Post: #1
Title: مرحب حبابكم
Author: عمر نملة
Date: 05-03-2010, 07:54 AM
Parent: #0
مرحب حبابكم
بوست للترحيب بكل المنورين الجدد ونقول ليهم حبابكم عشره بلا كشره وابداء بالترحيب بالمتفائله شوش واقول ليها بيتك ومطرحك وافتحي كل الابواب وكلي واشربي وقري عينا من كل الشجر ولاتقربي شجرة صور نادي الشرطه فبابها متاكى بيد منصور وحراسة ياسر نجيله ولف ودوران كريم الاصل والوعد اما زهير فيمثل دور التلميذ النجيب وفي الحقيقه هو بروف ومحترف وليه صولات وجولات وكتب تدرس اما شخصي الواضح فرافع شعار الجري ولا غير الجري اما الكوتش جنابو معتمد اسلوب السهل الممتنع مع سلاسه في الحوار ولكنني ارى عصا غليظه يتوكا بها.. مرحب حباكم ومرحبتين شوش..
|
Post: #2
Title: Re: مرحب حبابكم
Author: ياسر نجيلة
Date: 05-03-2010, 08:42 AM
Parent: #1
مرحب مليون ببتنا شوش ...
كل الحيشان مفروشة ... لاستقبالك
وحوش صور نادي الشرطة ... مخصوص عشانكم
خلينا نشوفك بهناك ... كلام نملوز ده ... خطيهو ...
|
Post: #3
Title: Re: مرحب حبابكم
Author: محمد آدم النور
Date: 05-03-2010, 11:58 AM
Parent: #2
تعبت من الكوبي بيست
ممكن أقول شرحو؟؟؟؟؟
|
Post: #4
Title: Re: مرحب حبابكم
Author: عائشة صلاح الدين
Date: 05-03-2010, 12:44 PM
Parent: #2
شكرا با نجيلة على الترحيب والتشجيع لكن صدق بعد كلام نملوز دا يا دوب حيخلينى احط رحالى طويل فى حوش صور نادى الشرطة
رغم انو البوست بتاع صور نادى الشرطة عامل زى ديوان الرجال مافيهو حريم خالص وكلو شمار عنهن لكن برضو انا قاعدة قاعدة ...
رائكم شنو ابقى ليكم طابور خامس على الاقل عاوزة اغير ليكم من حكاية الجرى دى كدى تعالو جربوا الطيران على ضمانتى انا .... افيدونى
عشان ابدا ليكم الترتيبات
يعدين صولات زهير دى وانو استاذ ما بتنفع معاى زهير دا لو ازعجكم قولوا ليه بنادى ليك ود شوش ....
|
Post: #5
Title: Re: مرحب حبابكم
Author: عمر هواري
Date: 05-03-2010, 12:52 PM
Parent: #4
شكراً عزيزنا نملوز على هذه الفكرة الحلوة ..
وأكيد الحوش ده مهم .. عشان أي برلوم لازم يخش بهنا أول حاجة وبعده للحيشان التانية ..
أرحب بألإستاذة شوش وفي ظني ستكون إضافة حقيقية لهذا المنبر ..
|
Post: #6
Title: Re: مرحب حبابكم
Author: عمر المهدى
Date: 05-03-2010, 01:29 PM
Parent: #5
مرحبتين بالاخت عائشة الشهيرة بشوش
ماشاء الله من اول يوم في الفريق الاساسي
النفطي ولا شنو
مزيد من التالق والابداع
|
Post: #7
Title: Re: مرحب حبابكم
Author: عائشة صلاح الدين
Date: 05-03-2010, 05:54 PM
Parent: #5
وأكيد الحوش ده مهم .. عشان أي برلوم لازم يخش بهنا أول حاجة وبعده للحيشان التانية ..
والله شكرا يا شباب رفعتوا من روحى المعنوية ..... هوارى ... ياكم زااااااااااتكم ناس الزقازيق الحنان الحلوين البتقدروا الزمالة
والله حاجة جميلة انو الزول يرجع برلوم تانى يعنى دى ممكن يا هوارى تسميها برلمة بعد الاربعين ( اوفر فورتى )
يلا اعملوا لينا زى ما بتعمل للبرالمة اخر اهتمام وعناية ويمشوا معاهم الكلية وياخدوهم جولة فى البلد ... الخ
طبعا انا منتظرة حفلة الاستقبال يا زهير ومحمد صديق بس المرة دى بفنان .. ما برلومة لازم تنفذوا لى طلباتى
شكرا يا ودالمهدى على الترحيب وذكر الناس ديل بحفلة الاستقبال
نملوز حفلة استقبال البرالمة ( اللى هم احنا ) حتكون فى نادى الشرطة وحننزل ليك الصور بس افتح صور نادى الشرطة تلقانا بهناك
هسه لو محمد صديق كان عندو بت كنا بقينا نسايب وكان عمل لى اشتراك عدييييييل فى نادى الشرطة ... يعنى حتى لو انتو مشفرين البوست بنادى الشرطة بدخل ... اها رائك شنو
|
Post: #8
Title: Re: مرحب حبابكم
Author: محمد صديق
Date: 05-04-2010, 07:44 AM
Parent: #7
سلامات يا ناس
Quote: نملوز حفلة استقبال البرالمة ( اللى هم احنا ) حتكون فى نادى الشرطة وحننزل ليك الصور بس افتح صور نادى الشرطة تلقانا بهناك
هسه لو محمد صديق كان عندو بت كنا بقينا نسايب وكان عمل لى اشتراك عدييييييل فى نادى الشرطة ... يعنى حتى لو انتو مشفرين البوست بنادى الشرطة بدخل ... اها رائك شنو |
شكرآ عمر نملوز.
ومراحب بالاخت شوش..وهى جايانا بى ( خشم الباب) بعد ( نفاجات ) زهير عملت ليها الفلايت
ووجع الفِقَرْ...
وما دام انت جاية بى تقلك ومنيِّشة على بوست الصور...يبقى جايّالِك بى رأى..(اعمل حسابك يا زهير)
|
Post: #9
Title: Re: مرحب حبابكم
Author: البادي النور
Date: 05-04-2010, 07:53 AM
Parent: #7
اهلا وسهلا بنوتتنا شوش ...
اول الغيث قطرة .. لكن انت الغيث كله ...
حبابك في حوشنا الزقازيقي الكبير وانت اضافة كبيرة ...
|
Post: #10
Title: Re: مرحب حبابكم
Author: عمر نملة
Date: 05-04-2010, 09:28 AM
Parent: #9
مرحب حباب د/ خالد محي الدين الرجل الهادئ والله ايام يادكتور ومتعودين نشوفك مع د عمر سلام كتير ليه وماتنسى تنس الطاوله منتظرينك ناس د/ زهير علي وياسر نجيله وابراهيم عبد المجيد وكيشتنا د/ حاتم جباره( اخر مره سمعنا بيه كان بينادي على بنته ساره وقال عايز ليمونه) مرحب حبابك يادكتور وركز لينا على بيت الكلاوي
|
Post: #11
Title: Re: مرحب حبابكم
Author: عمر نملة
Date: 05-04-2010, 09:29 AM
Parent: #10
شوش المنوره
قلتي نجرب الطيران يعني دا اخر كمين توصلت ليه رابطه القوه المتسلطه... كان غيرك اشطر رافعين شعار الجري ولاغير الجري .. يا اخوان المهنه احذروا المصائد والاكمنه وسودانيز اير لاين
|
Post: #12
Title: Re: مرحب حبابكم
Author: منصور عبد الرازق
Date: 05-04-2010, 09:50 AM
Parent: #11
فكرة رائعة يا ود يا نملوز انت
وبعدين كون الترحيب يبتدى بى شوش نفسها
فهذا ما يزيد من روعة الوست وروعة الفكرة
وقلتوا لى كمان خالد محى الدين جاى
طيب ما كملت الشغلة , نحن يا ربى نقدم استقالاتنا من الشغل ونتفرغ ليكم ولا شنو ؟؟؟!!!
|
Post: #13
Title: Re: مرحب حبابكم
Author: جلال عثمان
Date: 05-05-2010, 06:40 AM
الجدعان ... الجدعان ...
شوش ... شوش ...
دكتور خالد .... دكتور خالد
والجايين ... الجايين ...
الكوامر لا .... وستين لا
سلام كبير اوي .... اوي .. اوي ....
ورقصني ياجدع ...
عبدالدائم بالله اجدع لينا غنية حلوة هنا عشان نرقص ...
|
Post: #14
Title: Re: مرحب حبابكم
Author: موسي عيسي
Date: 05-05-2010, 08:42 AM
Parent: #13
افضل كوبي اتعمل حتى الان !
الجدعان ... الجدعان ...
شوش ... شوش ...
دكتور خالد .... دكتور خالد
والجايين ... الجايين ...
الكوامر لا .... وستين لا
سلام كبير اوي .... اوي .. اوي ....
ورقصني ياجدع ...
عبدالدائم بالله اجدع لينا غنية حلوة هنا عشان نرقص ...!!!!
عملنا فيه رتوش علشان صاحب الفكرة ما يزعل علينا ؟
|
Post: #15
Title: Re: مرحب حبابكم
Author: عمر نملة
Date: 05-07-2010, 09:51 PM
Parent: #14
رحبو معاي بكوثر داوؤد ومنوره المنتدى ومنتظرين حكاوي الثريا وناس تربيه اهلا نزلت وسهلا جلستي مرحب حبابك
|
Post: #16
Title: Re: مرحب حبابكم
Author: جلال عثمان
Date: 05-08-2010, 07:33 AM
Parent: #15
التحية والتجلة للبت الجدعة اوي دفعتنا كوثر داوؤد
وطبعا يا نملوز كوثر دي بتكون "مستودع" لقصص وحكايات ثريات الزقازيق
وقطع شك هي اضافة "نوعية" للحوش ...
----
صاحبك ودالمأذون مالو لا حس ولاخبر .... ان شاء الله يكون بخير ...
|
Post: #17
Title: Re: مرحب حبابكم
Author: عمر نملة
Date: 05-08-2010, 08:15 AM
Parent: #16
جلال الحبيب وكل المرحيبين
رحبوا معاي بطله محمد المرتضى ونقول ليه قشه ماتعتر ليك وطلع لينا خبايا الثلاثي السمح
وياتاس البيت رحبوا باي جديد عشان مرات بتفوت علي حاجات كتيره
|
Post: #18
Title: Re: مرحب حبابكم
Author: عفاف علي ميرغني
Date: 05-10-2010, 08:20 PM
Parent: #17
ونرحب معاك يا نملوز بكل الجاييين
بوست حلوووووو
|
Post: #19
Title: Re: مرحب حبابكم
Author: عمر نملة
Date: 05-30-2010, 06:07 PM
Parent: #18
مرحب حباب مشاعر بدوي
مرحب حباب الراجل الحريف ود العبيد
ومنتظرين ذكرياتكم واخبار احبابكم
|
Post: #20
Title: Re: مرحب حبابكم
Author: عمر نملة
Date: 07-15-2010, 02:00 PM
Parent: #19
مرحب حباب الراجل اخو الرجال موسى للرجال خوسه ،
مرحب بيك ياموسى وبركه الجيت ياموسى
مرحب واتفضل لداخل البيت وقشه ماتعتر ليك
حبابك عشره بلاكشره.
|
Post: #21
Title: Re: مرحب حبابكم
Author: كمال الشادي
Date: 11-20-2010, 06:59 PM
Parent: #20
نملوز اللذيذ
كل سنةوانت بالف خير وعافية
عافية لمن جاكي
آسف لانقطاعي عنك
واعاهدك باني لن اكررها
لك التحية في العيد السعيد
اعاده الله عليكم وانتم بالف خير وعافية
لك ولكل من تحب
طل وبطل البخل
يا راجل يا كريم
|
|