التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)

التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)


27-03-2011, 10:19 PM


  » http://sudaneseonline.com/cgi-bin/sdb/2bb.cgi?seq=msg&board=320&msg=1301264373&rn=0


Post: #1
Title: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: احمد محمد بشير
Date: 27-03-2011, 10:19 PM


Post: #2
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: احمد محمد بشير
Date: 27-03-2011, 10:24 PM
Parent: #1

يوسف شاكير طبعا يُعد من المفكرين في نظر القدافي
ويتم استضافته دائما في البرامج المسائية في التلفزيون الليبي.
يخاطب المشعوذ المدعو يوسف شاكير الجن بصورة غريبة
كما تشاهدوا
ويتحالف معهم لهزمية الثوار و التحالف الامريكي!!.

Post: #3
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: احمد محمد بشير
Date: 27-03-2011, 10:43 PM
Parent: #2

لا بالله, خوفتهم يا يوسف شاكير بتحالفك مع المارد الاكبر
أسـع الخزعبلات دي يقولو عليها شنو؟!
تلفزيون العاجائب, تابعوه حتموتو بالضحك.

Post: #4
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: Tragie Mustafa
Date: 28-03-2011, 00:43 AM
Parent: #3

قذافي من براءته بيطلعهم في التلفزوين
اها صاحبنا ده بيكون فشنك زي ناس بله الغائب.

الا المكربين ياهم المشت لهم الانقاذ وخلت مجلس الامن لاول مره يجمع على امر
ويصوت لضرب القذافي.


انت يا يا ابو حميد اقعد اضحك في الامر

وفاكر لولا انه اموال البترول كلها انفقتها الانقاذ في الفقراء
فاكرهم طالعين فوق رقابانا لليوم ليه؟؟!!



احيييي بس لو الم في اضان قذافي واوشوشه بهذا الامر
يمين الله كان جاب لهم محن السنغال كلها والسجاده التجانيه
كلها بتاعت نجيريا ووقتها ك ل ا ب الانقاذ يعطشوا ما يروا.




بعدين مساكين ناس اوروبا و امريكا تحرشهم قطر و اللعنات تصب عليهم هم؟؟!!

انتو يا جماعه القذافي ده ما لاقي زول يوقع له القضيه دي انه الانقاذ وراهو

Post: #5
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: سيف النصر محي الدين محمد أحمد
Date: 28-03-2011, 04:07 AM
Parent: #4

يا تراجي الجماعة ديل حتى جنهم عنصري، شوفي قال دع البومة السوداء تنعق.
ياخ الزول ده عايش في القرون المظلمة و ما عارف الحاصل في الدنيا شنو. قال بخوف الامريكان بالاشعة النيزكية
و يبشرهم بالموت السريع البطئ.
غايتو ما عندنا ليهو غير عبارة س.اونلاين الشهيرة:قووووم لف.

Post: #7
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: احمد محمد بشير
Date: 28-03-2011, 06:30 PM
Parent: #5

يا سيف النصر محي الدين
.. الفيديو دجل وكذب و نفاق و استخفاف بالمواطن الليبي.
انا متأكد انو اذا يوسف شاكير كان قال خرفاتو دي في
اي قناة غير الليبية كان حيوقفو البث ويطردوه من البرنامج.
ولكن هذا هو القذافي البيث يستعمل كل الحيل للبقاء.

هذا هو الشعب الليبي المظلوم و الجاهل بسبب سياسات القذافي
لمدى 42 سنة.
حشر القذافي فكره في التعليم الليبي و الصحة
و البيئة و الاعلام وافسده وجهّل الشعب.

Post: #6
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: احمد محمد بشير
Date: 28-03-2011, 06:26 PM
Parent: #4

اهم شئ يا تراجي اظنكم انتبهتو لي قضية تحويل مجري صراع القذافي مع الشعب.
وفتحت بوست منبها لهذه المشكلة يوم 17 فبراير ومع بداية الانتفاضة.
حيث قام القذافي بمحاولة ادخال الافارقة في الازمة.. واعلن القذافي انه سيستعين
بالامم الافريقية لوقف الثوار.

سبب هذا الامر مذابح كبيرة للافارقة ومنهم السودانيين بصورة خاصة
واخبار المجازر لا تخفي عليكم الان.

Post: #8
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: أسامة البلال
Date: 28-03-2011, 11:21 PM
Parent: #6

فيديو تحفة. فعلا محن الزمن. طيب هم وكت عندهم الجن دا كلو ليه مخسرين قروشم في شراء الأسلحة

شايفك يا أحمد اليومين دي متلح القذافي شديد. أعمل حسابك ما يقوم الزول دا يرسل ليك جن لي Norge ونقوم نضيع كلنا معاك

تراجي بالله إنتي بتصدقي في الخرافات دي ما تقولي لي في جن كندي أقصد كلكي (=:

Post: #9
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: ناصر احمد الامين
Date: 29-03-2011, 05:18 AM
Parent: #8

الشيطان يحذركم و يدعوكم الي التعقل و محاسبة النفس و عدم الاعتداء علي الاخرين !!!

ههههههههههههه دا شيطان مضروب يا مان.

Post: #10
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: احمد محمد بشير
Date: 29-03-2011, 09:17 PM
Parent: #8

مراحب يا اسامة..
جو البورد غريب في الفترة الفاتت .. مع اشتداد النقاش حول ما الهوية السودانية
عادة مثل النقاشات دي بتعملحساسية بين الناس, فالذلك احسن الناس تبتعد منها
فرفشوا ارقصوا افرحوا امرحوا غنوا اخرجو للمطاعم كما قال القذافي

لف و اتفرج اليوتوب يا اسامة ما تحرم نفسك.. والله في طريفة و رهيبة وبتقتل من الضحك

Post: #11
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: احمد محمد بشير
Date: 29-03-2011, 09:21 PM
Parent: #10

عمك دا راجل مستنكح يا ناصر .. لاقي الشعب المسكين وبيخوف فيهم بالشعوذة بتاعتو دي.
المشكلة يا ناصــر في ناس كتاااااار بصقو كلام يوسف شاكير ده..
ولو ملاحظ المذيع في بداية التسجيل قال ليهو...ياريتيا يوسف شاكير تدينا شوية من نفحاتك الايمانية
ههههههههههههاههههه

Post: #12
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: محمد زكريا
Date: 29-03-2011, 10:03 PM
Parent: #11

Quote:
الشيطان يحذركم و يدعوكم الي التعقل و محاسبة النفس و عدم الاعتداء علي الاخرين !!!

ههههههههههههه دا شيطان مضروب يا مان.


ههه والله بالغت يا ناصر انت زمان فى فصل الابتدائى كنت مسكين وزول قرايه ساى الشيطنه دى جبتها من وين هسى؟

بعدين ياخ انتو الشيطان كن الله هداه برضو ما تريحوه وتضحكوا عليهو
عملتو ليهو نفسيات , ينتحر يعنى
ولا الا يربى ليهو دقن


=====
يا ابو حميد انت جيت النرويج عن طريق ليبيا والقذافى قذفك فى البحر ولا ريحه الابرى دى شنو

Post: #13
Title: Re: التلفزيون اللـيبي يتعامل مع الجـن, شاهد كيف يخاطبون الشياطين........(فـيديو)
Author: احمد محمد بشير
Date: 30-03-2011, 10:26 PM
Parent: #12

هلا ومراحب يا محمد.
والله ريحة الابري انو الناس ديل كنت متابع مع بعض السياسيين منهم في الخارج ومازلت, وحسيت انهم متحمسيين لثورتهم وتنبأت بنجاحها بالاضافة لي انو مريت على بلدهم ووجدتهم ناس كرماء(بيكرموك اذا عرفوك وعاشروك) اما اذا ما احتكيت بيهم فما بيشتغلو بيك.
في الوصلة دي علقت وعملت مقارنة بين شبابنا السوداني و الشباب الليبي
Re: جاء دور ليبيا... 17 فبراير يوم المظاهرة في ليبيا :... بمعاقبة القبائل..
وفعلا لفت ودارت الايام وحصل المتوقع.

المشكلة الوحيده الحقابلهم بعد نهاية القذافي انو الغالبية ججاهلة, والدليل شوف الفيديوالمهزلة و الخزعبلات اعلاه.