بوست أفراح .. تهاني وتبريكات ...

بوست أفراح .. تهاني وتبريكات ...


13-01-2011, 10:04 PM


  » http://sudaneseonline.com/cgi-bin/sdb/2bb.cgi?seq=msg&board=299&msg=1294956294&rn=0


Post: #1
Title: بوست أفراح .. تهاني وتبريكات ...
Author: البادي النور
Date: 13-01-2011, 10:04 PM

مساء الهناء والسرور ...

أبدأ هذا البوست بالتهنئة لي شخصيا بقدوم مولودة بنوتة في يوم الإثنين 10-01-11 في مستشفى الخور بدولة قطر ...

كانت الولادة بعملية قيصرية لكن والحمد لله المولودة بخير وكذلك والدتها ...

اليوم بعد صلاة العصر خرجنا من المستشفى ...

لم تتم التسمية حتى هذه اللحظة وما في مانع من الإقتراحات والإسم الفائز له جائزة ...

أخونا محمد حامد تبيدي بعث بهذه الرسالةالظريفة لجميع زقازيقاب الدوحة:((قبل قليل رزق البادي النور بمولودة يرجح أن يطلق عليها إسم موزة تيمنا بالشيخة موزة .. نسأل الله أن يعيذها وذريتها من الشيطان الرجيم ويجعلها من الأخوات المسلمات القانتات)) ...

Post: #2
Title: Re: بوست أفراح .. تهاني وتبريكات ...
Author: Hatim Gubara
Date: 14-01-2011, 03:35 PM
Parent: #1

أول مباركه مني يا فرده..
ربنا يحفظها ويسلمها..
وتشوف أولادها وأولاد أولادها.. يارب..
تحياتنا للجيكس.. أقصد المدام..
وحمدلله على السلامه..

Post: #3
Title: Re: بوست أفراح .. تهاني وتبريكات ...
Author: عمر المهدى
Date: 15-01-2011, 05:36 AM
Parent: #2

العزيز البادي
الف مبروك البنيه وتتربى في عزكم وحمد لله على السلامه
عاوزين نعرف الرتبه بتاعتك ملازم ولا عشان موضوع التحيه وكدا(العبد لله نقيب)
ايضا المباركه للحبيب دهب الترقيه الاستثنائيه ووليدكم مبروك وجعله
الله من الصالحين ونساله جل وعلا ان يجعلهما قره اعين لكما

Post: #4
Title: Re: بوست أفراح .. تهاني وتبريكات ...
Author: خالد محي الدين
Date: 15-01-2011, 05:39 AM
Parent: #2

السلام عليكم و رحمة الله و بركاته
يسّرني أن أتوجّه بأسمى آيات التهاني والتبريكات لك أخى البادى
بمناسبة قدوم المولوده جعلها الله من الصالحين و أنار عقلها بعلم اليقين
و أدفئ قلبها بحرارة الدين و جعلها من البّارين الصالحين الذاكرين

والحمد لله على سلامة والدتها

Post: #5
Title: Re: بوست أفراح .. تهاني وتبريكات ...
Author: عبد الدائم سيد أحمد
Date: 15-01-2011, 06:34 AM
Parent: #4

الف مبروك يا بادى المولودة

تتربى فى عزك وحمد الله بسلامة المدام

الظاهر عليها البت دى بتحب الراحات والاغتراب
عشان كده مرقت فى الدوحة

يا تبيدى موزة شنو العايز تسمى فيها البت
بعدين لما ترجع السودان بنات المدرسة لا بعرفو شيخة قطر
ولا غيرو ، يقعدو يسيروها فى الشارع موزة موزة

البادى شوف ليك اسم تانى والله حبوباتا زاتو ما موافقين على الاسم دا

Post: #6
Title: Re: بوست أفراح .. تهاني وتبريكات ...
Author: ابتهاج عبد الله
Date: 15-01-2011, 06:56 AM
Parent: #5

تبقى لامها نور عيونهاوتبقى ليك انت الركيزةولينانحنا ضوء القبيلة

مبروك بنيتك الجميلة ربى تفرح بعديلها

Post: #7
Title: Re: بوست أفراح .. تهاني وتبريكات ...
Author: محمد صديق
Date: 15-01-2011, 07:02 AM
Parent: #6

سلامات يا ناس

Quote: السلام عليكم و رحمة الله و بركاته
يسّرني أن أتوجّه بأسمى آيات التهاني والتبريكات لك أخى البادى
بمناسبة قدوم المولوده جعلها الله من الصالحين و أنار عقلها بعلم اليقين
و أدفئ قلبها بحرارة الدين و جعلها من البّارين الصالحين الذاكرين
والحمد لله على سلامة والدتها


Quote: الف مبروك يا بادى المولودة

تتربى فى عزك وحمد الله بسلامة المدام

الظاهر عليها البت دى بتحب الراحات والاغتراب
عشان كده مرقت فى الدوحة

يا تبيدى موزة شنو العايز تسمى فيها البت
بعدين لما ترجع السودان بنات المدرسة لا بعرفو شيخة قطر
ولا غيرو ، يقعدو يسيروها فى الشارع موزة موزة

البادى شوف ليك اسم تانى والله حبوباتا زاتو ما موافقين على الاسم دا

Post: #8
Title: Re: بوست أفراح .. تهاني وتبريكات ...
Author: أحمد إسماعيل
Date: 15-01-2011, 07:04 AM
Parent: #4

الأخ البادى
السلام عليكم ورحمة الله وبركاته
أهنئكم وأبارك لكم المولودة حعلها
الله من بنات المسلمين اللاتي يشار إليهن
بالبنان ، وألف حمد الله على سلامة والدتها

وأقترح إسم زهوة أو زاهية بالأخص إذا كانت
هي الوحيدة مع إخوة أولاد

Post: #9
Title: Re: بوست أفراح .. تهاني وتبريكات ...
Author: منصور عبد الرازق
Date: 15-01-2011, 11:34 AM
Parent: #8


دوحة وبت جديدة
مين ادك يا عم
موز شنو ياخ
الدهب الدهب الدهب

تتربى فى عز الوالدين
حمد على سلامة الوالد والمولود

Post: #10
Title: Re: بوست أفراح .. تهاني وتبريكات ...
Author: منصور عبد الرازق
Date: 15-01-2011, 11:40 AM
Parent: #8


دوحة وبت جديدة
مين ادك يا عم
موز شنو ياخ
الدهب الدهب الدهب

تتربى فى عز الوالدين
حمد على سلامة الوالد والمولود

Post: #11
Title: Re: بوست أفراح .. تهاني وتبريكات ...
Author: محمد عيد
Date: 15-01-2011, 12:25 PM
Parent: #10

البادى العزيز .. الف مبروك وتتربى فى عزكم انشاء الله

وحمدا لله بسلامة المدام ...

رأيك شنو تسميها وحــده ( الكسرة على الواو ) ..!!

كيتا فى الانفصالى اياه ..

Post: #12
Title: Re: بوست أفراح .. تهاني وتبريكات ...
Author: زهير الزناتي
Date: 15-01-2011, 01:21 PM
Parent: #11

البادي سلامات ....

ياخي مبروك البنية ... البنات ديل دايماً وش خير ... وتتفتح عليك محل ما تقبل .... انشاء الله من بنات الوطن الهديات الرضيات العاملات .. وحمد الله علي سلامة المدام ... والسماية لازم تدونا خبر ... كلها تلاتة ساعات ... وما كتيرة علي الحلوة دي .. بس عليك الله قبل وقت كافي عشان ... عشان يكون عندنا وقت نحنس فيهو الكفيل للخروج والعودة ...

Post: #13
Title: Re: بوست أفراح .. تهاني وتبريكات ...
Author: الرشيد بابكر
Date: 15-01-2011, 07:23 PM
Parent: #12

يا بادي مبروك عليكم لينا...
لينا ده الاسم الذي اقترحه عليكم...
و حمد الله على سلامة المدام...
نسأل الله أن يجعلها من الصالحات البارات,...

Post: #14
Title: Re: بوست أفراح .. تهاني وتبريكات ...
Author: محمد آدم النور
Date: 16-01-2011, 06:04 AM
Parent: #13

Quote: البادى العزيز .. الف مبروك وتتربى فى عزكم انشاء الله

وحمدا لله بسلامة المدام ...

رأيك شنو تسميها وحــده ( الكسرة على الواو ) ..!!

كيتا فى الانفصالى اياه ..

المهم مبروووك
لكن الإنفصالي أنا و لا البادي
زول طلع و قال ما داير الوحدة
يسو ليهو شنو؟؟؟
عليك الله سميها
الثورة الجديدة

ناس رايح ليها إنتفاضة ساكت

Post: #15
Title: Re: بوست أفراح .. تهاني وتبريكات ...
Author: ابتهاج عبد الله
Date: 16-01-2011, 02:20 PM
Parent: #14

انتفاضه ولا واحدوعشرين اكتوبر

Post: #16
Title: Re: بوست أفراح .. تهاني وتبريكات ...
Author: طارق جبريل
Date: 17-01-2011, 09:57 AM
Parent: #15

البادي يا حبيبنا
الف الف مبروك وتتربى في عزكم
حقنا في السماية رسلوا شرموط

Post: #17
Title: Re: بوست أفراح .. تهاني وتبريكات ...
Author: جلال عثمان
Date: 17-01-2011, 11:29 AM
Parent: #16

الف مبروك البنية يا البادي
جعلها الله من الصالحات وجعلها غرة عين لوالديها
-------
كان ما سميتها "ميــــــــــار" انا وزهير وابتهاج بنزعل منك

Post: #18
Title: Re: بوست أفراح .. تهاني وتبريكات ...
Author: البادي النور
Date: 17-01-2011, 11:36 AM
Parent: #16

نهاراتكم سعيدة .. وبالهناء والسرور ...

معليش يا شباب الواحد كان مشغول بيلعب مع البنوتة الأمورة وطبعا دا عيب ولادة الكبر ...

حاتم جبارة – عمر المهدي – خالد محيي الدين – ديدو النضيف – إبتهاج – الكوتش محمد صديق – أحمد إسماعيل – منصور عبدالرازق – محمد عيد – أبوالزوز – رشيد القوم – الشيخ جلا – طارق جبريل ...

والله أسعدتموني أيما سعادة وشكرا جزيلا على المداخلات اللطيفة والدعوات الصالحات .. وإنشاء الله نبارك ليكم السمح ...

أبوالزوز عايز يحنك الكفيل .. الله يرحم أيام الحرية ...

ود جبرين برسل ليك حقك من السماية مع طلحة زي قميص ود جادين ...

Post: #19
Title: Re: بوست أفراح .. تهاني وتبريكات ...
Author: زهير الزناتي
Date: 17-01-2011, 05:12 PM
Parent: #18

يا البادي امسك في كلام جلال ده قوي وسميها ميار .... واسالنا من الباقي .... ميار اسم حلو ... وسته بعدين بتطلعك ليك هدية ورضية ...

Post: #20
Title: Re: بوست أفراح .. تهاني وتبريكات ...
Author: ميسرة سيد أحمد
Date: 18-01-2011, 12:30 PM
Parent: #19

الف مبروك البنية يا بادي يا نور

جعلها الله من الصالحات العابدات

وغرة لعين والديها،،،

وحمد لله على سلامة المدام ،،،

Post: #21
Title: Re: بوست أفراح .. تهاني وتبريكات ...
Author: موسي الراجل
Date: 20-01-2011, 09:14 AM
Parent: #20

البادى النور سلام الله عليكم وجعلها من الصالحات وباره بوالديها وحمدا لله عن السلامه وربنا يحفظها

Post: #22
Title: Re: بوست أفراح .. تهاني وتبريكات ...
Author: البادي النور
Date: 23-01-2011, 02:16 PM
Parent: #21

مساء الهناؤ والسرور ...

الريس ميسرة أشكرك على التهنئة الرئاسية ونبارك ليك السمح ...

موسى الراجل الله يديك العافية وشكرا على التهنئة الرجولية ونبارك ليك السمح يا ود أمي ...

أبوالزوز سبق السيف العذل .. أسمينا المولودة حور وهو إسم مذكور في القرآن في سورة الرحمن (حور مقصورات في الخيام) ..

وبرضو تقول لي ميار ...

Post: #23
Title: Re: بوست أفراح .. تهاني وتبريكات ...
Author: موسي عيسي
Date: 25-01-2011, 10:30 AM
Parent: #22

البادي الجميل انشاء الله ربنا يجعلها من حور الجنة

و يقر بيها اعينكم دنيا واخرة و انشاء الله تلقي ليها

حوري من حور الوطن الصافيين !!!!

الشي شنو يالبادي بدور تسال زهير من القران والدين

قادر الله و الله فمهما ليك خلاص و جاوبك والله هو متصل علي

يتاكد من كلامك دي صح و لا ؟؟ اها رايك شنو !!!!

Post: #24
Title: Re: بوست أفراح .. تهاني وتبريكات ...
Author: كمال الشادي
Date: 05-02-2011, 03:55 PM
Parent: #23

سميها ( مربوطة )


الحتة دي انا عندي فيها راي

Quote: ويجعلها من الأخوات المسلمات القانتات


الف مبروك وجعلها الله من الصالحات وغر بها عين والديها