أبطال الدجتال ....

أبطال الدجتال ....


06-08-2006, 09:53 AM


  » http://sudaneseonline.com/cgi-bin/sdb/2bb.cgi?seq=msg&board=325&msg=1193786237&rn=0


Post: #1
Title: أبطال الدجتال ....
Author: القلب النابض
Date: 06-08-2006, 09:53 AM

قررت أن أقضي بعض أيام مع أختي والتي لها بنت صغيرة تسعد أيما سعادة حين أقرر المبيت عندهم .. ولكن

الذي يزعجني أنه حينما نبدأ في إطفاء الإضاءة وإصدار قرار النوم

تراجع الطفلة كل مشاكلها في الروضة وترد على كل الذين لم تستطع أن ترد عليهم هناك وبصوت عالي ... John you are stupid ,

I will hit you >> Now

you r so, and so <

وأبدا أنا في رحلة اسكاتها ..

يابت اسكتي ..

وتستمر

حتى يجي أبوها ويحكي لها أنها أميرة ومهذبة ولا ترد بالطريقة دي ...

وأحكي لكم عن إبن صديقتي الذي يسابق شوماخر ويضرب زيدان

ويحاور اشهر لا عبي الكورة ويهزمهم

ولكن في البلر اشتيشن وهو لم يتحرك من مقعده أمام الشاشة الصغيرة

ويصيح بأعلى صوته ..

بابا لقد هزمته

لقد هزمته

لقد انتصرت عليه ..

ويمكنني أكسر عربته ...

وصياح وصياح ...

الله يعين أمهاتهم

رأيكم شنو في هؤلاء الأطفال

وأسميهم أنا وأمهاتهم أبطال الدجتال..

بس بنحكي عنهم







Post: #2
Title: Re: أبطال الدجتال ....
Author: حمد فتح الرحمن
Date: 06-08-2006, 10:14 AM
Parent: #1

يلا اها احكي لينا

نحنا طفولتنا كانت بايظة خالص و ما فيها فايدة .

Post: #3
Title: Re: أبطال الدجتال ....
Author: Mohamed E. Seliaman
Date: 06-08-2006, 10:23 AM
Parent: #2

تحيتي
هنادي
محكوم علي بمشاهدة قناة المجد للأطفال
متابع جيد لبرنامج من الخرطوم سلام

Post: #4
Title: Re: أبطال الدجتال ....
Author: القلب النابض
Date: 06-08-2006, 10:57 AM
Parent: #3

حمد فتح الرحمن

تحياتي

البوظها شنو

اللعب في موية الخريف

ولا الدافوري العنيف ..


Post: #18
Title: Re: أبطال الدجتال ....
Author: حمد فتح الرحمن
Date: 06-08-2006, 12:15 PM
Parent: #4

بوظتا رعية البهايم في النمنتة

Post: #20
Title: Re: أبطال الدجتال ....
Author: القلب النابض
Date: 06-08-2006, 12:30 PM
Parent: #18

شوف عيني يا حمد النمتي في لندن هذا الصيف

ما تقول برانا البقرصنا النمتي*










ــــــــــــــــــــــــ
* النتمتي حشرة صغيرة تقصد العينين بالقرص .. وبتزهج شديد .. بوتجي بكميات كبيرة

ما عارفة اذا كان عندها علاقة بالبقر ولا لا

Post: #22
Title: Re: أبطال الدجتال ....
Author: حمد فتح الرحمن
Date: 06-08-2006, 12:41 PM
Parent: #20

Quote: النتمتي حشرة صغيرة تقصد العينين بالقرص .. وبتزهج شديد .. بوتجي بكميات كبيرة
ما عارفة اذا كان عندها علاقة بالبقر ولا لا

نمنتي شنو في لندن كمان بالله حتي النمتة هاجرت من السودان ؟ تاني الفضل منو طيب ؟
نمنتة السودان عندها علاقة بي لقاح التمر و بتاكل تحت الاضنيين و اطراف العيون ، و ما بتطير الا تولع ليها دخان بعر الحمير ، اها يا قلب نحنا طفولتنا معلقة بين التحلق حول دخان بعر الحمير المعفن اتقاء شر النمنتة و قلبة البهايم البعيدة و اعادتها مرة تانية .


خلينا من النمنتة كدا و احكي لينا عن ابطال الدجتل

Post: #23
Title: Re: أبطال الدجتال ....
Author: القلب النابض
Date: 06-08-2006, 12:49 PM
Parent: #22

عاد يا حمد تفتكر النمتي دي كان لقت طريقة من التمر دا ما بتغير .. قطعت تذكرة لي لندن ..

خليني أبطال الدجتال ديل مواهيم في راسهم ..

بت اختى اصغيرة دي .. نقناقة نقة شديدة وبالانجليزي ..

يدوها هرشة تقلب عربي شوية كدة ولا إرادياً ترجع تاني..

وما بتتستحمل الحقارة وفي نفس الوقت ما بتاخد حقها بي يدها بسرعة ..

دا البيخليها تنهي يومها بالإنتقام الشفهي من أصدقاءها في المدرسة ....

وتتصور نفسها بطلة انتقمت منهم كلهم ونامت ..

بس أنا ما بستحمل الفيلم دا وانا انوم جنبها هذه الأيام ..

والشلكة تدور بيني وبينها ..

وبديت ليها قصة فاطنة السمحة

ومحمد البطل واشيائ اخرى

لكن حأحكي ليها قصة حمد والنمتي

Post: #5
Title: Re: أبطال الدجتال ....
Author: القلب النابض
Date: 06-08-2006, 10:59 AM
Parent: #3

محمد سليمان

تحياتي

هل تعلم أنني تعلمت اسماء الحيوانات والحشرات من قناة الأطفال
سي بي بيز ...

مفيدة ورائعة .. ولكن بعض قنوات الأطفال تجهلهم يحسون أنهم أبطال فعلاً ...

تحياتي

Post: #7
Title: Re: أبطال الدجتال ....
Author: تولوس
Date: 06-08-2006, 11:08 AM
Parent: #5

القلب النابض


انا كنت فاكرك حنكوشة ..
ما احلي اللعب علي انغام حبيبات المطر ومن ثم موية الخريف ...
يا ريت تعود ايامنا ..

طبعا افتخر ان عندي فاقد من فترة الطفولة لم اخذ نصيبي منه بعد...

Post: #8
Title: Re: أبطال الدجتال ....
Author: تولوس
Date: 06-08-2006, 11:08 AM
Parent: #5

القلب النابض


انا كنت فاكرك حنكوشة ..
ما احلي اللعب علي انغام حبيبات المطر ومن ثم موية الخريف ...
يا ريت تعود ايامنا ..

طبعا افتخر ان عندي فاقد من فترة الطفولة لم اخذ نصيبي منه بعد...

Post: #10
Title: Re: أبطال الدجتال ....
Author: القلب النابض
Date: 06-08-2006, 11:13 AM
Parent: #8

العزيز تولوس

لا لست كذلك فقد لعبت كثيراً جداً وأنا مقتعو بشدة أن لعبنا كان أكثر فائدة من المشاهدة ومصارعة أبطال الدجتال هؤلاء ..

فقد حرموا الأمان

تصدق هؤلاء الأطفال لا يستطيعون فتح باب الشارع دون إذن الوالدين ومعرفة من الطارق ..

ليسو مثلنا..

لهذا ينقصهم التواصل الإجتماعي .. والخبرة في التعامل ..

كنت أنام أمام التلفاز وكني أقرأ كثيراً

Post: #6
Title: Re: أبطال الدجتال ....
Author: WadAker
Date: 06-08-2006, 11:02 AM
Parent: #1

اختى القلب النابض ....

فى ظل الاحتقان الذى "يؤلم" خاصرة الفرح براءة الاطفال هى "الوصفة"

Post: #9
Title: Re: أبطال الدجتال ....
Author: القلب النابض
Date: 06-08-2006, 11:08 AM
Parent: #6




أهديك النومة الهانية هذه يا ود عكر

لنرتاح قليلاً

Post: #11
Title: Re: أبطال الدجتال ....
Author: nadus2000
Date: 06-08-2006, 11:22 AM
Parent: #9

القلب النابض

توارد خواطر غريب..
فقد كنت أعد بوست بنفس العنوان، وإن كان بمضمون مختلف، وحيث أن لكي السبق سأستميحك عذرا
في أن أنزله لاحقاً.

Post: #13
Title: Re: أبطال الدجتال ....
Author: القلب النابض
Date: 06-08-2006, 12:00 PM
Parent: #11

العزيز نادوس

أنزله برقم 2

ودعنا نتناول فيه ما ترى

... تحياتي لك

Post: #12
Title: Re: أبطال الدجتال ....
Author: DKEEN
Date: 06-08-2006, 11:58 AM
Parent: #1

ياقلب

تعرفي لوعايزاهها تنوم بس مدي يدك في شكل مسدس وقولي ليها:

اخلدي الى النوم وإلا ارسلت لك وحش الماء..


لو مانامت تعالي اساليني

نحنا عندنا هنا بنية بنومها بالطريقة دي..

اخر الليل بس تجي تقيف قدامها طرف السرير وتقول ليها:
إن الاخطبوط الهوائي سيلتهم كل المستيغظين..

دقيتين بس تلقاها نامت..
حبا وكرامة..

Post: #14
Title: Re: أبطال الدجتال ....
Author: القلب النابض
Date: 06-08-2006, 12:05 PM
Parent: #12

وحش الماء يا دكين

وكمان


إن الاخطبوط الهوائي سيلتهم كل المستيغظين..


يا لك من مرعب يا دكين..

نحن دايرنهم ينوموا بسلام وأمان

تصدق ذهبت الى الى متحف الطبيعة مع صديقتي وأولادها كل شئ حميل من طيور وفراش كان موجود فلم يعجبهم غير الديناصور

وحينما عدنا الى البيت لم يكونوا يتحدثوا عن شئ سوعى الديناصور وعيونوا ورجلينو .. الخ

واصبحوا ينسجون القصص حوله..

المرة الجاية بغني ليها النوم النوم ..

Post: #15
Title: Re: أبطال الدجتال ....
Author: WadAker
Date: 06-08-2006, 12:07 PM
Parent: #1

Quote: أهديك النومة الهانية هذه يا ود عكر
لنرتاح قليلاً
اين هى ياقلب حتى انام ..هانئا

Post: #21
Title: Re: أبطال الدجتال ....
Author: القلب النابض
Date: 06-08-2006, 12:31 PM
Parent: #15

الضورة ما ظاهرة

يبدو أني عايزة نجدة لتحميل الصور

Post: #16
Title: Re: أبطال الدجتال ....
Author: DKEEN
Date: 06-08-2006, 12:09 PM
Parent: #1

Quote: بغني ليها النوم النوم


انتي قايلاهم متربيين في الجزيرة سلانج؟؟

Post: #19
Title: Re: أبطال الدجتال ....
Author: القلب النابض
Date: 06-08-2006, 12:27 PM
Parent: #16

Quote: انتي قايلاهم متربيين في الجزيرة سلانج؟؟


لا في جزيرة كراكاتار

لو اني كتبتها صحيحة

Post: #17
Title: Re: أبطال الدجتال ....
Author: WadAker
Date: 06-08-2006, 12:14 PM
Parent: #1

Quote: انتي قايلاهم متربيين في الجزيرة سلانج؟؟

دكين لقد هبشت احد جزورى رغم انى لم اعش بها "الجزيرة سلانج والسروراب" ... اشتاقها

Post: #24
Title: Re: أبطال الدجتال ....
Author: الزوول
Date: 06-08-2006, 10:08 PM
Parent: #17

السلام عليكم
الأخت القلب النابض
أكاد أجزم..
معظم الناس الدخلت البوست ده فاهمة العنوان غلط
وبتاعين الشمار أكيد التقطوه التقاط ..كمقدمة لمعركة حامية على البورد
السبب هو
( أبطال الديجتال دي صفة تنطبق على عدد كبير من كتاب البورد المحترمين)
واكيد حا يفتكروا انهم مقصودين
.........
لومك علي كان ما وصل عدد Mouse Click الف
................................................
وما الناس إلا هالك وأبن هالك *** وذو نسب في الهالكين عريق

Post: #25
Title: Re: أبطال الدجتال ....
Author: Abureesh
Date: 07-08-2006, 01:08 AM
Parent: #24

Quote: تعرفي لوعايزاهها تنوم بس مدي يدك في شكل مسدس وقولي ليها:
اخلدي الى النوم وإلا ارسلت لك وحش الماء..
لو مانامت تعالي اساليني


دكين،

هى فعلا بتنوم بالطريقـة دى.. لو أصلو النوم مطلوب (بأى طريقـة)..
لكن بعـد ما يكبروا ديل، يعملوا إنقلابات وينومـوا الشعب كلو بالمسـدس الجـد جـد.
أحسن نخت راحتنـا دى ورا شـويـة ونعصــر، وننومهـم بغنـا واللا قصص.

Post: #26
Title: Re: أبطال الدجتال ....
Author: القلب النابض
Date: 07-08-2006, 03:45 PM
Parent: #25

Quote: ( أبطال الديجتال دي صفة تنطبق على عدد كبير من كتاب البورد المحترمين)


خاصة الذين يهددون بالسكاكين ..

Post: #27
Title: Re: أبطال الدجتال ....
Author: القلب النابض
Date: 07-08-2006, 04:12 PM
Parent: #26

Quote: أحسن نخت راحتنـا دى ورا شـويـة ونعصــر، وننومهـم بغنـا واللا قصص.


أحسن طبعاً

قصص حب وسلام

Post: #28
Title: Re: أبطال الدجتال ....
Author: غادة عبدالعزيز خالد
Date: 07-08-2006, 04:36 PM
Parent: #27

يا حليل كورة الشراب


Post: #29
Title: Re: أبطال الدجتال ....
Author: القلب النابض
Date: 07-08-2006, 06:05 PM
Parent: #28

العزيزة غادة

كورة الشراب دي ولدك ما بيعترف بيها ..

كما لا تعترف بنت أختي أن المفراكة وسيلة للضرب والتأديب ..

ففي الصباح زهجتني وأنا في المطبخ .. رفعت ليها المفراكة قلت ليها عارفة دي بيعملوا بيها شنو ..

قالت لي ياخالتو دي بيعملوا بيها الملاح ..

قلت ليها يا حلوة دي عندها مهمة تانية لازم تعرفيها بيضربوا بيها الشفع الكلامهم كتير ..

عارفة قالت لي شنو ..؟

لكن البوليس ما بيجي ياخدك أوعة تعملي كدة خالتو!! بيدخلوك السجن وانا عايزاك تلعبي معاي ..

اتغظت واتهريت منها لأني ما اتفشيت والكلام اتحول للمنطق بس ..نسوي شنو بس مع ايطال الدجتال ديل ..

Post: #30
Title: Re: أبطال الدجتال ....
Author: Muna Khugali
Date: 07-08-2006, 06:31 PM
Parent: #29

والعجـب لمـا يقرب الكريسـماس وتكـتر اللعب الـديجيتال

تحـياتي ياقلب..

مـني

Post: #31
Title: Re: أبطال الدجتال ....
Author: نادية عثمان
Date: 07-08-2006, 06:46 PM
Parent: #30

القلب العسل

ياحليل الكومبليتة !!

Post: #34
Title: Re: أبطال الدجتال ....
Author: القلب النابض
Date: 07-08-2006, 07:16 PM
Parent: #31

الله يا نادية كنت بحبها حب شديد


واصرخ وأقول كمبليتة وبي شخيتها.. هل كنتم تلعبونها هكذا ..

هنالك لعبة شبيهة بها هنا لكنها متطورة في قوانينها شوية وتحتاج لبعض الأدوات

Post: #32
Title: Re: أبطال الدجتال ....
Author: القلب النابض
Date: 07-08-2006, 07:09 PM
Parent: #30

العزيزة منى خوجلي..

تحياتي ليك
Quote: والعجـب لمـا يقرب الكريسـماس وتكـتر اللعب الـديجيتال


ياحلينا شم النسيم كان عندنا رحلة في خلا الله والرسول دا..

طلتك فرح

Post: #33
Title: Re: أبطال الدجتال ....
Author: القلب النابض
Date: 07-08-2006, 07:09 PM
Parent: #30

العزيزة منى خوجلي..

تحياتي ليك
Quote: والعجـب لمـا يقرب الكريسـماس وتكـتر اللعب الـديجيتال


ياحلينا شم النسيم كان عندنا رحلة في خلا الله والرسول دا..

طلتك فرح

Post: #35
Title: Re: أبطال الدجتال ....
Author: نادية عثمان
Date: 07-08-2006, 07:32 PM
Parent: #33

ام الحفر لعبتيها ياقلب ؟!!

Post: #36
Title: Re: أبطال الدجتال ....
Author: القلب النابض
Date: 07-08-2006, 07:44 PM
Parent: #35

كيف يانادية؟

وفي الشعبية جنبكم كمان ... تصدقي !!

حية المساكين ديل ما عندهم مهارات طبيعية أي شئ إلا تخططوا ليهم وزارة التعليم ويعلموهم كل شئ بمقدار .. يا حليلهم ... مساكين يا نادية ..

Post: #39
Title: Re: أبطال الدجتال ....
Author: نادية عثمان
Date: 07-08-2006, 07:48 PM
Parent: #36

جد؟

ياتو شعبية فيهم يافردة شمال ولا جنوب ؟!!


لعبنا كانت مسكينة زينا حتى العرائس (الباربى) حقتنا كانت (بت لعاب ) من القماش !!

Post: #42
Title: Re: أبطال الدجتال ....
Author: القلب النابض
Date: 07-08-2006, 08:01 PM
Parent: #39

ش ج جنب المؤسسة والمكفوفين ...

ودكان عبد القادر ..

Post: #37
Title: Re: أبطال الدجتال ....
Author: Alsa7afa_30
Date: 07-08-2006, 07:46 PM
Parent: #1

Quote: يا حليل كورة الشراب


Quote: ياحليل الكومبليتة !!


Quote: واصرخ وأقول كمبليتة وبي شخيتها


Quote: ام الحفر لعبتيها ياقلب ؟!!




لااااااااا حولاااااااا!!

انتو من الزمن داك؟؟


Post: #38
Title: Re: أبطال الدجتال ....
Author: القلب النابض
Date: 07-08-2006, 07:48 PM
Parent: #37

Quote: انتو من الزمن داك؟؟


نعلك ما حضرتو

نص عمرك ضايع ..

Post: #40
Title: Re: أبطال الدجتال ....
Author: القلب النابض
Date: 07-08-2006, 07:53 PM
Parent: #38

حمد فتح الرحمن ..

حكيت سمعتها الغنية .. عجبتها جداً وقالت لي قولي لي خالو حمد شكراً ...

تصدق حكيت ليها قصة حمد وانتمتي قالت لي بكرة احكيها لي تاني ..

خايفة عليك انا ..

لكن المشكلة اني اضطريت اقول النمتي هو "الفلاي" لأنها ما عرفتها بحاول اشوف المقابل هنا شنو ..

أوعة تقول لي احكي لي الحكاية ...

Post: #41
Title: Re: أبطال الدجتال ....
Author: Alsa7afa_30
Date: 07-08-2006, 07:58 PM
Parent: #38

أنا حضرت من شليل و لي جاي..


Post: #43
Title: Re: أبطال الدجتال ....
Author: القلب النابض
Date: 07-08-2006, 08:03 PM
Parent: #41

شليل دي من العصر الحجري تصدق؟

معناها كنت معانا

Post: #44
Title: Re: أبطال الدجتال ....
Author: محمد عادل
Date: 07-08-2006, 08:08 PM
Parent: #43

الاميرة القلب النابض
هل تصدقى الى يومى هذا وانا فى الجامعة بلعب البلى ستيشن دا
واية رايك بحضر قناة اسبيس تون طوالى
ومتابع كابتن ماجد والمحقق كونان شديد

Post: #46
Title: Re: أبطال الدجتال ....
Author: القلب النابض
Date: 07-08-2006, 08:11 PM
Parent: #44

Quote: الاميرة القلب النابض
هل تصدقى الى يومى هذا وانا فى الجامعة بلعب البلى ستيشن دا
واية رايك بحضر قناة اسبيس تون طوالى
ومتابع كابتن ماجد والمحقق كونان شديد



ووب علي يا محمد عادل ما عقلت لسة ...

اسبيس تون حلوة ومفيدة لكن هادي سجم الرماد البلي استيشن دا الله يقصفوا ما فيهو أي فايدة غير التوتر ...

الله يهديك منو ...


تحياتي

Post: #45
Title: Re: أبطال الدجتال ....
Author: Alsa7afa_30
Date: 07-08-2006, 08:08 PM
Parent: #43

يا ناس السودان,, الحاجات دي لسه موجـودة ولا خلاص اندثرت؟؟؟



يمكن نكون آخر جيل لعب الحاجات دي!!

Post: #47
Title: Re: أبطال الدجتال ....
Author: القلب النابض
Date: 07-08-2006, 08:15 PM
Parent: #45

Quote: يا ناس السودان,, الحاجات دي لسه موجـودة ولا خلاص اندثرت؟؟؟


يمكن نكون آخر جيل لعب الحاجات دي!!


ما اندثرت والله لكنها ما عادت الوسيلة الوحيدة للترفيه... الغزو من الألعاب الإلكترونية سريع شديد ..

Post: #50
Title: Re: أبطال الدجتال ....
Author: Alsa7afa_30
Date: 07-08-2006, 08:57 PM
Parent: #47

Quote: الغزو من الألعاب الإلكترونية سريع شديد ..


و الله الغزو على السودن أصبح من جميع الجهات...يا ريت لو بقت على الألعاب الالكترونية و بـس..




ربك يستـر..


Post: #48
Title: Re: أبطال الدجتال ....
Author: ثابت محمد
Date: 07-08-2006, 08:31 PM
Parent: #1

القلب النابض
اللعب الزمان ليهو طعم عشان الأمان
كنا بنرجع من شليل بعد نص الليل
خاصة الليالي المقمرة
هسي الشافع مايقدر يطلع من البيت

كل زمن وليهو أحكام
ديل طلع ليهم أبطال الديجتيل .. مفروض نقبل بي كده
لكن
نعمل حسابنا ما يجيهم إســتلاب حضاري
الإستلاب الحضاري أخطر كتير من النّمتي

خوالص المودة

Post: #49
Title: Re: أبطال الدجتال ....
Author: القلب النابض
Date: 07-08-2006, 08:41 PM
Parent: #48

Quote: نعمل حسابنا ما يجيهم إســتلاب حضاري
الإستلاب الحضاري أخطر كتير من النّمتي


ما دا الخايفين منو يا ثابت أخوي ..

وهنالك درجة عالية من العنف ..

ودرجة عالية من عدم تنوع خبرة الطفل ..

والواحد كان جاء ضيف ما بيجي يسلم ولا بيعرف زاتو انو دا واجب .. مشغووووول ..

الله يستر

Post: #51
Title: Re: أبطال الدجتال ....
Author: فيصل نوبي
Date: 08-08-2006, 02:40 AM
Parent: #1

انتو جادين !!!

ما عندكم عروس و عريس

Post: #52
Title: Re: أبطال الدجتال ....
Author: القلب النابض
Date: 08-08-2006, 04:44 AM
Parent: #51

كيف؟؟ ومشينا السيرة كمان ..

بت اختي بعد عودتها من السودان ما حفظت من الأغاني إلا ..اغاني العروس ..

وكلو زو بي زوجة بتاعو إلا أنا ما عندي مرة

ليي بس كدة بس كدة بس ..

وبتغنيها رهيبة وبي جدية شدية ..

لكن الله يقدرك ما تسمع بي انتباه..

Post: #53
Title: Re: أبطال الدجتال ....
Author: حمد فتح الرحمن
Date: 08-08-2006, 01:16 PM
Parent: #1

Quote: أوعة تقول لي احكي لي الحكاية ...

احكي لي الحكاية

Post: #54
Title: Re: أبطال الدجتال ....
Author: نادية عثمان
Date: 08-08-2006, 02:54 PM
Parent: #53

Quote: ما اندثرت والله لكنها ما عادت الوسيلة الوحيدة للترفيه


ياقلب

اندثرت طبعا .. هسى شفتى ليك زول غيرنا بلعب ام الحفر والكومبليتة ياخ ؟!

Post: #55
Title: Re: أبطال الدجتال ....
Author: khaleel
Date: 08-08-2006, 03:05 PM
Parent: #54

القلب النابض

انها العولمة

اين شليل

والرمة وحراسة

وشدت وسكج بكج


( حتي اذا بلغت الارض زخرفها واتزينت وظن اهلها انهم قادرون عليها)

Post: #56
Title: Re: أبطال الدجتال ....
Author: القلب النابض
Date: 08-08-2006, 03:05 PM
Parent: #54

Quote: ياقلب

اندثرت طبعا .. هسى شفتى ليك زول غيرنا بلعب ام الحفر والكومبليتة ياخ ؟!
لا لا


عارفة يا نادية اسة انا لو لقيت طريقة بتفشى وبلعبها..

يازولة عيال الزمن دا مادايرين يتوسخوا ...


عارفة الشفع هنا بيجيبوا ليهم التراب بي حوض كبير عشان يلعبو بيه واقفين على حيلهم في الروضة والمدرسة ودا يوم الهنا عندهم..دا هنا ..

لكن ما شايفة لي سبب يخلينا في السودان نخلي النوع دا من الرياضات التي تزيد من مهارات كتيرة ..

حمد فتح الرحمن راجي القصة

بحكي ليك المقدمة بس لكن ما اسة