Post: #1
Title: كب كب ترمس ترمس
Author: khaleel
Date: 11-04-2006, 12:14 PM
جلابية ناصعة البياض
جردلان علي اليمني واليسري
كبكبي وترمس
بائع متجول لا يسال الناس الحافا
ياكل من عرق جبينه
يبيعوه بثمن بخس دراهم معدودات
يعود لعياله مستبشرا
انحني اجلالا له
كب كب ترمس ترمس
ورنش ورنش
|
Post: #2
Title: Re: كب كب ترمس ترمس
Author: Adil Osman
Date: 11-04-2006, 01:44 PM
Parent: #1
مزرعة ترمس فى شيرى، دار المناصير، الشمالية.
حصاد الترمس
شكرآ يا خليل على الكتابة السمحة، وحادقة زى الترمس. واصل. المكوجى والغسال والاسكافى (النقلتى) والترزى، وبائع البرسيم، وسيد اللبن وبائعة الفول المدمس. كلها مهن شريفة. تخرّج من عرقها وكدها اطباء ومهندسين وضباط ومحامين الخ الخ..
|
Post: #3
Title: Re: كب كب ترمس ترمس
Author: khaleel
Date: 11-04-2006, 01:52 PM
Parent: #2
Quote: .
حصاد الترمس
شكرآ يا خليل على الكتابة السمحة، وحادقة زى الترمس. واصل. المكوجى والغسال والاسكافى (النقلتى) والترزى، وبائع البرسيم، وسيد اللبن وبائعة الفول المدمس. كلها مهن شريفة. تخرّج من عرقها وكدها اطباء ومهندسين وضباط ومحامين الخ الخ.. |
عادل عثمان ذاكرة هذه الامة
لن انسي احدا منهم
واذا نسيت فليلعنني النيل والنخيل
|
Post: #4
Title: Re: كب كب ترمس ترمس
Author: MaxaB
Date: 11-04-2006, 01:53 PM
Parent: #1
تحياتي خليل ..
و عادل عثمان
موضوع ظريف
انتو عارفين .. أجمل حاجة في الموضوع .. الأهازيج البرددوها عشان يسوقو بضاعتهم ..
كترو لينا منها بالله .. خلونا نعيش جو السوق الشعبي .. و محطة الشهداء .. و سوق أم دفسو
و لكم الود ..
رب اجعل هذا بلدا آمنا وارزق أهله من الثمرات
مكسب
|
Post: #5
Title: Re: كب كب ترمس ترمس
Author: عبدالكريم الامين احمد
Date: 11-04-2006, 02:05 PM
Parent: #4
معليش ياخلي علي التاخير الشديد
لاني جاي ومعاي بائع الترمس الشهير الذي كان اسمه ايضا (تاخير شديد)...
عراقي قصير وجردل مغطاء بشاش نضيف
وصفارة عالية الصوت وعرق منسكب من الشمس والهجير
بمثل هذا الهيئة الفقيرة كان يصفر ويرددبعد كل صفارة تاخير شديد تاخير شديد
ياخ انت حتطلع ليك ميتين زول في يوم من الايام...
وشكرا ياخلي..
|
Post: #6
Title: Re: كب كب ترمس ترمس
Author: khaleel
Date: 11-04-2006, 02:05 PM
Parent: #4
| Quote: انتو عارفين .. أجمل حاجة في الموضوع .. الأهازيج البرددوها عشان يسوقو بضاعتهم |
maxab
سلامات
بائع جرايدفي مدني يلجا للاثارة لكي يبيع جريدته
فكان يقول ( اقرا هذا الخبر حامد بريمة ينتقل للهلال)
وهنا يتنبه الجماعة ويقومو بشراءالجريدة منه
سنمر علي كل هولاءالكادحين واسواقهم
شكرا يا وريف
|
Post: #7
Title: Re: كب كب ترمس ترمس
Author: عبدالكريم الامين احمد
Date: 11-05-2006, 09:39 AM
Parent: #6
التومة قاعدة في الضراءو حارسة العقاب
وابكر شال صندوقو وغاب فوق المدن
يكشكش في غطي الكشكوش وينم
وينادي علي الجزم
جزم الغبش الدايرة فوق مدار الوجع
جزم الغبش القلبهم بالظلم اتفجع...
وينادي ورنش ورنش ورنش
ابكر شالو الهجير
ابكر ضربو ا السعير
ابكر ظلموا البشير
وامونة
تشهق ...تحلم...وتستجير....
ويلا يا خلي ورنش ورنش ورنيش...اضرب الجزم ورنيش....[center/]
|
Post: #8
Title: Re: كب كب ترمس ترمس
Author: khaleel
Date: 11-05-2006, 12:43 PM
Parent: #7
نعم يا كريم
ابكر فقير من ظلمه
لم يعرف الاتاري ولم يشاهد كابتن ماجد
لم يعرف المدارس ودجاجي يلقط الحب
لكنه يغرف كيف يزيل غبار السنين علي احذيتنا
ابتسامته مشرقة ودود ولوف
اتعابه ليست بالدولار ولكنه عملة معدنية صغيرة يسد بها رمق اخوانه الجوعي
تعظيم سلام لكل ابكر وهو يمسح تلك الاحذية
|
Post: #9
Title: Re: كب كب ترمس ترمس
Author: khaleel
Date: 11-06-2006, 12:11 PM
Parent: #8
فول تسالي سمسمية يا
نغمة اروع من سيمفونيات موزارت
من هذه الصغيرة السمراء
تحمل هذه الاواني وتجوب اسواق المدينة
عشان ناس ام الحسين ما اكسفو يوم
ولو نالت هذه الذكية تعليما
لكان عندنا مدام كوري جديدة
وقلبي علي وطن يبيع اطفاله الفول والتسالي
|
Post: #10
Title: Re: كب كب ترمس ترمس
Author: Nana
Date: 11-06-2006, 01:16 PM
Parent: #9
.
سلامات خليل
شدني عنوان البوست ورجع لي ذكريات حلوة ونبيلة
ولما دخلتو يا خليل حسيت بطعم النبل والعزه
تحية لكل سوداني يتعب ويشقى عشان يعيش بشرف وعزه
تحية ليك يا ولدنا
تقديري بلا حدود
|
Post: #11
Title: Re: كب كب ترمس ترمس
Author: khaleel
Date: 11-06-2006, 01:23 PM
Parent: #10
Quote: .
سلامات خليل
شدني عنوان البوست ورجع لي ذكريات حلوة ونبيلة
ولما دخلتو يا خليل حسيت بطعم النبل والعزه
تحية لكل سوداني يتعب ويشقى عشان يعيش بشرف وعزه
تحية ليك يا ولدنا
تقديري بلا حدود |
شكرا نانا
نحن مع هولاء الفقراء والكادحين
وقال الله تعالي في الحديث القدسي
الفقراء عيالي والاغنياء وكلائي
فان لم يعط وكلائي عيالي
اذقتهم وبالي ولا ابالي
تمني لا نجد ماسح احذية من هولاء الاطفال ولا بائعات فول
|
Post: #12
Title: Re: كب كب ترمس ترمس
Author: عبدالكريم الامين احمد
Date: 11-06-2006, 01:52 PM
Parent: #11
Quote: فول تسالي سمسمية يا
|
نغمة حنونة وياخلي وصدي كفاح ومشي تحت الهجير صينية غالبا ماتكون اطلس
وفول مدمس فوقو كوز بتاع علبة صلصلة ..وتسالي لونه كالذهب...وفتاة ناهد ولكن تنتج وليس
ننوم الضحي...مهمشيين نعم..لكن منتجين فالحي ارض ويجوبون الطرق بكل مرح ونشاط
وحماس....ياخ ديل الذ ناس في الدنيا..قلب ابيض وقرش يتلما قرش قرش..عشان حاج ابكر يتعالج
وحجة حواء تجيب حبوب الضغط..وهارون يدفع قروش المدرسة,,ةعائشة هي ذاتها لازم تجهز ملايات
وعدة عشان يعرسها بوبا الميكنيكي...مفروض يكونوا قضية دولة وجيل ومثقفين وكل الذين يطلق
عليهم ساسة...وما السياسة عندي الا راحة ورفاهية الناس البسوم في راسها,,ترمس,,تسالي
فول...ورز...
واضرب اللون يا خلي..
|
Post: #13
Title: Re: كب كب ترمس ترمس
Author: khaleel
Date: 11-06-2006, 02:05 PM
Parent: #12
نعم صديقي كرمة
نحن لا نريد فول وتسالي من هولاء
نريدهم ان يلتحقوا بالمدراس ويتعلمون الموسيقي والكمبيوتر
ويشاهدون توم وجيري
ويعمرون الراوكيب الضغيرة
تخريمة
لكنها الحياة يا صغار
يسطع من ديجورها النهار
وغدا تصبحون سادة الاقمار
وحتما ستغفرون للتتار
|
Post: #14
Title: Re: كب كب ترمس ترمس
Author: khaleel
Date: 11-07-2006, 03:05 PM
Parent: #13
حافي القدمين هو
لكنه يخيط احذية الاخرين
بارع كالناطوس وهو في غرفة العمليات
انسان فنان موهوب
صفقو واقف احتراما
لعمي الاسكافي النقلتي
انهم الكادحون وكاني اسمع صوت ارجلهم عند باب القصر
|
Post: #15
Title: Re: كب كب ترمس ترمس
Author: Nana
Date: 11-08-2006, 03:43 AM
Parent: #1
صباح الخير يا خليل وكريم
صباح مليان محنه ،، معتقة بريحة تراب بلدي واهل بلدي
الابيات دي عجبتني شديد حبيت انقلها ليكم هنا:-
نعمة تقعد صاحي تحلم .. بي بيوت بي نور ودش
وبالمحبة تشق دروبا .. ولي قلوب الناس تخش
نعمة تحلم بي وجود
ما مشت بينو القيود
أفضل أفضل بي كتير .. من وطن من غير حدود
نعمة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
|
Post: #16
Title: Re: كب كب ترمس ترمس
Author: khaleel
Date: 11-08-2006, 12:05 PM
Parent: #15
Quote: نعمة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم |
نانا
نعم كلنا نحلم
ان يجف عرق الكادحين الصابرين
بدل اطفال الشوارع
ياتو اطفال المدارس
وكل زول لعملو دارس
وفي كل مجال نلقي فارس
|
Post: #17
Title: Re: كب كب ترمس ترمس
Author: Mutwali Malik
Date: 11-09-2006, 10:01 PM
Parent: #16
خلي الفردة
دائما تاخذنا معك في فضاءات بعيدة زي مابقول كريم
واكثر ما كان يشدني ذلك العربي الذي ياتي ممتطيا ناقته وينادي بصوت جهور النبق النبق الدوم واللالوب والحرجل كنا نجري خلفه حتي يغيب عن انظارنا
كان سعيدا وكنا اسعد منه ننتظره في اليوم القادم كانتظار الزين لابيه الشيخ في عرس الزين
|
Post: #18
Title: Re: كب كب ترمس ترمس
Author: khaleel
Date: 11-10-2006, 12:53 PM
Parent: #17
متولي مالك
نعم اذكر عمك ادم وهو علي صهوة حماره وهو يصيح بين الحواري
الويكة الشطة المدققة
وعم حاج الامين الخضرجي النضيف
بائع الجرجير والطماطم والبامية
نعم كادحون احرار لم يعرفون المحسوبية والرشوة قلبي معهم
|
|