طويل الجرح يغري بالتناسي

أن تبتلي بصراع مختل الرؤي خاوي الوجدان فهذا أمر صعب الإحتمال. أن يكون خصمك أداة في يد الجهل الواعي يحركه من خلف الكواليس هذا أمر صعب الإحتمال . أن تكون العاطفة والنعيق هما السائدان في (حوار) ما فهذا يعبر به إلي حيز الوهم.
وأخيرآ أن يدفعك خصمك إلي الصراع بأدواته فهذا هو السقوط بعينه وهو أيضا أمر صعب الإحتمال.
قال لي أستاذي فضيلي جماع : أن الخيرين علي قلتهم هم أبقي وأعمق أثرآ وهم المنتصرين. وهذا حادث لا محالة يومآ ما.
تنادي بعض الأحبة يفتقدونني ويطالبونني بالعودة للمنبر وما كنت هاربا ولا متخاذلآ ولكنه الإنكسار أن يصير خصمك شخوص وهم مهما كانوا و مثلوا يظلون شخوصآ في نهاية الأمر وكان همي قبلها الإلفة والوطن
دفعتني حماقتي وغضبي وخوفي علي هذا الوطن السيبيري لأفعال وردود أفعال رغم أني وجدت من يتفهم دوافعي فيها إلا أنه لم يكن مرضيآ لي علي المستوي الذاتي . تمثل لي حالي بالقطة التي تخاف علي أبنائها فإذابها تأكلهم.وتقمصتني روح أهلي وأخذتني عزتي بنفسي (كان عصرت عليك أعصر علي ضراعك) وبعدهاكان الإبتعاد (سكاتي ولا الكلام الني)... ولكنه ليس بكافي إذا كان هنال من يفتقد وجودك أناس في قامة الأستاذ فضيلي جماع والأعزاء الطيب بشير ، خالد أيوبي ، فتحي البحيري ، رجاء ، راوية، ملكة سبأ ، تماضر، سمبتيكو صديق الموج ، حليم ، سامو ، عادل عبد العاطي ؛ جندرية ، بهاْ بكري ، علي عثمان، سجيمان ، إشراقة مصطفي ، حنينة ، عمر الماحي، أوسلي ، إيمان أحمد ، طارق .... – ما أقواني بكم إن شئت مكابرة-
ما أريد قوله هنا.. كنت أشارك مدفوعا بزعم أن في مشاركاتي ما ينفع الناس وحين صارت غير مرضية لي توقفت.

كلمة أخيرة.
أخي أسعد أبراهيم .. تصرفت حيالك مدفوعآ بغضبي لتصرف قبيح غير مبرر كل أملي أن تجد لي في نفسك يوما ما مساحة للتسامح والغفران.

محبتي لكم.

مرحب خالد

والف مرحب...تعال شارك في اسبوع الشوق والحب
وانت اول العائدين

يلا يا أخي

وأتمني يا حنينة ما أكون الأخير
وصدقيني سعدت بحق بعودة الغالية تماضر
وأسبوع المحبة بتاع تنقو ما بيفوتني يعلم الله

خالد حمد الله على السلامة....البورد بلاك بادوبا

العزيز خالد الحاج

مرحبا بعودتك ...

أشكرك يا وليد كتير
وإن شاء الله تكون عودة خالك بي فايدة

سي جي العزيز
أولآ ألف مبروك الوطن الجديد ورسلت ليك مرسال يا سجيمان بتقبل اللاجئين
ومشيت عليك وسجلت ولما جيت أدخل أكتب نكرني تب دحين صلح أمورك بنجيك في دارك العامرة
وما تخاف ما بنجيب معانا شكلنا أخوك بقي ناس حوض سباحة ومع الناس البيتفرجو بس .

Quote: وخالد "خالد" فينا ما بقى نبض يهتف بمحبة الناس فينا،

او كمـا قـال المطـر
ياخـــــــــــــال بركـة بالطلـة ونـورك بهـر
اقلـب الصفحـة .. وامرقـاك على مشـرع مسـارب الضـي

الملكي .. الكامل كمالك
خالك سعيد بيكي والله وإن دايرة النصيحة كنت لامن أتاوق بزور بوستاتك الحنينة
وسكنت سكنة في بوست الثلاثي الرائع جورج مطر شتات. وجننتني روائع تمبس
وسمبتيكو وفرحت لي وليد وسنكو والمهندس بقو نجاض وبالذات سنكو مصطفي السني
لما سمعت غناه يدي أكلتني

waaaaaw

I LOVE U MAN

وأنا كمان يا تنقو وكيلك الله أنا كمان
الله يديك العافية.

وكيف نرفض رجوع القمره





مع انه الحال ما مطمئن
لكن اهو نسمه فى عز هجير

لي وطن القماري..

راوية أختي .. بيتصلح وبيبقي أجمل
أشكرك وجودك يسعدني دومآ..

لك التحية ايها الرائع

فرجل فى قامتكم

مكانه دائما فى مقدمة الصفوف

فمرحبا بك والف مرحب

الواثق تاج السر
شكرا لحسن الظن ولي ترحيبك بي ألف شكر
وطويلة قامتي بوجودي بينكم والله.

الجميل خالد الحاج
حبا خبزا وطن انتصار
عزيزي (الوتر لسه بيغني للقوافل الجايه من وجع الطريق )
وجيت في وقتك

أبو حباب

والله هو يوم النصر لنا

لقد ظللنا وراءك حتى أتينا بك . ولا تحسبن نفسك غائبا عنا

فقد طاردناك خوخة وراء خوخة حتى أتيناك وأتيتنا

كيف هى الإجازة . ويظهر إجازة عمل

وواصل

سلام كتير ولك وحشة ـ كاااااااااااااااااانت

صديق ضرار

صديق العزيز
إزيك يا شاب.. تعرف حاسدك قلت لي ؟؟؟ لما تسمع الشهقة الحلوة ديك
وتاكل الأنجيرا إتذكرني يا صديق أخوك مكتول في ناس الشروق

خضر حسين
(أنتم بالذكر بين عقلي وقلبي *** إن تدانيت منكم أو قد نأيت)

Quote: حبا خبزا وطن انتصار

وزي كلامك السمح ده يا خضر يلقوا ليهو رد وين؟؟
الله يديك العافية.

اهلا بواسطة عقدنا....اهلا بالخرزة الكبيره فيه...اهلا بميضنة مسبحتنا

خالد ارجوك...نحن المحتاجين ليك..نحن كتار بيك..نحن غزار بيك....يا اخى

ما تقطعنا جنس القطعة دى...بنتم وبنا فما ابتلت جوانحنا شوقا..وفى ذكاءك بقية السطور

سلمت......

صديق يا موج..
أيها الشايقي الهوي..
الملكي قالت أدتك التابعية
(وعافية تخصك في المصارين تبقالك هدم يا سيدي سروال ونعلين)
أها ما قلت ليك مردودالك .
شكرآ ليك ألف يا صديق

شرتاي البورد / خالد الحــاج .... جيدا جيت

بشـــري لنـــا و لكل الذين راهنوا علي عودتك

لا نقول لك أيهـــا العزيز "أنسي" ، فمن هو في قامتك شفافية و رهافة لا ينسي ولكنه يكبر و يزداد قامة و هامة .... فتصغر "الصغائر" و تصغر ....... حتي تتلاشي

طويل الجرح يغري بالتناسي
فينسى المرء وخزات المأسى
فجل الناس قد تعمى البصيره
وخير الناس يرجع للمراسى
فيا خالد رجوعك انت حق
مكانك خالى ما بين الكراسى
ونحلم فيك بالصبح البيشرق
يجاوز خلفه ظلم الاماسى
فطب نفسا وانت الروعه حقا
ومرحب خالد لاعب اساسى

لما ترجع بالسلامة ترجع ايامنا الحميلة

الف اهلا

sympatico
يا زول يا راقي.. يا زول يا رايق
فيك الخير والله ونرجوها أيام جميلة

أوسلي يا فنان يا مبدع
تعرف ذكرتني أيام حلوة ويا ريت تمش تفتش في الإرشيف2003
بوست أخونا العزيز يا زول يا زول إسمو (شيري ملت الباندودس)
فيه مجادعات حلوة لي يازول وقرجا وكولا وتماضر وحتي لي أخوك
لكن القافية حقتك البقتني (أساسي) دي منها خوف
لك المعزة يا زول يا جميل.

خالد الأيوبي العزيز
يناديني خالد تنقو بإسم حبيب إلي نفسي (يا سميّ)ومرة (يا نديدي) واناديك بهما
يعلم الله أفرحني وجودك يا خالد فأنت باقي الخير الفضل في الدنيا.. ألف شكر لكلماتك
الطيبة ومثلك لا ينضح إلا خيرآ

وتناسي الاحبة يغري بالرجوع
ياجميل

المبدع الموصلي..
أراك تخمد النيران حيث إشتعلت في البورد
وياها المحرية في أصحاب العزائم. الله يديك العافية وما يحرمنا منك.

حباب خالد.....بركة الجيت
و تحية للأخ أوسلي2 على الكلام الحلو

وألف تحية ليك يا طيب
ربنا يديم المودة.

الاخ العزيز خالد
مرحب بي جيتك، والمنبر في غياب طعمو تاني. بحس نفس الشئ في غياب تماضر والموصلي.

انت فعلا ساعتها شالتك الهاشمية وان اتضحت لي الصورة اكتر في الاخر.

علي العموم في الوقت المناسب، ولو لسة الواحد موجود في المنبر، لابد من مناقشة التجربة دي، لاستخلاص العبر، لانو اسلوب دفاعك عن المنبر، ضد الخطر الكان ماثل ليك، بحكم المعلومات الاتوفرت ليك، بيرجعنا تاني لي اجواء نقاشات الشرعية الثورية والانقلاب علي الدستور بحجة الدفاع عن البلد، ذي ما قالوا الكيزان، ومن قبلهم كل انقلابات الستينات والسبعينات في افريقيا، اسيا، وامريكا.

فالسؤال الاساسي، كان، هل ممكن وهل يصح الانقلاب علي اللوائح "الدستور" للدفاع عن المنبر "البلد"، بينما الدفاع عن اللوائح "الدستور" يمثل اهم civic duty في المجتمعات الديمقراطية، حيث لا فرق ما بين الغزو الاجنبي، وخرق الدستور، بل الاخير ربما كان اخطر! دي رؤوس مواضيع لي زمن جاي، لانو المنبر لازال يكابد سلسلة من الafter shock البدأ بي زلزال الموناليز!

بشاشا العزيز
يا كمال نحن ما قربنا نتضارب والله غايتو لو كنتي جنبي كنت شفت الدواس الماخمج
ربنا يهدي النفوس يا كمال ونرجع نتحاور ونختلف ونتفق..وشكرآ لي وجودك هنا

خالد اخونايا عافية البورد- الحقوق محفوظة للجندرية-
بركة الجيت
الدار بلاك خلا
وزى ما قلنا لرجاء من قبل
ارادو جرجرتك للاوحال..ونعلم علم اليقين ان استجابتك ما كانت الا لحرصك علينا وعلى هذا الوطن
لكن دعهم فى غيهم يعمهون ...ولا تتنازل من علياءك قيد انملة
فتجاهل السخف ولا تجعل السفهاء يفرضون عليك ادواتهم/ن ...تمسك بادواتك التى خبرناها هنا جميعا"
ونحن ننتظرك باسبوع الشوق فلا تجعل انتظارنا يطول

مودتى

خالد
اهلا بك يا عزيز
غالي الامنيات لك ب0000ما تتمنى.

فتحي يا صديق..
أشكرك يا عزيز
وأمنيتي أن ينصلح الحال هنا يا فتحي وإنت الصادق
مودتي لك

هالة قوتة..
أقوي ما أملك من أدوات هي محبتكم يا هالة
ومشتاق أنا لأسبوع الشوق وأسبوع فيهو تنقو والملكة وحنينة وسمبتيكو وتماضر وتمبس والمطر
كان لقيت لي فيهو دقيقة كسبان يعلم الله وبجيكم..السلام لي يمني قوتة آلاف.

لا استطيع أن أعطى نفسى حق الترحيب بعودتك الى بيتك........
ولكن أعطى نفسى كل الحق ان تحزن على فترة مرت من غير ان نستفيد من طرحك
مايهم أن يكون هناك طرح ثم...... نكون على خلاف او وفاق........

سلامات
وعوافي
يكفي انك خالد الحاج
والشاهد الله انك انسان جميل وبرغم جهلي عن سبب غيابيك في الفترة الماضية ولكن هكذا قد استرد البورد رونقه ..ففي النقاء والتصافي دائما تكون السكينة والخلود في خضم عالما مكتظ بالكنوز
فدعنا نحيا ياخالد وفي الخاطر الف امنية وسلام نكون عبرها اقرب الي انسانيتنا من حيوانيتنا ..وتاكد ياخالد ان هذا العالم لن يتغير ان لم نكن قادرين علي تغيير مابانفسنا ..
ودوما لك ياخالد عالم من الحب والاحترام ..فانا لم اري منك الا كل شيء جميل ..والرعية امثالي يقبعون امام عتبة المسرح يبحثون عن الجمال وظهوره ليصفقون له كثيرا لانه يتحدث عن ارواحهم التي هامت عاجزة عن كشف ستور ماخبأته الظروف القواسي
خالص الاحترام وشديد الود ولضيض التجلة
وكن دائما كما عهدناك ربيعي الحضور شهم النفس عالي الهمة

ود رملية الزول الحبوب..

الصالحون جميعهم أهلي
والزاهدون
والنجوم أحبتي
ما كنت يومآ في تواريخ التحسر والنشيج رهينة
بل ليتني أهتز أو أبكي
ولكن لا ملاذ من قمم

د.يوسف مدني

ليت إنّا بقدر الحب يا صديقي نقتسم أسعدتني كلماتك الطيبة ومن لم تسمو نفسه في حضرة
ود رملية وحروفه المورقات فهو آبق.. وجمال يفوتك حرّم يبقي قبح.
لك الود يا صديقي.

Quote: قال لي أستاذي فضيلي جماع : أن الخيرين علي قلتهم هم أبقي وأعمق أثرآ وهم المنتصرين. وهذا حادث لا محالة يومآ ما.

وستبقى بيننا وننعم بعطائك اللا محدود.
وسيذهب الزبد جفاءا ويبقى ما ينفع الناس.

Ashrinkale
يديك العافية وأشكر وجودك هنا
وصدقت يبقي ما ينفع الناس

عمر الماحي العزيز
يديك العافية ما قلت إلا حق
وألف شكر ليك..

الخال

hoe gaat het
شوقى شوق زولا خرمان لشوفتك

قنب وماتبتعد
قرب تعال ...

الدار نورت برجوعك

احلى هدية فى اسبوع الشوق والحب

الله يخليك يا خال

الغالية دريمس
ويخليكي لي خالو
هديتي أن أكون هنا بينكم فأنتم الأهل والصحبة

الفاتح العزيز
gaat Goed ,Ik ben nog leven
ومنورة بي وجودك يا فاتح

عودا حميـــدا يا خالد الحاج
كمال عباس

تشكر يا كمال عباس
وأسعدني حضورك والله

خالد الحاج
سلامات يا زول يارائع
حمد لله على السلامة ...بس انشاء الله ما تعملها تانى

ود الحاج
اهلين اهلين

وانت مشيت وين؟

احس بنبض البورد تسرى فيه الروح
وثمة شمس تضىء بها عتمتنا

ولانك راقى ومهذب وعفيف فى طرحك ولاتنهزم اما سطوة دجل الفكر
لهذا انت هنا
ولهذا نفرش لك مساحات عميقة بقدر اخائنا لتبقى فيها الاخ والخال

وتسلم وانت تطييب خاطرنا

العزيزة بحق إشراقة
أحيانا أن تحاول تغيير الكون فأنت تحرث في الماء

قال عفيف إسماعيل (خطة شابة جدآ
ماذا لو صارت السماء أرضآ
والأرض سماء
جميل أن نسير بين النجوم
لكنها ستمطر حصي
وترابآ).

هذا إنسان واقعي.. أما أنا فقد كنت حالمآ بعض الشيئ
وما أظن الخير إلا بين الإثنين . لك التحية وعميق الود والإخاء

خالد الحاج..أيها الانسان النبيل

هل رأيت بعين قلبك كيف أقام لك الأحباب تعريشة حب خضراء في قلوب لا تعرف غير الحب؟ قلتها لك مرارا وأعيدها: ربما لا يكون الخيرون في ظاهر الأمر بتلك الكثرة..الا ان الغلبة دائما لميزان الخير. وأضيف بأن صاحب القضية لا يرفع الراية البيضاء مستسلما عند منتصف الطريق..فالمعركة مع الباطل لم تبدأ اليوم، وهي حتما لن تنتهي غدا.

دعونا نفسح المجال لصفاء النفوس، وأجزم أن من يعرف أدب اختلاف الرأي لن تضيق عليه رحابة كوننا الواسع وجماله.

أهنئك بحب الآخرين لك، وكفى به وقودا عند الشدائد. ولحديثنا بقية ان شاء الله وأنا أعد حقيبة ملابسي لأتشرف بزيارة عابرة قريبا جدا- كما اتفقنا- الى بلد الزهور هولندا.

أخوك/ فضيلي جماع

أستاذي فضيلي جماع
بعض الناس يجعلون قسوة الحياة أقل حدة
قصيرة هي الحياة يا أستاذي الفاضل وسريعة مثل ظل الغمام
ولكن ما أروعها حين تكون الرفقة والصحبة الطيبة هي الذاد
يسعدني دوماالتحدث إليك والإستماع فلمثلك من الرائعين يطيب الجلوس
لك التجلة والتقدير وننتظر قدومك الميمون.

المسافر
وأهلين بيك.. ما مشيت بعيد لكن الشوق غلب
تشكر كتير.

أشرف محمد..
الله يسلمك .. حاضر بحاول

خالد الحاج
الفاتح قال
الببارى الجداد بيوديهو الكوشه

مراويد
كيفك والله ليك وحشة

المحترم الحبيب إلى نفسى ، الجميل خالد ..
( أكان ماشالك البورد بشيلك فوق راسى ده )

الاخ خالدالحاج

حبابك اب العرضين

الأخ خالـد،
ألف حمـدالله على الســلامـة، وفى نفس الوقت أستودعك الله.

أبو الحاج،
ليك وحشة... أو بالأحرى "كانت" ليك وحشة.
عندما نتحدث عن ما ينفع الناس، نقول أن الزبد سيذهب جفاء، ولكن منطق الأشياء يقول انه ما كان ينبغي له أن يكون هنا في الأساس.
مع الود،

ع ع

عادل علي .. العزيز
نعم لو أخذناها بالتمني ما كان له أن يكون
ولكننا بشر والنقص فينا هو الأساس
مرحب بي وجودك كثيف شكري

أبو الريش..
الله يسلمك من كل شر
وليه الوداع يا أبا الريش.

دور نقاس..
وحبابك ألف يا إبن عمي
شكرآ ليك كتير ترحيبك

الحبيب لؤي
يسلم الرأس منك والجسد
ويا إبن العم ياها المحرية في الناس الجميلة.

خالد الحاج
حقيقي سعيده بوجودك

توما..
وسعيد أنا بوجودك هنا يا توما
تسلمي من كل شر.

الخال خالد
غيابك كان مساء شاحب

كنا نسمع فيه حفيف مرورك

مرورك زهرة..عشم البعض ان ينهب رائحتها

غيابك كان له مقعد ينتظر حضورك

كانت ظلاله تتطاول وتقطر موسيقى

ثم كان مجيئك ميلاد قمر

ضجة صامتة

غلالة يوم غائم

وزهرة متدفقة الحمرة

وبمناسبة الرجوع الميمون

لك اهدى صوت الرائع مصطفى السنى واغنية الرائد العظيم احمد المصطفى

سنكو العزيزة..
كل الود لك من الخال
ومصطفي.... مصطفي مبالغة يا سنكو
فضلت أسمع يا(قلب) وتعبت من تعب السفر
يرتفع بي صوته عاليآ وينزل بي مهدهدا
والزول ده يوم بيكتل ليهو زول
شكرآ لي وجودك .. شكرآ للكلام الجميل.. وألف شكر لي مصطفي.

يا خال سلام وحمدة الف علي السلامة اخويا نحن كنا في فزع قالو لينا انا والمعاي امشو فريق فوووق ومالقناك ولقينا رفيق دربك عمر ود دفع اللة وحلف مانمرق وام عيالو قالت قسم ما بتمرقو بصمت خشمكم حبسونا وواسي جيت متاخر وخجلان لني متاخر وصلت علي العموم حمد اللة الف علي السلامة

الكلاكلة صنقعت..
حاسدك والله علي ونستك مع عمر دفع الله بالله شفت الزول ده رائع كيف..
حمدا لله علي السلامة وجيتك فرحتنا والله

شايف القمر يا "خالد"؟؟؟؟






تيمنا ببوست السينما المصرية وعدم الدهشة....


المهم داير اقول انه الدنيا نورت ...بوجودك

شايفو يا "تماضر"

ومنورة الدنيا بي وجودك يا بت الشيخ
ياه الصفحة الأولي من البورد بقت جميلة بشكل (اللهم أجعلو خير)..
وجودك نسمة يا تماضر ربنا ما يحرمنا من نفحاتك

الأخ خالد الحاج لي كلمات لأبد أن نتبادلها أو نقلها بمجرد أن جمعتنا الظروف على هذه الشاشة البلورية فى لحظات عصيبة وسوداننا مسخن بالجراح وشعبنا يمشى حافي فى الأوحال التى مزقتنا الى فرق وقبائل,متخلفين عن ركب الحضارة الأنسانية التى أصبح الفارق بيننا وبينها مئات السنين لذلك أتمنى أن نعيش فى لب قضايانا الوطنية لما فيها من جمع من صور تعكس فى كثير منها أوجه حياتنا بكل مافيها من تطورأت وأنفعالأت وتناقضات لزلك كانت عبارة عن تجارب حقيقية عشناها جميعا كل منا حسب خبرته وتجربته وتعامله مع الأشياء لذلك أرجو أن تكون بمثابة تزكارات نؤوب أليها كلما مررنا بمثلها من تجارب وألف مرحب بيك وبي مساهماتك النيرة وكلنا خطاؤن وعبرك التحية لهذا العلم الذى بيننا ونجهل مقامه وهو بيننا الأستاز والأديب والكاتب الأستاز فضيلي جماع وهذا يرجع بنا الى ما آلت اليه الأوضاع فى سوداننا الحبيب من تخريب حتى بتنا لأ نعرف قدر أعلأمنا ونمر عليها مرور الكرام وأخيرا تحياتى لكل السودأنيين فى هولندا بلد المراعي الخضراء والورود الجميلة والحمام يتغنى ويتهادل فى ميدان الملكة فى وسط أمستردام الحبيبة للنفس.

العزيز خالد

كدا عاد للكون اتزانه
و هنا كوننا

اليوم السعيد الليلة جابك

الخال العزيز خالد
الدار نورت بى وجودك ربنا يديمه علينا

الغالية يمني
منور الدار بي وجودك
ولك من خالك ألف وردة محبة
وربنا يديم الود

العزيز بحق نصار
متوازن هو الكون يا نصار بوجودكم المتوازن فيه
ونعمه من كون أنت مواطن فيه
الله يديك العافية

الخال سلام
الناس دي قالت كل الكلام الممكن ينقال فيك وليك وما خلوا لينا شي غير نأكد إنك فعلا خالد .
مد يدينك لي طرف السما وأسألو السلامة
تاني وتالت وتالا برضو خالد

ارحب بعودتك الميمونه ياخال .. ارحب بك بكل ما املك من نشوة ..

هذا البوست .. مهرجان شعبي

تمبس..
عندك بيقيف الكلام وخالك بيحرن
كيف وكيف.. ويبقي الود يا علاء
ويبقي الأخاء ..
وكل النشوة لي خالك

تبلدي العزيز
ليك وحشة يعلم الله
وأسألو كمان أن أكون شاكر
وليك مني ألف شكر وأجمل المني

العزيز خالد
هذا الصباح بطلة عيونك في سما البورد
يغريني بالفرح
فلك كل الحب وانت بيننا
مع حبي

عالية عوض الكريم
كيفك يا غالية
الفرح لي بكلماتك البهية وطلتك الندية
ولك أرتال مودة.. سعيد بوجودي بينكم.

كيف الحياة غير ليمك
يا نعيم الدنيا

شكله كده الناس ديل ما حينتهو من السلام

تعرف يا خالد قلت أخليهم لحدى ما كلهم يسلمو ويمشو، عشان أجى وأقعد وأحضنك وأهجس معاك، لحدى ما يكورك حمار الوادى

هل أتانى هاتف الأشواق؟
هل أتاكِ أنين البعاد؟
أغتيل الطهر
ومضى الإحساس
أتراه كان
وشاية الظن فى أذن اليقين
أم تناوم الحلم عن يقظة العشق
ما بال الصدق
يلتحف برد الزيف
يقتله الناس
ما بال جمال الأرواح
تفر أصابعه
عن ندى الشمس
ويختنق الإيناس

لكم إفتقدت روحى والله يا خالد، حين يمم القلب أيما جهة ولم يجدك، حين إفتقدتك ساحة البهاء والصدق النبيل، وحين إفتقدك أناس، بطعم طين النهر، ولون الحقول

والآن عاد دفق الحياة الى شرايينا المرهقة، بكل هذا القبح وكل ذاك الزيف

وتانى برضه

كيف الحياة غير ليمك

أبوذر...
أقول شنو....
إنت بالذات ما غبت عني والله.. سكنت ديارك العامرة.. جورج وشتات
وكنت أستشفي هناك..وأسأل كيف الشوق أمنحه كل العمر ولا يمنحني الصبر
وأقرأكم أنتم الواعدون الشموخ والمعزة..الصادحون بغناء الروح منا وفينا..
لك الحب مني ما وسع القلب وفاض..

المطر الحنين لا تتوقع أن تسمع منى كلمة هنيئا لك بالجلسة والحضنة والهجسة مع الأخ / الخال خالد فأنا ثالثكما
الأخ / الخال العزيز خالد
مرحب بالعودة ،، فالمطر داهمنا .. وأخرنا ... فأعذرنا ..
أخوك طارق

عودا حميدا

فتحي البحيري..
يظل ما بيننا لا تحكيه الحروف ولا تحيطه.
الود مفور..

يامرحب ياطارق
وحبابك ألف حضن الود بشيل مية
وخالك فرحان بي وجودك

الخـــال خـــالد
عودة حميدة نتمنى أن تتريث قبل أن تعيد الإنقطاع مرة اخرى

علي عثمان..
ياهلا..لك هذا ياعلي لك هذا
وأشكرك كتير.

خالد سلام
ياخي أنا هدي جيتي من المنبر وخليت الرجال يلفوا في عممن والحريم يلفحن في تيبانن قالوا جايين يرحبوا بيك واللوري ما بشيل الناس دي كلها دحين إنت خفيف رأيك شنو تركب تمش ليهم إنت عشان يرحبوا بيك خاسةً يعني فيهم ناس كبار
خالد
أنا ببقى ليك مش؟؟؟
يوهوووووووووووووووو حظي

قريبي الحبيب بدر الدين..
خليهم يجو يا بدر وعليّ الضبيحة تور مدوعل..
ونحن فعلآ قرايب يا بدر ويعلم الله حظي أنا أن جمعتني القرابة
بي بدر الدين ورحمابي.. (وللبيقرا هنا نحن فعلآ أقرباء )..
لك مني أصفي محبة يابدر ..صافية( زي تمر الجروف الطامرنو في جوف الخوابي)..

ومرحبا بعودتك ايها الانسان النبيل.

ألأف شكر أخي أحمد الملك
أرجو أن لا تحرمنا من نفحاتك العطرة.

أنت واحد من عطور هذا البورد الغالية .. عد بالرحيق ... نحن نتذكر شفافية العطر لا شيئا آخر .

أمير تاج السر
شكرآ يا أخي لحسن الظن
ونسأل الله يقدرنا علي أن نكون من ناشري الرحيق والرحيق فقط
ومرحب بيك ألف.

مرحب مرحب بخال الجميع... كان بتعتبرني بت أختك ...

لكن ما دايرين نكبرك.. وإن كانت هالة الأستاذية تغشى محيّاك...

ألا ترى أن التعداد السكاني (للردود) يدل على تعداد من يحترمونك.. ويتساؤلون (متى العودة؟)

مرحب بك مره أخرى.. وشاركونا يا جماعة.. كولا بارده.. كرامة رجوع الأستاذ خالد الحاج

بنت الحسين

مريم بت الحسين..
لي عظيم الشرف يا إبنة الأخت
وتشكري لكلماتك الطيبة..

الاخ خالد الحاج ـ مرحبآ بعودتك وحمدآلله علي السلامة ـ وان شاء لله تطيب النفوس والماضي الله لا اعاده ـ

أخي منير..
أرجو أن تكون نابعة من القلب يا صديقي
وربنا يهدي النفوس..شكرآ لك لطفك والتواجد هنا

الحبيب الفاضل خالد..

حمد لله على سلامة طلتك التي تعني الكثير..

...

الله يسلمك يا رجاء

Quote: (البحر مهما طال تهزمه السواحل تتكسر الأمواج رغم العنف ضعفآ تحت أرحام الرمال...محبة)

قالها يوسف مدني وما أظنه إلا عناك بها.

اهلن خالد الحاج
مرحب بيك فى موسم الشوق كما اسماه عمنا تنقو بل انته
الشوق كله بس الدايرنه منك تفتح الصالون وتكتر من الليمون فكنا فى فى الطريق للولوج عبر بوابة الصالون الكبير
تحياتى

ومرحب بالشوق معانا.

Quote: تجاه البابِ ركضنا سويا أنا والشوقُ لحضنِ الأحبابِ

ده كلمات المطر يا حبوب ليك.. والليمون علي

YOU MADE MY DAY KHALID
MANY THANX

and you made mine Lana
مفتقدنك أين أنتي وأين يعقوب
الحال إنصلح بعض الشيئ فلا تحرمونا من وجودكم

Quote: وتاكل الأنجيرا إتذكرني يا صديق أخوك مكتول في ناس الشروق

مرحب بالنور والشروق،انا برضو زيك ياود الحاج..اضفنا فى نهاية الشهقة ياصديق

يا بشري والله إنت عزيز علي لكن الشهقة حقتي براي
وإنت وصديق حلال عليكم الأنجيرا

خالص التحايا
العزيز خالد كيفنك وسلامات دخلت عليك فى بوست اخر لك للتحيه والسلام واخبارك لكن يبدو انك لم تذهب لذاك البوست ..عموما اخبارك وكيف انت ارجو ان تكون بخير ارسلت لك رساله فى بريدك فارجو افادتنى ولك خالص تحياتى ..

العزيز معتز
حمدا لله علي السلامة والدوام لله يا إبن عمي
سأمر علي (الميل) وأرد عليك أبشر.

الأخ العزيز الغالي خالد الحاج
هاك ما في القلب من احتياج للإنسانية
تملأ بها أكواننا، وتطهر بها جراحاتنا!
خالص محبتي، والمكان بلاك خلا!
إيمان

الغالية إيمان أحمد
المكان مليان بي وجودكم الثر
وتشكري يا إبنة العم علي كلماتك الطيبة
وعميق مودتي وتقديري

خالى العذيذ خالد الحاج

برغم طنيشك لى فى بوستى بتاع الاعتزار وكتابتى لك هناك بفرحتى برجوعك, وبرغم حردانى للبورد وما جابنى ليهو الا الشديد القوى, اها واحده من الشديد القوى ده انو اقول ليك الف حمدلله لسلامه الرجوع والبورد نور بوجودك

لك التقدير والاحترام

بنت اخوك

بنت الاحفاد



وفى امان الله

لا اله الا الله

بت الأحفاد
ما تزعلي من خالك ما في طناش ولا حاجة والله ما عاش البيطنشك
لكن ما إنتبهت للبوست المقصود.
حمدا لله علي سلامتك وأرجو أن تكون رجلك إتعافت بعد الكسر
وألف شكر لوجودك هنا.

الخال خالد الحاج ..

حمدا لله على السلامة ..
وبمناسبة العودة وإسبوع الشوق والمحبة ..
هاك دي مني هدية ليك ..

الخال العزيز خالد الحاج

انا مابذعل منك ابدا, والله ماجاب الزعل انشاء الله,
الحمدلله رجلى بقت كويسه سوى بعض الالام, والموضوع ما طلع كسر, كان مجرد التواء
بس بنت اخوك سو ستريسد اليومين ديل فى الفاينال ير بروجيكت, دعواتك معانا

تحياتى


وفى امان الله

لا اله الا الله

العزيز معتصم..
ألف شكر خالك ممنون
ويا معتصم إن شاء الله أسبوع المحبة يبقي دهور محبة.


بت أخوي..
الحمد لله جات سليمة وكفارة إن شاء الله
وشدي حيلك في المذاكرة بطلي القعاد ورا الكمبيوتر
دعواتناليكي بالتوفيق.

الاخ خالد الحاج

حمد لله علي سلامة عودتك

وبالنسبة لاعتذارك لي تأكد اخي اني مسامح من داخل قلبي

واتمني ان تسود روح التسامح بين الجميع

ولك مودتي

دوما أسعد

أخي أسعد أبراهيم..
أشكرك كتير لي كرمك وسماحك
وأرجو صادق أن تصفي النفوس
وأسعدني وجودك يا أسعد لعنة الله علي الغضب
وعفاني الله وعافاك من تبعاته.
تسلم.