ولمن فاتهم الاستماع .....

ولمن فاتهم الاستماع .....


11-11-2009, 09:24 AM


  » http://sudaneseonline.com/cgi-bin/sdb/2bb.cgi?seq=msg&board=299&msg=1257931454&rn=1913


Post: #1
Title: ولمن فاتهم الاستماع .....
Author: محمد صديق
Date: 11-11-2009, 09:24 AM
Parent: #0

سلامات يا ناس

جميعكم كتاباتكم طاعمة ...تشدنا وتجعلنا نهفوا اليها

ونتنسمها عبيرآ...وعطرآ..نأتى ونعلق عليها ..واحيانآ

لا نعلق ونكتفى ب ...متابع ومستمتع...

للايقاع السريع للبوست ...تفوت علينا بعض المداخلات ..

هذا البوست [ لمن فاتهم الاستماع ..] يأتى اليكم بمداخلات

طاعمة من اميال سبقت...تفاعلكم معه يجعلكم تعودون الى القديم

وتستمتعون...زول جرب يستمتع بصورته وهو فى العشرينات؟؟

ننتظركم ...بعد اول كلام طااااااااااااااااااااااااااااااعم.

Post: #2
Title: Re: ولمن فاتهم الاستماع .....
Author: محمد صديق
Date: 11-11-2009, 09:51 AM
Parent: #1

سلامات يا ناس

نبدأ من الميل 14...ولانحيازنا للشعر ...ستكون البداية

شعرآ صراحآ...شاعر البوست نجيلة ...اطل عليه وعلى الجميع

عام جديد....فلم يجد امامه الا الشعر...فالتجأ الى اجمل ملتجأ

واتكأ على اعظم متكأ.....

Quote: .أعاين ليك ...
اعاين ليك بلد ممتد
وصوت طنبور نسايم ليل وريحه ند
واحس الدنيا لحظه فال يلاقي ظلال عيون مرسال وباقة ورد
واعاين ليك حنان يمه نضال يابه وشوق ممدووووووود فايت الحد
واعاين ليك حنان غيمة ومطر ديمه وشوق ممكووووون كاتمو بجد
واشوف عاما جديد شبعان ملان بالخير وخالى نكد

Post: #3
Title: Re: ولمن فاتهم الاستماع .....
Author: الرشيد بابكر
Date: 11-11-2009, 11:41 AM
Parent: #2

يا كوتش الفكرة رائعة وهي تشبه الى حد بعيد فكرة نجيلة في تلخيص البوست و التي أصبحت من أميز الفقرات بعد أن طورها نجيلة بموهبته و حسة الابداعي...
فكرتك ستكون جميلة جدا و لكنها متعبة جدا..فهي تحتاج منك قراءة كل المداخلات بتمعن و الرجوع الى ما فاتك في حالة ان منعتك ظروفك من الدخول وهكذا...
أضف الى فكرتك و من خلال كلامك أيضاأن يشمل ذلك الرجوع الى صور العشرينات أو صور الشهور الأولى لأعضاء البوست...صدقني ستكون فقرة جميلة جدا....

Post: #4
Title: Re: ولمن فاتهم الاستماع .....
Author: زهير الزناتي
Date: 11-11-2009, 11:58 AM
Parent: #3

يا كوتش الفكرة عبقرية ، خاصة أن هنالك الكثير من المواضيع لم تجد حظها من النقاش وذلك لسرعة البوست السابق الخرافية ، وهنالك عدد من الإبداعات راحت تحت الكرعين ... في الإنتظار من أجل المتابعة والإستمتاع ، علي القرفصاء (عليك الله رايك فيها شنو) جالسون ...

Post: #5
Title: Re: ولمن فاتهم الاستماع .....
Author: منصور عبد الرازق
Date: 11-11-2009, 12:09 PM
Parent: #4

فكرة جنان
زى ما قال الرشيد
وزى ما قعد ابو الزوز القرفصاء
قعدنا واتحكرنا

Post: #6
Title: Re: ولمن فاتهم الاستماع .....
Author: محمد صديق
Date: 11-11-2009, 01:14 PM
Parent: #5

سلامات يا ناس

شكرآ..الاحبة :

منص

الرشيد

زهير

نسمع تعليقكم على ابيات نجيلة الجميلة [ مافى زول يجى يقول

لى ابيات جميلة عشان دى انا قلتها ].

Post: #7
Title: Re: ولمن فاتهم الاستماع .....
Author: عفاف علي ميرغني
Date: 11-11-2009, 07:21 PM
Parent: #6

Quote: Quote: .أعاين ليك ...
اعاين ليك بلد ممتد
وصوت طنبور نسايم ليل وريحه ند
واحس الدنيا لحظه فال يلاقي ظلال عيون مرسال وباقة ورد
واعاين ليك حنان يمه نضال يابه وشوق ممدووووووود فايت الحد
واعاين ليك حنان غيمة ومطر ديمه وشوق ممكووووون كاتمو بجد
واشوف عاما جديد شبعان ملان بالخير وخالى نكد



حنان00 نضال00 غيمة00 ديمة000 شوق00

القصيدة فيها اجمل اسماء لبنات 00

اها النقد دا كيف يا محمد صديق00

Post: #8
Title: Re: ولمن فاتهم الاستماع .....
Author: ياسر نجيلة
Date: 12-11-2009, 07:53 AM
Parent: #7

يا كمندان والله الفكرة مميزه ...
وفعلا هناك مشاركات رائعة من الشباب تحتاج لوقفات ...

ولكن...
كما قلت سابقا ... كلمة شاعر دي كبيرة على ... هذا ليس بتواضع
ولكن فعلا انا لم اكتب الشعر الا نادرا ... وبدأت اكتب مخصوص لهذا البوست
بعد ما دخلنا الريس ميسرة عجلة الشعر بذكائة ....
ولا تتعدي ابيات قصائدي "ان صح التعبير" الخمسة او الستة
واغلبها " نجرته " وليد اللحظة او الموقف الدائر بالبوست ...
وكثير منها " ملفوح " من كلمات أغاني ... او قل مجارات لها ...
فانا لا اعترض على ذكرها هنا ... ولكني اعترض على لقب "شاعر" ...

Quote: حنان00 نضال00 غيمة00 ديمة000 شوق00

القصيدة فيها اجمل اسماء لبنات 00

يا عفاف ... الليلة انا امشي من بت شيخي وين ...
حسع اقول ليها ديل منو ... دفعتي ... فيها بتين بس وهي عارفاهم ... هناء وضحي ...


مرة لما ذكرت هذه الابيات فرحة باول لقاء لنا:

لمن نحن نتلاقي عصافير الامل تصحي
تغني مع الجريد المال توشح ذاتنا بالفرحة
نقول ليكم سلام مرحب عدد ماجرت السبحة
عدد نقط المطر في الغيم وشوق الماحي للمدحة
وفاء وإخلاص وداد وحنين وبي شوفتكم تكتمل اللوحة

النضيف قال لي وفاء واخلاص وداد وحنين ديل منو ....
قلت ليهو ديل ... زميلات ... حيدر حسن ميرغني (حنين) ...
يعني اخوك متعود على ... المطبات ... ربنا يستر

واكيد ديل زميلاتك يا عفاف ... صح

Post: #9
Title: Re: ولمن فاتهم الاستماع .....
Author: محمد صديق
Date: 12-11-2009, 10:38 AM
Parent: #8

سلامات يا ناس

Quote:
القصيدة فيها اجمل اسماء لبنات 00

اها النقد دا كيف يا محمد صديق00


عفاف ...شكرآ على المرور

شكلك مشتهية ليك بنيات ...

النقد ان تقولى :

اسماء البنات ديل اجمل حاجة فى القصيدة .

Post: #10
Title: Re: ولمن فاتهم الاستماع .....
Author: محمد صديق
Date: 12-11-2009, 10:44 AM
Parent: #9

سلامات يا ناس

Quote: .يا كمندان والله الفكرة مميزه ...
وفعلا هناك مشاركات رائعة من الشباب تحتاج لوقفات ...



لك الشكر نجيلة ...والناس لم تتوقف امام الكثير من

المداخلات بالفعل بسبب الايقاع السريع واستحالة العودة

الى الوراء....كلو من اللفحى .

Post: #11
Title: Re: ولمن فاتهم الاستماع .....
Author: محمد صديق
Date: 12-11-2009, 10:55 AM
Parent: #10

سلامات يا ناس

ياسر لك الود واحترم رأيك فى لقب شاعر

لكن التحت ده شعر...عندى انا اسمو شعر

واى زول حيقراهو حيقول شعر...واقروا معانا

يا ناس الجاى ده:

Quote: لمن نحن نتلاقي عصافير الامل تصحي
تغني مع الجريد المال توشح ذاتنا بالفرحة
نقول ليكم سلام مرحب عدد ماجرت السبحة
عدد نقط المطر في الغيم وشوق الماحي للمدحة

Post: #12
Title: Re: ولمن فاتهم الاستماع .....
Author: محمد صديق
Date: 13-11-2009, 07:36 PM
Parent: #11

سلامات يا ناس

Quote: Quote: لمن نحن نتلاقي عصافير الامل تصحي
تغني مع الجريد المال توشح ذاتنا بالفرحة
نقول ليكم سلام مرحب عدد ماجرت السبحة
عدد نقط المطر في الغيم وشوق الماحي للمدحة


لو جيتوا حنقول ليكم

سلام مرحب عدد ما جرت السبحة

عدد نقط المطر فى الغيم

وشوق الماحى للمدحة

Post: #13
Title: Re: ولمن فاتهم الاستماع .....
Author: زهير الزناتي
Date: 14-11-2009, 00:14 AM
Parent: #12

ولا زلنا في إنتظار أن تبحث وتأتي لنا بالدرر ... علي طريقة عمار الشريعي غواص في بحر النغم ..
بمناسبة عمار الشريعي .. ده أجمل زول ممكن تحضر معاهو لقاء ...

Post: #14
Title: Re: ولمن فاتهم الاستماع .....
Author: زهير الزناتي
Date: 14-11-2009, 00:25 AM
Parent: #12

الزول لو عايز تعرفه شاعر ولا ما شاعر يا نجيلة لمن يجيك إحساس إنه الشعر دا حق زول تاني ... مش إستخفاف بالإمكانيات بس زيادة عشم وإنه فعلا صاحبنا المعانا دي شاعر بمعني الكلمة ... ما تضيع نفسك يا نجيلة ...

Post: #15
Title: Re: ولمن فاتهم الاستماع .....
Author: محمد صديق
Date: 14-11-2009, 06:12 AM
Parent: #14

سلامات يا ناس

وصباحات التفاؤل

زهير ...لك الشكر

الكتابة ليست كلها كتابة احترافية

ان نعبر عن حاجاتنا وحاجات الناس الحولنا

والناس البنحبهم والناس البنحس بيهم والانفعال

بأى حاجة تلامس وتر القلب...شىء مهم للصحة النفسية

للفرد..ان تبوح بما تحس...شىء عظيم ..كبت هذه الاحاسيس

من اكثر الاشياء ضررآ ...هذه الكتابات اشباع عظيم للحاجات النفسية

وما دامت صادرة من القلب فمؤكد انها ستلاقى قلوبآ تحتفى بها واياد تصفق

لها ....وحناجر تهتف دونما تشجيع من احد....ياللروعة!!

---------------------

اكتبوا ....اكتبوا ...اكتبوا ...

هل تعلمون ان الاوراق والاقلام تحن الى من يكتب عليها وبها ؟؟وكذلك الكى بورد؟؟؟؟؟؟؟

Post: #16
Title: Re: ولمن فاتهم الاستماع .....
Author: كمال الشادي
Date: 14-11-2009, 08:58 AM
Parent: #15

العزيز محمد صديق
فكرتك حلوة جداً
وانا واحد من الناس اللي راح يستفيدو منها جداً لانو فاتني كثير
اما الحتة بتاعت الشعر دي
اياها الضلعة التانية المكسورة مع الاولى الكسرها النغم

يا ود يا نجيلة
قول شعر بدون اسامي بنات
انحنا كبرنا على الملطشة
معاي واحد صاحبي مصري في الشغل بيوصف لي في مرتو قالي لي
هيى كوييسة وبنت حلال بس إيدها تئيلة شوية

عبد القادر الكتيابي صديق عزيز
لي معه ذكريات
مرة واحد فتان قالي هو داسي اسم بت في واحدة من اشهر قصايدو
لكن ما في زول بيعرفها لانها جاي في السياق مظبوط
يعني راجل حريف برضو عشان مسألة الايد الئيلة دي وكده
عشان اسهل عليك يا نجيلة البت اسمها اماني
شوف الراجل ده شفت كيف وعرف كيف يدس الاسم

استمتع بقى
*****************

مدن عينيك
لمحتك
قلت بر آمن .. بديت أحلم
ألملم قدرتى الباقية
وأشد ساعد على المجداف
تلوّح لى .. مدن عينيك
وترفع لى منارة بسمتك .. سارية
وبديت أحلم
***
كل ما الريح .. تطارد الموج
أزيد إصرار وأحلف بيك
أغير سكة التيار
وأقول يا إنتى .. يا أغرق
أخاف
غيم المنى الشايل
تسوقو الريح .. ويتفرق
أخاف .. وأخاف
***
وأشد ساعد على المجداف
وأجيك بى قدرتى الباقية
حطام إنسان موسّم بى شقا الدنيا
ومقسّم قلبو فى الأحزان
أجيك فنان
أشد أوتارى .. وأحكيلك
حكاية إنسان وهب لى سكتك نفسو
ورسم صورتك على حسّو
وربط ساعد على المجداف
وقال يا إنتى يا أغرق
أخاف
الضفة ترجع بيك .. قَبـُل ألحق
أخاف
غيم المنى الشايل
تسوقو الريح وإتفرق
وألاقيك يا أمانى سراب
مواهبى عليهو تتدفـّق

Post: #17
Title: Re: ولمن فاتهم الاستماع .....
Author: محمد صديق
Date: 14-11-2009, 07:04 PM
Parent: #16

سلامات يا ناس

Quote: فكرتك حلوة جداً
وانا واحد من الناس اللي راح يستفيدو منها جداً لانو فاتني كثير
اما الحتة بتاعت الشعر دي
اياها الضلعة التانية المكسورة مع الاولى الكسرها النغم



العزيز كمال ...اسعدنى مرورك

الكثير من الكتابات تستحق الوقوف عندها واعطاءها حقها من النقاش

والكثيرون هنا يمتلكون ادوات الكتابة ...وبارعون فى ترجمة الدواخل

سأجتهد فى اختيار طاعم الكلام ...وسأجتهد ايضآ على العمل فى الضلعة

التانية المكسورة.

لك الود.

Post: #18
Title: Re: ولمن فاتهم الاستماع .....
Author: أبوبكر حامد الأمين
Date: 15-11-2009, 06:16 AM
Parent: #17



ياناس يا أجمل الحلوين ، أها جيتكم ومعاى كمية أشواق لو وزعت على اهل الأرض لكفتهم

Post: #19
Title: Re: ولمن فاتهم الاستماع .....
Author: البادي النور
Date: 15-11-2009, 06:53 AM
Parent: #18

بكورة ود المأذون ... والله ليك وحشة ...
يا أخي بالله عليك ما تبعد عننا ...

Post: #20
Title: Re: ولمن فاتهم الاستماع .....
Author: محمد صديق
Date: 15-11-2009, 07:06 AM
Parent: #19

سلامات يا ناس

الف الف مرحب بالحبيب بكرى حامد

وسعادتى لا توصف بهذه الطلة الجميلة

Quote: بكورة ود المأذون ... والله ليك وحشة ...
يا أخي بالله عليك ما تبعد عننا ...


البادى النور سلامات انت جابك البوست ولا جابك

بكرى حامد ؟؟؟

اذا جابك البوست كلنا كسبانين

واذا جابك بكرى حامد برضو كسبانين

بس اقلو كان تقول لينا السلام عليكم

وخاصة انك طوالى مشكّل غياب بدءآ من

الحارة 14 مرورآ بجبل اولياء.

Post: #21
Title: Re: ولمن فاتهم الاستماع .....
Author: ياسر نجيلة
Date: 15-11-2009, 07:39 AM
Parent: #20

Quote: يا ود يا نجيلة
قول شعر بدون اسامي بنات
انحنا كبرنا على الملطشة
معاي واحد صاحبي مصري في الشغل بيوصف لي في مرتو قالي لي
هيى كوييسة وبنت حلال بس إيدها تئيلة شوية


والله ياشادي ... اضحكتنا... ربنا يخفف "اياديهم" علينا ... الحمدلله الضرب عند المصريين بس
والسبب شنو ماعارف ...


الاخوان محمد صديق وزهير ... عموما شكرا للدعم ...
بس عمركم شفتو ليكم شاعر اطول قصيده عندو 6 بيوت ؟؟؟ّ!!!

حبيبنا ود صديق واصل ... برنامجك الظرف ... الكثيرين متابعين باقي "اللفحي" ...

Post: #22
Title: Re: ولمن فاتهم الاستماع .....
Author: محمد صديق
Date: 15-11-2009, 08:11 AM
Parent: #21

سلامات يا ناس

Quote:
الاخوان محمد صديق وزهير ... عموما شكرا للدعم ...
بس عمركم شفتو ليكم شاعر اطول قصيده عندو 6 بيوت ؟؟؟ّ!!!


وجاهدتُ...

لكى أستأصل الاشواق من قلبى ..

لأرميها ببطن الجُّب

أن أنسى ..

حلاوة روعة الماضى ..وقسوتها

ولكنّى :

ضبطتُ الشوق مخبوءآ بأوردتى ..

==============================

احسب دى كم كلمة ؟؟؟مش كم بيت.

يا حبيب طلّع الجواك وليس مهمآ الكم ...

Post: #23
Title: Re: ولمن فاتهم الاستماع .....
Author: محمد صديق
Date: 15-11-2009, 08:46 AM
Parent: #22

سلامات يا ناس

Quote: امانه الفرقة لما تطول
تولع فينا جمر الشوق نظل صابرين
ونحسب نحن في الايام
سبت واتنين نفط الجمعة في الاسبوع
نلاقي اليوم صبح سنتين
نكورك ااه مشتاقين


وتانى ...مع نجيلة ...من الميل 12

Post: #24
Title: Re: ولمن فاتهم الاستماع .....
Author: محمد صديق
Date: 15-11-2009, 08:52 AM
Parent: #23

سلامات يا ناس

انا شايف انو المطلع لو كان

امانة الغربة ...بدلآ من الفرقة

بيكون احسن...ولا رايكم شنو؟؟؟

Post: #25
Title: Re: ولمن فاتهم الاستماع .....
Author: ياسر نجيلة
Date: 15-11-2009, 09:05 AM
Parent: #24

الحبيب محمد صديق ...
Quote: امانة الغربة ...بدلآ من الفرقة

بيكون احسن...ولا رايكم شنو؟؟؟




انت صح ... وكمان نحن صح ...

مش ممكن الفرقة تكون حدثت في بلد الغربة ...

Post: #26
Title: Re: ولمن فاتهم الاستماع .....
Author: محمد عيد
Date: 15-11-2009, 09:34 AM
Parent: #25

Quote: انت صح ... وكمان نحن صح ...

مش ممكن الفرقة تكون حدثت في بلد الغربة ...


اتفق مع نجيلة ..

وفى رأيى تعبير الفرقة أكثر تعمقا وابرازا للألم والمعاناة من الغربة ..

&& رأى متواضع && لا يعلو على مقدراتك يا كوتش

Post: #27
Title: Re: ولمن فاتهم الاستماع .....
Author: محمد صديق
Date: 15-11-2009, 11:36 AM
Parent: #26

سلامات يا ناس

الزول البكتب دايمآ بكون كاتب الحاجة البتعبر عنو

والحاجة المناسبة للموقف المناسب...

والقارىء احيانآ يتمنى - تمنى لاغير - لو كان هذا مكان

هذا....

الطيب صالح بقدر حبه للمتنبىء...كثيرآ ما يقوم بالتصرف

فى ابيات للمتنبىء ويبدل كلمة مكان اخرى....

ولكن يبقى اختيار الكاتب لكلماته له اهميته ودلالاته.

Post: #28
Title: Re: ولمن فاتهم الاستماع .....
Author: أبوبكر حامد الأمين
Date: 17-11-2009, 08:16 AM
Parent: #27

أول بى التبادى حباب البادى ود النور
حباب البادر بى السلام قبّال إجيهو الدور
إتجاوز الأقدمية والرانكرية حاديهو فرح وسرور
خليهو ياجورج حاشاك ماك العسكرى كسّار الجبور

Post: #29
Title: Re: ولمن فاتهم الاستماع .....
Author: الرشيد بابكر
Date: 17-11-2009, 11:30 AM
Parent: #28

Quote: امانه الفرقة لما تطول
تولع فينا جمر الشوق نظل صابرين
ونحسب نحن في الايام
سبت واتنين نفط الجمعة في الاسبوع
نلاقي اليوم صبح سنتين
نكورك ااه مشتاقين


أنا حأمسك العصاية من الوسط و أقول مع الاتنين...بس بي فهم...و فهمي كالتالي...

لو أخدنا حتى هذا المقطع

امانه الفرقة لما تطول
تولع فينا جمر الشوق نظل صابرين
ونحسب نحن في الايام


يكون الأنسب الغربة
و ذلك لأن من يحسب الأيام يكون كمن لقائة بالآخر يأتي بعد فترة معينة...في الاجازة...و تحتمل أيضا أن الطرف الآخر هو البعيد فبالتالي الذي في غربة بمعناها المجرد هو الطرف الثاني وليس كاتب الأبيات الذي يعاني هنا(فرقة)...

أما اذا أخذنا الأبيات كاملةففرقة تناسبها جيدا في الحالتين...أي أن اي من الطرفين هو البعيد..

هل أضفت ولا لخبطكم...

Post: #30
Title: Re: ولمن فاتهم الاستماع .....
Author: محمد صديق
Date: 17-11-2009, 07:12 PM
Parent: #29

سلامات يا ناس

الرشيد ...أضغت ولم تلخبط.

ربما قلت بالتعديل لايمانى بأن الغربة هى التى

تحدث الفُرقة.

Post: #31
Title: Re: ولمن فاتهم الاستماع .....
Author: محمد صديق
Date: 17-11-2009, 08:38 PM
Parent: #30

سلامات يا ناس

Quote: أول بى التبادى حباب البادى ود النور
حباب البادر بى السلام قبّال إجيهو الدور


ياود الماذون...كيف الحال دايرنك مشارك ما ممناكف

ادينا كلامك فى الكلام الحلو ده ....

فى المنبر العام بى هناك فى بوست ناس الزقازيق انت

الظاهر عليك ما شفتو...بى هناك رحبنا بيك ايما ترحيب

Quote: سلامات يا ناس

وصباحات السمك


Quote: أبوبكر حامد الأمين
تاريخ التسجيل: 03-04-2006
مجموع المشاركات: 313


Re: ولمن فاتهم الاستماع ..... (Re: محمد صديق)



ياناس يا أجمل الحلوين ، أها جيتكم ومعاى كمية أشواق لو وزعت على اهل الأرض لكفتهم




رحبوا معى بالحبيب الظريف ...بكرى حامد

ومبروك علينا هذا القلم الهازل الجاد.



شفت كيف؟

Post: #32
Title: Re: ولمن فاتهم الاستماع .....
Author: محمد صديق
Date: 21-11-2009, 07:47 PM
Parent: #31

سلامات يا ناس

رغم عدم الاحترافية فى الكتابة ...الا ان اسلوب الكتابة

يميز الكثيرين ...ما ان تشرع فى قراءة كتابة ما حتى

تدرك من البداية لمن تكون...كل له بصمته الخاصة...

تساؤلآ جميلآ لا يخلو من الطرافة والجديّة وجدته بالميل 30


ادعوكم لمشاركتى متعة الكتابة ...ومحاولة الاجابة على التساؤل...ز


Quote: من الأشياء التى تحير
غير العيون القالها محمد صديق
(ودى قصة حا احكى ليك عنها شوية فى البوست الخمجان بتاع الغناء البهناك )
يوم الخميس الفات الليلة يا حليلو
المحيرنى يا محمد صديق
هو يوم الجمعة فى الزقازيق
شكله كان كيف
انا اليوم ده
زى سقط من زاكرتى عديل
لدرجة انو بتخيل الأسبوع زمان كان ستة يوم بس
صحى الكلام ده
أظننا كنا بنقضيهو نايمين
بعد ما نعصر الخميس عصر
زكرونى يا جماعة
بنعرف الجمعة فى شمبات
وفى غندهار وسوق الناقة
وين الجمعة فى الزقازيق ؟؟

Post: #33
Title: Re: ولمن فاتهم الاستماع .....
Author: الرشيد بابكر
Date: 21-11-2009, 08:10 PM
Parent: #32

يا كوتش لمنصور اسلوب خاص به...فهو باستطاعته أن يجبرك على متابعته حتى آخر حرف...و كل يفهم ما كتبه منصور بطريقته...هذه الطريقه لها مميزاتها و لها عيوبها أيضا...مميزاتها كثيرة ولكن من أميز عيوبها أن التداخل مع منصور لا يتسنى الا لمن لهم مقدرة منصور في الكتابة...و لقد لاحظت ذلك في بوسته يوم الخميس الفات...فلم يستطيع أحد مجاراته الا القلة القليلة...الأمر الذي جعله يغرد وحده في ذلك البوست....

Post: #34
Title: Re: ولمن فاتهم الاستماع .....
Author: محمد صديق
Date: 21-11-2009, 08:20 PM
Parent: #33

سلامات يا ناس

رشيد يا حبيب كم اشتقت اليك فى هذه

الايام الطويلة والتى كنت فيها بعيدآ

بشأن كتابات منصور فأنا تأسرنى جدآ...

فمقدراته كما قلت انت ..لا تُجارى..ولكنك

تحس كتاباته عميقآ...ويأسرنى اكثر ذلك المزج

التلقائى غير المتكلّف للجديّة والطرافة...

وعودآ اليك....اسهمت فى الجزئية الاولى ...ماذا

عن الاخرى؟؟؟

Post: #35
Title: Re: ولمن فاتهم الاستماع .....
Author: الرشيد بابكر
Date: 21-11-2009, 09:01 PM
Parent: #34

Quote: وعودآ اليك....اسهمت فى الجزئية الاولى ...ماذا

عن الاخرى؟؟؟

ان كنت تعني بالجزئية الثانية الاجابة على تساؤل منصور...فلقد كان لي رد مستفيض عليه عندما طرح هذا التساؤل...فأنا لي نفس شعور منصور تجاة الجمعة في ذلك الوقت..فلا أذكر أي جمعة في الزقازيق و كأنها سقطت من الذاكرة تماما...ليس ذلك فحسب بل لا أذكر حتى أيام العطلات و اجازة التيرم...لقد كان ارتباطنا بالكلية يشكل كل حياتنا في تلك البلد...و بالتأكيد ان ارتباطنا بالكلية كان لأننا نلتقي فيها الأصدقاء و الزملاء...لم نكن نحب الجمعة على ما أعتقد لأنها كانت تفرقنا عن الكلية...
غريبة فعلا...أين ذهبت الجمعة ولماذا سقطت من الذاكرة هكذا...

يا كوتش لك من الشوق شلالات...

Post: #36
Title: Re: ولمن فاتهم الاستماع .....
Author: محمد صديق
Date: 23-11-2009, 12:59 PM
Parent: #35

سلامات يا ناس

Quote: يا كوتش لك من الشوق شلالات


دى اخرتها لحدى خوفتنى ....ولك مثلها.

سأعود للموضوع.

Post: #37
Title: Re: ولمن فاتهم الاستماع .....
Author: منصور عبد الرازق
Date: 24-11-2009, 10:37 AM
Parent: #36

احبكم يا شباب
انا اكتب ما احس
بعد ان احس ما اريد ان اكتب
ثم امضى
حتى ارجع لأكتب من جديد
لا اكتب ششنة
افكارة تجرى الى الكيبورد مباشرة
لا اذكر اننى راجعت شيئا كتبته
اضعه باخطاء الأملاء
باخطاء القاعدة
واترك حتى لأخطاء الأحساس
ان تمضى
فبعض الأفكار تأتى مرتبكة
فيؤثر ذلك على نسقها العام
وتسلسلها
وقوة حجتها بالضرورة
ولكنها تبقى (بناتى )
قويات جاسرات (حينا)
وضعيفات واهنات (احيانا اخر)
استيلاء فكرة ما على يا رشيد يا حبيب
يجعلها تجرى وتتسرسب من بين يدى
بلا عيون
وبنصف اذن
وبحاسة شم معطلة
وبايادى تلمس , وكأنها لا تلمس
وبلسان تحورت خلايا التذوق فيه
فاضحت قرونا للأستشعار
المالح فيها مالح
والحلو فيها كماهو
ابيضها ابيض
واسودها كذلك
ولا وجود للون الرمادى فيها
واذا ما وشوشنى العبير
فانا حفى بالأنتشاء
واذا ما طلب الهوى زيارتى
اتتخيلنى اذ (ابيت)
مودتى لكما يا رشيد ومحمد صديق
وحبى الأكيد

Post: #38
Title: Re: ولمن فاتهم الاستماع .....
Author: محمد صديق
Date: 24-11-2009, 07:15 PM
Parent: #37

سلامات يا ناس

Quote: المالح فيها مالح
والحلو فيها كماهو
ابيضها ابيض
واسودها كذلك
ولا وجود للون الرمادى فيها
واذا ما وشوشنى العبير
فانا حفى بالأنتشاء
واذا ما طلب الهوى زيارتى
اتتخيلنى اذ (ابيت)


نموذج حى للطعامة...واعجبنى تعبير ..اكتب ما احس

ومن نكون نحن اذا لم نحس اشياءنا وناسنا...؟؟

لك الود منصور

Post: #39
Title: Re: ولمن فاتهم الاستماع .....
Author: نجاة حوفي
Date: 03-12-2009, 07:32 PM
Parent: #38

الراقى الرقيق محمد صديق..
انااتزوق الشعر .. ولى اذن موسيقية فى انتقاء الكلمات .. كنت اتمنى ان يهبنى الله ملكة وربة الشعر..
انت ونجيلة وعيد ورشيد القوم تكتبون نحن نقرا ونستمتع..
منصور يحس ويكتب وانا لى احساس خاص بكتابات منصور.. عيناى تلتهم حروفه التهاما واحس بالجوع الشديد
عندما تنتهى مداخلته فاعيدها مرات ومرات..
فكرتك رائعة بس انا ما عايزة نقدى يظلم كتاباتكم الثرة..
لك ولاسرتك كل الود وعيد سعيد..
دمتم سالمين

Post: #40
Title: Re: ولمن فاتهم الاستماع .....
Author: محمد صديق
Date: 04-12-2009, 09:18 AM
Parent: #39

سلامات يا ناس

نجاة حوفى ...العزيزة..سلام وكل عام وانت والاسرة بالف خير

سعدت بطلتك وكلماتك....

اى نوع من الكتابة ..وما دام نابعآ من القلب ومتدفقآ باحساس

فهو ابداع ...

النقد يهمنا ان نسمعه فهو يضيف ولا ينقص.

لك الود.

Post: #41
Title: Re: ولمن فاتهم الاستماع .....
Author: محمد صديق
Date: 05-12-2009, 01:08 PM
Parent: #40

سلامات يا ناس

كتابة منصور الطاعمة قادتنا الى يوم الجمعة

بالزقازيق....

الرشيد ومنصور عندهم اليوم ده برة الحسابات

انت جمعتك كانت كيف؟؟؟؟

Post: #42
Title: Re: ولمن فاتهم الاستماع .....
Author: محمد صديق
Date: 06-12-2009, 08:16 PM
Parent: #41

سلامات يا ناس

الجمعة عندى انا فى الزقازيق مرتبطة ذكرياتها

بى شقتين بس...شقة الدور السابع فى عمارة سفن اب

حيث كان الجامع فى الدور التانى ...اذكر استعدادى للصلاة

ومنظرى وانا جالس فى الصفوف الوسطى...

الشقة التانية ...شقة الفلسطينى فى لكوظ...والمسجد المواجه للشقة

الخطبة فى المسجد ده كانت خفيفة جدآ...اذكر مرة عمك سيد بتاع الدكان الذى

لايقفل ابوابه ابدآ...وعادة ياتى الى الصلاة فى نهايات الخطبة...اخد مقلب لما

جا خطيب جديد ...وعمك قاعد بى عين مع الخطيب والتانية مع الدكان ولما الخطبة

طالت ...اطلق تهيدة زهج واتخارج من الجامع...

خلاف المسجد تبدو صورة يوم الجمعة غائمة ...

Post: #43
Title: Re: ولمن فاتهم الاستماع .....
Author: محمد صديق
Date: 08-12-2009, 08:16 AM
Parent: #42

Quote:
السمؤال ابوسن
"و عليك أن تصعد فوق شرفات جرحك ، كي تري مالاتراه"

صلاح الامين
وعن الزقازيق ... سأكتب يلا شدوا اوتار القلوب

عبدالحميد البرنس
أصحو الآن من نومي على حين غرة لحكمة لا يعلمها سوى الله. أجد الجهاز لا يزال مفتوحا على الإنترنت. أتمعن الصفحة الأولى مسافة. أطالع الوجوه التي أحببت من أعماقي السحقية. أحس بشيء جميل يسري في عروقي. لكأنني أطالع وجه أمي بعد غياب. وقبل أن أعاود النوم ثانية.. لا أملك سوى أن أقول بنصف وعي: أحبكم أيها الزميلات والزملاء.. ويا لما في قلبي من مقدار حنين كعمر الأبدية يبدو لثقله بلا إنتهاء!!!!!.

معتز تروتسكي
قالوا على شقى ومجنون..
صحيح مجنون وانتو جنونى يا حلوين..

السهيلي حمد مجذوب
I will be back soon
Best regard to Zagazigests

حيدر حنين
ود ابوسن:
تحايا نديات وانت تستنطق زاكرة المكان بكل حيواته وخرافاته ولايخالجني
ادني شك في امساككم بتلابيب هذه التفاصيل التي لاتستعصي على امثالكم.
ذلك الذي شكل ملامحنا وجلعلنا (نصعد فوق شرفات جرحنا كي نرى ما لانراه)
امطر علينا من ما تجود به قريحتك

الى الذين عطروا سماوات هذا السفر بالشجون والذكريات، اين انتم إخوتي، فلكم في القلب بطينا او اذيننا لا يمتلي الا بمداد كلماتكم وحسن طلتكم.

وفي شأن الغائبين يلا نسأل عنهم ونتمنى أن يكونوا بالف خير

يلا همتكم معانا ياشباب


مادام الجمعة فى الزقازيق ما جابتكم ...نشوف الكلام الجابو حاج جلال ده فى الميل13

بجيبكم ولا لا؟؟؟

Post: #44
Title: Re: ولمن فاتهم الاستماع .....
Author: الرشيد بابكر
Date: 08-12-2009, 09:18 AM
Parent: #43

اذا كانت الجمعة شقتين و جامعين و عمي سيد بتاع البقالة...فلقد اختزلت الجمعة في ساعة واحدة فأين ما تبقى منها...
لعلك تذكر أيام أخرى أكثر من تذكرك للجمعة...فحدثنا عنها...

أضم صوتي لصوتك في دعم مناشدة جلال لكل الذين غابو أو لنقل يتكاسلوا عن التواصل معنا...

Post: #45
Title: Re: ولمن فاتهم الاستماع .....
Author: زهير الزناتي
Date: 08-12-2009, 02:22 PM
Parent: #44


Post: #46
Title: Re: ولمن فاتهم الاستماع .....
Author: زهير الزناتي
Date: 08-12-2009, 02:24 PM
Parent: #44

متابعة ...

يوم الجمعة في الزقازيق .... يوم أكثر من عادي ... يقضيه الجميع في النوم .... حيث لا زيارات اجتماعية نهار الجمعة ... ولا عقد أو عزومات ..... عدا صلاة الجمعة لم يكن به ما يميزه ... الزقازيق تميزها الامسيات ... حيث دار الاتحاد ... والبنق ... والناس الحلوة ... وغيرها من الأنشطة الأخري ...

Post: #47
Title: Re: ولمن فاتهم الاستماع .....
Author: البادي النور
Date: 10-12-2009, 01:59 PM
Parent: #46

الكوتش محمد صديق ... لك العتبى حتى ترضى ...
فكرة البوست جميلة جدا وهي نافذة زي مذكرات الدكاترة في الجامعة
وملخص حلو ومقتطفات جميلة للمداخلات السابقة ... بستانك جميل وظله وريف ...
جينا في اللمة اللي كانت في منزل الريس الأسبق وتشرفنا بالسلام على حرمكم المصون
وأنت كنت في غياهب جوبا ... وإنشاء الله نتلاقى في كرامة نهلة نجم الدين ...

Post: #48
Title: Re: ولمن فاتهم الاستماع .....
Author: محمد صديق
Date: 10-12-2009, 05:39 PM
Parent: #47

سلامات يا ناس

Quote: فكرة البوست جميلة جدا وهي نافذة زي مذكرات الدكاترة في الجامعة
وملخص حلو ومقتطفات جميلة للمداخلات السابقة ... بستانك جميل وظله وريف ...


شكرآ يا بادى على المرور وليتك لا تنقطع

جلسة الريس ان شاء الله تتعوض عند نهلة

لك الود

Post: #49
Title: Re: ولمن فاتهم الاستماع .....
Author: محمد صديق
Date: 10-12-2009, 06:12 PM
Parent: #48

سلامات يا ناس

قطارنا تحرك هذه الامسية الى الميل 56

لقينا الرشيد عندو فكرة بنت 60 لذينا

وكان جاهز للتنفيذ...لكن زهير وعيد خذلوه

مع بعض نشوف الفكرة:

Quote: بعد متابعاتي المستمرة للتلفزيون والتي تسببت لي بكثير من الملل والقرف وحراق الروح
طرأت لي فكرة أظن أنها جيدة...قررت أعمل شركة دعاية و اعلان و أن أستعين بخبرات كل من
زهير الزناتي و الذي له سابق خبرة في هذا المجال ويعرف من أين تؤكل الكتوف...و بي
محمد عيد لما له من ابداعات في الفوتشوب والكوارل درو وشغل الكمبيوتر داك...لكن ولكي
يكتمل الجهاز الفني للشركة لا بد من تبني مطربة جديدة وليه جديدة...عشان العداد بتاعه بيكون
خفيف على الجيب...شرط أن تكون حافظة غناء بنات شوية وكمان اغنيتين تلاتة من أغنيات
الحقيبة...و حأستعين بمخرج متخرج حديثا من كلية الفنون والدراما وبيكون ما لاقي شغل
و منتظر فرصة العمر عشان ينطلق في مجال الاخراج...
حنعمل معاينة سريعة للمطربة و نخليها تغني لينا اغنيتين تلاتة من غناء البنات و أغنيتين من
الحقيبة...ليس شرط عندنا حلاوة الصوت ولا جلاوتة نحن ما عايزين نشارك بيها في مهرجان
الأغنية العربية نحن جايبنها عشان تغني لينا أغاني الدعايات...و محمد عيد يظبط لينا الاخراج
بالديجتال مع معاونة المخرج ...و زهير يجيب لينا الشغل...
ما نخلي دعاية بتاعت صابون ولا شعيرية ولا اسبيرات ولا محل بتاع تياب واكسسوارات...
أنا بكتب شعر الأغنيات بتاعت الدعاية ونلصق ليها لحن بتاع أغنية بنات والمطربة تبدع
ومحمد عيد يظبط الصور والمخرج يخرج....
تعبنا ياخي من الغربة دي و الشغلة دي شايف مافيها مشكلة حسب الأنا شايفو في التلفزيون
اعلانات ممجوجة ودعايات تافهة ما فيها أي ابداع ولا فن ولا اخراج ولا حاجة...ممكن الواحد
يجي يمسك السوق براحه...

زهير و محمد عيد لو انتو جاهزين أنا جااااااااهز
ء

Post: #50
Title: Re: ولمن فاتهم الاستماع .....
Author: محمد عيد
Date: 10-12-2009, 06:24 PM
Parent: #49

Quote: حنعمل معاينة سريعة للمطربة و نخليها تغني لينا اغنيتين تلاتة من غناء البنات و أغنيتين من
الحقيبة...ليس شرط عندنا حلاوة الصوت ولا جلاوتة


يا كوتش والله نحن ما خذلناهو ...

لكن يظهر اننا خفنا من احتكارية صاحب الفكرة للموضوع ...

حسب التوجه البائن أعلاه ..!!!!!

Post: #51
Title: Re: ولمن فاتهم الاستماع .....
Author: محمد صديق
Date: 10-12-2009, 06:57 PM
Parent: #50

سلامات يا ناس

عيد الحبيب ...سلام

قربت انزل ليك بوست عمر المهدى منك طولنا طول

الباينة دى خليها نحن دايرين غيرها....

Post: #52
Title: Re: ولمن فاتهم الاستماع .....
Author: الرشيد بابكر
Date: 10-12-2009, 07:49 PM
Parent: #51

محمد صديق يا حبيب...بالله عليك الكلام المطروح ده مش دراسة جدوى عديل كده...حسة لو طبعته في ورقة و مشيت لفيت بيهو في السوق...بيتباع بالراحه...عموما انت عارف السودانيين ديل عايزين تكمل ليهم الفكره للآخر و تسمي الغناية و تكتب الدعايات و تلحنه ليهم و تجيب ليك عقد عقدين حتى يقوموا يتلحلحوا و كان بعد داك قلت ليهم و الله يا جماعة أنا آسف أنا ما عايز شركاء...يقولوا ليك خاين و نحن بدينا معاهو المشروع ده و أديناهو كمان فكرة ان المخرج ممكن يكون من جامعة دنقلا بدل بتاع كلية الموسيقى و المسرح جامعة السودان...
الجماعة خذلوني...بس أصبر ليهم أنا لقيت الممثلات و الغناية...باقي لي المخرج...

Quote: يا كوتش والله نحن ما خذلناهو ...

لكن يظهر اننا خفنا من احتكارية صاحب الفكرة للموضوع ...

حسب التوجه البائن أعلاه ..!!!!!


ما قلت ليك يا كوتش...خليك متذكر الكلام ده للتوثيق...

Post: #53
Title: Re: ولمن فاتهم الاستماع .....
Author: محمد صديق
Date: 12-12-2009, 07:14 AM
Parent: #52

سلامات يا ناس

الرشيد ..سلام

الفكرة دى مكتملة بس دايرة كل زول

يقوم بى دورو ....وصاحبك عيد خايف

من الكلام القالو ده ...اها الضلع

التانى ...زهير ما جا ورانا خوفو من شنو.

Post: #54
Title: Re: ولمن فاتهم الاستماع .....
Author: محمد عيد
Date: 12-12-2009, 07:37 AM
Parent: #53

يا كوتش ... عينك فى الفيل .. تطعن فى ظله ؟؟

رشيد .. لقد أصبحت .. كمن رمتنى بداءها وانسلت ..!!

Post: #55
Title: Re: ولمن فاتهم الاستماع .....
Author: محمد صديق
Date: 12-12-2009, 07:59 AM
Parent: #54

سلامات يا ناس

عيد ...صباحاتك حلوة

Quote: يا كوتش ... عينك فى الفيل .. تطعن فى ظله ؟؟



الفيل ذه بنقدر عليه...بس البطيّر الخوف شنو؟

Post: #56
Title: Re: ولمن فاتهم الاستماع .....
Author: محمد عيد
Date: 12-12-2009, 08:23 AM
Parent: #55

كوتش يا جميل ...

صباحاتك حلوة وندية ..

مزهوة .. خيلاء .. فى تعالى البنفسج ..

ممشوقة مصقول عوارضها .. كأشجار البان .. تنادى كل من ارتدى الخضرة ..

هل لكم من بهائى شيئا ..؟ !

اشتقنا اليك يا حبيب وطلاتك صارت مثل لمعان عربية الدورية

فى الطرق السريعة ..

هيا يا عزيزى شمر عن سواعدك .. نريد بدء نشر الاطلالة ..


Quote: الفيل ذه بنقدر عليه...بس البطيّر الخوف شنو؟


قالوا الخواف ربّى عيالو ...

انا الشردنى تلقاهو فى بطن الشاعر ..!!


Post: #57
Title: Re: ولمن فاتهم الاستماع .....
Author: محمد صديق
Date: 13-12-2009, 05:40 PM
Parent: #56

سلامات يا ناس
Quote: اشتقنا اليك يا حبيب وطلاتك صارت مثل لمعان عربية الدورية

فى الطرق السريعة ..


عيد يا حبيب لك من الشوق ما لك

وقلت ليك قبل كده منك طولنا طول

اعانى مشكلة فى الجهاز بتاع الكونيكشن

وشغال بى جهاز متخلف....ستحل قريبآ...

انا جاهز ...بس عيدوا لى الكلام حنعمل شنو

ونرسل كيف ...ومع ده رسل لى كركم...

Post: #58
Title: Re: ولمن فاتهم الاستماع .....
Author: محمد صديق
Date: 13-12-2009, 05:51 PM
Parent: #57

سلامات يا ناس

زهجة الرشيد...فى الميل 57 بعد الجماعة طنشوه

Quote: انت عارف حكمة ولدي مهند و الأنا عاجباني جدا بيقول لي يا باباTAKE IT OR LOSE IT
فحسة نحن موضوع الاعلان طرحناه وقلنا ننشئ شركة دعاية واعلان...جاء زهير قال الا تمشوا
مصر...قلنا ليهو يا زهير نحن قلنا ليك عندنا غضروف عشان نمشي مصر...نحن عايزين
نرجع نعمل شركة سودانية وبمواردنا المحلية...
أها الموضوع مافي زول اشتغل بيهو لحدي ما القطر فات خلاهو...

Post: #59
Title: Re: ولمن فاتهم الاستماع .....
Author: الرشيد بابكر
Date: 13-12-2009, 08:24 PM
Parent: #58

يا كوتش لأنهم لم ينتهزوا الفرصة من المرة الأولى لذلك فانهم Lost IT و هذا ما قصده مهند و لهذا السبب أعجبتني حكمتة...

و كذلك عندما تسأل مهند هل تستطيع عمل هذا الشئ يقول ليك طبعا بقدر أعمله I am not a loser ..هل نستطيع أن نسمي من لم يغتنموا الفرصة Losers و لا رأيك شنو؟؟؟؟

Post: #60
Title: Re: ولمن فاتهم الاستماع .....
Author: عبد الدائم سيد أحمد
Date: 14-12-2009, 06:39 AM
Parent: #59

انا فاتنى الكتير

Post: #61
Title: Re: ولمن فاتهم الاستماع .....
Author: محمد صديق
Date: 14-12-2009, 12:11 PM
Parent: #60

سلاكات يا ناس

Quote: انا فاتنى الكتير


انت انا جايييييييك...عندك حاجات كتيرة

لاميها ليك...

بس خليك زبون دايم للبوست ده.

Post: #62
Title: Re: ولمن فاتهم الاستماع .....
Author: محمد آدم النور
Date: 15-12-2009, 06:20 AM
Parent: #61

يا كوتش أنا فاتني الكلام الجاي دا ...و عايز أعرف معناهو
دا إذا لم تكن تريد أن تأتي بشئ آخر لمن فاتهم الإستماع
Quote: صباحاتك حلوة وندية ..

مزهوة .. خيلاء .. فى تعالى البنفسج ..

ممشوقة مصقول عوارضها .. كأشجار البان .. تنادى كل من ارتدى الخضرة ..

هل لكم من بهائى شيئا ..؟ !

Post: #63
Title: Re: ولمن فاتهم الاستماع .....
Author: محمد صديق
Date: 19-12-2009, 08:02 PM
Parent: #62

سلامات يا ناس

ان تغيب ...وتعود...فعذرك معاك

بيقولوا الغائب عذرو معاه...

غبنا عن البوست البى هناك والبوست

بى عذر....ولكن ماهو عذر البوست ده فى

الغياب؟؟؟؟

عايز اعمل اعلان لى عتالة.

Post: #64
Title: Re: ولمن فاتهم الاستماع .....
Author: الرشيد بابكر
Date: 19-12-2009, 08:29 PM
Parent: #63

Quote: عايز اعمل اعلان لى عتالة.


في مواصفات و مقاسات معينة و لا أي زول ممكن يقدم؟؟؟؟

Post: #65
Title: Re: ولمن فاتهم الاستماع .....
Author: محمد صديق
Date: 19-12-2009, 08:54 PM
Parent: #64

سلامات يا ناس

رشيدالحبيب ....سلام وشوق

بعيد انا هذه الايام لبعض مشغوليات

اهم حاجة يكون عتالى نضيف وصبور.

Post: #66
Title: Re: ولمن فاتهم الاستماع .....
Author: منصور عبد الرازق
Date: 20-12-2009, 10:00 AM
Parent: #65

نضيف ده عبد الدائم
صبور مافى الا ميسرة
ينفع نشغل
ميسرة عبد الدائم ؟؟؟؟؟

Post: #67
Title: Re: ولمن فاتهم الاستماع .....
Author: كمال الشادي
Date: 21-12-2009, 07:18 AM
Parent: #66

Quote: مرحب بيك كمال
وبكل ناس الزقازيق
نحن ما زايغين
بس مستمتعين بالكلام الطاعم ( زي ما بقول الكوتش محمد صديق )
واصل وحا نواصل معاك


محمد صديق في زول جاب سيرتك
كدي طل علينا بي جاي

لو ما كنت سوداني..موضوع للنقاش

Post: #68
Title: Re: ولمن فاتهم الاستماع .....
Author: محمد صديق
Date: 22-12-2009, 05:53 PM
Parent: #67

سلامات يا ناس

Quote: محمد صديق في زول جاب سيرتك
كدي طل علينا بي جاي



سلام يا شادى ...سألت عليك فى واحدة من

طلاتى الخفيفة هذه الايام...بسبب مشغوليات

وسفر متواصل....

لم استطع المرور عند ناس الهندسة ...

لك الشكر على مرورك ...وهذا البوست

يناديكم....غبت انا فأصبح تعسآ...

Post: #69
Title: Re: ولمن فاتهم الاستماع .....
Author: الرشيد بابكر
Date: 22-12-2009, 06:36 PM
Parent: #68

Quote: ...وهذا البوست

يناديكم....غبت انا فأصبح تعسآ...


بنجي كل يوم ندق الباب و ندفر الباب و ندخل كمان...لكن الديار خالية و الحوش فاضي...نقول يا حليلو سيد الحوش ده...

لازم تشيل معاك اللاب توب يا كوتش و أشتري ليك جهاز زين بتكون ما عندك مشكلة....

و أخيرا...مشتااااااقين...

Post: #70
Title: Re: ولمن فاتهم الاستماع .....
Author: محمد صديق
Date: 24-12-2009, 10:25 AM
Parent: #69

سلامات يا ناس

Quote: بنجي كل يوم ندق الباب و ندفر الباب و ندخل كمان...لكن الديار خالية و الحوش فاضي...نقول يا حليلو سيد الحوش ده...

لازم تشيل معاك اللاب توب يا كوتش و أشتري ليك جهاز زين بتكون ما عندك مشكلة....

و أخيرا...مشتااااااقين...


الرشيد الحبيب ...سلام

اللاب نوب موجود...فى مشكلة فى الكونيكشن....ستعالج

ما مستقر فى الخرطوم وفى حالة سفر متواصل

ستكون هنالك عودة قوية...ده على طريقة الصحف الرياضية

لك الشوق

Post: #71
Title: Re: ولمن فاتهم الاستماع .....
Author: مجتبي فاروق
Date: 24-12-2009, 11:23 AM
Parent: #70

ولعل الحكمة قرنت دوما بالصمت ولعل الحكم تعرف نفسها حين ننادى (جورج ) ولعل الحكمة الكبرى تظهر حين يهدد شخصا ما العالم اجمع سارد عليكم (بطريقة الصحافة الرياضية ) حينها يبقى امامك شىء واحد اما الانسحاب من المواجهة او بالطبع الانسحاب من المواجهة

Post: #72
Title: Re: ولمن فاتهم الاستماع .....
Author: محمد صديق
Date: 24-12-2009, 06:59 PM
Parent: #71

سلامات يا ناس

الف مرحب بالصحفى الرياضى النضيف

وهنا برضو نكاية فى بكرى حامد وفوق

ذلك لانو مجتبى فعلا صحفى رياضى مختلف

والحكمة ضالة المؤمن...

ما تجيب بكرى الشين بى جاى...

لك الود

Post: #73
Title: Re: ولمن فاتهم الاستماع .....
Author: محمد صديق
Date: 24-12-2009, 08:27 PM
Parent: #72

سلامات يا ناس

Quote:

Quote: لابد أن يكون لكل كلية حكاية ورواية وإبداع
هل نجد من يهتم بهذا التراث الجميل ويلتقطه
من الضياع والإندثار ،،، وأوجه كلامي للناس
التي تهتم بالفن والفنون وجمعية محراب الأداب والفنون
- ياسر نجيلة ، عبدالدائم ، محمد صديق ، محمد عيد ، الرشيد
وبقية القوم على رأسهم منصور .

هل في الإمكان إنقاذ وجمع هذا التراث الجميل والألق،،، ودمتم

في إنتظار مكي ،،،،،



احدي مبادات الريس ميسرة الرائعة ...
نرجو الاهتما م بالموضوع من جانب جميع المتداخلين والمتاوقين ...
ونبدأ مناشدة الاخوان مكي وكمال الشادي بمدنا بكلمات قصائد الرائع زاهر الصادق

وطني عيونك ديل ...
ويا جمالك ياوطن ...
حتي يتم توثيقهم بهذا البوست الذي يعتبر المرجع الرسمي "حتي الآن" للزقزيقاب جميعا ...
وعلى باقي الشباب مدنا"ماامكن" من اعمال الزقازيقاب وتوثيقها بهذا البوست ...
ومنها يمكن طباعة مدونه بها جميع الاعمال الخاصة بأبناء الزقازيق بعد الاتفاق ..


من الميل 78...

الريس ميسرة...ثم

نجيلة ...

وانتو كيف؟؟

Post: #74
Title: Re: ولمن فاتهم الاستماع .....
Author: الرشيد بابكر
Date: 25-12-2009, 04:52 AM
Parent: #73

نحن نحمد الله طيبين و حالنا زين...مش كنار

نحن حالنا كده انتو حالكم كيف...

البوست ده بوست خد و هات....بوست تواصل و حوار...

يعني ما بينفع تمشي و تجينا بعد شهر...

لازم تقعد و تتحكر لينا هنا في الواطه دي...و تحكي لينا..

عن بعد المسافة و قربها...

Post: #75
Title: Re: ولمن فاتهم الاستماع .....
Author: محمد صديق
Date: 25-12-2009, 02:39 PM
Parent: #74

سلامات يا ناس

يا رشيد سلام...

ما اظن اقعد فى الواطة قريب ....بالميت كذه

ادينى شهرين....

الفكرة دى جميلة ...ومحمد عيد عندو فكرة اصدارة

يعنى فى تلاقى فى الافكار...يلا سخنو الموضوع....

Post: #76
Title: Re: ولمن فاتهم الاستماع .....
Author: محمد صديق
Date: 27-12-2009, 11:32 AM
Parent: #75

سلامات يا ناس

ما فى اى زول سسخن الموضوع...

نذكر هنا اسماء مبدعين من الزقازيق...ليس حصرآ

انما نماذج نطمع فى تعاونكم لحصر اكبر عدد....

مختار دفع الله

حافظ ابوعاقلة

زاهر الصادق

حسين شنقراى

الرشيد بابكر

منصور عبد الرازق

محمد عيد

قند اليمن عثمان

جمال فارح

عبد الهادى عبدالله

عادل عبدالرحمن

ياسر نجيلة

بدر الدين محمد احمد

عروة على موسى

عبد الحميد البرنس

المرحوم ياسر الشفيع

برهان الدين المكى

منى عباس المبارك

عمر النملة==مسادير

ناجى عبدالرحيم ==تشكيلى

حاتم صديق==تشكيلى

مصطفى محمد الحسن

طارق جبريل

كمال الشادى

عبدالحميداحمد المصطفى

مبارك جادين

ماهر شاهين

عثمان على ادم

===============

نحتاج الى مشاركتكم...حتى الوصول الى قائمة متكاملة

لكم الود

Post: #77
Title: Re: ولمن فاتهم الاستماع .....
Author: مشاعر بدوي
Date: 27-12-2009, 12:37 PM
Parent: #76

جنابو والله جابو

سلامات

قول لصاحبتى مشتاقققققققققين

Post: #78
Title: Re: ولمن فاتهم الاستماع .....
Author: محمد صديق
Date: 27-12-2009, 04:45 PM
Parent: #77

سلامات يا ناس

مرحب بيك يا توتة

وشوقك وصل

داومى على الطلة

Post: #79
Title: Re: ولمن فاتهم الاستماع .....
Author: محمد صديق
Date: 27-12-2009, 04:52 PM
Parent: #78

سلامات يا ناس

كيف لى ان انسى ود المأذون وكتاباته الطاااااااااااعمة

ومساديره التى يبخل بها حتى الان على الناس...

وكيف لى ان انسى عفاف وتمائمها....

نضف الان الى القائمة :

ابوبكر حامد

عفاف على ميرغنى

Post: #80
Title: Re: ولمن فاتهم الاستماع .....
Author: زهير الزناتي
Date: 27-12-2009, 05:10 PM
Parent: #79

يا كوتش القائمة بتاعتك دي فيها كوسها ،،، كلها صحبانك .... وغايتو دخلت نفسك في جحر التنانين زي ما قال فارح ... غايتو شد حيلك وكل مره أديها رقعة وما تنسي تستعين بصديق ...

Post: #81
Title: Re: ولمن فاتهم الاستماع .....
Author: محمد صديق
Date: 27-12-2009, 05:13 PM
Parent: #79

سلامات يا ناس

Quote: وأنا في عيونك بحضن النيل الفيهو كم تاهت خطاي

وأنا يا حنيني بكون مسافر ليك في صبحي ومساي

وأنا بيك بغني كل غنوات الحنين يا فاردة لي شوقك جواي

يا حاضنة لي وهج الحنين منك طلع

يا حابسة لي القلب الحزين صابو الهلع

لامِن طلع ..

من بين مساماتك وقع

واتشتت كل الاحاسيس الفي القليب ..

فوق ساحة البت الدلع

وبديت ألقط كل احساسي الرجع

حاملك وجع ..





شفتك مع البرق الشلع




























































وشميت عبيرك في الولع

ومِطرت بيك ..

وغسلت إحساس الوجع



نموذج لمبدع من ناس الزقازيق...لقيتو فى المنبر العام

عروة على موسى

Post: #82
Title: Re: ولمن فاتهم الاستماع .....
Author: كمال الشادي
Date: 28-12-2009, 05:53 PM
Parent: #81

لمن فاتهم الاستماع
هذه المداخلة وهذا المقال وجدته عند ناس المنبر الحار
يعني هنا
لو ما كنت سوداني..موضوع للنقاش
قلت انقله كاملا لانه عجبني جدا
رغم عدم الصالح النفسي بيني وبين الكتابة أو المجادلة في السياسة
لكنه أعجبني
وقطعا لا اريد ان ادخل في اية مناقشات سياسية فقط ارجو الاطلاع عليه
من ناب لمن فاته الاستماع


Quote: اريد ان اقول وانا بكامل قواى العقلية .. ان اكبر خطاء يرقى الى مستوى الخطيئة هو نيلنا الاستقلال السياسى من الانجليز .. لقد اثبت التاريخ - انا احمل فيه اجازة دكتوراة - ان الشعب السودانى , شعب لا يستطيع حكم نفسه بنفسه .. قولوا لى من فضلكم كم نهب الانجليز طيلة فترة حكمهم 60 عاماً .. وكم نهب الوطنيين - هؤلاء الشرفاء - منذ الاستقلال حتى الان 50 عاماً .. كم قتل الانجليز من جماهير الشعب السودانى .. وكم قتل ابناء البلد من افراد شعبهم .. الى اى مدى دمر الاستعمار البيئة, ولوثوا النيل والمياه الجوفية .. والى اى مدى فعلت الحكومات الوطنية ذلك
انا لا اتهم الاحزاب والحكومات العسكرية فقط , بل اتهم كل الشعب .. نعم كل الشعب , هو ببساطة شديدة لا يستطيع , عاجز , خانع , مستسلم .. ضربت الطفيلية فى كافة احزابه وفعاليات مجتمعه المدنى
اننى اطالب باعلى صوتى بعودة الاستعمار الى السودان ووضعه تحت الانتداب الدولى بواسطة الامم المتحدة مدى الحياة
ولذلك اعلنت عن تشكيل تنظيم جديد تحت اسم حركة المطالبة بانتداب دولى (حمد) .. اذا كان بتر الساق عملية مؤلمة , وكان الموت عملية بشعة , وعليك الاختيار فانك دون شك ستختار احلى المرارات
ربما تخصصى الاكاديمى هو الذى دفعنى لاعتناق مثل هذه الافكار .. لو فهم الشخص تاريخ بلده بشكل جيد واعى , سيعرف اين الخطاء واين الصواب .. وعموما انا لا احب اسطورة ان الشعب السودانى شعب معلم وبطل وذكى .. هذا غباء وضحك على الذقون , وطق حنك لا يُسمن او يُغنى .. نحن فعلا شعب فشل .. وفعلا شعب فاشل .. وهذه ليست شتيمة , هذا توصيف اكاديمى صارم .. مثلاً لو كان هناك انسان مُتخلف ذهنياً وكتبت عنه انه شخص مُعاق عقلياً هل اصبح انسانة تشتم وتهين ؟ .. بألتاكيد لا , ويجب وضع الحقائق كما هى .
مافيا الاحزاب السياسية هم اصحاب المصلحة الحقيقية فى ترديد عبارة ان الشعب السودانى شعب عظيم .. وطبعا طالما كانوا هم وابائهم واجدادهم قد استفادوا مادياً بعد خروج الاستعمار - واحيانا قبله - ولم نقول لهم (بغم) ومن اين لكم هذا ؟ , فنحن فى نظرهم شعب عظيم .. هؤلاء يطلبون منا الان التضحية من اجل خلق واقع على الارض يسمح لهم (1) اما باسقاط الذين يحكمون الان من اجل ان ينفردوا هم بالثروة والسلطة , (2) او السماح لهم تحت ضغط الغليان الشعبى بالمشاركة فى نهب خيرات الوطن مع الذين يحكمون
وكل ذلك تحت شعار الوطن الغالى ومستقبل الوطن المزهر ورفاهية طبعاً جماهير الوطن الغالية على قلوبهم العاطفية الحساسة
هم كلهم واحد , صدقونى .. هم كلهم واحد , لا فرق بين حكومة ومعارضة .. هناك (بيزنس) مشترك بينهم .. وهناك علاقات مصاهرة وصداقة مدروسة ومحسوبة .
هناك من قال لى
- والله يا دكتورة ننتظر الديمقراطية والشعب بعد ما يجرب كل الاحزاب ح يقتنع انو يدى صوتو لحزب يصلح لينا السودان .
ok .. تجريب المجرب سلفا! .. بعد كم سنة ؟ .. يعنى الناس تجرب حزب (الامة) ثمانى سنوات وبعده (الاتحادى) اربع سنوات الخ الخ الخ .. هذا طريق طويل وسبق ان سرنا فيه والنتيجة عموما معروفة ذاكروا التاريخ جيدا حتى تعرفوا
بالمناسبة ولعشاق انتظار الديمقراطية .. مافيا الاحزاب السياسية السودانية تُجيد اللعب فى بركة مياه الديمقراطية وتعرف الوسائل التى تمنع وصول من يشكل عليها خطورة - تسليم وتسلم عبدالله خليل وابراهيم عبود فى 17 نوفمبر - .. هم من يضع قوانين الانتخاب وتوزيع الدوائر الجغرافية وتسجيل اسماء المقترعين بطريقة تحفظ لهم الاغلبية الميكانيكية .. شراء الاصوات , اللعب بورقة الدين (امة, اتحادى, جبهة اسلامية) ..التزوير .. الاحتماء بالعائلات الكبيرة ذات السطوة والسوط .. حتى لو , اقول حتى لو جاء حزب يستطيع الاصلاح - وانا غير مؤمنة بذلك كما هو واضح - واستطاع الفوز فى الانتخابات فان البيان العسكرى الاول سيكون فى انتظاره من اذاعة امدرمان او اى واحدة من اذاعات ال fm .
لان الاصلاح الحقيقى يعنى ضرب مصالح مافيا الاحزاب السياسية فى الصميم وتقديمهم جميعاً الى محاكم الثراء الحرام
انا اتحدث عن بشر تُعانى الان - فى هذه اللحظة بالذات - .. عن جوع فى البطون .. عن دعارة من اجل دفع ثمن ايجار المنزل .. عن هجرة ونزوح وتجريف عقول .. عن مهانة (كفيل) فى بلاد بترولية .. عن تدنى فى التعليم .. عن تهميش فى ارياف الهامش .. عن ارتفاع مُعدلات الجريمة .. هؤلاء , وهم الاغلبية الساحقة بالمناسبة , ليس لديهم ترف الانتظار خمسون عاماً اخرى فى مظلة ديمقراطية وهمية - هناك ثلاث فترات ديمقراطية فاشلة فلماذا يعنى ستصبح الرابعة ناجحة , لماذا ؟ - .. ليس هناك داعى لانتظار مُخلص من السماء تحت شعار (يمكن فى زول يصلح) .. فكرتى انه ليس هناك (زول يصلح من اساسو) .. لانهم ببساطة شديدة كلهم (بايظين) ديكتاتوريين داخل احزابهم , يرفضون التنحى عن رئاسة الحزب الا بالموت , يعشقون الظهور فى قناة (الجزيرة) كانهم اساتذة ومفكرين عظماء .
لا أمل فى النخبة السودانية .
لا أمل فى النخبة السودانية .
لا أمل فى النخبة السودانية .
اتحدث عن حل واقعى وفعال وسريع .. وضع السودان تحت الانتداب الدولى مدى الحياة .
هذا هو هدفى .. وهذه هى برامج حركتى السياسية الجديدة .
ولهذا وضعتنى مافيا الحكومة والمعارضة فى مصحة للامراض النفسية والعصبية وقالوا اننى مريضة .. وانا اقول لهم انتم المجانين لو اعتقدتم ان نهبكم المنظم لخيرات هذه الارض الذى بداء منذ يناير 1956 سوف يستمر الى الابد .. قدموا لنا مصادر دخلكم , وارقام ثروتكم الحقيقية وتعاملاتكم البنكية , واعداد عقاراتكم فى القاهرة ولندن ودول العالم الاخرى
من اين لكم كل هذا يا عقلاء .. من اين ؟
د/ احلام حسب لرسول عابدين .
.....................................
.....................................
وأكد الاستاذ/ بدرالدين العجب المحامى لمراسل صحيفة (الحياة) ان موكلته التى اثارت مقالاتها ضجة فى الخرطوم فى الاونة الاخيرة تتمتع بصحة ذهنية ممتازة وان قرار احتجازها فى مصحة نفسية هو قرار سياسى فى المقام الاول وليس قراراً طبياً , وناشد جمعيات حقوق الانسان فى العالم بالوقوف خلف موكلته .. محذرا من امكانية تصفيتها جسديا بوسائل طبية غامضة , واواضح ان د/ احلام قد انتابتها نوبات اغماء غريبة منذ دخولها الى المصحة .

Post: #83
Title: Re: ولمن فاتهم الاستماع .....
Author: محمد صديق
Date: 28-12-2009, 07:40 PM
Parent: #82

سلامات يا ناس

الشادى الحبيب.....سلام

ده كلام عجيب...لكنو ما طاعم

نحن نبحث عن الكلام الطااااااااااعم

وربما نجد من يستطعم هذا الكلام العجيب

لك الود وانت تطل علينا ...وتحاول الحاقنا

بما فاتنا...

Post: #84
Title: Re: ولمن فاتهم الاستماع .....
Author: الرشيد بابكر
Date: 28-12-2009, 07:52 PM
Parent: #83

يا كوتش مساء الخير..انت ده فبراير و لا أنا غلطان...

والله يا كوتش الواحد بقى زي الرباطي بالليل ده...ما تشوف ليك زول مد راسو الا تقوم جاري عليهو
تلقى بعد شوية براحة لبد عمل نايم...يا اخوانا نحن عندنا انفلونزا خنازير ولا شنو..

Post: #85
Title: Re: ولمن فاتهم الاستماع .....
Author: محمد صديق
Date: 28-12-2009, 08:21 PM
Parent: #84

سلامات يا ناس

رشيد يا حبيب

هى طلات خفيفة

فى فبراير سنأتى ومعنا آخرون ان شاء الله

لك الود

Post: #86
Title: Re: ولمن فاتهم الاستماع .....
Author: محمد صديق
Date: 31-12-2009, 04:08 PM
Parent: #85

سلامات ياناس

يا رشيد جينا قبال فبراير

ولقينا البوست غاتس...

اها ختينا ليكم فوق....وقبلها عملنا قائمة

بالمبدعين وهى قائمة ناقصة تحتاج الى جهود

الجميع....

محمد عيد ما داير يجينا...وبكرى حامد كمان

تعالوا يا ناس...

Post: #87
Title: Re: ولمن فاتهم الاستماع .....
Author: محمد صديق
Date: 31-12-2009, 04:33 PM
Parent: #86

سلامات يا ناس

وتانى ....عوة على موسى

Quote: لا من عرفت الشوق والريد البجو

دقيت على وتر الرصانة الفيك دو

رتبت الحاني على نغيمات الفرح جواك بدو

ساسقت بي وتر الحنين ..

فوق مراسي النيل وأمواجو الهدو

ولقيت عيونك حاضنة لي صخب الحواضر وكل روعات البدو


عليكم الله شوفوا الكلام الطاعم ده...

الناس ديل لازم نوثق ليهم

يلا همتكم معانا

Post: #88
Title: Re: ولمن فاتهم الاستماع .....
Author: محمد صديق
Date: 31-12-2009, 10:03 PM
Parent: #87

سلامات يا ناس

مع اصحاب الكتابات الطاعمة :

هذا هو عبد الحميد البرنس...

Quote:

غادر الرصيف، ومشى ببطء بين الورش ومكاتب المفتشين ذات الطابع الاستعماري القديم، ثم انحدر شرق مساكن عمال السكة الحديد الحمراء الكابية، رويداً رويداً زاد من سرعته، واندفع بُعيد مطاحن الغلال، مخترقاً حقول الرز المغمورة بالمياه وجسر الحديد المقام على نهر صالحين، وما إن توغل داخل عشب السهل الاصفر الحائل ذي الفجوات الحجرية الواسعة، حتى اجهش بالبكاء بين وجوه المسافرين الساهمة وراء الاجمة المتناثرة من اشجار السنط، حيث تشرئب منذ قديم الازل سلسلة جبال العاديات، ملقية في نفس الرائي بذرة الشعور بالضآلة او الفناء، وقد بدا لصمتها الثقيل الموحش على رغم زلزلة القطار الهادر وكأنها لا تزال تصغي لاحلام المهدي بغزو العالم في زمان لن يعود.. البتة. كانت الشوارع الجانبية المُتربة خالية أو تكاد، كان يتقدمه شقيقه الذي يصغره بنحو عامين، دافعاً الدراجة عبر التراب الكثيف الموحل، "هذا ما يدعونه فراق الوطن"، قال في نفسه، ثم واصل السير، مختزناً في ذاكرته ما تبقى من الأماكن الاليفة الآخذة في التراجع عكس ايقاع خطواته، وبينما كان يتأمل اهتزاز شنطته "الهاند باك" المربوطة الى سرج الدراجة الخلفي بحب وعناية كبيرين، ادرك بكثير من الأسى ان سنواتهما القليلة التي عاشاها معاً كشقيقين قد ضاع معظمها في خضم النزاعات اليومية الصغيرة، آنئذ، هرع اليه، ود فقط ان يقول له بكل بساطة لا يمنحها للناس عادة سوى الرحيل او الاحساس الغريزي بدنو الخطر: "لو تدري يا أخي العزيز كم احبك" لكنه كان قد وضع الدراجة بعد مشقة على طرف الشارع الرئيسي المسفلت، واعتلى سرجها الامامي، مشيراً اليه وهو يأخذ وضع الانطلاق، بالركوب، يكاد الآن يحس بدفء انفاسه اللاهثة وراء اذنيه، وهو يردفه امامه صوب محطة القطار القريبة من دون كلمة واحدة.
كانت تشير الساعة الى السادسة وخمس وعشرين دقيقة وثوان، عندما اطلق صافرته الحزينة الممطوطة، وغادر الرصيف، مُفتتحاً فصول رحلة لا يعلم إلا الله متى وكيف تنتهي؟!.
في قادم الايام... الشهور... او السنوات، سيفكر في ذات الاماكن الاليفة، سيحكي عنها، وسيزورها اثناء النوم، يتردد اليها، يتلمسها بحنو يكلم في داخلها الوجوه التي احب، يستمع الى رنين ضحكته المفقودة، ثم يركض... ويركض... ويركض كعهد طفولته في الشارع ذي التراب الكثيف الموحل الذي يشهد خطواته الاخيرة الآن، قبل ان يصحو من نومه متوحداً أو فزعاً او ظامئاً او مجهداً بين جدران غرفة السطح المؤجرة في بناية قديمة تطل على احد شوارع القاهرة في كآبة، سيلازمه هذا الحلم كظله، وسيتكرر حتى خلال نومه النهاري القصير المتباعد الى أن يشرع أمام سيل الخيبات الذي لا يرحم في التأكد داخل الحلم نفسه ان ما يراه ليس حلماً، بل الحقيقة.
هناك، أمام باب الحوش، قبل دقائق قليلة، ودع والده "وداع رجل لرجل". السائل المائي الحارق، أخذ يتصاعد الى عينيه فور ان انفلت من حضن امه، وكثيرة هي الدموع التي ذرفنها شقيقاته في اعقابه، كذلك بدأ السير، مقتفياً آثار شقيقه الى الشارع الرئىسي المُسفلت حيث انطلقا بالدراجة صوب محطة القطار القريبة من دون كلمة واحدة.
لقد كن ذات الشقيقات، اللائي سيغرقنه في سنوات غربته الاولى بالرسائل، راسمات على حوافها الزهور الذابلة والقلوب التي حطمها البعد، ذاكرات من سطر لآخر ان بهن من الاشواق اليه ما يكفي لهدم جبال العاديات وتجفيف نهر صالحين وحرق غابات السنط النضيرة، وقتها كان ولا يزال منغمساً في سعيه الحثيث خلف طموح ظل مطموراً في اعماقه السحيقة، فكشف عنه الرحيل مثلما يكشف عن نفسه على حين غرة البركان الخامد أو الزلزال المدمر.
يا إلهي... لماذا لماذا... لماذا تبقى اللحظات الاخيرة من علاقاتنا نحن البشر محفورة في تلافيف الذاكرة الى هذه الدرجة من العمق او الثبات"، تساءل ذات نهار قائظ بعيد اسفل تمثال رمسيس، وإذا احس في ما يشبه الكشف المتأخر بوجود اشياء في العالم مثل حضن الأم لا يعوض عن غيابها الزمن، ادرك للمرة الاولى حجم الفراغ الذي احدثه في نفسه رحيل والده قبل سنوات من غير أن يتاح له حتى عزاء ان يحمل النعش الى مثواه الاخير؟.
عند منحنى الشارع ذي التراب الكثيف الموحل، توقف دفعة واحدة واستدار، بالكاد رفع يده اليمنى، لوح مودعاً، كان المشهد العائلي قد بدأ بالفعل في التشتت مرة وإلى الابد.
آنذاك، رأى والده، ومسبحته الحجازية، ناظراً الى وجه الارض في شرود، والشقيقات الثلاث، اللائي سينقطعن تباعاً عن كتابة الرسائل من طرف واحد ظل يبث طويلاً لواعجه الاخوية بلا جدوى، مازلن ملتفات حول ابتسامة امه، يلوحن له بأيديهن الست، وقد بدون كأغصان شجرة.. هزتها رياح ذلك الصباح التي بدأت تنشط شيئاً فشيئاً... والتي ستمحو بعد قليل آثار اقدامه على ظهر الشارع المترب... لا محالة.

Post: #89
Title: Re: ولمن فاتهم الاستماع .....
Author: عبد القادر بابكر
Date: 01-01-2010, 10:58 AM
Parent: #88

العزيز محمد صديق

وضويفك الزينين المحكرين في عناقريب السمر ..
كلامكو طااااعم ...
والحكي منسوج بي خيوط النور الكابي من جبين القمرة
في عز ليلا لفاهو الجمال وطيب المشاعر والمحبة ...

سنة حلوة عليكم
وانشاء الله يارب تدوم محبتكم
ويزدان تواصلكم بنبل الأخوة
وصدق المودة ...

Post: #90
Title: Re: ولمن فاتهم الاستماع .....
Author: محمد صديق
Date: 02-01-2010, 06:09 PM
Parent: #89

سلامات يا ناس

الاخ العزيز ...قدورة

لك التحايا وكل عام وانت بخير والاسرة الكريمة

سرّنى مرورك ودخولك الى بيتك والذى جاء متأخرآ حتى حسبت انك لن تدخل

لك الود ونطمع فى دوام المشاركة.

Post: #91
Title: Re: ولمن فاتهم الاستماع .....
Author: محمد صديق
Date: 02-01-2010, 06:46 PM
Parent: #90

سلامات يا ناس

Quote: برلومتكم فاتت خلتكم
ما شان بيّاعة وما شان سحنتكم
في شان القسمة الرسمت وقسمت
قالت قولا وامرت وحسمت
في آداب ختْينا الطوبه
وبرلومتكم جات يا دوبه
جات سرعة تخلص سنوات المنحه
شبكوها ده مدني دي جناية وجنحة
وشافتلا ناس احوالم واقفه
ضيّعوا سنوات وقلوبهم راجفة
شايلين الهم وحلوقهم ناشفة
قالت دة مكان ما بأمن غدرو
ومجال صبورين وانا جد ما قدرو


هذه الابيات الطاعمة ....قطع اخدر

بكرى حامد عمل مداخلة قطع اخدر طاعم خاطب به عرفة

ولم تخيب عرفة ظنّى وظنّه وردت عليه بهذه الابيات .

بالابيات دى اجزم ان عرفة دخلت قائمة المبدعين من اوسع

باب.وقطعآ هى اصيلة فى القائمة غير انى [ ما كنت عارف]

Post: #92
Title: Re: ولمن فاتهم الاستماع .....
Author: الرشيد بابكر
Date: 02-01-2010, 09:19 PM
Parent: #91

يا كوتش و بدون مجاملة...رغم ان القطع أخدر الا انه يصنف ابداعا خالصا و بدون سمكرة حتى...

الابداع الأكتر يا كوتش في عينك الكاشفة و التي تترصد الابداع و المبدعين...

مرة صلاح ادريس اتكلم عن الكشافين...الظاهر عليهو ما سمع بيك..ممكن يسجلك كشاف...

Post: #93
Title: Re: ولمن فاتهم الاستماع .....
Author: محمد صديق
Date: 02-01-2010, 10:07 PM
Parent: #92

سلامات يا ناس

الرشيد صباحك سعيد

الليلة شكلى اعلنت عليك السهر رغم انى شغال محاضرات اليوم ده

وامس السبت كنا شغالين رغم العطلة...

ابيات عرفة جميلة ومكتملة ...وهى شعر حقيقى ...وجلا زاتو لو قراها

حيقول انها شعر...صدّق ما دايرة كشّاف

تخريمة : البجيب لينا محمد عيد شنو؟؟

Post: #94
Title: Re: ولمن فاتهم الاستماع .....
Author: محمد صديق
Date: 03-01-2010, 07:19 AM
Parent: #93

سلامات يا ناس

وصباحات التفاؤل

اجتهدت فى حصر مبدعين من الزقازيق

والحصر ده حسب معرفتى المتواضعة ....وربما او مؤكد

ان هناك مبدعين كثر يعلمهم بعضكم ولا اعلمهم...لذلك احتاج الى عونكم

فى تدعيم القائمة.....

اول المساهمين كان بكرى حامد من حيث لا يدرى...عندما خاطب عرفة شعرآ

فردت عليه من جنس ما كتب...فتربع بكرى على صدر القائمة وجلست عرفة الى جانبه

وكسبت انا وناس الزقازيق مبدعين .

Post: #95
Title: Re: ولمن فاتهم الاستماع .....
Author: محمد صديق
Date: 03-01-2010, 07:42 AM
Parent: #94

سلامات يا ناس

وصباحات التفاؤل

Quote: أنا بقترح السهرة بكرة انشاء الله في حوش محمد صديق رايكم شنو ؟؟؟؟؟؟؟؟؟؟؟؟؟؟
على أن يقوم المالك بتوفير صحن الفول وفتة الكوارع ....
مافي داعي للسمك هسه خليهو لامن نجيك بالدرب عدييييييل ....


الدعوة موجهة للجميع ....

كل المطلوبات ستكون جاهزة وعلى رأسها : الكلام الطاااااااااااااعم .

Post: #96
Title: Re: ولمن فاتهم الاستماع .....
Author: الرشيد بابكر
Date: 03-01-2010, 01:24 PM
Parent: #95

الليلة المقيل و السهرة صباحية
عند زولنا الكريم القدحو بكفي المية
ما بنجيب كوارع و لا بنجيب طعمية
بس طاعم الكلام العرضة و الصقرية

قدورة السمح كلم معاك ود عيد
و الداير يجينا مرحب حبابو أكيد
بكرو بالحضور و اضبطو المواعيد
شان يحلي السهر و نملأ المكان بالريد

اليلة القليب فرحان يدق بالحيل
موعود بالأحبة و جملة الاكليل
يا قمر السماء رحب بأهل الليل
الناس العزاز ناسا بقامة النيل


محمد صديق...ده قطع أخدااااااااار عشانك بس...

Post: #97
Title: Re: ولمن فاتهم الاستماع .....
Author: محمد صديق
Date: 03-01-2010, 04:56 PM
Parent: #96

سلامات يا ناس

Quote: الليلة المقيل و السهرة صباحية
عند زولنا الكريم القدحو بكفي المية
ما بنجيب كوارع و لا بنجيب طعمية
بس طاعم الكلام العرضة و الصقرية


حباب القطع اللخدر ...وتب ما فيو كلام

اها آناس ...تعالوا على قدح الكلام الطاعم

الليلة النضم مبذول دقاقة وناعم

حبابكم عشرة

Post: #98
Title: Re: ولمن فاتهم الاستماع .....
Author: محمد عيد
Date: 03-01-2010, 06:19 PM
Parent: #97

جينا حسب الموعد الحددو ســيد العيزومة

لكن لقيناهو مافى ...

يا ربى مشى يجيب البروش وحفاظات الموية وكوانين الشيـّة ..؟

ولا صاحبنا كــبّ الزوغة ؟

اخوى الرشيد شايفه حايم بى بره الظاهر لقى الباب قافل

قال يقوم ياخد له لفّة فى الحيشان المجاورة .. يقشر بى بدلة العرس ..!!

غايتو جنس محن .. !! اذا كان الناس الفى السعودية اتخيلوا مقاس البدلة بخلفية الكبسة وعد الحركة

تجى تلقى ناس ابو زمام بى خرفانهم مادين كروشهم فى سخرية من اى مقاس ..؟؟!!

بس بالله يا رش .. لعنتنا كيف اليوم داك ..!؟

طيب النمشى نصلى العشاء ونجى نشوف العجايز ديل ظهروا .. ولا نمشى نسكسك مع الرشيد فى حوشه

على انغام نااااانسى عج ( رم او اج ) ..!

Post: #99
Title: Re: ولمن فاتهم الاستماع .....
Author: محمد صديق
Date: 03-01-2010, 06:38 PM
Parent: #98

سلامات يا ناس

Quote: يا ربى مشى يجيب البروش وحفاظات الموية وكوانين الشيـّة ..؟

ولا صاحبنا كــبّ الزوغة ؟


عيد يا حبيب ....سلام

يا دوبك الدنيا عندنا مغربت ...

تعال تلقاتا قاعدين .....

Post: #101
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 07:02 PM
Parent: #99

Quote: الليلة المقيل و السهرة صباحية
عند زولنا الكريم القدحو بكفي المية
ما بنجيب كوارع و لا بنجيب طعمية
بس طاعم الكلام العرضة و الصقرية

قدورة السمح كلم معاك ود عيد
و الداير يجينا مرحب حبابو أكيد
بكرو بالحضور و اضبطو المواعيد
شان يحلي السهر و نملأ المكان بالريد

اليلة القليب فرحان يدق بالحيل
موعود بالأحبة و جملة الاكليل
يا قمر السماء رحب بأهل الليل
الناس العزاز ناسا بقامة النيل


هععععع أبشر يارش ..
أتاريك نمّام ودوبااااي ونحن ما جايبين خبر
البركة المرق نمك مع نسايم الليل الجميل ده
والهمبريب الضارب في حوش الكوتش الوسيع يهبهب أطراف الملايات ..

مساكم عسل ..
ياسيد البيت سلام ..
جيناك معانا الحكي زكايب زكايب ..


Post: #102
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 07:12 PM
Parent: #101

Quote: يا ربى مشى يجيب البروش وحفاظات الموية وكوانين الشيـّة ..؟


بروش شنو يا أبو العيد ..
نحن عندنا ركب لقعاد البروش .. حليل الزمن !!!!!
وحياتك أنا جيت من قبيل وتاوقت كذا مرة ..
جرجرت العناقريب ورصيتهن
وفرشت الملايات ومليت الأزيار ..
الله يطراها بالخير بتنا زوبة
كانت بتقوم باللازم في مربع كاي ...
المهم ...
العنقريب دااااك الجنب الزير شايفو ؟؟؟؟
أووووعك تقعد فيهو بي كرشك الكبيرة دي ..
أنا حاجزو عشان جنب الزير وبعدين هو ذاتو ما بنفع معاك
لأنو هبابي قصيييير بكرفس ليك كرشك كان قعدت فيهو...

Post: #143
Title: Re: ولمن فاتهم الاستماع .....
Author: مجتبي فاروق
Date: 04-01-2010, 11:43 AM
Parent: #101

سعادتو اهو الاضنين بسمعن كويس فى اقاصى الغرب ولا دايرين ليهم زقة

Post: #103
Title: Re: ولمن فاتهم الاستماع .....
Author: محمد صديق
Date: 03-01-2010, 07:13 PM
Parent: #99

سلامات يا ناس

يا جماعة محتاجين نجرجر ناس اصلو الحيشان

دى ما بمروا عليها...

زى موسى عيسى

عصام دهب

الجدى

طارق جبريل

حاتم جبارة

ومهيرات الزقازيق

وكثيرون.......

Post: #100
Title: Re: ولمن فاتهم الاستماع .....
Author: الرشيد بابكر
Date: 03-01-2010, 06:49 PM
Parent: #98

Quote: تجى تلقى ناس ابو زمام بى خرفانهم مادين كروشهم فى سخرية من اى مقاس ..؟؟!!

بس بالله يا رش .. لعنتنا كيف اليوم داك ..!؟


حمادة عندما حضرت البدلة كنت قد نقصت عشرة كيلوجرامات كاملة من وزني بالزقازيق...و لكنها لم تناسبني..
لم ألعنكم و لكني لعنت حظي...ثم أدركت انني أخطأت...

Post: #104
Title: Re: ولمن فاتهم الاستماع .....
Author: الرشيد بابكر
Date: 03-01-2010, 07:16 PM
Parent: #100

Quote: مساكم عسل ..
ياسيد البيت سلام ..
جيناك معانا الحكي زكايب زكايب


أبشر بالحيل يا قدورة

يسعد مساك

Post: #105
Title: Re: ولمن فاتهم الاستماع .....
Author: محمد صديق
Date: 03-01-2010, 07:57 PM
Parent: #104

سلامات يا ناس

==============

وأستغربْ ...

شنو الخلاكَ تضحك كومْ ؟

شنو البدّل مزاجك أربعة وعشرين ؟

منو الزرع الفرح جواك بدل أحزان ؟

أكيد انك رجعت ورا!!

أكيد انك طريت الشوق

وناس الشوق...

وشوق الشوق..

ونار الشوق: تحرقْ الجوف..

تطلّع منو غنوة ريد تسيل ألحان

تهدهد لقليب هيمان.

أكيد انك رجعت ورا....

واكيد انك مبحلق فى عيون ناسآ...

من الزمن الحلو ونديان....

لمن كانت الضحكة بتكفّى البيت ...

وتطلع منو بالنفاج على الجيران...

وللسابع ....

تصل مبلولة زى زهرات من الوديان...

عليك الشوق :

شنو الفضّل من الزمن الخلى ومليان ؟؟؟

Post: #106
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 08:03 PM
Parent: #105

Quote: واكيد انك مبحلق فى عيون ناسآ...

من الزمن الحلو ونديان....

لمن كانت الضحكة بتكفّى البيت ...

وتطلع منو بالنفاج على الجيران...

وللسابع ....

تصل مبلولة زى زهرات من الوديان...

عليك الشوق :

شنو الفضّل من الزمن الخلى ومليان ؟؟؟



ياسلالالالالام عليك يا كوتش ...

خلاص قمنا علي الكلام الطاعم ؟؟؟؟؟؟؟

Post: #107
Title: Re: ولمن فاتهم الاستماع .....
Author: الرشيد بابكر
Date: 03-01-2010, 08:07 PM
Parent: #105

يا سلام يا كوتش...رائعة و طرية ...

Post: #108
Title: Re: ولمن فاتهم الاستماع .....
Author: محمد عيد
Date: 03-01-2010, 08:12 PM
Parent: #107


Quote: شنو الفضّل من الزمن الخلى ومليان ؟؟؟



يا الله يا كوتش على الطعامة والجمال ...

دى يا دوب المــزة والمشهيات ...

يلا خش انت والرشيد بى صحون الشيــّة

قدورة جيب الهبابة وتعال معاى جنب الكانون داك

Post: #109
Title: Re: ولمن فاتهم الاستماع .....
Author: محمد صديق
Date: 03-01-2010, 08:20 PM
Parent: #107

سلامات يا ناس

قدورة والرشيد ...شكرآ على التفاعل مع القصيدة

ورغم انو القصيدة دى زى نكت زهير ...اتقالت زى

415 مرة كده ....لكن مؤكد فى ناس فاتتم ...

وبعدين هى تمثل اجابة لاسئلة كان سألها منصور

وعيد فى ميل من الاميال قبل المئوية.....

لكن بينى وبينكم : الفضّل شنو ؟؟؟

جميعنا نحس الاجابة غير انّا نقولها بعبارات مختلفة.

Post: #111
Title: Re: ولمن فاتهم الاستماع .....
Author: الرشيد بابكر
Date: 03-01-2010, 08:29 PM
Parent: #109

يا كوتش هنالك قصائد كلما قرأتها أو سمعتها في كل مرة تشعر بطعم مختلف لها...و كأنها تتعتق كل يوم...لذلك تجدنا ما زلنا نعشق المتنبي رغم أن اللغة العربية و الشعرية لم تعد متداولة هذه الأيام و لكن يبقى المتنبي أفصح من نظم...

Post: #115
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 08:58 PM
Parent: #109

##

Post: #110
Title: Re: ولمن فاتهم الاستماع .....
Author: أبوبكر حامد الأمين
Date: 03-01-2010, 08:26 PM
Parent: #104

Quote:
اليلة القليب فرحان يدق بالحيل
موعود بالأحبة و جملة الاكليل
يا قمر السماء رحب بأهل الليل
الناس العزاز ناسا بقامة النيل


الليلة القليب سعيد نديان
فرحو زايد بى لمّة الحبّان
يا قدورة عدِّد فوائد الرمّان
خلّى الرشيد إرجع زى زمان
ياجورج الحبيب أشواقنا ليك أطنان
حليل أهل الشرق ... الأقصى والدان
الحاجّة والحسين وأخوك سيد الدكّان
خيّك عوض صراحتو باقيالو عنوان
خل تمرات العمده لاتخسر الميزان * 1
ومقارنة أسعار شعبى الخرطوم وأمدرمان *2
طارى يوم نسينا نحاسب صاحب الدكّان *3
جانا جناهو طاير زى فزعة الفرقان
يا ربى صواع الملك فى راحلتنا شافلو مكان
فى ذاك اليوم حزنتَ لحُزنك يا أصدق الخلاّن


حاشية:

*1 كان لجورج زميل سكن بأكاديمية الشرطة وكان من عادته أن يضع سبع تمرات فى إناء

*2 وهذه عادة تميز بها زميل جورج بأكاديمية الشرطة محمد عصام

*3 وكان أن تناولنا العشاء بمحل قريب من أكاديمية الشرطة ونسينا دفع الحساب ، فأرسل صاحب المحل أحد صبيته يهرول خلفنا ، أحزننا هذا المسلك الذى ينم عن غباء صاحبه لأننا كنا نتردد على هذا المحل بشكل يومى .


ولى عودة

Post: #112
Title: Re: ولمن فاتهم الاستماع .....
Author: أبوبكر حامد الأمين
Date: 03-01-2010, 08:37 PM
Parent: #110

Quote: لليلة المقيل و السهرة صباحية
عند زولنا الكريم القدحو بكفي المية
ما بنجيب كوارع و لا بنجيب طعمية
بس طاعم الكلام العرضة و الصقرية



حباب المقيل والسهرة الماها صبّاحية
رب الكون جعل الليل لباس والمعايش نهارية
يا رشيد القوم وجماعة السهارى والسقدية
أرقدوا عافية أبنجوا مع العفش والمحلبية
....................

يا جورج دى طلّة مزدوجة لغاية ما أرجع تانى إن الله مدَّ فى العمير

Post: #113
Title: Re: ولمن فاتهم الاستماع .....
Author: الرشيد بابكر
Date: 03-01-2010, 08:47 PM
Parent: #112

بكوري زاغ قبل السهر ما يكمل
اكتفى بالضواقة و ساب وراهو الأجمل
شال بطابيتو فات خلاني ساي اتململ
بكري لو عرف سهر الجداد ما بكمل

Post: #114
Title: Re: ولمن فاتهم الاستماع .....
Author: محمد صديق
Date: 03-01-2010, 08:54 PM
Parent: #112

سلامات يا ناس

Quote: يا الله يا كوتش على الطعامة والجمال ...

دى يا دوب المــزة والمشهيات ...


الحبيب محمد عيد....مساء الطعامة...

عذرآ ...اعتقد حصلت لخبطة فى ترتيب المداخلات

ويادوبك شفت مداخلتك ...

لك الود

Post: #116
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 09:01 PM
Parent: #114

فضل الكثير والله ياشباب ..

لم أتخيل كمية المشاعر التي يمكن أن يعيشها الإنسان ..
وكمية الأحاسيس المرهفة التي نحملها بعد كل تلك السنين التي إستخلصت من دمانا بلازما الشباب
لم أتخيل أن في دواخلنا بقايا من عشق لا ينتهي والكثير من الذكريات التي لا تشيخ ..
فوجودنا في هذه اللحظة نتسامر برغم المسافات التي بيننا ..
وبرغم السنين التي وقفت بيني وبين محمد عيد والرشيد وحالت دون لقائنا ..
وبرغم عدم رؤيتي لمحمد صديق وزهير أو حتى الإحساس بدفء يديهم مصافحاً .. إلا أنني أحس بنبض مشاعرهم
ودفء أخوتهم النبيلة ...
وبكائي رغما عني وأنا أرى عناق ميسرة وعادل الجعلي بعد كل تلك السنين التي نهضت بينهم ...
كل ذلك ..
إنما هو كنز لنا وفضل كثير يستحق أن نحيا من أجله ..
وأن نغمر الدنيا ابتساماً من أجله ...
فهنيئاً لنا بهذا الفضل وإن حرمنا ما عداه ....

Post: #117
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 09:06 PM
Parent: #116

أهلا يا بكري ...

شايفك طلعت نمّاي ودوباي زي رشدي ..

يا كوتش الجماعة ديل ماااااعاجبني
شكلهم حينوموا قريب ونحن لسه جوانا الكثير ....

Post: #118
Title: Re: ولمن فاتهم الاستماع .....
Author: الرشيد بابكر
Date: 03-01-2010, 09:12 PM
Parent: #117

قدورة و الله قاعد و صاحي...كرعينو فترو من المساسقة بين هنا و هناك..

وين محمد عيد..

Post: #119
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 09:14 PM
Parent: #117

صحصحوا ياشباب ..

هاكم النغم الجميل ده من البوست بتاعي الفتحتوا ليهو وما عبرتوهو

ليلى المغربي ...... سيدتي .. أنتِ امرأة لا تتكرر في تاريخ الورد !!!



pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false">


Post: #120
Title: Re: ولمن فاتهم الاستماع .....
Author: محمد عيد
Date: 03-01-2010, 09:20 PM
Parent: #119

والله يا قدورة عبرناك من زمان كتير

وسبحان الله انا الليلة كنت بافكر انزل مداخلة فيهو لانى لقيت ليها تسجيل نادر

لكن يا خوى شكلو بوستك ده اتأرشف وانت ما نقلتو ..

برلوم دايش ..!!

Post: #122
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 09:23 PM
Parent: #120

Quote: لكن يا خوى شكلو بوستك ده اتأرشف وانت ما نقلتو ..


البوست موجود وفي الصفحة الأولى كمان ..

Post: #121
Title: Re: ولمن فاتهم الاستماع .....
Author: الرشيد بابكر
Date: 03-01-2010, 09:23 PM
Parent: #119

عد فات زمن العيون الالفة و الحضن الملاذ
و رهافة الحس البلون ضحكة الناس العزاز
بعد الحنان الكان زمان استوطن المطر الحراز
روح زماني و في رجاك عانيت قساوة الانتظار



يا سلام عليك يا قدورة يا رائع...

Post: #123
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 09:27 PM
Parent: #121

يا رشدي ...

الكوتش ده مشى وين خلانا برانا ...
يكون مشى يجيب الكوارع ولا شنو ...

أووووووعى يكون نام بس ....

Post: #124
Title: Re: ولمن فاتهم الاستماع .....
Author: الرشيد بابكر
Date: 03-01-2010, 09:32 PM
Parent: #123

انت يا قدورة ما عارف الكوتش ده بيستعين على قضاء حوائجة بالكتمان...

الكوتش ده كان قريب يكون في رفاعة...

Post: #125
Title: Re: ولمن فاتهم الاستماع .....
Author: محمد صديق
Date: 03-01-2010, 09:35 PM
Parent: #123

سلامات يا ناس

يا قدورة النوم لسة بدرى عليه

مشيت قعدت فى الصالة مع زملائى بالسكن

لحدى ما دروخو وبقوا ناس نوم ....ماداير ادبهم

احساس انى مع ناس الزقازيق وما معاهم....

Post: #126
Title: Re: ولمن فاتهم الاستماع .....
Author: محمد صديق
Date: 03-01-2010, 09:41 PM
Parent: #125

سلامات يا ناس

سرّنى مرور بكرى حامد وتحكّره بالحوش

وبالعراقى والدوبيت.....

بكرى يمتلك ذاكرة ما شاء الله ....يذكر تفاصيل التفاصيل

احداث تكون انت محورها ولا تتذكرها ...يتذكرها هو ...

اطمع فى مشاركته الدائمة.

Post: #127
Title: Re: ولمن فاتهم الاستماع .....
Author: محمد عيد
Date: 03-01-2010, 09:56 PM
Parent: #126

رأيكم شنو يا شباب .. لو نعمل برنامج منظم

يعنى كل يوم يكون فى موضوع يختاره واحد مننا

ونقعد نتجاذب اطراف الحديث والمشاركات فيهو كل السهرة

يعنى مثلا ممكن يوم يكون للدوبيت والشعر الشعبى

ويوم لاشعار مصطفى سند او صلاح احمد ابراهيم مثلا ..

ويوم نتكلم عن شخصية زقازيقية محددة .. نستعيد كل الحكاوى عنها ...

وهكذا ... طبعا ماشاء الله كلكم معينكم لا ينضب .. وكل واحد ممكن يطرح فكرته

كأنو بيفتح بوست جديد ... وممكن كمان من بالليل نحدد موضوع بكرة ومكان استضافته

عشان برضو الناس ممكن تجهز معاها كثير من المعينات والمنكهات اضافة للمداخلات المرتجلة والعفوية ..

Post: #128
Title: Re: ولمن فاتهم الاستماع .....
Author: محمد صديق
Date: 03-01-2010, 10:03 PM
Parent: #127

سلامات يا ناس

Quote: يعنى كل يوم يكون فى موضوع يختاره واحد مننا

ونقعد نتجاذب اطراف الحديث والمشاركات فيهو كل السهرة

يعنى مثلا ممكن يوم يكون للدوبيت والشعر الشعبى

ويوم لاشعار مصطفى سند او صلاح احمد ابراهيم مثلا ..


انا موافق ....بشرط قضاء الحوائج بالكتمان.

Post: #130
Title: Re: ولمن فاتهم الاستماع .....
Author: الرشيد بابكر
Date: 03-01-2010, 10:07 PM
Parent: #128

و أنا أيضا موافق...وو العايز يمشي يمشي......عديييل كده يا كوتش و لا بالكتمان و لا حاجة...

Post: #129
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 10:03 PM
Parent: #127

Quote: وممكن كمان من بالليل نحدد موضوع بكرة ومكان استضافته


موافق وفكرة كويسة عشان الناس ما تنوم ...

وممكن نحدد موضوع بكرة من هسه !!!

يلا إقترح علينا ....

Post: #131
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 10:12 PM
Parent: #129

الجماعة ديل ما صدقوا يا أبو العيد ..

خلاص النوم غلبهم ...
الرشيد شكلوا جر بطانيتو خلاص ....
والكوتش ربط الناموسية ...

يلا عفينا ليكم أمشو نوموا .....



وتصبحوا على خير ....

Post: #132
Title: Re: ولمن فاتهم الاستماع .....
Author: محمد عيد
Date: 03-01-2010, 10:12 PM
Parent: #129

لو الرشيد وبكرى وافقوا

انا باقترح بكرة نتكلم عن التغنى بالعيون فى الشعر عموما

سواء فى الشعر العربى او الشعر الشعبى السودانى ..

وممكن كمان نجهز مشاركات صوتية او مرئية ...

واقترح لجتذاب اكبر عدد من الاخوان والاخوات ان نفتح لها بوست جديد

ونسميه مثلا .. جلســـة ما منظور مثيلها ...

يلا .. اقترحوا

Post: #134
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 10:19 PM
Parent: #132

إتوكل علي الله ...

يلا أفتح وقول بسم الله
واعمل ليك مقدمة ظريفة كده تليق بحجم الموضوع ...

Post: #133
Title: Re: ولمن فاتهم الاستماع .....
Author: محمد صديق
Date: 03-01-2010, 10:14 PM
Parent: #129

سلامات يا ناس

Quote: و أنا أيضا موافق...وو العايز يمشي يمشي......عديييل كده يا كوتش و لا بالكتمان و لا حاجة...


امس كنا بنتكلم عن تلفون منتصف الليل ...هسة جاتنا هرشة منتصف الليل

يا رشيد الحج بقى بالكتمان...

Post: #135
Title: Re: ولمن فاتهم الاستماع .....
Author: الرشيد بابكر
Date: 03-01-2010, 10:22 PM
Parent: #133

بالنسبة للعيون ...فمن عيوني مافي مشكلة..

لكن فتح بوست جديد...لست ضد الفكره و لكني أعتقد أن عدد البوستات أصبح كثيرا جدا و أصبحت تصرف الناس عن البوست العام و عن باقي البوستات بعضها البعض...أنا أقترح يوم عند الكوتش و يوم في مربع كاي..

يا كوتش هرشة آخر الليل دي هرشة ما منظور مثيلة...

Post: #136
Title: Re: ولمن فاتهم الاستماع .....
Author: عبد القادر بابكر
Date: 03-01-2010, 10:22 PM
Parent: #133

Quote: هسة جاتنا هرشة منتصف الليل


ههههههه

ياكوتش الرشيد ده هرش خلاص هسه يكون في سابع نومة ...

Post: #137
Title: Re: ولمن فاتهم الاستماع .....
Author: محمد صديق
Date: 03-01-2010, 10:26 PM
Parent: #133

سلامات يا ناس

Quote: انا باقترح بكرة نتكلم عن التغنى بالعيون فى الشعر عموما

سواء فى الشعر العربى او الشعر الشعبى السودانى ..


يا عيد الاقتراح جميل والكلام عن العيون جميل

بس بوست منفصل اعتقد بيوزع الجهود...نحن

نحافظ على البوستات دى بتقويتها وجعلها جاذبة

خاصة وانا الاحظ انو فى ناس كتار ما قاعدين

يجوا بى جاى ...احتمال يكونوا بيقروا لكن

ما بشاركو .

Post: #138
Title: Re: ولمن فاتهم الاستماع .....
Author: الرشيد بابكر
Date: 03-01-2010, 10:31 PM
Parent: #137

يا حمادة ممكن يكون عنوان المداخلات داخل البوست بسمى بالاسم المتفق عليه...و أقترح تلفون آخر الليل ...


يا قدورة أخوك بحوره غريقة...

Post: #139
Title: Re: ولمن فاتهم الاستماع .....
Author: الرشيد بابكر
Date: 03-01-2010, 10:43 PM
Parent: #138

يا كوتش دي ما زوغة ..ده موضوع بديته و بكمل فيهو و هو مكتوب عندي في الكمبيوتر ..قمت بانزاله قبل النوم...

بالله عليك أرجع أقرأ بداياته..لعله يعجبك...

Post: #140
Title: Re: ولمن فاتهم الاستماع .....
Author: محمد صديق
Date: 03-01-2010, 10:43 PM
Parent: #138

سلامات يا ناس

Quote: يا حمادة ممكن يكون عنوان المداخلات داخل البوست بسمى بالاسم المتفق عليه...و أقترح تلفون آخر الليل ...




مقترح جميل .....مع دعم فكرة انو كل ليلة تكون فى بوست .

Post: #141
Title: Re: ولمن فاتهم الاستماع .....
Author: الرشيد بابكر
Date: 03-01-2010, 10:48 PM
Parent: #140

يا جماعة الواضح ما فاضح....تصبحوا على خير....

الساعة اتنين و نص عندنا و باقي سويعات للشغل...

Post: #142
Title: Re: ولمن فاتهم الاستماع .....
Author: محمد صديق
Date: 04-01-2010, 06:45 AM
Parent: #141

سلامات يا ناس

وصباحات التفاؤل

مناشدة للجميع ...

قائمة المبدعين فى انتظاركم .

Post: #144
Title: Re: ولمن فاتهم الاستماع .....
Author: أبوبكر حامد الأمين
Date: 04-01-2010, 12:30 PM
Parent: #142

Quote: بكوري زاغ قبل السهر ما يكمل
اكتفى بالضواقة و ساب وراهو الأجمل
شال بطابيتو فات خلاني ساي اتململ
بكري لو عرف سهر الجداد ما بكمل


كتر البتابت عيب البزوغ وللسهر ما بيحمل
نحن آلدخرى غنّاينا قال لى محبوب وطوّل
بى حمرة وقوة عين تماها قال فى قسمك الأوّل
ولو محبوبى صدَّ ... أنا ريدى ما أتحوّّل
فى مدنى يا أخوانى وصولة الساكس والخلوق تتزلزل
بس يا الخزين أمس مع اوساسونا الحال المايل تعدَّل
الدوّام خلاص ودَّر جاييك بى الروقة من المنزّل

Post: #145
Title: Re: ولمن فاتهم الاستماع .....
Author: محمد صديق
Date: 05-01-2010, 07:48 PM
Parent: #144

سلامات يا ناس

Quote: سلامات

مدخل مهم جدآ--{مافى زول يقول لى سنة كم لانى ما حأتذكر --الكبر وكده--]

لك ان تتخيل انك جاى من لكوظ بى شارع زراعة الطويل داك---وكدارى--------يلاقيك

مطعم لورد السياحى-[جلا ما حيكون شافو ولا حتى سمع بيهو]--ما عندى مانع يضيفو لى

معلوماتو بس مايقشر بيهو-- تمشى وتمشى يلاقيك المزلقان يكون مارى قطر طويييييييل

تنتظرو لامن يمر تلقى نفسك خشيت على السويقة القبال ميدان المنتزه---تخش بالشارع الاهم

شارع ترابى لو تمعنته جيدآ لعلمت انه مسفلت---تدهم خياشيمك رائحة الفراخ المذبوحة---

والارانب --الخضروات والبيض --والسمك---روائح عديدة ليس لها اسم او عنوان--كنت ومصطفى

محمد الحسن ---علوم --نطلق عليه اسم شارع السمك---[كان فى شقة هناك على يمينك قبل

محل الفراخ--يسكنها مصطفى درش--تربية --وعصمت وكمال برالمة معهد تجارى واعتقد التاج و

عادل عبد الرحمن---صاح يا جلا --بتكون شربت فيها برميل شاى واكلت شوال عدس============

ولان الدنيا ليل يكون الشارع خاليآ الا من السودانيين والفيران ===كنا نتفادى الفيران

العديدة والضخمة والتى تمرق من بين شقوق الحيطان المتداعية [ليس كتداعى سيد الحوش ]

تمرق كالسهم فى طريقها الى الجانب الآخر--[النضيف حيقول لى الجابركم شنو على الشارع

ده ؟ ]اقول ليك --مصطفى كان عندو حكمةعجيبة --بيقول انت لما تكون ماشى فى الشارع ده

بيكون عندك احساس بالرضا التام عن حاجاتك وتكتشف ان هذه الدنيا لا تسوى جناح بعوضةإإإ

تعبر ميدان المنتزه---الصهريج الضخم---القهوة البديعة فى موقف الشاحنات--محلات بيع

الاقمشة والاحذية---من منكم لم يشتر حذاء من الصارمى ---[صندل باللون الاسود او البنى

ذو سيور رقيقة---

وانت ماشى على شمالك سويت بسام---تدلف الى الشارع الضخم --تظهر لافتة عمر افندى----

تقطع الشارع حذرآ---كبرى وعيادة الشبان المسلمين----الكبرى المعلق الصغير تقطعه لتجد

نفسك بالمساكن --تعبر شارع المحافظة---يحتويك شارع القومية---بداية السلامات والتحايا

والوقفة الطويلة---مصطفى ما كان عايز الوقفة الطويلة--محتاجين نصل الاتحادوبسرعة اصلنا

ساكين لينا جوابات ما اظن تجى !!!!!!كنا نداوم على ذلك يوميآ--قالو سيد الرايحة فتش خشم

البقرة------لما تبقى صيدلية سان مارك على يدك اليمين بعد المثلث الفيهو شقة اولاد علوم

عمار وماهر --يظهر من هناك عباس جبر الله---تربية--عباس سلامو ودود وطويل --يحضنك اولا ويفلتك

ثم يمسكك اخرى--ويضع يده على رقبتك ويجذبك اليه --لتستقر على هذا الوضع طويلا--اثناء تبادل

السلام ---مصطفى يقول لى سلم عليهو من بعيد ما دايرين تاخير---[اصلو راجعين لكوظ نلحق ربة

عاملينها ناس طارق جبريل وحاتم وقيس ] طبعا ما قدرت اسلم من بعيد --اخذت نصيبى من السلام الدافى


والودود من عباس---وتاخرنا ---تاخرنا----امامنا مسطبة الجاويش ---مترعة بالحلوين---قبل بلوغها

تسمع ضحكات ابوبكر حامد--هو وهلا ايوب يواجهان الجالسين----سلام من بعيد----ودخول لدار الاتحاد

صعودا على السلم المترب---جريا على السلم---تفاديا للسلام الطويل----ولجنا مكتب عبدالمجيد

عيسى [عبدالمجيد ليست له علاقة بالرباطاب---غير انه رباطابى لسانا---جلسنا على مقعدين

متجاورين---امامنا رزمة شحمانة من الخطابات--سريعا حكى لنا بعض الطرائف---ضحكنا من جوة---

-عبدالمجيد ما عندنا جوابات ؟

-ما راجعتو اللستة ؟

-ابدا والله

-طيب دقيقة

يبدا فى مراجعة الخطابات---واحدا بعد الاخر ---عيوننا معلقة على الخطابات

-للاسف ما عندكم----مع ضحكة ----ليكم اكتر من اسبوع ساكين ليكم جواب ---لكن ما مشكلة اقعدوا

لحدى الاتحاد يفضى اذا فى ناس ما شالو جواباتم حاديكم ليها

سلام للجميع

Post: #146
Title: Re: ولمن فاتهم الاستماع .....
Author: محمد صديق
Date: 05-01-2010, 07:56 PM
Parent: #145

سلامات يا ناس

وين عبد المجيد عيسى؟

وين عباس جبر الله.؟

وين هلا ايوب؟

ووين بلة ناقع؟

Post: #147
Title: Re: ولمن فاتهم الاستماع .....
Author: أبوبكر حامد الأمين
Date: 05-01-2010, 08:09 PM
Parent: #146

يا سلام عليك يا جورج ويا سلام على سيرة مصطفى محمد الحسن الذى لايطيق الوقوف وطقوس السلام ، مصطبة جاويش مارسنا فيها فوضانا وكانت إدارة المستشفى تبدى تذمراً من جلوسنا بالقرب من المستشفى لأنه يمثل خصماً على راحة المرضى ، لم تكن بنا رعونة أو طيش لعدم الإنتباه لهذا الأمر ، غير أن فعل الأشواق يخرج فى كثير من الأحيان عن السيطرة تماماً كنهر القاش الذى يندفع دون أدنى مراعاة لجماليات المكان وروعة السواقى ، كانت إدارة المستشفى تعمد فى بعض الأحيان لتبليل المسطبة وغمرها بالمياه ، حكمة رب العالمين كنا نصر على الوقوف جوار المسطبة دون أن تكون لدينا ادنى رغبة فى معاندة إدارة المستشفى أو إزعاج المرضى.

Post: #148
Title: Re: ولمن فاتهم الاستماع .....
Author: محمد صديق
Date: 05-01-2010, 08:26 PM
Parent: #147

سلامات يا ناس

بكرى ...المسطبة كانت حاجة مرتبطة بالناس

والناس كانوا مرتبطين بيها....

ورموزها كانوا معروفين....مؤكد انك تحتفظ بالكثير عنها

لك الود

Post: #149
Title: Re: ولمن فاتهم الاستماع .....
Author: محمد صديق
Date: 05-01-2010, 08:34 PM
Parent: #147

سلامات يا ناس

Quote: سعادتو اهو الاضنين بسمعن كويس فى اقاصى الغرب ولا دايرين ليهم زقة


يا مجتبى ازيك ياخى

سعدنا بزيارتك....

مداخلتك نزلتها سرآ ولا شنو ....والله ما شفتها الاّ هسة

لك الاعتذارات كلها

Post: #150
Title: Re: ولمن فاتهم الاستماع .....
Author: زهير الزناتي
Date: 07-01-2010, 07:23 PM
Parent: #149

Quote: تاوقت للبوست حقى لقيتو زى ماهو ...من سهرتكم ديك ولا فى

زول هببو...وانا بدعو فيه الى حصر المبدعين....وده عمل

كبير ...وميسرة ومحمد عيد اول ناس بدت منهم الفكرة دى ..

فى ناس بتخش منبرنا وتمر على كل البوستات ..ولمن تجى جنب

ولمن فاتهم الاستماع ...تاخد ليها نطة منو وتخش فى البعدو

الناس دى ما عايزة ترجع ورا ولا شنو؟؟؟

هل انا لما اقول ادونا اسماء مبدعين من الزقازيق...بطلب حاجة

الناس ما عندها بيها اهتمام ...

فى احيان كتيرة بفكر انى اقيف لحدى هنا ..لكن برجع اقول فى ناس

عندها اهتمام ..واضغط على حاجات كتيرة وابدأ تانى ...

كتبت الكلام ده عندك يا الرشيد لانى لو كتبتو عندى حيقروه اربعة بس.

لكم الود


مداخلة لصاحب البوست في مربع كاي ...

Post: #151
Title: Re: ولمن فاتهم الاستماع .....
Author: عبد القادر بابكر
Date: 07-01-2010, 09:15 PM
Parent: #150

الكوتش الحبيب ..

مساك عسل ..

الليلة الناس نايمة من بدري ولا شنو ؟؟؟؟؟؟
شايف المساطب والحيشان كلها فاضية ..

Post: #152
Title: Re: ولمن فاتهم الاستماع .....
Author: كمال الشادي
Date: 07-01-2010, 11:03 PM
Parent: #151

يا عبد القادر بابكر

يا راجل ما عوقتني عدييييييييييييييييل

عدا فات
يا زول الغنية في لمة ناس الزقازيق الاخيرة
لمن خلاص خشيت في جو الغنا
وحسيت إني محتاج اغني
اكتر من الناس المحتاجها تسمع
قلت ليهم الاتي
لمن مصطفي رحمة الله عليهو اتوفى
الناس كان غنا مصطفي ثلاثة انواع
غنا عارفنو كل الناس
وغنا بيعرفوهو الناس البتحب الغنا الحلو
وعنا عارفاهو الناس البتحب مصطفي وبتحب الغنا الحلو
الناس الحريصة على إنها تصغل وبإستمرار مشاعرها ب الراوئع
الناس المختلفة
آسف انا من الناس المختلفة دي

يا عبد القادر
الغنية دي ما إتغنت تاني بعد مصطفي ما أتوفى

انا وزعتها
تعرف يعني شنو وزعتها
يعني أخدتها خام
وتصور اوركسترا من اكثر من 60 عازف ووزعت الشغل بينهم
كمنجات وباصات وجيتارات
واساسي وهارموني
ايقاعات
ده كلو لانو عندي ستديو في البيت وانا بجضمو كويس
لمن خلصت الغنية
دخلت صوتي عليها
وبيقت اسمعها براي في البيت

غنيتنا لي ناس الزقازيق في لمة الرياض الاخيرة
انت راجل جد راقي

Post: #153
Title: Re: ولمن فاتهم الاستماع .....
Author: كمال الشادي
Date: 07-01-2010, 11:20 PM
Parent: #152

الزول العجيب الاسمو عبد القادر بابكر
وصوت ليلي المغربي العذب وهي تقرأ شعر احبه
وهذا الليل البارد ليل الرياض الموحشة
جعلتني كل هذه الاشياء امد يدي لديوان شعر في مكتبتي لي منه زمن طويل


وجدت على الصفحة الاولى اهدا من جمال فارح مكتوب عليه جمال فارح الزقازيق 1988



والديون هو عيناك والجرح القديم
للشاعر القامة محمد سعد دياب

لو عجبكم النضم حا اكتبو ليكم كلو
اها خلونا مع القصيدة الاولى



---------
عندما تتوهج الحروف عشقا

هاتي دنان العشق حتى ارتوي
فالوعد ان تزهو الحروف وتكتبا
لا تسألي بوحي فإني عاشق
وهج الصبابة في المآقي ما خبا
لا تسأليني ... انت اشعلت الرؤى
اشعلت انت العمر حلما طيبا
هأنتذى والنهد يذهل روعة
لا يستريح من الشموخ لكم ابى
هذا الذي اذ ما اطل لأزهرت
جزر الخزامي ... والمساء هناصبا
يترج نبض النبض تختلج الخطا
يمتد بحر الوجد افقا مخصبا
هذا الذي ما جاء في حلم الضحى
ما طاف ذاكرة الزمان ولا الربى
يا مدهش الايقاع كيف اصدها
هذي الحروف اذا احترقن تعجبا
سكرت من الوله الطويل وتبتغي
ان تستزيد تولها ان تشربا

مدي الكؤؤس الظامئات اميرتي
فاليل يمنحنا الخيال الارحبا
هأنتذى والنهد ضج بقيده
يرنو لشرفات الشموس توثبا

وقرأت في عينيك همسا رائعا
هرب السؤال .. ورقرقت ريح الصبا
فهفوت للمدن البعيدة اسرجت
شطأنها لحنا نديا مطربا
كل المواسم تلتقي مسحورة
والفجر يغدو بالشذى معشوشبا
من للجراح وانت قد اوقدتها
من للقوافي وقد سهرن ترقبا

Post: #154
Title: Re: ولمن فاتهم الاستماع .....
Author: كمال الشادي
Date: 08-01-2010, 07:39 AM
Parent: #153

اقسم بالله لقيت ليكم حاجة رائعة جدا
خشو هنا وإستمتعوا وقولو لي رأيك
أغتيال دكتورة احلام حسب الرسول .

Post: #155
Title: Re: ولمن فاتهم الاستماع .....
Author: عبد القادر بابكر
Date: 08-01-2010, 10:56 AM
Parent: #154

Quote: يا راجل ما عوقتني عدييييييييييييييييل


الزول الشفيف كمال الشادي
صباحاتك عسل ..

انت تبرى من التعويق يايابا ..
لكن نعمل شنو يا حبيب ..

في حياتنا محطات فرح ..
وشوارع من الجمال ممتدة داخل الروح ..
وإن أقفرت وخاصمتها الخطى لبعض الأزمنة ..
إلا أنها سرعان ما تعود لتزدهر وتعود لتحتضن خطواتنا من جديد ..
فتزدهر فينا الروح ..
وينهض في دواخلنا ألف تذكار من فرح ..

مصطفى سيد احمد شارع من الجمال
ممتد ومتغلغل فينا لم تجافيه خطواتنا أبدا ..
ولن ...!!!!!
فنحن أحوج ما نكون لفيض من فرح ..
وأسعد ما نكون بتلك الذكرى ....

دمت يا غالي ...

Post: #156
Title: Re: ولمن فاتهم الاستماع .....
Author: الرشيد بابكر
Date: 08-01-2010, 12:05 PM
Parent: #155

الشادي و قدورة...

لقد تبادلتم الون تو اللذيذ في ميدان الكوتش
الشادي جاب لينا قصيدة دياب الرائعة
و قدورة أكثر الغلغلة و الروح لما روحنا دي اتغلغل
فيها الكلام الجميل...
و الكوتش كالعادة يفوت على نفسة فرصة أن يكون طرفا في النقلات..
ثم يأتي ليبصم أخيرا ...و يصبح حماد هذا البوست..
يا كوتش وجودك مهم مهما كانت مبررات غيابك...
فأنت ككابتن الفريق يجعل أفراد فريقة يحافظون على خطة المدرب..
أو كالمدرب يضع الخطة و يحرص على ان يحافظ عليها فريقه..
أقول هذا بعد أن وجدت تعليق جلا و الذي قال فيه أنه محتار بين هذا البوست
و مربع كاي...لأنه دخل هنا فوجد نفس الناس و نفس الكلام...
في حين أن هذا البوست أريد له أن يسترجع الجميل من ما تم تجاوزه...
و من ثم يقف الناس عنده و يستمتعوا به...
و لغياب المدرب تشابه على جلا البقر...

يا كوتش وجودك مهم ...لنستمتع بما فاتنا..

Post: #157
Title: Re: ولمن فاتهم الاستماع .....
Author: كمال الشادي
Date: 08-01-2010, 01:31 PM
Parent: #156

عبد القادر
الله يديك العافية
كتر خيرك في كلامك الحلو ده

عليك الله عدي فسراع فسراع على اللنك الفوق ده وقول لي رأيك راح يعجبك جدا
تحياتي
شادي

Post: #158
Title: Re: ولمن فاتهم الاستماع .....
Author: عبد القادر بابكر
Date: 08-01-2010, 05:01 PM
Parent: #157

hghg.jpg Hosting at Sudaneseonline.com


ماشاء الله عليك اليوم يا شادي ..
سادي خدمة 100%
معليش حأخرب ليك الرصة بي مداخلتي دي ..

شكرا ليك والله يا حبيب على إيراد رابط البوست بتاع إحلام حسب الرسول
فقد تابعت هذه الرواية قبل الأرشفة
وعدت مرة أخرى وقرأتها بعد إعادة تنقيحها وفي ثوبها الجديد
بعد إضافة المؤثرات واللوحات المميزة ..

أشد ما لفت إنتباهي لهذه الرواية هو التوفيق الكبير الذي حالف الكاتب في
إختيار شخوصها مما ساعده كثيرا في إبراز مقاصد روايته وإختيار مفردات السرد
التي تميزت بالواقعية الشديدة والجرأة .. وأنا أقرأ هذه الرواية
كنت أستحضر معي أسلوب الكاتب الكبير الطيب صالح وجرأته في العرض
وترابط المشاهد بصورة سلسة ..
الرواية في مجملها كأنها تكشف الغطاء عن المجتمع السوداني
وتصور متناقضاته على اختلاف طبقاته ومشاربه ..
في أسلوب سردي مشوق وممتع ..

كما أن إعتماد الكاتب أسلوب المشاهد أو كما اصطلح عليه بالحكايات
أعان الكاتب كثيرا في إظهار خصائص شخصياته دون الإخلال بروح الرواية وترابطها
وتسلسل أحدائها ..

الرواية في مجملها رائعة جدا وذات رمزية راقية ...

لك شكري وتقديري يا شادينا ..

Post: #159
Title: Re: ولمن فاتهم الاستماع .....
Author: كمال الشادي
Date: 08-01-2010, 05:25 PM
Parent: #158

عبد القادر يا راقي

الحركة العملتها دي انك صورت مداخلاتي
انا حولت اعملها وما عرفت ممكن تشرح لي بهدوء بعملوها كيف
------

شوف يا قدورة
انا لسه ما كملت قراية الرواية أو على الاقل ما نشر منها
الرواية ذكرتني حاجة غريبة في الصيف الفات
كنت في القاهرة قريت في واحدة من صحف الصحافة الصفراء عن رواية سعودية بإسم قصة حب سعودية
وتحكي عن الممنوع في شوارع وبيوت الرياض
قصص عن اشياء غريبة بس تحكي عن الواقع
الرواية بتاعة احلام دي يا أخي
في بعض جوانبها تخليك تتلمس اطرافك تحس انها بتحكي عنك او عن زول بتعرفوا
حاجة في منتهى الروعة والجمال
الحبكة الدرامية راقية جدا
والرابط الغريب بين هؤلاء الاحلاميات جمع احلام
اختيار الاسم نفسو ليهو دلالة جميلة
حكايتو عن اقباط السودان يمكن اول مرة يدخل مجتمعهم
ويعرف جزء من طريقة تفكيرهم وتعاملهم
حاجة روعة
لي عودة

Post: #160
Title: Re: ولمن فاتهم الاستماع .....
Author: عبد القادر بابكر
Date: 08-01-2010, 06:20 PM
Parent: #159

Quote: انا حولت اعملها وما عرفت ممكن تشرح لي بهدوء بعملوها كيف


الموضوع ساهل .. هاك البرنامج ده وأعمل ليهو setup في الجهاز
تلقاهو في اللنك ده

http://www.desksoft.com/HardCopy_Screenshot.htm

تفتح معاك صفحة زي الفي الصور :

37.jpg Hosting at Sudaneseonline.com


أضغط على here في الدائرة الحمراء لتنقلك للصفحة دي :

38.jpg Hosting at Sudaneseonline.com


أضغط على اللنك في الدائرة الحمراء حتظهر ليك مربع حوار التحميل
أضغط save عشان تحفظه في سطح المكتب بعدين تفك الضغط حتجيك عدة فايلات
أضغط على فايل HCsetup حيعمل ليك تنصيب على الجهاز

ودي صورة البرنامج :

39.jpg Hosting at Sudaneseonline.com


لما تجي تصور حاجة أضغط على new حتحتفي الشاشة دي ويتحول الماوس الى +
حدد مكان التصوير (أضغط وأسحب للتحديد وفك ) حتسمع صوت زي صوت اللقطة بالكاميرا
وحتظهر ليك شاشة البرنامج تاني والصورة حتظهر في المربع الصغير
بعدين أضغط save as عشان تحفظ الصورة في الجهاز بس لازم تختار jpg وبعدين تحملها في الموقع عادي

وبث ...

Post: #161
Title: Re: ولمن فاتهم الاستماع .....
Author: محمد صديق
Date: 08-01-2010, 07:08 PM
Parent: #160

سلامات يا ناس

الشكر والامتنان للاحباء

كمال الشادى

قدورة

الرشيد

زهير

وانتم تحرسون البوست وسيدو يكوس

ظروف السفر المتواصل ...وعطل الكمبيوتر حالا

دون التواصل معكم والاستمتاع...

شكرآ للشادى على الرابط...وقصيدة محمد سعد دياب

وشكرآ قدورة على الدرس المجانى .

Post: #162
Title: Re: ولمن فاتهم الاستماع .....
Author: عبد القادر بابكر
Date: 08-01-2010, 07:25 PM
Parent: #161

سيد البيت وصل ..
الكوتش الحبيب ..

تحية الصحة والعافية ومساء العسل عليك ..
حمدا لله على السلامة وانشاء الله ما تغيب بي شينة
وبيتك عامر دائما بالمحبة ..
الليلة والله فقدناكم كلكم مع الونسة اللذيذة دي
مع الشادي الرقيق ..

وجيدا جيت يا حبيب ...

Post: #163
Title: Re: ولمن فاتهم الاستماع .....
Author: محمد صديق
Date: 08-01-2010, 07:54 PM
Parent: #162

سلامات يا ناس

قدورة العزيز ...سلام

شكرآ يا حبيب على المشاركة الدائمة

حأجيكم بى حاجة طاعمة لى زول زقازبقى

Post: #164
Title: Re: ولمن فاتهم الاستماع .....
Author: محمد صديق
Date: 08-01-2010, 08:00 PM
Parent: #163

سلامات يا ناس

Quote:
أعرفه كما أعرف تماما صوت بطني لحظة جوع ممض. لا أدري متى وأين وكيف بدأت علاقتي به. لكن المؤكد أنه ظل يلازمني عبر أغلب مراحل حياتي المختلفة.

مرة أقول من باب العزاء لنفسي إنه (يا صابر) ليس سوى وهم. مرة أخرى يخال لي لسبب أوآخر أنه عصي على رؤية كل الناس. ومع ذلك، كنت ولا أزال أراه دائما هنا أوهناك. يجلس قبالتي داخل مركبة عامة. يمشي إلى جواري بخطى أثيرية منصتا لوقع أقدامي على جانب شارع مقفر آخر الليل. أوينطوي على نفسه بمعدة خاوية عند ركن معتم من احدى الغرف الكثيرة التي أنفقت فيها سنواتي المقتربة من الستين حثيثا.

زوجتي ماريا التي تصغرني بنحو العشرين عاما تقول إنها لا تراه. ولكن تتفهم من واقع خبرتها الخاصة ما يحدث لي. قالت ذات مساء بعيد كمن يحاول جاهدا أن يمحو أسى بأسى إن والدها الذي جاء إلى كندا لاجئا من ضواحي احدى مدن بوليفيا المجهولة قبل أربعين عاما ظل يراه بدوره بنفس الملامح الحزينة لكلب جائع حتى الممات.

وقتها سأل الممرضة المتابعة أن تتركه وحيدا في غرفته الكائنة داخل أحد المباني السكنية المخصصة لكبار السن في المدينة. قال لها في ما يشبه اللغز وهو يغمز بعينه اليسرى كعاشق عريق إنه يتوقع زيارة خاصة لن تأخذ من وقته الكثير. بعد نحو الساعة تقريبا عادت تطرق الباب قبل أن تدفعه إلى الداخل برفق. كان هناك، يتمدد على سريره الصغير بلا حراك، وعلى فمه شبح إبتسامة. ماريا قالت ما لا يزال يثير حيرة الممرضة لحظة أن أخبرتها برحيل والدها أنه لم تكن تتوقع أن الموت يمكن أن يكون قريبا إلى هذه الدرجة من رجل ظل يأكل على ذلك النحو حتى وهو على أعتاب الثمانين.

أذكر في أحد أيام هذا الشتاء أننا دعونا زوجين شابين من جماعة مسيحية تنتمي إليها زوجتي تدعى "شهود يهوا " لتناول وجبة الغذاء في مطعم صيني قريب. كانا قد حضرا من السلفادور قبل نحو العام كمهاجرين جديدين. فجأة أخذ الزوج يتحدث عنه. بينما أخذت زوجته توافقه بإيماءة حزينة برأسها من حين لحين.

قال "كانت أمي تشعر بفم صغير يمتص من ثديها الآخر كلما شرعت في رضاعتي". فم أشبه بالظل في ليالي الريف الداجية. لا تراه. لكنه موجود دائما هناك. ما إن تغمره بقعة من الضوء حتى يطل بعينين جاحظتين وجسد منهك هزيل كما لو أن الطعام لا وجود له في هذا العالم. كنت أصغي إليه بحواسي كلها قبل أن أنتبه على حين غرة إلى تلك الغلالة الرقيقة وهي تظلل عيني ماريا كغيمة على وشك الهطول.

بعدها مضت الدقائق ثقيلة متباطئة. وبدا ألا شيء آخر يمكن أن يقال. فقط كانت تُسمع الضجة الأليفة لآنية الطعام. وذلك اللغط الحميم المتناهي من الموائد المجاورة من آن لآن. حين بدأت أتطلع إلى ندف الجليد المتساقطة في الخارج كعادة قديمة رأيته وهو يلوح لي بيده من وراء مدخل المطعم الزجاجي ذي الإضاءة الخافتة. "لعلك تراه في هذه اللحظة"، سألني الزوج بشيء من الحزن، وقال: " ياإلهي، خلت أني تركته ورائي هناك"!.

في ذلك المساء، قالت ماريا إن والدها في أيامه الأخيرة كان يراه في هيئة رجل نحيل يشبه حطام ذكريات بعيدة مات أغلب أطرافها. وما إن يراه حتى يضرب بنصائح الأطباء عرض الحائط. ويشرع لسبب ما في تناول كميات كبيرة من الطعام تكفي في كل مرة لإشباع كتيبة منهكة من جيش الكولونيل جرمان بوش أيام حربه الضروس التي أوصلت غوالبرتو فيلارول إلى سدة الحكم قبل أن يتحول الأمر برمته في ظرف أقل من ثلاث سنوات إلى كارثة ألقت بوالدها في أحد المطاعم الكندية غاسلا للأطباق وسط الكثير من الآمال الثورية الغابرة.

لا أذكر قط أنني سمعته وهو يتكلم طوال علاقتي الممتدة معه. كان عادة ما يجلس حزينا يتأملني وأتأمله في صمت. ذات مرة رأيته في القاهرة وهو يطل من عيون أطفال في أسمال بالية كانوا يحدقون من بعد في فترينة لعرض الحلويات في شارع مزدحم. أوهكذا خيل لي. المشاعر وحدها تطل من العيون. وهو شيء كائن. له ملامح ووجود يحجبه القرب الشديد غالبا. قيل إنه لا يظهر سوى لأناس يعايشون ظرفا كالذي عايشته معظم أيام عمري. الآن، ماالذي يجعله يلوح لي بيده من وراء مدخل المطعم الزجاجي ذي الإضاءة الخافتة؟.

"إنه يظهر لك في هذه اللحظة (يا سابر)"، تقول ماريا بأسى، وتضمني إليها طويلا، يحدث ذلك على الأرجح حوالي الثالثة بعد منتصف كل ليلة تقريبا حين تفتقد وجودي إلى جوارها داخل غرفة النوم بعد فترة قد تطول أوتقصر.

آنذاك، كان أول ما أحس رائحة جسدها الدافئة وهي تتسلل إلى أنفي من وقفتها عارية القدمين داخل أحد قمصان نومها الشفافة بينما تميل مستندة بكتفها الأيسر على باب المطبخ المشرع تراقب بحنان غامر محاولة تجاهلي له ببحث مضن عن شيء آخر منسي أو لا وجود له أتصور وقتها أني سأعثر عليه مختبئا داخل درج ما.



Post: #165
Title: Re: ولمن فاتهم الاستماع .....
Author: محمد صديق
Date: 08-01-2010, 08:06 PM
Parent: #164

سلامات يا ناس

النص القصصى الذى اوردته..للقاص

عبد الحميد البرنس...قاص كامل الدسم

اعماله مبذولة بالمنبر العام...

نتساءل لماذا لا نجتذب قاص بهذا الحجم الينا ؟؟

وكيف تجتذبه؟؟؟؟؟

Post: #166
Title: Re: ولمن فاتهم الاستماع .....
Author: كمال الشادي
Date: 08-01-2010, 08:47 PM
Parent: #165

العزيز عبد القادر
كتر خيرك
انا قاعد احاول فيها ولمن تظبط حا اقول ليك




يا شباب مفاجأة من العيار التقيل
عفاف عثمان اتسضافت لينا زول ما هين ابدا

نصار الحاج شخصيا
ضيف على حوش عفاف

نصار الحاج 000 يضئ روح العشب وسيقان الشجر

Post: #167
Title: Re: ولمن فاتهم الاستماع .....
Author: محمد صديق
Date: 09-01-2010, 06:33 PM
Parent: #166

سلامات يا ناس

رجاء : استمتعوا بهذا النص القصصى

لعبد الحميد البرنس.

Quote: Quote:
أعرفه كما أعرف تماما صوت بطني لحظة جوع ممض. لا أدري متى وأين وكيف بدأت علاقتي به. لكن المؤكد أنه ظل يلازمني عبر أغلب مراحل حياتي المختلفة.

مرة أقول من باب العزاء لنفسي إنه (يا صابر) ليس سوى وهم. مرة أخرى يخال لي لسبب أوآخر أنه عصي على رؤية كل الناس. ومع ذلك، كنت ولا أزال أراه دائما هنا أوهناك. يجلس قبالتي داخل مركبة عامة. يمشي إلى جواري بخطى أثيرية منصتا لوقع أقدامي على جانب شارع مقفر آخر الليل. أوينطوي على نفسه بمعدة خاوية عند ركن معتم من احدى الغرف الكثيرة التي أنفقت فيها سنواتي المقتربة من الستين حثيثا.

زوجتي ماريا التي تصغرني بنحو العشرين عاما تقول إنها لا تراه. ولكن تتفهم من واقع خبرتها الخاصة ما يحدث لي. قالت ذات مساء بعيد كمن يحاول جاهدا أن يمحو أسى بأسى إن والدها الذي جاء إلى كندا لاجئا من ضواحي احدى مدن بوليفيا المجهولة قبل أربعين عاما ظل يراه بدوره بنفس الملامح الحزينة لكلب جائع حتى الممات.

وقتها سأل الممرضة المتابعة أن تتركه وحيدا في غرفته الكائنة داخل أحد المباني السكنية المخصصة لكبار السن في المدينة. قال لها في ما يشبه اللغز وهو يغمز بعينه اليسرى كعاشق عريق إنه يتوقع زيارة خاصة لن تأخذ من وقته الكثير. بعد نحو الساعة تقريبا عادت تطرق الباب قبل أن تدفعه إلى الداخل برفق. كان هناك، يتمدد على سريره الصغير بلا حراك، وعلى فمه شبح إبتسامة. ماريا قالت ما لا يزال يثير حيرة الممرضة لحظة أن أخبرتها برحيل والدها أنه لم تكن تتوقع أن الموت يمكن أن يكون قريبا إلى هذه الدرجة من رجل ظل يأكل على ذلك النحو حتى وهو على أعتاب الثمانين.

أذكر في أحد أيام هذا الشتاء أننا دعونا زوجين شابين من جماعة مسيحية تنتمي إليها زوجتي تدعى "شهود يهوا " لتناول وجبة الغذاء في مطعم صيني قريب. كانا قد حضرا من السلفادور قبل نحو العام كمهاجرين جديدين. فجأة أخذ الزوج يتحدث عنه. بينما أخذت زوجته توافقه بإيماءة حزينة برأسها من حين لحين.

قال "كانت أمي تشعر بفم صغير يمتص من ثديها الآخر كلما شرعت في رضاعتي". فم أشبه بالظل في ليالي الريف الداجية. لا تراه. لكنه موجود دائما هناك. ما إن تغمره بقعة من الضوء حتى يطل بعينين جاحظتين وجسد منهك هزيل كما لو أن الطعام لا وجود له في هذا العالم. كنت أصغي إليه بحواسي كلها قبل أن أنتبه على حين غرة إلى تلك الغلالة الرقيقة وهي تظلل عيني ماريا كغيمة على وشك الهطول.

بعدها مضت الدقائق ثقيلة متباطئة. وبدا ألا شيء آخر يمكن أن يقال. فقط كانت تُسمع الضجة الأليفة لآنية الطعام. وذلك اللغط الحميم المتناهي من الموائد المجاورة من آن لآن. حين بدأت أتطلع إلى ندف الجليد المتساقطة في الخارج كعادة قديمة رأيته وهو يلوح لي بيده من وراء مدخل المطعم الزجاجي ذي الإضاءة الخافتة. "لعلك تراه في هذه اللحظة"، سألني الزوج بشيء من الحزن، وقال: " ياإلهي، خلت أني تركته ورائي هناك"!.

في ذلك المساء، قالت ماريا إن والدها في أيامه الأخيرة كان يراه في هيئة رجل نحيل يشبه حطام ذكريات بعيدة مات أغلب أطرافها. وما إن يراه حتى يضرب بنصائح الأطباء عرض الحائط. ويشرع لسبب ما في تناول كميات كبيرة من الطعام تكفي في كل مرة لإشباع كتيبة منهكة من جيش الكولونيل جرمان بوش أيام حربه الضروس التي أوصلت غوالبرتو فيلارول إلى سدة الحكم قبل أن يتحول الأمر برمته في ظرف أقل من ثلاث سنوات إلى كارثة ألقت بوالدها في أحد المطاعم الكندية غاسلا للأطباق وسط الكثير من الآمال الثورية الغابرة.

لا أذكر قط أنني سمعته وهو يتكلم طوال علاقتي الممتدة معه. كان عادة ما يجلس حزينا يتأملني وأتأمله في صمت. ذات مرة رأيته في القاهرة وهو يطل من عيون أطفال في أسمال بالية كانوا يحدقون من بعد في فترينة لعرض الحلويات في شارع مزدحم. أوهكذا خيل لي. المشاعر وحدها تطل من العيون. وهو شيء كائن. له ملامح ووجود يحجبه القرب الشديد غالبا. قيل إنه لا يظهر سوى لأناس يعايشون ظرفا كالذي عايشته معظم أيام عمري. الآن، ماالذي يجعله يلوح لي بيده من وراء مدخل المطعم الزجاجي ذي الإضاءة الخافتة؟.

"إنه يظهر لك في هذه اللحظة (يا سابر)"، تقول ماريا بأسى، وتضمني إليها طويلا، يحدث ذلك على الأرجح حوالي الثالثة بعد منتصف كل ليلة تقريبا حين تفتقد وجودي إلى جوارها داخل غرفة النوم بعد فترة قد تطول أوتقصر.

آنذاك، كان أول ما أحس رائحة جسدها الدافئة وهي تتسلل إلى أنفي من وقفتها عارية القدمين داخل أحد قمصان نومها الشفافة بينما تميل مستندة بكتفها الأيسر على باب المطبخ المشرع تراقب بحنان غامر محاولة تجاهلي له ببحث مضن عن شيء آخر منسي أو لا وجود له أتصور وقتها أني سأعثر عليه مختبئا داخل درج ما.




Post: #168
Title: Re: ولمن فاتهم الاستماع .....
Author: محمد صديق
Date: 09-01-2010, 06:40 PM
Parent: #167

سلامات يا ناس

Quote:
سلامات يا ناس

النص القصصى الذى اوردته..للقاص

عبد الحميد البرنس...قاص كامل الدسم

اعماله مبذولة بالمنبر العام...

نتساءل لماذا لا نجتذب قاص بهذا الحجم الينا ؟؟

وكيف تجتذبه؟؟؟؟؟

Post: #169
Title: Re: ولمن فاتهم الاستماع .....
Author: كمال الشادي
Date: 10-01-2010, 02:07 PM
Parent: #168

العزيز عبد القادر

لسه قاعد احاول !!!!!!!!!
ههههههههه

Post: #170
Title: Re: ولمن فاتهم الاستماع .....
Author: محمد صديق
Date: 11-01-2010, 07:10 PM
Parent: #169

????

Post: #171
Title: Re: ولمن فاتهم الاستماع .....
Author: محمد صديق
Date: 14-01-2010, 11:25 AM
Parent: #170

سلامات يا ناس

Quote: الرواية بتاعة احلام دي يا أخي
في بعض جوانبها تخليك تتلمس اطرافك تحس انها بتحكي عنك او عن زول بتعرفوا
حاجة في منتهى الروعة والجمال
الحبكة الدرامية راقية جدا


كمال الشادى ما دام انت مالك لادوات زى دى ....ما تجى ياخ تفكك لينا القصة

حقت البرنس دى ...القصة قاعدة ليها اسبوع ما فى زول قال عنها حاجة ولا حتى

من باب المجاملة وانا عملت ليها كوبى ونزلتها تانى ...برضو مافى فايدة...

اتمنى انو البرنس ما يكون شاف البوست ده...وقبلو كان عروة على موسى..نزلت ليهو كم

قصيدة ولا كأنو فى شى حاصل ...

وانا مشروخٌ بالحيرة !!!

Post: #172
Title: Re: ولمن فاتهم الاستماع .....
Author: كمال الشادي
Date: 14-01-2010, 12:54 PM
Parent: #171

العزيز محمد صديق
زي دخلاتك العجيبة دي
انا الليلة داخل بس متاوقة
الخميس ونهاية اسبوع مضني واعدت الاولاد اطلعهم يتفسحوا شوية
وانا راجع راح اعدي على الدكاكين جنب البيت
اجيب شوية مفاتيح ومفكات وزرديات وكل العدة المطلوبة
عشان نفكك ليك ام الرواية
بالليل موعدنا
شادي

Post: #173
Title: Re: ولمن فاتهم الاستماع .....
Author: محمد صديق
Date: 15-01-2010, 12:11 PM
Parent: #172

سلامات يا ناس

Quote: بالليل موعدنا


يا شادينا ...انا ما فهمت انك ما قاصد الليل بتاع امس.

Post: #174
Title: Re: ولمن فاتهم الاستماع .....
Author: محمد صديق
Date: 16-01-2010, 10:48 AM
Parent: #173

سلامات يا ناس

نتجاوز محطة القصة القصيرة والتى لم تجد تفاعلآ يذكر

نرتحل الى الميل 33

نشوف عمر نملوز

Quote:
اولا" ننزل ليكم قصيدة عمر نملوز وبعدين اقرأ
مداخلاتكم الكتيرة دى اصلى احيانا" بقرأ البوست
من ( تحــت ) واطلع الى اعلى



تكملة قصيدة الكمندان محمد صديق

يا مرسوم فى حتة ورقة.. وطالع من كباية شاى
زعلت عليك ابله نظيرة.. ومنصور حردان الشاى

شيخ العشري مره اتنهد وقال حاجات كمان مولاي

العباسي عامل غلبه وناس طبالنا يدندنوا ساي

قبل الفكره نقرش زيكو وناس بكوره في الهباباي

بعد الليل ارخى سدوله احمد كاشف صدح دوباي

ود البرعي هاني اتبسم ود ابقرجة قال ياقساي

خالد بنها انامله حريره وبحت صوته تقول قمراي

ناس الكوره حكمهم صفر ود الحوري قال هاي هاي

لتنس الطاوله اتلموا عمالقه ودالحبر وود جبراي

ود يس اتحدا نجيله وابراهيم عزف الناي

مجدي ابسن مهاره عجيبه وزهير الطب حريف داوي

محي الدين وامونه الحلوه صارت مطلب كل جكساي

للحلوين طل حنينا سالم طايب كل بكاي

عبد الدائم مره اتكسر قال خدوري مسبب اساي

ود الجعلي عادل علق اضحك كل من مره وجاي

عبد الماجد راجل صالح ماتقول جبهه وساي

بدرالدين اشعاره بديعه تفرح تسعد كل غناي

عبدالهادي وقصه قصيره يحبك فيها زي بناي

الادروب وهباني اجتمعوا بديروا يملكوا الراي

جلالنا الصالح شمر وقال ياجموعنا علينا بجاي

ناس المسكن والقوميه جمعوا صفوفهم وعقدوا الراي

لي لكوز بيدورا يداهموا يعصروا عليهم يزازوهم زاي

مايفارقوهم الا يقرضوا كل مايؤكل حتى الشاي

ناس لكوز عايزين الستره وناس المسكن اتمهلوا ساي

اجمعنا في لحظه صفوه واتفارقنا بمعزوفة نآي

اطايبنا واطابلنا واتسامرنا بلحن الراي

نهاية الامر اجمعنا حبايب بشرق الدلتا معانا اجاي

----------------------------

سالت عليك يامهمومه واتعمدت اكون نساي

يامختومه بطرقه كسره يا حيرانه معدومه راي

يامنحوته جوه الذاكره ويامحميه بورد اباي

ياناكرانا وطاريه جمايلك ارهفي حسك معانا بجاي

اتيقنت وقلت ابيعك بس لاقيتك ساكنه حشاي

كم حاولت افوتك واهرب ياممهوله اتركي خطاي

ياتاعباني وساكنه فروضي ريحي بالي وكوني غطاي

جوه الفكره اتلاشى وجودك وجوه وجودك وجدت مناي

الا قليلا بديت ترتيلي جردت ورودي بلالوباي

بعد النصف اطمئن قليبي وصرت احساس من رباي

من ترتيلي اعدت وجودي اصل العوده في جواي

يامشوار خطاواتك كترت رفقا وقف عود لحناي

بس الرجعه صعيبه علينا اصله الغربه سم هراي

سم الافعى علاجه بتفله الا الغربه ورم فشاي

مهما تحاول تبتر تقطع تلقى دروبوا كل خلاي

حسمت الغربه حكيها وقالت: عرفتوا جناي ؟عرفتوا دواي؟!

لدروابي حقوا تفارقوا وجوه الدار اهجسوا جناي

الا دروبك مااظن تكمل الا عيالك يعقدوا راي

11 يونيو

Post: #175
Title: Re: ولمن فاتهم الاستماع .....
Author: محمد صديق
Date: 16-01-2010, 11:04 AM
Parent: #174

سلامات يا ناس

توضيح لازم لمن فاتهم الاستماع :

محمد عيد مبدع الفوتوشوب...صورتو بتاعة البروفايل

الايام ديك كانت داخل كتاب...بعد فترة طلعها من الكتاب

دخلها فى كباية كبتشينو ..ونحن لاننا زى بكرى حامد ما

بنعرف الكبتشينو افتكرناها كباية شاى...وبدأنا مسابقة

شعرية عن الزول الكان داخل كتاب وخشه فى كباية شاى...

دى نماذج وبعده رسل عمر نملوز الابيات الجميلة النزلناها

فوق ....

نشوف البداية :

Quote: يا محمد عيد ما مابين ردك
و منتظرين ناس ياسر نجيلة يجونا بي جاي
ومعذرة حبيبي تجتوج
لقيت بيتين الشعر بتاعنك بعد تعب و فتيش
عشان كدا يا منصور
المسألة عشان تكون واضحة
هناك مقطع قبلي بتاع الولد تجتوج
فمعذرة إنت تالت واحد
عشان كدا حا ألمها ليكم
محمد صديق
يا مرسوم فى حتة ورقة..
وطالع من كباية شاى
زعلت عليك ابله نظيرة..
ومنصور حردان الشاى
تاج الدين
ناس الريس للكركم منتظرة
عشان خايف يكون زول نساي
محمد آدم
طبعاً حتخش في حاجة تانية
وياريت ما يكون مربع كاي
لكن أنا عندي فكرة
شوف ليك كفتيرة شاي
منصور
او سوق اولادك وامشى
لغاية قصر فرساى
حلى بكيكة وباسطة
ولو تشرب موية ساى
نقول عليك بخيل وقيحة
ساكى قروش جاى جاى
ماك عارفها ما بتتلما
يا ود عيد الفلة نهاى
ارجع لى عقلك واهدأ
ما يطقك لينا سحاى


الدور على منو ؟؟!!

Post: #176
Title: Re: ولمن فاتهم الاستماع .....
Author: الرشيد بابكر
Date: 16-01-2010, 11:04 AM
Parent: #174

يا كوتش قصيدة عمر نملة قصيدة شملت كتير من الناس...ذكرتني قصيدة ابو صلاح من الأسكلا و حله و فات من البلد ولى....
عاد لا حولة و لا قوة حبيبي الليلة في الكوة...

Post: #177
Title: Re: ولمن فاتهم الاستماع .....
Author: محمد صديق
Date: 16-01-2010, 11:20 AM
Parent: #176

سلامات يا ناس

الرشيد...حمدآ لله على السلامة

صدق عمر موهوب وبعدين نفسو طويل

شوف عدد الناس الذكرهم...وكل زول

بالحاجة البتميزو...

Post: #178
Title: Re: ولمن فاتهم الاستماع .....
Author: محمد صديق
Date: 16-01-2010, 11:28 AM
Parent: #177

سلامات يا ناس

Quote: اتيقنت وقلت ابيعك بس لاقيتك ساكنه حشاي

كم حاولت افوتك واهرب ياممهوله اتركي خطاي

ياتاعباني وساكنه فروضي ريحي بالي وكوني غطاي

جوه الفكره اتلاشى وجودك وجوه وجودك وجدت مناي



يا سلام على طعامة هذه الابيات!!

Post: #179
Title: Re: ولمن فاتهم الاستماع .....
Author: الرشيد بابكر
Date: 16-01-2010, 03:05 PM
Parent: #178

Quote: جوه الفكره اتلاشى وجودك وجوه وجودك وجدت مناي


عارف يا كوتش رغم بساطة الكلمات الا أن بها فلسفة عميقة جدا...

حاولت أتعمق في التفكير في البيت ده بالتحديد و خيل الي أن الصورة مقلوبة نوعا ما...و لكن قلت أنا مالي لأتفكر بهذا العمق ما علي الا أن أتلذذ بها دون محاولة تحليلها...

ثم وجدت أن الصورة ليست مقلوبة كما خيل الي في البداية...فقط هي الزاوية التي نظرت بها الى البيت ربما كانت هي المقلوبة..

Post: #180
Title: Re: ولمن فاتهم الاستماع .....
Author: محمد صديق
Date: 16-01-2010, 08:41 PM
Parent: #179

سلامات يا ناس

شىء غريب...البيت ده انا برضو

وقفت قدامو كتير...وحاولت افهموا

وتانى قلت انا مالى...وتذكرت مقولة

لصديقى فرحات ...الشعر يُحس ولايُفهم

واكتفيت بالاحساس والمتعة.

Post: #181
Title: Re: ولمن فاتهم الاستماع .....
Author: محمد صديق
Date: 19-01-2010, 10:47 AM
Parent: #180

سلامات يا ناس

Quote: سلامات يا ناس

نتجاوز محطة القصة القصيرة والتى لم تجد تفاعلآ يذكر

نرتحل الى الميل 33

نشوف عمر نملوز


Quote:
اولا" ننزل ليكم قصيدة عمر نملوز وبعدين اقرأ
مداخلاتكم الكتيرة دى اصلى احيانا" بقرأ البوست
من ( تحــت ) واطلع الى اعلى



تكملة قصيدة الكمندان محمد صديق

يا مرسوم فى حتة ورقة.. وطالع من كباية شاى
زعلت عليك ابله نظيرة.. ومنصور حردان الشاى

شيخ العشري مره اتنهد وقال حاجات كمان مولاي

العباسي عامل غلبه وناس طبالنا يدندنوا ساي

قبل الفكره نقرش زيكو وناس بكوره في الهباباي

بعد الليل ارخى سدوله احمد كاشف صدح دوباي

ود البرعي هاني اتبسم ود ابقرجة قال ياقساي

خالد بنها انامله حريره وبحت صوته تقول قمراي

ناس الكوره حكمهم صفر ود الحوري قال هاي هاي

لتنس الطاوله اتلموا عمالقه ودالحبر وود جبراي

ود يس اتحدا نجيله وابراهيم عزف الناي

مجدي ابسن مهاره عجيبه وزهير الطب حريف داوي

محي الدين وامونه الحلوه صارت مطلب كل جكساي

للحلوين طل حنينا سالم طايب كل بكاي

عبد الدائم مره اتكسر قال خدوري مسبب اساي

ود الجعلي عادل علق اضحك كل من مره وجاي

عبد الماجد راجل صالح ماتقول جبهه وساي

بدرالدين اشعاره بديعه تفرح تسعد كل غناي

عبدالهادي وقصه قصيره يحبك فيها زي بناي

الادروب وهباني اجتمعوا بديروا يملكوا الراي

جلالنا الصالح شمر وقال ياجموعنا علينا بجاي

ناس المسكن والقوميه جمعوا صفوفهم وعقدوا الراي

لي لكوز بيدورا يداهموا يعصروا عليهم يزازوهم زاي

مايفارقوهم الا يقرضوا كل مايؤكل حتى الشاي

ناس لكوز عايزين الستره وناس المسكن اتمهلوا ساي

اجمعنا في لحظه صفوه واتفارقنا بمعزوفة نآي

اطايبنا واطابلنا واتسامرنا بلحن الراي

نهاية الامر اجمعنا حبايب بشرق الدلتا معانا اجاي

----------------------------

سالت عليك يامهمومه واتعمدت اكون نساي

يامختومه بطرقه كسره يا حيرانه معدومه راي

يامنحوته جوه الذاكره ويامحميه بورد اباي

ياناكرانا وطاريه جمايلك ارهفي حسك معانا بجاي

اتيقنت وقلت ابيعك بس لاقيتك ساكنه حشاي

كم حاولت افوتك واهرب ياممهوله اتركي خطاي

ياتاعباني وساكنه فروضي ريحي بالي وكوني غطاي

جوه الفكره اتلاشى وجودك وجوه وجودك وجدت مناي

الا قليلا بديت ترتيلي جردت ورودي بلالوباي

بعد النصف اطمئن قليبي وصرت احساس من رباي

من ترتيلي اعدت وجودي اصل العوده في جواي

يامشوار خطاواتك كترت رفقا وقف عود لحناي

بس الرجعه صعيبه علينا اصله الغربه سم هراي

سم الافعى علاجه بتفله الا الغربه ورم فشاي

مهما تحاول تبتر تقطع تلقى دروبوا كل خلاي

حسمت الغربه حكيها وقالت: عرفتوا جناي ؟عرفتوا دواي؟!

لدروابي حقوا تفارقوا وجوه الدار اهجسوا جناي

الا دروبك مااظن تكمل الا عيالك يعقدوا راي

11 يونيو




مهداة الى بكرى حامد.

Post: #182
Title: Re: ولمن فاتهم الاستماع .....
Author: كمال الشادي
Date: 19-01-2010, 03:52 PM
Parent: #181

مرة كتبت لي حاجة عندكم هنا
محمد صديق قطعها لي في راسي وقال لي نحن عايزين هنا الكلام الحلو بس
فتشت في ملفاتي القديمة المؤرشفة
لقيت إني في سنة 2003 كان عندي بوست في سودانيز اونلاين عن الشاعر عبد القادر الكتيابي
ونشرت ايامها ديوانه ( رقصة الهياج ) في ذلك البوست
رأيكم شنو
اعمل ليكم كوبي وبيست ونقرأ ونستمتع كلنا
-----------------------------------------------
الأخوان الأعزاء البورداب :
أستميحكم من خلال هذه النافذة أن أبعث بتحياتي للشاعر الفذ عبد القادر الكتيابي
وأستميحه في نشر ديوانه ( رقصه الهياج ) كاملاً هدية منه للبورداب . كما أرجو أن أقرأ ردك يا كتيابي علي الموافقة بالنشر .

يقع ديوان ( رقصة الهياج ) في 62 صفحة غير الغلاف الأمامي والخلفي ويضم الديوان عدد 28 قصيدة سأقوم بنشرها كاملة ( بعد موافقة الكتيابي علي ذلك ) ، في آخر صفحة منه سيرة ذاتية مختصرة عن الشاعر تقول :
عبد القادر عبد الله محمود الكتيابي
مواليد أم درمان 1954 /
يعمل مدرساً للغة العربية والتربية الإسلامية بمدارس ام درمان .
فاز بالجائزة الأولي لمسابقة القصة القصيرة 1976 م والندوة الأدبية بأم درمان .
سكرتير شعبة الشعر بندوة إشراقة الأدبية بأم درمان له تحت الطبع مجموعة مقالات في النقد بعنوان ( أدب تحت المجهر ) ، ومجموعة قصص قصيرة بعنوان ( حر بن سفه ) .

الطبعة التى بين يدي كتب عليها
الناشرون مؤسسة إشراقة للنشر والإعلان – الخرطوم ص ب 2132 – ت 77206 - الثمن 75 قرشاً .

يبدأ الديوان بالصفحات التالية :
الصفحة الأولي :
بسم الله والحمد لله والصلوات والسلام علي رسول الله وخاتم النبيين سيدنا محمد صلي الله عليه وسلم .

الصفحة الثانية : إهداء (1)

إلي أمي
أم الحسن يوسف بشير
وإلي روح أبي :
عبد الله محمود اليمني
وروح جدي
يوسف بشير الإمام

الصفحة الثالثة :
إهداء (2)
أعني علي أن
أرش علي الأشياء ألوانها
لا أغشها فيحتارون
ولا أقتمها فيمتعضون ... ولا تدع
فرشاتي تمطر علي صفاء اللوحة فينزعجون
الا أنها لقطات
أختلستها من ذاتي لحظات عريها من الزيف
فيا أنا بغير رتوش
لعل الله يجعل عيوبها عبرة لاهل المعاناة ومن محاسنها نوراً لكل بصيرة
إلا أنها مني ... لمن كان له قلب

الصفحة الرابعة :
فهرس القصائد


الصفحة الخامسة :
كلمة المؤلف :
إنه الشعر يختبيء في الكلام كما تختبيء خاصية المغنطة في جلد المغنطيس
يجذبك فتبحث عن جسمه لتلمسه عن مكمنه لتعرفه . فيتفلت من يديك لطيفاً كالنور . ويبقي حيث هو .. فلا أبصرته مجاهر المنطق .. ولا أدركته شبكات الفلسفة ولا لمسته مشارط الأطباء في أجساد أهله .
معني كالجمال .. هذا الشعر
لا أين ولا كيف له ولا كم ولا حجم .. فهو إذن إشعاع من الروح .. حمل صفتها كما حملت الصفة فكانت بعضاً من الأمر ( يسألونك عن الروح قل هو من أمر ربى وما أوتيتم من العلم إلا قليلاً )
إنه الشعر .. صورة من صور قوة الروح ، التى هي المهارة المطلقة – الملكة – بخصصها صاحبها في السبيل التى يتبعها .. سواء أكانت هذه السبيل .. علماً أو قيادة أو صناعة أو كتابة أو رسوماً أو رياضة أو غناءً أو ما إلي ذلك .
فالشعر أقرب هذه السبل جميعاً إلي المبتغي وهل كان المبغي إلا الحقيقة ؟
ثم يبدأ الديوان :

تشرفت بالتعرف إلي الشاعر عبد القادر الكتيابي في عاصمة الكنانة مصر ... اجتمعنا في لحظات حلوة في القاهرة والإسكندرية والزقازيق . أهداني نسخة من ديوانه ( رقصة الهياج ) بخط يده وضاعت منى في الأسفار بين العواصم .
وقعت في يدي نسخة مهترئة من كثر القراءة والتنقل بين الأيادي نسخة وجدتها في الرياض عند صديقي عبد الله حجر ، النسخة كان قد أهداها الكتيابي لصديقه عبد القادر أحمد سعد وكتب له بخط يده عليها :
شيخى وخدن روحى – أخي وحبيبى عبد القادر أحمد سعد :
ختمته بقصيده فيك
والختم غاية كل بدء في الورى لولا محمد لم يقم أبداً نبى
مع حبى : أخوك أبداً : عبد القادر عبد الله الكتيابي

ما رأيكم أن نبدأ بآخر قصيدة في الديوان :

القصيدة الأولي :
سباحة مع الرمل الغارق في جبين الصديق
إلي عبد القادر أحمد سعد :


" الرمل " تغرق في جبينك موجها
زبداً هلامي الذيول
وحسبت نفسى قدر نفسك –
كنت مغروراً .. أفقت ..
عرفت أنك فوق ما يلد الزمان –
وفوق ما تهب الحقول
ملك جبينك تحت ظل العرش
والأقدام ثابتة بقيعان السهول
وعرفت أنك كوكب
يمشي غريباً في الحياة ولا يرى
قبل الأفول
عجباً
تلاقينا توائم في رنين الاسم –
والذات الغريبة
في نحول الجسم
في طرق التعفف والميول
لهب المواهب الضياع المر
يسحقنا الزمان كحبتي قمح
وتخطئنا العقول
وكطائرين مسافرين علي الرياح
التقينا وافترقنا والتقينا
مثل أجزاء الجراح
إذ تعانقنا نهار ألامس في ارض الرفاق
الشعر لامس عرى قلبي فيك –
يصرخ ليتني
أسطيع أنظر نور وجهك في لحيظات العناق
وكتبت .. كان الرمل يغرق في جبينك موجه
أسكندرية كلها شهدت
أخاف يشقنا سيف الفراق ....

إسكندرية – فبراير 1982 م

تحياتي :
كمال الشادي

Post: #183
Title: Re: ولمن فاتهم الاستماع .....
Author: كمال الشادي
Date: 19-01-2010, 03:54 PM
Parent: #182

لك يا ديار
إني تهيمني هواك وشفني ومسافر لك منذ كان النخل ينبت في الجبل
الزاد خير الزاد
نوري مقلتيك
ومن استنار بمقلتيك فقد وصل
حتى ولو رجع التراب إلي التراب
فالروح نحوك يا ديار أحبتي
لا البحر يحبس خيلها
لا الريح لا الطوفان يمنعها ولا كف الأجل
و أنا تهيمني هواك وشفني
ومسافر لك من بعيد
لك يا ديار – قوافل الغرباء تتبعني
اثنتان لاثنتين
من كل عش عاشقان لعاشقين
وأحب حبك لا أبى إن زاغ عنك أبي
لأجل يا ديار
ولا أهاب النار فيك
فهواك أقدم من حنان ألام في قلبي
وحين حجارة الحمقاء أدمت أرجلى وأنا وحيد
طرباً ضحكت من جرح يشد عزيمتي
وعجبت من زاد علي قدم يلذ
وحين أنقصه يزيد

Post: #184
Title: Re: ولمن فاتهم الاستماع .....
Author: كمال الشادي
Date: 19-01-2010, 03:54 PM
Parent: #183

وهوى الفراش
" وهوهات سجلت من داخل صدر الملفوظ من بطن الحوت "
خضلت ريش القلب من وهج الذي
ملأ الرؤى كحلاً وطيب
وتنفست روحي بخور حبيبها
لله يا فرحى بها
ماجت بحوصلتي ملاحين ارتعاش
( يا نار كوني للفراش برداً يمازجه السلام وقدرة
تسقي الاعيراق العطاش

لله يا فرحى بها
لما عرفتك لم أكن بيني ولا إنبجست ينابيع الزمن
لله من برقت مرقت على أصابيعى إليه
هويت في اللهب الرقوص
فما تآكل من يدي سوى الكتاف
وعجبت كيف أرى طريقك والبصائر كلها حولي كفاف

حسبي من السلوى
أنت النبض تسبيحاً
يصلي علي حصى الجبل الدكيك
وأمرغ الاعظام في شذراته أبكى
منابع دمعي
وأشق كبد الشعر فيك
فعساي أدرك كلب أهل الكهف منزلة وأتبع عاشقيك
ولعل ما جرحت أظافر زلتي
تمشى علي يد المسيح
ولعل بطن الحوت ينبذني
إلي البر الفسيح فأستريح

نشرت بجريدة الايام الملحق الادبي 1981 م

Post: #185
Title: Re: ولمن فاتهم الاستماع .....
Author: كمال الشادي
Date: 19-01-2010, 03:55 PM
Parent: #184

(4) آخر شهرزاد
وقرأت في الكتب القديمة أن يوماً
بعد آلاف السنين
ستطل آخر شهرزاد
وتحل في البلد الأمين
وخريفه يسخو وتمتلى الضروع
ونواعم الأيام من ذهبت تبادر بالرجوع
فدعوت أمهل كي أراك
وشهدت أن
لو أنني أدركت عصرك قد نذرت
أمد أجنحتى من البوابة الأولي
إلي نبع المدى سقفاً عليك
وبأزيحية حاتم الطائي أعقر ناقتي
وأهش أنشر بردتي
كي أحتويك
وأكون أسرع من رجوع الطرف أو
أدنى إليك
لو كنت أمهل كي أراك
وعقدت أجفاني بأجفان الزمن
وشهدت أن
ما جاء للدنيا كحسنك قط مذ بدأت
وبعدك أنت لن
ووقفت أنتظر الطوابير البطيئة في مطار الشرق
أبحث عنك في ركب الشموس
أتفقد الأرقام أحسب
بعد آلاف السنين
وأصيح في الزمن السحيق
سمراء في لون الرمال توهجاً
هل يا مخابئ بينكم
قال الصدى .... هل يا مخابئ بينكم
فولوا لها .... قولوا لها
وأعد كل أصابعي لا بد أمهل كي أراك
حلقات رمزك سرها عندي أنا ... يا شهرزاد
لسواي تأبى أن تفك
وسأقتل الشيطان أحرق ناره وحدي
أكون الشيء والإنسان والعبد الملك
وحدي أكون الغار والصديق والألواح لك
أمد أجنحتى عليك
أكون أسرع من رجوع الطرف أو أدنى إليك
لو كنت أمهل كي أراك

نشرت في جريدة الأيام 1981 م

Post: #186
Title: Re: ولمن فاتهم الاستماع .....
Author: كمال الشادي
Date: 19-01-2010, 03:59 PM
Parent: #185

مليت ليكم الصفحة
لمن جلبغت
كفاية كدة
صاح ؟

Post: #187
Title: Re: ولمن فاتهم الاستماع .....
Author: عبد القادر بابكر
Date: 19-01-2010, 04:57 PM
Parent: #186

الكوتش الحبيب
مساء العسل عليك ..

ياسلام عليك ياشادي ..
الله يديك العافية
فحيث ما توجد يولد الجمال ..

Post: #188
Title: Re: ولمن فاتهم الاستماع .....
Author: محمد صديق
Date: 19-01-2010, 05:23 PM
Parent: #187

سلامات يا ناس

Quote: مليت ليكم الصفحة
لمن جلبغت
كفاية كدة
صاح ؟


الشادى الغنّاى...سلام

لك الود وانت تأتى بكلام الكتيابى الطاعم

وده الكلام النحن ساكينو ...مش كلام الدكتورة

القالو مسحلبة ديك ...قالوا ولم اقل

واسفى ان كنت قطعتو ليك فى راسك ...

لسة مطلوب جية الليل ديك ....

Post: #189
Title: Re: ولمن فاتهم الاستماع .....
Author: محمد صديق
Date: 19-01-2010, 05:41 PM
Parent: #188

سلامات يا ناس

Quote: الكوتش الحبيب
مساء العسل عليك ..



عزيزنا قدورة..مساءك اطعم من العسل

لك التحايا ولجدو التهانى ...عمر مديد

ونجاح مستمر...

اعمل لى حاجة من حاجاتكم البتعملوها انت

وعيد ديك واهديها ليه باسمى .

Post: #190
Title: Re: ولمن فاتهم الاستماع .....
Author: الرشيد بابكر
Date: 19-01-2010, 05:49 PM
Parent: #187

Quote: إذ تعانقنا نهار ألامس في ارض الرفاق
الشعر لامس عرى قلبي فيك –
يصرخ ليتني
أسطيع أنظر نور وجهك في لحيظات العناق
وكتبت .. كان الرمل يغرق في جبينك موجه
أسكندرية كلها شهدت
أخاف يشقنا سيف الفراق ....


يا سلام عليك يا شادي

علي الكتيابي الشعر الرائع الجميل...

و على سيرة عبدالقادر أحمد سعد الشاعر الرقيق غير ذائع الصيت...

عارف يا شادي لما رجعت في الاجازة بعد انقضاء العام الأول لنا بالزقازيق...

كنت حاجز قبل أربعة شهور...

و قمت جيت المطار قبل أربعة ساعات...شوق شديد للسودان و للأهل..

في المطار فتشوا عن الحجز بتاعي ما لقوهو..قالو لي انت حاجز

قلت ليهم نعم حاجز...حجزت بتين...حجزت قبل أربعة شهور...

ضحكوا علي ولكن مشوا الموضوع و سلكت الأمور...

جلست في الطائرة بالقرب من شاب يكبرني في السن...

نحيف هادئ و رزين و لايتكلم كثيرا...

كان يحمل شنطة سامسونايت...حاول وضعها فوق فلم يستع لها المكان..

فوضعها تحت المقعد...
عندما استقرت الطائرة في السماء...رفعها و فتحها فاذا بها مليئة بالكتب..

لاحظت كثرة دواوين الشعر...فسألته هل تحب الشعر...فأجاب بنعم...

قلت له أنا أكتب الشعر...فقال لي اسمعني...أخرجت مفكرتي الخضراء اللون...

و أخذت أقرأ قصيدة كتبتها في بداية محاولاتي الشعرية...فاستحسنها جدا...رغم علمي

أنها ليست جيدة الى الحد أبدى به اعجابة بالقصيدة و لكنه جاملني...

ثم سألته أليست لك محاولات شعرية...قال لي نعم لي محاولات...قلت له أسمعني...

فأسمعني قصيدة كدت بعد أن انتهى منها أن انزل تحت الكرسي خجلا...الفرق بيني و بينه

فرق السماء للأرض...قصيدة رهيبة...قلت ليهو يا راجل بكتب شعر زي ده و تخليني أهضرب..

فطلبت منه المزيد...

أخذ عبد القادر أحمد سعد يقرأ لي من شعرهه حتى أعلن عن وصولنا لمطار الخرطوم...

فكتب على مفكرتي أداء لبيتين من شعر النابغة الذبياني...

من لي بانسان اذا خاطبته و جهلت كان الحلم رد جوابة
و اذا جلست الى المدام شربت أخلاقة وسكرت من أهدابة
و تراه يصغي للحديث بسمعة و بقلبة و لعلة أدرى به

Post: #191
Title: Re: ولمن فاتهم الاستماع .....
Author: كمال الشادي
Date: 19-01-2010, 07:01 PM
Parent: #190

عارف يا الرشيد
انا عبد القادر الكتيابي
اتشرفت بمعرفتو فترة قصيرة في مصر
عرفوني عليهم شلة الناس الحلوين الكانو ساكنين عمارة النصر شارع الهرم الايام ديك


واحد من الناس الفتانين حوالينو قالي
تعرف إنو الكتيابي داسي إسم
البت صاحبة القصيدة ( لمحتك وقلت بر آمن )
في القصيدة
تعرف تتطلع لي الاسم من القصيدة بتاع البت
---
هي غ########ة ليك ولي عبد القادر ومحمد صديق وخلي منصور معانا كمان
--
يومين إذا ماقدرتو
احلها ليكم
-----------



لمحتك قلت بر آمن بديت احلم
الملم قدرتي الباقيه
تلوح لي مدن عينيك
وترفع لي منادة باسمك ساريا
وبديت احلم
وكل ما الريح تطارد الموج
ازيد اصرار واحلف بيك
اغير سكة التيار
واقول يا انتي يا اغرق
واجيك بي قدرتي الباقيه
حطام انسان موسم بي شقى الدنيا
ومقسم قلبوا في الاحزان
واجيك فنان
اشد اوتاري واحكيلك
حكاية انسان وهب لي سكتك نفسو
ورسم صورتك على جسمو
وربط ساعد على المقداف
وقال ياانتي يا اغرق
اخاف ........... واخاف
اخاف الضفه ترجع بيك قبل الحق
اخاف غيم المنى الشايل تسوقو الريح ويتفرق
والاقيك يا اماني سرااااااااااااااااااب
مواهبي عليها تتدفق
اخاف .......... اخاف ..........اخاف

Post: #192
Title: Re: ولمن فاتهم الاستماع .....
Author: كمال الشادي
Date: 19-01-2010, 07:11 PM
Parent: #191

يا شباب
ثلاثة اغاني للراحل مصطفي سيد احمد
بمناسبة ذكراهو الايام دي

الاغاني الثلاثة دي عاملة زي الطباخ لمن يعشي الناس كلها ويجي آخر الحفلة عايز يتعشى
الحريف يجي ياكل معاهو
لانو عشا الطباخ
شديد ونضيف وطابخو لي نفسو
--
لمن اقعد براي بغني الثلاثة اغاني دي
واقفل الاورج وانوم
احس اني شبعان
------------

قلت ليها

وإيدى فى أيديها

دمعة حزن سالت ..

جاى منك ... وماشى ليك

يا مداين غربة طالت

لو مدارات نجمى ضلت ..

وسكة السفر استحالت ..

كونى فى دربى الحقيقة

الديمة ليها مشاعرى مالت..

قلت ليها ..

وكنت راجع لى عينيها

من أسى الزمن المسافر فى المشاوير .. العصيبة

من متاهات الأمانى

فى مدار الحسن ضماها وحبيبه ..

بينى لا بينك مزار ..

لا محطات إنتظار ..

لا مواعيدك قريبة

إنتى يا الفرح .. الحقيقة المستحيل ..

هدهدي الصبر الجميل

وأمسحى الألم المخيم ..

فى المدارات الرحيبة

قلت ليها

الحقيقة الضايعة

بين .. قلبى وعيونك

أنى لا قادر أفوتك لا أجيك

وأنى ما عارف بدونك ..

أبقى كلمة حب

تزف البشرى فى ساعة مجيك

وأنتى عارفة .. وقلت ليك

يانى أكثر زول بريدك ...

يانى صفوة عاشقيك ..

يانى راكز الخيل عليك

ولسه بى حبك متيم ومبتلى

ألا ريدك زادنى حيرة .. على العلى

لا مراكب البشرى ختن

.. قلبى عندك

وإنتى لاقلبك

نسانى

ولا عليـــــــك

------------------
------------------
------------------
--------------------



الاغنية الثانية

مكتوبة في الممشى العريض
شيلة خطوتك للبنية
ممدودة بالخط العديد
في زمة الحاضر وصية
شاهدة التواريخ والسير والإنتظار
أدوني من قبلك مناديل الوصول
وضحكت ما هماني شي
وبكيت ولا هماني شي
عندك وقفت من المشي
وغرقت في ضو النهار
كانوا بتمنوك لو
ترتاحي لحظة على الدرب
حبوك حب قدر الحروف
الحايمة في بطن الكتب
وقدر الخيال ما مد ايدو على السحب
كل خاطر كان بريدك
إلا ريدك كان رسول
الدهشة في كل الديار
وأنا زي عوايد الشعر فارس
شد خيل الكلمة ليل
مكتوب على ضهر البداية
القالوا آخرة بين إيديك
وسرحت يا مهون تهون
كان أجيك كان أصل يوم
لي حضورك كت بريدك
ومشتهيك
وإنكسر فيني الترجي
ونلت من سفري الخسار
بس داير أقولك يا أصيلة
لو تعب فينا التمني
وإنكسر وتر المغني
لو تردي علينا طاقات البشاير
بنهزم يوم التجني
وأجيك ما هماني شي
عندك وقفت من المشي
وغرقت في ضوء النهار
وغرقت في ضوء النهار

-----------------
--------------------
-------------------
------------------

الاغنية الثالثة

عدّى فـات ..
زمن العيون الإلفـة
والحضن الملاذ
ورهـافة الحس البلوّن .
ضحكة الناس العـزاز
بعد الحنان .. الكان زمان
إستوطن المطر .. الحراز
روّح زمانى .. وفى رجاك
عانيت قساوة الإنـتـظار ..
فى ضل شبابيك السفر000
صادقت ليلات الموانئ..
الـساكنة فى بحر
الأمانى بتنتظـر
لو يوم طيوف لحظك تفوت
تعبر خيالاتك تمر
قلق المواعيد الضّجر
سهر العيون ... الإحتراز
إتعزز النوم ..فىالخزار ...
وإتمدد الشقا فى العمر
ملّيت تباريح الجراحات البقت
بعدك أسى وزمناً قسا
وحالاً أسيف
ومشيت أفتش عن
خطاويك القبيل .
واضّارى من زمناً ..
وراك ملانى خـوف
أشتقـت ليك ..
اشتقت أرتاح فى عيون
فيهن ملامحك ذاتا
من غير أىّ .. زيف
وإشتقت لى ضحكة صباحك .
والدعاش عطر رزاز مطر الخريف
أنا وإنت والدنيا الزمان
الناس وفـا وخلة صفـا
ودفء المشاعر الشاتية صيف
أنا وإنت والدنيا الزمان
زمن الغناوى الطالعة من قلباً ..
رضى وحسّاً ندى و زوقاً رهيف
أنا وإنت والـدنيـا الأمـان
ما العمر شتّان بين
أوان زمناً حييتو
وعمر ما بتقدر بتعرف ..
بكرة يصبح حالو .. كيف

Post: #193
Title: Re: ولمن فاتهم الاستماع .....
Author: أبوبكر حامد الأمين
Date: 19-01-2010, 07:32 PM
Parent: #190

Quote: مهداة الى بكرى حامد.


يا سلام عليك يا جورج وسلام على عمر النملة الذى كشف عن إبداعاته بعد تخرجنا ومضى كلانا فى حال سبيله ، آسف على الإنقطاع عن المنتدى لمشغوليات حياتية ، سأعود مجدداً حين تسنح الفرصة وسط انشغالنا مع العيال بإمتحانات المنتصف

Post: #194
Title: Re: ولمن فاتهم الاستماع .....
Author: محمد عيد
Date: 20-01-2010, 10:28 AM
Parent: #193

الكوتش الجميل ...

مشتاقين كتير والله .. ومنك طولنا طول


...

اتيتك اليوم زائرا وفى معيتى كلام طاعم اهديه لك

عربون اعتذار ومحبة ..




انتزع مني بطاقتي الشخصية
ليتأكد أني عربية

وبدأ يفتش حقيبتي وكأني أحمل
قنبلة ذرية

وقف يتأملني بصمت ... سمراء وملامحي ثورية
فتعجبت لمطلبه وسؤاله عن الهوية

كيف لم يعرف من عيوني أني عربيه
أم أنه فضل أن أكون أعجمية
لأدخل بلاده دون إبراز الهوية


وطال انتظاري وكأني لست في بلاد عربية
أخبرته أن عروبتي لا تحتاج لبطاقة شخصية
فلم انتظر على هذه الحدود الوهمية؟


وتذكرت مديح جدي لأيام الجاهلية
عندما كان العربي يجوب المدن العربية
لا يحمل معه سوى زاده ولغته العربية


وبدأ يسألني عن أسمي ... جنسيتي
وسر زيارتي الفجائية

فأجبته أن اسمي وحدة
جنسيتي عربية ... سر زيارتي تاريخية


سألني عن مهنتي وإن كان لي سوابق جنائية
فأجبته أني إنسانة عادية
لكني كنت شاهدة على اغتيال القومية


سأل عن يوم ميلادي وفي أي سنة هجرية
فأجبته أني ولدت يوم ولدت البشرية
سألني إن كنت أحمل أي أمراض وبائية


فأجبته أني أصبت بذبحة صدرية
عندما سألني ابني عن معنى الوحدة العربية


فسألني أي ديانة أتبع الإسلام أم المسيحية
فأجبته بأني أعبد ربي بكل الأديان السماوية


فأعاد لي أوراقي حقيبتي وبطاقتي الشخصية
وقال عودي من حيث أتيت
فبلادي لا تستقبل الحرية



Post: #195
Title: Re: ولمن فاتهم الاستماع .....
Author: محمد صديق
Date: 21-01-2010, 02:08 PM
Parent: #194

سلامات يا ناس

عذرآ للانقطاع القسرى...ظروف عمل

وتجهيز لسفر...ثم سفر ...

والحمد لله وصلنا الى المحطة..سأبقى

ايامآ ان شاء الله...

وامكانية التواصل موجودة...

الشكر لكل الذين كتبوا بأحاسيسهم هنا ...

ولكل واحد منهم سنقول...

Post: #196
Title: Re: ولمن فاتهم الاستماع .....
Author: محمد صديق
Date: 21-01-2010, 02:14 PM
Parent: #195

سلامات يا ناس

Quote: اتيتك اليوم زائرا وفى معيتى كلام طاعم اهديه لك

عربون اعتذار ومحبة ..



عيد الحبيب...سلام ومودة

لاتدرى كم انا سعيد بطلّتك...وهى مرتبطة بطاعم الكلام

ليس هنالك لوم يستوجب الاعتذار..ومؤكد هنالك محبة

تفتح قلبها للاستزادة.

لك الود والمحبة

Post: #197
Title: Re: ولمن فاتهم الاستماع .....
Author: محمد صديق
Date: 21-01-2010, 03:24 PM
Parent: #196

سلامات يا ناس

Quote: تعرف تتطلع لي الاسم من القصيدة بتاع البت
---
هي غ########ة ليك ولي عبد القادر ومحمد صديق وخلي منصور معانا كمان
--
يومين إذا ماقدرتو
احلها ليكم


يا امانى او منى .

Post: #198
Title: Re: ولمن فاتهم الاستماع .....
Author: الرشيد بابكر
Date: 21-01-2010, 04:55 PM
Parent: #197

يا كوتش حمد لله على السلامة...

أكاد أجزم ان الاسم أماني....


و لكن بدرجة أقل ساريا....

Post: #199
Title: Re: ولمن فاتهم الاستماع .....
Author: محمد صديق
Date: 21-01-2010, 06:23 PM
Parent: #198

سلامات يا ناس

الله يسلمك يا رشيد

وصلت امس متأخر وسهرت وشغال الليلة

اعتذرلعدم القدرة على السهر...

التقيكم بكرة ان شاء الله

Post: #200
Title: Re: ولمن فاتهم الاستماع .....
Author: محمد صديق
Date: 22-01-2010, 08:31 PM
Parent: #199

سلامات يا ناس

الظاهر الخميس والجمعة ديل الحركة فيهم تعبانة

قدر ما تاوقنا ما لقينا زول...

بعد الصفحة دى حنجيب حاجات من ورا...

واكيد انك رجعت ورا

Post: #201
Title: Re: ولمن فاتهم الاستماع .....
Author: محمد صديق
Date: 23-01-2010, 05:20 AM
Parent: #200

سلامات يا ناس

وصباحات التفاؤل

سنعود لمساهمات الشادى ...اشعار الكتيابى

واغنيات مصطفى سيد احمد

Post: #202
Title: Re: ولمن فاتهم الاستماع .....
Author: محمد صديق
Date: 23-01-2010, 05:34 PM
Parent: #201

سلامات يا ناس


؟؟؟؟؟؟؟

Post: #203
Title: Re: ولمن فاتهم الاستماع .....
Author: محمد صديق
Date: 25-01-2010, 07:21 AM
Parent: #202

سلامات يا ناس

الميل 34 وياسر نجيلة...

Quote:

هاكم دي وصلتني طازجة بالبريد
عشان ابتسامة بت الشيخ القالها الريس ميسرة
وعشان "الويك اند"
وحراس البوست يوم الخميس والجمعة بكونو مشغولين بالاولاد
بعد غياب اسبوع ... ولا شنو يالرشيد
وعشان عصيدة وملاح محمد صديق يوم الجمعة
وعشان يكون في موضوع للناس الحلوة والقالت "وحيات ابتسامتك يا حبيبي"
شكرا يامنصور على رائعة محمد الأمين ...
وعشان محمد عيد يجد ضالته ...
وعشان المتاوقين ...

عَرُوضِي

يرويها بطل القصه...

أخونا العارض

ياعمك مرة زمان في الزمان الغابر ، وانا راقد في نص الحوش زي
التمساح العشاري معاي الحجة نتجاذب اطراف الحديث ، والكهرباء ( كاطعة)
كعادتها و السخانة زي الشطة .
التلفون يقوم يرن ،،، ارفع السماعة يجيني ليك صوت زي الكمنجة :
العارض : منو معاي !!
هي : حسن موجود ؟؟
العارض : مافيش .... نقول لي منو ؟؟
هي : قول ليه ندي ،،، طيب باي !!
انا ما لايووق ,ويكة بس :
باي نق تربيع !!
دقيقة و الحكاية شنو انا غفير ولا بتاع كبانية !!؟
هي : ليه في شنو؟؟
العارض : طيب ما تتكلمي معاي ، انا ليه البنات بضطهدوني كدة انا ما بنو آدم !؟!
ما كرهتونا البلي زاتو !!!
هي : انا آسفة ما قصدت شئ بس لانو ما بعرفك ، انت منو طيب ؟!؟!
انا : انا العارض اخو حسن ( علماً باني لا اعرف حسن ولا زول بهذا الإسم
الا حسن الترابي وده بذات بيني وبينو مافي اي عمار ) يعني معقول اقول
ليها النمرة غلط ومافي زول إسمو حسن ( انا جنيت ) !!
ونظريتي في الحياة :
ما اجرح مشاعر الصبايا ورفقاً بالقوارير والمثل الخالد بقول ( عدم العروض جفا ) !!
هي : خلاص ياعارض اتونس معاي وليه لا ، ده حتي باين عليك زول ( لطييف) !!
المهم حنك شديد ، ساعة وانا بتراشق مع البت زي الفراشة ، رشاقة جد ، شئ نكات
وشئ شعر شئ غرويد عيون ، حكم وامثال و البت انكيفت لي شديد !!
هي : طيب باي ، هاك تلفوني وهات تلفونك وسلم علي ( حسن ) .
انا : ( في سري طبعاً ) حسن بتاع جنك ، حسن والصفارة !!
دقييقة ياخي ، ومال كنت ح احنكا كييف !!
لما خلصت المكالمة وجيت راجع للحجة :
سالتني :
ام العارض : انت يا ( عروضي ) ده منو البتنضم معاو ساعة ده !!
.... قلتا ادقس الحجة قلت ليها النمرة غلط .
الحجة : ساعة وتقول لي غلط الضارب ده هندي !!
انا : انت ياحجة في الامن ولا نكير خالك : مالك بتحكيها كدة .
الحجة : يحكك الجرب يامخوزق تلقاها واحدة من الغنم البضربو ليك ديك ...!!
العارض : انت ام رقيقة ولا ام فتفت
،،،،!!
... المهم سادتي دورت التلفونات بيني والحبيبة الوطن ،،
وكل يوم تلفونين تلاتة وانا خلاص الصوت الناعم يزداد
رسوخاً في ذهني .. اتعذبتا عذاب شديد .
البت اقرأ ليها شعر ( يحي فضل الله ) اقول ليها
انا كتبتو ... مرة قريت ليها :
( ياضلنا ) قلتا ليها دي بذاات كاتبا فيك لانك
عندي زي ضُل الضحي المترامي بين مسارب روحي !!
بعد مدة سمّعتا ليك في شريط لي ( مصطفي سيد احمد )
شاكلتني وقالت لي انت ماعندك مصداقية كييف تدقسني
وتقول لي كاتبا فيك !!
انا : ( مالئيم وما بتغالط )
العارض : انت ما سمعتي بي توارد الخواطر ،،،
اها ده توارد بيني والشاعر الإسمو / يحي فضل الله ده .
وبعدين هو زاتو متأثر بي و شعرو كلو
ضُل و شجر تقول ( مزارع ) .
اها الدامة كلما اقول ليها نتلاقي تقول لي خلينا
شوية نأخد علي بعض !!
انا ( متفائل ) قلت النص ده ح يكون مبالغة زي
صوتا ده اصبر عليها و طول بالك ياحبة بكرة تُفرج
وتكتحل عيونك برؤية البدر ليلة تمامه .
يا بت الناس ما نتلاقي خلاص ،، تقول لي اصبر
بطل شفقة انت مالك لايوووق كدة !!
انا اللايووق انا الويكة انا السرسيون .
واشيل واطمن في نفسي واقول البت دي بي صوتا
ده بالميت بتكون قريبة ناس المغربي ، وعيونا
بكونوا كبار وغلاد و حلوات زي عيون الحمار .

... اها مرة قُرحتي قايمة علي و عندي حرقان
وزهجان الف، قامت ضربت لي تلفون في المكتب .
العارض : هووي انا حركات المراهقين دي ما
بتنفع معاي ،،، نحن لازم نتلاقي يا كلّ قرد
يطلع شجرتو، شنو شغّالين خيال علمي !!
هي : ما تخلينا شوية مالك الليلة !!
خلينا نخلق مساحات للشوق !!
العارض : مساحات شنو،،، دي الاراضي!!!!يا نتلاقي
يا شتات تاكلي نارك
كرهتينا التلفونات بقيت عامل زي رأفت
الهجان كدة !!
هي : خلاص بكرة نتلاقي في نادي الاسرة ،،
بس انت خليك ( ريلاكس)

.. وقد كان اليوم الموعود
الحلة كلها عارفة انو العارض جادع زمن وح يلاقي الحبيبة
( ستات الشاي... نسوان الكسرة... بتاع الدكان
...عوض الترزي حتي عايدة شمار ) .
ياعمك خشّيت ليك في المحشي من العصر ونجيب الريحاني
( اباطي اتهرد من الريحة ) قربت اعمل (الفاتح الصباغ)
لي شعري بس خفت من شيلة الحس ، اها وشتات لي نادي الاسرة !!
مشيت قبل ساعة من المواعيد
( الخفة الكتلت اب تفة والرشاقة الكتلت إشراقة ) .
وقلتا اعمل كاسحة ألغام ،،، هو ده ما مهرجان فرح كرنفال عشق !!
اها الدنيا مغربت كدة ، جات ليك بت زي الليل زي السم
انا بي خفتي المعهودة جريت عليها :
العارض : انت ندي !!
هي : لا ابداً وقبلت علي الجهة الثانية
( بس ،، الله يكسر حنكك عامل وشك العريض ده ) .
العارض : هووي يا العولاق اصبري علي بس تجي
القطعة النضيفة دي وجاهتك دي الا اطيّرا ليك من راسك .
.. بس بعد شوية تجي ليك بت زي ( السحلية )
لا لا لا زي الدبيب ... ... لا دبيب شنو ... زي الصارقيلة الصايمة !!
وانا خلاص من الضحك داير اقع علي وشي ،،،
وهي طواااالي جات ليك علي !!
الصارقيلة الصايمة : انت العارض ؟!
انا : آي انا العارض عارض السجم والرماد
وفي سري قلتا دي بتكون مرسال الشوق الحبيبة
رسلتا ( للإعتذار وكدة ) انت منو يختي !!
الصارقية الصايمة : انا ما ندي ندوية قلبك
يا قلب ، يخسي عليك ياعروضي ما عرفتني !!
... انا خلاص بقيت مخدر وكداري ما شايلاتني
وقلت ياعمك دي الكاميرا الخفية ولا شنو ؟!
اواصل الفيلم للنهاية و الشباب في الحلة
راجينك ح تقول ليهم شنو؟!
ده ماآكشن الآكشن ، المهم لملمت اطرافي وقلتا
( خربانة ام بناية قش) !!
وهاك ياضحك وغرويد عيون وشعر ،، اي نعم كنت
داير اطرش وانا بقرا الشعر لكن اهو نمشي الحال .
... وقلتا لازم امتص الصدمة و اعمل فيها روحي رياضية .
وهي دايرة تطير من الفرح ،، وتعطش ليك في ( الجيم)
انا قايل الجيم صايمة اليوم داك !!
وهاك ياغرويد عيون و تتلولح وتتمايص زي الياي !!
وماسكاني من يديني انا قايل نفسي ( هاني شاكر)
و لو جاء زول فيكم بهناك ما حا يعرف الجكساية منو فينا ..
... لكن النصيحة البت ما مبالغة حنضل بس !!
ياخ دي وشها زي اللين ( مثلث ) وخاتة ليها
قطعة كرتونة في صدرها زي المريلة ،، ح تقولوا لي ليه :
ما عشان صدرا ما يتقدّ لو نزلت حنكا ودنقرت
لي تحت ،،، مش قلنا حنكا سنين ولا شنو !!
وبعدبن مجلطا ليك شعرا تقول بي ( مخاطة ) ،،،
وكمان لابسة ليها 15 قطعة قماش ده،،، مسلسل
الجوارح ولا شنو أنا زاتي ما عارف !!
طبعاً دايرة تسمن وكدة : في سري
( لن يصلح العطار ما افسده الدهر يا حبة ) !!
المهم سادتي اليوم داك مرّ بي خيره وبي شره !!
بعدما طمنتها انو البينا سوف يستمر ونحن كيان واحد ..
ولازم نواصل المشوار ولا نامت اعين الجبناء ، وانت
إمرأة حلوة ومستنيرة وروحك حلوة !!

... ولما رجعتا الحلة فكيتا ليك في الشباب
قلتا ليهم : البت طلعت زي الليل زي اللبلب ،
هم صدقوني لكن بإرتياب عارفين حظي !!
اهن هي بقت تضرب في المكتب وانا عامل
( حظر عاطفي ) إستنفار شديد اي بت تضرب لي
ان شاء الله بت لعاب : انا مافيش انا في الجنوب
مشيت العمليات جاني قبول من سراييفوو
اي حاجة بس جلوني منها !!
انا ما شليق يوم جيت المكتب بدري التلفون يرن ،
رفعتا السماعة القاها ليك دي ( حبيبة قساي )
ومين قسّا قلبي !!
هي : وييين اتا،، وشنو الحكاية من ديك وعيك !!
انا قايل ده يوم القيامة ،، لساني الطويل داك
بقي زي حق الطيرة، وخشمي بقي ناااشف و حلقي مُرّرّرّرّو ،،
جاني الطُمام بتاع الملاريا داك و كلما ابلع ريقي
احس كأنو في حلقي فيه علبة ( صلصة مصدية)
ولا لستق عربية محروق و !!!؟؟ ماعارف بالضبط شنو !؟!؟
وهي مواصلة في الاسئلة زي نكير :
الصارقيلة الصايمة : مالك ما باين ويا حليلك
وياحليل ايامك وشنو ما بضرب ليك طوالي ما بكلموك
سكرتيرتكم العاملة زي الورل دي ما بتكلمك !!
ورل انت كمان بتتكلمي في الشكل ( في سري طبعاً ) .
لما خلاص زهجت مني وانا زي الابكم !!
الصارقيلة الصايمة : ماعشان كدة قلنا
ما نتلاقي ،،، رجال ماعندهم نظر ، و المراة
عندكم بس جسد .... وكركرب قفلت السماعة !!!








نصيحة :
... تاني مافي واحد فيكم يرد علي التلفون
لو في ناس تانين في البيت !!


همسة :
انا لو بقدر علي الحمام الميت ده ووجع
القلب ده كان مشيت الشرطة الشعبية !!


حاشية :
لا تثق في الصوت عبر الهاتف ان بعض الجكس يؤذي !!


حاشية الحاشية :
... لو في زول فيكم وهو حايم في الخرطوم
و شاف لي بت زي الحربوية خاتة كرتونة
في صدرا (قطع شك ) دي الحبيبة الوطن ..
ولازم يقطع فيها كف علي مسؤليتي انا ،،،،،،!!!!
... وبرضو تقولوا لي سموك : ( العارض ) ليه !!


Post: #204
Title: Re: ولمن فاتهم الاستماع .....
Author: أبوبكر حامد الأمين
Date: 25-01-2010, 12:48 PM
Parent: #203


سلام يا جورج ، لك التحية ومثلها لياسر نجيلة ، السرد ممتع والمفردات مواكبة للرندوك ، برجع ليك بى رواقة

Post: #205
Title: Re: ولمن فاتهم الاستماع .....
Author: حنان مجمر
Date: 26-01-2010, 10:36 AM
Parent: #203

العارض ياخفه ياابداع اضحكتنا كثيرا

Post: #206
Title: Re: ولمن فاتهم الاستماع .....
Author: محمد صديق
Date: 28-01-2010, 10:07 AM
Parent: #205

سلامات يا ناس

بكرى حامد

حنان مجمر

التحية لكما ..والشكرعلى المرور المقدر

Post: #207
Title: Re: ولمن فاتهم الاستماع .....
Author: محمد صديق
Date: 28-01-2010, 10:11 AM
Parent: #206

سلامات يا ناس

....الميل 41

Quote: سلامات يا ناس

نرجع تانى لى درويش...ما حأسيبكم

أنا أحمد العربى..فليأت الحصار

جسدى هو الاسوار..فليأت الحصار

وأنا حدود النار..فليأت الحصار

وأنا أحاصركم

أحاصركم

وصدرى باب كل الناس..فليأت الحصار

لم تأت أغنيتى لترسم أحمد الكحلى فى الخندق

الذكريات وراء ظهرى وهو يوم الشمس والزنبق

يا أيها الولد الموزع بين نافذتين

لا تتبادلان رسائلى

قاوم

ان التشابه للرمال ...وأنت للازرق

وأعد أضلاعى فيهرب من يدى بردى

وتتركنى ضفاف النيل مبتعدا

وأبحث عن حدود أصابعى

فأرى العواصم كلها زبدا..


اهداء لكل الناس

Post: #208
Title: Re: ولمن فاتهم الاستماع .....
Author: محمد صديق
Date: 28-01-2010, 12:32 PM
Parent: #207

سلامات يا ناس

Quote: اهداء لكل الناس


شكرآ يا محمد على الكلام الطاعم القاعد

تجيبو لينا ...

جايينك برواااااااااااااااقة.

Post: #209
Title: Re: ولمن فاتهم الاستماع .....
Author: محمد صديق
Date: 28-01-2010, 12:42 PM
Parent: #208

Quote: سلامات يا ناس
محطة السكة الحديد بالخرطوم..يقف قطر حلفا طويلآ كما يوم الاحد {السبت ما بقى اجازة}

وشخص آخر طويييييييييييل كما قطر حلفا يتلفح شالآ بلون بنى ...الشال برضو طوييييل..

من السجانة يمكنك ان تميز ان هذا الشخص هو عبد الرحمن شاويش ...اصعد الى احدى عربات

القطر برفقته..نتفرس فى الجالسين والوقوف دون ان نجد وجهآ زقازيقيآ...نضم الينا ما

يمكن ان نقول عليه { عفشنا }... اتنين شنطة هاند باق..{ بلهجة ناس كسلا } اتنين كيس

محتوياتهما كذا باكو من شاى زهرة الشمس...ده كل العفش وطبعآ كان على مسؤلية صاحبه..

تحرك القطر.....عانينا ما عانينا حتى بلوغنا النمر ...فى نمرة 6 تعطل القطر... كل

حمولته البشرية وفى ثوان معدودة كانت على الارض ...اكثر الناس سعادة بذلك كانوا هم

الباعة.... القراصة بالويكة ... الشاى... الموية الحارة... وووووو

ما كان لنا نصيب فى كل ذلك......اكتفينا بالتجوال ومتعة التفرس فى الوجوه ...والامل

فى رؤية زقازيقى ..ان شاء الله واحد بس....العصرية كانت جميلة ...تجمع الركاب على شكل

مجموعات متجانسة ...كان هنالك طلاب كثر.....جلسنا وحيدين الا من علبة برنجى اخيرة كنا

نخشى عليها من الفناء....

ونحن على هذا الحال ينطلق غناء جميل !!!!!لسعتنا نار الالفة ....قلت لشاويش ...اغنية

الكاشف دى ما بغنيها كده الا زول واحد....ضحك شاويش بفرح حقيقى وطفق يصيح .....احمد

عوض!!!!!قادتنا خطانا الى حيث الصوت الجميل...وكان احمد عوض بلحمه وشحمه ..وصلعته!!

كانت سعادة احمد بمثل سعادتنا...واصبحنا ثلاثة.......ضممنا عفشه الى عفشنا ..ملحوظة..

كان عفش احمد واحد هاندباق وواحد شوال بلاستيك يحوى داخله عدد كبير من علب الخميرة..

انصلح حال القطر وتحركنا الى حلفا وكان كل شئ كما ينبغى { انتو ممكن تتخيلو ناس فى

قطر حلفا والدنيا امسية ومعاهم احمد عوض } يكفيكم التخيل !!!!! اما الباخرة فبرضو

اتخيلوا!!!!فى ميناء السد العالى بعنا الشاى زهرة الشمس ...ولم نجد مشتريآ للخميرة

صلينا العشاء باسوان وكان شوال الخميرة حاضرآ بالمسجد...تجولنا بسوق اسوان ونحن

نعرض الخميرة وليس ثمة من يشترى!!!اخرنا الحجز الى القاهرة بغية بيع الخميرة دون

جدوى ......اخيرآ تحركنا الى القاهرة بعد اقناعه ببيعها بالزقازيق....يبدو ان

الخميرة مكثت بالزقازيق طويلا.......

وفى احد الايام يكبس على احمد ضيوف فى رمضان وهو فى قمة الفلس ...يتلفت يمنة ويسرى

يضرب اخماسا فى اسداس...يحمل شوال الخميرة ....يتوجه صوب شارع وادى النيل...حيث

الافران البلدية الكثيرة....من مخبز الى آخر والاجابة واحدة ...ما تلزمناش...آخيرآ

جدآ يبدى احدهم الرغبة فى الشراء..يعرض عليه جنيها واحدا للعلبة....يرفض احمد

ويطالب بمبلغ كبير ...يضحك الفران ...ىا عمى ماحدش محتاج خميرة ...الهى يسترها معاك

خد خميرتك وروح ...دى حتة خميرة اد كدة هوة ببريزة تخمر الزقازيق دى كلتها!!!!





انعاش ذاكرة

Post: #210
Title: Re: ولمن فاتهم الاستماع .....
Author: أبوبكر حامد الأمين
Date: 28-01-2010, 04:48 PM
Parent: #209

يا سلام عليك يا جورج ، من أول مابديت أقرا فى السرد ومصادفتكم لأحمد عوض وعفشه ، تمنيت من سويداء قلبى أن تكون الخميرة من ضمن العفش ، طبعاً أحمد عوض أراد ولوج عالم التجارة ونصحه أحد الخبثاء بإحضار خميرة من السودان لبيعها فى مصر ، الفكرة من أساسها مسخرة فى مسخرة ، أحمد عوض كان رقيق حال فلم يدرس الوضع ، أذكر تجواله بخميرته وعرضها على الفرن البلدى بالمساكن جوار نور ست الخضار وكان ذات الرد (فصِّ خميرة ببريزة إخمَّرالزقازيق كلِّتها ) ، أتاحت لى حادثة الخميرة هذه فرصة التشفّى من أحمد عوض وتقصير طول لسانه ، فى إحدى المرّات كان يدندن لى بصوت خفيض ، حرصتُ على إبداء تأثرى بالدندنة فساهم ذلك فى تخديره ، قلتُ له بعدها: تعرف يا أحمد عوض طبقات صوتك تشابه لحد التطابق طبقات صوت الكاشف ، أنا شايف لولا إنو الكاشف كان أمّى كان ممكن إكون بيناتكم تطابق كامل ، بس مافى مشكلة لأنو فرقك من الأمية بسيط والواحد لو مادقق فى سبب وجودك بالزقازيق ممكن إقول عليك أمّى ، من مميزات أحمد عوض ولعه بالنكتة ، ضحك حتى سالت أدمعه ، كم أنت جميل يا أحمد عوض بجمال رفيق دربك ياسر عوض الكريم .

ياسلااااااااام يا جورج فتحت شرفة للأشواق ولى مباراة القمارى ولى شراب موية المطر.

Post: #211
Title: Re: ولمن فاتهم الاستماع .....
Author: محمد صديق
Date: 31-01-2010, 07:05 PM
Parent: #210

سلامات يا ناس

Quote: ياسلااااااااام يا جورج فتحت شرفة للأشواق ولى مباراة القمارى ولى شراب موية المطر.


بكرى حامد...سلام

والله اسعد دومآ بمرورك ومشاركاتك وانت ركن مهم فى هذا البوست

الذى يقرأه كثيرون وتشارك فيه قلة تعد على اصبع اليد الواحدة

كثيرآ ما فكرت فى التوقف عن المضى فى هذا البوست...ولكن احساسى

بأن هناك من يستحق منى عدم التوقف هو الذى يدفعنى الى المواصلة

لك تحياتى ولمنى والعيال...

تقبل تحيات مصطفى وهو يكتب موضوعآ بعنوان :

الزقازيق ايام من عدس

سينشر هنا تباعآ.... واولى الحلقات ستنشر فى المداخلة التالية

Post: #212
Title: Re: ولمن فاتهم الاستماع .....
Author: محمد صديق
Date: 31-01-2010, 07:17 PM
Parent: #211

سلامات يا ناس

مصطفى محمد الحسن على ...علوم جيولوجيا ..دفعتى وفردتى

فى الزقازيق...كان يشارك اولاد علوم الفى منشية اباظة ..

شقة الباشمهندس التى تقابل الفرن البلدى ...حاج النور

يوسف نور الجليل...محمد الفاتح...والفاتح ...يشاركهم

السكن بدفع الايجار ونصيب الميز ..وسكن شنطتو...اما سكنو

هو فكان معى بلكوز...

الكثيرون لا يعرفونه الا من الظاهر ...والظاهر بيكون كذّاب

فى المرحلة دى حأركز على مظهر غائب عن الكثيرين..الكتابة

مصطفى ملك الكتابة الطاااااااعمة.

تعالوا نبحر مع مصطفى...

نشوف الزقازيق وهى ايام من عدس...

Post: #213
Title: Re: ولمن فاتهم الاستماع .....
Author: محمد صديق
Date: 31-01-2010, 07:25 PM
Parent: #212

سلامات يا ناس



الزقازيق أيام من عدس
( و هل التانك الا برتكان يابس )
شاعر مجهول

مشهد أول
فرقة ( عقد الجلاد تصدح على خشبة المسرح القومي بأ مدرمان ) و انا بدعوة كريمة من الرائع ( محمد صديق الحسين) انتحي ركنا قصيا اشهد توالي القدوم من اهل الزقازيق , منهم من جاء أحدا و الكثير قد اصطحب ( ناس البيت ) , و هذا اصطلاح يطلق على الحبائب بعد أن يبلى الحب، و أنا مثل ( سيدنا عزير ) يملأ اهابي فيض من التذكر الاليم ، قد بعثت بعد عقدين من الزمان و انفتحت امامي و بقوة ( مشاهد من الامس ) . توالت الوجوه عرفت الكثير و ضاع مني الكثير بفعل حتمية الزمن و تعاقب الفصول , و بدأ المشهد كانني في خفل تنكري ، هي نفس الاصوات ، الحركات ، حتى طريقة الوقوف و اختيار الاركان ، طريقة التدخين ( حتى ان لم يكن كليلوباترا) و كنت انتظر في كل حين ان تزول الغشاوة و ينكشف أمامي نادي الشرقية ... ولكن هي الحكاية ... و يبقى فقط هذه اللزوجة في الحلق و الدهشة التي لا تقود الى شيئ ، أي شيئ ، يسميها البعض بالحسرة ، الحسرة علي شنو ؟ و الله ما عارف
مشهد تاني
عرفت محمد صديق ( المدعو جورج ) ذات شكلة ( كما يكتب الهائفون من جرائد التابلويد) في ضاحية لكوظ ( ضاحية اسم الدلع لحلة ) و نحن نودع على ما أظن العمدة ( ابراهيم سليمان)، كان جورج متجدعا كعادته تلك الليلة، رغم ان الحفل كان حق تاس كسلا ، لم يكتسب جورج و جمال فارح هذا الحق الا لاحقا و بالانتساب ، ( عرفت لاحقا ان هذا التجدع يسمى قبولا)، المهم تخاشنا في الحديث و من ديك تالفنا و توحدنا ، رغم ان الكثير كان يتعجب من التقاء النقيضين ، خاصة من الجنس ألاخر ، ,و اكاد أجزم و طوال الفترة التي عشناها في الزقازيق أنه قد حضرنا أي شئ سواء اكان هذا الشي حفلة، رحلة ، ندوة سياسية , تخريج أو حتى لمة لزوم ما لا يلزم. و جبنا طرق البلدة و شوارعها كدرا انصاص الليالي في ظلمة شوارع السمك ، المكتبات و قهوة الربيع حتى ( اخرك زراعة يا اسطى) و الغريب أنا كنا نتافف من ركوب المايكربص حتى رأينا ذات مرة ( ياسمين حاج الطاهر) بجلالة قدرها نندلى من البص ، قلت يا جورج اخوي و نحن كمان في شنو.
التحية اسوقها لكل المحطات الرئيسية في هذه المسيرة، الرائعون تاس حاتم جبارة ، طارف البيجو، امينوف ، ناس جماع مصطقى، تاس هند عمر عباس، رشا ، ناس المرحوم ياسر الشفيع ، و الذي بموته تتبتدئ كل اللزوجة في الحياة، ناس علوم في منشية أباظة اليوسفين ود نور الجليل وود حمد النيل ، حاج النور، حاتم علي ، و ناس محمد ادم النور ( الحاج ، و ان كان الحج بقروش الامم المنحدة دا مشكوك فيهو) ناس اسامة ابتر ، أسامة خضر ، مبارك جادين ، ناس جمال فارح و صلاح الامين في المحلج ( عندهم في التلاجة 10 كيس فول)، ناس اماني عباس ( لماذا لا تتحف الناس ب .... آه ي أيمولا هذا القلب حزين لآ يغنيه برود الثلج و لكن حبك جر عليه برود الرحمة ة الغفران )، ناس محمد الهادي وكل ساكنات المدن الجامعية و الداخليات ).
نواصل

Post: #214
Title: Re: ولمن فاتهم الاستماع .....
Author: أبوبكر حامد الأمين
Date: 31-01-2010, 08:07 PM
Parent: #213

Quote: ( و هل التانك الا برتكان يابس )
شاعر مجهول


ذات الشاعر غير المجهول لى ولك يا جورج قال ذات صفاء : يصنع البيرجر من اللحم المفروم وكذلك ملاح التقلية ، ما أروعك يا مصطفى وأنت تتأمل فى الملكوت وأحوال الناس برؤية لايقدرها سواك ، أسعدنى إتصال هاتفى من مصطفى مطلع الإسبوع المنصرم ، مصطفى يشبه نهر القاش فى هدوءه وعنفوانه أوان تسابه ، بالله يا جورج أتحفنا بما خطه يراع مصطفى وحدثنا أنتَ عنه حين ينقطع عن الكتابة ، ففى كلتا الحالتين سنظفر بروائع هذا اليراع الذى انتبذ مكاناً شرقياً ، وهذا التشرق لازمه حين غادر كسلا للإلتحاق بالجامعة ، فهل كان قدراً مقدوراً هذا التشرق وهل للأمر ثمة إرتباط بشروق الشمس ومتلازماتها الطبيعية ، وهل يحق لنا نعته بالنظر لإرتباطه بالأرض بالشرقاوى ؟

زدنا عشقاً يا جورج ، ودع عننك حساسيتك الزائدة فالكتابة استمدت حتميتها مذ نون والقلم وما يسطرون ، وربما سبقتها وحتماً تلتها ، لا تبتئس يا جورج فهذه الحياة والمنافى تقاذفتنا طمعاً وكرهاً وبينهما أسفار ومرارات نتجرعها فنزدرد ما أمكننا الإزدراد وحتماً سنبصق مالم نجد سبيلاً لبلعه وربما نتقيأه ذات جسارة .

Post: #215
Title: Re: ولمن فاتهم الاستماع .....
Author: محمد صديق
Date: 31-01-2010, 08:20 PM
Parent: #214

سلامات يا ناس

الحبيب بكرى ...لك الود وكذلك الشكر بغير حد

العلاقة التى توطدت بعد شكلة كانت حياة ....

لا اذكر انّا اختلفنا على اى امر كان..

وما احتجنا يومآ الى لغة للتواصل...

الحديث طويل ...

Post: #216
Title: Re: ولمن فاتهم الاستماع .....
Author: عمر المهدى
Date: 01-02-2010, 05:37 AM
Parent: #215

القنديل سراج البيت
حمد اللة بسلامتك جيت
سلامات يازول
عدسكم دا طاعم كدة
تركي ولاهندي ولااية

Post: #217
Title: Re: ولمن فاتهم الاستماع .....
Author: محمد صديق
Date: 01-02-2010, 11:11 AM
Parent: #216

سلامات يا ناس

Quote: القنديل سراج البيت
حمد اللة بسلامتك جيت
سلامات يازول
عدسكم دا طاعم كدة
تركي ولاهندي ولااية


ودالمهدى الغنّاى ....سلام

اولآ شكرآ على مرورك

نمرة اتنين انا متهمك بالنّم ..عشان كده

جيب لينا النّم الطاعم بى جاى...

نمرة تلاتة ...عدسنا ده شرقاوى

Post: #218
Title: Re: ولمن فاتهم الاستماع .....
Author: منصور عبد الرازق
Date: 01-02-2010, 11:43 AM
Parent: #217


عفوا يا محمد صديق
يا جورج ويا كوتش ويا الولدك (قلاب الهوبة داك )
انا قدام هكذا بوح , لا اضمن حياديتى خاصة وان لى فيه مآرب كثيرة
تتعدى حتى مآرب عصا موسى التى لخصت فى هش الغنم ومآرب اخريات كثيرة
عصا موسى هنا وعندى , قلم انيق اراه يتفتق ويندلق كابا حبره الملون
عنما اكتشف الناس المحبرة
كان الأمر عندى مرتبطا بالأزرق , بالحتمية والضرورة
لم اتخيل يوما حبرا غير الأزرق
الى ان اكتشفت وعلمت ان للأحبارالوان أخر
احمر واخضر وربما بنفسج
فعافت نفسى الزرقة الا فى موضعين اثنين
الهلال , والحبر الأزرف المخلوط بلون ثانى
ومن يومها امتلأ درجى وقلبى بالوان من الحبر اباهى بها الأقلام النضرات
لذا تجدنى ضعيفا (قدام الحلويات والأقلام الملونة )
هذا القلم الجديد الذى تبشر به فى مساحتك هذه
من النوع الذى احب واهوى
للغة ذات المعانى الكثيفة اولا
ولمغازى مابين السطور التى تكشف عن تاريخ طالما تخيلته وان عشت مثله قبلا
ولكنى ما ابرأ احتفى بندائده التاريخية
احتفاء (الكواكب بالقمر )
عليك الله كان ما كتبتها لينا يا ود المهدى عمر
انا متابع ومستلذ , فلا تنقطع وان كان سفرك للجنينة او ابعد
فلابتوبك معاك , ولا عذر لعسكرى مثلك يدعوهو لألقاء القلم
عبد الله مش قاعد ومنتظر
وتيب
ما تخليهو يسوق , وانت اكتب ياخ

Post: #219
Title: Re: ولمن فاتهم الاستماع .....
Author: عمر المهدى
Date: 01-02-2010, 12:23 PM
Parent: #218

الحبوب منصور
انا اعتبرك بالنسبة لنا
كمثل سيدنا موسي عليه السلام
فقد طلب اعانتة باخيه هارون عليهالسلام
ليفقهو قوله(مع الفارق)
او كصاحب العرضحال
الي جاة واحد مابقدر يعبر
فلما اسهب العرضحالجي في
سرد الموضوع فاذا بصاحب الحاجة
يبكي بكاء مرير فقال كلو دا فيني وانا ماعارف
فلك التحية منصور وانت تضوح عطرا
ولنا ان نحتفل بك ياقمر


الكواكب احتفلو بالقمر
ام دي روض دريه السمر
اقرب بهجه الاهيف الضمر
وديسو للدروع قسم الخبر
طريت شباك ورشرشو العمر
العيون سيوف تقضي ما امر
وديسو للقدم وصل الخبر


وقلبي مالو طار هجا ما صبر
ودمعي مالو فاض شابه البحر
ما طفى العلي من لهيبو حر
عقلي انفقد وقلبي ما انسحر
وتدري بالعلي نجمه السحر
العشق نصيب والغرام قدر
القلوب تطيع امرك الصدر
ونارنا ما انطفت وشوقنا ما فتر
ضعنا والنفس فينا ما ندر
الشعر نزل للردف ستر
وزاحم القدم وفيه كم عثر

الضمير تعب حالتو في خطر
خاتم السعود من نجم زهر
الاحتفال ختام نور اشتهر
انتهز فرص ويانع الزهر
وعشته في نعيم مده الدهر

Post: #220
Title: Re: ولمن فاتهم الاستماع .....
Author: منصور عبد الرازق
Date: 01-02-2010, 01:11 PM
Parent: #219


لمن كنا نسمع الحكايات القديمة
الفيها زول من ناسات الدنيا
مرقها -ذات عصر وحين زهج -
الى شواطىء الدنيا الدافئات
متنعما باصطدام الأمواج الحميم
مستلذا بهفهفات النسائم العلائل
وهى اذ تصطدم بالوجوه -اذ تصطدم
فتحولها انكسارات الأضواء الندية , المشعة ولكن فى رفق
والتى تسرب ضوءها مابين مسامات العتمة , فتسرق مواقعها وتحتلها احتلالا ليس البنادق من بين اسلحته المشرعة
حتى اذا ما توهطت وجلست وتكوعت فى دلال متدفق
واذ الصدور مدلهمات
خبئات سافرات
كاسيات عاريات
خامدات عارمات
فاذا بفارس البحر خارجا من قمقمه
ان شبيك لبيك
قمرك وكواكبك بين ايديك
اامرنى فانا طوع يديك
واذا النور (نذير طالع )
والفجر مطل كالحريق
الكواكب الأحتفلوا بالقمر التى نزلت بين يدى بعد ثوان معدودات من (التمنى )
وضعتنى فى هذا الحال يا عمر المهدى
فشكرا لك على هذا الجمال
وادعوكم الى الشراب من (كأسى التى اشرب )
فكم هى لذيذة وطيبة يا احباب

Post: #221
Title: Re: ولمن فاتهم الاستماع .....
Author: زهير الزناتي
Date: 01-02-2010, 03:24 PM
Parent: #220

زمان في إذاعة صوت العرب كان هنالك برنامج لعمار الشريعي إسمه غواص في بحر النغم يقوم فيه بتحيل درر الغناء والموسيقي العربية ... البرنامج يذاع آخر الليل في فترة مقاربة لتلفون نص الليل وبإعتبارنا من سمار الليل كنا دائمي الإستماع لهذين البرنامجين ... لم يكن في ذلك الوقت قد إنداحت الفضائيات مثلما هي الآن ... ولم نكن نملك حينها تلفزيون ولا حتي 14 بوصة ... فكانت صوت العرب وإذاعة الشرق الأوسط ذات الروح الشبابية سميرتنا إلي ساعات الفجر الأولي ... الآن إختلف الوضع واصبحنا نتجول بالريموت كنترول ما بين فضائيات العرب والغرب نختار ما يعجبنا لنشاهده ونمر مرور الكرام علي تلفزيوننا البائس ...

الكوتش محمد صديق غواص في بحر النغم والكتابة الطاعمة إضافة لكونه أديب صاحب عبارة جميلة وكلمة بديعة فهو ذواقة من الدرجة الأولي وقارئ حريف مثلما كان في كرة القدم ... دائماً ما يتحفنا بالروائع في بوسته هذا ومن بيت الكلاوي يختار لنا أشهي ما كتب ... يجئنا اليوم بمصطفي محمد الحسن من أكتب الذين مروا علي الزقازيق .... خيال واسع وأفق مفتوح وثقافة بلا حدود ، عبارة جزلة ،، تشبيهات لا تشبه إلا مصطفي علوم .... وسخرية تكشف عن ذكاء وقاد ... فما أذكي الساخرين ... وشطارة مصطفي لا تحتاج مني لشهادة ... فهي أشهر من أن أشير إليها وفوق كل هذا وذاك هو من تلك المدينة الساحرة التي لا تكل عن إنجاب المبدعين ... إلا إنه ولحسرتنا ... تتوه دروبهم بعيداً عن حقول الإبداع ... لمسارات أخري ... شكراً لكما مصطفي وجورج ثنائي زقازيقي .... مبدع وبديع ...

Post: #222
Title: Re: ولمن فاتهم الاستماع .....
Author: الرشيد بابكر
Date: 01-02-2010, 06:57 PM
Parent: #221

يا كوتش أين كنت تخبئ تلك الجوهرة...ذكرتني بتاجر المجوهرات و هو يخرج آكبر و أجمل أحجار في الآخر في محاولة من لبيع الأصغر و الأقل ابهارا...
استمتعت بكتابة مصطفى و أتمنى أن يواصل الكتابة هنا دائما..

لك و له كل الود...

Post: #223
Title: Re: ولمن فاتهم الاستماع .....
Author: محمد صديق
Date: 01-02-2010, 07:39 PM
Parent: #222

سلامات يا ناس

Quote: هذا القلم الجديد الذى تبشر به فى مساحتك هذه
من النوع الذى احب واهوى
للغة ذات المعانى الكثيفة اولا
ولمغازى مابين السطور التى تكشف عن تاريخ طالما تخيلته وان عشت مثله قبلا


منص ...اولآ : سعيدٌ انا بطلّتك وحروفك الجميلة

والحمد لله انو زولى عجبتك كتاباتو وما دام قال نواصل ...فهناك الكثير

بس ما تغيبو مننا كتير

لك الود

Post: #224
Title: Re: ولمن فاتهم الاستماع .....
Author: محمد صديق
Date: 01-02-2010, 08:01 PM
Parent: #223

سلامات يا ناس

Quote: الضمير تعب حالتو في خطر
خاتم السعود من نجم زهر
الاحتفال ختام نور اشتهر
انتهز فرص ويانع الزهر
وعشته في نعيم مده الدهر


ود المهدى النمّام...الاحتفال هو :

ان تجيب النّم الليلك بى جاى ....الاخوانيات يا حبيب

Post: #225
Title: Re: ولمن فاتهم الاستماع .....
Author: محمد صديق
Date: 01-02-2010, 08:15 PM
Parent: #224

سلامات يا ناس

Quote: استمتعت بكتابة مصطفى و أتمنى أن يواصل الكتابة هنا دائما..



رشيد يا حبيب....مصطفى روائى سرّى ...لو فكر فى الموضوع ده كان بقى

ملء السمع والبصر....ورفيق لا يُمل...اخطر من بكرى حامد فى حفظ التفاصيل

انا صفايّة فى التفاصيل دى لانو مصطفى كان بيتذكر لى تفاصيل الحاجات الخاصة

بى ...

سيواصل سرده فى مقبل الايام

Post: #226
Title: Re: ولمن فاتهم الاستماع .....
Author: كمال الشادي
Date: 01-02-2010, 09:39 PM
Parent: #225

وطن النجوم
قصيدة رائعة للراحل ايليا ابو ماضي
وجدت طريقها إلى حناجر المغنين العرب في كل العالم العربي تقريبا
لا يخلو قطر عربي لم يتغن بها تقريبا
غناها في السودان الراحل احمد المصطفي
------------
وطن النجوم
-----------

وطن النجوم انا هنا حدق اتذكر من انا
المحت في الماضي البعيد فتي غريرا ارعنا
جذلان يمرح في حقولك كالنسيم مدندنا
المقتنى المملوك ملعبه وغير المقتنا
يتسلق الاشجار لا ضجرا يحس ولا ونا
ويعود بالاغصان يبريها سيوفا او قنا
ويخوض في وحل الشتاء متهللا متيمنا
لا يتقي شر العيون ولا يخاف الالسنا
ولكم تشيطن كي يقول الناس عنه تشيطنا
وطن النجوم انا هنا حدق اتذكر من انا
انا من ترابك ذرة ماجت مواكب من سنى
انا من مياهك قطرة فاضت جداول من سنا
انا من طيورك بلبل غني بمجدك فأغتنى
حمل الطلاقة والبشاشة من ربوعك للدنى
كم عانقت روحي رباك وصفقت في المنحنى
للعلم يحمله بنوك حضارة وتمدنا
زعموا سلوتك ليتهم نسبوا الي الممكنا
فالمرء قد ينسى المسيء المفتري والمحسنا
ومرارة الفقر المذل ولذات الغنى
لكنه مهما سلى هيهات ينسى الموطنا
------------
إنتهى
------------


بالله في زول فيكم بيشك إنو الكتب القصيدة واحد سوداني اتولد في حواري امدرمان والله في شوارع الخرطوم
ولعب ام الحفر و شدت وسيجا
كيف تمكن هذا الرائع ان يصور الوطن بهذا التصوير البسيط الذي طابق الوطن في داخل كل عربي


اتمنى ان اكون قد وفقت في تقديم نص يمتعكم لبعض الوقت
تحياتي
شادي

Post: #227
Title: Re: ولمن فاتهم الاستماع .....
Author: زهير الزناتي
Date: 02-02-2010, 08:55 AM
Parent: #226

يا كوتش معقول ما شفت المحلبي دي كلها .... والله دي تحنن بلد بي حالها ... شنو يا جماعة ما تحنو علينا حبة ...... يا أهل المحبة .....

Post: #228
Title: Re: ولمن فاتهم الاستماع .....
Author: محمد آدم النور
Date: 02-02-2010, 12:34 PM
Parent: #227

سلام أيها الناس الموجودين هنا
دخلت هنا و على استحياء
و أتساءل و نفسي
هل يمكن أن أتواصل مع الكتاب و الأدباء الموجودين هنا؟؟؟
وبنفس النسق و روح الكتابة؟؟؟
علماً بأنني مصنف من الناس المرجفين في المدينة
حسب تصنيف الفيفا (أب شنب)
أخاف الإطراء الشديد على كتابات الأخ مصطفى محمد الحسن
فيصاب بما أصاب جمال فارح من كسل وقلة إنتاج
علماًان الأخير ليس بالمتابع و لا بالمستمتع
يا جورج ممكن أتصل تلفونياً بهذا الشخص؟؟؟؟

داير أجيكم بي رواقة لكن كيف؟؟؟؟؟

Post: #229
Title: Re: ولمن فاتهم الاستماع .....
Author: محمد صديق
Date: 02-02-2010, 05:47 PM
Parent: #228

سلامات يا ناس

الرحمة والمغفرة لعضو البورد معتصم عبد الحليم

ولآله حسن العزاء

Post: #230
Title: Re: ولمن فاتهم الاستماع .....
Author: محمد صديق
Date: 02-02-2010, 06:04 PM
Parent: #229

سلامات يا ناس

Quote: يجئنا اليوم بمصطفي محمد الحسن من أكتب الذين مروا علي الزقازيق .... خيال واسع وأفق مفتوح وثقافة بلا حدود ، عبارة جزلة ،، تشبيهات لا تشبه إلا مصطفي علوم .... وسخرية تكشف عن ذكاء وقاد ... فما أذكي الساخرين ... وشطارة مصطفي لا تحتاج مني لشهادة ... فهي أشهر من أن أشير إليها وفوق كل هذا وذاك هو من تلك المدينة الساحرة التي لا تكل عن إنجاب المبدعين ... إلا إنه ولحسرتنا ... تتوه دروبهم بعيداً عن حقول الإبداع ... لمسارات أخري ...


زهير يا صاحب....لن اتحدث عن المحلبية التى اقتحمت خياشيمنا انا وناس من كسلا...

آثرتُ ان اعقّب على مداخلتك عند آخر المنحنى ...اقتحمت خياشيمى عباراتك الرشيقة

قبل ان تتسلل اليها المحلبية...

الكتّاب يازهير يكتشفهم الآخرون...ادواتك سنينة ...بس لحقها تمارين الصالة...

بعتنا محلبية وبعناك تلجآ

Post: #231
Title: Re: ولمن فاتهم الاستماع .....
Author: محمد صديق
Date: 02-02-2010, 06:16 PM
Parent: #230

سلامات يا ناس

Quote: اتمنى ان اكون قد وفقت في تقديم نص يمتعكم لبعض الوقت


الشادى الغنّاى...سلام

وطن النجوم من الاناشيد الجميلة التى تلامس القلب قبل الاذن

واللحن واداء احمد المصطفى ...كوم براه.

وُفقت يا شادى فى نص يُمتع كل الوقت.

لك الود والشكر

Post: #232
Title: Re: ولمن فاتهم الاستماع .....
Author: محمد صديق
Date: 02-02-2010, 06:23 PM
Parent: #231

سلامات يا ناس

Quote: يا جورج ممكن أتصل تلفونياً بهذا الشخص؟؟؟؟

داير أجيكم بي رواقة لكن كيف؟؟؟؟؟


ياحاج السر ...بركة الجيت

يصلك التلفون سريع

الكتاب والادباء ديل منو يا كرور..ما انت ذاااااااااااتك[ متقمص روح تعلمجى ]

Post: #233
Title: Re: ولمن فاتهم الاستماع .....
Author: محمد صديق
Date: 02-02-2010, 07:25 PM
Parent: #232

سلامات يا ناس

ريثما يأتى مصطفى محمد الحسن

نرتاح مع زول كتابتو طاعمة وهو ما من ناس الزقازيق

حبيبنا وزميلنا الطيب بشير البوليس السابق والشاعر

والاعلامى ...يرحب بى زول مننا ...بكرى حامد ...لحظة

دخوله للبورد..وبكرى زاتو كتاباتو طاعمة ..حنجيب منها

نماذج ...

Quote: الطيب بشير


تاريخ التسجيل: 06-12-2003
مجموع المشاركات: 4722






إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا

أبوبكر حامد الأمين
المحامي و موثق العقود
هذا إن أردت التعامل الرسمي
و هو، إن شـئت، بكري حامد (ود المأذون) بتاع مدني الظريف..يعشق الشعر و الغناء و التمباك و البنات الخدر..يحفظ و يفهم و يحلل و يعرف متى يقول لأ بهمزة قطع ان استدعى الأمر..عاش لوترابيّـآ في واشنطن و ملواكي و شارلوت ثم ارتدّ إلى المنامة حيث نام هنيئآ برفقة الراجل الكلس نزار حسين أحد أفحل عموم البورداب.
بكري حامد (بكّـو) ..زول سمح .. فات الكبار و القدرو..يشرف على المنتدى الثقافي لأولاد مدني في الانترنت، تعرفت عليه أثناء ارتكابي للبوليص في فجر شقاوتي غير الباكرة، له شنطة مكتب كانت متعتنا أن نبحث داخلها بلا إذن تفتيش، فيها دائمآ أحـد الكتب الممنوع دخولها للسودان..و صعوطآ في كيسين واحد بايت للناس البيشحتوهو سفّـة كتيييييير و واحد فريش للأصحاب و لبكري ذاتو.. و بالحقيبة أيضآ نقود ورقيّـة مهترئة من فرط تداول الكماسرة لا تغري بسرقتها و لا يمكن تركها!..يصغرني بنحو عامين أو تزيد فيما يؤكّـد ملمحه أنه ينتمي للجيل الذي سبقنا بلا أدنى شـك...ذاق ويلات الشواكيش و لم يكتب الشعر فجاء نزيفه الداخلي إنعكاسـآ في دماثة أخلاقه و لطف روحه حيث لم يقابلني أحـد غاضـب عليه أبدآ حتّى الذين يمقلبهم ودّآ مثل مصطفى السمين و ابراهيم سليمان في كسلا و محمد صديق ضابط البوليس الذي يدخل مكتبه و هو يحمل كتابآ باللغة الإنكليزيّـة..
مرحبآ بهذا الزول معانا هنا في هذا البراح
ننتظر منه كل السماح
و نرحب به شديدآ جدآ و نشكر (الفرصـة السانحة) التي يشكرها كل من استضافه التلفزيون الحكومي.
مرحبآ يا بكّـو.

Post: #234
Title: Re: ولمن فاتهم الاستماع .....
Author: محمد صديق
Date: 03-02-2010, 10:02 AM
Parent: #233

سلامات يا ناس

الكلام الجاى لبكرى حامد...

اكيد حتستمتعوا...

Quote: والله يانزار انا كل ما أشوف الشوام وأسمع "حكيهم" تترسخ داخلى أفريقانيتى السمحة ، هذه الكاريكاتور تضاف لجارتك التى تنطق اسم المحل التجارى " جيان " بجيم معطّشة تبز بها عطش الصائم فى نهار رمضانى قائظ - ولو شئت غائظ تعبيراً عن ما انكتم فى الجوف من غيظٍ وعطش.
أذكر فى منتصف التسعينيات كانت لدينا أنشطة ثقافية بدار الزمالة الأولمبية بالخرطوم
" داخل مقر اللجنة الأولمبية السودانية" ، وكان لدينا طبق فضائى أثار دهشتنا كأعراب مازالوا مندهشين بالرتينة كإكتشاف تكنولوجى باهر فما بالك بتلفزيون يطوفك بالعالم أجمع ، وكان لدينا صديق من أبناء الخرطوم وهو أبوعيال وكان يحرص على متابعة النشرة الجوية لقناة أم بى سى ، وكانت تقدمها " صبية " تدعى رشا الكتبى ، ولدى هذه الصبية إشكالية فى مخارج الحروف سيما حرف الراء ، فكانت تنطق " مكة المكرمة " بطريقة حلوة لايتمالك حينها صديقنا نفسه فينهض من كرسيه ويصفق بهسترياويهتف "هىىىىىىى".
وهذه الرقة أو لنسمها الدعة ليست قاصرة على الصبايا دون الصبية فكثيراً ماتسمعهم يرددون " ميرسى لا لا- بالسودانى الحمد لله "، عليكم الله زول اشكر ربنا بهذه الرقة أليس حرياً باستجابة دعاءه؟
حكى لى صديقى أنه لدى وصوله مطار البحرين قادماً من الأمارات فى رحلة عمل برفقة زميله اللبنانى الذى باغتته عطسة فحمد الله ، فشمته السودانى بعبارة " رحمك الله " ففاجأه اللبنانى بقوله " حبيب ألبى / قلبى " بدلاً من عبارة غفر الله لنا ولوالديك التى حفظناها عن ظهر قلب مذ كنا صبية !!!!!!

Post: #235
Title: Re: ولمن فاتهم الاستماع .....
Author: عبد الدائم سيد أحمد
Date: 03-02-2010, 10:59 AM
Parent: #234

يا جنابو

عاوز لى صورة لمصطفى محمد الحسن
حتى لو قاعد جمبو شاويش ما مشكلة

Post: #236
Title: Re: ولمن فاتهم الاستماع .....
Author: عفاف علي ميرغني
Date: 03-02-2010, 11:49 AM
Parent: #235

Quote: الزقازيق أيام من عدس
( و هل التانك الا برتكان يابس


الله عليك يا جورج وانت جايب معاك مصطفى محمد الحسن

رغم اندهاشي للان كيف انتو اصحاب!!!!!

لكن احسن حاجة عملها مصطفى انو شربك موية توتيل!!!!!!

تحياتي الكتيرة بطعم التانج والعدس الزقازيقي لمصطفى ورفيقة دربه

وليك ياجورج 000

Post: #237
Title: Re: ولمن فاتهم الاستماع .....
Author: جلال عثمان
Date: 04-02-2010, 09:27 PM
Parent: #236

غايتو هي جات كدة ... ان تأتي هذه المداخلة بعد عفاف ... فلتعذرني عفاف لأنها اكيد زعلانة مني
تعرفوا ياجماعة عفاف دي جارتي في الرياض ولا يفصلنا الا شارعين وإشارة ضوئية واحدة ومع ذلك لم نسعد باللقيا منذ زمن
لكنها رياض السجم دي التى تجبرك أن تشتاق لمن تحب حتى لو كانو بقربك وتلك محمدة ... اليس كذلك ؟؟؟

غايتو سيد البوست كتر خيروا حيث ان من فاتهم الاستماع او الاستمتاع بيجوا يلقوا محكر هنا

Post: #238
Title: Re: ولمن فاتهم الاستماع .....
Author: محمد صديق
Date: 05-02-2010, 02:44 PM
Parent: #237

سلامات يا ناس

Quote: عاوز لى صورة لمصطفى محمد الحسن
حتى لو قاعد جمبو شاويش ما مشكلة


النضيف اهلا بيك

رايك شنو تكون الصورة لشاويش وجنبو مصطفى؟

Post: #239
Title: Re: ولمن فاتهم الاستماع .....
Author: محمد صديق
Date: 05-02-2010, 02:49 PM
Parent: #238

سلامات يا ناس

Quote: رغم اندهاشي للان كيف انتو اصحاب!!!!!



عفاف ...شكرآ على الطلة

نحن اصحاب لانو بنشبه بعض..بس شكلو صعب عليك

تشوفى الشبه.

Post: #240
Title: Re: ولمن فاتهم الاستماع .....
Author: محمد صديق
Date: 05-02-2010, 02:54 PM
Parent: #239

سلامات يا ناس

Quote: غايتو سيد البوست كتر خيروا حيث ان من فاتهم الاستماع او الاستمتاع بيجوا يلقوا محكر هنا


سلام يا جلة...ومنك طولنا طول

سعيد بطلتك ويا ريت ما تنقطع

بى هناك بنجى لكن ما بتشوفونا..بنجى سرّى.

Post: #241
Title: Re: ولمن فاتهم الاستماع .....
Author: أبوبكر حامد الأمين
Date: 05-02-2010, 03:26 PM
Parent: #240

Quote: سلامات يا ناس

ريثما يأتى مصطفى محمد الحسن

نرتاح مع زول كتابتو طاعمة وهو ما من ناس الزقازيق

حبيبنا وزميلنا الطيب بشير البوليس السابق والشاعر

والاعلامى ...يرحب بى زول مننا ...بكرى حامد ...لحظة

دخوله للبورد..وبكرى زاتو كتاباتو طاعمة ..حنجيب منها

نماذج ...


يا سلام عليك يا جورج وأن تأتينا بكل الرائعين ، الكتابة عن الطيب بشير تشبه السباحة عكس التيار (رغم عدم إجادتى للسباحة سواء مع التيار أو عكسه - مجرد خيال ) ، من إشراقات الدفعة 63 بكلية الشرطة أن أوجدت هذا التآلف الجميل بين جورج والطيب بشير ، وسأرفق لكم ما قلته فى ذات البوست عن سر التقارب بينهما ، وأكيد جورج ما عاوز إجيبوا لحياديته المفرطة .

Post: #242
Title: Re: ولمن فاتهم الاستماع .....
Author: كمال الشادي
Date: 05-02-2010, 06:02 PM
Parent: #241

محاولة في قراءة المشهد الاخير من ملحمة عم عبد الرحيم

---------------------------------------------------

اليوم مساء الجمعة
وحدي في الغرفة اعيد إستماع اغنية عم الرحيم للمرة المليون
ولكن هذه المرة كانت مكتوبة امامي
اقرأ وأستمع وأغني وأستمتع وأعزف
في نفس الوقت
كانت المتعة للسقف
عند نهاية الاغنية
أحسست بمشهد مسرحي غريب
خلونا نعيشو مع بعض
-----


المغني يصرخ بإسم شخص ما يحذر العم عبد الرحيم
السكة الحديد يا عمو القطر
يا عبد الرحيم قدامك قطر
اللحن يعلو
صوت العود يكاد يتحول إلى صراخ قوم أو ناس وقفوا عند حافة الكون
يحذرون عم عبد الرحيم من القطر
والعم عبد الرحيم سارح في كل مشاكل ومشاغل الدنيا العظيمة لهذه الطبقة المطحونة من الناس
التي تحدثت عنها الاغنية فيما سبق
اناس عجيبة تتعداهم ذاكرتنا ولا نراهم ونسجل حضورهم أو غيابهم
هل عرفتوهم
واحدين بالايجار
مالاقيت جحر
سلعتم الضراع والعرق اليخر
عمال المدن
كلات الموانيء
الغبش التعاني
بحارة السفن
حشاشة القصوب
لقاطة القطن
الجالبة الحبال
الفطن الفرن
الشغلانتو نار والجو كيف سخن
--
ينتمي العم عبد الرحيم لهذه الشريحة من الناس بكل همومها
--
صور المشهد
ان
سال الدم مطر
وطارت دمعتين وانشايح وتر
لماذا ؟
يبدو أن هناك امر جلل
يبدو ان العم عبد الرحيم قد دهسه القطر
المشهد التالي يقول
ما بين القضا ومرحاكة القدر
الشهدو الدموم والمدع الهدر
إيدم في التراب والعين في القطر

يا الله
لو قدر لاشطر مسرحي أن يصور هذا المشهد لما استطاع
تبدو الشاشة كاملة أو خشبة المسرح عبارة عن لون احمر قاني
انه لون دم العم عبد الرحيم الذي دهسه القطر
الناس ساكتة ومندهشة من منظر القطر والدم الذي غطى التراب وجثة العم عبد الرحيم على الارض

المشهد التالي
الناس تتناقل الخبر
ما أروع هذا التمثيل

الخبر اليقين بوخ وإنتشر
شهد إنتشار الخبر بالبوخ وهو بخار الماء المتصاعد إلى الاعلى
من الذي ينقل الخبر بهذه الشفافية والسرعة والعلو .. إنهم

اطفال القرى
وعمال الحضر
أدوهو الطيور
وادنو البحر
انصاعت سحاب
وإندافق مطر

هؤلاء عندما نقلوا الخبر نقلو الصورة والمشهد المسرحي الراقي

كانت الصورة هنا
كما يقول اهل السينما ( Master Scene )
اي المشهد الرئيسي في الفيلم
إنه المشهد الرئيسي في هذه الملحمة الرائعة
كيف هو

لنرى

عم عبد الرحيم في الشارع عصر
لي تالا اليسار
متفادي الكجر
دورية الكجر
عربية الكجر
جفلت الحمار
وطوح زي حجر
وعم عبد الرحيم إتلافا القطر
فتاح يا عليم
وسال الدم مطر


هذا العم عبد الرحيم يسقط من حمارة الذي أجفلته دورية الكجر
التي حاول أن يتفادها يسارا
ولكنه عندما طاح ارضا
دهسه القطر

المشهد كله احمر
ولكنه مشرف بلغة الشاعر الراقي

جرتق للتراب منشور في كتاب

كيف كان المنظر بعد أن دهس القطار العم عبد الرحيم
إنها آخر لقطة في الفيلم وهي ختام المسرحية

عم الرحيم مرمي على الارض
الكاميرا تحول وتصور المشهد
ماذا كان ؟
1- روشتة
2- جواب
3- ماهية شهر
4- مفتاح اب قراب ( جراب )
5- أونيقين سهر
6- لبدة حمار

هذا كان أخر مشهد لهذا العم عبد الرحيم


لغة اهل السينما لو عملنا ( Flash Back )
لوجدنا ان سبب كل ذلك
زي الحال ده يوم لا كان لاحصل والبال إشتغل

الشاعر يأبى أخيرا بعد كل العبوس والضيق الذي إعترى القصيدة والحال العام
إلا أن يبشرنا ببعض الفرح ليقول ان كل ماكان وما سمعناه بصوت المغني
هو حلم
إستيقظ أخيرا منه العم عبد الرحيم

عم عبد الرحيم
وياكمين بشر
صحي الموت سلام
مايغشاك شر

كان نائما وكانت كل الاغنية عبارة عن حلم مزعج أو كابوس

لكنه كان جميلا حلق بنا إلى عوالم
قل أن يحلمنا إليها مغني مثل الراحل مصطفي سيد أحمد

-------ب
بقى اخيرا أن نقول
أن عم الرحيم
لا هي أغنية
ولا هي رمية
لا اعرف تصنيفها الغنائي
لكنها ملحمة رائعة
اراد لها مصطفي سيد احمد أن تكون بهذا الايقاع الرتيب الثابت
ولا توجد أية موسيقى مصاحبة غير صوت الالات جميعا تعزف نغما واحدا
رغم إختلاف الكوبليها الغنائية وتنوعها إلا انه إحتفظ بلحن رتيب واحد لكامل الاغنية


تحياتي
شادي

Post: #243
Title: Re: ولمن فاتهم الاستماع .....
Author: كمال الشادي
Date: 05-02-2010, 06:24 PM
Parent: #242

فافي
العزيزة عفاف
بعد تحليل
الشهد الاخير السابق
لاغنية عم الرحيم

لو عندك اي ( لمة ) بتاعت ناس رائعين الواحد يغني فيها
عم عبد الرحيم ( بس )
انا جاهز !!!!
كلام رجالة

Post: #244
Title: Re: ولمن فاتهم الاستماع .....
Author: محمد صديق
Date: 05-02-2010, 08:22 PM
Parent: #243

سلامات يا ناس

الشادى الغنّاى ...يغشاك السلام والجمال والطعامة

شكرآ على السياحة الجميلة فى الملحمة التى يصعب

توصيفها ووضعها فى جنس محدد...

امونة الصباح

قاللتو النعال والطرقى انهرن

ما قالتو جيب

شيلن يا الحبيب غشهن النقلتى

والترذى القريب

[ امونة ذاتها ما ساهلة ]

Quote: لو عندك اي ( لمة ) بتاعت ناس رائعين الواحد يغني فيها
عم عبد الرحيم ( بس )
انا جاهز !!!!
كلام رجالة


ابدأ بينا نحن ...اسياد البيت اولى بالمعروف...نحن جاهزين فى

الحارة 14.

Post: #245
Title: Re: ولمن فاتهم الاستماع .....
Author: كمال الشادي
Date: 05-02-2010, 09:27 PM
Parent: #244

مفاجأة
شخصيات وعائلات زقازيقة ،،،،،،،، من الزمن الجميل،،،(توجد صور)

Post: #246
Title: Re: ولمن فاتهم الاستماع .....
Author: منصور عبد الرازق
Date: 06-02-2010, 11:09 AM
Parent: #245

اذن يا كمال
فلتتحول اللمة وتتحور
فقط الى ونسة
واستماع مع استمتاع لى عم عبد الرحيم
مع العود
وبعد دبك
كان ما تعشينا
ما عندنا مانع
الخميس الجاى كيف ؟؟؟؟

Post: #247
Title: Re: ولمن فاتهم الاستماع .....
Author: كمال الشادي
Date: 06-02-2010, 11:56 AM
Parent: #246

يا محمد صديق
منصور عبد الرازق باعك
عيييييييييييييييييييييييييييييييك

منصور انا موافق
خلينا ننسق
أبدا انت الريس بتاعنا

Post: #248
Title: Re: ولمن فاتهم الاستماع .....
Author: عفاف علي ميرغني
Date: 06-02-2010, 09:01 PM
Parent: #247

Quote: و من ديك تالفنا و توحدنا ، رغم ان الكثير كان يتعجب من التقاء النقيضين ، خاصة من الجنس ألاخر



باقي لي كتيرين الصعب عليهم الشوف 000




محمد صديق 000 مساءات طاعمات بطعامة الحكي السمح هنا 000


وجيب معاك مصطفى تاني 000 الزول دا رغم سخريته الجميلة

لكن عنده كلام ذي الحكم مرات كتيرة 000

Post: #249
Title: Re: ولمن فاتهم الاستماع .....
Author: محمد صديق
Date: 06-02-2010, 09:13 PM
Parent: #248

سلامات يا ناس

Quote: فلتتحول اللمة وتتحور
فقط الى ونسة
واستماع مع استمتاع لى عم عبد الرحيم
مع العود
وبعد دبك
كان ما تعشينا
ما عندنا مانع
الخميس الجاى كيف ؟؟؟؟


والله عالم عجيبة ...سمعنا بخطف اللاعبين ايام التسجيلات

اول مرة نسمع بى خطف فنانين.

Post: #250
Title: Re: ولمن فاتهم الاستماع .....
Author: محمد صديق
Date: 06-02-2010, 09:20 PM
Parent: #249

سلامات يا ناس

Quote: منصور عبد الرازق باعك
عيييييييييييييييييييييييييييييييك


صدق يا شادى البيع ما غريب على منص..فى اجازتو الاخيرة

باع العصيدة بتاعتنا بى سماية حقت عابدين محمد زين.

Post: #251
Title: Re: ولمن فاتهم الاستماع .....
Author: محمد صديق
Date: 06-02-2010, 09:27 PM
Parent: #250

سلامات يا ناس

Quote: مساءات طاعمات بطعامة الحكي السمح هنا 000


وجيب معاك مصطفى تاني 000 الزول دا رغم سخريته الجميلة

لكن عنده كلام ذي الحكم مرات كتيرة 000

Post: #252
Title: Re: ولمن فاتهم الاستماع .....
Author: عفاف علي ميرغني
Date: 06-02-2010, 09:31 PM
Parent: #251

مساءات سمحات 000


باقي لي نحن حراس سنار الليلة

Post: #253
Title: Re: ولمن فاتهم الاستماع .....
Author: محمد صديق
Date: 06-02-2010, 09:32 PM
Parent: #250

سلامات يا ناس

Quote: مساءات طاعمات بطعامة الحكي السمح هنا 000


وجيب معاك مصطفى تاني 000 الزول دا رغم سخريته الجميلة

لكن عنده كلام ذي الحكم مرات كتيرة 000


بتنا عفاف ...ازيّك

انتظر كتابات اخرى من مصطفى هى امتداد للكلام الفات

ولما ارجع الخرطوم ان شاء الله عندى اشياء قديمة محفوظة

حأنزّل منها..

لك الود

Post: #254
Title: Re: ولمن فاتهم الاستماع .....
Author: الرشيد بابكر
Date: 07-02-2010, 07:37 AM
Parent: #253

عايز أتكلم عن أغنية عم عبد الرحيم شوية...

هي أغنية رغم رتابة ايقاعها الا انها أغنية تسيطر على كل حواسك و تمنعك من التفاعل مع ما حولك و تبقى أسيرها حتى نهايتها رغم طولها...ما السر وراء كل هذا التسلط في هذه الأغنية...هل هي الكلمات...لحميد سحره الخاص و قدرته في جعل كلماته تمشي على رجلين...مسرحية تعرض أمامك... كوميديا من نوع خاص و ليس المعني هنا كوميديا الضحك...حميد يجعلك تستمع الى كلماته بسمعك و يقلبك و بكل حواسك...و يجعلك تنظر الى الكلمات و هي تتحرك أمامك و الى الصور ماثلة أمامك و كذلك الشخوص..
حاولت أن أفسر هذا الايقاع...أحيانا أتصور انه أقرب الى ايقاع مشية الحمار و يزداد هذا التصور رسوخا عندما يقول ....
نقرض للحمار ...
نقريضة الحمار لا تنسي النعال
الطرقه الخضار اللبس الجديد ..
تسريح السفر ..
للماشي الصعيد ماشي الديش نفر
والبال اشتغل ...

و لكني عندما أعيد السمع مرة أخرى الى الأغنية أقول انها ليست كذلك بل هي أقرب ما يكون الى صوت المسبحة في اليد....أو و هي تتأرجح في يد المسبح مثل بندول الساعة العتيقة...
حصن للعباد وهوزز سبحتو ودنقر للتراب
هم فوق هم هما
صنقع للسما وكان في الجو في غيم
وكم نجمات بعاد .. وكان الدنيا صيف

ثم تسرح مع الأغنية أو بالأحرى تسبح مع الأغنية في غيمات حنينة و حزينة و تنتبه على صوت سرينة سيارة الشرطة أو سيارة الاسعاف...أحيانا أعتقد أن الايقاع مرتبط بصوت سيارة الاسعاف...
عربية الكجر .. دورية الكجر ..
جفلت الحمار وطوح زي حجر ..
وعم عبد الرحيم اتلافا القطر ..
فتاح يا عليم سال الدم مطر .

هي محاولة نهارية يائسة للاسترسال المستحيل للدخول في عوالم ايقاعات عم عبدالرحيم...ربما يعرف أحدكم ماذا يقصد الراحل مصطفى سيدأحمد بهذا الايقاع...و لكن بعد كل هذا أقول ان ايقاع هذه الأغنية يمكن تفسيرة بالطريقة التي توحيها اليك مشاعرك...

تبقى آخر أمنية...

أن أسمعها بصوت الشادي...

Post: #255
Title: Re: ولمن فاتهم الاستماع .....
Author: عفاف علي ميرغني
Date: 07-02-2010, 09:58 AM
Parent: #254

ازيكم وصباحاتكم ناعمة00

Quote: ...صوت العود يكاد يتحول إلى صراخ قوم أو ناس وقفوا عند حافة الكون
يحذرون عم عبد الرحيم من القطر


ودي اغنية العم عبد الرحيم00

مصفى سيد احمد فيهاجعلنا نرسم مسرح زهني ونشعر بالزمان والمكان والاشخاص والاحداث

يعني اصبحت الاغنية دراما موسيقية بعيدة عن التطريب (كما عودنا في اغنياته الخالدة)

والموسيقى تحولت لموسيقى تصويرية لتصوير المشاهد اللي ابدعها حميد


وهنا مصطفى سيد احمد جند كل الصور اللحنية من ايقاع ولحن وموسيقى لخدمة دراما الكلمات

حكومات تجي وحكومات تغور
تحكم بالحجا وبالدجل الكجور
ومرة العسكري كسار الجبور




الله الله عليك يا شادي تعرف تخلق جمال الفرح


عبد الدايم بسرعة نزلها لينا اغنية

Post: #256
Title: Re: ولمن فاتهم الاستماع .....
Author: محمد صديق
Date: 07-02-2010, 10:05 AM
Parent: #254

سلامات يا ناس

الرشيد يا حبيب..ازيّك

عجبتنى والله قصة كويمك [ من كوم] للاغنية

وحقيقى كل ايقاع كان بيديك احساس بالحدث

ويقربو ليك...

حاول مع المقاطع الاخرى...لاجل المتعة

Quote: تبقى آخر أمنية...

أن أسمعها بصوت الشادي...


صوتى ينفع؟

Post: #258
Title: Re: ولمن فاتهم الاستماع .....
Author: محمد آدم النور
Date: 07-02-2010, 10:53 AM
Parent: #256

عم عبد الرحيم يا حر
ماك حر
ياريت التمر
يا ريت لو يشيل كل تلاتة شهور
و الله أيام زمان كانت ما تمر
كان لا في ضيق في ضيق
لا انغرغر صبر
و كان ما كان و كان
وكان الفيك .....

لماذا عم عبدالرحيم لم يكن حراً؟؟؟
ما هو الجديد الذي أنكره عم عبدالرحيم ؟؟؟
و هذا يعني أن الجديد الذي بين ظهرانيه فيه درجة من البؤس و الشقاء و التعب
دائماً الروح عندما تفارق الجسد فاللحظة هي الغرغرة
أما الصبر إذا تغرغر ...فيا دنيا عليكي السلام
زمان لم يكن هناك ضيق بمثل ما يشهده الآن...
وكان الناس بالناس و الكل لي رب العالمين
دنيا
يا عم عبد الرحيم

Post: #257
Title: Re: ولمن فاتهم الاستماع .....
Author: عمر المهدى
Date: 07-02-2010, 10:16 AM
Parent: #254

الاحباب صباحكم بالرضا
يارشيد
ياشادي
عم عبد الرحيم جمعت الجري والطيران
فحميد عاش هذه المشاهدات بعينة في
عطبره وعندما استمع لهذة الاغنية تتمثل
امامي صور عمال السكة حديد وهم خارجون
او داخلون وايضا حميد عمل فترة في بورتسودان
وسجل لنا معاناة كلات المواني والغبش التعاني
الذين انحدر منهم حميد واعذب امنياتة المتفردة
ومقدار الدهشة الذي يضفية علي نصوصة عامة
ياريت التمر ياريت لو يشيل كل 3شهور
وجمعت بامتياز لحن من الحان مصطفي المتفردة
والتي جمعت سودانيتها مع تجديدها
يعني بالمختصر الغناء لوماخلي راسك يلف دا ماغنا
حتي مصطفي بداياتة كانت عادية خبز عادي ممكن من اي مخبز
تلقاه مش زي (خبز الفنادق)رغم انة اول مهرجان اشترك فية
جاء ثالثا رغم اني منحتة الاول بامتياز لشي احسست به انة ماعادي
الاول والثاني كانو زيهم زي غيرهم لما غني مصطفي اخاف واخاف
بيني وبين نفسي قلت الزول دة يادوبة مسك الدرب الصاح
وقد كان الفرح الذي اهداه لنا مصطفي له الرحمة

Post: #259
Title: Re: ولمن فاتهم الاستماع .....
Author: محمد صديق
Date: 08-02-2010, 05:07 AM
Parent: #257

سلامات يا ناس

وصباحات التفاؤل

ما قدرت على التداخل امس بسبب الكمبيوتر

ودى محاولة للدخول التانية ...الاولى كانت

لمربع كاى ويبدو انها نجحت...

سأعود للناس الكانت موجودة امس والكتبت كلام

زى الالحان.

Post: #260
Title: Re: ولمن فاتهم الاستماع .....
Author: محمد آدم النور
Date: 08-02-2010, 07:35 AM
Parent: #259

لقيت الحاجة دي
و أكيد لمن يمر عليها الرشيد أكيد حا يديها حقها من التحليل
لأنو أنا فاتني الأستماع في دي... ممكن يا جماعة؟؟؟
لو ما الرشيد ممكن أي زول
ابداكى من وين
ابداكى من وين..
وفينى منك لسة حاجات
من مخاوف ومن شجن
أبداك من وين وظنى إنك
فكرة إعلان الحيـاة
وانتهاءات العوارض والمحن
نفسى ألقاكى وأكون
انا كلى من بعضك
أو بعضى من كلك بدن
داير ألقاك وأوحد دايرة الدم
المقسمة بينى بينك والشجن

Post: #261
Title: Re: ولمن فاتهم الاستماع .....
Author: محمد صديق
Date: 08-02-2010, 08:44 AM
Parent: #260

سلامات يا ناس

Quote: أبداك من وين وظنى إنك
فكرة إعلان الحيـاة
وانتهاءات العوارض والمحن


ياسرّى ...سلام

صدّق دى انا برضو فاتتنى...


ما ناسى الناس التانيين...

جاييكم ...تم الباقى يا حاج

Post: #262
Title: Re: ولمن فاتهم الاستماع .....
Author: محمد آدم النور
Date: 08-02-2010, 09:18 AM
Parent: #261

Quote: جاييكم ...تم الباقى يا حاج

الحمد لله لقيت الإذن

أبداك من وين
ابداكى منى ..
ولا منك أبتديك محل محل
من ياتو منفذ بدخلك
كل الدروب الفيكى سداها المحل
من ياتو شارع بوصلك
كل الدروب معطونة لآخر الوحل
بستبيح كل المنافذ وادخلك
من بين كلامك بدخلك
من ابتسامك بدخلك
من بين مسامك بدخلك
من أى قاسم مشترك
أو شبه التشابه بدخلك
نتلاقى نهرين من تسامى وإشتهاء
أبداك من حيث انتهت
عندك خواطر الإنتهاء
أبداك من وين

Post: #263
Title: Re: ولمن فاتهم الاستماع .....
Author: محمد صديق
Date: 08-02-2010, 10:08 AM
Parent: #262

سلامات يا ناس

Quote: مصفى سيد احمد فيهاجعلنا نرسم مسرح زهني ونشعر بالزمان والمكان والاشخاص والاحداث

يعني اصبحت الاغنية دراما موسيقية بعيدة عن التطريب (كما عودنا في اغنياته الخالدة)

والموسيقى تحولت لموسيقى تصويرية لتصوير المشاهد اللي ابدعها حميد


يا سلام عليك يا عفاف

واضيف عليهم الرؤية...يمكننا ان نرى هؤلاء الاشخاص وهذه الاماكن

وهى بالفعل دراما ..وما هى الدراما ان لم تكن القدرة على

تصوير الواقع وتقريب هذه الصورة...

اكثر ما يثير الدهشة هو كيف استطاع حميد ان يخلق كل هذا الجمال

والمدهش اكثر كيف استطاع مصطفى الباس هذا الجمال لحنآ ليس ككل

الالحان....واكثر ادهاشآ وارباكآ ان تحاول معرفة من منهما كان

اكثر ادهاشآ.

Post: #264
Title: Re: ولمن فاتهم الاستماع .....
Author: محمد صديق
Date: 08-02-2010, 10:22 AM
Parent: #263

سلامات يا ناس

Quote: وعندما استمع لهذة الاغنية تتمثل
امامي صور عمال السكة حديد وهم خارجون
او داخلون وايضا حميد عمل فترة في بورتسودان
وسجل لنا معاناة كلات المواني والغبش التعاني
الذين انحدر منهم حميد واعذب امنياتة المتفردة
ومقدار الدهشة الذي يضفية علي نصوصة عامة


ود المهدى الطاعم ..لك السلام واليك السؤال

عن الاخوانيات؟

جيت معاى فى حتة الواقع وراجع معاى ردى على

عفاف فى المداخلات الفوق..

حجة اخيرة آثرت ارد عليك فى المداخلة دى وهى

حتكون المداخلة رقم 1000 ولو كنت ساكن جنب ناس محمد المرتضى

كان عملت ليها بارتى.

Post: #265
Title: Re: ولمن فاتهم الاستماع .....
Author: عفاف علي ميرغني
Date: 08-02-2010, 11:20 AM
Parent: #264

Quote: .حتكون المداخلة رقم 1000



ياجورج تهانينا بالالفية الاسفيرية





00000000000000000000000000000000

قلمك جميل 000 اتمنى ان لا يفوت الاستمتاع به احد00

دمت زقازقيا

ولك حبل ود ممدود

Post: #266
Title: Re: ولمن فاتهم الاستماع .....
Author: زهير الزناتي
Date: 08-02-2010, 12:43 PM
Parent: #265

يا كوتش مبروك الألفية الأسفيرية زي ما قالت البت عفة
ودي عم عبد الرحيم حسب طلب الجماهير ..... وتكون هدية المداخلة الـ 1000

Post: #267
Title: Re: ولمن فاتهم الاستماع .....
Author: محمد صديق
Date: 09-02-2010, 07:20 AM
Parent: #266

سلامات يا ناس

Quote: قلمك جميل 000 اتمنى ان لا يفوت الاستمتاع به احد00

دمت زقازقيا

ولك حبل ود ممدود


عفاف ...لك الود كلّه وللحاج اللابد

شكرآ على الظن الجميل

ولايفوتنا ايضآ الاستمتاع بالتماثم وسنعلقها على صدورنا

تصد عنّا الكآبة ونهش بها على غنم الاحباط..

وشكرخاص وطاعم ..على ذلك التواصل الذى اسعدنى وخالدة.

Post: #268
Title: Re: ولمن فاتهم الاستماع .....
Author: محمد صديق
Date: 09-02-2010, 07:29 AM
Parent: #267

سلامات يا ناس

Quote: يا كوتش مبروك الألفية الأسفيرية زي ما قالت البت عفة
ودي عم عبد الرحيم حسب طلب الجماهير ..... وتكون هدية المداخلة الـ 1000


زهير يا صاحب...سلام

باسمى والمداومين على هذه الواحة لك الشكر على الهدية الطاعمة

ونأمل فى الاتيان بأشياء تجلب الاستمتاع وكذلك الدهشة ...بس[ ساعدونا ياجماعة ]


خارج النص: ما عارف ليه لكن عندى احساس كده انو انبوبة الغاز الليلة محمّداك.

Post: #269
Title: Re: ولمن فاتهم الاستماع .....
Author: كمال الشادي
Date: 09-02-2010, 10:52 AM
Parent: #268

ايميل راقي
وصلني قبل شوية
Quote: بلاد المطربين.. أوطاني

أحلام مستغانمي

٤ شباط (فبراير) ٢٠١٠

بلاد المطربين.. أوطاني

وصلتُ إلى بيروت في بداية التسعينات، في توقيت وصول الشاب خالد إلى النجوميّة العالميّة. أُغنية واحدة قذفت به إلى المجد• كانت أغنية "دي دي واه" شاغلة الناس ليلاً ونهاراً. على موسيقاها تُقام الأعراس، وتُقدَّم عروض الأزياء، وعلى إيقاعها ترقص بيروت ليلاً، وتذهب إلى مشاغلها صباحاً.

كنت قادمة لتوِّي من باريس، وفي حوزتي مخطوط "الجسد"، أربعمائة صفحة قضيت أربع سنوات في نحتها جملة جملة، محاوِلة ما استطعت تضمينها نصف قرن من التاريخ النضالي للجزائر، إنقاذاً لماضينا، ورغبة في تعريف العالم العربي إلى أمجادنا وأوجاعنا.لكنني ما كنت أُعلن عن هويتي إلاّ ويُجاملني أحدهم قائلاً: "آه.. أنتِ من بلاد الشاب خالد!"، واجداً في هذا الرجل الذي يضع قرطاً في أذنه، ويظهر في التلفزيون الفرنسي برفقة كلبه، ولا جواب له عن أي سؤال سوى الضحك الغبيّ، قرابة بمواجعي. وفوراً يصبح السؤال، ما معنى عِبَارة "دي دي واه"؟ وعندما أعترف بعدم فهمي أنا أيضاً معناها، يتحسَّر سائلي على قَدَر الجزائر، التي بسبب الاستعمار لا تفهم اللغة العربية!

وبعد أن أتعبني الجواب عن "فزّورة" (دي دي واه)، وقضيت زمناً طويلاً أعتذر للأصدقاء والغرباء وسائقي التاكسي، وعامل محطة البنزين المصري، ومصففة شعري عن جهلي وأُميتي، قررت ألاّ أفصح عن هويتي الجزائرية، كي أرتاح.

لم يحزنّي أن مطرباً بكلمتين، أو بالأحرى بأغنية من حرفين، حقق مجداً ومكاسب، لا يحققها أي كاتب عربي نذر عمره للكلمات، بقدر ما أحزنني أنني جئت المشرق في الزمن الخطأ.

ففي الخمسينات، كان الجزائري يُنسبُ إلى بلد الأمير عبد القادر، وفي الستينات إلى بلد أحمد بن بلّة وجميلة بو حيرد، وفي السبعينات إلى بلد هواري بومدين والمليون شهيد ... اليوم يُنسب العربي إلى مطربيه، وإلى الْمُغنِّي الذي يمثله في "ستار أكاديمي" ... وهكذا، حتى وقت قريب، كنت أتلقّى المدح كجزائرية من قِبَل الذين أحبُّوا الفتاة التي مثلت الجزائر في "ستار أكاديمي"، وأُواسَى نيابة عنها .... هذا عندما لا يخالني البعض مغربية، ويُبدي لي تعاطفه مع صوفيا.

وقبل حرب إسرائيل الأخيرة على لبنان، كنت أتابع بقهر ذات مساء، تلك الرسائل الهابطة المحبطة التي تُبث على قنوات الغناء، عندما حضرني قول "ستالين" وهو ينادي، من خلال المذياع، الشعب الروسي للمقاومة، والنازيون على أبواب موسكو، صائحاً: "دافعوا عن وطن بوشكين وتولستوي". وقلت لنفسي مازحة، لو عاودت إسرائيل اليوم اجتياح لبنان أو غزو مصر، لَمَا وجدنا أمامنا من سبيل لتعبئة الشباب واستنفار مشاعرهم الوطنية، سوى بث نداءات ورسائل على الفضائيات الغنائية، أن دافعوا عن وطن هيفاء وهبي وإليسا ونانسي عجرم ومروى وروبي وأخواتهن .... فلا أرى أسماء غير هذه لشحذ الهمم ولمّ الحشود.

وليس واللّه في الأمر نكتة. فمنذ أربع سنوات خرج الأسير المصري محمود السواركة من المعتقلات الإسرائيلية، التي قضى فيها اثنتين وعشرين سنة، حتى استحق لقب أقدم أسير مصري، ولم يجد الرجل أحداً في انتظاره من "الجماهير" التي ناضل من أجلها، ولا استحق خبر إطلاق سراحه أكثر من مربّع في جريدة، بينما اضطر مسئولو الأمن في مطار القاهرة إلى تهريب نجم "ستار أكاديمي" محمد عطيّة بعد وقوع جرحى جرّاء تَدَافُع مئات الشبّان والشابّات، الذين ظلُّوا يترددون على المطار مع كل موعد لوصول طائرة من بيروت.

في أوطان كانت تُنسب إلى الأبطال، وغَدَت تُنسب إلى الصبيان، قرأنا أنّ محمد خلاوي، الطالب السابق في "ستار أكاديمي"، ظلَّ لأسابيع لا يمشي إلاّ محاطاً بخمسة حراس لا يفارقونه أبداً .. ربما أخذ الولد مأخذ الجد لقب "الزعيم" الذي أطلقه زملاؤه عليه!
ولقد تعرّفت إلى الغالية المناضلة الكبيرة جميلة بوحيرد في رحلة بين الجزائر وفرنسا، وكانت تسافر على الدرجة الاقتصادية، مُحمَّلة بما تحمله أُمٌّ من مؤونة غذائية لابنها الوحيد، وشعرت بالخجل، لأن مثلها لا يسافر على الدرجة الأُولى، بينما يفاخر فرخ وُلد لتوّه على بلاتوهات "ستار أكاديمي"، بأنه لا يتنقّل إلاّ بطائرة حكوميّة خاصة، وُضِعَت تحت تصرّفه، لأنه رفع اسم بلده عالياً!

ولا حول ولا قوّة إلاّ باللّه.. أواه.. ثمّ أواه.. مازال ثمَّة مَن يسألني عن معنى "دي دي واه"!

Post: #270
Title: Re: ولمن فاتهم الاستماع .....
Author: زهير الزناتي
Date: 09-02-2010, 01:48 PM
Parent: #269

عم عبد الرحيم
محمد الحسن سالم حميد

فتاح يا عليم .. رزاق يا كريم ..
صلى على عجل ..
همهم .. همهمات ..
حصن للعباد ... وهوزز سبحتو ..
ودنقر للتراب .. هم فوق هم همات ..
صنقع للمسا ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ؟..
لا لمسة حنان .. لا لمسة وداد ..
لا رمشة طريق من قلباً وفي ..
زي أيام زمان ..
أيام الدفي ..
D D D D D
وكانت ماها في .. كانت في المراح ..
شدتلو الحمار ..
تحلب في الغنم لي شاي الصباح ..
والطير ما نضم ... ما رسل نغم ..
D D D D D
عم عبد الرحيم أتوكل نزل ..
في المشرع لقى .. زملان الشقى
الجأ من الجريف .. الجأ من الجبل
عله الناس بخير .. صبح هاظرم
نقنق ناقرم .. غاظوه ونعل
وعم عبد الرحيم ما يخبر زعل ..
كل الناس هنا ما بتخبر زعل ..
تزعل من منو .. وتزعل في شِنو ..
كل الناس هنا .. كل الناس صحاب ..كل الناس أهل
والماهم قراب .. قربم العمل ..
D D D D D
الطاق اليطق عشت أبو الزمل ..
بالحالة العليك بالفال بالأمل ..
عبد الرحيم كُت فلاح في يوم ..
في أيدك تنوم .. على كيفك تقوم ..
لا دفتر حضور .. لا حصة فطور ..
تقرع بالقمر .. تزرع بالنجوم ..
لكن الزمن دوار آبدوم ...
D D D D D
وعم عبد الرحيم ماشي على الشغل ..
في البال القديم إتعارض تُكل ..
تنشايح جراح يا ..
كيف الغسل ..
الدِنيا أم صلاح .. تبدأ من التُكل ..
في حق الملاح .. في اللبس الجديد ..
في القصد القديم .. وبيناتن عشم ..
في الفرج البعيد ..
D D D D D
أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن آبفيد .. طقن آبزيد ..
وإنطقن زمن ..
وإنطق الزمن لازم توب جديد ..
وبأية تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..
D D D D D
عم عبد الرحيم يا حر ..
ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما تمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..
D D D D D
والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سعلتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشه دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..
D D D D D
وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هانقدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكد في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..
D D D D D
حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السقتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. ونقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجأ وما وصل ..
زي الحال ده يوم لا كان لا حصل .. والبال إشتغل
D D D D D
السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..
D D D D D
فتاح يا عليم .. سال الدم مطر ..
جرتق بالتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة الحمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر ..

Post: #271
Title: Re: ولمن فاتهم الاستماع .....
Author: زهير الزناتي
Date: 09-02-2010, 02:51 PM
Parent: #269

الزمان نهاية التسعينات ... الزمان ... ليالي أمدر الهادئة ... المكان حي الأمراء ... حيث كنا نسكن في ذاك الزمان ونحن نتلمس الخطي نحو حياة الشراكة الجديدة ... المكان : غرفة من الطوب الأحمر ... أبواب من الخشب المتهالك ... وسقف من الزنك الذي يحيل نهار الخرطوم الحارق إلي جحيم لا يطاق ... من الطرائف حينما يستجير المرء من رمضاء الزنك ... بأشعة الشمس الحارقة ... أنيسنا مسجل وراديو ..وشريط لمصطفي سيد أحمد تحتل عم عبد الرحيم نصف شريط الكاسيت .. أقر بأني إستمعت لعم عبد الرحيم مئات المرات إن لم يكن آلافها ... في كل مرة أتذوقها بطعم مختلف ... فهي القصيدة الكاملة ... التي لو لم يكتب حميد سواها لكفاه ... وكذلك مصطفي سيد أحمد في غناءه لها ... القصيدة تحمل رؤية كاملة للحياة .... حيث تبرز الأيدولوجيا وإن لم تكن مباشرة فهي حاضرة في كل بيت من شعرها الجميل ... وسر جمالها وحلاوتها الرمزية الخفيفة وليس تلك الموغلة في الغموض ... حكاية بسيطة لرجل من عوام الناس ... بفعل الزمن تحول من مزارع يملك الأرض لأجير ... وما تبع ذلك من إنكسار النفس والمهانة التي لا تعادلها في عرفه إهانة أخري ... القصيدة في عمومها وليس هنا من أجل تفكيكها وإنما لتذوقها بها كل ما يمس حياة الناس البسطاء في فيافي الوطن وآلامهم وأحزانهم .... بكلمات بسيطة يفهمها كل ذي أذنين ... وليس كشعر حميد الذي عادة ما يوغل في المفردة المحلية التي قد لا يفهمها كل أهل السودان ... وما يميزها أيضاً عن شعر حميد ....لم تكن طويلة مثل معظم قصائده التي قد يتسرب لك في بعض الأحيان الملل وإنت تستمع لقصيدة واحدة لأكثر من ساعة ونصف وفي معظم الأحوال تتسرب منك بعض الابيات وتسهو عن الأخري ... وبها عرف حميد معني (المناسبة) أي كيف تكتب قصيدة (مناسبة) ... قال عنها وردي ذات مرة ومن باب الحسد علي ما أعتقد بأن عم عبد الرحيم أقرب للأوبريت منها للغناء ... وهو قول أرسل علي عواهنه دون تمحيص ولم يردفه بأسباب ... عم عبد الرحيم كتلوج للغناء الجميل الذي يمس شغاف القلوب ... ويدندن عصب السكون ... اللحن أبرز عبقرية مصطفي سيد أحمد .... فأظهر حلاوة صوته ... ومن أراد أن يستطعم هذا الصوت عليه بسماع مصطفي وهو يغني لغيره ... لأن المقارنة والمقاربة ستقودك مباشرة لمساحات التطريب والحلاوة في صوت مصطفي ... لحن عم عبد الرحيم لم يكن علي منوال واحد وهو ما يسميه أهل الموسيقي باللحن الدائري علي ما أعتقد ... وإنما تستمع في كل مرة لنغمة موسيقية تختلف عن الأخري ... وصوت مصطفي سيد أحمد ينتقل من طبقة لأخري كأنما تطير بك طائرة في فضاءات وفي كل حين تخترق بك عوالم مدهشة .... فما أجمل مطبات مصطفي التطريبية .... هذه بعض الخواطر العجلي عن عم عبد الرحيم والتي تستحق أضعاف ما كتب عنها .... غناء الشادي لها تحدي له ... وليتنا نستمتع بهذا التحدي لأننا نعلم بأنه أهل له ...

Post: #272
Title: Re: ولمن فاتهم الاستماع .....
Author: محمد صديق
Date: 09-02-2010, 08:04 PM
Parent: #271

سلامات يا ناس

Quote: هذه بعض الخواطر العجلي عن عم عبد الرحيم والتي تستحق أضعاف ما كتب عنها .... غناء الشادي لها تحدي له ... وليتنا نستمتع بهذا التحدي لأننا نعلم بأنه أهل له ...


اب شنب..يا مكنيكى

قراية واعية ...ولغة جميلة...المرة الجاية خلى الخواطر تكون ممهولة

لانو هنا الناس مادايرة تفوتا حاجة مرتين..

فى انتظار الشادى

Post: #273
Title: Re: ولمن فاتهم الاستماع .....
Author: محمد صديق
Date: 10-02-2010, 07:25 AM
Parent: #272

سلامات يا ناس

Quote: كنت قادمة لتوِّي من باريس، وفي حوزتي مخطوط "الجسد"، أربعمائة صفحة قضيت أربع سنوات في نحتها جملة جملة، محاوِلة ما استطعت تضمينها نصف قرن من التاريخ النضالي للجزائر، إنقاذاً لماضينا، ورغبة في تعريف العالم العربي إلى أمجادنا وأوجاعنا.لكنني ما كنت أُعلن عن هويتي إلاّ ويُجاملني أحدهم قائلاً: "آه.. أنتِ من بلاد الشاب خالد!"،


الشادى الحبيب ...سلام

الاحتغاء بالادب والادباء والكتابة ما عاد كما فى السابق ..حتى الغناء الجيد

ما عادت هنالك آذان تلتقطه...

تسلّل الينا الغث والخالى من الدسم..

لك الود

Post: #274
Title: Re: ولمن فاتهم الاستماع .....
Author: محمد صديق
Date: 10-02-2010, 10:25 AM
Parent: #273

سلامات يا ناس

سحارة الذكريات الزقازيقية ملأى بالكثير

مزيج من اشياء مترعة بالبهجة ..اشياء تجعلك

تتذوق الطعم الحلو وانت جالس على مكتبك او

مستلق على سريرك احدى الامسيات او اوان عصرية

تستطعم الطعم الحلو ...فتسير دواخلك فرحآ ..

وتنتبه فجأة الى واقعك ...فترتد الحسرة وطعمها

الى حلقك غصة..

ولكن ...واهآ لتلك التذكرات الحزينة ..والحزن

طريقه زلق ...ودوامه رهق...غير ان الكثيرين لديهم

ذلك الشىء الحزين...وهو جزء مهم منّا....

جاييكم

Post: #275
Title: Re: ولمن فاتهم الاستماع .....
Author: محمد صديق
Date: 10-02-2010, 10:44 AM
Parent: #274

سلامات يا ناس

رحل صوت المغنّى حزين

*********************************

نعود الى مصطفى محمد الحسن ....

يأتينا هذه المرة حزينآ ...وحزنه كان حزننا

وحزن الزقازيق كلّها فى تلك الايام...

Quote:
بس حي ما مت و ياهو الفضل لي )
شاعر شايقي))
لعله فبراير او مارس من عام 1986 ، عدت عشاءا من الاسكندرية ، وجدت السكون يتمدد في شقة ( ناس علوم ) الكائنة جوار المحلج ( مقابلة ناس الرشيد) ، علمت أن ( منير موسى محمد نمر) تم نقله الى مستشفى الحميات في أطراف الزقازيق بدعوى اصابته بالملاريا ، في ردهات المستشفي و على الوجوه المنتصبة ادركت ان الامر أجل من ذلك ، دخلت يسبقني ذلك الخوف المجهول، على السرير المرتفع جدا من الارض كان يستلقي، حسبنه للوهلة الاولى نائما ، العينان الساكنتان كانتا تقول غير ذلك ، و انا احدق في المجهول ، و بسرعة البرق يمر شريط الذكرى ، حالة الابداع فوق العادة التي تملأ هذا الولد ، الانفة و الكبرياء و حرفنة الكرة الني رشحته من الوهلة الاولى ليكون امين سر منتخب الزقازيق ، تميزه في الرياضيات ......
أنتبهت للطرقات على جانب السرير ، و حين أدرت عيني ، رأيت المشهد الذي لم و لن يبارحني ما حييت ، و صار ( خلفية ) لعيني ، ذاكرتي ، كان يرسل بيديه اشارة الوداع ، كررها ثلاث ، و أنا أكذب يصري ، فقدت تماما تفاصيل ما يحدث . بعدها بثلاث و في القاهرة أسلم منير الروح ، عند الفجر الاول انداح الخبر الحزين في الزقازيق ، عم المدن الجامعية و بيوت الطالبات ، لاول مرة رايت الحزن يمشي نهارا في الطرقات . ما زلت احفظ ل ( مبارك جادين ) تبل التصدي لمرافقة الجثمان الى أم درمان ، مهمة أدركنا جثامتها و نحن رهط في العطلة الصيفية نجر أحزاننا الى أسرة الفقيد في الحارة الخامسة.
لعله نفس الامنداد للحزن و انا اتلقى تبأ استشاد ( ياسر الشفيع ) و الدنيا قبايل عيد، و كان عيدنا اذا ما الناس عيدت ، وعيه الكبير و ادراكه للاشباء يطريقته الاستثنائية أعطته هذه السطرة المطلقة حتى كأنه كان يبدأ دوما كأنه أكبر من سنه ، جلسات الشاي المترعة بالود على شرفات شارع لكوظ ، قهقهات محمد عطية ، الابتدارات الحاذقة لصلاح الامين ، و حديث في السياسة لم يكتمل مع جماع مصطفي ، و مشوار مع جورج الى سنار توقف في محطة البصات في ود مدني بفعل القلس . لن يتاتى لنا أبدا بعد ألان . و هكذا يمضي في هذا الدرب مصطفي نقد الله ( ابو دليبة ) و آخرون تحالف معنا البعد أن نعرف مصائرهم و نضيف الى القلب مزيدا من التصدع.
Another summer
Another vacation is over
A September morn you wish
The sun and the smell of the flowers
Nobody again, we sit and we watch
All our friends go bye
And we pretend not to hear the bell that run through summer sky.
Or for, Whitney Huston:
You know if I should stay,
I would only be in your way
So let us say good bye.


Post: #276
Title: Re: ولمن فاتهم الاستماع .....
Author: محمد صديق
Date: 10-02-2010, 11:57 AM
Parent: #275

سلامات يا ناس


سؤال مُلح :


اين قدورة واين عيد واين بكرى حامد؟؟؟

Post: #277
Title: Re: ولمن فاتهم الاستماع .....
Author: الرشيد بابكر
Date: 10-02-2010, 02:34 PM
Parent: #276

آه يا كوتش...

لم أكن أرغب في أن أحزن اليوم...

أردت أن أباعد بيني و بينه...

و لكن بمجرد أن ذكرتنا بمنير و بياسر الشفيع تسلل عنوة الى نفسي...

كثيرون من يعرفون ياسر الشفيع..

أما منير فقليلون الذين يعرفونه...

ما زلت أذكر لمستة الأنيقة للكرة...

و أدبه الجم..

ضحكته الصافية..

و كيف كان يضرب بكلتا يديه على يدي محمود الحوري..

عندما يستخلص الكرة بحرفنة من مهاجم حريف..

رحم الله منير و رحم ياسر الشفيع...

و باعد الله بيني و بين الحزن فيما تبقى من ليلتي هذه...

Post: #278
Title: Re: ولمن فاتهم الاستماع .....
Author: جلال عثمان
Date: 10-02-2010, 05:36 PM
Parent: #277

رشيد القوم
النفس دائما تبحث عن من يشاركها همومها واحزانها
احمد الله انك هنا وكذلك الكمندان

بالله دعوة كدة للتأمل مرة ثانية في كتابات هذا المصطفي
مش معقول ابدا "الملعون دا" على رأي الوالد كلما اعجبه لاعب فنان
ومصطفي حاور حزننا وعبر عننا ببراعة ملعونة في كتاباته عن منير وياسر الشفيع
نسأل الله ان يعوض شبابهما الجنة- منير لا اذكره فقد توفى الى رحمة مولاه وانا"ان لم تخنى الذاكرة" لم احضر بعد للزقازيق
رغم انه انتقل الى رحمة الله في نفس سنة برلمتنا 1986

اما ياسر الشفيع "رحمة الله عليه" فتلك ذكري سوف اعود اليها ربما فدموعي تغلبنى الآن

-----
قبل المغادرة

Quote: و باعد الله بيني و بين الحزن فيما تبقى من ليلتي هذه...

آمييييييييييين

Post: #279
Title: Re: ولمن فاتهم الاستماع .....
Author: كمال الشادي
Date: 12-02-2010, 11:22 PM
Parent: #278

بصراحة يا شباب انا فتحت موضوع عم عبد الرحيم
ومشيت بعيد عنو
ما نيستو
لكن
طولت منو
ما قايل الناس بتجي وبتدلو بي دلوها الحلو ده كلو
بصراحة اليوم داك
زي ما قلت انا سمعتها للمرة المليون
عاملا زي موسم الهجرة للشمال كلما تقراها تحس إنك بتقراها من جديد
كمان عم عبد الرحيم
عجبني شديد كلام الرشيد
ومحاولة فهم الايقاع بنوع الكلام البيتغنا
وانا بصراحة عندي إدمان غنا لبعض الاغنيات
كلما امسك عود أو اخت يدي على الكيبورد تطلع
اغنية عم عبد الرحيم انا يا الرشيد لمن بجضمها
يعني لو غنيتها ليك راح تعجبك إنشاء الله
Quote: تبقى آخر أمنية...

أن أسمعها بصوت الشادي...

رغم إني كلما اقول راح اسجل حاجة وأنزلها في النت
ينط لي محمد عيد ويقول لي
اسمع كلامك اسدأأك
أشوف عمايلك استعجب

المرة دي يا الرشيد بوعد
انشاء الله احاول اسجلها وانزليها ليكم
عما قريب

Post: #280
Title: Re: ولمن فاتهم الاستماع .....
Author: عفاف علي ميرغني
Date: 14-02-2010, 08:36 AM
Parent: #279

Quote: و آخرون تحالف معنا البعد أن نعرف مصائرهم و نضيف الى القلب مزيدا من التصدع.



كتابة قلبية الاعماق000

دا مصطفى محمد الحسن 00000


ودا محمد صديق 000 حمدالله على السلامة000

Post: #281
Title: Re: ولمن فاتهم الاستماع .....
Author: عبد الدائم سيد أحمد
Date: 14-02-2010, 08:45 AM
Parent: #280

يا كوتش

مما ممكن نستمتع بكتابات مصطفى محمد الحسن من غير ما ننزل ليهو صورة
اكيد فى ناس ما مذكرنو عشان كده انا طلبتك صورتو
طيب ادينى تلفونو ولا عنوانو


صراحة اااالجدع يستاهل باسورد

Post: #282
Title: Re: ولمن فاتهم الاستماع .....
Author: محمد صديق
Date: 14-02-2010, 03:59 PM
Parent: #281

سلامات يا ناس

بتنا عفاف ...ازيّك

وشكرآ على المشاركة ...وربنا يسلّمك من كل شر

Post: #283
Title: Re: ولمن فاتهم الاستماع .....
Author: محمد صديق
Date: 14-02-2010, 04:10 PM
Parent: #282

سلامات يا ناس

مراحب يا نضيف

Quote: طيب ادينى تلفونو ولا عنوانو


صراحة اااالجدع يستاهل باسورد



0912341904

نعم يستحق وحنشوف مع زهير.

الصورة يرضو قلت لزهير انا الصور العندى فى البوم ودى دايرة اسكانر

زى ما بقولوا ميكنيكية الكمبيوتر.

Post: #284
Title: Re: ولمن فاتهم الاستماع .....
Author: الرشيد بابكر
Date: 14-02-2010, 04:47 PM
Parent: #283

يا كوتش مساء الخير

في سفرياتك دي ما كنت شايل معاك ورقة و قلم نزلته فيهم الكفته و القراصة بتاعت القولد ديل..

طلع من الجراب المستخبي..

Post: #285
Title: Re: ولمن فاتهم الاستماع .....
Author: محمد صديق
Date: 14-02-2010, 05:17 PM
Parent: #284

سلامات يا ناس

رشيد الحبيب ..سلام

Quote: في سفرياتك دي ما كنت شايل معاك ورقة و قلم نزلته فيهم الكفته و القراصة بتاعت القولد ديل..

طلع من الجراب المستخبي



صدق ...شايل دفترى معاى لكن البرنامج ضاغط محاضرة ورا محاضرة

وما قدرت اكتب حرف.

Post: #286
Title: Re: ولمن فاتهم الاستماع .....
Author: محمد صديق
Date: 14-02-2010, 06:23 PM
Parent: #285

سلامات يا ناس

استراحة عشّاق...عشّاق الكلام الطاعم

من قصيدة الزبرجدة المزدوجة ...ل حسن طلب

*********************************************

قالت:

مثلك فى قلبى

هل مثلى فى قلبك؟

قلت: أقل قليلآ

قالت : فى لُبّك؟

قلت: اقل قليلآ

قالت: بيّن لى فى أىّ الاثنينْ

فى قلبك ام فى ليّك ..ام اين؟

قلت: ففى منزلة بين المنزلتين!

Post: #287
Title: Re: ولمن فاتهم الاستماع .....
Author: محمد صديق
Date: 14-02-2010, 07:05 PM
Parent: #286

سلامات يا ناس

مافى زول جا

تانى للعشّاق ...حسن طلب

**********************************

كانت تسطع فى تيه ظنونى

تسمع فى رجع انبنى...

وتنادينى

فيجىء الىّ الصوت :

ترانيم...ترانيم

فبكيتُ ...وكنتُ اتيتُ:

دليلى الصوتُ وحادىّ الصمت

صمتُّ وكنت تكلمتُ

فمالت عبر الزرقة والوقت

وقالت:

يا أنت بكيت فأبكيت

فمن أنت ؟

أجبتُ :

وسيمٌ فى سمت دميم!

Post: #288
Title: Re: ولمن فاتهم الاستماع .....
Author: الرشيد بابكر
Date: 14-02-2010, 07:09 PM
Parent: #287

يا كوتس مستمتع جدا...

واصل اندياحك...

لا نعلق حين لا ينفع التعليق..

Post: #289
Title: Re: ولمن فاتهم الاستماع .....
Author: محمد صديق
Date: 14-02-2010, 07:31 PM
Parent: #288

سلامات يا ناس

Quote: واصل اندياحك...

لا نعلق حين لا ينفع التعليق..


سلام يا حبيب

حسن طلب ...شعره عجيب...اكتشفت اشعاره وانا بالزقازيق

عبر مجلة ابداع الشهرية..من اجمل ما قرأت له قصائد البنفسج

والزبرجد...كنت اود انزال قصيدة زبرجدة الخازباز فهى تأسرنى

غير انها عصية المفردات حتى انه زيّلها بمعجم ...

نزلت ليك حاجة ليهو تانية فى مربعك.

لك الود

Post: #290
Title: Re: ولمن فاتهم الاستماع .....
Author: الرشيد بابكر
Date: 14-02-2010, 07:42 PM
Parent: #289

استمتعت بهم جدا يا كوتش...و أعجبتني طريقتة في الكتابة...و استخدامة للمفردات...

شعر جميل...

شكرا يا كوتش...

Post: #291
Title: Re: ولمن فاتهم الاستماع .....
Author: أبوبكر حامد الأمين
Date: 14-02-2010, 08:16 PM
Parent: #290

Quote: سقيق الروح عصام دهب ..... لك التحايا وصافى الوداد
الرائع الطيب بشير تعرفت عليه عبر المتصوف الجميل محمد صديق حيث تزاملا بكلية الشرطة الدفعة 62 جامعيين وحدث تقارب بفعل الروعةالتى مثلت قاسماً مشتركاً بينهما ، فكانت تلك أولى الخروقات التى تطال المسلمة العلمية التى تؤكد تنافر الأقطاب المتشابهة مغنطيسياً، وكان محمد صديق يحدث كلانا عن الآخر ، وفى إحدى الليالى قررت التقدم لخطبة إحدى ضحايا سونامى عواطفى الخرقاء ، فذهبت وبمعيتى عمى وعمتى ومحمد صديق وكانت الكهرباء مقطوعة ، فسبقنا لبيت الخطيبة الطيب بشير ، وللظلام الحالك توهمت الخطيبة وأهلها وظنت الطيب بشير هو شخصى " رغم ملاحته التى لاتخطئها عين النعام آدم " - وتلك كانت المرة الأولى التى ألتقيه فيها جاء ضمن وفدى الرسمى للخطوبة فكانت تلك علامة ميزته على تميزه وشهرته التى عمت الحيشان التلاتة وبلاط صاحبة الجلالة.


هذه بعض شهاداتى فى جورج والطيب بشير ، وهى غيضٌ من فيض ، سأعود لها مجدداً فقد تملكنى الحزن لذكر وصدى رحيل منير وياسر الشفيع ومصطفى نقدالله ، ولكم أن تتأملوا القواسم المشتركة والروعة التى ميزتهم على أقرانهم .

Post: #292
Title: Re: ولمن فاتهم الاستماع .....
Author: عمر المهدى
Date: 15-02-2010, 06:26 AM
Parent: #291

سلامات يازول
الظاهر البرد حق الشمالية
سخن الدواخل فطلعت الدرر كالعادة
وحلاوة التمر ايضا رغم انة اليومين
ديل مافي تمر جديد الا مايطلبه المستمعون
بكري تحياتي
ياخ جيب اللاب توب عشان المساحه
تكبر ومنتظرين الروائع
وبالمناسبة وين مجتبي
السلام ختام

Post: #293
Title: Re: ولمن فاتهم الاستماع .....
Author: عفاف علي ميرغني
Date: 15-02-2010, 09:21 AM
Parent: #292

Quote: كانت تسطع فى تيه ظنونى

تسمع فى رجع انبنى...

وتنادينى

فيجىء الىّ الصوت :

ترانيم...ترانيم

فبكيتُ ...وكنتُ اتيتُ:

دليلى الصوتُ وحادىّ الصمت

صمتُّ وكنت تكلمتُ

فمالت عبر الزرقة والوقت

وقالت:

يا أنت بكيت فأبكيت

فمن أنت ؟

أجبتُ :

وسيمٌ فى سمت دميم!



نص متحرر من الانغلاق والرتابة000


محمد صديق 00 الشمالية والنخيل 00 وبرد الشتاء القاسي 00

(زي ما قال ود المهدي )00 رتبت الدواخل 00

Post: #294
Title: Re: ولمن فاتهم الاستماع .....
Author: محمد صديق
Date: 15-02-2010, 04:25 PM
Parent: #293

سلامات يا ناس

Quote: سخن الدواخل فطلعت الدرر كالعادة


ودالمهدى الغنّاى ...سلام

الدواخل محتاجة لى نمآ طاعم..وانت عندك المطلوب

منتظرينك

Post: #295
Title: Re: ولمن فاتهم الاستماع .....
Author: أبوبكر حامد الأمين
Date: 15-02-2010, 08:36 PM
Parent: #294

Quote: بكري تحياتي
ياخ جيب اللاب توب عشان المساحه
تكبر ومنتظرين الروائع


ود المهدى الجميل ....

عمّا قريب الهمبريب

إفتح شبابيك الحبيب

والحال إطيب

يا محمد أحمد تستجم

والبيت إتم

تفرح فرح

(هذا النص يذكرنى د.محمد جعفر "طب المنصورة" ، فهذا الرجل لديه حضور مدهش ، كنّا نتطلع لموسم الإنتخابات وأركان النقاش لنستمتع بقفشات محمد جعفر ، له التحايا وين ما كان )

ولك من عندياتى:

والبوست إتم

دورك إجيك

لا ياولد قوم

لا يابت شوى

لاب توبّى بلِّبو

زى عيونى بحبّو

بس دايرلو ماوس

كرهان المسّيح

زى زولاً جلدو حاسس

وليهو بيهرش ومرّات إلامس

Post: #296
Title: Re: ولمن فاتهم الاستماع .....
Author: محمد صديق
Date: 16-02-2010, 05:16 PM
Parent: #295

22012010457.jpg Hosting at Sudaneseonline.com

Post: #297
Title: Re: ولمن فاتهم الاستماع .....
Author: محمد صديق
Date: 16-02-2010, 05:22 PM
Parent: #296

سلامات يا ناس

محاولة ناجحة...

Post: #298
Title: Re: ولمن فاتهم الاستماع .....
Author: محمد صديق
Date: 16-02-2010, 07:27 PM
Parent: #297

سلامات يا ناس

الليلة شكلكم ناس كورة

احسن نستعين على قضاء حوائجنا بالكتمان.

صباحاتكم بيضاء.

Post: #299
Title: Re: ولمن فاتهم الاستماع .....
Author: زهير الزناتي
Date: 17-02-2010, 10:02 AM
Parent: #298

يا جماعة مافي زول يبارك للكوتش ده .....

أخيرا نزل ليهو صورة ......

قراية الكبر دي أمانة ما صعبة ....

Post: #300
Title: Re: ولمن فاتهم الاستماع .....
Author: محمد صديق
Date: 17-02-2010, 11:06 AM
Parent: #299

سلامات يا ناس

Quote: يا جماعة مافي زول يبارك للكوتش ده .....

أخيرا نزل ليهو صورة ......

قراية الكبر دي أمانة ما صعبة ....


زهير يا صاحب..دى اخير منها عدم التهنئة

بعدين المشكلة ما فى قراية الكبر ...المشكلة فى

استاذ الكبار.

Post: #301
Title: Re: ولمن فاتهم الاستماع .....
Author: محمد صديق
Date: 17-02-2010, 11:21 AM
Parent: #300

سلامات يا ناس

Quote: Quote: صباحكم أبيض


خلاص كويس


قلنا نقلب الصفحة بى جلا...يمكن

Post: #302
Title: Re: ولمن فاتهم الاستماع .....
Author: محمد عيد
Date: 17-02-2010, 10:59 PM
Parent: #301

هــل غادر الشـــعراء من متردم ...

ام .. هل عرفت الدار بعد توهم ...؟!

Post: #303
Title: Re: ولمن فاتهم الاستماع .....
Author: محمد آدم النور
Date: 18-02-2010, 08:47 AM
Parent: #302

Quote: هــل غادر الشـــعراء من متردم ...

ام .. هل عرفت الدار بعد توهم ...؟!

نفس الكلام دا في حتة تانية
وهذا يعني تشتيت الأصوات
الكلام دا ما سياسة
لكن رقبتنا انسلَّت
وهاك مدني النخلي
نقول نحسن أخلاقنا معاكم

وهج الشعاع
زى ما بموت وهج الشعاع
تمتد سحابات الغروب
الغالى تشهر روعتو
يا ريتنى زى قدر المسافر
لى مدن مجهولة لما تضيع
خطاوى البهجة فى هم سكتو
حبك صبح اشلاء ظلال
وأطلال خيال ما صاغت
الافراح مباهج قصتو
***********
برحل عشان أنساك وأسيبك
ذكرى فى وجع الدروب
وأمسح دموع شمس الهوى المصلوبة فى صمت الغروب
وأمسح دموع قلبى التعب
كان فى هواك يقدر يذوب
************
ما كان عشم قلبى الحزين
مترجى من عينيك صدود
كان وانتى فى سفر الأمل
دربا يودى عليك ويعود
الليلة يا حبى اللى راح
فى روعة أشراق الورود
مد الغروب الغالى أيدو
ماتت أحلام الورود

Post: #304
Title: Re: ولمن فاتهم الاستماع .....
Author: محمد صديق
Date: 18-02-2010, 10:57 AM
Parent: #303

سلامات يا ناس

Quote: هــل غادر الشـــعراء من متردم ...

ام .. هل عرفت الدار بعد توهم ...؟!


يا عيد ...سلام

شكلك طاشى ...طشة حلوة.

Post: #305
Title: Re: ولمن فاتهم الاستماع .....
Author: محمد صديق
Date: 18-02-2010, 12:15 PM
Parent: #304

سلامات يا ناس

ما فى حاجة جديدة ..اذن

ننزّل حاجة قدييييييييييمة:


Quote: بسم الله الرحمن الرحيم
مازال السقف يعلو ويهبط
مدخل
من يبيعني تجربتي باغنية ...... وحكمتي برقصة في الطريق
,,وليم بليك,,

تذكر الان وبدقة فقرة في الخطاب الذي ارسلة صديقك الشاعر من الغربة (يشاركني غرفة الغربة طارق) من الخرطوم و (محمد ) من مدني و (ابو بكر ) من الابيض وهم اشخاص عاديون اعجبك الوصف لم يكن من الصعب عليك ان تتخيل كيف يكون هؤلاء الاشخاص عاديين .. اواي شخص اخر .. خاصة اذا جاء الوصف من شخص مسكون بالابداع والشفافية .. هاهو الوصف يعود اليك مرة اخري من جديد .. وصف زملاء الغربة , غير ان الوصف هذه المرة ليس لاشخاص .. هذه المرة الايام هي العادية .. ها انت مستلق علي ظهرك وسيجارتك مضي اكثر من نصفها تحدق في السقف الذي يرتفع امام عينيك ثم يعود ليستقر الي وضعة الاول ثم لا يلبث ان يعاود الكرة ثانية .. مؤكد ان حركة السقف علوا وهبوطا كانت لا تعنيك في شئ .. اكثر ما كان يتجول بخطي حثيثة في رأسك هي حكاية ان الايام عادية ولا يجد غيرك صعوبة في فهم او تخيل كيف تكون ايامك عادية رغم ان دواخلك لا يسكنها الابداع اما الشفافية فصفة لا تستطيع ان تلصقها بدواخلك او تنفيها .. دائما تقول لنفسك بأن عادية الايام هي التي تدفعك الي ان تجدل حبلا من السأم والملل تعلق به نفسك كل يوم وتمارس عادة التدخين بشوق حميم .. اين زمان الدهشة .. ؟ زمن المفاجآت والترغب ؟؟ سؤال لا تجد كبير عناء في التوصل الي اجابته .. ذاك زمن كان ,, غيبية ايامك العادية هذه .. اعماقك تنكر ايامك هذه .. كأنما الحاضر لا يعنيك او بالاصح لا يعجبك .. دائما تردد قول الشاعر الذي مات وهو يلعن حاضره .. وكان يتمني لو تمكن من الرجوع الي ايامه الاولي بل ذهب اكثر من ذلك حين عرض تجربته الواسعة والزاخرة لقاء يوم واحد من النقاء .. دائما تردد ابياته :
يومي عريان ...
يومي اقسي عريا من جزع الشجرة ..
فلاحفر في ماضي الايام
لعلي القي بعض الاعشاب النضرة
اذن فانت تعاني من ثنائية الماضي والحاضر .. الحاضر دوما دميم وكالح .. الماضي هو الزمان كل الاشياء الحلوة كانت .. كل الوجوه الحلوة كانت .. هل تعود ؟ سؤال بحجم الدهشة .. تشعل سيجارتك الثالثة وانت بنفس الوضع ومازال السقف يمارس هوايته في العلو والهبوط وانت لا يعنيك ذلك .. كان بالامكان ان تكون لك زوجة واولاد لو انك وافقت علي الزواج من تلك المرأة الغنية وقتها كانت الشابة الغنية – لم يكن ذلك ممكنا .. انت لا تؤمن بالزواج من غير حب كنت دائما تردد في سرك (جُننا بليلي وجُنت بغيرنا واخري مجنونة بنا لانريدها ) وفي الحال تتحول الي كتلة من الضحك المتدحرج .. ربما كان يظنك البعض مجنونا لا يهم .. وتلك التي كنت تحبها ويحب ناقتها بعيرك .. ماذا جنيت من وراء حبها ؟؟ كنتما زوجين عاشقين .. زمن كان فيه الحب مباحا ورائعا .. كنتما في قمة الانسجام كذاك الذي ينشأ بين زهرة وغصنها او بين عطر وزجاجته .. لطالما جبتما شوارع المدينة الغريبة متماسكي الايدي والدواخل ولطالما شهدتكما مطاعمها الانيقة ومشاربها الراقية .. لم تتركا موضوعا لم تتحدثا فيه .. حتي شكل البيت واسماء الاولاد وطريقة تربيتهم وتعليمهم .. ماذا حدث بعد ذلك ؟؟
في ايامكما الاخيرة وبعد ان احسستما سويا بهذه الزهرة لا يٌفترض ان تكون بهذا الغصن وان هذا العطر كان يٌفترض وضعه بزجاجة غير هذي .. تذكرت ما قالة (احمد) بطل رواية ناظم حكمت (الحياة جميلة ياصاحبي ) (وسرنا ثلاثتنا سويا .. جنبا الي جنب انا وانوشكا والفراق ) وطار العصفور ,, وبقيت الشجرة بدون اوراق عارية مجرد جزع .. كجزع شجرة شاعرك الذي مات والحسرة علي الماضي الجميل لاصقة بحلقه .. وهنا ايضا تتحول الي كتلة من الضحك المتدحرج ثم تعود الي وضعك القديم وتشعل سيجارتك وتنظر الي السقف الذي ما زال يعلو وما زال علوه وهبوطه لا يعنيك في شئ .. يدخلك الماضي من كل الابواب وبعنف رياح الشتاء .. كأنما دواخلك ارض مشاع رياح الماضي شتوية الملامح تفتح دولاب تذكاراتك القديمة بشقيها الحلو .. والمر .. تتذوق طعم الحلو تتحسر علي ذهابه .. حتي المر منها لا يخلو من حلاوة شوقك يطير علي جناحين ابيضيين بغية التوحد بالماضي .. كنت احيانا تجاهد كي تستأصل الاشواق من قلبك .. تجاهد ان ترميها ببطن جب عميق .. تجاهد ان تنسي حلاوة روعة الماضي وقسوتها .. ولكنك دوما كنت تضبط الشوق الي ايامك الماضيات مخبوءا باوردتك وانت لم تزل تمارس تلك الافة والسقف يمارس هوايته .. صديقك المجرب كان يقول عليك بانك انهزامي كبير عاطل عن الحلم والتطلع الي الزمن الاتي .. تلوز بالماضي وتدفن نفسك داخله .. تقتات الذكريات وغير قادر علي صناعة الايام القادمات وتطويع الواقع وان مفهوم الجديد عندك هو المرأة وليس غيرها .. تختلف معه بالطبع اختلافا كبيرا وحقيقيا .. انت تري ان الانهزامية هي الجمود .. والتطلع والرجوع الي الماضي هو حركة وبشوق طبيعي الي السمو والتجدد والدخول في الاشياء الحلوة .. والحاضر يطالبك بالجمود بقيوده التي يحيطك بها وحتي 0هذه الاحلام التي يتحدث عنها الصديق لا يعطيك الحاضر مساحتها الممكنة وعدم الرضا عن الحاضر هو نوع من الرفض لرداءة الحاضر .. والرفض هو حركة عكس الجمود .. فليس ثمة انهزامية في كل ذلك .. نتفق معه في شئ واحد هو ان الجديد دوما إمرأة .. كيف لا ؟ والمرأة حياة بكاملها عالم ملئ بالحركة .. تيار مستمر ومتجدد دخولها اليك وانت تمارس رفض الحاضر كفيل بأن يرسم تلك الاحلام عن الايام القادمات والتي يتحدث عنها الصديق ولكن اين المرأة ؟
تشعل سيجارتك الاخيرة وتقذف بالعلبة الفارغة الي السقف الذي ما زال يعلو ويهبط والذي لا زال علوه وهبوطه لا يعنيك بشئ

Post: #306
Title: Re: ولمن فاتهم الاستماع .....
Author: محمد عيد
Date: 18-02-2010, 12:28 PM
Parent: #305

Quote: يا عيد ...سلام

شكلك طاشى ...طشة حلوة.


كوتش يا جميل

مشتاقين والله ..

والله ما طاشى .. لكن جيت داخل آخر الليل لقيت آخر مداخلة كانت بالنهار

والرشيد شاف الكورة وكب الزوغة .. قلت اناخش الجماعة ...

عموما جاييك قريب انشاء الله ( فبراير قرب يخلص ..! )

Post: #307
Title: Re: ولمن فاتهم الاستماع .....
Author: محمد صديق
Date: 18-02-2010, 08:42 PM
Parent: #306

سلامات يا ناس

Quote: كوتش يا جميل

مشتاقين والله ..


يحتار الشوق

يّجنّ الشوق

يروح الشوق

يجىء الشوق

ولكن..ابقى فيك كما غنيتك منذ البدء

قويآ..

لا اتبدل

لا انهار

****************************

او هكذا قال الشاعر

المرجفون فى المدينة حيجوا يقولوا محلبية...عارف

Post: #308
Title: Re: ولمن فاتهم الاستماع .....
Author: محمد صديق
Date: 18-02-2010, 08:46 PM
Parent: #306

سلامات يا ناس

Quote: كوتش يا جميل

مشتاقين والله ..


يحتار الشوق

يّجنّ الشوق

يروح الشوق

يجىء الشوق

ولكن..ابقى فيك كما غنيتك منذ البدء

قويآ..

لا اتبدل

لا انهار

****************************

او هكذا قال الشاعر

المرجفون فى المدينة حيجوا يقولوا محلبية...عارف

Post: #309
Title: Re: ولمن فاتهم الاستماع .....
Author: محمد صديق
Date: 18-02-2010, 08:52 PM
Parent: #308

سلامات يا ناس

Quote: حبك صبح اشلاء ظلال
وأطلال خيال ما صاغت
الافراح مباهج قصتو


شكرآ يا حاج على الاختيار الجميل

لو بقت اشباح ظلال ما كان احسن..؟؟

Post: #310
Title: Re: ولمن فاتهم الاستماع .....
Author: محمد صديق
Date: 19-02-2010, 06:03 PM
Parent: #309

Quote: سلامات يا ناس

************************

البهم الحقيقة نسلو كباشية

يتمايح برا مقد الجزيرة النية

حاشاها الملام فى السمتة والعُرضية

خلّ كُتر الكلام وارجاها ها العشوية

****************************************

خلوا ود المهدى يجى يكلمكم عن مسدار المطيرق

Post: #311
Title: Re: ولمن فاتهم الاستماع .....
Author: محمد صديق
Date: 19-02-2010, 06:04 PM
Parent: #309

Quote: سلامات يا ناس

************************

البهم الحقيقة نسلو كباشية

يتمايح برا مقد الجزيرة النية

حاشاها الملام فى السمتة والعُرضية

خلّ كُتر الكلام وارجاها ها العشوية

****************************************

خلوا ود المهدى يجى يكلمكم عن مسدار المطيرق

Post: #312
Title: Re: ولمن فاتهم الاستماع .....
Author: أبوبكر حامد الأمين
Date: 20-02-2010, 07:27 AM
Parent: #311

يا جورج شايف مداخلاتك كلّها مدبّلة ، عالج هذا الأمر حتى لايستفحل فبضحى (مثنى وثلاث ورباع)

Post: #313
Title: Re: ولمن فاتهم الاستماع .....
Author: محمد صديق
Date: 20-02-2010, 08:32 AM
Parent: #312

سلامات يا ناس

Quote: يا جورج شايف مداخلاتك كلّها مدبّلة ، عالج هذا الأمر حتى لايستفحل فبضحى (مثنى وثلاث ورباع)


اول حاجة نقول :

صباحات التفاؤل

تانيآ:

انت يا بكرى حامد..القصة المنشورة دى ما قريتا؟؟؟

طوالى جاى ناطى لانو المداخلات مدبّلة..ما عادى الناس

قاعدة تدبل ؟ليه مداخلاتى؟

وزى ما انت شايف انها مدبلة ...انا برضو شايفها مدبلة

نحتاج لرأئك وقرايتك للقصة...

Post: #314
Title: Re: ولمن فاتهم الاستماع .....
Author: محمد صديق
Date: 21-02-2010, 07:22 PM
Parent: #313

648.JPG Hosting at Sudaneseonline.com



يا جماعة الليلة الكوتش ده مالوا إنتو الإدارة الداخلية دي غيروها من وقوف الحيط

طبعا لا بفوت علي فتنة القارئ إنه المداخلة كانبها جلا من حساب الكوتش

Post: #315
Title: Re: ولمن فاتهم الاستماع .....
Author: الرشيد بابكر
Date: 21-02-2010, 08:40 PM
Parent: #314

يا كوتش ما شاء الله عليك الليلة شايفك متجول في المنبر بأريحية و فنيات عالية...نفسي كان أكون موجود معاك حتى أبادلك الون تو...

Post: #316
Title: Re: ولمن فاتهم الاستماع .....
Author: محمد صديق
Date: 21-02-2010, 09:03 PM
Parent: #315

salamat ya nas

Quote: يا كوتش ما شاء الله عليك الليلة شايفك متجول في المنبر بأريحية و فنيات عالية...نفسي كان أكون موجود معاك حتى أبادلك الون تو...


rasheed ya habeeb

time for playstation

Post: #317
Title: Re: ولمن فاتهم الاستماع .....
Author: الرشيد بابكر
Date: 21-02-2010, 09:16 PM
Parent: #316

يا كوتش لمهند اعتقاد ان مرحلة صعبة في أي من ألعاب البلاي ستيشن لا يستطيع أحد حلها غيري...فعندما تحاول نجاة مساعدته يقول لها ما حتعرفي دي صعبة عليك دي بس بابا بقدر يحلها...الغريبة اني دائما ما اوفق في حلها فتزداد ثقة مهند بقدراتي في حل المواقف الصعبة بالبلاي ستيشن...أخشى يوما لا أستطيع حل المواقف الصعبة فتتدهور ثقة مهند بقدراتي...

وصلت ياتو مرحلة يا كوتش و هل تحتاج لتدخلي؟؟؟؟

Post: #318
Title: Re: ولمن فاتهم الاستماع .....
Author: محمد صديق
Date: 22-02-2010, 06:05 AM
Parent: #317

سلامات يا ناس

وصباحات التفاؤل

Quote: وصلت ياتو مرحلة يا كوتش و هل تحتاج لتدخلي؟؟؟؟


فى الواقع ولا فى البوست؟؟؟

Post: #319
Title: Re: ولمن فاتهم الاستماع .....
Author: منصور عبد الرازق
Date: 22-02-2010, 10:10 AM
Parent: #318

انتشار الكمندان فى البوستات ده وتشتته وتجدعه بعد ان انتهى من سلسلة محاضراته الأنتخابية الولائية
ثم سؤاله على لسان جلا حول معايير بلى ستيشنية
حاجة ما تطمنش ابدا
حوامة العساكر الأكتر من اللازم دى , انا شخصيا بتقلق بى
نحن يا كمندان اتعودنا نشوفك ملكى , مرة كل تلاتين مداخلة
اما ان تتداخل تباعا فى كل البوستات , وتخلى باسويردك كمان حايم حتى ولو لم تكن موجودا
شىء يدعو للقلق
انت متأكد انك فى امدرمان , وجلا معاك ,
كدى يا زول راجدع نفسك
انا غايتو , شاكى فى المأذون العقد لى بت اخت منى يونس الكان وكيلها ميسرة داك
مش كانوا المفروض يسوقو معاهم بكور
لو بكور ما مقنع لأنو بيرقص فى الحفلات ويحتوا قرض
مستعدين نرسل معاهو (اخاه مجتبى فاروق وزيرا )
التوقيع
منصور عبد الرازق متخفى فى جلباب هكر

Post: #320
Title: Re: ولمن فاتهم الاستماع .....
Author: محمد صديق
Date: 23-02-2010, 08:05 AM
Parent: #319

سلامات يا ناس

وصباحات التفاؤل

Quote: حوامة العساكر الأكتر من اللازم دى , انا شخصيا بتقلق بى


يا منص..حوامة العساكر هى الاصل ...اول امس لقيت وقت عريض وكنت

براى فى الساحة واشتغلت بنظرية الرشيد البليستيشنية...

Post: #321
Title: Re: ولمن فاتهم الاستماع .....
Author: محمد صديق
Date: 23-02-2010, 09:03 AM
Parent: #320

سلامات يا ناس

Quote: It’s the truth

إنك تحب وحده..
ولكنك تتزوج من واحده ثانية..
الثانية أصبحت زوجتك..

بينما الأولى أصبحت كلمة سر بريدك الاليكتروني

هذا واقع

*******

الدنيا بها طفل واحد فقط هو الأفضل..

كل أم تعتقد أنه طفلها.

الدنيا بها زوجة واحدة فقط هي الأفضل..

كل رجل يعتقد أنها زوجة جاره

هذا واقع

*******

ثلاثة أحلام لكل رجل
- أن يملك الكثير من الوسامة... كما تعتقد أمه
- أن يملك الكثير من المال... كما يعتقد طفله الصغير
- أن يملك الكثير من النساء.. كما تعتقد زوجته

هذا واقع

*******

الزوج والزوجة تماماً مثل الكبد والكلى..

الزوج هو الكبد.. والزوجة هي الكلية..
إذا فشل الكبد يحدث فشل كلوي..

بينما إذا فشلت الكلية يتعامل الكبد مع الكلية الأخرى

هذا واقع

زوجات وازواج

لديك خياران في الحياة: بامكانك ان تبقى عازبا تعسا, او تتزوج وتتمنى لو كنت ميتا



في إحدى الحفلات، قالت احداهن للأخرى: الست تلبسين خاتم زواجك في الإصبع الخطا؟
فأجابت الأخرى: نعم. لانني تزوجت الرجل الخطأ



علقت إحدى الآنسات اعلانا في لوحة الإعلانات كتبت فيه: مطلوب زوج،

في اليوم التالي استلمت مئات الرسائل كلها احتوت على نفس الإجابة:

" يمكنك أخذ زوجي."



عندما تسرق إمرأة زوجك, لا يوجد إنتقام أفضل من تركه لها.


يبقى الرجل ناقصا الى أن يتزوج. حينها ينتهي كليا.


سأل طفل والده فقال: كم يكلف الزواج؟
أجاب: لا أعلم يا ولدي, لكني حتى الآن لا زلت ادفع الثمن .


طفل صغير سأل والده: هل صحيح ان في بعض مناطق افريقيا لا يعرف الرجل زوجته الا حين يتزوجها؟
فأجابه: هذا يحدث في كل بلاد العالم يا بني.


قالت امرأة ذات مرة: لم أعرف معنى السعادة الحقيقية الى أن تزوجت, حيث أدركت حينها أنه قد فات الأوان.



الزواج هو انتصار الخيال على الذكاء.




الرجل الأول: زوجتي ملاك.

يعلق الثاني قائلا: انت محظوظ. زوجتي لازالت حية.









Post: #322
Title: Re: ولمن فاتهم الاستماع .....
Author: محمد صديق
Date: 23-02-2010, 09:09 AM
Parent: #321

سلامات يا ناس

لانو البوست الكبير والبوستات الهنا مليانة

بكلام العرس قلت انزل ليكم الكلام الفوق ده

جانى من واحد صاحب عبر الايميل ويبد انها

رسالة حايمة فى الايميلات.


يمكن يشجع ناس ويمكن يكبح جماح آخرين.

Post: #323
Title: Re: ولمن فاتهم الاستماع .....
Author: منصور عبد الرازق
Date: 23-02-2010, 11:22 AM
Parent: #322

لا حايمة فى ايميلاتنا ولاشى
حايمة فى ايميلاتك برااااااااك
نحن ناس , عاملين لى ايميلاتنا دى انتى فايرز
حاجات زى اصلوا ما بتدخل عندنا
واذا دخلت , بنرسلها طوالى للفحص والتقصى
نعرفها جات من وين ولى شنو وعشان شنو
وكان غلبتنا الحيلة وما عرفنا ليها تصنيف
ترانا جاكين , وبرضو جاكين , ما عارفين بكرة ايه جايينا
امشى كده انت وايميلاتك ال ------------------- دى
انت خالدة دى , ايميلها كم ؟؟!!

Post: #324
Title: Re: ولمن فاتهم الاستماع .....
Author: أبوبكر حامد الأمين
Date: 24-02-2010, 08:56 AM
Parent: #323

Quote: انت خالدة دى , ايميلها كم ؟؟!!


منص يا كبكابية ، ذكّرتنى محمود الحورى الله إطراهو بالخير لما إنفرد بيهو أحمد يوسف أو درديرى أو طارق معهد صحى ، تلقاهو إكورك فى ناس علوم واضرب السكلى ، هسى ياخوى أركز أصلو الفضيحة والستر متباريات ، أها موبايل خالده : Kasala [email protected] .

غايتو عن نفسى لاشىء يعدل سعادتى برجل يمتدح زوجته حبّاً وطواعية .

عن نفسى أدعو الله فى السر والعلن بأن يجزى زوجتى عنى خير الجزاء ، هذه الأيّام أحتال عليها لكى تخلد للنوم وتستفيد من إجازة مدارس العيال ، وأنا سأتدبر أمر إعداد الشاى والفطور ، رفضت منى الأمر من حيث المبدأ بإعتبار أنها أحرص على خدمتى من خدمتها للعيال ، قلتُ لها أننى أرغب فى صيام بعض الأيام فلا داعى للإستيقاظ مبكراً ، أصدرت على الفور فتوى مفادها أننى غير مكلف أصلاً بصيام الفريضة ناهيك عن التطوع ، قصصت هذا الموقف على سمؤال أبو سن فقال لى : دى ياها ست الدار ، فقلتُ له : بل هى ست الدُّر

Post: #325
Title: Re: ولمن فاتهم الاستماع .....
Author: منصور عبد الرازق
Date: 24-02-2010, 10:45 AM
Parent: #324


وتجدنى اسعد الناس بالكبكبة فى حضرتهن
ان بنات شيوخنا , يا بكور
ان تاملت وكنت من المنصفين
درر مكنونة , ونمارق ضياء
فى حقيقة الأمر , الرجال الشرقيون واخص السودانيين
ان تمسكوا بمعايير المعيشة والحياة السودانية الضاجة المليانة والمفتوحة والأقرب الى (اللانظام )
فان كل منهم يجدر به ان يضع بت شيخه فى مكان تستحقه من الأحترام والتقدير
شكرا على ايميل بت شيخ محمد صديق الكائن فى بنطون رفاعة
مشكلتى , عواماتى ما شغالة
ده يصلوهو كيف يا شقى
قول لى منى
الله يريحك دنيا وآخرة ويحفظ ليك عيالك
طالما انتى مريحة لينا ولدنا قدر ده

Post: #326
Title: Re: ولمن فاتهم الاستماع .....
Author: أبوبكر حامد الأمين
Date: 24-02-2010, 05:15 PM
Parent: #325

Quote: قول لى منى
الله يريحك دنيا وآخرة ويحفظ ليك عيالك
طالما انتى مريحة لينا ولدنا قدر ده


يا منص وصلتك دعوات ودعوة من منى ، أما الدعوات فهى إبتهال للمولى عز وجل أن يسبغ عليك من نعمه ويمتعك بموفور الصحة والعافية وأن يحفظك والأسرة من كل شر وبليّة ، اما الدعوة فهى طلب تشريفنا بزيارة للبحرين وستكون هنالك خيارات أكثر من التى كانت متاحة ابّان زيارتكم الأخيرة للبحرين.

Post: #327
Title: Re: ولمن فاتهم الاستماع .....
Author: محمد صديق
Date: 24-02-2010, 08:20 PM
Parent: #326

سلامات يا ناس

Quote: Kasala [email protected] .



بكرى حامد...سلام لك وللسموأل

الغريبة امس عملت مداخلة ردآ

على منص...وقلت ليهو ايميل خالدة

3310

ولما رسلتها طشت..وانا كنت مرهق

وجاى داخل متأخر وفضلت النوم على

معافرة الكمبيوتر انصاص الليالى

*************************************

حليلك ياخوى انت من زمن البنطون؟؟؟

Post: #328
Title: Re: ولمن فاتهم الاستماع .....
Author: الرشيد بابكر
Date: 24-02-2010, 08:34 PM
Parent: #327

Quote: حليلك ياخوى انت من زمن البنطون؟؟؟


ياتو بنطلون يا كوتش؟؟؟

أبو ابزيم و لا أبو من غير ابزيم...

Post: #329
Title: Re: ولمن فاتهم الاستماع .....
Author: محمد صديق
Date: 25-02-2010, 09:15 AM
Parent: #328

سلامات يا ناس

الرشيد ...بجيك

الميل 100 ومنصور عبد الرازق

Quote: ولا بد من ان نفسح مساحة مقدرة للضحك والفكاهة فى هذه الصفحة الأثيرة الأخيرة
وردنى عبر بريدى الألكترونى من زميلتنا العزيزة حنان عبد الرازق خطيب
هذه الأقصوصة الجميلة
التى فطستنى من الضحك
افطسكم معاى ؟؟
حاضر
ما مشيت لى حاجه (سعدية) ؟

- مالا عندها شنو ؟

- مش وقعت من (الركشة) وإتظلطت و(خيطو) ليها راسا تلاته (غرز) ؟

حوار عادى يمكن أن يحدث بين أى زوجين ... زوجه تخبر زوجها بأن جارتهم ترقد مريضة إثر حادث تعرضت له ، طيب أيه الغريب فى الموضوع ؟ أقول ليكم ... الغريب فى الموضوع أن زوجتى العزيزة كانت تخبرنى بهذا الحادث الذى تعرضت له (حاجه سعدية) وهى غارقة فى (الضحك) !!

- بتضحكى مالك ؟ ده هسه موضوع يضحك؟

- خلينى كدى أحكى ليكا وبعدين إنتا براك ح تعرف

وبعد أن أخبرتنى (حرمنا المصون) بالقصة لم أتمالك نفسى وإنفجرت فى نوبه من الضحك المتواصل كما (أتوقع أن يحدث لك ذلك عزيزى القارئ) وإليك القصة :

بعد أن إكتمل عدد المشتركات فى الصندوق (الماسكاهو حاجه سعدية) قررت أن تذهب لتسليمه إلى صاحبة (الصرفة الأولى) فقامت بوضع (القريشات) فى (كيس نايلون أسود) ولفها بعناية حتى لا يستبين ما بداخلها ثم أوقفت (ركشة)

- ماشه وين يا حاجة؟

- ماشه ليا يا ولدى لى ناس زيارة قدام محطة (جامسكا) فى الثورة !

وإنطلق سائق الركشة وهو مندمج مع الأغنية التى يبثها (المسجل) بصوت عال وأخذ شارعاً جانبيا ثم آخر حتى صار بعيداً عن شارع الظلط الذى من المفترض أن يسلكه مما حدا بحاجة سعدية أن تقول له :

- يا ولدى إنت ماشى بى وين؟ أنا بى هنا ما بعرف السكة !

- يا حاجه إنتى مش ماشه (جامسكا) ؟ أنا خلاص بوصلك !

إستمر سائق الركشة فترة من الوقت (يدخل بى زقاق ويطلع بى زقاق تانى) حتى توقف أمام أحد المنازل وقام بالضغط على البورى ففتح باب المنزل (3 ضلف) لتدخل الركشة وبداخلها (الحاجة سعدية) ! التى تفاجأت بوجود عدد من (الشباب) يلتفون حولها تفوح منهم رائحة (الخمر) و(الدخان) :

- يا وليداتى أنا (مرا كبيره) عاوزين منى شنو؟

- (مشيراً إلى طشت كبير) : ما عاوزين منك شئ يا حاجه بس نضفى لينا (

الكمونية) دى !

كان الطشت (مليان لى عينو) بالمصارين و(الكرشة) و(العفشة) ، وضعت (حاجه سعدية) الطشت أمام (الماسورة) وهاك يا (نضافة) ، على الرغم من أن كمية (الكمونية) التى فى الطشت من الواضح انها لأكثر من (بهيمة) إلا أن (مهارة) حاجه سعدية قد ساعدتها فى إنجاز المهمة فى وقت قياسى مقداره ساعتان بالتمام والكمال !

- (وهى تستعدل ثوبها) أها يا وليداتى رجعونى حتتى !

- (أحدهم يناولها كيس أسود) : يا حاجه معقولة تفكينا (عكس الهوا ) كده وتمشى؟ يعنى (الكمونية) دى ناكلا (نيه) ؟

قامت حاجه سعدية بفتح الكيس الذى يحتوى على (الفحم والبصل والصلصة والبهارات) ، جلست على (البنبر) المتآكل من جديد ، (ولعت نارا) وبدأت فى (حش البصل) ثم (دق التوم) والفلفل

- أها يا وليداتى ... لى (الصلصة) كبيتا ليكم فيها ... خلاس ودونى لى اهلى الواطه (فللت) !

- خلاس يا حاجه تعالى أركبى نوصلك

على مشارف الحى قام سائق الركشة بإنزال (حاجه سعدية) التى إتجهت صوب منزلها بينما انطلق (السائق) عائداً إلى ( شلته)

- مالك يا حاجه إتأخرتى وجايه (فترانه) كده ؟

- كيفن ما اجى فترانه وتعبانه ؟ ومنضفه (كمونية) الدنيا والعالمين !!

- أجى (كمونية) شنو ياحاجة ما قلتى ماشة تودى قروش (الصندوق) الوداك للكمونيات شنو ؟

وبعد أن قامت حاجه سعدية بسرد (الحكاية) وسط دهشة الحاضرين خاطبتها حفيدتها (الطالبة) قائلة :

- والله يا حبوبه بركه البقت على (الكمونية) مع الحاجات البنقراها فى الجرائد دى !

لما كان من الضرورى تسليم مبلغ (الختة) لصاحبتها فقد قامت (حاجه سعدية) بإرتداء ملابسها فى عصر اليوم التالى ثم قامت بوضع (القريشات) فى (كيس نايلون أسود) لفته بعناية حتى لا يستبين ما بداخله ثم أوقفت (ركشة)

- ماشه وين يا حاجة؟

- ماشه ليا يا ولدى لى ناس زيارة قدام محطة (جامسكا) فى الثورة !

وإنطلق سائق الركشة بالشارع الرئيسى الذى بعد أن تحرك قليلا وجده مغلقاً فى منتصفه بسبب بعض الإصلاحات فإضطر إلى أن ياخذ شارعاً جانبيا ثم آخر وعندما إنتبهت (حاجه سعدية) إنو (الشوارع ما ياها) قذفت بنفسها من الركشة وهى تصيح :

- وحات الله ما بقدر على الكمونية تااانى



Post: #330
Title: Re: ولمن فاتهم الاستماع .....
Author: محمد صديق
Date: 25-02-2010, 09:24 AM
Parent: #329

سلامات يا ناس

Quote: هذه الأقصوصة الجميلة
التى فطستنى من الضحك
افطسكم معاى ؟؟


انا غايتو ما فطست...

البفطس بالله بت شيخو تورينا

Post: #331
Title: Re: ولمن فاتهم الاستماع .....
Author: محمد صديق
Date: 27-02-2010, 02:38 PM
Parent: #330