Post: #1
Title: الليلة مِفلتِن ..!
Author: وليد محمد المبارك
Date: 02-14-2009, 01:42 PM
الليلة عيد الحب ... والحب عندي أمر عظيم جدا ..
فانا من القلائل الذين انعم عليه ربهم بان زوجهم من يحبون بدون شواكيش ..
لذلك لا افوت أي مناسبة تخص الحب .. إلا واحتفل بها .. امتنانا وشكرا لربي على تفضلي ومخارجتى من قبيل المشوكشين ..
لكن والحق يقال
أجدني في حيرة من أمري في كيفية الاحتفال بهذا العيد ..
وكيف سأهادي صنوي في هكذا عيد وبعد هذه المدة الطويلة من العيش سويا تحت سقف واحد .. وبعد ان فرعت شجرة حبنا وأثمرت ثلاثة ثمار يانعة جميلة وهم ( محمد – شهد وشدن )
في الجيب أموال قليلة ..
والمطروح في السوق والأفكار كثير
فأعينوني يا أصدقائي انعم الله عليكم
هل الأجدى أن اشتري بوكيه ورد احمر نلقية في القمامة تاني يوم ..
ام اشتري خاتم دهب جميل كده
ام أشرك الأسرة كلها في الاحتفال باعتبار أنها جزء أصيل من هذا الحب وناتج حقيقي له
واشتري لي كم كيس حق فواكه كده ونحتفل سويةً
أعينوا أخاكم أعانكم الله
( غير المتزوجين لا علاقة لهم بهذا البوست ولن يعتد بنصائحهم )
|
Post: #2
Title: Re: الليلة مِفلتِن ..!
Author: وليد محمد المبارك
Date: 02-14-2009, 01:51 PM
Parent: #1
برضو المتزوجين ورقة مازون فقط ( عقد زواج ) يمتنعون
|
Post: #3
Title: Re: الليلة مِفلتِن ..!
Author: وليد محمد المبارك
Date: 02-14-2009, 01:57 PM
Parent: #2
فكرة زوغة مع المدام الى الريفيرا او احدى منتزهات الترفيه الكتيرة ، برانا فكرة مغرية جدا
لكني متأكد انه سينغص علينا ذكرى الاولاد في جلستنا المفترضة ديك ..
يار بي محمد زاكر ( الامتحانات على الابواب )
شهد مجننة حبوبتا ولا رايقه ( شهد شقية جدا )
شدن نايمة ولا قاعدة تبك وبتقول عاوزه ماما وبابا
بوكية الورد يالعارفين سعره كم الان في الخرطوم ؟
|
Post: #4
Title: Re: الليلة مِفلتِن ..!
Author: عبدالوهاب علي الحاج
Date: 02-14-2009, 01:58 PM
Parent: #1
Quote: هل الأجدى أن اشتري بوكيه ورد احمر نلقية في القمامة تاني يوم ..
ام اشتري خاتم دهب جميل كده
ام أشرك الأسرة كلها في الاحتفال باعتبار أنها جزء أصيل من هذا الحب وناتج حقيقي له
واشتري لي كم كيس حق فواكه كده ونحتفل سويةً
أعينوا أخاكم أعانكم الله |
ياشفت
والله كان خليتنا من امورك المقددة دي
وجيت برمجت معانا الليلة انا شايف اخير ليك
وبعدين الكوارع ذاتا مفيدة للحالات دي واكثر رومانسية من الورد الاحمر
لكن كان داير تمشي الفي راسك
انا مايل لحكاية الفواكه
___
قال مااخدت شاكوش قال
ياخ قوم لف عامل لي بتك الجديدة دي
|
Post: #5
Title: Re: الليلة مِفلتِن ..!
Author: وليد محمد المبارك
Date: 02-14-2009, 02:07 PM
Parent: #4
تصد يا عبد الوهاب يا اخوي
حقيقي ما اخدت شاكوش
اهوى زوجتي من ونحن في اللفة ( وانا بالردا)
واتزوجتها بعد اول سنة تخرج من الجامعة
يعني 12 سنة قبل الزواج
وهسع متزوجين لينا 8 سنوات ( عب كبير )
فما تحسدني ياخ
لو انت رزعوك شاكوش قبل كده
ما تسقط عقدك فينا ياخ
هاهاهاهاهاهاهاهاهاهاهاهاهاهاها
حركات انا والكاشف اخوي دي ما تسيبوها
____________________
الليلة يا حبيبنا يوم للاسرة الكريم
فالنتاين وكده
اما الكوارع قالكنتوش مشدود في الفحم ( تحديدا الفحم لاني ما بحب كوارع البتجاز ) من صباح الرحمن
وكمان عندنا راس نيجفة
ولو ما الليلة فالنتاين
كان عزمتكم
لكن انت مقددها وعارف انو الليلة مافي ليكم طريقة
يا عوازل
شكلك كده بقيت خارج الخدمة
قر قر قر قر قر قر قر
هاهاهاهاهااااااااااااااااااااي
|
Post: #6
Title: Re: الليلة مِفلتِن ..!
Author: ود الخليفه
Date: 02-14-2009, 02:14 PM
Parent: #5
قش الحوش وغسل العده الي ان يحين العيد القادم وما تنسي الشرابات
والله تحبك اكتر من كده
رينا يخلي ليك الاولاد
|
Post: #7
Title: Re: الليلة مِفلتِن ..!
Author: وليد محمد المبارك
Date: 02-14-2009, 02:21 PM
Parent: #6
ود الخليفة الله يديك العافية
ويخلي اولادك كمان ولو ما عندك يديك
بغسلها العده كيتن فيك
وبقشو الحوش وارشو كمان
وفي الاخر بتمدد في عنقريب هبابي الوليدات الكبار تحتي بلعبوا
والصغيره قاعده فوق كرشي بتخربش فيني وتمعط في شنبي
وامهم قاعده في بنبرها تقلي في البن
وتقنن في اللبن
بقسوووووووووووووووووووووووووووووووووووا الحوش
بقشوا
|
Post: #9
Title: Re: الليلة مِفلتِن ..!
Author: ود الخليفه
Date: 02-14-2009, 02:27 PM
Parent: #7
قش يا اخوي بي عافيتك
|
Post: #11
Title: Re: الليلة مِفلتِن ..!
Author: وليد محمد المبارك
Date: 02-14-2009, 02:34 PM
Parent: #9
بَقُش
|
Post: #8
Title: Re: الليلة مِفلتِن ..!
Author: محمد البشرى الخضر
Date: 02-14-2009, 02:21 PM
Parent: #6
كل سنة وانتو طيين يا شقت وربنا يجعل كل ايامكم عامرة بالمحبة و المحنة و المودة
شوف يا عمك
انساني من ناس ورد احمر و جاكات الخواجات دي
قعدة بمزاج مع المدام تستعيدو فيها الذكريات من ايام الخلط و الحنك مرورا بالخطوبة و العسل و انتهاء بلحظات ميلاد الأولاد
القعدة لو بقت برة البيت بكون ألطف أكيد
دا رأيي أنا , الولية قاعدة جمبي قرت الكلام قالت ليك خاتم الدهب وبس
|
Post: #10
Title: Re: الليلة مِفلتِن ..!
Author: khaleel
Date: 02-14-2009, 02:33 PM
Parent: #8
وليد
كل سنة وانت طيب
تمشي طوالي حفلة البلابل في نادي الضباط
والعيال مع حبوبة
وبعد الحفلة ساندوشات وايسكريم وترجع امدر
|
Post: #14
Title: Re: الليلة مِفلتِن ..!
Author: وليد محمد المبارك
Date: 02-14-2009, 02:43 PM
Parent: #10
ابو الخل يا حبيب
حفلة في نادي وزحمة
ما بسويها
عارف ليه
لانها مضعية للقروش مضيعة للسمع
افضل اني اشتري لي شريط للبلابل واقفل الاوضة واطفي النور واشغل الاستريو واعيد لشريط كم مرة
هكذا عندي الاستماع
لكن في نص الكواريك والصفافير
لالالالا
موضوع الاسكريم والسندوتشات
يُنظَر ثُم يُفاد
اخبارك يا حبه
|
Post: #12
Title: Re: الليلة مِفلتِن ..!
Author: وليد محمد المبارك
Date: 02-14-2009, 02:36 PM
Parent: #8
يا ود البشرى
وكحتك
يلا اجري على سوق الدهب واشتري الخاتم
انا غايتو شكله كده على كيس الفواكه
|
Post: #16
Title: Re: الليلة مِفلتِن ..!
Author: Maawya Hussein
Date: 02-14-2009, 02:46 PM
Parent: #12
نحن بنفلتن بكره ..نركب ليك تاكسي كدا وما نخلي ليك حديقه فيها ماسوره مكسوره
|
Post: #17
Title: Re: الليلة مِفلتِن ..!
Author: وليد محمد المبارك
Date: 02-14-2009, 02:48 PM
Parent: #16
| Quote: برضو المتزوجين ورقة مازون فقط ( عقد زواج ) يمتنعون |
يا معاوية
دي ختيتا ليك مخصوص انت
ما شفتها ولا شنو ؟
بعدين ماسورة شنو المكسورة عندكم
نتو تلجكم ده بخلي الموية تطلع من المواسير
الا تكون ماسورة 10000 بوصة زي اللعيبة الجبتوهم ديك
اخبارك والمدام امورها مشت كيف ؟
ما وريتني
|
Post: #19
Title: Re: الليلة مِفلتِن ..!
Author: Maawya Hussein
Date: 02-14-2009, 02:59 PM
Parent: #17
| Quote: اخبارك والمدام امورها مشت كيف ؟ |
تمام والحمد لله ..ياخ عندنا جو ينسيك اسمك زاتو ..ياخ شفت ليك زول ما قادر يدخل بيتوم من التلج !!!!..ياخ مفروض السودان والنرويج ديل يعملوا تطبيع اجواء بمناسبه الفلانتين دا
|
Post: #21
Title: Re: الليلة مِفلتِن ..!
Author: وليد محمد المبارك
Date: 02-14-2009, 03:07 PM
Parent: #19
هسع لو كنت معرس زينا كده
كان حمد الله انو التلج سدا باب بيتكم
يا زول بالتوفيق
وربنا يعينكم على تلجكم
|
Post: #13
Title: Re: الليلة مِفلتِن ..!
Author: العوض المسلمي
Date: 02-14-2009, 02:41 PM
Parent: #1
وليد سلام
ساجاوبك بطريقتين فاقبل احداهما ان تيسر ذلك ,,,
| Quote: هل الأجدى أن اشتري بوكيه ورد احمر نلقية في القمامة تاني يوم .. |
ان فعلت هذا الراي فانك ستعيد رومانسيه نتمني الا تكون قد فقدت ’’’
وستشعر زوجتك بان حبها باق في قلبك ,,,
ولا يهم بعد ذلك اينما رمي البوكيه ,, فلتستمتع بلحظتك هذه فهي تساوي الكثير ,,,
| Quote: ام اشتري خاتم دهب جميل كده |
رغم اهميته الا انه ليس مهما هذه الليله ,,, ورغم حب النساء له ,,,
Quote: ام أشرك الأسرة كلها في الاحتفال باعتبار أنها جزء أصيل من هذا الحب وناتج حقيقي له
واشتري لي كم كيس حق فواكه كده ونحتفل سويةً
أعينوا أخاكم أعانكم الله |
ده اقتراح محتاج لشويه فلتره ,,,
هو مقبول جدا ولكن يحول الي نزهة للاطفال وامهم الي احدي الحدائق ,,,
وتكون ضربت اكثر من عصفور بفرحة واحده ,,,
|
Post: #15
Title: Re: الليلة مِفلتِن ..!
Author: وليد محمد المبارك
Date: 02-14-2009, 02:46 PM
Parent: #13
يالمسلمي سلامات
يعني نقرض على التالت ولا كيف ؟
|
Post: #18
Title: Re: الليلة مِفلتِن ..!
Author: العوض المسلمي
Date: 02-14-2009, 02:53 PM
Parent: #15
| Quote: يعني نقرض على التالت ولا كيف ؟ |
ايوة قرض عليه ,,,
وورينا ماشي وين علشان نجيب العيال معاكم ,,,
|
Post: #20
Title: Re: الليلة مِفلتِن ..!
Author: وليد محمد المبارك
Date: 02-14-2009, 03:01 PM
Parent: #18
حلو
عموما انا برشح منتزه بري داك
جربته كم مرة
جميل جدا والاطفال بحبوه
|
Post: #22
Title: Re: الليلة مِفلتِن ..!
Author: nazar hussien
Date: 02-14-2009, 03:20 PM
Parent: #20
فصلت تياب فلنتاين؟
والله حا تمد الهدية
بي هدوم عيد الضحية؟
وتقول هابي فالنتاين
والفيها فيها؟
|
Post: #23
Title: Re: الليلة مِفلتِن ..!
Author: وليد محمد المبارك
Date: 02-14-2009, 03:30 PM
Parent: #22
يا نزار مالك ياخ
يقول ليك عاوزين نحتفل
تجيب سير العيد والخروف والذي منو
هادم لذات
|
|