إذا كنت مستمع جيد فقط ،،، بعد أذن بكري أبوبكر ،،

إذا كنت مستمع جيد فقط ،،، بعد أذن بكري أبوبكر ،،


30-03-2006, 03:12 PM


  » http://sudaneseonline.com/cgi-bin/sdb/2bb.cgi?seq=msg&board=311&msg=1314373765&rn=0


Post: #1
Title: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 30-03-2006, 03:12 PM

الأهداء ...

لكل المستمعين الجيدين من الاصدقاء هنا وعلى رأسهم بكري أبوبكر
فقد كانت الوصية أن ترسل الأغاني إليه
ولكني توليت بالإنابة عنه " فبعد أذنه"


فقد آثرت أن أحظى بشرف التقديم وفتح البوست

حقيقة نحتاج ان نستمع جيداً لما يقدم هنا، فهذه أشياء تضاهي ما قدمه الراحل المقيم مصطفى سيد أحمد للسودان
وللشعب السوداني، محاكياً معانة شعبه
بإختياره للقصائد المتميزة المليئة بهموم قضايا البلد

فلنستمع، وعذراً إن قلت، بكل إجلال

إلى:

جمال الصوت
وروعة الألحان
ولباقة الإختيار للكلمة

الفنان الرائع حمزة سليمان،،


معروفة مسيرته الفنية الصادحة التي بدأت بتأسيس فرقة عقد الجلاد، وكان قد ساهم في كثير
من الألحان الجميلة للفرقة التي عشقها الجميع ومازال، لما يتميزون به من لحن وكلمة،،

ولم ينضب نبع الاستاذ حمزة ومازال ينقب في غربته عن الثمين من الألحان ليصبها في قالب يحوي
أجمل القصائد من اجمل الشعراء

ولكم أستغرب من عظمة هذه الألحان وهذه الأغاني الثمينة جداً جداً والتي ما زالت في أطار ضيق من النشر
وأتمنى أن يتعجل في هذا المجال

لأنه ليس من حقه دفن هذه الثمائن

لنستمع لواحدة من كنوزه المدفونة

على كيفي

كلمات : عبد القادر الكتيابي
ألحان وغناء : حمزة سليمان

من ألبومه الجديد :::::::::::::::::: باب الـــروح :::::::::::

فلنحكم بعد الإستماع

في أي موقع في جغرافية الفن السوداني يضع " حمزة سليمان" موضع قدميه











Post: #2
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 30-03-2006, 03:38 PM
Parent: #1

على كيفي "القصيدة الرائعة للمبدع الشاعر الفذ : عبد القادر الكتيابي"

القصيدة التي أثارت كثيراً من الجدل ،،،،



على كيفي

أرقع جبتي أو لا أرقعها
أطرزها من اللالوب
ألبسها على المقلوب أخلعها

على كيفي

أنا لم أنتخب أحداً وما بايعت بعد محمد رجلاً
ولا صفقت للزيف لماذا أعلنوا صوري
لماذا صادروا سيفي؟
أنا ما قلت شيئاً بعد حتى الآن !!
حتى الآن أسلك أضعف الإيمان

سئمت هشاشة الترميز
ما بعد الزبى يا سيل من شيء

لمن يا طبل
والخرطوم غابئة وأم درمان والنيلان يختلفان
والأطفال في الخيران
الحرب
الدمار
الجوع

كيف الحال؟
لا تسأل عن الكيفي

حبيبي أنت يا وطن النجوم الزهر
سلهم كيف !
سل عني !
لماذا لم يخلوني
على كيفي

أنا في هذه الدنيا
على كيفي
سأبقى
ما حييت أنا

إلى أن تطهر الدنيا وينزل سيدى عيسى

لأن طريقتي في الحب يا وطني
على كيفي




أهــــــــــداء لجميع البورداب




التحفة الثانية :

أغنية في تأبين وفقد القائد جــــــــــــون قــــــرن

Post: #3
Title: Re: إذا كنت مستمع جيد فقط ،،، بعد أذن بكري أبوبكر ،،
Author: tariq
Date: 30-03-2006, 03:55 PM
Parent: #1



الأخت هوزي سلام ،، التحية لكي ولزوجك الفاضل ومن خلالكم إلى الشاعر الكتيابي وأخيرا وليس آخر إلى الفنان المقل في النشر حمزة سليمان ونوجه معك صوت لوم في ذلك ... و .. لان طريقتي في الحب يا وطني على كيفي
..

Post: #5
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 30-03-2006, 04:13 PM
Parent: #3

العزيز طارق
تسلم ياسيدي والله على السؤال
وسلام شديد من زيكو

والله حمزة سليمان عليه لوم شديد جداً
لأنه بيعمل الشغل " وبيدسه "

وما بيطلع الشغل بالهين للناس

والمصيبة انه احنا كسودانيين بنتأخر لحدي ما نؤمن بموهبة أولاد بلدنا

تسلم تاني

وشكراً على المرور والاستماع

Post: #4
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 30-03-2006, 03:59 PM
Parent: #1

التحفة المتوفرة لدي
كأنها ملحمة
علاقة الدم
كلمات : الشاعر القدير الصادق الرضي
ألحان : حمزة سليمان
الإختيارات جميعها أكثر من رائعة !!!


مطلعها:


" سوف أصنع لي فتاة من دمائي !!
كي تقدسني وتبكي عند موتي دون زيف
سوف أصنع لي فتاة من دخان سجائري
لتلم عن وجهي غبار الإغتراب
وكي تقيني مكابدة النزيف

سوف أصنع لي حبيبة تفهم الوطن الذي أشقى به واخصها بالشعر والحمى
أسميها نضــال
أن هذا الاسم أقرب من دمي
قد قلت يوماً هكذا تلد المدينة من غزارتها غباراً
كي تسميه دماً

فتلفت الوجهاء حيث أشرت
ثم تناقشوا في اللون واللغة البذيئة والرغيف
كم تبعد الاشياء عن لغتي وانتِ تغادرين دمي
إلى أقصى مفاصيل النقيض

تتسللين إلى نوافذ غربتى
وتهيئين القبر من أجلي لأرقد في سلام

كم يبعد الشعراء عن ألحانهم كي يكتبوا أشياء أخرى لا تخص العاشقات
إذاً سأعلن في المدينة عن حياتي
ثم أخرج عارياً
فى هيئة الأطفال كي أجد البراءة في ثياب الأنقياء

أكذا نموت كما ولدنا عاريين من البكاء؟



سوف أصنع لي حبيبة
سوف أصنع لي وطن"












Post: #6
Title: Re: إذا كنت مستمع جيد فقط ،،، بعد أذن بكري أبوبكر ،،
Author: أبو ساندرا
Date: 30-03-2006, 05:32 PM
Parent: #1

يا هوزي
هسع انا في الهزيع الأخير من الليل
وكل الكائنات نيام
أعني الكائنات الجميلة في بيتنا

الصباح رباح
المهدي
ولا فائدة في المصباح

بكرة الجمعة حا أتفرغ للصلوات
و
الغنوات

بتاعت حمزة سليمان

مع جزيل الشكر لك ولزيكو وحمزة والكتيابي

وكل من يسألك عنا

Post: #7
Title: Re: إذا كنت مستمع جيد فقط ،،، بعد أذن بكري أبوبكر ،،
Author: نادية عثمان
Date: 30-03-2006, 05:52 PM
Parent: #6

هووووووووووووووووزى الجميلة

تسلموا يارب انتى والموسيقار الرائع والشاعر المبدع

Post: #8
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Elkhawad
Date: 30-03-2006, 06:15 PM
Parent: #7

هوازن
استفذتني اذا كنت مستمع جيد
بسملته واتوكلت وشلت كل حسي ...

حمزة ........... حمزة
الجميل
شكراً ليك
وليك يا مرسال الطرب

Post: #12
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 31-03-2006, 06:03 PM
Parent: #8

العزيز أبو ساندرا

Quote: يا هوزي
هسع انا في الهزيع الأخير من الليل
وكل الكائنات نيام
أعني الكائنات الجميلة في بيتنا

الصباح رباح
المهدي
ولا فائدة في المصباح

بكرة الجمعة حا أتفرغ للصلوات
و
الغنوات

بتاعت حمزة سليمان

مع جزيل الشكر لك ولزيكو وحمزة والكتيابي

وكل من يسألك عنا


العزيز جداً ابو ساندرا

والله الشوق بحر يا راجل يا طيب

مليون تحية ليك وكل الكائنات الجميلة الحالمة حولك ام ساندرا وساندرا ومهيتاب ووو

وتحيات شديدة من زيكو
وحمزة

وتسلم أيها الراقي ذو الاحساس العالي جداً
ولا أستغرب
أن تهتم بهكذا أشياء

فهي على ذوقك
+ على كيفك

Post: #13
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 31-03-2006, 06:13 PM
Parent: #12

العزيزة نادية عثمان:

Quote: هووووووووووووووووزى الجميلة

تسلموا يارب انتى والموسيقار الرائع والشاعر المبدع


يا حبيبة
تسلمي انتي

لانك شاعرة واديبة وفنانة أصيلة

فقد لامس النغم أوتارك

تسلمي يا عسسسسسسسسسسسسسسسسسل

Post: #14
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 31-03-2006, 06:22 PM
Parent: #13

ElKHAWAD:
Quote: هوازن
استفذتني اذا كنت مستمع جيد
بسملته واتوكلت وشلت كل حسي ...

حمزة ........... حمزة
الجميل
شكراً ليك
وليك يا مرسال الطرب


الخواض العزيز

معقولة بث !!

أنت سيد الطرب الأصيل وطول عمرك سباق لجلب الجميل في المنتدى ولا حاجة للإثبات

إذا ما كنت انت مستمع جيد وذواق حيكون مين يعني؟؟

تسلم شديد على الإطلالة العذبة لتضفي على المكان هيبة مرور أذن تمتهن الجيد من الفن
بإحساسها الوطن

تحياتي

Post: #9
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Ibrahim Adlan
Date: 30-03-2006, 06:47 PM
Parent: #1

شكرا


كنا قبل عهد المماليك
كما قال محجوب

نخيط زراره و نولع سيجاره و نسب الحكومه

كنا نمارس البرجزة الخرطوميه

في دخول سينما B N


و التصوير في فارتي

وها نحن

لم نعد علي كيفنا

شكرا هوازن
شكرا
كتيابي
شكرا
الرضي
شكرا
حمزة

Post: #10
Title: Re: إذا كنت مستمع جيد فقط ،،، بعد أذن بكري أبوبكر ،،
Author: zico
Date: 31-03-2006, 08:34 AM
Parent: #9

الرائع حمزة سليمان
فنان جاد وملتزم
له العديد من الاغاني الجاهزة
في العلب كما يقول اهل السينما
اتمنى ان ترى النور قريبا
حقيقة كل ما استمع اليه اطرب
ويجمع كل من استمع اليه
انه يطرب
ادعوه ان يطلق لنفسه عنانها
ويطربنا

له من الود الكثير
ولك هوزي كل الود

Post: #11
Title: Re: إذا كنت مستمع جيد فقط ،،، بعد أذن بكري أبوبكر ،،
Author: عزيز
Date: 31-03-2006, 02:00 PM
Parent: #10


هوزى

و

زيكو

و

حمزة


أى أمسية هذه؟؟

ومن ذا الذى يتملكة الطرب كما أنا الآن!!

وهل من مزيد ياهوزى؟؟

هذا الشفيف هو إمتداد لمشاعرى وإحساس سكن الحنايا منذ أيام الصبا..

رغم صريخ الريح فى الضلمة
خليت عنوان فى الرملة
الهواء لو مسح الجملة
ضيع كل العنوان
أتارى بتلقيه فى حلمة
فى شط النيل النعسان
تلقينى بغسل يمه
تلقينى بغسل فرحان
وجدانى قميصو الشربان

وهذه الكلمات للصديق الحبيب الشاعر والدرامى والكمديان جمال حسن سعيد
ومن روائع حمزة سليمان والتى لم يسمعها منه أحد وهى من بواكر الحانه..

أين هى الآن ياحمزة؟؟

أصبحت متيما كلفا بربات الحجاب .. أجمل ما لحن حمزة سليمان فى نهاية الثمانينات..


الحبيبة هوزى دعينا نجعل من هذا البوست منجما للمأس الذى تخفية مواهب حمزة الجميل..

مودتى + أشواقى

عبدالعزيز خطاب

Post: #15
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 01-04-2006, 04:54 AM
Parent: #9

IBRAHIM ADLAN:
Quote: كنا قبل عهد المماليك
كما قال محجوب

نخيط زراره و نولع سيجاره و نسب الحكومه

كنا نمارس البرجزة الخرطوميه

في دخول سينما B N


و التصوير في فارتي

وها نحن

لم نعد علي كيفنا

شكرا هوازن
شكرا
كتيابي
شكرا
الرضي
شكرا
حمزة



أستاذنا القدير ابراهيم عدلان

تسلم للمرور والإضافة المتميزة

وسأهديك الكثير

Post: #16
Title: Re: إذا كنت مستمع جيد فقط ،،، بعد أذن بكري أبوبكر ،،
Author: HAMZA SULIMAN
Date: 01-04-2006, 06:10 AM
Parent: #15

شفيفه الروح.
علنى اكون ذلك النغم الذى يتكأعليه
علنى اكون شيئا
فى هذا البحر العميق
يا هوزى
ما اقدمة تجربة متواضعه جدا ...
انا من تراب وماء الحقيبه
تربيت عليها شكلتنى نسجت افئدة الموسيقى عندى اصاغتنى ثبتت عندى الرؤيه اهتدتنى الى التى هى اغنية
انا من تراب وماء عركى ,, مصطفى سيد احمد ...عقد الجلاد
الرؤيه المنبثقة من لالئ وردى ومحمد الامين ..... وهذه التجارب ما علينا الا ان نهدى لهم ورود وزهور وتشكرات ..
انا من تراب وماء مهعد الموسيقى ....
علمنى وفك عندى الحرف الموسيقى وفرش طريقى بالعلمية والعمليه
علنى يا هوزى اقدم اغنيات تناسب هذه المقامات
واشكرك وانت تحملين دواخل مرهفه وفنانه


Post: #30
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 03-04-2006, 11:49 AM
Parent: #16

العزيز حمزة

عاوزين كمان اغاني لرفعها في المنتدى

Post: #17
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 01-04-2006, 04:37 PM
Parent: #15

Zico:
Quote: الرائع حمزة سليمان
فنان جاد وملتزم
له العديد من الاغاني الجاهزة
في العلب كما يقول اهل السينما
اتمنى ان ترى النور قريبا
حقيقة كل ما استمع اليه اطرب
ويجمع كل من استمع اليه
انه يطرب
ادعوه ان يطلق لنفسه عنانها
ويطربنا

له من الود الكثير
ولك هوزي كل الود


أبو الزيك
ما ذكرته صائباً بالتأكيد
ونتمنى حفاً من الاستاذ حمزة أن يفيض علينا بكل ما لديه
من ابداعات
تسلم يا حبيب

Post: #18
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 01-04-2006, 04:42 PM
Parent: #17

عزيز :

Quote:
هوزى
و
زيكو
و
حمزة

أى أمسية هذه؟؟

ومن ذا الذى يتملكة الطرب كما أنا الآن!!

وهل من مزيد ياهوزى؟؟

هذا الشفيف هو إمتداد لمشاعرى وإحساس سكن الحنايا منذ أيام الصبا..

رغم صريخ الريح فى الضلمة
خليت عنوان فى الرملة
الهواء لو مسح الجملة
ضيع كل العنوان
أتارى بتلقيه فى حلمة
فى شط النيل النعسان
تلقينى بغسل يمه
تلقينى بغسل فرحان
وجدانى قميصو الشربان

وهذه الكلمات للصديق الحبيب الشاعر والدرامى والكمديان جمال حسن سعيد
ومن روائع حمزة سليمان والتى لم يسمعها منه أحد وهى من بواكر الحانه..

أين هى الآن ياحمزة؟؟

أصبحت متيما كلفا بربات الحجاب .. أجمل ما لحن حمزة سليمان فى نهاية الثمانينات..


الحبيبة هوزى دعينا نجعل من هذا البوست منجما للمأس الذى تخفية مواهب حمزة الجميل..

مودتى + أشواقى

عبدالعزيز خطاب


عزيز دنيانا

مشتااااااااااااقين في البداية

وأحمل بعضاً من الدرر العظيمة لحمزة
لكن طلبك
شكله صعب
لكنه وعد أن يغنيها لنسجلها مخصوص عشانك

عندنا كم عزيز

تسلم فنانا

تحياتي وودي لك

Post: #19
Title: الأغنية الثالثة ..
Author: Hozy
Date: 01-04-2006, 04:45 PM
Parent: #1

أيها السابلة ..

كلمات :أحمــد مطــر
ألحان وتوزيع : حمزة سليمان



أيها السـابلة

انا من تراب وماء
خذوا حذركم ايها السابلة
خطاكم فى جثتى نازلة
وصمتى سخاء
لان التراب صميم البقاء
وان الخطى زائلة
ولكن اذا ما حبستم بصدرى الهواء
سلوا الارض عن مبدأ الزلزلة
سلوا عن جنونى ضمير الشتاء
انا الغيمة المثقلة
اذا اجهشت بالبكاء
فان االصواعق فى دمعها مرسلة


Post: #20
Title: Re: الأغنية الثالثة ..
Author: Hozy
Date: 01-04-2006, 04:48 PM
Parent: #19










Post: #22
Title: Re: الأغنية الثالثة ..
Author: Hozy
Date: 02-04-2006, 05:51 AM
Parent: #20

HAMZA SULIMAN:
Quote: شفيفه الروح.
علنى اكون ذلك النغم الذى يتكأعليه
علنى اكون شيئا
فى هذا البحر العميق
يا هوزى
ما اقدمة تجربة متواضعه جدا ...
انا من تراب وماء الحقيبه
تربيت عليها شكلتنى نسجت افئدة الموسيقى عندى اصاغتنى ثبتت عندى الرؤيه اهتدتنى الى التى هى اغنية
انا من تراب وماء عركى ,, مصطفى سيد احمد ...عقد الجلاد
الرؤيه المنبثقة من لالئ وردى ومحمد الامين ..... وهذه التجارب ما علينا الا ان نهدى لهم ورود وزهور وتشكرات ..
انا من تراب وماء مهعد الموسيقى ....
علمنى وفك عندى الحرف الموسيقى وفرش طريقى بالعلمية والعمليه
علنى يا هوزى اقدم اغنيات تناسب هذه المقامات
واشكرك وانت تحملين دواخل مرهفه وفنانه


الرائع حمزة سليمان
أنت بالشيء الثمين
في زمن الزيف ووطن اللا وطن لغير المفسدين
فدواخلك مكنون لاليء من حقنا
فلتنثرها دوماً لنا دونما تردد

فنحن نولع بالمزيد منك

وثقافتك تعتري قمة المجد في سوداننا المسلوب
فلتنعي لنا همومنا وهموم الإغتراب ولوعة الإشتياق ممزوجة بحب الوطن وحب الناس

أهديك الف وردة
مع خالص ودي

Post: #21
Title: Re: إذا كنت مستمع جيد فقط ،،، بعد أذن بكري أبوبكر ،،
Author: bashir adam abdalla
Date: 01-04-2006, 05:18 PM
Parent: #1

هوزي..بالجد روعة

تسلمي علي الزوق الرفيع


كل الود..

Post: #23
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 02-04-2006, 05:54 AM
Parent: #21

تسلم انت يا بشير والله

ذوقك أكيد أرفع وأصيل

تسلم لهذا الحس الفنان

تحياتي لك

Post: #24
Title: Re: إذا كنت مستمع جيد فقط ،،، بعد أذن بكري أبوبكر ،،
Author: معتصم الطاهر
Date: 02-04-2006, 06:00 AM
Parent: #1

هوزى

يبدو أن _ بقة أو جغمة ) من النيل البيض قد فعلت سحرها

فعدت أكثر اشراقا

وان شاء الله الفى بالى ..

Post: #25
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 02-04-2006, 06:18 AM
Parent: #24

أستاذنا القدييييييييير شدييييييييييييييييد معتصم

بعد الاشواق الكتييييييييييييييييييييييرة شديييييييييييييييد

تسلم والله

" شربات كتارات" من نهر النيل

تعيد لنا التوازن
ونفحات من نسيم بلادي
تولد فينا كل الحنين
وتملأنا بالأمل من جديد
وأن سودانا البطل قابع يناضل هناك بالأهل
وسيظل يرقى بالجديد المنتظر


تسلم كلك ذوق والله " وكلك نظر "

ودعواتك انشااااااااااااء الله تتحقق يارب اللي في بالك
لكن اوعى تكون هناي






Post: #26
Title: Re: إذا كنت مستمع جيد فقط ،،، بعد أذن بكري أبوبكر ،،
Author: عبد الله عقيد
Date: 02-04-2006, 06:54 AM
Parent: #1

الأخت هوزي
لك التحية
ولك الشكر على الهدية/الهدايا.. الجميلة

عندما بدأت القراءة تعجبت كيف يستطيع فنان
تلحين (على كيفي).. وبدأت تصور كيفية اللحن.
وعندما بدأت الاستماع .. تفاجأت بإيقاع (النوبة)
فعلمت أن مثلي لا يمكنه تصور هذه الأمور الصعبة.
الشكر لحمزة سليمان على التميز

ولك التقدير

Post: #28
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 02-04-2006, 04:44 PM
Parent: #26

أستاذنا الغالي عبد الله عقيد

لك كل التحية والتجلة لهذه الإضافة هاهنا
واشكرك انا بدوري كل الشكر
على هذا الاحتواء الكامل
للأغاني
والاستمتاع بها حقاً
والتحية لحمزة لكل هذه الفرصة الجميلة التي فتح ابوابها لنا

تسلم تاني ودمت جداً

Post: #27
Title: Re: إذا كنت مستمع جيد فقط ،،، بعد أذن بكري أبوبكر ،،
Author: الزنجي
Date: 02-04-2006, 07:20 AM
Parent: #1


لك التحية اختى هوزى وانتى تضعين الداء وتصنعين الابتسامه
تلك راوائع خالدة من الاخوة عبدالقادر الكتيابي الذى اعتز بصداقته
وزميلي الصادق الرضي
تلك الروائع ستذداد روعه حتما عندما تنشر بصوت الكرون حمزة سليمان

هنئا لك اونت تسمتعين بتلك الكنوز المدفونة
ونسال الله ان نحظي بشرف الاستماع



محمد عبدالله ـ الزنجي

Post: #29
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 02-04-2006, 05:21 PM
Parent: #27

العزيز محمد

تسلم والله على الإضافة الجميلة
وحقاً أتمنى أن تستمع بروائع الشعراء أمثال العملاق عبد القادر الكتيابي
والعملاق الصادق الرضي
وأحمد مطر !
وقريباً من العملاق عاطــف خيري صاحب أغنية باب الروح

تسلم شديد يا الزنجي

أيها الرائع
فلتظل هاهنا تضفي على المكان عبق تواجدك فيه

تحياتي وودي

Post: #31
Title: Re: إذا كنت مستمع جيد فقط ،،، بعد أذن بكري أبوبكر ،،
Author: zico
Date: 05-04-2006, 10:06 AM
Parent: #1


Post: #32
Title: Re: إذا كنت مستمع جيد فقط ،،، بعد أذن بكري أبوبكر ،،
Author: HAMZA SULIMAN
Date: 06-04-2006, 12:24 PM
Parent: #31

لكم احبتى التحية والتقدير

Post: #33
Title: Re: إذا كنت مستمع جيد فقط ،،، بعد أذن بكري أبوبكر ،،
Author: HAMZA SULIMAN
Date: 08-04-2006, 02:14 PM
Parent: #32

يا زيكو

وينك ؟؟؟

Post: #34
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 12-04-2006, 01:41 AM
Parent: #33

حصل شنو في الاغاني يا بكري ورفعها !!
؟؟؟؟؟؟؟؟؟؟؟؟؟؟؟

Post: #35
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 12-04-2006, 01:47 AM
Parent: #1

الأغنية العجيبة جداً يا حمزة كلماتها لو سمحت

الهمباتة

انا بصراحة لقيتها مرفوعة جاهزة في بوست للاخ هشام يازول








" type="audio/x-pn-realaudio-plugin" CONTROLS="ControlPanel,StatusBar" HEIGHT="60" WIDTH="275" AUTOSTART="false" style="border: 1 double #000000">




Post: #36
Title: Re: إذا كنت مستمع جيد فقط ،،، بعد أذن بكري أبوبكر ،،
Author: HAMZA SULIMAN
Date: 12-04-2006, 01:52 AM
Parent: #1

العزيزة هوزي

الأغنية ما شغالة !

Post: #37
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Tabaldina
Date: 12-04-2006, 04:07 AM
Parent: #1

..
.
سئمت هشاشة الترميز
ما بعد الزبى يا سيل من شيء
لمن يا طبل
والخرطوم غابئة وأم درمان والنيلان يختلفان
والأطفال في الخيران
الحرب
الدمار
الجوع

كيف الحال؟
لا تسأل عن الكيفي

_____________

التحية لكما..

هوزان / حمزة

فاتنى ان احى أستاذنا الكتيابي والجمع هنا

مع الشكر مثنى وثلاث؛

Post: #38
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 16-04-2006, 11:16 PM
Parent: #37

تبلدينا العزيز

تسلم للإطلالة

تحية لك ايضا وكل الود





حمزة معليش الأغنية رفعتها تاني دلوقت شغالة خلاص

Post: #39
Title: Re: إذا كنت مستمع جيد فقط ،،، بعد أذن بكري أبوبكر ،،
Author: HAMZA SULIMAN
Date: 17-04-2006, 06:16 AM
Parent: #38

الهمباته
كلمات عاطف خيري



تشوف الغيمه
في مقله مرايه السهلة
راخيه رموشه
تنت في أم شديدة
القهوة جاتا الدوشه
في طاقه منام هلوا سه
لاوذ ود قزح
طربان وشايله الهوشه
ختفت توبة قالت أخ
نست باب حوشه فاتح
والمطور الليلة كيف ملبوشه
دسيه منك فيه
أو سميهو في الخيل الصحاب
البخشو الحضره دونما نوبة
من غير ما يدقوا الباب
البدسوا الفكرة
في ضحكه بنات
نعش البنادن قمره
تغسل جمره
في ريق السحاب
البحرسوا الخمرة
في النخل البصحى التمرة
نص الليل
إذا نقص الشراب
دسيهو منك فيهو
أو همباتى غارز
في اتر شوفتك
على رمل المناظر ناب
دسيهو منك فيهو
جمله أولياء النحت
سابقين الحواس بي ركعة
نهاضين وينفقوا
من حلوق الجوف
حصان
في ضحكتك مربوط
مرق من ليلى ليلك جنا
من دبر اليقين مقدود
كلما الموج راودك عن نفسو
تعطشي فينى
كلما الليل ذاد نجمه
في كتف العسس
جرت العصافير المطار
دخل الشعر وكر المباشرة
والبنات طفوا الرتاين ولعن
الخمروك
فتحوك اندايه ومشن
الكلما صابحتهن
سرقن نهارك ومغربن
ألفى صدورن هرطقة
واشلاق حليب
بت الذين احبهم
انه صريف في كرنق الروح
المطر ما ببقى لي زول
المغارب لابسه اقصر من
خيال المفترى
ونحن مديونين نسيم
تلقاه في اول
شريعته شاردا… فارده شروده
في الموج الحتل في باله
ظنها طافية غامته حنانا
في أيده وينقع عافيه
تشبه في الوقع من عشو
خوفوا إذا يطير
لا يلقى قبله
ولا طفل في ايدو نبله
ولا غصن ذو شوك رحيم
والبادي اجمل .

Post: #40
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 18-04-2006, 09:09 AM
Parent: #39

كلمات عظيمة حقيقة ولحن أعظم يا حمزة يا رائع


Post: #41
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 18-04-2006, 09:11 AM
Parent: #1


Post: #42
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 26-06-2006, 02:47 AM
Parent: #1

باب الروح
كلمات: عاطف خيري
ألحان: حمزة سليمان



باب الروح متاكا انسربى
صاحيات الحدائق ارعى
قبال منجنيق الخوف يعاود ضربى
قبل الطير وصعلوك النحل منكبى
هشى العافية من تمرى المخمر وعبى
متل النيل طبق مركوبو
مارق للبحر مدبى
ادخلى فى الجسد محمومة بالمرض اليحير طبى
ذى اتر النعال فوق الرمال متخبى
هشى العافية من تمرى المخمر وعبى
مرحب بالرجال من
من شرقى او من غربى
ما فينا راجلا خان
لا زول شليق ومجلى
ان جانا الغريب القانا نجدة تملى
وان جانا العدو حت ان بينا تار
لابد يضوق الزاد بعد داك بالسيوف بنحلى

Post: #43
Title: الأغنية الخامسة
Author: Hozy
Date: 26-06-2006, 02:59 AM
Parent: #1










Post: #44
Title: Re: الأغنية الخامسة
Author: Hozy
Date: 26-06-2006, 03:10 AM
Parent: #43


Post: #45
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 11-07-2006, 07:58 AM
Parent: #1






Post: #46
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 13-07-2006, 05:00 AM
Parent: #45










Post: #51
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 19-07-2006, 04:08 AM
Parent: #45


كلمات : د. عز الدين هلالي
ألحان وأداء: حمزة سليمان


عجــباً
لكـيف يعيــــــــــشُ من بعد الفنـــاء
ويطـــــول, بعد الموتِ , كائن!؟
إزددت طولاً يا قرنق
وملأتَ ساحات الرجاء
من بعد ما عزَ الَــــــقاء.
قد عانقت كفـــاك أطراف السماء
وتحكمت قدماك أجنحة السماء
و وثبتَ من بين الرُفات
ولبست أثواب الحياة
وركبتَ خيل الأمنيات
وسبحتَ فينا يا قرنق
متعتنا بالحلم , حلم الوحدةِ الكبرى,
بحجم التضحيـــات
شوَقتنا للآتيات
علمتنا بالفعل أن الحرب أضحت ذكريا ت
علمتنا كيف الرحيل يكون جزءاً من تراتيب النضاال
لكأنما , حتى رحيلُك يا قرنق ,
قد كان جزءاً من تفاصيل النضال
وحدتنا حياً و ميتاً يا قرنق
سنعيش دوماً في سلام
سنظلُ رمزاً للوئام
سيعانقُ الأبنوسُ فينا كل هامات النخيل
من أجلِ سودانٍ أصيل
من أجلِ غاياتٍ عظام
في حضنِ سودانِ الكِرام

Post: #47
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Adil Osman
Date: 13-07-2006, 07:35 AM
Parent: #1



Post: #48
Title: Re: إذا كنت مستمع جيد فقط ،،، بعد أذن بكري أبوبكر ،،
Author: عبدالله الشقليني
Date: 13-07-2006, 03:56 PM
Parent: #47

الرائعة هوزي
تحية لكِ وألف سلام

على بساط السماء تسلقنا
نمسك طرف الثوب ونُحلِق ، نتعجل إلى صفاء الموسيقار :
حمزة سليمان .
إن غاب دوماً ( في موضع الجمال بلاقي )
شكراً له ولكِ ..
وتحيتي لصديقنا في الصفحة الناصعة من القلب ...

Post: #50
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 17-07-2006, 02:31 AM
Parent: #48

استاذنا الرائع
عبدالله الشقليني

مليون تحية وتقدير لك

Quote:

إن غاب دوماً ( في موضع الجمال بلاقي )
شكراً له ولكِ ..
وتحيتي لصديقنا في الصفحة الناصعة من القلب ...



كل الجمال والود إليك

تسلم على ذوقك الرفيع

كل الشكر

Post: #49
Title: Re: إذا كنت مستمع جيد فقط ،،، بعد أذن بكري أبوبكر ،،
Author: Hozy
Date: 17-07-2006, 01:51 AM
Parent: #47

تسلم يا عادل

كلك ذوق