أخطر نكتة سمعتها في 2007 على الأقل نغير من ساس يسوس

أخطر نكتة سمعتها في 2007 على الأقل نغير من ساس يسوس


20-03-2007, 02:44 PM


  » http://sudaneseonline.com/cgi-bin/sdb/2bb.cgi?seq=msg&board=3&msg=1174401877&rn=4


Post: #1
Title: أخطر نكتة سمعتها في 2007 على الأقل نغير من ساس يسوس
Author: hajhamad
Date: 20-03-2007, 02:44 PM
Parent: #0

واحد شايقي دخل صندوق مع الشيطان ، أخد الصرفة الأولى و قال : بسم الله الرحمن الرحيم

أضحك و قول ليناانت سمعت شنو؟

Post: #2
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 21-03-2007, 10:08 AM
Parent: #1

أدروب مشى يخطب قالوا ليهو البنت بتقرأ قال خلاص في الفسحة نجي

Post: #3
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 24-03-2007, 02:19 PM
Parent: #2

رباطابي جابو ليهو ولد بيشبهو شبه شديد قال لي مرتو : دي بطن و الله مكنة تصوير

Post: #4
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 25-03-2007, 05:27 AM
Parent: #3

رباطابي عندو (رقشة) و في واحد شغال في ( زبالة) قال ليهو وصلني مشوار الرباطابي خاف يوسخ الرقشة اعتذر ليهو و الله عندي مشوار ، الرباطابي لف و جا و صاحبك شغال في الزبالة و زعلان ما ركبوهو الرقشة ، حاول يستفز الرباطابي قائلا : ياخي ح تركبناطيارتك دي متين الرباطابي رد سريع : لما تنتهي من تخصيب اليورانيوم الشغال فيهو دا

Post: #5
Title: Re: أخطر نكتة سمعتها في 2007 على الأقل نغير من ساس يسوس
Author: Zoal Wahid
Date: 25-03-2007, 06:10 AM
Parent: #1

الجعلي قال للشايقي مفتخرا: دا شارع المك نمر

الشايقي رد : الجراا بيهو؟

Post: #6
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 25-03-2007, 06:24 AM
Parent: #5

زول واحد لوووووووووووووول

شكرا للمرور و المشاركة بس أعمل حسابك البورد دا مليان شايقية ، أنا حكيت نكتة عنهم بس واسطتي قوية صديقي شايقي و من الزومة كمان يعني عندي حماية.


الحاج حمد

Post: #7
Title: Re: أخطر نكتة سمعتها في 2007 على الأقل نغير من ساس يسوس
Author: Salah Waspa
Date: 25-03-2007, 07:49 AM
Parent: #6



قالوا ايام الجنوب والحرب مدورة
الكيزان فتحوا ليههم مدينة من المدن الكتاااااار الدرشوا ليك فيها ناس الحركة

اها في ساحات الفدا جابو ليك واحد بتكلم عن المعجرة
قال والحرب مدورة نحن تعبنا وجعنا ومؤنتنا كلمت
فقام نزل لينا من السماء دقيق اكلناه وواصلنا حربنا وانتصرنا

ادروب كان بحضر في ساحات الفداء
وادروب مخزنجي حارس ليه مخزن بتاع دقيق
قام من درربة مشى على المخزن وباع كل الفيه وختاه في جيبه
تاني يوم جا المسئول والمسئول طبعا كوز
فقام سال ادروب يا ادروب الدقيق وينو ؟

ادروب قال ليه
والله امبارح الملايكة تنقل في الدقيق وتوديه الجنوب

========================

ههههههههههههههه وحقـــــوف الطـــــبع محفوظـــة لوليــد الشـــفت صـــاحبـي



التحيـــة ليــكم وانتــو مبتســمين




صـــلاح واســـبه

Post: #8
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 25-03-2007, 08:08 AM
Parent: #7

الأخ صلاح واسبة شكرا لمشاركتك

بمناسبة أدروب هاك دي :

قالوا زمن نميري كان في برنامج (العون الذاتي) و عملوا صداع للناس بالعون الذاتي و التبرعات ، بعد فترة عون الشريف قاسم كان في زيارة لكسلا و أدروب سمع عون الشريف جاي عون الشريف جاي قام سأل واحد من الموظفين : ايها العون الذاتي عرفنا عون الشريف شنو كمان؟

Post: #9
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 26-03-2007, 05:14 AM
Parent: #8

أحمد عمر الرباطابي شاعر و مغني و رجل ذكي و له سرعة بديهة اشتهر بها وسط الرباطاب من أغانيه المعروفة (أم در يا ربوع سودان).

تم توزيع قطعة أرض لأحمد عمر الرباطابي و كانت أقصى غرب أم درمان ، ذهب مع المساح لاستلام الأرض و في اليوم التاني ذهب لمدير الأراضي و هو في حالة غضب لبعدهاغربا، مدير الأراضي سأله : بعيدة يا أحمد و الله شنو؟ رد بسرعة: و الله الشمس وقت تغيب أمسكها بيدي.

الحاج حمد

Post: #10
Title: Re: أخطر نكتة سمعتها في 2007 على الأقل نغير من ساس يسوس
Author: ASAAD IBRAHIM
Date: 26-03-2007, 05:19 AM
Parent: #9

Quote: رباطابي عندو (رقشة) و في واحد شغال في ( زبالة) قال ليهو وصلني مشوار الرباطابي خاف يوسخ الرقشة اعتذر ليهو و الله عندي مشوار ، الرباطابي لف و جا و صاحبك شغال في الزبالة و زعلان ما ركبوهو الرقشة ، حاول يستفز الرباطابي قائلا : ياخي ح تركبناطيارتك دي متين الرباطابي رد سريع : لما تنتهي من تخصيب اليورانيوم الشغال فيهو دا


[email protected] rabatab.alshiraig

يا اخي والله انا بحب الرباطاب ديل حب

الله يخليهم ويزيدهم كمان وكمان



زودنا من الرباطاب الحلوين ديل يا اخينا بالله

Post: #11
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 26-03-2007, 05:31 AM
Parent: #10

الأخ / أسعد

تحياتي لك ، و ح اكتر ليك من حكايات أهلي الرباطاب بس تابع و خليك قريب.

الحاج حمد

Post: #12
Title: Re: أخطر نكتة سمعتها في 2007 على الأقل نغير من ساس يسوس
Author: ابو تميم
Date: 26-03-2007, 07:32 AM
Parent: #1

شايقي مرشح نفسه لانتخابات الرئاسة


كتب في يفط الدعاية الانتخابية تحت صورتو



رشحو الشايقي خير من يمثلكم

وعسى ان تكرهوا شيئا وهو خير لكم

Post: #13
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 26-03-2007, 08:37 AM
Parent: #12

أبو تميم شكرا للمشاركة و هاك دي :

أبكر : بالله يا هفسة ما داير تأخير أول ما تسمئي بيب بيب أطلئي طوالي.

حفصة: ما شاء الله أبكر اشتريت أربية؟
أبكر : أبدا اشتريت سوفارة

ههههههههههههههههههههههههههههههههه

Post: #14
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 26-03-2007, 01:45 PM
Parent: #13

ولدين بحبو بنتين و بتقابلوا كل يوم في المستشفى (البنات عاملات المستشفى حيلة) ، يوم جات واحدة من البنات و التانية ما جات سألوها وين فلانة؟ قالت ليهم و الله هي الليلة عيانة.

Post: #15
Title: Re: أخطر نكتة سمعتها في 2007 على الأقل نغير من ساس يسوس
Author: اساسي
Date: 26-03-2007, 02:14 PM
Parent: #14

واحد شين شنا مٌرة كل ما يخطب بت تقول ليهو عاوزة اقرأ
زولنا مرة كدا وقع ليهو في واحدة قاطعة وقال اصلو ما بخليها
اها مشي كلمها وقال ليها انا عاوز اتزوجك اها البت طوالي قالت ليهو انا عاوزة اقرأ
اها زولنا ما كضب قال ليها انا ما عندي اي مشكلة بنتظرك.!!
اها البت عاينت بي جاي وبي جاي قالت ليهو بصراحة انا ما بعرف اقرأ لو في زول منتظرني

Post: #16
Title: Re: أخطر نكتة سمعتها في 2007 على الأقل نغير من ساس يسوس
Author: تماضر الخنساء حمزه
Date: 26-03-2007, 02:24 PM
Parent: #1

شايقي بحضر في برنامج في اللبنانية ..مستضيفين نانسي عجرم وإليسا وهيفاء ..واحدي قالت رغبتا تتزوّج طبيب والتانية قالت لواء في الجيش والتالتة قالت فنّان..الشايقي إتصل قال للمذيعة : معاك اللواء الدكتور الفنّان محمّد أحمد الشايقي

Post: #17
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 26-03-2007, 02:48 PM
Parent: #16

تماضر شكرا للمرور و المشاركة

شايقي طماع شديد عاوز يلم نانسي و اليسا و هيفاء

Post: #18
Title: Re: أخطر نكتة سمعتها في 2007 على الأقل نغير من ساس يسوس
Author: ابو تميم
Date: 26-03-2007, 04:26 PM
Parent: #1

قال ليك القسم الجنوبي مليان لاخرو بالسكارى ... الضابط قال يحل المشكلة قال ليهم خلاص جيبوهم لي ... المسلم نبيتو للصباح عشان لو ثبت سكره ينجلد ... والما مسلم حيفكوهو فما في داعي يبيت ويعمل لينا زحمة .
دخلو دود اول واحد ... قال ليهو اسمك .. قال دود ملوال .. سالو الضابط وديانتك قال ليهو مسيحي .. فقال ليهم فكوهو .. اها دود طلع بره أدروب سألو عن الحصل وليه فكوهو .. فحكى ليهو الحكاية
دخل ادروب على الضابط ... فسألو الضابط ... اسمك منو ؟؟

قال ليهو : أدروب نتنياهو ... كُفار عديييييييييييييييييييييييل

Post: #19
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 27-03-2007, 05:07 AM
Parent: #18

أبو تميم لوووووووووووووووول

هاك الأدروبية دي :

أدروب عندو ديك للبيع خاتيهو قدامو و قاعد فجأة الديك فك الخيط المربوط بيهو و جرى و الديك جراي شديد أدروب جاري و الديك جاري بعد تعب شديد قبضو و ربطو تاني و قاعدين الاتنين يناهدو و تعبانين من الجري ، جاء زبون :أدروب الديك دا للبيع ، أدروب : آآي الزبون نظر للديك لقاهو تعبان من أثر الجري قال لأدروب: لكن الديك عيان و الله شنو؟ أدروب : نفكو ليك تجرب؟

Post: #20
Title: Re: أخطر نكتة سمعتها في 2007 على الأقل نغير من ساس يسوس
Author: ahmed babikir
Date: 27-03-2007, 05:39 AM
Parent: #19

واحد زوجته ماتت وبعدين عندوا واحد صاحبو من الغنيانيين شديد ديل ..
المهم صاحبوا ده ماجاهو الا بعد شهر من العزاء ...
جا وشال معاهوا الفاتحه وقال ليهوا دايرك بره ..
صاحبنا طلع معاهو وهو زعلان شديد جدا علي تاخره... فقام صاحبوا الغنيان طلع من جيبوا عشرة مليون جنيه واداها ليه
وبدا يقول ليه معليش يعني كنته مسافر بره وماسمعته بالخبر....
فقام صاحبنا مقاطعه وقال : ما يهمك ...والله البكا البكيتو ده مافي زول بكاهو..

Post: #21
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 27-03-2007, 06:19 AM
Parent: #20

الأخ احمد بابكر

تحياتي

10 مليون دا بكى شديد ياخي و صاحبك ليهو حق ، واحد حكى لي قصة زي دي قال واحد عمتو زوجها مات و هو في نيالا و الدنيا خريف ، جاء اجازة عادية بعد سنة و شال ليك خمسة جنيه و مشى يعزي عمتو شايل الفاتحة و الخمسة جنيه في يده و اعتذر عن عدم الحضور للتعزية ، عمتو شافت ليم الخمسة جنيه و الزمن داك مبلغ كبير قالت ليهو : القد واحد يا ولدي و محلك بعيد و الدنيا خريف.

Post: #22
Title: Re: أخطر نكتة سمعتها في 2007 على الأقل نغير من ساس يسوس
Author: ياسر نجيلة
Date: 27-03-2007, 06:20 AM
Parent: #20


شيطان حاقد شديد جدا جدا

عزم اصحابو على العشاء

وقفل باب الصالون

وشغل ليهم قرآن كريم ....

.

Post: #23
Title: Re: أخطر نكتة سمعتها في 2007 على الأقل نغير من ساس يسوس
Author: Ro3ah
Date: 27-03-2007, 06:49 AM
Parent: #22

هههههههههههى...

واحد شايقى اشترى ليهو ساعة جديدة صاحبوا سالوا الساعة كم هسع. الشايقى رد ليهو : اها خلاص داير تكمل على حجرها.

وشكرا

Post: #25
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 27-03-2007, 07:57 AM
Parent: #23

Ro3ah

هههههههههههههههههههههه

شكرا للمرور و المشاركة

أهلي الرباطاب معروفين بقوة التشبيه ، زار ابنهم صلاح كرار عضو مجلس قيادة الثورة الجزيرة (مقرات) مع وفد حكومي رسمي ، أول ما نزل من السيارة (و كان يرتدي لبس البحرية أبيض مع أزرق و كان أعضاء مجلس قيادة الثورة تميزهم شارة حمراء على الكتف) واحد رباطابي قال : صباع سيجنال

Post: #24
Title: Re: أخطر نكتة سمعتها في 2007 على الأقل نغير من ساس يسوس
Author: نادر
Date: 27-03-2007, 07:55 AM
Parent: #1

واحد مغترب في البرازيل
جا راجع البلد
قابل واحد صاحبو وبيحكي ليهو عن البرازيل، دار بينهم الحوار التالي:-

صاحبو: والله أنا البعرفو البرازيل دي كلها عاهرات ولاعبين كورة
المغترب في البرازيل: ياخي أنا زوجتي برازيلية!
صاحبو: وبتلعب في ياتو نادي زوجتك

Post: #26
Title: Re: أخطر نكتة سمعتها في 2007 على الأقل نغير من ساس يسوس
Author: Hani Arabi Mohamed
Date: 27-03-2007, 10:43 AM
Parent: #1

ضرب القناصل سبب وجيه لقبول العضوية في سودانيز أون لاين

Post: #27
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 27-03-2007, 01:23 PM
Parent: #26

الأخ نادر

شكرا للمرور و المشاركة.

الأخ هشام نكتة حلوة و دا سبب وجيه عشان نضحك

الحاج حمد

Post: #28
Title: Re: أخطر نكتة سمعتها في 2007 على الأقل نغير من ساس يسوس
Author: ابو تميم
Date: 28-03-2007, 08:31 AM
Parent: #1

Quote: أدروب عندو ديك للبيع خاتيهو قدامو و قاعد فجأة الديك فك الخيط المربوط بيهو و جرى و الديك جراي شديد أدروب جاري و الديك جاري بعد تعب شديد قبضو و ربطو تاني و قاعدين الاتنين يناهدو و تعبانين من الجري ، جاء زبون :أدروب الديك دا للبيع ، أدروب : آآي الزبون نظر للديك لقاهو تعبان من أثر الجري قال لأدروب: لكن الديك عيان و الله شنو؟ أدروب : نفكو ليك تجرب؟


هههههههههههههههههههههههههههههههههههه
ياخي ما كتلتنا عدييييييييييييييل كده


قال ليك سودانية وفرنسية وامريكية اتفقوا انهم يرفضوا رعاية البيت والنضافة ورعاية الاطفال ويخلوا ازواجهم يقومو بالدور ده واتفقو يتقابلو بعد اسبوع وكل وحدة تقول عملو شنو

بعد اسبوع اتجمعوا .. قالت الفرنسية :
انا قلت لراجلي من الليلة مافي غسيل هدوم ولا نضافة ولا مسك عيال .. انت الحتعمل كل حاجة ما عاجبك
اشرب من البحر.. فقالت ليهم اول يوم ماشفت تغيير .. وتاني يوم ماشفت تغيير .. تالت يوم اشوف ليك الراجل قام ينضف البيت ويطبخ .. الخ


الامريكية قالت :
وانا قلت لراجلي من الليلة مافي غسيل هدوم ولا نضافة ولا مسك عيال .. انت الحتعمل كل حاجة ما عاجبك
اشرب من البحر.. فقالت ليهم اول يوم ماشفت تغيير .. وتاني يوم ماشفت شي .. تالت يوم بقى اشوف ليك الراجل قام ينضف البيت ويطبخ .. الخ

السودانية قالت :
انا قلت لراجلي من الليلة مافي غسيل هدوم ولا نضافة ولا مسك عيال .. انت الحتعمل كل حاجة ما عاجبك
اشرب من البحر.. فقالت ليهم اول يوم ماشفت شي.. وتاني يوم ماشفت شي .. تالت يوم الحمدلله بديت اشوف شوية بعيني الشمال

Post: #29
Title: Re: أخطر نكتة سمعتها في 2007 على الأقل نغير من ساس يسوس
Author: محمد فرح
Date: 28-03-2007, 09:52 AM
Parent: #28



والله الضحك الضحكتوا ده إلا أدفع ضريبته وأخت لي نكته كان تعجبكم وللا ماتعجبكم

قالوا واحد مغترب طول شدييييد من السودان والراجل الظاهر صاحب مزاج وبتاع شربه المهم صاحبنا نزل من الطياره مصلح وراسه مستعدل أول ماطلع من مطار الخرطوم لقى أسامي الشوارع كلها غيروها ناس الإنقاذ الشوارع زمان كان إسمها شارع الفيل .. شارع المورده .. شارع النيل .. بقى ماشى في الشارع ويقرأ في اليافطات ... هق شارع مصعب بن عمير .. هق .. شارع الزبير بن العوام .. هق .. مدرسة ذات النطاقين .. هق .. أول ماوصل حلتهم بقى يكورك .. يامعشر قريش أين داري وأهلي وعشيرتي ؟؟؟ قامت جات ست تسالي قاطعه بي جنبو قشطها ليك وقال : إغربي عن وجهي ياجاريه

Post: #30
Title: Re: أخطر نكتة سمعتها في 2007 على الأقل نغير من ساس يسوس
Author: ابو تميم
Date: 28-03-2007, 11:04 AM
Parent: #1

قال ليك ادروب عينوهو وزير تربية وتعليم ... عمك مسطح جدا .. فقالو ليه النظام انو نسمي المدارس باسماء الصحابة
يعني مدارس الاولاد خالد بن الوليد - ابوعبيدة بن الجراح - مصعب بن عمير ... الخ

ومدارس البنات نسيبة بن كعب - خولة بنت الازور - خديجة بنت خويلد .... الخ


اها الحبيب جابو ليهو مدرسة مختلطة ... وسألوه .. رايك شنو يا ادروب نسميها شنو المدرسة دي ؟؟


عمك مسطح طبعا وعامل فيها ناقش .. رد على طول وقال ليهم :


طبيعي نسميها عيسى بن مريم

Post: #31
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 28-03-2007, 02:57 PM
Parent: #30

الأخ محمد فرح

تحياتي و شكرا لمرورك و مشاركتك

هاك دي حقيقية :

قبل كم سنة عمك أبوفاطمة جاء للحج و هو رجل ضخم و بعد انتهاء الحج سألناهو بعد أن حكى عن المناسك : عم أبوفاطمة قدرت وصلت الحج الأسود قال : الحجر الأسود لا لا ما تقدر (الكابستان) ما يخليك و هو يقصد الباكستانيين واحد صاحبي قال لي عم أبوفاطمة دا خلط بين الباكستان و المكابسة.

Post: #32
Title: Re: أخطر نكتة سمعتها في 2007 على الأقل نغير من ساس يسوس
Author: حمور زيادة
Date: 28-03-2007, 09:25 PM
Parent: #1

الله يجعل مرورنا خفيف عليكم و نكتنا لذيذه ليكم يا رايقين ..

قزم مشى يفصل جلابيه .. سأل الترزي بتخلص متين ؟ قال ليو اخد لفه و تعال

واحد مرتو عضاها كلبم و ماتت صاحبو جا يعزي لقا الصيوان ملان قال ليو ماشاء الله ديل كلهم جايين يعزوا ؟ قال ليو لأ ديل جايين يستلفو الكلب

مسطول ودوهو الخلوه .. اخر اليوم سألوهو اها الشيخ اداكم شنو ؟ قال ليهم هو زاتو ما متأكد مرات يقول القارعة مرات يقول ما القارعة

اتنين مساطيل واحد وقع في الصهريج صاحبو رجاهو جمب الماسورة

ندي الشوايقة واحده :
واحد غرق مافي جمبو الا شايقي كورك ليو يا زول ل عليك الله انقذني ..
الشايقي قال ليو يا زول استغفر الله ده يومك

لو عجبوكم نجي تاني لو بايخين بعافيتكم

Post: #33
Title: Re: أخطر نكتة سمعتها في 2007 على الأقل نغير من ساس يسوس
Author: garjah
Date: 28-03-2007, 09:49 PM
Parent: #32

رباطابي واقف في الجزارة بيشتري كمونية

ادروب سال الرباطابي باستخفاف

ده شنو ده انت عازم كلاب ؟

الرباطابي قال ليهو

وانت كرتك ما جاك

Post: #34
Title: Re: أخطر نكتة سمعتها في 2007 على الأقل نغير من ساس يسوس
Author: سيف الدين حسن العوض
Date: 29-03-2007, 03:27 AM
Parent: #33

عريس جعلي اصحابوا قالو ليو ماشين نجيب التلج .. قال ليهم سمح عزلوا الساااااااااااااااااااااقط
قال ليك: ادروب سالوه : أسمع يا أبو الشباب: المسطرة الطوييييييلة د
البشولوها ناس الجامعات دي شنو؟؟؟
قال ليهم: أظنو دا سيف الجامعة البقولوهو
رباطابي قال لمرته:الدنيا دي بقت زي حديقة الحيوانات لأنو الواحد
بقوم من النوم زي الحصان و بمشي الشغل زي الكلب وبشتغل زي الحمار
وبي راجع زي ابو القدح و آخرتا ساكن مع بقره

Post: #35
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 29-03-2007, 05:14 AM
Parent: #34

الأخوان محمد فرح ، حمور زيادة ، قرجة و سيف الدين حسن شكرا لمروركم و مشاركتكم.

الأخ حمور نكات ظريفة و عجبتنا و مرحب بيك و منتظرين الجديد.

الحاج حمد

Post: #36
Title: Re: أخطر نكتة سمعتها في 2007 على الأقل نغير من ساس يسوس
Author: حمور زيادة
Date: 29-03-2007, 08:46 AM
Parent: #1

تسلم حاج حمد على الدعم المعنوي
هاك دي اخدر قطع امس :

واحد عندو غنماية ضعيييييييييييفه وداها السوق عشان يبيعا .. اول ما دخل السوق لاقاو تاجر سألو الغنماية دي ادوك فيها كم ؟ الزول قال ليو ادوني فيها 750 الف .. الغنماية دنقرت راسا و قعدت تضحك

Post: #37
Title: Re: أخطر نكتة سمعتها في 2007 على الأقل نغير من ساس يسوس
Author: EMU إيمو
Date: 29-03-2007, 08:58 AM
Parent: #36

مسطول سهران مع أصحابو
جاء المنزل مع آذن الفجر
أختو قامت للصلاة سمعت حركتو في الباب
قامت فتحت ليهو الباب
تااااح ضربها كف قائلاً : وين كنتي سهرانة يا مومس

Post: #38
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 29-03-2007, 09:21 AM
Parent: #37

الغنماية دنقرت راسا و قعدت تضحك

ههههههههههههههههههههههههههههههههههههههههه
رهيبة يا حمور يلا مزيد من الجديد

Post: #39
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 29-03-2007, 10:07 AM
Parent: #38

ايمو شكرا للمرور و المشاركة

باين الراجل كان سطلتو قوية شدييييييييد

جماعة كل يوم بسطلو في بيت و بقعدو واحد جنب الباب اذا جاء البوليس يديهم تنبيه
يوم العليهو الحراسة قبل ما يمشي يقعد ضرب واحدة قوية و مشى قعد جنب الباب شالتو نومة ناس البوليس لما جو أول حاجة رفعوهو في عربيتهم و دخلوا البيت رفعوا الباقين و صاحبك نائم في العربية ، العربية جات في دقداق صحا لقى البوليس قدامو قعد يكورك : جاااااااااااااااااكم

Post: #40
Title: Re: أخطر نكتة سمعتها في 2007 على الأقل نغير من ساس يسوس
Author: حمور زيادة
Date: 29-03-2007, 10:07 AM
Parent: #1

مسطول طلع يصلح لمبه .. قال ليها طبعا لازم تبوظي ما دام قاعده لي مع سلك عريان

تلاته اخوات باريات علقو يافطه على باب البيت .. تزوج واحده و احصل على اثنين مجانا

ابكر سألوهو ليه ما مشيت الحج ؟ قال ليهم : سبهان الله كل ما ننوي يسادف أيد الدهيه

مسطول سألوه سبيل يعني شنو ؟ قال طريق .. قالو ليو طيب سلسبيل يعني شنو ؟ قال ليهم طرطريق

واحد سأل مسطول قال ليو لو سمحت عاوز اوصل المستشفى سريع .. قال ليو غمد و اقيف في نص الظلط

كفاكم هسه اكتر من كده بترفد .. لبعدين يا رايقين .. علي الطلاق قعدتكم دي فاقده الشيشه

Post: #41
Title: Re: أخطر نكتة سمعتها في 2007 على الأقل نغير من ساس يسوس
Author: ابو تميم
Date: 29-03-2007, 11:09 AM
Parent: #1

قال ليك مسطول ضارب ليه سيجارة قوية الف ... مشى بيت بكا ... لقى الناس كلهم صانييييييييين

عايز يفتح موضوع ... قال ليهم :


سبحان الله ... والله ابن آدم ده زي الانسان .. لو اتوفى بيموت على طول






شايقي داير ينزل نعي في الجريدة .. كتب :


الشايقي ينعي ابوه ... ويوجد تمر للبيع

Post: #42
Title: Re: أخطر نكتة سمعتها في 2007 على الأقل نغير من ساس يسوس
Author: امير مصطفى احمد
Date: 29-03-2007, 11:46 AM
Parent: #1

لكم التحية اخي حاج حمود والمجموعة المرحة

قالو في واحد زوجتو ماتت ، اها جو نسابتو يعزوه ، قامو قالو ليهو ما يهمك بنعوضك اختها ، قام قال ليهو : ليه انتو نسايب ولا شركة تأمين ؟؟؟

Post: #43
Title: Re: أخطر نكتة سمعتها في 2007 على الأقل نغير من ساس يسوس
Author: garjah
Date: 29-03-2007, 03:39 PM
Parent: #42

يا امير

واحد برضو مرتو ماتت

قاعد يبكي بكا شديد

اصحابو قالو ليهو ياخي بكرة تعرس غيرا

قال ليهم

المشكلة في الليلة

Post: #44
Title: أخطر نكتة سمعتها في 2007 على الأقل نغير من ساس يسوس
Author: نورالدين حسن نمر
Date: 29-03-2007, 04:04 PM
Parent: #1

* انجاز طبي جديد .... فريق طبي بعد 25 ساعة يتمكن من فصل شايقي عن جنيه .. الجنيه بصحة جيدة والشايقي في غيبوبة.

* وكمان واحد شايقي سألوهو الخروف عملتوا فيهو شنو ؟ قال: اللحم أكلنا والراس عملنا باسم والكرعين كوارع والجلد مصلاية ... وكان في طريقة (باااااع) زاتا كان عملناها نغمة للموبايل

* مرة واحد طيار مسطول اسمه الشايقي و كان فى رحلة و بعدين فجأة المحرك اليمين بتاع الطيارة عطل..

فنبه على الركاب و قاللهم كابتن الشايقي يحيكم و يبلغكم ان المحرك الأيمن توقف و لا داعى للقلق.

بعد شويه الركاب سمعوا كابتن الشايقي بيقول:

كابتن الشايقي يحييكم و يبلغكم أن المحرك الأيسر للطائرة قد توقف و لا داعى للقلق.

بعد شويه الركاب سمعوا كابتن الشايقي بيقول:

كابتن الشايقي يحييكم من البراشوت و يتمنى لكم رحلة سعيده ؟؟؟؟


* شايقي لقو بدق في اولاده الاتنين - سالو مااالك - قال لقيتهم فاتحين المروحة في تلاتة
وهم كلهم اتنين بسسس


*
شايقي قال لابوه : ابوي عايز اكمل دراستي بره . . ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك

* واحد شايقي جاتو ليلة القدر قالو ليه اي حاجة دايرة بتتحقق ليك بشرط انه الجعلي جارك تتحقق ليه نفس الحاجة مرتين
قال ليهم قدو لي عيني


* كان في شايقي راكب في مركب في النيل ومعاهو ابوهو وامو وناس تانيين غيرم وما كان في زول بيعرف يعوم غير الشايقي دا اها قامت المركب غرقت في نص البحر والشايقي ما عندو طريقة يمرق معاهو غير زول واحد بس اها قام الشايقي مرق معاهو واحد غير ابوهو وامو لما جا مارق في القيف الناس سالوهو انت كيف تخلي ابوك وامك وتمرق الزول الغريب ؟؟ رد عليهم: نان ماني طالبو!!!

Post: #45
Title: Re: أخطر نكتة سمعتها في 2007 على الأقل نغير من ساس يسوس
Author: ismeil abbas
Date: 29-03-2007, 04:14 PM
Parent: #1

السلام عليكم


ياشباب والله إنتو حلوين وشكرآ لحاج حمد الظريف طلعنا من جو النكد ساس يسوس


إثنين مساطيل بعومو فى البحر ,واحد قال للثانى أضانى دخلته المويه..الثانى قال ليه عقبال

الثانية ما ندخله الكهرباء كمان.

.........................إسماعيل محمد أحمد عباس...............

Post: #46
Title: Re: أخطر نكتة سمعتها في 2007 على الأقل نغير من ساس يسوس
Author: حمور زيادة
Date: 29-03-2007, 07:02 PM
Parent: #1

تسعة شوايقه ماشين صف في غابة قد عيونم فرع واحد







انتو يا جماعة البلد دي ما فيها شايقي يجي يهرشنا ؟

Post: #47
Title: Re: أخطر نكتة سمعتها في 2007 على الأقل نغير من ساس يسوس
Author: نورالدين حسن نمر
Date: 30-03-2007, 05:35 PM
Parent: #1

Quote: واحد شايقي دخل صندوق مع الشيطان ، أخد الصرفة الأولى و قال :
بسم الله الرحمن الرحيم


مسطول سمع دقه باب البيت فتح الباب ما لقي زول ..
قال ده مس كول والله شنو ؟؟؟

Post: #48
Title: Re: أخطر نكتة سمعتها في 2007 على الأقل نغير من ساس يسوس
Author: نورالدين حسن نمر
Date: 30-03-2007, 05:36 PM
Parent: #1

واحد مفلس اتقدم لي واحده سمينه جدا داير يتزوجها ...؟؟
ابوها قال ليهو مبروك لكن انحنا عايزين قولة خير مليون ؟؟
اخونا رد ليهو انتو حسبتوا لي الكيلو بي كم ؟؟؟

Post: #49
Title: Re: أخطر نكتة سمعتها في 2007 على الأقل نغير من ساس يسوس
Author: Hololy
Date: 30-03-2007, 08:10 PM
Parent: #1

.......

........الطبيب للمسطول : طفلك ده متسمم بلبن مدّتو منتهيه

........ المسطول و نظره خاطفه لام طفله : والله يا دكتور كلامك صاح .....

......... الود كان بيرضع من حبّوبتو الصباح !!!!!!!!!

.........

Post: #50
Title: Re: أخطر نكتة سمعتها في 2007 على الأقل نغير من ساس يسوس
Author: عبد الفتاح محمد
Date: 30-03-2007, 09:00 PM
Parent: #1

ياشباب نغير ليكم شوية من الشايقية والرباطاب
مره قرد منحوس وقرد حظه كويس مشو يسرقوا شجر موز فالقرد اللي حظه كويس قال للقرد المنحوس أنا هطلع أجيب الموز من الشجرة وأنت خليك تحت تلم اللي يقع وبعد شويه جو أصحاب شجر الموز ومسكو القرد المنحوس وضربوه علقه سخنه وفى المرة التانيه راحو برضو يسرقوا نفس الشجرة راح القرد المنحوس قال للقرد اللي حظه حلو خليك المرة دي تحت وأنا هطلع أجيب الموز وبعد شويه جو أصحاب شجر الموز ومسكو القرد اللي حظو حلو فواحد قال للتانى سيبو ده أنضرب المرة اللي فاتت هات القرد اللي على الشجرة فوق.وادوهو علقة اسخن من الاولى

Post: #51
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 31-03-2007, 05:41 AM
Parent: #50

الأخوان حمور زيادة و أبو تميم

تحية خاصة لمشاركتكم الثرة و عاوزكم تسكنوا معاي بي جاي فقد اضفتم روح مرحة و خاصة على البوست

الأخ أمير مصطفى

شكرا لك و نلت عضوية المجموعة المرحة و مرحبا بمشاركاتك

الأخ أبو قرجة

مشاركاتك خطييييرة خاصة المرتو ماتت و قال الكلام الليلة ههههههههههه خطيرة شديدة

الأخ نور الدين حسن

تحياتي و الشوايقة مالين المنبر لو لموا فيك الله يعينك
الأخوان اسماعيل عباس ، عبد الفتاح محمد و hololy

شكرا لمشاركتكم و مزيد من المرحة

Post: #52
Title: Re: أخطر نكتة سمعتها في 2007 على الأقل نغير من ساس يسوس
Author: ابو تميم
Date: 31-03-2007, 08:56 AM
Parent: #1

بالمناسبة انا شايقي



قال ليك واحد صحبو اسمه عبدالمحمود ... عبد المحمود ده عنده اخت موية نااااااار ... شديدة لدرجة قف تأمل .. والزول ده مكسر جدا في اخت صحبو عبدالمحمود
المهم كل ما يمشي لي عبدالمحمود البيت تفتح الباب اختو .. فالراجل يتكبكب ويفقد المنطق .. فيقول ليها :
ع ع ع عب عبدالموجود محمود ؟؟؟؟

البت تضحك فيهو وهو يتعقد من المنظر فيمشي يخليها

اها حكى لصديقو المسطول ديمة بالموقف ده .. فقال ليهو المسطول :

يازول بسيطة جدا ... مش انت بتفقد المنطق عشان شدته وجماله ؟؟

قال ليهو آآآي

قال ليهو المسطول : طيب دق الباب وغمض عيونك عشان ما تشوفه

اها الحبيب مشى لعبدالمحمود ودق الباب

وحد الايام .. البت كانت ماشة عرس وقاشرة قشرة عدوك ... الميك اب ده ما يديك الدرب .. الشعر كيييييف واللبس كييييييف

المهم الحبيب غمض عيونو .. وقال للبت لما فتحت ليهو الباب :
احم احم ... عبد المحمود موجود ؟؟؟؟

قال ليهو :

لآ والله ما موجود

ففتح عيونو .. وقال ليها :
































طيب لما يرجع نقول ليهو منو ؟؟؟

Post: #53
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 31-03-2007, 10:16 AM
Parent: #52

يا أبو تميم

خطيييييرة شديد عبد المحمود لما يجي أقول ليهو أبو تميم جاب النكتة دي من وين؟

منتظرين المزيد

Post: #54
Title: Re: أخطر نكتة سمعتها في 2007 على الأقل نغير من ساس يسوس
Author: Ro3ah
Date: 31-03-2007, 10:38 AM
Parent: #53

انا زاتى بالمناسبة شايقية لكن الضحك والكلام ما بى قروش .اتكلموا براحتكم.

Post: #57
Title: Re: أخطر نكتة سمعتها في 2007 على الأقل نغير من ساس يسوس
Author: waleed500
Date: 31-03-2007, 10:47 AM
Parent: #54

قال ليك شايقي جلدة لمن غلط اتوفى ابوه عمل كشف اولاد عمة جلود اكثر منه ضربو في الكشف زعل زعل شديد

امه ماتت بعد فترة مسك الكشف لناس شركة الهدف


Post: #55
Title: Re: أخطر نكتة سمعتها في 2007 على الأقل نغير من ساس يسوس
Author: Ro3ah
Date: 31-03-2007, 10:45 AM
Parent: #1

دى حصلت بالجد بالجد
واحد بلدياتنا قالوا سافر واحدة من الدول المتقدمة وشاف ليك التطور فى البلاد المتقدمة. لمن رجع البلد عندوا اصاحبوا عندهم قعدة كدة فى طرف الشارع عند دكان قالوا قال ليهم: انتوا لسة قاعدين فى قعدتكم دى الناس وصلت القمر !!!. ردوا ليهوا قالوا ليهوا انت انشاءالله تكون منهم.

Post: #56
Title: Re: أخطر نكتة سمعتها في 2007 على الأقل نغير من ساس يسوس
Author: Ro3ah
Date: 31-03-2007, 10:46 AM
Parent: #1

برضوا قالوا واحدة حاجة مشت الحج وهى النوع البيريد النوم قالوا فى الحج بجوا بصحوهوا لصلاة الصبح قالوا يوم جوا صحوا يا حاجة صلاة الصبح: رفعت راسها وقالت ليهم قالوا ليكم نحنا جاين نحج ولها نصلى
ههههههي

شكرا ليك سيد البوست قاعد تضحك معاى تجاملنى

Post: #58
Title: Re: أخطر نكتة سمعتها في 2007 على الأقل نغير من ساس يسوس
Author: محجوب البيلي
Date: 31-03-2007, 11:05 AM
Parent: #1

Quote: بالمناسبة انا شايقي
Quote: انا زاتى بالمناسبة شايقية

وبتتعالجوا ؟

-----------------
بالمناسبة: أنا "أبو الحسين" أخوي .. ونص قواسيب مودته شايلا مني

Post: #59
Title: Re: أخطر نكتة سمعتها في 2007 على الأقل نغير من ساس يسوس
Author: waleed500
Date: 31-03-2007, 11:18 AM
Parent: #58

ربطابى فارش سكسك فى واو جاهو جنوبى عريان ميطى
قال له السكسك بكم؟؟؟
الربطابى قال له السكسك خليه انت القروش خاتيها وين؟؟

Post: #60
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 31-03-2007, 11:59 AM
Parent: #59

الأخ محجوب البيلي

الشايقية ديل أرقى ناس و ناس أدب و مرح و أنا شخصيا أعز أصدقائي منهم

Ro3ah

يا مرحبا بيك و بمشاركتك و الحكاية مرح و انا كمان رباطابي (عارف بيكون في واحد قال أعوذ بالله) لكن رباطابي خرطوم ساكت يعني عيني باردة و لو سحرت واحد بتجيهو حمى خفييييفة زي بتاعت التطعيم

وليد500

شكرا لمرورك و عاوزين نشوفك في بوست المرح دا مرات و مرات

Post: #61
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 31-03-2007, 01:08 PM
Parent: #60

و دي خطيرة جدا ذكرت في البورد هنا قبل سنوات :

واحد مسطول قال للمساطيل المعاهو في البيت الفئران جننتني ، واحد قال ليهو الحل تجيب كديسة لكن شرط تربيها في البيت ، التاني قال ليهو خلاص صاحبنا عبد اللطيف عندو كديسة والدة نمشي نجيب واحدة منو ، مشوا لعبد اللطيف و هو ايضا سطلنجي كبير لقوهو مدور السجارة مع صاحبو سلموا و قعدوا بعد شوية جات كديسة ضخمة تتضرع قام واحد منهم سألو : عبد اللطيف دي الوالدة رد عليهو سريع : لا دي خالتناهههههههههههههههههههههههههههههههههههههههههههههههههههههههههههههههههههههههههههههه

Post: #64
Title: Re: أخطر نكتة سمعتها في 2007 على الأقل نغير من ساس يسوس
Author: waleed500
Date: 31-03-2007, 03:07 PM
Parent: #61

Quote: وليد500

شكرا لمرورك و عاوزين نشوفك في بوست المرح دا مرات و مرات
(عدل بواسطة hajhamad on 31-03-2007, 01:20 م)
(عدل بواسطة hajhamad on 31-03-2007, 02:13 م)
تعديلك ده براهو نكتة

Post: #62
Title: Re: أخطر نكتة سمعتها في 2007 على الأقل نغير من ساس يسوس
Author: بدرالدين كاجوري
Date: 31-03-2007, 02:05 PM
Parent: #1

حاج حمد تحياتي
عزابة سكروا وسرقوا عتود جارتهم واتعشوا بيهو.....
الصباح جارتهم ست العتود ماشة السوق للخضار مرت ببيت العزابة..
قالت: كدي انصبح علي جيراني العزابة المساكين ديل..
دقت الباب فتح لها واحد والسكرة لسة ما فكت اول ماشافة..
قال ليها: عتود شنو.....

Post: #63
Title: Re: أخطر نكتة سمعتها في 2007 على الأقل نغير من ساس يسوس
Author: Ro3ah
Date: 31-03-2007, 02:41 PM
Parent: #1

بمناسبة نكات المساطيل دى

قالوا جماعة قاعدين يسطلوا يلفوا ويدخنوا. قاموا جاءوا جماعة شايلن جنازة واحد من المساطيل اتلفت على صاحبوا ولكزوا ليك : قال ليهوا انت عاين ديك لافينها قدر شنو...

Post: #65
Title: Re: أخطر نكتة سمعتها في 2007 على الأقل نغير من ساس يسوس
Author: waleed500
Date: 31-03-2007, 03:12 PM
Parent: #63

مسطول وقف تاكسى .. و قال للسواق: " يا إبن

"..العم .. تودينى وين .. و أدفع ليك كم ؟

.. بتاع التاكسى زاتو طلع مسطول

".. فقال ليه : " أنزل هنا و أدفع البتدفعه

Post: #66
Title: Re: أخطر نكتة سمعتها في 2007 على الأقل نغير من ساس يسوس
Author: garjah
Date: 31-03-2007, 07:55 PM
Parent: #65

واحد مغترب عشرين سنة وما عرس

امو لامن زهجت منو اختارت ليهو واحدة بمزاجا ورسلتا ليهو

اخونا في المطار جاتو واحدة شديدة شدة الحرامي

سلمت عليهو وعرف انها العروسة

اها في السكة وهو سايق

كل شوية يتلفت عليها

ويقول

ما بالغتي يا نفيسة يا امي

وتاني يسوق شوية ويتلفت ويلقى الحلاة قاطعة

ويقول



لكن ما بالغتي يا نفيسة يا امي

Post: #67
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 01-04-2007, 05:25 AM
Parent: #66

الأخ بدر الدين كاجوري

شكرا لمشاركتك و تعال بي جاي تاني ما ح نقول (عتود شنو يا بدر الدين؟)
تحياتي

Ro3ah

تحياتي و مشاركتك رائعة و كتري لينا من نكات المساطيل بس ما يكون لافنها بواحدة قدر الجنازة

Waleed500

طبعا التعديل لقيت في تناقض بين تعليقي و عنوان البوست (ان شاء الله تكون قريتو؟)
تحياتي

الأخ قرجة

ضحكت ضحكة قوية للنكتة ( بالغتيا قرجة أخوي)

Post: #68
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 01-04-2007, 08:26 AM
Parent: #67

و هاكم دي :

واحد زوجته عضتها كديسة
و توفت ، في العزاء واحد صديقه لاحظ أن صيوان العزاء به أعداد كبيرة من الناس قال ليهو ما شاء الله علاقاتك واسعة ديل كلهم معزيين رد عليهو : لا ، قال ليهو و طيب جايين لي شنو؟ قال ليهو : ديل كلهم دايرينالكديسة
.

Post: #69
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 02-04-2007, 05:44 AM
Parent: #68

من اطرف التعليقات و التي حدثت حقيقة من واحد ظريف و سريع بديهة ، أيام السيول و الامطار 1988م تم نقل أسرة هذا الظريف الى المدرسة الابتدائية نسبة لتأثر منزله و تصدعه و كانوا بفصل (خامسة) في اليوم التاني و هو بالعمل سمع رعد و كان في سحب شديد ، بعد فترة ساد هدوء و تفرغ السحاب ، جاء لزملائه بالمكتب قائلا : الحمد لله دي اذا نزلت تاني كان نقلونا سنة ( سادسة) وهو في باله ان اولاده بالصف الخامس

Post: #70
Title: Re: أخطر نكتة سمعتها في 2007 على الأقل نغير من ساس يسوس
Author: faisal44
Date: 02-04-2007, 07:24 AM
Parent: #1

الغالى حمد الحاج

شنو يا مان نحن نفتش فيك وانت بجاااااااااااى ......

سمعتو ولا جاااااابو لييييك ؟؟؟؟؟؟

اهاا بالمناسبه دى هاااااك دى

واحد محشش قال لاخوه حلمت انو نحن بقينا فنانين انت فنان تشكيلى وانا فنان اشكيلك...

Post: #71
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 02-04-2007, 09:55 AM
Parent: #70

الغالي فيصل حسن

تحياتي و انت برضو ما ظاهر و أهو المشغوليات (أشكي ليك) و حاولت بالبوست دا اعمل تغيير من السياسة القدت راس الناس.

شكرا لمرورك و مشاركتك

Post: #72
Title: Re: أخطر نكتة سمعتها في 2007 على الأقل نغير من ساس يسوس
Author: محمد فرح
Date: 02-04-2007, 10:32 AM
Parent: #71

ياأخوانا بي صراحه ده أجمل بوست نكات شفته في حياتي وأجمل حاجه فيهو إنو النكات كلها جديده لنج من الورقه .. وحاتكم الضحك شرطنى لمن الناس قالوا الزول ده جنا وللا شنو ...

أنا حأديكم نكات إن شاء الله تعجبكم

واحد الدنيا ضارباهو ومعصلجة معاهو

جاتوليلة القدر كان فى نفسو يقول عايز ابقى زي

صلاح ادريس من اللخمة قال عايز يكون زى ادريس صلاح ..

اصبح من الصباح لقى عربة كارو بى حمار واقفة جنب الباب

ــــــــــــــــــــــــــــــــــ

ولد مشى لى سيد الدكان .. و قال ليه:" عندك

"حلاوة؟

"..سيد الدكان قال ليه:" أيوة

! "الولد قال ليه طيب أدينا ببسى

الولد مشى و جاء راجع تانى ..و قال ليه :" عندك

"طحنية ؟

".. قال ليه:" أيوة فى

! "الولد قال ليه:" طيب أدينا سكر

سيد الدكان زعل و مشى كلم أبو الولد

و قال ليه:" ولدك دة عذبنا.. يسأل من حاجة و

".. يقول داير حاجة تانية

أبو الولد زعل و قال ليه:" دة ولد قليل أدب

"و لازم يتجلد .. عندك بسطونة ؟

".. سيد الدكان قال ليه:" أيوة موجودة

"أبو الولد قال ليه:" طيب أدينا سوط عنج

ــــــــــــــــــــــــــ

مسطول عملوا معاه لقاء فى التلفزيون

"المذيع سأله:" ماهو أصعب موقف مرّ بيك فى حياتك ؟

المسطول قال ليه:" يوم ما كنت بحلق فى دقنى

".. و بلوك لى فى لبانة

ــــــــــــــــــــــ

قال ليك واحد تكاسى راكبة معاهو بنت كل ما بطنو تكركب يروح ضارب البورى شديد

الحكاية دى كررها ليك عدة مرات و فجاة كدة جات غنماية قاطعة الشارع البنت قالت ليهو : موش الغنماية دي

اصدمها بس عليك الله بوريك العفن دا تانى ماتضربو


كان عجبوكم بجيب ليكم وحدات أخطر منهم

Post: #74
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 02-04-2007, 01:48 PM
Parent: #72

محمد فرح

مرحبابيك و نكات رهيبة واصل و ح اجيم بحاجات خطيرة 2007 مطورة

Post: #75
Title: Re: أخطر نكتة سمعتها في 2007 على الأقل نغير من ساس يسوس
Author: Munir
Date: 02-04-2007, 09:50 PM
Parent: #74


شنو يا الحاج ياخي لميت فينا الجمهور وشغالين يتسلوا بينا !!.. يعني الشوايقة ديل ما لقيتوا غير تلصقوا فيهم أشنع الصفات؟ .. حرام عليكم ياخ .. يعني حنيتنا الكاتلانا دي كلها ماكم شايفنها؟!! .. واللا آآآآآ .. الحنية دي بيشوفنها الجيكيز بس .. ههه ..

أها هاك دي ..
زمن الثانوي جينا أنا وود عمآ لي صغير بعند البركس .. قلنا ما دام الدرب جابنا نخش نسأل من ود عمتي البرلوم هناك .. دخلنا لاقينا طالب في العصرية ديك شايل مسواكه .. سألناه .. بتعرف كمال ...؟ .. عاين لينا كداا .. قام قال لينا إنتو برالمة ؟؟ قام ود عمي رد طوالي (وهو كان صغير وما عارف برالمة معناها شنو ..) : نحن شوايقة !!!..


Post: #73
Title: Re: أخطر نكتة سمعتها في 2007 على الأقل نغير من ساس يسوس
Author: بنفسج
Date: 02-04-2007, 01:24 PM
Parent: #1

واحد مسطول مشى اشترى خروف العيد..على حسب السطلة الفي راسو إنو الدنيا عيد قام جاب الحناء وحنن الخروف وربط ليهو الهلال فوق قرونو...المهم زولنا مشى جاب ليهو جزار مسطول زيو، دخل جوه عشان يجيب ليهو حاجات وجا راجع لقى الجزار طهر الخروف ومشى .

Post: #77
Title: Re: أخطر نكتة سمعتها في 2007 على الأقل نغير من ساس يسوس
Author: ragaa makkawi
Date: 02-04-2007, 10:17 PM
Parent: #73

بنفسج

دي والله ابدعته فيها


Raga

Post: #76
Title: Re: أخطر نكتة سمعتها في 2007 على الأقل نغير من ساس يسوس
Author: ragaa makkawi
Date: 02-04-2007, 10:11 PM
Parent: #1

واحد مرتو ولدت بعد نص الليل
قام ضبح الشافعه وقال ما عندي بنات تجي زي الساعات دي

Post: #78
Title: Re: أخطر نكتة سمعتها في 2007 على الأقل نغير من ساس يسوس
Author: نادر
Date: 03-04-2007, 05:00 AM
Parent: #1

" target="_blank">[url=http://www.sudaneseonline.com/][/URL]

Post: #79
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 03-04-2007, 05:13 AM
Parent: #78

عزيزي د.منير

أخبارك و مشتاقين ، طبعا زي ما قلت ليك انتو (الشوايقة) و نحن (الرباطاب) القلناهو و ما قلناهو ملصق فينا و زي ما قلت لي واحد ي البوست دا أعز أصدقائي شايق و من (الزومة) كمان يعني اصلي ما (تايوان) لكن الحكاية بسمة نحاول أن نجد لها طريق وسط الزحام.

بمناسبة و من (الزومة) كمان هاك دي حقيقة من أخواننا الحلفاويين :
في فرع من الحلفاويين اسمهم (المجراب) بعدين واحد سأل صاحبنا مجرابي : انتو صاح أصلا من المجر رد عليهو : و من (بودابست) كمان

Post: #80
Title: Re: أخطر نكتة سمعتها في 2007 على الأقل نغير من ساس يسوس
Author: محمد فرح
Date: 03-04-2007, 12:22 PM
Parent: #79

تلاته مساطيل راكبين في طيارة هلوكوبتر بسطلوا
والطيارة في الجو
قاموا قالوا لي واحد منهم يمشي يجيب ليهم طحنيه من الدكان
زولنا قام وعلي حسب السطلة الفيه مرق بي واحد من بيبان الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم شبكو ليك
آآآآآآي أقعد لف لينا كدة لمن تلقى الدكاكين كلها قفلت

ــــــــــــــــ

برضو في مساطيل قاعدين في أوضه بتسطلوا بعد شويه قاموا جاعوا فرسلوا واحد يجيب ليهم طحنيه من الدكان ..
الراجل مرق من الأوضه وجاهم بالشباك قالليهم لو سمحتوا عندكم طحنيه ..
الجماعه عاينوا لي كده وقالوا ليهو (والله مافي حسع لكن رسلنا زول يجيبها لينا حسي بجي )

Post: #81
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 03-04-2007, 02:47 PM
Parent: #80

بنفسج

تحياتي ، لكن الجزار يعمل شنو ما لقاهو جاااهز للطهارة شكرا للمرور

Raga

شكرا لمرورك و نشوفك في واحدة أخطر

نادر

الكاركتير خطير و الخيار يكفي حلة كاملة تحياتي

محمد فرح

يلا المزيد قربت تكسب سيارة بس كتر من نكات المساطيل القوية دي خاصة بالطحنية

Post: #82
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 03-04-2007, 03:42 PM
Parent: #81

و هاكم دي و أعتقد تم سردها من قبل في البورد المهم الحقوق الأدبية محفوظة :

واحد جا البيت بالليل سكران و مسطول و ما شايف قدامو قابلتو امو قدام الباب قام دقشها بكتفو ، قامت سألتو : ما شايفني يا ولدي و الله شنو؟ رد عليها : و الله يا حاجة شايفك قبل كده لكن وين ؟ و الله ما عارف.

Post: #83
Title: Re: أخطر نكتة سمعتها في 2007 على الأقل نغير من ساس يسوس
Author: ismeil abbas
Date: 03-04-2007, 07:54 PM
Parent: #1

ألأخ/حاج حمد الظريف


كملت نكات المنبر كله وجمعتها أوعى تمشى تبعها على عشرة لى ناس الهيلاهوب.

هاك دى.

جماعة مساطيل راكبين فى أمجاد بى ورا.وفى واحد سمين لحدى ما مضايق السواق قدام.

واحد من المساطيل الورا قال للسواق:يا معلم لو مضايق جيب الدركسون وتعال معانا ورا....

..........إسماعيل محمد احمد عباس...........

Post: #84
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 04-04-2007, 05:53 AM
Parent: #83

الأخ /إسماعيل محمد احمد عباس

تحياتي و شكرا لمشاركتك و بالله جيب الدركسون و تعال سخن معانا البوست دا بمزيد من المشاركات و في انتظارك.

Post: #85
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 04-04-2007, 08:18 AM
Parent: #84

فار اتزوج دودة أم أربعة و أربعين طلقها عشان قروش الحنة

Post: #86
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 04-04-2007, 09:13 AM
Parent: #85

ثلاثة فيران قاعدين يكضبو :

الأول : أنا أقوى واحد فيكم سم الفار بشربو مع الشاي
التاني: أنا باكل الجبنة من الشرك

الثالث: اذنكم يا شباب أنا ماشي ، سألوهو ماشي وين؟ مجكس لي كديسة و عندي مواعيد معاها

Post: #87
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 05-04-2007, 05:25 AM
Parent: #86

شايقي واقف في البص شافت بنت قاعدة ، عاين ليها عاينت ليهو .. ابتسم ليها ابتسمت ليهو..غمز ليها ..غمزت ليهو ..أشر ليهو على المحطة..نزلت .. قعد محلها

Post: #88
Title: Re: أخطر نكتة سمعتها في 2007 على الأقل نغير من ساس يسوس
Author: hajhamad
Date: 05-04-2007, 10:05 AM
Parent: #87

مسطول قرأ لافتة (التطعيم ضد السحائي) قال: يا ربي ديل لاعبين متين؟

Post: #89
Title: Re: أخطر نكتة سمعتها في 2007 على الأقل نغير من ساس يسوس
Author: ابو تميم
Date: 05-04-2007, 12:02 PM
Parent: #88

قال ليك راجل ومرتو اتفقو ما يخونو بعض ابدا



اول سفرة للراجل اتعاهدو تاني


رجع الرجل من السفر ... سألتو زوجته عن العهد ....


بعد شوية كبكبة قال :


والله انا اتعرفت على وحدة وجات معاي الفندق .. وخلاص كنت حا ...... فوقه اتذكرت العهد وقمت طوالي .

الزوج : وانتي ؟؟؟

الزوجة : والله بختك .... انا مقدرت اقوم لانو كان فوقي

Post: #90
Title: Re: أخطر نكتة سمعتها في 2007 على الأقل نغير من ساس يسوس
Author: ابو تميم
Date: 05-04-2007, 12:17 PM
Parent: #1

والله بوست جميل جدا وشلة أجمل




قال ليك في نمر كل ما يشوف القرد يقول ليهو يازول الطاقية بتاعتي الاديتك ليها وينه.. القرد يقول ليهو والله ما اديتني طاقية ولا شي .. يمسكو النمر يجلدو جلدة نضيفة ... المهم القرد اتعذب من الموضوع ده ومشى اشتكى للأسدوقال ليهو النمر ده حقار وكده


المهم الاسد نادى النمر وقال ليهو انحنا فاهمين بعض .. انت بس داير تتفشى في القرد بدون سبب .. مافي مشكلة لكن ما تعمل لينا مشاكل .. خليك منطقي ... يعني نادي القرد وقول ليهو جيب لي تفاحة .... لو جابه ليك حمره أجلدو وقول ليهو انا دايره صفرة وكده يعني .. خليك ذكي وما تعمل لينا مشاكل


النمر قابل القرد تاني يوم .. قال ليهو :


تعال هنا ... امشي جيب لي تفاحة

القر : حاضر سعادتك ... لكن دايره حمره ولا صفرة ولا خضره ؟؟


النمر : ..................


..........................


...........................


يازول طاقتي وين ؟؟؟

Post: #91
Title: Re: أخطر نكتة سمعتها في 2007 على الأقل نغير من ساس يسوس
Author: Dr. Ahmed Amin
Date: 06-04-2007, 06:07 AM
Parent: #1

مسطول طلع من الدكتور يتكلم براااه....
تمساح في جردل..لالالالالا
ضفدعة في كباية ...لالالالا
سمكة في بحر .. لالالالا

قام راجع للدكتور تاني ..
يادكتور انت قلت لي عندك شنو ؟؟؟؟

الدكتور : عندك سرطان غي الحووووووض .