إنجمامة في ظل كلمة طيبة ... قبل الندامة

إنجمامة في ظل كلمة طيبة ... قبل الندامة


01-10-2008, 09:54 AM


  » http://sudaneseonline.com/cgi-bin/sdb/2bb.cgi?seq=msg&board=308&msg=1252558004&rn=0


Post: #1
Title: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 01-10-2008, 09:54 AM

قال القردابي ود عمي ضو القبيلة

Quote: الانجمامة الجديدة خليها تتأرشف
وجيب ليك واحدة جديدة بدون ندانة
والانجماماب قاعدييين
وود مصران قاااعد
وكل سنة وانتا طيب
وكل حبايبك الحلوين
ناس سلمي و سلمي(الظالمة و الما ظالمة)
وسماح
وشيقوق
وأبارو
وأبوالقاسم
وفيصل خليل(الصنديد) والكلمة دي ماتنساها في الانجمامة الجديدة عشان عاجباهو
والمهندس أبوبكر
وقريبنا محي الدين جبريل
وكل من مر(حتى ولو مرة) من هنا وانجما تحت شيدراتكم وتفيأ ظلالهاالوريفة
ونسيت أب عاجات اللحو
العضو الدايم في انجمامتكم
والكنينة (بت بلة و بت مالك) الناجضة العباد والضانة بشبالها على ود النزيهة
لهم جميعا أجمل الاماني بحلول العيد السعيد وهم يعطرون صفحات البورد
عطرا كالمسك وكالعنبر
_____________________________________________
وظلموني القالو عني غيرني البعاد


وتفرد الغالي أبوالقاسم
ونصحنا أن لا نهرب من مصيرنا
وبنقول لي سوف نظل صامدين يا مستشار وأنت دليلنا


ونخص الذين فات على القردابي ذكرهم
تيسير المبارك
وريحانة البطانة
والطوافة خفيفة الظل ( سوما )
وودالعبيد
والعم كمال
وبوبا
وايمنوف
وعثمان موسى
وبقية العقد الفريد

وبنقول كل سنة وانتم طيبين
وسوف نظل منجمين رغم الهبوب الهابّا عكسنا

Post: #2
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 01-10-2008, 10:22 AM
Parent: #1

حصل الحصل
وكان قضاءً مقدرا
وكان من حب الله لك يا ريحـــــــــــــــــــــــــانة

أن نستطيع نبدل الندانة بالندامة وإن ماتحصل ندامة
ونظل منجمين تحت شديراتنا تظلنا غيمة هدارة ودرارة

وتحياتي لكم أركان الإنجمامة

Post: #3
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 01-10-2008, 12:34 PM
Parent: #1

أبو أحمد عيد سعيد وكل عام وأنتم بخير وكل أهل الإنجمامة وزوارها


هلا ومرحب بالنسخة المستجدة ، ويا هلا ومرحب بملاذنا.

Post: #4
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 01-10-2008, 07:14 PM
Parent: #3

انتة عارف يا ود المنسى للمرة التانية تشحتف روحنـا
لكن وكما يقولون رب ضارة نافعة ..
مرة اخرى كل عام وجميع الانجماماب (بختك بقة عندك قبيلتين) بخير
وعافية وتكونو ماسكين فى سكـة المحبة والكلمة الطيبة..تمـــدوا

عمكم كمــال


Post: #5
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 01-10-2008, 07:41 PM
Parent: #4

غزال الروض
فيك رايح بالى تفداك الروح اظهر لا تبالى
يا غزال الروض
****
فى دجاك ياليل الطيب هبا لى ده الجنن قيس وكثير قبالى
هل نومى يعود والطيف يصبا لى ده يرد الروح فى الجسم البالى
****
يا الفاطرك نور فاهك عسالى ضيعت ألوف عشاق امثالى
فى حبك أذوب لى هواك ما سالى بس اخشى عليك ياجميل تنسالى
****
طيفك فى النوم لو كان يوحالى أتغزل فيه وينظر حالى
متى منو يفيق عقلى ويصحا لى ده رحيق مختوم فى لهيجو الحالى
****
ياحبيبى هواك طربا هزا لى بى سهر الليل شوقك يازالى
لا أسمع فيك اقوال عزالى أسمع واطيع أمرك يا غزالى
****
دأبى ده جزاى من جنس أفعالى أرعى الانجم ياليل أرعا لى
كيف أسعى هناك او كيف تسعى لى يا أخا الفرقد يا النجم العالى
****
يا أنيس الصيد الحاجبو هلالى فاطرك لماع وخديدك يلالى
من غيمك راح سكرى ودلالى فيك طبى حرام وهواك حلالى
****
حبك يمزج أعضاى اجمالى لو كنت يمين يهواك شمالى
يا بديع ليه فيك ضاعت امالى كان مالو هواك يامدلل ومالى
ٍٍٍٍٍٍٍٍٍ

Post: #6
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 01-10-2008, 08:11 PM
Parent: #5

كتب القردابي

Quote: وفيصل خليل(الصنديد) والكلمة دي ماتنساها في الانجمامة الجديدة عشان عاجباهو

يا القردابي الصنديد دي موش كانة بيقولها ناس قريش .....

انه صنديد من بن عبس و الراجل فيكم يلاقني وراء الجبل داك

Post: #8
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 01-10-2008, 09:12 PM
Parent: #4

Quote: انتة عارف يا ود المنسى للمرة التانية تشحتف روحنـا
لكن وكما يقولون رب ضارة نافعة ..
مرة اخرى كل عام وجميع الانجماماب (بختك بقة عندك قبيلتين) بخير
وعافية وتكونو ماسكين فى سكـة المحبة والكلمة الطيبة..تمـــدوا

عمكم كمــال

يا عم كمال أنا شحتفت روحك مرتين لكن يا الحبيب انت مشحتف روحنا لك
ستة اشهر وعدتنا بتنزيل صورة لشخصك ووعد بعدما يسافر الدبيب لمجال
اللانت واللاكهرباء ( البرداتة )

نرجو ان تبل الشوق قريب

تحياتي

Post: #7
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 01-10-2008, 09:10 PM
Parent: #3

Quote: هلا ومرحب بالنسخة المستجدة ، ويا هلا ومرحب بملاذنا.

قائد الركب وحاديه
ود ابوالقاسم
أعجبتني هذه الكلمة شديد والله ( ملاذنا )

أنعم بها من ملاذ لنا يجمعنا بخوة صافية أخوات وأخوة

ولي قدام يا زعيم وبعون الله سنظل على العهد الذي قطعناه

مودتي


Post: #9
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 02-10-2008, 09:20 AM
Parent: #7

إهداء للدبيب ودشيقوق وهو بين أهله وحبانه

طابق البوخا
قام من نداهو يهتّف
نام من الدوخا
إيدو عاقباهو
الجدلا مملوخا
ولي معالق الجوف
موسو مجلوخا

فاح لي كَبريتّا
وكبدي كاالبنزين
قادحا كِبريتا
أصلو هالكاني
عني مانجيتّا
وياجرح غوّر
إن شاءالله مابريتّا



Post: #10
Title: Re: إنجمامة في ظل كلمة طيبة ... قبل الندامة
Author: محمد عثمان محمد طه
Date: 02-10-2008, 02:26 PM
Parent: #1

ســــلام أخي وكل سنه وأنت طيب

وربنا يحقق الأمـــاني والتحايا للأهــل

قلت أهــديك رائعــة العــم الزين محمد الزين

وهو صديق للوالد عليهم رحمــة اللـــه


وبهذه المناسبة لم نسمع لإبنه الفنان علي الزين وأخباره انقطعت






Quote:


هذه الأغنية الجميلة شاعرها هو الأذباشي ( نقيب ) معاش
الزين محمد الزين من مربع سبعة قرب دكان عقاد
كان أيامها في جنوب السودان في الستينات على ماأعتقد

ياعيني تعاينن جننتنو قلبي
يا دنيا شيلتينا
وياغربا هنتينا
وإشتهينا ستينا
ستمائة ستينا
يالله ودينا
للمتمة غرب شندي

حبيبة عليك دينك
وحق والدينك
أتوصي بي زينك
أنا هايم مخبي

يا الماشي الإجازا
أرجوك تغشى الحجازا
ودي الديمة حجازا
ياقلبي تجازا
سهران وقلا نومي


أســــئلة في الخـــاطر لماذا سميت شندي فوق بالحجــــازة?

ضــريح السيدة أم كلثوم ??

من هذه ومن أين جـــاءت ???

Post: #11
Title: Re: إنجمامة في ظل كلمة طيبة ... قبل الندامة
Author: adil amin
Date: 02-10-2008, 03:12 PM
Parent: #1

العزيز خالد علي محجوب
تحية طيبة
وكل عام وانتم يخير
قبل الندامة
سفلتو طريق حوش بانقا -القضارف -دوكة-القلابات....ولى لسه

يا حليل ربوع شندي
بلد
الجمال
عندي
تحياتي لكل زوار البوست ...الذي يشع حبا وصفاء وطول عمرك صافى يا ود شندي

Post: #12
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 02-10-2008, 04:15 PM
Parent: #11

Quote: أســــئلة في الخـــاطر لماذا سميت شندي فوق بالحجــــازة?

ضــريح السيدة أم كلثوم ??

من هذه ومن أين جـــاءت ???

الأخ الفاضل محمد عثمان
تحية طيبة
كل سنة وأنت طيب وعيد مبارك عليك

شندي وأخخخخخخخخخخخ أنا لما أذكر شندي
ويا حليل ربوع شندي
وبلد الجمال عندي
والفيها نمى فني
ومن المتمة شمال

يقال يا محمد أنا مدينة شندي أسمها لكلمة ( شندي وهي نوبية )
وتعني مكان تجمع الأسواق .. ويقال أنها كانت مكان لتجمع من التسويق
قديما والله أعلم ويقال كان أول أجنبي دخل فيها قديما أسمه شندي وبرضو
الله اعلم ....
أما الحجازة فوالله لا أعلم لما سميت الحجازة ..
شندي فوق
سميت شندي فوق لآن الناس من قبل كانو يسكنون عند المزارع والمزارع قرب البحر وبعدها رحلو ليستقروا في مربع ثمانية وسبعة وتسعة حالياً وهي ارض مرتفعة بالنشبة للبحر لذا سميت شندي فوق

تحياتي محمد عثمان وتقبل دوماً سلام محجوب علي محجوب
الذي كلما ألتقيته كلفني أن أغريك السلام وأنت في غربك عن الأهل

وأما السيدة أم كلثوم ( وستي كلتوم ) كما يحلو لناس شندي
فهي بنت من آل الميرغنية جاءت مع أهلها لزيارة الشمالية
وماتت في شندي وتم دفنها في ذاك الموقع وبعدها أقام لها
وختمية شندي ذاك الضريح الذي يواري جسدها الصغير رفعة لمكانتها
في قلوبهم وحبهم للميرغنية ( آل السيد الحسن راجل كسلا ) ...




مودتي

Post: #13
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 02-10-2008, 04:23 PM
Parent: #12

Quote: العزيز خالد علي محجوب
تحية طيبة
وكل عام وانتم يخير
قبل الندامة
سفلتو طريق حوش بانقا -القضارف -دوكة-القلابات....ولى لسه

يا حليل ربوع شندي
بلد
الجمال
عندي


الحبيب /عادل أمين
تحيات طيبات وسلااام طيب
كل سنة وأنت طيب يا عادل

ذكريات شندي كثيرة يا عادل ..
خلينا بس مع ربوع شندي بعيداً من سفلتت الطرق
والسفلتة بتجيب الجفا والندامة

تسلم يا عادل على الزيارة الطيبة
ولك المودة والتقدير

Post: #14
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 02-10-2008, 05:10 PM
Parent: #13

لُقاط طرف
نسمع هذه الكلمة كثيراُ
ماذا تعني يقال لك
دا والله إت قايلني لُقاط طرف
ولا يقول ليك دا السمتان مو لُقاط طرف

جاءت الكلمة من الحال .. والحال هو حال الثمار عند قطفها ..صاحب المزرعة دوماً ينتقي أجملها وأبهاها ومابلغ القطف وما بشيل من طرف ( اي الكاملة ) .. أما العابر ( ولا نقول السارق ) وهذه الكلمة تقال عندنا في السودان. الغريب عندما يدخل المزرعة يحق له أن يأكل ويلقط ما يكفي اسرته فقط . وعادة يكون الغريب أو العابر خائف أن يراه من أهل المزرعة شخصاً( من باب الحياء فقط ) وياخذ ما تقع عليه عينة فيكون فيه ضرب الطير .. وفيه الغير مستوي... وفيه من ورق الشجر وعيدان صغار يملئ بها طرفه ... ( وهذا يسمى لُقاط طرف )

وعندما يصف بها وليد يعنى بها أنه مكمل وكامل من حسن الصفات



أنا قولي ليكَ عجيب
شدو لي وركب
في شُباحو أديب
مو لُقاط طرف
وقفن لي البنات
وقفنلّو بي الترتيب
وعشمانت الكريم
رجايا فيك مايخيب
مو لُقاط طرف

أبواتك بِحلّو القاصد البلد دينّة
يا أب حنكان بليغ كلِمتو مي لينّا
جدك بدخل الوكرا والولي هينا
وبحل كاتل الزمم لا شهادة لا بينّة

Post: #15
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 02-10-2008, 05:54 PM
Parent: #14

كل ما أقول أتوب من البنات وأنساهن
قلبي يفرني وقبل المنام أطراهن
داغسات العيون في الدنيا مافي بلاهن
الله بنذكرو.. وستاتّنا مابننساهن

بابكر ود السافل

Post: #16
Title: Re: إنجمامة في ظل كلمة طيبة ... قبل الندامة
Author: عبدالعزيز الفاضلابى
Date: 02-10-2008, 08:00 PM
Parent: #15

انا لقيت اسمى مامكتوب فاعتبرت نفسى من العقد الفريد ,, لكن قلت اجى قبل ما يظهر خرابين العامرة ,, شيقوق وابارو ,, وابارك العيد تحت الشديرة الجديدة ,, اما شيقوق فاغلب الظن انه الان شايلو رتينة فى البردانة ومقدم بنيات الفريق ,, بعد زارنو ,, واما ود ابارو ظنيتو راكب حمارته وجاى من الطاحونة بعد ان كتب على حيطانها,,, للذكرى والتاريخ من اخوكم ودابارو,,, وبعدين فضلوا اخوانى الرطانة شايفهم ظهروا ,, وتحس بيهم كدى متقريفيين لود شيقوق ,, ربنا يجمع شملهم ,, لكن بعد الحتيت السواه شيقوق فى مشيته دى ,, ما ظنينتو فضلت فيه مروة ل- ناس ابوبكر وفيصل خليل باقى ديل معسكراتن خارجية وحتيتم بتاع ناس ,, الليت ,,
كل عام وانتم بخير ,, ودامت الافراح والتواصل ,,

Post: #17
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 02-10-2008, 08:39 PM
Parent: #16

http://wikimapia.org/#lat=13.2494699&lon=34.1437912&z=13&l=10&m=a&v=2


Post: #18
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 02-10-2008, 09:29 PM
Parent: #17

الكلمــة الطيبــة هى مفتاح الروح والنفـس

الكلمة الطيبـة لها تـأثير كبير علـى وجدان المتلقــى

الكلمــة الطيبة تغرس فى الانسان اعظم المثـل والافكـار

الكلمـة الطيبة يشاق لها السامع ويطرب لها القلب

الكلمـة الطيبـة طريق المحبـة والمــودة

ولتبقى كلمة طيبة تجمعنــا وتؤلف بين قلوبنا..الى يوم الديــن



عمكم كمــال




Post: #19
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 03-10-2008, 08:40 AM
Parent: #16

Quote: انا لقيت اسمى مامكتوب فاعتبرت نفسى من العقد الفريد ,,

العزيز الفاضلابي
تحية طية وسلااااام
وكل سنة وأنت طيب وعيد مبارك عليك في غربتك وبعدك عن الأهل والجار والحبيب ( عيد السواد ) زي ما بتقول نفيسة بت علي ...
أنت يا أخي واسطة العقد الفريد .. لكن .. اللوم بجي بي الغفلات
سهونا فأرجو أن تمسحها لنا في وجوهنا الغُبر وينزل علينا عفوك برداً وسلاما

زولك لي هسي وملاح الويكاب بي المرس بكون جاب لي اليابوسا

تحياتي ومودتي يا فاضلابي


Post: #20
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 03-10-2008, 08:48 AM
Parent: #19

العم الجميل / كمال عطا
فعلاً ونردد معها ونقول
يا حليل دوام نطراهم
ويا حليل ناس هم ناسنا

السنجك الجميل .. الفنان الشفيف
حمامة سلامنا وسلام البلد من جم ( سلمى صبحي ) .. الحمام طواف وعودتنا بي طوافها
ود موسى عثمان ( ظنيتو غرقان في الدولارات )
بوبا الرمضاني ( ياأك وأختفى تاني )

وياحليل دوام نطراهم

Post: #21
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 03-10-2008, 09:25 AM
Parent: #20



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #22
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 03-10-2008, 09:46 AM
Parent: #21

هذه الأغنية أهديها لأبن عمي عمر محمد الحسن محجوب ( القردابي )
علها تخج الذاكرة و ( يطرأ ) أيام حلوة قضيناها .. راديو حبوبتنا
بت الأمين كلياني ( الاسود الطويل ) جابو ليها البروكا كما يحلو لها أن تسميه
أبن بنتها أم ستن .. ( مبارك )
يا سلام يا عمر كلما أسمع هذه الأغنية أول شئ يطفو لرأسي ذاك الراديو الأسود

Post: #23
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 03-10-2008, 04:14 PM
Parent: #1

أهل الشديرات سلالالالالالام

Quote:

جاءت الكلمة من الحال .. والحال هو حال الثمار عند قطفها ..صاحب المزرعة دوماً ينتقي أجملها وأبهاها ومابلغ القطف وما بشيل من طرف ( اي الكاملة ) .. أما العابر ( ولا نقول السارق ) وهذه الكلمة تقال عندنا في السودان. الغريب عندما يدخل المزرعة يحق له أن يأكل ويلقط ما يكفي اسرته فقط . وعادة يكون الغريب أو العابر خائف أن يراه من أهل المزرعة شخصاً( من باب الحياء فقط ) وياخذ ما تقع عليه عينة فيكون فيه ضرب الطير .. وفيه الغير مستوي... وفيه من ورق الشجر وعيدان صغار يملئ بها طرفه ... ( وهذا يسمى لُقاط طرف )


تعرف يا أبو أحمد أشهر قصة لقطف ثمار المزرعة بطلها والد الإمام أبى حنيفة ، فقد كان مسافراً ومرّ ببستان وهو جائع فقطف من ثماره ،

ولم يكن صاحب البستان موجوداً ، فأصر على السؤال عنه وطلب السماح منه عمّا أكله من البستان ، ولكن صاحب البستان لما أحسّ برفعة أخلاقه

تعنّت معه وقال له لن أسامحك فيما قطفته ما لم تتزوج إبنتى.

فتزوج إبنته وفى ليلة الدخلة أمها فى الصلاة وصليا ركعتين تنفلاً ، وكانت حصيلة تلك الزيجة الإمام أبوحنيفة النعمان.

Post: #24
Title: Re: إنجمامة في ظل كلمة طيبة ... قبل الندامة
Author: عبدالعزيز الفاضلابى
Date: 03-10-2008, 04:55 PM
Parent: #23

Quote: الكلمــة الطيبــة هى مفتاح الروح والنفـس

الكلمة الطيبـة لها تـأثير كبير علـى وجدان المتلقــى


الكلمــة الطيبة تغرس فى الانسان اعظم المثـل والافكـار

الكلمـة الطيبة يشاق لها السامع ويطرب لها القلب

الكلمـة الطيبـة طريق المحبـة والمــودة

ولتبقى كلمة طيبة تجمعنــا وتؤلف بين قلوبنا..الى يوم الديــن



عمكم كمــال

العم كمال/ الاخوان فيصل والمنسى وجميع اهل الشديرة الجديدة .
كل الامنيات الحلوة لكم ومن حواه جمعكم العامر اين ماكنتم,,
اخى فيصل ,,العم كمال:
اقتبست كل احساسك المكتوب لانه كلام جميل ,, ويرد الروح ,, وازيدكم من الشعر بيتا ان الكلمة الطيبة ترقى لمعالى تبسمك فى وجه اخيك صدقة كما قال المبعوث رحمة للعالمين ,, عليه افضل الصلوات والسلام ,, وذلك قياسا,, ادام الله الكلمات الطيبات بيننا واجراها على السنتنا,,
واخيرا لكما الشكر على انزال القوقل ,, فقد طفت به على ذكرياتى الجميلة فى سنجة الجميلة وربوعها,,
جعل الله ايامكم كلها عيدا,,,
اخوكم فى الله الفاضلابى

Post: #25
Title: Re: إنجمامة في ظل كلمة طيبة ... قبل الندامة
Author: mamkouna
Date: 03-10-2008, 04:56 PM
Parent: #1



العيد مبارك عليكم/ن يا ناس الإنجمامة...
تعود الأيام..و كلكم/ن تامين و سالمين و غانمين بإذن واحدٍ أحد.


Post: #26
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 03-10-2008, 07:18 PM
Parent: #25

Quote: العيد مبارك عليكم/ن يا ناس الإنجمامة...
تعود الأيام..و كلكم/ن تامين و سالمين و غانمين بإذن واحدٍ أحد.


الممكونة وصابرة والله يصبرك
تحياتنا طيبات لك
وكل سنة وأنت طيبة ( والأسرة )

بقينا نشوفك كل دورة .. اي كل ثلاثة أشهر مرة .. والهلال يهل كل شهر يا ممكونة

ما زعل لكن لوم أبيض والمادارك ما لآمك

لك منا التقدير والسلام

Post: #27
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 03-10-2008, 07:40 PM
Parent: #26

Quote: العم كمال/ الاخوان فيصل والمنسى وجميع اهل الشديرة الجديدة .
كل الامنيات الحلوة لكم ومن حواه جمعكم العامر اين ماكنتم,,
اخى فيصل ,,العم كمال:


الفاضلابي زاد الله لك من الفضل كيلا
كلامك حلو مذاقه يداعب حبيبات الرمل تحت شديراتنا ويزين الإنجمامة
ويخلي الزول ينشق طاقيتو ويقول هيييييييع بس ما ماشايلين رتينة

تحياتي ومودتي خليك مواظب

Post: #28
Title: Re: إنجمامة في ظل كلمة طيبة ... قبل الندامة
Author: سلمى الشيخ سلامة
Date: 04-10-2008, 02:47 AM
Parent: #27

ود المنسى طابت ايامك
اول حاجة مارسلت العنوان
ودا كلام ماصاح منك
تانى حاجة الاغنية دى اقل ماتوصف به انها
عنصرية للحد البعيد
غنى وشكرى يا ام قرقدا حتو
وما ادراك ماحتو
الى قوله
ضربو الجوزعديل حاشا ما ضلو
ولبنات البلد سمح الخبر جابو
الشاهد انها اغنية تدعو للتفرقة بين السودانيين
لذلك تجدنى (مكجناها)
عليك الله يا اسحبها يا خليها تسكت
نحنا ما ناقصين تفرقة
معليش يعنى لكنها من الاغنيات التى تدعو لتجارة الرقيق
ونحن فى عصر تجاوز هذه المفاهيم

محبتى

Post: #29
Title: Re: إنجمامة في ظل كلمة طيبة ... قبل الندامة
Author: سمية الحسن طلحة
Date: 04-10-2008, 06:24 AM
Parent: #28

العيد مبارك عليكم ياأهلنا
يعود عليكم تاميين ولاميين بعودة الغايبين وكل سنة وانتو طيبين

Post: #33
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-10-2008, 09:24 AM
Parent: #29

Quote: العيد مبارك عليكم ياأهلنا
يعود عليكم تاميين ولاميين بعودة الغايبين وكل سنة وانتو طيبين

الأخت الفاضلة الكريمة
سمية ريحانة البطانة
كل سنة وأنت طيب يا بت الناس الطيبين
أهل الصاهلة والبارك والسارحة ......

نمني النفس والنفس تواقة لمزيد من المشاركة
وبالذات من أشعارك الخاصة ( ويا ريت )

ولك التحية والتقدير

_________________________
ملاحظة كتبت الريـــــحانة

سرو في بطنو

Post: #30
Title: Re: إنجمامة في ظل كلمة طيبة ... قبل الندامة
Author: ALGARADABI
Date: 04-10-2008, 06:44 AM
Parent: #28

سلمي يا سلامة
كل سنة وانتي كما انتي
أصلو ماعايزين أكتر من كدة

أمس استضاف التلفزيون السوداني الفنان الخالدي فذكرتك(وسهام الخالدي نواهل منك) وهو يتحدث عن ظلمك ويصر على ذلك لربع قرن من الزمان..
حقيقة أشفق عليك من ظلم الخالدي
وأشفق على الخالدي من حصر نفسة في مربع ظلم سلمي كل هذه السنين
ونفس الأغاني التي كنا نسمعها في بداية الثمانينات وبنفس ترتيب الشريط
له الله هذا المسكين من ظلم سلمي وظلم عبد المنعم الخالدي...

بعدين تعالي هنا
كيف يسحب عيال أب جويلي؟؟
مش خالد قال ليك بتجي في راديو بت اللمين(عليها الرحمة)؟؟
والله كان سمعتك كان ندهت عليك شيخا ود العجيل أو تور الجريف
أو الشيخ باسبار أب عنقريبا طار ما شالو الرجال
وفي الحالة الأخيرة سيلحقك مش لو في أمريكا...
هذا النديهه ذات القوة الثلاثية نتيجتها فتاكة فأحزريها...

بعدين مالو القرقد
ما سمعتي اسماعيل عبدالمعين وهو يردد:
يا ام قرقدي
جبدي
كان ابقي زي حقي دي


ودمتي في ظلمك

















أحلي ظلم

Post: #34
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-10-2008, 09:28 AM
Parent: #30

Quote: بعدين تعالي هنا
كيف يسحب عيال أب جويلي؟؟
مش خالد قال ليك بتجي في راديو بت اللمين(عليها الرحمة)؟؟
والله كان سمعتك كان ندهت عليك شيخا ود العجيل أو تور الجريف
أو الشيخ باسبار أب عنقريبا طار ما شالو الرجال
وفي الحالة الأخيرة سيلحقك مش لو في أمريكا...
هذا النديهه ذات القوة الثلاثية نتيجتها فتاكة فأحزريها...

تور الجريف أب عنقريباً طار وركا في باسبار
وما شالوا الرُجال

وبعدما ما تديها الدعوة
وسلمى تحتج .. تقول ليها :
يا بت أنا جبتا طاريك ؟

Post: #64
Title: Re: إنجمامة في ظل كلمة طيبة ... قبل الندامة
Author: سلمى الشيخ سلامة
Date: 06-10-2008, 08:48 PM
Parent: #30

Quote: حقيقة أشفق عليك من ظلم الخالدي

يا حبيبنا القرضابى
حلوة التسمية دى ؟
الخالدى وما ادراك ما الخالدى
اول مادخلت المعهد كان فى حفلة استقبال
لدفعتنا
غنا فيها الخالدى
الكلام دا فى اوائل الثمانينات
واول مرة اسمع الاغنية دى
وقمنا انشرحنا كدى ورقصنا ليك رقيص مجانين
المهم اتصاحبنا والخالدى
بقى محل ما يجى المعهد (كان بيدرس فى الدراسات الاضافية )
واول ما يلاقينى السلام كدى
ـ وعاد بالليل دا ماليلا طويل يا سلمى
مافى اى كلام تانى ولغاية الان اتلاقى معاهو دا سلامنا
وامكن كمان ورثه للعازفين
لانه ميكائيل الضو وعثمان مبارك برضو بسلمو على بنفس الطريقة

Post: #31
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-10-2008, 08:52 AM
Parent: #28

Quote: ود المنسى طابت ايامك
اول حاجة مارسلت العنوان
ودا كلام ماصاح منك
تانى حاجة الاغنية دى اقل ماتوصف به انها
عنصرية للحد البعيد
غنى وشكرى يا ام قرقدا حتو
وما ادراك ماحتو
الى قوله
ضربو الجوزعديل حاشا ما ضلو
ولبنات البلد سمح الخبر جابو
الشاهد انها اغنية تدعو للتفرقة بين السودانيين
لذلك تجدنى (مكجناها)
عليك الله يا اسحبها يا خليها تسكت
نحنا ما ناقصين تفرقة


العزيزة سلمى سلامة
الليلة شواطينك مولعين ( المسيسبي قايم ولا شنو )
أصلو قالوا البحر لما يقوم الجماعة ديل بمرقوا

كل سنة وأنت طيبة وتامة وبنيتك أمانة

يا ستي برسل ليك العنوان أنا ذاتي ماعارفو
بسأل جيرانا أجيبو ليك ...
أما عن الأغنية يا سلمى لها ذكريات بيننا نحن أولاد محجوب
كانت عندما تدار في إذاعة أم درمان نسمع لها في راديو
حبوبتنا بت اللمين كلياني ( الراديو الأسود ) معلق فوق رف
فوق حزقت خشباته يد أبن العمة عليه رحمة الله ( مصطفى اللفت )
وعليه فوطة مشغولة برعت فيها يدي ( العافية عفاف ) بنت عمتنا
عليهن رحمة الله .. وراقدة تحت الرف في عنقريب قد جلد حباله
( الموج ) العَمة ست النفر بت محجوب تسوي لينا كدي كدي ونحن
نعرض ونصوّقر ( عميرة .. فتاح .. وأنا .. وعماد .. عصام .. محجوب )
وبعدها يعمل ( محجوب ابن عمتنا الكلولة وهو غير محجوب الأول ) العِمة
ضنب عبور .. ونركز لي البطان ...
مالك يا سلمى حرمتينا من هذه الذكرى الحلوة .. عنصرية شنو .. والله لا
نحمل في نفوسنا أن نرى هناك من دوننا نحب أن نعيشها ايامنا فرحة وبهجة
وكلمة طيبة تجمعنا وكلنا أولاد تسعة وكلنا من آدم وآدم من تراب ..

لكن طلبك مجاب رغم حلاوة الذكرى التي اردت أن أجددها للقردابي

وتسلمي يا سلمى
ولك التقدير والمودة

Post: #32
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-10-2008, 09:19 AM
Parent: #31

أها يا سلمى
كمان قولي لي دي أغنية من منطقة شندي
عشان اجيب ليك
عزة السودان نحن ناسا
( فنان البشير قيقّم )




pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #35
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 04-10-2008, 09:39 AM
Parent: #32

دي برضو اسحبها يا خالد

لانو كلمات الاغنية فيها كلمة خالد


يا يجيبوا اسامينه كلنا يا بلاش



عمبزح استاذة سلمى

Post: #36
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-10-2008, 09:49 AM
Parent: #35

Quote: دي برضو اسحبها يا خالد

لانو كلمات الاغنية فيها كلمة خالد


فيسل هليل الرطاني
سلااااام
كلامك رطاني مكسر ما قلنا شئ

لكن سمعك يبقى
مدشدش ومكسر ... دي كيف ؟؟ ونعالجها كيف ؟؟

بقول يا سيدي

أنا الخلاني فوق نيران جهنم خالف
وحار بي الحيل فراق الزول بعدما يوالف

ما

خالـــــد

خلي أرجبت تكب القطرة سريع

Post: #37
Title: Re: إنجمامة في ظل كلمة طيبة ... قبل الندامة
Author: فاروق أبوحوه
Date: 04-10-2008, 10:12 AM
Parent: #36

ود المنسي وجماعتو:


ممكن أقعد معاكم؟؟


والله كان ما دايرني اتكل قبلان
بسكت سااااااااااااااااكت.










_____________________
وش مسكين وبياكل في (ضفورو).

Post: #39
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-10-2008, 03:16 PM
Parent: #37

Quote: ود المنسي وجماعتو:


ممكن أقعد معاكم؟؟


والله كان ما دايرني اتكل قبلان
بسكت سااااااااااااااااكت.


أبوحوه
سلااام طيب يا طيب
وكل سنة وأنت طيب

ها زول ها أفو أفو حرّم البكان بكانك ونحن أغراب وضيوفك

مرحب حباب العِزو ما لفاية
أب ناراً تولع لي الضيوف دفايّة
بيك يا شيخ العرب الإفتخار ما كفاية
التابعك إن جانّا نفخربّو نخدمو حفايا

وليك البكان ترحاب

تحياتي ومودتي

Post: #38
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 04-10-2008, 10:16 AM
Parent: #36

كتب المنسي

Quote: أنا الخلاني فوق نيران جهنم خالف

يا زول ها جهنم دي ما بجي معاها الا خالد

سمعت يوم من الايام خالفين فيها ابدا



ما تيب

Post: #40
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-10-2008, 03:22 PM
Parent: #38

Quote: يا زول ها جهنم دي ما بجي معاها الا خالد

سمعت يوم من الايام خالفين فيها ابدا

يا فيسل هليل
الراجل فارق بعد ولف
فمثل نفسه كأنه قعد فوق نار جهنم وخلف كراعو كمان

هي ممكن تكون خالد
لكن خالف لها وقع أكبر
ودوما ترى الشعراء يتفردون بالمفردة المعبرة أكثر
إذا كان هناك مترادفات لكلمة واحدة

فهمت يا رطاني ولا أنادي عم كمال يوقعا ليك بي الرطانة
فطرت وعيدت ولا لسع ما شفتا الهلال

مودتي

Post: #41
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 04-10-2008, 05:40 PM
Parent: #40

http://wikimapia.org/#lat=16.6799375&lon=33.4200668&z=15&l=0&m=a&v=2

هاك شندي

بمناسبة انهزامي بالضربة القاضية

تاني ما تحكها

Post: #42
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 04-10-2008, 06:43 PM
Parent: #1

Quote:
كتب القردابي


Quote: وفيصل خليل(الصنديد) والكلمة دي ماتنساها في الانجمامة الجديدة عشان عاجباهو


يا القردابي الصنديد دي موش كانة بيقولها ناس قريش .....

انه صنديد من بن عبس و الراجل فيكم يلاقني وراء الجبل داك






ود المنسى : بمناسبة كلمة الصنديد ، نشارك بالآتى:


مما يُستحسن من صفات الرجال مما نظمه (إبن عربى):


جوادٌ خضمّ أريحى حلاحل *** هضوم وصنديد همام سُميدع


أريبٌ سرىّ لوذعىّ ومدرة *** منجد حجحاج زكى ومصقع


نهيك كمى رمى صمة نهمة *** غشمشم شهمٌ باسل لا يُروّع


إذا ذكر الأبطال فى حومة الوغى *** هو الفحل إلا أنه لا يُزعزع


حقو الواحد يتأخر شوية فى الشرح.


جواد: أى سخى.


الخضم: الكثير العطية.


الهضوم: الكثير الإنفاق.


الأريحى: الذى يرتاح للعطاء.


الحلاحل: السيد الوقور.


الصنديد: الرئيس المعظّم ، وكذلك الهمام / السُّميدع والحجحاج والسرى.


الأريب: العاقل.


اللوزعىّ: الذكى القلب.


المدرة: رأس القوم ولسانهم.


المنجد: الذى جرّب الأمور وكذلك النحنك والمصقع.


البليغ: الفصيح .


النهيك: الشجاع وكذلك البطل والكمى والدمى والصمة والنهمة والباسل.


الغشمشم: الذى لا يردّه شئ عمّا يريده .


الشهم: الحديد القلب .


والشئ بالشئ يُذكر:


ما نظمه أيضاً فيما يُذم من الرجال:



هذان نحيبٌ خبّأ الخربرم *** وعتريف مجمع مائق ثم أميل


عيام وزميل وكلف ولعمط *** وهلباجة غمرٌ وقدم وزمل


وفى خلقه لو تبتليه شراسة *** ورعديد ما فوق وخب وأعزل



الشرح: الهذان: الضعيف ، وكذا الزمل والزميل والنحيب.


الرعديد: الجبان.


الخبّا: مقصور الخبوب .


الكلف و الأميل: الذى لا يثبت على الخيل.


الحز: البخيل.


البرم: اللئيم.


العتريف: الخبيث.


المجمع والعدم: البعيد الفهم.


المائق: المدله العقل وقد يكون من العشق.


العيام: الثقيل الجاهل.


اللعمط: الحريص.


الشراسة : سوء الخلق ، والرجل شرس.


المأفون: الضعيف العقل والرأى.


الخب: المخادع.


الأعزل: الذى لا سلاح معه.


الباب مفتوح للجميع لتوزيع المعانى.



وأختم بدعاء عجيب فريد:


اللهم فرِّغنى لما خلقتنى له ، ولا تشغلنى بما خلقته لى ، ولا تحرمنى وأنا أسألك ، ولا تعذبنى وأنا أسألك.

Post: #43
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-10-2008, 07:19 PM
Parent: #42

ود أبوالقاسم لا فض الله جرابك


Quote: اللهم فرِّغنى لما خلقتنى له ، ولا تشغلنى بما خلقته لى ، ولا تحرمنى وأنا أسألك ، ولا تعذبنى وأنا أسألك.


أنعم به من حديث والله ونعم الدعاء قلَ وكفى

زيد زيد زيد ... يا مستشار نحن عطشى لحلو ما تجود به من درر

لك التحية والنقدير

Post: #44
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 04-10-2008, 07:23 PM
Parent: #42

انتة يا ود المنسى صاحبك دة يزازى بين البردانة
البقت اليومين ديل الحرانة وبين شندى.... كبوشية دى مالو
مابمشى عليها..بلد التأريخ والجمال بلد ود سالم ومؤسس
فن حقيبة الفن محمد ود الفكى والفنان عبد اللة الماحى
وبلد الشهيد فاروق عثمان حمداللة..وعلى اى حال كيتا ليهو
انا حنزل موقع كبوشية(الحرانة) ياود شيقوق

عمك كمــال

http://wikimapia.org/#lat=16.8799539&lon=33.7000465&z=13&l=0&m=a&v=2




Post: #45
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 05-10-2008, 11:06 AM
Parent: #44

Quote: انتة يا ود المنسى صاحبك دة يزازى بين البردانة
البقت اليومين ديل الحرانة وبين شندى.... كبوشية دى مالو
مابمشى عليها..بلد التأريخ والجمال بلد ود سالم ومؤسس
فن حقيبة الفن محمد ود الفكى والفنان عبد اللة الماحى
وبلد الشهيد فاروق عثمان حمداللة..وعلى اى حال كيتا ليهو
انا حنزل موقع كبوشية(الحرانة) ياود شيقوق


العم كمال لقد قدحت بالزناد في هشيم

وولعها عنها ما إنطفت ( الأشواق )
لتلك البقعة من الديار
ومن قبل النجومي ( عبدالرحمن )
والجنزير في النجومي عقد الهيكل المنضوم
وما بخاف

وود الزين
الذي قال فيه محجوب شريف
يا والدة دينك كم
دين الوطن كمين
ماشفتي ودالزين
الكان وحيد أمو
قالوا ناس وين
ورينا ناسك كم
ورينا شان تسلم
العودو خاتي الشق
ماقال وحاتك طق
تب ماوقف بين بين
لي موتو إتقدم
أنا ما بجيب الشين
أنا لو سقوني الدم

يقال أنه عندما تم أعتقال ضباط إنقلاب ( هاشم العطا ) كان بينهم ودالزين وهو من منطقة شندي. وكان بطانة نميري يعلموا أن ود الزين كان أبن وحيد عند أمه .. فأحضروا له أمه في المعتقل .. وطلبوا منها أن تقول له : يا ولدي ما عافية منك لو ما وريتهم اي شئ بتعرفو .. فرفض ود الزين .. وصور رفضه هذا محجوب شرف في قصيدته كلاماً درر ( ياوالدة يا مريم )
يا والدة ينك كم
دين الوطن كمين
( بلسان ود الزين .. رده لامه )

ولم يتزحزح من موقفه ( كانوا رجال رغم أني اختلف معهم منهجياً ) لكن الثبات عند الموقف يحمد ولا خير فينا إن لم نقلها ....

وكان منها ودضحوية ( الطيب )
الذي قال
الدَرب البجيب الكُمش النقود مو هين
وما بمشيبّو دِيك بيتو اب جليدن لين
الولد البقوم من أم حمد مدّين
غصباً عنو بالساحر بسوقهن بين

* أم حمد هي إحد الغواني
* الساحر هو جمل ودضحوية

هم كانوا رجال رغم الفرق في منهجنا معهم في الحياة. لكن كانوا رجال الواحد يوزن مية
الأمثال في المنطقة كثيرة يا عم كمال وفي كل مجال

زولك حارس لي شوك .. كل صباح حاقب عصاتو ومشنق طاقيتو وأمشي أقعد جنب البير .. ووعد بنات البير كلهن ...أنو سوف يتحصل لهنَّ على عضوية في المنبر .. لي هسي قالوا ليك ( دا خبر من سماح ) موزع قريب 3 صفائح طحنية وكرتونتين سفنجات ..

البودي شندي شنو حرّم الرمض يقطع كرعي

Post: #46
Title: Re: إنجمامة في ظل كلمة طيبة ... قبل الندامة
Author: وضاحة
Date: 05-10-2008, 11:59 AM
Parent: #1


Post: #47
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 05-10-2008, 03:57 PM
Parent: #46

الأخ الفاضلة وضاحة
كل سنة وأنت طيبة

مشكورة شديد على النغم

تحياتي وتقديري

Post: #48
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 05-10-2008, 06:11 PM
Parent: #47

يقال يا عم كمال ضكرة الحسن ودضبعة فاقت المسامع وعمت
والحسن ودضبعة هو الشقيق الأصغر لعمدة الجوير غرب شندي
( ودضبعة )
تغنت له حميرا ( كبوشية ) ووسمته شعراً

قالت

في محكر الديوان ثابت يا أب قلب
تقابة لي النيران وين متل الحسن

الحسن ياالحسن غنيتا ليك بي قياس
تهب لي الولايّا ولي الدموع قشاش
ياك مطر السواري الهاب هبوب ورُشاش
يا بحر المحيط الدقا في الحصحاص
حنكو البليغ كان قام وإتحدث
سيد زيناً قبيل قبل الناس تعرف الناس
سيد أصلاً قديم من الحمزا والعباس


وفي محكر الديوان وثابت يا أب قلب
تقابة لي النيران وين متل الحسن

الحسن يا الحسن في عايلا ماتسمّى
يا ضباح الربايب سيد القدح لمّا
دالي وبرمكي وببرد حشا العمّا
يا ولادة النجاح بتدرك البلمّا
شوف عيني التساب الفوق البلد عمّا
ودضبعا التساب الفوق البلد عمّا

في محكر الديوان وثابت يا أب قلب
تقابة لي النيران وين متل الحسن

الحسن يا الحسن دوم بغني لي
تمساح جلقني الزي الشرار عينّي
ما شال بندقية وقال دي بتحمي
تلب يا الصقر تور الرخم مني
تلب يا الحسن توّر الرخم مني



Post: #49
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 05-10-2008, 07:01 PM
Parent: #48

إنجماماب سلام وعيد سعيد

ومبروك الشدرات الجداد















Post: #50
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 05-10-2008, 07:07 PM
Parent: #49

Quote: إنجماماب سلام وعيد سعيد

ومبروك الشدرات الجداد


الأخ الحبيب أبارو
كل سنة وأنت طيب

أنقل لنا الأخبار يا مراسلنا من البردانة

التسجيل ما كويس الخبر الحي حلو

تحياتي ومودتي لكل بردان

Post: #51
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 05-10-2008, 07:19 PM
Parent: #50

المنسي الحبيب

الاخبار جاياك طازجة

بس ندخلها يجيزوها ونعمل ليها المونتاج












Post: #52
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 05-10-2008, 08:04 PM
Parent: #51

Quote: بس ندخلها يجيزوها ونعمل ليها المونتاج

بس لجنة النصوص مايكون فيها المستشار
مقصو مولع نار ما بخلي لينا فيها شئ بقصها كلها

الحمد الله سماح خارج البلاد

تحياتي إنجماماب

Post: #53
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 05-10-2008, 08:09 PM
Parent: #51

يا ود المنسى ..ابارو الظريف قال:ـ
ــــــــــــــــــ
بس ندخلها يجيزوها ونعمل ليها المونتاج

ــــــــــــــــــ
انتة برضو عندك رقابة قبلية..على اى حال يا ابارو
رسل اخبارك لفيصل خليل رأسا وهو حيفتح ليها بوست بعنوان:ـ

حجبــوة...ومـا قــدرو

تحياتى واشواقى..وفى الانتظار على احر من الجمر

عمك كمــأل


Post: #54
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 06-10-2008, 06:18 AM
Parent: #53

Quote: انتة برضو عندك رقابة قبلية..على اى حال يا ابارو
رسل اخبارك لفيصل خليل رأسا وهو حيفتح ليها بوست بعنوان:ـ

حجبــوة...ومـا قــدرو

تحياتى واشواقى..وفى الانتظار على احر من الجمر

علمنا العربي يا عم كمال سبقنا علي نظم الشعر

جنس بقولوا في شنو ؟

لكن كان ما كان مفروض يدونا تحت الشديرات حقنا
وناشف ...

بقى قالوا زي الزين ...( مكتول في حوش .... )

الله يكتب السلامة

تحياتي

Post: #55
Title: Re: إنجمامة في ظل كلمة طيبة ... قبل الندامة
Author: Tayseer Elmobarak
Date: 06-10-2008, 07:17 AM
Parent: #1


خالد بحر الطيبة الصافي ...
جميع أهل الإنجمامة شيباً وشبابا ...

كل عام و انتم بخير و ربنا يحقق أماني الجميع و إن شاء الله سالمين و تامين و البره السودان معيدين معانا العيد الجاي ...

أهديكم ...



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #56
Title: Re: إنجمامة في ظل كلمة طيبة ... قبل الندامة
Author: أيمن الطيب
Date: 06-10-2008, 07:37 AM
Parent: #55

سلامات ناس إنجمينا وكل سنة وإنتو طيبين وسالمين وغانمين,,

كنت قايل نفسى براى الغايب لكن الحمد لله طلع معاى ناس كتاااار,,
إنشاء الله كل الأخبار تمام التمام وكلو فى محلو,,,,
ووين الناس ديل والحاصل عليهم شنو,,,,,,,

يا خالد تلفونات ديل أنا شايف اخير تفتح الشباك وتجدعم الإتنين.........

معقولة بس!!!!!!!!!!

تلكس 1

شيقوقكم قالو حايم فى الخرطوم بفتش فى عروس وس!!!!!!!محكم أكل الملف
ما قتليكم أها كاسو وما لقو,,,شتت شتات خالى محطات

تلكس 2
وض!!!!!!!!!!!!!!!!ح شايفو بقى حايم زى شيقوق واحد إى بوست يخش يديهم آخرو
ويزنقو يقول ما فاضى ليكم,,


وإلى حين ميسرة (دى بتاعة ود المنسى)

وأبقو عافية كلكم,,

Post: #57
Title: Re: إنجمامة في ظل كلمة طيبة ... قبل الندامة
Author: GamarBoBa
Date: 06-10-2008, 09:01 AM
Parent: #55

يا جماعة كلة سنة وانتو طيبين

خالد رسالتك وصلت امس يادوب...دي اس ام اس ولا بريد مسجل اصلو

العريبي شيقوق يبدو انو قايض اللابتوب بربطة طلح والله اعلم

عيد مبارك علي الجميع وكل سنة وانتم بالف خير

وين اين الطيب وود ابوالقاسم

Post: #58
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 06-10-2008, 04:02 PM
Parent: #55

Quote: خالد بحر الطيبة الصافي ...
جميع أهل الإنجمامة شيباً وشبابا


تيسير المبارك المباركة
تحية طيبة مباركة
وكل سنة وأنت طيبة
والعيد مبارك عليك

حاشا وكلَّ ما بننساك أخت كريمة عرفناك
بس كعك العيد وغسيل عدة الفضية ونفض وتزعيف الأويضة
والصالة شغلك عنا ( مالك صريتي وشك ما قلنا جافية )

سعدنا بالحضور الجميل مع النغم الحلو

ولك الشكر

Post: #59
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 06-10-2008, 04:07 PM
Parent: #58

Quote: يا خالد تلفونات ديل أنا شايف اخير تفتح الشباك وتجدعم الإتنين.........


مابقدر بجيني المستشار ناطي ( هسي )
كدي جرب أنت وقول لي
ونقيم الموقف


Quote: معقولة بس!!!!!!!!!!

جائز وجائز .. والعمر الطويل لي ناس سلمى سلامة وشيقوق العجائز

Quote: تلكس 1

شيقوقكم قالو حايم فى الخرطوم بفتش فى عروس وس!!!!!!!محكم أكل الملف
ما قتليكم أها كاسو وما لقو,,,شتت شتات خالى محطات


الفي العنقريب مكسرة من الرطوبة قالت عاوزة تقرأ

تحياتي أيمنوف وين أنا من يومها منظرك
وما نمت دي عملية تسويها فوقي

Post: #60
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 06-10-2008, 04:11 PM
Parent: #59

Quote: يا جماعة كلة سنة وانتو طيبين

وأنت طيب يا بوبا الحبيب وقمر

Quote: خالد رسالتك وصلت امس يادوب...دي اس ام اس ولا بريد مسجل اصلو

طشّت ولا شنو مع أني وصفت ليها كويس
لكن الفهم قِسم


Quote: العريبي شيقوق يبدو انو قايض اللابتوب بربطة طلح والله اعلم

وبكون كسبان والله لو عملها

Quote: عيد مبارك علي الجميع وكل سنة وانتم بالف خير

وين اين الطيب وود ابوالقاسم

أبوالقاسم عرفنا
الطيب منو كلهم طيبين وطيبات

Post: #61
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 06-10-2008, 05:02 PM
Parent: #60

مرحب بعودة الغايبين

قمرنا وأيمنوف وتيسير المبارك

وس!!!مح ربنا يكتب سلامتو ويرجعو سلم غانم(وش غامز)

عمنا كمال في غياب حمامة السلام بنرتع ساااااي بس الخوف من القاسم

أقعدو عافية








Post: #62
Title: Re: إنجمامة في ظل كلمة طيبة ... قبل الندامة
Author: عبدالعزيز الفاضلابى
Date: 06-10-2008, 06:21 PM
Parent: #61

ابارو
حمدلله على السلامة وعيد سعيد ,, الطاحونة ضربوها جير ,, عليك الله تدخل بوست عواطف ادريس فى مفاجعة مستنياك ,, انت وشيقوق,,

Post: #63
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 06-10-2008, 08:29 PM
Parent: #62

وينك يا سلمى سلامة
بس جيتي اليوم داك كرفستي لي أغنية أبواللمين البتجي في راديو بت اللمين فوق راسي مشيتي
إن شاء يتكرفس شعرك وما تلقي ليك ودهنا تمطري بيها في بلاد اليانكي

والله مشتاقين لحدثك الحلو تعلي لينا أظهري وباني

تحياتي ومودتي

Post: #65
Title: Re: إنجمامة في ظل كلمة طيبة ... قبل الندامة
Author: soma
Date: 06-10-2008, 09:29 PM
Parent: #63

نااااااااااااااااس الانجمامه سلاااااااااااااااااااام
سلام مكشح بالفريق
يفج الضيق
ويبل الريق
ويعطر كل المساحات الطريق
الشوق ليكم مدمدم محنة يا اهلنا
ود المنسى وكل الجوووووووووووغه الشوق نيلين

تعرف يا ود المنسى جنس محنة سلومة بت الشيخ سلامه دى انا ما شفتها فى زول
يات ما الحنينه دى داخلة بكان
القى رويحتى فى طريف توبها
وهاك يا شمــــــــــــــــــــــــــه
لامن رويحتى تتخمــــــــــه
ما تقولوا جابنى الدرب ساى
جابتنى محنتكم الدافرة
ان شاء الله متجمعين عند النبى
وكل عام والجميع بالف خير
كل الود

Post: #66
Title: Re: إنجمامة في ظل كلمة طيبة ... قبل الندامة
Author: soma
Date: 06-10-2008, 09:40 PM
Parent: #65

Quote: نجمامة في ظل كلمة طيبة ... قبل الندامة

يعلم الله سمحة الانجمامه
والله لا جاب ندامة
****
لامن شوقنا يدافر كايس المرقة
تلقى الريده تدبا
محاكيه الغيمه فى غربه
تقالد روحها فى صحبة
وتدبأ .. وتدبأ
تجينا مطيره منصبا
وديك يا المويه
جاريه علينا كيف تحبا
خدارنا فرهد الحبه
تاوق فينا واتكبا
ضليل ماشى فى حلبة
وجوه محنة منطربا
***
اهلنا القبيل
شوقكم قالد النخيل
لكم المحنة بعمق النيل

Post: #68
Title: Re: إنجمامة في ظل كلمة طيبة ... قبل الندامة
Author: سلمى الشيخ سلامة
Date: 06-10-2008, 11:52 PM
Parent: #65

Quote: تعرف يا ود المنسى جنس محنة سلومة بت الشيخ سلامه دى انا ما شفتها فى زول
يات ما الحنينه دى داخلة بكان
القى رويحتى فى طريف توبها
وهاك يا شمــــــــــــــــــــــــــه
لامن رويحتى تتخمــــــــــه


واحلالى يا سومه
واحلالى بريدك
ياالسمحة
تشمى العافية جيهة ما قبلتى
وما تضوقى شر
تلقى العافية واللقمة الدافية
يهون قواسيك وشاحدة ربى تتهنى وتتمنى
تتساعدى وتتباختى
محل من مشيتى قدمك اخدر
اللهم اجعل المحبة دوما عنواننا
ولك كل تقديرى ياالعديلة

Post: #71
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 07-10-2008, 06:15 PM
Parent: #65

Quote: نااااااااااااااااس الانجمامه سلاااااااااااااااااااام
سلام مكشح بالفريق
يفج الضيق
ويبل الريق
ويعطر كل المساحات الطريق
الشوق ليكم مدمدم محنة يا اهلنا
ود المنسى وكل الجوووووووووووغه الشوق نيلين

السلام ليك يا سوما من بريشتينا ماري بصلالة ( وحت ) مسقط
سلام كله محنة وتقدير لشخصك الكريم يا كريمة الأصل
قلتها لك من قبل وأقولها لك مرة أخرى وأظل أرددها دوماً مادمت حيّا
أنتم أهل مسقط ( بنو جلدي ) إنتقاكم الله سبحانة وتعالى وجمعكم في
بقعة واحدة ( خُلق وأدب أهل بلاغة وعلم ومعرفة ومجمع كلم )
وجعل ودشيقوق كرامة لكم من العين
والله إنا نحبكم في الله كلكم ومن دون فرز أهل مسقط الطيبين
( إلا الدبيب )



Quote: تعرف يا ود المنسى جنس محنة سلومة بت الشيخ سلامه دى انا ما شفتها فى زول
يات ما الحنينه دى داخلة بكان
القى رويحتى فى طريف توبها
وهاك يا شمــــــــــــــــــــــــــه
لامن رويحتى تتخمــــــــــه


صدقتي سلمى حنينة وكلها لكن يا سوما داكي الليلة قامت علي
زي الجن المعفر بي الرماد محنتها كلها يومها مرقتا فيني كعك ناعم
لآمن حنا فوق حالي وليد عمي وجاء مدافع ( عميرة القردابي )
بس برضو هي الحنينة الطيبة وهي بيها إنجمامتنا سعيدة ونسعد نحن


Quote: ما تقولوا جابنى الدرب ساى
جابتنى محنتكم الدافرة
ان شاء الله متجمعين عند النبى
وكل عام والجميع بالف خير
كل الود

إجيبك الدرب كيف ؟؟ ونحن دي ما بنرضاها منك لو حصل ... أنت ست البيت يا سوما
وعنقريبك الهبابي هداك متكول تحت الشديرة الكبيرة اللبخة....

تحياتنا ومودتنا الشاعرة المرهفة

Post: #67
Title: Re: إنجمامة في ظل كلمة طيبة ... قبل الندامة
Author: سلمى الشيخ سلامة
Date: 06-10-2008, 09:48 PM
Parent: #63

Quote: بس جيتي اليوم داك كرفستي لي أغنية أبواللمين البتجي في راديو بت اللمين فوق راسي مشيتي
إن شاء يتكرفس شعرك وما تلقي ليك ودهنا تمطري بيها في بلاد اليانكي

والله مشتاقين لحديثك الحلو تعالي لينا أظهري وباني

خالد اخوى مالك على
امانى مابكيت
وحسيت انى ما يانى
ياربى كوفارة دى ؟
وحات الله بقيت اكوفر
لكن يا العشا الصيام
صايمة ورابطة راسى متل زير الزريعة
عاد اسوى كيف ؟ يا اجيكم ولا اصوم
بمناسبة الكلام دا
السنه القبل الفاتت كنت شغالة فى جريدة الخرطوم
فى السودان
وجانا رمضان الكريم
عارف الحر فى السودان
من اول يوم مشيت لعمك فضل الله محمد
ـ يا العشا اب لبن يا اصوم ولا اشتغل ؟ كيف معاكم اجى بالمساء ؟
(بث) زى ما بقول استاذ فضل الله بقيت اجى بالليل (حرامى )
واول يوم طلعت فى رمضان (سرغوا موبايلى)
شفت كيف ؟
النحكى واحدة صحبتنا امها جاتها للولادة فى لندن
قوم يا رمضان تعال
الحاجة يا فردة صامت اليوم الاول ، اليوم التانى قالت لبتها
ـ يا بت قومى احجزو لى انا ماشه اهلى
ـ يا امى رمضان هنا بارد وما صعب
ـ يا بت انا كان ما اترشرشت واتشلهت كدى الصيام ما ببقى لى
كل سنه وانت طيب ود امى

Post: #69
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 07-10-2008, 02:16 PM
Parent: #67

مزرور زرة كديس في شوال
لحين ميسرة برجع ليكم

تحياتي ومودتي لكم كلكم

Post: #70
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 07-10-2008, 05:27 PM
Parent: #69

إنجماماب سلام ومحبة


Quote: مزرور زرة كديس في شوال


وحاتك الواحد بقي مشغول نعجة في شوال دقيق

علا لازم نجي نحادي علي شديراتنا من هبوب البورد دي

مافي خبر من الدبيب؟

















Post: #72
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 07-10-2008, 06:27 PM
Parent: #70

Quote: خالد اخوى مالك على
امانى مابكيت
وحسيت انى ما يانى
ياربى كوفارة دى ؟

حاشاك يا الحنينة الطيبة ما بتكوفري
بعدما قريت كلامك ضحكت وقلت في سري
هيجة الزول الحنين ياها كدي .. ووجدت لك العذر
قلت نهر المسيسبي بكون دافر وقايم والشواطين بمرقو
خوف من الطوفان ( ماباقي عرشهم في الماء )



Quote: وحات الله بقيت اكوفر
لكن يا العشا الصيام
صايمة ورابطة راسى متل زير الزريعة
عاد اسوى كيف ؟ يا اجيكم ولا اصوم


عشان كدي إندلقتي فوقي زي فورة
العجين ( الزاد خمارو عن اللزوم )


Quote: بمناسبة الكلام دا
السنه القبل الفاتت كنت شغالة فى جريدة الخرطوم
فى السودان
وجانا رمضان الكريم
عارف الحر فى السودان
من اول يوم مشيت لعمك فضل الله محمد
ـ يا العشا اب لبن يا اصوم ولا اشتغل ؟ كيف معاكم اجى بالمساء ؟
(بث) زى ما بقول استاذ فضل الله بقيت اجى بالليل (حرامى )
واول يوم طلعت فى رمضان (سرغوا موبايلى)
شفت كيف ؟

رمضان في السودان والله فوقو الأجر
من حداشر الواحد التقول غازين لي كُنش في حلقو
والريق دقيق


Quote: النحكى واحدة صحبتنا امها جاتها للولادة فى لندن
قوم يا رمضان تعال
الحاجة يا فردة صامت اليوم الاول ، اليوم التانى قالت لبتها
ـ يا بت قومى احجزو لى انا ماشه اهلى
ـ يا امى رمضان هنا بارد وما صعب
ـ يا بت انا كان ما اترشرشت واتشلهت كدى الصيام ما ببقى لى
كل سنه وانت طيب ود امى

والله صدقت
قالوا واحد عجوز من أهلنا ناس شندي ديل سألوا
إت يا زول رمضان كيف عندكم هناك ؟
قال ليهم : والله كان ما جقيمات الموية البناخدهن في الوضو ديل كان متنا بالعطش

Post: #73
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 07-10-2008, 06:34 PM
Parent: #72

Quote: مافي خبر من الدبيب؟


يا أبارو دا كلام شنو
ولا خطة من رويس المسنوح
كمان هناك عندو كهرباء عشان يقعد ينكرش ويباري بي المواقع
أمسكني يا .....ونلاين وفكني يا فيس .....

الزول بس بكون كوفرت بطنو من الويكاب باقي خربها بي البرياني
والجنبري .. والهوت كلب

Post: #74
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 07-10-2008, 06:46 PM
Parent: #73

Quote: كمان هناك عندو كهرباء عشان يقعد ينكرش ويباري بي المواقع


وحكمة الله قافل تلفونو؟

ظنيتو ماعندهم شبكة

علا البشركو بيها للسمك











Post: #75
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 07-10-2008, 07:10 PM
Parent: #74

Quote: ظنيتو ماعندهم شبكة

علا البشركو بيها للسمك

هم عندهم سمك
ما سمعت أنت الرطاني قال شنو نهر جاف وحارسنّو العرريب

بتكون شبكة طير

Post: #76
Title: Re: إنجمامة في ظل كلمة طيبة ... قبل الندامة
Author: خالد المحرب
Date: 07-10-2008, 07:29 PM
Parent: #75

ابو احمد العيد مبارك عليك وسلم لى لى على احمد وعلى امو ونسابتك جميعا واليد مقصره ساهى فى الفزعه كلمن ..

Post: #77
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 07-10-2008, 07:39 PM
Parent: #76

Quote: ابو احمد العيد مبارك عليك وسلم لى لى على احمد وعلى امو
ونسابتك جميعا واليد مقصره ساهى فى الفزعه كلمن ..


مرحب حباب أب ضرس الفي الصهيب يا أب راس
الجود والكرم هيلك قديم ميراث

وكل سنة وأنت طيب
سعدنا وسعادتنا كانت بعودك والعود أحمد يا أبوأحمد
وزادة نشوة سعادتنا بزيارتك لنا في شديراتنا وإنجمامتنا
التي تفخر أن تكون أحد اعمدتها وروادها يا عمدة

يبلغ سلام بإذنه ولك الشكر

وتحياتنا للأسرة وحرمكم بت القبائل والصناديد الصغار

وابقى يبننا يا ارباب

Post: #78
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 08-10-2008, 06:15 AM
Parent: #1

سلالالام أهل الشديرات

العيد مبارك لبوبا وأيمنوف ولمن نبهنالذلك البوست العجييييييييييييييب


أبّارو: مالك علىّ ؟

Quote: الزول بس بكون كوفرت بطنو من الويكاب باقي خربها بي البرياني


يا أبو أحمد: الويكاب هذا ليهو حدود داخلية لا تتعدَ الجزيرة

بالمناسبة بتعرف " الكتاكَوْ " ؟


Quote:
دي برضو اسحبها يا خالد

لانو كلمات الاغنية فيها كلمة خالد



الأخوين/ كمال وفيصل ( ناثر المسك وحامله): غايتو التعليق دا لمّاح خالص وفات حد المساطيل.

Post: #79
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-10-2008, 06:24 AM
Parent: #78

Quote: يا أبو أحمد: الويكاب هذا ليهو حدود داخلية لا تتعدَ الجزيرة

بالمناسبة بتعرف " الكتاكَوْ " ؟

كيف الكلام دا يا أبو القاسم
الويكاب ناس الصعيد أهلو .. والصعيد حسب علمنا يحسب من سنار وإت نازل جنوب
يعني ناس سنجة والدمازين والدندر الرصيرص وغيرها من مدن وقرى الصعيد كما هو
معروف لدينا أهل السافل الذي يبدأ من شندي وانت ماشي لي حلفا دغيم ...

تعرف الويكاب نقلنه أماتهن بنات بادي الحسن من سنجو لشندي وأصبح معروف في شندي
الويكاب بي المرس ....

الكتاكو والله ما عرفتو / عرفتها .. بحول السؤال لسماح قد شك بتعرفو / بتعرفها

لكن بعرف أب غازّي والموليتّا بي السمسم المسحون

تيحاتي أبوالقاسم

Post: #80
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 08-10-2008, 06:39 AM
Parent: #1

ود المنسى سلامات


تعرف لو إنتظرت سماح واطاتك أصبحت إلا تكون سمّاكى.



" الكتا كو " هم العمّال الموسميين لحصاد قصب السكر .... فيتم فى العادة صرف " ساطور " حاد لهم حيث يقومون بقطع القصب فى المزارع


قبل تحميله إلى المصانع وذلك خلال موسم الحصاد ( نوفمبر - مارس أو أبريل ). طبعاً قصب السكر يتم حرقه وهو أخضر فى الحقل للتخلص من

الورتاب وتركيز السكر .... وطبعاً الورتاب دا هو سر ملاح الويكاب
.



بالمناسبة مصانع السكر تمثِّل إحدى مآسى الوطن وتوضح صورة الدولة القبيحة فى السمسرة منذ أمدٍ سحيق وحتى الآن.


للحديث بقية.

Post: #81
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-10-2008, 06:47 AM
Parent: #80

Quote: الورتاب وتركيز السكر .... وطبعاً الورتاب دا هو سر ملاح الويكاب.



بالمناسبة مصانع السكر تمثِّل إحدى مآسى الوطن وتوضح صورة الدولة القبيحة فى السمسرة منذ أمدٍ سحيق وحتى الآن.

قطع شك الكتاكو كلمة هوساوية

اها .. بالله تاري دا المدي اللون الععجيب دا إغيبش زي جلد كديس أستراليا

يا ريت لو وقفت علي السكر يا أبوالقاسم
الصمغ أكبر منتج له هو السودان
وأكبر مصدرين .. دول غرب أفريقيا وكينيا وأثيوبيا

والسبب سوء التخطيط أو حفنة قريشات لجيوب المسئولين

وكان الله في عوننا .. نقعد نأكل ويكاب

سماح كدي تاوقي شوفي الكومر جا
ايمن بكون ميت بالضحك
ولسان حاله يقول خالد وأبوالقاسمة دخلو في السليقة
عاد لمتين والله ما سكتنا وخلانا نكتلو الوجع في قلوبنا
إلا الهمجية من ممتهنين ومهيني الشغلة ( السياسة )

تحياتي أبوالقاسم لا تنقح علة الجُرح وهو منوسر

Post: #82
Title: Re: إنجمامة في ظل كلمة طيبة ... قبل الندامة
Author: GamarBoBa
Date: 08-10-2008, 07:04 AM
Parent: #81

سلام يا جماعة...
كيف الاحوال...

الكلام موجه لأبارو:
بعد بكرة لو الله حيانا ارجاني قبلك في مدني زي الساعة تلاتة ما تتحرك سنتي..لو ما ضربت ليك لحدي 3 معناه شالتني نومة..يبقي عندك عندي حق الانتظار..ممكن نتحاسب زي ناس الامجاد لقدام..عندي غارة جوية في بيت احد الاصدقاء هناك في مدني...وبالمرة نشوفها مدني.

ياخوانا وين سموحة...العيد الجاب الناس ده شكله شطفشها...اظهري وباني والامان عندي انا.

وتاني ياخوانا

نرحب بالكتاب الجددخالص والقدام شوية بتوع الانجمامة مع الجميلين زي ودابوالقاسم وعم كمال ممكن يكملوا الطاقم الموجود و يطلعوا كتابات جميلة..

نحن ناس اللوج فكونا للمقاطعات والغلات ومعاي ايمنوف وسماح فير وول وابارو فيسل هليل (كريقون انجا نلا) ومرات ودالمنسي وشيقوق

تسلموا كلكم

Post: #94
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-10-2008, 06:26 PM
Parent: #82

Quote: نرحب بالكتاب الجددخالص والقدام شوية بتوع الانجمامة مع الجميلين زي ودابوالقاسم وعم كمال ممكن يكملوا الطاقم الموجود و يطلعوا كتابات جميلة..

نحن ناس اللوج فكونا للمقاطعات والغلات ومعاي ايمنوف وسماح فير وول وابارو فيسل هليل (كريقون انجا نلا) ومرات ودالمنسي وشيقوق

تسلموا كلكم


بــوبا وبقيت تقيل شديد
كل سنة وانت طيب كمان وكمان
مسعول من الخير يا أخوي ( أبلكتنا في الماسنجر ) ( دي من Block )ولا ماقاعد تخل بقيت مابشوفك خالص ....
ارقد عافية وسلم لينا علي حاج أبارو لو وصلت ممدوح في مدني


Post: #83
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 08-10-2008, 07:10 AM
Parent: #1

تعرف يا أبو أحمد الليلة بقوم بيك سدارى


Quote: الصمغ أكبر منتج له هو السودان
وأكبر مصدرين .. دول غرب أفريقيا وكينيا وأثيوبيا


صمغ الهشاب أجود أنواع الصمغ وبرضو منطقة النيل الآزرق وسنار من أهم مناطق إنتاجه بالإضافة لغرب السودان.


الهشاب عشان ينتج الصمغ لا بد من إجراء عملية " الطق " .


طق الهشاب هو " تشليخه " وهى عملية فنية تتم من ناس متخصصين وعندهم إسم عجيب ، يسمونهم " الجَنَّون " - تصغير جنا-


السبب فى تهريبه :


1- الجبايات الباهظة.


2- وإحتكاره من شركة الصمغ العربى التى تأخذ الإنتاج بتراب الفلوس ( مجاناً ومغربل فى مخازنها ومرات فى بورتسودان ) وبعد داك تقوم


تأكل الموردين - الوسطاء الممولين بواسطة البنوك اللذين إشتروه بتراب الفلوس من المنتجين اللذين شقوا فيه- وعادى جداً سنتين تلاتة


ما تديهم حقهم. راجع فضايح شركة الصمغ العربى. المحيرنى إنو الشركة خاصة وعندها حماية من الدولة وهى تسيطر على مجلس دارتها.



خالد الوجع كتيييييير

Post: #84
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 08-10-2008, 07:31 AM
Parent: #83

عزيزنـا ود ابو القاسم..شكرا على التقريظ خاصة
وان فى الجوار الكثير ممن ينفخ الكير ولا يعرفون
سبيلا للكلمة الطيبة واو يدفعون بالتى هى احسن.
وبعدين ياخوى وكت قعدتة تمتحــن فى بلدياتى فدحين بتعرف:ـ
ام تكشو
ام شعيفة
البربـور
برضــو بتعرف معنى...قرصتنى الساسوية فى الكدنبس
يمكنك الاستعانة بصديق وبالعدم عليك بمختار الصحاح

لك مودتى وامنياتى الطيبة

اخوك كمــال

Post: #87
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 08-10-2008, 09:09 AM
Parent: #84

Quote: برضــو بتعرف معنى...قرصتنى الساسوية فى الكدنبس


هي لكن ياعم كمال الساسوية بتجرح ولا بتقرص؟

نحنا بنقول جرحتني الساسوية في الكدنبس
















Post: #95
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-10-2008, 06:38 PM
Parent: #83

2
Quote: - وإحتكاره من شركة الصمغ العربى التى تأخذ الإنتاج بتراب الفلوس ( مجاناً ومغربل فى مخازنها ومرات فى بورتسودان ) وبعد داك تقوم


تأكل الموردين - الوسطاء الممولين بواسطة البنوك اللذين إشتروه بتراب الفلوس من المنتجين اللذين شقوا فيه- وعادى جداً سنتين تلاتة


الحال هو البهري
يا أبوالقاسم
لكن حديثك انت درر والله وعين الحقائق

وهذا بدوره لعب في أن المنتج صار يلجا لتهريب حصاده لخارج البلاد
وحتى يجد في السعر المعقول ...

وهذا كان حال القطن
ومصير الثروة الحيوانية
وكل منتجات البلاد

والله يا أبوالقاسم نحن ( أعني السودانيين )ناس شرفاء وأمناء ونخاف الله من حقوق الناس لكن أول ما نجي في حق البلد ( نبلعوا جوووووووت وبنشرق في حلوقنا وبلا موية )
ما تسمع لي كلام الديمقراطية وغيرها ممكن فقط تكون الديمقراطية فرقها تزول عصاة القمع السجون التشريد لكن المال يظل سائب كان أحزاب ولا عسكر كلهم حلقوهم واسعة تبلع جبل .....

بس نقول الله يكون في العون ويرشد الخلق

Post: #85
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 08-10-2008, 07:54 AM
Parent: #1

Quote: شكرا على التقريظ خاصة
وان فى الجوار الكثير ممن ينفخ الكير ولا يعرفون


حالتو.

بعدين ما تخلينا نتفسّح شوية.


الرد إجمالاً بالحيييييييييييل ، باقى ليك ما عندنا أى نفساء ؟

Post: #86
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 08-10-2008, 08:00 AM
Parent: #85

يا ود ابو القـاسـم

وانــا دايــر شنــو غيــر فسـحتك

كمــال

Post: #96
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-10-2008, 06:50 PM
Parent: #86

Quote: يا ود ابو القـاسـم

وانــا دايــر شنــو غيــر فسـحتك

كمــال

عم كمال مالك يتتزازغ مني زي ودالموية
وين الصورة ؟؟
الدبيب قرب يرجع من العطلة

نزلها سريع في الصفحة الجاية وهو لما يجي ما قاعد يقرأ الفاتو بدخل توووش

ما تزوغ تاني

Post: #88
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 08-10-2008, 09:30 AM
Parent: #1

أبّارو سلامات

بختك الليلة جاييييك بوبا.


Quote: هي لكن ياعم كمال الساسوية بتجرح ولا بتقرص؟

نحنا بنقول جرحتني الساسوية في الكدنبس


تعرف بالمناسبة دى دى صورة بيت العائلة فى الحصاحيصا ، وتعرف حجم الطوبة حجم خرافى ولا زال البناء الرئيسى كما هو رغم فيضان 1946

وغمره للبيت .




Post: #89
Title: Re: إنجمامة في ظل كلمة طيبة ... قبل الندامة
Author: Tayseer Elmobarak
Date: 08-10-2008, 11:05 AM
Parent: #1


Quote: [حاشا وكلَّ ما بننساك أخت كريمة عرفناك
بس كعك العيد وغسيل عدة الفضية ونفض وتزعيف الأويضة
والصالة شغلك عنا ( مالك صريتي وشك ما قلنا جافية )


يا ها المحرية فيك ... شكراً
غسيل العدة و النضافة قطع يدينا ..أسأل س....ح ( أو كما قيل) ...
حاولت جاهدة ألقى ليك (الجرحو نوسر بي ) لكن فشلت في محاولة لتخفيف المغسة عليك شوية ...

أبارو شكراً على التحية ..

Post: #90
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 08-10-2008, 02:06 PM
Parent: #89

إنجماماب سلام جاكم


Quote: تعرف بالمناسبة دى دى صورة بيت العائلة فى الحصاحيصا ، وتعرف حجم الطوبة حجم خرافى ولا زال البناء الرئيسى كما هو رغم فيضان 1946

وغمره للبيت .


القاسم سلام يغشاك

ياخ هو طوب زمان داك طوب نصاح؟

صدق السألوه ألف الطوب فيه كم طوبة قال علي حسب القالب

Quote: أبارو شكراً على التحية ..


تحياتي مجدداً بت النوراني





Post: #100
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-10-2008, 07:56 PM
Parent: #90

Quote: تحياتي مجدداً بت النوراني

وظل عهدنا في الإنجمامة لا أسرار تحت الشديرات
مكان السر بعد تتقادموا وتقيسو الخطوة زي التاتاي

بت النوراني دا منو عم كمال ؟؟

تحياتي أبارو


Post: #99
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-10-2008, 07:50 PM
Parent: #89

Quote: يا ها المحرية فيك ... شكراً
غسيل العدة و النضافة قطع يدينا ..أسأل س....ح ( أو كما قيل) ...
حاولت جاهدة ألقى ليك (الجرحو نوسر بي ) لكن فشلت في محاولة لتخفيف المغسة عليك شوية ...

أبارو شكراً على التحية ..


تيسير المبارك المبروكة
كيفك وعساك بخير
فرحت العيد تنسي كل التعب يا ( أخي ) تيسير

تتذكري أول مرة دخلتي الإنجمامة في عددها الثاني
لما رديت عليك على أساس انت ولد أسمة تيسير

وحلفتي بعدها والله يا خالد أنا بت
يومها ضحكت كتير وبتحصل .. أخونا القمر بوبا من يومي قدرت انه ولد ورجعت لبوفايله وجدت انه ولد وبرد علي على أساس أنه ولد .. نط لي يا ودشيقوق وقال لي شنو يا زول انت شابك البنت القمر بوبا أخي اخي ( القمر بوبا دا بنت ) المشكلة أني صدقتو وبقيت ما بكتب لا اخ ولا أخت حتى تعرفنا ببعض وتحدثنا هاتفياً .. وفي حاجات لسع وزي ما أنت عارفة مجهولة ناس
سأمح وسماح وسلمى سلامة ولا سالم مش معروف ووسلمى صبحي ولا سليمان وضاحة ولا وضاح والطيب شيقوق ولا طيبة وجمالها فريد بس نظل منجمين وصائمين علي كلمة طيبة يا تيسير تجمعنا ليوم الفصل والدين
وهذا هو المهم
الجرحو نوسر بي أغنية جميلة وليتك تعثري عليها ونكون شاكرين مجهودك


تحياتي ومودتي

Post: #91
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 08-10-2008, 02:42 PM
Parent: #1

أبّارو سلامات

Quote: -10-2008, 02:06 م

ممدوح أبارو


.

تاريخ التسجيل: 27-02-2008
مجموع المشاركات: 1446
Re: إنجمامة في ظل كلمة طيبة ... قبل الندامة (Re: Tayseer Elmobarak)



مداخلة الساعة 6.06 بتوقيت السودان . تعرف وكت ما جبت سيرة للقمر بوبا قطع شك شرّاك والساعة تلاتة حقتو أظنك ما سألتوا عصراً أم

صباحاً.

Post: #92
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 08-10-2008, 03:10 PM
Parent: #91

Quote: مداخلة الساعة 6.06 بتوقيت السودان . تعرف وكت ما جبت سيرة للقمر بوبا قطع شك شرّاك والساعة تلاتة حقتو أظنك ما سألتوا عصراً أم

صباحاً.





يالقاسم الراجل قال بعد بكرة

شكلو غياب الدبيب مأسر فيك

ولا س!!!!مح ياربي؟










Post: #93
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 08-10-2008, 06:18 PM
Parent: #92

الظريف ابارو ...سلامات

اول حاجة انتة الظاهر عليك استعنتة بصديق..تانى حاجة دى الآثار الجانبية

للصيام حولت الجرحة لقرصة...آسف....وبالمناسبة الف رحمة على الحاضر

الغائب الفكى عبد الرحمن والذى كان يقدم مثل هذة الاشياء فى فقرة المسابقات

من خلال برنامج (تحت الاضواء) للمبدع حمدى بولاد وقد كانت من اجمل السهرات

التلفزيونية فى ذلك الزمن الجميل ..وبهذة المناسبة عليك اللة وصل دى لقمر بوبا

عمك كمــال




Post: #97
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 08-10-2008, 07:29 PM
Parent: #93

عمك كمال

Quote: اول حاجة انتة الظاهر عليك استعنتة بصديق..


حاشا وماشا

بالمناسبة أنا من أسرة ضليعة في التراث والامثال الشعبية والحمد لله

فوالدي ووالدتي يعتبران موسوعة في حفظ تراث العائلة

ويكفي أن عمي بروفسر إبراهيم القرشي ولا فخر


بس الواحد ما بحفظ منهم وساكي الدنيا بي ساق كلب


لتبقي المودة بيننا ياجميل






Post: #98
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 08-10-2008, 07:36 PM
Parent: #93

ولد مشى لى سيد الدكان .. و قال ليه:" عندك

حلاوة؟

سيد الدكان قال ليه:" أيوة

"الولد قال ليه طيب أدينا ببسى

الولد مشى و جاء راجع تانى ..و قال ليه :" عندك

"طحنية ؟

".. قال ليه:" أيوة فى

!"الولد قال ليه:" طيب أدينا سكر

سيد الدكان زعل و مشى كلم أبو الولد

و قال ليه:" ولدك دة عذبنا.. يسأل من حاجة و

".. يقول داير حاجة تانية

أبو الولد زعل و قال ليه:" دة ولد قليل أدب

"و لازم يتجلد .. عندك بسطونة ؟

".. سيد الدكان قال ليه:" أيوة موجودة

"أبو الولد قال ليه:" طيب أدينا سوط عنج

Post: #101
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-10-2008, 08:33 PM
Parent: #98

أجتمعت قوائم الطرب من كلم ولحن وأداء .. فكان الميلاد أغنية عترت فيها بالصدفة.. ويا لجمالها وعذوبة لحنها .. رغم بساطة الكلمات لكن لها من الوقع بالنفس ( البقت تخاف من بكرة ) فعل النار في الهشيم بل أشد .. زاد الجمال رونق براق اللحن الذي تفردت به وما أحلاها من لحن ينساب كخرير جدول دفاق تحت شديراتنا...

من أمس يا سلامة بت الشيخ سلامة وأنا حالتي حالة ( تصعب علي الكافر ) وأصبح حالي زي القال في محنته

الحال العلي حال العدو المسكين
وحال الكتفوهو وسالين علي السكين
وحال الفي البحر حايشنّو تمساحين
وحال الفي السجن ماقدرولّو سنين

سمعتها وخلت نفسي زي ماقال ( المسنوح ودشيقوق ) أتمايل طرباً زي سواق اللوري صوتو كوز عربتو يحاكي حنين القمري في الطلحات .. ودايس البنزين لي الصاجة في ملف حاد .. وافيق بنهايتها وأعود من تاني لي حنيني وأسمعها تسحبني زي شيمى لي اللُجة وأقلع تاني واسمعها...
دحين أنت قالت عليك سوما دهب البنيات ( إياكِ الحنينة الطيبة ) قولي لي

شن أسوو
آه انا الجنيت وقلتا هووو
أحي ياناس
أنا المرضان شن أسووو
إنبهم بي الرأي والدليل
النجوع والفليل

ولا أسوي شنو ؟؟؟
الدساتير هنا ( وزي داستير احمد البشير الهدندوي وتوبو توب حرير )

وليه بالله ليه
ماتورونا ننسى الريد ونهجر كيف ؟

************************************
براو عشنا السنين ليهو
حرام يادنيا تطويهّو
حرام نتلاقّى زي أغراب


وُ وين يا ليل
وين حبي ؟
ووين يا ليل
ألاقيهّو

**********************
وأغني وأقول لكل الناس
أنا المكتول أنا المكتول
أنا المكتول وحي بيهو

يا ابوالقاسم عليك الله وريني رأيك فيها شنو انت زول عجبو صعب وقولو صراحة ( جد تذيب الحجر )
أيمنوف جميل الجمال شن وقولك فيها ( الأغنية ما تمشي بعيد )
العم كمال مفتون الطرب هييييع قول لي ومحل رهيفة التنقد
فيسلوف دا كلام ناس دُقاق ودا شعراً ماعندك لي رقبة
بوبا بوبي وطل في سمانا يا قمر نهاتي بيك وقول لينا وأقلب السنسنة الحمرا
تيسير المبارك دي كان فعلها اكبر وأشد من الجرحو نوسر بي
سوما دهب البنيات ناغمي الريحان وأسمعنها وقولن لي
المشتار في بلاد اليانكي صاحب الفضل الفاضلابي .. ساهر بيها
سماح قمرنا وإدوّر إنت وين وطال غيابك


باقي العقد الفريد الطيبين أسمعوا وأحكموا




pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">




Post: #102
Title: Re: إنجمامة في ظل كلمة طيبة ... قبل الندامة
Author: عفاف أبو حريرة
Date: 09-10-2008, 01:08 AM
Parent: #101

اول انجمامة بعد بعد سنه من الغياب من المنبر ابواحمد



أنا قولي ليكَ عجيب
شدو لي وركب
في شُباحو أديب
مو لُقاط طرف
وقفن لي البنات
وقفنلّو بي الترتيب
وعشمانت الكريم
رجايا فيك مايخيب
مو لُقاط طرف




كل سنه وانت والاسرة الكريمه بالف خير

Post: #103
Title: Re: إنجمامة في ظل كلمة طيبة ... قبل الندامة
Author: GamarBoBa
Date: 09-10-2008, 07:54 AM
Parent: #102

يا ابارو صباحك جميل...
اما بعد...
مشوار مدني طرشق..خلينا نقفل علي سماية تانية قدام.

يا ابوحمد لم (أبلك) احدا قط..الا ان مسنجري بيني وبينه شوية سوء تفاهم.

ودابوالقاسم انا كتبت المداخلة ديك زي المواعيد ..اصلا اشتراك النت ما جددته لحركات سوداني معاي في العيد فبكتب من المكتب بس...ازبط ساعتك بتوقيت الطلح بردانة وغني معاي مادام طار جناالوزين.



نرحب بالخت عفاف ابو حريرة لحين جية صاحب البيت فالف مرحب بيك

Post: #104
Title: Re: إنجمامة في ظل كلمة طيبة ... قبل الندامة
Author: عمر صديق
Date: 09-10-2008, 08:18 AM
Parent: #103

Quote: سمية الريحانة
سماح قمر سبعتين
سلمى سلامة زهرة عروس الرمال
سلمى صبحي حمامة السلام
تيسير المبارك المباركة الطيبة
الطوافة حين ميسرة ( سوما )
كع وكف درابة ( وضاحة )




يا ود المنسي
كل عام وانتم بخير

بت عمنا العوضية وضاحة دي عاملة الكلمة الشاذة
لانو الباقيات لو خليتم مع بعض ممكن تبني سور السين العظيم


وعشان الموضوع يكون منسجم حا نغير اسمها الي صداحة ونقولها بنطق ناس فيسل
رايك شنو

Post: #110
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-10-2008, 04:33 PM
Parent: #103

Quote: يا ابوحمد لم (أبلك) احدا قط..الا ان مسنجري بيني وبينه شوية سوء تفاهم.

بشاغل فيك .. وعارفها ما طبعك ( دا طبع المسنوح ودشيقوق )
تعود ليك الروقة كدي ونشوفك زي ومان يا بوبا الدخري

تحياتي ومودتي

Post: #109
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-10-2008, 04:30 PM
Parent: #102

Quote: اول انجمامة بعد بعد سنه من الغياب من المنبر ابواحمد
أنا قولي ليكَ عجيب
شدو لي وركب
في شُباحو أديب
مو لُقاط طرف
وقفن لي البنات
وقفنلّو بي الترتيب
وعشمانت الكريم
رجايا فيك مايخيب
مو لُقاط طرف
كل سنه وانت والاسرة الكريمه بالف خير


مرحب بت البيوت المن بعيد معنيّة
شاهق السماء نفوسكم وبيوتكم حنية
إياك بت الرُجال والسمتا فيك محريّة
قديم قالوا فال البطاحين عزّة للجعلية

مرحب حبابك عفاف أبوحريرة رتينة تضوي لي فارس البطانة الضرس ود المحرب ( خالد )
غيابك طال والله وكنّا دوماً في السؤال عنك ( لكن يبدو الأرباب ما بوصّل الوصية )

حباب عشاية الضيوف وبيتا سبيل
للغاشي الماشي ودلا السيل
للولد الراحل ودربو طويل
عموم الناس بتشيل
تعشي وتكفي باسمة ما بتحدري
يا بت الرجال أهل النصيب البدري
مو داب أهلك
لكل اليلاد إت دُخري

فرحت بيك شديراتنا
أدخلي إنجمي
البيت بيتك والمقام مقامك
يا كريمة أصلك ثابت
ما بتغشي سوق الله
الخدار فوق بويتك نابت
دخر التساب والسنين المرة
وناس عموم في بابك تخابت

تسلمي علي الزيارة بس طلبنا... بندورك تكوني بينا من اعمدة الإنجمامة الثابتين كالجبال
وهي كلمة طيبة تجمعنا وأنتو الطيبة الحنين هولكم يا البطاحين .....

تحياتي ومودتي للأسرة أم أحمد
والسلام موصول للأرباب ( خالد )

Post: #386
Title: Re: إنجمامة في ظل كلمة طيبة ... قبل الندامة
Author: جعفر محي الدين
Date: 18-11-2008, 11:45 AM
Parent: #98

ود المنسي وكل قبيلة الانجماماب سلام
طبعا الواحد في مثل حالة الشديرات بتاعنكم ديل لا بدق الباب ولا حاجة
يدخل وأقرب عنقريب يطلق ضهره ويا ولد جيب ليك جك موية
ربنا يديم هذه الانجمامة
ويديم عليها أقلامها
يمكن الواحد يفضل يقعد في اللوج ويشاهد وما يرفع صوته
صدقوني فتشت لروح جميلة أكتب بيها ما لقيتها ... الحكاية شنو ؟

Post: #105
Title: Re: إنجمامة في ظل كلمة طيبة ... قبل الندامة
Author: Tayseer Elmobarak
Date: 09-10-2008, 08:27 AM
Parent: #1


خالد مالك علي من الصباح ده ... كده يومي كله شجن ... جبتها من وين الأغنية دي ...

Quote: الحال العلي حال العدو المسكين
وحال الكتفوهو وسالين علي السكين
وحال الفي البحر حايشنّو تمساحين
وحال الفي السجن ماقدرولّو سنين


لا حول و لا قوة إلا بالله ... أريتو ما حالك و لا حال صديق ...


أستاذ أبو بكر...




البيت ده ما غريب علي في الحلة الجديدة و الا الإمتداد ... عموماً الحصاحيصا بالنسبة لينا لا يمكن تبديلها ...

أبارو ...
Quote: تحياتي مجدداً بت النوراني


عليك 10 خرفان للإسم الجديد ده و عشان أتحول من بت المبارك لبت النوراني و 10 تعويض لبت النوراني على إنتحال الشخصية ... و سلم لي على مدني

Post: #107
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 09-10-2008, 02:35 PM
Parent: #105

Quote: عليك 10 خرفان للإسم الجديد ده و عشان أتحول من بت المبارك لبت النوراني و 10 تعويض لبت النوراني على إنتحال الشخصية ... و سلم لي على مدني


هاهاهاهه

عارفة أنا طمن خالط بينك وبين تيسير النوراني

ولمن لاقيت بت النوراني عرفت دقستي

بس ماعارف تاني خلط كيف؟

علي العموم كلكن أخوات كريمات

ربنا يديم المودة




Post: #112
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-10-2008, 04:44 PM
Parent: #105

Quote: خالد مالك علي من الصباح ده ... كده يومي كله شجن ... جبتها من وين الأغنية دي
المبروكة تيسير بت المبارك
سلام طيب حبابك
نحن قوم يا تيسير الحزن يكسونا فرح حزن وحزنا حزن
الحزن يشجينا ونستمتع به

الأغنية أعجبتني من أول ما سمعتها
وزي ماقالوا أهل المثل السمح مبرز باين

لا خلفية لي عن كلماتها وملحنها لكن الشبه باين
الشاعر شبيكة
الألحان السني الضوي
والأداء معروف توأم النغم والصوت الشجي بنات الفنان خيري

لك التحية والمودة تيسير وأنعمي مع الطرب الجميل رغم الحزن فيه

Post: #106
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 09-10-2008, 01:52 PM
Parent: #1

الصور بعضها " فشّق " البوست لحين إعادة ظبطها

Post: #108
Title: Re: إنجمامة في ظل كلمة طيبة ... قبل الندامة
Author: عبدالعزيز الفاضلابى
Date: 09-10-2008, 03:37 PM
Parent: #106

Quote: عارفة أنا طمن خالط بينك وبين تيسير النوراني

ابارو يباريك عطية ,, انت مالك داير تبقى زى صاحبك بتاع البردانة ,, راميك جمل زى صاحبك والله شنو.??

Post: #111
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-10-2008, 04:37 PM
Parent: #108

Quote: يا ود المنسي
كل عام وانتم بخير

بت عمنا العوضية وضاحة دي عاملة الكلمة الشاذة
لانو الباقيات لو خليتم مع بعض ممكن تبني سور السين العظيم


وعشان الموضوع يكون منسجم حا نغير اسمها الي صداحة ونقولها بنطق ناس فيسل
رايك شنو

عمر ودصديق
سلام وأريت حالك زين
البتسوي كلو زين يا الزين
إت أقطع وفصل ونحن بنلبس ونمشي علي

تسلم يا أبوضراع عشا البايتات قوا

تحياتي ومودتي

Post: #113
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-10-2008, 04:53 PM
Parent: #111

Quote: هاهاهاهه

عارفة أنا طمن خالط بينك وبين تيسير النوراني

ولمن لاقيت بت النوراني عرفت دقستي

تعرف يا أبارو
لما كتبت ( تحياتي بت النوراني )
ظنيتو سر بينك وبين المستشار أبوالقاسم وعلقت عليه لكن يظهر ما لاحظت
ولا يهمك
فلو فرضت عليك 20 من الضأن
أنا مفروض يكون الفرض علي 100 من الأبل

زمان في الإنجمامة في عددها الثاني تداخلت الأخت الفاضلة
وأنا أشيل وأكيل
( الأخ الفاضل تيسير )
فردت ( والله يا خالد أنا بنت أرجع لبروفايلي )
حتى فكت الدقسة
وأغرب شئ برضو أبوالقاسم دقس فيها وأعطاها أسم ( ام فلان لا أذكر )

والما بدقس ما بتعدل مشيّو هون عليك يا الحبيب
تحياتي ومودتي

Post: #114
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-10-2008, 04:57 PM
Parent: #113

Quote: الصور بعضها " فشّق " البوست لحين إعادة ظبطها

أبوقاسم سلااام
نعاج البطانة يتاتن محينات بي اللبن ما فينا
عدلها كويس
النظر بِقى مسارقة ما بنقدر علي الزغللة


Post: #115
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-10-2008, 05:03 PM
Parent: #114

Quote: ابارو يباريك عطية ,, انت مالك داير تبقى زى صاحبك بتاع البردانة ,, راميك جمل زى صاحبك والله شنو.??

الحبيب الفاضلابي
يا أهل الفضل والخير
والله صاحبك بتاع البردانة أنجض مني ومنك
عللا بالحيل بعرف ويرقد بالخطة
بنات المنبر ديل لي حدهن يشكك الناس فيهن ( قال أولاد )
يشتت في الكورة حتى ينفرد ( أب عِصيبات عنقريب العدة الهلهل )

بعدين عطية دا منو


بس ما يكون ياهو

Post: #116
Title: Re: إنجمامة في ظل كلمة طيبة ... قبل الندامة
Author: عبدالعزيز الفاضلابى
Date: 09-10-2008, 05:41 PM
Parent: #115

عطية ده الفقر يا ودالمنسى ,, انت مالو عقلك داير يروح بعيد اوع يكون راح بعيد نامن قلنا ودشيقوق راميه جمل?

Post: #117
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-10-2008, 05:49 PM
Parent: #116

Quote: عطية ده الفقر يا ودالمنسى ,,
انت مالو عقلك داير يروح بعيد اوع يكون راح بعيد
نامن قلنا ودشيقوق راميه جمل?


والفي رأسي ذتو فقر ... ما مشيت بعيد يعني.

والله أنتو يا سنجة

تودو الزول البحر وتجيبو عطشان

Post: #118
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 09-10-2008, 06:07 PM
Parent: #117

فاضلابي

Quote: ابارو يباريك عطية ,, انت مالك داير تبقى زى صاحبك بتاع البردانة ,, راميك جمل زى صاحبك والله شنو.??


يببكو فوقك خنق

مالك زغت من بوست عواطف يامستوح؟

بجيك بي مهلة معاي ضيوف










Post: #119
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-10-2008, 07:02 PM
Parent: #118

كلمات الأعنية الجميلة دي

وأنا سميتها ( السهارة )

صحي البيناتنا أصبح كان
وكُل الريد عليكم هان
وكل العشرة والأشواق
صحي نسيتوها يا الحِيبان
صحيح قدارة يا دنيا
وأمانك مافي ليهو أمان

قضينا ربيعنا كلو دموع
وماعاد لينا غيرّا وليف
نشوف مادارة الأوهام
وباكر زي خيال الطيف
نمر بدمعة واحدة نفوت
ونحضن دمعة تانية نقيف
وليه بالله ما تورونا
ننسى الريد ونهجر كيف
ونحن الزادنا في دُنيانا
كِلمة حــب وقلب رهيف

حرام عِشنا السنين ليهو
حرام يادنيا تطويِهّو
حرام نتلاقى زي أغراب
وزي نطرب نحيهّو

ووين يا ليل
وين حبي
وين ياليل
ألاقيهّو

وأغني مِرار وأحلى كلام
وأفرّو جناح وأطير بيهو
أغني وأقول لكل الناس
أنا المكتول وحي بيهو
أنا المكتول وحي بيهو

Post: #120
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-10-2008, 07:39 PM
Parent: #119

إهداء خاص جداً جداً لقمر سبعتين ( سمـــــــاح )
وإهداء خاص جداً للقمر بوبا
وإهداء خاص جداً للجعلي المتررطّن العم كمال
وإهداء خاص وبس لفيسل هليل
يا فيسل غنيها لي بتاتك وقول ليهن هقيت للنجعة وكما هقينا نحن

وإهداء لكل رطاني يجينا زائر

وتحياتي ومودتي لغير الناطقين بها





Post: #121
Title: Re: إنجمامة في ظل كلمة طيبة ... قبل الندامة
Author: عبدالعزيز الفاضلابى
Date: 09-10-2008, 07:47 PM
Parent: #119

Quote: يببكو فوقك خنق

مالك زغت من بوست عواطف يامستوح؟

بجيك بي مهلة معاي ضيوف
ابارو ,, تبارى مع الطيانة وشايل ليك جوز نامن تقوم لك كومه فى كتفك ,,
انت مالك بقيت تكوجن كتابتك زى واحدة فى بالى معانا فى البورد ده ,, انت متربى فى ثاوليل البرته,,?
وبعدين ياخى عواطف انا مازغت من بوستيها بس هى ختتو معاى قرض وزاغت من البوست وفكت فينا واحدة اسمها محسية يعنى الرطانة وين ما تقبل ,, البورد بقا زى الشارع القايمة فيه ضريسا..

Post: #122
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 10-10-2008, 06:58 AM
Parent: #121

لحين ميسرة

وجمعة مباركة

ربنا يديكم الفي مرادكم ويجعل أيامك كلها أفراح ويفرحكم بالحلم الأكبر استقرار البلد وراحة عباده اللذين شقو كثير ( يصبح في متناولهم المأكل والمشرب والدواء والدابة ) وهم والله لا يتطلعون لإكثر من كدي ربنا يفرجها ونشوفهم فوق يضاهوا النجوم في سماها

آميـــــــن

Post: #123
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 10-10-2008, 02:44 PM
Parent: #121

فاضلابي ياقريبي

Quote: انت مالك بقيت تكوجن كتابتك زى واحدة فى بالى معانا فى البورد ده


والله لو قلت ليك ما حتصدق؟

الكيبورد بتاعتي ولا حرف مافيها كرجاء ذي ما بقولو ناس الدومنه

أخوك بتزكر مكان الحرف وبعفصو













Post: #124
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 10-10-2008, 06:19 PM
Parent: #123

Quote: الصور بعضها " فشّق " البوست لحين إعادة ظبطها

شنو يا أبوالقاسم
الصور ما حمضهّم

بقينا راجين صورك ديل يا أبوالقاسم وصورة العم كمال شخصاً لكن عامل لي حميل

ومصهين حتى مابرد على كلامي في هذا الموضوع

المهم ياسيدي نحن في إنتظار صورك هذه شوقتنا لها والله

تحياتي ومودتي جمعة مباركة عليك والأسرة والأهل

Post: #125
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 11-10-2008, 07:59 AM
Parent: #1

الأخت تيسير المبارك سلامات


والله ضحكت لمن أبّارو غلط مثلى فى إسمك وحمدت الله إنو الشغلانة دى ما ممن الكُبُر ... واضح إنو عندك علاقة بالحصاحيصا


ورداً على تساؤلك:



Quote:
البيت ده ما غريب علي في الحلة الجديدة و الا الإمتداد ... عموماً الحصاحيصا


بالنسبة لينا لا يمكن تبديلها ...



البيت المعنى لجدى لوالدتى ( عبدالقادر أحمد سليمان ( خرومى) وهو بالحلة التحت ( الحى الشرقى ) إلتقطت فى 25/8/2008


وهاك بقية الصور ومن ضمنها صورة من على البعد للحلة الجديدة:



الحلة الجديدة تبدو فى أقصى اليمين





القديم ( البنطون والجديد ( الكبرى)



الضفة الشرقية للنيل والبحر دميرة






لقطة أخرى للضفة الشرقية







Quote:
شنو يا أبوالقاسم
الصور ما حمضهّم



تعرف يا أبو أحمد قصدت أجيب كل هذه الصور عشان أثبت ليك إنو الحصاحيصا بتشبه شندى بكثرة شجر النيم رغم تغول الكودة عليه.


سأرجع مرة أخرى لقصص البنطون .


الموقف من الجانب الغربى للحى الشرقى









أول شجرة نيم من الجهة الغربية تجاور منزل المرحوم الطاهر حسن عثمان

وظلّت صامدة رغم جناية ( الكودة) عليها حيث قام بضقلمتها ( وليس بربحتها) هى وبقية عقد النيم عندما مارس هواياته بفرتقة المواقف وترحيل مواقف المواصلات فى كل مكان حطّ فيه ( الحصاحيصا- سنار- وأخيراً الخرطوم )







الحى الأوسط وشجر النيم














التعديل تمّ للرفق بحملان البطانة

Post: #126
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 11-10-2008, 04:24 PM
Parent: #125

إنجماماب سلام ومحبة

القاسم
Quote: القديم ( البنطون والجديد ( الكبرى)


عارف لى مدة بفتش لي صور لبنطون رفاعة ده؟

وكويس إنك جبتها قبل يحولوه

بالمناسبة دي عندك فكرة حيودوه وين؟



كدي أعفصو هنا وأدونا رايكم

عتل كتل بي عود الكتر








Post: #127
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 11-10-2008, 07:02 PM
Parent: #1

أبّارو سلامات

Quote:
بالمناسبة دي عندك فكرة حيودوه وين؟




علمى علمك ، وهم بنطونين ، واحد لكل ضفة.


زمان كنا بنصحى مثل هذا الوقت - الدميرة- ونسمع إنو البنطون " شرد " ، والسبب تعطل الماكينة والتيار الشديد " العِرِق " يشيل ليك


البنطون بما فيه ، والمكان الوحيد لوقفه هو إصطياده ببنطون الجنيد ، لأنو وقتها كان بنطون واحد ، ثم إحضاره مقطورا لمكانه.


أنا عارف الحواتة ما محتاجة ، ولا تكونوا دايرين واحد تعدوا بيهو للمزرعة.

Post: #128
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 11-10-2008, 09:00 PM
Parent: #127

Quote: تعرف يا أبو أحمد قصدت أجيب كل هذه الصور
عشان أثبت ليك إنو الحصاحيصا بتشبه شندى
بكثرة شجر النيم رغم تغول الكودة عليه.

العزيز أبوالقاسم
فعلاً هناك تشابه كبير بين شندي والحصاحيصا وكثرة شجر النيم
تعرف في مرة من المرات كان إنعدم الشاي في المحلات التجارية
لقيت ناس شندي بقو يغلو صفق النيم ويشربو شاي
( قريفا بس لكن مافيه اي طعم شاي )
لكن نفع ليهم بطونهم ونظفها بس تقعد تقرقر فيهم قرقراب سماح
هي ما تسمع كلامنا دا تجي تقول متخلفين

_________________________
أبارو
مالك سمعتو ولا جابو ليك
بقيت تحاي مني غادي غادي زي التقول أنا داير منك دين
يا أخوي مافيها الدنيا خير هي كلمة طيبة ( كان الدبيب
ملى ليك رويسك بي شئ )

Post: #129
Title: Re: إنجمامة في ظل كلمة طيبة ... قبل الندامة
Author: سمية الحسن طلحة
Date: 11-10-2008, 09:30 PM
Parent: #127

سلام عليكم في الخالدين
الحاضرين والغايبين
فاقدنكم لدرجة :

الكوفارة 1
و
العيمة 2
و
القرم 3
و
القريفة 4

1ــ فقد العيش ( عدم أكل الكسرة )
2ــ فقد اللبن ( عدم شرب اللبن )
3ــ فقد اللحم ( عدم أكل اللحم )
4ــ فقد المكيفات ( الشاي والقهوة.. )


نرحب بعودة نايرين عيال بطحان
ود المحرب
وأم أحمد
منورين المنبر كلو

ودالمنسي صححت العنوان
الحمد لله الله بريدني
قلت ( حمده في بطنه )؟
عجبتني قولة ( ناغمي )

وفي الختام برضو : السلام عليكم قي الخالدين
ناس خليل فرح ديل مابجينا منهم إلا كل جميل .

Post: #130
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 12-10-2008, 10:59 AM
Parent: #129

لحين ميسرة

Post: #131
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 12-10-2008, 03:14 PM
Parent: #130

إنجماماب سلام وتحية

ومرحب بالريحانة

منسي
Quote: أبارو
مالك سمعتو ولا جابو ليك
بقيت تحاي مني غادي غادي زي التقول أنا داير منك دين
يا أخوي مافيها الدنيا خير هي كلمة طيبة ( كان الدبيب
ملى ليك رويسك بي شئ )

ماني سماع كلام ولاني من جلاسو

وماني البزوغ من دين ويغلبو خلاسو

وماني الاضينة حتي الدبيب يملالو راسو

هييييع

أخوك والله مزنوق ساي

وإحتمال اليومين الجايات ياخدلو غيبة








Post: #132
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 12-10-2008, 03:55 PM
Parent: #129

Quote: ودالمنسي صححت العنوان
الحمد لله الله بريدني
قلت ( حمده في بطنه )؟
عجبتني قولة ( ناغمي )


جات كدي والله يا ريحانة
وزي ماقلتي الله بريدك
ويومها والله بعدما كتبت العنوان راجعته كويس مافيه أي شئ أول مداخلة من المسينيح أبارو مفنقل عويناتو زي ضب الجُبال قال ( قبل الندانة يا ريس )

اي حمدو في بطنو .. ودقرتا عيني .. وداكي الليلة وناغمي وعمنوّل .. إتزاخر .. والله جنس النضمي دا بعجبني عجب شديد يا الريحانة

عجبنا بالحيل عودة الحبيب ودالمحرب وزوجه الفاضلة عفاف أبوحريرة
لكن ماني عارف جب زاغو زي وليد الموية من بين الإديات

علهما عافية درت

تحياتي يا بت الخلفا وأهل الرأي البعقدو الدم

Post: #133
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 12-10-2008, 04:00 PM
Parent: #132

Quote: ماني سماع كلام ولاني من جلاسو

وماني البزوغ من دين ويغلبو خلاسو

وماني الاضينة حتي الدبيب يملالو راسو

هييييع

وكت قُت كدي ارقد عافية وارتع سااااكت زي تيس الخلفاء في كسلا ومافي زول بزعلك

أها كدي دبرني الدبيب بسوي في شنو أـ انا ختيتك مراسلنا
ولي هسي قاطع الخبر ( بكون ساط الواطا )
هو ما زي الجدري إن نزل في الحلّه عاقا

وافينا بي خبرو مقطوع الطاري

مودتي

Post: #134
Title: Re: إنجمامة في ظل كلمة طيبة ... قبل الندامة
Author: سلمى الشيخ سلامة
Date: 12-10-2008, 04:59 PM
Parent: #133

Quote: لا خلفية لي عن كلماتها وملحنها لكن الشبه باين
الشاعر شبيكة
الألحان السني الضوي
والأداء معروف توأم النغم والصوت الشجي بنات الفنان خيري


عاد يا خالد التومات ديل
نحكى ليك قصتهن
زمان لمن كنا فى الاذاعة
بجى عم محمد خيرى عليه الرحمة
سايق التومات معاهو
ويدخلن يسوطن فى الاستديو حلاتن
وانقطنا من بعض زمن طويل
ولسه كنت متخيلاهن الصغار ديلاك
قوم يا خالد مشيت البلد
القى ليك التومات فى الرادى وبغنن
وفى التلفزيون
هيا التومات ؟
حلاتن
واتصور انه غنا كتير رجعوه لمصبه
خاصة الغنا المخاطب فيه ذكر
لانه لمن يغنوه الرجال يبقى لى اشتر اشتر
الله يديهن العافية

خرمجة صغيرونة

يوم كنت فى الصيدلية فى السوق العربى
والتومات بغنن فى مسجل القهوة المجاورة للصيدلية
واحد اظنه زهج من التومات لانهن اى حته تمشى تلاقيهن بغنن
المهم جا داخل الصيدلية وفجاة التسجيل بقى صوته عالى
الساعة الهاج ليك
ـ كرهتونا الغنا ياخ ، ادينا حبوب للضغط زاتو

Post: #135
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 12-10-2008, 05:10 PM
Parent: #134

التناغم في إصواتهن بديع متناسق بصورة جميلة ( ماهن تومات )

الأغنية فيها من المعاني شئ كبير رغم بساطة مفردتها

اللحن أضفى على الأغنية جمال يطرب الأذن وترتعش له الأواصر

وزي ماقلت ليك أنا ما سمعت لهنَّ كثير لكن الإغنية دي هدت
حيلي والله يا بت سلامة .....

بالذات
ليه ما تورنا ننسى
الحب ونهجر كيف

دحين أنت كان عارفة وريني

تحياتي ومودتي بت سلامة

Post: #136
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 12-10-2008, 05:16 PM
Parent: #135

Quote: التعديل تمّ للرفق بحملان البطانة



تسلم يا مستشار ولك التحية
الحفاظ على عيوننا

مودتي

Post: #137
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 12-10-2008, 05:21 PM
Parent: #136

ها ناس الليلة جيتكم بي نضمي كُتر
بندور البورينا معنا الكلمات الفيه هذه

قال الشاعر

عاكّا الجات تقوم من الأرض خزازّا
زينة الخِلقة داااب ماحسبن بزازّا
قاعدة غزير زراقا الفي الرزم زازّا
شفنا الدُقة والزرزور فصل حزازّا

نريد نعرف معني الدُقة والزرزور ؟؟؟؟


الفائز في السمابقة له هدية من العم كمال تذكرة سفر للحج

يحجب من المنافسة كل من

ريحانة البطانة
سلمى سلامة بت حبوبتها

تحياتي ومودتي للكل وحظ سعيد

Post: #138
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 12-10-2008, 05:54 PM
Parent: #137

وزع يا المنسي قواميس عربي عربي

وخاصة للرطانة

اها انا من حسع خاتي طوبتي جنب الشباك





مع تحيات استديو فيصفون

Post: #139
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 12-10-2008, 05:57 PM
Parent: #138

نفــور الصيد وقت العصاري
مأخوذة من طبعك المثالي
غزالي يا غزال



Post: #140
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 12-10-2008, 06:02 PM
Parent: #139

Quote: وزع يا المنسي قواميس عربي عربي

وخاصة للرطانة

اها انا من حسع خاتي طوبتي جنب الشباك

إنتو يا الرطانة خليكم بي جنبة

يا أبوالقاسم زمان قالو في مدرس رطاني بدرس في التلاميذ تلاوة قرآن .. وكانوا يقراْْون من المححف ومرَّ التلميذ يقرأ الأية ( بالبيت العتيق ببكة ) .. فقال له المعلم يا ولد أقرأ كويس .. فرد التلميذ مكتوبة ببكة .. فقال له الاستاذ وريني كدي .. فقام التلميذ وأعطاه المصحف فوجدها فعلا مكتوبة ( بكة )
فأمر التلانيذ ان يصلحوها قائلاً : طلعو الاقلام وصلحوها ( مكة )

قر قر قر قر قر قر سماحية

Post: #141
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 12-10-2008, 07:55 PM
Parent: #140

إنجماماب مساكم زين

حباب بت الشيخ سلامة

فيسل هليل إنت وسماح أقعدو راجه


Quote: وافينا بي خبرو مقطوع الطاري


أول أمس كان معاي بالتلفون وقال جاي الرحله

وقبيل حاولت ليه بس تلفونو ما بجمع


وين بوبا وحمامة سلامنا؟



Post: #142
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 12-10-2008, 08:12 PM
Parent: #137

Quote: يحجب من المنافسة كل من

ريحانة البطانة
سلمى سلامة بت حبوبتها


يعني نحنا نشارك؟

كان كدي قولينا جهزو الاحرامات ساي










Post: #143
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 12-10-2008, 09:06 PM
Parent: #142

Quote: يعني نحنا نشارك؟

كان كدي قولينا جهزو الاحرامات ساي

أنا مانسيتك يا المسنوح
لكن ما بحرمك من المشاركة

وأدلي بدلوك يا ممدوح


_________________________
والله كما قلت السؤال عن حمامة سلامنا سلمى صبحي
نظل نهاتي حتى يبح الصوت وترجع لنا حمامة السلام
ومساحتها في إنجمامتنا محفوظة بين شديراتها مغردة
وهيا تعالي وأصدحي يا حمامة وزيدي في هديلك

Post: #144
Title: Re: إنجمامة في ظل كلمة طيبة ... قبل الندامة
Author: عمر صديق
Date: 12-10-2008, 10:03 PM
Parent: #137

Quote: ها ناس الليلة جيتكم بي نضمي كُتر
بندور البورينا معنا الكلمات الفيه هذه

قال الشاعر

عاكّا الجات تقوم من الأرض خزازّا
زينة الخِلقة داااب ماحسبن بزازّا
قاعدة غزير زراقا الفي الرزم زازّا
شفنا الدُقة والزرزور فصل حزازّا

نريد نعرف معني الدُقة والزرزور ؟؟؟؟


الفائز في السمابقة له هدية من العم كمال تذكرة سفر للحج

يحجب من المنافسة كل من

ريحانة البطانة
سلمى سلامة بت حبوبتها

تحياتي ومودتي للكل وحظ سعيد







الاخ ود المنسي

سلامات

ممكن نشارك

والاخ فيصل خليل لو بتضمن الجائزة ما يحجبوها


نديك اخر ماورد في رباعية ود الرضي(الحزاز = طويلة مهوي القرط والمعني واضح)


هيييييييييييييييييييع
لقينا ود شيقوق شايل توبو وهج بي قعودو في فيافي الدندر


ويا اخوي ابارو الا تديك القرعة

Post: #145
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 14-10-2008, 02:19 PM
Parent: #144

لحين ميسرة
الله يكفينا شر الهكر كان ناس ولا عربات

Post: #146
Title: Re: إنجمامة في ظل كلمة طيبة ... قبل الندامة
Author: ALGARADABI
Date: 14-10-2008, 03:19 PM
Parent: #1

أعرض كنهن حقاتك

Post: #148
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 14-10-2008, 05:32 PM
Parent: #146

بنقول ماشاء الله وتبارك الله وربنا يحفظو أحمد ( أمنّو )

ماتجي تقول لي سحرتو

لكن صورتو بس عتود دخل خشمو في شوال دقيق

( سمهدور أنت وين ليها )

Post: #147
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 14-10-2008, 04:18 PM
Parent: #1

أبو أحمد وأهل الإنجمامة حمداً لله على سلامة وعودة الموقع.

كل مشاركات الأمس (13/ 10 / 2008) مفقودة ومن ضمنها مشاركتى فى المسابقة:

Quote:
نريد نعرف معني الدُقة والزرزور ؟؟؟؟



فى مسرحية خطوبة سهير ترنم خليل و- وهو يترنح من السكر- بأغنية تقول كلماتها:


عشة أم رشيرش *** عشة أم رشيرش

والبوستة قامت *** لخط الروصيرص

أعيد إجابتى : عشة " عشوشة " رفيقة ود أبرق.

صاحبة الدقة صاحبة الإسم.

عارفك يا خالد إتضايرت .

Post: #149
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 14-10-2008, 05:41 PM
Parent: #147

Quote: فى مسرحية خطوبة سهير ترنم خليل و- وهو يترنح من السكر- بأغنية تقول كلماتها:

عشة أم رشيرش *** عشة أم رشيرش

والبوستة قامت *** لخط الروصيرص

أعيد إجابتى : عشة " عشوشة " رفيقة ود أبرق.

صاحبة الدقة صاحبة الإسم.

عارفك يا خالد إتضايرت .



ختيت الدرب تــب يا سيادة المستشار

وصلت لعند القلوبية والشبكة وجيت ونتفتَّ ريش الطير

ذكرتني صاحبن لي من أولاد الدويم حكي لي كيف كان جهلهم
قال : قشت عينا من النوم نشرب كبايتين شاي لبن مع الزلابية
وبعدها نشيل القلوبية أو الشبكة ونختر .. سروال وفنيلة داخلية
تشربت من العرق .. ورقبتها ( الفنيلة ) قرب الصرة ... والفنيلة في
الخشم يمص الواحد ( الملح المترسب من العرق )
قال نقج الشرك ونلبت وراء شجرة ظليلة قرب الشرك نغني للطير

القِديل القِديل يا أبوحوا
القِديل القديل شن سوّا
القِديل تعال شب شب
القِديل بجيبلك حب
القِديل القِديل يا أبوحوا

أجابتك غلط يا ابوالقاسم

Post: #150
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 14-10-2008, 06:52 PM
Parent: #149

إنجماماب مساكم زين

اليومين دي مدروشين شغل ميداني مع ناس وزارة الصحة من 9 صباجاُ لي 9 مساء

غايتو الواحدكان لقي ليه فريقة بجي يسلم عليكم













Post: #151
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 14-10-2008, 07:00 PM
Parent: #150

Quote: اليومين دي مدروشين شغل ميداني مع ناس وزارة الصحة من 9 صباجاُ لي 9 مساء


شنو يعني موقعك من الأعراب
قراح ( بتاع قراحة )
لبسوك رداء أبيض
وحايم بي الحنيات


كنت بكرههم بتاعين الجراحة ديل لآمن يجو المدرسة أقرب شباك
جاك بلا وهيييييييك البيت

Post: #152
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 15-10-2008, 07:18 AM
Parent: #1

Quote:
اليومين دي مدروشين شغل ميداني مع ناس وزارة الصحة من 9 صباجاُ لي 9 مساء




وراء الرزق يا أخوى وشغلانات بتاعت IT ... الظاهر عليك بديت الستوت يا أبو أحمد.

Post: #153
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 17-10-2008, 12:58 PM
Parent: #152

الله يجيب العواقب سليمة الهكرز ديل كل مرة بيأكلو
من مداخلاتنا شوية يعني الدورة شغالين نسدد ونديّن

أبوالقاسم يا أخوي ما نشوف لينا عكاكيز مضببة
ونحرس الإنجمامة دي

الله يقطعهم ويقطع سعيتهم ( ديل هكرز )

تحياتي إنجماماببعد الإنقطاعة الخلت عم كمال
لافي صينية زي سيد الرايحا

Post: #154
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 20-10-2008, 05:16 AM
Parent: #1

أبو أحمد وأهل الإنجمامة سلامات


عدنا والعود " أحمد" كما يقولون ، و " القَرْيَفَة " كاتلانا ، لأننا برمجنا أمورنا مع المنتدى .

يقولون أن أكثر لحظة تكون فيها الطائرات معرضة للخطر هى لحظتى الإقلاع والهبوط ، لقد أقلعناالآن ، فلنترقب إنقضاء هذه اللحظات

وإستواء طائرة المنبر.

Post: #155
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 20-10-2008, 06:27 AM
Parent: #154

إنجماماب سلااام وتحية طيبة
إتشلهتنا في اليومين الماضيين
وبقى شغلنا ماسنجرات ( لحدي فيسل هليل ما طمم بطني من كترت الكلام )

تعرف يا أبوالقاسم بقينا ندخل المنبر بعدما يرجع وماسكين يدنا في قلبنا
من الهكر ( بقى شغلنا زي صلاة الفلاتية ست التسالي تصلي تحت النيمة وعينها في صحن التسالي والفول المررو )

تحياتي انجماماب

وربنا يستوي بطائرتنا

Post: #156
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 20-10-2008, 12:40 PM
Parent: #155

ها ناس ها تعالوا وماتخافوا من الهكر
حرّم ودشيقوق سكينو في ضراعو وعكازو المضبب في يدو
البجي بتلافا .. وسلمى سلامة شايلا قزازة مكسورة ومنتظرة

أفو يا عم كمال بقيت تخاف علي كبرك

الريحانة وبت أبو حرير وسوما والحارس الأمين ودالمحرب في بطحانية ولا بطحاني بتخاف/ يخاف

عيال البندر
تيسير
سماح
أسيا الربيع
بوبا
أيمن
ودالعبيد
الفاضلابي
محي الدين
فيسل هليل
المحيرني أبارو إت خايف من شنو يا أب رويس ولا مشغول مع ناس الجمكسين
وعم كمال ( لبت فيسل لبتت كل رسائلك )
ما تخافوا مأمنة قاعدين الصنديد ودشيقوق والأسد سلمى
والبقول أخ يتلخ

تحياتي

ما شفتو المستشار جاء وكما قبل ما نعين الحراسة







Post: #157
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 20-10-2008, 03:13 PM
Parent: #156

هلا والله وحمداً لله علي سلامة العودة

إنجماماب عساكم طيبين

منسي
Quote: المحيرني أبارو إت خايف من شنو يا أب رويس ولا مشغول مع ناس الجمكسين


قرقرقر الله يطراها بالخير ستها

شغالين ياخالد كورس تدريبي في الحاسوب تحت برنامج يسمي تنمية المجتمع

برعاية وزارة الصحة الاتحادية وبتمويل من منظمة الإغاثة الاسلامية السعودية

البرنامج بيستمر لمدة شهر في كل منطقة انا نصيبي فيه 15 يوم عشان كده

كلما ألقي زوغه بجي عليكم

حسي شعالين في منطقة البرياب بالحاج عبدالله









Post: #159
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 21-10-2008, 06:27 AM
Parent: #157

Quote: قرقرقر الله يطراها بالخير ستها

شغالين ياخالد كورس تدريبي في الحاسوب تحت برنامج يسمي تنمية المجتمع

برعاية وزارة الصحة الاتحادية وبتمويل من منظمة الإغاثة الاسلامية السعودية

البرنامج بيستمر لمدة شهر في كل منطقة انا نصيبي فيه 15 يوم عشان كده


يا أبارو صحة وعافية
بس بيني وبينك مافيها حبة جمكسين كدي
ولا قزازة رش بالوعات
والله بتخيل فيك لابس الرداء الكاكي وقميص أبيض وطاقية نسج مشغل
ومركوب قطع الجنينة ونضاراتك
قر قر قر قر قر قر قر
قلت لي يا حليل ستها
ستها معانا ما قلنا ليكم زمان دعموا الدفاعيات
يعني إيمل .. ماسنجر خارجي .. تلفون .. وصف بيت .. وصف مكتب
عشان تمشي تتلبت زي الكديس الناوي نية سيئة لي لحمات مقلقات في مشلعيب

_____________________
ما لميت في الدبيب

Post: #158
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 20-10-2008, 09:38 PM
Parent: #1

أهل الإنجمامة سلامات


مررنا للتحية والمجاملة ومتفقدين العقاب.


أبّارو: حمدا لله على الشوفة " المرور" .


لحين ميسرة وإنقشاع الغيوم.

Post: #160
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 21-10-2008, 06:39 AM
Parent: #158

بـــــدون زعل يا الزينات


الحديث الشريف يذكر أن! آدم حين دخل الجنة استوحش وحدته في جنة الله والتي كل منا يعمل لينال رضى الله فتكون هذه سكنه وجزاء عمله ... ورغم ذلك الا انا آدم لم يهنا بالعيش وحيدا شعر أنه محتاج لحواء،وهذا الكلام ليس من الخيال لكنه من حديث النبي صلى الله عليه وسلم فبينما هو نائم اذ خلق الله من ضلعه حواء. فاستيقظ فرآها بجواره

قال: من أنت؟؟..
قالت: امرأة
قال: ما اسمك؟؟
قالت: حواء
قال: ولما خلقت؟؟
قالت: لتسكن الي..

وروي ان الملائكة سألت آدم عليه السلام :

قالت : أتحبها ياآدم ؟
قال : نعم
قالوا لحواء: أتحبينه ياحواء
قالت : لا
وكان في قلبها اضعاف مافي قلبه من حبه.
فقالوا : فلو صدقت أمرأة في حبها لزوجها لصدقت حواء..

وتحكي الآثار وقصص السابقين..أن آدم نزل بالهند وحواء بجده..
ويقال أن آدم ظل يبحث عن حواء حتى التقيا عند جبل عرفات ولو انتبهتم أن عرفات
أقرب الى جده وبعيده جداً عن الهند , فسبحان الله آدم هو الذي تعب جداً وظل يبحث عن حواء كثيراً حتى وصل إليها وكانت هذه اولى قصص الحب في التاريخ .

Post: #161
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 21-10-2008, 08:03 AM
Parent: #160

الايام الفاتت جينا نعمل ام جمينا

لقيتا اتخمينا



المتهكر الاممي

Post: #162
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 21-10-2008, 04:51 PM
Parent: #161

سلمى سلااامة
فتحي عينك قدر الريال أب عشرة ماتجيني هسي
خاتفا توبك ونصو جاري بي الواطا

( صدقت في حبها )

معناها أي صدقت بالبوح بما تكن من حب للحبيب
المرأة تكتم مشاعرها وإن أظهرتها تظهر القليل منها
وهي تكون ممكونة وصابرة

والله يا سلمى سلامة تجيني إلا اشلخك عارض

Post: #163
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 22-10-2008, 02:10 PM
Parent: #162

أللهم أستر وأحفظ إنجمامتنا من هكروز الأرجوز
أللهم ألهي ولجّن مخيخو كان نوا علينا

....................
يا جماعة المصيبة دا شايل شنو؟؟
فش مبيض .. ( كش ) يكشحو في البوست يبقى
ناصع البياض يلمع

والله عيب عليك يا حمامة السلام وحتى
في زخم المصائب هذه ماتعودي من رجلة
الصيف يا حمامة وتكوني بين أهلك تحت
الشديرات تغني وتمرحي ساكنيها
عودي عودي يا حمامة

Post: #164
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 22-10-2008, 04:22 PM
Parent: #163

الى كل الانجماباب والبورداب ..كفارة والجاتكم فى بوردكم سامحتكم
قال الشاعر فى قديم الزمان:ـ
كلمــا انبت الزمــان قنــاة
ركب المرء فى القناة سنانا
وقال الآخر:ـ
ومن تـك نفسـة بغير جمال
لا يرى فى الوجود شيئا جميلا
وذلك كلة للاسف ينطبق على واقعنا المعاش حاليا..فهناك من البشرمن يحاول ان يحول
كل ابتكارات وانجازات الانسلنية الى ادوات هدموتدمير وهناك من يسعى ليحول كل
ما هو جميل الى قبح فتصبح
الكراهية مكان الحب
والفرقة مكان الالفة
والظلمة مكان النور
وسقط القول مكان الكلمة الطيبة
لقد كانت بالجد ايام عصيبة ..كان عزائى الوحيد تلك (الانجمامة) التى فتحتها
عبر المسنجر مع الاعزاء ود المنسـى وفيسـل ....المهم تعالو نواصل مشوار
الكلمة الطيبة ولو كرة المهكرون...وملعون ابو التهكير

عمكــم المتيم بكم كمــال


Post: #165
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 22-10-2008, 05:42 PM
Parent: #164

Quote: لقد كانت بالجد ايام عصيبة ..كان عزائى الوحيد تلك (الانجمامة) التى فتحتها
عبر المسنجر مع الاعزاء ود المنسـى وفيسـل ....المهم تعالو نواصل مشوار
الكلمة الطيبة ولو كرة المهكرون...وملعون ابو التهكير

عمكــم المتيم بكم كمــال


متين متين يا الله
إجينا أجمل ريد
ويطل بنورو علينا
طلة بشائر العيد

العم الجميل كمال عطاء
لك التحية الطيبة رغم الفأس المرفوعة فوق رؤوسنا
لكن سوف نظل كما قال الحبيب أبوالقاسم صامدين عليها
كلمة طيبة تجمعنا وفعل حسن يظلنا تحت شديراتنا

نطلقها من فوهة البوق لحنا عذب تطوف به زهرات الإنجمامة

تعالي يا ريحانة البطانة
تعالي يا حمامة سلامنا
تعالي يا قمر سبعتين
تعالي يا الشبلة أسيا
تعالي يا مزمار الشعر سوما
تعالي يا المبروكة تيسير
تعالي يا سلمة سلامة الحنون

يشدوا الحيل أخوان البنات واقفين يتلوا الضرعات لي فوق .. والطواقي تحت الحاجب المقرون وجفير الخوسا فايت الكوع بها نحمي إنجمامتنا
وبنقولها
إن درتا العديل والزين تعال آزووول
وإن كُست الكعب والشين أرح آ زووول

سلمى بت الشيخ سلامة
فوقنا أنكعي هزّي
وكان زحينا يوم الحارة
قرنك جزّي

تحياتي العم كمال وهييييع
ومحل رهيفة التنقد وإن شاءالله ما تتلتق



Post: #166
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 22-10-2008, 06:34 PM
Parent: #1

سلام أهل الشديرات

والله الواحد بقى كلما يحاول إعمل ليهو مداخلة ينتظر زى نتيجة الإمتحان.


عم كمال مشكور على هذه الهدايا اللطيفة وهذا ما يحتاجه البورد فى أن نقوم بممارسة نشاطنا العادى وفى ذلك تفويت أيما تفويت


لغرض " الهكريبة" .


بدايات سور القرآن الكريم :


لقذ كنىّ عنها الشيخ البرعى فى قصيدته المشهورة ( إبلى المشرفات ) حيث سافر بنا فى معانى سور القرآن الكريم فى هذه القصيدة ، التى


إبتدرها بقوله:


إبلى المشرّقات وسمهن فاخر


ينفعنى درهن فى اليوم الآخر

*****

ثم مضى يتحدث عن فضل قراءة القرآن وتعلمه ومن يقومون بالعناية به وتدريسه فى كلمات معبرات:


راعيهن قام مبسوط *** فى يدّه سبحة وسوط


يحلب للناس يسوط *** بكفه المبسوط



ثم مضى شارحاً لنا بأسلوبه وشعره السلس إلى أثر القرآن الكريم فى سلوك الفرد وما للقرآن من حلاوة وطلاوة فى نفوس من يقرأه ويتدبر


معانيه ويحفظه حتى يصير خلقه القرآن ، أسوة بالرسول صلى الله عليه وسلم:


ما بتألف أب قلباً حار *** اليَرْوى بارد وحار


مرتعها فى الأسحار ونزول البرد الحار



يستمر شيخنا عبدالرحيم البرعى فى أسلوبه الجزِل وسجل لنا تدوين القرآن الكريم:


راعيهن ذا النورين *** قيدومة للسايرين


وتلاحظون أن الشيخ البرعى لم يُصرِّح إلا فى البيتين قبل االأخيرين ، فقد أبحرت معها فى رمزيتها وحجبها وكناياتها حتى أدركت - وبصعوبة-


مقصده منها فى قوله :


إبلنا يا معشر *** مية وأربعطاشر


تجى حابلة فى المحشر*** ولرعاتها تستبشر



إنها فعلاً حًبلى بالثواب يوم المحشر ، فقد بشرّنا الرسول صلى الله عليه وسلم أن المسلّم يترقى بكل حرف - نعم حرف - من القرآن درجة فى


الجنة ، ويا له من جزاء .

ـــــــــــــــــــــــــــــــــــــــــ



لابد من إيراد تفاصيل بدايات سور القرآن الكريم وهى كالآتى:


تسع وعشرون سورة تبدأ بالحروف المقطعة - مثل كهعيص -.


خمس سور تبدأ بـ"الحمد لـ....." وهي الفاتحة والأنعام والكهف وسبأ وفاطر.


سبع سور تبدأ بتسبيح الخالق جل وعلا "سبح - يسبح - سبحان" وهي الإسراء والأعلى والتغابن والجمعة والصف والحشر والحديد.


ثلاث سور تبدأ بـ "يا أيّها النبي" وهي الأحزاب والطلاق والتحريم.


سورتان تبدءان بـ"يا أيها المزمّل" و"يا أيها المدثّر" وهما المزمل والمدثر.


ثلاث سور تبدأ بـ"يا أيها الذين آمنوا" وهي : المائدة ، والحجرات ، والممتحنة


خمس سور تبدأ بـ"قل" وهي الجن والكافرون والتوحيد والإخلاص والفلق ، والناس


سورتان تبدءان بـ"يا أيها الناس" وهما النساء ، والحج.


أربع سور تبدأ بـ"إنّا" هي الفتح ونوح والقدر والكوثر.


خمسة عشر سورة تبدأ بصيغة القسم وهي الذاريات والطور والنجم والمرسلات والنازعات والبروج والطارق والفجر والشمس والليل والضحى


والتين والعاديات والعصر والصافات.



رحم الله شبخنا عبدالرحيم البرعى الذى بسّط لنا معانى السنة النبوية الشريفة - القولية ، الفعلية والتقريرية- فى معانى وقصائد


مبسطة وقرنها - للتقريب- بأمورنا الحياتية اليومية ، مثل البوكسى وعيش ريقان ، آمل أن أجد متسعاً من الوقت لإيفاء شيخنا الجليل


حقه فقد أعطاه الله سبحانه وتعالى فتحاً إلهياً فكانت عباراته تخرج وعليها ما عليها من نضارة وحلاوة فتدخل القلوب وتستكن فى سويدائها


كالسهام المسدّدة مما جعل لها القبول عند الناس والأثر الفورى عند من يسمعها بفضل قدرته السحرية والأخاذّة على التعبير.


اللهم أجعل القرآن نور قلوبنا وأبصارنا وبصائرنا والصلاة والسلام على أفضل خلق الله عليه أفضل الصلاة والتسليم.

Post: #167
Title: Re: إنجمامة في ظل كلمة طيبة ... قبل الندامة
Author: Tayseer Elmobarak
Date: 23-10-2008, 09:54 AM
Parent: #1


جميع الإنجماماب سلام كثيييييير ...
مشتاقة للإنجمامة و الضل و الهمبريب ... جد فقدتها شديد رغم انو ما بقدر أدخل بشكل دائم لكن فكرة الهكر و فقدان اللمة الجميلة دي كانت مخيفة .... حمد لله على السلامة و ربنا يجمعنا دايماً على الخير و الكلمة الطيبة ....

كنت عايزة أهديكم أغنية لكن الرابط أبى يشتغل معاي (في أي هكر عندو فكرة أحلها كيف)

Post: #168
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 23-10-2008, 07:54 PM
Parent: #167

الابن ود ابو القاسم (ماقلتة العم كمال)....سلامات
شكرا على هذة النفحات الروحية التى تتحفنا بها من فترة
الى اخرى..وبما ان اليوم جمعة فهاك الهدية دى:ـ

عمك (حسب طلبك) كمــال


Post: #169
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 23-10-2008, 10:55 PM
Parent: #168

هذة المداخلة( لحســة) الهكر انشاء اللة ماتنفعـو
وكبتا ليهو نعيد انزالها...وهى من اروع ماكتب من
شعر الشاعر الكبير عبد الرحمن الريح......انصـاف

عمكم كمــال


يا روحي أنصفني في حكمك
لأنه قاسي علي أنا يا حبيبي ظلمك
***
تظلمني والأيام قد تنصف الإنسان
يشاهد المحبوب عفواً عيان وبيان
بالنسبة للطفك والرقة يا فتان
ما كنت تظلم من أضحى بيك ولهان
تتركني في الماضي مع إنه في الإمكان
تجدد الذكرى وتنسي كل الكان
***
هيامي بيك يا فاتن مصدره الإنصاف
أنصفت حسنك حب وأنصفت حبي عفاف
ذوبت قلبي معاني رقيقة في الأوصاف
هومت نفسي خيال في معبدك طواف
وسكبت روحي على كاس المحبة سلاف
هل بعد هذا أكون لسهام نواك أهداف

***
أنا يا حبيبي غرامي تركته للأيام
تركت حب ودموع وتركت شوق وهيام
عودت نفسي إذا ما اشتدت الآلام
أصبر على الحرمان وأضحى بالأحلام
جنة هواي العذري ندية كالأنسام
تخلي نار الشوق برداً علي وسلام
***






















Post: #170
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 24-10-2008, 03:42 AM
Parent: #1

أهل الشديرات سلالالالالالالالالام


Quote:
عمك (حسب طلبك) كمــال




قد يكون ذلك هذيان تهكيرى ، على كلٍ إسماعيل عبدالمعين – إذا أسعفتنى الذاكرة- قال:


كان إنت زعلان أنا ما بزعل

كان إنت مبسوط أنا بالأكثر


خالد صوته " إنقرش " من المطالبة بالصورة وقتها كان يمكن نقول الإبن كمال ، لكن قام إتعزز الليمون.


تعرف فتحت الإنجمامة بعد الصلاة وفرحت بمرورك ، وما عارف نعمل " بوست فزعة" لأبو أحمد ولا مافى داعى.


بمناسبة الجمعة:


وجدت هذه المشاركة لا أدرى أين شاركت بها:


Quote:

لمن سلك أول طريق السعادة ، وهو الإيمان بالغيب والشهادة:


قل للذى يُؤمن بالله *** أنت على نُورٍ منَ الله


أنت الإمام المصطفى والذى *** يأتى مِن الله إلى الله


أنت الذى دان لك المُستوى *** وعزّ سُلطانك بالله


فافخر فإن الفخر لا ينبغى *** إلا لمن يعتزُّ بالله


لولا الذى عِندك من صدقِه *** ما كنتَ فى ظِل من الله


واحذر فإنَّ الله مستدرجٌ *** نفْس الذى يغترُّ بالله


واحسب على نفسك أنفاسها *** واهرب من الله إلى الله



سأل أحدهم إبن عربى:


هل للإحسان بساحتك إلمام ؟ فإنه يعطيك أسرار الكمال ، وتصريفات الجلال والجمال .


فأنشده قائلاً :


إذَا كانَ إحسانِى شُهودِى خَالقِى *** وَكوْنِى مشْهُوداً فما لِى إحسانُ


فإن وجُودِى من وجُودِ مُشاهِدى *** وأنِّى فى عَيْن المُشاهِدِ إنسَانُ


لئن كنتُ قد ساءَت ظُنُونى برؤيتى *** وجُدكَ يا جُودِى فإنَّك مِحسَانُ


ترانِى إذا جَاء الشِّتاء بمنْزلِى *** كئِيباً ومسروراً إذا جاءَ نِيسان


وما ذاكَ إلا أنَّ فى الصدقِ ثَلَمَةً *** تَذَل لها عادٌ بِذِلّ وساسان


ومضى شارحاً قائلاً: هذا الإحسان قد ظهرت منك أعلامه ، وانتشرت فيك أحلامه ، فهل انتقلت عنه إلى سر السُرى :


سرِّى بسرّ السُّرى للسرِّ مَوصُولُ *** ولا تكَيُّفَ إن الكَيْفَ تَضليلُ


إذا عجزْتَ عَن إدراكِ الإلهِ بِما *** يُعطيه بُرهانُه فالعَجزُ تحْصيلُ


فلاَ تُفصِّلْ ففى التفصيل تجْملةٌ *** ولا تجَمِّل ففى الإجمالِ تفْصِيلُ


العلمُ بالله نفىُ العِلم عَنْ خَلدِى *** لكنّ مشْهَدَةُ لِلعقلِ معْقولُ


إذا شَهِدْتَ الْفَنا فيهِ شُهْدتَ وَقد *** أتى بذلكَ مَعْقُول و مَنْقُولُ


العلمُ بالله ذَوقٌ لا دَلِيل لَهُ *** ما الله فى العَقْلِ للبُرهَانِ مَذْلُولُ



Post: #171
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 24-10-2008, 05:25 PM
Parent: #170

Quote: جميع الإنجماماب سلام كثيييييير ...
مشتاقة للإنجمامة و الضل و الهمبريب ... جد فقدتها شديد رغم انو ما بقدر أدخل بشكل دائم لكن فكرة الهكر و فقدان اللمة الجميلة دي كانت مخيفة .... حمد لله على السلامة و ربنا يجمعنا دايماً على الخير و الكلمة الطيبة ....


بت المبارك المبروكة تيسير
كيفك وأريت حالك زين
غيابك شفقنا أن تكوني إتهكرتي
حمداً على سلامتك والعود لضل شديراتنا
ننعم بها ونشدو بها ونتعشقها كلمة طيبة
لك التحايا


Quote: تظلمني والأيام قد تنصف الإنسان
يشاهد المحبوب عفواً عيان وبيان
بالنسبة للطفك والرقة يا فتان
ما كنت تظلم من أضحى بيك ولهان
تتركني في الماضي مع إنه في الإمكان
تجدد الذكرى وتنسي كل الكان

العم الجميل
بتنكت النضمي السمح وتألب علينا الواجع
أضحى جسمي ممد بكوسوفا وفؤادي في بلداً طيرها
بنضم

ما سمعت حديث المستشار حسنا إتقرش
ماتورينا صورتك بي القجا

Quote: تعرف فتحت الإنجمامة بعد الصلاة وفرحت بمرورك ، وما عارف نعمل " بوست فزعة" لأبو أحمد ولا مافى داعى.

إسأل منك الخير يا وجه الخير
والله بس زحمة في العمل وعندي أخيِّ محجوب دخل عالم التكنولوجيا والفضاء الأسفيري
حد ما أدخل بلقى ويبل شوقي للبلد وناس البلد وهو الصديق والأخ بالدم شغلني
من المنبر المولع دا الله يكفينا شر المصائب
ودخليل والله لو ما لحقتو بجيبها ليكم ضقلها يكركب

Post: #172
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 25-10-2008, 12:55 PM
Parent: #171

لحين ميسرة من الله

Post: #173
Title: Re: إنجمامة في ظل كلمة طيبة ... قبل الندامة
Author: انعام عبد الحفيظ
Date: 25-10-2008, 01:10 PM
Parent: #172

سلام وكل سنة واتنو طيبين يا ناس الإنجمامة

Post: #174
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 25-10-2008, 07:09 PM
Parent: #173

Quote: سلام وكل سنة واتنو طيبين يا ناس الإنجمامة

وأنت طيبة الفاضلو إنعام عبدالحفيظ
الختيتيها رقدت أمانة ما إتلومتي لوم الجُبال
بتجي بعد العيد بي شهر لو قلنا قصدك معيادة ( بكل سنة وأنت طيبة )
ولو قصدك الإنجمامة في عددها الجديد ( طبقتي اللوم يا بت الرُجال )

ينزل عليك برداً وسلام لومنا هذا

تحياتي ومودتي


Post: #176
Title: Re: إنجمامة في ظل كلمة طيبة ... قبل الندامة
Author: انعام عبد الحفيظ
Date: 25-10-2008, 07:53 PM
Parent: #174

Quote: الختيتيها رقدت أمانة ما إتلومتي لوم الجُبال
بتجي بعد العيد بي شهر لو قلنا قصدك معيادة ( بكل سنة وأنت طيبة )
ولو قصدك الإنجمامة في عددها الجديد ( طبقتي اللوم يا بت الرُجال )

ينزل عليك برداً وسلام لومنا هذا


يا ود المنسي معقول لكن!!!

كل د لوم ماكويس ياخي اللوم دا بجيب الجفا ولا شنو؟

Post: #186
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 27-10-2008, 06:18 PM
Parent: #176

Quote: يا ود المنسي معقول لكن!!!

كل د لوم ماكويس ياخي اللوم دا بجيب الجفا ولا شنو؟


الفاضلة / إنعــــام عبدالحفيظ قريبة القردابي

تحية طيبة سلاااام
تعالي أنت والمستشار أبوبكر أبو القاسم منــــو القال ليكم اللوم بجيب الجفا
نحن ناس شندي يا ناس الحصاحيصا بنقول ( الما دارك ما لآمك )
ونحن بندوركم ولما نفقدكم بنلومكم علي خفيف مالوم زعل لكن لوم محنة ووداد

والله ويعلم الله بندور نشوفكم دوام بينا

تحياتي إنعام ومودتي

Post: #175
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 25-10-2008, 07:45 PM
Parent: #1

تعرف يا أبو أحمد مع جر الإنجمامة البطئ دا الواحد بِقى يلِم ليك فى بوستات الصفحة الأولى وهاك يا قِراية ، زى أكل التمر...


تبدأ بالبوستات اللطيفة - التمر السمح - ثم شوية شوية تلقى نفسك أكلت التمر كلو حتى " المكركب " منو و " المسوس "


نهاية اليوم تلقى نفسك قريت الـ 168-170 بوست الموجودة فى الصفحة وخليتها كلها بقت حمراء مثل البطيخ.




لتعديل حرف

Post: #177
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 25-10-2008, 08:26 PM
Parent: #175

عزيزنا ود ابو القاسم ..سلامات
عليك اللة انتة من زمن اسماعيل عبد المعين وداير صورتى
صــة يــا كنــار
بالمناسبة انا زيك مرضان بقراية البوستات وتعال شوف
ولدنا عزام كتب شنو عن ود شيقوق:ـ
ــــــــــــــ

غايتو < ود شيقوق > آخِر مرة شوهِد في منطِقة الدِندِر وفي معِيتِهِ < لالوب > آسِف أقصُد < لابتوب > والجدير بِالذِكر أن منطِقة الدِندِر تشتهِر بِالسما المقدودة < الأمطار > والهنبته ...




وتبقى مُصيبة أكان ودشيقوق فتح لعرب الدِندِر في لابتبو صفحة قرية < فيريزيان > الهولندِية ... يقومو


يشوفو البقر وشحمتو المُغلِباهو ، يهنبِتو مِنو اللاب توب ...


ـــــــــــــ
عزيزنا ود المنسى...سلامات
انتة قايل صورتى بالقجة..دى ياولدى بالدودار حق الفكى حامد
والحمد للة المارسلتها كانت اتهكرت وبعدين ام العول تقولى:ـ
يـا الهـكـروك عـلييييييييا

تعال شوف ناس صاحبك فيسـل جو زارونا فى البجراويــة

عمـك كمــال





Post: #178
Title: Re: إنجمامة في ظل كلمة طيبة ... قبل الندامة
Author: سمية الحسن طلحة
Date: 25-10-2008, 09:41 PM
Parent: #177

ياجماعة أولن حاجة مداخلاتي البكتبا ليكم دي بتمش وين؟
تانين حاجة ودشيقوق شوهد اليوم في قندهار ياعم كمال
تالتن شيء بت عبد الحفيظ دي وراها شي دحين حاحيها ياخالد ما تطيرا
آخرن شي ياود أبو القاسم أنا ذاتي راسي دايش ومحننانة في البحر الحفرو وترابو وين ودو
!
وفاقدين ممدوح وناس سلمى وسماح
وبقية العقد الفريد ( حقت ودالمنسي )

وسلام لكل زول أكان الله قدر والمداخلة دي وصلت .

Post: #179
Title: Re: إنجمامة في ظل كلمة طيبة ... قبل الندامة
Author: سلمى الشيخ سلامة
Date: 25-10-2008, 10:20 PM
Parent: #178

Quote: سلمى سلااامة
فتحي عينك قدر الريال أب عشرة ماتجيني هسي
خاتفا توبك ونصو جاري بي الواطا

( صدقت في حبها )

معناها أي صدقت بالبوح بما تكن من حب للحبيب
المرأة تكتم مشاعرها وإن أظهرتها تظهر القليل منها
وهي تكون ممكونة وصابرة

والله يا سلمى سلامة تجيني إلا اشلخك عارض

الحبان من جم
سلام
اولن شى يا خالد اخوى
قال المثل
كان نضمنا اتقلمنا
وكان سكتنا اتحتحتنا
هو زاتو المشتهى الحنيطير اليطير
يعنى هسى زعلان منى مقدما شان كلامك الفوق دا ؟
وحات ابوى ولا ساءلة فى البنا ولا البناول الطوب
يعنى وكتين الله فتحا على البنيات ودارن يقولن الجواهن
تجى انت وشايل ليك عكاز وموس داير تشلخ وعارض كمان؟
اها دا طرفى ياخالد اخوى
عارف مرة قلت لزول زميلى انى بحبه
عهد الله خلى الشغل (ظاتو)كما يقول صديقى هشام هبانى
من الزمن داااااك وبقيت ما بقول لزول التكتح
حب ايه ياعم وبطيخ ايه ؟
حد فاضى للكلام دا ؟
دحين يعنى الفيك انعرفت

Post: #180
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 26-10-2008, 11:06 AM
Parent: #179

الاستاذة سمية طلحة..سلامات
موحب بيك بعدالانقطاعة وانتى دائماما تزرعين تحت شديراتنا
اروع المعانى واعمق الاحاسيس...بس عندى ليك سعال
انتى متأكدة ود شيقوق شافوهو فى قندهار ولا شافوهو
وسط الجماعة ديــل؟؟؟؟؟؟؟؟؟؟؟؟؟؟؟

عمك كمــال


Post: #191
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 27-10-2008, 07:24 PM
Parent: #179

Quote: الحبان من جم
سلام
اولن شى يا خالد اخوى
قال المثل
كان نضمنا اتقلمنا
وكان سكتنا اتحتحتنا
هو زاتو المشتهى الحنيطير اليطير

سلمى سلااامة الحنينة
سلاااام طيب ومحنة يا الحنية
( حنطير شنو ويطير شنو )
أنتِ ما سمعتي
الحب الشقي
بطريقك بجي
حبيبي سافر
عن طريق أبوظبي
( يعني الجهة التي قصدها الحبيب سلطنة عمان )
الحمد لله جيتي رايقة كت خايف تجيني فايرا زي زي الشربوت

تحياتي ومودتي

Post: #190
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 27-10-2008, 07:19 PM
Parent: #178

Quote: ياجماعة أولن حاجة مداخلاتي البكتبا ليكم دي بتمش وين؟

الريحانة كيفنك وسلااام
والله ويعلم الله مشتاقين لي لهجك الحلو
يا أختي أظنك مداخلاتك دي بتكتبيها بي موية البصلة
( عاد علا نولع فوقا النار حتى تظهر )


Quote: تانين حاجة ودشيقوق شوهد اليوم في قندهار ياعم كمال


مشى يسوي شنو
هو مش عندو ( القاوت )


Quote: تالتن شيء بت عبد الحفيظ دي وراها شي دحين حاحيها ياخالد ما تطيرا

والله يا الريحانة لومي ليها كان المحاحا لي أم قيردون
علا ناس الحصاحيصا ديل نضمن برا


Quote: آخرن شي ياود أبو القاسم أنا ذاتي راسي دايش ومحننانة في البحر الحفرو وترابو وين ودو
!

حتل وإنماص مع الساس
Quote: وفاقدين ممدوح وناس سلمى وسماح
وبقية العقد الفريد ( حقت ودالمنسي )

أبارو بجي البيت مهدد وحيلو مبتوت من شيل طلمبة الجمكسين
سلمى والله حيرتنا
هي إتهكرت قبل الهكر ما يهكر الناس
أمرها بالحيل خلااس همانا
بس بنقول إن الله عافية وخير


تحياتي ريحانة البطانة

Post: #197
Title: Re: إنجمامة في ظل كلمة طيبة ... قبل الندامة
Author: سمية الحسن طلحة
Date: 27-10-2008, 10:35 PM
Parent: #190

ياجماعة غلبت حيلة
مداخلاتي دي لازم أخلبتا
وأجيب فوزية جمب عطا
دحين شوفوا التاريخ الجديد وأقروا

بسم الله نبدأ :

ود المنسي
مافقدتك شينة يابو أحمد
لو عارفين الحبيب متوجه مسقط عن طريق أبوظبي ، كنا أستقبلناه ليك جوًا و برًا وبحرًا.

عم كمال
كلك زوق
هدية من عندك مقبولة
صدقت والله أم عبدالله ماخسّاها في الخت المعلق
كتبت ليك رد على سعالك عن ودالمنسي والمداخلة طارت بركة الماقراهو تراهو رجع بقصائد سراييفو

ود أبو القاسم
قندهار ؟
عند بت عبدالحفيظ الخبر اليقين

أيمن الطيب
لعلك بخير./B]

Post: #189
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 27-10-2008, 07:06 PM
Parent: #177

Quote: عزيزنا ود المنسى...سلامات
انتة قايل صورتى بالقجة..دى ياولدى بالدودار حق الفكى حامد
والحمد للة المارسلتها كانت اتهكرت وبعدين ام العول تقولى:ـ
يـا الهـكـروك عـلييييييييا

تعال شوف ناس صاحبك فيسـل جو زارونا فى البجراويــة


خلااااس هسي يا عم كمال الهكرز وراحوا
نزل لينا الصورة ( ما شفتا قجة ودشيوق مساعد حلة بس )

أنت كان فوقك دودار الشيخ حامد أب عصا .. هكرز شنو البقربك
أنت نزلها بعد دا وأم العول بتقول
( سنة يا ولد )
تحياتي ومودتي العم الفاضل

Post: #188
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 27-10-2008, 06:49 PM
Parent: #175

Quote: تعرف يا أبو أحمد مع جر الإنجمامة البطئ دا الواحد بِقى يلِم ليك فى بوستات الصفحة الأولى وهاك يا قِراية ، زى أكل التمر...


تبدأ بالبوستات اللطيفة - التمر السمح - ثم شوية شوية تلقى نفسك أكلت التمر كلو حتى " المكركب " منو و " المسوس "


تعرف والله بالضبط دا الحصل لي كنت بقرأ الأخدر واليابس
حتى بوستات العزاء بقرأ كل المداخلات

قلت لي البلح الجاو المسوس

الناس كانت خايفة من الإختراق ( عمك الهكرز )
إلا عم كمال وكان لسان حاله يقول ( جلد مو جلدك جــر في الشوك 9

تحياتي ومودتي

Post: #181
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 26-10-2008, 12:43 PM
Parent: #1

Quote: تالتن شيء بت عبد الحفيظ دي وراها شي دحين حاحيها ياخالد ما تطيرا
آخرن شي ياود أبو القاسم أنا ذاتي راسي دايش ومحننانة في البحر الحفرو وترابو وين ودو
!



أبا أحمد شوف نحن ممكن نخرمج جاى ولا جاى لكن راعى الإنجمامة لا؟


راجعت هجيمتك السابقة للأخت سلمى الشيخ سلامة ، الظاهر عليك لسه مواصل الصيام ، كنت دايرك تمشى لينا لمعرض ( الكورسيملك) ولا شنو ما


عارف وتجيب لينا الصور الموجودة فى المعرض بسراييفو الممزوجة بالمسحة الصوفية كما ورد فى الجزيرة اليوم.




إنعام عبدالحفيظ من الكتاب الدائمين فى بوست الحصاحيصا ومن الأسر العريقة بالحصاحيصا ، ولديها كتابات كثيرة لمبدعى الحصاحيصا


وأولهم الفنان المقيم فى دواخلنا مصطفى سيدأحمد... ألحقها برضو يا خالد أخوى.


ريحانة البطانة: قدرما حاولت الدخول فى بوست ( العلو) الداهى دا بعدما يفتح البوست يحولنى لموقعه العجيب.



تراب البحر من أمس العصر بدأ يظهر وأعتقد ممكن نقول ( ذهب الظمأ وابتلّت العروق وثبت الأجر إنشاء الله).

Post: #182
Title: Re: إنجمامة في ظل كلمة طيبة ... قبل الندامة
Author: سمية الحسن طلحة
Date: 26-10-2008, 10:41 PM
Parent: #181

العم كمال
كيف الحال
غايتو سعالك دا فيهو قولان ..
رسالة لأم عبدالله :
ياأم عبدالله ودشيقوق حكايتو حكاية
في هادا الزمن بقى ربط اللسان ماكفاية
أقبضي أبو جناك و وهِطي في التاية
دقي البربندي ومتنيلو الشاية
...
والله ياعم كمال قبيل هفة لي أغنية
قلت أطلب منك تجيبا لي مكتوبة
عِلا هسع مرقت من بالي !
...

ود أبوالقاسم
Quote: قدرما حاولت الدخول فى بوست ( العلو) الداهى دا بعدما يفتح البوست يحولنى لموقعه العجيب


بفضل الله وجهود الباشمهندس بكري وتنويهك في ذلك البوست أصبح الآن السبيل مستطاع
رأيك يهمنا
وكل رواد الإنجمامة

إلى العـالية : سمـية بِت الحسن وَد طلحة ]

Post: #183
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 27-10-2008, 04:08 PM
Parent: #182

إنجماماب سلام وتحية والف الــــ1000ـــف حمدلله علي السلامة

نخش اللعبة ونجيكم صادين















Post: #184
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 27-10-2008, 05:18 PM
Parent: #183

كان سروالك قش ما تنطي نار

Post: #185
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 27-10-2008, 05:23 PM
Parent: #183

عزيزتنا سمية بت طلحــة....سلامات
المشكلة انو الرسالة ماحتصل لام عبد اللة لانو
حسب اعتراف ود شيقوق انها ماليها علاقة باونلايناتنا
دى بس مشغولة مع عربا سااااكت عشان كدة هو شغال..هيييع

اما عن الاغنية فانا حأختار واحدة على ذوقى وانشاء اللة
تعجبك بس مسعولة من الخير ود المنسى برضو مشى قندهــار

عمك كمــال


Post: #192
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 27-10-2008, 07:44 PM
Parent: #181

Quote: أبا أحمد شوف نحن ممكن نخرمج جاى ولا جاى لكن راعى الإنجمامة لا؟

والله نحن الرعية

Quote: راجعت هجيمتك السابقة للأخت سلمى الشيخ سلامة ، الظاهر عليك لسه مواصل الصيام ، كنت دايرك تمشى لينا لمعرض ( الكورسيملك) ولا شنو ما

سلمى

قول الأسد
والله كتبت كلامي وخايف تلخمني أم كف واحد تجيب خبري
أنتَ ما شفتها في أغنية عيال الجوير جاتني هايجا كيف
كان ما بيني وبينها فضاء كان فطستني


Quote: عارف وتجيب لينا الصور الموجودة فى المعرض بسراييفو الممزوجة بالمسحة الصوفية كما ورد فى الجزيرة اليوم.

تعرف يا أبوالقاسم أنا طبعا ما مقيم في البوسنة لكن زرتها مرتين
أنا مقيم في كوسوفا نعم هي برضو كانت ضمن يوغسلافيا الإتحادية لكن تبعد
من البوسنة حوالي 550 كيلومتر .. كوسوفا سكانها الغالبية من الألبان بنسبة
90% والبقية أقليات ( صرب .. بوسنوين .. أتراك .. غجر .. قوران .. هشكال )
البوسنة سكانها هم البوسنويين وعاصمتها سرايفو
والتي قال فيها الشاعر عند حصار الأصراب لها ( دام الحصار اربعة سنين )
وهو أطول حصار في التاريخ الحديث..

يا سرايفو سألنا فأجيبي
عن غِمار الموت والكرب العصيبِ
عن بحار الدم جياش النزيف
عن فِجاج الموت والدمع الصليبِ
عن شحوبِ وعذابِ وأغتصابِ
ومجاعات ويُتم وهروبِ
عن صباح يشعل الأفق لظى
فإذا الأرض بساط من لهيبِ
عن مساء ينشر الرعب
وقد زاغت الأبصار عن هول النحيبِ
ياسرايفو سألنا وأنتظرنا فأجيبي
ياسرايفو ألا معتصم أو صلاح الدين
في العصرالكئيبي
عصر من ألقوا إلى الخصم يداً
وأستطالوا فوق أوجاع الشعوبِ

وللقصيدة بقية

فعلاً سرايفو من العواصم الأروبية التي تجذب الزائر بجمالها الطبيعي ( الماء والخضرة والوجه الحسن )
الحديث قد يطول ويطول عن سرايفو يا أبوالقاسم
كانت لنا أيام فيها ونظل نذكرها دوام

تحياتي أبوالقاسم






Post: #187
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 27-10-2008, 06:30 PM
Parent: #1

سلام أهل الشديرات

ودشيقوق أرسل رسالة نصية قبل شوية يتحمدل فيها السلامة على عودة المنبر العام ، ومعناها متابع

للتواصل معه:

00249919937901

إنتو قندهار دى وين ؟

Post: #193
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 27-10-2008, 07:56 PM
Parent: #187

Quote: سلام أهل الشديرات

ودشيقوق أرسل رسالة نصية قبل شوية يتحمدل فيها السلامة على عودة المنبر العام ، ومعناها متابع

وكان الأتصال البديع بي السجمان الرمدان ودشيقوق
يسكت يضحك ضيع لي 4 دقائق من المكالمة
وبعدها نبذ ضيع لي 5 دقائق
ثم بدأ الحكي
قال والله كل هتش محي الدين الجابو من مايرنو لقى عند أم عبدالله

قلت لي : أحفر أركان الأوض في اتجاه المغارب بتلقى أي عمل مكتوب ليك
وأحرقو ( أصلي داير ألحقو الصح )

بكرة معزوم مع بعض بورداب الخرتوم
أذكر من الأسماء التي قالها لي
أشراقة حيمورة
العزيومة في سوق الناقة ( قندهار )
وقال جيايكم يوم 6 /11
فضو الدارة

Post: #194
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 27-10-2008, 08:08 PM
Parent: #193

الانجمــامة..مبـاشـــر
ــــــــــــــ
عزيزنا ود ابو القاسم ...سلامات ومشكور على تلفون ود شيقوق

وحار حار اتصلت بيهو وادانا آخر الاخبار واهمها:ـ

قام باللف على الجامعات والعمارات والخرطوم ولندن

حتى خشم البقرة ما خلاهو وذلك فى رحلة البحث عن

سماااح المشهورة ب(سموحى) وقد وصل لقناعة بان سماح ضكر

وايضا يرجو من الجميع الاتصال بة على التلفون المذكور اعلاة

وكل من يتخلف عن الاتصال والسؤال عنو فلا يلومن الا نفسة

ولا عذر لمن انذر.....ورجاء للابن ايمن الطيب بضرورة الاتصال بة



عمكم كمـــال

Post: #195
Title: Re: إنجمامة في ظل كلمة طيبة ... قبل الندامة
Author: النذير الطاهر عثمان
Date: 27-10-2008, 08:32 PM
Parent: #1

الاخوان خالد علي محجوب المنسي / فيصل محمد خليل
سعدت جداً بسماع اصواتكما وكم كنت اتمني ان التقي بكما ولكن لو شاء الله سنلتقي قريباً
اخوكم النذير - سلوفاكيا

Post: #196
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 27-10-2008, 10:01 PM
Parent: #195

Quote: الاخوان خالد علي محجوب المنسي / فيصل محمد خليل
سعدت جداً بسماع اصواتكما وكم كنت اتمني ان التقي بكما ولكن لو شاء الله سنلتقي قريباً
اخوكم النذير - سلوفاكيا

الجار بالحيطة وليد سلوفاكيا .. الحبيب النذير ودالطاهر
تحية طيبة سلاااام نحن والله السعداء بسماع صوتك يا أخي
وليتها تكرر عادة يوم سبت بنكون على الهواء المجري مع فيسل هليل
وليتنا نتشرف بسماع صوتك مرات ومرات ونمني النفس أن يطيب لك
المقام بيننا تحت الشديرات منجمين ومرحب بك في إنجمامتنا يا غالي

كررها يا رائع في الماسنجر وكون بيننا في الإنجمامة

مكان لمتنا وسمرنا

تحياتي وموتي

Post: #198
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 28-10-2008, 06:46 AM
Parent: #196

سمية الريحانة قمتي تاني تكتبي بي بموية البصل
كنتِ أخر متداخلة في البوست لكن لاتوجد لك مداخلة
ختفتا الكديسة

تحياتي ومودتي

Post: #199
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 28-10-2008, 09:52 AM
Parent: #198

الى عزيزنا ود المنسى ..سلامات
انتو مش قلتو الحكاية سواقة...دحين الاستاذة سمية
بتسوق(ريوس)بلغة ناس الخليج(REVERSE( يعنى عشان
تلقى مداخلاتةلازم ترجع لى ورا شوية...

والليلة نوجعكم شوية انتة وصاحبى فيسولى ومعاكم
الاستاذة سلمى الشيخ بهذا الاهداء:ـ

يا نسمة - مبارك بشير


حظك جميل دائما تسافري
بلا تصاريح للسفر
و تعودي عبر المستحيل
نديانه زي صدف البحر

يا نسمة لا تتأخري
عذبنى طول الانتظار
قبال تجي رشي المحنه بكل دار
كل البيسأل طمني
و انا في البعيد مشتاق لهمسه
من الوطن يا نسمة

ارتاحي فوق الأمسيات
تلقي الحبايب لسه في
اريتني لما الليل يضيع
في المجلس الدافئ الوفي
سارح اغني الذكريات

يا نسمة يا جاية من الوطن
بتقولي لى ايام زمان ما برجعن
باكر برجعني الشجن و اتهني بيك
طول الزمن يا نسمة

Post: #200
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 28-10-2008, 05:05 PM
Parent: #199

Quote: ياجماعة غلبت حيلة
مداخلاتي دي لازم أخلبتا
وأجيب فوزية جمب عطا
دحين شوفوا التاريخ الجديد وأقروا


والله يا الريحانة
عطا عرفنا أبو العم كمال
فوزية دي مني ؟؟ من مسقط ولا من أعضاء البورد ؟
قطع شك شيتك دا مثل عليك الله أحكي لينا قصتو ؟؟


Quote: بسم الله نبدأ
:
وبسم الله كلنا أذن صاغية وبسم الله نقرأ لك يا ريحانة
Quote: ود المنسي
مافقدتك شينة يابو أحمد
لو عارفين الحبيب متوجه مسقط عن طريق أبوظبي ، كنا أستقبلناه ليك جوًا و برًا وبحرًا.

ما بتقصري يا بت الرجال أهل الدرق والسيف

تحياتي ومودتي

Post: #201
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 28-10-2008, 05:12 PM
Parent: #200

Quote: الى عزيزنا ود المنسى ..سلامات
انتو مش قلتو الحكاية سواقة...دحين الاستاذة سمية
بتسوق(ريوس)بلغة ناس الخليج(REVERSE( يعنى عشان
تلقى مداخلاتةلازم ترجع لى ورا شوية...

والليلة نوجعكم شوية انتة وصاحبى فيسولى ومعاكم
الاستاذة سلمى الشيخ بهذا الاهداء:ـ

العتب علي النظر يا عم كمال
الصباح قدر ما بحت بحت الجروّا ما لقيتا
لكن بعد كلامك دا رجعت لقيتا معلقا فوق

سلمى الأيام بس اليوم كلو خاتا رغيفا في الفرن ( قالت الفرانا الخواجات قرفانين ما بتشتري من الدكان تخبز براها الأسد )
وقاعدة تكتب عوينتا زغللن من ضوء شاشة الكمبيوتر
رسل ليها كحل حجر من السعودية
عنوانها
USA
سلمى الشيخ سلامة
ماتخاف الطرد كان وقع في أوباما بوصلو ليها

وفيسل موفاضي داب أم البنيات ومراسيلها

بس الوجع لي أنا
مودتي عم كمال

Post: #202
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 28-10-2008, 05:27 PM
Parent: #201

إهــــــداء لريحانة البطانة

الضواحي




pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #203
Title: Re: إنجمامة في ظل كلمة طيبة ... قبل الندامة
Author: العبيد الطيب عبدالقادر
Date: 28-10-2008, 05:43 PM
Parent: #201



اخي وصديقي ود المنسي

لك خالص التحايا والود

انت عارف الايام دي باقيات اتنين

اولا المنتدي تعرض للتهكير

والتاني الهكر حقنا نحن

بمعني الايام دي الشتا دخل

والسقط نزل

واي واحد هكر

ما بقدر علي السقط الشديد

ولينا كم يوم مرقنا البطانية

وبرضو ما نفع

ودخلنا جوة البيوت وبرضو ما نفع

(اكيد يا ود المنسي روحك متشعتفة في رقاد برة ودا انتو ما لاقين )

والحالة دي يا ود المنسي بداية سقط

ولسه ما دخل العضم


ومن علي البعد لك خالص التحايا ولكل لزملاء

Post: #204
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 28-10-2008, 08:59 PM
Parent: #203

Quote: اخي وصديقي ود المنسي

لك خالص التحايا والود

انت عارف الايام دي باقيات اتنين

اولا المنتدي تعرض للتهكير

والتاني الهكر حقنا نحن

بمعني الايام دي الشتا دخل

والسقط نزل

واي واحد هكر

ودالعبيد سلام يا الطيب
وكيف حالك أفو ياودالعبيد السقط بدسك


Quote: ما بقدر علي السقط الشديد

ولينا كم يوم مرقنا البطانية

وبرضو ما نفع

ودخلنا جوة البيوت وبرضو ما نفع

سقط السودان ما ناشف وبدخل جوه العضام
والله يا ودالعبيد هنا مرات درجة الحرارة بتنزل لي تحت الصفر بخمس وعشرون وازيد
من الدرجات لكن زي برد السودان داك ما شفتا ( بريدم ني ) و ( شمشم زي لمبة التلاجة مابتحرق )
من جيت الرمضاء ماحرقتني تقدل حفيان في عز الضهر ولا خصاك ...
برد السودان داك شغلو برا
كشكا .. وشقيق في اليدين ( والجلسرين حار فيها يشح ) كنا بنشيل هم لما الليل يجي وتجيك أمك بي المسوح ( والله التقول سالين ليك سكين ) تقعد تسوي في محمد جانا ماتغشانا
الدفاية جنب الحيطة محل مضرب الشمس .. يا سلام علي الحاجات دي الواحد ليهو منها زمن .
بس يا زول أقع الفول السوداني المقلي مع التمر البركاوي
ووهط كانون في نص الأوضا ...

Quote: (اكيد يا ود المنسي روحك متشعتفة في رقاد برة ودا انتو ما لاقين )

والحالة دي يا ود المنسي بداية سقط

ولسه ما دخل العضم


ومن علي البعد لك خالص التحايا ولكل لزملاء

الرقاد في السهلة والله مشتهينو بالحيل
قبال ماترفع رويسك الصباح تجي خالتك ( ها ولد بتنوم لي الضحى أنت )
قلبت علينا المواجع يا ودالعبيد
تحياتي ومودتي

Post: #215
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 30-10-2008, 05:04 PM
Parent: #203

لحين ميسرة

Post: #205
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 28-10-2008, 09:29 PM
Parent: #1

Quote:
كشكا .. وشقيق في اليدين ( والجلسرين حار فيها يشح ) كنا بنشيل هم لما الليل يجي وتجيك أمك بي المسوح ( والله التقول سالين ليك سكين ) تقعد تسوي في محمد جانا ماتغشانا


خالد يا أخوى نسيت " أبو الضبيح" تحت مصبعى الرجلين الكبيرين ، لما يجيبو ليك الودكة معاها جمرة النار وتنزل حارة فى الأصبع الكبير.


يا ليتنا عدناها أو عادت الأيام.

Post: #206
Title: Re: إنجمامة في ظل كلمة طيبة ... قبل الندامة
Author: سمية الحسن طلحة
Date: 28-10-2008, 09:41 PM
Parent: #205

تسلم ياعم كمال
ربنا يمتعك بسمعك وبصرك ماحييت
أنا دسيت المداخلة في نص المداخلات عشان ماتطير زي كل مرة

ودالمنسي
معقول مابتعرف فوزية !
ست الإسم الحلمنتيشي
أها رأيكم في السواقة دي شنو؟ فورورد.

Post: #207
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 29-10-2008, 07:32 AM
Parent: #205

Quote: خالد يا أخوى نسيت " أبو الضبيح" تحت مصبعى الرجلين الكبيرين ، لما يجيبو ليك الودكة معاها جمرة النار وتنزل حارة فى الأصبع الكبير.


يا ليتنا عدناها أو عادت الأيام.


أنت في أبوالضباح
ولا لما تشقق الشلوفة والله الضحك يغلبك
والغبشا من الصباح في المدرسة
وزهرة المدرسة بكون الأكل لي من الصباح فوق الغبشا ديك
لقيمات وزيتها فعل فعايلو في الخشيم وترك أثاره وباقي الوش
أغبش زي المررّو ( فول الحاجات )

ويومك أسود لو ماحافظ جدول الضرب ودقوك فوق يديك ( مابتقدر تلمهّن علي بعض ينشفن زي قصب الزمبارة )

Post: #208
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 29-10-2008, 07:42 AM
Parent: #207

Quote: تسلم ياعم كمال
ربنا يمتعك بسمعك وبصرك ماحييت
أنا دسيت المداخلة في نص المداخلات عشان ماتطير زي كل مرة

ودالمنسي
معقول مابتعرف فوزية !
ست الإسم الحلمنتيشي
أها رأيكم في السواقة دي شنو؟ فورورد.



لا ...... عليك أمان الله العيون رقدن ستا
الكمبيوتر دا لما يجي قاصدو .... يداقش زي أبو الدرداق يقع فوق كرسي وينسند فوق سرير.
لكن دي غتاتت ناس كبوشية ( البدروا بشوفوا )

بس أنتِ بقيتي شِديدا

سواقتك الأيام دي ماشاء الله عليك
والله كُت بدور أقول لكن خفت تقوم تزوغي زوغة شمار في مرقا

____________________
يا أخوانا الأسد وين ؟؟ ( سلمى سلامة )
مايكون رغيفا حرق وحردانة

Post: #209
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 29-10-2008, 08:25 AM
Parent: #1

Quote: والغبشا من الصباح في المدرسة
وزهرة المدرسة بكون الأكل لي من الصباح فوق الغبشا ديك
لقيمات وزيتها فعل فعايلو في الخشيم وترك أثاره وباقي الوش
أغبش زي المررّو ( فول الحاجات )



تعرف يا خالد أجمل غّبْشَة كانت من العوم فى البحر وخاصة فى الشتاء.


مهما عملت ، يكفى تمرير الأصبع على الجسم وتظهر الخطوط البيضاء ، دا لو ما كانت ظاهرة فى العيون الحمر حمر زى المسطول من الغطس.


لكن بينى وبينك موية البحر دافية فى الشتاء وما بتتأثر بالجو.


وفى النهاية " الجَلْدَة" راجياك: فى البيت وفى المدرسة.

Post: #210
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 29-10-2008, 04:15 PM
Parent: #209

مـن مختــارات الانجمــامة
ــــــــــــــــ
ادب الحــــــوار

ونحن ندعو للكلمة الطيبة ونعمل بقدر ما عندنا لاشاعة
روح المحبة والوئــام ....اسمحو لى بأن انقل هذا الجزء
عن ادب الحــوار

عمكم كمــال
ـــــــــــــــــــــ

أدب الحوار :-

أولا / احترام شخصية المحاور

ان الف باء ادب الحوار احترام شخصية المحاور : الاهتمام به والانتباه

لكلامه والاصغاء اليه وعدم الانشغال بشئ آخر وتجنب استخدام

اليد رفعا او ضغطا او تهديدا ، اللجوء الى الدعابه لتلطيف الجو اذا اقتضى الحال



ثانيا / المرونه والتسامح

ثالثاً / حسن الكلام : والكلام الحسن هو الذي يحمل الحقيقه بلا لبس او غموض
وهو مايجمل الانسان في نظر نظرائه ، ومن حسن الادب ان لاتقول مالا تعلم
ولايخالف لسانك مافي قلبك ولا قولك فعلك.

رابعا ً / حسن الصمت :

الصمت هو السكوت اذا اعقب الكلام او هو عدم الكلام اذا حصل ابتداء
والصمت خطوة نحو الكلام الصائب قالت العرب :
اذا اردت ان تقول الصواب في اللحظه المناسبة فعليك ان تسكت اغلب الوقت
والصمت بالنسبة للحوار ليس موقفا سلبيا اي الامتناع عن الحوار وانما هو اجراء
ايجابي في الحياة

قال احد الحكماء العرب وهو يعظ من يتكلمون اكثر
مما يسمعون ويفعلون : انصف اذنيك من فمك فانما جعل الله لك اذنين اثنتين
وفما واحدا لتسمع اكثر مماتقول .

Post: #211
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 29-10-2008, 06:23 PM
Parent: #210

Quote: وفى النهاية " الجَلْدَة" راجياك: فى البيت وفى المدرسة.

كنا يا أبوالقاسم بنغشا جامع الفكي يوسف في شندي فوق نتبرك من موية السبيل ونتمسح عشان ما يجلدونا .... ويا سلاااام مرات في أثناء مرورنا على الجامع كنا نجد جرادل الصدقة ممتلئة بالبلح المبلول .. والأرز باللبن .. واللقيمات .. والفطير بالسكر الناعم .. نهبد لآمن نقيف ( تيوة ) .. تيوة يا ناس البندر يعني كورة ( كرة القدم ) ... ونمشي علي الحي بعد دوام المدرسة نتسكع .. كل المسافة بين معهد التربية شندي وبيوتنا لا تتعدى 700 متر نقطعها في ثلاثة ساعات .. بريك في الضللة نلعب قرقور .. ولا بلي طرة كتابة .. ( هبش يا ابوالقاسم خلي الذاكرة تتقد )

تحياتي ومودتي


____________________
عم كمال شكراً وجزاك الله عنا كل خير
على هذه الكلمات الطيبة

Post: #212
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 29-10-2008, 06:35 PM
Parent: #211

اهل إنجمامتنا سلام مربع

ليكم وحشة والله

المنسي والقاسم كلام الغبشة والكشكة داير ليه فضيه وأخوكم مزنوق

تحياتي عم كمال













وين أيمنوف وبوبا؟



Post: #213
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 29-10-2008, 07:00 PM
Parent: #212

Quote: المنسي والقاسم كلام الغبشة والكشكة داير ليه فضيه وأخوكم مزنوق


الله يقطع شغل الجُمكسين وأيامو

وصلتو وين في الرش ؟؟؟


Post: #214
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 30-10-2008, 07:03 AM
Parent: #213

صباح مبارك قبل جمعة
وإلى حين ميسرة بنرجع

Post: #216
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 31-10-2008, 07:28 AM
Parent: #214

جمعة مباركة أهل الإنجمامة من جم
وربنا يديم المحبة والخوة بيننا

ولي قدام سايرين في سبيل الكلمة الطيبة
ونمعط شارب الأسد ( الأسد العديل ) ما سلمى
سلامة ....


تحياتي ومودتي

Post: #217
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 31-10-2008, 07:39 PM
Parent: #216

أحلى كلام وصديق عباس
كردفان الغرة أم خيراً جوه وبرا




pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #218
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 31-10-2008, 07:49 PM
Parent: #213

Quote: الله يقطع شغل الجُمكسين وأيامو

وصلتو وين في الرش ؟؟؟

قربنا للبردانة

سلامات الاهل من جم

منسي بجيب ليك بعد باكر صور كمية للجمكسين والجراد المرشوش


أقعدو عافية






Post: #219
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 01-11-2008, 10:07 AM
Parent: #218

في عصر الشيخ أحمد بن حنبل ، كان
الشيخ احمد مسافراً فمر بمسجد
يصلي فيه ولم يكن يعرف احداً في
تلك المنطقة وكان وقت النوم قد حان
فافترش الشيخ أحمد مكانه في
المسجد واستلقى فيه لينام وبعد
لحظات إذا بحارس المسجد يطلب من
الشيخ عدم النوم في المسجد ويطلب
منه الخروج وكان هذا الحارس لا
يعرف الشيخ احمد ، فقال الشيخ احمد
لا أعرف لي مكان أنام فيه ولذلك
أردت النوم هنا فرفض الحارس أن
ينام الشيخ وبعد تجاذب أطراف
الحديث قام الحارس بجر الشيخ احمد
إلى الخارج جرا
والشيخ متعجب حتى
وصل إلى خارج المسجد .. وعند وصولهم
للخارج إذا بأحد الاشخاص يمر بهم
والحارس يجر الشيخ فسأل ما بك ؟
فقال الشيخ أحمد لا أجد مكانا أنام
فيه والحارس يرفض أن أنام في المسجد
، فقال الرجل تعال معي لبيتي لتنام
هناك ، فذهب الشيخ أحمد معه وهناك
تفاجأ الشيخ بكثرة تسبيح هذا
الرجل وقد كان خبازاً وهو يعد
العجين ويعمل في المنزل كان يكثر
من الاستغفار فأحس الشيخ بأن أمر
هذا الرجل عظيم من كثرة تسبيحه ..
فنام الشيخ وفي الصباح سأل الشيخ
الخباز سؤالاً

قال له : هل رأيت
أثر التسبيح عليك؟

فقال الخباز نعم ووالله إن كل ما
أدعو الله دعاءاً يستجاب لي ، إلا
دعاءاً واحدا لم يستجاب حتى الآن ،
فقال الشيخ وما ذاك الدعاء ؟ فقال
الخباز أن أرى الإمام أحمد بن حنبل

فقال الشيخ أنا الإمام أحمد بن
حنبل فوالله إنني كنت أُجر إليك
جراً ، وها قد أستجيبت دعواتك كلها.
{أستغفر الله الذي لا إله إلا هو
الحي القيوم وأتوب إليه}

Post: #220
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 01-11-2008, 10:57 AM
Parent: #218

صباح السلام والوئام يا أهل المودة والسلام

تحياتي ومودتي
طال علينا فراقكم والله يا غايبين

Post: #221
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 01-11-2008, 07:45 PM
Parent: #220



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #222
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 02-11-2008, 06:19 AM
Parent: #1

سلالالالام أهل الشديرات

قلنا نرفع التمام

Post: #223
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 02-11-2008, 09:39 AM
Parent: #222

Quote: سلالالالام أهل الشديرات

قلنا نرفع التمام

مادام أنتَ بخير تـــب مافي عوجة

ونظل واقفين ليوم الفصل والدين

تحياتي ومودتي

Post: #224
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 02-11-2008, 10:02 AM
Parent: #223

اهل الشديرات _على قول استاذنا ود ابوالقاسم_ سلامات
عذرا للانقطاعة اصلو كنتة حارس فيسولى لانو داخل فى
هزار مع الهكر بعدين خفتة يتوكو وهو آخر عمر وابو
بنيات...المهم ما احلى الرجوع اليــكـم

عمكم كمـــال

--------------------------------------------

ولى المساء الواله المحزون في جـوف الضباب
و أنا اهيئ زيـنتـي و اعد مفتخـر الثياب
آمـلا لقياك الحبـيـب و يصـدنـي زهو الشباب


``````````````````
أمسـي مـضـى بين التحسر والأنـين
و وسـادتي بـلـلتـها بالدمـع و الدمـع السخـيـن
مـع تباشير الصبـاح و بسمة الفجر الأميـن
غنـيـت مـثـل الطـيـر
فـرحا فـي ريـاض العـاشـقيـن


~~~~~~~~~~~~~~~~~~
تـسرى النسائم عذبة و أنا اهيم بلا ملال
و تقودني الآمال في دنيا المباهج و الخيال
وهناك أرقد في الرمال ولا أرى غير الرمال


```````````````````
غدا أذوب مهجتـي في حر أنفاس الغرام
ارنو اليك وا لوعتي ظمأا تأجج في ضرام
و أبيت أعشق في الدجى طيفا ينادى في منام
أنا لن أعيش (..) بحبه أنا غـيـر أحبابي حطام


~~~~~~~~~~~~~~~~
غدا نـكون كـما نـود و نـلتـقي عـند الغروب
غـدا تجـف مـدامـعـي و تزول عن نفسي الكـروب
غدا تعود مـبـاهجـي
غـدا حـبـيـبـي حـتـما يعـود


Post: #225
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 02-11-2008, 12:20 PM
Parent: #224

Quote: اهل الشديرات _على قول استاذنا ود ابوالقاسم_ سلامات
عذرا للانقطاعة اصلو كنتة حارس فيسولى لانو داخل فى
هزار مع الهكر بعدين خفتة يتوكو وهو آخر عمر وابو
بنيات...المهم ما احلى الرجوع اليــكـم


فيسل يا عم كمال شليق
مشى يهبش برا
والله لو شفتو اليوم الأول لما دخل علي ( ميكافيلي )
تضحك لآمن تقع
بعد ماقفل من الهكر كان معي وأخبرني ...
بعدها ودعني ومشى نام حوالي الساعة الثانية عشر ليل
رجع لي تاني وهاك ( زننننننن جرس )
أستغربت فيسل دا مالو
قال لي : سمعت لي كركبّا في الغرفة البهناك ( بتاعت الكمبيوتر )
قلت دا أمكن الهكر جاء دخل البيت

( ألذ شئ انو يومها كان لوحده في البيت ) البنات وأمهم
في أيطاليا

وزلك خاف وبقى يبرطع

شفتا كيف .. عليك الله مش شليق

تحياتي عم كمال

Post: #226
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 02-11-2008, 01:04 PM
Parent: #1

الأخ/ كمال تحياتى

والله ما عملت فينا خير خاصة مع:


Quote: أمسـي مـضـى



علمت لماذا يُطالبها خليل ببوست من الإكثار من التاء:

نانسي عجاج لو جاية الدوحة كتري لينا من التاء


شكراً جزيلاً على الإستمتاع وحبذا نعرف إسم الشاعر.

Post: #227
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 02-11-2008, 06:08 PM
Parent: #226

سلام أهل إنجمامتنا الزينين

طولنا منكم بس معزورين في شان مزرورين مع الشغل

والحمد لله خرجنا أول دفعة (50 دارس) من دارسي الحاسوب

لجمعية مبادرات المجتمع التنموية التابعة لوزارة الصحة الاتحادية

في إطار تنمية المجتمع الريفي بالتعاون مع منظمتي الصحة العالمية

والإغاثة الإسلامية السعودية.









ويامنسي الجبكسين جاييك



Post: #228
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 02-11-2008, 06:24 PM
Parent: #227

وقد كان علي شرف الكرنفال السيد وزير الصحة بولاية الجزيرة







من اليمين مديرة الرعاية الصحية الاولية ، شخصي الضعيف ، السيد وزر الصحة

مديرة جمعية مبادرات المجتمع وممثل المنظمات ، مديرة التثقيف الغذائي

وإحدي دارسات منطقة البرياب تستلم الشهادة التقديرية











Post: #229
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 02-11-2008, 06:37 PM
Parent: #228

Quote: اهل الشديرات _على قول استاذنا ود ابوالقاسم_ سلامات
عذرا للانقطاعة اصلو كنتة حارس فيسولى لانو داخل فى
هزار مع الهكر بعدين خفتة يتوكو وهو آخر عمر وابو
بنيات...المهم ما احلى الرجوع اليــكـم

عمكم كمـــال


عمنا كمال مشتاقين والله

ياخ فيصل خليل ده متلقي حجج ساي هكر شنو البحاورو؟

هي ناقصة يعني ؟

غايتو لي هبوبو مالدبيب غايب

بالمناسبة وين الراجل ده؟ (وأشار إلي البردانة وهو يغمز )




Post: #230
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 02-11-2008, 06:49 PM
Parent: #229

أبارو
والله ظاهر أنو الحكاية أكبر من جمكسين

أنا قلت يكون الطلمبة جابت ليك دبرة في الظهر

وكمان منعصر جنب الناس في طاولة تسليم الشهادات

الظاهر شبعتهم في السلطة بي الدكوّة .. والفسيخ .. والموليتا بي بالسمسم
عشان كدي خلوك إنعصرت جنبهم ...

تحياتي ممدوح

Post: #231
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 02-11-2008, 08:15 PM
Parent: #230

عزيزنا ود المنسى....سلامات
انتة عارف بعد دة بنطبق على صاحبك المثل:ـ
الضاق خلعة الهكر..بخاف من دخلة البورد

عزيزنا ود ابو القاسم ...سلامات
واللة انا زيك كلما اسمع الاغنية دى بدخل فى كومة
وهى بالمناسبة من كلمات الشاعر المرهف الراحل
حسن عوض ابو العلاء ومن اشهر اغنياتة تلك التى يغنيها
الراحل احمد المصطفى:ـ

سفرى السبب لى عنايا
فرقة وفقدان هنايا
ببكى حبيب املى ومنايا
وابكى على هذة الجنايا
وابكى على تهديم بنايا
ليت حبيبى عليا نـاح

الى الظريف ود ابــارو..سلامات
اليومين ديل ياولدى بقيت زى ام العروس
يس لازم الهامك يكون صاحى وتعملينا بوست
بمناسبة عودة ترنتى

عمك كمـــال

Post: #232
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 02-11-2008, 09:24 PM
Parent: #231

هي داب خلعة يا عم كمال
والله أتصل بي الساعة الثانية عشر ليل
وفيسل من سنة 1990 من ما بدأ سن الخرف بنوم
من عشرة ( لو ساهر )

عم كمال بالله شوف جنس وصف البسوي فيه ودالزومة دا

كلام عجيب




Post: #233
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 03-11-2008, 08:16 AM
Parent: #232

الى المايسترو ود المنسى....سلامات
واللة نضمى يخلى شعرة الجلد تكلب..مشكور
بعدين يا خوى انتة مسعول من الخير انتة
القيدومة بتاعت ود شيقوق سويت فيها شنو
دى دايرة تنجيد العناقريب وقص الشديرات
وملى الازيار اما انا خلونى للفنانين بس
عشان انا عارف خيتـــو هييييييييع

عمك كمــال


Post: #237
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 03-11-2008, 04:55 PM
Parent: #233

Quote: الى المايسترو ود المنسى....سلامات
واللة نضمى يخلى شعرة الجلد تكلب..مشكور
بعدين يا خوى انتة مسعول من الخير انتة
القيدومة بتاعت ود شيقوق سويت فيها شنو
دى دايرة تنجيد العناقريب وقص الشديرات
وملى الازيار اما انا خلونى للفنانين بس
عشان انا عارف خيتـــو هييييييييع

عمك كمــال

مستعدين والتحضيرات تسير على قدم وساق
والناحر فؤادي ومولع جوفي حر
وزولك جاي جوفو محروق بعد أن باءت كل المحاولات للقاء
السمحة ( سماح ) بالفشل ...

قالوا مصنقر جنب نفق بري ( لأني زمان غلطت وقلت لي سماح ساكنة
علي جهة بري وأمتداد ناصر ( وزي مابقول فيسل هليل أمتداد ناسر )

خيطو ( أحمد البشير الهندندوي .. توبو توب حرير الهدندوي )
بس شبه وسالم وقرط علي كدي

تحياتي عم كمال

Post: #234
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 03-11-2008, 02:15 PM
Parent: #230

Quote: أبارو
والله ظاهر أنو الحكاية أكبر من جمكسين

أنا قلت يكون الطلمبة جابت ليك دبرة في الظهر

وكمان منعصر جنب الناس في طاولة تسليم الشهادات

الظاهر شبعتهم في السلطة بي الدكوّة .. والفسيخ .. والموليتا بي بالسمسم
عشان كدي خلوك إنعصرت جنبهم ...

تحياتي ممدوح


ياخ والله أجمل أيام القضيتها في قرية البرياب برغم التعب يامنسي

ناس بسيطة وروحهم حلوة والله ما حسيت أني رة بيتنا

بالنسبة للعصرة وكدا فلازم ناخد حقنا الادبي ولا كيف؟

عم كمال الدبيب عامل نايم مني الايام دي

بس ويين ولدك بنوم بي عين واحدة بس كدي خلية يظهر

يحياتي للجميع



Post: #235
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 03-11-2008, 03:56 PM
Parent: #1

أبّارو ما كفاية الصورة صورتين الجدعتهن لينا ، لازم تكمِّل الموضوع وما يبقى زى حكاية منع الأكياس الما كمّلتها للآن.


Quote: القيدومة بتاعت ود شيقوق سويت فيها شنو
دى دايرة تنجيد العناقريب وقص الشديرات
وملى الازيار اما انا خلونى للفنانين بس
عشان انا عارف خيتـــو هييييييييع


أول أمس إتصلت بالأستاذ وهو سيحضر مساء الجمعة بالخليجية ، ومبسوط آخر إنبساطة.

منتظرينه على أحرّ من الجمر لتسخين اللعب وحكايا الإجازة.

Post: #236
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 03-11-2008, 04:28 PM
Parent: #235

القاسم

بركة السمعتو أخبار ترنتي علي قول عم كمال

Quote: أبّارو ما كفاية الصورة صورتين الجدعتهن لينا ، لازم تكمِّل الموضوع وما يبقى زى حكاية منع الأكياس الما كمّلتها للآن.


جاييك لي تكمله الموضوع بس أخلص الشغل الفي يدي ده

تحياتي ياعزيز




Post: #238
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 03-11-2008, 04:58 PM
Parent: #236

البرنامج يهدف لتنمية المجتمع الريفي والمرأة علي وجه الخصوص

حيث تم تدريب 50 دارساً بمنطقة البرياب علي مبادئ الحاسوب

والصحة الغذائية وصحة البيئة.

وفي نهاية الدورة التدريبية تم إختيار 15 دارس من بين الخمسين

ومن ثم تأهيلهم ليتولوا مهمة تدريب بقية أهالي المنطقة

ودي بتعتبرالمرحلة التانية في البرنامج

و تتكون أهداف البرنامج من عدة محاور:-

*محو الأمية الأولية (تعليم الكبار) ودي قامت بيها وزارة التربية والتعليم

*محو الأمية التقنية وتم الإستعانة بنا في مركز shc للمبيوتر للقيام بهذه المهمة

*الصحة الغذائية وصحة البيئة وتولتها وزارة الصحة

والحمد لله قد تمت المرحلة الأولي من البرنامج وتبقي تأهيل النماذج المختارة كمرحلة ثانية .











Post: #239
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 03-11-2008, 05:07 PM
Parent: #238

صاحبت البرنامج مجموعة من النشاطات

كالأعمال اليدوية و تشجير المنطقة وقد إستمتعنا بغرس الاشجار

وكانت هنالك معارض لجمعية مبادرات المجتمع بالبرياب

وورش عمل للتصنيع الغذائي














Post: #240
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 03-11-2008, 05:14 PM
Parent: #239

مربي الفواكة والمخللات كانت حضوراً في الورشه








وأكلنا الجبنة ومربي القرع والبازنجان









Post: #241
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 03-11-2008, 08:01 PM
Parent: #240

عزيزنا ابو بكر ابوالقاسم...سلامات
سؤالك عن شاعر اغنية _ولى المساء_ ارجعنى الى تلك
الفترة الذهبية والتى كان يعمل فيها الراحل الفنان
احمد المصطفى فى شركة ابو العلاء والتى تعرف خلالها على
الشاعر حسن عوض ابو العلاء وغنى لة اروع القصائد ولكن
وبنفس القدر غنى لابن نفس الحى(حى الشهداء بامدرمان) الاستاذ
والاذاعى والدبلوماسى صلاح احمد محمد صالح وهو على فكرة
مبتكر برنامج حقيبة الفن..غنى لة اروع القصائد مثل:ـ
الليلة ماجانى..اهواك والتى لها مكانة خاصة فى نفسى
وتقول كلماتها:ـ


يا غاير علي وأنا هايم في دنيا هواك
لو تسأل عيني تنبيك كم أقاسي معاك
يا الشايل منامي
وخليت الفؤاد مجروح
سايل دمعي هام ببكيك يا حبيب الروح
***
وكيف يخطر ببالك
إني اسبب وصالك
وأحطم امالك
حلفتك بريدك هل تنسي الوهبتو اليك
حبيبي حبك ..... أنا حبك
زرعتو في قلبي .. وسقيتو دماي
من بعدك .....من بعدك قفلتو أنا قلبي ..قلبي وقصرت غناي
بقيت كالراهب العابد
اقضي ليلتي ساجد
أمام طيفك أناجيه
وأقول شعر الهوى فيه
والخافق في صدري ضرباتو تقيف لولاك
***
إلي أن يفني عمري
أتغني وأقول أهواك
أهواك أهواك
أتغني وأعيد ذكراك
أهواك أهواك
يا حليل أيامي معاك
أهواك أهواك
يا حبيبي محال أنساك


كمـــال

Post: #242
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-11-2008, 07:08 AM
Parent: #238

أكيد وقطع شك قريت سورة ( الإخلاص )
أصلك بتكون الوحيدة الحافظها مع الفاتحة القاعد تلخبط فيها دي


لكن أنت أخير من فيسل هليل ( الحمدو ما حافظها )
بصلي في رمضان وبقول :
الصلاة صلاتك
والواطا واطاتك
ونقوم ونقع علي جلاتك

ويركع ويسجد وفي سرو بقول هم هم هم
والتشهد بس تحريك شفايف واصبع

Post: #243
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 04-11-2008, 07:15 AM
Parent: #242

كتب ود المنسي

Quote: بصلي في رمضان وبقول :
الصلاة صلاتك
والواطا واطاتك
ونقوم ونقع علي جلاتك


يا زول دي اسهل منها قل ايها الكافرون

Post: #244
Title: Re: إنجمامة في ظل كلمة طيبة ... قبل الندامة
Author: Tayseer Elmobarak
Date: 04-11-2008, 10:26 AM
Parent: #1


إنجماماب سلا م كتيييييييييييييييير و شوق للإنجمامة كبير ....

أتمنى إنكم كلكم طيبين و بعافية ....

هاشم صديق قال ..

لا محتاج عشان شوفتك
تشوف عيني
لا محتاج عشان ألمس وهج روحك
أمد إيدي
ملامحك حاضرة وين بتروح
ووهجك فيني ساكن الروح .....

و فال الفيتوري ...

في حضرة من أهوى عبثت بي الأشواق
حدقت بلا رأس و رقصت بلا ساق
مملوكك لكني سلطان العشاق ...


غريب هذا النَفَس الصوفي ...

Post: #245
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-11-2008, 08:23 PM
Parent: #244

Quote: في حضرة من أهوى عبثت بي الأشواق
حدقت بلا رأس و رقصت بلا ساق
مملوكك لكني سلطان العشاق ...


غريب هذا النَفَس الصوفي ...


الأخت المبروكة تيسير المبارك
كيفك
وين الغيبة عنقريبك قاعد ...
وقال الحسين الحسن
ذكرت مكاناً عزيز عليَّ
وأنتِ به وأنا والأخر
ذكرت حديثك ذاكَ الخجولا
وصوتك ينثاب منه الدرر
تقولين ماذا تقولين
ويحّي
وهل كنتُ أفهم حرفا يمر
( ويحّي دي خليها كدي براها حتى يفهم البيت على صحته )

كلام الشعراء داقولو برا يا بت المبارك وهو البولع فوقنا النار الأبت تهجس
شن نسووو
أه
أتمها ....؟
وآه يا الوحيح المابتفارق دربي
وآه من نار فلانة وجرحها النوسر بي

بس أنتو لو دايرني أتوب واتيقن
أمنعوا الطلابات من البيوت مايمرقن

تحياتي ومودتي بت المبارك المبروكة


تحياتي بت الربيع

Post: #246
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-11-2008, 08:30 PM
Parent: #245

Quote: يا زول دي اسهل منها قل ايها الكافرون

فيسل هليل هاك النتكتا دي جاتني طازا


قولوا واحد سوداني مرة راقد علي بطنوا قال لي بنتو أعملي لي في ضهري خطوط رأسية ( عملتها ) .. تاني قال ليها : اعملي خطوط أفقية ( عملتها ) .. قام سألها تقاطعات الخطوط الرأسية مع الأفقية طلع شنو ؟ قالت لي : مربعات .. قال طيب .. أحسبي من الجهة اليمنى المربع الاول وامشى لحد ما تصلي المربع التاسع ... ( حسبت البت ) قال ليها وصلتي المربع التاسع ؟ قالت لي : ايوا .. قال ليها حكي لي


عجبتك يا فيسل هليل

Post: #247
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 04-11-2008, 08:38 PM
Parent: #246

عليك الله يا أبارو بتأكل عيش ما الناس ديل ؟




Post: #248
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 05-11-2008, 07:44 AM
Parent: #247



لماذا يرى الحمار الشياطين ويرى الديك الملائكة؟؟؟

(هنا معجزه لنبينا محمد صلى الله عليه وسلم(

حديث الرسول الكريم صلى الله عليه وسلم الذي يقول فيه :

(إذا سمعتم أصوات الديكة فسلوا الله من فضله فإنها رأت ملكا وإذا سمعتم نهيق الحمير فتعوذوا بالله من الشيطان فإنها رأت شيطانا).

كم سمعنا هذا الحديث .. ولم نقف عنده؟؟


و لم نتوقع انه يحمل في طياته اكتشافا علميا أبهر العالم عند اكتشافه

إن قدرة الجهاز البصري للإنسان محدودة ..
وتختلف عن القدرة البصرية للحمير ..
والتي بدور ها تختلف في قدرتها عن القدرة البصرية للديكة ..

وبالتالي فإن قدرة البصر لدى الإنسان محدود لا ترى ما تحت الأشعة الحمراء ولا ما فوق الأشعة البنفسجية ..

لكن قدرة الديكة والحمير تتعدى ذلك ..

والسؤال هنا ..
كيف يرى الحمار والديك الجن والملائكة ؟

إن الحمير ترى الأشعة الحمراء والشيطان وهو من الجان خلق من نار
أي من الأشعة تحت لحمراء ..
لذلك ترى الحمير الجن ولا ترى الملائكة ..

أما الديكة فترى الأشعة البنفسجية والملائكة مخلوقة من نور
أي من الأشعة البنفسجية ..
لذلك تراها الديكة ..



وهذا يفسر لنا لماذا تهرب الشياطين عند ذكر الله ..
والسبب هو: إن الملائكة تحضر إلى المكان الذي يذكر فيه الله فتهرب الشياطين.< /SPAN>


لماذا تهرب الشياطين عند وجود الملائكة ؟
الجواب لأن الشياطين تتضرر من رؤية نور الملائكة .


بمعنى أخر ..
إذا اجتمعت الأشعة الفوق بنفسجية والأشعة الحمراء في مكان واحد، فإن الأشعة الحمراء تتلاشى .

من أخبر محمد بكل هذه المعلومات العلمية قبل 14 قرنا؟؟

لا نملك إلا أن نقول صدقت يا رسول الله

وصدق الله العظيم

'ما خلقت هذا باطلا سبحانك فقنا عذاب النار'

Post: #249
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 05-11-2008, 03:27 PM
Parent: #247

أهل إنجمامتنا سلام ومحبة
وأخبار الدبيب معاكم بالله؟


منسي
Quote: أكيد وقطع شك قريت سورة ( الإخلاص )
أصلك بتكون الوحيدة الحافظها مع الفاتحة القاعد تلخبط فيها دي


كاااك علي قول كاروشة

ياخ والله أخوك في المنضمة دي جضيم صاح شبكتهم ليك عولمة وتقنية وهلم جرا

لمن جماعتك نعسو

Quote: عليك الله يا أبارو بتأكل عيش ما الناس ديل ؟


يازول حرم آكل ونص بس ديل يباكلو الرز

وأنا بقول الرز




Post: #250
Title: Re: إنجمامة في ظل كلمة طيبة ... قبل الندامة
Author: أيمن الطيب
Date: 05-11-2008, 05:35 PM
Parent: #249

ناس إنجمينا,,
السلام عليكم أجمعين,,

نبدأ من وين!!!!!!!!!!
والله مشتاقييييييييين,,
وشكرا لكل من سأل عنى,,
خالد الحبوب وسمية العالية
وبوباى صديقى وأبارو بتاع
التنمية الريفية وفيصل العجب
صاحب الهاكر,,,

شيقوق وس!!!!!!!!!!امح ووط!!!!!!!!اح
ديل أكيد قاعدين فى السهلة وجردوا من
كلمات اسرارهم
الأبوبكرات !!حصاحيصا والسنجك والفرعون

الإحتمال التانى بالنسبة لشيقا إنو يكون
لقى فتاة أحلامو وكدا وهسه عامل فيها ود
سغير

فى إختفاء غريب وغياب قد يكون قسريا على
البعض ولكن أين هم!!!
المهم الناس يكونو طيبين والباقى كلو هين,,

ضابط السلامة سلمى !!!!!!وينك يا أميرة
ورجائى ان تكون الأحوال جيدة والأسرة بخير,,

العزيزة تيسير المبارك
Quote:
و فال الفيتوري ...
فى حضرة من أهوى
عبثت بى الأشواق
حدقت بلا وجه
ورقصت بلا ساق,,,
وزحمت براياتى وطبولى الآفاق
عشقى يفنى عشقى,,,
وفنائى إستغراق,,
مملوكك لكني سلطان العشاق ...

شعر الفيتورى لا يرضى أن يختزل أو ُيكتب ناقصا وكذلك نحن,,
Quote: غريب هذا النَفَس الصوفي ...

وكانت الصوفية نوعا من التجرد...نوعا من الكبرياء, نوعا من الشموخ والإلفة,,
السمو والبعد عن الإبتذال والإسفاف..تقييم لقيم الإنسان..العلو إلى الأعلى....
لا التدنى إلى أدنى وقد يكون فى الجانب الصوفى صراعا للفرد مع نفسه!!مع غيره
صراع الجماعات مع غيرها من قوى خارجية فى سبيل هدف..من أجل مبدأ..لأجل الأحسن
والأفضل...هو تفسير عملى لتكريم الله للإنسان...فكرا وعقلا..


وقد عاش فى مسالك الصوفية ومدارجها آلاف من النمازج, قضوا حياتهم فى التجول
والتأمل والتفكُّر..ومن أهل الصوفية من وصلت قدماه فى ثبات إلى عتبات المقصلة,
وإلتهبت نفوسهم تحت السياط,,وهناك من المتصوفة من رفع صوته فى وجه الإستبداد
وإرتفع أصبعه يخط كلمة النور فى سديم الظلام وساحات الظلم...


أعلاه من مقدمة كتبها الأستاذ على مصطفى المصراتى يقدم فيها لذلك الديوان الأسطورى ..
أرجو أن تكون بعض من التفسير لحالة الصوفية التى عاشها الكاتب مما ساعدت على وصفه
للحالة الذهانية التى تتلبس الدرويش وأهلنا الصوفية ذلك العالم الغريب والملئ بكل
ماهو غريب وأسراره لم تفك طلاسمها بعد وقد يفيد ولو قليلا حضور حلقة ذكر ونوبة تئن
وترن كما قال محمد المهدى المجذوب فى عصمائه تلك يدور فيها الدراويش وأرواحهم تهيم
طربا وحبا ونقاءا وصفاءا لا يملأ قلوبهم لحظتها غير حبهم لمولاهم وخالقهم,,,

تحياتى وإحترامى,,

Post: #251
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 05-11-2008, 05:48 PM
Parent: #1

أهل الشديرات سلالالام

الحمد لله الطيور المهاجرة عادت وإمتلأت الشديرات بالشقشقة وصدحت بلابلنا بعد أن أدركها الصباح ...


وصية عاجلة جداً من سماح تطلب النجدة وفَك أسرها فهى لا تستطع دخول المنبر ... نرجو من:



خالد / فيصل/ ممدوح فتح بوست منفصل والمطالبة بإرسال باسويرد جديد لها فقد حاولت الدخول ولم تستطع ... نرجو المساعدة بنجدتها.

Post: #252
Title: Re: إنجمامة في ظل كلمة طيبة ... قبل الندامة
Author: أيمن الطيب
Date: 05-11-2008, 06:20 PM
Parent: #251

سلامات استاذنا أبوبكر,,
Quote: وصية عاجلة جداً من سماح تطلب النجدة وفَك أسرها فهى لا تستطع دخول المنبر ... نرجو من:


بقينا في جنس دا,,,

وعلى شيقا ووط!!!!!!!!!ح وبوبا فتح بوست يطالبون فيه بالكشف عن شخصية المدعو س!!!!مح
وإيراد ما يفيد أن هذا الشخص حقيقى وبياناته الشخصية طرف الأدار وإلا ,,,,هو والهكر
واااااااااااااااااااااااحد

إنتو أفتحو البوست وليكم على ما ينزل من أعلى الصفحة حتى تنجلى الحقيقة!!!!!!
جانى مدردق س!!!مح وبصراحة ما بقدر أخليهو

ياخ والله مشتاقين,,

Post: #253
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 05-11-2008, 06:44 PM
Parent: #252

فرحة تغمر كل العالم .. وكل المتطلعين لعالم حر وسلااام دائم جاء يجره هذا الأسود القادم من مهد حضارة البشر أفريقيا... وأقدم القارات .. وكلنا أمل أن يجعل السلام والحب والوئام والمودة هدفه المنشود ... فهل سوف يزرعها أوباما ( بذرة حب وسط هذه النيران )







pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #255
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 05-11-2008, 07:17 PM
Parent: #253

Quote: ناس إنجمينا,,
السلام عليكم أجمعين,,

وعليكم السلام أمينوف الحبيب
تحيتنا دوماً لك سلااااام


Quote: نبدأ من وين!!!!!!!!!!

ليتك بدأت من حيث أنتهى بتاع الجمكسين

Quote: والله مشتاقييييييييين,,
وشكرا لكل من سأل عنى,,
خالد الحبوب وسمية العالية
وبوباى صديقى وأبارو بتاع
التنمية الريفية وفيصل العجب
صاحب الهاكر,,,


الله يعلم شوقنا لك لا يحد .. ولو قلنا بحور لأجحفنا في حقك
أشوقنا لكل طائر مغرد في شديرتنا .. أشواقنا لكل غائب لحين
بوبا .. حمامة السلام .. السنجك الذي طال غيابه .. وكذلك أشوقنا
للذين حولنا ( تحت الشديرات )


Quote: شيقوق وس!!!!!!!!!!امح ووط!!!!!!!!اح
ديل أكيد قاعدين فى السهلة وجردوا من
كلمات اسرارهم

صحي الكلام دا
أصلو مامعقول


Quote: الأبوبكرات !!حصاحيصا والسنجك والفرعون

الفنجري ( القاسم ) بقى زول مزاجات ويقطر لينا بي الإبرة
والسنجك خلي ساااكت الغريبة غائب من شديراتنا
وغياب من الساحة الفنية .. بس حضور في البيت
بمعدل 19 ساعة في اليوم ( معذور ما كمل سنتين العسل )


Quote: الإحتمال التانى بالنسبة لشيقا إنو يكون
لقى فتاة أحلامو وكدا وهسه عامل فيها ود
سغير


البترضى بي مني ؟؟؟
فقط لو عمل بنصيحة حبوتي ( بت الأمين كلياني )
البفتش كرورّو بلقى زولو


Quote: أعلاه من مقدمة كتبها الأستاذ على مصطفى المصراتى يقدم فيها لذلك الديوان الأسطورى ..
أرجو أن تكون بعض من التفسير لحالة الصوفية التى عاشها الكاتب مما ساعدت على وصفه
للحالة الذهانية التى تتلبس الدرويش وأهلنا الصوفية ذلك العالم الغريب والملئ بكل
ماهو غريب وأسراره لم تفك طلاسمها بعد وقد يفيد ولو قليلا حضور حلقة ذكر ونوبة تئن
وترن كما قال محمد المهدى المجذوب فى عصمائه تلك يدور فيها الدراويش وأرواحهم تهيم
طربا وحبا ونقاءا وصفاءا لا يملأ قلوبهم لحظتها غير حبهم لمولاهم وخالقهم,,,

بنرجع في هذا الكلام الطيب

Quote: الحمد لله الطيور المهاجرة عادت وإمتلأت الشديرات بالشقشقة وصدحت بلابلنا بعد أن أدركها الصباح ...


الفرحة فرحتين اليوم
بتولي باراك وعودة أيمن


Quote: وصية عاجلة جداً من سماح تطلب النجدة وفَك أسرها فهى لا تستطع دخول المنبر ... نرجو من:
خالد / فيصل/ ممدوح فتح بوست منفصل والمطالبة بإرسال باسويرد جديد لها فقد حاولت الدخول ولم تستطع ... نرجو المساعدة بنجدتها


أكيد الكلام هذا يا أبوالقاسم

Post: #254
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 05-11-2008, 07:04 PM
Parent: #1

أيمنوف سلامات


Quote:
ياخ والله مشتاقين,,


بالأكثر ولينا زمن متابعين منذ المعارك وناغموك وعملنا ما سامعين ....


اليوم إتصلنا وعرفنا التفاصيل الإنت عارفها ولا مزيد.

Post: #256
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 05-11-2008, 07:20 PM
Parent: #254

Quote: اليوم إتصلنا وعرفنا التفاصيل الإنت عارفها ولا مزيد.


طيب يا أبوالقاسم
أضانا معاك بِث
أبقى قاسي بس ما تبقى قتيت

Post: #257
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 05-11-2008, 07:40 PM
Parent: #1

Quote: أضانا معاك بِث


يا أبا أحمد فى الأول نقوم بالواجب ونفِك أسرها ، وزى ما بقولوا سمح القول فى خشم سيدو

Post: #258
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 06-11-2008, 06:03 AM
Parent: #257

عزيزنا ود المنسى ...سلامات
بمناسبة فرحتك بفوز اوباما اسمح لى
بأن اهديك هذا التقرير المعبر والبليغ

تخريمة
ـــــ انتو حتفتحو البوست حق سماح ولا افتحو انا؟!

عمك كمــال


Post: #260
Title: Re: إنجمامة في ظل كلمة طيبة ... قبل الندامة
Author: أيمن الطيب
Date: 06-11-2008, 06:55 AM
Parent: #258

استاذنا أبوبكر سلامات,,,

لقيتك صعب لكن أبقى جاهز للزول البجي يبقى ليك فى رقبتك
غايتو شكلك كدا دقست دقسة بت أمها وأبوها!!!هازول البوديك تهبش
السلوك العريانات شنو

أخوك أصلا مشتبه به بالضلوع ببعض الأدوار فى المحاولة الإنقلابية
كدا أنا براءة وعشان نثبت براءتنا اكتر كمان,,,

حرب شعواء على كل منتحلى الشخصيات والوليدات العاملين بنيات والبنيات
العاملات وليدات وأى حاجة من طرف الحبيب شيقا,, والدور الجاي
أنا منتظر وط!!!!!!!ح عشان نزينو هو زاااااااتو تحت الشجرة الكبيرة
الورا الفبارك فوق للكنار وإنت طالع (الإسكيب) داقش الحواشات وبعدهن الضهرة

تفتحو ليكم بوست يا اخوانا تجيبو لينا الهواء بالشوالات

البيت الأخضر الكان فى الصورة داك ما غريب على هو غايتو على ما أذكر
يا قريب من السينما أو جنب ناس الأستاذ بشير آدم أو ناس عمنا المرحوم
حبيب الله ,,,

الحصاحيصا مدينة ليست فى الذاكرة يا حبيب بل قل فى الوجدان ويحزننى الضيم
الذى أصابها ومازال,,, وحقيقة كل المنطقة حولها ولنا عودة ياحبيب,,,

حقيقة هذا الس!!!!!مح رقم لا يستهان به ونفتقده هنا لكن برضو
ما دام جا مدردق الله قال بى قولو (الرتانى ) أبلسانا تويل

* طلبت شيقا تلفون مولانا الطيب ود دشين طرفكم بس صاحبك حلق لى!!!




تخريمه


فيسولى الهكراتى!!!
واهشنا والله,,,

أفته البوست فتهو البلا وإن شاء الله ما هدش هوش يهرق أبوها الهكرات ولاد الهرمة

تهياتى والتهيات لله,,,

Post: #259
Title: Re: إنجمامة في ظل كلمة طيبة ... قبل الندامة
Author: Tayseer Elmobarak
Date: 06-11-2008, 06:46 AM
Parent: #1


إنجماماب سلام ....

Quote: شعر الفيتورى لا يرضى أن يختزل أو ُيكتب ناقصا وكذلك نحن,,

العزيز أيمن ...
و أنا أيضاً لا أرضاه ... فعذراً إذا ضاعت علي بعض الكلمات ...

(الكبر دخل و الوليدات طيروا باقي العقل الفي) ...

الصوفية عالم مهيب أخاف أن ألجه ... أحس أنك على أعتابه فمُن علينا ببعض الرزاز ...

خالد ... بحر الطيبة الصافي...

فوز أوباما نقطة تحول كبرى في التاريخ ... لننتظر و نرى ما يحدث ...

Post: #261
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 06-11-2008, 11:42 AM
Parent: #1

أبوأحمد أنا جادِّى بخصوص بوست " الفَز~عَة لسماح " وزى ما قال أيمن لفيصل خليل:


Quote:
أفته البوست فتهو
البلا وإن شاء الله ما هدش هوش يهرق أبوها الهكرات ولاد الهرمة

تهياتى والتهيات لله,,,


وطبعاً حسابو حا يكون بعدين معاهم.

أيمن:

أشوفك لئذاً بالصمت فى تحليل الهكريبة .


Quote:

هو منزل الأسرة الكبير فى الحلة التحت " الحى الشرقى " يجاوره منزل المرحوم حمدنالله عثمان ومن الجهة الأخرى منزل المرحوم

حسين عثمان.

Quote:


الشجرة الكبيرة
الورا الفبارك فوق للكنار وإنت طالع (الإسكيب) داقش الحواشات
وبعدهن الضهرة

أفته البوست فتهو
البلا وإن شاء الله ما هدش هوش يهرق أبوها الهكرات ولاد الهرمة

تهياتى والتهيات لله,,,


دى طبعاً بداية مملكة الحلاوين.

Post: #262
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 06-11-2008, 03:12 PM
Parent: #261

سلام حبايبنا

كدي خلوني أرد علي أيمنوف أول

والله ياود وحشتنا بالجد

بس الليله أسمحو لي أشرب نخب س!!!!!مح

ياخ ده خبر يستاهل بارتي عديل

وقر قر قر قر قر






ياحلاوي جيبو حي ياخ خلينا نتجلي




Post: #263
Title: Re: إنجمامة في ظل كلمة طيبة ... قبل الندامة
Author: GamarBoBa
Date: 06-11-2008, 04:25 PM
Parent: #262

سلام اول...
أبو أحمد وضيوفه الكرام مشتاقين ونعتذر للوصول المتأخر نسبة لظروف سفرة خارج الخرطوم وكدة...

سلام تاني:
نعزي الجميع وبالاخص من لهم علاقة بالطائفة الختمية والحزب الاتحادي في فقد الوطن السيد احمد الميرغني.

سلام ثالث: نهنئي كل من كان يشجع اوباوما علي فوز مبارك ود زهرة حسين.

نجي لفيصل صديق الهكر...ياخي بقيت فزيع فزييييع عديل كدة...في زول بصاحب هكر؟؟

الخبر الحماني النوم: سموحة ما قادرة تخش؟؟
ياتو عدل ياخوانا البخلي ابارو وفيصل خليل يصولوا ويجولوا في المنبر ويخلي ليونيل مسي خارج التشكيلة.

بما انو استاذ ابوبكر من الشخصيات القيادية اقترح انو يرفع عدد واحد بوست ونحن من خلفه نشد من اسره ونملا الساحة سماحة لسموحة
ونسأل كذلك في عنوان البوست من الرطاني الكبير عسي ان يكون بخير وطمنونا عليه.
الاخ المنسي جهز ليك دوبيت عربي من بيت الكلاوي لزوم البوست
اباروبما انك بقيت تكنشن بتاع صحة جهز ليك كم حقنة تطعيم عشان سامح جاي من برة.
فيصل خليل الموضوع لو اتأخر اوصيك تصبر وما تفك آخرك وتصرف من الورقة ومافي داعي لناس يهرق ما عارف شنو داك ياعبود.
وبرضو خلوها تراسل بكري لانو انا واجهتني نفس المشكلة وراسلت بكري ووصل الباس بسرعة



كدي نقرا ونرجع ليكم لو الله هوّن

تحياتي

Post: #264
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 06-11-2008, 04:34 PM
Parent: #263

Quote: بما انو استاذ ابوبكر من الشخصيات القيادية اقترح انو يرفع عدد واحد بوست ونحن من خلفه نشد من اسره ونملا الساحة سماحة لسموحة
ونسأل كذلك في عنوان البوست من الرطاني الكبير عسي ان يكون بخير وطمنونا عليه.


وووو حبيبنا بوبا وينك ياراجل؟

تم فتح البوست بالفعل بطلب من القاسم ومنتظرين عونك












فيسل ده اليومين دي أبعد منو بجيب خبرك



Post: #266
Title: Re: إنجمامة في ظل كلمة طيبة ... قبل الندامة
Author: GamarBoBa
Date: 06-11-2008, 04:46 PM
Parent: #264

علم وينفذ يا ابارو فيك الخير...
تسلم

ود الرابط:

يابكري سماح قالت الروووب ما قادرة تخش


شكلنا جينا يوم سوق

Post: #267
Title: Re: إنجمامة في ظل كلمة طيبة ... قبل الندامة
Author: ممدوح أبارو
Date: 06-11-2008, 04:56 PM
Parent: #266

بوباي

Quote: شكلنا جينا يوم سوق


ضري عيشك يابا دي هبوب ولا أمشير













Post: #265
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 06-11-2008, 04:45 PM
Parent: #1

بوبا سلامات وبركة الشوفة

Quote:
الخبر الحماني النوم: سموحة ما قادرة تخش؟؟
ياتو عدل ياخوانا البخلي ابارو وفيصل خليل يصولوا ويجولوا في المنبر ويخلي ليونيل مسي خارج التشكيلة.


ممدوح قام باللازم وبدينا العتالة وكدا.

Post: #268
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 06-11-2008, 05:01 PM
Parent: #265

Quote: خالد ... بحر الطيبة الصافي...

فوز أوباما نقطة تحول كبرى في التاريخ ... لننتظر و نرى ما يحدث ...

الأخت العزيزة بت المبارك
التحية طيبة
فوز أوباما أفرحنا وأسعدنا
كسر هائل قد فاق توسنامي وأعتى الرياح
ثانيا كان يدفعني حنين الأب ( أكيد بتفسريها )
الحرية وكسر جزرة الكابوي التي علت رؤسنا سنين عددا

مودتي تيسير

Post: #269
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 06-11-2008, 09:06 PM
Parent: #1

أبو أحمد ، بمناسبة أغانى الحماسة : ما هو الفافنوس ماهو الغليد البوص وعبدالكريم الكابلى:





pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #270
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 07-11-2008, 07:32 AM
Parent: #269

سلطـان الأباريـق


يحكى أن رجلاً كانت وظيفته ومسؤوليته

هي الإشراف على الأباريق لحمام عمومي
والتأكد من أنها مليئة بالماء بحيث يأتي الشخص ويأخذ أحد الأباريق
ويقضي حاجته ثم يرجع الإبريق إلى صاحبنا
الذي يقوم بإعادة ملئها للشخص التالي وهكذا

في إحدى المرات جاء شخص وكان مستعجلا

فخطف أحد هذه الأباريق بصورة سريعة وانطلق نحو دورة المياه
فصرخ به مسؤول الأباريق بقوة وأمره بالعودة إليه

فرجع الرجل على مضض وأمره مسؤول الأباريق بأن يترك الإبريق

الذي في يده ويأخذ آخر بجانبه
فأخذه الشخص ثم مضى لقضاء حاجته، وحين عاد لكي يسلم الإبريق



سأل مسؤول الأباريق: لماذا أمرتني بالعودة وأخذ إبريق آخر

مع أنه لا فرق بين الأباريق

فقال مسؤول الأباريق بتعجب: إذن ما عملي هنا

إن مسؤول الأباريق هذا يريد أن يشعر بأهميته

وبأنه يستطيع أن يتحكم وأن يأمر وأن ينهي
مع أن طبيعة عمله لا تستلزم كل هذا ولا تحتاج إلى التعقيد

ولكنه يريد أن يصبح سلطان الأباريق

إن سلطان الأباريق موجود بيننا

وتجده أحياناً في الوزارات أو في المؤسسات أو في الجامعات أو المدارس

أو في المطارات، بل لعلك تجده في كل مكان تحتك فيه مع الناس

ألم يحدث معك، وأنت تقوم بإنهاء معاملة تخصك في مؤسسة حكومية

أن تتعطل معاملتك لا لسبب إلا لأنك واجهت سلطان الأباريق

الذي يقول لك: اترك معاملتك عندي وتعال بعد ساعتين

ثم يضعها على الرف وأنت تنظر

مع أنها لا تحتاج إلا لمراجعة سريعة منه ثم يحيلك إلى الشخص الآخر

ولكن كيف يشعر بأهميته إلا إذا تكدست عنده المعاملات

وتجمع حوله المراجعون

انه سلطان الأباريق يبعث من جديد

Post: #271
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 07-11-2008, 10:17 PM
Parent: #270

قليل من شجن تراكم في القليب
أبثه علّي أجد في مواستكم راحة
وصية مهاجر للشاعر حسين أونسة على ماأظن وأداء مجذوب أونسة





pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #272
Title: Re: إنجمامة في ظل كلمة طيبة ... قبل الندامة
Author: أبوبكر أبوالقاسم
Date: 08-11-2008, 08:16 AM
Parent: #1

بوبا سلامات

الجماعة عاملين خيانة ( أبّارو ومحى الدين ) باعوك وماشين يفطروا اليوم مع ودشيقوق حسب مصادرنا.

Post: #273
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-11-2008, 09:52 AM
Parent: #272

لو قرأت سوره الملك كل يوم قبل النوم
تكون ونيسك فى القبر وتحميك من عذاب
القبر الى يوم القيامه...
الفاتحة تمنع غضب الله

وسورة يس تمنع عطش يوم القيامة
وسورة الملك تمنع عذاب القبر
وسورة الكوثر تمنع الخصومة
وسورة الكافرون تمنع الكفر عند الموت
وسورة الاخلاص تمنع النفاق
وسورة الفلق تمنع الحسد
وسورة الناس تمنع الوسواس

Post: #274
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-11-2008, 05:33 PM
Parent: #273

لحين ميسرة

Post: #275
Title: Re: إنجمامة في ظل كلمة طيبة ... قبل الندامة
Author: سمية الحسن طلحة
Date: 08-11-2008, 06:01 PM
Parent: #274

سلام يا أهلنا
خالد والعم كمال وأيمن وممدوح أبو صور حلوة وود أبو القاسم
الخاد النار ودخل بوستاتنا المهكرة رغم التحذيرات
ماعرفنا الحاصل شنو
كلما أكتب مداحلة تجيني صفحة خدراء تطير كل شيء
ياعم كمال يكون فيصل عمل أجندة سرية في مفاوضاتو مع الهكر ..
أصلوا فك أسر بوست الشقليني وباراني في الإنجمامة
فكرت أكتب ليكم في بوست الحماسة بتاع الدلوكة الساكن فيهو خالد دا

ياجماعة وين الشابات ؟
كدي ما أكتر ليكم الكلام أشوف المرة دي آخر محاولة .

Post: #276
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 08-11-2008, 07:28 PM
Parent: #275

Quote: فكرت أكتب ليكم في بوست الحماسة بتاع الدلوكة الساكن فيهو خالد دا


الريحان حبابك سلام
والله يا سمية ودالقرشي من أمس طلق فوقي نارية وظنيتا تبقى تقابة طال البوست موجود

فيسل سواها فوقنا كلنا مودابك ( جا يكجلها عماها وهو ذاتو بكوس للطريقة البتخارجو )
من الهكر يدخل ( ساين أن ) يقعد يرجف

قلت لي أعمل لي ( بلوك ) قال لي : دايرو يفرطق لي كمبيوتري مسمار مسمار
( قال لي دا شيطان بعرفها طايرة )


Post: #277
Title: Re: إنجمامة في ظل كلمة طيبة ... قبل الندامة
Author: أيمن الطيب
Date: 08-11-2008, 08:58 PM
Parent: #276

ناس إنجمينا,,,
السلام عليكم أجمعين,,
Quote: العزيز أيمن....
و أنا أيضاً لا أرضاه ... فعذراً إذا ضاعت علي بعض الكلمات ...
(الكبر دخل و الوليدات طيروا باقي العقل الفي) ...
الصوفية عالم مهيب أخاف أن ألجه ... أحس أنك على أعتابه فمُن علينا ببعض الرزاز ...
خالد ... بحر الطيبة الصافي...

العزيزة أختنا تيسير,,
ربنا يخلى الوليدات ويخليكم ليهم إنشاء الله والباقى هين,,,,,ويجعلهم من النجباء البارّين,,
الصوفية فعلا عالم مهيب وملئ بالأسرار والغرائب وأخوك لم يرقى لأن يصل الأعتاب وإن كنت أمنى
النفس ولكن بعض الإهتمام والمتابعات زيادة على مخزون محفوظ من أزمان مضت إرتبط بصوت النوبة
وإرتكز على طريقة الذكر والحفظ حول النار وليلة ليلية ومن بعدها علاقة جميلة نشأت بينى و
بين أبونا المرحوم الشيخ حسن الفاتح غريب الله وهذا الرجل هو قصة أخرى من العلم والأخلاق ونوع
غريب من التواضع والسمو وعفة القلب واللسان,,
____________________________
Quote: سلام حبايبنا
كدي خلوني أرد علي أيمنوف أول
والله ياود وحشتنا بالجد
بس الليله أسمحو لي أشرب نخب س!!!!!مح
ياخ ده خبر يستاهل بارتي عديل

ابارو يا حبيب,,ياخ نحن بالكستر زاتو,,
وأنخاب ناس مدنى دى أنا برّه منها لكن
لكن والله أخونا س!!!!!!!!مح ما رضيناها ليهو
لكن فرقة ولقيتا فيهو هسه بكرة يجى لسانو
أطول منو البارتى متييييييين
______________________________________________
Quote: أيمن:
أشوفك لئذاً بالصمت فى تحليل الهكريبة .
بوبا سلامات

يا أبوبكرنا سلامات,,,الشوق بحور,,
لم ألذ بالصمت لكن (التناظير) الكتيرة
الكانت هنا دى نصها فشنك وكما يقولون
كلام غير منطقى وغير علمى ومازال العرض
مستمرا والحقيقة أن نقاط الضعف كثيرة
(والفرقات) أكثر منها,,
______________________________________________________
Quote: الجماعة عاملين خيانة ( أبّارو ومحى الدين ) باعوك وماشين يفطروا اليوم مع ودشيقوق حسب مصادرنا

ياخ شيقوق شنو الماشين يفطرو معاه!!!كلمو بالعشا مع س!!مح ما دام بقيت طابور خامس
وشيقوق دا كان جا مارق من الخرطوم بدون ما يفهم أنا غايتو بركب بجيهو فى مسقط ونعمل ليهو
كيتة لا حصلت ولا بتحصل
___________________________________________________________________
سمية الحسن طلحة العالية,,
الموضوع كدا ظبط وبعد كدا ما عندك عذر,,مشكلتك دى محلية وما عندها علاقة بالتهكير ولا الهكرات
خلينا نشوفك هنا أكتر رغم غياب البنيات,,

تحياتى وإحترامى...

Post: #278
Title: Re: إنجمامة في ظل كلمة طيبة ... قبل الندامة
Author: Tayseer Elmobarak
Date: 09-11-2008, 09:15 AM
Parent: #1

جميع الإنجماماب سلام ...

خالد ...

Quote: سلطان الأباريق


دي بالغت فيها ... و وقعت لي في جرح لأنها بتعبر تماماً عن الحاله البنعيشها ...

الريحانة ...

Quote: وين الشابات؟


إلا أخت كلمة Ms. قدام اسمي ... عملها خالد قبل كده مفروض أكون إتعودت صاح ... عدت و العود أحمد فأهطلي علينا بجميل كلمك ...

Post: #279
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-11-2008, 10:05 AM
Parent: #278

Quote
Quote: : سلطان الأباريق



دي بالغت فيها ... و وقعت لي في جرح لأنها بتعبر تماماً عن الحاله البنعيشها ...

الأخــــــت الكريمـــــة تيسير المبارك
كيفك يا المبروكة

نعم حال سلطان الأباريق حالنا وحال كل من نصّب في موقع
حكي لي صديق ( اسمه ميرغني البدّع ) وهم من الفكي هاشم قرب الجيلي )
أنه مرة كان ماشي مع عمه للخرطوم وركبوا حافلة وكان لا يوجد مساعد يجمع الأجرة في الحافلة. فنظر سائق الحافلة ووجد أن ميرغني هو أصغر الركاب ويمكن أن يكلفه بجمع الأجرة. قال ميرغني إتكيفت كيف شديد وقمت وأطقطق في أصابعي للركاب ( أسلوب جمع الأجرة ) وعندما جئت عند عمي .. مـــدَّ لي عمي الفلوس ( أجرة له لي ) .. فقلت له : يا عمي لا أنت ما تدفع ... قال : أستل عمي عصاته ( البصطونة ) ومحطني بها في ظهري وكان يردد .. ( البلد دا يمشي لي قدام كيف مادام كل من يولوه منصب يفعل كدي )
هسي الجنى دا بس ادو سلطة لمد دقائق عاوز يعفي حقه وحق عمه ولم يعفي الأخر ..

والحال مكرر وبصور شتّى يا تيسير وهذا هو حال بلدنا
هسي كدي خلي شيقوق دا يبقى رئيس والله ينقل عاصمته للبردانة ويعمل فيها مطار وحمامات ساونا


تحياتي بت المبارك

Post: #280
Title: Re: إنجمامة في ظل كلمة طيبة ... قبل الندامة
Author: فيصل محمد خليل
Date: 09-11-2008, 10:18 AM
Parent: #279

إلى العالية : سمية بِت الحسن وَد طلحة

انتى عارفة يا استاذة انا اليومين ديل من الخلعة الدخلت
فى فيسولى من الهكر عديل كدة خفتة من الفايرس الحايم دة
واليومين ديل فارز عيشتى من الانجمامة وشلتة عنقريبى وقاعد
بى غادى معاكم عشان اسمع النضمى التقيل دة.....
مودتى

عمك كمــال


ما أنت يا دهر في عرف المروينا
سوى ليالي نطويها وتطوينا
وما الحياة وان غرّت زخارفها
سوى مشاكل نفنيها وتفنينا
وقيمة المرء فيها ما يخلده
من المآثر إن دنيا وان دينا
أحلى سويعاتها وصلٌ على ثقة
بين الأحبة نحييه ويحيينا
والناس رهنٌ بما أوتوه من عملٍ
جودا، وفضلا، وإيثارا،وتزيينا
وسادة الفضل قومٌ قد نزلت بهم
كانوا على الجور في الدنيا موازينا
من آل طلحة بسامون إن عبست
سود الليالي وإن كانوا ميامينا

Post: #281
Title: Re: إنجمامة في ظل كلمة طيبة ... قبل الندامة
Author: Tabaldina
Date: 09-11-2008, 02:29 PM
Parent: #1

..
.
أزيكم يا منجمين
لينا منكم زمن ..
الا النسالكم سؤال
فردتنا ود ابارو دا لاذق صورة منى هنا مالو ؟؟

باقى انا طولت من قراءة السطور

_________

اها وسؤال اخير وانا طالع
وضاحة دى ما شفتوها لينا يا ناس هوووى
البت دا والله لينا منها زمن وليها وحشة ..

الله القووووووووى

Post: #393
Title: Re: إنجمامة في ظل كلمة طيبة ... قبل الندامة
Author: وضاحة
Date: 18-11-2008, 02:03 PM
Parent: #281

Quote: اها وسؤال اخير وانا طالع
وضاحة دى ما شفتوها لينا يا ناس هوووى
البت دا والله لينا منها زمن وليها وحشة ..

الله القووووووووى


تبلديناااااااااااا

تسال منك العافية

الشووووووووووووووق كميات

اها العرس متين لقيت الشقة ولا لسة ؟

Post: #282
Title: Re: إنجمامة في ظل كلمة طيبة ... قبل الندامة
Author: طارق جبريل
Date: 09-11-2008, 03:26 PM
Parent: #1

علي سبيل التحية

Post: #283
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 09-11-2008, 08:42 PM
Parent: #282

لا .. شوفتن .. تبل ... الشوق
ولا .. رداً .. يطمّن
أريتك تبقى طيب
وأنا البي كلو هيّن




pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #284
Title: Re: إنجمامة في ظل كلمة طيبة ... قبل الندامة
Author: الطيب شيقوق
Date: 10-11-2008, 07:09 AM
Parent: #283

اهلي اعضاء الانجمامة

تحياتي واشواقي لكم جميعا

خلوني قبل التعقيب على مداخلات المسانيح ان انقل اليكم انطباع الشارع السوداني عن هذه المساحة المميزة في المنبر العام (الانجمامة)

الكثيون ممن التقيت بهم خلال اجازتي في السودان والمهتمون بالصحف الالكترونية عبروا لي وبكل صدق عن ارتياحهم لبوست الانجمامة والادارة المميزة لهذا البوست من قبل الاخ حادى ركبنا خالد محجوب المنسي اطال الله في عمره . التقيت احدهم وفند لي اسباب ارتياحه بالانجمامة فقال :

اولا : هو بوست جمع الكثيرين من ابنائنا وبناتنا في الشتات وصاروا كالجسد الواحد اذا اشتكى منه عضو تداعى له سائر الجسد بالسهر والحمى .
ثانيا: ان اغلب الاسر تحث ابناءها للتركيز على هذا البوست لخلوئه من الشطط الاخلاقي ونأيه عن المهاترات الغير مقبولة او الجارحة للحياء الحام
ثالثا: انه بوست متنوع الثقافات جمع بين ثقافات الحضر والبوادى
رابعا : ان الاعضاء فيه يكتبون بكل شفافية عن البيئات التي ينتمون اليها
خامسا: ان المتعة في كتاباته هو انها اكثير ميولا للتوريات في التعبير عن المواضيع الخاصة وان اعضاء الانجمامة يفهمون بعضهم بعضا حتى لو حك واحد شعرة في راسه على حد قول هذا الرجل .
سادسا: انهم جميعهم مسانيح حتى سماح ما عدا سلمى الشيخ السلامة التي تساءل الكثيرون عن سبب غيابها عن الانجمامة .

الحقيقة يا اخي خالد بارك الله فيك والله ام عبد الله كل دقيقة جاييها واحد او واحدة من اعضاء الاجمامة لزوم تحية ود شيقوق وخافت عديل قائلة الناس ديل عقدوا لود شيقوق خاصة لما حضر محى الدين وابارو وفي معيتهم الاخوات مها وهبة خطيبة ابارو .

التحية من هنا للرطاني براااااااااااااااااااااااااااهو وعيك يا ايمنوف وسميةنوف وسماحوف ووضاحوف وقاسموف وفيصلوف وكمالوف وبت الشيخوف والربيعوف واباروف والعبيدوف وتيسيروف .

بس ختونى بت طلحة

Post: #285
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 10-11-2008, 07:25 AM
Parent: #284

Quote: أزيكم يا منجمين
لينا منكم زمن ..
الا النسالكم سؤال
فردتنا ود ابارو دا لاذق صورة منى هنا مالو

الفاضل الكريم تبلديكا
تحية طيبة سلام
كان يوم السعد الجاب غاشي بالدريب يا المبروك
تقول شنو يا اخوي الزول باقي طلمبة الجمكسين سوت لي رجّة في المخيخ
نٍال له الله العافية ( بس منى خوجلي تستاهل ومامفروض تتهكر صورها )
تحياتي تلدينا

Quote: علي سبيل التحية

وليد ذلك الحي التفرد
ودجبريل
سلااام يا طيب
والله يديك العافية ماهي عافية المغاربة عافيتنا نحن
مشكور شديد علي المرور بينا تحت شديراتنا .. بس كان تغشى وتقعد شوية
بجو الجنون هسي والبنيات

تحياتي ومودتي

Post: #286
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 10-11-2008, 07:43 AM
Parent: #285

Quote: الحقيقة يا اخي خالد بارك الله فيك والله ام عبد الله كل دقيقة جاييها واحد او واحدة من اعضاء الاجمامة لزوم تحية ود شيقوق وخافت عديل قائلة الناس ديل عقدوا لود شيقوق خاصة لما حضر محى الدين وابارو وفي معيتهم الاخوات مها وهبة خطيبة ابارو .

في تبادي الأمر حمد ألف علي السلامة والعود من بين لمة الأهل للأهل
والله عمري ما تصورت في أن تكون لك وحشة .. بقينا وراك زي سيد الرايحة خشم النمل تبنا ( نفتش فيك وما لآقينك ) ..
يا سم أب درق البصقّع
وتكل جدري القيعة البفقّع
صوتك مانع برتّع
الطيب في شطاتّو ببدع
سعدنا أن يكون رأى الناس فينا هكذا والفضل يرجع لكل أعمدة الإنجمامة وفطاحلتها الأفزاز ( إناث وذكور ) ... قدمنا الإناث يا مستشار ..
بندور تجينا بي التفصل الممل
أما بخصوص غياب الأسد ( سلمى سلامة ) أتصلت بها أمس شوية مشغولة بكاتبة مسرحية والآن في فصولها الأخيرة .. وبعدين بتجهز في دهن بنيتا ( عزة زواجها في شهر يوليو السنة القادمة )
من هسي اضبطو مواعيد العطل لكي نلتقي عند الأسد

الشاغلنا غياب حمامة السلامة بت صبحي لاخبر ولا أتر ولا حتى طلة تقول أنا طيبة ( حليل الرطاني كان بجيب لينا خبرها لو غابت )

ونحمد ربنا في الأيام الفائتة رجعوا الحبايب بعد غياب في زحمة الحياة وكانوا معنا بي قلوبهم السمحة البيضاء ( أيمنوف .. العبيد .. وبوبا ونسأل الله أن يفط أسر الجميلة سماح قمر سبعتين وإدوّر يطل يسمر ليالينا )

سعدين والله يا المسنوح بعودتك
مع أني عارف محنتنا ما بتدوم يومين هسي بتقبل علي زي الما بتعرفني
بعدين بت طلحة ماشاء الله عليها الأيام دي مواظبة وحائزة على قصب السبق رغم ما طشّا من مدخلات كتبتها ( جزاها الله كل خير )

أيمنوف يغتس ويقلع زي ود الموية وما بتمسك


Post: #287
Title: Re: إنجمامة في ظل كلمة طيبة ... قبل الندامة
Author: أيمن الطيب
Date: 10-11-2008, 07:47 AM
Parent: #284

سلامات يا شيقا,,,,
والله مشتاقين خالس خالس,,,
الكلام دا من الخرطوم ولا مسقط؟؟

حمدالله على السلامة وسلامى لأم عبدالله والأولاد..
Quote: وخافت عديل قائلة الناس ديل عقدوا لود شيقوق

دا شوقك إنت ومنى عينك لكن ضيقة ضيق شديد
Quote: اولا : هو بوست جمع الكثيرين من ابنائنا وبناتنا في الشتات وصاروا كالجسد الواحد اذا اشتكى منه عضو تداعى له سائر الجسد بالسهر والحمى .
ثانيا: ان اغلب الاسر تحث ابناءها للتركيز على هذا البوست لخلوئه من الشطط الاخلاقي ونأيه عن المهاترات الغير مقبولة او الجارحة للحياء العام
ثالثا: انه بوست متنوع الثقافات جمع بين ثقافات الحضر والبوادى
رابعا : ان الاعضاء فيه يكتبون بكل شفافية عن البيئات التي ينتمون اليها
خامسا: ان المتعة في كتاباته هو انها اكثير ميولا للتوريات في التعبير عن المواضيع الخاصة وان اعضاء الانجمامة يفهمون بعضهم بعضا حتى لو حك واحد شعرة في راسه على حد قول هذا الرجل

طبعا الكلام الفوق دا عبارة عن دستور تم وضعه بأيدى قانونى ضليع ومخضرم ورغم بساطة صياغته إلا أن مجرد التفكير فى أن هنالك آخرون يقرءون هذا الكلام المكتوب هنا تجعلك تفكر كثيرا قبل أن تضع حرفا وحقيقة أن الكلمة الطيبة صدقة والملافظ سعد والأفكار كذلك,,,,
فلشد مايحرجنا أحيانا صدور كلمة أو سلوك أو فكرة من أحد يمت إليك بصلة أو محسوب عليك أو يربطك به أى رباط,,,


ينظر ويفاد يا شيقا,,

تحياتى,,

*
Quote: وهبة خطيبة ابارو

الكلام دا تم الإعلان عنه هنا أم دى تجليات شيقا!!!ولا أخوكم شبكتو تعبانة!!!
وأين س!!!!!!!!!!!!!!!!مِحكم س!!!!!!!!مَحكم الله ولا لسة فى الحبس

Post: #288
Title: Re: إنجمامة في ظل كلمة طيبة ... قبل الندامة
Author: الطيب شيقوق
Date: 10-11-2008, 08:02 AM
Parent: #287

ود المنسي

ايمنوف

شوق خلو ساكت ما بقولوهو - خلونى آخد لى غميضة واجيكم راجع بالكثير المثير !!

Post: #290
Title: Re: إنجمامة في ظل كلمة طيبة ... قبل الندامة
Author: أيمن الطيب
Date: 10-11-2008, 09:11 AM
Parent: #288

يا خالدا,,,
سلامات يا صديقى وعلّ الأمور متحركة,,
Quote: أيمنوف يغتس ويقلع زي ود الموية وما بتمسك

دا أحد الأسماء التى تستعملها والدتى الله يديها العافية
و سارى الليل كان المفضل لدى حبوبتى رحمها الله رحمة واسعة,,

دبيبكم رجع وزى ما قلت ببدأ ظريف لكن زولك دا البحر بس
غايتو الله يستر شكلو بدردق فيك وحا يشتقل معاك أفلقك وأداويك,,

إنت بس الحقو بوط!!!!!!!!!!ح بروق وبهدأ داك بنجضو ليك,,

شايف ناس تبلدينا(وآخرون) جوكم يدّبو ,,,

مشتاقين والله...

تحياتى..

Post: #293
Title: Re: إنجمامة في ظل كلمة طيبة ... قبل الندامة
Author: خالد علي محجوب المنسي
Date: 10-11-2008, 04:57 PM
Parent: #290