مسودة كتاب الشعبية الباب الخامس: أيام الدراسة والمدارس

مسودة كتاب الشعبية الباب الخامس: أيام الدراسة والمدارس


25-12-2009, 03:02 PM


  » http://sudaneseonline.com/cgi-bin/sdb/2bb.cgi?seq=msg&board=301&msg=1261749745&rn=0


Post: #1
Title: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 25-12-2009, 03:02 PM

أمير قناوي:
أستاذ سمير:
المكان: الصف الثالث في مدرسة الشعبية جنوب الإبتدائية
الزمان: حوالي العام 1973
إنتهت الحصة الأولي , وهي في المرحلة الإبتدائية دائماً حصة رياضيات , وخرج المدرس , وبدأ الهرج والمرج المعتادان بين الحصتين . دخل أستاذ سمير الفصل فهدأت الضجة رويداً رويداً كقطار يولي مبتعداً. وفي العادة كان يسود السكون فجأة عند دخول المدرس الفصل , ولكن بحكم أن أستاذ سمير كان نفسه من كبار المهرجلين فكان الوضع يختلف عند دخوله الفصل. أراد أستاذ سمير أن يبدأ الحصة بإحدي مداعباته المعهودة , والتي كانت تؤدي لهرج ومرج كثيرا ما أديا لحضور أحد المعلمين من فصل مجاور , يريد أن يضع حداً لهذه الهرجلة , فإذا به يفاجأ بوجود أستاذ سمير بين التلاميذ , فيعود أدراجه , هازاً برأسه تعجباً , أوقد يعجبه الوضع فيدلي بدلوه في الهرجلة ويشارك في الضحك , ثم يمضي لتلاميذه.
لم يبدأ أستاذ سمير الحصة هذه المرة بدعابة , وبدت عليه سيماء الجد كأن شيئاً قد أرابه , تلاشت بقية إبتسامة كانت على شفتيه قبل أن يدخل الفصل. وقف قليلاً أمام الصف الأول وبدا وكأن أنفه يتحرك بصورة طفيفة . تقدم وسار متمهلاً بين الصفوف , وهنا لم يبقى مجال للشك , فقد مد أنفه للأمام وهو يشمشم. سكنت كل حركة , ولم تعد تسمع في الفصل إلا أصوات التنفس ودقات القلوب المتسارعة. فالوضع خطير والكل يخشي أن تقود هذه الأنف الأستاذ إليه فتلبسه التهمة وتذهب سمعته أدراج "الرياح".
عاد أستاذ سمير ووقف أمام السبورة وواجه العيون الزائقة , المترقبة شراً. مضت ثواني , خيل إلينا أنها ساعات . قطع أستاذ سمير سكوته قائلاً : إني أجد رائحة جلود. وتعالت همهمة خافتة بين الصفوف مصدرها سؤال كل واحد لجاره عن معنى هذه الكلمات. وإنقطعت الهمهمة حينما واصل أستاذ سمير خطابه فتحدث عن أهمية نظافة الأبدان , موضحاً أن الماء لم يخلق فقط للشرب , وأن الإستحمام لم يشرع فقط في الأعياد. وتواصلت خطبته وإزداد خطابه حدة وعنف حتي تصبب العرق من المستمعين فزاد الطين بله , فقد أضحى ما كان مبهماً جلياً للعيان , أو لنقل مشموماً للشامين. ولعل أزدياد الرائحة المتواصل مع تواصل خطبته قد فجر فيه مزيداً من الطاقات وأضرم فيه نار الغضب فبدأ في إتباع القول بالعمل .
أمر كل من كان بيته في جوار المدرسة بالذهاب فوراً للمنزل والإستحمام والعودة قبل نهاية الفسحة. أما من تبقى من سكان المناطق البعيدة فأمرهم أن يتبعوه عند خروجه من الفصل. أوقفهم بملابسهم الداخلية علي الحشيش الموجود بفناء المدرسة , ثم أتى بخرطوم المياه وظل يمطرهم منه حتى أزال درن أبدانهم وأطفأ نار غضبه.
دخلنا الفصل مع جرس نهاية فسحة الفطور , ولا أظن أن أحدنا قد أفطر في ذلك اليوم , فقد أفسد أستاذ سمير شهيتنا للطعام في ذلك اليوم. جلسنا في الكنبات ودخل إستاذ سمير ليرى النتيجة. تبسمت أساريره وعلت وجهه إبتسامة عريضة , فقد فاحت في سماء الفصل شتى أنواع الروائح , الغالي والرخيص , الرجالي والحريمي , المحلي والمستورد. ولم يتمالك أستاذ سمير نفسه التي إمتلأت فخراً , فخرج مهرولاً ليأتي بكامل هيئة التدريس ليروا (أو ليشموا) المعجزة التي أتى بها. أسهب المعلقون مرة أخرى في الحديث عن النظافة وتضورنا جوعاً للجهد الذي بذلنا دون تناول وجبة الإفطار في الحمام والتعطر.
حاشية:
ضع ما يقرب من المائة تلميذ في غرفة معروشة بالزنك , ليس بها من وسائل التكييف إلا مراوح سقف تثيرفي دورانها سموم الهجير وتلفح الوجوه بنيرانها دون إنقطاع وأنظر ماذا تجد ؟ رائحة جلود بالتأكيد.

عزالدين عباس الفحل:
مدرسة الاميرية ( 2 )
قبل فترة من الزمن تلقيت اتصال هاتفي من السودان من الاستاذ ( سيد احمد ) مدرس اللغة الانجليزية .
وكان الصوت غريبا علي رغم ضغط العمل المرهق للغاية ، ذكر لي المتحدث الاستاذ ( سيد احمد ) ،
انه تحصل علي رقم الموبايل من الاخ المهندس ( خالد حسن ابراهيم )،
وذكر انه فخور جدا بنا وانه خرج رجال حول محراب النجاج الباهر .
كان الحديث العذب من قامة لها التجلة والاحترام علمنا حب اللغة الاجنبية ومتعة الحوار بها .

عزالدين عباس الفحل:
من طرائف المواقف في مدرسة الاميرية ( 2 )
عقدت العزم من اول يوم في المدرسة وبعد المشاداة مع الاخ ( حسين عبد الحليم ) الرجل النابغة الفذ حين قال لي اول يوم بالمدرسة
GO AWAY FROM MY FACE
وكنت وقتها لا اعرف اي شئ عن لغة الخواجات ، حتي صديقي المهندس ( خالد حسن ابراهميم ) عجز عن ترجمة تلك العبارة الساحرة ، قلت لاخي ( خالد حسن ابراهيم) ، بعد ده لازم نبرز في اللغة الانجليزية ، وبمساعدة اختي ( سمية ) ( وهي تقيم معنا في ابوظبي مع ابناءها).
كنت اقرا الدرس قبل يوم وادخل الفصل في غاية الاطمئنان الشديد، كاني ( بروفيسير في الانجليزي ) ، وكانت الحصة تمر باخر روعة مما جعل الاستاذ ( سيداحمد ) يحترمني لاني نابغة ، واذكر مرت علينا كلمة ( TALK ) ، ومن سوء الحظ انيي استهونت ان اسال اختي مسبقا عن هذه الكلمة ، وفي الحصة طلب الاستاذ ( سيد احمد) ادخال الكلمة في جملة ، فرفعت يدي بالاجابة وقلت :-
I TALKS TO YOU
وطلب استاذ سيداحمد ان اكرر الاجابة وقلت موجها الاجابة له :-
I TALKS TO YOU
وفجاءة صاح الاخ ( عادل عبد الفتاح ) ( من ابناء المزاد ، ومقيم في جدة الان ).
- يا استــاذ قال ليك اتيــس تـو يــو .
- يا استاذ قال ليك تيـــس ، تيــس شنــو يا الصبــــرة.
وانفجر كل الفصل بالضحك ،
حتي ان الاستاذ ( سيد احمد ) انفجــر ضاحكا حتي كاد ان يبتلع قطعة الطبشيــر الموضوعة علي فمــه.

Post: #2
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 26-12-2009, 08:33 PM
Parent: #1

عادل عثمان:
مدرسةالشعبية جنوب
على الرغم من سكن اسرتى فى الشعبية شمال إلا أننى درست الابتدائية فى الشعبية جنوب. 6 سنوات فى مدرسة قالوا قوية. وتتوسط عدد من الاحياء. الشعبية جنوب والمزاد والدناقلة شمال والمرغنية والسائح. حتى الصافية البعيدة.
سنوات التكوين الاساسى من 7 سنوات الى 13 كانت فى الشعبية جنوب الابتدائية. وهى فى الحق مدرسة متميزة. انا لا ابخس مدرسة الخشب فى الشعبية شمال ولكننى اتحدث عما اعلم.
جمعتنا يا قرجة الشعبية جنوب الابتدائية على حقائق اولية. ولد غفير المدرسة يساوى ولد وزير التربية. وهذه حقيقة.
فقد درس معنا ولد غفير المدرسة وولد وزير التربية فى زمن مايو. وتلقوا نفس المعاملة ونفس الكراسات والكتب.
حاتم ابوه كان وزير التربية. المرحوم محيى الدين صابر.
وعماد ابوه كان غفير المدرسة. العم صديق.
وفى نفس المدرسة درس معنا تلاميذ على بعد ظلط. كانوا ينتمون الى اسر من الطبقة الوسطى. مدراء بنوك وموظفى دولة ونظار مدارس ثانوية.
هل تذكر يا قرجة باسل محجوب زيادة حمور؟ وهشام عمر النور؟ ورشاد عثمان؟ ومحيى الدين واخوه المعاق؟ ونصر الشيخ؟ وجمال عبد القادر عطية الذى كان ابوه مدير شرطة بحرى وقتها؟
هل تذكر ياسر عبد المحمود من اولاد المزاد؟ وعمر عثمان؟ واولاد الناقلة شمال؟ واولاد الديوم؟
ولقد حمانا انتماؤنا للشعبية من غضب بعض التلاميذ الذين كانوا يصبون جام غضبهم على التلاميذ المتفوقين الذين ينتمون الى الطبقة الوسطى!
وقد تفننوا فى تبخيس التفوق الاكاديمى. حين كان ينشد الفلكلور الشعبى:
الاول عند الله مصور"
حولوها الى "الاول ياكل خرا مدور"
وحوروا " الطيش ياكل براطيش" الى
"الطيش عند الله بعيش".
ولقد كنت افكر كثيرآ فى هذه المفارقة. مفارقة ان يتفوق ابناء من الطبقة العاملة، من الكادحين، الذين كسروا احتكار الطبقة الوسطى للتفوق والتعليم الجامعى.
ومفارقة ان يحتفى اقرانهم من غير المتفوقين بتفوقهم الى درجة اعفائهم من القسط الدورى من العنف عند ظهور النتيجة!!
فقد كان جلد/كسر المتفوقين تقليد راسخ فى المجتمع العاصمى.

Post: #3
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 26-12-2009, 08:58 PM
Parent: #2

الحاج حمد:

الأخ عادل محمد عثمان
لا شك أن التعليم في الماضي كان متاح بصورة متساوية نسبياأما الان فالتعليم الحكومي يعاني الاهمال و أصبحت الفرص متاحة لابناء القادرين الذين يدفعون الملايين للمدارس الخاصة و المدرسين الخصوصيين ، بالاضافة الى تهيئة الجو المنزلي و التي اصبحت الآن تحتاج أيضا لملايين..
عندما امتحنت من المرحلة الابتدائية كان أول مدينة بحري الأخ الدكتور أحمد علي خالد من الشعبية جنوب و هو الآن من أشهر أخصائيي التخدير في السودان و هكذا لو نظرت لاولاد الشعبية سوف تجد (كما ذكرت انت) مجموعة كبيرة من الخريجين الجامعيين و الذين ايضا حققوا نجاح في مجالات العمل المختلفة ، في اجازة سابقة ذهبت لأراضي بحري ، في الحوش الخارجي وجدت عدد من المحامين من أولاد الشعبية و خرجت لاجد أمام البوابة الاخ حيدر عبد الرحيم و استشرته في ناحية قانونية و طلب مني الحضور معه لمكتبه و وجدت على لافتة المكتب (قاضي المديرية) ، لقد ذكرت نقطة هامة في مجتمع الشعبية.. ان أبناء الشعبية أيضا يزينون أوساط علمية و عملية و اجتماعية... كما ذكرت في بداية هذا البوست مجتمع الشعبية هو بيئة يجب دراستها للاستفادة من ذلك

Post: #4
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 27-12-2009, 09:41 PM
Parent: #3

منير عبدالرحيم:
مدرسة الشعبية جنوب
الشعبية جنوب قضيت فيها سنين الطفولة الاولي وقبلها كانت الاسرة تسكن حلة حمد .. وكنا في نفس شارع ناس عزالدين ابوالريش المعروف بالصبابي .. واذكر أن والده العم محمدخير ابوريش كان يمتلك قلاب تراب نقل لينا كل ردمية بيتنا في الشعبية شمال وقد كان رجلآ مرحآ حبوبآ ومحبوبآ .. وطبعآ انت ذكرت شيئآ عن عزالدين وهو كان معروفآ وأخوته بحسن الخلق والتهذيب الشديد.

وارتباطنا ايضآ بالشعبية جنوب اتصل بدراستي في مدرسة الشعبية جنوب المتميزة بموقعها الذي يربط الشعبية والدناقلة شمال والمزاد وديوم بحري كما كان معنا كثيرين من الحلفايا ـ وشمبات ربما ـ ومدرسة الشعبية جنوب كنا نفخر بها جدآ لتناسق مبانيها التي ـ بدون زعل ـ كنا نعتبرها سيوبيرير علي كل المدارس !!.. الغريبة لا أذكر انه كان هناك اي تواصل اكاديمي أو تنافسي او مسابقات بين مدرستي الشعبية جنوب والشعبية شمال !! .. منافساتنا المدرسية الاكاديمية كانت مع جارتنا مدرسة البنات الكان اسمها مدرسة عشمانة ـ علي الناظرة عشمانة ـ
ودراستي في جنوب جعلني علي معرفة وثيقة مع كل شباب الشعبية جنوب وكثير من اولاد المزاد الذين لا زلت اذكر ـ عشان ما اقول كلهم ـ ممكن اقول 99.99% منهم ..
وهناك بعض زملاء الابتدائي الذين لم اقابلهم منذ امتحانات اللجنة ولا اعرف اين هم خاصة من كانوا قد رحلوا الحاج يوسف ـ
من الاخوة الاعزاء جدآ طبعآ ذكرت انت منهم الاخ الدكتور احمد علي خالد وود جيرانهم الاخ عادل اللباب المعروف بعادل عوطي اخو السر عوطي .. وفي نفس الحلة الاخوان : الاخ المرح الباسم الفاتح الامين حمد وحسن طه حسن وعماد عوض الله صالح والاخ العزيز ابراهيم حسن والاخ وليدعبدالحميد واخوته طارق وياسر ..

كانت نشاطاتنا كتلاميذ غزيرة جدآ إذا قارناها بأحوال المدارس الآن .. جمعيات مدرسية - اعياد علم - نشاطات رياضية كالجمباز والكورة - جرائد حائطية - خرط جغرافية من اعمال التلاميذ !! .. جلد بالخراطيش في الطابور وحصص التسميع .. جري نضيف وتزاحم شديد نحو المزيرة واكشاك الفطور عندما يدق جرس الفسحة !.. هرجلة وكواريك في الحصص الفاضية !!..
اذكر مرة وأنا في سنة تالتة الحصة كانت فاضية والفصل جايط والاولاد عاملين الدرب ساساقة بين الفصل والمزيرة .. أي واحد شفت مشي قطع ليهو كوز موية وجاء .. والعبدلله قال يخوض مع الخائضين مع أني كنت ما من النوع البيقوم من الكنبة في غير الفسح !!.. وكمان لا كنت عطشان ولاحاجة !!.. بس شلاقة مني ساي قلت أطلق كرعي واقطع لي كوز موية زي أي شفت !!.. قمت جريت علي المزيرة ولفحت الكوز وشربت !!! .. فجأة كده والكوز في خشمي الدنيا دي صنت والكواريك صمتت ولقيت ليك نفسي براااي في حوش المدرسة وفي المزيرة في حالة تسلل فاضح !!!!!! .. اتلفت لقيت ليك الفصل سااكت والناظر شخصيآ واقف في باب الفصل .. والناظر داك بالذات كان قاسي وشرس جدآ يخيل لي كان بيخوف الاساتذة ذاتهم !!! .. فقمت جيت علي الفصل وعارف أن القصة بايظة .. قام سألني قال لي كنت وين؟؟ .. بلعت ليك ريقي وعرفت أني الليلة حأبقي فرجة !!.. قلت ياخ بايظة بايظة وإذا لم يكن من الموت بد فمن العار أن تموت جبانآ .. وقويت قلبي وقلت كان الصدق ما نجاك الكذب ياود مابينجيك !.. رديت ليهو: مشيت اشرب !!! ..
تشرب ؟؟!!والله عال !!!.. وصررررررررررر رصعني ليك كف !!! كف!! كف!! أخخ ..زعلان عليهو ومحموق ليوم الليلة !!! الله يسامحه ما رحم طفولتي البريئة وصدقي معاه .هههه.. اسه لو كذبت وقلت ليهو عندي وجع بطن واللا رعفان أو أي حاجة كنت اتخارجت منه !!!! .. لكين أنا أكضب ؟؟؟ هيعع !!..

غايتو في اساتذه كده اصلو ما بيقدروا كلو كلو !! ..

غايتو حسيت بإهانة شديدة .. يعني الفصل كله مشي شرب والاولاد متعودين علي الهرجلة والفوضي ما يتلطش اي زول كف غيري أنا العمري ما قاعد امرق من الفصل بين الحصص؟؟ ده حظ شنو ياناس الله ؟؟ .. ماعارف كيف كان شعور التلاميذ البينجلدوا كل يوم عدة مرات مرة في الطابور ومرات في حصص التسميع ومرات كفوف ساي كده !!!.. زمن !!!..

Post: #5
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 27-12-2009, 09:50 PM
Parent: #4

منير عبدالرحيم:
في الاميرية2
.. والله يا الحاج الدق كنا بيزعلنا ليس خوفآ من السوط ولكن الواحد جنه وجن يتهزأ قدام الناس ..
أذكر مرة في الاميرية2 في حصة دين أو عربي ماعارف وكنا في سنة ثانية جنوب .. ولو بتتذكر كان قاعد جنبي العزيز حلمي حسن ووراي الفاتح جمال وزاهي بسطاوي.. والاستاذ كان حسن نورالدين .. وفي نص الحصة طبعآ ناس الفاتح وزاهي وحلمي كانوا بهظروا مع بعض تحت تحت .. ومع المشاغلة وقعت خشبة من كرسي الخيزران بتاع الفاتح في اتجاهي .. وطبعآ كانت كركبة عادية جدآ !.. يعني صوت خشبة صغيرة وقعت وعملت كركبة .. مافيها حاجة يعني !! .. لكين لو بتتذكر استاذ حسن نورالدين كان لايوووق خلاس !!.. وقف الدرس وقال الكركبة دي شنو؟؟! .. وجاء لي اتجاه الصوت من ناحيتنا وهو يعاين لينا شذرآ ..
وطبعآ ناس حلمي والفاتح وزاهي عملوا فيها ميتين !!.. والاستاذ مصر يحكها لمن تجيب الدم .. والجماعة مقطمين تقطيمة شديدة ومعاها ضحكة مكتومة !.. واستاذ حسن يحمر لينا وينقل نظراته الشرانية بيننا الاربعة !! .. والحصة توقفت والفصل صن والجمهور كله يعاين لينا !!.. والعالمين تترقب الحيحصل شنو !!.. وأخيرآ أنا قلت انقذ الموقف عندما رأيت أن الزول دا ما داير يفكنا وينسي الموضوع !!.. قمت شلت الخشبة الصغيرة من تحت الكرسي وقلت ليهو أن الخشبة دي وقعت من الكرسي وبس !! .. وبكده قلت أنقذ ناس الفاتح وزاهي وحلمي .. فقال جيبها هنا !! .. قمت اديته الخشبة بتاعة كراسي الخيزران النصف دائرية ديك .. قم كععععع كبعني بيها في راسي !!!!!.. وقال لي من قبيل مااتكلمت مالك ..هههه.. وبقيت في شماتة ناس حلمي العارفهم بتاعين مكاواة كيف !!..

لكين خلي بالك قعدت صريت ليك لاستاذ حسن لغاية نهاية السنة !!..

Post: #6
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 27-12-2009, 10:13 PM
Parent: #5

عادل عثمان:
الشعبية جنوب الابتدائية
الناظر الصارم والذى كان حتى المدرسين يخافون منه فى الشعبية جنوب الابتدائية هو استاذ عبد الحميد. لونه فاتح وشنبه كبير وله سيارة. وهو عم زميلنا فى المدرسة اسامة همزة ، بيتهم جيران ناس معتصم حسن ياسين قريب من المؤسسة. والناظر بالمناسبة شايقى وكان يدير المدرسة بعسكرية متشددة.
وبالطبع نذكر استاذ محمد عثمان الباشا من ابناء الشعبية. كان استاذآ خلوقآ ومتدينآ للغاية.
اذكر استاذ سعد، بعضلاته ولهجته الشايقية . كان ماهرآ فى تدريس الرياضيات.
واستاذ طه من شمبات. درسنا الرياضيات. وكان يعزف على الترمبيت فى حصص الموسيقى .
واذكر جمعية التمثيل. ولقد شاركت انا بالتمثيل فى مسرحية اسلامية تاريخية، فقمت بدور عمر بن العاص داهية العرب!
وكان التمثيل على خشبة مسرح فى المدرسة فى يوم الاباء والمعلمين، ضمن فقرات اخرى. وكان المشرف على جمعية التمثيل استاذ خالد، الانيق والذى كان يدخن سجاير البنسون.
ولا ننسى استاذ مصطفى (لياقة) الذى كان رياضيآ فذآ، فى كرة القدم، وفى كمال الاجسام. وهو بالطبع من الشعبية وشقيقه متوكل. وقريبه امين حسن كان معنا فى المدرسة وبيتهم فى الشعبية جنوب. وكان معنا من المشاغبين وقتها محجوب جابر وشقيقه محمد والزبير دفع الله وعلى (صج) وقريب من بيوتهم خلف الله واخوه ، من صعيد مصر، وبيتهم ملاصق بيت المرحوم الواثق صباح الخير. ودرس معنا كذلك عماد ابن اخت الاستاذ الفنان عبد الكريم الكابلى وكان يسكن معه. عماد اظنه من القضارف او مدنى.
ودرس معنا كذلك كارم كزام وابن خالته مامون من الميرغنية. وكان كارم كزام خفيف الظل وكوميديآ بارعآ وكانت له قدرة على المحاكاة وتقليد الاصوات تفوق المرحوم الفاضل سعيد.
الشعبية جنوب الابتدائية!
اول عهدنا بها عام 1967
قبل اربعين عامآ حسومآ.

منير عبدالرحيم:

Quote: الناظر الصارم والذى كان حتى المدرسين يخافون منه فى الشعبية جنوب الابتدائية هو استاذ عبد الحميد

ياعادل يخيل لي أن الناظر كان اسمه أحمد وليس عبدالحميد .. ولا أذكر له ابتسامآ ابدآ ولم اشهده يدرس حصة .. وكنت كلما رأيت الممثل المصري أحمدمظهر اتذكره ..
ونعم أذكر أنه كان يسكن في تلك المناطق وأظن في نفس الحلة كان يسكن الناظر ابودية ..
نفس حلة ناس استاذ مصطفي لياقة .. ذلك الاستاذ المحبوب الرسام الفنان .. تخيل أنه زامل أخي أحمد في مهنة التاكسي وكانوا فرد لفترة من الزمان في السنين القريبة الفاتت دي؟؟ ..

Post: #7
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 27-12-2009, 11:25 PM
Parent: #6

منير عبدالرحيم:
مظاهرات الطلاب
مشاهد أخري عالقة في الذاكرة منذ الصبا وايام المدارس .. وهي مظاهرات الطلاب !! ..
فمنطقة المدارس كانت وظلت وستظل دائمآ موقع توتر ومنطقة عمليات تظاهرية كلما انكرب حزام المعيشة وزنق المواطنون .. فينعكس ذلك علي الطلاب من سوء غذاءات ونقص مصاريف وضغط رسوم الدراسة وغيرها !!.. فتشتعل المظاهرات مع كل زيادة سكر او بنزين او تعريفة مواصلات .. والمدرسة الرائدة دائمآ كانت مدارس الشعب .. كانت دائمآ سباقة في اشعال المظاهرات !!.. يبدو أن السبب مرتبط بالاكاديميات والرسوم المدرسية عكس المدارس الاميرية التي كانت تابع فقط اذا خرج الناس خرجوا !! .. واذكر اننا في مدرسة الشعبية جنوب غالبآ ما يأتينا الطوب والحجارة داخل الفصول من مدرسة الشعب جارتنا وخاصة في فصول سنة خامسة وسادسة القريبة من مدرسة الشعب الثانوية العامة فينتهي اليوم الدراسي من الطوبة الاولي !!..
ونسبة للتجمع الكبير للمدارس فإنه كان من السهولة انتشار المظاهرة الطلابية كما كان من السهولة ايضآ قمعها بالاحتياطي المركزي لأن المنطقة محصورة يسهل محاصرتها !!.. واتذكر ان فصلنا في الاميرية2 كان معروفآ في المدرسة بالتهريج والفوضي .. حتي أنه ونحن في سنة أولي كان عندنا حصة فاضية .. ومعروف طبعآ الحصص الفاضية هي افضل بيئة للمهرجلين والفوضويين .. كان معانا زميل رغم انه محبوب جدآ إلا أنه كان فوضوي درجة أولي .. ولأن الحصة كانت فاضية والشباب سمه فاير فأخونا ده طلع بره الفصل وشال ليهو طوبة وكرووو رماها فوق سقف الفصل فأحدثت دويآ زاد هرجلة الفصل وهيجته!! .. وناس الفوضي تموها صريخ ودق للادراج والكراسي فخرج كل الفصل وتبعته باقي المدرسة لأنهم افتكروا ان الطوب جاي من بره !!.. وبعد شوية المظاهرة خرجت من سيطرة الاساتذة وامتدت لمدارس الشعب اولاد وخرجت بنات مدرسة عوض ساتي المسكينات فامتلأت الشوارع بالعساكر والبمبان وفرتق اليوم الدراسي والايام التالية !!..
وأعتقد تلك كانت المرة الوحيدة التي فزنا فيها علي مدرسة الشعب في ابتداء مظاهرة .. فالتحية والشكر موصول لأخونا المناضل حسن الذي مكننا من هذا الفوز الكبير.

Post: #8
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 27-12-2009, 11:36 PM
Parent: #7

منير عبدالرحيم:
.. ونواصل في سيرة المظاهرات ..
.. عندما كنا في مدرسة بحري الحكومية كنا نمشي مشوار المدرسة كداري وكان المشوار فرصة للونسة والتسلية ـ اعتدنا أنا والاصدقاء محمدحسن (ابوعبدة) وخالدعبدالحميد (الحلبي) أن نمشي المشوار ذهابآ وإيابآ شاقين الشعبية جنوب ثم غرب مدرسة بحري بنات وعبر حلة الدناقلة واختراقآ لميدان عقرب والديوم واخيرآ الختمية الي بحري الحكومية ..
وذات يوم رافقنا الأخ العزيز ابراهيم حسن وفي مشوار الإياب غيرنا المسار .. وفي ذلك اليوم رافقنا ايضآ اخ صديق اسمه خالد (اظن خالد محمد سعيد .. إرجو أن لا أكون لخبطت الاسم) يسكن ديوم بحري في الجزء الشمالي الشرقي قرب كرش الفيل ..وجينا شاقين ديوم بحري بالنص حتي حلة ناس خالد .. وطبعآ كطلاب بحري حكومية لم نكن نعرف أن المدارس مولعة مظاهرات والبوليس مطوق المنطقة ومطارد للكثير من الطلبة في شوارع المزاد والشعبية !!!.. وفجأة لقينا نفسنا في نص المعمعة !! .. ولكن كنا ماشين بأدب وهدوء شديد كأننا في حقل ألغام ومافي واحد حاول يتلفت زاتو !!..
وعندما قطعنا شارع المعونة عند ركن مدرسة الشعبية جنوب وقلنا خلاص مرقنا منها قام عسكري أظنه عنصري نادي خالد الحلبي وأمره أن يركب الكومر .. وقف خالد يحاول اقناع العسكري بأنه لم يكن حتي يعرف بأن هناك تظاهرات وانه قادم من بحري الحكومية و..و فوقفنا كلنا وذهب ابراهيم ليتفاهم مع العسكري الكان ما عاوز أي مفاهمة وأخيرآ قال لإبراهيم بلاش كلام كتير انت زاتك اركب معاهو !.. واقتادوه مع خالد نحو الكومر !!!..
ثم تقدم احد العساكر ناحيتنا أنا وأبوعبدة وقال : إنتو واقفين مالكم هنا ياللا فرتقوا !!.. وجاء قريب مننا وعندها اخونا ابوعبدة بدأ يتفلسف ـ وهو معروف بسخريته وفلسفته للأمور ـ وكان يلبس نظارة نظر اعتاد أن ينظر من فوقها وهي منزلقة علي انفه !.. فنهرنا العسكري لننصرف !!.. وطبعآ نحن ما ممكن نمشي ساي كده وزملاءنا مرفوعين في الكومر !!.. قام ابوعبدة من فوق النظارة بدأ يتكلم مع العسكري وقال ليهو: ياكابتن نحن ... وقبل أن يتم كلامه اتغاظ العسكري وغضب جدآ من طريقة ابوعبدة في الكلام فنهره: يا كابتن دي لي أنا؟؟ .. دي قلة أدب جديدة كمان؟؟!!! .. ياللا قدامي علي الكومر !!.. فتمتم ابوعبدة: لكين يا جنا... فقاطعه: قفل بلا كابتن بلا جنابو بلا لاكين معاك !!!!.. قدامي علي الكومر !!!!! .. واقتاده هو كمان علي الكومر !!..
وفجأة اتلفت لقاني واقف واعاين في الاصحاب الاصطادوهم واحد واحد ديل !!!! .. فقام نهرني وجاءني راجع !.. وإنت واقف لسه مالك؟؟ .. تفرتق من هنا واللا تلحق الجماعة ديل ؟؟!! فقلت له بغضب وبدون تردد : بلحقهم !!!.. فاقتادنا علي الكومر ورزعونا مع باقي المقبوض عليهم !!..
وبعد شوية جوا شلة بواليس كانوا مطاردين احد الطلبة في شوارع المزاد فجابوهو دمه ينزف ورفعوه الكومر ! .. وبعد شوية الكومر اتملأ .. وتجمع العساكر وركبوا محاوطيننا !! .. وبعد داك بدأ استفزازهم لنا .. واحد جاء من آخر الكومر وكععع كبع خالد بالعصاية في رأسه وقال وهو يعض اصبعه عليه: الحلبي الابرص دا عذبني بالجري وراءه ياخ عذبني !! .. وجاء آخر علي شاب تاني - انا اعرفه كان زميل احمد اخوي واسمه خالد نصر الدين أو نصرالدين خالد لا أذكر بالضبط (الخوالد كتروا في القصة دي) ولكن اعتقد أنه من اولاد الحلفاية - كان لابس جلابية وعمة والظاهر قبضوه لبط ساي !! .. وقام العسكري قلع خوذته الحديدية ولبسها للشاب بالقوة وكبسها ليهو فوق راسه وهو يزمجر : ضوقوا الحر الكاويننا بيهو ده ضوقوه !! .. والمسكين ماقال بغم لأنه عارف الشغلانة ممكن تجيب ليها كفوف وتهزيئ ..
المهم الكومر دور وعلي قسم بحري طوالي !! .. وهناك نزلونا ووقفونا صف وفرجوا فينا جمهور السوق !!.. وعندها جاء أحد الطفوليين قريب من الصف داير يتشمشر !! .. فرآه العسكري وظن أنه معانا .. فنهره من بعيد: خش في الصف ياحيوان !!!! .. فانخلع الشمشرجي وحاول يزوغ ويبتعد !! ولكن فات الأوان! .. فجاءه العسكري وجرجره من لياقة القميص ودخله معانا في الصف ومعاه ضرب وكفوف !!.. زولنا أخيرآ بعد جهد جهيد في محاولة اقناع العسكري انه عابر سبيل ساي استسلم لمصيره الكئيب واتحشر في الصف راجي الراجيهو !!..
وأخيرآ بعدما اخدوا اسماءنا دخلونا كلنا الحراسة !.. ومع دخلة الحراسة ـ 4x5 امتار - والعسكري كرررب قفل الباب وفات الدنيا ضلمت قدامي !!! .. أول شئ كل المقبوض عليهم حشروهم في هذه الحراساية السخنة القذرة .. عاينت يمين شمال لقيت ان هناك شباك واحد مقفل بالسيخ وفتحته نص مترxنص متر ومشعلق فوووق قريب للسقف .. والحيطان طبعآ وسخانة وقذرة بصورة عجيبة شئ بصاق وشئ مخاط وشئ سفات صعوط ملصقة في الحيطة يظهر منها أن المساجين بيلصقوها في الحيطة ليسفوا السفة ذاتها عدة مرات !!.. أما الارضية فكانت حاجة ما بتتمشي من كثرة البصاق .. وفي الركن هناك فتحة مجري يخيل لي مخصصة للتبول .. المهم استسلمنا للحاصل بدون ما نعرف مصيرنا حيكون شنو وحنطلع متين !! .. والدنيا كانت رمضان والحر شديد ونفس مافي .. وريحة البول تزكم الانوف .. وعند المغرب جابوا لينا سندوتشات ـ وأقبل الليل مليل بستين ليلة ونحن ماعارفين نتخارج من المصيبة دي كيف ؟؟ !!..
الحاصل اننا الاربعة كنا الوحيدين من المقبوض عليهم اللابسين الزي المدرسي !!! .. ومن عجب جاء عسكري حوالي الساعة 10 نادانا الاربعة وقال لينا انتوا تعالوا بره قدام الحراسة ـ طبعآ still داخل الحراسة .. بس الحراسة الاولي كانت زي ما تقول حراصة داخل حراصة .. ههه !!.. وشعرنا بكرم البوليس وتقديره لزينا المدرسي .. وشعرنا بتميز وبركات بحري الحكومية .. ومع شوية الطمأنينة دي قمنا علي الارضية خططنا لينا مربعات سيجة ودردمنا لينا ورقات كده استعملناها بدل الحصي وقضينا الليل نلعب سيجة !! ..
واصبح الصبح أخيرآ والسجان ما جاء!! .. ومضي الصباح بلا جديد .. ثم جاء السجان ورجعونا للحراصة الاولي مع باقي الجماعة !! .. وانتصف النهار ... وأخيرآ اخرجونا وقالوا حيودونا للمحكمة !!.. وفعلآ .. رحلونا لمحكمة العمد ببحري !.. وكان الحكم علي كل المقبوض عليهم سنة حسن سير وسلوك سنة حسن سير وسلوك سنة حسن سير وسلوك سنة حسن سير وسلوك .. إلا نحن الاربعة طلعنا براءة !!! .. وكان القاضي كمان بيهظر معانا وقال لينا انتو البيجيبكم محل المشاكل شنو؟؟ !!
اتاريهو القاضي كان صاحب المرحوم ابو الاخ خالد الذي شرح موقفنا للقاضي .. وخرجنا من المحكمة حامدين ربنا ونضحك سن سن .. وعند رجوعنا للشعبية استقبلتنا الجماهير استقبال الابطال ـ والسجن للرجال علي وزن السقن للقدعان ـ هههه .. اتاريهو النضال ده حلو حلاة ...

Post: #9
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 31-12-2009, 10:22 AM
Parent: #8

الحاج حمد:
لوحة للمتنبئ
الأخ منير
تحياتي لك و لكل الذين ذكرتهم من أبناء الشعبية و تحية عبر الأخ صلاح شكوكو للأخ عادل عبد الدائم الذي عرفناه صاحب ريشة وفنان مبدع و طبعا يا منير السؤال الموجه للأخ عادل موجه لك الا زلت صاحب تلك الريشة المبدعة أم أصبحت زول الكترونيات ساااكت طبعا يا جماعة منير دا برضو كان أول دفعتنا و رسام و خطاط و بجضم الطنبور دا زي ناس الزومة و كان لوحاته التي يرسمها يقوم الاستاذ بتمريرها على كل المدرسة خاصة الاستاذ الفنان عطا استاذ الفنون و أذكر لوحة أعجب بها الاستاذ عطا بل و كل المتذوقين للفن بالمدرسة و كانت تحكي عن قصيدة للمتنبئ اذ طلب منا استاذ عطا رسم أبيات شعر و ذلك بتخيلها كلوحة خاصة بيت أبو الطيب المتنبئ الذي يصور ضوء الشمس و هو يمر بين الاشجار و تنعكس المسافات بين الاشجار (الرقراق) كالدنانير التي تفر من البنان (اذ انها تنعكس على الملابس في شكل دوائر و لا يمكن مسكهاباليد) و البيت الذي يقول فيه ملاعب جنة لو سار فيها سليمان لسار بترجمان فقد استطاع منير رسم لوحة لأبوالطيب و هو على فرسه فكانت لوحة فيها كمية من الابداع..

Post: #10
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 31-12-2009, 10:28 AM
Parent: #9

منير عبدالرحيم:
كنت مهووسآ بالرسم
والله ياالحاج أنا زمان كنت مهووس بالرسم وخاصة الطبيعة والماء والخضرة والوجه الحسن .. وكنت من شدة شهوة التلوين ابدأ في رسم عدة لوحات في نفس الوقت علي التوازي .. وادمنت رسم الغابات والشلالات والحقول والسحاب واقواس قزح ومناظر من الخيال بديعة وكان خيالي جامحآ وكانت تحفزة قراءة القصص والمجلات المصورة وخاصة تان تان وغيرها .. وكان أوج النشاط في مرحلة الثانوي العام .. ثم الثانوي العالي واذكر أني في مادة الفنون حصلت علي كم وثمانين في المئة .. في العام كان يحفزني استاذ عطا وفي العالي استاذ محمدعبدالعال واستاذ رستم .. وأذكر اني يومآ رسمت شلال وغابات طلعت جميلة جدآ.. وأثناء ما نحن في حصة رياضة وأنا في سنة أولي ناداني استاذ رستم وهو يحمل لوحتي التي كانت في مكتب الفنون وساقني طاف بي المدرسة ـ فصول ثانية وثالثة ـ ويقاطع استاذ الحصة ويعرض اللوحة علي الفصل ويشيل ويشكر ويوصف .. حيرني وحير الجمهور ذاته .. واخيرآ مشي المكتب وقال لاستاذنا بتاع الفنون محمدعبدالعال أنه يريد أن يأخذ اللوحة لنفسه وحيعلقها في أوضة النوم ـ قام استاذ عبدالعال قال ليهو مازحآ في زول بيعلق ليهو شلال في أوضة نوم .. فرد رستم ضاحكآ : نحن زاتنا ما حنعمل شلال !!! هههه ..
ثم انحسر النشاط لدرجة التجمد في الجامعة سوي لوحة واحدة علي ما أذكر ..
واستطيع أن أقول أني بدون مبالغة قد رأيت عيانآ بيانآ وعلي الطبيعة كل اللوحات الطبيعية التي كنت ارسمها من الخيال .. بحذافيرها !!..يوم كده في السويد استفزاني معرض في الهواء الطلق فقررت أن استأنف الرسم فاشتريت الالوان واللوحات ورسمت ثلاث لوحات أهديتها لبعض الاصدقاء السويديين كانوا اساتذة في الجامعة التي كنت بها .. عندي صور ليها سأنزلها هنا لاحقآ .. لكين من ديك وعييك ..
بس ياالحاج لقد وجدت في الدوائر الالكترونية تعويضآ عن التلوين فتصميم الـ physical layout للدائرة الالكترونية مثل رسم اللوحة وربما فيه جمال ألوان وتنسيق خطوط محسوبة بالنانومتر يضاهي لمسات الريشة .. حأجيب نموذج هنا إن شاء الله .

Post: #11
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 31-12-2009, 10:44 AM
Parent: #10

الحاج حمد:
مصطفى حبشي ذلك المبدع
من أصحاب الريشة و الابداع الأخ مصطفى حبشي ذلك المبدع الذي زينت لوحاته جدران نادي الشعبية لفترة من الزمن ، كانت الجريدة الحائطية بنادي الشعبية عبارة عن لوحة للتأمل قبل أن تكون وسيلة ثقافية ذلك أن مصطفى وهبه الله قدر كبير من الابداع فكان يجود به فأحدث حراك في الحركة الثقافية في النادي و كانت المنافسة آن ذاك منافسة داخلية أولا بين المبدعين في كل مجال و كانت منافسة بين النشاطات المختلفة ، بين الرياضة و الثقافة و الاجتماع و السياسة و النشاط النسوي كنشاط قائم بذاته ، النادي كان خلية نحل لا يهدأ فيها الابداع الانساني ..و سأعود لمبدع آخر الفنان اسماعيل أبونامة

Post: #12
Title: Re: مسودة كتاب الشعبية الباب الخامس: أيام الدراسة والمدارس
Author: أمير قناوي
Date: 31-12-2009, 10:54 AM
Parent: #11

عادل عثمان:
اذكر تفوق الشعبية جنوب الابتدائية بنين وبنات فى امتحانات الشهادة الابتدائية. حيث كنا خمسة تلاميذ من اوائل مديرية الخرطوم. خمسة فى العشرة الاوائل. اربعة من البنين وبنت واحدة. البنت كانت مها القدال. والبنين كانوا هشام عمر النور واسامة سعد النور وباسل محجوب زيادة وعادل محمد عثمان. واذكر حفلة الشاى التى اقامها مجلس الاباء والمعلمين احتفاءآ بتفوقنا والصورة التذكارية التى جمعت بيننا ولكن للاسف غابت عنها مها القدال لظروف خاصة.
يعود تاريخ هذه الصورة الى عام 1973 سوف انشرها هنا حال عثورى عليها..

الاخ عزالدين محمد عثمان
تحياتى
هل استاذ فضل، خالك، درّس فى الشعبية الابتدائية جنوب؟
اذا كان هو ارجو ان تنقل له تقديرى واحترامى ووفائى لافضاله علينا تلاميذ ذلك الزمان.
استاذ فضل واستاذ حسن واستاذ سمير وغيرهم، كانوا طلاب فى جامعة القاهرة فرع الخرطوم بالمساء ويدرسوننا بالنهار. ومع ذلك لم يقصروا فى واجباتهم المهنية، وكذلك فى واجباتهم الاكاديمية وكلهم تخرجوا من الجامعة بتفوق..

Post: #13
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 03-01-2010, 03:15 PM
Parent: #12

عادل عثمان


وعدتكم بالحديث عن اسرة فى الشعبية ساهمت فى الوعى العام والتعليم كثيرآ.

ياسين التجانى
محمد التجانى
خالد التجانى
3 اشقاء
ومعلمين

درسوا مئات التلاميذ والتلميذات فى المراحل المختلفة فى الشعبية وفى بحرى. بجانب نشاطهم فى العمل العام. محمد التجانى من مؤسسى اتحاد المكفوفين. الى جانب محمد جار النبى وغيرهم. ساهموا فى توعية الناس بقضايا المكفوفين وحقوقهم كبشر كاملى الاهلية الانسانية رغم فقدانهم لحاسة هامة مثل البصر. وكان هذا درسآ مبكرآ فى الانتباه لحقوق الانسان الاقتصادية والاجتماعية والثقافية. ورعاية الفئات من ذوى الاحتياجات الخاصة. ولقد كان اتحاد المكفوفين فى المؤسسة خلية نحل تمور بالنشاط الموسيقى والتعليمى والاجتماعى.

ياسين التجانى معلم مخضرم وقدير. وفيلسوف. كان كثير التأمل والتفكير. كما كان ناشطآ فى العمل السياسى والشبابى الى جانب مهنيته العالية. ولقد حكت لى طالبات كثيرات كيف كان يدرسهن ويتعامل معهن بانسانية واحترام وتقدير لهن كنساء لهن دور فى المجتمع، ولهن حق فى التعليم وتطوير المهارات والقدرات والحصول على العمل المناسب والمدر للدخل الذى سوف يساهم بدوره فى ترقية حياة اسرهن المكافحة. وكان ياسين التجانى ناشطآ فى اتحاد الشباب السودانى بعد انتفاضة ابريل 1985. وكان قارئآ نهمآ، لا تخلو مكتبته من جديد الكتب فى الفلسفة واللغويات والاجتماع والتعليم والسياسة والرواية.

اما خالد التجانى، فقد كان دفعتنا فى الثانوى العام. التحق بمدرستنا بعد ان انتقلت اسرتهم من احدى مدن السودان الى بحرى. فقد كان والدهم موظفآ فى الخدمة المدنية السودانية، ذلك الجيل المنضبط والمتفانى فى عمله والمحافظ على تقاليد الخدمة المدنية فى الاداء الرفيع والنزاهة واحترام المال العام وخدمة المواطنين دون ترفع او تكبر. كان خالد التجانى فى الاميرية 2 شابآ مرحآ وساخرآ، وسريع البديهة. وسرعان ما اندمج فى الوسط الجديد، واختصر شهور من المسافة والشعور بالغربة التى يشعر بها القادمون الجدد الى مدن اخرى وبيئات محتلفة. ثم درس خالد الجامعة فى مصر. وتخرج بامتياز فى احدى فروع العلوم ، والتحق بالمدارس الثانوية معلمآ قديرآ ومشهورآ بالانضباط والصبر والتعامل مع طلابه وطالباته بالندية والاحترام والقدرة الهائلة على شرح اعقد موضوعات العلوم بلغة سهلة وبسيطة ومن الواقع.
ولقد طبقت شهرته كاستاذ متخصص وشاطر الافاق.

لهم جميعآ التحية والتقدير. فهم بحق ركن من اركان الوعى والتعليم فى الشعبية
والتحية لشقيقهم الاصغر ابراهيم التجانى

Post: #14
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 11:56 AM
Parent: #13

عادل عثمان

جمعتنا يا قرجة الشعبية جنوب الابتدائية على حقائق اولية. ولد غفير المدرسة يساوى ولد وزير التربية. وهذه حقيقة.
فقد درس معنا ولد غفير المدرسة وولد وزير التربية فى زمن مايو. وتلقوا نفس المعاملة ونفس الكراسات والكتب.
حاتم ابوه كان وزير التربية. المرحوم محيى الدين صابر.
وعماد ابوه كان غفير المدرسة. العم صديق.
وفى نفس المدرسة درس معنا تلاميذ على بعد ظلط. كانوا ينتمون الى اسر من الطبقة الوسطى. مدراء بنوك وموظفى دولة ونظار مدارس ثانوية.
هل تذكر يا قرجة باسل محجوب زيادة حمور؟ وهشام عمر النور؟ ورشاد عثمان؟ ومحيى الدين واخوه المعاق؟ ونصر الشيخ؟ وجمال عبد القادر عطية الذى كان ابوه مدير شرطة بحرى وقتها؟
هل تذكر ياسر عبد المحمود من اولاد المزاد؟ وعمر عثمان؟ واولاد الناقلة شمال؟ واولاد الديوم؟
ولقد حمانا انتماؤنا للشعبية من غضب بعض التلاميذ الذين كانوا يصبون جام غضبهم على التلاميذ المتفوقين الذين ينتمون الى الطبقة الوسطى!
وقد تفننوا فى تبخيس التفوق الاكاديمى. حين كان ينشد الفلكلور الشعبى:
الاول عند الله مصور"
حولوها الى "الاول ياكل خرا مدور"
وحوروا " الطيش ياكل براطيش" الى
"الطيش عند الله بعيش".
ولقد كنت افكر كثيرآ فى هذه المفارقة. مفارقة ان يتفوق ابناء من الطبقة العاملة، من الكادحين، الذين كسروا احتكار الطبقة الوسطى للتفوق والتعليم الجامعى.
ومفارقة ان يحتفى اقرانهم من غير المتفوقين بتفوقهم الى درجة اعفائهم من القسط الدورى من العنف عند ظهور النتيجة!!
فقد كان جلد/كسر المتفوقين تقليد راسخ فى المجتمع العاصمى.

Post: #15
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 11:59 AM
Parent: #14

garjah

اولنا عادل محمد عثمان

صدقني يا عادل من الصعب جدا ان يكسر اول الفصل فلقد كنا جميعا نحب بعضنا ونقدر المتفوقين منا بالله عليك من كان يجرؤ ان يفعل ذلك من اولاد مدرستنا والطيش كان عندنا مكرما غاية التكريم بل اني اذكر ان ابواللول كان خطاطا ماهرا وكان يتفوق علينا في ترتيب كراساته وخطه وكان من خطاطي الجريدة الحائطية للفصل

صدقني ياعادل على ذكرك لحاتم محي الدين صابر ان حاتم في مرة اكل علقة بالخرطوش الحار من استاذ وكان والده حينها وزيرا متنفذا في الدولة

Post: #16
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 12:04 PM
Parent: #15

عادل عثمان

وحسب ذاكرتى، تمكنت من رصد المعلومات التالية:
الابناء والبنات الذين درسوا جامعة من هذه ال12 بيت كانوا كالاتى:
3 اطباء
3 طبيبات
3 ضباط قوات نظامية
2 مهندسين
1 مبرمج كمبيوتر
1 بيطرى
1 زراعى
16 كليات نظرية (قانون، اداب، تجارة، اقتصاد الخ..)
المجموع
30 خريج جامعى من مختلف التخصصات. مع العلم ان معظم الاباء كانوا من الطبقة العاملة، نجارين وكهربجية وسواقين وترزية وميكانيكيين وموظفين صغار فى الخدمة المدنية السودانية.

Post: #17
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 12:08 PM
Parent: #16

hajhamad

عندما امتحنت من المرحلة الابتدائية كان أول مدينة بحري الأخ الدكتور أحمد علي خالد من الشعبية جنوب و هو الآن من أشهر أخصائيي التخدير في السودان و هكذا لو نظرت لاولاد الشعبية سوف تجد (كما ذكرت انت) مجموعة كبيرة من الخريجين الجامعيين و الذين ايضا حققوا نجاح في مجالات العمل المختلفة ، في اجازة سابقة ذهبت لأراضي بحري ، في الحوش الخارجي وجدت عدد من المحامين من أولاد الشعبية و خرجت لاجد أمام البوابة الاخ حيدر عبد الرحيم و استشرته في ناحية قانونية و طلب مني الحضور معه لمكتبه و وجدت على لافتة المكتب (قاضي المديرية) ، لقد ذكرت نقطة هامة في مجتمع الشعبية.. ان أبناء الشعبية أيضا يزينون أوساط علمية و عملية و اجتماعية... كما ذكرت في بداية هذا البوست مجتمع الشعبية هو بيئة يجب دراستها للاستفادة من ذلك

Post: #18
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 12:21 PM
Parent: #17

hajhamad

على ذكر الأخ عوض السر ، كان عوض السر طالب ذكي و كان منافسي على المركز الأول في مدرسة الشعبية شمال و كنا في النهر (أ) و كنت أتفوق في أغلب الأحيان و لكن في مرة تفوق عوض و تم تصوير أوائل الفصول في المدرسة و لم أكن معهم و زعلت لذلك و ما زلت أحتفظ بتلك الصورة التي تشير الى تفوق عوض السر قابلت شقيقه معاوية في اجازتي السابقة و علمت منه أن الأخ عوض حاليا ببورتسودان ، في النهر (ب) كان الأول دون منافس الأخ حسين عبدالحليم و الذي تفوق على كل الدفعة في النهرين (أ) و (ب) ليس في الاكاديميات فقط ، فقد كان حسين عبد الحليم طالب غير عادي ، ففي الوقت الذي كان زملاء دراسته يقرأ الألغاز و كتب المغامرات كان حسين يقرأ لكتاب كبار و كان حسين عازف موسيقى و كان كاتب متميز و هو في هذه السن ،التحق حسين بكلية القانون جامعة الخرطوم ، علمت ان الأخ حسين حاليا بالامارات تحياتي له من على البعد

Post: #19
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 12:29 PM
Parent: #18

munir


وارتباطنا ايضآ بالشعبية جنوب اتصل بدراستي في مدرسة الشعبية جنوب المتميزة بموقعها الذي يربط الشعبية والدناقلة شمال والمزاد وديوم بحري كما كان معنا كثيرين من الحلفايا ـ وشمبات ربما ـ ومدرسة الشعبية جنوب كنا نفخر بها جدآ لتناسق مبانيها التي ـ بدون زعل ـ كنا نعتبرها سيوبيرير علي كل المدارس !!.. الغريبة لا أذكر انه كان هناك اي تواصل اكاديمي أو تنافسي او مسابقات بين مدرستي الشعبية جنوب والشعبية شمال !! .. منافساتنا المدرسية الاكاديمية كانت مع جارتنا مدرسة البنات الكان اسمها مدرسة عشمانة ـ علي الناظرة عشمانة ـ
ودراستي في جنوب جعلني علي معرفة وثيقة مع كل شباب الشعبية جنوب وكثير من اولاد المزاد الذين لا زلت اذكر ـ عشان ما اقول كلهم ـ ممكن اقول 99.99% منهم ..
وهناك بعض زملاء الابتدائي الذين لم اقابلهم منذ امتحانات اللجنة ولا اعرف اين هم خاصة من كانوا قد رحلوا الحاج يوسف ـ
من الاخوة الاعزاء جدآ طبعآ ذكرت انت منهم الاخ الدكتور احمد علي خالد وود جيرانهم الاخ عادل اللباب المعروف بعادل عوطي اخو السر عوطي .. وفي نفس الحلة الاخوان : الاخ المرح الباسم الفاتح الامين حمد وحسن طه حسن وعماد عوض الله صالح والاخ العزيز ابراهيم حسن والاخ وليدعبدالحميد واخوته طارق وياسر ..

كانت نشاطاتنا كتلاميذ غزيرة جدآ إذا قارناها بأحوال المدارس الآن .. جمعيات مدرسية - اعياد علم - نشاطات رياضية كالجمباز والكورة - جرائد حائطية - خرط جغرافية من اعمال التلاميذ !! .. جلد بالخراطيش في الطابور وحصص التسميع .. جري نضيف وتزاحم شديد نحو المزيرة واكشاك الفطور عندما يدق جرس الفسحة !.. هرجلة وكواريك في الحصص الفاضية !!..
اذكر مرة وأنا في سنة تالتة الحصة كانت فاضية والفصل جايط والاولاد عاملين الدرب ساساقة بين الفصل والمزيرة .. أي واحد شفت مشي قطع ليهو كوز موية وجاء .. والعبدلله قال يخوض مع الخائضين مع أني كنت ما من النوع البيقوم من الكنبة في غير الفسح !!.. وكمان لا كنت عطشان ولاحاجة !!.. بس شلاقة مني ساي قلت أطلق كرعي واقطع لي كوز موية زي أي شفت !!.. قمت جريت علي المزيرة ولفحت الكوز وشربت !!! .. فجأة كده والكوز في خشمي الدنيا دي صنت والكواريك صمتت ولقيت ليك نفسي براااي في حوش المدرسة وفي المزيرة في حالة تسلل فاضح !!!!!! .. اتلفت لقيت ليك الفصل سااكت والناظر شخصيآ واقف في باب الفصل .. والناظر داك بالذات كان قاسي وشرس جدآ يخيل لي كان بيخوف الاساتذة ذاتهم !!! .. فقمت جيت علي الفصل وعارف أن القصة بايظة .. قام سألني قال لي كنت وين؟؟ .. بلعت ليك ريقي وعرفت أني الليلة حأبقي فرجة !!.. قلت ياخ بايظة بايظة وإذا لم يكن من الموت بد فمن العار أن تموت جبانآ .. وقويت قلبي وقلت كان الصدق ما نجاك الكذب ياود مابينجيك !.. رديت ليهو: مشيت اشرب !!! ..
تشرب ؟؟!!والله عال !!!.. وصررررررررررر رصعني ليك كف !!! كف!! كف!! أخخ ..زعلان عليهو ومحموق ليوم الليلة !!! الله يسامحه ما رحم طفولتي البريئة وصدقي معاه .هههه.. اسه لو كذبت وقلت ليهو عندي وجع بطن واللا رعفان أو أي حاجة كنت اتخارجت منه !!!! .. لكين أنا أكضب ؟؟؟ هيعع !!..

غايتو في اساتذه كده اصلو ما بيقدروا كلو كلو !! ..

غايتو حسيت بإهانة شديدة .. يعني الفصل كله مشي شرب والاولاد متعودين علي الهرجلة والفوضي ما يتلطش اي زول كف غيري أنا العمري ما قاعد امرق من الفصل بين الحصص؟؟ ده حظ شنو ياناس الله ؟؟ .. ماعارف كيف كان شعور التلاميذ البينجلدوا كل يوم عدة مرات مرة في الطابور ومرات في حصص التسميع ومرات كفوف ساي كده !!!.. زمن !!!..

Post: #20
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 12:33 PM
Parent: #19

hajhamad

تعرف يا منير أنا طول فترة الدراسة دي أدوني دقة واحدة في الابتدائي لكن زيك كدة ما نسيتها لي هسع ، يا زول مرة عندنا استاذ اسمو (جعفر) و بيقولوا ليهو (أبوشنب) و هو زول سنجك صعب جدا مرة عمل اختبار رياضيات كان صعب جدا و الفصل كلو كان تعبان عدا الأخ الزين حسن (المزاد) و هو كان مكرب الرياضيات الوحيد القفل الامتحان (الزين أستاذ رياضيات بجامعة جوبا) يا زول ابو شنب قال أنا تعبان كل يوم أنبح من الصباح تجوا تجيبوا نتيجة زي دي و قرر أي غلطة بجلدة و كان عندي كم غلطة و أخدت ليك جلدة من (أبوشنب) مع انو كلها كانت كم غلطة لكن اتجلدنا و قلت للجماعة الكلو يوم بتجلدوا و الله انتو تعبانين تعب كل يوم جلدة..أيام لها ايقاع

Post: #21
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 12:53 PM
Parent: #20

munir

.. والله يا الحاج الدق كنا بيزعلنا ليس خوفآ من السوط ولكن الواحد جنه وجن يتهزأ قدام الناس ..
أذكر مرة في الاميرية2 في حصة دين أو عربي ماعارف وكنا في سنة ثانية جنوب .. ولو بتتذكر كان قاعد جنبي العزيز حلمي حسن ووراي الفاتح جمال وزاهي بسطاوي.. والاستاذ كان حسن نورالدين .. وفي نص الحصة طبعآ ناس الفاتح وزاهي وحلمي كانوا بهظروا مع بعض تحت تحت .. ومع المشاغلة وقعت خشبة من كرسي الخيزران بتاع الفاتح في اتجاهي .. وطبعآ كانت كركبة عادية جدآ !.. يعني صوت خشبة صغيرة وقعت وعملت كركبة .. مافيها حاجة يعني !! .. لكين لو بتتذكر استاذ حسن نورالدين كان لايوووق خلاس !!.. وقف الدرس وقال الكركبة دي شنو؟؟! .. وجاء لي اتجاه الصوت من ناحيتنا وهو يعاين لينا شذرآ ..
وطبعآ ناس حلمي والفاتح وزاهي عملوا فيها ميتين !!.. والاستاذ مصر يحكها لمن تجيب الدم .. والجماعة مقطمين تقطيمة شديدة ومعاها ضحكة مكتومة !.. واستاذ حسن يحمر لينا وينقل نظراته الشرانية بيننا الاربعة !! .. والحصة توقفت والفصل صن والجمهور كله يعاين لينا !!.. والعالمين تترقب الحيحصل شنو !!.. وأخيرآ أنا قلت انقذ الموقف عندما رأيت أن الزول دا ما داير يفكنا وينسي الموضوع !!.. قمت شلت الخشبة الصغيرة من تحت الكرسي وقلت ليهو أن الخشبة دي وقعت من الكرسي وبس !! .. وبكده قلت أنقذ ناس الفاتح وزاهي وحلمي .. فقال جيبها هنا !! .. قمت اديته الخشبة بتاعة كراسي الخيزران النصف دائرية ديك .. قم كععععع كبعني بيها في راسي !!!!!.. وقال لي من قبيل مااتكلمت مالك ..هههه.. وبقيت في شماتة ناس حلمي العارفهم بتاعين مكاواة كيف !!..

لكين خلي بالك قعدت صريت ليك لاستاذ حسن لغاية نهاية السنة !!..

Post: #22
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 01:03 PM
Parent: #21

Mohamad Shamseldin

اذا جاء ذكر الشعبية جنوب فلا بد من المرور بشارع المدارس الذى به كمية من المدارس و انا اكتب عن السبعينات
من الشرق للغرب
الشعبية جنوب الابتدائية اولاد و كانت مدرسة قوية الناظر كان اسمه ذوالنون
الشعبية جنوب الابتدائية بنات و اشهر ناظرة لها ست عشمانة
بنات العمال المتوسطة للبنات و هى مدرسة خاصة قامت بانشائها الاستاذة المرحومة بثينة القوصى و لا اظن هناك مدرسة امتلكتها امراة فى ذلك الزمن غيرها
مدرسة صالحين
مدرسة الاميرية المتوسطة بنات و كانت بها داخلية
مدرسة الاميرية 3 المتوسطة الصبابى

Post: #23
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 01:24 PM
Parent: #22

عادل عثمان

واذكر تفوق الشعبية جنوب الابتدائية بنين وبنات فى امتحانات الشهادة الابتدائية. حيث كنا خمسة تلاميذ من اوائل مديرية الخرطوم. خمسة فى العشرة الاوائل. اربعة من البنين وبنت واحدة. البنت كانت مها القدال. والبنين كانوا هشام عمر النور واسامة سعد النور وباسل محجوب زيادة وعادل محمد عثمان. واذكر حفلة الشاى التى اقامها مجلس الاباء والمعلمين احتفاءآ بتفوقنا والصورة التذكارية التى جمعت بيننا ولكن للاسف غابت عنها مها القدال لظروف خاصة.
يعود تاريخ هذه الصورة الى عام 1973
سوف انشرها هنا حال عثورى عليها.

استاذ فضل واستاذ حسن واستاذ سمير وغيرهم، كانوا طلاب فى جامعة القاهرة فرع الخرطوم بالمساء ويدرسوننا بالنهار. ومع ذلك لم يقصروا فى واجباتهم المهنية، وكذلك فى واجباتهم الاكاديمية وكلهم تخرجوا من الجامعة بتفوق..

Post: #24
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 01:31 PM
Parent: #23

صلاح شكوكو

عشمانة عبد القادر ...
======================

ناظرة مدرسة الشعبية جنوب الإبتدائية للبنات
والتي ظلت بهذه المدرسة ردحا من الزمان حتى سميت
المدرسة بإسمها .. وقد كانت مدرسة نموذجية بحق إذ
كانت في ريادة المدارس الإبتدائية .. وكان أوئل البنات
منها .. وقد كانت على توأمة مع مدرسة الشعبية الإبتدائية
بنين التي تلاصقها ..

والأستاذه (( عشمانة عبد القادر )) هي في الأصل من أم درمان
حيث عشقت الحي وأهله .. ونمت بينها وبين الآباء ومجالس الآباء
علاقة متميزة ..

كما كان لها حظ وافر في النشاط التعليمي والسياسي حيث
تم إختيارها عضوا في الإتحاد الإشتراكي إبان العهد المايوي
حتى جاء ذكرها في خطاب الدكتور (( عمر الحاج موسى )) الشهير

وكثير من الذين درسو بالشعبية جنوب بنين وبنات يذكرونها
ويذكرون شخصيتها الفذه وحسن إدارتها للمدرسة .. بل أننا
وفي الإطار الشخصي نكن لهذه المرأةكل تقدير وإحترام فقط كانت
على صلة طيبة بنا وبأهل منزلنا ..

ومن فرط حبها للحي فقد سكنت بالمزاد ببحري بعد إحالتها للمعاش
لتكون قريبة بمحيطها الذي عاشت فيه .. ولكن أخبارها إنقطعت
عنا منذ أمد بعيد ..

نتمنى أن تكون في صحة وعافية ..

Post: #25
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 01:34 PM
Parent: #24

صلاح شكوكو

الشــــــــيخ :-
=================
(( حارس مدرسة الشعبية جنوب الإبتدائية بنات ))
---------------------------------------------

رجل إرتبط بمدرسة البنات (( مدرسة عشمانة ))
فقد ظل الرجل حارسا للمدرسة منذ بدايتها وحتى
الآن .. بل أنه أصبح جزءا منها وإرتبط بها
مثلما إرتبطت عشمانة عبد القادر بها ..

بل أن لعشمانة عبد القادر دور كبير في أن يظل
العم ( الشيخ ) مستمرا بالمدرسة .. وقد تميز
العم الشيخ ببساطته وعفته وطيبته وحقا فقد تخرجت
الكثيرات من المدرسة التي رعاها خير رعاية حتى
إستحق لقب (( المربي )).. حتى أصبح جزءا من الحي .
كما إرتبطت أسرته أيضا بالحي ..

ونحمد الله أن أبناءه قد تخرج بعضهم من الجامعات
وأصبحوا خير سند لوالدهم ووالدتهم السيدة ( ... )

من هنا نبعث التحية والتقدير له ولأسرته الكريمة

Post: #26
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 01:39 PM
Parent: #25

محمد خير

أعتقد إن من أشهر سكان الشعبيه الأستاذ / محمد إبراهيم نقد . . وبيته فى جنوب والله أعلم . . الأخ حسن طه يمكن أن يؤكد أو ينفى المعلومه. وأيضا من الشخصيات الظريفه أستاذة الروضه الكانت فى الزاويه القريبه من ناس عادل
عثمان . . (نسيت إسمها) أرجو أن يحدثنا عنها أحد طلابها.



الحاج حمد ( في رده على محمد خير )



الأخ محمد خير انت تقصد الاستاذة خديجة و هي ارتبطت بالشعبية لفترة طويلة جدا و هي تسكن ديوم بحري ، و هي اصبحت جزء من الحي اذ أنها تعرف أغلب سكان المنطقة و من الصباح بتمر علي عدد كبير من بيوت الحي و عندها ود خاص مع بعض الأمهات ، و تنقل مقر الروضة ابتداء من احد المنازل الذي كانت تؤجر جزء منه ثم انتقلت للزاوية القريبة من ناس جمعة كما ذكرت و الان استقرت لفترة طويلة بالزاوية التي تقع في الركن الشمالي الغربي لميدان (الصداقة) و قد تم منحها الزاوية القديمة للروضة بعد ان تم تشييد مسجد جديد بواسطة أحد أبناء الحي و الذي نسأل الله أن يعظم أجره على ذلك..

Post: #27
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 01:52 PM
Parent: #26

صلاح الزبير

الإسم متذكره لكن الخلقه طشاش طشاش , إنت بتتكلم بالظبط عن 40 سنه , أو بالأحرى العام الدراسى 68\69 . كدى قبل ما نتكلم عن الأميريه-1 خلينا نأكد الحقائق الآتيه :- العام 69 إنت و محمد موسى دخلتو بحرى الحكوميه و أنا مشيت سنه رابعه فى الأميريه-1 لأنو أنا وراكم بسنه و من الزمن داك ما إتقابلنا ... طبعا" ظلينا فى الأميريه-1 خمس سنوات (السلم التعليمى تغير) و بعدهاالثانوى فى الخرطوم القديمه. ثانيا" أكان ما أخاف الكضب ممكن أوصفك لكن مش هنا فى الهواء الطلق. هات إميلك. هل تصدق إنو إسم ود أبقضايا آخر مره يكون سمعتو سنة 1970. على أية حال حقو تدى البوست فكره عن عظيم الأميريه-1 أو ناظر المدرسه الأستاذ أحمد عباس و الذى هو أحد ساكنى الشعبيه. ودموسى جارنا و بيناتنا كم هيته بس.

Post: #28
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 02:00 PM
Parent: #27

كمال كرار

الأخ/ صلاح الزبير ... كلامك صاح..

أنا وودموسى وطارق ميرغني.. ودفع السيد جيب الله وكثير من الأحباب دفعة بعض...

كتبنا عن بحري الحكومية.. وأنا كان فرعت بوست عن بحري الأميرية ( 1 ) ولم أجد وجيع

عمموما عشان أنشط الذاكرة بتاعتك هاك أسماء دفعتي في الأميرية ( 1 ) وطبعا كلهم فايتنك بسنة

م الاســــــــــــــــــــــــــــــــم
1- أبو بكر حسن عبد القادر
2- الأمين أحمد الخليفة
3- الحسين محمد أحمد (رحمه الله)
4- الصادق الطاهر محي الدين
5- الطيب الصادق
6- أبو زيد محمد عبد الرحمن
7- أبوعبيدة عبد الرازق جابر
8- أسامة ميرغني عبد الرحيم
9- إبراهيم الصديق أبو علامة
10- تاج الدين خضر الجز ولي
11- جعفر حمزة محمود
12- جعفر تاج السر الأمين (رحمه الله)
13- جلال الدين عثمان محجوب(رحمه الله)
14- حافظ محمد عبيد
15- حسن صبري سيد طه
16- حسن علي أبو بكر
17- حسن وداعة الله الحسن
18- خالد الأمين المشرف
19- خالد ميرغني الياس
20- خلف محمد أحمد طه
21- دفع السيد جيب الله
22- صلاح الطيب الصافي
23- صلاح محمد الحسن
24- طارق ميرغني على مصطفى
25- عادل الباقر خليفة
26- عادل أحمد عمر كمير
27- عاكف عبد الحميد عوض السيد
28- عباس عثمان أبو زيد
29- عبد الرزاق مصطفى صالح زكي
30- عبد السلام كامل عبد السلام
31- عبد القادر أحمد إسماعيل
32- عبد القادر محمد حسين عبادي
33- عبد القادر محمود مرسي
34- عبد المنعم محمد إبراهيم
35- عزيز أحمد كامل
36- علي قسم السيد عبد الله
37- عمر رجب محمد
38- كمال محمد نور منصور
39- كمال الدين سر الختم كرّار
40- مجدي الفونس عبد المسيح
41- محمد الحسن أحمد الحسن
42- محمد أمين عبد الله الكارب
43- محمد عبد الكريم
44- محمد سعد الحاج
45- محمد عثمان عمر أبو الدهب
46- محمد موسى محمد نور
47- محمود محمد الحاج
48- نصر الله النور أحمد غانم

Post: #29
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 02:11 PM
Parent: #28

الحاج حمد

في المرحلة الابتدائية(الصف السادس) مررنا بتجربة كانت فريدة لنا و هي الدراسة المختلطة ، اذ طلبت ادارة مدرسة البنات من ادارة مدرستنا أن يسمحوا لبنات الصف السادس بأن يدرسن معنا درس العصر و الذي كان يقوم به أساتذة أجلاء ، و طبعا حكاية تقرأ و قاعدة معاك في الفصل بنات حكاية بالنسبة لنا غريبة في هذه السن ، طبعا سمعنا الخبر طشاش طشاش..بعد داك كان لاستاذ يتوقع ان بعض المشاغبين قد يقوموا ببعض التصرفات التي قد تحرج البنات لذلك تحدث لنا الاستاذ محمد احمد بابكر الهندي و هو استاذ و مربي فاضل كان يتمتع باحترام الجميع و في حديثه أن بنات الصف السادس ح يجو و يدرسو معاكم و ديل أخواتكم ما عاوزين حركات شفع و ديل ضيفات عليكم عايزين يستفيدوا بالله ما عاوزين احراجات طبعا و هو يتحدث بعض المشاغبين يعلقوا تحت تحت : بنات عدييل كده؟ يا زول و الله حب ساااكت..طبعا اليوم الأول كان زي امتحان الشهادة يا زول طبعا البنات جو قاشرات و عارفات دا أول يوم لازم يظهروا بمظهر كويس و نحن برضو قشرنا كويس و بدأت الحصة..نحن زي الصابة فينا مطر ما عارفين الاستاذ دا بيقول شنو..و الجماعة الشفاتة القاعدين ورا اليوم داك نسوا الشفتنا و يتلفتوا ساكت كلما الواحد يفكر يعمل حركة يعاين يلقى ليك البنات قاعدات يجر واطي..يا زول اليوم الأول دا مر بسلام و الاستاذ زاتو حمد الله لأنو عارف عندو جماعة ورا بيعملوا حركات لو عملوها اليوم الأول داك ما كان في بنت جات اليوم التاني..شوية شوية الأمور بدأت تاخذ مجراها و الحكاية بقت عادية و التركيز بقى في الحصة تمام و بدأ جانب تاني و هو محاولة كل واحد يثبت وجوده اما (الجكس) و لا طريقة لاثبات ذلك الا أكاديميا لأنو لو سألوك و ما أجبت اجابة صحيحة أو الاداء كان تعبان تقوم تتفضح وسط البنات ديل..دي ما جاية..بدأ يظهر تحسن أكاديمي.. و طبعا الشعبية ضيقة و دا فلان شاااطر و البنات لا يخفين أعجابهن بالمتفوقين و قد احدث درس العصر تحسن كبير للآكاديميات..و رغم انو كنا ممتحنين لكن استاذ محمد أحمد بابكر أراد ان يقوم بخطوة أخرى و ذلك بمشاركة البنات في نشاط غير أكاديمي و كان أن تمت مشاركتهن (نون النسوة دي حتى في الكتابة بتجهجه الواحد مش كده؟) في الجريدة الحائطية و كانت مشاركة ممتازة و اظهرن امكانيات ادبية و ظهرت مواهب من اولاد و البنات و صدرت أعداد متميزة و أفضل من التي كنا نصدرها وحدنا..أيام لها ايقاع

Post: #30
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 02:25 PM
Parent: #29

حسن طه محمد

وبمناسبة ذكر المذاكرة المشتركة أثناء دراستنا ببحري الثانوية هناك كثير من الطرائف التي كانت تحدث وأبدأ بواحدة والباقي علي عبد المحمود.

كان الاخوة الأعزاء يأتون للمذاكرة معي بالمنزل خاصة أيام الامتحانات ومنهم الاخوة عبد المحمود والمرحوم عبدالحفيظ خضر ووقيع الله عثمان وآخرين . كنا نذاكر في الغرفة الخارجية ( يعني الصالون بلغة الحاضر والبيت كله كما هو معروف كان غرفتين وبرندتين ).

كان الاتفاق أن تكون هناك فترة للنوم بسبب السهر وأن ينام الجميع مثلا لمدة ساعة ماعدا واحد فقط يظل صاحي ليصحي الباقين بعد انتهاء مدة الساعة . عندما كان يأتي دوري بأن أكون انا الصاحي والباقين نيام وبعد ان أتأكد تماما بنومهم العميق أذوق وأدخل في الداخل وأنوم وبذلك يظل الاخوة النيام في نومهم حتي الصباح.

Post: #31
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 02:28 PM
Parent: #30

الحاج حمد

الأخ حسن طه

قصتك الخاصة بتاعت واحد يكون صاحي و الباقين ياخدوا ليهم نومة لمدة ساعة ، بعدين هو يجي يصحيهم ذكرتني نكتة سبق ذكرتها في هذا البورد و هي أن جماعة بسطلوا في بيت و اتفقوا كل مرة واحد يقعد قدام البيت اذا جا البوليس ينبه الجماعة الجوه ، واحد عليهو الدور قعد قدام الباب و الجماعة جوه ، صاحبك البره شالتو نومة ، لما جوا ناس البوليس أول حاجة رفعوهو في عربيتهم و دخلوا رفعوا الجماعة الجوه و صاحبك نايم في العربية ، العربية جات في دقداق صاحبك صحى شاف البوليس قدامو قعد يكورك : جاااكم جااكم

Post: #32
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 02:31 PM
Parent: #31

فيصل عبدون

الاميرية 2 كانت حاجة عجيبة
كان فؤاد محجوب بارعا في الرياضيات ومثله كان خالد حسن وكان عادل شريف وجيها بشكل استثنائي وماسايو ملوال كان شخصا بالغ التهذيب ومحبا للنظافة والنظام اما امين عبدالغني فقد كان يوحي بالثقة والامان وكان شجاعا وفي قائمة النابهين ايضا احمد على خالد الذي كان يحمل بين كتفيه عقلا جبارا اما حسين عبدالحليم فقد كان كل هؤلاء واكثر . كان طفلا فيه سمت العلماء وشابا اكتملت فيه عوامل الزعامة كان شيئا عجيبا لا يمكن وصفه كنا ونحن في الابتدائي نردد اسمه وكانه احد الاناشيد الوطنية ... حسين عبدالحليم عبدالغفار عبدالملك ... اختلف الطلاب في مدرسة الخشب وفي الاميرية 2 حول كل شئ وحول كل شخص لكنه جميعا اتفقوا على حسين عبدالحليم. هل يمكن القول انه يمثل مزيجا من التدفق والاعتدال في الوقت نفسه.؟ لم يسعى في اي مرحلة الى فرض شخصيته بالقوة او بالحيلة لكنه يملك هيبة فطرية تجعل الجميع يهابونه . ربما لا يسعون الى صداقته فهو لم يكن صديقا مسليا على اي حال لكنهم يهابونه ويحتشمون في حضوره .
.......................
الحاج حمد ( في رده على فيصل عبدون )

الأخ فيصل طبعا في الأميرية أنا كنت في جنوب ..أحمد علي خالد اليوم أميز أخصائي تخدير ..أمين عبد الغني درس الطب البيطري..خالد حسن درسة هندسة و تقريبا الآن في لندن كما سمعت..حسن عبد الحليم درس القانون بجامعة الخرطوم و كما تتابع في البوست حاليا يعمل بالمحاماة و الاستشارات القانونية بأبوظبي..الأخ عادل شريف يعمل بالهلال الأحمر السوداني و هو متزوج من الدكتورة مريم الصادق المهدي..تحياتي لهم جميعا و لك أخي فيصل

Post: #33
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 02:38 PM
Parent: #32

طه على سعيد


: التحيات النواضر للحاج حمد،انا طه على سعيد، من سكان مدنية بحرى و تحديدا من ديوم بحرى،درست الابتدائى بالشعبية جنوب الابتدائية،فهى بالتاكيد مرتع طفولتى وصباى،ارى ان كل المساهمات من شمال وين ناس جنوب ؟،عموما التحقت بمدرست الشعبية سنة 1974،واذكر من دفعتى ياسر قزاز،ماجد ابجلد،وليد النضيف،الحنفنى شمس الدين،حسن سوار الدهب،هاشم دهب، عزالدين سيداحمد،محمد الجخس،طارق عبد الهادى،مروان يوسف،الصادق تبيدى،محمد صديق وكثيرين ،يضيق المجال عن ذكرهم وتخوننى الذاكره فى اغلب الاحيان.الرجاء من الدفعة اثراء هذا البوست،والشكر موصول للرائع حاج احمد

Post: #34
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 02:51 PM
Parent: #33

حسين ملاسي

هو كضلو براهو يا حاج حمد .. شمال دا كان فصل عجيب كان معانا
كضلو؛ انقي؛ أحمد جار النبي؛ عصام فولة؛ عوض سكراب؛ يسري عبد العزيز؛
عصام محمد عبد الماجد (عموش)؛ عادل محمد عبد الرجال؛ معتصم الحاج؛
زاهر كباشي ..

الحاج حمد ( في رده على حسين ملاسي )


فصل شمال بالأميرية 2 و الدفعة التي تتحدث عنها فعلا كان فصل عجيب جمع بين أذكياء متفوقين أكاديميا و لاعبي كرة لعبوا في الدرجة الأولى (أنقي و عصام عموش و غيرهما) و كان فصل مشاغب لا يستطيع أحد أن يوقف شغبه الا الأستاذ متوكل.

كضلو كما ذكرت سابقا يقيم بامارة الفجيرة حيث يعمل هناك ، أنقي استقر بمدينة بورتسودان بعد أن ذهب لها كلاعب كرة بفريق هلال بورتسودان و طاب له المقام هناك و أصبح من سكانها ،د.أحمد جار النبي طبيب بالسعودية د.عوض سكراب مدير لأهم ادارة بالمقاييس و المواصفات ، تذكرت اليوم ذلك الانسان الرائع و المهذب جدا معتصم الحاج...عصام عموش آخر مرة سمعت عنه أيام كان يلعب للتحرير و البقية اختفوا في زحام الحياة..لهم التحية اين ما كانوا..

Post: #35
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 03:04 PM
Parent: #34

صلاح شكوكو

مدرسة القابلات (( الدايات )) :-
=================
رغم أنها مصنفة مدرسة .. ورغم أنه في شريط المدارس الذي يحد الشعبية جنوب عن حي الدناقة شمال .. لكنها ظلت عصية علينا .. ليس منا من رأى ما يدور فيها .. فقد إمتدت يد شقاوتنا الى كل المدارس التي في تلك المنطقة .. فقد إعتلينا الأسوار ودخلنا المعاقل .. وكم طاردونا أعمامنا خفراء هذه المدارس ونحن في نشوة اللعب الطفولي ..

(( الحاج عبد الله - خفير المدرسة الريفية بنظامها الداخلي )) (( الحاج حسين خفير مدرسة عبود التي تحولت الى عوض ساتي )) (( عبد الباقي خفير صالحين التي سميت بحري الشعبية )) وقد كان لنا مع هذه المدارس حكايات خاصة حينما تطاير كرة القدم الى داخلها ونضطر الى القفز من فوق السور ونحن بين سندان عصا الخفير والخوف من إنقطاع اللعب .

نعود الى مدرسة القابلات التي ربما يكون لإسمها دور نفسي في أن لانرتادها فقد إرتبطت بشيء يرتبط بالمرأة وهذ نسق أبعد كثيرا عن الدراسة الأكاديمية التي عرفناها في بقية أنماط المدارس الأخري في ذات الشريط ..

لكنني أتذكر ان الرائد / أبو القاسم محمد إبراهيم كان قد زارها مرة وهو وزير للصحة وكانت هذه الزيارة عامة وهو في رتل من السيارات التي تتقدمها سيارة (( نجدة )) يقودها الحاج عبد الله والد (( عبود )) أحد أعضاء فرقة الأكروبات الأولى .. وقد كانت تلك الزيارة فرصة للدخول في عمق الخبء لإستكشاف مافيه خاصة وأن سورها العالي قد أوجد لها هيبة ورهبة على رهبتها ..

لكن أولى المفاجآت كانت تلك الدمى البلاستيكية العلمية التي كانت تنتشر في المكان والتي كانت تصور أجزاء محددة في المرأة بحكم طبيعة المدرسة .. وهذا ما أخذ منا وقتا أكثر مما يجب .. ولم نعبأ كثيرا لأبو القاسم بقدر ما أخذت منا تلك المجسمات .. حتى خيل لنا أن هذه المدرسة مليئة بــ(( قلة الأدب )) .. ولا أدري من أين جاء هذا التوصيف الحاد رغم علمنا بدورها ..

لكن هذا ربما لاينفصم عن أشياء أخرى وهي أن أغلب مرتادي هذه المدرسة كن نساءا فوق الأربعين من أعمارهن وهن بلباسهن الأبيض ويحملن (( شنطة )) معدنية بيضاء ممتميزة في الشكل والمقياس .. والبعض منهن يدخن خلسة أو يتعاطين التمباك ويتداولن عبارت هي في أقل تقدير بعيدة عن الحياء العام وهن جيئة وذهابا في هذا الطريق الطويل من نقطة مستشفى أحمد قاسم وحتى المدرسة ..

لكن مايميز هذه المدرسة عن المدارس الأخرى كان بالنسبة لنا شيء واحد وهو حينما تسقط الكرة عندهم فيكفي أن ننادي من خلف الجدار .. وسرعان مانجد إستجابة من الداخل وتعود الكرة إلينا دون مغالبة أو الدخول في نوبة تعدى على حرمة (( خفير )) يجلس في في معية أسرته في خلوة عصرية لها مايبررها ..

ولولا طول سردي لسردت لكم كيف كنا نسرق البيض من تحت دجاج من حظائر المدرسة الداخلية وكيف قام رهط من الفتيات بعمل كمين تم من خلاله القبض على أحد أبناء الحي وهو طبيب الآن (( ... )) والذي تم حبسه في القفص حتى مجيء (( عم عبد الله )) حيث كان الفضيحة بجلاجل (( ولا أدري من أين جاءت كلمة جلاجل هذه )) صحبها ضخب وضوضاء هي أقرب للفضيحة ؟؟

أو كما يقال برطانة المحس = (( جهاد فود ))
يعني (( كترابه )).. وهذه أيضا تحتاج الى معجم يفندها

ولكم ودي ..



..


Post: #36
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 03:53 PM
Parent: #35

الحاج حمد

لن أجد كلمات تليق بالترحيب بهذا الأديب ، صاحب القلم الرائع و الذي عرفناه منذ أيام مدرسة الخشب صاحب قلم متميز و امكانيات أدبية كبيرة ، ما جلسنا في الجمعية الأدبية الا و كان نجمها و واصل هذا العطاء الثر في كل محفل شارك فيه ، و كم ناشدت حسين عبد الحليم أن يجر كمال الزبير الى هنا فهو الأقرب اليه و اكتفى في البداية بارسال صورته دون أن يصاحبها بعطاء قلمه الذي نعرفه و كأنه يريد أن يقول ما زلت كمال الذي تعرفونه و اليوم جاءت أول قطرة من كتاباته و التي ستكون اضافة حقيقية و ما أجمل بوست يضم هذه الكوكبة النيرة و يحتفل اليوم بانضمام هذا الكوكب الذي سيزيده حلاوة على حلاوته.
مرحبا ود الزبير الدار دارك و منتظرين الكثير منك رغم المشغوليات.

تحياتي و و ودي

Post: #37
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 04:06 PM
Parent: #36

كمال كرار

لم أجد مساحة أرحب من هذا البوست أحيي فيها الأخ الزميل/ دفع السيد جيب الله عبدالله (منقستو)- هذا الرجل الحيي الذي زاملاني منذ أن دخلنا الأميرية ( 1 ) ذات يوم من أيام منتصف الستينات. حتى أوائل السبعينات حيث جلسنا لأمتحان الشهادة الثانوية وبعدها تفرقت بنا السبل.. ولم أكد أراه على شاشة التلفزيون عندما لعب للموردة..

وحديثك يا صلاح عن منقستو، وهذا الأسم قد أطلقناه عليه في بحري الأميرية ( 1 ) قد أشجاني حيث مثل لي دفع السيد بشخصه وصوته الرقيق العميق والذي تداعى من وراء كل تلك السنون.. فهذا الإنسان.. الطيب البسيط الفنان..أكاد أجزم بأنني لم اره يوما عابسا.. على رغم من رقة حاله آنذاك.. كماأنه لم يتدثر بأي من شقاوات الصبا ولم يدخل في مشاحنة أو خلاف طيلة مزاملته لنا.. على الرغم من أنني وزملائي كنا نميل على مداعبته لحد النرفزة ..لما عرف من وداعته آملين أن يكسر روتين شخصيته الطيبة الرقيقة الإنسانة التي كنا نراها لا تتناسب وشقاواتنا التي طبعت أيامنا آنذاك..

التحية للأخ/ دفع السيد إينما كان والتحية لكما ولكل الشعبياويين.

Post: #38
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 04:16 PM
Parent: #37

كمال كرار

الأخ/ حاج حمد والأخوة محبي وساكني الشعبية

سلام شعبياوي مدنكل..

وأنا أتصفح البوست من أدناه لأقصاه.. رأيت أن الأخ

صلاح الزبير (ود أب قضايا) قد طلب اليّ أن أكتب عن

المعلم الفطحل والإداري الفذ الأستاذ/ أحمد عباس

وهو ناظر (مدير) مدرسة بحري الأميرية منذ العام

1965 - 1966 .. وأذكر أنه خلف الأستاذ/ الشاعر

عوض خليفة..

وعن الأستاذ/ أحمد عباس.. فهو من القلة اللذين

قادوا مسيرة التعليم وضحوا بصحتهم وخبرتهم في

خلق جوي تعليمي صار اليوم حلما من الأحلام...

اللهم أجزي الأستاذ/ أحمد عباس بقدر ما قدم

لطلابه في بحري الأميرية ( 1 ).. وإن كان قدقضى

نحبه نسألك أن تغفر له وأن تسكنه في عليين

هذا المعلم ارسى قيّم المساواة بين الطلاب وهم

في المدرسة.. فقد فرض علينا أن يكون القميص

من مادة البوبلين أبو ثلاث تفاحات والشورت..

ستاك بورد.. لماذا؟ لأن أسعار أقمشة أبو تلاثة

تفاحات والاستاك بورد كان في متناول جميع الأسر

على مخنلف درجاتها الإجتماعية.. في زمن كان

القرش فيه عزيزا لاسيما أن بحري مدينة للعمال

وصغار موظفي الخدمة المدنية ومتوسيطيها..

وكان يطرد أبناء الذوات اللذين يلبسون الجبردين

بدلا من الأستاك بورد والتيترون بدلا من أبو ثلاث

تفاحات.. ولا يخاف في ذلك لومة لائم.. وقد طرد

في أحد المرات أبني أحد كبار موظفي وزارة المعارف

آنذاك.. ولا أظن من المناسب ذكر أسميهما.. فهما كانا

من الطلاب الممتازين والخلوقين...ولعل دفعتي في بحري

الأميرية ( 1 ) يذكرون ذلك.. كان الأستاذ/ أحمد عباس

والملقب بديجانقو.. يذرع البرندة امام الفصول جيئة

وذهابا ونحن نسمع وقع خطواته من على البعد .. ونكاد

نميّزها من بين مختلف الخطوات.. وهو يقوم بجولاته

التفتيشية على رأس كل 45 دقيقة أو أقل من ذلك.. كان

يبث الخوف في قلوب الأستاذة قبل التلاميذ.. لا أذكر

ونحن في المدرسة أن كانت لدينا حصة فاضية كما في

الكثير من المدارس.. فالاستاذ/ أحمد عباس يراقب

الأساتذة أكثر من التلاميذ.. وكان الأساتذة يهابونه..

وكان لا يتحرّج أن يقف عند شبابيك الفصول ليتأكد

من أن كل شيء تمام وأن المدرس موجود ويقوم بواجبه

على أكمل وجه..كان رجل نظام من الدرجة الأولى وكان

لا يفصل بين التفوق الأكاديمي والنظام والمساواة...

وأذكر أنه أشركنا في بناء مسرح المدرسة حيث شارك

كل الطلاب في ذلك.. كما أذكر أنه لاحظ أن اللذين

يشاركون في الجمعية الأدبية هم أناس معينون أمثال

بادي من الحلفايا.. وبانقا من الشعبية.. وطارق

يعقوب من الحلفايا.. وعبد السلام كامل من

حلة حمد ونفر قليل آخرين.. وأذكر أنه أمتعض لذلك

وأصدر فرمانا.. بضرورة المشاركة الدورية لكل

التلاميذ من كل المراحل... مما جعل الكثيرين

ينكبون على قراءة أمهات الكتب وينقبون في عيون

الشعر ويأتون بكل جميل .. وهم يرجفون عند مجايهة

الجمع المحتشد من الطلاب.. ولعل الدليل على تلك

الرهبة أن ألقى علينا الأخ/ مراد الفونس شقيق

الأخ/ مجدي الفونس .. ومراد دفعة صلاح الزبير,,

وقد أختتم قصته بعبارة "البقية في الحلقة الماضية"

ويقصد "البقية في الجمعية القادمة"

أها يا صلاح الزبير أتمنى أن أكون شحذت ذاكرتك

ولبيت طلبك في ألقاء بعض الضوء على شخصية الأستاذ/

أحمد عباس (ديجانقو) أو (النجار) وهو من سكان

الشعبية (جنوب) ألا رحمه الله إن كان حيا أو ميتا

آمين

وسامحونا

Post: #39
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 04:22 PM
Parent: #38

الحاج حمد

تجربتي في فترة الطفولة في تربية و تسويق الدواجن
سوق الشعبية يعتبر سوق مفتوح يستوعب التجار و صغار المنتجين ، و قد كانت لي تجربة ثرة في مرحلة الطفولة في تربية و تسويق الدجاج والحمام و قد صقل التجربة في مرحلة لاحقة التحاقي بجمعية التربية الريفية في الأميرية (2) و التي أصبحت رئيس لها و كان المشرف عليه الأستاذ عوض جميل و قامت الجمعية بالتنسيق مع كليتي البيطرة و الزراعة بجامعة الخرطوم بعمل كورس تدريبي لأعضائها يتعلق بتربية الدواجن و آخر خاص بالبساتين، و أذكر أن الأميرية (2) قامت بعمل سوق خيري كبير بكازينو النيل الأزرق حقق عائد كبير و رغم عدم استفادة المدرسة من العائد المحقق نتيجة لممارسات خاطئة سأعود لها فيما بعد الا أنها كانت تجربة مفيدة و حققت جمعية التربية الريفية عائد كبير و اعجاب الزوار و المشاركين في السوق الخيري..قمت بعمل قفص للدجاج بحوش منزلنا و أعلى هذا القفص قمت بعمل قفص للحمام و ساهم العائد في دخل الأسرة و كنت كل يوم جمعة أقوم ببيع جوز حمام أو دجاجة أو اتنين بالاضافة الى أن البيض كان يساهم في اعداد فطور المدرسة ، و قد قامت بهذه التجربة عدد من الأسر و لكن بعد قليل توقفت تربية الحيوانات بالمنازل بعد أن أصبح وجود هذه الحيوانات غير مرغوب فيه نتيجة لكثير من التغيرات الاجتماعية و الاقتصادية و غيرها..لي عودة للموضوع

Post: #40
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 04:38 PM
Parent: #39

كمال كرار

أليكم شخصية من شخوص سكنت التي سكنت الشعبية وكانت لها بصماتها في مرفق التعليم وبخاصة تعليم البنات

ألا وهي المرحومة الأستاذة/ فاطمة عمران وهي إبتداءا من مواطني شندي ألا أنها من أقدم من سكنوا الشعبية

حيث كان وربما لا زال منزلهايقابل من زاوية جانبية الركن الشمالي الشرقي لمسجد الختمية أي في الجزء

الشرقي من الشعبية شمال..

ألا رحم الله الأستاذة/ فاطمة عمران بقدر ما ساعدت في نهضة وتعليم المرأة في بحري وغيرها..

والسلام

Post: #41
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 05:24 PM
Parent: #40

عماد عبد الله

أخي وعزيزي الغالي الحاج حمد الحاج لك مني عاطر التحايا والأشواق كم سـرني ان ارى شخـصك الغالي عبر صفحات سودانيز اون لاين وان اتـذكـر ايامـنا الخـوالي في ربـوع الشـعـبـية الحـبـيـبـة وايام مـدرسة الاميرية ( 2 ) وانهــــرها شمال وجنوب وغرب والأخوان منير عبدالرحيم واجمد علي خالد وسمير صديق والكوكبة الفريدة من اولاد الشعبية جنوب وشمال وحلة الدناقلة والمزاد والديوم,,, لقد مضت عشرات السنين وكل هذه الذكريات كأنها كانت بالأمــس الــقــريــب ويالـيـت الـزمـان يـعــود يــومـا ولـكــن هيهات وهيهات أخي العزيز الجاج لا أدري هل تتذكرني أم السنين فعلت بالذاكرة ما فعلت المهم معاك أخوك عماد عبدالله الطيب من أولاد دفعتك وأخو اسامة عبدالله الطيب ناس الشعبية جنوب شارع المدارس بيتنا فاتح في مدرسة الدايات ناس فريق الجهاد يمكن أكون قربت ليك المسافة عن أحوالي تحصلت علي درجة الدكتوراة في الهندسة الكيميائية للنفط والغاز من جمهورية أذيربيجان وعملت في السودان في جامعة الإمام المهدي ثم بعد ذلك تغربنا عن السودان وانا اعمل الآن في دولة قـطـر في وزارة الـتـربـيـة والتعليم، اخي الحاج ارجو منك ان نكون علي اتصال وعرفت ان الاخ منير في السويد ارجو ان ترسل لي عنوانه وتلفونه وايضا ان ترسل لي تلفونك انت وتلفون اي واحد من الشباب يكون تلفونه معاك وعلى ما اعتقد انك مقيم في جدة,,,,,,, اما تلفوني انا الموبايل 009745289654
وفي الختام اتركك في رعاية الله وحفظه
اخوك عماد عبدالله الطيب

Post: #42
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 05:27 PM
Parent: #41

الحاج حمد

مدرسة الشعبية الابتدائية (الخشب):
ذكريات في نقاط
* كان في حاجتين بعملن الفطور واحدة المرحومة الحاجة (سكينة) ، الحاجة التانية منو؟ الحاجة سكينة كان عندها سلطة أسود و فول خطيييير و العيش يكون سخن حاجة ما تخلص..بعد ذلك تمرد بعض الطلاب على فطور المدرسة و اصبحوا يتناولوا الفطور برة يعني يمشوا فرن عمك بخيت (يا جماعة طبعا نحن ما كبار يعني الناس القبلنا يقولوا الطابونة و نحن الفرن و ناس هسع يقولوا المخبز) المهم يمشوا يشتروا عيش سخن و يشتروا طعمية و يعملوا سندوتشات رهيبة و البعض يمشوا دكاكين الحلة و يظبطوا ليك فتة ما تخلص..و المبحبح يشرب ميرندا أو يعمل ليهو سندوتش طحنية تحلية..
* الناظر زنون كان عندو ضحكة مميزة و هو رجل مرح و لكن كان في نفس الوقت مهاب جدا من الطلاب و كان دائما ما يقف و يصلح البنطلون بجره لأعلى و كان يرتدي قمصان ناصعة البياض.
* الناظر الثاني عبدالحافظ و هو رجل طيب و هادئ.
* مدرسين مروا على المدرسة أذكر منهم : المرحوم عيسى الحبيب ، هشام عبد الله الاستاذ عبد الحليم ، الاستاذ عبد العزيز الاستاذ عز الدين الاستاذ فضل الله الاستاذ محمد بابكر الاستاذ علي و أذكره دائما بقصة تاجوج و المحلق فقد سردها بطريقة ممتعة و اخذ وقت كبير في ذلك مستغلا الحصص الفاضية الاستاذ محمد بابكر الهندي الاستاذ حسن السنجك الاستاذ جعفر أبوشنب و اشتهر بتميزه في تدريس الرياضيات و كثير من الاساتذة الذين سأذكرهم او ستذكروهم..
* الجمعية الادبية و انا اشوف الحاصل اليوم في المدارس بل و في الجامعات استغرب كيف طلاب في تلك المرحلة يقومون بعمل جمعية ادبية أسبوعية بمستوى ادبي راقي ، ابرزت الجمعية الأدبية مواهب ادبية مبكرة لكثير من الطلاب..
* كانت الاحتفالات التي تقام بالمناسبات الوطنية او احتفالات نهاية العام فرصة طيبة عكس نشاطات و مواهب الطلاب و كانت تمثل رابط قوي بين البيت و المدرسة.
* المزيرة كانت تقع في الناحية الجنوبية الشرقية من المدرسة و كانت زي عربة الفرملة في القطر و بها عدد من الازيار و كانت عالية و كثير من الطلاب يضطر لتسلق الصبة عشان يطلع و يشرب خاصة اذا كانت الموية في قعر الزير نهاية اليوم و كانت الكيزان من الالمونيوم و كان الطلبة يحكوا الكوز على الصبة بهدف تنظيف الكوز من أثار الذين شربوا قبلهم (طبعا هسع كل واحد معاهو زمزمية و كباية و السندوتشات من البيت).بعد فترة تمت اضافة فصل بعد المزيرة يعني بعد صف الخشب اي اصبح عند مدخل المدرسة اول ما تدخل المدرسة يقع شمالك.
* غرفة عمك شريف تقع في الجزء الجنوبي الغربي يعني نهاية الفصول من الناحية الغربية و في ضلها كان الحاجات البعملوا الفطور بيقعدوا هناك.
و فاصل و نواصل....

Post: #43
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 04-01-2010, 05:29 PM
Parent: #42

الحاج حمد

مدرسة الشعبية الابتدائية (الخشب):
ذكريات في نقاط
* كان هناك مجموعة من الاساتذة طلاب بجامعة القاهرة (الفرع) و يقيمون معسكر للمذاكرة أيام امتحاناتهم و قد صادف في العام الذي كنا فيه ممتحنين للثانوي العام أن شاركناهم المعسكر و كانوا نعم الاساتذة و على وجه الخصوص الاستاذ عز الدين و الاستاذ عبد الحليم و الاستاذ علي و هم التحقوا بوظائف أخرى بعد تخرجهم من الجامعة..
* الاستاذ عيسى الحبيب و كما سبق أن ذكرنا كان رجل محب لعمله و قد كان له أثر في ادارة المدرسة و كان محبوب على مستوى الشعبية و قد بكاه أهل الشعبية مر البكاء عند وفاته ، نسأل الله له الرحمة و المغفرة.
* هناك عدد من الطلاب الذين كان يشار لهم بالبنان في تفوقهم الاكاديمي و من الطلاب الذين تفوقوا لا بد ان أذكر أولا الأخ حسين عبد الحليم و الذي سبق أن تحدثت في هذا البوست عنه ، و من الذين تفوقوا في دفعتنا بالاضافة الى حسين عبد الحليم ، الحاج حمد الحاج ، عوض السر ، أمين عبد الغني من المزاد ‘ نصر الدين أبو شوارب ، حامد دفع الله ، عادل محمود الفضلي و غيرهم و من الدفعات الأخرى محمد جار النبي ، كمال الزبير ، عصام عثمان السيد‘عدلي عبد الرحيم ، أمين أحمد اسماعيل و شقيقه بدر الدين و من دفعات متأخرة حسن نور الدائم و اتنين من اولاد د.محمد عثمان (أشقاء الاخ عادل محمد عثمان) و غيرهم.

Post: #44
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 12:14 PM
Parent: #43

الصفحة 11

معاويه محمد الحسن

الاخ العزيز حاج حمد

تحية طيبة وبعد

أتبع بشغف بوستكم الرائع والذى يحمل الوفاء للحي الرائع الشعبية وقد سعدت جداً به و بمقابلتكم بعد هذه السنوات الطوبلة ولا أدري ان كنتم ستذكرونا ام غشيتكم أفة النسيان التى تبلاء المغتربين ،انا أحد أبناء دفعتكم فى الأميرية 2 وكنا فىنهر جنوب ولازلت أذكر عدد كبير من ابناء الدفعة مثل أول الدفعة منير عبد الرحيم ولا أدري هل هو نفسه منير الموجود فى البوست أم لا وان كانت الملامح تقول انه هو ذلك المنير الشاطر المهذب الهادي الطبع الشايقى الظريف ذو الفصدتين الصغيرتين ولا ادري اين هوالاون وكذلك الاخ حسن طه هل هو حسن طه ابن الدفعة صديق الفاتح الامين ذلك المرح المضحكواتمني ان يكون هو لانني ايضاً اقيم فى الدوحة منذ 18 عام وأعمل مستشاراً قانونياً بالمؤسسة العامة الطرية للكهرباء والماء وأن كان هو اتمنى ان التقى به ومن ابناء الدفعة الفاتح بشير مدنى وخالد الباقر وكارم كزام ومامون محمد أحمد أبن خالة كارم وفريد جمادة والمرحوم يعقوب بشير الجمري ورشاد الزين وعبد اللة سعيد والمعلمين المدير الصعب حسن الرشيد الشهير بالسحار ويوسف محمد خير وحسن نور الدين وعبد الحميد الكندي واعجاابي ببوستكم يأتي لاني من أبناء المزاد شمال ولاتحتاج العلاقة بين المزاد والشعبية لتعريف فقد ربطت بين أبناء هذين الحيين الشعبين الدراسة والكورة مما اوجد صداقات عميقة فقد درس معنا فى المزاد الابتدائية من أبناء الشعبيةصلاح خضر حفظ اللة وعاطف منصور وكثييرين غيرهم وأما الكورة والروابط فحدث ولاحرج فقد كان لدينا فى رابطة المزاد فريقين هما سمت والمريخ فقد كان كل لاعبي الفريقين من الشعبية منهم أنقى وكعيك والتاج وحاتم حنفي وكنا ناتي ونشارك فى الدورات التى تقيمها فرق الشعبية واخر دورة كانت فى ملعب الشعبية اذكرها كنت سكرتيراً لفريق البرازيل برابطة المزاد وقد لعبت انا فى هذا الفريق الذى تخرج منه للهلال مباشرة تخيل من فريق رابطة للهلال اى واللة فائز نصر الدين وهشام الطيب وقد ساعد فى تسجيلهم المرحوم شيخ ادريس كباش الذي كان ياتي ليدربنا بحكم صداقته بنا وبادراييين الفريق لوجود اخيه الصغبر زاهر كباشي معنا فى الفريق يالها من ايام ياج حمد وكنا لاناتي للشعبية والاونزور ازيار الطابونة السهيرة ولكان لنا فى سوق الشعبية ذكريات وبالمناسبة دكان اليماني الشهير كان ملكاً لوالدى وقد باعه لليماتي فى الثمانينات تصدق بمالايزيد عن خمسون الف جنيه هى قيمة مشوار تاكس حالياً .

اخي الحاج

تحياتي لمجهودكم لمساعدة الشعبية مدارسها وفرقهاوتطويرهما ومساعدة المحتاجين وكم هو من موقف نبيل منكم يجعل الواحد يمتلئ فخراً بمزاملتكم يوماً من الايام ولله دركم اخواني وزملائي ابناء الشعبية ومن الطرائف ان فريق من النجوم كان يلعب مباراة فى مهرجان فى المزاد وكان من ضمنهم يوسف المفك ونال المفك جائزة أحسن لاعب وعندما تم منادته بالمايكرفون قال أحد الظرفاء المفك ده حقو تدوهو مفتاح انجليزي فضج الجميع بالضحك

فى الختام تحياتي لكم وفعلاً الحي بلاقى

اخوكم معاوية محمد الحسن


شكرا للأخ الأستاذ معاوية محمد الحسن و هو من ابناء الدفعة الذين نفاخر بهم ، له خالص التحايا

Post: #45
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 12:19 PM
Parent: #44

الصفحة 11

منير

دقيقة بس خلوا لي معاوية محمدالحسن ده.. ياسلام يا معاوية مشتاقين وشوقتنا للأيام الجميلة، والاميرية2 وخصوصآ فصل جنوب .. وقد انعشت الذاكرة بذكر أولئك الاخوة الأفاضل والذن طال غيابنا عن رؤيتهم .. وكما ذكرت فإن المزاد بالذات ظل ومازال توأم الشعبية ، فهناك تقارب شديد عمقته المدارس ، إذ تلاحظ أن المدارس المفضلة لسكان المدارس والشعبية هي مدارس الاميرية2 والشعبية جنوب الابتدائية .. ونذكر ايضآ من إخوة المزاد الافاضل الصديق الفنان حلمي حسن ومجدي فريد وحسن محمدبابكر ومبارك العبيد .. وحسن محمدبابكر ده هو من ذكرت سابقآ أنه تسبب يومآ في مظاهرة ـ ونحن كنا في سنة أولي جنوب ـ المظاهرة اشتعلت في كل المدارس .. وكان قد اطلق شرارتها برمي حجر واحد فوق زنك الفصل ، في حصة فاضية ..

Post: #46
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 12:23 PM
Parent: #45

الصفحة 11

صلاح حسين طلبة

السلام عليكم ورحمة الله وبركاته
الأخ حاج حمد
إسمى صلاح حسين طلبة. أسكن فى حى الشعبية بشارع المصحة بالتحديد من أول شارع الماعونة (إجزخانة الشعبية)4 بيت على إيدك الشمال مجاورين لمنزل عمنا العزيز مناالسيد. و بعدنا بى 5 بيوت منزل الخالة الفاضلة فاطمة الداية وكنت طالب بمدرسة الخشب مع إبنها محى الدين من سنة أولى و حتى سنة رابعة و بعدها درست بمدرسة صالحين و فيها زاملت العميد هاشم عبدالرحمن و عبده الشيخ و دكتور ناصر فيلبيس من سكان الصافية. ثم بعد ذلك درست بمدرسة الشعب العليا -بحرى الشعبية - وزاملة فيها العميد هاشم عبد الرحمن - شيخ إدريس كباشى - عصام مصطفى - عند زيارتى فى عام 2004 قابلت فاطمة الداية فى حفلة زفاف حيث رجعنا من الحفلة بعربة إبن شقيقتى. أذكر من أهل الحى آل أبودية و آل حسن جردل وبلة حسونة و الشارع خلفهم ناس الصياد و ناس أبو طربوش - نواصل - صلاح طلبة

Graduate School
San Francisco State University

Post: #47
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 12:40 PM
Parent: #46

الصفحة 12

شكوكو

الأستاذ محمد حامد كنه ( له الرحمة والمغفرة ) :-
من سكان الشعبية جنوب .. معلم سابق في مستوى المرحلة الأولية .. هو من جيل المعلمين الأفذاذا الذين تركوا بصمة واضحة في الأجيال .. عمل معلما في شتى مناطق من مدينة الخرطوم بحري .. وبصفة خاصة بمدرسة الشعبية الإبتدائية بالشعبية جنوب .. تدرج في سلك التدريس حتى وصلالى درجة مدير مدرسة ..
كانت له إتجاهات سياسية ونقابية محددة .. عرف بإخلاصة الشديد لرسالة التعليم وهو صاحب مدرسة خاصة في التربية والتعليم ربى عليها إبناءه وبناته ,,
من إبناءه زهير محمد حامد كنه .. المتواجد الآن بأميركا .. و مجدي المتواجد بالخرطوم ( بنك المزارع ) وصالح بأمريكا .. وزهدي

له مواقف جليلة في الحركة الوطنية والنقابية ..
توفي الى رحمة ربه منذ ( 15 ) عاما لكن أثره ما زال قائما في الأجيال بعده

له الرحمة والمغفرة
والتحية لأبناءه زهير ومجدي وصالح وزهدي



( المشاركه تصلح في كتاب شخصيات من الشعبيه روما )

Post: #48
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 12:51 PM
Parent: #47

الصفحة 12

شمس الدين ساتي

الأخ عادل محمد عثمان - أقول لك أنني قضيت وقتا ليس بالقصير مزاملا الأخ هشام شرفي هنا بالدوحة حيث كان يعمل قبل عودته النهائية للسودان . وهو شخص مرح
كشقيقه الأكبر صديقي وزميلي الذي كاد أن يودي بحياتي بسبب عجلة هشام( عادل شرفي) حيث كنا راجعين من مدرسة بحري الحكومية بعد أن رتبنا لإحدي الرحلات التي كنا نقيمها لفصلنا (ثالثة عكاظ-فصل المشاغبين)
وكان يقود العلة عادل وأنا مردوف وكانت الساعة حوالي التاسعة مساء . وبالقرب من نقطة سواري المزاد صدمنا
بسيارته طبيب نساء وتوليد مشهور وكان مخمورا . عادل قفز من الدراجة وفي لمحة كان قرب الحائط وأنا علي الأرض بيني وبين أطار السيارة الأمامي فقط الدراجة وقد صدت السيارة من قتلي وكان يوما لاينس - تحياتي لهشام

Post: #49
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 12:57 PM
Parent: #48

الصفحة 13

شمس الدين ساتي

تعرف يالحاج- سأذهب الي البحر وأقف تحت الكبري مكان غرق أحد زملائنا وأول فصلنا حتي رحيله وهو من الشعبية
جنوب وإسمه (كمال محمد علي ) الشاب جميل المحيا الضاحك دائما رحمة الله عليه ( أظنك تعرفه ياصلاح شكوكو) لديه
إخوة أكبر منه أذكر اسم أحدهم ( عثمان ) وهم بالقرب من منزل عبدالله الشيخ.وكان ذلك في المرحلة الوسطي بالأميرية2
أرجو من يقرأ هذا من دفعتنا بالأميرية أن يترحم علي كمال محمد علي ويسأل الله له المغفرة.

Post: #50
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 01:24 PM
Parent: #49

الصفحة 14 ما فيها اي مشاراكات بخصوص المدارس

الصفحة 15

عزام فرح

مدرسة الشعبِية جنوب الإبتِدائِية 1970م – 1973م


الوقوف بِالصف الأول :
أُستاذ طه (يرتدي نظارتِهِ الشهيرة) + أُستاذ ؟؟؟؟؟؟؟
عدد [22] طِفل أذكُر مِنهُم :
رقم (10) المرحوم شاكِر
رقم (21) أُسامة أبودَيه (قبل الأخير)

الصف الثاني :
عدد [22] طِفل أذكُر مِنهُم :
رقم(5) عاصِم عطا المنان.
رقم (6) عزام حسن فرح.
رقم (10) أمير قِناوي.
رقم (11) حسن عبدالرحيم.
رقم (12) المرحوم / رشاد بابتود.
رقم (13) شِهاب مُرسي.
رقم (14) عادِل بابِكر.
رقم (17) ياسِر.

الصف الثالِث :
عدد [22] طِفل أذكُر مِنهُم :
رقم (4) عاطِف منصور.
رقم (8) ممدوح نعيم إرسلان.
رقم (10) مُحمد الكُردُفاني.
رقم (13) عبدالقادِر.
رقم (21) عاطِف السنهوري.

الصف الأخير :
عدد [20] طِفل أذكُر مِنهُم :
رقم (1) تاج السِر.
رقم (4) تاج السِر صِبير.
رقم (17) مُرسي.

ويظهر الأستاذ / سمير بِمُفردِهِ قبل الصف الأول.


( المشاركه عبارة عن صورة والاخ عزام بيورينا اسماء الطلاب مع الاخذ في الاعتبار ان الصورة مرفوعه من المشاركه لكن على ما اظن في احدي مشاراكات الاخ عزام

في نهايه البوست يعني في الصفحات النهائيه نزل الصورة دي )

Post: #51
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 01:31 PM
Parent: #50

الصفحة 15

بدر الدين اسحاق احمد

جيلنا اول المولودين فى هذا الحــى ( مع الاحتفاظ بحقوق المواطنــة فى المنطقـة التى لم تسكن من قبل ) شاهدت اول سكننا ماكينات البلك تعمل فى غابةمن المسكيت ( التمربونا ) ما معروف امكن يجـتى يوم يكون السكن بالميلاد وقايمتنا تمتدوتشمل الاعزاء رفاق الطفولـة والصعاب والمدرسة :فى الفترةمن 1970 -1976 م
ابو بكرعباس فقير فضل .. السعودية الرياض شقيق محمد وصلاح عباس حارس مرمى الجهاد
الفاتح عبد الله عبد القادر ..سوريا درس فى مدرسة الخشب .. شقيق عبد الرحيم عبدالله ( برعـتى ).
علاء الدين محمد نور .. جار ناس ابو قرجة من جهة الغرب .. شقيق مبارك ..ولاء ..
عباس عبد الرسول ( عليه رحمة الله) كان يسكم شارع ناس ابوقرجة ..شقيق عبد الرحمن وعبد الرحيم ( وتد ) وعلى كسيلــة .
بدر الدين عمر ابكر ( كاكرج ) ...ابن عم عمر مؤذن جامع 8/9 ..شقيق ابراهيم
عادل حمد على حمد ( الليرى ) .. يسكن شارع ناس خالتنا المليجيةوناس عابدين ...شقيق المرحوم عماد ود اللارة .. وعوض دبوس صيدلى بمستشفى احمد قاسم .
عبد القادر خليفة .. شقيق عارف وعاطف ... مغتربين فى الخليج وين اعلمونا ..
عادل محمد عبد المجيد .. يسكن فى 8/9 يفتح بيتهم على الزاوية جيران ناس الفحل ميسرة والفحل .
عماد شكوكو ... سكن مربع 6/7 دفعتنا تباعدت بنا الايام وهومعلوم شقيق كل من صلاح وايهاب وعادل .
خالد ( النيجيرى ) جار ناس محى الدين والسر دراج وهمبرضوا دفعتنا لكن اظن محى الدين اكبر مننا لكنه درس معنا .
( يحيى ...يسكن خلف ناس مجدى كنـه من جهة الشمال رحلوا اوائل السبعينات طالت المدة .
التاج نقد ...التاج شريفة .. الشخص العجيب معك وضدك صاحبك وغير ذلك منزلهم دار الاستراحـة لنا بعد المدرسـة .
مجذوب جابر ...بيتهم يفتح على زاوية 6/7 من جهة الشمال ..شقيق محمد ومحجوب
حاتم ( كونج ) جار ناس ممد ادريس وناس حمدتو ..شقيق عادل بوديــة وعلى صــج
نائل البعيو ومحمود حسن الشقيقان الذين درسوا معنا لكن محمود اكبر مننا ..ومنزلهميفتح على دار العمل الوطنى بمربع 6/7.
حاتم وعصمت الكرابيج ... حبايبنا واصحابنا الشقيقان درسوا معنا فى فصل واحد ...لكن عصمت عجوزواكبر مننا ...اشقاء عادل واحمد والرائع المسكون بحب الشعبية بكرى ادريس القائم على رفع راية التحدى لاخواننا فى الشعبية شمال .
حيدر عباس ابو شامة ..جار من جهة الشرق لناس عادل بوديةومقابل لناس حمدتو .. شقيق فيصل .. والاخ الاكبر السر عباس ابو شامة القامة الرياضية والعلم له التحية ((بالمناسبة هو من المقربين لحيدر الجقدلــى استقطابه لهذا البوست كسب كبير )).
لابد لنا من فرد داخل الاسرة الرياضية ناس كمونية ... مصطفى سليمان ..شقيق عبد المنعم ومروان وكابوس .
بدرالدين ترير .. ابن المرحوم عمنا ترير ... دكانهم علمفى مربع 4/5
بدر الدين ( شقيق عروبى ) ..انقطعت عنا اخباره ...
صلاح محمد صلاح ... فجعنا ونحن صبية بموت والده فى مذبحة قصر الضيافة ..وهو عقيد معاش الان .. ابن خالة ناس اسامة ابودية.
معتصم حماد ...ود النية ...شقيق الشهيد خوجلى وسلام والمرحوم جماع
وحبيبنا صلاح محمد الحسن ( التيس ) ما كان اللقب فى زماننا إساءة ..يفتح منزلهم على ساحة زاويةمربع 4/5 غرب دكان العصامى ( جوبى بتاع الفول ) .. والده المرحوم محمد الجسن محمد على من كبار الاخوان المسلمين الذين عملوا فى النقابات وكان له دكان ترزى فى منزله له الرحمة .
متوكل احمد على ..شقيق خوجلى الشهير بفريد (( لينا معهم صلات وجولات ايام الديمقراطية الثانية خاصة ايام لجان التموين مودتنا موصولة بهم حتى اليوم
عباس عبد الرحمن شقيق ناس ياسرو فائز ويوسف سكنوا فى نربع 8/9 ورحلوا الى مربع 4/5 .
عبد العظيم عبد القادر .. يفتح منزلهم على زاوية مربع 4/5 من جهة الشمال
حمود ... ولد خالتنا مياسـة صاحبة الدكان .. شقيق جاطـة منزلهمجوار الزاويةمباشرة
نادر حمزة ...يسكن شق ناس وليد وياسر عبد الحميد البيت الناصية رحل قبل سنوات
فيصل الشهير بفرينـى ..منزلهميفتح على شارع المدارس قرب مدرسة الشعبية الابتدائية
شاكر رحمه الله وشقيقه صبرى عبد الحميد ... كان تاعبنا رحمه الله لنا معه معارك حامية ا########س ...اشقاء بدر الدين
معاذ شقيق جبـه بتاع الفول منزلهم يفتح على مدرسة صالحين
ابوبكر الصديق كان ساكن غرب دكان ام النصر شارع ناس عمكصديق
الفاتح صديق ولد عمك صديق غفير مدرستنا
عادل خطاب يسكن جوار الفاتح صديق من جهة الشرق
مجدى وحاتم حسن العوض الشقيقان درسوا معنا فى فصل واحد يسكنون ملاصقين لناس قناوى
امير عبد الله نصر قناوى ... دايما بيطلع الثانى ما عارف ليه ...امكن عشان عادل بابكر ماسكنا ليك الاول من اولى حتى سادسة علماً باننا اول من درس خامسة كما اظن.
عماد عبد الوهاب ابن اخت خالتنا ام النصر صاحبة الدكان ..رحل الى الحاج يوسف
محمد الحسن كردفانى .. يسكن فى شارع المعونة فى الشعبية فى منزلهمبقالة نعمـتة المشهورة
تاج السر صبير ..منزلهم جوار ناس المرحوم شاكر من جهة الشرق ..حريف فى الكورة
تاج السر محمد الحسن ..منزلهمجوار ناس شاكر من جهة الغرب
محجوب حسن ربيع ..جارنا من جهة الشرق يعمل معلم فى الرياض الان .( الحلبى ).
( ديل بــس ناس جنوب وناس الشعبية جنوب جايين )

Post: #52
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 01:43 PM
Parent: #51

الصفحة 15

عادل عثمان

الاخ عزام
السلام والرحمة
صورتك تاريخية برضه. 1970 - 1973؟ طيب مفروض نكون اتلاقينا فى الشعبية جنوب الابتدائية. ولكننى بالطبع اكبر منكم. أنا درست بين 1967 - 1973 والصورة اعلاه طبعآ قبل تغيير الزى المدرسى بعد انقلاب مايو 1969.
ارجو تصغير صورتك. ويمكنك ان تضع هذا الرابط مكان الصورة
http://usera.imagecave.com/adilo/shaabiasouthprimaryschool.jpg

الصفحة 15

منير

أول شئ أنا عرفت من القاعدين في الصف الأول نمرة اثنين من اليمين كمال بدر سليمان ، وهو الذي كان يأتي به أخوه حامدين (رحمه الله) للمدرسة بالعجلة .. وأتذكر في احد الأيام دقشوني بالعجلة في زحمة شارع المدارس ديك، وتخيل أنهم بعجلتهم الرالي طلعوا وعدوا فوق بطني عديل كدة .. يعني أنا الزمن داك لو ما كنت بأكل قراصة و تمر كتير كنت اتقطعت لنصفين ..

أها إنت يخيل لي الشافع نمرة تلاتة من الشمال في الصف التاني المربع يديهو ده ..
وبعدين يا عادل أنا قلت ليك صورتك في ذهني هي صورة الابتدائي بالردا والقميص ، يعني شغل الجلاليب ده ما معانا ..


التعديل لربط كلام الاخ منير مع كلام الاخ عادل عثمان لانه مرتبط ببعضه


( المشاركه عباره عن صورة ما بعرف المشاركه دي تصلح للباب دا ولا لي باب الصور روما )

Post: #53
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 02:00 PM
Parent: #52

الصفحة 15

الحاج حمد

طبعا يا منير لو ما ايام الطفولة و الجسم المرن مش القراصة و التمر ، كدي هسع تجيك دقشة خفيفة شوف البحصل..القراصة دي ذكرتني الأخ هاشم مختار كنا ندق الكدر في الطريق للأميرية (2) و يوم الصباح ماشين جات سيرة الفطور قام هاشم مختار قال: و الله الفول و الفتة دي خلاص زهجنا منها و الله أنا فكرت اجيب معاي قراصة في كيس

Post: #54
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 02:06 PM
Parent: #53

عادل عثمان

اجابتك الاولى صحيحة مية بالمية. فعلا هذا هو الاخ كمال بدر. كان تلميذآ لطيفآ وحكيمآ ومجتهدآ رغم شلل الاطفال. فيما بعد صار له عجلة معوقين يقودها بنفسه. وفى المدرسة كان يستخدم عكازين للمشى. للاسف لم التقيه بعد الابتدائى سوى مرات قليلة. ارجو ممن يعرف عنه اخبار ان يزودنا بها هنا وان ينقل له سلامنا وتحياتنا.
كويس انه عفصوك بى عجلة حنينة. والا ما كنا سنقرأ لك اليوم، ونتونس معاك. حفظك الله من الحسد ومن السوء.
اجابتك الثانية غلط. ولن اتبرع لك بالاجابة.
هل تذكر متى غيروا الزى المدرسى من العمة والجلابية الى الردا والقميص؟ حتى نعيد تنشيط الامثولة ( كدا ياب ردا؟) ونقفل القوس.
بالمناسبة يا منير انت الدفعة البعدنا طوالى. يعنى لما نحن مشينا سنة تانية انت دخلت سنة اولى.
فى هذه الصورة المرحوم جمال سلامة. ابوه سلامة صاحب وكالة بدرة فى شارع الكبرى. هل تتذكره؟
يللا شد حيلك واجتهد. ولكل مجتهد نصيب.

Post: #55
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 02:12 PM
Parent: #54

الصفحة 15

الحاج حمد

لو الصورة فيها المرحوم جمال سلامة غالبا يكون الرابع في الصف الثالث (دي باللون بس طبعا) و المرحوم اذا لم تخوني الذاكرة كان صديق للأخ محمد عبد الماجد شقيق المرحوم أحمد عبد الماجد و الذي علمت بوفاته مصادفة خلال اجازتي قبل عامين و هو دفعتنا بالأميرية (2) و شقيقه احمد الدفعة القدامنا.

Quote: هل تذكر متى غيروا الزى المدرسى من العمة والجلابية الى الردا والقميص؟


دون الاستعانة بصديق أعتقد أن ذلك تم في العام 1970




الصفحة 15

منير

طبعآ ياعادل أنا خمنت الولد المربع يديه عشان توسمت فيه الشطارة والتهذيب ومسكنة الشطار !!.. لكين طالما طلع غلط إذن بعد كده الاقبل علي الشيوخ أبان عمم ديل .. ههه ..
وكمال بدر أنا قابلته في صيف 2006، وهو كما هو نفس كمال بدر الزمان ، لم يتغير والزمن ما أكل ولا شرب منه أي حاجة ..
طبعآ قصة انكم قدامنا بكثير دي كانت مزحة وأعرف أني وراكم طوالي ووراء اسامة سعد علي طول .. وهسة أنا داير أشوف متابعتي ليهو في امريكا دي حتتم كيف إذا بقينا حييين في الدنيا أم قدود دي .. باقي أنا مؤمن بالترتيب المقدر للصدف ..

وكما قال الحاج تغيير الزي المدرسي كان سنة 70 مع السلم التعليمي ومحي الدين صابر .. والذي كانت ابنته دفعتنا (أعتقد) في مدرسة عشمانة وكان الاساتذة ينظمون بيننا منافسات حامية، وأذكر أنها كانت معروفة بالشطارة الفائقة .. بل ربما كانت اشطر تلميذة في دفعتهم ..

ياالحاج والله قصة الغداء في محل الشغل ده عامل لي معضلة .. الواحد لو حاول يمشي يتغدا بره يومه يضيع ساكت ، وكافتيريتنا أكلها ما نافع معاي .. وسندوتشات البيت كمان ما شغالة شديد .. وأساسآ الواحد ما عنده نفس للأكل ذاتو .. مازي الخواجات ديل الواحد لو ختيت ليهو سم يسفسفه ليك ويقش الصحن ..

يعني زي ما بيقولوا .. قصة أمورو بايظ ..

Post: #56
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 02:18 PM
Parent: #55

الصفحة 15

منير

وحفزتني مشاركات الأخ عزام وبدرلدين بذكر الشخوص والدفعة فحاولت في هذا الليل الاوروبي البهيم حيث لا اسمع شيئآ سوي زنة الكمبيوتر وتكتكة ساعة الحائط لأشحذ الذاكرة وأتذكر دفعتي في الشعبية جنوب الابتدائية فصل سادسة (أ) . حاولت أولآ بأول أكتب أسماء الذين لم أرهم منذ الابتدائي ولم اسمع عنهم منذ ذلك الحين .. وقد تذكرت فقط عدد 58 منهم في ظرف ربع ساعة تقريبآ .. وأكيد جل من لا ينسي قد لم أوفق في تذكر الكثيرين .

وهم حسب تواردهم من ذاكرتي :


(1) طارق أحمد الزبير .. رحل الحاج يوسف منذ ذاك الزمان ولم اره بعد امتحانات اللجنة ولم اسمع عنه منذ ذاك الحين .. أتمني أن يكون بخير ..

(2) عمر أحمدعبدالعزيز .. كان والده متوفيآ، وكثيرآ ما كنا نري دموعه عندما يتذكر أبوه ، رغم أنه كان من شفوت الفصل من ذوي القلب الحار .. أتمني أن يكون بخير ..

(3) اسماعيل صالح .. برضو لم اسمع عنه منذ الابتدائي وكان من اقارب عمر احمد عبدالعزيز ..

(4) عبدالإله محمد عثمان .. من الصافية، وقد كان من أعز الاصدقاء وما زالت والدتي تتذكره وتقول لي مافي زول لاقاها زي عبدالإله الذي يوم ظهور نتائج امتحانات اللجنة جاء بيتنا جاري قبل ما يمشي بيتهم وجاب لأمي بشارة نجاح ولدها منير .. وعبدالإله ظل قامة قمة في حسن الخلق والتهذيب الشديد .. تخرج من كلية القانون جامعة الخرطوم، وآخر عهدي به أن سمعت به اغترب في السعودية .. وأنا من بعدي برسل له سلامي ..

(5) أسامة مصطفي ـ وهو جارنا في الـ48 بيت في شارع الكابويات ، وكان اسم الشهرة في الفصل اسامة ترنتي لشبهه ببد اسبنسر من حيث الحجم والملامح ..

(6) عادل مصطفي ـ أخو أسامة ترنتي وقد كان رفيق الدرب في مشوارنا اليومي للمدرسة في الصباح ودرس العصر والعودة من المذاكرة الإجبارية ..

(7) عصام عبدالباسط .. برضو في شارع الكابويات مع اسامة وعادل وبرضو كان رفيقي في مشوار المدرسة.. وطبعآ أخويه هم أحمد عبدالباسط (الأكبر) ووليد (الاصغر).

(8) معتصم محمد فرح .. الزول ده من الذين رحلوا الحاج يوسف وكان يجي مدافر يوميآ من الحاج يوسف للمدرسة ـ وبالمناسبة هو أكثر زميل والله مشتاق أعرفه وين لأنه منذ الابتدائي مثل آخرين لم أره ولم اسمع به .. وقد كان يحيرني بأدبه وتهذيبه وفي نفس الوقت طيبته وتدينه .. فقد كان مواظبآ علي الصلاة منذ ذاك الوقت .. وقد كان يدهشني بأنه وقت المذاكرة الإجبارية المسائية أول من أذان المغرب يؤذن يمشي يصلي في النجيلة ويرجع وجهه مليان قش .. تري أين أنت الآن يا معتصم !!!...
.

ومن أولاد ديوم بحري كان معنا:

(9) طارق حبشي .. الآن محامي مرموق .. قابلته في صيف 2006 القريبة دي .. وماشاء الله نفس ملامح الابتدائي التي شب بها شاب عليها وأظنه حيشيب عليها .. ورغم طول المدة لم يكن صعبآ علي التعرف عليه قبل عدة سنوات ثم قبل السنتين ديل ..

(10) محمدالأمين محي الدين .. كان من الاولاد المهذبين الشطار .. وأكثر ملمح تاريخي يذكرني به هو أنه كان مقلدآ بارعآ للفنان أبوعركي البخيت .. الكلام ده في الابتدائي طبعآ.. وأيضآ قد انقطعت أخباره عني منذ أمد بعيد ..
وخلينا نمشي نكاوش من بعيد كده ونصل الحلفاية .. وطبعآ الحلفاية دي كانت بالنسبة لينا بلدآ طيرها عجمي .. وكان شغال معانا أحد ظرفاء الحلفايا وهو صديق عزيز وكنت بقرق عليهو وبقول ليهو ياخي الحلفاية دي أقاليم عديل كده ، قلت ليهو ياخي نحن لمن نكون مسافرين الشمالية بالقطر والقطر يجي قصاد الحلفايا نحن نكون already نمنا وصحينا .. فأخونا زعل شديد وقال لي يعني لمن تصل زومتكم الما معروفة وين ديك تكونوا متوا وحييتوا؟؟ ههه ـ نرجع للدفعة من الحلفايا :

(11) عوض محمد حسن .. وقد كان تلميذا محبوبآ وكان يعاني منذ ذاك الزمان من مرض السكري أتمني أن يكون بعافية وخير ..

(12) عيد محمد حسن .. وهو الأخ الأكبر لعوض لهم جميعآ آلاف التحايا ..

(13) ياسر ابراهيم علي .. وهو من الاصدقاء المهذبين جدآ والشطار ، وقد زاملني أيضآ في الاميرية2 فصل جنوب، ثم فصل فيثاغورث ببحري الحكومية وتخرج من هندسة الخرطوم، وانقطعت اخباره عني .. إلا أن الصديق عماد عبدالله الطيب قال لي أن زميل المنبر ناظم ابراهيم علي هو أخو ياسر . وناظم تداخل في بدايات هذا البوست وذكر أنه زامل أخوي أحمد عبدالرحيم ثم اختفي .. أرجو أن يبلغ سلامي للعزيز ياسر ..

.
.
وسأواصل باقي الأسماء بإذن الله .. أنا لسه ما خشيت علي أولاد المزاد والصبابي ومن ثم شباب الشعبية جنوب وهم الاغلبيه




الصفحة 15
الحاج حمد

Quote: وقد تذكرت فقط عدد 58 منهم في ظرف ربع ساعة تقريبآ



يا جماعة قولوا ما شاء الله أصلو منير دا الما قرأ معاهو ما بعرف قدراته الذهنية ، زاملته في الأميرية (2) و في فصل واحد و طبعا جارنا في الشعبية ، من تمغرب نقعد قدام بيتهم يطربنا بالطنبور و لما نتفرق يرجع البيت يكون عندو لوحة برسم فيها يتمها و الصباح يكون عندنا امتحان (يجي يجضمو) بعدين حكاية يذاكر بالساعات دي ما بعرفه.

Post: #57
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 02:58 PM
Parent: #56

الصفحة 15

عادل عثمان

لو الصورة فيها المرحوم جمال سلامة غالبا يكون الرابع في الصف الثالث (دي باللون بس طبعا) و المرحوم اذا لم تخوني الذاكرة كان صديق للأخ محمد عبد الماجد شقيق المرحوم أحمد عبد الماجد و الذي علمت بوفاته مصادفة خلال اجازتي قبل عامين و هو دفعتنا بالأميرية (2) و شقيقه احمد الدفعة القدامنا.


الصورة فيها المرحوم جمال سلامة. وهو بالضبط الرابع فى الصف التالت. لونه فاتح لأنه كان (حلبى) كما يقولون فى السودان. من اصول مصرية او سورية. بيتهم كان قريب جدآ من المدرسة. شرق المدرسة فى المزاد المفتوح شمال ميدان المولد (مستشفى احمد قاسم حاليآ). وكان فى بيتهم دكان ناصية. و فى نفس صف بيتهم كان فى مصنع للداندرمة. حيث ترى عربات الندرمة ذات الدفع الثلاثى! فى انتظار تعبئتها بالخلطة المثلجة اللذيذة. وكنت تشم ريحة خبيز كاسات الدندرمة ice cream cones فقد كانوا يصنعونها فى نفس المحل.
توفى جمال سلامة فى عز شبابه. له الرحمة .
فعلا كان محمد عبد الماجد دفعتنا. بيتهم كما تعلم فى شارع الكبرى. وابوهم كان موظف كبير فى الخدمة المدنية السودانية (وكيل وزارة اعتقد)، وكان محمد شاطر ومثقف للغاية. وكان يتميز بصوت جيد حين يلقى القصائد فى الفصل. لغة عربية سليمة وصوت قوى. وكان من التلاميذ القلائل الذين يرتدون ساعات على معاصمهم. مرات ابوه كان بجيبهم المدرسة بعربته المميزة. فولقا صالون. كما تعلم كان السودان ذاك الوقت منفتحآ على الاتحاد السوفييتى ودول شرق اوروبا. فاستورد عربات الفولقا والموسكوفيتش الروسية الى جانب دبابات تى 55 وطائرات الميج.
احمد عبد الماجد بعدنا بسنة. وكان ايضآ تلميذآ شاطرآ. وإن كان يختلف عن شقيقه محمد بشقاوته وشغبه streetwise كما يقولون. ولقد اتاحت له الدنيا ان يعيشها بالمغامرات والتجريب. رحمه الله.



الصفحة 15

الحاج حمد


Quote: فعلا كان محمد عبد الماجد دفعتنا. بيتهم كما تعلم فى شارع الكبرى. وابوهم كان موظف كبير فى الخدمة المدنية السودانية (وكيل وزارة اعتقد)، وكان محمد شاطر ومثقف للغاية. وكان يتميز بصوت جيد حين يلقى القصائد فى الفصل. لغة عربية سليمة وصوت قوى. وكان من التلاميذ القلائل الذين يرتدون ساعات على معاصمهم. مرات ابوه كان بجيبهم المدرسة بعربته المميزة. فولقا صالون.



والد محمد و المرحوم احمد عبد الماجد فعلا موظف كبير و أعتقد كان مدير لمشروع الجزيرة أو ما شابه ذلك و فعلا اتذكر محمد كان وجيه و انيق و مهذب تهذيب شديد و اتذكر عربتهم الفولقا البيضاء ، بعد سنين طويلة و مصادفة تم ارسال مجموعة من طلاب السنة النهائية بمدرسة العلوم الادارية بجامعة الخرطوم للتدريب معنا بالشركة و كانت بينهم شقيقتهم و هي أيضا قمة في التهذيب و الأدب ، الله يرحم أحمد عبد الماجد و التحية لمحمد عبد الماجد.


Post: #58
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:10 PM
Parent: #57

الصفحة 15

منير


أعود لمواصلة تذكار زملائي في سادسة (أ) ..

وأتذكر الأخوة من المزاد الشقيق :

(14) ابراهيم محمد سيد النور : وهو صديق عزيز كان قاعد جنبي الدرج بالدرج .. بيتهم في ركن الملتقي الجنوبي الشرقي وبه بقالة .. أخوه عوض كان زميل احمد أخوي برضو .. واذكر أن ابراهيم ده كان اصلو ما بيلاوز من حاجة .. ممكن يقتحم أي مخاطر بشقاوة لا تعرف الخوف .. ومن الطرائف أنه في طريقه من وإلي المدرسة كانت هناك كلبة ـ يخيل لي بتاعة ناس الأخ حسن تاج السر ـ سادسة(ب) ـ .. فكان كل ما يجي بالشارع داك الكلبة بت الذين دي تهيج فيهو وتهاجمه .. وكرهته الشارع .. قام يوم كده لمن جاته هاجمة وقف ليها واتمط شديد وراح شايتها ليك شلوت ساموطي جاها ليك في قدومها بالزبط .. لغاية ما راسها خدر .. فتفاجأت الكلبة وطيرت عيونها وقامت جارية وهي تصرخ وييي ويييي وييي .. وتاني من اليوم داك ابراهيم قال لي بقت صاحبته .. وبقت عندما تشوفه جاي من بعيد تجي جارية عليه بإبتسامة عريــــضة ومعاها هزهيز ضنب شديد !!! .. تاني تجي الحفلة؟؟..

(15) مجدي مرسي فؤاد .. برضو من اولاد المزاد وكان حلبي قلبه حار وشاطر .. ولا أذكر بعد الابتدائي اختفي وين لأني منذ ذاك الزمن قابلته مرة واحدة بس أمام باب بحري الحكومية وتاني ما شفته .. لكين أكيد جمال المنا بيكون عارف جيهته ..

(16) رشاد الزين محمد حسن .. صديق عزيز زاملني ايضآ في الاميرية ومنها التحق بالخرطوم القديمة ثم درس الهندسة المدنية في الاتحاد السوفيتي علي ما أظن .. كان هادئآ خلوقآ .. قابلته تقريبآ في اواسط التسعينات ووجدته كما عهدته .. نفس الطبع الهادئ والخلق الرفيع .. بيتهم فاتح في شارع المعونة قصاد عيادة دكتور عطا المنان حسن جردل ـ بس شوية علي زاوية ـ

(17) مجدي حسين .. بيتهم في الشارع التاني من شارع المعونة .. وهذا الزول من عهد الابتدائي تاني ما شفته .. والواحد حقو يوم يمشي يكابس في الشوارع دي ويفتش العالم ديل ويشوف اراضيهم وين ..

(18) محمد عوض .. أها محمد عوض ده كان من ناس الصفوف الورا مع ناس اسامة ترنتي.. لكنه كان قليل الكلام هادئ الطبع.. إكتشفت بعد تخرجنا من الابتدائي أنه قريبنا ومن بلدنا .. أخوه الأكبر إسمه أزهري عوض كان صديق جارنا صلاح الكاشف ..

(19)سيد طه (اتمني اكون ذكرت اسم والده صاح) .. هو ايضآ يسكن قريبآ من منطقة سلوي بوتيك .. قابلته مرة صدفة فلم يعرفني ..رغم أنه كان قاعد جنبي في نفس الكنبة .. قلت ليهو كده برضو تنسونا ونحن ما ناسين ؟ ..

(20) سيف .. بالرغم أنه من بلدنا لكين خايف أذكر الاسم غلط وأتلوم معاه .. أصلو في سكة الحياة قابلت عدد لا يحصي من السيوف وكلهم كانت اسماءهم متشابهة ..

(21) كمال أحمد عمر .. المشهور بالهدندوي .. وأعتقد أنه فعلآ هدندوي.. كان من الاصدقاء القريبين وكان دائمآ ضاحكآ ممازحآ .. قابلته آخر مرة منذ دهور في سنة 2001 ..

(22)أحمد خيري أحمد .. أذكر أنه كان يقول أنه ساكن كرش الفيل .. وطبعآ الواحد بعد ما كبر حتي عرف كرش الفيل دي وين ـ ده لو معلومتي زاتها صاح وما طلعت مغلوطة ـ أحمد خيري ده من الابتدائي تاني ما سمعت عنه .. إلا أسأل منه جمال منا السيد .

(23) سامي التوم .. لي زمن طويل ـ عشرات السنين ـ ما لاقيت سامي ده .. لكين طبعآ زي ما عارفين البلد دي ضيقة ومصيره الحي يلاقي لو الله مد في الايام ..

(24) أحمد عبدالمنعم حسن .. من اولاد الفصل الحمر الأشداء .. كان هادئآ مسالمآ قليل الكلام .. ولكن رغم أنه كان صديق حميم في المدرسة إلا أني كنت قابلته يومآ ما فسالمني ببرود كأنه لم يتعرف علي .. قلت والله سبحان الله الظاهر الواحد كان قاعد في طرف الذاكرة ..

والأن ايضآ تذكرت أحد الأخوة الذي اظنه ايضآ كان ساكن الديوم ثم رحل الحاج يوسف اسمه:

(25) سامي عثمان.... .. وقد كان ايضآ ذو طبع هادئ جدآ (طبعآ ملاحظين أن الذكرتهم ديل معظمهم من ذوي الطبع الهادئ، ودي حقيقة ليست مجاملة لأحد .. بس برضو يمكن كلنا كنا هادئين ومهذبين من كثرة الجلد وسيطان النيم ) .. سامي ده كان حارس مرمي بارع علي ما أذكر .. وهو ايضآ من الذين لم ارهم منذ ذاك الزمان ..

كما ايضآ فاتني أن أذكر من اولاد الحلفايا زميلنا :

(26) أحمد دهيب .. والذي شاهدته ـ عندما كان عندي دش ـ في التلفزيون وقد اصبح ممثلآ ومخرجآ .. واكتشفت ان اسمه الكامل أحمد رضا دهيب .. قابلته بالصدفة سنة 2006 بعد طول هذا الزمن، وكم سرني أنه تعرف علي حالآ .. له ألف تحية ..

كما ايضآ أذكر الصديق العزيز الذي لم اتأكد إن كان من اولاد المزاد أو الديوم أو حي الدناقلة هو الأخ:

(17) عماد الطيب موسي .. كان عامل لي ملاوزات مع اسم العزيز الصديق عماد عبدالله الطيب .. شايفين؟ إلا الواحد يحلل الاسم ويخته في اقواس حتين يفرزهم .. له السلام العاطر ..

..

Post: #59
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:14 PM
Parent: #58

الصفحة 15

عزام فرح

الليلة شايتين ضفارى

تحديات الطريق الى المدرســة
يعلم الله ان الطريق الى المدرسة فى ايام دراستنا كان ذو تحديات ومخاطر جســام لن تسلم فيــه كل يوم الا ( بتكتيكات ) متعددة وطرق مختبرة ...وشلل متناقمة ومتدربة على القتال ...
خط سيرنا من مربع 8/9 السشعبية جنوب يتضمن المرور بكل الاراضـى المعادية ...ويندر ان تجد ارض صديقــة الا من بعض الملاذات الامنــة يوماً من بعد يوم .
التحدى الاول :
حاتم محمد عثمان ( كونــج ) ذو حماية لها باع طويل فى العراك ( عادل بوديــة ) ...لدينا اشتباك كل يوم ماشين شكله وراجعين اخرى ....حين نفكر بتغيير الطريق نجد الاحباب ((الحلب )) ناس النعير يجلسون زرافات ووحداناً لا قبل لك بخوض معركة لوحدك معهــم ابداً ..
التحدى الثانى
ثم ننتقل الى الارض المعادية الثانية ... ناس المشاكس التاج ( نقد ) شريفــة ما فيهو مروة وحيل بس بتاع شربكة ودائماً انا ( عالقوا ) ..
ومنطقة حرب اخرى ... مجذوب جابر ( اخوهـ الكبير محمد جابر ولاتعليق ) يوم مطفقنا ويوم مكسرنوا واحسن حاجــة انه كان لايتمتع بأى دعم من ناس المربع .
التحدى الثالث :
ناس مجدى حسن العوض .. شايقى مقلوص ( ماشاء الله ) تكسروا كيف الله اعلم ...ثم بعض المناكفين الفاتح صديق ...عمك صديق الغفير فى المدرسة لو هبشت الفاتح الله قال بيه قولك السنة كلها مجلود واستاذ حسن ( الله يطراهوا بالخير لو انشبك فيك يحل فقط انتهاء العام الدراسى (( برضوا تقول ليــه نظريات ومناهج تربية ))..

التحدى الاشرس :
شاكر اسماعيل ( رحمة الله عليــه ) .. استاذ فن المشاكل والصراع بيكون معدل المعارك معاهوا اكبر معدل مشاجرات فى كل المدارس الابتدائية فى افريقيا ... بمعدل شكلة فى فسحـة الفطور واخرى فى الفسحـة وثالثة بعد انتهاء اليوم الدراسى ... ذو دعــم أسرى شقيقه الاكبر بدر الدين .ز ومنزلهم يفتح على المدرسة .. الغريب انوا صبرى برضوا درس معانا فى فصلنا كان يفصله عن شاكر ابعاد كثيرة فى كل شى
تحديات إنصرافيــه
ناس الشعبية شمال فى مدرسة الشعبية جنوب ناس محمد الحسن نمر ... اسامة ابودية ..ونادر منصور
تحديات اولاد الديوم
معارك غير منتظمـــة عاطف ود الكويــة ... بابكر ود الجاك
الملاذات الامنـــة
من دفعتنا لم يعرف عنهم نوازع شريرة للتعارك والتشاجر كنا نجد الملاذ الامن فى منازلم فى طريق عودتنا من المدرسة لهم علينا حق الجوار مستقبلاً كما اجارونا ونحن مستهدفين من قبل الجماعات المعادية صغاراً:
عماد محمد عبد الدائم ( شكوكو ... بيتهم بـه رسومات ولوحات وحاجات عجيبة كنا ننظر اليها
حيدر عباس ابو شامة ملاذ امن فى مربع 6/7
عبد العال على الحسن .. شخص رائع منذ صغرنا الى اليوم لم تنقطع صلتنا بهــ معتصم حماد ... شقيق ناس سلام والشهيد خوجلى
التكتيكات العملياتيـة
ان تكون من ضمن شلة ذهاباً واياباً ( الدواعى والاهداف المادية لقيام الشلل )
ان تتكون الشلة من بعض التلاميذ من الصفوف المتقدمة زى ناس عادل محمد عثمان
ان تتحرك الشلة فى زمان محدد
ان تسلك الشلة طريق محدد

وفى اطار النقد الذاتــى
جماعات كنا نتسلــى بضعفهم من ابناء الاحياء البعيدة ناس( عوض عبد الوهاب يسكن الدناقلـة ...محمد طاهر يسكن حلة خوجلى (((المحيرنــى الى اليوم هم الوحيدين الذين لنا صلات وطيدة معهم ))).
كان عندنا جــن مع الحلب ... ومافـى حلبى قدر علينا الا شاكر اسماعيل رحمــه الله .

(((( برضوا يا دفعة صلاح محمد صلاح تقول ليــه فقرى وبتاع مشاكل ))) ياخى بكون انا فى الابتدائى دخلت ليه فى الف ( 1000)) معركة ...وحين اتذكر ذلك اضحك بصورة هستيرية (( المدام تقول للاولاد ابوكم جنــه....يا ناس الشعبية هيييييييييييه :

سواقط من الذاكرة
راشد محى الدين سيد احمد ...فتى خجول الى اليوم ..يسكن مربع 8/9 دفعتنا
محمود احمد اصوصا باشا ... من شلتنا ذهاباً واياباً ..يكن مربع 8/9
حمدى يوسف رحمة الله ( رجمة اللة ) الاسم .. شقيق كل من شعيب وعبد المحسن يسكن مربع 6/7 جوار نصر الدين فارس .
النور جبريل عمر صابون فتى دمث الاخلاق الى اليوم ..يسكن الشعبية شمال حلة المارد قرب ناس كباشى وطارق دلدوم .
محمد مرسى .. فتى وديع يسكن مربع 4/5 جوار ناس صلاح محمد صلاح .
سمؤال ولد الناظر وابن خالته نزار .. دفعتنا

هام وعاجل
ننعـى الى اهل البوست والشعبية شقيقنا واحد اعمدة حــى الشعبية ذو الصوت الجهورى ياسر موسى ابراهيم .. شقيق سوسو مدرب فريق الزهرة وكابتن فريق الرفاق (( سابقاً )) رحمة الله وبركاته على اخونا ياسر موسى
المرحوم اعتقد دفعة ناس عادل محمد عثمان
درس فى الديوم الابتدائية
الاميرية 2
الثانوى ... خربت الذاكرة
لعب فى فريق الجهاد ( ناس الزهرة الى اليوم زعلانين من هذا الامر )
لم يتزوج الى تاريخه
يسكن مربع 8/9 منزلهم يفتح على الميدان
هاجر الى العراق منذ 1986 الى تاريخ وفاته لم يعد الى سودان المحبة والاحباب ..دفن فى مدينة الرمادى بعراق الصمود .للتعزية تلفون شقيقه محمد موسى كبيدهـ 0912999144
منير :اخيراً تذكرتك جيداً تعبرون من امام منزلنا الى المدرسة ذهاباً واياباً وتسكن قرب ناس وليد عبد الباسط واظن مرتضى رشوان ...اين ننوس ذلك الفتى الابنوسى ...
الحبيب عزام شعرت بثقل فقلت علينا بالشوارد علها تيقظ فى دواخلنا ما سكتنا عليــه حقب زمانيــة طويلة علها تهيج فى ابناء الشعبية إعادة قراءة سيرتنا المدرسية .
سنواصصصصصصصصصصصصصصصصصصصصصصصصصصصصصصصصصل
الاميرية 2 ...
كمال جنه فيل
محمد خيرى .. بتاع الجهاد
الناظر السحار
الشِعار
سنواصصصصصصصصصصصصصصصصصصصصصصصصصصصصصصصصصل
الشعبية جنوب ..
استاذ حسن الدنقلاوى
استاذ علاء الدين
استاذ ضرار ( لو قلت ليه السلام عليكم بيقول ليك أعربها ) والمحيرنى هو دنقلاوى كلاموا كلوا بالرطانة العاجبوا فى الاعراب شنو ما عارف .
الناظر ابو سمؤال
مع اشجان المتوحدين العاكفين على الانتظار فى دوحات السمو واللقيا لمن بابـــه مشرع ليس دونـــه حراس
اترككم
بدر الدين اسحاق احمد
ـــــــــــ
(إنتهى)


Post: #60
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:17 PM
Parent: #59

الصفحه 15

عزام فرح

الأخ بدر الدين (الزنجى ) لك التحية أنعشت ذكريات قديمة نحاول نذكركم شوية من الثقافة المدرسية فى تلك الحقبة

نبدأ بمجلة الصبيان أول قراءة تثقيفية إجبارية لمرحلة طفولية بكل ذكرياتها وعمها تنقو

ثم ميكى وسمير الذان سلمانا لأولاد دفعتنا المغامرين الخمسة تختخ ومحب وعاطف الأهبل ولوزة ونوسة

ثم أخوانا الكبار الشياطين الطلطاشر ناس عثمان ورشيد وبوعمير وأحمد وده كان مجكس إلهام ورقم صفر الحيوان

ثم مجلة العربى والنضج الثقافى

ثم مجلة (سمر) وبداية المراهقة وخطابات الغرام طبعاً ما كان فى موبايلات ورسائل قصيرة SMS

ثم المكتبة الإنجليزية جين أير وأوليفرتويست وميغريت

والتلحين الإجبارى من قاطرة الحديد

تسير بالوقود ..

تسير بالركاب والمتاع والبريد...

تنقلهم من بلد لبلد بعيد...

توفر الوقت كما تبقى على النقود ...

والجمعيات الأدبية جمعية التمثيل ناس التاج شريفة وعماد شكوكو ومتوكل أحمد على وكان فى عنصر نشط فى مدرسة عشمانة إسمها حنان شبلى وين الزولة دى؟

ومسرحية الدكتور الفرمالة بتاعت الجماعة ديل

والفنان محمد كردفانى لمن كان بغنى بالاوكورديون ما بالعود

ثم طلائع مايو وحدائق مايو والكشافة وبوب مارلى

وجنة الأطفال الساعة عشرة يوم الجمعة وحنان الصغيرة و

لا يا عزوووووووز

Post: #61
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:21 PM
Parent: #60

الصفحة 15

عزام فرح

تمرمطنا كذلِك في رِحلة الإياب أمام عِمارة شرقاوي ... لم تكُن تجدي أي تكتيكات ... كانت شِلتُنا تتكَون مِن شِلتَين ، الشِلة الأولى بِقِيادة نادِر منصور وعُضَوِية : أسامة أبو دَية / مُحمد نِمر / عاصِم عطا المنان / ممدوح نعيم إرسلان. الشِلة الثانِية مُكَونة مِن رشاد بابتود / عادِل بابِكر / عزام حسن ... لم تكُن لِلشِلة الثانِية أمير ... تنفصِل عُرى الشِلَتَين بِالساحة التي أمام عِمارة شرقاوي ... فيتجرأ بعضِنا على البعض ... ولكِن أيضاً لم تكُن بِشراسة ما جاء بِهِ السَيِد / بدرالدين ... كُنا نحتمي بِعضلات نادِر منصور مِن الشِلل الأُخرى المُعادِية ... وخط الدِفاع الثاني كان وجاهة رشاد بابتود ... بِالرغم مِن شراسة المرحوم شاكِر ، لم أصطدِم بِهِ ... بل كانت بَيننا صداقة ووِد ... شقيقهِ صبري كان ولا يزال ملاك وديع وذو خُلُق رفيع ... وصاحِب طُرفة ... الكُل كان يُحِبهُ ... بل كان يحمي كُل الناس ...

كان مِن شِلتِنا داخِل أسوار المدرسة :
- مِعاوَية كزام ... كان أظرف فرد في المدرسة وكان الكُل يُحِبهُ ... كان أشج الصَوت ... وكان مِن المُتَفَوِقين.
- عَوض وشِهاب مُرسي .... كان تربُطهُما صداقة فقط ، لا يُذكر أحدُهُما إلا ويُذكر الآخر ، كانا مِثل ميرغني المأمون وأحمد حسن جُمعة.
- عَوض عبدالوهاب كان شعرِهِ مُنسدِل إنسِدالاً على كتفَيهِ كان كمُمثِلين السينما ، كُنا نتزاور كان منزِلهُم بِالدناقلة ، مُقابِل ميدان الأمير -ناس عِصمت بله- على ما أذكُر ... كان مِن المُتفَوِقين.
- صلاح مُحمد صلاح ، كان قَوي وهادي جِداً ، لم يتجرأ علَيهِ أحد ، كان أول يتيم أُقابِلهُ ، لم أفهم هذا اليُتم ، فظل الأمر غامِضاً جِداً بِالنِسبة لي ، ثُم ألفت هذا الغموض ... كُنت أُودهُ ... لم يكُن يُعلِمُننا أن يقول البعض لِبعضِنا : أنا أُحِبُك ... كان هذا مِن ما يسوء المرء حينُها ... لم أقولها ... دسستُها داخِلي ... وها أنا أقولها بعدما شاب مِني ما أسَود ... إني أُحِبكُم يا سَيِدي وأُحِب ذِكرياتِنا.
- بدرالدين إسحاق ... كان أحد المُشاغِبين الكِبار ... كان ظريف جِداً ... وقصير جِداً ... كثير الحركة ... صديق الجميع ... لن تجِد أحد لا يذكُرهُ ... كان مُنتشِر جِداً ... كان بِرغم ذلِك يُعد مِن المُتَفوِقين دِراسِياً.
- ياسِر ؟؟؟؟؟ كان أطول طالِب في المدرسة ... منزِلهُم ناصِية الطُرمبة يفتح على شارع الأزهري ... كُنا نتزاور ... كان مِن المُتَفوِقين.

والله يا بدرالدين ... أحَييتُ ما خِلتهُ قد مات ... كتر خيركُم ...

نسأل الله أن يُلْهِمُنا وآل موسى إبراهيم الصبر وحُسن العزاء ... اللُهم أرحم ياسِر وأسكِنهُ فسيح جناتِك يا الله ... لا حَول ولا قُوة إلا بِالله العلي العظيم.

ولكُم مِني جزيل الشُكر والتقدير والإحتِرام ،،،

Post: #62
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:25 PM
Parent: #61

الصفحة 15

منير

.. ومن الصبابي كان رفقاء دربنا في شارع المدارس الصديقين :

(28) طارق أحمد اسماعيل .. كان يلقب بطارق جون .. كان له صوت جميل وملكة عجيبة في تلحين المحفوظات ـ الاناشيد ـ والزمن داك الأناشيد كانت ليها شنة ورنه.. وغالبآ ما كانت تختتم حصص العربي بالقيام مع إنشاد أحد المحفوظات بألحان جملية يزيدها روعة تضخيم الصوت بالأداء الجماعي .. وطارق برضو كان حريف جدآ في الكورة وفي عهد متأخر كان يلعب في إحدي فرق العاصمة الكبري .
(29) أسامة مصطفي حسن أحمد .. وهو كان رفيق طارق من المدرسة للصبابي والأثنين يفارقونا عند دار العزيز عماد عبدالله الطيب بعد ما نقضي ساعة دافوري امام منزلهم .. اذكر أن صوت أسامة كنت صوت قوي وجهوري والآن عرفت أنه أخو جمال فرفور وصوته يمكن لوكان تابع الغناء لأشتهر أكثر من أخيه فرفور ..

من أولاد الصبابي ايضآ كان الصديق العزيز حاتم عباس حسن التوم ولكنه كان في سادسة(ب)، هو وأخوه عصام الملقب بالغول .. لي زمن طويل ما قابلتهم ..


نجي لمنطقة الشعبية المجاورة للمدرسة ـ مربع (4/5) ـ اسياد الجلد والراس واذكر منهم :
(30) ابراهيم أحمد عبدالرحيم .. منزلهم ناصية في الشارع التالي لشارع المدارس كان به دكان .. لي منه زمن طويل ما قابلته .. له ألف سلام ..
(31) عادل حسن العوض (عليه رحمة الله) .. هو صديقي و قريبي .. كان طيب المعشر دائم البشر والابتسام .. اغترب مبكرآ بقطر وتوفي قبل سنوات قليلة رحمه الله وغفر له وبعثه مع الصديقين والشهداء .. أخوانه هم مجدي وحاتم ومحمداحمد ..
(32) وليد عبدالحميد خالد .. صديق عزيز كان ايضآ متفوقآ في الدراسة وحريفآ في الكورة من أعمدة فريق الفصل .. وطبعآ في مشواري للمدرسة الواحد كان بيسلك طريق حسب الرفيق .. إذا الواحد عاوز يسلك شارع المدارس عندك ناس عماد عبدالله وسمير صديق وطارق واسامة بتاعين الصبابي ، وإذا كمان الواحد داير يتجه شمالآ مباشرة يرافق ناس وليد ده وناس جمال المنا و..و ..
أخوةوليد هم طارق وياسر والأخير كان صديق حميم لأخي أحمد عبدالرحيم ..
(33) معتز عمر : كان تلميذآ هادئآ .. وكان بارعآ جدآ ذاك الوقت في عزف البنقز ، ظهرت موهبته تلك في احتفالات المدرسة بأعياد العلم والذي منه ..
(34) ابراهيم حسن محمدعلي .. صديق حميم .. بيتهم كان فاتح شمالآ علي ميدان النجوم.. وهو أيضآ كان والده متوفيآ وكثيرآ ما كانت تسيل دموعه ويبكي في صمت حين يذكره .. يالقسوة اليتم ..
كان ابراهيم حاد الذكاء جدآ مجودآ للرياضيات ، كما كان لاعبآ بارعآ .. وقد زاملنا في الاميرية وبحري الحكومية .. درس تجارة في جامعة القاهرة فرع الخرطوم .. وآخر مرة قابلته صدفة في التسعينيات .. له السلام الوافر ..
(35) ابن ادريس حمد .. لست متأكدآ إن كان يسكن في نفس المربوع ، لكنه علي كل حال رحل الحاج يوسف من بدري .. طبعآ ملاحظين أن تلك الفترة كانت موسم الهجرة إلي الحاج يوسف .. وهؤلاء الأعزاء كانوا يوميآ يسافرون الي الحاج اليوسف ويعودون للمدرسة قبل جرس الصباح وهم صغار أطفال ابتدائي.. لا حولا .. أول مرة انتبه لهذه المعاناة التي عاناها زملائي الأطفال في ذاك الزمن حين لم يكن هناك شارع زلط .. التحية لأخي ابن ادريس حمد اينما كان ..
(36) عثمان ... هنا صديق عزيز اسمه زاغ مني .. بيتهم فاتح علي شارع المدارس ، في صف ناس صلاح شكوكو .. (ساعدنا ياصلاح) .. امام منزلهم نيمات ظليلات .. له التحايا العاطرة ..
(37) أحمد بابكر : كان أهدأ تلميذ في الفصل .. لا تكاد تسمع له صوتآ .. لم أره منذ عهد بعيد .. ولا ادري أين هو الآن .. سلام الله يغشاه اينما كان ..
.
.
.
اواصل بإذن الله ..
مازالت القائمة طويلة ..

Post: #63
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:28 PM
Parent: #62

الصفحة 15

كمال كرار

يا طارق.. سلام.. وزي ما قال حسن طه "وزير الوزارتين".. وإن كانت وزارة ظل!!!

يا أخي ممكن تكون وزير ثلاثة وزارات وتتحدث لينا عن ذكرياتك عن العم الفاضل فتح الرحمن .. والد أخونا مأمون فتح الرحمن وآخرين.. وطبعا عمك فتح الرحمن كان يعمل في بحري الأميرية ( 1 ) وكان رجلا مثقفا.. وهميما ولا زال... ياريت تتكلم شوية عن هذا الرجل الفاضل .. عسى ولعل ناس الشعبية يعرفوا عنه فهو رغم أنه كان عاملا بالمدرسة إلا أنه لا يقل شأنا عن أي مربي من المربين اللذين نأمل أن يكونوا أحسنوا تأديبنا!! ولا مش كده يا صلاح الزبير..

Post: #64
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:30 PM
Parent: #63

الصفحة 15

حاج حمد

الأخ منير
ما شاء الله مرة أخرى على الذاكرة و كل هذه الأسماء و ما يميز كل شخص.
طارق جون طبعا لعب لفترة بفريق التحرير البحراوي و انتقل بعضها للعب باحدى فرق المقدمة ببورتسودان و استقر ببورتسودان حتى الآن و طبعا سبقه لذلك الأخ محمود أنقي و لحق بهم قبل شهور الأخ يوسف المفك مدريا لفريق الشبيبة.

Quote: من أولاد الصبابي ايضآ كان الصديق العزيز حاتم عباس حسن التوم ولكنه كان في سادسة(ب)، هو وأخوه عصام الملقب بالغول .. لي زمن طويل ما قابلتهم ..



طبعا يا منير أنا أفتكرت ناس حاتم ديل من بدري ساكنين المزاد ، و حاتم كان يعمل ببنك فيصل الاسلامي و تقريبا ترك العمل بالبنك ، التقيته قبل سنوات...والدهم عباس حسن التوم المازون المعروف و صاحب خطبة قوية قبل كل عقد.

Post: #65
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:33 PM
Parent: #64

الصفحة 15

عادل عثمان

: وكما قال الحاج تغيير الزي المدرسي كان سنة 70 مع السلم التعليمي ومحي الدين صابر .. والذي كانت ابنته دفعتنا (أعتقد) في مدرسة عشمانة وكان الاساتذة ينظمون بيننا منافسات حامية، وأذكر أنها كانت معروفة بالشطارة الفائقة .. بل ربما كانت اشطر تلميذة في دفعتهم ..


بنت وزير التربية والتعليم وقتها الراحل محيى الدين صابر، كان اسمها اميمة. اميمة شقيقة حاتم زميلنا فى الشعبية جنوب الابتدائية. حاتم كان مشاغب درجة اولى. اول من ادخل خدعة العطسة فى الفصل. كان يختبئ خلف التلميذ اللذى امامه، ويقرطس ورقة من الكراس، ويدخلها فى انفه، فيكون رد فعل الانف عطسة مدوية. بدأت الخدعة به. وعندما علمنا لها، كان العمل جماعى. عطسة مشتركة تهز جنبات الفصل. ليست مرة واحدة ولا اثنتان. عطسة وراء عطسة. فيختل ايقاع الحصة. حصة الدين بالذات. ولكن سرعان ما انتبه الاساتذة لهذه الخدعة. وكان العقاب البدنى. وكان حاتم، الذى تربى فى اسرة لا اظنها كانت تلجأ للعقاب البدنى، كان يخاف خوف حقيقى من الجلد. كان يرجف. ويسترحم الاستاذ. وفى الحقيقة العقاب البدنى، رغم شيوعه، لم يكن مناسبآ ولا انسانيآ. أنا لم اتعرض لأى عقاب بدنى. لا أقول هذا تفاخرآ ولكن تقرير لواقع. فقد كان العقاب يتمحور حول اداء الواجبات المنزلية والتسميع. ومن هذه الناحية كنت لا اقصر مطلقآ. تعرف ليه؟ ما ذكاء ولا تفوق. أنا كنت اخصص وقت اكثر للمذاكرة وحل الواجبات. فقد كانت صحتى تجبرنى على البقاء فى المنزل معظم الوقت. وكنت احيانآ اغيب عن المدرسة اسابيع متواصلة بسبب الربو والازمة. ولا تسلية فى رقدة المرض وعزلته سوى القراءة وحل الواجبات.
أميمة كانت فعلا شاطرة. وكانت "متقرضمة" فى عرف بعض التلاميذ. ولكنها فى حقيقة الامر كانت خجولة. كنت اعرفهم جيدآ وكانوا يعزموننى فى بيتهم فى الصافية من وقت لآخر.
والدتهم كانت طبيبة. وكانت مسئولة كبيرة فى الصحة المدرسية. وكانت لا تلبس التوب السودانى كما المصريات.
ولقد اعتنت الصحة المدرسية وقتها بصحة التلاميذ. من فحص السنون، الى توزيع زيت كبدة الحوت الضرورى لنمو المخ.
حاتم محيى الدين صابر درس هندسة البترول والمعادن فى السعودية. له التحية اينما كان. ولزميله ودفعتنا حاتم محمد عبد الله التحايا كذلك. سأعود لاحكى.


Post: #66
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:36 PM
Parent: #65

الصفحة 15

منير

الأخ الحاج، نعم علي ما أذكر أن الأخ حاتم كان من الصبابي. ده هو العالق في ذهني .. يا حليل ايام حاتم عباس رجل ودود ومواصل لأصحابه ..
________________________________


ونتجه الآن غربآ ونتجول في مربع (6/7) ومن الزملاء أذكر :

(38) أحمد علي خالد .. من أعز الاصدقاء منذ ذاك الزمان والي الآن .. عرف بالذكاء والقوة .. وكان أول بحري في امتحانات الشهادة الابتدائية .. تزاملنا ايضآ في الاميرية وبحري الحكومية .. ومنها درس الطب في باكستان ونبغ في باكستان لدرجة أنه قيل أنه عندما يدخل علي عميد كلية الطب هناك كان يقف له العميد محييآ .. الآن هو أكبر أخصائي تخدير في الخرطوم .. بيت اسرتهم فاتح علي ميدان مربع 6/7 وهو ذاته اعتقد الآن يسكن في المنطقة المواجهة للمركز الصحي ..
(39) عادل ميرغني اللباب .. وفي الحي معروف بعادل عوطي، وبالرغم أنه كان حريف جدآ في الكورة إلا أني لم اشهده في الملاعب، بل اشتهر في الملاعب أخوه الكبير السر عوطي .. وعادل كان رفيق دربي في سنوات الابتدائي الأولي .. فوالداه كانا رفقاء والدي في حلة حمد قبل انتقالهم للشعبية .. ومن الطرائف اذكر اني في سنة أولي او سنة تانية جيت مع عادل من المدرسة وقلت أغشي معاه بيتهم .. وبمجرد ما ختيت كراعي في خشم الباب كحلني ليك كلبهم ـ كان كلب أحمر حجمه عائلي ـ وبسرعة البرق هجم علي هجومآ ذريعآ !!!!!!!! .. لكن عاد أن وقفت ليهو ؟؟ والله أطلقت ليك ساقي للريح وجريت ليك زي الورقة .. عليك أمان الله الكلب رغم سرعته الشديدة فته ليك بمسافة يكون هو لهسة مستغرب فيها .. المهم الكلب ده كردني لغاية نص ميدان الزهرة جنب العمود الـ في النص .. وفي الآخر قنع ووقف .. في الآخر اتلفت لقيته داير يرجع .. فوقفت أنا برضو .. وطبعآ أنا الزمن داك قلبي كان حار ـ رغم الجرية الكاربة ديك ـ فزعلت شديد وشعرت بأن الكلب دا حقر بي .. رحت شلت لي حجار وبقيت أفلق من بعيد .. فالكلب أبن الكلب بعد ما كان راجع بيتهم غير رأيه وتاني جاني راجع والدورة دي زاد السرعة شوية .. وعندها العبدلله تاني راح قايم صوف بسرعة مضاعفة وتاني ما وقفت إلا جنب بيت ناس قرجة .. أها تاني أصلو ما جيت الحفلة ..
آخر عهدي بعادل كان في قطر كريمة أيام فيضان 88 .. الله يطراك بالخير يا عادل ميرغني يا ابو الصحب ..
(40) الفاتح الأمين حمد .. الفاتح من طرفاء المدرسة .. سريع البديهة، حاضر النكتة .. تراه دائمآ هاشآ باشآ دائم الابتسام .. وأذكر أنه في أول امتحانات الفترة في سنة أولي ابتدائي جاء أول الفصل مشترك مع وليد عبدالحميد وأنا طلعت الثالث .. بيتهم برضو فاتح علي ميدان 6/7 ناصية في اتجاه الغرب .. في نفس صف ناس حسين عبدالمحمود(سادسة ب) وحسن طه .. له التحايا الخاصة ..
(41) حسن طه حسن .. هو الرفيق الدائم للفاتح الأمين .. وآخر مرة قابلتهم كان سنة 2001، وعلمت أن العزيز حسن طه كان في ليبيا .. لا ادري الآن إن كان في الشعبية إلي الآن أم اغترب تاني؟.. له التحية آلاف ..
(42) ابراهيم عيسي الله جابو .. من رفقاء الشعبية جنوب الذين اختفوا مني فترة طويلة ، وإذا بي فجأة أقابله في شارعنا سنة 2001 بالصدفة .. أنيقآ وبشوشآ كما عهدته.. وما صدق عندما ناديته بإسمه كاملآ .. أخبرني بأنه درس بمصر .. ولربما اغترب بعد ذلك .. أتمني أن يكون بخير وعافية ..
(43) فيصل عباس أبوشامة .. من شلة مشوار الرجعة حينما نسلك طريقهم ..أصلو زي ما شايفين الشعبية جنوب دي نحن خيطناها خياطة .. كل يوم سالكين بشارع .. مرات نشق ميدان النجوم .. ومرات بشارع المعونة عشان نشوف المجلات الجديدة في كشك الجرائد قدام باتا .. ومرات نرافق ناس خليل خلف الله ونشاقق بميدان الزهرة .. ومرات نواصل في شارع المدارس لغاية آخره ثم نتجه شمالآ.. وغايتو .. يعني كنا شغالين طراحات نوصل الناس كلهم بيوتهم والواحد يصل بيته آخر زول .. ودي ضريبة إنك تكون ساكن الشعبية شمال غرب وتدرس في الشعبية جنوب شرق ..!!
فيصل عباس التحق بالشرطة ولكن أعتقد بأنه أحيل للمعاش مع ناس الانقاذ ديل ـ إذا صحت معلومتي ـ وفيصل أنا لي سنين طويلة ما قابلته .. ومن منبر سودانيزاون لاين أرسل له عاطر التحايا ..
(44) محي الدين عبدالله دراج .. محي الدين برضو كان من اولاد الفصل الهادئين جدآ .. بس ما عارفه أختفي مني وين .. هل اغترب؟ كثيرآ ما لاقيت أخوه الأصغر الكان زميل احمد .. طبعآ أنا زي ما بتذكر زملائي برضو بتذكر كثير من زملاء أحمد عبدالرحيم .. سلام الله يغشي محي الدين وأخوه ..
(45) أحمد عبدالماجد عوض الكريم (رحمه الله) كان أحمد تلميذا نجيبآ ومهذبآ جدآ .. بيتهم فاتح علي شارع الكبري (أو كما قال أخونا شهاب): امتداد عمارات شارع الكبري .. زاملني أيضآ في نفس الفصل في الأميرية2. توفي رحمه الله وهو في ريعان شبابه .. غفر الله له وأدخله فسيح جناته مع الشهداء والصديقين ..
(46) شهاب محمد ادريس .. كان تلميذا نشطآ يحب المناشط المدرسية .. قابلته في فترات بعيدة متفرقة، وأعتقد أنه درس القانون .. يسكن في امتداد عمارات شارع الكبري وبيتهم فاتح علي ميدان الزهرة في الركن الشمالي الشرقي .. عليه سلام الله وبركاته ..
(47) عزالدين سليمان ..ـ عرف بعزالدين كمونية - وهو من تلاميذ الفصل المرحين البشوشين .. طبعآ لو ملاحظين مرات أقول ليكم الزول ده هادئ .. الزول ده بشوش .. الزول ده عفريت .. الزول ده .. فالظاهر إنو الشخصيات دي عندما تجيني واقعة من كتاب التاريخ بتاعي، واحدين بيقعوا وأنا أكون متخيل الفصل في حصة تسميع صارمة فتأتي الشخصية هادية .. وأحيانآ اتذكر ليكم الشخصية في حصة هرجلة فاضية فيأتي وصف الشخصية بالمشاغبة.. وأحيانآ أخري اتذكر ليكم الزول في حالة كونه مع جرس الفطور ، فيأتي وصف الزول بأنه مرح وبشوش و..و... أها عزالدين ده اتذكرته ليكم في ساعة جرس الفطور .. لعز الدين التحايا النواضر ..

.
.
.
واواصل .. لسه اللستة تبقي منها الكثير ..

Post: #67
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:42 PM
Parent: #66

الصفحة 15

طارق ميرغني

اما بخصوص عمنا فتح الرحمن والد زميلنا مأمون فكان هو وعمنا حسن شريره رغم عن وظائفهما العمالية الا انهما كانا يمثلان لنا اباءنا في المددسة من ناحية التوجيه وما كان منا من يمتعض . كان عمنافتح الرحمن يكلمنا كثيرا عن الشاعر الكبير ادريس جماع حينما كان يدرس في مدرستناالاميريه (1) وعن طيبته المتناهية وان البعض كان يستغل تلكم الخصله والمعروف عنه انه كان يدق بيده اليمين كثيرا علي صدره عند السلام عليه فكانوا يسلمون عليه اثناء تناوله الطعام فكان ينسي ويدق علي صدره بيده بطعامها وما كان عم فتح يتردد في ترديد بعض ابيات من شعره حفظها في زمانهم الطيب ذاك كانت الاميريه مدرستنا مميزه في وضعها وتلاميذها واساتذتها وما شاء الله كل خريجيها وما زالوا مميزين في مواقعهم وذلك بفضل ليس اساتذتها فحسب وانما بامثال عمنا فتح الرحمن الذي كان دقيقا كبق بن في مواعيده وجرس الطابور.عل اخي كمال ذاكرتي قد شاخت بعض الشيء ولك انت ما شاء الله ما زالت متقده فهات المزيد.واتمني ان نتطرق ايضا للشخصيات البارزة كنجوم الشعبيه.

Post: #68
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:45 PM
Parent: #67

الصفحة 15

منير

وكنت حأنسي صديق عزيز جدآ من أولاد المزاد هو:

(49) ماهر الفاضل ابوقدير .. من الأعزاء الذين زاملوني ايضآ في الاميرية2 ثم ثالثة فيثاغورث في بحري الحكومية .. تخرج من هندسة الخرطوم، ويخيل لي اتخرج بي جاي واتخارج بي جاي .. وأعتقد أنه مغترب في الامارات العربية .. ماهر كان أكثر بني آدم حساس وزعال درجة أولي .. إذا ما جاء الأول في الفصل يزعل، وإذا ما جاب أكبر نمرة يحمبك ، و إذا جاوب سؤال غلط في الحصة يزعل .. يعني ماهر كان دائمآ مهموم بالتفوق.. ولكنه كان يعاني معاناة شديدة الفصل كان مليان فطاحلة فناس أحمد علي خالد كانوا منافسنه في العلوم والعربي، وعبد الإله محمد عثمان ما بيتصاقع في الجغرافيا والتاريخ، وناس عماد عبدالله الطيب وابراهيم حسن كمان رياضياتهم في السما.. وأنا كمان كنت مزانقه في الرسم والخط .. القصة كانت صعيبة خالس خالس .. ماهر كان تلميذآ مثاليآ في المواظبة والإلتزام .. له مليون سلام أونلاين ..
(50) خليل خلف الله موسي .. كان من الاصدقاء رفقاء الطريق من المدرسة .. كان هادئآ جادآ جدآ ، لا يهذر كثيرآ .. بيتهم ملاصق بيت ناس المرحوم الواثق صباح الخير من الخلف.. قابلته في صيف 2006 وهو كما هو وكما كان دائمآ، يتحدث مطرقآ رأسه من تهذيب قديم.
(51) رزق خلف الله موسي .. أخو خليل الأكبر .. وهو ايضآ كان رفيق درب المدرسة .. قبيل امتحانات الشهادة وبينما كان الناظر أحمد يراجع في الأسماء وجد أن إسم رزق هو رزق الله خلف الله وليس فقط رزق حاف .. له ولخليل سلام معتق ..
(52) عماد عبدالله الطيب .. صديق عزيز ذو خلق رفيع .. عماد كانت له موهبة عجيبة في حصة الرياضيات .. والزمن داك كان الدرس دائمآ يختتم بواجب يؤديه التلميذ في الفصل قبل نهاية الحصة .. وعماد كان سريع جدآ في حل المسائل وكان دائمآ أول واحد ينتهي ويمشي يصحح كراسه ودائمآ يحل التمرين كله صاح .. وأنا قدر ما حاولت اسبق عماد في سرعة الحل ما قدرت، فقد كانت سرعته خارقة، وما بيغلط .. حتي أن أستاذنا المرحوم فضل كان يسميه الفانتوم ـ والزمن داك مقاتلات الفانتوم كان ليها شنة ـ وأنا كان يسميني الاسكاي هوك .. سريع برضو لكين أبطأ من الفانتوم .. العزيز عماد ايضآ زاملني في الاميرية2 وبحري الحكومية ـ ودرس الهندسة الكيميائية في الاتحاد السوفيتي.. والآن في الدوحة .. السلام جاك يا عماد .
(53) سمير صديق .. كانوا جيران عماد الهيتة بالهيتة .. ويفصلهم عن بيت كابلي شارع .. وطبعآ كلهم فاتحين علي مدرسة الدايات .. كان مهذبآ وراقيآ جدآ في تعامله .. وكان عنده ميزة عجيبة وهي أن كفه دائمآ ينقط عرق .يعني ممكن من أول اليوم لآخره لو ختيت ليهو جركانة يملأها ليك عرق من اصابعينه .. ولذلك كان دائما يضع منديل تحت كفه فوق الكراس عند الكتابة.. ولطالما لعبنا دافوري في المساحة الضيقة بين بيتهم وعماد والزلط .. كل يوم بعد المدرسة نقضي ساعة كورة ثم نواصل المشوار للبيت .. وفجأة كدة برضو ناس سمير ديل كان عندهم قرد كنا نتسلي بطريقة قزقزته للتسالي والنبق ..
(54) كمال محمدعثمان حاج ابراهيم .. كمال طبعآ بلدينا وقريبنا وكان رفيق مشوار المدرسة هو وأخوه عصام .. وأذكر أنني عندما كنت في سنة أولي كنا ما نزال نسكن الشعبية جنوب في منزل عمنا المرحوم محمد الحسن بدري، وهو الناصية في الصف المقابل لمنزل النجم عزالدين ابوالريش (الصبابي) .. فذهبت لحضور حفلة زواج عم الأخ كمال .. طبعآ جنب البيت .. وقعدت لغاية ما الحفلة فرتقت .. ومشيت نمت.. فصحيت ليك الصباح يمكن الساعة 8:30 ـ الغريبة إنو مافي زول صحاني للمدرسة ، الظاهر شافوني جيت نمت قريب الصباح وقالوا خلوه يكمل نومه ـ فصحيت منزعج انزعاج شديد ولبست بسرعة شديدة ، وجري علي المدرسة .. وطبعآ كنت الوحيد في شارع المدارس والشارع فاضي، وأنا ماشي وماشي وماشي براي زي قطعة الشيطان والشمش بقت وسط نهار !!.. لغاية ما وصلت المدرسة فوجدت نصف الحصة الأولي انقضت .. وجيت اجرجر سكاكاتي ووقفت في باب الفصل منتظر الإذن بالدخول .. والاستاذ كان ابو فصلنا في ذاك الوقت الاستاذ المحبوب مصطفي ـ المعروف بمصطفي لياقة ـ فالظاهر عليهو شاف وجهي المنكسر ومسكنتي فرثي لحالي وقال لي ادخل .. اتأخرت مالك يامنير؟؟ فدنقرت وجهي ولم ارد .. أتأخرت مالك وانحني علي بعطف ورددها بصوت منخفض .. عارفني منكسف ومحرج.. وحاول عدة مرات يستنطقني سبب تأخري .. ولكني سكت سكوتآ ذريعآ .. في الآخر خلاني وقال خلاص أمشي كنبتك .. فحمدت الله علي عبور ذلك الحرج .. أنا ما كنت خايف من الدق لكين جني وجن تسلط علي الأضواء في موقف محرج .. ياحليلك يا استاذ مصطفي، دايرني أقول كنت كاتل لي حفلة؟؟ .. لأستاذي المحبوب مصطفي السلام العاطر ولأخي كمال محمدعثمان مثله ..
(55) عصام ابراهيم سعد .. كان يسكن في نفس شارعنا قبل رحيلنا للشعبية شمال .. كان مهذبآ وخلوقآ وخاصة بعد مرحلة الابتدائي .. في أولي سنين الابتدائي كنا نتشاكل كثيرآ .. ولكن من سنة ثالثة ولقدام اصبح اعز صديق .. سلامي الوافر يغشاه اينما كان ..
(56) محمد مصطفي مدني .. كان في الشارع التالي لشارعنا الزمان .. وكان من عتاولة الفصل لذلك كان قاعد في الكنب الوراء مع ناس اسامة ترنتي .. عليه سلام الله وبركاته ..
(57) خالد مصطفي مدني .. أخو محمد .. توفي الي رحمة مولاه وهو في عز الشباب .. غفر الله له وأدخله فسيح جناته مع الصديقين والشهداء ..
(58) كمال بدر سلمان .. كان الدفعة القدامنا زي ما شفناه في صورة عادل عثمان .. كان له صوت جميل ولذلك كان الاساتذه يطلبون منه إنشاد المحفوظات منفردآ .. قابلته سنة 2006 .. له ألف تحية ..
(59) عوض الكريم حمد .. كان هادئآ في الفصل نشطآ في الفسح والحصص الفاضية.. لم أقابله منذ زمن طويل .. أخوه عادل ـ الليري ـ كان زميل احمد .. لهم التحايا المعطرة ..
(60) مبارك محمدنور .. من الاصدقاء ورفاق الدرب.. وزي ما قلت فأنا كنت شغال طراحة ، ومشواري للبيت رافقت فيه تقريبآ كل الزملاء حسب الطريق .. مبارك برضو طولت ما لاقيته فيس تو فيس ولا حتي علاء الدين أخوه الأصغر .. اتمني أن يكونوا بخير ..
(61) مهدي العاقب .. بيتهم تاني بيت في شارع ناس الأخ العزيز أحمد عبدالرحمن (احمد عطرون) .. طالت المدة منذ آخر عهدي به .. اتمني ان يكون بألف خير ..
(62) غازي عبدالكريم .. الزول ده أنا لو ما عقيدتي في الشعبية قوية كنت نسيته لأنه اختفي منذ فترة طويلة ولم اره أو اسمع به.. سكن في نفس شارع احمد عطرون، وربما البيت المقابل لهم .. ده إلا أسأل منه قرجة ..

وننتقل بكم الآن لشمال شارع الكبري والجزء الشرقي.
(63) جمال منا السيد .. من أعز الأصدقاء الذين لم تنقطع صلتي بهم منذ الابتدائي .. وذلك لأن جمال ذاته إنسان مواصل درجة أولي .. أجد عنده أخبار كل الزملاء من زملاء الشعبية والمزاد وشمبات في كل المراحل، من الابتدائي للعام للعالي رغم أنه درس في الخرطوم القديمة .. إنسان خلوق واجتماعي ورايق وود أصول .. لا يمكنني توصيفه في هذه العجالة .. ومن بعدي برسل له سلامي ..
(64) طارق أحمد مختار .. يسكن في نفس حلة ناس جمال وفتحي شمت وآخرين .. كان نشطآ ويحب المرح، وكان ذو شخصية منتشرة وسط كل الزملاء .. آخر مرة قابلته كان في حافلة الشعبية في اواسط التسعينات .. له التحية الخالصة ..
(65) مختار ...... لم استحضر اسم والده .. ولكنه من أقرباء طارق وسكن في نفس الشارع اعتقد .. كان رهيبآ في الكورة ذو موهبة خلاقة منذ الابتدائي .. وأكيد كان في أحد الفرق الكبري .. لم اقابله منذ الابتدائي .. حاجة عجيبة !! معظم الزملاء ديل لي عشرات السنين ما قابلتهم .. ياربي هسه أحوالهم كيف .. سلام كثير لأخ مختار أينما كان ..
(66) أحمد المأمون .. كان صديق حميم ورفيق درب في نفس اتجاه ناس جمال وطارق مختار .. رحل الحاج يوسف مبكرآ وسكن مربع1 .. بالقرب من أولاد عمتي ـ رحمها الله ـ وآخر مرة قابلته فيها كانت في الحاج يوسف في الثمانينيات .. أحمد المأمون كان كرويآ ماهرآ كما كان شجاعآ وقويآ، وبالمناسبة كان نصيرآ وسندآ لي في أي شكلة بلا تردد من منطلق انصر أخاك ظالمآ أو مظلومآ .. وهو ذو صلة قربي بأستاذي الجليل الصديق سعد محمدعمرتميم يطراهم الله بالخير.. ولهم مني عاطر السلام والاشواق ..
(67)فيصل محمدعبدالفتاح بابتوت .. كان قاعد جنبي في سنة سادسة .. كان تلميذا مجتهدآ ومهذبآ .. وكان من ذوي القلب الحار .. شاطرآ مستمسكآ بالخمسة أو العشرة الأوائل .. أخواه هما عبدالحميد ورشاد الذين فجعت الشعبية بوفاتهما في امريكا كما ذكر الأخ عزام .. لهما الرحمة وللأخ فيصل تحياتي الزاكيات ..
(68) عبدالله السر حمدتو .. كان من أولاد حلة حمد أو الدناقلة لا اذكر بالضبط.. وهو من أقرباء المرحوم أحمد عبدالماجد .. أذكر يومآ ما في حصة علوم عن النشويات .. وكان عبدالله مكلفآ بإحضار عينات واللا شنو ماعارف .. فأتي بقطع من الكسر ورغيف وقطع قراصة وحاجات بالشكل ده .. أها في حصة العلوم ـ وكانت مع استاذ حسن الدنقلاوي ونحن كنا في خامسة أو سادسة .. وكنت أنا قاعد قدام وش .. وفي أثناء شرحه قطع استاذ حسن قطعة قراصة ومداها لي كعينة لأتذوقها كجزء من الشرح يعني ـ فإذا بي ببوامة شديدة أقول ليهو لأ.. ما داير .. ههههه .. طبعآ رفضي جاي من أني متربي علي أني ما أصغر نفسي لما في أيدي الآخرين .. يعني ما اتطفل مثلآ علي الموائد ولا أبدي زلعآ و..و.. يعني ببساطة الواحد ما متعود يأكل بره البيت .. لكن زي ما شايفين من بوامتي طبقت عادتي في الحتة الغلط والوقت الغلط .. غايتو مرات الواحد بيكون عوير جنس عوورية .. طبعآ استاذ حسن تفاجأ ونهرني ونهزرني جنس نهزرة .. قال لي إنت قايل نفسك في بيتكم؟ قايل نفسك وين؟ أمسك .. فشلت منه قطعة القراصة وأكلتها زي الطيرة .. والله غايتو .. تحية لعبدالله السر الذي ساهم في تبليعي للعلوم بلع ..
(69) طلال .... لم اتذكر إسم والده.. كان قريب استاذ سمير ، وكان يسكن حلة حمد .. يبدو لي أن سمعت منذ عهد بعيد أنه توفي الي رحمة مولاه رحمه الله .. أتمني أن لا يكون ما سمعته صحيحآ، وإلأ فأترحم عليه وأسأل الله أن يسكنه عالي الجنان وأن يغفر له إنه غفور رحيم ..
.
.
.


هؤلاء الأخوة هم اولاد سادسة (أ) الذين جلسوا لإمتحان الشهادة الابتدائية سنة 1974 م .. وهم ما استطعت أن اتذكرهم ، وليسامحني من لم استحضر أسمه هنا ..

Post: #69
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:47 PM
Parent: #68

الصفحة 15

منير

يا الحاج .. أنا كنت عاوز أقول جلسوا للامتحان سنة 1984 لكين وين عاد من ناس عادل عثمان ديل الواقف لينا بالمرصاد .. كل ما نقول نمشي لقدام يجرنا للوراء ..
طبعآ يا الحاج لو ملاحظ أن الواحد متذكر الاسم الكامل لأنو الزمن داك لم تكن الألقاب منشرة وشائعة في المدرسة إلا نادرآ.. وعشان اتذكر هؤلاء الشباب طفت بذاكرتي وخيالي جميع المرابيع وكل الشوارع .. ولحسن الحظ أنو العبدلله كان منتشر وكل يوم مشاقق بشارع وبذا كل يوم برفقة صديقة .. والمشوار طبعآ زي ماعارف مشوار طويل .. ولو ملاحظ برضو مافي زملاء من الشعبية شمال إلا ناس اسامة وعادل مصطفي البشري وعصام عبدالباسط وشخصي وكلنا من الـ48 .. يعني من بقايا الشعبية جنوب ..

Post: #70
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 03:50 PM
Parent: #69

الصفحة 15

معاويه محمد الحسن

أخواني وجيراني أهل الشعبية شمالها وجنوبها،لكم التحية والود أكتب لكم مباشرة لأول مرة بعد نيلي عضوية المنبر بعد أن كنت أكتب لكم عبر صديقي الحاج حمد وهى فرصة جيدة للالتقاء بكم جميعاً وخاصة الأخ العزيز منير عبد الرحيم زميل الدراسة فى الأميرية 2 وأول الفصل من دخلنا حتى التخرج وماشاء الة على الذاكرة أخي منير وبرضو تقول لى انك مستغرب كيف أنني لسع متذكر انك شايقي وانت متذكر عرق ايدي أخونا سمير صديق وسمير وزاهر بسطاوي والفاتح جمال كانوا ثلاثي مترابط فى الفصل وعندهم سهرات عجيبة رغم صغر السن فى ذلك الوقت وتحياتي لهم من علي البعد وقد اتحفتنا بذكر هذه القائمة الجميلة وطبعاً نعرف منهم من درس معنا فى الأميرية مثل الفاتح الأمين وحسن طه وشهاب والمرحوم أحمد عبد الماجد وعماد عبداللة ورشاد الزين ولو رجعنا لسوالك السابق كيف انني لأزلت متذكر انك شايقي فطبعاعارف محنة الشايقية وكل ماحلوا فى مكان يعرفوا من هم الشايقية فى هذا المكان عشان الألفة والمودة ويترسخ ذلك فى ذهنهم وبما أني شايقي كابر عن كابر ومولود فى أحدي قري مروي فكان لأزم أعرف من هم الشايقية فى الفصل وكنت أنت اولهم وايه رايك اني متذكر انو صديقك أحمد المامون الذي ذكرته فى القائمة ايضاَ شايقي لانو درس معنا فترة فى المزاد الأبتدائية وابوه الله يرحمه كان مشلخ كمان وياللة يامنير بعد تخلص من قائمة الأبتدائي أدخل لينا فى الثانوي العام كمان وبنساعدك بلزة

Post: #71
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 04:00 PM
Parent: #70

الصفحة 15

بدر الدين اسحاق احمد

الاخ منير ... ابراهيم سيد النور ... شقيقه عوض سيد النور دفعتنا فى الشعبية جنوب ...( السؤال احمد اخوك زميل عوض وين )
• مجدى مرسى شقيق دفعتنا شهاب مرسى سكنوا الحاج يوسف ... ومجدى من الشباب الاسلامى المتميز يحضر الى مسجد ابو بكر الصديق للتراويح سنوياً وهو مع جماعة الحبر يوسف تور الدائم .
• الاخ عادل محمد عثمان (وان تكون النجابة والذكاء والاجتهاد اشتراكية بين التلاميذ.) دهـ غايتــو ما فهمتها وما قدرت اهضمهــا ...
• الاخ عزام... صورة الدفعة إضافات :
 الصف الاول وقوفاً من اليمين
• نمرة ثلاثة ... ابوبكر عباس فقير فضل ( بكرى ) مغترب الان بالرياض تخرج اقتصاد الهند..متزوج واب
• نمرة اربعة بدر الدين عمر ابكر ... اعمال حرة غير متزوج
• نمرة ستة سيد ابايزيد
• الصف الاول جلوس
o نمرة اثنين ابوبكر خالد الصديق منزلهم يفتح على ميدان النجوم
o نمرة ثلاثة حسن الطيب متزوج يسكن شمبات الحلة من كبار السادة البرهانيــة
o الخامس عادل محمد خطاب معلوم لدى الكل
o نمرة سبعة عصام ابو اضنين من اولاد المزاد شرق احمد قاسم
• المتفرقات :
o الصف الثانى رقم 7 بدر الدين اسحاق احمد
o الصف الثانى رقم 14 عبد القادر خليفة
o الصف الثالث رقم 7 خالد محمد نور
• النصيحـــة الفصل زى الصين فيــه 100 طالب ... ( هاك السلم التعليمى دهـ ) .
• محطات :
o معاوية محمد احمد ( معاوية كزام ... شقيق مامون ) ابناء خالة كارم مهدى كزام .. من شلتنا بعد الاستنارة قليلاً خامسة وسادسة مرح وحبوب الى الان ..درس فى الهند يسكنون حى الميرغنية شرق غرب ناس سمير عيسى ( منزلهم الجديد ) .
o معاذ شقيق جبـــه بتاع الفول .
o عثمان عبد العظيم كان يسكن الدناقلة جنوب ... طبيب الان مغترب فى السعودية
o طارق ( مرميــه ) يسكن مربع 8/9 دفعتنا بعد ثالثة ...شقيق سيف العجل بتاع فريق الجهاد .
o الاخ عزام وصلاح فيــه دفعتنا من ناس الحلفايا اسمه عادل (( بنسميه عادل مصرية )) والدته من مصر زرت فى اوائل الثمانينات اسرة والدتهم فى الاسكندرية من هو ؟؟؟؟؟
o مجدى عبد الله على صالح والده طبيب مدير مستشفى بحرى فى ذلك الزمان ؟؟؟؟؟؟؟؟
محطــات
• اشقاء من ابناء دفعتنا .
o مجدى .. حاتم ( حسن العوض )
o صبرى .. شاكر ( اسماعيل )
o مجدى .. حسن ( الطيب ) .
o محود ... نائل ( حسن ) البعيو
مداخلات صلاح محمد صلاح دهـــ بعد الوعــى فى ســنه رابعــة
• حقو الناس الكبار يوثقوا لينا قصــة احتلال مدرســة الشعب من قبل الطلاب ومداهمة البوليس للمدرسة .
• (( قصـــة تربويــة محزنـــة )) إنتو شنو ..نحن حلاوة بصوت جميل خافت ...انتو شنو نحن زبالــة بصوت أجش غليظ ... قطعة إملاء لفصل ثالثة وهم نحن .. ونفس القطعة لفصل خامسة (( الساقطين تم المرور بهــم عبر الفصول لترديد شعار نحن زبالــة (( بالله عليكم وثقوا لهذه القصة بالاسماء )) ما فى مشكلة بعد كدهـ
• وثقوا لقصة الطلاب الذين ذهبوا واشتكوا الاساتذة لوزارة التربية والتعليم من هــم الذين تم جلدهـم فى الطابور الاستثنائى ؟؟؟؟؟؟؟؟؟؟؟؟؟؟؟؟؟؟؟
• سحنا بكم عبر محطات ومشاهد لم نكن قد وصلنا الى نضج نقوم بــه الاشياء لكنها ملاحظات صبيان صغار ...
• الكلام القادم سنرجع الى توثيق الامهات ... معيد الام لم تنقضــى ايامــه بعد
بدر الدين اسحاق احمد محمد

Post: #72
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 04:04 PM
Parent: #71

الصفحة 15

منير

أوووو .. نسيت أهم اثنين كنت اصل معاهم لغاية نهاية شارع المدارس وهما ..

(70) كارم مهدي كزام .. معقول انساك يا كارم؟؟ والله دي أنا بالغت فيها .. كان كارم مرحآ نشطآ ذو علاقات مرحة مع الجميع .. لم أقابله منذ عهد بعيد أتمني أن يكون عال العال ..
(71) مأمون محمداحمد.. كما ذكر الأخ بدرالدين مأمون هو ابن خالة كارم وكانوا يترافقون في مشوار المدرسة .. بعكس كارم الذي كان منتشرآ ونشطآ بين التلاميذ كان مأمون رائقآ هادئآ .. ولكنه كان يحب المناشط الرياضية .. زاملونا في الاميرية2 ايضآ .. طال الزمن منذ آخر مرة أقابلهم فيها .. لكارم ومأمون أزكي التحايا واتمني ان تجدهم بخير وسرور ..

Post: #73
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 04:08 PM
Parent: #72

الصفحة 15

الحاج حمد في رده على منير

كارم مهدي كزام .. معقول انساك يا كارم؟؟ والله دي أنا بالغت فيها .. كان كارم مرحآ نشطآ ذو علاقات مرحة مع الجميع .. لم أقابله منذ عهد بعيد أتمني أن يكون عال العال ..
(71) مأمون محمداحمد.. كما ذكر الأخ بدرالدين مأمون هو ابن خالة كارم وكانوا يترافقون في مشوار المدرسة .. بعكس كارم الذي كان منتشرآ ونشطآ بين التلاميذ كان مأمون رائقآ هادئآ .. ولكنه كان يحب المناشط الرياضية .. زاملونا في الاميرية2 ايضآ .. طال الزمن منذ آخر مرة أقابلهم فيها .. لكارم ومأمون أزكي التحايا واتمني ان تجدهم بخير وسرور ..


ياخي كارم كزام دا بتنسي دا مغلغل الفصل كلو و الضحكة لا تفارقه ، ذهبت له بمكتبه بنمرة (2) قبل سنوات و ما زال كارم المرح صاحب النكتة الحاضرة و قد أضاف لنفسه قدرات ادارية في العمل ، فكما تعرف هو الأن يدير أعمال كزام المعروفة و قد نجح في ذلك و قام بانشاء صالة حديثة للاحتفالات و المؤتمرات و اضاف للعمل روح جديدة ، تحياتي له..
الأخ مأمون علمت انه قد هاجر الى احدى الدول الأوروبية و تقريبا ما زال خارج السودان ، مأمون كان لاعب وسط فنان و موهوب و كان لاعي أساسي في فصل جنوب بالأميرية (2) و ذلك الفريق كان يضم فضاحلة ويكفي أن الوسط كان يلعب به الرشيد حسكنيت و مأمون محمد أحمد..

Post: #74
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 04:37 PM
Parent: #73

الصفحه 16

محمد شمس الدين

و مشكور يا عزام على الصورة التى حاولت جاهدا تكبيرها للزوم النظر و للتدقيق و صعب على التعرف على بعض من فيها ...هل هذه الصورة للصف الرابع أم الثالث....
فى مدرسة الشعبية جنوب غير ساكنى الشعبية كان معنا من يسكن الصبابى .. المزاد... الصافية .. الدناقلة جنوب و شمال فالمدرسة كان مستواها الاكاديمى قوى....
محمد الحسن يوسف الكردفانى كان يعزف العود و كان أستاذ حسن يطلب منه ذلك ....
كان شقيا جدا ....كان ممثلا موهوبا... و كان أحسن من يقلد أصوات الأخرين بما فيها الجنس الأخر... ملكة رهيبة حباها له الله...و هو رجل سريع التصرف يستطيع ان يخرج من اى ورطة ... شقيقه الأكبر الكابتن كردفانى
.... بعد الشعبية رحلوا للصافية ثم للحلفايا ....رحمه الله رحمة واسعة

Quote: يا أخي ممكن تكون وزير ثلاثة وزارات وتتحدث لينا عن ذكرياتك عن العم الفاضل فتح الرحمن .. والد أخونا مأمون فتح الرحمن وآخرين.. وطبعا عمك فتح الرحمن كان يعمل في بحري الأميرية ( 1 ) وكان رجلا مثقفا


الأخ كمال أنا ممن درسوا بالأميرية (1)
أدينا شهر وأفتح بوست الأميرية (1) ...إن شاء الله نساعدك فيهو ... و نكتب عن زملائنا و أساتذتنا الذين لهم افضال علينا كالأستاذ عوض نميرى و الجيلى و حسن نورى و انور محمود و كمال وغيرهم
و كان معنا من مدرسة الشعبية جنوب
ياسر النضيف و هو حاليا بالهند و قد إنتقلت أسرتهم من الشعبية جنوب للدناقالة جنوب
ياسر حامد احمد الياس و هو طبيب و حسب علمى بأنجلترا حاليا
صلاح الطيب حمدتو و كان من سكان الدناقالة منزلهم مجاور لمنزل الفنان الراحل ابوداود
عثمان عبدالعظيم طبيب بالسعودية كانو يسكنون الشعبية شمال و رحلوا للدناقلة شمال

..
العم فتح الرحمن كان رجلا هادئا و ودودا و كان يلبس نضارة نظر .. عمل فراشا بمدرسة الأميرية (1) .... و يسكن جوار المركز الصحى بالشعبية... و كان كما ذكر الأخ طارق يذكر أن الشاعر إدريس جماع كان يعمل بالمدرسة و كان يشير لنا حيث مكتب إدريس جماع.. و كان أيضا يذكر لنا بعض الطلبة الذين درسوا بالأميرية....
إبنه – مرتضى - كان دفعتنا بالأميرية (1) ... قام بعمل بعض القصائد الغنائية كما ذكر لى....
الفراش الأخر بالأميرية كان إسمه العم حسن ..لا ادرى إين يسكن ... بالإضافة للعم صباح الخير الذى كان يسكن بالمدرسة...

محمد عبدالرحمن شمس الدين

Post: #75
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 08:19 PM
Parent: #74

الصفحة 16

معاويه محمد الحسن

ياسلام عليكم ياحاج انت ومنير ذكرتونا بكارم كزام ومامون ،وكارم ده بالذات كان صديقى وكان يجلس خلفى مباشرة ومعذبني بدفر الكرسي برجله وكان استاذالرياضيات عبد الحميد الكندي معذبنا بالأسئلة وكل مايكتب مسألة فى السبورة واراد أختيار واحد لحلها يقول ايوة يامعاوية ولو ماقدرت طوالي يقول ايوة ياكارم يعني كان فاضحنا فى الفصل وطوالي كارم كان يتذكر ذلك وكل مايقابلني يقول لى بطريقة الكندي ايوة يامعاوية ومن طرائف كارم فى حصة الادب الانجليزي يكون ماسك كتاب غير الذي يقرأ منه الأستاذ وعندما يسمع صوت قلب الصفحات يقول لي يامعاوية الناس قلبوا ،وأخر مرة قابلتوا فى الدوحة فقد جاء لزيارة عمل قبل عدة أعوام وكان يجلس بجواره المصيبة الثاني اخونا عبد اللة سعيد وهو من الزومة يامنير وكان شخص مضحك جداًواتذكر مرة جاءنا أستاذتربية اسلامية من المولانات يرتدي جلابية وقفطان وبمجرد دخوله قال السلام عليكم ورد عبد اللة سعيد وعليكم السلام ياعم مختار وكدنا ان نموت من الضحك وماعارف يامنير وصلتكم النكتة دى قدام أم لا ،وكان يجلس بجواري طيلة سنوات الثانوي العام صديقي الفاتح بشير مدني فقد جئنا معاً من مدرسة المزاد وكان ايضاً نجلس بجوار بعض من الفصل الرابع وهو الأن موظف كبير ببنك البركة فى السودان وتحياتي من على البعد له ولكارم ومامون وعبد اللة سعيد بهولندا

Post: #76
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 08:39 PM
Parent: #75

الصفحة 16

الحاج حمد
الأخ العزيز معاوية محمد الحسن
شكرا لترحيبك بصاحب البوست..
طبع الأميرية (2) كانت تضم خلطة عجيبة من الشعبية و المزاد و الديوم و الدناقلة و الاملاك و الختمية و شمبات و بقية مناطق بحري رغم ان الاغلبية كانوا من الشعبية و المزاد.
تصدق يا معاوية عبد الله سعيد دا من الأميرية (2) تاني ما قابلتو و ما جات حاجة ذكرتني الاسم دا لكن الآن بمجرد ذكرك لهذا الاسم جات الصورة و الضحكة و النكتة التي كانت تميزه مارة بخيالي. من الطرائف التي لا أنساها كان الأخ حسن طه (الشعبية جنوب) ضخم الجسم و مرة عملوا جوطة ورا و قام استاذ مختار (رياضيات) شال ليهو سوط و مشى عليهم و قرر جلدهم قال لي حسن طه : أفتح يدك و عندما فتح حسن يده الضخمة علق استاذ مختار و كان صاحب نكتة : لا حول دي كابي ليها باكنج بودر.مرة عماد عبد الله (سوسيوة) (الشعبية جنوب) الصباح بدري و حسن طه عندو مسائل رياضيات ما حلاها بالليل جا شال كراس واحد و بدأ ينقل عاوز ينتهي قبل الحصة و عماد يجري جنب حسن طه و يفرفر قام حسن طه قبض عماد باليد الشمال و واصل النقل باليد اليمين و عماد يصيح : ياخي فك و حسن ما شغال بيهو و ما فكاهو الا بعد ما خلص نقل المسائل ، أيام لها ايقاع.

Post: #77
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 08:49 PM
Parent: #76

الصفحه 16

صلاح ابو ديه

نرجع بيكم شوية للدفعة :

أسماء سسقطت سهوا:

نادر حمزه وكان طفل هادى ودود حاول أن يخلق صداقات وفشل مع الجميع

أيمن حمزة وكان أعسراً أرغمه خاله الناظر حسين على الكتابة بيده اليمنى مما جعل خطه أقبح خط فى الفصل

محمد إبراهيم مرسى وكان ينافس على الطيش

بخيت عثمان منافس محمد مرسى

محمد سليمان حندورة وكان مشاغباً فى الفصول الأولى ثم أضرب عن الكلام حتى تخرجنا من الإبتدائى

محمد إبراهيم حمود أول واحد كان عندو كدارة أديداس فى الدفعة

ونواصل إن شاء الله


Post: #78
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 08:55 PM
Parent: #77

الصفحه 16

منير

الأخ العزيز معاوية .. مرحبآ بالذكريات وفصل أولي وثانية وثالثة جنوب !!..
طبعآ نحن الناس القاعدين قدام ديلك كنا دائمآ نسمع الكركبة والكبسيبة جايانا من وراء ..والظاهر الكراسي والادراج كانت تعبانة معاكم تعب شديد .. ووزي ما عارف برضو ناس حلمي حسن والفاتح جمال وزاهي بسطاوي كانوا ما مريحننا .. شغب وهرجلة تحت تحت ما تديك الدرب وخاصة الفنان المستهبل حلمي الـ كان قاعد جنبي في سنة تانية وسنة ثالثة ..
وبمناسبة اخونا عبدالله سعيد ده الله يطراه بالخير ويغشاه السلام ذلك الشباب الطويل النحيل الضحوك ( تلقاه هسة عمل ليهو كرش كاربة ورمرم العراميص وبقي زول هادئ وخلي الشغب ).. وأنا أتذكر ذلك المولانا شبه الحلبي، القصير، ذو الأنف المدبب ، كنت معجبآ جدآ بتمكنه من اللغة العربية رغم صرامته وحرارة قلبه .. كان جادآ جدآ ومجودآ للمادة التي يدرسها .. إلا أنه لسبب ما كان دائمآ يعاني من مشاغلات الطلاب ما عارف ليه؟ ربما لجديته الزائدة !!! .. وإن كنت فعلآ تقصد نفس المولانا الذي أعنيه بوصفي هذا فأذكر أيضآ أن أخوي أحمد حكي لي موقفآ حدث لذات الاستاذ في فصلهم.. إذ ضايقه أحد الطلبة والشغلانة سخنت وقامت كبسيبة كبيرة والطالب قام جاري من الفصل والاستاذ حاول يجري وراءه وأخيرا دنقر عشان يشيل ليهو حجر يفكه فيهو فتعثر بجلابيته ووقع و..وو .. الفصل قيامته قامت .. ههه ..

ونفس الاستاذ الله يطراه بالخير ـ وأحسبه من حلة حمد ( الغريبة أني لم استطع تذكر اسمه .. أو أني لم أعرف إسمه أصلآ ) ـ لحقنا أيضآ في بحري الحكومية .. ودرس فصل ناس الحاج ده .. وزي ما قلت فهو كان استاذا جادآ مجودآ لمادتيه ـ العربي والدين ـ وكان دقيقآ في عباراته ـ يعني أي جملة ينطقها لابد أن تكون صحيحة ودقيقة في معناها وإعرابها !! .. وأتذكر أن حكي لي الحاج حمد أنه في إحدي الحصص كان منهمكآ في الشرح فرن جرس الفسحة ـ الكلام ده في بحري الحكومية ـ فالجرس دق وهو كان لسه ما كمل كلامه .. وواصل كلامه.. وتضايق الطلاب والاستاذ مواصل في كلامه وهو يحول نظره في أرجاء الفصل ليرقب المتململين .. والطلبة بعد شوية من شدة التململ بدأوا يحكحكوا أحذيتهم في البلاط فتحدث إزعاجآ لتوصيل رسالة الضجر !! .. فما كان من الاستاذ إلا أن قال لهم من بين أضراسه : والله مش كان حكيت !!!! .. هههه ..

وبالمناسبة برضو عبدالله سعيد ده كمان ذكرني شخصية زيه كان معانا في الابتدائي وكان بنفس الملامح والطبع (وبرضو زومابي) إسمه :

(72) عادل سيداحمد .. ذو شخصية مرحة في الفصل .. كان يسكن الشعبية شمال ـ شرق جامع الختمية .. أخوه الأصغر كان زميلنا في ليليات الخليفة كانكيج ـ رحمه الله ـ ربما يذكر إسمه الأخ عثمان المتعارض .. أما عادل سيداحمد ذاته فلا أدري أين هو .. ربما اغترب مبكرآ .. له السلام العاطر ..


الصفحة 16

منير

.. أو يا معاوية تكون قاصد الأستاذ الدرسنا عربي في أولي جنوب ـ وحكي لنا قصة هبنقة الأحمق ..
والملاحظ يا اخواننا أن اساتذة العربي دائمآ كانوا متمكنين جدآ من اللغة ..

Post: #79
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 09:11 PM
Parent: #78

الصفحة 17

الحاج حمد

على طريقة الأخ منير عبد الرحيم سوف أقوم بمحاولة أكبر عدد من دفعتنا بمدرشة الشعبية الابتدائية (أسماء فقط) ، و طبعا كانت الدفعة نهرين (أ) و (ب):

1- خالد عبد الحميد محمد فخري.
2- محمد حسن ابراهيم (أبو عبده)
3- عبد العظيم محجوب ميرغني.
4- أحمد عكاشة عبد الله.
5- عمر عثمان عبد الرحيم.
6- عاطف جعفر السيد عقيد.
7- فيصل سليمان علي الحوري.
8- هاشم علي مختار.
9- محمد فضل.
10- حسين عبد الحليم عبد الغفار (حسين أديناهو نمرة 10 لأنها دائما بلبسها الهداف في الفريق).
11- جابر ابراهيم.
12- حامد دفع الله بابكر.
13- عادل علي خالد.
14- جمال عبد الحليم.
15- عادل محمود محمد الفضلي.
16- مصطفى محي الدين.
17- مجدي سعد محمد كيلاني.
18- محمد سعد عثمان شنان.
19- عبود عبد المقصود (ولد قصودة).
20- محمد حسن محمد حسن.
21- الرشيد مضوي.
22- شهاب أحمد ادريس.
23- فيصل محمد عبدون.
24- الزين حسن (المزاد).
25- أمين عبد الغني (المزاد)
26- عادل محمد خير (كعيك).
27- المرحوم خاطر علي الشيخ.
28- جلال (حلة الصديق نسيت اسم أبوهو).
29- أنور محمد حامد الياس.
30- السر محمد حامد الياس.
31- ياسر أبو كشوة.
32- عوض تاج السر.
33- جمال سيد فهمي.
34- محمد طيفور.
35- أحمد البدري.
36- الحوارالخطيب (الهجرة).
37- عماد الجاك (الهجرة).
38- متوكل ادريس (الهجرة).

و بجيكم للباقين.

Post: #80
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 05-01-2010, 09:14 PM
Parent: #79

الصفحه 17

الفاضل يسن

العم شريف

خفير مدرسه الخشب انسان غير عادي فهو يقوم بكل الواجبات تجاه الاساتذه تجهيز افطارهم و مالزم و بعد ذلك يبيع الينا التسالي و النبق و القنقليز و في المساء يخرج بابور الجاز و الصاج و يرمي و يبع الطعميه امام بوابه المدرسه و لعمري لم اتذوق مثل طعميته الي الان0 و كانت صناعته للطعميه في منافسه شديده مع السمك المقلي الذي يصنعه الفريد خفير النادي الشهير امام بوابه النادي وكنا اطفال في صفاء و مروة بين الاثنان0 خاصه ان الفرن خلف المسجد يعمل لوقت متاخر من الليل0
و كان والدي عند ترؤسه لمجلس اباء التلاميذ علي علاقه كبيره بالعم شريف ياتي الي منزلنا دوريا و لا انسي عند ختاني و اخوتي كان العم شريف المشرف و الطباخ وصدح في المساء غناء فهو رجل لكل المهام0
و في ليالي رمضان يقوم العم شريف مسحرا للناس قبل وقت الامساك بقليل المحزن اني نسيت الكلمات التي كان يدندن بها علي صوت الدؤف الذي يحمله0 وفي صباح العيد ياتي مهنئا و مباركا كانما يزيد علي الناس فرحه ثالثه وكنا اطفال نتحلق حوله و نتبعه اينما ذهب في صباح العيد و عند انتقال المدرسه الي الموقع الحالي انتقل العم شريف معها الا انه كان غير سعيدا كيف لا و هو بذلك قد ابتعد من احبابه في السوق القريب منه<بالمناسبه يا حاج ممكن ترتب الدكاكين في السوق و اصحابها بالترتيب بدا من دكان صديقك المرحوم ناصر اليماني> و بعد ذلك الانتقال الجديد للمدرسه مرض العم شريف كثيرا و توفي في دار اهله بالمزاد الهم ارحمه بقدر ما خدم العلم و المعلمين 0 و تلك دعوة لكل البورديين من له خاطرة او زكره لهذا الرجل الكريم0

Post: #81
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 12:55 PM
Parent: #80

الصفحة 17

الحاج حمد

طيب يا منير ما دام رغبة الجمهور نواصل في أسماء الدفعة:
39- عوض حسن كيخا.
40- الفاضل مأمون.
41- عبد العظيم صالح.
42- سيف الدولة عبد القادر.
43- صلاح خضر حفظ الله.
44- سعيد محمد سعيد.
45- عبد المجيد محمد علي.
46- نجم الدين حسن.
47- محمد عبد القادر عريبي.
48- المرحوم طارق علي مختار.
49- حسن نوري.
50- محمد علي طه.
51- طه محمد سليمان.
52- عبد الله كوكو.
53- كمال عوض سعيد.
54- علي هارون.
55- عبد الله اسماعيل.
56- علي مرسال.
57- أحمد صالح نهشل (يماني).
58- بشرى فضل.
59- عبد الوهاب علي الحاج.

Post: #82
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 12:58 PM
Parent: #81

الصفحة 17

الحاج حمد

و نواصل في الدفعة:
60- ميرغني الامام.
61- علي درار.
62- عادل محمد الحسن.
63- الفاتح صديق.
64- خالد علي.
65- نزار متوكل.
66- و تم حذف فتحي شمت بعد أن صححني الأخ منير و اتضح أنني الامور اختلطت علي و فتحي درس معنا لاحقا في المرحلة الثانوية.
67- المرحوم طارق أحمد وداعة الله.

و هناك بقية ، و لي عودة...

Post: #83
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 01:02 PM
Parent: #82

الصفحة 18

الحاج حمد

أكيد يا منير ح نحتاج للدفرة ، و زولك المحضرو دا غالبا ح أنساهو بس خليهو لما أخلص ، نواصل أولاد دفعة:
68- خضر عثمان أحمد البدري.
69- ايهاب محمد عثمان فقيري.
70- سيف الدين الحسن.
71- عصام محمد فضل الله.
72- عبد الله عمر (الهجرة).
73- عز الدين المصطفى.
74- محمد ابراهيم.
75- جابر ياسين.
و نعود للبقية..

Post: #84
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 01:08 PM
Parent: #83

الصفحة 18

الحاج حمد

و مواصلة لأبناء دفعة :
76- زهير حيدر.
77- جابر ابراهيم.
78- عبد المنعم عبد الفتاح ( من الذين انضموا للدفعة من دفعة سابقة).
79- عبد الرحيم أبواللول (من الذين انضموا للدفعة من دفعة سابقة).
80- عبده محجوب.

و سوف أحاول أن أتذكر من فات ذكره و بعدها سوف أكتب عن بعض الشخصيات التي تركت ذكريات خاصة عندي.

Post: #85
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 01:19 PM
Parent: #84

الصفحة 18

الحاج حمد

أولاد دفعة:
بعد أن ذكرت الكثيرين من أولاد دفعتي بمدرسة الشعبية الابتدائية سوف أكتب كلمات في حق البعض منهم و بعض أولاد الدفعة بالأميرية (2) و بحري الثانوية الحكومية:
أنور محمد حامد الياس:
الأخ و الصديق أنور محمد حامد الياس كان يسكن مع جده لوالدته في منازل المزاد و التي تقابل آخر مربوع في الشعبية و شارعهم خلف شارع ناس خضر حفظ الله من الناحية الجنوبية أي أن منزل جدهم يفتح جنوبا و به دكان يشرف عليه جده و الذي تميزه شلوخ الشايقية و أنورابن خالة للأخ عاطف خضر و هو شقيق للأخ السر محمد حامد و هو دفعتنا ايضا و لكن يكبر أنور بعام تقريبا ، كان أنور طالب متميز في أخلاقه و حسن معاملته و هندامه و تفوقه أكاديميا و كان يحب القراءة و كنا نتبادل كتب المكتبة و لا تمر أيام والا نكون قد انتهينا من قراءة كتاب أو لغز و حصلنا على آخر جديد..و قد جمعتني صداقة قوية مع الأخ أنور و أخيه السر ممتدة الى الآن رغم أن الغربة قد باعدت بيننا و بين الكثير من أعز الأصدقاء..بعد المرحلة الابتدائية انتقل الأخ انور و السر الى مدينة الأبيض حيث كان والدهم يعمل بتجارة الزيوت و أكملوا هناك المرحلة الثانوية العامة و العليا و ظل يزور الخرطوم من وقت لآخر..بعد ذلك أكمل دراسته الجامعية بالمغرب ثم التحق بديوان النائب العام حيث انتدب للعمل كمستشار قانوني للبنك الفرنسي ثم بنك الخرطوم و آخيرا بنك السودان و قد تميز بمهنية عالية في عمله..التحية من على البعد للصديقين أنور محمد حامد و السر محمد حامد و أرجو أن يكونا بخير.

Post: #86
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 01:25 PM
Parent: #85

الصفحة 18

الحاج حمد

أولاد دفعة:
خضر عثمان أحمد البدري:
الأخ و الصديق خضر عثمان رجل من الزمن الجميل..رجل نادر..يمتاز بادب جم و تهذيب نادر ما تجده مثله في هذه الأيام..زاملته من المرحلة الابتدائية بمدرسة الشعبية شمال..ثم الثانوي العام بالأميرية (2) و الثانوي العالي ببحري الثانوية الحكومية..و شهادة مني فهذا الرجل واحد من اكثر الذين زاملتهم أدبا و حسن خلق و طيب معشر..تميز اكاديميا.. و اكن مرجع في اللغة العربية.و كان رياضي متميز..كان يعرف كيف يتعامل مع الكرة بفن راقي..طريقة تحكمه في الكرة كانت متميزة .. كان يشق المدافعين رافعا رأسه لأعلى و متحكما في الكرة بطريقة فنية..كان يحرز اصعب الأهداف..أتذكر مرة تعرض لاصابة في مباراة بين فريقي الشعلة و الصديق أدت لكسر يده و دخولها الجبص..و أجريت له عملية بواسطة الدكتور عبد الرحيم أخصائي العظام..بعد شفاء الجرح لاحظ ظريف الشعبية حيدر الجقدلي أنه لا يوجد آثار واضحة لمكان خياطة الجرح فقد كان الجراح بارع في خياطة الجرح بحيث لم يظهر أثر كبير..علق الجقدلي و هو يمسك بيد خضر و ينظر لمكان الخياطة : و الله خيط ليك عمود..و من الذكريات أيام بحري الحكومية فقد كانت هناك حصة كيمياء مع الأستاذ مصطفى و كانت هناك تجربة يستخدم فيها الفسفور و أثار الطلاب خاصية اشتعال الفسفور و الألوان التي تظهر عند الاشتعال و بعد الحصة قام الأخ خضر باخفاء قطعة من الفسفور متجاهل تحذير استاذ الكيمياء و كانت النتيجة ان اشتعل الفسفور و هو في يد الأخ خضر مما سبب له حروق على أصابع يده اليمنى غاب بسببها لأيام عن الدراسة.. درس الأخ خضر القانون بجامعة القاهرة بالخرطوم و عمل بالمحاماة لفترة ثم هاجر الى سلطنة عمان حيث يعمل الآن..خضر صاحب قلم ذكي من الذين تمنيت أن يشاركوننافي هذا البوست و ليت أحد الأخوان ينجح في الاتصال به.. التحية للأخ العزيز خضر عثمان.

Post: #87
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 01:39 PM
Parent: #86

يالحاج بالنسبة لأولاد دفعتكم والذين اقترن قطار رحلتنا بكثير منهم في الثانويات واصبحنا نحن برضو دفعة .. أنا كنت محضر ليك منهم الأخ الصديق العزيز حسن يحي آدم (الهجرة) .. لكين برضو لقيتك فطيت العزيز الرشيد محمدالهادي (حسكنيت) ، وأكيد تكون في أثناء التذكر كان حاصرآ في ذهنك وتكون قلت الرشيد ده مضمون حأكتبه بعدين ، وشالتك نومة .. و عوض تاج السر حسن المكتوب هل هو غير بلدينا الأخ العزيز عوض السر حسين الرفاعي ؟؟..

وبعدين ياالحاج شككتني في أنو العزيز فتحي شمت ده قرأ معانا في الشعبية جنوب في فصل (ب) ..


الصفحة 18

الحاج حمد ( يرد على منير )


الأخ منير
اول يا زول مالك طولت مننا ، يعني الا نبقى حنينيين زي أهلك ناس الزومة و نتصل و نسأل منك ، و فعلا كل يوم اقول اتصل أسأل من الزول دا أو أرسل ايميل أضعف الايمان لكن زي ما عارف الأيام دي اليوم كأنه بقى أقل من 24 ساعة.
الرشيد (حسكنيت) ما عارف فات علي كيف أذكره مع انو الرشيد دا كان مضمون في القائمة لكن تعرف باقي لي الدوائر بدأت تتشابك (ياخي ما ليها حق!) ، أما بالنسبة لي عوض السر فهو عوض السر بلديك و تحدث الأخ عادل محمد عثمان من قبل عن العم السر و لوحاته الفنية التي كانت تزين كثير من البيوت و المحلات و طبعا بيتهم البيت التاني الملاصق لبيت العم عبد الرحيم حاج عمر (الحكم) من الناحية الشرقية..أما فتحي شمت دا باين لانو دفعة في بحري الحكومية فقد اختلطت الأمور و ظهر تشابك الاسلاك جيدا..حسن يحي فعلا من أولاد الدفعة و فات علي ذكره و أكيد هناك آخرين لانو الدفعة كانت فصلين (أ) و (ب) و أكيد العدد أكبر من كده و قد أتذكر بعض الأسماء لاحقا..ياخي لبدتك بي حسن يحي دي خطيرة..أنا قلت لابد بي واحد من الذين سوف أذكرهم لاحقا و أطرشق ليك اللبدة

Post: #88
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 01:43 PM
Parent: #87

الصفحة 18

الحاج حمد

أولاد دفعة:
مجدي سعد محمد كيلاني:
مجدي سعد هو شقيق المرحوم محمد و ميسرة و ماهر و قد زاملني في مدرسة الشعبية الابتدائية ثم الأميرية (2) فصل جنوب ، و مجدي رجل اجتماعي من الطراز الأول و أخو أخوان دائما تراه يجري في العمل العام و خدمة الآخرين ، يتقدم الناس في تقديم يد العون ، رياضي أحب كرة القدم و لعب بفريق الصداقة و كان مدافع قلبو حار لدرجة تعرضه للمشاكسة مع الفريق الخصم ، عمل في لجان فريق الصداقة لفترة طويلة و رابطة الناشئين و فريق الشعبية و اللجان الشعبية و ما زال يعمل بهمة في مجال العمل العام ، و بيننا صداقة بدأت منذ المرحلة الابتدائية و مستمرة الى الآن ، التحية للأخ مجدي سعد على هذه الهمة في العمل العام..

Post: #89
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 01:47 PM
Parent: #88

الصفحة 18

منير

ومعك أحي الأخ العزيز خضر عثمان البدري الرجل الرزين الرايق .. وأنا أيضآ أذكر تلك الحادثة عندما كنا في سنة تانية جنوب .. والمادة التي اشتعلت كانت قطعة صغيرة من الصوديوم ـ الجماعة جابوا القطعة من المعمل ـ كانت محفوظة في المعمل في سائل عضوي ـ وجابوها ختوها فوق الدرج في الفصل في الهواء ساكت .. فتفاعل الصوديوم مع الهواء واشتعل فجأة قدام خضر عثمان .. فتفاجأ خضر وحاول ينفضه من قدامه بيده فلصق وهو مشتعل بيده فاحترقت .. ثم وقعت فوق الدرج مرة تانية وجاء الجماعة حاولوا يطفوها بالشباشب والبراطيش ، فالتصقت واشتعلت في الشباشب والبراطيش !!!.. وساد الهرج والمرج في الفصل، وتسمع الطاخ طراخ .. البراطيش شغالة خبط في الأدراج تحاول أن تسحق قطعة الصوديوم المشتعلة كأنها شظية من شهاب واقعة من كوكب بعيد .. والشظية صامدة لا تريد أن تنطفئ.. بل تزداد اشتعالآ كإشتعال الألعاب النارية !!! الشغلانة كانت زي أفلام الخيال العلمي !!!!!!!.. وفي الآخر في واحد نفضها بالبرطوش فجاتني القطعة المشتعلة وقربت تتلصق لي في شعري أنا .. ولو أنا ما كنت زغت منها في ظرف جذر خمسة من الثانية كان الحريقة القامت لخضر في يده انطبقت علي أنا برضو في رأسي !!! .. غايتو ربك رب الخير ستر .. وقطعة الصوديوم زاتها كانت صغيرة فاشتعلت لغاية ما كملت !!! .. ولولا ذلك لكانت كارثة .. لكين طبعآ للأسف إحترقت يد خضر وعاني من الحريق فترة طويلة .. والحمد لله أخيرآ تعافي ونحمد الله أنه لم تحدث له مضاعفات .. بس من ديك الناس عرفت إنه الله واحد ..

Post: #90
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 02:39 PM
Parent: #89

الصفحه 19

الفاضل يسن

الاستاذه :< اخلاص> باقرين

شقيقة استاذ< عطا>يسكنون حلة الصديق، جبلت في عمل الخير و دائما ما تتعدي حدود وظيفتهاالي تاسيس علاقة قويه مع اسر الطالبات التي تدرس، حاصة المميزات منهن، كانت تدرس في مدرسة الخشب بعد تحوليها الي مدرسة للبنات؛ حاصة بان البنات كن يدرسن علي فترتين في مدرسة واحده،ب staff مختلف كليا في هئيه التدريس.
و الاستاذه <اخلاص> طيبوبه مثل اخيها الاكرم: عطا، فاذا تناقشت معها في امر احدي تلميذاتها، تشرح بصراحه غير معهوده في المعلمين لب الاشكاليه التي تعاني منها،و اتذكر لها مشهدا كانه وقع بالامس، عند اعلان نتائج الشهاده الابتدائيه، في احدي السنين، تنتقل تلك المربيه لبيوت الخمس الاوائل تزف تفوق بناتها وبناتهن بالنجاح، فقد كانت المدرسه في زمانها متفوقه علي مستوي الخرطوم، و اتذكر ايضا كيف كانت المديره وهي زوجة احد حكام الكرة المشهوريين و تقطن بام درمان، تطلق يد الاستاذة <اخلاص> في متابعه كل شؤون المدرسه،التحيه لها بقدر ما اعطت بجد و اخلاص كما اسمها و معدن اهلها مودتي.

Post: #91
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 05:03 PM
Parent: #90

يا جماعه الصفحة رقم 20 ما بتفتح معاي وكل البفتح فيها موضوع لاخونا شكوكو عن مخاطر المرقه


الصفحة 21

عبد الوهاب الحاج

اخي الحاج قرأت البوست بتاعك عن الاستاذ الهرم عيسى الحبيب احمد ذلك الرجل الاصفر النحيل الجميل صاحب الشلوخ المطارق بالمناسبة جاء الاستاذ طيب الذكر مع اثنين من الاساتذة هم لو تذكر محمد حمد بدوي والدينامو عزالدين احمد عمر كمير استاذ العلوم والرياضيات العفي تاريخ حضورهم الي المدرسة اذكره الى الآن هو 11/11 /1973 وهذا التاريخ اذكره جيداً لحدي الان لانه جاء في مسابقة الجريدة الحائطية لجمعية الجغرافيا باشراف الاستاذ عيسى نفسه وكان المسئول عن الجريدة ومن تحريرها حسين عبدالحليم وسعيد السخلة واذكر انني فزت بجائزة تلك المسابقة (6 كراسات 64 ورقة واقلام رصاص 3h )وكان غفير الجريدة اخونا محمد شيخ ادريس .ومن الطرائف التي حدثت في الفصل بتاعنا في حصة الجغرافيا بين الاستاذ عيسى و الاخ عبدالرحيم ابواللول وابواللول بالرغم عن انو قاعد في الكنبة الاخيرة الا انه كان شديد الازعاج وصوته تجاوز مرحلة الطفولة الى المرحلة المجاورة او البعدها لا اذكرو كان دائماً مامنتبه للحصة و الحصة كانت عن البترول في الوطن العربي ولما زاد الازعاج الاستاذ عيسى سالو يابواللول انا كنت بقول شنو ؟ وقف ابواللول مسافة وقال : اناعارف ياخ بترول وما بترول!!! وانتهت المسألة بغضب الاستاذ وحرمان ابواللول من حصة الجغرافيا بقية العام مما اسعد ابواللول جداً

Post: #92
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 05:14 PM
Parent: #91

الصفحة 21

عبد الوهاب على الحاج

لحوار اسمه الحوار الختيم وجابر اسمه الجابري يس
81/ الزين سعيد التلب82/ خليل احمد83/ سيف الدين قسم الله84/ هاشم محمد سعيد85/ عادل محمد عبدالقيوم 86/ جمال فاروق محمد صالح87/ علي فتحي (الهجرة)88/ عبدالله محمد سعيد (سامبو)89/ الحسن يحي آدم (الهجرة)90/ عبدالمنعم موسي (اخو ننوس )91/ محمد عبدالعزيز (كوبر)92/ محي الدين صديق ( قعوية )93/ شريف صالح شوكت94/ مهدي يوسف بريمة95/ صلاح بيكوس96/ داؤد (جانا من قدام)97/ حسن يعقوب جامع تيراب98/ محمد الحاج ( اخو علي هارون )99/ اشرف صلاح100/ سليمان شمت عبدالجليل101/ الاخوة معيطيب102 / مدثر محمد عبدالكريم103/ حاتم احمد الطاهر104 / عبدالرحيم عبدالله عبدالقادر ( برعي)105/ خالد حسين آدم ( خالد فريني )
وارجو ما اكون دبلت لي اسم وكان اتذكرت زول تاني برسل ليك

Post: #93
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 05:19 PM
Parent: #92

الصفحه 21

ادريس نوري


من المتابعين للبورد التهنئة والتحية لكم ولكل الأعضاء على المجهود الضخم الذي تقوموا به لتوثيق تاريخ واحدة من الأحياء العريقة بالخرطوم والسودان قاطبة، اضافة الى انهاض وشحذ الهمم من ابناءها الغيورين بالخارج والداخل لتقديم الدعم للنهوض بها في كافة المجالات والأصعدة. أنا ادريس نوري منزلنا في مربع 4/5 الشعبية شمال منذ 1967خلف منزل المؤذن أحمد وداعة والد( المرحوم طارق، صلاح وياسر). وهو خامس منزل من الجامع من ناحية الشرق (حلة الصديق) في صف دكان على الحطابي وقبل بيت ناس أسامة سعد،مارست الرياضة حتى سن 11 ونتيجة لاصابة لكسر في القدم اثناء تمرين مدرسي توقفت عن لعب كرة القدم بالرغم من المعجبين والمهوسين بالتشجيع. درست المراحل الدراسية كالاتى مدرسة الخشب بالشعبية من 1969_1975
الأميرية 2 من 75-78 وبحري الحكومية من 78-81 والجامعة بالعراق حتى 1985 ثم العودة للسودان ثم الماجستير بالمملكة المتحدة التى أقيم بها الآن. أسف للتحدث عن نفسي بهذه الطريقة ولكن كان لابد منها لتعريف وللتذكير لطول الفترة. دفعتى في مدرسة الخشب من 1969-1975 فصل (ب) عامر الأمين عامر، عثمان جمعة بحر، عماد عوض الجاك، عبد المنعم موسي، ومحمد عريبي (حلة المارد)، عادل بين(سقيق يوسف المفك)، خليل حمدون، عصام عبد المجيد( شقيق زاهر وعماد كبشور)، محمد صلاح نورالدين( كان يلقب بحمودي شقيق أشرف وطارق)، فخر الدين عبد الحميد (قام باداء دور الخواجة في مسلسل على عبد اللطيف) ناصر اليماني (الصداقة)، عامر محمد الحسن ابوكروق، اسماعيل، عثمان المدير (شقيق حسن المدير)، محمد خليفة، ياسين، عماد عبد العزيزنوري، سيف عبد اللطيف(الهدف)،عابدين على صالح (شقيق حيدر الجقلي)،خضر حسن خضر، على محمد علي ، كمال عوض (جنكل)، عبد المنعم جني، حافظ مالك، عصام الشايقى، فتحى الحلبي ( عمل مع شقيقه بالنجارة في سوق الشعبية لاحقاً) ( حلةالشعلة) الرشيد كوه كافي، أحمد نجم، طارق مصطفي، على هارون، محمد عمر(شقيق صلاح عمر)، عبدالله عباس ( النقر) وشقيقه صلاح عباس ( حلة الصداقة)، ثم أمجد عبدون ومرتضي فتح الرحمن منزلهم في الشارع الرئيسي للشعبية البلوك الثاني بعد صيدلية الشعبية (ناس حسن جردل) مربع 4/5 وأخيرًا أول الدفعة دائماً صديقي الغالي محمد عبد الوهاب (من المزاد)، ومن الفصل (أ) عصام عثمان السيد كان من المبرزين اكاديمياً وسياسياً نشطاً مع الأسلاميين منذ الصف السادس ابتدائي، لم أقباله منذ عام 1981، أمين أحمد اسماعيل،عاطف حسن داؤد، حاتم عبدالرحيم حاج عمر،فتحى موسي وأكتف بهذه الأسماء وأعتذر لمن أذكره في هذه العجالة.


فقط من قبيل التوثيق لبعض أو جزء من تاريخ ذلك الحي العريق أود لوتكرمتم بنشر هذة المساهمة.

مع تحياتي وتقديري لكم وتحياتي لصديقي الفاضل يسن وجمال ابوآمنه لمجهودهما في هذه المساهمة

ادريس نوري

Post: #94
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 05:24 PM
Parent: #93

الصفحه 21

الحاج حمد

الأخ ادريس نوري
شكرا لك على هذه المساهمة المقدرة و هي تعكس ارتباط بهذا الحي العريق و مشاركة فاعلة منك للتواصل و عبرك الشكر للأخ الفاضل يس و الذي كان همزة وصل بيننا مع تمنياتي بأن تستمر مشاركتك عبره.و كان جبدا تعريف نفسك بهذا التفصيل و كما ذكر الأخ صلاح شكوك يفضل أن يذكر كل شخص موقع منزله أو منزل أي شخص يتحدث عنه لتسهيل التعرف عليه خاصة و أن الزمن طال بالبعض من السودان ، شخصيا خلطت الأسماء (اسم نوري ) و قد افتكرت أنك شقيق الأخ حسن نوري (البيت الملاصق من الناحية الشمالية لناس عبد السلام - بقالة القرين كورنر) و لكن بعد ذلك تعرفت عليك بعد لقاء لي مع الأخ الباشمهندس أمجد عبدون و هو دفعتكم كما ذكرت و انتو الدفعة الورانا في الابتدائي و الأميرية (2) و بحري الحكومية..

Quote: فخر الدين عبد الحميد (قام باداء دور الخواجة في مسلسل على عبد اللطيف)


أعتقد أنك تقصد علاء الدين عبد الحميد فخري و هو شقيق الأخ خالد عبد الحميد دفعتنا و بيتهم ملاصق بيت ناس محمود قرميدة من الناحية الغربية و بيت ناس كمال خوجلي (كديس) من الناحية الشرقية و هو فنان صاحب ريشة و مبدع..

Quote: ناصر اليماني


المرحوم ناصر توفى غرقا فى احدى أيام رمضان ، عليه الرحمة و هو أخ أحمد اليماني و علي اليماني و سبق أن تحدثت عنهم..

Quote: ومن الفصل (أ) عصام عثمان السيد كان من المبرزين اكاديمياً وسياسياً نشطاً مع الأسلاميين منذ الصف السادس ابتدائي، لم أقباله منذ عام 1981،


الأخ عصام عثمان السيد من الذين تقدموا تنظيما في الاتجاه الاسلامي خاصة بعد ان دخل كلية الطب جامعة الخرطوم و قد أخذ النشاط السياسي و التنظيمي من وقته و لذلك لم يكمل الدراسة بكلية الطب و بعدها استمر في نشاطه السياسي و سمعت أنه خارج السودان حاليا ، عملنا معا في الأميرية (2) في جمعية التربية الريفية التي كان يشرف عليها الأستاذ عوض جميل و قد كانت تجربة ثرة سوف اعود لها لاحقا.

Quote: أمين أحمد اسماعيل


و هو أيضا من المتفوقين أكاديميا هو و شقيقه بدر الدين و هو صديق للأخ أمجد عبدون و تزاملوا في الكلية البحرية بالاسكندرية و قد تحدث لي عنه الأخ أمجد عبدون مصادفة قبل فترة قصيرة.
التحية لك مرة أخرى الأخ ادريس نوري على هذه المشاركة..

Post: #95
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 07:56 PM
Parent: #94

الصفحة 21

الفاضل يسن

شكراً الأخ الحاج وتحياتي الحارة عبركم للاخ والصديق أمجدعبدون كرار واتمنى ان نتلقى قريباً في السودان انشاء الله، أتصل بي بعض الأخوان من السودان وذكروني ببعض الأسماء من دفعة مدرسة الخشب 69-75 فصل (ب)وهم عماد فضل المولي (حلة الفلاح) (شقيق عادل حارس مرمي المريخ)، وعبد العظيم محمد على (شقيق عبدالرحيم ومحمد حلة الصديق) وحيدر (شقيق الصياد).

Post: #96
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 08:38 PM
Parent: #95

الصفحه 21

الزين حسن محجوب

أخي و صديقي و زميل دراستي من الخشب الي الأميرية 2 الي بحري الحكومية ......ايها الرئع روعة الشعبية ، صدفة و انا اتصحف في موقع السودان الاول (sudaneseonline.com) اجد بوست (الشعبية نجمة تزين سماء مدينة الخرطوم بحري ) ، فاجد نفسي اقرأ كل ما ورد فيه من الصفحة الأولي الي 21 فتداعت اشرطة زكريات كثيرة متعددة متداخلة متشابكة جميلة فكل مايمر شريط تتداعي لذاكرة اشرطة اخري فيكون من الصعب عليك ان تستمر في الأول..


مدرسة الخشب فيها تعلمنا القراءة و الكتابة في فصل اولي برندة و هو الفصل الذي قسم لاحقا للفصلين (أ) و (ب) و كنت في الفصل (أ) . من الذين تلقينا العلم علي يديهم في تلك المنارة من الأساتذة الأجلاء


الأستاذ حدباي أول من درس لنا حصة و نحن نجلس علي البروش .

الأستاذ الشايقي و هذا ليس اسمه ولكنه كان مشلخ،شايقي و هذا ما اراح والدي عن حضورنا أول يوم للدراسة . الأستاذ محسن من الهجرة كان يدرس لنا مادة الرياضيات(الحساب) في السنة الثالثة و لا انسي ابدا جلدته لي و لم اكن حينها احفظ جداول الضرب تلك الجلدة التي اجزم بأنها شكلت مسار حياتي حتي الآن و لهذه الجلدة الحارة قصة كان استاذنا الجليل من هواة كرة القدم و كان يلعب مع فريق الهدف بالمذاد في احد الأيام كنا نلعب في الميدان الذي اقيم مكانه استاد التحرير الحالي ، كان استاذ محسن راجعا من التمرين و لم اشاهده إلا و هو بيننا و البيوت و رأني العب ، تيقنت انني مجلود مجلود تاني يوم لم انم جيدأ ليلتها و في الصباح (ردفت) ردائين و بالفعل اول ما دخل الفصل سأل عن الجداول و حين اتي دوري اخرجني للجلد و جلدني اسفل قدمي و هو يقول كرعينك البتلعب بيهم كورة ديل، القريب ان هذه الجلدة اتت بمفعول السحر لم اكره المادة بل في اول امحان بعدها احرزت الدرجة الكاملة لك الشكر استاذ محسن علي تلك الجلدة.

الأستاذ جعفر و كما كنا تلقبه استاذ جعفر المنصور استاذ الرياضيات الحازق. الذي كان يدرس لنا صباح مساء .

الأستاذ عبد الحليم كان يدرس لنا العلوم.

الأستاذ علي استاذ التاريخ الرائع.

الأستاذ عز الدين كنا نلقبه بديجانقو كان صعب جدا.

الراحل المقيم في الوجدان الأستاذ عيسي الحبيب. من الشخصيات التي تركت أثر كبير في حياتي حبه لمهنته لتلاميذه للمدرسة. هل تصدق اخي الحاج انني و حتي اليوم كلما مررت امام المدرسة اذكر الأستاذ عيسي .

الأستاذ محمد ادريس نقل للمدرسة و نحن في السنة الآخيرة.

التحية و التجلة لهم جميع و ندعو الله ان يمد في عمر الأحياء منهم و ان يغفر لمن رحلوا منهم فقد طال الزمن (ما يقرب من 40 سنة) و لا ندري عن اخبارهم شيئا.




لا زلت ازكر درس العصر الإجباري و بعده المزاكرة الإجبارية و التي يشرف عليها اساتذتنا و في وقتهم الخاص. و الجمعيات الجغرافيا و التاريخ و الجمعية الأدبية و فقرة استاذ في قفص الإتهام و التي كان يقدمها الطالب المميز كمال الزبير. فصول الخشب و فصول الطوب في الجزءالشمالي من المدرسة و ازكر اننا نقلنا لفصول الطوب في السنة الخامسة. سادسة (أ) و سادسة (ب). و المنافسة الحارة بين الفصلين.



من الاسماء التي لازلت ازكرها و ارجو ان لا تخونني الذاكرة في فصلنا يا الحاج: طه محمد سليمان من اولاد الديوم، محمد حسن محمد حسن ، نزار متوكل ، جمال سيد فهمي ، حسين عبد الحليم، عبده عبد الحليم ، الرشيد مضوي ، علي هارون، ايهاب محمد عثمان فقيري، عاطف موسي ،عوض السر،مصطفي محي الديم ،اليماني، خاطر الشيخ، عبد العظيم محمد علي ، ،معيطيب ،كارلوس ، ابو اللول،......................... المرحوم الأستاذ سيف الدين محمد الحسن.



تحياتي لك اخي الحاج فقد عشت لساعات اجمل الزكريات و تحياتي عبرك للفنان الرائع الأخ منير عبد الرحيم.

سوف احاول ان اشارك معكم في مرات قادمة فعلاقتي بالشعبية لم تنتهي في المدرسة و الزمالات الدراسية في مختلف المراحل الدراسية فالكثير من اهلي يسكنون بها و معظم صداقاتي بأهلها و حتي زوجتي منها. فلكم أهل الشعبية عندي من التقدير اضافة هي حق النسب.


كسرة:
حاولت عضوية في المنتدي مرات و لكن يبدو ان هناك شروط لا اعرفها ارجو افادتي عن كيفية نيل العضوية في هذا المنتدي.



اخوك : الزين حسن محجوب (المزاد) الأن بجامعة نوتنغهام بريطانيا في فترة بحثية

Post: #97
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 08:42 PM
Parent: #96

الصفحه 21

عبد الوهاب على الحاج

لاخ الكريم الحاج حمد
التحايا والو
دوالود موصول عبرك للاخ د.الزين حسن محجوب.
يا أخي الزين سرني جداً ما انت فيه الان من علو ورفعة والله الواحد فينا بيفرح جداً لما يسمع انتصارات اولاد دفعتنا مزيد من التقدم والي الامام . اخونا دكتور الزين حسن الذي كان يدرس في الصف الاول ( برندة ) او اولى طراوة او ( تراوة ) كما كان ينطقها الاستاذ كنة ثم توزيعه الي الفصل (ا) كان معانا في الفصل ( ب) زميل اسمه الزين سعيد التلب هو الان من اشهر الاطباء في الصين ومن رجال الاعمال الناجحين حسب افادة اخونا المهندس بشرى فضل .هاهما الزينين الذين كانا يزينان سماء دفعتنا والزين عــــــــــــــــــــــــــالم جميــــــــــــــــــــل
لكن يادكتور الزين يا اخوي نصف الناس الذكرتهم بانهم كانوا معاك في الفصل (ا) كانوا معانا في (ب) منهم حسين وابواللول ونزار ومصطفى محي الدين و........... اخونا الحاج كتب تقريبا كل افراد الدفعة وانا برضو عملت محاولة لاكمال الاسماء ولكن انا والحاج نسينا الشيخ الوقور طه محمد سليمان الله يطراهو بالخير وحقيقة ذكرتني بالجمعية الادبية وحكاية الاستاذ في قفص الاتهام بالرغم من انو انا كنت احد اركانها الاربعة كمال الزبير والاخ الحارث وحامد دفع الله وشخصي الضعيف وباشراف الاستاذين محمد حمد بدوي والاستاذ فضل الله وايضاً لفت ( التاء مشددة ومفتوحة ) نظري لحكاية ال40 سنة دي يا اخي معقول نحن كان كدا ماشين مارش على اليوبيل الذهبي والواحد بقى ما حاسي بالزمن 40 سنة من اول دخولنا المدرسة كتيرة والله كتيرة. مع العلم بانو مافي اي نوع من انواع الاسكراتشات السنية ولا تمديد لمدد الصلاحية والحمد لله
الأستاذ محمد ادريس نقل للمدرسة و نحن في السنة الآخيرة:
وبرضو عندي ملاحظة عن الاستاذ محمد ادريس اعتقد انك بتقصد الاستاذ محمد بابكر استاذ اللغة العربية الي كان ينطق اسماء الرشيد مضوي وحامد دفع الله بطريقة نحوية ما لذيذة ابداًوفي الختام تقبل فائق شكري واحتراميواذا حبيت تراسلني عنوان بريدي عند الحاج
اخوك عبدالوهاب علي 6 / ب

Post: #98
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 08:51 PM
Parent: #97

الصفحه 21

عبد الوهاب على الحاج

حجوج تحايا وود
لو يذكر اولاد دفعتنا لما دخلنا مدرسة الخشب في العام 1968م كان اسم المدرسة مدرسة المزاد (1) الاولية وحتى مدرسة البنات المجاورة لينا التي كانت تشتغل بنظام الورديات من الصباح لحدي الساعة العاشرة مدرسة وادارة ومعلمين وبعد العاشرة صباحاً ايضاً ادارة مختلفة وكان اسمها اصطلاحاً عند الطالبات مزاد الساعة عشرة وانا شخصياً كان عندي اختين في تلك المدرسة كل واحدة في مزاد مختلف .
وفي بداية السنة الثانية لو تذكر في بداية السلم التعليمي بتاع محي الدين صابر واتحررنا من عذاب الجلابية وغسيلها ومكوتها الي الرداء الكحلي والقميص اللبني جمعنا ناظر المدرسة وكان اسمه استاذ عبدالقادر في طابور نص اليوم (طابور طوارئ) واعلن بان المدرسة قد تم تحويل اسمها الي مدرسة المساكن الشعبية شمال (خد نفس) الابتدائية المزدوجة بنين . وايضاً تم تغيير اسم مدرسة البنات الي مدرسة المساكن الشعبية شمال الابتدائية المزدوجة بنات .
وكان معانا طلاب كثيرين من المزاد ونشأت علاقات طيبة بينهم وبين طلاب الشعبية واذكر منهم على سبيل المثال :
امين عبدالغني السيد سلام
جمال فاروق محمد صالح
سليمان شمت عبدالجليل
الزين حسن وآخرين
وهذه مساهمة بسيطة مني عن العلاقة بين المزاد والشعبية ولي عودة كان ربنا مد في العمر.

Post: #99
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 09:06 PM
Parent: #98

الصفحه 22

عبدون


Quote: اذا امكن الشباب يكتبوا عن الاميرية 2 - المدرسة المدينة - هذا التعبير للاخ هشام المجمر عندما كتب عن بحرى الحكومية وهو تعبير جميل احببت ان استعيره منه هنا بعد اذنه - ولو امكن الاخ صلاح شكوكو يشارك معانا هنا لما له من حضور فاعل علاوة على جمال الكلمة والمعلومات التى تثرى هذا الجانب من النقاش انا غايتو بتذكر عندما انضمينا ليها فى العام 63 او 64تقريبا انها كانت من اجمل مدارس السودان حيث كانت عبارة عن حديقة مزهرة تحفها الخضرة من كل الجوانب وكان الورد والياسمين والفل الابيض ذو الرائحة الجميلة من المناظر الجميلة التى نصطبح عليها والتى هى باقية فى ذكرياتنا على مدى الايام والناظر الاستاذ الكريم الرشيد / السحار والاستاذ يوسف مدرس العلوم والاستاذ محمد احمد القراى رحمة الله عليه واستاذ بابكر مدرس اللغة الانجليزية والاخ المشاكس زيام - اقصد شمس الدين ساتى

Post: #100
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 06-01-2010, 09:34 PM
Parent: #99

الصفحه 23 و 24 مافيهم اي كلام عن المدارس


الصفحه 25


عبدوون


و رسالة من الأخ عابدون محمد عابدون بعنوان الأميرية (2)
العم حميدة الجناينى
رغم كبر السن الذى كان يبدو عليه فى ذلك الوقت فالعم حميدة كان يبدو شابا وكله شباب عندما يكون منهمكا فى العمل وفى الحقيقة يصيبنى الاكتئاب اذا مررت من طريق مدرستنا القديمة اثناء اجازاتى وشاهدت ماحل بتلك الجنة التى كان العم حميدة يقف عليها ويحنو عليها ويواليها بالرعاية والسقاية ... الى ذلك كانت هناك نزعة سادية عند عمك حميدة وتظهر لما الاستاذ يكون عايز يجلد واحد مننا ويقوم يطلب منه يجيب سوط من شجر النيم الذى يظلل المدرسة فيقوم عمك حميدة ينط فى شجر النيم كالنمر ويقوم باستخلاص بدل السوط عشرة وهو يبتسم ابتسامة ماكرة وطبعا قد يكون له العذر فى ذلك فأولاد زى شمس الدين ساتى فى ذلك الوقت يجننو بلد بى حالها موش عم حميدة .... وطبعا بذكر عم حميدة نذكر ابنه محى الدين حميدة - دفعتنا فى ذلك الوقت وكان شابا فى منتهى الهدوء والوقار اللذان - قد - يتعارضان مع تلك المرحلة السنية فى ذلك الوقت وهم محى الدين ووالده العم حميدة من سكان شمبات الاصيلين وهذه سانحة لاحيى شمبات واهل شمبات اللذين نشأت وقضيت ايام جميلة من العمر بينهم .... ذلك العم حميدة .. من يتذكره ؟
ياشمس الدين اكتب عن الدفعة بتاعتنا فى الاميرية 2 فى الوقت داك واين هم الآن
اخوكم عابدون

Post: #101
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 05:27 AM
Parent: #100

لصفحة 25

صلاح شكوكو

عثمان محمد فضل .. هذا الرجل ذو الإمالة الشايقية المتميزة .. أحس بالذنب حين أذكره وكأن الإنسانية جمعاء مقصرة في بلوغه غايات المرض اللعين .. حيث مازلت أذكر كيف كان يمثل في مسرح الأميرية ( 2 ) مسرحيات باللغة الإنجليوية في يوم الآباء .. ونحن حينئذ لم ندخل المدرسة بعد حيث كنا نراهم وهم يتحدثون لغة غريبة حتى حسبناهم من كواكب أخرى ..

فقد كنت أراه مرورا في شارعنا من والى المدرسة وهو يحمل كرسيا (( خيزرانيا )) كل يوم حتى خيل إلينا حينها أن من شروط المدرسة أن تحمل (( خرتاية )) وكرسيا ..

الشلهد أننا رأيناه بعد ذلك مريضا وقد تسرب من دراسته وحدث له ماحدث في دروب الحياة حتى أصبح في عداد (( الجماعيين )) أقصد إدريس جماع وذهوله .. لكنه كان على درجة من الوعي الذي ينم عن ذكاء عجيب ..

لن أذكر شيئاأخجل منه أمام الله عن الرجل لأن الرجل في ذمة ربه ( إن كان قد مات فعلا ) لكنني بالفعل أذكر له بعض جمل جميلة بالإنجليزية ( assasination ) ثم كلمة ( إستيقن ويقن ) وهي من كلمات الربط التي ليس لها معنى .. ثم كلمة (( وكك )) وهي إشارة تعجبية من لغة الرندوك ,,
إضافة الى جملتك التي ذكرتها (( طيارتو حرقت )) .

Post: #102
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 05:40 AM
Parent: #101

الصفحة 26

شمس الدين ساتي

مدرسة الأميرية 2 -
كانت لنا أيام - السحار - حسن محمد خير - يوسف-
حسن الأعرج- القراي - شمال وجنوب- حميدة وإبنه محي الدين
فصلنا كان به عباقرة- المرحوم كمال محمد علي- الطيب حسن أونسة- فايز قاسم
عبقري الرياضيات- حسن محجوب الهندي- ومن الشعبية- عبدون- عادل محمد
الحسن- جمال موسي
يوسف الرضي- أحمد علي - طارق إمام وأخوه مصدق إمام- أحمد سليمان شقيق أسامة-
من الحلفايا- حسن محجوب( الآن طبيب بالسعودية) أسامة أحمد الحسن(طبيب)
عبد الله المدير- ميرغي- حسن الحاج(كاسكا) محمد الوهبي- عبد الحفيظ ابراهيم(بيطري)
من شمبات كثر أذكر منهم الطيب حسن(مهندس) فايز (مهندس) شمس الدين
المبارك(مهندس -توفي الي رحمة الله) عثمان ومعتصم والسيد وعبد الباقي وأخرين لم تسعفني الذاكرة
وصلاح محمد خير وهو بالأمارات مع عبدون- وعطية عبد القادر( أظنه توفي)
هل تعلمون إلي ما قبل سنين قليلة كنا نتنادي جميعنا ونقوم برحلة الي أحدي الجناين
ونسترجع ذكريات المدرسة. ولكن الآن بعدت المسافات وتفرقت بنا السبل ولم
نعد نتلاقي إلا أفرادا . كانت أيام جميلة
--
المحسي

Post: #103
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 05:44 AM
Parent: #102

الصفحة 26

شمس الدين ساتي

أيضا من دفعتنا أولاد حلة خوجلي- صديقي العزيز عبد الله بابكر المحامي- وحسن مصطفي- ومن الختمية -عبد العظيم يس
كان الناظر وقتها حسن الرشيد الملقب بالسحار . كان رجلا نشيطا ومحب للمدرسة لدرجة أنه كان بيطلع الشجرة مستلفا مقص عمك حميدة ويشذب الأشجار التي كانت تحف بالمدرسة من كل الجوانب . وكانت بالمدرسة ازهور والرياحين . فصل جنوب من دفعتنا كان به عمر محمد سعيد وصديقه إسمه الأول حيدر من سكان الدناقلة. وأيضا المرحوم شيخ إدريس كباشي إبن المزاد ولاعب الهلال. كنا بالصباح نتجمع أنا -أحمد علي- عادل محمد الحسن- جمال موسي - المرضي- وعابدون- ونتجه الي منزل أحمد سليمان- وهناك يقابلنا طارق إمام الجاك وأحمد سليمان ثم نتجه الي منزل الأخوين المرحوم النعيم حسن النعيم ( إستشهد بالجنوب) ثم من هناك الي منزل المرحوم كمال محمد علي ثم الي مدرسة البنات التي كان يسكنها صديقنا الدنقلاوي محجوب وهو بالمناسبة كان صديقا مقربا لكمال محمد علي ومنها الي مدرستنا الحبيبة

- خمسة أعوام بتلك المدرسة وهي أطول فترة كنا فيها كما الأسرة

الآن في إجازتي الخيرة مررت بقربها ونزلت دمعة نعم بكيت علي أطلالها وخرابها ياعبدون

شمس الدين

Post: #104
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 05:49 AM
Parent: #103

الصفحة 26

الحاج حمد

الصافية الحي الراقي ارتبط في ذهن الكثيرين من سكان الشعبية و شمبات و المزاد بذكريات سينما الصافية..و في ذهني مجموعة متميزة من أولاد الصافية كانوا زملاء دراسة بالأميرية (2) و بحري الحكومية و سبحان الله كانوا جميعا على درجة من التهذيب و أذكر منهم الأخوان فؤاد محجوب و خالد الباقر و الفاتح مصطفى..
لك كل الود

Post: #105
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 06:02 AM
Parent: #104

الصفحة 26

عادل عثمان


الصورة للاخ صلاح حبشى .. وبالمناسبة يا شكوكو مصطفى فى ذلك الزمن كان يعرف بمصطفى فرة ( بكسر ال ف وتشديد ال ر)..

وقيل وماهو الفرة.؟؟ الفرة هو طائر صغير الجحم وهو من فصيلة الزرزور او (الزرازير) .. او كما كنا نعرف ؟؟

اسمح لى ان اكتب بعض حروف فى حق الاخ الاخ مصطفى فهو فنان (رسام وخطاط) تفتقت موهبته منذ ايام الصباء .. عندما كان فى المدرسة

الابتدائية كان يعيد بقلم الرصاص رسم مجلة البات مان (الوطواط) .. وكذلك الرجل الخفى ومجلة سمير والصبيان لدرجة المبالغة .. وكنت محتفظا بواحدة

منها لزمن قريب وكم تحسرت لفقدها. وقد كان محبا لرسم المناظر الطبيعية وكم زينت لوحاته جدران المنازل فى شارعنا . وقد شاركه فى الموهبة صديقة

اسماعيل محمد على ابونامة ( من حلة الحاج حمد ). وقد افتقدت اخباره لمدة طويل فله التحية اينما كان.

والدهم اطال الله عمره العم محمد على الزبير ووالدتهم الحاجة كلتوم (كلتومه) واخوانهم كمال وخضر وعصام واخواتهم لهم التحية .. وشكرا

ياشكوكو على فتح النفاج.

Post: #106
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 06:20 AM
Parent: #105

الصفحة 27 ما فيها مشاركات عن المدارس

الصفحة 28


امير قناوي


والقائمة التالية بأسماء من تذكرتهم من أولاد دفعتنا في مدرسة الشعبية جنوب الإبتدائية ومن زاملونا فيها , أرجو إكمال من نسيت أسمائهم :

أبوبكر حسن أحمد ــ أبوبكر خالد ــ أسامة أبودية ــ أسامة الغزالي ــ أسامة فؤاد ــ التاج مصطفى ــ التيجاني عبدالصادق ــ

الفاتح إدريس (اللتش) ــ الفاتح صديق ــ الفاتح عبدالغني ــ المرضي أبنعوف ــ السموءل أحمد (إبن الناظر) ــ أنور (أخو أستاذ ضرار) ــ أيمن بله ــ أيمن حمزة ــ بدرالدين إسحاق ــ بدرالدين الأمين عبدالله ترير ــ بدرالدين عثمان مرغني (النقر) ــ بدرالدين عمر ــ بكري عباس ــ تاج السر فضل بشير ــ تاج السر محمد الحسن صبير ــ حاتم حسن العوض ــ حسن (سوسيوة) ــ حسن الطيب ــ حسن عطا المنان ــ حمدي عبدالغفار ــ حيدر عباس ــ خالد إبراهيم علي ــ خالد عبدالسلام ــ خالد عبدالله عثمان غبوش ــ خالد محمد نور ــ رشاد محمد عبدالفتاح (رحمه الله) ــ سامي مبارك ــ سيف الدين الشيخ ــ سيف اليزل ــ شاكر إسماعيل (رحمه الله) ــ شاكر سرور ــ شهاب مرسي ــ صبري إسماعيل ــ صديق الوسيله ــ صلاح الطيب حمدتو ــ صلاح حسين برسي ــ صلاح محمد الحسن ــ صلاح محمد صلاح ــ صهيب حسن يوسف ــ طارق الريح مناع ــ عادل السر ــ عادل النحاس ــ عادل بابكر عبدالرحمن ــ عادل حمد النيل ــ عادل عبدالكريم علي شرفي ــ عادل محمد عباس خطاب ــ عاطف السنهوري ــ عاطف عبدالرحيم ــ عاطف عبدالمجيد محمد قناوي (كوية) ــ عبدالعال علي حسن ــ عبدالعظيم عبدالحليم ــ عبدالقادر حسن خليفة ــ عبدالوهاب أحمد عبدالفادر (عبرة) ــ عثمان عبدالعظيم ــ عزام حسن فرح ــ عصام الدين الملك ــ عصام عبدالعزيز ــ عصمت إدريس ــ عماد أحمد علي (عبيديه) ــ عماد محمد عبدالدائم (شكوكو) ــ عوض الشيخ ــ عوض محمد سيد دياب ــ عوض محمد عبدالوهاب ــ فخرالدين عبدالجليل ــ كمال الدين الشيخ ــ كمال عبدالله برشام ــ لؤي شوقي ــ ماجد أبايزيد توفيق (كي) ــ متوكل أحمد علي ــ مجدي حسن العوض ــ مجدي عبدالله صالح ــ محمد إبراهيم حامد (حمود) ــ محمد إبراهيم حسن نمر ــ محمد إبراهيم حموري ــ محمد حسن كردفاني ــ محمد خالد ــ محمد سليمان صالح (حندوره) ــ محمد شبر ــ محمد طاهر ــ محمد عبدالرحمن علي ــ محمد عبدالرحيم (عري) ــ محمد علي (الحلفاية) ــ محمد حسن عبدالباقي (الحلفاية) ــ محمد مرسي ــ محمود حسن ــ محي الدين عبدالله دراج ــ مصدق ياسين ــ مصطفى سليمان ــ معاذ عبدالله ــ معاوية علي كزام ــ معتصم (عبيديه) ــ معتصم حماد ــ معتصم سليمان صالح ــ ممدوح نعيم ــ نائل حسن ــ ناجي نجيب درياس ــ نادر حمزة ــ نادر منصور ــ نجم الدين عبدالله ــ هاني .... (دهبه) ــ نزار (إبن عم السموءل) ــ ياسر حامد إلياس ــ ياسر محمد النضيف ــ يحي (الألفه في سنة أولى)



أخوكم أمير عبدالله نصر قناوي 12ـ8ـ2008

Post: #107
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 06:26 AM
Parent: #106

الصفحة 28

عمر عثمان

هل تتذكرون طعمية عم شريف
غفير مدرسة الخشب
الجو بارد شتاء
والطعميه حاره ولذيذه
والعيش توست طازج


الفاضل يسن ( في رده على عمر عثمان )



تلك ايام الطفولة لا تنسي، اكراما للعم شريف، كنت قد كتبت عنه و ايامه الخوالي و الدف علي صدره الضخم في صباحات العيد و نحن اطفال نتجول معه في ترحاله بفرحه لا حدود لها، قد تنسينا حتي كيفية رجوعنا الي منازلنا .هناك غفير ايضا شهير بنفس المدرسه من اهالي حلفا ظني اسمه<احمد> و لديه صلات رائعه مع ساكنة الشعبيه.

Post: #108
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 06:29 AM
Parent: #107

الصفحة 28

الحاج حمد

العم أحمد هو غفير مدرسة البنات و عرف ب (أحمد توت) و ترجع التسمية لاهتمامه بمراهنات توتو كورة في ذلك الوقت و هو محسي توفى قبل فترة عليه الرحمة و قد أقام علاقات اجتماعية طيبة مع سكان الشعبية و كان معروف بتعليقاته الظريفة في سوق الشعبية و أثناء مباريات الرابطة.

Post: #109
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 06:32 AM
Parent: #108

الصفحة 29

عمر عثمان

من دفعتنا
كمال كيخه
خالد نور الدائم
رمضان حسن ترمس
طارق محمد سعيد
كباشي الامين سعد
الطيب عبدالله التوم
سيد عبد الرحمن(الله يرحمه)
عادل الجمري
الرشيد عثمان عوض الكريم
عماد شمت
وليد عبد الباسط
وليد عبد اللطيف
معتصم حلة الصديق الان استخبارات
مصطفى محمد احمد الخليفه
عماد محمد زين
مجدى كنه
راشد محي الدين
مصطفي قرجه
عيسى جردل

Post: #110
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 06:40 AM
Parent: #109

الصفحة 29

صلاح كراكه

من ذكريات و أحداث بحري الحكومية التي حكاها لي الأخ صلاح عثمان ، يوم صلاح كان بره المدرسة و بعدين جا داخل ليك المدرسة لقى المدرسة جوطة شديدة ناس تكورك و ناس جارية و حتى بعض المدرسين جارين و طبعا صلاح زول طوييل عاين هنا و هناك داير يشوف الحاصل شنو!! المدرسة دي مقلوبة كده مالها ، قال عاينت هناك محل الناس بتعاين أشوف ليك واحد شايل ليهو سكين..سكين عديييل..سكين تلمع..لعب ما في..سكين كبيرة و تلمع في يد الزول، و ما في زول قادر يقول ليهو عينك في راسك..و الأيام ديك صلاح زول صعب..صلاح مشكلة..و المشكلة جاتو في مدرستو يعني ح يقعد يتفرج..و بحرارة قلب عرف بها صلاح (يا زول في الكورة سموهو كراركة يعني في الشكلة ح يكون شنو بلدوزر؟) و قرر صلاح يحسم الزول الشايل السكين و اتقدم بي ثبات( و أنا ولدك يا عثمان) و مشى عدييل على الراجل الشايل السكين و كاوشو ليك بقوة و الراجل زول قوي ضرب ليك صلاح بنية لي هسع آثارها(صلاح يحكي لي و ماسك محل الضربة) على جبهتو لكن صلاح وقع ضرب شديد في الراجل و شالو منو السكينة و المدرسة كلها تتفرج طلاب و اساتذة و عمال..لكن يدخل في المعركة واحد تاني عرف بحرارة القلب..الأخ أحمد علي خالد و هنا المعركة حسمت صلاح عثمان و أحمد علي خالد لا حول و لا قوة الا بالله..الاتنين ديل يهدوا جبل خلي واحد حبشي (الراجل طلع حبشي)..اكل ضرب شديد..الايام ديك اصحابي ديل شباب و شيطنة..هسع صلاح عثمان آخر هدوء قلت ليهو يا صلاح خلاص كملتو الشيطنة زمان قال لي لا كبرنا مع انو بسم الله و ما شاء الله( زي ما بيقولو اولاد بمبه) صلاح من المحافظين....ايام لها ايقاع..

Post: #111
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 06:49 AM
Parent: #110

الصفحة 30

بدر الدين اسحق

الصورة مدرسة الاميرية (2) الجميلة والمستحيلة الما دخلها ما دخل الثانوى العام ...

وقوفا من اليمين ...معاوية عتيق ... نادر حمزة ...عمر محمد الباقر ...صلاح محمد الحسن ( التيس ) ...ابوبكر خالد الصديق ...الزنــجى فى شبابو ...ناهل يــس .

الاول عماد من ثالثة غرب ...احمد ...اسعد حامد التوم ...

الاخير فى الصف الاول جلوسا الزول الاحمر متل عزام ده النقادى ود النقادة دفعتنا وحبيبنا وصاحبنا ( بترو اندريس فاسيلى ))

قولو ما شاء الله ذاكرة ذى القنابل العنقودية تلقط جاى وجاى .


سواقط الذاكرة الاميرية :

الشعبية جنوب الابتدائية (( عباس عبد الرسول ( رحمه الله ) ...عادل محمد عبد المجيد ...محمود احمد اصوصا ...بدر الدين عمر

ابكر ...عادل حمد على حـمد الليرى ...راشد محى الدين سيد احمد ...انور عبد المطلب ...علاء الدين محمد نور ...التجانى عبد الصادق ...فيصل فرينى ...

ماشاء الله الفصل تقول قطر نيالا ...متعهم الله بالصحة والعافية ...

Post: #112
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 06:56 AM
Parent: #111

لصفحة 30

امير قناوي

مدرسة الشعبية جنوب الإبتدائية
أول ما يخطر ببالي عندما أذكرها أستاذينا الجليلين فضل و حسن , وهما من أبناء الشمالية , كانا يسكنان بالمدرسة في غرفة صغيرة في الركن الشمالي الغربي. وليس هذا فقط ما يمييزهما عن بقية الأساتذة فقد سطر الإثنين إسميهما في صفحات تأريخ هذه المدرسة بأحرف من نور وكان لهما فضل كبير في السمعة الحسنة التي تمتعت بها المدرسة في كل المجالات. فقد كانت مدرسة الشعبية جنوب في أيامهما تجتذب التلاميذ من كل أنحاء الخرطوم بحري.

قد يختلف معي البعض في هذا التقييم ولا ألومهم على ذلك فكل أنسان يقيم الأمور والتجارب حسبما عايشها. ولعل أكثر ما قد يعيبه هؤلاء على أستاذينا الكريمين هو تنكيلهما الرهيب بالذين يرسبون في الإمتحانات الدورية . وأنا عندما أتذكربعض تلك المواقف أسأل نفسي عما قد تكون قد أحدثته من أثرفي نفوس أولئك التلاميذ. أتمنى أن يكون كل من رمى به القدر أو رمى بنفسه في أحدى تلك المأزق أن يكون قد أدرك الأهداف السامية لأستاذينا الجليلين وأن يذكرهما بالخير كما أفعل.

دخلنا المدرسة مع بداية تطبيق السلم التعليمي الجديد (في ذلك الوقت). وكل ما فهمناه أيامها عن ذلك السلم كان تغيير الجلابية والعمة إلي رداء وقميص. وبمناسبة الجلابية والعمة يطفو لسطح ذاكرتي التي أنهكتها الأيام منظر أخي الأكبر عصام في الصباح وهو يقف أمام الوالد (رحمه الله) كي يربط له العمة. هل تعلمون كم كان عدد التلاميذ في دفعتنا , دفعة 1971 ؟... 108 تلميذا' في فصل واحد. شيئ خرافي.. لكنه دليل على سمعة الشعبية الممتازة في تلك الأيام , فقد كان منا من أتى من أبعد المناطق.

كان أول مدرس للعربي هو الناظر حسين وأظنه كان من سكان الشعبية شمال فقد كان يعرف أباء أولاد الشعبية شمال وأذكر أنه كان ينادي نادر منصور بالسربندي. كان أول مدرس للحساب هو أستاذ مهدي . وأول مدرس للدين هو أستاذ حسن. وأذكر بمناسبة حصة الدين أخونا ممدوح نعيم الذي كان ينسحب عند بداية الحصة بهدوء لأنه مسيحي وكنا نشعر باللأسى عليه ونحن نراه من شباك الفصل يجلس وحيدا' . وممدوح كان يحفظ عن ظهر قلب سلسلة أسم عائلته وكان يتلوها بصورة مثيرة للدهشة , علق بالذاكرة من تلك الأسماء التي كان يرددها (نزولا' على طلبات المعجبين) أسمي أرسلان والعجوز.

أنتهت الفترة الأولى بعد أن تعلمنا شيئا' عن سيرة المصطفى (صلى الله عليه وسلم) ومن بدر وأمل والجمع والطرح. وأتت أول أمتحانات (في طريق كله أمتحانات). خمسة أوائل مشتركين. أذكر منهم عادل بابكر وعادل خطاب وياسر حامد ألياس وخالد محمد نور. أظن خامسهم كان خالد محمد الحسن. وكان الثاني (أو السادس) حيدر عباس حسين أبوشامة. وكان ترتيبي في ذلك الإمتحان الواحد والعشرين. وقد حزنت أيامها حزنا' شديدا' لاتزال الوالدة (حفظها الله) تذكر عندما تذكر تلك الأيام أنني كنت أبكي وأردد : مظلوم ياعالم مظلوم. ثقة بالنفس بددت الأيام والغربة ما تبقى منها وذهبت أدراج الرياح.

أذكر عند بداية السنة الأولى أنو أولاد حلة ناس بدرالدين أسحاق كانوا يتوعدونا (بمناسبة ومن غير مناسبة) بالزنجي الذي سيأدبنا. وأسم الزنجي عرفناه من المسلسل الأمريكي (فريق التحري) والذي كان أحد أبطاله (بالنسبة لنا كان هو البطل الوحيد) زنجي أمريكي يختم الحلقة بقفزة في الهواء يسقط بها أحد المجرمين تتبعها علقة ساخنة. نتيجة لهذا الوعيد أصابتنا عقدة مبكرة من ذلك الولد رغم ضألة حجمه وأعتقدنا فيه مقدرات خارقة لاتبدو للناظرين. وبالنسبة لي فقد أنحلت العقدة في أول مشاجرة مع بدرالدين وكنت أكبر منه حجما ' وذلك حينما تحرش (وما أكثر ما كان يتحرش) بصديقي وجاري عادل خطاب. وعادل كانت له علي أفضال ,منها أنه كان يمرعلي بيتنا في الصباح لنذهب سويا' للمدرسة , وكان يجدني أحيانا' غارق في النوم (بعد مشاهدة الفلم العربي) وقد دنا موعد جرس الطابور. المهم أضاعت هذه المشاجرة رهبة الزنجي من قلبي , وبقي الحب الأخوي بيننا.

من أساتذتنا الكرام وأظنه أحب المدرسين لقلبي ولقلوب دفعتي أستاذ عبدالرحمن قنديل. كان أبا' لصفنا لعدة سنوات. تعلمنا منه الكثير وقد كانت له أخلاق عالية وأدب جم وكان بحرا' للمعارف . كان أسلوبه في التدريس سابقا' لذلك العصر. كنا نجلس حوله خارج الفصل في مظلة وهو يقرأ لنا القصص والحكاوي من كتاب قديم وكأن على رؤوسنا الطير , حتى أشقى المشاغبين كان يجلس على الأرض كالحمل الوديع. كان أستاذنا قنديل طاقة جبارة , كان أديبا' ورساما' شهدت له مدرسة الشعبية جنوب معارضا' أثرت الحياة الثقافية بالمنطقة . وكان قبل ذلك أبا' للكل , أزكى فينا روح التنافس الشريف . أقول كان وكان وأدعو الله له أن يكون ومازال. لم أره بعد أن ودعناه وأعيينا تفيض بالدمع حين أعير للدراسة بالخارج.

أبلغوه وأبلغوا أساتذتنا الأجلاء (فضل , حسن , حسين الناظر, طه , خالد , عبدالمنعم , علاء الدين , ذوالنون , سعد , عبدالرحمن قسم الله , عبدالرحمن سعيد , عبدالمنعم , رحمة الله , محمد عثمان , ضرار , محجوب هباني , كمال , سمير , كمال القدال , جماع , أحمد دفع الله , أحمد حمودي , مصطفى , حسين الناظر, بشير) إن قابلتموهم سلام من يعترف بأفضالهم ولهم مني خالص الدعاء أن يجزيهم الله عنا خير الجزاء.


أمير قناوي

Post: #113
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 07:00 AM
Parent: #112

الصفحه 30

امير قناوي

أخوي بدرالدين

إن شاء الله تكون الذكريات دي تعريف لمن لم يعرفك أيام الشعبية جنوب الإبتدئية ويعمل حسابو من زعلك حتي لا يخرج مارد من قمقم ... وبمناسبة من ذكرتهم تحت عنوان (سواقط الذاكرة الأميرية) فالأخوة عباس عبدالرسول (رحمه الله) , محمود أحمد أصوصا وعادل الليري وراشد محي الدين كانت أسماؤهم فعلا" قد غابت عني . أما التيجاني عبدالصادق (قريبنا) , بدرالدين عمر وأنورعبدالمطلب (أخو أستاذ ضرار) فهؤلاء وردت أسماؤهم في القائمة (سلامة النظر!). لم أتذكر علاء الدين محمد نور وعادل محمد عبدالمجيد (هل تقصد خالد محمد نور ؟ وعاطف عبدالمجيد محمد قناوي ؟ كوية ؟ ود عمتي ؟....قول بسم الله وراجع القائمة مرة أخرى) .وأخونا فريني ما حبيت أنازع فيهو ناس دفعتو.

أرجو يابدرالدين أن تصحح أسم أخونا خالد عبدالسلام الحسن الذي أخطأته في كلامي عن أوائل سنة أولي.

Post: #114
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 11:54 AM
Parent: #113

الصفحه 31

امير قناوي

للذكرى صورة جماعية لطلاب الصف الثاني (شمال) بمدرسة الأميرية 2 الثانوية العامة

أهديها لأخي العزيز أسامة سليمان داعيا" الله له بالتوفيق والسداد في جهده المتواصل لتطويرالشعبية وأتمنى أن تتاح لنا الظروف للمساهمة الفعالة معه في رفعة الشعبية لتصبح علما" في كل مجال.

التقطت الصورة في 22.10.1978
الواقفون (من اليمين):
عبدالعظيم نورالدين ـ تاج السر محمد الحسن صبير ـ علي مجذوب (فلة) ـ عماد محمد محمد خير ـ
عمر الجعلي ـ صلاح أحمد محمد صالح ـ صلاح أحمد علي ـ صلاح عثمان ـ صبري عبدالرحمن ـ
الطاهر علي سلام ـ حمدي عبدالغفار ـ عباس توفيق (أبوالهول) ـ عمر فاروق ـ أوغسطينو كورنيليو ـ
حاتم محمد عثمان ـ خالد سنين ـ عبدالفتاح محمد ـ محمد شريف سعيد ـ أمير قناوي ـ أسامة سليمان ـ
ياسر حامد (أسبرين) ـ أحمد حميدة ـ أسامة مبارك ـ أستاذ أحمد حسن (البسام) ـ أحمد إدريس (ود الرضية) ـ أستاذ عبدالمنعم صالح (النعوم) ـ
الجالسون (من اليمين):
التيجاني عبدالرحمن ـ نصرالدين خالد ـ أبوبكر عبدالرسول ـ الصادق حسن خليفة ـ بابكر حسن مجذوب ـ ياسر عبدالرحيم ـ أمير الله جابو ـ متوكل أحمد علي ـ بدرالدين الأمين عبدالله ترير ـ عاطف عبدالرحيم ـ
فيصل ناصر ـ بله نوري ـ حسن عبدالرحمن (كمونده) ـ عماد أحمد علي (عبيدية) ـ علاء الدين جعفر ـ
مرغني محجوب ـ خالد عبدالله عثمان غبوش ـ مجدي عبدالعزيز ـ عصام عباس (العجوز)

Post: #115
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 12:27 PM
Parent: #114

الصفحة32

عمر عثمان

الشعبيه والكليه الحربيه

لاحظت ان اولاد الشعبيه الذين تخرجوا
من الكليه الحربيه كتار
وخاصة دفعتنا في بحري الحكوميه
والدفعه البعدينا
من دفعتنا
طارق محمد سعيد
وعادل الجمري
ومصطفي عقيد
وخالد نور الدائم
والشهيد جلال محمد الحسن
ومن الدفعه البعدينا في بحري الحكوميه خريجين الكليه الحربيه
عصام مأمون الشاب الخلوق
غريب الله سالم

ومن هنا احيي عصام مامون الذي ما ان يذكر
الا ويذكر طارق دلدوم
فما كانا يتفارقان
في الزمان
والمكان
الجميلين
عسى ان يتحفنا
في هذا الجانب

Post: #116
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 12:57 PM
Parent: #115

الصفحه 33

عمر عثمان

شارعنا يقع في مربع فريق المارد 8-9 تي
سته بيوت تطل على ست
ويتشارك الناس في ادق تفاصيل بيوتهم الاثني عشر
ومن هذه البيوت الكريمه تخرجت الطبيبات الكريمات

دكتوره انصاف سالم محمد نور
دكتوره هاديه الباقر عبد الله
دكتوره مها محمد سعيد عبد الله

لهن ولاسرهن مني السلام اينما كن

Post: #117
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 01:22 PM
Parent: #116

الصفحة 34

صلاح عباس

أول ما نجحنا من الابتدائية للمتوسطة، في الإجازة أظن كان الأستاذ عبد الحليم في مدرسة الخشب، عامل دروس في اللغة الإنجليزية لطلاب المدرسة، وحضرت أنا معهم رغم أني كنت من الشعبية جنوب، لكن كنت مرافق لرفيقي الدرب بشرى فضل وعبد الوهاب، ربّنا ابتلاني بكتاب لتعليم اللغة الإنجليزية في 5 أيام بدون معلم، بعدين في بدايتو كلمة السلام عليكم: good morning وفي الكتاب مكتوبة صوتيّاً هكذا: (جود مورنينج) بعد الحصة الأولى تجمّعنا بشرى ووهبة وحسين عبدالحليم وغيرهم، وطبعا كانوا ينطقون هذه الكلمة بحسب نطقها المعروف، فأنا قمتَ قلتَ ليهم: لا نطقكم ده ما صاح، الصحيح تقول: "جود مورنينج" هكذا نطقتها بإظهار الجيم، معتمداً على كتابي العجيب!

Post: #118
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 01:33 PM
Parent: #117

الصفحه 34

كمال كرار

هل عثمان بانقا... درس في أوائل الستنيات (عيييييييييك) في الأميرية ( 1 ).. إن كان هو الرجل فإني أقريه السلام.. وإن لم يكن هو أيضا أزجيه التحايا النواضر... وكان يسكن في المنطقة الأقرب للمركز الصحي الحالي؟؟ أهو هو؟؟؟.. ويكأنه هو!!.. فإن كان هو كان يسبقنا بدفعتين في الأميرية ( 1 ) وكنا نسميه بانقا الهزبر.. ولذلك قصة.. وإن لم يكن هو فقد أفتريت على الرجل خيرا...

Post: #119
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 01:35 PM
Parent: #118

الصفحة 34

عادل عثمان

سلامات وشكرآ على سؤالك عن القانونيين والقانونيات من الشعبية. اتذكرت الاسماء التالية:



1- رشيد عبد اللطيف ( جامعة الخرطوم) من الشعبية جنوب.
2- مجدى ابراهيم احمد.
3- خضر عثمان البدرى.
4- شقيقة نبيل وحليم فتح الله. نسيت اسمها للاسف.
5- نادية عبد الصمد مختار.
6- طارق حنفى.
7- حسين عبد الحليم.

Post: #120
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 01:38 PM
Parent: #119

الصفحه 34

عبد الوهاب على الحاج


8- حسن المدير
9- مولانا خالد المبشر
10- مولانا محمد علي عبدالله
11- مولانا عبدالفتاح النور محمد خير
12-الاستاذ عبدالعظيم محمد ايوب
13-الاستاذ السر دراج
14-الاستاذ عزالدين محمد الخير ابوالريش

.

Post: #121
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 02:41 PM
Parent: #120

الصفحه 35 و 36 لاتوجد بهما اي اشارة للمدارس او ايام الدراسه

الصفحه 37

الحاج حمد

مرحبا بالأخ عصام الدين عثمان السيد و هو أخ عزيز و زميل دراسة و كان من المتفوقين أكاديميا خلال فترة دراسته بالشعبية و الأميرية (2) ثم بحري الحكومية و هو صاحب قلم متميز و أتمنى ان يشاركنا بكتاباته..أكثر فترة قضيناها قريبين مع بعض كانت في الأميرية (2) بجمعية التربية الريفية التي يشرف عليها الأستاذ عوض جميل و كنت رئيس للجمعية و الأخ عصام نائب لي و قد قدمنا خلال فترتنا عمل جميل تشهد له الأميرية (2) خاصة السوق الخيري الذي أقيم بكازينو النيل الأزرق..التحية للأخ عصام عثمان السيد و في انتظار مشاركاته..

Post: #122
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 02:48 PM
Parent: #121

الصفحه 37

اسامه الخولي

نا من حلفاية الملوك ولكني لا ارى نفسي دخيلاً عليكم لما كانت تربطني بشباب منطقتكم العامرة من علاقات طيبة في اثناء دراستنا بمدرسة بحري الحكومية وامتدت بعدها ولربما هم بيننا الان فالشعبية نجمة تزين ذاكرتنا باعطر الايام


الصفحه 37

الحاج حمد

شكرا للأخ كمال الخولي و تربطنا علاقات طيبة مع اولاد الحلفايا الذين جمعتنا بهم الأميرية (2) ثم بحري الحكومية... و بيني و بينك ان شاء الله سوف يكون منزلي بالحلفايا في أول مربع في الحلفايا شرق الشارع (شرق الطلمبة الآولى) و قرب مسجد المانجلوك..مرحبا بك و شكرا للمرور




الصفحه 37

شمس الدين ساتى

أسامة الخولي مرحب بيك في بيتك

أذكر من دفعتي الدكتور حسن محجوب أحمد الهندي والدكتور أسامة محمد الحسن

وهم من أعز أصدقائي وكثيرا ما كنا نتزاور ومنهم أيضا البيطر عبد الحفيظ إبراهيم

ومحمد الوهبي قسم السيد وعبد الله المدير وحسن حاج العوض(كاسكا) وميرغني ود أم دوم

وأخرين مسحتهم الذاكرة الخربة وكذلك زميلاتي بالبنك التجاري سابقا

التحية لأبناء حلفاية الملوك أينما كانو

Post: #123
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 02:56 PM
Parent: #122

الصفحه 37

الحاج حمد

مرحبا بيك يا أسامة و في انتظار مزيد من المشاركات..
بعدين شكلك دا ما غريب علي..انت دفعة عبد الهادي خالد محمد علي ، حسن (فيكس) ، محمد أحمد الرشيد و مرتضى و سعد الشريف قاسم و عبد الخالق السماني؟ ديل اولاد الحلفايا دفعتي ببحري الحكومية.. لك كل الود..


Post: #124
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 03:03 PM
Parent: #123

الصفحه 38

عبدون محمد عبدون

أها انا بتذكر ليك استاذ القراى .. محمد احمد القراى الله يرحمه
كان رجل فى غاية الطيبة وطبعا كان استاذ اللغة العربية ورحمة الله عليه لما يلقانا بنخمس فى السجارة كان بيقول لينا ياجماعة اذا بليتم فاستتروا وكلامه دا لسة ياشمس الدين فى اضانى ..

Post: #125
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 03:06 PM
Parent: #124

الصفحة 38

شمس الدين ساتي

أنا طبعا بتذكر أستاذ يوسف محمد خير والسحار لأنه

لم أنقطع من التواصل معهم.. يوسف بكم قرب منزل شقيقه المرحوم

حسن محمد خير ثم أخيه أستاذ عبد السلام محمد خير الذي درسني

بالأولية (الدناقلة شمال) والسحار كان يسكن بالختمية وكانبعد المعاش

يمر يوميا قرب البنك التجاري بحري في طريقه لسوق الخضار راجلا

وكنت أخرج لتحيته وتذكيره بالأميرية2

أستاذ آخر نسيت إسمه كان عصبيا ونحيفا تشاجر معه محي الدين حميدة لو تذكر

وأولاد جنوب برضو ضربوه.

الباقين متذكرهم لكن الأسماء طارت لخراب الذاكرة

Post: #126
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 03:08 PM
Parent: #125

الصفحه 38

عبدون محمد عبدون

استاذ يوسف الله يمسيه بالخير ياشمس الدين طبعا كان بيدرس العلوم وكان رجل فى غاية النظام والاناقة وانا بتذكر يوم كنا بنعمل فى تجارب فى المعمل الشرقى بى هناك لو متذكر وقام النار ولعت والحكاية كانت جوطة ..

اها نذكرك برضو أستاذ حسن وبرضو كان بيدرس اللغة العربية واستاذ حسن كان عنده عرجة فى رجله الشمال وما عارف اظنه كان ناتج عن شلل من الصغر لكنه برضو كان استاذ فى غاية الذكاء وعلى ما اذكر ياشمس الدين من اول توزيع للكراسات بيكون عرف ناس الفصل كلهم بأسماءهم والشىء الغريب ياشمس الدين انو لما نحن مشينا جا فيصل اخوى ودرس فيها برضو وكان صادف بيدرسهم اللغة العربية واتذكرنى بالضبط وسأل فيصل عنى ...

Post: #127
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 03:11 PM
Parent: #126

الصفحه 38

شمس الدين ساتي

أتذكر أن أستاذ حسن الأعرج كان يكون لجنة من الطلاب وتحديدا من الحلفايا

والشعبية هم أحمد سليمان وعادل محمد الحسن وجمال موسي وعبد الحفيظ

إبراهيم و محمد الوهبي قسم السيد.. وذلك لجدولة المجاميع وترتيب

النتائج فكانوا يتلاعبون بها بمهارة يحسدون عليها ويتخيرون الأول

والثاني والثالث وهكذا ثم في طريقنا الي المنازل كان عادل وجمال

وأحمد يغيظوننا بأن نتيجتنا حتكون أقرب للطيشة... أيام

أجمل الأشياء كانت مرورنا في الصباح الباكر علي بعضنا للتجمع والذهاب

الي المدرسة.. كنت أمر علي أحمد علي ثم سويا نذهب للشارع الآخر وننتظر عادل وراشد

ومنها إلي منزل الشايقي أحمد سليمان ثم المرحوم النعيم وأخيه عبد العزيز

وهناك نلتقي بطارق إمام الجاك وشقيقه مصدق ثم تذهب المجموعة وهي تدردش

إلي منزل المرحوم كمال محمد علي ومنها الي مدرسة البنات الوسطي الصفراء

حيث تسكن أسرة محجوب الشين.. والي المدرسة.. أظنها صارت أطلال الآن

هو الماخرب شنو

Post: #128
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 07:05 PM
Parent: #127

الصفحه38

عبدون محمد عبدون

تتذكر ياشمس الدين استاذ خيرى الله يمسيه بالخير برضو كان بيدرسنا أظن الجغرافيا ومابنسى يوم مسكنا انا والمرحوم كمال محمد خير وجلدنا وطردنا من الحصة ومامتذكر ليه ...

وكمان لو متذكر استاذ فتحى واستاذ فتحى دا انا بس بتذكر انو كان عنده شعر مظبط واظنه كان بيدفع جزء كبير من ماهيته فى الكريمات عشان يظبط بيها شعره ..

Post: #129
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 07:09 PM
Parent: #128

الصفحه 38

منير

عبدون وشمس الدين شغالين ون تو .. ياسلام علي ونسة الجلاكين .. طبعآ نحن والكاشف اخوي جليكينين ساكت ..
استاذ يوسف ابونضارات سوداء ده برضو درسنا علوم ـ ومن امتع التجارب كانت بالنسبة لي تجربة تحضير الهيدروجين .. وقام حضر الهايدروجين وعبأ منه بالونة وفكاها في الهوا فطارت لعنان السماء وتكون هسة معلقة مع الاقمار الصناعية .. وده بالنسبة لي كان منظر مدهش .. أما حكاية الحوادث والحرائق البتحصل في المعمل دي فأسألوا منها خضر عثمان البدري ـ الجماعة جابو ليهم قطعة صوديوم صغيرة خلسة من المعمل للفصل .. وقال شنو؟ كانو خاتينها فوق درج خضر !! .. وفجأة اشتعلت قطعة الصوديوم فحاول خضر يبعدها بيدهو فالنار مسكت في ايدو !! .. حاول يطحنها بالشبط فوق الدرج ، النار ولعت في الشبط والدرج !! .. وهاج الفصل وماج .. وأخيرآ نفضها بيده المشتعلة في اتجاهي .. وكادت القطعة المشتعلة تمسك في شعري، لكين طبعآ أخوكم كان سريع فزغت ليك منها زي زوغة بوش من جزمة منتظر .. وربك ستر .. والغريبة حرق الصوديوم ده خطر جدآ لأنو أخونا خضر كانت يده مربوطة بسبب الحروق لعدة اسابيع او ربما عدة شهور كان متأثرآ بها .. يعني نوع من الحريق الذي لا يبرأ بسرعة ..

يا اخواننا اذكر في الاميرية2 دي كانت في فترة كدة بتكون فيها مباراة فولي بول من الصباح قبال جرس الصباح .. المدرسة كلها بتكون متحلقة حول ميدان الفولي قدام معمل العلوم .. وكان من نجوم الفولي دفع الله كدومة اخو الرشيد حسكنيت الكبير ، وكان في طالب كده فظيع جدآ في فدائيته وقفزاته لصد الكرة .. قفزات أخطر من حامد بريمة ذاتو .. يعني لمن المباراة تنتهي بيكون مكندك بالتراب وهدومه اتوسخت وحاله بقي صعب .. لكنه كان نجم الفولي بلا منازع !!! .. ياربي بتكونوا تعرفوه؟؟ ..

Post: #130
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 07:10 PM
Parent: #129

الصفحه 38

شمس الدين ساتي

كيف حالك يا ود حلتنا منير

الأستاذ حسن أصلا مدرس ثانوي ولكن بسبب

تلك الإعاقة فضل التدريس بالمتوسطة

وأظن بعدها رجع للثانوي.. بعدين

في أستاذ نسيت إسمه أبوشعر سبيبي

عبدون قال إسمه فتحي ولكنني لاأظن ذلك

Post: #131
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 07:25 PM
Parent: #130

الصفحه 39

صلاح الدين حسين طلبه

يشرفنى أن أكتب عن الحى الذى عشت فيه أجمل أيام حياتى. لقد ولدت فى حلة حمد ثم إنتقلنا إلى المساكن الشعبية و كنا من أوائل سكان الحى, و لا أذكر أو لا أظن أن مدرسة الخشب قد شيدت فى ذلك الوقت, و كذلك منازل الشعبية شمال. على كل حال إلتحقت بمدرسة الخشب و أذكر من الزملاء فيها جمال موسى، فيصل عوض، على منصور، عبد الرحمن و السر أبو شلوخ، وحيد فريد، عبد الله دراج، عز الدين أحمد حزام (يمنى)، أحمد و عادل جلال، أحمد خضر، محى الدن نجل الحاجة فطمة الداية، و كثيرٌ منهم لم تزعفنى الذاكرة على ذكرهم. و أذكر من الأساتذة الكِرام عبد العزيز، أحمد، محى الدين، و الأستاذ الجليل حداباى من سكان الهجرة. كان الزى المدرسى هو جلابية بيضاء و عمامة بيضاء و شنطة مصنوعة من قماش الدمورية. كنت أذهب للمذاكرة فى بعض الأحيان مع الزميل جمال موسى الذى كان منزلهم قرب المدرسة, و لا أنسى أكل البلح الذى كان يأتيهم من البلد. بعد إمتحان الشهادة الإبتدائية لم أعرف أى أخبار عنه حتى قرأت إسمه و رأيت صورته فى بورد الشعبية. أما الأخ فيصل عوض فكنا متواصلين حتى إلتحاقه بجامعة الجزيرة كلية الزراعة و سفرى الى أ مريكا. و أذكر والده العزيز و مدى حبه لعائلته و خصوصاً فيصل. إنتقلت بعد ذلك إلى مدرسة صالحين الثانوية العامة, و سأكتب عنها فى اللقاء القادم إنشاء الله. أرجو من كل الإخوة المشاركة بذكرياتهم عن الشعبية التى تجرعت منها كل خير تعرفونه كلكم لأنكم تجرعتم منه.
صلاح الدين حسين طلبة

Post: #132
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 07:29 PM
Parent: #131

الصفحه 39

شمس الدين ساتي

يا سلام الأميرية2 وأرسين لوبين ومجلات سوبرمان

والوطواط وبونانزا وكتب كنق سلمون ماينز.. ذا ثري

ماسكتيرز قريت إكسبكتيشن. سيف الدين كنا بنسرق منه الكتب

مرة ميرغني ود أم دوم كسر طبلة درجه وخمينا الكتب الفيها

اليوم التاني وقفوا الفصل كله وهاك ياتفتيش والكتب كانت

راحت البيت. أيام

Post: #133
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 07:39 PM
Parent: #132

الصفحه 40

شمس الدين ساتي

ياعبد الكريم ياسر الدفعة البيناتنا وكان معانا في شمال

في الأميرية2.. وشقيقه سليمان دفعة شقيقي التاج ساتي

ياسر كان يتميز بنظارة طبية سميكةوكان نحيفا وطويل القامة

ثم إنتقل معنا الي بحري الحكومية..منزلهم كان بمنطقة المساكن المحيطة بالشعبية

من جهة الشرق بمعني . المنازل بين شارع المعونة والشعبية

من الداخل وهو أقرب لمنازل ناس عابدون.

Post: #134
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 08:51 PM
Parent: #133

الصفحه 41 و 42 ما فيهم اي اشارات للمدارس وايام الدارسه

الصفحه 43

امير قناوي

محمد كردفاني
علمت خلال زيارتي الأخيرة للسودان بوفاة جارنا وزميلنا بالشعبية الأخ العزيز محمد حسن كردفاني.
وكردفاني كما يعرفه أبناء دفعتنا وأهل الشعبية كان ذا موهبة فنية نادرة منذ الصغر. وكان لمدرسة الشعبية ٌ الجوكر ٌ في كل المنافسات الفنية. أجاد الغناء والعزف علي كثير من الألات الموسيقية. كان من محبي ثنائي العاصمة فتغني بأغنياتهم فزادها رونقاً وعذوبة. وكان كردفاني فقرة أساسية في نشاط الجمعية الأدبية خلال سنوات المرحلة الإبتدائية. أمتعنا غناءاً وعزفاً فحرص المدرسون وتلاميذ الفصول الأخرى علي حضور جمعيتنا الأدبية.
عرفنا كردفاني أخاً متواضعاً سهل المعاشرة , لين الجانب , لا يضمر حقداً ولا يحمل ضغينةً , فأحببناه وحزنا أشد الحزن لفراقه. نسأل الله أن يتغمده بواسع رحمته , وأن يدخله فسيح جناته , وأن يلهم أسرته المحزونة وأن يلهمنا وإياهم الصبر وحسن العزاء.. اللهم آمين ..آمين..آمين.
أمير قناوي

Post: #135
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 09:02 PM
Parent: #134

الصفحة 43

وليد عبد الطيف

بدرالدين اسحاق يسأل منو وليد عبد اللطيف ؟ اقول يسألك منو يا يابا ليك حق تنساني بعد شيبك ظهر في البوست نسيت لما كنا بنحتمي بيكم انت وعادل جادين في الاميرية 2 من اولاد الديوم والمزاد والدناقله اذا تعرضو لينا والله تعرف اكبر كبير ما بخوفنا ياخي كنا محرسوين لدرجة نحن بقينا نحقر بيهم خلاص خفيت يابدر الدين اسحاق وزكرتك هذه الاشياء ونحن في مائده سماية ابن ياسر عمرابي وانت بتضع الضلع امامي وانا نسيت انو الناس في السودان تركو اكله بسبب امراض اللحوم في تلك الفتره ياشيطون . المهم ولد ياسر عمراب لما يكبر سجلو في فريق الشعبية جنوب اكيد ح يكون زي والده وانت بطل العنصرية لافرق بين الشعبية جنوب وشمال .ليت الشباب يعود يوما يابدر الشعبية الساطع وانا متابعك وشايفك ومراقبك زي ناسك ديك .ياصاحبى انت محتاج لحبوب الذاكره .ليك كل التحايا اولها لمصطفى قرجه ود النادر وليري وخالد محمد سعيد وفتاح النور وانا سبق وحاولت الاتصال بيك ياعزيزي بعد ما شفنا نشاطك في البوست وسير ياخطير.

Post: #136
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 08-01-2010, 09:50 PM
Parent: #135

الصفحه 45

وليد عبد اللطيف

و يواصل وليد عبد اللطيف:
حبيبي ياعبدون :-
شكرا على التوضيح ويظهر انا عكست الاسماء وانا في نهاية شهر 12 مشيت حلتكم وسلمت على كل الشباب تحياتي الى ابراهيم وطال ما زكرنا مدرسة الخشب انا مرسل نتيجة مدرسة في الصف السادس (أ) من عام 78م وللان محتفظ بالنتائج من ثالثة ابتدائي ياخي والله ذكريات وطبعا قبل ثلاثة ايام اتصلت على شمس الدين صاحبك بعد ان فقدته في البوست وبعثت تحياته لكم عن طريق اخونا حاج حمد بس يظهر ضاعت وسط الزحمه المهم اخونا شمس الشعبية التي لاتغيب بخير .

Post: #137
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 04:16 AM
Parent: #136

الصفحه 45

الحاج حمد

كان حسن عبد الحليم الأول باستمرار على فصل (ب) و كان شخصي الضعيف الأول على (أ)..حكى لي عبد الوهاب علي الحاج (و هو دفعة) و كان متفوق و كان يطمع أن يكون الأول يوم من الأيام لكن مع حسين عبد الحليم ما في طريقة ، عبد الوهاب يوم مشى لأبو الفصل و قال ليهو أنا عاوز أحوا من (ب) لي (أ) لأنو مع حسين عبد الحليم دا معناها الواحد لما ينتهي من الابتدائي دا ما ح يجي الأول قال لي الأستاذ رد عليهو : يعني في (أ) الحاج حمد ح يخليك تجي الأول...عبيد كبار
واحد من أشقاء عادل و عمر محمد عثمان (أولاد الدكتور) كان الأول طوالي و التاني كان حسن نور الدائم ، يوم بعد النتائج سألت حسن نور الدائم جيت الكم؟ قال لي: التاني قلت ليهو ان شاء الله المرة الجاية الأول رد علي: ياخي مع ولد الدكتور دا ما في طريقة...
من المتفوقين جدا و كان لا يعرف طريقة للمذاكرة جنو رسم و طمبور و كان زول خطاط الأخ و الصديق العزيز منير عبد الرحيم..طبعا كضلو كان عندو لقب خاص لي منير و هو (سيزر) و سر التسمية ان الهلال كان عندو مدرب متفوق بالاسم دا..صاحبنا سيزر دا بعد ما دخل جامعة الجزيرة برضة عاملة سينما و رسم و الناس تذاكر للصباح و يجي براااحة يكسحهم زي الما حصلت حاجة..هسع الخواجات عاملين مجضمين العلم و الالكترونيات جاء صاحبنا منير و وراهم ليك ولاد الزومة بسوا شنو (بالمناسبة الطمبور معاهو في السويد و الآن معاهو و لو نقرش عليهو تقول محمد جبارة زاتو)..

Post: #138
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 04:23 AM
Parent: #137

الصفحه 45

وليد عبد اللطيف

ياود حمد اهلنا الكبار قالوا ( البدق الباب بلقى الجواب ) كده نصقر ونستعدل في الكرسي ونوريهم اسكيلهم ناس ( بدر الدين اسحاق ) وهم لم يعرفوا ماهي مدرسة الخشب التي ظلت نبراس لمنطقة بحري ومن اساتذتها عيسى الحبيب رحمة الله الذي ابكى الشعبية بفراقه والانيق زاهر ابوصلعه وقرني والطاهر ومولى وكانت مدرسة شعله مشتعلة من النشاط الطلابي من جمعيات ادبية وثقافية ويقال ابدع فيها كمال الزبير الذى تنبا له الاستاذ ابوامنه حامد بمستقبل متفرد وفعلا لم يكذبة فدرس الجلوجيا ورغم عن ذلك لم يترك الادب فكان له عمود في جريد الايام والغريبه من تواضع حاج حمد قال لكم بأن عبد المنعم ( كضلو ) اطلق على منير لقب سيزر مدرب الهلال وفي روايه حقيقية اطلق نفس هذا اللقب على حاج حمد( لقب سيزر اينان بطل الفلم التركي الطفل المعجزة) لان يقال عن ود حمد فعلا كان طفل معجزة وهومتفوق في الدراسة وايجادة فن التعامل مع الاخرين . وهذا الفلم كان له رواج كبير والغريبة انا حضرت هذا الفلم في سينما الصافية وحاج حمد نفسه لم يعرف اطلقوا عليه هذا اللقب يعني ياناس بدر الدين ناس الشعبية شمال عرفوا ثقافة الفن التركي قبل الناس في الوطن العربي كله واذكر في مدرسة الخشب لما الشباب يطلعوا المسرح كان لهم مللوج جميل (زازي كوزازي خير الله حسن تمباسي خير الله وينو محمدو .محمدو رقبتو مدردمو مع وضع شي مدردم في رقبة الطالب + زازي كوزازي خير الله حسن تمباسي خير الله وينو خليلو . خليلو شعرو طويلو مع وضع شعر طويل للطالب ) ويضاف الى هذا البرنامج الحاوي في المدرسة ومسرح عرائيس ( ارقوز ) وشمسون الجبار واذكر كان في طالب ياود حمد اسمو عامر الامين على ما اظن لعب الشطرنج من الابتدائي يعني ممكن يغلط مع تشديد اللام كاس باروف ويصحح فيشر (معلم )ومن دفعتنا من تميزوا بالنجابه عبد الجليل وعبد الحميد بشرى وعمر محمد عثمان وعمر عبد القادر (كموش ) وعمر عبد الرحمن ( جنة الاطفال ) وطارق حمتو وتعتبر هذه اخر دفعات مدرسة الخشب وكان عندنا حاجه اسمها اعياد العلم تحتفل بها المدرسة سنويا وطبعا شخصي الضعيف اخذت جائزة لعبة البالونان سنتين متتاليات وطافوا بي المدرسة شفت العظمه يابدر عشان كده اخوك من السادس للنتيجه السيئه الشفتها قدامك يابدر وتعرف بنفس هذه النتيجه كان ممكن اكون ناظر مدرستكم في الشعبية جنوب تقول لي استاذ حسن لان كان عندنا فطاحلة في المدرسة واما في الدورات المدرسية الرياضية ناس عماد مونج وسيف عبد اللطيف وشوقي ومصطفى محمد عثمان( العربي ) وهولا من قهروا مدرسة الديوم .يعني مدرسة قمة النشاط في كل شي .
وانا بعتبر نفسي ابلد طالب في مدرسة الخشب لاني حبيت كرة القدم قبل كل شي ومازلت والان برسل نتيجه اخرى للتوثيق وذكرى لاخونا عابدون لان صديق حطابي طبع هذه الشهاده لما كنا بنحضر في جامعة ام درمان الاسلامية .وتخيل يابدر عشان تبطل الفصاحة عمري مادخلت جامعتكم وحضرت محاضرات ومن معسكر كرة القدم للامتحانات ومن مباريات فريق الشعبية للامتحانات (حتى غنوا لي ناس الشعبية حبايبي وجع وجع البرتيني رجع ) وازيدك من الشعر بيت كنت شايل ماده ومحتفظ بالتقدير والذكاء في الشعبية شمال احفاد حسين عبد الحليم والطفل المعجزة حاج حمد .
ودمت يا حبيبي بدر سماء الشعبية جنوب . بطل الفصاحه وما تتريق على اولاد الخشب

Post: #139
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 04:35 AM
Parent: #138

الصفحه 46

امير قناوي

المكان: الصف الثالث في مدرسة الشعبية جنوب الإبتدائية
الزمان: حوالي العام 1973
إنتهت الحصة الأولي , وهي في المرحلة الإبتدائية دائماً حصة رياضيات , وخرج المدرس , وبدأ الهرج والمرج المعتادان بين الحصتين . دخل أستاذ سمير الفصل فهدأت الضجة رويداً رويداً كقطار يولي مبتعداً. وفي العادة كان يسود السكون فجأة عند دخول المدرس الفصل , ولكن بحكم أن أستاذ سمير كان نفسه من كبار المهرجلين فكان الوضع يختلف عند دخوله الفصل. أراد أستاذ سمير أن يبدأ الحصة بإحدي مداعباته المعهودة , والتي كانت تؤدي لهرج ومرج كثيرا ما أديا لحضور أحد المعلمين من فصل مجاور , يريد أن يضع حداً لهذه الهرجلة , فإذا به يفاجأ بوجود أستاذ سمير بين التلاميذ , فيعود أدراجه , هازاً برأسه تعجباً , أوقد يعجبه الوضع فيدلي بدلوه في الهرجلة ويشارك في الضحك , ثم يمضي لتلاميذه.
لم يبدأ أستاذ سمير الحصة هذه المرة بدعابة , وبدت عليه سيماء الجد كأن شيئاً قد أرابه , تلاشت بقية إبتسامة كانت على شفتيه قبل أن يدخل الفصل. وقف قليلاً أمام الصف الأول وبدا وكأن أنفه يتحرك بصورة طفيفة . تقدم وسار متمهلاً بين الصفوف , وهنا لم يبقى مجال للشك , فقد مد أنفه للأمام وهو يشمشم. سكنت كل حركة , ولم تعد تسمع في الفصل إلا أصوات التنفس ودقات القلوب المتسارعة. فالوضع خطير والكل يخشي أن تقود هذه الأنف الأستاذ إليه فتلبسه التهمة وتذهب سمعته أدراج "الرياح".
عاد أستاذ سمير ووقف أمام السبورة وواجه العيون الزائقة , المترقبة شراً. مضت ثواني , خيل إلينا أنها ساعات . قطع أستاذ سمير سكوته قائلاً : إني أجد رائحة جلود. وتعالت همهمة خافتة بين الصفوف مصدرها سؤال كل واحد لجاره عن معنى هذه الكلمات. وإنقطعت الهمهمة حينما واصل أستاذ سمير خطابه فتحدث عن أهمية نظافة الأبدان , موضحاً أن الماء لم يخلق فقط للشرب , وأن الإستحمام لم يشرع فقط في الأعياد. وتواصلت خطبته وإزداد خطابه حدة وعنف حتي تصبب العرق من المستمعين فزاد الطين بله , فقد أضحى ما كان مبهماً جلياً للعيان , أو لنقل مشموماً للشامين. ولعل أزدياد الرائحة المتواصل مع تواصل خطبته قد فجر فيه مزيداً من الطاقات وأضرم فيه نار الغضب فبدأ في إتباع القول بالعمل .
أمر كل من كان بيته في جوار المدرسة بالذهاب فوراً للمنزل والإستحمام والعودة قبل نهاية الفسحة. أما من تبقى من سكان المناطق البعيدة فأمرهم أن يتبعوه عند خروجه من الفصل. أوقفهم بملابسهم الداخلية علي الحشيش الموجود بفناء المدرسة , ثم أتى بخرطوم المياه وظل يمطرهم منه حتى أزال درن أبدانهم وأطفأ نار غضبه.
دخلنا الفصل مع جرس نهاية فسحة الفطور , ولا أظن أن أحدنا قد أفطر في ذلك اليوم , فقد أفسد أستاذ سمير شهيتنا للطعام في ذلك اليوم. جلسنا في الكنبات ودخل إستاذ سمير ليرى النتيجة. تبسمت أساريره وعلت وجهه إبتسامة عريضة , فقد فاحت في سماء الفصل شتى أنواع الروائح , الغالي والرخيص , الرجالي والحريمي , المحلي والمستورد. ولم يتمالك أستاذ سمير نفسه التي إمتلأت فخراً , فخرج مهرولاً ليأتي بكامل هيئة التدريس ليروا (أو ليشموا) المعجزة التي أتى بها. أسهب المعلقون مرة أخرى في الحديث عن النظافة وتضورنا جوعاً للجهد الذي بذلناه (دون تناول وجبة الإفطار) في الحمام والتعطر.
حاشية:
ضع ما يقرب من المائة تلميذ في غرفة معروشة بالزنك , ليس بها من وسائل التكييف إلا مراوح سقف تثيرفي دورانها سموم الهجير وتلفح الوجوه بنيرانها دون إنقطاع وأنظر ماذا تجد ؟ رائحة جلود بالتأكيد.
أمير قناوي 10.04.2009

Post: #140
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 04:41 AM
Parent: #139

الصفحه 46

صلاح عباس

(حَدثَ في مدرسة الشعبية جنوب الابتدائية!)
هأنذا مرّةً أخرى، أعود لمداعبة الكيبورد لأستجيش بعض ذكرياتنا القديمة، ومسرحُنا هذه المرّة مدرسة الشعبية جنوب الابتدائية، التي كانت وما زالت أحد الأوعية المهمة التي جمعت أبناء الحيّ شماله وجنوبه.
وأشعر بأنّ ذكرياتنا حول هذه المرحلة في هذه المدرسة، أو في غيرها من المدارس، في تلك الفترة، لا تخلو من بعض الأسى، لما كنا نعانيه كطلاب من تخلُّف الفكر التربوي عموماً آنذاك، إذ كان الشعار المرفوع عالياً هو: تحقيق النجاح بمعناه الأكاديمي الضيق، ولا يهمّ في سبيل ذلك ما يتعرَّضُ له الطالب من إهانة أو إذلال، وأحسب أنّ صدى "الكُفوف" لا زال يرنُّ في فضاء تلك الفصول، وصورة زميلك بعد أن تلقّى كفّاً صاعقةً يستدير مائة وثمانين درجة، لتعاجله الكفُّ اليسرى للمدرّس بأخرى خاطفة! لا زالت تتراءى أمامك، ومهما كنت منضبطاً، أو "شاطراً" فلا بدّ أن يُصيبك شيءٌ من ذلك، ... على الأقلّ إذا فكّر أحد خصومك من الزملاء في أن يصفي حساباته معك عن طريق استخدام سلاح (شكوة مكوة) فيقوم برفع شكوى ضدّك سواء كانت حقيقية أو ملفّقة، واثقاً من أنّ الأستاذ سيُصدّقه على طول، بدون أن يُجري أيّ تحقيق؛ لأنّ حضرته لن يتصوّر أن هناك من يمكن أن يتجرّأ عليه بالكذب!
ودعوني أذكر لكم بعض الوقائع:
- أذكر أنّي لمّا كنت في السنة الأولى الابتدائية، كان أحد المدرّسين معجباً جدّاً بهذا الفتى الصّغير، كلّما مرّ به وهو جالس في "الفصل البرندة" داعبه ولاعبه، الأمر الّذي أثار حفيظة جاره، فقرر في نفسه أن يستخدم خيار "شكوة مكوة" فقال للأستاذ: "يا وُستاذ ده سبَّ لي الدّين!" فعندئذٍ يصبح ذلك الفتى بين خيارين أحلاهما مرٌّ: لو دافع عن براءته سيُضيف إلى القائمة تهمة أخرى وهي تهمة الكذب، فلم يكن أمامه إلا خيار الصّمت، ولو ذهب إلى البيت باكياً من أعماقه، فلن يُصدّقه أحد، "الزّمن داك ما كان في حقوق إنسان"، وهنا أذكر النكتة المعروفة بيننا آنذاك، والتي كانت تصوّر إلى حدٍّ كبير بعض معاناتنا، وأذكر أني سمعتها من جارنا ورفيق درب الصبا الأخ كمال محمد عبد المجيد "طرزان": (أنّو الولد جا من المدرسة يبكي، فقالت له أمّه: ما لك؟ فقال ليها: المدرس دقّاني، ليه؟ عشان قال لي منو الحفر قناة السويس، وأنا ما عرفت! فقالت له: يمكن حفرتو إنتَ يا منافق!).
- ومرّة كان موضوع التّعبير: اكتب خطاباً، أنا كتبت الخطاب، ما أعجبني فقمت عملت cross وكتبت: "لاغي" بحسب النظام المعروف آنذاك، "طبعاً كتابتها الصحيحة هي: "لاغٍ"، وقررت أن أُعيد كتابة الموضوع من جديد، لكن لسوء الحظ: ضرب الجرس، وقيل: اجمعوا الكراسات، فعندئذٍ وسوس لي الشّيطان فكتبتُ بالطَّرف: "آسف"، فكان أن افتتح بي الأستاذ الحصة القادمة، وهو يردّد متهكّماً: "آسف!" وينهال عليَّ بالسّياط!
- أمّا الواقعة التالية، فهي عبارة عن مجزرة جماعية غريبة من نوعها: أراد الأستاذ فلان أن يكتشف مواهب غنائية في الفصل: "مين فيكم بعرف يغني؟" كان يغني شخص واحد فقط هو ميسرة السراج، وكانت عنده أغنية واحدة فقط، هي: "حسنك أمر"، فالمدرّس يبدو أ نه ملَّ منها، يُريد مواهب جديدة، لم يرفع أحد يدهُ، رغم تشجيعه، ثمّ ماذا؟ طلب مجموعة كبيرةً من "السيطان" قُطِّعَت من الشجر، فردمها أمامهُ، وأصبح كلُ طالب على التّوالي، ملزماً بأن يُغني، وإلا فالسّوط سيعلو ظهرهُ!!! فلك أن تتخيّل معي هذه "الميلودراما": أن تغني، تغني فعلاً، وأنت مسكونٌ بالخوف من العقاب الذي ينتظرك إن لم تفعل!.
- والمعروف أنّ مدرسة الشعبية جنوب في تلك الفترة كانت الأولى على مستوى مديرية الخرطوم، وكان الأخ عادل محمد عثمان، أول الدفعة السابقة، بينما كان أول دفعتنا هو الأخ أحمد علي خالد، ولكن هذه الرّيادة والأولية كان ثمنُها غالياً بالنسبة لبعض الطلاب، فعلاً: كان المدرس يبذل جهداً كبيراً، ليلَ نهار، من أجل أن تكون نتيجة المدرسة 100% ولذلك كان الراسبون في الاختبارات يعاقبون بألوانٍ من العقاب، من ذلك أذكر أنّ المدرس كان يأمر مجموعة الراسبين في الاختبارٍ بأن يخلع كلٌّ منهم حذاءه، ويرفعه فوق رأسه، ثم يدورون في الفصول، وعند كلّ فصل يقول المدرس مثلاُ: "يا أولاد سنة أولى، قولوا ليهم إنتو شنو!" فيصرخ أولاد سنة أولى بابتهاج: "إنتو شنو؟" وعندئذٍ -وحسب التعليمات- يرفع هؤلاء كلٌّ منهم حذاءه عالياً فوق رأسه، ويهزّه بقوّة وهو يهتف بصوتٍ داوٍ: "نحن زبالة"! والويل لمن تُحدّثه نفسه بأن لا يفعل ذلك أو يخفض من صوته!
ولكن، هذا الّذي أصوره يا جماعة تصوير من زاوية واحدة، وإلا فالزّوايا الأخرى مشرقة وكثيرة، أتمنّى أن ينبري أحد زملائنا ليُذكرنا بها، ليتحقق نوع من العدل والتوازن المطلوب، وعموماً لن ينسى أحدٌ من طلاب المدرسة ابنَ الشعبية الأستاذ المحترم محمد عثمان –كرّم الله يده- إذ لم تمتدّ إلى خدّ طالبٍ بكفٍّ أبداً!
وأيضاً، لا شكّ أنّا جميعاً نذكر بكلّ حفاوةٍ وتقدير، المعلم والتربوي والرياضي الكبير الأستاذ مصطفى المشهور بلقب "مصطفى لياقة"، الذي كان مُعلماً متميّزاً، وكانت حصته في التاريخ لا أمتع منها ولا أروع، ولا زلتُ أذكر أنه كان عند دخوله الفصل، يعاقب "المهرجلين" بضرب كلٍّ منهم بكتابه المجلد الكبير على رأسه، مستثيراً حالة من الفرح والابتهاج، ...
وكذلك يذكر كلّ الطلاب ما كان يتميّز به الأستاذ طه عبد الرحمن من الإخلاص والانضباط وحسن المظهر، إضافةً إلى جودة تحضيره للدرس وروعة أدائه، وخطه الجميل.
ولن ينسى أحد الجهد الكبير الّذي كان يبذله الأستاذان الفضل أحمد الفضل وحسن محمد عثمان في حثّ الطلاب على المذاكرة ليل نهار، وفي تلخيصهم للمقرّر بطريقة السؤال والجواب، وهما تقريباً اللذان يقفان خلف الإنجاز الكبير الّذي حقّقته المدرسة باحتلالها المركز الأول على مديرية الخرطوم في تلك الفترة!
رحم الله من غيّبه الموتُ منهم، وحفظ الباقين من عاديات الفتن!

Post: #141
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 04:44 AM
Parent: #140

الصفحه 46

الحاج حمد

أول و آخر جلدة طيلة حياتي الدراسية اخدتها من الأستاذ المرحوم عيسى الحبيب و كان بدرسنا رياضيات ، يوم فجأة عمل امتحان و الغلطة بي جلدة و الفصل كلو اتجلد عدا الأخ زين العابدين حسن (المزاد) و هو حاليا أستاذ الرياضيات بجامعة جوبا و قد سبق أن حكى قصة تفوقه في الرياضيات بعد أن أحرز نتيجة سيئة لمرة واحدة و أخد جلدة و بعدها أبرز تفوق في هذه المادة مستمر فيهو حتى الآن.اتذكر يوم الجلد المرحوم عيسى يعلم أنني كنت أول الفصل و لما النتيجة كانت بطالة للفصل و بصوت عالي : غير الزين حسن دا ما في زول شاطر الباقين كلهم اشاعات ساكت ناس الحاج حمد و غيرو..اليوم داك شميت ليك عيسى الحبيب دا و تمنيت أن يكرر الامتحان عشان اجضمو ليهو جضيم شديد..اللهم أرحم عيسى الحبيب بقدر ما قدم للشعبية و أولاد الشعبية و مجتمع الشعبية.

Post: #142
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 05:03 AM
Parent: #141

الصفحه 47 مافيها اي كلام عن المدارس او ايام الدارسه


الصفحه 48

ستنا خدر

الشعبية متميزة بعلاقات اجتماعية جميلة ما زال البعض متمسك بها ،أذكر قبل عدة شهور زارتني شقيقتي ولاحظت كثرة الاتصال بها من قبل بنات الجيران وحكت لي عن لمتهم في احد بيوت الحلة وشرب قهوة وشاي وجمع حاجة رمزية وتعطي لست البيت التي استقبلتهن وذلك مرة في الأسبوع تحسست جدا لافتقادي لتلك اللمات وهنا اتمني ان تدق بابي احداهن!!واذكر ايضا ختة العدة وذلك بجمع المال وتكتب كل واحدة ما تحتاج ويذهب اثنين منهم للسوق للشراء وتأتي كل واحدة وتاخذ ما أرادت ،طبيعة عملي جعلتني أشاهد فقط فأختي المرحومة احسان رحمها الله كانت مسؤولة عن تلك الختة ومثلها الكثيرات من نساء الشعبية متحفزات لتلك الاعمال .
أما ذكريات الطفولة وايام الدراسة جميلة لا تمحوها الذاكرة،كنت في مدرسة الشعبية 4 حاليا أعتقد( فاطمة الزهراء) وفي الصف السادس زمن درس العصر كان يدرسنا أستاذ من اساتذة الشعبية مادة الرياضيات اسمه محمد فضل وبحكم الشهادة الأبتدائية كانت في منافسة بينا وبين الشعبية 3 في أحد الأيام أخذت معي صديقتي وجارتي دكتورة اشراقة حسن يطراها الله بالخير معي للدرس كصديقة لا كمنافسة هي في 3 وأعطونا اختبار مفاجئ وبعد يومين جاء الأستاذ لتوزيع الورق ولسوء حظي جاء بالفترة الصباحية اي الناظرة حاضرة وقتها كانت الأستاذة ست البنات عمر أمد الله في عمرها معظمنا تفوقنا ومن ضمننا صديقتي ومنحونا جوائز وعندما نادي اسمها كنت خائفة لأخذ ورقتها تشجعت واخذتها عندها تسآلت الناظرة من هي قلت لها انها صديقتي من المدرسة 3 فزعلت شديد وعاقبتني بالضرب وعدم منحي الجائزة فأنا في نظرها غلطت غلطة كبيرة باحضاري واحدة من المنافسات لنا وكانت تلك أول مرة اعاقب فيها ومن يومها لم آتي بصديقتي لمدرستنا.
أما عملي بمركز صحي الشعبية كان في الفترة من 2000-2001 فعلا كانت ايام جميلة فيها كثير من الطرائف خاصة عندما تلاقيك واحدة من امهاتنا في الشارع وتشكي ليك من الم الضرس وفتح الفم في الشارع عشان توريك الحاصل وعليك الله يابت زينب ما عندك حاجة تسكنو لي لحدة مااجيك في العيادة، بعض الأمهات بجو غشوة من السوق وهي بقفة الخضار والله يابنتي الضرس ده قام علي هسي اقفلي لي بحشوة وعند الكشف يكون الضرس منتهي داير خلع ياحجة الضرس داي ليهو شيل اقول ليك يابتي قام علي هسي شيل شنو ونبدأ في الاقناع والعكس عندما تجيك واحدة ضرسها عايز حشو او علاج جزور الضرس ده ما دايرة ارجع بيه البيت ريحيني منه ، ومنهن الكثيرات البجن عايزات سن الدهب زي ما قال اخونا وليد،اذكر في حاجة جاءت وتلبيسة الدهب مكسورة عندها صليحها لي يا بتي، يا امي تلبيسات الدهب دي هسي خلوها نعمل ليك واحدة ذي لون أسنانك ديل بري ما دايرة بزعلو مني هم منو البزعلو جيبيهم بقنعم ليك ونضحك، ربنا يدي العافية لجميع امهاتنابشكرك يا وليد علي الاطراء، فعلا متذكرة جيتكم انت ومشاعر في عيادة حاج الصافي ،بعدين ما تشتغل بي عزام دا كتير ما اظن وصل لمرحلة الطقم بالرغم من انو صوروالمنزلها مغطية بصباعه ، شوية ابتسامة كده زي صورة حاج حمد بتسكتم يا عزام غايتو يا وليد اسنانو الامامية دي مؤكدة في لانو صباعو ما غاطس!!أما الخلفية الا بالكشف، مافي مشكلة يا عزام اذا احتجت طقم أنا حاضرة و بسترك مع الجماعة شيالين الحال ديل.
شكرا اخواني عبدون وشمس الدين واسامة سعد علي الترحيب وانشالله في تواصل دائم دمتم جميعكم

أختكم ستنا خضر

Post: #143
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 05:11 AM
Parent: #142

الصفحه 48

الحاج حمد

مرة الخليفة كانكيج و هو يدعو: اللهم نجح الطلبة و الطالبات و أفرح بنجاحهم الآباء و الامهات و كانت ايام امتجانات ، لاحظت ان الاطفال في المرحلة الابتدائية كانوا يرددون آآآآآآآآمييييييييين آآآممممممين بصوت عالي واحد صاحبي قاعد جنبي ميل علي و طبعا نحن في المسجد قال لي: أولاد الكلب ديل مزنوقين الظاهر.

Post: #144
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 05:33 AM
Parent: #143

الصفحه49 و 50 لاتوجد اي مشاركات عن الدارسه

الصفحه51

شمس الدين ساتي

عبد الكريم .. المشاكس

كلامك دا ذكرني مشتكساتك لواحد من الدفعة

القدامكم في الأميرية2 .. يعني الدفعة البيناتنا

وكان يلقب بصلاح نيفيا لأنه كان بجي المدرسة ممسح

ونظيف وآخر قيافة فكان شلتكم يناكفوه ويخرجوه عن

طوره .. لا أذكر إسمه ولكن شكله حتي اليوم في الذاكرة

تحياتي

Post: #145
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 05:39 AM
Parent: #144

الصفحه 51

وليد عبد اللطيف

هذا المداخلة من الأستاذ/ خالد عثمان شقيق الارباب (صلاح كراكة ) ووجدتها في بوست بحري طراوه والف رحمة للاخ طارق خليل ابن مدرسة الشعبية جنوب وكل التحايا الى اخونا مبارك كنه .ويشرفنا ان تكون ضمن ارشيف الشعبية البهية هذه المداخله :
من أبناء المزاد شمال : طارق خليل الياس

المكان : مدرسة بحري الحكومية الثانوية، السنة الثانية، في ذلك اليوم كانت الحصة الأولى وعلى غير العادة تربية اسلامية، وكان أستاذها وهو من أبناء الحلفايا دائم التبرم وغير متحمس للتدريس، ووجدنا له العذر عندما علمنا أنه خريج فلسفة من جامعة الأزهر وهو تخصص بعيد عن مجال تدريسه، ولقلة حماس الأستاذ للتدريس كانت حصته مجالا للمناكفات والفوضى غير الخلاقة (لم تكن الفوضى الخلاقة قد ظهرت بعد)، ولكنه يستمر في أداء عمله رغم كل شيء، في ذلك اليوم كان الفصل يغط في الصمت عند دخول الأستاذ، ورد الطلبة السلام بصوت خفيض، والهدوء التام يلف أنحاء الفصل، التفت الأستاذ نحو السبورة ليبدأ الحصة ولكن كانت تدور برأسه أقاويل حول هذا الهدوء العجيب وفاض به الكيل فسأل (انتو مالكم الليلة)، لينفجر الفصل في بكاء ونحيب (طارق خليل مات).
وطارق خليل هو ابن الأستاذ خليل الياس رئيس اتحاد الشباب السوداني، وكانوا يسكنون بالمزاد شمال، وكان فتى عجيبا، مستودعا للمواهب العبقرية، فهو عازف ماهر على عدة آلات موسيقية، ولاعب مجيد لكرة السلة، وكرة الطاولة، اضافة الى موهبته الكبرى في صنع علاقات اجتماعية حميمية مع من حوله، فكل أفراد الفصل من أصدقائه ، وكل واحد فيهم يحس أنه صديقه أكثر من البقية، وكان طارق يغذي هذا الشعور بوده ومحبته الفائقة نحو الجميع دون فرز.
درس طارق معنا في المدرسة الابتدائية بالشعبية جنوب (وغالبا ما كان أبناء المزاد يدرسون في هذه المدرسة لمستواها الاكاديمي المتميز) وافترقنا في المرحلة المتوسطة فذهب هو لمدرسة الصبابي بينما ذهبت للأميرية (2)، والتقينا مرة أخرى في عالم كبير اسمه بحري الثانوية الحكومية وفي فصل واحد.

لقد كان طارق ينحاز دائما لقيم العدالة ولو على المستوى الشخصي البحت فقد كان لا يرضى الظلم والضيم وربما ترسخ هذا الشعور عنده عندما تم اختياره قائدا للفصل (ألفة) وباجماع الطلبة، فكان يقوم بمهامه بسلاسة من رصد الغياب وغيره دون ان يثير غضب أيا من الزملاء، وأذكر له موقفا مشهودا، خناقة عادية بين طالبين في الفصل احدهما شخصا مسالما والآخر يملك بسطة من القوة مع شيئا من التهور، وتدخل طارق فألقن الثاني علقة قوية، عرفنا أن له ميزة أخرة هي (القوة الخارقة) التي لم نره يستخدمها يوما ما ولكنه أضطر الى ذلك لرد عدوان زميل على زميل آخر.
وأيضا تعلمنا منه هذه الطريقة السودانية الحميمية في التحية ألا وهي (المقالدة) حيث كان يقابلك بالأحضان حتى ولو افترقت منه لأقل من يوم فأصبح هذا السلوك ديدنا لنا جميعا وافشت نوعا من المودة بين أبناء الفصل، وهذه كانت من ميزات طارق العجيبة يصنع عالما من المرح والالفة يكون هو مركزه وقطبه الأساسي حتى ولو دون ارداة منه.
والغريب أيضا أن جميع التيارات السياسية والدينية كانت تظنه مقربا منها وقابلا للتجنيد أو الاستقطاب في صفوفها من أقصى اليسار الى أقصى اليمين، وكنا حينها منتمين لأقصى اليمين ممثلا في جماعة انصار السنة فكان يصلي معنا ونصنفه كأحد أصدقاء الجماعة وندرك تماما أن مسألة انضمامه لنا مسالة وقت ليس الا ، وفي نفس الوقت كان يعزف الجيتار مع كورال الجبهة الديمقراطية، ولم يكن يرى غضاضة في ذلك حيث كان متصالحا مع نفسه لأقصى درجة.
كان من عادتنا نحن أبناء الشعبية والمزاد أن نحضر سويا من مدرسة بحري الحكومية سيرا على الأقدام، فكنا مجموعة كبيرة منها علي عبدالرزاق حمدتو وعبدالرحمن عوض الله ونبيل صابر وطارق خليل وآخرين، نمر في طريقنا على الختمية وديوم بحري ونفترق عند ميدان مستشفى أحمد قاسم لنعبر شارع المعونة نحو الشعبية ويذهب طارق نحو المزاد حيث يسكن.
وفي ذلك اليوم المشهود ودعنا بعضنا حوالي الواحدة ظهرا وفي العصر خرجنا لممارسة (الدافوري) اليومي بميدان صغير يقع في قلب الشعبية جنوب ، والدافوري في قمة سخونته ومعنا الصديق عبدالرحمن عوض الله، اذا بأستاذ مؤتمن المدرس بمدرسة الصبابي المتوسطة ينادينا مستغربا (انتو بتلعبو كورة وماعارفين الحصل)، وأردف (طارق خليل اتوفى) ووقع الخبر كالصاعقة علينا، كيف وقد فارقناه قبل عدة ساعات وكان في أتم صحة وعافية، وعلمنا فيما بعد يالتفاصيل، كانت شقيقته مريضة بمستشفى العيون الخرطوم، وبعد قدومه من المدرسة تهيأ للذهاب لزيارتها، وامام شارع الزعيم الأزهري ركب دراجة نارية مع أحد أبناء الشعبية شمال (الأخ مبارك كنة الآن في الولايات المتحدة) وحصل لهم حادث شنيع فمات طارق على الفور وأصيب مبارك بكسر في رجله (على ما أذكر).

وبعد سنوات طوال وفي جريدة الوطن نشر كتاب «كوبر هاجن» للأُستاذ خليل الياس الذي يحكي عن تجربته في معتقلات مايو وورد فيه عن ابنه طارق:
((وأقسى ما عانيته في فترة الاختفاء كان حرماني من ابني الصغير (طارق) كنت أحياناً اتسلل ليلاً الي المنزل بعد أن يبعدوه حتى لا يراني فيفضح أمري لدى زملائه في الحي إذ كان كثير الثرثرة بالأخبار معهم.. ويؤلمني حين اسمعه يسأل والدته عني ولماذا لا يحضر إلي المنزل، واكتفيت برؤيته حين يخلد إلى النوم. كان طارق أصغر أبنائي شديد الصلة والصداقة بي. وقد أحببت فيه نبوغه وذكاءه وقدراته العديدة في الفنون الجميلة والموسيقي والرياضة. وأبدع مبكراً في العزف علي القيتار والأكورديون والاورغن كما تفوق كذلك في السباحة.. كنت دائماً اصحبه إلى تلك المناشط .. ولكني تجنبت الظهور أمامة فقد عود زملاءه علي اطلاعهم بكل نشاط في المنزل. لذلك خشيت أن يكشف أمري لزملائه وكان أمرا عسيرا أن اتواجد في غرفة بالمنزل واستمع إليه في الغرفة المجاورة ولا أراه إلا من ثقب بالباب وهو غارق في النوم.. وكم آلمني أن استمع إليه يسأل والدته لماذا تأخر والده واصبح بعيداً عنهم وقد وعده بالحضور قريبا ومعه (الجيتار) الجديد وكذا وكذا.. مما كان يرغب في الحصول عليه. وقبل مغادرتي إلى كسلا في طريقي الي اثيوبيا طلبت من والدته عبر الهاتف أن أتحدث إليه بعد أن تفيده بأنني احادثه من المانيا إذ كان شديد الإعجاب بها ويزعم أنه حين يكمل دراسة الهندسه سوف يتزوج أمراة ألمانية وأخبرتني والدته أنه كان يوماً منهمكاً في رسم تصميم المنزل الذى تصور أنه سيصبح سكناه مع زوجته الألمانية وراح يشرح لوالدته أن هذه غرفة النوم له ولزوجته والثانية لأطفاله وأخري المكتبة وآلات موسيقية وقاعه للضيوف والأصدقاء .. وعندما انتهي من وصف منزله سألته والدته : طيب وين أنا وأبوك؟ فاجابها مندهشاً : يا أعوذ بالله انتو لغاية الوقت داك حتكونوا عايشين؟).
وبالله يا اخوان دعواتكم ورحماتكم على فقيد مدرسة الشعبية جنوب وابن حي المزاد العريق طارق خليل الياس .

Post: #146
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 05:55 PM
Parent: #145

الصفحه 52

عبد الكريم احمد اللامين

** اساتذة بمدرسة الخشب فى حقبة الستينات:-
# الناظر :- حسن ذوالنون.
# الاساتذه:-
حدباى , محمد حامد كُنه, مُحسن سعد , محى الدين , عبدالعزيز , جون و عيسى الحبيب ..
# ناظرة مدرسة الشعبيه بنات الاستاذه أمينه مُصطفى (حرم المرحوم الشاعر ابو آمنه حامد).

Post: #147
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 06:42 PM
Parent: #146

اصفحه 53 و 54 لا توجد بهما اي اشارة للمدارس او ايام الدارسه

الصفحه 55

محمد الحسن محمد الترتييييل

مدرســة الخشب ( هــذه لوحــة في غــايـة الروعــة سوف يأتي الحكي عنهــا لاحقــاً )


ميدان الرابطـة ( ولأني مـن مـا كــان أولاد حلتنــا بيحقــرو بي وأنــا أقيف قــون لأنو كيشــة بطلت إلامـن مشــاهـدات خـارجيـة فقط أعدي الخور وأحيا نـاً لا أحتاج هـذا العنـاء لأنـه رحمـة الله عليه الوالد كــان لديه كــرسي جنب السبيل وأنـا مـن عليه أن يتم الزير النـاقص لنـاس الكـورة يعني حتى مشـاهـدة مشلهـته..ورحم الله من عرف قـدر نفسه .. و منهــم سيف وجمــال حسن، والرشيد مضوي ومجدي سعد ويحي ( رمرم ),و أوس بابكر المقبول وعبده سليمـان والله يرحمه نصرالدين دراج وعــادل وعصــام وعمـاد ( مونج ) محمد فضل الله ولأن الأخير كـان صغيراً فكـان يقاسمني مهمة حراسـة المرمى إلى أن جــاء يوم وأطلقـو علي لقــب طـيارة ( لا أتذكــر لمــاذا) والحمدلله أن هـذا اللقب لم يعش طـويلاً.... ً وأيضـاً إنقطعـت عـن لـعب الكرة ومشـاهـدتهـا إلا مجبراً وعـن المشـاهـدة احكي لكم هـذه ( إلتفى فـريق الشعبية يومـاً مـا بقريق الهلال في إســتاده واظنكم تذكرون هـذه الواقعـة أكثرمني، ويتحريض مـن الوالـد كـان لا بد مـن أن احضر باكــرا لأذهـب مـع شباب الحلة للدعـم والموازرة ,ايضـاً أخي الذي لم تلده أمي الرشيد مضوي وكـان لـنا عمـل مشترك نحـاول أن نقتات منه بعد أن أوصـدت امـامنـا أبواب الوظـائف !! بالتأكيد ذهـب الجميع... مـن وفت مبكر حتى أن الوالد رحمـه الله جهـز حـافلاتـه لنقل اللاعبين والمشجعين وبمـا أنني كنت متأخـراً لأمــر مـا..... لم يكن من سبيل لذلك إلا المواصــلات ووصلت الشهدا ولكن كـان لأبد مـن السؤال حتى أدل الطريق لإســتاد الهـلال ثم وصلت ولكن حتى دخول الإستاد يحتاج إلي معـرفـة لم أكن أمتلكهـا قأول بوابة دخلت منها ولكن كـان علي العـودة من حيث اتيت لأنني لم اتعـرف على آي من الجلوس وقد كـانو منهمكين بمشـاهـدة المباراة وقصــب الســكر والذي لا أعلم ســر توفــره بكثرة في تلك المصـاطب، لأدخـل من بوابـة ثانية، وثـالثـة والغريب في الأمــر أنه وفي كـل مـرة كنت أدفـع للدخــول، حمـدت الله أن وجـدت مـا... والســلام ... وقبل أن اتوهـط أعلن الحكم نهـاية المباراة ....وعلمـت أننـا هـزمـنا بشرف برغم أن الهلال كـان به لأعب محــترف وأن كل لأعبينا وطنيين... ووالله كــان أول وأخــر يوم من محـاولة ممـارسـة المشـاهـدة المحـترفـة وعييييييييييييييك.




مركز شباب الشعبية ( الــنــادي الثقافي الإجتماعي) ــــ القيمة الثقافية لهذا النـادي ــ ( فرق التمثيل ) الغنـاء الشعبي والحديث ـ( صــلاح عمــر ــ حـافـظ حسن صـالح ــ واخــرين) ــ موسيقى الجـاز ( فرقة الويفز ــ كمـال محمـد عمـر والموســيقار إبراهيم محمـد الحســن ) مجلــة الحـائط هـل تزكــرون تلك الرسوم الجميلة التي تزينهـا لمحمـد حبشي شقيق صــلاح حبشي ( ودرس العصــر ـــــ والفصـول التي كــانت ترعــاهــا وزارة الشئون الإجتمـاعية لأمهـاتنا واخواتنا نهــاراً,,,)


هــل يمكـن أن نوثق لهــذا.

Post: #148
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 06:54 PM
Parent: #147

الصفحه 56

ستنا خدر

تعليق علي كلامك يا وليد وناس شهادة عربية وحناكيش الجامعة ذكرتني موقف جميل جدا مع زميلة ،كنت من
رواد المواصلات وكل اثنين عندنا محاضرة الساعة 7ص مع العميد ومواصلات الشعبية الصباح كانت صعبة جدا بحاول بقدر الامكان اكون مبكرة لكن مافي فايدة معظم السواقين ما كانوا بقيفوا للطلبة ماعارفة كنا مميزين
بالنسبة ليهم (الكمساري والله يا معلم نحن سايقين فصل كرهونا المواصلات زاتو ونحن المعنين ساكتين ساي يعني كان بشوفوا شغلهم بالخسارة معانا)في مرة صادفت دفار قلت ما باليد حيلة نحاول نوصل قبل العميد وطبعا المحطة الرئيسية كانت أبو جنزيرمشيت سريع جدا للكلية وصلت في الزمن المناسب لكن نفسي كان مقطوع وإسترت مع العميد لأول مرة ،كنا معروفين لمعظم الدكاترة لأن الدفعة كانت بسيطة المهم بعد المحاضرة قعدنا مجموعة وكنا بنتونس ومن ضمن التعاليق جيتي البدري قلت ليهم لو وريتكم جيت بشنو حاتضحكو ياجماعة جيت بي دفار واحدة من الحناكيش الدفار ده شنو ؟عاينتة ليها قلت ليها انت جادة ولا بتهظري وهي تشيل وتحلف والله ما بعرفو قلت ليها صحي تشوفي وين بتجي بعربية مع السواق والمنشية ما أعتقد فيها الحاجات دي وما تحلفي مصدقاك وصفنا ليها الدفار ومعي زميلي قال لي في داعي تحرجينا قلت ليه دي معالم البلد لازم تعرفها ونص عمرك ضايع وكلام من النوع ده

Post: #149
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 06:58 PM
Parent: #148

الصفحه 56

حسن عثمان مضوي

من دفعتي: المهندس مجدي نقد، -الاستاذ احمد يوسق-الاستاذ طارق محمد موسى-طبعاً د. ستنا وخالد درق من الدفعات التي تكبرنا معرفة -

Post: #150
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 07:07 PM
Parent: #149

الصفحه 56

وليد عبد اللطيف

اخونا حسن مرحب بيك معانا في بيتك وسمعنا بتخريجكم وانبسطنا جدا لانكم حققتو الذي فشلنا فيه من قبل اي ظروف البلد تغيرت ياخي قبل ايامنا الاخيرة في الجامعة كنا بنمشيها بالف جنيه ناكل ونشرب وندخل يوم مفتوح بهجة وطرب ونرجع بثلاثة الاف جنية والناس تبيع دعم الكتب بمبالغ مغرية يعني تكون متجدع ليك كده عشرة يوم في الجامعة وانت مبحبحها مع الشباب وازيدك كمان كنا بنمشي نذاكر مع طلبة جامعة الخرطوم ويازول تشيل صحنك بكل عين قوية وتضرب معاهم السمك والكبده والحليب لمن عملنا جضوم زي كدايس المستشفيات شفت بس الايام الاخيرة تغير الوضع بدرجة مخيفة حتى كل الروابط توقفت باصاتها في الجامعة

Post: #151
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 07:13 PM
Parent: #150

الصفحه 56

حسن عثمان مضوي

بسم الله الرحمن الرحيم

الحلقة الأولى
تصوروا كيف يكون الحال
لو ماكنت من الشعبية وأهل الحارة ما أهلي


إن سبب كتاباتي هذه يعود للقصة التي كتبها العزيز والغالي م. مجدي نقد عن السؤال الذي طرح له من كبار الحي ( انتو عملتوا شنو) وهذا ماعملناهـ اخوتي في زمن من الصعب أن تعمل به شيئا.

عندما كنا في المرحلة الثانوية ( أغلبنا درس بمدرسة بحري الحكومية) كنا نلتقي جميعاً في اغلب الأحيان في منزلي ، نتسامر ونغنى ولا نحمل أي ضغينة للدنيا بل كانت تملأنا الحياة تفاؤلاً وفرحة. نتيجة هذا الترابط الأخوي بيننا جميعاً نبعت فكرة تكوين رابطة الإخوة وتكاد نقول أنها تشمل جميع أحياء الشعبية شمال ففي حلة الجهاد يوجد أكرم بكري وعمار منصور وفي الصديق يوجد عثمان حسن جبارة(جسبورة) وناجي محمد الحسن وإبراهيم إسماعيل والفلاح بها د. هاشم البدري والشعلة سامي سيد جعفر ومجدي نقد والصداقة طارق محمد احمد موسى ومحسن كامل وشخصي الضعيف والمارد بشرى محمد عثمان وهنالك خالد ومحمد عبدون . وقد تطورت الرابطة لتصبح أسرية وليست علاقة سباب ببعضهم البعض وكنا وماذلنا أخوان بكل ماتحويه هذه الكلمة من معنى لأن همنا واحد وإذا مرت بأي احد منا مشكلة يتحمل وزرها الجميع لحين إيجاد حل لها.

بعدها تطورت العلاقات مع دخول الجامعة وسفر بعضنا للدراسة في الخارج فتوقفت الرابطة كرابطة ولكن ظلت العلاقات مستمرة بين المتواجدين والذين أبعدتهم ظروف الدراسة عنا، وتكونت معارف أخرى بين الذين تكاد تكون أفكارهم متقاربة فتوثقت علاقتنا مع د. عبدالخالق ود. عبدالعزيز ومجدي احمد الطاهر ومتوكل التجاني وعصام والكثير من أبناء الشعبية ذوي الرأي السديد.

نبعت فكرة رابطة طلاب الشعبية شمال بالجامعات والمعاهد العليا في إحدى الجلسات التي تضم مجموعة من الشباب ومنهم د. عبدالخالق و د. عبدالعزيز ومجدي احمد الطاهر ومتوكل التجاني وبعض الشباب أمام بقالة ناس د. عبدالخالق ( فاتحين في طابونة الشعبية في المربع الممتد خلف سوق الشعبية حتى بقالة عبد السلام) ووجدت الفكرة قبول الجميع وأيضا قبول الذين لم يحضروا ولادة هذه الفكرة.

تم الدعوة لأول اجتماع في الحديقة التي بحي الشعلة ولم تجد التجاوب العالي في الحضور وتكررت الاجتماعات وانضم الكثيرون ليشهدوا ولادة اللجنة التمهيدية للرابطة والتي اذكر منهم: الأخ مهدي ( والدته السيدة خديجة التي لديها معمل فاتح في ميدان الرابطة سابقاً) ويفتح منزله مقابل ناس سامي سيد جعفر على ما أظن – د. اميمة حسن الأمين جارتنا وفي نفس صف بيتنا – اميمة ربيع مقابل منزل سمير جورج- حسن محمد عبدالقيوم ( الشارع الورانا بحلة المارد) -المهندسة سهام الباقر في حلة المارد جارة عادل محمد عثمان حاج رحمة- متوكل التجاني وعصام بحلة الفلاح – مرتضى وعبدالرحمن الطاهر من حلة الهدف- عواطف خضر أخت كلاً من عاطف بلو واختنا د. ستنا – وفي نفس شارعهم كلاً من نازك ومنال على ما أظن وأخوها كان عسكري واسمه إبراهيم ( آثار الزهايمر بدت تظهر). وبالمناسبة الرجاء توصيل تحياتي للأخوات جميعاً لكل من يعرفهم لأننا نحن الشباب مازلنا والحمدلله متواصلين أما البنات فقد تفرقت بنا سبل الحياة عندما توقفت الرابطة.

هذا العقد الفريد على ما اذكر كان يمثل اللجنة التمهيدية للرابطة والتي تم الاتفاق عليه من قبل الكثيرين من الذين حضروا الاجتماعات المتتالية وكانت مهمتهم حصر جميع الطلاب والطالبات بمنطقة الشعبية شمال ودعوتهم للجمعية العمومية لتكوين الرابطة. والمهمة الأكبر إحضار الإذن من الجهات الأمنية واللجنة الشعبية وكذلك اتحاد الطلاب ليكون لدينا الصبغة القانونية للدعوة للإجتماع. وطبعاً هنالك جنود أوفياء كان لهم القدح المعلى في مساندتنا للقيام بهذه الأعمال قد اذكر بعض الأسماء في وقتها وقد أنسى البعض منهم فلهم العتبى حتى يرضوا وليتمنوا لي عاجل الشفاء في مصابي الجلل ( الزهايمر) والله يقطع الغربة وسنينها في ماعملته بي.

Post: #152
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 07:16 PM
Parent: #151

الصفحه 56

حسن عثمان مضوي

: بسم الله الرحمن الرحيم

الحلقة الثانية
تصوروا كيف يكون الحال
لو ماكنت من الشعبية وأهل الحارة ما أهلي


بدأت حملة حصر الطلاب ( تقريباً هذه الأحداث في عام 1995م) وشارك في تلك الحملة طارق محمد أحمد موسى وخالد حسن تريبيل وسارة احمد الشيخ وأختها وشهلاء نمر وتيسير أخت عاطف وشذى أخت مهدي وكل من طلبنا منه مساعدتنا فقد كان الجميع يرغب في المساعدة ، وتم حصر جميع طلاب وطالبات الجامعات بمنطقة الشعبية شمال وفي نفس الفترة بدأ العمل في الحصول على موافقة اللجنة الشعبية والتي تمت على مضض خصوصاً أن خوفنا كان على البنات الذين معنا حيث كانت الاجتماعات في تلك الفترة مكثفة بغرض إنهاء الأعمال في أسرع وقت ممكن وطبعاً كنا نتعرض لمضايقات من الجهات الأمنية ولكن ليس بالصورة العلنية . بعدها قمنا بتقديم ملفنا لإتحاد الطلاب وبدأ مشوار التحدي من تحويلنا من جهة إلى أخرى ومن شخص لأخر ومن المحلية للولاية وأخيراً تم استلام الملف للمراجعة ومن ثم البت فيه.

طبعاً طال الانتظار ولكن دون جدوى تذكر ( بمعنى اصح وضع الملف في الدرج) ولكن كانت عزيمتنا وغيرتنا على الشعبية اكبر من مخاوفنا وأكبر من أي تحرشات كانت تحدث معنا، فقمنا بزيارة لإتحاد الطلاب واتضح أنهم يقومون بعمل فحص بواسطة الأجهزة الأمنية لشخصيات اللجنة وكان لهم مندوب لمنطقة الشعبيـــــــــــة ( احتفظ بالاسم لدواعي أمنية- ياجماعة عاوز امشي إجازة قريب) هو المسئول عن الموافقة على طلبنا. تم عقد جلسة طارئة واتخذ القرار بأنه لا سبيل سوى المواجهة وتم اختياري لتلك المواجهة لأنو لساني شويــــــة حلو ( ماشايقي). وجلست انتظر صاحب الشأن الرفيع أمام منزله حتى قارب الزمن على الساعة الثانية عشر ليلاً وحضر صاحب السمو وهو يقود دراجة نارية وكان أول مرة نلتقي فطلبت منه أن يعطيني من زمنه الغالي والثمين بضع دقائق، وصراحة ما أعجبني فيه الصراحة المتناهية في نقاشه معي حول خوفهم من اللجنة ومن الموافقة على الرابطة خصوصاً وان الشعبية شمال تعتبر منطقة مغلقة للمعارضة ولا يثقون في أحد بها، وتم فرض سؤال شخصي أنني ضد الحكومة ولا معها وكنت أكثر وضوحاً ( في تلك اللحظة تذكرت حبوبتي مهيرة) وقلت أن ضدكم نسبة لبعض أرائي الشخصية وهذا لا يمت بصلة بكوني سكرتير الرابطة وليس لي الحق في فرضه على احد وكذلك حال باقي الزملاء إذا كانوا معكم أو ضدكم وأيضا اعلم تماماً أن لكم عيوناً في اللجنة وخارج اللجنة وبالتالي ستعلمون تماماً إذا كان نشاطنا يحمل أي صبغة سياسية أم أننا أبناء الشعبية ونود خدمتها لا أكثر ولا أقل ( صدقوا حنكي كان قوي) طبعاً ثاني يوم صدرت الموافقة بتكوين رابطة طلاب الشعبية شمال بالجامعات والمعاهد العليا وتم تحديد يوم لانعقاد الجمعية العمومية.

ذي مابقولوا تم انعقاد الجمعية العمومية بنفس المكان الذي شهد أول بذرة للرابطة ( تحياتي لأبناء الشعلة جميعاً) بالعون الذاتي الموية من ناس فلان والكراسي من جمعية ناس فلان وناس فلان وخلافه والحمدلله كان أبناء الشعبية عند حسن الظن فقد اكتمل النصاب وفاض وكان الوضع مريحاً والنقاش حول مسؤدة لائحة الدستور للرابطة ومناقشته تم بصورة علمية وراقية ولم يعكر صفو ذلك الاجتماع سوى بعض المداخلات والاعتراضات التي تمت من بعض الخريجين الذي حضروا الاجتماع وكان ردنا أننا اعلم بالطلاب ولكن حصر الخريجين قد يستغرق وقتاً أطول وأنهم من بداية عملنا كانوا على علم بعملنا ولم يأتي أحد ويقترح إضافتهم أو خلافه وثانياً أول الغيث قطرة فإذا تكونت الرابطة لا يمكننا العمل دون الاستعانة بإخواننا الأكبر منا والحمدلله تفهم من اعترضوا ذلك وكانوا عند حسن الظن في تهدئة الجو من جديد. وأخيراً جاء وقت التصويت على لائحة الدستور وتم إجازتها دون إضافة أو حذف لأن تجهيزها كان بمعونة الجميع ومن قبل الدعوة للجمعية وتم اقتراح أن تواصل اللجنة التمهيدية العمل وتم التثنية على ذلك وتم التصويت بالإجماع على ذلك لدرجة حيرت مندوب اتحدا الطلاب السودانيين في الاتفاق بين كل هذه العناصر دون أي خلافـــــــات ( عيني باردة علينا ياناس الشعبية). وتكونت رابطة طلاب الشعبية بالجامعات والمعاهد العليا وهي لا تمتلك ولا جنيهاً ولا أصول ولا موقع بل تمتلك عزم أهل الشعبية وهو اكبر كنز ولا يضاهيه مالاً ولا جاهـ( والله وأنا بكتب خنقتني العبرة لأنو أن تحكي شي وحضور تلك اللحظات الرائعة شي آخر).

Post: #153
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 07:19 PM
Parent: #152

الصفحه 56

حسن عباس مضوي


بسم الله الرحمن الرحيم

الحلقة الثالثة

تصوروا كيف يكون الحال
لو ماكنت من الشعبية وأهل الحارة ما أهلي


وبدأت رابطة طلاب الشعبية شمال بالجامعات والمعاهد العليا قانونياً وكما أسلفنا الذكر بدون أي أصول ملموسة أو أرصدة نقدية . ( هنالك واحدة معنا باللجنة التنفيذية تسكن بحلة الهدف ومن قبل كانت تسكن بحلة المارد وهي وأسرتها من الذين استوطنوا بالشعبية عن طريق إيجارهم كل مرة في حي من إحيائها ولكن ضاع اسمها منى فلها العتبى) كانت الخطة الموضوعة كيفية التعريف عن الرابطة لأهلها وصادف أن تلك الفترة هي فترة الصيف فتم الاقتراح على بدء الكورس الصيفي لطلاب الشهادة الثانوية ( الذين في ثانية ثانوية وسينزلون بعد الإجازة لثالثة ثانوي) ( استهدفنا تلك الفئة لكي تحمل الراية فيما بعد ) وطبعاً التكلفة بسيطة جداً علينا الحفاظ على موقع الكورس ( مدرسة البنات) وكان لجهود الأستاذة إخلاص باقرين معنا في هذا الموضوع كبيرة جداً ، وطبعاً تمام إعداد جول لشباب الرابطة لملء الأزيار يومياً مساء ( كانت هنالك مشكلة موية بالمدرسة) والحفاظ على النظام العام ( كل هذه الشروط المطلوب تنفيذها) أم الأساتذة فقد أثبتت الشعبية أن بها فحول من العلماء بشتى الضروب فلم تواجهنا أي مشكلة في أي مادة أو شغلها بواسطة أي أستاذ وكان الجميع على قدر المسئولية وتحملوها بالكامل مع بعض الهنات البسيطة التي تحدث في أي عمل عام. ونجح الكورس بحمدالله نجاحاً باهراً وحقق مانصبو له من تعريف للرابطة. وحتى تلك اللحظة توجد سكرتارية مالية ولكن دون جدوى فكيف لنا أن نجمع تبرعات أو خلافه قبل أن نوصل فكرنا للجميع ، فكان حتى تلك الفترة أي أعمال تحتاج لنقود نقوم بطريقتنا الخاصة بتغطية العمل دون إظهار أننا نعاني من أي ضائقة مالية لأن الهدف العام كان أكبر من تلك المشاكل.

بعد نجاح الكورس قمنا مباشرة بالإعداد ليوم ثقافي بالحديقة التي توجد مقابل المركز الصحي، وكان ذاك اليوم شي لا يوصف فقد شارك الجميع في الرسم والنحت والحياكة وتم التبرع لنا من دار الكتب السودانية بمكتبـــــة ( شكراً أخونا عادل مصطفي اخو حارس الصداقة سابقاً حسونة) والكثير من الأشياء وتم ختم اليوم بحفل غنائي بواسطة فرقة البنات ( تم تدريبهم بواسطة الأخ عبدالناصر سعد ) وتوزيع الجوائز للمتفوقين في الكورس ( هل تصدقوا بأن كل هذه الأشياء من أبناء الشعبية وبالجهد الذاتي).

بهذه الأعمال تأكدنا تماماً بأننا قد قمنا بتحقيق النجاح تلو النجاح وان اسمنا تم التعريف عنه بالصورة السليمة وأصبح معروفاً لأغلب سكان الحي، لان ذلك الكورس واليوم الثقافي يعتبر كل بيت بالشعبية شمال قد شارك فيه بصورة أو بأخرى.

أصبحت اجتماعاتنا تناقش كيفية تجميع الأموال وتحقيق أهداف أكبر للرابطة. وتم التصويت على اقتراح عمل تخريج لطلاب الشعبية شمال والاحتفال بهم. وصدقوني كان اجتماع عاصف وكانت الغلبة لمن تبنوا الاقتـــراح كان يكمن الخوف من المعترضين من انه لا يوجد سيولة وهدف مثل هذا إما سيوصل بنا للسما أو يخسف بالرابطة الوليدة. طبعاً بدأ التجهيز للاقتراح الذي فاز وبدأ حصر الخريجين والتنسيق لكافة البرامج وكنا نجلس كل يوم نضحك حيث أن كل شي لهذا اليوم يحتاج لمبلغ مالي وكنا حتى تلك اللحظات لا نملك حتى حق فتة الفول عشان نتعشى بعد تجوالنا للبحث عن لبسه التخريج ومن سيحيي الحفلــة ( صدقوا كنا طماعين نعمل اجتماعات مع أستاذنا ابوعركي البخيت والأستاذ الكبير ود الأمين ونحن لو قال الحفلة بألف جنيه ماعندنا). المهم كان أكثر مايحزننا أن الذين صوتوا للقرار أو البعض منهم لم يفعل شيئا وظل يتفرج ( لا ادري هل كانت هنالك ادوار سياسية خفية) أم أشياء أخرى ستظل بين كل شخص والخالق ونيته في إسقاط أو إنجاح الرابطـــة( لان الذين قاموا بهذا العمل هم الذين عارضوا هذا القرار ووقفوا ضده). الحمد لله مجموعة من الذين يدرسون خارج العاصمة اخذوا مصاريفهم وتم تسليمها لموضوع التخريج وكل إنسان وذكائه وعلاقاته قام بتجميع مايمكن تجميعه ( لم يتم تجميع أي مبالغ باسم الرابطة) أصبحت المسألة أن رابطة الشعبية تكون أو لا تكون وتحدي لنا ولعزم الذين من حولنا من أعضاء الرابطة وأبناء الشعبية الأوفياء فهل نجح من كانوا يودون أن يدمرونا وظنوا أن أبناء الشعبية بهذه السهولة قد يستكينوا أو يستسلموا . هيهات ثم هيهات أن ينجحوا في ذلك.

Post: #154
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 07:21 PM
Parent: #153

الصفحه 56

حسن عثمان مضوي

بسم الله الرحمن الرحيم

الحلقة الرابعة

تصوروا كيف يكون الحال
لو ماكنت من الشعبية وأهل الحارة ما أهلي


جاء اليوم الموعود وكانت الحركة دائبة مابين موقع بداية الحدث (مدرسة البنات –مقابل ميدان الرابطة) ومابين موقع الاحتفال (نادي دار الأطباء بشارع النيل) وتم الاستعداد بالكامل واصطف موكب الخريجين وقت صلاة العصر وأمامهم الفرقة الموسيقية بسلاح المهندسين من امدرمان وسيارات المرور( النجدة) وتحرك الموكب من ميدان الرابطة مروراً بمنزل المرحوم السيد محمد نور الدين ( وفاء وعرفان) مروراً بميدان الصداقة ليبدأ مشواره من الزلط( مابين حلة الصداقة والمارد ) وخرجت الشعبية عن بكرة أبيها لتحتفي بأبنائها وكانت الزغاريد تملأ جوانب شارع الشعبية وأهازيج الفرح تنطلق من الفرقة الموسيقي يعلوها التصفيق الحار من كل أهلنا بالشعبية وكلمات الشكر والثناء من أمهاتنا وحبوباتنا وآبائنا التي مازالت ترن في إذني ( باعتبار إننا منظمي التخريج ومسئولي تنسيق الموكب) والكل يهتف بالشعبية ووصل الموكب إلى شارع المعونة حيث تنتظرنا الباصات التي ستقل الخريجين وباصات ستقل الأهالي وأصبحت المؤسسة موقع حدث للشعبية وكانت السيارات العابرة والقادمة تشاركنا ذاك الفرح ورايات رابطة الشعبية مرفوعة عالية تبين أن هؤلاء هم أبناء الشعبية وأننا قدر صنع المستحيل لأن رابطنا واحد حبنا الأبدي للشعبية.

وصل الجميع لدار الأطباء وبدأ الحفل بكلمات رائعة من الرائع المرحوم الأستاذ الشاعر ابوآمنة حامد حيث قال ( لقد ولدت رابطة الشعبية بأسنانها ) وكان له كلام مؤثر عن الشعبية وعن طبائع أهلها . وقد تم تغطية ذلك اليوم بزخم إعلامي من الصحف ومن التلفزيون الوطني ( هنالك برنامج في الفترة المسائية يتم فيه تغطية مثل هذه الاحتفاليات وقاموا بتغطيته ونشره بالتلفاز) وتم إلقاء بعض الكلمات من الرابطة وتم توزيع الشهادات وكان الحفل بفرقة أولاد البيت ( اقلهم تكلفة). لم تكمل مجموعة من الشباب المشاركين في إعداد هذا اليوم البرنامج نسبة لتعرضهم لمضايقات بواسطة بعض الأجهزة والحضور والاستفسار عنهم فتم تهريبهم من اجل عدم قتل فرحة اليوم والذي وبحمد الله انتهى على خير.

طبعاً شي بمثل هذا الحجم من المستحيل نكون قدرنا بمواردنا الذاتية فقط أن نكمله، فقد قمنا بتأجيـــر الكافتريا ( طبعت غطت مصاريف النادي فقط) وكان هنالك تذاكر لأي خريج يزيد عدد أفراد أسرته عن (3) (حسب ظني أو خمسة ما متذكر) وكذلك الذين حضروا من مناطق أخرى وكان ذلك يتم خفية حتى لا نتعرض لمشاكل مع المحلية أو الضرائب وغطت نوعاً ما الوضع. ولكن كانت هنالك ديون على الرابطة ويجب إعادة المبالغ لمن أخذت منهم وبطبع أهل الشعبية لا بنأكل حق زول ولا نرضى الاهانة حتى لو ما أكلنا نحن.

ثاني يوم تم إعادة ملابس التخريج والكراسي وكل مستلزمات حفل التخريج وكذلك إعادة ترتيب المدرسة وخلافه، تم عقد اجتماع اللجنة التنفيذية وكان الاقتراح الاستفادة من نجاح التخريج وذلك لإشراك الأهالي في مساعدتنا من الخروج من الأزمة المالية وتم تقسيمنا لفرق لتغطية الأحياء والبدء في عملية جمع التبرعات للرابطة حتى يتسنى لنا تسديد الديون والوقوف على أرجلنا للمرحلة القادمة. وبالفعل بدأ العمل وكان التجاوب من أهلنا منقطع النظير فلم نطرق منزل في الشعبية إلا وجدنا التفاعل التام معنا ( والله في بيوت قسموا معانا حق حلة ملاحهم لثاني يوم) وطبعاً نحن في ظرف (48) ساعة كدنا ننهي الديون التي على الرابطة. ولكن يظهر أن هنالك جهات صدمت من هذا النجاح الباهر والتفاف أهل الشعبية حولنا ولم نصبح رابطة بل أصبحت الشعبية كلها في وعي وتجاوب منقطع النظير مع هذا الكيان. فتم إخطارنا بواسطة اللجنة الشعبية ومندوب اتحاد الطلاب بأنه تم إيقاف الرابطة لأن رئيسها قد أصبح عضواً في اللجنة الشعبية وهذا جمع بين وظيفتين. وطبعاً اترك لكم تقييم ذلك الوضع ولا أود الخوض ( اللبيب بالإشارة يفهم) ولكن كما أسلفنا أنهم بكل الأحوال كانوا يريدون أن يروا هل سنستطيع النجاح وإذا نجحنا يستخدموا أسلحتهم في إيقافنا. وطبعاً كان التحذير والتهديد واضح من اللجنة الشعبية والأمنية أن قيام أي اجتماع لنا يعتبر غير قانوني وسنتعرض للاعتقال باعتبار انه تجمع. وظللنا فترة من الزمن في وجود رقابة بجميع أنواعها وتهديدات غير مباشرة لأسرنا وحاولنا المستحيل مع اتحاد الطلاب ولكن دون جدوى لأن المعلومات التي لديهم أننا أصبحنا قوة لا يستهان بها. فهل تم قتل مفهوم الكيان من أذهان أهل الشعبية ومن أبنائها.

Post: #155
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 07:23 PM
Parent: #154

الصفحه 56

حسن عثمان مضوي

بسم الله الرحمن الرحيم

الحلقة الأخيرة
تصوروا كيف يكون الحال
لو ماكنت من الشعبية وأهل الحارة ما أهلي


الحمد لله ظل الكيان موجود في أذهان الجميع وكان يتم ذكر الرابطة بكل خير وكان الجميع يسأل لماذا توقفت وماذا حدث.

من زرع بذرة فإنه يحصد يوماً من الأيام ثمارها وهذا ما حدث بالشعبية فالذين قمنا بعمل كورس صيفي لهم من طلاب المرحلة الثانوية أبان عمل الرابطة دخلوا الجامعات وكان اقتناعهم بالفكر والمبدأ الذي قامت به الرابطة متواصل لأننا كما أسلفنا الذكر أننا جميعاً نتفق في حبنا للشعبية. واذكر انه تم عقد إحدى اجتماعاتهم لدينا بمنزلنا وذلك كنوع من الاحتفاء بي لأنني كنت سأغادر في تلك الفترة مهاجراً لأرض البترول والأحلام بعد عدة أيـــــــــــام(السعودية) ( وكان الحلم سراب ووهم) ( تقريباً الاجتماع كان يوم 01 مارس 2000م) وبالفعل كانوا قدر المسئولية ولديهم الرغبة في المواصلة واذكر منهم على سبيل المثال وليس الحصر : وليد احمد صباح الخير ( بوب) – أكرم ( خاله محمد الطري بحلة الصداقة) – هشام ميرغني ( اخو ناصر ميرغني- يفتح في مبدان الصداقة) – ميمي من حلة الصديق –ميرفت احمد الطاهر- إسماعيل ابن أخت إبراهيم إسماعيل

لا أود أن اسرق حق آخرين في سرد وتوثيق عملهم لذلك أتمنى أن يتواصل ذاك الجيل الذي بدأ بعدنا العمل وحسب علمي لم يكتب لهم النجاح مثلنا ، خصوصاً وان علاقتي من ذاك الوقت أصبحت مثل أي مغترب الهم الأول جمع الريالات ومحاولة المحافظة قدر المستطاع على علاقاتنا ولكن ليس بمثل القوة الأولى.

فهكذا يا صديقي المهندس مجدي نقد ، هذا ما عملناه في فترة وجودك وفي فترة تحصيلك للعلم في بلاد الفرنجة ( على قول المسلسلات الدينية) والتي كنت مشاركاً بها لو ما بوجودك بقلبك وبوجدانك معنا وبفكرنا الذي كنا نحمله كلنا في بوتقة واحدة. فهل بما تم نكون قد اجبنا على تساؤل أبائنا؟

هذا يا سادتي مأتم من أبناء الشعبية عندما تجمعوا في كيان واحد وهم طلاب وكانوا يستلموا مصروفهم من أهاليهم، والآن وقد تجمعنا والحمد لله مرة أخرى في كيان واحد ماذا سنفعل؟ أم هذا التجمع هو بداية الانطلاق للإجابة على السؤال الذي يدور بخلد كل واحد منا ماذا يجب علينا أن نفعل لنرد الجميل للشعبية؟

Post: #156
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 08:10 PM
Parent: #155

الصفحات 57 و58و 59 و 60 و 61 ليست بهم اي اشاره لموضع عن المدارس او يام الدارسه

الصفحة 62

عز الدين الفحل

ابعث بخالص التحايا والاشواق الي كل الاخوة واهدي هذه المدحة الرائعة للسماني احمد عالم للاخ منير عبدالرحيم والاخ صلاح شكوكو والي الجميع . واذكر ايام كنا في سنة رابعة او خامسة ابتدائي في مدرسة المساكن الشعبية الابتدائية جنوب .انو مدرس مادة التربية الاسلامية الاستاذ ( محمد عثمان ) عمل نموذج للحج وضح فيها الكعبة المشرفة والسعي وعرفات ومني يعني كل اركان الحج واختار 3 تلاميذ هم اخونا المهندس / خالد حسن ابراهيم ( جردل ) والاخ حسام الدين عبدالله وشخصي الضعيف وحفظنا كل مناسك الحج برمتها وبعد عدة بروفات اتقنا الشرح اتقانا تاما ، وفي نهاية السنة في حفل تخريج طلبة الصف السادس طلب منا ان نشرح للجمهور مناسك الحج وجئ بالصحفيين من صحيفتي الايام والصحافة وامتلات المدرسة باولياء الامور ونحن نشرح للناس الحج ومازلت اذكر ان بعضهم كان يبكي ؟ شد البكاء ونحن نشرح ونحن لا ندري لماذا كل هذا البكاء والنحيب . والنسوان يقولوا لينا يا ولدي حججني ولا اخفي عليكم كم كانت الفرحة والسرور يغمرني وانا اشرح المناسك واحيانا كانت توجه لنا بعض الاسئلة الصعبة والشاقة . وفي ختامها جاء احدهم الي والدي وقال له ( يا عباس ولدك بيحجج الناس في المدرسة ) . وما اشعر الا ووالدي امام طاولة الجبس اي نموذج الحج ينظر الي في اعجاب شديد وانا ارتدي ملابس الاحرام وبجواري الاخ خالد حسن وكان وقتها اخونا خالد يشرح وعندما نظر الي والدي ضحك واعطاني اواصل الشرح لوالدي العزيز كنت في قمة المتعة. حتي بكي والدي اخفي دموعه بعمامته العبقة . وما كانت لحظات الا وارتبكت اوصالي واخذت اتلعثم في الشرح وانا بين الحينة والاخري انظر الي والدي واري الدموع تتساقط كحباة اللؤلؤ المكنون . وحينها لم يري والدي ككل افراد الشعبية الفقراء الكعبة لكن حلما يراوده ان لهذا الفتي فرس يشد من قيده الي عالم يعلمه خالقه عز وجل ..

Post: #157
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 08:14 PM
Parent: #156

الصفحه 62

عز الدين الفحل

هذه الرسالة موجهة الي الاخ / منير عبدالرحيم
النجم الساطع الاخ منير عبدالرحيم لك كل الاشواق والتحايا . ارجو تقبل معذرتي نعم الاخ عبدالاله محمد عثمان كان معنا في شرح مناسك الحج في مدرسة المساكن الشعبية الابتدائية جنوب . وانا كنت بين الشك واليقين ان الاخ عبدالاله كان معنا. وانت اكد ذلك واعرفك ان اخونا عبدالاله موجود في ابوظبي . واذكر انني التقيت به في احدي مساجد ابوظبي منذ شهور ورايت ان تضاريس الغربة اثرت به لكنني عرفته وقلت له انت ماعرفتني انا اخيك عزالدين ( الشعبية جنوب ) ، بعد فتره قال انت الوحيد عمري ما انساك طيلة العمر تذكر ايام كنا بنشرح مناسك الحج في مدرسة الشعبية انت عزالدين ووقتها قضينا وقت ممتع علي ضفاف الذكري بين امواج الخليج العربي . وصدقني يامنير لم يتغير الاخ عبدالاله كثيرا ذلك الرجل المهذب الهادي الانيق ذو الخلق الطيب بحق تحبه من اول وهلة . اما قولك انني كنت من رؤس فصل ب مع الاخ خالد حسن ابراهيم واصدقك القول اي بلد انا ذهبت اليها الا وبعد ايام يكون خالد معي . وانا احبه جدا فهو رجل شهم ومنار يهتدي به يكفيك انه بشوش ومرح وخفيف الظل وذو حاسة سادسة تعجبك .ولا انسي يا منير كنت علم في فصل ا واذكر كان معك الاخ الدكتور / احمد علي خالد . الرجل الشهم القوي الشكيمة والباس .رجل المواقف الصعبة له كل التحايا والاشواق

Post: #158
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 09-01-2010, 08:39 PM
Parent: #157

الصفحات 63 و 64 لاتوجد اشارت بهما لايام الدارسه


الصفحه 65

صلاح عباس فقير

عم أستاذ سعد رغم أنه قضى في المدرسة فترة قصيرة، لكنه ترك أثراً كبيراً في نفوس طلابه!
التحية له ولجميع أساتذتنا الأفاضل في مدرسة الشعبية جنوب الابتدائية!
ورحمة الله تغشى من توفأه الله منهم،
وبهذه المناسبة أدعو عماد ومنير وأمير وعز الدين عباس وعموم خريجي مدرسة الشعبية جنوب إلى وقفات
نستذكر فيها ذلك العهد الجميل، ونذكر فيها أساتذتنا الكرام وأخبارهم وأحوالهم!
وحقيقة أنا كنت من قبل كتبت موضوعا تحت عنوان: "حدث في مدرسة الشعبية جنوب الابتدائية" وتطرقت فيه إلى الجانب السلبي!
والذي لا زلت أصر على أنه سلبي وخطير، ولكنه طبعا لا ولم ولا يمكن أن يؤثر على الجانب الإيجابي المشرق الجميل!
===============================================================================================================
أستاذ حسن "حسن محمد عثمان" كان مع أستاذ فضل "الفضل أحمد الفضل" رحمةالله عليه، يقومان بجهد كبير
في حثّ الطلاب على المذاكرة، بمختلف الطرق، ومن ذلك إعدادهما المادة الدراسية بصيغة السؤال والجواب!
أستاذ حسن الآن مقيم في الرياض، التقيته صدفة في أحد المساجد قبل حوالى سبع أو ثمان سنوات، وما شاء الله
قمة الصحة والعافية والشباب! طبعاً ترك التدريس من زمن بعيد!
===============================================================================================================
إذن، هذا نداء للإخوة خريجي مدرسة الشعبية جنوب الابتدائية، ليتذاكروا ذلك العهد الجميل، أو أكثر من ذلك!

[Email] [Profile] [Edit]

Post: #159
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 07:30 AM
Parent: #158

الصفحه 65

طارق جبريل عماد كيفنك
يا سيدي شكرا ليك
طبعا اكثر خيلاني شهرة في التدريس هو علي ابو دية
وفي الغناء ابراهيم ابو دية رحمة الله عليه
وكنت حكيت لي خالي علي عن بوستكم دة
وحملني امانة اسلم علي كل الطلاب الدرسوا عنده

عماد الدين عبدالله


سلام طارق المربي الفاضل علي ابو دية كان مديرنا في
مدرسة الشعبية الابتدائية جنوب وكان نعم الوالد والمربي
المرحوم ابراهيم ابو دية تعرفه بحري باخلاقه العالية وروحه
الطيبة الف رحمة عليه وقول لاستاذنا الفاضل علي وصلت امانتك
وقول ليهو طلابك ما شاء الله نالوا اعلى الدرجات العلمية وهذا
بفضل الله وفضلكم
يا طارق والله عندي استاذ عزيز على شديد وعايز اعرف اخباره
ولو امكن تلفونه درسني في الابتدائي وهو كان مقيم مع الاستاذ
علي ابو دية في البيت الاستاذ العزيز سعد محمد عمر تميم
لك كل الود والاحترام

Post: #160
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 07:34 AM
Parent: #159

الصفحه65

شمس الدين ساتي

عبد الكريم أحمد عساك من عواده
تذكرت فجأة من غير سبب أستاذ نصر بتاع الجغرافيا تعرف الأستاذ دا فصلنا كان موريهو الويل وطبعا هو كان لسانو ينطق بالنوبية لغتنا( أكثر من العربية) وكان بفصلنا طبعا صديقى عبد المنعم قمبور وهو كما تذكر كان ضخما ويتميز بالحس الفكاهى .. كان لايتردد فى القرقرة كلما نطق أستاذنا بكلمة محرفا لها .. وكان بالفصل أيضا إبن خالته صديق عزيز لى إسمه عادل الطاهر

عبد الكريم الامين ( ابو محمد فواد )


** صديقى ود ساتى "الشرير"
** صباحك خير..
** بهذه الذكرى وهؤلاء المُعلمين الشوامخ أعدتنا وعقارب الزمن الى السبيعنات ,, وأذكر انو كان عندى كراس جغرافيا مُجنن ليك الخرائط بالالوان ويجلس جنبى جنابو الشيخ الكدرو وهو كان كقنبور فى فصلكم وكثير الضحك عى لكنة استاذ نصر ..
** فما كان من أستاذ نصر إلآ أن طلب منه كراس الجغرافيا فوجد الخرط بقلم الرصاص ولاتوجد إى بيانات عليها وكان كراسى فى يده فقال له :- بالله ياجماعه دا طالب ودى طالب ... فكان رد الشيخ اهو بتلوينك دا جبت لينا المطره...
** التحيه والتجله لكل معلمى بحرى الحكوميه فى السبيعنات والرحمه والمغفره لمن غادر منهم هذه الدنيا الفانيه..

## عادل الطاهر (ود عمك الطاهر الطهار) :- أين هذا الاسم الآن آخر معلومه عنه أنه تخرج من كلية التربيه جامعة الخرطوم فى نهاية السبيعنات "قسم اللغه الفرنسيه" على مأأذكر ..
(ودام الود بيننا)
(ابو محمد فؤاد)

Post: #161
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 07:37 AM
Parent: #160

الصفحه 65

شمس الدين ساتي

عادل الطاهر حسن صديقى من زمن الدناقلة شمال الأولية

تزامانا أنا وهو وصديق عمرى عبد الله بابكر أحمد دفع الله

من الأولية ثم فارقنل هو لمدارس الشعب الوسطى ورحلنا أنا

وعبد الله بابكر للأميرية 2 ثم إلتقينا ببحرى الحكومية

ثم دخل هو جامعة الخرطوم كلة الإقتصاد

.ثم سافر للإنجلترا ومكث هناك قرابة العام عاد بعدها وعمل بإحدى شركات

البترول وأظنها توتال ثم عمل أخيرا بشركة الببسي مديرا للمبيعات بعدها

فارقت السودان ولم أره بعدها. متعه الله بالعافية وصديقى عبد الله بابكر المحامى

الذى كون مكتبا بالشراكة مع صديقنا عبد العظم يس (سا) شقيق على يس إبن بحرى

والمزاد البار

Post: #162
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 07:43 AM
Parent: #161

الصفحه 65

اسامه سعد

أقف تكريما وعرفانا للأستاذ الجليل على ابودية
وكل اساتذتنا فى الشعبية جنوب - الأستاذ حسين حاج أحمد
والأساتذة حسن وفضل(عليه الرحمة)- سعدتميم- طه عبدالرحمن
مصطفى - محمد عثمان- عبدالمنعم- سمير

تصحيح -أستاذ سعد لم يتزوج شقيقة اخونا وحبيبنا جمال المنا
شقيقه الباشمهندس عبدالقادر تميم هو المتزوج شقيقة جمال
التحية لهم جميعا

Post: #163
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 07:48 AM
Parent: #162

الصفحه 65

عماد الدين عبد الله

يا اسامة الكبير كبير انتو اهل الدار
ونحن الضيوف لكن يظهر ضيوف دمنا تقيل
ما دام بقينا نقلب في الصفحات المهم
الشعبية تكون فوق والله يا اسامة ايام
الابتدائي دي اجمل ايام شفت استاذ مصطفي
كان عندي كف يدوش الراس وطبعا كنا بنخاف
منه موت وحسين المدير ( ساراتانا) وغيرهم
شكرا على التصحيح وما تختفى ساعدنا بالتوثيقات
لهذه المدرسة العريقة
مع كل الود والاحترام

Post: #164
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 08:10 AM
Parent: #163

الصفحه 66

لايوجد بها مشاركات عن المدارس

الصفحه 67

الفاضل يسن

ولدي قصة فيها الجمله دي
في الابتدائي ومعروف رسوم دروس العصر تذهب لجيوب الاساتذة كدعم لمراتباتهم الهزيله
لذلك يحرصون ويحرضون التلاميذ عليها،وبعضهم يضع عقابا للمتغيبين.
فالاستاذ عثمان سند ويسكن بجنوب خلف الكرابيج،كان متحمسا لها،ولا اعرف السبب تسجلت بدروس
العصر بمدرسة الدناقله شمال،وفي احدي الايام والاستاذ يمتطي دراجته الشهيره يجدني ذاهب
الي الاتجاه العكس الي الدناقله بينما مدرستنا الي الخلف ،وبادرني مباشرة برده
الساخر،شنو تبيض بهناك وتكاكي عندنا.انفجر من كان يراقب المشهدبالضحك.مما جعلني
اعود لدروس العصر بمدرستي الاصليه.

Post: #165
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 08:20 AM
Parent: #164

الصفحه 67

عز الدين الفحل

اخوتي كلما تمر بي الذاكرة لاجتر اغلي الذكريات علي عتبات مدرسة الشعبية الابتدائية جنوب وذلك المعبد الموشح بالحراير ( فصل ب ) والاساتذة الاوفياء
استاذ الفضل عليه تلابيب الرحمة علي قبره ونحن نردد لحن الوداع ( والبترول سؤال مضمون ركزوا فيه يا اولاد ) وهذه القصيدة الطويلة الفها الاستاذ الفضل ،
وكان يسكن هو الاستاذ حسن محمد عثنان داخل حرم المدرسة في الغرفة المشرفة الطهورة وهي الان علي ما اذكر شاهدة علي العصر علي ما اظن ، واستاذ سمير ذلك العملاق الفاره واستاذ عوض كان يسكن في شمبات اخر السنة عمل لينا عزومة بمناسبة النجاح في بيته في شمبات وكان يدرسنا مادة الرياضيات ولا انسي الاستاذ مصطفي الرجل الرياضي العملاق ادبا واخلاقاوكان يدرسنا ايضا مادة الرياضيات ، ورغم العنف الشديد لكن كانت قلوبهم معنا ارادوا ان يصنعوا منا الطموح والمستقبل الباهر وهم يعلمون اننا ابناء فقراء ابناء طبقة كادحة الاباء ينتظرونا علي اعتاب الوجل لنشد الضراع .. ونواصل باذن الله ..

Post: #166
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 08:24 AM
Parent: #165

لصفحه 68

عز الدين الفحل

مدرسة المساكن الشعبية الابتدائية جنوب

رفقاء الطفولة واصدقاء الاتاري والبلي استيشن ونحن ننعم بمحراب المدرسة كالفراش في نشاط وهمة قرر الاساتذة الاجلاء ( الفضل وسمير ولفيف
من الاساتذة اجراء مبارة كورة قدم مع مدرسة ديوم بحري ، واسبوع كامل والمدرسة ليس لها حديث الا المباراة الفاصلة ، تم ارسال الايميلات
والمس كولات عبر الفضائيات لهذا الحدث وعملوا له تغطية اعلامية اكبر من فرقعة انفلونزا الخنازير ، الفريق كان بقيادة الاخ الفاضل
مبارك عوض وطارق عبدالحميد ، وجاء اليوم الموعود ونحن الكومبارس نصفق ونهلل خلف الستار ، اذكر ان الاخ مبارك عوض ابدع في تلك المبارة
وكانت النتيجة الفوز لمدرستنا ، وعقب المبارة الشيقة وبعد ان رجعنا الي المدرسة نشرب من الازيار المياه الباردة المغلفة بطبقات الطحالب كالهمبورجر اذا باستاذ حســـــن يضرب الجرس ويعلن ان الجميع يدخل الفصل لاداء امتحان مفاحئ ، والراجل ما كذب ملا السبورة بالاسئلة المستعصية علي الحاسوب والعقل الالكتروني الفطن والجميع يرتجف خوفا ورعبا من عاقبة الامور وسوط الخرطوش الاحمر معلق بالباب
، رضينا بقدرنا واندمجنا نفك طلاسم الامتحان حتي جمعت الاوراق وثاني يوم ومن الصباح كان الجميع علي موعد من الضرب المبرح القاسي وتحول
الفصل الي ماتم بالعويل والصراخ العالي والدموع تتساقط من كل العيون في الفصل ، والي الان لم اجد الاجابة للسؤال الحائر هل كانت المبارة لعبة سياسية قذرة ام فبركة من اللوبي الصهيوني ؟

Post: #167
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 08:33 AM
Parent: #166

الصفحه 68

عز الدين الفحل

مدرســة المســاكن الشعبيـــة الابتدائيــة جنــــوب

مما لا شــك فيــه ان الاســــاتذة الاجـــلاء حســن محمــد عثمــان والاستــاذ الفضــل كانا دينــو المدرســة اضــافة الــي الاستــاذ طــه ذلك الشخص الخلــوق المهذب المهندم ، كان من اميــز الاســاتذة يجيــد تدريس مادتي الرياضيــات والعربي وذو موهبــة فنيــة في عزف الالة السيكسفون الضخمــة ويحب تلاميذه بصورة مبالغة خاصة التفوقين منهم ويحســن الخــط علي السبـورة وكنت انا اشفق عليه وقميصــه اليانع البليل قد اتسخ بغبار الطبشيــر وهــو غيــر عـــابي بذلك وكنا نفرح نحن اطفـــال الاتـــاري ان يطلــب منا احــد الاســاتذة بقـــرع جــرس المدرســة الثقــيل الوزن علي بنيتنا الضعيـــفة الهزيـــلة بالتهـام الفطــائر اللبنانيــة واصــابع الشــوكلاتة وعصــير التـــوت وكل العصــائر السعــودية الصنــع واحيـــانا كنا نبعــث بالايمــلات عبـــر اجهزة اللابتـــوبات المحمـــولةالي البقالات المنتشــرة حــول حــرم المدرســة ليلبــي طلبتنا في خــفة الســاحر العجيــب ، ما اروع الخيــال الخصــب حيــن يقلــب الماضــي الحزيــن ببؤس الشقــاء ونــحن نجــر الاحــذيــة المصنــوعة من اطــارات الســيارات ( حــذاء تمـــوت تخــلـي )وتقــرحـت الاقــدام من قطــع الزجاج الملقاة علــي قــارعة الطــريق، وما كنــت اظــن ان امــد البصــر وامــواج الخــليج العربــي تتســابق كالجبــال وصوت ابن ابي مسعــود يرتل الذكـر الحكيـم ( وامراتــه قائمــة فضحــكت فبشــرناها باسحـق ومــن وراء اســحق يعقــوب * قالــت يا ويلتي ءالد وانا عجــوز و هــذا بعلــي شيخــا ان هــذا لشـئ عجــيب * قالوا اتعجبين مــن امــر الله رحمـت الله وبركاتــه عليــكم اهــل البيــت انــه حمــيد مجــيد) ، الامــر كلــه لله ...

Post: #168
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 08:40 AM
Parent: #167

الصفحه 69

صلاح عباس فقير

وذكرت أستاذ طه "طه عبد الرحمن"، الرجل المبدع، المخلص في أدائه!
وهو يؤدي الحصة، ويشرح كأنه يقوم بنوع من الصَّلاة والعبادة!
يتدرج في شرح الدرس، ويعمل على مشاركة أكبر قدر من التلاميذ في الإجابة!
حصصه رائعة، إضافة طبعاً إلى مظهره الجميل!
وهو طبعاً كان رياضي، وأظنه كان يلعب في فريق التعاون/ شمبات!
وكنت التقيت به في اليمن، التي ذهب إليها مدرساً، يعني تقريباً عام 1995م،
وما شاء الله كان في تمام الصحة والعافية، كأنه هو هو، لم يتغير كثيراً في مظهره!
أسأل الله أن يجزيه وجميع مدرسينا الأفاضل خير الجزاء، على ما بذلوا من جهد وتفان!
======================================

Post: #169
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 08:57 AM
Parent: #168

الصفحه 69

مريم عبد الله

الحقيقة يا اخواني على زمنا ما كان في مدارس خاصة قريت الروضه في الحديقة الكانت مواجهه للمركز الصحي وكانت مدرساتنا الست جيلا وهي من اسرة ناس التني الساكنين في شارع المعونه في مواجهه بيوت ناس الكردفاني وتاني كان في ست منى وكانت مديرة الروضه وهي اخت الاستاذة عشه موسي زوجت الراحل الشاعر الدكتور محمد عبد الحي وكمان كان في ماما احسان ودجي من بنات الشعبية ام ناس معصب وبلقيس واميمه احمد البشير ساكنين في شارع الحديقة
ونانا مدينه للاستاذة مني موسى لانها اتوسطت لي عشان ادجخلوني المدرسة لانو وقتها كان الناس بتدخل من سبع سنوات وانا كنتا اربعة وشويه وهي الاتعهدت ادخل مستمعه فلها مني كل الشكر وتلقاه في ميزان حسناتها

ومن الطالبات الكانو معاي مشاعر عبد اللطيف اخت اخونا وليد عبد اللطيف وبلقيس احمد البشير بت ماما احسان وساميه على عبدالله وعواطف حسين واميمه بابكر وازهار السر ادم سابل والتومات مروة وسارة ادم الضو قريبي وام عشي حفيدة حجة الساتر كنا كل يوم الصباح نمشي انا ومشاعر وام عشي وساميه على وتيجنا ازهار السر وكانت من سكان الهجرة . وكل يوم زول من ناس الحلة البنلقاهم كان بيقطعنا الشارع بتاع الشعبيه بتاع المواصلات وكنا بنغشى ناس اميمه بابكر وبلقيس احمد ونجي الروضه باذكر في الروضه كاناو بيدونا وجبه الفطور وعصير لغايت الان طعموا باتزكو وفي مرة ادونا صلصال قالوا لينا اعلملوا بيهو اشكال وكان شي غريب علينا لاننا كنا متعودين على الطين وكل يوم خميس كان بيدونا برغل ولين مجفف بيصرفوه لينا في ورة باتذكر ادونا زيت وكان تقيل ودافقناهو في مرايل الروضه واخدنا علقه محترمه ما باعرف علقونا عشان المرايل اتوسخت ولا عشان الزيت انكشح


في اول يوم لي في المدرسة كانت خالتي عشة زوجت عمي عبد اللطيف سعيد حاضرة لاننا دخلنا المدرسة انا ومشاعر وما بانسا ليها انها كانت بتزغرت لينا لغايت ما دخلنا باب مدرسة الشعبيه 3 للبنات المواجهة لبيت المرحوم نور الدين وكانت الناظرة وقتها ست لطفيه وهي من ناس ام درمان قصيرة القامه وشعرها دايما كعكه وهي قبطيه وكانت بتحلف بالرسول وبالنبي ومن معلماتنا عمتي الاستاذه عديلة محمد السيد الله يطول في عمرها قبل ما ينقلوها الشعبيه 4 وبعدها نقلوها مدرسة الاولاد لغايت ما نزلت المعاش وكانت مدرستنا في سنه اولى ابتدائي لكل المواد وبرضو اتذكر ست حواء زوجت عم شريف ام شهاب وحمادة وكانت تسكن في نفس شارعنا في البيت البعد ناس عمي المرحوم ابراهيم مالك وكانوا بيتقاسموا البيت مع ناس عمي عبد الكريم الدنقلاوي ابو ناس محمد ود الليفه واخوانه ناس عمر وهشام واخواتهم نوال ومنال والمرحومة هنو وايضا الاستاذة ام سلمه قسم السيد من شارع النيم ابنه المرحومة بت الفاضل

من المدرسات برضو ست ناديه ودي من سكان بيت المال وست امنه وكانت في خالتي ام الحسين الفراشه وولدها حمادة ومن الخالات الفطارات خالتي المرحومة امنه بت ام درمان زوجت المرحوم العم عثمان الشيخ ام ناس طلب وعبد العظيم وكان في خالتي الجميل وكانت ساكنه في شاره ناس ريم واديبة اخوات ناس عصام ووليد في شارع المدرسة لقدام قريب من الشارع البيفصل الشعبيه من الهجرة

من زميلاتي في المدرسة كل الكانو معاي في الروضه ذيادة عليهم نوسه معيطيب وسحر عبد الرحيم واالدكتورة امل على عبد النعيم والدكتورة سلافة محمود الفضلي وعفراء هاشم بت المعلمه بقارة ومشاعر ابراهيم بت اخت ناس عادل النقر وهدي صلاح الدين وهدي بت خالتي المرحومة عواطف الحمراء ومروة بت اخت ناس الاستاذ محمود سرور ومودة بت اخت ناس عادل سكرة قربين من بيت المرحوم بد الدين ديكا وبرضو دريه حسن بت اخت المرحومة حنان كودس وربيعة بت خالتي علوية شعبان وانتصار حسن حسين وبت اهلها مواهب عثمان ونعمات ميرغني وفاطمة الدنقلاوية بيتهم قصاد ناس عمكم رحال في شلرعنا لي قداموفريدة واختها بنات ناس السماكيه وسهير ميرغني وليلى على وناهد نور الدين وامل حسن الاستاذة زكيه سيد جعفر ورحاب ابراهيم مالك ومن بنات شمبات نازك عبد الرحمن ونهلة الماحي سليمان ورمن الشعبية ايضا رحاب مرسال

المهم كل يوم لما نرجع من المدرسة بنلقا خالتي عشة منتظرانا لانو المرحومة رحاب كانت اصغر ننا وكانت بتحب لما تشوف مشاعر اختها تاخد منها الشنطة

التنافس شديد في المدرسة كان بيننا وبين مدرسة الشعبيه بنات 4 بالرغم من اننا من نفس الحله لكن كان ممنوع علينا الاختلاط بيهم بالذات في سنه سادسه

ولما امتحنا للشهاده ودونا كلنا مدرسه عشمانا امتحنا فيها وباتذكر ست اخلاص باقرين كانت بتجي تطمئن على البنات وكانت بتساعدنا كمان بالرغم من اننا كان من الشعبيه 3

على ذكر خالاتي المرحومة امنه بت ام درمان والحجة الجميل كان عليهم الاتنين سلطه اسود رهيبة وخالتي امنه الله يرحمها كانت بتعملها سلطه اسود مشويه وخالتي الجميل بتعمل كمان العيش بالزيت والسكر ما بتصدقوا لغايت الان لما احس بالحنين للشعبيه اول شي باقوم اعملها السلطه المشويه والعيش الكنا بنقول ليهو الباسطه

وخلصنا الابتدائي وباتذكر من اخواتي بنات الحله بدويه عثمان بت خالتي المرحومة امنه وفي طالبه اسمها نهي من بتنات الهجرة وبرضو دكتورة ريم سليمان ونور المدينة ومهام السر وناس هويدا واخواتها اقرباء حسين هبري الكانوا ساكينين في الهجرة في بيت ناس التلب جنب بيت ناس السر ادم سابل وفي كمان وسلمي التلب وديل سافروا قبل ما نتم الابتدائي مشواالصين وكنا في الاجازة بنمشي بيت ناي هبري ديل لتحفيظ القران كان عندهم في الجنينه شيوخ بيحفظونا القران ونعرج بالتاكيد على ساقيه سابل او ما يعرف الان بحي الجامعة حي ناس وليد عبد اللطيف الجديد وكان في جنينه كبيرة وفيها اشجار بلح ومنقا بالرغم من انو ازهار دي جنينه ابوها واعمامها الا اننا كنا بنحب ناخد من البلح ونجري وكان في واحد من الهجرة بيقولو ليه محمود التر لو بتتذكروه كان بيسكنا لما نجي من الشعبيه للهجرة

Post: #170
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:01 AM
Parent: #169

الصفحه 70

عبد الكريم امين ( ابو محمد فؤاد )

تحضرنى بهذه المناسبه أن أحد الزملاء بالاميريه "2" عند تقديم طلبات الدخول الى الثانوى العالى فى زمن الناظر حسن الرشيد "السحار" كتب فى الطلب الرغبه الاولى (تعليم نسوى) والمقصود به طبعاً مدرسة الدايات بالشعبيه ,,
** فما كان من الناظر حسن الرشيد إلا أن حضر الينا فى الفصل وبطريقته التى يعرفها من درسهم :-
## يا (أ) ياسجم وقت داير تعليم نسوى ماتمشى لخالتك فاطمه محمد الحسن وتشيل ليها الشنطه بدل تخسر ابو ك ورقه خضرا (فئة الخمسن قرش) فى ذلك الزمان - فقام زميلنا بتعديل الرغبات وشطب كلمة تعليم نسوى.

Post: #171
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:11 AM
Parent: #170

الصفحه 70

مريم عبد الله

الشعبيه ايام الامتحانات
طبعا يا اخوان الشعبية من اكتر المناطق المشهورة باولادها وبناتها المتميزين اكاديما وعيني باردة على الكل باتذكر انه في ايام الامتحانات كان الكل بيراجع مع بعض باتذكر ابي المرحوم عبد الله السيد كان بيلخص لينا المقرر وبنقرا مع بعض ولما تجي ايام الامتحانات بنلقا روحنا كل الناس الفي نفس الفصل بنشرح لي بعض وبنسمع لي بعض وخالاتنا ما بيقصرن معانا في الزلابيه والشاي باللبن وكنا بنزاكر لغايت بعد اذان العشا وننوم ويصحونا بدري عشان نقوم نراجع وكتير بيستحضرني منظر امهاتنا جاريات ورانا بالشاي وبيوصونا اننا نخت بالنا في السؤال وما نتسرع ولما نمشي المدرسة بنكون بنراجع مع بعض في الشارع وفي حوش المدرسة واستمرت العادة دي معانا لغايت ما خلصنا الجامعه كنا بنذاكر مع بعض واتذكر الكتيرين من الطلاب في الشعبيه كنا بنمشي معهد شمبات الزراعة نذاكر فيه وكانت فيه مكتبه وملا نرجع من الامتحان كاونوا اهلنا بيسالونا ولد ناس فلان امتحن كيف وا بت فلان ان شا ءالله تكون امتحنت كويس وعادي منظر الناس بتبيت مع بعض ايام الامتحانات عشان يصحوا يراجعوا بدري اتذكر اخواتي ناس حنان وهويدا كانوا بيذاكروا مع بيت ناس معيطيب ناس ايمان وهاجر معيطيب ومع اميرة عبد الله وكان ناس مولانا كنه بيذاكروا معاهم وناس المحامي شهاب محمد ادريس برضو كلهم بيمشوا كليه الزراعة يذاكروا فيها

وكان محرم علينا التلفزيون ايام الامتحانات ولما يدونا ا لدرجات كنا بنكون عارفين درجات كل زول فينا ولما تطلع النتائج بيجوا امهاتنا من الحي وبيحضروا توزيع النتائج وهاك يا زغاريت بتلقا انو ما بس امي البتزعرت لي لكن كل الامهات والخالات الكل بيفرح ليك وبتكون حديث الحله لايام

بالمناسبة في الشعبية كان وما يزال الطلبه متوفقين اتذكر لما بنكون في مدرسة او جامعه بندرس كانوا بيشلوا همنا الطلاب الما من الشعبيه لانو طلاب الشعبيه معروفين بيكونا جارين الدفعة وراهم وفي الكثيرين من ابناء الشعبيه الاصبحوا اعلام في مجالهم ورفعوا راس اهلهم وراسنا في الشعبيه اللهم ادم علينا نعمه التفوق والى الامام يا ناس الشعبيه

Post: #172
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:15 AM
Parent: #171

الصفحه 70

مريم عبد الله

الاستاذ محمد الحسن حسن صالح

يسكن في البيت المواجه لمنزل الفنان الاستاذ هشام درماس هو معلم فاضل ساهم في نبوغ العديد من ابناء الحي

كان يدرس الرياضيات بصورة جميلة حببت لنا علم الرياضيات من منا لا يذكر له نظريته التي يقول لنا فيها نودي البنات حوش البنات والاولاد حوش الاود عند شرحه للمعادلات وكانت طريقته تساعدنا على حل المسائل كان درس محمد الحسن من احلى الدروس وكنا نذهب في باديات الامر اليه في العصر كان في المدرسة القريبة من سوق سعد قشرة وبعدها انتقل الى مدرسة المزاد كان ياتيه الطلبه من كل انحاء بحري وكانت تدرس المواد مثل الانقليزي وكان يدرسها استاذ حسن لا اذكر اسم والده سامحوني ولكنه كان يسكن بالقرب من بيت ناس خالتي فريدة ام ناس سيسه في شارع ناس الحجة ست البنات قوقو

وكانت تدرس العلوم والاحياء والمواد العلمية وكان محمد الحسن احيانا يشرخ مقرر التاريخ بصورة سلسلة وباسلوب فيه شي من الطرافه الامر الذي يشجع كل الطلاب على الاستذكار وكان ياخذ من ابناء الحي اسعار رمزية وكان يعفو عن الكثيرين ولا يطالب باجرة الدروس من ابناء الحي واتذكر عربيته البيضاء وصوت البوري المميز وابتسامته التي لا تفارقه كم منا عندما تظهر نتيجه الامتحان لم يمر على بيت الاستاذ محمد الحسن ونبشره بالنجاح اولا لانه من صناع النجاح في حلتنا

Post: #173
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:21 AM
Parent: #172

الصفحه 70

مريم عبد الله

الاخ الكريم الفاضل يسن عثمان اهلا بيك وما قصرتا اخوي بالفعل قرت معانا الاخت فوزيه محمد شاطر في الابتدائي وهم بنات قمه في الادب والتهذيب وكل بيت ناس محمد شاطر ما بتخيروا عليك وكاما ن درست معانا الاخت سهام متوكل اخت ناس نزار متوكل والاخت منال ابراهيم وديل بيتهم ملاصق لي ناس نزار متوكل وفاتح في شارع مواصلات الشعبيه جنب بيت ناس سامبو واخوانه وبرضو الاخت رحاب عزمي والاخت هناء وديل ساكين في حله ناس عريبي في شارع المواصلات زاتو

ومن الدفع البعدينا الاخوات نهي الامين اخت ناس عاطف الامين واختها المرحومة ما جدولين واختتم الصغيرة فاطمة الامين دي دفعت بت اختي هدى بشير وقرت معاي عبير على بت المرحومة ست البنات قوقو ا م ناس انعام وسعاد والمرحومة احسان وبرضو الاخت نفيسه وبيقولوا ليها سيسه ومنى بنت جيرانهم بت ناس خالتك صفيه جيران ناس قوقو بالحيطه اخت ناس بسمه

Post: #174
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:43 AM
Parent: #173

الصفحه 70

مريم عبد الله

خلاص الامتحانات قربت ولجنه وارقام جلوس وهيصه وتلقانا بنحفظ في رقم الجلوس اكتر من حفظنا للمحفوظات المهم ودنا كلنا مدرسه عشمانه احنا وناس مدرسه الشعبيه 4

وبنات عشمانه كانوا زي من طينه تانيه معظمهم
النعمة ظاهرة عليهم واحنا يا كافي البلا كبيرنا معاه سندويتش فول وشايفين ليك بنات مدرسه عشمانه معظمهم بيجيبوهم بي عربات وبيشتروا الحاجه الباردة زي الما حاصل شي وبيعزموا بعض والحق يقال اهلنا ايام الامتحانات بيوفروا لينا حق حاجة باردة مرة واحدة بس وبقينا عشان نبين اننا ما اقل نمشي نشتري حاجه بادة على دفعات ونشرب مع بعض وكان من طالبات مدرسه عشمانه بنات مشاهير زي نعمه الكابلي وعبير مكي سناده ورشا محجوب ودي ساكنه جنب اشواق الكابلي وعزة عبد ه جارتهم وعزة زروق ورحاب صلاح مطر والتومات نهي ونهله بنات خوجلي صالحين وهيام شوقي ورنا صالح مطر نسابت اخونا ربيع احمد ابراهيم اخو ناس الاستاذ المحامي مجي ابراهيم واحمد ابراهيم الساكين قريب من بيت الكابلي وهبه احمد ابراهيم ونهله عبد المنعم المغنيه في عقد الجلاد ودي كانت جنها تغني لمايكل جاكسون ونحنا ناس قريحتي راحت ما فاهمين انها بتغني بالانقليزي طبعا احنا جاين كداري من الشعبيه وبالنسبه لينا دي موسم الهجرة الى عشمانه عباره
عن اجهاد نفسي اكتر منه بدني لاننا شافين البنات وكل واحدة زمزيه في يدها واحنا ناس ازيار



المهم دخلتنا المدرسه وحاسين بالغربه واول مرة يدخلونا بي البطاقات طبعا ما ادونا البطاقات في يدنا لانو ست ام سلمه قسم السيد في شارع النيم كانت معاها البطاقات عشان ما نروحها قلنا يا رحمن واتوكلنا على الله وبدت الامتحانات 5 يوم في عين الما بيصلي على النبي والظريف كل ناس مدرسه لما بيراجعوا ماكانوا ما بيسموحوا للناس المن المدرسة التانيه يسمعوهم لما اشوف فليم اجني وكيف ان الفرقه بيتلموا عشان قبل المبارة الكوتش يقول ليهم اخر التعليمات باتذكر امتحانات اللجنة بتاعت سنه سادسه



وبنات مدرسه عشمانه لو مشينا في الحوش بيقولوا لينا دي مدرساتنا المهم اتفقنا اخر يوم نتشاكل معاهم وفعلا اتكشحنا بالتراب معاهم والغريبه اول مرة نحنا وبنات الشعبيه 4 نتحد وجينا من هناك شعرنا كلو تراب والشرابات من ابيض قلبت لي بيج والشدد مقطعه ما من الشكله لا لانها استحملت معانا من سنه خامسه



لما كان بنرجع بيوتنا من الامتحانات كان في كميه من الدلع والكستر ما عارفه ليه كان مربوط مقدار محبت الاهل بالكستر امكن عشان كنا بناكلو لما بنكون عيانين واهلنا
حولينا المهم والتغذيه متوصين بينا ايام الامتحانات ما قصروا اهلنا معانا



لما طلعت النتيجه كان يوم عجيب باشوف ناس جابوا اقل مني والناس فرحانين ليهم وانا المدرسات جنس شكله معاي التقول عملتا لي شي عجيب لاني ما زاعوني في العشرة الاوائل وخيبتا امل مدرساتي لاني جبتا 241 بس كنت فرحانه اني ح بقيت كبيرة وح البس البني وفي نفس الوقت كنتا زعلانه لانو كل الناس بتعاتب فيني الوحيد الفرحني كان عمنا الزبير التوم طيب الله ثراه اشترى لي كسين حلاوة ووزعتهم على الناس واختنا وجارتنا ست ليلى ساتي ادتني كتاب ريدار ولما رجعتا شارعنا لقيت خالتي الساتر وخالتي فاطمه وخاتي الشول واقفات مع امي الكانت بتبكي لاني مرقتا من العشرة الاوائل ولما شافوني بقوا يزغرتوا لي وبيني وبينكم انا فرحتا ومن يومها باحب الزغاريت وامي امام الهجمة الزغروتيه من خالاتي قالت لي تعالي يا بت الكلب وبقت تزغرت ودموعها تجري

Post: #175
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:49 AM
Parent: #174

الصفحه 70

عز الدين الفحل

مدرسة الشعبية الابتدائية جنوب

في يوم من ايام الشتاء القارص في السودان والايدي المباركة الطهورة مشققةالجوانب وعليها خرائط من اللون الدكن الاسودوالكريمات اللعينة الحمقي بعيدة المنال، كان درس العصر اجباري للجميع ونحن بين مد مصاريفهالباهظة علي الاباء وعناد الزمن والحاح المدرسين في تحصيل الرسوم ، في غمرة تلك الثواني كان الفصل ( ب) يعج بالاصوات والضحكات العالية و رغم خوفنا من كابة العقاب المر الشديد ، شحذت همتي ووقفت خارج الفصل انادي ببراءة الطفولةاستاذ سمير واستاذ جورج وكانا اصدقاء انذاك بمل فمي صرخت من علي البعد ( يا استاذ سمير ، يا استاذ جورج تعالوا الفصل مهرجل ) اخذت اكرر الصراخ ولاحياة لمن تنادي وفجاة ظهر استاذ جورج ووجدي امام الباب سالني من الذي كان ينادي علي ، قلت له انا فماكان منه الا ان ضربني كف عنيف علي خدي المغتسل بماء زمزم، وهذه عادة الاساتذة بالعقاب العنيف الذي لا يرحم، ثم دخل استاذ جورج الفصل وطلب من الجميع الانصراف ، رجعنا الي البيوت وذلك الكف الظالم وقد ظهرت اصابعه علي خدي بغبار الطبشير الملون، من ذلك اليوم وصورة الاستاذ جورج لا تفارق مخيلتي ، وها هو الدهر بين كر وفر وقدماي تقودني الي الخليج العربي وعلي شاطئة الميمون وبخار الاقدار يقودني يوما الي ادارة الجمارك في ابوظبي عند شارع الميناء، كنت ابحث عن موضوع ما، سالتهم عن اي سوداني قالوا لي هناك علي الطاولة، وفجاءة وامام اعين الانبهار اجد نفسي وجها لوجه اماما الاستاذ جورج لم يتغير قيد انملة، سالته بفراستي المعهوده انت الاستاذ جورج ، وبلهجة السودانيين وهو ابيض اللون قال نعم وكيف عرفتني، قلت له انت كنت تعمل في مدرسة المساكن الشعبية الابتدائية جنوب ، قال والدهشة تعلوه، وخلال دقائق عرفته بنفسي وحكيت له ذلك الكف اللعين الظالم، فضحك كثيرا كثيرا كاد ان يسقط علي الارض ، ثم سالني وانت وين شغال ، قلت له شغال مهندس في دائرة الماء والكهرباء في شارع الجوازات هنا في ابوظبي، فما كان منه الا ان اخذني الي زملائه بكل فخر قائلا ( يا جماعة انا كنت يوما ما بدرس هذا الفتي في الابتدائي والحمدلله يشغل وظيفة مرموقة هنا في ابوظبي ، ما شاء الله الكتـــــــــــوف اتلاحقـــــت ) ، ثم دارت رحي الذكريات وسالني اولا عن الاساتذه سمير وطه وحسن والفضل قلت من من الطلبه تذكرهم ؟ قال ( اتذكر من الطلبة الشطار والمشاغبين فقط . مثل الطالب منير واحمد علي خالد. وخالد حسن. ثم طالب لا اذكره كان يصطاد الغربان والحدي من علي اسوار المدرسة ). وجلست مع استاذي جورج وطلب مني ان اعف عن ذلك الكـــــف قلت له والذكر الحكيم في سورة يوسف يتلي بصوت امام البيت العتيق في الحرم المكي الشريف ( قال تثريب عليكم اليوم يغفر الله لكم وهو ارحم الراحمين)..

Post: #176
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 10:12 AM
Parent: #175

الصفحه 71

عز الدين الفحل

مدرســـة المســـاكن الشعبية الابتدائية جنــوب



تقع عروسنا ( مدرسة المساكن الشعبية الابتدائية ) الملفحة باعتق العطور علي ذراع شــارع المعونة وعلي احضـــان شــــــارع المدارس العتيق ، ذلك الشارع البكر البتول المزدحم من بداية طفــــولته اليانعـــة واصوات السيارات والباصــات تهرول فرحـــة بركب المستقبل الباهـــر لابناء الفقراء الكادحون والحذاء المصنوع من اطارات السيارات المضروبة ( حذاء تمـــوت تخلي ) يقدح ذلك الشارع الغض والبنات والاولاد مجئيا وذهابا،
كان شارع المدارس انذاك والحفر العميقة كالجراح الغائرة في الجسد البرئ يشكو معنا قسوة الدهر بين مطباته الوعرة كالفراش الحائر بين ميت الزهر
احببنا ذلك الشارع كحبنا للايس كريم ، كنا نحكي فيه ما يدور بين محراب المدرسة في خفة العاشق الولهان وبراءة الطفولة واحلامنا الهشة المتواضعة
وشنط القماش الابيض كبياض قلوب ابائنا الميامين والسنتهم تلهج بالدعاء ان يرفع الله الغم والهم من انياب القدر ..







مدرســـة المســـاكن الشعبية الابتدائية جنوب


الاســـــــاتذة الاجــــلاء الذين مروا علـــي المدرســـة وهــــم :-

1 - الاستاذ ابوديـــة .
2 - الاستاذ محمد عثمان .
4 - الاستاذ حســــن محمد عثمان
5 - الاستاذ الفضل ( عليه رحمة الله )
6 - الستاذ ســــعد .
7 - الاستاذ جـــــــورج .
8 - الاستاذ سمير .



ارجوا التذكير اذا نسيت ..

Post: #177
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 10:16 AM
Parent: #176

الصفحه 71

مريم عبد الله

في المدرسه كانت الدراسه من يوم السبت لغايت يوم الخميس ومن يوم السبت تبدا كل ام فصل تستعد الناس ح تقدم شنو في الجمعيه الادبيه يوم الخميس من كل اسبوع

وعادة يوم الخميس الحصص ما بتكون كتيرة يعني كلها الحصتين الاوائل بعدين الفسحة وبعدين حصه واحدة وتبدا الجمعيه الادبيه

خلال الاسبوع بعد الدراسه بنتجمع ناس الجمعية الادبيه وكان في تقليد كل ناس كنبه يقشوا الفصل لمدة اسبوع فلو صادف انو ناس كنبتك عليهم قش الفصل وغالبا ما بتكون معفي لانك مشترك في الجمعيه الادبيه وعندك تدريب بعد الحصص - يعني انتا فنان وبتفن ما ممكن تتغبر وتكنس التراب وترجع الكنب وتمسح السبورة -
او يكون عليك ملي الازيار ونضافتهم طوالى تقول انا في الجمعيه الادبيه اذا بلا شك انت معفي


بنتجمع ونبدا في التدريب للمسرحيات او الاغاني انا كنتا في فريق التمثيل واستمرت الهوايه دي معاي حتى لما دخلتا الجامعه المهم يا اخوان بنقعد ونعمل التاليف ونتدرب الادوار ما كنت بتكون في نص مكتوب كل زول يرتجل لكن القصه بس بتكون فيها بدايه ونهايه يعني مثلا في مرة اقترحنا نعمل مسرحيه عن الاولاد البيشاغلوا البنات وكان في بنات لازم يقوموا بدور اولاد يعني يلبسوا جلاليب وكدا والباقين بيتقسموا على دور الام والبنات وكان لازم في كل مسرحيه اساسي نخت لينا دور حبوبه و جد حتى لو الدور ما ماشي معاهم وجودهم مهم ودور عبيط دا اساسي اظن التاثير بي الافلام والثقافة الكانت سائدة وكتها كان بيشجع



المهم بنتحضر وكل يوم نعمل البروفه ونتشاكل ونتصالح وكان معانا في فريق التمثيل الاخوات سمحيه ساتي كانوا ساكنين في شارع النيم قصاد بيت ناس عمنا موسي محمد واختها سلمى وعندها اخو اسمه محمد وامهم اسمها ساميه طبعا كنا وقتها مستغربين كيف خالتي ساميه دي كدا لانو اسمها بتاع ناس صغار لانو معظم اسماء امهاتنا كانت اسماء ناس كبار لدرجة مرة سميحه اشتكت الفصل كلو للناظرة لانها سمعت من بت انو الفصل كلو بيقول انو ام سميحه ما اسمها ساميه لكن هي بتكذب وبقا الجميع لما يشوفها يقولوا ليها-- الكزاب ما بريدو السكينه تقطع ايدو -- ومرة زفزها لغايت بيتهم تخيلوا منظر اكتر من 40 حلقوم بيكوركوا وزافين ليهم بت صغيرونه في سنه تالته وهي بتجري والجيش العرمرم دا وراها المهم نجدها عمنا محمد صالح الله يرحمو ونهر البنات لغايت ما خالتي ساميه جاتنا في الفصل وقالت للجميع انو اسمها ساميه



ومعانا برضو في فريق التمثيل اخلاص على وديل ساكنين في حله ناس حجة زينب عطا وبرضو ايمان بت علويه بت زينب عطا ومها صالح ودي بت جيرانهم برضو اخوها كان اسمو علاء اظنهم بعد داك رحلوا من الشعبيه وعندها اختها اصغر مننا كتير كان اسمها فاديه وكانت معانا نعيمه عوض ساكنه في حله ناس المرحوم محجوب عبد الحفيظ ومواهب عبد الكريم ذيادة الله يرحم عمنا عبد الكريم ذيادة وبت اختها كمان كانت بتدرس معانا و رحاب عزمي خليل في شارع المواصلات وهنادي حسن ابراهيم بت اخو عبد الفتاح الكان عندو البقاله في السوق اخت صلاح وهاني وهناء امهم كان اسمها بت وهب ومعانا في المسرحيات محاسن بت الخاله الزهو بت ابو ناس البعيو بجوار ناس عمنا المرحوم على المدير


المهم نعمل المسرحيه ويوم الخميس من الصباح نجيب معانا اللبس توب من والدتك جلابيه وطاقية والعمة بتكون طرحه واحدة مننا وبنطلون وقميص من اخونا و وسبحه من احد الاعمام وسفنجة من البيت وهبابه ودي كانت من الاكسوارات المهمه لازم واحدة مننا تكوب بتهبب ليها في كانون ليه الله اعلم وكم كبايه شاي فاضين وغالبا البتكون جايباهم اعصابها بتكون بايظه لانو لو وقعوا واتكسروا اكيد ح تقضي ويك اند اسود ولازم يكون في سيرة الطبيخ او العواسه ولازم يكون في زول في المسرحيه بيطلب مويه ونجيب معانا كوز مويه ديل الاشياء الثابته
اتهيا لي مجتمع الشعبيه والبيئه الكنا عاشين فيها اثرت علينا وعلى نوع الفنون او على المفاهيم الكانت عندنا لاننا كنا بنتكلم بنفس طريقه كلام اهلنا وانا كنتا دايما يا دور الحبوبه او دور المصريه وباحاكي كلام امي في الدور - كنتا عايشه دور انو عادل امام خالي -


ودايما بنجيب معانا سكن من الصاج عشان نعمل بيه الدقن والشنب والشلوخ وكانت مها صالح تلعب دور الشافعه الصغيرة لانها كانت صغيرة الحجم ولما جاتنا ريم سليمان في سنه رابعه وواصلت معانا بقت تقوم بدور الولد الصغير لانها برضو كانت قليله الحجم

ويضرب الجرس والمدرسه كلها تتجمع وكان في بعض من الاهلي البيكون عندهم في مساحة من الوقت فاضيه بيجوا بيكون معاهم اولادهم الصغار ولما يضرب الجرس نحنا المشتركين بنكون في فصل سنه تالته بيفضوه لينا عشان نلبس فيه اللبس الخاص بالمسرحية وما مسموح لي المشتركين في الجمعيه انو نعمل اي دوشه يعني نكون ساكتين وننتبه متين بيجي دورك او لو انتا ح تتكرم بتكون منتبه تتكرم وتجي تعمل مكياج الدور وهو شن المكياج ماياهو السكن والشلوخ


وكل المدرسه تطلع الكنب في الحوش الجنب الباب الخلفي للمدرسه ويقعد الجمهور وبيدا البرنامج بالقران الكريم وكانت بتتلوه دائما سلمى سعيد التلب ودي من بنات حي الهجرة كانت متدينه ومن اسره متدينه لانها كانت محجبه من سنه اولى ابتدائي وكان صوتها جميل ومؤثر في التلاوه وكانت حافظة اجزاء كثيرة برضو كانت متوفقه جدا ماشا الله عليها


ونبدا الجمعيه بفقرة الاخبار وكانت عبارة عن عنواين واخبار المجلات الحائطيه البيعمولها الطالبات كان كل فصل بيطلع مجله وكانت في مجلة الجغرافيا ومجلة العلوم وفي مجله النكات والطرائف وجله الشعر والامثال ودي بيشترك فيها الطالبات من الصف الرابع الى السادس وفي الفقرة دي بتم الاعلان عن اسم المجله الفائزة والهديه بتكون فرخ كبير من الورق الملون عشان يعملوا فيه المجله القادمه وبنصفق للفازات وبيطلعوا فوق المسرح يستلموا الجائزة



بتتشترك في تقديم الجائزة مع شهنده مبارك بت اسمها ناريمان عمر كمير فجاة في سنه خامسه في نص السنه رحلوا الحاج يوسف وكانت بتجي من هناك للمدرسه وكل يوم بتجي متاخرة وبيجي معاها اخوها واسمو كمير وبيقرا في مدرسه الاولاد المهم ناريمان دي في عيوننا كانت بطله لانها بتجي من الحاج يوسف وتحكي لينا في الفسحة عن موقف الباصات الفي بحري وكيف انهم بيمروا بي الجريف شرق وكيف انو الحاج يوسف دي بعيدة والغربيه كنا بنسالها لو في طماطم في حلتهم او لو في فرن للرغيف وكنا بنسالها المسلسل بيجي عندهم ولا لا لانو معظمنا ما مرق من حدود الحله ابعد حته بنمشها هي سوق الخضار في بحري

وكنا بنساعدها ننقل معاها المطالعة لانها ما بيكون عندها وقت لما ترجع البيت او بنحل معاها الحساب وتنقلو وكان كل يوم تجي متاخرة عشان بيتهم بعيد وبقت ناريمان معفيه من اي شكله مافي زول بيشاكل معاها لانها بيتحتاج الى فيزا لدخول الشعبيه لاعتبار انو الحاج يوسف في ذلك الزمان زي التمشي ليك بلد تانيه واتذكر مرة قروش المواصلات بتاعتها راحت وبقت تبكي واول مرة اشوف اننا كلنا ختينا كل القروش الكانت معانا وما كان مبلغ كبير ولما ناريمان رجعت لينا المبلغ تاني يوم بقينا نختو ما بنصرفو لاننا كانا خايفين قروش المواصلات تروح مرة تانيه منها والصباح كنا لما نشرب الشاي بنحس بي حسرة لانو ناريمان واخوها بيقوموا ما شاربين الشاي عشان ما يتاخرو وباتذكر خالتي ام الحسين فراشة المدرسه كانت بتدي ناريمان كبايه شاي بي حليب لانها بتكون ما شاربه الشاي لما امتحنا ناريمان كانت متوفوقه وجابت 209 بالرغم من انها بتضيع اكتر من 4 ساعات كل يوم في المواصلات التحيه لناريمان ولكل ناريمان في الدنيا


وتاني بيكون في نكات وبتقولها فدوى حسين ودي بت جيران ناس شهنده مبارك وكانت بتقوم بتقليد المدرسات والممثلين والمغنين وكانت بارعه في محاكة وتقليد خدر بشير وفي يوم كانت بتغني الله فوق زوزو يا حلات زوزو وانفعلت لانو كل المدرسه كانت بتردد معاها الاغنيه وكانت احلا فقرة كلنا كنا بنستناها وفجاة وجات واقعه من المسرح بس ربنا ستر عليها ولما قامت كان عندها حس فكاهة بقت تهز راسها وتقول الله يخرب بيت زوزو يا شنات زوزو وخلت كل المدرسه تشيل معاها



وفي الفقرة العلميه وبتقدمها سوسن محمد عثمان بيتهم في السهله الوراء ناس عبد الكريم ذيادة تاني بقت تقدمها بالمناصفه مع رانيا بت الناظرة اسيا الساكنه جنبهم ولما رانيا وسسن يتشاكلوا لانو رانيا بت الناظرة بيحردوا تقديم الفقرة وبتقدمها بدل منهم خالدة التوم في خله ناس ست اخلاص باقرين واختها كانت اصغر مننا اسمها وجدان




بعدين يجي الطرب والاناشيد وبتكون على بنات الهجرة واجمل صوت كان لي مهام السر ومعاها خالتها منال وترافقهم نور المدينه ورندة سليمان ديل كلهم من ناس الهجرة

وبعديها بيكون اجمل موضوع انشاء اتكتب وبيخلوا الكتبو تطلع تقراه امام كل المدرسه والجائزة بتكون علبة الوان شمع او قلمين رصاص بيضاء وفيهم فراشات وا ورود
وفي القلم بتكون في استيكه او مسطرة وبرايه او استيكه وبرايه على حسب الحظ


وبيعرضوا اكتر كراس منظم في العرب في المطالعة بالذات للخط وائما كانت بتفوز ريم سليمان لانها كات مشهورة بالخط الجميل

وجائزتها دايما بتكون برضو الوان شمع او اقلام رصاص والاستيكه والمسطرة او الاستيكه والبرايه


ويجي دور الشعر والقائه وكانت بارعه فيه نهى محمد عثمان ومات كتيرة كانت بتقرا لينا اشعار بالانقليزي لانها كانت في بريطانيا مع والدها الكان مبعوث هناك وبتشارك في التقديم ميه عوض الابوها كان بيقدم برنامج مسابقات المدارس وبرضو اختها الاكبر منها لميس واختها الاكبر منها اروى وديل كلهم من حي الهجرة


بعدين نجي نحنا ناس التمثيل وطبعا كنا بترجل الكلام حسب الجو يعني لو ضحكوا في شي نكرره او لو واحدة مننا عملت حركه بوشها والناس انبسطتت خلاص تبقا عليها عشرة لغايت ما الناس تمشي تلقاها مقله في الحركه

من المدرسات الكانت بتحرص على انو يكون في جمعيه ادبيه ست اسيا واعذروني نسيت اسم والدها بس هي ساكنه في الشعبيه جنوب ودا تقصير مني وبتها كان اسمها داليا وكانت استاذه فاضله تحب النظام والدقه .وين ما تكون ربنا يطراها بالخير وهي كانت وكيله المدرسه لفترة طويله ومعاها ست ناديه مبارك


بعد ما تنتهي الجمعيه كل ناس فصل مطالين ان يرجعوا الكنب في مجلته ويطبقوا الاكليم الكان مفروش بيه المسرح وهو عباره عن 8 كنبات ملصقات مع بعض ولما وصلنا سنه سادسه بنوا لينا مسرح عبارة عن طوب فوق بعضه بالاسمنت يعني كان صبت طوب وفيه سلالم


بعد الجمعيه ما تنتهي كل زول يفرز هو جاب شنو والغريبه دايما بيكون في صوت واحدة تسح من البكا لانو في شي جابته يا كبايات اتكسرت او توب انشرط اها الاخت دي نقوم نقدمها لغايت بيتهم وذلك اضعف الايمان ودا كان كل الدعم البنقدر نقدمو ليها والغربيه مسيرة التشجيع دي بتفزع فيها تقريبا كل المدرسه وما بنكون بتكلم وفي الرجعة نتخابط بالشنط وكل ناس حله يمشوا حلتهم


الجمعيات الادبيه ساهمت في اعطائنا الشجاعة الادبيه وكتير ما ادتنا الفرصه للاشتراك في الدروة المدرسية وح اكلمكم مرة تانيه عن الدورة المدرسيه


اخواني واهلي في الشعبيه وين ما تكونوا الله يديكم العافيه

Post: #178
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 10:23 AM
Parent: #177

الصفحه 71

مريم عبد الله

الدورة المدرسيه كانت من النشاطات الجميلة التي تعكس الاهتمام بمواهب الطلاب واذكاء فكرة ان المدارس ليست فقط اماكن للحفظ والتحصيل الاكاديمي البحت

من الجمعيات الادبيه التي كانت تقام بانتظام كل خميس في مدرستنا وفي مدرسه الشعبيه 4 كان ياتي مشرفون من الوزارة يحضرون الجمعيات الادبيه ويقررون من خلال تقيمهم للمواهب اي الموضوعات التي كانت تصلح ان تقدم في الدورة المدرسيه

اتذكر لما وصلنا سنه خامسه في يوم جات ست اسيا وقالت لينا استعدو كويس لانو الخميس دا ح يجو موجهين من الوزارة يشوفوكم ويقيموا مواهبكم ولو في طالبه متمكنه ح ياخدوها في الدورة المدرسيه وفعلا جاء يوم الخميس وكان في منطقه جلوس المعلمات وجوه جديدة علينا وبدانا في التمثيل والطالبات كل منا ابدعت في مجالها

بعد الكلام دا بي اسبوعين جات ست اسيا وندهت بعض الاسماء وكان اسمي من ضمنها في التمثيل ومعاي شهندة مبارك وفدوي حسين وايمان عبد الماجد بت علويه بت زينب عطا وريم سليمان واميمه بابكر - معليش اسمها هي وبلقيس احمد البشير وازهار السر ادم سابل وواحدة من بنات الهجرة اسمها ساميه للامانه ما متزكرة اسم والدها ما كتبتهتم في بوست الجمعيات الادبيه - وقالت لينا لازم تعملوا ليكم مسرحيه جميلة لانو الموجهين ح يجو الاسبوع الجاي دا في مدرسه الشعبيه 4 ويختاروا اي الاعمال الممكن المشاركه بها في الدورة المدرسيه

بدانا التدريب وقعدت معانا ست ناديه مبارك وعملنا مسرحيه عن الظار واتذكر مشينا جبنا من خالتي حكمو الله يرحمها طيران الزار بتاعتها وحذرتنا لو في طار انشقا ناس اللوليه ح يشقوا راسنا وهي حا تتكفل انها تشق بطنا المهم اتدربنا تمام وما كنا بنرجع بدري بيوتنا لاننا بنقعد كل يوم بعد الحصص ندرب لغايت قريب الساعة تلاته بالضهر وست ناديه كانت مصرة لما نعمل البروفه نلبس اللبس المفروض نلبسه في يوم المسرحيه ونعمل الشلوخ والدقن لي خالدة التوم لانها كانت بتمثل دور الاب


واتفقت ست ناديه مبارك مع الحجة حكمو بشرط ناخد الطيران في نفس يوم المسرحيه ونرجعهم والا ما بس اللوليه ح تكسر راسنا كمان الخواجه ح يدودهن يعني بلغة اليومين ديل الراعي الرسمي لمسرحيه الريسبونسار كانت الحجة حكمو


وبرانا جبنا علب اللبن البودرة ماركت فورموست لو بتتذكروها كان لونها ظهري وفيها رسمت بقره ومليناها حصاص عشان نعمل بيها ايقاع الزار جبنا فريت دقيناهو وعملناهو زي الرحط وربطناهو في نص البنات الكانو بيمثلوا دور النسوان البيرقصوا الزار ودي كانت فكرة نور المدينه من بنات الهجرة واتذكر انو ايمان عبد الماجد جابت لينا مباخر وخالتي ام الحسين فراشة المدرسه جابت لينا النار من عم احمد الحلفاوي غفير مدرسه الشعبيه 4 من مرتو الطاهرة وكانت عندو بتو اسمها زينب المهم استعدينا وجينا ماشين من مدرستنا لي الشعبيه 4 واحنا لابسين اللبس وشايلين الطيران ودخلنا المدرسه بي زفه زار لغايت ما ست ست البنات عمر ناظرة مدرسه الشعبيعه 4 نهرتنا


وبدت المواهب من مدرسه الشعبيه 4 كانت في عبادة ما متزكرة اسم والدها لكن هي بت خالتنا فتحيه ساكنين جنب ناس خالتنا الله يرحمها سيدة عطا في شارع ناس هشام درماس المهم دي كان صوتها مبالغه فيه بتغني غنا رهيب وغنت يومها ناس محبتنا ما بنريد غيرهم رحلوا خلونا يا حليهم واللجنه طلبوا منها تغني تاني لانو صوتها بصراحه اكتر من رائع


ومن مدرسه الاولاد قدموا غناء جماعي وكانوا بيغنوا لي الكحلاوي قالوا قالوا على شقي ومجنون واغنيه صحيح القسمه ما معرفة لي وليكي كانت خافيه يويم سعدك مع غيري تملا شبابك العافيه وكان المغني الصولو للفرقه محمد عبد الرحيم الحوري من حلتنا وغنا مجموعه من اغنيات خاله عبد الرحيم فنان الباوقة منها جننتنا بالعيون جننتنا سيدة وبرضو صوته كان روعه وكان معاه ضمن الكورس احمد اخوه وقله ود ناس خالتي فطوم ومحمد الكابوي ود حيدر ود زينب عطا وكمون ود الخاله الزهو


وجاء دورنا وبدينا نمثل و لما جات الحته الح ندق فيها الظار كان مشهد بيستحق اتصور بالفيديو لانو البخور بتاع التيمان والطيران ودلوكه ودي جابتها لينا دريه حسن بت اخت المرحومه حنان زولي وعملنا لينا ظار خمسه نجوم ومثلنا والحماس بتاع الناس وتفاعلهم واتذكر الناس الكانوا بيعاينو بي حيطت المدرسه بقوا بيصفقوا معانا وخالدة التوم ما قصرت لانها كانت ممثله دور الابو وابدعت وهاك يا صفقه الناس معانا وزغاريت وموضوع وعيننا للناس يرقصوا على ايقاع الظار

اظنه يومها ما بس خيط واحد الناس نزلت فيهو ولكن كان مصنع نسيج


المهم لما كنا بندق الزار بقوا الناس ترقص دلوكه وطيران يعني مولد وصحبه غايب قامت اللجنه وافقت اننا نشترك في الدورة المدرسية ووافقوا على عبادة وعلى محمد عبد الرحيم لما جينا طالعين من المدرسه لقينا المرحومة حجة حكمو في الباب دايرة طيرانها والحمد لله ربنا سترنا من اللوليه ومن الخواجه وروسينا سليمه الى يومنا هذا



بدينا الاستعدادات وبقو بيودونا قصر الشباب والاطفال وبيدربونا وهناك شفنا ناس من مدارس تانيه وطلبه كتار ومنظر اننا كل مرة بيودونا بي حافله ام درمان وبنقطع الكوبر دي كانت مساله في حد زاتها عجيبه الواحد بقا يمشي يقدل زي الطاووس في المدرسه مين قدنا وكتها


لحدي ما جات الامله الكبرة وعلى قول المثل وان جاز المثل زعق لينا نبي من فوق سبعه سماوات ودونا مسرح قاعة الصداقه طبعا اول مرة نمشي فيها الخرطوم وندخل القاعة منظر ما بانساهو والاضاءة داخل القاعة خافته ومكدنشه وعملنا هناك البروفه مرتين وكل مرة لما يقولوا لينا اليوم الفلاني ح نوديكم القاعه كنا زي الزول البيقولا ليهو ح تمشي سويسرا لاول مرة نعرف انو في مكروفونات وكيف نتحرك على المسرح وكان بقيه الطلاب بيمثلوا دور الجمهور اتذكر اول مرة لينا لما دخلنا المسرح والستاره اتفتحت ما قدرنا نمثل ولا ندق لينا زار وعلى قول اختنا شهندة مبارك وفدوي حسين قالوا لو اللوليه زاتها بجلاله قدرها كانت ممثله معانا ما كانت ح تقدر تتكلم طبعا خفنا من انو لوليه تسمعنا وتعمل لينا عكوسات وكنا لما نكون مودينا القاعة ما بنخلي لينا طبشير حايم ما بندعكوا في جزم الباتا بتاعتنا ولا ظهرة حايمه الا ونظهر بيها هدوم المدرسه ونجيب السكر نلخبتوا في المويه بتاعت اخر شطفه عشان الطرح تبقا منشيه ونتمح ونسرح شعرنا من بالليل لانو بكرة ماشين القاعة



ويا جماعة هووي اسمعوا انا انسانه
-VIP-
صدقوا انا بالغتا في حق نفسي ليه ما كتبا كده في ال سي في بتاعي لكن ملحوقه ح اكتب من ضمن الخبرات دق عدد واحد زار في قاعة الصداقه عشان ابين مدى النجابه المبكرة وامشي اكتب لي كتاب عن التجربه وامرق اطل عليكم في كم محطه فضائيه على اقل شي اشتري لي بيت في الشعبيه



وبدا التدريب وهناك شفنا لاول مرة لايف استاذ مكي سنادة من ضمن الناس الكانو بيشرفوا على التدريب و كانوا بيدونا سندوتشات طعميه وجبنه بيضاء وسندوتشات طحنيه
وكمان مويه باردة في حفاظات وحاجه بارده كانت بزيانوس لغايت الان والى يومنا هذا يا جماعة كلما ما باشوف البزيانوس باتذكر تلك الايام واصبح مشروب البزيانوس عندي مرتبط بي امجاد الاشتراك في الدورة المدرسيه

ولكن الحلو ما بيكملش ولكن لسبب ما لم تكتمل الدورة المدرسيه ومافي زول لي يومنا دا علل لينا ليه ما ملوا الجورة المدرسيه طبعا مصائب قوما عند قوما فوائد وربنا حل حجة حكمو مننا ومن شحدتنا المتكررة للطيران او يمكن سلم لينا راسنا ما تشقوا لينا لوليه


اضحكم لفترة سرت شائعه انو تهكم فدوى حسين من اللوليه اول يوم لينا في القاعه في عدم قيام الدورة المدرسيه ويعلم الله ان فدوي حسين بريئه يرائه الذئب من دم ابن يعقوب
بس كانت تجربه جميلة اتمنى انو كل طالب يمر بيها


وبقينا لغايت ما خلصنا سنه سادسه في اي حفله في المدرسه بنمثل مسرحيتنا وندق الزار وهاك يا لوليه ويا بشير ويا خواج وعلى قول اهلنا المحس فرصه يا شاميه

Post: #179
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 10:28 AM
Parent: #178

الصفحه 71

مريم عبد الله


الليله نتكلم عن شي حصل لينا في سنه تالته اول ما بدينا ناخد دروس الجغرافيا لاول مرة في حياتنا وقرونا الاتجاهات

بعديها كانت ست ام سلمه قسم السيد في شارع النيم هي مدرسه الجغرافيا وقسمونا لي مجموعات كل ناس كنبه مجموعه وفصلنا كان فيه 10 كنبات

المهم دفعنا كل واحدة فينا طرادة وكتها اي 25 قرش من كل واحدة والما جابت القروش اخدت ليها جلدة محترمه


بعد داك في يوم قالوا لينا كل كنبه يكون فيها رئيسه او قائدة واختارت القادة ست ام سلمه والقادة كانوا العشرة الاوائل الجبيا من سنه تانيه في اخر امتحانات

قامت قالت لينا كل قائدة ح نديها معلومات عشان تساعدكم انكم تلقوا الكنز وكل مجموعه بتنافس بقيه التسعه مجموعات في مجموعتنا كانت في بلقيس احمد البشير وازهار السر وانا وليلى على ورحاب عزمي خليل ونهله الماحي سليمان من بنات شمبات ونازك عبد الرحمن ودي من بنات شمبات و بيتهم فاتح في المقابر المهم طلعونا في الحوش بره الفصل وادتنا ست ام سلمه الخرائط لكل مجموعة واستلمتا الخريطه بتاعت القروب



وكان مكتوب لي فيها القائدة امشي 20 خطوة ناحيه الشمال
قمنا مشينا ومكتوب في الخطوة التانيه امشي تاني 20 خطوة ناحيه الشرق برضو مشينا وتاني 20 خطوة من المكان الوصلنا ليهو ناحيه الشمال ونحنا نقيس ونمتر بي رجلينا وحريصين فشر عمال في مصلحه المساحة او طلاب الهندسه ما ح يكونوا بالحرص دا
واخر تعليمات قالت احفروا وحفرنا وما لقينا شي



وسمعنا قروب تانين بيكوركوا وجدنا الكنز يعني لقو كنزهم وتاني قروب بيكوركوا احنا اعصابنا كانت مشدودة ورجعنا مرة تانيه نمتر فجاه ازهار السر ادم سابل قالت لينا امكن يكون المقصود مقاس رجل ست ام سلمه تعالوا نكبر رجلينا في القياس وفعلا لما عملنا كده بيقينا نكوركك وجدنا الكنز وكان عباره عن سبعه بلحات وبلحتي الطلعت لي كانت مسوسه شفتو الحظ وسبعه كرملات وسبعه حلاوة نعناع ابيض وسبعه لبانات علكه يعني وكانت النوع اللو بليتو بتقدر تلصقوا في يدك وتطبع ليك منو شكل لرسمه في يدك يومها داك كل الفصل يدينا مشخبات بالوشم شفتوا يعني نحنا كنا با يونيرز اي رائدات لاننا اول من عمل التاتوو وكنا في الابتدائي في سنه تالته وعلى ايامنا التاتوو ما بيكلفك الا قرشين حق اللبانه



ومن المدرسات الساعدو ست ام سلمه مدرسه اسمها ست عواطف ودي من سكان شمبات بيتهم فاتح على المقابر وكانت صعبه وعندها لازمه دايما بتقولها الا وهي يا كرور يا بليدات كانت بتقولها امكن في اليوم زي ستين الف مرة وكانت بتدرس عربي لي ناس رابعه وحساب لي ناس تانيه وحتى بت اختها رشا ما كانت مستثناة من ان تنعم علبها خالتها ست عواطف برتبة الكرور


الله يطراها بالخير ست عواطف ولما مرة كنتا في تمهيدي ماجستير التربيه بجامعه الخرطوم احتجتا اجي واعمل تدريب في مدرسه وللحظ الجميل جيت مدرسه الشعبيه ووجدتها فيها وكنت سعيدة اني بقيت زميله ست عواطف وسعيدة مرة تانيه اني باقعد في الكتب بتاع المدرسات ومافي زول بيقول لي انتي هنا ليه واسعد واسعد انو ما ح تقول لي ست عواطف يا كرور مرة تانيه يا جماعه شي عجيب لما كنتا باجي اخش المكتب كنتا بادق الباب زي ما كنتا بادقه زمان عشان استاذن في الدخول


وست عواطف يا ها زاتها بي حزمها وبي نفس شكلها امكن تكون كم شعرة بيضاء اضافت ليها لكنها في نظري ست عواطف ديك المفروض اديها كل احترام واول يوم
جيت سلمتا عليها بكت ست عواطف وقالت لي انا ما عندي بنات لكن كلكم بناتي ساعتها شعرتا انها فعلا امنا ولما جابت لي شاي وجات شايلاهو بي نفسها اتمنيت الارض تنشقه وتبلعني لاني انا منو ولا اسوى شي قدام عظمة انسانه كانت في يوم من الايام من احد اسباب النجاح في حياتي وقمتا اخدتا الصينيه منها وبستها في راسها


وطلبت مني اعاونها كيف تقدر تكتب بحث بصورة علميه لانها كانت ملزمه بكتابه عدد من البحوث ضمن برنامج الزمت به وزارة التربيه المعلمين الذين لم يكونا قد اتموا التعليم حتى المرحله الجامعيه وكان برنامج تاهيلي ليهم وقد كان كنا بنكتب البحث مع بعض واحضرتا ليها كتب من مكتبة الاحفاد مراجع وبقت ست عواطف ضليعه في مناهج البحث وشرحت الخطوات لبقيه المعلمات اتخيلوا السيدة الرائعه دي كانت بتشكرني في كل ما اشرح ليها فيها شي جديد

والله انا كنتا مبوسوطه ايامها لانو ما مصدقه اني انا الطالبه الكنتا بارجف من ست عواطف لما تمر من جنب شارعنا اقعد معاها في نفس الطربيزة واكون باشرح ليها يومها شعرتا بفخر مذودج لاني لقيت اني باجني تعب ست عواطف وكل معلمه معاي وفرحانه اني بارد ولو جزء بسيط لي ناس ساهموا في صناعة مشواري الاكاديمي واكيد طول عمري ومهما حصلت على شهادات او القاب علميه عمرها الكتوف ما ح تتلاحق

الف تحيه ليكم يا معلماتي وليكم مني كل ود واحترام وشكرا ليكم لانو لولاكم ما كنتا وصلتا لاي شي في الحياة والعفو والعافيه لسه انا باتعلم منكم ولغايت ما اموت دينم في رقبتي ربنا يجعله ليكم في ميزان حسانتكم



وكنت لمدة 3 شهور بامشي المدرسه لساعيتن كل يوم وست عواطف الله يذكرها بالخير كانت بتلف بي الفصول وتقول ليهم اني كنت طالبه في المدرسه دي بل ومرات كنتا باشوفها بتجي تسمعني وانا بادرس البنات وباشوف نظرة فخر في عيونها بس كل مرة باشوف دمعه فرح نازله من عينها يارب بحق ما دمعت عينك لانك فخورة بي يا ست عواطف الله يكرمك برؤيه وجهه الكريم يوم القيامه وما تشوفي بي عيونك الا كل ما يسر الله ويسر قلبك ويبهجك انتي وكل معلمه او معلم ساهم في مسيرتي التعليميه

Post: #180
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 10:38 AM
Parent: #179

الصفحه 71

عز الدين الفحل


مدرســة المســاكن الشعبيــة الابتدائية جنوب


اضافة الي ركب الاساتذة الاجلاء الذين مروا علي المدرســة :-


1 - الاستــاذ طــــه عبــد الرحمـــن .
2 - الاستاذ مصطفـــــي .

Post: #181
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 10:41 AM
Parent: #180

الصفحه 72

عز الدين الفحل

مدرســة المســاكن الشعبيــة الابتدائيــة جنــوب

من الذكريات المضحكة التي لا تنسي ان طابور المدرسة يبدا في الصباح الباكر بالتسخين ( صفة وانتباه ) لفتــرة من الزمن
ثم محاضــرة قصيــيرة عــن الاخلاق والنظافة والتعليمات العسكرية( انو ما عايزين زول يمر في الممر بين مكتب المدير ومكتب الاساتذة ) وتعليمات اخري تختلف حسب المناسبة، ثم التفتيش علي الاظافر الممتدة كاسنان المشط وحلق االرؤوس الكثيفة كربطة البرسيم، ثم العــقاب الشديد لذوي العاهات الذين تمردوا علي لوائح وقوانين المدرسة ، اذكر مــرة طلب احــد الاساتذة الاجلاء اربعة عتاولة لشد احد الطلبة المتمردين وضربه بالخرطوش السميــك، وجــئ بالعتاولة ذمرا ورفعوا الطالب المسكين الضعيــف لياخذ جزاؤه ، واذا بصــوت عــال يصــيح ( يا استاذ حــرام عليــك الود مسكـــين وضعيــف ) كان الصوت عاليا ومسمــوع للجميـــع ، وتلفتنا يمنة ويســرة لنعرف ان الصوت اتئ من احد الركاب علي سقف اللواري العابــرة بشارع المعاعونة المطل علي سور المدرسة، وانفجــر الجميـــع ضاحكا وما كان من المعلم الا ان ترك الطالب وشانه ولم يعاقبـــــــه ..

Post: #182
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 10:45 AM
Parent: #181

الصفحه 72

صلاح عباس فقير

تحية واحتراماً، وشكراً إذ نفحتنا بصورة أستاذنا المحبوب وابن الشعبية البار "مصطفى لياقة"!
وبذكر "أستاذ مصطفى"!
يضوع عطرٌ ويفوح شذى!
عطر الزمن الجميل، وشذى الخُلُق النبيل!
نعم "أستاذ مصطفى" كان ينتمي لذلك الرهط المخلص من المدرسين!
بل، وفوق ذلك كان أستاذ مصطفى من الصفوة المبدعة الّتي تجاوزت بوعيها تلك القيم التربوية السائدة في ذلك الزمن،
القيم التي كانت تستهدف تحقيق "النجاح والتفوق الأكاديمي"! ... في المقام الأول!
لن أنسى أبداً، ولن ينسى كلّ رفاق ذلك الزّمن الأخضر، منظر أستاذ مصطفى، وهو يتقدم نحو الفصل بحماس ونشاط،
حاملاً كتابه المجلد الكبير!
ثم لمّا يدخل الفصل، يسود الهدوء هيبةً واحتراماً، لا خوفاً وفزعاً، وبعد تحية التلاميذ، يلتفت إلى الخلف حيث يصطفّ المهرجلون،
فيُلقي بحمولة كتابه الكبير على رأس كلّ واحدٍ منهم، بوقعٍ يُثير المرح في نفوس كلّ التلاميذ، بما فيهم هؤلاء المهرجلون.
ومن ثَمّ تُحبس الأنفاس، لمتابعة سرده التصويري المُثير، لتاريخ "أجدادنا القدماء"!
إنني أصالةً عن نفسي،
ونيابةً عن كلّ رفاق ذلك الزمن الجميل!
أُزجي لـ"أستاذ مصطفى"، وجميع أساتذتنا المحترمين، أسمى آيات المودة والثناء والتقدير!
سائلاً الله عزّ وجلّ ان يجزيهم خير الجزاء على ما قدّموا من جهد نبيل، وعلى ما سكبوا من عرقٍ غزير!
آمين!

Post: #183
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 10:47 AM
Parent: #182

الصفحه 72

عز الدين الفحل

مدرســة المســاكن الشعبيــة الابتدائيــة جنــوب

الاستـــاذ الفضـــل ( عليه رحمة الله ) كان مخلصا في عمله ويتقنه اشد اتقان شكل والاستاذ حســن محمد عثمان ، ثنائي جمــيل
وكانا اصدقاء سكنوا في اخر غرفــة الملاصقــة لمدرســة البنات وكانت الامتحانات والاختبارات تنهال علينا يوميا حســب مزاج المعلم، كثيرا ما يقال ( طلع ورقة وقلم واكتب اسمك واضح ) ، ثــم تملا السبـــورة ما يعجــز علــي اجهزة الحاسوب علي فــك طلاســيمه بذلك صنـــعوا منا رجال نقدل بين امواج الخليج العــربي ، وكثــيرا ما كان الاستاذ حســـن ( وكان يحبني شديد ويسمينــي عزالدين الصبــرة ) يا عزالدين امبــارح تغديت بشنـــو ؟ ارد علــي ( كالعــادة تغديت بمـــلاح قــــــرع ) ويسالنـــي مــــرة اخري وارد علـــيه ( تغديـــنا بســـخـــينة مرشوشة بالكسري ) ويضحك الاستاذ علي صـــدق قولي وانني لا اكذب ، ويرد علــي ( يا عزالدين انتو ما عنـــــدكــم غيــــر مـــلاح القــــرع والسخــــينة ؟
ما قـــاعدين تاكـــلوا كبـــدة او كـــلاوي او ســــمك ؟ ارد عليه بكل براءة الاطفــال ( لا والله يااستـــاذ )، وبين تقلبات الزمن وترهلات القدر الحلو المذاق بيـــن افاق الثريا والهمـة العاليــة المصبـــوغــة بمـــلاح القـــرع التقــي ذات مـــرة وانا فــي اجــازة بالسودان العظيــم بالاستــاذ الفضل بموقف الباصات جوار سوق المرغنيــة بالشعبيــة جنــوب وكان ضابــطا اداريا تحــدث معــي والدمــع علي عينيه ولا انسي ذلك الموقف قائلا ( انا فخــــور بــك يا عزالدين ، الحمــدلله انا خرجـــت للمجتمــــع صفـــوة الرجــــال ) ، الا رحـــم الله ذلك الجبــل الشامخ بالعـــز والنبـــوغ وانزل علـــي قبـــره الرحمة والمغفـــرة وجعـــل قبــــره روضــــة مــــن ريــــاض الجنـــــــة ..

Post: #184
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 10:58 AM
Parent: #183

الصفحه 72

عز الدين الفحل

مدرســة المســـاكن الشعبيـــة الابتدائيــة جنــوب


مــازلــت اذكـــر اخــر يوم بالمدرســة بعــد اعــلان نتيـــجة الشهـــادة ونحــن ننـتــــقل الـــي مدرســـة الاميــرية ( 2 ) وكــان اول الســـودان المهندس خالد حســـن ابراهيـــم ( جردل ) بعــده بمراحـــل الدكتــــور احمـــد علـــي خــــالد ثم شخــــصي الضعـــيف ، واخـــذت انا ابـــكي بمــــرارة شديــــدة لان منـــافســي خـــالد حســـن تقلــب علــي ، فجــــاء الاستـــاذ حســــن و مســــك بكتفـــي قائلا ( يا عزالدين يا صبــرة مالك بتبكـــي ؟ ) وقـــد عـــرف الســبب فنــــادي بالاستـــاذ الفضـــل قائلا ( الصبـــرة ده قلبـــو حار )، اذكـــر لاول مــرة ننجلــس فــي العنقريــب مع الاستاذ حســن والاستاذ الفضل والاخ خالد حســن والاخ احمد علي خالد والاخ حاتم عباس حسن التوم
كانت جلســت الوداع الاخيــرة ، والله ما كنــت اتمنــي ان افارق مدســة المساكن الشعبيةالابتدائيــة ابدا من شدة حبــي لها، قالوا لنا في مدرسة الاميرية ( 2 ) ح تتعلموا اللغة الانجليزية ويزيد الافق، والعنقريب الممتد علي ممر الفصــول بين الفصل الاول والثاني كان الحديث العذب الاخيــر الممزوج بالحب الابوي لاساتذة اجلاء طعنــــوا بحرابهــم الافــق الواســع لنتعلـــق نحــــن بالمجــــــــد ...

Post: #185
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 11:26 AM
Parent: #184

الصفحه 72

عز الدين الفحل

مدرســة المســـاكن الشعبيــة الابتدائية جنــوب


الف استاذنا الفضـــل عليــه رحمة الله ، منلــوج جميــل في اخــر السنة في حفلة الوداع الاخيــر :-

المنلوج طويــل جدا اذكـــر منـــه الاتـــي :-


استــــاذ الفضـــل جــــــوه الفصــــل
دي الواحــــــة داخــــــله وخـــــارجــــة
وخـــــــرط كمــــــان
والبتــــــــرول ســـــؤال مضــــمــون
ركـــــــــزوا كمــــــــان يا اولاد .

Post: #186
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 11:33 AM
Parent: #185

الصفحه 72

عز الدين الفحل

مدرســة المســـاكن الشعبيـــة الابتدائيــة جنـــوب


كـــانت ملابســـنا الرثــة والاظــــافر الطـــويل كمـــخالب القـــط الشـــرس والشعـــر الاســــود بســــواد الليل وعلـــي الرقاب خــــرائط مــن الاوســــاخ المتـــراكمـــة مـــن خصـــــام الاستحمــــام الذي كـــنا نكـــرهه ونمقــته حتــــــي تـــزيد منــــاعـــة اجســــامناالضعـــيفة مــــن عدوي انفـــلونـــزا الخنازيــــر ومــــرض جنــــون البقـــر، وعـــلـــي اكتــــاف الجمــــيع خـــاتم مـــن الفــقـــر المدقع مكتـــوب علـــيه ( فقـــير بن فقـــير )
كنــا نفتـــرش اوراق الجــرائد لنقطع السندوتشات قطعا صغــيرة وناكل جماعة في جماعة لنتعلم حـــب الايــثار والاخـــوة الصادقــــة كمقـــولة ( الخلفا انقسموا النبقــة )، واذكـــر مرة ان احــد الطلبـــة ويدعي ( مجدي ) مــن ابنــاء المــزاد ، اتــي بخــمس فئران صغيــرة فـي علبــة في الفصل والجميــع مندهــش مــن الفئران ، وقال لي متحديا ( يا صبــرة امــسك الفار ده بيدك لو راجل ) وبين الخوف والوجل مسكــت الفار الناعم كالحريــر( فار صغيـــر جدا ) وفجاءة ظهــر الاستاذ حســن ووجدني اعبث بالفار ، فجـــاء ضاحــكا قائلا ( يا صبــره ده شنــو ، ده بيعمل امراض )، ثــم اردف قائلا ( انــتو عاملــين مزرعــة فيران فـــي بيـــتكم ) ، ببراءة اطفـــال فلسطيــن اعطيت زميلي الفار ، وما كنـــت اعلم الغيــب ان امســـــك يوما بفار اللابتــــوب علـــي شواطــــئ الخليــــج العــــربــــــي الميمـــــون ..

Post: #187
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 11:38 AM
Parent: #186

الصفحه 72

مريم عبد الله

حابه نسترجع ذكريات في الابتدائي بتتذكروا الشرطه المدرسيه وديل بيكونا طالبات بتختارهم كل ام فصل عشان يراقبوا البنات في الفسحه ويشوفوا منو ىالبترمي ورقه في الارض او منو البيمشوا في الزراعه البتكون في ركن المدرسه او منو البيكوركوا او منو الما بيكونا قشوا الفصل او منو البرجعوا بقيت المويه في الزير - الفضله - او منو البيخلوا بقايا الفطور وغالبا ما بتكون ورق الفته بعد ما الناس بتكون اكلت فطروها وفتت سندوتشاتها مع بعض او منو البتبرا قلم الرصاص بره صفيحة الزباله الله يكرمكم

وكمان في نهايه اليوم الدراسي منو البيكونا ما بيمشوا سريع لبيوتهم وكانو بيلبسوا زي شريط احمر في يدهم في اعلى اليد وطبعا لازم تتصاحب عليهم لانو ممكن تروح في طوكر لو مشوا وكتبوا اسمك وبتاخد تاني يوم قدام الاشهاد في الطابور زفة محترمه وقد يصل الامر الى علقه معتبرة


برضو بتتذكروا الالفه ودي بتكون بت بتختارها ام الفصل بيتقيف تحرس البنات في الحصص الفاضيه وياويل البيتكلم بتكتب اسمه والغريب كان في عبارة كل الفه بتكتبها فوق في الورقة التي كانت تقسمها الى قسمين القسم الاول الناس المهرجلين وتقوم كاتبه اسم البت واسم ابوها والقسم التاني بيكون للناس البيضحكوا والجميل انو الالفه دايما بتكتب بي قلم الرصاص لانها بتدي الناس فرصه يتراجعوا عن الهرجله وغالبا ما تتسبب مهام الالفه في ان تبتعد صحباتها عنها وكانت من مهام الالفه مسح السبورة عشان كدا الالفه دايما بتكون اطول بت في الفصل وبتجيب الطبشير من المكتب وبتجمع الكراسات بتسلمهم لكل معلمه وغالبا ما بتكون من المرضي عليهم من قبل المعلمات



بتتذكروا ياجماعه الدرادمه الكانت بتتباع في خشم باب المدرسه طبعا كانت خشم بيوت فداردمة الكركدي والعرديب ما زي دردمة الكستر او الفروله بي روح الموز وبتتزكوا الفراوله كانت بتكون على شكل سائل في قزازة تخنها رهيف وكانت من امتع اللحظات لما تمرق في الفسحة او في اخر اليوم او ما كنا بنقول ليه البيوت وتشتري ليك درادمه وكانت في برضو حلويات منها حلاوه قصب وحلاوة شعريه وحلاوه لبن وحلاوه بالسكر المحروق والفول السوداني وبالتاكيد ما بننسى حلاوه سمسميه وفي الاول كانت على شكل كرة تاني بقوا بيعملوها في شكل مربع وبرضو قراصه النبق



وكان في القنقليس بالشطه او الدقه بالسكر ونكب عليها مويه والغريبه يا جماعة انا كنتا شليقه وكل مرة عارفه ان الدقه بتشرقني وباشتريها افضل اكح لغايت ما اضاني تحمر ولكن ما باتوب منها وبرضو في التبش بالشطه واللالوب والدوم وكنا مرات بعد ما ناكل القنقليس نحك البزرة فبتسخن وتجي تتش بيها اقرب زول قاعد جنبك


وكان في معجنات اسمها الضفيرة لو بتتزكروها على شكل ضفيرة والتسالي والنبق وفي موسم القصب كنا بنمشي سوق الشعبيه وكان بيكون في موسم البرد وبنشتري القصب وبرضو في الشتاء كان في الفول السوداني البيكون بي قشرتو والبامبي المسلوق ونادرا ما يتباع جنب المدرسه عيش الريف لانو كنا بنلقاه في البيت مسلوق اقول ليكم شي فصل الشتاء مرتبط عندي بالقصب والبرتكان والبامبي والفول السوداني المسلوق والبليله بتاعت القمح

وفي نهايه اليوم الدراسي كان في تقليد ضربة الوداع يعني تخبط زميله ليك باي شي وغالبا ما بتكون بالشنطه وتقوم جاري وطبعا تاني يوم اول شي بتجوا تتصالحوا واللذيذ في المدرسه كنا بنتصالح ونتحارب عشات المرات في اليوم

وكنا لما نجي نقول لي واحد سر نحلفها بالزمه التقطع رقبتها شي غريب يا جماعه موش كدا لانو الزمه شي داخلي ايه علاقتو بي الرقبه الله يعلم وكان لما واحدة تكضب بيعملوا ليها زفه وجريسه الله لا وراكم ويكوركوا الكذاب ما بريدو السكينه تقطع ايدو ولما نتحارب يعني نزعل من بعض نرسم في جبهتنا علامه كروس ولما نتصالح نشبك اصبعنا الصغير من بعض

بتتذكروا يا جماعة حصة الاناشيد طبعا كان ضروري اكون في ملحنه في الفصل ولما الاستاذة تقرا لينا القصيدة كان لازم يكون في ملحنه والغريبه كل الالحان بتتشابه واتذكر اكتر واحدة كانت بتحب التلحين شاهندة مبارك واميمه بابكر ماشا الله ما كانت في قصيدة ما بيقدروا يلحونها وبعد ما يتم اللحن كلنا الفصل كلو يبدا ينشد فيها وكان ممنوع الضرب على الكنبه ولكن كثيرا ما كان ياخذنا الحماس ونخبط على الدرج فنتسبب في العقاب بالحرمان من الفسحة او من ان نكتب عبارات معينه الف مرة

اتذكر مرة ست اسيا الوكيله جات لقتنا بي الفتنا المفروض تكون حارسانا مهرجلين الفصل وهاك يا صريخ ولعب فعاقبتنا بعبارة وعلموا النشئ علما ...... وقبل العلم اخلاقا معليش ما متذكرة العبارة المرجو النتذكرها يكتبها لي يا جماعة المهم كتباناها الف مرة طبعا قعدنا من العصر لغايت العشاء نكتب وكنا خايفين لانها ممكن تعدهم بالواحدة وجات طالبه بفكرة وكانت بدويه عثمان اشيخ قالت لينا تعالوا نكتبها بي ورق الكربون وفعلا كتبناها فجات ست اسيا عودتنا الكتباه الفين مرة لانو كان واضح النسخ

ومشيت المستشفى بي كراس العيادة نجي من الصباح وقبل الطابور بتسجل في دفتر العيادة وتحضر الطابور ويتجمعوا البنات ويمشوا المركز الصحي وكان لازم ترجعوا المدرسه يعني مافي طريقه مشيه البيت لانو لازم يجوا يرجعوا دفتر العيادة

Post: #188
Title: Re: مسودة كتاب الشعبية الباب الخامس: أيام الدراسة والمدارس
Author: عابدون محمد عابدون
Date: 10-01-2010, 02:27 PM
Parent: #187

الله يديكى العافية انتى اتاريكى قاعدة تذاكرى بى جاى وانا بسأل عنك بى هناك فى منبرنا العام ..

Post: #189
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 03:16 PM
Parent: #188

اببدون

الله يعافيك عايزة اخلص قبل يوم 15 لاني بانزل شغل الاسبوع الجاي

شكرا على المرر

Post: #190
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 03:56 PM
Parent: #189

الصفحه 73

عز الدين الفحل

مدرســة المســاكن الشعبيـــة الابتدائيــة جنـــوب



بعــد اعلات نتيجــة الشهادة الابتدائية ذهبنا الي مدرســة الاميــرية ( 2 ) ، لكن قلوبنا كانت معلقة بمجراب مدرســــة المســاكن الشعبيـــة الابتدائيــة جنـــوب ، فكنا نزورها كلما سنحت لنا فــرصــة وفجاءة دعــــانا الاستـــــاذ طـــــــه عبد الرحمـــــن فــي وليـــمة عظيــمــة في دارهـــم فـــي شمبــــات وكـــان معـــي المهنــدس خـــالد حســـن ابراهيــم ( جــردل ) والدكـــتور احمـــــد علـــي خالد والاخ حــــــاتم عباس حســن التـــوم ( هو الان مســئول كبيــر فــي بنك فيصــل بالخرطــوم ) والاخ مجدي ( مــن ابتاء المزاد ) والاخ حســــام الدين عبدالله
وجمــــع مــــن الزمــــلاء ، كانت لفـــة بارعــــة مــــن الاستـــاذ طـــــه ، وكانت اول مرة فــي حياتي اجلــس فـي صينــية واحــدة اكل مــع استاذ مــن شدة خوفنا مــن الاســـاتذة انــذاك ،
والصــينــة كانت كبيــرة ومــن الرهبــة انا اكتفيت بالصحن المــوجود امامي جوار صحــن الشطــــة ، بعدها عرفنا الاستاذ طــه باهله فــي البيت ، والجمـــاعة احترمــونا اشـــد الاحتـــرام رغــــم صغـــر سننا ، لكـــن الهـــامات كانــــت عاليــــــة..

Post: #191
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 04:00 PM
Parent: #190

الصفحه 73

مريم عبد الله

خلاص امتحنا ودخلنا الثانوي العام ووزعوني في مدرسه عوض ساتي واول يوم مشيت شارع المدراس وفي حلقي غصة كل بنات المدرسه تقريبا وزعوهم في الاميريه الا انا و نهي عثمان من بنات الهجرة وريم سليمان ودي سافروا السعوديه مع والدها كان استاذ جامعي واميمه بابكر ونازك عبد الرحمن من شمبات الجابونا عوض ساتي

اها قبل ما ننزل ساقتني هويدا اختي سوق بحري المكان البي وراء وشترت لو جزمة خلاص مافي شدة وقطعوا لي القماش وعملوا لي غيارين وطرحيتين وشنطه جديدة يعني لا حقت حنان ولا حقت منى لانو في الابيتدائي كانوا بيدوني يا شنطه حنان او منى القديمه واشتروا لي شرابت وشرايط وبلابل للشعر وطبله وانا استغربتا الطبله دي لي شنو طلعت لي الدرج

وجاء يوم المدرسه الصباح صحيت وزعلانه لانو ح امشي القي نفسي مافي مدرسه الشعبيه وانا ح البس البني وح امشي شارع المدارس وح اقطع ظلط ام درمان وقيامه رابطه لكن ما ح يكون معاي صحباتي



مشيت في الشارع وخايفة الجزمت تتوسخ ومحسابه عليها و لقيت نازك عبد الرحمن في الشارع وعيني لي بنات مدرستي في الشارع ماشين مع بعض وقاطعين شارع الحديقه انا ونازك واصلنا لغايت كايتر ولفينا بي لفت المستشفى الدولي وقتها ما كان مبني المهم ومشينا وبقينا نهون على بعض انو مافي مشكله والناس ح تتقابل وكلام زي دا وبمجرد ما دخلنا المدرسه بتاعت عوض ساتي كان نلقى منو اتخيلوا اتذكروا بنات مدرسه عشمانه كلهم بنفس الرصه وذيادة عليهم من مدرسه حله خوجلي لمياء سر الختم ودي واصلت معاي لغايت الاحفاد اتخرجنا سوا وهاله السر حمدتو اخت ناس عبد الله السر حمدتو مرة ورد اسمه في البوست وتاجوج محمد طاهر الجيلاني دي ابوها كان وزير في الحكومه البعد نميري ودعجاء عثمان ي ابوها بقا بعدين من ناس المجلس العسكري للانقاذ ونجلاء محمد الحسن وسحر دسوقي ومن بنات مدرسه حله حمد ناهد حسن واماني يسن وديل بنات اهلي من حله حمد ومن بنات المذاد نهي جبريل وعبير عوض وهدى محمد سعد ومن بنات الصافيه ايناس جلال وملوك زكريا وبرضو دي واصلت معاي لغايت الاحفاد والان هي مديرة قسم في البنك السوادني الفرنسي

ومن بنات الدناقله الدكتورة رشا عبد الحميد عمر ومروة عتيق و امال وامنه عبد الفتاح ديل كانوا اخوات بس ما تومات امال هي الكبيرة ورندة بت جيرانهم ورباب محمود دي كانت ساكنين في الشعبيه وكانت بتقار في ستتر سكول وحولت وفي واحدة رنده تاني ووامل وصفاء محجوب واماني سر الختم وهاله التانيه وكانوا بيقول ليها سمول قيرل لانها حجمها صغير وفي بت اسمها نجلاء عبد الحفيظ وكانت معانا اولة السودان خلود ودي من بنات الحلفايا وفي مشاعر سعيد من الشعبيه جنوب قريب من شارع المدارس ونهله عبد المنعم المغنيه في فرقة عقد الجلاد ونعمه او اشواق الكابلي بت الكابلي وعبير مكي سناده ورحاب صلاح النقر من المذاد جنب ناس خوجلي صالحين وندي من المذاد معليش ما متذكرة اسم والدها وفي واحدة اسمها نهي من بنات الشعبيه جنوب وماجدة نصرالدين ومريم محمد عبدالله وهنادي احمد عووضه وفجر عثمان ودي انا كان عاجبني اسمها لاني كنتا اول مرة اسمع بيهو

و دكتورة مشاعر يوسف دي في الصافيه جيران ناس عماتي ومنال حسين من ناس بوقور شمبات قريبين من ناس المرحوم الفاضل سعيد بالمناسبه هي قريبت ناس ماجدة بطه جيرانا في الشعبيه وما انسى ابتسام ابراهيم عبد القيوم بت الصحفي الشهير وكانوا ساكنين في حله خوجلي كمان معانا كانت دكتورة لنا على دي درست طب في الاحفاد وفي ايمان البدري من ناس المذاد وكان صوتها جميل لما تقرا لينا المطالعه ومن بنات الدنقاله اخلاص على وكان لقبها كربه ايي والله كربه وما كان بتزعل لما نقول ليها -كربه يعني من فصيله العناكب -

من البنات الكانوا في المدرسه بس ما من دفعتنا ندي بابتوت وبنات خالتاها ايمان ومنال عمر احمد الطيب و عزة مكي سناده ورندة سليمان اخت ريم سليمان

المهم ضرب الجرس ولقينا اسمائنا ضمن طالبات فصل اسماء وقفنا في الطابور وجات ام الفصل ووقفت البنات بالصف ووزعتنا على الكراسي والادراج يعني الطويله وراء والقصيرة قدام

وكانت المرة الاولي البيكون عندي فيها درج لانو في الابتدائي كلنا بنقعد في كنبه طويله كلنا ومافي ادراج المهم وزعونا وبدات عملية توزيع الكتب وبدات الدراسه وكانت اول حصه انقليزي مع ست مريم دبلوك وبدينا في الدراسه في الفسحه مشينا نكتشف المدرسه لقينا خالتي بخيته الفراشه وكان كل الطالبات بيقولوا ليها بخ بخ وفي زي معطم صغيروني تشتري منو الفطور يعني مافي فطارات وبينا وبين مدرسه بحري القديمه بس سور ولا ربع متر نحنا بنكون شايفنهم وهم شايفننا

ومن مدرساتنا ست سعاد تيتشار ودي من ناس شمبات وكانت محبوبه عندنا وست سميه بت عمنا المازون ودي للتربيه الاسلاميه وبرضو كنا بنحبها وفي ست اميرة من ناس الدناقله وست سعاد التنيه وهي خالت نازك عبد الرحمن برضو من ناس الهجرةوست ام البنين المفاجاة انو المديرة هي ام انجم محي الدين الساكنين في شارع ناس خالتي الشفه وزوجها عندو عربيه قوعونجه لو بتتزكروها -فلوكسواجن- وعندها ولدها اسمو اكثم وفي ست اسماء النقر ودي كانت عمت رحاب صلاح النقر وست محاسن للجغرافيا وفي ست منى من بنات الشعبيه حلت ناس عمتي المرحومة مريم بت الفكي ام ناس صلاح عمر كانت جارتهم دي درستنا عربي

ومرا اليوم الاول وكان بينا وبين البنات المن مدرسه عشمانه ود مفقود في الايام الاولي ومع الوقت صارت بينا علاقه صداقه جميله وبذل كل من الطرفين الكثير من التنازلات وبقينا من طالبات عوض ساتي وكان الاعتقاد السائد انو كل البنات البيكونوا في عوض ساتي لما يمتحنوا للعالي بينطوطهم الحيطة وبيودوهم مدرسه بححري القديمه ولسوء الحظ على سنتنا ودوا معظم زميلاتنا من عوض ساتي مدرسه بحري الحكوميه الجديدة وودونا بسيطين بحري القديمه وتموا لينا المدرسه بنات مدارس شمبات الااراضي لدرجه كان عندهم بص ترحيل ملان بيهم وتاني حسيت بالغربه في مدرسه بحري القديمه في العالي بس مع الوقت اتاقلمتا

انا ما كنتا حابه مدرسه عوض ساتي لاني الوحيدة الفي اخواتي القريت فيها كل اخواتي درسوا في الاميريه واتنين من اخواتي في الشعب يعني ما كنتا راغبه في عوض ساتي دي لكن بعد مرور الاسبوع الاول وبدات المنافسه الاكادميه بديت احب المدرسه

Post: #192
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 04:04 PM
Parent: #191

الصفحه 73

عز الدين الفحل

مــدرســـة المســـاكن الشعبيـــة الابتدائيـــة جنـــوب



العــــروس مديــــنة ابـــوظبـــي تمــد زراعيـــها فــي دعــــة العاشــــق الولهات ومنطــقة كــاســر الامـــواج والشـــاطئ الممتـــد بهـــدوء الاضــــاءات الخـــــافتــه وسنـــدوتشـــــات
الشــــاورمــــة المحــلاة بدهـــان الثــوم وعلـــب العصــــائر الطازجــــة وحبــــات العنـــب تبــل الفــــؤاد ، تــذكــرت الاستــاذ مصـــطفـــي بهـــامتــه العاليــة وعضـــــلاتــه المفتـــولة بذلــك الــــوجه الصبـــوح المبتـسم دائما والصــــوت الجهـــور المجلجل كالرعــد ، كــان يجلســــنا فــوق الكنــب عنـدما يحــكي لنا فصــة ( فاطمــمة السمحــة ) وقصــص ( علــي يايا والمليــون حــرامي ) ، كنا نحــــب الاستــاذ مصـــطفـــي اشـــد الحـــب لانــه ما كـان يميـل للعقــاب ابدا فقط عفــابه قرصــــة بسيــطة علــي الادن ، وتكفــي هامتــه الطويلـة ان تفرض قـــوة شخصيــته ، كان يغــير قسمات وجهه وصــوته حتــي نندمج معــه ويقذف بقطع الطبشير الي
اخــر الفصــل فيكــون الجميــع فــي ملكــــوت الخيــال الخصــب نحـــلق في الفضــاء كالقماوي ،
كان الاستاذ مصـــطفـــي طيــب المعــشر حــلو اللســان غالتدريس عنــده كالعبــــادة ..

Post: #193
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 04:20 PM
Parent: #192

الصفحه 73

مريم عبد الله

الليله نتكلم عن المظاهرات في شارع المدارس طبعا لما كنا في الابتدائي في الشعبيه شمال ولا بنعرف المظاهرت ولو في مرة عرفنا شي بيكون بثقافة السمع بعد ما دخلتا المتوسط وبقيت من الطلاب في شارع المدارس اختلف الامر طبعا اليوم بيكون عادي لكن بعد الفسحة الاولي ما بتسمع الا فليق بالطوب في العرش البيكون زنكي وما تسمع الا صوت البنات بيصرخوا وكل معلمه تمشي المكتب تاخد شنطتها وتمشي بيتها

اليوم الدراسي بيكون خلاص الله يرحمه انا يا جماعة واعترف كان عندي جبن رهيب ما بحب الزحمة ومن ما يرموا اول حجر في الزنكي باكون طبلتا درجي ويا فكيك على البيت بقوا جاراتنا لما يشوفوني راجعىة البيت بيعرفوا انو في مظاهرات وانو اولادهم ما جوا بقوا ناس شارعنا الطلاب العندهم هوايه ارتياد المظاهرات يقولوا لي ما ترجعي البيت لو بتخافي امشي اقعدي في اي حته ما ترجعي الحله وتجيبي لينا الكفوة وني اختي ومحود اخوي شكله كبيرة عريضه معاي لانو امي بتمرق تكوسهم لو انا جيت وهم ما جوا وانا كل مرة اوعد ومع اول طوبه في الزنكي انسى الوعد وصوف اجري على الحله


من مرتادي المظاهرات كان محمود اخوي واختي منى وفي يوم ابوي راجع بي عربيه المطار و جوا مارين بشارع المدارس وكان في الله يكرمكم صندوق زباله مقلوب وبت وولد طالعين ينططوا فوقو ويفلقوا وابوي رحمة الله عليه نضارتو الكل عارفها ما قعر كبايه لو في وصف اكتر من كدة كنتا قلتو بقا يقول حسا الولد والبت دي وين اهلهم ديل اولاد منو والمعاه في البوكس شايفين انو البنططوا وقالبين صندوق الزباله ديل منى اختي ومحمود اخوي طبعا كان يوم ما طلعت ليه ملامح بالنسبه ليهم



اتذكر في قصه لي بت اسمها امنه المال كانت جنها مظاهرات وهي من بنات المذاد يلا جا البوليس وهي جرت وكل زول دخل ليهو على شارع هي مالقت ليها اي لفه وقامت دفرت اقرب باب ليها ولقت الحمام قدامها قامت مكفكفة البنطلون وشالت الطشت وجابت حجر الكرعين وبقت تدعك في كعب رجليها قام البوليس جا داخل البيت لقاها بتدعك في كعب رجليها قال ليها ما جوا هنا طلبه من ناس المظاهرات قالت ليهو لا وربنا لا كسبتهم قليلين الادب ديل البوليس مرق وجات مرت ناس البيت قالت ليها منو انتي وحكت ليها القصة قامت ست البيت قالت ليها طالما انتي فاضيه وبتاعت مظاهرات تعالي غسلي معاي وما خلتها تمرق من البيت الا بعد ما نشرت معاها الهدوم دي كانت من القصص البطوليه التي تتداول وقتها


اي حصه ما اخدناها يوم المظاهرات لازم نذاكرها برانا ونجي حالين التمارين براك لانو المدرسات ما ملزمات يشرحوا لينا تاني وكان الناس الما بيرجعوا بيوتهم كانوا بيمشوا في الكونار بتاع شارع المدارس في مقابل مدرسه الشعب الفي ضهر عشمانه ومدرسه الشعبيه في كافتيريا عليكم الله الطاري اسمها اقولوا لينا كانوا بيمشوا هناك او البنات بيمشوا سوق سعد قشرة او سوق الزنك كما يحلو للبعض ان يسموه او تمشي مع واحدة صحبتك بيتهم تقعدوا تتونسوا



مرة جات المظاهرات وانا جريت وبعد ما جيت قريب من شارع ام درمان وانا جايه من عوض ساتي جا الكومر من شارع ام درمان وانا جاريه وفكوا بنبان والله ما عندهم شغله حسا شكلي دا شكل مناضله خسارة البنبان ودخلتا عند ناس عادل بوضيا وكانوا اهل لي بنات ساكنوا جنبنا ناس سلافة وحكمه مصباح وادوني مويه اتذكر المرحومه امهم وانا اشيل واغسل في عيوني بالمويه وعيوني تسخن من البنبان وما قادرة افتحهم تاني اتعلمتا من ديك لما اجري ما اجري في سهله اجري في وسط الشوارع البتكون فيها بيوت

طبعا شمتا ناس ابله ظاظا فيني وكل الابلوات والكباتن ناس المظاهرات لانو الكانوا بيقولوا لي ما تمشي البيت ما ضربوهم بالبنبان وانا الما بامشي في المظاهرات اضربتا بالبنبان المفروض اتاجر بالمساله دي رايكم شنو اعمل لي موتمر صحفي وانزل لي في اليوتوب كلبين تلاته واهو الزول يسترزق برضو

Post: #194
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 05:16 PM
Parent: #193

الصفحه 74 لاتوجد بها مشاركات عن المدارس

الصفحه 75

عز الدين الفحل

كان الاستاذة الاجلاء ( حسن محمد عثمان ، فضل ، سمير ) طلبة في جامعة القاهرة فرع الخرطوم انذاك ، وكانوا ياتوا بمذكرات الجامعة في الفصل ، كنا نري فيهم النبوغ والكفاح والعصامية ، وكانوا يطلبوا في بعض الاحيان نسخ تلك المذكرات ، ولا اخقي عليكم ان الطالب الذي يسند اليه النسخ كان يشعر بالفخر وينفخ صدره بان الاساتذة راضين عنه ، وقتها لم يكن خطي جميلا حتي يسند الي هذا الشرف وكان الاستاذ
( حسن ) يقول لي ( يا الصبرة خطك مكعوج زي درب الجدادة ) ، وذات مره طلبت من الاخ خالد حسن ابراهيم ( جردل ) ان يعلمني تاويل الاحاديث ويتحسن خطي ، وبالبراءة ذكر لي ان ارص الحروف رصا وتكون واضحة، كل حرف يتكئ بنفس عميق علي اخيه ،وبالفعل نلت درجة الشرف ونسخت جزء
بسيـــط جدا( وريقات معدودة ) من تلك المذكرات ، ودخلــت ــموســـوعة جيينز ..

Post: #195
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 05:34 PM
Parent: #194

الصفحه 76 لا يوجد بها اشارات للمدارس

الصفحه 77

شمس الدين ساتي


المدرسة التى درسنا بها أنا وقريبى سمير جورج

وأخى تاج الدين ساتى... أذكر الخفير عبد المحمود

وكانت هناك مدرسة أولية أخرى شمال مدرستنا كنا نطلق

عليها المدرسة الصفرا لأن فصولها كانت من الخشب على ما

أظن ومدهونة بطلاء أصفر.. وكان من دفعتنا صديقى جمال أبو

الريش شقيق عز الدين الصبابى ومحمد عبد النبى سرو من الشعبية

جنوب أيضا والتيمان حسن وحسين عبد الغفور وحيدر أبايزيد

وعماد البيتهم فى الناصية الشرقية من صف المستشار حسن طه

ولا أعرف إن كان الأسم صحيحا أم لا عماد أو أزهرى ..

يا عبدون الكلام دا كان فى سنة 1970 كان عجبك

Post: #196
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:04 PM
Parent: #195

الصفحه 77

عماد الدين عبد الله

مرة في روسيا كنت في سوق الخضار انا وصديقي ياسر عبدالحليم محمد خير شنان
من اولاد الصافية قابلنا بنتين يمنيات الدفعة الوراي في الجامعة وعلاقتي معاهم
كانت طيبة جدا لو عندهم اي شئ ما واضح في الدراسة كانوا بيجونا نشرح ليهم
المهم واحدة منهم وقفت تتونس معاي وياسر كان بيشتري وايضا زميلتها في واحد
يساسق جنبنا ساكت وزعلان كيف البت السمحة دي تقيف مع العب الشين دا وما لاقي
مدخل يتكلم معاي في النهاية جاني وقال لي انت عربي وهو طبعا شايفنا بنتونس
بلغة غير الروسية اكيد لغتنا زي بعض لكن محروق من العب الشين دا مع البت
السمحة دي انا عرفت الزول عايز ليهو سبب شكلة قلت ليهو لا انا ما عربي
اتحير يقول شنو قال لي انت زنجي عب اسود انا رديت ليه قلت ليه لكن احسن منك
اها اتحرق شديد ودور الشكلة اها البت اليمنية قالت لي يا عماد والله تاني ما
تقول ليهو ولا كلمة ويلا نمشي من هنا وخضار ذاتو ما دايرونو ونادت ياسر واتخارجنا
شوف زي ديل تكون في آخر انبساطة في ثواني تقلب الى آخر نكد
تحياتي

Post: #197
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:08 PM
Parent: #196

الصفحه 77

عماد الدين عبد الله

عندما وصلنا الى روسيا ووزعنا لدراسة اللغة انا ومعي سبعة سودانين
في مدينة نوفامسكوفسك ( موسكو الجديدة ) تبعد حوالي اربع ساعات
بالقطار من موسكو اول شئ قالوا في كشف طبي قلنا ما مشكلة جاهزين
مشى معانا واحد من الطلاب القدامي بالمدينة الي القومسيون الطبي
وبعد فحص البول والدم وصور الاشعة قالوا تدخلوا على الدكتورة
واحد واحد كشف خاص بدون المترجم دخل واحد مننا وبعد شوية سمعنا الشمطة
وجانا مارق شنو يا زول مالك في شنو قال لينا الولية المخرفة دي دايراني
اقلع ملط قلنا ليهو يا زول انت ما بتكون فهمتها قالت شنو قال لينا خلاص
خشوا انتو الفاهمين وطبعا بقينا نعاين في زولنا القديم عشان يشوف موضوع
القلع دا دخل على الدكتورة ضرب معاها النقة وجانا مارق قال ايوا يا جماعة
لازم كل واحد يقلع عشان في كشف على الاجهزة الحساسة قلنا ليهو حساسة شنو
يا زول انت جنيت ولا شنو قلع وكشف قراية هي ولا قلت ادب والله نحنا كلنا
ما بنقلع والدايرين يسوهوا الـ يسوهوا ونحنا دا دربنا للداخلية ومشينا الداخلية
وفعلا تركونا من كشف القلع ( معانا واحد مولانا وعندنا واحد شقي ومجنون
كل يوم يشاغل ليك مولانا يقول ليهو يا مولانا كنت تكون قالع وواقف للدكتورة
ومولانا يضحك ويقول والله الناس ديل القرايتم بدوها لينا بالقلع دي الله يسترنا
معاهم )

Post: #198
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:17 PM
Parent: #197

الصفحه 77

كمال كرار

أيوة كانت مطلية أصفر (ماستردا)...وسقفهاكأنه من الشينكو أو البلاستيك المقوى...

وبرضو (على أيامنا)... كنا بنسميها مدرسة تاج السر... لأنو أول مدير ليها كان

أسمو تاج السر... والمدرسة عبارة عن بورتبل كبير به على ما اعتقد صف واحد..

ومكتب المدير ومكتب المدرسين ... وحيث أنها كانت مقامة على قواعد أسمنتية...

مرتفعة من الأرض.. كان الفراغ بين الأرضية الخشبية للمدرسة والأرض مأوي لكديس

الخلاء أو الزباد...

عييييييييك يا شمس الدين رجعتنا وراء كثير يعني أكثر شوية من سنة 1970 بتاعتك دي...

تحياتي

Post: #199
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:23 PM
Parent: #198

الصفحه 77

منير

واقول ماشاء الله علي نجاضة العين والذاكرة ـ كونك تتعرف علي استاذ جورج ده مبالغة ..أليس هو استاذ جورج ذو اللهجة المصرية ؟؟.. ياخي الزول ده جاءنا فترة قصيرة جدآ وكنا في سنة رابعة ودرسنا رياضيات ـ ويخيل لي إنه حتي السنة الدراسية ما كملها ..
واتذكر بأني كنت اشارك كثيرآ أثناء الحصص في حل المسائل في السبورة ـ فقام أعجب جدآ بالشغلانة دي و اتكيف مني جدآ .. وفي يوم الامتحان اذكر أني حليت الامتحان بدري وسلمت الورقة ومرقت .. فالجماعة قالوا لي إنو بعدما أنا مرقت جاء استاذ جورج يسأل عني ويقول "فين سي منير فين سي منير" .. طبعآ هو شاف ورقة الإجابة ولقي اخوك مقفل النمرة .. الغريبة أني خلصت الامتحان وسلمت الورقة قبل الفانتوم زاتو .. طبعآ الفانتوم أيام الدراسة العادية مسائل الرياضيات بيأكلها ولعة ويخلصها في جذر خمسة من الثانية ويطلع أول زول يحصل الفطور أو المزيرة، لكين الامتحانات بيقعد ليها بمهلة ويخفف البنزين ..

لكين أنا من الزمن داك تاني استاذ جورج مالاقاني ولا عارفه مشي وين .. ويخيل لي التدريس ده هو جاء فيو عابر ساي ..
وبالله لو جمعتك بيهو صدفة تاني سلم عليه ..

Post: #200
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 10-01-2010, 09:30 PM
Parent: #199

الصفحه 77

منير الشاب اليمني انقليزيته كانت ضعيفة، فتعب مع الدراسة تعب شديد واجتهد اجتهاد رهيب لدراسة الكورسات وكان تلقاهو الليل كله رامي مرتبته في ارضية غرفته ورادمها كتب وورق ومذكرات ـ في الآخر الشغلانة غلبته وقال لينا 'إنتو عباقرة' وقام شال شنطه ورجع اليمن ..


الصفحه 77

عماد الدين عبد الله ( في رده على منير )



عزيزي منير لك كل الود
طبعا ابو يمن علاقتنا كانت مميزة معهم في الغربة
واي شئ ما واضح ليهم كانوا بيرجعوا لينا
واحد سوداني من الدفعة الورانا المجموعة المعاهو
كلهم يمنين ويمنيات وكانوا بيعتمدوا عليه في حل الواجبات
وينقلوا الحل وتاني يوم يتجدعوا بحل الواجب امام المدرسة
اها زولنا يوم قال يتغاتت عليهم قالوا ليهو حليت الواجب
قال ليهم ما حليتو ومشوا على كدا وزولنا كان فتفت الواجب
فتفته الصباح في الجامعة المدرسة قالت ليهم الحل الواجب
منو زولنا رفع يده وابو يمن اتحيروا وبصوت واحد اولاد وبنات
قالوا ليهو مال عارك يا سوداني وهو يضحك قال ليهم كل يوم
قابضين الجو على حسابي تاني يمين مسالة ما احلها ليكم .

Post: #201
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 02:22 AM
Parent: #200

الصفحه 78

منير

يا أمير قناوي ياخي أخبار عصام شنو؟؟ .. الراجل ده يمكن آخر مرة قابلته فيها ـ وما متأكد بالضبط إن كان هو ذاك اليوم ـ كان زواج سيداحمد ودعمنا محمدصبير ، تعرفه طبعآ.. بيتهم فاتح في شارع المدارس بضهر شارعكم .. وعصام كان مع ناس عزالدين الفحل في فصل ب لكنه كان معانا في الاميرية2 في فصل جنوب وهو من أنصع الفترات الدراسية التي مررت بها .. حيث كان أكثر فصل مشاغب كما كنا أكثر فصل فخور بأساتذته وخاصة اللغة الانجليزية التي درسنا لها استاذنا الفاضل ابراهيم علي الذي علمنا متعة تعلم الانجليزية .. وقد لا أبالغ إن قلت لكم أن 80 في المية من الانجليزية البتكلمها الآن هي من مخلفات الانقليزي الدرسنا ليهو استاذ ابراهيم في سنة تالتة عام ..

وبمناسبة اللغة الانقليزية ياجماعة فأكثر طالب قالوا نبغ في اللغة الانجليزية في الثانوي العام كان في الدفعة القدامنا وهو كمال خضر ـ أخو عصام وأخوانه ـ وبيتهم فاتح علي شارع الشعبية قصاد ميدان الصداقة .. وكمال ده منذ امتحان الشهادة مرق للدراسة في اوروبا الشرقية تاني مارجع .. يمكن عادل عثمان يكون عارف اخباره ..

Post: #202
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 02:27 AM
Parent: #201

البصفحه 78

عز الدين الفحل

ذكرتم اسم الاخ ( كمال خضر ) انه كان نابغة في اللغة الانجليزية ، بس عايز اعرف من هو كمال خضر ، هل هو ذلك الراجل الخطيب البارع
الذي كان يخطب في طابور مدرسة الاميرية 2 ودائما يبدا الخطبة بعبارة ( فيـــــكم الطيبــة ) هل هو ذلك الرجل .
اذا كان هو اظن الراجل ده كان معي في ابوظبي وكانت تربطني به علاقة ود متينة في ابوظبي . وهو علي درجة عالية من الثقافة والوعي والخلق
ارجو الافادة .

Post: #203
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:03 AM
Parent: #202

اصفحه 79 و 80 لا توجد بهما اي اشارة للمدارس او ايام الدارسه

الصفحه 81

عز الدين الفحل

مدرسة الاميرية ( 2 )



تمرت الايام ثقيلة كالسحلفاة ونحن نودع مدرسة المساكن الشعبية الابتدائية جنوب والحب الدفين لاولي سنوات النجاح الباهر الذي حققناه
وكانت المنافسة قوية مسعصية امام فحول وجهابزة من العقول المتفتحة في مدرسة الاميرية ( 2 ) ، واذكر منهم المهندس خالد حسن ابراهيم
( جردل )، الدكتور احمد علي خالد ، الدكتور محمد علي محمود ، الدكتور عثمان قرور ( من ابناء الدناقلة شمال ) ،المهندس بشري فضل
الاستاذ حسين عبدالحليم ، عادل عبدالفتاح ( من ابناء المزاد ) ، يوسف عبد التام ( من ابناء المزاد ) ، كل هؤلاء كانوا في فصل اولي
شمال في مدرسة الاميرية ( 2 ) ، اخذتني الحيرة في بادي الامر من هو الذي يتربع في راس الحربة وكلهم عقول نيرة ، سالت صديقي الاخ
خالد حسن ابراهيم ونحن في اول يوم بالمدرسة الجديدة ، من هو الاول يا خالد ؟ اجاب يا صاحبي المنافسة ح تكون وطيســة و ح تكون
حرب ضـــــــروس ...

Post: #204
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:05 AM
Parent: #203

الصفحه 81
عز الدين الفحل

مـدرســـة الاميـــريـــة ( 2 )



اول يوم في مـدرســـة الامـــيريـــة ( 2 ) تم توزيعي مع فطاحلة العقول في فصل اولي شمال ، وجدنا الاسماء علي ابواب الفصول دخلت
الفصل وحالي يقول ( بسم الله مجراها ومرساها ) خائفا وجلا كلت امري الي الله جلست في ثاني صف وجوار الدكتور محمد علي محمود والاخ عادل عبدالفتاح والطرف الاخر المهندس خالد حسن ابراهيم وامامي الاستاذ النابغة حسين عبدالحليم ، وعند بداية الحصة الاولي طلبت من الاخ
حسين عبدالحليم ان يتقدم الي الامام فما كان منه الا ان صرخ في وجهي قائلا باللغة الانجليزية :-
[GO AWAY FROM MY FACE
فما كانت الا ولحظات دقيقة ونشبت بيننامشادة كلامية حامية كادت ان تصل الي مرحلة الضرب ، فجاء الاخ خالد حسن ابراهيم وهدا الامروكنا وقتئذ لا نعرف اللغة الانجليزية ، سالتت صديقي خالد ماذا يعني بهذا الكلام المبهم( GO AWAY FROM MY FACE ) قال الاخ خالد
( قايتو اخوي حمتو كان بيقول فيس معناها وجه ، اما باقي الكلام لا اعرفه ) ، ضحك الاخ عادل عبدالفتاح كثــيرا باعلي صوته الجهور
، وبعد نهاية الحصة الاولي سال الاخ عادل عبدالفتاح الاخ حسين عبدالحليم عن المعني فوضحه له ، فما كان من الاخ عادل عبد الفتاح الا ان
صاح باعلي صوته ( يعني قال ليك غـــــور مــن وشـــــي ) ، ومن تلك اللحظة عقدت العزم ان ادخل هذه الحرب الضروس وان
اشد ساعدي خاصة في اللغة الانجليزية وقد كان ذلك بمساعدت اختي ( سمية ) وهي نابغة من مدرسة عشمانة الابتدائية ، وظهرت النتيجة
نهاية العام الاول مشترك المهندس خالد حسن ابراهيم مع الاخ حسين عبدالحليم ، والثاني شخصي الضعيف ، وكان مدرس اللغة الانجليزية الاستاذ
في السنة الاولي الاستاذ ايــــــوب وهدات مراتب التفوق وظهر ربان السفيــنة يركدون الي الافق الفسيــح والي الــعلا ..

Post: #205
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:11 AM
Parent: #204

الصفحه 82

صلاح عباس فقير

أستاذ الفاتح!
هأنذا أستجيش ذكرى أيامٍ خوالٍ، تقودني أصداؤها إلى مدرسة الصبابي المتوسطة،
إحدى الأوعية المهمة التي جمعت شباب الشعبية جنوبها وشمالها.
أما محور هذه الذكرى، فهو أستاذ الفاتح وكيل المدرسة في تلك الأيام، وأستاذ اللغة الإنجليزية!
مع أستاذ الفاتح يتوهّم كلُّ طالبٍ من طلاب الفصل بأنّه في مركز دائرة الاهتمام،
ولذلك تعدّدت في فصلنا الدوائر والمحاور، ففي المحور الأكاديمي تجد هشام يوسف عثمان هو الأول، وبعده مرتضى تبيدي، ثم تتّسع هذه الدائرة لتمرّ بضياء الدين عبد المجيد "من الصبابي"، ...
ثمّ تنداح حتى تشمل كلّ الفصل، فمع أستاذ الفاتح ليس هناك طالب بليد.
وكان هناك محور آخر تمثله مجموعة من الطّلاب المرحين، الّذين أُتيح لهم أن يُعبروا عن أنفسهم،
ويلقوا بطرائفهم بين الحين والآخر، كلّما دبّ في نفوس الطلاب الملل، وكان معظمهم من كبار السن
القابعين في الصف الأخير من الفصل: هاشم السراج، علي فتحي علي سعيد، وغيرهم، يجدون كلّ التقدير
من لدُن أستاذ الفاتح، والتجاوب مع مشاركاتهم،
ثم كانت هناك مجموعة "ناس الكورة"، حيث كان في السنتر طارق أحمد إسماعيل "جون"، ثم نبيل فتح الله، ا
لّذي كان يشكل مع "جون" ثنائياً لا يفترق داخل الملعب أو خارجه، وكانا يلعبان في الرابطة في فريق الهدف،
وكان معنا كذلك من اللّعّابين الأخ عبد المنعم -رحمه الله- من أبناء الشعبية شمال، تُوفِّي في ليبيا، والمرحوم عادل محمود -نسأل الله أن يغفر لهما ويرحمهما، ويسكب على قبريهما شآبيب الرحمة والرّضوان- والأخ حامد دفع الله،
ولا أنسى الأخ أحمد اليماني، والأخ الفاتح محمد صالح "كان في الدفعة الورانا"، وعذراً لمن فاتني ذكرهم.
كانت مجموعة الكورة تبدأ يومها بالكرة، قبل الطابور على نظام "قيم واحد" في الملعب خارج المدرسة، ...
ثم على نظام لعبة "مدرسة" في ساعة الفطور، وكانت المنافسة حامية بين جون ونبيل من ناحية، وكلّ ثنائي آخر من المجموعة، وأحياناً كنا نجد الكرة داخل المكتب والمكتب بابه مغلق، وشباكه مفتوح لكن مُشبّك، فكان الأخ عادل محمود رحمه الله، بجسمه النحيف يتسلّل لإحضار الكرة، ويقوم الأستاذ الفاتح بإجراء تحقيق، يمزج بين الجدّ والحزم والسماحة والأُبوّة، ويُنهي التحقيق بأن يتعجّب من قدرة عادل على التسلل عبر منافذ الشباك، ويُنبّهنا إلى عدم التّأخر عن الطابور الصباحي، كان يجتهد في إخفاء الكرة، لكن إن وجدناها ولعبنا، كان يكتفي بالصَّمت البليغ.
لأستاذ الفاتح كلّ التحية والتقدير على هذا الروح الإنساني النبيل، والمعاملة الراقية التي كان يُعامل بها طلابه!
معتذراً عن قصور كلماتي عن الوفاء بحقّه، ومتأسّفاً لذلك أعمق الأسف،
وما دمنا قد بلغنا محيط مدرسة الصّبابي، فلنذكر واحداً من أبناء الشعبية الأفاضل، عمل في هذه المدرسة وفتح وعيه وقلبه لكلّ الطلاب، وطرح نفسه لهم باعتباره أخاً أكبر، ...، ذلكم هو الأستاذ يس التيجاني، أنتهز هذه السانحة لأغريه أزكى التّحايا والأمنيات، عسى أن تصله مباشرةً، إن كان من المتابعين لهذا البوست، أو يُبلّغه إيّاها من يعرفه!

Post: #206
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:13 AM
Parent: #205

الصفحه 82

شمس الدين ساتي

أسماء فى حياتنا...

خالد حسن إبراهيم (جردل) وشقيقه الطيار حمدتو والأكبر دكتور عطا المنان

حسين عبد الحليم

أستاذنا العزيز أيوب ود الحلفايا

شكرا لك ود الفحل ذكرتنا شخصيات عزيزة علينا

والأميرية 2 وفصول شمال والسحار / يوسف محمد خير/ حسن إبراهيم

بالمناسبة ...خالد حسن إبراهيم وهو شايقى متزوج من إبنة خالى

وكانت زميلته بجامعة الخرطوم..

حمدتو كان قد شارك فى أحد الإنقلابات ضد الإنقاذ لذا سرح من الخدمة

Post: #207
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:16 AM
Parent: #206

الصفحه 82

عز الدين الفحل

نعم يا شمس الدين الاخ حمتو كان طيار واظهر براعة فائقة وكذلك الدكتـور عطا المنان ، طبعا هم اخوة المهندس خالد حسن ابراهيم
وهم خيرة الناس علي درجة عالية من التواضع والطيبة ، واخونا الاستاذ حسيــن عبدالحليــم كان نابغة ورجل شاذ وشاطــر جدا ولبيس
وانيق يعني كان نوارة الفصل ، والحمد لله كان التنافس قوي وشريف وصراع وراء القمم العالية ، وانا افتكر لولا وجود الاخوة الاشاوس
الفطاحلةالمبدعين ، لما اندفعت عجلة التفوق كالبرق الخاطف ، وفي فصل جنوب الاميرية ( 2 ) كان خيرة الطلبة امثال الاخ منير عبدالرحيم
والدكتـور عماد عبدالله ، وفي فصل غرب كان راس الحربة المهندس ماهر الفاضل والاستاذ عبدالاله ( خريج كلية القانون جامعة الخرطوم )
وهو موجود معي في ابــــــــوظبـــي ،، وربما تكون الطفولة البائسة الفقيرة التي عشناها كانت سببا اساسيا لنتعلق باهداب الثريــا ..

Post: #208
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:39 AM
Parent: #207

الصفحه 83 و 84 لاتوجد بهما اشارة للمدارس او ايام الدارسه

الصفحه 85

منير

يا وليد وعبدون وبمناسبة حلة الدناقلة .. كان عندي صاحبي وصديق عزيز في الجامعة دنقلاوي من القولد إسمه سيف .. - إنتو سيف ده محتكرينه الدناقلة واللا شنو؟ - سيف ده رجل ذو نكتة حاضرة وفكاهة سواءآ كان مبسوط أو زعلان .. فكان بيضحكني بإنو يمثل ليك حوار بين عدة شخصيات في فلم هندي بلغة دنقلاوية يطلعها ليك بنهراتها وخشونة الأصوات كأنها هندية وكأنه كومار شخصيآ .. وفي الآخر يختمها بأغنية هندية تركيب كلمات رطانة دنقلاوية تطلع غاية في الروعة .. سيف غايتو ألذ زول ..وبعد التخرج اغترب في السعودية كمهندس كمبيوتر ومرة جاء إجازة يحكي لي، قال لي والله ما تسمع كلام الناس البقولوا ليك العرب ديل طرش وبهايم ساي مافاهمين حاجة - قال لي والله أبات عقالات ديل ساعة الواحد يخت ليك يدينه في الكيبورد ده والله يطقطق ليك الكمبيوتر ده جنس طقطقة .. لمن تتحير زاتو..

ومن طرائفه برضو مرات بيحاكي لي اللهجة الدنقلاوية .. قال لي ساعة يرجع في إجازة الجامعة للبلد ، ويجي نازل من اللوري شايل شنطته بيكون في شلة من عجائز الحلة قاعدين فوق الحفير - ويعاينو ليهو كده وهو جاي من بعيد .. فواحد يقوم يقول للجماعة : إنتو الجايي ده مش جني مهمد سئيد؟؟ .. فيرد الآخر ياهو زاتو الولد البيقرا في الجامعة ..
فيرد .. تيب ده ياخي ما بيكون بقي مهندس كبيييير ياخ ..

مرة في الجامعة كنا طالعين من محاضرة مسائية ومن القاعة طوالي ماشين علي السفرة للعشاء .. الكلام ده كان في النشيشيبة معقل ابحاث جامعةالجزيرة الكبري - إحم إحم - والدنيا كانت خريف والبلد ممطرة ، ويا سلام علي الخريف في مدني - الخريف في مدني زي الشعبية زمان خضرة ونضرة في الميادين وحول المجاري والخيران..زحمة ألوان وريشة فنان ..
..وفي المسافة بين القاعات والسفرة الدنيا كانت مضلمة وكانت هناك بركة موية مطرة في السكة ما كنا شايفنها .. وكان سيف متقدمنا وماشي أول واحد علي السفرة والجماعة كلهم طبعآ قاشرين ومتهندمين - زمان سفرة جامعة الجزيرة كانت مختلطة ، فكان الجمهور بيجي للوجبات - المجانية - في أبهي صورة .. أسألوا اسامة سعد وعادل علي صالح الكان رئيس الاتحاد .. أها قبل ما أنسي وأخش في موضوع تاني .. سيف الدين جاء ماشي ماشايف حاجة غير السفرة هنااااك .. وتوووش خش في الموية والطين !!!! .. فعزيزنا بدل ينبه الناس عمل فيها رايح و مشي عادي كأنه ما حصلت ليهو حاجة .. فجينا نحن وراهو زي القطيع داخلين في الموية طش طش طش .. هههه .. جنس محن ..

Post: #209
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:48 AM
Parent: #208

الصفحه 86

شمس الدين ساتي

إنتا نسيت النيم الكان بيقطعو عم حميدة للسحار زمان

عشان يجلدنا بيهو..ولا نسيت اللبع الكان بيلبعنا السحار..

تعرف كان عندنا إستاذ بابكر جعلى مشلخ تى كان يدرسنا الأنجليزى

وفى أول الصف كان جالس منير الحلفاوى ..وكان بليد جدا ومصيبته

كان بابكر بيقعد جمبه وأول زول بيسأله وفى يوم وجه سؤال لمنير

فأجاب إجابة خطأ .تعرف أستاذ بابكر كان سافى تمباك طوالى تفا السفة

فى وجه منير(تفو عليك) ومعاه السفة طارت فى وجه منير الفصل كلو قعد يضحك

Post: #210
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:51 AM
Parent: #209

الصفحه 86

عماد الدين عبد الله

شفت يا شمسي اساتذة زمان رجالتهم

سافين جوه الفصل والبيفتح خشمو

سوط العنج واربعة كبار للشيل

غايتو حكم القوي على الضعيف

والله السحار كنا بنخاف منه خوف الموت

بجنب مكتبه ما بنجي

Post: #211
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:54 AM
Parent: #210

الصفحه 86

شمس الدين ساتي

يوم صاحبى المتصبين دا كان مربى شعره وطبعا عبدون شعره

سبيبى والناظر السحار قال ليهو بكرة تجى حالق عبدون قال كويس

اليوم التانى عبدون جاء ممسح شعرو بالفازلين ومكرفسو عشان مايظهر

كثير ..عمك السحار كشف لعبتو وطوالى نادى عمك حميدة يا عم حميدة

جيب مقص الشجر ..عمك ما كضب أداهو المقص ..السحار مسك المقص وطوالى

مشى لعبدون وكان داير يحلق ليهو جوة الفصل .والفصل يضحك

Post: #212
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 04:12 AM
Parent: #211

الصفحه 87 لايوجد بها اي مشاركات عن المدارس او ايام الدراسه


الصفحه 88

عماد الدين عبد الله

والله يا عبدون السحار دا كان ارهابي عديل
اكان طلع في البرندة الجنب مكنبه ما بتلقى
في زول في الحوش ونحنا كنا في جنوب يعني
اقرب الفصول ليهو ونتوقعوا في اي لحظة يجي
ماري بجنب الشباك ولحدي هسع اكان جابوا سيرتوا
قلبنا بيدق

Post: #213
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 04:15 AM
Parent: #212

الصفحه 88

عبدون محمد عبدون

ياعمدة السحار زمنا داك كان تلقاهو قاعد طول اليوم بيملأ فى تذاكر توتو كورة انا كنت قايله وكيل بتاع توتو كورة ولا حاجة لأنو كان بيجى شايل تذاكر بى كمية رهيبة والحاجة اللذيذة ياعمدة لما خلاص ماشين من الاميرية وفى حفل التخريج جا عمك السحار وقال لينا ياكلاب انا عارفكم قاعدين تقولوا لى السحار ..

Post: #214
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 04:19 AM
Parent: #213

الصفحه 88

عز الدين الفحل

مدرسة الاميرية ( 2 )

من طرائف المواقف في مدرسة الاميرية ( 2 )


عقدت العزم من اول يوم في المدرسة وبعد المشاداة مع الاخ ( حسين عبد الحليم ) الرجل النابغة الفذ حين قال لي اول يوم بالمدرسة
GO AWAY FROM MY FACE
وكنت وقتها لا اعرف اي شئ عن لغة الخواجات ، حتي صديقي المهندس ( خالد حسن ابراهميم ) عجز عن ترجمة تلك العبارة الساحرة ، قلت
لاخي ( خالد حسن ابراهميم ) ، بعد ده لازم نبرز في اللغة الانجليزية ، وبمساعدة اختي ( سمية ) ( وهي تقيم معنا في ابوظبي مع ابناءها )
كنت اقرا الدرس قبل يوم وادخل الفصل في غاية الاطمئنان الشديد، كاني ( بروفيسير في الانجليزي ) ، وكانت الحصة تمر باخر روعة مما جعل
الاستاذ ( سيداحمد ) يحترمني لاني نابغة ، واذكر مرت علينا كلمة ( TALK ) ، ومن سوء الحظ انيي استهونت ان اسال اختي مسبقا عن هذه الكلمة ، وفي الحصة طلب الاستاذ ( سيد احمد) ادخال الكلمة في جملة ، فرفعت يدي بالاجابة وقلت :-
I TALKS TO YOU ،
وطلب استاذ سيداحمد ان اكرر الاجابة وقلت موجها الاجابة له :-
I TALKS TO YOU ،
وفجاءة صاح الاخ ( عادل عبد الفتاح ) ( من ابناء المزاد ، ومقيم في جدة الان ).
- يا استــاذ قال ليك اتيــس تـو يــو .
- يا استاذ قال ليك تيـــس ، تيــس شنــو يا الصبــــرة.
وانفجر كل الفصل بالضحك ،
حتي ان الاستاذ ( سيد احمد ) انفجــر ضاحكا حتي كاد ان يبتلع قطعة الطبشيــر الموضوعة علي فمــه.

Post: #215
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 02:49 PM
Parent: #214

الصفحه 89 و 90 لاتوجد بهما اشارات عن ايام الدارسه

الصفحه 91 ؟؟؟؟؟؟؟؟؟

مريم عبد الله ويسالوني اقول مريومابيه يقنبوا يتحيروا ومرات كتيرة بيضحكوا انا كنتا بازعل في يوم سالتا ابوي قلتا ليهو نحنا ليه ما عندنا قبيله

قعد يعاين وقال لي نحنا محس فرحتا ومشيت تاني يوم المدرسه قلتا للبنات نحنا محس بقوا يقولوا لي رطانه وانا ما فاهمة الا بعض الكلمات الباسمعها

في بيت ناس عمنا ساتي عبد الحفيظ ولكن لما بقوا يرطنوا البنات ويقولوا كلام كتير بيقت ما عارفه ارد فعملوا لي زفه محترمه

( والزفه عبارة عن جيش عرمرم من الصغار بيرددوا التجريسه الاتيه الكذب حرام بيقطع اللسان من وراء وقدام والسرير حديد والكفن جديد )

دقيقه عارفين شنو علاقه السرير الحديد بالكفن نحنا عارفين انو الجثمان بيحمل على عنقريب وبيدفن وبيرجعوا بالعنقريب البيت معاكم كويس

لكن اتهيا لي والله اعلم انو الكذاب زي البيكون من تحته سرير من الحديد عشن لما النار تبدا تحرقه الحديد يسخن ودي من الاشايء الممكن نقيس بيها مدى تاصل

الثقافه الاسلاميه لدينا في كلامنا رايك شنو يا بروف


نرجع لي موضوعنا اها مشيت مدرسه البنات 4 كانت هناك عمتي عيدله محمد السيد بتدرس في الشعبيه 4 بعد ما نقلوها من الشعبيه 3

مشيت وانا بابكي وقلتا ليها ابوي قال لي انحنا محس والبنات بيرطنوا وانا ما فاهماهم بقت تضحك قالت لي قولي ليهو نحنا مريوماب محس لكن ما بنرطن


وقالت لي قولي ليهم نحنا جدنا الشيخ حمد والشيخ خوجلي وعندنا حلتين بي اسمنا طبعا فرحتا فرح السنين وجري صوف على البنات وقلتا ليهم فيهم الاقتنع وفيهم

الما عجبوا الكلام بس اتحليت من التجرس يومها

Post: #216
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 02:56 PM
Parent: #215

الصفحه 92

البروفسير عبد الرحمن ابراهيم

عبدالله حامد ماعرفته لأنه أنا فى بوسطن وهى تبعد حوالى عشرة ساعات بالسيارة عن واشنطن.

لكن خالك شريف طاهر كان سيد الجامعة الحقيقى. وكان رجل عظيم وإدارى فريـد. وبرضه كان صاحب الوالد عليهم رحمة الله.

بالله عم سـاتى أبوك؟ والله زمن ياشمس.

أنا بخلاف الروابط الإثنية كانت عندى علاقة خاصة بى الفراشين وناس السفرة والسواقين. وكنت محبوب جدا لديهم منذ أيام الدراسة. لأنى كنت أكمل ليهم إجراءآت بدل السفرية أو الأوفر تايم للإتحاد أو الجمعيات والمنظمات الطلابية تانى يوم طوالى بعد المهمة، وأشرف ليهم على صرف إستحقاقاتهم كامـلة.

وأيضا لمن توليت مهام سكرتير الشئون الإجتماعية بإتحاد طلاب جامعة الخرطوم لم أعمل كما عمل من سبقنى فى المنصب. فكل من سبقنى لأنهم كانوا يطوفون بالداخليات فى البركس وخارجه فيتأخرون عن مواعيد الأكل فى السفرة، كانوا يطلبون أن تعد لهم صوانى خاصة مما طاب من الإطعمة الخاصة والتحليات.

أما أنا فكنت أدخل المطابـخ وأقعـد معاهم ناكل بواقى الحلل ونتونس. فنشأت بيننا علاقات صـداقة إنسانية جميلة.

Post: #217
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:12 PM
Parent: #216

الصفحه 93

الحاج حمد

اذا كنت تقصد العقيد مهندس حسن الريح شقيق علي الريح فهو دفعة شقيقي الأكبر كمال حمد و الرشيد ساتي و علي الخليفة شقيق عبد الواحد تورو بمدرسة بحري الحكومية و بعد المعاش من الجيش( تقاعد برتبة عقيد) عمل مدير لأحد مصانع باحدى شركات القطاع الخاص حيث كنت وقتها رئيس حسابات بتلك الشركة و حسن الريح شخص على خلق عالي و نهذب جدا و كانت تجمعه علاقات طيبة مع زملائه في العمل.

Post: #218
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:15 PM
Parent: #217

الصفحه 93

عادل عثمان

هو حسن الريح شقيق على الريح والمرحوم هاشم الريح. كانت القوات المسلحة بعثتهم الى الاتحاد السوفييتى لتعلم قيادة الطائرات الحربية ولكن قطعت العلاقات بعد حركة 19 يوليو 1971 (انقلاب هاشم العطا) وعاد الطلبة الحربيون المبعوثون الى الاتحاد السوفييتى وتم استيعابهم فى افرع القوات المسلحة . واظنه اشتغل فى سلاح الاشارة. ثم احيل الى المعاش بعد انقلاب عمر البشير فى 1989.

بالمناسبة نما الى علمى ان الرئيس عمر البشير كان يزور خالى فى حلة حمد عندما كان البشير طالبآ فى الخرطوم الثانوية. خالى من قدامى الاخوان المسلمين فى مصر والسودان. ويبدو ان عمر البشير انخرط فى جماعة الاخوان من زمن بعيد.

Post: #219
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:18 PM
Parent: #218

الصفحه 94

عادل عثمان

كتبت روما

Quote: عمتنا محاسن الجيلاني زوجها من ناس الجزيرة حلاوين من ابو فروع


والدة الفاتح وامين كامل محمد سعيد؟
كانوا زملاءنا فى بحرى الثانوية وامين زميلنا كان فى جامعة الخرطوم.

ذكرتى ابوالمعالى الصديق. والد د. عادل ابوالمعالى؟
كان قدامنا فى بحرى الثانوية وجامعة الخرطوم. وقريب زميلنا فى الاميرية 2 وبحرى الثانوية وجامعة الخرطوم د. شرف على ابراهيم.

Post: #220
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:25 PM
Parent: #215

اصفحه 91

دكتورة ستنا خدر

: كتب اخونا عزالدين

(عند مكتبة المرحوم ايوب )
الله يرحمه تفاجأت بسماع وفاته ،كنت في مرحلتي الابتدائية من المداومين علي شراء مجلة ماجد كل اربعاء وكنا ننتظرها بفارغ الصبر وبالرغم من زحامنا وشغبنا كان يلاقينا ببشاشة وكان ذلك يلطف علينا شعورنا بالسخانة فقد كنا ننتظر المجلة من العاشرة صباحا خاصة ايام الاجازات والمجلة بتجي ا(الساعة 1ظ وعندما نراه قادما ممتطيا عجلته ويحمل معه المجلة نتأهب للشراء كانت ايام جميلة،رحمه الله رحمة واسعة (إنا لله وإنا اليه راجعون

Post: #221
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:30 PM
Parent: #220

الصفحه 94

مريم عبد الله

مرة انا كنتا في الاحفاد وفي سنه تالته بيطلعونا الفيلد ترب لي مكان نحنا ودونا الغرب جبال النوبه قريه اسمها لقاوة

نزلونا في مدرسه ابتدائيه وقعدنا اها بنكون من الكليه قروب يعني من كل كليه بيكون في كم طالبه المهم نكون في تالته

يلا معانا ولاء احمد قاسم البيتهم فاتح في كايتر الهندسيه ولاء حكنوشه جايبه لينا معاها نسكافه وطول الطريق في القطر

ترش في الريحه وما طايقه اي شي هي وطالبه اسمها ندي من الطب ومها الزين من كليتنا لما بشوفونا بناكل فته او بوش

كميه من الاستنكار وجابين معاهم اكلهم وما بياكلوا مع القروب ومناديل ورق والريحه بيرشوها في يديهم ويشموها وقصه كبيرة

ومعانا برضو بنات من كليه الطب والعلوم الاسريه وادراة الاعمال والتطوير الريفي ونحنا من علم النفس

كويس معاك اها كان لازم نمشي في استبيانات نملاهوم بي اراء ناس الحله

جينا مارقين من المدرسه القعدونا فيها وولاء احمد قاسم تاكل ليها في لبانه وطول الطريق هي وناس ريم وندى

يقولوا لي بعضهم الساونه كيف والكريم الفلاني والعلاني وماشين معاهم انا وبت تانيه من بنات القضراف اسمها عشه

اها لقنا ليك شيخ الحله وسالمنا هم عارفين بي جيتنا وقلنا ليهو في معلومات عايزين ناخدها من ناس الحله

الراجل مشكور حلف الا اول بيت ندخله يكون بيت زوجته الكبيرة ودا طبعا قمه في الاحترام العملوا معانا لانو ودانا بيت المرة الكبيرة

اها صحباتك ديلاك لسه في اللبان وياي وياي ورطانه وتعليق بي الانقليزي وحاله

نجيك داخلين وكان شتاء نهايه شهر 12 شتاء تمام يلا لقينا زوجة الشيخ قاعدة بتمشط لي بيتها في شعرها

وكميه من الكركار والودك ريحته تضرب تقلب يا عبدون والدنيا برد اها سالمنها وقلنا لينا الشيخ رسلنا وعايزنها تساعدنا

قامت حلفت الا نشرب شي وكان يوم خميس

طبعا كل ناس وثقافتهم تقوم مطلعه من تحت العنقريب طشت العدة وممرقا منو الكبابي عشه بت القضارف

حلفت الا هي تغسل الكبابي لمرت الشيخ اها تقوم مرت الشيخ تجيب ليك ديك يا القربي فروتا وتقطعها

وما غسلت يديها من كركارها داك وتعصر في جك بلاستيك والكبابي بلاستيك

انا طوالى قلتا صايمه وعشه كمان هاا امات لبان ديلاك وين يمشوا

لو ما شربوا دي اهانه للشيخ لانو دا بيت مرتو الكبيرة

وهم ناس طيبين وناس كريمين جدا وقبل ما تكب الشربات داك في الكبابي الما خمج

تقوم بتها الكانوا بيمشطوا فيها ديك تجيب ليها قطعه وتتمر الكبابي والقطعه لونها ما باين

من العليها

اها لازم اشربن طبعا برقوا عيونوم ومافي اي حل يا تشربوا ولا ح يزعلوا وح ترجع كل القافله

اها بي هنا بي هنا الكبابي البلاستيك مع الدهن والدينا باردة بقا الدهن باين في وش العصير والريجه ضاربه الليله جاك الموت يا تارك الصلاة

قفلوا مناخيرهم وعلى شفطه واحدة وقاموا مشوا انا وعشه بت القضارف ما قادرين نستوعب من كلام مرت الشيخ اي شي وهي تربك معانا

لانو زميلاتنا ما قادرات ياخدوا نفسهم وحسينا بيهو خلاص ح يستفرقوا في وشنا

استاذنا مرت الشيخ وقلنا بنجيها في وقت تاني اول ما مرقنا من بيت الشيخ التلاته بنات

كميه من الاستفراغ لدرجه ما تموا معانا بقيه الرحله

Post: #222
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:33 PM
Parent: #221

الصفحه 94

مريم عبد الله

مرة برضو مشينا تبع جامعه الخرطوم ايام التحضير كنتا باعمل في دبلوم محو الاميه وتعليم الكبار قاموا ودونا لي الرحل

نشوف كيف ا ن الترحال بياثر على مستوي التحصيل عند اولادهم وايه ما بيصروا على تعليم عيالهوم

اها معانا بدر الدين كمال دا من الدفعه جاب معاهو اخته الا تمشي معاه الرحله اها تنقش تنقش جات معانا بنوته حليوة ماشاء الله عليها

وقتها غنت لينا في البص اغنيه عبد المجيد عبدالله بتاعت رهيب والله رهيب وما خلت لينا باكو بسكويت ما ادتنا منو

وزعت لينا شوكلاته وبسكويت محشي ونحنا نكوضم


وصلنا لي مكان الرحل هم رعاة ماشاء الله عليهم ناس كرم جوا اخدونا بالبكاسي الكاشفه واكرمونا ضبحوا لينا طوالى

وشوا بي سرعه البرق وعندهم شطه ما خلوا لينا اتي ما ختوه لينا فيها واكرمونا اسرع سفرة تتعمل ويحلفوا فينا اها البت

ابت ما تمد يدها على اللحمة ولا على الويكه ولا السلطه حرام مافي زاذ جرح حلقها زي ما بيقولوا في كسرة برضو ابتها

نحنا ضربنا الشيه معاهم ومعانا دكتور صغيرون من الكليه واخدنا كلامنا وهي يحنسوا فيها اهديك ارضيك لا

ما بتاكل مويتهم ما عايزاها وتعاين ليهم ونحنا متفنين معاهم في الارض وهي تقول ليهم انا مصدعه ما قادرة اكل

قاموا عملوا ليها شاي بي لبن حلبوهو طازه وغلوه وكبو تفل الشاي فوق ليهو وجابوهو ليها ولينا هي اخدت الكبايه

كيف كيف وقامت براحه كشحتها وعملت روحها بترسم في التراب وغتت الشاي

هم اتكيفوا انها كملت شايها بسرعه ما يقوموا مدينها الكفتريه كلها ويحلفوا طلاق وحرام الا تشرب لما جينا راجعين تبكيوتقول لقيت لي شعريتن في الشاي

دكتور صغيرون قال ليها بركه الما لقيتي ليك بعرة في الشاي

Post: #223
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 03:57 PM
Parent: #222

الصفحه 97

مريم عبد الله


مرة كنتا ايم الماستر هنا ودوني مدينه اسمها باترا فيها مستشفى في القسم النفسي

يلا بقيت ساكنه في السكن بتاع جامعه باترا في الداخليه لانو كان شهر التديب

هناك الاكل بيكون في سفرة الجامعه مرة اتعرفتا على بت مسلمه من موروشوس

بقينا نتكلم هي طالبه طب وعرفتني على بت من مالى وبتدرس في الجامعه

اها الماليه دي برضو مسلمه وفي بتين من موروتانيا كمان في الجامعه برضو مسلمات

وفجاة البت الماليه دي قالت تاني ما ناكل من اكل السفرة لانو في لحم خنزير نحنا الضمنا

شنو قامت قالت لينا الفطور والعشا مافيهم مشكله لانهم خفايف بيض وجبنه بيكونوا مضمومين

المشكله في الغداء انا الكلام ما وقع لي لانو لما بنسجل للسفرة بيسالوك عن الديانه وعن اي شي

بيعمل ليك حساسيه وكدا كدا بيكون في اكتر من صنف قامت كلمت ليها كمان بت من الاردن

ودي جابت لينا 3 بت وولد من سوريا وواحد فلسطيني واتفقوا بعملوا شيرنق واحد منهم يجيب الغداء الاسلامي

يلا مرة يجيبوا ليهم جداد مشوي ومره بيرقر وكدا قام الفليسطيني قال ليهم ليه ما نطبخ وشركوا واحد تاني لانو

ساكن مع ناس عندهم شقه يلا بقوا يديهو الشيرنق بتاع الاسبوع وهو قال بيجيب ليهم الاكل لغايت السفرة بتاعت الكليه

يوم جاب ليهم محشي اللحمه الفيه كتيرة حله كبيرة وجابيها ليهوم في سفرة الجامعه جوا وقعدوا ويعاينو لي نظام انتي ما ناصرتي

الاسلام هيا جماعه الاكل في السفرة فيهو الخضار وفي الجداد وفي معجنات يعني في مليون خيار لو ساكت شالوا بس كستر وفواكه بيشبعوا

اها يوم المحشي داك البنات الموروتانيات ديل هن الكانن موجودات والبت الموروشوسيه دي بس لانو

الباقيات عندهن لابات ديل ضربوا ليك حله المحشي زي الماحاصل شي وهو قاعد جنبهوم ويقول ليهم صحه وهناءعلى اللبكم

وما عزموا على ولا بي لقمه واحدة نظام مقاطاعتني وكدا ةالموورشوسيه تسال عن اسم الاكله وهم يقولوا ليها محشي وهي تنطق مهشي

اها في المساء رجعتا الداخليه الا اشوف ليك الاسعافات تتطاقش في الداخليه البنات التلاته الا المستشفى

عارفين اللحمة الكان بياكلها ليهم طلعت شنو اتاريهو بيمشي السوبر ماركت وين اكل الكلاب

والكدايس الله يكرم النعمه يجيبها ويعملها ليهم في المحشي

الكويس انو البنات بقوا كويسات الحمد لله وهو عملوا ليهو بلاغ بس ما طردوهو من الجامعه ربنا سترها معاهو

بعد ما بقن كويسات بقيت اشوفون ليكم اول الناس في السفرة شايلات الصحانى وبياكلوا من اكل السفرة

اول مرة ما ادقس تقول قلبي كان حاسي ( الشيخة روما شيخة اتينا )

Post: #224
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 04:05 PM
Parent: #223

الصفحه 97

مريم عبد الله

وين نصر الكان مع ناس الله يرحمه الشيخ زين العابدين في شمبات

بتتزكروهو نصر دا دايما كان بيكون حفيان ولابس ليهو جلالبيه

طيب شديد والله لو ادعا لي زول يا بختو ويا هناهو

يوم لقانا ماشين على معهد شمبات الزراعي نقرا في المكتبه ايامها كنا في سنه تانيه في الاحفاد ماشه معاي

ناديه حلاتو ربنا يطراها بالخير بت اخت ناس ابراهيم وصلاح بت سلوى بت زينب الحمراء

في شارع الخور قريب من بيت ناس عمكم عبد الله العندهم مدرسه السواقه ومعانا عزة حمتو من بنات الشعبيه في شارع ناس

عباس ركس كانوا ساكنين ومنى اختي اها تنقش تنقش ماشات ليك في الشارع وبناكل في نبق

فجاة جاء نصر من وين ما بعرف فجاة لقيناهو قدامنا وما اتلكم مع اي واحدة بس ماشي ورانا ويقول الفاتحه


نحنا لاوزنا قلنا الليله منو الح يموت ونتعوذ ونحنا ماشات قام جاء قدامنا ورفع يدنو وقال الفاتحه يا عروس

وفتح ايدو اول واحده ادتو النبق كانت ناديه حلاتو وبقا يدعا ليها قال ليها عروس انتي عروس

يلا نحنا نضحك ومشينا ونكاوي في ناديه اها من وين تلقي ليك الليله عريس يا عروس

ووصلنا المكتبه يا جماعه ما يشوفوها في المكتبه زوجها عصام

كان ايامها مغترب وجايب وصايه لي ناس في المعهد من قرابيهم في السعوديه وقد كان

وفي اقل من شهر كانت ناديه حلاتو عروس واحلا عروس الله يطراها بالخير وين ما تكون

Post: #225
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 04:18 PM
Parent: #224

الصفحه 98

عماد الدين عبد الله

يا روما طبعا عماد فانتوم دي غريبة عليك تقولي الزول دا غير اسمه

ولا شنو دي القاب المدرسة كنت بحل الرياضيات بسرعة مبالغ فيها وبدون

اخطاء المدرس سماني الفانتوم الايام ديك طيارة الفانتوم كانت طالعة

جديدة ومن ديك وعيك اولاد دفعتنا لسع ماسكنها اي واحد من الدفعة يلاقيك

يقول ليك وين يا الفانتوم

Post: #226
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 04:21 PM
Parent: #225

الصفحه 98

عماد الدين عبد الله

بمناسبة بتاع الترمس عندي صاحبي

من اولاد الصافية كان بيدرس معانا اسمه ياسر عبدالحليم شنان

كنا ساكنين مع بعض يقول لي انت شكلك دا شكل هندسة انت مفروض

تكون لابس ليك عراقي وطاقية حمراء وشايل ليك جردلين وبتكورك في

شوارع الشعبية كبكب تورمووووس كبكييب يااااا والله الواحد اتذكروا الآن

واتذكر هذا الموقف طبعا نحنا كنا بنشتغلوا انو اولاد الصافية مايعين

واولاد الشعبية كل يوم ساكنهم وداقنهم وشايلين قروشهم

Post: #227
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 04:29 PM
Parent: #226

اصفحه 98

الدكتور وائل

Ahmed or Amaseb ( as we used to call him) was my collegue in Alsababi school.O allah he was a very good person,i remember will his smile and his welcoming face.
Allah yerhamo in sha allah o albaraka fe ahalo ( who are mine too ).

Post: #228
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 05:58 PM
Parent: #227

من الصفحه 99---108 لاتوجد بهم اي اشارة للمدارس او ايام الدارسه

الصفحه 109

عز الدين الفحل

ومن خلال الونسة الممتعة عرفت ان الاستاذ الفضل
الذي درسنا في مدرسة المساكن الشعبية الابتدائية جنوب حي يرزق
وما زال علي قيد الحياة

الصفحه 109

اسامه سعد يرد على عباس الفحل

لاحول ولا قوة الا بالله

اطال الله عمر استاذنا الجليل فضل صاحب الفضل

آخر مرة قابلته على ما اعتقد قبل حضورى لأمريكا وكان فى مجلس شرق النيل - حلة كوكو او الجريف.

ده أسعد خبر

التحية ليك يا عزالدين والشكر ليك و لاخونا خالد حسن


(((((( المداخله دي مهمه جدا لان الاخوان في صفحات سابقه كانو قد اعلنوا وفاة الاستاذ الفضل وسياتي لاحقا زيارة الاخ عز الدين للاستاذ الفضل ))))

Post: #229
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 06:04 PM
Parent: #228

الصفحه 109

منير

أخوي العزيز عزالدين الفحل .. كتر ألف خيرك علي هذا الخبر المفرح عن استاذي الجليل فضل الذي رد إلينا أرواحنا .. والواحد حقيقة يعجب من أين تنبع تلك الشائعات الغريبة؟.. ياخي قبل أكثر من ١٥ سنة أيضاً سمعنا كذبة أخري مشابهة عن وفاة أستاذنا الفاضل أستاذ حسن صديق استاذ فضل .. حاجة مزعجة جداً.. ربنا يمتع اساتذتنا الأجلاء بالصحة والعافية ويطول عمرهم بالصحة والسلامة والعمل الصالح .. وبالله إذا زرتم أستاذنا فضل بلغه سلامنا الغزير وأشواقنا وكما قال لك عماد ماتنسي الصور ورقم التلفون .. بالله قول ليهو عماد الفانتوم ومنير الاسكاي هواك (كما كان يدعونا) يقرئوك كثير السلام ..
وبالله عليك بلغ تحياتنا للصديق الزميل خالد حسن ابراهيم .. وكذا سلامنا لكل شباب الشعبية جنوب .. ناس الفحل وميسرة وعصام علي محمد الحسن وأخوته .. وبلغ تهانئنا للعريس أخوك وإن شاء الله بيت مال وعيال ..
ما تنسي دائماً تعكس لنا مشاهداتك الرائعة من شوارع الشعبية وأنحائها ..

Post: #230
Title: Re: مسودة كتاب الشعبية الباب الخامس: أيام الدراسة والمدارس
Author: مريم عبد الله
Date: 11-01-2010, 06:08 PM
Parent: #229

الصفحه 109

ستنا خدر

اذكر مرة ونحن في مدرستنا الثانوية بحري الجديدة