Post: #5 Title: Re: ناس الزقازيق ... أجدع ناس (5) Author: جمال الباقر Date: 07-04-2012, 07:49 AM Parent: #4
ميسرة صباحك ابيض
تحياتي لاجدع ناس
يعني انت ليك زمن زي ما انت قلت بترفع البوست وتتخارج وتجي تتدقس ما تنقلو
اتلومت لكن يا اجدع زول
على العموم خارج اساسي ده من هنا بجيب ليكم هوا
Post: #582 Title: Re: ناس الزقازيق ... أجدع ناس (5) Author: إحسان عبد العزيز Date: 11-15-2012, 09:30 PM Parent: #5
جمال الباقر والزعيم ميسرة.. تحياتى لكما وكل ناس البيت الكبير.. لفت نظرى فى هذا البوست القديم إسم ( أساسى) !!! هل أساسى ده زقازيقى!!! مجرد سؤال وأرجو الاجابة يا زعيم.. أكرر التحايا
Post: #6 Title: Re: ناس الزقازيق ... أجدع ناس (5) Author: كمال الشادي Date: 07-04-2012, 08:06 AM Parent: #4
مبروك لاجدع ناس رقم (5) . . كيف الحال يا شباب لك عاطر التحايا
المئوية الخامسة مباركة يا ريس... هي مئوية حتى لو كانت سبعينية أو ثمانينية... فانما الأعمال بالنيات... كنا ناويين للمئوية لكن دقسة طاحت بأحلام الكرى... على أي حال ان فات على محمد عيد أن يحتفل بالسبعينية الرابعة... فبامكانة افتتاح المئوية الخامسة...
نرحب كذلك بالأخوان أساسي و جمال الباقر... حبابكم عشرة بلا كشرة و لا كتاحة... و يا أساسي يافطتك في السلك...
Post: #10 Title: Re: ناس الزقازيق ... أجدع ناس (5) Author: ميسرة سيد أحمد Date: 07-04-2012, 11:14 AM Parent: #8
اهلاً بضيوفنا الكرام أخونا أساسي تعظيم سلام يا حبيب ، مراسيل البقالة اليومين ديل إبني في إجازة ومبسوط يخلص كل مراسيل البقالة يعني تم إحالتنا إلى المعاش المؤقت
يا دكتور جمال تحياتي واشواقي وزيارتك تسرنا بالمناسبة أنا رقم 12 من الناس الطلبوا نقل البوست |لى الربع الثالث ولكن يبدو أن لصاحب الموقع - بكري - رأي آخر ففضل نقل البوست للمنبر بتاعنا ولم ننتبه لعمل إحتفال بالألفية الرابعة ولكن الجاتك في مهرجانك سامحتك ===================================== يعني انت ليك زمن زي ما انت قلت بترفع البوست وتتخارج وتجي تتدقس ما تنقلو
اتلومت لكن يا اجدع زول ---------------------------------------- يعني يا دكتور كنا صاحين وما دقسنا ولكن بكري أبو بكر لم يقبل نقله إلى الربع الجديد
Post: #11 Title: Re: ناس الزقازيق ... أجدع ناس (5) Author: ميسرة سيد أحمد Date: 07-04-2012, 01:17 PM Parent: #10
لكن صورة ما تجنن جن يا دهب حمد لله على السلامة وما تشوف شر
Post: #12 Title: Re: ناس الزقازيق ... أجدع ناس (5) Author: جلال عثمان Date: 07-05-2012, 07:07 AM Parent: #11
مبروك الطلة الجديدة وكل ارشفة تمين ولامين... دا عشان نرفع البوست .... شايف ناس وش الكتاب داقين جرس
Post: #13 Title: Re: ناس الزقازيق ... أجدع ناس (5) Author: سامي عبد الوهاب إدريس Date: 07-05-2012, 07:50 AM Parent: #12
أجدع ناس...
السلام عليكم ورحمة الله وبركاته
ومبروك الميل الجديد
وإن شاء الله يكون دائما عامر بكل الأحباب
حتى ولو على سبيل المتابعة والإستمتاع
كونو بخير
Post: #14 Title: Re: ناس الزقازيق ... أجدع ناس (5) Author: محمد عيد Date: 07-05-2012, 04:43 PM Parent: #13
سلام لكل أهل القبيلة وزوارهم الكرام
الاعزاء .. اساسى ودكتور جمال ...الف مراحب بيكم
ويا دكتور جمال متعودين منك انك دايما بنجى بدرى حتى قبال ناس البيت ( حفلة سيف النصر )
ما أن ينزوي الليل ويتسرب مودعا الرباط.. وتحمل نسائم الشمال بشارات صباح جديد.. ما أن يحدث تبادل الأدوار هذا إلا ويقودني إلى أهلي وعشيرتي هناك عند تعرجات النيل وهمهماته.. يأتيني صوت أمي في تلك الصباحات الجميلة: قوم يا ولدي عشان تشرب الشاي.. قوم يا عشاي جيب «اللقيمات» من خالتك حُسنة جنب دكان النعيم.. كان صوتا حنينا وهامسا.. كان أول صوت اسمعه عند استيقاظي وآخر صوت اسمعه قبل أن أغفو.. اعتادت أن تمسح رأسي بيدها: الله يغتيك ويعليك ويطرح البركة فيك يا طارق ود حشاي... طيفها يحاصرني منذ الصباح.. وخلايا الذاكرة تعيد مشاهد لحياة عذبة.. هناك في كنف امرأة أمية أصرت على تعليمنا.. «انا دايرالكم الزين»... يا ألطاف الله ياخي.. كم هو موجع هذا الرحيل... الرحمة تغشاك يا بت ابو دية.. لك الحب كله وانت في عليائك مع الصديقين بإذنه تعالى..
وحياة الشعب السوداني في وش المدفع تلقاني قدام السونكي حا تلقاني الشعب حبيبي وشرياني أداني بطاقة عيدية من غيرو الدنيا وقبالو قدامي جزائر وهمية الشعب حبيبي وكياني ولنهتف تحيا الحرية
الاسم الكامل إنسان الشعب الطيب والدي المنو بناضل وبتعلم تلميذ في مدرسة الشعب والمدرسة فاتحة على الشارع والشارع فاتح في القلب والقلب مساكن شعبية
وديني محل ما توديني يتم إخواني وأخواتي أرميني في سجنك وانساني في سجنك جوه زنازين
Post: #19 Title: Re: ناس الزقازيق ... أجدع ناس (5) Author: منصور عبد الرازق Date: 07-06-2012, 06:51 PM Parent: #18
من مطار الرياض نحييكم بدينا جايينك يا نملوز ان شاء لمن تصبح نسمع اخبار سعيدة عن ثورة الشعب السودانى اللى هو حبيبى وشريانى واللى حا يدينى بطاقة شخصية ثورة حتى النصر يا رب ما اصغرنا , وما اكبر الثوار القابضين على جمر القضية بى ريحة البمبان , ولون الدم , وطعم الثورة يا الله تدينا الفى مرادنا , وتوفق شذاذ الآفاق ديل , قادر يا كريم
بعدت عنك ولما طال بي النوى بقى لي أسيبك مستحيل تبقى سيرتك هى الكلام وتبقى صورتك هى الرؤى الحلوة البعيشها فى صحوتي أو حتي في عز المنام
Quote: ما أن ينزوي الليل ويتسرب مودعا الرباط.. وتحمل نسائم الشمال بشارات صباح جديد.. ما أن يحدث تبادل الأدوار هذا إلا ويقودني إلى أهلي وعشيرتي هناك عند تعرجات النيل وهمهماته.. يأتيني صوت أمي في تلك الصباحات الجميلة: قوم يا ولدي عشان تشرب الشاي..
ينزوي ليل الرباط و يتسرب مودعها... يتسلل الحزن الى نفس جبريلا... يتعذب و يعذبنامع سخانة و رطوبة أبو ظبي.... . . . يا خلف الله...
اللهم انزل شآبيب رحمتك على قبر والدتنا عاشه أبو ديه...
Quote: من مطار الرياض نحييكم بدينا جايينك يا نملوز ان شاء لمن تصبح نسمع اخبار سعيدة عن ثورة الشعب السودانى
أما صديقنا منصو فهو يرتدي شورت حصل على مقاس له بصعوبة بالغة... و يتمشى على شواطيء أوستندا يردد...
فى أوستندا التقيت بي نملوز أنعم به من فاضل صديقى خرجت أمشى معه للشاطيء ويا لها من ذكريات لصاحبي أكاوي فكم أكلت معــه الفالوزج وشاهدت الفتيات على البحر تتزحلج...
و عندما يتعب من المشي و قليل من الركض... يجلس عند أحد المقاهي يشرب الكابتشينو... و يتابع ثورة شذاذ الآفاق من على البعد...
بين جبريلا و منصور كانت بداية تلك الصفحة و قد جمعت بين نقيضين...
Post: #22 Title: Re: ناس الزقازيق ... أجدع ناس (5) Author: ميسرة سيد أحمد Date: 07-07-2012, 07:14 AM Parent: #21
صباح الخير ،،، يا وجوه الخير
اصبحنا وأصبح الملك لله وحده،،،
دعاء اليوم لذهاب الهم والحزن
اللهم إني عبدك إبن عبدك إبن أمتك ناصيتي بيدك ماض في حكمك وعدل في فضاؤك أسألك بكل إسم هو لك سميت به نفسك أو أنزلته في كتابك أو علمته أحد من خلقك أو استأثرت له في علم الغيب عندك
أن تجعل القرآن ربيع قلبي ونور صدري وجلاء حزني وذهاب همي،،،،،، =========================== حكمة اليوم : عن الفراق،،،
الفراق،،،،،،،،،،،،، ليس السفر! ولا فراق الحبيب!!! حتىّ الموت ليس فراقا !!!!!!ْ لأننا سنجتمَع في الآخرة
الفِراق هو أن يكون أحدنا في الجنة والآخر في النار
Post: #23 Title: Re: ناس الزقازيق ... أجدع ناس (5) Author: ميسرة سيد أحمد Date: 07-07-2012, 07:26 AM Parent: #22
وصلت والدة الأخ/ عبدالدائم النضيف إلى حضن إبنها
بمدينة جدة وكنا أمس في زيارتهم لتقديم واجب العزاء
ولكن صراحة حال عبدالدائم لم يعجبني فما زالت حالة الحزن
هي المسيطرة على الجو العام ولم أجد لديه أي إحساس للعودة
إلى الحياة الطبيعية وكذلك العودة للكتابة،،،
دعوة للجميع هيا نخرج عبدالدائم من هذه الحالة النفسية هاتف عبدالدئم 0504609597
يا ديدو ياخي المكان دة من غيرك موحش ياخي ارجع لينا «يا ليل الفرح»
رشا يا حبيب بيتاورنا الألم مرة مرة
Post: #25 Title: Re: ناس الزقازيق ... أجدع ناس (5) Author: ميسرة سيد أحمد Date: 07-08-2012, 06:40 AM Parent: #24
صباح الخير ،،، يا وجوه الخير
أصبحنا وأصبح الملك لله وحده
دعاء اليوم :
اللهم فك قيد المأسورين من شعبي اللهم خفف عنهم ظلم سجانيهم اللهم غطي على أخواتي المعتقلات وأن تحفظ لهم كرامتهم وشرفهم من بطش الطغاة الجبارين
Post: #26 Title: Re: ناس الزقازيق ... أجدع ناس (5) Author: عمر نملة Date: 07-08-2012, 07:10 AM Parent: #25
مبروك الجز الخامس من زقازيق الحلميه
من مطار الرياض نحييكم بدينا جايينك يا نملو.ز
اكملت بلديه اوستندا استعدادها لاستقبال المنصور وابنه النابقه احمد والملكه ايثار والملك مجتبى واحتفالا بتفوق الابن احمد اعدت الاسره النملويه كوكتيل واعداد برنامج رحله الي مدينه دي باني على الحدود الفرنسيه التي تبعد عن اوستندا زهاء ال45 دقيقه بالترام. ويتوقع برنامج حافل بالمرح
Post: #27 Title: Re: ناس الزقازيق ... أجدع ناس (5) Author: ميسرة سيد أحمد Date: 07-08-2012, 07:30 AM Parent: #26
شاعر الثورة يواصل تداعياته
Hussein Shingrai
أشعل نيرانك كلمات: حسين شنقراي سلميه وما عادت أبدا بتفيد سكينك في ضراعك وساطورك في الإيد متراسهم ديمه بفلو حديد وحراسهم بتهاب الموت تهديد أبقي مقاسهم خليكا عنيد --------- يا شعبا قاسي كتير تشريد للصبح بشاير وهلً العيد أضرب وقاوم في غضبك زيد تمن الحريه قتيل وشهيد ------ سيد نفسك ماليك أبدا سيد أشعل نيرانك ولهبك قيد ماكا الشاذ الخايف رعديد شعبا فارس وراكز صنديد في الآخر تفرح زي ما تريد
Post: #28 Title: Re: ناس الزقازيق ... أجدع ناس (5) Author: عبد الدائم سيد أحمد Date: 07-08-2012, 07:39 AM Parent: #26
متابع وان كان بنص طايوق
لانو ده المكان البقدر افرح واحزن فيهو بارتياح ..
شكرا" ليك يا ريس وكتر خيركم يا حبان
ويا جبريلا انداح شوية عسى و لعل يرجع الطايوق كامل
Post: #29 Title: Re: ناس الزقازيق ... أجدع ناس (5) Author: عمر نملة Date: 07-08-2012, 08:26 AM Parent: #28
حمد لله على عودة ديمه وخليك قريب
Post: #30 Title: Re: ناس الزقازيق ... أجدع ناس (5) Author: ميسرة سيد أحمد Date: 07-08-2012, 08:30 AM Parent: #28
أحب عودة عبدالدائم وشكراً لجميع الحبان كما يقول ود جبرين
أدخلت الآن إلى غرفة العلميات الأخـت هلاء أيوب - كلية الحقوق -
يا ديدو أول ما فتحت سودانيزأون لاين لقيت ليك نور مشع كده... مشيت بسرعة لقيت النور جاي من جهة البوست بتاعنا... أفتح البوست ألقاك انت جيت اليوم... ياخي سعيدين جدا بعودتك... و لو المكنة بتاعتي دي ما قسمت معاك كلمني... عشان أِشوف لي مكنة تانية...
نسأل الله أن يشفي الأخت هلا أيوب.. و أن يتمم لها العافية و يديمها عليها يا رب...
Quote: اكملت بلديه اوستندا استعدادها لاستقبال المنصور وابنه النابقه احمد والملكه ايثار والملك مجتبى واحتفالا بتفوق الابن احمد اعدت الاسره النملويه كوكتيل واعداد برنامج رحله الي مدينه دي باني على الحدود الفرنسيه التي تبعد عن اوستندا زهاء ال45 دقيقه بالترام. ويتوقع برنامج حافل بالمرح
تزيد المكاواة دي تاني حبه واحدة بس... بجي ناطي ليكم في دي باني... غصبا للظروف.. والحال الياباني... . . . . دندنة زول حاقد ضارباهو الرطوبة... ايههههه بحر الشمال... و انت الخليج حداك...
ديدو .... حمد لله على السلامة ... نورت الدار ... وزدنا حرارة على حرارة ... الصيف ....
Post: #34 Title: Re: ناس الزقازيق ... أجدع ناس (5) Author: ميسرة سيد أحمد Date: 07-09-2012, 07:03 AM Parent: #33
صباح الخير،،، يا وجوه الخير أصبحنا وأصبح الملك لله ،،،
حكمة الجمعة القادمة :
جمعة توحيد الصفوف كلمات: حسين شنقراي
الشعب إتوحد صفو ضد الخانو وليهو سفو نهبوهو سنين ما إتكفو والليله عليهم وجه كفو --------- خلاص الشعب الجاع ليكم أبدا ما ينصاع بكره حيطلع إجماع ويرد البلد الضاع -------- ما الظلم فيكم شاع حرك يا ناس أوجاع نصنا ساكن القاع والنص التاني إتباع -------- هب يا شعب إتحرك لا سد لا كباري تغرك ضد الباعوكا في سرك ما تخلي الظالم إضُرَك --------- قوماك لكفاحنا نداوم ما تعمل بس متناوم في حريتك أبدا ماتساوم ناضل وكافح وقاوم ------- قاوم بي كل وسيله أبدا ما تغلب حيله الظلم بروح في ليله وتشرق شمس جميله
Post: #36 Title: Re: ناس الزقازيق ... أجدع ناس (5) Author: عمر نملة Date: 07-10-2012, 05:09 AM Parent: #34
سلام تحيه
ياريت يارشيد تتلب ومعاك ست بيتك والعيال ومعاك نجيله واسرته اتصلنا من دي باني بالمعلم الزناتي قال هو عايز يجي نهاي قلنا ليه اجي يالزناتي. .واتصنا بديمه قال لمنصور ياخي انت كترها. . ,كان يوم لطيف وللوصف يجيك ابوالو صف
Post: #37 Title: Re: ناس الزقازيق ... أجدع ناس (5) Author: ميسرة سيد أحمد Date: 07-10-2012, 07:51 AM Parent: #36
صباح الخير ،،، يا وجوه الخير
أصبحنا وأصبح الملك لله وهده،،،
دعاء اليوم :
اللهم أرحم عباداً غرهم طول إمهالك وأطمعهم دوام إفضالك وتيقنوا إلا غنى لهم عن سؤالك __________________________________
منقول من موقع الفيس بوك
دعاء البايرات من وحي المظاهرات
وووب البوره مابتنطاق عريس إنشاء الله شااااذ أفاق بس هو يجي ... عريس إنشاء الله لو جربوع وجرب مره لحس الكوع يعدي معاي فد أسبوع بس هو يجي عريس إنشاء الله رباطي أو مضروب طلقة مطاطي بس هو يجي عريس إنشاء الله لو سجمان ويومي استنشق البمبان بس هو يجي ..
............ موبالغة عديل كده ... ياريس والله ضحكتنا من القلب ...
=========================== ولدنا عمر نملوز ... جايكم ... أكيد ... ويمكن فكرتي زي اخوي ... ود الزناتي .... الخليج ده مابمسك ليهو .. اسرة ... تحياتي لمنص واولاده ... المرة دي لو منص جه راجع الرياض مع اولادو ... يكون غلطاااااااااااااااااااان ,,,,...
Post: #39 Title: Re: ناس الزقازيق ... أجدع ناس (5) Author: عمر نملة Date: 07-10-2012, 10:27 AM Parent: #38
مرحب ابوعمار وتعال لينا واوربا هي فعلا مستقبل الاولاد واتكلمنا انا ومنصور وهي لازم تتحسب من كل النواحي وفعلا البدايه في اوربا صعبه خالص والحصول على الاقامه مشكله كبيره لكن بعد داك الامور في صالح الاولاد. وقلت لي منصور انت راجع لي شنو قدم لجؤ وقول اماني ضغطاني انا والاولاد
Post: #40 Title: Re: ناس الزقازيق ... أجدع ناس (5) Author: محمد عيد Date: 07-10-2012, 10:36 AM Parent: #38
Quote: المرة دي لو منص جه راجع الرياض مع اولادو ... يكون غلطاااااااااااااااااااان ,,,,...
أكـــــــــيد حايجى راجع يا نجيلة ...
تحت تحت كده ... هو خلى بت الشيخ مع الصغار هنا وفلسع ...
يعنى جاى جاى
هو هسه محروس بى نملوز .. لكن بعد يفارقو الا نشوف السى آى ايه يراقبوهو لينا ...
وين جلا وابو الزوز ... دى ما فاتن حمامه مقشــرة ؟ ( برضو تقول لى البرنس ؟؟ )
زول ساكت يسأل مني مافي يا كافي البلاء و حايد المحن... جلا مبسوط جدا من الحكاية دي.. قال لي الناس كلهم يسألو منهم الا انت... أنا ما كنت منتبه للحكاية دي.. لكن بعد ما لفت نظري حرقتني و الله... ما حأقدر أقول ليكم غير أمشوا... يا شذاذ الآفاق...
Quote: • زرعان يحبهما الله زرع الشجر وزرع الأثر، فإن زرعت الشجر ربحت ظلا و ثمرا. وإن زرعت طيب الأثر حصدت محبة الله ثم البشر..
ما دام جبت سيرة الزراعة يا ريس... عندنا قريبا لينا كان بيقرأ زراعة... قعد في الكلية قدر الله ما يقدرك تعد... و عندنا حبوبتا لينا الله يرحمها كان لسانا طويل... كلما يجي في الاجازة تقول ليهو.. انت يا ولدي زراعتك دي لي يوم الليلة ما قامت... أريتو لو كان كان قرأ الحكمة دي زمان... كان اتخرج في أربعة سنين بدافع لقيط الحسنات على الأقل...
أول ما اتخرجنا من الزراعة و جينا السودان... الحاج يقول لي أي زول ولدي اتخرج من الجامعة.. يقوموا يسألوني قريت شنو... أقول ليهم قريت زراعة... يقبلوا مني طوالي... كانوا حاقرين بينا حقارة السنين... لكن بعد داك اكتشفت انو الرزق ده ما عايز ليهو شهادة... قدر ما تثابر و تجتهد يوفقك الله و يرزقك...
بنت خالتي دكتورة نجاة تسافر كثيرا.. بحكم عملها مع منظمات زراعية مثل الفاو و غيرها... و تشارك في كثير من المؤتمرات في كل أنحاء الدنيا... في كل مرة تمشي لي مؤتمر تلتقي بي واحد مصري ممثل لي بلده... فكان يتكلما عن حقارة الناس بالزراعيين... و قال ليها لولا الزراعة لما شاركت في هذه المؤتمرات... فأصبح كلما يلتقيها في أي مؤتمر يقول ليها...و مالها الزراعة... ومالها الزراعة يا جماعة...
كتابة يوم الأربعاء دي زي كتابة يوم الخميس... تكتب كتابة الوحوش غير رزقك ما بتحوش...
Post: #45 Title: Re: ناس الزقازيق ... أجدع ناس (5) Author: ميسرة سيد أحمد Date: 07-11-2012, 01:16 PM Parent: #44
Quote: زول ساكت يسأل مني مافي يا كافي البلاء و حايد المحن... جلا مبسوط جدا من الحكاية دي..
بصراحة يا الرشيد والله أنا مفتقدك شديد
وقلت يا ربي فردتي البترفع معاي البوست كل صباح وين؟؟
ولكن لاقي ليك العذر لأنه بعد الثورة قامت اصبحت الناس ما فاضية
كلهم مشغولين وقلت كثيراً المداخلات وبل غاب ناس كتار خلاص
ده حالتو رمضان ما جا وربك يستر بعد ما رمضان يخش العضم!!!!
بعد داك ننتظر حكاوي ود جبرين ورحلة منصور ،،،،
وناس السودان ديل ما صدقوا لما قاموا حجبوا عنهم الموقع
منو القال انك غائب ... انت موجود ... لو ماهنا ... فاني اتلصص يوميا ... الى مربع كاي ...
Quote: وينك انتي يا مطيره تغسلي الشوق في عينينا... تضمخيني بالدعاش في كل نسيمة... و الرزاز ينسرب ما بين مسامي للدواخل... فتهتز و تربو... و تنبت فرح جميل و تغسل حزنا سرمديا عميق... يا مطيره................يـــــــــا مطيره.... أغسلي الشوق في عينينا..... وغني غنواتنا القديمة ... تال القبلة شايف لي برقا لمع والصيد في الخمايل ياناس اجتمع قوموا يا أحبة نسترق السمع ما يطيق القعدة والمايق دمع و أسمعينا من مدايحنا الرصينة... بسم الله يــا قديـــر يا عــالي يا كبيـــر يا جابر الكسير دبرنا يا بصيــــر بي أحسن التدبير من فضلك الكثير جود يا كريم بي الخير أنصرنا يا نصير ويسر لنا العسير
فانت دايما تعبر عن حالنا ... عند الطفولة ... والحاضر ... وكمان هترشات وضبابية المستقبل .... رشيد القوم ... اين ما افتقدته ... امشي ليهو ... مربع كاي ....
=========================== لا تنسي ان تكمل ... شلة الانس ... وشلة النكد ... راصدنك ... بدقة يا خوي ...
عجبوني أولاد جامعة الخرطوم ووقفتهم القوية.. و اصرارهم على مواصلة الثورة حتى يتحقق التغيير... و بعد تهديدات عبد الرحمن الخضر بلواء الردع... ها هو البشير يعد المعارضين بالشي بعد أن وصفهم بشذاذ الآفاق... و كأنه لم يعي أي درس من دروس مصر و ليبيا... و كأني بهم لا يعلمون أن تهديداتهم تزيدننا يقينا بأن التغيير واجب...
وقلت يا ربي فردتي البترفع معاي البوست كل صباح وين؟؟
و الله يا ريس شايفك ما مقصر... يديك العافية... قايم بالواجب و زيادة... رغم مشغولياتك الكثيرة و زحمة العمل... ان شاء الله ما تفقد عزيز يا ريس..زي ما بتقول حبوبتي...
Quote: منو القال انك غائب ... انت موجود ... لو ماهنا ... فاني اتلصص يوميا ... الى مربع كاي ...
تسلم يا حبيب... بلغ عدد قراء مربع كاي 41 ألف... أنا بجيني شعور ان 40 ألف قراية دي بتاعتك انت بس.. أشكرك على حضورك الجميل دايما...
Quote: ا تنسي ان تكمل ... شلة الانس ... وشلة النكد ... راصدنك ... بدقة يا خوي ...
شغال في التكملة... بعض الأجزاء عايزه تشطيب... حأنزلها حتى لو كان ما تشطيب ديلوكس... وأكمل الباقي ان شاء الله قبل رمضان... عشان بعد داك نخلي الشمار و نتفرغ للعبادة...
Post: #50 Title: Re: ناس الزقازيق ... أجدع ناس (5) Author: ميسرة سيد أحمد Date: 07-12-2012, 10:22 AM Parent: #49
صباح الخير ،،، يا وجوه الخير
أصبحنا وأصبح الملك لله وحده،،،
دعواتنا اليوم لطلاب جامعة الخرطوم وهم يقدمون
للشعب السوداني أكبر التضحيات بمواجهة الرباطة والعسكر
سلام ياناس الزقازيق .. زرت الزقازيق فى رحلة قصيرة للقاهرة فى العام 94 وسجلت زيارة لحبيبنا وود جيرانا دكتور الصادق عبدالله فى شقتة جوار معرض حجازى وبعدها اخذنى الدكتور الى شقة اخرى مجاورة لشقتة بها مجموعة من زملائة من الطلبة السودانيين ، حيث قضينا وقت ممتعا ..
اخونا الرشيد أعتقد أنك شقيق طارق ودكتور مأمون وابو السيد طارق دى دفعتى فى المدرسة وصديق قديييم ...
Quote: اخونا الرشيد أعتقد أنك شقيق طارق ودكتور مأمون وابو السيد طارق دى دفعتى فى المدرسة وصديق قديييم ...
تحياتى ليك ولكل اسرة بوست الزقازيق ..
أهلا بيك يا مزمل شرفت البوست... أيوه أنا شقيق طارق و أكيد نكون التقينا في أركويت... كلما أشوف اسمك أتذكر أخونا خيري الأمين مربع 61... كنت أدخل أقرأ البوست بتاع سامرية عن أركويت... و كنت تلقيت دعوة من أخونا لطفي للدخول و الكتابة هناك... تابعت و واظبت على القراية و لكني لم أكتب...
سعيد جدا بحضورك هنا و البيت بيتك متى ما حضرت...
Post: #53 Title: Re: ناس الزقازيق ... أجدع ناس (5) Author: ميسرة سيد أحمد Date: 07-12-2012, 11:45 AM Parent: #52
عبثا حاولت أن أقنع نفسي بأن اليوم هو الجمعة و ليس السبت... فبعد جولة خارج البيت مساء البارحة تمنيت لو أن اليوم الجمعة... تعبت تعب شديد ذكرني بأعتاب الخمسين بعد ما نسيتها أو اتناسيتها... أو بالأحرى غشاني بنطلون الجينز الكنت لابسو... كانت جولة بين عدة مولات انتهت بما يعرف بالمارينا مول... هذا المول رغم حبي الشديد ليهو الا انه فيهو عيب كبير... فيهو عدد كبير جدا من المرايات... و مريات أظنها من النوع البيظهر الكرش و بيغير الشكل كمان... يعني تطلع من البيت مقتنع انك سمبتيك و شباب و رياضة... بس دخلتك المول تقوم مراياتو العجيبة دي تكبرك و تظهر ليك كرشك... تحلف تقول أنا تاني بيني و بين الأكل برزخ زي ما قال واحد صاحبنا... أنا و الأكل لا نلتقيان... في نهاية اللفة الأولاد يقولو ليك يا بابا نمشي صالة المطاعم... تنسى كل حاجة..تنسى الكرش و تقعد تلهط... تعبت تعب شديد جيت رميت نفسي و نمت.. صحيت صليت الصبح بعد جهد جهيدو نمت تاني... ضرب المنبه عملت طناش... لكزتني ست بيتي عدة لكزات لم استطع طناشها... رغم انها صحتني أمبارح الجمعة قبل صلاة المغرب خلعتني... قالت لي قوم اتأخرت على الشغل... قربت أنط لي في أقرب بنطلون و قميص و أقوم أمشي الشغل... قلت ست بيتي دي يا اما تكون حريصة على اني ما أتأخر على شغلي... و لا تكون تكون عايزه تتخارج مني... و عشان ما أدي فرصة لي زول أنا رجحت التفسير الأول... أها أنا من قبيل قهوة وراء قهوة و برضو مافي فايدة... يا جماعة أعتاب الخمسين دي لا بينفع معاها بنطلون جينز و لا تي شيرت... أعتاب الخمسين ياها أعتاب الخمسين... أحسن الواحد يقبل بالأمر الواقع...
و الجاتك في بنطلون جينزك .....سامحتك...
Post: #58 Title: Re: ناس الزقازيق ... أجدع ناس (5) Author: ميسرة سيد أحمد Date: 07-15-2012, 07:09 AM Parent: #57
صباح الخير ،،، يا وجوه الخير
أصبحنا وأصبح الملك لله وحده،،،
نهدي تحية الصباح للإبن سيدأحمد عبدالدائم سيدأحمد والذي حضر إلى هذه الدنيا يوم أمس ليلاً .
نهني الوالدين بهذا المولود ونتمنى أن يكون خير خلف لخير سلف وألف مبروك وجعله الله من العابدين التائبين والحامدين.
Post: #59 Title: Re: ناس الزقازيق ... أجدع ناس (5) Author: ميسرة سيد أحمد Date: 07-15-2012, 08:42 AM Parent: #58
مازال شاعر الزقازيق حسين شنقراي يصدح بما توجد به خواطره،،،
7:55am Jul 15
الله يعينك كلمات: حسين شنقراي
يا شعبا خاضع وساكت لي حينك صامت وكاتم والله يعينك وين النخوة ووين دينك في الدقوا بناتك وإغتصبوا عوينك أمرق سيفك وطرق سكينك ضد النهبوكا وسرقوا سنينك ------- يا شعبا ساكت وبس راضي صابر وصبرك حاصل فاضي مستقبل أسود وضاع الماضي كيف قبلان وتوافق بتراضي أقبض وأحكم وحكمك قاضي ----------- متين ح تثور ياشعب براكا عايش مندسي وقاعد في ضراكا شبابك مرقوا بناتك كنداكه وصبحك أسفر ليه ترضي مساكا أبريل وأكتوبر ثورات في غناكا تشيلك عزة وتمسح في أساكا ------- قوم أمرق أملا الشارع ماتخلي شبابك وحدو يصارع مدير وغفير سواق ومزارع هبوا وثوروا وطولكم فارع قوتكم وحدتكم للظلم تقارع وخلي الإنقاذ لسمومك جارع
Post: #60 Title: Re: ناس الزقازيق ... أجدع ناس (5) Author: منصور عبد الرازق Date: 07-15-2012, 09:06 AM Parent: #59
تحياتى واشواقى يا شباب ايوا , مراقبة الأولاد , اشد وطاة و كأنها المن تومان حتى اسالوا نملوز الكوكتيل بتاع ندى نملوز الأكلناهو فى دى بان على الحدود الفرنسية طعمه لغاية هسى فى خشمى نملوز كمان كان عاوز يرمى باقى سلطة الأسود الزول عمل كده عاوز يفكها لقانى خطفتها مع الطعمية , وفضينا شنطة هدوم جلال الرياضية المرسلها ليهو نملوز وشنطتك يا جلال , بعد ماكانت مليانة جزمة وملابس رياضية بمواصفان عمر نملوزية استاندرد بقت طعمية وجبنة وسلطة اسود ومكرونة بالباشميل جزمتك ملحوقة يا معلم لكن سلطة الأسود , لغاية قبل يومين شايلانى ندى نملوز سلطة اسود فى ديبان على الحدود الفرنسية ومع المطر والزحليقة العملاقة !!!! ما بالغتى معانا ياخ
Post: #61 Title: Re: ناس الزقازيق ... أجدع ناس (5) Author: منصور عبد الرازق Date: 07-15-2012, 09:12 AM Parent: #60
Quote:
ولدنا عمر نملوز ... جايكم ... أكيد ... ويمكن فكرتي زي اخوي ... ود الزناتي .... الخليج ده مابمسك ليهو .. اسرة ... تحياتي لمنص واولاده ... المرة دي لو منص جه راجع الرياض مع اولادو ... يكون غلطاااااااااااااااااااان ,,,,...
كلامك فيه نظر يا نجيلة يا اخوى الواحد بقى , زى العاوز يجرى , لكن رجلينو مربطات اوروبا حاجة مختلفة ده حقيقى لكننا يبدو قد كبرنا على (المعافرة من جديد ) الكلام يصلح لمن هم فى سن احم ولدى لمن تسمع تجربة نملوز , فى البدايات والأنخراط فى سلك الحياة الأوروبية فيها نضال ومعافرة , عاوزة ليها زول تاشرات المشكلة انحنا بعد ما وصلنا العشرينات دى , المعافرة دى ماااا بنقدر عليها الموضوع ده عاوز ليهو رجعة مطولة
Post: #62 Title: Re: ناس الزقازيق ... أجدع ناس (5) Author: منصور عبد الرازق Date: 07-15-2012, 09:41 AM Parent: #61
احداث السودان وارهاصات الثورة فيه قالت لى -ضمن ما قالت - ان الحوجة للتغيير , حوجة حتمية الكلام يبقى عن ثمن ذلك التغيير والله ان قلبى مع من يتصدون لأحداث ذلك التغيير وهو فى مراحله الأولى استغرب لمن يرددون ان الشعب غير متجاوب حتى الان فى الانتخابات الأخيرة لم يسجل الناس حتى اسماؤهم , للتغيير السياسى هذا وهو مجرد تسجيل اسامى لاغير حتى اللذين سجلوا اسماءهم , عندما تكشفت طبيعة العملية الأنتخابية , وانها عملية احادية لا منافسة فيها زاد عدم تجاوبهم , واشاحوا بوجوهم عنها غير عابئين واضح اننا محتاجين الى تغيير اساسى , هياكلنا الاساسية , تم تدميرها والعبث بها الناس ما يزالون فى مواقع الفرجة , الفرجة السلبية مع انهم يعرفون انهم فى امس الحاجة لتغيير اساسى ما يزال الخوف من كلفة التغيير , هو الحاجز الأساسى لأحداثه الناس محتاجة تحسب , وتعرف ان كلفة استمرار الأنقاذ , اعلى بكثير من كلفة كنسها وتغييرها واكثر ما يخافه الناس , هو كلفة (التشفى والتغابن والتضاغن ) الأنقاذ دمرت نفوس الناس , ولم يبق بيت , الا وله (ثار انقاذى ) انشروا ثقافة التغيير الأيجابى , مع المساءلة والمحاسبة المؤسسية طمئنوا الناس من ان غرض الثورة , ليس ثارا شخصانيا بايتا , وانما هو تغيير الى فضاءات ارحب انشروا ثقافة الأمل , وقدموا نماذج التغيير المؤسسى المقارن الثورة فى نفوس الناس , نحتاج الى من يساعدهم على تفجيرها الشرطة مننا , والجيش حتى ولو دجن , فهم ابناؤنا , معركتنا يجب ان تكون مع المؤتمر الوطنى كحزب ليس له اى بعد جماهيرى البعد الوحيد للمؤتمر الوطنى , هو بعد المصلحة والفساد لتكن معركتنا ضد المصلحة الضيقة , وضد الفساد المستشرى من يقول عنا اننا شذاذ افاق , لا يستحق ان يكون ريئسا لنا ومن يقول ان التغيير دونه لحس الكوع , لا يستحق ان يتحدث باسسمنا التغيير عملية مستمرة , نريد ان يكون راينا فيمن يحكمنا , هو المحدد الرئيسى كل اربع سنوات حكم نريد تداولا سلميا للسلطة , لا حجر فيه ولا اقصاء نريد ان ترجع اموال الناس , للناس , ونريد ان نفصل بين الحزب , والدولة الحزب والدولة عندنا مولود سيامى محتاج فصل والفصل عاوز عملية والعملية هى التغيير ساهموا فى احداث التغيير كل بما يليه والنغيير عاوز تحضير , والتحضير داير زمن , والزمن عاوز صبر وعاوز مثابرة نحن بعيدين ليس لنا الا ان ندعو , ونشدد على الدعاء ونخلص فيه اللهم ساعد طلائعنا فى احداث التغيير المنشود اللهم آميييين
Post: #63 Title: Re: ناس الزقازيق ... أجدع ناس (5) Author: محمد عيد Date: 07-15-2012, 01:32 PM Parent: #62
مثلى .. مثل من يحاول ان يبيع الماء فى حارة السقايين أصــعب شىء ان تحاول العزف على قيثارة رجل هو صانعها .. والأكثر صعوبة .. ان تلون بريشتك على لوحة صاحب الجاليرى ... عبد القادر بابكر ( قدورة ) الفنان وصاحب الانامل الذهبية ... معذرة .. ان حاولت التنطع واهداءكم لوحة فنية ... فأنت من علمنى وحبب الىّ النقش على حوائط الجمال
قدورة .... عيد سعيد وعمر مديد
Post: #64 Title: Re: ناس الزقازيق ... أجدع ناس (5) Author: ميسرة سيد أحمد Date: 07-16-2012, 06:47 AM Parent: #63
Quote: التغيير عملية مستمرة , نريد ان يكون راينا فيمن يحكمنا , هو المحدد الرئيسى كل اربع سنوات حكم نريد تداولا سلميا للسلطة , لا حجر فيه ولا اقصاء نريد ان ترجع اموال الناس , للناس , ونريد ان نفصل بين الحزب , والدولة الحزب والدولة عندنا مولود سيامى محتاج فصل والفصل عاوز عملية والعملية هى التغيير ساهموا فى احداث التغيير كل بما يليه
غايتو في المقطع ده ... خسوسا قربت البس بنطلون جينز الرشيد ... وامشي السودان اشارك في الساحة سلم قلمك يامنص ... ودايما رائع وانت تكتب من ماليزيا او الرياض ... او حتي محتضنا شنطة سلطة الاسود والطعمية ... والباشميل ... تسلم ياولد يامايونيز ....
Post: #66 Title: Re: ناس الزقازيق ... أجدع ناس (5) Author: منصور عبد الرازق Date: 07-16-2012, 09:20 AM Parent: #65
حالنا حال يا ياسر نجيلة يا اخوى انا وانتا والبعيدين كلهم البرا السودان شغالين بى نظرية اضعف الأيمان قلوبنا مسروقة مع الفتيان الأشاوس , والجندريات الكنداكات الفعل بتاع ايقاد الشرارة , هو الفعل الصعب الحقيقى فى كامل العملية بتاعت التغيير المنشود والشرارة اوقدت , يعنى الشغل الصعب تم انجازه البشير وجماعته , اثبتوا بما لايدع مجالا للشك , انهم فى وادى , غير الوادى الفيهو الأمة كلها انهم مشغولون بمشاكلهم الشخصية ليت اوكامبو لم يتابعه كل هذه المتابعة لقلنا له اذن , فرتق يا معلم , طوبة ما تعتر ليك وخلى لينا سودانا ده , نحاول لملمة طوبه المتناثر والمشتت هذا البشير , له لسان مستفز , لشعبه اولا , ولشعبه ثانيا , ولشعبه اخيرا كل الطواغيت , تتلخص عندها الأمور آخر الأمر , فى نظرية مفادها , انا او الطوفان اما من رجل رشيد يقول له انك , حتى ولو كنت مبرا من كل عيب فأن عمرك الأفتراضى , كحاكم , انتهى , وصلاحيتك كولى أمر , ولت وانزوت كن رحيما وعاقلا , وافسح لشعبك الطريق , ولملم معك وانت فى طريق الزوال والافول كل عاطلى المواهب , وحراس الصولجان , وممنى الأكل على كل الموائد النظرية البسيطة الما دايرة ليها اجتهاد بتقول لو لقيت احوال البلد ما ماشة , ومعترسة , ومشاكلها تتوالد مشكلة اثر اختها اعرف ان جرابك قد خوى , او ان طريقتك ما عادت هى الطريقة المثلى , او انك ما عدت الشخص المناسب لقيادة السفينة فرتق يا اخى , ولا غور واتلهى , وافسح الطريق , لى ناس جداد , لأفكار جديدة , لى طريقة حكم مختلفة لو كنت اعظم الناس , واعلمهم , واحسنهم , واعدلهم , وانظفهم , واتقاهم مع ذلك , فانت لا تصلح حاكما دائما , هذه طبيعة الأشياء , لا دائم الا وجهه الكريم يعنى انتا حا تكون احرف من (سيدا) ؟؟؟؟ حسى ننادى ليك غارزيتو ؟؟!!!
Post: #67 Title: Re: ناس الزقازيق ... أجدع ناس (5) Author: ميسرة سيد أحمد Date: 07-16-2012, 11:27 AM Parent: #66
أخي منصور أثلج مقالك صدري وأراحني كثيراً
يا ليت أن تكون هذه المقالات على الصحف السودانية العامة
كذا مرة قلت ليكم منصور دا بديك باص والله سيدا ولا حتى ميسي يقعدوا يصفقوا بس اها قلتا لي دمروا هياكلنا وعبثوا بها ... ياخ ديل دفننونا شاسي بس ... عارفكم عارفنها لكن برضوا بحكيها ليكم تاني قال ليك واحد سايق ابوهو موديهو الدكتور ... عندهم جار شليق شلاقة جلا بس لاقاهم وتم الحوار التالي - شنو ياخ سلامتو الحاج مالوا - لا والله النظر بقي تعبان ... موديهو اعمل ليه نظارة - يازول كدي اقول ليك حاجة نجرب ليه نظارة ابوي المرحوم امكن تلفق .... ولفقت تاني يوم لاقاهم ماشين الدكتور ... - شنو ياخ ... خير ياجماعة - والله الحاج دا السنون انتهت وماشي اعمل ليه طقم - لا ياخ طقم المرحوم قاعد ... امكن يلفق .. فما كان من جارهم الا قال له ... اسمع انت ابوك المرحوم دا دفنتوهو شاسي بس ************ ذلك ما فعلته الانقاذ بالسودان يا منصور ... خراب وفساد وتدمير على مستوي كل القطاعات فلا زراعة ولا صناعة ولا غيرها ... وكل ما يتشدقون به من انجازات تمت بقروض على رقبة وطننا وشعبنا فإن لم تكسر رقبته سوف تفقهه فقه .... ورغم ذلك لا يسلم شعبنا الابي من السنتهم القذرة ... ومنهم علينا كأننا شحادين ببابهم لعنة الله عليهم ... فقد اهلكوا الزرع والضرع ... وحانت ساعة الخلاص ان شاء الله .. ************ عاين
Post: #70 Title: Re: ناس الزقازيق ... أجدع ناس (5) Author: ميسرة سيد أحمد Date: 07-17-2012, 08:24 AM Parent: #69
صباح الخير ،،، يا وجوه الخير
دعاء اليوم :
اللهم يا من أنزلت من سماءك مطرا وأخرجت من أرضك شجرا افتح باب رزقك وتوفيقك لأحــبتي واجعل من نور وجهك الـــكريم مصباحا يضي لهم ،،،،،
Post: #71 Title: Re: ناس الزقازيق ... أجدع ناس (5) Author: منصور عبد الرازق Date: 07-17-2012, 08:39 AM Parent: #70
Quote:
عاين
بالله ما تملأ لينا الحاجات ريحة سلطة أسود
* انت بس ما ما ضقتها ساى يمين تضوقها تقول لى عليك الله مسحهم بيها مسيح
- يا خاين , ما كان تكلمنى عشان اكلمو يجيب لى زيهن !!!!
Post: #72 Title: Re: ناس الزقازيق ... أجدع ناس (5) Author: ميسرة سيد أحمد Date: 07-17-2012, 02:33 PM Parent: #71
كتب محمد الهادي في نادي القصة القصيرة كلام جميل جداً ،
1:44pm Jul 17
كان لقاؤهما فى تلك البقعه جوار النيل كرنفال فرح تعشقه كل الموجودات حولهما طيور البحر واسماكه اشجاره ونخيله اما النجيل الذى يجلسان عليه فكان الاكثر سعادة فحين يتناجيان تداعب اصابعهما اطرافه الناعمه كما تداعب ام حنون خصلات صغيرها مناجاتهما هديل حمائم تعيش فى سلام تعلمت منهما الطيور لغة الحب فتصادق النسر مع زغب الحمائم مالت الاشجار على بعضها من الوجد حتى الاسماك كانت تتراقص على سطح الماء وتنظر الى الصياد باستهزاء . اصاب ابليس الحسد فبذر الشك فى قلب الحبيب فتحولت حياتهما الى علامات استفهام اين انتى ؟ واين كنتى؟ ومن هذا ؟ وما تلك؟ اخنلفا فى كل شئ واتفقا على تحطيم هذا الحب النبيل فهجم الصياد على السمك وانتصم الشجر متباعدا واثر الطير الرحيل ولم يسلم من قسوة اياديهما النجيل ليموت حلم جميل.
Post: #73 Title: Re: ناس الزقازيق ... أجدع ناس (5) Author: ميسرة سيد أحمد Date: 07-18-2012, 06:38 AM Parent: #72
صباح الخير ،،، يا وجوه الخير
تحية الصباح نهديها إلى ثوار السودان
الأحرار والمعتقلين والمصابين
اللهم بارك لنا في هذه الأيام الطيبه
Post: #74 Title: Re: ناس الزقازيق ... أجدع ناس (5) Author: ميسرة سيد أحمد Date: 07-18-2012, 09:15 AM Parent: #73
سنجتمع قبل غروب الشمس لـ نجلس معاً ،، نتشارك الإفطار بدون أن نكرر تلكم الجملة المعتادة عند جلوسنا لنتناول أي وجبه أين فلان؟ ليرد أحدنا ، بأنه نايم !!!
بعد أيام...
سنقدس الليل ليكون موعد زياراتنا ، سنتراكض قبل آدان الفجر بقليل لنشرب كمية ماء لعلها تسد ظمأنا بنهار الغد*****
بعد أيام ....
سنشعر بجرعات إيمانية تمشي بأوردتنا لم نلحظها منذ 11 شهراً مضت
بعد أيااام
سنسمع أدعية كثيرة ويتسرب إلى جوارحنا صوت السديس يرتل سورة البقرة تقبل الله صيامكم وقيامكم ،،،،،
وكل عام وأنتم بخير
Post: #75 Title: Re: ناس الزقازيق ... أجدع ناس (5) Author: أحمد إسماعيل Date: 07-18-2012, 05:37 PM Parent: #74
Quote: Quote: هياكلنا الاساسية , تم تدميرها والعبث بها
كذا مرة قلت ليكم منصور دا بديك باص والله سيدا ولا حتى ميسي يقعدوا يصفقوا بس اها قلتا لي دمروا هياكلنا وعبثوا بها ... ياخ ديل دفننونا شاسي بس ...
سلام يااا كرام ويااا سلام وياااسلام على المتابعة والجمال في الكلام وإن شاء الله دايما تامين ولامين
يا جلال هو السودان فضل فيهو هيكل بقى زي حكاية الولد العندو ضعف نظر ومخلوق من غير أذنين وابوهو عايز يجيب ليه نظارة ! الولد الشليق قال لابوهو لو جبتو ليه النظارة يعلقها وين بالظبط السودان الجزء التحتاني من الشاسي بتاعو إتفصل فلو جبنا عجلات نركبها وين
إنقلاب الإنقاذ في 1989 ( الدولار كان = 17 جنيه سوداني بعد 22 سنة في 2012 ( الدولار أصبح = 6000 جنيه خلال 22 سنة الجنيه تضاعف 17/6000 = 353 مرة يعادل 35300% إذا في السنة الجنيه تضاعف 22/353 = 05و16 مرة يعادل 1605% إذا في الشهر الجنيه تضاعف 12/16 = 34و1 مرة يعادل 134% إذا في اليوم الواحد يتضاعف 4و1 ÷ 30 = 05و مرة = 5% هذا مؤشر واحد من عشرات المؤشرات التي توضح مدى سوء إدارة البلاد وأنك لا تستطيع أن تقيّم بأنك ربحان في أي عملية بيع في السودان ومن ذلك جات عبارة (البايع خسران) وذلك من التضخم الهايل في السودان وليس هناك أي معايير للقياس والجنيه أعلاهـ يثبت ذلك كما قال محمد عيد ياحليل أيام الفريني وعجل الحديد والطرادة واللحلوح وعضان الفيل
انشغلت كثيرا في الأيام الفاتت.. انشغال حرمني من التداخل و الكتابة هنا... كنت أتابع و أقرأ كلما تسنى لي ذلك... و قريت مداخلات منصور المتمسحة بعبق جو بلجيكا و زهور بلجيكا.. اللغة الرفيعة ذكرتني ببيت الشعر الشهير... عيون المها بين الرصافة و الجسر جلبن الهوى من حيث أدري و لا أدري.. و أنا هنا أٌقصد تأثير الجو على المزاج و اللغة... لو بقى منصور حتى نهاية الصيف لكتب كتابات مؤثرة جدا... أنا رغم مزاجي السيء و الجو السيء و كل شيء سيء حولي... أحاول أن أتخيل نفسي حيث يوجد منصور و أكتب من وحي ما سأتخيله... دعوني أعمل تخريمة أحي فيها الريس ميسرة القابض على جمر البوست... و أحي جلال عثمان و الذي يأتينا كلما عثر علي (شاسيهو)... و ليس طايوقه مثلما هو الحال مع صديقي الكوتش... و التحية لنملوز و هو يقوم بتجهيز عدة جلال الرياضية... و يعطرها كما كان يفعل العاشقون قديما... و لكنه يعطرها بأريج سلطة الأسود وفوح المخلل.. و يرسل معها سي دي لأغنية.. ست العينين عطر الأٍسود لو شفت عيونها ريقك بينزل... أتخيل جلال و هو يركض في شوارع الرياض و بطنه بتصوصو بفعل رائحة الأسود... التحية لأبو عمر و تحليله الاقتصادي الذي ذكرني بخسارات قديمة... لقد نكأت جرحا قديما يا أبو عمر... الله يقطع الصرف و سعر الصرف و موية الصرف و يصرفنا عنها ويصرفها عنا... لو لم أجد سببا واحدا لثورة الشباب هذه لحرضتهم مدفوعا بخساراتي تلك... خسارات رغم ان السنين قد مرت عليها و سقطت بالتقادم... وقزمت الأرقام بفعل التضخم و تطور الحياة... الا أنها ما زالت تمثل 60% من ونستي عندما أنفرد بي زول أمه ما راضيه عنو... و يقع في يدي و أروي ليهو قصص بكون رويتها للمره ال514... و أٍسعد كثيرا عندما أجد ضحية جديدة..شخص يسمعني لأول مرة... أستخدم كل ما علمتنيه الحياة من تعابير الوش و الصوت... مره أعلي و مره أوطــي و مره أقطب و مره أبتسمو مره تغلبني القراية... . . . . رمضان كريم عليكم جميعا... تصوموا و تفطروا على خير...
Post: #77 Title: Re: ناس الزقازيق ... أجدع ناس (5) Author: أحمد إسماعيل Date: 07-19-2012, 08:13 PM Parent: #76
تحية كبيرة للقابضين على جمر البوست وتحية خاصة للأخ الرشيد ورمضان كريم وكل سنة وأنتم طيبون وتصوموا وتفطروا على خير نسأل الله أن يجعلنا ممن يصومون رمضان إيمانا وإحتسابا وأن يتقبل الله عملنا في رمضان وأن يغفر لنا ماتقددم من الذنوب إنه نعم المولى ونعم النصير
روحانيات... اليوم أول يوم عمل في شهر رمضان... بعد أن نجحت في امتحان الجمعة مع اجازة الأولاد... أعتقد انني سأجتاز امتحان اليوم في الشغل بسهولة... خاصة و أن أبواب الروح مشرعة للتسامي و التصافي و التسامح... تدخل كلها عبره مرة واحدة فتشعر بزلزال روحي و ليس مجرد قشعريرة... زلزال ينفض و يعيد ترتيب الدواخل مرة أخرى...
عادات...ضارة
أول يوم رمضان و سهرة رمضان... سهرات رمضان لا تتفق مع الدوام... لذلك أعتقد ان في رمضات مفروض كل واحد يسكن في بيت براهو... كل واحد على حسب ظروفه... الأولاد في اجازة نسكنهم براهم... ست بيتي عايزه تحضر السهرة تسكن براها... و أنا بصراحة السهر ده بقى ما بينفع معاي.... زي التقول أنا في أعتاب الخمسين... .. .. .. نعسان لدرجة اني شايف الكيبورد طشاش... فلو جات كلمة كده و لا كده سامحوني... نعسه عايزه ليها كباية قهوة كااااااربة... قهوة تفتح الروح ضلفتين... .. .. .. بمناسبة تفتح الروح ضلفتين دي... نديكم رائعة جمال حسن سعيد...زوله... . . زولة تفتح الروح ضلفتين تخشك … وتمرقك … عــــــادي .. تخشك … وتمرقك … ما بتقفل الباب من وراها … بل تساسق بين شفقتك … وحرقتك … ما بتأذنك … ما روحها نفاج غربتك … هذي البنية … الساكنة أسرار فكرتك … هي الشايلة … حســـــك وسترتك … زولة … كما النورس تجــي … تنزل شواطي الإلفة والزمن الشفيف …
Post: #82 Title: Re: ناس الزقازيق ... أجدع ناس (5) Author: منصور عبد الرازق Date: 07-21-2012, 08:42 AM Parent: #81
رمضان كريم يا معلم فى القاهرة , العودة للرياض والدوام والنعاس من بكرة رسلت ليك رسالة رمضان عن طريق نجاة
ما مقبوله...ما مقبولة... و عندك مهلة أربعة و عشرين ساعة ترسلها لي أنا...و الا...
أحسن نديك العين الحمراء من حسه... عشان ما بكره ما تجي تقول لي رسلت ليك رسالة العيد عن طريق أمنية... و بعد بكره تقول لي باركنا ليك الحجه عن طريق مهند... لحدي ما يصل عن طريق مساي... مساي دي الشغالة بتاعتنا...
يا منص...ياخي رفعت نورالدين بيسلم عليك.. ضرب لي تلفون أمبارح لومني و لومك لوم السنين... قال لي انت و منصور قاعدين تلموا في الدراهم و الريالات دي... أصلو ما بتتذكروا ترسلوا لي حتى SMS... لا عيد و رمضان و لا أي حاجة... غايتو من حسن حظك ان أمبارح أول يوم في رمضان... و مسكت نفسي من الشمار... قربت أقول ليهو منصور ده قريب منك... يعني كان كوركت قلت يا منصور... امكن يرد عليك مجتبى من وراء الحيطه... لكن اتعوذت من الشيطان الرجيم و مسكت نفسي... لكن قطع شك بعد رمضان ما حأقدر أمسك نفسي... و حأكلمه...
Post: #86 Title: Re: ناس الزقازيق ... أجدع ناس (5) Author: منصور عبد الرازق Date: 07-21-2012, 09:23 AM Parent: #84
Quote:
لحدي ما يصل عن طريق مساي...
تلفونا كم ؟؟!!!!
رفعت جاب لى رسالة امبارح بس جوالى قطع رصيد حا اقول ليهو رسلت ليك رسالة التهنئة عن طريق اشراقة ولا اقول ليك ما عارف تلفون شغالتهم كم ؟؟؟!!!
Post: #85 Title: Re: ناس الزقازيق ... أجدع ناس (5) Author: ميسرة سيد أحمد Date: 07-21-2012, 09:21 AM Parent: #83
صباح الخير ،،، يا و جوه الخير
يبدو أن رمضان هذا العام حار ليلاً ######ن جاف نهاراً
كل الدنيا تتحدث عن سخانة الجو يا ترى حصل تعديل في البيئة
وهل الإنسان له دور في إرتفاع معدلات الحرارة ،،،
جدة زحمة ورطوبة مكة لا يوجد بها موطئ قدم المدينة كتلة من النار
الرياض قيل لا تسأل عنها فإنها مصدر اللهيب،،،
ربنا يتقبل صيامكم وقيامكم ،،،،،
============================================
أمس تفرجت على برنامج أغاني وأغاني والسر قدور
الحلقة كانت وفاء وتقدير للفنان نادر خضر ،،،
لقد تألمت سابقاً لفراقة ولكن يوم أمس كان الجو مشحون
بالحزن الشديد وإكتسى البرنامج سواداً على سواد
ولقد شعرت بالحزين الدفين مع دموع مقدمي البرنامج
والمشاهدين،،،
الذين أحيو ذكرى الفقيد فقد أكرموه ،،،
الله يرحمة ويغفر ليهو،،،
Post: #87 Title: Re: ناس الزقازيق ... أجدع ناس (5) Author: عبد الدائم سيد أحمد Date: 07-21-2012, 09:50 AM Parent: #85
قلت أرسل ليك تلفون شغالة ناس رفعت قبل ما تركب الطيارة... عشان تقوم بالواجب و تبارك ليهو الشهر.... لكن اتذكرت ان رفعت ما عندهم شغالة... بفتش ليك تلفون اشراقة قبل الطيارة ما تقوم... و كان ما لقيتو برسل تلفون شغالتنا... رسل ليها مباركتي و مباركة رفعت...
Post: #90 Title: Re: ناس الزقازيق ... أجدع ناس (5) Author: عمر نملة Date: 07-21-2012, 10:35 AM Parent: #89
سلام تحيه اوستندا بروكسل.دي باني.كنوكا.دي هان.زي بروخا.بلانكن بيرخ. امستردام. باريس. ميلان. لوزان.ميونخ.كولن.فيينا.مدريد. برشلونه. شهود على المتعه والاستمتاع. في اتصال مع عمو مصهور زي مابيقول ايسانور قال انا الان في صف الجوازات قلت ليه طيب ماتصوم كم يوم معانا قال انا مالي ومالكم اصوم 19 ساعه بالله عليك مالك ومالنا طيب نسخه من الكلام دا مرسله لكل المطارات والسفن وان شاء الله تلقى درجه حرارة الرياض 99.7. طيب عشان سلطه الاسود لو ما عشان المدن والمطارات واقول ليك حاجه انا البكلم رفعت الاسد ورمضان طويل
Post: #91 Title: Re: ناس الزقازيق ... أجدع ناس (5) Author: محمد عيد Date: 07-21-2012, 10:38 AM Parent: #89
غايتو لمن الزول يكون بيحاجج ساى ... ظاااااهر عليهو ...
ولمن يكون كايس ليهو شكلة بدون سبب .. بيقول للناس انا ما قادر اساهر وداير افرز عيشتى ...
ولمن يحس انو العندو ده تعب بيشبه تعب الناس الفى اعتاب الخمسين ... بيكون بيكابس فى حاجة تفك خرمة صيام اول يوم ...
أهـــا ... ولمن يقوم يجرجر فى الزول داااك الفاطر فى الطيارة ( وأصلو صيامو فى الفجــة الجاى منها دى ما مقبول )
خاصة انو كمان ما اهتم بوصل الارحام وطنش المرور على الخال جوكونى عويدى الشعير برفعت نور الدين وتنا اشراقة بت ناس الشافعى
مع انو لو قال لعمر نملة يوصلوا ... كان بى جكــة واحده وصل بيهو الطرف الآخر من اسكندنافيا النرويجية ..
أهــا ... لمن الزول داك القاعد فى امارات زايد فوق حلة بريستو 50 درجة مئوية يقعد يسويها للزول الجاى فى الطيارة وفاااطر ( شرعى )
ويقعد يقول ليهو هاك تلفون شغالة ناس اشراقة .. ويجيب ليهو شمار شغالة ناس معاوية يحى القالو كانت دايرة تدق مرتو .. وكمان شمار الحرامى القالو نط
فى بيت ناس جلا وقعد يكوس للتلفون الجالاكسى نوت القلعو صاحبنا من زول مل بقولوا ليكم ( حرصا على مصادرنا ) .
طيب ما يعنى الزول ده يقول انو متجرس عديل ..
ياخ طيب ما تقول رمضان دخل فى العضم ..؟
ياخ ما فيها حاجة .. الريس ذاتو قال ليكم الحرارة فى مكة 55 والرطوبة فى جده 155 ..
طيب شنو الجرسة ..
انتو تعالو ..
الزول ببقى معذور فى الصيام بعد سن كم ؟؟
رمضان كريم .. تصوموا وتفطروا على خير
كالعاده اول تلاتة ايام ما تآخذونا ... بس اختــونا ساى ...
انتو يا جماعة بطولة أندية أوروبا دي بدت بتين... 19 ساعة يا عمر...قبلكم و قبالكم... و الله يا عمر 19 دقيقة عندنا هنا بي 19 ساعة حقتكم.. اليوم درجة الحرارة 50 في أبو ظبي... جيت أطلع النضارة عشان أتوضى للظهر أبت تطلع... أتاريها ساحت اتلصقت في أضاني... اضطريت أطلع أضاني معاها...
Quote: فى بيت ناس جلا وقعد يكوس للتلفون الجالاكسى نوت القلعو صاحبنا من زول مل بقولوا ليكم ( حرصا على مصادرنا )
شمارك ده يا حماده لو شافو شيخ من ناس الوسطيه يطلع ليك صيامك ده منتهي... و لو كمان من الجماعة اياهم يطلع ليك الشهر بي ستوتو راح شمار في مرقه... اللــــه من المرقه ياخي... و الله بت الشيخ ظبطت لينا شوربة أمبارح..حاجه ما تخلص.. أنا عارف عملت فيها شنو...فيها شمار ما فيها شمار..ما متأكد... لكن هي ما بتتزنق..لما تقول ليها الحاجه دي رهييبة تقول ليك شكر الله الصانع...
غايتو محمد عيد ختاها ليكم واضحة .... لكن من باب حسن الظن اظنو بقصد الناس العلي اعتاب الخمسين اختوهوا ياخ وخلوا الزول دا يفضا لينا بالله بحكم انو نحن لازلنا نحبو نحو العتبة . المهم عجبني الشمار المشتت عموما ... لكن شمار "الجلاكسي نوت" داير يشرقني عديل بالله تقول اشتروهو مع بهارات رمضان ... يا ولدنا والله عندنا جنس "بليلة حمص" حلاتا ياخ مع شمارك دا
ادعوا بالخير لشيخي منصور ان يحفظه الله في حله وترحاله وان يصل في امن وسلامة الى "حلة البريستو" كنت عاوز اقول ارض الوطن لكن خفت من لسان الرشيد ... والغئب الحاضر ابوالزوز وترأت لي جملة "انعل ابو التلج ذاتو" المهم الدعوات الفوق دي شملت مع شيخي الحوار الغلب شيخو الولد الرائع "نملوز" عليكم الله كان ما حوار غلب شيخو شفتو ليكم زول بيصوم 19 ساعة صائم ديمة ... والله الليلة اكسر تلج لما تبردوا تلطيف اجواء قل ليك
المهم وتعبيرا عن التشجيع الما عادي والتوجيهات بتاعت نملوز ... قال ليك تم انقاص الوزن عدد/2ك بالتمام والكمال ... حيث وصلنا لمستوي 83ك والحمد لله ... وبدأت التمارين الرمضانية "الجادة" واهم مافيها الاشراف من ذوي الاختصاص
مافي حاجة مزعلاني غير عدم لحاقي ب اولمبياد لندن
كل سنة وانتوا طيبين وجعلنا الله واياكم من عتقاء الشهر الكريم
تالت أيام رمضان و الأمور ماشه تمام و الحمد لله... متبعين استراتيجية لحدي حسه بعتبرها استراتيجية ناجحة... بالرغم من اني ما بحب السمسرة في نهار رمضان... لكن يا جماعة بصراحة العايز يعرف الاستراتيجية بتاعتي لازم يدفع... و الوسطاء يمتنعون....
واحد أخونا تلقاهو خشمو ناشف و عامل زي الدلقان... اتكل من طربيزه لي طربيزة و من حيطه لي حيطه... تتكلم معاهو الكلمة يتمها ليك بعد تعب... الكلمة الواحده خليها الجملة...الجملة يسل روحك فيها... تسأله تقول ليه كيف رمضان معاك في تالت أيامه... يقول ليك الشهر ما دام مرت فيهو تلاته أيام خلاص انتهى... الشهر من ناحية بينتهي ..لازم ينتهي... لكن انت بي طريقتك دي..ما بينتهي بي أخوي و أخوك....
Quote: مافي حاجة مزعلاني غير عدم لحاقي ب اولمبياد لندن
ما دام بقيت تعرف تعمل الوش الأصفر البيضحك ده... ممكن بالراحة نلحقك الأولمبياد... و معاك طارق جبريل و ياسر نجيلة... ياسر نجيلة نخليهو تخصص 100 وش أخدر... و جبريلا 400 وش أخدر... و انت للأصفر الثلاثي...
Quote: مافي حاجة مزعلاني غير عدم لحاقي ب اولمبياد لندن
ياحبيب ياسكر ولا تزعل ولا حاجة ... احتياطيا كده ... سجلناك في دورة الألعاب العربية بالدوحة نهاية السنة ... استعدادا لاولمبياد ... ريو دي جانيرو 2016 ..... شد حيلك وخلي ولدنا نملوز يجري وسط الصبيان ... وفي شواطئ اوستيد ... مع النسوان الصايمات ... من الملابس ...
Post: #99 Title: Re: ناس الزقازيق ... أجدع ناس (5) Author: ميسرة سيد أحمد Date: 07-23-2012, 09:08 AM Parent: #98
صباح الخير ،،، يا وجوه الخير
تقبل الله صيامكم ،،،
هذه الأيام من أجمل العبادات
الإكثار من الترحال إلى مكة المكرمة
وزيارة بيت الله الحرام والتمتع بالجو الروحاني
ومشاهدة جموع المعتمرين وهي ترتدي الثوب الأبيض
فتبدو مكة مدينة الثلج باللون الأبيض المترامي على ا لرغم من الحرارة
حقاً أيام لها إيقاع لن تتكرر بسهولة ،،،
Post: #100 Title: Re: ناس الزقازيق ... أجدع ناس (5) Author: منصور عبد الرازق Date: 07-23-2012, 12:50 PM Parent: #99
حلة البريستو والجالكسى نوت واولمبياد لندن وتلاتة وتمانين كيلو !!! يمين حاجاتك الملرسلة ليك نملوز , لا بديك ليها لاحاجة اولى بيهن انا , فى استعداداتى المنقطعة النظير , لكاس العالم بتاع الدوحة , 2022 قالوا رمضان يجى , يربط ناس , ويفك معاهو ناس يربط ديلاك , لكن يفك الجالكسى نوت , ايش فائدة صديق طيب مادام بيفك الجالكسى نوت , كان يفك معاهم الجماعة , عشان الواحد يستمتع بى سلطة الأسود ويعرف يقول سلطة اسود بالهولندى هى غايتو قريبة كده من القراصة وتشبه اللنك بتاع الوش الأصفر وعموما , شكر الله الصانع , كان المصنوع شوربة ولا جالكسى نوت لكن فى كل الأحوال , تسعتاشر ساعة والله كتيرة ياخى نحن وصلنا دى يبان دى , الساعة اتناشر اتزحلقنا فى الزحليقة العملاقة لابسين الشواويل , وصلنا نهايتا الساعة واحدة ركبنا الأسبرنغ فلاير , وصلنا منها الساعة اتنين لمن ركبنا الحاجة البتدور ديك يا عمر نملة , وكانت بتمر بينا على الناس القاعدين حوالين الموية وبتهزهزوا قاموا كده صورونا , قامت ايثار لقت نفسها ما ظاهرة فى الصورة قتم نملوز قال ليها نركب تانى عشان صورتك تطلع واضحة قمنا كده ركبنا تانى , قاموا كده صورونا صورة واضحة انقروا ما جينا لقينا ناس الصورة قفلوا !!!مشوا وين الجماعة ديل يا ربى ؟؟؟ لا لمينا فى الصورة الأولى , لا لمينا فى الصورة التانية اها طلعنا برة لقينا الساعة يا دوووووبك , خمسة انتو المغرب ده بيأذن متين , قالوا لسه باقى ليهو ستة ساعات ركبنا المترو , وصلنا محطة القطر , عمر ركب لى اوستند اند زى وانحنا ركبنا لى بروكسل وصلنا تمانية ونص شمس اللذين آمنوا دى , كان دايرة تغيب مالو ؟؟ انكسار ساى ابت تنكسر , عاملة كده زى لمبة التلاجة وحاتكم , استحمينا , وغيرنا هدومنا , وقعدنا فى الأسكاى بى مع ام احمد ومدرار وحجازى واتونسنا زيييييين , قمنا كده فتحنا ليكم الشباك انقروا ما لقينا الشمس لسه قااااااعدة يا زول صوم صومك براك , نحن فى حلة البريستو بتاعتنا دى ونظاراتنا البتسيح لامن ما نفرز النظارة من اضان النضارة الجماعة ينوموا ستة صباحا , يصحوا تلاتة العصر سلطة الروب بتاعتنا يا طلعت قبل الاذان , يا كمان لحقونا ليها فى العشاء وفى كل الأحوال , شكر الله الصانع
* بس لو بتقدر ترسل لى شوية مطرة من مطرة ديبان ديك , بخصم ليك تلاتة ساعات من يوم الصيام بتاعكم اصلى بعرف لى زول شغال مع ناس الأرصاد , لسه نظارته ما فرزوها من اضانو , كل سنة وانتم كلكم طيبين وختوا لينا لنك الوش الأصفر والجو الماطر هنا بالله [email protected]
Post: #101 Title: Re: ناس الزقازيق ... أجدع ناس (5) Author: ميسرة سيد أحمد Date: 07-23-2012, 01:43 PM Parent: #100
غيرك أشطر
كلمات: حسين شنقراي غيرك كان أشطر يا القاعد فينا محكر بي قوة وامن وعسكر ما بي أسم الله الأكبر ------- أعزف أرقص رقصنا أخبط أضرب رصصنا بيعنا وأقبض خصصنا بَيِعْنا هدومنا وملِصنا ------- يا الشايف نفسك ماغيرك قِنع الشعب خلاص من خيرك ظالم مابصحي ضميرك واليله وجب تغييرك -------- رمضان والصيف الحار أشوينا وأحرق يا بشار مهما تولع وتوقد نار ثورتنا وهبت إعصار -------- إعصار ماشي وجاييكا من حكمك لابد قاليكا ياما تضلم سوده لياليكا أهرب بسراع أحسن ليكا -------- أهرب عيد في مكه خلي السودان يتفكه شوف زينك وين ركه ما بتقدر يا قذافي العكه -------- خلاص إنتهي مشوارك باكر بهربوا أنصارك أوزن وشغل أفكارك وشوف الفيها مبارك -------- أهرب خليك فالح سافر وعدي المالح ما لينا معاكا مصالح
Post: #102 Title: Re: ناس الزقازيق ... أجدع ناس (5) Author: ميسرة سيد أحمد Date: 07-24-2012, 08:46 AM Parent: #101
صباح الخير ،،، يا وجوه الخير
نجاوى صباحية:
إلهي ! لولا أنك بالفضل تجود ما كان عبدك إلى الذنب يعود
انتو قالين زلوووط معاناتو بدأت بعد ما تخرج ... ده غلط كبير ... صاحبنا ده مزلووووط من ما هو نطفة في بطن امه .... خلونا نشوف وهو بحكي ليكم بلسان حالو ... في البداية لما كنت نطفه كنت قايل روحي إني من كريات الدم البيضاء!!!! ماعرفت إني من بني البشر إلا لما قالت الدكتورة لأمي مبروك يا مدام إنتي حامل ... أمي طبعا من الفرحة ختت ايدها على بطنها في المكان الأنا موجود فيه .. عرفت إني المقصود وفهمت ... إني مشروع بني آدم!!
بيني وبينكم أتضايقت .. قلت مالي ومال وجع الراس أطلع لعالم تاني وأبقى إنسان ... وفي حساب وعقاب وقراية ودرس عصر.. همس لي عقلي قال أحمِد ربك حتطلع ويبقى عندك إيميل ، وماسنجر 8 ، صحي أنه يطش بس ما مشكلة, وبعدين تخش في انا سوداني وتخش مدرسة وجامعة وتجكس والحاجات دي.. قلت في بالي لا كان كده ما مشكلة!!!! الفرحة طبعا قربت تشرطني و قلت خلاص أطلع هسا ... قال لي بدري لسه باقي تسعة شهور (غايتو جنس احباط ) ... ولما بقى عمري خمسة شهور كنت حاسي إني ذكر بس قلت يمكن أكون أنثى!! بقيت أقطع من الشعيرات الدموية وأقول غلام .. فتاه.. صبي.. صبيه.. ولد.. بنت ... و قعدت أمصمص صباع كراعي الكبير لحدي ما نمت... أثناء ماانا نايم أمي الله يهديها شربت مويا بكميات كبيره على غير العادة ... صحتني من نومي, بس والله انبسطت ... قعدت ألعب بالمويا بكرعيني وكنت داير أسبح بس للأسف ما لقيت لي مايوه,... وخفت ابل شعري ساي!!!
جايكم تاني .... رمضان بس مضي منو 4 أيام ...
==================================== منص ياخوي .. انت رجعت الرياض ولا لسة صايم 19 ساعة في اليوم ... غايتو نحنا سلطة الروووب بنعملا من ... العصر ... عشان الجهجهه ... وضيق والوقت
Post: #104 Title: Re: ناس الزقازيق ... أجدع ناس (5) Author: منصور عبد الرازق Date: 07-24-2012, 11:39 AM Parent: #103
Quote:
منص ياخوي .. انت رجعت الرياض ولا لسة صايم 19 ساعة في اليوم ... غايتو نحنا سلطة الروووب بنعملا من ... العصر ... عشان الجهجهه ... وضيق والوقت
يا زول انا مشوى , فى نص حلة البريستو دى قالوا ليك تسعة وستين بالله عليك الله ما مجنون , الزول يسيب مطرة ديبان ديك وزحليقتا يرجع لى حلة البريستو حتى لوكانت تسعتاشر ساعة !!!! وعشان ازيد وجع بطنك , اوريك برنامج الرحلة
بروكسل بتاعت الغيم اوستند بتاعت البحر ديبان بتاعت المطرة وسلطة السود تانى بروكسل بتاعت الغيم فينا بتاعت جبال الألب ميونخ بتاعت الأيانز ارينا بتاعت بايرن ميونخ تانى بروكسل بتاعت الغيم برشلونة بتاعت الكامبنو والدى رامبلا والكاتولونيا سكوير مدريد بتاعت السانتياغو برنابيو والريتيرو بارك تانى برشلونة بتاعت الكامبنو تانى بروكسل بتاعت الغيم (سبحان الله , الغيم ده , مافى كتاحة تزحو من محلتو دى ؟؟؟!!) القاهرة بتاعت الحسين والسيدة زينب وفلفلة وعصير المنجا بالبراطيش حلة لبريستو
* ثم امعانا فى تعذيبك ., من حلة بريستونا دى , حاجزين لى كوستى , نشوف لينا رابطة تلمنا !!!!!!
Quote: * ثم امعانا فى تعذيبك ., من حلة بريستونا دى , حاجزين لى كوستى , نشوف لينا رابطة تلمنا !!!!!!
الدخل الرابطة كوستي مع ...بروكسل بتاعة الغيم شنو ... يا حاقد .... اقعد في حلة البريستو ... ان شاء الله لا سلطة اسود ولا سلطة روب .... ولا حتي دوري ممتاز تلم فيهو ... انت قايل الدوري ... انتهي ....
بعدين ماننسي ... وتلك الايام نداولها بين الناس ... امس كا دورينا ... ولحدي هسه كأس الممتاز قاعد في دواليبنا ...
شوفو يا أخوانا بالرغم من غبايني (جمع غبينة) الكتيره... لكن ما لاقي لي وقت أجي أفشها فيكم... و بيني و بينكم الحالة الزهايمرية بتزيد في رمضان... يعني أنا كنت عايز أكتب ليكم شنو الصباح ما متذكر و الله... دي حاجة... الحاجه التانية الكلمة تقعد تفتش ليها بالساعات حتى تلقاها... أنا مع ياسر نجيلة...ان شاء الله الرياض تبقى حلة ضلع... يا مفتري..الكامبنو و السنتياجو برنابيو مرة واحدة... أنا كان كلمت مهند ولدي حسه حيقول لي... يا بابا ممكن تخلي عمو منصور ده يتبناني... و أنا حأقول ليهو يتبناك انت ليه..انت صاحبه و لا بتعرفه... خليهو يتبناني أنا ده ان شاء الله بس يوديني ميلانو... عشان أمارس لغتي الايطالية الرهيبة... زي كلمة غراتسي سنيور...عليكم الله ما خطير في الايطالي... أنا عايز أقول شنو... عايز أقول شنو.. عايز أٌول شنو... آآآآآآآآآآآآآ
يا جماعة معليش دوامي انتهى أنا ماشي البيت أتشنقل...
غايتو ياريس لو الواحد التزم البيت ... والمكتب ... والعربية ... ماعندو عوجة تب .... الكلام مراسيل بنات الشيخ .... تجي من المشوار طواااالي تنشر الملابس الداخلية .... والقميص ....
عاوزين اجازة زي بتاعة منص دي ....
=============================== جلة يا سكر .... الوش وصل
تشكر يا حبيب ... وبختك يا ود جبرين .... كوستي دي الدخلا شنو ... مش نحنا من سنار وسنجة ....
معاناة زلوووووووط ... ماقبل الولادة الحلقة الثانية
أثناء ماانا نايم أمي الله يهديها شربت مويا بكميات كبيره على غير العادة صحتني من نومي, بس والله انبسطت قعدت ألعب بالمويا بكرعيني وكنت داير أسبح بس للأسف ما لقيت لي مايوه, وخفت ابل شعري ساي!!! لما جاء الشهر السابع مشت أمي ومعاها أبوي للدكتورة عشان تتطمن على صحتها.. طبعا رقدوها فوق السرير وأبوي واقف جنبها بيحسسها بالأمان (قلت ليه هي حامل بوحش ولا شنو؟؟؟؟) ... الدكتورة ختت جهاز على بطن أمي وبدت تحرك يمين يسار فوق تحت وهم شايفني على الشاشة.. بقيت أنا بعد داك أتدلع وأحرك كرعيني وأفتح عيوني وأغمضها بنعومة وأمص صباعي وأوزع ابتسامات والحاجات بتاعة الشفع دي.. وأمي وأبوي قاعدين يكشفوا لبعض ويتبادلوا نظرات الحب والرومانسية ويتبسموا لحدي الدكتورة شالت الجهاز وانقطعت عن الرؤية... وأنا أقول أحسن زاتو, تقول عمرهم ماشافوا ليهم شافع... أمي بعد داك سألت الدكتورة متين موعد الولادة ... قالت ليها لسه باقي شهرين.. سمعت الخبر وجاني انهيار عصبي ... شهرين يامفتريه خلاص أنا طفشت أنكتمت الجو حار ... مافي إلا مكيف صحراوي ... و ما ببرد كمان.. قلت يا زول بعد ده ما بصبرنا غير النوم ... ونمت شهرين ( نومه أهل الكهف)... صحيت من النوم وحسيت بملل وفراغ قاتل حاولت أرفّه عن نفسي ... وبقيت ألعب لعبة نط الحبل باستخدام الحبل السري!!!!! وبقيت أنطط وأغني قمر شمس نجوم كواكب هواء ... واحد اثنين ثلاثة هيييييييييييييييه ....
ما عارف أمبارح اتعشيت بي شنو و لا اتسحرت بي شنو... لكن مزاجي بتاع الكتابة بتاع حزن كده... يا ربي اتعشينا و لا اتسحرنا بي دمعة...أبدا ما كان في دمعة... يكون الحزن ده سببو الفول بتاع العشاء...يعني بلاده و حزن... فقلت أحسن أختاكم لحدي ما المزاج يستعدل... كفاية جبريلا كل مرة بيجي يفشها هنا... رغم انها قاعده تعجبني فشة جبريلا... لكن قلت مافي داعي يبقى عليكم جوع و عطش و حزن كمام (أنا قاصد ناس الرياض)... أما بالنسبة ليك يا نجيلة يبقى ليك زلييييييييط و حزن....
Quote: وبقيت ألعب لعبة نط الحبل باستخدام الحبل السري!!!!! وبقيت أنطط وأغني قمر شمس نجوم كواكب هواء ... واحد اثنين ثلاثة هيييييييييييييييه ....
غايتو يا نجيلة تستاهل أوسكار على الخيال الجامح ده.. ان شاء الله تكون جامح دي عجبتك... خيالي قدر يستوعب كل الكلام الخيالي أعلاه... لكن قدر ما حاولت حتة المكيف الصحراوي دي غلبتني...
Quote: لكن قدر ما حاولت حتة المكيف الصحراوي دي غلبتني...
السبب ماانت السبب الفول البتسحر بيهو ... اسهل حته في القصة يا رشا ياخ ...
كدي جيب ليك مكيف ... اي حجم واي سعة ... وشغلو في الصحراء .... الجو كيف .... " وتيب " وزلوووط وصف الجو داخل بطن امو ... الهوا زي مكيف في الصحراء .... وعطلان " ماببرد"
بعدين ياشباب الكلام ده منقوووووووووول ... بتصرف رمضاني مني ... عشان نحفظ حقوق " زلووووووووط"
Post: #114 Title: Re: ناس الزقازيق ... أجدع ناس (5) Author: منصور عبد الرازق Date: 07-26-2012, 11:00 AM Parent: #112
Quote:
الكلام مراسيل بنات الشيخ .... تجي من المشوار طواااالي تنشر الملابس الداخلية .... والقميص ....
الكلام البى صيغة جمع المؤنث السالم ده اخير ليك تمسحوا بسرعة والسطر البعده ده ياهو البيخليك تلعب نط حبل بالحبل السرى زااااتو
* نط الحبل السرى دى , قلبتا فيها الهوبة عديييييل ياخى عجبتنى جنس عجب شديدتك دى , فى رمضان ما بتخليها نصيحتى ليك , نقص البعر شوية
Post: #115 Title: Re: ناس الزقازيق ... أجدع ناس (5) Author: محمد عيد Date: 07-26-2012, 08:53 PM Parent: #114
تحياتي لمحمد صديق ياسر نجيلة الرشيد بابكر ميسرة سيد احمد طارق جبريل جلال عثمان (اها السنة دي العمرة كيف) منصور عبد الرازق عمر نملة ياخي ما راجي تلفونك ...
والله يا ابوالزوز سويتها واضحة عديل كدة مشتاقين ياخ ... وبالله ما تخلي وش الكتاب دا ياخدك من المعجبين اما بخصوص العمرة وخلافه فالسنة دي ماتنسونا من صالح الدعوات بالله والعيال راجينك بالله تعال سوقهم معاك .... آخر دوام لي يوم العيد بعد العاشرة ص وكان ما مصدقني أسأل منصور ... شاف بى عينه مافي زول قال ليهو .
اها وبمناسبة تحياتك ... انا زاتي والله
Quote: تحياتي لمحمد صديق ياسر نجيلة الرشيد بابكر ميسرة سيد احمد طارق جبريل جلال عثمان (اها السنة دي العمرة كيف) منصور عبد الرازق عمر نملة ياخي ما راجي تلفونك ...
وعمر نملة دا مافي طريقة الزول يشكروا الا يمشي ليهو عديل كدة ويقالدوا زين لما ضلعوا ططقطق .... شكرا يا ابوالطيب ولما اجيك ان شاء الله ويا منصور بالله الاجازة الجاية شوف ليك "روت" تانية ما تزاحمنا في الزول دا بالله مع جزيل شكري يا مرسال الشوق الكلك زوق.
معاناة زلوووووووط ... ماقبل الولادة الحلقة الثالثة
صحيت من النوم وحسيت بملل وفراغ قاتل حاولت أرفّه عن نفسي وبقيت ألعب لعبة نط الحبل باستخدام الحبل السري!!!!! وبقيت أنطط وأغني قمر شمس نجوم كواكب هواء ... واحد اثنين ثلاثة هيييييييييييييييه .... وفجأة من قوة التنطيط بتاعي اتزلقت وانقلبت, بقى راسي تحت وكرعيني فوق قامت أمي قعدت تكورك.. ساقها أبوي على طول لأقرب مستشفى الدكتور قال دي ولادة, ... لما سمعت الخبر فرحت شديد وقلت أخيرا حنطلع من الكتمة دي.. وبديت أقشر وارتب حالي استعدادا للقاء الأول مع صديقتي بالحضانة... وأمي كل شوية تتعالى صرخاتها ختوها فوق السرير سايقنها لغرفة الولادة وأبوي ماشي جنبها.. وشابكها ماتخافي أنا معاكي وهي ترد ليهو خايفة أموت وانأ بولد ... أبوي رد عليها والدموع تنهمر من عينيه ما تقولي كده إن شاء الله يومي قبل يومك ... بالله شوف العورا ديل ... ده وقت رومانسية ... ولدكم قاعد مكتوم نفس ... يمكن يكون يومو قبل يومكم الاتنين ... وأنا قاعد أقول لسه ماوصلنا غرفة الولادة؟؟؟ إنكتمنا يا عالم انكتمنا باهوه هوّوووووووونا ... طبعاً ختو أمي في السرير الموجود بالغرفة وجاء الدكتور ومعاه النيرسات... الدكتور قال لأمي زفيييييييييير أمي من الخلعة فهمتها عكس أدتها شهييييييييييق ... وبقيت انا بتشفط وأخش جوّووا ضربت أمي بكوعي... قلت ليها قال ليك زفير زفير ... ركزي ... ركزي ... دايما سرحانة ... حتي في اللحظات الحرجة ... الظاهر أمي سمعتني وزفرت زفرة ودفرتني شديييييد... وأنا طلعت سرعتي 180 ميغابايت.. وطلع كل شي فيني إلا نخرتي ... قلت لاحولا أهو ده الانا كنت خايف منه!!!! الدكتور استدعى الطاقم الطبي عشان يطلعو نخرتي... حاولوا المرة الأولى ... والثانية مانفع... وبعد ثالث محاوله طلعوها (الثالثة ثابتة...) قعدت أبكي واصرخ وأقول للدكتور غض البصر يا حيوان..
بعد داك شالتني النيرس ولفتني بذاك البشكير الأبيض.. ياسلاااااااام وأخيرا انتهت معاناتي الاولي .... جايكم لمعاناتي التانية ..... انتظرونا ....
================================ ود الزناتي طلتك ... افرحتنا ... ياخي لبيتك الأول ... عليك حق ... طلنا ... وما تنسي قديمك ....
مشكورين ياشباب ... وان شاء الله ايامكم كلها اعياد ... وشكر كبير لولدنا محمد عيد ... لترجمته الصادقة لافراحنا ...
Quote: وطلع كل شي فيني إلا نخرتي ... قلت لاحولا أهو ده الانا كنت خايف منه!!!! الدكتور استدعى الطاقم الطبي عشان يطلعو نخرتي... حاولوا المرة الأولى ... والثانية مانفع... وبعد ثالث محاوله طلعوها (الثالثة ثابتة...)
تنشنت بينا و قطعت قلوبنابالخلعة و الضحك يا ظلوط لكن... خفت الدكتور يقوم يقطع ليك نخرتك مع الحبل السري.. بركة البقت التالتة تابتة... و مرقت كلك بي نخرتك... كان تكون لي يوم الليلة تنخنخ....
Post: #121 Title: Re: ناس الزقازيق ... أجدع ناس (5) Author: ميسرة سيد أحمد Date: 07-29-2012, 09:28 AM Parent: #119
التحية لأبو الزوز و العودة الجميلة... و الله يا أبو ميار عارفين مشغولياتك... لكن جيتك دايما فيها الاضافة الكبيرة.. و كنت عايز أكسر ليك تلج أكتر من كده... لكن خفت تطير تلجه باااااااارده تفطرني...
و تحياتي يا جلجل... ان شاء الله بس يكون الحذاء الرياضي عمل عمايلو... ما تبقى بس بروباقندا بتاعت تلاته يوم و خلاص... لكن بالله أسمح لي أسألك سؤال فني...
مالكم..صايمين و لا شنو.... زنق معاكم؟ . . . ما كنتو عاملين لي فيها فلاته.... . . وييييييييين زلوط اليوم... . . و وين صاحبنا بتاع حلة الضلع... الاجازة طارت ليهو في راسو... و لا لسه فيهو باقي غمام...قال مغيمة قال... هاك شوف الشوربة دي.... . . وين دعاء الصباح بتاع الريس... اللهم تقبل منا صيامنا و قيامنا... دي احتياطي امكن الريس ده اليوم ما يجي... . . جلال ما متوقعه يجي يومين وراء بعض.... الا لو أبو الزوز عمل فيهو حسنه.. و جاء ساق ليهو العيال العمره...
Post: #125 Title: Re: ناس الزقازيق ... أجدع ناس (5) Author: ميسرة سيد أحمد Date: 07-30-2012, 02:24 PM Parent: #124
Quote: وين دعاء الصباح بتاع الريس... اللهم تقبل منا صيامنا و قيامنا... دي احتياطي امكن الريس ده اليوم ما يجي...
عارف يا رشيد القوم مما دخلت العمل ووقع عليها حمل كبير في الشغل
لم أستطع حتى المداخلة والدوام على نهايته قلنا نشوف منو الموجود
لقيت الناس كلها صايمة،،،،
اللهم تقبل صيامهم وقيامهم ،،،
Post: #126 Title: Re: ناس الزقازيق ... أجدع ناس (5) Author: ميسرة سيد أحمد Date: 07-31-2012, 09:16 AM Parent: #125
صباح الخير ،،، يا وجوه الخير
اللهم أفتح بيننا وبين قومنا
أعجبتني قصيدة حسين شنقراي
صرخة في وادي عبقر
كلمات: حسين شنقراي
سأظل أصرخ في الملأ إني ضعيف قد هدني طول النوي قدماي أرهقها الرصيف وربيع العمر يسري إليك كما النسيم له خفيف وتتساقط الأيام مني كأوراق الخريف فإنسراب العمر يمضي مهدرا أيامي نزيف وعكفت أمسح أدمعي أرجو لقاكِ ولا أمَل وظللت مشنوقا علي حبل الأمل يامن تهيمني هواكِ وشفني مذ كان نخل الحب ينبت في الجبل --------- قد كان نهر الحب ينفح بالسنا يمشي بين الضفتين ولا يدري من أنا ضاقت أماني وأمالي ضاعت والهنا كانت أمامي مرت من هنا ألام فراقٍ لا تحتمل يا فجر روحي وهناي ما العمل وأظل مشنقا علي حبل الأمل --------- قد صافحت كفك كفي ومشي بعيدا ثم أرتحل وظللت أرمق ذاك القوام الفارع والكفل نورا في الخدود ونارا في المقل آه من فؤادِ أوقدته فإشتعل --------- كان لقاء عابرا وأنقضي كل في حاله قد مضي ما زال بذاكرتي عالقا ما إضمحل مذ كان نخل الحب يتبت في الجبل --------- ولقد تهيمني هواكِ وشفني مذ كان ورد العشق ينبت في الجبل مذ كان ضوء الحب يسطع في زحل مذ كان مذ كان
الخبر الاكيد قالوا الخرطوم اترشت ساريتين تبقبق لي الصباح ما تفشت هاج فحل ام صريصر والمنايح بشت وبت ام ساق على حدب الفريق اتعشت
قال ليك مطرة للصباح في الخرطوم... الكتاحة بدت مع أذان صلاة العشاء... و البرق عبادي والسماء شاااايلة لمن مضلمة... و بينما الجميع في انتظار ما ستسفر عنه الكتاحة... قبل أن يتوجهوا الى المساجد لصلاة العشاء و التراويج... اخذت ألسنتهم تلهج بالدعاء...فالوقت وقت دعاء... رمضان ...و ما بين الأذان والاقامة...و ساعة نزول الغيث... فكلها أوقات يستجاب فيها الدعاء الصادق باذن الله... و كل يدعو بما يشاء و على حسب موقعه من الاعراب... و لكني أظن أن غالبيتهم اتفقوا على هذا الدعاء... اللهم ادفع عنا الغلاء والوباء والبلاء والمحن يا الله....
تمشي و تجي بعد يومين و برضو تلقى آخر مداخلة ليك... حاجه عجيبة و الله... ناس السودان ما قادرين يدخلوا... و جلال صايم.. منصور ده لسه صايم و لا شنو...
درجات الحرارة التي بلغت الخمسين و تجاوزتها قليلا.. لا شك أنها تؤثر كثيرا في رجل على أعتاب الخمسين... و لا شك أن المفاصل و العضلات ما عادت قادرة على التحمل... فالانتقال من مكان بارد جدا الى جو حار جدا و بالعكس له نتائج سلبية... أما الرطوبة فحدث و لا حرج.. و بما أنني و صديقي أبو الزوز نعيش في مكانين يقعان في خط طول واحد... و ربما خط عرض أيضا فلا شك ان رطوبة أبوظبي تشبه رطوبة الدمام... و بما أنه معروف عن رطوبة أبو ظبي أنها تجعل الخمسيني يبدو و كأنه ستيني... فلا أستغرب ما آل اليه مظهر صديقي بالدمام. فلقد بدا لي مثل خمسيني و هو الذي احتفل بعيد ميلاده الثلاثين منذ أيام... هذا غير الكسل الواضح في نشاطه الاسفيري... و الذي يعلله هو لانشغاله بأمور أخرى أعتقد جازما بأنها غير حقيقية...
Post: #134 Title: Re: ناس الزقازيق ... أجدع ناس (5) Author: ميسرة سيد أحمد Date: 08-04-2012, 09:02 AM Parent: #133
صباح الخير ،،، يا وجوه الخير
أصبحنا وأصبح الملك لله وحده،،،
اللهم أجعل أحباءنا يعودون إلينا ولو
تجاوزا الخمسين وكانت الرطوبة لحدي الركب
عارف يا رشيدي الخميس والجمعة الناس معذورة فيها بعدم التداخل
ولكن مسافر القاهرة ومعي الأولاد يوم الأربعاء القادم وربما تكون المداخلات
أكثر صعوبة الله يحنن ليك قلوبهم ويتابعوا حمل الرسالة ،،،
وناس السودان صاروا محرومين من البوست كمان ندعوا ناس الخارج لسد الفرقة
Post: #135 Title: Re: ناس الزقازيق ... أجدع ناس (5) Author: ميسرة سيد أحمد Date: 08-04-2012, 09:29 AM Parent: #134
Hussein Shingrai
قدام بندقية تلقي شهيدنا واقف وخلف البندقية صورة طاغية راجف ما أحلي المواقف
بين أنسان قضية ودكتاتور مخالف
الدوش
Post: #136 Title: Re: ناس الزقازيق ... أجدع ناس (5) Author: منصور عبد الرازق Date: 08-04-2012, 11:36 AM Parent: #135
العجين المر شعر هاشم صديق يوليو 2012
سكيتى السحابة السمرا من قيسان ولي قِبلة سما أمدرمان . ........... يوم الجمعة صلّينا دعينا المطرة شان تنزل جات المطرة بالبمبان .
.......... اتحرّينا لي رؤية شهر رمضان اتفاجئنا بي رمضان كان حاضر . مَرّ الحول وما فاتنا كان واقف وكان حارِن تقول حردان . ............ تمام حولاً ونحنا تملّي ناس صايمين وماعارفين . ما حللنا صوم بي تمرة ما بلّينا بي حلومر حلق نشفان . ............ شن الصوم وشن الرؤية يا ( عشمانة ) كان عزّ القِرِش في اءلايد واتقدّد جِلِد جُزلان ؟! ............ لا زِرّيعه لي الآبري لا عجالي لي شرموط لا ( تيبار ) عجيناً مٌر ولا في عصيدة بي ملاحاً لذيذ ويسُر .......... لا في بليلة في حلة ولا تمراً كُبار في كورة يتبلا. ........ لا فحماً ولا ملحاً ولا قِرشاً يجيب شيتاً من الدكان . .......... اتشققنا لّما نشفنا واتقلّينا لما نجِضنا واتفتفتنا لما كملنا وأسيادنا السُمان (كيزان ) . .......... قرصنا الجوع مرقنا هتفنا ضد والينا ضد خانقنا ضد كاتلنا كان صوت الوجع عالي وكان نقحي الجروح مسموع ضحكوا علينا ناس ( كاكوما ) و ( ود برهوما ) قالوا علينا أحسن لينا ( لحس الكوع ) سبحان الخلق أشتات ديل ناس الشرف ناصل وناس أصل الخجل مجدوع . ........... صعاليك البلد حاكمين أشراف الوطن صاغرين يمرقوا غلابة للبمبان وتتكندك سما أمدرمان والفراجة و (المهراجا ) بس لابدين . ........... سمح والِينا لما يفور ولما يثور علي منصة ويهز الايد كمان تجديد في أصل ( العرضة ) والرقصة يهيج فينا وكمان يدينا كم حصة عشان كوركنا من جوعنا كسرنا الخوفة والرصة طلعنا هتفنا مرقنا دفرنا زي سيلاً نتر دفَاق و بقينا وصرنا عند الوالي متآمرين كمان شماسة ضد الدِين وناس عُملا و( شذاذ آفاق ). ........... مسكينة يا عشمانة قالوا تقاطعي حسه اللحمة كان حمرا وكان بيضا تحاربي طماطمة حُمرة عين وتبعدي من البيض حت ءان بيضة أو بيضتين دحين قبال كلامهم ده كنتي مقاطعة اسرائيل أو الكفار ؟ كنتي بتاكلي يا عشمانة ديمة سخينة أو كافيار ؟! ......... مسكينة يا عشمانة يا حيرانه جاتك حسه نار كُربه . حتي الكهربا شوف عينيك سماع اضنيك جن ضَرَبا ووقدت نار كمان قَدَلَت رافعة النخرة واتنفَشَت تقول سد مروي ءاتْلبّش بجن حبشي ونازل ظار ............. شنو الخلوهو ما زادوهو ؟ غير نَقَص العُمر والحيل شنو السابوهو ما قطعوهو كان حتي الوطن قصوهو من مليون صبح كم ميل ؟!! ......... ( وا أسفاك (1) يا عشمانه من ناس ديك و ( وآ أسفاي من ناس ديل ) ناس ( المؤمن الطعّان والفاحش واللّعان ) تقول ( القُدوة ) ما كانت ( رسول الله ) ولا المسلم لسانو تُقَا وحديثو نبيل . .......... ديل يا زولة ما قارين صِحاف خُلفا ولا عارفين منو ( العُمَرين ) ولا دارين شنو ( الأخلاق ) ووين ( موقع ) شتايم الوالي عندالله كان الشعب شحادين وكوم عُملا و ( شذاذ آفاق ) والبهتف في وش الوالي كان تَشّاهو جمر الجوع أحسن ليهو ( لحس الكوع ) وبكون ( مدفوع ) وزول عولاق ............. يا عشمانه ( رغم السيف ) ورغم القيد راية العزّه ما بتندّلا تظل مرفوعة زي رأس الوقف جبار ولمس النار ما رمّش ولا اتذلاّ ............ وكان ألفين ورا الأسوار هناك ثوار بجيبو التار ويقولوا ( نعم ) لكلمة ( لا ) . ............ بكره قريبه يا عشمانه نتماسك نقيف في وش لصوص الدين ربيعنا العربي ما مخنوق ولا مسروق ولا تلجين ولا تلحين ربيعنا العربي من ابداع شباب مغبون حمم طالع جحيم فارع من بركان غضب مجنون .......... نشوف بكره منو البلحس عديل الكوع ومنو الواقف وراس مرفوع
* الخمسين الوحيدة البعرفا ان , ياها بتاعت الكوتشينة اى خمسين تانية مسئول منها صاحبا البقولا تمشى وتجى بالسلامة يا ريس
يا ريس اجازة سعيدة ان شاء الله... بالله سلم لي على عبد الهادي الحلواني الفي باب اللوق... و أسماك النيل بتاع باب اللوق برضو... و ما تنسى تبلغ خالص أشواقي لي فلفلة... و أشرب لي معاك شاي في جروبي... و أغشى معاك مكتبة مدبولي اتفرج لي على الكتب الجديدة... و أدخل لي معاك سينما في كريم 1 أو 2. و بعد ما تطلع أمشي أشتري لي معاك ساندوتشات فول وفلافل من آخر ساعة... و عليك آخر وصية... لو مشيت الاسكندرية.. و جيت ماشي بي جليم... عليك أدخل لي تكة بتاع جليم... و ما تعمل أي حاجة غير انك... تجضم لي مكرونة بالبشامل... حااااااااااااااارة من الفرن.....
و جبنا سيرة الحاجات عشان ليه... عشان نعرف قيمة رمضان بالنهار ايه...
Post: #138 Title: Re: ناس الزقازيق ... أجدع ناس (5) Author: محمد عيد Date: 08-05-2012, 10:07 AM Parent: #137
البارح بعد ناس الفريق ما هجعوا عاودنى طاعونى المطول وجعو يا ابو الشيخ مطارده العريب النجعو ما بتقبالي زي القدمونى ورجعو
دوباى القبيلة ... وغنايا .. سيد المســدار والنمــّة عازف ربابة الوطن شيخ العرب ... عمر المهــدى عيد ســـعيد ... وعمر مديد
Post: #139 Title: Re: ناس الزقازيق ... أجدع ناس (5) Author: ميسرة سيد أحمد Date: 08-05-2012, 10:24 AM Parent: #137
صباح الخير ،،، يا وجوه الخير
اصبحنا وأصبح الملك لله وحده،،،
اللهم أعطنا خير هذا اليوم ،،،
Quote: يا ريس اجازة سعيدة ان شاء الله... بالله سلم لي على عبد الهادي الحلواني الفي باب اللوق... و أسماك النيل بتاع باب اللوق برضو... و ما تنسى تبلغ خالص أشواقي لي فلفلة... و أشرب لي معاك شاي في جروبي... و أغشى معاك مكتبة مدبولي اتفرج لي على الكتب الجديدة... و أدخل لي معاك سينما في كريم 1 أو 2. و بعد ما تطلع أمشي أشتري لي معاك ساندوتشات فول وفلافل من آخر ساعة...
صدقني يا رشدي أنفذ ليك الوصية دي واحده واحده
الواحد لسع ما عمل برنامج زي بتاع منصور ،،،
وكمان أنا مستهدف الإسكندرية بعد القاهرة وأجلس
على البلاج مع الشمسية بس ما بنزل البحر علشان هو مالح شديد
وموية البلح بتزيد سرعة إيقاع بروز الصلع للرجال كبار السن
يا منصور بوصيك تبقى عشرة مع الرشيد علشان البوست ده ما يحتل كتير
يقوم بكرى أبو بكر ينهي خدماته علشان التدهور الحاصل ،،،،
الفنانين محمد عيد ونجيلة قفشاتكم الجميلة لازم تصاحب البوست
صبحكم الله بالخير كل سنة و انت طيب يا ود المهدي... عمر مديد تحقق فيه كل الآمال و الطموحات... مع موفور الصحة و العافية...
رمضان ماشي بسرعة شديدة ياخي... هكذا قلت لصديقي السوري الذي يعمل معنا فنظر الي نظرة... خلت انه سيلطمني بعدها ثم قال لي مين آلك (قالك).. يا أخي أنا حاسس و كان الباقي مية يوم... يا راجل بتبالغ... شو يعني عامل حالك بتحب رمضان يعني... و الله بحبه.. و لا أبالغ اذا قلت ليك رمضان أحب شهور السنة بالنسبة لي.... أنا و الله بحب رمضان..و جوع رمضان و عطش رمضان... و سهيان رمضان و سهتان رمضان و نسيان رمضان... و انفاعلات رمضان و شغل رمضان و سواقة رمضان... و أكل رمضان كمان...
صاحبي نادر كان ماشي اجازة السودان... قلت ليهو ياخي ما كان تاخد اجازتك آخر رمضان.. و تكون اجزت و حضرت العيد مع أولادك و أهلك... قال لي انت مجنون في زول يأجز في رمضان... كيف آخد اجازتي في رمضان وهي السنة ما ياها رمضان و الاجازة... يقصد ان رمضان كمان اجازة...
Post: #142 Title: Re: ناس الزقازيق ... أجدع ناس (5) Author: ميسرة سيد أحمد Date: 08-06-2012, 09:17 AM Parent: #141
صباح الخير ،،، يا وجوه الخير
اللهم فك أسر أهلنا بالسودان
وأفتح البوست لناس جلا والآخرين
Quote: سيد المســدار والنمــّة عازف ربابة الوطن شيخ العرب ... عمر المهــدى
أول حاجة ما تؤاخذوني في الكلام المكعوج و الجمل الما مرتبة و الحروف الناقصة..
اليوم بدأ من الصباح زي الورد... درجة الحرارة أقل بي درجتين من أمبارح.. و أمبارح كانت خمسين بس ما أكتر... السحور أحمد الله متسحر و شارب لي تلاتة كبابي موية... لدرجة اني تميت صلاة الفجر بي قدرة قادر مع أبو الشهيق... البطن متروسة للآخر... أنا بعد ما أجبروني أولادي أمشي الحديقةأمبارح... و أجري جرية خلت بعدها أني لا محالة هالك... قررت يكون منهجي في الأكل التخفيف ثم التخفيف... و لكن لم تمضي سويعات حتى نسيت كل ذلك... دخلت المكتب و قلت للشمس باي باي أشوفك بعدين الساعة اتنين... قعدت بي مزاج في الكمبيوتر... بعد نص ساعة جوني ليك جماعة من مكتبنا الرئيسي من قسم التصميم... لما شفتهم توجست خيفة و قلبي أكلني... مالكم يا جماعة الخير مالكم.. عايزين نشوف المواقع و نتأكد ان التنفيذ حسب التصميم.. جوش و رون كانو نايرين و عندهم استعداد يلفوا لي بكره... من الأسماء طبعا عرفتو علاقتهم بي رمضان شنو... نزلت معاهم الموقع... الدرجتين بتاعت الحرارة رجعوا زي ما هم... قلت لي جوش شكلك صايم كده عشان يفهم انو نحن في رمضان... و يخفف شوية في التفتيش... بعد ساعتين في الشمس قال لي خلاص عشان انت صايم... رجعت المكتب اتمنيت لو كنت جيت لابس توب... كان بليتو ليك بالموية و قعدت تحت المكيف...
الله يصرف الخواجات...
Post: #144 Title: Re: ناس الزقازيق ... أجدع ناس (5) Author: منصور عبد الرازق Date: 08-07-2012, 01:25 PM Parent: #143
Quote:
لله يصرف الخواجات...
يعنى الله يفكهم يعنى ولا شنو الخواجة لمن تفكو , بيطلع ليك , فلبينيين , وحبشى , وتلاتة سودانيين الفلبينيين , من يوم الأسانسير داك , يشوفوك , يقوموا جاريين الحبشى , قاعدين نرسل ليه رسائل التهنئية بتاعت رمضان التلاتة سودانيين , صايمين , وبطونهم متروسة موية , وجارين فى الحديقة امبارح مع عيالهم وريقهم ناشف انتا جوك كم خواجة اتنين ولا اكتر اتنين فى تلاتة بستة , زائد اتنين فى اتنين بى اربعة , ومعاهم اتنين احباش ديل ما بقوا دستة يا زول يا زول احسن تخليهم مصمومين كده , لو فكيتهم , ولا صرفتهم نكفيهم عصيدة من وين ؟؟؟ اللهم لا تصرف الخواجات
وانا ذاتي جرني معاك بالله ياريس ..... رمضان شهر عظيم وحكمة مشروعيته وحسب تجربتي الشخصية (صوموا تصحوا) قال ليك ياريس السكري العامل لينا هاجس دا وبعد تقرطع جك الآبري كلوا ... وتمعس ليك 3 طرقات قراصة 6 انش ومعاها التحلية وكل ذلك ود الكلـــــب دا ما يتعدي 150 وهي حسب تصنيف الجمعية الامريكية معدل كويس (ويجي الرشيد يقول ليك الله يصرف شنو كدا) سجمي يا الرشيد اسى 150 دي كان مشيت بيها لى دكتور مصري كان اداك انسولين عديل كدة انت ما تصرف ديل ما شايفهم معذبين الريس دا كيف؟ تمشي وتجي بالسلامة ياريس واجازة سعيدة ان شاء الله بس دي اخر مرة لانو المشروع بتاع منصور والواد نملوز دا عايزين نعمل ليه جمعية عمومية واللستة بتاعتنا حتكون متوالية ... مش كدا يا بتاع الكوزين انت
انتو طارق جبريل اعتكف ولا شنو؟ ولا متضامن مع الكوتش
Quote: وبينكم أنا عايز أجر معاي مجموعة على هذه العبادة وعلى رأسهم منصور - من السعودية -
ومن أبو ظبي - الرشيد - ومن السودان اخونا جلا
يا سلام عليك يا ريس دائما تدعو الى الخير... بس عليك الله ما تعصر علي شديد في الصيف...
Quote: وتمعس ليك 3 طرقات قراصة 6 انش ومعاها التحلية وكل ذلك ود الكلـــــب دا ما يتعدي
3 طرقات 6 انش يا مفتري... مفروض نلحقك أولمبياد لندن دي تشارك في رمي الجله... يا جله...
Quote: سجمي يا الرشيد اسى 150 دي كان مشيت بيها لى دكتور مصري كان اداك انسولين عديل كدة انت ما تصرف ديل ما شايفهم معذبين الريس دا كيف؟
الله يصرفهم بأه...
Quote: انتو طارق جبريل اعتكف ولا شنو؟ ولا متضامن مع الكوتش
جبريلا في السودان.. عمل كونكشن في أبو ظبي... رسل لي رسالة قال لي مطاركم زي موقف الكلاكلة... قلت مطار أبو ظبي زي موقف الكلاكلة... مطار الخرطوم يكون زي شنو... عالم حاقده خلاص...
Post: #148 Title: Re: ناس الزقازيق ... أجدع ناس (5) Author: ميسرة سيد أحمد Date: 08-08-2012, 09:06 AM Parent: #147
صباح الخير ،،، يا وجوه الخير
اللهم تقبل صيامنا وقيامنا ،،،،
سكان مدينة جدة 10% بتدأ حياتهم بعد الساعة العاشرة صباحاً ونصف السكان تبدأ حياتهم بعد صلاة الظهر لأن الناس تنام بعد صلاة الفجر اليوم مشيت من الساعة 8 صباحاً إلى القنصلية المصرية ووجدت السيرة طويلة في الشارع ذكرتني أيام عمرة نميري الناس كان يا تمشي تشتري العيش قبل صلاة الصبح أو تمشي السفارة السعودية تحجز ليها مكان أو تمشي تخت ليها حجر في صف محطة البنزين ،،،،
قبل الساعة التاسعة فتحوا لينا الأبواب وتقاطرنا إلى الداخل ووقف في صف التأشيرة ووجدت موظف الأمس وتقدمت بأوارقي وقلبها ذات اليمين والشمال وقال لي سوداني ، أيوه يا باشا سوداني ومن الزقازيق كمان ،،، قال لي يا أخي السودانين ما عليهم تأشيرة ،،، صعقت ياخي إنت متأكد من الكلام ده ،،، ياخي أنا رجعونا قبل كدة من مطار جدة بالخطوط السعودية الراجل قعد يقلب في الورق القدامة وكأنه غير واثق من كلامة وعاد لي بالإيجابة النهائية
ما فيش تأشيرة للسودانيين يا بيه ،، طيب أنا أمبارح كنت عندك وسألتني من الجنسية وأعطيتني الفورمة للتعبئة وقلت لي تعال بكرة ،،، الحصل شنو بالليل ؟؟؟؟؟ يمكن يكون إتفاق البترول بين الشمال والجنوب ذي ما نزل الدولار تغيرت التأشيرة ،،، عجيب
يعني تعبنا بتاع أمبارح وتغير الحجز وخسارة مبلغ محترم ،،، كله طلع فشوش البركة في أجر رمضان،،،
نفسي يا ريس أدخل سفارة أوروبية و لا السفارة الأمريكية... و يقولو لي انت سوداني... ياخي السودانيين ما عندهم تأشيرة...
الحاجة دي كيفتني جدا لما مشيت قطر... أول مره أمشي لي بلد غير مصر زمان و ما أعمل تأشيرة... في مطار الدوحة وجدت معاملة لن أنساها أبدا... معاملة غاية في الاحترام و التقدير... دفعت الرسوم و أخدت التأشيرة و دخلت... و في زمن قياسي...
بحاول أغير الشغل يا ريس من باب التغيير.. لما تطول في مكان واحد بتشعر بالملل... رسلت لي واحد السيرة الذاتية بتاعتي بالايميل... كلمني بالتلفون قال لي انت عندك جواز أمريكي... قلت ليهو لا عندي جواز أخدااااااااااار.... جواز سوداني.. قرب يقول لي بلو و أشرب مويته... الجواز غير انه بيفتح ليك البوابات و المطارات يا ريس... الجواز بقى C.V كمان....
البركة في مصر البتدخلنا بدون تأشيرة يا ريس... الله يخلي المصريين...
اليوم الخميس الريس يا يكون في القاهرة أو في الطريق اليها... امنياتنا بقضاء اجازة سعيدة ليك و العائلة الكريمة... و لو لقيت ليك فرقه ما تنسانا من من صالح المداخلات و الدعاء... و أنا و الله لو ما الريس وصاني على البوست ده ... و قال لي أبقى عليهو عشرة... مزاجي بتاع اليوم ده ما مزاج بوست... مزاج بتاع شكلة في الشارع شكلة في المكتب... شكلة مع ضلك...شكلة مع أي حاجة أو أي زول... عشان كده أحسن حاجة مفروض أعملها اني أقعد استغفر بس... لحدي ما يا يتصلح المزاج أو ينتهي اليوم على خير...
حاولت اجيب ليك حاجة تفرحك يا رشيد القوم ... لكن انا زاتي محتاج ... لضل عشان اشاكلو ....
روحي محرقاني ... ولكن اعرف السبب ... لاني منتظر مباراة مريخ هلال يوم 18 القادم ... غلبهم لينا في الدوري ... الــ بالصدفة دااااااااك .... وقون بشة لسه ... حايص لي ...
Quote: روحي محرقاني ... ولكن اعرف السبب ... لاني منتظر مباراة مريخ هلال يوم 18 القادم ... غلبهم لينا في الدوري ... الــ بالصدفة دااااااااك .... وقون بشة لسه ... حايص لي ...
يعني ممكن يكون أول أيام العيد...
و الله يا ياسر أخشى عليك يبوظو ليك عيدك...
مش عشان الهلال بقى خطير و ما بيتقابل... لكن لأن أقوانهم الصدفة بقت كتيره خلاص.... أنت عارفني أنا هلالابي... لكن قون كاريكا في أهلي شندي ده.. لو قالو ليهو هاك عيدو ألف مرة حيجلي القون... طبعا الكوتش لو قرأ الكلام ده حيزعل مني... الكوتش شايف انو كاريكا ده لاعب فلته بس محتاج شوية تركيز... عشان كده يا ياسر يا أخوي حراق روحك ده... شوف ليهو فكي.. ناس ساكواها ديل ما بيعملوا ليك حاجة...
و في الليلة الظلماء يفتقد البدر... بغياب الريس ميسرة أًصبحت المهمة صعبة خلاص... و البوست ما فيهو بركة... كدي نديك دعاء الصباح لحدي ما نرجع ليكم باقي اليوم...
اللهم انك عفو كريم تحب العفو فاعفو عنا.
الدعاء ده مهم في العشرة الأواخر يا جماعة... ما تقعدوا تقولوا اللهم اجعلنا مثل صلاح ادريس... و تبقى عليكم زي قصة صاحبنا الجاتو ليلة القدر... و قال ان شاء الله أبقى زي ادريس صلاح بدل صلاح ادريس... الصباح قام لقى كارو واقف قدام البيت...
Post: #155 Title: Re: ناس الزقازيق ... أجدع ناس (5) Author: ميسرة سيد أحمد Date: 08-11-2012, 01:49 PM Parent: #154
دعاء اليوم من قاهرة المعز
اللهم انك عفو كريم تحب العفو فاعفو عنا.
هذا الدعاء وصى به رسول الله صلى الله عليه وسلم السيدة عائشة
في العشرة الأخيرة من رمضان لأنه دعاء ليلة القدر فأكثروا منه لعلكم
تصيبوا فيها يوم وتصحبوا من المحظوظين ،،،
وهذا الدعاء ذكركم به قبلي أخوكم الراجل الكلس الضكران راعي الأولا (الأولى)
حارس البوست الكبير فنان الكلمة تمساح الدميرة العشاري
التحية للريس و هو يطل علينا من قاهرة المعز... شكرا يا ريس على الكلمات الطيبة...
كنت منقسما ما بين أمنياتي و توقعاتي... فيما يخص مباراة البرازيل و المكسيك في نهائي أولمبياد لندن... فلقد كنت أتمنى من كل قلبي فوز البرازيل... فأنا عاشق لكرة السامبا و متابع لها و لدورياتها و كل منتخباتها... و لكني توقعت فوز المكسيك بعد مشاهدتي لهم وهم يطيحون بالفرق الواحدة تلو الأخرى.. حتى بلوغهم النهائي الحلم أمام البرازيل... الفريق المكسيكي فريق يمتاز بالسرعة و القوة و الاصرار... فواجهوا البرازيل التي كانت ترزح تحت ضغط وسائل الاعلام العالمية و البرازيلية... فبدوا غير قادرين على اللعب بعد الهدف المفاجيء للمكسيك في الدقيقة ألأولى... و لكنه لم يفاجئني فالبرازيل قد تلقت أهداف مماثلة في معظم مبارياتها... و ذلك لأن المدرب في رأي لم يحسن الاختيار في خط الوسط و الدفاع... و أرى أن ثنائي الوسط روميلو و ساندرو كانا اختيارا غير موفق... كذلك المدافع خوان لاعب انتر ميلان قوي البنية بطيء الحركة... بينما لا غبار على خط الوسط الهجومي و الهجوم... و هو الخط الذي أحدث الفارق و بالمهارة فازت البرازيل في كل مبارياتها... حتى عرفت المكسيك كيف توقف الثنائي نيمار و أوسكار و كسبت الرهان...
مبروك للمكسيك الفوز المستحق و هاردلك للسامبا التي أحزنتنا...
Post: #157 Title: Re: ناس الزقازيق ... أجدع ناس (5) Author: محمد عيد Date: 08-12-2012, 02:56 PM Parent: #156
عاد دى حالة يا اخواننا ؟؟
يعنى ناس السودان هم الكانو منشطين البوست ...
ولا رمضان الجاء حار بره السودان المرة دى ..
ولا تكتيكات ابو الزوز ( غارزيتو عصرو ) هى السبب فى اليباب ده ؟؟
اولا لا بد من تسجيل تحية وامتنان لفارسى الحوبة ... الريس والرشيد الذين يقاتلان مهما قل عدد جنودهما
كمان تحية للريس واسرته وامنيات بقضاء عيد سعيد بارض الكنانة
Quote: نفسي يا ريس أدخل سفارة أوروبية و لا السفارة الأمريكية... و يقولو لي انت سوداني... ياخي السودانيين ما عندهم تأشيرة...
يا حبيب دى ما احلام زلوط زاتها ( وامال ياسر نجيلة مبارى الزول ده مالو ؟؟ )
احكى ليك قصة ( برضو ممكن للمرة الـ 514 ) بس طالما البوست فاضى وجلا ما بيشوفو كدى النتفسح
قبل حوالى عشرة سنوات امكن ولا اكتر شوية طنت عامل جولة عمل فى بلدان شرق ووسط افريقيا ..
وقمت جهزت تأشيرات من قنصليات كل الدول واخدت منهم بروشورات وعناوين اهل التجارة والبيزنس هناك لمساعدتى
من ضمن تلك الدول كانت تنزانيا التى قابلت قنصلها العام بمدينة جدة وقدم لى مساعدات كثيرة وتفضل باعطائى تأشيرة الدخول
المهم عند نزولى من الطائرة داخل مطار دار السلام فوجئت بمنعى من الدخول واحتجازى بغرفة مجاورة مع عدد من الافارقة المرحلين
من حرب التوتسى والهوتو برواندا . بل تم اتهامى بتزوير تأشيرة الدخول لتنزانيا
وكان السبب اننى سودانى والسودان دولة داعمة للارهاب ويجب للحصول على تاشيرة دخول استلام طلب ومراجعته ف ى الـ head quarter
قبل شهر على الاقل من الزيارة المزمعة .
وكان ان تم احتجازى لمدة 18 ساعة مع الهاربين من الحرب ومجرميها ايضا ...
علا انا كنت اكبر زلووووووط ...
Quote: روحي محرقاني ... ولكن اعرف السبب ... لاني منتظر مباراة مريخ هلال يوم 18 القادم ... غلبهم لينا في الدوري ... الــ بالصدفة دااااااااك .... وقون بشة لسه ... حايص لي ...
يا زلوط عندى احساس حلو
انشاء الله يصدق وربنا يدينا الفى مرادنا
Post: #158 Title: Re: ناس الزقازيق ... أجدع ناس (5) Author: ميسرة سيد أحمد Date: 08-12-2012, 10:17 PM Parent: #157
Quote: جواز سوداني.. قرب يقول لي بلو و أشرب مويته... الجواز غير انه بيفتح ليك البوابات و المطارات يا ريس... الجواز بقى C.V كمان....
الجواز اصبح C.V
كيف يصبح الجواز سيرة الذاتية او سلاحك القوي
اذكر قبل سنوات ترك بعض من اخواني المملكة العربية السعودية وهاجروا
الى بريطانيا وهولندا وتخلصوا من مسألة الإقامة وبعد سنوات عدة كبر اولادهم
وحضروا بجوازات اجنبية بغرض العمرة ولكن كانت عندهم حساسية غريبة وهوايه اغرب
وهي معاكسة الشرطى والتحرش بها اين كان موقعها وكانوا يدخلوا في تحدي ويطلع الجميع
للبحث عن نقطة تفتيشة للإحتكاك بالشرطة وغالباً يدور الحوار التالي:
لوسمحت الرخصة ؟؟ ما عندي رخصىة 88888888888
الهوية !!!!
ما عندي إقامة ؟؟؟
الله ما عندك رخصة وغير مقيم وكمان تسوق سيارة !!! جنب وانزل
لن اجنب ولن أنزل ؟؟؟؟
ويدور حوار الطرشان ولكن باللغة العربية الفصحة؟؟؟
ويتدخل الضابط ويظهر على السطح الجواز الاوربي ويبدأ الإتصال على الهاتف بالقنصل
ولكن كان الاتصال على اخي الثاني الذي يركب السيارة المجاورة ومتابع لكامل الحدث ويتم فتح الإسبيكر والتظهر جميع لغات العالم
وتبدأ الإعتذارات والتسامح ويصبح الجو لطيف وهادي ومحترم اوي
كنا في مطار اسطنبول في طريقنا الى الخرطوم... تأخرت الطائرة التركية 7 ساعات و نحن ملطوعين بالمطار... تجمع الركاب و ذهبنا الى ادارة الخطوط التركية بالمطار... تعالت الأصوات الغاضبة أمام المكتب و أعتذر الأتراك عن التأخير... و أفادونا بأن سبب التأخير هو سوء الأحوال الجوية بالخرطوم... فقلنا ليهم يا جماعة طيب ودونالأي فندق بدل راميننا كده في صالة المطار... تماطل الأتراك كثيرا في مسألة أخذنا الى فندق المطار... فتجمع الركاب مرة أخرى و كانت الأصوات أكثر غضبا هذه المرة... واحد من الركاب و هم كلهم سودانيين قال للموظفة نحن ما عندنا حقوق يعني... الموظفة التركية اتحامقت و قالت ليهو ياخي ما عندكم حقوق عايز تعمل شنو... قام صاحبنا طلع ليها الجواز الأمريكي و واحد تاني طلع جوازه البريطاني... أنا و بت الشيخ وقفنا وراء و قعدنا نتفرج... لأننا لو طلعنا جوازنا الأخدر المسألة بتتعقد أكتر... بعد شوية الأتراك رجفو رجفة شديدة و اتكبكوا فينا... و قاموا دخلونا ليك استراحة المطار مع بوفيه مفتوح و مجانا...
و الحكاية دي كلها قلناها ليه...
عشان نعرف نرد علي زلوط باييييه....
Quote: ما جوازنا اللخدر .... هو مربط الفرس ....ومنبع سعادتنا ... وفخرنا ... كدي تاني يجي واحد يعيبو لينا .... وخاصة الريس ميسرة ... ورشا ....
دمتم ... جعية الدفاع عن الخدار السوداني .... عنهم زلووووووط
و تقول لي برضو الجواز الأخدر يا زلوط...
و طالما انت براااك قلت جوازنا مربط الفرس.. يبقى كلامك صاح... يا هو مربط الفرس... و عندي اقتراح تغير منبع دي تخليها مانع...
Post: #161 Title: Re: ناس الزقازيق ... أجدع ناس (5) Author: عبد الدائم سيد أحمد Date: 08-13-2012, 10:48 AM Parent: #160
اللهم انك عفو كريم تحب العفو فاعفو عنا
اللهم انك عفو كريم تحب العفو فاعفو عنا
اللهم انك عفو كريم تحب العفو فاعفو عنا
Post: #162 Title: Re: ناس الزقازيق ... أجدع ناس (5) Author: محمد عيد Date: 08-13-2012, 01:58 PM Parent: #160
أصل الحكاية ... غنـــاى زمان قال ... الموز روا .. قايم سوا وواحد تانى غازل العنبة الرامية فوق بيتهم والشاغل الليمونة والبرتكان ولون المنقه ... انحنا فاكهتنا ... حاجة تانية فاكهة كل المواسم ... ياخ ده جنينة كامله واحده من جناين توتى ولا الباوقة ... ياااخ ده جناين الشاطىء ذاتها طارق جبريل يااااخ كل سنة وانت طيب
Quote: ياشباب ما في اي اخبار عن ... مريخ ....................... هلال
خوفي عليك من قون طايش يخرب عليك عيدك... أنا كلمتك لكن انت ما بتسمع كلامي... و أديتك مثال و قلت ليك قون كاريكا في أهلي شندي... و عندك كورة الهلال مع جزيرة الفيل أمبارح... فريق كامل جديد و بعد ده فازوا 3/صفر... قون واحد طايش ممكن بت الشيخ تخفف عليك شوية.. لكن قونين طايشين ديل الا تسوق الأولاد وتخلي ليك البيت...
Post: #166 Title: Re: ناس الزقازيق ... أجدع ناس (5) Author: عبد الدائم سيد أحمد Date: 08-14-2012, 08:49 AM Parent: #165
كل سنة وانت طيب يا جبريلا نصيبك من السماية عملناهو فتة بالرز امس الا لو عايز الكمونية قاعدة
Quote: ديدو حمدا لله على سلامتك... و مشتاقين ياخي...
وانا كماااان ( على طريقة المسلسلات السودانية )
Post: #167 Title: Re: ناس الزقازيق ... أجدع ناس (5) Author: محمد عيد Date: 08-14-2012, 10:24 AM Parent: #166
Quote: ياشباب ما في اي اخبار عن ... مريخ ....................... هلال
يا حبيب ... هااك الاخبار وكمان من عندهم
يعنى باختصار ناس حاحا وتفاحة كملو الشغل بتاعهم
والجماعه خلصوا مع الحكم من بدرى وقاموا يرمونا باتهاماتهم ...
تماما كما حدث قبل سنتين مع حكم زيسكو الزامبى الذى اشتروه وهم خارج المباراة
باختصار الحكم تم تشفيره ( والله اعلم ) لكن برضو الله قادر واقدر من كل عمل سوء
Quote: خوفي عليك من قون طايش يخرب عليك عيدك... أنا كلمتك لكن انت ما بتسمع كلامي... و أديتك مثال و قلت ليك قون كاريكا في أهلي شندي...
هو ده المخوفنا ... يارشا نحنا نلعب التسعين دقيقة في خط تمنطاشر بتاعكم ... ويجي واحد طايش منكم ... يشوتها بساق كراعو ... وتدخل ... ولا واحد كرعينو الاتنين شمال ... وتلقاهو طول المباراة تايهه تظبط معاهو شوته ... يجيبها فينا ... غايتو جنس حظوظ ...
لكن صدقني المرة دي جابوها لي من الكنترول .... مع ليلة القدر
ابشر بالخير ياود عيد ...
====================== ديدو ... اخبارك كيف مع ... جدو ....
مع السهر الشديد بتاع رمضان... و الذي تصل فيه ساعات النوم الى تلاتة ساعات... و هن زاتن تلاتة ساعات مجهجهات... و بعد داك تجي الدوام من 8 صباحا... تقعد في المكتب و تجتهد ايما اجتهاد عشان تفتح... قلت مافي داعي و طلبت اجازة يومي الأربعاء و الخميس.. على أمل ان اليوم السبت اجازة و معاها أيام العيد... كانت تكون حاجة ما تخلص..لكن ليس كل ما يتمناه المرء يدركه.... اليوم للأسف الشديد أنا شغال و قاعد في المكتب منتظر جرس البيوت... المهم الأربعاء و الخميس و الجمعة قضيتهم سهر بالليل و نوم بالنهار.... لدرجة اني كنت ما بقرب للكمبيوتر الا للشديد القوي... اجازة شاملة كاملة..كان نفسي أكون فيها مع زهير في الحرم... وصيتو يدعو لي في العمرة.. قام ضرب لي من هناك و قال لي التلفون ده للتوثيق عشان تعرف اني دعيت ليك... الأيام دي شغال ألقط ساكت في دعوات الأحباب بظهر الغيب... و قبل ما أمشي لي قدام باالله يا جماعة ما تنسونا من صالح الدعاء... ضرب لي شيخ صديق الكان معاي في الغربية بتذكروهو.. قلت ليهو يا شيخ صديق ما تنساني من صالح الدعاء... ضربت لي أبوي أمبارح قلت ليهو ما تنساني من صالح الدعاء.. قال لي اليوم الختمة بتاعتي و يوم الجمعة كمان لازم تكبر البياض... قلت ليهو البياض بعد الاستجابة ان شاء الله يا أبوي...عايزين نضمن أول... و الله رغم التعب الناجم عن السهر الشديد في رمضان... الا انني شعرت بقمة الراحة النفسية خلال هذا الشهر الكريم... و تمنيت لو يستمر رمضان شهرا آخر... أو لنستمر في التقرب الى الله فيما تبقى من العام و العام الذي يليه... حتى يأتي رمضان القادم ان شاء الله و نحن أكثر قربا لله...
العيد بدونهم له طعم مختلف و لكننا لن نقول الا ما يرضي الله...
نذكرهم و ندعو لهم بالرحمة و المغفرة...
و نظهر فرحنا و سرورنا شكرا لله على أنعمه التي أنعم بها علينا...
Post: #172 Title: Re: ناس الزقازيق ... أجدع ناس (5) Author: عمر نملة Date: 08-18-2012, 07:43 AM Parent: #171
سلام تحيه مبارك العيد اليوم هو 45 رمضان مما تحسبون اي حوالي 600 ساعه تقريبا من الصوم بس من غير انصهار نضارات وذهب العطش وبرد الجو لانو طوال الشهرالجو اوربي بس المصيبه انو اوستندا متعريه ومابتفيد كل محاولات غض النظر. تحيه خاصه للرشيد والريس ونجيله للمدوامه على الكتابه. وسلام كتير لبركه في عاصمة السودان جوبا الجميله. وزيادة تشجيع للبطل جله وعايزين صوره قبل وبعد. وسلام لناس السودان الحجبوهم وخاصه للكوتش الصديق. طبعا اول مره تخطي حسابات المخطط الكمبيوتري منصور قال ايه يعدي عشره ايام في اوربا ويصوم رمضان في الرياض الخاليه من الروض والجو الجميل ونقول الجاتك في رمضانك ماسامحتك. وسلام كتير للعيد ماقاصد عيد الفطر قاصد محمد عيد. وسلام لحاتم جباره والسهيلي وكل الافورامريكان ولاافرودومينكان ولابو الزوز وسامي والجميع وماانسى ناس الدوحه وكل الناس المتابعبن والشاديين وكمان جلا وموسى عيسى وود المهدي ووداسماعيل ولناس المغرب عيد مزيان لود جبرين ولكل الثريات وتحيه العيد الورديه لديمه الجميل سلام تحيه
مضى رمضان سريعا و انقضت أيام العيد بسرعة البرق... و عدنا الى مكاتبنا و جلسنا وراء أجهزة الكمبيوتر... نتمغى و نتمطى و نتثآءب متمنين لو كانت أيام العيد زي زمان... من حيث العدد بالدرجة الأولى و المضمون بالدرجة الثانية... فلا شك انني أفتقد كثيرا أيام العيد التي كانت تمتد لأربعة و خمسة أيام... هذا من حيث العدد أما المضمون فلقد كنا نقسمها مثل المرارة... اليوم الأول بعد ما نخلص من ناس الحله نعيد على أعمامي و عماتي، خيلاني و خالاتي القراب.... ده اذا كان العيد عيد خرطومي و الذي يختلف كثيرا عن عيد الكوة... اليوم الثاني نعيد على ناس أم درمان... و اليوم الثالث على ناس بحري... و اليوم الرابع على من لم يشمله اليومان الأول و الثاني... اليوم الخامس على الأقارب الذين يسكنون في أماكن بعيدة ... و بما ان الجسد كان ما زال شابا و لا يعرف مشاكل أعتاب الخمسين... فان أكثر ما يعاني و يتضرر من هذا البرنامج المزحوم هي جلابية العيد الجديدة.. و التي تغسل في نهاية كل يوم لتلبس في اليوم التالي... لنظهر كل يوم في جلابية العيد الجديدة.... خمسة أيام من الكعك اللذيذ و الحلوى و العصيدة و التقلية و الشعيرية... و البيبسي كــولا...والبيزيانوس... و طـــــــه القرشي..... و هيجان المصران.....و شوفي لي معاكم حبتين بوكسيدوم.... و الله كانت أيام سعيده..ربي مناي تعيده... نسعد فيها تاني...نعيد فيها الأماني...
آآآآآآآآآهههمممم اليوم ده حينتهي بتين...
Post: #177 Title: Re: ناس الزقازيق ... أجدع ناس (5) Author: عبد الدائم سيد أحمد Date: 08-21-2012, 08:25 AM Parent: #176
ما اروع التوثيق عن طرق الشعر وما اروع هذا السرد الجميل انت سودانى؟؟ - الهادي عبدالله عبدالكريم (وطني) اجمل عمل فني اتطلع عليه مؤخرا ... حتلقي نفسك داخل لوحاته ... حتبتسم مرة .... وحتتحسر مرات ... يمكن تخنقك عبرة ... او تجري ليك دمعه ...
عارفك انت سوداني ومولود في بلد تاني دايرك تعرف السودان
... وتنقل عني الحاني
اكلت الكسرة باللوبه؟؟ بتعرف تقلب الهوبه ؟؟ وعمرك شفته راكوبه؟؟ في يوم فلقوك بي طوبه ؟؟
كل ما كنت أمني نفسي به في يوم العيد... هو أن أكون حاضرا في الصلاة في الصف الأول و بجانبي ابني مهند... ثم العودة لبث التهاني و التبريكات لست بيتي وابنتي أمنية... و أن أجتمع و عزابة حلتنا حول مائدة الافطار الكاربة التي أعدتها ست بيتي... حيث تختلط القفشات و القهقهات مع النعيمية و التقلية و الشعيرية... ما عايز أديها كوز و أقول السكسكانية كمان... كل هذا قد تحقق بفضل الله علي و لكن مع آلام ظهر شديدة كادت أن تبوظ البرنامج... مساء يوم الوقفة أقنعني أبنائي أن أشاركهم اللعب في لعبتهم التفاعلية... و التي يكون اللعب فيها بتمثيل حركة الجري و رمي الرمح و غيرها.... بعد عدة حركات شعرت بالتعب و مضيت الى حال سبيلي... تلك الحركات جعلتني أعتقد بأنني قد عدت الى أيام المدرسة العسكرية... فقمت بحركة مفاجأة شعرت على اثرها بأن ظهري قد انقسم الى نصفين... أسرعت الى التلاجة حيث مخزوني الاستراتيجي من الفولتارين.... و تناولت 75جرام دفع واحدة ثم خلدت الى النوم... قمت باكرا لصلاة الفجر و لكني عجزت عن الذهاب الى المسجد فصليت بالبيت... عندما عدت كان مهند قد جهز نفسه للذهاب الى صلاة العيد... لبست جلابيتي و وضعت البطيخة على رأسي (العمه) كما يسميها مهند... و خرجنا الى الصلاة.. و لكني في منتصف الطريق اشتدت علي الآلام فما عرفت أن أرجع أو أمضي... قررت أن لا أخذل مهند و تحاملت على نفسي حتى وصلت المسجد... صليت بصعوبة شديدة و عدت الى البيت و أنا أتصبب عرق... جاملت العزابة و هم ينعمون بالافطار عندنا... ثم تناولت جرعة مقدرة من الفولتارين بعد ذهابهم... و بقيت مره أقعد و مره أرقد و مره تغلبني القراية... و كملت اليوم الأول دون أي تغيير في البرنامج... ثم قضيت تاني أيام العيد مستلقيا طول اليوم... داوت تالت يوم ثم وجدت نفسي غير قادر على الجلوس لفترات طويلة... فبقيت يومي الأربعاء و الخميس بالبيت في اجازة مرضية...
و بريتكم البري ده كلو ليــــه... عشان تعرفوا سبب غيابي ايــــه....
Quote: التعليق بعد صيام .... الستـــــوت ... رمضان بس
مره نملوز ضرب لي الساعة 11 و نص بالليل.. قال لي يا الرشيد نحن لسه ما فطرنا... مع رمضانكم ده يا عمر اتخيل لي ما عليكم ستوت... لكن صاحبي بتاع الرياض الاتمقلب داك عليهو ستوت... عارف ليه... عشان يآمن...
Post: #185 Title: Re: ناس الزقازيق ... أجدع ناس (5) Author: عبد الدائم سيد أحمد Date: 08-25-2012, 10:03 AM Parent: #184
Quote: لكن صاحبي بتاع الرياض الاتمقلب داك عليهو ستوت... عارف ليه... عشان يآمن...
انتا فى دااااا ولا فى واحد صاحبنا صلى العيد فى مسجد قــــباء افتكرو المسجد النبوى بالمدينة المنورة
ــــــــــــــ الصاحب حديث العهد بالسعودية له اجر الاجتهاد مسجد قباء يقع جنوب المدينة المنورة بحوالى 5 كيلو
Post: #186 Title: Re: ناس الزقازيق ... أجدع ناس (5) Author: جلال عثمان Date: 08-25-2012, 11:19 AM Parent: #185
كل عام وانتم بخير اجمل الامنيات بالعيد السعيد وربنا يحقق اماني الجميع اول ايام العمل بعد اجازة حافلة قضينها بالرحاب الطاهرة بين مكة المكرمة والمدينة المنورة
Post: #187 Title: Re: ناس الزقازيق ... أجدع ناس (5) Author: عمر نملة Date: 08-25-2012, 11:33 AM Parent: #186
سلام تحيه اول ايام العمل بعد اجازة حافلة قضينها بالرحاب الطاهرة بين مكة المكرمة والمدينة المنورة هي دي بين مكه والمدينه خطه نملوز لقطع هذه المسافه جريا وبصحبه سياره وكاميرا واتوقع ان اقطعها في فتره تتراةح بين 7 الي 10 ايام وسوف تكون الشركه الراعيه شركه منصور واتوقع هذا المشروع بعد التحضيرات الجاريه الان لقطع مارثون اوستندا المقام يوم 30/09/2012 وسلام تحيه
بالهنا والسرور العيد عليك مبروك يا ست النجيمي الفي العقل مشبوك قدمك للمجاربو بيودر ام سمبوك زولك غير نعال بيفتر بيجيه الشوك عيدكم مبارك ويعود عليكم بالخير واليمن والبركات خسارتنا فادحه بعدم المتابعه رغم انه سالنا عن الناس الحايجيبم العيد ولم نجد رد واذا بنا بعد ضياع الهنا بسنه نعرف انه قد فاتنا الكثير دعواتنا لكل المعتمرين وزوار المسجد النبوي بقبول الاعمال ولنا بان نلقاهم في فرص اخرى لكم كل المني ومن العايدين الفايزين وربنا يعوده علينا مرات ومرات والجميع بصحه وعافيه
اليوم آخر أيام الستوت بفضل الله علينا... نسأل الله أن يتقبلها منا...
يبدو اني محتاج لي منبه يكون صوته قوي شديد... أقوى من المنبه بتاع التلفون البعتمد عليهو يصحيني كل يوم... أو كمان أمشي أشوف لي شقة جمب ساعة بق بن في لندن..يعني أسكن في البرلمان البريطاني... و لا كمان بالعدم أشوف زول بالايجار يجي يصحيني كل يوم الصباح... أمبارح سديت اضنيني من كل الأصوات التي تصدر من هنا و هناك... و طنشت كل حركة تأتي حتى تلك التي تأتي من الشارع.. و ظبطت منبه الموبايل على الساعة الرابعة صباحا كالمعتاد... عشان أقوم أشرب الموية، و القهوة و أهبش شوية و كمان أبلع حبوبي بتاعت وجع الضهر... و نمت نوم نومة أهل الكهف و دي التسمية الوحيدة التي تناسبها... فتحت عيوني لأول مرة عند الخامسة و النصف صباحا.. حيث لا صبح و قهوة و لا شاي و موية و لا حتى حبوبي... و لا كمان ساندوتش الشاورما الكارب بتاع زهرة لبنان الكنت عايز أجضمو... الصباح قلت لي ست بيتي نمت نومة فوتت علي السحور و الصلاة... قالت لي أفطر صوم بكره... لما قالت لي كده اشتغل في الجمب اليمين من دماغي منبه القهوة... و في الجمب الشمال منبه ساندوتش الشاورما الكارب... لكن قاومت كل المنبهات دي و قلت ليها ده آخر يوم بالنسبة لي... و الجعلي بقضي يومو خنق..حتى من غير شاورما....و لا قهوة... و ها هو اليوم يمضي حثيثا نحو نهاياته علما بأن الساعة الآن التاسعة صباحا... و بدون شاورما كــــــاربة من زهرة لبنان....
Quote: وهناك وصفتان للعلاج : الاولي : خفف وزنك ... حتي لو اضررت ان تذهب اوستد لعمر في اجازة طارئة ... الثانية : لو اوستيد بعيدة امشي الرياض لولدنا جلة ... والثالثة : خفف الفولتالين ... وتوجد عشبة ايرانية مجربة 100% حاوصفها ليك ...
الأولى دي بتاعت تخفيف الوزن الدكاترة بروني بيها بري شديد... مره الدكتور أداني برنامج غذائي لتخفيف الوزن فيهو خمسة وجبات... بت الشيخ و الشغالة بتاعتنا قالوا لي خلي الدكتور ده يجي يعمل ليك الأكل الكتير ده... فلقيت نفسي مجبر على البرنامج العادي الاجباري بتاع بت الشيخ و الشغالة... لكن لما مشيت الدكتور من يومين شعرت ان الميزان كان مرتاح شوية... ما زي كل مرة بطلع فيهو.. لقيت نفسي نازل تلاتة كيلو في رمضان.. 30 يوم بي تلاتة كيلو...نعمل قسمة طويلة.. أربعة معاك الواحد... ننزل الصفر و نقسم على ستة فيها الخمسة... يعني ملا مهند يخرج من الجامعة أنا بكون بقيت سمبتيك... و الله ما بعيد...
أما أوستندا انت عارف براك أنا قاعد أهاتي بيها لي تلاتة سنين... الله بس يكفينا شر العوارض... أنا من ناحية جاهز..فأنا جاهز... بس أولوياتي ملخبطة لخبطة عدوك...
الفولتارين بهدلني بهدلة... بيتعب المعدة بشكل عجيب.. بس كمان مفيد جدا لآلام الضهر... ألحقني بالدواء الايراني ينوبك ثواب... و لا أقول ليك خلينا نشوف البرنامج بتاع تخفيف الوزن ده ماشي وين...
أعذروني على المداخلة القصيرة دي... أصلي أمبارح نايم من غير ساندوتش الشاورما...
غريبة .... الليلة جيت مشتاق للبوست ده ... قلت ياخي عندي مزاج كتابة وأعيد علي الناس الما بتجي بهناك الريس ميسرة وياسر نجيلة وعمر نملة ... بالذات عمر نملة ده ياخي طولت منه ، بالله اجي القي ليك اللوم كوم .... والله فعلا القلوب شواهد .... اول حاجة كل عام والجميع بخير ... وعيدية خاصة للثلاثي الذي لم ألتقيه في اي مكان آخر في هذه الأسافير وثورات التكنولوجيا المختلفة ... بعدين نجي نشوف الحاصل شنو ...
الواحد من الخلعة قريب يشرب ... شاندوتش الشاورما بتاع رشا ...
================================= يارشا ... انا زمان لما كنت كبير زيكم .... كان ضهري معزبني عذاب السنين .. عملت كل حاجة ... الا العملية ... والحال من بعضو لما فيني عماني صديق عمل وصف لي نبته ايرانية توجد في سوق الايرانيين في العطارات اسمها ... ميميه ... هم بعرفوها قول ليهم الميمية بتاعة العظام .. حاجة كده عاملة زي حلاوة شيل الشعر بتاعة النسوان ... انا جادي مابضحك ... طيب عامله زي الصمغ السائل ... اها كدي وضحت يا منصور ... واعرف منهم استعمالها كيف .. تاخد قطعة صغيرة قدر حباية الفول المصري - في الليل قبل النوم - وتذوبها في شوربة او حليب دافي ... وتشرب (لو غم عليك الوصف اتصل) وليس كل يوم مرتين في الاسبوع او ثلاثة فقط اقل من شهر ... شوف النتيجة ... اكيد حتمشي عمرة مخسوس عشان تدعو لي ... دي وصفة رشا فقط ... بدون بياض ... الباقي يرمي بياضو ... عشان يتم الشفاء ...
Quote: نجيلة يا خاين .... انا ضهرى و رقبتى ما قربو يتكسرو ما وصفت ليا الميمية مالك من زمان ...
حووولا ... غايتو خرف الناس الصغار ده كعب خلاس ... يا خوي انا ماضربت ليك تلفون قلت ليك اركب تعال لي انا بوديك المستشفي الايراني عندنا ... ولو ماعالوجوك بوديك دكان العطارة الايراني الجمب المستشفي ... قمت لويت لي خشمك وقلت لي "سوري ... انا بتعالج في المستشفي السعودي الألماني" اها يا خوي ... قدام الناس ديل ... لولسة حاسي بحاجة اركب تعال ... وحات الخوة اسبوعين بس ... لو ماخليت رقبتك تتلفت زي الربوت الآلي ...الوش الضاحك اللخدرالوش الضاحك الاصفر
================================
ود جادين ... الشوق والتحايات ماتحرمنا من طلاتك ... وتلغرافاتك ... ================================ طارق جبرين .... رد على التلفونات ما تتغاتت ... غايتو اليوم بخلص الصيام ... اجهز لي من بكرة ... انا مازعلان منك لكن زعلان من ..... زهير الزناتي ....
أمبارح خلصت الستوت بفضل الله علي و نسأله القبول... اليوم قمت من الصباح أكابس للقهوة و الشاي و اللنش بوكس... ياخي الصيام ده مريح للبطن و الدماغ و للزمن كمان... يعني في رمضان و من بعده الستوت تقوم تمشي الحمام و تجي تلبس تمرق... حسه القهوة و الفطور و اللنش بوكش بتآخد زمن مقدر... و الواحد لازم يصحي قبل تلت ساعة من المواعيد بتاعت رمضات... حقو الواحد يرجع يصوم تاني... و يستمتع بالنومة بتاعت التلت ساعة دي أحسن...
Quote: قمت لويت لي خشمك وقلت لي "سوري ... انا بتعالج في المستشفي السعودي الألماني"
بالله قال ليك كده...و معاها لوية خشم كمان... دي ما كلمتني بيها... و لا صحي انت من ما حجيت بطلت الشمارات... لكن دي حاجه مهمة كان ممكن تكلمني و تصوم تلاته يوم... المهم زي ما اتبوبر عليك ديدو ده.. انت كمان اتغاتت عليهو... و أقول ليك حاجه كمان خليها في سرك بس... الزول ده ما ظنيتو عايز الميمية دي لي وجع الضهر و الرقبة... من وصفك ليها ده أنا أشك في نواياهو...
قال السعودي الألماني قال...
Post: #198 Title: Re: ناس الزقازيق ... أجدع ناس (5) Author: محمد عيد Date: 08-27-2012, 01:03 PM Parent: #197
سلام يا حلوين
وكل سنة وكلكم طيبين
والله من شدة ما البوست رايح للزول الليلة لمن فتح قرررربت اقوم جارى
وافوت ليك نملوز زاتو الداير يقطع المسافة من مكة للمدينة فى عشرة ايام
سعيد جدا باستعادة الروح ..
ويا نملوز نحى فيك روح الكفاح الجميلة وانت تغطى بكفاءة غياب ناس السودان القهرى
رش انت ما خلصت من وجع الضهر ؟؟ البوديك تاكل شاروما فى السحور شنو ؟ انت قدر الحيرقاااان ده ؟؟
Quote: الزول ده ما ظنيتو عايز الميمية دي لي وجع الضهر و الرقبة... من وصفك ليها ده أنا أشك في نواياهو...
قال السعودي الألماني قال...
وورد على لسان ولدنا المبدع محمد عيد .... التالي ....
Quote: غايتو الميميه دى بى وصفك ليها شايفها عند الحجات الببيعوا فى الكرنتينة ....
غايتو انا بى دربى ده بامشى اختف لى منهم علبيتين اوديهم للنضيف ...
وهو غايتو حر يستعملهم كيف ولأى غرض ..!!!
انا بررررررررررررره ... يانضف هم القالو ...
انتو ياشباب ماشفتو النضيف ده لما يزعل ... وخاصة لما يحدر بعيونو .... ويرفع حاجب وينزل حاجب ... وسمعنا من ناس جدة ... وخاصة بعد ان رزق بولد .. صار يمشي في الشوارع ... كتف طالع ... وكتف نازل ... وكمان بفك زراير القميص الفوق ....
================================
Quote: الا بس زهير الزناتى النصيحة ما قال لى أسلم عليك ..! ( وش أحمررررر )
غايتو ياود الزناتي ... اسأل الله الم فيك في "زقاق" من ازقة بيت المال .... ومعاي كلــــــب افكو في مدخل الزقاق بي جاي ... وكلــــب افكو بالمدخل التاني ... وانا في البيت الفي نص الزقاق .... بعاين ليك من فوق الحيطة ...
Quote: غايتو ياود الزناتي ... اسأل الله الم فيك في "زقاق" من ازقة بيت المال .... ومعاي كلــــــب افكو في مدخل الزقاق بي جاي ... وكلــــب افكو بالمدخل التاني ... وانا في البيت الفي نص الزقاق .... بعاين ليك من فوق الحيطة ...
قالوا في التركية السابقة في السودان... كان الأتراك بيعاقبوا السودانيين بي أنهم يدخلوهم داخل شوال... و يدخلوا معاهم كديسة كبيرة و يربطوا الشوال... فأنا بقول ليك يا ياسر أبو الزوز ده ما ياكلك حنك... و يقول ليك ناس زراعة ديل و ما عارف شنو... اذا موضوع الزقاق ده ما نفع معاك... شوف ليك شوال كبير.. الكدايس مني أنا...
Quote: اذا موضوع الزقاق ده ما نفع معاك... شوف ليك شوال كبير.. الكدايس مني أنا...
والله ضحكتني .... حتي نسيت زعلتي ... غايتو موضوع الشوال ده ... بجيك ليهو بعد مباراة المريخ واهلي شندي ... يمكن ادخل الحضري مع زهير الزناتي في شوال واحد ...
الناس ديل حالفين ومترصدين المريخ ... وخاصة ان املهم بقي كبير بعد فوزهم على الانتر كلوب ... الله يستر ... متوتر بالجـــــــد ....
========================== انت يالرشيد الملاح للخدر الاكلتوهو مع طارق جبريل أمس ... كان خدرة .... ولا ثلج .... خاينيين ....الوش الضاحك اللخدر
Post: #203 Title: Re: ناس الزقازيق ... أجدع ناس (5) Author: أحمد إسماعيل Date: 08-29-2012, 04:26 PM Parent: #202
سلام بالكوم لأعز ناس خير وحب وفرحة قلب ونعمة رب وعيد سعيد يا أطيب قلب
تقبل الله الطاعات وغفر السيئات وختم بالصالحات وكل عام وأنتم طيبين وكل سنة والجميع بخير
زود .... زود من الصور ... يارشا ان شاء الله حتي صورة الملاح اللخدر ... ادام الله سعادة الزاقزيقاب اين ماحلو ... واين ما اتلمو ... بالامس ايضا كانت جلسة ممتعة بودجبرين واسرته ... حيث احتفل به بورداب الامارات في الشارقة ... طبعا كنت ضمن الحضور ... ترقبو الصور ... في بوست آخر ... سيقادرنا اليوم ود جبرين الي المغرب ,,,, نتمني له السلامة ولاسرته ... ======================== أحمد اسماعيل كل سنة وانت طيب ... عودا حميدا ... ماتقطع الجيه البوست بقي خلا ... واصل حكمك ... وامثالك ...
============================ ياجماعة والله من كم يوم عاوز اعلق على صورة البروفايل بتاعة النضيف الجديدة الزول ده سحب صورة عناب وعزاري ... وخت جدو براهو... ربنا يحفظو ليكم ولينا يا نضيف ....
Quote: سلام بالكوم لأعز ناس خير وحب وفرحة قلب ونعمة رب وعيد سعيد يا أطيب قلب
و انت و أسرتك بخير و كل أيامكم أعياد ان شاء الله...
Quote: زود .... زود من الصور ... يارشا ان شاء الله حتي صورة الملاح اللخدر ... ادام الله سعادة الزاقزيقاب اين ماحلو ... واين ما اتلمو ... بالامس ايضا كانت جلسة ممتعة بودجبرين واسرته ... حيث احتفل به بورداب الامارات في الشارقة ... طبعا كنت ضمن الحضور
باقي الصور ستأتي تباعا ان شاء الله يا ياسر... تكلمت مع جبريلا أثناء تواجده معكم مساء البارحة... و سمعت أصواتا عالية جدا تدل على كثرة الحضور... يبدو انكم قد احتفيتم بجبريلا كما يجب و يستحق...
Quote: ياجماعة والله من كم يوم عاوز اعلق على صورة البروفايل بتاعة النضيف الجديدة الزول ده سحب صورة عناب وعزاري ... وخت جدو براهو... ربنا يحفظو ليكم ولينا يا نضيف ....
ما شاء الله تبارك الله و لا حول و لا قوة الا بالله... أنا سأتقدم المظاهرات بتاعت عزاري و عناب... و أهتف معاهم..الشعب يريد اسقاط الرجال... طبعا يا ديدو بتكون الحراسة مشددة على أبو السيد... خوفا من كيد النساء الصغيرات...
Post: #207 Title: Re: ناس الزقازيق ... أجدع ناس (5) Author: عبد الدائم سيد أحمد Date: 08-30-2012, 07:21 AM Parent: #206
ناس ( العمارات ) نجيلة و رشا مالكم الايام دى شغالين ليا كده نظام بتجاملو فى جبريلا على حسابى و لاشنو .. هسه عليكم الله قميص جبريلا المسطر ده ما لفت نظركم اكتر من صورة جدو ... يا طارق ركز على اللون الفستقى ياااخ بالدارجى اللون الحرجلى ...
..........
يا احمد اسماعيل مختفى وين مشتاقين .... وزى ما بقولو اهلنا ناس الغرب ( كــــلو نعرفـــــو ) .....
مضت اجازة المدارس سريعا... و سيعود الأبناء الأسبوع القادم الى قاعات الدرس من جديد... كانت أمنية في السابق تفرح كثيرا بالعودة لأنها ستلتقي صديقاتها... الآن لا تبدو لي متحمسة و لا فرحة كما في السابق... بينما يبدو مهند أكثر تحمسا منها.. رغم انه أفصح عن غير ذلك و قال بأن المدرسة (كريهة)... و حاول قدر الامكان أن يعبر عن انتقاله الى الصف الخامس... و ذلك برفضه لأي رسومات بحقيبته المدرسية الجديدة... فالحقيبة ذات الرسومات هي للأطفال فقط على حد قوله... هذا السلوك شكل ضغطا كبيرا على أمنية فهي تحب الرسومات... و لكنها تخشى من تعليقات مهند الساخرة عليها... و لكننا عندما أقنعناها بأن ليس لمهند أي دخل في اختياراتها... اختارت حقيبة لولي كيتي تحت أنظار مهند و ضحكاته الساخرة المكتومة... و بعودة المدارس يعود الضغط علينا من جديد... فعودة المدارس تعني ترتيب الأمور بشكل مختلف كما كانت عليه أيام الاجازة... تختلف ساعات النوم و ساعات الصحيان...بسبب مواعيد المدرسة... يعود بص المدرسة الأًصفر و مشاكل بص المدرسة... تذهب ساعات طوال من الوقت الخاص الى مراجعة الدروس مع الأبناء... تغليف الكتب و الكراسات...مراجعة الواجب اليومي... نبكر في الخروج الى الشغل لزحمة الشارع... تعود من جديد مشاوير البحث عن الخبز و المارتديلا لساندوتشات الصباح...
و الله صحي المدرسة كريهة...
Post: #213 Title: Re: ناس الزقازيق ... أجدع ناس (5) Author: عبد الدائم سيد أحمد Date: 09-01-2012, 08:23 AM Parent: #212
Quote: تعود من جديد مشاوير البحث عن الخبز و المارتديلا لساندوتشات الصباح...
يا ريتو لو بقى على ده بس .. عناب السنة الفاتت صحت من الصباح الا يسرحوها تسريحة صاحبتها اللبنانية حلا آآآآآلت ايه عايزة شعرها مفكوك و طوووويل يهفهف ولا ما حتمشى المدرسة .. قلنا ليها ده حسب الجينات الوراثية مستحيل .... برضو ما فهمت .... اها نستحمل كم سنة لحدى ما تصل دروس الجينات يمكن ساعتها تلقى لينا العذر ...
الراجل عنده صفير ، جابو االمروايد عايزين يكونه قال ده حار وده ما بتكوي بيهو ، اها ده بالنسبة للمدارس ، ياخي الاجازة الواحد كره روحه عديل أصلا بقي ما بيقابل العيال ، بالنهار نوم وبالليل سهر الوجبات مقلوبة ومبشننة ما تعرفهم اكلو شنو لا شربو شنو ، بتكون في حالة دائمة من التوتر لاسباب كتيرة ، جات المدارس جات الغلبة ياخي اختيار الشنط كارثة خاصة للبنات ، اما مسالة الاحذية دي ياخي الواحد يقرب يطلع من الملة مية الف محل ولا جديد ، اما ما يسمي المريول الله يقطع سنينه ياخي ده غالي ويتحرق في اول مكوة .. اما تجليد الكتب والكراسات دي مسالة تانية ، الله مريحنا من مسألة المذاكرة ومتابعة الدروس من البداية وريناهم كل زول ياكل ناره مافي زول بيراجع لي زول ، تسميع القرآن قايمه بيهو ابتهاج جزاها الله خيراً ... بس المدرسة مشكلة والإجازة مشكلة وتربية الأبناء عايزه حرفنه ... والله يكون في العون ...
قلت لي القاف في النقطة بحرف ولا بحرفين .... مسالة تجهيز العيال الصباح للمدرسة الواحد ربنا ريحه منها بس مسالة السندوتشات دي فعلا مشكلة قائمة في ذاتها ، يقولوا ليك عايزين وعايزين في النهاية بتلقي السندوتشات في الشنطة آخر اليوم ومنها لسبت الزبالة ، غايتو الله يعظم الأجر ....
Post: #215 Title: Re: ناس الزقازيق ... أجدع ناس (5) Author: جلال عثمان Date: 09-01-2012, 08:53 AM Parent: #214
الخبر الجانا من مراسلنا في الرياض قالوا سكاليبك وصلت الدمام.... و جرستك شهدو بيها ناس القصيم... و ليهم كم يوم قاعدين يقولوا ليك الجاتك في مالك سامحتك... بس لأنك انت غالي علينا... نوصيك بفحص الضغط و السكري باستمرار...
قال كبرتوا قال...
Post: #217 Title: Re: ناس الزقازيق ... أجدع ناس (5) Author: ميسرة سيد أحمد Date: 09-01-2012, 02:56 PM Parent: #216
السلام عليكم ،،،،
يا ناس الزقازيق ،،، أحلى ناس
سعيد جداً بالمداخلات الكثيرة خلال إجازتي
والتي لم أفلح في دخول النيت في الفترة الأخيرة
سعيد والله لوجود ناس كتار جافونا بغير سبب وعادوا ولكن بسبب
حمد الله علي سلامة الريس ميسرة واسرته ونورت يا ريس .... وإنشاء الله تكون اجازة سعيدة ....
يا نجيلة الكحة ولا صمة الخشم والله يستر عليكم من صمة الخشم ، بعدين قالوا جاكم حبس بول في الشوط الاول لمباراة اهلي شندي ... يمين الناس ديل وروكم كيف يلعبوا الكورة .....
انتو موسي عيسي ده قاعد يختفي وين . ما تقولوا لي تاني هاجر لراض النجاشي
Post: #221 Title: Re: ناس الزقازيق ... أجدع ناس (5) Author: سامي عبد الوهاب إدريس Date: 09-02-2012, 11:31 AM Parent: #220
الأخوة والأخوات الأعزاء
السلام عليكم ورحمة الله وبركاته
وكل عام وأنتم بألف خير
نسأل الله العلي القدير أن يعيده عليكم بالخير واليمكن والبركات
سلام تحيه مرحب بعودة الريس. وكل سنه وانت طيب ياسامي ويعود عليك بالخير والصحه. وياراش وودجبريل حسدتكم على ماطلع من القلب في شكل ضحكه وربنا يديم الود.نجيله عيني عليك بارده كنت قايلك سمنت زي...... ووينك ياجله واخبار التمارين وياود الزناتي انسى موضوع السندويشات البترمي وتعال لينا هنا مع نظام الوجبه المدرسيه من مطبخ المدرسه والبتخللها يوم نباتي ويوم فواكه. ياديمه ماتاكل البت حنك وتقول الجينات ما شفت مايكل جاكسون غير كل الجينات.وبرضو بقول وين ووين د حاتم جباره وياعيد مشتاقين. اخباري مستعد بقوه لسباق مارثون او نصفه في اوستندا يوم 30/09/2012
دائما تجدني احتفي بالاتصالات التي تتم بواسطة التلفونات واحس بيها اكثر حميمية من المدعو شات بيك
اسعدني الاله بهذا الكم الهائل من الاخوان غير الاشقاء الذين التقيتهم بالزقازيق وفي الايام الفائتة اسعدني الحظ واتصلوا علي اثنين مرة واحدة ومن السعودية الانصال الاول من الفنان الكبير كمال الشادي والتاني من الدكتور خالد محي الدين لهما الشكر والتقدير
يا عمر شكرا على الاتصال ودوام السؤال وادام الله الود بيننا
دي ياشاب مباركات ولدنا سامي لعيد الاضحي القادم ... وجب التنويه منعا لللبس .... وعدع اللوم لما يجي عيد الاضحي .... وتقولو الزول مجافي ... وما عيد علينا .... تسلم يا وجيه
================================== عمر ابو الطيب ... لو ده استعدادك للسباق الجاي ... انا اضمن ليك المركز الاول ان شاء الله ... لقطة معبرة ... وعسل .... ====================================
Quote: يا نجيلة الكحة ولا صمة الخشم والله يستر عليكم من صمة الخشم ، بعدين قالوا جاكم حبس بول في الشوط الاول لمباراة اهلي شندي ... يمين الناس ديل وروكم كيف يلعبوا الكورة .....
يعني البشوفك كاتب الكلام ده ... يازهير يقول اصلك ماشفت مباراة الهلال وأهلي شندي الكانت في شندي قبل يومين 1/2 ديل جابو ليكم "حبس كبس" ... ودايما بعلموكم الكورة ... والشاهد على ذلك ... مسمار الدوري في العام الماضي ... وتعادل الافتتاحية في هذا الموسم ... الله يستر عليكم في مباراة الرد ... في المقبرة ....
التحية لي سامي و كل سنة و انت و عيالك بخير... للعيد الفات و عيد الأضحى....
التحية من بعده لي نملوز و هو يستعد لسباق أوستندا... بعد أن أستعاد اللياقة بعد شهر رمضان الكريم... أنا أتوقع نتائج متقدمة هذه المرة و ذلك بسبب رمضان... رمضان عبارة عن عمره كاملة للجسم و لكل الأجهزة.. لتعود بعده أكثر نشاط و حيوية... لو عايز ليك مشجعين ما عندنا مانع...
Post: #226 Title: Re: ناس الزقازيق ... أجدع ناس (5) Author: عمر نملة Date: 09-03-2012, 11:08 AM Parent: #225
سلام تحيه جادين يارائع ياخلاصة الناس الطيبين والله بحب التواصل معاك لشخصك وثانيا للجنوب واهلي ناس الجنوب. تصور جدنا متزوج من الجنوب واولاده مستقرين في الكلاكله وصادف انو احد اولاده درس مع اختي في الجامعه واول مره تمشي ليهم البيت ايش عملوا ليها؟ تصور قشوا ليها الشارع وعملوا جير وبوهيه جديده للابواب. يقوم بكل بساطه الكيزان يفصلوا روحنا من جسدنا يارب تسهل لكل ناس بلدي وتصفي النفوس. آميييين ياراش والله عايزك تكون معاي هنا انت والاولاد نهائيا وتبداء بزنس هنا. اما استعدادي للسباق نهاية الاسبوع بكون خلصت المرحله الاولى لمسافة 22 كم بسرعه 12 كم/س ونهاية الاسبوع القادم بخلص نفس المسافه بسرعة 15 كم/س والبعدوا بسرعة 18 كم/س ان شاء الله أبوعمار ان شاء الله لو ربنا سهل بكسر حاجز ال 4 دقائق للكم والسنه الفاتت كان رقم صاحب المركز الاول 3.5 للكم. انت وين ولدنا سمؤال ابوسن وسلام تحيه
Post: #227 Title: Re: ناس الزقازيق ... أجدع ناس (5) Author: ميسرة سيد أحمد Date: 09-03-2012, 11:16 AM Parent: #225
صباح الخير ،،، يا وجوه الخير
قول الشيطان : أهلكت بني آدم بالذنوب فأهلكوني بالإستغفار يقول الله سبحانه وتعالى
استغفروا ربكم إنه كان غفاراً:
1- يرسل السماء عليكم مدرارا
2- ويمددكم بأموال وبنين
3- ويجعل لكم جنات و يجعل لكم أنهارا
Post: #230 Title: Re: ناس الزقازيق ... أجدع ناس (5) Author: ميسرة سيد أحمد Date: 09-04-2012, 09:18 AM Parent: #227
صباح الخير ،،، يا وجوه ا لخير
حكمة اليوم :
النفس تبكي على الدنيا وقد علمت .. أن السلامة فيها ترك مافيها ..
لا دار للمرء بعد الموت يسكنها إلا التي كان قبل الموت يبنيها
Post: #231 Title: Re: ناس الزقازيق ... أجدع ناس (5) Author: ميسرة سيد أحمد Date: 09-04-2012, 09:30 AM Parent: #230
القاهرة ما بعد الثورة غير!!!!
من ضمن الملاحظات على القاهرة ما بعد ثورة 25 يناير
كل الناس صارت تتكلم في السياسة ولكن البعض يزوده حبتين لشعورة بالحرية والإنعتاق بعد سنوات الحرمان فيمارس حقه في التعبير بالتجريح وبلدان العالم الثالث جديده عليها مسألة الديمقراطية وخاصة ما زالت في سنة أولى.
الأخوان المسلمين في مصر أذكى بكثير من الأخوان بالسودان ويبدو أنهم بيحاولوا أن ينقلوا النموذج التركي إلى مصر ،،،،،
هنالك تضخم في الأسعار والإيجارات مرتفعة جداً الشعب المصري هو هو شعب طيب ولكن الغالبية مطحونه تماماً ولكن لو ذهبت إلى المناطق الراقية تجد أنك في دولة أخرى والقوة الشرائية عالية جداً لو زرت المولات والمدن الترفيهية لن تصدق إنك في مصر ،،،،
سلامات الصادق عبد الله و مرحبا بزيارتك بعد غيبة....
و مرحبا بعودة الريس ميسرة... ان شاء الله تكون استمتعت بالاجازة يا ريس... أنا طبعا بفتكر انو الاجازة في حد ذاتها ممتعة لكونها اجازة.. بغض النظر عن المكان الذي تقضي فيه اجازتك... فمجرد التغيير عن الروتين اليومي سواء أن كان بتاع العمل..الدراسة..البيت..... أمر ضروري يحتاجه الانسان لاستعادة النشاط و القدرة على مواصلة الحياة.... أنا بستمتع بالاجازة و لكني بفضل الاجازات الفيها استرخاء تام... يعني الموية دي لو عايز أشربها يجيبوها لي... و لكني لم أحظى بواحدة من هذا النوع حتى الآن... الاجازة العائلية تحتم علي أن أكون ديموقراطي و استجيب للرغبات المختلفة... فست بيتي تحب التسوق مثلا ثم تأتي بعدها الأشياء الأخرى... اولادي بيحبوا الأماكن بتاعت الألعاب و غيرها... أنا نفسي أقضي اجازة في حتة كده زي دي....
أو زي ده...
و لا كمان هناك... عند صحْيَة جروف النيل مع الموجَهْ الصباحيَّه.. ومن شهقَة زهور عطشانَهْ فوق أحزانهْا.. متْكَّيهْ..
======================= غايتو يالرشيد ... حالتك تحنن ....... اوعك تاني تجلي اجازة ... حتي لو تمشي جزيرة ... اريام ...... أو ان شاء الله تجيني في الشارقة ... نقضيها في بحيرة خالد ... ... انت ماشايفني صابر كيف ... السنة نحنا برضو اجازة مافي ... ولما غلبني شديد ... جبت امي هنا ... وهسع انا قاعد تحت رجلينا .... بالله حر الشارقة اتقلب طراوة .. شلالات نياجارا .....
Post: #236 Title: Re: ناس الزقازيق ... أجدع ناس (5) Author: عمر نملة Date: 09-05-2012, 06:00 AM Parent: #235
صباح تحيه تحيه صباحيه لوالدة ياسر بديت التمرين الصباحي موازيا الساحل لمدة ساعه تقريبا وجلست على احد الكنبات عند نهاية التمرين اتامل في البحر وقلت في نفسي مااظن في احلى من كدا بالله دخلت النت وجدت ياسر جالس في الجنه تحت اقدام الوالده والله بدي الجنه
Post: #237 Title: Re: ناس الزقازيق ... أجدع ناس (5) Author: ميسرة سيد أحمد Date: 09-05-2012, 07:20 AM Parent: #236
Quote: ولما غلبني شديد ... جبت امي هنا ... وهسع انا قاعد تحت رجلينا .... بالله حر الشارقة اتقلب طراوة .. شلالات نياجارا .....
يا بختك ياخي... و الله أنا طلعت ليها الزيارة... و قعدت أحنس فيها عشان تجيني... لكن الله ما أراد... و الله رطوبة أبو ظبي كأنها ولعوها زيادة... و بقت زي حفرة النحاس...
يا نملوز ندعمك من على البعد... أعتبرنا نحن الرد بول بتاعك في السباق القادم... دعم يزيد نشاط و حيوية... و يعطيك جوانح كمان...
Quote: سلامات يا الرشيد ..طيب ما تجينا هنا ...خضره(ما ملوخيه) وماء ووجه حسن ..طبيعه خلابه يقصدها الناس من كل أنحاء العالم ..
يا سلام يا الصادق مكان جميل ياخي... و الله ده ياهو المكان العايز لي فيهو اجازة... نحن كنا في 2009 هناك و التقينا بالأخت و الصديقة سناء الصباغ و أسرتها.. و التقينا كذلك بالأخت حنان الخطيب و قضينا يوم ممتع معاهم... و ان شاء الله لنا عودة اذا أمد الله في الآجال... و نسأل الله أن نلتقيك و أسرتك الكريمة...
Quote: جلسنا مره عند مطعم آخر ساعة المشهور بوجبات الفول والطعمية وكنا ستة أشخاص بما فيهم مشكاة الصغيرة
وحضر (المتر) ووزع لكل واحد طبق مخلل ومحدقات والطربيزة إمتلآت وكمية كبيرة من العيش البلدي
وبدأنا نأكل وكدنا أن نشبع ونحن حتى اللحظة لم نطلب أي حاجة وفجأة وضع أمام كل واحد طبق فول
مصلح بالمصري مع الزيت الحار ومطعمية كبيرة (قدر رأس الجاهل) وأكنا وثم أكلنا حتى شبعنا
يا ريس آخر ساعة ده عندو شوربة عدس مبآلغة .... و كانت زمان مجانا... تدخل تطلب حاجة على بال ما يجيبوها ليك تكون شبعت.... ما عندك صورة للشوربة دي...
الصادق يا حبيب تأكد اننا لو عرفنا طريقك حتلقانا يوم بنخبط على باب بيتكم ان شاء الله... لكننا لم نذهب الى جلاسقو بل كنا في لندن و حضرت الينا سناء و العائلة... أما حنان الخطيب فكانت مقيمة في لندن و لكنها انتقلت منها الآن الى مدينة أخرى... قضينا معاهم يوم ممتع و جميل... عندنا خطة للسنة القامة فيها لندن أذا عشنا و أمد الله في الأجل....
فاتن حمامة بالانابة....محمد عيد... طبعا فاتن حمامة الأصلي زهير الزناتي... قدر ما حاولت أقتبس الصورة بتاعت الصادق لكن ما قدرت... فعلقت بدون صورة... بعدين تعال هنا الكبير منو... انت بتك في الجامعة و أنا بتي في الصف السابع... شوف الفرق بياتنا كم... يا عجوز.....
جبريلا أغنية جميلة ياخي... بس ما قلت لينا ياتو عضام.. الترقوة و لا الساق... و لا المخروقه...
المداخلة دي منقوله بتصرف من مربع كاي... مافي زول يجي يقول لي يعني شنو بتصرف... أنا بشوفهم ناس زهير بيكتبو كده قلت أكتب زيهم.... غايتو الصحفيين المجازين ديل مرات بيودونا التوج...
Quote: صبحكم الله بالخير
انتابني شعور قوي بالرومانسية دفعني الى التفكير في كتابة قصة ما... قصة رومانسية رسمت خطوطها في خيالي و اخترت شخصياتها فجلست خلف كمبيوتري لكتابتها... و قلت في نفسي هذه القصة سوف تخرجني من حالة الركود التي تمر بي هذه الأيام... بدأت بكتابة السطرين الأولين...فكتبت...
جلست وحيدة في ذلك المقعد النائي على شاطيء البحر... تراقب رتلا من طيور النورس تصدر أصواتا مزعجة و هي تقتتل على الطعام الذي يلقى اليها... كانت مثبتة في مكانها و كأنها احدى المانيكانات في محل للملابس الراقية... تسريحة شعرها و ملابسها ذات الألوان الهادئة المنسجمة تعبر عن ذوق رفيع... حذائها الأبيض الرفيع و حقيبة يدها الجلدية كلها أشياء تدل على انها من طبقة ثرية... و لكني بمجرد أن سرحت بتفكيري بعيدا باحثا عن الكلمات وجدت نفسي أفكر فيما هو حولي... تفكير أخرجني من حالتي الرومانسية تلك و أعادني الى الواقع... تبخرت الأفكار و الصور و تسامت الكلمات و لم تبقى الا صور الواقع العجيب... حولت التخلص منها و الرجوع الى حالتي الأولى فلم أقدر على ذلك... حاولت مرة أخرى على طريقة الكتاب المحترفين و أنا لست منهم...فحاولت التكملة...
العايز يتم الباقي يمشي بي هناك... في دردقه يا أخوانا أكتر من كده...
Post: #252 Title: Re: ناس الزقازيق ... أجدع ناس (5) Author: ميسرة سيد أحمد Date: 09-08-2012, 08:23 AM Parent: #249
Quote: * ود نجيلة .. الله يهنيك بجوار الوالده .. وحقو تسوقا وتجى بيها الحج السنة دى
ود عيد تحياتي ياصفوة ... الحج صعبة شديد ... بس عمرة ممكن جدا ... جدا ...
Quote: نجيلة والرشيد الاجازة الجاية عندنا في مريدي ماشي
ماشي ونص وخمسة يا ود جادين ... والله نفسي ازور الجنوب بشدة ... مش عشان الانفصال انا من زمان بحب الخضرة والحياة السلسة غير المعقدة ... ونفسي يكون لي بيت هناك ... مرة زرت جنوب منطقة المزموم قرب الرنك (مشروع زراعي للوالد - الله يرحمه) والله كنت منتشي شديد ... وقلت لابوي اعمل لينا بيت هنا ...
وعندنا نسيبنا متزوج اختنا ... عايش في ملكال ... بشوف صور ... زي الافلام الهندية .... كل اجازة بقول ليهو جاييك ... بس ربنا مابسهل ... وتأكد يا مبارك ... انا اذا جيتك مابرجع ... و صدق لما بشوف بلاد خضراء وطبيعة ساحرة ... وامطار متواصلة - ماليزيا كمثال بتحسر بشدة ... وبقول والله مافي شعب ظلم نفسو زينا نحنا السودانيين ... لاني واثق .... نفس المناظر والطبيعة والمناخ عندنا - خط الاستواء - وماجاورة من سافنا ..
الله كريم ....
Post: #258 Title: Re: ناس الزقازيق ... أجدع ناس (5) Author: ميسرة سيد أحمد Date: 09-09-2012, 07:04 AM Parent: #257
صباح الخير ،،، يا وجوه الخير
دعاء الصباح :
رب اغفر لي ولوالدي رب ارحمهما كما ربياني صغيرا
==============================
ود جادين التحية ليك وأنت تتواصل معنا
من جنوب السودان ، التحية الكبيرة للأولاد
وبلغهم تحايانا القلبية،،،،
يا نملوز عا########ي مداخلاتك وتلاحمك معانا
حتى نسينا الفرقة العاملاها عدم مداخلة ناس السودان
Post: #259 Title: Re: ناس الزقازيق ... أجدع ناس (5) Author: عبد الدائم سيد أحمد Date: 09-09-2012, 07:11 AM Parent: #258
يا الله ياخ لما الواحد يشرب شاي الصباح بحلويات العابــد من القاهرة الجابتا ليا منى يونس ... يسعد صباحك يا ريس .. عليك الله تانى وديهم مصر ... الواحد حاسى انو عندو طاقة يجرى بيها توصلو جوبا .... مرورا" بابوظبى حتى اوســـتندا ..
البحب الكنافة النابلسية يرفع ايـــــدو ....
Post: #262 Title: Re: ناس الزقازيق ... أجدع ناس (5) Author: ميسرة سيد أحمد Date: 09-09-2012, 07:54 AM Parent: #259
ملاحظات ما بعد الثورة المصرية
الظاهرة الملفته للنظر إنتشار البلطجة والبلطجية
البلطجة المصرية عريقة في القدم منذ عهد الملك فاروق ولكن في ظل نظام مبارك نشأت أنواع من البلجة تنقسم تقريباً إلى ثلاثة اقسام
- الجزء الأول نشأ عن طريق الحزب الوطني وتنحصر مهمتهم في الضرب من حديد على السياسين وأعداء الحزب الوطني وترك لهم الباب مفتوحاً ليفعلوا ما يشأوا في البلد دون رقيب وحسيب ما دام أنهم يؤدون دور معم بتخويف الناس . - الجزء الثاني هم البلجية الطفيلين وهم نشأوا في أحضان الحزب الوطني وهؤلاء عاسوا فساداً في إقتصاد البلد من أمثال أحمد عز وصبري نخنوخ بالإسكندرية - القسم الثالث من البلجية ليس لهم علاقة بالحزب الوطني ولكنهم يرغموك على الدفع ويخطفوا منك كل شئ حتى أولادك مقابل فدية ماليه،،،،
كانت تحركاتنا حذرة جداً على الرغم بأن مظاهر الحياة كانت عادية ولم نشاهد هؤلاء البلطجية وفي إحدى الأيام عند شارع طلعت حرب بوسط البلد فوجئنا بست بتولول (تصرخ) بأعلى صوتها وهي تقول إبنى حسن مش لاقياهو (5سنوات) وتصرخ وتقول إبني إتخطف ،،، تجاوب معها الشارع بقوة وبدأوا يبحثون عن حسن وإشترك في عملية البحث أكثر من خمسين من الباعة المتجولين والماره وبعد فترة ظهرت مجموعة وهي تهتف (حسن أهو) ومجموعة أخرى تقول يا ناس يا عسل حسن وصل وقامت مجموعة من النسوة بالزغاريد على الطريقة المصرية وإمتلآ الشارع تماماً وكادوا أن يكملوا الإحتفال بميدان التحرير فرحة أم العيل وبدأ الكل يغني (سلامتها أم حسن) الأغنية المشهورية والباعة يرقصون حقيقة عجبني هذا المنظر لأنهم جدعان وأولاد بلد وتحركوا بشهامة ونخوة وبدون تكليف من أحد ،،،، هذا الشعب عجيب يحب الحياة والحياة عندهم سهلة وليست معقدة
Quote: نجيلة والرشيد الاجازة الجاية عندنا في مريدي ماشي
تعرف يا بركة رغم ان الانفصال تم بارادة شعبية خالصة... و هذا شيء أحترمه و أقدره... الا انني ما زلت لا أصدقه... و لا أستطيع أن أستوعب قصة عندنا و عندكم دي... بالنسبة لي نحن ما زلنا بلد واحد و شعب واحد... و الذي يربطني بالجنوب و الجنوبيين عميق جدا... و أكبر من مجرد كوننا اننا كنا نتشارك بلد واحد... الحديث طويل و ذو شجون على طريقة اللقاءات التلفزيونية... و في مريدي و أويل و يرول أسأل عن محمود حاج مهدي... انه جدي خال والدتي... كان و حتى وفاته قبل بضعة أعوام يتمنى أن يرجع ليموت هناك... و يدفن تحت شجرة تك عملاقة لتسمى بعد ذلك بشجرة محمود حاج مهدي... كانت له دكاكين و منازل تركها ذات ليلة و أسرتها مفروشة و لم يعد... فمات و في نفسه شيء ما... لم يكن جدي وحدة من عاش جزءا مقدرا من حياته هناك... و أعطى باخلاص لمكان كان يعتبره وطنه الأول و الأخير... بل كان شقيقة أيضا و كان جدي الآخر عم والدي هناك.. و جدي هذا و أسمه الرشيد و لقد سميت عليه كان في مريدي... اٍسأل في مريدي عن الحاج الرشيد محمد البشير سيخبرونك عنه العجب... فأنا ان جئت الى مريدي يا بركة فأنا لا آتي عندكم... بل آتي الى مكان تربطني به علاقة وشيجة و تاريخ طويل كما ترى... و سيزيد مريدي جمالا و روعة انك من دعيتنا اليها... و انك من ستكون معنا بها و تحت ضيافتك الكريمة و شخصك الحبيب الينا...
Quote: يا الله ياخ لما الواحد يشرب شاي الصباح بحلويات العابــد من القاهرة الجابتا ليا منى يونس ... يسعد صباحك يا ريس .. عليك الله تانى وديهم مصر ... الواحد حاسى انو عندو طاقة يجرى بيها توصلو جوبا .... مرورا" بابوظبى حتى اوســـتندا ..
البحب الكنافة النابلسية يرفع ايـــــدو ....
جني و جن المشاغلات الزي دي من الصباح... ياخي أنا عندي ضعف شديد أمام الحلويات... لكن ضعفي أمام الكنافة النابلسية دي مضاعف... ياخي الاخترع الكنافة النابلسية دي بالغ... كيف قدر يمزج بين الحلو و المالح... و كيف انها لازم تكون سخنة... حاجة عجيبة ياخي...
بالهنا يا ديدو...
Post: #263 Title: Re: ناس الزقازيق ... أجدع ناس (5) Author: ميسرة سيد أحمد Date: 09-09-2012, 12:44 PM Parent: #261
قررت إحدى الأبرشيات إقامة حفل عشاء على شرف قس اسمه باولو وذلك بسبب تقاعده بعد 25 سنة من خدمة الأبرشية وتم اختيار رئيس البلدية لإلقاء كلمة بهذه المناسبة بدأ الحفل وكان الجميع ينتظر قدوم رئيس البلدية لكنه تأخر ولم يظهر فقرر القس باولو أن يقوم بنفسه بإلقاء كلمة وكانت كما يلي :
"قبل 25 عاماً عندما قدمت إلى هنا واستلمت عملي أخذت في البداية انطباعاً سيئاً عن سكان المنطقة , والسبب في ذلك أن أول شخص جلس على كرسي الاعتراف أمامي اعترف لي بأنه سرق جهاز تلفزيون واستطاع أن يكذب على الشرطة وينجو بفعلته , ثم سرق مالاً من أبويه , وكذلك قام باختلاس مبلغ ضخم من رب عمله , وتاجر بالأدوية المهربة , وسرق مصاغ أخته. صدمت بالبداية , لكنني عندما تعرفت أكثر إلى سكان المنطقة عرفت كم هم طيبون وأن أول رجل اعترف لي لم يكن يمثلهم" وحالما أنهى القس كلمته دخل رئيس البلدية واعتلى المنصة واعتذر على التأخير ثم قال
"لن أنسى أبداً عندما قدم القس باولو إلى بلدتنا المتواضعة , لقد كان لي الشرف أن أكون أول شخص يعترف أمامه"
سلام تحيه وتحيه سلام للجنوب وللجاديناب ويابركه الجنوب بيتنا ومازال صداء صوتك وانت تمتعنا يا الفي الجنوب حيي الفي الشمال وعارف ناس سوسا في الزقازيق جمعتني بيهم علاقه ابتدئت بتنس الطاوله مع دكتور مارتن كان بيجي الاتحاد يلعب تنس طاوله تصدق هو الحاله الوحيده التي نخرق ليها الدور ويتوقف اللعب ويعطى الدكتور المضرب كان يدخل الاتحاد بادب جم ويخرج بادب وذوق. وعندما ادخلوا تربيزه عندهم في اتحادهم كنت من اول المشرفين ومن اول دخولي تم تعريفي بالجميع وكلهم بيقولوا انت عمر كلمنا د مارتن عنك طبعا مع الكولا والقهوه ولا احكي ليك عن حي الدباغه في مدني الذي يجمع كل السودان من دناقله وشايقيه ودينكا وشلك ونوير ونوبه وزغاوه وكل السودان يفرحوا ويحزنوا ويد واحده. يابركه اهو الرشيد جدو وعمو وياسر نجيله اخته وزوجها وامسك الناس واحد واحد كلهم مرتبطين بالجنوب. وياراش الانفصال الجغرافي مابيعني انننفصل اجتماعيا عايزين حريه التنقل بدون جوازات وكمان الاقامه يااخ كل الدنيا انفصلت لكن مازال التحرك بدون حواجز ...................................................................................................... اسمعوا دي سوداني في سوريا السوريين كان بقولوا نكت عن السودان قام قال ليهم عندي فوزيره . في صياد عندوا اسد وخروف وقش وقبل مايكمل كلهم بصوت واحد قالوا مابدنا لانه الاسد في الفزيره. بااخي ما بدنا انفصال اجتماعي. ................................................................................................................. ياريس المثل بيقول الشكر لنملوز وحلويات العابد لديدو. ياريس والله اكتر خمس حاجات بتضايقني هي عدم الالتزام باالمواعيد وعدم الاهتمام وعليك الله كتر لينا من القصص دي. ............................................................................................................ ياعيد شايف الرشيد رمى الكره في ملعبك وقال بتك دخلت الجامعه.
أهم واحــــــد عندو انطباعات عن الإجازة .... هم اتنين ..... الريس ميسرة ورحلة مصر ... وطارق جبريل وزيارة الإمارات مرورا بالسودان ... ومنصور عبد الرازق وزيارته الخطافية لاوروبا وجامعة مامون حميدة كلية الطب .....
مطلوب حضوركم فورا ... وتسجيل احتراف كامل عن الاجازة .... عشان في واحد جارنا حيموت .... كمد ....
================================= البياكل الحلويات المصرية براهو .... ان شاء الله ................. يسعد ....
Post: #267 Title: Re: ناس الزقازيق ... أجدع ناس (5) Author: عبد الدائم سيد أحمد Date: 09-10-2012, 08:18 AM Parent: #266
الكنافة النابلسية قصاد الميمية الايرانية ...
جبريلا السحار ناس الامارات فى واحد منكم حيصحى الصباح يلقى كفراتو مبنشرة ارشششششح حوفى ..
Post: #268 Title: Re: ناس الزقازيق ... أجدع ناس (5) Author: ميسرة سيد أحمد Date: 09-10-2012, 08:23 AM Parent: #265
صباح الخير ،،، يا وجوه الخير
دعاء وحكمة اليوم :
جميل أن تزرع وردة في كل بستان ولكن ،،، الأجمل أن تزرع ذكر الله على كل لسان....
سبحان الله وبحمده سبحان الله العظيم
Post: #269 Title: Re: ناس الزقازيق ... أجدع ناس (5) Author: ميسرة سيد أحمد Date: 09-10-2012, 10:39 AM Parent: #268
القاهرة بعد الثورة المصرية
ذهبنا إلى تجديد بطاقة الأحوال الشخصية (المصرية) الخاصة بمنى يونس في البطاقة القديمة غير متزوجة طلبوا منا إثبات حالة الزواج من السفارة السودانية على الرغم من وجود قسيمة الزواج
ذهبنا لزيارة السفارة السودانية (الزبالة)
عند وصولنا السفارة والتي لم أزورها منذ إحتلالنا للسفارة تقريباً وقفت لفترة طويلة وتذكرت تلك الأيام الجميلة وكيف كانت عملية الأحتلال وتذكرت كل الذين شاركوا في هذا الإعتصام الكبير من الزقازيق والمنصورة وطنطا والقاهرة وشبين الكوم جنوب مصر ...... وتذكرت الهتافات بقيادة محمد جعفر
- سفارة عميلة يجب تبديله(أو ترحيله) - يا أكتوبر جاك أبريل أعظم شعب وأعظم جيل - التسفير يا سفير - قضية سودانية الأمن المصري يطلع بره
ولكن هالني ما رأيت لم أجد تلك السفارة التي كنا نرتادها يومياً لقد إختفى ذلك الباب الكبير الذي يقف به العسكر وتم عمل (تُكل) للأعمال القنصلية تدخل وكأنك تزور أبو سمبل أو في جوف خوفوا ومنقرع حاجة والله تكسف ولا تليق بأن نسميها سفارة ولا تليق حتى بالشعب السوداني لقد أخذت كمية من الصور لمنظر السفارة من الداخل حاجة مخجلة تماماً ولكن برنامج الصور معطل بسودانيز أون لاين (في حد عنده حل للصور) أما خارج السفارة فحدث ولا حرج فقد شاهده العالم كله عند قضية الصحفية المصرية شيماء حزنت شديد إلى ما آلت إليه هذه السفارة ، ألم تعلم حكومة السجم دي هذا الوضع المهين للسودان ،،،، ولكن خفف عنا المعاملة الطيبة من منسوبي السفارة وتعاونهم التام مع الجميع. قدمنا أوراقنا لموظف المختص وشكك في وثيقة الزواج وقال دي قديمة جداً والختم ده غريب لأن ختم الخارجية خلال الفترة السابقة تغير أكثر من (6) مرات وطيب أنحنا ذنبنا شنو! ويا جماعة الزواج ده حصل في التسعينيات ما من سنة حفروا البحر،،، طيب الناس العرسوا قبلنا يمشوا وين؟؟؟ طلبوا منا صور ووجدنا إستديوا تصوير داخل السفارة وهو عبارة عن ساتر طوله نص متر وعرضه ربع متر يعني لو كنت سمين وكرشك كبيرة ما ممكن تاخد صورة وبعدين ما في أي ستارة كل الناس بتشوفك وأنت بتتصور لأنهم شبه واقفين معاك هذاالإستديو لن تجده حتى في أمبده (زمان) أو في العشوائيات . المهم في النهاية تمت الإجراءات وأعطتنا السفارة ورقة ثبت نحن متزوجين .
في حد عايز يثبت بأنه متزوج من مراته يا شباب ؟
========================================= أنا عارف في ناس ماعارفين (التُكل) بتاع زمان اسألوا منه ود جبرين - كان بياكل في التُكل
Quote: دكتور الصادق ده لا بيرجاك فى غلاسجو للسنة الجاية ولا شيتين ما ممكن تمشى ليهو فى ديسمبر
سلامات
منصور ده لانو عارف اللعبه ...طبعا يا الرشيد أخوك أصبح من أصحاب الجوازات الحمرا بعيد عنك ...وقاعد أفتش في محلات القروش الكثيره كان ربنا مد في العمر ،،،عشان كده يمكن أكون قريب منكم بهناك ...
Quote: - هاك التراب دي في خشمك... تريدو في نسوان الجن ديل لامن ركبن فوقكن ودلدلن رجليهن...
يعني الريده بتاعتنا ... بتجيب المذلة ....
حبوبتك شايقية مطرطشة ... ماضاقت ريدتنا ساي .... يمين لما تولع السهارة ... ولا الشمعة ام ريحة .... ما تتفارقو الا يضرب التلفون ... ولا صوت واحد من اولادك ببكي ...
========================================
Post: #275 Title: Re: ناس الزقازيق ... أجدع ناس (5) Author: ميسرة سيد أحمد Date: 09-11-2012, 07:51 AM Parent: #274
صباح الخير ،،، يا وجوه الخير
أصبحنا وأصبح الملك لله وحده،،،
دعاء الصباح :
ويا كاشف الغمّ،
فرّج همي ويسّر أمري
وارحم ضعفي وقلة حيلتي
وارزقني من حيث
لا أحتسب يا ربّ العالمين ==========================================
ما بين «نفيسي» و«نهال» فتيل «أليل خومرة» الكتابة باللهجة الشايقيي ما طيبي خلاص
Post: #276 Title: Re: ناس الزقازيق ... أجدع ناس (5) Author: منصور عبد الرازق Date: 09-11-2012, 11:49 AM Parent: #275
Quote:
حبوبتك شايقية مطرطشة ... ماضاقت ريدتنا ساي .... يمين لما تولع السهارة ... ولا الشمعة ام ريحة .... ما تتفارقو الا يضرب التلفون ... ولا صوت واحد من اولادك ببكي ...
تلفون ؟؟؟ واحد من اولادك يبكى ؟؟؟!!! انا غايتو فى مرة من ذات المرارير قمت الصباح قالوا لى امبارح كان فى زلزال , ما حسيت بيهو ؟؟؟ قال تلفون قال , وقال واحد من الأولاد قاعد يبكى انتا وطارق جبرين ومعاكم الريس وزيدوا عليكم الرشيد والنضيف ومحمد عيد زاااتو ومحمد صديق وزهير كلموا الزولة دى وقولوا ليها انحنا خجة الفتيل الليل الخومرة دى الزلزال زاااااتو , يحكوا لينا بيهو حكى تقولوا لى شنو وتقولوا لى منو ؟؟؟!!!
Post: #277 Title: Re: ناس الزقازيق ... أجدع ناس (5) Author: منصور عبد الرازق Date: 09-11-2012, 12:01 PM Parent: #276
طارق جبريل وحكايات نفيسى بت بغدان بخاخ الخومرة , يلد الطلح , ده مثل من امتداد الدرجة التالتة مشتاق ليكم كولللكم ومشتهيكم كمان كنت هناك , وقابلتهم على ايقاع سمك رسمى جنبو صحن شطة , وصحن طحنية , وصحن فول جنابو العتيق , لقيتو ليكم يكتب مذكرا عمله , بى قلم سائل قلمين سائل على وجه الدقة واحد فيهم انبوبة , والتانى حقنة , آآآآى والله حقنة وانبوبة وعنده كمان محبرة يغمس القلم فى المحبرة , ويدى ليكم الأنبوبة عفصة او كمان يدى حقنى القلم جرة بقى لى مرة زى تمرجى المعمل البياخذ ليهو فى عينة والمرة التانية زى الكانوا فى تمرين شهادة , عاوز يشوف (القلم فى المحبرة ) هسى عليكم الله دى براها ما عاوزة ليها (رشة جريئة ) فلير دمور ولا محلبية ميسو زاتو الكلام ده , ما بتوضح اكتر من كده -للأسف الشديد - فهو من نوع الكلام , الذى يموت حين يقال مشتهيكم يعلم الله , وحمد الله على سلامة العودة يا ريس ميسرة
Quote: مشتهيكم يعلم الله , وحمد الله على سلامة العودة يا ريس ميسرة
يعلم الله مشتهينك انت كمان .... ومشتهين حكيك الظريف الذي يضاهي لذة حكي الشوايقة ...
ابدأ من اوروبا أو من الخرتوم ... مامهم ... عليك بالتفاصيل ... وحنعفيك من التفاصيل التي لا تعي فيها " بالزلزال " .... (بالله حبوبة ود جبرين لوسمعت الكلام ده الا تتمني تعيش معانا تاني ... عافي منك منص .... ......
Post: #279 Title: Re: ناس الزقازيق ... أجدع ناس (5) Author: ميسرة سيد أحمد Date: 09-12-2012, 07:11 AM Parent: #278
صباح الخير ،،، يا وجوه الخير
دعاء اليوم :
اللهم أحينا في الدنيا مؤمنين طائعين .. وتوفنا مسلمين تائبين ... اللهم ارحم تضرعنا بين يديك .. وقوّمنا إذا اعوججنا .. وادعنّا اذا استقمنا .. وكن لنا ولا تكن علينا ..
==================================
هلا وغلا الحبيب منصور الف حمداً على السلامة يا جاي من السفر ، يا سيدي نطلب منك طلب بسيط لقد حاولت أن أسد فرقتك وأكتب عن القاهرة بعد الثورة برجاء أكتب لنا عن السودان وإنطباعاتك الحقيقية عنه في كافة ا لجوانب !!!!!
Post: #280 Title: Re: ناس الزقازيق ... أجدع ناس (5) Author: ميسرة سيد أحمد Date: 09-12-2012, 02:32 PM Parent: #279
Quote: كنت هناك , وقابلتهم على ايقاع سمك رسمى جنبو صحن شطة , وصحن طحنية , وصحن فول جنابو العتيق , لقيتو ليكم يكتب مذكرا عمله , بى قلم سائل قلمين سائل على وجه الدقة
والله مشتاقين شديد لناس السودان وخاصة الكوتش جنابو الحياني بكابو حقيقي فقدنا كم كبير من ناس الداخل ولكن العزاء في الجمعية والتي سوف تعقد لقاء لم الشمل.
طبعا اليومين دى درجة التوتر عندي في قمتها ... وهرمون الأدرينالين طفح ... والسبب .... معروف ... أتمني ... من أعماق قلبي أن يفوز الهلال غدا على الانتركلوب .. ويكتسح المريخ أهلي شندي كما اكتسح فريق الخرطوم أمس بسباعية .. وأتمني لهم التأهل ... لنصف النهائي طبعا حيقابلو اشرس فريق وهو دجوليبا المالي (مرشح بقوة بالفوز بالبطولة) ويمكن أن يتأهل معه نادي ليوبار الكنغو ... ونتمنى أن يتخطاهما المريخ والهلال ... للنهائي
أها أنا وصلت المريخ والهلال للنهائي ... انتو شوفو منو البشيل الكأس ... لكن السنة دى حتشوفو "كترة" مباريات هلال مريخ من هسع احجز مقعدك ليوم 2012/09/20 في الدوري السوداني الممتاز... مباراة اياب (الفاز فيها الهلال بالصدفة من هدف بشة في مباراة الذهاب) ويوم 2012/10/20 كأس الاتحاد الإفريقي أيضا مباراة رد (اياب) ... مباراة الذهاب كانت تعادل 1/1 ... اعتذر لأصحاب الاهتمامات الأخرى ... الدوري الأوروبي ... والليغا الاسبانية ...وباوليستا الدوري البرازيلي ...و بونديسليغا الدوري الألماني ... دوري انجليزي نهئ ... نهئ ... حب الناس .... مذاهب
زمااااااااااااان لما كنا صغااااااار وفي الزقازيق تحديدا ... قابلت صديق من ظرفاء الزقازيق ... في شارع الجلاء ... والزمان شتاء يناير بعد الثامنة مساء ... ماشي ويطنطن ... قلت ليهو مالك يا خوي ... قال وبحرقة شديدة : جينا للبلد السجم دى ... في بلدنا ... تشيلو في جركانة ... تشيلو في كيس ... دفع حق نص ... تدفع حق كباية ... المهم حسب جيبك ووضعك تشرب وتنوم .. هنا بالله ... إلا زجاجة كاملة ... وكمان لازم تجيب الفاضي .... ولو ما عندك فاضي ... تدفع أمنيه .... بعد ده كلو تشيلو تمشي الشقة ... تلقي الجو ملغم ... هدينا الجو مع هذا الشاب الجذاب ... وطبعا بعد ما ضحكنا بالطول والعرض ... واصلنا الحديث ضمن تداعيات ليلة جميلة .... وطوووووووووويلة بطول ليلة الشتاء... وصاحبنا انبسط ... على الآخر ... وفي الختام ... وريناهو طريق النص ... والربع ... وفتايل البازوكا الكمان ...
لكن مبالغة ... ياخي جيت لقيت البوست مليان مداخلات شحمانة تستحق القراءة والتعليق واللايكات ... لاول مرة احس بأني ظلمت نفسي بغيابي من هنا ... شكراً للمبدعين والحكايين الرشيد بابكر ، الريس ميسرة ، مبارك جادين ،اللا زعلان منهم لا زعلانيين مني .... ، عمر نملوز الزعلان مني ، ياسر نجيلة الزعلان مني ، طارق جبريل الحا يزعل مني ، منصور عبد الرازق الزعلان منه ، عبد الدائم الزعلان منه ... وكل المبدعين .... كتابة ترد الروح ... وكامل التضامن مع نجيلة في محنته الكروية والجاتك في مريخك سامحتك وأخدها مني نصيحة ....
Post: #284 Title: Re: ناس الزقازيق ... أجدع ناس (5) Author: عبد الدائم سيد أحمد Date: 09-13-2012, 07:16 AM Parent: #283
انا زعلان من مبارك جادين .. اكلنا حنك فى ناس علوم .. وما تم باقى المذكرات ... شوف وقفت وين يا جادين وتعال تم الباقى ... اتخيل لي وقفت عند حاتم صديق و الفاتح ...
،،،،،
نجيلة مالو من الصباح ... جمعة بكرة الميز على منو ...
و أنا راجع البيت أمبارح اتسغربت من الكتاحة البتجي من شارع الظلط دي... شارع حدادي مدادي محاط بالأشجار و المسطحات الخضراء.. و تقوم كتاحة من نص الشارع الأسفلتي... أول ما شفت الكتاحة قلت و الله صحي ان الصحراء لم تبح بكل اسرارها... لا تبليط الشوارع و لا زراعة الأشجار قادرة على هزيمة الصحراء... أفتح البوست القى ليك الكتاحة في قلب البوست... قريت و ضحكت و استغفرت... و قلت بيني و بين نفسي الزمن بيعمل أكتر من كده... الناس كلما تقدم بيها العمر بيتخطو حواجز كتيره خلاص... و اتذكرت قعدات العجايز زمان... تقعد جمبهم تسمع العجب العجاب.. و تلقاهم يضحكوا من جوه قلوبهم... اتخيل في ناس هنا وصلوا المرحلة دي خلاص... كمان لو عزموك عشاء و لا غداء.. تتوقع انهم يشيلو الصحانة بتاعت الأكل بره الصينية... و يكبوا الأكل كلو في الصينية و يحولوه لي صحن واحد... الملاح على الكسرة على المحشي على السلطة على اللحمة.. يلخبطوا كل حاجة و يعملوها صحن واحد... تستغرب بياكلوا الأكل ده كيف بالطريقة دي... لكن أكتر ما يميزهم ادعاء البطولات... و التي هي في الحقيقة كلها كلام ساكت و مافي أي حاجه بتتصدق...
قال زلزال قال... شوف القمبور ده...
Post: #286 Title: Re: ناس الزقازيق ... أجدع ناس (5) Author: عمر نملة Date: 09-13-2012, 10:59 AM Parent: #285
سلام تحيه اعتذر لأصحاب الاهتمامات الأخرى ... ابوعمار فضفض والله ماانو معرفتي باالهلال والمريخ اتوقفت من قبل مااصل الزقازيق. انت احتمال كنت صغير لما كنت في الزقازيق لكن صحبك الجذاب البعرف النص قبل مايجي الزقازيق دا لاصغير ولاحاجه بس ذكرني قدوره ود الجيران بسف قبل مايدخل المدرسه. عمر نملوز الزعلان مني
ابو الزوز انا فرحان منك الله لاجاب الزعل والحر ياديمه صرف النظر على المساكين رحمه و أنا راجع البيت أمبارح اتسغربت من الكتاحة البتجي من شارع الظلط دي... شارع حدادي مدادي محاط بالأشجار و المسطحات الخضراء.. و تقوم كتاحة من نص الشارع الأسفلتي. ياراش الله يطمنك بكره بكامل قواي العقليه مسافر قطر الدوحه اسمع صاحبك يكون قاصد ترتار.
Post: #287 Title: Re: ناس الزقازيق ... أجدع ناس (5) Author: عبد الدائم سيد أحمد Date: 09-13-2012, 11:14 AM Parent: #286
لاييييك شديد يا رشا كلامك وقع ليــا فى جرح قالو فى فار نايم صحى الصباح لقى ليهو كديسة ميتة جمبو قام قال انا ما قلت ليكم هظارى كعب ...
اها انتو يا رشا اصــــو الزول ما يهظر معاكم .... لكين حكاية الزلزال دى ما هظار دى تهور عديييل كده ...
،،،،،
نملة السكر ماشى قطر تسوى شنو .. حتأكل كبسة وبطنك تكبر وتقوم تجى الطيش ..
ياديمه والله قلت اشوف الاهل في قطر بس خايف من السخانه والزلزال يعني كم درجة الحراره والكتاحه
Post: #289 Title: Re: ناس الزقازيق ... أجدع ناس (5) Author: عمر نملة Date: 09-15-2012, 05:04 AM Parent: #288
سلام تحيه من قطر سلام من الغلايه سلام من الدوخه سلام ايوه بالخاء معقول لو تتطلع من الغرفه للمطبخ او اي جزء من البيت بدون تكيف تحس باالفرق طيب انا عايز اطلع بره شنو الدباره معقول من 14 درجه الي اربعينات .... اقول ليكم حاجه بارده
Post: #290 Title: Re: ناس الزقازيق ... أجدع ناس (5) Author: ميسرة سيد أحمد Date: 09-15-2012, 08:13 AM Parent: #289
صباح الخير ،،، يا وجوه الخير
التحية لكل المتداخلين وهذا الصباح
لنذكر فيه حبيبنا محمد صلى الله عليه و سلم
صلوات الله وسلامه عليك ياحبيبي يا رسول الله
انا كفيناك المستهزئين
Post: #291 Title: Re: ناس الزقازيق ... أجدع ناس (5) Author: ميسرة سيد أحمد Date: 09-16-2012, 06:43 AM Parent: #290
علاقة حب قديمة
سألوني تحبه !!!!!
قلت : بجنون !!!!
قالوا : أجميل هو
قلت : أكثر مما تتصورون
قالوا أين هو !!!!
************************
قلت في القلب وبين الجفون
قالوا أسمه :
فسكت حياءً !!!!!!!
وقلت : محمد سيد الخلق ورسول الله وشفيعنا يوم القيامة
صلوا على سيدنا محمد اللهم صلى وسلم وبارك على حبيبك وحبيبنا محمد صلى الله عليه وسلم تسليماً كثيراً صبحكم الله بالخير يا وجوه الخير
هذا القميص يذكرني بيوم جميل سألبسه من أجل ذلك اليوم... ذلك اليوم...يوم خريفي جميل اجتمعنا فيه حول صينية مليئة بالسمك المحمر... طلب مني صاحب السيارة الدبل كابين أن أكون جاهز ليقلني الى حيث العزومة... رغم انني في اجازة و أنا أعشق النوم حتى وقت متأخر في أيام الاجازات... الا أنني صحيت مبكرا و شربت قهوتي الصباحية و لبست ملابسي و بقيت منتظرا... رن تلفوني بعد انتظار ليس بالطويل.... اسمع انت جاهز...انا بكون معاك بعد عشرة دقائق... بعد عشرة دقايق بالظبط كان معي فركبت معه و توجهنا عبر شارع المطار... ثم مرورا بالقيادة العامة و هنالك أقلينا آخر كان ينتظرنا على ناصية الشارع.... ثم عن طريق شارع الجامعة لننطلق حتى عبرنا الكبري الى أم درمان... بعد أن عبرنا الكبري اتصلنا بأحدهم نسأله عن مكانه... أخبرنا بأنه قد تحرك من منزله في طريقه الينا... بعد أن عبرنا الكبري أعتقدت بأننا في طريقنا الى أحد المطاع قبالة النيل... و كلما أمر بأحدى المباني الجميلة على البحر أتوقع توقف العربة... و لكن العربة ماضية في طريقها دون توقف... ولأن سائق السيارة معروف عنه التمهل في القيادة فكنت أشعر و كأن السيارة لا تتحرك... و أنا القادم من الخليج حيث السرعة الجنونية و القيادة المتهورة... دخلنا الى شوارع أم درمان غير المسفلتة و التي خلفت فيها مياه الأمطار برك و مستنقعات... و نحن نتصل بصديقنا في كل مرة نسأله أين وصل... ثم توقفت السيارة الدبل كابين أمام مكان لم يكن كما توقعت... مكان ذكرني بنوادي عمال السكة حديد في الزمن الجميل.... مكان اجتمع فيه عدد كبير من الناس حول غرفة صغيرة بها شبابيك تفتح في كل الاتجاهات... كان ذلك هو المطعم... دخلنا عبر فتحة في السور لم أعرف هل هي بوابة أم حائط منهار... كل شيء ممكن في فصل الخريف في السودان... المكان مزدحم جدا أمام شبابيك الغرفة و رائحة السمك تزكم الأنوف... لاحظت وجود يافطة مكتوب عليها اجراءات الحج ... احترت في المكان..هل هو احدى المؤسسات الحكومية أم مكان لاجراءات الحج... سألتهم بعد تردد أين نحن فقالوا لي انه نادي الربيع... فتواريت مثلي مثل كل المغتربين خلف حجة الغياب الطويل عن البلد... حضرت صينية السمك المحمر و معه الشطة الحمراء و قطع الليمون.... غيابي الطويل عن البلد لم يجعلني لا أتعرف على المكان فحسب.... بل كان منظر الطين من حولي و أرتال الذباب التي تتبع صواني السمك شيئا منفرا... فبدأت آكل باطراف أصابعي و باليد الأخرى أحاول ابعاد الذباب... و لكني سرعان ما تناسيت الطين و ارتال الذباب و كل شيء حولي... فرفقائي كانوا من الذين يجعلونك تنسى كل شيء حولك... كنا ثلاثة ثم انضم الينا رابعنا الذي كنا نتابعة بالتلفون... كنت قد قضيت جزء من اجازتي في تركيا ثم حضرت الى السودان... و كان هذا ثاني أيامي في السودان.... جعلوني أندم على تلك الأيام التي قضيتها في تركيا... و تمنيت لو كنت قضيت كل اجازتي في السودان... كانوا...محمد صديق و جلا و زهير الزناتي...
Quote: من قطر سلام من الغلايه سلام من الدوخه سلام ايوه بالخاء ++++ ++++ معقول من 14 درجه الي اربعينات .... اقول ليكم حاجه بارده
حمد لله على السلام يانملوز ... نتمني ليك اجازة سعيدة ... وكمان لو كملت جميلك ... وخطفت رجلك لدبي ... تكون اسعدتنا ... وكملت الاجازة ... برضو نحنا عندنا .... رياضة صباحية ... وشواطئ شبيهه باوستيد ....
==============================
Quote: و تمنيت لو كنت قضيت كل اجازتي في السودان... كانوا...محمد صديق و جلا و زهير الزناتي...
ياحبيب اجازة شنو البتقضيها كلها في السودان ... يعني تركيا دي حتشوفا بتين ... السودان ده بلة شوق بس ... اسبوعين بالكتير ....... هسع سوق زهيرمعاك ... شوفو لو يمشي معاك الحتة دي تاني ...
============================ ود الزناتي ... انا اتمني ليكم الفوز ... ومن اعماق قلبي وانت تتمني لي الخروج من الدورة ... ان شاء الله زقاق بيت المال داك ... يقفلوك فيهو مع اربعة كـــــــلاب ... ونعامتين .... وانا ومحمد عيد نعاين ليك من فوق الحيطة ....
بجيك راجع بعد مباراتنا مع اهل شندي ... وحاشرح ليك سناريو ... البطولة ... ياغتت ....
==========================
Post: #294 Title: Re: ناس الزقازيق ... أجدع ناس (5) Author: منصور عبد الرازق Date: 09-16-2012, 10:41 AM Parent: #292
Quote:
لكن أكتر ما يميزهم ادعاء البطولات... و التي هي في الحقيقة كلها كلام ساكت و مافي أي حاجه بتتصدق...
قال زلزال قال... شوف القمبور ده...
قولوا واحد
Post: #295 Title: Re: ناس الزقازيق ... أجدع ناس (5) Author: منصور عبد الرازق Date: 09-16-2012, 10:43 AM Parent: #294
Quote:
و أنا راجع البيت أمبارح اتسغربت من الكتاحة البتجي من شارع الظلط دي... شارع حدادي مدادي محاط بالأشجار و المسطحات الخضراء.. و تقوم كتاحة من نص الشارع الأسفلتي. ياراش الله يطمنك بكره بكامل قواي العقليه مسافر قطر الدوحه اسمع صاحبك يكون قاصد ترتار.
بقن اتنين
Post: #296 Title: Re: ناس الزقازيق ... أجدع ناس (5) Author: منصور عبد الرازق Date: 09-16-2012, 10:45 AM Parent: #295
Quote:
اها انتو يا رشا اصــــو الزول ما يهظر معاكم .... لكين حكاية الزلزال دى ما هظار دى تهور عديييل كده ...
تلاتة
Post: #297 Title: Re: ناس الزقازيق ... أجدع ناس (5) Author: منصور عبد الرازق Date: 09-16-2012, 11:01 AM Parent: #296
هى , ما تنسوا كمان رقم صفر , قبل الواحد والأتنين والتلاتة الزعيم الغامض الذى لا يعرف حقيقته احد الكان مع الشياطين التلتاشر داك
Quote:
وفي الختام ... وريناهو طريق النص ... والربع ... وفتايل البازوكا الكمان ...
يا جماعة ترحيبات شديدة بنملة في الخليج ... ياخي انا اقول النور الجاي من جهة قطر ده شنو بالليل انا قلت يمكن دي القمرة ..... يا منص عوض دكام الله يرحمه مرة في برنامج تلفزيوني قال ودوهم الدفاع الشعبي في دورة اسمها دورة المدراء ولا حاجة زي دي .... اها في واحدة من الجكات دي قاموا زاغو وخشو نص الجلة لقوا شافع قالوا ليهو جيب لينا موية بالله ، اها الشافع النوع القليص سألهم انتو شغالين شنو ياعم الراجل المع عوض دكام قال ليهو انا مدير بنك النيلين وعوض دكام قال ليهو انا مدير مستشفي الأسنان ، قال ليهم والله يا عمو أنت بتنقبلوها قنبلة ... قلت لي زلزال بس ما وريتنا كم علي مقاس ريختر انا غايتو بتفق مع رشدي في موضوع الفنبور ده ....
يا نجيلة الزول الاعصابه باظة واضحة ، قبيل بالصدفة واحد مصري أتصل علي بالغلط ، بعد السلام يبدو انه سمع الصوت ما ياهو قال لي الأخ ابراهيم عطا .... لا والله معاك فتحي فرج الله ... لا معليس يا أخ فتحي يبدو أنه النمرة غلط ، شفت المسالة انا اعتبرتها بشارة خير لدفاع المريخ المهلهل ، ندمت ما قلت ليهو لا معاك حاتم محمد احمد ، يمكن المسالة تظبط مع اولادنا بتوعين شندي وتعملوا بلنتيات زي حقت حاتم الراجل داك ... المهم في النهاية الايام دي انا ماشة معاي باسطة الهلال غالب وبرشلونة غالب وريال مدريد مرشوش ونسأل الله ان يكون مصيركم مصير الريال أمس ... وزقاق بيت المال بعد داك بنقدر عليهو ...
قال زلزال قال ....
Post: #300 Title: Re: ناس الزقازيق ... أجدع ناس (5) Author: منصور عبد الرازق Date: 09-16-2012, 11:40 AM Parent: #297
يعنى نفيسى بت بغدان تبشتنا جنس البشتنة دى وتمشى ساااااااااااااااااكت كده بس فالحين تاكلوا السمك فى ميدان الربيع وتقوموا من النوم بدرى وتقطعوا شارع النيل من اوله لى آآآآآآخره وتجوا قطر فى الهجيرة دى يا كافى البلاء عمرة سااااكت ما بتطروها وكمان عاوزين تجروا من مكة لغاية المدينة وخايفين من ديجولبا المالى انتو كدى امرقوا من اهلى شندى فى الأول لمن تصلوا ديجولبا , يحلها الحلال وبعدين السمك ده , ما فسفور تقيل يا اخوانا طيب ما دام فوسفوركم عالى قدر ده مال شايلين حالنا مالكم مع بت قشران دى يمين السنة دى بعد ما ضربنا السمك والطحنية لاحظوا معاى بالله الكوتش ده مفترى قدر شنو سمك قال ليك , ومعاهو طحنية يعنى فوسفور , معاهو السكر بتاعو عليك الله تانى الزلزال بتحسوا بيهو ؟؟؟ البيحس بالزلزال بعد السمك والطحنية , فليتحسس (طبنجته) انا غايتو ادونى خبره تانى يوم ولا تالت يوم ما بعرفوا حتى اليوم داك , امى الله يرحمها , قالت كده وفقعت الزغرودة بس تانى قامت نادتنى وقالت لى , كلامك ده , اوعاك تقولوا لى زول قوم انا الشليق ده , قولتوا ليكم
وعلى فكرة كمان الكوتش فى مكتبه , بعد ما تأكلوا السمك والطحنية , وقبل ما يطلع قلمه التروبر السائل لو كان الحقنة ولا الأنبوبة بيديك اول حاجة , بخة بختين من الفتيل الليلو الفى الدرج داك بعد ما يديهوا خجة خجتين وبيقول ليك , بخة بختين بس , لو زدتهم , الله قال بى قولك بما معناهو يعنى , انو ما مسئول من النتائج اها يا طارق جبريل , الحتة دى بالذات , ركز عليها واحكيها لى بت قشران المطرطشة دى وكان داير تبرها زيادة كمان قول ليها بعد البخة او البختين يقوم كده الكوتش , ينادى للولية بتاعت الشاى المسكينة تجى جارية جرى يقوم يقول ليها , شايك ما دايرينو , قهوتك زاتا ما دايرنها المسكينة اعصابها تبوظ , جنابو ده يا ربى الزعلوا مننا شنو ؟؟ سبب وااااحد يزعلوا مننا مافى , سيد البلد , وغالب تلاتة صفر مدثر كاريكا , ومجضم الكفر ولابس تحت الفنيلة بتاعتو الا رسول الله فى عظمة اكثر من كده ؟؟ انحنا كم , الولية تتلبش تودر , وتقول ما ياكم اربعة ولا خمسة ما عارف الكوتش , وانا , وعبد الرازق حجازى , والريس معتصم جعفر , والود جلا يلا قومى جيبى خمسة كبابى فاضيات الولية قربت تقول ليهو يا جنابو انتا فكت منك ولا شنو ؟؟ لكن المسكينة ما خايفة , قامت كده وجابت كبابيها الفاضية الكوتش طلع من درجه المليان عجايب داك , ظرف الليل قهوة قال جايبنو ليهو من اديس ابابا , ولا نيروبى ما عارف ولا يا ربى قال من البرازيل ؟؟؟ المهم صرف لى كل كباية فاضية , معلقة صغيرة من البن (الكلكى ) اللابس (ملكى) المسكينة بس مشت من عندها ختت عليهو الموية الحارة , وجابت السكر برة سطلنا وحاتكم بى بن الكوتش داك , لامن الفتيحاب بقت لينا اقرب من (حبل الوريد) اها , الزلزال وعرفناهو وحاتكم لامن وصلنا الفتيحاب , الجماعة قالوا لينا , انتو المطرة دى , ما مرت عليكم ولا شنو ؟؟!! هذا ما كان عن امر المطرة , والزلزال , وان عاد المرجفون , عدنا
Post: #298 Title: Re: ناس الزقازيق ... أجدع ناس (5) Author: عمر نملة Date: 09-16-2012, 11:12 AM Parent: #296
حمد لله على السلام يانملوز ... نتمني ليك اجازة سعيدة ... وكمان لو كملت جميلك ... وخطفت رجلك لدبي ... تكون اسعدتنا ... وكملت الاجازة ... برضو نحنا عندنا .... رياضة صباحية ... وشواطئ شبيهه باوستيد ....
سلام تحيه ابوعمار الساعه السابعه مساء الجمعه وانا داخل الدوحه السياره مكدنشه وساحل البحر على بعد امتار عليك الامان شايف بوخ بخرج تاني يوم السبت مع صلاة الصبح درجة الحراره 42 معقول قبل مايطلع الوقت والشمس والله عايز اشوفك انت والرشيد واولادتكم بس مفروض ارجع ليل الجمعه وزي ماقال ود بادي سادة البلد العالي سلام كان جيتكم في الصيف ابقى ملام منصور اقول ليك حاجه قول اخوي واختي وابن عمي قالوا لازم البس طاقيه عشان اغطي الشعر والبس حاجه فوق الفنله البدون اكمام قلت ليهم عليكم الله نقبوني ياناس الحريه انقذوني
Post: #301 Title: Re: ناس الزقازيق ... أجدع ناس (5) Author: منصور عبد الرازق Date: 09-16-2012, 11:59 AM Parent: #298
Quote:
منصور اقول ليك حاجه قول اخوي واختي وابن عمي قالوا لازم البس طاقيه عشان اغطي الشعر والبس حاجه فوق الفنله البدون اكمام قلت ليهم عليكم الله نقبوني ياناس الحريه انقذوني
* وش احمر * واحد تانى اخدر * وش فطسان من لضحك * صورة لى نملوز جارى جنب بحر الشمال , وهو يزح التلج من طريقه زححان * صورة لى نملوز واقف فى بلكونة بيتهم فى اوستنداندزى , والقطر ماشى من بعيد , وبحر الشمال مضطرب الأمواج * صوت لى الطيب عبد الله يغنى , ايه بحر الشمال وانت النيل حداك , صافى كالزلال , عنده جلس (ملاك) , شوقى ليكا طااااااال * صورة لى جلال عثمان لابس عدة الرياضة , وجارى حوالين ملعب الملز , ولا عرقان ولا حاجة * صورة للكوتش وجلا والريس معتصم , لابسين هدوم الرياضة وبيشربوا قهوة البرازيل * صورة لى انا زااااتى , باكل فى ويفر سخن بالشكولاتة على شاطىء بحر الشمال , صورة لى نملوز بياكل فى (ايسكريم سخن برضو) فى بيتش الدوحة * صورة لى زول واقف فى صف مكاتب طيران قطر , داير ليهو طريقة حجز قبل الجمعة , والا ممكن (يسيح عددددديل) ** مشكلة كبيرة , حتة تانى زاتو لى اى صورة مافى , تموها خيال سااااااااى
Post: #302 Title: Re: ناس الزقازيق ... أجدع ناس (5) Author: ميسرة سيد أحمد Date: 09-16-2012, 12:09 PM Parent: #298
Quote: هذا ما كان عن امر المطرة , والزلزال , وان عاد المرجفون , عدنا
أنت قاصد منو ناس المريخ طيب ما تقول محمد عيد عديل كدي وصاحبة البحب المريخ الإسمة ياسر نجيلة ياربي شندي دي وين
واحدة شايقي كرت من البلد راكب القطر دخلوا عطبرة قالت لولده دي عتبري قال ليها دي عطبرا أفتحي خشمك يا أمي ،،،،، وصلوا شندي قالت ليهو دي شندا ،،،،،
Quote: اخوي واختي وابن عمي قالوا لازم البس طاقيه عشان اغطي الشعر والبس حاجه فوق الفنله البدون اكمام قلت ليهم عليكم الله نقبوني ياناس الحريه انقذوني
يا حبيب حرية نهي !!!!!! ربنا يرجعك لأولادك بالسلامة بس ما تجي حج ولا عمرة تعال لينا في الشتاء
Post: #303 Title: Re: ناس الزقازيق ... أجدع ناس (5) Author: عمر نملة Date: 09-17-2012, 04:51 AM Parent: #302
سلام تحيه الحمد لله اتصلت بالسفاره الهولنديه وابلغتهم عن سؤ معاملة الطقس الذي لايصلح للاستخدام الادمي وقد قامت السفاره الهولنديه من باب الحرص على سلامات مواطنيها وضعي في منطقه هولنديه داخل السفاره تم تجهيز جو ممامثل لهولندا. يامنصور نملوز اتورط مابين حريق الدوخه وسندان عدم الحريه اللبسيه ، تقول لي ايسكرم ساخن قول والع كريم . وشايف الريس بقول حريه نهي وظاهر الا اقول ياابومروه ابوالزوز لو سمحت ماعايز ترحيبات حاره رجاء ترحيبات بارده خالص د الصادق القروش تطير ولاتفكر تجي وتعمل للبنات عقده طقسيه
يا فتحي فرج الله ... الاسم ذكرني بصلاح فرج الله ... صديق اخونا عبدالدائم النضيف ...
اها ياشمات المريخ اول المتأهلين للدور قبل النهائي ...
سيناريو ... متوقع: المريخ اول المجموعة ( إن شاء الله) بـــ 12 ــــ 16 نقطة شدو حيلكم يا هلالاب ... عشان تكونو تاني المجموعة (اهلي شندي املو كبير وقانص ليكم) اها ... في دوري الأربعة أول المجموعة حيقابل تاني المجموعة التانية ... يعني المريخ حيقابل ليوبار الكونغو ... وح نحشو حش ... ونمشي النهائي ... انتو حاولو جازفو المرعب دجوليبا المالي ... مرشح بقوة 100% .. ولو قابلتونا في النهائي ... الكأس مضمون ... للأحمر الوهاج واحد صفر في المقبرة ... 2/1 في الريد كاسيل ...
الحقيقة.... الُمرّرره ...: المريخ من دوري الاربعة ... للنهائي بعد تخطية ليوبار ... انتو دجوليبا حيمعطكم معط الموية الحارة لريش الجداد ...
وحيقابلنا في النهائي ... وبالتالي ح يرشنا رش الجمكسين ... للفراش ... .........
============================== يانملووووووووووز بالله حاول تعال لينا ... عندنا شاطئ هنا في دبي ... شعرك ذاتووو بعتبروه .... نقاب ...
============================= لكن يامنص .... عثل ... عثل .... عديل كده وكمان عثل ... بسمك وطحنية ... قلت لي ... المطرة والزلزال ... مع بعض ... واحدة بشمة بن برازيلى والتانية ببخة حبر (خمرة) ...
============================ ود الزناتي جايك .... بعد يوم الخميس ....
نجيلة ذكرتني يوم الخميس بواحد صاحبنا كل خميس شابكنا ليك الخميس الفات الليلة يا حليلو ... وهسه جاي شابكنا ليك الزلزال ....
انا غايتو كان عندي امل في الكاس ، اها المعلق الوهم والرشيد المهدية شابكننا ليك المجموعة دي احسن والكاس اكيد سوداني قلت امشي اشوف كورة ديجوليبا والوداد ، انا اصلا من قالوا فيها الوداد قنعت من الكاس (الضايق عضة الدبيب يخاف من جرة الحبل) المهم مشيت لقيت ليك الفريق المالي راشي ليك الجماعة واحد صفر من قولة تيت ، اجسام فارغة وقوية ولياقة فت وفريق منظم يعني مش مرشح رقم واحد يمين بدفاعنا التعبان ده من الشوط الاول ناخد خمسة ... اها انشاء الله يلم في المريخ شاحد الله يمعط ليهو ريشه وما يخلي فيكم نفاخ الطير ...
يا نملوز اركز .... يمين هسه الجو أتصلح يعني لو جيت قبل شهر كان سمعنا سكاليبك في الدمام ....
موسي عيسي بطل استهبال وامشي شوف عيد الميلاد .. الواحد كبير ولابس عمة وجلابية تقول عضو في التأسيسة تسال يقولوا ليك عيد ميلاد
يا جماعة الكوتش وين ....
قال زلزال قال
Post: #307 Title: Re: ناس الزقازيق ... أجدع ناس (5) Author: ميسرة سيد أحمد Date: 09-17-2012, 07:19 AM Parent: #306
صباح الخير ،،، يا وجوه الخير
دعوة صباحية:::
اليوم سادعو لقلوب قريبه لقلبي : اللهم ارزقهم ما يريدون وارزق قلوبهم ما تريد واجعله كما تريد
اللهم قدر لهم ذلك قبل ان تأذن للشمس بالمغيب(اللهم امييين)
موسي عيسي ... الزول ده طاشي ولا رايح ... انتو على كيفكم ... تمشو وتجو ... بدون اذن ..
يعلم الله مشتاقين يا اباالعهود ......
===================================
Quote: كورة ديجوليبا والوداد ، انا اصلا من قالوا فيها الوداد قنعت من الكاس (الضايق عضة الدبيب يخاف من جرة الحبل) المهم مشيت لقيت ليك الفريق المالي راشي ليك الجماعة واحد صفر من قولة تيت ، اجسام فارغة وقوية ولياقة فت وفريق منظم يعني مش مرشح رقم واحد يمين بدفاعنا التعبان ده من الشوط الاول ناخد خمسة ... اها انشاء الله يلم في المريخ شاحد الله يمعط ليهو ريشه وما يخلي فيكم نفاخ الطير ...
اخير واحد دخل معاي في الخط ... الناس ديل انا شفت ليهم 3 مباريات ... والله مازنبي كان ارحم ....... راشين الوداد 1/2 رايح ...جاي ...
السنه دي أنا غيرت من الريال لكن ما حولت لي برشلونة... و السبب مورينهو.. من ما قال تاني قولو لي الأوحد كجنتو بي الله واحد... و اتمنيت الريال يتغلب في كل مبارياته الجاية... عشان الراجل ده يبطل غرور و فرعنة كروية.... و ما قدر يتعلم من درس جوارديولا الفاز بي 13 لقب في زمن قياسي... و رغم كده ترك الفريق و مشى يرتاح في عضامو دي.. و لا قال سموني الأوحد و لا الاثناعشر... بس مشكلتي ما لاقي لي فريق في أسبانيا رغم اعجابي بي اتليتكو مدريد... بقيادة الكولومبي فالكاو الهداف التاريخي للاتلتيك...
Quote: الحمد لله اتصلت بالسفاره الهولنديه وابلغتهم عن سؤ معاملة الطقس الذي لايصلح للاستخدام الادمي وقد قامت السفاره الهولنديه من باب الحرص على سلامات مواطنيها وضعي في منطقه هولنديه داخل السفاره تم تجهيز جو ممامثل لهولندا.
يا عمر ما بتلقى ليك فرقه لي أخوك... دخلني معاك ينوبك ثوابه... فترت ياخي من الشغل و زهجت كمان... روتين قاتل اليوم يبدأ خمسة صباحا و لا ينتهي... الأيام ملصقه في بعض يا عمر... أيوه و الله ملصقه لصيق عديل كده... مافي فواصل بينها... السبت لاصق في الأحد ...و الأحد لاصق في الاتنين... مافي أي فروقات تخليك تقول و الله يوم الأحد الفات عملن فيهو كده.... و لا يوم الاتنين يوم مشينا الحته الفلانية... الأيام بتشبه بعض شبه شديد... خمسة صباحا لي خمسين مساءا... ياخي عايز بتين أبقى قدر منصور عشان انزل معاش.... مهند ولدي بيقول لي بتين يا بابا أبقى قدرك.. قلت ليهو تبدل...ياخي أنا فترت... قال لي ما تشيل هم أنا بكبر و أشتغل و أشتري ليك سيارة لامبرجيني... قلت ليهو بشرط يكون معاها سواق...
و برضو تقول لي زلزال يا عمر...
Post: #311 Title: Re: ناس الزقازيق ... أجدع ناس (5) Author: عمر نملة Date: 09-17-2012, 10:51 AM Parent: #310
عموما الف حمدلله علي السلامة يا ود نملوز و ليك وحشة والشي
التاني الواحد لمن يطلع من عروبا دي لازم يمر الحرم دا
يغسل السكسك بتاع الخواجات دا و بعدين يمشى باقي الخليج
فانت بديت بالعكس و لكن منتظرين منتظرين تذكر مره و تمرنا
انشاء الله ترانسيت بالمطار بنسلم عليك و ناخد الفيها النصيب
انشاء الله حكي ساي !!!؟؟ سلام عليك ياموسى انت قاصد اغسل السكسك بتناع الخواجات ولا احرقه. سالت خاله هولنديه جالسه جنبي : الايام دي بنزل مطر في الدوحه؟ قالت لي: لا الايام دي لا القبلها لا البعدها تقول لي اغسل.
يانملووووووووووز بالله حاول تعال لينا ... عندنا شاطئ هنا في دبي ... شعرك ذاتووو بعتبروه .... نقاب ... ابو عمار عارف الاسد مطارد الحمار والاتنين غرزوا في الطين اثناء ذلك مرا الثعلب بيهم الاسد قال للثعلب: شايف الورطه الفيها انا دي؟ الثعلب قال ليه: انت الورطه لسه ماشفتها بكره الطين بينشف وصاحب الحمار بيجي يفتش حماره؟ انا لي يوم الجمعه بسكل ب حتى يسمعوا الدمام والفشفاش ذاتو بس الورطه في باقي العمر.
يا عمر ما بتلقى ليك فرقه لي أخوك... دخلني معاك ينوبك ثوابه.. ياراش هو باقي فيها ثواب يااخي غفر لكم ماتقدم وماتاخر معقول شغالين وعايشين في الغلايه دي وكمان بتقولوا نكات وبتكتبوا كلام حلو والله غشيتوني انا قلت طالما الناس دي نفسياها كدا امشي ليهم. ياريس خلى دعاء الصباح بكره للجو بس ولا اقول ليك صلاة استثغاء. دكتور الصادق لاعذر لمن سخن. انا قلت طالما ديدو مستحمل الجو دا السنين دي كلها اكيد نملوز بياكل ناروا انا طلت نيذوا بهدي ليكم اغنية زاد بي لهيب الشوق
Post: #312 Title: Re: ناس الزقازيق ... أجدع ناس (5) Author: منصور عبد الرازق Date: 09-17-2012, 11:36 AM Parent: #311
المرجفين , ما رجعوا بس ولا كمان رجعوا براهم الجماعة رجعوا راكبين لامبرجينى , وهارشين من ديجولبا المالى كمان ما دا البيدى نفيسى بت بغدان فرصة فيكم يا وهم تخافوا من ديجولبا وما عارفين انو لا توجد منطقة وسطى ما بين الموت على صدرى او فوق دفاتر اشعارى ؟؟؟ قبلكم وحدكم يخجوا ليكم فى الفتايل ويسقوكم البن البرازيلى بالموية الحارة وياكلوكم السمك والطحنية وطارق جبريل يشيل ويجيب فى الصور لامن عربيتو اتعطلت , وخاطبت (حبوبته) , بى لغة الفتايل المخجوجة (عرباتكم ) وبرضو لا حياة لمن تنادى غايتو املنا بس , فى موسى عيسى الجا صادى ده بس ده زاااااتو قال عمل ليهو عيد ميلاد نملوز اغايتو , جوازه لونه احمر , هو ومعاهو دكتور الصادق انتو الباقين , ان شاء الله تتجازوا , ربنا يوفقكم وتشتروا اللامبرجينى , وتعملوا مواقع النت الجديدة كان تسموها النفاج , ولا الكلاكلة صنقعت برضو نفيسى بت بغدان بتقول ليكم طق طرق يازول , القهوة كيف ومزاج طق طرق يا زول , خلى النعدل الراس
اتارى الكوتش ده حاسى بيكم من زماااااااان وعامل معاكم مجهود كبير خلاث , المسيكين , قايل القبة تحتها فكى يشيل ويديكم فى الفوسفور , ويشيل ويكيل ليكم فى الطحنية ويخج ليكم فى فتايل الشىء القالتو حبوبة طارق جبريل المطرطشة ديك ويحبس ليكم بالبن البرازيلى ويسوى ليكم فى تمارين الرياضة وينتظركم فى الشهداء , ويجيكم يصحيكم من اركويت البعيدة دييييك وعينو لى سمك عوضية , يقوم يقول لا , الجماعة ديل ناس مرطبين ودايرين الجو (الربيع) ولغاية دار الصيادلة زااااتا وداكم اها , الزول ده , يسوى ليكم تانى شنو يعنى يسلفكم قلموا التروبر يعنى ؟؟ ولا يديكم قلمه السائل (الحقنة) ولا (الأنبوبة) تجى شوية مطرة ولا حبة زلزال تقوم نفسكم وتقعدكم فى الصقيعة دى ؟؟؟!!!
* والله امى الله يرحمها , زغردت ليها جنس زغرودة لامن سالتها من الزلزال البيقولوا عليهو داك تقول لى منو وتقول لى شنو ؟؟؟!!! انتو بس ارجو لى اللامبرجينى والبسوا لى القمصان الخدرا وخافوا لى من ديجولبا المالى قبلكم وحدكم !!!!!!!
Post: #313 Title: Re: ناس الزقازيق ... أجدع ناس (5) Author: ميسرة سيد أحمد Date: 09-17-2012, 12:41 PM Parent: #312
Quote: المرجفين , ما رجعوا بس ولا كمان رجعوا براهم الجماعة رجعوا راكبين لامبرجينى , وهارشين من ديجولبا المالى كمان
نضميكم سمح خلاص بس ناقصة ود جبرين
يتم لينا القصة حقته ،،،
وكمان محمد عيد منتظر مباراة المريخ في دار جعل
يا نملوز إنت ما عايز تسمع الكلام ليه ، مكة دي ما أحسن
ليك من قطر ديك أصلها كلها سخانة في سخانة وممكن تحس عندنا بالإطمئنان
يا نملوز إنت ما عايز تسمع الكلام ليه ، مكة دي ما أحسن
ليك من قطر ديك أصلها كلها سخانة في سخانة وممكن تحس عندنا بالإطمئنان
والتسلية الروحية وتنسى مسالة الدوخة
ياريس عندكم احرام بدون اكمام يعني صيفي بمواصفات اوربيه ولا نرجعوا ونجيكم ونتتظر طبقة الاوزون ولا ود الماذؤن ولا المارثون ماعارف انت عارف ربنا من صدق اياته قال( اطعمهم من جوع وامنهم من خوف) يعني اصلوا الطقس دا ما منا بيه عليهم بس اشترط لو ان اهل القرى امنوا لفتحنا. عارف البركات دي زاتها ما الجو اللطيف والوعد والوعيد دا مااالسخانه دي والله الحل ايمان جماعي. قلت لي تسليه روحيه... الحاصل دا حرب والان قادر استوعب اسباب الحروب من الجاهليه الي اليوم سببها الغلايه. وحتى الوعيد بالنار والسموم يا منصور والله الان فهمت ارتياحك لاجازة اوربا يااخي اسف للفهم المتاخر د الصادق اعمل حسابك وعربيك واهم حاجه ايرلنديك ماتتورط زي الاسد بس انا مستغرب كمال كريم الوعد عايش كيف في الغلايه دي انا محاربكم وماعايز معاكم علاقات خليجيه ######انيه شوفتوا كيف حتى بكري سحب كلمة وس خانيه فاكرها وس خ
Post: #316 Title: Re: ناس الزقازيق ... أجدع ناس (5) Author: ميسرة سيد أحمد Date: 09-17-2012, 02:25 PM Parent: #315
Quote: ياريس عندكم احرام بدون اكمام يعني صيفي بمواصفات اوربيه ولا نرجعوا ونجيكم ونتتظر طبقة الاوزون ولا ود الماذؤن ولا المارثون ماعارف
عارف يا نملوز في واحد من جماعتنا حضر معنا حج في الثمانينيات
وفي عرفات فوجئنا به!!!! الراجل لابس سرواله ،،، يا زول ده شنو مامعانا مخيط
قال والله أنا ما بقدر أعملها هسع الناس دي حفيانين وعريانين وبطقعوا بالحُجار
شوفي لي الهدي كيف؟؟؟
الدور عليك إنت تعال لابس من غير كم ومن غير إحرام ونضبح ليك الهدي وتكون عمرتك
Post: #318 Title: Re: ناس الزقازيق ... أجدع ناس (5) Author: عبد الدائم سيد أحمد Date: 09-18-2012, 06:52 AM Parent: #317
Quote: * والله امى الله يرحمها , زغردت ليها جنس زغرودة لامن سالتها من الزلزال البيقولوا عليهو داك تقول لى منو وتقول لى شنو ؟؟؟!!!
انا ما فاهم اي حاجة من كلامك ده ....
حتى بعد قهوة الصباح ...
Post: #319 Title: Re: ناس الزقازيق ... أجدع ناس (5) Author: ميسرة سيد أحمد Date: 09-18-2012, 09:48 AM Parent: #318
صباح الخير ،،، يا وجوه الخير
اللهم يا عزيز يا جبار اجعل قلوبنا تخشع من تقواك واجعل عيوننا تدمع من خشياك
واجعلنا يا رب من أهل التقوى وأهل المغفرة
وأثلج صدر نملوز بالماء وبالبرد
Post: #320 Title: Re: ناس الزقازيق ... أجدع ناس (5) Author: منصور عبد الرازق Date: 09-18-2012, 09:59 AM Parent: #319
Quote:
انا ما فاهم اي حاجة من كلامك ده ....
حتى بعد قهوة الصباح ...
الغتاتة ما عندك لكن وانتا اصلا عاوز تفهم لى شنو يا غتت ؟؟!!! العاوز يفهم يسال يا طارق جبريل يا نفيسى بت بغدان يا الكوتش محمد صديق
* نملوز يا حلو , وحاة الله الأيام دى انحنا محتفلين بالربيع المكيف بتاعنا زااااتو , اديناهو اجازة
Post: #321 Title: Re: ناس الزقازيق ... أجدع ناس (5) Author: منصور عبد الرازق Date: 09-18-2012, 10:06 AM Parent: #320
Quote:
صباكم ..... أبيض وكأسكم .... أحمر
عارفك قاصد صباحكم لكن الكاف السقطت دى ما وقعت لى فى جرح لكن ماشة معاى باسطة يا معلم
Post: #322 Title: Re: ناس الزقازيق ... أجدع ناس (5) Author: منصور عبد الرازق Date: 09-18-2012, 10:11 AM Parent: #321
Quote:
قال ايه قال المرجفين بالله شوفوا صحبك ما قدر يثبت الكورة
في الكتابة و قال الناس راجفين اللهم ثبت منصور و زهير
بالقون الثابت يوم نلقاهم في الرد كاسل !!!!!!***
ويثبتا لى شنو يا ابو عهود ؟؟ انا الشافو خلو يا موسى انحنا زلزال ما (نهس ) , مترة كمان ما نشيف البيدخلنا رد كاسل شنو ؟؟!!! دايرنا نجليها واقفة ولا شنو ؟؟ نحنا ناس على الطاير بس شفتا كيف ؟؟
Post: #323 Title: Re: ناس الزقازيق ... أجدع ناس (5) Author: ميسرة سيد أحمد Date: 09-18-2012, 03:08 PM Parent: #322
Quote: دايرنا نجليها واقفة ولا شنو ؟؟ نحنا ناس على الطاير بس شفتا كيف ؟؟
عفيت منك ها منصور دا كلام الرجال
قلت لي الجو عندكم كيف !!!
والمكيف مالوا ،،،
ياربي دي الرياض ولا الرباط
Post: #324 Title: Re: ناس الزقازيق ... أجدع ناس (5) Author: ميسرة سيد أحمد Date: 09-19-2012, 06:52 AM Parent: #323
صباح الخير ،،، يا وجوه الخير
دعاء الصباح :
يا رب الأرباب .. يا من إذا دعي أجاب .. يا سريع الحساب .. يا عظيم الجناب .. يا كريم يا وهّاب .. رب لا تحجب دعوتي ..
اللهم أجعل القرآن ربيع قلبي وأرزقني من الخيرات ما ينوء قلبي عن ذكرها الهم نسألك الجنة وحسن الختام،،،
- حسن (قاعد في مراح الغنم في بنبر): هسي خلاص حا تسافري بورتسودان عزة (طالعة في بنبر بالحيطة من بيتهم): أيوة ياخي الجامعة قفلت وأبوي قال لي سافري تعالي.. - حسن: طيب أشوفك كيف تاني - عزة: والله ما عارفة يا حسن - أم حسن: انت يا ولد لليلي قاعد تسقي في الغنم ديل أصلهن كانن صايمات - حسن: يمة في شنو جايي أنا - عزة: سجمي كان جات داخلة هنا يا حسن - حسن: غتسي راسك تحت الحيطة لحدي ما أخارجها الحاجة دي.. الغنامية البُنية تمشي وتجي تنكرش في ضهر حسن... حسن طلع في البنبر عايز يمسك عزة من يدها.. البنبر فيهو تلاتة رجلين جاء متقلب بيهو في ظهر الغنماية السوداء وقعدت تكورك - حسن: أسكتي يكوركو عليكي إن كان فضحتيني - عزة (ميتة من الضحك): وووووب علينا أمك جات أم حسن: سجمي يا ولد انت الملاك بعَر كدي شنو - حسن: يمة أقوليك شي.. انعل ميتين غنمك وميتين بصات بورتسودان وميتين عميد الجامعة ...........
Post: #326 Title: Re: ناس الزقازيق ... أجدع ناس (5) Author: منصور عبد الرازق Date: 09-19-2012, 10:46 AM Parent: #325
عندما تجاوزتني السيارة الفيراري الحمراء هذا الصباح تذكرت بعر جبريلا... لا أعرف سبب ربطي بين الفيراري و البمبر أبو تلاته رجول... امكن لأن الفيراري قريبة من الواطه زي البمبر... لم يبارح خيالي أبدا منظر حسن و الجكسوية في رومانسيتهم متجاهلين رائحة البعر و الغنم... صحي الحب يصنع المستحيلات... حاولت التداخل منذ أول يوم قرأت فيه النص البلدي ده... أو ممكن نقول النص الفولكلوري ده... لكن مشغولياتي و الريحة القاتلة بتاعت البعر منعتني من الدخول.... نص يخليك تقرأ و تشعر و كمان تشم لنص يستحق الثناء... و لا مش كده... لدرجة انني بلغ بي التفكير ان حسن هذا ما هو الا جبريلا... استدعي احدى مغامراته من الماضي ثم قام بتبديل الأسماء... التظليل شديد التعتيم و السرعة الفائقة للفيراري لم تمكنني من رؤية ما بداخلها... و لكن عند الاشارة وقفت محاذيا لها... ثم اذا بالزجاج المعتم ينزل فجأة و ينكشف ما بداخلها...
ميتين الفيراري زاتو... تقول لي بعر و بمبر بتلاته رجول... أخير زلزال صاحبنا...
Post: #330 Title: Re: ناس الزقازيق ... أجدع ناس (5) Author: عمر نملة Date: 09-21-2012, 07:00 AM Parent: #329
سلام تحيه الحمد على كثير، اليوم اغادر ارض الدوخه الي بلاد العم الطيب الي الجنوب وكم انا سعيد بالعوده الي سندتي اوستندنتي وكم انا حزين لمفارقة الاذان ايوه الاذان بتسمعوه كل يوم وصار عادي في حياتكم وبالله كبف لو زرت الحبيب واذان مسجده النبوي واذان الحرم بالله مافي طريقه يكونا عندنا بس الحلو مايكمل. قابلت بفضل البوست المرتاح انور حسن خالد ومولانا طارق عوض الكريم ( ود الشيخ) ومعه الاستاذ احمد عمر الذي بادرني والله انا بكري ود الماذؤن لو لاقيته الا ادقه وانا البوم البعجبه الخراب قلت ليه ماتخلي عضم بالله اول ماجلسنا يقوم احمد يتصل ويقول ازيك يابكوري وسلام وسلمني ليه وقال ايه تعال عندنا في البخرين هو انا قادر اتحلى من القطر دا. وجلسنا جلسه لطيفه وشايف احمد عمر يظهر عامل رجيم وماشاء الله عيني بارده اما طارق مازال باتزانه ربنا يزيد اما ابوالنور الصبر والتخطيط طويل المدى تخيلوا انور كان بحل الكلمات المتقاطعه في جريده الاهرام بتاعت يوم الخميس 25 في 25 مربع والله بيحلها كلها يوم الجمعه. برجع لحكاوي شباب حقوق خاصه زكي وليد مبارك وسيد باشا ومجتبى اسه انا قلت ود الماذؤن والمرحوم درش وود ابوسن وعضم العريس بس الوتت نلقى ياريس شكرا على الغسيل باالثلج بالله شوف لينا بعد دا دعوات دافيه لانه برجع اليوم والثلج لو دعوته ماشه فى اوربا الاالبس خيمه.
عودا حميدا يا نملوز الى اوستندتك... لكني شايف الدوحة رغم حرها و رطوبتها اثرت فيك كتير... و مرقت منها و في نفسك شيء من حتى... مش في صوت الآذان و بس.. لكن مقابلتك للزقازيقاب هناك أثر فيك كتير.... و دي حاجات نادر جدا تحصل عندكم... الا تلقى ليك واحد شليق زي منصور يجيك هناك... أو واحد عاوز يتشالق زي كده... الغريبة أنا أثرت فيني الدوحة جدا... رغم الفارق الكبير بين قطر و الامارات... الا اني شعرت بالراحة الشديدة هناك... و لاقيت ناس صفوة بمعنى الكلمة...
غريب أمركم يا ناس... يوم نفتش للبوقفكم... و يوم نفتش ليكم ما نلقاكم.... مشغوليات و لا سفر و لا تغيير فصول... أنا مشغول غايتو... نملوز و محمد عيد مسافرين... منصور وقفو منو سلطة الأسود... زهير منعوهو التلاقي...
الريس ميسرة وينووووووو.....
Post: #333 Title: Re: ناس الزقازيق ... أجدع ناس (5) Author: ميسرة سيد أحمد Date: 09-24-2012, 07:43 AM Parent: #332
Quote: الريس ميسرة وينووووووو.....
صباح الخير ،،، يا وجوه الخير
دعاء الصباح :
اللهم بعزتك وجلالك أحفظنا من شتات الأمر ومس الضر ،، وضيق الصدر وعذاب القبر ،،، وحلول الفقر وتقلب الدهر ،،، والعسر بعد اليسر وأمنن علينا بدوام العافية والستر
آمين،،،، =============== يسأل منك الخير يا الرشيد يا أخوي أنا منعني من التداخل والتواصل الشديد القوي من مساء الأربعاء السابق وأخوك عيان شديد، حتى صلاة الجمعة لم أستطع أن أصليها (والله دي فارقة معاي شديد خلاص) والصلاة على الكرسي بالله ده كلام ده أول مره في التاريخ عجيب يا زمن وعجيب إبن آدم
نوع المرض نقدر نقول ده مرض الكُبر بدأ يظهر ، الغريبة المرض ده بجيني وبجي لأخوي عبدالدائم (الأولاد ديل صغار)
اليوم أول يوم أحضر فيهو المكتب والحمد لله تمام وعال العال
حمدا لله على سلامتك يا ريس... أجر و عافية ان شاء الله... فقدناك و الله الأيام الفاتت دي...
Quote: نوع المرض نقدر نقول ده مرض الكُبر بدأ يظهر ، الغريبة المرض ده بجيني وبجي لأخوي عبدالدائم (الأولاد ديل صغار)
أيام عيد الفطر كانت عندي مشاكل في الظهر... زارتنا دكتورة صديقة في رابع أيام العيد.. و عرفت اني بعاني من مشاكل في الضهر.. قالت لي بختك لسه شباب... قالت لي مشاكل الضهر عادة بتجي لي الشباب.... قلت ليها الله يطمنك.... فأنا حبيت أطمنك... لكن ما قالت لي أي حاجة بخصوص مشاكل الرقبة....
Post: #335 Title: Re: ناس الزقازيق ... أجدع ناس (5) Author: عمر نملة Date: 09-24-2012, 08:20 AM Parent: #333
رزاز تحيه وصلت الي اوستندا مع بداية فصل الخريف والرزازوالجو البديع والخضره والحريه والابتسامه التي يفرضها الطقس وصفاءالجو من التلوث عفوا دوخه لم استطيع ان استنشق اوكسجين بل غازسجين حاولت في اليوم الاخير ان اجري وابحث عن الساحل وبعد جري 5 كم وصلت الي الساحل وكانت الدهشه حيث وجدت ما لايقل عن 100 شخص 95 منهم من الاجانب وذلك بعد صلاة الصبح وجريت مسافة 15 كم في الاجمالي جلست خلالها 3 مرات تحت نوافير الدوحه وسبحان الله في اقل من 15 دقيقه تتبخر كل المياه. وبعدها رجعت البيت وكادت اختي تنفجر من الضحك من نوع الملابس التي خرجت بها في غفلت رقيبي ومن العرق البصبصب بدون توقف. وياريس تخيل اسبوع واحد وجريه واحده خرجت كل هذه السموم ايوه السموم فما بالك بسموم سنينك في جده الساحليه انسي موضوع العمر وابداء تمارين من الكنبه الي 5 كم وشوف النتائج على جميع المستويات اصحو ياشباب والله العمر ماليه دخل كبير. تسلم ياراش على الاتصال وكان في نيتي اصلكم لكن تاتي الشموس بما لا تشتهي النمل بعد تواصل مع الرائع عزام احمد البشرى وسرالختم( الذي ساكنته في ايام صعيبه في صنعاء) ووجدتهم قد ازدادوا صفاء وجمال وسبقوني الي المطار تسبقهم هداياهم من العطور وهكذا ديدن اهل الزقازيق التلاقي باالزهور والتوادع بالعطور. اما مقابلتي مع اختي هاجر واخي الطيب بعد 15 سنه سوف افرد له صفحات.
Post: #336 Title: Re: ناس الزقازيق ... أجدع ناس (5) Author: عبد الدائم سيد أحمد Date: 09-24-2012, 09:08 AM Parent: #335
Quote: الغريبة المرض ده بجيني وبجي لأخوي عبدالدائم (الأولاد ديل صغار)
زمان زهير حذرنى قال لي ما تبارى الناس الكبار انا ما صدقوتى احمد الله انا لا قاعد اصلى فى كرسى ولا بخت يدينى فى الواطة واقوم بصلبى زى ناس وحدييين .....
يا نملوز ... فى طريقة الواحد يجى يعيد معاكم عيد الضحية ....
Post: #337 Title: Re: ناس الزقازيق ... أجدع ناس (5) Author: عمر نملة Date: 09-24-2012, 09:21 AM Parent: #336
صباح الجمال والخيرات ... وألف حمد لله على سلامة كل مريض ... مرض الشباب الغريبة انا جار الرشيد وما بسأل مني ... مع اني غايب من يوم الاربعاء ... وكنت طريح الفراش الابيض ... وعملت عملية ... بس مابوريكم هي عملية شنو ... عشان طارق جبرين مايكشف حالي ... زي ماكشف حال واحد صاحبو عمل نفس عمليتي ... كشف حالو في البوست العام ... (الوش الأصفر الضاحك) مخزنو في جهاز المكتب وانا هسع بكتب من البيت ... اجازة لمدة عشرة يوم ....
====================== حمد لله على سلامتك ياعمر نملوز ... والله الرياضة احسن منها مافي ... انت قايل مصايب اخوانا الصغار ديل (الريس ميسرة والرشيد والنضيف) من شنو ... عدم الرياضة ... وصواميل مفصلاتم كلها ... مصديه ... ======================= مشتاقين ...
Post: #339 Title: Re: ناس الزقازيق ... أجدع ناس (5) Author: عمر نملة Date: 09-24-2012, 09:30 AM Parent: #338
سلامات لبوعمار وتقوم ياالسلامه وكلامك في محله الصوامييل دي عايزه حركه والعضلات عايزه شد اي والله شد فارتخاء العضلات يؤثر على حركه الجسم وبعد داك الصلاه باالكرسي والقومه زي ماقال ديمه فقد ضرب جلال ضربة البدايه ومنتظريين بقية العقد الفريد وسلامات ياابوعمار وانت تبراء من الالم
Quote: الغريبة انا جار الرشيد وما بسأل مني ... مع اني غايب من يوم الاربعاء ... وكنت طريح الفراش الابيض ... وعملت عملية ... بس مابوريكم هي عملية شنو ... عشان طارق جبرين مايكشف حالي ... زي ماكشف حال واحد صاحبو عمل نفس عمليتي ...
ألف سلامة ليك يا ياسر... أجر و عافية ان شاء الله... براك جبتو لي نفسك... حسه جبريلا يقوم يرسل المخبرين عشان يعرف سر العملية...
Post: #341 Title: Re: ناس الزقازيق ... أجدع ناس (5) Author: ميسرة سيد أحمد Date: 09-24-2012, 11:51 AM Parent: #340
Quote: رزاز تحيه وصلت الي اوستندا مع بداية فصل الخريف والرزازوالجو البديع والخضره والحريه والابتسامه التي يفرضها الطقس وصفاءالجو من التلوث عفوا دوخه لم استطيع ان استنشق اوكسجين بل غازسجين
حمد لله على السلامة يا واصل من السفر حتى أوستندا حكاية غاز الأكسجين دي عجبتني خلاص يعني هسع أنحنا أوجاعنا وأمراضنا دي عشان ما بستنشق الأكسجين والله فكره نجرب بلدكم دي وناخد لينا بخة أوكسجين جريه لدى مدني يمكن نفكك الصواميل المربوطه,,,,
ألف سلامة ياسر نجيلة ما تتابع ناس عبدالدائم ديل أولاد صغار بس مرضهم كتير ،،،،
Post: #342 Title: Re: ناس الزقازيق ... أجدع ناس (5) Author: منصور عبد الرازق Date: 09-24-2012, 12:07 PM Parent: #340
ادفع نص عمرى (الباقى) واشوف نملوز ده عرقان ماجاى العرق عليك يا نملوز تبرى انت من العرق العرق مالينا نحنا مبسوط جدا انك قابات اختك هاجر واخوك الطيب اها الطيب اموره ماشة كيف ان شاء الله منتظم فى عمليات الغسيل ربنا ان شاء الله يسهل ليهو الأمور ويلقى ليهو حل جذرى لى مشكلة القصور الكلوى دى لكن بختك ياخى , اطمنتا على الطيب الكبير ورجعت للطيب الصغير ولد ده ياخ , سلم بالله عليهم , وعلى المدام , وعلى الرملة الورا بيتكم ديك وسلم لى على بحر الشمال حبيبى , وقول ليهو اجراءات فتح البلاغ على الطيب عبد الله جارية على قدم وساق فى زول عاقل يقول ايه بحر الشمال , وانتا النيل حداك , قوم لف بالله انتا ونيلك
* الريس ميسرة , والحبيب ياسر نجيلة , انتو تبروا من الالم , الالم , الألم مالينا نحنا , لو شقاى بيديك سعادة , ليك بقسموا عمرى هم , الريس ميسرة فى الأضان الوسطانية , والود نجيلة ما عارف وين (دى طبعا تمويه عشان الود طارق جبريل ما يقوم يلقط الشغلانية ويألف ليها قصة ) الرشيد فى الضهر , النضيف فى الرقبة , محمد عيد فى العيون , زهير فى الشنب , موسى عيسى فى الأنكل انا ولا بقول ليكم وين ولا حاجة , عوير انا ولا قايلنى عوير ولا يمكن قايلنى عوير
* انتو احمد اسماعيل وكمال الشادى مشوا وين ؟؟؟
Post: #343 Title: Re: ناس الزقازيق ... أجدع ناس (5) Author: ميسرة سيد أحمد Date: 09-24-2012, 03:06 PM Parent: #342
Quote: * انتو احمد اسماعيل وكمال الشادى مشوا وين ؟؟؟
كانوا في حفلة أبو عركي البخيت
كاتلين الجدادة وخامين بيضة
Post: #344 Title: Re: ناس الزقازيق ... أجدع ناس (5) Author: ميسرة سيد أحمد Date: 09-25-2012, 07:53 AM Parent: #343
صباح الخير ،،، يا وجوه الخير
دعاء اليوم :
اللهم : يا من إذا سأله المضطر أجاب .. يا من يقول للشيء كن فيكون ...
اللهم لا تردنا خائبين .. وآتنا أفضل ما يؤتى عبادك الصالحين ..
اللهم ولا تصرفنا عن بحر جودك خاسرين .. ولا ضالين ولا مضلين .. واغفر لنا إلى يوم الدين .. برحمتك يا أرحم الرحمين ..
Post: #345 Title: Re: ناس الزقازيق ... أجدع ناس (5) Author: ميسرة سيد أحمد Date: 09-26-2012, 06:40 AM Parent: #344
صباح الخير ،،، يا وجوه الخير
أصبحنا وأصبح الملك لله وحده
دعاء اليوم الأربعاء لكل الناس :-
اللهم يا عزيز يا جبار اجعل قلوبنا تخشع من تقواك واجعل عيوننا تدمع من خشياك واجعلنا يا رب من أهل التقوى وأهل المغفرة
اللهم اجعلنا ممن يورثون الجنان ويبشرون بروح وريحان ورب غير غضبان .. اللهم آمين اللهم آمين اللهم آمين ,, يارب
كانت لنا مشاريع عظيمة... و كانت الناس متحمسة جدا ليها... ثم تعثرت دون أن تكون هنالك أسباب معروفة... رغم انني أعلم علم اليقين انه لكل منا رؤيته حول أسباب التعثر... و لكننا لا نجاهر بها... لا أريد أن أخوض في الأسباب المعلومة و المسكوت عنها.... فهذا لا يؤدي الا الى مزيد من التعثر و ربما التبعثر... و لكني أريد أن أسأل سؤالا هاما هذا الصباح... هل كنا جادين فيما طرحناه من مشاريع... و ان كنا جادين هل يمكن احياء تلك الروح من جديد... و معالجة الأخطاء و المضي قدما نحو تحقيق تلك الطموحات و الأهداف...
مجرد سؤال واحد على أعتاب الخمسين... يؤرقه كثيرا التفكير في المستقبل....
Post: #347 Title: Re: ناس الزقازيق ... أجدع ناس (5) Author: عمر نملة Date: 09-26-2012, 08:21 AM Parent: #346
صباح تحيه احب المطر واحب الخريف واحب الرمله يامنصور تقول لي عرق وتدفع عمرك تشوف نملوز متجرس انتظر 15 سنه وياريس شفت في الاخبار امس اصابت شخصين في الرياض بفيروس والشخصين قطريين بالله اتاكد لينا من الخبر عشان نجهز دعوات جماعيه. تصدقوا اتكلمت مرتين مع ودالماذؤن وقال انو متوقف عن الكتابه في جميع المنديات خلاص يا مي زياده اقفلي صالونك وجهجهي لينا ناس العقاد امرق تعال اكتب وتطايب الناس. قرينا د طارق بنكت على ود الماذؤن اكتر من ربع ساعه قام ماذؤنكو سالوا انت ياطارق من وين؟ طارق قال من الكرده. ود الماذؤن بسرعه قال ليه والله انتو لو ما الاتراك كان تنططو من شجره لي شجره
Quote: تصدقوا اتكلمت مرتين مع ودالماذؤن وقال انو متوقف عن الكتابه في جميع المنديات خلاص يا مي زياده اقفلي صالونك وجهجهي لينا ناس العقاد امرق تعال اكتب وتطايب الناس.
يخرب مطنك يا عمر... قلت لي بكري عامل فيها مي زيادة... ما قال ليك متوقف نهائي و لا حتى أجل مسمى...
يا عمر الجو اتصلح عندنا ياخي.... درجة الحرارة 22 درجة... طبعا جوه الشقة مع التكييف... خارج الشقة برضو اتصلح و بقى 37 درجة...
Post: #348 Title: Re: ناس الزقازيق ... أجدع ناس (5) Author: أحمد إسماعيل Date: 09-26-2012, 08:58 AM Parent: #345
سلام بالكوم لهؤلاء القوم المتحملين لواء البوست قلوب تريد ورب يشاء وليس كل ما نريد صالح لنا واكن كل ما يشاء الله لنا خير فيه ، اللهم بمشيئتك حقق لنا كل الخير ـــــــــــــــــــــــــــــــــــــ
زمان أيام جامعة الخرطوم كانت إسم على مسمى وقول وفعل الجماعة المنافقين دول ضربوا المخالفين ليهم في الري بالسيخ وكان أكثر المعوقين جالي بتاع الجمهوريين أدخلوهو المستشفى بعد تشافى ورجع الجامعة ، عمل ركن نقاش وقال سبحان الله أغلبية المعاي بالمستشفى الداقنو سارق أو في بيت مريسة أو متعدي على الغير الوحيد الداقنو عشان فكر هو أنا أسوة بكلام جالي كل الأمراض من الله لكن البعض متوجز خيفة من أسباب مرضه يمكن مبدأه يكون وفق النظرية السلوكية لفرويد حيث لا زوغان من ود جبريل وحبوبته ، أنا متألم شوية من يدي والسبب إصابة ملاعب يعني موقفي واضح زي صاحبنا جالي ، قال أيه قال زلزال وجقو جاب نار
اللهم رب الناس أذهب البأس أشفي أنت الشافي لا شفاء إلا شفاؤك شفاءا لا يقادر سقما اللهم داوي الطيب أخو عمر نملة وظهر الرشيد ورقبة ديدو وعيون محمد عيد وشنب زهير وظهر موسى عيسى ومايشتكي منه نجيلة ومنصور وإرتخاء العضلات وتصدأ الصواميل اللهم أشفهم بشفائك وأعنهم بفضلك عمن سواك وأبعد عنهم كل مايؤذيهم نعوذ بعزة الله وقدرته من شر مانجد ونحاذر
Post: #350 Title: Re: ناس الزقازيق ... أجدع ناس (5) Author: منصور عبد الرازق Date: 09-26-2012, 11:00 AM Parent: #348
جقو جاب نار ؟؟؟ انتا بقيت رشاشة برضو يا احمد اسماعيل ولا شنو ؟؟ عاوز تنضم لى حزب المرجفين , وجوقة الناس اللى بيحسو بالزلازل والمحن ؟؟ ابن ام !!! اركب معنا ولا تكن مع المرجفين اها , شفتا الدالى ده , مش لقى نفسو الوحيد المضروب ومعوق عشان عنده موضوع مع ان المضروبين كتاااااار !!!! وتيب , مشتاقين ليك يا زول وجيدا جيت
* الرشيد هسى عليك الله فى الجو ده , الزول يجاوب على اسئلتك دى كيف ؟؟!! اقول ليك حاجة خلى ود المأذون يجى يجاوب ليك عليها انا غايتو , بقيت زول (مونساتى سااااااااااااى )
* يا ريس ميسرة , الوسطى اتوزنت , ولا لسه محتاج ترصيص ووزن ضراعات ؟؟
Post: #351 Title: Re: ناس الزقازيق ... أجدع ناس (5) Author: ميسرة سيد أحمد Date: 09-26-2012, 02:46 PM Parent: #350
Quote: * يا ريس ميسرة , الوسطى اتوزنت , ولا لسه محتاج ترصيص ووزن ضراعات ؟؟
مشينا لينا لبنشر كارب وقال الشئ ده عايزه تلاتا أسابيع إلا شوية شوية البلوفة إتوزنت ،،، بس الخارب لي الوزنة كديسة منى يونس في البيت تجرى تحت رجلينك لو نطيت ولا خفت تدعسه توازنك بيختل ، ما في واحد عايز ليه كديسه (رومي) سعرها لا يقل عن 1000 ريال وممكن تاخده يا منصور مجاني وأبعتها ليك بالطيارة وعندها كرت طبي وتصلك زي الورد .
يا أحمد إسماعيل ركز معانا كويس وين دعوتي بتاعة المرض دعيت للناس ديل كلها (صغار السن) إلا أنا ولا خاتت بالك مع ناس الدالي ،،،، جقو جاب نار !!!! عايزين نعرف مين أخونا جقو ده؟؟؟
Post: #352 Title: Re: ناس الزقازيق ... أجدع ناس (5) Author: أحمد إسماعيل Date: 09-26-2012, 07:36 PM Parent: #351
اللهم رب الناس أذهب البأس أشفي أنت الشافي لا شفاء إلا شفاؤك شفاءا لا يقادر سقما اللهم داوي الطيب أخو عمر نملة وظهر الرشيد ورقبة ديدو وعيون محمد عيد وشنب زهير وظهر موسى عيسى ومايشتكي منه الريس ميسرة و نجيلة ومنصور وإرتخاء العضلات وتصدأ الصواميل اللهم أشفهم بشفائك وأعنهم بفضلك عمن سواك وأبعد عنهم كل مايؤذيهم نعوذ بعزة الله وقدرته من شر مانجد ونحاذر معليش ياريس أنت كنت داخل الدعاء بالشفاء ما عارف يمكن يدي المعوقة دي إترهبت من الرياسة أما جقو جاب نار يشملنا جميعا ماشايف منصور تصدى للهجمة الشرسة من حبوبة ود جبريل مدافعا عنا بحكاية الزلزال الهد الجبال .
Post: #353 Title: Re: ناس الزقازيق ... أجدع ناس (5) Author: عمر نملة Date: 09-27-2012, 07:53 AM Parent: #352
سلام تحيه مرحب بعودة ابوعمر ويارب يستجيب دعواتك ويشفي مرضانا وشايف الحكايه جابت كدايس رومي اول حاجه خطرت في بالي هي الشوربه . مره جالس في الشارع فجاه كل ب صغير من النوع اللابس شرابات وعاملين ليه فيونكه ولو مااخاف الكدب عامل روج المهم بدون ما انتبه الكل ب لمسني ويسرعه اتحركت سمعت ضحكه من ست كبيره وبسرعه قلت ليها انا متاكد كل بك دا فيه شوربه لذيذه مااشوف ليك الا الست خطفت كل بها بسرعه ورجعت من نفس الاتجاه . تقول لي رومي. ياراش والله ود الماذؤن بنحبه كتير وهو بستغل الحب المستقبل ياراش والتغيرات السريعه وممكن ببساطه تلقى نفسك خارج الحلبه واحتمال بضربه قاضيه. الثلاثاء 2 /10/2012 سوف ارجع للدراسه وهذه المره تغيير الاتجاه نهائيا سوف ادرس لمدة سنه كورس خبز ومعجنات وشوكلاته باالاضافه الي اداره شركات وينتهي الكورس 30/06/2013 واخطط باذن الله ان افتتح مخبز صغير بس يكون مختلف وموجه للاجانب بنسبه 80%.
Post: #354 Title: Re: ناس الزقازيق ... أجدع ناس (5) Author: عبد الدائم سيد أحمد Date: 09-27-2012, 08:16 AM Parent: #353
من هسه انا حاجز جردل خبيز لعيد رمضان الجاي رسلو لي مع منصور فى اجازتو الجاية ...
،،،،،
Post: #355 Title: Re: ناس الزقازيق ... أجدع ناس (5) Author: عمر نملة Date: 09-27-2012, 09:12 AM Parent: #354
ديمه هي خبيز بس عليك الامان كسره ومخبازه وانجيره والشغل ديلفري اينما تكون وعندنا فروع عالميه. اما اجازه منصور دي صعبه لانه منصور جايي نهائي بدون رجعه لانه مابيقدر على الجهجه دي 10 ايام ورجعه للكتاحه.
Post: #356 Title: Re: ناس الزقازيق ... أجدع ناس (5) Author: عبد الدائم سيد أحمد Date: 09-27-2012, 09:26 AM Parent: #355
Post: #358 Title: Re: ناس الزقازيق ... أجدع ناس (5) Author: عبد الدائم سيد أحمد Date: 09-27-2012, 09:57 AM Parent: #356
Quote: منصور جايي نهائي بدون رجعه
باين حيمسك قسم الــ
Quote: كسره ومخبازه وانجيره
Post: #357 Title: Re: ناس الزقازيق ... أجدع ناس (5) Author: منصور عبد الرازق Date: 09-27-2012, 09:52 AM Parent: #355
نبدأ بالكلاب الرومى ؟؟ ولا بالأنجيرة العاوزين يخشوا ليها مدرسة دى شفتوا نملوز ده بقى عملى كيفن ؟؟؟ الجو البااااااارد , ما نعمة ياخى , يخليك ريلالالالالالاكس وتفكيرك مرتب , وما مشغول لا بالعربيات ولا بالبيوت ولا بى قطع الأراضى وا نارى الما بقيت سواق , اطلع العالى واركب الدقداق ناااارى الليلا وا نارى
نملوز , استقر فى اوستنداندزى بتاعت بحر الشمال وهو يعمل فى مصنع للمواد الغذائية والأ######## لو اتصلت عليهو فى ساعات الدوام , الرسالة تمرق ليك طوالى من جواله ما ممكن تتكلم معاى هسه , خت رقمك واسمك عشان نرجع ليك لمن تلفونك يرن , وتعاين لى اسم نملوز منور فى الشاشة بتاعتك تعرف انو البريك بتاعهم بتاع الغداء بدا , الراجل عاين لى تلفونه , وبيعمل فى الكول باك بتاعته دى نمرة واحد نو تيلفون كولز ديورنغ وركنغ تايمز ابو الزفت , شفتا الكلام ده يا ريس قصاد الشغل المنظم ده , عندك اجازاتك المبرمجة , وحقوقك بتاعت التغيب المعلوم , اللى حتى لو ما استغليتها , لعدم الحاجة فهى حق خاالص ليك , ولى زوجتك , ولى اولادك فى فترة تقديمه لنيل الجنسية الهولندية , عليه ان يدرس اللغة , ويجودها ويدخل كورس ما يسمى الأندماج فى المجتمع , من ناحية كلشر , وعادات , وكيفية انك تكون زول مفيد , لى اسرتك ولى مجتمعك نملوز اثناء الكورس ده , ودوه فترة لى خدمة معوقين وذوى احتياجات خاصة ومتخلفين عقليا تموت من الضحك لمن تسمع كوارثه العملها فى الفترة ديك الراجل يستحمل فى الجماعة فى العلن , ويقرص فيهم قريص الجن , من تحت الطاولة عشان يفش غليلو كل هذا وهو يجرى ويركض ويهرول , من شاطىء لى بيتش عنده جنب البيت عجلة , وجنب محطة القطر عجلة , وجنب محل الشغل عجلة اها هسى داخل ليهو كورس بتاع مخبوزات بتى فور وانجيرا واللذى منو كرواسان كمان ولقمة القاضى بيته ملكه وفاتح على البحر , القطر زااااتو حقه لأنو عنده ليهو (ابونيه) يا ريس زى حق ابو رجيلة الزماااان داك اولاده فى مدارسهم مواطنين اوربيين كاملى الأهلية , لهم ما لهم وعليهم ما عليهم لمن يرجعوا البيت , مدرسة القران الكريم واللغة العربية , تكمل الناقصة , وتشرع ابوابها المفتوحة لتستقبلهم باحضان الأم الرؤؤم ويكملوا باقى يومهم التعليمى مع (طيور الجنة وبراعم التلفزيونيتين ) لمن كنا معاهم , قال لى هو بيعتبر اليوم الترفيهى ده , حصة عربى مكثف لى ناس الطيب (جونيور) وعيسى نور اها القصة جابت ليها بتى فور كمان يا نملوز ؟؟!! اها بمناسبة البتى فور دى , احكى ليك النكتة دى قالوا ليك المرأة فى البيت شبكت ليك راجلها نقة لمن عيد الفطر قرب يا ابو فلان عليك الله جيب لينا معاك بتى فور قال ليها يا ام فلان انا عندى ليك اقتراح نأجل موضوع البتى فور دا لغاية عيد الضحية عشان يمكن البتى فايف ينزل السوق لغاية الوقت داك , بمواصفات احسن هسى انتا حا تبدأ فى اكتوبر سنة اتناشر لغاية يونيو سنة تلتاشر وانت خريج اد الدنيا , طوالى تنزل لينا معاك البتى سكس ونشوف لينا اجدعها دكان فى اقرب حتة ناصية فى بروكسل ولا اوستند , ونواصل اندماجنا فى مجتمعكم الحلو ده يا جميل ربنا يوفقك يا نملوز يا حبيب
Post: #359 Title: Re: ناس الزقازيق ... أجدع ناس (5) Author: منصور عبد الرازق Date: 09-27-2012, 10:28 AM Parent: #357
على فكرة يا دودى , انا اصلا بتاع فود تكنولوجى القصص دى يعنى ادونا ليها فى زراعتنا دى والرشيد كان اشطر واحد فيها خاصة لمن تكون الحصة ضواقة زولنا ينبهل كده ويتربع , وهات يا ضوقان لكن كمان خلينى اشوف قصة ال###### الرومى بتاع منى يونس العامل لى اخونا الريس ميسرة ملاوزة ده لو عفصتوا مشكلة , ولو كمان عاوز تحاوره وتتفاداهو و الا تبقى ميسى عدييييل فى اوروبا , الكلام لها احترام الآدميين بل تزيد نضيفة جنس نضافة يا نضيف وكان شفتها لابسة النضارات , ومتفننين فى السلاسل بتاعتها لامن تشهيك الكلاب و وتقعد تفكر فى الشوربة بتاعتا زى ما قال نملوز وبعدين احجماها كمان مختلفة , فى القدر الحمار , وفى القدر العصفورة فى الكنيش اب شعر , وفى الحالقين ليهو , وفى الملبسينو حلقان وغوايش حلقان وغوايش دهب على فكرة , مش اكسسوارات فالصو وصفيح حجازى ولدى بيحبهم جنس حب , بس ايثار بتخاف منهم وتقرب تلف بالشارع التانى لمن تجى تحجز فنادق للسكن فى اوروبا , اول حاجة بتشوف انو الفندق بيسمح بتسكين الكلاب والحيوانات الليفة ولا لا فى فرننسا , جنب محطة القير دى نورد فى باريس , صادف وانو الفندق الحاجزين فيهو من النوع البيسكن كلاب مع البنى آدميين عنده اوضة , زى حقتى ويمكن احسن , وكمان البريك فاست انكلودد فى الفاتورة والفطور من سبعة لى عشرة صباحا تنزل تقعد فى تربيزتك , وجنبك الكدايس والكلاب زى الترتيب فرست ان , فيرست اوت كان كسرت راسك ما بيدوك فطورك قبل ال###### الجا قبلك , ولا الكديسة الطالبة فطورها روم سيرفس نظام يا معلم ايثار طلعا حردت الفطور , لكن حجازى , فطر معاهن زى الترتيب لمن قلنا ليهو ما خفتا من الكلاب الزى الحمير دى يا حجازى قال لينا , لى شنو اخاف منها , اصلو انا بعرف اتكلم معاهم بى لغة (######ية) لى هسى لمن نتذكرها نموت بالضحك
تستغربوا لو قلت ليكم أنا كانت هوايتي الرسم.... كنت أرسم ليك الوشوش دي لمن تتعجب... لكن ما لقيت تشجيع خليت الرسم.. قبلت على الموسيقى و بديت أعزف أورغن... عزه في هواك دي اتخطيتها بي مراحل بعيدة... و أجدت اللول اللول يا للولية بسحروك يا لولي الحبشية... و برضو بطلت موسيقى مع عدم التشجيع.... كتبت الشعر حتى ظننت نفسي اني و أ[و فراس في مرتبة واحدة... ثم تركت الشعر أو هجرته... حتى الكورة بي كندكتها و عجاجها سبتها... و كان اتكلمت بي شفافية أقول ليكم هي السابتني... هجرتني و قالت لي انت خلاص عجزت وكعكعت و بقيت ما بتنفعني.... نفسي ياخي أرجع لي الحاجات دي تاني... و السبب طبعا كلام نملوز عن الكورس بتاع البتي فور و الادارة.... نفسي ياخي أرجع أرسم تاني... اخت ليك الكانفاس بتاعي في الشاطي..في أي شاطي ما مهم... و أقعد أرسم في البحر و النوارس و الجاكين و الجاكات.... قربت أقول الأحياء منهم و الأموات...عشان تعرفوا حالتي... أقوم بعد داك الملم عدتي و أمشي البيت أقعد أعزف في البيانو بتاعي... و لا أقول ليكم أعزف لي مزارت و بيتهوفن بالطمبور... و أعمل ليك كونسرت كبير أعزف ليهم فيهو... سوقني محل ما الحبيبة قريبة تراعي الغرام غريبة الأشواق حبيبة يجيبا منام في منام سوقني محل ما المحنة أيادي تقطر سلام سماحة الحياة فوق أهلنا وبلادي تقرقر وئام و أرجع أكتب شعر زي زمان...
شفت يا عمر عملت فيني شنو....
Post: #363 Title: Re: ناس الزقازيق ... أجدع ناس (5) Author: أحمد إسماعيل Date: 09-27-2012, 05:11 PM Parent: #362
Quote: كانت لنا مشاريع عظيمة... و كانت الناس متحمسة جدا ليها... ثم تعثرت دون أن تكون هنالك أسباب معروفة... رغم انني أعلم علم اليقين انه لكل منا رؤيته حول أسباب التعثر... و لكننا لا نجاهر بها... لا أريد أن أخوض في الأسباب المعلومة و المسكوت عنها.... فهذا لا يؤدي الا الى مزيد من التعثر و ربما التبعثر... و لكني أريد أن أسأل سؤالا هاما هذا الصباح... هل كنا جادين فيما طرحناه من مشاريع... و ان كنا جادين هل يمكن احياء تلك الروح من جديد... و معالجة الأخطاء و المضي قدما نحو تحقيق تلك الطموحات و الأهداف...
مجرد سؤال واحد على أعتاب الخمسين... يؤرقه كثيرا التفكير في المستقبل....
والله يا الرشيد موضوع بالجد مهم ؛؛؛؛؛ بعد ما تكونت الشخصية الإعتبارية لأجدع ناس للتجارة والإستثمار المحدودة ، كيان تمثله عضويه تغطي الشمس إنتشارا وعدد كافي يجمعهم رباط نادر الوجود فقط المطلوب بداية موفقة بالحاضرين ، وذلك يتطلب 1-جدية ومسئولية من جميع المبتدئيين 2- تحديد هدف (مشروع) واضح المعالم ، يخص كل المؤسسين أو يخص مجموعة جزئية حاضرة وجاهزة للتمويل تستفيد الشركة بنسبة مجدية مقابل التنفيذ 3- بناءا على الهدف المزمع يتم إنشاء تيم عمل متفرق يمثل الإدارة لأننا يجب نبدأ عند بدأ الحركة وليس عند الصفر .
Post: #364 Title: Re: ناس الزقازيق ... أجدع ناس (5) Author: أحمد إسماعيل Date: 09-27-2012, 05:15 PM Parent: #362
Quote: كانت لنا مشاريع عظيمة... و كانت الناس متحمسة جدا ليها... ثم تعثرت دون أن تكون هنالك أسباب معروفة... رغم انني أعلم علم اليقين انه لكل منا رؤيته حول أسباب التعثر... و لكننا لا نجاهر بها... لا أريد أن أخوض في الأسباب المعلومة و المسكوت عنها.... فهذا لا يؤدي الا الى مزيد من التعثر و ربما التبعثر... و لكني أريد أن أسأل سؤالا هاما هذا الصباح... هل كنا جادين فيما طرحناه من مشاريع... و ان كنا جادين هل يمكن احياء تلك الروح من جديد... و معالجة الأخطاء و المضي قدما نحو تحقيق تلك الطموحات و الأهداف...
مجرد سؤال واحد على أعتاب الخمسين... يؤرقه كثيرا التفكير في المستقبل....
والله يا الرشيد موضوع بالجد مهم ؛؛؛؛؛ بعد ما تكونت الشخصية الإعتبارية لأجدع ناس للتجارة والإستثمار المحدودة ، كيان تمثله عضويه تغطي الشمس إنتشارا وعدد كافي يجمعهم رباط نادر الوجود فقط المطلوب بداية موفقة بالحاضرين ، وذلك يتطلب 1-جدية ومسئولية من جميع المبتدئيين 2- تحديد هدف (مشروع) واضح المعالم ، يخص كل المؤسسين أو يخص مجموعة جزئية حاضرة وجاهزة للتمويل تستفيد الشركة بنسبة مجدية مقابل التنفيذ 3- بناءا على الهدف المزمع يتم إنشاء تيم عمل متفرق يمثل الإدارة لأننا يجب نبدأ عند بدأ الحركة وليس عند الصفر .
Post: #365 Title: Re: ناس الزقازيق ... أجدع ناس (5) Author: أحمد إسماعيل Date: 09-29-2012, 07:22 AM Parent: #364
اللهم إنا نسألك خير هذا اليوم فتحه ونصره ونوره وبركته وهداه ونعوذ بك من شره وشر ما بعده اللهم صلي على سيدنا محمد وعلى آله وصحابته أجمعين .
Quote: والله يا الرشيد موضوع بالجد مهم ؛؛؛؛؛ بعد ما تكونت الشخصية الإعتبارية لأجدع ناس للتجارة والإستثمار المحدودة ، كيان تمثله عضويه تغطي الشمس إنتشارا وعدد كافي يجمعهم رباط نادر الوجود فقط المطلوب بداية موفقة بالحاضرين ، وذلك يتطلب 1-جدية ومسئولية من جميع المبتدئيين 2- تحديد هدف (مشروع) واضح المعالم ، يخص كل المؤسسين أو يخص مجموعة جزئية حاضرة وجاهزة للتمويل تستفيد الشركة بنسبة مجدية مقابل التنفيذ 3- بناءا على الهدف المزمع يتم إنشاء تيم عمل متفرق يمثل الإدارة لأننا يجب نبدأ عند بدأ الحركة وليس عند الصفر .
أبصم بالعشرة يا أبو عمر...
Post: #367 Title: Re: ناس الزقازيق ... أجدع ناس (5) Author: ميسرة سيد أحمد Date: 09-30-2012, 07:12 AM Parent: #366
صباح ا لخير ،،، يا وجوه الخير
أصبحنا وأصبح الملك لله وحده ،،،
دعاء اليوم :
اللهم يا مالك الملك يا واسع العطاء ، يا حي يا قيوم يا ذا الجلال والإكرام ،،، أن تجعل هذا اليوم مغفرة ورحمة لكل أهلي وأحبائي
=========================
Quote: والله يا الرشيد موضوع بالجد مهم ؛؛؛؛؛ بعد ما تكونت الشخصية الإعتبارية لأجدع ناس للتجارة والإستثمار المحدودة ، كيان تمثله عضويه تغطي الشمس إنتشارا وعدد كافي يجمعهم رباط نادر الوجود فقط المطلوب بداية موفقة بالحاضرين ، وذلك يتطلب 1-جدية ومسئولية من جميع المبتدئيين 2- تحديد هدف (مشروع) واضح المعالم ، يخص كل المؤسسين أو يخص مجموعة جزئية حاضرة وجاهزة للتمويل تستفيد الشركة بنسبة مجدية مقابل التنفيذ 3- بناءا على الهدف المزمع يتم إنشاء تيم عمل متفرق يمثل الإدارة لأننا يجب نبدأ عند بدأ الحركة وليس عند الصفر .
اندفع أبنائي من خلال باب الحمام دفعة واحد و هم يصيحون سبايدر...سبايدر..سبايدر.... و ما أن سمعت مساي الشغالة سبايدر أخدت ساتر في ركن قصي من أركان المطبخ و هي مذعورة جدا.. و أخذت تتلفت يمنة و يسرة بحثا عن عنكبوت مختبيء في أي ركن من أركان المطبخ... هرعت اليهم فور سماعي صراخهم ..ألحق يا بابا في بلاك ويدو في الحمام... كانوا يحرصوا على متابعة برنامج اسمعه مخلوقات قاتلة أو شرسة في mb3..... و شاهدوا فيه ما تفعله البلاك ويدو بفريستها و كيف قادرة على تفتك بحصان بلدغة واحدة... كما عزز فيلم سبايدر مان اعتقادهم بأن العناكب مخلوقات ضارة و قاتلة... دخلت بحذر شديد الى الحمام خوفا من أن تهاجمني البلاك ويدو و تصرعني على حين غرة... و أنا لسه صغير و ما شفت في الدنيا دي حاجه.... تلفت في كل الاتجاهات فلم أجد البلاك ويدو...ازداد حذري فهي مشهورة بذكائها الشديد... أخذت أبحث في كل مكان...فاذا بي أعثر على عنكبوت صغير غلبان مسكين... قلت ليهم دي ياها البلاك ويدو يا جبــانين ...دي عنكبوت مسكينة و كمان مفيدة.... الشغالة نطت قالت لي..كيف مفيدة يا مستر..هي قاعدة تقول لي مستر...آآي و الله... فأخذت أِرح و أعدد فوائد العنكبوت و أفضت في الشرح حتى خيل اليهم انني من العائلة العنكبوتية....
لكن ما هي البلاك ويدو..هل سمعتم عنها....
عنكبوت الأرملة السوداء ( black widow) (Latrodectus spp.) إن اسم عنكبوت الأرملة السوداء شائع الاستخدام عندما يشار إلى الثلاث أنواع الأمريكية الشمالية والتي تتميز بألوانها الداكنة, الوبر الأسود والأحمر. هناك 31 نوع معروف نذكر منهم: العين الحمراء Red eye - الأرملة البنية أو الأرملة الفضية Brown or Gray widow - والأرملة الحمراء Red Widow في جنوب أفريقيا تسمى الأرملة السوداء بـ Button widwon (الأرملة ذات الأزرار حيث كلمة Button تعني زر) الأرملة السوداء هي أنواع العنكبوتيات السامة يوجد منها حوالي 9 أنواع في جميع أنحاء العالم خاصة في المناطق الدافئة التي قد تتعدى درجة الحرارة فيها أكثر من 39 درجة مئوية لذلك يكثر وجودها في المناطق الصحراوية ينتشر وجودها بوجه عام في مناطق عديدة من أمريكا وأوربا وشرق آسيا وأفريقيا حيث يعيش البعض منها على الأرض أو داخل الشجيرات والأعشاب الصغيرة هناك أنواع أخرى تقضي معظم حياتها مختبئة تحت الصخور وجذوع الأشجار يطلق عليها في بعض الأحيان ((العنكبوت الأحمر )) نسبة إلى الخطوط الحمراء الممتدة أسفل البطن نادراً ما يمكن العثور على ذكر ذلك العنكبوت لأن الأنثى عادة ما تأكله بعد إتمام عملية التزاوج مباشرة لهذا يطلق عليها الأرملة السوداء
Post: #369 Title: Re: ناس الزقازيق ... أجدع ناس (5) Author: ميسرة سيد أحمد Date: 09-30-2012, 12:58 PM Parent: #368
Quote: نادراً ما يمكن العثور على ذكر ذلك العنكبوت لأن الأنثى عادة ما تأكله بعد إتمام عملية التزاوج مباشرة لهذا يطلق عليها الأرملة السوداء
يعني الكلام ده لو إطبق على البني آدميين كانت الدنيا دي فاضية راجل ما فيها ،،، دي بذكرني فيلم قديم (الأمازون) جميع المحاربات نساء ولا يوجد بينهم راجل واحد ،،، ولما ظهر الرجال في القرى المجاوره بدأ أتون الحرب وبعد التقارب بدأت الملاطفات مع المأسورين من الرجال شوية شوية راحت المحاربات شمار في مرقة بعد وقوعهم في الحب
بعد صلاة العشاء ذهبت الى المكتبة القريبة من البيت... مراسيل أمنية لا تنتهي ...كل يوم طلب مختلف عن الآخر... هذه المرة طلبت مني بوستر كبير للحرم المكي... في اطار حملة الدفاع عن الرسول صلى الله عليه و سلم... كان في محفظتي مبلغ يقل عن الخمسين درهما قليلا... لذلك اضطررت للذهاب الى ماكينة السحب في البنك القريب... دخلت الى الصالة التي بها ماكينات السحب فوجدت كل الماكينات مشغولة... هندي يحمل عدد من البطاقات يدخلها الواحدة تلو الأخرى... و آخر كان منهمكا جدا يبدو من هيئته انه عربي ... و سيدة تلبس شورتا أقصر من ذلك الذي كنت ألبسه.. عندما كنت ألعب في فريق كلية الزراعةأو بفريق أركويت في ليق الخرطوم.... أخترت الوقوف خلف العربي الذي كان ضوء الصالة ينعكس من صلعته... نظر من وراء كتفه فوجدني أقف خلفه فأسرع في اتمام عملية السحب.... سحبت ما كنت أنوي سحبه ثم توجهت الى المكتبة... كانت مكتبة كبيرة و منظمة تحوي العديد من المطبوعات... لاحظت أن معظم المتواجدين من الأوروبين.... و هنالك عائلة سودانية مكونة من زوج و زوجة و طفلين.... الطفل الصغير كان مشاغبا جدا و كان يحدث جلبة و ضوضاء في المكان.... لكن الوالدين لم يحركا ساكنا و تركاه يعبث في المكان.... سألت أحدهم عن مكان البوسترات فطلب مني الصعود الى الطابق العلوي.... صعدت الى الطابق العلوي فوجدت موظف المكتبة مشغول مع أحد الزبائن... قررت البحث وحدي عن البوسترات فأخذت اتمشى بين الصفوف.... وجدت نفسي رفين مليئين بالروايات فنسيت نفسي... رف كامل لروايات ماركيز....الحب في زمن الكوليرا و مائة عام من العزلة.... مسكت رواية خبر اختطاف و أخذت أقرأ فيها لمدة عشرة دقائق.... عشرة دقائق أخذتني بعيدا الى زمن كان هنالك الكثير من الوقت للقراءة... زمن عندما تفوقت في امتحانات الشهادة الابتدائية فأخذني أبي الى السوق.... و طلب مني أن أشتري ما أشاء فطلبت منه أخذي الى المكتبة.... كنت أمازح ابني مهند فرويت له هذه الرواية بشكل آخر... قلت له عندما تفوقت في Grade 6 أخذني أبي الى السوق... و قال لي أطلب ما شئت X Box...Play station 3 أو حتى IPAD.... ضحكت بت شيخي حتى كادت أن تنشرق و هي التي تعرف أن حتى الكمبلت لم تكتشف وقتها.... حملت الكتاب و ذهبت الى الكاونتر دفعت و حملت كتابي في كيس أحمر أنيق... و أنا أهم بالخروج تذكرت البوستر فرجعت وسألت عنه فأخبروني بعدم توفره... فرجعت و أنا رواية لماركيز في كيس أحمر أنيق.... آملا أن يتوفر لي الوقت لقراءتها....
Post: #371 Title: Re: ناس الزقازيق ... أجدع ناس (5) Author: ميسرة سيد أحمد Date: 10-01-2012, 07:01 AM Parent: #370
صباح الخير ،،، يا وجوه الخير
صباحكم منور صباحكم عسل صباحكم أمل
دعاء اليوم لجميع الشباب وكمان ....!!!
اللهم نسألك يا غفور يا رحمن يا رحيم .. أن تفتح لأدعيتنا أبواب الاجابه .. يا من إذا سأله المضطر أجاب .. يا من يقول للشيء كن فيكون ... اللهم لا تردنا خائبين .. وآتنا أفضل ما يؤتى عبادك الصالحين .. ++++++++++++++++++++++++++++++++++++++++
Quote: فرجعت و أنا رواية لماركيز في كيس أحمر أنيق.... آملا أن يتوفر لي الوقت لقراءتها....
لن تجد الوقت وأن توفر ولكن نصيحتي ليك ارجع المتبة تاني وأقف في أي زاوية وابدأ القراية،،، بجوار منزلي مكتبة جرير وهي مكتبة ضخمة وفخمة وشهيرة جداً عندما يطلب الآولاد كتب أو أغراض عجيبة كده للنشاط المدرسي
أذهب معهم وأتركهم يبحثوا عن ما يطلبوه وأتذكر أيام زمان وأروح أغوص بين الكتب وأتفرج وأتفرس واقرأ بعض أجزاء من أي كتاب يعجبي وهذا هو الوقت الوحيد الذي أقلب فيه كتب غير مدرسية!!!
Post: #372 Title: Re: ناس الزقازيق ... أجدع ناس (5) Author: عمر نملة Date: 10-01-2012, 08:18 AM Parent: #371
سلام تحيه شباب على طول هو شعار المرحله وسرقه وقت من المشغوليات لنفسك اي والله سرقه عديل كدا ادي مثل عن يومي العادي اذا كنت شغال صباح بصحى الساعه 4 صياجا الحمام والصلاه والقهوه وتجهيز الفطور بخرج من البيت الساعه 4 50 دقيقه بالعجله لاصل الي محطة القطار الساعه 5 و 5 دقائق ويتحرك القطر الساعه 5 12 دقيقه بالتمام وغالبا مايكون في يدي كتاب تخيلوا لمدة ربع ساعه بكون مندمج مع الكتاب يعني دي اول سرقه للوقت بصل الي محطه القطار التاليه الساعه 5 و26 دقيقه وعندي عجله اخرى واصل مكان العمل الساعه 5 و 40 دقيقه على طول بواصل في قرائة الكتاب الي 5 و 55 دقيقه كدا سارق نصف ساعه ونفس الطريقه في الرجعه بسرق ربع ساعه كدا 45 دقيقه بصل البيت الساعه 3 عصرا وعلى طول ببلبس ملابس الرياضه وبمشي اجيب الاولاد من المدرسه وحوالي 4 وربع بناكل مع بعض واخد لي غفوه بالكتير ساعه وبعدها جاك ياجري على الاقل مدة ساعه شوفتو السرقه دي قريب ساعتين بوميا. احب ماركيز زاتو
Post: #373 Title: Re: ناس الزقازيق ... أجدع ناس (5) Author: عبد الدائم سيد أحمد Date: 10-01-2012, 09:16 AM Parent: #372
الاولاد بتجيبهم كدارى ولا بتكون رادفهم فى عجلة
وامهم لو ماشة الحنانة موقفها شنو يعنى ....
Post: #374 Title: Re: ناس الزقازيق ... أجدع ناس (5) Author: عمر نملة Date: 10-01-2012, 10:45 AM Parent: #373
ياديمه المدرسه فاتحه على الشارع والشارع فاتح في قلبي ا انا قلبي مسااكن نمليه انت مالاحظت انو امهم هي الوصلتهم الصباح المدرسه . يعني اليوم شغال ظهر امهم من الصباح ودتهم المدرسه ومن هناك ركبت عحلتها ومشت هي المدرسه عليك امان الله الايام قالت لي انت لغتك الهولنديه ضعيفه ومابتاكل معاي عيش
وبرنامجي اليوم من الصباح تمرين ورجعت وماسك يس ومفروض اقوم بالواجباات المنزليه من مجاميعه تقول لي شنب زهير حياتنا هنا غير برضو جيبه قدا
Post: #375 Title: Re: ناس الزقازيق ... أجدع ناس (5) Author: ميسرة سيد أحمد Date: 10-02-2012, 07:07 AM Parent: #374
دي زي علمته الهولندية فلما تحسنت هولنديته هجاني.... الحمد لله ما نافستك في الجري يا عمر كان طلعتك سلحفاة....
Post: #377 Title: Re: ناس الزقازيق ... أجدع ناس (5) Author: إحسان عبد العزيز Date: 10-02-2012, 08:29 PM Parent: #106
سلامات العزيز ميسرة وكل أهل البيت الكبير.. عاملة ليك المداخلة دى من داخل السودان بالتحايل على دخول المنبر .. دمتم بعافية .. ولا عاش من يفصلنا..
Post: #378 Title: Re: ناس الزقازيق ... أجدع ناس (5) Author: ميسرة سيد أحمد Date: 10-03-2012, 07:57 AM Parent: #377
صباح الخير ،،، يا وجوه الخير
تحية الصباح نهديها للأستاذة الزقازيقية الكبيرة أوي أحسان عبدالعزيز ودخولك على البوست من داخل السودان شئ يفرحنا
وللذين لا يتابعون الفيس بوك فإن أختنا أحسان من قامات الزقازيق الباسقة الفارهه والتي كان لها دور كبير جداً في إثراء الساحة السياسية الزقازيقية بحضورها القوي وشخصيتها المتفرده حيث جمعت الزقازيق مجموعة من الأخوات المناضلات وأصحاب الشخصيات القوية المميزة منهم ، عفراء (عرفه) سهل إحسان عبدالعزيز سناء الرضي خديجة همام وكثير من زميلاتنا اللائي يجبرن محدثهم بالإستماع والأحترام .
كنا برالمة بهرتنا شخصية عفراء رئيسة كلية التجارة ودعمناها في الجمعية العمومية للكلية وفي إحدى الندوات شاهدنا إحسان قبل أن تتوطد علاقتنا معها وكنا نحن برالمة في الشقة نعلق (ما شفتوا البنت الحلوه الجننت ليك هباني في راسه ما شاء الله منطق وفصاحة لسان) هكذا كان حال حديثنا نحن سعداء بهذه الزيارة المباركة من هامة زقازيقية كبيرة
Quote: نحن سعداء بهذه الزيارة المباركة من هامة زقازيقية كبيرة
كل السعادة والترحيب باختنا احسان ... بما انك تملكين فصاحة اللسان ... نتمني ان تتوجي وجودك بيننا ... بحبة فصاحة وذكريات ... عشان البرالمة الزينا ديل ...
Post: #380 Title: Re: ناس الزقازيق ... أجدع ناس (5) Author: منصور عبد الرازق Date: 10-03-2012, 09:30 AM Parent: #378
احسان عبد العزيز , مرة واحدة كده ومن السودان , وبالتحايل على سودانيز اون لاين الحجبوهو من عينى , الا من قلبى ما قدروا حجبوهو يا لها من اطلالة , وياله من ظهور فعلا احسان من علامات الزقازيق الفارقة , ومن قامات الزراعة ولكوظ الفارهة لمن جينا برالمة سنة اتنين وتمانين كانت احسان عبد العزيز ملء السمع والأبصار كانت , باصرارها على الثوب السودانى , داخل ساحات الزراعة وجنب مربع كاى كانت علامة وعنوان كما كانت لنا , اول دلالات التميز السودانوية التى تحمل السودان ليس فى ثوبها الأنيق فقط , ولا فى تفوقها الأكاديمى بل ايضا , فى شخصيتها القوية , والمثابرة , والمميزة عنفوان الأنثى و(رجولة ) المواقف رعاية الأخت الكبرى , وتواضع الأخوات الصغار كانت لنا نموذجا جديدا لأخوات تركناهم خلفنا فى بيوتنا السودانية لنتفاجأ بهم , امامنا فى مدارج المحاضرات وردهات دار اتحاد الطلاب السودانيين بالزقازيق اعتز , باننى كنت حاملا لميكروفون الأذاعة , ليلة حفلة تخريجها مع ثلة من الخريجين فى العام 84 صحبة زميلتى -رحمها الله - هاجر محمد ابراهيم نرحب بك ايما ترحيب , اختنا احسان عبد العزيز وسعدنا بمداخلتك المسروقة , من بين ثنايا المنع والحجب والتكميم وليتهم يعلمون يا احسان عبد العزيز ان الغرابيل , ما منعت شمسا يوما , وان الثريات المضئيات لا يحجب انوارهن , الأحجبة التى هى اوهن من خيط العنكبوت نورتى , احسان عبد العزيز
Post: #381 Title: Re: ناس الزقازيق ... أجدع ناس (5) Author: ميسرة سيد أحمد Date: 10-03-2012, 01:14 PM Parent: #380
قد نرحل كالغروب وقد يلهينا الزمن عن كل حولنا ولكن يبقى القلب لا ينسى ذكرياته فيخفق لهم كلما عبر بالخاطر خيالهم ويحن إليهم كلما بعدت المسافات وعز اللقاء الأخت إحسان عبد العزيز كانت تمثل قوة ضبط وربط لشباب المؤتمر والكل يعمل لها ألف حساب ونحن لا ندري ذلك وإليكم الواقعة!!!! عندما إنتظمنا بمؤتمر المستقلين وجاء حضور البرالمة مجموعة الفنان عاطف علي إتفقنا أن نحتفل بعيد الإستقلال في ليلة رأس السنة وقد كان الإحتفال حسب إعتقادك حبيت تعتبر ذلك عيد إستقلال أو رأس السنة كان لك الحرية فيما تعتقد وتم تنظيم حفلة كاربة بشقتنا وقد حضرها كم كبير من الفنانين من شقتنا كمال الشادي ومن مؤتمر المستقلين زاهر الصادق مغني وعازف على الجيتار وغنى كل من عاطف علي ، محمد العصامي ومكي أحمد حمزة وحضرها كبارنا بالمؤتمر أخونا الدكتور بكري ونصر الدين وأخرون وإمتلأت الشقة تماماً وكانت بشارع القومية وعلى الشارع العام ، وسمعت الغنا جميع شقق الزقازيق ولكن الجميع ركز على أصبح الصبحُ ولا السجن وأكتوبر الأخضر يعني أناشيد وطينة قوية.
إنتهى الحفل القوي وهمس في أذني نصرالدين وبجوارة زاهر الصادق بالله ما في واحد يكلم إحساب عبدالعزيز الكلام كان مفاجأة لي وقلت ليه بإستغراب ليه!!!!؟ قال والله بكرة إحسان تبهدلنا وتحاسبكم ،،،،،،،،،، يا نهار أسود !!! يا خي ده أنا من شلاقتي قابلتها ومعاهو آمال فضل الله وفائقوعزمتهم الحفلة وإعتذروا ,,,, أخونا نصر الدين لطم وقال ميسرة خربه!!!!!!
في اليوم التالي قابلت آمال فضل الله وقالت لي أنحنا أمبارح قلنا أكيد الجماعة عملوها (وفهمت الرسالة) يعني كانوا بناتنا بحاسبونا على حفلة رأس السنة من تلكم اللحظة فهمنا ومشينا مع الجميع كيف نتعامل في زقازيق الخير ،،، ونحسب الف حساب لأي تصرف أو سلوك كانت أختنا إحسان من ضمن الذين ضبطوا إيقاع شباب وقيادات مؤتمر المستقلين
قد تنكر العين ضوء الشمس من رمد وقد ينكر الفم طعم الماء من سقم
أختنا المناضله والمهمومة بمواجيع الوطن وتراب الوطن لكي منا ألف تحية ومرحبتين حبابك في بيتك العامر بوست ناس الزقازيق ... أجدع ناس
Post: #382 Title: Re: ناس الزقازيق ... أجدع ناس (5) Author: إحسان عبد العزيز Date: 10-03-2012, 07:08 PM Parent: #377
شكراً ميسرة ومنصور عبد الرازق والبرلوم الما حضرناه ياسر نجيلة .ز وجميع ناس البيت الكبير.. جد يا ميسرة أخجلتم تواضعنا.. وأثرتهم فى الخواطر ذكريات حبيبة بالزقازيق الحبيبة .. جد انا فخورة لانتمائى لهذا البيت وسعيدة بلقياكم فيه عبر الشاشة الاسفيرية ، وجد أجدع ناس .. ما ذكرته يا ميسرة عن تلك الحفلة .. أعادنى الى أيامغوالى وقيم ومفاهيم ومبادئ أرضعتنا لها الزقازيق وتجعنا كؤسها حتى الثمالة .. تلك الحفلة كانت تجاوز وإختراق للضوابط التى كنا قد إتفقنا عليها حول عدم إقامة الحفلات بالشقق داخل التنظيم (التجمع الطلابى الحر المستقل) (مؤتمر الطلاب المستقلين - لاحقاً) وذلك تماشياً مع ماكان يثيره الكيزان من تشوشيات عن حفلات الشقق ويستقلونها فى هجومهم على التنظيمات الاخرى خاصة فى فترات الانتخابات التى عادةً ما كانت تصادف وصول البرالمة مستقلين (الدين) فى حملاتهم الانتخابية ونقدهم وتشويشهم على الاخرين .. نحن قطعنا عليهم الطريق ومنعنا حفلات الشقق وأصبحت تلك الضوابط أقرب للوائح الداخلية الغير منصوصة خاصة بعد أن تولى شخصى الضعيف مسئولية السكرتير العام للتنظيم.. الحفلة ديك ما زلت أذكر إننا عقدنا ليها إجتماع خاص وزرزرنا ناس زاهر والعصامى ومكى احمد زرزرة جد بالاضافة لناس نصر الدين وعماد إسماعيل والبقية لكن زرزرة الفنانين كانت أكبر.. أما ناس ميسرة ديل كانوا برالمتنا .. ميسرة كان من البرالمة الكانوا (مولودين بأسنانهم) .. أيام هم جوا الزقازيق انا كنت إتخرجت وإنتهيت وجيت بحجة (إستخراج الشهادات) ليتزامن ذلك مع الانتخابات.. كنت متفرغة للانتخابات تماماً وذى ما قال ميسرة جننا الكيزان جن .. كنت بدخل دور الطالبات وبعمل ندوات ضد الكيزان داخل الدور .. كنا بنمتع نفسنا بدهشة البرلومات لما يشوفونا ويقارنوا بينا وبين الكلام البسمعوه من الكوزات.. أما اعن لبرالمة فما زلت أذكر تفاصيل قصة طريفة ما زلنا نسردها فى جلسات إعادة ذكريات الزقازيق مع الرفاق هنا .. زاهر، بكرى بشير ، فائقة حسين وغيرهم.. كما ذكرت فى إنتخابات يناير 84م التى صادفت حضور البرالمة دفعة ميسرة .. الطالبات كانوا بستضيفوهم فى الزهراء والحميراء .. أما الطلبة كانوا الاتحاد باجر ليهم شقق .. المفتحين ذى ناس ميسرة كانوا بأجروا شقق براهم .. أما الدايشين وناس الاقاليم(الولايات- حالياً) كان الاتحاد بختهم فى بيوت وشقق بعيدة ويعمل ليهم غسيل مخ وتعبئة ضد التنظيمات السياسية الاخرةى .. أذكر فى السنة ديك أجر شقة كبيرة إستضاف فيها عدد كبير من الطلاب فى حته بعيدة وراء المزارع لا اذكر إسمها بالضبط .. وبترتيب من المستقلين مشيت وبرفقتى الاخ (الهميم) ولا أذكر إن كان الهميم فى ذلك العام برلوم أم شبه برلوم (يعنى فى تانية) .. المهم مشينا أنا وهو بيت البرالمة ، ويا زول ما قصرت تب وعملت ليك غسيل مخ معاكس ومرقنا أنا والهميم بعد إنجاز مهمة خدمتنا فيها الظروف بانه ما كان موجود بالشقة أى زول من الاتحاد أو ازيال الاتحاد.. وبعد ما مرقنا نزلت مطرة شديدة لدرجة ,, إضارينا أنا والهميم لحدى ما المطرة وقفت واصلنا المشى لكن كنا مبلبلين من راسنا لحدى كرعينا .. المهم ونحن شاقين المزارع كان الوقت قبال المغرب .. يعنى الشمس لسة ما غابت .. من بعيد لمحنا ليك (محمد أحمد كرار) ومعاهو واحد من ناس الاتحاد لا أذكره على ما أعتقد أدروب أو صلاح عبد المجيد أو.... لا أذكر .. حولنا تجنب أن نلتقيمهم وجها لوجه .. أذكر كنت ألبس توب كالعادة .. ولشدة برودة الطقس فى ذلك اليوم كنت أرتدى كوت (بالطو مطر) طويل من فوق التوب وحذاء (بوت) عادةً ما أستخدمهما فى حالة شدة البرد أو المطر .. وفى أثناء محاولتنا تجنب ناس الاتحاد( إتزحلقت) فى الطين ووقعت على الارض .. ساعدنى الهميم على القيام وواصلنا السير بعيداً عن كرار ورفاقه... فى اليوم التانى الاتحاد كان عامل ندوة .. فوجئنا بمحمد احمد كرار وهو يقول ( الناس العاملين غواصات فى بيوت الطالبات وشقق البرالمة عارفنهم .. الذين يقعون فى الطين عارفنهم ).. ومن الوقت داك ولحدى ما رجعت السودان بعد الانتخابات ناس التجمع كانوا شابكنى ( الذين يقعون فى الطين) وما زال يرددها بعضهم كلما جمعتنا مجالس الذكريات والماضى الجميل وعن حفلات الشقق والبرالمة دفعة ميسرة عندى قصة طريفة حأحكيها ليكم المرة الجاية.. التحية لك ميسرة .. التحية لمنصور عبد الرازق وأنتم تضعون يدكم على صفحات كتبت بين طيات القلوب .. لكم كل الود ناس البيت الكبير. مرفق صورة من الارشيف مهداة لمنصور عبد الرازق حيث انها كانت فى ذلك اليوم الذى أمسك فيه الميكرفون كما قال ومعه الراحلة المرحومة هاجر .. فى حفل تخريجنا لكم جميعاً خالص التحايا.
مرحبا الاطلالة الجميلة للأخت احسان... وجودك بيننا لا شك في أنه سيشكل اضافة كبيرة لنا... أرجو أن يطيب لك المقام بيننا...
Post: #385 Title: Re: ناس الزقازيق ... أجدع ناس (5) Author: عبد الدائم سيد أحمد Date: 10-04-2012, 07:55 AM Parent: #384
ياااهـ لينا زمن طويل من جانا عضو جديد نسعد بطلتو و يمتعنا بكتاباتو وسردو الجميل
اهلا" بيك اختى احسان ونورتى الديار اتمنى ان يطيب ليك المقام بيننا وتبقى جيتك حافز لكل الثريات
،،،،،
Quote: ( الذين يقعون فى الطين)
بوتـــــك ده ما اصلى زى حق سناء الصباغ
،،،، عل الجنب كده بالله نزلتى الصور كيف ؟؟ فى ناس سناير هنا لليلة ما قادرين ينزلو صور . نوديهم شقة خلف المزارع مع البرالمة ولا كيف
Post: #386 Title: Re: ناس الزقازيق ... أجدع ناس (5) Author: جلال عثمان Date: 10-04-2012, 08:18 AM Parent: #385
لا فرصة اروع من هذه للعودة الطوعية التي بح صوت الكثيرين منادين بها وحديث ذو شجون كهذا ... خاسر خاسر من لم يشارك فيه ... وسنير ك احسان عبدالعزيز تتقاصر كلماتنا في الترحيب بها شكرا ليك وبيتك ومطرحك ومزيدا من حديث الذكريات فهو ذو شجون
غايتو من وصفك لي شقة الاستقبال الوراء المزارع دي ومأموريتك انتي والاخ الهميم اجزم بأنك حركتي كوامن ناس كتار لتقليب دفتر الذكريات والبوست موعود بإنطلاقة جيدة وشجية .... وعودة الكثيرين
أنهض لأحي مقدم السنير المبجلة أ. إحسان عبد العزيز ..
و إن لم نتشرف بمعاصرتها في الزقازيق فيكفي أنها من جيل العمالقة ..
و نأمل أن تنداح حكيا عن الزقازيق و ناسها الجدعان ..
و كنت دائماً أقول أنني عرفت الزقازيق قبل أن أزورها عبر قريبتي د.فائقة حسين بلال ..
مرحباً بإحسان و كل الزقازيقاب الأفاضل . . و السلام يغشاكم جميعاً و كونوا بخير ..
Post: #388 Title: Re: ناس الزقازيق ... أجدع ناس (5) Author: عبد الدائم سيد أحمد Date: 10-04-2012, 10:14 AM Parent: #387
عصام دهب البرلوم ياخ البوست ده مشتاق ليك اكتر مننا وسألين عليك كل العباد الجونا منك و المشو يوماتى سيرتك هى الكلام .. لزول غيابك اوحشو ..
Post: #389 Title: Re: ناس الزقازيق ... أجدع ناس (5) Author: ميسرة سيد أحمد Date: 10-06-2012, 07:02 AM Parent: #388
صباح الخير ،،، يا وجوه الخير
أصبحنا وأصبح الملك لله وحده،،،
دعاء تيسير الأمور: "اللهم يامسهل الشديد و يا ملين الحديد و يا منجز الوعيد .... و يا من هو كل يوم في أمرجديد أخرجني من حلق الضيق إلي أوسع الطريق بك أدفع ما لا أطيق و لا حول ولا قوة إلا بالله العلي العظيم ، يارب ضاقت بي السبل فمن لي سواك يفرجها "...
Post: #390 Title: Re: ناس الزقازيق ... أجدع ناس (5) Author: عمر نملة Date: 10-06-2012, 09:01 AM Parent: #389
صباحكم زين مرحب با طلالة سنير السناير الاستاذه احسان وزيدينا فخرا وقلت لي البرلوم ميسره ماقدرت اتخيل دي وعلى طول بتذكر كلام امي ربنا يزيدها صحه وعافيه كل ما يولد مولود في الاسره تقول تعال شوف انت كنت قدر كدا بقول ليها اصل دا ماحصل انا مولود كبير. وكمان قلت لي برلوموك ابن بطوطه الاوربي منصور لا لا عندى بلاوي وشكاوي من البرالمه والغريبه ما جبتوا سيرة الرشيد وعيد وكمان ياسر نجيله لسه في البيضه يعني قبل البرلمه وحلاتو الشادي الصغتتوتي وكمان خايفين وبرجفوا من الحفله الدكادكيني نادوا لي زهير الصغمبوتي. غايتوا عندي شكاوي كتيره بعد ما اتخرجتوا مرحب بيك كتير ومنتظرين قصص برلمة سنايرنا وخاصه ريسنا الميسر يارشا الراجل قال لي زوجته طلقانه تاني في كلام؟قالت ليه الكلام ببين عند نقل العفش.! قال ليها مرجوعه في مسماك. ام الطيب قلت ليها الكلام ببين عند الامتحان وكلامي دا ما تمه يومين عملوا ليها امتحان من مجاميعه كلام وكتابه وسمع وشوف والعجب حبيبي جاءت منططه عيونها . والضربه القاضيه كانت يوم الخميس بعد اول حصه في الكورس جيت معاي اول انتاج من الخبز وقالت مابصدق يعني زاحمتني في اللغه التعبت فيها وعملت بها زهاء 100 معركه ولم يتبقى في لساني كلمة سب وشتم الا تعلمتها تجي تقول لغتك ضعيفه اظنها قاصده لغة شوارع والان ازاحمها في العيش زاتو. زراع من ظرفاء مدني راجع من حفله الساعه 4 صباحا لقى عمال النسيج واقفبن تحت المطره ومنتظرين بص المصنع قال ليهم مالكم ياشباب واقفين تحت المطره؟ قالوا ليه اكل عيش! قال ليهم طيب لو كان اكل باسطه كان عملتوا شنو؟! مرحب بعودة جله ودهب.
Quote: والضربه القاضيه كانت يوم الخميس بعد اول حصه في الكورس جيت معاي اول انتاج من الخبز وقالت مابصدق
كان تقول ليها عشان تآمني.... رغم اني ما بحب الشماتة في بنات الشيخ ديل... لكن مرات تلقاهم يستاهلوها.... عليك الله كل يوم تعال شايل ليها حاجه.. عشان تحرم....
بت شيخي قاعده تغالطني في أخواني يا عمر.... مره غالطتني و نحن بنتغدى قالت لي أختك سوما أكبر من أخوك عماد... قدر ما حاولت أقنعها ما نفع.... قلت ليها انتي لو قلت ليك أنا اسمي الرشيد.... حتقولي لي لا اسمك رضوان... أولادي اتكيفو كيف و ضحكوا لمن ما قدرت اسكتهم... بعد الغداء و الكرش مليانه اضطريت أمشي أطلع الصور بتاعتي... مركونة في الدولاب في حتة قومت نفسي و بهدلتني... لحسن الحظ لقيت صورة لي أخواني ديل و هم صغار... جيت ليها منفوخ و قلت ليها هاك شوفي... قالت لي ده شنو... دي عشان تآمني....
Post: #392 Title: Re: ناس الزقازيق ... أجدع ناس (5) Author: ميسرة سيد أحمد Date: 10-06-2012, 02:34 PM Parent: #391
يسرنا عودة جلال وعصام دهب لإفتقادنا لهم جميعاً . خلال الفترة السابقة ، وبدخول إحسان عبدالعزيز نتوقع عودة مهيرات الزقازيق ، عودة طوعية
كيف قلت لي يا عمر نملوز أخوك لمن كان برلوم زي ما قالوا ليك كان مولود بسنونه والحمد لله مافي حد كان بيعتقد بأني برلوم ناس لكوظ بيعتبروني طالب غير مشهور ويسكن المساكن والعكس كمان!!
أنا حكاية البرلمة دي ما عشتها بس شوفوا ناس عبدالدائم وناس هناي ديك !!! أصحاب المقالب الكبيرة
أنا حكاية البرلمة دي ما عشتها بس شوفوا ناس عبدالدائم وناس هناي ديك !!! أصحاب المقالب الكبيرة ياريس عفارم عليك والله منتظرين ناس هناي
Post: #394 Title: Re: ناس الزقازيق ... أجدع ناس (5) Author: ميسرة سيد أحمد Date: 10-07-2012, 08:57 AM Parent: #393
صباح الخير ،،، يا وجوه الخير
أصبحنا وأصبح الملك لله وحده،،،
من قال " سبحان الله وبحمده " في يوم مائة مرة حُطَّت خطاياه وإن كانت مثل زبد البحر
سبحان الله وبحمده،، سبحان الله العظيم
Post: #395 Title: Re: ناس الزقازيق ... أجدع ناس (5) Author: ميسرة سيد أحمد Date: 10-07-2012, 01:13 PM Parent: #394
عجبني هذا الموضوع فنلقته لكم كما جاء
منقول :
حكي احد الكويتين فقال كنت واسرتي قادمين بالسيارة من الكويت في طريقنا لاداء العمرة فبنشر كفر السيارة فوقفت الي جانب الطريق السريع لتغييره ولكن للأسف وجدت الكفر الاسبير فارغا من الهواء فاسقط في يدي. كان الحر شديد وانا اقف خارج السيارة والعرق يتصبب مني وانا استوقف السيارات ولكنها كانت تعبرني. استمر هذا الوضع لمدة ثلاث ساعات مما اشعرني بالحنق واليأس. ثم رايت احدهم يلوح لي ويصيح من الجانب الاخر المعاكس فقطعت الطريق رغم خطورته وذهبت لمقابلته عند السياج الفاصل بين المسارين. وجدته احد الاخوة السودانيين واعتذر لانه لايستطيع الوصول الي لان السياج يمنعه. وبعد ان اخبرته ان الناس لايقفون خلع عمامته من رأسه وقال لي اخلع عقالك من رأسك وحاول لف هذه العمامة في رأسك بطريقة فسيقف لك السودانيون وظل يعلمني كيف البسها فاخذت عمامته والقيتها علي ظهر سيارتي وواصلت الوقوف والتلويح لساعتين اخريين ولكن لااحد يكترث لي ومن يأسي قلت لماذا لا اجرب طريقة السوداني رغم عدم اقتناعي بها فلففت العمامه في رأسي وبعد عشر دقاىق وقف بجانبي احد السودانيين ثم اخر ثم اخر حتي وصلوا الي خمسة وبعضهم ترافقهم اسرهم كان كل منهم يحضر اسبيره ويطابقه مع سيارتي فلايتطابق ورغم هذا يظل واقفا ولايذهب وفي الانتظار تبادلوا العصائر والمياه مع اولادي ومع بعضهم البعض كانهم متعارفين منذ سنوات وحتي زوجتي اخذتها واحده من السودانيات الي سيارتهم. وعندما وصلت السيارة السادسه تطابق الكفر مع سيارتي وبعدها رافقتني السيارات اكثر من خمسين كلم حتي وجدنا احد البناشر فاصلحنا الكفرات وبعدها ودعوا بعضهم وذهبو قال الكويتي يومها أوشكت ان ابكي وتمنيت لو كنت سودانيا.
،،،،،،،،،،،،،،،،،،،،،،،،،،،،،،،،،،،،،،،، نحمد الله ما زال في الجراب بقية،،،،،،،،،
مساء التماسي على الناس الكويسه ابتدينا دروس الخبز والمعجنات والشوكلاته وادارة المشروعات كانت ضربة البدايه نظريه من استاذ الشوكلاته وقبلها كان التعارف بين افراد الدفعه التي تضم 9 صبايا و6 شباب بالاضافه الي الشوكلاته نملوشاته وعرف كل شخص نفسه ولماذا اختار هذا الكورس . وبعد نبزه تعريفه من المشرفه شانتال والتركيز على المهارات والقدرات اللازمه لممارسة هذه المهنه. واعطت الفرصه لمدرس الشكولاته الذي عرف بانه له خبره طويله كانت اخرها في هونج كونج . واعطى نبذه تعريفيه عن ثمار الشوكلاته وان البلاد التي تنتج الشوكلاته هي التي تقع على خط الاستواء مثل المكسيك وساحل العاج واندونسيا.ثم عرض فلم مصور يحكي مراحل انتاج الشكولاته. وبعد فترة راحه كانت الفتره الثانيه تعريفيه عن الخبز والمعجنات. اليوم الثاني على طول دخلنا معمل المعجنات وصنعنا كيك وبه الوصفه الاساسيه لعمل جميع انواع الكيك.والحمد لله تم تقسيمنا اثنين اثنين فرح اتقسم بفرحين وجوه المعمل فضلوا يخبزوا وبعد الراحه دخلنا معمل الخبز واخذنا الوصفه الاساسيه لصناعة الخبز والحمد لله انتجنا اول نوع من الخبز ويظهر في الصوره وسوغ اتابع معكم وصفات الخبز والمعجنات على النت واتمنى ان يستففيد الجميع معي
Quote: وفي الانتظار تبادلوا العصائر والمياه مع اولادي ومع بعضهم البعض كانهم متعارفين منذ سنوات وحتي زوجتي اخذتها واحده من السودانيات الي سيارتهم.
نحن شعب اخذ منه كل شئ ... او فقد كل شئ في الحياة ... وبقيت هذه الصفات الجميلة .... وده المصبرنا ياريس ميسرة .... وبه عايشين ... تشكر ...
وهذه الحادثة حدثت قبل اسبوع .... او اكثر بقليل ... احد الاقرباء قرر الاطباء عمل عملية مستعجلة لابنه ... تكلف اكثر من خمسة مليون جنية وهو لايملك عشر هذا المبلغ ... واثناء حيرته مابين بيع دهب زوجته او اخذ سلفية ... دخل عليه بعض الاهل لزيارة عادية ... وعندما علمو بالامر .. ما كان من عمته ان امسكت باحد الموبايلات ... بدأت في الاتصال بالاهل والمعارف ... وكانت لاتزيد عن جملة واحدة اثناء الحديث ... " بكرة ان شاء الله عملية فلان ود اخوي فلان في المستشفي العلاني الساعة تمانية صباحا" وقالت لاخوها بكره من الصباح انا بمر عليك وناخد الولد للمستشفي وباذن الله الامر مقضي ... وقد كان ... من الصباح المستشفي اتملأ بالاهل ... وخاصة الرجال مرو على المستشفي قبل الشغل ... وكل واحد بعفوية شديدة جدا ... بياخد قريبنا على جنب ... ويعطيه الفيها النصيب ... عاده سودانية معروفة ... وتمت العملية .... وعملت الكرامة ... والبيت اتملأ حلويات وحاجة باردة ...(قال عاوز يفتح دكان) ... وكمان اتصل قبل يومين ... وحول لي مبلغ للامارات ... قال عاوز لاب توب للولد ...
يا نملوز يا سلام على الخبز المزهزه الجميل... بس بالله لمن تصل حتة الخبز الأسمر رسل لي الوصفة.... خبزك الجميل ده ما بينفع معاي في الوقت الراهن...
(9 صبايا) مرة واحده... ممكن أعرف الكورس الجاي بتين...
يا ريس و أنا بقرأ في قصة الكويتي شعرت بالفخر لكوني سوداني.... تسأل أي واحد من أي جنسية عن السودانيين تلقاهو يتكلم عننا باعجاب... تسأل أي سوداني عن السودانيين تلقاهو يتكلم عننا بي قرف... نحن فعلا ناس لا نعرف قدر نفسنا يا ريس...
ياسر نجيلة اوع تكون ختيت حقك في اللاب توب بتاع قريبك.... قالوا قديما يموت الزمار و صباعه بتلعب... وانت التجارة جاريه في دمك و دايما في بالك...
Post: #400 Title: Re: ناس الزقازيق ... أجدع ناس (5) Author: ميسرة سيد أحمد Date: 10-08-2012, 07:39 AM Parent: #399
صباح الخير ،،، يا وجوه الخير
أسعد الله صباحك أحبتي :
نعم يا الرشيد نحن قوم لا نعرف قدر نفسنا
وإليكم ما كتبه الكاتب السعودي عن الشعب السوداني
السودانيون في الخندق " عنوان لمقال بقلم الكاتب السعودي صالح الحمادي منشور بصحيفة الشرق السعودية الغراء عدد 3 اكتوبر 2012 م
يتسع صدر الوطن السعودي الكبير لكل جنسيات العالم التي أتت بحثا عن لقمة العيش الكريمة، وتتسع قلوبنا كسعوديين لكل القادمين إلينا على اختلاف مشاربهم، ومع هذا فالصورة الشاملة تعطينا مدلولا واضحا وصريحا عن تميز بعض القادمين إلينا، فالبعض يعيش ويتعايش بهدوء وبدون ضجيج، وجنسيات أخرى تنشر الرذيلة وتبيع كل شيء وتمارس أي شيء.
دعوني أتوقف عند الجنسية السودانية بالذات التي ساهمت في تطور وبناء هذا الوطن منذ أكثر من خمسة عقود وكانوا وما زالوا بيننا وينتمون إلينا بمشاعر صادقة ومختلفة عن بقية الشعوب التي أتت إلينا للعمل. أتت هذه الصور الجميلة بعد كتابتي عن موقف الجالية الهندية ومشاركتها لنا في احتفالية اليوم الوطني بالتبرع بالدم، وتذكرت أن أشقاءنا السودانيين سبقوا كل الجاليات فهم يشاركوننا كل أفراحنا وأتراحنا ولهم رابطة الإعلاميين السودانيين برئيسها عوض أحمد عمر وأمينها العام محمّد خير عوض الله، وهي تقدم صورة جميلة آخرها تعبيرهم عن فرحتهم ومشاركتهم الشعب السعودي في مناسبته الكبيرة باليوم الوطني، وتعودنا من أشقائنا السودانيين على مر مراحل البناء السعودي الصدق والنزاهة وهم دائما مثل الذهب الذي لا يصدأ أبداً حتى لو أنهكهم التعب.
تشرفت أنا وجيلي بالتعلم والتربية على يد عدد من السودانيين، وتشرفت بالعمل مع زملاء وإخوان من السودان، وفي مجمل المشهد يظل الإنسان السوداني من أفضل الجنسيات التي عاشت وتعايشت في بلادنا ومن النادر أن تسمع بقضية طرفها سوداني وهذا سلوك ثقافي نتاج أسبقيتهم المعرفية ونتاج عقليتهم المتسمة بالوقار والشفافية ونقاء السريرة، ولا أبالغ إذا قلت إن الأشقاء السودانيين ثوب ساتر لعيوبنا وثقوبنا الاجتماعية وهم معنا في كل الظروف وفي خندق واحد إن لزم الأمر.
Quote: ياسر نجيلة اوع تكون ختيت حقك في اللاب توب بتاع قريبك.... قالوا قديما يموت الزمار و صباعه بتلعب... وانت التجارة جاريه في دمك و دايما في بالك...
يارشيد القوم ... انا عيني على مخبز نملوووووز .... قروشي جاهزة للشراكة (60%) ... الابتوبات الذي دي بنطلع بيها حق البنزين .....
Post: #402 Title: Re: ناس الزقازيق ... أجدع ناس (5) Author: ميسرة سيد أحمد Date: 10-09-2012, 06:51 AM Parent: #401
صباح الخير ،،، يا وجوه الخير
أصبحنا وأصبح الملك لله وحده،،،
لا اله الا الله عدد ما كان لا اله الا الله عدد ما يكون لا اله الا الله عدد الحركات والسكون سبحان الله و الحمد لله و لا اله إلا الله و الله أكبر و لا حول ولا قوة إلا بالله اللهم صلي وسلم وبارك على نبينا وحبيبنا محمد واله الطيبين الطاهرين سبحان الله و بحمده عدد خلقه و رضا نفسه و زنة عرشه و مداد كلماته
Post: #403 Title: Re: ناس الزقازيق ... أجدع ناس (5) Author: ميسرة سيد أحمد Date: 10-09-2012, 01:11 PM Parent: #402
هام لناس السعودية وخاصة الحجاج والمعتمرين والمودعين
تم تعديل مفهوم وزن العفش عند السفر ركاب الدرجة السياحية لهم شنطة واحده فقط لا تزيد عن 30كيلو. ركاب درجة رجال الأعمال والدرجة الأولى لهم شنطتان لا تزيد الواحده عن 30 كيلو
باقي العفش يحتسب كالتالي لجميع الدرجات:- أي قطعة من واحد كيلو حتى 30 كيلو 350 ريال يفهم من ذلك الدفع صار بعدد القطع وليس بسعر الكيلو يعني لو معاك عدد 6 قطع وكل قطعة 15 كيلو تدفع 350×6=2100ريال هذا يدلل بأن الوزن صار لا قيمة له على شرط لا تزيد أي قطعة عن 30 كيلو
========================================== هناك طريقة أخرى أيضاً للوزن عن طريق البريد السعودي الممتاز متدرجة السعر من 1 كيلو إلى 10 كيلو تقريباً 90 ريال أقصى وزن يكون 30 كيلو بسعر 150 ريال للشنطة وتصل السودان خلال يومين ثلاثة على عنوانك البريدي ويقوم البريد السوداني بتوصيلها لكم حتى عنوانكم المكتوب يوم أمس كنا في المطار مودعين ووجدنا الدنيا مقلوبة ناس كمية كبيرة فاتحة شنطها وتعدل في عدد الشنط الصغيرة وتشتري الكراتين من التغليف الآمن والسعر حسب حجم الكرتونه =========================== يعني لو عندك واحد مسافر وجيرانك جابوا ليكم شنطة صفيرة (9) كيلو علشان توصلها تدفع أنت 350ريال على هذه القطعة مع الشكر الجزيل
شايقي وجعلي ساكنين جيران مدة طويلة جدا... ودايما صوتم طالع، مشاكل كتيرة خلاص... الشحمة والنار... هارين ناس الفريق مشاكل ... قام الجعلي مات ... الناس لما جات بيت الفراش لقيت ليك الشايقي ... ببكي وبعزي بأعلى صوتو ... ومرات يرفع يدينو يوصف ... ويسكلــــــب ... الناس جوهو قالولو ... العمر ده كلو هاريننا مشاكل ... كل يوم صوتكم طالع السما ... هسع وجعك وبقيت تبكي عليهو ... قال ليهم ... والله ما وجعني ... إلا قالولي البكا بعذب الميت ....
=============================================== رباطابي ... جاب لأولادو جدادة مكنة مشوية ومكرفسة ... مشي يغسل يدينو ... ولما رجع لقاهم أكلو الجنحين والرجلين ... قال ليهم: مالكم خليتوها زي العربية السيدا اغترب ؟!!!!
================== المناسبة ... بكرة الخميس ....
Post: #405 Title: Re: ناس الزقازيق ... أجدع ناس (5) Author: ميسرة سيد أحمد Date: 10-10-2012, 06:58 AM Parent: #404
صباح الخير ،،، يا وجوه الخير
اصبحنا وأصبح الملك لله وحده،
دعاء الصباح :
اللهم ارفع عني البلاء اللهم عافني من كل بلاء اللهم اشفني من كل داء
برحمتك يا أرحمن الراحمين
Post: #406 Title: Re: ناس الزقازيق ... أجدع ناس (5) Author: ميسرة سيد أحمد Date: 10-10-2012, 07:22 AM Parent: #405
نحاكي أخونا ياسر نجيلة وننقل لكم هذه النكته
مسطول فتح دكان لكن ناس الضرائب والعوائد والمحلية كرهوهو قام عمل مظاهرات قال اﻻ اقابل الرئيس عمر البشير بي جاي بي جاي ادو موعد عشان اقابل بشة فلما جاه الموعد وقابل بشة قال يا سعادة ناسك ديل كرهونا كل شوية ناطين لينا في الدكان بشة قال ليو انا بسألك تﻼتة أسئلة لو جاوبتها صاح انا ح اعفيك من كل حاجة المسطول قال ليهو أسأل بشة قال ليهو السؤال اﻻول : اقوى حكومتنا وﻻ حكومة عبود ؟ المسطول قال ليو : اكيد اقوى حكومتكم ﻻن عبود كان بخاف اﻻنجليز بشة قال لي ممتاز يﻼ السؤال التاني : اقوى حكومتنا وﻻ حكومة نميري ؟ المسطول قال ليو اقوى حكومتكم ﻻن نميري كان بخاف الشعب بشة قال لي جيد يﻼ سؤال رقم تﻼتة واﻻخير اقوى حكومتنا وﻻ الصحابة ؟ المسطول قال لي هاهاهاهاهاها اكيد اقوى حكومتكم ﻻن الصحابة كانوا بخافوا الله
ــــــــ النكتة منقولة
Post: #407 Title: Re: ناس الزقازيق ... أجدع ناس (5) Author: منصور عبد الرازق Date: 10-10-2012, 11:36 AM Parent: #406
رصد وتقصي الشلوخ : من (111) إلى النقرابي ودرب الطير وشنب الكديس أضحت بقايا مخططات الجدات التي رسمنها على وجوه الصبايا زينة يفتن بها الشباب والشيوخ معاً، ويسلبن بها قلوبهم الغضة، أضحت محل تندر ومبعث تحريض لملكات الشعراء الذين تغزلوا في تلك الخدود المزدانة (بالمطارق والشلاّخ الخُدر) حسب عادات (زمان)، ليس ذلك فحسب بل أن (الشلوخ) أخذت مناحٍ أخرى غير الزينة والتجميل، واستخدمت لأغراض أخرى سنستعرضها في سياق هذا التقرير، غير أن هذه المفاهيم قد تبدلت وفقاً للحداثة وقد رفضتها بشدة الأجيال الجديدة واعتبرتها نوعاً من استخدام العنف ضد المرأة شأنها شأن عادات كثيرة ما زالت قيد المكافحة للقضاء عليها قضاءً مُبرماً. تخطيط وتخريب ورغم أن العملية (التشليخية) تخضع لمراحل قاسية حتى (تكتمل صورتها)، إلاّ أن الفتيات كن يتحملنها بجلد وصبر شديدين، ويترقبن مراسمها وطقوسها بفرحة عارمة، حد أن (المُفصِدة) الشهيرة الحاجة "بتول الخليفة" المتخصصة في (شلخ) الـ(T) قالت لـ(المجهر) إن مجموعة من النسوة (وافرات الضراعات) يقمن بالإمساك بالفتاة المزمع (تشليخها) من ذراعيها ثم يعملن أمواسهن على سطح خديها تخطيطاً وتخريباً غير آبهات ولا عابئات بصراخها ـ هذا قبل أن يقمن بحشو القطن المعطون بالمحلبية والقطران في الجرح ما يُفاقم الألم ويزيده، فتصاب الفتاة بحمى شديدة وتورم في الخدود، واستطردت الحاجة "بتول" قائلة: رغم كل ذلك يكون سرور الأهل عظيماً سيما إذا كانت الشلوخ ضاربة في عمق الخدود اليانعة وعريضة ما يكسب الصبية جمالاً وحسناً وفتنة – كما كانوا يعتقدون- وأضافت: أما تلك الشلوخ التي تكون على هيئة خطين صغيران قرب العينين، فتستخدم لحماية الطفل من أمراض العيون. غزل آفرو عربي عادة الشلوخ ليست قاصرة على السودانيين فقط كما نظن ونعتقد، حيث أن شعوباً أفريقية كثيرة عرفتها كزينة منذ أمد بعيد، حتى أن أشعاراً سودانية وعربية كثيرة أشارت إلى ذلك في غير قصيدة، ففي الشعر العربي القديم على سبيل المثال، ارتبطت الشلوخ بالأحباش، وهذا ما تكشف عنه قصيدة "أبو حيان التوحيدي" التالية: ولي حبشية سلبت فؤادي فليس يروق لي شيء سواها كأن لعوطها طرقاً ثلاث تسير بها القلوب إلى هواها وفي السودان يقول الشيخ "عبد اللطيف المكي" تشبيباً رفيعاً بشلوخ عريضة: على صفحة الخدين قد لاح لي خط ومضمونه أن الممات به شرط أموت بلا شرط عليها صبابة فكيف إذا ما لاح في وجهها شرط وقال الشيخ "عمر البنا" مُتغزلاً في محبوبته المشلخة، الظبي الساكن قلبي دايما طارقو يلمع سيف لحاظو يفتك سنانو وطارقو النقرابي يضوي في خدودو ومطارقو وبحسب الحاجة "بتول"، فإن هنالك عادة أخرى لا تقل (عذاباً) عن (الشلوخ)، وهي عادة الوشم الذي يضرب على الشفاه أو ما يسمى بـ(دق الشلوفة)، حيث تُحضر مجموعة من الإبر مربوطة مع بعضها وتثقب بها الشفة ثم يوضع عليها الكحل المخلوط بمرارة الخروف بعد تجفيفها وسحنها، حتى تكتسب اللون الأخضر أو النيلي الذي تغزل فيه أحد الشعراء قائلاً (أم خشيماً بالإبار محروت، متل الفضه والياقوت). ورغم هذا الكم الكبير من أشعار الغزل والتشبيب بالمشلخات من الآنسات والسيدات، إلا أن بعض الشعراء شقوا الصف وتمردوا على النظام ومنهم الشاعر "إبراهيم أحمد بابكر" الشهير بـ (العبادي) والذي قال في إدانة واضحة للشلوخ: دون فصادة سواك الهك والإبار ما لمست شفاهك ثم جاء إليه الشاعر الكبير "عبد الرحمن الريح" وهو يسعىي بأغنيته الشهيرة: الذوق والجمال والخدود السادة أدو قلبي النار حرقوه زيادة أنواع وأسماء الشلوخ وبحسب الباحث في الفلكلور والتراث السوداني الأستاذ "إبراهيم البزعي" عبر برنامجه التلفزيوني، فإن الشلوخ ليست سوى علامة تحفر على الوجه بطريقة معينة، وكانت عادة منتشرة في معظم القبائل السودانية، فهي علامة تعريفية لهم، ومن أشهر أنواع الشلوخ (المطارق) وهي (111)، إلى جانب النقرابيو درب الطير وجع القليب وهو الحرف ( t) وشنب الكديس عند الشوايقه، وكرسي النادي عند الدناقلة كما كانت تستخدم كنوع من المحبة، أو إذا كان الطفل كثير البكاء يعتقد بوجود دم فاسد، أيضاً استخدمت للعلاج من الصداع ووجع العيون والضغط وغيرها من الأمراض، أما عند النساء فتعتبر نوعاً جمالياً يزين وجه المرأة، وعند الرجال أخذت منحى دينياً، فمثلاً مطارق "الشيخ إدريس ود الأرباب "وكذلك شلوخ "ود حسونه" المنحوتة في قبته وهي مائة وواحد وسبعون، إلى جانب مُدقاق الشيخ " العبيد ودبدر" وهو الحرف (T) ونفس الشلخ تحمله قبيلة البطاحين، أما أتباع الشيخ "الفادني" فيحملون الحرف ( .(Nوأضاف "البزعي": أن الشلوخ ليست حصرياً علينا، بل موجودة في دول أخرى كثيرة منها على سبيل المثال نيجيريا والحبشة. واستطرد قائلاً: إنها تتم بواسطة آلة حادة وخشبة، حيث يغسل الوجه بالماء والصابون، ثم يُبل القطن بالقطران ويوضع على الشلخ تفادياً للإصابة بالتتنُس، وعند الانتهاء تمسح الجروح بالسرتية أو المحلبية عند النساء، وبعض القبائل يضعون عليها روث الحيوانات و(المجموع) معتقدين أن (المجموع) يعمل على توسيع الشلوخ، فتصبح الشلوخ (بُقاق) به مادة ثم يثقبونها بإبرة حتى تتم إزالة جميع القشرة التي تغطيها ومن ثم يضعون عليها الكحل الحجري حتى يسود لونها.
Post: #408 Title: Re: ناس الزقازيق ... أجدع ناس (5) Author: إحسان عبد العزيز Date: 10-10-2012, 03:10 PM Parent: #407
يا منصور سلامات ده للتوثيق ؟ ولاّ قليب دفاتر ؟ ولاّ تقليب مواجع وفتح جروح .. السؤال .. فقط ليطمئن قلبى
موضوع الشلوخ ده نكتو من وين يا منص... خلاني أرجع أفكر في ماهو الجميل في الشلوخ البيستاهل العذاب ده... مسكينات و الله النسوان ديل كانو... . . . . . مالو الليلة يوم الخميس ده بيشبه يوم الأحد...
نملووووز ... ياخي انا جني وجن الخبز "الملولو" ده ... اعمل لينا رغيف "توستا" ... عادي .... بالتوفيق ياولدنا ... من هسع انا شريك معاك في المحل ... الحتفتحو ... سلام تحيه صبرا ال ياسر منتظرين نعمل اكثر من 18 نوع من الخبز التوستا والعادي والقمر والمجمر والنظيف وكله شوف دي امس في شكل بومه وذلك لجذب الزبائن عن طريق اطفالهم
انا عيني على مخبز نملوووووز .... قروشي جاهزة للشراكة (60%) .. والله الفكره طلعت كبيره ياياسر وان شاء الله تكون سبب في مشاريع لينا كلنا وانت صاحب المشروع كله واعتبرنا مساعدين عندك وتصدق اليوم كانت الحصه عن تصميم شكل المعمل والمحل بكل خدماته . خليني اخلص الكورس واعمل لي خبره في الخبز والمعجنات والشوكلاته.
مجانين نحن عشان نأكل من يدك ... يا لقينا جوة العيشة شعرة طويلة .. يا كمان لقيناها مليانة رملة وحصحاص من الشواطى البتجرى فيها ....
شكولاتة قال .... يانضيف الصوره تغني عن الجواب
يا نملوز يا سلام على الخبز المزهزه الجميل... بس بالله لمن تصل حتة الخبز الأسمر رسل لي الوصفة.... خبزك الجميل ده ما بينفع معاي في الوقت الراهن ياراش تصدق عملنا الخبز الاسمر وكمان الخبز بالزبيب
قال الكويتي يومها أوشكت ان ابكي وتمنيت لو كنت سودانيا.
ياريس الزمن الصعيب غير كتير وعندنا في اوربا الجبن اصبح سمه شبه عامه ربنا يسهل ونغرز شويه في اولادنا
رصد وتقصي الشلوخ : من (111) إلى النقرابي ودرب الطير وشنب الكديس يامنصور تصدق في حاجه كانت محيراني في انه مرات الجعلي والدنقلاوي والشايقي تلاقيهم مشلخين بنفس الشلوخ اتاري الحكايه فيها شيوخ وحيران
Post: #412 Title: Re: ناس الزقازيق ... أجدع ناس (5) Author: ميسرة سيد أحمد Date: 10-13-2012, 11:23 AM Parent: #411
صباح الخير ،،، يا وجوه الخير
دعاء اليوم :
"اللهم أنت ربي... وأنا عبدك... خلقتنى... وانا على عهدك ووعدك مااستطعت... أعوذ بك من شر ما صنعت... أبوء لك بنعمتك علىّ... وأبوء بذنبى... فاغفر لي... فإنه لايغفر الذنوب إلا أنت" أستغفر الله العظيم الذي لا اله إلا هو الحي القيوم وأتوب إليه
ما دام يا عمر بديتو تعملوا الخبز الأسمر دخلني معاك شريك في المحل... ان شاء الله بعدين تدفع نصيبي خبز أسمر... و الله يا عمر يعجبني تصميمك و اجتهادك..
أنا عندي ليك عرض أحسن من عرض ياسر نجيلة... أنا بدفع ليك دفعة مقدما... و بعدين بدفع مبلغ مقدر من راس المال كل شهر... لحدي ما تكمل راس المال.. بس بشرط بعدين يعتبروني مستثمر و أجي بلجيكا... أنووووووم و أجي أنظر ليك في المحل... البومه دي ماله عامله كده... بدل بومه كان تعمل ثعلب... و الخبز الأسمر ده مالو مسيخ كده... و بعد داك... يا علمتني الجري... يا علمتك الركلسة...
Post: #414 Title: Re: ناس الزقازيق ... أجدع ناس (5) Author: ميسرة سيد أحمد Date: 10-13-2012, 03:15 PM Parent: #413
يا نملوز مجهوداتكم مقدرة وتفننكم في العيش مريح جداً ، بس العيشة البتشبه عجل البحر دي إسمها شنو خلاف البومة ،،،،
«1» - دحين يا عمتي قالوا سويتيلك نصايب في بِكيات شبا - ايي يا ولدي وحاتك فترنا من شبا وبِكياتها - باقيلي فضحتينا الله لا كسبك - مرة ناس بت ود علي كانن عندهن زولا مات مشينا نباكيهم - أها - باكيناها يا عشاي وجينا طالعين لي بيوتنا إن كان نسمع المنادي تاني ينادي - وانتو لليلي ما وصلتوا لي بيوتكن - ايي الله لا كسبو واحدا ليهو صوت علي الدميري - ههههههههههههه اها - اها الدعبونة قالتلي قالوا بت ود علي تاني ماتلها زول - يا سلام - ايي قمت قلت للدعبونة انتي بت ود علي دي اصلو نكير دة برك عندها انا ركبيني واجعاتني - هههههههههه وشن سويتي - رجعنا يا حبيب قساي تاني صادين انا والدعبونة - أها - دخلنا لقينا الحرَرَم ديل تاني يسكـــلبن ويعوعن - أها - اها يا ولدي ختيت يدي في راس بت ود علي وقلتلا: شكيناك لي الله إن كان تمُرنا بي تحت مشتت والمُلاح ماهو عندنا - هههههههههههههههههههههههههههههههههههههههههه - وجريتها من المشاط لااااعندي وقلتلا: إنتو الماتلكم منو تاني الله لا كسبكن - ههههههههههههههه غايتو ماكي مرة شي .. نان انت اصلك ماكي عارفي المات منو - أييي ههههههههههههه وهي صاقعالي: إييي ماهن قاعدين قايمين للخرتوم الصباح لا تسوولكن كِسري ولا شي.. وانا قلتلا: هو وين اللكل فشان نجيبوا.... نحن نعوعي معاكن من أصبحت يبكوا عليكن
Post: #416 Title: Re: ناس الزقازيق ... أجدع ناس (5) Author: ميسرة سيد أحمد Date: 10-14-2012, 06:49 AM Parent: #415
صباح الخير ،،، يا وجوه الخير
أصبحنا وأصبح الملك لله وحده،،،
دعاء الصباح :
اللهم نسألك يا غفور يا رحمن يا رحيم .. أن تفتح لأدعيتنا أبواب الاجابه .. يا من إذا سأله المضطر أجاب .. يا من يقول للشيء كن فيكون ... اللهم لا تردنا خائبين ..
اللهم أدخلنا الجنة مع الأبرار وأرزقنا في دنيانا من حيث لا نحتسب
Post: #417 Title: Re: ناس الزقازيق ... أجدع ناس (5) Author: ميسرة سيد أحمد Date: 10-14-2012, 03:11 PM Parent: #416
بصراحة كتابات طارق جبرين بالعامية. بتريحني تمام ، يا ود جبرين الله يريحيك دنيا وآخره ، أعطنا مزيد
جبريلا كاتب قدير و مصمم خطير ضل طريقه الى البيطرة.... أنا من أوائل الناس الذين نادوا بأن يتفرغ جبريلا قليلا للكتابة... صحي أكل العيش يحب الخفية... و مرات الكتابة ما بتأكل عيش... لذلك نطلب منه أن يتفرغ و لو جزئيا لمثل هذه الكتابات...
فوجئت بعد انتهاء مباراة السودان و أثيوبيابالشغالة بتاعتنا صارة وشها.... قلت ليها مالك يا مساي.. قالت ما عايزة شغل... قلت في نفسي الله لا كسبك يا مازدا.. دي عمله تعملها فينا... الحبشية قالت ديل عليك الله ناس أشتغل معاهم... اذا نحنا بنغلبهم أشتغل معاهم ليه... قلت ليها يا مساي يعني عايزة تطلعي عشان غلبتونا.... قالت مهند شاكلني أنا ما عايزه شغل... بركة البقت من مهند ما من هزيمتنا الشينة دي....
«2» - دحين انت علويي بت وداعة الله ما خليتيها تضحك في موت حبوبتها - ههههههههههههه ايي يا ولدي - شن سويتيلا... ماكي مصيبة انتي - كانت مدياني نعجايي - ادتها ليك كلو كلو يعني - ايي يا ولدي ووكتين نتكاتلنا في شي تنعلني: اديتك نعجتي ونافعاكم وتسويلكم.. - ههههههههههههه يعني وكتين تتكتلوا تجيبلك سيرة نعجة الجن دي - ايييي هههههههههه اها قومي يا بت زينب حبوبتها موتي - يا سلام - اييي يا ولدي رحمها الله ماتتلها في سموما كافري ومخروقتي واجعاني وركبيني وارمات - يعني مع النعجي دي ما عندك حل علي تمشي تعزيهن - ههههههههه اييي الله يخربها هي ونعجتها - هههههههه نان شن سويتي - يا ولدي من هني لا هني وامسك في الحيط لامن طلعت عندهن - وصلتي يعني - ايي يا ولدي مع وصلتي عيني لي علويي جايي من تحت تعوعي وتتنخج -اها - في قلب الحوش مسكتها في راسها وقلتلا: شكيناكن لي الله تعالي شيلي نعجتكن دي مني هههههههههههه - هههههههههههههههه الله لا تاجرك يا عمتي - هههههههههه يا حبيب قساي علوي بقت تضحك وتقولي: الرسول آآآآلزهرة لا تضحكيني دي حبوبتي المرباني - دة ياهو بكاكي معاها - ههههههههههههههههههههه ايييييي
Post: #421 Title: Re: ناس الزقازيق ... أجدع ناس (5) Author: ميسرة سيد أحمد Date: 10-15-2012, 07:08 AM Parent: #420
صباح الخير ،،، يا وجوه الخير
دعاء الصباح :
اللهم اجعلنا ممن يسمعون القول ويتــَّبعوون احسنه يارب العالمين اللهم أجعل عملنا كله خالصا لوجهك اللهم لاتجعلنا ممن ضل سعيهم في الحياة الدنيا وهم يحسبون انهم يحسنون صنعا ً
Post: #422 Title: Re: ناس الزقازيق ... أجدع ناس (5) Author: منصور عبد الرازق Date: 10-15-2012, 12:13 PM Parent: #421
Quote:
يا منصور سلامات ده للتوثيق ؟ ولاّ قليب دفاتر ؟ ولاّ تقليب مواجع وفتح جروح .. السؤال .. فقط ليطمئن قلبى
احسان عبد العزيز يا عزيزة خلى قلبك مطمئن , وطمنى معاك ناس الرشيد ونجيلة وعمر نملوز كمان لكن الأمر لا يخلو من , تقليب الدفاتر والمواجع وفتح الجروح وللتوثيق كمان القصة فعلا مدهشة وغريبة وتستاهل التقليب من الأول انا كنت متأكد , انو القصة ما زينة وتجمل بس فعلا انها ذات ابعاد اجتماعية اكبر من مجرد محاولة تجميل خاصة وانها لو كانت شغلة تجميلية بحتة , لأقتصرت على النساء دون الرجال ولكنها كانت عمليات موغلة فى ارساء قيم قبلية وجهوية , النصيحة لى الله , ما قدرت اعرف اتغذت من وين ولا كبرت كيف , واخدت الحيز ده كله , لدرجة الرغبة الجامحة التى تصل لحد الأيذاء دى فى تصنيف الناس , والشعور باهمية تمييزهم حتى على اساس (قبلى ) مش شىء غريب بالله الشلوخ بقت مافى هسى , واصبحت اثرا بعد عين ولكن محاولات التمييز القبلى والجهوى , ما تتزال تترى وتستمر وتأخد اشكالا جديدة , وتبتدع صور مستحدثة كل يوم حقيقى , الأمر يبدو معقدا وكبيرا فالفارق بين الأعتزاز بالأنتماء , والفخر بالأصول والجذور وبين التشتت القبلى المقيت , والشعور بالتفوقات الجينية والأثنية غير القائم على رجلين فرق جد بسيط , ويكاد يكون لا يرى بالعين المجردة ولأنه كذلك , فانه الملجأ الأول لطلاب السلطة وسارقيها يغذونه , وما اسهل تغذيته ويلعبون على حبله الحساس والقابل دوما للأشتعال والأثارة , وما اسهل اشعاله واثارته فتكون النتيجة , الف سودان , ومليون وطن بديل , وتشظى وانقسام وانكفاء لانهائى اكبر مشكلة , ان مثل هذا التشظى , يشبه تكاثر الأميبيا الطفيلية اذا بدأ , ما يوقفه الا رب العالمين
Post: #423 Title: Re: ناس الزقازيق ... أجدع ناس (5) Author: منصور عبد الرازق Date: 10-15-2012, 12:25 PM Parent: #422
عمر نملوز يا حبيب بختك والله مع العيش الملون ده بعدين بلدكم دى , اصعب حاجة فيها العيش ده تفتش ليهو سما واطة ما تلقاهو ياخى لغاية ما كنا نلقى نفسنا دايرين ناكل الفول بالكرواسان !!! اردمهم الجماعة ديل بالعيش الما خمج وانا معاكم , بعد نجيلة والرشيد وعاااارفو النضيف منتظر حصة الكسرة والأنجيرا عشان يجى ويخت بياضو معانا
* بمناسبة الأنجيرا وشكلة مهند للشغالة لو قالوا لى كسودانى , اختار ليك فريق يغلبكم وما تزعل لأخترت الأحباش ديل ضرب الحبيب يا معلم , الذ من اكل الأنجيرا زااااتو عشان كدة مهند الرشيد ده محروم من المصروف يومين , ومن البلى استيشن نهاية الأسبوع عليك الله يا مهند , فى زول يشاكل ليهو حبشية ؟؟؟!!!! ولا شنو يا طارق جبريل ؟؟؟ شهقة واحدة من شهقاتن , تخلى يومك ابيض ياخ
يا سلام عليك يا فافي على ذوقك الرفيع... دي المره التانية أسمع فيها طارق أبو عبيدة... الأولى كانت أغنية أحمد المصطفى و دي التانية... صوت جميل و تطريب عالي و حسن اختيار.....
صباح نضيف خالي من الغش والتزييف ... صباح دغيشا بدري .. ويا إيد البدري قومي بدري .. وحشي بدري .. شوفي كان تنقدري ... واللا أحسن في الأول نشيل الفاتحة ... الحمد لله رب العالمين ..... ولا الضالين آمين ... البركة فينا وفيكم لي أي زول فقد ليهو عزيز ... وكل التهاني والتبريكات لي أي زول مرت عليهو أيام سعيدة وهنية ...
أصبحنا وأصبح الملك لله ... نملوز ما تنسى عيش الجنز الطلب عليهو كتير ... يا منص .. الشلوخ الستة العراض النيرانة حارقات الفؤاد ... والعجايز ظهروا ... يا رشيد القوم مساي دي قول ليها دا مهند الرشيد ما مهند الطاهر ... يا طارق جبريل مبالغة في الحكاوي باللهجة الشايقية .. زيدني من دلك شوية ... يا منص إنت الوحيد اللي كنت بتسأل عني .. الله يديك العافية ويسكنك الصافية ... شيخي جلا ما وقع في عينكم؟؟؟ ولنا عودة بإذن الله...
اللهم أجعل تجمعنا هذا تجمع خير ورحمة ومحبة اللهم أجعلنا ممن يقال لهم كلوا وأشربوا هنيئا بما كنتم تعملون . ولا تجعلنا من الذين يقال لهم أخسئوا فيها ولا تكلمون
Post: #431 Title: Re: ناس الزقازيق ... أجدع ناس (5) Author: محمد صديق Date: 10-16-2012, 08:20 AM Parent: #430
سلامات يا ناس
فى زول داير سمك ..ولّا طحنية..
تعقبها جبنة من وين كده ما عارف..وتُخْتَم
بى بَخّة بَخّتين؟؟!!
Post: #432 Title: Re: ناس الزقازيق ... أجدع ناس (5) Author: عبد الدائم سيد أحمد Date: 10-16-2012, 09:14 AM Parent: #431
انتو السودان فتحو ولا شنو ...
البادى و الكوتش جايين مع بعض وبعد المبارة كمان ... الحكاية فيها آنة .. وتغييرات كبيرة اعمل حسابك يا ريس ما يشيلوك ...
Quote: صباح نضيف خالي من الغش والتزييف ... صباح دغيشا بدري .. ويا إيد البدري قومي بدري .. وحشي بدري .. شوفي كان تنقدري ... واللا أحسن في الأول نشيل الفاتحة ... الحمد لله رب العالمين ..... ولا الضالين آمين ... البركة فينا وفيكم لي أي زول فقد ليهو عزيز ... وكل التهاني والتبريكات لي أي زول مرت عليهو أيام سعيدة وهنية ...
ده كان معوق زى ود خالتو ولا شنو ؟؟؟!! قولوا ليهو , الخانة اديناها لى جمعة واردفناها بالحريات الأربعة
Post: #437 Title: Re: ناس الزقازيق ... أجدع ناس (5) Author: منصور عبد الرازق Date: 10-16-2012, 10:54 AM Parent: #436
قبل العيد ممكن ؟؟؟معاكم اسبوع قبل العيد , واسبوع العيد زاتو , كان رفاعة خلت لينا فرقة فيك
Post: #439 Title: Re: ناس الزقازيق ... أجدع ناس (5) Author: منصور عبد الرازق Date: 10-16-2012, 11:13 AM Parent: #438
Quote:
عمتك قالتلي: وااااشري يبكن علي روح النبي (ص) حلالي عليهن قلتلا: هو النبي (ص) مات الليلي ... هاجماتننا لي شنو... النبي (ص) ماهو ميت من حيات جدي - عمتك قالتلي: استغفري يا الزهرة - اييي استغفر شنو خلعني التقول النبي(ص) كان سِرَهِن - هههههههههههههههههههههههههههههههههههههههههه حجتك دي ماها قايمي من برشها دة
ههههههههههههههههههههههههههههههههههه بس عمك كنيش دا , كان خاتى القروش وين ؟؟؟ القصة بتفرق كتير عندى لكن نديك دى , احتفالا بى جية البادى وعفاف والكوتش وعشان ولا واحد سأل من النضيف اللبنانى قالوا ليك لابس بدلتو وكرفتته وجا السعودية زيارة عمل داخل جوة البنطلون المحزق , يااا اللله يا اللله يا دووووبك يقدر يمشى ويقعد قام الجماعة كده , اذنو لى صلاة الضهر المدير السعودى , قال ليهو نكمل بعد الصلاة الراجل لا ايده لا كراعو , لقى نفسو مشمر اكمام البدلة , ومكفكف البنطلون المحزق يا ااالله ياااللله رفع رجلينو وكمل الوضوء قام الراجل صلى بيهم , وبعد الصلاة قام يصلى ركعتى السنة الراجل ما قصر قام يتسنن معاهم السعودى بعد الركعتين , لاحظ انو اللبنانى بيقعد على امشاط رجلينو , جلسة الصلاة المكروهة ديك قام السعودى ميل عليهو برااااحة , وقال ليهو ابو حنيفة قال انو جلستك دى مكروهة , وشبهها بى جلسة ال###### الراجل ما عنده بيزنس داير يتمو عاد قال ليهو الجلسة الصحيحة كيفنها طيب وراها ليهو , وقام يكمل ركعاتو الأربعة بتاعات السنة اللبنانى قام يعمل زيو الركعة الأولى , سوى زى ما قالو ليهو , اتوهط كده وقعد القعدة الصحيحة البنطلون المحزق , زى طلع منو صوت كده , ما استحمل القعدة الصاح دى الراجل مشى الموضوع وقام لى ركعته التانية اول ما ركع كده , الصوت زاد قام من الركوع , الصوت بقى اوضح واوضح سجد , الصوت بقى يسمعوهو الجنبو كوللهم قعد القعدة الصحيحة , البنطلون رقد هردبيس قام سجد تانى , البنطلون بقى كل رجل براها قعد تانى القعدة الصحيحة , البطلون راح فى حق الله الراجل كمل صلاتو , وقرأ تشهده , السلام عليكم , السلام عليكم اتلفت كده , لقى الراجل السعودى قاعد جنبو هيك بدو ابو حنيفى ؟؟؟؟!!!!!!!!!!!!!!!!!!!!!!!!!!!!!!!
Post: #440 Title: Re: ناس الزقازيق ... أجدع ناس (5) Author: عبد الدائم سيد أحمد Date: 10-16-2012, 11:51 AM Parent: #439
والله يا نجلية طالع من دار الاتحاد عترت ليا العتبة وقعت فكيت رجلى الشمال .. معلقين ليهم لمبة صفراء من زمن ناس عادل كرداوى ..
،،،،
يا منص حكاية اللبنانى ده ذكرتنى البرالمة لما يجيبوهم جداد يمشو يشترو جزمة جديدة من شارع مولد النبى .... طبعا" الجلد قوى اول ما يصلو استاد الشرقية الجزمة بتضايقو يقعد يعرج يا اما استحمل وواصل للجامعة يا اما رجع شقتو ....
من شدة فرحتي بعودة الكوتش قربت أقول ليكم صبحكم الله بالكوتش... و صحي صباح الكوتش صباحا أبيض.... مرحبا بعودة محمد صديق الشهير بالكوتش...
و بعودة البادي النور... سألنا عليك الليل و نجمه و كل أنوار الصباح يا بادي... و بلغنا عليك الانتربول... لكنك ما كنت متابع و ما رديت علينا.... و نحن حسه سعيدين جدا بعودتك و أرجو أن تدوم....
الزهرة لكن ما حكاية يا جبريلا... اتخيل لي لو نكت مخك شوية الزهره دي حيكون عندها بلاوي.... سلمت يا جبريلا يا جميل....
يا جماعة وين ديدو.... دي طبعا بي أثر رجعي... ما بنقدر على اللوم ده نحن...
يا جماعة وين نملوز غايب ليهو فترة... وصل ياتو نوع من الخبز...
سلامات يارشيد ...سعدت بمشهادتك وبنتك الجميله رغم إنقطاع الخط ..تحياتي للمدام..
Post: #443 Title: Re: ناس الزقازيق ... أجدع ناس (5) Author: ميسرة سيد أحمد Date: 10-16-2012, 03:13 PM Parent: #442
سعيد جداً بعودة الكوتش الليله يوم العوده العالمي
الجابكم يجيب لينا جلا وآخرين،،،،
==============================
دعوة لك الحلوين
غداً الأربعاء 17 أكتوبر أول أيام ذوالحجة إنها العشر الأوائل من ذي القعدة
قال رسول الله (ص) ما من أيام العمل الصالح فيها أحب إلى الله من هذه الأيام ، قالوا يا رسول الله ولا الجهاد في سبيل الله قال : ولا الجهاد في سبيل الله إلا رجل خرج بنفسه وماله فلم يرجع من ذلك شئ
والدعوة تحديداً إلى الصيام من اليوم الأول حتى التاسع من ذوالحجة يوم عرفة والذي يكفر (صيام يوم عرفه إحتسب على الله أنه يكفر السنة التي قبله والسنة التي بعده) رواه مسلم
ومن صعب عليه الصيام يا حلوين يجعل الصدقة نهج يومي ولو بشق تمره أو تلاوة القرآن ولو جزء واحد أو قيام الليل ولو جزء بسيط بر الوالدين بجميع أنواعه (كالدعاء لهم < الأحياء والأموات > ووصلهم ولو بالهاتف) التسامح وإصلاح ذات البين التهادي بإسم الصدقة
Quote: والله يا نجلية طالع من دار الاتحاد عترت ليا العتبة وقعت فكيت رجلى الشمال .. معلقين ليهم لمبة صفراء من زمن ناس عادل كرداوى ..
يا دودي ... المشكلة ما في اللمبة ... القديمة... المشكلة بقت في عضامك .... الهشة ... احسن ليك اقع في الميمية الإيرانية ... بتنفع في حالتك دي ... كفارة ... وسلامتك ... الحق ربي جدو ده سريع ... شايفك حتفكك وتبقي اسبيرات قرييييييييييييييب ده ...
========================= غايتو بتبالغ يا ودجبرين .... انا قاعد اتخيل حكاويك دي ... صورة ... وصوت ... مع اني ... ماشايقي ....
كلما أدخل محل بلق انس blugins للالكترونيات أشوف حاجات غريبة.... كل يوم حاجه جديدة... من سنة أو سنتين جيت أشوف الجديد شنو في عالم الالكترونيات.... لقيت ولد عمره خمسة أو ستة سنوات بيبكي بكاء شديد قدام المحل و يدردق في البلاط... بلاط لامع نضيف تشوف صورتك فيهو.. امه واقفة مربعة يدينها تتفرج فيه و كأنها تتوعدة بعلقة ساخنة عندما يعود الى البيت... بينما كان والده يحاول تهدئته بكلام معسول..و يعده بشراء ما يريد....بس مش اليوم... و الولد يزداد بكاء لأنه عارف ان دي توزيعة لا غير... دخلت المحل لقيت أولاد واقفين قدام تلفزيون كبير و بينططوا.... فضولي دفعني أمشي أقيف جمبهم عشان أعرف الحاصل شنو... قالوا لي دي لعبة جديدة اسمها اكس بوكس X Box..... لعبة فيها سينسور يأخد صورتك و يدخلك جوه التلفزيون... و تلعب بدون جهاز التحكم...بطريقة تفاعلية.... اتذكرت بحسرة أيام الكمبلت و أم الصلص.. و كيف تجي داخل البيت مكندك و الحاجه تقابلك في الباب تقول ليك كنت مدفون وين.... كان نفسي أقعد أنطط معاهم لكني خجلت و خفت يجو سودانيين يقولو شوف الراجل الأهبل ده.... ناديت مهند و خليتو يلعب معاهم و ينطط.. و أنا مبسوط كأني قاعد أنطط معاهم... عجبتني عجب شديد وقلت لازم اللعبة دي تدخل بيتنا.... غصبا للظروف و الحال الحرن.... اتمنيت مهند يدردق قدام المحل في البلاط اللامع النضيف... و كان هو ما ادردق أنا بقوم ادردق ليهو في البلاط عشان يطلب.... لكنه بقناعة تشبه قناعة ست بيتي لا ادردق و لا طلب.... مدخلي لدخولها بيتنا اني أقوم أوعده بهدية كبيرة اذا تفوق في الامتحانات.... قام مهند ما خذلني و جاب نتيجة تستحق الهدية... قلت ليهو أطلب ما شئت اليوم يومك... قام فاجأني و قال لي عايز بلاي ستيشن ثري... هجت ليك فيهو هيجة السنين... بلاي ستيشن ثري بتاعة شنو انت بس تقلد لي في أصحابك... خلي عندك رأيك الخاص ماتبقى امعة.... و طبعا لا يخفى عليكم ان الهيجة دي كلها سببها انو ما طلب X Box.... لفيت ليك راسو و خليتو يغير رأيه و يطلب اكس بوكس.... ما أديتو فرصة للتفكير جريت جري مشيت جبت الاكس بوكس.... و لي يوم الليلة قاعد أنطط....
Post: #447 Title: Re: ناس الزقازيق ... أجدع ناس (5) Author: ميسرة سيد أحمد Date: 10-17-2012, 06:57 AM Parent: #446
صباح الخير ،،، يا وجوه الخير
اليوم بدأ التكبير في أفضل أيام الدنيا الله أكبر الله أكبر الله أكبر لا إله إلا الله الله أكبر ولله الحمد،،،،
===================
مرحب بدكتور الصادق نتمنى أن تكون الطله مستديمة ومعاك ناس السودان,,,,
Post: #448 Title: Re: ناس الزقازيق ... أجدع ناس (5) Author: عبد الدائم سيد أحمد Date: 10-17-2012, 07:53 AM Parent: #447
يمين يا رشا مافى لعبة الكترونية آعـــور من آكس بوكس ده تقعد زى المجنون ترفع فى يدينك و تضرب الكورة فى الهواء وكمان يجيب ليك فى الاخير استعراض للقطات تشبه ( خلف الكواليس ) تقرب تقول ده ما انا ...
الجهاز الاصلى غالى شوية ... بس الهنود اولاد الزينا مطورين ليهو واحد ارخص واحسن من الاصلى كمان ..
يا ناس جدة بالله اختنا الكبيرة وربتنا مع الحاجة رحمها الله معاكم في الحج تليفونها عند عصام دهب مرة مرة طمنونا عليها ينوبكم ثواب
Post: #450 Title: Re: ناس الزقازيق ... أجدع ناس (5) Author: عبد الدائم سيد أحمد Date: 10-18-2012, 07:31 AM Parent: #449
حجا" مبرورا" وسعيا" مشكورا"
انشاء الله حاتصل بعصام دهب واتصل عليها
عقبالك يا جبريلا تحج و تبطل طولة لسان
Post: #451 Title: Re: ناس الزقازيق ... أجدع ناس (5) Author: عبد الدائم سيد أحمد Date: 10-18-2012, 07:36 AM Parent: #450
توفى يوم امس بولاية القضارف والد الاخ حسن سليمان ( حسن القون ) كلية الحقوق رقم التلفون 00966503354049 جــــدة
انا لله وانا اليه راجعون
آللهم أرحمه وأسكنه فسيح جناتك آللهم باعد بينه وبين خطاياه كما باعدت بين المشرق والمغرب اللهم نقه من الخطايا والذنوب كما ينقى الثوب الأبيض من الدنس اللهم اغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم اجمعنا وإياه في مستقر رحمتك اللهم انا نسالك بأسمك الاعظم ان توسع مدخله اللهم آنس في القبر وحشته اللهم ثبته عند السؤال اللهم لقنه حجته اللهم باعد القبر عن جنباته اللهم اكفه فتنة القبر اللهم اكفه ضمة القبر اللهم اجعل قبره روضة من رياض الجنة ولا تجعله حفرة من حفر النار اللهم إن كان محسنًا فزد في إحسانه وإن كان مسيئًا فتجاوز عن سيئاته ، اللهم ألحقه بالشهداء
Post: #452 Title: Re: ناس الزقازيق ... أجدع ناس (5) Author: منصور عبد الرازق Date: 10-18-2012, 09:46 AM Parent: #451
التعازى الحارة لى حسن القون فى وفاة والده وما بنوصيكم على اخت طارق جبريل (الربته) يا ناس جده خلوها تدعو ليهو , وساعدوها انتو بالجكة عشان تتحقق امانى النضيف بتاعت طول اللسان ديك لكن امانتن فى ضمتك دى يا نضيف لو الزول ده , لسانو قصر انحنا نمشى وين ونسوى شنو اصلو طارق جبريل ده عنده شىء سمح فيهو من راسو لى ساسو غير لسانو ده ؟؟!! تقوم تقصروا لينا ونحن نتبالى بالصلعة البلا لسان شن فائدة الصلعة البلا لسان طارق جبريل - لسانو الطويل = صلعة لابسة قميص كاروهات نسويبو شنو تانى اللهم طول لسانو يا رب العالمين قادر يا كريم
Quote:
وبكرة الخميس .... يامنص ...
وخميسك , ولو تبيع قميصك وانا خميسى الليلة مختلف حا يكون فى مطار الرياض , عشان جمعتى تصبح فى الخرطوم وفى الصحافة تحديدا انا ومعاى بت الشيخ والحاجة نسيبتى والعيال لأول مرة , نسافر معا , يحدونا الشوق لملاقاة احمد ولدى سافر مننا يوم 26 اغسطس الماضى لكن امه تقول سافر منها ليهو سنتين مدرار الصغيرة قالت لى , السودان ما سمح , لكن نمشى نجيب احمد ونمشى اوروبا سمعتا يا نملوز ؟؟ فمهتا يا نجيلة ؟؟ استوعبت يا نضيف ؟؟ على المستوى الشخصى , ما ضحيت فى السودان , منذ سنين طوال قدر ما حاولت اعدهم واتذكرهم , ما قدرت ولا اتذكرتا لكن اظنو , منذ زمن الخروف بى مية الف جنيه وهانحن نرجع ونعود لعصر الخروف المليونى خروف ده ولا مسيرة فى ميدان التحرير ؟؟؟؟ ولكن ميزة الأعياد فى السودان , وخاصة الأضحية منها ان ايام العيد الأربعة , تعادل اجازة شهر فيما عداه فعندما يلبس السودانى الجلابية والعراقى ويخلع البنطلون والقميص فانه يتحول من الشلهتة , الى التوهط والأستئناس الا اللذين يسافرون الى رفاعة وكسلا فانهم غير ملومين , فى اتخاذهم للرحلة العكسية شعارا لمرحلة العيد صحيح ان خسائرنا فيها -نحن المعيدين فى الخرطوم - كبيرة وعظيمة ولا يمكن عدها ولا حصرها من اول سمك عوضية , وطحنية سعد , مرورا بقهوة كينيا وشاى الحبشة , وصولا للحمة قندهار وعشاء نادى الشرطة ان شاء الله يا ربى , التفويج بتاع المرور يمنع السفر لى رفاعة وكسلا , ايام العيد دى كلها فهذه هى الطريقة الوحيدة لمخالفة طغيان (الرتب العالية ) , على الرتب الأقل عيدكم لحمة مليونية , وشربوت نقى , لا فيهو كربونات , ولا مطعم بى (نقيع البلح) المخمر اما الباقين , فلينططوا ما شاءوا , امام (اكس بوكسيهم العاجبهم ده ) طيلة ايام العيد على فكرة , رأيكم شنو فى (الموف) بتاع البلى استيشن ثرى ؟؟؟
Quote: يا ناس جدة بالله اختنا الكبيرة وربتنا مع الحاجة رحمها الله معاكم في الحج تليفونها عند عصام دهب مرة مرة طمنونا عليها ينوبكم ثواب
أوع زول يديها حاجة يقول ليها دى لى طارق.
Quote: صحيح ان خسائرنا فيها -نحن المعيدين فى الخرطوم - كبيرة وعظيمة ولا يمكن عدها ولا حصرها من اول سمك عوضية , وطحنية سعد , مرورا بقهوة كينيا وشاى الحبشة , وصولا للحمة قندهار وعشاء نادى الشرطة ان شاء الله يا ربى , التفويج بتاع المرور يمنع السفر لى رفاعة وكسلا , ايام العيد دى كلها فهذه هى الطريقة الوحيدة لمخالفة طغيان (الرتب العالية ) , على الرتب الأقل عيدكم لحمة مليونية , وشربوت نقى , لا فيهو كربونات , ولا مطعم بى (نقيع البلح) المخمر اما الباقين , فلينططوا ما شاءوا , امام (اكس بوكسيهم العاجبهم ده ) طيلة ايام العيد على فكرة , رأيكم شنو فى (الموف) بتاع البلى استيشن ثرى ؟؟؟
ما تخاف يا حبيب خسايرك كلها على شركة التأمين ، وبالأمارة أسأل جلا .
Post: #456 Title: Re: ناس الزقازيق ... أجدع ناس (5) Author: ميسرة سيد أحمد Date: 10-20-2012, 01:39 PM Parent: #455
مساء الخير ،،، يا وجوه الخير
الناس المسافرة السودان للعيد
وعلشان أحمد وأم أحمد تصلوا بالسلامة
وما تنسوا تسلموا لينا على الأهل والحبان
وكمان شوفوا لينا محمد عيد هناك
الجامعة عملته في ناس كتار عقبالنا
Post: #457 Title: Re: ناس الزقازيق ... أجدع ناس (5) Author: أحمد إسماعيل Date: 10-20-2012, 03:22 PM Parent: #456
ما شاء الله تبارك الله البوست عامر باصحابه المواظبين والعايدين بعد الغياب سلام كثير للأخ محمد صديق والأخ بادى النور والأخت عفاف جيدا جيتو ومرحب السلام المعيدين بأرض الوطن وعلى رأسهم الأخ منصور تصحبكم السلامة وتجو عايدين سالمين ومع شركة التأمين منقنقين وتحمد ربك يا منصور هذا العيد تشتري الخروف فقط لأنك ما حتدفع حق الكرشة والكمونية بالمسلخ في زول هنا قال جلا ماوقع في عينكم والظاهر رجع في كلامه ، كنت عايز أقول لهذا الزول هي عين ولا مخزن مهمات
Post: #459 Title: Re: ناس الزقازيق ... أجدع ناس (5) Author: ميسرة سيد أحمد Date: 10-21-2012, 08:54 AM Parent: #458
صباح الخير ،،، يا وجوه الخير
أصبحنا وأصبح الملك لله وحده،،،
اللهم يا عزيز يا جبار اجعل قلوبنا تخشع من تقواك واجعل عيوننا تدمع من خشياك واجعلنا يا رب من أهل التقوى وأهل المغفرة ======================================
Quote: اعلم يا رقيق الخصري.. بريدك زيادة عن بصري..
مافي زول يسألني مالك
بريدك والريده ظاهره في عيني خير إنشاء الله يا ود جبرين
Post: #460 Title: Re: ناس الزقازيق ... أجدع ناس (5) Author: أحمد إسماعيل Date: 10-21-2012, 10:06 AM Parent: #459
Quote: Quote: اعلم يا رقيق الخصري.. بريدك زيادة عن بصري..
مافي زول يسألني مالك
بريدك والريده ظاهره في عيني خير إنشاء الله يا ود جبرين
قالو الريد قسم ياعينيّ زمان كان البريدوهو واحد الحبيب الأول لكن بعد الخمسين والعيال والصلعة والشيب والذي منه الريدة بقت مقسمة ثم ثانيا البريد زاتو ما فاضي يشوف مخبز عمر نملة عشان يجيب الخبز ولا يدور على لقمة الباسطة والكثير المثير من المشاكل لذلك الريدة دي أحسن نشوفها في الأفلام أو نجتر الذكريات والأحلام
رشا ياجميل والله المساله لو حسبتها صعبة المعادله وامامي صعوبات وتحديات لازم اتجاوزها المهم الهدف كالتالي بعد 3 سنوات باذن الواحد الاحد سوف اتمكن من افتتاح اول فروعي والان قيد الدراسه لاختيار المكان وحكايه تكون مستثمر هي الطريق الاصح للحصول على الاقامه وتبعاتها يلريس عجل البحر دا خبز بالزبيب وشوف الخبز دا بالبصل المحمر اي والله الخواجه جاب لينا بصل محمر نصف استواء .
منصور ابواحمد عيدك سعيد في السودان وكلمنا عن تجربة احمد في السودان تخيل الخبز كمان مشلخ اهم حاجه عند ادخاله الفرن التشليخ وطبعا التميز بعدين عند افتتاح المحل بكونفي الانجيرا والشامي والتميز والمخبازه فافي زمانك والهوى اوانك تعالي لبيتك وانثري ورودك بادي اول بالتبادي مرحب بعودتك وسالنا عنك طوب الارض ومشينا الدوخه مخصوص للسؤال واخبرنا الاحباب انك متواجد في السودان منتظرين اخبارك وعيش الجنز هنا عندنا عيش البكيني. سلامات ياكوتش والله وحشتنا ومنور البيت احمد اسماعيل منور وجيب لينا ود المهدي معاك
Post: #464 Title: Re: ناس الزقازيق ... أجدع ناس (5) Author: ميسرة سيد أحمد Date: 10-22-2012, 07:12 AM Parent: #463
صباح الخير ،،، يا و جوه الخير
أصبحنا وأصبح الملك لله وحده،،،
دعاء اليوم :
اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي فيه
Post: #465 Title: Re: ناس الزقازيق ... أجدع ناس (5) Author: ميسرة سيد أحمد Date: 10-22-2012, 02:36 PM Parent: #464
موضوع شيق يستحق المتابعة والتأمل ::::
قررت مدرسة روضة أطفال أن تجعل الأطفال يلعبون لعبة لمدة أسبوع واحد !!! فطلبت من كل طفل أن يحضر كيس به عدد من ثمار البطاطا ...وعليه إن يطلق على كل ثمرة بطاطا اسم شخص يكرهه !!وفي اليوم الموعود أحضر كل طفل كيس وبطاطا موسومة بأسماء الأشخاص الذين يكرهونهم ...العجيب أن بعضهم حصل على بطاطا واحدة وآخر بطاطتين وآخر 3 بطاطات وآخر على 5 بطاطات وهكذا ......عندئذ أخبرتهم المدرسة بشروط اللعبة وهي :-
أن يحمل كل طفل كيس البطاطا معه أينما يذهب لمدة بمرور الأيام أحس الأطفال برائحة كريهة تخرج من كيس البطاطا ,,وبذلك عليهم تحمل الرائحة و ثقل الكيس أيضا ... وطبعا كلما كان عدد البطاطا أكثر فالرائحة تكون أكثر والكيس يكون أثقل !!! بعد مرورأسبوع ... فرح الأطفال لأن اللعبة انتهت !!سألتهم المدرسة عن شعورهم وإحساسهم أثناء حمل كيس البطاطا لمدة أسبوع ,فبدأ الأطفال يشكون ا لإحباط والمصاعب التي واجهتهم أثناء حمل الكيس الثقيل ذو الرائحة السيئه أينما يذهبون !!! بعد ذلك بدأت المدرسة تشرح لهم المغزى من هذه اللعبة ..قالت المدرسة : هذا الوضع هو بالضبط ما تحمله من كراهية لشخص ما في قلبك !!! فالكراهية ستلوث قلبك وتجعلك تحمل الكراهية معك أينما ذهبت .. فإذا لم تستطيعوا تحمل رائحة البطاطا لمدة أسبوع !!! فهل تتخيلون ما تحملونه في قلوبكم من كراهية طول عمركم ... ما أجمل أن نعيش هذه الحياة القصيرة بالحب والمسامحة للآخرين وقبولهم كما هم عليه!!
Post: #466 Title: Re: ناس الزقازيق ... أجدع ناس (5) Author: ميسرة سيد أحمد Date: 10-23-2012, 07:36 AM Parent: #465
صباح الخير ،،، يا وجوه الخير
أسعد الله صباحكم أحبتي :
تمر علينا هذه الأيام المباركة فعلينا أن نستقلها
في عمل الخير ،،،،
فضل عشر ذي الحجة
1- أنّ الله تعالى أقسم بها:
إذا أقسم الله بشيء دلّ هذا على عظم مكانته وفضله، إذ العظيم لا يقسم إلا بعظيم، قال تعالى: {وَالْفَجْرِ (1) وَلَيَالٍ عَشْرٍ} [الفجر:1-2]. والليالي العشر هي عشر ذي الحجة،
2- أنّها الأيام المعلومات التي شرع الله فيها ذكره:
قال الله تعالى: {وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ عَلَى مَا رَزَقَهُم مِّن بَهِيمَةِ الْأَنْعَامِ} [الجح:28]،
3- أنّ رسول الله صلى الله عليه وسلم شهد لها بأنها أفضل أيام الدنيا:
فعن جابر عن النبي صلى الله عليه وسلم قال: «أفضل أيام الدنيا أيام العشر - يعني عشر ذي الحجة - قيل: ولا مثلهن في سبيل الله؟ قال: ولا مثلهن في سبيل الله إلا رجل عفر وجهه بالتراب»
4- أن فيها يوم عرفة:
ويوم عرفة يوم الحج الأكبر، ويوم مغفرة الذنوب، ويوم العتق من النيران، ولو لم يكن في عشر ذي الحجة إلا يوم عرفة لكفاه ذلك فضلاً، وقد تكلمنا عن فضل يوم عرفة وهدي النبي فيه في رسالة (الحج عرفة).
5- أن فيها يوم النحر:
وهو أفضل أيام السنة عند بعض العلماء، قال صلى اله عليه وسلم : «أعظم الأيام عند الله يوم النحر، ثم يوم القَرِّ»
تقبل الله منكم طاعاتكم في هذه الأيام المباركات... و كل عام و أنتم بخير مقدما... اعاده الله عليكم بالخير و اليمن و البركات....
عيد الضحية الفات قررت أذبح تاني أيام العيد... لتجنب الزحام الذي يحدث أول أيام العيد... مشيت المسلخ و كان بصحبتي أمنية و مهند.... عزلنا الخروف و تم حملة في عربة و ادخاله الى المسلخ.... الخروف المسكين كان فرحان و كان ينظر لباقي الخرفان بزهو... أظنه كان بيقول لي الخرفان شوفو العزه الأنا فيها... الانسان الهاضم حقوقنا سنينا دي كلها حسه بيفسحني بالعربية... أمنية كانت حزينة و متعاطفه جدا مع الخروف المسكين... قالت لي شايلين الخروف مودينو وين يا بابا... قلت ليها عشان يضبحوهو.. قالت لي حرام مسكين الخروف..مافي داعي خلينا نمشي... و لكن مضينا الى داخل المسلخ و ذبحنا الخروف.... و منذ ذلك الوقت و أمنية مضربة عن أكل اللحم بصورة عامة... و لحم الخراف بصورة خاصة.... و ظلت لا تأكل الا الدجاج و السمك حتى وقت قريب... ثم أصبحت تأكل لحم البقر... فهي متعاطفة مع الخراف فقط... و في كل مرة تسألني البيرجر ده من لحم شنو يا بابا.. أقول ليها لحم بقر...تقوم تاكل البيرجر... السجوك ده من لحم شنو...لحم بقر... و هكذا... أحيانا مهند بيتغاتت عليها و يقول ليها لحم خروف... فتمتنع عن أكل البيرجر و السجوك...
Post: #469 Title: Re: ناس الزقازيق ... أجدع ناس (5) Author: عمر نملة Date: 10-25-2012, 06:06 AM Parent: #468
الأخوة والأخوات الاعزاء ... كل عام وانتم جميعا واسركم الكبيرة والصغيرة بألف خير وصحة وسعادة ... اعاد الله عليكم العيد باليمن والخير والبركات ... ونسألكم ان تدعوا لنا ونسألكم العفو لله والرسول .. وعيد مبارك علينا وعليكم ...
شغال و الله... البلد كلها معطلة الا أنا شغال... ست بيتي رفعت راسها عاينت لي و نامت تاني... اتصورتها بتقول لي فايت مروح وين لسه الزمن بدري... اتمحركت محركة السنين... أي حاجة بالــslow motion.... مشيت ختيت الكفتيرا في النار... جيت دخلت الحمام و طلعت تاني... هبشت الكفتيرا أشوفها سخنت قدر شنو... رجعت تاني الحمام استحميت و جيت مارق... بقيت ألبس بالقطاعي.. مشيت عملت لي قهوة و كورن فليكس... جيت تميت لبسي و قعدت أشرب في القهوة رشفة رشفة... الكورن فليكس بعد ما عملته طلع من مزاجي... لبست جزمتي و قعدت أكمل باقي قهوتي... ساعة الحائط تدق لي فوق راسي...قوم فوت..قوم فوت..قوم فوت... قلت ليها ما ماشي ياخي انتي مالك و مالي... ست بيتي قالت لي انت الساعة دي ما بتتكلم معاك... قلت ليها سامعها و مطنشها يا أخوانا خلوني في حالي... حسه أقوم أطلع هدومي دي و أرقد أنوم... ان شاء الله يرفدوني زاتو..حسه ده يوم يشتغلوا فيهو... مش كان يخلونا لحدي ما نهضم اللحمة دي... و لا يراعوا كمان للشطوط الكتيرة الأكلناها أمبارح دي... طلعت ماشي بالراحة داير لي حجة أرجع بيها البيت... مشيت ركبت عربيتي بالراااااحة و دورتها بالرااااحة... أول ما دورت العربية جاني ليك صوت اذاعة البي بي سي... ضربت ليك الزر وطيت الصوت قلت ليهو عليك الله ما تزهجنا برانا زهجانين... خليت ليك العربية تسخن بالراااااحة... و اتوكلت مشيت في الشوارع الفاااااضية... أنا و معاي تلاتة عربيات بس... مشيت في الخط الفي النص بالراااااحة... لقيت الناس دي كلها ماشه بالرااااحة ..كلهم زهجانين زي كده... العربيتين العلى يميني ديل بي سرعة 80 سبقتهم... ديل شكلهم حالتهم أصعب من حالتي بي كتير... وصلت المكتب بالرااااحة و دخلت مكتبي بالرااااحة... و قعدت حسه أكتب ليكم كمان بالراااااحة...
Post: #472 Title: Re: ناس الزقازيق ... أجدع ناس (5) Author: عمر نملة Date: 10-28-2012, 09:48 AM Parent: #471
عيد تحيه بدينا العيد بدل الخروف باالتلج ولا قولوا البرد ودرجه الحراره تحت الصفر بس والله الجو لطيف. العيد دا قررت عدم الاتصال وشنو الحكابه عواره زياده من25 عيد ارفع التلفون واتصل بالجميع اهل واصدقاء وانتظرت الاتصال وطبعا كاالعاده الرشيد وياسر نجيله هم المتصلين والمتواصلين. اما بالنسبه للسيد الخروف مافي طريقه السنه دي لعده اسباب اهمها التضامن مع امنيه الرشيد . الطيب ولدي اول عيد ليه مع جدو ساقوه عشان يضبحوا الخروف وشاهد كل الطقوس وجاء البيت ومثل المسرحيه بكل التفاصيل بما فيها اخراج اللسان. صحي جنس خشن قاصد الطيب ومهند والعزابه التلاته والفي راسه ريشه يرفع ايدوا. والله انا حاني على خروف منصور ما من الضبح لكن من الوصف البوصفوا واقول ليه لو بادلوك عين الضبيحه وباالسكينه تبادوك وكل سنه وانتم بخير
وتحياتي للناس السكر (ولدنا جلة) ... والناس البتمشي برااااااااااااحة ... غايتو شغل القطاع الخاص ده ... مكاواه ساي ... هسع مشيتو امس عملتو شنو ... ارباب العمل حاسدنكم ساي ...
وتحية خاصة للشيف عمر ... ويا ابوالطيب خليها ... معقولة درجة الحرارة تحت صفر ... وكمان الجو ... لطيف ... دي زي "مسرحية عش المجانين" رميتو في البحر وطلع ... ناشف .. يمين يا شيف عمر تلاجتي لو صلت قريييب الصفر ... ارفعها للعشرين ... انتو مجانين ... دي بلد يعيشو فيها ... بلد مافيها عرق ... البتستحملو ليها شنو ... انا ماجايكم .... ماشي الصومال ...
Quote: ولا انزل وانزل الشكولاته والخبز والكعك والتورتاتوالشئ منو.
يا خوي نزل ساي .... الليلة يوم .... الشوكولاتة ...
الليلة الخميس ....
Post: #481 Title: Re: ناس الزقازيق ... أجدع ناس (5) Author: أحمد إسماعيل Date: 11-01-2012, 03:27 PM Parent: #480
سلام يا كرام وكل عام وأنتم بخير نسأل الله أن يحقق لنا جميع أمانينا ويديم علينا نعمة الطعام والأمان والصحة والعافية ونسأله جلا وعلا أن يولي على السودان المصلحين ويبعد عنه الحرامية وتجار الدين والمنافقين
يحقق امانيك ياابوعمر انتو محمد صديق دا رجع من اديسللعيد طوالي ولا الحاصل شنو وزهير ابوشنب وين باالضبط والربطوكمان موس عيسى والغريب حاتم جباره خليت ليه رساله صوتيه بقول السبب اعصار سوسو المدمر يكون وصلهم وجلا الغريبه لا ادس لا يرموك لاجدعوك ماجابت خبره ولا صاحب خروف السودان ياربي احمد يكون اقنعهم مايرجعوا تاني
أمين السمين في الفترة الاخيرة كان تقريبا قاعد معانا انا وحاتم جبارة ومحمد صديق بعدين ادبيات الجبهة الديمقراطية كانت مؤثرة عليه شديد وهو صلاح الامين اها يوم الاتحاد كانت فيهو حفلة قمت قلت لي حاتم: ياخي انا احسن امشي اجيب الفول من الفوالين عشان يمكن الحفلة دي تتأخر ونقوم نصيع في العشاء امين قام ناطي قال لي: أنا بأمن على الحتة دي قمت حمرت ليه ومشيت جبتة فولي وجيت ومشينا الاتحاد.. أها في الحفلة قابلنا صلاح الامين وجمال فارج وكان في ضيوف من القاهرة والمنصورة والاسكندرية قمت كحلت لي قرمبوزة شديدة كدة وقلت ليهم: إنا لله ياخي بتكتل ليها زول قام صلاح الامين قال: أنا بأمن على الحتة دي عاينت ليهم كلهم وقلت ليهم: ميتينكم وميتين الجبهة الديمقراطية وميتين حفلتكم هههههههههههههههههههههههههههههههههههههه
و الله يا عمر أصبتني في مقتل زي ما بيقولو.... أنا نقطة ضعفي الشيكولاتة من بين نقاط ضعف تانية..... ما أن أشوف لي شيكولاتة حتى يسيل لعابي وأضرب بالريجيم عرض الحائط... تلقاني أجضم في السلطة صباح و مساء و أعمل في الرياضة... و أجي أنسف كل العملتو بي قطعة شيكولاتة كبيرة... و لما ست بيتي تقول لي لكن كده ما خربت الريجيم.. أقول ليها الشيكولاتة مفيدة للدورة الدموية.... بقيت أدخل المحلات و أتجاهل ليك الشيكولاتة... لحدي ما أهتديت لي محل فيهو كل المآكولات بتاعت الريجيم... و لقيت ليك شيكولاتة ريجيم و شبكت فيها... بتاعت ريجيم ما بتاعت ريجيم المهم شبكت فيها... علي ذمتهم...
جبريلا...من زمان انت بتكحل يعني.. أنا قايلو ده حق كبر بس... أنا بأمن على حاجه واحده بس... من شب على شيء شاب عليه.... يا كحال.....
Post: #486 Title: Re: ناس الزقازيق ... أجدع ناس (5) Author: ميسرة سيد أحمد Date: 11-03-2012, 01:40 PM Parent: #485
يا سلام على الشيكولاته وناس الشيكولاته والبحبوا الشيكلاته،،،وكمان ناس أمين السمين
القصة طلعت من الخبز المدور والملفوف جابت ليها شكولاته وبأنواع طيب الناس ديل ما بعرفوا البالوظه،،، أكيد بيكونوا طوروها وعملوا منها أشكال تانية تسلم يا نملوز ،،،،
Post: #487 Title: Re: ناس الزقازيق ... أجدع ناس (5) Author: ميسرة سيد أحمد Date: 11-04-2012, 07:16 AM Parent: #486
صباح الخير ،،، يا وجوه الخير
أصبحنا وأصبح الملك لله وحده,،،،
دعاء اليوم :
يا الله يا كريم يا أول يا آخر يا مجيب
يا فارج الهمّ، ويا كاشف الغمّ،
فرّج همي ويسّر أمري
وارحم ضعفي وقلة حيلتي
وارزقني من حيث
لا أحتسب يا ربّ العالمين
Post: #488 Title: Re: ناس الزقازيق ... أجدع ناس (5) Author: عمر نملة Date: 11-04-2012, 07:37 AM Parent: #487
وارزقني من حيث
لا أحتسب يا ربّ العالمين امبن
Post: #489 Title: Re: ناس الزقازيق ... أجدع ناس (5) Author: ميسرة سيد أحمد Date: 11-04-2012, 02:34 PM Parent: #488
يا عمر يا نملوز الكلام ده حقيقي وأنت تعيش معهم في الغرب ولا دي عقدة خواجات ساكت !!!!!
الفرق بين المدير الغربي والمدير العربي
المدير الغربي : يهنئك بالعيد المدير العربي : يهينك بإيجازة العيد
المدير الغربي : يقول لك " Good Morning " المدير العربي : يقول لك " أنت جيت ؟"
المدير الغربي : يسعى لتثبيت قدم الشركة المدير العربي : يسعى لتثبيت قدمه في الشركة
المدير الغربي : يحترم آدمية الموظف المدير العربي : لا يعرف يعني ايه آدمية
المدير الغربي : يبدأ كلامه بجملة " أنا اعتقد" المدير العربي : يبدأ كلامه بجملة " أنا قررت "
المدير الغربي : تتفانى في العمل يرقيك المدير العربي : تتفانى في مدحه يرقيك
المدير الغربي : يضع لك خطة تتناسب مع قدراتك المدير العربي : يضع لك خطة تتناسب مع خيالــــه
المدير الغربي : يثق فيك المدير العربي : يثق في نفسه
المدير الغربي : يتحدث معك بصراحة المدير العربي : يتحدث معك بوقاحة
المدير الغربي : مسموح لك أن تشكيه المدير العربي : مسموح لك أن تمدح فيه
المدير الغربي : يناقشك إذا طلبت الاستقالة المدير العربي : يدفعك إلى الاستقالة
المدير الغربي : يعاملك حسب حالتك النفسية المدير العربي : يعاملك حسب حالته المزاجية
المدير الغربي : يفضل أن يمدحك أمام الآخرين المدير العربي : يفضل أن تمدحه أمام الآخرين
المدير الغربي : يوم حلو ... يوم مر المدير العربي : يوم مر ... يوم أمر
المدير الغربي : يراقبك المدير العربي : يتجسس عليك
المدير الغربي : يطور أفكارك وينسبها لك المدير العربي : يسرق أفكارك وينسبها لنفسه
المدير الغربي : تطلب منه إجازة المدير العربي : تترجى منه إجازة
المدير الغربي : يرى مستقبلك واعد المدير العربي : يرى مستقبلك في يده
المدير الغربي : يمسك أعصابه إذا اختلفت معه المدير العربي : يمسك في زمارة رقبتك لو فكرت في الاختلاف
المدير الغربي : ينتظر سماع رأيك في العمل المدير العربي : ينتظر سماع رأيك فيه
المدير الغربي : يثير أفكارك المدير العربي : يثير أعصابك
المدير الغربي : يناقشك بالصوت المدير العربي : يناقشك بالسوط
المدير الغربي : يريدك أن تقول " أنا اقترح " المدير العربي : يريدك أن تقول " أنا أؤيد "
المدير الغربي : بيجيب مكاسب من أجلك المدير العربي : بيجيب أجلك
لكن موبالغة ... ياريس ... قبل فترة عرضو على ابقي ... مدير .. قلبي أباها ..... يادووووب عرفت السبب ....
================================== تحياتي للجميع ... خاصة للذين يحبون ... الشوكولاتة ... والذين .... يصنعوها ....
آل شوكولاتة ... بتاعة رجيم ... لا أحسن .... بلو جنز .... أحمر
Post: #491 Title: Re: ناس الزقازيق ... أجدع ناس (5) Author: ميسرة سيد أحمد Date: 11-05-2012, 06:49 AM Parent: #490
صباح الخير ،،، يا وجوه الخير
أصبحنا وأصبح الملك لله وحده
دعاء الصباح لأحلى صباح والناس الحلوه
لا إله الا الله عدد ما كان لا اله الا الله عدد ما يكون لا اله الا الله عدد الحركات والسكون
اللهم اجعلنا ممن يسمعون القول ويتــَّبعوون احسنه يارب العالمين اللهم أجعل عملنا كله خالصا لوجهك اللهم لاتجعلنا ممن ضل سعيهم في الحياة الدنيا وهم يحسبون انهم يحسنون صنعا ً
يا ريس كل ما ورد عن المدير العربي ينطبق على معظم المدراء العرب و ليس كلهم... و كذلك ما ورد عن المدير الغربي لا ينطبق على كافة المدراء الغربيين... تجد نماذج مشرقة بين المدراء العرب... و تجد نماذج سيئة للمدراء الغربيين... لكن في رأي أي مدير فاهم شغله كويس بيكون مدير جيد.. لو كان عربي أو غربي.. و أي مدير ما فاهم شغله بيتمها هيصة سواء أن كان عربي أو غربي....
ياسر نجيلة تحياتي الحارة... دخلت الجمعية لقيت قسم كامل لناس السكر... كل النفسك فيهو بس خالي من السكر ... أنا ركزت على الشيكولاتة شديد... و المربى بتاعت الفطور... المهم طلعت من القسم ده بي علبة مربى... و بي بلو جينز أحمر كااااااارب قعد معاي أٍسبوع كامل....
Post: #493 Title: Re: ناس الزقازيق ... أجدع ناس (5) Author: محمد صديق Date: 11-05-2012, 08:17 AM Parent: #480
ياخي نحنا في حوشنا ده بنقبل كل شئ شعر دوبيت خواطر قطايع مشاكل نكته طرفة حكاوي ادعيه الخ .....
يعني ديل كلهم ماعندك ...
ولا اقول ليك حاجة
اديني طرف موضوع لصاحبك الاغترب في الدمام .. الكسر يد مرتو ... وانا بتمو ليك ...
اصلي مغيوظ منو شددددددددددددددددددددديد ..... ان شاء الله شنبو ده ... يلم فيهو طفل عمرو سنيين ... و "يطوطح" فيهو ... "وينتفو" ليهو... شعره ... شعره ...
أها بعد ده تعال فاضي ....
=================================
انت كده يا رشيد القوم يادووووووب مامسكت الطريق الصاح ... للرجيم
واصل ياخوي ... في شوكولاتة الرجيم ... دي
Post: #495 Title: Re: ناس الزقازيق ... أجدع ناس (5) Author: ميسرة سيد أحمد Date: 11-06-2012, 07:03 AM Parent: #494
صباح الخير ،،، يا وجوه الخير
دعاء اليوم :
طبتم بطيب الذكر والأثر ، ورزقكم الله أعظم الأجر ، وجمعني بكم في مقعد صدق عند مليك مقتدر
آميييييين،،،،،،،،،،
Post: #496 Title: Re: ناس الزقازيق ... أجدع ناس (5) Author: محمد صديق Date: 11-06-2012, 07:39 AM Parent: #495
سلامات يا ناس
يا نجيلة إزيّك وكل ناس الزقازيق...ياخ الحاجات بقت مسيييييييييخة
وحتى البوست ده مرات تخش تتاوق وترجع ،وما يكون فى طعم لامس حلقك..
رسّلوا لى من شوكولاتة نملوز...كمياااااااااااات كده.
Quote: اصلي مغيوظ منو شددددددددددددددددددددديد ..... ان شاء الله شنبو ده ... يلم فيهو طفل عمرو سنيين ... و "يطوطح" فيهو ... "وينتفو" ليهو... شعره ... شعره
عليك بالإبن مجد...
أنا براى مغيوظ منو ...
Post: #497 Title: Re: ناس الزقازيق ... أجدع ناس (5) Author: ميسرة سيد أحمد Date: 11-06-2012, 09:49 AM Parent: #496
علشان نحلي البوست وتنفرج أسارير الكوتش لأن الشيكولاته دي إرساله من بلاد الفرنج صعبة شوية
************************* صعيدي اسمة ثابت دخل الجيش كل ما يصرخ الضابط ثابت يقول : افندم!!!
الضابط يقول للصعيدي : يابابا مش انته ,أنا قصدي خليك ثابت مكانك. علم الضابط ان الوزير حيزورهم وقال : أكيد ثابت حيفضحني قدام الوزير ، فأحسن لي أطلعه اجازه .يوم وصل الوزير صرخ الضابط : ثابت صرخوا الصعايده كلهم : مش هنا يافندم طلع اجازه
Post: #500 Title: Re: ناس الزقازيق ... أجدع ناس (5) Author: منصور عبد الرازق Date: 11-07-2012, 12:27 PM Parent: #499
center>
Post: #501 Title: Re: ناس الزقازيق ... أجدع ناس (5) Author: منصور عبد الرازق Date: 11-07-2012, 12:30 PM Parent: #500
فى رحلة استكشافية لمحاولة التعرف على مواهب كل من امنية ومهند , قام مجتبى منصور بزيارة تفقدية , راجع فيها وصلات الأكس بوكس , وتم فيها بحمد الله , معالجة الموف , ومواءمته مع البلى استيشن ثرى , ولا يخفى عليكم ان المهمة هذه , تمت باتفاق محدد , مع كل من الرشيد بابكر ونجاة حوفى , خاصة مع تداعيات اكتشاف (كياشة ) مهند , وفشل مشروع الرشيد فى تعليمه وتوريثه حرفنة ابوه الكروية , لذا فان اتقانهما للأكس بوكس والموف والبلى استيشن ثرى , كانت مهمة انتحارية بالغة التعقيد وشديدة الأهمية , الا ان الرشيد ونجاة وبعد كل المجهود ده , ملحونا فى الأتفاق المنصوص الذى بموجبه تم ابتعاث الخبير مجتبى منصور , خاصة وان نتائج الزيارة كانت واضحة للعيان , ليس على امنية ومهند فحسب , بل تعدتهما الى الى نجاة والرشيد (ذات نفسهم) اذ شوهدا بعد ذلك , وهما يتنططان امام جهاز التلفزيون , فخيل لبعض الجيران فى البناية , انهما خلاص فات فيهم الفوات , حتى ان عبد الدائم النضيف اطلق شائعة انهما خلاص (بقوا جنينة) , الى ان تم اكتشاف جهاز الأكس بوكس المتخفى جنب جهاز التلفزيون الظاهر فى الصورة , وهذا ما يدل على نجاح مهمة الخبير مجتبى منصور , ولكن كونكم ترجعوا ساااى كده وما تدوهو ما نص عليه الأتفاق , ما ظريفة منكم والله , بس علمتونا ووريتونا حاجة , المرة الجاية , الدفع (قبل السفر) , وقد اعذر من انذر
Quote: فى رحلة استكشافية لمحاولة التعرف على مواهب كل من امنية ومهند , قام مجتبى منصور بزيارة تفقدية , راجع فيها وصلات الأكس بوكس , وتم فيها بحمد الله , معالجة الموف , ومواءمته مع البلى استيشن ثرى , ولا يخفى عليكم ان المهمة هذه , تمت باتفاق محدد , مع كل من الرشيد بابكر ونجاة حوفى , خاصة مع تداعيات اكتشاف (كياشة ) مهند , وفشل مشروع الرشيد فى تعليمه وتوريثه حرفنة ابوه الكروية , لذا فان اتقانهما للأكس بوكس والموف والبلى استيشن ثرى , كانت مهمة انتحارية بالغة التعقيد وشديدة الأهمية , الا ان الرشيد ونجاة وبعد كل المجهود ده , ملحونا فى الأتفاق المنصوص الذى بموجبه تم ابتعاث الخبير مجتبى منصور , خاصة وان نتائج الزيارة كانت واضحة للعيان , ليس على امنية ومهند فحسب , بل تعدتهما الى الى نجاة والرشيد (ذات نفسهم) اذ شوهدا بعد ذلك , وهما يتنططان امام جهاز التلفزيون , فخيل لبعض الجيران فى البناية , انهما خلاص فات فيهم الفوات , حتى ان عبد الدائم النضيف اطلق شائعة انهما خلاص (بقوا جنينة) , الى ان تم اكتشاف جهاز الأكس بوكس المتخفى جنب جهاز التلفزيون الظاهر فى الصورة , وهذا ما يدل على نجاح مهمة الخبير مجتبى منصور , ولكن كونكم ترجعوا ساااى كده وما تدوهو ما نص عليه الأتفاق , ما ظريفة منكم والله , بس علمتونا ووريتونا حاجة , المرة الجاية , الدفع (قبل السفر) , وقد اعذر من انذر
حتى منص يا حبة عينى بقى يكتب سبعة سطور ونص !!!!!
Post: #503 Title: Re: ناس الزقازيق ... أجدع ناس (5) Author: ميسرة سيد أحمد Date: 11-07-2012, 01:27 PM Parent: #502
الناس في الساحة الخضراء بيحتفلوا
بفوز باراك أوباما ،،،،،
زيارة منصور حلوه يا كوتش مش أخير
من ناس عتاد في البوست ده وشردوا عديل
وقالوا السلم السباعي ده ما قدرنا
عايزين واحد خفيف ولفيف زي نانا يا نانا
نانا العا########ا ،،،، مخير الله في خلقه
Post: #504 Title: Re: ناس الزقازيق ... أجدع ناس (5) Author: منصور عبد الرازق Date: 11-07-2012, 01:39 PM Parent: #503
Quote:
سلامات يا ناس
حِليلكم ...بقيتوا تكتبوا بالقطّارة.!!
ما ملحونا لكن يا كوتش هسى انتا يرضيك كده الود نقلقله ونفتش ليهو حجز ونعطل مصالحنا ومصالحه خبير اجنبى عدييييل عنده باع طويييل فى امور الأكس بوكس وكل انواع البلى استيشنات وادى مهمته بنجاح كامل غير منقوص مش مهند وامنية بس امهم وابوهم كمان بقوا ينططوا زى الترتيب قدام الأكس بوكس وآخرتا فردة الجزمة زااااتا , ما نلم فيها لو انتا كان بنفوتا , اقلوا ضامنين لينا سمك يا فى الربيع يا عند عوضية ولا طحنية فى مكتبكم , ولا احمد عجوز عند الريس لكن الجماعة ديل الزول يحاسبهم كيف ؟؟
* المرة دى عشرة سطور يا جنابو , ما قلتا لى , نفذتوا خطة (النوم) بتاعت جنابو الكبيييير اوى , ولا منقة كسلا الحلوة الصافى لونا , قدرت عليكم على فكرة يوم الجمعة عندنا عقد انت معزوم , بس نسيت اقول ليك , جيب لينا قوة احتياطى معاك
Quote: * المرة دى عشرة سطور يا جنابو , ما قلتا لى , نفذتوا خطة (النوم) بتاعت جنابو الكبيييير اوى , ولا منقة كسلا الحلوة الصافى لونا , قدرت عليكم على فكرة يوم الجمعة عندنا عقد انت معزوم , بس نسيت اقول ليك , جيب لينا قوة احتياطى معاك
جورج في المطبخ يدندن مع تنكته والجبنة ام وش ود جبارة قاعد في البلكونة وشغال يطرطق في اصابعينه ويحفظ ناصر كشري قاعد في شباك اوضة جبريلا وخاتي المخدة تحت راسه ويعضعض في القلم وماسك ليه ورقة فسيولوجي جبريلا قاعد في طربيزته وقدامه ورق مذاكرة جابو من شارع مولد النبي وجنبه طفاية فيها ورق ممضوغ الامتحانات على الابواب في «شقة الفلسطيني»
Post: #507 Title: Re: ناس الزقازيق ... أجدع ناس (5) Author: محمد صديق Date: 11-08-2012, 08:08 AM Parent: #506
سلامات يا ناس
Quote: جبريلا قاعد في طربيزته وقدامه ورق مذاكرة جابو من شارع مولد النبي وجنبه طفاية فيها ورق ممضوغ
خمسة عشر عاما كاملة و أنا هنا في هذا البلد الطيب أهله... أتيتها أسود الشعر نضر البشرة محملا بالكثير من الأحلام.... قضيتها كلها أرزح تحت الخوف من عصا التفنيشات و جزرة المكافآت.... و هائنذا يشيب شعري و تضمحل نضارتي رويدا رويدا... و أحلامي ما زالت تراوح مكانها.... خمسة عشر عاما تفاجأت بمرورها هكذا بسرعة تفوق سرعة الضوء... عندما أتيت هنا لأول مرة كنت أحسب الثواني و الدقائق و الأيام حتى ينقضي عامي الأول.... لأعود الى أهلي و عشيرتي و أحظى بالبقاء بقربهم لشهر كامل... و لكن ما ان مرت تسعة شهور حتى تفاجأت بمرور ثلاثة سنين كاملة دون أن أعود اليهم... و عندما عدت بدأ أبي و كأنه قد كبر عشرون سنة و كذلك أمي... و وجدت المباني أقصر مما تركتها عليه و الشوارع أكثر وعورة.... و اندهشت للحية التي نمت بغزارة على وجه أخي الصغير.... لم تكن الا ثلاثة سنوات فقط هي تلك غبتها عنهم و لكنها غيرت الكثير.... و كنت أتساءل يا ترى كيف ينظرون الي.. هل تغيرت في نظرهم أم انني أبدو كما كنت قبل أن أفارقهم... الآن حتى أنا أجد شكلي قد تغير كثيرا و أنا أنظر الى المرآة كل صباح.... قبل يومين كنت أطالع البوم الصور الخاصة بي أيام الجامعة... وبمقارنة بسيطة أيقنت انني قد كبرت كثيرا ... خمسة عشر عاما قضيتها كلها و أنا في حالة انتظار دائم.... أنتظر نهاية الأسبوع و نهاية الشهر و الاجازات و الأعياد.... خمسة عشر عاما كل الأيام تشبه بعضها بعضا... هي حالة الانتظار نفسها و عصا التفنيشات و جزرة المكافآت هي هي... و الناس في وطني لم يعودوا يصنعون الحب... عندما أتيت الى هنا كانوا يقولون ان السوداني لا يهمه شيء و لا يرضى الحقارة.... لأنه لو رجع الى وطنه لعاش فيه معززا مكرما... لكنه الآن أصبح يخشى أن يقال له لم نعد نرغب في خدماتك ... فيهيم في أرجاء الدنيا يبحث عن الرزق الحلال و غير الحلال.... فالحلال عند الناس لم يعد بينا كما كان و لا الحرام و اختلطت الأمور عليهم... خمسة عشر عاما و أبنائي يكبرون يوما بعد يوم... و هم يرددون عيشي بلادي عاش اتحادي...اماراتنا... و يغنون ..الله يا دار زايد كيف ما أحلاها..حلوه و قلبي مغرم فيها... و لكنهم يشجعون الهلال و ينادون والدي بأبوي... هي أشياء ورثناها و نورثها لأبناءنا كما هي... محاولين تحصينهم بها من أي نوع من أنواع الاستلاب... حتى و ان وقفوا بأحترام أمام علم آخر غير علم بلادي... ورددوا نشيدا غير الذي نردده...
Post: #509 Title: Re: ناس الزقازيق ... أجدع ناس (5) Author: محمد صديق Date: 11-08-2012, 08:43 AM Parent: #508
سلامات يا ناس
Quote: خمسة عشر عاما كاملة و أنا هنا في هذا البلد الطيب أهله... أتيتها أسود الشعر نضر البشرة محملا بالكثير من الأحلام.... قضيتها كلها أرزح تحت الخوف من عصا التفنيشات و جزرة المكافآت.... و هائنذا يشيب شعري و تضمحل نضارتي رويدا رويدا... و أحلامي ما زالت تراوح مكانها....
منّى ليك ..قَطْرة..
واحدة بَسْ..
يِمْكِنْ!!!
Post: #511 Title: Re: ناس الزقازيق ... أجدع ناس (5) Author: منصور عبد الرازق Date: 11-08-2012, 08:50 AM Parent: #509
Quote:
ما حأعلق ...
ليه ؟
لأنك سافرت وما قلت مع السلامة.
مع السلامة طيب يلا علق
*ياود يا (علاق) انتا
Post: #512 Title: Re: ناس الزقازيق ... أجدع ناس (5) Author: محمد صديق Date: 11-08-2012, 08:54 AM Parent: #511
سلامات يا ناس
Quote: مع السلامة طيب يلا علق
*ياود يا (علاق) انتا
وفى دِى برْضَكْ تسْتاهل (قَطْرَة).
Post: #515 Title: Re: ناس الزقازيق ... أجدع ناس (5) Author: منصور عبد الرازق Date: 11-08-2012, 08:59 AM Parent: #511
Quote:
جبريلا قاعد في طربيزته وقدامه ورق مذاكرة جابو من شارع مولد النبي وجنبه طفاية فيها ورق ممضوغ
ما يستفاد من هذا المقطع من قراءة ما بين السطور * عندكم كرسى واحد بس , احتمال كبير يكون قاعد فيهو ناصر كشرى , لأنو انتا قاعد فى التربيزة , وحاتم قاعد فى البلكونة , والكوتش واقف على حيله يراقب وش التنكة * ما عندكم سجاير , يا كافى البلا حتى ولا نفرتيتى ؟؟!!! * التلاجة فااااااضية , بدليل انك قاعد تمضغ ورق , وترميهو فى الطفاية * الفسيولوجى كان صعب جنس صعوبية , وشقتكم مالا عالية قدر ده * شارع مولد النبى ده , ما فيهو غير ورق المذاكرة يا كافى البلا !!!!! * نأمن مرة اخرى على حتة انك تغشى الفوالين تجيب الفول قبل ما تمشوا دار الأتحاد , عشان (صياعة آخر الليل ) وحشة اوى
Post: #520 Title: Re: ناس الزقازيق ... أجدع ناس (5) Author: عبد الدائم سيد أحمد Date: 11-08-2012, 09:53 AM Parent: #518
كل سنة وانتم طيبين يا ناس البوست
من ايام العيد ما قادر ادخل سودانيز بارتياح من متصفح جديد اسمو موزيلا فير فكس متصفح تقيل و مسيخ زى مساختكم القال عليها الكوتش يعنى كان مرارتكم مرة نحن ذنبنا شنو كان تضوق من خبيز عمر نملة ولا تحشى ليك سندوتش طحنية بعيشة الشكولاته .. و بالمناسبة دى اهنيك يا نملوز على الحاجات التفتح النفس .. ومنى ليك مضرب بيض مولينكس 500 واط هدية
ومن هنا ورايح ميسرة اسمو بتاع الخرفان او الضباح ماشاء الله تبارك الله عمل ليهو شغل خاص و مكرب بزريبة كبيرة جنوب جدة فيها خرفان سواكنى و نعيمى و جداد بلدى و ارانب ربنا يفتح عليك و يزيدك يا ريس ( بتاع الخرفان ) لاول مرة اضبح لي خروف يفتح النفس فى السعودية لحمة كتيرة وسمحة والى الان فاضل ضلعتين فى التلاجة اها يا رشـــــا المفروض كلنا نفكر فى مشاريع خاصة زى دى عشان حكاية التفنيشات و العمر الجارى جرى ...
يا جماعة انا هين بقول انا كنت وين قبل ما اقعد للمذاكرة وانا اصلي طالع للربا والتلاف لكن الكوتش دة ما بيقدر علي زنقاتي ليهو كدي قولوا ليه انا كنت كاتب ليك شنو اليوم داك في الورقة الفي المطبخ ومزيل الجملة بي «تحس بي بقول ليك ينوبك ثواب»
Post: #526 Title: Re: ناس الزقازيق ... أجدع ناس (5) Author: أحمد إسماعيل Date: 11-08-2012, 04:14 PM Parent: #524
هذا موضوع عن الخيل الخيل في نواصيها الخير الخيل تفرح وتعبر عن ذلك بالتشنيف ، أي برفع الشفة العليا إلى أعلى وكذلك الرأس إلى أعلى الخيل تبكي وتزرف الدموع عند الآلآم الشديدة وأثناء الولادة الخيل تحب أي تقع في شراك الحب والعشق حيث يعشق الذكر فرسا دون غيرها والعكس صحيح الخيل تتميز بقابليتها لإمتصاص الصدمات أثناء الحركة بسبب وجود التراكيب الخاصة لهذا الغرض وهي الغضاريف في الحافر وميلان السلامية الأولى وميلان الكتف الخيل نبيهة لمعرفة طريق عودتها لإسطبلها مهما بعدت المسافة الخيل عندها تحكم بأن لا تصيب راكبها بأي أذى إذا وقع تحتها لا بالرفس ولا وضع القدم عليه العمود الفقري للخيل لا توجد به أقراص غضروفية لذلك جعلها الله مصممة بكل دقة للركوب وحمل الأثقال الخيل تستطيع شرب الماء المالح الخيل لا تتقيأ مطلقا لعدم وجود وسط في المخ مسئول عن هذه العملية وإن حصل التقيؤ فهو إشارة لوجود تمزق بالمعدة خصوصا إذا جلس الحصان على ربعه الخلفي أخيرا يموت الحصان إذا قطع ذيله
Post: #527 Title: Re: ناس الزقازيق ... أجدع ناس (5) Author: أحمد إسماعيل Date: 11-08-2012, 04:42 PM Parent: #526
هل تعلم أن كلا جانبي الوجه لا يتشابهان أبدا هناك عين أكبر من الأخرى ، الأذنان ليستا على مستوى واحد الأذن اليمنى دائما أعلى من الأذن اليسرى ـــــــــــــــــــــــــــــــــــــــــــــــــــــــــــــــــ أن المولود يستطيع التنفس والبلع في آن واحد ، أما البالغون فليسوا قادرين على ذلك
ــــــــــــــــــــــــــــــــــــــــــــــــــــــــــــــــ لإنقاص كيلو جاما من وزنك ، عليك أن تمشي لمسافة (34) ميلا والما مصدق يسأل أبا الطيب البلجيكي
Post: #528 Title: Re: ناس الزقازيق ... أجدع ناس (5) Author: محمد صديق Date: 11-09-2012, 09:33 AM Parent: #527
سلامات يا ناس
وحتى قدوم الريس بدعاء الصباح :
صباحات التفاؤل.
Post: #529 Title: Re: ناس الزقازيق ... أجدع ناس (5) Author: محمد صديق Date: 11-09-2012, 09:39 AM Parent: #528
سلامات يا ناس
Quote: احي انا يا الرز
مافيش حلّة رِز؟أو سُلْطانية ملوخية ؟
( أتخيّل الإسكندر الذى بأمريكا وهو يضحك مستلقياً
على ظهره حتى تبين نواجذه)!!!
Post: #530 Title: Re: ناس الزقازيق ... أجدع ناس (5) Author: محمد صديق Date: 11-09-2012, 09:44 AM Parent: #529
نيمة ود جبارة في شبا لها «حكاوي» تغوص في أعماق قرية ساكنة في الظاهر لكنها تضج بالحياة في أعماقها... ما أن هدأت عجلات «قطار كريمة» على رصيف المحطة.. حتى وبدأ صخب العناق والنحيب والفرح يتناثر هنا وهناك.. إنها مسيرة ثلاثة أيام من الخرطوم.. مسيرة لهفة وشوق إلى عناق الأهل هناك عند «جبل السروي» و«درب الباشا».. جمعنا «عفشنا» كعادتنا عند الوصول وأعيننا تتفحص المستقبلين على الرصيف.. ضجيج المحطة وصخبها ولهفتنا يجعل من المحطة مشهدا مليودراميا بامتياز.. الدهسيرة، حزيمة، مقاشي... شبا، البركل، عسوم.. الأراك، الكنيسة، المقل... هكذا هي أصوات «كماسرة» لواري كريمة.. ما أن يخفت صرير عجلات القطار إلا وتختلط تلك الأصوات بأصوات المستقبلين والباعة المتجولين... كات ذلك المنظر واحدا من أجمل ما عايشت خلال طفولتي وأنا في طريقي إلى «شبا».. قريتي الوادعة في خاصرة النيل.. كنت وأنا في القطار يسرح بي خيالي إلى أهلي وعشيرتي هناك.. إلى أقراني وأصدقائي: مامون مكاوي، مبروك قرن، النزير الساعوري، مجدي فاروق، مزمل ومحمد الرحيمة، وعادل الجُضل، وأولاد علي الجدي وآخرين.. لكنني وبشكل خاص كنت أتوق إلى امرأة كانت ذائعة الصيت هناك.. امرأة يخشى لسانها الجميع.. امرأة قادرة على رسم البسمة في شفاه الجميع.. امرأة تملك قدرا من «المحنة» قادر على تذويب آلام الكون نفسه.. فما أن تتوقف عربة «عم رابح» أمام نادي شبا، إلا ويتيه نظري بين أهل القرية باحثا عن «نفيسي بت بغداد» أم «القرونة»..
Post: #533 Title: Re: ناس الزقازيق ... أجدع ناس (5) Author: أحمد إسماعيل Date: 11-10-2012, 07:34 AM Parent: #532
أصبحنا وأصبح الملك لله ، جعل الله يومنا هذا كله خير وبركة يا محمد صديق ( جمعا إن شاء الله عيدنا سعيد ومبارك) وأنت الصادق ، السنة وقعت في خروف ضحية مزة تمام
أبو الطيب شغلتك البتسوي فيها ، أعمل حسابك ماتبعدك من الرياضة (المشهد الأخير يخليك تبلع ريقك)
Post: #534 Title: Re: ناس الزقازيق ... أجدع ناس (5) Author: منصور عبد الرازق Date: 11-10-2012, 10:15 AM Parent: #533
center>
هسى الزول اب حجاب الكسر يد مرتو , ومتنكر بدون شنب ده تدفنوهو فى الصفحة الفاتت سااااكت كدا ؟؟ ادوهو حقو من التقريع ياخ هسى عملتو دى , عملة نصاح ؟؟؟ بعدين الكوتش ده , قاعد يدخل سودانيزاونلاين كيف ؟؟؟ اذا عبد الدائم النضيف , من جده القريبة دى ما قادر ونملوز يا الله يا الله , يملص لينا كيكتين تلاتة ويتخارج عامل فيها الحضرى يعنى وىلا شنو يا (نملوص) !!!
يا سلام يا نملوز على السويس رول و لا ده ما اسمه... ياخي انت قاصدني عديل كده... قدر ما فتشت محل الدايت ما لقيت فيهو كيك... أعمل شنو أنا حسه... أطير...
يا منص التقريع في زهير يعتبر نميمة... عشان الزول ده بقى ما بيجي هنا... و لا حتى بهجة بتجي عشان نقول كمان توصل ليهو الكلام... بس الشمار كاتلني وعايز أعرف الزول ده لابس حجاب من شنو... كان من العين بيكون الحجاب ده ما نفع... لأن الشكل الحالي بيقول ان العين صابتو... الشيب و الصلعة و الشنب ... ده غير الكرش و الضغط... الحجاب ده الا كان عرق محبة.... و الا ما أظن بهجة تقع زي الوقعة دي...
أبو عمر معلوماتك عن الخيل معلومات بصراحة جديدة علي... أشكرك حتى تستغيث عليها... و عليك بالمزيد منها...
Quote: لكنني وبشكل خاص كنت أتوق إلى امرأة كانت ذائعة الصيت هناك.. امرأة يخشى لسانها الجميع.. امرأة قادرة على رسم البسمة في شفاه الجميع.. امرأة تملك قدرا من «المحنة» قادر على تذويب آلام الكون نفسه.. فما أن تتوقف عربة «عم رابح» أمام نادي شبا، إلا ويتيه نظري بين أهل القرية باحثا عن «نفيسي بت بغداد» أم «القرونة»..
اذا نحن موعودون بحكي جميل... نقوم نمشي ننتظرك في المحطة نشوفك بتقبل وين... و نباريك نشوف عناق نفيسي بت بغدادي ليك كيف..... و كيفن بتشمك....
كلنا آذان و عيون يا جبريلا....
Post: #537 Title: Re: ناس الزقازيق ... أجدع ناس (5) Author: ميسرة سيد أحمد Date: 11-10-2012, 01:57 PM Parent: #536
صباح الخير ،،، يا وجوه الخير
Quote: صبحكم الله بالخير
خمسة عشر عاما كاملة و أنا هنا في هذا البلد الطيب أهله... أتيتها أسود الشعر نضر البشرة محملا بالكثير من الأحلام.... قضيتها كلها أرزح تحت الخوف من عصا التفنيشات و جزرة المكافآت.... و هائنذا يشيب شعري و تضمحل نضارتي رويدا رويدا... و أحلامي ما زالت تراوح مكانها.... خمسة عشر عاما تفاجأت بمرورها هكذا بسرعة تفوق سرعة الضوء... عندما أتيت هنا لأول مرة كنت أحسب الثواني و الدقائق و الأيام حتى ينقضي عامي الأول.... لأعود الى أهلي و عشيرتي و أحظى بالبقاء بقربهم لشهر كامل... و لكن ما ان مرت تسعة شهور حتى تفاجأت بمرور ثلاثة سنين كاملة دون أن أعود اليهم... و عندما عدت بدأ أبي و كأنه قد كبر عشرون سنة و كذلك أمي... و وجدت المباني أقصر مما تركتها عليه و الشوارع أكثر وعورة.... و اندهشت للحية التي نمت بغزارة على وجه أخي الصغير.... لم تكن الا ثلاثة سنوات فقط هي تلك غبتها عنهم و لكنها غيرت الكثير.... و كنت أتساءل يا ترى كيف ينظرون الي.. هل تغيرت في نظرهم أم انني أبدو كما كنت قبل أن أفارقهم... الآن حتى أنا أجد شكلي قد تغير كثيرا و أنا أنظر الى المرآة كل صباح.... قبل يومين كنت أطالع البوم الصور الخاصة بي أيام الجامعة... وبمقارنة بسيطة أيقنت انني قد كبرت كثيرا ... خمسة عشر عاما قضيتها كلها و أنا في حالة انتظار دائم.... أنتظر نهاية الأسبوع و نهاية الشهر و الاجازات و الأعياد.... خمسة عشر عاما كل الأيام تشبه بعضها بعضا... هي حالة الانتظار نفسها و عصا التفنيشات و جزرة المكافآت هي هي... و الناس في وطني لم يعودوا يصنعون الحب... عندما أتيت الى هنا كانوا يقولون ان السوداني لا يهمه شيء و لا يرضى الحقارة.... لأنه لو رجع الى وطنه لعاش فيه معززا مكرما... لكنه الآن أصبح يخشى أن يقال له لم نعد نرغب في خدماتك ... فيهيم في أرجاء الدنيا يبحث عن الرزق الحلال و غير الحلال.... فالحلال عند الناس لم يعد بينا كما كان و لا الحرام و اختلطت الأمور عليهم... خمسة عشر عاما و أبنائي يكبرون يوما بعد يوم... و هم يرددون عيشي بلادي عاش اتحادي...اماراتنا... و يغنون ..الله يا دار زايد كيف ما أحلاها..حلوه و قلبي مغرم فيها... و لكنهم يشجعون الهلال و ينادون والدي بأبوي... هي أشياء ورثناها و نورثها لأبناءنا كما هي... محاولين تحصينهم بها من أي نوع من أنواع الاستلاب... حتى و ان وقفوا بأحترام أمام علم آخر غير علم بلادي... ورددوا نشيدا غير الذي نردده...
ده موضوع بنفات يا شباب ، وجدت هذا الكلام على موقع الفيس بوك وغلبني أي تعليق عليهو !!!
كنت أتوقع أن أجده هنا وقد كان أجمل ما في الموضوع كان الكاتب صادق مع نفسه وصادماً للواقع وأسوأ ما في الموضوع إنه حقيقي ويدخل كيان معظم المغتربين والطيور المهاجرة
بصراحة موضوع حساس وقاتل وواقعي كل فرد منا يعيش واقع مشابه لواقع معظم الناس إلا ناس الشيكولاته والخبيز الجميل وآخرون ،،،،
هذا العيد سعدت كثيراً بذبحى لخروف عبدالدائم النضيف وحأفتح ليكم جزارة خاصة بناس الزقازيق فقط نبيع العجالي والحري والنعيمي والسواكني (جدع وتني ورباع)
Post: #538 Title: Re: ناس الزقازيق ... أجدع ناس (5) Author: ميسرة سيد أحمد Date: 11-10-2012, 03:07 PM Parent: #537
Quote: ربنا يفتح عليك و يزيدك يا ريس ( بتاع الخرفان ) لاول مرة اضبح لي خروف يفتح النفس فى السعودية لحمة كتيرة وسمحة والى الان فاضل ضلعتين فى التلاجة
آمين يا عبدالدائم ُُُُُُُُُ
أنحنا سلمناك خروف من بيت الكلاوي وجاهزين لأي عزومة أو مناسبة
إنت نسيت حاجة تانية مهمة جداً !!!! الشربوت اللأخدتو ملح ساكت ده ما عجبك!!!!
Post: #543 Title: Re: ناس الزقازيق ... أجدع ناس (5) Author: عمر نملة Date: 11-11-2012, 09:34 AM Parent: #542
خير الصباح ليكم مستمتع وممتع الجيران والاولاد وامهم زي ماقال جمال حسن سعيد انا لو كنت عارف السجن دا حلو كدا كان دخلتوا من زمان. بستغرب لما اي زول يقول مشغول لكن عمري ما سمعت بزول مشغول بالاستمتاع واخير وجدت الكتف وتقريبا كلها يمكن اكلها. ومن الفوائد ايضا تقليل ضغط العمل حيث بشتغل يومين فقط في الاسبوع. كنا لاعبين كوره والحكم مدرب الفريق التاني وطبق فينا كل القوانين ونقض اكثر من هدف. المهم الكوره معكوسه من الكورنر وسجل منها صاحبنا حسن اشول هدف مافيه اي كلام فاذا بالحكم يصفر فاول وكلنا جرينا عليه وقلنا ليه كيف فاول؟ قال قون من داخل خط 18 وبالشمال فاول يعني فاول. ابدء الكلام للفريق الزائر لامارات الخير شنو انتو قايلين الحكايه ما في قوانين للعبه ولا مافي فئات عمريه ونوعيه يعني مجتبى يلعب مع مهند نمشيها لكن يلعب مع الاميره امنيه مابنقدر حتى لو جبتوا القانون من لوزان. القرار النهائي انو فوز الفريق الرشداوي عليكم بالانسحاب وعليك انت ومجتبي بالخشونه الاكثر من زايده ولايوجد مبارة رد لعدم توفر وسائل الامان والدليل ضبح الخرفان بدل تقشيرها من قبل ريسكم. الرشيد اصاب الكل في مقتل وحسب بكل دقه رغم هروب الجميع من الحساب الما ولد يعني تقريبا الجميع عايش في بلد وبنى بيت في السودان. بصراحه رغم صعوبة الخيار قراري هو الهجره والبيت هنا محل بسترزق. ياريس المدير الغربي بنظر للجميع كارقام منتجه والقانون بيلزموا انو مايتعدى على حقوقك المدنيه والاحترام هو اساس العلاقه وبعرفوا كل شئ عنك بس اذا حصل اي ظرف لازم تبلغ عشان خطه العمل تمشي بالبديل. ياريس بتعمل بتحترم . في هولندا اشتغلت زياده من سنه في مصنع وبعدها حولت لشغل تاني تخيل بعد كم شهر جاني كرت اعتذار من المصنع الاول مع اجمالي مبلغ يعادل 2000 يورو عباره عن غلط في الحسابات المفروض يدفعوها. تخيل اتذكرت اليمني الاشتغلت معاه قريب 6 شهور ورفض اعطائي مرتب زياده من 4 شهور بسبب اللاسبب. نجيله اعمل حسابك من المدير البتعين مكانك خاصه لو كان عربي. يا كوتش انت بتكتب من ياتو اديس؟ ابوعمر ما تخاف على الجري يا دوب اللياقه زادت مع الشكوحلو. ياراش والله بقيت زي الشافع المشي الخرطوم واكل في بيت العرس ورجع يحكي لاهله ويقول ليهم الرغيف والحاجات. بحاول القى اسم الحاجات البنعملها بالعربي اكتشفت انو اصلا مابعرفها باي لغه عشان كدا حااعرفها زي ماهي بالهولندي والفرنسي والعربي يقع البحر. ياريس شوف لينا طريقه تلزم الحجاج بالشكولاته والتورتات. ونفتح محل مقاصدك.
يتسالم القادمون ويمسحون دموعهم في «الدرب» قبل وصولهم إلا منازل ذويهم.. القرية يعتليها شئ من الفرح لقدوم الأحباب من الخرطوم وبورتسودان.. فحياة الناس هنا هينة وسهلة لا يعتريها شئ إلا سفر حبيب هنا.. أو موت عزيز هناك.. أو زواج قبلي أو بحري.. لكن سيرورة الحياة تستمر.. يتسالم الناس هنا ويضحكون وهم يبكون.. دموع حنينة تحس دفئها وتغوص داخلك دون استئذان.. ما أن تطأ قدماي أرض شبا حتى تتلقفني أيادي نساء القرية: طروووق واحلاتي حمد لله بالسلامة.. في تلك اللحظة تكتشف أن كل القرية تجمعك بها صلة دم وقرابة.. - دي عمتك حواء بت الخضر ود كنيش - وديك عمتك فاطني بت كنيش - وديك خالتك بت موزة - وداك جدك الدقير ود الريح - وداك عمك طه ود جعفر ود خالة ابوك لزم - ودي عمتك زينب القروني ومرت جدك عمر ود بغداد - ودة ود عمك سيد أحمد القروني كانوا يمطرونني قُبلا ويسمعوني كلاما حنينا لا زال رنينه في أذني.. صدق مشاعر الناس هنا وحبهم لا تخطئه الأحاسيس مطلقا.. كما النيل والنخيل والأرض.. يهبوهم الحياة ويصدقونهم المشاعر.. لكنني كنت أتوق إلى «بت بغداد» إلى «نفيسي» حبوبتي.. كان وجهها يتراءى لي بين القوم وهي ممسكة بعكازها كأنها «تُحفة» وضعت عند «بير ود جبارة».. ما أن أصلها إلا وأرتمي في حضنها: حبوبتي انتي طيبي تضمني إلى صدرها: الزين ودي الزين جاني واجيدلي ما أن تجلس في ذلك «العنقريب» الذي ارتبط بـ«بير ود جبارة» إلا وتتضعني في حجرها وتسألني: أبوك كيفنه يا الحبيب.. طيب في عضامه ديل؟ - نصيح يا حبوبتي وصلنا المحطة ويسلم عليك مرسلك سُكر وقروش مع أمي.. - عفيت منه قدر الجبال وقدر السحاب ما شال جبيرين ود حشاي.. وأخوك إبراهيم نعل ما صايدو شي باقي طول مني يا الزين؟.. - قطعلنا التصاريح وقالي سلم علي أمي نفيسي وقولها بس آخد إجازتي وأجيك.. شوفتو يغمتلو في شي لي أمي ويقولها: ديل أديهن أمي نفيسي.. - عفيت منه الحبيب ود الحبيب ماني مرباهو أنا يا ولدي.. ما أن يتسالم القوم هنا ويمسحون دموعهم إلا وتحمل بعضهم الحمير إلى بيوتهم في أطراف الصحراء عند «الحُجار» و«جبل السروي».. كنت في الغالب أذهب مع والدتي إلى بيت جدي «ود أبو دية» في «السواعير» هناك حيث جدي يوسف ود أبو دية وحبوبتي فردوس الريح.. فبعد أن تحتضنني حبوبتي الفردوس وتمطرني قبلا تأخذني إلى جدي الضرير ود أبو دية وقبل أن اسلم عليه تكون هي قد أخبرته: طارق ود عاشا.. يتوسط جدي «عنقريبه» ثم يرفع يديه باحثا عني: حباب طارق ود عاشا.. ما أن تلمسني يديه حتى يضمني باكيا كعادته ودموعه تنزل على صدره.. هذا المنظر رسخ في ذهني لكثرة تكراره كل عام.. كان بعد أن يبكي يستغفر وينادي حبوبتي: يا الفردوس سولوم الغداء لا تخلوهم يجوعوا.. كنت أقف قليلا لأتأمله.. رجل في الثمانين من عمره.. ضرير لا يشغل باله سوى مواقيت الصلاة وصحة بناته وولديه فتح الرحمن وعبد العزيز.. لأول مرة في حياتي أرى إنسانا ضريرا.. كان الأمر غريبا على طفل مثلي لكنني استوعبته ثاني يوم وصولي وأصبح مقبولا بالنسبة إلي.. كان يحضن أمي باكيا بصوت يهز سكون ذلك المكان من القرية.. إلى أن «تنهره» «حبوبتي» الفردوس: يا راجل هي جات فشان تسالمك ولا تبكيها.. يستغفر ربه ثم يرد عليها: نان أنا أبكي ما من شوقي لي عاشا.. ماها بتي - الفردوس: نان في زولا غالتك خلها الترتاح وبعدين أشبع منها - عاشا: يمة الرسول فيكي لا تكاتليهو أبوي خليني اللشبع منه هذا المشهد كان يبكي كل من في البيت وحتى القادمون من الجيران والأهل للسلام علينا..
Post: #545 Title: Re: ناس الزقازيق ... أجدع ناس (5) Author: ميسرة سيد أحمد Date: 11-11-2012, 01:01 PM Parent: #544
طارق جبرين الحنينه السكرى والنضمي
الجميل الطاعم بخلينا ندخل في مكان مكتوب فيه
ذكرياتك الجميلة والإسلوب العامي الشيق ةوالسلس
هناك قريناهو وهنا راجعناهو ،،،،
شكراً يا جميل ------------------------------------
Quote: هذا المشهد كان يبكي كل من في البيت وحتى القادمون من الجيران والأهل للسلام علينا..
هذا المشهد جهجه باكاتي أنا زاتي... شكرا يا جبريلا على الحكي الجميل... بس عليك الله ما تستعجل... أنا عارفك مصوراتي من النوع الفاخر... حاول تنقل لينا الصور بتفاصيلها.. و ما تقعد تحسب لينا في عدد السطور... نحن بيزيد استمتاعنا كلما زادت السطور...
Quote: أديس الجميلة.العيال بيسلّموا عليك
سلم على العيال يا كوتش.. انت نقلوك أديس و لا دي اجازة... لو اجازة شكلها كده اجازة مشاتره... على أي حال استمتعوا بأديس الجميلة حتى الثمالة مش بالقطارة... على أمل ان الاستمتاع ده ينعكس عليك... و تبطل القطارة بتاعتك دي...
Quote: في هولندا اشتغلت زياده من سنه في مصنع وبعدها حولت لشغل تاني تخيل بعد كم شهر جاني كرت اعتذار من المصنع الاول مع اجمالي مبلغ يعادل 2000 يورو عباره عن غلط في الحسابات المفروض يدفعوها. تخيل اتذكرت اليمني الاشتغلت معاه قريب 6 شهور ورفض اعطائي مرتب زياده من 4 شهور بسبب اللاسبب
صبحك الله بالخير يا أبو الطيب
ياخي طبعا الصورة المقتبسة فوق دي صورة زاهية... أحيانا تجد لها صور مشابهة في عالمنا العربي... خصوصا في المؤسسات المحترمة... لكن عايز أرجع ليك في موضوع البيت... انت قلت الواحد لازم يعمل بيته محل هو عايش... و ده كلام منطقي جدا... بس في حالتنا نحن زي حكاية العرجاء لي مراحها... مهما طالت غربتنا حيجي يوم و يقولوا لينا مع السلامة... عشان كده بيوتنا في محل غير النحن عايشين فيهو.. متى ما رجعنا نرجع لي بيوتنا... لكن عايز منك تعمل زي قائمة كده بمساويء و محاسن الهجرة... عشان الناوي يهاجر يستفيد من تجاربكم الثرة...
Post: #551 Title: Re: ناس الزقازيق ... أجدع ناس (5) Author: عبد الدائم سيد أحمد Date: 11-12-2012, 07:28 AM Parent: #549
الله يرحم نفيسى بت بغداد و يطرح البركة فى ASASEIGA بالله يا طرووووق لما كنت بتسافر البلد بتكون لابس شنو قاشر بقميص وبنطلون ... ولا لابس شدة وعراقى ... لان حكاية انهم يجضموك ويبوسوك ويقولولك يا طروووق وااا حلاتى دى ما راكبة لي فى راسى
،،،،
Quote: وماتنسى الشيكولاتة ومحتويات الخروف الداخلية
هسه البلم الحاجتين ديل مع بعض شنو ...!!
Post: #552 Title: Re: ناس الزقازيق ... أجدع ناس (5) Author: ميسرة سيد أحمد Date: 11-12-2012, 07:52 AM Parent: #551
مدينة جدة هذه الأيام راكبه توب المرض - بسبب أنفلونزاالحجاج -
نصف المكتب منوم أو واخد راحة في منزله
معظم بيوت جده تعاني من نزلة الحجاج ،،،
إنعكس ذلك على العمل والغضط الكبير بسبب الغياب !!!!!!!!!!!
هذه الضريبة تدفعها مدينة جدة بعد كل موسم حج بس هذا العام كانت تقيلة جداً
ربنا يرقع عنا البلاء ويا ناس جدة ومكة الله يكتب لكم الشفاء العاجل
يا رشا ياخي تعليقاتك دي قاعدة تحسسني اني كاتب كاتب كدة
يا نجيلة ايه رأيك انا قفلت الفيسبوك واتفرغت ليكم هنا عدييييييييل
يا ديدو ياخي ما تبقى زول حاسد ساي طرووووق دة كان حتالة امه ياخ ويستحق التجضيم والدلع
Post: #558 Title: Re: ناس الزقازيق ... أجدع ناس (5) Author: عمر نملة Date: 11-12-2012, 10:28 AM Parent: #556
تحيه مغربيه زميلي في العمل عادل العيسوى بسال عن سر التقارب بين السودانين والمغاربه اينما وجدوا قلت ليه السر واضح طلحه جبريل اسس بحسن خلقه هذه العلاقه وبنقله للطرفين بالاضافه الي عفوية الشعبين والان شقيقه طارق يرسخ في هذا الانطباع. تسلموا اولاد ابونا جبريل وتسلم ياطارق على حكيك الطاعم . ياريس يعني نركز على ناس العمره . بمناسبة الشكولاته بالشطه اخر درس بتاع روول كيك بالمشمش والتوت قال الاستاذ ممكن تغيروا النكهات مثلا اضافة زيت زيتون للخلطه وتزينها بالطماطم والكتشوب وبعد شويه عشان النضيف يامن ندخل كرشه وكمونيه وابو عمارراسه يدقش ما يعرف يركز وين شكوكرشه كموناوى ياجنابو سلام كتير للاولاد بس مع السلام عايزين الصور رشيد القوم يابا تبراء من العرج وانت تقدل فوق حصادك وبيجيك للهجره بمهله. مش قلنا لابو احمد خلي احمد يخت ليكم رجله في اوربا بس الحساب صعب وحسب ايماني الخطوه الاولى رغم صعوبتها هي مفتاح النجاح.
=========================== هسع بيجي الرشيد .... لعابو سايل الزول ده ... نفسي يقول الاكلة دي .... بكرها ..... انتو قايلين الصحة دي جات من فراغ .....
============================ ناس اديس ... بالله شويه سعادة ... ان شاء الله .... بيتين شعر .... ياكوتش ... انت في بلد الخير ... ماتجي فاضي ... طيب صورة .... ياطماع ...
ما أن يهدأ نحيب اللقيا هذا حتى ويعج البيت بالضيوف والحبان من قبلي ومن بحري.. الكل يسارع بقدحه احتفاء بنا نحن القادمون من «البندر».. وتظل «حبوبتي» الفردوس لأمي بالمرصاد لتذكيرها بكل الأحداث التي عرفتها القرية في غيابها.. - بت موزة مات ابوها وام الحسن ولدها جابولوا ولد وبت ككو بتها عرسوها... وهذا كان بمثابة أوامر لكي تقضي أمي سحابة أيامها القادمة معزية هنا ومهنئة هناك.. من الدوداب إلى عسوم.. ومن القلعة إلى البركل تحت.. ومن الكرسناب إلى البركل فوق.. يحيط النسوة بأمي في يومنا الأول ويتسامرن وتسمع ضحكاتهن من الأعماق.. وأحيانا ينتحبن لفراق عزيز غادرنا ونحن في غيبتنا تلك عن البلد.. يسألنها عن أقربائهن في الخرطوم وعن أحوال «البندر».. وحين يكون الحديث خاصا جدا تجدهن يتهامسن ويقرصن بعضهن بعضا في «أوراكهن».. ما أن تبدأ الشمس في فقد جبروتها وتحس بالضعف يعتلي دائرتها وهي تغوص في غابة النخيل.. ما أن يكسو القرية لون «المُح» ذاك.. إلا وتتجه «حبوبتي» إلى «المراح» حيث نعاجها السبع والحملان وخروف العيد.. إنه أوان «حَلبُ النعاج».. كنت أجد متعة ممزوجة بالاستغراب في علاقتها بالنعاج.. لكل نعجة اسم وتدليل.. تلك «المرهة» الزيني... وهذه «الفاجري» أم «صِلِيب».. كانت تُحدِث النعاج كأنما هن نساء في جلسة للبحث عن «اللَبن».. ما أن تنتهي من هذا الطقس اليومي إلى وتتجه إلى «التُكُل» حيث «الحِليلي المكرتبي».. ما هي إلا لحظات إلا وتنتشر ريحة «اللبن المقنن»... حيث تدور كؤوس «الشاي باللبن» بين الحضور.. - عاشا: يمة السُكر في الكرتونة المن تالا «الكَرِقة» - الفردوس: أييي شوفتو تتوزع النساء في ذلك اليوم حسب السن والقرابة والاهتمام.. وحدها «حبوبتي» نفيسي تجالس الرجال في «الديوان» ويأتيني صوتها كعادتها منذ وعيت المجيئ لهذه القرية: - علي بالطلاق يا ود تميم ماكن رجال شي - ود تميم: كيفن مانا رجال يا نفيسي - جملة الإيمان مافي واحدة فيكم راجل غير الخضر ود قرنين.. عرسلو 13 مرة - ود تميم: نان هي الرجالة في العِرس يا نفيسي ههههههههه - نان في شنو.. النوم لا عند الضحى و«الضُراط» يضحكون جميعا ثم يلعنوها: الله لا كسبك يا بت بغداد ماكي مرة شي.. ثم تقف على عكازها وتنادي: يا طارق... يا ود جمل الشيل - الفردوس: خلاص جنك قام عليك... مالك قومتي - نفيسي: الدنيي مغربت يا الفردوس وعمو الطيب بيجي يسأل منه - الفردوس: خليهو باكر بيمشي يسلم علي عمو - نفيسي: بري بري.. وين شوفتيلك راجل قاعد يبيت في حوش النسوان - الفردوس: نان هني ماهو بيت جدي - نفيسي: ما قلنا شي.. بس هناك بيت جدو ابو ابوهو قبل أن يكملن نقاشهن ذاك أكون قد جمعت ملابسي واصبحت جاهزا للذهاب معها.. هناك حيث أكون بعيدا عن رقابة أمي اللصيقة ولا أحد يستطيع أن «ينهرني» خوفا من لسان نفيسي.. - عاشا: يمة ما تتعبي روحك.. شوفيهو شال هدومو ومنتظر حبوبته.. دة ماهو ترب «القرونة» عاد ههههههه هذا كان واحدا من القرارات النادرة في طفولتي أن اختار المكان الذي سأقضي به عطلتي في «شبا».. إنني في حماية نفيسي إذن..
ان شاء الله يا طارق يا ود عاشة لا تندلى لا تنعاق.... يديك العافية شقيش تقبل.... واصل بس بالراحة ما تستعجل... أستدعي كل التفاصيل من قاع الذاكرة... و واصل الابداع و الامتاع...
Post: #569 Title: Re: ناس الزقازيق ... أجدع ناس (5) Author: منصور عبد الرازق Date: 11-13-2012, 01:07 PM Parent: #568
Quote:
وحدها «حبوبتي» نفيسي تجالس الرجال في «الديوان» ويأتيني صوتها كعادتها منذ وعيت المجيئ لهذه القرية: - علي بالطلاق يا ود تميم ماكن رجال شي - ود تميم: كيفن مانا رجال يا نفيسي - جملة الإيمان مافي واحدة فيكم راجل غير الخضر ود قرنين.. عرسلو 13 مرة - ود تميم: نان هي الرجالة في العِرس يا نفيسي ههههههههه - نان في شنو.. النوم لا عند الضحى و«الضُراط»
ان شاء الله انتا وحبوبتك , تتجازوا قطرة قطرة , فى عويناتكم ديل
كعادة حبوبتي الفردوس وما أن تطأ قدمي بيت جدي ود أبو دية حتى وتقودني إلى حيث «الجَر» الذي تخفي لي فيه «التمر».. - دة بركاوي من تمري في أوسلي دسيتو ليك هني فشان عارفاك جنك تمُر.. عانقتها وقلت لها: يا حبوبة ياخي انت زولة منقة بس ضمتني إلى صدرها بحنية بائنة ثم قبلتني... كنا نزورها كل عام في نفس الشهر ونظل معها طيلة عطلة المدارس.. كان هذا الزخم الذي نحدثه حين نأتي إلى شبا يسعدها كثيرا.. كانت ابنة وحيدة وسط أخوانها لذا كانت كثيرة الاهتمام بأحفادها.. تركتها وطفقت أتجول في الحوش وبين الغرف.. كانت «المزيرة» مكاني الأثير.. حيث أضع أمامي «كورية» «البركاوي» وأظل أراقب حركة الطيور في «الحوش».. ما أن تحبل الأرض هناك «بي تحت» إلا ويحتوي هذا «الحوش» طيبات تلك الأرض.. وتظل حركة الطيور من قمري وكرجة وطير الجنة مرتبطة بعطاء الأرض هناك.. حين رجعت منذ عامين إلى شبا وجدت المزيرة والحوش على حالهما وإن كانت الغرف تهدم جزء منها.. حتى قصص غرامياتي وجدتها على حائط المزيرة: أنا بحب A أنا بريد H أحب «وجدان» لم أتذكر صاحبات تلك الحروف لكنني وقفت عند وجدان كثيرا... إنها ترهات الصبا على كل حال.. ...... «ناكفت» حبوبتي نفيسي القوم وضحكوا من لسانها المتفلت ثم خرجنا سويا إلى بيت جدي لأبي ود القروني.. المسافة بين البيتين على مرمى حجر... لكن هناك سأكون حرا طليقا في كنف نفيسي.. سأفعل ما أريد دون مراقبة من أحد.. سأطلع في جذوع النخيل وأشجار المنقة وسأبحث عن أعشاش القُمري وسأسبح في النيل دون هاجس أن يكون أحدهم يراقبني.. لن يجرؤ أحد من أقراني علي نعتي بـ«ود البندر المرخرخ» بحكم نشأتي في الخرطوم.. لأنهم يعلمون سلاطة لسان نفيسي وحدتها في الدفاع عن أحفادها.. هناك اعتقاد راسخ لدى الكثيرين من أطفال تلك البقاع أن «أولاد الخرطوم» ليسوا سوى «باطلين» ويمكنهم أن يكونوا حتى وعاء لتفريغ المكبوت الجنسي.. كانت نفيسي ذات صيت هنا ويهاب لسانها الجميع.. وكان لديها ستة أبناء نزح خمسة منهم إلى الخرطوم وبقي عمي الطيب وفيا لها وللأرض.. لذا حين كنا نأتي في عطلة المدارس كانت التحذيرات واضحة وصارمة جدا: ولاد ولاد نفيسي ديل ألعبوا معاهم لكن لا تكاتلوهم شي.. هي مرتا زيني لكن آآآآبترضى في ولاد ولادها وتقوم تشيل حالنا لي الله وخلقه.. تخطينا أنا ونفيسي رمال «خور السواعير» وهي تضحك مع «ود تميم» - ود تميم: انت الولد ما تخلي يبيت مع جدو لي باكر - نفيسي: نان ود القروني ماهو جدو ولا فشان انت معرس من ود ابو دية يا ود الهرمة - ود تميم: هههههههههههههههههه الله لا كسبك نفيسي: أطلعاك يا طارق لي بيت جدك دة راجلا مخرف من يومه
خور السواعير:
باب بيت جدي يوسف ود أبو دية
المزيرة في بيت جدي ود ابو دية
Post: #578 Title: Re: ناس الزقازيق ... أجدع ناس (5) Author: منصور عبد الرازق Date: 11-14-2012, 12:54 PM Parent: #577
لايك كبير اوى اوى اوى للتلاجة الملبسنها شوال دى تلاجاتكم زااااتا , حجبتوها يا جبريلا تحجبوا تلاجاتكم , وتطلقوا لساناتكم
* كدى النجيب ليكم الألكترونيك فيميل ماشين العندها احساس دى بى جاى باقى لسان ود نجيلة ده , لا بنقدر عليهو لا بنقدر عليهو الرشيد كل سنة وانت بالف خير انا مستمتع يا طارق
Post: #579 Title: Re: ناس الزقازيق ... أجدع ناس (5) Author: منصور عبد الرازق Date: 11-14-2012, 01:06 PM Parent: #578
ELECTORONIC HOME WIFE , بى احاسيسها كمان قال ليك
أ للنساء بعد اليوم استطاع شاب ياباني أن يبتكر إنسانا آليا على هيئة أنثي تقوم بكل الأعمال المنزلية طوال الأربع وعشرين ساعة ولا تتحدث إلا إذا طلب منها، وتقرأ
الجريدة بصوت عال، وتتعرف على المشروب المفضل ، وشكلها جذاب
وأوردت صحيفة كورييري ديلا سيرا الايطالية أن مخترعا يابانيا يعيش في كندا قرر أن يبتكر لنفسه زوجة مثالية تكون شريكته في حياته، بعدما أعياه البحث عن فتاة احلامه بالمواصفات التي يريدها وبالفعل بدأ الشاب ويدعي " لي ترونج" – 33 عاما – في العمل في المشروع واستطاع انجازه في عامين من العمل المتواصل ليل نهار وأطلق على ابتكاره" أيكو"، وأنفق عليه 16 ألف يورو وباع من أجله سيارته و طلب قرضا من البنك. ويبلغ عمر الزوجة الآلية عشرين عاما وتتعرف على الألوان وبعض الوجوه وتقرأ اليابانية والانجليزية وتنطق 13 ألف جملة في اللغتين، وتحل المعادلات الرياضية وتتعرف على الاتجاهات
من جانبه، قال ترونج إنه لم يجد فتاة أحلامه، وكان الاختيار الأوحد المتاح هو أن يصنعها بنفسه باستخدام التكنولوجيا. وأوضح أن تلك الأنثى الآلية تتميز بمعظم الخصائص الأنثوية ومصنوعة من السيليكون، وتنفعل إذا لمسها أحد في بعض المواضع، وإذا احتضنها أحد بقوة تقوم بصفعه على وجهه. وتم تزويدها بكل المشاعر الإنسانية ، واختتم المخترع قائلا إنه تعرض لأزمة قلبية العام الماضي، وعانى كثيرا من الممرضات، بينما الآن لديه زوجة تعمل طوال 24 ساعة دون أن تشتكي أو تطلب إجازة، إنها بالفعل الزوجة المثالية وتكون بكل شيء تقوم به الزوجات في بيوتهن بل أفضل وقريبا سوف يطرح مثلها في الأسواق العالمية وتكون المواصفات طبق لرغبة المشتري يعني أن يسطتيع تخيل شكل معين وينفذ له فتاة أحلامه والسعر سوف يتناقص تدريجيا مع إستمرار التصنيع
أولا أبدا بشكركم كلكم على التهنئة الظريفة... و أخص بالشكر الحبيب محمد عيد...
جبريلا واصل و ما تقيف متابعنك متابعة لصيقة... الحجل بالرجل محل ما تقبل وراك وراك... بس عايز أعرف كنت بتقعد وين لابد بالبركاوي في المزيرة الصغيرة دي.... جبت المسطرة و القلم و البرجل و حسبت الزوايا.... لقيت المحل الوحيد جوه الزير...أو تحت الزير...
ما أن نتعدى «خور السواعير» ذاك ونمر عبر بيوت «البغاديد» إلا ونكون قد وصلنا إلى منطقة «القرونة» حيث بيوت أعمامي وجدودي لأبي.. وبالمقابل لهذه البيوت تقع ساقية «القرونه» حيث نخيلهم وأراضيهم وكل ما يربطهم بالمكان.. هنا يعيش أهلي وسط نخيلهم ودوابهم وترابهم.. هنا العالم لا تحكمه قوانين «البندر» تلك.. لـ«العُرف» هنا قوة تفوق قوة القوانين التي تنظم الدولة إداريا.. الحياة تسير في تناغم غريب وعجيب.. رقعة الأرض الممتدة من أطراف البيوت عند الصحراء وحتى خاصرة النيل هي الحياة هنا.. لذا تجد القوم هنا يتشبثون بأراضيهم ويدافعون عنها حتى لو كلفهم ذلك حياتهم.. يتوارثون ذلك «الطين» أبا عن جد بقوانين يعرفونها هم فقط.. إنه الانتماء الوحيد الذي يحسونه ويقدرونه: يا ولدي دي أرضنا وأرض جدودنا.. يحفظون كل نخلة وتاريخها ومن زرعها.. جبت وسط غابات النخيل هذه شرقا وغربا مع عمي الطيب.. كان يحكي عن كل نخلة وعن نوع «التمر» الذي تنتجه.. كان يكرر كل تلك الحكاوي على مسامعي في كل عام دون كلل.. ودائما ما يختم كلامه بجملة اصبح لها رنين خاص في داخلي: يا ولدي مهما قريت ومهما سافرت مافي شي بيديك قيمة غير أرضكم ونخيلكم دة.. كانت حكاويه تلك سلواي الوحيدة في غربة لا أدري متى ستنتهي، أو إلى أين ستقودني.. كنت ولا زلت حين يعتصرني الحنين إلى أهلي أتذكر ملامح وجهه وهو منكبا على معوله.. وحين ينال منه التعب يضع ظهره على إحدى «تمرات» «القنديلا» ووجهه يتصبب عرقا.. ثم يترنم: شتيلة قريرا الفجر نبحن بوابيرا حليل تغريد عصافيرا بلاها أصبحنا في حيرة يازهرتنا النضيرة حرام نقلك من الجيرة دهب زادوه تجميرا لفة خاتم ضميرا شبيهة البدر المنيرة ليك تاجوج ماها سيرة نزلت العقلات الضفيرة تداعب رمان صديرا نظرتك قاسي تفسيرا فيها انذارات خطيرة ست الكل يا أميرة روحي كفاها تدميرا ضاقت وغلبت بصيرا خلاص اتحقق مصيرا فراقكم زادتي تعكيرا وبلاك ما عندي تفكيرا يا صلاح أم شديرة تعود ونشم من عبيرا
ما أن يبدأ ترنيمته تلك إلا ويتجاوب معه بقية القوم على إمتداد النيل.. بعضهم يصفق وبعضهم يرقص طربا والبعض الآخر يتأوه متذكرا طيف «حبيبة» رحلت عن المكان.. إنهم يخلقون من «القراعة»* فرحا هنا..
حين نصل إلى دار عمي الطيب يتملكني إحساس بالإنتماء إلى هنا أكثر من هناك «البندر» ما أن يتحرك «الكُشر»** في باب الصنط ذاك إلا وتتفتح كل«طاقات» الحنين في داخلي.. ما أن أخطو خطواتي الأولى في ذلك «الحوش» إلا وأجدني وسط كما مهولا من الفرح.. ثم تلفحني رائحة نار «الجريد» في «الدونكة».. لا بد أن «نورة» بدأت «تعوس» في «الفطير».. «الفطير» بـ«الروب» هنا يوازي كل مطاعم «البيتزا» والـ«ماكدونالدز» إن لم يفوقها مذاقا.. أدخل خلف «حبوبتي» متثاقلا بحثا عن «المبروك» ابن عمي وخالتي «نورة» زوجة عمي.. حين يظهر «المبروك» ويذكر جملته المشهورة «ياخينا».. حينها فقط أحس أن قطر كريمة ترجل عن رحلته المضنية تلك.. «نتقالد» ونحضن بعضنا بعضا بشوق يُبكي أحينا «حبوبتي».. ثم ما نلبس أن نضع «عناقريبنا» في وسط الحوش بعد أن أصافح جميع من في البيت لتبدأ حكاوينا الليلية تحت سماء «شبا».. وحين تصلنا لعنات «حبوبتي» لعمي الطيب... نتمرغ في «عناقريبنا» من الضحك: لا بد أن عمي الطيب مارس شغبه اليوم وخرج باحثا عن «الحياة» في «إنداية كريمة».. وحتما سيعود من «خفساته» تلك منفرج الأسارير.. ثم يطلق ضحكته التي أصبحت جزءا من ليل «شبا»: هاهاهااااااااااااااااي أنا الطيب ود قرنين.. ضحكة تتبسم لها كل القرية وهي في سكونها.. حيث رجع الرجال إلى أحضان زوجاتهم وأطفالهم ينشدون السكون والطمأنينة.. كان دائما يقول لي: نحن يا ولدي من التمُر للتمُر... اليوم كله نزرع ونقرع تحته ووكتين الشمس تغيب نمشي نشرب عرقي التمُر.. كان حين تتوقف حمارته يعلم أنه وصل إلى بيته.. ينزل من الحمارة يجرجر «قبانته» ثم يغني: ود قرنين في عُلُو يا خلايق الله خلُو عندي صيدا في «الكُرو» خايف العين لا تحصلو ثم يتبعها: هاهاهااااااااااااااااي أنا الطيب ود قرنين.. وتتبعه حبوبتي: ان شاء الله العرقي اليغمتك... يا الله هوووووووووووووووووي تهديك يا الطيب حبيب قساي.. .... ــــــــــــــــــــــــــــ * القراعة مرادفة شايقية لسقي الزرع ** الكُشر مفتاح من الخشب تُفتح به الأبواب في منطقة الشايقية
Post: #592 Title: Re: ناس الزقازيق ... أجدع ناس (5) Author: عمر نملة Date: 11-18-2012, 07:08 AM Parent: #591
صباحكم خير نبداء بمباركة عيد الرشيد تقريبا صادف العيد الاول لميلاد صغيري يس الذي احتفل بميلاده الاول يوم 14/ 11 والله ياطارق من زمن بفكرتكون مهنتي يدويه وقبل مااصل الزقازيق اشتغلت فتره في المنطقه الصناعيه مكنيكي .طبعا بفكر المشروع يكون فيه قسم خاص للاجانب من عرب وافارقه وياريت لو تجيب لينا اعمال وجزء من خبرة ابوالنسب اكون شاكر ديمه تسلم على الاتصال وانا اشهد انك بالعداء معروف ما ببادر .... ما بخون الجار مانى غادر .... ما بقول للناس متلى نادر .... بل بقول للخالق شئون بس كمان ماتسي حقك ان شاء الله قطره قطره ابوعمار نحنا في الدفعه 16 والمدرس بيكتب الوصف ويشرح الطريق ونحنا نقوم بالعمل وفي نهاية اليوم كل واحد وواحد بياخد شغلوا في جرابوا وانا عامل ناس البيت والجيران وناس الشفل فيران تجارب ونقد بناء يعني بتتعرف على اذواق الناس عشان يحصل التميز الشوكلاته في الحصه الاخيره في جزء منها كان باالوسكي وما لاقي لي زول يضوقها باالله رسل عنوان صاحبك . كاالعاده بيرجع عيد ومعه الافراح مرحب بالعيد ويا سامي مبروك ليك الاعياد وبنسال عن جله يا منصور خلي الياباني يشوف لينا واحده خبازه
أفقت على رنين منبهي عند صلاة الفجر... قمت مثاقلا أتلمس الأشياء من حولي.. حتى دخلت الحمام و توضأت و لبست جلبابي... كلما أحاول أن أضع المسبحة و مفتاحي في جيبي يسقطا أرضا... حاولت عدة مرات و لم أفلح في وضعهم داخل جيبي.. حتى أدركت بعد عدة محاولات انني ألبس جلبابي على المقلوب... لم يكن ذلك بكيفي و لكن بفعل النعاس الشديد... مثلما يقول شاعرنا الكبير الكتيابي.... أرقع جبتي أولا أرقعها.. أطرزها من الالوب .. ألبسها على المقلوب. أخلعها... على كيفي... خرجت بعد أن عدلت من جلبابي و وضعت مفتاحي و مسبحتي في جيبي.... عند المصعد لاحظت أن نور الدرج المقابل للمصعد أضاء لوحده... أعوذ بالله من الشيطان الرجيم بسم الله الرحمن الرحيم... هذا النور يضيء دائما في اللحظة التي أقف فيها أمام المصعد.... و خاصة عند خروجي لأصلي الفجر... و مثلي من عاش مثل عمري و سمع العديد من القصص و الخزعبلات... أول ما يخطر بباله ان هذا النور لا يضيء ا لا بفعل فاعل... و منها القصص التي كانت تروي عن الشيطان أبو لمبه... و الذي يضيء لمبة للقوافل فيضللها و يحرفها عن مسارها.... فأثناء فترة عملي في الجزيرة كلما رأيت ضوءا من بعيد و سألتهم عن مصدر الضوء... يجيبوني بأنه شوشو أبو لمبة... و شوشو هذه كنية للشيطان حتى لا يذكرونه و العياذ بالله... و هتالك قصة كنت قد حكيتها من قبل في سودانيزأونلاين.... و هي قد حدثت لعمي عثمان في مديتنا الكوة... فأمام منزل جدي بالكوة توجد شجرتا نيم ضخمتان... فالقادم الى الكوة أول ما يراه من بعيد من معالم الكوة هما شجرتا النيم... كان عثمان عائدا الى المنزل بعد سهرة ونس مع الأصدقاء.... عند مدخل المنزل و تحت أشجار النيم العملاقة اعترض طريقه مارد عملاق... كان المارد أضخم من شجرتا النيم مجتمعتان.... أرتعد عثمان حتى أصبح مثل ريشة في مهب الريح... لم يتحدث المارد الى عثمان بل صفعه صفعة واحدة سقط اثرها على الأرض... لا أدري ان كان مضرجا في شتى أنواع السوائل أم لا... فهذا الجزء من الرواية قد طاله مقص الرقيب عندما رويت لنا القصة.... و لكن خيالي الخصب لا يمكن أن يتجاوز مثل هذه التفاصيل المهمة و ان حجبت... ثم قام و أندفع الى داخل المنزل و هو يصرخ و هرع اليه كل من في المنزل.... مرق من خلال باب البيت ذلك الحديدي الضخم القوي و هو يحمل ضلفة كاملة بيديه... مثلما فعل سيدنا علي كرم الله وجهه بباب حصن خيبر كما روي في السيرة... مالك ..مالك...مالك قول بسم الله ..في شنو.... شيطان..شيطان..شيطان....أخذ يتمتم و يهذي بينما جدي يقرأ له القرآن و يحصنه حتى نام.... منذ ذلك الوقت و الجميع يسخر من عثمان... و لكن روايته و ان لم يصدقها الكثيرون الا أنها كانت مصدر رعب دائم لنا... و أصبحت أشجار النيم الضخمة رغم جمالها تمثل بالنسبة لي مأوى للشياطين... و كانت من أكبر الأسباب التي جعلتني أكره الذهاب الى الكوة... و هنالك قصص كثيرة لا يتسع المجال لذكرها.... و أعوذ بالله السميع العليم من الشيطان الرجيم....
Quote: نحن يا ولدي من التمُر للتمُر... اليوم كله نزرع ونقرع تحته ووكتين الشمس تغيب نمشي نشرب التمُر..
Quote: أن يبتكر إنسانا آليا على هيئة أنثي تقوم بكل الأعمال المنزلية طوال الأربع وعشرين ساعة ولا تتحدث إلا إذا طلب منها، ويبلغ عمر الزوجة الآلية عشرين عاما وتنفعل إذا لمسها أحد في بعض المواضع، الآن لديه زوجة تعمل طوال 24 ساعة دون أن تشتكي أو تطلب إجازة، إنها بالفعل الزوجة المثالية وتقوم بكل شيء تقوم به الزوجات في بيوتهن بل أفضل
Quote: الشوكلاته في الحصه الاخيره في جزء منها كان باالوسكي وما لاقي لي زول يضوقها
Quote: حتى أدركت بعد عدة محاولات انني ألبس جلبابي على المقلوب...
Quote: و أصبحت أشجار النيم الضخمة رغم جمالها تمثل بالنسبة لي مأوى للشياطين...
Quote: غايتو زمااااان سمعنا الجن الفي العُشر
================================== يمين بالله ... انتو ألذ خلق الله .... الواحد قريب يرجع هواياتو ... الزمان .... ان شاء الله قطراتكم ماتنقطع ... وقطركم مايقيف ...
Post: #597 Title: Re: ناس الزقازيق ... أجدع ناس (5) Author: أحمد إسماعيل Date: 11-19-2012, 07:44 AM Parent: #596
صباح التقرب لله اللهم قرب قلوبنا وأجمعها على هداك وأجعل أرواحنا ونفوسنا سندعلى تقواك وأدم وصلنا إلى أن نلقاك
حمد الله بالسلامة للفنان / محمد عيد وللأخ الرشيد كل سنة وأنت بألف خير
كان عمي الطيب اسم على مسمى حقيقة.. نادرا ما يعادي أحدا في القرية.. كان لا يعنيه شيئا من الدنيا سواء نخيله و«حيضان» البرسيم والقمح والخضروات.. يقضي سحابة يومه في «تحت» يسقي هنا ويحرث هناك.. وحين تبدأ الشمس في الانسحاب من ميدان معركتها فوق هامات النخيل.. يسرج حماره ويتجه صوب كريمة حيث ندمائه.. وفي طريق العودة يضع «قبانته» على وجهه ثم يدلف عائدا إلى بيته.. حين يتوقف الحمار عن المسير يدرك أنه في «حوش» بيته.. حينها فقط يترجل وهو يترنح ويذهب إلى «عنقريبه» ثم تبدأ «معركته» مع حبوبتي.. تلومه على هذا «العبث» اليومي ويمكنها حتى أن تضربه.. رغم قوته التي اشتهر بها وسط القرية لكنه حين أمام والدته يكون كالحمل الوديع.. بل يزيد: أضربي يا والدة:d ما أن تهدأ معركته مع حبوبتي إلا ويترك لصوته العنان: مشتاقين انت متين تجينا سهرانين والليل طال علينا وحين يحس بالتعب ينادي زوجته: يا نورا... نورا.. نورا.. سويلي حَرِف اتعشابو.. يتناول طعامه ثم يغفو ليصحو باكرا ويتجه إلى كريمة حيث عمله في النقل النهري.. ثم يعود إلى نخيله وزرعه.. هذه هي مجمل حياته منذ وعيت وبدأت أزور «شبا» لم تطأ أقدامه الخرطوم إلا أربع مرات.. مرة لعياة والدي المريض الذي كان يكن له حبا خاصا دون إخوته ومرة لإزالة المياه البيضاء من عينه.. ومرة وهو في طريقه إلى الحج ومرة أخيرة أرسل والدي في طلبه لكي يزوره بعد أن تقاعد ليؤنس وحدته.. كان يتركنا ونحن نشرب «اللِبيني» بـ«القرقوش» قبل أن يخرج يوصي زوجته نورا بنا خيرا.. كان رجال القرية يذهبون إلى كريمة ليتبضعوا حاجيات أسرهم ثم يرسلونها في «مخالي»*.. كانت النسوة ينتظرن أمام نادي شبا في انتظار «كومر رابح».. مجرد أن تتوقف عربة عمنا رابح تحيطها النسوة لحمل «المخلاية» ثم «يطلعن» إلى بيوتهن لطبخ ما جادت به «المخلاية».. كنت استيقظ باكرا للذهاب إلى «كفاية الجداد» لمشاهدة «طير الجنة».. كنت مولعا جدا بالطيور:: وكانت تمثل اهتمامي الأول منذ أن تطأ قدماي «شبا».. كنا أنا و«المبروك» نقضي سحابة يومنا في البحث عن أعشاش القمري واصطياد الدباس.. حين نكمل «شاي الصباح» تطلب منا حبوبتي أن «نندلى لااااتحت» عند «بير ود جبارة».. تتوكأ على عصاها ثم نتحرك صوب بير ود جبارة حيث «أصحابها» ود جبارة وعوض السيد كنيش ورابح ومكاوي والبقية.. وعند هذا البئر تتكشف لنا عوالم «بت بغداد» الأخرى.. ـــــــــــــــ * جمع مُخلاية والمعنى واضح حبوبتي نفيسي بت البغاديد
Quote: حين نكمل «شاي الصباح» تطلب منا حبوبتي أن «نندلى لااااتحت» عند «بير ود جبارة».. تتوكأ على عصاها ثم نتحرك صوب بير ود جبارة حيث «أصحابها» ود جبارة وعوض السيد كنيش ورابح ومكاوي والبقية.. وعند هذا البئر تتكشف لنا عوالم «بت بغداد» الأخرى
أعملوا حسابكم ...بعد الفقرة دى حيجيكم الحصحاص.
خلوا نملوز يجيكم بالشوكولاتة والريس بأدعية الصباح والمساء.
الريس ميسرة يا حبيب والله ما عارف الاسم جاء من وين بس الشئ الاكيد انهم من شبا لانه عندنا في شبا لو ما عندك أرض «طين» انت زول دخيل وشبا مقسمة لعدة سواقي وكل عائلة عندها ساقية ساقية القرونة (ديل ناس ابوي) ساقية السواعير (د. احمد الساعوري) ساقية الكرسناب (د. ابراهيم كرسني) ساقية البغاديد (ديل ناس حبوبتي أم ابوي) ساقية الكنيشاب (آل كنيش) وهكذا
شكرا يا جبريلا على الحكي الجميل... خليتنا نشم ريحة الطين و نسمع أنين السواقي... رجعتنا لي زمن جميل زمن الحبوبات و العمات و الخالات... زمن حنين و آمن و أمين و طاعم.... زمن التكل و التبروقة و المفحضة....
الى صديقي الكوتش الجميل.. الذي لم يبلغ منتصف العمر بعد... و لكم جميعا...
لا أجد أي سبب موضوعي لشعوري بالضيق هذا الصباح... فالجو رائع و يشبه الى حد كبير يوم من أيام الخريف بالسودان.... و لكن بدون أمطار فآخر مرة هطلت الأمطار هنا كان قبل سنتين أو ثلاثة... لا شيء غير حجة مهند و رغبته في ارتداء الجاكيت الأزرق و ليس الأسود.... غير ذلك لا شيء على الاطلاق و لكني أشعر بالضيق... ربما لأنني ساهرت الى وقت متأخر و أنا أتابع مباراة تيشلسي و يوفينتوس.... كبرت و تبسملت و تحوقلت و حمدت الله كثيرا قبل الخروج من بيتي.... لبست من الملابس ما أجد نفسي مرتاحا نفسيا فيها... رددت دعاء الركوب عدة مرات قبل أن أضع حزام الأمان و أنطلق بسيارتي.... و أستمعت الى اذاعتي المحببة البي بي سي.... صوت سونيا طربيي صوت دافيء مريح و هي تنتقل من خبر الى آخر.... و خبر عن دراسة تثبت بأن القرود تعاني من أزمة منتصف العمر كما في البشر... حيث تتراجع معدلات السعادة و الحيوية التي تشعر بها.... رغم ان القرود لا تواجه سخافات العمل و أقساط المدارس و المشاكل الزوجية.... و قد قام بعض العلماء بعمل دراسة لعدد 500 شمبانزي في حدائق حيوان مختلفة... فوجدوا أن سعادة القرود نفسه الذي تتبعة سعادة البشر... و ضحكت عندما قالت بأن الأعراض عندنا نحن البشر مثل التي تلك عند أقربائنا القرود.... و منتصف العمر هذا هي الفترة التي تبدأ عند الثلاثين و تكون في أوجها عند بلوغ الخمسين.... و تبدأ بظهور تداعيات نفسية نتيجة لنوع الحياة و الأحداث التي يعيشها الانسان.... و رغم ان البحث ممتع في حد ذاته الا انني اختلفت معه في تحديد الفترة.... فمنتصف العمر هذا لا بد و أن يكون قد تغير بتغير متوسط أعمار الناس.... فان كانت الخمسين منتصف العمر زمان فهي تحتمل أمران الآن.... أن تكون بداية العمر بحكم أن معظم الناس و خاصة في بلادي لا يدخلون في تجارب حقيقية الا عند الأربعين..... أو تكون نهاية العمر بحكم أن متوسط أعمار الناس و أيضا في بلادي أصبح أقل من السابق... لكن الأزمات زادت و تنوعت و اختلفت في شكلها و تأثيرها.... و تتمثل أعراض أزمة منتصف العمر في عدم الرضا عن الحياة و عن كل شيء حولك... و يمحور الشخص اهتمامه حول نفسه فقط في شكله و مظهره و طريقة حياته.... و يرتد الى ممارسات تشبه فترة مراهقته من طيش و عدم مسئولية... و هذه من الأمور التي يتساوى فيها الجنسان مثلهم مثل أقربائهم القرود.... تساءلت في نفسي هل ما أشعر به من ضيق هذا الصباح له علاقة بأزمة منتصف العمر... أم أنه مجرد ضيق عابر و له سبب آخر غير ذلك.... فأنا لا أتوقف كثيرا عند مظهري و لآ اتمحور حول نفسي... و الدليل على ذلك انني لم أقم بتصفيف شعري هذا الصباح بل لبست و خرجت دون أنأهتم لذلك.... ضحكت لكوني نصبت نفسي قاضي اتهام و دفاع..أكيل لنفسي التهم ثم أدافع عنها.... يبدو أنني أدخل في أزمة أخرى غير التي تعرف بأزمة منتصف العمر... فان كان العمر قد بلغ منتصفه فان القلب ما يزال شابا..... اللهم إني أسألك الهدى والتقى والعفاف والغنى
Post: #609 Title: Re: ناس الزقازيق ... أجدع ناس (5) Author: أحمد إسماعيل Date: 11-21-2012, 07:50 AM Parent: #608
صبحك الله بالخير والسرور أخي الرشيد
يعني حكاية المسطول الماري بصاحب الأرنب العارض أرنبو للبيع وقال القرد بكم رد عليهو صاحب الأرنب : دة قرد ولا أرنب المسطول قال ليهو انا بتكلم مع الأرنب . تشبيه في محلو
بعدين خذ خبر الأبحاث الأمريكية هذا أكدت هذه الأبحاث أن تناول جزرتين يوميا: يساعد على مكافحة الكوليسترول وتخفيض كميته بنسبة 20% من جسم الإنسان حيث ثبت أنه يوجد في الجزر مادة إسمها ( بكتات الكالسيوم) تساعد على مكافحة الوليسترول
Post: #610 Title: Re: ناس الزقازيق ... أجدع ناس (5) Author: عبد الدائم سيد أحمد Date: 11-21-2012, 08:25 AM Parent: #609
يا طرووق بت بغداد باين عليها كانت مسيــكينة
انت ساكت شايل حلا ...
يا رشا والله بعد ده الا تركب مع الطيب ود قرنين عشان تنسى الهموم و تنبسط .
Post: #611 Title: Re: ناس الزقازيق ... أجدع ناس (5) Author: جلال عثمان Date: 11-21-2012, 09:14 AM Parent: #610
ازيكم ... ومشتاغوووون .... هذا على سبيل القطارة ويا سلام على السياحة الراقية يا طارق يديك العافية انا غايتو عادت بي الايام الى سنوات خلت دائما احلم بها ... فانا ابن تلك البيئة ... ولدت وترعرت فيها الى ان بلغت من العمر 10 او اكثر "وتمدنت" بعدها الا انى افتقدها الى الآن .. عادت بي الايام الي تلك الربوع وغايتو اظن "حناكيش" الحوش يصادفون عنتا في متابعتك لذلك المابعرف معنى كلمة يكلمنى ... رغم ان جبريلا ماقصر في ايراد بعض الترجمات
حبوبة نفيسييي ... ابلغ ما قال عنها منصور "شبه ناس كتار" والله يا طارق اول ماشفت الصورة حسيت بي حنين كدة وطمأنية لاتفسر المحنة كلها الله بيعلم.
Quote: الى صديقي الكوتش الجميل.. الذي لم يبلغ منتصف العمر بعد... و لكم جميعا...
يا حبيب :سلام وشوق
والله حاجات نص العمر دى القاعدة تجينا كان قلناها ليك إلا تقوم جارى
والله تعصلج تقول إلا ألبس الجاكت الأزرق.
Quote: بعدين خذ خبر الأبحاث الأمريكية هذا أكدت هذه الأبحاث أن تناول جزرتين يوميا: يساعد على مكافحة الكوليسترول وتخفيض كميته بنسبة 20% من جسم الإنسان حيث ثبت أنه يوجد في الجزر مادة إسمها ( بكتات الكالسيوم) تساعد على مكافحة الوليسترول
سلام يا أبو عمر
يعنى قطرة صباح وقطرة مسا؟
Quote: يا طرووق بت بغداد باين عليها كانت مسيــكينة
انت ساكت شايل حلا ...
يا رشا والله بعد ده الا تركب مع الطيب ود قرنين عشان تنسى الهموم و تنبسط
ميييين ؟؟ حسن مساخة؟؟؟
Quote: ازيكم ... ومشتاغوووون .... هذا على سبيل القطارة ويا سلام على السياحة الراقية يا طارق يديك العافية انا غايتو عادت بي الايام الى سنوات خلت دائما احلم بها ... فانا ابن تلك البيئة ... ولدت وترعرت فيها الى ان بلغت من العمر 10 او اكثر "وتمدنت" بعدها الا انى افتقدها الى الآن .. عادت بي الايام الي تلك الربوع وغايتو اظن "حناكيش" الحوش يصادفون عنتا في متابعتك لذلك المابعرف معنى كلمة يكلمنى ... رغم ان جبريلا ماقصر في ايراد بعض الترجمات
حبوبة نفيسييي ... ابلغ ما قال عنها منصور "شبه ناس كتار" والله يا طارق اول ماشفت الصورة حسيت بي حنين كدة وطمأنية لاتفسر المحنة كلها الله بيعلم.
ومازال الرجل (مهجوماً)...
إزيّك يا جُلّة.
Quote: صباح الخير يا حلوين والله يا شباب نفيسي دي انا حضرت معاها جنس حكاوي غايتو بس اعملوا ساتر من الحصحاص
والله من يومك ملعون ...
أها بدأ يدردق فيكم ..
أنا حذّرتكم...
( الحصحاص كال حماد).
Post: #614 Title: Re: ناس الزقازيق ... أجدع ناس (5) Author: أحمد إسماعيل Date: 11-21-2012, 03:59 PM Parent: #613
وعليكم السلام يا سمح القطرة بقت مطرة غزيرة فيها برَد
كانت حبوبتي تعتني بنا كثيرا منذ أن نصل إلى شبا... كانت تحنو علينا ربما بصورة مبالغ فيها.. كأننا لن نعود مرة أخرى.. حتى أنني كنت أخشى لحظة فراقها وأنا أغادر شبا.. كنت أتجنب تلك اللحظة ما حييت.. لكن لا مفر... لا مفر مطلقا.. فالدموع والنحيب ذلك اليوم كانا يغرقان شبا في الأحزان.. **** بعد أن نستمتع بـ«اللبيني المقننة» و«القرقوش» من «تُكُل» خالتي نورا نكون على استعداد تام لانتظار تعليماتها بالخروج من البيت وبداية «المتعة» في أن «نندلى لاااااااااتحت».. هناك حيث ندمائها: عوض السيد كنيش، احمد ود جبارة، احمد نعمان، غفور، جادين ود صافيات وصافيات.. فما أن تتوكأ عصاها وتنادي: يا طارق.. يا المبروك.. اندلاااكم لااااتحت.. ألا ونكون جاهزين لمتعة الصباح اليومية هذه.. كنا نمر أمام بيت «بت الشام» فتدفع حبوبتي باب بيتها لتسلم عليها: - بت الشام كيفن أصبحتي.. طيبي.. - أهلا يا نفيسي.. أدخلي.. وحلاتو دة ود جبرين - أيي دة طارق ولدي - الرسول فيك تدخلي خليهو يشربلو شاي معاي - دابن شربوهوا ودعناك الله مندلين لااااتحت عند «نيمة ود جبارة» - الرسول فيكي أن ما دخلتو - الرسول اليغمتك آآآبدخل لا تخصميني - هههههههه طيب خلي ود جبرين اليدخل - ود جبرين آآآآبيختاني.. يقوم واحد من البُطان ولاد الهرمة ديل يضربوا بي شي - هو في شافعا بيقدر يهبشلو وليد هول بت بغداد ههههههه - كدي اليهبشو زول إن ما بقيت طهرتو من أول جديد - هههههههههه الله يعدل ختوتك لامن تجيبي لينا يوم - سمح ودعتك الله.. - في مان الله كنا نزور كل البيوت التي في طريقنا إلى نيمة ود جبارة ونسلم على أصحابها.. كانت هذه طريقة حبوبتي في تفقد القرية وأهلها.. ما بين بيت بت الشام وفاطمة بت الخضر ود كنيش وعبد الرحيم محمد عمر ومكاوي محمد أحمد وحواء بت الخضر ود كنيش وفتح ود بلولة وعوض السيد كنيش.. ما بين كل تلك البيوت كنا نقضي أكثر من ساعتين قبل أن نصل إلى «نيمة ود جبارة».. لكن بيت عمتي فاطمة بت الخضر كان يستحوذ على معظم الوقت.. ما أن تراني إلا وتحضنني وتبكي: حلات طرووووق ود جبريرين حلات ود أخوي الزين.. كانت امرأة مليئة بـ«حنية» أهلنا ودموعها تسبق كلماتها.. *** حين نصل الشارع الذي يفصل بيوت القرية عن غابات النخيل نكون قد أدينا التحية لكل أهل القرية.. ما أن نظهر أمام نيمة ود جبارة حتى يصيح ندمائها: المرة القاهري... بت البغاديد.. ثم ترد هي عليهم: هو في زولا قاهر متلكم إنتو.. الله لا كسبكم.. ثم تُخرج «ريال» من «محفضتها» وتلتفت إلي: يا طارق أمشي دكان «العوضابي» جيبلي سيجارة وأملالي حقتي دي صعوط قول لـ«النقر» يسويلك الصعوط السمح ما يغشك أنا عارفاهو ود الهرمة دة.. واشتريلك حلاوة انت والمبروك.. نتركها كي تتوسط أصحابها ونسرع لنحضر لها ما تريد.. غالبا ما كنا نجدهم عند عودتنا يضحكون حتى تدمع عيونهم من حديثها.. في أحد المرات وجدناها مسرعة إلى بيت جدي أحمد ود بغداد.. وهناك أصوات بكاء وصراخ هنا وهناك.. حين وصلنا وجدنا جدي يتلوى من الألم ويحيط به رجال القرية.. لم تُعر اهتماما لأحد وسألته: يِحمد أخوي الصايدك شنو كانت ترجف وتتصبب عرقا.. - ردت عليها زوجته: كان قاعد يصلي ولدغته عقرب - إن شاء الله يصلوا عليك.. إنت جنسنا دة وين قاعد يصلي.. الله لا كسبك ان كان داير تكتلني.. ههههههههههههههههههههه ضحك المسكين وهو يتألم وضحكت القرية كلها لحديثها.. هكذا كانت «بت بغداد» لها في كل يوم طرفة حتى أصبحت ذات صيت هنا..
Post: #616 Title: Re: ناس الزقازيق ... أجدع ناس (5) Author: محمد صديق Date: 11-22-2012, 05:56 AM Parent: #615
سلامات يا ناس
وصباحكم خير
Quote: إنت جنسنا دة وين قاعد يصلي.. الله لا كسبك ان كان داير تكتلني..
قول واحد...
جاييكم قطرة قطرة.
Post: #617 Title: Re: ناس الزقازيق ... أجدع ناس (5) Author: أحمد إسماعيل Date: 11-22-2012, 09:08 AM Parent: #616
الثعلب او إبن آوى ولطرافة قصصه نطلق عليه إسم (برنو أبو حليمة)
إذا إشتدّ به الجوع يستلقي على ظهره ويحتبس نفسه داخل بدنه ، حتى ينتفخ فيظن الطير أنه ميت ، فيقع عليه ، فيثب برنو أبوحليمة على الطير ويأكله. ÷÷÷÷÷÷÷÷÷÷÷÷÷÷÷÷÷÷ إبن آوى له حكمة يعلمها لابنائه وهي ( إذا وجدت أثر أبو رجيلتين أجري من غير ما تلتفت مبتعدا عن ذلك المكان ) وأيضا من عاداته إذا وصل أي مكان لازم يستكشفه تماما حتى يطمئن ثم يستقر فيه حس أمني يا جنابو
Post: #618 Title: Re: ناس الزقازيق ... أجدع ناس (5) Author: محمد عيد Date: 11-22-2012, 11:46 PM Parent: #617
سعيد بعودة البوست الى حالته الطبيعية... و كذلك عودة الكوتش الى حالته الطبيعية.... و عودة جلال و محمد عيد الى رحاب البوست.... و صمود أحمد اسماعيل و استمرارة على حالته الطبيعية...
Quote: يا رشا والله بعد ده الا تركب مع الطيب ود قرنين عشان تنسى الهموم و تنبسط
ما يحتاج يا ديدو.... القصة ما هموم و لا حاجه.... مجرد أزمة منتصف العمر...
Quote: والله حاجات نص العمر دى القاعدة تجينا كان قلناها ليك إلا تقوم جارى
والله تعصلج تقول إلا ألبس الجاكت الأزرق
كدي جربني..شوفني حأقوم جاري و لا لا.... أنا اتعديت مرحلة العصلجة لمرحلة اللياقة...
Quote: يا طارق أمشي دكان «العوضابي» جيبلي سيجارة وأملالي حقتي دي صعوط قول لـ«النقر» يسويلك الصعوط السمح ما يغشك أنا عارفاهو ود الهرمة دة.. واشتريلك حلاوة انت والمبروك
المفروض انك تكون حسه حقتك علبة نيفيا كبيييرة.... أي زول كان بيرسلوهو للصعوط مصيرو يسف في الآخر...
Quote: وأيضا من عاداته إذا وصل أي مكان لازم يستكشفه تماما حتى يطمئن ثم يستقر فيه حس أمني يا جنابو
شكرا يا أبو عمر على المعلومات.... بمناسبة الحس الأمني ده... تقريبا كل الحيوانات تملك الحس الأمني... و تطور حسها الأمني مع زيادة المهددات... خاصة من بني البشر...
كل عام و انت بخير يا فارح.... عمر مديد مع موفور الصحة و العافية....
Post: #621 Title: Re: ناس الزقازيق ... أجدع ناس (5) Author: ميسرة سيد أحمد Date: 11-24-2012, 08:20 AM Parent: #618
صباح الخير ،،، يا وجوه الخير
أصبحنا وأصبح الملك لله وحده
نتمنى لكم صياماً طيباً مبارك
يوم عاشورا حين نجى الله سيدنا موسى عليه السلام -------------------------------------------
الجميل السادة جمال فارح كل سنة وأنت بألف خير
وعافيه وعقبال مائة شمعة تضئ حياتك وتنور بيتك
Post: #622 Title: Re: ناس الزقازيق ... أجدع ناس (5) Author: منصور عبد الرازق Date: 11-24-2012, 09:35 AM Parent: #621
صورة نفيسى بت البغاديد , اسعدتنى ننتظر المزيد من الصور بالحروف , وبالكاميرا يا طروقى داير اقول ليك كلام , حاسى انو حاتم جبارة عاوز يقولوا ليك بس هو ما فيش يا ربى باسويرده مالو ؟؟
هو جمال فارح ده منو ؟؟؟
* جلال عدييييل كده
* قضيت لى 23 ساعة فى بلدنا سورى فى الشمالية العيد الفات ده شفتا فيها بت البغاديد , جنس شوف !!!
*ازمة منتصف العمر براااااااااااااااااااااااااااااااااااااااااااك ما قلت ليك ----- طريق قاسى وصعيب من اولو ما رضيت كلامنا وجيت براك ارضى العذاب اتحملو
* الرملة دى ما زهجتنا ووجعت رجلينا حصحاصكم ده وينو ؟؟؟؟!!!
Follow instructions and wait a few days ! ! This year, December has 5 Saturdays, 5 Sundays and 5 Mondays. This only happens once every 824 years.
The Chinese call it the Money Bag. Send this to all your friends and enemies as well. According to the legend, you will receive money in 4 days. According to Feng Shui, if you do not send it you will stay poor.
I in particular will not let this opportunity pass by. So I send it to you with my best wishes. (Just in case it is true !!!!!!!)
دى رسلها لى الزقازيقى العتيق والصديق اسامة صديق مدثر , رحم الله والده صاحب ضنين الوعد التى صبغها الشادى كمال بصبغة زقازيقية حانية اها , رايكم شنو علما بأن حساباتكم البنكية , تحت المراقبة اللصيقة لمدة اربعة ايام جايات الما بدينى حقى , ان شاء الله ما ينفعوا
Quote: اها , رايكم شنو علما بأن حساباتكم البنكية , تحت المراقبة اللصيقة لمدة اربعة ايام جايات الما بدينى حقى , ان شاء الله ما ينفعوا
أول أنت أدينا حقّنا.
Post: #625 Title: Re: ناس الزقازيق ... أجدع ناس (5) Author: أحمد إسماعيل Date: 11-25-2012, 08:39 AM Parent: #624
الرشيد شكرا على الصمود والتصدي هذا من دأبكم الأخ فارح كل عام وأنت بألف خير
يقال أنّ عدد البلدان شمال خط الإستواء ثلاثة ونصف أضعاف البلدان جنوب خط الإستواء
مساحة الصحاري تمثل 36% من مساحة اليابسة
بناء قناة السويس إستغرق 10 سنوات (1859 - 1869)
البحر الميت ينخفض عن سطح البحر420 م ، هو بحيرة طولها (45) ميلا وعرضها10 أميال ، وعمقها (1300) م تحت سطح لبحر ، أقل منطقة إنخفاض على سطح الأرض
Post: #626 Title: Re: ناس الزقازيق ... أجدع ناس (5) Author: منصور عبد الرازق Date: 11-25-2012, 09:00 AM Parent: #625
عاوز حقك ؟؟؟ تزوج ووضع فى احلامه امرأه بيضاء تسر الناظرين.. ولكن عندما تزوج وكشف عن وجهها فهو لم يراها من قبل ووجدها سوداء وليست جميلة فهجرها فى ليلة الزفاف.. واستمر الهجران بعد ذلك فلما استشعرت زوجته ذلك.. ذهبت اليه وقالت يا مالك "لعل الخير يكمن فى الشر".. فدخل بها واتم زواجه ولكن استمر فى قلبه ذلك الشعور بعدم رضاه عن شكلها فهجرها مرة ثانيه..ولكن هذه المرة هجرها عشرين عاما ولم يدرى ان امراته حملت منه.. وبعد عشرين عاما رجع الى المدينه حيث يوجد بيته.. وارد ان يصلى فدخل المسجد فسمع امام يلقى درس.. فجلس فسمع فأعجب وانبهر به.. فسأل عن اسمه فقالوا هو الامام انس فقال ابن من هو؟ فقالوا ابن رجل هجر المدينة من عشرين عاما اسمه مالك.. فذهب اليه .. وقال له سوف اذهب معك الى منزلك.. ولكنى سأقف امام الباب.. وقل لإمك رجل امام البيت يقول لك.. "لعل الخير يكمن فى الشر" فلما ذهب وقال لإمه.. قالت اسرع وافتح الباب انه والدك اتى بعد غياب! لم تقل له انه هجرنا وذهب لم تذكر اباه طول غيابه بالسوء فكان اللقاء حاراً وكان ابنه هو أنس بن مالك رضي الله عنه.. خادم رسولنا الكريم صلى الله ؏ــليه واله وسلم.. وراوي احاديث الرسول الصحيحة.. وكان يفخر بذلك شكرا لك يا أم أنس على الدرس الجميل: لعل الخير يكمن في الشر
* طيب هاك
Post: #627 Title: Re: ناس الزقازيق ... أجدع ناس (5) Author: ميسرة سيد أحمد Date: 11-25-2012, 02:50 PM Parent: #626
شكرا لك يا أم أنس على الدرس الجميل: لعل الخير يكمن في الشر
سبحان الله العظيم كيف تكون النسوه في ذلك الزمن وما الذي بدل الناس وغير الإطباع ،،،
هذه القصة عظيمة وبليغة ودرس لخلق الله أجمعين لعل الخير يكمن في الشر (تعبير لا يقل روعة عن القصة نفسها)
=================================================== بالإنابة عن ياسر نجيلة:
مسطول قاعد في بيت واحد صاحبو بعد انتهي موضوعهم المسطول طالع ماشي على بيتهم المطره صبت صاحبوا قال ليه خلاص بيت معاي الليله... المسطول وافق صاحبوا دخل المطبخ يظبط العشاء لمن طلع من المطبخ لقى المسطول هدوموا كلها مبللة مويه ومليان طين قال ليه خير الحصل شنو المسطول قال ليه ماف حاجه بس مشيت جبتي فرشة اسناني
هسع نكتة الريس ميسرة دي ... مابنطبق عليها مثل منص ده ... ...
============================ ياجماعو ناس اديس رجعو السودان ولا لسة ...
Post: #629 Title: Re: ناس الزقازيق ... أجدع ناس (5) Author: أحمد إسماعيل Date: 11-26-2012, 06:54 AM Parent: #628
صباح النور وصباح الخير تهدينا الحياة اناسا كاللؤلؤ ببياضه ونقاوته فيارب أحفظهم لي حيث مارحلوا وحلوا وكانوا
جسم الإنسان يبدأ بالإنكماش بدلا من النمو ، عند بلوغ سن الأربعين
ضوء الشمس لا يتخلل مياهـ البحر أكثر من 400م
الدموع تحتوي على مواد كيميائي مسكنة للألم ، يفرزها المخ عندما يبكي الإنسان
القدماء كانوا يعتقدون أن هناك عصبا صغيرا يصل بين الإصبع المسماة بالبنصر في اليد اليسرى ، وبين القلب ، وهذا العصب مسئول عن الحالة الشعورية ، لذلك كان وما زال خاتم الزواج يوضع في هذا الإصبع
Post: #630 Title: Re: ناس الزقازيق ... أجدع ناس (5) Author: أحمد إسماعيل Date: 11-26-2012, 07:51 AM Parent: #629
Quote: تزوج ووضع فى احلامه امرأه بيضاء تسر الناظرين.. ولكن عندما تزوج وكشف عن وجهها فهو لم يراها من قبل ووجدها سوداء وليست جميلة فهجرها فى ليلة الزفاف.. واستمر الهجران بعد ذلك فلما استشعرت زوجته ذلك.. ذهبت اليه وقالت يا مالك "لعل الخير يكمن فى الشر"..
يعني نحن السود كريهين وشرانيين إلى هذه الدرجة لذلك المفوض تكون قالت (لعل الخير يكمن في السواد ) كدة ممكن تتبلع يقال لون الحداد في الصين هو اللون الأبيض ، فإياك ان تقول لصديقك الصيني ( نهارك أبيض )
Post: #631 Title: Re: ناس الزقازيق ... أجدع ناس (5) Author: عمر نملة Date: 11-26-2012, 08:07 AM Parent: #630
قبل إكتشاف التخدير الكلي بالعقاقير ، كان الجراحون يضطرون إلى ضرب المريض بأداة صلبة على مؤخرة رأسه ، كي يفقد الوعي إلى أن ينتهوا من إجراء العملية الجراحية
Post: #637 Title: Re: ناس الزقازيق ... أجدع ناس (5) Author: أحمد إسماعيل Date: 11-26-2012, 04:36 PM Parent: #636
Quote: بو الطيب .. خلصتو الشكولاتة .... قبلتو على العسل ...
بمناسبة العسل يقال أن تسمية (شهر العسل) إنطلقت من رومانيا حيث كانت العادة بأن يشرب العروسان العسل ممزوجا بالماء عند الزواج ولمدة شهر كامل ، ثم إمتدت هذه العادة إلى أنحاء العالم وهكذا صار يطلق على أول شهر من عمر الزواج ( شهر العسل)
عند نيمة ود جبارة يمكنك أن تجد جميع أخبار القرية.. هنا يلتقي جميع من في القرية إما نزولا «لاااااتحت» أو طلوعا «لااافوووق».. من أراد ابتسامة عابرة أو معلومة عن أسعار «التمر» أو القمح أو حتى الزواج يمكن أن يجد ضالته هناك.. هؤلاء «الشيوخ» يتودد الجميع إلى مجلسهم هذا.. وهم على أية حال لا يكترثون كثيرا لأمر من يأتون أو يذهبون.. بقدر ما يعنيهم غياب أحدهم عن «النيمة».. ما أن يغيب أحدهم إلا ويرسلون في طلبه متمنين أن لا يكون مريضا أو لدغته عقرب أو ثعبان أو أصابه مكروه ما.. - عوض السيد: دحين آآآنفيسي قالولي البارح كنتي مكاتلي غفير الجدول.. هكذا دائما ما يستفزها عوض السيد لكي تبدأ حكاويها التي لا تنتهي.. - نفيسي: أييي (الـ...طـي) ود (الـ...طـي) كيفن آآآبكاتلو.. - ود جبارة: ههههههه سوالك شنو الخرابة دة - نفيسي: اندليت لااااتحت وماسكي طارق ود جبرين ولدي من يدو قلتلو النمشي نشوف عمك الطيب سقى برسيمو ولا لليلي.. - صافيات: نان انت الطيب براهو آآبيعرف يسقي برسيمو لامن تمشي تكاتلي الخرابة دة.. - نفيسي: الطيب مسيكين وغشيم آآآبيقدر علي (الـ...طـي) دة - غفور: ههههههههههههههه نان آآآخالتي انت أكنك دايري تسوي شنو.. - نفيسي: كيفنك آآآبسوي شي - عوض السيد: اها شن سويتي يا القاهري ههههههه - نفيسي: مشيت يا ود كنيش لقيتلك الطيب قاعد ممحن جنب «الكُلماي*» وقلتلو: الطيب مالك قاعد مقهي كدي علي الماكلو أمانة... مالك ما سقيت برسيمك - قالي: يمة حماني الخرابة أليل الجدول قالي لليلي دورك ما جاء - نفيسي: كيفن ما جاء دورك وبرسيمك ضَبلَن والويكي قربت تصُوفن - الطيب: جاء لقاني أعافر في «اللبقة» ونهرني وقالي لليلي لامن أقولك.. - نفيسي: وإنت سكتلو الراجل «الدِلِق» دة.. - الطيب: نان أسويلي شنو يمة أكاتلو فشان تاني ما يخليني أسقي.. - ود جبارة: واااااضيقو عاد ههههههههههه - نفيسي: وحاتك يا ود جبارة قلت لي طارق أدني الطوريي دي وقلت كدي كففففففففففف فتحت «اللبقة» وقلتلو أسقي يا الطيب وإن جاء خلني أنا بنضم معاهو الله لا كسبو.. - صافيات: هههههههه ماكي مرة شي - أها يا الحبيبن انا ماسكي «الكُشر» وقاعدي جمب ولد ولدي يلعب في الجدول وعمه يسقي في حيضانه إن كان جاء الخرابة دة.. - ود جبارة: شن سويتي - نفيسي: جاء يكورك للطيب... قلتلو الطيب خلو مالك تمَرِق في حُسوسَك ديل - غفير الجدول: أنا ما قلتلو ما يسقي كيفن يفتح الموية - أنا الفتحتها عندك كلام - غفير الجدول: كيفن تفتحيها يا بت بغداد بلا إذني - نفيسي: تراني فتحتها شن داير تسوي - غفير الجدول: بسدها وتاني آآبيسقي - نفيسي: وحات نضري تكتر تقلل علي أس###### أقولهم غفير الجن دة يجرجر في توبي.. - غفير الجدول:نفيسي باقيلي جنيتي.. - نفيسي: جملة الإيمان ما تسحف من فوقي علي (أ.....ـك) أمك بالكُشر دة.. - ود جبارة: هههههههههههههههههههههه ماكي نصيحي شي اها - نفيسي: وحاتك يا ود جبارة ختة جلابيتو في خشمو وقام جري - غفور: آآآآبيقدر عليك آآآخالتي هههههههههههههههه - نفيسي: ود (الـ......فة) قايلني دايري أخاف من - عوض السيد: ههههههههههههههههه آآآبيجي يجي تاني بي هني ضحكوا كعادتهم.. عوض السيد يضع يديه على وجهه ويضحك ود جبارة مسك «طاقيته» وهو يعض عليها ويضحك.. وصابرات تبكي وتضحك وتضع يدها على مستوى «محسنها»... وغفور يتلوى من الضحك في «العنقريب».. - نفيسي: هوي الله لا كسبكم أنا مندلي لاااااتحت - غفور: وين ماشي آآآخالتي - نفيسي: ماشي آكلي تُورمة مع ولدي الطيب لاااتحت.. ودعناكم الله.. ...............
================== خدمة لله ... لو فيكم واحد عاوز يستفسر عن كلمة من الكلمات ... ذات الحروف الناقصة أو كلمة مشلخة ... يتصل او يكلم الكوتش في الخاص ... فانه يمتلك النسخة الكاملة الأصلية ... صورة وصوت ...
Post: #640 Title: Re: ناس الزقازيق ... أجدع ناس (5) Author: عمر نملة Date: 11-27-2012, 05:59 AM Parent: #639
صباح الشكولاتع بالعسل ابوعمار ماتنوم باالشكو حليب رسل للرشيد حقه وكمان لو في طريقه لناس السعوديه وقطر والبحرييييييييييين. قالوا البتشكلت براه بجلبط
Post: #641 Title: Re: ناس الزقازيق ... أجدع ناس (5) Author: محمد صديق Date: 11-27-2012, 08:46 AM Parent: #640
سلامات يا ناس
وصباحات التفاؤل
Quote: خدمة لله ... لو فيكم واحد عاوز يستفسر عن كلمة من الكلمات ... ذات الحروف الناقصة أو كلمة مشلخة ... يتصل او يكلم الكوتش في الخاص ... فانه يمتلك النسخة الكاملة الأصلية ... صورة وصوت ...
برضو عليك الله كلّمهم الداير يسقى حوضو يسجّل عندك.
Post: #642 Title: Re: ناس الزقازيق ... أجدع ناس (5) Author: عبد الدائم سيد أحمد Date: 11-27-2012, 09:24 AM Parent: #641
حلووووة يا كوتش نجلية ده داير ليهو زول يسكتو كان داير بت بغداد
يا ابو عمر عندنا حبوبتنا زمان قالت من الله خلقنى ما مشيت شهر العسل
واضيف ليك تلاتة حاجات ما بعرف البسهم الساعة و الخاتم و الطاقية خاتم الزواج لبستو بعد العرس كم يوم ووقع منى فى ( شهر العسل ) ليوم الليلة ما لبست لى خاتم فى يدى
انتا يا كوتش ما تدى فرصة للريس معتصم يدخل معاك بطل حركات الجيش دى
Quote: اصبحنا واصبح الملك لله اها نواصل حكاوي بت بغداد ولا الفهم شنو
كيف ما تواصل...الناس ديل رايحة ليهم حصحاصة.
Post: #646 Title: Re: ناس الزقازيق ... أجدع ناس (5) Author: أحمد إسماعيل Date: 11-27-2012, 04:22 PM Parent: #645
Quote: يا ابو عمر عندنا حبوبتنا زمان قالت من الله خلقنى ما مشيت شهر العسل
يا النضيف يقال أن البارونة (بوردت كوتس) وهي في التسعين من عمرها سُئلت : متى تتوقف المرأة عن الحب ؟؟؟؟؟؟؟؟؟؟ فأجابت : أسألوا من هم أكبر مني سناً ويا نجيلة العضوان الوحيدان في جسم الإنسان اللذان لا يتوقفان عن النمو طوال الحياة هما الأنف والأذنان .
Post: #651 Title: Re: ناس الزقازيق ... أجدع ناس (5) Author: منصور عبد الرازق Date: 11-28-2012, 11:41 AM Parent: #650
قال الفيسبوك
* حاتم جبارة فى السودان , ولسه ما لاقى عربية ايجار * الأغنية الفوق دى زاااتا من اخبار الفيس بوك * الفاتح على بشير الشهير بابو التيمان , قاعد يجيب ليهو جنيس اغانى * ومعاهو قيس جمال الدين كمان * كمال الشادى لا فى البوست , ولا فى الفيس , ولا بيرد على التلفون هسى ده نلقاهو وين عليكم الله * زهير الزناتى فى النفاج دوت كوم * محمد عيد ظابط الالارم حقو على اعياد الميلاد ما دام مافيش , معناتا مافى زول عنده عيد ميلاد قريب يعنى التقصير من عندكم , هو يعمل ليكم اعياد ميلاد من راسو يعنى ولا شنو ؟؟؟!!! * ابو عمر احمد اسماعيل , نجم الصفحتين الاخرتين بدون منازع الا طارق جبريل وحبوبتو * الداير يعرف طارق جبرين حردان وش الكتاب لى شنو ؟؟ ما يسالنى انا * انتو مش كان فى واحد معانا اسمه موسى عيسى ؟؟؟ * والداير يسأل من جلا منو كان غاب ولا ما غاب !!!! * انتو اديس دى برضو فيها ميدان الربيع ؟؟؟؟ * بقينا نجمع القطرات عشان نعمل بيها مطرة , ان شاء الله صناعية * انتو صحى الليلة هلال مريخ ؟؟؟؟ * لو قلبتوا الصفحة دى بسرعة , ما تنسوا تشيلو معاكم حبوبة طارق , ودلال صالح الضى * حبوبة طارق قالت للسقا , تكتر تقلل بقول للناس الزول ده قاعد يجرجر فى توبى !!! لمن امرأة العزيز قالت كده لى سيدنا يوسف , وجوا بعد داك النساوين حشوا اصابعهم با السكاكين ربنا ظهر ليهم الحقيقة لامن امراة العزيز برااااها قالت الآن حصحص الحق !!!! يعنى قصة الحصحاص فى الحاجات دى يا كوتش , باين عليها من زماااااااااااااااااااااااااااااااااااااان * جد جد مستمتع يا طارق بس يمين قاعد اضطر ارجع للصفحة الورا عشان الصورة بس الترترة القدر دى , ما بقدر عليها طوالى , قصر علينا مشوار الترترة اذا بتريد وخلى صالح الضى ده , باكقراوند عليك الله * الرشيد بابكر وين ؟؟؟
ـــــــــــــــــــــــــــــــــــــــــــــ قبل كدة قلت ليكم في نبات إكتشفوهو في السودان بعالج أكثر من 200 مرض هذا النبات هو المورنقا - الآن عاملين ليهو دعاية في قناة النيل بعد أن إجتهد الصينيون في هذا النبات وجهزوهو في علبة بالخيط زي الشاي
منو القال ليك ...احب كسلا واديس وجويده قال اذا كنت اهرب منك واليك فقولى اين المفر والزقازيق والزقايقاب قدرنا واهلنا وملاذنا الامن بل اصبحت ضمن هويتنا فكل منا يفتخر بانه سودانى من قبيلة الزقازيقاب شكرا ابو سيداحمد وللريس ميسره شكرا على السؤال ومجتمعين على الخير وفى خير دائما
Post: #657 Title: Re: ناس الزقازيق ... أجدع ناس (5) Author: عمر نملة Date: 11-30-2012, 06:51 AM Parent: #656
لا اله الا انت سبحانك اني كنت من الظالمين
فضل من قال:( لااله الا انت سبحانك اني كنت من الظالمين) عن سعد بن أبي وقاص رضي الله عنه عن النبي عليه الصلاة والسلام قال" دعوة ذي النون إذ هو في بطن الحوت ( لا إله إلا أنت سبحانك إني كنت من الظالمين ) لم يدع بها مسلم ربه في شيء قط إلا استجاب له"
وأخرج ابن جرير عن سعد رضي الله عنه سمعت رسول الله صلى الله عليه وسلم يقول: " اسم الله الذي إذا دعي به أجاب وإذا سئل به أعطي دعوة يونس بن متى"، قلت : يارسول الله هي ليونس أندعوا بها؟ قال: " ألم تسمع قول الله ( وكذلك ننجي المؤمنين) فهو شرط من الله لمن دعاه"
اسأل الله العلي العظيم ان يفرج هم كل مكروب
لا اله الا انت سبحانك اني كنت من الظالمين
Post: #658 Title: Re: ناس الزقازيق ... أجدع ناس (5) Author: محمد صديق Date: 12-01-2012, 07:12 AM Parent: #657
سلامات يا ناس
وصباحات التفاؤل.
يوم 28 : 8 مداخلات .
يوم 29 : مداخلة وحيدة
يوم 30 : مداخلة واحدة برضو.
مِنُو الجاب القطّارة؟؟!!
Post: #659 Title: Re: ناس الزقازيق ... أجدع ناس (5) Author: محمد صديق Date: 12-01-2012, 07:21 AM Parent: #658
المشكلة ما في الجهاز..المشكلة يبدو انها في حسابي هنا... المهم المياه رجعت لي مجاريها و رجعنالكم رجوع القمره لي وطن القماري.... و بمناسبة رجوع المياه لي مجاريها دي اليومين ديل ممطورين و مربوعين... مربوعين دي من ربيع فرغم ان الجو رهيييب و يساعد على جموح الخيال... لكن وحات نضري ما لقيت لي تصريف لي ربيع غير مربوعين... مطر نازل و شمس مغيمة و جو رهيب... يعني في الوقت الذي يشل فيه الجليد حركة الناس في أوروبا و أمريكا... و الأمطار و الحر و الرطوبة في آسيا... و السقط البيشقق الرجلين في السودان... هنا جو رومانسي يرجعك لأيام الجكس الأولى.... و يخليك بي سبب و من غير سبب تكتب ليك قصيدة...
انت مالك يا جبريلا وقفت... نحن السنافورات فاتحنهم لحدي ما تصل آخر محطه... يعني القشة ما تعتر ليك... سوق ساااااكت لحدي ما تصل اجازتك الأخير في السودان... و ما تستعجل (النبي في ايدك) كان تقيف....
رشا يا حبيب كيفنك ياخي نعلك طيب بنجي دافرين يا الحبيب بس شوية مشاغل
Post: #663 Title: Re: ناس الزقازيق ... أجدع ناس (5) Author: ميسرة سيد أحمد Date: 12-01-2012, 03:18 PM Parent: #662
مساء الخير ،،، يا وجوه الخير
اللهم أحفظها نعمه وأدمها من الزوال
هي نعمة هذا البوست الكبير العظيم الذي جمعنا وجمع قلوبنا وزاد ترابطنا وتعاضدنا وجمع شملنا بعد أن تشتت بنا السبل وبعثرتنا سبل الحياه في هذا الدينا الواسعة ،،، ونحن نمن على أخونا الكبير عصام دهب الدهب وهو صاحب هذا البوست وهذا الحوش ونذكر أيضاً الزقازيقاب أصحاب الفكرة التي راعاها آخونا عصام دهب .
اليوم هو أول ديسمبر ونهاية هذا الشهر سوف يتم أرشفة هذا البوست وقد طلب منى الأخ/ عصام سابقاً بأن أرعى هذا البوست والفكرة أن يكون التداول هو مبدأ يسود بيننا وقد مضىت علينا سنتان نطلب بإقامة الجمعية العمومية ومناقشة خطاب الدورة
ونطالب الزمللاء بالترشيحات وأسمحوا لي بأن أرشح من جانبي هؤلاء النشطاء : - زهير الزناتي - محمد عيد - عبدالدائم النضيف - الرشيد بابكر ونعتذر لناس السودان لظروف الحظر
يمكن للأخوة إضافة ترشيحات أخرى
Post: #664 Title: Re: ناس الزقازيق ... أجدع ناس (5) Author: محمد عيد Date: 12-01-2012, 03:44 PM Parent: #663
انا أرشح أبضـــاى البوست وسادومبا الزقازيقاب
الرئيس القادم / الرشيد بابكر سيداحمد
Post: #665 Title: Re: ناس الزقازيق ... أجدع ناس (5) Author: محمد صديق Date: 12-02-2012, 06:28 AM Parent: #664
سلامات يا ناس
وصباحات التفاؤل
الريس ميسرة وين ؟؟؟
دعاء الصباح مفروض يكون فى طابور الصباح .
Post: #666 Title: Re: ناس الزقازيق ... أجدع ناس (5) Author: ميسرة سيد أحمد Date: 12-02-2012, 07:03 AM Parent: #665
صباح الخير ،،، يا وجوه الخير
اللهم اجعلنا ممن يسمعون القول ويتــَّبعوون احسنه يارب العالمين اللهم أجعل عملنا كله خالصا لوجهك اللهم لاتجعلنا ممن ضل سعيهم في الحياة الدنيا وهم يحسبون انهم يحسنون صنعا ً ربنا لا تواخذنا إن نسينا أو أخطأنا ربنا ولا تحمل علينا إصراً كما حملته على الذين من قبلنا ربنا ولا تحمـِّلنا ما لا طاقة لنا به واعفُ عنا واغفر لنا وارحمنا
Post: #667 Title: Re: ناس الزقازيق ... أجدع ناس (5) Author: عبد الدائم سيد أحمد Date: 12-02-2012, 08:10 AM Parent: #666
شكرا" يا ريس على المبادرة والا كان اول جمعة من يناير اعتصمنا فى السفارة ....
حظر سودانيز فى السودان لم يدم طويلا" فعليه انا برشح الريس معتصم جعفر ..... انشاء الله يمشى اديس ما علينا
وكمان منصور عبدالرازق بشرط يكون ساكن المساكن ولا الشبان المسلمين بالكتير
الكوتش قطراتك ما بتأهلك للترشيح ....
طارق جبريل نهى نهى .... لانو الواحد بدل ما يقول ماشى البوست حيقول ماشى الحفرة ....
وين الجندريات صفية مساعد ، سناء الصباغ ، حوفى ، زينب ، ابتهاج و منى يونس زاتــــا ....
،،،،،،
قبل كده نتمنى الناس تعمل مقترحات للمرحلة القادمة
ووو PS
Post: #668 Title: Re: ناس الزقازيق ... أجدع ناس (5) Author: عبد الدائم سيد أحمد Date: 12-02-2012, 08:55 AM Parent: #667
تهانينا القلبية للريس معتصم سلمان جعفر بمناسبة تخريج ابنه الدكتور / سلمان معتصم جعفر من كلية الطب الف الف مبروك يا ريس و عقبال الدكتوراه و عقبال تفرح باخوات سلمان كمان
ونطالب الزمللاء بالترشيحات وأسمحوا لي بأن أرشح من جانبي هؤلاء النشطاء : - زهير الزناتي - محمد عيد - عبدالدائم النضيف - الرشيد بابكر ونعتذر لناس السودان لظروف الحظر
يمكن للأخوة إضافة ترشيحات أخرى سلام تحيه زهيرى الزناتي اخر مره اتداخل في في البوست كان سنة 2011 محمد عيد يغيب ويجينا بعيد ميلاد عبد الدائم مره يقطع الحركه وما يرجع الا بعد تحانيس وشوكلاته الرشيد مافيه كلام مواظب بس الامارات جوها سخن ونفس المنطق ينطبق على ياسر نجيله احمد اسماعيل غيابه طويل بس في حاجه ممكن تكون في صالحه هي انه بجيب اخبار ومعلومات من بيت الكلاوي اما المسكين نمله ماخلى فيديو ولا صور ولا سباق ولا شوكلاته ولا معجنات ولاخبز وبعد كله ولا ترشيح ياخي رشحونا وما تثنوا يعني نظام كشكره وعليه قررالشكو ليكر نملوز الاضراب الي وقت غير مسمى والانضمام موقتا الي موقع ابله نظيره حتى يتم تعويضه المعنوي والمادي واركز على المادي بوزو ولاعذر لمن بنشر
هذه النيمة كانت بمثابة إذاعة داخلية لكل أخبار القرية.. فالقادمون من هنا وهناك للسلام أو لتزجية الوقت كانوا في الواقع مراسلين لأخبار القرية دون علمهم.. ما أن يمهلون «بت بغداد» حتى تتوسط «الجلسة» إلا وتتقاطر الأخبار وتتناسل.. - نفيسي: انتو دحين الدقير ما جاء بي هني (أحمد الريح الشهير بالدقير كان متخصصا في «فَتلْ» الحبال في القرية وكانت له نوادر كثيرة هو وزوجته أم الحسن» - غفور: وين تطيري.. يكون يفتل في حباله -نفيسي: ههههههههههههه قالولي طردوه من مصنع كريمة وأم الحسن شايلو حاله لي الله وخلقه - عوض السيد: ههههههههههههه عاد واااضيقو - ود جبارة ( يضحك وطرف الطاقية بين اسنانه): أييي بتكون نجمتو نجام (تم تعيين الدقير في مصنع كريمة للتعليب كعامل موسمي... وتم صرف ملابس العمال له وجاء بها الى أم الحسن مختالا: أم الحسن شوفتي الدقير لابس «الأبرول» والله بس أفندي..).. نفيسي: ههههههههه قالوا جاء يبرطم من كريمة بعد رفدوهوا من المصنع - صافيات: نعلو مشئ لي أم الحسن بي برطمتو دي هههههههههه - نفيسي: أيي مشى يلعن ويسب في الحيكومة والحرامية الفي كريمة ههههههههههه - عوض السيد: باقيلي كان قايل نفسو دايرين يبقوهوا أفندي بالصح - نفيسي: قالوا وصل عند أم الحسن لقاها تشربلها في شايا احمر الضُهرية وسألتو: الدقير الجابك بدري شنو من شُغلك - الدقير: إيي شغل شنو - أم الحسن: شن سويت لامن طردوك باقي أنا عارفاك وكتين يجيك أليل جدودك - الدقير: قالولي تشتغل ثلاثة شهور في الموسم... اييي كلهم حرامية - ود جبارة: هههههههههه وشن قالتلو الخرابة - نفيسي: قالتو اصلو شيتنا كلو كُتور.. حواء بت الخضر ود كنيش في ضهرنا حوشها مليان بُطان ونحن فِرِد شافع ماهو عندنا.. وهسي كمان وكتين وظفوك وبقيت أفندي قاموا رفدوك.. - عوض السيد: الله ليهو عاد ههههههههههه - نفيسي: أخدتلها صنة وقالتلو: الوظيفى ماها فالك يا الدقير اخير ترجع لى فتل حبالك يا الدقير
Quote: تهانينا القلبية للريس معتصم سلمان جعفر بمناسبة تخريج ابنه الدكتور / سلمان معتصم جعفر من كلية الطب الف الف مبروك يا ريس و عقبال الدكتوراه و عقبال تفرح باخوات سلمان كمان
Quote: اما المسكين نمله ماخلى فيديو ولا صور ولا سباق ولا شوكلاته ولا معجنات ولاخبز وبعد كله ولا ترشيح ياخي رشحونا وما تثنوا يعني نظام كشكره وعليه قررالشكو ليكر نملوز الاضراب الي وقت غير مسمى والانضمام موقتا الي موقع ابله نظيره حتى يتم تعويضه المعنوي والمادي واركز على المادي بوزو ولاعذر لمن بنشر
تستاهل عشان ما رديت التحية.
Post: #675 Title: Re: ناس الزقازيق ... أجدع ناس (5) Author: عمر نملة Date: 12-03-2012, 04:43 AM Parent: #674
سلامات يا ناس
داير أسلِّم على نملوز. تسلم ياجنابو شفت كيف نحنا بتاعين سلام وكويس نلقى دعم عسكري اقول ليك يا ابوعمار الاذن عندك مش في صور الشوكلاته بس كمان صور السباق الخالي من اي رئاسه وزي ماقال واحد مفلس ان شاء الله القيامه تقوم الان عليا وعلى رؤسائي ومبروك للدكتور ابن الريس معتصم ونفخر بكل نجاحات اسرتنا
Post: #676 Title: Re: ناس الزقازيق ... أجدع ناس (5) Author: ميسرة سيد أحمد Date: 12-03-2012, 07:06 AM Parent: #675
صباح الخير ،،، يا وجوه الخير
دعاء الصباح :
اللهم نسألك يا غفور يا رحمن يا رحيم .. أن تفتح لأدعيتنا أبواب الاجابه .. يا من إذا سأله المضطر أجاب .. يا من يقول للشيء كن فيكون ... اللهم لا تردنا خائبين ..
اللهم أغفر لنا وأرحمنا انت خير الراحمين
Post: #677 Title: Re: ناس الزقازيق ... أجدع ناس (5) Author: ميسرة سيد أحمد Date: 12-03-2012, 07:36 AM Parent: #676
اما المسكين نمله ماخلى فيديو ولا صور ولا سباق ولا شوكلاته ولا معجنات ولاخبز وبعد كله ولا ترشيح ياخي رشحونا وما تثنوا يعني نظام كشكره ==============================================================
يا نمله والله خيرك كتير وسابق ويمكن خفنا تكون مشترك في
معسكر أروبي لأداء السباق وأنحنا فكرنا في الكوامر القديمه
لأنها بتكون زي حلاتنا معسلين في الراحة وما فيش أي رياضة
وناس السودان أسأل عنهم الزول بتاع زمان الأسمه محمد آدم النور
الشهير ب .............
يا جماعة نملوز قبل عذرنا وأنحنا بنعيد الترشيحات :
- عمر نمله - الرشيد بابكر - منصور عبدالرازق - زهير الزناتي - محمد عيد - ياسر نجيله - عبدالدايم النضيف يلا يا جماعة التصويت يكون بالأقتراع السري المباشر (تلفونيا) إلى لجنة الإنتخابات (عصام دهب - ميسرة) ========================
التهنئة موصولة لإبننا الدكتور سلمان معتصم وعقبال حصوله على الدكتوراه
الصورة بتاعتي دي يا حماده لو شافها مهند ولدي حيسألني 4200 سؤال... و حيصدق اني صاحب الصورة... أنا ممكن أجاوب على 4199 سؤال منهم بس حيحيرني سؤال واحد... انت يا بابا ما قلت التاتو حرام عامل تاتو ليه....
Quote: اما المسكين نمله ماخلى فيديو ولا صور ولا سباق ولا شوكلاته ولا معجنات ولاخبز وبعد كله ولا ترشيح ياخي رشحونا وما تثنوا يعني نظام كشكره وعليه قررالشكو ليكر نملوز الاضراب الي وقت غير مسمى والانضمام موقتا الي موقع ابله نظيره حتى يتم تعويضه المعنوي والمادي واركز على المادي بوزو ولاعذر لمن بنشر
أشكر الريس على الترشيح و أشكر محمد عيد على التثنية... و لكني أرشح نملوز و أثنيه في نفس الوقت... انت هين و لا مقطوع لين يا أبو الطيب....
جبريلا شكلك كده الكوتش قر عليك... وبقيت تكتب بالقطارة... رغم ان المشهد الأخير ده كان ممكن يكون أربعة صفحات كاملة.... مشهد رائع يا جبريلا....
التهنئة القلبية الصادقة لابننا الدكتور سلمان معتصم سلمان بمناسبة التخرج.... يا فرحنا بفرحة الريس معتصم و فرحة أم سلمان.... ألف مبروك يا ريس و ألف مبروك أم سلمان... نسأل الله أن يمتعكم بالصحة و العافيةو تشهدوا تخرج باقي الأبناء... و زواجهم جميعا و أحفادهم و أحفاد أحفاده ان شاء الله...
Post: #680 Title: Re: ناس الزقازيق ... أجدع ناس (5) Author: ميسرة سيد أحمد Date: 12-03-2012, 08:11 AM Parent: #679
Post: #681 Title: Re: ناس الزقازيق ... أجدع ناس (5) Author: عبد الدائم سيد أحمد Date: 12-03-2012, 09:05 AM Parent: #680
يا نملوز ياخ ما ممكن نطلع من بتاع الخرفان يطلع لينا بتاع الفرن
قالو ابوظبى احسن مدينة فى العالم ممكن العيش فيها فــ شنو خلينا نستمتع باقى عمرنا الفضل ده ...
احمد اسماعيل ما بنفع حكاويهو تخوف الشفع كلها مرفعين وابو حليمو
موسى عيسى ليوم الليلة ما بعرف يرفع الصور
ياسر نجلية ازيك ياااخ تصدق صاحبك عبدالرازق رجع اغترب تانى بعد ما استقر فى السودان قبل 7 سنة تقريبا"
كل سنة وانت طيب يا ود دهب والنبي فيك بالمناسبة دي ما تنسى زولنا داك ظروفه صعبة جدا وكتر خيرك مقدما
Post: #689 Title: Re: ناس الزقازيق ... أجدع ناس (5) Author: أحمد إسماعيل Date: 12-05-2012, 06:41 AM Parent: #688
صباح الخير يا وجوهـ الخير
Quote: احمد اسماعيل ما بنفع حكاويهو تخوف الشفع كلها مرفعين وابو حليم
يا عبد الدائم يا نضيف عليك الله كلامي دة ليه علاقة بالحيوان المذكور فمثلا الثعلب وصفة المكر الفيهو نفصل عليها ، لكن تعال شوف أفلام الكرتون يصورو ليك القنفذ بأنه صونك الشرير وسبارو البطل وتعال شوف ناس شاكر مجننا بكثرة الأسئلة الانحنا ما بنعرفها ولا فاضين ليها وأكيد لمنصور أمثلة
أول دورة ألعاب أولمبية أقيمت عام 1896 في أثينا بإشتراك تسعة دول ، وإحتوت على لعبة واحدة وهي العدو (الركض) ، خبر لابو الطيب عشان المخبز ماينسيهو الحكاية، معلومة اليوم أول من أطلق عبارة World Wide Web على الشبكة الإلكترونية هو (أتيم بيرنرزلي) في سنة 1990م
الأخ الريس معتصم ألف مبروك لتخرج الإبن سلمان وأتمنى له حياة علمية وعملية موفقة
الأخ عصام دهب كل عام وأنت بألف خير
Post: #690 Title: Re: ناس الزقازيق ... أجدع ناس (5) Author: ميسرة سيد أحمد Date: 12-05-2012, 07:20 AM Parent: #689
صباح الخير ،،، يا جوه الخير
دعاء اليوم : اللهم رد المسلمين إلى دينهم رداً جميلا وأجمع كلمتهم وأحقن دماءهم وأهلك الطواغيت وأعوانهم وهيئ لنا حكماً راشداً على منهاج النبوه
==============================
عصام الدهب الرجل الدهب كل عام وأنت والعائلة الكريمة بألف خير وعافيه
وعقبال الشمعة المائة،،،
Post: #691 Title: Re: ناس الزقازيق ... أجدع ناس (5) Author: أحمد إسماعيل Date: 12-05-2012, 04:25 PM Parent: #690
الجنود في الحروب الأهلية الأمريكية القديمة ، كان عندما يعودون من المعارك دون إصابات ، فإنهم يعلقون لافتات مكتوب عليها ( o Killed) وهي تعني القتلى صغر ومن هنا جاء المصطلح o.K ويعني كل شيء تمام
Post: #692 Title: Re: ناس الزقازيق ... أجدع ناس (5) Author: أحمد إسماعيل Date: 12-06-2012, 08:37 AM Parent: #691
وين الطيبين وين راحوا
هذا الدعاء نيابة عن الريس ميسرة لأن الصباح روّح
اللهم يا مسهل الشديد ويا ملين الحديد ويا منجز الوعيد ويا من هو كل يوم في أمر جديد اخرجنا من حلق الضيق إلى أوسع الطريق وبك ندفع ما لا نطيق ولا حولّ ولا قوة إلا بالله العلي العظيم ، يارب ضاقت بنا السبل فمن لنا سواك يفرجها . قال رسول الله (ص) من قالها وعلمها للناس أذهب الله كربه وأطال فرحه
بينما كان ذلك الخيط الرفيع من الضوء يخرج من جهاز البروجيكتور... و يتسع ليسقط على الشاشة البيضاء التي نصبت أمام الطاولة الكبيرة في الغرفة رقم 2... و كان مدير الادارة التي انتمي اليها يسهب في محاضرتنا حول معايير الجودة ... كنت منشغلا بحساب نسبة عدد السودانيين في القاعة.... كنا أربعة سودانيين و أمريكي و انجليزي و هنديان... و جيسي الفلبينية و التي تبلغ نصف طولي و كانت تحضر بصفة مراقب.... عندما رأيتها للمرة الأولى حسبتها ابنة المدير... حتى قدمها لنا و أسهب في مدحها فقلت في سري (يضع سره في أقصر خلقه).... كانوا جميعهم مهندسون مدنيون الا أنا و جيسي... هم ينصبون الأبراج و يرصفون الطرق و نحن نشيع الجمال و نزين الأمكنة.... شعرت و كأنني وردة وسط غابات من الأسمنت المسلح..... كانت نتيجة حسابي اننا كسودانيين نبلغ ما يقرب من 50% من عدد المتواجدين داخل القاعة.... و لكن مساهماتنا في الاجتماع بلغت نسبة تزيد عن ذلك بكثير.... شعرت بالفخر لكوني سوداني و بأنني أنتمي لوطن جاء منه هؤلاء.... كانوا من مناطق مختلفة في السودان..شماله و غربه و وسطه... يتحدثون الانجليزية و كأنها لغتهم الأم و يعبرون بها بسلاسة و بيان.... كان جليا بأنهم يملكون رصيدا ضخما من المعرفة و الخبرة... لم تبلغ نسبتنا ال50% من فراغ بل لأننا كنا جديرون بها... و لكن كثيرمن الناس هنا يستكثرون علينا أن تبلغ نسبتنا في أي تجمع هذا القدر.... لكوننا أتينا من بلد كل الصور التي تأتي منه هي صور الفقر و الجوع والجهل و المرض.... و صراع دموي بين شماله و جنوبه و غربه حتى انفصل بعضه.... و أصبح شكله يشبه مقاتل أصابه لغم أرضي... بينما كان شكله و مكانه بمثابة القلب للقارة السمراء... و ما تبقى منه مهدد بالبتر و التجزء..... و نسبتنا هذه في تلك القاعة هي غيض من فيض... فهذا هو حال السودانيون و ديدنهم في كل بقاع العالم يتقدمون الصفوف و ينالون الجوائز و التكريم..... يعكسون صورة زاهية للسوداني الذكي الطموح الجميل الدواخل.... بينما صورة الوطن تبقى كما هي....
تعرف يا رشا نحن حكايتنا عجيبة جدا كسودانيين قبل شهرين تقريبا المغاربة عملوا برنامج تلفزيوني عن أكثر العرب تأثيرا في الحياة المغربية كنا هنا ثلاثة أشخاص عملوا عننا فقرة تعريفية ولقاء تلفزيوني ومافي واحد فينا كان عارف التاني لحدي ما زاعوا البرنامج - طلحة جبريل - قاسم عثمان (رسام تشكيلي) - العبد الضعيف طارق جبريل تم اختيارنا مع مجموعة أخرى من العرب تعرف لمن شوفتة البرنامج لمن قلت لي بت الشيخ: انت دة أنا سؤالي : ليه نحن برة السودان عطاءنا أكبر؟؟
Post: #696 Title: Re: ناس الزقازيق ... أجدع ناس (5) Author: أحمد إسماعيل Date: 12-06-2012, 04:04 PM Parent: #695
سلام الله ورحمته وجمعة مباركة عليكم الأخوة الرشيد بابكر و طارق جبريل ومحمد صديق
الأم حارسة الحب والحنان يغلب على الأم العاطفة الحانية ولها من الجهود والفضائل ما لا يمكن حصره وهي حارسة حيث لا حرس ، وتملك نياط العاطفة دقها وجلها ، إنها الأم أم الإنسان هي أصله وعماده الذي يتكئ عليه ويرد إليه ، قال تعالى ( والله جعل لكم من انفسكم أزواجا وجعل لكم من أزواجكم بنين وحفدة ) وكون الشيء أصلا وعمادا فهو دليل بارز بجلائه على المكانة وعلو الشأن وقوة المرجعية ، الا ترون أن أم البشر حواء ، وأم الكتاب الفاتحة ، وأم القرى مكة فالحديث عن الأم إذاً يحتل حيزا كبيراً من تفكير الناس قال تعالى : ووصينا الإنسان بوالديه إحسانا حملته أمه كرها ووضعته كرها وحمله وفصاله ثلاثون شهراً حتى إذا بلغ أشده وبلغ أربعين سنة قال ربي أوزعني أن أشكر نعمتك التي أنعمت عليّ وعلى والديّ وأن أعمل صالحاً ترضاه وأصلح لي في ذريتي إني تبت إليك وإني من المسلمين .
عارف ياطارق نحنا موش عطاءنا بره السودان أكتر ...هو نفس الناس لكن السودان مابخليك تقدم أكتر ...على سبيل المثال ..في أي مجال الآن تحاول تقدم الشغل المفروض تعملو بس ...خليك من زياده واللا تمييز ...بس الشغل اللازم ...تلقى ليك مية الف معاكسه لانو البلد فقريه وناس فقريين وملاعين ...عشان كده أنا ماعندي أمل إنو السودان ده يتصلح لحدي يوم القيامه ويمكن حتي لو بعدالقيامه الله سبحانه وتعالي أدانا زياده مية سنه كده وقال لينا إنتو السجم ديل سمحنا ليكم القيامه بتاعتكم تكون بعد كل العالمين ديل بمية سنه برضو حا تجينا القيامه المؤجله دي ونكون لسه في سجمنا ورمادنا ده....بلد زفت
Post: #698 Title: Re: ناس الزقازيق ... أجدع ناس (5) Author: محمد صديق Date: 12-07-2012, 08:19 AM Parent: #697
سلامات يا ناس
وصباحات التفاؤل
Quote: الأم حارسة الحب والحنان يغلب على الأم العاطفة الحانية ولها من الجهود والفضائل ما لا يمكن حصره وهي حارسة حيث لا حرس ، وتملك نياط العاطفة دقها وجلها ، إنها الأم أم الإنسان هي أصله وعماده الذي يتكئ عليه ويرد إليه ، قال تعالى ( والله جعل لكم من انفسكم أزواجا وجعل لكم من أزواجكم بنين وحفدة ) وكون
بارك الله فيك أبوعمر..ربنا سبحانه وتعالى أعطى الأم حقها وأبانه لنا، فأّوْلَى
لنا أن نَسْتَبِق فى تكريمها وبرها.
Quote: ....بلد زفت
يا دكتور إزيّك
بدلاً عن وصفها هكذا ، ليتك دعوت أن يُصلح الله حالها، فالله يستجيب دعوات الطيّبين.
سلامات يامحمد صديق والله خلاص البلد دي بقت ميؤوس منها ..نعم ربنا يصلح الحال ..آمين ..وهذا كل مايتمناه الجميع ..لكن ياصاحبي بيني وبينك البلد دي بقت شكلها عايزه فكي جداده بتاع ناس قوش داك ممكن يعرف يعمل حاجه مفيده ..
تحياتي
Post: #700 Title: Re: ناس الزقازيق ... أجدع ناس (5) Author: أحمد إسماعيل Date: 12-08-2012, 11:10 AM Parent: #699
سلامات يادكتور الوطن فعلا حالتو يرثى لها ، سائلين المولى عز وجل أن يصلح حاله
وطن زمن الركشة --- آه يازمن الركشة زمن الفوضى االعميا وطرشة --- وزمن الوهم العسكر في البلد القشة بلد الناس الغبشا --- الناس الجارية الداقشة شن لاحقين ؟ الشغل العاطل ولا الأمل الطشة الموهومين الماشايفين -- هم وين في الهرم الكشة الكوم الفوق إتكوم وحشّ -- وهم أكوام أم فتفت وعفشة ماكلين ألغام وكلام يندشّ -- مغشوشين في العيش والتبشة مغشوشين في الموية الزرق وغبشا مغشوشين في حلم راح وانكشّ
هذا من مداخلة سابقة بهذا البوست
Post: #701 Title: Re: ناس الزقازيق ... أجدع ناس (5) Author: ميسرة سيد أحمد Date: 12-08-2012, 01:55 PM Parent: #700
مساء الخير ،،، يا وجوه الخير
موقع جديد وسهل وسريع يجعل كل ناس الزقازيق بعد سودانيز أون لاين والفيس بوك بإسم ناس الزقازيق أجدع ناس على الهواتف الذكية مع برنامج WhatsApp
وقد تم تسجيل مجموعة كبيرة يوم أمس الجمعة الرجاء إرسال رقم جوالك إلى هاتف عصام دهب وهو سوف يقوم بإضافتك إلى قريب - ناس الزقازيق أجدع ناس-
تعيش التكنلوجيا
Post: #702 Title: Re: ناس الزقازيق ... أجدع ناس (5) Author: ميسرة سيد أحمد Date: 12-09-2012, 07:18 AM Parent: #701
صباح الخير ،،، يا وجوه الخير أسعد الله صباحكم
دعاء الصباح :
يا رب بعدد دقات قلبي أحفظ لي أخواني وأخواتي وأصدقائي ولا تريني فيهم بأساً يبكيني فيهم يوماً
آمييييييييييييييين
Post: #703 Title: Re: ناس الزقازيق ... أجدع ناس (5) Author: أحمد إسماعيل Date: 12-09-2012, 07:59 AM Parent: #702
بيوت السكن الشعبي العامر غشة -- بيوت السكن الوطني الفاخر غشة ومكشوشين في الدين البيّن كشة ومغشوشين حروب وسلام -- ومغشوشين خدمات إلزام وجهـادكـم أكبر غشة --- ومغشوشين جامعات أوهام قارين الطب في خلوة شيخ -- لا معمل لا مرجع لا تشريح وبكرة الواحد دكتور وعيادة ونفشة -- وأمسك أقطع كبدة وكرشة وفي زمن الركشة -- لا حاسين بالنار بتبق لاهم ضايقين التشة لا شايلين هم لي بلد إتفرتق --- لا شايفـين بترول بتدفـق مشغولين -- ركشات ،والتي شيرتات ، والديجيتالات ومهللين برصيد وشرايح -- والموبايلات -- والمسكولات وبالتشكسـات --- والكافيتريات --- والمنتجعات والنسكافيه -- والنت كافيه ومسلسلات -- وباشا وبيه ومكتولين ومكتولات وشريعة --- وهم ساكتين تمكين
Post: #704 Title: Re: ناس الزقازيق ... أجدع ناس (5) Author: محمد صديق Date: 12-09-2012, 08:55 AM Parent: #703
سلامات يا ناس
Quote: على الهواتف الذكية مع برنامج WhatsApp
أنا وجلا هواتفنا بليدة ...نعمل شنو.
دروس العصر ما بتنفع.
Post: #705 Title: Re: ناس الزقازيق ... أجدع ناس (5) Author: عبد الدائم سيد أحمد Date: 12-09-2012, 11:24 AM Parent: #704
انتظر حاتم جبارة لحدى ما يقرب يسافر يمكن تطلع ليك بواحد ذكى ...
Post: #706 Title: Re: ناس الزقازيق ... أجدع ناس (5) Author: أحمد إسماعيل Date: 12-10-2012, 07:09 AM Parent: #705
اللهم نسألك خير هذا اليوم فتحه ونصرهـ وبركته ونورهـ وهداهـ ونعوذ بك من شرهـ وشرّ مابعدهـ اللهم بك أصبحنا وبك نحيا ونموت نعوذ بك من شر أنفسنا ومن شر الشيطان وشركه ولك الحمد والشكر على نعمك العظيم علينا
Post: #707 Title: Re: ناس الزقازيق ... أجدع ناس (5) Author: ميسرة سيد أحمد Date: 12-10-2012, 12:34 PM Parent: #706
يا شباب الأرشفة يوم 28 ديسمبر
لو ما عينتوا ليكم رئيس جديد للبوست ده يقوم واحد ليهو ميول عسكرية ويعمل إنقلاب عسكري وتسمع المارشات العسكرية تضرب ولا تقوم السلطة تحلى في عين الرئيس الحالي ويقوم ليكم قراراتكم دي ما دستورية
يلا يا النضيف وين وصلت نهاية التصويت!
Post: #708 Title: Re: ناس الزقازيق ... أجدع ناس (5) Author: ميسرة سيد أحمد Date: 12-11-2012, 10:09 AM Parent: #707
صباح الخير ،،، يا وجوه الخير
ليكن دعاء اليوم للوالدين براً وإحساناً
رب اغفر لي ولوالدي، رب ارحمهما كما ربياني صغيرا
Post: #709 Title: Re: ناس الزقازيق ... أجدع ناس (5) Author: ميسرة سيد أحمد Date: 12-12-2012, 07:16 AM Parent: #708
صباح الخير ،،، يا وجوه الخير
أصبحنا وأصبح الملك لله
- دي صباحية يوم الأربعاء -
Post: #710 Title: Re: ناس الزقازيق ... أجدع ناس (5) Author: محمد عيد Date: 12-12-2012, 09:04 AM Parent: #709
Post: #711 Title: Re: ناس الزقازيق ... أجدع ناس (5) Author: أحمد إسماعيل Date: 12-12-2012, 09:39 AM Parent: #709
السلام عليك يا ريسنا ويافارسنا والبوست حارسه وحارسنا
نكمل زمن الركشة بالنهاية ، مافيش حد أحسن من حد قبل كدة نجيلة عملها في أحلام ظلوط 3 حلقات وإنتهى
الناس الفوق بانيين أدوار عاملين أسوار -- طالعين أحرار نازلين أحرار خالين الشارع للفايرين زي نمل السكر -- للحايمين زي ك ل ب الحـر لو ماشين كل الدنيا كراعين ماشـة -- ولو راكبين بتشوف الشارع ورشة الأمجاد تتراجف زي القشة -- والحافلات في حفر الموية قرينتي وقرشة وتلقى أمجاد تتنى وناسية قسط البنك الخشة --الطيبين راكبين خازوق -- لاهم لاحقين الناس الفوق ولاهم بالدخل الشهري الممحوق تامين أقساط البنك الدشّ بفتاوي شيوخ السوق شيء مضاربة ومرة مشاركة والشيكات تتطاير طاشة مافيا السوق تتمكن سرقة ولطشة -- آه يازمن الركشة وما أدراك ما الركشة الركشة تطير وترك محل ما تدور -- في رأس بيت -- أو في أقرب خور سايطة الشارع زي الكمشة -- والسواق بس كابتن طيارة مهندم وآخر حشة الطبلون مرصوص --- بالند وسيديهات وفتايل ريحة وفرشة العجلات تتراقش ركشة -- وكرسي الركاب بس أودة نوم في أحسن فرشة وتنزل فاطمة وتركب عاشة -- ماشين وين الله عليم -- قروش من وين الله كريم لا زول سائل --- لا زول مسئول --- لا دهشة تدريب ولا دوشة
Post: #712 Title: Re: ناس الزقازيق ... أجدع ناس (5) Author: أحمد إسماعيل Date: 12-13-2012, 03:17 PM Parent: #711
دعاء الكرب عن بن عباس ، أن نبي الله ، صلى الله عليه وسلم ، كان يقول عند الكرب ( لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السماوات ورب الأرض ورب العرش الكريم ) رواه مسلم
Post: #713 Title: Re: ناس الزقازيق ... أجدع ناس (5) Author: محمد عيد Date: 12-13-2012, 03:53 PM Parent: #712
حبوبتي نفيسي بت بغداد جات لقتلها نسوان يكسروا في الطلح.. قالتلهن: الله لا كسبكن... قالنلها: في شنو يا نفيسي... قالتلهن: توقدوا في الخرابة دة والرجال الصباح حيضان البرسيم ألاتن تضبلن وماهن قادرين يسقوها ومبارين الضللة ألات التمُر وصاقعين: واااي يا ركبي واحي يا مخروقتي
جمعة مباركة
Post: #715 Title: Re: ناس الزقازيق ... أجدع ناس (5) Author: أحمد إسماعيل Date: 12-15-2012, 06:59 AM Parent: #714
بسم الله الرحمن الرحيم أصبحنا وأصبح الملك لله رب العالمين ربنا آتنا في الدنيا حسنة وفي الآخرة حسنة وقنا عذاب النار ربنا عافنا وأعف عنا إنك أنت السميع العليم ، وتب علينا انك أنت التواب الرحيم ياجماعة الحكاية شنو البوست فاقد السكر ، والملح والبهارات وين الطاعمين راحوا ، الرشيد بابكر وياسر نجيلة ومحمد صديق ومنصور عبد الرازق وعمر نملة والنضيف ، إن شاء الله تجوا عايدين مبتكرين ومتفلسفين وعامرين ومدونيين
Post: #716 Title: Re: ناس الزقازيق ... أجدع ناس (5) Author: محمد صديق Date: 12-15-2012, 09:45 AM Parent: #715
سلامات يا ناس
Quote: ياجماعة الحكاية شنو البوست فاقد السكر ، والملح والبهارات وين الطاعمين راحوا ، الرشيد بابكر وياسر نجيلة ومحمد صديق ومنصور عبد الرازق وعمر نملة والنضيف ، إن شاء الله تجوا عايدين مبتكرين ومتفلسفين وعامرين ومدونيين
يا ابو عمر ...سلام
أصحابك ديل قاعدين يفتشوا فى القطرات.
الْلّهم ارزق كل منهم قطرة بحسب اجتهاده.
Post: #717 Title: Re: ناس الزقازيق ... أجدع ناس (5) Author: ميسرة سيد أحمد Date: 12-15-2012, 11:27 AM Parent: #715
صباح الخير ،،، يا وجوه الخير
دعاء اليوم:
ربنا آتنا في الدنيا حسنة وفي الآخرة حسنة ،،، وقنا عذاب النار
++++++++++++++++++
الريـــس و الزول الكويس
معتصم سلمان و احمد الحاج
التحية للريس الكبير معتصم والريس أحمد الحاج
كل سنة وأنتم بألف خير وعقبال مائة شمعة. تنور بيوتكم وأولادكم
Post: #718 Title: Re: ناس الزقازيق ... أجدع ناس (5) Author: أحمد إسماعيل Date: 12-15-2012, 02:34 PM Parent: #717
الريـــس و الزول الكويس
معتصم سلمان و احمد الحاج
التحية للريس الكبير معتصم والريس أحمد الحاج
كل سنة وأنتم بألف خير
Post: #719 Title: Re: ناس الزقازيق ... أجدع ناس (5) Author: أحمد إسماعيل Date: 12-16-2012, 07:43 AM Parent: #718
أصبحنا وأصبح الملك لله الواحد الأحد
عن أبي هريرة قال : قال رسول الله صلى الله عليه وسلم ( كلمتان خفيفتان على اللسان ، ثقيلتان في الميزان ، حبيبتان للرحمن ، سبحان الله وبحمده ، سبحان الله العظيم)
Post: #721 Title: Re: ناس الزقازيق ... أجدع ناس (5) Author: عمر نملة Date: 12-16-2012, 08:04 AM Parent: #719
صباحكم خير التحيه الصباحيه لابو عمروالريس ميسره والسؤال عن صباحيات الرشيد ( فاتت عليك بشرى). ياسر نجيله مسجل غيابات خميسيه. مازال الكوتش يعد في حبيبات المطر واخر مره شفت زول بعد في القطرات كان رضا ابو رداء(وين الراجل دا) . منصورمتابع اخبار البورصه ومستبشر بانفراج الازمه الاقتصاديه في 2013. طارق جبريل حصاحصو وصل وجع المخروقه( ساتر) حاتم جباره بقى زي مصطفى سعيد بين السودان والحج وامريكا النضيف مابين الافران والجزارات بنديه هديه تورتة كراميلا جلا من طلوعه في المظاهرات ما سمعنا ليه خبر( حالته صاحبه بوليص) الثريات بعدن اكتر وبقن مريخاب. زهير الزناتي بين النفافيج خايف يطلع في زقلونا. ود المهدي قطع الدوبيت والويب سايت. جادين داخل مفاوضات مع الكوتش في اديس ووييين البقيه
لما تغيب ... مدة الدخلة بتبقي ... سهلة وحلوة ... و لما تقرأ المداخلات الفاتتك ... بتفرح لما تلقي واحدين ... بسألو عليك ... او لو واحد ضرب تلفون ... يتفقدك ... فرحان لسؤالكم عني ... ومبسوط للقائكم ...
============== والجملة المعهوده على لسان العائدين بعد غيبة ... " التهاني لكل من له مناسبة سعيدة ... مبروك للناجحين ... وعيد سعيد للعجايز المولودين في أيام ... غيابنا ..."
================================ بمناسبة قصيدة ابو عمر ... "طبعا عجبتني قصة الـــ O.K
سواق ركشة قاعد في المطعم طالب ليهو سمك وفراخ ... وجنبو سواق تاكسي بياكل في فول سادة ... سواق التاكسي اتلفت لسواق الركشة وقال ليهو .. بقيتو تأكلونا فول سادة ساي ... بتاع الركشة قال ليهو ... والله لو يفتحو الكباري دي ... مويه فول ماتلمو فيها ؟!!!! هاهههههههاها
جايكم .... تاني
Post: #722 Title: Re: ناس الزقازيق ... أجدع ناس (5) Author: أحمد إسماعيل Date: 12-16-2012, 08:46 AM Parent: #720
مئة جرام من الزبدة تحتوي على طاقة تعادل ثلاثة أمثال الطاقة الموجودة في مئة جرام من اللحم .
كتبت كلام طويل ..لكن لما قريتو مسحتو كلو... لقيت نفسي نقلت المود بتاعي في كلامي... قلت الناس ديل ذنبهم شنو تورمهم الورم ده... لكن ما حبيت أطلع من هنا بدون أن ترك أي آثار...
طبعا ما حاذكر اسمه علشان الدراب ما يصلكم بجاي ...!!!!
و الجميل نادر فاروق و الراقيين دوما الدكتور عاطف علي
وجمال علي و الصديق الهادي الكتير بله و الحاق رفعت
العزيز النذير و قاد الاسطول جلا و المعذرة لمن خانتني
الذاكرة فلهم و لكم احبتي عاطر التحايا والاشواق .
و تقبل تحيات زملاء اعزاء انضموا الينا في الرياض اخيرا
1- عبدالرازق سيد احمد و محمود محمد احمد ابوعضل و حلمي
احمد رغم وسوف اقوم بانزال ارقام هواتفهم بعد الصلاة الظهر
انشاء الله
و لكم حبي
Post: #725 Title: Re: ناس الزقازيق ... أجدع ناس (5) Author: عمر نملة Date: 12-16-2012, 11:53 AM Parent: #724
مئة جرام من الزبدة تحتوي على طاقة تعادل ثلاثة أمثال الطاقة الموجودة في مئة جرام من اللحم .
لعمل الكرواسه من نضيف 600 جرام زبده لكل كيلو دقيق (دا ما خروف ضحيه عديل كدا) تقول لي جزاره خليك حلوي يارشيد نقول ليك بشري والله كل انشاف بس اتهلل( ما ليها اي دخل بالتشجيع) والله منصور وسعيد وانا اشهد اهتمامك 100% خاصه بالمكالمات التلفونيه. استبشر خير وما ضاع عسر بين يسرين ميسي عيسى مرحب بالعوده والعود فانيليا من موريشص غريبه النضيف ما سال عن اي وصفه يكون بعمل تونا وبيض وفول سلام كتير لابو رزقه ولكل اللي كانوا شباب
Post: #729 Title: Re: ناس الزقازيق ... أجدع ناس (5) Author: ميسرة سيد أحمد Date: 12-16-2012, 01:19 PM Parent: #724
سلام للحلوين الزينين ناس الزقازيق الدخول بقى قاسي وصعيب والأرشفة على الأبواب وأقترح بعدم الطلب من الأخ/ بكري ابو بكر نقل البوست للربع الجديد حتى يتم تحويل البوست الحالي إلى منبر ناس الزقازيق ومن ثم يُتاح للرئيس الجديد أن يفتتح البوست الجديد بمقدمة وإحتفالات من الجميع بالرئيس الجديد وعيد الإستقلال ورأس السنة الميلادية والترحيب بالبرالمة الجدد ================================================= شاعر الزقازيق حسين شنقراي في الفيس بوك
Hussein Shingrai
كل الود والإحترام للأستاذ هاشم صديق والتحية لنضالاته ضد الظلم والعهود الديكتاتورية والتحية لحسن ظنه في الشعب السوداني الذي كان معلماً للشعوب في أدب المقاومة منذ المهدي وعلي عبداللطيف وعبدالفضيل الماظ والقرشي وغيرهم ممن كتبوا صفحات التاريخ بدمائهم الذكية ثم أتي من بعدهم زرية ضعفاء أضاعوا كل أمجاد آبائهم وأجدادهم ورفعوا الراية بيضاء لهؤلاء ولأمثالهم أهدي هذه الكلمات وليس تطاولاً علي القامة معلم الشعراء الأستاذ هاشم صديق.
نمرق وين ياهاشم كلمات: حسين شنقراي نمرق وين ياهاشم الشعب إتبوم
وأصبح كاضم ما ظني يحاجج أو حتي يناضم مهما يطعن فيهو الحاكم وعهد الردة الطوًل ظالم يمرقوا وين ياهاشم ------- حليل إكتوبر والناس الماتوا حليل القرشي القدم للحرية حياتو مهما الشعب إتعذب وزادت مأساتوا خوفاً مابلعن حاكم سراً في صلاتو ما الليل الحالك طالت سنواتو ولازال العهد الغاشم ويمرقوا وين يا هاشم ------- مهما تموتو ومهما يجيكم وكلما تولع ناراً فيكم خوفكم دايماً طافيكم من وين الحرية تجيكم قنعان من خيراً فيكم شوفوا فكي يداويكم شان ما تصبحوا إنتو الشعب الخادم ويمرقوا وين ياهاشم ------- الناس الحاسين الوجعة وضايقين هما الفجعة ديل القاعدين بره وكايسين الرجعة الديمة بولعوا للحرية الشمعة وزادهم أصبح بكية ودمعة وآلام في الجوف الكاتم ويمرقوا وين ياهاشم
Post: #730 Title: Re: ناس الزقازيق ... أجدع ناس (5) Author: إحسان عبد العزيز Date: 12-16-2012, 02:57 PM Parent: #729
الزعيم ميسرة سيد أحمد وكل ناس الحوش الكبير (أجدع ناس).. لكم التحية.. أعتذر عن طول الغياب لاسباب تتعلق بمسألة الزمن والارتباطات الغير مبرمجة فى وطن تهيص فيه حتى وأنت منفرداً.. حقاً لقد فقدنا فيه بوصلة كل الاشياء بما فيها الزمن الذى يتسرب من بين أصابعنا كقبضة الماء دون أن نشعر أننا نفعل ذلك.. عدت اليوم الى صفحة (10) أثرتنى الذكريات وتفاعل الناس معها (حتى البرالمة الما حضوا زمنا).. أحسست بأهمية المواصلة وفتح أفاق لكل الاعضاء للاندياح وفتح ملفات ذلك الزمن الجميل.. خاصة وانه الاستاذ بكرى أبو بكر أعلن ارشفة المنبر العام الحالى الربع الرابع للعام 2012 سيكون من من الممتع أن نصطحب معنا تلك الذكريات والحكاوى .. قلت شنو يا ريس ؟؟؟ تحياتى لك وللجميع
ولدنا عبد الرازق بع ما استقر في السودان رجع تاني واغترب ...
يا جماعة سودانا ده متين ... يستقر عشان .... نرجع ...
تعبنا ...
Post: #732 Title: Re: ناس الزقازيق ... أجدع ناس (5) Author: ميسرة سيد أحمد Date: 12-17-2012, 08:06 AM Parent: #731
صباح الخير ،،، يا وجوه الخير
اللهم أجعل صباحنا فلاح وآخره نجاح
==================================== قد نرحل كالغروب وقد يلهينا الزمن عن كل حولنا ولكن يبقى القلب لا ينسى ذكرياته فيخفق لهم كلما عبر بالخاطر خيالهم ويحن إليهم كلما بعدت المسافات وعز اللقاء الأخت إحسان عبد العزيز كانت تمثل قوة ضبط وربط لشباب المؤتمر والكل يعمل لها ألف حساب ونحن لا ندري ذلك وإليكم الواقعة!!!!
التحية والتقدير للمناضلة الكمردة إحساب عبدالعزيز عدت للصفحة رقم 10 ونقلت منها هذه المقدمة ،،،،
الفكرة تداول البوست على عدد من ناس الزقازيق هيه الفكرة المسيطرة على تفكيرنا نحن المتابعون والمداومون على هذا البوست والأخ/ بكري يرحل لنا جميع بوستاتنا على منبر ناس الزقازيق ومكتوب في أعلى هذه الصحفة بإسم (ناس الزقازيق) جوار منبرالشعبية ومنبر اليوم الحار فأدخلوا هناك تجدوا درر ويا قوت ما خطاه يراع هؤلاء الأفذاذ ناس الزقازيق
وفي حال نقل البوست إلى الربع الجديد في العام 2013 فلن يكون هناك تغير في زعامة البوست والجميع يتوق إلى تداول السلطة والتعددية وبالمناسبة نحن نقوم دائماً بعمل إحتفالية كبيرة من المداخلات والفوتوشوب والدعوة للجميع للتجهيز لمهرجان الزقازيق .
Post: #733 Title: Re: ناس الزقازيق ... أجدع ناس (5) Author: عبد الدائم سيد أحمد Date: 12-17-2012, 08:49 AM Parent: #732
يا نملــــة متابع و صفاتك بس ناس قندهار كفتهم ارجح نحن قوم نحب شنو كده على قول احمد اسماعيل
موسى عيسى مالك من رجعت بقى خطك مكلوج ولغتك غير مفهومة
Post: #734 Title: Re: ناس الزقازيق ... أجدع ناس (5) Author: عبد الدائم سيد أحمد Date: 12-17-2012, 09:05 AM Parent: #733
1- ارشح السيد / الرشيد بابكر سيداحمد و السيد / منصور عبدالرازق
2- اضافة دماء جديدة للبوست بمخاطبة الاخ بكرى ابوبكر لمنحناء عضوية جديدة لكل من يرغب من ابناء قبيلة الزقازيقاب .
3- الاخوة الاعزاء من الزقازيقاب لمن يرغب الانضمام الينا ارجو مراسلتى على بريدى الالكترونى [email protected] لكى يتم التنسيق مع الباشمهندس بكرى ابوبكر .
ولكم جزيل الشكر ،،،،
Post: #735 Title: Re: ناس الزقازيق ... أجدع ناس (5) Author: أحمد إسماعيل Date: 12-17-2012, 09:57 AM Parent: #734
سلاملت يانضيف الأخ موسى عيسى أكل اللحم الكثير في السودان أتعبه شوية مشى يكشف وجد عندوا سكر فبقى يخاف من البر يطلع ليهو عمر نملة بالشيكولاتات والوصفات والذي منه ، عشان كدة إرتعش وإتلخبط وزي ما أنت شايف الكتابة العوجة والكلام المامفهوم دة والمسئولية تبقى على صاحبه بتاع المنظمات .
اكتر من كده يا النضيف .. عاوز موسي عيس يشرح ليك ... ما كلام واضح ... ومباشر لا مكلوج لا حاجة ... ولو كان عاوز خبرات خارجية ... بالاضافة لناس الرياض ...
كان فزعنا ليه .... واديناهو نصايح في الصميم ... ولكن أكيد ... الناس السكر الحواليه مابقصرو ...
اليوم يوم جميل... الجو رائع.. أمطار خفيفة والشمس محتجبه... قالوا الشمس غابت وينو القمر طيب... و برودة منعشه... خرجنا صباح اليوم أنا و ست بيتي متوجهين الى أعمالنا... فتذكرت ذلك اليوم الذي التقيتها فيه لأول مره... مساء ذات يوم ممطر على شارع القومية... برلومة في عمر الزهور ترتدي نظارات بتاعت فلهمة ذات عدسات مستديرة... و بصحبة برلومة أخرى هي الأخت محاسن و معهم الراحلة هويدا.محمود حافظ.. كانت امطار خفيفة و برودة منعشة... رغم انني تذكرت اليوم الذي التقينا فيه لأول مرة... الا انني اتبوبرت على ست بيتي و قلت ليها و كأني بالهايد بارك في لندن... و نسيت انها كانت بصحبتي هناك و لا معنى للبوبار... قالت لي يا سلام على الهايد بارك.. فتأكدت بأنني أبيع البوبار في حارة البوباريين... و قلت يا ليتني قلت لها و كأني في شارع القومية حيث التقينا أول مرة... لكنت تقدمت عليها بعشرة أهداف دفعة واحده للا شيء... أعتقد أن للتقدم في السن دور كبير في معرفة الأولويات... لقد كنت في مثل هكذا جو ترتفع فيه معدلات المزاج و تتحفز المشاعر و تبلغ ذروتها... لكنت عبرت عن مشاعري بصورة أفضل و لخرجت الكلمات من فمي كمدفع سريع الطلقات... و لكنني أصبحت مثل البندقية أبو عشرة التي تطلق طلقة ثم تعمر لتطلق الأخرى... و ما بين التعمير و الأخرى تتغير أمور كثيرة...
تخريمة:........ أرشح الريس ميسرة لدورة ثانية... أحمد اسماعيل.... فمنصور عبد الرازق.... عبد الدائم سيداحمد...
Quote: لما تغيب ... مدة الدخلة بتبقي ... سهلة وحلوة ... و لما تقرأ المداخلات الفاتتك ... بتفرح لما تلقي واحدين ... بسألو عليك ... او لو واحد ضرب تلفون ... يتفقدك ... فرحان لسؤالكم عني ... ومبسوط للقائكم ...
Post: #743 Title: Re: ناس الزقازيق ... أجدع ناس (5) Author: ميسرة سيد أحمد Date: 12-17-2012, 01:11 PM Parent: #742
يعني نتيجة الأستفتاء راحت بين
منصور عبدالرزاق والرشيد بابكر
يلا يا جماعة واحد منكم يدق سدره
ويقول أنا !!!!!
يا محمد عيد ويا طارق جبريل ويا محسنة ميسرة
موكول ليكم البدء في ترتيبات الحفل واحد يحجز النادي وواحد يجب إذن ناس بطه وواحد يسافر يجيب عماد شريف ويمشي شبين الكوم يشوف بدر الدين وممكن كمان بدر الدين شبين تلقوه في شقتنا اصلوا بحب الزقازيق كتير زي العمدة عماد شريف ،،،،
Post: #744 Title: Re: ناس الزقازيق ... أجدع ناس (5) Author: ميسرة سيد أحمد Date: 12-18-2012, 07:23 AM Parent: #743
صباح الخير ،،، يا وجوه الخير
دعاء الصباح :
لا إله إلا الله عدد ما كان لا اله الا الله عدد ما يكون لا اله الا الله عدد الحركات والسكون
=======================
نحن نستمتع تماماً بهذه الأجواء الربيعية
التي تعيشها جدة منطقة مكة المكرمة
اللهم أدمها نعمة وأحفظها من الزوال
وكل ربيع وأنتم طيبين،،،،،
Post: #745 Title: Re: ناس الزقازيق ... أجدع ناس (5) Author: محمد صديق Date: 12-18-2012, 11:05 AM Parent: #744
سلامات يا ناس
يا جامع ..............
Post: #746 Title: Re: ناس الزقازيق ... أجدع ناس (5) Author: ميسرة سيد أحمد Date: 12-18-2012, 03:09 PM Parent: #745
قناة النيل الأزرق
المذيعة للعريس: شعورك شنو وأنت عريس تجاوب العروس وإنتي دايره بشعوره شنو؟؟؟؟ العريس مستدرك الأمر : والله شعور ما بتوصف ومهما ما أقول ما بقدر أعبر عن شعوري!!!!! المذيعة : خلاص الفكرة وصلت سؤال للعروسة تحبي تقولي شنو لعريسك!!! خلاص الأسئلة كملت بقول ليهو ربنا يقدرني أسعدك!!! العروس (تتلفت يمين يسار) ربنا يخلينا لبعض""
أهل العريس والعروس: أنا بت خال العروس :وبتمنى ليهم بيت مال وعيال وبقول ليهم "الجملة المكرره في كل المناسبات"تغلبها بالمال وتغلبك بالعيال وبشكر قناة النيل الأزرق،،، أنا أخت العريس : بهنئ العريس أخووي " يا بتنا ما قلتي أخت العريس" خلاص بتعيدي تاني ليه العريس أخووي،،،، أنا أخت العروس بتمنى لهيم بيت مال وعيال وتغلب ب....خلاص الفكرة وصلت
أنا المأذون: بتمنى ليهم بيت مال وعيال وبشكر قناة النيل الأزرق وبهنئ الشعب السوداني بالزواج على أساس كان عيد وطني،،،،،،!!!!!!
Post: #747 Title: Re: ناس الزقازيق ... أجدع ناس (5) Author: أحمد إسماعيل Date: 12-18-2012, 03:57 PM Parent: #745
أول شيء يفعله الإسبان ، عندما تدق دقات الساعة الثانية عشر في نهاية العام لإبتداء عام جديد ، هو محاولة أكل اثنتي عشر حبة من العنب ، قبل ان تنتهي الساعة من الدق ، فإذا تمكن أحدهم من ذلك ، يقال أنه سينعم بسنة جديدة ناجحة
Quote: المذيعة للعريس: شعورك شنو وأنت عريس تجاوب العروس وإنتي دايره بشعوره شنو؟؟؟؟ العريس مستدرك الأمر : والله شعور ما بتوصف ومهما ما أقول ما بقدر أعبر عن شعوري!!!!!
يا ريس أنا استغربت أنت قدرت تسمع الحوار ده كلو كيف
Post: #753 Title: Re: ناس الزقازيق ... أجدع ناس (5) Author: محمد صديق Date: 12-19-2012, 10:43 AM Parent: #752
سلامات يا ناس
Quote: اهلا لذلك بس لو ختو المدعو جلا ما في عوجه طب
جاييييكم.
Post: #754 Title: Re: ناس الزقازيق ... أجدع ناس (5) Author: محمد صديق Date: 12-19-2012, 10:58 AM Parent: #753
سلامات يا ناس
Quote: وبكرة الخميس برضو ...
متعودة.
Post: #755 Title: Re: ناس الزقازيق ... أجدع ناس (5) Author: محمد صديق Date: 12-19-2012, 11:05 AM Parent: #754
سلامات يا ناس
Quote: لإبتداء عام جديد ، هو محاولة أكل اثنتي عشر حبة من العنب ،
نبق ينفع؟؟
Post: #756 Title: Re: ناس الزقازيق ... أجدع ناس (5) Author: ميسرة سيد أحمد Date: 12-19-2012, 02:30 PM Parent: #755
بعد إذن ياسر نجيلة
أستاذ :- ﻗﺎﻝ ﻟﻠطلبه ﺍﻱ ﺯﻭﻝ ﺣﺎﺳﻰ ﺑﻨﻔسه ﻏﺒﻰ ﻳﻘوم ﻓوق... ﻓﻰ واحد ﻣﺴطول ﻗﺎﻋد ﻭﺭﻩ ﻗﺎﻡ ﻭﻗف ﺍﻻﺳﺘﺎﺫ ﻗﺎﻝ ﻟيه هو ﺍنت ﻏﺒﻰ ؟ المسطول قال ليهو لا قال ليهو ؛ ﺧﻼﺹ ﻭاقف مالك المسطول قال ليهو ﺷﻔﺘﻬﺎ ﺷﻴﻨﻪ ﺗﻜون واقف براك
Post: #757 Title: Re: ناس الزقازيق ... أجدع ناس (5) Author: أحمد إسماعيل Date: 12-19-2012, 03:22 PM Parent: #756
سلامات يانجيلة لازم حبة عنبة مع كل دقة للساعة بعدين هنا مافي غش لأنك عايز الأسطورة تصدق معاك وعليكم السلام يا جنابو النبق مابنفع لأن النبقة الواحدة تأخذ معاك كل دقات الساعة وتكون يازيد ماغزيت لكن تنفع حبات الفول المدمس
فصل كل طالب فيه أحول الأستاذ يمليهم الكلمة كل واحد يكتب في دفتر جاره على اليسار آخر واحد يكتب على الحيطة ، الأستاذ وضع جائزة للذي يكتب على دفتره ، واحد منهم إجتهد وكتب على دفتره ، أعطيت له الجائزة حلاوة مصاصة ، أراد أن يستمتع بها أدخلها في خشم جارهو
ياجنابو برنامج قناة النيل نجيلة جاب التبريرات ، لكن النضيف قطع الشك باليقين
Post: #758 Title: Re: ناس الزقازيق ... أجدع ناس (5) Author: أحمد إسماعيل Date: 12-20-2012, 08:00 AM Parent: #757
صباح الخير وصباح النور أصبحنا وأصبح الملك لله الواحد الأحد
الإنسان يفقد جزء من وزنه أثناء النوم في الليل
في انفسكم العقل البشري يستطيع الإحتفاظ بمعلومات تعادل خمسة أمثال ما في دائرة المعارف البريطانية
لرفع المعنويات الأبحاث العلمية أثبتت أن لرائحة الورد مفعولا قويا ، يؤثر على مزاج المرأة ، إلا ان التأثير يختلف في قوته بحسب نوع الزهرة وإختلاف رائحتها .
من الحقائق النساء في معظم البلدان ، يحاولن الإنتحار بنسبة أكبر من الرجال لكن الرجال ينجحون في محاولاتهم أكثر من النساء
Post: #759 Title: Re: ناس الزقازيق ... أجدع ناس (5) Author: ميسرة سيد أحمد Date: 12-22-2012, 07:30 AM Parent: #758
صباح الخير ،،، يا وجوه الخير
صباحك منور يا أحمد إسماعيل
حكمة اليوم :
Post: #760 Title: Re: ناس الزقازيق ... أجدع ناس (5) Author: أحمد إسماعيل Date: 12-22-2012, 08:48 AM Parent: #759
الحمد لله ياريس الصباح منور بنورك وحكمك وبركات السماء
مرحب بشهر (جانيوري) 2013 م ، المقبل بقوة جاءت هذه التسمية لشهر (كانون الثاني) من " جانـوس " إله روماني كان يصور بوجهين، يتجه الوجه الأول إلى جهة والوجه الثاني إلى الجهة المعاكسة وهكذا جانيوري ينظر بوجه إلى العالم الماضي ، وينظر بالوجه الثاني إلى العام الجديد
Post: #761 Title: Re: ناس الزقازيق ... أجدع ناس (5) Author: محمد صديق Date: 12-22-2012, 11:07 AM Parent: #760
سلامات يا ناس
يا أبو عمر ما شاء الله على النشاط
وربنا يزيد ويبارك وأنت تتحفنا بالمعلومات المفيدة .
Post: #762 Title: Re: ناس الزقازيق ... أجدع ناس (5) Author: أحمد إسماعيل Date: 12-22-2012, 06:03 PM Parent: #761
تسلم يا محمد صديق والله يرحم والديك
الشمس في شمال فنلندا تسطع على مدار اليوم (24) ساعة طوال (73) يوما متواصلا
وفي شمال شرق سيبيريا هناك منطقة تقل فيها الجاذبية إلى درجة أن الفيل يرتفع عن الأرض بمقدار بوصتين
ان الله لطيف خبير حكيم يقال أن نسبة الأكسجين في الجو هي 21% لو زادت إلى 22% فلن يستطيع الإنسان السيطرة على الحرائق ، ولونقصت أدهى و أمر
Post: #763 Title: Re: ناس الزقازيق ... أجدع ناس (5) Author: ميسرة سيد أحمد Date: 12-23-2012, 07:42 AM Parent: #762
صباح الخير ،،، يا وجوه الخير
دعاء الصباح :
ربنا ولا تحمـِّلنا ما لا طاقة لنا به واعفُ عنا واغفر لنا وارحمنا
يقول الشيطان عجبا من بني آدم .. يحبون الله ويعصوه .. ويكرهوني ولا يعصوني .. فاسأل الله الكريم أن يجعلنا ممن نحبه ولا نعصيه ..
Post: #764 Title: Re: ناس الزقازيق ... أجدع ناس (5) Author: منصور عبد الرازق Date: 12-23-2012, 09:27 AM Parent: #763
Quote:
يقال أن نسبة الأكسجين في الجو هي 21% لو زادت إلى 22% فلن يستطيع الإنسان السيطرة على الحرائق ، ولونقصت أدهى و أمر
سبحان الذى خلق كل شىء بمقدار مشتاق ليكم , والمود بتاعى مود قراية بس ومحسن خالد جهجه باكاتى جهجة السنين
* انا لا اصلح البتة كى اكون متابعا مؤتمنا لهذا البوست ببساطة عدتى ما كاملة ايوا , يعنى المشكلة فى الأدوات يا جماعة احمد اسماعيل او الرشيد او النضيف او ميسرة زاااتو اى واحد فيهم , يغطى ويزيد تحياتى
Post: #765 Title: Re: ناس الزقازيق ... أجدع ناس (5) Author: محمد صديق Date: 12-23-2012, 10:00 AM Parent: #764
سلامات يا ناس
Quote: * انا لا اصلح البتة كى اكون متابعا مؤتمنا لهذا البوست ببساطة عدتى ما كاملة ايوا , يعنى المشكلة فى الأدوات يا جماعة احمد اسماعيل او الرشيد او النضيف او ميسرة زاااتو اى واحد فيهم , يغطى ويزيد تحياتى
زوغة صباحية...
كمان بالدو.
Post: #766 Title: Re: ناس الزقازيق ... أجدع ناس (5) Author: ميسرة سيد أحمد Date: 12-23-2012, 10:20 AM Parent: #764
ايوا , يعنى المشكلة فى الأدوات يا جماعة احمد اسماعيل او الرشيد او النضيف او ميسرة زاااتو اى واحد فيهم , يغطى ويزيد ====================================
حسب المتعارف عليو ... ياشباب من المفترض ان يواصل الريس ميسرة الى انتهاء الألفية (100 صفحة) ... او لحين ان ينقل المهندس بكري هذا البوست الى موقعنا الخاص بينا وحينها سوف ينظر ... الى ريس جديد .... وعليه (بعد اذنكم) ... على الريس ميسرة ... طلب نقل البوست الحالي الى الربع الجديد ... ومواصلة مهامه ... حتي تكتمل كوته هذا البوست ... ومن ثم الاحتفال بالألفية الجديدة ... بشكر الريس ميسرة ... وتنصيب الريس الجديد ....
==================================== اي واحد .... بياكل سلطة اسود ... وخاصة لو كانت بايادي حبشية ... قد يكون منافس قوي ... لتلسم الامور ... عند الألفية الجديدة ...
أبدأ ليكم من وين... من ترشيحي للرئاسة من قبلكم... و لا من حالة البوست... و لا من سلطة الأسود...
أمسكها ليكم واحده واحده... في رأي المتواضع رئاسة البوست و الخروج من الحالة الراهنة للبوست حاجه واحده... كيف؟ البوست يحتاج الى أمرين... اما استمرار الريس ميسرة في رئاسته زي ما قال ولدنا ياسر نجيلة... مع استمرار دعمه و استنفار الناس للخروج به من حالته... أو تنصيب شخص يكون بديل مناسب يعمل على جذب الناس للبوست... و أكيد مش أنا الشخص ده..و دي ما زوغه... لكن بصراحة معظم الناس خاصة الشباب ما بيعرفوا منو الرشيد بابكر ده... لكن كل الناس بتعرف الريس ميسره و زهير الزناتي و محمد صديق...الخ لذلك أنا مع استمرار الريس ميسرة حتى المئوية... أو تنصيب كل من زهير الزناتي أو محمد صديق أو أحمد اسماعيل أو ياسر نجيلة... و بعدين نشوف حالة البوست دي نطلع منها كيف..... و دي بتكون سهلة اذا كل واحد التزم بمجرد المرور و التحية...
أما سلطة الأسود فده موضوع طويل بجيبو ليكم من لغاليغو...
Post: #769 Title: Re: ناس الزقازيق ... أجدع ناس (5) Author: أحمد إسماعيل Date: 12-23-2012, 06:00 PM Parent: #768
Quote: ذلك أنا مع استمرار الريس ميسرة حتى المئوية... أو تنصيب كل من زهير الزناتي أو محمد صديق أو ياسر نجيلة...
انا مثني أن يستمر الريس للرئاسة الثالثة وبعدين الأخ الرشيد علم على رأسه ريشة كيف تقول مامعروف ، الحق يقال أكثر إثنين مواظبين على هذا البوست الريس ميسرة والأخ الرشيد و محمد صديق ثم البقية تأتي ، وكما قال الأخ الرشيد لو كل واحدمرة مرور الكرام ، وأعطى البوست تحية الصباح أو دعاء الصباح او إن شاء الله ماركة مسجلة بنقصد بذلك الفنانيين ناس الفوتوشوب يشوف لينا أي حاجة من الإستديوهات تبعهم حتى لو خروف ضحية .
... وتنفيذا لمبدأ ... تناوب فتح البوست من قبل أعضاء متعددين ... وضرورة تطبيق هذا المبدأ المتفق عليه سابقا .... فاني أرشح بقوة (حسب الترتيب) ...
1- أبو مهند .... 2- أبو اُمنية ... 3- رشا يا كحيل ... 4- رشيد القوم ... 5- الزقازيقي الرائع زوج الزقازيقية الرائعة نجاة حوفي .... واخيرا وليس اخيرا ... . . . . 6- الرشيد بابكر ...
يا خي يكفي تفانيك في كتاباتك التي تجعل هذا البوست ... جاذبا ....
========================= أما أنا فاوعدكم أن أكون مرشحا للدورة 75 (اليوبيل الماسي) ... لاني أصغركم سنا ... ووقتها سوف أكون وبحمد الله ... مكتمل الأسنان .... والنظر ... وحينها سوف يكون أيضا منافسي الشرس ... منص الأبنوسي ... قد أكمل العدة .... واكتملت أدواته ... بتعلمه كيفية رفع اللنك (LINK) وطلب نقل البوست ... إلى الربع الجديد ...
مع ملاحظة أن كلمة – الربع – الواردة هنا ليس لها علاقة ... بالنص ... ولا الزجاجة الكاملة ... والربع هنا يساوي – كباية – وأربعة منها بملو قزازة كاملة من الخواجة بشارع الجلاء ولو اخدت كباية كاملة – اسكتو – دفعة واحدة وبنفس واحد .... وكنت على عجل لتلحق الحفلة في قاعة الشباب المسلمين ... وعندنا تصل هناك ... ويصل ولدنا الفنان عاطف على ... أغنية الأماني السندسية ... تكون أنت وصلت بخيالك ... أن القاعة عبارة عن زهرة فواحة ... تختال على سطح النهر .... وان فلانه ... تجلس معاك جوه كافتيريا النهر ... زاتو ..
======================================= وولدنا عصام دهب ... صاحب الفضل في هذا التلاقي سوف نرشحه ... مرة اخري ... بعد زواج ... تالا ويارا ... يعني ممكن تكون الدورة الجاية أو البعدها بالكتير ...
أما النضيف ... وعدكم بعد أن يتخلص (جدو) من البامبرز ... ويبقي يعملها زي الناس ... بعدها ح يجيكم ... وبالو رايق ... ودي ممكن تكون بعد ... خمسة سنوات على أحسن تقدير ...
أما المدعو زهير الزناتي ... طول ما شنبو مغطي نص ... وشو نظرو ح يكون ضعيف ... ولا يري إلا كما يري الرجل من ... النفاج ...
================================= متوقع أن يأتي ولدنا أبو عمر ... ويقول ... هل تعلم بان الأسنان لونها ... اسود ... ولكن نسبة لضعف نظر البشرية ... فإنهم يرونها حسب استخدامهم لمعاجين الأسنان ...
ولما كنا هناااااك ... في المساكن التعاونية ... زارني زميل دارسة مصري ... من أرياف الزقازيق .. وكالعادة قدمت ليهو شاي ... الزول اعتدز ... قلت ليهو ... طيب اعمل ليك عصير ( طبعا كنت ملبد قزازة تانج في دولابي من ناس عبد الدايم) الزول قال لي ... لأ ... بحزم شديد ... واضاف انا ما ح اشرب حاجة ... قمت قلت ليهو باستغراب : ليه قال لي : اصلي حاطي معجون أسنان ...؟؟؟؟؟؟!!!!!! 514
تعرف يا ابوعمر ... معلومتك بتاعة أن النساء أكثر محاولة للانتحار ... والرجال هم البموتو حيرتني ليك جنس حيرة ... لأنها فعلا توافق قانون الطبيعة والبشرية ... ومعلوماتك كلها مدهشة ... ومفيدة ... واصل ...
Post: #772 Title: Re: ناس الزقازيق ... أجدع ناس (5) Author: أحمد إسماعيل Date: 12-24-2012, 08:47 AM Parent: #771
صباح الخير يا كرام
Quote: تعرف يا ابوعمر ... معلومتك بتاعة أن النساء أكثر محاولة للانتحار ... والرجال هم البموتو حيرتني ليك جنس حيرة ... لأنها فعلا توافق قانون الطبيعة والبشرية ...
يقال أن الانكليز في القرن السادس عشر ، كانوا يسمحون للرجال بضرب زوجاتهم لكن فقط قبل بلوغ الساعة العاشرة مساءاً . يا أبو فارس هذا هو الخبر الذي يحير ؟ ما المقصود بالضرب ، ولماذا الضرب ، وليه قبل العاشرة مساءاً ؟
و لا يقبل تصويت الذي يصوتون من حاضرة الفاشر حتى لو
تم تدخل كوفي عنان فالتصويت لديهم مرفوض جملة و تفصيلا.
الشي التاني انا مع التدوال السلمي للسلطة حتى نستطيع ان
ان نقيم من هو الرئيس الاكثر جاذبية !!!!!!!!!
و لكم مودتي و حبي ( مركب مكنة جلا سابقا ).
Post: #775 Title: Re: ناس الزقازيق ... أجدع ناس (5) Author: أحمد إسماعيل Date: 12-24-2012, 06:42 PM Parent: #774
إشارة التعجب (!) أصلها يوناني ، وبالتحديد من كلمة (io) وتعني ، أنا مستغرب
السماعة الطبية ، كانت من إختراع الطبيب الفرنسي (رينية لينك) ، وكان ذلك عام 1816 ، وكان دافعه لذلك هو حياؤهـ من النساء .
Post: #776 Title: Re: ناس الزقازيق ... أجدع ناس (5) Author: ميسرة سيد أحمد Date: 12-25-2012, 07:05 AM Parent: #775
صباح الخير ،،، يا وجوه الخير
حصل تحديث في البوست من الصفحة 20 إلى الصفحة 39
براحه علينا يا ريس بكري ،،،،
يوم أمس قال أبو الزوز
بالله الزول الرشحني لقيادة البوست في الفترة الجاية ما بيبالغ معقولة يكون زهجان من البوست للدرجة دي . ============================== القصة شنو ما لو البوست ده بقي زي البت البايره كل واحد عايز يكمل قرايته والله أولاد عمها في (عصام دهب وميسرة) بنعمل رئيس ونائب رئيس يا شباب لازم واحد يتقدم الصفوف ويطلب يد البنيه وأنحنا موافقين يا حليلك يا جلا فقدناك شوف صاحبك قال شنو (ان نقيم من هو الرئيس الاكثر جاذبية)
والله أنا كنت أرشح الزقازيقية القوية إحسان عبدالعزيز لو لا صعوبة المتابعة من السودان شوف ناس جلا رقدوا سلطة وهي بتقاتل علشان تدخل البوست ؟؟؟؟؟؟
لازم يا شباب تخذ القرار في موعد أقصاه غداً قبل بدء الأرشفه لانه في حالة عدم نقل البوست إلى الربع الجديد لازم يكون الرئيس القادم جاهز يكتب الخطاب الرئاسي الجديد وكمان خلونا نجهز خطاب الدورة المنتهية
في الإنتظار !!!!!
Post: #777 Title: Re: ناس الزقازيق ... أجدع ناس (5) Author: عمر نملة Date: 12-25-2012, 10:53 AM Parent: #776
سلام تحيه العطاء لاهل العطاء ونحنا اولاد اليوم واستمرارية البوست كانت وفق جهد بزل ومازال التحيه لدهب صاحب الفكره الاساسيه وللريس ميسره بماخلته اليوميه والرشيد الاكثر مثابره وياس نجيله( ماعدا الخميس) والاكثر مداخله ابوعمر وظهر بوضوح في الربع الاخير اما ناس السودان فظروف الحجب ادت لتدني قطراتهم. يعني الحكايه بقترح تكون عادله عليه اوافقكم الراي في استمرار الريس ميسره المسيره حتى الربع الاخير. واقترح ان يتولى الربع الاول من 2013 صاحب اكثر مداخله يعني ان نحكم بالعدل.
Post: #778 Title: Re: ناس الزقازيق ... أجدع ناس (5) Author: محمد صديق Date: 12-25-2012, 11:50 AM Parent: #777
بعد مداخلة ولدنا محمد عيد ... ماعندنا كلام ... سوي التنفيذ ... على الريس ميسرة نقل البوست الى الربع الجديد لسنة 2013 وعند اكتمال الميل الـ 50 كما هو متعارف عليهو ... نكون جهزنا الرئيس الجديد ... وعمل الاحتفالات المناسبة لوداع الريس ميسرة واستقبال الريس الجديد ... (الرشيد بابكر) ...
وبذلك .... .... قطعت جهيزة قول كل خطيب ...
ماهي جهيزة ؟ وما قصتها ... وماهو المثل المرادف في منطقتكم يا ابو عمر ...
.... انتهي .... وبكرة الخميس ....
Post: #782 Title: Re: ناس الزقازيق ... أجدع ناس (5) Author: ميسرة سيد أحمد Date: 12-26-2012, 07:05 AM Parent: #781
صباح الخير ،،، يا وجوه الخير
أصبحنا وأصبح الملك لله وحده،،،
ربنا لا تؤاخذنا إن نسينا أو أخطأنا
وقبل أن تقرأ منى يونس عقوبات ود عيد
فقد صدر القرار الرئاسي ويتم نقل البوست إلى الربع الجديد
مع تعهد قوة الهامش بتجهيز رئيسها القادم،،،
ودمتم ،،،
ذكرى زقازيقية طافت بخاطري أمس ليلاً
كنا بشارع القومية ومعي الزميل مجدي النعيم وصادفنا الأخ/ إبراهيم هباني ، وكانت هناك ندوه ليلية بدار الإتحاد يقيمها الإتجاه الإسلامي وكنا جلوساً في الصفوف الأمامية
وبدون أي مقدمات قال هباني: والله المستلقين دي بقوا كذابين خلاص علشان بقوا يمشوا مع الشوعين ويتابعوهم
حكاية كذابين دي أكلت معاي فبدأت أهاجم هباني وأتحين الفرص حتى أتاح لي الله فرصة ذهبية بأن أدلى بمعلومة غير حقيقية عن كلية الصيدلة وإنتهزتها فرصها وكلت الكيل بمكيالين ،،، وفي إحدى الليالي هاجمني مغص كلوي حاد وزملاء الشقة ذهبوا بي إلى عيادة إحدى الأطباء وصادف أحدهم هباني في الشارع فبلغه بذلك وحضر إلى العيادة ليلاً وإطمأن علي وشد من أذري إنها الزقازيق!!!!
الزقازيق ذكرى جميلة وعذبة وولدت صداقة وأخوة غريبة لا تجدها في المجتمعات الأخرى ،،،
Post: #783 Title: Re: ناس الزقازيق ... أجدع ناس (5) Author: عبد الدائم سيد أحمد Date: 12-26-2012, 08:33 AM Parent: #782
لو صحيتو الصباح لقيتو فجاتن بكرى ابو بكر مــط ليكم عدد الصفحات و بقت (( خمسين صفحة الا مداخلتين )) اها الرئيس الجديد يقوم يجرى يستحمى و يطلع المنصة ولا كيف
،،،،،
جاييكم بســـنيرة كبيرة من 85 و لتحت ترقبوها ....
لو فضل الحال على الــ 8 انفار المواصلين الكتابة فى البوست الحال حيكون كما هو .... حتى عدد القراء بقى لا يزيد فى اليوم عن 15 .
،،،،
يا ريس ما تفلت فى الكلام الايامات دى كلو محسوب عليك .. قلت شنو عن الصيادلة ؟؟
Post: #784 Title: Re: ناس الزقازيق ... أجدع ناس (5) Author: محمد عيد Date: 12-26-2012, 09:21 AM Parent: #783
مبروك الربع الجديد
وتسلم يا ريس على الاستجابة لمطالب الشعب
Quote: اها الرئيس الجديد يقوم يجرى يستحمى و يطلع المنصة ولا كيف
خليك مستحمى وجاهز يا ....
عندى فكرة .. ياخ ما تجوا نشوف طريقة نخلى بيها الترشح لرئاسة البوست مسألة جاذبة
بس مش زى الوحده الجاذبة الغشونا بيها ناس الانقاذ وصبحنا لقينا الجنوب فى خبر كان
أشكر كثيرا الذين رشحوني للرئاسة بعد خمسينية الريس... فلهم جميعا محبتي الصادقة و تقديري العظيم... و لكنني أكرر اعتذاري مرة أخرى و أرجو أن تقبلوه بمحبة أيضا...
قعدت أعدد في الحاجات التي أتمنى أن أجدها في البوست حتى يجذبني لأبدأ به يومي... فكتبت عدة أِشياء افترضت أنها ما سيجعل البوست جاذبا... و لكني عندما انتهيت من حصرها وجدت انه يمكن تلخيصها في جملة واحدة... ألا و هي أن يعود البوست كما كان في بداياته....
شكر خاص للحبيب ولدنا ياسر نجيلة على كلماته الطيبة في حقي...
Post: #788 Title: Re: ناس الزقازيق ... أجدع ناس (5) Author: أحمد إسماعيل Date: 12-26-2012, 04:41 PM Parent: #787
ما شاء الله البوست اليومين دي عامر ، إن شاء الله دايما عامرين و ذلك عن مقدم العام الجديد والربع الأخير من العام للبوست وإختيار الريس الجديد و تعدي (الخمسين) جوة وبرة .
يقال أن النساء في جزيرة (دومينكا ) في المحيط الأطلسي يتكلمن لغة تختلف عن اللغة التي يتحدث بها الرجال في هذه الجزيرة ! ( ودي تجي إزاي )
أيام كنا برالمة في الزقازيق وزي ماقال موسى عيسى ناصحين لأننا أحدثنا ضجة وتغير في الأجدع ناس أحد الإخوة المصريين سألني : من الجنوب ولا من شمال السودان قلت له من غرب السودان ، المصري قال : ودي تجي إزاي !
نحن نؤيد الرئيسين ( الرئيس المخلوع والرئيس الجديد ) وكل عام وأنتم بألف خير
Post: #789 Title: Re: ناس الزقازيق ... أجدع ناس (5) Author: محمد صديق Date: 12-27-2012, 08:53 AM Parent: #788
سلامات يا ناس
Quote: اها السماية متين .؟
مع اكتمال تسجيل ( سيدى بيه ).
Post: #790 Title: Re: ناس الزقازيق ... أجدع ناس (5) Author: محمد صديق Date: 12-27-2012, 08:56 AM Parent: #789
لكن يا محمد عيد ما نكت في شكل حكم .... موبااااالغة .... تسلم ....
===================== رشيد القوم ... زوغتك من رئاسة الدورة الجديدة ... غير مقبولة وفي وقتها ... لكل حدث حديث ...
================== او عمر ... يابتاع الحكم والمعلومات المدهشة ... غايتو معلومة الدومنيكا ... ن حنسأل حاتم جبارة ... واكيد معلومتك صحيحة ... بدليل ان نساءهم تاركين رجالم .... وواقعين زواج في رجال البلدان التانية ...
================== الكوتش ابو قطرة ... لسة مارجعت السودان ...
Post: #793 Title: Re: ناس الزقازيق ... أجدع ناس (5) Author: عبد الدائم سيد أحمد Date: 12-29-2012, 07:24 AM Parent: #792
خالص التعازى للاخت و الزميلة زينب التجانى فى وفاة والدتها
انا لله وانا اليه راجعون
آللهم أرحمها وأسكنها فسيح جناتك آللهم باعد بينها وبين خطاياها كما باعدت بين المشرق والمغرب اللهم نقها من الخطايا والذنوب كما ينقى الثوب الأبيض من الدنس اللهم اغسلها بالثلج والماء والبرد اللهم أبدلها داراً خيراً من دارها وأهلاً خيراً من أهلها اللهم اجمعنا وإياها في مستقر رحمتك اللهم انا نسالك بأسمك الاعظم ان توسع مدخلها اللهم آنس في القبر وحشتها اللهم ثبتها عند السؤال اللهم باعد القبر عن جنباتها اللهم اكفها فتنة القبر اللهم اكفها ضمة القبر اللهم اجعل قبرها روضة من رياض الجنة ولا تجعله حفرة من حفر النار اللهم إن كانت محسنًة فزد في إحسانها وإن كانت مسيئًة فتجاوز عن سيئاتها اللهم ألحقها بالشهداء
اللهم أرحمها وأغفر لها وأجعل الجنة مثواها اللهم أكرم نزلها ووسع مدخلها وأغسلها بالماء والثلج والبرد ونقها من الذنوب والخطايا كما ينقي الثوب الأبيض من الدنس
التعازي موصولة للاخت زينب التجاني ولجميع افراد الاسرة الكريمة
إنا لله وإنا إليه راجعون
Post: #795 Title: Re: ناس الزقازيق ... أجدع ناس (5) Author: محمد صديق Date: 12-30-2012, 06:40 AM Parent: #794
سلامات يا ناس
التعازى : ببوست العزاء ..رجاء.
**************************************
بدل نفتح بوست بى هناك ، ما تخلونا هنا...
يمكن الحال ينعدل.
Post: #796 Title: Re: ناس الزقازيق ... أجدع ناس (5) Author: ميسرة سيد أحمد Date: 12-30-2012, 07:28 AM Parent: #795
صباح الخير يا وجوه الخير
اللهم إني أعوذ بك من عذاب النار وفتنة النار، وفتنة القبر وعذاب القبر، وشر فتنة الغنى، وشر فتنة الفقر، ومن شر فتنة المسيح الدجال
===================================
ما زلنا في إنتظار الأخ/ بكري أبو بكر لإعادة البوست إلى موقع الطبيعي وإلا سوف نكون مجبرين على فتح واحد جديد
Post: #797 Title: Re: ناس الزقازيق ... أجدع ناس (5) Author: محمد صديق Date: 12-30-2012, 08:04 AM Parent: #796
سلامات يا ناس
Quote: ما زلنا في إنتظار الأخ/ بكري أبو بكر لإعادة البوست إلى موقع الطبيعي وإلا سوف نكون مجبرين على فتح واحد جديد
Quote: بدل نفتح بوست بى هناك ، ما تخلونا هنا...
يمكن الحال ينعدل.
سُعَالْ : شنو البنستفيدو من بوست فى المنبر العام؟؟
Post: #798 Title: Re: ناس الزقازيق ... أجدع ناس (5) Author: محمد صديق Date: 12-30-2012, 11:52 AM Parent: #797
سلامات يا ناس
الليلة الخميس ؟؟
برضو سُعَالْ.
Post: #799 Title: Re: ناس الزقازيق ... أجدع ناس (5) Author: عبد القادر بابكر Date: 12-30-2012, 07:28 PM Parent: #798
خالص التعازى للاخت و الزميلة زينب التجانى فى وفاة والدتها انا لله وانا اليه راجعون
آللهم أرحمها وأسكنها فسيح جناتك آللهم باعد بينها وبين خطاياها كما باعدت بين المشرق والمغرب اللهم نقها من الخطايا والذنوب كما ينقى الثوب الأبيض من الدنس اللهم اغسلها بالثلج والماء والبرد اللهم أبدلها داراً خيراً من دارها وأهلاً خيراً من أهلها اللهم اجمعنا وإياها في مستقر رحمتك اللهم انا نسالك بأسمك الاعظم ان توسع مدخلها اللهم آنس في القبر وحشتها اللهم ثبتها عند السؤال اللهم باعد القبر عن جنباتها اللهم اكفها فتنة القبر اللهم اكفها ضمة القبر اللهم اجعل قبرها روضة من رياض الجنة ولا تجعله حفرة من حفر النار
Post: #800 Title: Re: ناس الزقازيق ... أجدع ناس (5) Author: محمد صديق Date: 12-31-2012, 07:26 AM Parent: #799
سلامات يا ناس
Quote: خالص التعازى للاخت و الزميلة زينب التجانى فى وفاة والدتها
العزاء ببوست العزاء ..رجاء.
************************************
يا قدورة مشتاقين ياخ..يا حليلك.
****************************************
طارق جبرين وين؟؟
******************************************
وكذلك منص.
********************************************
وسامى عبد الوهاب وجلال ( المهجوم )...
وعصام دهب...
**********************************************
التهانىء للجميع بعيد الإستقلال والسنة الجديدة.
*********************************************
××
××
××
وما زال سُعالى قائم.
Post: #801 Title: Re: ناس الزقازيق ... أجدع ناس (5) Author: ميسرة سيد أحمد Date: 12-31-2012, 07:52 AM Parent: #800
صباح الخير ،،، يا وجوه الخير
كل عام وأنتم جميعاً بخير
سلام يا كوتش ، اليوم تم إختيار رئيس جديد
للبوست وسوف يتم الإعلان عنه في تمام الساعة الواحده ظهراً
...
