شخصيا ضد قرار المحكمة الجنائية ان صدر يامر بقبض اي سوداني وخاصة البشير

بالواضح كده

وعلى الدولة مقاومة القرار بكافة السُبل

وهذه الجنائية مخصصة حتى الان للدول الفقيرة والافريقية فقط

ولًي ... يديك العافية

شخصيا أشعر بالغبن ... والموضوع ذي الفيه حقارة
دارفور شأن سوداني ... فليتركوا لنا "أهل السودان"
الفرصة لحله

يا جلال هي فعلا حقاة خواجات ليس الا

Quote: وعلى الدولة مقاومة القرار بكافة السُبل

كيف يعني ؟؟

Quote: كيف يعني ؟؟

كده ..

طيب قلنا انت شخصيا ضد القرار , يعني القرار ما حتصدر ؟؟

خلاص نكلم اوكامبو نقول ليهو وليد ضد القرار وقف القرار يا اوكامبو

وكدا نكون لبينا ليك طلبك ورغبتك



___________________
خارج النص

انت شخصياً وستظل انت شخصياً

انت غبي ولا شنو
ولا عبيط ولا اصلك كده

ما اصله انا شخصيا حا اكون انا شخصيا دي دايرة ليها جدول ضرب وحصة فيزيا

ده اسمه تحديد مسئولية يا بيض
بدل ما اتكلم زيك كده بلسان الشعب السودان كله ساااااااااااااكت
حدد رائي الشخصي وبصورة واضحة

عالم بيض

قوم لف بلا خارج النص بلا وهمة معاك

ليس النظام العالمي الذي قتل الالاف في العراق وفلسطين وافغانستان

مخول لاتهام احد

وعشان ما يجيني نوع الفوق ده
شخصيا (الحارقاه دي) ضد الجنائية الدولية ولست مع البشير او الحكومة

الكلام كده افتكر واضح

وليد تحيه طيبه
وده هو الموقف المتوقع من كل سوداني أصيل يريد لهذاالوطن الخير والنماء .
كتبت قبلشويه بوست يوضح كيف أن هؤلاء لايريدون بنا خيراً بإصدارهم القرارفي هذا التوقيت تحديداً

صدور القرار في هذا التوقيت يؤكد سوء نية الغرب .. مواقف ...لبعض هنا مقززه جداً

مؤونة عام من الود

مرحب محمد فرح تحياتي واسعدنا مرورك

.
.

أخي الكريم وليد

فاقد الشئ لا يعطيه ، هذه المنظمات سيف مسلط على رقاب الدول الفقيرة لتمرير سياسات القوى العظمى.

شاهد النفاق في أشنع صوره :الولايات المتحدة ترفض الإعتراف بهذه المحكمة وترفض محاكمة (جندي) أمريكي لكنها في الوقت ذاته تؤيد المحكمة في محاكمة ضد البشير .

نفاق على عينك يا تاجر وكيل بعشرات المكاييل .

السودان يتجه نحو إنتخابات ونحو دولة مؤسسات ووقعإتفاقية سلام أوقفت حرب الجنوب والآن مفاوضات في الدوحة لحل مشكلة دارفور ورغم كل هذه الخطوات المتسارعة نحو تحقيق الإستقرار ، تحاول الدول الغربية نسف كل هذه الجهود .

لا نرتجي العدالة من مهدريها ، ولا الحق من الضاربين به عرض الجدار .

ليحاكموا أمريكا على هيروشيما وناجازاكي وبريطانيا على جرائم الإستعمار وفرنسا على الموبقات التي إرتكبتها.

ليحاكموا بوش ورامسفيلد وتشيني وكولن باول وكوندليزا رايس وبلير وبيريز على جرائمهم التي شاهدها العالم بالصوت والصورة حية على الهواء .

.
.

يالازهري الصف طويل قدام البشير

لو حاكموا من في الصوف ديل

حبابها الف الجنائية دي

لكن تكون انتقائية

ولا حباها ولا حاجة

العزيز وليد الشفت ..
لك التحية ...



نعم من حقك ان تقف ضد القرار ..ومن حق الاخرين ان يقفوا مع القرار ...


ولكن ما فعله البشير يمنعنا من الوقوف معه ..


الله الموفق يا سيدى واتمنى ان يوفق فى المحكمة ويثبت انه برئى



تسلم

لنك هدية لك أخي وليد ولكل من هم ضد القرار !!
ضد القرار دون الحاجة للإفصاح إن كنا مع البشير أو ضده،،


http://www.electricpolitics.com/2007/03/marlise_simons_and_the_new_yor.html

مرحب اخي عبد اللطيف

البوسنا زينا واحد

لا شفنا جنرال امريكي ولا حتى جندي امريكي ولا برطاني

رغما عن الذي حدث في العراق وافغانستان

الحصل ده تخدير ساكت

Quote: ضد القرار دون الحاجة للإفصاح إن كنا مع البشير أو ضده،،

ما كنا عاوزين نفصح
لكن في ناس فهمهم تقيل
شغالين بمفهوم الما معانا ضدنا

والضدنا مع البشير

لذا وجب التنويه

مرحب عام
اخبارك والاسرة
لعلكم بخير


نعم يا صديقي
لكل منا رائيه وموقفه ويبقى الاحترام

Quote: ولكن ما فعله البشير يمنعنا من الوقوف معه ..

وما تفعله الجنائية يمنعني من الوقوف معها والثقة فيها
ان لم ارى يحاكم فيها جنود وقادة امريكان واسرائيلين

الأخ.ابراهيم سليمان كتب

Quote: خلاص نكلم اوكامبو نقول ليهو وليد ضد القرار وقف القرار يا اوكامبو

كلنا وليد وكلنا ضد القرار

حسن الجيلى سعيد

حبيبنا حسن

اهو كده بقينا كوم

ضد القرار وما مع البشير

ولّي يا ولّي يا حرف النون

المشكلة يا وليد فيك وفي الناس البيرفضوا قرار أوكامبو بنفس فهمك، إنكم بتشوفوا "الغرب" ديل كومة واااحدة كده، يعني حسّي الله بيسألك " ليس النظام العالمي الذي قتل الالاف في العراق وفلسطين وافغانستان "في كلامك ده علاقتو شنو بمحكمة العدل الدولية؟ وبعدين يا أبو الوِل حق تفرز الكيمان لمن تجي تقول: "على الدولة أن تتخذ كافة السُبل لمنع القرار" لأنو الجملة الصحيحة هي "على الحكومة" مش الدولة ... لأنو الدولة دي بتاعتنا كلنا (معارضين/غير معارضين للقرار) لكن الحكومة دي ما عندنا بيها قضية ولا علاقة زاتو

حبيبنا ابو الشوش

شوف يا هشام، كل الغرب عندي واحد طالما ان هناك امم متحده متحكم فيها من قبله خولت باركت غزوا افغانستان وسكتت عن غزوا العراق

كله عندي كوم واحد طالما انه الامم المتحدة دي فيها حاجة اسمها ( فيتو ) وفيها اهل مكة مرفوع عنهم القلم وغفر لهم ما تقدم وما تاخر من زنب( امريكا واسرائيل )
لالا انا قاصد الدولة ما قاصد الحكومة ، الحكومة عندي فيها رائي لكن الدولة ما عندي فيها رائي



كلامي ده علاقته بالمحكة الدولية الاتي :

من الذي سينفذ قرارات المحكمة الدولية ؟

موش ناس مجلس الامن والامم المتحدة
طيب الامم المتحدة دي الكاشيها منو وسايقها قدامه منو ؟
موش ناس النظام العالمي الجديد ؟

وتيب .......

وليد المبارك
أحييك
و الأغبياء دعهم في غباءهم يعمهون

ابو علوه يا حبيبنا

اخبارك وكده

وانا زاتي احييك

حياك الله يا وليد

هذا موقف كل سوداني حـــــــــر

بغض النظر عن كونه الواحد مع اوضد الانقاذ فالذي يستحقر و يستذل ليس البشير و
لا الانقاذ فحينما يمس الرمز وهو من يحمل صفة رئيس جمهورية السودان
فان هذه السابقة الوصمة التي لا يجراءون إلا بتخاذها تجاه من يستضعفونهم من الامم

نقسم بالله اننا لسنا منتمون لحزب البشير و لكننا في هذه اللحظة نقف معه وقفة صمود
في وجه تسخير القانون و العدالة للسياسة الااخلاقية التي تحط من قيمة و معنى القانون ..

مرحب هضيبي

هي هذه

Quote: فان هذه السابقة الوصمة التي لا يجراءون إلا بتخاذها تجاه من يستضعفونهم من الامم

_____________________________________________
كونه يستحقر و يستذل لا يعني هذا انه ذليل او حقير و معاذ الله أن يكون السودان كذلك
و لكن الخلل في عين من ينظر له كذلك

شخصياً برضو وعلي مسئوليتي .. ضد قرار المحكمة الجنائية ..
ولكن ..
لو شمل هذا القرار المجرم بوش سأغير موقفي وأنحني للمحكمة هذه ..
غير ذلك كما قال صاحبي ..
دي محمكة ( بيض ) !!!!

صاحبي معروف

Quote: لو شمل هذا القرار المجرم بوش سأغير موقفي وأنحني للمحكمة هذه ..

نفس الشي

الاخ وليد
و انا ايضا شخصيا ارفض توقيف البشير
وتاني البسيها الله التبقى

بادئاًذي بدء
أنا ضد تدويل قضية دارفور
وضد الكيل بمكيالين
لماذا فقط رؤساء أفريقيا هم الذين تطالهم
أيدي القانون الدولي
هذا انتقاص لسيادة الوطن

يجب أن يخضع كل المسئولين في الدولة
الآن وفي المستقبل
للمحاسبة والمساءلة
وأن ندفن شعار عفا الله عما سلف
إلى الأبد

لكن المساءلة يجب أن تكون بوسائل سودانية
وتحت إشراف القضاء السوداني

يا كيزان المنبر إتحدووووووووووووووووووووووووووووووووا

لا والف لا للقبض علي رمز الدوله

شكرا وليد ,,

يالمسلمي

البديهيات لا يُشكر عليها الناس

تسلم كتير

ميادة ازيك

لو كنتي قاصداني انا بي يا كيزان المنبر اتحدوا

ابره واستبرى من الكوزنة

ولن اتحد مع الكيزان لا داخل ولا خارج المنبر


الموضع هنا عن السودان
لو كان بخص الكيزان براهم وما بتاثر بيه السودان
كان قلنا ليكم بي جازكم اكلو ناركم ووقفنا نتفرج فيهم ونقهقه

كيزان شنو البنتحد معاهم

هلا اخوي وليد
ولا انا ناديتك باعتبارك كوز
اي سوداني شريف وحر
وما برضى الحقارة
المفروض يكون ضد اعتقال الرئيس


نزلت البوست عشان الما شافه بي هناك يشوفه في بوستيك دا
معليش اجرنا مساحة من عندك
هههههه

كان كده حبابك الف يا مياده

Quote: كان كده حبابك الف يا مياده

وانت زيهم عشرة

الأخ وليد:

ضد القرار وما مع البشير

تحياتي,,

ضد القرار

عشان خاطر السودان

وليس عشان سواد عيون الموتمر الوطني

يا وليد سلام

و الله كلنا ضد القرار بغض النظر عن إنو القرار ضد البشير أو غيروا

لكن الناس اللي مع القرار عايزين كل الناس تكون معاهم أو تصمت

و شفت الإحتفالات اللي حصلت بناءاً على كذبة !!!!!!!!!

حتى ناس دارفور إعتبروا محاكمة البشير هي حل لي قضيتهم نسوا الحرب اللي دايره

و أهلهم بحترقوا في وسطها و بقوا في البشير.



تحياتي

مرحب ابو حسين

يا زول ناس البلد دي واحد كان كيزان ولا كان كبابي
انانيين واقصائيين جميعهم

ابو الخل يا حبيب

اسعدنا موروك

Quote: خارج النص انت شخصياً وستظل انت شخصياً

لا ماهو شخصيا ... كلنا ضد القرار ... وماتقول لي كلكم منو ...؟

نحن سواد الشعب السوداني .............

مرحب عمر عثمان
اسعدنا مرورك وموقفك

مرحب اماني الامين

ولك من التحايا مثل التي قلت

اسامه الكاشف

الله عليك

Quote: بادئاًذي بدء أنا ضد تدويل قضية دارفور وضد الكيل بمكيالين لماذا فقط رؤساء أفريقيا هم الذين تطالهم أيدي القانون الدولي هذا انتقاص لسيادة الوطن يجب أن يخضع كل المسئولين في الدولة الآن وفي المستقبل للمحاسبة والمساءلة وأن ندفن شعار عفا الله عما سلف إلى الأبد لكن المساءلة يجب أن تكون بوسائل سودانية وتحت إشراف القضاء السوداني

يا علي الامين
حبابك الف

وهل من القدر مفر ؟
مافي
عشان كده لاذم الواحد يكون متصالح مع نفسه وواضح

وزي ما قلت
البسيها الله التبقى

الاخ/وليد
من حقك أن تقول أنك ضد القرار وهذا خيارك الشخصى
ولكن دعنى أسالك على حسب رأيك الشخصى هل تعتقد أن هنالك
جرائم إنسانية ضد المدنيين فى دارفور...؟وهل تشك فى ان القوات المسلحة
قد ضربت القرى فى دارفور بالطائرات...؟وهل هل تشك فى ان الحكومة قد دعمت الجنجويد
للفتك بالمدنيين...؟ أرجو الإجابة على هذه الأسئلة لنتحاور حول قرارك الشخصى...؟
لك الشكر

مرحب خالد

وما هي الجرائم الانسانية ؟
افيدك علما كل المصطلحات الجديدة القاطعها النظام العالمي الجديد من راسة لا تعنيني
جريمة يعني جريمة ؟

Quote: وهل تشك فى ان القوات المسلحة قد ضربت القرى فى دارفور بالطائرات

قبل كم يوم ضربت مهاجرية بالطائرات

Quote: وهل هل تشك فى ان الحكومة قد دعمت الجنجويدللفتك بالمدنيين...؟

ومن هم الجنجويد

لو عاوزني اجاوبك
عرف لي الكلمات المبهمة والمطلوقة ساكت في اسئلتك ؟

يعني ما ممكن تقول لي الحكومة دعمت الجنجويد
والجنجويد ما توريني قاصد بيها شنو ؟

داير نقاش يا خالد
امسك دربوا وخليك قدره وطبق اصوله في ما تكتب اولا ثم اسأل بعد داك
عشان ما اعود عليك باسئلة على اسئلتك

كل الود

الاخ/وليد
تشكر على الرد...

Quote: جريمة يعني جريمة ؟

طيب ياوليد هل تعتبر ماحدث فى دارفور إرتقى لمستوى أن يكون جرائم...؟
إذا كانت الإجابة نعم ماهى المقترحات بحسب رأيك فى محاكمة الذين إرتكبوا تلك الجرائم...؟

Quote: قبل كم يوم ضربت مهاجرية بالطائرات

وقبل كده برضوا ضربت مجموعة من القرى فى شمال دارفور ونتج عن ذلك حرق كامل لتلك القرى
ووفات عشرات المدنيين الأبرياء...

Quote: ومن هم الجنجويد

مليشيات قبلية موجودة فى دارفور

Quote: داير نقاش يا خالد

بالحيل ..بالحيل يازول

مرحب تاني اخونا خالد

Quote: طيب ياوليد هل تعتبر ماحدث فى دارفور إرتقى لمستوى أن يكون جرائم...؟ إذا كانت الإجابة نعم ماهى المقترحات بحسب رأيك فى محاكمة الذين إرتكبوا تلك الجرائم...؟

ما حدث في دارفر فيا ما يرتقي لمستوى جرائم
وفيها ما هو تقصير وحتى التقصير من قبل حكومة تجاه مواطنيها يعتبر في حاللات كتيرة شي لا يغتفر

خلينا من موضوع انو ماتو 200000 نفر لانه عليه خلاف كبير
خلينا نعتمد العدد القدره الرئيس وهو 10000 نفر
في رائي الشخصي 10% من العدد المقدر من الرئيس هو جريمة كبيرة ومشكلة عويصة
طيب

دارفور فيها مشكلة وانا قلت رائي في الحته دي من بدري
لا يهاجر احد من مسكنة الا لامرين
طلبا لرزق
او خوفا على حياة

والحاجتين ديل مسئولية الدولة

مفروض الدولة توفر لمواطنيها سبل العيش الكريم عشان ما تهاجر اعداد كبيرة
ده لو قلنا مشكلة دارفور مشكلة تمنية

ومفروض عليها انها توفر ليه الامن ( من متمردين من جنجويد من بععاعيت من الجن الكلكي زاتو )
ده لو امنا انها مشكلة امن

في الحالتين الدولة فشلت في ادارة مشكلة دارفور لو ما ساهمت فيها
وده كفيل بمحاسبة مسئولين فيها

ده فيما يخص دارفور

Quote: وقبل كده برضوا ضربت مجموعة من القرى فى شمال دارفور ونتج عن ذلك حرق كامل لتلك القرى ووفات عشرات المدنيين الأبرياء...

ده مسئولية مشتركة بين الحكومة ومعارضيها
لكن ده ما بعفي الحكومة باعتبار هي المسئول الاول عن امن المواطنبن زي ما قلنا قبيل

Quote: مليشيات قبلية موجودة فى دارفور

خليك واضح يا خالد
انا واضح معاك في ردودي
مليشات قبلية يعني شنو ؟
وياتو قبيلة تحديدا

خليك واضح
ولا ما تتعبني معاك ساكت

كتلوا ليك قلبك يا كبير (وش مسرسخ من الضحك)
ما علينا !!!
عليك الله يا وِلّي أقرا لي الكلام الغريب ده وأديني رأيك

Quote: المحكمة الجنائية الدولية تأسست عام 2002 كأول محكمة قادرة على محاكمة الأفراد المتهمين بجرائم الإبادة الجماعية والجرائم ضد الإنسانية وجرائم الحرب وجرائم الاعتداء، (لكنها الآن لا تستطيع ممارسة دورها فيما يخص الجرم الأخير). تعمل هذه المحكمة على إتمام الأجهزة القضائية الموجودة، فهي لا تستطيع أن تقوم بدورها القضائي ما لم تبد المحاكم الوطنية رغبتها أو كانت غير قادرة على التحقيق أو الادعاء ضد تلك القضايا، فهي بذلك تمثل المآل الأخير. فالمسؤولية الأولية تتجه إلى الدول نفسها، كما تقتصر قدرة المحكمة على النظر في الجرائم المرتكبة بعد 1 يوليو/تموز 2002، تاريخ إنشائها، عندما دخل قانون روما للمحكمة الجنائية الدولية حيز التنفيذ.

من الموسوعة الحرّة

Quote: كتلوا ليك قلبك يا كبير (وش مسرسخ من الضحك)

ونحن غير كده عاوزين منهم شنو يا ابو الشوش
يعترفوا لينا بي حقوقنا ويعاملونا متل ما بنعاملهم
لو عملوا دي
ما عندنا معاهم مشاكل كتيره

ما هو يا هشام ده المجنن بوبي ذاتو

الكلام الفوق ده فضفاض جدا وحمال وجوه
شوق الناس ديل دقو وتدهم وين
قالوا

1) فهي لا تستطيع أن تقوم بدورها القضائي ما لم تبد المحاكم الوطنية رغبتها
لكن لحقوها بي دي

أو كانت غير قادرة على التحقيق أو الادعاء ضد تلك القضايا،

اها طيب غير قادرة دي البحددها منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: فالمسؤولية الأولية تتجه إلى الدول نفسها،

اها ده بنسجم كيف مع اصدار امر قبض لرئيس الدولة نفسها ؟؟؟؟؟؟؟؟


والطامة الكبرى دي

Quote: كما تقتصر قدرة المحكمة على النظر في الجرائم المرتكبة بعد 1 يوليو/تموز 2002، تاريخ إنشائها، عندما دخل قانون روما للمحكمة الجنائية الدولية حيز التنفيذ.

ليه ؟
السبب شنو ؟
المانع شنو انها تنظر في ما قبل تاريخ انشائها ؟

موقف يشبهك

وطني غيور

وسيد حارة

وبتقول النصيحة توش ..

تسلم يا وليد ..

كلنا ضد المحكمة

تحياتي

يا قلب
اسعدنا مرورك والله

تسلمي

هذا الموقف ينسجم تماما مع مواقف الاخ الكريم وليد فى هذا المنبر من قولة لكلمة الحق ، فعلا على قولته هو غير محتاج لمدح او شكر ، لان الواجب واجب ، المهم اخى الكريم الله يحفظ هذه الامورة و تشوفها عروسة ، و كمان تتنيها بالوليد .

يا اقرع تحياتي

تسلم ياخ وربنا يجعلها امة صالحة زي ما بقولوا ويحضرنا عرسها
لكن يا معلم
دي التالته
انا بكرت بالوليد زمااااااااااااااااااان
وبعده في واحدة
حتين هي

يعني اخوك نقيب عديل كده والحمد لله


هاهاهاهاهاهاهاهاهاهاهاها

يا شباب بالاضافة ما ذكر من رفض و خلافه أو اي هرج آخر
برضو بشوف التهليل ده ترسيخ للكسل السوداني المزعوم
يعني يا امة ضحكت..
نحن الزول ده ما عاجبنا.. لكن (إإح) غلبنا نشيلوا والله!
شيلوا لينا انتو يا (الرجال) و نحن بنمسك ليكم الدلوكة:
و عجبوني الليلة جوا ردموا البشير كلبشوا!
يا ناس والله لا خير فينا اذا ما شلناهو نحن ولا شال روحو براهو
و اذا غلبنا شيله نبقى نستاهله فكما تكونوا يولى عليكم.

Quote: نحن الزول ده ما عاجبنا.. لكن (إإح) غلبنا نشيلوا والله! شيلوا لينا انتو يا (الرجال) و نحن بنمسك ليكم الدلوكة: و عجبوني الليلة جوا ردموا البشير كلبشوا! يا ناس والله لا خير فينا اذا ما شلناهو نحن ولا شال روحو براهو و اذا غلبنا شيله نبقى نستاهله فكما تكونوا يولى عليكم.

سعد الدين
ريحتني في ميتيني

رائي من بدر هو

الخلل ما في الكيزان
الخلل في الشخصية السودانية كلها بدون اي فرز لي اي حزب او قبيلة او اتجاه جغرافي

طيب ما البورد كله طلع كيزان

قر قر قر قر قر قر قر

وانا كنت قايل المناضلين اكتر

هاهاهاهاهاهاهاهاهاهاهاهاها

مجارمة الدول الكبرى اولا

وليد الشفت

تحياتي وللامورة

مع البشير قلبا وقالباً

والزارعها الله في الزلط بتقوم .

مرحب بشير

معاه الى ان ينجلي امر الجنائية

بسم الله الرحمن الرحيم
السلام عليكم ورحمة الله تعالي وبركاته ...

Quote: شخصياً برضو وعلي مسئوليتي .. ضد قرار المحكمة الجنائية .. ولكن .. لو شمل هذا القرار المجرم بوش سأغير موقفي وأنحني للمحكمة هذه .. غير ذلك كما قال صاحبي .. دي محمكة ( بيض ) !!!!

ـ
أبوهاشم .

اي وقوف ضد محاكمة السفاح تعني وقوف مع جرائمه الفظيعة في حق الانسانية..
اولا لو ذهب محمود ود احمد أخر الي المتمة وشندي وقام بارتكاب مجزرة سنقف
ضده.الذين يرفضون محاكمة الجنرال الراقص عمر البشير هم الذين شاركوا في
القتل والتطهير العرقي في دارفور والجنوب بايديهم او بطرق اخرى.
البشير لا يمثل السودان ولا نظامه يمثل سيادة السودان الذين يمثلون سيادة
السودان هم ضحايا تحت نظامه الاجرامي.
جوك

انت يا جوك ما تحاكموا وشيلوا برة
راجي الخواجات يشيلوا ليك يعني!


نعم النضال والله..

اتضامن مع الاخ وليد للوقوف ضد اي قرار يقضى بتوقيف الرئيس السوداني عمر البشير
لماذا ؟؟؟ لان هذه المحكمة غير عادلة ولا يمكن ان نطلب حقنا من ظالم لأن الظالم لا يعطيك حقك ابدا
وظلم محكمة لاهاي واضح وظاهر ومالهجوم الاخير على غزة وقتل النساء والاطفال وتدمير البيوت والسكوت عليها من المحكمة الا شاهد ودليل على ذلك ، اما في السودان فقد تشكلت المحكمة للقتلة في دارفور والحمد لله

أتضامن مع البشير بكل ما اوتيت من قوة ضد أي قرار من الظالم اوكامبووو






وأطالب الحكومة بتفعيل المحكمة الخاصة بالجرائم فى دارفور وتقدم كل من يتورط بل وتورط في حدوث كل هذه الانتهاكات والقتل والتشريد لأهلنا في دارفور في دارفور

انتي يابتي
يسلم ابوكي انشاء الله
كلام زي الدهب

هارون

يديك العافية يا صديق

يشيل شنو يا سعد الدين

هو لو ما اتفاق السلام ده
ناس جوك ديل
وجيشهم الشعبي كان طيراتهم حرقانه هسع
يتفاصحوا من ورا الخواجات بس

جون بوك
الذين شاركوا في مجازر التطهير العرقي هم من يضعون على بروفايلاتهم صور لاطفال يحملون السلاح
وهذا ضد القانون الدولي

اوشي شيل صورتك الخاتيها دي في الاول
بعدين تعال اتكلم عن القانون الدولي

من شارك في القتل والتطهير هم من يقفلون المساجد ويقتلون التجار في الجنوب ويهاجمون الشلك في المهرجانات

وعليكم السلام ورحمة الله تعالي وبركاته

مرحب ابو هاشم

اسعدنا مرورك والله

Quote: وهذه الجنائية مخصصة حتى الان للدول الفقيرة والافريقية فقط

بالاضافة لي انها بتخدم في اجندة معروفة .. وبرنامج تركيع واضح ..
لكن البضحكني شنو إنت قايل يا وليد ..؟
تخيل في كوته كبيرة جدا من المناضلين .. هنا دا والزملاء ضد القرار دا ..
لكن اتحدى اي واحد فوقم يقول (بغــم) ..
علشان كدا يا شفت زي الجاك طاير فوق داك ما تحرق اعصابك معاهو .. اديهو صراحو طوالي ..
لذلك ..
سير سير يا البشير .. والعايزو يمسك ليهو اي واحد سوداني مهما كانت هويتو .. يمشي هنديك الخرطوم .. لانو مسالة النصوص واللوائح والقرارات دي بنسمع فيها من ماولدونــا حبر على ورق ..

عارف يا تمابا

زولي الفوق ده
حقو يكون احرص زول على انه ما يكون في قرار زي ده
جات اتفاقية السلام ورحمتهم من جور الكيزان
حسع تجوط تاني
وما يشوفوا المسكنة حق الكيزان الا يام ديل
يدوروا فيه تاني يرجعوا مكاتب يوغندا وكينيا

عموما قلناها واضحة

ضد المحكمة الجنائية الى ان نري بوش ماثلا اماها قبال البشير
ومعاه قادة اسرائيل
قبل كده

هذه المحكمة لا تبحث عن اقرار السلام ولا العدالة
وبالتالي تخالف الاساس الذي قامت عليه...

ماذا ستكون قراراتها لو انهارت كل سبل السلام
مزيدا من اوراق القبض الملزوقة علي صفحات الانترنت

ثم ماذا؟

فصل سابع وثامن...ومزيد من القتل والدمار..

هل ذلك ما ترجوه هذه المحكمة...

فانا ضدها من زمااااااااااااااااان...

ولما نشوف آخر عدالتها في حق اطفال غزة..
ومدارس الامم المتحدة صاحبة الفصل السابع


المسألة عندي حقارة وبس..

ومع ذلك:

Quote: Press Release: 12.02.2009 No decision concerning possible arrest warrant against President Al Bashir of Sudan ICC-CPI-20090212-PR389 عربي Situation: Sudan Following press articles published today, the International Criminal Court (ICC) wishes to inform the media that no arrest warrant has been issued by the ICC against President Omar Al Bashir of Sudan. No decision has yet been taken by the judges of Pre-Trial Chamber I concerning the Prosecutor’s application of 14 July 2008 for the issuance of such a warrant. The Pre-Trial Chamber’s decision will be made public by the normal way of a press release and publication on the Court’s website. -------------------------------------------------------------------------------- For further information please contact Ms Laurence Blairon, Spokesperson, Head of the Public Affairs Unit, Public Information and Documentation Section at +31 (0)70 515 87 14 or +31 (0) 6 46 44 88 89 or at [email protected].

وياهو دا الرابط:

http://www.icc-cpi.int/Menus/ICC/Press+and+Media/Press+Releases/

فعلا نزار حسين
هي حقارة لا اكتر ولا اقل


دي النسخة العربية من البيان الجبته
http://www.icc-cpi.int/NR/rdonlyres/8623A8E0-BEDF-4BAF-...790/Press389ARA3.pdf

مـصلحـة الـوطـن فـوق كـل شـيـئ!!!

اشرف حبابك
واسعدنا مرورك

العزيز وليد
تحيات اوكامبيه



من يأتي باهلنا الذين قتلو في كل انحاء السودان
كلنا يعلم من هو القاتل و من هو المقتول
ليأتي العدل .........الآن بأي طريقه كان

مرحب سيد الاسم
حبابك باي تحية كانت


حبابو العدل من اي جهة كانت

العدل يا وليد العدل وليس سواه


ولا اظنه سياتي من الجنائية

كل الود

ضد المحمة الجنائية في عضمها
خليك من امر القبض الحا يصدر منها

Quote: موقف يشبهك وطني غيور وسيد حارة وبتقول النصيحة توش .. تسلم يا وليد .. كلنا ضد المحكمة تحياتي

.

تسلم عبد المحسن سيد
تسلم كتير

.