إلى من يهمه الأمر...

مدخل:
بصراحة أنا أستأهل ...

وذلك لأن ما حدث لا يحتاج إلى أي مبررات أو كما قال العزيز عصام جبر الله إن كان بحسن النية أو بعكسها ، لخص الموضوع وهو ما أتفق معه في ذلك جملاً وتفصيلا ، ولكن يحتاج الموضوع كذلك إلى بعض الإذهاب فيه...
أما كيف إنني أستأهل ، فذلك ما سأدلف إليه بالتوضيح ، نسبة لان ما حصل كان بمحض إرادتي دون أي ضغوط أو أي فعل آخر ، فان لا أحب أن اندم على فعل عملته بكامل إرادتي بقدر ما أقول إنني غلطان ومن الطبيعي أن يخطا الإنسان، لان الخطأ في العادة يُـمكن إصلاحه ..
إن أكثر ما المني من الذي يحدث في الأيام المنصرمة منذ بداية تناول الموضوع وللأمانة والتاريخ ، هو إحساسي العميق بالذنب تجاه ما سببته لأصدقائي وزملائي ورفاقي ، فقد وضعتهم في موقف يُحسد عليه ، لم أكن ندما أو إنني اشعر بالذنب تجاه ما عملته وذلك لأنني مقتنع تمام الاقتناع بان ما فعلته كان بدافع حسن النية، واعلم تماما يا رفاق بأنكم على حس على ومصداقية تجاه ما أقوله ، نعم تماهيت في المسالة ليس أكثر ولكن يجب أن الشي الآخر الذي يجعلني لست متحسسا بأنني قد أحسست بفداحة الآمر قبل أن يعمل (برميل الشحم المتعفن وكلابه)، على إنهم اكتشفوا سرعة الضوء؛ وذلك من خلال إرسالي للباشمهندس بكري قبل شهور ليست بالقريبة عن الرجاء في طلب مسح العديد من المواضيع فيها اقتباس دون الإشارة لصاحبها أو لا أريد أن ابرر بأي مبرر في رأي انه حتى بالنسبة لي غير مقنع أن كان يتعلق بمسالة الكتابة وكسلان حبتين أقوم سريع اعمل فيها فهلوي واشتغل بنظام (امسك لي واقطع ليك ووالخ) أو غيرها لكن سلفاً لم يكن الموضوع هو من اجل تضخيم الذات أو حب الأضواء هذه أيضا يعلمها الذين هم ذوي القربى ، فأقلاها لو كنت أريد بها الأضواء ما كنت سأستخدمها بتكلم الطريقة الغبية.
لذا إرسالي لبكري وتكراري في الطلب وتشهد الرسائل ألبيننا لأنني كنت غير مرتاح إطلاقاً من هذا التصرف ولو كان بكري نفذ ما طلبته منه، ما كان لـ(برميل الشحم المتعفن وكلابه) أن يجدوا هذه الفرصة ويدعون التذاكي، فقط انتو عارفين بكري شوية مرات سغيل، اها سغالتو دي جات على راسي أنا، وهو ما كان مدخلي بأنني استأهل فمنذ البداية الموضوع لم يكن محتاج أبداً ، يعني ايش ما كتبت؟!. عموما بخصوص هذه النقطة لكم بكري بينكم أن تسألوه أو بامكانني أن اجلب الرسائل ؛ لكن هو ليس المهم فالمهم عندي بان الموضوع غير مبرر أبداً ، وهذا ما اتفقنا عليه يا رفاق..

الزملاء – الرفاق- الأصدقاء الأعزاء أحيكم وأنتم في جدار الذكرى تفترشون ذكرانا... وعند مداخل سقطاتنا تحتضنون ما غنى...ورغم الريح والفوضى تغتسلون بالأشواك وتحتملون شكوانا..أحييكم..أناديكم ..باسم سكونكم فينا..بكل بقائكم فينا..
لم يعد يكفى الألم ولا القلم وصفاً لكونكـم ماثلاً مرتقب...
فلتتخذ أبعادنا الأخرى مدها المطلق المشبوب نحو حزنكـم بإحترام وأناقة..فانعموا بها من هالة مثقوبة صوب السماء..بكل عاطفة لها في الجرح داء ودواء..
خالد العبيد- خضر حسين خليل- Amira Elsheikh - rani - حبيب نورة - سامي صلاح محمد - esam gabralla - على محمد على بشير - أيمن الطيب - شول اشوانق دينق - معتصم محمد صالح - عبد المنعم سليمان - Marouf Sanad - Ahmed Abdallah - أمين محمد سليمان- khaleel - Abureesh - MOHAMMED ELSHEIKH - محمد إبراهيم علي - عبدالكريم الامين احمد - وليد محمد المبارك - حذيفه ابراهيم الكباشي - محمد عبد الماجد الصايم - Kostawi - naeem ali - ممدوح أبارو - ombadda - Ahmed Hamid - كمال عباس - محمد على طه الملك - Elmosley - Shihab Karrar - doma - حافظ حسن ابراهيم - جمال الباقر - Nasruddin Al Basheer - امير مصطفى احمد - Hafiz Bashir - تبارك شيخ الدين جبريل - لؤى - Emad Abdulla - محمد علي شقدي - amir jabir .

هؤلاء من تداخلوا في جميع البوستات بشكل رسمي إلى حين كتابة هذا البوست، بالإضافة إلى من يهمه الآمر ويهمني أمره (فقط)، اعتذر لكم جداً جداً وهذا مربط الفرس عندي بعد أن وضحنا المسالة أو الإشارة بان هنالك الكثير الذي خرجنا منه، لا تتصورن كم هذا مؤلم أن تشعر بان هنالك من يتضرر جراء أفعالك، كنت أتماسك أكثر منكم بل إن مكابرتي ليس في كتابة البوست بقدر ما كانت في الزمن وهو الفيصل الذي كان كل ثانية تمر عليه تتألمون..
عذرا كتير كده للمن ذكرتهم بالحرف وأيضاً هنالك من اعلم انني اكن لهم المحبة ويبادلونني مثلها بل ربما قد يكونون يتباهون بي مثلما افعل أنا (هشام مدني-خالد عويس-جعفر بشير- خالد بحر- ياسر بيناوي- حاتم شناب- طارق جبريل-عادل عبد العاطي- تراجي – هشام آدم -حيدر الزين -حامد محمد- ابوعسل – كبر – صلاح المليح - حتى علاء الدين يوسف - وكذلك حميضة- والكثير ممن لم اذكرهم لكن يشعرون بأنني أكن لهم الود..
وكذلك بكري أبوبكر والقراء وكل من له علاقة جيده بدون زيف بتروتسكي على مستوى السايبر، فانا في البسيطة شخص آخر..
*الاعتذارات أعلاه تتعلق بمن يهمه الآمر (عندي)، أما الغثاء يضربوا رأسهم في الحيط ...
*بعضهم لا يندرجون تحت أي مسمى لونهم عندي باهت جداً، فهؤلاء لا ضرر ولا ضرار لي معهم ...

فقط أريد أن أضيف من خلال التقاطي لحديثي العزيز (ممدوح أبارو) حين ذكرت ......

Quote: إلا أن المحاكمة من طرف واحد لا تفضي للحقيقة غالياً شخصياً سأنتظر معتز حتي يأتي بدليل اليراءة حتي ذلك سأعتبره متهماً لا مدان .............. وإلا فأنني من سيطالبه بالاعتزار ولي أولاً نظير ما بيننا من صداقة

يا صديقي العزيز أكثر عبارة أوقفتني، ولا اعتقد بأنكم ستسمح لبرميل الشحم المتعفن وكلابه أن يكونوا مسار في طريق علاقتنا تكون بالغت يا زميل !، علاقتنا يكفي أن يجمعها مدني التي أحببناها، فانا كما أقول دائما بأننا عائلة زي أولاد الحرام من كل حتى تلقى زول، ده غير ترحال الديش الكتير أطر لمسالة أولاد الحرام دي ؛ فيبقى يا عزيزي تفتكر لو جيت قلت ليك أنا سرقت بنك عديل حيبقى أول ردة فعل ليك بأنك ستضع علاقتنا في كف عفريت، أم ستحاول أن تستنطقني ثم البحث عن الحلول بقدر الإمكان والخ ، كل هذا دعك منه جانباً الم يفت بفطنتك من كاتب الموضوع وفيما يرمي البوست الموضوع اطلاقا لايمكن فصله مثلما تكلم بعض البسطاء هنالك؛ فهو عداد لقراءات كثيرة ليس مسالة تجريمي واعتذاري وكفى!. تخيل باني اعتذرت من أول كلمتين في البوست هل تعتقد بان الموضوع انتهى، ولا نني سلفا كنت على دراية بان الموضوع ليس مسالة اعتذار فقط لذا كنت سأعمل على هذا الرد بعد شهر أو أسبوع أقلاها لو انزعاج كمية رفاق أقابلهم ويتصلون ويراسلون ووالخ، وهو لب الموضوع والذي يُلمني بشكل خرافي، بصراحة ما خد عليك في الحته دي وما عايزك تناقشه معاي هنا أبدا بجي أنا مدني أكيد أو بنتلاقى في أماكن أخرى، ما كتبته وهذه مرحلة أخرى سأتطرق لها وهي ما تقودنا إلى البورد نفسه كعالم افتراضي إذا يُخيل لي أن حالة البورد كعالم افتراضي قد تلبثتك وكتبت اعتقد بحسن نية ، لان ضغوط البورد للذي يعيشه كأنه أمه وأبيه وأسرته يكون هكذا أو اشد بأساً، وده من اكبر الأسباب الخلتني ابعد عن تجمعات البورداب ما هو ما معقول قدر ما نتلاقى تبقى ونستنا البورد وفلان داك عمل وماشفته عصرت ليك داك كيف، نبقى نحن زي خارجين من فلم وبعد ده بنحكيهو لي بعض ، يازول حياتنا دي وأسعه فيها نحب نتوكش عندنا مشكلة عائلية ، صحية، نفسيه مشاريع اخذ رائيك ووالخ مامكن نقتصرها فقط على البورد ، يعني ما تتخيل بضايق كيف من ونسة البورداب وأسال كتير منهم يعرف وجهة النظر دي، لذا أتعمد عندما أود لقاء بوردابي اذهب إليه بشكل فردي، يافردة اطلع من الحالة دي أنا البورد عندي ينتهي بنهاية الخروج منه والزعيق والصياح الفيهو ده إطلاقا ما في حساباتي لأني ما عايشو زي ما بتقولوا وطن من لا وطن له..
بعدين الحصل ده بكون ابتلاء من الله على عبادو ما عادي يعني الإنسان هو شنو غير ما يكون مُصاب ومبتى من الله بتاعو...

أخراً وليس أخيراً ، للحديث بقية وخلو عندكم صبر شوية (وده برضو طلعت بيهو من الموقف ده) فهنالك عنوانين ورسائل لـ:
*برميل الشحم المتعفن وكلابه.
*عزام ( وده طلاب خاص وجاد يا عزام أرجوك ما تخش تعلق هنا ولا تكتب حرف لحدي ما أقول ليك كلامي العايز أقولوا عايز تواصل تكتب أرجوك خليك بهناك؛ واعتقد انو بيناتنا مساحة واسعة ما أحب إنها تضيق هذه رجاء خاص)..
* ورسالة للعامة بماذا خرجنا من هذا الموقف؟ [البورد كحالة افتراضية (موضوع سرقة تروتسكي نموذجاً)]..


هذه المرة وأنا اكتب استمع الهادي ود الجبل لأنو المرة الفاتت خضر حسين بشاغل فني قال إني جرحت مشاعرو حين قلنا إننا ساعتها نستمع لفيروز..

وماشين في السكة نمد..
التحايا النواضر...

أخى الفاضل معتز

سلامى

Quote: لذا إرسالي لبكري وتكراري في الطلب وتشهد الرسائل ألبيننا لأنني كنت غير مرتاح إطلاقاً من هذا التصرف ولو كان بكري نفذ ما طلبته منه، ما كان لـ(برميل الشحم المتعفن وكلابه) أن يجدوا هذه الفرصة ويدعون التذاكي، فقط انتو عارفين بكري شوية مرات سغيل،

الإعتذار فضيلة سامية تعمق إحساس من بادر بها بالمسئولية ....
وفى هذا المقام أجد أن الإعتذار سوف يعمق تمسكك بالامانة ومسئوليتك تجاة قراءك...
ولكنى أخى الكريم لم أفهم سبب نعتك لناقدوك ومن أساءهم إقتباسك من غير إشارة ، ووصفهم ببرميل الشحم المتعفن؟؟؟؟
الإعتذار يصاحبه حسن نية بإصلاح ذات البين ممن تضرروا من هفوتك...
ولكن لماذا الإساءة التى قد لا تقفل لك هذا الباب ويظل مفتوحا للابد؟؟؟
أرجو أخى الكريم أن تراجع عباراتك هنا حتى لا تذيد الجرح إيلاما...

لك أخائى

جميل للغاية يامعتز أن نؤسس لهذا المسلك ـ الاعتذار سلوك لايجد سوي الاحترام والتقدير
وأرجوا كذلك أن تهتم بما كتبه العزيز شهاب ـ تخصيص الاعتذار أعتقد أنه يقلل من قيمته
فالإعتذار هنا عن المسلك وليس موجه لشخص بعينه يا صديق ـ كن بخير دوماً .


ـــــ
ياشهاب
انت وين يازول لافيساً بوك لافيس تو فيس
اظهر ياخ

عزيزي معتز
شكراً علي الرجوع للحق أولاً

نجي لي كلامك

Quote: يا صديقي العزيز أكثر عبارة أوقفتني، ولا اعتقد بأنكم ستسمح لبرميل الشحم المتعفن وكلابه أن يكونوا مسار في طريق علاقتنا تكون بالغت يا زميل !، علاقتنا يكفي أن يجمعها مدني التي أحببناها، فانا كما أقول دائما بأننا عائلة زي أولاد الحرام من كل حتى تلقى زول، ده غير ترحال الديش الكتير أطر لمسالة أولاد الحرام دي ؛ فيبقى يا عزيزي تفتكر لو جيت قلت ليك أنا سرقت بنك عديل حيبقى أول ردة فعل ليك بأنك ستضع علاقتنا في كف عفريت، أم ستحاول أن تستنطقني ثم البحث عن الحلول بقدر الإمكان والخ ، كل هذا دعك منه جانباً الم يفت بفطنتك من كاتب الموضوع وفيما يرمي البوست الموضوع اطلاقا لايمكن فصله مثلما تكلم بعض البسطاء هنالك؛ فهو عداد لقراءات كثيرة ليس مسالة تجريمي واعتذاري وكفى!. تخيل باني اعتذرت من أول كلمتين في البوست هل تعتقد بان الموضوع انتهى،

معليش وعشان البينا حأقسي عليك
ولأن ما بيننا أكثر من البورد كانت ردة فعلي ،
يا معتز يا خوي ما تفتكر إني إنزعجت قدر كيف !!!
وما زاد حيرتي صمتك !!!!!
كان من باب أولي إنك تشرح لي موقفك لمن ضربت ليك تلفون
وبرغم موقفك الضبابي دا كنت علي العشم في إنك تخرس الالسنة وتجي ترد في ساعتها
وتخلي لينا الباقي وشوف حنقدر ننهي الموضوع ولا لا
غض النظر عن غرض البوست
موش تضع علاقتنا في كف عفريت زي ما بتقول

Quote: ولا نني سلفا كنت على دراية بان الموضوع ليس مسالة اعتذار فقط لذا كنت سأعمل على هذا الرد بعد شهر أو أسبوع أقلاها لو انزعاج كمية رفاق أقابلهم ويتصلون ويراسلون ووالخ، وهو لب الموضوع والذي يُلمني بشكل خرافي، بصراحة ما خد عليك في الحته دي وما عايزك تناقشه معاي هنا أبدا بجي أنا مدني أكيد أو بنتلاقى في أماكن أخرى، ما كتبته وهذه مرحلة أخرى سأتطرق لها وهي ما تقودنا إلى البورد نفسه كعالم افتراضي إذا يُخيل لي أن حالة البورد كعالم افتراضي قد تلبثتك وكتبت اعتقد بحسن نية ، لان ضغوط البورد للذي يعيشه كأنه أمه وأبيه وأسرته يكون هكذا أو اشد بأساً، وده من اكبر الأسباب الخلتني ابعد عن تجمعات البورداب ما هو ما معقول قدر ما نتلاقى تبقى ونستنا البورد وفلان داك عمل وماشفته عصرت ليك داك كيف، نبقى نحن زي خارجين من فلم وبعد ده بنحكيهو لي بعض ، يازول حياتنا دي وأسعه فيها نحب نتوكش عندنا مشكلة عائلية ، صحية، نفسيه مشاريع اخذ رائيك ووالخ مامكن نقتصرها فقط على البورد ، يعني ما تتخيل بضايق كيف من ونسة البورداب وأسال كتير منهم يعرف وجهة النظر دي، لذا أتعمد عندما أود لقاء بوردابي اذهب إليه بشكل فردي، يافردة اطلع من الحالة دي أنا البورد عندي ينتهي بنهاية الخروج منه والزعيق والصياح الفيهو ده إطلاقا ما في حساباتي لأني ما عايشو زي ما بتقولوا وطن من لا وطن له.. بعدين الحصل ده بكون ابتلاء من الله على عبادو ما عادي يعني الإنسان هو شنو غير ما يكون مُصاب ومبتى من الله بتاعو...

من وين جاك إني بتعامل مع البورد كعالم واقعي يازميل؟
يا معتز أنا كتبت عن معتز الشخصية الاسفيرية والصداقة الاسفيرية
الواقعية ضربت ليها تلفون عدييييل
موش كان ممكن أكتب الكلام القلتو ليك في التلفون هنا؟
حقو ترجع لي مداخلتي وتقراها تاني و تاني
يازميل في فرق بين إنك تتهم بسرقة بنك وبين إستخدامك لنصوص الغير من غير ما تشير ليهم
وما حأقول سرقة لأنها في نظري غير
خاولت أوجز وما أخوض في الموضوع بناءَ علي رغبتك بس غلبني
علي العموم ما حأقول ليك كما غني أستاذنا وردي:-
إعتزارك ما بفيدك.........والعملتو كان بإيدك

Quote: ما كان لـ(برميل الشحم المتعفن وكلابه) أن يجدوا هذه الفرصة ويدعون التذاكي

أها ياحرامي القوقل خلاص ظهرتا علي حقيقتك أيها البائس !
كان عليك أن تشكر الذين حاولو تقويمك وإرشادك أيها المدعي الجـــبان !
ما كتبته هنا يشبهك تماماً فالكـــلاب تتبرأ من أمثالك أيها اللص الوقــح .

ـــــ
قال الي حين قال
قوم لف !!
السرقات الادبية فى المنبر ( تروتسكى ) نموذجــاً !!!

غايتو وزنت روحي لقيت مكاني بين ناس لاضرر ولا ضرار
من الباب ده
بعتبر ده اعتذار كافي
ولو انا كنت في محل تروتسكي
المنبر ده تاني بجيهو كضيف بس
كتابة نهي

صديقي معتز

تشكر على الاعتذار والشجاعة، وهو امر طيب ...

ولكن لي خلاف معك، فالاعتذار كان يجب ان يكون للجميع، اعداءك قبل اصدقاءك، من احسن الظن بك ومن اساء فالموقف الاخلاقي السليم يقتضي هذا من وجهة نظري، فالجميع قد قرأ لك ولم يقرأ لك من يهمهم امرك فقط ... كان يجب عليك ان تعتذر للجميع دون استثناء...

تذكر يا صديقي، الشيء الذي جعل العالم مكان اسوأ هو اننا نعتبر ان اخطاء الاخرين في حقنا هي مبرر كافي للخطأ في حقهم ...

وافر الاحترام والتقدير

شوف يا معتز تروتسكى ...

الشافعى قال:
سلامٌ على الدنيا إذا لم يكن بها .... صديقٌ صدوقٌ صادِقُ الوعدِ مُنصِفا

انت محقوق لى منو بالسرقات الأدبية؟

وبتعتذر لى منو؟

لو تخص إعتذارك بالاسم اعتذار لمن "يهمك أمره" عشان تتجنّب اعطاء الفرصة لبرميل الشحم وكلابه. فأنت إمّا انك لا تفهم قيمة ووظيفة الإعتذار؛ أو اننى انا لست ممن "يهمك أمره".

فى الحالتين شيل اسمى من قائمة الإعتذار بتاعتك ... انا عافى ليك حقى لوجه الله ....



... المهم ...

دي المحرية فيك
.
.

شكراً معتز

دي المحرية فيك
.
.

شكراً معتز

اخي تروتسكي

كنت اعلم انك ستاتي لتعتذر للجميع

فرحت جدا وانا ارى هذا الرابط

ولكني حزنت للاعتذار المشروط

حتى تنتهي هذه المحنة التي كلانا معروضنا لشبيه لها وان اختلفت المعايير

استسممحك بان تمسح الكلمات التي لا تشبه الاعتذار

وتعود كما كنت

معتز تروتسكي الذي يبادل الجميع الحب والمعرفة في وطن ما لا وطن له

انتظر اعتذارك للجميع

فالمسيرة تتواصل من بعد ذلك

وكلنا خطاؤون

وخيرنا التوابون

السيد المسلمي

Quote: أها ياحرامي القوقل خلاص ظهرتا علي حقيقتك أيها البائس ! كان عليك أن تشكر الذين حاولو تقويمك وإرشادك أيها المدعي الجـــبان ! ما كتبته هنا يشبهك تماماً فالكـــلاب تتبرأ من أمثالك أيها اللص الوقــح .

مع كل احترامي وتقديري لك
أفتكر إنو جلد الذات المارسو تروتسكي كافي جدا
فليس سهلا في مجتمعنا الإعتراف بالخطأ والإعتذار عنه
فما بالك في منبر مفتوح يعلم الجميع كيف يدار الصراع فيه
أرجو منك أن لا تكون فادحا في الخصومة

Quote: فقط انتو عارفين بكري شوية مرات سغيل، اها سغالتو دي جات على راسي أنا،

الدكتور معتز
ممكن تورينى السغالة وين؟؟؟؟
اذا طلبت منى بالامس 3 يوليو 2010 مسح بعض مواضيعك من مكتبتك و قمت بمسحها مباشرة ...... اى بعد ساعة من طلبك مع اعتبار فارق الزمن بين اريزونا و امدرمان


وشكرا

Quote: وذلك من خلال إرسالي للباشمهندس بكري قبل شهور ليست بالقريبة عن الرجاء في طلب مسح العديد من المواضيع فيها

Quote: اذا طلبت منى بالامس 3 يوليو 2010 مسح بعض مواضيعك من مكتبتك و قمت بمسحها مباشرة

يا تروتسكي معليش
جيب لينا الرسائل الرسلتها لبكري بتاريخها القبل شهور لتكذيب بكري
والا كان هذا مزيدا من السقوط للأسف

شكرا معتز:

Quote: وذلك لأن ما حدث لا يحتاج إلى أي مبررات أو كما قال العزيز عصام جبر الله إن كان بحسن النية أو بعكسها ، لخص الموضوع وهو ما أتفق معه في ذلك جملاً وتفصيلا ، ولكن يحتاج الموضوع كذلك إلى بعض الإذهاب فيه... أما كيف إنني أستأهل ، فذلك ما سأدلف إليه بالتوضيح ، نسبة لان ما حصل كان بمحض إرادتي دون أي ضغوط أو أي فعل آخر ، فان لا أحب أن اندم على فعل عملته بكامل إرادتي بقدر ما أقول إنني غلطان ومن الطبيعي أن يخطا الإنسان، لان الخطأ في العادة يُـمكن إصلاحه ..

وقدقلتها في البوست الاخر:

Quote: قد أخطأ معتز بعد م ذكر المصادر أو الاشارة للنقل أوضع الكلام بين أقواس- وعلي معتز معالجة هذه الموضوع والأعتذار وتوخي الحذر مستقبلا -وسيبقي مكانه بعدها سامقا.. وسيظل معتز شاب نشط وواعد ومشروع مثقف وباحث عن الحقيقة-والعترة بتصلح المشي- وسيظل الحرص علي الدقة والتوثيق محمودا متي ما خلا من الغرض والترصد وتصفية الحسابات وحملات الشواء والتشفي الجماعية ......

.......... ننتظر المثمر والمفيد منك يامعتز فأنت تملك قدرات كامنة وطاقات إبداعية واعدة وأرجو الا تحبطك التجربة السالبة أو تشل
قلمك أو تجعلك تقع إسير للإحباط واليأس............. صحح مسارك وأستفيد من خطأك وأرفع رأسك عاليا بعدها فعندك ماتقدمه ........

Quote: مدخل: بصراحة أنا أستأهل ... وذلك لأن ما حدث لا يحتاج إلى أي مبررات أو كما قال العزيز عصام جبر الله إن كان بحسن النية أو بعكسها ، لخص الموضوع وهو ما أتفق معه في ذلك جملاً وتفصيلا ، ولكن يحتاج الموضوع كذلك إلى بعض الإذهاب فيه... أما كيف إنني أستأهل ، فذلك ما سأدلف إليه بالتوضيح ، نسبة لان ما حصل كان بمحض إرادتي دون أي ضغوط أو أي فعل آخر ، فان لا أحب أن اندم على فعل عملته بكامل إرادتي بقدر ما أقول إنني غلطان ومن الطبيعي أن يخطا الإنسان، لان الخطأ في العادة يُـمكن إصلاحه .. إن أكثر ما المني من الذي يحدث في الأيام المنصرمة منذ بداية تناول الموضوع وللأمانة والتاريخ ، هو إحساسي العميق بالذنب تجاه ما سببته لأصدقائي وزملائي ورفاقي ، فقد وضعتهم في موقف يُحسد عليه ،

الاخ معتز تروتسكي


تقديري ,,,

موقف كبير لا يصدر إلا من شخص كبير الإرادة تحياتي على ذلك

وعليه يجب تصحيح الوارد بالخط الاحمر الاسهاب وموقف لا يحسد

عليه فما من احد سيحد هؤلاء في ورطتهم التي تورطوها هنا وقد

كُنت أُتابعها وليس ذلك نهاية التاريخ وعليك الإسهاب او الاختصار

وفي كل خير .




تحياتي لك .





....................................................حجر.

صراحة يا تروتسكي ..

أخطأت خطأ فادحاً بكتابة هذا البوست الغريب ...!! وهو خطأك الثاني بعد بوستك الأول .!!

وحتى الإعتذار الموجه في خطأ يمس الجميع وأنت فمت بتصنيفهم (يهمهم ولا يهمهم الأمر) .. فدي بالغت فيها ..!

وكمان قابضت الزعيم زاتو ؟!!

والله ما عارف أقول ليك شنو !!

يا معتز :

الإعتذار الإنت قررتو .. كان مالو لو كان موجه للجميع بدون فرز وبدون براميل شحم ومش عارف إيه ؟!!

Quote: .......... ننتظر المثمر والمفيد منك يامعتز فأنت تملك قدرات كامنة وطاقات إبداعية واعدة وأرجو الا تحبطك التجربة السالبة أو تشل قلمك أو تجعلك تقع إسير للإحباط واليأس............. صحح مسارك وأستفيد من خطأك وأرفع رأسك عاليا بعدها فعندك ماتقدمه ........

صديقي تروت

ياخي بالغت في تخصيص الاعتزار

بالنسبة لينا نحنا واثقين منك

لكن كان الاحق بالعتزار هم من ليسو باصحابك

Quote: (برميل الشحم المتعفن وكلابه)

يللا اول حاجة عدل دي واعتزر تاني مالو


علي العموم هذا الاعتزار زادني بيك تباهي بس راجع
ملاحظات الشباب








خالص الود

Quote: أخراً وليس أخيراً ، للحديث بقية وخلو عندكم صبر شوية (وده برضو طلعت بيهو من الموقف ده) فهنالك عنوانين ورسائل لـ: *برميل الشحم المتعفن وكلابه.

شوف يا معتز حكاية تجي تعمل فيها حمل وديع وأنا كلمتا بكري وماعارف شنو .. دي ما بتمش فينا ..
إنت سرقت المواضيع دي ونسبتها لــ نفسك نهاراً جهاراً .. ولما كشفوك وفضحو بؤسك وتلفيقك .. داير تقشها في بكري أبوبكر ..
أهو الحمدلله جاء أداك علي راسك ..
ياريت يا إبني تسيب الكلام الفارغ البتعمل فيهو دا وتحاول تبدأ من جديد .. مافي حاجة صعبة .. أهم شي الإرادة والعزيمة .
وانا عارفك إنت ود شاب ومثابر والمستقبل قدامك كويس .. بس سيب اللفحي واللطش الكتير دا ..
وصدقني ممكن تنجح وتصنع لــ نفسك إسم وبطولة من دون أن تحتاج الي مجهودات الأخرين .

ترمـــــة ..
وتاني حاجة وصف الناس بالكلا ب دي حاجة ما كويسة في حق الناس دي ..
ممكن يوصفوك بالكدروك أو الحمــار .. أو البغل .. شوف الكلام دا شين كيف !!!؟
لو إنت بترضي بالحمار غيرك ما برضي ...

ـــ
بجيك راجع



ـــــــــــــــــ
حاتم شناب .. شكراً علي النصيحة

معتز

Quote: ننتظر المثمر والمفيد منك يامعتز فأنت تملك قدرات كامنة وطاقات إبداعية واعدة وأرجو الا تحبطك التجربة السالبة أو تشل قلمك أو تجعلك تقع إسير للإحباط واليأس............. صحح مسارك وأستفيد من خطأك وأرفع رأسك عاليا بعدها فعندك ماتقدمه ........

ارجو أيضاً مراجعة ما كتبه شهاب


لك الود والمحبة ....

.......

حينما يسقط شخص من نظرك

..

السقوط من مستوى النظر شأن شائع في الحياة .. ولعل فعل الإسقاط نفسه يقوم به الرائي متعمدا ..
لكنه في آخر المطاف هو شأن في فحواه أن الشخص الذي يكون في مكمن الرؤية يكون شخصا يستحق هذه الرؤية وهذا الإفراد بأن يستحوذ على نظرنا ..

لكن أن يسقط المرئي برغبته فهذا شان مستبعد .. لأننا نحب أن نكون دوما عند حسن ظن الناس جميعا .. لكن أن يتم إسقاطة عمدا وبسبق الإصرار والترصد فهذا لابد ان يكون مسببا بنوع من خيبة الأمل ..

والإسقاط نفسه لا يتأتي بتلقائية .. لكنه يكون بإشارة محكمة من التعقل .. ولما كان الإسقاط قد جاء بتعقل فإن الإسقاط أيضا جاء بعقلانية أيضا .. لأن العقل هو الذي يعطي إشارات الفعل المتراخي .

كنت انت من القلائل الذين تعرفت إليهم هنا .. وكنت وقتها أنت في الصين .. وكنت اسال عن سر إتخاذك تروتسكى إسما .. وكنت متيقنا بيساريتك التي لم تقلقني طالما أن الإحترام سائد بيننا .. وحينما تعرفت على مقالك حول ( الخلايا الجذعية ) إحترمت طرقك هذا لأنك طرقت سبيلا غير مطروق .. وأول ما أصابني منك كان تبنيك لموجة الإلحاد سبيلا وهديا .. رغم أن الإلحاد قد أصبح ضربا من الخيال والجنون .. فسرعان ما قيمتك من خلال هذا التبني .. إذ كيف لرجل يسبر غور العلم بجينات إيمانية فتحتويه سبل الإلحاد ؟؟ خاصة وأن الخلايا الجذعية هي أقرب مجال لإستدراك كنه الخالق . وليس الطبيعة .

لذا كنت أحسب أنك تراوح الجهد جهدين .. وتنافح الزمان والمكان والمادة لرؤية جديدة قوامها حسن التبصر في الأشياء .. لكنني وجدتني وبإدراك عميق لا أقوى على تصديق عباراتك .. ليس لأن فيها هجوم محموم .. لأن هذا شأنك في الإجتباء والإصطفاء .. لكنني لم أهضم أولا فكرة الألحاد عندك .. والتي إتخذتها مطية ليس لتبيين وجهة نظرك فحسب .. بل لمحاولة إستقراء الآخر والتبخيس منه بكل أناع الأسلحة .. وتكبيله بعبارات كبيرة مطاطية .. عرفنا أخيرا أنها لم تكن نتاج عقلك بل كانت محل نقلك .. من معين لأناس بذلوا فيها جهدا مضنيا مثلما كنت تفعل أنت مع الجذعيات .. وصارت حقا أصيلا لهم ..

والغريب اخي معتز أنك لم تعتز لأن السرقة تزيل الإعتزاز بالنفس .. والعزة الحقيقية أخي هي أن أظل نقيا صادقا .. والأدهي في كل هذا أنك تسرق لكي تسيء للآخر وياليتك كنت تنشد ذلك للتلميع ولتحقيق مكانة تدرك أنك ما كنت تستحقها .. بل للنيل من الآخر بأدوات غيرك .. حتى إنتقاءاتك كانت من أقذر النعوت في حرب أعتبرها فاقت حد القذارة والعفن . وبهذه السرقة إستيقنت أن معينك في المساجلة قد أصبح ضحلا .. بل لم يعد لك معين أصلا ,, والغريب أنني إنتظرت الحينية التي كتبتها .. (( الى حين )) لكنك لم تأتي .. لأنك لم تعتذر لمن أصابه الرشاش وتلك شجاعة الشجعان .. بل تماديت غلا لتعتذر للموهومين الذين يأتون في المرتبة المعنوية .. بينما صاحب البوست هو الصيل الذي نلت منه .. وهذا الإعتذار الموجه كان سيكون مدعاة لدخول قلبة الكبير .. وهو صديق صدوق أحترمه جدا .. لكنك من فرط إصرارك على أن يظل الخلاف متعديا منافحك لم تجد الشجاعة التي تجعلك تعتذر له .. وكأنك تتصور أن إعتذارك يعني أن تنسف المباديء كلها .. وهذا خطأ كبير في التصور .

كنت مستيقنا بأن ما تفعله إلحادا سيقودك يوما الى دائرة التوحيد والإيمان العميقين .. ما زالت هذه قناعتي فيك وفي أمثالك الذي يريدون إحتواء عظمة الخلف بأفكارهم المخلوقة .. لكن هذا لم يكن مؤثرا في حكمي هذا .. لأنني أعترف بأن فيك سجايا كانت تجبرنا على إحترامك ..

كيف لي أن أظل على ذات الموقف .. وكيف لك أن تكون في ذات المنظور عندي ؟؟ وقد وجدتك تنسب ما لغيرك لنفسك .. وهذه سمة لست من المروءة في شيء بل هي مقدمة سيئة لقادمات أكثر سوءا .. حاولت جاهدا أن أكظم مقتي .. ولكنني لم أعتاد على مثل هذه المشاعر البلاستيكية .. والنواضر الودودة ..
حولت أن أتريث ربما يكون في الأمر شيء ما أفضى الى هذا المآل فوجدتني كل لحظة أزداد يقينا انك خاسر لا محال .. وبخسارتك خسرت آخرين هم الذين كانوا يشايعونك فكرا وربما إعجابا .. والحقيقة أن الأخ بدر الدين رجل أعرفه منذ زمان مضى .. وهو عندي رجل يزداد بريقا ولمعانا مع الايام .. وهاهو في هذه الفيصلة .. ومعركة التبيين يجلي المواقف بأبهي آيات البيان .. رغم تداخل الذين أرادوا تمييع القضية ... لكنه وبصلابة عوده .. قد إستطاع أن يسبر أغوار الحق بمضاهات جلية .. لا يتسرب من بينها الشك .

حاول إن إستطعت أن تعيد ذاتك الى عيني ..
حاول أن تجد لك موطيء قدم في ردهات عقلي وتعقلي ..
حاول إن تجد لك مجرد ( حالة حياد أقرأ لك من خلاله فيما بعد ..

ترى هل جعلتك حمية السجال تتجه الى مقارعة الآخرين بهذه الأسلحة المحرمة ؟؟
وكيف لي ان أطمئن لشخص لا يتملك الغضب وقد يستخدم ضدي ومع غيري حتى المحرم أدبا ؟؟

أخي معتز
حينما تقوى على الإعتذار للأخ بدر الدين ( حتى بعد أن أسميته برميل ... ) فستجدني أحترم فيك كل شيء
لأن الإعتذار التبعيضي يجعل الإعتذار أجوفا وفارغا من المحتوى .. كن شجاعا وغالب إشتطاطات النفس وإعتذر للرجل لنستيقن من سماحة القلب عندك .. ونترك فرصة للهواء النقي ليتسرب بيننا يعطر اللحظة .
ووقتها سنحيل كل شيء الى حمية السجال .. وبعدها دعنا نفترق من المحفل بصفاء .

هو رجاء

يقبل القبول والرفض وسنعتبر الأخ عزام في معيته إن تم ذلك .
ولكم (( نواضر ودي ))

..

ادب الاعتذار في المنبر ( تروتسكي ) نموذجا .......



خالص الود

Quote: يا تروتسكي معليش جيب لينا الرسائل الرسلتها لبكري بتاريخها القبل شهور لتكذيب بكري والا كان هذا مزيدا من السقوط للأسف

تروتسكي يا عمكـ
(انصر أخاكـ ظالما أو مظلوما)
إن كان ظالما بأن تضعه في جادة الصواب
وإن كان ظالما بأن ترد عنه الظلم ما استطعت!

الاعتذار شيء جميل، لكن بطريقتكـ دي ما يعتبر
اعتذار، إنما زيادة بنزين في النار القايمة أصلا!
مبروكـ .. فقد كسبت المزيد من العداوة، ولكي أناصركـ
هنا لا بد أن أحاول توضيح أخطاءكـ من وجهة نظري!
كان يمكن أن يكون الاعتذار مفتوحا للجميع!

ما يهمني معتز اكثر من أمر التعثر الذي يذهب به البعض الي حد الجريمه التي لا تغتفر

كن يا معتز حريصا أكثر علي حق الاخرين و بقدر ما نقدرك حتى لا تطر مره اخري لكل هذا

لكـ التحيه

معتز تروتسكي شاب جاد يملك الحجة والمنطق وله قدرات فكرية وسياسية لا تحوجه لسرقة افكار الاخرين وله مساهمات مقدرة في هذا المنبر وقد يكون قد اخطأ في عدم ذكره للمصدر الذي اقتبس منه وهذا امر يحتاج لان يقف عنده الاخ معتز وذلك بأن يعتذر للقراء جميعا (دون أن يلتفت للذين يضيقون عليه مساحة الاعتذار ويمارسون الحصار المنظم)...مثل هذه المسائل يجب ألا تصيبك بالاحباط الذي يؤدي للانزواء والتواري فهذه ليست نهاية الدنيا ... اعتقد انك يجب ان تكون اقوى في مواجهة نفسك بأخطائها وبذا تكسب احترام الجميع ... ارقد عافية..

Quote: *برميل الشحم المتعفن وكلابه.

ده اعتذار في شكل وردة ولاّ كيف؟

كلامكـ ده احسن منو السرقة بتاعتك!!!

Quote: لذا إرسالي لبكري وتكراري في الطلب وتشهد الرسائل ألبيننا لأنني كنت غير مرتاح إطلاقاً من هذا التصرف ولو كان بكري نفذ ما طلبته منه، ما كان لـ(برميل الشحم المتعفن وكلابه) أن يجدوا هذه الفرصة ويدعون التذاكي، فقط انتو عارفين بكري شوية مرات سغيل، اها سغالتو دي جات على راسي أنا، وهو ما كان مدخلي بأنني استأهل فمنذ البداية الموضوع لم يكن محتاج أبداً ، يعني ايش ما كتبت؟!. عموما بخصوص هذه النقطة لكم بكري بينكم أن تسألوه أو بامكانني أن اجلب الرسائل ؛ لكن هو ليس المهم فالمهم

ياخي إنت ما بتتعلم من غلطاتك كلو كلو

وكضاب كمان وعينك قوية؟

كتب اخونا بكري ابوبكر:

Quote: الدكتور معتز ممكن تورينى السغالة وين؟؟؟؟ اذا طلبت منى بالامس 3 يوليو 2010 مسح بعض مواضيعك من مكتبتك و قمت بمسحها مباشرة ...... اى بعد ساعة من طلبك مع اعتبار فارق الزمن بين اريزونا و امدرمان

شوف بوست برميل الشحم المتعفن وكلابه ؛حدّنا معاهو الارشفة
تاخد علي راسك لمن تقول بس.
________

بشير أحمد:احد كلاب برميل الشحم المتعفن.

أخونا الزمان دكتور معتز

يا ليتك أكتفيت بهذا الكلام فقط:

Quote: عملته بكامل إرادتي بقدر ما أقول إنني غلطان ومن الطبيعي أن يخطا الإنسان، لان الخطأ في العادة يُـمكن إصلاحه .. .

ولكنت كسبت أحترام وتقدير الجميع وليس أصدقائك ورفاقك المذكورين بالأسم فقط.

اما ادناه فخطأ أكبر من سابقه بكثير لانه بقصد:

Quote: هو إحساسي العميق بالذنب تجاه ما سببته لأصدقائي وزملائي ورفاقي)

وماذا عن قرائك ومعجبي قلمك وزملائك في البورد...الم تسبب لهم أذي?...الا يستحقون أعتذار منك?

Quote: أحسست بفداحة الآمر قبل أن يعمل (برميل الشحم المتعفن وكلابه)

بصرف النظر عن هؤلاء, فانك مخطئ....ونعتهم بتلك الصفات لن يجعلك محقآ.

Quote: فقط انتو عارفين بكري شوية مرات سغيل، اها سغالتو دي جات على راسي أنا،

ليس لبكري خطأ فيما أرتكبته بيداك.......وحتي لو تم مسحه بسرعة الصوت فليس معناه انك لم تخطي ...ولكن تعني انك اخفيت الخطأ بمشاركة بكري.

Quote: خالد العبيد- خضر حسين خليل- Amira Elsheikh - rani - حبيب نورة - سامي صلاح محمد - esam gabralla - على محمد على بشير - أيمن الطيب - شول اشوانق دينق - معتصم محمد صالح - عبد المنعم سليمان - Marouf Sanad - Ahmed Abdallah - أمين محمد سليمان- khaleel - Abureesh - MOHAMMED ELSHEIKH - محمد إبراهيم علي - عبدالكريم الامين احمد - وليد محمد المبارك - حذيفه ابراهيم الكباشي - محمد عبد الماجد الصايم - Kostawi - naeem ali - ممدوح أبارو - ombadda - Ahmed Hamid - كمال عباس - محمد على طه الملك - Elmosley - Shihab Karrar - doma - حافظ حسن ابراهيم - جمال الباقر - Nasruddin Al Basheer - امير مصطفى احمد - Hafiz Bashir - تبارك شيخ الدين جبريل - لؤى - Emad Abdulla - محمد علي شقدي - amir jabir . هؤلاء من تداخلوا في جميع البوستات بشكل رسمي إلى حين كتابة هذا البوست، بالإضافة إلى من يهمه الآمر ويهمني أمره (فقط)، اعتذر لكم جداً جداً

هذا خطاءآ أخر..........فالجميع بدون تسمية يستحقون الأعتذار.
أخيرآ
لم يفت الوقت....أعتذار واحد وشامل يكفي
حكمة اليوم
ليس أسوء من الخطأ الا محاولة تبريرها...ولا يضعف الأعتذار الا تخصيصه

الحبيب معتز
آخطات باعترافك ومعرفتنا جميعا
سنظل نحبك ايا كان الامر لاننا نعلم ان بك طاقة ابداعية غير محدوده اضعتها بذلك الكسل الذي
اعترفت به

نحن لسنا في حاجة لاعتذارك
ولكننا بحاجة لان نسمع اعتذارك لمن وصفتهم بذلك الوصف الذي لم نرضاه لهم ولن نرضى
بان يقوله معتز يبدو ان الغضب آعمى ياصديقي
نحن في مسيس الحاجة الى اصلاح اسلوب اعتذارك وهذا مريح لنا جميعا بما فيه شخصكم العزيز

كتب الاستاذ الموصلي:

Quote: الحبيب معتز آخطات باعترافك ومعرفتنا جميعا سنظل نحبك ايا كان الامر لاننا نعلم ان بك طاقة ابداعية غير محدوده اضعتها بذلك الكسل الذي اعترفت به نحن لسنا في حاجة لاعتذارك ولكننا بحاجة لان نسمع اعتذارك لمن وصفتهم بذلك الوصف الذي لم نرضاه لهم ولن نرضى بان يقوله معتز يبدو ان الغضب آعمى ياصديقي نحن في مسيس الحاجة الى اصلاح اسلوب اعتذارك وهذا مريح لنا جميعا بما فيه شخصكم العزيز

والحقيقة أن الاخ معتز تروتسكي أعترف بالخطأ وأنتقد ذاته :

Quote: وذلك لأن ما حدث لا يحتاج إلى أي مبررات أو كما قال العزيز عصام جبر الله إن كان بحسن النية أو بعكسها ، لخص الموضوع وهو ما أتفق معه في ذلك جملاً وتفصيلا ، ولكن يحتاج الموضوع كذلك إلى بعض الإذهاب فيه... أما كيف إنني أستأهل ، فذلك ما سأدلف إليه بالتوضيح ، نسبة لان ما حصل كان بمحض إرادتي دون أي ضغوط أو أي فعل آخر ، فان لا أحب أن اندم على فعل عملته بكامل إرادتي بقدر ما أقول إنني غلطان ومن الطبيعي أن يخطا الإنسان، لان الخطأ في العادة يُـمكن إصلاحه ..

وكان عليه أن يتمم ذلك بالإعتذار للقاري والمتصفح ....... ولا بأس أن يخصص بعد ذلك أصدقائه وخاصته ومن شعر أنه قد خذلهم وسبب لهم الما من محبي قلمه........ ويقيني أن معتز سيقوم بمعالجة الامر ويعمم الاعتزار لكافة لكافة قراءه و متصفحي كتابته ..........

..
.
من كل ما كتبت لم تلفت نظرى
سوى عبارتين هذه الاولى والثانية تحت الهامش ..

Quote: Quote: فقط انتو عارفين بكري شوية مرات سغيل، اها سغالتو دي جات على راسي أنا، الدكتور معتز ممكن تورينى السغالة وين؟؟؟؟ اذا طلبت منى بالامس 3 يوليو 2010 مسح بعض مواضيعك من مكتبتك و قمت بمسحها مباشرة ...... اى بعد ساعة من طلبك مع اعتبار فارق الزمن بين اريزونا و امدرمان وشكرا

فهل بكرى متواجد ليعالج لك اخطائكـ دوما
ويخرجك من مأذقك الذى اعترفت انك دخلته بمحض ارادتكـ دون ضغوط
----------

مؤسف ما ورد من عبارتك اعلاه تجاه الرقيب
ومؤسف اسلوب اعتذاركـ
ومؤسف تصنيفكـ للاخرين .. ( خصوصا لم ندر هل نحن غثاء ام فئة لاضرر ولا ضرار )
وومؤسف اسلوب تعاملكـ هنا وواقعاً ..
ومؤسف ما خفى عن الاخرين ..!!؟

ولا خير فى الدنيا ان لم يكن فيها صديق
صدوق صادق الوعد منصفا..
( هذا هو التاريخ يعيد نفسه )

Quote: .. لكنك من فرط إصرارك على أن يظل الخلاف متعديا منافحك لم تجد الشجاعة التي تجعلك تعتذر له

يا تروتو ياخي أسمع كلام الببكيك الفوق دا ولا تسمع كلام الـ بيضحكك !!

بالذات في البوست دا !!!



بليس تروتو ليت أص فينيش ذيس أشيو أند (ديسكشن أندير ذا كاربيت)

بليييس !!

..
.

Quote: بعدين الحصل ده بكون ابتلاء من الله على عبادو ما عادي يعني الإنسان هو شنو غير ما يكون مُصاب ومبتى من الله بتاعو...

متأكد ومقتنع ..!!
( عارف مافى حاجة آلمتنى طيله علاقتى بيك زى رسالتك الليها علاقة بالكلام الفوق دا ..إن كنت تذكر- طبعا دا امر شخصى )

------

انت يا ناذر بتقابض قبال ما تعرف تصنيفك من ياتو مجموعة
1- الكلاب
2- الغثاء
3- اللون الباهت

يا بدرالدين
معليش انت طبعا مجمعتك حصرية

الهدف الأسمى لوجودنا كبشر هو أن ننشد التصويب والإصلاح والخير. والإنسان لا يُعزل، إن لم يكن به عطب كلي، عقلي أو نفسي، ينفيه عن الخير، وإن لم يكن قاتلاً لروح بشرية، فهو مقبول العودة متى ما تراجع عن أخطائه وذنوبه واعتذر عنها. الربكة واللولوة التي ترونها من معتز هنا، واضحة ومنظورة لأي أحدٍ منَّا، وهي لعامل أنَّه اكتشف فداحة خطأه بنفسه واقتنع بذلك. ولكن هي النفس الإنسانية تريد أن تتوازن وتخلّص ذاتها، مهما كان المكان ضيّقاً، هذا لكونها تتمنَّى لو أنَّها لم ترد ما وردت. الأنفس التي تشمت من زَلل البشري، وتفرح بوقوعه، وتنقم، ولا تسامح، ولا تغفر، هي الشر أكثر من المخطئين التائبين عن أخطائهم. أعينوا أخاكم في إصلاح نفسه، ولا تلصقوه بذنبه فيردى ونخسر بشرياً كان يحتاج صفحنا ليقوِّم نفسه، ويبدأها من جديد، ولا يعود بعدها لفعلته ولا يتدمَّر نفسياً، من منكم يريد أذية بشري!؟
قلتُ مرَّة (صوفية السودان، من كترة الخير الفيهم، بضاروا من وش المذنب).

----
معتز، عرفت خطأك؟ أحسن الاعتذار إذن، وبطِّل اللولوة، هذا هو الخلاص الوحيد والراحة. وليعرف إخوتك وأخوانك أنَّك ستقلع فعلاً عَمّا وقعت فيه، ولن تكرره.
سلام

شكراً محسن :

Quote: أعينوا أخاكم في إصلاح نفسه، ولا تلصقوه بذنبه فيردى ونخسر بشرياً كان يحتاج صفحنا ليقوِّم نفسه، ويبدأها من جديد، ولا يعود بعدها لفعلته ولا يتدمَّر نفسياً، من منكم يريد أذية بشري!؟

تبلدينا :

Quote: انت يا ناذر بتقابض قبال ما تعرف تصنيفك من ياتو مجموعة 1- الكلاب 2- الغثاء 3- اللون الباهت

أنا تصنيفي في مجموعة البراميل ....!!

بس ما عارفة الفارغة البتصدر ضجيج ولا المليانة ...!!

عسعس الليلُ وناما .... واكتسى الوادى ظلاما
إن يكن صمتى رهيبٌ ... إن فى الصمتِ كلاما

....

انا حالف عليكم Chـت يا ناس سودانيزاونلاين ... حليفة اولاد قبايل ... تانى زول يسأل معتز تروتسكى من اعتذار مافيش ...

أنا نيابةً عنه اعتذر للجميع ... وأتحمل مسؤولية أى ضرر أدبى أو مادى وقع على أى شخص ...

وأشكر الأخ بدرالدين اسحق على المساعدة فى تصحيح المسار ...

ولكم جزيل الشكر ...







... المهم ....

شكـرا يا معتز على الرجوع الى الحق والإعتذار..
وسـوف أنأى عن بقيـة الحديث، لأنى أعلم أن الموضوع كان مجال إستقطاب سياسى (من الجانبين)
لا تخطئـه العين.. ولم تكن كل المداخلات لوجـه الله تعالى إلا القليل.

عام 2008 نشـرت صـور فى هـذا المنبر لزيفـة ثلجية ضربت الصين، وكنت حبيس الفندق ليومين متتالين
حتى لم أستطع النزول للشـارع إلا فى اليوم الثالث.. أحد الأخوة هنا كتب وقال إن جريـدة *******
الســودانية نشـرت كل الصور بضبانتها، وبدون الإشـارة الى إسم صحابها أو المنبر المنقولة عنه، فلم
أزد ان قلت له (إن شـاء الله ما تنفعهم) أو عبارة مثل هـذه لا أذكرها تماماً.
مع الاسف ثقافة النقل بدون مراعاة الحقوق منتشـرة فى الســودان، وأى واحد حتى من الذين أغلظوا
على الاخ معتز ينظر الى مكتبته الموسيقيـة وأفلام الفيديو الســودانية، ويقل لنا كم فى المائة
منها أصلى وأشتراه بسعـره الحقيقى من المكتبات؟ هـذه المشكلـة ليست فى النت فقط. الوندوس
المستعملينو دا، بالنسبـة للناس الإشتروا كمبيوترات مستعملة ليس أصليا وإنما نسخـة ملطوشـة من
مايكروسوفت، وكذلك البرامج التطبيقيـة.. من دفع 500 دولار للأوفيس؟ من دفع 100 دولار للوندوس؟
من دفع المبلغ وقدره للفوتوشوب....الخ. هـذا ليس تبريرا للسرقة الفنية ولكن دعوة لمناقشـة المشكلـة
بصـورة جادة وأمينة وبعيدة عن السياسـة، حتى نخلق رأيا عاما قويا ضـد النسـخ والإعتداء على
الحقوق.

Quote: انا حالف عليكم Chـت يا ناس سودانيزاونلاين ... حليفة اولاد قبايل ... تانى زول يسأل معتز تروتسكى من اعتذار مافيش ...

كلك حكمة وحليفتك مبرورة
إلا Chـت دي قطع أخدر وبديع كمان


معتز كثير الصواب والفائدة رغم خطئه
وبدر الدين اصاب رغم نصرته لخط اللا فائدة

Quote: معتز، عرفت خطأك؟ أحسن الاعتذار إذن، وبطِّل اللولوة، هذا هو الخلاص الوحيد والراحة. وليعرف إخوتك وأخوانك أنَّك ستقلع فعلاً عَمّا وقعت فيه، ولن تكرره. سلام

عين الحقيقة يا أستاذ محسن
لكن لازم نوضب الشغلانية من جزورها في هذا البورد
معتز ما هو الأول ولا الأخير....لازم نطلعهم كلهم....الكاتب, القنصل, الإعلامي و البروفيسور و كلللللهم.


تابعوا هذا الرابط (الجاي)

الأخ بدر الدين اسحاق طلب مساعدة: دكتور جامعي و ملحق إعل...مي سابقا و حرامي نت

كل الوردوا في - ما يسمى إعتذار - أعلاه كان براميل كان أصدقاء كان ناس لاضرر لا ضرار كان من يهمهم الأمر ساكت
كلهم ليسوا اصحاب حق اصيل ولم يقع عليهم مثل الضرر الوقع على اصحاب الكتابات الأصلية
المخزنجي مثالا اللي وقع في روع ابو ريش إنو ممكن يكون هو الناقل منك
هؤلاء أحق بالإعتذار , وإعتذار حقيقي مش خديج زي دا
يصلهم بي إيميلاتهم الشخصية أو عن طريق إيميلات آدمنز المواقع النقلت منها

Quote: كل الوردوا في - ما يسمى إعتذار - أعلاه كان براميل كان أصدقاء كان ناس لاضرر لا ضرار كان من يهمهم الأمر ساكت كلهم ليسوا اصحاب حق اصيل ولم يقع عليهم مثل الضرر الوقع على اصحاب الكتابات الأصلية المخزنجي مثالا اللي وقع في روع ابو ريش إنو ممكن يكون هو الناقل منك هؤلاء أحق بالإعتذار , وإعتذار حقيقي مش خديج زي دا يصلهم بي إيميلاتهم الشخصية أو عن طريق إيميلات آدمنز المواقع النقلت منها

حاضرين يا ودالبشرى ...

وحقك علينا ...





... المهم ....

تحضر ما تغيب يا تبارك

الاعتذار فضيلة مجتمعية لا يرفضها الا من يحب ان ان يخنق

"الفروة"

انتقاما من الشاة لما فعلته قبل ذبحها ...

و على المعتذر ان يقدم اعتذارا مجردا دون تحديد جماعة دون اخرى...


الطيب رحمه قريمان

إعتذارك يا معتز أتى منقوصا ولا زال ,,

لو فكر الجميع فى الحوار دون إساءة
ودون تهاتر منذ الأساس لكنا إرتحنا
من كل هذه الضجة المزعجة..


خطوة واحدة وتخرج من المازق و(تكتل الدش)

تحياتى,,,

خالص التحايا يا شباب..
ملخص الموضوع بوضح الآتي:
1- الإقرار بالخطأ دون أي مبررات.
2- الاعتذار.
أما فيما يتلخص عن موضوع التخصيص في الاعتذار ، هو ليس تخصيص بمعنى تخصيص ما ذكرتهم هم من تداخلوا في جميع البوستات المتعلقة بالموضوع ، خصصتهم لأنني أحسست بصدق نيتهم وأي مآرب يرمون ، أما الذين تداخلوا لو اذكرهم فهم صنفين هنالك من لم استطيع الإحساس بمداخلته في أي جهة ترمي وهؤلاء لم أجرمهم ولكن ذكرت بأنهم لأضرر ولا ضرار فليس لدي معهم أي حمولات اعتقد هكذا ومن جانبي، لكن رغم اعتذرت لهم في مجمل السياق ونكررها مرة أخرى باعتذارنا لهم نعتذر لهم..
الفئة الثالثة صاحبة الوصف وفيما يتعلق بالأوصاف التي رميناها عليهم ، إكراما لكم سحبناها وليمضى الآمر إلى ما يُرضي الأحباب...
* أما كل واحد يخت نفسو وين انا دي ما ملزم بيها..
ــــــــــــــــــــ
السيد المسلمي ، يازول بطق ليك عرق قلل شوية الغل والكراهية دي...

ــــــــــــــــــــ
الرفاعي عبدالعاطي حجر
يا سيدنا عُلم وسينفذ وان كان المعنى وصل ، ودي مشكلة الواحد يقعد يكتب في محل نت العجلة وكده، أنت ذاتك بنعتذر ليك..
ــــــــــــــــــــ
أسامة خلف الله مصطفى - صلاح شكوكو - BAKTASH - PLAYER – محسن خالد - آدم صيام - الطيب رحمه قريمان
أبدا ما شكيت انو الاعتذار ممكن يقلل من قيمة الشخص ، وذكرت سابقا تأخري مش عشان الاعتذار ، تأخري كان بصدد ترك الموضوع لشهر او أقلاها أسبوع ، النشوف بحصل شنو وتقدر تطلع بي شنو ، لكن زي ما ذكر البعض أن كل يوم بمر هم بتالموا فيهو ده الكان مدعاة للحضور بعد 4 أيام لكتابة البوست هذا..
شكرا كتير وما عدمناكم...

ــــــــــــــــــــ
Tabaldina & ناذر محمد الخليفة
لو في شي أفضل ما يكون هنا، أتمنى ذلك عارفين جدا انو البورد ده ما بعني لي كتير عشان كده المواجهة أفضل منها ما في لو على صعيد التلفون أو الشخصي، بشوف كده لأني ما عايز أفرط في سرحان انتو عايزين شنو بالضبط ، أمنياتي أن لا يتم التداخل مرة أخرى من قبلكم!..
ـــــــــــــــــ
بكرى ابوبكر
أزيك يا هندسة ، بعدين شنو عملت للموضوع راس وقعر مسالة سغالة دي ما تحملها اكتر من حقها ، أنا بقول كلامي أحيانا بدون نضافة ارجع لما وصفت به نفسي، رغم انو الموضوع يابكري حتى لو قلتو وقاصدو مرات انت بتتاقل في الرد بشكل ما لاقي غير اسميها سغالة أو خت ليها أي شي على وزنها ما فرقت يا سيدي..
على العموم ده المهم المهم في الموضوع حديثك حمل مضمون الرسائل ، يابكري الموضوع هو ما تحقيق ولا تجريم ليك ، انا ذكرتو من باب ان ماحصل خطا وانا شعرت بيهو قبل ان يذكره البعض وراسلتك منذ فترة ليس بالقصيرة ، والرسالة التي كانت مؤخرا أضفت فيها بعض المواضيع ليس أكثر ، جاء باب ذكرك من هذا الطريق..
ودي واحدة من الرسالات والتاريخ ويمكن تكون دي اول رسالة ثم تكرر الرسالة لذات الغرض:


عموما يا بكري أتمني زي ما تداخلت بالسرعة دي هنا ، أحيانا أنا أو غيري بحتاجك في موضوع أو رسالة أن تكون بنفس القدر ، كما أتمنى أن لا يكون حضورك هنا كان عبارة عن تلفون أو رسالة من احدهم ...
هذا ليس أكثر وشاكر ليك كتير ، مع الاعتذار لموقعك وقراءه ووالخ كما ذكرت سلفاً..


أخراً وليس أخيراً:
مداخلة بكري كانت بتطلب الحضور ، خلاف ذلك كل من يتداخل طلبت منه أن يشيل الصبر ، الموضوع عندي اعتقد حُسم فقط في باقي كلام فيما يختص الرسائل (لعزام) والأخرى (للعامة) ليس أكثر ،حتى أن رسالة إلى أصحاب الوصف سحبناها وسحب معها الوصف مع الاعتذار، لأنها قد تشوه ما تم فعله..
البوست مفتوح للجميع..

إلى حين...
التحايا النواضر..

Quote: صديقي معتز تشكر على الاعتذار والشجاعة، وهو امر طيب ... ولكن لي خلاف معك، فالاعتذار كان يجب ان يكون للجميع، اعداءك قبل اصدقاءك، من احسن الظن بك ومن اساء فالموقف الاخلاقي السليم يقتضي هذا من وجهة نظري، فالجميع قد قرأ لك ولم يقرأ لك من يهمهم امرك فقط ... كان يجب عليك ان تعتذر للجميع دون استثناء... تذكر يا صديقي، الشيء الذي جعل العالم مكان اسوأ هو اننا نعتبر ان اخطاء الاخرين في حقنا هي مبرر كافي للخطأ في حقهم ... وافر الاحترام والتقدير

سلامات معتز وليك المحبة والتقدير يا جميل ..

والتحية ليك يا شهاب كرار..


ـــــــــــ

ابو السيد يا ظلامي

Quote: طوبى للرجال العصافير كلما حط طائرهم فوق غصن.. غنوا بشجي الكلام..بديع الصور وبؤسا لنا نحن الرجال الشجر كلما جرفتنا شجون المنافي تهاوت جذور الكلام..جفت ينابيعنا وارهقتنا ليالي السفر تؤرقنا الذكرى توقد نار المواجد فينا فيوجعنا الشوق في صرة القلب يتابى حتى السكون الذليل نخرج الآن من جلدنا ونخدش صمت السؤالات نركض عبر الطريق الطويل ------ من اي ثقب في الحكاياتجئنا ومن اي باب في السماوات كان التماس السكينة ومن اي ذنب عصي..تعلم القلب سفر الرحيل الطيور قطعت رحلتها..ثم عادت والاماني استكانت والليالي ما عادصمتها مستحيل والنساء اللاتي علمننا العشق في زمانات النداء الجميل نسجن ..كعادتهن..من كذوب الروايات ما يخلع الدفء عن جسد الحب ثم تذوقن للحبيب البديل ----- يا صديق المسافات اركض ما عاد في الحزن متسع لصغير الجراحات-قلبي وقلبك ولا صبر في الافق..لانتظار الخيول كل المراكب تاهت انكرتنا الشموس والحبيبات خانت لفظتنا البحار فهل يستطيع البنفسج ان يكون الكفيل؟ ايوجعك الوصف؟ آه من زمن كنا ننتقي فيه العبارات من فصوص المحار نتمشى في مفاصل الشعر تاخذنا كل ساعة..في مدار آه من..آه..ثم آه من كل ذاك الزمان النبيل اصرخ الآن..او اخرج الآن..او انزف الآن..او اكتم الشدو في الفؤاد العليل

أخي معتز

آلمني جداً ما حدث.

عن أنس -رضي الله عنه- قال: قال رسول الله -صلى الله عليه وعلى آله وسلم-: كل بني آدم خطاء، وخير الخطائين التوابون أخرجه الترمذي وابن ماجه وسنده قوي. *

ومن حديث أبي هريرة في صحيح مسلم أنه -عليه الصلاة والسلام- قال: لو لم تذنبوا لذهب الله بكم ولجاء بقوم يذنبون، ويستغفرون فيغفر الله لهم. *

أنا متأكد أنك جدير بإبداع أقوى مما اقتبسته، فلا تجعل مما حدث سبيلاً لكسر أجنحة قلمك. والعثرة بتصلح المشي.

مع تحياتي لك وللجميع

* http://taimiah.net/Display.asp?pid=2&t=book96&f=13bloogh00038.htm

كل التحايا النواضر يا تروتا
الاعتذار اعلاه اكثر من كاف

والله ما عارف إنت صنفتني مع منو ..
لكن ده بقى ما مهم بالنسبة لي .. رأيك فيني ما مهم .. لأنك إنت ذاتك بقيت ما مهم..

هسي الموضوع طلع من المخزنجي وبقينا في حق الريس الفوق ده .. الجيت إتبليت عليهو بي إيميلاتك المن كم شهر دي

برضو بقول ليك نصيحتي للمرة التانية . . وأعمل فيها مهكر

Quote: والله ما عارف إنت صنفتني مع منو .. لكن ده بقى ما مهم بالنسبة لي .. رأيك فيني ما مهم .. لأنك إنت ذاتك بقيت ما مهم.. هسي الموضوع طلع من المخزنجي وبقينا في حق الريس الفوق ده .. الجيت إتبليت عليهو بي إيميلاتك المن كم شهر دي برضو بقول ليك نصيحتي للمرة التانية . . وأعمل فيها مهكر

محمد عمر جبريل
ياشاب انت زول عايز صرف نقة لا اكتر ، كونك تخت نفسك وين دي انت بتحددها ، بعدين يا سيد ما عارف اقول ليك شنو لكن على العموم موضوع بكري ارجع ليهو فوق زي ما كتبت لاتجريم لي بكري ولا محاسبة....الخ.

بصراحة انت عايز تصل لي شنو؟!

Quote: لأنها قد تشوه ما تم فعله..

كدة نقدر نقول الحمد لله على السلامة

يا شباب معتزدا انسان جميل جدا بمعني الكلمه
ارجوكم ان تراجعوا انفسكم قليلا
فقد حملتم عليه بما يكفي

شكرا معتز


التفت الي ما يفيد وواصل مشوارك

UP
ع/برميل الشحم المتعفن وكلابه.

معتز يا صاحب ..
دائماً أحسب خطواتك وأنت بتمشي ..
وأعلم أنك لست وحدك في الطريق ..
لذلك أفعل ما يرضي ضميرك ولا تفعل ما يضر غيرك ..
وأعلم أن الناس تحبك لأفعالك ..
لذلك كثيرون هنا ناصحوك لأنهم يحبوك ..
وكن كما عرفتك أخ كريم وشجاع عند المواقف ..
أعتذر إعتذاراً ليس منقوص ولا مشروط ..
فالإعتذار هو إنتصار للذات أولاً وإرضاء للنفس قبل الآخرين ..
وواصل في كتاباتك وفي ما يفيد لأنها تعجب الكثير ..

وفي الآخر ..
لك محبتي التي تعلم ..

يا بشير
انت الزول ده دايرو يعتذر و يقدم طلب انضمام للمؤتمر الوطني مع اعتذارو و للا شنو ؟؟
و يا معتز
ارفع رأسك عاليا و نحن سعداء بك و باعتذارك و واصل مسيرتك .

الاخ الدكتور/سيف النصر

تحياتي؛؛؛

Quote: يا بشير انت الزول ده دايرو يعتذر و يقدم طلب انضمام للمؤتمر الوطني مع اعتذارو و للا شنو ؟؟

ماعايزو ينضم للمؤتمر الوطني ؛ولا ينبغي له ان ينضم.

الزول ده اعتذر اعتذار مشروط لـ ناس مخصوص ؛الناس الناصروه في بوست
اخونا بدر الدين .
لو داير يعتذر ؛يعتذر للناس كلها بدون فرز
حتي في ردودو الاخيرة قال سحبناها وهي موجودة في اول مداخلاتو

Quote: نعم تماهيت في المسالة ليس أكثر ولكن يجب أن الشي الآخر الذي يجعلني لست متحسسا بأنني قد أحسست بفداحة الآمر قبل أن يعمل (برميل الشحم المتعفن وكلابه)،

تروتســـكي عجبني ليك يا اللايوق ..
من زمان يا تروتسكي و انت تقتبس بدون الاشارة الي المصدر و صدقني ما اعتبرتها في يوم سرقة .. كنت بختها دايما في ما يقتضيه الحوار ..
و اغلب الحوارات الفلسفية الداخل فيها يا مثقف بتتطلب نقل من هنا و من هنا ..
في اول بوست بدرالدين كان تجي توضح الحاجة دي .. لكن اتعاملت مع الموضوع بطريقة غبية .. و اعتذارك او بوستك دا اغبى من طريقتك في الرد علي البوست بتاع بدرالدين ..
ذكرتني كلمة ( حرقني ) .. التي يتبعها دائما سوء سلوك .. ياخي ما تتجرس شديد و تدق جرس قدر دا ..
جر واطــــــي يا عمك .. و ألبت ليك يومين .. ذاكرة المنبر دا ضعيفة ..

..
..

طبعا لا ننسي ان نحي الاخ خضر علي مناصرته الدؤوبة للمخطئين في هذا المنبر .. و بكلام كبار كبار من شاكلة دعك يا صديقي ابريق شاي في الحائط

..
.

Quote: Tabaldina & ناذر محمد الخليفة لو في شي أفضل ما يكون هنا، أتمنى ذلك عارفين جدا انو البورد ده ما بعني لي كتير عشان كده المواجهة أفضل منها ما في لو على صعيد التلفون أو الشخصي، بشوف كده لأني ما عايز أفرط في سرحان انتو عايزين شنو بالضبط ، أمنياتي أن لا يتم التداخل مرة أخرى من قبلكم!..

فيما يخص الجزئية الخاصة بي فى هذا التعليق
فانابعتبر كلامك دا ما بقسم معاى ..
واسرح زى ما الله يديكـ .. اكون عايز شنو ؟؟ تار قديم مثلاً ..!!
ملاحظ انك مطبق كل ما تجى تصلحها بتطبزها او تأتى لتكحلها فتعميها

----------

فيما يخص المواجهة لست على استعداد
لها ولن تتحقق سواء فى تلفون او شخصياً ..
الا ان لعبت الصدفة يوما دوراً فى ذلك..وتعثرت بك فى دروب
الحياة الشائكة؛

Quote: شكـرا يا معتز على الرجوع الى الحق والإعتذار..

دة زاتو البنطبق عليهو المثل الأوردوا عصام جبرالله بهناك
وانت يا زول ما بتعرف الاعتذار

Quote: وسـوف أنأى عن بقيـة الحديث، لأنى أعلم أن الموضوع كان مجال إستقطاب سياسى (من الجانبين) لا تخطئـه العين.. ولم تكن كل المداخلات لوجـه الله تعالى إلا القليل.

التجاهل
التجاهل

أمانة ما تحليل عميق

Quote: عام 2008 نشـرت صـور فى هـذا المنبر لزيفـة ثلجية ضربت الصين، وكنت حبيس الفندق ليومين متتالين حتى لم أستطع النزول للشـارع إلا فى اليوم الثالث.. أحد الأخوة هنا كتب وقال إن جريـدة ******* الســودانية نشـرت كل الصور بضبانتها، وبدون الإشـارة الى إسم صحابها أو المنبر المنقولة عنه، فلم أزد ان قلت له (إن شـاء الله ما تنفعهم) أو عبارة مثل هـذه لا أذكرها تماماً

.

أنشاء البعاق الليلة المراحيم ديلك ما تنفعك

Quote: مع الاسف ثقافة النقل بدون مراعاة الحقوق منتشـرة فى الســودان، وأى واحد حتى من الذين أغلظوا على الاخ معتز ينظر الى مكتبته الموسيقيـة وأفلام الفيديو الســودانية، ويقل لنا كم فى المائة منها أصلى وأشتراه بسعـره الحقيقى من المكتبات؟ هـذه المشكلـة ليست فى النت فقط. الوندوس المستعملينو دا، بالنسبـة للناس الإشتروا كمبيوترات مستعملة ليس أصليا وإنما نسخـة ملطوشـة من مايكروسوفت، وكذلك البرامج التطبيقيـة.. من دفع 500 دولار للأوفيس؟ من دفع 100 دولار للوندوس؟ من دفع المبلغ وقدره للفوتوشوب....الخ. هـذا ليس تبريرا للسرقة الفنية ولكن دعوة لمناقشـة المشكلـة بصـورة جادة وأمينة وبعيدة عن السياسـة، حتى نخلق رأيا عاما قويا ضـد النسـخ والإعتداء على الحقوق.

بؤرة الشعور
الشهور بؤرة

* منقولة من مسرحية هو وهي على لسان علي مهدي

اخى العزيز معتز ....

التحية والتقدير لك ... المنى كثيرا بوست الاخ بدرالدين ...ولكن احيانا العثرة تصلح المشية وعرفت بيهو صليحك من عدوك ويا للاسف لبعض ما كنت اظنهم هامات ..فلذا هذا البوست فى صالحك من الناحيتين ..اخطأت واعتزرت فهذه شجاعة الفرسان والاخرى انزلقت ودفرت من الاقربون فهذه لفرز الكيمان.. شكرا على اعتزار الشجعان وفيت و كفيت وبالاخص بما ابنته فى المداخلة الثانية ...فاذهب ويا جبل ما تهزك ريح ...هناك من يؤمن بابداعاتك فلا تحرمهم ...كل الود

تبلدينا .. و ناذر الخليفة ..
تكبروا اللفة من البوست دا .. اخوكم تروتسكي دا معصور شديد .. عيب منكم .. خلوهو يفرفر علي راحته ..
يعني بالعربي كدا .. ادوهو مساحة ..

..
..

ياخي دا اجمل بوست بتاع خرخرة اشوفه في حياتي ..

هذا هو زمان ومكان مداخلة ممدوح أبّارو ...

Re: إلى من يهمه الأمر...

عشان التسلسل المنطقى ما يجوط ...








... المهم ...

من وجهة نظري الأخ معتز دا اعتذر عن عدم إشارتو لمصدر الموضوع وهو المطلوب بالضبط ..
تخصيصو للبعض بالاعتذار ما بنفيهو أبدا إلا لمن أبي لحاجة في نفسو ..
اعتذارو للمصدر صاحب الموضوع الأصلي دي حاجة تانية ما ملطوب منو يوضحا لاي زول ..
تبقي مسألة الوصف غير الكريم الذي خص به البعض هنا (برميل شحم وكلاب ) ودي بتتطلب منو
اعتذار تاني منفصل عن أعتذارو موضوع البوست دا .
ولو كمان ما عايز يعتذر لناس برميل الشحم فدي حاجة تتطلب محاكمة منفصلة من أصحاب
الوصف ومن شايعهم وهمهم امرهم لكن يجب ان لا تكون مرتبطة أبدا باعتذارو الأصلي الذي
خصص له هذا البوست .

يا طلحة ..
عليك الله البوست دا ما ذكرك جماهير المريخ و دق الكاروشة بتاعتها ..

..
..

يا ربي تروتسكي دا يكون بقى صفوة و لا شنو ..

Quote: السيد المسلمي ، يازول بطق ليك عرق قلل شوية الغل والكراهية دي...

إنت مُصر تعمل لــ نفسك أهمية ساهي !!
حقد شنو وكراهية شنو البتتكلم عنها دي ؟؟
صدقني أنا كنت فاكر مخك أكبر من كدا ... لكن طالما الأمر كذلك فلا بد من التوضيح ..
ولا أقول ليك حاجة .. إنت مابتستاهل الزول يخسر فيك حرف واحد .. لأسباب كتيرة جداً ..
سوف أذكرها لك في حينها ..



ـــــــ
هذا لا يعني إنني لن أضيع فيك هذا الحرف ..
أبداً ... يمكنني أخسر فيك مليون حرف ( متي ما أري ذلك مناسباً )
علي كيفي .

يا حميدة
ما بنكر ليك الجرسة الحاصلة هنا
لكن شايف أنو ما كان في ليها داعي لانو معتز إعتذر اعتذار واضح لا لبس فيهو ولا غموض..
جماهير المريخ ح تظل في كاروشتا إلى أن يغير الله حال المريخ ويستر عليهو .

طلحة ..

Quote: لانو معتز إعتذر اعتذار واضح لا لبس فيهو ولا غموض..

إلاّ إذا كنت بتحسب إعتذارى انا نيابةً عنّو ...

الصعلوك دا ما داير يجى يعتذر ...

ونحنا عفيناهو من مهمة ما بيقدر عليها ...

لا يكلف الله نفساً إلاّ وسعها ..




... المهم ...

احتفال جالية منهاتن بخرخرة اخونا تروتسكي .. توجد صور ..

يا مامون اعصـــــــرني شديد ان شا الله نموت زاتو .. ( توجد خرخرة ) ..

سلامات يا تبارك
اعتذارو فهمتو من كلامو دا :

Quote: هؤلاء من تداخلوا في جميع البوستات بشكل رسمي إلى حين كتابة هذا البوست، بالإضافة إلى من يهمه الآمر ويهمني أمره (فقط)، اعتذر لكم جداً جداً وهذا مربط الفرس عندي بعد أن وضحنا المسالة أو الإشارة بان هنالك الكثير الذي خرجنا منه، لا تتصورن كم هذا مؤلم أن تشعر بان هنالك من يتضرر جراء أفعالك، كنت أتماسك أكثر منكم بل إن مكابرتي ليس في كتابة البوست بقدر ما كانت في الزمن وهو الفيصل الذي كان كل ثانية تمر عليه تتألمون.. عذرا كتير كده للمن ذكرتهم بالحرف وأيضاً هنالك من اعلم انني اكن لهم المحبة ويبادلونني مثلها بل ربما قد يكونون يتباهون بي مثلما افعل أنا (هشام مدني-خالد عويس-جعفر بشير- خالد بحر- ياسر بيناوي- حاتم شناب- طارق جبريل-عادل عبد العاطي- تراجي – هشام آدم -حيدر الزين -حامد محمد- ابوعسل – كبر – صلاح المليح - حتى علاء الدين يوسف - وكذلك حميضة- والكثير ممن لم اذكرهم لكن يشعرون بأنني أكن لهم الود.. وكذلك بكري أبوبكر والقراء وكل من له علاقة جيده بدون زيف بتروتسكي على مستوى السايبر، فانا في البسيطة شخص آخر.. *الاعتذارات أعلاه تتعلق بمن يهمه الآمر (عندي)،

Quote: إلاّ إذا كنت بتحسب إعتذارى انا نيابةً عنّو ... الصعلوك دا ما داير يجى يعتذر ... ونحنا عفيناهو من مهمة ما بيقدر عليها ... لا يكلف الله نفساً إلاّ وسعها ..

يا تبارك هو الاعتزار دا كيفنو؟

الزول جا وقال ندمان وسافي التراب
صاح إعتزارو في الاول كان مشروط ومنقوص ...... بتفق معاك في دي
بس تاني جا وعممو وإستسمح الناس بدليل إنو حاول يمازح السيد المسلمي

حقو الناس تساعد علي ثقافة الاعتزار
عشان كل مخطيء يحاول يعتزر
ولا كيف؟

المهم..... إنت أخبارك شنو في بلاد السقط لقط ديك؟

ابارو ... ابو البنية ...

التحايا النواضر ...

انت قايل انا المزعلنى من معتز شنو؟ ... جنس الكلام دا:

Quote: الفئة الثالثة صاحبة الوصف وفيما يتعلق بالأوصاف التي رميناها عليهم ، إكراما لكم سحبناها وليمضى الآمر إلى ما يُرضي الأحباب...

دا لمن اتنازل عن التخصيص ... عشان كدا انا قلت ليهو انت محقوق لى منو؟ وتعتذر عن شنو؟ عشان يفكّر ...
حقوق الملكية الفكرية اكبر من اللولوة فى الإعتذار ... والمعلومات المضللة ... انت اقتبست حق الناس ... وحق صاحب الحق الأدبى ليملى انو القارئ يكون عارف انت بتتكلم عن شنو ... فى حينها أو بعد حين ...
لاكين قصة تحاول تاكل محاورينك فى سودانيزاونلاين حنك ... وتستصغر الحقوق الأدبية للكاتب والقارئ ... ويكون عندك للقارئ - بعد التغوّل الأخلاقى على حقّو - تصنيفات وتقسيمات وناس يستحقّوا الإعتذار وناس كفاهم انك ترفع جام سخطك وغضبك عنهم دى ما مقبولة ... أولاً لأنها صعلكة وسوقية وشوارعية لا تليق بمعتز تروتسكى .. وثانياً لأنها تتقاطع مع وظيفة الإعتذار فى إرجاع القيمة المطلقة للحق الأدبى (إن جاز التعبير)

فما هكذا تورد يا سعد الإبل

انا لمّا حسّيت بثقل المهمة على كاهل معتز تروتسكى ... عفيتو منها وكنت ولا زلت مستعد لتحمّل تبعات عفوى عنه بتحمّل مسؤولية الإعتذار والأضرار المترتبة عليه .. فمعتز صديق حميم أقف لتحمّل ما لا يستطيع فى أى وقت ... والحق الفكرى والأدبى تحميه الأمانة ... والأمانة حمل شاق ينوء بالعصبة ... وتشق على الإنسان حين يظلم غيره عن جهل ...

الإعتذار للجميع (بدون فرز)
والمحقوق ومارضيان من اعتذار معتز تروتسكى فأنا أقدّر ذلك وأفهمو وأعتذر عنّو أيضاً (والحسابات البينى وبين معتز بنحسما برة المنبر دا)
وحلفت على الناس دى چت عليهم ... تانى مافى زول يطالب معتز تروتسكى بى إعتذار ..




... المهم ...

الرجوع للحق فضيله
وهذه من شيمك حبيبنا معتز

والعتره بتصلح الدرب
كن بخير
وتجاوز التجربه

وكن مبدعا كما عوتنا

شكرا يا معتز

شكرا معتز
محبتك راسخة

Quote: إلاّ إذا كنت بتحسب إعتذارى انا نيابةً عنّو ... الصعلوك دا ما داير يجى يعتذر ... ونحنا عفيناهو من مهمة ما بيقدر عليها ... لا يكلف الله نفساً إلاّ وسعها ..

انتو منو ياهذا؟

الغبي تبارك ولا واحد تاني؟

Quote: مدخل: بصراحة أنا أستأهل ... وذلك لأن ما حدث لا يحتاج إلى أي مبررات أو كما قال العزيز عصام جبر الله إن كان بحسن النية أو بعكسها ، لخص الموضوع وهو ما أتفق معه في ذلك جملاً وتفصيلا ، ولكن يحتاج الموضوع كذلك إلى بعض الإذهاب فيه...

هو الاعتذار دا كيف؟

معليش يا معتز المتوهم دا كان دايرك تعتذر ليهو شخصياً...
يا ربي يكون هو كاتب المقال نحن ما عارفين؟

بالمناسبة ياتبارك انت زول مصاب وربنا يشفي.... عامل لنفسك شنة ورة في الفاضي ساكت مصدقها...


قم لف بلا .... المهم... معاك، يا المهم من ورق.

Quote: وإستسمح الناس بدليل إنو حاول يمازح السيد المسلمي

ــــــ
حيدرالزين يا أمنجي حمدلله علي السلامة .

شكرن كتيرن!

كدى النسألك انت يا الكادر الخطابى

دا مش اعتذار تروتسكى المكتوب فوق:

Quote: الزملاء– الرفاق- الأصدقاء الأعزاء أحيكم وأنتم في جدار الذكرى تفترشون ذكرانا... وعند مداخل سقطاتنا تحتضنون ما غنى...ورغم الريح والفوضى تغتسلون بالأشواك وتحتملون شكوانا..أحييكم..أناديكم ..باسم سكونكم فينا..بكل بقائكم فينا.. لم يعد يكفى الألم ولا القلم وصفاً لكونكـم ماثلاً مرتقب... فلتتخذ أبعادنا الأخرى مدها المطلق المشبوب نحو حزنكـم بإحترام وأناقة..فانعموا بها من هالة مثقوبة صوب السماء..بكل عاطفة لها في الجرح داء ودواء.. خالد العبيد- خضر حسين خليل- Amira Elsheikh - rani - حبيب نورة - سامي صلاح محمد - esam gabralla - على محمد على بشير - أيمن الطيب - شول اشوانق دينق - معتصم محمد صالح - عبد المنعم سليمان - Marouf Sanad - Ahmed Abdallah - أمين محمد سليمان- khaleel - Abureesh - MOHAMMED ELSHEIKH - محمد إبراهيم علي - عبدالكريم الامين احمد - وليد محمد المبارك - حذيفه ابراهيم الكباشي - محمد عبد الماجد الصايم - Kostawi - naeem ali - ممدوح أبارو - ombadda - Ahmed Hamid - كمال عباس - محمد على طه الملك - Elmosley - Shihab Karrar - doma - حافظ حسن ابراهيم - جمال الباقر - Nasruddin Al Basheer - امير مصطفى احمد - Hafiz Bashir - تبارك شيخ الدين جبريل - لؤى - Emad Abdulla - محمد علي شقدي - amir jabir . هؤلاء من تداخلوا في جميع البوستات بشكل رسمي إلى حين كتابة هذا البوست، بالإضافة إلى من يهمه الآمر ويهمني أمره (فقط)، اعتذر لكم جداً جداً وهذا مربط الفرس عندي بعد أن وضحنا المسالة أو الإشارة بان هنالك الكثير الذي خرجنا منه، لا تتصورن كم هذا مؤلم أن تشعر بان هنالك من يتضرر جراء أفعالك، كنت أتماسك أكثر منكم بل إن مكابرتي ليس في كتابة البوست بقدر ما كانت في الزمن وهو الفيصل الذي كان كل ثانية تمر عليه تتألمون.. عذرا كتير كده للمن ذكرتهم بالحرف وأيضاً هنالك من اعلم انني اكن لهم المحبة ويبادلونني مثلها بل ربما قد يكونون يتباهون بي مثلما افعل أنا (هشام مدني-خالد عويس-جعفر بشير- خالد بحر- ياسر بيناوي- حاتم شناب- طارق جبريل-عادل عبد العاطي- تراجي – هشام آدم -حيدر الزين -حامد محمد- ابوعسل – كبر – صلاح المليح - حتى علاء الدين يوسف - وكذلك حميضة- والكثير ممن لم اذكرهم لكن يشعرون بأنني أكن لهم الود.. وكذلك بكري أبوبكر والقراء وكل من له علاقة جيده بدون زيف بتروتسكي على مستوى السايبر، فانا في البسيطة شخص آخر.. *الاعتذارات أعلاه تتعلق بمن يهمه الآمر (عندي)، أما الغثاء يضربوا رأسهم في الحيط ... *بعضهم لا يندرجون تحت أي مسمى لونهم عندي باهت جداً، فهؤلاء لا ضرر ولا ضرار لي معهم ...

يعنى هو يسرق سرقة أدبية ...
وينفضح فضيحة أدبية ...
وأصحابو يزعلوا ليهو زعلة أدبية ...
ويتحرجوا معاهو ...

يجى يعتذر لى أصحابو عن الزعل والإحراج؟
هو قايل روحو "رانى"؟
ممكن يعمل رايح ... ويجى طارق ابوعبيدة يقول ليهو شكراً ... والموضوع ينتهى على كدا؟
ويمشى القـ ع ـدة بالليل ... ويقولوا والله الزملا ما قصّروا .. وخلاس؟

لو ما اعتذر عن السرقو ... فهو فى نظر جناب الـ" تبارك" العااااااااااااااااااااااااااااااااااااااااااااااااااااااااااااالى دا .... مجرّد سرّاق ...

وانا منسحب عن اعتذارى نيابةً عنّو قدّام الرجال ... داير اشوف حلولك انت يا "رانى" (ويا حلاتك لو حاولت تعمل رايح)
عشان يفرز بين القيمة الإنسانية والأخلاقية ... والإستقطابات السياسية ...
السرّاق نقطة ضعف حزبو يا وهم ...




... المهم ....

معتز تروتسكى ...

أنا كواحد من الناس الكتبتهم بالإسم ... أشكرك على اعتذارك لى عن الألم والحرج الحصل لى لامن عرفت بى سرقاتك الأدبية ... شكراً جزيلاً

حقّو تمسح البوستات المسروقة (كويس انك مسحتها)

حقّو تعتذر للقراء والكتاب عن السرقات الأدبية نفسها ...







... المهم ....

Quote: طبعا لا ننسي ان نحي الاخ خضر علي مناصرته الدؤوبة للمخطئين في هذا المنبر .. و بكلام كبار كبار من شاكلة دعك يا صديقي ابريق شاي في الحائط

ياحميده ياخ انت طايرة ليك ولا راكة ليك ولا الحاصل شنو زاتو ؟
متين الأخ خضر ده ناصر مناصرة دؤوبة للمخطئين في المنبر ؟
عايز ترقص اللولو معاي عادي براقصك بس أبقي قدر الرقيص





أها هسي ده كلام صغار صغار مواليد الليلة كدي أمرق ووريني الكلام ده كان
وين ومتين بالضبط ؟
موضوع ترتسكي ده أنساه تعال حاكمني في مناصراتي الدؤوبة ياحميدة

معتز تروتسكى ...

أنا كواحد من الناس الكتبتهم بالإسم ... أشكرك على اعتذارك لى عن الألم والحرج الحصل لى لامن عرفت بى سرقاتك الأدبية ... شكراً جزيلاً

حقّو تمسح البوستات المسروقة (كويس انك مسحتها)

حقّو تعتذر للقراء والكتاب عن السرقات الأدبية نفسها ...







... المهم ....

يامتوهم انت ها.. قعدة شنو وروحان شنو ... كلاماك الفوق دا لا يتعدي الهضربة.
لذا وجب عدم التفنيت.

.
.
وحزب شنو وقعدة شنو البتتكلم عليها يالرايح ليك كاس انت.

كدي يا تبارك اقعد في واطة الله دي وبطل النفخ النافخ بيهو نفسك في الفاضي دا.

عالم بالجد وهم

Quote: إلاّ إذا كنت بتحسب إعتذارى انا نيابةً عنّو ... الصعلوك دا ما داير يجى يعتذر ... ونحنا عفيناهو من مهمة ما بيقدر عليها ... لا يكلف الله نفساً إلاّ وسعها ..

Quote: معتز تروتسكى ... أنا كواحد من الناس الكتبتهم بالإسم ... أشكرك على اعتذارك لى عن الألم والحرج الحصل لى لامن عرفت بى سرقاتك الأدبية ... شكراً جزيلاً حقّو تمسح البوستات المسروقة (كويس انك مسحتها) حقّو تعتذر للقراء والكتاب عن السرقات الأدبية نفسها ... ... المهم ....

شفت نفسك متناقد وغبي قدر شنو.. يا تبارك.
كيف "الصعلوك دا ما داير يجى يعتذر ..." وبعديها تجي تقول "أشكرك على اعتذارك لى عن الألم والحرج الحصل لى لامن عرفت بى سرقاتك الأدبية".

مش قلت ليك انت غبي عامل لنفسه شنة ورنة في الفاضي...ســـــاكت؟

وهم ...
وجنون عظمة (بعيد عنك)

هاك اقرا:

Quote: لو ما اعتذر عن السرقو ... فهو فى نظر جناب الـ"تبارك " العااااااااااااااااااااااااااااااااااااااااااااااااااااااااااااالى دا .... مجرّد سرّاق ...

رايك شنو؟







... المهم ...

معتز تروتسكى عشان تفهم انو عملتك الكريهة العملتها دى ...
فى ناس بيكونوا ما عارفين (حتى بعد تكتب ليهم بى عربى واضح) انك مفروض تعتذر عن شنو؟
يا رانى قول لى تروتسكى زعلة تبارك شيخ الدين قبل فيها الإعتذار ..
خليهو يعتذر للقرّاء عن إنو هو ليس مؤلف المداخلات التى نشرت باسمه وأنها مسروقة
ويعتذر للمؤلفين عن سرقة جهد اذهانهم ونسبه لنفسه دون استئذان أو إشارة لأنهم أصحاب حق
وقول ليهو قال ليك تبارك شيخ الدين "رانى" الرايح برضو عافى ليك زعلتو لى ضيمك وقبلان اعتذارك
وتبارك شيخ الدين - شخصياً - متأكد من روحة "رانى" وقبولو للإعتذار

وبعد داك خلّى تروتسكى يجى يعتذر عن سرقة مؤلفات الناس وخداع باقى الناس

(إنت يا الكادر الخطابى .. بى روحتك دى داير تصل لى شنو؟ ما انحنا كلنا متأذيين من الوضع دا ولا يصح إلاّ الصحيح! .... الحك والإستفزاز دا الغرض منّو شنو بالضبط؟)






... المهم ...

ياشباب دعونا نترفع ونتصافى بعد الاعتراف بالخطأ, الشي المهم ان معتز تروتسكى عرف انه ارتكب خطأ.

Quote: ياحميده ياخ انت طايرة ليك ولا راكة ليك ولا الحاصل شنو زاتو ؟ متين الأخ خضر ده ناصر مناصرة دؤوبة للمخطئين في المنبر ؟ عايز ترقص اللولو معاي عادي براقصك بس أبقي قدر الرقيص أها هسي ده كلام صغار صغار مواليد الليلة كدي أمرق ووريني الكلام ده كان وين ومتين بالضبط ؟ موضوع ترتسكي ده أنساه تعال حاكمني في مناصراتي الدؤوبة ياحميدة

كنت جاي ارد ليك .. لقيتك منزل بوست اعتذار عن مناصرتك لأحدهم و انك كنت مخطئ ..
فحمدت الله علي نعمة البصر ..

Quote: الحبيب معتز آخطات باعترافك ومعرفتنا جميعا سنظل نحبك ايا كان الامر لاننا نعلم ان بك طاقة ابداعية غير محدوده اضعتها بذلك الكسل الذي اعترفت به نحن لسنا في حاجة لاعتذارك ولكننا بحاجة لان نسمع اعتذارك لمن وصفتهم بذلك الوصف الذي لم نرضاه لهم ولن نرضى بان يقوله معتز يبدو ان الغضب آعمى ياصديقي نحن في مسيس الحاجة الى اصلاح اسلوب اعتذارك وهذا مريح لنا جميعا بما فيه شخصكم العزيز

الصديق العزيز معتز تروتسكي

مررت بعنوان ذلك البوست سراعأ و كنت أحسبه من بوستات المزاح
لاني ادرك ان معتز الذي اعرفه لا يحتاج لكي يعضد فكرته
بنسب اراء غيره لنفسه ..
معتز الذي نعرفه جيدأ كواحد من اكثر الناس محاججة و مقارعة
في هذا المكان ليس هو من يلجأ لانتحال افكار غيره ..
هكذا كانت افكاري تدور في عقلي ..
و حتي حين دخلت و قرأت المداخلات ..
قلت معتز صديقي سيعود ليجلد ذاته بيننا ..
و لم تخيب الظن فقد عدت و معك بعض غضب يظهر بين حواشي اعتذارك ..
هو في ظني اعتذار و ان خالطته روح الخصومة و ان جردناه من كلمات انفلتت
في متن الاعتذار يظل اعترافأ بالخطأ ..وهو أمر ليس بالسهل في مجتعنا الذي
يري في الاعتذار امام الملأ هزيمة ..
فقد رفض احد كبار الزعماء ان يقدم اعتذارأ عن تجارة الرقيق في الجنوب
بل تفاخر بأنه لن يعتذر عما أرتكبه اجدادنا او (اجداده ) في الجنوب ؟؟

معتز صديقي طهرّ اعتذارك المنشور مما علق به من بعض الشوائب ..
اغمس منشور الاعتذار هذا في مياه الحقيقة و النقاء و الصفاء
و نقه من علائق الخصومة ..و اجعل كل ذلك من اجل الحقيقة ..

حكمة كل الايام من كلام سيدي المسيح عليه السلام :-

( من كان منكم بلا خطئة فليرمها بحجر) ...

والله صحى شقى الحال بقع فى القيد ...

Quote: بل تفاخر بأنه لن يعتذر عما أرتكبه اجدادنا او (اجداده ) في الجنوب ؟؟

انت كمان داير يعتذروا ليك عن تاريخ اطرافو ماتوا ...
اعتبر اجدادنا اعتذروا لى اجدادك ياخ ...
ولو داير تتأكد من الإعتذار؛ صحّى اجدادك اسألم ... أو صحّى اجدادنا دخّلم السجن ...
انتو قايلين الإعتذار دا هيّن وبيتوجّب ساى؟
وإذا توجّب إعتذار؛ قايلينّو بيتكلفت؟

تروتسكى ما تجى تحسم الفوضى دى ... النقاشات الغوغائية دى بتزيد الطين بلّة ..





... المهم ...

Quote: الاعتذارات أعلاه تتعلق بمن يهمه الآمر (عندي)، أما الغثاء يضربوا رأسهم في الحيط ...

أنا شخصيا بيهمني اسم تروتسكي دة

Quote: انت كمان داير يعتذروا ليك عن تاريخ اطرافو ماتوا ... اعتبر اجدادنا اعتذروا لى اجدادك ياخ ... ولو داير تتأكد من الإعتذار؛ صحّى اجدادك اسألم ... أو صحّى اجدادنا دخّلم السجن ... انتو قايلين الإعتذار دا هيّن وبيتوجّب ساى؟ وإذا توجّب إعتذار؛ قايلينّو بيتكلفت؟ تروتسكى ما تجى تحسم الفوضى دى ... النقاشات الغوغائية دى بتزيد الطين بلّة .. ... المهم ...

الغبيط المنظراتي دا هو لسه حايم هنا؟

يا بكرى ابوبكر دى شكوى على مرأى كل القرّاء ..
هذا الـ "رانى" لو جمعنى بيهو مكان ... بورّيهو حدود الإحترام ....

أى نعم الشتيمة والإساءة ممنوعة بالقانون وبالمادة "2" من لائحة قوانين المنبر:

Quote: 2- على جميع الأعضاء الالتزام بأدب الحوار والاختلاف واحترام الرأي الآخر. ولا يجوز لأي عضو أن يسب أو يشتم أي عضو آخر أو يكفره بسبب رأيه أو معتقده.....

لاكين الواحد بيفوّت كتير باعتبار انو مرات الكلام بيكون انفعالى وحا يهدا الحوار ويبقى هادف ... لاكين شتايم وإساءات وتهديد وأختك (كلهن عضوات فى المنبر) بصورة مستديمة ... ولا حتى فى سياق حجة أو قرينة، شتيمة والسلام ... نظام رجالة وكدا ... والله يا بكرى ابوبكر يا مسؤول عن إدارة هذا المنبر ... لو انت ما اتخذت إجراء مناسب لهذا السلوك ... يا إمّا تسمح لى أرد على شتايمو بنفس المستوى وما تسألنى من لايحة أو معيار، يا إمّا انا حا اتعامل مع "سودانيزاونلاين" كأداة حوار فاشلة فى توزيع فرص التعبير ... وحا أشوف الأدوات الناجحة البوصّل ليهو بيها رايى فيهو وفى سلوكو ... وطرق التخلص من الأدوات الفاشلة ..

فدا إنت يا باشمهندس بكرى ... ودى لائحتك ... ودا منبرك ممهور بى الشتايم والإساءات الموجهة لى ... وزمن الأعضاء البيتدخّلوا ويقولوا يا فلان بالغت واعتذر لى فلان .... ولّى ... الإعتذارات الأدبية الرسمية الما فيها باركوها وخاطر فلان والمفترض انها كفّارة للتغوّل الأدبى ... بقينا بنقالع فيها فى قانون الغاب الجديد دا ... وما بنلقى اعتذار أدبى رسمى ... وهسى انا ما متوقع اعتذار شخصى من الكادر الخطابى ... انا داير اللايحة ... حقى بعرف اخلصو ...



... المهم ...

في داعي لي هكذا كلام؟

ما هو انت بديتو هناك
كنت بحتاج ليك بشدِّة
.
.
لو ما بتقدر عليهو احسن ليك الجري..

Quote: إلاّ إذا كنت بتحسب إعتذارى انا نيابةً عنّو ... الصعلوك دا ما داير يجى يعتذر ... ونحنا عفيناهو من مهمة ما بيقدر عليها ... لا يكلف الله نفساً إلاّ وسعها ..

ياربي بالاحمر دا ما شتيمة؟
ولا الشتيمة من خشمكم تفاح؟

Quote: ياربي بالاحمر دا ما شتيمة؟ ولا الشتيمة من خشمكم تفاح؟

الكلام دا موجه لى معتز تروتسكى ... اضرب ليهو تلفون اسألو قبلانو ولاّ ما قبلانو؟
لو الحدود البينى وبينك زى الحدود البينى وبين معتز؛ كنت قلت ليك "بطّل صعلقة!" ... لاكين لكل مقامٍ مقال ...
قيمة انو اقولا ليهو بينى وبينو ... وإنو اقولا ليهو على الملأ انا بحسبا ...
مش برمى الكلام ساى بدون ميزان ...







... المهم ....

Quote: كل الوردوا في - ما يسمى إعتذار - أعلاه كان براميل كان أصدقاء كان ناس لاضرر لا ضرار كان من يهمهم الأمر ساكت كلهم ليسوا اصحاب حق اصيل ولم يقع عليهم مثل الضرر الوقع على اصحاب الكتابات الأصلية المخزنجي مثالا اللي وقع في روع ابو ريش إنو ممكن يكون هو الناقل منك هؤلاء أحق بالإعتذار , وإعتذار حقيقي مش خديج زي دا يصلهم بي إيميلاتهم الشخصية أو عن طريق إيميلات آدمنز المواقع النقلت منها ود البشرى

محمّد سلام ومشتاقين
دا كلام سليم مية مية، لكن دي مهمّة بكري "صاحب الموقع"، أرض النشر التي جرى عليها ذلك، هو صاحب الملكية التي يجب أن لا يسمح لأي أحد بظلم آخر على أرضها.

خذ نموذجاً لما "يجب" على بكري أن يفعله، في مثل هذه الحالات التي يمكن "تحديد أصحاب" المواد التي أخذت.
(لو كان يرغب بكري فعلاً في الرقي الصحفي والإداري وتحديد سياسات إعلامية وحقوقية قوية لموقعه، وسمعة حسنة بذلك).
------
الأستاذ الفاضل د. محمّد المخزنجي
تحيّة طيبة وبعد
باسمي أنا بكري أبوبكر وباسم كل الكاتبات والكتاب على موقع سودانيز أون لاين، نتقدَّم إليك بأسفنا الشديد إزاء الانتحال الذي وقع على إحدى كتاباتك (تسمية القطعة المعنيّة) وتم نشرها على موقعنا باسم شخص لم يكن هو كاتبها بل أنت.
بوصفنا جهة نشر إلكترونية جادة، تسعى، كما تُساعد، الجهات القانونية، على تأسيس بيئة نشر على الانترنت صالحة ومنضبطة بمعايير وقوانين النشر العالمية، كان من واجبنا اطلاعك على الأمر والاعتذار منكم، ونرجو أن تتقبل منّا هذا الالتماس ولك العتبى حتى ترضى.
المهندس بكري أبو بكر
مدير الموقع وصاحبه
-----
كلام زي دا كدا، ممكن يتعمل منو تمبليت، يستخدمها بكري متى ما وقعت حادثة جازمة وأكيدة مثل التي أمامنا هذه.
وكمان لا بد من تفعيل عقوبة، أقلاها التوقيف لمدة ستة أشهر، تجاه أي كاتب أو كاتبة يقم بفعل مشابه.

اتفق معك مليون فى المية يا محسن خالد (وهذه ربما تكون مذمّة فى معاييرى الخاصة!) وأضف عليه بعد توقيف العضو (ستة شهور مثلاً) لا يستعيد نشاطه بدون اعتذار رسمى مشابه ...

إعتذار اللولوة بتاع تروتسكى دا ما مقبول ولا حاجة ...










... المهم .....

خالص التحايا
جميعكم...

تبارك يا جن أنت مالك بتكورك كده حسك جايب الماشي والغاشي براحة ياعمك..
يا عزيزي أنا مقدر زعلك وأقول ليك نوعك ده لو وصل الأمر عنده ضربني ما حازعل منو لأني على ثقة تمام التمام إلى ماذا يصبو والى ماذا يرمي ، لذا يا صديق حرام أضعك في كفة بها أشخاص يتحين احدهم الفرصة لسقوطك بل يدفعك دفعاً إليها أو تشعر بان حديثهم لا اسود لا رمادي ، عرفت التخصيص جا من وين ؟، صحيح فرزت الكيمان لكن عمتهم تحت مظلة الاعتذار ، أنت تبارك ما عميت؟! كلامي الكاتبو فوق ده واضح ، في المرة الأولى عندما أطلقنا وصف بعينه وقف الأصدقاء وليس الزملاء أنت عندك حساسية من هذه الكلمة رغم إن كلمة زملاء هنا اشمل فهنا نحن جميعنا زملاء وليس كلنا أصدقاء ، المهم أيضا موقف شدة وهو ديدن الأصدقاء واقرينا بخطأ الوصف وأضفنا عليه الاعتذار كذلك ...
تبارك ما تخليني اصرف عربي ساي ، أنا ذاتي ما دام جيتني هنا براك أنا عايزك لموضوعي الخاص ودي بجيك ليها في الخاص..
وأرجوك عزيزي ما أنت البتختلف مع راني...
بعدين جيت لقيتك شابكني تعال احسم الفوضى دي ، وحاتك من آخر مرة كتبت فيها مداخلتي الأخيرة لم ادخل إلا ألان..
لكن يا صديقي ماتشيل هم ..

اعتذر أنا معتز محمد بشير المعروف بمعتز بشير والمشهور بمعتز تروتسكي ، عن كل ما ألحقت به الصفات المذكورة أعلاه أو شعر بأنه ضمن زمرة الوصف المذكور التي لا نريد أن نكررها مرة أخرى ، هذا بالإضافة إلى الموقع وصاحبه وكاتبيه وزوراه والقراء اعتذار إلى الجميع بدون أي تخصيص ...
والاعتذار أولا وأخيرا لصاحب المقال المقتبس (تصدق حتى إني ما عارف أسمو للان لووول)..
المهم نعتذر له أولا وأخيرا ..
دون تخصـــــيص ...

تأني تعال قول لي ناقص شى ياجن أنت،

_____________________

الأعزاء
doma - ahmed haneen - معتصم دفع الله - سيف النصر محي الدين محمد أحمد - على اسماعيل - طلحة عبدالله - ممدوح أبارو - طارق عبد اللطيف نقد - خدر - طارق جبريل - rani - حبيب نورة - Anwar Ahmed - Ahmed musa - محمدين محمد اسحق -
التحايا النواضر...
ــــــــــــــــ

محسن خالد
يا عزيزي ، شخصياً ما عندي مشكلة شوفوا البريحكم...

ـــــــــــــــــــــــ
بشرى محمد حامد الفكي
ذكرت في البوست أدناه من جملة حديث كثير في بوست يتحدث عن (معاوية تروتسكي ) :
تروتسكي سيد الاسم: كن بخير يا صديقي

يا سيدي ، قاعدتي التي استند عليها أبداً ولن أحيد (افترض في الناس الخير حتى يثبتون لي عكس ذلك) وحتى لو اثبتوا لي ذلك كل ما افعله إني أسقطهم من ذاكرتي ليس أكثر ليس معني بحمل قدر من الكراهية في جنبات قلبي ، حتى إنني اكره استعمال كلمة كره نفسها. هذا يعود في اعتقادي إنني حُظيت بتربية متميزة حتى من وسط أخوتي، ربما لشقاوتي لصبوحتي أو لأشياء اُخر؛ هو ما جعل كمية من الحب تتدفق نحو من حبوبات وخالات وعمات رجال ونساء، بالإضافة إلى من التقى بهم. كان من الممكن لذلك أن يكون مدعاة لان يخرجني طفلاً أنانياً مغرور...الخ، لكنني استطعت على تحويل كل هذا الحب تجاه الناس. أرجو أن يكون بهذه المقدمة إشارات مفهومة فحب الأذية ليس من طبعي...
والقيمة التي لا نختلف عليها هي إنسانية تروتسكي سيد الاسم معاوية والتي لا اختلف معك فيها أيضا ، قد تكون عرفت معاوية قبلي، ولكن أبدا بقدر كتابتك لم تحس بمعاوية مثلي أو الكثير من الكلام لا أريد أن تكون المسالة شخصية (أرجوك) أنا أرد عليك بخصوص التأذي من قبلي بحديثك هذا وبه تلميحات ..
للعلم:
يعود لقب تروتسكي عندي حيث إنني رفضت في بادئ الآمر حمل لقب تروتسكي لأنني اعلم انه ثقيل ولا بقدر إمكاناتي ، لكن اشكره كثيرا بقدر انه ورطني حين يصر على يطلق علي حين يريد أن يسال (تروتسكي ولدي وينو؟) ، رفضي للقب في حد ذاته كان سبب من أن يترسخ وهي المشيئة ليس لي يد فيها..
أما كون أن تربط ما حدث من خطا مني ومحاولة جعل الموضوع وكأنني، ارتكب الخطيئة الأولى في حد ذاته يوضح موقفك من مفهوم الاعتذار!، وربط الموضع بأي حال من الأحوال بما حدث حديثك عن معاوية في ذات الوقت فيه تجريح لا اعتقد انه لديه فيه أي سبب ، من الناس سيربط ما حدث بأنه تشويه لمعاوية تروتسكي، يا سيدي ما افعله أنا العقلاء يعلمون حتى لا لأسرتي يد فيه رغم اعتراضهم وإبداء رائيهم بصورة ديمقراطية فكيف فعلت ما فعلت يا أستاذ؟!!!؟
لاحتمل إلا أن أقول لك ، فقد أفسدت أنت روعت تروتسكي أبانا...!
عموما شكرا...

التحايا النواضر...

خالص التحايا
السيد/ عزام
تحية وسلام...
لم أستطيع أن أتقبل فكرة ما تقوم به أو لم يكن مقنعاً بالنسبة لي بل للكثيرين، وقد يُخيل الأمر لي أحيانا وكأنك في معركة حربية، يا سيد عزام المُستغرب له انك تدعي أو هكذا افترض أنا بأنك تسعى لتأسيس مفهوم لثقافة الاعتذار اسمح لي أن أقول لك بان ما تفعله أشبه بحالة الانفصام، وذلك من واقع العالم الافتراضي الذي تسعي فيه لذلك فقياسا لواقعتي كحادثة ، ما هو موقف الاعتذار لدي الشعب السوداني كثقافة على ارض الواقع، وتأثير الحملة التي تقودها بامتياز في توطين ثقافة اعتذار ودور المنبر فيها؟.
على سبيل المثال إن اغلب الذين اعرفهم لا يعرفون ما هو سودانيز اون لاين ، ومن حتى عزام أو زيد من الناس، والمستغرب له أيضا ، أن البعض وأنت منهم يعرفون جيداً من هو الخصم وفي نفس الوقت يتماهون بما يقم به وكأنهم منساقون تحت تأثير تنويم مغنطيسي ، هذا من جانبي يُبرر بسببين إما انك غير مدرك لطبيعة الصراع ، أو انك تتعمد ذلك تحت ستار إن هنالك فعلاً خطأ. لا احد ينكر بان هنالك خطأ فلماذا لم تعمل لفتح بوست وتناقش الموضوع بطريقة تضمن لي الإحساس بصدق ما تنوي الوصول إليه ؛ كما لا تقنعني أنت كذلك بان لا خيط بين أن محاولة التفريق بين مآرب البوست ومسالة التفشي فهي محاولة فاشلة وغير موضوعية على الإطلاق، طلبت منك ساعتها أن تنظر إلى حين ، وإذا بي أتفاجا بأنك على مشارف أسوار سمر قند ، عرضة وشى ونسه وأنت ربما تعلم بان الأمر عند الآخرين ليس مجرد (تعـ.....) وحملة شواء إذ كيف عليهم أن يفوتوا هذا المولد ، وذلك لأننا هنا مع أشخاص ينومون ويستيقظون على حب الأذية ، الم يلفت فطنتك أن يجلس شخص وان يوظف جل وقته في البحث عن ماذا كتبت فلان او علان ، يا سيدي انا شخصيا لا أتذكر بنوع الغلط مررت على بروفايل شخص للتحقق من شخصيته، لوحدي اشعر بالخجل وكأنني في مبنى عالي أتلصص على الجيران الذين هم اقل تطاولا منا في المبنى حتى لو كان بحسن نية ، هو ما يمنعني أن لا اخرج على شرفة منزلنا حتى للاستمتاع بالهواء الجميل. فما بك إذ بأشخاص وظفوا وجودهم ببيننا لمعرفة أحوال الناس وكيف تسير أمورهم لكي يظل الشخص دائما هو في صراع هنالك أشخاص لا يستطيعون العيش بسلام ، لأنهم يفتقرون الأمن في داخلهم وده كلام يطول التحليل فيه والحديث ( تتخيل أشخاص مثل هؤلاء أشخاص سويين؟!).
يا عزيزي ما يربط هذا الواقع والافتراضي والواقع الحقيقي مسافات بعيدة جدا جدا، بعدين أبدا ما تفتكر بانو (موضوع) انك لايوق دي ممكن تحد من دخولي المنبر ولا لا ، لو بتلاحظ لي فترة ليس بالقصيرة دخولي المنبر يكون بالكاد ، خلاف الفترة التي كانت في مشكلة هشام آدم مع قوى الهوس الديني ، بخش بي مزاجي وبطلع بي مزاجي أبدا ما شلته معاي منبركم هذا خارج الكمبيوتر ، حتى إنني عندما أتي إليه يُخيل لي إنني البس النظارات ذات الثلاث أبعاد.
الموقف الحصل يمكن ما خرجت به إنني في مراجعة نفسي على هذا البرود ، فما تتخيل عندما أقوم بقتل أعصابي بكون كووول كيف...
وحتى الذين هللوا وكبروا بسقوط هُـبل، أنا على المقدرة على تحديهم في أي مجال يشئون ، وهذا يدعني بالرجوع إلي كلام ماما دوما في غيظها بأنني ليس بالحوجه لفعل ذلك، تشهد لي أماكن كُثر على ارض الواقع وليس السيايبر، وإذا كان عليك أن تبحث في الآمر كنت اعتقد أن تفعل في ذلك، وهو ذات الشي الذي يحيرني أنا حاليا لذا لم أجد مدخل للموضوع ابلغ من (إنني استأهل)..
لو لخصنا المسالة في الاحترام هذا يجعلني أن أقول لك ، حتى لو ذكرت بان ما قمت به هو عين القصد ، ستكون الإجابة هي مسالة الاحترام وما إدراك ما الاحترام ، وهذه نقطة في رائي لا تسند على دعم قوي من جانبي فمن الذي يحدد ماهية الاحترام ما لم أكن أنا شخصياً قد وضعته في مكان يسمح له أن ينتقص من احترامه لي ؟!. والشخص الغير محترم لا اعتقد بأنه يجب أن يقول للآخرين إنني لا احترمكم ففاقد الشى هنا لا يُعطيه ...
عزيزي انا لا تعامل معك لوحدك في هذه الأرض ، ولا اعتقد بان مسالة الاحترام هذه ، ما لم تكون طالعه من قناعات شخصية لن تشكل لشخص قيمة ، هو ما جعلني أخصك بالرد لوحدك لان ما تقم به لم استطيع تقبله، ولا يعطيك الحق في الإساءة أو التقليل من شأني أبدا ، لأنك بالكاد لا تعلم عني سوى هذه الحرف التي بيينا وهي التي بقدر ما جعلتنا في محالة خلق تواصل إلى مرحلة ما بعد البورد ، هي نفسها التي تشق بها ألان كل هذا.
دم بعافية..
التحايا النواضر..

مُعْتز
علك طَيِب؟

كَدي خليني أرتِب الشئ ده

أول مُداخلة لي في عمود بدرالدين كانت في 01/07/2010م الساعة 50ر11 ص وفيها قُلت رأي بِصورة واضحة جِدًا
السرقات الادبية فى المنبر ( تروتسكى ) نموذجــاً !!!

Quote: إذا لم يُدافِع الأخ معتز تروتسكى على ما أُتُهِم بِهِ وتحجج بِواهِيات ، فأن التُهمة تصِحُ ... فيكون سارِق وغير جدير بِالإحْتِرام ... ما عِندي معاك أيُتها مَوقِف سابِق يا مُعْتز لا بِخير ولا بِشر ... وبِالنِسبة لِمُعْتقداتك ما بصطحبا معاي في أيُتُها مُداخله ليك ... أنا مَوقِفي مبدئي ... بدرالدين نقل ما يُثبِت سِرقتك ... وهذا النقل ، يجعل مِنك مُتهم ... دافِع عن نفسك وإلا فأنت سارِق وغَير جدير بِالإحْتِرام ... هكذا بِكُل بساطة ...

ـــــــــــ
تاني مُداخلة ، كانت تعليق على مُداخلتك

Quote: كتب معتز : كون أن يصبح الإنسان كوزاً ؟! أحمد بشير أثبت أن المقال أعلاه سرقو معتز من هنا : http://www.mostakbaliat.com/link31.html تحت عِنوان < التحليل النفسي للشخصية اليهودية > ـــــــــــ وده إتهام يُضاف إلى إتهام بدرالدين إسحاق الفحواهو إنك سرقت مقال د. محمد المخزنجي الإسمو < وداعة الثعابين > ولصقتو في مُداخلة ليك في عمود الأخ راني ده نريد ان نحيا قليلا.. لا لشىء، بل لنحترم القيامة بعد هذا الموت!! ـــــــــــ مُنتظِرين المُرافعة يا مُعْتز ... والحُكم بعد المُداولة ... وفي حالة غِياب المُتهم سوف يصدُر الحُكم ويُعلن في الجريدة الرسمِية ... ـــــــــــ بِالرغم مِن إني مُعْجب بيك يا مُعتز ومن جهة تانية ، الأصل عندي كراهية الكيزان -التدينو السِياسة- لله في لله ومَوقفي منهم معروف هنا في سودانيز أونلايِن ... وقبل كِده ما عندي معاك أي مُشكلة أو حتى إختلاف في الرأي ، وده بنفي عني " الغرضِية " في مَوقفي ده ... بس أنا شايِف أخير تجي تِترافع وتدافِع على روحك ... لأن السكوت ما بِيُحْسب في صالِح المُتهم ... ياخ الناس في سودانيز أونلايِن لامِن < تكاكي > فوق مَوضوع (كِده يعني : كااااااك كاااااااك) بِتقول لازِمه معروفة لِحفظ الحقوق (على كاكات ودالصايم) ( المهم ) على قول طبارك (زاتووو ) الزوول زاتوو ... إلخ ... تقوم إنت ما عاوز تدافِع عن إتهام بِقول إنك سرقت مقالين بِحالُم ... لا يا خوي ... الشقي البِيقع في القيد ... إتْقدم وأركِز ما تخذلنا مرتين ... إنت لغاية هسع < مُتهم > بِرغم قُوة الأدِلة ... بس نِحنا عاوزين < الإعْتِراف > بِالسرِقة أو الدِفاع عن نفسك ... وحِكاية : Quote: ،أنا ماقاعد اخش النت كتير دي ما بِتْخارِج معانا والله ... ولكِن برضو علشان ما بقدر أكضِبك -على الأقل لغاية ما نشوف موضوع السرقة ده حينتهي كيف ووين- بوعِدك إني حأنتظِرك مهما طال الوقت ... وحأرفع العمود ده كُل ما أدخل المنبر ... وحأعمل ليهو رابِط في الرُبع الجاي ... ده كلو تقديرًا لأنك ما قاعِد تدخُل النت كتير ... وخَوفًا مِن غطسان العمود ... يا زول أقولك قوله ... الموضوع ده أنا إتْبنيتو تب

ـــــــــــــ
قُمت إنت يا مُعْتز ، فتحت ليك عمود
إلى حين ...
وأنا كتبت مُداخلة ليك بقول فيها

Quote: طالما إنت لقيت وقت تفتح بيهو عمود ... تعال قول لينا جملة واحدة بس : - أنا معتز تروتسكى لم أسرِق أو سرقت نص مُداخلتي النزلتو في عمود الأخ راني والبِدايتو < تعرف يا راني.. منذ تعرّفت على الثعابين وأنا أتعجّب للبشر. فعندما أخذني أبي، وانا طفل إلى حديقة الحيوان > نريد ان نحيا قليلا.. لا لشىء، بل لنحترم القيامة بعد هذا الموت!! - أنا معتز تروتسكى لم أسرق أو سرقت المقال الفتحت بيهو عمود بِعنوان < كون أن يصبح الإنسان كوزاً ؟! > كون أن يصبح الإنسان كوزاً ؟! قول الجُملة الواحدة دي ، وغيييييب حسب ظروفك وتعال بِراحتك فنِد ... بس هسِع جاوب لينا بِـ[ لم أسرِق ] أو [ سرقت ] وده بشمل إتهام بدرالدين وأحمد بشير

ـــــــــــــ
في الصفحة التانية في عمود بدرالدين أنا كتبت مُداخلة لخصت فوقا الموضوع كلو كِده على بعضو

Quote: كِده التُهَمْ بِقَن كُتار ... نلخِص علشان الكورة ما تِتْشتت : (1) كتب معتز تروتسكى مُداخلة في عمود الأخ راني ، بِداية المُداخلة < تعرف يا راني.. منذ تعرّفت على الثعابين وأنا أتعجّب للبشر. فعندما أخذني أبي، وانا طفل إلى حديقة الحيوان ... إلخ > نريد ان نحيا قليلا.. لا لشىء، بل لنحترم القيامة بعد هذا الموت!! التُهمة : المقال أعلاه مسروق مِن د. محمد المخزنجي تحت إسم < وداعة الثعابين > http://www.facebook.com/topic.php?uid=36467123114&topic=8043 كتب زميل البورد الأخ / محمد إبراهيم علي أن مقال المخزنجي [ نشر بتاريخ 1/1/2002 في مجلة العربي الكويتية ] ـــــــــــــــــ (2) كتب معتز تروتسكى عمود كون أن يصبح الإنسان كوزاً ؟! التهمة : المقال مسروق مِن http://www.mostakbaliat.com/link31.html ـــــــــــــــــ (3) كتب معتز تروتسكى عمود تحت عِنوان http://www.sudaneseonline.com/cgi-bin/sdb/2bb.cgi?seq=m...&msg=1239987905&rn=2 التُهمة : المقال مسروق مِن http://albailassan.com/vb/t2361.html ـــــــــــــــــ (4) كتب معتز تروتسكى نص بِدايتو < كنت أعيش بمدينة ما ببلد ما، وكان بعض لي الكثير ... إلخ > http://www.sudaneseonline.com/cgi-bin/sdb/2bb.cgi?seq=m...msg=1239987905&rn=24 التُهمة : النص مسروق مِن http://express.websitewelcome.com/~chbabcoo/vb/showthread.php?t=1530 ـــــــــــــــــ (إنتهى)

ـــــــــــــــــ

Quote: إنت عارِف لو مُعتز جا وقال النُصوص دي حقتي وهُم السارقينها مِني ، بصدِقو ، لأني دايِر أكضِب الشينه بِأيُتها حاجة ، حرم لو إعْتذر عِلا أقبل إعْتِذارو وأزيد فوق إحْتِرامي ليهو إحْتِرام وأزيدك بيت كمان ، بِقيف تَلْ لأي زول يِهبِشو فيما إعْتذر عنهُ

ـــــــــــــــــ
كتبت أنا مُداخلة بشرح فيها مَوقِفي مِن السارِق

Quote: أنا شخصِيًا بِتهِمني جِدًا حِكاية < ضِمْنِيًا > و< إعْطاء الإنْطِباع > ديل ، لأن البِكْتِب كلام ويِعْمِل رايِح مِن ذِكر المصدر أو يِقوم يِتْحرفن ويِسحب ليك كام كِلمة أو يِجدع ليك كام كِلمة كِده في معرض حديثو وكأن الأمر غَير ذي بال ، ده بِسْتغفلك وبِسْتحمرك وبِستقردك (مِن القِرد) أها نوع الإسْتِحمار البِمارسو السارِق فوقي ده ما بقدر أمرِرو ، وفي نوع سرِقات تاني أكتر حرفنه (والله لامِن يِكَيِفك) ... طَيِب ... النوع ده بعمل شنو؟ النوع ده يا سيدي الآمنت ليك بِِِقوم يِشرب ليك فِكرةٍ ما ويِعيد تدويرا مِن عِندِياتو ، وده في الغالب بِكون عِندو ملكات أدبِية عالية ، بس شاف النص العاد تدويرو بِسْتاهلو هو وخسارة ما يِكون حقو وكتيرة -حسب ظنو- إن النص ده يِكون حق فُلان الفُلاني ... وده برضو إسْتِحمار ... وفي الحقيقة الحِمار بِكون العاوِز يِسْتحمِر البشر ... ليه؟ لأنو مِن الغباوة الفوقو ، إنو ما بِتْوقع إنو في زول قرأ النص السارقو وفِهمو (بِالله ركِز لي على فِهْمو دي) لأن إعادة تدوير النص المسروق بِكون بِكلِمات تانِية وبِكبِر ليك فوقا اللفه يعني علشان يِوصل < سعد قِشرة > وهو ساكِن < أشلاق المزاد > بِقوم يِجُكْ بيك بِـ<المصانِع> فـ<كوبر> وبعدين <المحطة الوسطى بحري< وبعدين يِشق <سوق الخضار> وفجعه كِده تلقاهو في وسط <سعد قِشرة> مُتْصَوِر ، علشان كِده قُلت ليك (بِالله ركِز لي على فِهْمو دي) لأنك في النِهاية عارِف إنو زولك دايِر يِصل <سعد قِشرة> علشان كِده ما بِتْجُك معاهو ، لا لا ، بِترجاهو في <سعد قِشرة> بِكامِل هِنْدامك ، وهو يا حليلو بِصلك نفسو مقطوع ، وبِسْتعجب إنو لِقاك مُنْتظِرو في <سعد قِشرة> وما جكيت معاهو (مُش قلت ليك الزول غبي) هيا الجاكي يا الساكي يا الداكي يا الفاكي ، هُناك مَن يقرأ وبِهِ جُرأة وجسارة أن يقول لك قِف أنت مُعْتدي. أما النوع البِنقُل النص بِضُبانتو ويَوحي أو يِدي الإنْطِباع إنو النص حقو ، مِتِل ده بعلِق ليهو مشنقه في الإسْفير ومِحل يِقبِل بتْسلط عليهو ، لأنو مُش ما إحْترمني بس ، ده ما شايِفني مِن أصلو! وبرضو في نُقطة تانِية ، الزول البِيسرِق نص بِضُبانتو أو بِلفه كبيرة (التضمين/إعطاء الإنْطِباع) بِعْتمِد برضو في تمرير سِرقتو على حاجة تانِية ... بِعْتمِد على إنو إسمو في المُحيط البِلعب فوقو ، كبير ، وده هو بِفْتكِر إنو بديهو حاجتين : (1) المَوثوقِية (يعني مُناصِري أفكارِهِ وأحباب وزُملاء الدِراسة ومعْجبي كِتاباتو ، كُتار ، لِدرجة إنهم إتدروشو عدييييل بِنُصوصو) (2) حصانة إعْتقدها السارِق في رقبتو ، حصانه بِفْتكِر إنو إكْتسبها بِأقدِميتو أو مِن دِراستو أو مِن سلاطه لِسانو ... الحصانة دي هو بِفْتكِر بِتحميه مِن تِبِحِتْ البشر عن أصاله النص. وكِده

ـــــــــــ
لامِن شفت عمود < حتى حين > كان يوم 04/07/2010م سكت مِنك وبِقيت أرُد على المُتداخلين معي ... ولامِن طلبت مِني في عمودك < إلى من يهمه الأمر > :

Quote: *عزام ( وده طلاب خاص وجاد يا عزام أرجوك ما تخش تعلق هنا ولا تكتب حرف لحدي ما أقول ليك كلامي العايز أقولوا عايز تواصل تكتب أرجوك خليك بهناك؛ واعتقد انو بيناتنا مساحة واسعة ما أحب إنها تضيق هذه رجاء خاص)..

إلى من يهمه الأمر...

تاني أنا ما قُلت بِغِم ...

ردك الفوق يا معتز ما فهمت منو حاجة ... توهتني في كذا ملف كِده ودخلت بي حمد ومرقت بِخوجلي ... سرقتك لامِن إعْترفت بيها وإعْتذرت عنها (الإعْتِذار المجوبك داك) أنا مَوضوعي معاك إنتهى ... إنتهى بِمعنى تاني ما بدخُل فوقو بِرأي مُسْتفِز ... لأني قُبال عمودك < إلى حين > كُنت بسْتفِز فيك عن عمد ، بطريقة نااااعمه وبكبِر فوقا اللفه ، علشان تجي وترد علينا ... ولامِن وعدت بِالرد وقُلت < إلى حين > بِقيت بتَونس مع البشر غادي غادي مِنك ومِن موضوعك إلا لو جات سيرتك عرضًا ...

إنت كاتِب ... مُفكِر ... فيلسوف ... عبقري ... ده بَحدِدو أنا ده لو صادف وقريت وفهمت ليك شئ ... ما بكَوِن رأي بِصفقه غيري وإعجابُمْ بيك ... وما بتقدر تقول لي فَوِت لي < سرقتي > مُقابِل أي نص صفقو فيهو البشر ... ده براهو وده براهو ...

وعليكم السلام محسن و مشتاقين بالأكتر ...

Quote: (لو كان يرغب بكري فعلاً في الرقي الصحفي والإداري وتحديد سياسات إعلامية وحقوقية قوية لموقعه، وسمعة حسنة بذلك).

Quote: كلام زي دا كدا، ممكن يتعمل منو تمبليت، يستخدمها بكري متى ما وقعت حادثة جازمة وأكيدة مثل التي أمامنا هذه.

اقتراح مفيد و اكيد ح يلقى تاييد من بكري و الأعضاء
ما رأيك لو أضفت كمان الكذب و الإفتراء ونقل الأخبار عارية الصحة عن و على من لايملك عضوية في البورد أو لورثتهم لو كانوا متوفين
عبارة الآراء المنشورة لا تعبر عن الموقع بل عن اصحابها فقط غير مقبولة على اطلاقها كدا ولا تبرء الموقع و تعفيه من المسؤولية الأخلاقية والأدبية على الأقل

Quote: ولو انا كنت في محل تروتسكي المنبر ده تاني بجيهو كضيف بس كتابة نهي

1- بالعكس ، على معتز ، الذي يملك قدرات في الكتابة لايمكن إنكارها ، أن يحرص على الكتابة هنا
و أن يجودها ليثبت للجميع قدرته على الكتابة وبأفضل من ما إقتبسه ، وبها يستعيد ثقة الناس فيه
أو ، على الأقل ، في ملكاته الإبداعية

ومن ناحية أخرى

2- كان عليك عندما تثاقل عليك بكري أبوبكر ، أن تبادر بكتابة بوست تشير فيه إلى الخطأ
وإلى البوستات موضوع / موضع الخطأ وتطلب حذفها
وتختم بالإعتذار للكافة ، الأعضاء والقرآء ومن تم منهم / عنهم الإقتباس

3- أرجو أن تعود إلى مداخلة محسن خالد وتستفيد منها

Quote: لان ما تقم به لم استطيع تقبله، ولا يعطيك الحق في الإساءة أو التقليل من شأني أبدا

والله عزّام عدّاهو العيب ...
انتو فى سخانة وحر فى السودان اليومين دى ولاّ شنو؟
انت حردان شابكنا اساءة وتقليل والكادر الخطابى قال الكادر الخطابى تهمة ... ودى لولوة جديدة ... فى أزمنة اضراب الأطبا ... ولاّ شنو؟
______________________________________________________________________
عموماً ...
شكراً على الإستجابة ... الإعتذار صلح واجهتك الإنسانية وبقاك بتشبه معتز تروتسكى الجميل ...




... المهم ....

...

Quote: معتز تروتسكي : اعتذر أنا معتز محمد بشير المعروف بمعتز بشير والمشهور بمعتز تروتسكي ، عن كل ما ألحقت به الصفات المذكورة أعلاه أو شعر بأنه ضمن زمرة الوصف المذكور التي لا نريد أن نكررها مرة أخرى ، هذا بالإضافة إلى الموقع وصاحبه وكاتبيه وزوراه والقراء اعتذار إلى الجميع بدون أي تخصيص ... والاعتذار أولا وأخيرا لصاحب المقال المقتبس (تصدق حتى إني ما عارف أسمو للان لووول).. المهم نعتذر له أولا وأخيرا .. دون تخصـــــيص ...

لكم التحية وخوالص الود أخي معتز
أدرك أنني قصفت دواخلك بعنف المحاربين .. وأدرك أنني أدرت فوهة المدفع عنوة الى رأسك .. وأدرك أنني لم أعطيك فرصة حتى كي تتنفس .. لكنني كنت على يقين راسخ بأنك تكتب مادة تفوق المادة التي إقتبستها .. وقد ناقشت كثيرين حول ذلك .. وكلهم ودون إستثناء أيدوا هذا المنحنى مما يجعل ذلك في رصيد الإبداع عندك ..

ومسألة الإقتباس لا تتأتى أحيانا من عدم المقدرة على الكتابة .. بقدر ما تأتي في أحايين كثيرة من إستسهال المناولة أثناء السجال .. خاصة وأنك لو حاولت تنقيح الفكرة وتغير الملمح فإنك بالتأكيد كنت ستسكب عرقا وجهدا مما يجعل ما ستكتب من ذاتك أفضل مما ستقتبس .. لكن المقتبس منه رجل أكاديمي أتيحت له فرصة أن يكتب حول قضية إستجمع لها المقتبسات من أمهات الكتب .. وهنا كان الفرق ..

لكنني تألمت حينما جاء ذلك في حمية السجال .. لأن الكثيرين تتقمصهم اللحظة بينما القليلون وأنت منهم كنت أرى أنهم يحتون الظروف ولا تحتويهم وهنا كان مكمن إستغرابي . فأمثالك بوعيهم الكبير ما كنت أظن أنهم سيغرقون في الحمية .

لكنني حينما أحسست بأنك بطلقة واحدة ولا تملك غيرها .. وليس لك مخرج إلا بحسن تصويبها .. أبت نفسي إلا أن تتكالب عليك .. وتدفعك دفعا لإطلاقها في مكمنها الصواب .. ليكون التصويب مصيبا ولا يتحول لمصيبة .. وقد كانت في دواخلي ومضة أمل .. أنك ستحسن التصويب رغم الجراحات .. وتخرجنا جميعا بأدب لا يتأتى إلا بعثرة ومشقة وعنت وشيء من مخاض .. ومن هنا ناقشتك حتى في إعتقادك مستفزا كل كوامن النفس البشرية عندك كي يكون التسدسد في المكان المنوه له .. وأعترف بأننا إستخدمنا معك الإرهاب الفكري مستغلين قيمة الزمن عندك .. وكل مان بيدنا من طلقات نطلقها في الهواء ترهيبا للجو حولك .. لندفعك دفعا للتصوب حيث نريد .. وبعدها نحن الذين سنصفق لرجل غالب الهوى في ذاته .. وأدار وجهه في الإتجاه الصحيح وقال كلمته التي كانت في تضاد مع كوامنه .. لتقول كلمة واحدة .. تتزين وتزين محفلنا هذا وتؤسس لأدب جديد في هذا النعترك . وقد قال الإنجليز من قبل ((A guilty conscience needs no accuser )) .

لأنني على قناعة بأن هذا المنبر ليس هو كل الحياة .. بل هو صفحة في كتاب كبير مكون من مئات الصفحات .. ثم ما الذي قمت به داخل هذه الصفحة ؟؟ مهما كان هذا الفعل .. هل يرقى لأن يبهت بقية الصفحات أو يطمسها .. أنا أجزم وأنت كلك ويشاطرنوننا الآخرين بأن هذا لن يرقى لذاك .. ولكنها هي بعض حالاتنا حينما نريد أن نحصر التفكير في أمر ما ، نحوله الى دنيا .. ونحيد منها كل المرائي الجميلة والسجايا الطيبة ..

يا أخي أنت مشروع أديب ساحر .. وكائن يعرف كيف يعبر عن ذاته .. ولحروفك سحر وروعة سنان ويشايع هذه الفكرة كثيرون إستنطقتهم هذه الظروف .. والإقتباسات لن تغير نظرتنا لك .. رغم إختلافنا معك في أمور فكرية .. لكنك في المستوى الإنساني العام .. أنت أصبحت بطلا في عالمنا هذا حيث أصبح الإعتذار قيمة مفقودة .. بل أصبحت بطلا لأنك إستطعت أن تهزم كوامن التمادي في ذاتك .. وتحول وجهتك الى بر الإنسانية بوجهها الجميل والمشرق ..

وحق لنا أن نتعلم مثل هذا .. وربما ما كنت لأقوى أنا على ذلك .. لكنك سهلت على الأمر وعلى الكثيرين هنا إن جابهتنا مثل ذلك لن نتوارى خلف تراكمات السجال حتى تتعذر الأوبة .. لكننا الآن عرفنا كيف يمكن أن نحيّد كل التراكمات ونقول أمام كل الناس وليس سرا بأننا كنا على خطأ .. بل زدت الأمر إعتذارا غير مخصوص ندرك أنه صادف قبولا لدي الطرف الآخر .. وهو شخص عزيز وصديق ودود وبدر مشرق .. وأناعلى قناعة من أن ما حدث سيقرب بينكما غم الجفاء الظاهر فقد علمنا أن رواد الفضاء يعودون أحبة يتعاهدون على المحبة لأنهم علموا أن كوكب الأرض أصغر كوكب في المجموعة الشمسية وأن كل الحروب التي تدور فيه ل تني شيئا في هذا الفضاء الكبير .. فتوسعت المودة فيهم لتسع الأرض في حيث لم تستطع أن تسع مساحة في الكون .. ولأن الزمن المهدر بينكما وإن كان مهدرا في السجال لكنه حفر في جدر الذاكرة لكل منكم إسما عميقا لن تمحوه الأيام بسولة ويسر .

لك التحية أيها المعتز
والتحية عبرك للبدر بدر الدين
والتحية لكل الذين كتبوا ونحو في منحى الخير والذين كانوا صادقين في إشاعة المودة
والتحية لهذه الظروف التي لولاها لما تعلمنا أدب الأوبة بالنفس الى رياض المودة الإنسانية
وتقبل فائق إحترامي وتقديري
(( ونواضر ودي ))









..

خالص التحايا

أبو ساندرا (الرفيق سيرجي كوربوف يديك العافية)- صلاح شكوكو (ياخ أنت ذاتك مشتهيك كيفك ياغالي)..
كلامكم في العين والرأس يا عِـظام ..
ويسعدني أن أترك أثاري على رملكم حيث طينكم هو كل ما كان وكل ما تبقى في رحلة الأنتماء لرائحة الجروف وعبق الورد وإطلالة الخريف الجسورة نحو أفئدة الحيارى...
شكراً يا من منعت الناس أن يمضوا إلى سخف الديار بلا سخف وان يستريحوا بين (نيمة) كبيرة في الدرب الوثير مابين تامين التأدب بالسماحة والوفاء ...

العزيز عزام حسن فرح بجيك لاحقا ، وربما أخد لي سفره صغيرة كده لي آخر الأسبوع قيل بعافية...

*تبارك سلمت عليك كتير بعد ده اقطع وشك ، والبرش راني ده بالموية برشو بالدم..
أنا منتظرك للأهم ...


التحايا النواضر..

مُعْتز

Quote: بجيك لاحقا

خير

انت خليك في قولنا وقالو دي... ياها شغلتكـ..

عزيزي معتز
انا رديت عليك هنا

تروتسكي سيد الاسم: كن بخير يا صديقي

ما كنت عارف انو المداخلة بي جاي

..

...

أخونا الجميل (( عزام ))
لكم التحية وخوالص المودة ..
دعاشات ندية أسوقها لك تحية وتقديرا ..
ليس لأنك إبن حيينا البار فقط .. لكن لأن عزمك دائما أن تجلي المواقف بحسن النية وجمال السجية وسماحة الروح .
ولأنك واحد من المبدعين في حيينا وبيتنا الكبير ( السودان ) ..
ولأنني من متابعي قلمك الجلي الذي يسكب مداد التواضع وأدب السطاء ولكنه الصفاء
ولأنك بمعينك الطيب وعقلك الأرجح .. تلطف لنا الأشياء .. ولأن الأخ معتز ربما لا يعرفك كما نفهمك
نتمنى أن لا تتخالط عنده روعة التجلي عندك بمداد آخر فيتسرب الظن اليه بأنك من المماحقين
فقد رجوناهما ( بدر وتروتسكي ) بالتوقف عن الإسترسال في منحنى التصعيد ..

متيقنون من أنك بصفاء قلبك .. ستلطف عبق اللحظة.. بعد كل التبيان الذي كان
وسيعود كل المنحنيات الى مستوى سطح البحر والبر .. لنستنشق (( نسيم البحر والبر ))

مع عاطر مودتنا وكل تقديرنا ..
دمت دمائة وودا

..