Post: #1
Title: طريق مافيش ....
Author: وليد محمد المبارك
Date: 03-15-2009, 05:50 PM
ماشي في طريقي
احِن اقرباي
اناضم خيالي .. واوادِِد صديقي
اعيد ذكريات ايام خوالي
اعيش في الخيال كعالم حقيقي !
اعتر .. اقوم
اركلس او احوم
افتش في سماي عن نجوم .!
ده كله كوم
واحساسي كوم
بحس اني حاجة من غير معالم !
كاني فكره !
او اني ذكرى!
لا حاداني ماده
ولا محبوس عوالم
لا ابعاد تشَّكِل
لاحيلاً يتَقِل
لا وشاً عشان ما يشوف يقَبِل
مرات القى نفسي سارح في خيال
مرات في الخبال
ومرات خالي بال
افكار تملى راسي
تلخبت او تواسي
المرصوص اساسا
والعالم يجوط ...
تتلاقى الخطوط
وتشربك خيوت
وافضل اصرخ انده
يا انا .. ما تعال !
وانا ماشي في طريقي
|
Post: #2
Title: Re: طريق مافيش ....
Author: العوض المسلمي
Date: 03-15-2009, 06:54 PM
Parent: #1
Quote: اعتر .. اقوم
اركلس او احوم
افتش في سماي عن نجوم .!
ده كله كوم
واحساسي كوم |
ماعارف يا وليد عندي شعور انه ده انا البقول في الكلام ده ,,,
|
Post: #3
Title: Re: طريق مافيش ....
Author: وليد محمد المبارك
Date: 03-15-2009, 08:12 PM
Parent: #2
| Quote: ماعارف يا وليد عندي شعور انه ده انا البقول في الكلام ده ,,, |
ما عندك مشكلة يالمسلمي
الجيب واااااااااااحد
|
|