Post: #1
Title: خمسين والجوكر بايظ
Author: khaleel
Date: 09-13-2006, 02:41 PM
الكتشينة او لعبة الورق
لولاها لا جن اهل القري
ولولاها لاصاب ارباب المعاشات جنون البقر
يقضي معظم الشباب في الاندية والبيوت وقتا كبيرا في لعبها
ميزتها ممكن تلعب لوحدك او مع الزملاء
او مع زوجتك في حالات الصفاء
لها فنون ودروب والعاب كثيرة
نواصل
|
Post: #2
Title: Re: خمسين والجوكر بايظ
Author: Muhib
Date: 09-13-2006, 03:17 PM
Parent: #1
50000000000000000000000000000000 heheeh
|
Post: #3
Title: Re: خمسين والجوكر بايظ
Author: khaleel
Date: 09-13-2006, 03:30 PM
Parent: #2
شكرا مهيب
دائما مشكلة الكشتينة في الاخر
لازم ما يكون بلادي بلادي
تسلم وبيننا ورافة قادمة
|
Post: #4
Title: Re: خمسين والجوكر بايظ
Author: عبدالكريم الامين احمد
Date: 09-13-2006, 03:43 PM
Parent: #3
Quote: لازم ما يكون بلادي بلادي
|
ياسلام ياخلي ده كمان موضوع عجيب وفيهو سربعة مدهشة..
وبلادي بلادي دي زكرتني راشد كرشة احرف بتاع (كومكان في الشرق الاوسط)
واصل يا وريف وعليك الله ركز لينا علي (الاربعتاشر ) في الاول...
|
Post: #5
Title: Re: خمسين والجوكر بايظ
Author: khaleel
Date: 09-14-2006, 02:10 PM
Parent: #4
تتكون الكتشينة من اتنين وخمسون كارت بالاضافة للجواكر والتي سوف يتم شرحها لاحقا
وتتكون من اربعة الوان
اسود وشيريا وديناري وهارت
كروتها كالاتي
واحد ويسمي( اس)
اتنين وتسمي (دو)
تلاتة وتسمي تريس
الي عشرة
وهناك الولد والبت والشايب
وكل كارت من هذه الكروت به اربعة الوان كما ذكرنا سابقا
وياريت يا عادل عثمان صورة عشان نسهل عملية الشرح للمبتديين
|
Post: #6
Title: Re: خمسين والجوكر بايظ
Author: khaleel
Date: 09-14-2006, 02:35 PM
Parent: #5
من الالعاب في الكتشينة
عشرة طيبة
كنكان ستة او كنكان تسعة
كنكان اربعناشر
كش الولد
بصرة
الوست
الهارت
البكرة
|
Post: #7
Title: Re: خمسين والجوكر بايظ
Author: Ahmed Abdallah
Date: 09-14-2006, 02:36 PM
Parent: #5
واحلى ما فيها التعريجة بالـ دامة يا لذيذ
|
Post: #8
Title: Re: خمسين والجوكر بايظ
Author: khaleel
Date: 09-14-2006, 03:08 PM
Parent: #7
هلا احمد عبدالله
دي المصطلحات في الكتشينة
الجوكر وهو يمكن ان يحل محل اي كارت
الفتوح وهي نهاية القيم
المخاوة جوكر مع كرتين
باص مصطلح يقال حين الورق غير جيد
خش مصطلح يشرح لاحقا في البكرة
الاتو يشرح في مرحلة الويست
دس كارد يشرح في مرحلة الهارت
الفزعة يقال للمخروط ( والذي فقد فلوسه في القمار) عليه ان يذهب ويحضر قروش
|
Post: #9
Title: Re: خمسين والجوكر بايظ
Author: Adil Osman
Date: 09-14-2006, 03:15 PM
Parent: #1
خليل
انا قافل!
تحياتى لك وتحياتى للناس الحلوين فى الدنيا: البنات. كان جد. كان ورق.
|
Post: #11
Title: Re: خمسين والجوكر بايظ
Author: khaleel
Date: 09-14-2006, 03:26 PM
Parent: #9
عادل عثمان
اوعي من بت الاسود
بتوديك التوج
|
Post: #10
Title: Re: خمسين والجوكر بايظ
Author: انعام حيمورة
Date: 09-14-2006, 03:21 PM
Parent: #1
الولد اسمو : البلى
البت : الدامة
وانا أحرف من حريفة من اربعتاشر لي وست امريكي ....
وبحب الحريق
وبجر ابوي بالخمسين
|
Post: #12
Title: Re: خمسين والجوكر بايظ
Author: Yassir Tayfour
Date: 09-14-2006, 03:34 PM
Parent: #10
يا أستاذ خليل
سلام وتحايا
أقول ليك حاجة!!!
غطى عــــــــــــــــــــــــام
انا ما قلت ليك ما تقعد شمالى؟؟؟
يازول ها ما تخرب ورقك ساكت
انا تتليتة ما عندى
|
Post: #13
Title: Re: خمسين والجوكر بايظ
Author: عبدالكريم الامين احمد
Date: 09-14-2006, 03:41 PM
Parent: #12
خليل يا ورق..
اسمع انا مستني قيم الوست عشان احت ليك الاتو..
لاني حمام كبير في الاربعتاشر..
وجني وجن الهارت لانها مليئة بالحقد والكراهية..
والمداخلة دي اعتبرها (دس)..واوعي من كنت الهارت
|
Post: #15
Title: Re: خمسين والجوكر بايظ
Author: khaleel
Date: 09-14-2006, 03:48 PM
Parent: #12
ياسر طيفور
لازم تكسر الدوهات
لانو عمك عبدالله خليل قال
خمسة وعشرين دو ما اتمو النزول
بعدين مالك يمينك
واوعي تفك السبعة في نص اللعب
بعدين الكارت المدبل ما تفكو اخر اللعب
|
Post: #14
Title: Re: خمسين والجوكر بايظ
Author: khaleel
Date: 09-14-2006, 03:44 PM
Parent: #10
انعام حيمورة
في كل الدنيا
الرجال قوامون علي النساء
الا في الكتشينة
البت او الدامة لها سطوة علي الولد
بعدين ناس الغرب بسمو الشايب الرواة
بعدين بتلعبي حريق مطعم ولا بتاع اخوان
|
Post: #16
Title: Re: خمسين والجوكر بايظ
Author: ثابت محمد
Date: 09-14-2006, 03:57 PM
Parent: #1
 آس أسود .. آس ديناري .. آس شيريا .. آس هارت
|
Post: #17
Title: Re: خمسين والجوكر بايظ
Author: khaleel
Date: 09-14-2006, 04:02 PM
Parent: #16
الله عليك يا ثابت
كدة ممكن اشرح للناس الحمام
ومصطلح حمام يقال للزول الكيشة في لعب الورق
كريم الوست فعلا
يدعو للمحبة والزمالة
اما الهارت فتاكل نارك
بس اوعي تزامل سيف اسكلاشي ( اسنتك مضمونة)
|
Post: #18
Title: Re: خمسين والجوكر بايظ
Author: ثابت محمد
Date: 09-14-2006, 04:03 PM
Parent: #1
 شايب ديناري .. تسعة شيريا .. سبعة هارت .. خمسة أسود
|
Post: #20
Title: Re: خمسين والجوكر بايظ
Author: khaleel
Date: 09-14-2006, 04:12 PM
Parent: #18
ثابت محمد
بالله تم جميلك
وساعدني في شرح
لعب الاربعتاشر
وينولك ثواب
|
Post: #19
Title: Re: خمسين والجوكر بايظ
Author: ثابت محمد
Date: 09-14-2006, 04:11 PM
Parent: #1
 آس .. شايب .. بنت ( دامة ) .. ولد ( بَلي ) .. عشرة .. كلهم هاااارت في الكنكان : مخمِس .. يعني فاكي تيكتين في الهارت : دِس كارت بتاع زول حاااااقد في الوست : تسمية تمانية والآتو قااافل والعجب لو جات مربوطة في القبول غايتو البجوهو ديل أمو رضيانة منو
|
Post: #21
Title: Re: خمسين والجوكر بايظ
Author: عزيز عيسى
Date: 09-14-2006, 04:14 PM
Parent: #1
يا خليل بطل الخرخرة وأرمي البايظ
دك ما معانا
أنا غايتو ورقي قافل
أقوم أكشف ليك ورقي
قالوا الحريف بيقفل على دو
وعلى فكرة في واحدين بيقولوا
كش الولد وواحدين بيقولوا خم الولد
|
Post: #22
Title: Re: خمسين والجوكر بايظ
Author: khaleel
Date: 09-14-2006, 04:22 PM
Parent: #21
عزيز عيسي
ورقك صدر
اوعي الزول البديك اشوفو
لانو قالو بطلع طوف
بعدين انت لو شاطر
كيف بتعمل المواخاة
كبير وصغير
ضغير وصغير
كبير وكبير
بعدين زول عندو جوكريين وعشرة وتريس بتجلي كيف
|
Post: #23
Title: Re: خمسين والجوكر بايظ
Author: ثابت محمد
Date: 09-14-2006, 04:25 PM
Parent: #1
 طيب ياخليل مادام عاوزين تلعبو أربعطاشر دكوها .. دكوها الكتشينة دي ما كان فيها جوكر زاتو أظنكم كلكم برالمة ساااي
|
Post: #25
Title: Re: خمسين والجوكر بايظ
Author: عبدالكريم الامين احمد
Date: 09-14-2006, 04:33 PM
Parent: #23
والله ياثابت انا القي ورق زي ده في الوست اسنفك ليك المنبر ده كلو
بس اديني معاهو مقص بتاع اي بهية تاني...بس خليل يكون زميلي ويكون مركز اليو داك..!!!
وبعدين فاكي تيكين دي والله انا اول مرة اعرف انها تيكن ..
انا كنت حمام وبقول الزول ده فاكي تيكة
|
Post: #27
Title: Re: خمسين والجوكر بايظ
Author: ثابت محمد
Date: 09-14-2006, 04:40 PM
Parent: #25
| Quote: انا كنت حمام وبقول الزول ده فاكي تيكة |
عبدالكريم
والله صحي إنت حمام سااكت .. حمام ميت كمان
المربع بقولو فاكي تيكــة
المخمّس بقولو فاكي تيكتيــن ( مُـثـنى تيكـة )
قال أنا حمام قال
أظنك بيت الأمانة يوزعو ليك ( 14 ) ورقة ويقبضو عندك ( 15 ) ورقة  
|
Post: #24
Title: Re: خمسين والجوكر بايظ
Author: ثابت محمد
Date: 09-14-2006, 04:32 PM
Parent: #1
| Quote: بعدين زول عندو جوكريين وعشرة وتريس بتجلي كيف |
ياخليل بديهو التريس العندو .. بفتح كيف ؟؟
بس لو واحد عندو
أربع بنات .. أربع سبعات .. أربع أربعات وجوكرين
أها ده بتجليهو بي شنو ؟؟
والله قميصك خمسين 
|
Post: #26
Title: Re: خمسين والجوكر بايظ
Author: khaleel
Date: 09-14-2006, 04:37 PM
Parent: #24
ثابت
التريس العندو وقع
طيب زول معرج بي جوكريين
ومافيش نازل افتح كيف
كريم انت عارف في الثورة اس الاتو ما بياكل
|
Post: #28
Title: Re: خمسين والجوكر بايظ
Author: khaleel
Date: 09-14-2006, 04:45 PM
Parent: #26
ثابت
ماهي الحكمة
انو زول لوبفتح كتير
ما تقص ليهو بتقول ليهو شوت
وماهو البنك المعلق
وما معني مصطلح طفلة
وكان تعيش
ومن هو مخترع مصطلح الدباس بجلو بالاس
|
Post: #29
Title: Re: خمسين والجوكر بايظ
Author: عبدالكريم الامين احمد
Date: 09-14-2006, 04:48 PM
Parent: #26
Quote:
خليل يا ورق..
اسمع انا مستني قيم الوست عشان احت ليك الاتو..
لاني حمام كبير في الاربعتاشر..
|
ثابت انا متفق معاك اني حمام ميت وفاكي 3 تيكات في الاربعتاشر
لكن الوست ده اسكت ساكت...تاخد سيك زي الترتيب مافي كلام...!!
|
Post: #31
Title: Re: خمسين والجوكر بايظ
Author: khaleel
Date: 09-14-2006, 04:53 PM
Parent: #29
ثابت
كريم فعلا راجل حريف في الويست
وزميلي
وسافر اخر مرة للنمسا وقدم ورقة بعنوان
( كيف تسقط المربوطة)
وبعدين لو لاحظت الرئيس السوفيتي غورباتشوف عندو ضربة في الجبهة بتاعتو
الضربة دي ضربها ليهو عبدالكريم وكانت باس الديناري
عشان غورباتشوف لعب غلط وكان زميلو لما لعبو في لاهاي في احد الموتمرات
|
Post: #30
Title: Re: خمسين والجوكر بايظ
Author: حمد فتح الرحمن
Date: 09-14-2006, 04:52 PM
Parent: #1
| Quote: بعدين ناس الغرب بسمو الشايب الرواة |
امّا ترباية داخليات بصحيح
|
Post: #32
Title: Re: خمسين والجوكر بايظ
Author: عبدالكريم الامين احمد
Date: 09-14-2006, 05:40 PM
Parent: #30
Quote: ثابت
كريم فعلا راجل حريف في الويست
وزميلي
وسافر اخر مرة للنمسا وقدم ورقة بعنوان
( كيف تسقط المربوطة)
|
فعلا ياخليل واتكلمت ياخليل عن مربوطة ناجي..وناجي ده سمي مربوطة وما اكل منها ولا يد..
وقدمتها كنموذج للمربوطة السيئة الصيت..وشرحت حركة اللعب والتسميات..
|
Post: #33
Title: Re: خمسين والجوكر بايظ
Author: محمد حسين آدم
Date: 09-14-2006, 08:30 PM
Parent: #32
ناس طاوله الهارت
علينا جاي
انا ما حاقد ولاحسود
بس اي زول
يمسك راسو.
|
Post: #34
Title: Re: خمسين والجوكر بايظ
Author: عبدالله وداعه الامين
Date: 09-14-2006, 09:09 PM
Parent: #33
محمد حسين طلع ديسك وما تتلفت
بتعمل رايح والله ااكلك الدامة واخلي يهدفا
جني وجن الطربيزة المميلة
بعدين امسك زولك دا وكان غلبك لازم تاكله كلها عشان ما يهدفا لينا
واهم شيئ لعب الغتاتة اقطع ليهو وكان غلبك ورينا الدرب انحنا بنجيبو ليك بحلق ليك ليه
|
Post: #35
Title: Re: خمسين والجوكر بايظ
Author: Muhib
Date: 09-14-2006, 09:37 PM
Parent: #34
| Quote: وبجر ابوي بالخمسين |
Watch out guys ..she is no joke
|
Post: #43
Title: Re: خمسين والجوكر بايظ
Author: khaleel
Date: 09-17-2006, 02:09 PM
Parent: #33
محمد حسين ادم
من اسواء الكروت الممكن تجيك في التوزيعة في لعبة الهارت
تسعة الشيريا بلي الهارت
بعدين اغلبك تطلع الدس كارد
ومن اسواء الكروت الممكن تجيك في الدس شايب الاسود واقف
تاكد تماما انك العريس لا محالة
|
Post: #36
Title: Re: خمسين والجوكر بايظ
Author: Ibrahim Adlan
Date: 09-14-2006, 11:22 PM
Parent: #1
انواع القفلات
قفلة جوز و ثري قفلة الحريف
قفلة غطاء عام ( دي بتخلي الجماعة زع الترزية يوم الوقفة)
قفلة علي ميت قفلة الكيشة ( الحمام)
قفلة مخاواه (احسن انواع القفلات)
قفلة علي كرت نص ( عشم ابليس في الجنة )
قفلة علي كرت طرف ( اوعي من واحد جنبك يطلع طوف)
قفلة علي غطاء فوق تحت ( قفلة المنقطنها و جايين في صناديقها)
قفلة غتاتة (فاتح لكن ما عايز تفتح عشان شمالك يخش الزون
قفلة علي كرت صغير ( اسمها شرك للفيل بي حبال التيل)
تقول لي الزيبق
|
Post: #37
Title: Re: خمسين والجوكر بايظ
Author: عبدالكريم الامين احمد
Date: 09-15-2006, 12:49 PM
Parent: #36
Quote: قفلة علي كرت نص ( عشم ابليس في الجنة )
|
اها دي عينة قفلاتي طوالي يا عدلان...
والسوال ليك وللحريف خليل..عن اختلاف القوانين في جدع الغطاء
والخمسين الخاطي (151) وارح..!!!
|
Post: #38
Title: Re: خمسين والجوكر بايظ
Author: nazar hussien
Date: 09-16-2006, 09:40 AM
Parent: #37
يا ابو خلي
والعهدة علي الراوي صديقي حسن مكاوي
قال شوف عين:
في بعض النسوان بعوسن بالجوكر
|
Post: #39
Title: Re: خمسين والجوكر بايظ
Author: Mutwali Malik
Date: 09-16-2006, 10:55 AM
Parent: #38
خلي الفردة
وزي مابقول كريم تاخذنا معك في فضاءات واسعة
واحد قافل علي دو ومزنوق وشايف الدو عند الخصم ومع تركيزو مع الدو قام رمي الخمسين جرو ليك خمسين والجوكر بايظ زعل زعل وقام سال البرمي ليهو البايظ ماترمي الدو فرد ليهو ارمي الدو كيف وهو شغال فقال فكنا بلا فقر معاك الدو شغال وانت عاطل
واصل واوعي من السيك
|
Post: #45
Title: Re: خمسين والجوكر بايظ
Author: khaleel
Date: 09-17-2006, 02:14 PM
Parent: #39
متولي الفردة
من اغرب المربوطات
واحدة بتاعة صديقنا المهندس الكبير ناجي خيرين
سمي مربوطة ولعب واخد سيك
وسميناها المربوطة في (ابقوتة)
|
Post: #44
Title: Re: خمسين والجوكر بايظ
Author: khaleel
Date: 09-17-2006, 02:12 PM
Parent: #38
نزار حسين
عارف الكسرة البعسوها بي الجوكر دي
يا طلعت (مخروطة)
او طلعت ( محروقة)
|
Post: #40
Title: Re: خمسين والجوكر بايظ
Author: khaleel
Date: 09-17-2006, 01:53 PM
Parent: #36
يا سلام يا ابراهيم عدلان
ما خليت قفلة
واحد كان قافل علي بت هارت
والزول في شمالو عندو بت الهارت
ابي يفكها والراجل انقبض
فقال ليهو ليه ما فكيت لي بت الهارت
الراجل قال ليهو ( عاد في بت بفكوها بي الليل دها)
|
Post: #41
Title: Re: خمسين والجوكر بايظ
Author: فرح
Date: 09-17-2006, 02:01 PM
Parent: #40
خليل
قدر ما حاولت اتعلم الكوشتينه دى غلبنى ما عارف لغباء فى اجهزه الاستيعاب الدماغيه. القدرت اتعلمو كش الولد
الوالد بى ولد والبت لى بت والشايب بى شايب دى حريف جدا فيها
|
Post: #42
Title: Re: خمسين والجوكر بايظ
Author: khaleel
Date: 09-17-2006, 02:05 PM
Parent: #41
الانيق فرح
ساقوم بشرح كل اللعبات وبطريقة ساهلة
وانشاء الله بعد الشرح
حاتكون احرف من عبدالله خليل
|
Post: #46
Title: Re: خمسين والجوكر بايظ
Author: nazar hussien
Date: 09-18-2006, 02:03 AM
Parent: #42
Quote: نزار حسين
عارف الكسرة البعسوها بي الجوكر دي
يا طلعت (مخروطة)
او طلعت ( محروقة) |
وكان أدوها شوية خرخرة ودكة بتطلع دلكة
|
Post: #47
Title: Re: خمسين والجوكر بايظ
Author: محمد الأمين موسى
Date: 09-18-2006, 03:00 AM
Parent: #46
أخي خليل.. أشكرك على هذه التسمية الرائعة للبوست والتي أعادت لنا ذكريات أيام لا تنتسى..
من أصعب أنواع الكوشتينة وأكثرها إثارة: الهارت.. فهي تقوم على الحقد الشديد والعداء للجميع، وهي تصلح لكي تكون مقياسا سيكولوجيا لشخصيات اللاعبين.. وقد تستغرق وقتا طويلا إذا كان جميع اللاعبين حرفاء والتربيزة ما مميلة!
يبدو لي أن السودانيين من أكثر الشعوب اهتماما وإدمانا للكشتينة بمختلف أنواعها.. ولا تنسى أن الزمن السوداني رحب وكثير من السودانيين يعيشون في يوم مقداره خمسون ألف ساعة (خليها 50 ألف ثانية!)
|
Post: #48
Title: Re: خمسين والجوكر بايظ
Author: khaleel
Date: 09-19-2006, 02:36 PM
Parent: #47
شكرا الحريف نزار حسين
ويا محمد الامين
رمضان علي الابواب
والكتشينة تحلو في رمضان
كنكان اربعتاشر
فتح عينك يا فرح سوف يبدا الشرح
ولكي نبدا هناك مصطلحان لابد من معرفتهم
الفتوح وهو ان تتم عملية توافق للكروت او تزاوج
النزول وهو نزول كمية من الكروت متوافقة مع بعض ( اي صورة والاس تحسب عشرة بقية الكروت تحسب
حسب الكرت التسعة تسعة والسبعة سبعة وهكذا وعليه يجب ان يكون مجموع الكروت النازلة واحد خمسين
او خمسة وسبعون
عملية التوافق كالاتي
اكبر عدد من الكروت يمكن نزولها وعمل التوافق لها اربعة كروت في هذه الحالةالاولي
اربعة اتنينات او تلات او خمسات اواربعات او عشرات وهكذا حتي الشياب
شروط نزول الاربعة كروت من نفس النوع الا تكرر البوهية علي سبيل المثال (ليس هناك دبل)
بت اسود وبت هارت وبت ديناري وبت شيريا
اما في الحالةالتانية اكبر عدد من الكروت هو خمسة ويكون كالاتي
اس واحد اتنين تلاتة اربعة خمسة علي ان تكون من اللون هارت مثلا
من ستة حتي العشرة
وعشرة ولد بت شايب واس
واقل كروت في هذه الحالة يمكن نزولها تلاتة
ممكن بت شايب اس من نفس اللون
عشرة ولد بت
تمانية تسعة عشرة
سبعة تمانية تسعة
اربعة خمسة ستة
اتنين تلاتة اربعة
اس واتنين تلاتة
|
Post: #49
Title: Re: خمسين والجوكر بايظ
Author: khaleel
Date: 09-21-2006, 06:07 AM
Parent: #48
تلعب الاربعتاشر
باثنين وتسمي لعبة راس
او اكثر
توزع لكل شخص اربعتاشر كارت
ما عدا الموزع ياخد خمستاشر كارت
وتتم عملية التوافق بين الكروت كما ذكرنا سابقا
بقية الكتشينة يترك مغطي ويسمي الصندوق
ويسحب منه اللاعبين كارت كارت
ويرمي بدل الكرت المسحوب كارت يسمي البايظ
طريقة النزول اما واحد وخمسين او خمسة وسبعون
وتتم اذا تمت عملية التوافق
يمكن اخد كرت من الذي ياخذ شمالك وتنزل به
وممكن النزول من يدك مباشرة
اذا تم مجموع الكروت المتوافقة واحد وخمسين
او خمسة وسبعون
|
Post: #50
Title: Re: خمسين والجوكر بايظ
Author: Ahmed Mohammed Osman
Date: 09-21-2006, 06:33 AM
Parent: #1
محمد حسين ادم
زووووووووووووووووولي
Quote: ناس طاوله الهارت
علينا جاي |
جني وجن الزميل الكشية والنقناق
عشان كدا الهارت دا تنوم بيهو براك
وتوزن بيهو براك
خوة تك تاك
|
Post: #51
Title: Re: خمسين والجوكر بايظ
Author: khaleel
Date: 09-21-2006, 06:41 AM
Parent: #50
احمد محمد عثمان
سوال فني
هل هناك دك في لعبة الهارت
بعض المدارس يقولون اذا كان ورقك ( جونير فايف ) ممكن تدكه بالقانون
واذا كان عندك عشرة صور ممكن تدكه
ولكن مستر هارت رفض الدك
وقال اكل نارك
|
Post: #52
Title: Re: خمسين والجوكر بايظ
Author: محمد حسين آدم
Date: 09-21-2006, 06:07 PM
Parent: #51
Quote: محمد حسين ادم
زووووووووووووووووولي |
زولك منكوب وجايب لي الدس مربوطه!
|
Post: #53
Title: Re: خمسين والجوكر بايظ
Author: محمد حسين آدم
Date: 09-21-2006, 06:13 PM
Parent: #52
ولو ما صلحت الدس
نرد الامانات الى اهلها!
|
Post: #54
Title: Re: خمسين والجوكر بايظ
Author: فرح
Date: 09-21-2006, 11:33 PM
Parent: #53
ممتاز
بتمرن براى لان فى زول دايرانزل معاهو وخايف من غلبو لانو لسانو طويل
|
Post: #61
Title: Re: خمسين والجوكر بايظ
Author: Ahmed Mohammed Osman
Date: 09-26-2006, 04:42 AM
Parent: #52
| Quote: زولك منكوب وجايب لي الدس مربوطه! |
دكها طولي يا عمك
وقول قايل عشرة الهارت صورة
|
Post: #60
Title: Re: خمسين والجوكر بايظ
Author: Ahmed Mohammed Osman
Date: 09-26-2006, 04:09 AM
Parent: #51
طبعا من اسس الخرخرة انو القوانين ما بتراجعا قبل القيم ما يبدا
لو جاك جنير فايف تفرش طوالي وهنا بكون القانون وضعي وتحصيل حاصل
10 صور: في ناس بقولو 7 صور قبل الديس
وناس بتقول 10 صور بعد الديس
علي العموم
اذا الحالة انطبقت علي ورق شايقي فمن الافضل قبول الدك
لانو ح يتمكن بيها ويقابلك طول عمرك 
|
Post: #55
Title: Re: خمسين والجوكر بايظ
Author: Ibrahim Adlan
Date: 09-21-2006, 11:53 PM
Parent: #1
من مصطلحات الكونكان
السمبهار و هو ان تجر قبل ما يرمو ليك البايظ
قريب الغطاء الكرت التالي للغطاء
كرت الكباية الكرت الاخير في الصندوق
التعريجة كرتين و في رواية مستر هارت خمسة كروت
المخاواة كرتين و جوكر
التيكة مربع الكروت في اي شكل 1234 او 7777
الميطي الصايمة و هي تعادل السيك و السنفكة في الوست او دامة الاسود في الهارت
و رمضان كريم
|
Post: #56
Title: Re: خمسين والجوكر بايظ
Author: khaleel
Date: 09-23-2006, 02:30 PM
Parent: #55
سلامات ابراهيم عدلان
وايضا هناك
كرت النص مثلا لو عندك ستة وسبعة وتسعة
تسمي في هذه الحالة التمانية المفقودة كرت نص وقس علي ذلك
كرت الفراق وهو كرت تسحبه ومباشرة يتم الفتوح بدون ان تنزل
تلاتة العوير وهم التلاتة دوهات يكونون الوحيدين المتوافقون في كل ورقك
وهناك مصطلح الدباس جليهو بالاس
|
Post: #57
Title: Re: خمسين والجوكر بايظ
Author: عبدالكريم الامين احمد
Date: 09-23-2006, 03:17 PM
Parent: #56
Quote: اين الكتشينة اللذيذة مع عثمان مشاكل
|
Quote: غيب الموت ايضا عبد الرووف ود تمبك اكبر خرخار في الويست
وهو يسمي (nine
وعندما تسقط يقول انا قاصد تمانية لانو انتو زي ما عارفين انا ما قريت انجليزي
|
التحية يا خليل لعثمان مشاكل
وروح ودتمبك..
وكل رمضان والجميع بخير وعافية
|
Post: #58
Title: Re: خمسين والجوكر بايظ
Author: khaleel
Date: 09-23-2006, 03:26 PM
Parent: #57
ينتهي القيم
بفتوح احد الاشخاص واذا كانت اللعبة زملان يحسب ورق الجماعة المقبوضين
واي صورة مع الاس والعشرة تحسب عشرة وبقية الكروت تحسب كما هي
ويحسب الجوكر لوحده بخمسين
وينتهي القيم بالفورة وتحصل عندما يبلغ مجموع الكروت المقبوضة اربعمائة واحد وخمسين
ما عدا المساجين فان الفورة عندهم مليون
|
Post: #59
Title: Re: خمسين والجوكر بايظ
Author: khaleel
Date: 09-25-2006, 02:09 PM
Parent: #58
رمضان كريم
نتكلم عن الحريق
ولابد من تعريف مصطلح
تتو وهو الشخص الذي يكسب العشرة لوحده بدون قسمة اذا كانت اللعبة مطعمة
يلعب الحريق بتربيزة مكونة من شخصين حتي خمستاشر
يلعب كل خمسة تلات توزيعات
وتتم التصفية في النهاية
النزول واحد خمسين
بعد الفتوح يحسب عدد الاوراق المتبقية عند اي شخص
وعندما يبلغ العدد واحد وتلاتين يعتبر الشخص حارقا او خارج اللعبة
والله يعوضو في قروشو
تحتاج لعبة الحريق للدهاء والحنكة وضبط الايقاع
وعدم رمي الكروت الكبيرة في البايظ
لازم البوايظ تكون دوهات وتريسات واربعات
لكن من اضطر غير باغ ولا عاد
|
Post: #62
Title: Re: خمسين والجوكر بايظ
Author: khaleel
Date: 09-26-2006, 02:10 PM
Parent: #59
سلامات احمد محمد عثمان
مرة لاعبين حريق في رمضان
والعشرة بي خمسة جنيه
المهم الجماعة نفضونا
وبقي ما عندنا ولا جنيه
صديقنا ابراهيم ( الجزيرة) بكسر الجيم وتشديد الزاي
قال لينا خلاص تعالو نلعب ( ملوص)
|
Post: #63
Title: Re: خمسين والجوكر بايظ
Author: khaleel
Date: 09-27-2006, 02:05 PM
Parent: #62
شباب
الجوكر له سطوة وحظوة
له كثيرا من اسماء الدلع
اب شربات في كشتينة الورق ام تلاتة سبعات
وهجو ابقرن
واب تمليكة
واحد مدمن حريق
امه قالت ليهو
تتعلي ما تدلي
قاليها
( مالك علي يا حاجة)
|
Post: #64
Title: Re: خمسين والجوكر بايظ
Author: khaleel
Date: 09-28-2006, 02:11 PM
Parent: #63
تتباين وتختلف قوانين الحريق
بين ولاية واخري
ففي قانون العقوبات لمستر بوكر ذكر التالي
يعاقب كل من يرمي الغطاء او يوزع غلط باربعتاشر ( المادة الاولي)
المادة الثانية في طريقة الاجلاس وتقرا كما يلي
في حالة لعب الحريق لاكثر من خمسة اشخاص
فانه يقوم يمين الفاتح
|
Post: #65
Title: Re: خمسين والجوكر بايظ
Author: عبدالكريم الامين احمد
Date: 09-28-2006, 02:56 PM
Parent: #64
خليل ده عدد قراء البوست...مبروك..3 سبعات ده فولي جاهز...!!!
|
Post: #66
Title: Re: خمسين والجوكر بايظ
Author: khaleel
Date: 09-28-2006, 03:14 PM
Parent: #65
تلات سبعات
كشتينة سودانية مائة المائة
الان ظهرت البلاستك
وحصل تطور رهيب في صناعة الورق
عيب التلات سبعات
اتها تهتري بسرعة وتصير منفوخة
وتتوسخ بسرعة من مدمني التمباك
|
Post: #67
Title: Re: خمسين والجوكر بايظ
Author: khaleel
Date: 09-30-2006, 03:57 PM
Parent: #66
ابراهيم عدلان
نرجو مواصلة شرح الاربعتاشر اذا في حاجة ناقصة
ثابت محمد
عايزين اربعتاشر كرت فاتحين لو سمحت
حمد فتح الرحمن والشباب
ما تجو نلعب بكرة
ودية لكن
|
Post: #68
Title: Re: خمسين والجوكر بايظ
Author: khaleel
Date: 10-03-2006, 02:29 PM
Parent: #67
الويست
تلعب بواسطة اربعة اشخاص كل اتنين متقابلين زملاء
تعتمد علي نظرية ان الاس هو اكبر حاجة وبعده الشايب والبت والولد والعشرة حتي الاتنين
الكبير ياكل
توزع الكتشينة تلتاشر كرت لكل شخص
كل شخص عليه ان ينظم ورقه كل بوهية مع بعض
وكل حسب عدد الكروت من كل بوهية
اي شخص عليه ان يسمي عدد الايادي التي يستطيع اكلها معتدا علي ان بيديه كروت كبيرة
نواصل
|
|