8161/04
Batch: R3/A312-59


WINNING NOTIFICATION


We happily announce the results of draw #497 of the NATIONAL LOTTERY UK
online Sweepstakes International program held on Wednesday Nov 16, 2005
to
you. This special lottery program is sponsored by the National Lottery
UK in
conjunction with the Bill and Melinda Gates Foundation and our aim is
to
better the lives of internet users all over the world.

Your e-mail address attached to ticket number: 56475600545 188 with
Serial number 5368/02 drew the lucky numbers: 07-08-16-25-33-14 which
subsequently won you the lottery in the 6th category i.e Thunderball
Jackpot. You have won £250,000 plus our November bonus of £400, 000.
Therefore, you have been approved to claim a total sum of £650, 000
(six
hundred and fifty thousand pounds sterling, appox. 1.2 Million U.S.
Dollars)
in cash credited to file KTU/9023118308/03.



All participants for the online version of this draw were selected
randomly through a computer ballot system from over 100,000 unions,
associations, and corporate bodies which are all listed online under a
dedicated email database managed by the Microsoft Corporation. Please
note that your lucky winning number falls within our worldwide list.
In view of this your £650,000 (six hundred and fifty thousand pounds
sterling) would be released to you by any of our payment offices around
the
world. To file for your claim, please contact our fiduciary agent who
will
give you a payment claim slip for you to fill and return:



Mr. Wayne Ince
GOLDEN DIPLOMATIC SECURITY, Ltd UK.
Email: [email protected]



Fill and return your claim slip as soon as you receive it to facilitate
immediate processing and remittance of your payment. This way your
winning
certificate and all other relevant documents/paperwork can be prepared
for
you. You would be required to show a form of identification when
collecting
your payment i.e. drivers license or international passport. All
payments
must be claimed not later than 15 days after the notification.
Thereafter,
all funds will be returned as unclaimed.



You can go to our online result site to confirm the value of your
winnings
and also get a prize breakdown:-
www.national-lottery.co.uk/player/p/results/results.do



DO NOT REPLY TO THIS EMAIL! CONTACT YOUR CLAIM AGENT AT THE EMAIL
ADDRESS
PROVIDED ABOVE IMMEDIATELY!



For security reasons you are advised to keep your winning information
confidential till your claim is processed and your winnings are
remitted to you in whatever manner deemed fit. This is part of our
precautionary measure to avoid double claiming and unwarranted abuse
of this program. Be warned. After recieving your winnings you will
given be an opportunity to invest part of your Prize award in three
different investments in the UK for government revenue. This lottery
program is supported and sponsored by the government of the UK and
major software companies around the world and is meant for worldwide
email subscibers.



NOTE: In order to avoid unnecessary delays and complications, please
remember to quote your reference and batch numbers in every one of
your correspondences with your agent. Furthermore, should there be any
change of your email address, inform your claims agent as soon as
possible.



Congratulations again from all our staff and thank you for being part
of our
lottery program.

Sincerely,
Mr. Micheal Campbell.
Online Coordinator
NATIONAL LOTTERY UK
Sweepstakes International Program.



Note: This message is not part of an advertisement, spam or a hoax and
therefore it will be very unfortunate if you choose to ignore this
winning notification or choose not to follow the instructions given to
claim your lottery winnings.

Post: #88
Title: Re: ربحت اثنين مليون دولار افتوووووني !!!
Author: WadAker
Date: 18-11-2005, 09:45 AM
Parent: #1

aosman
تحياتى يعنى الشغلانه دى مدورة على الغبش من ابناء بلدى
ضفرة: قول امين ...ان شاءالله تصدق مع واحد فيهم ويصبح ملياردير بالجنيه السودانى

Post: #89
Title: Re: ربحت اثنين مليون دولار افتوووووني !!!
Author: Hafiz Bashir
Date: 18-11-2005, 12:34 PM
Parent: #1




Quote: يعني آخر الشهر تدفع 15 جنيه استرليني زايد الضرائب بتاعتها (60 الف سوداني)



دا معناهو إنك بتدفعي آخر الشهر.. يعني زولة مرتاحة وا زينا نحن ابان (prepaid cards) ديل


مرة واحد صاحبي رسل لي في الايميل للاشتراك في موقع قال عشان نتبادل sms messages بالموبايل قال .. طبعاً بحب متأصل للملح قمت طوالي اشتركت .. الموقع بديك فرصة ترسل خمسة او عشرة رسائل مجانية ما عارف في اليوم .. مكسب كبير ... قمت كمان ختيت صورتي في الموقع .. و الجكس انهبل و انبهل .. ما في جكسوية في ماليزيا ما رسلت لي .. موبايلي كان رصيدو full بعد يومين اتلحس!! بعد داك مركز الرسائل بقى كل مرة يرسل لي رسالة تقول إنو عندي رسالة عشان استلمها لازم يكون عندي رصيد .. كيف دا يعني؟؟!! أنا زول مستقبل ادفع عشان استلم؟!! , و بعدين وين رصيدي؟؟ ... اكلتها في حناني و مشيت شحنت رصيد .. الرسايل جاتي بالكوم .. جكس نضيف داير يتعرف علي... تاني بعد يومين الرصيد اتلحس بدون ما انا استعمل الموبايل .. المسألة دي تكررت خمسة ستة مرات حتين نقشت ليك الكنتة .. قمت رسلت ليهم STOP ALL بعداك حتين قدرت استمتع برصيدي..


لو تجربتي دي عندها أي شبه بي مشكلتك و استفدتي منها اديني خسارتي
و حولي لي كم 15 استرليني في حسابي






Post: #90
Title: Re: ربحت اثنين مليون دولار افتوووووني !!!
Author: القلب النابض
Date: 18-11-2005, 06:13 PM
Parent: #89

ياخوي انا بعد كم يوم تقريباً استلمت عشرة رسائل
فلان الفلاني ولا فلانه الفلانية دايرة تتعرف عليك ...
بقرأ الرسالة وبقفل الموبايل , واقول الفاضي ليكم منو,,,, وزنت لي في راشي انو الرسائل دي يمكن ما تكون مجان لانه السنة الفاتت حصلت لي , فقمت اتصلت لى الشركة البتقدم لي الخدمة وقلت ليهم انا ما دايرة الرسائل دي وهي بتزعجني وقفوها!
قمت تاني سألهم هل استلام الرسائل دي بقروش قالو لي آيي وكمان ما قروش هينة تمن خمسة رسائل عادية ترسلها انت.

قلت ليهم طيب وقفوا وانا ما طلبت الخدمة دي وما بدفع قالو لي وين دي شركة ما تابعة لينا, هالك التلفون بتاعهم واوقفي الارسال من عندهم.
اتحنفشت وقلت الليلة اشاكل ليك جدهم زاتو , اتصلت ليقت الاجراءات كلها بواسطة الجهاز يعني ما حتتكلم مع بشر " ومت بغيظي" طيب طالما أن الاجراءات عبر الماكينة لازم تستغرق الزمن المطلوب في اجراءات الايقاف لانها بتقول ليك الخطوة الاولي اختار من الخيارات الاتية , تختار تاني يقول ليك اختار من الخيارات الاتية لغاية روحك تتسل وحسابك يجر وفي النهاية يقولوا ليك اذا عايز توقف الخدمة اعمل كدة.

في النهاية تحمد الله
لغاية ما تجي شركة تانية تحتال شوية.

أديك شنو والله انا القروش الشالوها مني لي اسة بقول تبقى عليهم بالساحق والماحق والبلا المتلاحق .
انا طالبة وشغالة . يلمها النمل ويطاها الفيل.

ولا يهمك لو داير اي حاجة اختك تحت الخدمة.

Post: #91
Title: Re: ربحت اثنين مليون دولار افتوووووني !!!
Author: WadAker
Date: 19-11-2005, 04:56 AM
Parent: #1

حافظ
القلب النابض
ممكن ادفع نيابة عنكما .... بس امنيات بوقف الصرف من رصيد الذى يحمل اسمى ولا املكه

Post: #92
Title: Re: ربحت اثنين مليون دولار افتوووووني !!!
Author: عادل فضل المولى
Date: 19-11-2005, 06:08 AM
Parent: #91

يا قلب
كيف الحال بعد المقلب الظريف
اها شوفو آخر التقليعات في الربح
هذه الرسالة وصلتني نهار السبت
ولم أفهم ما(بها)
محولة اليك للترجمة و(التصرف)
افيدك انني متنازل عن (حقوقي) في الجائزة لمن يرغب فيها

Post: #93
Title: Re: ربحت اثنين مليون دولار افتوووووني !!!
Author: Eng. Mohammed al sayed
Date: 19-11-2005, 07:18 AM
Parent: #92

Quote: My books have sold over 2.5 million copies, over 150,000 people
have attended my wealth seminars, and I've accepted challenges

by the press and have proven time and again that my money making strategies work.


In fact, recently I was challenged again on national TV.

It was in front of a live audience. I was challenged to take

someone from Regis Philbin’s studio audience and teach them my

wealth building strategies – and guess what?


Just 90 days after following my systems,
Pat Watson was $20,000 wealthier!

Click Here to be Next!


خمنوا الحايحصل ليكم شنوا بعد
90 يوم ياناس
أها شوفوا جنس دا
الرسالة دي وصلتني قبل دقائق

Post: #101
Title: Re: ربحت اثنين مليون دولار افتوووووني !!!
Author: القلب النابض
Date: 21-11-2005, 08:49 AM
Parent: #93

الاخ محمد السيد

ننتظر 90 يوم ونشوف
اخطرنا بما يحدث
لعله نوع جديد

Post: #94
Title: Re: ربحت اثنين مليون دولار افتوووووني !!!
Author: القلب النابض
Date: 19-11-2005, 08:20 AM
Parent: #92

يا عالد ياخوي ديل كلامهم شين تب

لكن في النهاية لو اشتركت دايرين منك 24دولار و95سنت مقابل اشتراكك الشهري معاهم
ودي تجارة بشر جديدة أعاذك الله وايانا.

Post: #95
Title: Re: ربحت اثنين مليون دولار افتوووووني !!!
Author: عادل فضل المولى
Date: 19-11-2005, 10:00 AM
Parent: #92

النابض
لا اكان كدا أحسن أسحب الرابط
شكراً للإفادة
وبعدين الـ 24 دولار دي ما شفتها تب تب
خانتها وين؟
وبيني وبينك بكرة الماشففتها
كانت عشمت في دولارات ساكت
زي المليونين بتاعة أخونا
وبعدين شايف انو الترجمة
يعني اتكرمت بيها علينا بالمجان
شكراً تاني
وموفقة في البحث ياااااااااارب

Post: #98
Title: Re: ربحت اثنين مليون دولار افتوووووني !!!
Author: القلب النابض
Date: 20-11-2005, 06:59 PM
Parent: #91

الاخ ود عكر انا مع القديمة!! البي الكاسا

النيو لوك؟

انت الوردية الفاتت ما اشتغلت !!!

ادفع الفواتير كلها ومن حسابك على شرط يكون بي اسمك.

فاتورتي وفاتورة حافظ.

ناس يدوهم قروش وناس يشيلوا منهم.

Post: #96
Title: Re: ربحت اثنين مليون دولار افتوووووني !!!
Author: عبدالله ادريس محمد
Date: 19-11-2005, 01:39 PM
Parent: #1

سلام يا القلب النابض؟؟؟اولا انا عندى مشكلة حظ كل ما اشترك فى مسابقة مابفوز حظى كوج اخر مرة اشركت فيها مسابقة كانت فى التلفزيون السودانى والجائزة عربية لانسر اها قمت اشتركت 150 اسم وشلت الظروف دى ومشيت ليك التلفزيون وانا فى طريقى قابلت واحد شايل شوال مليان ظروف قلت ليه انت مندوب قال لى لا انا مشترك هههههههههههه ؟ والفاز بيها واحد مشترك باسم واحد؟؟؟؟
فزت مرة واحدةفى المدرسة انتى عارفه الجائزة بتاعتى شنو تذكرة مجانية لحضور توزيع الجوائز؟؟؟؟

خليهم يشلوا بدل اربعة الف دولار 500الف دولار رسوم ويدهو الباقى ؟؟
اقال ايه دولار اقال؟؟؟؟؟؟؟؟؟؟
وفتك بعافية وحظ سعيد فى المساباقات الجاية
ولكى مودتى

Post: #97
Title: Re: ربحت اثنين مليون دولار افتوووووني !!!
Author: القلب النابض
Date: 19-11-2005, 10:34 PM
Parent: #96

الاخ عادل فضل المولى

تسلم خيراً فعلت بيني وبينك كدة

حق الترجمة نضيفوا للرسالة القادمة

تحياتي للصغير العسسسسولي


الاخ عبد الله إدريس محمد
اضبح ديك اسود بالنهار
وديك ابيض باليل الكج بروح

واشترك بي ظرف واحد المرة الجاية.
وحظ سعيد



الاخ حاقظ
ما شفت الفاتورة قدت جيبي بس خليها في سرك
حرامية بمزاج .

Post: #99
Title: Re: ربحت اثنين مليون دولار افتوووووني !!!
Author: ABDELMAGID ABDELMAGID
Date: 20-11-2005, 08:46 PM
Parent: #1

ارجو ان تخبر صديقك هذا ان هذه عصابات تستدرج ضحاياها حتى تحصل منهم على ما تريد و لدى العديد من الرسائل من هذه المجموعات و لكنى اتجاهلها و اغلبها من جنوب افريقيا و ايرلندا و دبى !! انسى الموضوع !!! حتى لا تكون ضحية !!!!

Post: #100
Title: Re: ربحت اثنين مليون دولار افتوووووني !!!
Author: Hafiz Bashir
Date: 21-11-2005, 03:01 AM
Parent: #1




Quote: ولا يهمك لو داير اي حاجة اختك تحت الخدمة.



Quote: حافظ
القلب النابض
ممكن ادفع نيابة عنكما ....


القلب النابض و ود عكر

في بوست بهناك اسمو الحنك البيش .. شيلو كلامكم دا ختو هناك


و بعدين يا ود عكر شوف عيني القلب سلمتك البوست دا صفحتين.. صفحة تنطح صفحة.. وديت التانية وين؟؟




Post: #102
Title: Re: ربحت اثنين مليون دولار افتوووووني !!!
Author: WadAker
Date: 21-11-2005, 09:34 AM
Parent: #1

الاخ حافظ بشير
Quote: القلب النابض و ود عكر
في بوست بهناك اسمو الحنك البيش .. شيلو كلامكم دا ختو هناك

و بعدين يا ود عكر شوف عيني القلب سلمتك البوست دا صفحتين.. صفحة تنطح صفحة.. وديت التانية وين؟؟
مش كده ياااااااااخ ده حنك اخوان ...تعرف حكايه الصفحة التانية دى محيرانى وماعارف الحاصل شنو ؟ارجو من اهل الاختصاص التدخل للمساعدة

Post: #104
Title: Re: ربحت اثنين مليون دولار افتوووووني !!!
Author: القلب النابض
Date: 21-11-2005, 09:39 AM
Parent: #102

الاخ حافظ

Quote: القلب النابض و ود عكر

في بوست بهناك اسمو الحنك البيش .. شيلو كلامكم دا ختو هناك


انت ما تودي بررراك
حنك بيش



Quote: و بعدين يا ود عكر شوف عيني القلب سلمتك البوست دا صفحتين.. صفحة تنطح صفحة.. وديت التانية وين؟؟


عملو ساندوتش , اظنو لسة صايم الستوت

اهو رجع صفحتين

Post: #103
Title: Re: ربحت اثنين مليون دولار افتوووووني !!!
Author: WadAker
Date: 21-11-2005, 09:38 AM
Parent: #1

القلب النابض
تحياتى ..
لك ذلك شوية تغيير وحاترجع القديمة التى لها زكريات فى خاطرى اجمل ...بس مجرد لمسة تغييير
ضفرة: الصفحة التانيه للبوست طارت كيف ماعارف ارجو الاتصال بالاخ بكرى

Post: #105
Title: Re: ربحت اثنين مليون دولار افتوووووني !!!
Author: WadAker
Date: 25-11-2005, 08:38 AM
Parent: #1

اهه ماعرفنا الربح الملاييييين ولبت بيهم منو؟

Post: #106
Title: Re: ربحت اثنين مليون دولار افتوووووني !!!
Author: القلب النابض
Date: 25-11-2005, 09:16 AM
Parent: #105

يكن زول


ما عارفين منو لحدي حسة

ارجو ان نراك بخير

Post: #107
Title: Re: ربحت اثنين مليون دولار افتوووووني !!!
Author: WadAker
Date: 25-11-2005, 10:16 AM
Parent: #1

القلب النابض كيفك .. شنو الغيبة ..تعرفى بحاول ادردق الزول ده يعنى نستفزه حتى يعترف و يقر بالحقيقة ووين ضيع القروووش الكتاااااار دى
ضفرة...نحاول بس يومين تلاته

Post: #108
Title: Re: ربحت اثنين مليون دولار افتوووووني !!!
Author: WadAker
Date: 28-11-2005, 10:08 AM
Parent: #1

هو وعد بالظهور قريبا........... جدا

Post: #109
Title: Re: ربحت اثنين مليون دولار افتوووووني !!!
Author: القلب النابض
Date: 28-11-2005, 10:14 AM
Parent: #108

ود عكر

في انتظار المستحـــــــــــــيل

Post: #110
Title: Re: ربحت اثنين مليون دولار افتوووووني !!!
Author: WadAker
Date: 28-11-2005, 10:53 AM
Parent: #1

القلب النابض
Quote: في انتظار المستحـــــــــــــيل

او رجل المستحيل

Post: #111
Title: Re: ربحت اثنين مليون دولار افتوووووني !!!
Author: القلب النابض
Date: 28-11-2005, 11:19 AM
Parent: #110

Quote: او رجل المستحيل


اســــــــــــــــــــبايدر مان

بس تعال

لانه زوار البوست في انتظار المفاجـــأة التي وعدتنا بها


اوعة يكون قبضدت ولبدت

قبضت الريح ؟؟؟؟ والكلام المليح

Post: #112
Title: Re: ربحت اثنين مليون دولار افتوووووني !!!
Author: طارق جبريل
Date: 29-11-2005, 07:41 AM
Parent: #1

انت يا بت خالي رسائل زي دي لي ما بتجيني انا في ايميلي
بالله الرسائل البتجيني كلها يا دواء وجع عظام يا تساقط شعر ولا عمليات تجميل للشلاليف والنخرين ولامن خلاس اكون محظوظ شديد دواء رطوبة ولا كيف تتخلص من الغضروف نهائي ولا دواء خرف التقول شايفني دفعة الترابي
شوفي يا بت الخال ان بقت القصة جد انسي ناس المنبر ديل والحلال والحرام دا وانا بجيك ناطي بكرة

Post: #113
Title: Re: ربحت اثنين مليون دولار افتوووووني !!!
Author: القلب النابض
Date: 29-11-2005, 04:40 PM
Parent: #112

طارق جبريل اخوي

تعال استقبلك في المطار
وعلى جماعة اللوتري طوالى

ونشتكيهم في البوليس ليه ودعمتي دا ما بترسلو ليه.
واديني ايميلات البيرسلوا ليك ديل اشتكيهم واقول ليهم طالبين تعويض
بدل نفسيات لانكم بترسلوا حاجات تدعوا للدبرسة وافك ليك فيهم محامي انجليزي لايووووق يطلع ليك حقك.
وتاني ما تفتح ايميل ما عندك فيه نفقة.
مش اهلنا قالوا شهرا ما عندك فيه نفقة ما تعد اياموا...
بس انت اعمل كدة.

Post: #114
Title: Re: ربحت اثنين مليون دولار افتوووووني !!!
Author: Dr.Mohammed Ali Elmusharaf
Date: 30-11-2005, 03:21 AM
Parent: #113

الاخت الكريمة القلب النايض
Quote: وتاني ما تفتح ايميل ما عندك فيه نفقة.

شكرا علي النصيحة الغلية دي....لي كم اسبوع مشغول لدرجة ما قادر افتح اميلي الخاص (ما بتاع الشغل) وطبعا العرب ما بقصروا في رسيل الفارغة لمن اسم الايميل يكون اسم عربي.
لك كثير الاحترام والتقدير
محمد علي المشرف مختار

Post: #115
Title: Re: ربحت اثنين مليون دولار افتوووووني !!!
Author: القلب النابض
Date: 30-11-2005, 05:18 AM
Parent: #114

الاخ المشرف
حمداً لله على السلامة
عدت الى بلادك ام ما زلت ببريطانيا

نتمني ان نراك بيننا

Post: #116
Title: Re: ربحت اثنين مليون دولار افتوووووني !!!
Author: طارق جبريل
Date: 30-11-2005, 05:20 AM
Parent: #1

بت خالي
هو نحن ياتو شهر كان عندنا فيهو نفقة ويا حليل زمن القراية كان تطبق مخلايتك تحت اباطك ومعاها قرشين وتنطلق للمدرسة.
انت يا بت امي ما تلعبي لوتري رسمي بي اسمي والنية تكون لي انا عشان الذنوب وكدا وبعداك نشوف الحا يحصل شنو وان بقيتي عايزة ارقام متمسحة انا جاهز

Post: #117
Title: Re: ربحت اثنين مليون دولار افتوووووني !!!
Author: khaleel
Date: 30-11-2005, 06:02 AM
Parent: #1

عزيزتي القلب النابض

كان هناك رجلا فقيرا كل امله في الحياة ان ياكل تفاحا ولم يجد المال المهم بعد جهد جهيد حصل علي التفاح واشتري دستة وذهب به ليلا لمنزله واغلق باب غرفته عليه لياكله وحده وبدا بالتفاحة الاولي ولكن وجد بها عفنا وودوا فرماها وكذلك الثانية ةالرابعة والخامسة وعندما خاف ان يتسرب الامل من بين يديه خاف ان يكون كل التفاح تالفا فاغلق المصباح الكهربائي واكل بقية التفاح بالظلام خوفا من الدود فعليك الاستمتاع بالثروة والسلطة وما تنسي تدينا من الزكاة اخوك خليل