الحلو مر المدنكل يدخل مأدبة افطار البيت الأبيض

الحلو مر المدنكل يدخل مأدبة افطار البيت الأبيض


09-02-2009, 07:12 PM


  » http://sudaneseonline.com/cgi-bin/sdb/2bb.cgi?seq=msg&board=312&msg=1255247277&rn=0


Post: #1
Title: الحلو مر المدنكل يدخل مأدبة افطار البيت الأبيض
Author: Osman Musa
Date: 09-02-2009, 07:12 PM

أيامك أيام يا الحلو مر
الحلو مر
والعصيد اليمانى
والفتوش اللبنانى
وهريس الموز الصومالى
والكبسة السعودية .
شغلات من كل مطابخ المسلمين كانت هنا فى قاعة الدولة ( الماخمج )
والرئيس أوباما الذى يقيم مأدبة الافطار ( يتمطق ) فى أنتظار ال 7:45 دقيقة
ونانسى بيلوسى أنقشطت فى نص الرجال .

( بعد ده الحلومر أصبح ماركة عالمية ) وهاك يا بحوث فى معامل فرجينيا
عن من أول من قام بتخمير الحلومر المنعش . كل عام وكل العالم الحر بألف
خير .

Post: #2
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-02-2009, 07:44 PM
Parent: #1

أقام الرئيس أوباما
إفطار في البيت الأبيض تكريما لممثلي الجالية المسلمة في البلاد بمناسبة حلول شهر رمضان المبارك، وألقى كلمة أكد فيها على الجهود الرامية إلى تعزيز الروابط الودية بين الولايات المتحدة والعالم الإسلامي.


وقال اوباما في هذا الحفل الذي أقامه في إحدى صالات الاستقبال في البيت الأبيض إن الإسلام جزء لا يتجزأ من الولايات المتحدة، وإن "رمضان هو بالنسبة إلى أكثر من مليار مسلم فترة تفان وتفكير عميق"، مشيرا إلى أن إفطار رمضان يحتفل به المسلمون الأميركيون في مساجد الولايات الأميركية الـ 50.


اوباما يشيد بالجالية الإسلامية

وأشاد الرئيس أوباما بدور الإسلام في الدفاع عن العدالة والتقدم والتسامح وكرامة الإنسان، كما أشاد بإنجازات المسلمين الأميركيين ومشاركتهم في الحياة الأميركية.


وأكد الرئيس الأميركي انه "على غرار الشعب الأميركي بأسره، تتمتع الجالية المسلمة الأميركية بدينامية وتنوع هائلين".

وأضاف "بهذه المناسبة نحتفل بشهر رمضان المبارك ونحتفل أيضا بالقدر الذي أثرى به المسلمون أميركا وثقافتها".

ترحيب بطالبة مسلمة متفوقة

ومن بين المدعوين الذين رحب بهم اوباما الطالبة بلقيس عبد القدير التي تميزت بتفوقها في لعبة كرة السلة، حيث سجلت اكبر عدد من النقاط في تاريخ لعبة كرة السلة في ولاية ماساتشوستس بين تلامذة الثانويات ذكورا وإناثا.

وقال اوباما إن هذه الفتاة "قالت مؤخرا لأحد الصحافيين: أريد أن أكون مصدر الهام للكثير من الشابات المسلمات اللواتي يرغبن بممارسة كرة السلة. كل شيء ممكن، بإمكانهن هن أيضا فعلها".

وتابع اوباما "بلقيس هي مصدر الهام ليس للشابات المسلمات فحسب، إنها مصدر الهام لنا جميعا".

تحية إلى أول نائبين مسلمين في الكونغرس


ووجه الرئيس تحية أيضا إلى أول نائبين مسلمين في الكونغرس الأميركي هما كيث اليسون واندريه كارسون.

وكان اوباما تعهد في رسالة وجهها إلى المسلمين الأسبوع الماضي بمناسبة حلول رمضان بـ"اتخاذ إجراءات ملموسة" لتجديد العلاقات بين الولايات المتحدة والعالم الإسلامي.

وقال الرئيس اوباما يومها "أود أن أجدد التزامي ببداية جديدة بين أميركا والمسلمين في أنحاء العالم"، واعدا بتقديم الدعم "الثابت" لحل النزاع الإسرائيلي الفلسطيني استنادا إلى مبدأ الدولتين، و"إنهاء الحرب في العراق بطريقة مسؤولة".


المصدر _ الحرة

Post: #3
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-02-2009, 08:41 PM
Parent: #2

جميلة البنت بلقيس
كيفتنى حين قالت تريد أن تكون
مصدر الهام للبنات المسلمات.
وتكيف الرئيس أوباما بعد أن ( كركع الحلومر ) تكيف حتى قال : بلقيس
بلقيس عبدالقدير دى مصدر الهامنا جميعا .

ظنى أن فعل الحلومر هوالذى قد جدد العلاقات بين الولايات المتحدة
والعالم الاسلامى .

Post: #4
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-03-2009, 00:11 AM
Parent: #3

فى أحد الجلسات الرمضانية .
يقول الشيخ الطيب محمد الطيب والذى كان فى ضيافة
العزيز قسم الله محمد على مدثر .
يقول الشيخ الطيب : الحلو مر صناعة سودانية عديل .
أول من قامت بتخمير الحلومر هى الحاجة بت البر من قرية المكنية غرب المحمية
وقد كان ذلك فى حوالى سنة 1780 . للحج

Post: #5
Title: Re: الحلو مر المدنكل يدخل مأدبة افطار البيت ال
Author: Ahmed Abdallah
Date: 09-03-2009, 00:28 AM
Parent: #4

Quote: من قرية المكنية غرب المحمية

من جووووه البيت

Post: #6
Title: Re: الحلو مر المدنكل يدخل مأدبة افطار البيت ال
Author: وجن
Date: 09-03-2009, 01:18 AM
Parent: #5

عاش الحلو مر

اوباما دا ما يكون مسلم وداسيها

كل شي وارد

Post: #7
Title: Re: الحلو مر المدنكل يدخل مأدبة افطار البيت ال
Author: james
Date: 09-03-2009, 01:25 AM
Parent: #6

عاستو ميشال

Post: #11
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-03-2009, 06:02 PM
Parent: #7



james صاحبنا الذى ترك المريخ
سلامات
ورمضان كريم
عارف ياصاحبى . ميشيل دى أمها
ما علمتها تعوس كلوكلو .
ولو لا حلومر أحد الواشنطوناب المخضرمين لكانت المأدبة فشوش .
تحياتى

Post: #9
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-03-2009, 04:15 AM
Parent: #6

العزيزة وجن
سلامات
ورمضان كريم
ممكن ومافى مانع يكون دى بلاد الحريات .
تحياتى

Post: #8
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-03-2009, 03:16 AM
Parent: #5

العزيز أحمد عبدالله
سلامات
عمتك بت البر دى أنجض من أى سفارة
عمتك دخلت التاريخ بعد 230 سنة .. هاك الكرارة دى .
تحياتى ورمضان كريم

Post: #10
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-03-2009, 04:37 AM
Parent: #8


وقال اوباما في مأدبة افطار في البيت الابيض اقامها لممثلي الجالية المسلمة ، بمناسبة حلول شهر رمضان المبارك ان الاسلام جزء لا يتجزأ من الولايات المتحدة وان رمضان هو بالنسبة الى اكثر من مليار مسلم فترة تفان وتفكير عميق .. مشيرا الى ان افطار رمضان يحتفل به المسلمون الامريكيون في مساجد الولايات الامريكية .
واشاد الرئيس اوباما بدور الاسلام في الدفاع عن العدالة والتقدم والتسامح وكرامة الانسان كما أشاد بإنجازات المسلمين الامريكيين ومشاركتهم في الحياة الامريكية .. مؤكدا انه على غرار الشعب الامريكي بأسره تتمتع الجالية المسلمة الامريكية بدينامية وتنوع هائلين . ووجه تحية الى اول نائبين مسلمين في الكونجرس الامريكي هما كيث اليسون واندريه كارسون .
وكان اوباما قد تعهد في رسالة وجهها إلى المسلمين الأسبوع الماضي بمناسبة حلول رمضان بـ"اتخاذ اجراءات ملموسة" لتجديد العلاقات بين الولايات المتحدة والعالم الإسلامي .

Post: #12
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-03-2009, 06:43 PM
Parent: #10

نوجه التحية
لأول نائبين مسلمين فى الكونغرس الأمريكى
بمناسبة شهر رمضان المعظم أعاده الله على جميع الامم بالخير والبركات .
والنائبين هم : كيث اليسون
_____________ : واندرية كارسون .

وكل عام والحلومر فى العلالى

Post: #13
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-03-2009, 07:36 PM
Parent: #12

أول افطار رمضانى فى البيت الأبيض
كان قد بدأه الرئيس الأسبق بيل كلنتون .
فأصبح تقليدا فى ما بعد .

( تلك كانت أيام الكركدى البارد )

Post: #14
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-03-2009, 08:08 PM
Parent: #13

لو خليت بالك كدى .
هناك فى طرف المفارش فى زى نوع كوأرى سودأنية .
يمكن الحلو مر ده مابحل المكتف ؟
( يعيش الحلومر فى حوش البيت الأبيض )

Post: #15
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-03-2009, 08:17 PM
Parent: #14

كرارة عديل ؟
فطور عندو طعم .
أيام جورج بوش حتى الكنافة كانت مسيخة .

Post: #16
Title: Re: الحلو مر المدنكل يدخل مأدبة افطار البيت ال
Author: الطيب شيقوق
Date: 09-03-2009, 09:14 PM
Parent: #15

يا عثمان كلامك ده صاح ؟

هل فعلا اوباما اقام مادبة رمضانية للمسلمين في البيت الابيض؟

Post: #17
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 01:18 AM
Parent: #16

والله يا شيقوق صاح .
مأدبة جد .
لكل المسلمين فى الولايات المتحدة الأمريكية .
على كل حال يا شيقوق فاتتك .
عارف يا الطيب كان فيها مسلمين من شركة شيفرون .
يعنى كان ممكن تنفرد ليك بشيفرناوى وتعمل ليك شغل فى بترول قرية البرادنة
دى . وتطلع شبعان بليلة ودولارات . اها شن قولك ؟
والتكنلوكيا حقت ديل أحسن من الصينيين . الصينيين يا الطيب ناس كوانيين ساكت
تحياتى

Post: #18
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 01:54 AM
Parent: #17

قبال المأدبة بخمسة أيام
الحلومر جابوا ليك خبرو . لابد
مشروب .
حلال .
منعيش .
ومفيد ل Heart Disease وطبعن الامريكان جنهن وجن أمراض القلب . يازول ناس
كيث اليسون
واندرية كارسون ديل كركعوليك الحلومر جنس كركيع .

Post: #19
Title: Re: الحلو مر المدنكل يدخل مأدبة افطار البيت ال
Author: MOHAMMED ELSHEIKH
Date: 09-04-2009, 01:58 AM
Parent: #18

Quote: الصينيين يا الطيب ناس كوانيين ساكت

وفي رواية اخرى "مواسير"

Post: #20
Title: Re: الحلو مر المدنكل يدخل مأدبة افطار البيت ال
Author: Ahmed Abdallah
Date: 09-04-2009, 02:09 AM
Parent: #19

Quote: الحلو مر المدنكل


عقبال الكرارة

Post: #25
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 03:39 AM
Parent: #20

عارف يا أحمد عبدالله
لو الكرارة اليوم دأك دخلت فى المأدبة البيضاوية
كان طوالى العلاقات رجعت .
وكان خرجت الواشنطن بوست بالخط العريض ( أعادة العلاقات الكرارية بين الخرطوم و D C
عارف يا أحمد السودان ده بدون كرارة يكون زى أمريكا بدون نيويورك .
تحياتى

Post: #21
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 02:24 AM
Parent: #19



العزيز محمد الشيخ
سلامات
والله ضحكتنى لامن الجيران دايرين يجيبو السكيورتى .
كلامك ده صاح .
الصينيين ديل مواسير جد . ومافى حل .
تحياتى

Post: #22
Title: Re: الحلو مر المدنكل يدخل مأدبة افطار البيت ال
Author: mamkouna
Date: 09-04-2009, 02:40 AM
Parent: #21



وكت ميشيل عرفت للكوجين و العواسة و البلبيل ...كان خطبوا ساشا و ماليا ما بتودي موية رمضان !!؟؟


Post: #24
Title: Re: الحلو مر المدنكل يدخل مأدبة افطار البيت ال
Author: محمد الشابك
Date: 09-04-2009, 02:50 AM
Parent: #22

عقبال للشربوت

ياعثمان ...

أكان ( حكامه ) ترحل تاني بلوك من البيت الأبيض ...

ورمضان كريم ...

Post: #28
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 05:17 AM
Parent: #24

العزيز محمد الشابك
سلامات
شربوت ؟
الحلومر ده ود ناس .
يازول الشربوت ده تقيل على بطون الجماعة ديل .
لو شربوا الشربوت حقنا دأك يا محمد تانى صيدليات ال RITE AID دى تشتغل 24
ساعة ما تقيف .
يازول شربوتنا دأك بعمل حاجات عجيبة .. بعدين العلاقات بتخرب وهى أصلها
مجلبطة . عارف يا محمد قبل 5 رمضانات كدى أدينا أمريكى صاحبنا كوز شربوت وأحد بس
الزول ده بالع ليك 3 حبات فلاجيين . عليك أمان الله بطنو كركبت كركبة جد جد
تحياتى

Post: #26
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 04:25 AM
Parent: #22

بنتنا العزيزة ممكونة بت صابرة
أنشاءالله جابرة
ورمضان القادم أنشاءالله تكوجنى وتعوسى فى البيضاوى .
( وهناك فى البيضاوى توجد اسبيسات للتكوجن ) وفى عدم الطواحين توجد مرأحيك .
سلامات
ورمضان كريم

Post: #23
Title: Re: الحلو مر المدنكل يدخل مأدبة افطار البيت ال
Author: Ahmed Abdallah
Date: 09-04-2009, 02:45 AM
Parent: #16

Quote: هل فعلا اوباما اقام مادبة رمضانية للمسلمين في البيت الابيض؟

هذه عاده يا شيقوق درج على قيامها البيت الابيض
كل عام منذ مدة طويلة وليست من ابتكارات اوباما

Post: #27
Title: Re: الحلو مر المدنكل يدخل مأدبة افطار البيت ال
Author: ابراهيم على ابراهيم المحامى
Date: 09-04-2009, 04:46 AM
Parent: #23

الاخ العزيز عثمان موسى
والله ضحكتني جد


* يوم 9/9 عندنا افطار رمضان في الكونغرس تقيمه جمعية موظفي الكونغرس المسلمين بالتضامن مع سفارات خمس دول عربية، وسيكون هنالك النائبين المسلمين كيث وكارسون ،وعدد اخر من اعضاء الكونغرس.

* ويوم 10/9 سيكون افطار المجموعة العربية لشئون الكونغرس(السفارات ) مع كبار موظفي الكونغرس.

* حااشيل معاي ابري تقيل جدا واجيك صاد بالنتيجة!!

Post: #29
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 05:39 AM
Parent: #27

عزيزنا أستاذ ابراهيم المحامى
سلامات
يازول يوم 9/9 موهو بعيد .
أها اليوم دأك شيل معاك طرقتين تلاته ابري . انا عارف ابري أم سنط
خترى . ابري قاطع . يازول كيف ؟ لو ما ابري ناس ام سنط ما كانت نجحت محالج
مارنجان كلوكلو .
ابراهيم شيل الطرقتين ضرورى عليك الله
تحياتى

Post: #30
Title: Re: الحلو مر المدنكل يدخل مأدبة افطار البيت ال
Author: الطيب شيقوق
Date: 09-04-2009, 06:08 AM
Parent: #29

Quote: انا عارف ابري أم سنط


معقول استاذ ابراهيم من ام سنط ؟ سبحان الله زمن معانا وما اعرفه

مرحب بيك استاذ ابراهيم وكل عام وانت بخير تقبل تحيات زملاء المهنة عبد العظيم المحامي ومولانا اسامة بالسلطنة .

Post: #31
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 02:13 PM
Parent: #30

هيلارى كلنتون كانت فى المأدبة .
وهيلارى بعد ما لبعت كوزين من الحلومر
والفطير المشلتت
والعسل
والفول والطعمية
والكرارة . هيلارى وقفت تتك . وقالت : سوف اقوم بجولة أفريقية تشمل
السودان ولابد من التوقف فى قرية المكنية مهد حضارة الحلومر والكرارة .

Post: #32
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 02:39 PM
Parent: #30

عزيزنا المستشار الطيب شيقوق
سلامات
بلحيل : أستاذ ابراهيم من ام سنط .
عليك أمان الله يا الطيب عجبنى كتاب كنت داير ارسلو ليك
. الكتاب عن أسرار المضاربة فى سوق العملات
ال (FOREX ) طلع فى نيويورك
والكتاب جديد من فوق الصاج . وبعدين برجع ليك للكرارة >
وكيفية علاج الكرارة
لل DIABETES
تحياتى

Post: #33
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 09:17 PM
Parent: #32

رمضان أصبح معروف .
والشعب الامريكى يحب المعرفة
هادى الأيام تنزل منهاتن ام الدنيا .
أول ماتنزل فى شارع ال 42 تلفحك عطرابة الكباب .
التمر العراقى فى الشارع ويمكنك تناول الفتوش اللبنانى من أى لفة .
وخبر مأدبة رمضان على كل لسان .

Post: #34
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-04-2009, 10:01 PM
Parent: #14

الكرارة تدخل المعاجم بقوة

Post: #35
Title: Re: الحلو مر المدنكل يدخل مأدبة افطار البيت ال
Author: الطيب شيقوق
Date: 09-04-2009, 10:33 PM
Parent: #34

Quote: عليك أمان الله يا الطيب عجبنى كتاب كنت داير ارسلو ليك
. الكتاب عن أسرار المضاربة فى سوق العملات
ال (FOREX ) طلع فى نيويورك
والكتاب جديد من فوق الصاج . وبعدين برجع ليك للكرارة >


والله يا العشاء اكان سويت دى عيييييييييييك

يا زول الاستاذ دا زولناعدييييييييل

Post: #36
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-05-2009, 02:37 AM
Parent: #35

ود شيقوق .
يصلك تب فى عنوانك . أفو .
سلامات

Post: #37
Title: Re: الحلو مر المدنكل يدخل مأدبة افطار البيت ال
Author: ابراهيم على ابراهيم المحامى
Date: 09-05-2009, 06:51 AM
Parent: #36

الاستا> الطيب شيقوق
تحياتي ومودتي لكم
وكل عام وانتم بخير

نعم ام سنط قلعة القانونيين

مولانا عبيد حاج علي رئيس القضاء الاسبق
ومولانا اسامة علي سليمان
وعبد العظيم محمد نور
ومولانا الفاتح حاج النور

وملانا هاشم محمد احمد
وعدد كبير من المحامين الشباب الان

دمت لنا


http://english.aljazeera.net/focus/2009/08/200982411567993819.html


Post: #38
Title: Re: الحلو مر المدنكل يدخل مأدبة افطار البيت ال
Author: ابراهيم على ابراهيم المحامى
Date: 09-05-2009, 07:13 AM
Parent: #37

Washington Lawmakers Observe Ramadan
September 3, 2009

Listen to the Story
Tell Me More


http://www.npr.org/templates/story/story.php?storyId=112506246

Post: #39
Title: Re: الحلو مر المدنكل يدخل مأدبة افطار البيت ال
Author: Osman Musa
Date: 09-05-2009, 05:48 PM
Parent: #38

ودشيقوق .
أها شوف صاحبك ابراهيم جاب ليك
خبر الحلو مر يازول بالتنقليزى . جاب خبرو بالعجمى يا الطيب .
يازول عليك أمان الله العصايد بدعت كلوكلو .
تخيلو البليلة فى CHANNEL 9 .
وتخيلو دخول حبوباتنا التاريخ بعد 300 سنة من الطحين والكوجيين والفرك .
وبعدين حبوباتنا ما دخلن سوق أبودليق . لا لا . دخلن البيت الأبيض عديل .
وفى عهد الرئيس أوباما _ يا سلام الدم يحن .
وده البوريك أنو أوباما سودانى . والله شغل والله زمن .