Post: #1
Title: قد لا يصعد الهلال لدوري الاربعة الله يكضب الشينة
Author: khaleel
Date: 07-31-2007, 05:07 PM
تراودني هذه الايام كوابيس بان الهلال قد لا يصعد لدوري الاربعة
وهذه الافكار الهدامة كالاتي
يخسر الهلال مباراة اسيك في ابيدجان
ويخسر مباراة الترجي في تونس
ويتعادل مع الاهلي او يخسر في امدرمان فيصبح ستة او سبعة نقاط
ويكسب اسيك مبارياته الثلاث ويصبح عشرة نقاط قيصعد
او يكسب الترجي مبارياته الثلاث فيصعد
الله يستر وانا عارف السودانيين شاربيين وعينهم حارة
وهلالنا دائما بخذلنا في اللفة
ويا ساتر من الدعاتر
|
Post: #2
Title: Re: قد لا يصعد الهلال لدوري الاربعة الله يكضب الشينة
Author: Anwar Ahmed
Date: 07-31-2007, 05:27 PM
Parent: #1
خليل, اسيك ابيدجان العاجى يلعب خارج ارضه مع الاهلي المصري ونسبة الخسارة 90%. اسيك ابيدجان العاجى يلعب في ارضه مع الهلال السوداني ونسبة التعادل او خسارة اسيك وارده خاصة بعد ايقاف مهاجم اسيك العاجى المحترف ادريسو . اما الترجي فهو انهار تماما وفقد امل الصعود و كل المؤشرات تدل ان الهلال صاعد باذن الله .
أنور أحمد
|
Post: #3
Title: Re: قد لا يصعد الهلال لدوري الاربعة الله يكضب الشينة
Author: khaleel
Date: 07-31-2007, 05:34 PM
Parent: #2
Quote: خليل, اسيك ابيدجان العاجى يلعب خارج ارضه مع الاهلي المصري ونسبة الخسارة 90%. اسيك ابيدجان العاجى يلعب في ارضه مع الهلال السوداني ونسبة التعادل او خسارة اسيك وارده خاصة بعد ايقاف مهاجم اسيك العاجى المحترف ادريسو . اما الترجي فهو انهار تماما وفقد امل الصعود و كل المؤشرات تدل ان الهلال صاعد باذن الله .
|
انور احمد
ولكن كل الفرق مصيرها بيد الاهلي القاهري فاذا تعرض الاهلي للشتائم من جمهور الهلال
قد يتلاعب في نتيجة مباراته مع اسيك
غايتو من غير ما تشرح انا قلبي ملاوز
|
Post: #4
Title: Re: قد لا يصعد الهلال لدوري الاربعة الله يكضب الشينة
Author: khaleel
Date: 07-31-2007, 05:37 PM
Parent: #3
Quote: اما الترجي فهو انهار تماما وفقد امل الصعود و كل المؤشرات تدل ان الهلال صاعد باذن الله .
|
انور
ما سمعت المذيع التونسي عصام الشوالي قال شنو
الترجي يضعف ولكنه لا يموت
|
Post: #5
Title: Re: قد لا يصعد الهلال لدوري الاربعة الله يكضب الشينة
Author: عبدالكريم الامين احمد
Date: 07-31-2007, 05:40 PM
Parent: #4
جري ايييييه يا ابو الخل..
الامور ما كانت ماشة زي الورد والبهجة مالية قلوب الهلالاب..
في ايييييييييه يا خليل؟؟؟
|
Post: #7
Title: Re: قد لا يصعد الهلال لدوري الاربعة الله يكضب الشينة
Author: khaleel
Date: 07-31-2007, 05:49 PM
Parent: #5
Quote: جري ايييييه يا ابو الخل..
الامور ما كانت ماشة زي الورد والبهجة مالية قلوب الهلالاب..
في ايييييييييه يا خليل؟؟؟ |
كيكي
يبدو اني تقلت في العشاء الله يستر من همزات الشياطين
ولعلك تعلم قد ان شياطيني لا تخيب
|
Post: #6
Title: Re: قد لا يصعد الهلال لدوري الاربعة الله يكضب الشينة
Author: ثابت محمد
Date: 07-31-2007, 05:44 PM
Parent: #1
خليل قريبي
سلااااام
الوداعية قالت : انا برميهو والمكاشفي بصدقو
أسيك عندو نقطة واحدة وباقي ليهو ثلاث مباريات
أسيك ح يكسب ستة نقاط من الهلال والترجي
إحتمال نقطة لأسيك في القاهرة ضعيف جداً
يعني الوداعية بتقول أسيك ( 7 ) نقاط
الهلال عند ستة نقاط وباقي ليهو ثلاث مباريات
الهلال ح يخسر من الترجي وأسيك وربما يتعادل مع الأهلى
الوداعية بتقول برضو الهالا ( 7 ) نقاط
الترجي انساهو الوداعية قالت ده عاملين ليهو عمل وبلف في الفاضي
شوف الوداعية دي من زماااااان بتقول في شنو ؟؟
وحاااة المكاشفي لي هسي ما غلطت
مسـيرة .. المريـخ والهـلال في الكونفدرالية والأبطال
دحين شوف ليك حل في سبع نقاط لكل فريق دي
لو عملو مباراة فاصلة حقكم راااح
وأمنياتنا عاوزين الهلال يتاهل
مودتي
|
Post: #8
Title: Re: قد لا يصعد الهلال لدوري الاربعة الله يكضب الشينة
Author: khaleel
Date: 07-31-2007, 05:53 PM
Parent: #6
Quote: إحتمال نقطة لأسيك في القاهرة ضعيف جداً
|
ثابت محمد
والله ( قرموط دي ما تضمني الا تشوفي جوة النار)
اسيك مرعب فظيع والاهلي ممكن تكون زمتو لستك مافيش ضمان
|
Post: #9
Title: Re: قد لا يصعد الهلال لدوري الاربعة الله يكضب الشينة
Author: معتصم دفع الله
Date: 07-31-2007, 06:21 PM
Parent: #1
فال الله ولا فالك يا خليل ..
ياخي بعد ما بدأت تدب فينا روح الإنتصارات ..
والفرح دخل حيشانا ..
جايي مالك تهزمنا بي كلامك دا ..
تعرف يا خليل أنا متفائل جداً بأن الهلال سيكون له شأن كبير في هذه البطولة لأن الروح التي تسود الفريق كبيرة والمعنويات أكبر والكل همه أن يرى الهلال مكتملاً في بطولة أندية أفريقيا ..
عليك الله احساسك دا أجلو شوية بعد ما تنتهي البطولة دي 
|
Post: #10
Title: Re: قد لا يصعد الهلال لدوري الاربعة الله يكضب الشينة
Author: khaleel
Date: 07-31-2007, 06:30 PM
Parent: #9
Quote: تعرف يا خليل أنا متفائل جداً بأن الهلال سيكون له شأن كبير في هذه البطولة لأن الروح التي تسود الفريق كبيرة والمعنويات أكبر والكل همه أن يرى الهلال مكتملاً في بطولة أندية أفريقيا ..
|
معتصم يا فردة
والله لو ربك رب الخير استجاب دعواتنا وانتصرنا يوم الاحد علي اسيك نكون صعدنا من الجولة
الرابعة ونلعب باقي المباريات بناس زرياب والاحتياطي
اقسم بالله اضبخ خروف وانتو شيتك تجيك في محلك
|
Post: #11
Title: Re: قد لا يصعد الهلال لدوري الاربعة الله يكضب الشينة
Author: hatim ibrahim
Date: 07-31-2007, 07:21 PM
Parent: #1
.
| Quote: تراودني هذه الايام كوابيس بان الهلال قد لا يصعد لدوري الاربعة |
اهو كويس برااك سسميتها ( كوابيس ) يا خليل
الهلال صاعد باذن الله
والسيناريو حيكون كالتالي : تعادل في ابيدجان / تعادل أو انتصار في تونس / انتصار في ام درمان
يعني من عندي هاك 11 نقطة
أولادنا ديل ما ساهلين ومتأهبين للنهائي ان شاء الله
ومستواهم بيؤهلهم يشيلوا البطولة
خليك متفائل.
|
Post: #12
Title: Re: قد لا يصعد الهلال لدوري الاربعة الله يكضب الشينة
Author: رقم صفر
Date: 07-31-2007, 07:53 PM
Parent: #11
خليل بصراحة كده انا زاتتي خايف من هذا السيناريو ، فالهلال له الان سته نقاط ، وخسارته واردة لمبارياته ، اعتقد ان المباراة المهمة جدا ، هي لقاء اسيك والترجي ، يعني اذا حصل وتعادلوا ح تكون دي افضل هدية للهلال ، والهلال عليه التعادل مع اسيك في بلده واعتقد ان الهلال لو لعب بحداشر مدافع من اجل هذه النقطة فله الحق ، لان التعادل يحرم اسيك من نقطتين ، وباالتالي يصبح حده الاعلي من النقاط هو ثمانية نقاط .
لابد للهلال من التعادل علي الاقل في ساحل العاج ....
عارف المزعلني انو انا الكورة دي لي سنين خليتها عديل كده ، انتصارات الفين وسبعه دي رجعتنا تاني ، واغايتو لو خذلونا الزول تاني الدوري الاسباني ما يتابعه.
|
Post: #13
Title: Re: قد لا يصعد الهلال لدوري الاربعة الله يكضب الشينة
Author: محمد عبدالرحمن
Date: 07-31-2007, 10:00 PM
Parent: #12
خليل
كلمتك قلت ليك المرة دى جلت منك ياخليل
الهلال صاعد صاعد بأذن الله ...وماعايز اقول
ليك حايتصدر زى ماقال الرشيد المهدية
يوم الجمعه لكن بقول ليك انو الهلال لاعب
النهائى ان شاء الله ...
يازول هلال زى دا اصلو ماشفنا ..هلال
يتغلب ثلاثة فى نيجريا ويجى يعادل ويهزم
فى الخرطوم ..هلال يبادل الزمالك هدف بهدف
فى قلب القاهرة ..هلال يهزم اسيك فى الزمن
الضائع ..هلال بالاصرار دا وبالروح دى نراهن
عليه ولانخاف ...
|
Post: #14
Title: Re: قد لا يصعد الهلال لدوري الاربعة الله يكضب الشينة
Author: Rakoba
Date: 07-31-2007, 10:02 PM
Parent: #13
والله ناس أسيك لعابين 
هسي إدريسوا لو لبسوا 2 ولا 12 ما ممكن يلعب ؟!
|
Post: #15
Title: Re: قد لا يصعد الهلال لدوري الاربعة الله يكضب الشينة
Author: Ahmed musa
Date: 07-31-2007, 10:06 PM
Parent: #1
أبو الخل
عاشق أبوالهل
أسمعها مني
النهائي هلال \ أهلي
كورة أًمدرمان درون
القاهرة ماعارف
لكن لو درون الكاس هلالي
ما تنسي كلامي دة
|
Post: #16
Title: Re: قد لا يصعد الهلال لدوري الاربعة الله يكضب الشينة
Author: yasir Abdelgadir
Date: 07-31-2007, 11:05 PM
Parent: #15
تحياتي:
لو لم يجمع الهلال تلاتة نقاط من تلاتة مباريات ....يبقي احنا ذاتو ماعايزين نتأهل
|
Post: #17
Title: Re: قد لا يصعد الهلال لدوري الاربعة الله يكضب الشينة
Author: رقم صفر
Date: 08-01-2007, 05:39 AM
Parent: #16
Quote: والله ناس أسيك لعابين
هسي إدريسوا لو لبسوا 2 ولا 12 ما ممكن يلعب ؟! |
حلوه يا راكوبة ، والله دي هيثم مصطفي ما يلعبها .....
تذكر صاحبك ود رملية لمن قال ان الفيدرالية اعظم من دوري الابطال لمن الهلال قبل سنتين كان بلعب في الفيدرالية ، اها اليوم يا ربي رأيوا شنو ؟
|
Post: #18
Title: Re: قد لا يصعد الهلال لدوري الاربعة الله يكضب الشينة
Author: abuguta
Date: 08-01-2007, 06:34 AM
Parent: #17
الاخوة الخائفين على الهلال
غير ناس ثابت محمد وراكوية
ومشجعين الرواكيب..
قالو يلبسوه 2 او 12 قودوين واسكلاتشى ويوسف محمد ديل قادين لى شنو
بس يجيبو اقوان وما عندهم شغل تانى...الرطانة الافريقية ما حقتهم
الفريق المرعب حسابياوتاريخيا فى هذه الدورة بالنسبة للاهلى هو اسيك العاجى
لو قدر له وتحصل على نقاط تانى المجموعة سوف ينافس الاهلى على البطولة
لذا لا يفرط الاهلى فى نقاطه الثلاثة فى القاهرة ضد اسيك
اذن اصبح لاسيك 7 نقاط لو فرضنا كسب الهلال والترجى... والاهلى 12 نقطة ضمن الصعود لكنه لم يضمن اول المجموعة ثم ان مباراة الهلال والاهلى سوف تاتى بعد ما يتحصل الاهلى على 12 نقطة والهلال مازال فى نقاطه الفرضية...
*انطباعيا الكرة المصرية متفوقة على السودانية فى زعيمها الهلال لذا تكتيكيا احسن وافضل للاهلى ان يتخلص من اسيك وحتى لو واجه الهلال او النجم الساحى فى النهائى افضل بكثير من ملاقاة اسيك,, اضف لذلك ان للفريق القومى المصرى مباراة دوليه سوف يعلب فيها اغلب لعيبة الاهلى اتوقع ان يشارك الاهلى فى استاد الهلال بعناصر الصف الثانى لضمان سلامة مخضرميهم ولعدم ضمان كسب المباراة وايضا لعدم اهميتها
اضف لبعبع الاستاد المقبرة هذه المكرمة طرقت بيت كل مواطن عربى وافريقى ان الهلال لا يهزم فى ارضه ووسط جمهوره,,لذاسوف يكون باذن الله للهلال 9 نقاط لا محالة....
نجى لفرضية الكابتن ومحلل الart ابن الهلال الرشيد المهدية ان الهلال ينافس على المركز الاول...
ودا كلام زول واثق بان الهلال لا يهزم فى مباراياته الثلاثة الباقية
يعنى 6 نقاط+ نقطة + 3 نقاط + نقطة = 11 نقطة وكدا بكون نافس على المركز الاول
ودمتم
خلو يجيكم احمد الريح وتجتوج
|
Post: #20
Title: Re: قد لا يصعد الهلال لدوري الاربعة الله يكضب الشينة
Author: nazar hussien
Date: 08-01-2007, 08:42 AM
Parent: #18
بس يجونا سالمين وما مهزومين من اسيك...الباقي بنتمو نضم ساااااكت
|
Post: #19
Title: Re: قد لا يصعد الهلال لدوري الاربعة الله يكضب الشينة
Author: Rakoba
Date: 08-01-2007, 08:42 AM
Parent: #17
رقم صفر
سلامات
ودرملية الأيام دي ساكي الحديد وبس، والتويوتا اهم من الكونفيدرالية والأبطال.
الرشاشات بغيروا قناعاتهم سريع عارف ليه؟ لأنهم اصلا لم يتذوقوا لا كونفيدرالية لا سيكافا لا كأس عرب ، لا كأس صداقة، لا كأس ذهبي محمول، لا كأس الكؤوس الأفريقية، لا كأس الاتحاد الأفريقي، لا كأس الأندية الأفريقية.
سبعون عاماً من الخدمة، ماسكين في فرمالة واحدة " لاراش الحكم البكاش"!!
|
|